|
لو سألتي الورد وهو ما بين إيدك أقطعك بيقول لك عمري فداك الكاتبة / ضحكة قهر
السلام عليكم ورحمة الله وبركاته كيفكم يا حلوات روايه جميييييييييييييييييله ورائعه ومليانا اكشنات ومفاجأة بنزلكم اول 3 بارتات وكل يوم بارتين او بارت على حسب التفاعل الكاتبة واصله 40 بارت قراءة ممتعة :peace: |
رد: لو سألتي الورد وهو ما بين إيدك أقطعك بيقول لك عمري فداك الكاتبة / ضحكة قهر
مدخل:/ علميني ليه بس أنا اسال عليك. وأنا عارف رجعتي صعبة معاك. .. البارت الأول. مجتمعين على السفرة ينتظرون والدهم يأتي ليبدوا طعامهم. وعد : متى بنخلص من هالعادة. سها : لما نتزوج. وعد : ما ادري بابا متى يعتقنا من هالانظمة و القوانين. نهى ضربت وعد بكوعها : احم. تعدلن بجلستهن بعد ما كانوا متكيات و يتهامسون. : السلام عليكم. الجميع : وعليكم السلام. أبو سعود : وين أحمد؟ ياسر : بالدوام عنده مناوبة اليوم. أبو سعود : اها و وين ندى ؟ أم ندى : رجعت متاخر من الكلية ونامت صاحية من الصباح. سها تهمس بإذن وعد : عز الله م تعشينا إذا أبوك بيحقق كل واحد وين أراضية. وعد بنفس الهمس : كأنه شي جديد. أبو سعود : بسم الله. وعد : ما بغى توقعت يصومنا بالليل. نهى : أبوك يجي منه أي شي. جود : أبوي. أبو سعود: هلا. جود : محتاجة فلوس. أبو سعود: ليش؟ جود : ابي اشتري لاب توب خاص فيني. أبو سعود : هماني مشتري لكن لاب توب انت و دانه.! جود : الا بس بابا انا و دانه ما نتفق. أبو سعود : والسبب؟ جود : دانه تحتاجة اغلب الوقت ما لي فرصة اشتغل عليه. أبو سعود : دانه انا ماني قايل اللاب لك انت و اختك؟ دانه بصوت يرجف : الا. أم احمد : دانه تحتاج اللاب توب كثير عشان دراستها و البحوث عندها كثير و تحتاج تأخذه الجامعة معها و كذا م فيه وقت تجلس عليه جود. أبو سعود : خلاص ياسر جيب لها واحد زين . جود : الله لا يحرمنا منك. سها : غريبة أبوي صبر لنا سمع السالفة كلها توقعت يقوم يصفق دانه. وعد : لا تستغربين شي بس شكله مروق اليوم. أبو سعود : خير حجية وعد و حجية سها ويش عندكن.؟ بصوت واحد ردن : احم لا ما عندنا شي. أبو سعود : أشوفكن ما وقفتن مهامس من جلست شكل عندكم موضوع مهم تتناقشون فيه. سها : لا لا بابا بس أنا كنت احكيها عن موقف بالمدرسة اليوم. أبو سعود : طيب حكينا كلنا. أمسكت بيد أختها تعصرها كي تنقذها. وعد : يعني بابا سوالف بنات وكذا. أبو سعود: اها سوالف بنات سولفوا فيها لا كنتم لحالكم مو تهامسون قدامي. : ان شاء الله. دانه : الحمد لله. أم احمد : وين يمه تو الناس. دانه : شبعت يمه .. دايمه ان شاء الله. أبو سعود: بالعافية. تلاحقوا بعضهم بالقومة عن السفرة الإجبارية الجلسة عليها العشاء لازم الكل يكون موجود إلا بعذر يقبله أبوهم غير كذا ما فيه. نهى : تستاهلن اللي يسويه أبوي فيكم. وعد : ست نهى ماني رايقة لك تراني صاحية من النوم بالغصب ولا لي خلق اتهاوش معاك لذلك لا تحارشيني أحسن لك. نهى : و أنتِ ويش وراك غير النوم عاطلة باطلة. الشي اللي يستفزها لأبعد حد لقب عاطلة : أنا ما ابي ارفع صوتي لان بابا هنا و بعدين ويش دخلك احد طلب منك تصرفين علي. جود : وعد استهدي بالله نهى ما قصدها. وعد : لا مو قصدها غثيتوني عاطلة عاطلة عاطلة ما كأن فيه احد بالعالم عاطل إلا أنا مسببة أزمة للعالم. سها رفعت حاجبيها : كلنا ندري إن وعد ما تحب احد يقولها عاطلة بعدين نبرر بعدم القصد ما تركب على بعض. نهى : و أنتِ متى ناويه تروحين تفتحين كتبك تدرسين. سها : نعم ما عاد إلا هي تحكمين فينا. نهى : أقول لا تنسين إن أبوي متوعد فيك لو رسبتي هالترم مثل العيد اللي جبتيه الترم الأول. سها : هالشي م يخصك فاهمه. جالسين يشربون الشاهي. أبو سعود: هاه وليد ومشعل كيف دراستكم.؟ وليد : زينه يبه م عليها. مشعل : ايه يبه المدرسين يشكرون فينا. أبو سعود اطلق صوت التصفير : صدقتك ي شيخ تراكم عيالي. وليد : يبه والله إننا شادين حيلنا بس مدرس الفيزياء حاط دوبه من دوبي. أبو سعود: لا تحجج بالمدرس لو انك شقردي ما خليته يطول يحط دوبه بدوبك .. و أنت سيد مشعل مين حاط دوبه من دوبك.؟ مشعل من غير تفكير : المدير. أبو سعود : الله المدير مره وحده. مشعل : عاد ما ينفع معاه أكون شقردي لأني أصلا شقردي. أبو سعود: ايه صح م تقصر من ناحية شقردي فا أنت شقردي. أبو سعود التفت للي طالعة الدرج بعصبية : وعد. التفت على أبوها : نعم بابا. أبو سعود : ويش فيك.؟ وعد : ولا شي . أبو سعود : ويش بتسوين الحين.؟ وعد : بنام ما نمت اليوم. أبو سعود : و أنت ما غير نايمه م تعرفين تسوين شي غير النوم.؟ ويش فيهم علي اليوم : م عندي شي دراستي و ما خليتني أكملها ويش تبيني أسوي .! أبو سعود وقف .. و بحده صوته اللي زلزلت المكان : وعد .. تعالي هنا. التفتت لتنزل الدرج تحاول أنا تجمع اكبر كميه من الهواء داخل رئتيها فهمي تعلم إنها أغضبت أبيها بكلامها , ابيها من يخاف منه الجميع من لا تكسر له كلمة أبداً ما إن تحدث أنصت الجميع وما إن أمر حتى أطاع الجميع بدون استثناء .. وقفت قريب منه عيناها معلقة بالأرض. أبو سعود : عيدي الكلام اللي قلتيه ما سمعته. وعد : أنا قلت الصدق أنت رفضت لا أكمل دراستي. أبو سعود : لو قلتِ لي بتكملين دراستك هنا ما كنت رفضت مثلك مثل ندى لكن تروحين مدينه ثانيه مادري ابتعاث وتقولين لي أنت رفضت. الجميع صامت يعلمون إن وعد دائمة النقاش مع أبيها خصوصا بعد تخرجها دائما م تعاقب بسبب تطاولها بالكلام ليس جديد على وعد ولا غريب على سها أو جود . وعد : بس أنت تعرف إن تخصصي مو هنا. أبو سعود : كملي بأي تخصص ثاني. وعد : ما راح تكون قوة شهادتي مثل ما يكون بنفس تخصصي. أبو سعود : أنا أعطيتك البديل و أنتِ رفضتي فلا تحمليني المسؤولية لان أنت اللي عجبتك البطالة. وعد : لا مو عاجبتني . ولا عاجبني تقرر مستقبلي عني أنا تعبت 16 سنه عشان أنال شهادة في هالتخصص يكفي إني كرفت بالعلمي عشان الطب و حرمتني منه و الحين تحرمني من الماجستير. قبض على عضدها بقوه ليشدها إليه رأت عيني والدها تقدح بالغضب من كلامها رد عليها بحده : وتبيني أوافق أخليك تشتغلين بين رجال. وضعت يدها على يده القابضة على عضدها آمله أن يخفف ضغطة فقد آلمها كثيرا : بس هذا كان طموحي .. والحين طموح أكمل دراستي برا وكل مره أنت توقف بوجهي. أبو سعود : ليش قالوا لك إني جدار بهالبيت مالي رأي عشان أخليك تسوين الغلط و اسكت عنك. وعد : مو غلط مو غلط كل البنات يقدمون ابتعاث ليش أهاليهم ما رفضوا مثل ما رفضت أنت. أبو سعود : أنا ماني محاسب عن بنات الناس أنا محاسب عنك لا تزوجتي تفاهمي مع زوجك خليه يبتعثك وقتها مالي دخل فيك لكن دامك عندي هالموضوع ما ابي أسمعك حتى تهمسين فيه فاهمه. أنزلت عينيها اللي تعلن بان دموعها ستنهمر أمام الجميع. نطق بحده اعلى من قبل : فاهمتني. اومئت برأسها بنعم . افلت يدها لتلتفت حتى تصعد لغرفتها ستبكي هناك من دون أن يشعر احد ستبكي لوحدها ستبكي طموح يقتل بين يدي أبيها. أبو سعود : استغفر الله العظيم. أم أحمد : اهدأ يا أبو سعود البنت تحس بالفراغ جيبها بالهداوة. أم ندى : صادقة هي ودها تكمل دراستها. أبو سعود : كيف يعني تبيني أوافق أنها تكمل برا. أم ندى : ما أقولك وافق بس تفاهم معها بالهدوء هي من تخرجت وهي نفسيتها كل يوم أشين من اللي قبل حتى الأكل شهيتها مسدودة مهما كان هاذي بنتك ولا أنت براضي على زعلها. أبو سعود : خليها تعقل وتشيل هالفكرة من رأسها ولا أزعلها. ياسر : طيب خاله ما كلمتيها تدخل معهد انقليزي تستفيد من وقتها. أم ندى : كلمتها بس ماهي عاجبتها المعاهد اللي هنا كل م قلت لها واحد تقول ما ادري مين يسبه وهذا نظامهم شين ما ابي أحط فلوس فيه على الفاضي. أبو سعود : قولي لها أنا اللي بدفع ما عليها من الفلوس خليها تدور لها على واحد وبسجلها فيه معاها أسبوع لو ما سجلت أنا بسجلها. أم ندى تنهدت زوجها ما راح يغير أسلوبه أبدا : إن شاء الله. جالسة على مكتبها عيناها معلقة بالسقف أيقظها من سرحانها طرق الباب مسحت دموعها بيدها : تفضل. سها : كنت بدرعم على طول بس خفت تحطين حرتك فيني. وعد ابتسمت بسخرية : ليش مسموح لي أحط حرتي بأحد بس اكبت بقلبي شي على شي لين تجيني جلطة و اموت. سها : بسم الله عليك ويش هالكلام. وعد : والله من اللي يسويه أبوك فيني. سها تنهدت : ماما وخالتي كلموه. وعد : يعني شنو بيغيرون رايه الحين مثلا .. يوم طلبت اكلمه اول مره ما وقفوا معاي ايش معنى الحين يعني كسرت خاطرهم. سها : لا ما قالوا له يغير رايه بس قالوا له ما يزعلك. وعد : صدق كثر خيرهم ما قصروا. نهى : وعد احترمي نفسك ولا تكلمين عن أمي وأبوي وخالتي بهالاسلوب هذا جزاهم خايفين عليك. وعد : أنت ويش دخلك ابي افهم. نهى : دخلني الغلط اللي تقولينه. وعد بصراخ : نهى اطلعي برا. نهى ببرود العالم كله : وإذا ما طلعت. وعد تكمل على نفس نبرة صراخها : صدقيني ما بيمسكني عنك شي وقسما بالله لا احط حرتي كلها فيك. سها ماسكة وعد : وعد استهدي بالله وطي صوتك قسم لو يسمعنا أبوي بيجي يغسل شراعنا كلنا. نهى : بطلع مو خوفاً منك بس عشان أبوي تعبان وما ابي ازيده فاهمه وإلا ما عليك منك .. توجهت للخارج. وعد : بتجلطني هاذي م يكفي اللي يسويه أبوك يعني. سها : ما عليك منها تخبرينها كيف كتلة ثلج ولا يهمها شي أنت بيرتفع الضغط عندك وهي ما يتحرك فيها شعرة. وعد حطت يدها على قلبها : اه . سها : بسم الله عليك للحين تجيك النغزات. وعد : ليش اللي يعيش هنا تجيه بس نغزات. سها : ما يصير تهملين نفسك. وعد : ما فيه شي مهم. سها : طيب على الأقل كلمي أحمد يكشف عليك. وعد : لا يعني لا . .. : سيدي زياد صار بالسجن. : حلووو كلم سعود يجيني. : جيت من غير لا تطلبني.. مبروك والله اني فرحان أنا مسكناه لنا اسبوعين نطارد وراه الزفت. : والله لا اطلعها من عيونه الخسيس.. التفت لضابط الواقف امامه : اسمع حرس السجن ما يتحركون من مكانهم وعيونهم مفتحة عليه 24 ساعة حتى لو يشرب كاسة ماء بعرف فيها.. : إن شاء الله .. ادى التحية العسكرية وطلع. : متى بتحقق معاه. : بكره إن شاء الله بوريه إن الله حق. : لازم نوصل للي يشتغل معاهم من خلاله انتبه يا عساف لكل حرف ينطقة. : لا تخاف من هالناحية حتى أنـا بنصور التحقيق كله من غير لا يدري.. بس علمني أنت فيك بلى كنك تعبان. : لا والله بس متهاوش مع وعد كالعادة. : متى ناوية تعقل. : ما ظنتي عندها نية جننتنا بهالدراسة إلا تبغى تسافر برا. : اهم شيء عمي لا يعطيها وجه ومردها يطخ اللي براسها وتقنع. : يا خي عذبتنا بعنادها إلا حاطه الغلط علينا احنا ما نبيها تكمل دراستها رغم إن أبوي قالها كملي بتخصص ثاني تقدرين دامه ماجستير لكنها راكبة راسها إلا بتروح برا عند خالها طلال. : ماهو احنا اللي نسلم بناتنا لاشباه رجال. : عاد هي مقتنعة إن اللي تسويه صح. : أنا مقتنع إن اختك فاقدة بالله تشوف حالتها خالها اللي بس شفته كم مره وبغيت ادفنه بارضه تفكيرة لا هو تفكيرنا تنكرنا لتربيتة وعيشتة وعاداتة ياخي احس كل اللي يسافرون برا كذا. : لا عاد بهاذي غلطان هذا هو احمد راح ورجع وتفكيره مثل ماهو وخالد إن شاء الله بيرجع قريب وهو ما تغير كل ما جانا يكون مثل اخر مره قبل لا يبتعث. : خلك من الرجال لكن الحريم بالله ويش يطلعهن برا المره حدها الجامعة و وظيفة مدرسة والا مثلها وبيت زوجها. : لا تسمعك وعد تقول عنك متخلف ورجعي ماتوا الناس اللي يفكرون في المرأة بهاذي الطريقة من حقها تدرس و توصل اعلى المراتب و تتوظف وظيفة هي راغبتها وحابتها عشان تكمل فيها و تنتج نتاج حسن مثلها مثل الرجل. : والله هذا اللي ناقص نخليها توظف وين ما تبي تروح عناد تختار وظيفة بين الرجال. : السلام عليكم. : وعليكم السلام. سعود : وينك يا رجال ما تنشاف .؟ : جاتني دورة برا واجهز لها. سعود : موفق إن شاء الله .. يالله أنا استاذنكم بروح البيت. : اقعد يا خي نسولف شوي ناخذ اخبارك. : والله ودي بس احس اني تعبان اليوم بروح ارتاح..وقف : يالله أشوفكم على خير. : فمان الله. : كلمته..؟ : لا للحين. : ما غيرت رأيك. : لا يا عمر ما غيرته معزم على ندى. : و وعد يا عساف بتكسر قلبك وقلبها. : قلت لك كم مره أنا واياها ما نتوافق. : ما هو معقول يا عساف تحب وحده وتخطب أختها شلون ترضاها أنت اترك عصبيتك وهي تترك عنادها و بتسلكون. : قلت لك ندى انسب لي من وعد بعيش حياة هادية و طبيعية اما وعد ما اضمن نفسي ما اضربها. : تضربها ليش عشانكم تهاوشتوا من سنين, ما أنت ناسي يا عساف. : لا ماني ناسي ولا ودي اخذها ويقولون ظامها ولد عمها. .. .. على العشاء الكل موجود باسثناء وعد و أبو سعود. ام ندى : سها قلتِ لوعد تنزل. سها : ايه قلت لها ماما بس شكلها ماهي نازله. ام ندى : ياربي من هالبنت تجيب المشاكل لنفسها. ام احمد : ما عليه أكيد زعلانه للحين إن شاء الله إن أبو سعود مو ملاحظ. سعود : ليش ويش مزعلها. نهى : كالعادة الدراسة برا ورفض أبوي ما اعرف شلون تفكر هالبنت. أبو سعود : السلام عليكم. : وعليكم السلام. جلس ابو سعود دارت نظرته على الجميع وصل لكرسي وعد : وين وعد.؟ سها : نايمه. ابو سعود رمقها بنظرة : نايمه وإلا م تبي تنزل. نهى : ما تبي تنزل. سها انقهرت : أنتِ ويش دخلك.؟ ابو سعود بحزم : سها .. من متى ينرفع صوت على صوتي .؟ سها : آسفة يا أبوي. ابو سعود : نهى روحي نادي وعد. نهى : حاضر. : جيت من غير م احد يناديني .. باست رأس أبوها و أمها و خالتها (حتى لو كانت زعلانة السلام لازم منه وإلا كان بينغسل شراعها) ابو سعود : بسم الله. همست وعد لنهى : نهى تراك وصلتيها معاي للشيطان الرجيم أحسن لك اقضبي لسانك عني دام هي خاربه لا أعدمها مو بس اخربها. نهى بلعانة رفعت صوتها وناظرت بوعد : ويش قلتي ما سمعتك.؟ أخذت وعد نفس وهي ماسكة بيدها الملعقة بقوة تحاول تكتم غضبها : من قال ويش سمع. نهى : يعني ويش بتسوين. وعد قربت منها وهمست : مو هنا تعرفين ويش اسوي .. وقفت : الحمد لله . ام ندى : وين يا ماما م أكلتي شيء. وعد : شبعت الحمدلله . وقفها صوت أبوها. أبو سعود : وعد. وعد التفت له : نعم. أبو سعود : بغض الطرف عن اللي سويتيه من شوي ولاني مهاوشك عليه .. معاك أسبوع تختارين لك معهد انقليزي تسجلين فيه وإلا أنا بسجل لك من نفسي. وعد : بس انا ما ابي ادخل معهد. ابو سعود : عشان الفلوس, مالك فيها أنا اللي بدفعها المهم عندي تداومين كل يوم فاهمه. وعد : بس أنا ما أبيها كلها شينه. ابو سعود : ما عليه أهم شي تداومين. تعرف دام هالأمر طلع من أبوها ما راح يرجع بكلامه لذلك ترضى أحسن لها من تحس إنها مجبره حتى على المعهد اللي بيسجلها أبوها فيه : طيب .. تأمر على شيء. أبو سعود : سلامتك. مشعل يهمس لوليد : مبين مو عاجبها أبوي ما ادري متى يترك هالإجبار. وليد : اقول اهجد لا يجبرنا حتى احنا على شيء. مشعل : ما استغرب عليه. ابو سعود : كيف دوامك يا أحمد. أحمد : ما عليه يبه و دامك جبت طاريه أبشركم جاتني ترقية بالمشفى وصرت نائب مدير قسم القلب .. :مبروووك. ابو سعود : ماشاء الله مبروك يا ولدي. أحمد : الله يبارك فيك يبه. أبو سعود : دام كلكم مجتمعين بكره بيجوني ضيوف على العشاء و أبيكم موجودين كلكم ما أبي احد ينقص. سعود : بس رجال يبه. ابو سعود : ايه .. يكلم حريمه : عاد ما وصيكن ابي كل شي كامل مكمل. : ان شاء الله. مشعل : غريبة من زمان ما جونا رجال. غير عماني وخوالي. نهى بتسرع : يمكن خطاب. استوعبت كلمتها لما شافت نظرات ابوها : احم .. الحمدلله شبعت .. وقامت بسرعة قبل لا تتهزأ. .. الساعة 12:00 بالصالة سهى : غريبة وافقت على المعهد على طول. وعد ابتسمت بسخرية : ليش حضرة جناب ابوك خلى لي فرصة الرفض. سهى : صح والله صادقة .. فاتك ع السفره ابوي قال بيجون رجال بكره ع العشاء وكذا نطت اختك الخبلة نهى وقالت خطاب. وعد : هههههههههه بشري عسى ابوي صفعها. سها : لا حتى م عصب بس نظرته تكفي وهي قامت على طول وشردت. أحمد : البارح يوم كنت بالمناوبه الطوارئ كانت مليانه شي فضيع صاير حادث سيارتين نقل جماعي ضاربين ببعض. سعود : عسى ما راحوا كثير. أحمد : عشره توفوا الله يرحمهم. ياسر : آمين , والباقي ان شاء الله حالتهم ماهي مستعسرة. أحمد : والله هاه ناس كذا و ناس كذا. : السلام عليكم. التفتوا كلهم للصوت صرخت سها : خلووودي .. ونطت تجري لحضنه. حضنها خالد مبتسم : مشتاق لك يا دلوعتي. سها : وانا بعد مشتاقة لك. وعد : يا هووو يحكى بعد إن احنا اخوانك. سلم عليها : أنت للحين م طولتي لي أربع سنين رحت ورجعت و أنتِ للحين على نفسك طولك. وعد : لو سمحت لا تهيني. سعود حضنه : ما بغيت ترجع ويش هذا من زمان ما شفناك. خالد : مشتاق لكم والله. سلم عليهم واحد واحد وجلس جنب سها وحط يده على كتفها : اجل وين أمي وأبوي.؟ ياسر : شايف كم الساعة.؟ خالد : 12:30 تو الناس يعني يمديهم ناموا. أحمد : يمكن لان لهم ساعة رايحين ينامون. خالد : وين خالتي.؟ سها : نايمة تخبر مديرة لازم تنام بدري. خالد : ماهي ناويه تقاعد وترتاح. ندى : لا عاجبتها الشغله. أحمد : ليش ما كلمتنا نجيك المطار نستقبلك. خالد : ماله داعي ادل البيت .. وعد. وعد : هلا. خالد : فيك شي تعبانه. وعد : لا ليش. خالد : بس شكلك تعبانه. وعد : يمكن مرهقة من قل النوم. نهى : وأنت ويش وراك غير النوم عاطلة باطلة. وعد خلاص إلى هنا و يكفي ما عادت تحمل هالنهى م تنطاق ما حست إلا وهي راميه جوالها عليها. لحظة صمت يستوعبون اللي صارت. صرخ سعود : صاحية أنتِ. وعد عصبت : كم مره أقولك ما تقولين إني عاطلة باطلة أنت ما تفهمين.؟ سعود مسك وعد من عضدها ولفها يمه : لو انك صايده عينها الحين ويش بتسوين.؟ وعد : مالك دخل. سعود بصدمة : نعم. وعد نفضت يدها من يده : ايه مالك دخل .. مشت وجاء بيلحقها سعود بس وقفه خالد : اهدأ سعود الله يخليك لا تصحي أبوي. سعود : ما سمعتها ويش قالت هاذي ما تحشم احد. نهى وهي تفرك جبهتها مكان الضربة المتورمة : والله لا أقول لأبوي على الحركة هاذي ما اتركها لك. وعد : قولي لمين ما تبين ما عاد يهمني. أحمد: الله يهديك يا وعد هاذي حركة تسوينها. خالد : استهدوا بالله يا جماعة هذا استقبال تستقبلوني فيه هذا وأنا مشتاق لكم .. يلا وعد ونهى تصالحوا. وعد : أنا أصالحها من سابع المستحيلات ,, ومشت وتركتهم. سعود : قسما لو ما مسكتني عنها لا انومها بالمشفى اليوم. أحمد : سعود الله يهديك امسك اعصابك شوي بذات على وعد. سعود : ايه عشانكم مدلعينها لو مو مدلعينها ما شفتوها ترادد اللي اكبر منها. ندى : بس انت تعرف يا سعود ان وعد هالفترة ما تمسك اعصابها راعي هالشي هواشها مع ابوي ما صار له يومين. خالد استغرب : متهاوشه مع ابوي .؟ جود : ايه للاسف. خالد : بسبب .؟ ياسر : كالعادة دراستها والله اني خفت ذاك اليوم يكسر راسها. أحمد : لا دخلت المعهد بتنشغل شوي وبتتعدل نفسيتها. .. الشغالات يحضرون الفطور .. ابو سعود في الصالة يتصفح الايباد متابع أخر الأخبار ويتقهوى. : صبحهم بالخير. رفع راسه يوم سمع صوت ولده ابتسم لما شافه : ياهلا بخالد. باس راس ابوه ويده : كيفك يبه. ابو سعود : بخير دامك بخير يبه .. متى وصلت.؟ خالد : البارح الساعه 12 . ابو سعود : ليش ما قلت لنا بتجي يجيبونك إخوانك من المطار.؟ خالد : ماله داعي يبه جيت مع خويي تارك سيارته بالمطار. سعود . أحمد . ياسر : صباح الخير. : هلا يبه صباح النور باسوا راس ابوهم وجلسوا يمه يتقهون معاه. ابو سعود : وكيف الشهادة يا خالد. خالد ابتسم : تبيض الوجه الحمد لله. ابو سعود : كفووو يبه هذا العشم فيك. خالد : تربيتك يا ابو سعود. نزلوا البنات وحده ورى الثانية عدا وعد مالها خلق تتهاوش مع احد لانها عارفه اللي سوته ماراح يعدي على خير .. وهي تنتظر القنبلة اللي بتنفجر بالرغم من ذلك بعد اللي صار ارتاحت ونامت. التفوا حول الطاولة يفطرون. ابو سعود : ويش رايكم هالاسبوع نقضية بالمزرعة. سها تهمس لندى : فرقت يعني كلها كبت بكبت يقاله مغير ابوك جو يعني؟؟ ندى ضربتها بكوعها عشان تسكت. سعود : ايه يبه نبيها هالروحة نغير جو. ابتسمت سها وهمست لسها : ما ادري ويش حاد إخوانك على الكبت وهم عيال مالت عليهم. رجعت ضربتها ندى مره ثانيه بس هالمره بقوه و اطلقت صرخة : آه... خلت الكل يلتفت لها. خالد : ايش فيك.! سها : لا ولا شي ما فيني شي. احمد رفع حاجبة: ليش صرختي .؟ سها : ما صرخت ما صرخت بس كنت بقول اها فكرة حلوه يعني نروح المزرعة من زمان ما ما غيرنا جو كنت كنت متحمسه للفكرة بس بس كذا يعني. ابتسم ابو سعود يعرف إنها تكذب مو بس هو الكل يعرف سها تجلس تعيد الكلمات لا كذبت و يوضح عليها هالشي .. أم ندى : نهى ويش فيها جبهتك.؟ وقتها الكل سكت يأخذون نفس. نهى ارتبكت شوي : بس صكعت بالباب ما انتبهت. مشعل بيكمل الكذبة : وين عيونك. نهى : براسي. مشعل : شكلك ما استخدمتيها. نهى : لا معطيتها إجازة. نط فارس اللي م يخبي شي ابدا : تراها تكذب. أحمد : فارس عيب هالكلام ما يصير تقول للي اكبر منك انه يكذب. فارس : طيب هذا الصدق وكلكم تدرون انها تكذب. نهى : وانت ايش دراك انا اصلا كنت بغرفتي لما صكعت بالباب. وليد : خلاص ندري انها تكذب مالك دخل. ابو سعود : فارس يبه قول اللي عندك لا تخاف منهم ما احد راح يسوي لك شيء. فارس ناظر بابوه : البارح وعد ضربت نهى بالجوال مع راسها. ابو سعود التفت على عياله احتقن وجه بالدم : صدق هالشي صار.؟ كلهم سكتوا ما احد علق بكلمة. ابو سعود بحدة : نهى روحي ناديها. نهى : ابوي الله يخليك الموضوع ما يسوى ما كانت تقصد وانا ماني زعلانة عادي. ابو سعود بحده : كلامي واضح. قامت نهى تجر خطواتها حتى لو كانت هي ووعد ما يتفاهمون ما ترضى ان ابوها يهاوش وعد بسببها كل الاخوان يتهاوشون ما احنا اول ناس بس أبوي ما يتفاهم .. خيم التوتر على الجو. ..فوق.. نهى طقت الباب ودخلت : صباح الخير. طنشتها وعد ولا ردت عليها. نهى : ابوي يبيك تحت. وعد : لحقتي تقولين له من صباح الله خير. نهى : لا تأخرين وطلعت .. ولحقتها وعد ونزلوا ورى بعض. وعد : السلام عليكم. ابو سعود وقف : ممكن تفهميني ويش اللي سويتيه البارح. وعد : ويش اللي سويته.؟ وكأن ابو سعود ناقص استفزاز اكثر من كذا : يعني ما تدرين ويش اللي سويتيه. وعد : لا . ابو سعود سحب نهى اللي كانت واقفة قريب ورفع شعرها عن جبهتها ليكشف عن مكان الضربة : بشريني للحين م ذكرتي عشان اذكرك بطريقتي. سكتت وعد : ........... ابو سعود : ليش .؟ وعد : حتى لو قلت لك السبب م راح تفهمني. ابو سعود : طيب تعبي نفسك وقولي لي . وعد : هي اللي استفزتني. ابو سعود : بس كذا. وعد : لا مو بس لها فتره كل ما شافتني تدقني بالحكي وكل مره أسكت عنها بس ما عدت اتحمل كلامها. ابو سعود : يعني هالضربة بسبب كلام .. وعد : .... ابو سعود بحده : ردي. وعد : ايه. ابو سعود : يعني هي ما ضربتك, طيب لو انتي صايده عينها لو صايده عرق براسها والا سببتي لها نزيف وقتها بترتاحين. وعد : ............. ابو سعود رفع رأس وعد بقوه : ردي علي. سعود وقف جنب ابوه : يبه اهدأ الله يخليك وعد عارفه غلطها وما راح تتكرر ان شاء الله. أحمد: يبه حصل خير سامحها هالمره. ابو سعود : مالكم حكي من شوي تغطون عليها. ابو سعود : ابيك تعطيني سبب واحد يغفر لك اللي سويتيه. وعد : قلت لك هي اللي غلطت ع........ ما كملت كلمتها صوت الكف دوى بالمكان طاحت على الأرض من قوة الكف ما توقعت انها تنضرب توقعت يهزئها يهاوشها يعصب يصارخ يعاقبها زي دايم بس يضربها و قدام الكل م جاء هالشيء في بالها جلست شوي تستوعب انها انضربت. مو بس هي انصدمت الكل انصدم حتى نهى شهقت لما أبوها ضرب وعد. حاولت تقوم بهدوء وانسحبت من المكان طلعت غرفتها و قفلت الباب. ابو سعود أخذ نفس : استغفر الله استغفر الله اعوذ بالله من الشيطان الرجيم اعوذ بالله. خالد حط يده على كتف ابوه : اهدأ يبه اهم شي صحتك اللي صار صار . .. بغرفتها مصدومة للحين انها انضربت قدام الكل ناظرت بالمراية شافت اثار الضربة على خدها نزلت دمعة اولى لتلحق شهقة قهر بكت الين نامت. المغرب.. سها تطرق باب غرفة وعد : وعد افتحي الباب تكفين. سها : وعد .. وعد. خالد : م طلعت للحين. سها تنهدت : لا للحين. خالد : خليها لا تضغطين عليها. سها : انا بفهم شلون بابا طاوعة قلبه يضربها. خالد : عاد هذا اللي صار انزلي خلينا نتقهوى معاهم. سها : يلا .. صحت لما سها تدق الباب عليها بس ما تبي تفتح لاحد راسها بينفجر ولا عندها استعداد تكلم أي احد حضر الموقف اليوم قامت توضت وصلت الصلوات اللي طافتها واخذت بنادول وانسدحت مكان سجادتها حطت يدها على قلبها تحس نبضها ضعيف شفايفها مزرقة و صعب تتنفس حاولت تسترخي شوي وهدت فاقت من سرحانها على صوت الباب يندق سمعت صوت امها قامت تفتح لها هي محتاجة لها فتحت الباب ودخلت امها : مساء الخير. جلست وعد ع السرير : مساء النور. : كيفك الحين. وعد : شلون تتوقعين اني اكون. : م عليه يا ماما انت غلطتي. وعد : بس ما استاهل انضرب قدام الكل. أم ندى : استهدي بالله بتصالحين مع نهى وكل شي بيرجع مثل ما كان و ازين. وعد : ما راح اصالحها لو اموت شلون انسى ان بابا ضربني بسببها. ام ندى : استغفر الله . ترى هي بعد حابسة نفسها بغرفتها ولا طلعت. وعد : هي اللي جنت على نفسها. ام ندى : وعد لا تنرفزيني وانتِ م جنيتي على نفسك. وعد : هي اللي حدتني كل يوم تعايرني باني عاطلة كل يوم تسمعني هالكلمة وكل مره أقولها لا تقولينها لي لكنها تطنشني وكل مره يصير موقف تسعى لأنها تستفزني والحين تلوموني. ام ندى : كل اللي قلتيه م يعطيك الصلاحية انك تضربينها بالجوال. وعد سكتت شوي و اردفت : م احد فيكم راح يفهمني انا بموت بطق كل م ذكرت اني هالسنه مرت من حياتي على الفاضي كل م ذكرت ان ابوي حارمني من دراستي برا ليش عشاني بنت ما يصير اكمل دراستي برا. ام ندى : وعد لا تدخلين المواضيع ببعضها .. زعلك من ابوك ماله دخل بنهى. وعد سكتت م تعرف شلون توصلهم اللي بقلبها. ام ندى : اتمنى م تخلين ابوك ينام زعلان منك. وطلعت وتركت وعد لحالها : وانا انام بالايام زعلانة م احد فكر فيني . دخلت سها : اخيرا م بغيتي تفتحين الباب. وعد تنهدت : سها ايش صار بعد م طلعت اليوم. سها جلست جنب وعد : ابدا اخواني هدوو ابوي وبس. سها : ترى مو نهى اللي علمت أبوي. وعد : مين اجل سعود.؟. سها : لا النتفة فارس اما هي غطت عليك وقالت انها صكعت بالباب بس فارس خر كل شي وابوي هدد الكل لو احد يتعرض لو بكلمة م يلوم الا نفسة.. المهم ويش بتسوين الحين. وعد : يعني ويش بسوي بجلس بغرفتي ماني طالعة مكان. سها : م أنتِ نازلة للعشاء. وعد : ولا فكرت حتى. سها : ي خوفي ابوي يعصب عليك. وعد : ويش بيسوي بيضربني خليه يضربني دامه ضربني مره بيضربني بعدها الف. سها : وعد لا تقولين كذا عن ابوي انت عارفة ان ابوي م قد ضرب احد فينا. وعد : بس ضربني اليوم وقدام الكل والا م شفتيه. .. خالد : السلام عليكم. : وعليكم السلام. خالد : ابشركم لقيت وظيفة. : مبروووك. سها : وين.؟ خالد: بشركة الين م يفتحون التقديم ع الطيران. جود : طيب انتظر لين يفتحون ليش تشتغل بشركة. خالد : ومن وين بعيش ان شاء الله. سها : من البنك المركزي . وغمزت له (تقصد ابوها). ابو سعود : لو يحتاج ماني مقصر بس انا ابيه يعتمد على نفسه .. المهم بكره بعد صلاة العصر الكل جاهز ما ابي احد يتاخر لو وحده تتاخر ي ويلها فاهمات اغراضكم جهزوها من بدري. دانه : ليش.؟ جود : ويش فيك نسيتي المزرعة السعيدة. دانه : اها تذكرت. .. .. مقتطفات من البارت الثاني. : مجنونات ابوي بس لو يحس شفتي مجرد احساس انك تفكرين كذا بيشنقك ويعلقك على باب البيت ويكتب عبرة لمن لا تعتبر. : والله إن ما تكلمت بتفهمون اني موافقة بس من قاصرها اعطيكم اياها عساف لو تنطبق السماء على الأرض م تزوجته. .. وفيت لهم وإجرحوني. |
رد: لو سألتي الورد وهو ما بين إيدك أقطعك بيقول لك عمري فداك الكاتبة / ضحكة قهر
البارت الثاني مدخل :/ ان قلت اوصف لي الشموخ ..... .. ليه اوصفه .. هذا انا . ولا انت من كثر العلو ....... مفروض يسمونك سما . . سما سما سالم سيار. بعد صلاة العصر كل الاغراض بالسيارات بقي يركبون. نزلت وعد اللي تمنت انها ما تروح التقت عيونها بعيون ابوها وعلى طول شتتها ماتبي تناظره م راحت تسلم عليه كانت تبي تعرف انها زعلانة عليه مشت من عنده لكن ابوها مسكها ناظرها و هي م رفعت عيونها : ما انت مسلمة علي.؟ باست راسه ببرود ناظر بخدها اللي للحين مزرق من ضربته تسحبت منه وطلعت تركب سيارة احمد. .. جالسين البنات برا طاقينها سوالف وقهوة. جود : ابوي جايبنا هنا يقاله تغيير جو يعني. سها : هههههههه ذكرتوني يوم العشاء حسيت ابوي عارف اني اكذب مسويه اني سعيدة بالجية هنا. دانه : ليش م انتبهتي لابتسامته كأنه يقول ترى ادري انك تكذبين بس بمشيها بمزاجي. سها : اهم شي مشاها لي ما سوا لي سالفة. نهى : وعد. وعد اللي حاطة السماعات باذنها وتسولف مع زميلاتها:...... نهى : وعــــــــــــــــــــــتد. رفعت راسها تناظرهم و شالت سماعة وحده فيه احد يناديني. نهى اشرت لها بيدها : ايه أنا. ناظرتها وعد : نعم. نهى : كل الخوات يتهاوشون احنا مو اول ناس لا تشيلين بقلبك علي انا ما قلت لابوي بالعكس حاولت انه م يدري, انا مستحيل ارضى تنضرين بسببي. وعد : ادري انه مو أنت واللي صار صار وانتهى. نهى ابتسمت : يعني مو زعلانة علي. وعد : اذا ما عاد قلت اني عاطلة باطلة برضى. قامت نهى وحضنتها : ادري ان قلبك طيب واحاول اني م اقولها رغم اني تعودت عليها. ناظرتها وعد بنص عين : لا يا شيخه. نهى : اقول ويش رايكم نتسابق. سها : يا رباه على الفكره بنجلط من الوناسة اللي بتجيني من وراها. جود : الناس تقول نسافر نسوق سيارة مثلا من غير م احد يدري مو نتسابق. دانه : مجنونات ابوي بس لو يحس شفتي مجرد احساس انك تفكرين كذا بيشنقك ويعلقك على باب البيت ويكتب عبرة لمن لا تعتبر. وعد : واحنا هاذي حيلتنا احس هذا اللي يبيه بابا يذبحنا و يرتاح. ندى : حرام عليكم ابوي بس شديد شوي. جود : شوي قولي كثير خانقنا كل شي بامره واغلب الاشياء ممنوعة. نهى : من خوفه علينا. جود : ليش ما يعيشنا بسجن اجل. سها : ويش رايكم نعلن التمرد. دانه : انا مالي دخل فيكم. وعد : ويش نسوي يعني .. تراني بايعتها و ما اتوقع بيسوي فيني زود عن ما سواه كود يتبرأ مني. ندى : ليش أنتِ الحين مو متمردة. وعد : اللي اسويه ماهو تمرد اطالب بحقوقي فقط لكن التمرد اني اطلع من البيت من غير شور احد مثلا اسوي اللي براسي مهما كان رأي أهلي هذا من التمرد. دانه : جربي اطلعي من البيت من غير شور احد عشان يتعلق حبل مشنقتك ولا بعد ما يصلون عليك. نهى : لا تقولون كذا والله ابوي يحبنا و يخاف علينا و كل شي نطلبه ما يردنا فيه. جود : انا طلبته اروح لحفلة مسويتها زميلتي و رفض. وعد : وانا طلبت اكمل دراستي رفض. سها : وانا بعد كنت بدخل ادبي ورفض وحط لي مدرسات كله عشان ادخل علمي. دانه : اعوذ بالله كل ذا حقد م تنسن. وعد : بالله شلون ننسى انا عن نفسي انام و اصحى على طموحي اللي ابوي قاتلة ما فيه دراسة الا هنا والا تزوجي وسافري ويش ذا التفكير. جود : لو اني منك يا وعد تزوجت من زمان. وعد : ايه و اتزوج واحد تفكيره م يباعد تفكير ابوك و اتوهق لا ي بعدي انا ابي واحد يقدر المرأة يقدر اهتماماتها وطبيعتها و حياتها مو واحد يحسب للحين عايشين بالجاهلية. نهى : وين بتلاقين ذا الواحد عساه عساف ولد عمي عبدالرحمن والا عمر ولد عمي سعد. وعد ناظرتها : ويش معنى عساف ولا عمر. نهى : كأنك م تدرين يعني ان ماكنت لعساف بتكونين لعمر. وعد : وانا بضاعة يتفرجون عليها و ان عجبتهم خذوها. نهى : حاشاك انت غالية بس انت عارفة ان جدي قايل لعساف و عمر عنك. وعد : خلي جدي يقول اللي يبي اهم شي انا اللي ابيه وانا مستحيل ومن سابع المستحيلات افكر بعساف والا عمر. اما انا اخذ واحد من ذا الاثنين المعقدين بكره ادخل عليكم ببرقع وجلابية. سها : هههههههههههه من جد تخيلي تزوجين عساف هههههههههههه. وعد : سها ماني مسخره عندك. دانه : بصراحة احس عمر اهون من عساف. وعد : صبها و احقنها طينة وحده الاثنين. جود : والله عساف اخس من عمر اذكر يوم عصب مره بجمعتنا بالعيد تذكرونها. دانه : وييييه والا يوم هاوش اخته عبير انا خفت وانا كنت اكلمها ع الجوال للحين اذكر صوته. وعد : و يبوني اتزوجه والا واحد على شاكلته يخسي هو وكل اللي مثله. خالد : من هو اللي يخسي. التفتوا عليه خواته. سها : وعليكم السلام. خالد : السلام عليكم. : وعليكم السلام. جود : بعد ايش تسلم. خالد : لا تضيعون السالفة مين اللي يخسى.؟ وعد : انا احكيهم عن زميلتي متقدم لها واحد وما تبيه. خالد رفع حاجبه : وليش ويش فيه ما تبيه. وعد : ليش تسأل ناوي تخطبها مثلا. خالد : لا طبعا بس كذا اسأل. دانه : الا خالد الله يسعدك فرحنا خله يصير عندنا زواج. خالد : واحمد وسعود ليش م تزوجينهم. وعد : احمد منه امل لكن سعود انا غاسلة يدي منه خالتي طلع بلسانها شعر وهي كل مره تقوله عن بنت فلان و بنت علان وهو يرفضهم كلهم. سها : من جد انا لو اني منها اصلا م ادور له خير شر. جود : تتوقعون فيه سبب. خالد : ايش قصدك.؟ جود بلعت ريقها : ا يعني اقصد مثلا انه يبي وحده بصفات معينه. خالد : بس هذا قصدك. سها : على بلاطة يحب يعني. خالد رفع حاجبة : ما تخافين مني يعني. سها : وليش اخاف اهم شي انك مو أبوي. وعد : والا لازم كلكم تكبتونا يعني م يكفي علينا واحد. خالد : ابوي كابتكم .؟ ندى : لا تضيع وقتك معاهم الحين بيجلسن يحطن لك قائمة على ذا السؤال. سها : على أساس ما تشوف يعني قوانين أبوي. خالد : لا تظلمون انفسكم ابوي مو مقصر معاكم بشي. وعد : ايه هذا تفكيركم تسكنونا ببيت و توكلونا وتشربونا وتلبسونا وتحسون انفسكم اعطيتم كل شيء. خالد : ويش اللي تبينه وما اعطيناك اياه. وعد : ولو قلت لك بيتغير شي يعني بتعطيني اللي ابيه. خالد : إن كنت اقدر ما أقول لك لا. وعد : وديني أكمل دراستي برا. خالد ابتسم : ما فقدتي الأمل للحين. وعد : لا م فقدت الأمل ولين بكره بعد. خالد : بصراحة م اقدر على ذا الطلب أنت عارفة رأي أبوي بذا الموضوع اطلبي شي ثاني. وعد : ما ابي غيره. خالد : لو كان بقي لي كم سنه برا كنت اخذتك معي بس ما كان باقي لي الا سنة. وعد : لو م تفيدني بشي. سها : انا ابي اطلبك. خالد : اطلبي يا عيوني. وعد : عيوني هاه وانا اكل تبن. خالد : افااا مين قال أنت خيتي نور عيوني. وعد : سلاااق. خالد : الحق على اللي يدلعك ما تستاهلين. سها : اسمع انا ابيك تمشينا بالسيارة بس ما راح ننزل. خالد يلوي فمه. وعد : هذا واللي يقول اطلبوا وداق الصدر. خالد : لسى طيب ما رفضت اعوذ بالله تاكلين الواحد بقشورة. وعد : تعابير وجهك تقول انك رافض. خالد : موافق خلاص تجهزوا بعد العشاء.. بس لازم نشوف أبوي قبل. جود : خلاص ارفض من اولها ليش تقول أبوي معروف ما احنا رايحين دامك بتاخذ رأي أبوي. خالد : لا ي شيخه لازم أبوي يوافق والا ما فيه روحة. سها تصب لها فنجان قهوه : تقهوا خواتي تقهوا ما فيه روحة بنسهر نسولف في هالجوء العليل. نهى : انا ما ادري ليش تكلمون عن أبوي كذا والله انكن ناكرات الجميل. وعد : يعني بتفهميني إن بابا بيوافق. نهى : ايه بيوافق و تشوفون والله أبوي طيب ويحبنا ويبي يسعدنا بس انتم اللي لا رفض لكم شي قلتوا أبوي فيه و فيه. سها : خلاص كلها شوي وتطلع الشمس وتملئ البلاد. خالد يكلم وعد ونهى : تراضيتن. نهى : ايه الحمد لله. خالد : بقي أبوي يا وعد. وعد : وليش هو ما يراضيني. خالد : وعد يكفي له كم يوم زعلان ولا تنزلين عن العشاء كاسرة كلمته ثم الحين تبينه يراضيك. وعد تنهي النقاش بهذا الموضوع : يصير خير. فارس : هيه انتم تعالوا يلا العشاء. قاموا كلهم الا وعد و خالد . وعد تصب لها فنجان قهوه وتشربه , و خالد يناظرها يشوف متى بتقوم. خالد : وعد قومي. وعد : مالي نفس يا خالد مو غصب. خالد : استغفر الله وعد لا تخلين أبوي يعصب حتى انه اول سأل عنك. وعد : خالد الى متى نرضخ لهالقوانين حتى لو مابي عشاء لازم اجلس على السفرة. خالد : هاذي رغبة أبوي ومن بره إننا نرضيه لذلك الله يرضى عليك قومي خليه يشوفك على السفرة لا تأكلين إذا ما أنتِ مشتهيه بس اجلسي عشانه. وعد : على امرك سي سيد خالد شرف. خالد ابتسم : ايه خليك مطيعة لو مره. داخل على السفرة. أبو سعود : اجل وين خالد. سعود : ما شفته من ساعة. سها : برا كان معنا. ابو سعود : اها .. و وعد وينها .؟ سها : برا مع خالد. : السلام عليكم. : وعليكم السلام. خالد : ما عليش تأخرنا شوي بس نحاول نحل قضية اجتماعية انا و وعد. جلست وعد جنب سها. : بسم الله. ارتفع نغمة جوال وعد. سها تهمس لها: موقتة جوالك. وعد : لا وليش اوقته ما وراي شي أخاف يطوفني. سعود : مين داق عليك هالوقت. وعد لا يا شيخ تحقق معي : زميلتي. سعود : قولي لها لا تدق بالليل خليها تدق بالنهار. وعد ناظرته : وانا نايمة بالنهار شلون يعني. سعود : طيب تراسلك واتس عيب تتصل بوقت متأخر. وعد : سيد سعود تدري احنا بأي قرن عايشين. سعود : لا ما أدري أستاذة وعد. وعد : انزين احنا عايشين بالقرن الواحد والعشرين الناس تطورت وتحضرت مو للحين عايشين على التفكير اللي تفكر فيه أنت الساعة عشرة ونص الوقت متأخر وبعدين كل واحد له خصوصية لذلك لا تسألني من متصل علي. سعود ناظرها بحده : وليش تعديت حدود خصوصيتك يا أستاذة. وعد : تقريباً ولا تملي علي الأوامر وهذا رجاء يا سعود. سعود : حاضر على هالخشم بس أنتِ كمان راعي الأدب. وعد : قصدك أنا قليلة أدب. سعود : ما قلت كذا قلت لك راعي الادب زميلتك ماله داعي تكلمينها تالي الليل. أبو سعود : خلاص تعشوا من غير نقار. وعد تهمس لسها : كان ناقصني سيد سعود يملي علي أوامره. سعود : سعود اللي انتبه إن وعد تكلم سها عنه من حركة فمها : خير وعد كلمتيني. وعد ناظرته باستغراب : لا . ابو سعود : ياسر ابيك بكره من صباح الله خير تروح تجيب جدانك هنا ودهم يجون هنا ياسر : تأمر يبه. جود : أبوي. ابو سعود : هلا. جود : أبوي احم .. احنا ودنا نطلع. ابو سعود : روحوا اجلسوا بالحديقة لين تملون. جود : لا مو كذا نبي خالد يطلعنا. أبو سعود : يطلعكم وين بهالليل. خالد : بمشيهم شوي بالسيارة يبه. نهى : ايه بابا الله يخليك. ابو سعود : موافق بس بشرط. جود : ويش. ابو سعود : 12 و انتم هنا. ابتسمت وعد همست : نهى. سها كانت جالسة بين وعد ونهى. نهى : نعم. وعد : هاذي تسمينها تمشيه ما يمدي نوصل حدود المدينة الا طبقت الساعة 12 . نهى : اهم شي انه وافق. سها : اهم شي طريقة الموافقة كيف 12 هنا . احنا مو ببيتنا بالمزرعة . نهى : ترى أبوي يناظرنا لا يغسل شراعنا الحين. أحمد : دانه. دانه : نعم. أحمد : أنتِ تعبانة. دانه : لا .. عن اذنكم .. و قامت. أحمد يكلم البنات : ويش فيها. جود : ما أدري. ندى : الحمد لله. قامت وعد اللي حاست صحنها من دون تأكل منه شيء : الحمد لله. ولحقتها سها. وعد كانت تغسل. سها : ليش أكلتي عشان تغسلين. وعد اللي دق جوالها من جديد : اوووف. سها : مين. وعد : رقم غريب طفشني من أسبوع بس يتصل. سها : عطيه واحد من إخواني يغسل شراعة. وعد : مو مستاهل. .. سعود : ماشاء الله عساف ترقى. : ماشاء الله. ام احمد : يمديه يتزوج الحين أخبر أمه تدور له على عروس. وعد همست : الله يبشرك بالجنه يا خالة. سها : فرحانة. وعد : من اعماق قلبي. خليني اتطمن يا ختي. فارس : ليش تضحكين يا وعد. وعد اللي حست ودها تصفقة كف على ذا الفشلة اللي بتاكلها : سها قالت لي نكته عندك مانع. فارس : نكتة والا عشان عساف بيتزوج. وعد : وانا ويش دخلني تزوج والا عنس. فارس : اخوه مؤيد يقول انه بيتزوجك. وعد بجرأة و سخرية : بس هذا هو اللي كان ناقصني عساف عشان تكمل سعادة حياتي. سعود : ليش ويش ينقصة عساف رجال ينشد به الظهر. وعد : ينشد به ظهر و الا رجل شي يخصه كيفه لكن انا أخذ عساف هذا شي من سابع المستحيلات. ياسر : والله لوانه اكد على كلام جدي و طلبك لا تأخذينه ماهو عساف اللي ينرد. وعد : هذا لو كان تفكيره غير و شخصيته غير مو معقد ورافع خشمة وما يشوف احد قدامه. أحمد : لا تظلمين بختك والله عساف متواضع. وعد : ماعلي متواضع ولا مو متواضع تفكيره خايس للحين يشوف المره مكانها بيتها وبس مالها حق تكمل دراسة او تتوظف بالوظيفة اللي تبيها باختصار نسخة ثانية عن سعود. مشعل : اخبر البنات يستحون وانت بكل بجاحة بيننا تكلمين عادي. وعد : والله إن ما تكلمت بتفهمون اني موافقة بس من قاصرها اعطيكم اياها عساف لو تنطبق السماء على الأرض م تزوجته. ابو سعود : ما صار شي عشان تكلمون في الموضوع. فارس : بس مؤيد قال هالكلام حتى جدي مساعد قاله. أبو سعود : ما يصير تنقل كلام الكبار يا فارس. فارس : وانا كبير يبه ماني صغير. أبو سعود : أنت رجال بس هالمواضيع ما أحد يتكلم فيها. فارس : على أمرك. سها همست لوعد : يا قو قلبك. وعد : أحسن خليهم عشان بكره م يغثوني. ندى : ما تستحين على وجهك تقولين هالكلام قدام أبوي وأخواني .! وعد : لا ما استحي. ياسر : يوووه جوالي خلص شحن كنت برسل لحمد يمر على سعد بكره موصيني اقوله .. كانت جنبه وعد .. : وعد عطيني جوالك. وعد مدت له الجوال فتح الشاشة واستغرب بعدد المكالمات لم يرد عليها 53 مكالمة ناظر بوعد باستغراب. وعد : خير ويش فيك. ياسر : ويش كل هالمكالمات. وعد : ما ادري ما شيكت إن كان فيه مكالمات والا لا يمكن زميلاتي متصلات. ياسر فتح على السجل انتبه انها من رقم واحد ومو مسجل وكلها بتاريخ اليوم .. طنش و اتصل على حمد. أبو سعود : سها ويش اخبار الدراسة.؟ سها : زينه. أبو سعود: أبي نسبة زينه يا سها. سها : بحاول. ابو سعود : مابي محاولة ابيك تجيبين نسبة زينه. سها : لو اني داخلة أدبي كان جبت تسعة وتسعين فاصلة تسعة من عشره بس أنت اصريت ع العلمي وانا اكره الرياضيات والكيمياء. أبو سعود : ايه انشبي لي زي أختك أنت اللي اجبرتني وغثيني بهالأسطوانة كل يوم. وعد تعرف انها المقصودة :............ سها : مو قصدي بس أنا ابي ادخل علم نفس. أبو سعود بسخرية : نعم ما سمعت.! سها : ابي أصير أخصائية نفسية. وليد : ما يحتاج أنت نفسية خلقة. سها ناظرت فيه : ما طلبت رأيك. مشعل : سبحان الله نسخة ثانية من وعد. وعد ناظرت فيه بنص عين : ليش ويش فيها وعد بعد. مشعل : ابدا ما فيها شي. وعد : على بالي بعد . شوي وتقولون روحي انتحري. خالد : استغفر الله ويش ذا الكلام. ياسر اللي كان بيده جوال وعد ويدق نفس الرقم قطع كلامهم : وعد جوالك. وعد أخذته منه .. أكمل ياسر بهمس : ما أنت رادة.؟ وعد : لا ما أبي ارد عليها. ياسر : متاكدة انها زميلتك. وعد : لا مو زميلتي أرتحت الحين. ياسر : مين.؟ وعد : ما أعرف رقم يتصل علي من اسبوع وغاثني. ياسر : هاتي أنا اتفاهم معاه . أخذ الجوال وقام. سها اللي تناقش ابوها ع التخصص : ليش طيب. أبو سعود : سها كلامي واضح هالتخصص شيليه من بالك. سها : اعطيني سبب واحد يقنعني. وعد : أنا اقولك .. عشان اختلاط بمجال العمل بس كذا.. رغم إن فيه عيادات نسائية و ممكن تفتحين عيادة خاصة وتمنعين دخول الجنس الآخر . وبالرغم من ذلك الناس اللي يرفضون يدخلون بناتهم لتخصص الطب لا تعبوا هالبنات ركضوا يدورون دكتورة مو دكتور شفتي شلون. أبو سعود : بشريني وعد عسى ما قاطعت لك كلام. وعد : هذا الصدق يا بابا ما قلت شي غلط. أبو سعود : حشى ابدا أنت تعرفين تقولين شي غلط كل كلامك درر.. تغيرت طريقة كلامة للحدة : هالاسلوب ما ابي اشوفه مره ثانية. وعد : إن شاء الله على أمرك. أبو سعود : كلمة وحده يا وعد و يا سها وكل من للحين تدرس بالثانوي تخصص فيه احتكاك بالرجال ما ابي اسمع طاريه ابداً. جود : بس يا بابا هذا ظلم. خالد يكلم سعود : ويش فيهن خواتك ناويات على أعمارهن اليوم. سعود : دايم وعد وتعودنا بس هالمره كلهن. أبو سعود : نعم جود هانم ليش هالاعتراض.؟ جود : أنا ما احب التخصصات الادبيه ولا أحب الحفظ وابي ادخل طب أسنان. أبو سعود : لا والله ناوية من الحين بعد. جود : من زمان بابا ابي هالتخصص. أبو سعود : طيب من الحين اقولك دوري لك على تخصص ثاني. ياسر : السلام عليكم. : وعليكم السلام. جلس جنب وعد : إذا اتصل مره ثانية علميني. وعد أخذت الجوال منه : اوك. جود : اجل ما ابي اكمل دراستي. أبو سعود : ما عندي مانع لا تكملينها ومن بكره ادور لك على عريس. جود : ايــــــش اول شي زوج اللي اكبر مني. أبو سعود : البنت إذا م تدرس تتزوج, وأنتِ بتتركين الدراسة خلاص ازوجك يكفيني وحده عاطلة بالبيت ما ابي يكون عندي ثنتين. وعد : بابا مو ملاحظ انك تدقني بالكلام. أبو سعود : صدق والله عمتي وعد ما لاحظت. سامحينا غلطنا على سعادتك. مشعل انفجر ضحك : أنتِ دايم موهقة عمرك دايم مضرب المثل بالاشياء السلبية ويش مستفيدة بالله. وعد : مشيعل على أساس أنت محقق نجاحات باهرة لك ست سنين تعيد بالثانوي كل سنه تلحقها بسنة. مشعل : رجاء لا تغلطين علي وتستهنين بقدراتي إذا أنتِ ربي منعم عليك بالذكاء ما يعني كل الناس مثلك. فيه شي يسمى الفروق الفردية ألم تسمعي بها من قبل يا عزيزتي. وعد : إذا بنتبع الفروق الفردية بحالتك بنحطك مع صعوبات التعلم. أبو سعود : خلاص تراكم اليوم مزودينها وانا معطيكم وجه. نهى : بابا بقي أنا ابي اطلبك طلب. أبو سعود : ايه ملاحظ انك ما نطقتي خير ويش تبين.؟ نهى : زميلتي...... وسكتت. أبو سعود : ويش فيها تبيني اتزوجها .؟ عياله انفجروا ضحك : هههههههههههههههههههههههههه سعود : ليش تدور الثالثة يبه. أبو سعود : ليش لا. جود بصدمة : وييييييش.؟ أبو سعود : خير عمتي جود .! وعد : تبي تتزوج.؟ أبو سعود : ليش لا. سها : و احنا و ماما وخالتي. أبو سعود : ويش فيكم ماني مقصر عليكم بشيء و بعدين بسكنها معنا. وعد : عشان تصلي عليها الفجر أن شاء الله. جود : ايه بنتعاون عليها و نذبحها. ويمكن نذبحها قبل ليلة العرس. أبو سعود : ما أنتن بنات سفاحات .. البنات يقولن لابوهن أنت تامر احنا ندور لك على عروس وأنت تبن تذبحنها زين ما تذبحوني أنا بعد عشان ترتاحن. وغمز لهن. سها : لا أنت أبونا ما تهون علينا بس بنت ابليس تهون علينا. ياسر : الله يعينك يبه دام استلمنك الشريرات وعد سها جود عز الله رحت فيها. جود : ويش المطلوب نضحك سيد ياسر.! ياسر : لا المطلوب تركدن اللي يسمعكن يقولن زواج أبوي بكره . وبعدين انتن عارفات أبوي لا نوى يتزوج ما راح يسالكن فا ليش تسون هالسالفة. نهى : هيه اهجدن انتن خلوني اكمل كلامي. أبو سعود : ايه كملي ويش فيها زميلتك.؟ نهى : بتسوي حفلة ببيتها. أبو سعود عرف المقصد : ايه وتبيني اتكفل بالحفلة. نهى : اراهن انك تدري ويش ابي بس تتريق علي. أبو سعود : تبين تروحين. نهى ابتسامتها شقت وجهها : ايه يبه كنت ادري انك ما راح ترفض لي طلب. أبو سعود : اهاا كنت تدرين اني ماراح ارفضه لك شلون عرفتي. كلهم مبتسمين على نهى اللي مخها متنك وماهي مستوعبة إن ابوها يطقطق عليها : عشان يعني دايم اسمع كلامك وكذا. أبو سعود : ماشاء الله على بنتي عرافة. نهى : هييييه يعني موافق .. وقفت تصفق. أبو سعود : لا طبعا ماني موافق. نهى انصدمت وقفت تستوعب . شكلها المضحك وهي واقفة ومعلقة فاتحة فمها ويدينها معلقة على التصفيقة .خلى الكل يضحك على شكلها : ههههههههههههههههههه. نهى استوعبت اخيرا : أبو سعود ما هقيتها منك تخليهم يضحكون علي. سعود : والله مخك المتنك هذا ليش م تستخدمينه لو انتبهتي كان عرفتي من اول رد يطقطق عليك. نهى تكلم أبوها : شفت شفت خليتهم يستلموني. أبو سعود وقف : تصبحون على خير. : وأنت من اهله. نهى لفت على سها و وعد : شوفوا أنا قررت اعلن التمرد معاكم. سها : هيه أنت خبله لو سمعك أبوي هذا ما يصير تمرد هذا اعلان بالرغبة بالموت. .. الصباح جالسين برا على الفطور بعد ما جو جدانهم . أبو عبدالرحمن : اجل وين بناتك وعيد وجود وسها ما جن يسلمن علي لهالحين. البنات اللي كانن جايات مع بعض سمعنه. وعد : سبحان الله بابا وارث هالاسلوب من جدي. سها : عاد أبوي ما لقى غير هالصفة. جود : خلوكم من ذا كله اصبروا واسمعوا سواليفهم كلها من ذاكرة التاريخ أنا حفظتها من كثر ما اسمعها. سها : حرام عليكم والله جداني لا جو يسون جو بالبيت. وعد : أنا ما احب جدي يجينا كل مره ينكبني بشي, الله اعلم ويش ناوي عليه اليوم. جود : هههههههههه ايه أنت ناشبة له منقهر انك قاعدة كذا إلا غصب بيزوجك. وعد : ما تشوفينه يحرج علي عند عيال عماني. : السلام عليكم. : وعليكم السلام. سلموا على جدهم وجدتهم وباسوا رأس أبوهم. أم عبدالرحمن : وينكن فيه الناس تصحى من صباح الله خير وأنتن نايمات. سها : نمنا متأخر البارح عشان كذا ما صحينا بدري. أبو عبدالرحمن : من رداكن . وأنت (يكلم ولده) مخلي بناتك يسهرن. وعد تهمس لخواتها : ارتكبنا جريمة. أبو سعود : ما عليه يبه اليوم ما فيه دوامات ينامن متى ما بغن. سها تكلم خواتها: بس هو هذا القانون اللي كنت ادوره كنت مستغربة إن فيه شي بين قوانين البيت ناقص الحين بس تذكرته. جود : ويش تقصدين.؟ سها : يتحكم أبوي بنومتنا وصحيتنا, أنا مستغربه على أبو سعود ما سواها للحين ليش. وعد : اتوقع فاقد الأمل دام عنده بنات شروانا. أحمد : ويش أخبار الديره يبه.؟ أبو عبدالرحمن : اخبارها تسرك, ليت الأول رحنا زواج ولد عايض ماشاء الله ولده اصغر من عيالك وزوجه. سها ضربت احمد بكوعها وهمست له: تستاهل ما احد قالك جيب طاري الديرة. أحمد : شكلي بنحاش. أبو سعود : ماني غاصبهم يبه الواحد منهم لا بغى الزواج ماني مقصر معه شواربهم خطت ما ينجبرون. جود تهمس : ايه ممارس هالهواية علينا. أبو عبدالرحمن : اول هالكبير متى ناوي تزوج عمرك بيصك الثلاثين وأنت للحين ما تزوجت ويش مانعك من الزواج هاه. سعود : يبه جات علي عيال عمي اكبر مني ما تزوجوا. أبو عبدالرحمن : بيتزوجون قريب عساف و عمر و بياخذون من بناتك يا ابراهيم. أبو سعود : عساف و عمر رجال ينشرون بالغالي. أبو عبدالرحمن : عساف مكلمني يبي ندى . اما عمر يأخذ وعد. ندى ناظرت وعد كانها مصدومة عساف يبيها شلون وهو اللي جدي كلمه ياخذ وعد شلون اتزوج واحد فكر بيوم ياخذ اختي. معقولة نساها مستحيل مستحيل. أبو سعود : الراي رأيهن يبه. أبو عبدالرحمن : هاه يا ندى أنتِ و وعد ويش قلتن. وعد : أنا ماني موافقة. أبو عبدالرحمن : افا وانا ولد سالم عمر ينرد يا بنت ابراهيم من متى ينرد ولد العم. وعد تنرفزت ايه ولد العم ينرد وانا اختار بكيفي اللي ابيه . قامت ندى من السفرة على غرفتها . وقامت وعد بس جدها وقفها : وعيد بعتبر هالكلمة ما سمعتها عمر رجال ما ينعاب. وعد : يبه أنا قلت لك اني ماني موافقة و مستحيل اخذ عمر. أبو عبدالرحمن : وراه يا بنت ابراهيم. وعد : ماني رخيصة يا جدي عشان تعرضني على عيال عماني... ومشت. أبو عبدالرحمن : افا و أنا ولد سالم بنتك ترد ولد عمها وأنت ساكت. أبو سعود : يبه ما عليه الزواج ماهو غصب وانا بعطيها فرصة تفكر لا تشيل هم. أبو عبدالرحمن : ما سمعتها تقول ما تبيه . ماشي عمر و ردته إن قاله الله إنها ما تطلع من رجال العيلة. خالد يكلم ياسر : كان ضروري هالكلام يعني. ياسر : حتى أختك خبله تصبر شوي بعدين تقول لابوي مو قدام جدي. خالد : مهما كان , نعرف وعد ما تبي عيال عمي لاني جدي مكلهم وهي مأخذه السالفة هاذي بحساسية يقوم جدي يحلف ما تأخذ غيرهم. ياسر : الله ييسرها يا خي لا حزة حزتها يصير خير. .. .. بعد يومين ندى : ما ابيه يمه ما ابيه. أم ندى : ليش. ندى : شلون تبيني ارضى اتزوج واحد فكر باختي من قبلي. أم ندى اخذت نفس : من قال هالشي. ندى : يمه لا تاخذيني على قد عقلي الكل يدري إن وعد لعساف. أم ندى : لو عساف يبيها ليش طلب يدك.؟ أبو سعود : السلام عليكم. أم ندى و ندى : وعليكم السلام. أبو سعود : وانا داخل سمعت كلامك. بسألك يا ندى عساف جاء طلب يد وعد.؟ ندى : لا. أبو سعود : طيب هو قال انه يبيها. لمح لهالشي امه تكلمت. ندى : لا. أبو سعود: معناته عساف ما يبي وعد وكل ما قاله أبوي ما يعلق على الموضوع ومستحي لا يقول ما يبيها.. لكنه يبيك أنتِ لا تخلين كلام أبوي سبب رفضك. ندى : بس يبه الكل يدري حتى البزارين يدرون إن عساف بياخذ وعد. أبو سعود : أنتِ عارفة إن وعد رافضته وهذا أنا قلت لك انه هو بعد ما كان يبي هالزواجة. ندى : يعني أنت ترضى اخذ من عافته وعد. أبو سعود : لا حول ولا قوة إلا بالله . ندى استوعبي هو ماجاء خطبها يعني مافيه شي بينهم. خلاص قضينا من هالسالفة. شيلي هالفكرة من راسك وفكري زين عساف رجال ينشد الظهر فيه وانا لو ماني واثق فيه ما كنت بخليه يأخذك. ندى جلست تبكي : ما ادري بابا ما ادري. سحبها أبو سعود لحضنه ومسح على شعرها : أنا ادري يبه أنتِ فكري بخطبة عساف لك و بس لا تفكرين باي كلام ثاني. .. دق جوالها اكثر من مره وصحاها : يالله صباح خير مين داق هالوقت.! .. الووو : اويلاه على هالبحه, اويلاه على هالدلع. رفعت الجوال وناظرت رقم غريب: الله ياخذك. : الله يأخذني لعندك ناظري من شباك غرفتك بتلاقيني واقف تحت. استغربت قامت ناظرت الشباك وشافت شخص واقف برا سيارته ومتكي عليها ولابس ثوب وكاب. : شوي شوي لا تكرفسين. شكل صوتي لعب بحسبتك. : نعم ويش تبي. : ابيك أنت يا وعد. وعد تجمد الدم بعروقها شلون عرف اسمها وبيتهم وقدام غرفتها بعد قفلت الجوال ورمته على السرير : مين هذا مو نفس الرقم اللي قبل الله ياخذه. رجع يدق جوالها من جديد وباستمرار طنشتة ودخلت توضأ. .. على سفرة الفطور. سها فاتحة كتابها و تراجع : اوووف من هالمادة الزفت احس كل ما ذاكرت تطير. جود : طيـــــارة طيـــــــارة. أم ندى : لا توترين أنت ذاكرتي توكلي على ربك و بتجاوبين. سها : امي ما تعرفين انها فيزياء مادة الكلبة نجلاء. نهى : خلاص بس عرفنا بتجيبين العيد. سها : شكلي بجيب كل المناسبات مو بس العيد. وعد شلون كنت تجيبين الدرجة الكاملة عندها. علميني. وعد : اذاكر مذاكرة اعرف كل صفحة ويش فيها حتى لو سالتيني الصفحة سته وستين ويش فيها اقولك لاني ما احب انول معلمة تكرهني مرادها بانها تخسفني بالدرجات. وعلى فكرة ورقتك راجعيها مليون مره وبس تاخذ الاوراق تأكدي من اجابتك دايركت واعرفي كم غلط عندك ولا قالت الدرجات خليها توريك ورقتك تراها زفت تحط لك خطأ على اجابة صح. سها : أنا بعرف أنت ويش مسوية لها عشان تكرهك وتكرهنا كلنا. وعد : يا حياتي دائماً الانسان الناجح يكرهونه الناس. جود : اففففف تذكرتها العام هبلت فيني الزفت. وانا غبية ساكتة لها ياختي ودي اشوف وحده بالمدرسة تحبها. سها : إلا فيه تعرفين تماضر البنت الطويلة اللي بثانية ادبي.؟ جود : تماضر تماضر طووويلة يا كثر الطوال. سها : طيب تعرفين البنت السااااامجة اللي كل ما مشت تقول كتتتيعة يقال مدلعة. جود : ااايه عرفتها كتييعة بس ماهي طويلة. سها : ادري ماهي طويلة بس البنت اللي تمشي معها هي تماضر شعرها اشقر و دايم رسمة حواجبها عريضة. جود : لا يكون هاذيك أم حبة خال بوسط خشمها. سها : ايه هي هاذي تماضر اللي تحب نجلاء و ابشرك ابله نجلاء تحبها. جود : وعععععععع قلووو خلق الله. وعد : من وصف البنت احب اقول التم المتعوس على خايب الرجا. ياسر : يالله انك لا تبلانا كان فيه ناس تحش من صباح الله خير بدل ما تستفتح بذكر الله. مشعل : يالله انك لا تبلانا كاني بوصف بنت تقول كتيعة والا سامجة. وليد : يالله انك لا تبلانا بحريم مثل خواتي. نهى : والله تتمنون ربي يرزقكم بحريم شروانا بالخير لكن انسوا ما راح تلقون. سعود : اخيرا هانم وعد بتصيرين تداومين حالك حالنا. وعد: ما ادري ليش حاقدين علي إلا تبوني اداوم بمعهد حتى لو هو مخيس. أبو سعود : نبي هالنفسية تعدل وترجع مثل اول. وعد بمغزى : والله يا بابا أنت ادرى هالنفسية ويش يعدلها. أبو سعود : بتتعدل إن شاء الله أنت بس داومي ولا ابي غياب فاهمه. وعد : لا عاد أبو سعود ما اتفقنا على كذا أنت قلت سجلي بمعهد ما قلت لا تغيبين, رجاء أبو سعود خلني على راحتي لو مره بحياتي. أبو سعود : كلامي واضح الغياب بعذر, ما عندك لا تفكرين تجين تقولين لي بغيب فاهمه . . وانا بوصلك كل يوم دامك على طريقي. وعد كملت معاي عز الله صار الكبت حتى بالسيارة : ليش مابي اتعبك أنا فكرت اروح مع زميلتي تروح مع سواقهم. أبو سعود رمقها بنظرة : احلفي يا عمه متى قررتي هالقرار. وعد : ما قررت كنت بقولك يعني عشان ما تتعب نفسك وكذا. أبو سعود : كل يوم أنا بوصلك الصباح و إن ما كنت فاضي يوصلك واحد من اخوانك. وعد : إن زين بالطلعة أنا اخلص الساعة 11 . أبو سعود : يتناوبون اخوانك اللي يقدر يجيبك. ياسر : جوال مين اللي يهز من اليوم. وعد لفت لشنطتها اللي معلقتها ع الكرسي وهي جالسة جنب ياسر فتحت الشنطة وطلعت الجوال وحطت مشغول تبي تشيل الهزاز لكنه رجع دق وحطت مشغول ورجع دق فتحت الجوال وطلعت البطارية ورمته بالشنطة. خالد : ويش ذا العنف ردي وقولي انك مشغولة وخلصنا. وعد : مالي خلق اتعب احبالي الصوتية. نهى : اسم الله على احبالك يا أم احبال. سها : اقول قومي ترى بتأخرين على دوامك. وعد : قالت لك قومي يعني قومي. نهى : هيه أنتِ وإياها تراني أكبر منكن مستوعبات هالشيء. سها : لا يا شيخه توني أدري. وعد : أنا اتوقع ماما وبابا غلطانين كانوا يبونك أخر وحده بس أنتِ ملقوفة نطيتي بيني أنا وندى. سها ناظرت وعد وهمست لها :لا يفهمون كلامك غلط. وعد كأنها استوعبت: لا ي شيخة كلامي غلط. سها : شكله. وعد : احم بابا متى بتمشي. أبو سعود يناظرهم وهو حاط يده على خده : لما تخلصون مهامس أنت والهانم سها. وعد وقفت : خلصنا. أبو سعود : ما قلت لكم قبل لا تهامسون بوجودي, طبعكن ذا ما تتركنه. .. العشا.. جالسين على القهوه. أم ندى : سها ويش بلاك اليوم من دخلتي وانا معصبة.؟ ندى : سها ويش سويتي بالاختبار اليوم. سها : لا تذكروني انبطت كبدي انبطت. نهى : ليش.؟ وعد : مساء الخير. : مساء النور. باست رأس أمها وخالتها وجلست. سها : تخيلوا طلعتني برا الفصل اختبرتني برا لحالي و تاركة كل بنات الفصل و عيونها علي. جود : نفسية هالابلة نفسية. سها : نفسية و بس إلا حقها القتل تعزيرا على تعاملها بس .. ولا تخيلوا جايبة اسئلة زي السسسم و البنات يصيحون وتقولي ليش ما بكيتي زيهم قلت وليش ابكي أنا جاوبت الحمد لله تتوقعون ويش سوت. نهى : قالت لك مستحيل أنا جايبة اسئلة صعبة ولا وحده راح تجيب الدرجة الكاملة. جود : أنا اقول عادت لك الاختبار. سها : طلعت ورقتي من بين الاوراق وقرت شوي منها و قطعتها قدام عيوني. مشعل : وان شاء الله سكتي لها. سها : افا عليك يا اخوي أنا سها ابراهيم مساعد الـ ـ ـ ـ ـ اسكت عن نجلوه قلت لها ليش قالت واضح انك غاشة قلت ماشي وانا ماراح اسكت عن حقي راح انزل للمديرة الحين و اقول انك شقيتي ورقتي وكل بنات الفصل يشهدون. أم ندى : ايه و بعدين.؟ سها : نزلت المديرة و قابلتها و قلت لها كل شيء و نادت الابلة و هاتيك رد ومردود أنا واياها عاد الهانم تقول أنا جايبة سؤال صعب كيف جاوبت عليه إلا انها غاشة وانا قلت لها أنت طلعتيني برا الفصل برا عن زميلاتي ولا اخذت معاي لا كتاب ولا غيره وبعدين السؤال اللي تقولين انه صعب جايبته من برا الكتاب قالت لا قلت اجل مالك حق لاني مجاوبة على كل شيء. سعود : و المديرة ويش قالت.؟ سها : ويش بتقول يعني عارفة إن المعلمة غلطانة خلتها تصحح الورقة قدامها وتعطيني درجتي. مشعل : عاد على ذا الهوشة كلها كم اخذتي.؟ سها : العشرة كاملة. وليد : اجل تسوى الهوشة. خالد : اللي أنا من جد بعرفة هي تحقد عليكن عشانها قبل حاقدة على وعد ماهو معقول. وعد : واذا قلت لك إن صارت لي نفس هالهوشة بزيادات. خالد : كيف يعني. وعد : وصلتها للتوجيه سها كلمت المديرة اما أنا كلمت التوجيه بكبرهم وجوو من البكره دايركت وحققوا في الموضوع و ما خلوها هي اللي تصحح الورقة لا موجهة المادة نفسها هي اللي صححت ورقتي و فوق كل هذا انقلوها نقل تأديبي اسبوعين و أنا طلبت منهم يكتبونها تعهد انها ما تنقصني ولا درجة بدون وجه حق وكتبوها. احمد : وهذا متى صار.؟ وعد : بثالث ثانوي. أم ندى : وليش احنا ما عندنا علم.؟ وعد : ما حسيت الموضوع يسوى دام أنا اقدر احل مشكلتي ليش اقولها. جود : والله من عذرها إذا حقدت على سلالتنا كلها من وراك. وعد : ليش تبيني اسكت عن حقي أنا تعبت و عارفة قبل ما اسلم لورقة اني اخذه العلامة الكاملة تقوم تشق الورقة و تضيع كل تعبي ليش الدنيا فوضى مالها مرؤوس. ياسر : وكيف المعهد معاك اليوم. وعد : مخيــــــــــــــــس لدرجة اني ما قدرت انام إلا العصر. سعود : ليش سنيورة وعد ويش اللي مقلق نومك. وعد : التعب اكتشفت إن اللي يداوم بشي ما يرغبة يتعب كثير. أبو سعود : الله من العيارة ويش سويتي عشان تتعبين. وعد : ابدا اجبرتني على هالمعهد من حطيت رجلي على أول عتبة حسيت بخنقة. أبو سعود : أنا خليت لك حرية الاختيار وأنتِ ضيعتي الفرصة لا تقولين اجبرتني أنتِ اجبرتي نفسك. وبعدين المعهد الكل يمدح فيه الحين أنتِ تقولين مخيس.! أحمد : يبه أنا عندي مؤتمر برا السعودية لمدة اسبوع. أبو سعود : مؤتمر ايش. أحمد : مؤتمر لامراض القلب ومناقشة اخر التطورات مشارك فيه المشفى. سها : وين احمد.؟ أحمد : بكندا. وعد : الله خذني معك حمودي. أحمد : أجل حمودي هاه . وابوي.؟ أبو سعود : لا خلها تقول اللي تبيه أنا كرسي هنا. وعد: بابا لا تصير حساس . بس خلوني اطلع من البيت بشم هواء نقي. أبو سعود وقف وراح لها, وعد رجعت وراء : بابا والله امزح خلاص ماني رايحة ... مسكها من يدها ابوها: تعالي معي. وعد ماسكة يده : بابا خلاص الله يخليك. أبو سعود شالها وطلع فيها بالحديقة : بابا نزلني خلاص والله ما أعيدها. أبو سعود : لا أبيك تشمين هواء يلا تنفسي. وعد : طيب نزلني الحين بينكسر ظهرك. أبو سعود : هههههههههه من مين .؟ منك أنتِ يالنتفة ينكسر ظهري اشيلك يوم كامل ولا أحس اني شايل شي. وعد : ليش كرتون فاضي والا علبة مناديل تراني ادمية مثلكم. أبو سعود : كم وزنك. وعد : رجاءاً لا تحرجني. أبو سعود رفعها اكثر عشان ما تطيح: ليش زوجك تستحين مني.؟ وعد : شفت بابا شكلك تعورت يلا نزلني الله يخليك. أبو سعود : لا ما تعورت بس ما ابيك تطيحين مثل ما تشوفين واقفين قريب من الدرج يعني لو بتطيحين على طول بتوصلين لتحت. تمسكت فيه بقوه : بابا اللي يخليك طيب ابعد عن الدرج. أبو سعود يقرب أكثر ويوقف على الحافة: طيب قولي لي كم وزنك.؟ وعد : 43 خلاص بابا نزلني. أبو سعود وهو راجع فيها داخل البيت: متأكدة انه 43. وعد : ايه قست من فتره. بس خلاص بابا نزلني. أبو سعود جلسها جنبه : وين قستيه. وعد : بالصيدلية. مشعل : ما انتم معشينا أنا جوعان. أبو سعود : ما أحد قالك لا تغدا معنا. مشعل : كنت تعبان يبه و أدور الفراش. أبو سعود : ويش رايكم نسوي أنظمة جديدة بالبيت. البنات فتحن عيونهن على أكبر مقاس .!! سها : قوانين ايش.؟ أبو سعود : نسوي رفرش للقوانين ونجددها. وعد : أنا اعترض بتشيل قوانين أنا أول المؤيدين لكن تحط أشياء جديدة لا و الف لا. أبو سعود : تصدقين عمتي وعد بس هذا اللي موقفني رأيك. أبو سعود : أولاً. من اليوم ورايح وجبات الأكل جميعها الكل حاضر عليها ماعدا اللي بالدوام او اللي تعبان مو يتيعب يعني جاي من المدرسة جاية من المعهد تنتظرين وجبة الغداء وعد : لاحظوا قال جامعة ومعهد اهم شي المعهد ليش عشاني والا حقين المدراس ماجاب طاريهم. أبو سعود: ثانيا . المصروف راح ينعطى لكم شهري يخلص بنص الشهر ماني مسؤول عنك مو متى ما طقت ببالكم جيتوا طلبتوا. ثالثا. هواش و نقار في الجلسة ما ابي. وبس سلامتكم. وعد حطت يدها على جبهته : أبو سعود شكلك مصخن اليوم. أحمد تعال شوف احس كأنه مصخن. أبو سعود نزل يدها وعضها و وعد صرخت : آآآآآآآ متوحش. أبو سعود مبتسم : فيه اعتراض من أي أحد. او أي إطراء. سها : أنا عندي ويش رايك بابا تحسب علينا بعد عدد الكلمات اللي باليوم ننطقها. جود : ايه وكم مره نتنفس بعد مع عدد ضربات القلب. وعد : ايه والا تحولنا لآليين وترتاح مره وحده. أبو سعود : ما تحسن اني معطيكن وجه ثلاثتكن. سها : والله بابا مو معقول اللي تقوله يكفينا نلتم على وجبة وحده أنا اجي هلكانة ما فيني انتظر الغداء غير كذا احنا ما نجي بوقت واحد مع بعض كيف تبينا نلتم واحنا تعبانين. أبو سعود : الغداء ح يكون الساعة 2.30 . وعد : طيب أنا أجي الساعة 11 مو معقول بنتظر لين الكل يجي عشان اجلس على السفرة. أبو سعود : حلي واجباتك.. عموما أنا راح اطبق هالشي فترة شفت هالوضع مو مناسب كنسلته. وعد غمزت لسها وجود ناويات يدمرن هالقانون من أوله دام فيه أمل ينلغي. جاء فارس مدرعم : خذي جوالك ازعجني له ساعة يدق ما اعرف اذاكر. وعد : وأنت ويش دخلك غرفتي. فارس : ما دخلتها كنت بالصالة فوق. وعد أعطت مشغول للمتصل تبي تصمت الجوال لكنه رجع يدق من جديد واعطته مشغول وصمتته بسرعة جاتها رسالة (ردي علي لا تخليني اتهور). ودق من جديد حطته جنبها و طنشتة. ياسر : متى السفرة احمد. احمد : السبت الجاي إن راد ربي. سها تكلم خواتها : جود اليوم العقرب اللي طلعت كانت بفصلك. جود : لا تذكروني. نهى : ليش. جود : مشت على جزمتي. سها: يووووه ويش سويتي. جود: جلست اصارخ واصيح تخيلوا طلعت من الفصل كأني مجنونة امسكتني ابلة الدين بقوة تهديني جلست فترة لين استوعبت. نهى : طيب وين راحت. جود : ذبحتها الخالة. .. مشعل : قسما لو يدري أبوي بيتصرف معك. وليد : مالك دخل. مشعل: كيف مالي دخل ما أنت اخوي وأخاف على مصلحتك. وليد : ماني بزر تعلمني مصلحتي وين هي فيه. مشعل : يعني مصلحتك انك تدخن. وليد : مشعل مالك دخل ولا تكلمني بذا الموضوع. مشعل : لا بكلمك ولو ما اعتبرت راح اعلم أبوي والا سعود. وليد : قسما يا مشعل لو تعلمهم ما يصير لك طيب. .. وعد انتبهت للجوال اللي ما طفت اضائتة من الاتصالات اللي وراء بعض قامت من الجلسة وردت بحدة : خير. : اخيرا ما بغيتي تردين. وعد : ويش تبي. : قلت لك الصباح أبيك يا عيوني. وعد : قول أمين. : أمين. وعد: عسى عيونك للعمى. : ما يهمني دام قلبي ما يشوف غيرك و لا يحس إلا فيك. وعد : أنت لو عندك احساس ما تتصل على وحده ما تعرفها يا اللي ما تستحي. قسما لو دقيت مره ثانية لا اعلم أبوي و أخواني عليك. : علميهم من بيلومني إذا حبيتك هاذي ماهي جريمة. وعد : حبك المرض إن شاء الله ولا فارقك. : راضي والله راضي لانك بتكونين دكتورتي. وعد : لو اني دكتورتك بموتك من أول لحظة. : دامني بين يديك ومنك بعد راضي. قفلت الجوال بوجهه واضح راعي طويلة ولا يستحي على وجهه. ما وصلت الجلسة إلا رجع يتصل مره ثانية: سها. التفت لها سها : نعم. وعد : تعالي ابيك شوي. قامت سها مستغربة مو عادتهم ينادون بعض بوسط الجلسة ويطلعون. طلعوا للحديقة : خير ويش فيك.؟ وعد : ابلشني. سها : مين.؟ وعد جلست ع الدرج : واحد كلب اليوم بس فوق 70 اتصال و 25 رسالة. سها : طنشيه. وعد : واقف برا. سها مصدومة : ويش. وعد: اقولك واقف برا. سها : ويش يسوي برا أنت تعرفينه.؟ وعد : لا ويش يعرفني فيه من الفجر مرابط وحتى لما وصلني بابا المعهد شفته لما نزلت من السيارة ولما طلعت شفته. سها: ويش عرفه ببيتنا.؟ وعد: ناداني باسمي. سها بخوف : يا ويلي يا وعد قسما لو يدرون أبوي و أخواني بنروح فيها. وعد : ويش اسوي أنا تفكيري مشتت ماني قادرة أستوعب شي. سها : هذا اللي مضايقك طول الجلسة.؟ وعد : هذا وشي ثاني بس خلينا الحين بالتبن اللي برا. سها: كلمي ياسر يكلمه او خالد. وعد : اخاف يقولهم شي غلط و يصدقونه. سها : دامك ما سويتي شي ما راح يقولون شي وبعدين انك علمتيهم تكونين سويتي اللي عليك. وعد : افففففف شكلي بغير رقمي وافتك. سها: بس قولي لي ويش يسوي عند باب بيتنا.؟ وعد : مادري صحاني الفجر باتصالاته و قالي انه واقف برا. سها لا تجيبين طاري ابدا. سها : طيب ويش يسوي يا وعد برا حتى لو كان بيلعب ايش اللي عرفه ببيتنا. وعد : تخيلي يرسل لي لو ما رديت بيتهور والله اني خايفة. فارس نط عليهم : خايفة من ايش. انصدمن لا يكون سمع الكلام. قامت وعد و مسكت من يده : قسما بالله يا فارس لو نقلت كلمه وحده من اللي سمعتها راح ادفنك بالحياة فاهم. .. مقتطفات من البارت الثالث ما احد يطول شعره من رأسك دام راسي يشم الهواء. شفايفها المزرقة ترتجف وشهقاتها تعلى وسط ذهول من الجميع أول مره يشوفونها بهالحالة وكأن روحها بتطلع من بين ضلوعها حست إن الدنيا تسود بعيونها واضلاعها تضغط عليها. لا أحلل نقل الرواية دون ذكر اسمي. ضحكة قهر. |
رد: لو سألتي الورد وهو ما بين إيدك أقطعك بيقول لك عمري فداك الكاتبة / ضحكة قهر
البارت الثالث مدخل:/ أتعبني حيــــــل غيابككك انصدمن لا يكون سمع الكلام. قامت وعد و مسكت من يده : قسماً بالله يا فارس لو نقلت كلمه وحده من اللي سمعتها راح ادفنك بالحياة فاهم. فارس خاف منها : أنا ما سمعت شي بس انك خايفة. وعد بصراخ : سمعت والا ما سمعت تقول كلمة وحده أذبحك. سها : خلاص وعد فارس شاطر ما راح يعلم احد. فارس فلت يده من وعد ودخل يجري البيت. وعد : افففففففف هالمعهد نحس علي. سها : ادعي إن فارس ما يقول لأبوي. وعد : صدقيني بضربة لو هو بحضن بابا. سها ناظرتها بنص عين : صدقتك , امشي ندخل يمديهم ع العشاء الحين. عاد مع القوانين الجديدة أبوي بيضربنا احنا. دخلوا وفعلا كانوا ملتمين على السفرة. جلسوا اماكنهم. سعود : تأخرتن. وعد : أبوي مسلمك الدور. سعود : أنا ما ادري ليش أبوي ما قص لسانك للحين. أبو سعود يجلس مكانه : ويش فيه أبوك.؟ سعود : يبه بالله شلون صابر على طول السنتهن بذات هاذي أم لسان اطول منها. أبو سعود : بما انه اطول منها أكيد وعيد. سعود : اكيد ما اتوقع فيه احد بطول لسانها. وعد : بابا مو قلت ما تبي نقار والا غيرت رايك ترى ماني رايقة أتهاوش مع أحد. أبو سعود طنشها : وين فارس. وعد انتبهت انه مو موجود و ناظرت سها بقلق. أم أحمد : غريبة أول ازعجني يقول جوعان. دانه روحي شوفيه. سها تهمس لوعد : الله يستر منه. وعد : اسكتي حاطة يدي على قلبي. أبو سعود : وعد و سها ابي اعرف ويش عندكن ويش الشي المهم اللي تهامسن فيه. تعدلن بجلستهن : ............... ياسر : ما يتركن هالعادة. أبو سعود : يالله علموني ويش هي سالفتكم. انقذهن دخول دانه و معها فارس اللي يبكي. أم أحمد : فارس ويش فيك يبه ليش تبكي. فارس اللي ناظر وعد بخوف : ولا شيء. أبو سعود سحبه وجلسة على رجله : تعال علمني ويش مزعلك. فارس ناظر بوعد مره ثانية وقتها الكل انتبه لنظراته. أبو سعود : وعد مزعلتك.؟ وعد حطت راسها على الطاولة اطلقت اوف من قلبها : اووووووووف. فارس : وعد تقول تبي تذبحني بحياتي وانا خفت منها. كلهم ناظروها وهي حاطة راسها على الطاولة ما رفعته. سعود : ليش قالت هالكلام. أنت زعلتها, والا لعبت بأغراضها. فارس يبكي : لا أنا ما سويت لها شي بس رحت بناديها هي و سها خالة نوال قالت لي روح نادهن ووعد مسكتني وقالت والله لو تعلم احد باللي سمعته ادفنك بالحياة. أبو سعود متنرفز على اسلوب وعد وما وده يسوي شي يزعلها : ويش اللي سمعته يا فارس.؟ فارس: بعدين تذبحني. أبو سعود : ما احد يطول شعره من رأسك دام راسي يشم الهواء. وعد خلاص مولعة ياربي الاقيها من وين من الزفت اللي برا والا اللي صار بالمعهد والا من هاللي يصير الحين بيذبحني أبوي بسبة هالزفت فارس. فارس: أنا بس سمعتها قالت أنا خايفة بس وانا قلت لها من ايش خايفة وهاوشتني. وقفت وعد معلنة التمرد من جديد مشت بتطلع غرفتها وهي كانت متأكدة قبل م توصل الدرج أبوها بيسمعها كم كلمة. بحده ملت المكان : وعد. وعد التفت عليه : هلا. أبو سعود نزل فارس ووقف عندها : ويش اللي خايفة منها. وعد : ولا شي. أبو سعود : ويش اللي ناديتي سها عشانه. وعد : سالفة بيننا. أبو سعود : سها. وقفت سها : نعم. أبو سعود : من غير لا لف ولا دوران ويش اللي قالته لك وعد. سها ناظرت وعد لكن أبو سعود وقف بوجهها : تكلمي. سها : أنا مالي دخل بابا لا تدخلني بالمشكلة. أبو سعود رفع رأسها : وأنا أقولك تكلمي. خالد وقف وحط يده على كتف أبوه : يبه الله يخليك يمكن سالفة تخصهن ما تدري عن مواضيع البنات لا تعصب الموضوع مو مستاهل. أبو سعود : تهدد اخوها بالموت وهو توه صغير تقولي مو مستاهل. الحين بعرف ويش اللي خايفة منه وما تبينا نعرفه. وحده فيكن تكلم قبل ما افقد أعصابي. وعد : صارت لي مشكلة بالمعهد مع بنت بس. أبو سعود ناظرها ولا دخلت مزاجة : وعد ماني اصغر عيالك تسكتيني بأي شي. وعد : والله بابا ما كذبت اليوم صارت لي مشكلة بالمعهد تهاوشت مع بنت. لف على سها اللي كانت يمه : ويش رأيك يا سها تقولين لي سبب المشكلة أكيد تعرفينها. وعد نست بلحظة ذكاء أبوها ولو تكلمت سها الحين راح يكشف كذبتها بسهولة: م قلت لها ويش سبب المشكلة ما امداني اقولها. أبو سعود : لكن اكثر من ثلث ساعة برا وما امداك تقولين لها سبب المشكلة. سها : لان أنا قبل قبل كلمتها عن عن ابلة العربي متـ متوعدة ف فيني بعدين هي كلمتني عن الهوشة وما قالت لي ويـ ويش صار د دخل فارس وما ما كملنا. أبو سعود أخذ نفس: تكذبين علي يا سها. وعد قطعت عليه الكلام : أنت السبب. لف عليها أبو سعود باستغراب : أنا السبب. وعد : ............. أبو سعود : تكلمي يا وعد تراني ماسك اعصابي بالقوه عنك. جلست ع الدرج نغزات قلبها رجعت لها من جديد بشكل قوي حاولت تخفي هالشي عنهم . حاولت تأخذ نفس بهدوء لكنها م قدرت طاحت على جنب. سها اللي كانت تدري بحالة وعد من قبل نطت تجري لها مسكتها : وعد وعد تنفسي حاولي تنفسين الله يخليك. وعد شفايفها المزرقة ترتجف وشهقاتها تعلى وسط ذهول من الجميع أول مره يشوفونها بهالحالة وكأن روحها بتطلع من بين ضلوعها حست إن الدنيا تسود بعيونها واضلاعها تضغط عليها. صرخة سها باسم احمد وعتهم : أحـــــــــــــــــــمد. أحمد قام بسرعة وشالها : سها روحي جيبي شنطتي من فوق. نزلها على الكنب و يحاول يساعدها على انها تتنفس. أبو سعود : ويش فيها يا أحمد. أحمد : ماهي قادرة تنفس يبه مكتومة. نزلت الشنطة سها جنبه : خذ بسرعة أحمد. أحمد طلع الأكسجين اللي معاه وركبة لها : وعد تنفسي بهدوء تنفسي... ايه وعد شهيق .. زفير .. شهيق.. زفير. أخذ احمد السماعة وسمع نبضات قلبها الضعيفة وسوا لها مساج ينشط قلبها. شوي شوي وبدأت تستعيد وعيها اللي كانت شبه فاقدتة.. سعود : خلنا نوديها المستشفى. وعد شالت الاكسجين : ما فيه داعي. سعود : ما أنتِ شايفة شكلك كيف. وعد : سعود مالي خلق اناقرك خلني في حالي. أبو سعود : احمد يبه يحتاج نوديها المستشفى. أحمد : والله ودي يبه نسوي لها تحاليل. وعد : ما ابي بابا الله يخليك مابي اروح. سها ضربتها على ظهرها : نذلة كذا تخوفيني عليك. أم ندى : وعد خلينا نوديك بكره مو شرط اليوم بس نسوي لك تحاليل نتطمن. وعد : مابي ماما مافيني شي بس عشاني تعبت اليوم. أبو سعود : قصدك أنا السبب. وعد اللي كانت جالسة مدت يدها له عشان يوقفها وابوها مسك يدها وشدها يمه : حشاك مو أنت السبب بس أنا تعودت على الراحة هذا كل ما في الموضوع. ندى : أنا بعرف ليش مصره ما تروحين المشفى.؟ وعد : ما أحب المستشفيات ولا أطيق ريحتها . خلاص عاد خلوني في حالي. أحمد : الله يهديك. إهمال الصحة مو زين. وعد : لا تكبر السالفة احمد قلت لك بس عشاني تعبت اليوم وسمعت كلام غثني هذا كل الموضوع. أبو سعود : خلاص انهوا الموضوع . وأنتِ روحي ارتاحي. وعد : تصبحون على خير . باست رأس أبوها و أمها وخالتها وطلعت. سها : و أنا بعد بنام. أم ندى : ما تعشيتي يمه. سها : ماني مشتهية . تصبحون على خير .. وطلعت . رجعوا على سفرة الأكل. سعود : اللي مستغرب منه شي واحد. مشعل : ويش. سعود : احنا كلنا انصدمنا لما وعد م قدرت تنفس حتى دكتورنا الفاضل ما تحرك من مكانة ايش معنى سها اللي انتبهت. وليد : معاك حق أنا ما قدرت اتحرك ولا استوعبت غير لما سها نادت أحمد. ياسر : مالها إلا معنى واحد. سها تدري ويش بلى وعد. والا مين يصدق سها اللي لا صار عندها موقف مثل كذا ما تحرك من مكانها هالمره هي الوحيده اللي تحركت. ندى : بصراحة هالثنتين بالذات اتوقع عنده اسرار لليل ما احد يعرفها لذلك لو وعد لا سمح الله فيها شي أكيد سها هي اللي بتدري والعكس صحيح. سعود : يبي لي امسكها و أحقق معاها هالهانم على الاقل كذبها يبان على طول . أبو سعود : أنا رايح انام مابي أي ازعاج . أشر لنهى وجود: مو تصحوني بصوت التلفزيون راح اكسره على رؤوسكم. .. صباح جديد يحمل في طياتة احداث جديده و نقار من جديد. نازل ببدلة العسكرية ليزيد هيبة فوق هيبته : اوه لا لا م اصدق وعيد نازلة قبلي. وعد : يالله صباح خير. سها : صباحو للحلوين. : صباح الخير. أبو سعود اللي يكلم جواله : خير يا أخوي.. خلاص اجيك إن شاء الله بس اوصل وعد و اجيك.. متى قالك .. خلاص خلك بالمستشفى .. طيب مع السلامة. خالد : خير يبه عمي بالمستشفى. أبو سعود : لا يبيني في موضوع. وعد : سها ناديني بشوف أنا صمخا والا لا. سها : وعد النتفة. وعد : قلت ناديني مو سبيني. سها : لا بس عشان تأكدين انك تسمعين مضبوط. بس ويش الحكمة اذنك تعورك. وعد : لا بس كنت بقول لبعض الناس ما احنا صمخان نسمع ويش اللي ينقال. أبو سعود : وعد شكلك تبين تتهزأين من الصباح صح. وعد : لا افا يا أبو سعود تهاوش بنتك التعيبينه م هقيتها منك. سعود : كل هالنقار وأنت تعيبينه اجل لو انك بعافيتك ويش بتسوين. وعد : قل أعوذ برب الفلق . قول ماشاء الله لا تصكني بعيني بدل ما اروح المعهد ياخذني بابا معاه. أبو سعود : الله يعيني عليك أنا بزوجك يمكن تعقلين. وعد : سهله بجيكم كل يوم. أبو سعود : اصلا بزوجك واحد يسفرك برا بشوف من الموظفين عندي واحد بيدرس برا ياخذك معاه. وعد مسويه انها فرحانة : الله برهوم بتكون فضلت على راسي من فوق. ما حست إلا علبة المناديل على وجهها من سعود : اآآآه خير سيد سعود. سعود : مين فينا نادى أبوي ابراهيم من قبلك ما تحترمين احد. خالد: وبعدين م تستحين تقولينها قدامنا تبين الزواج. وعد : عيلة ما فيها امل حتى اللي دارس برا يشوف كلام البنت بالزواج عيب و الرجال عادي. اخطب لبنتك ولا تخطب لولدك. سها تحظنها من ورى : وعد لا والله تسافرين و تخليني. وعد : خلاص بابا دور اثنين عشان تزوجنا كلنا. سعود : لو عقلك براسك كان وافقتي على عمر عنده دورة برا السعودية مدة سنة. وعد : هالموضوع قفلناه من وقته. سعود : يمديك تراجعين وانا بكلمة. وعد : ياربي ي سعود حتى لو كنت ابي الدراسة برا ما راح اتزوج أي واحد وبعدين عمر نفس طينتك ما تخير عنك. سعود : ليش ويش فيني زين الشباب. وعد : وانا ما ابي واحد زين ابي واحد متفهم ما ابي اكمل حياتي بقوانين جديدة تتحول من دور الابنة لدور الزوجة لا ي حبيبي ابي اعيش حياتي. أبو سعود : كأنك تدقيني بالحكي.؟ وعد : حاشاك أنت أبو التفاهم كله.. إلا ما كأنهم تأخروا ما احد نزل للحين. سها : الحين ينزلون وراء بعض بس أنت دايم تجين بالاخير م تحسين. وعد : أنا اجي بالاخير لان ما وراي شي بس اتوقع نهى دايم تجي بعدي ودي اشحن هالبنت يمكن تسرع شوي لما نزلت توها بتأخذ شور. سها : مو شي جديد عليها هالبرود. ياسر. أحمد. مشعل . وليد : صباح الخير. : صباح النور. جلس كل واحد مكانه . ياسر : كيف اصبحت يا أبو سعود. أبو سعود : بخير الحمد لله. أحمد : وأنت وعد كيفك بعد البارح. وعد اللي تعطي مشغول للمتصل : بخير ما علي. سها تهمس لوعد: ايش الاخبار. وعد توريها شاشة الجوال 35 مكالمة : وعد لازم تصرفين. وعد : بطلع شريحة جديدة اليوم. سها : شلون من الله فالله تطلعينها كذا. وعد تلعب بحواجبها : لا تخافين بخترع لي قصة. سها : والله إن كشفك سعود والا ياسر انك تكذبين يورونك الويل. وعد : ليش قالوا لك اني مثلك كل شي يبان علي. سها : ربي خلقني كذا ما اعرف اكذب. أحمد : يبه بكلمك بموضوع. أبو سعود : امر. أحمد : ناوي اخطب إن شاء الله. أبو سعود ابتسم : مبروك يبه .. طب و تخير من بنات عمانك. أحمد : لا يبه ما ابي بنات عماني. أبو سعود : ليش ناوي تخطب من برا. أحمد : ابي مها بنت عمتي. أبو سعود : يا أبوك مها ترجع لابوها أخطب من بنات عمانك. وعد : ليش قلوا البنات ما تختار إلا مها. سها : من جد والله إن بنات عماني احسن منها. احمد ناظرهم : خير م سمعت. أبو سعود : ليش ويش يعيبها حجيات. وعد : متكبرة و دلعها ماسخ و سامجة وشينة بعد. أبو سعود : لا اخذ رايكن أحمد وقتها تكلمن غير كذا مالكن دخل ولا عاد بسمع هالكلام مره ثانية تراها بنت اختي. ندى : صباح الخير. : صباح الخير أبو سعود : هلا ببنتي العاقلة. ندى ابتسمت له باست راسه : الله يخليك لنا. أبو سعود : ترى اختكم وافقت على عساف. خالد : مبروك ندو بنفرح فيك عساف يستاهلك. سعود : والله زين ما اخترتِ عساف رجال, مو مثل بعض الناس رافضين عمر. وعد: مبروك ندوش و أنا راح ادعي لك بكل صلاة انك تكونين بخير كل يوم. سعود : ليش بتأخذ مجرم. وعد : لا سجان. أبو سعود وقف : قومي بس قومي أنتِ اللي يجلس معاك راسه يصدع منك ولا شي عاجبك. موفقين يا عيال. مع السلامة. قامت ولفت طرحتها: سها وندى احنا مو من ضمن الدعوة حتى الدعاوي فيها تخصيص للعيال. خالد: وعد أبوي يقصدنا كلنا. وعد ابتسمت له : ايه بس امزح .. بايو. سعود : وين نهى و جود ودانة و وليد. وليد: أنا هنا صباح الخير. : صباح النور. جود نهى : صباحوووو. : صباح النور. وليد: بقي دانه غريبة ما نزلت للحين. جود: اليوم عندهم حفل ما ادري شنو ما فيه محاضرات وماهي رايحة. .. المستشفى أحمد شاف ابوه واستغرب : يبه خير إن شاء الله ويش فيك تشكي من شي. أبو سعود : لا ما فيني شي بس ابي مدير المستشفى. احمد : كنا مع بعض بعملية وتونا مخلصين. أبو سعود : خلاص بروح له أنا أنت شوف شغلك. أحمد : خلني اجي معاك يبه. أبو سعود : ماله داعي ادل الدرب. مع السلامة. .. بمكتب المدير : السلام عليكم . : وعليكم السلام . هلا اخ ابراهيم تفضل. : طمني يا دكتور ويش النتيجة.؟ ابتسم الدكتور : ايجابية البنت بنتك يا ابراهيم. ابتسم براحة أبو سعود وسجد لله سجود شكر : أنا خبرت أبوها وهو بيعلمها بالنتيجة لان الواضح البنت ما تدري عن اهلها للحين و لا تدري إننا ماخذين العينة منها عشان تحليل dna .. أبو سعود : أنا بتفاهم معها هاذي بنتي يا دكتور بروح اشوفها . مشكور يا دكتور ما قصرت . : العفو هذا واجبنا . واي شي تحتاجة أنا حاضر. : ما تقصر . مع السلامة. خرج من المستشفى بأكمله لاول مره يتنفس براحة من بعد 20 عام ابنته التي أخذت منه بمهدها عادت اليه من جديد واصبحت بعمر العشرين يا الهي ما ارحمك ابنتي اخيرا عادت الى احضاني. ركب سيارته ليشق طريقة الى المنزل الذي عاشت به ابنته من 20 عام طفولتها ومراهقتها اما شبابها ستعيشة بين احضاني في منزلي وتحت ناظري يا الهي ما الطفك كيف جعلتني اصبر كل هذه الاعوام يا الهي اشعر وكان قلبي سيخرج من مكانة مغادرا اليها نعم الى روحي الصغيرة ابنتي ميار. .. ام عبد الله : يعني خلاص طلعت نتايج التحاليل. أبو عبدالله : ايه وابوها جاي يأخذها الحين. ابو عبدالله : استغفر الله أم سالم توها صحت بعد 20 سنه وينها ماردتها يومها صغيره يومها ماتفهم شي الحين شلون بنقول لها. عبدالله : يبه بكل الاحوال هي راح ترد لاهلها قرب هاليوم والا بعد دامهم عايشين. اماني : توها تصحى يوم تربت بيننا وينها يوم جابتها لنا بلفتها عمرها يوم وينها 20 سنه وينها مافكرت تعترف بجريمتها غير هالحين مره وحده شفناها يوم جابتها عندنا وبعدها لاحس ولا خبر. ابو عبد الله : الحين المشكله شلون بنقولها عن اهلها حتى حنا شاركنا بهالجريمة مع المره ما رحنا للشرطة وعلمنا بحزتها وضمينا البنت لعيلتنا وعطيتها اسمي. سلاف : متى بتقولون لها دام أبوها جاي الحين. ابو عبدالله : أحس اني ما اقدر افاتحها بالموضوع . دخلت غرفتها مصدومة من اللي سمعته انا مو بنتهم انا بنت مين ومين هالمره اللي تركتني 20 سنه معقوله اكون انا بنت حـ ـ ـ ـ ـ غصت في الكلمة وصعب عليها نطقها غصت فيها وماقدرت تكمل حروفها يارب ارحمني يارب ما بي اكون كذا يارب سمعت صوت جرس البيت جلست شوي وقررت تطلع يمكن تسمع شي ينفعها شي يطمن قلبها ويريحها الحرمة : يا ام عبد الله انا كلمت عمها وهو قايل إن أبوها جاي الحين بأخذها. ام عبد الله : ليش تركتيها عندنا دام انت مو أمها. الحرمة : مجبوره يا ام عبدالله والله مجبوره. ابو عبدالله : مافيه شي يجبرك تحرمين اهل من بنتهم ولا تحرمين بنت تتربى بحضن اهلها. الحرمه : والله غصبوني هددوني يذبحون زوجي وعيالي ان ما اخذت البنت اول ماتولدها أمها. ام عبد الله : وليش ما رجعتي تسألين عنها ليش قلتِ لنا انها بنتك وتركتيها عندنا امانه وخليتينا نضمها لعيلتنا وقلتِ راح تسافرين علاج كم شهر وتردين وخليتي يوصلنا خبر وفاتك بعدها بشهرين. الحرمه : ادري اني غلطت بس انا رجعت اصلح غلطتي واهل البنت ناطفه قلوبهم على شوفتها. ام عبدالله : وشلون يجي لك قلب تشوفين ام تتعذب لبعد بنتها اللي يمكن حتى ملامحها ماشافتها ولا حطتها على صدرها. الحرمة تبكي : انا لازم ارجع البنت لاهلها. ابو عبدالله : بس احنا ماقلنا لها وبعدين هي بعد بنتنا تربت عندنا. ام عبدالله بآسى ع البنت اللي تربت قدام عيونها : الله يسامحك. صرخت بوجيههم وهي تبكي : الله لا يسامحك الله لا يسامحك الله لا يسامحك الله ياخذك يا مجرمة الله لا يسامحك شلون بتقبل اهل مو اهلي وشلون بنام بحضن ام ماهي بامي وشلون بيصرف على أب ما هو أبوي شلون بجلس مع اخوان ماهم اخواني ولا يحلون لي ما فكرتي الا بنفسك فجأه قررتي كل شي يتغير بحياتي الله لا يسامحك الله لا يسامحك. كانت منهاره بكل ماتحمله الكلمة من معنى ماكانت تقدر تقول كلمتين على بعض بدون ما تطلع شهقه تعبر عن مدى آلمها شلون تتحكم بحياتها مين اعطاها الصلاحية تحرمها من اهلها من أمها من أبوها من اخوانها ياربي شي تعودت عليه وعاشت معه 20 سنه فجأه ينتهي ويقولون لي ابدي من الصفر هذا ابوك وهاذي امك وهذول خواتك و اخوانك. ياربي شلون بتعود عليهم يارب ارحمني يارب الطف فيني هالشي راح يقضي علي يارب يارب الطف فيني. ابو عبدالله : اهدي يبه اهدي. رفعت رأسها له : اهدى شلون طاوعك قلبك تحرم بنت من أهلها شلون قدرت تربي بنت ماهي بنتك. ابو عبدالله : انا ماكنت ادري انك ما انتي بنت هالمره يوم جانا خبر وفاتها قلت اضمك لعيلتنا تعيشين معززه عندنا ماكان ودي اوديك دار الايتام وانتِ بنتي رضعتي من مرتي مع نواف الله يرحمه. ويش المفروض تقول شكـرا لانك ضفيتني من الضياع والا ويش المفروض تقول الشي اللي تعرفه انها ضايعه ايه ضايعه وين تلاقي نفسها وين : يعني تبيني اروح لناس ما اعرفهم. ابو عبدالله يهديها : الا تعرفينهم يبه الدم اللي يجري بعروقك دمهم وملامحك تنتمي لهم هم اهلك وماراح تحسين انك غريبه بينهم يا يبه لا تصعبين الموضوع على نفسك وعلينا وعلى اهلك هم شفقانين على شوفتك واحنا مانبي نترك وانت بهالوضع راح تتعبين يا يبه لازم ترجعين لهم لك ام تنتظرك ولك اب يبي شوفتك يبي ينطق اسمه بعد اسمك يبي يفتخر ان عنده بنت مثلك ولك اخوان يبون يشوفونك جالسه بينهم ومرتاحه معاهم. بدت تحاول تهدأ معاه حق معاه حق دمي هو دمهم انا بنتهم بس حتى لو انا ماتعودت عليهم طيب لو كانت هالحرمة تكذب يمكن هم ماهم اهلي. تكلمت أم عبدالله : يلا يابنتي جهزي اغراضك أبوك الحين يجي. ابو عبدالله : اهدي يبه اهدي. قامت تجر خطواتها ولحقنها خواتها يساعدنها اما هي ماقدرت تسوي شي غير انها تجلس ع السرير وتخلي دموعها تاخذ مجراها على خدها للحين مصدومة شلون وهي مصدومه تتقبل الوضع مو المفروض يقولون لها اول وتاخذ وقتها بعدين تقرر تروح لاهلها باطة كبدها هالحرمة منقهره منها قررت كل شي على كيفها .. مين اللي غصبها تاخذني من يوم ولدتني امي ليش ما سالتها طيب وش بستفيد لا عرفت والا بصعب الوضع علي بس انا لازم اتكيف مع الوضع الجديد لازم اتكيف لازم انا مابي حياتي توقف خلاص خلاص لازم اتاقلم مادري اضحك على نفسي يوم اقول هالكلام والا شلون بتكييف ع وضعهم على طول يارب يسرها يارب يسرها صحاها من افكارها صوت سلاف : سوسو. التفت لها : نعم. اماني : خلصنا من ترتيب اغراضك ماخلينا شي عاد الشي اللي ما تبينه لارتبتي غرفتك عندهم ارميه. ساره : يصير خير. ندى : ابوي يسال ان كان خلصنا لان أبوك بالمجلس. ساره : قولي له خلصنا اماني باستغراب : بتروحين لاهلك بهالشكل. ساره : ليش مو متقبليني كيفهم عنهم ماتقبلوني. اماني : سوسو وش هالكلام وين البنت الكشخه يلا قومي غسلي وجهك حطي كحل وروج وغيري لبسك بس مانبي شي اكثر. ساره باستسلام : ان شاء الله. طلعت الصاله وشافتهم جالسين ينتظرونها تخلص شافت امها تكفكف دموعها على فراقها هاذي بنتها ايه بنتها تربت بحضنها سهرت عليها يوم تتعب حتى لو ما ولدتها بس تظل بنتها اللي جاتها وعمرها يوم وكبرت قدام عيونها. ساره بصوت هادئ : انا خلصت. عبدالله : يلا نروح المجلس. كان عبدالله يمشي قدامها دخل وظلت هي واقفة على الباب ما قدرت تقدم خطوة او ترجع خطوة. وقف أبو سعود اللي فز قلبه من لمح زولها انتبه لها شلون خايفة وشاف دموعها اللي ما متعلقة برموشها وقف قدامها ورفع راسها ابتسم : بنتي بنتي ميار. عيونها ضاعت في الرجال اللي واقفة قباله من حكى حست انها تعرفة ما حسته غريب عنها فجأه حسيت بيديه تحاوطها وتضمها لصدره.: اخيرا يا امي رجعتي لي أخيرا كحلت عيني بشوفتك عيوني ما ارتحت يوم وأنت مو ببيتي ولا قلبي هدا كل ما ذكر انه ما يدري وين اراضيك. .. في بيتهم وعلى سفرة الأكل ينتظرون أبوهم واشكالهم حدث ولا حرج. وعد : خلاص عاد زودها بابا يحط قوانين وهو اللي يخل فيها صارت الساعه 3 إلا ثلث. أم أحمد : الغايب عذرة معه. وعد : أنا بروح انام ولا جاء فارسكم المغوار قولوا له هو اللي تأخر علينا. أم ندى : تحسبين الكل طويلين لسان شرواك. اجلسي مكانك لين يجي أبوك. سها: ماما مو معقولة احنا تعبانين شوفي اشكالنا نحزن نبي ننام. سعود : وعد لا تنامين ابيك بعد الغداء. وعد : لا ما حزرت سيد سعود تبغاني خلها باليل. وليد: أبوي ما لقى يتأخر إلا اليوم حدي متكسر اليوم متأخر عن المدرسة وخلونا نسوي البطة خمسين مرة. ياسر: ما احد قالك تأخر. مخرج :/ ظلام الحي؟ واحزان المباني وكل شارع في المدينة فاقدينك صرت أنا والهم واشباه الاماني نعزف الالحان يـ عمري أنت وينك . لـ صدووود مقتطفات البارت الرابع :/ ما عندك وقت أبو سعود اخبر الناس تسوي زواجها بالليل وأنت مأخذها بالنهار لهالدرجة خايف عليها التطير. عرفتوا ايش سبب شدة أبوي علينا لانه خايف علينا وأنت بس تذمرن ولا عاجبكن العجب ولا تقدرن احد. لا احلل نقل الرواية دون ذكر اسمي. ضحكة قهر. |
رد: لو سألتي الورد وهو ما بين إيدك أقطعك بيقول لك عمري فداك الكاتبة / ضحكة قهر
البارت الرابع. مدخل:/ تعال احتاج اسولف لك .. عن اول واخر احوالي.. وافض غيم الحزن وانثر. حنين الشوق بـ قبالك . في بيتهم وعلى سفرة الأكل ينتظرون أبوهم واشكالهم حدث ولا حرج. وعد : خلاص عاد زودها بابا يحط قوانين وهو اللي يخل فيها صارت الساعه 3 إلا ثلث. أم أحمد : الغايب عذرة معه. وعد : أنا بروح انام ولا جاء فارسكم المغوار قولوا له هو اللي تأخر علينا. أم ندى : تحسبين الكل طويلين لسان شرواك. اجلسي مكانك لين يجي أبوك. سها: ماما مو معقولة احنا تعبانين شوفي اشكالنا نحزن نبي ننام. سعود : وعد لا تنامين ابيك بعد الغداء. وعد : لا ما حزرت سيد سعود تبغاني خلها باليل. وليد: أبوي ما لقى يتأخر إلا اليوم حدي متكسر اليوم متأخر عن المدرسة وخلونا نسوي البطة خمسين مرة. ياسر: ما احد قالك تأخر. انفتح الباب ودخل أبو سعود معاه وحده. نزلت ميار الغطاء عن وجهها أبوها قالها كل اللي هنا محارمها كلهم اخوانها. : السلام عليكم. وقفوا كلهم وفيهم اللي رد وفيهم اللي ما رد : و عليكم السلام. أبو سعود بابتسامة : ويش فيكم. جود : مين هاذي. أبو سعود سحب ميار لعنده وحط يده على كتفها : ايش شايفين. وعد : ما عندك وقت أبو سعود اخبر الناس تسوي زواجها بالليل وأنت مأخذها بالنهار لهالدرجة خايف عليها لا تطير. سعود انتبه لملامح البنت ايه تحمل الشيء الكثير من ملامح امي : يبه.... هاذي ميار.؟ أبو سعود : ايه يبه هاذي ميار. سعود شقت الابتسامة وجهة. وعد انتبهت له : انتبه لفكك لا يجيك شد عضلي. سعود طنشها وتقدم لميار ورفعها يلف فيها في الصالة وهي تصارخ. أم أحمد : قرت عينك يا أبو سعود. أبو سعود : بعين نبيك. أم ندى : يهنيك برجعتها بالسلامة. أبو سعود : الله يسلمك. أحمد مسك سعود : خبل دوختها. سعود نزلها : من فرحتي يا خي ماني مصدق. أحمد سلم على ميار : كيف حالك يالغالية. نهى تكلم خواتها : انتم فاهمين و أنا بس اللي مو فاهمة. جود : أنا بعد ماني فاهمة. سعود يناظر خواته : لا يطق فيكن عرق جات كايدتكم. وعد: ودي ادعي عليك وعليها بس ماسكة لساني. وليد : يبه ما احنا فاهمين مين هاذي. أبو سعود : اختكم. شقيقة سعود. ندى قربت لميار : كيفك يا حلوه. ميار : الحمد لله بخير. سعود : يبه يلا عرفها فينا شكلها ضاعت بيننا. أبو سعود آشر عليهم : هاذي خالتك أم احمد وهاذي أم ندى .. سلمت عليهم ميار وباست رؤوسهم. :هذا سعود اخوك الكبير و شقيقك عسكري. وهذا احمد دكتور . وهذا خالد كابتن . وهذا ياسر مهندس. اما الاثنين الفاشلين هذولي وليد ومشعل. وليد : مشكور يبه يجي منك اكثر. مشعل : ما تقصر يبه. سلمت عليهم ميار ووقفت جنب أبوها. أبو سعود : اما البنات هاذي ندى الكبيرة . وهاذي نهى . وهاذي أم لسان طويل وعد. وهاذي سها واللي جنبها دانه, والصغيرة جود. أبو سعود رفع فارس : وهذا شيخ الشباب فارس. التموا حول السفره وجلست ميار جنب أبوها. وعد تهمس لسها: مجلسها جنبه أبوك كويس ياليته يلهى معها وينسانا شوي. سها : مالك امل ينسى, بس صراحة انصدمت شلون يكون عندنا اخت ما نعرف عنها شي. نهى : أنا مره سمعت أبوي يكلم امي وكان متضايق بس ما توقعت يقصدها. جود: شكلها بتصير دلوعة الجميع. دانه : ويش عندكم غيرانات. وعد : لا والله نبيها من الله خلي أبوك يلهى معها كود يخف شوي. ندى : عرفتوا ايش سبب شدة أبوي علينا لانه خايف علينا وأنتن بس تذمرن ولا عاجبكن العجب ولا تقدرن احد. ميار : وين امي.؟ أبو سعود : بيوديك سعود لها العصر إن شاء الله. وعد وقفت : سفرة دايمة مع بنتكم الجديدة. أبو سعود : بالعافية. وعد : الله يعافيك .. عموما لا احد يصحيني خلوني انام براحتي. أم ندى :كل ذا من تعب المعهد.؟ وعد : تكسير مو بس تعب طبيعي. نهى : شكلك انصكيتي بعين والا أول كنك حمار بالجامعة ما تعبتي.؟ وعد : ما راح ارد عليك لاني ما ابي اتهاوش واتعب اعصابي قبل لا أنام. سعود : لا تكفين تهاوشي و افضحينا قدام اختي. وعد : ما كن عندك ست خوات بعين اللي ما يصلي على النبي جات عليها يعني. سعود : هاذي غير هاذي شقيقتي. ياسر : ما تشوفين الذرابة والادب والنعومة. سها : اووووبس كل ذا .. بكره بيطلع كل شيء على حقيقتة بس تعود علينا. جود : لا تحكمون من الحين عطوها فرصة تأخذ ع الوضع. وليد : الزين يبان من اوله ما يبي له فرص والا ما يتسمى زين. نهى : طيب تمقل فيها لا تضيع لحظة من حياتك ما تشوف زينها. أم احمد : ايش فيكن غرتن تراها اختكن كذا تقولن عنها.؟ أبو سعود : ايه بينحشنها من البيت. وقدامي يتكلمن عنها بالشينة. جود : ما نقول فيها شي بس عيالك يحسسونا يعرفونها من زمان اصلا أنا عمري ما سمعت لها طاري بالبيت. نهى : وانا بالغلط مره سمعت شيء يعني احنا ما نعرفها. سها : ولا نعرف طباعها عشان اخواني يحطونها ملاك نازلة من السماء والا حورية خارجة من البحر. أبو سعود : تراني ساكت عنكن لكن هي كلمة وحده وكل وحده تعلقها باذنها لو ادري إن احد مزعلها فيكن ما يصير لها طيب. انصدمت بردودهن كل وحده تأكل اللي قدامها لحم وترميه عظم ما تعودت على جو كذا هواش طول الوقت و بيت مليان ناس تعودت على الهدوء ما عندهم اطفال هي اصغر وحده بالبيت يا دوب عيال سلاف و اماني ومو دايم عندهم شلون بتعيش بجو مشاحنات زي هذا. سعود : يبه ما قلت لنا شلون عرفت مكانها. أبو سعود : عمك عبدالرحمن جاته مره وكلمته تبي تشوفني وناداني عنده و قابلتها و علمتني وين مكانها وانها هي اخذتها من المستشفى من سنين وسلمتها لناس تعرفهم و مربينها عندهم. ياسر : على كيفها هي تأخذ بنات الناس من احضان اهاليهم و ترميهم على غيرهم. أحمد : يبه لا تسكت لازم تشتكي عليها. أبو سعود : المره سوته من خوفها على زوجها وعيالها مهددينها بالقتل. خالد : مهما كان يبه ما راح نسكت عن حقنا نشتكي عليها و توصلنا للناس اللي هددوها. سعود : و احنا يبه مالنا كلمة و امي بعد تعذبت من فرقاها الحين باردة مبردة نقول خلاص ماهو معقول. أبو سعود : الحرمة لو ما وعدتها اني ما اسوي شيء ما كان قالت لي عن بنتي و ايهم احسن اخليها تعيش بعيد عني زود والا اوعدها اني اسكر على الموضوع. ياسر : ماهو بكيفها يبه الديرة فيها قانون. ابو سعود : الموضوع انتهى أنا عطيتها كلمة وقلت لها ما راح اشتكي واهم شيء بنتي ترجع لي وسامحتها. ميار : بس أنا ماني مسامحتها ولا راح اسامحها و إذا أنت بتسكت عن حقك أنا ماني ساكتة, هالموضوع ما يخصك لحالك أنا عيشت حياتي عند ناس غير اهلي واليوم بس يقولون لي أنا ماني بنتهم أبوك بيجي بعد ساعة وهالحرمة تعرف اهلك وهي اللي اخذتك و فوق هذا كله تبيني اسكت عن حقي... قامت من الطاولة تبكي.. اما هم ناظروا ببعض تضايقوا وماهم عارفين شلون يواسونها مين يوصل لاحساسها انحرمت من اهل وعاشت عند ثانين و بيوم وليلة درت و انجبرت تجي مع أبوها لبيت جديد وحياة جديدة ما فيها شيء اعتادت عليه من قبل. أبو سعود : ندى كلميها. ندى : ما اقدر والله ما اعرف ويش اقول. وقفت وعد : أنا اكلمها. سعود : لا تجيبين العيد. وعد : قالوا لك اني غبية أنت اصبر وبتشوف قدراتي .. تقدمت لها وهي كانت جالسة بعيد عنهم ع الكنب جلست جنبها : ما احد له حق يلومك ويقول لك عينك براسك باللي قلتيه. معاك حق و يمكن لو أنا مكانك قلت زود عن اللي قلتيه اللي عشتيه اليوم صعب على أي انسان يتحمله كيف ببنت توها ما شافت من الحياة شيء تنصدم بمشكلة زي هاذي. ميار: مستحيل تفهمين احساسي هالحين, اهلي اللي عشت عندهم رموني كأنهم متبرين مني اخذوني للتحليل على أساس تبرع بالدم أنا غبية شلون ما لاحظت عمر عبدالله ما سواها طلع يبي يسوي تحليل dna و ما قالوا لي إلا يوم طلعوا النتيجة ليش طيب أنا مالي حق اقرر حياتي مالي حق اعيشها وين ما ابي هم مين اعطاهم الحق ياخذوني و يربوني و يعطوني اسمهم مين اعطاهم الحق يخبون علي كل هالسنين. مسكت وعد يدينها : اهدي ادري انك منهارة بس اسمعيني فكري باللي بقوله لك اهلك أكيد ما تبروا منك والا كان من الاساس ما اخذوك بس أنت عندك اهل هم اولى فيك منهم اللي هم احنا. احنا اولى فيك منهم أنتِ اختنا الدم اللي بعروقك من دمنا أنتِ منا وفينا واذا على التحاليل وكذبتهم عليك يمكن ما كانوا متأكدين من الحرمة واللي قالته وان الرجال اللي تكلمت عنه يمكن ما يكون أبوك ما يبون يصدمونك صدمتين بأنهم ماهم اهلك ثم يرجعون يقولون لك ترى الرجال اللي جاء ماهو أبوك وقتها بتنهارين اكثر من هالحين. أنا ما اعرف ويش اسبابهم اللي خلتهم يأخذونك و يحطونك من ضمن عايلتهم ويتبنونك رغم إن التبني حرام شرعا لكن متأكدة إن سواتهم كانت عن طيبة وحسن نية أنتِ الحين مصدومة من الموضوع كله بما انك توك عرفتي اعطي نفسك فرصة تتعرفين علينا يمكن تحبين الحياة عندنا اكثر من عندهم ومو يمكن إلا أكيد احم احم لانا احنا ناس نجيب السعادة.. وبعدين بابا من زمان يدور عليك له 20 سنة ما نساك ومر بظروف صعبة على شخص عايش بين اهله كلهم كيف لما يكون فاقد له بنت ما يدري وين اراضيها. ميار : طيب هم ليش بينتقمون من أبوي ويش سوا لهم. وعد : اللي كلنا نعرفه إن بابا بنى نفسة من الصفر و بداية شغلة وتجارتة تعرض لتهديدات كثير حتى انهم مره حاولوا يقتلونه بعيد الشر عنه لكنه صمد وكافح عشان يبني له اسم و يعيشنا بحالة مرفهة ماديا مثل ما أنتِ شايفة. مسحت ميار دموعها وترجع تنزل من جديد : أنا ما اعرف ويش اقول احس كل الكلمات ضاعت مني. وعد : أنا اعرف قومي اغسلي وجهك أنتِ مقبلة على حياة جديدة وبتعيشين مغامرات عندنا لا تخلين هالموضوع يوقف بطريقك و تخلينه عقبة ما تكملين فيه حياتك وأنت مقبلة على اختبارات إذا كنتِ تدرسين ما بقي لها غير اسبوع و حرام تضيعين يوم من حياتك بحزن أنت قادرة تقلبينه لفرح .... وقفت وسحبت يدها : يالله تعالي معاي تغسلين وجهك ترى ما احب اشوف احد يبكي قدامي ما فيه شيء في الحياة يسوي تنزلين دموعك عليه.. وقفت معها ميار وراحت تغسل وجهها.. ميار تغسل و وعد تغمز لسعود : أنتِ ايش اسمك..؟ التفت لها وعد : وعد. ميار : ماشاء الله اسمك حلو. وعد : الله يحلي ايامك. وعد : يصير ادخل الحمام. ابتسمت وعد : ايه يصير البيت كله تحته امرك أي مكان بتدخلينه ارفسي الباب و ادخلي. ميار : شكرا. وعد : العفوو. دخلت ميار الحمام و وعد وقفت وراء أبوها : يا حليلها تستأذن مني تدخل الحمام. نهى وجود ومشعل و وليد و سها افطسوا ضحك : هههههههههههه. وعد : ايش رايكم فيني. سعود : والله اني شاك فيك. أبو سعود : اهم شي هي راضية. وعد : ما ادري. ياسر : اجل ويش سويتي. وعد : احسها ضايعة و خايفة من العيشة عندنا عموماً تحتاج وقت وهالوقت اللي تحتاجة احنا بعد ما لازم نخليها. أبو سعود : اعتمد عليكم يبه كلكم بدون استثناء هاذي اختكم ما ابيها تزعل أنا ما حسبت انها رجعت لي. أم ندى : لا تخاف من هالناحية كلهم ما راح يقصرون. أم احمد : ولا تهاوشون قدامها وتخلونها تخاف زيادة. مشعل : عاد هالكلام معروف موجه لمين. طلعت ميار و وقفت جنب وعد وعد مسكت يدها وضغطت عليها : ترى بابا يوصينا عليك ما كن عنده بنات غيرك خايف على زعلك يارب يخاف على زعلي أنا بعد. أم ندى : وعد يالجاحدة. وعد : ماني جاحدة ماما بس صدق أبو سعود الفترة الاخيرة ماهو طايقني. أبو سعود اللي كانت وراه مد يده وقرصها : تستاهلين. وعد : آآآآآآآ بابا حرام عليك الحين بتبقع هاذي حركة تسويها فيني. جود : احمم وين بتنومها يبه. أبو سعود : تختار تنام عند أي وحده فيكن لين ياسر يجهز غرفتها فوق. وعد : ترى لك غرفة عندنا من بنى بابا البيت خصص لكل واحد غرفة وما نساك وفيه غرفة زايدة الله يستر من تكون صاحبتها. ابتسمت ميار : شكــــرا. وليد : الله الله شفتوا الذرابة لا شكلنا بنكسل القش هذا كله < يأشر على خواته. سها : شكلي بكرهك يا ميار. نهى : والله شكلي حتى أنا. ندى : عيب عليكن توه من دقيقة أبوي يوصيكن. جود : ضموني لقائمتكن ما صار لها ساعة انقلبت موازين البيت. وعد تكلم ميار : ما عليك منهن بس بيغيضون اخواني. ياسر : يبه ويش تبيني احط ديكور بالغرفة. أبو سعود : خل ميار تختار كل شيء. ميار : أنا ما اعرف بالاشياء هاذي. ندى : اجل سلمي الموضوع كله لياسر بس إذا ببالك لون معين او شيء لان الاخ العزيز مهندس ويعرف بالديكورات وكذا فا ارقدي و أمني. ميار : خلاص دامه كذا اجل كل شيء على ذوقك. جود : لا تهورين هالكثر تضلين انتِ بنت و وهو ولد. ياسر : يعني ما افهم بأذواق البنات. جود ترفع شعرها القصير : ما قلت ما تفهم مره وحده بس فيه لمسة سحرية للبنات. وعد : أنا تعبت اليوم بروووح انام. أم ندى : ما بقي شيء على صلاة العصر تنامين هالحين. وعد : على ما اتسدح و اتوضأ يكون أذن. أبو سعود : ميار بتكون عندك بالغرفة لين ياسر يخلص. وعد : غريبة ما توقعت تختارني. أبو سعود : غرفتك كبيرة و السرير كبير ماهو مثل خواتك. سعود : ايه والله هذا اللي عاجز استوعبه للحين ليش حاطة سرير كبير. وعد : كويس اجل لا تفكر انكـ تستوعب لانه مزاجي قالي جيبي سرير كبير. وليد : الله يستر ما تفكرين افكار منحرفة. وعد : كلن يرى الناس بعين طبعة. نهى : ويش تقصد با افكار منحرفة.؟ وليد : يعني تبي الزواج وكذا. جود : هذا ماهو انحراف عادي كل بنت تفكر بالزواج. أبو سعود : صدق والله وأنتِ تفكرين فيه قبل ما تنامين. جود : إلا أنا ما افكر كلش ولا ناوية حتى اني افكر. سعود : كان زين وعد تفكر بالزواج عشان تتزوج و نفتك. وعد : قاعدة على قلبك يا نور عيوني... يالله ميار. ياسر : وين مأخذتها. وعد : ما يخصك يا ملقوف.. سحبتها وطلعت. ياسر : يبه بتخرب إذا جلست مع وعد. أم احمد : ليش ويش فيها وعد. ياسر : ابدا ما فيها شيء. بس عصبية ومدلعة ولسانها ويش طوله. جود : عاد تبون الصدق احسن انها جلست عند وعد اولا كلنا مقبلين على اختبارات. ثانيا وعد بتخليها تعود على الوضع اكثر من أي احد ثاني. سعود : الله يستر بس ما تنحشها من البيت. .. .. دخل على امه وباس رأسها ويدها : السلام عليكم. : وعليكم السلام. سعود : كيفك يمه بشريني عنك. : بخير يمه ماعلي اسال عنك يمه ويش حالك. سعود : بأحسن حال .. يمه جايب لك مفاجأة معاي. : خير يمه ويش هي. سعود وقف : تعالي.. دخلت مع سعود للغرفة اللي فيها أمها ناظرتها ما تدري ليش حست كانها في قلبها من زمان مو أول مره تشوفها بس أمها أمها اللي خرجت من بطنها اللي انحرمت منها أمها اللي بكت عليها كل يوم وكل دقيقة وكل لحظة وتعبت لفراقها نزلت دمعتها قبل ما تنزل دمعة أمها .. وقفت أم سعود تناظرها حستها دخلت قلبها من أول لحظة قلبها يصرخ هاذي بنتك ما عرفتيها هاذي بنتك اللي ما شفتيها هاذي بنتك اللي عفتي الحياة من بعدها هاي بنتك اللي تدعين لها كل يوم تكون بامان : سعود. سعود : هاذي ميار يمه. فتحت يدينها لبنتها اللي جاتها تركض وكأنها تنتظرها من زمان ما كأنها لها كم ساعة من عرفت إن الناس اللي عاشت عندهم ما هم اهلها ضمتها لصدرها : يمه بنتي بنتي يا سعود اختك رجعت لي يا سعود اختك رجعت لي. سعود حضنهن كلهن : اهدي يمه اهدي ميار رجعت لنا يمه ربي عوض صبرك وصبر أبوي خير يا يمه. أم سعود الارض ما تشيلها من الفرحة ورجولها تعلن عن خيانتها للتحمل اخذت بنتها وجلست معها : وين كنت يا يمه وين كانت اراضيك. ميار : كنت قريبة هنا كنت عند ناس ربوني وكبروني. سعود : يمه الله يخليك لي اهدي لا يرتفع عليك السكر والضغط. أم سعود : والله يا يمه ماهو بيدي احس ما ودي بالدنيا شيء الحين بعد ما تطمنت عليها وشفتها. ميار : بس أنا ابيك لا تسوين بنفسك كذا لا تخلين يصير فيك شيء أنا ما عشت معاك حياتي وابي اعيشها معك ومع أبوي واخواني. أم سعود : الله يخليك لي يا يمه الله يخليك لي. سعود : خلاص عاد بسكم بكي.. وين خالي سند يمه.؟ أم سعود : طالع عنده شغل. سعود : لا يكون زوجتة هنا. أم سعود : لا يمه ماهي هنا رايحة عند اهلها. سعود : زين الحمد لله. انفتح الباب فجأة انصدم يوم شاف وحده جالسة بعدها استوعب وطلع وقفل الباب. سعود : استغفر الله ويش ذا الاسلوب حتى احترام ما فيه.. وقف بيطلع له. أم سعود : سعود يا أبوي طلبتك لا تهاوش معاه. سعود : يمه خليني اروح اربيه على الاصول. أم سعود : عشان خاطري يا يمه ما ابي مشاكل مع خالك طلبتك يا أبوي. جلس : بس عشانك هالمره بمشيها.. المهم بكلمك بموضوع مهم. أم سعود : خير يمه تبيني اخطب لك. سعود : لا تو الناس. ميار : ليش كم عمرك. أم سعود : شايب عمره 30. ميار : ليش ما تزوجت. سعود : ما لي خاطر فيه .. المهم يمه أبوي. أم سعود : وش فيه. سعود : بيرجعك يا يمه. أم سعود : بس أنا مالي خاطر يا سعود بالرجعة يا سعود. سعود : ليش أبوي ظامك لما كنتِ معاه والا قهرك بشيء. أم سعود : لا والله ما تطلع منه الشينة. سعود : طيب ليش يا يمه. أم سعود : ماني راجعة يا يمه بعد كل هالعمر. ميار : عشان خاطري يمه أنا ابي اعيش بينكم يا يمه لا تحرميني من هالشيء يكفي اني انحرمت منكم كل هالعمر. سعود ابتسم عرفت تلعبها ميار أمه ما راح تقتنع بالرجعة إلا عشان ميار. أم سعود : بس يا يمه. سعود : يمه لا بس ولا شيء أبوي شاريك من سنين وأنتِ اللي طلبتي الطلاق وهو يبي يرجعك إذا ماهو عشانه بتوافقين وافقي عشان ميار ترضين ما تشوفينها كل يوم وتملين عينك فيها. أم سعود : لا ما ارضى يا يمه ودي احطها وسط قلبي واسكر عليها عشان ما احد يقرب لها. سعود : اجل وافقي على أبوي عيشتك عند خالي ماهي عاجبتني وعندنا بتعيشين معززة مكرمة يا يمه. أم سعود : وحريم أبوك بيرضن انه يرجعني.؟ سعود : أول شيء أبوي ماله إلا اللي براسة وبعدين هو قايل لهن وهن رحبن بالفكرة وقالوا لي اقنعك بعد عشان ميار حرام تنحرم من العيشة بيننا كلنا. أم سعود : طيب موافقة. سعود تنفس الصعداء : اخيـــرا ما بغيتي تحنين. أم سعود : خلي ميار تنام عندي اليوم. سعود : لا يمه عيال خالي فيه و أبوي ما يرضى. أم سعود : بس أنا ابي املي عيني بشوفتها. سعود : أبوي قال إذا موافقة بيرجعك باقرب فرصة يعني اصبري كم يوم والا تبين زواج يا أم سعود... وغمز لها. أم سعود : لا والله ما ابيه ويش بقي بالعمر عشان اسوي زواج. .. .. جالسة بالصالة لوحدها وتغني بصوت واضح. عمري ما تمنيت شي .. قد ما تمنيت أشوفك. واروي عيني من حلاك.. وتلمس كفوفي كفوفك.. لا تعيشني بخوف .. تعتذر لي بالظروف.. حتى أنا عندي ظروف .. ويمكن أصعب من ظروفك. ميار : ماشاء الله صوتك مره حلووو بس الاغاني حرام. وعد : ياه تركتها من زمان الحمد لله كنت احس بضيقة طول ما كنت اتسمعها والحمدلله ربي هداني. ميار : الله يثبتك يارب ويثبتني.. بس ماشاء الله صوتك يجنن. وعد بفخر : شكراً ما هو جديد.. ميار : اعطينا وحده ثانية يلا.. سها : ويش تسون.؟ ميار : اسمع للعندليب وعد يلا تعالي صفقي و وعد تغني وانا اطق. سها : يلا.. وعد : لا مشتهية ارقص يلا. سها : بروح اجيب السماعات اجل جهزوا لنا شي يسوى العنا .. ميار : هيه ترى خالد و أحمد فوق.. وعد : بالطقاق ويش بيسون يعني.. حتى الرقص ممنوع.. نهى شافت السماعات : اوووه السهره الليلة صباحي. وعد: صباحي ومسائي وظهاري وكل اللي تبين.. دانه طلعت من فوق : هيــــــه صكوه تراكم ازعجتوني بذاكر. ميار : خلينا ننبسط يلاااا ابدا. ندى تصارخ عشان يسمعونها : والله يدخل الحين سعود والا ياسر لا يغسلون شراعكم. ميار تمسك يد ندى تبي ترقصها : يلااا ندى فليهااا. ياسر دخل وفصل السماعات : ويش هالصوت.؟ ندى : تستاهلن حذرتكن لكن ما تفهمن. ميار : ياسر ويش هذا خلنا ننبسط. سعود دخل : ويش الصوت اللي سمعته من دخلت من البوابة. وعد : جاء مستر تنكيد. ميار : احنا منبسطين نبغى نرقص ونفلها. سعود: اقول قومي افتحي كتابك احسن لك .. آشر على وعد.. تراعون لي هالعاطلة الباطلة ترى ما وراها شي .. وعد : ما كني اداوم بمعهد كني قاعدة على قلبك. ياسر : مو باين انك تداومين عمري ما شفتك ماسكة شيء تدرسينة. سعود : قومن نظفن حوستكن أبوي وامي على وصول الحين. ميار بوناسة: الله بيجون اليوم. سعود : لا بكره هاذي من وين جابت الغباء ما طلعت لي. وعد : بتكون لمين طالعة غير لك أنت. سعود : أنا معروف بذكائي لكن ممكن تطلع لك أنتِ. وعد : تدري ويش معنى كلامك اني طالعة لبابا وهي بعد يعني بما انه الرابط بيننا و أنت كنك تقول بابا غبي يا ويلك يا سعود. أبو سعود دخل ومعاه أم سعود : السلام عليكم. : وعليكم السلام. سعود تقدم لابوه و امه وسلم عليهم : ياهلا بالغالية نورتِ بيتكـ . ميار سلمت على أمها و حضنتها : اشتقت لك. أم سعود : وانا يمه اشتقت لك. سعود : ما انتن مسلمات والا ما تعرفن الاصول. تقدمن يسلمن سها ونهى و وعد. نهى : ياهلا يا خالة نورتي البيت. أم سعود : حبيبتي منور بوجودكم. وعد وقفت قدام سعود : دنق بقولك شيء. سعود : حاولي توصلين لي. وعد : ليش شايفني برج مثلك. سعود : اللي ما يطول العنب حامض عنه يقول. وعد : انقلع اجل مو لازم .. وتعدته لكنه شدها مع بلوزتها : ويش قلتي. وعد : سعود عورتني .. أبو سعود : ويش هالحوسة.؟ سعود يلوح بوعد يمين ويسار : سواة بناتك خصوصا هاذي السنفورة. أم سعود : سعود اترك اختك عورتها. سعود : ما عليك يمه متعودة. وعد : خالتي تراني اطالبك بالحق تقتصين لي عمر من ولدك. أم سعود : ولا يهمك اوريك فيه. سعود : يمه تخلين عن ولدك على حساب وحدها نتفة مثل هاذي. أم سعود قرصت يده : اتركها. وعد : هههههههههههه اخيرا احد ضربك. سعود : ويش كنتِ تبين.؟ وعد : ماني قايلة لك هونت. أم احمد : يا هلا يا أم سعود حياك الله ببيتك ومكانك. أم سعود تسلم عليها : هلا فيك يا أم أحمد ويش اخبارك. أم احمد : الحمد لله بأحسن حال أنشد عنك. أم سعود : الله يسلمك ما علي الحمد لله بعد رجعة بنتي. أم أحمد : قرت عينك. أم سعود : بعين نبيك.. اجل وين أم ندى.؟ نهى : بغرفتها تعبانة ثاير عليها القالون. أم سعود : الله يعينها. ياسر : إلا صدق وعد أنتِ متأكدة انك تداومين والا دوام زي قِلِته. وعد : ليش ما أنت ملاحظ اني كل ما جيت اكون تعبانة زيكم. ياسر : طيب ليش ما قد شفت معاك كتاب ولا قلم ولا قد قلتي بكره وراي اختبار. وعد : والله عاد هذا نظام المعهد الخايس واجباتهم كلها خيارات بظرف ثانيتين اخلص اختار أي اجابة تجي عيني عليها ويتسمى اني حليت واجب. أبو سعود : وانا مسجلك بمعهد عشان تسوين كذا. وعد : قلتها مسجلني يعني بالغصب ماهو برغبتي ما ابيه كله خياس لا شرح زي العالم والناس لا معلمات يفتحن النفس لا بنات يجيبن السعادة.. وبعدين هم ضاحكين علي والا فيه وحده تسجل اخر اسبوع بالترم مافيه تسجيل بس سبحان الله علي قرادة حظ ما شفتها بأحد. أبو سعود : وأنتِ مداومة عشان معلمة تفتح نفسك والا طالبات يجيبن لك السعادة والا عشان تعلمين. وعد : شوف عزيزي ابراهيم اهم شي البيئة التعليمية واللي يشملها قاعة التدريس المخيسة والبنات اللي يسدون النفس معاي و المرسل اللي هي المعلمة اللي صوتها ببطنها ومسوية ترا أنا فاهمة كل شيء ما ادري احسها تسلق علينا ولا تعرف انقليزي وشهادتها مزورة. ياسر : يبه من جدك تناقش هاذي كل شيء توظفة لصالحها. أم سعود ابتسمت : بسم الله عليها طالعة على أبوها بذكائها. أم احمد : وطالعة على سعود بالعناد و الراس اليابس. جود : اصلا احسها تشبه سعود بس النسخة الأنثوية. وعد : نعـــــم أنا اشبه سعود. سعود : ليش تشكين بوسامتي. وعد تأشر عليه : أنت وسيم روح ناظر بالمراية إذا أنت انعديت من الرجال الوسيمين بالعالم معناتة ما عرفوا يحطون مقاييس للوسامة. نهى : اوووووووه قوية والله. سعود : ما راح ارد عليك لانه مبين انك انعمتي من كثر ما تقرين بهالكتب. ياسر : قمتي والا قعدتي عيونك نفس عيونه. وعد بشيء : اخي العزيز روح فصل نظارة عشان تشوف زين. أم احمد : دايم فاضحينا, بس ترى هاذي حالتهم كل يوم. أم سعود : والله يا زينهم و يا زين حسهم يملون البيت ويحسسونك بالحياة. .. .. الساعة 11 واقفة برا تنتظر احد يجيها من اخوانها اخذت جوال المشرفة دقت على احمد ما يرد. دقت على خالد مقفل. : الوو : السلام عليكم. : وعليكم السلام. ناظرت الرقم اكثر من مره مستغربة الصوت : هذا مو جوال ياسر. : إلا بس ياسر عنده اجتماع الحين مشغول. : طيب شكرا. دقت على سعود / الوو.. وعد : سعود. سعود : وعد ماني فاضي لك بعدين اكلمك... وسكر الخط. : ويش ابي فيك بعدين. دقت على أبوها جاها الرد: الوو. : السلام عليكم. : وعليكم السلام. وعد : بابا جالسة منلطعة برا من ساعة ما احد جاني. أبو سعود: كلمتي اخوانك. وعد: اللي مو فاضي واللي ما يرد. أبو سعود: طيب أنا اشوفهم. وعد: مع السلامة. وقفلت الخط. المشرفة: كلمتي اهلك. وعد : الحين يجي بابا. المشرفة: احنا مو مسؤولين عنك دام مرت ساعة على انتهاء الدوام راح نقفل الحين خليك هنا لين يجي أبوك. وعد : كيف يعني ما انتم مسؤولين. المشرفة : هاذي من قوانين المعهد الحد الاقصى ساعة بعد انتهاء الدوام بعد كذا المعهد غير مسؤول عن الطالبات. عن اذنك. وراحت. وعد: ياربي شلون بجلس لحالي هنا انتبهت للسيارة اللي واقفة على مسافة ماهي بعيدة وقلبها يرجف من الخوف ما تركها مرابط عند بيتهم ومرابط هنا .. الشارع شبه خالي لو بيخطفها ما احد داري عنها وهي الغبية خربت شريحتها عشان تطلع شريحة جديدة. شوي وقربت السيارة منها ونزل القزاز: تبين اوصلك يا وعد. وعد الله يأخذك يا حيوان يا حقير. : وعد اكلمك أنا. وعد : ما ابي ارد على ناس حثالة امثالك. : ليش ما تردين على اتصالاتي. : ................... : لا تخليني انزل من السيارة واتفاهم معاك بطريقة ثانية. وعد : انقلع يا كلب بابا الحين يجي. : بدق عليك المغرب يا ويلك إن ما رديتي. وعد : الله لا يرد لك نفس. : ههههههههههه لا تعصب يا الحب احنا فدوتن لك. انتبه لسيارة سعود : اخوك سعود جاء أنا بتأكد انك وصلتي بيتكم تعرفين اخاف عليك من أي شي. مع السلامة يا الزين. وعد : الله لا يزين لك درب. وقف سعود وركبت وعد : السلام. سعود : وعليكم السلام. أنا ما قلت لك ماني فاضي ليش تكلمين أبوي. وعد : مين تبيني اكلم وانتم كلكم اللي مشغول واللي ما يرد . سعود : حتى لو ما تكلمينه تنتظرين داخل المعهد لين نفضى لك , احنا ما نشتغل عندك. وعد مالها خلق للنقاش طنشتة. سعود : وبعدين جوالك وينه ليش مقفل. وعد : ما ادري طلعت الشريحة ورجعتها وما اشتغل شكلها خربانة. سعود : السيارة اللي كانت واقفة هنا لمين. وعد لا ياربي انتبه : للمشرفة. سعود : اهااا للمشرفة كأني شفت بس شخص واحد فيها ما معاه حرمة. وعد : سعود رجاء أنا ماني اصغر عيالك ولاني واحد من مساجينك عشان تستجوبني. سعود اللي وقف عند البيت : ما راح اخلي الموضوع يعدي على خير يا وعد بس عشان ماني فاضي لك. انزلي. نزلت وعد وضربت الباب باقوى ما عندها. سعود ناظر بالمراية وشاف السيارة اللي كانت واقفة عند باب المعهد لاحقتة للبيت. .. .. مقتطفات من البارت الخامس. "ايه تبين لك واحد رخمة ما يسوى ريال عشان تمشينه على كيفك لا قلتِ يمين قالك حاضر وعلى أمرك" "ادري ما راح تصدقين إن أبوك نهب فلوس أبوي لكن واجيه شوفي ويش بيقولك بس جيبي له طاري أبوي" مخرج:/ لو جرحتك.! أنثر بدربي عتاب / و ب اسمعه .. لو كان مؤلم ب اسمعه , لا تفكر لو دقايق ب الغياب الغياب اشياء واجد تتبعه. لا أحلل نقل الرواية دون ذكر اسمي. ضحكة قهر |
رد: لو سألتي الورد وهو ما بين إيدك أقطعك بيقول لك عمري فداك الكاتبة / ضحكة قهر
البارت: الخامس. مدخل:/ انتظار .. صبر . وسهرر.. شوق . وشقا , ونفحه قهرر انتظار.. وتمضي الساعه على العاشق شهرر .. وانت وينك ؟ او متى يصحى حنينك ! أبو عساف يهمس لأخوه : خلصت عدتها. أبو سعود مبتسم : من جدك. أبو عساف : ايه قضت من اسبوعين. أبو سعود : ما دريت إن زوجها توفى طيب عندها غير الولدين اللي جابتهم.؟ أبو عساف : لا ما عندها. أبو سعود : إن شاء الله خير. أبو عساف : ناوي.؟ أبو سعود : ههههههههههههههه نقول يارب. أبو عساف : وعيالك.؟ أبو سعود : ماني ماخذ راي احد فيهم. أبو عساف : لا يا اخوي لا تزعلهم. أبو سعود : عيالي ما اتوقع يرفضون لكن بناتي هن اللي جازم ما يرضن بس مالي إلا اللي براسي. ابو عساف : فكر بالموضوع طيب على طول قررت. أبو عبدالرحمن : ويش عندكم تهامسون أنت واياه. أبو سعود : ابد يبه بس اكلم عبدالرحمن ناوي اخذ الرابعة إن شاء الله. أم عبدالرحمن : ما أنت صاحي عندك ثلاث حريم كل وحده تقول الزين عندي و عندك عيال وراه تاخذ الرابعة.؟ أبو سعود : ابيها يمه كان المفروض تكون لي من زمان. أبو عبدالرحمن : مين تقصد.؟ أبو سعود : منيره. أبو عبدالرحمن : للحين تبيها.؟ أبو سعود : ولين بكره ابيك تخطبها لي يبه. أم عبدالرحمن : وعيالك يا يمه وحريمك والله يزعلن. أبو سعود : ما راح يزعلن حريمي لا درن انها منيره ما غيرها. أم عساف : و تتوقع انها توافق.؟ أبو سعود : إذا ربي كتب لنا نصيب ايه بتوافق. عساف : من كلامك يا عمي كنك خاطبها قبل. أبو سعود : ايه خطبتها من 35 سنة بس ما صار نصيب وقتها. يزيد : والحين بعد كل هالعمر تبي تأخذها ليش هي ما تزوجت.؟ أبو سعود : إلا تزوجت و ترملت. عساف : وعيالها والا ما عندها .؟ أبو سعود : عيالها كبار يشيلون انفسهم. عساف : والله ما اتوقع عيالها يرضون إن امهم تزوج بعد أبوهم. أبو سعود : إن شاء الله بيرضون .. يمه كلمي أمها. يزيد : شكل قلبك معاها من سنين يا عمي. ابتسم أبو سعود : لا قلبي معاي لا تخاف على عمك. أم عبدالرحمن : أول شيء حريمك إن كانن موافقات اخطبها لك وان ما وافقن والله ما اعتب الباب ولا اتدخل بزواجتك. أبو سعود : يمه الله يهديك أنا ولدك ترديني. أم عبدالرحمن : ايه اردك إن هاذي سواياك قلت لك جيب لي رضاهن وانا اوقف معاك. أبو عبدالرحمن : امك معاها حق اهم شيء يوافقن يا أبوي ماهو معقول بتزعلهن بعد كل هالسنين ما قصرن معاك قامن فيك وجابن لك العيال والبنات وملن عليك البيت والحين تجحدهن على حساب مره. أبو سعود : ماني جاحدهن يبه ولاني مفضل منيره عليهن كلهن فوق راسي ولاني مسوي شيء لمنيره ما سويته لهن حتى مهرها بيكون مثلهن ما يزيد عليهن ريال واحد بعدل بينهم يا يبه ماني مقصر على احد فيهن ولا على عيالهن اللي هم عيالي. أم عساف : وبناتك بنات نوال بيوافقن تعرف امهن الثالثة والله ما اتوقع يرضن. عساف : اووووه والله غير يقلبن البيت فوق تحت. أبو عبدالرحمن : مالهن حق يرفضن ابدا ابوهن شوره بيده ماهو بيدهن. عبير : حتى لو يبه والله لا يصير فيهن شيء من وراء هالزواجة ما فيه بنت بالدنيا ترضى أبوها يتزوج على أمها. عساف : بس عمي متزوج وقاضي من سنين يعني جات على الرابعة. عبير : بس امهن الاخيرة و إن رضن ندى ونهى .. اما وعد وسها مستحيل يرضن. أم عبدالرحمن : إن امهاتهن وافقن مالهن دخل. عبير : ليش ماهو ابوهن. أبو عساف : اجل لو اتزوج أنا ويش تسوين.؟ عبير : بذبحك قبل ليلة عرسك. عساف : بنـــــت. عبير : اجل تجيب لنا حرمة تقعد معنا وتجيب منها عيال لا والله ما ارضى. عساف : وانتِ ويش دخلك.؟ عبير : أبوي وكيفي. عساف : شكلك مشتهية تنضربين. أبو عساف : ويش بلاك انتِ اشتطيت خلها على راحتها أنا وبنتي كيفنا. عساف : يعجبك تقول هالكلام يبه عيب المفروض تستحي. عبير : استحي إلا إن أبوي يتزوج على امي واسكت يعني أنت ترضى يتزوج علي امي.؟ عساف : إذا امي موافقة عادي. عبير : لا مو عادي. أبو عبدالرحمن : لا تخافين ماهو أبوك اللي بيتزوج عمك اللي انهبل وبيأخذ الرابعة. أبو سعود : يبه الله يهديك حقي الشرع محلل اربع وانا ما تخطيت حدودة. .. .. على طاولة الأكل. ميار : ما تخيلون كيف ناشبة لي عقدتني في حياتي. نهى : أنتِ متعبة نفسك معها طنشيها ولا تعطينها وجه. ميار : اقولك ما ترحم ما ترحم اخاف تخسفني بالدرجات والا تعطيني مقبول. وعد : إذا اعطتك مقبول تقدرين تعيدين المادة فيه نظام بالجامعة يسمح لك باعادة المادة اللي اخذتِ فيها مقبول بس يبي لك مرمطة على ما تنضاف لك. ميار : واذا اعطتني فوق السبعين. وعد : لا هالكلام ينطبق بس ع المقبول. جود : ما عندك سالفة تعيدين مادة كارفة فيها. وليد : لك خلق شقا. ميار : اهم شي ما اشوف درجة مقبول ب كشف درجاتي. مشعل : موسوسة. وليد : عادي ما فيها شيء بالعكس اهم شيء عديتي في المادة. ميار : ما علي وعد متأكدة من هالكلام يعني جربتيه من قبل. ياسر : هههههههه ما تعرفين وعد ادفر منها ما فيه مصطفى النسخة البناتية. وعد : قل اعوذ برب الفلق... شوفي أنا ما جربته وحده من زميلاتي بالاسلامي عادت مادة من المستوى الأول وهي كانت بأخر مستوى و جابت فيها امتياز لما عادتها من بعد المقبول بس أنتِ مو تروحين تقدمين طلب وتوقعين بنفس الدكتورة وكنك يا أبو زيد ما غزيت. أم احمد : ويش ذا التعقيد بالدراسة. ندى : هاذي انظمة الجامعة بس سالفة اعادة مادة أول مره اسمعها بصراحة ما عمري سمعت بنت عادت مادة ناجحة فيها. نهى : ولا أنا أول مره ادري عن ذا النظام. خالد : حتى أنا أول مره اعرف. وعد : والله هذا اللي لقيته بالدليل الارشادي للطلاب. مشعل : وأنتِ عندك وقت تقرين الدليل من جدك. وعد : ايه طبعا لازم اعرف كل شيء قبل لا ادخل فيه واخذ حقوقي من الجامعة على اكمل وجه دام عندي احقية لاعادة مادة فشلت فيها ليش احرم نفسي واشوه كشف درجاتي بدرجة مخيسة. وليد : يا حليلك المقبول تعتبرينه شوه أنا اشوفه امتياز مع مرتبة الشرف. أحمد : والله معنية نفسك مادة ماهي مأثرة على المعدل. وعد : هذا وأنت دكتور مالت عليك وعلى دكترك بدل ما تشجعهم على التفوق. ميار : ما ادري حتى أنا احس مستحيل يخلوني اعيد مادة نجحت فيها. وعد : اللي يسمعكم يقول جبت هالكلام من راسي ما أنتِ مصدقة اقري الدليل وعشان تأكدين أكثر روحي اسالي الوكيلة هي بتكون على دراية بالانظمة اكثر من أي احد ثاني. ندى : وليش مو العميدة. وعد : تلاقينها لاهية باجتماعات وكذا واذا لقيتي فرصة تكلمينها لا تقصرين كلميها وخشي بعيونها بعد. مشعل : اللي ودي اعرفه صدق على مين طالعة بدفرنتك هاذي. وعد : ولازم اطلع على احد يعني إذا قدَرت ايش يعني دراسة وشهادة ومستقبل وطموح وايش بيضيف لك تخرجك وقت تصير غصب دافور. خالد : أنا مقدِر ويش يعني دراسة وكل اللي قلتيه بس عاد ماني دافور هالكثر. وعد : شوف عزيزي خالد أنت تعتبر نفسك دافور عشانك تأدي بحوثك و تذاكر قبل الاختبارات باسبوع بس هذا الاغلبية يسويه ولا يعتبر دفرنه. ميار : والله شكل حالتك صعبة. دانه : بقوووه صعبة ما تشوفينها يوم تذاكر اصلا تعتزل العالم جوالها مقفل ولا تطلع من غرفتها كلللش. نهى : تعذيب ماهو مذاكرة. جود : صدق والله هذا تعذيب للذات كأنهم معلقين حياتك بهالشهادة. سها : عاد صدق صدق وعد ويش استفدتي من دفرنتك. وعد : ارضيت نفسي عشان ما الومها لا جاء يوم وحسيت اني مقصرة. ميار : بس أنتِ جالسة بالبيت الحين يعني لا شغلة ولا مشغلة يعني ما راح تلومين نفسك. وعد : ما تدرين يمكن اتوظف بكره بوظيفة تحتاج معدل عالي والا المفاضلة تكون بالمعدلات و انرد على حساب معدل خايس لا يا حبيتي ما احب احمل نفسي أي تقصير بحقها. نهى : ما عليكم معقدة تحتاج علاج نفسي. مشعل : أول مره تقولين كلمة اوافقك فيها معقدة معقدة معقدة. وعد : والله أنا كذا احب كل شيء كامل بحق ذاتي. أم ندى : قولوا ما شاء الله لا تصكون بنتي بعين. وعد : والله جبتيها أنا اقول ليش بابا ماهو راضي على دراستي اثاريها من عيونهم. نهى : ماشاء الله ما شاء الله ما شاء الله عشان ترتاحين. أم سعود : ايش فيك يا ابوي ما نطقت من لما جلسنا. سعود : متضايق شوي بالشغل. سها : الحمد لله .. سفرة دايمة. أبو سعود : بالعافية. ياسر : متى بيسافر عمر.؟ سعود : طيارته بعد ساعة. أحمد : بتوصلة المطار. سعود : لا عساف بيوصله. جود : ليش عساف يسهر لساعة 12 . سعود : نـــعـــم.. جود : صدق والله احسه شايب ينام بعد صلاة العشاء. سعود : شايب هاه. أم سعود : هو ماهو كبير مره عن سعود. أبو سعود : ايه بينهم اربع سنين. ميار : يعني يمه أنتِ تعتبرين سعود شايب معناته حتى عساف. ياسر : والله انه شيخ الشباب الله يكتب له الخير مع ندى. وعد وقفت : الحمد لله .. سفرة دايمة. أبو سعود : بالعافية .. ايش فيك اليوم شكلك تعبانة. وعد : ما فيني شي بس تعب المعهد.. الحين بنام و أرتاح. سعود : انتظري لا تنامين ابي اكلمك. وعد تدري ويش بيكلمها فيه هالايام مفتح عينه عليها من شاف السيارة وهو كل يوم يجيبها من المعهد : ما يتأجل الموضوع ماني رايقة. سعود وقف : لا ما يتأجل. .. طلعت و طلع وراها دايركت. بغرفة وعد وقف على الشباك وشاف السيارة: هاه يا وعد ما أنتِ قايلة لي شيء. وعد : أنت اللي طلبت تكلمني مو أنا. سعود التفت لها واشر بيده على الشباك : مين هذا.؟ وعد : مين تقصد.؟ سعود : أنتِ عارفة مين اقصد اللي واقف معاك عند باب المعهد واللي لحقنا من المعهد للبيت رحت الدوام ورجعت وهو للحين مكانة وسبحان الله واقف قدام شباكك وكل ما رحت الدوام والا رجعت شفته وما يروح إلا بعد الساعة 11. وعد : تشك فيني يا سعود. سعود : ما أشك فيك بس هذا اللي ينشاف قولي لي مين هذا. وعد : وانا ايش عرفني مين هذا. سعود بصراخ : أنا شفتك بعيوني تكلمينه تبيني اكذب عيوني واصدقك. وعد بحده : قلت لك ما أعرفه ولو أعرفه بقولها بوجهك ولا يهمني. سعود مسك وعد من يدها بقوه : وعد قسماً بالله لو ما قلتي لي من هو لا اتصرف معاك بطريقة ثانية. .. نهى : غريبة أول مره سعود يطلب يكلم وعد العادة يتهاوشون قدام الكل. ميار : يمكن مو هواش . يمكن بيكلمها بموضوع ما. جود : يمكن يبيها بسالفة عمر. ندى : بس وعد قررت و خلصت ولا راح ترجع برايها اللي براسها تسويه. نهى : صح بس يمكن بينصحها وكذا. فجأة سمعوا صوت صراخهم . أم ندى : خير إن شاء الله. هذا مو صوت سعود.؟ أحمد وقف : إلا بروح اشوفهم. أبو سعود : أحمد. أحمد : نعم. أبو سعود : إجلس أنت واخوانك خلهم يكملون هوشتهم. خالد : يبه اخاف سعود يفقد اعصابة ويضربها. أبو سعود : قلت اجلسوا. مشعل : غريبة عليك يبه العادة ما ترضى بالهواش. أبو سعود مبتسم : مروق اليوم بخليهم على راحتهم. جود : بسم الله عليك يبه الله لا يضرك إن شاء الله دوم. نزل سعود مسرع على الدرج بيطلع برا البيت والعصبية واضحة على ملامحة. نهى : بسم الله بركان طلع من بيتنا. سها : بروح اشوف وعد لا يكون مسوي فيها شي. قامن البنات كلهن لاختهن افتحوا الباب وشافوها جالسة على السرير ماسكة يدها. وعد : خير.! ناظرن ببعضهن اردفت جود : جينا نتطمن عليك من البركان اللي طلع. وعد : مثل ما أنتِ شايفة بخير . ندى : ايش فيه سعود معصب..؟ وعد : اساليه لا تسـأليني وبعدين يلا اطلعوا ماني فايقة لكم. طلعوا كلهم وصكوا الباب. ندى : سها أنتِ أكيد تعرفين ويش السبب. سها : ليش قالوا لك كنت معاهم يوم تهاوشوا. ندى : لا بس ويش الشي اللي مخبيته وعد عننا وخايفة منه أكيد عرفه سعود وهو اللي خلاه معصب. سها تقدمتهم : ما ادري. .. .. ..العشا.. جالسين يتقهون. سعود و وعد يتبادلون النظرات النارية اللي ما خفت على احد. سها : وعد ويش فيه سعود عليك. وعد : قومي وبعدين ناديني و اقولك. سها : طيب. وعد : بابا ما ابي اروح المعهد بكره. أبو سعود : ليش سنيورة وعد. وعد : راسي مصدع من الحين. أبو سعود : خذي بنادول ونامي وبيروح الصداع. نهى : اهنيك اختي على غبائك أول على بالي بس أنا اللي مخي متنك بس طلع حتى أنتِ بالله هذا عذر ينقال لغياب بكره. ميار : شكله من كثر الدفرنة ما عادت تثبت. وعد ما عاد إلا هي نهى الداجة تقولي غبية ما تدري اني بس بفتح سالفة عشان سها تقوم. نهى : ليش تناظريني كذا. وعد : صدمتيني بصراحة قلبي الصغير لا يتحمل. نهى : ما عليه يا خيتي لازم تواجهين المشكلة. وعد : علميني تكفين كيف تكيفتي مع غباءك. سها : وعد تعالي ابيك؟ نهى : انتن ويش عندكن مع بعض. وعد : يا لقفك. وقفت ولحقت سها للحديقة. جود : أبوي متأكد إن وعد وسها ماهن توأم.؟ أبو سعود : لا تصدقين شاك بعقلي. ويش رايك يا أم ندى. أم ندى ابتسمت : حاشاك بس هن طول الوقت مع بعضهن رغم يومهن صغار بس يتناقرن حتى وعد كانت مصفقة سها بس عاد سبحان الله. ياسر : تذكرون يوم سها لعبت بشعر وعد بالمقص ووعد نايمة. : ههههههههههههههههههههههههههههههه. أحمد: والا وعد يوم اعطت سها دواء يقالهم يلعبون بغت تذبحها. ميار : شكل حياتهم كانت حفلة. ندى : كانوا 24 ساعة هواش. أم سعود : الطردة قرده. خالد : عاد الحين غير كلش, طول الوقت مع بعض على إن عمر وعد اقرب لها نهى لكنها قريبه من سها اكثر. نهى : توافق نفسي أنا و وعد ما نتوافق هي حارة وانا باردة لو فيه شيء بنسويه مع بعض تعصب علي, اخر شيء هي تسوي كل شيء. وليد : زين معترفة ببرودك. أم ندى : ما أقول غير الله يعين فيصل. نهى لفت وجهها ما تبي احد يجيب طاريه. ميار : مين فيصل.؟ جود : هذا ولد عمي سعد خاطب الست نهى من زمان. ميار : افا ما علمتيني يا نهى هذا وانا اختك. نهى : ما فيه شيء اقوله كله كلام اصلا. ياسر : وجيتهم عندنا جدي وعمي وعياله والخطبة اللي صارت ماهي مالية عينك. نهى : لا ماهي ماليه عيني كيفي. سعود : لا بالله انهبلتي ويش اللي يملى عينك اجل ماهو أنتِ اللي رفضتي تروحين معاه. نهى : ما ابي اسافر معاه أنا حره. خالد : نهى دامك وافقتِ عليه أنتِ لازم تراعينه بكل شيء ويوم قال بأخذك المفروض ما رفضتي. نهى : خالد رجاءا ما ابي احد يكلمني بالموضوع. .. سها : خير وعد ويش فيك. وعد : سعود درى بالزفت اللي واقف برا. سها مصدومة : اوووفف ويش دراه. وعد: الزفت وقف يكلمني بالشارع الكل راح من المعهد إلا أنا ملطوعة بالشارع تخيلي واقف يكلمني. سها فاتحة عيونها على الاخير: وأنتِ كلمتية. وعد : هددني لو ما رديت عليه بينزل من السيارة وانا خفت الشارع شبه فاضي لو سحبني وركبني السيارة ما احد داري. سها : طيب ليش ما تعذرتي باي شي لسعود ليه ما كذبتي أي كذبة. وعد : شلون اكذب والحمار اللي برا لاحقنا للبيت وسعود شافة ولا راح سعود الدوام ورجع وهو واقف مكانه ما تحرك. سها : ياربي ويش بنسوي الحين. وعد جلست : بطق يا سها ما عاد فيني اتحمل نقار مع سعود وهواشات كل يوم مليت من هالحياة ويش اسوي.؟ سها : علمي أبوي. وعد : مجنونة أنتِ انهبلتي تبيني احفر قبري بيدي أنا ماني قادرة على سعود بقدر على بابا. سها : فكري فيها بالعقل هذا الحل الوحيد اللي قدامك لو كلمتي واحد من اخواني ماراح يقدرون على سعود هذا واحد . اثنين راح يلومونك ليش ما تكلمتي من البداية ويمكن يوقفون بصف سعود. وثلاثة م تضمنين ردة فعلهم لا احمد ولا ياسر وحتى خالد اما مشعل وليد ما ينفعون بموقف زي كذا. وعد : على أساس بضمن ردة فعل بابا. سها : بابا مروق من بعد رجعة ميار ناديه وعلميه كل شي ووريه كل الاتصالات والرسايل بابا هو الوحيد اللي يقدر على سعود وعلى اخواني كلهم. وعد : واذا وقف ضدي يا سها ويش اسوي والله لا يذبحني بابا ولا يسأل علي. سها : ما اتوقع بابا يسويها .. طيب قولي لي حل ثاني غير هذا. وعد : وانا قلت لك ليش عشان تفكرين عني مخي معلق . ما قدرت انام من الصداع اخذت بنادول 4 حبات ولا نفع. سها : ويش هالخبال يا وعد 4 حبات صاحية أنت. وعد : ذبحني الصداع. خلينا من ذا شوفي لي حل بالمصيبة اللي بتجي على راسي. سها : طيب سعود ويش قالك. وعد : قالي لو استمر هالوضع بيتصرف. وأنتِ شفتي كيف نظراته لي طول الجلسة. سها : مالك إلا اللي قلت لك بابا هو الحل اللي قدامك هذا الحل اللي اشوفه مناسب. فارس يصارخ : وعد سها تعالوا العشاء. سعود وقف وراء فارس: ليش تصارخ من هنا. فارس : عشان ما اسمع شي وتذبحني وعد. سعود : ما احد يقدر يسوي لك شي. سها وعد اللي بيدخلون : تعالن. وأنت فارس ادخل تعشى . وقفت وعد بتملل منه : نعم ويش تبي بعد. سعود : ليش تقومن من قعدتنا وتطلعن برا تشوفن احد.؟ وعد بعصبية : لا أنت أكيد مخك ضارب. سعود : من شاف شين فعايلك ما فهم إلا هالشيء. سها : أنا بدخل . مسكها سعود : قولي لي ويش كنتم تكلمون فيه. وعد : سعود ما لك دخل تفهم مالك دخل. سعود : لي دخل غصباً عنك تفهمين وعد لا تخليني اكسر راسك قولي لي مين اللي واقف برا للحين وطلعتي تشوفينه.؟ وعد: ماني قايلة لك خل الشك يذبحك. سها فلتت يدها من سعود ودخلت تجري وسعود لحقها : سها.. سها : نعم. سعود : الحين تقولين لي ويش اللي مخبياته انتن. أحمد وقف : خير ايش فيكم انتم اليوم. سعود : احمد خلني اتفاهم مع هالثنتين بطريقتي. خالد : سعود اهدأ أبوي الحين بيجي من مكتبة. سعود : خله يجي يشوف بنته المصون ويش تسوي. وعد : ما اسمح لك تكلم عني بهالطريقة يا سعود واللي اسويه أنت مالك دخل فيه. سعود : والله لا اكلم أبوي يفصلك من المعهد ويقعدك بالبيت وخلي نفسيتك تدمر مو بس تتعب مو بس كذا بتتزوجين عمر غصباً عنك. وعد : خله يفصلني احب على قلبي اما اني اتزوج عمر هاذي نام واحلم فيها يا سعود. سعود : ايه تبين لك واحد رخمة ما يسوى ريال عشان تمشينه على كيفك لا قلتِ يمين قالك حاضر وعلى أمرك. وعد : لا تبيني اخذ واحد شراتك يدفني بالحياة. سعود: ايه طبعا ما تبين واحد مثلي يريبيك من جديد. وعد : سعود أنا لي خصوصيتي ولا اسمح لك او لغيرك يستجوبوني ويتدخلون بشؤوني دام أنا ما سمحت لكم. سعود : ايه طبعاً تبين الحبل ينترك لك عشان تهيتين. أبو سعود واقف يستمع لكلامهم : خلصتوا والا للحين. مجرد حضوره يجعلهم يصطفون و ينهون نقاشهم. أبو سعود : من متى اصواتكم تنرفع بوجودي. سعود : يبه السموحة بس بنتك اللي مدلعها ومخلي لها الشور فعايلها تخلي الواحد يفقد اعصابة. أبو سعود : ويش سويتي يا وعد. سعود : لا تسألها يبه اسال هالهانم اللي معها طول الوقت. أبو سعود : ويش مسويات انتن.؟ وعد : وليش اللي احنا مسويات ليش مو هو اللي مخترع سالفة من راسة. سعود : ما فيه دخان بدون نار يا وعد. وعد : النار أنت اللي مولعها و مطلع دخانها. خالد: سعود يمكن أنت فاهم غلط مين اللي مكلمك. سعود ناظر وعد وبقوه : شوف عيني ماهو كلام احد. أبو سعود : ويش اللي شفته. سعود : بتقولين يا وعد والا اقول. وعد : ما عندي شي اقوله. سعود : طيب.. اجل أنت يا سها أكيد أنت تدرين تكلمي. سها اللي وقفت ورى خالد : أنا ما اعرف شيء. خالد: سعود اهدأ لا تفسر المواضيع من راسك اسمع منهم أول شي. سعود : طيب أنا بصبر لكن لو بس شكوكي تأكدت بنسبة 1% يا وعد والله لا اتصرف معك ووقتها ما احد له حق يلومني. طلع سعود معصب من البيت. خالد : وعد قولي لنا ويش اللي معصب بسببه سعود. وعد : الله يأخذني زين .. تركتهم وطلعت.. أبو سعود ناظر بسها اللي محتمية بخالد لو يمسكها بكلمتين يخليها تخر كل شيء: سها. سها : بابا أنا مالي دخل لا تسألني عن شيء السالفة بين وعد وسعود أنا مالي دخل. أبو سعود : بس أنتِ تعرفين سبب هواشهم. سها : مالي دخل بابا مالي دخل. .. وليد : ودي اعرف ويش مسويه وعد عشان يهاوشها سعود. مشعل: اللي يسمعك يقول أول مره يتهاوشون مو جديد عليهم. وليد: بس ما قد شفت سعود معصب هالكثر واول مره يهدد وعد قدام أبوي صح كم مره يهددها قدامنا بس أبوي مو فيه . ياسر : وانتم ليش مشغلين انفسكم بهاذي السالفة. وليد : ياخي ودي اعرف ويش اللي مسويته وعد. خالد : هالشيء مالكم دخل فيه فاهمين. مشعل : ما احنا صغار تسكتنا يا خالد. خالد : ما ابي اسكتكم بس الموضوع بيد أبوي ماله داعي تلتون وتعجنون فيه. ميار تكلم وعد : الحين سعود و وعد دايم يتهاوشون. ندى : دايم دايم دايم يتهاوشون. جود : هوشة قد اللي شفتيها من شوي ما قد وصلت لها بس دايم يتناقرون بالكلام واحيان يحتد النقاش. ميار : طيب ويش السبب ليش هم الاثنين بالذات. جود : لانهم الاثنين عنيدين سعود مأخذ طبع أبوي و وعد جامحة ما ترضخ بسهولة حتى انها متعبة أبوي وما يمر اسبوع إلا يهاوشها. ميار : ليش أبوي عصبي.؟ ندى : لا مو عصبي مره بس شديد شوي ويحب يمشي البيت على نظام واحد و وعد ما تبي هالشي وعلى كل شيء تعترض عشان كذا بكل جلسة تلاقينها تناقش أبوي او سعود واحيان ياسر. ميار: طيب هي ليه تجيب المشاكل لنفسها تطاوعهم وخلاص. نهى : اما وعد تطاوعهم ما عرفتيها للحين. ميار : شكلها عصبية صح. ندى : مأخذه حدة أبوي عشان كذا هي و سعود ما يتراضون. ميار : وانتم طيب. ندى : أنا عني ما ارادد أبوي او سعود في شي ممكن اناقش خالد ياسر احمد بس أبوي وسعود لا . اما طويلات اللسان جود و سها هم يطولون السنتهم بالحكي بس مو كثر وعد, ودانه و نهى ما يباعدوني رغم إن نهى شكلها بتحول يمهم. جود : ندى ماني طويلة لسان أنا. عيب الكبير يطلع منه كلام زي كذا. .. يوم جديد و بداية تمرد جديدة. جالسين ع سفرة الفطور. خالد يكلم وعد : هاذي الشريحة اللي طلبتيها. وعد : شكرا. وليد : ليش وين شريحتك.؟ وعد : ما تشتغل خربانة. مشعل : كذا فجاءة خربت. وعد : هو تحقيق والا ايش.؟ مشعل: لا بس غريبة شريحة تخرب من حالها. وعد : ماني مجبورة ابرر لك شلون خربت. أم ندى : وعد خلااااص , ويش فيك اليوم من صباح الله خير معصبة. وعد : هم لا يناشبوني وأنا ما اعصب. سعود : اليوم أنا بجي اخذك من المعهد 11 بالضبط راح اكون عند الباب مو تأخرين. وعد : يصير خير. سعود فتح جواله : هاتي رقمك الجديد. وعد : أنا اتصل عليك وأنت سجله. سعود: إذا تأخرت عليك لا تعتبين باب المعهد. وعد : طيب لا تأخر واجد تراهم طردوني من قبل يقولون ماهم مسؤولين عن التأخير. سعود : طيب. مشعل : طيب أنا اجيبها ما عندي شيء. سعود بنظره لها معنى لوعد : لا أنا اجيبها. وقف : أنا ماشي تبون شي. أبو سعود : سلامتك. سعود : الله يسلمك مع السلامة.. وضع قبعتة العسكرية على رأسة وسلم على رأس ابوه وامه وخالاته وخرج من المنزل. ميار تكلم سها: ماشاء الله عليه هيبه شلون وعد تتهاوش معاه. سها : وعد ما يهمها اهم شي تسوي اللي براسها وبس. ندى : قصدك تمارس هواية كسر الكلام. سها : ندى شي ما تعرفينه لا تكلمين فيه. ندى : سها احترميني أنا اكبر منك. سها : على راسي. نهى : صباح الخير. أبو سعود : تو الناس نهى خانوم ارجعي نامي. نهى جلست باحباط : ايش اسوي مالي خلق اداوم اليوم. ياسر : شلون صابرين عليك المدرسة للحين. لو اني مكان المديرة مقدم فيك شكوى لوزارة التربية من زمان. نهى : ليش ويش شايفني. ياسر : اوووف حتى نهى طالع لها لسان اليوم. نهى : ليش من غيري مطلع لسانة اليوم. ياسر : حطي لسانك بحلقك وردي علي زين لا اقصة لك. نهى : ما فحالي اتعب نفسي بالرد عليك. ميار : أنا تأخرت. نهى : تو الناس الساعة 7.30 بلاش دفنرة زايدة. ميار : بلاك ما تعرفين مين وراي. نهى : مين.؟ ميار: الزفت عزه تدخل قبل الوقت وتحضر وان ما كنتِ موجودة غياب حتى لو دخلتي ع القوت بالضبط. سها : ما عندكم سالفة شايلينها من ارضها. لو انكم معلمينها إن الله حق ما سوت هالسواة معاكم. ميار: ايه اللي ما جرب يدرس عندها يتكلم عنها كذا. أحمد وقف : يلا طيب أنت و دانه . وقفوا معاه : مع السلامة. : مع السلامة. .. المعهد.. : أبوك اللي فرحانة فيه حرامي سرق فلوس أبوي يوكلكم فلوس حرام أكيد عادي عندكم لانه مربيكم عليها. وعد : تاكلين تبن أنتِ وابوك .. تخسين تكلمين عن بابا بهالالفاظ اللي ما تليق إلا فيك أنتِ واشكالك. : ما أنتِ مصدقة روحي اسالي أبوك عن عامر سلامة الـ...... والا ما عندك القوة تكشفين تاريخه الاسود. : الله يسود وجهك يالشينة قسماً تكلمين عن بابا بهالطريقة لا اذبحك. المديره : خير ايش هذا .. أنتِ واياها ... ما تستحون على وجيهكم ما كأنكم كبار. قدامي اشوف على المكتب .. التفتت على الطالبات : وانتم يلا كل وحده على مكانها. مكتب المديرة. : ادري ما راح تصدقين إن أبوك نهب فلوس أبوي لكن واجيه شوفي ويش بيقولك بس جيبي له طاري أبوي. : من غير ما اجيب طاريكم أنا اعرف بابا مستحيل يسوي اشياء زي كذا لا تسون فعايلكم و ترمونها علينا. المديرة : بس حتى هنا تهاوشن.. هالمره راح اكتبكم تعهد المره الجاية راح تدفعن غرامة مالية 500 ريال و اهاليكم يدرون وتكتبون تعهدات وفصل لمدة ثلاث ايام. وعد : تراني داخله هنا بفلوسي خلي هالشي في بالك. المديرة: ما تستحين على وجهك خذي فلوسك واضربي الباب الحين ما يشرفني استقبل وحده مثلك عندي. وعد : والله يا زينها كنت اتمناها من سجلت والا هذا تسمينه معهد أنتِ شايفة اسلوبكم المخيس بالشرح شايفة مستوى تدريس معلماتك والا اخلاقكم النفسية. المديرة : اطلعي برا. وعد : جيبي فلوسي أول شي. المديرة : ما يحق لك تسترجعين المبلغ بعد مرور اسبوع من الدوام. وعد : أنا ما داومت اسبوع للحين ابي فلوسي الحين والا بتصل على الشرطة. المعلمة: اعطيها فلوسها يا استاذة خليها تروح واضح انها راعية مشاكل. .. .. لا إله الا انت سبحانك اني كنت من الظالمين. لا أحلل نقل الرواية دون ذكر اسمي. ضحكة قهر |
رد: لو سألتي الورد وهو ما بين إيدك أقطعك بيقول لك عمري فداك الكاتبة / ضحكة قهر
البارت السادس. مدخل:/ إذا أنت عالي باحساسك وكل إنسان من حولك بليد شعور لا تقعد تفكر أو تلف وتدور اصنع من امل عمرك جناحات الخيال .........وطير بسيارة سعود سعود : ليش طالعة بدري.؟ وعد : ابدا استاذتنا غايبة والمديرة قالت عادي نطلع. سعود : ملاحظة إن السيارة ورانا حتى وأنتِ طالعة بدري ويش دراه انك طالعة بدري.؟ وعد : ياليل ما أطولك طلبت تجيبني عشان تحقق معاي.؟ سعود : فهميني طيب ليش يلحقك .. شلون عرف انك طالعة بدري .. وعد : سعود ما ودي اتهاوش معاك حتى اليوم ماني رايقة للمهاوشات < واللي سويتيه بالمعهد ويش يتسمى. سعود : ليش يلحقك..؟ وعد : ما ادري يا سعود لا تزعجني.؟ سعود : معنى كلامك انه انتِ عارفة انه يلحقك .. ليــــــش يا وعد.؟ وعد : لا ما اعرف يا سعود. سعود بعصبية : وعد ماني اصغر عيالك ولاني حاطة الرضاعة بفمي تضحكين علي والا تسكتيني. قولي لي بس ويش علاقتك فيه.؟ وعد نزلت من السيارة بعد ما وصلوا البيت ولحقها سعود. سحبها من ضدها ولفها جهته : وعد اكلمك أنا. : ماني رادة عليك؟ : ماهو بكيفك غصبا عنك توقفين تكلميني. : ولا هو بكيفك. تجمعوا أم سعود و أم احمد و مشعل على صراخهم : خير ويش فيكم. أم سعود : سعود اهدا ليش تصارخ على اختك.؟ سعود : يمه خلوني إن ما تكلمت بذبحها اليوم. أم احمد : سعود استهدي بالله المشكلة ما تنحل بالصراخ بس يجي أبوك بيشوف ويش المشكلة. سعود : أنتِ تبينه صح .؟هذا اللي عايفة عيال عمي عشانه..؟! وعد : أنت شلون تفكر فيني بهالطريقة يا سعود اصحى تراني وعد. سعود : والله هذا اللي اشوفه قدامي مين هذا يا وعد قسما إن ما قلتي لي لا اتصل با أبوي الحين لا اخليه يجي يشرف على ذبحك. وعد : اتصل عليه يا سعود ما يهمني كلامك هذا إن مستنتجة من راسك مالك أي دليل علي. سعود : وقفتة برا دليل ادانتك و قدام شباك غرفتك ولو يصبر يومين بس و وداك المعهد فيهم بيشوفه يلحقك وكل شيء بيثبت عليك من متى تعرفينه يا وعد.؟ وعد : افكارك خلها براسك لا تنفثها علي. سعود : وعد يميناً بالله لو ما قلتي لي الحين ويش علاقتك فيه لا. وعد قاطعتة : لا شنو ياسعود تبي تضربني يعني. سعود: تخيلين اني ما اقدر اسويها. وعد : لا ما تقدر يا سعود. وعمرك ما راح تقدر أنت مالك كلمة علي دام بابا عايش. سعود مسكها من يدها : ويش هالبقعة اللي بوجهك رحتي له بعد ما وصلك أبوي ضحكتي على أبوي على أساس دخلتي المعهد و رحتي معاه. وعد فلتت يدها من يده : يا متخلف اسلوبك هذا روح تعامل فيه مع مساجينك مو معاي. سعود : طيب قولي لي ويش اللي دراه انك طالعة بدري لو استاذتكم غايبة كان طلعتكم المديرةمن بدري مو يوم باقي نص ساعة على الطلعة.. دخلت ميار .. سها .. نهى.. خالد : السلام عليكم. وعد : إن كنت مو مصدق اللي قلت لك هاذي مشكلتك ماهي مشكلتي. خالد : خير ويش فيكم. مشعل : من دخلوا وهم يتهاوشون كل واحد يصارخ على الثاني. سعود : وعد صبري عليك طال احسن لك اعترفي اعطيني دليل انك داومتي بالمعهد اليوم ولا طلعتي منه معاه. وعد : قلت لك مالك دخل فيني يا سعود. سعود كالمجنون يصرخ فا اعصابة تلفت مسك سها : قولي أنتِ تكلمي. خالد مسك سعود : سعوود سها ويش دخلها.؟ سعود : أكيد تدري من اللي واقف برا .. تكلمي مين هو.؟ خالد : سعود ويش تقول أنت. سعود : اختك المصون تكلم واحد عند المعهد وكل ما جبتها يلحقنا لحد البيت واليوم نفس الشيء رغم انها طالعة بدري غير كذا مرتز بسيارته برا. ما فارق مكانه قدام شباك غرفتها. خالد انصدم ما اتوقع اخته تسويها وتكلم شاب : صح هالكلام ي وعد. وعد اللي فقدت الصواب تماما : ما يخصك حتى أنت بعد .. طلعت تجري لغرفتها و قفلت الباب. سعود يصارخ : وعد وعد احسن لك افتحي الباب لا اكسره على راسك. خالد : أنت متاكد من اللي تقوله. ما إن طلعوا فوق سها ايضا هربت لغرفتها لتغلق الباب عليها. سعود الاعصار الغاضب و خالد إن غضبوا و اجتمعوا سويا سوف يقتلونها قبل إن يأتي ابيها حتى. سعود : متأكد مثل ما اشوفك قدامي. وكل ما سالتها تقولي مالك دخل. سها وينها أكيد تدري.؟ مشعل : راحت غرفتها. سعود يصارخ : سهاااا .. سهاااا .. حاول يفتح الباب لكنه مقفل : شفت حتى هي قافلتة. خالد : بس يجي أبوي بيطلعن غصباً عنهن وبنسمع منهن وقتها بنفهم السالفة. مشعل : أنا بروح اتوضا الحين يقوم لصلاة. بعد الصلاة جالسين تحت سعود و خالد ومشعل. أم سعود : يا يمه استهدي بالله هدي اعصابك اللي تقوله ما يصير وعد بنت متربية ما تسويها. سعود : شوف عيني يمه شوف عيني. أم سعود : يا يمه يمكن أنت فاهم غلط اصبر لين تفهم السالفة منها بس يجي أبوك. سعود : ماني متحملها يمه ماني متحمل استهتارها تكمل و تنزل روسنا بالارض عشان يقولون بنت ابراهيم تكلم شباب والله إن ما قرت و اعترفت مين هو اللي برا ويش علاقتها فيه لا اذبحها و اذبحه. سكتت أم سعود عن ولدها تعرف قد ايش معصب هالحين ولا شيء راح يوقف بوجهة. نهى كانت تناظر من فوق عليهم : بيذبحونهن وما احد درى عنهن. ميار : أنا صكتني أم الركب يوم شفتهم كذا. نهى : الله يستر من اللي بيصير لو جاء ياسر وعرف قبل لا أبوي يجي ما استبعد يكسر الباب ويدخل عليهن. ميار : خلينا نكلم أبوي نخليه يستعجل بالجيه. نهى : لا ما اقدر وان سالني عن السبب ويش بقوله وبعدين الكل على جيه الحين الساعة 1.30.. فعلا ما إن انهت كلمتها حتى بدوو يدخلون وراء بعضهم . أم ندى ..احمد.. وليد.. ياسر..جود .. دانه .. احمد : السلام عليكم. مشعل : وعليكم السلام. احمد انتبه لاشكالهم سعود يهز قدمية بقوة .. خالد رايح جاي بالصالة قابض على يده بقوه.. مشعل الضايع بينهم.. : خير ويش فيكم. : ........................ ياسر : ويش فيكم أبوي فيه شي.؟ أم سعود : لا ما فيه إلا العافية. احمد : طيب ويش فيكم ليش جالسين كذا. : ....................... ندى طلعت فوق لنهى و ميار : ويش فيهم اخواني.؟ نهى : احسن لك ما تعرفين. أم ندى : خير ويش فيهم.؟ نهى : اصبري يمه شوي وتعرفين أم ندى : نهى انتِ تعرفين ويش فيهم.؟ نهى : ايه معصبين على وعد. أم ندى : ويش مسوية.؟ نهى : الحين تسمعين السالفة منهم لا قالوها لأبوي. أبو سعود : السلام عليكم. : وعليكم السلام. استغرب اشكالهم : ويش فيكم.؟ احمد : جينا لقيناهم على ذا الحالة. أبو سعود : ويش فيه يا سعود. سعود : قوله يا خالد. خالد : خلنا نتأكد أول شي لا تتسرع. أبو سعود : ويش اللي تأكدون منه علموني. : ................. أبو سعود : سعود خالد انطقوا. سعود : وعد. أبو سعود تنهد : ويش مسوية بعد؟ ناظروا بعض اثنينهم ما يعرفون شلون يقولونها صعبة على الانسان يعرف إنه اعطى شخص ثقة ماهو قدها يخافون على أبوهم لا يرتفع معاه الضغط ويطيح عليهم. واقفة على الدرج: ما سويت شي ولدك سعود يتوهم ويصدق اوهامه. خالد : برري لنا طيب كل اللي قاله سعود. فهمينا كل شيء اعطينا الدليل على إن سعود يتوهم. أبو سعود بحدة : فهموني ايش فيكم. وعد : سعود يحسب اني متعرفة لي على واحد . سعود : كذا تقولينها بكل برود. وعد : لاني واثقة ما سويت شي غلط .. كل اللي شفته فهمته أنت من راسك. سعود مسكها بصراخ : ويش قالك امس لما وقف معاك. وعد نفضت يدها منه : سعود لا تصارخ علي. سعود : أنتِ اللي تخلين الواحد يصارخ عليك ويش قالك يا وعد.؟ وعد : ما كلمني اساسا. سعود : لسى ما نعميت يا وعد شفتة بعيوني واقف بسيارتة قدامك احسن لك قولي لي ويش قالك ويش قلتي له. وعد : أنت ما تفهم أي صح كان واقف قدام المعهد بس يهددني ارد على اتصالاتة. خالد : بس يهددك تردين .؟ وليش ما قلتي لنا لما أنت واثقة انك ما سويتي شي.؟ وليش ما قلتي لنا إن فيه واحد مزعجك.؟ وعد : هذا جوالي بتلاقي فيه رقمه بالسجلات وكل رسايلة وبتفهم اني ما رديت عليه وعشان اكون صادقة إلا مرتين. ياسر : وليش تردين عليه ليش ما كلمتينا احنا نوقفة عند حده. ما قلت لك قبل إذا اتصل مره ثانية علميني اتفاهم معاه. وعد : اولا مو نفس الرقم, ثانيا هاذي شريحتي أنا خربتها امس عشان اطلع رقم جديد. سعود : طلع يتصل عليك بعد جديده علي اصلا إن كان واقف برا أكيد تعدا مرحلة الاتصالات. وليش واقف برا.؟ وعد : هذا السؤال ما توجهه لي أنا زي زيك ما اعرف ليش واقف برا. خالد : ماشاء الله يعني عرف البيت من حاله وواقف قدام شباك غرفتك , ويلحقك للمعهد ويرجع وما تدرين ليش. ياسر مسك وعد من عضدها : ويش اللي بينك وبينه.؟ وعد فلتت يدها من يده : قلت لكم بدل المره الف مابيني وبينه شيء. احمد : شلون يا وعد ما بينك وبينه شيء كيف عرف بيتنا وعرف المعهد اللي تدرسين فيه كل ذا وتقولين ما بينك وبينه شيء حدث العاقل بما يعقل. ياسر : هذا اللي عايفة الزواج عشانة ورادة شيوخ الرجال وكبارهم على حسابه عشان واحد حقة ينذبح ولا يندفن من رداه لو انه شهم ما رضى يكلم بنات الحمايل. وعد : أنا ما اعرفه ولا ادري مين يكون هو يعرفني ويعرف كل شيء عني اسمي الكامل عمري ومتى تخرجت ومن أي تخصص يعرفكم كلكم و يعرف وين تشتغلون أنا ما ادري من وين جاب كل هالمعلومات ولا ادري ويش يبي مني اصلا. خالد : وعد كلامك ماهو راكب على بعض كيف يعرفنا و انتِ تقولين ما تعرفينه. وعد : يعني أنت متوقع اني اعرفه وانا اللي علمته بكل شيء.؟ خالد : مالها إلا هالتفسير. وعد : لو غيرك قالي هالكلام كنت رديت عليه لكن إذا انتم شايفين انكم ما ربيتوني ولا واثقين فيني هذا شيء ثاني. أبو سعود : مالك أي مبرر يا وعد ليش ما اخذتيها من قاصرها وعلمتينا بالسالفة من اولها من أول يوم اتصل فيك . ليش ما قلت لي تبين الحين اقولك والله ما أنتِ غلطانة و اوقف معاك. وعد : خفت لما اتصل أول مره و ناداني باسمي قالي اسمي الكامل ارتبكت ولا عرفت ويش اسوي .. خفت اقولكم وتتهاوشون معاه وهو مبين انه مو قليل شر. سعود : لو استخدمتي عقلك شوي كان عرفتي ان فيه اكثر من طريقة نستخدمها معاه. أبو سعود : ويش اللي يضمن لي انك صادقة يا وعد. انصدمت وعد شلون يشك فيها : تشك فيني ..!! أنا وعد تربيتك تتوقع اني اخون ثقتك. أبو سعود : لو كانت تهمك ثقتي فيك ما كان سكتي من أول ما عرفتي انه يلاحقك. (تحول اسلوبة للحدة) قسماً بالله يا وعد وما احلف بالله كذب لو اتاكد إنك تكذبين علي ما بيردني عن ذبحك شيء. وطلع فوق .. تعلقت عيونها فيه ماهي مصدقة اللي قاله. خالد : ارتاح قلبك الحين. طنشتة وطلعت غرفتها. احمد : استغفر الله والله ما اصدق إن وعد تسويها او أي وحده من خواتي. سعود : روح ناظر مع الشباك بتلاقيه واقف للحين. ياسر : أنا بطلع اذبحه. احمد : قسما تعتب الباب يا ويلك لا تعرض له بنشوف له دبرة. مشعل : يعني شلون نخليه يراقبها ولا كأن فيه شيء. ليش رخوم احنا. احمد : مو رخوم بس بتروح تذبحه و يضيع باقي عمرك بالسجن ليش ويش بتستفيد.؟ ياسر : يعني ويش تبينا نسوي له إن شاء الله نحيه على فعايلة معنا. أحمد : اهدووا العصبية ما تخليكم تفكرون بالحلول الصح أول شيء لازم نعرف هو ليش واقف برا وليش يلحقها ما تعرفون ويش هي اسبابة. وليد : قصدك انه يبيها؟ احمد : يمكن ليش لا.؟ سعود : ويومة يبيها يدل الدرب من وين, يدخل من الباب مو ينط مع الدريشة. ياسر : وبعدين شلون بتعرف اسبابة.؟ احمد : نكلمة. مشعل : ما أنت صاحي. احمد : اجل انتوا الصاحين يومكم بتذبحونة نروح له ونوقف معاه ونقولة إننا دايم نشوفك واقف هنا ومن هالكلام. وليد : بس وعد تقول يعرفنا كلنا يعني لا رحنا بيعرفنا. ياسر اللي جوال وعد يدق بيده : رقم غريب شكله هو. خالد : لا ترد. أبو سعود اللي نزل بعد ما طلع فوق : هات. اعطاه ياسر الجوال ورد وحط سبيكر: هلااا بالزين واهل الزين ادري ما راح تردين علي بس ماهو مشكلة اهم شيء تطمنت انك دخلتي بيتكم عساك تغديتي.. تراني اخاف عليك.. و اخوك سعود إن شاء الله ما عصب عليك شكله حمقان يوم جاك ما يقدر إن عنده اخت مثلك لو إنك اختي كنت حبستك بقفص عشان ما احد يوصل لك بس زين انك ما انتِ اختي عشان اخذك ... ويش رايك أنا اوصلك المعهد كل يوم بداله على الاقل تشوفين وجيه تفتح النفس مو مثل اخوانك.. ليش ما تردين علي لا تخافين راح اخطبك من أبوك واخوانك وعمانك كلهم و جدك وكل كبار قبيلتكم ما راح ارخص فيك... وعد ردي علي ما كني امس مهددك إن ما رديتي على اتصالاتي بنقفك و طنشتيني و غيرتي رقمك على بالك ما راح احصله لا يا وعد ما عرفتيني والله انكبك انتِ وكل عيلتك لا بغيت بس احسن لك اسمعي كلامي.. ردي يا حيوانة على بالك كل مره بتطنشيني والله لا أجيب راسك يالكلبة... وقفل الخط.. سعود موللللع : بروح ادفنه بارضة. أبو سعود : سعوووود. سعود : يبه تكفى خلني اطلع حرتي فيه. أبو سعود : ما ابي أي احد فيكم يتعرض له والله إن دريت انكم معطينه وجه يا ويلكم. ياسر : و وعد يبه نخليه يراقبها ماهي زينة. وليد : اصلا وقفته قدام بيتنا ماهي زينة بحقنا. أبو سعود : كل شيء وله حل بس الصبر زين الموضوع ماهو هين عشان على طول خذني جيتك. لو طلعت له الحين و دبغته لين مات بتدخل السجن والا بس تضاربتوا ويش القضية ويش بقول للشرطة ويش اسبابك ناسي انك عسكري و ما راح يرحمونك ما أنت شخص عادي و بعدين بتقولهم والله يلاحق اختي و تبي الفضيحة تنتشر بدل ما تلملم الموضوع وتدفنة تقوم تفضحة بنفسك. ولا احد فيكم يتصرف ربع تصرف تكملون ولا كنكم تشوفونه تطلعون وتدخلون عادي مثل قبل. احمد : استغفر الله العظيم هذا من وين طلع لنا. خالد : الغريب ليش يلاحق وعد ايش معنى هي مو أي وحده ثانية من خواتي.؟ أبو سعود : روح وليد نادها. وليد : إن شاء الله. جلسوا كلهم في الصالة. نهى تبي تلطف الجو : شكلكم ما انتم مغدينا اليوم.؟ أبو سعود : تعالي اجلسي ابيك. نهى أنا غبية ويش نزلني كلهم قعدن فوق حتى امي ويش خلاني انزل. أبو سعود : قلت لك تعالي اجلسي. تقدمت لهم وجلست. أبو سعود : كنت تدرين.؟ نهى : عن.؟ أبو سعود : ويش نتكلم فيه من الصبح عن اللي واقف برا.؟ نهى : لا .. دريت مثلكم أول. وعد : نعم.! أبو سعود : ويش يبي يا وعد.؟ وعد : بابا قلت لك ما ادري ما اعرف ليش يلحقني. أبو سعود : متى دق عليك أول مره.؟ وعد : اول يوم داومت فيه بالمعهد. أبو سعود : شلون جاب رقمك.؟ وعد : ما ادري. أبو سعود : ما تدرين. اهااا ويش كان يقولك.؟ وعد : كلام كثير. أبو سعود : و امس واقفة معاه بالشارع وطاقتها سوالف نسيتي إن وراك اهل مولوده في الشارع. وعد : أنا ما وقفت معاه برضاي المشرفة طلعتني برا قالت ماهم مسؤولين عن أي وحده يتأخرون عنها اهلها لاكثر من ساعة وانا دقيت عليكم كلكم وكلكم مو فاضين لي ثم تسالوني ليش واقفة معاه ما كان فيه احد في الشارع لو خطفني ما احد داري عني ما كان قدامي إلا اجاريه بالحكي. أبو سعود : وتقولينها قدامي اجاريه بالحكي ويش تبيني اسوي فيك.؟ وعد : طيب أنت قولي ويش اسوي وقتها والشارع خالي. سعود : ويش قالك وليش يلحقك.؟ وعد : ما ادري ليش يلحقني اما ايش قالي يبيني ارد على اتصالاتة ورسايلة. أم سعود وقفت جنب وعد : أبو سعود الله يهديك ما تثق في بنتك وعد والله ما تسويها. سعود : يمه الله يخليك لا تدخلين. أم سعود : وشلون ما اتدخل وانتم كلكم هابين فيها وهي مالها ذنب. أبو سعود : لا تسمعينها هالحكي وتحسسينها انها ماهي غلطانة الغلط راكبها. أم سعود : يا أبو سعود تكفى أنت تعرف انها ماهي ملقيتة بال مالها ذنب انه يلاحقها. أبو سعود : كان المفروض تقولي تعلمني مو تخليه يتمادى هالكثر ثم تقولين مالقته بال ومالها ذنب. أم سعود : صغيرة يا أبو سعود ما تعرف تصرف زين والبنت خافت عليكم لا تسون شيء تندمون عليه هو مبين انه رخيص ولا هي هامته حياتة والا ما وقف قدام بيتنا. ياسر : رخيص و ترخص نفسها له يومها ترد عليه. وعد : ما رديت عليه إلا مرتين يا ياسر أول مره اتصل فيها ومره بعدها هددته فيها وبس. احمد : وعد انتِ غلطانة كان قلتي لواحد فينا على الاقل كنا وقفنا معاك هالحين لكنك طنشتينا كلنا ولا اعطتينا أي اهتمام. خالد : وكأن سمعتنا ما تهمك ولا يهمك حكي الناس فينا. وعد : بس أنا ما كلمته عشان تقول سمعتكم وما ادري شنو. مشعل : بس واقف قدام البيت وهذا بس يجيب لنا الحكي. وعد : مو أنا اللي قلته له يوقف قدام البيت عشان تلوموني. أبو سعود بحده : أنا بعرف الى متى كنتِ بتسكتين الين ما يسوي فيك شيء ويرميك علي بس علميني الى متى كنتِ بتنطمين بعدها بتجيني تعلميني وتقولين لي ليتني قلت لكم. سعود : لما تجيبين لنا العار و دفن الرووس بالتراب. وعد : ليش يعني غبية أنا امشي وراه ليش هذا اللي ربيتوني عليه. خالد : البنت ما تحمل الكلام الحلو بكلمتين اقوى بنت تغرق فيها. وعد : والله إذا أنت كلمت مجموعة بنات و غرقوا بكلامك ما يعني كل بنات حواء طينة وحدة. خالد : أنا اكلم.؟ وعد : اشوفك افتيت إن اقوى بنت تغرق بكلمتين يعني مجرب. خالد : وعــــــــــد هالكلام ما يتوجه لي. وعد : مثل ما أنت توجه لي كلامك. أبو سعود : لا تقلين ادبك فوق غلطك عشان ما ادفنك مكانك. وعد : يكون ازين بعد عشان ارتاح من سجنكم. تعدت بتطلع بس لحقها شدها من شعرها : ترفعين صوتك يا وعد و تردين علي. كانت ضاغطة على يده اللي شاد شعرها فيه : كلكم تتهموني بشرفي وتبوني اسكت. رفع راسها له بقوة : قسما بايات الله يا وعد واللي خلقني لو ادري انك مكلمته والا راسلة له بس رسالة ورب الكون لا ادفنك من غير لا اصلي عليك. وعد : ما سويتها من وراك تظن اني اسويها بعلمك. أبو سعود : ما ابغى زيادة كلام عن كلامي تفهمين. وعد : ايه افهم. تركها بقوة وطلعت هي فوق من غير لا تلتفت لاحد وسكرت باب غرفتها بقوة ووصلهم صوت الباب تحت. ندى : هاذي ماهي صاحية. أم احمد : الله يهديك يا أم ندى ساكتة ولا كنها بنتك. أم ندى : بنتي غلطت ومن حق أبوها يعاقبها خليها عشان تعرف المره الثانية مين نوراها. جود : بس ماكان مستبعد انه يذبحها أنا خفت عليها. كان لازم ياخالة تدخلين على الاقل تهدين أبوي عشان ما يسوي شيء فيها وهو معصب يندم عليه بعدين حتى اخواني كلهم معصبين عليها و احمد الهادي بعد منقهر. أم ندى : اولا هي اللي جنت على نفسها باهمالها صح بنتي واخاف عليها بس ما يرضيني تطنش كل اللي وراها وتسكت وكان الموضوع شيء عادي لو خطفها وسوا فيها شيء ويش بنسوي حزتها .. وبعدين أنا ماخذه على نفسي عهد مشكلة بين وعد وابوها ما اتدخل فيها هو عصبي وحاد وهي ماخذة طبعة تدخلي ما راح يجيب نتيجة هو بنته يتفاهمون. نهى : اوووف ريقي نشف لما قالي اجلسي بغيت اطق صكتني أم الركب. دانه : ليش يبيك.؟ نهى : بيشوف إن كنت ادري عنه من قبل شكله حتى سها بتأكل جزء من كيكة الهوشة. أم ندى : وسها ويش دخلها. ميار : تدري عنه وما تكلمت أكيد هذا هو السبب. أم ندى : الحمد لله والشكر ويش هالعقول اللي عندهم ما يعرفن عواقب عمايلهن. نهى : أبوي موووولللللعععع واخواني كلهم حتى هي وخالد تهاوشوا قدام أبوي. ندى : فيها شدة تهاوش مع احد فيهم بعد عملتها. نهى : ما تعرفين اختك إذا ما ردت على كل كلمة تنقال فيها ما ترتاح. أم احمد : والله ما كانت كذا ويش اللي قلبها كذا كانت تسمع كلام ابيها و اميتها صح انها احيان تزعل بس تاخذ يومين وترضى ولا كنه شيء صار بس من تخرجت انقلبت. دانه : الفراغ يا يمه يخليها تقعد على الحبة الفراغ يذبح. أم احمد : الله يهديه أبو سعود لو مخليها تكمل دراستها ما كان هذا حالها. جود : على أساس أبوي بيوافق تكمل دراستها برا هو ما راح يرضى إلا هنا. ندى : ويش هالجو الكئيب طرى علي ايام الطب واللي سوته. ميار : أنا تعبت اليوم بروح انام.. نهى امي تحت. نهى : ايه ما طلعت تحاول تهدي أبوي واخواني خايفة لا يذبحون وعد يعني تحاول تمتص غضبهم شوي. ميار : اهم شيء ينتبهون إن اللي قدامهم امي مو احد ثاني لا يحطون حرتهم فيها. نهى : لا تخافين عليها خالتي يتهديهم كلهم. أم سعود جلست معهم : الله يصلحهم معصبين ما ينقدر عليهم. ميار : اهم شيء ما عصبوا عليك. أم سعود : وليش يعصبون علي. اهم شيء ما يسون للبنية شيء يندمون عليه. أم ندى : أم سعود لا تدخلين بين وعد وابوها والله غير تتعبين ولا راح تستفيدين شيء هي غلطت وخليها تحمل نتيجة غلطها. أم سعود : يا أم ندى البنت مظلومة ما تعرف هاللي يلاحقها وهم معصبين ما راح يحسون باللي يسونه والله اني اخاف يضربونها و يسببون لها شيء ويتندمون عليها بعدين. أم احمد : الله يستر. أم سعود : سعود ما ينطاق ولا ينتحاكى طالع على ابوه لا عصب. احرقوا اعصابهم واعصابنا. ندى : خالة لا توقفين مع وعد وتخلينها تحس انها ماهي غلطانة. أم سعود : ادري انها غلطانة بس يتفاهمون معها بالهدوء مو كذا والمشكلة انهم ناوين على سها هالحين. سعود : سهــــا .. أم سعود اعترضت طريقة : وين رايح.؟ سعود : أبوي يبي سها. أم سعود : يا امي هذا بدل ما تهدي أبوك تعاونة على خواتك الضعيفات. سعود : خواتي ضعيفات هذلي يقومن دولة ولا يقعدنها ... سهــــا. فتحت الباب : خير. سعود : انزلي كلمي أبوي. سها : بس أنا مالي دخل. سعود : هالكلام قوليه لأبوي لا تقولينه لي. سها : ماما. أم ندى : ما راح اتدخل بالموضوع لا من قريب ولا من بعيد دامه مع ابوكن. سها : بس أنا ما سويت شيء. أم ندى : ليش تقولين لي انزلي وشوفي أبوك ويش يبي. سها : يارب اني اودعتك روحي. ونزلت. ونزل وراها سعود. أم سعود : يا عوينتي خايفة والله إن قاموا عليها ما يخلونها. ندى : خالة انتِ ليش حارقة عمرك.؟ أم سعود : ماني مرتاحة بلحقها لا يذبحونها. ونزلت. ميار : بلحق امي لا يسون فيها شيء. أبو سعود بصراخ : يعني تدرين.؟ سها : والله قلت لها تعلمك بس هي خافت. أبو سعود : خافت مني وما خافت على نفسها وسمعتها منه. سها : أنا مالي ذنب بابا والله كلمتها بس هي ما طاعتني. أبو سعود : ويوم هي ما طاعتك ليش ما قلتي لي ليش ما قلتي لامك او أي احد من اخوانك. سها : الموضوع ما يخصني عشان اقوله. أبو سعود : والله ما يخصك سمعة اختك بتقتصر عليها هي بس إن صار لها شيء ماهو كلنا بنتدمر ويلحقنا الحكي. سها : اقصد ماهو أنا اللي يلاحقني عشان اتكلم و وعد ما كانت تبي تقولكم تدري ما راح تصدقونها. أبو سعود : عذر اقبح من ذنب. مسكها من عضدها وشدها له : فيه شيء ثاني ما ادري عنه يا سها. سها ترجف عنده من الخوف ودموعها ملت عيونها : شيء زي ايش.؟ أبو سعود : أي شيء يا سها أي شيء سوتنه من وراي والا مخبياتة عني.؟ سها هزت راسها بلا.. أبو سعود : وعد تكلمت مع الزفت ويش قالت له.؟ سها : متى.؟ أبو سعود : فيها متى بعد يوم ترد عليه بالجوال. سها : ما ردت غير مره عليه وهددته انها تعلمكم بس. أبو سعود : وهو ويش يقولها.؟ سها بلعت ريقها ودموعها انزلت على خدها : انه يحبها ويبيها. سعود : كفووو كفووو هذا اللي كان ناقصنا. خالد : وان شاء الله هو من وين يعرفها عشان يحبها.؟ سها : ما ادري والله ما ادري. أم سعود : تكفى يا أبو سعود اتركها سها مالها دخل. أبو سعود نفض يده من سها : لا ما لها دخل بسم الله عليها ما اخطت تشوف أختها تخطي وتوقف معاها. أم سعود : خايفة عليها يا أبو سعود لا تلومها. أبو سعود : لو هي تحبها صدق وخايفة عليها كان جات وعلمتني ماهو خلتها تطلع كل يوم من البيت و هذا يمشي وراها لو خافت عليها ما كان خبت علينا عشان نحميها. سها : بس هي حلفتني ما اقول لاحد. أبو سعود : حتى لو حلفتك لما تدرين إنه يتخبى عنا ماهو في مصلحتها تجين تقولين لي. سها : بس والله تزعل. أبو سعود : بالطقاق اهون زعلها والا تروح فيها. سكتت ما تدري ويش ترد. أبو سعود : قسما بايات الله يا سها واللي رفع سبع و بسط سبع لو ادري انكن مخبيات عني شيء بعد كذا ما تلومن إلا انفسكن. : .................. أبو سعود بصراخ : فاهمة والا افهمك بطريقتي. سها : فاهمة. أبو سعود : والحين انقلعي لغرفتك. طلعت جري لغرفتها قبل لا يجيها كفين من أبوها اللي عيونه حمراء من كثر العصبية وعروقة كلها تنبض ومستغربة اصلا إن بس هذا اللي سواه هواش توقعت يمسكهن ويدبغهن لين يطلع كل حرته فيهن. سعود يناظر ميار اللي واقفة على الدرج : وانتِ خير ويش عندك.؟ ميار ناظرتة باستغراب : جاية احمي امي اخاف تسون فيها شيء من وراء عصبيتكم. سعود : نععععم. ميار : والله من يشوف وجيهكم يخاف أنا مستغربةمن نفسي اصلا شلون واقفة للحين وما طلعت فوق. مشعل : طيب اطلعي قبل لا يحوشك طشار. ميار : عساكم ناوين تحطون حرتكم فيني.؟ أبو سعود يردد مع الأذان : بــــس ما ابي اسمع صوت احد ... الله اكبر الله اكبر. وسكت الكل احتراما للاذان و الترديد وراء المؤذن. .. .. لا اله إلا الله سبحانك اني كنت من الظالمين. لا احلل نقل الرواية دون ذكر اسمي. ضحكة قهر |
رد: لو سألتي الورد وهو ما بين إيدك أقطعك بيقول لك عمري فداك الكاتبة / ضحكة قهر
البارت السابع: مدخل :/ ما يهشم ضلوعي.! سوى خيبة الظن , من ناس صاروا شيء منا وفينا ! انسى يا صدري هالوقت وقم غن.. راح العمر رجوى بشر ما تبينا ..! أم احمد : والله ما ودي اروح فرحهم استغفر الله كله مناكر. أم سعود : الواحد وده يوجب الناس بس عاد إذا هم ما يقدرون الخلق اللي تجيهم ولا يخافون من ربهم قبل كل شيء ليش الواحد يروح لهم. أم ندى : اصلا احسن إن عندي دوام عشان اتعذر لهن خواته ما يقصرن والله وحتى امه. جود : زواج مين هذا.؟ أم احمد : فهد ولد صالحة. جود : فهد فهد هذولي زواجتهن تجنن. أم احمد : ايه والله تجنن اللي ما يتجنن استغفر الله. جود : لا امي اقصد حلوه. ندى : ويش اللي حلو فيها غير الطرب والاغاني استغفر الله شوفي كم اثم يكسبون ذيك الليلة. جود : بيفرحون بولدهم. أم ندى : يفرحون بس مو على منكر ومعاصي الله لا يبلانا ما يدرون لو ربي ما يوفقهم بسبب هاللي يسونه. أم احمد : ولبس بناتهم فاضح على إن اخلاقهن ويش زينها ماشاء الله. جود : بس زواجتهم حلوه الناس تنطبق عليهم. أم ندى : عشانهم يحضرون الزواجات ولا يخلون احد ما يجبونه ويلبون له دعوة ما شاء الله. احمد : والله إذا على معاصي لا تروحون روحوا لامه بالبيت واعتذرن لها وخلصنا ليش الواحد يجتمع على معصية. جود : بس أنا بروح. دانه : مع مين يا حظي.؟ جود : مع مامي امي تكفين روحي بغير جوو قبل الاختبارات. ميار : صح لازم نسوي رفرش للنفسية ونروح كلنا. نهى : اجل حتى بروح مشتهية الرقص. أم احمد : قلنا ما ودنا نروح واذا ما رحنا ابوكن ما راح يوافق تروحن. جود : يمه لا تسمعينة. أبو سعود : ليش مهبول أنا اخليكن تروحن من غير امهاتكن.؟ نهى : من الجماعة عادي يعني. أم احمد : سمعت انها تدور لعيالها الاثنين الصغار قلت ياليتها ريحت راسها وزوجتهم مع اخوهم بدل التجهيز من أول وجديد لكل واحد. جود : خليهم يفرحون يمه بكل واحد على حدا عندهم خير ماشاء الله وربي منعم عليهم ليش تزوجهم مع بعض. أم احمد : اريح لها يا يمه يوم تسوي لهم كل شيء مع بعض بدل ما كل مره تحوس مع واحد والله تتعب. أم سعود : على ما تلقى لهم عرايس تكون ارتاحت من دوخة ولدها فهد. ياسر : الحريم يا حبهن للسوق ما يرتاحن. عاد تجهز لقبيلة ما يهمها مو بس اثنين ولا ثلاث. خالد : سعود وينه.؟ أم سعود : ما جاء من دوامة للحين الله يعينه. خالد : امين. وليد : و وعد وينها ما صرنا نشوفها كلش. أم ندى : بغرفتها ما تطلع منها غير للمعهد وثم رجعت لها من جديد. مشعل : يبه ويش بتسوي معاه أنا تنبط كبدي كل ما شفته واقف برا. أبو سعود : اصبر علي يومين بس لين نعرف هو ليش يلحقها. وليد : قالك يبه يحبها ويبيها. أم ندى : حبه برص. يعني لا سوا هالحركات لا جاء خطبها بنعطيه. أم سعود : عقلة صغير ما يفتهم. خالد : اليوم يوم جبتها من المعهد واشوفه يلحقنا شوي واصدمه بسيارتي قااااهرني. أبو سعود : إذا ما أنت ماسك نفسك عنه لا تجيبها يا خالد لا تسوي شيء غلط. خالد : منقهر يبه منقهر نشوفه يلحقنا ونتعامى عنه الى متى. أم احمد : لين ربك يفرجها. وعد : السلام عليكم. : وعليكم السلام. من غير لا تسلم على احد ورتهم الجوال : طفشني و صار يرسل يهددني انه يدخل البيت. أبو سعود سحب منها الجوال : رديتي عليه.؟ وعد : لا. أبو سعود يقرأ الرسايل اللي جايتها واللي ما زالت تنرسل (وعد ردي لا تخليني ادخل لغرفتك وربي لا اخلي اهلك يولولون عليك الصبح)(ما انتِ رادة ترى بذبح واحد من اخوانك بسبتك)(والا تبيني اخطف وحده من خواتك.؟)(والا ارتب حادث مرتب لابوك)(بس تخيري انتِ يا عيوني و إن ما رديتي بسويهن كلهن) : حقيــــــــر. خالد جلس جنب ابوه : وريني يبه. أبو سعود اعطاه الجوال والتفت على بنته : ارتحتي الحين يوم وصلنا لهالحالة. مدت لسانة لزاوية فمها ما تبي ترد عليه. أبو سعود : والله لو اذبحك ما احد بيلومني عليك. وعد : أنا ما مشيت وراه عشان تذبحني. أبو سعود : لا تردين علي لاني ما ابي اسمع صوتك عشان صدق ما اذبحك. خالد : يبه تكفى خلنا نتصرف معاه. أبو سعود : ويش بتسوي يعني. خالد : نروح ندفنة بارضة. أبو سعود : وتوسخ يدك بهالاشكال هذا قضية توديه وراء الشمس. خالد : وشلون بتلبسة القضية. أبو سعود : مو أنا اللي البسة هو اللي ملبس نفسة وخالص. خالد : ويش تقصد.؟ أبو سعود : توصلك علومه. .. .. مكتب سعود. : سيدي .. هذا التقرير اللي طلبته.. عساف : مين لا يكون زياد. سعود : ايه قلت اراجع ملفه يمكن نمسك عليه شيء. سعود . يقرأ الاسم و التقرير ما خلص قرايه إلا جات رسالة لجوالة (راح انتقم منك يا سعود في اختك وعد وحتى لو كانت قوية راح أجيب راسها واخليها تحط رؤوسكم بالارض) انصدم وتغير وجهه: يا عسكري.. انفتح الباب والقى التحية العسكرية : نعم سيدي. سعود : خذ هذا الرقم شوف لمين وابي كل المعلومات اللي تقدر تجمعها عنه. ابي حتى رقم سيارتة اصغر المعلومات ابيها تفهم. العسكري : إن شاء الله .. ادى التحية وطلع. عساف استغرب : خير يا سعود تهديد جديد.؟ سعود معصب : هالمره غير. عساف : كيف .؟ سعود : يهددني بخواتي. عساف اللي ضربت فيه حمية ولد العم اقصى حدودها : يخسي يطول شعرة منهن. والله لأذبحة وأشرب من دمة. سعود تذكر الرجال اللي يلاحقها شلون قدر ينساه في مثل هالموقف : شلون نسيتة.!! عساف : مين هو.؟ سعود : واحد يلاحق وعد من داومت. عساف احتقن الدم بوجهة : وعد .؟ سعود : ايه وعد. عساف : و وعد ايش دخلها و ايش عرفه فيها اصلا. سعود : أكيد بيضرها بسببي .. هو يلاحقها من فترة. عساف : ليش هي وين تروح.؟ سعود : المعهد. عساف : من متى تداوم.؟ سعود : توها هذا ثاني اسبوع. عساف: وليش وعد بالذات يا سعود.؟ ليش هي ماهي غيرها على إن باقي البنات اسهل له كلهن يداومن وهي اللي توها داومت ولاحقها ويش عرفه اصلا انها بتروح المعهد وهي ما صار له فترة طويلة تداوم. سعود : ما أدري يا عساف. عساف وقف وضرب يده بالمكتب : سعود لا يكون وعد تعرفه.؟ سعود : لا يا عساف وعد ما تعرفه حتى هي ما تدري ليش يلاحقها. عساف : هي اللي قالت لك هالكلام. سعود : ايه . عساف : طيب شلون درى انها بتداوم بالمعهد هالفترة.؟ سعود : لو ادري يا عساف كان قلت لك. عساف يضرب اخماس بأسداس : معناته في احد قريب من وعد و يتعامل معاه. سعود يفر بالمكان ولا هو قادر يرتاح : تهقى.؟ عساف : ماله إلا ذا الرأي والا شلون درى انها بتداوم. سعود : ماهو بس هذا يا عساف واقف بسيارتة قدام بيتنا. أي عصبية و أي غيره تملكته الآن يقف امام شباك غرفتها معشوقتة مفتونتة كيف يسمح له إن يراقب تفاصيل حياتها كيف لرجل آخر إن يعلم ما تفعله كل يوم هتف بعصبية: امش نروح بيتكم. سعود : يالله .. طلعوا اثنينهم بدم فاير مروا على مكتب سلمان : سلمان. وقف لهم و انصدم يوم شافهم : نعم سيدي. سعود : خذ هذا رقم سيارة ابيك ترسل دورية لبيتنا ما ابي ابن امه يدخل غير أبوي و اخواني يا سلمان وهالسيارة هاذي ابي لها مراقبة مستمرة. سلمان : على امرك الحين ارسل الدورية. .. دخلوا سعود وعساف مع بعض : حياك عساف ادخل المجلس بشوف وعد. دخل عساف المجلس و دخل سعود داخل لقاهم جالسين كلهم كانهم معصبين : وين وعد.؟ أبو سعود : ويش تبي فيها.؟ سعود : يبه ابيها .. ومشى بيطلع فوق. ابوسعود : سعووود. سعود وقف بنص الدرج : يبه بس بعرف منها. أبو سعود : ويش اللي بتعرفة. سعود ناظر بجواله سلمان يتصل : لحظة يبه .. نعم يا سلمان... ايه ... قلت لي صلاح.. أي قضية.؟ .. اها تذكرتها .. ايش قلت.؟ نفس الرقم... طيب سلمان ارسلت الدورية اللي قلت لك.؟ .. مثل ما وصيتك مراقبة اربع وعشرين ساعة على اربع وعشرين ما ابي يغفل عن عيونكم لحظة .. إذا عرفت أي شيء جديد كلمني او كلم عساف .. لا ما تقصر .. مع السلامة .. وقفل الخط. أم سعود بخوف : يا أبوي لا يكون عندك قضية جديدة. سعود : يمه اللي لاحق وعد يلاحقها بسبتي يبي ينتقم مني فيها. أم سعود : هاه.؟ أبو سعود بفزع : وأنت ويش دراك.؟ سعود جلس على الدرج : راسلي تهديد انه يجيب راسها و يوطي رووسنا بالارض و طلبت الشباب يجيبون لي تقرير عنه طلع له نفس السيارة اللي واقف فيها برا. أم ندى : وأنت ايش دخلك.؟ سعود : حطيته بالسجن من تسع سنين يوم كنت باخر سنوات الجامعة بلغت عنه وشهدت ضدة بالمحكمة وحكموا عليه ثمان سنين والحين طلع وهو حاقد علي. نهى : ليش تبيه يشكرك يعني اللي خليته يقضي سنين من عمره وهو مسجون. سعود : الحين المهم ما يأذي وعد. أبو سعود : مرسل تهديد انه يدخل البيت. سعود وقف معصب : يخسسسسي والله إن عتب البوابة لادفنة تحتها عشان ادعس عليه كل ما طلعت ودخلت. خالد : اووووف من وين طلع لنا ذا. ما تقدر ترده السجن. سعود : ليش هو على كيفي اهم شيء نوقفة عن حده... يبه لا تخليها تداوم بالمعهد ماهو من مصلحتها تداوم. وعد اللي كانت واقفة قريب من الدرج وسمعت كل شيء : ماهو بكيفك يا سعود. سعود : وعد عشانك عشان مصلحتك. وعد : لو يهمك شاني ما كان شيشتهم علي. سعود : يعني ويش تبيني اسوي وانا اشوفه واقف معاك ويكلمك تبيني انطم والا اغمض عيوني وكني ما شفت شيء. وعد : ما قلت لك سوو كذا بس كنت سالتني بهدوء بدل ما تجي كل مره وتعصب وتصارخ علي. سعود : سالتك بدل المره مية لكنك ما كنت تردين على سؤالي. وعد : امبلى رديت وقلت لك ما اعرفة ولا اعرف ليش هو واقف برا لكن العصبية اعمت عيونك والشك ملى قلبك وشكيت فيني وخليتهم كلهم يشكون فيني ودام الموضوع فيني ما يحتاج بعد ينتظرون الشارة عشان يتهاوشون معاي. أبو سعود : تقصديني.؟ وعد : كلكم. وأنت اولهم اجل ما تثق فيني ولا كنك ربيتني. أم ندى بحده : وعــــد تأدبي اللي قدامك أبوك مو احد ثاني. نزلت لاخر الدرج : مو كنت ما تبين تدخلين بيننا ولا يهمك لو يذبحوني ليش تسكتيني الحين إن رديت وهذا الصدق هو مو واثق في تربيتة. أم ندى : لا تخليني اسوي شيء ما ابيه. وعد : يعني ويش بتسوين يا ماما فوق ما تخليتي عني بتضربيني عادي بتذبحني يكون ازين اصلا أنا انتظر عمري يخلص عشان ما اتحمل قهر منكم زود عن ما تحملت. أم ندى اعطتها كف ظلت حاطة يدها على خدها ثم ناظرت أمها : ما حسيت بالمه كثر لما تخليتي عني. أم ندى : لا تقولين تخليتي عني انتِ اللي فعايلك تشيب الراس ولا ينفع معاك إلا أبوك وان ما دق راسك ما تمشين زي العالم والناس من تخرجتي وانتِ منهبلة ولا هو هامك شيء ترمين راي الكل بالجدار ولا تهتمين لاحد او تخافين من احد. وعد : وانتوا هذا اللي تبونه اني ما اسوي الغلط عشاني خايفة منكم مو عشاني أنا اشوفة غلط مو عشان انتوا ربيتوني انه غلط الغلط اللي ما تنهون عنه إلا بالضرب والعصبية والهواش. أم ندى : لا احسن تعلي علمينا شلون نربي.. نسيتي خطاك أبوك هاوشك عشانك ما قلتي له من أول الموضوع مو عشانه يلاحقك الحين حولتي الموضوع على كيفك. أبو سعود : لا خليها ليش تعلمينها هي ويش اخطت فيه انتِ على مين طالعة ابي افهم عدم التقدير والاحترام وقلة الادب اللي انتِ فيها من وين جايبتها.؟ على طرف لسانها تقول منكم بس اللي يناقشها أبوها مو احد ثاني عشان تقوله كلمة مثل هاذي . : والان يعني ويش بتسوون فيني.؟ أبو سعود : ماراح تداومين بالمعهد بتجلسين بالبيت لين ينلقى صرفة للي برا. وعد : وغيره.؟ أبو سعود : بتقصين لسانك عشان ما اقصة لك. وعد : اوك بس انتم لا تناشبوني وعيالك لا يكلموني لا بخير ولا بشر واولهم هذا (واشرت على سعود). أبو سعود : لا نناشبك و الله إن اخطيتِ لا احط اصابعي بعيونك. واخوانك ما يكلمونك إلا خايفين عليك. وعد : يخافون علي.!! خالد : ماهو عاجبك الكلام ليش تتوقعين ليش نسوي كل ذا ماهو عشان نحميك. وعد : لا عشان تمشون كلامكم ليش لان انتم رجال لكم الاحقية تفرضون كلامكم علينا ولا احد يقولكم عيونكم براسكم حتى لو اللي قلتوه غلط. سعود : وعد لا تدخلين نفسك بمواضيع مالها داعي .. اهم شيء الحين ما تعتبين باب البيت حتى الحديقة ما تطلعين لا انتِ ولا خواتي. وعد : ويش رايك تربطني بعد ماهو احسن.؟ أبو سعود شدها من شعرها له : والله لا اسويها يا وعد قسما بالله لو اشوفك معتبة هالباب (آشر على الباب الداخلي للبيت) لاربطك بنص الصالة... تفهمين كلامي والا لا. وعد مقهورة مقهورة مقهورة وهالشيء خلى انفاسها بدت تضيع منها و شفايفها تحولت للون الازرق لفت تدور النفس راح تموت راح تموت نفسها ضاع ما عاد تحس بشيء طاحت على الارض تشاهق وترجف. ظلوا فترة يستوعبون اللي يصير صارت لها هالحالة من قبل. سعود نط لها ومسك راسها : وعد وعد. أبو سعود : ندى هاتي عبايتها نوديها المستشفى. أم ندى : رفعت راسها وحطتها على رجولها وتضرب على وجهها : وعـــد وعــــد. وليد : ليت احمد هنا كان تصرف ماهي قادرة تتنفس. خفت رجفتها وفتحت عيونها ناظرت نفسها وشافتهم كلهم حواليها تذكرت اللي صار اخر شيء. ندى تمد عباية وعد لابوها : العباية. أبو سعود اخذها و حطها رجول وعد اللي كانت شبه ممدة قدامة : البسي. وعد : ليش؟ أبو سعود : بناخذك المستشفى. وعد : ما ابي اروح ولا تفهمني انك خايف علي لانك لو خايف علي ما سويت فيني كل هذا.. وقامت طلعت غرفتها. أم سعود حطت يدها على رجولها : افجعتني والله ما توقعتها ترد. أبو سعود : يصير خير يا وعد. سعود : عساف بالمجلس بروح اشوفه.. ندى جهزي لنا قهوة بيدك لا تخلين الشغالات يلمسون شيء منها شكلنا بنسهر الليلة. وطلع للمجلس. خالد : يبه لازم تعشا وتاخذ دواك وترتاح. أبو سعود قام : وين تبيني ارتاح وهالتبن برا يتوعد في بنتي. .. دخل سعود المجلس و شاف عساف جالس بالمجلس يطقطق بجوالة (و الله إن عرفت انك عتبتي باب البيت لأثور فيك).. اما هي استغربت الرسالة وردت (ومين حضرتك.؟).. (عساف يا بنت العم).. (و الخيبة). نعم هذه هي الردود المتداولة بينهم عساف و وعد. عساف : هاه ويش صار.؟ سعود : سلمان كلمني يقول انه صلاح الـ ـ ـ ـ تخبره اللي شهدت أنا ضدة بالمحكمة يوم كنت توك متوظف بالعسكرية. عساف : ايه اتذكر يوم رحت المحكمة وشهدت ضد واحد بس ويش كانت قضيتة.؟ سعود : سرقة .. المهم اللي ارسل لي التهديد اليوم هو نفسة اللي يلاحق وعد و أبوي يقول مرسل يهدد إنه بيدخل البيت إذا ما ردت عليه. عساف : يخسى ويعقب بيكون جنى على روحة. سعود : ما راح اتطمن لين انقفة من الحياة كلها. أبو سعود : السلام عليكم. : وعليكم السلام. وقف عساف وباس رأس عمه : كيف حالك يا عمي.؟ أبو سعود : بخير ننشد عنك. عساف : بخير الحمد لله. أبو سعود : وينك اجي كل يوم لبيتكم ولا اشوفك صار لي اسبوع. عساف : مضغطوين بالشغل هالفترة. أبو سعود : الله يحميكم ويكون بعونكم. عساف : امين يارب.. عمي ويش بتسوي مع صلاح.؟ أبو سعود : ابي اقولكم شيء عرفتة وابيكم تمسكون الموضوع لين ترمونة بالسجن. عساف : قول نسمعك. أبو سعود : أنا مكلم اثنين من اللي يشتغلون عندي يراقبونة و عرفت انه له اعمال مشبوهة بس بالضبط ويش هي للحين ما جابوا لي خبرها الاكيد بس اغلب الظن انها مخدرات. سعود : اجل طاح فيها والله لا ارمية رمية الكلاب ولا انشد عليه. عساف : طيب بنتولى هالموضوع بس أنا ابي اعرف شلون عرف وعد و شلون عرف اسمها ليش لاحقها هي ما لاحق خواتها واللي عرفتة من سعود انه يعرفكم كلكم ويعرف اساميكم ووين تشتغلون إذا هدفة الانتقام من سعود ليش ما انتقم من سعود نفسة.؟ او احد من العيال ..؟ طيب ليش ما اختار أي وحده من البنات ليش اختار وعد بالذات.؟ أبو سعود : اسئلتك مالها اجابات عندي. عساف : أنا ما وصلت إلا لشيء واحد وعد تعرف وحده تعرف هالرجال و جالسة تعطيها المعلومات على أساس انها صاحبتها وهي ماهي حاسة بالمويا اللي تجري من تحت رجليها. سعود : تسويها هالخبلة تعرف على كل بنت ولا يهمها شيء تشوف كل الناس صالحين. عساف : جيب جوالها. أبو سعود : توني اخذه منها .. طلعه واعطاه عساف. اخذه وفتحة على الارقام شاف الارقام بالهبل نزل للاخير يعرف كم رقم موجود : ماهي صاحية من وين جايبة كل هذولي.؟ أبو سعود : ما هي مخلية احد مقابلته ماهي متعرفة عليه. عساف : الف وسبع مية رقم. سعود : كـــم.؟ عساف : الف وسبع مية رقم. سعود : ياحظي شلون بنحصرهم هذولي.؟ عساف : اختك يبي لها تحقيق مطول نشوف مين هذولي ونعرف مين اللي يدري انها مداومة بالمعهد. أبو سعود يحك راسه : استغفر الله العظيم هالبنت إذا ما قضت علي ما ترتاح. عساف ابتسم : افااا يا عمي يعني ما تقدر عليها ما كنت مهجد الكل ايش معنى هي يعني.؟ أبو سعود : من تخرجت وهي كل مره منفسة علينا ولا ودي تزعل. عساف : قول انك ما أنت راضي على زعلها. أبو سعود ابتسم : ومين قالك اني ارضى على زعلها هي والا غيرها ما يرضيني اشوفهم زعلانين. عساف : قلبك ما ادري شلون قايل. سعود : يبه أنت تدري انها غلطت لو بتراضيها هالحين ماراح تحس بغلطها خلها تنطق مكانها. أبو سعود : ما يحتاج تشيشني ماني مراضيها هالمره بخليها هي تراضيني. عساف : بس هي مالها ذنب انه يلاحقها. سعود : بس مافكرت تقولنا لو أنا ما جيتها المعهد مره عشان اردها البيت كان احنا للحين ياغافلين لكم الله. .. .. يسعدني اشوف تعليقكم و توقعاتكم .. لا حول ولا قوة إلا بالله العظيم. لا احلل نقل الرواية دون ذكر اسمي. ضحكة قهر. |
رد: لو سألتي الورد وهو ما بين إيدك أقطعك بيقول لك عمري فداك الكاتبة / ضحكة قهر
البارت التاسع. مدخل:/ على نحو ما, فإن الأفكار لا تتزاحم, إلا عندما نفكر في شيءٍ واحد. رشاد حسن.. : وين سها ابراهيم. اشرت المعلمة : هاذي سها. : ماعليش نبغاها بالادارة. المعلمة : روحي يا سها. قامت وطلعت مع الادارية : خير يا ابله.؟ : تعالي تحت في الوحدة الطبية وتعرفين بعدين. نزلت سها مع الادارية للغرفة دخلت وشافت جود ممدة على السرير راحت عندها جري ومسكت يدها : جودي. فتحت عيونها تناظرها : سها. الادراية : اختك داخت بالحصة و سكرها منخفض. سها تناظر جود وتناظر الادارية : منخفض بس جودي ما عندها السكر. الادارية : موشرط يكون عندها سكر عشان ينخفض بس هاذي مو أول مره تدوخ في الحصة وكل مره يكون منخفض عندها السكر يعني لازم تتابعون حالتها أكيد عندها هبوط بالسكر. سها : بسم الله عليك فيني ولا فيك. الادارية : والان اتصلي على اهلك عشان يجون ياخذونها. جود : ماله داعي يا ابله بقي حصتين وانا ما كملت اختباري ابي اخلصة. الادارية : ما راح تركزين بالحل ولازم ترتاحين وتاكلين كويس العصير اللي شربتية ما راح يفيدك. جود : خلاص ابله بس باقي حصتين وبنطلع لبيوتنا ماله داعي امي تخاف هالحين وتعنا لي. الادارية : ولو صار لك شيء عندنا ويش بنقول لاهلك. جود : ما راح يصير شيء إن شاء الله واختي سها بتجلس عندي لين الصرفة. سمعوا صوت الجرس للحصة السادسة. جود : هاه يا ابله سمعتي خلاص باقي حصة. الادارية : كيفكم بس احنا مو مسؤولين عن أي شيء يصير انتِ أختها الكبيرة تتحملين المسؤولية الكاملة. صكتها أم الركب يوم قالت لها هالكلمة لو يصير لها شيء وابوها يدري انها مشت مع جود على رغبتها اللي مو بمصلحتها بيذبحها يكفي انها عاونت وعد وخبت عنهم الموضوع. جود : اوك يا ابله ما فيه اشكالية. الادارية بتطلع : خليها تخلص العصير يا دوب شربت شوي منه. سها هزت راسها بطيب انتظرت لين تطلع الادارية وجلست جنب جود : ليش ما تبين خالتي تجي تاخذك.؟ جود : ما ابيها تخاف علي تعرفين امي كيف تقلق بس انتِ لا تعلمين احد. سها : ما اقدر جود والله غير يذبحني بابا تعرفين ويش سوا عشاني خبيت عن اللي يلاحق وعد والله مهددني اني خبيت عليه شيء بيذبحني. جود : وعد غير وانا غير اصلا ما فيه وجه مقارنة بين الموضوعين. سها شوي وتصيح : تكفون لا توهقوني مع بابا الله يسعدكم والله ما اقدر. جود : انتِ لا تقولين لاحد أنا بقولهم بالوقت المناسب هم الحين مشغولين مع الرجال اللي يلاحقها بس يخلصون من الموضوع يصير خير. سها : أكيد بتقولين لهم.؟ جود : ايه أكيد. .. .. .. : السلام عليكم. : وعليكم السلام. جلست جنب سها : غريبة ما توقعتك تنزلين بعد اللي صار اليوم. وعد : شفت اني ما هميت الناس وبصراحة كسرت خاطر نفسي ليش اكبت بنفسي. نهى : كفووو وعد فرغي أول بأول كلنا أذان صاغية. سها تهمس لها : شكلك مروقة و أول مره تسوينها تهاوشين وتنزلين تجلسين معنا. وخصوصا بعد اللي صار اليوم ما توقعتك تنزلين شهر. وعد : عشانك ما تدرين ويش أنا مسوية. سها : ويش .؟ وعد : استغليت اللي صار الفجر لصالحي ونلت مرادي اني ما اروح المعهد. سها : كلها كم يوم ويرجع كل شيء مثل ما كان سعود و عساف يشتغلون بكل الاساليب عشان يردونه السجن. وعد : ما راح اروح لاني انفصلت. سها : ايش فيك هذا مو فصل بس غياب. وعد ضربتها على راسها : مخك هذا فتحيه شوي ويش فيك أنت.؟ سعود : خير تخططن لبلوه جديدة. وعد : و الله البلاوي تجينا لحدنا ما يحتاج نخطط لها. نهى : وعد كانك فرحانة انك صرتي عاطلة من جديد. وعد : ايه والله اني فرحانة. لفت على سها : ايش فيك احسك ترجفين مسخنة.؟ سها : لااا. وعد : اجل ويش فيك.؟ سها بربكة : ولا شيء. أم ندى : يمكن سخونة داخلية. سها : لا ماما ما فيني شيء. ياسر : من جد من أول ما جلستي ترجفين ليش ويش عندك.؟ سها : ويش فيكم ما فيني شيء؟. أبو سعود : اجل وين جود.؟ أم احمد : من جات وهي نايمة حتى صحيتها تصلي و ما قامت نومها ثقيل. الكلمة علقت باذنها ما قامت لا يكون اغمى عليها مره ثانية ولا احد درى عنها فزت بسرعة تجري لفوق بطريقة الفتت انتباههم كلهم. أم ندى : ويش فيها. خالد : بروح اشوفها. دخلت غرفة جود وجلست جنبها : جودي جودي. جود تفتح عين ومسكرة الثانية : هاه. سها : كلبة خوفتيني. جود : من ويش تخافين الله لا يبلانا. سها : خفت تدوخين مره ثانية. خالد : ويش فيك سها.؟ سها اللي الدموع متجمعة بعيونها : ولا شيء. خالد : وقومتك من عندنا كنك مقروصة ولا شيء.! سها طلعت من غرفة جود : ايه ولا شيء. دخلت غرفتها وقفلت الباب عليها. خالد ناظر بجود : ويش كان عندها.؟ جود تقوم من سريرها : ما ادري ما لحقت تقول لي شيء أنت دخلت دايركت. طلع خالد ونزل تحت. أم ندى : ويش فيها.؟ خالد : ما ادري المشكلة انها شوي وتصيح وتقول ما فيني شيء. مشعل : لا يكون فيه شيء جديد مخبا علينا بعد. أبو سعود ناظر دايركت بوعد : فيه شيء يا وعد.؟ وعد : لا تخاف ما راح اخبي عليكم لو فيه شيء ماني بايعة عمري. أم ندى : ويش صاير لك ما انتِ بنتي اللي اعرفها. وعد رفعت رجولها ع الكنب : كنتم منتظرين اني ازعل يعني ما يزعل الانسان إلا إن كان متأكد إن فيه احد بيراضية وانا متاكدة إن ما احد مراضيني ليش اكدر على خاطري واتعب نفسيتي. جود : مساء الخير. : مساء النور. سلمت على أبوها وامها وخالاتها وجلست جنب وعد : كفوووو اوخيتي ومنكم نستفيد. وعد : هلا هلا حياك استريحي. جود تحط راسها على كتف وعد : كني انتظرتك لين تهلين فيني. وعد : أنتِ عندك ميزة تعرفين اللي بحكيه قبل احكيه وتطبقينة. جود : حلووو أول مره حدن يمدحني. وعد : إن زين ما انتم معيشنا خاطري باكل من برا. نهى : عشاء المغرب الناس تتقهوى. جود : يالله نطلب. وعد : يالله ابي من ...... جود : اوك بس على حسابك. وعد : طيب اتصلي اطلبي. جود : مين يبي على حساب وعد. وعد : نو نو نو أنا ما اتحمل غير وجبتي و وجبتك غير كذا هم يتحملون وجباتهم. فارس : أنا ابي وعد الله يخليك ما معاي فلوس. وعد : حزنتني اطلبي له وجبة اطفال. فارس : ماني طفل نط عن ابوه : يبه اعطيني فلوس. أبو سعود : تامر يبه اطلبن له معاكن مثل ما يبي. جود : أنا ابي حراق وأنتِ.؟ وعد : أكيد لااا ابي بارد وفارس بعد بارد. جود : وانتم احد يبي. : ......................... جود تطقطق بجوالها وقامت تطلب. سعود : ميار. ميار : هلا. سعود : ما كملتي لي سالفة الصباح. ميار : أي سالفة.؟ سعود : ليش وعد حياتها نقار.؟ رمقته بنظرة وعد : ماني رادة عليك. ميار : لانك أنت تناقرها. سعود : نعم..!! ميار : هذا الصدق يا خي من يوم جيت وانا الاحظ انك ناشب لها في كل شيء. وعد : الله الله ظهر الحق ارتحت إن أنت السبب وراء كل الهوشات. سعود : شكلي بحطك بالقائمة يا ميار وتبيني اعلمك كيف النشبة صدق. وعد : يا حياتي عليك أنا اخته من ابوه ومطلع عيوني بقي روحي يأخذها كيف انتِ شقيقتة الله يعينك عليه. خالد اللي شاف جود رجعت : ليش ما تروحين تشوفين سها ويش فيها لانها كانت عندك مبين تبيك بشيء. جود تجلس : ما فحالي. بعدين اشوفها. ندى وقفت : أنا اشوفها.. وقامت. أم احمد : يمه جود ويش بلاك وجهك للحين اصفر من الصبح ولا تغديتي معنا. جود : اكلت بالمدرسة الحصة الاخيرة ما اشتهيت الغداء وبعدين الحين بتعشا مع وعد. ندى رجعت : قافلة الباب.! أم ندى : لا يكون صاير لها شيء بالمدرسة اليوم. ما خلصت كلمتها إلا سها نازلة تمسح دموعها وقفت قريب من الكنبة اللي جالس عليها أبوها. جود تهمس : شكلها بتكب العشاء. وعد : أي عشاء. أم ندى وقفت لها : خير يا يمه ويش فيك.؟ سها ناظرت بجود وجلست تصيح ما ودها تزعلها ولا ودها أبوها يعاقبها صارت بين نارين. حضنتها أمها : سها ويش فيك صار لك شيء بالمدرسة اليوم.؟ سها هزت راسها بلا.. خالد : اجل ويش فيك ما انتِ طبيعية. سها : جود تقولكم. كلهم التفتوا على جود الجالسة ببرود : ويش اقولهم ما عندي شيء اقوله.؟ سها : بابا أنا مالي دخل إذا بناتك قالوا لي شيء لا تلومني إن ما قلت بتعاقبهم عاقبهم هم أنا مالي ذنب. أبو سعود : ويش القصة.؟ سها : هي تقولكم ما يخصني الموضوع. أبو سعود : ويش فيه ياجود.؟ جود : ولا شيء يا بابا. أبو سعود : جود ترى اعصابي تلفانة من اللي جنبك قولي لي ويش فيه.؟ جود : بس دخت اليوم بالمدرسة بس هذا اللي صار يعني مو شيء يسوى. أم احمد : بسم الله عليك يا يمه من ويش دختي.؟ جود : عشان ما افطرت بس. سها : عشان السكر منخفض. جود بقهر : كان لازم يعني. قلت لك أنا بقولهم بس مو الحين. سها : مالي دخل بكره أنا اللي بتعاقب لو درى بابا بالصدفة. أم احمد قامت وجلست جنبها : السكر منخفض. احمد : انتِ عندك السكر.؟ جود : لا ما عندي يعني عشان مره انخفض طلع عندي. أم احمد : والله ما كنت مرتاحة من الصبح وجهك اصفر. أم سعود : كان لازم تهتمين شوي يا جود بصحتك. أبو سعود وقف جنب سها : فيه شيء ثاني يا سها..؟ ترددت تقول او لا : مو أول مره تدوخ بالمدرسة والابله قالت كل مره يكون سكرها منخفض. سعود : وليش ما قلتوا لنا إن شاء الله انها مو أول مره تدوخ وين المدرسة ما تدق علينا مو فالحين كل أول ترم يعبون هالاوراق ارقام وما ادري ايش عشان يرزعونها بادراجهم ويحرقونها اخر كل ترم. سها : والله ما كنت ادري ما دريت إلا اليوم بس هالمره نادوني لما داخت و قالوا لي اتصلي على اهلك ياخذونها بس جود رفضت. أم احمد : ليش يا يمه كان خليتني اجي اخذك ترتاحين هنا. جود تحط راسها على صدر أمها : ما كان باقي إلا حصتين على الصرفة ما يحتاج. أبو سعود : وليش ما علمتينا من قبل.؟ احمد : ما تعرفين انه خطر عليك انخفاض السكر ممكن يدخلك بغيبوبة. جود : احمد رجاء أنت دكتور بالمستشفى مو ببيتنا ما ابي احد يحسسني اني مريضة ما احب ذا الاحساس وبعدين كلها هبوط سكر يعني بس باكل شيء حالي او عصير بيرجع طبيعي. احمد : دانه هاتي مقياس السكر حق امي. دانه : طيب. وقامت. أبو سعود : أنتِ ليش ما تبين تهتمين بصحتك. جود : بابا ما ابي احد ينق فوق راسي كلي سوي حطي عدلي. وعد : من عذرك والله احسه احساس يذبح. أبو سعود : ما عندك كلمة زينة لا تنطقين حرف. دانه : تفضل احمد. احمد اخذه منها ومد يده لجود : هاتي يدك. مدت يدها : لا تعورني. احمد : ماني معورك. سعود : ما ادري ويش تحسن فيه يوم تخبن علينا هالمواضيع يعني ويش بيصير لك لو علمتينا انك دختي بالمدرسة كان اخذناك المستشفى وتطمنا عليك. جود : شفت الشق الاخير من جملتك هذا اللي يخليني ما اقول أنا مو أول وحده يكون عندها هبوط بالسكر عادي. احمد : بس كان لازم ندري تعرفين انك ممكن تمر عليك اوقات تحسين بضعف عام بكل جسمك لان ما عندك طاقة تسوين أي شيء او ممكن تدوخين او تضطرب الرؤية عندك او صداع او عصبية زايدة واحنا لازم نكون على دراية بحالتك عشان نتعامل معاك بالشكل الصحيح. أم احمد : هاه يمه كيف سكرها.؟ احمد : منخفض يمه .. 60 ..اخذ قطعة حلى من الصحن اللي وراه : امسكي كلي. جود اخذتها منه : ثانكيووو... امسكي وعد المطعم وصل. مشعل اخذ الجوال منها : أنا اجيب الطلب إن شاء الله ودكن تطلعن له برا. وعد : كثر خيرك اجل ادفع مره وحده. مشعل : لا عاد ما عندي حق ثلاث وجبات يا دوب وجبة. أبو سعود طلع محفظتة : امسك. مشعل : الله يديمك ذخر وعز. أبو سعود ابتسم : الباقي خذه مع هاذي بعد . ومد له خمس مية. مشعل : الله يخليك ويبقيك. وطلع. احمد : جود ويش تحسين فيه .؟ جود اعتدلت بجلستها : ولا شيء ويش فيك مكبر الموضوع. احمد : لا تقولين مكبر الموضوع ما فيه وحده عاقلة تهمل صحتها. جود : بابي كلم ولدك يعتقني شوي من قالت سها وهو جالس قدامي كني أول وحده فيها سكر. أبو سعود : خليه يطمنا عليك. جود : بس أنا ما فيني شيء.. التفت على احمد : أنت مو اختصاصك قلب إن زين ويش دخلك في السكر. احمد : ليش ما اعرف امراض العصر يعني.؟ جود : يمكن. مشعل ينزل الاكياس قدامهن : عوافي. وعد : الله يعافيك ويسلم غاليك. فارس جلس بين وعد وجود. جود : لا تحوسني ترى ما فيني اطلع اغير. فارس : ماني بزر اعرف كيف اكل كلمي اختك هاذي هي اللي دايم تحوس ملابسها ما كنها حرمة كبيرة. وعد : الحق ماهو عليك على اللي يطلب لك معاه ويخليك تجلس جنبه. فارس : من فلوس أبوي كيفي. وعد : اجل طير اقعد عند أبوك. فارس : ماني بقعد هنا. سعود : ويش بلاك زعلتي هو صادق كل بعد وجبة قمتي تغيرين ملابسك موسختها يبي لك مريلة. وعد : ومين قالك اني زعلت ماخذة عهد على نفسي ما ازعل من شيء مهما صار. اما على سالفة تغير الملابس يارب يبليك بمره فيها نفس هالشيء ياكريم. سعود : هههههههههههه لا تخافين بطلب اشوفها وهي تاكل إن طلعت زيك ماني ماخذها. وعد : اصلا ما راح تلاقي وحده مثلي لو تلف الدنيا كلها بتدوخ وأنت مالقيت وحده ربعي. أم ندى : ايه وين الواحد يلاقي طفلة كبيرة. عناد هواش ما تفهم الكلام ولا تعرف تاكل. وعد : شكرا يجي منك اكثر. وبدأت تاكل وجبتها. سعود يرد على جواله : هلا عساف .. بخير الحمد لله أنت ويش حالك.. ايه والله لي يومين ما مريتهم.. إن شاء الله بجيهم بكره... إن شاء الله .. لا والله ما استجد شيء أنت كلمك سلمان ... اهااا اجل نتناقش فيه إن شاء الله ... على خير ... سلامتك ... فمان الكريم. خالد : استجد شيء بالموضوع.؟ سعود : لا لو استجد كنت بقولكم. وعد تناظر جوالها اللي توصل له رسايل وراء بعض : ابي رقم جديد. أم ندى : ماهو قدر يطلع رقمك الجديد يعني ما راح يطلعه إن غيرتيه. وعد : ماني معطيتة احدن ما اثق بوه. أبو سعود : يعني رقمك تعطينه كل من هب ودب. وعد : لاا. سعود : بدليل عدد الارقام المهول أنا ما وصلت الخمس مية من وين جايبة انتِ الالف وسبع مية رقم. وعد : أنا اجتماعية وادخل مع الناس بسرعة أنت لا تطلع برنت شامل عن الشخص قبل لا ترد على سلامة. فارس : وعد افتحي لي الكاتشب. وعد : بخلص وجبتي وأنت للحين ما بديت فيها ويش رايك تعطيني اياها. أم ندى : حاطة عينك على اكله ما كنك شبعانة. وعد تفتح الكاتشب : امسك ولا تطلب شيء بعد كذا. فارس : حطي مناديل عدمتي بلوزتك. وعد : ويش رايك تعلمني طريقة الأكل. فارس تحمس : يالله شوفي أول شيء تمسكينها زين كذا. وعد : اقول انقلع. فارس : من زينك. ندى : على الطاري قبل ما انسى الكلية حددوا يوم مناقشة رسالتي طبعا بتحضرون كلكم. سعود : كلنا شلون نحضر ندخل عند الحريم. وعد : ليش ما قد حضرت مناقشة رسالة او مشروع تخرج.؟ سعود : لا والله ما قد حضرت. ندى : بيكون فيه صوت عند الرجال. ياسر : يعني بتتكلمين و صوتك بيطلع عند الرجال.؟ ندى بتوتر : ايه. ياسر : هذا اللي ناقص. نهى : ويش هذا اللي ناقص هذا نظام الجامعة وبعدين بتجي تهدم كل شيء على حساب صوتها يطلع اثناء المناقشة ليش هي قايلة كلام مشفر والا شيء ينخجل منه. سعود : يعني عادي صوتها يطلع قدام الرجال. ندى : مو أنا اناقش الدكاترة ويدرسوني رجال و واحد من مشرفين الرسالة دكتور يعني عادي هذا علم مو شيء يفشل. أبو سعود : ما عليه يا امي الله يوفقك وتجيبين الوثيقة اللي ترفع الراس. ندى تنفست براحة خافت ينسف كل تعبها بلحظة : امين. وعد : ندى اسالك بالله ما أنتِ حاطة يدك على قلبك خايفة لا اخوانك يهدمون كل تعبك. سعود : انتِ ما تعرفين تكونين محضر خير. وعد : ايه عشان ما تبون الواحد يوريكم افكاركم الغلط اضمن إن ودكم أبوي يرفض و يخلي الرسالة تقتصر بس على الطالبات بس هالشيء مستحيل لان احد مشرفي الرسالة ذكر وليس انثى. خالد : و انتِ تفسرين كل شيء على راحتك. وعد : الحمد لله .. لا ما افسر على راحتي افسر على ضوء المعطيات اللي قدامي. جود : دخلتي بالرياضيات معطيات بقي حل المسألة. احمد : يالله جود خلصي اكل ابي اقيس السكر. أبو سعود : الله اكبر الله اكبر. سكتوا يرددون مع الآذان و يقرون الاذكار. احمد : بعد الصلاة بقيس لك. وعد : مشتهية قهوة. سعود وقف يشمر اكمامة : لا تنفقعين توك ماكلة. وعد : بطني والا بطنك. خالد : بروح لسلطان بعد الصلاة. أم احمد : لا تطول يا أبوي. خالد : إن شاء الله يمه قبل 11 هنا. أم احمد : الله يخليك لي يا أبوي لا تسرع. خالد ابتسم : من عيوني يالغالية. .. .. احد الكوفيهات.. خالد : ويش فيك من دخلت واحس في فمك كلام ودك تقوله خير يا سلطان محتاج فلوس ترى رقبتي سدادة. سلطان : لا يا خالد أنا بصراحة جايك بموضوع ثاني أنا كنت بكلمك من زمان بس كنت متردد والحين قلت استغل الفرصة قبل لا تطير علي. خالد : خير يا سلطان ويش فيه. سلطان : أنا ابي القرب منك يا خالد ابي اختك وعد على سنة الله و رسولة. خالد تفاجأ: صدمتني والله يا سلطان بس أنت تعرف إن الشور بيد أبوي ماهو بيدي. سلطان : ادري يا خالد بس أنا قلت ابيك تكلمها هي إذا موافقة بجيب اهلي و نخطبها رسمي. خالد : ولا يهمك بس لازم ابوي يدري قبل وعد بكلمه و الله يكتب اللي فيه الخير. ان شاء الله ربي يكتبها من نصيبك. سلطان : الله يقدم اللي فيه الخير. .. .. الصباح أبو سعود : اجل وين البنات ما نزلت ولا وحده للحين. أم ندى : فوق يتفرجون فيلم. أم أحمد : الناس تصلي الفجر وهن قاعدات عليه و اهاوشهن يصلن وما قامن إلا يوم جاء فاصل كل وحده ركضت لغرفتها تصلي قبل لا يبدا. أم ندى : بروح اناديهن. خالد : لا خاله خليهن ابي أبوي بموضوع قبل لا يجن. أبو سعود : خير إن شاء الله يا خالد. خالد : خير إن شاء الله .. يبه أنت تعرف صديقي سلطان من سنين معاي. أبو سعود : ايه ماشاء الله عليه. خالد : امس كلمني يبي القرب مننا وخطب وعد وقال إذا موافقين بيجيب اهله يخطبون رسمي. سعود ابتسم : والله سلطان رجال تحطه على يمناك. أبو سعود : تتوقع إن وعد توافق عليه.؟ خالد : أنا قلت اقولك يبه عشان نقولها وانا إن شاء الله بقنعها لو رفضت. ياسر : اختك ما تعرف مصلحة نفسها لو انها رفضته يبه اغصبها عليه. احمد : ويش اللي يغصبها عليه ليش هو لعبة. ياسر : لا اجل نخليها على راحتها كل مره ترفض شيوخ الرجال لين ترضى بالردي فيهم لعدا عليها العمر. خالد : وأنتِ يا خالة ويش رايك. أم ندى : مالي شور بعد شور أبو سعود. انقطعت السالفة بنزول البنات : صباح الخير. : صباح النور والسرور. جلسوا اماكنهم. نهى : ما ادري ليش احس كأننا قاطعنا سالفتكم. جود : حتى أنا كان عندي نفس الاحساس. مشعل : خلصت سواليفنا كنت بقوم اناديكم. ميار : اففف الاختبارات بعد بكره. سعود : ايه اقعدي مع الهوانم على الافلام وتأففي. نهى : والله الفيلم كان حلووو وفضيع. دانه : والله مو حلو يقرف أنا ما قدرت اكمله تقززت من اشكالهم. ميار : بالعكس يجنن احب هالنوعية من الافلام اكل لحوم البشرالله تجنن. وعد : أنا احب الاشباح والبيت المسكونة بس يخلص الفيلم تلقيني اوسوس من أي صوت. ميار : يعني تخافين. وعد : يعني مو مره بس يومين وكل شيء يرجع طبيعي. دانه : الله يكرم النعمة احس ماني قادرة اكل. نهى تسوي نفسها مستلذة بالاكل : ما عندك سالفة الفطور اليوم غير شكل. دانه : ليش تشوفين شيء غير النواشف مثل دايم. جود تلعب بحواجبها : يمكن تشوف انها تاكل لحم آدمي. قامت دانه تجري للحمام ترجع.. البنات : هههههههههههههههههههههه.. نهى : ياربي توحفة شكلها ذكرني بالمسلسلات يوم وحده توحم وما تحب ريحة الأكل.. ميار : حرام عليك يا جود ليش تسوين كذا. جود : خليها تتعود يا ختي هاذي لا شافت الدم تدوخ. ياسر : الله يعينها على ما بلاها مجبورة تشوفه كل شهر. البنات اللي اصواتهن كانت عالية اهجدن كلهن والاحراج طغى على وجيهن. سها تهمس لوعد : كان لازم يعني هالكلمة. وعد : أنا منصدمة شلون تجرأ يقولها لنا. سعود مبتسم : زين هجدتهن ازعجنا. شكلنا دايم بنتكلم بذا السواليف. جود : عادي بنفصخ الحياء ويجينا تبلد. ياسر : روحي شوفي وجهك للحين أحمر. أبو سعود : دامكم هاجدين خلوني اتكلم في موضوع. وعد : حتى أنا ابيك بموضوع. أبو سعود : ويش موضوعك. وعد : لا أنت قول أول موضوعي يتأجل لوقت لاحق. احمد : خير يا أبو سعود. أبو سعود : خير أن شاء الله .. أنا بأخذ الرابعة إن شاء الله. ميار : نعـــم أقين أقين .؟ أبو سعود : أنا خطبت الرابعة. سعود ابتسم : مبرووووك يبه منك المال ومنها العيال. أبو سعود : الله يبارك فيك. جود : لا أكيد تمزح على ويش تبارك له يقولك الرابعة.. الرااااابعة ماهو الاولى. وعد : ليش الرابعة يعني عندك ثلاث حريم كل وحده تقول الزود عندي ويش لها من داعي هالرابعة. أبو سعود : كيفي بأخذ الرابعة سويت شيء يغضب الرحمن.؟ أحمد : حاشاك يبه ومبروك مقدما و إن شاء الله نروح معاك لا خطبت. أبو سعود : بتروحون إن شاء الله كلكم. نهى : لا أكيد تمزززحون شلون ترضون وتباركون وتبون تروحون معاه تخطبون له. ياسر : انتن تأدبن تراكن تكلمن أبوي ماهو واحد فينا. وعد : وليش ويش فيها زود ويش اللي بتلاقاه عندها ما قدموه لك ماما وخالاتي. أم سعود : ماله داعي هالكلام أبوك خاطره بهالحرمة من زمان و لولا اللي صار من سنين كان هي زوجتة هالحين. مشعل : ادعــــــــــس ونحب يا أبو سعود. سها : تحبها ..؟! أبو سعود : ايه احبها عندكم مانع.؟ وعد وقفت : حلووو هذا أنت قلتها قدامنا يعني عادي لو جيتك بكره وقلت لك أنا احب لي واحد عادي ما راح يكون عندك مانع. أم ندى : وعـــــــــــــد. تأدبي تراك تكلمين أبوك احشميه وقدريه. وعد : وهو ما قدرنا يا ماما راح خطب حتى من غير لا يقولنا. ميار : من متى تحبها يعني سنه سنتين كم.؟ أم احمد : من خمسة وثلاثين سنة. جود وقفت : أنا مستغربة شلون تكلمون عن وحده بتأخذ زوجكن وكأنه شيء عادي. مشعل: أنا ما ادري ليش مسويات سالفة يعني أبوي ماخذ ثلاث جات على الرابعة. وعد : أنا ماني موافقة. ميار : ولا أنا. نهى : ولا أنا. سها : ولا أنا. جود : وانا بعد ماني موافقة على هالزيجة لو عندك عذر يخليك تتزوج الرابعة كان الموضوع يعدي بس احنا ما نشوف له أي داعي. سها : عندك ثلاث حريم ولو وحده قصرت بشيء الثانيات ما يقصرن ليش هالرابعة. أبو سعود : خلصتن.؟ وعد : ما راح نخلص لين تغير رايك. أبو سعود : واذا قلت لك أنا اليوم رايح اخطب رسمي وملكتي الاسبوع الجاي و بتكون هنا إن شاء الله. جود : عساها تموت. أبو سعود بحدة : جــــــــــــود. ميار : خايف عليها هالكثر تحبها خايف عليها من دعاوينا ما راح نوقف دعاوي إن شاء الله يجيها بلا ولا تقوم منه. ابو سعود : بــــــــــــــس عطيتكن وجه و خليتكن تقولن اللي عندكن لكن تدعن عليها لااا الى هنا وبس تفهمن. نهى : وجدي راضي انك تأخذ الرابعة. أبو سعود : شايفتني بزر الرضاعة بفمي. نهى : لا مو هذا قصدي بس جدي يغلي امي وخالاتي شلون يرضى تأخذ الرابعة. أبو سعود : والله عاد هذا شيء راجع لي و يكون بمعلومك أبوي بيروح معاي اليوم وامي هي اللي خطبتها لي. سها : حسستني انها توها هاذي أول زواجة لك كل ذا حماس لها طابخينها وخابزينها واحنا تونا ندري. سعود : اقول انقلعن على غرفكن كلام يرفع الضغط مانبيه. نهى : لا تخاف ما احنا قاعدين .. طلعت ولحقنها خواتها. وليد : ما عليه يبه بكره بيأخذن على الوضع ويمكن يحبنها بعد. أبو سعود : ابيكم كلكم تروحون معاي اليوم. خالد : بصراحة يبه أنا منصدم يعني أنت تحبها من سنين ليش ما تزوجتها طيب. أبو سعود : اخوها كان كارهني وعيا يعطيني اياها. خالد : وهي ما تزوجت .؟ أبو سعود : إلا بس من فترة ترملت. مشعل : عندها عيال.؟ أبو سعود : عندها ولدين كبار. ياسر : اجل الله يجمعك فيها و يريح القلب اللي له سنين شفقان. أبو سعود ابتسم : ما تستحي على وجهك تقولي هالكلام. ياسر : ههههههههههه يبه توك تقول انك تحبها قدامنا المفروض أنت تستحي ماهو احنا. أبو سعود التفت على دانه : هههههههههههه ليش مسوي شيء حرام باخذها بالحلال وأنتِ يا دانه ما سمعت لك حس. دانه : دامك تبيها ليش ما تأخذها حرام نتعب قلبك و نحرمك منها فوق حرمانك كل هالسنين. أبو سعود : ياليت خواتكن زيكن ما ادري على مين طالعات. أم سعود : ما عليه يا أبو سعود لا تعصب كلها كم يوم ويتعودن على الوضع. أم ندى : يتعودن .! والله دام تعاونن بيجيبن البلاء لنا. أم احمد : جود طلعت وما افطرت بينخفض معها السكر. احمد : لا تخافين يمه لا طلعت بقيس لها واشوفه وبعدين هي أكيد بالعة ع الفيلم لين قايلة بس. أبو سعود : حتى لو تأكد انه طبيعي معها. احمد : تأمر. .. لا إلا الا انت سبحانك إني كنت من الظالمين. لا أحلل نقل الرواية دون ذكر اسمي.. ابي ردود و توقعااات تفلللللجhttp://forums.graaam.com/images/smil...am%20(262).gif يعني خمس دقايق بعد قراءة البارت تكفي لكتابة تعليق شامل على البارتhttp://forums.graaam.com/images/smil...aam%20(39).gif ضحكة قهر. |
رد: لو سألتي الورد وهو ما بين إيدك أقطعك بيقول لك عمري فداك الكاتبة / ضحكة قهر
البارت العاشر مدخل:/ لو شافته عيني من الوقت ساعة.. آسقي ضما شوقي من عيونه سنين.. .. دخل شقتة بيطمن عليهم كعادتة كل يوم : ابـــرااهيـــم.. رنـــــــــــــد... تتيـــــــــانا. طلعت له متخصرة بشعرها الاشقر و بشرتها البيضاء و عربيتها المكسرة : لقد اتيت. : وين ابراهيم و رند.؟ : نائمون. تجاهلها ودخل غرفة عياله جلس على السرير : ابراهيم .. قام وجلس بهدوء سلم على والده وعيونه تراقب الواقفة خلف ابيه تهدده بعينيها. : كيف حالك.؟ : بخير الحمد لله. : ايش فيك كنك زعلان.؟ : لا ماني زعلان بس عشاني صايم. ابتسم : كفووو رجال... التفت لسرير ابنته النائمة قبل طفلتة الصغيرة : رنودة بابا جاء ما تبين بابا.؟ فتحت عينيها بشقاوة الاطفال وصرخت بفرح : دااادي... تعلقت برقبته احتضن جسدها الصغير بين يديه : كيف حبيبة بابا. رند : زينة بس بابا مو زين. : افا ليش.؟ رند : بس تلوح وتحليني. : إن شاء الله بس تتيسر اموري ما راح اخليك. تتيانا : ومتى ستتيسر هذه الامور أنا لم اعيد اطيق هذه الحياة الكريهة. بهدوء : قريب إن شاء الله. .. .. يوم ملكة ابراهيم + منيره. سها : ماني مصدقة انها بيجيبها اليوم. ميار منسدحة على سرير وعد : صدقي يا بعدي ما تشمين ريحة البخور معبية المكان شوي وانكتم منها. جود : اللي مستغربة منه برود امي وخالاتي وكأنها ماهي طبينه عليهن وفوق هذا يقول انها يحبها و كان بيتزوجها من سنين. نهى : هم كذا الرجال يحبون بالاسم والا فيه واحد يحب وحده يتزوج ثلاث ثم يأخذها هي الرابعة. وعد : ما عندهم قلوب عندهم فنادق كل جناح حرمة. سها : أنا ما احس كل الرجال كذا بالعكس احس فيه منهم اوفياء. نهى : أنا ما قد سمعت بواحد وفي حتى تخيلوا وحده من زميلاتي عمها توفت زوجته وعنده منها ثلاث اطفال تقول ما كمل على وافتها ثلاث شهور إلا يدور له على عروس. وعد : وجعععع إن شاء الله لو انه هو اللي ميت كان هي للحين بالعدة. سها : بس حرام عنده ثلاث اطفال يحتاجون أم حرمة تقعد عندهم. ميار : المفروض ما يفكر قبل ما تمر سنة على وافاتها و بعدين عياله هو يربيهم والا اهله ما عنده اهل. سمــــعوا صوت تصفير اخوانهم عرفوا إن أبوهم دخل. وعد : يا سعدي و ياهناي ابراهيم الليله عريس كلللووووش طبلوا وزغرتووو يالله يابنات عااااشووو. ميار : وجع كلامك قهرني ابراهيم الليلة عريس. وعد : عاد تخيلوا لو بابا سوا عرس ويش بتكون ردة فعلنا ولا نلبس فساتين والا نعزم صحباتنا زواج مين عندكم والله زواج بابا اخيييييييييييييه. سها : الحمد لله اجل اللي ما سوا عرس والا كان صار فيني شيء. ميار : تتوقعونها جاية معاه بفستان عروسة.؟ جود : عشان احرقها فيه ما احلاها كبر جدتي ولابسة فستان عروسة. هاذي المفروض ما تنزل عبايتها من الحياء اللي فصختة اجل وحده تزوج على كبر وعندها عيال بعد ما ادري ويش فايدة عيالها شلون رضوا إن امهم تزوج. وعد : من جد أول مره اسمع بعيال سعوديين يرضون إن امهم تزوج بعد أبوهم بس عزيزاتي هذا ما يسمى بقرادة الحظ لنا. نهى جلست بعد ما كانت منسدحة : تتوقعونها مرت الأب الشريرة يعني أبوي تزوج ثلاث وكلهن طيبات اشدهن امي وشدتها علينا لكن تتوقعون هاذي بتفر رأس أبوي. سها : تخـــــسى هذا ابراهيم بن مساعد ما قدروا عليه طوال الشوارب تقدر عليه مره. ميار : إن كيدهن عظيم بس بابا ما راح يخليها مستحيل تقدر عليه مره. نهى : خلونا نناظر نشوفها. سها : هيه لا تضعفين خليك قوية و اضربيها بالطوفة ولا كأن فيه ادمية جديدة دخلت البيت. جود : اففف احس اني دايخة. وعد : تبين نجيب لك شيء تاكلينة.؟ جود : لا بس ابي عصير يكفيني. وعد قامت وفتحت ثلاجتها : تبين شنو.؟ جود : أي شيء وعد. وعد : بيبسي او كادية فوشيا. ميار : أنا بدي كادية. طلعت الكادية وحطتها على السرير و كل وحده اخذت لها واحد. نهى : تصدقين شكلي حتى أنا بشتري لي ثلاجة بغرفتي. وعد : يب تنفع الحين افكر اشتري ماكينة القهوة و احطها بغرفتي و احط لي كوبين هنا. سها : ايه وحطي لك مايكرويف صغير وفرن و صحن وشوكة و ايش كمان. نهى : انقلب مطبخ. سها : ما ادري عنها مو باقي شيء ما هي مفكرة تحطة. .. تحت.. سعود شاق الضحكة : مبروك يبه مبروك يا خالتي. أبو سعود : الله يبارك فيك عقبال ما افرح فيك. سعود : لا شنقلها هاذي ما ودنا فيها. أم احمد : مبروك يا أم نواف. أم نواف : الله يبارك فيك. أبو سعود : اجل وين البنات. مشعل : معتصمات فووق. أبو سعود : فارس روح نادهن قولهن كلمن أبوي. فارس : طيب بس على شرط. أبو سعود : ويش هو.؟ فارس : حتى أنا تزوجني. أبو سعود : ههههههههههه لا تزوجوا اخوانك ازوجك معاهم. فارس : يالله اجل تزوجوا انتم بتزوج. خالد : روح الله يستر عليك روح ناد البنات. أبو سعود : حريمي أكيد تعرفينهن. أم نواف ابتسمت : ايه اعرفهم. وهذولي عيالي سعود الكبير و أحمد وخالد وياسر ومشعل و وليد والبنتين العاقلات هذلي ندى الكبيرة ودانه قبل الاخيرة. أم نواف : الله يخليهم لكم ويرزقكم برهم إن شاء الله. : آميــــــــــــن. اما هن واقفات فوق على الدربزان ويناظرن تحت. نهى : الكلبة صاروخ. جود : كم عمرها تتوقعون. ميار : امي قالت 45 . سها : أي 45 هاذي تقولين توها 30 سنة. وعد : انتم خلوكم من كل ذا وانتبهوا للشعر القصير يمديكم على كذا ناحتة ماهي مبقية فيه شيء. جود : مالت علي يوم كنت بقص شعري شوي ويحدد لي بالمسطرة لحد وين اقصة ولا خلاني اقص حتى على رقبتي. وعد : وانا ناشب لي ما يبيني اقص خير شر يقول حرام امك تتعب من و انتِ صغيرة تطولة ثم انتِ تجدعينة الحين. نهى : شعرها لايق عليها والله كنها صغيرة بعمرها من عذر أبوي متيم في هواها كيف كان شكلها اجل يوم كانت صغيرة. ميار : أنا احسها عادية بس شكلها مهتمة بنفسها والا تلاقينها من خرابيط هالعرايس مخليتها كذا .. بكره يبان كل شيء. أبو سعود ناظر فوق بعد ما أشر له فارس انهن واقفات فوق : تعالن سلمن على خالتكن. وعد تكلم خواتها : تخلخت عظامها إن شاء الله. سعود : ويش فيكن كنكن قرود تناظرن من فوق. وعد : بنشوف المسلسل انتقل من حقبة السبعينات الى الالفية بنشوف تسلسل الاحداث وكيف تمثيل البطل والبطلة. أبو سعود ابتسم : انزلي شوفي هنا بدل ما تعبين رقبتك. وعد : عاجبني الوضع هنا بس لازم تعرضون لنا حقبة السبعينات بنشوف ويش فرقكم عن بعض ما احنا فاهمين انتقالية الاحداث. سعود : وعد حطي لسانك بفمك لا اقصة لك. أبو سعود : خلها يا سعود تطلع كل حرتها ما عليه أنا مرووووق و ابي اسمعها. سها : ما احلاك تعصب يوم زواجك بعدين تأخذ فكرة غلط. وعد : لا لا يا اختي العزيزة الفكرة ما اخذتها من ثلاثين سنة الحين بتعيش كل شي لايف. ميار : الحين بعد ما صار عنده عيال طوله. نهى تكلم خواتها : تراكم زودوتها مره قسماً ما استبعد يطلع يمردغنا بالعقال. جود : ما راح يسويها يا بعدي بيخاف على مشاعرها. أم ندى : وعد انزلي أنتِ وخواتك بلاش طوالة لسان. وعد : أنا ما ابي اجتمع معاها في مكان واحد. ياسر : ليش مأخذه زوجك واحنا ما ندري. وعد : والله كان اهون اكون متزوجة وزوجي يتزوج علي ولا بابا يأخذ الرابعة على الاقل زوجي بطلب الطلاق منه لكن بابا ويش بسوي فيه. أبو سعود : طيب تراني معطيكن وجه انزلن سلمن. جود : أنا ما ودي انزل رجيلاتي تعورني كني كبرت ثلاثين سنة يا خواتي. سها : يا عوينتي عليك تحسبين يوم عمرك عشرين مثل عمرك اربعين. اما منيره كانت منحرجة من كلام البنات : بناتك ماهم راضيات..؟ أبو سعود : ما عليك منهن إذا ما رضن اليوم بيرضن بكره. منيره : حرام يزعلن كذا ويكرهني. أم سعود : ما عليك بناتنا مدلعات بكره بيكلمنك ولا كن فيه شيء. جود تكلم خواتها : بالله شوفوا أبوي خايف لا تطير من يده مثل ما طارت قبل ثلاثين سنة. نهى : القلب وما يعشق يا بنتي ويش رايكم ننزلن نشوفها عن قرب. ميار : أنا كنت متأكدة إن فضولك راح يذبحك ولا تعتصمين و تصيرين قوية مثلنا مثل ما اتفقنا ما راح ننزل قبل ما يحطون العشاء. نهى : ودي اسمع ويش يقولها أبوي عننا. وعد : يعني ويش بيقول هذولي جود ونهى وميار وسها وطويلة اللسان وعد. أحمد : خلاص يا بنات ترى مره مسختوها. سها تكلم خواتها : ما ظنتي في شي امسخ من حب له ثلاثين سنة و لا بعد هي كانت متزوجة وهو متزوج وعادي فرحانين انهم تقابلوا. وعد رجعت وراء وحطت يدها على راسها : اخخخ راسي. سها : ويش فيك.؟ وعد : احس بدوخة. ميار : طبيعي من اليوم واقفات و نناظر تحت. وعد طارت لغرفتها ترجع وخواتها لحقوها كلهن. سها : بسم الله عليك ويش فيك. وعد : ما ادري قلبت علي بطني فجأة. نهى : تعالي اجلسي شكلك تعبانة. وعد تغسل وجهها وتنشفة . جود : لا يكون اللي ما تتسمى صكتك بعين. نهى شهقت : اهــــــئ يمكن شلون راح عن بالي خلونا نأخذ فضلتها. ميار : اقول لا تستخفن دمكن أنتِ واياها. جود : وليش إن شاء الله العين حق. سها : وشلون بتأخذن فضلتها إن شاء الله,؟ بتروحن لاابوي وتقولن لها والله زوجتك صكت بنتك بعين من أول ساعة لها بهالبيت والا كيف فهمني. نهى : نأخذها من غير لا تدري. وعد : اقول اهجدن انتِ و اياها كل الموضوع اني ما اكلت شي من يومين و وقفت على الدرج و دخت بس. فارس : يالله انزلوا العشاء. ميار : تقدرين تنزلين والا نجيب الأكل و نبسط هنا ونكمل الزعلة. وعد : إلا بنزل معاكم يالله. انزلن خمستهن و برود الدنيا يلفهن ولا كنهن من شوي كل وحده لسانها اطول منها. ميار : غريبة كلهم جالسين على الطاولة إلا أبوي وينه تارك عروستة. جود : يارب يكون مل منها يارب. أبو سعود من وراهن : اخيرا نزلتن... لفن له كلهن. وعد : ليش كنت متوقع ما ننزل أنا ماني حارمة نفسي من الأكل عشانها. جود : ولا أنا تخيلي عاد اضرب عن الأكل عشانها إلا صدق أبوي هي ويش اسمها. أبو سعود مسك وعد و جود كل وحده بيد : اطلعوا برا بكلمكن كلكن. اطلعن معاه و وقفوا ينتظرونه يتكلم. : أنتن راضيات عن اللي تسونه فيني تبون تنكدون علي فرحتي. وعد : فرحتك!! بابا كانك أول مره تزوج يعني هالكثر تحبها. أبو سعود : قلت لكم من قبل لو ما ابيها ما تزوجتها. ميار : ايه شفت هاذي اولها طنشتنا و تدافع عنها. أبو سعود : أنا طنشتكن والا انتن اللي جايبات لي الشقا ويش اللي سوتوه من شوي تدرن لو اني مو فايق كان قمت و مسدتكن بالعقال. : .......................... أبو سعود : متى تعقلن و تفكرن كبنات كبار واعيات حتى دانه اصغر منكن إلا انها اعقل منكن. وعد : أنت جبتها واجبرتنا عليها ماهو معقول حتى ما تفكر تأخذ راينا ثم تطلب مننا نتقبلها. أبو سعود : أنا ماني بزر ولا لك كلمة علي عشان اخذ رايك. وعد : دامك كذا تقدر الحب أنا بعد بحب لي واحد و بجي اقولك اني أنا احبه بشوف تتقبل الوضع والا لا. أبو سعود : ما عندي مانع بشرط يكون يحبك و ازوجكم لبعض لان هاذي النهاية الطبيعية للحب والا غيره ما عندي. نهى : من جدك عادي عندك نحب. أبو سعود جلس على الدرج : تتوقعون من واحد جرب الحب يحرم احد من انه يحب. جود : دامك هالكثر تغليها ليش ما تزوجتها من زمان.؟ أبو سعود : اخوها ما كان يبيني اخذها والحين بعد ما ترملت سنحت لي الفرصة اخذها اقول لا ما ابيها .؟ ميار جلست جنبه و مسكت عضدة : ما توقعت انك تحب احس ماهو لايق على رجال كبير يحب. أبو سعود : ليش ما عندي قلب يحب و يكره والا ماني أدمي بنظركم. وعد تقدمت عنهم و اعطتهم ظهرها : و ماما و خالاتي ويش مكانتهم بقلبك.؟ أبو سعود : كل وحده لها معزة خاصة. وعد : ما قلت لكم قلوب الرجال فندق كل جناح فيه حرمه. نهى : تبي الصدق يبه من شفتها ما لمتك تحبها.! أبو سعود ابتسم : صاروخ صح.؟ بناته ضحكن عليه .. سها : شكلها مراهقة متأخرة. أبو سعود وقف : معطيكن وجه تكلمن علي يالله اشوف قدامي تسلمن عليها وتبوسن راسها. وعد : عاد هاذي قوية يا ابراهيم ما طرى علي بست راسها زين إن صافحتها كثر خيري. أبو سعود : شكلكن ما أنتن معديات هالليلة على خير يالله قدامي. وعد : طيب لحظة .. أبو سعود : ويش عندك.؟ وعد : امممم ناوي تخليها تجيب عيال.؟ أبو سعود : كان زين والله. : بــــابــــا. أبو سعود : ويش فيكن ما تبون اخوان كتاكيت صغار. ميار : لا ما نبي يكفينا فارس. أبو سعود : إذا ربي كتب لنا عيال ما احد بيردهم. نهى : خلها تأخذ حبوب. أبو سعود : ما تحسن انكن تماديتن وعطيتكن وجه بزيادة. يالله قدامي سلمن عليها بأدب. دخلوا كلهم مع بعض و تقدمن سلمن نهى سها ميار جود وعد. الاخيرة سوتها وسلمت مصافحة. اجلسن كل وحده مكانها. سعود : ما بغيتن تشرفنا بتواجدكن. وعد : والله ويش نسوي إذا أبو سعود الح علينا نشرفكم بتواجدنا. أحمد : وعد عيب. وعد : العيب للي يتكلم علي ولا رديت قالوا عيب. أبو سعود : إلا سها و جود و دانه وميار ما جبتوا لي طاري النتايج .؟ جود : بسم الله عليك ما نسيت حتى يوم زواجك. أبو سعود : كم نسبتك.؟ جود : لا تخاف بيضت الوجه إن شاء الله. أبو سعود : يعني كم .؟ جود : 93 ولله الحمد والمنه. أبو سعود : كويس مبروووك. جود : الله يبارك فيك بس ابي هديتي ترى مو بس مبروك. أبو سعود : افكر عاد .. و أنتِ ست سها.؟ سها : كثر الله خيري اني عديت يالله لك الحمد والشكر. أبو سعود : كم النسبة.؟ سها : ما تعصب هاه حطيت مدرسات وكل شي بس عاد هذا اللي طلع معاي. أبو سعود : كم ستين.؟ سها : لا زيدها ثلاثين. أبو سعود : تسعين.؟ سها : ياه اهم شي امتياز اوك. أبو سعود : يعني سلكتي بالعلمي. سها : لو انك مخليني ادبي كان جبت تسعة وتسعين فاصلة تسعة من عشرة. ياسر : ياشيخة وليش هالواحد من عشرة متبرية منه.؟ سها : يعني معلمة حاقدة علي والا مره ما جاوبت بعد ما يندرى. وعد : اهم شيء نجلاء كم اعطتك مشاركة. سها : تخيلي سبعة قهرتني الحيوانة. نهى : زين اللي عديتي بس منها ما شفتي شكلك وأنتِ تذاكرين مادتها كنك وعد على خفيف. أبو سعود : هاه ميار و ندى و دانه ويش اخبار المعدلات.؟ سها تهمس لوعد : ويش فيك ما تأكلين. وعد : بطني قالبة علي للحين ماني قادرة اقربه لفمي. سها : لا يكون داخلك برد.؟ وعد : ياااارباه على ذا التفكير من جدك احنا بشهر سبعة تعرفين شنو شهر سبعة من وين يجي البرد. سها : من المكيفات يا حبيبتي. ندى : الحمد لله يبه للحين مضبوط باقي لي مادة وحده للحين ما نزلت. دانه : حتى أنا باقي لي مادة ماهي راضية تنزل الكلبة. ميار : اما أنا ما نزلي إلا مادة وحده. سعود : لا تكونين حاملة المواد. أم سعود : بعيد الشر لا إن شاء الله. وعد رفعت رجولها على الكرسي : المادة اللي نزلت لعزة.؟ ميار : كان زين يا خيه لا ماهي لعزة الزفت هاذي إذا ما رصدت الدرجات اخر يوم ما ترتاح توسوس تخاف زايدة بنت ربع درجة والا نص. ياسر يناظر بوعد : ليش ما تأكلين.؟ وعد : مالي نفس. نهى تكلم خواتها : شعرها فيه شيب والا أنا عمياء؟ ميار : إلا فيه شيب ما تشوفينها خصلة ويش كبرها بقصتها. جود : غريبة ليش ما صبغت.؟ سها : ليش يعني بيختفي الشيب لا صبغت بكره بيطلع خليها كذا احسن. نهى : عاد تصدقون يعجبني الشعر الابيض احسه وقار. وعد : بابا. أبو سعود : هلا. وعد : عمي بندر ما عنده نية يرجع السعودية.؟ خالد : ويش جابة على بالك.؟ وعد : اشتقت له الشين. أبو سعود : والله ما كلمني من فترة طويلة الله يهديه ما ادري متى ناوي الرجعة. سعود : ايه والله له وحشة ما كن لنا سنين ما شفناه. ميار : مين يطلع هذا.؟ جود : واحد فاصل مضرب عن الزواج من كثر ما يحنون عليه جداني بيزوجونه انحاش برا السعودية. ميار : وليش ما يبي يتزوج.؟ نهى : يقول للحين ما لقى من يتيم في هواها. وعد : الله ما عطاه ما عطى بعض الناس.<< تقصد أبوها. أبو سعود : ترى ماني غبي و اقول ما فهمت انك تقصديني. وعد ابتسمت : طول عمرك ذكي يعني ما راح تفهم قصدي. أبو سعود : يا شيخة تراني مربيك يعني حتى لو ماني ذكي اعرف مين تقصدين. سها : كل عيال عيلتنا طالعين عليه بالاضراب عن الزواج من كثر ما جلسوا معاه بمراهقتهم ولا واحد للحين فيهم تزوج. أبو سعود : مشعل و وليد بكره نتايجكم.؟ مشعل بلع ريقة : إن شاء الله. أبو سعود : زين الظهر إن شاء الله بسمعها. وليد : اجلها يبه توك عريس مانبي نكدر عليك. أبو سعود : عشان لا شفتكم جايبين العيد ارسلكم للشركة تداومون عني. خالد : عز الله الحلال ضاع. مشعل : ليش تشك بقدرتنا على ادارة الشركة.؟ ياسر : ماهو شك إلا أكيد انتم لو فالحين كان طلعتوا من الثانوي وادرتوا حياتكم مو واحد مبلط لي له ست سنين والثاني خمس يعني المفروض انكم على وجه تخرج من الجامعة هالسنتين. منيره : يمكن ما يحبون الدراسة و عندهم هوايات او ميول في شيء معين.؟ أبو سعود : الشهادة سلاح يدرسون ويتخصصون باي شيء يبونه ماني معارض على اللي يبونه. وعد وقفت : وانا ماخذه هالسلاح ونايمة عليه .. سفرة دايمة.. إن شاء الله دايم تكون يمك عروستك. أبو سعود ابتسم : بالعافية إن شاء الله كلكم يمي. وعد : عن اذنكم بنام ولا احد يفكر يوقظني. جود : متعوب عليها يوقظني. وعد تمشي : بالحيل. أم احمد : ليش ما تاكلين يمه.؟ جود : أنا لو بالعة مفطح تقولون ما تاكلين. سعود : غصب كل ما شفتك و أنت صغرانة. جود : الناس تكبر وانا اصغر يعني. سعود : تقريبا بقي شوي وتختفين. جود : لا اختفت وعد أنا اختفي. ياسر : والله انتن يبي لكن من يوقف على اكلكن انتن و ميار. ميار : أنا مسوية دايت. ياسر : نععععم دايت ليش ويش اللي زايد فيك. ميار : ودي انحف اربعة كيلو احس من جيتكم وانا بس ابلع. أم سعود : يعني بكم اسبوع عندنا بتسمنين. ميار : والله أول يمر علي يومين ما اكل شيء عادي انتم هنا لا بذات وجبة العشاء لازم الكل يجلس عليها احنا لما كنت عند اهلي الوجبات تقريبا محذوفة وجبة فطور هاذي اساسا ملغية خير شر امي وابوي يجتمعون على وجبة الغداء و العشاء يتعشون أي شيء يعني مو مهم و أنا وعبدالله نطلب من برا وكل واحد ياكل لحاله يعني ما نعرف نتقابل على سفرة وحده. ندى : اجل لقيتي صعوبة بانك تكيفين مع بيتنا. ميار : اممم يعني بس انتم مو بس الأكل نظام البيت كله اشياء كثير عندكم ممنوعة أنا كنت اسويها غير كذا بيتكم ماشاء الله صيييحة طول الوقت بس الهجدة اخر الليل احنا لاا بيتنا 24 ساعة هادي لانه ما احد فيه غير امي وانا اما عبود وابوي اغلب وقتهم برا واخواتي يجونا اخر كل اسبوع. أبو سعود : ما تحسين انك تفصلين نفسك عننا بكلامك. ميار باستنكار : أنا..؟ أبو سعود : ايه قلتي بيتكم و انتم ولما تتكلمين عن الناس اللي عشتي معهم كنت تقولين احنا وبيتنا. ميار ابتسمت : ما لاحظت لا يكون زعلتوا.؟ أبو سعود : لا ليش نزعل يبي لك فترة طويلة عشان تتعودين. .. أول ما دخلت غرفتها انصدمت بالشيء اللي لامس راسها نطق بهمس : حركة وحده راح افرغة براسك. بلعت ريقها من الخوف ما عاد تقدر تسوي شيء ما تقدر تصرخ او تنطق تبي تنادي ما احد راح يسمع صوتها لانه ما راح يطلع منها صوت اصلا. لف يدينها وراء يربطها. نطقت اخيرا : مين أنت. ابتسم باستفزاز : ما عرفتي صوتي.؟ شلون ما عرفته أكيد هو الكلب اللي برا شلون قدر يدخل اخوانها وابوها كلهم فيه والحرس اللي برا ويش بتسوي كيف بتفك نفسها حاولت تحل يدها من رباطها : فكني الله يفك الدنيا من شرك. صلاح : لا تدعين علي عشان ما اخفيك عن الدنيا كلها لي حساب مع اخوك وبصفية. والحين راح ننزل تحت نفاجئهم خصوصا بليلة زواج أبوك بتكون هدية متواضعة بقدمها له. وعد : يا واطي. يا حقيـ قطعت كلمتها لانه حاط اللصقة على فمها. صلاح : خليك مؤدبة وشاطرة ولو تبعدين عني خطوة ما راح اتردد اني اذبحك واذبح أبوك واخوانك قدام عيونك لانهم لا شافوك ما راح يقدرون يسوون شيء وانا بذبحهم قدام عيونك واخليكم تشوفون كيف تموتون ميتة وحده بعدها اخذك لي. عيونها بتطلع من راسها على الكلام اللي تسمعه مستحيل تتحمل شيء زي كذا شلون احد يموت بسببها ما راح ترضى عن أي روح تموت بسببها كيف يكونون اغلى الناس على قلبها. مسكها من عضدها يمشيها : خلينا نتأكد إن كل الغرف اللي هنا ما فيها احد. مر على كل الغرف وفتحها وهو يسحبها معاه بعدها وصل للدرج : خليك عاقلة عشان ما تحديني على شيء ما يرضيك أنا ثاري مع اخوك سعود و بس لا تخليني اخلص عليه وعلى اهلك كلهم. فاهمه. هزت راسها بايه .. نزل على الدرج وهي معاه و المسدس موجه لراسها. أول من انتبه وليد وقف بصدمة ويوم شافوه كلهم وقفوا معاه بعد المنظر اللي يناظره وليد. تجمد الدم في عروقهم او ما عاد فيه دم يجري فيهم خير شر ما عاد فيه حياة ولا الوان ما عاد فيه شيء. صلاح ابتسم باستفزاز : اخذتوا تهديداتي باستغفال تحسبون اني ما اقدر ادخل بيتكم تحسبون ما فيه رجال يقدر يدخل بيت فيه سبع رجال. لكني أنا قدرت ادخل وكلكم موجودين و بليلة ما تنسونها مثل هاذي. سعود بعصبية : ويش تبي فيها مو حسابك معاي اتركها و خذني بدالها. صلاح : و أنا بحاسبك فيها ويش يهمني اقتلك الحين من غير لا اقهرك قبل لا تموت. أبو سعود تقدم خطوة : ويش اللي تبيه و احنا بنعطيك اياه. صلاح : اولا لا تقدم ولا حتى ربع خطوة عشان ما افرغة براسها. ياسر : ويش بتستفيد من اللي تسويه. صلاح : استفيد اخلي اخوك قلبه يغلي مثل ما خلاني اغلي ثمان سنين. أنا ما ابي اعاديكم كلكم بس سعود دمرني و دمر مستقبل و حياتي وما راح اخليه يتهنا. سعود اللي منزل جواله ويرسل رسالة لعساف بالموضوع و ما يبي صلاح ينتبه. أبو سعود : كم يعوضك. صلاح : بنتك. أبو سعود : وشوو.!!؟ صلاح : تبوني انسى اللي صار نصير نسايب تعطيني بنتك تعوضني عن السنين اللي قضيتها بالسجن بسبة ولدك. خالد بعصبية : تخـــــسى. صارت تهز راسها وتصيح تحاول تبعد عنه لكنه ماسكها : انطقي مكانك لا تخليني اثور فيك. أبو سعود : وعد اهدي. صلاح : ويش قلت.؟ أبو سعود : شلون تبيني اثق انك تعز بنتي وترزها وتحميها. صلاح : لا تخاف بعيشها بمستوى افضل من هذا و إذا على الحماية أنا احبها ولا ارضى عليها تنضر. سعود بحدة : حبك برص إن شاء الله. أبو سعود : سعود اهدأ. ياسر : يبه تسمعه ويش يقول إن شاء الله ناوي تخليه ياخذها. أبو سعود بحزم : إذا بننهي كل ذا الموضوع ايه. وعد ما راح ترفض انها تضحي بنفسها عشان اخوها. سعود بصدمة : تضحي بنفسها يعني أنت عارف انه ماهو كفوو لها شلون ترضى يبه. أبو سعود بحزم : بنتي والا بنتكم.؟! خالد بعصبية يحاول يكبتها لكنها ظاهرة علية : اختنا يبه شلون نرضى نرميها هالرمية. صلاح: لا تحسب انك بتستغفلني تراني ماني خبل راح اخذها معي لين وقت الملكة وتملك في بيتي. أبو سعود : لك اللي تبيه. بس سعود ما تقرب منه وتنسى اللي بينك وبينه. انصدمت بااع حياتها عشان حياة سعود باعها هي عشان بكرِه رماها عليه أكيد بيرميها شلون يكون يبيها يبي يفتك منها ومن مشاكلها ومن وجع الراس اللي مسببته له أكيد بيقولها انحديت يا وعد انحديت اعطيه ما ترضين حياة اخوك تروح بسببك بس هي مالها ذنب مالها ذنب تعيش مع واحد كلب وحقير زيه شلون يأمنه على قطعة منه. صلاح ابتسم : لك ما تبي شلون اضر خال عيالي. .. .. لا اله الا أنت سبحانك إني كنت من الظالمين.. لا أحلل نقل الرواية دون ذكر اسمي.. ضحكة قهر.. |
رد: لو سألتي الورد وهو ما بين إيدك أقطعك بيقول لك عمري فداك الكاتبة / ضحكة قهر
هﻻ يا قمر الرواية تحفة جدااا ومجهودك رائع تسلمى
|
رد: لو سألتي الورد وهو ما بين إيدك أقطعك بيقول لك عمري فداك الكاتبة / ضحكة قهر
بس فيين باقى الرواية مش تتاخرى علينا بليز
|
رد: لو سألتي الورد وهو ما بين إيدك أقطعك بيقول لك عمري فداك الكاتبة / ضحكة قهر
البارت الحادي عشر..
مدخل:/ ما أخاف من حزني على فراق شهرين , أخاف لا آشيب و أنا ما نسيتك. تتيانا بصراخ : ابـــــراهيم. ابراهيم يبكي : يمه تكفين لا تحرقيني يمه الله يخليك. : تعال هنا أنت لا تستمع لكلامي. رند : ماما لا لا مــــــــامـــــــــا. لم تستمع لبكائهم و صراخهم دائماً ما تستفرد بهم عندما تتاكد إن والدهم لن يأتي .. وضعت الملعقة المجمرة على ساق ابنها ليطلق صرخة موجوعة : يـــــــــــــــــــــــــــــــبـــــــــــــــــ ـــــه. تتيانا : نعم بصوت اعلى عله يسمعك... إن علم والدكم بالامر سوف افعل بكم ماهو اشنع من ذلك اتفهمون. هزوا راسهم خوفاً منها لتتركهم وتذهب. رند : ابرهيم يعولكِ. ابرهيم : لا أنا رجال ما اتعور لا تعلمين أبوي عشان ما تضربنا مره ثانية. رند : هي دايم تدلبنا. ابراهيم : لا تزعلين أبوي بيجي وما راح تضربنا... رباه ابوه على المرجلة من عمرِ صغير ليصبح هو رجال البيت بغيابة ولكن والدتة تسيطر على كل شيء بغيابة. .. .. أبو سعود : لك اللي تبيه. بس سعود ما تقرب منه وتنسى اللي بينك وبينه. انصدمت بااع حياتها عشان حياة سعود باعها هي عشان بكرِه رماها عليه أكيد بيرميها شلون يكون يبيها يبي يفتك منها ومن مشاكلها ومن وجع الراس اللي مسببته له أكيد بيقولها انحديت يا وعد انحديت اعطيه ما ترضين حياة اخوك تروح بسببك بس هي مالها ذنب مالها ذنب تعيش مع واحد كلب وحقير زيه شلون يأمنه على قطعة منه. ابتسم : لك ما تبي شلون اضر خال عيالي. بحدة : نزل سلاحك والا بثور فيك. تجمد مكانه ..تفاجا باللي سحب يده اللي فيها السلاح ولفها وراء ظهره. : شلون تتجرأ تسوي هالعملة معنا. لف عليه : عساف بن عبدالرحمن الـ ـ ـ ـ ـ ياهلا وسهلا. عساف : والله يا صلاح لا اوريك نجوم الليل بعز الظهر على عملتك هاذي... صرخ فيه: اتــــــــــــــرك وعــــــــــــــد. تركها لكنها ظلت مكانها ما تحركت من الصدمة و الخوف. انطلقت الرصاصة من المسدس و صابتة برجلة خلاه يخفف من مسكته بس لما شافه بينحاش منه شد عليه قرب سعود لهم وسحب المسدس منه وضرب في صلاح لين قال بس : يا خسيس يا نذل أنت تعدى على بيتنا. ياسر يعطيه ضربة على صدرة : شلون تتجرأ تسويها معنا .. فرحان انك رجال داخل بيتنا.. سعود : اقرأ على روحك الفاتحة. ياسر : اقتله بارضة. أبو سعود بحده : لا تقتله بيموت بالسجن. جلس على الارض ما احد انتبه انه انصاب المسدس اللي مع صلاح فيه كاتم صوت.. الدم يسيل من رجله. تقدم له أبو سعود وعيال عمه : عســـــــــــــــاف. عساف بضعف : بسيطة إن شاء الله .. سعود خذ الكلب و ارمية بالحجز الدورية برا أنا مكلمهم. سعود ماسك صلاح هو وياسر : لا تشيل هم اهم شيء ناخذك للمستشفى هالحين. أبو سعود : يالله نشيله. عساف : عمي اقدر امشي بس اعطيني أي شيء استند عليه. أبو سعود وقف : بتستند علي. كانت واقفة بالقرب منه دموعها تسيل خوفا من وجود ذاك الشخص خوفا على ذاك الذي يتألم هناك من ارتبط باختها دموعها تسيل على آلمها و آلمه سوياً.. لا شيء بيديها سِوا البكاء فيديها ما زالت مقيدة للحظة حمدت الله انها مقيدة ممكن إن تقترب اليه وتنسى جميع الحواجز بينهم... عساف لم تكن حالته اهون منها.. لا يريد رفع ناظريه اليها و يجاهد إلا يفعلها لكنه يريد الاطمئنان عليها ولكن أختها التي سيرتبط بها خلفها يعيش صراع اليم بين قلبه و عقله.. قلبه يقول له انظر فتلك من احببتها وعقلة يقول له لا تخون.. احمد مسكها : وعد. ناظرته وهو يفك يديها و شال اللصقة عن فمها ... حضنته بقوة من خوفها تعلقت فيه. احمد : لا تخافين خلاص اهدي. سعود : بنرمي هذا بالسجن ونلحقكم. أبو سعود يسند عساف : لا تتركون البيت كلكم خلك أنت و ياسر ومشعل و وليد هنا. وطلعوا أبو سعود وعساف واحمد وخالد مع بعض للمستشفى. وطلع سعود وياسر و رموا صلاح بسيارة الشرطة. سعود : ابيكم ترمونه بالحجز و ما تعطونه شيء لين نجي فاهمين. .. .. أم ندى : خلاص اهدي. وعد تصيح : مقهورة مقهورة بنبط. سعود : عشان كلام أبوي. وعد : ايه. ياسر : خبله من جدك يجي ببالك أبوي يزوج واحد زي هذا. وعد : ليش ما سمعت ويش قال. سعود : كان يجاريه يالهبلة لانه شافني يوم ارسلت لعساف يجي. وعد : يعني ما كان راح يخليه ياخذني. : اخليه ياخذ روحي ولا ياخذك. شافته راحت له تجري حضنته تبكي : خفت يا بابا. أبو سعود : من جدك تبيني ارخصك هالكثر ليش لاقيك بالشارع. سعود : يعني ما عندك استعداد تضحين بحياتك عشاني. وعد : لا ما عندي استعداد. سعود : لو كان بيذبحني بس تزوجينه ترضين.؟ وعد : ليش تبيني اهدم حياتي عشانك. سعود ابتسم : افاااا هذا وانا اقول اختي تحبني. وعد : احبك بس مو لدرجة ابيع عمري واتزوج واحد مجرم عشان خاطرك. أم ندى : كيف عساف. أبو سعود يجلس و يجلس وعد بحضنه : بخير الحمد لله طلعوا الرصاصة... خلاص اهدي لا تصيحين. وعد : خايفة يا بابا. أبو سعود يشدها له : ما فيه شيء يخوف صلاح وصار بالسجن و احنا كلنا حواليك ما فيه شيء يخوف. سعود : والله اني شايل بقلبي على صلاح احس اني بنفقع. ياسر : اهم شيء ما يطلع من السجن. سعود : يخسى عليه كم تهمة متعدي على البيت و نية قتل و مروج مخدرات يحلم يطلع منها. أم سعود : تكفى يا امي انتبه منه لا تحقق معاه لحالك انتظر لين عساف يطيب. سعود : افااا ليش بزر أنا تبين عساف يحميني. أم سعود : ماهو قصدي يمه بس خايفة عليك طيب خل معاك ضباط لا تجلس معاه لحالك. سعود آشر على أنفة : على هالخشم كم حنان عندنا. أم احمد : اجل وين خالد ما جاء معاكم. احمد : بينام عند عساف ماهي حلوه نخليه ينام لحاله. جود : عنده اخوه يزيد ينام عنده. أحمد : الرجال مساعدنا و واقف معنا لولا الله ثم هو كنا بخبر كان ثم نخليه كذا. أبو سعود : إن شاء الله بسوي له سلامة بالمزرعة. ياسر : يستاهل والله ما يقصر. جود تهمس لنهى بسخرية : ماشاء الله جية خالتك خير على بيتنا. نهى : مبين من اولها. .. .. جود : ندوش زوجك البطل المغوار طلع من المستشفى. قاطعتها ندى بحده : ماهو زوجي للحين. جود : إن زين ويش فيك عصبتي إن شاء الله بيكون زوجك. أبو سعود : جود خلصي صحنك. جود : هذا أنا احاول. أبو سعود : لا تكذبين علي تراني اشوفك ماني اعمى تمثلين انك تاكلين. جود نزلت ملعقتها : ماني مشتهية. سها : ويش بتسون الحين.؟ ميار : ما ادري احس طفش من أول الاجازة. جود : و أنا بدور لي فيلم. ميار : اجل أنا معاك. نهى : وانا بنام وراي دوام بكره ماني مثلكم. ندى : حتى أنا بنام. دانه : وانا شكلي بشوف الفيلم معاكم. جود : ماهو يعني تقززين و تسوين سالفة. دانه : لا تخافين إذا شفت اشياء مقززة بقوم من نفسي. سها : وأنتِ وعد خانوم. وعد : عندي شغلة خاصة. أبو سعود : اهم شيء ما تكون مصيبة جديدة. وعد : امبلى اطبخها على نار هادية. أبو سعود : وعيــــد. وعد تغني : وما تجيك أنت المصايب إلا من الحبايب. أم ندى : أنتِ ويش بلاك لك فترة ما انتِ طبيعية..؟ وعد : ليش ويش فيني.؟ أم ندى : متغيرة علي ما عدت اعرف لك. وعد : ما احب احد يتنبأ بتصرفاتي. عشان افاجئكم كل مره بشيء جديد. أم احمد : يا امي جود ليش ما تأكلين. جود : ماني مشتهية يمه. أبو سعود : جود كلي عشان صحتك. جود : بابا ما ابي مالي خاطر فيه. احمد : إذا ما اكلتي بحقنك ابره تعدلك السكر. جود وقفت : مابي لا ابره ولا غيرها ابي انام. أبو سعود لحقها قبل لا توصل الدرج ومسكها : تعالي بتاكلين يعني بتاكلين وان ما رضيتي احمد بيعطيك الابرة. جود : ما ابي بابا ماني مشتهية والله مالي خاطر. أبو سعود شدها معه لطاولة الأكل : بتاكلين غصب. جلسها جنبه على كرسي فارس بيوكلها : يالله افتحي فمك. جود صدتة بيدها : ما ابي بابا الله يخليك. احمد وقف : معناتة راح اعطيك ابرة بجيب شنطتي. جود تنادي احمد الصاعد للاعلى : ما ابي احمد تعاااااال ما ابي ابرة. أم احمد : طيب يا امي كلي عشان ما تدوخين. جود لكنها بدت تدوخ وتفقد الوعي ما قدرت تسند نفسها اكثر و طاح راسها على كتف أبوها الجالس جنبها مسكها بسرعة ورفعه : جووود.. التموا حواليها بسرعة كلهم. احمد نزل معاه شنطتة وشافهم ملتمين حولها : خير. أم احمد : تعال يا أبوي شوفها. خالد : خلنا نشيلها نسدحها ع الكنب. احمد : اوك شيلها. شالها خالد وسدحها ع الكنب وجلس جنبها احمد كانت اطرافها ترجف و فاقدة الوعي. طلع الابرة وملاها بالجلوكاجون عشان يرفع معدل السكر عندها وحقنها فيها. أم احمد : يمه ويش صار الحين بتصحى. احمد اللي كان يضغط على يدها : إن شاء الله يمه. أبو سعود : احمد اخاف يصير لها شيء خلنا ناخذها المستشفى. احمد : إذا طولت ما استعادت وعيها بناخذها يبه. فتحت عيونها كلهم حواليها. أم احمد : جود يا امي. جود : ويش فيكم أنا بخير. أبو سعود : مبين بدليل اغمى عليك. أم احمد جلست جنبها وحضنتها : ليش تخوفيني عليك كذا. ياسر : يبي لنا نوديك المستشفى. جود : يعني بتوديني كل ما دخت.؟ ياسر : اهم شيء نتطمن عليك. جود : خلاص احمد قام بالواجب. أبو سعود : من اليوم ورايح يا جود ما ابي اجلس على السفرة انتِ مو قدامي جالسة عليها تفهمين الثلاث وجبات كلها ابي اشوفك قدامي. جود : بابا لا تكبر الموضوع. نهى : خايف عليك يا الخبلة. جود : ما ابي احد يخاف علي أنا مو بزر عشان تعاملوني كذا بس بقي توكلوني وتشربوني بانفسكم. أبو سعود : والله إن حديتيني لا اسويها يا جود. ميار : جودي لا عاد تخوفينا عليك اسمعي كلام بابا. منيره تهمس لام ندى : ليش هي ويش فيها.؟ أم ندى : هبوط بالسكر. منيره : الله يكون بعونها. أم ندى : آمين. احمد : دانة هاتي لها شيء خفيف تاكلة. جود : مو اعطيتني ابره يعني خلاص. احمد : لا ما يعني خلاص يعني بتاكلين غصب هالحين. دانه : اجيب شوربة.؟ احمد : اوك هاتيها. دانه : إن شاء الله. جود بدلع : ماما. أم احمد : لازم تسمعين كلام اخوك يا جود هو ادرى بصحتك. وعد : تصبحون على خير. نهى : بتنامين الحين.؟ وعد : ايه ليش.؟ نهى : مره بدري. وعد : مشتهية انام.. فوتكوا بعافية.. سلمت على رأس أبوها وامها وخالتها أم سعود وام احمد وطنشت منيره وطلعت غرفتها. ياسر : اختك ماهي معترفة بخالتك. خالد : بكره بتعترف غصب لا تخاف على أبو سعود. أم ندى : وعد متغيرة فيها شيء غريب. أم سعود : لا توسوسين يا نوال. منيره : حتى أنا حاسة فيها شيء. أم سعود : انتن بس قلقانات عليها بعد اللي صار. أم ندى : أنا ماني مطمنة ما ادري ليش احس مخبية علي شيء. أبو سعود : شيء !! زي ايش.؟ أم ندى : ماني عارفة. أبو سعود ناظر بناتة : تعرفن شيء احنا ما نعرفة.؟ كلهن هزن راسهن بلاا. أبو سعود : إذا فيه شيء قولوا لنا الحين عشان نحل الموضوع قبل ما يكبر مثل هذا ولا بغى ينتهي. سها : أنا ما اعرف شيء. أبو سعود : عاد الاسرار كلها عندك. سها ابتسمت : هذاك أول الحين ما عادوا يقولون لي شيء يعرفون اني اعلمك. أبو سعود : ههههههههههههه يعني فيه اشياء ما زالت مخباه عني. سها : اهم شيء خليتني فتانة. نهى : من جد صار ما ينوثق فيك. سها : تبيني انضرب يعني المشكلة يبوني اخبي اشياء ما تتخبى احس بتأنيب الضمير كل ما شفت بابا بس الحين اشوا ارتحت. أبو سعود : ترى مو بس سها أي وحده فيكن تخبي علي شيء وادري أنا عنه ما تلوم إلا نفسها سواء يخصها او يخص غيرها. أم ندى : أنت كلمتها يعني لسى زعلان منها.؟ أبو سعود : قصدك وعد .؟ أم ندى : ايه. أبو سعود : هي كلمتني وبصراحة كنت بعاقبها بس حسيت الموقف اللي مرت فيه و الخوف اللي عايشتة لحاله عقاب. أم ندى : لو كانت الهوشات اللي صارت عادية امشيها بس أنا ضربتها وابوها ضربها وتهاوشت مع كل اخوانها العادة إن تهاوشت مع واحد سوت من الحبة قبة وكبرت الموضوع هالمرة لااا وما كأن شيء صار. أم سعود : طيب كلميها يمكن تقولك شيء.؟ أم ندى : بروح اشوفها ماني مرتاحة .. وقامت. وقفت يوم شافت وعد جاية. : وعد. جلست : نعم. أم ندى : ايش فيك. وعد : ولا شيء. خالد : مو قلتِ بتنامين.؟! وعد : هونت. أبو سعود : وليش هونتِ.؟ وعد : قلت كلكم جالسين هنا اجلس معاكم. منيره : ليش ما تعترفين انك خايفة.؟ وعد : ماني خايفة. منيره : عاد مبين عليك. وعد : ومين حضرتك عشان تقرين دواخل خلق الله. أبو سعود : وعـــــد. .. .. أبو عساف : لا بخير الحمد لله. أبو سعود : الحمد لله. أبو عساف : لا تقلق ما فيه إلا العافية. أبو سعود : إن شاء الله بسوي له سلامة بس يتعافى. أبو عبدالرحمن : ماله داعي. عساف : جدي معاه حق ماله داعي.. قرب وباس رأس عمه. أبو سعود : إلا لها داعي ولا تحاول لاني مصر. عساف : يا عمي هذا واجبي بغض النظر عن انها بنت عمي احنا مسؤولين عن امن كل روح بهالبلد يعني معقولة بتكافئني على واجبي. أبو سعود : لا تحايل علي أنا قلت بسوي يعني بسوي. أم عساف : وكيف وعد إن شاء الله ماهي مرعوبة. أبو سعود : تمثل انه عادي رغم انها صارت ما تطلع لغرفتها لحالها و لا تجلس بمكان لحالها قبل تفرج على التلفزيون والكل نايم الحين لا حتى ما يغمض لها عين بالليل تنام بالنهار تحس انه امان وما احد يقدر يدخل. أبو عساف : طمنها يا اخوي لا تخليها خايفة كذا. أبو سعود : والله اني احاول بس للحين مرعوبة. أبو عبدالرحمن : متى ناوي تسوي الفحص أنت وبنت عمك.؟ عساف ليته يصير شيء يفركش ذا الخطبة : أول ما تشافى رجلي إن شاء الله. أبو عبدالرحمن : وأنت ولدك فصيل متى بيرجع.؟ أبو عمر : قريب يبه ما عاد باقي له كثير كم شهر و يخلص. أم عبدالرحمن : يالله يا ولدي خلونا نفرح فيكم. عساف : إن شاء الله قريب. عبير : من جد خاطري استمتع كذا باحساس اخت العريس. أبو عساف : بتستمتعين إن شاء الله لا تستعجلين على رزقك. عساف : وانا بدعي الله يكتب لي استمتع باخو العروسة قريب. عبير : هههههههههههههه إذا تقصدني مالك امل. عساف : نــعـــم..! وتقولينها قدامنا كذا وعماني فيه بعد. عبير : ايه عادي اضمن انهم سامعينها بذات عمي ابراهيم. ابراهيم : هههههههههه شبعان منها. عساف : إن شاء الله ما نسوي زي عمي ابراهيم و أول واحد يدق الباب نعطيه. عبير : اوووف لهدرجة ثقيلة على قلبك. عساف : اقول روحي بس جددي القهوة. عبير وقفت : على أمرك ما ينقدر عليك.. وراحت. .. .. نـــدى دخلت البيت بفرحة معها أمها ونهى ودانه وعد وسها.. : ماني مصدقة ابدا ابداً اني اخذت الماستر. أم ندى بفرحة : صدقي يا امي عقبال الدكتورة. ندى : آميـــــن. الجميع على طاولة الأكل عدا أبو سعود.. منيره : هاه ويش سويتوا.؟ أم ندى : الحمد لله امتياز. : مبروووك .. مبروووك ترددت من الجميع على مسامع ندى. وعد : عقبالي يــــــــآآآرب بس هقوتي لو افحط بروو ما خلاني. أم ندى : انتِ معقدة الموضوع كملي باي تخصص ثاني. وعد : لا وستين لا ما ابي إلا تخصصي. نهى : عاد ياليتك داخلة ذا التخصص برضاك. ياسر : لازم نسوي لك عشاء بذا المناسبة. وعد : احنا بنسوي لها حفلة عائلية بناتية جست. خالد : نفهم إن احنا مطرودين. نهى : ايه تقريباً. : السلام عليكم. : وعليكم السلام. سها : ليتني ادرس بكالوريس و اخلص ما اتوقع نفسي افكر اكمل ماستر. دانه : بالعكس شيء مره حلو يكون معاك شهادة عالية ويش تسوي الحين البكالوريس كل الناس معاها بكالوريس. نهى : خواتي. سها : هلا يا حبيبتي. نهى : بنت عمتكم السامجة تعزمكم يوم الخميس على بارتي وتقول لازم تجون كلكم والا بتزعل. وعد : حامض على بوزها البي لها دعوة. مشعل : والله انكن ما تستاهلن. وليد : مين هي السامجة.؟ نهى : ومين بيكون غير مها. أحمد : قدامي بعد تسبنها ما تستحن على وجيهكن. وعد : شوف اخي العزيز أنا احبك و احترمك وكل شي بس انك تخطب مها و تبيني اوقف سب فيها ما اقدر كل شي فيها يقول تعالوا سبوني. سعود : احمدن ربكن أبوي ماهو فيه والا ما رضى تكلمن عن بنت اخته كذا. سها : يا اخي العزيز والدك الغالي مسوي نفسه اعمى عن بنت اخته هاذي بالذات. أبو سعود : السلام عليكم. : وعليكم السلام... وقفوا عياله كلهم يسلمون عليه. جلس معهم على طاولة الأكل : هاه ندوش ويش اخبار الماجستير. ندى : الحمد لله اميتاز. أبو سعود : مبروووك. ندى ذهبت اليه لتقبل رأسة : الله يبارك فيك. أبو سعود : ويش اخباركم.. اليوم ما عرفت ويش سويتوا. نهى : ويش بنسوي كلهم ما يداومون بس أنا اللي اداوم يا عوينتي. أبو سعود : أحسن بعد ويش تبين بجلسة البيت.. وعد انتِ فيك شيء.؟ وعد : لا. أبو سعود : امك تقول فيه شيء مخبيته علينا. وعد : هو فيه بس سؤال مو موضوع. أبو سعود : ولمين هالسؤال.؟ وعد : لك. أبو سعود : اسالي. وعد : مو لحالنا احسن. أبو سعود : لا عادي اسالي. وعد : تعرف.. عامر سلامه الـ ـ ـ ـ .؟ أبو سعود رفع حاجب : و أنتِ ايش عرفك فيه.؟ وعد : قابلت وحده قالت انه عمها ويعرفك. أبو سعود : و أول مره تقابلين وحده تقولك إن أحد من عيلتها يعرفني.؟ وعد تمرر لسانها على اسنانها السفلية : لا. أبو سعود : ايش معنى هاذي سالتيني عنها.؟ وعد : بس كذا. أبو سعود : قالت لك شيء.؟ وعد : شيء زي ايش.؟ أبو سعود : أي شيء يا وعد. وعد : ايه .. وابي اعرف السالفة منك. أبو سعود يشرب من كاسة المويا اللي قدامه و يسترخي على الكرسي : أول شيء قولي لي ويش قالت لك.؟ وعد بلعت ريقها : ماله معنى. أبو سعود : لو ماله معنى ما كان قلتي لي. وعد وقف : خلاص انسى الموضوع. أبو سعود بحزم : ما ابي انسى, اجلسي و علميني ويش قالت لك.؟ وعد جلست وبتوتر تكلمت : قالت انك .. متهاوش مع أبوها .. و انك ... نزلت عيونها على الطاولة : سارق فلوسهم و و معيشنا بفلوس حرام. سعود فز من مكانه : أنتِ شلون تقولين هالكلام لأبوي ما تستحين على وجهك. ياسر بعصبية : ما عدتي تفرقين لمين توجهين كلامك. أبو سعود : هدوووء اجلس يا سعود... سعود : يبه قلة ادبها كثير وتجاوزت حدودها. أبو سعود : قلت اجلس.. جلس سعود. أبو سعود: قلتِ إن عمها عامر ثم قلتِ متهاوش مع أبوها. وعد : هو أبوها بس أنا كنت بسالك وقلت عمها بس. أبو سعود : و صدقتيها. وعد : لاااا بس هي قالت واجهي أبوك و ما راح ينكر ماصدقتها وتهاوشت معها حتى اني انفصلت من المعهد بسبة الهوشة بس الشيطان يوسوس لي كل شوي ويذكرني بالموضوع. أبو سعود : أبوها ماله حق عندي لو له حق كان اخذه من 30 سنة بالمحكمة. احمد : ويش القصة يبه.؟ أبو سعود : لا قصة ولا شيء بس كان فيه مجموعة اراضي لي شلو شلايلهم واستحلوها وطلعوا عليها صك يقولون انهم مشترينها من واحد واشتكيت عليهم و احكمت لي المحكمة لان معاي صك عليها من قبلهم ولا بعت لاحد وهم ما صدقوني. ياسر : إن شاء الله عمرهم ما صدقوا بالطقاق. مشعل : وانتِ تتركينها تسب أبوك وتسكتين لها. وعد : ما سمعتني قلت تهاوشت معها ومع المديرة بعد وفصلوني من المعهد. أبو سعود : فصلوك متى هذا الكلام. وعد : اخر أول اسبوع داومت فيه. أبو سعود : يعني أول سالفة صلاح ولا علمتيني. وعد : ما كنت مهتمة للموضوع ماني مصدقتها بس. أبو سعود : اقصد ما علمتيني على انك انفصلتي من المعهد وكنت تعاندين تبين تداومين. وعد : ما كنت ابي اداوم و ابي اضمن اني ما ارجع للمعهد. أبو سعود : تقومين تعصبين فيني و تعصين كلامي يا وعد. وعد : لو قلت لك اني انفصلت من المعهد ما كنت راح ترضى و تدخلني معهد ثاني وانا ما ابي ادخل معهد ما احس اني مستفيدة منه شيء. أبو سعود : ما راح احاسبك على شيء قضى يا وعد بس لو كررتي هاذي الحركة يا ويلك عاد شفتي عرفت منك بالاخير .. و ابيك بموضوع دام اخوانك كلهم هنا. وعد : خير إن شاء الله. أبو سعود : خير إن شاء الله .. تعرفين سلطان زميل خالد. وعد كانها فهمت : ايه. أبو سعود : طالبك على سنة الله و رسولة. وعد : وانا ماني موافقة. سعود : وليش.؟ وعد : مزاجي ما ابي اتزوج الحين قبل ما اخذ شهادة أنا اتمناها ما ابي اتزوج. خالد : وعد ماهو معقول كلامك بتجلسين كذا طول عمرك وبعدين سلطان ما ينعاب يا وعد. وعد : وانا بعد يا خالد ما انعاب وما ابيه. ياسر : اشك انك بكامل قواك العقلية أول شيء رفضتي عساف ثم عمر والحين سلطان هذا غير الرجال السنعين اللي خطبوك حسبالك كل يوم بيجيك عريس عدل. وعد : وحسبالك إني ميتة على الزواج.؟ أم ندى : وعد يا يمه ما يصير اللي تسوينه اللي كبرك متزوجين من زمان وعندهم عيال وأنتِ كل ما جاك واحد رفضتية. وعد : ماما رجاءاً لا احد يكلمني بالموضوع قلت لكم ما أبيه. وبعدين هذا هم خواتي اكبر مني ما تزوجوا جات علي. أحمد : طيب فكري اعطي نفسك فرصة سلطان ما يتعوض يا وعد. مشعل : واذا ما اخذتي الشهادة اللي تبينها ولاك قعدتي لا زوج ولا شهادة. وعد : والله اهون علي من اني ابدد طموحي بسبب الزواج الزواج ماهو مهم بالنسبة لي أنا من اولوياتي الشهادة قبل كل شي. أم سعود : يا يمه ما يخالف احنا ما نعارض انك تأخذين شهادة عالية و كثير بنات يتزوجون ويدرسون ماهو عيب يا يمه. وعد : لاااا يا خالتي إلا أنا احب اعطي كل شيء حقه ولا تزوجت بانشغل يا بطموحي يا بالزواج و بكون مقصرة باحد الطرفين وانا ما ارضاها بحق نفسي. سعود : لا ما راح تقصرين سلطان متفهم و بيراعيك بدراستك و يساعدك و يوقف معاك مو كل عمرك تبين واحد متفهم هذا هو جاك ليش تردينه. وعد : الله و اكبر إذا أنت بنظرك متفهم معناتة متحجر بنظري. ياسر : والله انك ما أنتِ صاحية مره وحده بس فكري بحياتك عدل. وعد : يعني كلكم واقفين ضدي. ياسر : ايه بلاه من رداك ولا تعرفين مصلحة نفسك. وعد : عاد كيفي أنا ما ابيه. أبو سعود بهدوء : بخليك تفكرين بهالموضوع فترة و بعدين بنشدك عن رايك فكري يا وعد فكري. وعد وقفت : أنا قلت لكم رأيي وماني متراجعة .. عن اذنكم.. وطلعت. سعود : قسماً حقها الذبح تنرفز الى متى هالحالة.؟ أحمد : ما تبيه يا سعود وما فيه شيء بالغصيبة. سعود : الى متى يا احمد عاجبتك حالتها كل مره راده واحد من شيوخ الرجال اللي لا انطرى اسمه تفز مجالس الرجال على رجل وحده وهي كل مره ترفض. ياسر: لا تسمعها كلام يا احمد وتخليها كل مره تقوى ترفض واحد وراء واحد بكره ما يطق بابنا احد يبيها زينه يقولون كل ماجاها واحد ردته أكيد فيها بلاء. احمد : و زينه تاخذ واحد ماهي مقتنعة فيه. سعود : ما هي مقتنعة فيه اليوم بكره بتقتنع لا تحسب الناس بتسكت والله غير يجيبون سيرتنا بالشينة. ياسر : ايه والله انك صادق ما راح يفكرون إلا انه فيه شيء يمنعها من الزواج ويخليها ترد واحد وراء الثاني خوف الفضيحة. احمد : انتم شلون تفكرون باختكم بهالشكل. سعود يسند ظهره على الكرسي : قولي ويش اللي بيجي ببالك ببنت بحالة وعد انخطبت ما ادري كم مره لرجال وهي ترفض من غير أي سبب ولا دون أي تفكير ولا مره حطت عقلها براسها و فكرت زين. ياسر : رايها تقوله من أول ما تدري ليش لانها مبيتة النية ما تزوج. أم سعود : استغفروا ربكم تراها اخيتكم لا تسمع كلامكم وربي يصير فيها شيء. سعود : طيب خليها تقنعني يمه ليش ما تبي الزواج وانا مستعد ما افاتحها بالموضوع كلش. أم ندى : ماخذة السالفة عناد عشان دراستها ما كملتها كانها تبي تقهرنا برفضها ما تدري انها تضر نفسها. نهى : صفيتي معاهم يمه على بنتك.! أم ندى : هذا الصدق يا نهى والا انتِ تعرفين سبب رفضها. نهى : لا ما اعرف بس مهما كان هاذي بنتك ما توقفين معاهم ضدها. أم ندى : إن كانت م تعرف مصلحتها كلنا بنوقف ضدها. أبو سعود : أنا راح اخليها تفكر وارجع افاتحها بالموضوع... وين ميار.؟ أم سعود : بغرفتها. أبو سعود : قلتي لها على ولد سند.؟ أم سعود : لا ما قلت لها. سعود : يبه من جدك بتعطيها ولد خالي سند والله ما يستاهلها ولا يستاهل ظفرها. أبو سعود : شايف عليه شيء. سعود : يا يبه ما هو متربي ولا عنده اخلاق ولا يأتمن على اختي. ياسر : أنا شفته مره من شعره اللي لامه بربطة غسلت يدي منه. مشعل : وانا شفته مره يدخن و يشيش < قالها بنبرة ذات معنى لوليد. خالد : بس هذا هو اللي ناقص نزوج اختي واحد يدخن. نهى : ليش عيب التدخين.؟ خالد : ليش تثقين بواحد يعرض حياته للخطر كل يوم.؟ نهى : على نفسة كيفه هو اللي بيمرض ماهو أنا. خالد : وليش ما أنتِ عايشة معاه بنفس البيت يعني بيدخن و حتى أنتِ بتأثرين فيه و بكره يجونكم عيال ويتعبون من التدخين. أبو سعود : يعني ماهو معجبكم.؟ سعود : لا يبه ما نبيه يأخذ ميار. أبو سعود : خلاص كلمي اخوك قولي له ماله نصيب عندنا. أم سعود : إن شاء الله. أبو سعود : هاه جود كيفك اليوم.؟ جود : بخير انشد عنك. أبو سعود : دامني شفتك واعية قدامي فانا بخير. سها : الله الله. كل هالغزل لها واحنا طيب مو بناتك والا لازم نمرض عشان تدلعنا صارت طلباتها ملباه. أبو سعود : استغفر الله تتمنين المرض .. وبعدين ويش اللي طلبتية ورديتك فيه.؟ أم ندى : ما عليك منها غيرانة ما يشوفن اللي تقدمه لهن. سها : ايه ماما صفيتي مع دادي ما يصحش يا حبة عين مامتك. أبو سعود : اشوفكن ناويات تحطن حرتكن بامكن.؟ نهى : الظلم شين ما يصير تظلمونا وتفرقون بيننا. جود : على فكرة ترى مو حلو الواحد يسأل عنك و هو مو واحد وحدات امي وابوي وخالاتي وسعود وياسر وخالد واحمد ..اما احمد بذات ناشب لي على كل شيء ترى مره شعور شين تحسين انهم مهتمين فيك بزيادة ويحسسونك انك مريضة. مشعل : والله الواحد ما يدري وين يوديكن ما تقدرون إننا خايفين عليكم. جود : أنا ما اقول لا حلو الاهتمام بس بعقل لكن احمد ناشب لي بحلقي كل شوي اقول الله يعين مرضاه عليه. سها : بصراحة أنا يوم اشوفهم ناشبين لك مو مخلينك على راحتك حتى بالاكل ودهم تاكلين زيادة اقول الله يعينك. منيره : ما عليه بس اهلها خايفين عليها وهي لازم تقدر هالشيء. نهى تكلمت الاميرة النائمة : وهم بعد لازم يقدرون انها توها صغيرة ودها تنطلق بحياتها مو يكلبشونها بقيودهم. منيره : بس الله كتب لها يكون عندها هبوط بالسكر ولازم تراعي نفسها ما يصير تهمل صحتها ربي بيحاسبها إن اهملت صحتها. جود انقلب العشاء حصة دين : شكراً على النصيحة. فارس : يبه أنا ما ابغى اسجل بالمدرسة خلني بالروضة كلهم يقولون المدرسة ماهي حلوة. أبو سعود : افااا الروضة للاطفال والمدرسة للكبار وانا ابيك تدخل وتجيب درجات عالية وتخرج بنسبة زينة. فارس : طيب هم يقولون ما فيها العاب ولا شيء. أبو سعود : اجيب لك العاب بالبيت و المدرسة نخليها للدراسة اتفقنا. فارس : اتفقنا. .. .. لا حول ولا قوة الا بالله.. لا احلل نقل الرواية دون ذكر اسمي. ضحكة قهر |
رد: لو سألتي الورد وهو ما بين إيدك أقطعك بيقول لك عمري فداك الكاتبة / ضحكة قهر
البارت الثاني عشر مدخل:/ دورتهم والصدر جمرة من غضى. ما شفت منهم .. غير طول دروبهم. يا قربهم .. لا حتاجوا لقلبي فضا. يا بعدهم .. لا حتجت أنا لقلوبهم.! مجتمعين على الفطور. سها : ما نزلت موادك يا ميار.؟ ميار : بس مادة وحده لسى باقي. نهى : بتروحون لحفلة مها.؟ جود : أنا ماني رايحة بس تجيبين طاريها احس اني اتعب على طول. سها : وانا احس اني مخنوقة. ميار : من جد من جد ودي اشوفها هالمها هاذي. نهى : لا تحمسين وحده ساااامجة و مسوية نفسها مدلعة. أبو سعود : أنا كم مره محذركن ما تسبنها قدامي.؟ : .............................. أبو سعود اللي من صحى وهو معصب بحده دبت الرعب في قلوبهن: كم مره اعيد كلامي عشان تفهمن.؟... ما تعرفن تسمعن الكلام وتهجدن ما كنتن كذا والا وعد يبست رؤوسكم علي.؟... قسماً بايات الله وما احلف بالله كذب حرف واحد زيادة سب فيها ما تلومن إلا انفسكن اليوم والا أي يوم فاهمات الكلام والا افهمكن بطريقتي... اومئن برووسهن بنعم و لا سمع لهن همس بعدها. اما هي اللي كانت واقفة على الدرج سمعت كلامه نزلت بعدها : صباح الخير. : صباح النور. باست رأس أبوها وحطت الفلوس قدامة : هاذي فلوس التسجيل عشانهم يوم فصلوني ما كملت اسبوع اخذتها منهم. أبو سعود ابتسم رغم انه معصب : ذيبه ما ينخاف عليك. وعد : هههههههههههه ما جبتها من بعيد. أبو سعود : خذيها ماني بعازتها. وعد : زين كنت بقولك بس خفت تهفني. أبو سعود : ليش قد طلبتيني فلوس و هاوشتك. وعد جلست مكانها : حرام الكذب بس لازم تعرف وين بصرفها اما هاذي عطية ما فيه امل اقولك وين بصرفها. أم ندى : فكرتي بموضوع سلطان.؟ وعد بهدوء : اعتقد قلت لكم رأيي من قبل. أبو سعود : وعد مره وحده فكري بعقلك الرجال ما ينعاب ما ينرد يا وعد. سعود بنرفزة : مره وحده خلي عنك انانيتك وفكري بسمعتنا يا وعد. ياسر : و بخواتك هاللي ينتظرن نصيبهن فكري فيهن . وعد : انانية ليش أنا وقفت بوجه نصيبهن. وبعدين مين داس لكم على طرف. سعود : انتِ بتخلين الناس تكلم علينا لا جاك كل مره واحد ورفضتية كلهم راح يقولون فيها بلى يمنعها من الزواج ما احد راح يسد حلقة. وعد وقفت : ما تحس انك زودتها. سعود : والله هذا ردة فعل لافعالك. وعد : ايه فيه شيء يمنعني عن الزواج كذا بترتاح يعني. ياسر : قلتيها عشان نسكت عنك. وعد : لا مو عشان تسكتون أنا عندي ثقب بالقلب و إن كانكم ما تعرفون شنو يعني ثقب قلب الدكتور احمد يعلمكم. أبو سعود اللي كان يشرب من كاسة الشاي و يسمع لحوارهم نزل الكاسة : ايش قلتي.؟ وعد : دامكم ناوين تغثوني بهالسالفة ايه أنا عندي ثقب بالقلب يعني ما لاحظتوا كم مره اغمى علي عندكم و اغماءات ماهي طبيعية. احمد : ليش ما قلتي لنا..؟ وعد : لانه مو مهم هذا أنا عايشة حياة طبيعية. أبو سعود بحده : بدليل انك عايفة الزيجة. وعد : ما ابي اتزوج اصلاً مين يرضى يتزوج وحده عندها ثقب بالقلب. أبو سعود : ليش ما علمتيني.؟ وعد : كان المفروض أنت اللي تعلمني, الثقب من انولدت فيني, بالرغم من كذا ما لاحظتوا لا أنت ولا ماما. احمد وقف ومسكها : علميني كم حجمه.؟ وعد بملل : ثلاثة ملي. احمد : موقعة.؟ وعد : بين الاذنين الايمن والايسر بالوسط. احمد : اكلتي شيء.؟ وعد : لا. احمد : كويس عشان اخذك معاي نسوي لك تحاليل وفحوصات. وعد : ما ابي .. ورجاء لا احد يجيب طاريه لانه يغثني. أبو سعود : لا صار بكيفك قولي لا احد يجيب طاريه.. بنروح مع احمد نسوي لك التحاليل. وعد بترجي : بابا بليييز ما ابي اسوي شيء أنا متاملة انه راح مع الادوية لانه ما عادت تجيني اعراضة. أبو سعود : بنروح نشوف يا وعد روحي جيبي عبايتك. وعد : من الحين اقولكم عملية ما راح اسوي .. وراحت. أم ندى : احمد ممكن يكون راح من حاله. احمد : ممكن مع الادوية يروح نشوف الايكو ونحكم. أبو سعود : استغفر الله العظيم بتجيب اجلي هالبنت. سعود : يبه أنت ارتاح ناخذها أنا و احمد. أبو سعود : لا ما راح اطمن. خالد : يبه الله يهديك أنت مجهد نفسك هالايام بكثرة خلنا احنا ناخذها. أبو سعود : لا يا خالد أنا باخذها .. احمد شوف لي دكتور زين. احمد ابتسم : افااا ما تثق فيني. أبو سعود : ليش تقدر تعالجها.؟ احمد : لا دامها من عيلتي ما يصير. أبو سعود : اجل ليش تجيب طاري الثقة. احمد : هههههههههه ابيك تروق. .. .. : ماشاء الله انتِ بنت ابراهيم بن مساعد الـ ـ ـ ـ . ردت بابتسامة مجاملة : ايه. : ماشاء الله و بنت مين من حريمة.؟ ياليل الشقا اسم اني بنته وقضينا : بنت نوال. : اجل أكيد انتِ ندى لان سها ما ظنتي تخرجت لهالحين. : لا أنا نهى. : ويش بلاك تراني ما خرفت للحين نهى بنية مريم هي واللي ادون منها ظنتي اسمها وعد أبوك طلق امك بعد ما ولدتها.. يا سبحان الله تشبهين لأميتك... مير ليش ما شفتك بالعشاء اللي مسويتة امك يوم رجعت من فرنسا.. ايه بالله انك خرفتِ .. مدت لها الملف : هذا ملف بنتك يا خالة تروحين للمديرة وتختمة لك. : مشكورة يا بنتي وسلمي على حريم أبوك.. وطلعت. : مخبولة هاذي فعلاً مخرفة. : نهاوي يالله وصل الفطور. : واحنا ما غير نبلع حرام عليكم بسوي دايت ماني قادرة هنا بلع وبالبيت بلع. .. .. كلام الادمية ما راح من بالها من الصباح تفكر فيه انتِ بنت مريم : أنا ويش فيني يعني هي تعلمني بنفسي بابا ما قد تزوج وحده وطلقها.. غيرت ملابسها وطلعت الدور الثالث قاصدة غرفة أمها تدور على شيء هناك يثبت انها بنتها.. أبو سعود : جالسين عندي بعين مفتحة وعين مسكرة. ميار : بابا ما نمنا إلا العصر وأنت مصحينا من المغرب ليش. ندى : الحين العشا يا توقيت قرينتش. ميار : بس بابا صحانا من المغرب. دانه : تستاهلن بعد احد ينام العصر الله لا يبلانا وبعدين أي مغرب ما صحاكم إلا العشاء وليد : بس كلمة لو اجي من الصلاة وما القاكم تحت يا ويلكم طيرت النوم اللي نمتة. أبو سعود : ابيكم تعدلون نومتكم .. وبعدين ماهي عاجبتني ذا الحالة من جات الاجازة وانتم ما تعرفون غير البلعة والنوم. جود : ماهو معقول تبينا نكرف حتى ايام اجازتنا. يمكن تبيني افتح كتبي واسترجع ما درستة مسبقاً. أبو سعود : لا تتمسخرين لا اهفك بذا الفنجال.. سها : طيب ليش ما صحيت نهى. أم ندى : نهى للحين تداوم مو مثل حضراتكن. سها : طيب ابي اكلمك بموضوع مبين إنك مروق ما شاء الله ولازم نستغل الفرصة؟ أبو سعود : خيــر إن شاء الله. سها : البارح فتح التقديم على الجامعة. أبو سعود : طيب وانا قلت لك لا تقدمين.. سها : ابي علم نفس بابا الله يخليك. أبو سعود : الله يخليك لي يا سها تعرفين رايي بذا الموضوع. سها : أنت تعرف إن الدراسة كلها بنات مو مثل الطب يعني ما فيها اختلاط. أبو سعود : والشغل هاه بتصيرين لي اخصائية ما ادري ويش قلعتها. سها : اوعدك ما اشتغل بمجال مختلط يعني مدرسة والا شيء زيه والله ما افكر بوظيفة مختلطة. أبو سعود : إذا كذا افكر. نطت بحضنه تعلقت برقبتة ومد يده وراء ظهرها : بشويش يالخبلة. سها : فرحاااانة فرحاااانة فرحااانة بدخل الشيء اللي ابيه. وعد : لا تفرحين حيل يمكن ما يقبلونك تراك علمي والتخصص درسوه بنات الادبي. سها : لا عاد أنا ما حسبت أبو سعود يوافق هم ما يقبلوني... لفت على أبوها : بابا الله يخليك تكفى ما ابي إلا ذا التخصص.. أبو سعود : نشوف انتِ قدمي و يصير خير. منيره : وانتم يا شباب ويش بتدخلون.؟ مشعل : اخاف اقولكم وتنصدمون. سعود ضربه على ظهره بقوة : لا تقول طب عشان ما اكوفنك هنا. مشعل : تراني ادمي احس ماني جدار عشان تضربني. سعود : جالس تدلع علينا.. اخلص ويش تبي. مشعل : بس أكيد نسبتي ما تدخلني كاد أبو سعود يوقف معنا. أبو سعود : طيب انطق ذا الدرة ما عرفنا ويش بغيت.؟ مشعل : قانون. : ويــــــــــــــش.؟!.. طلعت هالكلمة من اكثر من شخص بغض النظر عن إن كلهم مصدومين. ياسر : تدري انك غبي عارف إن نسبتك ما تدخلك وحتى لو دخلك أبوي بالواسطة ما راح تفلح فيه لانك جلست بالثانوي التافهة ست سنين بتفلح بالقانون.؟! ندى : أنت ليش تحطمة من الحين ما تدري ويش يصير.. شوف اخي العزيز مشعل فيه ناس يفلحون بالثانوي ويجيبون نسب عالية جدا بس يدخلون الجامعة يجيبون العيد فيها ولا تصدق إن هذولي الدوافير اللي كانوا بالثانوي .. وفيه ناس العكس ما فلحوا بالثانوي ونسبهم عادية ويمكن اقل بس افلحوا بالنظام الجامعي وتلاقي درجاتهم كلها امتياز. جود : وانا اتمنى تكون من النوع الثاني عشان الموضوع فيه واسطة أبو سعود يعني ممكن يسمع لك كلمة كلمة عشان تجيب درجات. مشعل : ماشاء الله ما احبطتيني ابداً. وعد : لا تحبط ولا شيء سد اذنك عن كل كلمة ممكن ترجعك لوراء اسمع للاشياء الايجابية وبس.. فيه ناس كثير يدخلون تخصصات نظرية ولا يفلحون فيها ابدا و يفلحون بتخصصات صعبة مثل الرياضيات والكيمياء اهم شيء في الموضوع انك تدخل تخصص أنت ترغبة و تبيه عشان تكون لك دفعة للأمام وما تسمع لاي احد ولا يأثر فيك لا مناهج صعبة ولا دكاترة غلسين ولا اصدقاء يحبطون لانها هالاشياء موجوده بكل التخصصات مو بس القانون. مشعل : فديت الناس اللي تشجعني. وعد : ابدا معاك خطوة بخطوة. منيره : أنا اشوف يدخل تخصص عادي اسهل من القانون القانون مره صعب. وعد : ويش نبي بالتخصصات العادية ياخذ الشهادة وينام عليها ويش فايدة التعب والكرف.. لا يا حبيبي بس صمل على القانون ولا تسمع لأحد. ياسر : انتِ هيه على ويش تشجعينه. سعود : لا تسمع لهاذي تخبرها تأكل الكتب اكل ما أنت مثلها. وعد : قل اعوذ برب الفلق.. ما عليك مشعل لا تسمع لهم. أم احمد : الله يوفقك يا يمه واشوفك محامي كبير. مشعل يرفع يدينه : اللهم آميــــــــــن. خالد : وأنت يا اخ وليد ما سمعنا رايك ويش بتدخل قانون والا هندسة.؟ سعود باستهزاء : يمكن طب.. وليد : لا هذا اللي ناقص بدخل ادارة اعمال. جود : اوووبس بتنافس أبو سعود. وليد : ايه عليك نور. أم احمد : اهم شيء ترتاح فيه يا أبوي. سعود : يبه ويش بلاك كنك متضايق.؟ أبو سعود : شوية مشاكل بالشغل.. وليد : يبه ملينا من هالشغل خلاص عاد تفرغ لنا ولحريمك. أبو سعود : ومن وين تبون تأكلون.؟ من الهواء والا كل ما صحيت لقي رزمة فلوس تحت مخدتك. وليد : لا بس أنت مهلك نفسك بالشغل .. صار الوقت اللي ترتاح هذا هم اخواني يشتغلون عادي. أبو سعود : شايفني مكسح والا خرفت عشان ما اشتغل. وليد : الله يعطيك العافية والعمر الطويل بس بغيناك ترتاح. أبو سعود : مرتاح ما شكيت لكم الحال. دانه : وعد ليش صار انتِ تنامين كل ما شفتك وانتِ صاحية صباح ظهر عصر مغرب عشاء اخر الليل كل الاوقات ماشاء الله. وعد : قل اعوذ برب الفلق. أم سعود : ايه والله يا يمه صايرة ما تنامين بسم الله ويش فيك ويش منه تشكين. أبو سعود : لا يكون للحين خايفة من صلاح. وعد : لا ماني خايفة من شيء كل الموضوع اني اقرأ رواية هالايام ومتحمسة اخلصها. سعود : وانتِ ما تعرفين تقضين وقتك إلا بذا التفاهات. وعد : بالنسبة لك تفاهات بالنسبة لغيرك توحفة ادبية. سعود : توحفة ادبية ..! هذا اللي ناقص اضيع وقتي بقراءة اشياء خيالية. وعد : الخيال على ويش مستند على ارض الواقع يعني من وين جاء من الحياة الواقعية ماهو معقول واحد ما شاف من الحياة شيء بيكون عنده خيال. سعود : فايقة تتفلسفين والله لو اني من أبوي لاجمعها واحرقها. وعد : هذا بلا الناس اللي ما تقدر اهتمامات الناس المختلفة لازم تقدر الاختلاف اللي بينك وبين الناس مو كل شيء يخصك زين واي شيء يخص غيرك شين. أم ندى : ما احد قلب تفكيرك إلا هالروايات. وعد : تفكيري..! ليش ويش فيه تفكيري.؟ ياسر باستهزاء : تبين تاخذين واحد متفهم راقي انساني يقدر المرأة وحياة المرأة ويش بعد.؟ سعود يكمل الاستهزاء : وخصوصية المرأة ركز على الخصوصية يا ياسر لو سمحت و منفتح مثقف. وعد : أنا متى قلت انساني ليش يعني باخذ واحد حيوان هذا دليل على غبائكم. جود : أنا مع وعد المهم لا لقيتي واحد با المواصفات شوفي لي اصحابة اخواني أكيد مثله. وعد : إن شاء الله اختي ما راح انساك. أبو سعود : والله صدق اني بحرق ذا الروايات ما احد يتكلم بجراءة عندي إلا ذا الثنتين اللي يقرن ذا الروايات. جود : الحين هاذي جراءة اشوا اللي ما قراء روايات ............ والا طردنا من البيت. وعد ضربتها بكوعها : ليش رواية عادية ما فيها شيء. جود : ايه صح عادية مره. وعد : وبعدين إذا حرقتها بشتري غيرها.. واصلا ما ادري شلون تفكر بذا الشيء الكتاب شيء لازم يكون له احترامة وقيمتة ومكانتة.. غير كذا إذا ما قرينا ويش تبينا نقضي وقتنا فيه من الطلعات ماشاء الله كل يوم نقضية بمكان والا كل شهر بدولة المشكلة إن ما علينا قاصر الحمد لله ما ادري ليش ما نسافر شيء عجزت استوعبة. جود : فعلا أنا على اني ذكية و ادري انك اذكى مني بس بما إن انتِ ما لقيتي جواب لهالسؤال معناتة حتى أنا ما راح اقدر اجاوب عليه تخطى حدود الذكاء لدي. أبو سعود : عشان شغلي يا حلوات ماني تاركة واتنقل فيكم من ديرة لديرة وحزتها نقعد على الحديدة. جود : اهااا يعني بخل. أبو سعود حمر عيونه فيها : بخل في عينك ليش قد طلبتي شيء وقلت لك لا. جود بلعت العافية : لا بابا مو قصدي يعني اقصد عشان معروف السفر صرف فلوس. أبو سعود : وانا ما يهمني صرفها لكن قبل ما تصرفين تعرفين إن كان بيجيك غيرها والا لا أنا وراي ناس اعيشهم ماني مثل باقي الرجال اللي يجيب عيال ولا يعرف من وين بيعيشهم .. ما خليت عليكم قاصر والكل يدري ابراهيم شلون معيش عيالة اهم تعيشين ببيت زي العالم والناس وتلبسين لبس اكشخ من صحباتك كلهن و معاك اخر جوال ولابتوب وكل شيء بغيتية جاك لحدك من غير ما تفكرين هالفلوس من وين تجي. تبون اترك شغلي واقابل حضراتكن عشان اوريكن الدنيا والا صرت بخيل بعيونكن. وعد : بابا الموضوع ما يحتاج كل ذا العصبية جودي خانها التعبير بس ذا كل ما في الموضوع.. نعرف انك ما أنت مقصر علينا في شيء واي شيء نطلبه يجينا لحدنا وقيمتة تنحط في يدينا ندري أنت قد ايش تتعب بالشغل ولا احد ينكر لك فضل. ونعرف لو عندك الوقت اللي تسفرنا فيه ما كنت راح تقصر.. أبو سعود : استغفر الله العظيم.. ابي منكم شوية تقدير أنا يا اضغط على نفسي عشان اقابلكم كل يوم ماني جايب عيال وراميهم وراي ولا ادري حياتهم ويش فيها أنا مسؤول عنكم قدام ربي و التعب والكرف ذا كله عشان مين ماهو عشانكم عشان اعيشكم اطارق عيشة وبمستوى افضل من ناس كثير أي شيء تبونه تلقونه حتى لو هو غالي غيركم يجمع من مصروفة شهر على شهر عشان يجيب اللي يبيه وانتم بس تقولون يا بابا نبغى اقولكم ولا يهمكم نجيبه لكم. جود نزلت دموعها دايركت من الكلام : أنا آسفة والله ما قصدت. قام سعود وباس رأس ابوه : ما تقصر يبه ما احد ينكر فضلك. ولحقوه اخوانه وخواته واحد وراء الثاني اخرهم جود اللي شدها وجلسها جنبه وزاد صياحها : على اتفه كلمة تبكين, ويش بتحملين انتِ.؟ اجل شلون بتدافعين عن نفسك باي موقف.؟ ادري انك ما تقصدين بس حاسبي على كلام قبل لا تنطقية يا جود, ترى الكلمة لا انقالت ما عاد لها رجعة. احمد : هاه وعد ويش قلت على القسطرة.؟ سعود : ويش تستنين ما تسوينها حضرتك. وعد : رجاءاً أنا قلت بقرر من غير ضغط لا احد يتدخل فيني أنا بقرر على راحتي. أبو سعود : ومتى نسمع قرارك السامي. وعد : إذا ربي راد. خالد : وعد تراك كبيرة ما انتِ بزر لازم تسوينها وترتاحين من ذا الهم. وعد : يمكن بقعد على الادوية طيب. احمد : بس الادوية مفعولة جدا بطي شفتي لك قد ايش تاكلينها و ما نقص حجمه إلا ربع ملي إلى متى بتنتظرينها. وعد : احمد رجاءاً اصلاً أنا قلت ما احب احد يجيب طاريه يغثني تراكم خانقيني من يومين وانتم ناشبين لي بسبتة لو دريت ما قلت لكم. أبو سعود : أنا ما ادري متى بتعتبرين ما كفاك اللي صار لك من وراء تخبيتك علينا موضوع صلاح بتكلملينها الحين بشيء كبير زي كذا. أم ندى : عاد ياليتك تأوين لنفسك ما تعرفين تهتمين بصحتك. وعد : امبلى اهتم واخذ ادويتي بمواعيدها بس انتم اهتمامكم زايد عن حده يخننننق.. تبوني اقولكم وانا اشوف جود شلون ناشبين لها على اكلها. أبو سعود : والله كفووو برافوا ماشاء الله هذا وانتِ الكبيرة ما يطلع منك الشيء الزين. وعد : بابا أنا ما قلت شيء غلط صدق كل ما قمت وقعدت ويش تحسينــ قطعت كلمتها من نغزة قلبها القوية وكأنه ينبهها انهم صادقين في كلامهم الصحة امر لا يستهان فيه. حطت يدها على قلبها ودنقت شوي عضت شفايفها. احمد اسرع له وحط يده على كتفها : وعد ويش تحسين فيه.؟ وعد : عادي ولا شيء.. رفعت راسها : حتى شوف ما فيه شيء. أبو سعود : وعد لا تكابرين. وعد : بابا عادي زي أي نغزة مو أول مره. احمد : بكلم الدكتور بنحدد موعد للقسطرة ولا راح انتظر رايك إذا أبوي موافق. أبو سعود : ما عندي مانع وياليت باسرع وقت. وعد : لا طبعاً ماني موافقة تقررون عني هاذي صحتي كيفي كل ذا السنين عايشة كذا ولا صار شيء جات على الحين بتجبروني عليها. أبو سعود : وعـــد الموضوع منتهي بتسوين القسطرة بدون أي نقاش. أم سعود تسمح على شعر ميار اللي جالسة بحضنها : ميار ويش فيك يمه كنك متضايقة. ميار : ما فيني شيء.. أم سعود : يا امي ويش اللي ما فيك شيء حتى صوتك مبحوح انتِ باكية اليوم.؟ ميار : لا.. نهى : وعــــد.. ناظرت فوق : خير. نهى : تعالي ابيك. أبو سعود : ما فيه مساء الخير لا أبوك. نهى بدون نفس : مساء الخير يا احلى اب بالدنيا... قالت كلمتها الاخيرة باستهزاء. أبو سعود : انتِ شلون تكلميني بذا الاسلوب.؟ نهى فقدت عقلها من ادراك الحقيقة : ليش شلون تبيني اكلمك.؟ جن جنونة بنته ترد عليه بذا الشكل هو اللي لا دخل مجلس الناس كلها توقف له كبيرهم وصغيرهم قبل حتى لا يقول السلام.. : إنــــــــزلي هنا اشوف. نزلت ببرود نهى المميزة فيه من بد بناته كلهم. خالد يهمس : ما بقي غير نهى تهاوش مع أبوي. ياسر : تستاهل شفتها كيف ردت. نهى كتفت يديها : نعم. أبو سعود : انتِ تدرين توجهين كلامك لمين.؟ نهى : ايه لأبراهيم بن مساعد سالم الـ ـ ـ ـ ـ ـ . أم ندى : نهى بلاش قلة ادب انتِ شكل مخك ضارب صاير لك شيء.؟ نهى : بصفتك ايش تكلميني.. انصدموا من رد نهى بذا الشكل .. لتكمل هي باستهزاء : بصفتك نوال بنت عيد مرت أبوي و إلا مستحلة دور مريم بنت محمد امي. ما احد علق اصلا لصدمتين اللي يدرون عن الموضوع ايش اللي علم نهى بقصة قديمة زي هاذي .. و اللي ما يدرون كلامها صدمهم. نهى: طبعاً فيه وحده ثانية مغفلة مثلي ما تدري انك مو بنتها. وعد بعصبية : هيه انتِ احد معطيك شيء تشربينة والا جاتك ضربة على راسك افقدتك الذاكرة. ننهى باستهزاء : عاد تخيلي انتِ البنت الثانية.... رمت شهادات الميلاد عليها : اقري اسم امك يالفالحة. وعد مسكت الشهادات شهاداتها وشهادة نهى اسم الام "مريم بنت محمد صالح الـ ـ ـ ـ " أبو سعود بهدوء : مين اللي اعطاك الشهادات.؟ نهى : أنا طلعتها من الغرفة. نهى : تخيلوا عاد الناس كلهم يدرون إن احنا بنات مريم و تجيني وحده تعلمني تقولي انتِ بنت مين من حريم ابراهيم تخيلوا بس اني اقولها بنت نوال.. ترد عليه انتِ ندى لان سها صغيرة. ضحكت على عقلها قلت حرمة كبيرة مخرفة طلعت أنا المخرفة أنا والهبلة هاذي معاي. وعد رفعت الشهادات بيد وحدة : ويش ذا.؟ ويش اللي تقوله هالمخرفة.؟ نهى بعصبية ما سيطرت عليها ابدا وهي اللي كانت تلف نفسها ببرود وداخله براكين تتفجر : انتِ اللي مخرفة كانك للحين ما أنتِ مصدقة والشهادات بيدك, للحين مو مصدقة شوفيهم كيف واقفين ما احد فيهم قادر يعلق ليش لانهم ما عندهم المبرر اللي يقولونه لنا.. أبوك طلق امك مريم بنت محمد بعد ما ولدتك يعني انتِ تربيتي كل حياتك بحضن مرت أبوك. وعد : انتِ هيـــــــه اصحي مبين انك للحين تحلمين روحي اغسلي وجهك وصحصحي. << كانت رافضة انها تصدق شيء رغم إن كل شيء يقولها نهى صادقة وثائق الميلاد بيدها وتحمل اسم مريم بنت محمد.. والدها الواقف ما علق عل كلام نهى بالرفض. أمها نوال او من تظن انها امها صامتة .. اخوانها اللي صامتين مصدومين. زوجات ابيها الهادئات. نهى مسكت وعد وشدتها من ملابسها تهزها بقوة : انتِ اللي اصحي شوفيهم قدامك يالخبلة, اصحي من غيبوبتك واستغفالهم لك, اصحي لا تكملين بغبائك وتعيشين المسرحية اللي كتبوها عليك وتمثلين الدور انك ما تدرين وانتِ خــــــلاص دريتي دريـــــــــــتي. وعد دفتها بقوة تبعدها عنها : ايه ما ابي اصدق ما ابي اصدق تفهمين. نهى : بتجاهلين انك دريتي حتى أنا كنت بسوي زيك لكني ما قدرت امثل وابين لهم اني للحين ما دريت, و اعيش دور المغفلة اللي كتبوه لي ولك. وعد وقفت مواجهة لابوها : وينها..؟ وينهــــا.؟ نهى : ليش طلقتها.؟ وعد : ومتى طلقتها.؟ نهى : وينها عنا.؟ وين عايشة.؟ وعد : ما ترد ما تقول ليش خبيت علينا.؟ أبو سعود بهدوء : الموضوع يبي له هدوء مانبي ذا العصبية خلونا نتكلم بهدوء. وعد : ليش فيه شيء بالدنيا اسمه هدوء.. ماما وين.؟ أبو سعود : ببيتها..؟ وعد : ببيتها ..! يعني عايشة ما ماتت.؟ أبو سعود : لا. نهى بعصبية : ليش طلقتها قولنا ليش طلقتها.؟ أبو سعود بهدوء يمتص فيه غضبهن ويحتوي صدمتهن : نهى اهدي ... نهى : شلون ..! علمني أنا ما عاد اعرف ويش اسوي علمني كيف اهدأ.؟ أبو سعود : هي اللي طلبت الطلاق من قبل لا تولد وعد وراحت عند اهلها. وعد : وباردة مبرده رميت عليها الطلاق وجاتك على طبق من ذهب زوجتك الرابعة وطلقتها عشان يصير عندك مكان شاغر تحسباً للظروف. نهى : طلقتها عشان تأخذ هاذي (آشرت على منيره) كنت حاسب حساب كل شيء حسيت انك تهورت يوم اخذت اربع حريم ولو طلقت وحده فيهن بعد ما تصير منيره حره بيشكون فيك ويجيبون الناس معدلك وسيرتك بس قلت لا اطلقها ما جابت لي إلا بنتين عادي .. عندي بدل الحرمة ثلاث وحده تأخذ فيهم اجر و تربيهم. أبو سعود : لا تقلن ادبك معصبات ما قلت شيء لكن ترفعن اصواتكن وتقلن ادبكن على احد تأكدن اني ما راح اسكت عنكن ولا راح اقدر الظرف اللي تمرن فيه. نهى : تقدر الظرف اللي نمر فيه.؟! هه اصلا أنا عقلي وقف ولاني مستوعبة شيء, كل الكلام هذا اكبر من عقلي تعرف اللي باولى ابتدائي وتشرح له رياضيات من ثالث ثاانوي ما يستوعب صح.. هذا أنا ماني مستوعبة. أبو سعود : اهدن خلوني اقولكم كل السالفة بهدوء اسمعن اللي صار وبعدها احكمن على الموضوع. نهى : علمنا يالله ليش تطلقت و يش صار عليها.؟. وعد تناظر نهى و تناظر أبوها والشيء الوحيد اللي تحس فيه هو الضياع حتى كلامهم صار ذبذبات تخطى مستوى الصوت عندها ما صارت تسمعة. أبو سعود : تزوجت واحد وسافرت معاه برا و اخذت الجنسية الفرنسية. نهى : ليش ما اخذتنا معها.؟ ليش تركتنا هنا ليش ما جات تسال عنا.؟ أبو سعود : اولاً ما راح اخليها تأخذكن.. ثانياً اسئلتك الباقية جوابها عندها ماهو عندي. نهى : ليش خبيت علينا.؟ ليش ما علمتنا.؟ الناس كلها تدري إننا مو بناتها (آشرت على نوال) واحنا اخر من يعلم أنا إن قدمت باي شيء مكتوب فيه اسم الام اكتب بالخط العريض نوال بنت عيد شفت استغفال اكثر من كذا.. أنا عمري خمسة وعشرين سنة وللحين ما ادري مين هي امي..؟ ليش يا بابا ليش ما كلفت على نفسك تقولنا.؟ أبو سعود : ما ابيكن تعيشن ذا اللحظة. نهى قاطعتة : بس هذا احنا عشناها هذا احنا درينا من الناس ما حطيت احتمال إن احد يعلمنا غيرك وننصدم, ما خفت علينا.؟! أبو سعود : وليش تنصدمن وانتن عندكن أم هاذي هي امكن نوال ماحسستكن بلحظة انكن غير ندى وسها ما عدتكن إلا بناتها. نهى : ماهي امنا هاذي زوجتك أنت. الحين نبي نعرف ليش طلقتها ليش طلقت امي.؟ أبو سعود : قلت لك هي اللي طلبت الطلاق هي اللي ما تبي العيشة عندي واول ما ولدت وعد وخلصت نفاسها تزوجت الزفت اللي سافرت معاه وعايشة حياتها برا وللحين. نهى : بعد تبي تستغفلنا امي صار لها شهر هنا حتى انها مسوية عشاء وعازمة عليه الناس ما ادري أنت ترقع سواياك والا سواياها.؟ أم ندى : نهى يا امي انتن مو بحاجتها. نهى قاطعتها : لا تقولين يا امي لا تقولينها أنا مو بنتك مو بنتك. وهاذي الخبلة بعد ماهي بنتك... لفت على وعد : ما تقولين شيء ليش ساكتة.؟ وعد ناظرتها بضياع : فرنسية..! مين اللي قالك.؟ نهى : الناس كلها تدري و احنا ما ندري احنا الخبلات ما ندري. وعد : يعني احنا الحين صرنا ندري.! احنا ما ندري بشيء احنا الحين ضعنا.. ضعنا وبس. خالد وقف ومسك وعد لفها له : وعد إن كانت امكم خلتكم أبوي ما خلاكم وخالتي كانت لكم أم وبتكملون حياتكم من غيرها مثل قبل. وعد : يالله ويش كثر سهل الكلام نكمل حياتنا من غيرها مثل قبل .. قبل احنا ما كنا ندري عن شيء .. والحين احنا درينا ما تقولي شلون بعتبرها امي وانا ادري انها مو هي.. خالد بقسوة عذبت قلب وعد : امك رمتك بلفتك على أبوي ما كسرتي حتى خاطرها ولا نشدت عليك وانتِ عمرك ايام, ما فكرت مين بيهتم فيك.؟ ومين بيرعاك.؟ تخلت عنك بوقت اقوى انسان بالدنيا ما يحتاج لاحد كثر امه طفولتة وايام ولادتة. وعد رجعت وراء من صدمتها : لا ... لا .. لا... ما ابي اسمع شيء ما ابي اسمع خلاص اعتقوني حرام عليكم حرام والله حرااااام.. أنا يتييييييييمة, أنا ما عندي أم, امي ماااتتت امي ماااااااتت ماااااااااااااااااتت.. وطلعت لغرفتها تقفل على نفسها على روحها على جروح تسببوا فيها اغلى الناس على قلبها واهم اثنين في حياتها "امها" و "ابوها" وكأنها إذا قفلت على نفسها كل الكلام بيضل برا ما بتذكر شيء كل كلامهم بيروح وبتنساه نست إن الانسان عنده ذاكرة بتسترجع كل كلمة وكل حرف وكل لمحة. نهى : حسبي الله ونعم الوكيل فيها. انصدموا كلهم حتى وان اخطت تضل "أم". أم سعود : لا يا يمه حرام هاذي امك. نهى : أنا ما عندي أم قالت وعد امي ماتت امي ماتت بعد ما جابت وعد و كانها تركتنا احنا ما احنا سالين عليها و حسبي الله عليها لان اللي تسويه ابعد ما يكون عن الامومة إذا هي ما قدها ليش تزوج وتجيب بنات وترميهم. أبو سعود : لو ما سويت بدنياها إلا انها جابتك غصباً عنك ملزومة فيها جنتك تحت رجولها يا نهى انتِ الحين معصبة بس تهدين بتستوعبين اللي صار. نهى : أنا معصبة وانا من متى اعصب ..؟ واصلاً ما فيه احد يعصب عشان امه ماتت عادي يزعل ايه بس ما يعصب وانا امي ماتت من سنين لاني زعلانة ولاني معصبة عادي... وطلعت لغرفتها.. أم احمد : ما حسبنا حساب ذا اليوم.. أبو سعود جلس : بكره بينسن. ميار : ينسن..؟! شلون يبه..؟ أبو سعود : ويش تبيني اسوي يعني اجيب امهن واشدها من شعرها واقولها خذي بناتك اللي رميتيهن.؟ سها : أنا ماني مصدقة شيء مستحيل نهى و وعد ماهم شقيقاتي مستحيل..! يمه قولي شيء.. أم ندى بهدوء : كانن راح يعرفن إذا مو اليوم بكره لكننا حنا تجاهلنا إن الناس تدري و ما علمناهن وهذا هن زعلن. سها : يعني صدق .. صدق كل الكلام اللي انقال صدق. خالد : سها بتكملين الناقص نهى و وعد خواتك من أبوك وقضينا. سها : شلون ابي اعرف ماراح اصدق إن فيه أم تترك بناتها. أم احمد : إلا صدقي يا امي فيه فيه أم تترك بناتها راحت و تزوجت بعد نفاسها و سافرت عاشت كل سنين حياتها برا وفعلاً مالها شهر من جات شلت هم إن البنات يدرن وقلت لك يا أبو سعود علمهن قبل لا يدرن من احد غريب الناس تناقل الحكي وان كانت امهن برا من سنين وما احد يجيب طاريها الحين بيجي طاريها وماهي بعيدة يعرفن. احمد : يمه لا تلومين أبوي كان متأمل انهن ما يدرن و اهون عليه يدرن من الغريب ولا يدرن منه بعد كل هالسنين لو هن صغار ايه لكن كبرن يا يمه ويش بيقولهن ترى امكن تركتن واللي تربيكن ماهي امكن هاذي خالتكن ما راح يستوعبن شيء تبينه هو بيده يعكر صفو حياتهن و يقولهن ماهو معقول. أم احمد : بس يا يمه كان لازم يدرن من زمان الله العالم الحين متى بيرجعن مثل أول. سعود : ما راح يطولون وعد ونهى قويات وما ينكسرن بسهولة. مشعل : وهذا هو اللي يخليهن ما يرجعن مثل أول لان شيء زي كذا كسرهن يا سعود. .. .. ناصر : يبه بايش تفكر من الصبح. أبو عبدالله : من زمان مو من الصبح. عبدالله : دام تفكير عميق معناتة الموضوع فيه ابراهيم بن مساعد. ابو عبدالله ابتسم : عليك نور. ناصر : ما تملون من هالحرب الطاحنة بينك وبينه.؟ أبو عبدالله : ناوي انهيها قريب بس الضربة الاخيرة لي. عبدالله : ويش ناوي تسوي. أبو عبدالله : باخذ وحده من بناتة. انصدموا الاثنين .. ناصر : يبه بتتزوج.؟ أبو عبدالله : اغبياء.. شايفين عندي اربع حريم ابي وحده من بناتة في بيتي حليلة لواحد فيكم. عبدالله : من جدك يبه أنا ونويصير متزوجين و عماد أنت ادرى ببلواه مين بقي محمد و يوسف وصغار على الزيجة. أبو عبدالله : عماد لازم ينساها هي بتنسيه اياها. ناصر : يبه تتكلم و أنت واثق إن أبوها بيوافق مستحيل يبه مستحيل يعطي بنته لولد عدوه عامر بن سلامه. أبو عبدالله : عندي اللي خليه يعطينا اياها برضاه. عبدالله : وشلون بتعرف بناتة و تختار منهم.؟ أبو عبدالله : وعد .. وعد هي اللي ابيها في بيتي. .. لا إله الا انت سبحانك اني كنت من الظالمين.. لا أحلل نقل الرواية دون ذكر اسمي.. ضحكة قهر.. |
رد: لو سألتي الورد وهو ما بين إيدك أقطعك بيقول لك عمري فداك الكاتبة / ضحكة قهر
البارت الثالث عشر مدخل :/ يعني لو عطره تلاشى .. كيف اشمه !! يعني لو صدفة لقيته !! اتصدد ؟! و اتحاشى ؟! أو اجي طاير و اضمه ؟؟ وطن عمري.. : يمــــــــــــــــه يمــــــــــــــــــــــه.. وصوت بكاء طفل. يمـــــــــــــــــــــــه. فزت من نومها تصرخ : ولـــــــــــدي. فز من صرختها : بسم الله نوال. ناظرته بعيون باكية : يناديني. : تعوذي من ابليس يا نوال هالشيطان يوسوس فيك وانتِ تضعفين له هاذي كوابيس. : والله يا ابراهيم احس فيه والله احس فيه. : شدها له وحط يده على راسها يقرأ عليها كوابيسها بولدها ما زالت تراودها كل ليلة تحلم فيه كل ليلة تسمع صوتة وتحس فيه : بسم الله عليك بسم الله عليك رددي لا اله إلا الله .. اعوذ بالله من الشيطان الرجيم. : لا اله إلا الله اعوذ بالله من الشيطان الرجيم.. ابراهيم.. أنا احس فيه احسه محتاجني. : بكره بنتصدق عنه وعن اخوانه الله يرحمهم جميع. .. .. : رغد تكفين قولي له يصبر... اهلي ما يدرون للحين اني متزوجة وعلى ذمة رجال.. رغد مستحيل أنا ابي تركي مستحيل اكون حليلة لغيرة.. ما ابي اتطلق ما طلبت الطلاق لو اني بغيته كنت تطلقت من ثلاث سنين مو الحين.. ما ابيه كيفي أنا حره بقراراتي.. رغد كلمي عمي الله يخليك إلا الطلاق ما ابيه ما ابي اكون إلا لتركي. .. .. أبو عمر : حذرتك من قبل قلت لك لازم يدرن لكنك قلت لا ما ابيهن خلهن عايشين حياتهن كذا عندهم أم ما ابيهن يحسن إن امهن تخلت عنهن. أم عبدالرحمن : ويش فيك من جلس اخوك وقال إن بناته درن وأنت هاب في وجهه. أبو عمر : لانه غلط يا يمه ولو انه علم بناته الحين ما سكرن على انفسهن بغرفهن. أبو سعود : تراني سامع لي كلام لين قايل بس خلاص يا سعد ما ابي احد يعاتبني زود. أبو عمر : ليش عشان ما تبي تعترف بغلطك يا ابراهيم.؟ أبو سعود : أنا ما غلطت يا سعد بناتي ما كان لازم يعرفن و إن كان فيها معرفة يعرفن من الغريب ولا يعرفن مني باي وجه ادخل عليهن واقولهن امكن خلتكن علمني وشلون بصدمهن فيها عندي يدرن من الناس ويرمن كل كلامهن في وجهي ولا اني أنا اقولهن. أبو عساف : أبو عمر خلاص ابراهيم ماهو ناقص عشان تزيدها عليه. أم عساف : يدرن إن امهن رجعت السعودية.؟ أبو سعود : ايه يدرن. أم عبدالرحمن : الله يستر ما يطلبن يشوفنها الله العالم ويش رجعت فيه بعد ما عاشت ببلاد الكفار سنين عمرها إن كان يومها هنا رمت بناتها الله العالم ويش مسوية بعمرها هالحين. أم سعود : ما يبنها يا خاله ما يرددن إلا إن امهن ماتت. أم عبدالرحمن : ازين بعد. أبو سعود يتنهد : استغفر الله العظيم. أبو عبدالرحمن : ويش بلاك تنهد. أبو سعود : ما ادري يبه من وين احصلها منهن كل وحده حابسة نفسها بغرفتها من درن خايف لا يسون بانفسهن شيء, والا من تعب وعد خفت لا تطيح علي, والا من جود و اهمالها لصحتها و إلا من أم ندى هالايام تعبانة. هذا غير مشاكل الشركة. أم عبدالرحمن : ليش ويش بلاها ويش منه تشكي. أبو سعود : افكارها القديمة يمه للحين تفكر بولدها. أبو عبدالرحمن : ما تنلام يا أبوي هذا عشانها شافتة لو انك دفنتة ولا طاوعتها وخليتها تشوفه ما كان ما يطري عليها هالحين. سعود : أنا اتوقع انها تأثرت من خواتي و انهيارهن كل عمرها تعاملهن مثل سها و ندى و زعلت على زعلهن هالحين. عساف : عمي أنت دفنت ولدك بيدك.؟ أبو سعود : والله لو ما دفنتة بيدي كنت صدقت كلامها كل يوم تفزع من نومها تناديه اخذت فترة تصحى وهي تصيح تقول ماهو بخير ولدي فيه شيء غير احمد يعطيها مهدئ عشان تنام مره ثانية وهالايام ما تحكي إلا فيه. .. .. : السلام عليكم. انصدموا من نزلتها : وعليكم السلام. جلست من غير لا تسلم على احد لا أبوها ولا خالاتها : يااااتي هاتي القهوة. أبو سعود : من متى تجين وتجلسين من غير لا تسلمين علي. وعد : من اليوم وما ظنتي بيهمك إن سلمت عليك والا لا لان اساساً مشاعرنا ما همتك. : السلام عليكم. : وعليكم السلام. سوت نفس حركة أختها وجلست جنبها : قلتِ لياتي تجيب القهوة. وعد : ايه. نهى : ويش رايك نسوي اكشن دام اجازتي بدت. وعد : ماهو اكشنك.؟ نهى : ما ادري بس نغير جو نروح لعرس عندك عرس نروح له.؟ وعد : لا.. إذا لقيتي علميني اروح معاك. جود : فيه عرس هاذيك بنت نايفة امي بتروح خلونا نروح احنا بعد. أم احمد : ايه يمه إذا أبوكن موافق روحوا غيروا جو وانبسطوا. وعد : متى.؟ جود بحماس : بكررره وناااسه طقاقــة وردح وفلة. وعد : خلاص أنا بروح. نهى : وانا بعد.. إلا بسالك يا بابا.. ويش اسم زوج امي اللـــــــه يرحمها.؟ أبو سعود ماسك نفسة لا يعصب عليهن : ويش بيفيدك إن عرفتي.؟ نهى : ما ادري ليش حبيت اعرف من اخذت وسافرت معاه. ويش اسمه.؟ أبو سعود : طلال. وعد : مبين الانسجام بالموضوع طلال ومريم يمديك على كذا.؟ نهى تتكي على فخذ وعد بكوعها وتناظر ياتي اللي تنزل القهوة على الطاولة مع صواني الحلى : لا ما يمديني ابدا كمية جاذبية بس من الاسماء. وعد : تهقين عاد امك غيرت اسمها يوم صارت فرنسية.؟ نهى : لا تقولين امك.. وبعدين إذا غيرت جنسيتها جات على اسمها أكيد بتغيره يمكن صار جوليت والا جولي. وعد : يمكن كل شيء جايز وبناتها بعد تلقينهن ماريا و الكسندرا و ولدها جون. نهى سحبت الصينية تصب قهوة لها ولاختها : صح أكيد هاذي اسمائهم اجل فرنسيين. وعد تأخذ الفنجال من يد نهى : ايه تلقينهم ما يتكلمون عربي. أبو سعود : استحن على وجيهكن هاذي امكن. وعد : أنا ما دليتها أم ولا اعرفها ولو تمشي من جنبي الحين ما اعرفها.. أنا احمد ربي كل شوي إن كلهم يقولون اني اشبه لك لو اني اشبه لها صار فيني شيء. نهى شرقت : الادمية هاذيك قالت اني اشبه لها. وعد : من جدك..! ويه الله يعينك على ما بلاك يا خيييه كانك كل ما شفتي وجهك بالمراية بتشوفين امك... عفواً اقصد إلا ويش اسمها نسيته.؟ نهى : مريم بنت محمد... ويش رايك اشوه وجهي والا اسوي عملية تجميل.؟ وعد : اممم الاختيار صعب صراحة. منيره تهمس لام احمد : ويش فيهن كذا.؟ أم أحمد : والله ما ادري ياخيه. منيره : شكلهن معصبات بس ما يبن يبينن. أم أحمد : الاكيد انهن للحين زعلانات. سعود : انتن صاحيات والا شاربات شيء اليوم.؟ وعد : احنا تونا صحينا تونا تونا. سعود : مو باين هذا كلام بنات بكامل قواهن العقلية. نهى : ليش ويش تبينا نقول إن شاء الله.؟ ميار : لو شفتوها ويش بتسون.؟ وعد : بنفرش الارض شوك ولا شفناها اقبلت غنينا هاللي بها الخافق يهلي. نهى : بس شوك قليل.؟ سعود : اشك انكن تكلمن عن امكن كنكن تكلمن عن عدوتكن. نهى : رجاءاً اللي ما هو عايش معنا الوضع لا يفتي من عنده ويسوي نفسه مثالي والموضوع عادي الواحد يتقبلة عادي أم تترك بناتها وحده عمرها سنتين والثانية بلفتها رمتها على أبوها هاذي اصلاً ما عندها قلب عندها حجر بدال قلبها. أبو سعود : نهــــى وعــــد لا تقلن ادبكن أنا مقدر صدمتكن بس ادبكن لا تقلنه لا على امكن ولا غيرها تفهمن. وعد : ما اقدر للاسف اللي تطلبه مني شيء مره كبير مثل كبر الموضوع اللي خبيته علينا ما اعرف إذا ما شفيت غليلي فيها ما راح ارتاح خاطري اشوفها بس عشان اتاكد إذا كان عندها قلب ينبض زي باقي البشر والا لا.. خاطري أعرف ويش مفهومها للامومة و يش تعرف عن الدين والحياة. نهى : يا حليلك لك خاطر تشوفينها بس ناظريني تشوفينها. وعد : ترى بسمعك كم كلمة على أساس انك هي لذلك اسحبي كلمتك احسن لك. نهى : لا وفريها لوقت شوفتها اجل. أبو سعود : ليش ناويات تشوفنها..؟ نهى : ما تدري يمكن تكتب لنا الاقدار إن نلتقي مثل ما كتبت لنا إننا ندري من الناس. أبو سعود : متى ناويات تتركن طوالة اللسان ما تحسن اني معطيكن وجه. وعد : معطينا وجه ..! ليش ويش سوينا عشان تكلمنا نبي نفرغ عن قهرنا واللي نحس فيه زعلت منا.. و حسيت نفسك معطينا وجه .. أنت مطنشنا ولا عبرتنا ولا فكرت تقولنا عن امنا. الناس كلها تدري مو بعيد كل اخواني يدرون واحنا مثل الاطرش بالزفة .. الحين تزعل منا و احنا مالنا حق نزعل منك. نهى : من حقنا نعرف مو من حق الناس يعرفون احنا اللي من حقنا مو تعيشنا عند زوجتك وتقولنا هاذي امكم .. أنا احس اني مغفلة وغبية وتافهة مين ما يعرف امه إلا ابن الـحـ ـ ـ ـ ـ ـ ـ سكتت لان كلمتها قوية ولو قالتها بتنقتل على حسابها. أبو سعود : ليش قايلكم اني ضافكن من الشارع ما انتن معترفات اني ابوكن وراء ما تبرن مني بعد.؟ وعد : لا تاخذ اسلوب الهجوم.. أنت غلطت باخفائك الموضوع علينا احنا من حقنا نعرف مين امنا مثل ما نعرف مين ابونا.. من حقنا نعرف ويش سبب طلاقكم من حقنا نعيش باسرة طبيعية بين أم و اب. أبو سعود : سبب الطلاق امك.. وأنتِ عايشة باسرة طبيعية بين امك نوال و عندي. وعد : ماهي امي .. خالتي.. أبو سعود : نادنها خالتي عادي اهم شيء ما تقللن من احترامكن لها. نهى : ما احنا ناكرات جميل.. ولا احنا قليلات تربية.. بس نبي نفهم من حقنا نفهم منك ومن اللي تتسمى مريم. أبو سعود : ويش تبيني اسوي اجيبها لك لحدك والا اكلم زوجها يجيبها. وعد : لا تجيبها ولا نجيها هي ما بغتنا و احنا ما نبيها. نهى : دامها ما نشدت علينا ما احنا ناشدين عليها. أم سعود : يا امي ما يصير هاذي اميتكن والله اني اتمنى امي ترجع لهالدنيا لو ساعة ما اقوم من عند رجولها. وعد : هذا لانها ما تخلت عنك يا خالة لكن لو تخلت ما راح تفكرين فيها إذا رمتك بلفتك ما فكرت مين بيرعاك ما راح تتمنين انك تسلمين عليها. نهى : شلون طاوعها قلبها. وعد : ما عندها قلب اصلاً عشان يطاوعها والا يعصاها. .. .. : اخوانك برا طال عمرك. استغرب وجودهم : خلهم يدخلون. ثواني وادخلوا الاثنين سلم عليهم وجلسوا : خير أول مره تجوني الشركة مع بعض. أبو عساف : دريت بالمصيبة الجديدة. أبو سعود : أي مصيبة.؟ أبو عساف : شركة العائلة راح تنهار. أبو سعود : ليش محتاجين سيولة والا شنو.؟ أبو عمر : يا ليتها على السيولة كنا دعمانها من شركاتنا بس الشركة بتموت موت نهائي على يد عامر بن سلامة. أبو سعود بعصبية مكبوتة : هذا ما يتوب ما يترك حركاتة.؟ أبو عساف : راح ياخذ جميع الصفقات من الشركة و يدمرها .. هذا غير انه بدا ياخذ الموظفين اللي لهم سنين وفاهمين الشغل وعارفين داهاليزة. أبو سعود : استغفر الله العظيم. أبو عمر : عاد إلا هالشركة ما راح نسمح له يدمرها إلا شركة العيلة. أبو سعود : يخسى يدمرها بتضل قايمة لين اخر يوم في حياتي. أبو عساف : أنا اقول نبيعها خلاص ما عاد فيها رجا. أبو سعود : نبيعه هو وشركاتة. أبو عمر : أنت تدري من عامر بن سلامة عدوك اللدود شلون تبي تنهيه عامر ما ينتهي. أبو سعود : و احنا بعد ما ننتهي. ارتفعت صوت الطرقات على الباب وانفتح : طال عمرك لك ضيف برا. أبو سعود : شايفني باجتماع مع اخواني تستقبل ضيوف ليش ..؟ عنده موعد.؟ : لا ما عنده.. بس هذا شخص مهم.؟ أبو سعود : مين هو.؟ بحده : أنا.. ناظروه الثلاثة مع بعض .. وقفوا الاصول اصول سلم عليهم وجلس : كنت متوقع انكم مجتمعين هنا. أبو سعود : طول عمرك ذكي يا عامر. عامر : بعض مما عندكم.. اعتقد تدرون إن نهاية شركتكم المشتركة بينكم على يدي. أبو سعود : تبطي عظم. أبو عساف : أنت ما مليت من هالاسلوب ترى طفشنا يا نقصفك يا تقصفنا. أبو عبدالله : مليت بس لكل شيء ثمن .. الحرب بيننا ابتدت من الاراضي. أبو سعود : وأنت تدري إن الاراضي ماهي لك ولا لك حق فيها. أبو عبدالله : و الارض اللي ............... بعد ماهي لي.؟ أبو سعود : لا مين اللي شراها أنا ماهوب أنت حتى لو كانت مثل ما تزعم لك ما عندك عليها صك يعني هي لي. أبو عمر : أبو سعود .. أبو عبدالله إلى متى بتجلسون تهاوشون بهالشكل.. إلى متى كل واحد فيكم يحاول ينهي الثاني من الدنيا متى ناوي تصالحون و تفكون انفسكم من هالمشاكل. أبو عبدالله : وانا جاي عشان كذا.. عشان نتصالح ونصير اهل وحبايب وبيننا انفس. أبو عساف : وضح قصدك. أبو عبدالله : تبون ننهي كل ذا اللعب والكلام بشرط. أبو عمر : اشرط. أبو عبدالله : بنتكم وعد تكون حليلة لولدي عماد. أبو سعود : هه ضحكتني يا شيخ هذا اللي ناقص اعطي بنتي لولدك. أبو عبدالله : بنتك بتكون بالحفظ والصون وتصير حرمة ولدي ما احد يحكي فيها.. واللي ابيه من هالزواجة تهدأ النفوس بيننا. أبو عساف : ويش معنى تخيرت وعد من بد البنات.؟ أبو عبدالله : عشان خالة عيالي مريم طلبت وعد و اظنكم تعرفون مين مريم. أبو سعود : و أنت تحسبني مهبول اعطي بنتي لولدك لو نظل بحرب أنا وأنت كل العمر ما عطيتك اياها. أبو عبدالله : لا تهور يا أبو سعود أنت تدري باللي بيني وبينك وبين اخوانك.. بنتك و ولدي هم الحل لكل هالمشاكل. أبو عمر : حلك ماهوب منطقي يا أبو عبدالله احنا ما قد تصافينا معاك في شيء تبينا الحين نسلمكم بنتنا.؟ أبو عبدالله وقف : بنتكم بنتنا و اظن خابرين هالشيء .. أنا ابيها حليلة لولدي على سنة الله و رسولة وما طلبت شيء ثاني.. أبو عبدالرحمن : بس البنت مخطوبة. أبو عبدالله : عندي علم و أنا اكلم سلطان بن منصور و اخذ موافقتة وبكذا ما احد له حق. أبو سعود : لا تسوي شيء ما أنت قده إلا بنتي يا عامر والله ما ارحمك لا أنت ولا ولدك. أبو عبدالله : قلت لك بنتك بتكون بالحفظ والصون .. و اخر كلامي لا تنسون إن حياتكم بيدي عندي اوراق ممكن توديكم انتم وشركاتكم وراء الشمس و تفضحكم بين العرب. وقف أبو سعود بعصبية : تهددنا.؟! أبو عبدالله : ما اهددكم بس أنت تخبر ويش صار من سنين تذكر شركة بن حمد ويش اللي صار ايامه وكيف نهبتوها أنت و اخوانك. أبو سعود : كذاب و ستين كذاب أنت تدري إننا شريناها منه. أبو عبدالله : ايه ادري انكم شريتوها منه و عندي اوراق تثبت انكم سرقتوها هذا غير الشيكات اللي بقيمة 100 مليون عليكم. أبو عبدالرحمن : ناوي تلوي ذراعنا باوراق كذابة.؟ أبو عبدالله : ما قلت كذا.. قلت لكم اللي ابيه تبوني اسلمكم كل شيء بنتكم تكون حليلة لولدي ونهاية الاسبوع ملكتهم .. فمان الله يا عيال مساعد.. و طلع. أبو سعود : يخسي و يعقب. أبو عمر : 100 مليون ماهو هين المبلغ. أبو عبدالرحمن : و أنت تدري إن الشيكات كلها كذب و سددناها من سنين. أبو عمر : بس عنده عنده يا عبدالرحمن ما خذيناها من ولد حمد وطاحت بيد عامر و عامر لا قال نفذ. أبو سعود : إلا في بنتي إلا وعد. أبو عمر : هذا غير الشركة لو اشهر اوراقه اللي عنده بتطيح الشركات حقتنا كلها ولا عاد احد بيلفي علينا. أبو عبدالرحمن : بس هو يدري انه كذب ما سرقنا شركة ولد حمد. أبو عمر : ايه يدري بس ما يهمه يقدم الاوراق عشان ينهينا من قدامه حتى لو كانت الاوراق كذب.. ومع وجود الشيكات علينا الكل بيصدق إننا سرقنا الشركة عشان نتخلص من الشيكات. أبو سعود : ويش تبي توصله اعطيه بنتي.؟ أبو عمر : لا .. بس لازم نفكر بحل للمشكلة لان عامر راسة و الف سيف دامه قرر بيصير اللي براسة يا ينهينا يا ياخذ وعد لولده. .. .. جود : تكفون خلونا نسوي رفرش لنفسياتنا ويش ذا ما كأننا باجازة. دانه : ويش تبينا نسوي.؟ جود : قبل ما اقول ويش نسوي.. السيد عساف ما حدد الملكة للحين.؟ ندى بضيقة من ذا السيرة الغليظة : إن شاء الله ما يحددها. ميار : ليش بالعكس حلوه فترة الملكة تتعرفون على بعض. سها : مين يتعرفون..؟ عساف يعرف ندى وندى تعرف عساف. ميار : لا ما تعرفه تعرفين ويش يحب ويش يكره اكلاته المفضلة الالوان اللي يحبها يعني اشياء كذا. جود : يلعن أبو السخافة ويش ذا بكلمه اقوله حبيبي ويش تحب تاكل اصلا احس عساف يكره كل شيء حتى الالوان ما يحب إلا الابيض والاسود وبس. دانه : عيب احترمي انه بيصير زوج اختك. جود : بيصير زوج اختي هو ولد عمي قبل لا يصير زوج اختي بس صراحة معققققد درجة اولى. ميار : ليش طيب.؟ جود : ما ادري عنه ما اعرف شلون عايش حياتة. ندى : ممكن تسكرون ذا السيرة.! جود : المفروض تفرحين جايبين سيرة البطل المغوار عساف بن عبدالرحمن. ندى : جود كبري عقلك شوي ويش ذا متى بتكبرين و الا زي اختك مستحيل تكبرين.؟ جود : أي اخت فيهم.؟ ندى : مين غير وعد يعني.؟ جود : يا حي هالطاري هالبنت هي الوحيدة اللي تفهمني. رمت نفسها على السرير بينهم : أكيد تقصديني. جود : وفيه افهم واعقل و اجمل منك يا جميل. وعد : لا ما فيه. دانه : كيف نهاوي.؟ وعد : كيف تتوقعين بتكون وحده زعلانة من أمها وابوها ويش بتكون حالتها. على انها باردة ما توقعت الموضوع يأثر عليها هالكثر. ندى : اشوفك جالسة بوسطنا ما قفلتي على نفسك مثلها والا ما تحسين. وعد : قفلت على نفسي والا طلعت. الحقيقة ما يتغير منها شيء بنضل بنات اللي يقولون عنها مريم بنت محمد ما راح اكدر نفسي على حساب وحده ما عبرتني ولا اعتبرتني في حياتها شيء مهم وانا مريضة قلب ما لازم ازعل لازم اداري على خاطري دام ما احد همه خاطري. وانا زعلانة من بابا وبس لانها خبى علينا اما هي ما تعني لي شيء. ندى : طول عمرك عديمة احساس مو شيء جديد عليك. وعد : خليت لك الاحاسيس والمشاعر الجياشة. ندى : قليلة ادب. وعد : بعض مما عندكم. دانه : صلوا على النبي ما تملون نقار انتم. ندى : كلميها هي قليلة الادب ما تستحي على وجهها. وعد : هووووه علينا ندى ترى ماني رايقة اتهاوش معاك و توصل السالفة لبابا. ندى : خوفتيني أنا ابيها توصله خليه يشوف بنته اللي واثق فيها المحترمة ويش تسوي من وراه ما الوم صلاح يومه يلاحقك لو ما شاف منك شيء ما لاحقك. وعد بعصبية : لا عاد زودتيها حيل يا ندى حيل قسما إن ما لميتي لسانك لا اقصه لك. ندى : تعالي قصية يا بنت أبوي. وعد تحاول تمسك اعصابها : شوفي ما ابي اتهاوش معاك لانك الكبيرة. ندى : لا ماشاء الله تعرفين الادب والاحترام. ميار : ندى خلاص الله يهديك ويش لازمة هالكلام. ندى : هي تدري ويش لازمتة اللي جالسة تكلم شاب من وراء اهلها وحتى لو كان يقرب لها ما ينقال لها إلا قليلة ادب. وعد وقفت وصرخت : أنا اكلم شباب أنا يا ندى تقولين لي هالكلام. ندى : لا بنت الجيران.. ايه انتِ أنا شفتك بعيوني واقفة من كم سنة ولا نسيتها لك. وعد : يا عل عيونك البط إن شاء الله قسماً بايات الله لا أدبك ولا بيهمني انتِ الكبيرة والا الصغيرة ما راح يهمني لا بابا ولا غيره. ندى : عادي مو شيء جديد عليك قلة الادب. وعد في محاولة لكبت نفسها من الانفجار ممكن توصل لضرب ندى : واحد .. اثنين .. ثلاثة .. اربعة.. خمسة .. كلامك مردود عليك ما راح ارد عليك بس صدقيني إن تكلمتي علي مره ثانية بهالشكل بوصلها للشيطان الرجيم و لا راح يهمني أي مخلوق بالدنيا.. طلعت من الغرفة ما تشوف قدامها من العصبية. دانه : ليش قلتِ لها كذا يا ندى.؟ ندى : عشان تعرف إن فيه احد يعرف ماضيها وحاضرها قليلة الادب. دانه : ويش يعرف ويش تقصدين بكلامك. ندى : بكره تطلع الشمس وتملى البلاد. : السلام عليكم. : وعليكم السلام. جلست معاهن : ماشاء الله سهرانات. دانه : ايه يا خالة اجازة ما ورانا شيء. منيره : طيب ليش ما تستغلون الاجازة بشيء يسلي يعني أكيد تطفشون من الروتين نومة واكل خلونا نسوي شيء قبل رمضان ويش رايكم.؟ ميار : شيء زي ايش. جود : أنا ما احب المثالية و اسوي نفسي اني اسوي كل شيء مفيد بالحياة واستغلة نو نو ما احب الاشياء اللي كذا. منيره : بالعكس شيء يكون في صالحك حرام تضيعين وقتك على اشياء ما تفيدك لا دنيوياً ولا اخروياً. جود : هوووهوووه علينا رجاءاً حصص دين ما نبي نعرف الدين وكل شيء بس خلاص عاد. منيره : ليش ما تبين تسوين شيء لاخرتك.؟ جود تربعت : ويش وراء هالاسئلة السخيفة.؟ دانه : جووود عيب. منيره : خليها عادي أنا مقدرة انكم للحين ما انتم متقبليني. ندى : بابا ما اعطاهن العين الحمراء للحين والا علمهن شلون يردن. جود : اشوفك حولتي علينا هانم ندى.؟ ندى : من وين بتجيبين الاحترام وانتِ تمشين وراء وعد.؟ جود : رجعنا لطاري وعد ويش هي مسببة لك وعد سارقة حلالك.؟ جود : وبعدين ليش ما تكلمين عليها إن كانت موجودة والا ما تعرفين تكلمين إلا من وراها. ندى : قصدك اني اخاف منها هذا اللي ناقصني ما عاد إلا هي اخاف من وعيد. منيره : ما عليش يا بنات اهدوو شوي الهوشات والاختلافات لازمة في الحياة وتغير الروتين بس عاد مو كذا.. وبعدين خلونا نتكلم بشيء مفيد. ميار : شيء مفيد زي ايش.؟ منيره : ويش رايكم نسوي لنا جدول فيه بازر مسوينه في ..... خلونا يوم نروح له.؟ و ممكن نشترك في دورة مع بعض عادي أنا بشترك معاكم.. وممكن احنا مع بعض نسوي شيء خيري.. او ندخل تحفيظ او احنا مع بعض نسوي لنا حلقة تحفيظ ونسمع لبعض ايش رايكم.. دانه : ايه نسوي حلقة من جد خاطري احفظ القرآن. ندى : أنا ما عندي مانع. سها : اوكك بس خلال هالاسبوعين قبل رمضان يعني.؟ منيره : لاا التحفيظ بنكمله حتى برمضان نخليه بوقت العصر ما اتوقع انكن تدخلن المطبخ مو.؟ او بعد الفجر.؟ جود : أنا بدخل بالتحفيظ بس عشان الاجر. منيره : الله يكتبه لنا اجمعين يارب. ميار : طيب وغيره.؟ منيره : ممكن قبل رمضان نروح البازار و نحضر دورات تفيدنا بالحياة يعني فيه مؤسسة مسوين دورات حاليا عن ادارة الوقت و التعامل مع المشكلات و تطوير الذات و ممكن ندخلها كلها بس لازم نحجز قبل إذا موافقين اكلمهم بكره واحجز لنا ايش رايكم. ميار : دااادي يمكن ما يوافق. منيره : ابوكم علي أنا اكلمه وما راح يرفض إن شافنا مقضينة بشيء مفيد. سها : اوكِ اجل كلنا ما عندنا مانع. منيره : طيب بقي نهى و وعد تتوقعون يجون معنا.؟ دانه : ما ادري. منيره : يمكن وعد ما توافق لان القسطرة بكره الله يقومها بالسلامة. : آميــــــن.. .. .. بعصبية : ويش اللي اتزوجها يبه ويش شايفني بزر تغصبني. أبو عبدالله : ما قلت انك بزر شواربك شيبت وأنت للحين ما تبي تزوج اخوانك اللي اصغر منك عيلوا وأنت للحين على خبري. عماد : ما جيتك و رجيتك تزوجني. عبدالله : عماد إلى متى بتظل تذكرها البنت راحت بحال سبيلها ما بغتك خلاص. أبو عبدالله : بنت ابراهيم بتنسيك اياها. عماد باستهزأ : واثقين اني بوافق عليها. أبو عبدالله : خل أبوها يوافق عليك أول شيء. عبدالله : يبه ما لقيت غير بنته عاد غير بنت ابراهيم بن مساعد البنات على قفا من يشيل. أبو عبدالله : وانا ابي بنته حليلة لاخوك. عهود : يبه والله انها تنرفز وشايفة نفسها. عماد : بعد قولي شينة و تلوع الكبد. عهود : لا بالله ما حزرت بذي تطيح الطير من السماء ماشاء الله. أبو عبدالله : لو انها شينة أنا ابيها في بيتي. عماد : ليش ما تزوجها لمحمد.؟ محمد : لا يا حبيبي قبل ما تزوج أنت ماني متزوج. أبو عبدالله : على فكرة لا تزوجتها خلها تحمل على طول يا ويلك إن خليتها تاخذ موانع. عماد يجلس بقهر : يبه ويش ذا .؟ ابي افهم ويش بتسفيد إن اخذت بنت ابراهيم بن مساعد وليش اخترتني أنا. أبو عبدالله : ليش تاخذها عشان اقهر أبوها فيها ابيه ينقهر إن تهاوشنا على اراضي عادي قهر يوم شهر و يروح مو مثل ضنى.. عماد : تبيني اقهره ببنته ويش ذا الظلم يبه.؟ أبو عبدالله : ما قلت لك عاملها معاملة شينة بس انه يعطي بنته لولد عدوه هاذي بتقهره كل حياته. ناصر : يبه ما تحس إن اللي تسويه غلط إن كان بينكم مشاكل بالسوق بنته مالها ذنب. أبو عبدالله : ذنبها انه بنته وبعدين أنا بضفها واخلي ولدي يستر عليها ماقلت بعذبها. عماد : شلون جات هالفكرة في بالك.. وليش هي اللي اخرتها ما عنده إلا بنت وحده.؟ أبو عبدالله : جات في بالي عشاني فكرت فيها.. وليش اخترتها لكذا السبب.. واحد انها تهاوشت مع اختك تدافع عن أبوها.. اثنين عشان مره أبوها تعزوى فيها عندي و عرفت انها تعني له الكثير .. ثلاثة هي انسب بناتة لك.. ناصر : وأنت ويش عرفك ببناتة.؟ أبو عبدالله : اعرفهن.. و السبب الاخير انها بنت عمتكم مريم هي و وحده من خواتها. عبدالله : من جدك يبه.؟ عمتي مريم عاد كانت زوجته.؟ أبو عبدالله : ايه عمتك مريم كانت زوجته و جابت منه بنتين. هنادي : عمرك ما جبت طاريهن يعني أنت خالهن. أبو عبدالله : خالهن بس ابوهن ابراهيم بن مساعد. عماد : وليش حددت لي هاذي.؟ ليش ماهو أختها.؟ أبو عبدالله : عشان الثانية معطينها لولد عمها من سنين مالك إلا وعد. عماد : يبه ويش لي بالزواج أنا ما اتخيل نفسي مره بغرفتي لو اخذتها بظلمها معاي. أبو عبدالله : ما راح تظلمها.. إلى متى بتفكر ب أنهار ما مليت منها المره جابت بدل الولد اثنين وان جالس على ذكراها .. بتأخذ وعد يا عماد غصباً عليك وعليها وعلى أبوها. عبدالله : الله يهديك يبه كنك ضامن انهم بيعطونا اياها. ابوعبدالله ابتسم : بيرضون ولو مو بالطيب بالغصب والله لا تكون حليلتك يوم الخميس غصباً عن الكل. عماد : انسى اني تزوجها الحين. أبو عبد الله : لا صار بكيفك وقتها احكي.. تزوجها بأقرب فرصة قلت لك ابيها عندي. عماد : يبه ابي افهم ليش مصر عليها ابي اعرف ويش اللي بينك وبين ابراهيم عشان تبي تأخذ منه بنته. أبو عبدالله : ما بيني وبينه إلا ضربات شغل. عماد : ماني مصدق. أبو عبدالله : عمرك ما صدقت .. وعد ابيها في بيتي. عماد : لو ما أنت متزوج اربعة يمديك اخذتها. أبو عبدالله : تهبى .. اخذ وحده كبر بناتي. عهود : يبه تراها شرانية يعني لسانها طووووويل. عماد : بس هذا اللي ناقص .. يمه انتِ داعية علي. أم ناصر: ويش ادعي عليك يمه.. عماد : ما ادري كانكم بتبلوني بوحده لسانها طويل. عهود : قصه لها. يوسف : يالله عشان يصير لك اكشن بحياتك تغير الروتين يكون فيه احد تهاوش معاه. عماد : لا يا شيخ عشان اصبحها بطراق و امسيها بطراق. أبو عبدالله : عشان اكسر يدك قبل لا ابراهيم يكسرها لك. .. .. لا اله الا انت سبحانك اني كنت من الظالمين.. لا أحلل نقل الرواية دون ذكر اسمي.. ضحكة قهر. |
رد: لو سألتي الورد وهو ما بين إيدك أقطعك بيقول لك عمري فداك الكاتبة / ضحكة قهر
بسم الله الرحمن الرحيم..
مساءكم سعادة ورضا من رب العباد. اعرف اني وعدتكم اني انزل لكم بارت طويل اليوم وبقفلة .. بس للاسف اني راح اخلف بوعدي .. ما راح يكون طويل بس بعوضكم ببارت ثاني يوم السبت او الاحد وبكذا كنه بارت طويل.. بس بارت اليوم فيه قفللة حماسية.. قبل انا كنت بسوي حركة اجرامية .. بس لا تنصدمون بصراحة كنت ناوية ازوج وعد لسلطان ويطلقها من اول ليلة وامه تطردها ويطلع سلطان اخو صلاح من الام وسوا كل ذا عشان ينتقم منهم.. بس اني غيرت افكاري.. بس اني حبيت اصرح لكم بهالفكرة اللي سيطرت علي فترة وكتبت كل شي وما ادري ويش اللي جاني وقلب موازيني.. البارت اهدأ للجميع واخص فيه فدا عيونه و 00:00:01 .. ردودهم كانت فيها توقعات صحيحة الله لا يخلينا من توقعاتكم و ردودكم. مدخل:/ أنا أكثر انسان درس الصبر حافظ له لكني أضيق لين يضيق بي لبسي.. ماني بحاجة احد بـ الشوق افضفض له علمني الليل كيف افضفض لنفسي.. احمد يناظرها : كيف النفسية. وعد : ويش تتوقع بكون وحده بتسوي قسطرة الظهر ويش بتكون حالتها.؟ احمد : ما تخوف.. ما انتِ مكلمة أبوي قبل لا نروح المستشفى.. وعد : لا .. طلعت من غرفتها لغرفة نهى : قومي. نهى : ويش تبين. وعد : مو أنا اختك شقيقتك. نهى : اللي وراه. وعد : ما ابي ادخل المستشفى لحالي ولا ابي احد منهم يروح معاي. نهى جلست : تبيني اروح معاك. وعد : ايه ابيك انتِ تروحين ما ابي احد غيرك. نهى : و أبوي بيوافق. وعد : ماله حق يرفض. نهى : طيب البس شيء مريح وعبايتي وانزل لكم. .. منيره : هاه ويش قلت.؟ أبو سعود يناظر بناتة : كلكن بتسجلن.؟ جود : هذا اللي قلناه البارح عاد كلام الليل يأكله النهار. منيره : لازم ترسين على بر بندفع رسوم الدورات. خالد : نهى و وعد معاكن.؟ أبو سعود : وعد لا حتى لو تبي تحتاج ترتاح بعد القسطرة مو تهيت يمين وشمال... اما نهى بكيفها. مشعل : عن ايش هالدورات.؟ منيره : مواضيع مفيدة يعني ادارة الوقت تطوير الذات اشياء زي كذا. سها : ادارة الوقت لا خلاص ما ابي اسجل اما بتجي وحده تقرق فوق راسي و اكثر شيء بتردده لا تؤجل عمل اليوم إلى الغد. جود : من جد والله احنا شلون بنسجل تلاقينهم يحفظون من هالكتب و يجون يسمعون عندنا لا خلاص هونت أنا ما ابي. منيره : ويش اللي قلبكن كذا.؟ سها : حسيتها سخيفة خسارة فلوس.. والا ويش رايك وعد. وعد : صباح الخير. : صباح النور.. ما سلمت على احد فيهم جلست مكانها دايركت : رأيي بشنو.؟ جود : دورات عن ادارة الوقت و الاشياء هاذي. وعد : عندك وقت طولة بال احضري ما عندك انطقي بالبيت. جود : بنطق بالبيت اجل. أبو سعود : ما تعرفين تقولين كلمة عدلة. ندى : تموت إذا قالت شيء فيه خير. وعد : انتِ بالذات لا تكلميني لسانك لا يجي على لساني. أبو سعود بحدة : خيـــر ست وعد. وعد : لا خير ولا شر .. هاذي ما ابيها تكلمني في شيء. أبو سعود : هاذي لها اسم و اختك الكبيرة غصباً عنك تحترمينها. وعد : لا احد يطالبني باحترام شخص ما يحترمني. احمد : وعد لا تنسين انك بتسوين قسطرة ويش ذا الانفعال.؟ يبه رووق الموضوع مو مستاهل ما هن أول خوات يتهاوشن عادي. نهى : صباح الخير. : صباح النور. أبو سعود : على وين يا هانم.؟ نهى : بروح مع وعد والا تبونها تنام لحالها. أم ندى : أنا بروح معاها. نهى : لا شكراً كفيتي و وفيتي ما انتِ ملزومة فينا احنا ندبر امورنا. أبو سعود شوي ويهفها كف على وجهه : قسماً إن ما عدلتي اسلوبك انتِ و اختك لا أربيكن من جديد. نهى : وانا ايش قلت أنا صادقة كفت و وفت أن كانت مريم تخلت عنا ما يعني إن حريمك ملزومات فينا أنا بنام مع وعد مو احد غيري. أبو سعود : لا صار بكيفك قولي بنام معاها. وعد : وانا ما ابي احد غير نهى والا ماني مسوية القسطرة. أبو سعود : تحديني.؟! وعد : لا اتحداك ولا تتحداني.. أنا ما ابي إلا نهى. أم سعود : ما عليه يا أبو سعود خل اخيتها تنام عندها. أبو سعود بحدة : لاااا كلامي هو اللي يمشي نهى ما تعتب باب البيت.. وعد : وانا مو مسوية القسطرة. أبو سعود : لا صارت بكيفك قولي ماني مسويتها. وعد بعناد وهي تدري إن كلام أبوها هو اللي بيمشي : قلبي وانا حرة فيه. أبو سعود وقف : تبوني اعاملكن باسلوب زفت عشان تأدبن صح. احمد وقف جنب ابوه : يبه روووق الموضوع مو مستاهل خلاص نهى ما راح تروح معنا أنا باخذ وعد. وعد : دام نهى ما راح تروح اجل ما ابي احد يروح معاي عادي بروح لحالي. أبو سعود ببرود : الله معاك. أم احمد : الله يهديك وشلون تنوم لحالها. أبو سعود : هي اللي جابته لنفسها. احمد : يالله وعد .. طلعت معاه مقهورة من أبوها.. .. .. أبو عمر : ويش الحل بظنكم.؟ أبو سعود : اللي قاهرني شيء واحد ليش هي من بد بناتي اللي يبون يلوون ذارعي فيها بالاولة صلاح والحين عامر ليش وعد ما غيرها من خواتها. أبو عساف : استغفر الله العظيم بنتك هاذي وراها بلوه والا ويش قصتها.؟ أبو عمر : لا تظن فيها ظن سيء صلاح طاردها عشان سعود و وحده من زميلاتها هي اللي كانت توصل له معلوماتها.. اما سالفة عامر مالها إلا تفسير واحد. أبو سعود : اللي هو.؟ أبو عمر : مريم.. تدري إن مريم اخت عامر من امه .. يعني وعد بنت اخته .. ويمكن يدرون إن نهى مخطوبة لفيصل عشان كذا اختاروا وعد. أبو عساف : تفكيرك منطقي. أبو سعود : والحين ويش الحل اعطيهم بنتي لولد عامر بن سلامة عاد. أبو عمر : قرار بنتك بيدك. أبو سعود : إن ما عطيته بينهي الشركات و يدمر كل شيء على الاقل أنا يمكن اسلك بمجالي الثاني و احاول اوقف على رجولي لكن انتم وشركة العيلة بتنتهي ولو نحفي سنين ما وصلناها للي هي عليه الحين. أبو عساف : اللي ربك كاتبه بيصير. أبو سعود : بستخير و يصير خير. .. .. ياسر : والله عندي شغل كثر شعر راسي. مشعل : ما احد قالك استلم طلبيات كثيرة. ياسر : على أساس كان معاي الاثنين اللي يشتغلون معاي لكنهم تركوني وراحوا. مشعل : من كثر ما تأمر عليهم أنا بغيت اطق وانا اشتغلت معاك يوم. ياسر : المهم ابيك تراني بعازتك. مشعل : تراني باجازة يا هوه. وليد : أنا اجي معاك بس كم تعطيني. ياسر : اللي فيه النصيب. وليد : لا أي شيء تقبضة النص بالنص. ياسر : ويش النص بالنص تدري ويش اللي تسوي تجيب الاغراض و أنا اللي ارتب كل شيء واركبة تبي النص على ذا الشغلة. مشعل : وكل شوي يمسك لك شيء. ياسر : طبيعي ترى كل اللي عندي يدين بس ماهو اخطبوط. يتعاونوني والا ادور غيركم. مشعل : حزنتني كم بتعطيني. ياسر : قلت لك اللي فيه النصيب الله اعلم عاد كم يطلع. وليد : طيب تعطينا أنا ومشعل النص يعني أنا لي الربع وهو الربع وأنت النص. أم احمد : استغلالين. وليد : هههههههههه قدري إننا باجازة يمه وبنطلع نكرف مع ولدك. ياسر : غصب ما وراك شغل الشيب بيترس راسي من وراء هالشغل ولا عاد الاتصالات اللي تعصب بالواحد. مشعل : ههههههههههههه وتسعة وتسعين بالمية منها بنات ما ادري ليش ما خق قلبك للحين. ياسر : شايفني مخفة اخق من صوت والا عاد مايع يجيب اللوعة ودي اهفها بالجوال من القهر. مشعل : كله ولا اللي جات ذاك اليوم هههههههههههههههههه. وليد : ويش علمنا والله يا ياسر من ورانا. ياسر : لا وراكم ولا قدامكم بس معروف البنات هن اللي يحبن يغيرن بالديكورات ويهتمن فيها اكثر من الشباب. مير بكره عندي زواج في .... شكلي بطلع من الصباح. سود : الله يعينك طيب ليش ما تسوي لك سستم معين يعني حد معين وبعده ما تستقبل طلبات. ياسر : وانا مسوي كذا بس عشان اللي عندي راحوا توهقت الحين. أبو سعود : تبيني اعطيك اثنين من موظفيني تدربهم.؟ ياسر : لا يبه ماني جالس اعلم ماني فايق اجلس اعلم ذا وذاك واخر شيء يتركوني ويروحون يفتحون محل لهم والا يشتغلون عند غيري لا ابي ادور واحد متعلم. خالد : طيب ليش ما تترك ذا الشغلة والله ما ادري ويش عاجبك فيها.؟ ياسر : احب التصميم والشغل عليه و من ضمن التصميم الديكورات وتصاميمها. أم ندى : مو كن احمد تأخر ما اتصل. أبو سعود : إن شاء الله خير. نهى متوترة : لو صار لها شيء أنت أول واحد بتندم. أبو سعود استغرب من كلمتها : أنا.. نهى : ايه أنت .. ليش ما خليتني اروح معاها حرام تروح لحالها وكنها مقطوعة من شجرة مالها احد ما كن عندها أم واب واخوان وخوات. أبو سعود : خليها تحس انها ما تقدر تطلع عنهم مهما حاولت تتمرد يضل لها حدود ما تخطاها. نهى : يعني ما أنت ندمان. أبو سعود : لا دامه بيربيها ماني ندمان .. رد على جواله : الوو.. وعليكم السلام.. هاه بشر.. الحمد لله .. الله يبشرك بالجنه .. ومتى بتصحى.. لا تخاف بنجي.. إن شاء الله مع السلامة. أم ندى : هاه طمنا. أبو سعود : قفلوا الثقب الحمد لله. جود : يعني ما تحتاج عملية.؟ أبو سعود : لا الحمد لله. أم سعود : اللهم لك الحمد الله يتمم عليها عافيتها. : آميــــــــــــــــن. ميار : بنروح لها بابا مو تقول لا. أبو سعود : لسى بالافاقة الحين. ميار : مالنا دخل ننتظرها بغرفتها. ياسر وقف : أنا بروح اشتري كم شغلة لبكره بعدها بروح لوعد. أم احمد : وين يا أبوي خلها بالليل ارتاح الحين. ياسر : وراي كذا شغلة كل وحدة بمنطقة يا دوب يمديني. أم احمد : انتبه لنفسك يا أبوي. مشعل وقف : بروح معاك محزني. ياسر ابتسم : امش يالله. أم احمد : لا تسرع يا ياسر. ياسر : إن شاء الله. أبو سعود : إذا محتاج فلوس لا يردك شيء. ياسر ابتسم : الله كافيها من عنده الحمد لله. مشعل : لا تخاف عليه يبه ما تدري كم رصيدة.؟ أبو سعود : شقاه. مشعل : الله يستر بس ما يروح ويتزوج من ورانا على ذا الشقا. ياسر : هذا اللي ناقص بعد لو بتزوج بتزوج علنا وقدام الناس ماني مسوي لا شيء عيب ولا حرام. منيره : اجل يالله تلحلح خلنا نخطب لك. ياسر : في وقت لاحق إن شاء الله يالله مع السلامة. .. .. صحت على اصواتهم عندها طنشت ولا عندها استعداد تواجه احد فيهم. سها بهمس : والله صدق ما كذبت. نهى : احد قال انك تكذبين. سها : طيب كلهم يقولون طيبة ليش ما تقابلونها. نهى : كيفنا هي ما جات تسال علينا احنا نروح نسال عليها. ميار : بس هاذي امكن. : السلام عليكم. : وعليكم السلام. جلس جنب بناته : ما صحت. نهى : لا. أم سعود : شكلها دايخة من المخدر. أم ندى : اهم شيء انها بخير. ميار : بابا ناد احمد يشوفها. أبو سعود : بيجي شوي. سها قبلت رأس وعد : يا شينة خايفين عليك وانتِ نايمة. أبو سعود : سها لا تزعجينها. سها : ابيها تصحى يبه ويش ذا كله نوم. أم ندى : خليها يمه متى ما صحت صحت. احمد : السلام عليكم. : وعليكم السلام. سها احمد صحيها. احمد ناظر وعد كان يدري انها صاحية بس ما تبي تكلم احد : لا خليها نايمة. سها : ترى اضربها على جرحها. أم ندى : جربي و سويها ويش ذا جايبين بزران معانا. احمد : بيفضحونا بالمستشفى. جود : ياخي جايين نتطمن عليها الزيارة بنروح وهي ما صحت للحين. أم ندى : لا صحت بخليها تكلمك لا تزعجينها الحين. يعني بتنام عندي ما ابي احد منهم ينام عندي يكفي تخليهم عني فتحت عيونها التقت بعيون احمد ابتسم بوجهها وقبل راسها : الحمد لله على سلامتك. بغصة : الله يسلمك. أبو سعود قبل راسها : ما تشوفين شر. : الشر ما يجيك. أم سعود : الحمد لله يا امي اللي شفناك بعافيتك. أم ندى : اجر وعافية. : الله يعافيكم. جود جالسة جنبها من جهة اليسار : شينة شوي وتنتهي الزيارة وانتِ توك تصحين. سها : كنت بضربك على جرحك عشان تصحين. احمد : ايش فيك تعبانة. هزت رأسها بلا.. العبرة خانقتها تتذكر يوم دخلت العملية لحالها كيف كانت. نهى : حبيبتي اهم شيء انك بخير. : ابي انام. سها : ماهو بكيفك توك صاحية. : إن زين ابي اجلس لحالي ما ابي احد يجلس معاي. يناظرونها كلهم .. ما تبي احد فيهم .. احمد : انتِ تعبانة ومحتاجة راحة يعني لازم احد يكون عندك يباريك. وعد : لو احتجت شيء بدق على الممرضات. نهى : ماهو بكيفك ما راح اخليك لو تطقين. أبو سعود حط ذراعة على كتف نهى : يالله. نهى : بابا. أبو سعود : من غير هذرة يالله. أم ندى : بتخليها تنام هنا لحالها. أبو سعود : ايه ما عليها شر.. واحمد مناوب هنا الليلة. احمد : لا تخافون بس امر على المرضى راح اجي عندها ما عليها خوف. نهى : ما ابي ما راح اخليها. أبو سعود : نهى. نهى : بابا الله يخليك خلني هنا الليلة الله يسعدك... وعد تكفين قولي له بقعد عندك. .. .. أبو سعود : قلت اعلمك قبل لا تملك عليها عشان ما تقول إننا غشيناك. عماد : مو تقول انها سوت قسطرة وتقفل الثقب يعني ما عاد فيها شيء الحمد لله .. وحتى لو فيها ابيها. الشيخ : إذا اعطيني بطاقتك المدنية و بطاقات الشهود. .. سعود : أبوي مين عنده.؟ خالد : ما ادري. مشعل : حتى عمامي فيه. وليد : الموضوع فيه إن أبوي له كم يوم متضايق. ياسر : عاد ولا واحد فينا جالس عنده يقهوي ضيوفة. سعود : اجل بروح اجلس تعال مشيعل. .. أبو عبدالله مبتسم : مبروك علينا النسب الطيب. أبو عساف : الله يبارك فيك.. اهم شيء بنتنا يحطها ولدك بعيونة. عماد بهدوء : إن شاء الله انها بعيوني. أبو سعود : والله إن زعلتها في شيء ما ارحمك يا عماد. عماد : ما بيننا زعل إن شاء الله. أبو عبدالله نزل الملف على الطاولة : وهذا الوعد اللي بيننا مقابل وعد. أبو عمر سحب الملف يتصفحة : تمام. أبو عبدالله : أنا اعلن الصلح بيني و بينكم دامنا صرنا اهل فا أنا ما راح اعلن نهاية حرب دامت سنوات بيني و بينك يا ابراهيم عشان خاطر بنتك و ولدي. أبو سعود باستهزاء : كثر خيرك تعرف تقدر. : السلام عليكم. : وعليكم السلام. أبو سعود : هذا عامر بن سلامة وهذا ولده عماد. أبو عبدالله وعماد : والنعم. سعود و احمد : ما عليكم زود. أبو سعود : سعود و احمد عيالي الكبار. أبو عبدالله : نعرفهم إن شاء الله تشوفهم معاريس. أبو سعود بهدوء : إن شاء الله. .. .. عساف يدخل مكتبة بعد الاجازة اللي قضاها .. رمى سلاحة على مكتبة وجوالة ومفاتيح سيارتة : يا سلماااان. سلمان بغضون ثواني وقف و ادى التحية العسكرية : سيدي. : سعود جاء.؟ : ايه طال عمرك موجود في مكتبه. : طيب قوله يجيني .. وروح جيب صلاح من الحجز. بعد خمس دقايق دخل سعود : واقول المركز منور. عساف : ههههههههههه يا شيخ منور بوجودك. سعود سلم على عساف وجلس : شخبارك.؟ عساف : بخير ننشد عنك. سعود : الحمد لله كنت بطلع بروح لوعد المستشفى بس دخل سلمان قال انك تبيني. عساف : بحقق مع صلاح مو قلت بتكون موجود .. إلا كيف وعد.؟ سعود : ما كلمتها احمد قال انها بخير الحمدلله.. وابوي وامي كانوا عندها يقولون بخير الحمدلله. عساف : شلون بتروح والزيارة منتهية.؟ سعود : احمد يدخلني وماني مطول بس اسلم عليها. عساف : طيب والقسطرة كيف يعني طلعت بنتيجة والا. سعود : إلا الحمد لله تقفل الثقب. عساف : الحمد لله. قطع حديثهم دخول سلمان بيده صلاح ابتسم باستفزار يوم شافهم ..: سعود بن ابراهيم.. وعساف بن عبدالرحمن طولتوا الغيبة اشتقنا لكم. عساف : لا تتكلم واحنا ما امرناك. صلاح : والله لا اوطي رووسكم بس خلوني اطلع من هنا ولا اجيب راسكم بوعد نفسها. تقدم له سعود بخطوات غاضبة اعطاه ضربة على وجهه نزف انفه منها : لا تجيب طاري اختي على لسانك. صلاح : اختك بتصير لي و تشوف يا سعود والله لا احرمها حتى شوفتكم. عساف مسكه من كتوفه ورماه على الارض : تخسى وتعقب تلمح طرف شعرها. صلاح : انتم فكوني وتشوفون ويش بسوي ماهو تسون انفسكم رجال وانتم مكلبشيني. سعود : قالوا لك ما عندنا غيرك نهتم لامره وندور وراه هذا اللي ناقصنا. وقف صلاح : بتشوف يا سعود إن ما اخذت اختك من بيتكم و وعد وبس غيرها ما ترضيني. أي استفزاز يثيره صلاح في قلوب اثنين من اشد الرجال يثير غيرة عساف على معشوقتة و يثير غيرة سعود على اخته. عساف اعطاه ضربة على صدرة : والله يا صلاح لا اذبحك برسل اوراقك للمحكمة هالحين ويصدرون فيك الحكم قريب ما راح يكون اقل من اعدام. صلاح : اللي ما تطوله بيدك وصله برجولك. عساف بعصبية هزت اركان المركز : لي أنا تقول هالكلام..! والله يا صلاح لا اشرف على شنقك قبل رمضان إن شاء الله. صلاح : إذا قدرت لا تقصر.. سعود : مين اللي كانت توصلكم معلومات عن وعد..؟ صلاح : مالكم دخل. سعود ضربه برجلها على بطنه : تكلم يا حقير. صلاح منحني على بطنة : ما تهمكم معرفتها. عساف : ما تبي تتكلم بالطيب بتتكلم بالغصب. صلاح : ماني متكلم لا طيب ولا غصب,.. اقولكم لا اخذت وعد لبيتي. سعود : سلماااان اقلعة للحجز ما ابي اشوف شكله. عساف رجع لمكتبة وارسل تقرير للمحكمة عن قضايا صلاح وتهديداتة وطالب بسرعة اتخاذ العقاب المناسب. مرت دقيقة دقيقتين اربع عشر ودخل سلمان على اثنين معصبين وهو متوتر ادى التحية العسكرية : سيدي. عساف بحدة : خير يا سلمان. : صلاح. عساف : الله ياخذة ويش فيه.؟ : انحاش. وقفوا الاثنين بصدمة : نــــعم. سعود : وينكم عنه .؟ سلمان : سلمناه للحجز بس من شوي بلغونا انه انحاش. عساف : ليش مشغلين ويش احنا..؟ غنم. سعود : ارسل القوات هالحين تمشط المنطقة تمشيط ما يمدية ابعد... حطوا حظر على كل المداخل والمخارج.. سوو نقطة تفتيش في كل شارع رئيسي... راقبوا كل الجوالات اللي كان يتصل فيها الفترة الاخيرة يمكن يتصل على احد فيهم. سلمان : عُلم.. خرج بعد ما ادى التحية العسكرية. عساف : احنا ويش مشغلين عندنا والله لا احاسبهم كلهم هالبهايم. سعود : أنا بشوف اخواني وينهم.. عساف : خلنا نروح أنا وأنت المستشفى وكلم اخوانك بالطريق اكد عليهم ما يخلون البيت كلهم دفعة وحده. .. .. أبو سعود : يعني ايش.؟ سعود : يعني انحاش. ياسر : شلون ينحاش منكم هاه..؟ وينكم عنه.؟ أبو سعود : عساف وينه.؟ سعود : برا بالحديقة يكلم الشباب. أبو سعود : وسعود ناده... ياسر كلم احمد يجلس عند وعد. شوي ودخل عساف : السلام عليكم. : وعليكم السلام. عساف : ادري انك زعلان بس أنا حمقان اكثر من زعلك. أبو سعود : شلون يفلت من يدكم الحين وين بنلقاه.؟ عساف : بنلقاه وين بيروح يعني.. اهم شيء .. وعد اليوم تطلعونها من المستشفى لهنا والبيت يضل مراقب. مشعل : ليش هو ناوي ياخذ وعد.؟ عساف : مهددنا يوصل لها من جديد يبي يخطفها هالمره. ياسر بصراخ : من جدك يا احمد .. شوف طيب يمكن راحت لاي مكان.. التفت عليهم : يبه وعد ماهي بغرفتها. لا إلا هاذي قدر ياخذها صار رهينة عنده.. سعود بعصبية وصراخ : الله ياخــــذه .. والله لا اذبـــحه و اشـــرب من دمــــة. خالد : اهدأ خلونا نفكر بذكاء اول شي نشوف كاميرات المستشفى يمكن ما قدر يطلعها منه للحين او نقدر نعرف السيارة اللي كان راكبها. .. أم ندى : الله يستر الله يستر لا يسوي فيها شيء. أم احمد : ما كان بالسجن ويش اللي طلعه. منيره : أبو سعود معصب الله يستر ما يرتفع ضغطة. أم سعود : الله يحميها و يحرسها. سها تصيح : هو كان بيذبحها المره اللي فاتت هذا ما بقلبه رحمه. ندى : الله يستر الله يحفظها من شر كل من فيه شر. جود : من قلبك هالدعوة.؟! ندى : ايش رايك.؟ جود : ما ادري عنك بعد كلامك البارح معاها. ندى : تضل اختي ولا ارضى عليها بالمضرة. .. .. : تحسبينهم بينقذونك مني مثل المرة اللي طافت : ويش تبي فيني حرام عليك أنا مسوية عملية اليوم. : جعلها فيني ولا فيك. : جعلك تموت ولا يصلون عليك. : انطمي ولا ابي اسمع صوتك .. لازم نشوف لنا مكان نتخبى فيه. : جعل الخير يتخبى عنك ولا تشوفه كل حياتك. : مصره إني اسود عيشتك. تحاول تفك يدينها اللي رابطها وراء ظهرها من غير لا يحس فيها راح ترمي نفسها بالشارع والسيارة تمشي ولا إن حقير مثل هذا يدنسها. : تلقين اخوك وابوك و ولد عمك يناظرون السماء يشوفونك فيها. لا اله الا انت سبحانك اني كنت من الظالمين. لا أحلل نقل الرواية دون ذكر اسمي. ضحكة قهر |
رد: لو سألتي الورد وهو ما بين إيدك أقطعك بيقول لك عمري فداك الكاتبة / ضحكة قهر
بسم الله الرحمن الرحيم..
السلام عليكم ورحمة الله وبركاتة.. صباحكم سعادة وتوفيق من الرحمن.. بداية انا مره متحمسة اعرف وجهة نظركم بهالبارت.. وللامانة يعني هالبارت احسه اجرامي يمكن انا معطيته اكبر من حجمة .. بس حبيته.. وكلها افكار طااااازة لاني غيرت مسار الاحداث البارح و ان شاء الله يعجبكم يارب ويلاقي شيء من الرضا بأنفسكم.. و اتمنى يكون طوله مناسب لاني ادري انه مو طويل .. نزلت البارت بدري لعيون اللي عندهم دوام بكره يمديهم يقرونه و ان شاء الله يستمتعون فيه.. البارت إهدا للي خلف الكواليس.. اتمنى تطلعون على السطح تسمعوني ارائكم.. بس ما طلبت شيء زود.. البارت الرابع عشر جالس في مكتبة : اففف هذا اللي ناقص انا اتزوج وحده بزر. التفت لباب مكتبة اللي انفتح بسرعة و دخل : سيدي. : خيـر يا راشد. راشد : البنت اللي ملكت عليها.. اسمها وعد.؟! بدون نفس : يقولون. راشد : انخطفت. اعتدل بجلستة بعد ما كان يناظر الجدار و معطي المكتب جنبه و رافع رجل على رجل .. التفت بسرعة على راشد : ويـــش قلت. راشد : دريت من سلمان يقول انها اخت سعود بن ابراهيم والبلاغ مقدمه سعود. عماد : لا بالله كدينا خير اذا هذا اولها ينعاف تاليها.. و عرفوا من خاطفها.؟! راشد : ايه .. صلاح مهددهم والحين منحاش من السجن وبعدها البنت اختفت. وقف عماد : بقول لابوي يشوف ابراهيم.. شكل مشاكل البنت ويش كثرها وانا ماني ناقصها.. راشد : عماد.. تراها صارت زوجتك. عماد : زوجتي بس وراي امن دولة وانت ادرى باللي انا فيه. راشد : ما انت مسوي شيء.؟ عماد: ويش اسوي.؟! تقول اخوها مقدم بلاغ يعني الشرطة يدورون عليها.. ولا تنسى ان اليوم عندي جلسة. راشد : بتروح لهم و زوجتك مخطوفة.؟! عماد بنرفزة : تبيني احط يدي على خدي والى اشق ثوبي ترى الادمية اللي ارتبطت فيها انخطفت.. والا اصيح واندب حظي.. لا تنسى يا راشد لمين انا بروح لمين...!؟ راشد : شايل هم البنت اكثر منك. عماد : وليش تشيل همها..!؟ لو هي مالها احد نقول.. بس هاذي ابوها ابراهيم بن مساعد ان كنت تجهله قم انشد عنه.. و بعدين تقول اخوها سعود يعني ولد عمها عساف و دام هالاثنين متولين القضية حط ببطنك بطيخة صيفي.. بيلقون البنت قبل لا تطلع الشمس. راشد : ياخي تكلم عنها وكنها ولا شيء. : وهي فعلاً ولا شيء عندي.. والملكة اللي صارت ماني معتبرها شيء.. وحتى لو جات ببيتي وليتها ما تجي ماني عادها شيء.. مالها عندي زود عن ماكلها ومشربها ومكان تنام فيه. راشد : الماضي مكلبشك كلبشة. عماد : امش نروح نضبط الوضع .. ما بقي شيء على موعد روحتي.. .. .. بجهة اخرى و مركز آخر.. يجلس وراء مكتبة يجمع الخيوط عشان ينقذونها بأسرع وقت ممكن .. عساف بحدة : ابي استنفار لكل الفرق ابي نقطة تفتيش بكل شارع رئيسي و تعممون اسمه و مواصفاته على الحدود.. سلمان : حاضر سيدي. عساف : و دخل علي الغنم اللي مشغلهم حرس للسجن. سلمان : حاضر... ادى التحية العسكرية وخرج.. اغلق الباب خلفه : يالله يا شباب ع التحقيق. : عز الله اكلنا تبن. سلمان : توكم تعرفون انتم قصرتوا بشغلكم والهربان شخص عليه قضايا فوق هذا خاطف له بنت. : عشانها بنت عمه و اخت سعود. سلمان : ليش عساف و سعود مقصرين بشغلهم.؟ : ما قلت كذا. سلمان : اللي عندك قوله عند سيادة العميد. : تبيه يقطع رزقي.. سلمان : يالله لا يطلع و يغسل شراعنا حده معصب. سعود دخل بخطوات سريعة و واسعة : سلمان .. وقفوا كلهم مع دخلته المهيبة.. بدون توتر اعصاب هو مخيف كيف واعصابه مشدودة و ممسوكة بشعرة باي لحظة تنقطع.... سعود : ما ورد أي جديد لك.؟ سلمان واقف : لا سيدي. صوت من وراه : سيدي. التفت له سعود : نعم يا رايد.؟؟ رايد بعد ما ادى التحية العسكرية : تم الاطلاع على جميع تسجيلات الكاميرات بالمستشفى.. للاسف ما فيه أي تسجيل لصلاح داخل او طالع. سعود يمسح وجهه بكفوفة : شلون يعني..! عساف خرج : خيــر ويش فيه..؟! سعود : التسجيلات ما فيها أي اثر لصلاح. عساف : و وعد.؟ رايد : كان معانا خالد و مشعل ما لفت انتباههم أي وحده تكون هي وعد. عساف : معقولة حابسها بالمستشفى..؟ و يتحين الفرصة عشان يطلع. سعود : يقولك ماهو داخل ولا طالع ماله أثر. سلمان : يمكن احد خاطفها غير صلاح.. سعود : مين اللي له مصلحة غيره .. وهو الزفت اللي مهددنا انه ياخذها. عساف : يمكن داخل متنكر. : سيدي. عساف : خير يا عبدالرحمن.؟ عبدالرحمن : تم البلاغ عن سيارة مسروقة لـ متعب بن مرزوق. عساف يكتف يده اليمين ويرفع يده اليسار لخده : طيب هنا مو قسم المرور ليش جاي تقولي.؟ عبدالرحمن : سيدي السيارة سجلتها الكاميرات عند المستشفى اللي انخطفت منه وعد. سعود يمسح شعره بيده و ينطق بقهر : الله يأخذك ياصلاح أخذ عزيز مقتدر. عساف : ابيكم تراقبون السيارة وتتبعون كاميرات جميع الشوارع تشوفون لها أي تسجيل نشوف وين بنوصل فيها.. رايد روح مع عبدالرحمن و شوف الشخص اللي نزل من السيارة هو صلاح والا لا. عبدالرحمن : الشخص اللي نزل من السيارة دخل المستشفى معاه مره وطلع وهي معاه. عساف : يعني ماهو صلاح.؟ عبدالرحمن : دامه معاه مره من يوم دخل فهذا مستبعد. عساف : ربي ارحمــــــني. سعود : سلمان طلع لي كل الارقام اللي اتصل عليها صلاح قبل لا نقبض عليه يمكن يتصل على أي احد فيهم. عساف : حط كل الخطوط تحت المراقبة كلها. سلمان : حاضر. سعود : كل واحد يروح يتمم المهمة اللي كلفناه فيها. ثلاثتهم ادوا التحية العسكرية و خرجوا.. عساف التفت على الاثنين اللي من يوم دخل غرفة سلمان معطيهم ظهره : و انتم الحين ابي اعرف شلون قدر يفلت منكم..؟ : ..................... عساف بعصبية : انطقوووا يومكم مو قد الشغلة ولا تعرفون تحافظون على الأمن ليش مقدمين على الوظيفة.. : سيدي .. احنا قد المهمة لكن صلاح طلب انه يطلع للحمام واحنا مو بيدنا نرفض له.. خرجناه و بعدها خرج من السجن. سلمان جاء يركض وانفاسة تتصاعد خوفاً من مصيبة قادمة : سيدي. عساف التفت بحدة : خيـــر. سلمان : زياد .. انحاش. اتسعت اعينهم صدمة من هول الموضوع .. اثنين ينحاشون من السجن بيوم واحد.. سعود بعصبية : انت ويش قاعد تقول.؟ سلمان : ورد البلاغ من حرس السجن باختفائة من ساعة. عساف بعصبية بلغت الجحيم : قسماً بالله لا اوريهم نجوم الليل بعز الظهر .. ساعة مختفي توهم يبلغونا انه منحاش.. خرج بخطوات سريعة كا اعصار سيدمر كل ما يكون امامه.. بجانبه سعود وجه احمر من شدة الغضب.. مجرمان لهم يد بعصابة مخدرات احدهم تمت الاطاحة بهم من شهرين و محجوز لم يتم الاستفادة من استجوابة فقد ذاكرتة اثناء الاطاحة به. جميع من يراهم يقف لهم يؤدي التحية العسكرية ولا يخطوا خطوة واحده الا بعد ما يتخطونه. عساف : سعود .. مين اللي جاب الدكتور اللي كشف على زياد وكتب التقرير انه فاقد ذاكرتة.؟ سعود : عمر.. عساف : وعمر يعرفه يعني جاب دكتور موثوق والا دكتور زفت. سعود : ما ادري اذكر احد اشار عليه فيه بس ماني فاكر مين.. ليش شاك بشيء.؟ عساف : اول شاك الحين متأكد.. زياد يمثل علينا انه فاقد الذاكرة.. لذلك بس نطلع من هنا ابي الدكتور اللي كشف عليه وكتب لنا التقرير. سعود : ليتك تكلمت من قبل يا عساف.. بعد ما طاح الفاس بالراس. عساف : والله لا اكسر رووسهم بذا الفاس مو عساف بن عبدالرحمن اللي يستغفلونه. .. .. عماد بعد ما اغلق أخر زرار في ثوبة : هاه كيف.؟ راشد : تمام.. بس سيدي. عماد : خير.؟ راشد : انتبه.. لا تتهور. عماد : لا تخاف.. بس تابع لي مجريات التحقيق مع اللي خطف وعد بعرف ويش صار.؟ راشد : ليش ما انت مهتم.؟ عماد : لو خيروك بين الدولة و زوجتك.. مين تختار..؟ انا ماني جالس بمكتبي وحاط رجل على رجل عشان تلومني انا جالس احمي دوله يا راشد.. و وعد و وراها اخوها و ابوها وعمامها بيطلعونها من تحت الأرض.. راشد : يارب.. قبل ما يصير فيها شيء. لاني سمعت ان البنت مخطوفة من المستشفى ومسوية عملية اليوم. عماد ببرود : مو عملية قسطرة كان عندها ثقب وتقفل اليوم.. يعني شيء بسيط. راشد : عماد لا تروح .. البنت اهم من هالروحة اعتذر لهم بأي شيء قولهم انك مسافر. عماد : ما راح أأخر اموري عشانها.. اليوم بنعرف متى موعد العملية والخطة اللي على اساسها بيتم التهريب.. وكيف بتتنفذ عمليات الاغتيال. راشد : الله معااك الله حاميك.. .. .. : تحسبينهم بينقذونك مني مثل المرة اللي طافت : ويش تبي فيني حرام عليك أنا مسوية عملية اليوم. : جعلها فيني ولا فيك. : جعلك تموت ولا يصلون عليك. : انطمي ولا ابي اسمع صوتك .. لازم نشوف لنا مكان اخبيك فيه قبل لا اروح موعدي. : جعل الخير يتخبى عنك ولا تشوفه كل حياتك. : مصره إني اسود عيشتك. تحاول تفك يدينها اللي رابطها وراء ظهرها من غير لا يحس فيها راح ترمي نفسها بالشارع والسيارة تمشي ولا إن حقير مثل هذا يدنسها. : تلقين اخوك وابوك و ولد عمك يناظرون السماء يشوفونك فيها. وعد : جعل ربي يحرمك شوفك يا حقير.. انا ما سويت لك شيء عشان تضرني.. صلاح : ماني ضارك انا احبك احبك احبك قلتها لك كم مره.. ما راح اضرك.. وعد : جعل الامراض كلها تحبك ولا يكتب لها ربي تفارقك. صلاح : بـــس بـــس لا تدعين لا اذبحك الحين. وعد : احسن من اني اكون مع واحد قليل شرف مثلك. صلاح : يااارب صبرني بس. وعد : ليش انت تعرف الرب عشان تدعيه..! صلاح بصراخ : انطمــــــي.. لو اسمع منك حرف واحد يا ويلك يا وعد تفهمين. وعد : لا ما افهم.. صلاح يرد على جواله : هلا طال عمرك.. بارض الله الواسعة.. نعــم..! ما اقدر معاي وحده .. ايه .. ويـــش تقول...! بس انا قلت لك من قبل طال عمرك عنها.. ما ابي اتخلى عنها.. طيب مسافة الطريق.. قفل الجوال. وعد : نزلني..! صلاح : شكلك ما تستوعبين الكلام من اول مره. وعد : من ناس حثالة مثلك ما استوعبه. صلاح : تدرين وين بنروح الحين. وعد : قسمــاً ان ما نزلتني لا اذبحك. صلاح : مره خوفتيني.! وعد : نزلني يا كلب يا حقيـــر والله لا اذبحك. صلاح يوقف عند باب فله بعيدة عن الحياة.. بعيدة عن الدنيا بعيدة عن سير الناس.. هناك قريباً من الحدود .. وقف السيارة ونزل ساحبها معاه وهي تصارخ : اصرخي من اليوم لا بكره ما احد بسامعك هنا.. .. .. جالسين بمكتب في فيلة بعيدة عن الأعين.. فيلة تراها من الخارج تحكي الجمال والاناقة.. ما ان تخطوا اول خطوة في قلبها تشعر بان الموت يناديك.. خالية من كل شيء حتى من قطع الاثاث .. فقط هذا المكتب أثث بطريقة فخمة والباقي ينادي الهجران ينادي الموت.. حتى الاضاءة خافتة.. و الحديقة اشجارها ميتة.. كل شيء هنا ينادي الموت.. حتى من يدخل هاذي الفيلة هو يعلم ان مصيره الموت.. : هلا بعزام وينك يا شيخ من زمان نتحرى هالشوفة. عزام بهدوء وثقة : تخبر يا سطام مشاغل هنا و مشاغل برا. سطام : ايه سمعنا ان عندك عملية جديدة. عزام ابتسم : بعض مما عندكم. سطام : بس اللي سمعته بتكون ضربة بالسوق. عزام : نتأمل من وراها. سطام : ويش رايك نكون شركاء اجل.. سمعت ان ودك بشريك. عزام : تعرفني ما ادخل مع شريك الا بشروطي. سطام : وانا عند شروطك واللي اوله شرط اخره نور .. اعطينا هالشروط وان شاء الله ما احنا مختلفين عليها. عزام : اجل هالاتفاقية لوقت ثاني.. اجتماعنا اليوم لموضوع غير ذا. : السلام عليكم. : وعليكم السلام. تقدموا الثلاثة مع بعض و سلموا على رئيسهم وصافحوا عزام .. سطام آشر بيده اليسار على عزام : اعرفكم عزام بن مبارك.. : والنعم. عزام : ماعليكم زود. سطام آشر على الثلاث الداخلين : ناصر .. زياد .. صلاح. عزام : والنعم. : ماعليك زود. سطام : مبروك الافراج. زياد يجلس باستهزاء : قول مبروك النحشة. سطام ابتسم.. ثم تحولت لضحكة صاخبة تردد صداها بالمكان : ههههههههههههههههههه... أشري شوفة عساف بن عبدالرحمن و سعود بن ابراهيم بنص ثروتي. ناصر : والله لو شفتهم يوم دروا عن نحشة صلاح .. الدنيا كلها انقلبت المركز انقلب مثل بيت النحل ما احد بمكانة الكل يفتر. سطام : ايه صلاح ماخذ بنتهم ليش ما يصيرون مثل النحل.. الا وين حاطها.؟ صلاح ببروح : بالسيارة. زياد : جايبها هنا..؟ صاحي انت.؟ صلاح : وين تبيني احطها.؟ ناصر : اخاف يدلون المكان هذولي بيقلبون المدينة فوق تحت عليها. سطان : انا قلت له يجيبها معاه.. تدري يا عزام لو هي لي ما غلت عليك كنت هديتها لك. عزام : ما تقصر و انا ما كنت بردها. صلاح : ولو انها غالية علي.. وتعبان عشان اخذها وماهو اول مره اخذها او احاول اخذها.. بس ما فلحت المره اللي فاتت بس هي لك هدية دام الرئيس بيهديك اياها. عزام ابتسم : مقبولة الهدية. زياد : انا ما ادري ويش عندك على ذا البنيه بذات. صلاح : عشان اقهر اخوها سعود.. وعساف.. وخطفها كان سهل من المعهد تعرف البنات اللي في المعهد مو كثر بنات الجامعة او المدارس.. و بعدين البنت غبية كل شيء بتسويه تكتبه بحسابها بالتويتر اخبارها اخذها منها وعساف و سعود يحسبون ان وحده من زميلتها اللي معطيتني اخبارها حتى اسم المعهد اخذته منها. ناصر : تدري لو انت تطب بيد عساف بيهرسك بدقيقتين و يعجنك. صلاح ببرود : بكل الاحوال بموت الحين والا بعدين .. عساف راسل اوراقي للمحكمة وما راح يكون اقل من اعدام. سطام : خلونا من عساف و سعود بيجي يوم نفركش ذا الاثنين وندبغهم على وجيههم .. نبدأ في المهم مهمتنا الجاية و اللي عزام بيكون طرف جديد فيها و اول عملية يأديها معانا وفالها النجاح ان شاء الله. عزام : ايه وهذا اللي مجتمعين عشانه. زياد : نسمعك طال عمرك. سطام : راح تكون بعد رمضان بالضبط.. وتحديداً 1/10 .. يوم العيد الظهر. صلاح بصدمة : بعز النهار..؟ سطام ابتسم بخبث : ايه .. ما راح يجي ببالهم اننا بنتجرأ عليها.. لكن يوم العيد الظهر والعصر الناس كلها نايمة .. ما احد راح يشك اننا ممكن نسوي عملية تهريب سلاح ومخدرات والشمس بكبد السماء. زياد : ما تحس انها خطة متهورة. سطام : ابــداً.. والرئيس مقتنع بالخطة ميه بالمية. ناصر : حتى انا أأيد الخطة الناس كنها بغيبوبة بهالوقت لو قلنا الصبح او الليل صحيح بنكون بخطر بس الظهر او العصر ما تلقى الدومري بالشارع. عزام : المكان.؟ سطام : فندق ............. زياد : سيدي احس اننا بنتهور كثير ليش مو بالخلا.؟ سطام : لا بتكون بالفندق بمواقف السيارات. عزام و نظرته تثبت بعين سطام : انا موافق. ناصر : وانا ما عندي اعتراض. صلاح : وانا بايعها بكل الاحوال ما تفرق عندي. سطام : تفرق عندنا يا صلاح.. عساف وسعود ان قبضوا عليك بيوكلونك تبن عشان تعترف. صلاح : صار لي قد ايش عندهم ما اخذوا مني معلومة وحده بس حققوا معاي بخصوص بنتهم.. اما الباقي ما اعطوه بال لانهم اغبياء العصبية معمية عيونهم. ناصر : فعلاً اذا قدرنا نضربهم من كذا اتجاه راح يتشتتون. سطام : يتشتتون هذولي صح مخين بس عن ميه.. والله لا يقلبونكم فوق تحت. زياد : طيب .. و بعد ما يتم التبادل واستلام البضاعة.؟ سطان : ننظف المكان كالعادة.. زياد : بس اذكر ان ما فيه متفجرات تكفي لتنظيف الفندق وكأن شيء لم يكن. سطان : لا تخاف جبنا واحد معلم فيها و يسوي لنا كل الانواع والاشكال. زياد : اجل خبري عتيق.. عزام يوقف بثقة : اتوقع كذا انتهى اجتماعنا.. سطام : ايه انتهى.. قالنا التوفيق. عزام : ان شاء الله.. سطام : لا تنسى اتفاقنا على الضربة الجديدة. عزام : ماني ناسي.. التفت لصلاح بثقة : ما انت معطيني هديتي.؟ ابتسم صلاح و وقف : الا بتأخذها من هالشنب.. عزام : نسلم عليكم.. طلع وطلع معاه صلاح.. زياد : من وين هذا.؟ سطان : هذا عزام بن مبارك اشهر من نار على علم بالسوق.. بس من تحت لتحت يضرب السوق ضربات قوية ممكن يرفعة و ممكن ينزله بغضمة عين. ناصر : اهم شيء انه قد الثقة. زياد : نجربه طلع مو قده نصفية مثل غيره. وقفوا عند سيارة صلاح المسروقة و بجنبها سيارة عزام .. فتح صلاح الباب اللي وراء و سحب وعد اللي طلعت تناظر فيه وتناظر بعزام .. فتح دبة السيارة : حطها هنا.. صلاح : بتخنق البنت. عزام : تحسبني غبي اطلع و بنت وراي .. ركبها بس. صلاح رمى وعد بالدبة وهي تصيح و تحاول تفك نفسها وتنحاش منهم. عزام بحدة : قسماً بالله ان سمعت لك حس لا اذبحك وادفنك ولا احد داري عنك .. فاهمـــة. وعد طنشته ولا كنه تكلم وهي تحرك بقوة تبيه يفكها يذبحها ولا يصير لها شيء ثاني.. يستلمون اهلها خبرها ميته روح وجسد .. ولا روح ميته وجسد حي.. سكر عزام الدبة بقوة عليها ولا اهتم ان جاها شيء او لا.. العصبية معمية عيونه واعصابه منفلته .. ركب سيارتة وخرج من المكان..وصلاح دخل. صلاح : تلقون عساف وسعود يضربون اخماس باسداس شلون انحشنا من السجن. ناصر : بركاتي..! زياد : اللي يسمعك يقول انت اللي مكتشف هالطريقة. سطام : الا شلون انحشتوا.؟ ما خبرتوني. ناصر : تذكر الxxxx اللي يفقد الشخص ذاكرتة لمدة نص ساعة او زود شوي. سطام : ايه اللي انت طلبته من جورج يصنعة. ناصر : ايه عليك نور.. هو حطيته بأكل الحرس مرتين ونحشتهم ما غير لا احد يحس بعد ما البسوا ملابس ضباط. سطام : العقل المدبر انت.. ما ينخاف عليك. .. .. : سيدي. سعود : اذا ما عندك خبر زين لا تقوله روح كلم عساف. عساف يدخل لمكتب سعود : بنسمع انا وياك.. قول يا رايد. رايد : تم العثور على السيارة المسروقة بالبر.. وردنا بلاغ من قسم المرور بعد رفع البصمات من عليها وموجودة بصمات صلاح .. وبصمات اخرى ما تعرفنا عليها والارجح انها لوعد. سعود : حسبي الله ونعم الوكيل.. عساف : والله بس يطيح بيدي لاخليه يدور الموت ولا يلقاه... يجلس على الكرسي سند كوعة على فخذه و مقدم : شلون قدروا ينحاشون و يخترقون الجهاز الامني.. مستحيل ما يكون لهم احد يعاونهم.. اكيد فيه خاين بيننا يعرف نقاط قوة هالمكان ونقاط ضعفة.. والا اثنين ينحاشون من نفس المركز.. سعود : و حط ببالك انهم مو بنفس التوقيت وهذا بحد ذاته كارثة.. لو اثنين وانحاشوا مع بعض تهون عند اثنين مو بنفس التوقيت. عساف : زياد و صلاح اكيد انهم على علاقة ببعض.. زياد عضو بعصابة مخدرات و ما حسبنا اخذناه عندنا عشان نستدل منه على باقي افراد العصابة مثل علينا فترة ماهي هينة انها فقد الذاكرة باليوم اللي داهمنا فيه وكرهم.. هذا يعني انهم عصابة كبيرة اللي قدروا يضحكون علينا و يجيبون دكتور و يتعاون معاهم.. و غير كذا افرادهم اللي بيننا اللي نحسبهم افراد يفدون ارواحهم للوطن.. و هم على العكس.. سعود : انضحك علينا يا ولد عمي واحنا يا غافلين لكم الله.. صرنا مضحكة.. وفوق هذا اختي مع مجرم. عساف يسند ظهرها للكرسي : هذا اللي بيجنني ولاهو مخلني اقدر اثبت كل ما حاولت اربط حبلين ببعض القى هالموضوع بوجهي.. معقولة صلاح خطف وعد بامر من احد فوقه.. معقولة يكون دافع الخطف اكبر من انك شهدت ضده بالمحكمة. سعود : اذا صلاح عضو بعصابة ما راح يسوي شيء من وراء رئيسهم.. هذا يعني ممكن يكون رئيسهم هو اللي وراء عملية اختطاف وعد اليوم مو صلاح. عساف : جيب أي شيء من البيت عليه بصماتها يطابقونها مع البصمات اللي بالبيت. سعود : ما يحتاج اجيب.. جوالها هنا لاقينه بغرفتها بالمستشفى.. رفع سماعة التليفون : سلمان طابق البصمات اللي في السيارة مع كل البصمات اللي تلقاها على جوال وعد... وقفل الخط. عساف : ابوي ما وقف اتصالات.. كلهم مجتمعين ببيتكم.. سعود : انا قلت لهم ما راح ارد على احد فيكم لو عندي أي خبر زين والا شين بكلمكم ماني مخبي عليكم. عساف : لازم نشتغل بسرية يا سعود.. دام لهم اعوان بكل مكان التصريح بخططنا والتفكير بصوت عالي يكشفنا.. سعود يلف بكرسيه الواسع يمين ويسار ويمسك بيده اليسار قلب يضرب به على المكتب : اكيد بختار جماعة موثوقين.. نشتغل معاهم.. بس لو القى وعد ويرتاح بالي. .. .. الجو متوتر لأبعد حد.. واكثر ما يسيطر عليه الهدوء.. الدقيقة تمر كاليوم لا تنتهي .. ابنتهم لا يعلمون أي هي.؟ لم يتلقوا أي خبر عنها شر او خير.. اعصابهم تنادي بالانهيار قريباً.. ام عبدالرحمن : الساعة صارت ثلاث وهي مالها حس للحين. مشعل : والله لو امسكه لا ادفنه وهو حي.. خالد : ياسر دق على سعود شوف ويش استجد. ياسر : من شوي داق.. وهو ما ينطاق. ابو سعود يفرك جبهته بثلاث من اصابع يده اليمين : يارب عونك.. هي ضعيفة ما راح تقدر تحمي نفسها.. يارب لا تفجعنا فيها.. نهى : ياليتكم ذبحتوه يوم كان هنا و حاول يخطفها. احمد : هذا اللي ربي كاتبة .. لكن شلون طلع من المستشفى فيها.. وهو فيه امن.. لو قلنا خدرها واخذها شايلها بيشكون فيه الامن شايل وحده مريضة وطالع فيها لو داخل الموضوع ما ينشك فيه.. لو قلنا مهددها تقدر يوم توصل برا تصارخ او تسوي أي شي يلفت انتباه الامن..؟ شلون قدر يطلعها من بين الناس. سعود يجلس منهد : اخذها بكرسي متحرك. ابو سعود : ويش الاخبار.؟ سعود : ما من شيء زين.. المركز مقلوب فوق تحت.. ما احد يدري شلون انحاشوا بس الاكيد ان فيه احد يدعمهم.. ماهو معقول قدروا يخترقون الجهاز الامن.. اكيد لهم اعوان بالمركز و برا. ابو سعود : اختك..؟! سعود : معاه للحين يبه.. اخر شيء السيارة توقفت بالبر .. ولقيناها هناك بعدها ركبوا سيارة ثانية لحقنا اثرها للاسفلت وبعدها اختفت. ام عبدالرحمن : ويش بيصير على اخيتك هالحين.؟ سعود : ربي يحميها.. ادعي لها يمه. ابو عساف : وعساف وينه.؟ سعود : بالمركز يحقق مع الحرس بيشوف كيف قدروا ينحاشون من المركز. ام عساف : الله يكون بعونكم.. ويرجع لنا بنيتنا بخير وسلامة. ابو عبدالرحمن : روحوا ريحوا لو فيه خبر بيتصل عساف يعلمنا. سعود : انا برجع المركز.. بس ابي شي يفوقني.. ميار سوي لي قهوة ضبطيها. ام سعود : ارتاح يمه والفجر روح المركز. سعود : لا يمه بنتابع مجريات التحقيق. ميار وقفت : طيب. سعود : ضبطيها ميار و ثقليها ابي هالصداع يفك عني. ميار : ان شاء الله... خرجت من بينهم للمطبخ. ياسر يحك دقنة : يعني ويش بتسون خطوتكم الجاية ويش بتكون. سعود : نحاول نربط المواضيع ببعض.. عشان نوصل لنقطة تكون الخطوة الجاية.. الموضوع مشربك فوق ما تخيلون.. انتم عليكم بقضية الاختطاف بس هو بالاصح اكثر من قضية مع بعض.. وعد طاحت بيد عضو من عصابة.. ام عبدالرحمن : وهذا وشو يا وليدي. ابو عمر : مجموعة ناس ما يخافون الله ما يدلون غير دروب الردى. سعود : احس يديني مربطة ماني قادر اسوي شيء أي فكرة تجي براسي احاول اجمع اطرافها بس افتكر ان وعد بين يديهم انهبل.. احمد آشر لسعود يسكت ابوه وجدانه وخواته ماهم حمل يسمعون آشياء تزيدهم ما تنقصهم. ابو عساف : عامر وولده وجيهم نحس علينا. ابو سعود و وجهه يحكي التعب النفسي والجسدي : ما اقول غير ياربي لا تفقدني عقلي.. ابو عمر : ما يصير تتطير وتتشائم. ابو عساف : ما انخطفت البنت غير اليوم .. لا يكون عامر وراء صلاح.؟ ابو سعود : لا عامر ما يسويها.. البنت بنت اخته.. وبعدين كان قادر يخلي عماد ياخذها اليوم ومن غير لا يسوي كل ذا .. و يحط نفسه بمشاكل هو بغنى عنها. ياسر : وعماد ليش يأخذها.؟ ابو سعود : انا ملكت لوعد اليوم على عماد بن عامر بن سلامه. انصدمـــوا كلهم.. يناظرونه .. ابو سعود : اضطريت لوى ذراعي وما قدامي الا ان ولده يملك عليها.. وبعدين هو ولد خالها. ابو عبدالرحمن : معطي بنتك واحد من برى الجماعة هاذي ماهي سلومنا يا ابراهيم. ابو سعود : عاداتهم ما تباعد عاداتنا ماهم اغراب عنا يبه. خالد : بس عامر عدوك يبه ماهو صديقك عشان نقول عادي. ابو سعود بعصبية ينهي النقاش قبل لا يطول : قلت لك لوى ذراعي .. الشيء اللي ما تعرفون عنه لا تحكون فيه. ياسر يحاول يمتص غضب ابوه : احنا ما نطلع من شورك يبه. ميار تنزل القهوة على الطاولة.. وقف وليد ياخذها و يأخذ الفناجيل يدور على الموجودين يقويهم. ابتدأ بجده. ابو عبدالرحمن يمد باطن كفه مفرودة له : لا يبه مالي فيها هالحزة. دانه : طيب جوال وعد هم دايم بالمسلسلات يتتبعون الجوالات وكذا.. سعود : جوالها عندنا بالمركز. وليد : متأكد ان صلاح هو اللي اخذ وعد لان خالد و مشعل شايفين تسجيلات الكاميرات بالمستشفى ولا شافوا وعد. سعود : ايه متأكدين.. صلاح متنكر.. و طلع بوعد على كرسي متحرك.. غير عن كذا بصماتها موجوده بالسيارة.. وتطابقت مع بصماتها على الجوال.. خالد ياخذ الفنجال من يد وليد : طيب الكاميرات اللي بالشوارع ما تقدرون توصلون فيها للسيارات اللي سلكت الطريق بعد ما وقفت السيارة المسروقة. سعود : الطريق بري ماعليه كاميرات مراقبة. .. .. بصراخ يهز اركان المكان : شلون يعني ما حسيتوا عليهم.؟ هاه..؟ واحد ينحاش منكم المغرب والثاني الساعة 11 ليش .؟ هي وكالة بدون بواب..؟ يقف امامه عشرة اشخاص يصطفون بخوف .. بندم.. لا يقوون على الحديث او حتى الدفاع عن انفسهم. عساف : ابي اعرف انتم عندكم عقول ..؟ والا حيوانات تشتغل هنا.. لما واحد ينحاش المغرب .. يعني لازم تتشدد الحراسة اكثر صح والا لا..؟ : ................... بصراخ : ردوووووووا. اومئوا برووسهم نعم.. عساف : ولما هو ايه.. شلون ينحاش زياد بعد ما انحاش صلاح.. عيونكم وينها بقفاكم.؟ سلمان فتح الباب ادى التحية العسكرية : سيدي. عساف : اتحفني بعد.. اليوم كلها ما تلقيت خبر زين احكي. سلمان : الدكتور اللي كتب التقرير بخصوص زياد و يتابع حالته. عساف : ايه. سلمان : وردنا بلاغ من قسم الامن الجنائي انه تم قتل العيلة كلها. عساف يضرب المكتب بكفوفة بقوة : حسبي الله ونعم الوكيل... مين متولي القضية.؟ سلمان : العميد عماد بن عامر. عساف : رتب لي موعد معاه.. من الصباح بدري. سلمان : على امرك.. ادى التحية العسكرية وطلع. عساف : شفتوا ويش سوا اهمالكم.. الامانة اللي انحطت على عاتقكم اهملتوها.. برفع امركم للجهات العليا وهي تصدر عقوبتكم... والآن كل واحد على مكانه لين نشوف ويش يصير. رايد دخل : سيدي.. عساف : نعم. رايد : صدر امر المحكمة بخصوص صلاح وتحديد الجلسة. عساف : متى.؟ رايد : بعد اسبوع. عساف : ياليت نلقي القبض عليه قبل الجلسة ونفتك منه. رايد : يارب. عساف يستمع للآذان : الله اكبر الله اكبر.. رايد : ما انت رايح ترتاح.؟ عساف : وين القى الراحة يا رايد.. علمني.. رايد : هذا سعود راح.. روح ريح ساعتين. عساف : سعود الحين بيجي.. بس بيتطمن على عمي وجداني لا ينهارون. رايد : ماعليش سيدي.. المرافقة اللي معاها وين موقعها من الاعراب. عساف : ما كان معاها احد.. هي لحالها. رايد استغرب : ليش طيب.؟ ما عندها خوات. عساف : الا عندها.. بس هي عنيدة وراسها يابس.. يبي لها من يهفها كف يهد ضروسها يمشيها على الصراط المستقيم لو معاها مرافقة كان ما وصلنا لذا المواصيل. سلمان : سيدي. عساف يرفع نظره له : اتحفني.. تدري لو ما اؤمن بالله لا اقول وجهك نحس ياخي ما جبت لي خبر زين. ابتسم سلمان : ويش اسوي اليوم كله ما فيه خبر يونس. عساف : قول ويش الجديد. سلمان : حددت لك موعد مع العميد عماد بن عامر الساعة 9.. عساف يلعب بقلمه يمين و يسار : زين.. اكيد بيحققون الحين و يبحثون عن الادلة نشوف ويش عندهم .. انا بروح البيت ببدل ملابسي واخذ شور من ذا القرف.. رايد : ارتاح ساعتين و اذا استجد شيء بندق عليك. عساف : لا تحاول تقنعني بعدها بمر على بيت عمي نتطمن على الكل.. .. أحمد : يبه لازم ترتاح. ام عبدالرحمن بصوت عالي : لا اله الا الله محمد رسول الله. ابو عمر وقف يسند والدته : ما امداك تصحين يمه. ام عبدالرحمن تمشي ببطء متوكأه على عصاها.. : كل ما غمضت عيني ما اشوف الا البنية قدامي. ابو عمر : الله يلطف فيها .. هو ادرى بحالتها. ام عبدالرحمن تجلس : والله وعيد ذكية ان شاء الله انها تقدر تفك حالها منه جعله الماحي. احمد : بس هي تعبانة يمه.. ما فيها شدة. يزيد : استغفر الله. خالد : خواتي ما بغن يهجدن و يفكنا من الصياح والنياح كن الواحد ناقص توتر. سعود يجلس بتعب : السلام عليكم. : وعليكم السلام. خالد : توقعتك بالمركز. سعود : عساف قالي لا تجي هو بيجي الحين بعدها بنمشي مع بعض. ام عبدالرحمن : ما فيه جديد يمه.؟ سعود : لا يمه.. ادعي ربي يحلها من عنده. فارس : عساف برا.. سعود : قله يدخل ما فيه احد. ابو سعود : لقيت عامر متصل علي.. اكيد انه وصله العلم.. ابو عساف : رديت عليه..؟ ابو سعود : لاا.. ماني فايق اكلم احد. ياسر بقهر : ليت من يحط صلاح بين يدي والله لا احطه بقفص ذيابة ينهشون فيه. عساف : السلام عليكم. : وعليكم السلام. سلم على الموجودين وجلس جنب جدته.. ابو عمر : شكلك مهدود الحيل. عساف : ايه والله.. سعود : ايش الاخبار. عساف : الدكتور اللي كتب التقرير عن زياد.. انقتل هو وعيلته كلهم. ام عبدالرحمن تحط يدها على راسها : اعوذ بالله اعوذ بالله الله يكافينا الشر .. يارب سمعنا الخير. سعود اسند كوعة على فخذة وتقدم بجلستة : مسكت القضية.؟ عساف : لا العميد عماد بن عامر ماسكها. سعود بدون نفس : عامر سلامه.؟ عساف : ايه ليش تعرفه.؟ سعود : سمعت عنه.. عساف : ضبطت معاه موعد بعد ساعة.. بشوف ويش عنده. سعود : وبيقولك.؟ عساف : القضية مرتبطة ببعض لازم نركبها مع بعض عشان نوصل للفاعل.. سعود : زياد ما غيره ما يبي لها.. عساف يحك دقنة بيده اليسار : او احد يبينا نشك بزياد.. سعود : ايش تقصد..؟ عساف .. بتعرف قصدي بعدين.. وقف : انا بروح اقابله اشوف ويش عنده... رد على جواله : نعم يا سلمان .. ايه.. لا حول ولا قوة الا بالله .. تدري لا عاد تنقل لي الاخبار انت .. ما جبت لي خبر زين.. ههههههههههه طيب خلاص لا تزعل... بفتح قسم لاخبار الافراح وبعينك رئيسة... طيب أكد على مساعدة يحجز لنا موعد جديد.. ابي اعرف تطورات القضية معهم... انتظر اتصالك.. بالتوفيق. سعود : خيــر.؟ عساف يجلس : عماد اعتذر عن الموعد.. يقول الحين مشغول. سعود : يفضي نفسة نص ساعة يسمع فيها اللي عندك. عساف : خله يمسك خيوط القضية عشان نجمعها. خالد : تكفون لا تسمعونا مصايب اللي فينا مكفينا. عساف : هذا ربي يجازيني عشان اقول لسلمان انت شكل وجهك نحس ما تجيب غير الاخبار الشينة. .. لا اله الا انت سبحانك اني كنت من الظالمين.. ضحكة قهر.. |
رد: لو سألتي الورد وهو ما بين إيدك أقطعك بيقول لك عمري فداك الكاتبة / ضحكة قهر
بسم الله الرحمن الرحيم..
السلام عليكم ورحمة الله وبركاتة.. مساء السعادة والرضا والحماس.. بداية انا ارحب بكل اللي انضموا للرواية حتى لو كانوا وراء الكواليس.. ان شاء الله يجي يوم يطلعون على السطح.. واشكر كل اللي يثبت وجودة ويترك له بصمة بصفحات روايتي.. ثانياً اكيد تتسالون ليش منزلة بارت اليوم..! بصراحة متحمسة .. خصوصاً بعد التوقعات ان عماد وعزام شخصية وحده اترك لكم مفاجأة في البارت.. شيء ما تتوقعونه ابداً ولا احد فيكم جاء في باله متوقعين ان وعد تخطف .. او عماد يأخذها لبيته.. او ترجع لاهلها.. الصدمة بتكون لكم بالبارت.. ثالثاً احس بتقصيري اذا نزلت بارت واحد بالاسبوع رغم اني اظن سويتها مره وحده لاني كنت اسوي هدايا.. قررت اغير مواعيد البارتات .. قالت لي فدا لعيونه الخميس و السبت اظن ان ما خانتني الذاكرة.. بس انا اقول خلوها للقريحة الكتابية.. لاني فجأة اغير كل شيء هالبارت عدلت عليه كثير كثير كثير وانا مخلصتة من امس بس اليوم غيرت اشياء كثير.. لزوم اللمسات السحرية.. يعني نقدر نقول ثلاث ايام كذا اربع ايام.. ان شاء الله مو كثير.. البارت طووووويل وشسمة اهدأ لنفسي عشاني ناسفة توقعاتكم << بـــــــرا.. البارت الخامس عشر. ما طاح في قلب الغلا غير الأوجاع .. و ما شالت كفوف الندم غير }ضيقة{ .. أثر الغلا لا زاد عن حده انباع .. مثل الدفا لا زاد ... يصبح حريقة ! ناصر التميمي.. مجتمعات كلهن بغرفتها وكأنهم يبون يحسون بوجودها بينهم.. اغراضها للحين على حطتها روايتها اللي تقراها مفتوحة على نفس الصفحة شاحن الجوال على الكومدينة وكوب القهوة على المكتب.. نهى تنقل نظرها بين اغراضها : تهقون ويش حالتها الحين.؟ دانه : ما ادري كل ما تخيلت شيء احس دموعي ما توقف يارب افرجها عليها يارب. جود : الله يردها لنا سالمة.. ما يكفي انها مسوية قسطرة.. ميار : لا تذكريني .. حتى ماهي بعافيتها عشان تنخطف وهي بهالحالة. ندى : ابوي كنه كبر عشر سنين بكم ساعة. سها : غصب مين يتحمل ان بنته تنخطف من مجرم.. نهى : طلع مزوجها البارح... الا وين زوجها ما شرفنا يحكي له كلمتين يحسسنا انه موجود بالحياة.. جود : تلقينه ردي يكفي انه ابوه عامر الخايس اللي متهم ابوي بالسرقة ولا بعد معلم بنته تلقينه حاقد على ابوي.. سها : تهقون انهم فقراء.؟ عشان كذا للحين حاقد على ابوي.؟ نهى : والله عندنا هم اكبر منه نفكر فيه ما عاد الا هي عامر وعيلته. ميار : سمعتي ابوي يقول خالك. نهى : تخلخلت عظامة هو وكل عياله. ندى : تهقون وعد بترضى بهالزواج..؟ نهى : اكيد لا.. بنتظر اليوم اللي بتدري فيه وبتنفجر بوجه ابوي. ندى : بس ابوي يقول انه انحد على هالزيجة.. غريبة ويش اللي حده.؟ نهى رفعت اكتافها : ما ادري.. معناها مو راضي على الزيجة بس نشوف ويش بيصير. سها : ويمكن هو ما يرضى بعد ما انخطفت. ميار : هو الخسران.. اهم شيء وعد ترجع لنا بالسلامة يااارب وغير ذا ما نبي شيء. دانه : يااارب ياكريم ردها لنا.. وفرحنا بشوفتها.. وطمن قلب ابوي.. جود : ان شاء الله بترجع.. اصلاً ما اتخيل البيت من غيرها.. .. .. وده يكسر كل شيء قدامه من عصبيتة .. دق على عزام : وينننك..؟! ... بسرعة عزااام بنفجر.. وسكر الخط من سمع كلام عزام مع العصابة اللي رايح لهم وهديتهم له هي زوجته فقد السيطرة على اعصابة. راشد : روووق هذا اللي مو هامه امرها. عماد : انا زوجتي تكون بين شلة حثالة مجرمين.. أنــــــــــــــــا.. راشد : يا ابن الحلال اهدأ البنت مالها ذنب. عماد : والله لا أطربق الدنيا فوق رووسهم.. خرج اول ما سمع صوت سيارة عزام توقف برا.. و خرج معاه راشد.. عماد صرخ : وينها..!؟ عزام : بالدبة .. دخل رجل وحده بالسيارة وضغط زرار عشان يفتحها.. اتجه بخطوات سريعة غاضبة لها شدها وطلعها برا .. كانت تعبانة خايفة ضايعة مصدومة .. ميتة بجسد حي .. ناظرته بخوف .. اما هو صرخ فيها : شلووون اخذك..؟! بعدت عنه خطوة بعدها لفت تبي تنحاش تبي تلحق الموت اللي تحسه قريب منها لا يروح بعيد عنها, تبي تموت وتبعد تبي الخلاص من طيحتها بين شلة مجرمين سمعت كلامهم عن عمليات بيسوونها قلوبها ميتة.. واكيد انه ما بيوم كان عندهم قلوب حية .. لحقها بخطوات بسيطة ماهي قادرة تبذل مجهود قوي من القسطرة رجلها تالمها شدها من عضدها ولفها له وصرخ فيها بحدة : انطقي لا قسماً بايات الله انطقك بطريقتي. عزام : عماااد ارفق بالبنية ما يكفي انها مخطوفة من اهلها خلها تحس بالامان بعدها استجوبها. راشد : عماد حرام اللي تسويه فيها. عماد بقهر لف عليهم : انـــا زوجتي تجلس بين مجرمين.. اناا زوجتي تنخطف من واحد حثالة ما يسوى دوسة رجولي.. والله لا اقوم الدنيا على الكل و اولهم ابوها. انصدمت و هي تسمع كلامه بدا لها هذا مجنون اكيد .. زوجتي..! يقوم الدنيا على ابوي.!؟ عماد شدها من عضدها داخل فيها جوا وهي من التعب ماهي قادرة ترفض او تقاومة دخلها ورماها باقرب غرفة : لك نص ساعة هذا ان ما كانت اقل تهدين فيها وبجي اعرف شلون خطفك صلاح من المستشفى.. (صرخ) فــــــــــــاهمة..! طلع قبل ما يشوف منها حتى إشارة انها راضية .. طلع لاصحابة برا الغضب متملكة وقف جنب الجدار يضرب فيه بكل قوته بقبضة كفة : اخ يالقهر آآآخ.. عزام : ممكن تهدأ شوي .. زوجتك صارت تعرفني.. يعني ممكن ننفضح و يخرب كل الشغل اللي نسوية. عماد : والله لا انتقم منهم كلهم .. والله لا اشرف على موت صلاح بنفسي.. عزام شده من ذراعة : اجلس .. عصبيتك ما راح تفيدنا بشيء.. عماد : بغيت انجلط وانا اسمعهم يكلمونك عنها .. حسيت الدم يفور براااسي ما قدرت اتحمل كنت بـ أداهم المكان و اخذها بس مسكني راشد بأخر لحظة .. (صار يحك كفوفة ببعض في محاولة لتفريغ غضبة باي شيء).. عزام : حط ببالك ان البنية مظلومة مالها ذنب عشان تحط حرتك فيها.. مالها ذنب انها انوخذت من المستشفى مخطوفة. عماد يرفع عيونه لعزام : شلون اخذها .. كيف ياخذها من مسشتفى وهو مليان ناس كيف طلعها قدامهم...! والامن المستشفى وينه..!؟ راشد : مين يصدق ان انت نفس الشخص اللي البارح اعلمه بخطفها و يقول سعود وعساف ما راح يخلونها. عماد : ما كنت متوقع ان صلاح الزفت يطلع بنفس العصابة اللي يروح لها عزام.. و انقهرت يوم سمعتهم يتحاذفونها.. عزام : رووق انت و قولي ويش سويت مع الجماعة اللي رحت لهم.. عماد : كلاااب كلهم كلاااب. عزام : ما تكلموا عن عمليتهم..!؟ عماد : الا .. تتوقع ان العصابة عارفينك..! او شاكين فيك عشان كذا اعطوك وعد .. الله يهديك قايل لك انا لا تقولهم اسمك الاول نفسه مثل ما غيرت اسم ابوك غير اسمك. عزام بهدوء : مليون واحد اسمه عزام. راشد : بس من باب الاحتياط هذا هو عماد سمى نفسه فهد كان انت بعد لازم تغير اسمك. عزام : ايش فيك انا ما قلت ان اسمي عزام بن مسلم قايل لهم عزام بن مبارك.. لو بيشكون فيني عشان الاسم الاول بس فـ هم اغبياء.. وانتم بعد اغبياء. عماد : عزااام.. الاحتياط واجب. عزام : لو بيشكون فيني ما راح يكون عشان الاسم .. اول مره اروح لهم اكيد ما بيثقون فيني للحين. راشد : بس قالوا كل خططهم عندك .. كل ذا وما وثقوا اجل لو وثقوا ويش بيسوون..؟! عماد : لازم نجتمع مع سيادة الفريق نناقش التطورات.. راشد : و زوجتك..!؟ ويش بتسوي فيها..!؟ عماد باستغراب : ويش بسوي..!؟ عزام : ايش فيك عقلك موقف ما يشتغل .. زوجتك صارت تدري ان جاسوس على عصابة .. و الله العالم ويش سمعت بعد .. يعني القضية اللي نشتغل عليها ما عادت سرية.. راشد : انا كلمت سيادة الفريق واكيد على وصول الحين.. عماد وقف : بروح اشوف شلون أخذها.. فتح الباب بقوة حتى ضرب بالجدار وارتد عليه .. لمحها جالسة بالزاوية ضامه رجولها لصدرها تبكي .. انهيار .. ضعف .. حياة.. ايه حياة للحين تتنفس تدعي ربي يرحمها من يدين مجموعة سفاحين.. كل شيء عاشتة من البارح للحين اكبر بكثير منها .. تخاف يوصل ابوها خبرها تخاف يكتبون عنها بالجرايد ومواقع التواصل .. تخاف من الفضيحة تنهش بسيرة ابوها واخوانها .. تخاف من الكلام بيوصل لمسامع خواتها عنها .. ما قدرت ترفع عينها للمجرم اللي قدامها .. جلس على ركبة عندها وتكلم بهدوء : بسألك سؤال واضح و ابي اجابة واضحة.. شلون اخذك صلاح من المستشفى..!؟ ما رفعت عيونها .. صوته مبين انه معصب و يحاول يكبت عصبيتة .. لمحت يديه اللي ساندها على ركبته اصابعة ترجف .. لا يكون خايف مين المفروض يخاف هو والا هي ..!؟ عماد يديه ترجف من قهره عليها.. : تكلمــــــــــي.!.؟ تكلمت بصوت مبحوح تجاهد نفسها يطلع : حرام عليك .. بيجي يوم بتكون فيه خصمي امام الله .. انا بنت شريفة و بنت ناس اشراف.. عماد تربع على الارض قدامها : مواعظ دينية عندي اللي يكفيني انطقـــي. وعد بلعت ريقها : ذكر فان الذكرى تنفع المؤمنين.. .. والله ابوي ان درى بيروح فيها.. تكفى رجعني لهم.. عماد : اسمعيني .. انتِ هنا بين رجال امن.. احنا اخذناك من صلاح .. لا تحسبين انك بين مجموعة مجرمين.. امرك صار بيد الامن.. وعد بانهيار : أمن .. كذاب انا شفته .. شفت صاحبك مع صلاح.. صلاح مجرم والله مجرم اخوي سعود قاله.. عماد بحدة : و رب الكون ان المصايب فوق راسي مكفيتني ماني ناقصك انتِ بعد.. وعد : طيب خلاص ارميني بالشارع انا بروح لبيتنا والله. عماد : بيتكم تنسينه.. اهلك تنسيهم... اسمعيني زين هي كلمة وحده مالها ثاني.. طلعة من هالمكان ما فيه .. تواصل مع أي بني آدم تنسينه .. لك اكلك وشربك هنا لين يفرجها رب العالمين. وعد تبكي : انت تعرف رب العالمين .. انت ما تعرف ربك والا ما جلست عندي وانا كاشفة وجهي. ابتسم عماد باستهزاء : ما عرفتيني .. انا العميد عماد بن عامر بن سلامه.. زوجك.. وعد دفته عنها برجولها وهو ما تحرك وين يتحرك وهي ضعيفة جسمها ما يجي عند جسمة وحتى لو كانت تقدر لازم تكون بعافيتها عشان تدفه نص سانتي مو مثل الحالة اللي وصلت لها : انقلع عن وجهي يا كذاب انا مو متزوجة روح دور زوجتك بعيد عني انقلع يا كذاااب .. عماد ثبت رجولها بيديه : اسمعيني زين .. قسماً ماني فايق لجنان الحريم.. انتِ راح تحتجزين بامر من الامن .. انتِ صار عندك معلومات تخص مهمة سرية للامن وما ينفع تطلعين من المكان وتقابلين احد عشان ما تنكشف المهمة و تتسرب. وعد حطت يدها على فمها من اللي تسمعه .. امن.!؟ شلون وهم بيذبحون خلق الله : كذااااااااااااب تذبحون خلق الله و تعِدون روحكم امن يا كذااااب يا خااااين.. عماد : يا الهي يا غبية انتِ مخك هذا التنك افتحيه شوي.. اكيد سمعتي شيء من صلاح وتحسبين اننا معاه يا متخلفة انتِ احنا رجال امن .. ارواحنا فدا لتراب هالارض.. ناظرته بعيونها الباكية ما راح أصدقه يبي يقنعني انه صادق بس انا مقتنعة انه يكذب سمعت كل كلامهم وعملياتهم وانا محبوسة بالسيارة.. بس ليش يبي يقنعني..؟! : عمــــاد سيادة الفريق اول وصل. عماد وقف : راجع لك عشان اعرف شلون اخذك صلاح لا تحسبين اني بسكت عنك.. وطلع.. ادى التحية العسكرية بعد ما سكر باب الغرفة وراه وسلم على الفريق اول .. الفريق اول : ايش القصة..!؟ عزام : ارتاح سيدي. الفريق اول : ايش سويتوا بمهماتكم..؟! عماد : اديناها على اكمل وجه.. الفريق : اجل ايش المشكلة اللي قلتي لي عنها يا راشد..؟! عزام : دريت عن البنت اللي انخطفت من المستشفى..!؟ الفريق : ايه دريت من عساف المركز مقلوب كنت عندهم من شوي .. عزام : صلاح اللي خاطفها عضو بالعصابة اللي رحت لهم.. بعد اجتماعي معاهم قرروا يهدوني بنت.. والبنت هاذي هي نفسها المخطوفة.. انصدم الفريق : وعد اخت سعود..!؟ عماد بنبرة مقصودة : زوجتي. الفريق اول : وينها.؟!؟ عماد : بالغرفة.. الفريق : تدري عن شيء؟! عماد : تقول انها سمعت كل كلامنا واللي بنسويه. الفريق اول : البنت هاذي ما لازم تقابل احد غيرنا.. القضية سرية جداً. عماد : وهذا اللي بسويه .. الفريق اول : راح اراسل المسؤولين و نصدر قرار باحتجازها لتملكها معلومات تخص مهمة سرية لحين انتهاء الامن من مهمتة. عماد : بس تدري ان سعود ما راح يسكت و تعرف ابوها..!؟ الفريق غازي : ايه اعرفه .. وادري ان ابراهيم ما راح يسكت بس ما فيه شيء بيده .. الامن اهم من بنته... احنا نروح ونطمنهم عليها و نأمن لها كل شيء تحتاجة.. راشد : بس سيدي.. البنت تعبانة. الفريق غازي : عماد انت مكلف بحماية البنية راح اكلف معاك اكثر من شخص ثقة يحمونها بالوقت اللي ما تكون معاها.. عماد : انا!!.. الفريق غازي : ايه انت.!.! ناسي انك زوجها.!؟ عماد : ما نسيت بس ماني حول قلق حريم وحنتهم الحين. الفريق غازي : هذا امر يا عماد. عماد تنهد ماهو عاجبه ما يبي يبتلش بمره بهالوقت : حاضر. الفريق غازي : راح تحط لها خدامة بكماء!.!. عماد اتسعت عيونه : من وين اجيب خدامة بكماء..!؟ الفريق غازي : انا ادبر لك وحده تخدمها.. و شرطيتين ثقة يلازمونها و ما يتكلمون معاها خير شر.. عزام : سيدي احس اننا قاعدين نقول للبنت روحي موتي ازين لك. الفريق غازي : ما لازم تقابل أي شخص بالحياة غير اربعة .. عماد والخدامة و الشرطيتين اللي بيكونون معاها بس... ممنوع تكلم أي آدمي ولا يكون عندها لا جوال ولا لابتوب. راشد : طيب وين بنحطها..!؟ عماد : بمزرعتي. الفريق غازي : تمااام.. راشد : واهلها بيرضون..!؟ الفريق غازي : ماهو بكيفهم.. عماد ناظر الفريق غازي : سيدي كأنك قلقان من شيء. الفريق غازي : شلون ما اقلق والمهمة ممكن تنكشف وكل التعب يروح هباءً منثوراً. عماد : شكل البنت ما تدري انها تزوجت.!.! الفريق غازي : ماهي غريبة على ابراهيم و ابوك يسون كل شيء والا بالله احد يطلب من ولده يتزوج بنت عدوه.. عماد : كان حليت الموضوع ماهو انت عمي وخالها.. الفريق غازي : عمتك حلفتني ما اتدخل تبي بنتها عندك ما تدري انها بتجيب اجلها حضرتك. ابتسم عماد : والله انا اللي بيجيبون اجلي .. اخ بس. انفتح الباب وكلهم التفتوا لها واقفة على الباب.. ناظرتهم انصدمت كانت تحاول تتسمع على الباب سمعت كلام وبعدها ما سمعت شيء توقعت انهم راحوا قررت تنحاش قبل لا احد يجي لكنها فتحت الباب و شافتهم بوجهها اربعة رجال عيونها غرقت والرعب دب بعروقها .. تحاول تحط اسوء السيناريوهات للي ممكن يصير لها .. و اسوء السيناريوهات ما فيها موتها الموت اللي تنشده ربها بهاللحظة الموت الخلاص من الوضع اللي عايشتة الحين المحت بطرف عينها الباب اللي دخلها منه عماد راح تحاول تنحاش مره ثانية وهي متيقنة انها ما راح تقدر من جرح العملية اللي يألمها .. تبي خطة ممكن تأثر فيهم بس مجرمين ما راح يتأثرون بشيء.. قلوبهم ماتت من زمان من قرروا يذبحون خلق الله الابرياء بدون وجه حق.. ويش بتسوي النحشة ما تقدر عليها .. و أي شيء بتقوله ما راح يأثر بناس قلوبهم ميتة.. وقف عماد واتجه لها : خيـــر..!؟ وعد دخلت الغرفة و سكرت الباب بقوة فيه وجهه شافت المفتاح وقفلت الغرفة بعدت عن الباب تخاف لا يكسره جلست جنب الباب متساندة على الجدار .. دموعها هي الوحيدة اللي محسستها انها على قيد الحياة .. قلبها اللي تتمنى هالحين من سرعة نبضاتة ينفجر .. رئتيها اللي يدخلهم الهواء بقوة من سرعة تنفسها تتمنى تتفجر.. عماد رجع التفت لهم : شكل ما احد بيروح فيها غيري. الفريق غازي : الحين تطلع البنت من هالمكان و تأخذها للمزرعة .. راشد بيروح معاي المركز و ياخذ الشرطيات و الحرس .. و بعدها بتجوني كلكم نروح لبيت ابراهيم. عماد : عمي. الفريق غازي : عمت عيونك ان شاء الله احنا بمكان شغل ماهو ببيتك. عماد : طيب لا تعصب.. التفت واتجه للباب حاول يفتحه ولقاه مقفول : وعد افتحي.. سمعت صوته الحاد من داخل الغرفة ابتعدت لحد الزواية تزحف ضمت نفسها وهي تسمعة بيأخذوني ويش بيسوون فيني..! يمكن يعذبوني و يمكن يقتلوني ايه عادي يقتلوني والله راضية ومسامحتهم بس ما يأخذوني مني شيء.. عماد : وعد ان ما فتحتي الباب بكسره على راسك. الفريق غازي ضربه على كتفة : ابعد عن وجهي.. عماد : ما تشوفها يا عمي.. الفريق غازي : افتحي الباب يا بنتي انتِ بأمان انتِ بين يدين الأمن والله ما يطولك شيء.. ما تدري ليش ارتاحت لكلامه بتروح له وتنخاه وتحتمي فيه يرجعها لابوها.. اتجهت للباب بخطوات بطيئة وهي تسمع صوته يحاول يقنعها تفتح الباب .. مدت يدها لمسكة الباب وطقت القفل مرتين و بعدت عنه.. فتح الباب غازي بهدوء .. شافها واقفة .. اتجهت له على طول : تكفى طلعني من هنا .. انا والله انخطفت من المستشفى ماني ردية والله مو هذا مكاني.. والله انا شريفة والله ابوي يدور علي الحين. مسك يديها الثنتين وحضنها : اهدي.. انا خالك.. اخو امك مريم. تصلبت من يوم حضنها حست انها اتجهت للشخص الخطأ وندمت انها فتحت الباب له بس بعد ما قال انه خالها بدت راحة تتسلل لقلبها.. الفريق غازي : اسمعيني يا بنتي.. والله ما احد بيضرك و عماد هذا زوجك .. بعدت عنه بسرعة : انا مو متزوجة انت ما تفهم والله ما تزوجت والله..! عماد : ابوك ابراهيم بن مساعد بن سالم الــ ـ ـ ـ ـ ـ صح والا لا..!.؟ وعد هزت راسها باية.. عماد : وانتِ مو بنته وعد.!؟ وعد هزت راسها باية مره ثانية. عماد مد لها عقد الزواج : اذاً انتِ زوجتي.. البارح ملكت عليك. ناظرت العقد.. توقيع ابوها تعرفة والله تعرفة.. اسم الزوج عماد بن عامر بن سلامة.. اسم الزوجة وعد بنت ابراهيم بن سالم. الشهود عامر بن سلامة.. و سعد بن مساعد. عمها..! زوجوها من غير لا تدري.. عيونها انعمت ما عادت تشوف شيء قدامها .. كل شيء اكبر منها طاحت عند رجولهم مغمى عليها.. الفريق غازي نزل لها على ركبته طرحتها عن وجهها وضرب وجهها بخفة : وعـــد وعــد.. عماد روح شغل السيارة. شالها الفريق غازي بين يديه وطلع فيها وطلعوا وراه عماد و عزام و راشد.. الفريق غازي بالسيارة متجه للمستشفى : شكل ابراهيم مزوجها من غير لا تدري.. ما قصر ابوك بلوي ذراعة.. استغفر الله العظيم. عماد : عمي لا تحط حرتك فيني مالي دخل. الفريق غازي : رجال طول بعرض تقول مالي دخل ما كنت قادر توقف ذا الزواجة والا بغيت توقف مع ابوك ومين الضحية هالبنت المسكينة.. ما اقول غير حسبي الله بس. عماد : عمي لا تحط ان بلاها من زواجي منها.. بس عشانها انخطفت ومسوية عملية. الفريق غازي بحدة: انطــم .. دق على راشد يجهز الحرس اللي بيرافقونها بالمزرعة. عماد : توك تقول انطم.. شلون اكلم راشد بالاشارة.. الفريق غازي : عمــــــــاد.. عماد : حاضر اهدأ.. كل ذا عشان بنت اختك اللي ما قد شفتها. الفريق غازي يوقف عند بوابة المستشفى : شفت ان ما سكت بذبحك.. فتح الباب و نزل فتح الباب اللي وراه وسحبها وشالها بين يديه داخل فيها وجنبه عماد .. جو الممرضات يجرون له بسرير نزلها عليه بخفة ودخلوا فيها لغرفة المعاينة.. الفريق غازي اخذ جواله يتصل .. : الوو.. هلا بو حمود.. بخير الحمدلله ننشد عنك.. بالله ابي منك خدمة.. ابي خدمة بكماء.. ايه بكماء لا تسمع ولا تحكي.. ابيها ضروري و بأسرع وقت.. حتى لو تجيبها من عند أي احد تعرفه يسوي لي تنازل عنها وانا مستعد للقيمة اللي يبيها.. مشكور ما تقصر.. انتظر اتصالك.. مع السلامة.. وقفل الخط .. يناظر عماد اللي ساند ظهره على الجدار وراه وثاني ساقة اليسار على الجدار ويناظر الممر ينتظر احد يدخل.. : كلمت راشد.. عماد : ايه قال جاي ومعاه اثنين... (آشر براسة جهة راشد وعزام) شوفه هذا هو جاء. : السلام عليكم. : وعليكم السلام. الفريق غازي آشر على الحرس : معاكم الفريق اول غازي بن حمدان. ادوا التحية العسكرية و قفوا بثبات.. اكمل بعدها غازي : انتم مكلفين بحماية وعد بنت ابراهيم بن مساعد لحين انتهاء مدة احتجازها.. راح تلازمونها مثل ظلها .. ولا تخلون احد يكلمها ابداً راح تكون بمزرعة عماد راح تحمونها ولا احد يدخل المزرعة غير عماد و الشرطيتين اللي بيكونون معاها وخدامة... بس. مفهوم..!؟ : مفهوم سيدي.. طلعت الدكتورة وقفت يوم شافتهم ناظرت قدامها ستة رجال .. عماد : خير دكتورة..؟! الدكتورة انتبهت لنفسها : البنت عندها انهيار عصبي.. محتاجة للراحة.. و جرحها ينزف شكلها مسوية عملية قريب. عماد : ايه مسوية قسطرة البارح. الدكتورة : اذاً هي محتاجة الراحة التامة وياليت تبعدونها عن الانفعال والعصبية و أي موقف يشد اعصابها او اشخاص تكرهم. عماد صد عنها بوجهه وهمس : ما يحتاج توصين ما راح تشوف احد. الدكتورة : قلت شيء..؟! عماد رفع حاجبة لها بعد ما ناظرها : لا .. تقدرين تتفضلين. الفريق غازي : بناخذها معنا يا دكتورة. الدكتورة : الافضل تجلس هنا و اذا بتطلعونها على مسؤوليتكم. الفريق : الاخ ذا بيطلعها على مسؤوليته. عماد : عمي لا تبلشني. الفريق غازي : لا تراددني.. الحين بتروح توقع الاوراق وتأخذها لمزرعتك و بعدها تجيني للمكتب يكون صدر امر الاحتجاز.. فاهمني.. عماد : طيب.. .. ابو سعود : ماني قادر افكر في شيء.. كل شيء تزاحم علي. ابو عساف : ان شاء الله بترجع هونها يا اخوي. جود : ابي اعرف ويش مستفيد من وراء خطفها عسى ربي يخطف عمره. ندى : صايرة مثل وعد أي دعوة تجي على لسانك تقولينها. جود : بعد عمري والله أشري شوفتها الحين بعمري كله... ام سعود : الله بيطمنا عليها بس انتم ادعوا.. خالد آشر للبنات عشان يسكتن ابوهم مو ناقص احد يزيد همه. جود جالسة جنب نهى : احس اني بطق يا نهى ماني مصدقة اننا من البارح ما نعرف عنها شيء. نهى : استغفر الله العظيم ليش كل شيء يجي مع بعض.. يزيد : السلام عليكم. : وعليكم السلام. ام عبدالرحمن : ويش بلاك تأخرت.؟ يزيد : ما تأخرت يمه بس على ما جبت خواتي ومرينا بيت عمي عشان نجيب صبا. سهاد بصوت رايح من البكي : ما فيه أي اخبار.؟ ام عساف : لا يمه هاذي حالتنا من البارح وكل مره يجي سعود والا عساف.. ابو عبدالرحمن : رجلها اللي مملك عليها وينه ماله حس.؟ ابو عساف : ويش نبي فيه يبه ما نبيه لا هو ولا ابوه. ياسر : يبه واحد برا يقول انه عامر بن سلامة. خالد : ليتك طاري مليون يا عمي احسن من مقابل خشتة. ابو سعود : دخله المجلس نشوف ويش عنده.. معاه احد.؟ ياسر : معاه اثنين شكلهم عياله. ابو عساف : ما ادري ماني مرتاح له. ابو سعود وقف : الموضوع طاح بالراس الراحة ما عاد لها مكان. بعد دقايق و بوسط المجلس.. عامر : الله يرجعها لنا بالسلامة. ناصر : سمعنا انه مو اول مره تتعرض لمحاولة اختطاف. ياسر بنرفزة : والله هالشيء ما يخصك.. لا انت ولا غيرك.. ناصر : بنت عمتنا.. ومن حقنا نتطمن عليها عمتي مقومة الدنيا بالبيت من درت البارح انها انخطفت. ياسر : و حالتنا مو ازين منها.. ان كان عمتكم رمت بنتها من زمان وهالحين تبكي عليها وتنوح احنا ويش تتوقع بتكون حالتنا..؟! عبدالله بهدوء : لا تفهمنا غلط.. وبعدين لا تتكلم عن عمتي وكأنها اخطت انت ما تعرف اسبابها. أحمد : ما يحتاج نحكي بمواضيع مو هذا وقتها. عامر : عماد اتصل علي وقالي اجي هنا عنده موضوع معاك. ابو سعود : ويش هالموضوع اللي بوقت مثل هذا.. عامر : ما قال لي .. بس طلب مني اكون موجود.. : السلام عليكم. : وعليكم السلام. ابو عساف : خير ليش جايين اثنينكم فيه اخبار جديدة. عساف : جانا اتصال ان عماد يبي يقابلنا هنا..! سعود : صاير شيء..؟ ابو عمر : لا يا ولدي تطمن.. الاخبار بتجي منكم مو منا. ابو عبدالرحمن بحدة : سلموا على ضيوفنا. انتبهوا اثنينهم ان فيه رجال بالمجلس.. تقدموا لهم وسلموا عليهم.. عساف جلس جنب سعود : مين الاخوان.؟ سعود : الكبير عامر بن سلامه والشباب ما اعرفهم. عساف : و عامر ويش جايبه بوقته زي هذا من زين علاقتة مع عمي.؟ سعود : عامر يطلع خال خواتي.. نهى و وعد .. وعماد ملك على وعد البارح. انصدممم عقلة وقف عند اخر جملة نطقها سعود عماد ملك على وعد البارح .. نطق بهمس ضائع : البارح.. متى.؟ سعود : العشا. عساف يبلع ريقه يحاول ان ما يبان شيء على ملامحة .. عصبية .. ضيقة.. خوف .. انهيار.. من البارح يحاول يمسك خيط عشان يلقاها.. عشان ينقذها ويحميها منهم ينصدم انها تزوجت.. تزوجت خلاص.. وبعدين يا عساف مو انت خاطب اختها ويش كنت تتوقع تجلس وفيه لك وانت ما وفيت هي السبب هي اللي وصلتنا لهالمواصيل.. : ويش بلاك. انتبه لكف سعود تضغط على كفة : ولا شيء.. ارتفع جرس الباب و قام وليد.. مشعل يهمس لخالد : هذا ويش عنده ويش عند ولده.؟ خالد : يمكن ما يشرفهم نسبنا ويبي يطلق وعد بعد ما انخطفت. مشعل : عاد احنا اللي مشرفنا نسبهم خلني ساكت والله ان كبدي منبطة من وراء هالموضوع بس متحامل وساكت عشان خاطر ابوي ماهو حمل نقاش هالحين. : السلام عليكم. : وعليكم السلام. دخول أربعة و القائهم السلام بصوت جهوري يلفت انتباه الجميع.. سعود وعساف وقفوا يوم شافوا رئيسهم .. الفريق غازي : استريحوا مو مكان شغل.. بعد ما سلموا الأربعة على الموجودين جلسوا جنب بعض. عماد : اعرفكم الفريق اول غازي بن حمدان و العميد عزام بن مسلم.. والعقيد راشد بن مصلح. : والنعم.. وليد باستهزاء وهو يدري مين اللي قدامه : على أساس نعرف حضرتك..؟! عماد يحاول يتمالك اعصابة : عماد بن عامر بن سلامة. : والنعم.. عماد يهمس لعمه : انت تكلم.. ابو عبدالرحمن : ويش بلاكم ساكتين..؟! سعود : سيدي.. الفريق غازي : احنا جايين نطمنكم على بنتكم.. ابو سعود وقف وبحدة : وينها..!؟ الفريق غازي : بحمايتنا. ابو سعود : غازي.. قمساً اعصابي تلفانة. الفريق غازي : ادري.. و بنتك بحمايتنا ولا تقدر تشوفها الحين لا انت ولا غيرك. ابو سعود بحدة : ايش تقصد..؟! ياسر : يبه مين هذا .؟! عماد : قلت لك الفريق اول غازي بن حمدان. ياسر : مين عشان يمنعنا من بنتنا..!؟ الفريق غازي حط يده على كتف عماد اللي متجهز للرد : عماد .. انا الفريق اول غازي بن حمدان .. و خال وعد والا ما انت معترف فيني يا ابراهيم..!؟ ابو سعود : غازي.. بنتي وينها..!؟ الفريق غازي : بنتك صدر بحقها قرار احتجاز لمعرفتها معلومات سرية تخص مهمة امنية ممنوع تقابل أي شخص لحين انتهاء الامن من مهمتة. سكتوا كلهم يحاولون يركبون الكلمات و الجمل اللي قالها غازي جنب بعضها و يستوعبونها. ابو عبدالرحمن : يعني ويش نستفيد من هالكلام..؟! سعود : سيدي .. اختي كانت مع صلاح ويش بيخليها تمتلك معلومات سرية للأمن..!.؟ الفريق غازي : عندي علم يا سعود.. اختك كانت مع صلاح و انقذناها شلون وكيف امتلكت المعلومات هاذي ماهو من حق احد منكم يعرف فيها. سعود : سيدي نبي نستوعب نفهم اللي قاعد يصير مو معقول البنت يصدر قرار احتجاز بحقها وما نفهم ليش. الفريق غازي : قلت لك لمعرفتها بمعلومات تخص مهمة سرية للامن. ابو سعود : تتوقع مني بسكت يا غازي.!؟ الفريق غازي : ما راح تستفيد شيء يا ابراهيم .. الموضوع طلع عن سيطرتك .. لا تحسب ان احنا بيدينا نرجع لك بنتك و مانبيها ترجع وبرضانا مبعدينها عنك .. بالعكس احنا الحين زاد علينا حمل حمايتها.. عماد : لو كانت بنتك تهمك ما تركتها بالمستشفى من غير حارس على باب غرفتها وهي اللي تعرضت لمحاولة اختطاف من قبل حتى مرافقة ما معاها. ياسر : ماهو انت اللي تجي تعلمنا الصح من الغلط.. من تكون حضرتك عشان تسمعنا نصايح..!؟! عماد : زوجها.. والا بعد انتم ما تدرون ان اختكم صارت زوجتي..! مثل ماهي ما كانت تدري. خالد : هلا هلا ما بغيت تشرف حضرتك طلقها.. ما يشرفنا نناسب علية مثل عيلتكم. عماد : اطلقها..! هه والله تحلم فيها.. اختك حليلتي على سنة الله و رسولة.. ولو كان يهمكم امرها ما تركتوها لحالها وهي طالعة من غرفة العمليات. ابو عمر : عماد.. ما احد يدري بزواجها منك الناس بتجي تسأل عنها تطمن عليها. الفريق غازي : بكره بنسوي عرس رجاجيل يحضرة القاصي والداني نشهر فيه زواجهم سداً لحلوق خلق الله. ابو سعود : اشوفك تخيط وتفصل من غير شور احد..؟! الفريق غازي : بنتك انا خالها.. وهالشيء ما يخفيك.. ودامك مزوجها من غير لا تدري.. والبنية صارت تحت حماية الامن.. و عشان خاطرها مو خاطرك ولا خاطر عامر ولا عماد بنشهر الزواج ومو من مصلحتك ترفض لو كان يهمك امر بنتك. الكلام بيلحقها هي ويلحقكم انتم ماهو لاحق لا عماد ولا عامر بشيء. عامر : غازي ويش بلاك انت مستوعب اللي تقوله.. غازي بحدة : ليش انت يوم قررت تزوج ولدك لبنت ابراهيم من زين علاقتكم ببعض كنت مستوعب اللي تسويه.. لا تحسبوني بسكت عن كل شيء واحط يدي على خدي انتظر حضراتكم.. عيالكم مالهم ذنب عشان تحطونه بينكم اللي بيرضى ويصفح ما يحتاج تكون بينهم ارواح معلقة.. واللي بيتهاوش ما راح ترده لا ارواح ولا علاقات ولا غيره. خالد : علم هالكلام لاخوك .. مو جاي تقوله لنا.. اخوك هو السبب بزواج ولده من اختي. الفريق غازي : والله انا ماني جاي عشان موضوع زواجهم.. جاي عشان ابلغكم ان بنتكم صارت عندنا.. وممنوع احد يقابلها غير الاشخاص المحددين. ياسر : يعني بتدخل اختي السجن..؟! الفريق غازي : لا طبعاً .. بنحطها ببيت معززة مكرمة عندها خدامة وشرطيتين وحرس يحمونها. مشعل : وهذا (آشر على عماد) .. بيشوفها.. عماد بقهر : هذا له اسم .. وبعدين ايه زوجتي. مشعل : وانا اختي مثل ما يحق لك تشوفها انا بعد يحق لي. عماد : انا رجل امن.. عندي علم بالمهمة السرية للامن.. و انا المكلف بحمايتها.. ارتحت الحين والا لسى باقي. ابو عمر : بنتنا مالها ذنب تنحط بوسط الطوشة. عزام : يا اخوان اهدوو الموضوع ما ينحل بهالطريقة.. انتم مو مستوعبين الموضوع.. بنتكم انقذناها من يدين صلاح وصارت عندنا.. بطريقة ما عرفت معلومات تخص مهمة سرية للأمن.. من مصلحتنا ومصلحة البنت ما تقابل احد.. و اظنكم ما راح تضحون بامن البلد عشان تقابلون بنتكم.. سعود : طيب انا مستعد اضمن اختي قدام المسؤولين انها ما تحكي شيء.. و امسك المهمة السرية لين تنتهي بس اختي ترجع. الفريق غازي : اولاً المهمة فيه مين ماسكها وثانياً ما احد يضمن نفسة.. اختك حتى لو ضمنتها انت.. حياتها بتكون بخطر وعد عندها معلومات مو بس للامن عندها معلومات تخص صلاح وعصابته و ان دروا بهالموضوع ما راح يخلونها.. بيتكم ماهو أمان لها و انت تدري قبل ان صلاح حاول يأخذها .. وصلاح الحين صار طليق و بيحاول يوصلها من جديد.. عشان يسكتونها بأمورهم و يأخذون اللي عندها من امور الامن وعد بنيه بكفين يخلونها تخر كل اللي عندها ... استوعب يا سعود كلامي الموضوع كبير هذا امن ماهو لعبة. سعود : أعرف سيدي بس وعد مالها قدرة تحمل كل ذا عملية وخطف وحجز و الله ما راح تحمل انها تنحبس بين اربع جدران.. عماد : بنحطها ببيت سياح نياح يطرد فيه الخيل .. وعندها تلفزيون وكتب واي شيء يونسها بنجيبه لها بس ما تقابل غير الاشخاص المحددين و ممنوعة من الاتصال باي شخص. سعود : على الاقل نتطمن على صحتها. الفريق غازي : لا تخاف تطمنا عليها واذا تبون جبنا لكم تقرير بعد من الدكتورة .. وان احتاجت شيء ينجيب لها دكتورة لحدها ولو استدعى الامر للمستشفى اخذناها بانفسنا وحطينا عليها حراسة يعني مو مسموح لاحد فيكم يقابلها. عامر : طيب على الاقل تكلم اهلها بوجود الامن.. من حقهم يتطمنون عليها حتى المساجين يسمحون لاهلهم بالزيارات.. الفريق غازي : بنشوف هالموضوع ان قدرنا بنخليها تكلمهم.. اما زيارات ممنوع. سكتوا كلهم ما يدرون ويش يقولون ... ضاع كل الحكي من البارح ينتظرون رجعتها ينصدمون الحين انها محجوزة ولا يقدرون يشوفونها.. او حتى يتطمنون عليها يمكن مجموعة مكالمات يسمحون لهم فيها ويمكن لا.. كل واحد يحاول يفك ويربط شلون وعد وصلت لها معلومات امنية واللي خاطفها مجرم وتاجر مخدرات..!! الفريق غازي وقف والتفت لعامر و ابراهيم : اتمنى .. عماد و وعد وحياتهم تطلعونها من حساباتكم.. انا بتولى امورهم. عماد : بزران حنا..!؟ الفريق غازي : خلني ساكت احسن لي ولك.. لا نتذابح هنا. ابتسم عماد : لا تفضحنا بين العرب. الفريق غازي : عساف و سعود ابيكم في مكتبي العصر.. ناظروه اثنينهم : حاضر. الفريق غازي : وانت واصحابك و جيب لي ملف القضية السرية معاك. عماد عرف ان عمه بيدخل عساف وسعود بالقضية : حاضر بس لا تتهور. الفريق غازي : ويش رايك تاخذ شغلي واخذ شغلك...!؟ عماد ابتسم : العين ما تعلى الحاجب. الفريق غازي رفع كفه : نسلم عليكم.. طلعوا معاه عماد وعزام و راشد. مشعل : يبه .. ليش سكت ما وقفته عند حده عاد لو تكلمت بتسكتني..!؟ ابو سعود : سمعت كل الكلام اللي سمعته.. ما راح تقدر تدخل بالموضوع دام انها تخص الامن.. ما احد راح يسمح لك فيها.. وليد : يعني عادي اختي تنسجن..!؟ عامر : ماهو سجن.. وليد بقهر : قسماً اني ساكت عنك احتراماً لانك كبر ابوي .. وعشان ابوي وجدي وعماني هنا والا كان صارت علوم. عبدالله : لا مبين الادب والاحترام ماشاء الله. وليد : ليش انتم خليتوا فيها مجال للاحترام..!؟ ابوك لاوي ذراع ابوي ومخيره بين ضرر اخوانه والا زواج بنته و تبينا نحترمه. ناصر : ابوي يصير خال اختك يعني ما راح يرضى بالضرر لبنت اخته. وليد : اقنعتني يا شيخ.. واخوك اللي بيحبس اختي.. عبدالله : ماهو برضاه.. عماد اصلاً مشغول الحين ماهو فاضي لزواج بس الظروف بتخليه يعلن زواجة الحين وبيتحمل مسؤولية البيت وهو عنده اللي يكفيه. ياسر : الا مضرة اختي .. وربي لو هالامن ماهو بالموضوع ما يمسي الليل الا و ورقتها بيدها. ابو عبدالرحمن : لا قوموا تذابحوا قدامنا احسن.. خالد : ما ادري عنهم جايين لحد عندنا بيتحكمون بحياة اختي.. ابو عبدالرحمن : بــــس هواشكم ماهو رايح فيه الا وعيد واختها.. عشانهن لازم تصافى قلوبكم.. خالد : ليش ناوي تعطيهم نهى بعد.. ما يكفي وعد حتى الكلام معها ممنوع بعد بتعطيهم نهى. مشعل : والله ما يوصلون اختي لو يصير بيننا دم.. ناصر : لا دم ولا غيره باي عصر انت عايش.. ابو عساف : بـــس ماشاء الله مو محترمين اللي أكبر منكم. وليد : كل شيء ينتهي لوصل حد خواتي.. وربي ما راح احط لاي احد اعتبار .. طلع بعصبية من المجلس.. ما يكفي مصيبتهم بوعد يبون يطولون نهى بعد. ياسر : ان انتهت مشكلة وعد وانفك حجزها على خير.. ان شاء الله ما عاد نشوف خشة أحد فيكم.. ولدكم عندكم وبنتنا عندنا. عامر : عماد ما تزوج وعد عشان يطلقها.. ياسر : تزوجها ليش عشانه يبيها..!؟ والا عشان حضرتك..؟! عساف يهمس لسعود : غريبة مالك حس. سعود : افكر بوعد.. احاول اطلع لها مخرج من اللي هي فيه.. ما ودي تعيش وحيدة.. عساف بهدوء : الله يعين.. ابو عبدالرحمن : البنت صارت حليلتة.. هالموضوع انتهى النقاش فيه.. بكره بيشهر زواجة و حزتها ما احد فيكم يحكي.. خالد : لا يا جدي.. قاطعة احمد : خالد .. ويش بلاكم انتم تركتوا كل شيء وصرتوا تحكون بمواضيع ما ينحكى فيها الحين. خالد : عاجبك ان اختك تزوج من غير لا تدري.. عاجبك تعيش معاه .. ويحل له هو يقابلها واحنا لا.. احمد : لا حول ولا قوة الا بالله.. زوجها رجل امن.. وهو اللي بيحميها.. اهم حياتها معاه وتكون بامان والا انها تقعد معاكم و تكون حياتها بخطر. مشعل : ليش ما احنا قادرين على حمايتها.؟ احمد : هم بيقدرون يحمونها اكثر منكم.. خلاص عاد حطوا مصلحتها قدام عيونكم.. عامر وقف : الموضوع خرج عن السيطرة وغازي تولاه .. وهو اللي بيتولى كل شيء دام حط هالشيء براسة.. وانا ما عندي اعتراض.. نسلم عليكم.. طلع وطلعوا عياله وراه.. عبدالله : عياله يأكلون الواحد بقشورة. ناصر : مشتطين كلهم ومعصبين. عامر : يحق لهم.. اختهم صدر قرار بحجزها.. ويش بتكون ردة فعلهم الا ان يحطون حرتهم باللي قدامهم.. في المجلس.. ياسر : يبه ليش سكت علمني.. ليش ما وقفتهم عند حدهم...!؟ ابو سعود : اوقفهم عند حدهم.. قصدك عامر.. والا غازي.!.؟ ياسر : الاثنين. ابو سعود : خلاص ما عاد ينفع شيء.. وعد صارت محجوزة و ما باليد حيلة. خالد : طيب هاذي وامرنا لله فيها.. لكن عماد يطلقها. ابو عبدالرحمن : انتم تكلمون من عقولكم..! ويش بتحكون لناس ان انشدوكم وين اخيتكم..! تبونه يطلقها مين بيطق بابكم يبيها بعد ما انخطفت ويش بلاكم تشيلون عقولكم بيديكم. مشعل : ما احنا عاجزين عن اخيتنا نحطها بعيونا. ابو عساف : مكان البنت بيت زوجها.. و لو عماد عليه منقود وقتها يحق لكم تطلبونه يطلقها بس الرجال عارف ربه. خالد : طريقة زواج عماد من وعد هذا بحد ذاته سبب مقنع نخليه يطلقها عشانه. ابو سعود التفت على عياله : مين معلمكم ليش اعطيت وعد لعماد. احمد : ما يبي لها يبه انت ما اطريت لنا الموضوع كله ولو انك راضي على هالزواجه كنت بلغتنا .. ابو عمر : وانا قلت لهم التفاصيل. ابو عساف تنهد : اهم شيء انها بخير .. ودامها عند زوجها فهي هينه الحمدلله. ام عبدالرحمن دخلت : راحوا ضيوفكم. يزيد : ايه يمه راحوا.. تعالي حياك. دخلوا البنات كلهم من وراها يبون اخبار جديدة يتطمنون عليها. ابو عبدالرحمن : الرجال الاجودي قال ان وعد عنده وهي بخير الحمدلله. ام عبدالرحمن تهلل وجهها : صدق الحمدلله يارب الحمدلله. ام سعود : اللهم لك الحمد .. وينها طيب. ابو عبدالرحمن : عند رجلها.. البنت بيحتجزونها فترة. جود : هــاه ويش يعني.؟ ابو عبدالرحمن : والله يا بنيتي اللي قالوه الضباط كلام كثير ولاني فاهمن من حكيه الا انهم مانعين احد يشوفها. سها : ويش اللي مانعين احد يشوفها..؟ ليش هي مجرمه.. تراها مخطوفة يعني هي ضحية. ابو عمر : يبه اللي عرفناه من عماد ان وعد بطريقة ما صارت تدري بمهمة سرية للامن و عشان ما تتسرب المعلومات ولا احد يعرف فيها مضطرين انهم يحجزونها. نهى : يحلفونها على القرآن ما تعلم احد وقضينا. سعود : غبية انتِ تحسبين المواضيع هينه .. حلوه يحلفونها على القرآن.. نهى : والله صدق.. سعود : اهجدي الله يخليك ما احنا ناقصين. ميار : سعود ويش فيك.. يعني بيحطون وعد بالسجن ترضى اختك تدخل السجن مظلومة.؟ سعود : مو حاطينها بالسجن عماد حاطها ببيت ومأمنه يعني عندها كل شيء.. بس ما بيخلي احد يدخل عندها.. جود تجلس : يا سلااام ومن حضرته عشان يقرر من عنده. دانه : وانت يا بابا موافق.؟ ابو سعود : الموضوع ماهو بيدي.. رغم اني ما اعرف كيف وصلت لها هالمعلومات اللي يقولون عنها.. بس النتيجة وحده وعد عرفت وبما انها مهمة سرية زي ما قالوا انا مضطر اسكت حتى لو ما ابي.. الموضوع ماهو بيد احد هذا امن دولة. نهى : شلون يعني..؟! الى متى طيب بيحجزونها.؟ احمد : لما الله يفرجها من عنده. خالد : لا تجلسن تحنن ترى ما احنا ناقصين اللي فينا مكفينا. مشعل : قسماً شوي و اخنق عماد وغازي كلامهم و اسلوبهم وجع يبط الكبد. ابو عبدالرحمن : ويش سوى الرجال ما قصر قال لكم علي ما احد يطولها.. ويش تبيه يسوي هذا ابوها جالس ما بيده شيء.. سعود : الفريق اول غازي ما يقصر ودامه تولى الموضوع فا ماراح يقصر.. بس انصدمت انه اخو عامر..!؟ ابو سعود تنهد : اخوه من الام .. هو شقيق مريم. سعود : شلون شقيقها هي مو اسمها مريم بنت محمد .. وهو غازي بن حمدان. عساف : اسمه غازي بن محمد بن حمدان بس هو اختصار يقول غازي بن حمدان. سعود : اهااا اول مره ادري.. عساف : المهم هالكلام ما يطلع لجنس مخلوق .. وعد تزوجت وقضينا و اي احد ينشد عنها ببيت رجلها.. اما سالفة ان عندها معلومات سرية ومحتجزينها ما احد يعرف فيها عشان ما يلحقها ضرر من وراء هالسالفة كل شيء لازم يبقى سري. يزيد : مالك امل الحريم اسرع وكالة نشر.. عساف : انا من جدي اتكلم والله لو ينتشر شيء لو احد يخرب مخططات الامن اول احد بيشكون فيه وعد. سهاد : يا حياتي .. سعود : عساف معاه حق .. دام فيها امن الموضوع مو هين ابداً .. .. يرمي سلاحة على المكتب : ناد لي عزام وراشد. : حاضر سيدي. عماد يقلب اوراق الملف بين يديه : استغفر الله ما ارتحت مصيبة وراء مصيبة. عزام : جالس تحلطم كنك مره. عماد يناظر عزام و راشد يجلسون : مصدقين اني ما نمت من امس ما اذكر حتى متى صحيت وانا من مصيبة لمصيبة.. عزام يضرب بكفة اليمين المكتب : الحال من بعضه.. شخبار قضية الدكتور.؟ عماد : كل شيء يقول انها قضاء وقدر والانفجار صار بسبب التماس كهربائي في طبلون الكهرب. راشد : اذا كذا عساف ليش طالب يقابلك اليوم..؟ عماد : ما ادري لا قابلته بمكتب عمي انشده .. عزام : ويش سويت مع الجماعة اللي رحت لهم.. عماد يسترجع اللي صار له البارح.. بقلب مات منذ زمن بعيد هتف بينهم بجمود : طبعاً عملياتنا الجديدة راح تكون برمضان ان شاء الله.. ابتسم حمود : حلووو عشان تكون فيه ضحايا كثير. فهد ناظرهم وهو وده ينسفهم : انا اقول ما نأدي أي حركة برمضان الأمن راح يكون مشدد مو مثل الايام العادية. جلال : اللي قلبه ضعيف ماله مكان بيننا يا فهد. فهد : الحياة وحدة .. الواحد ما يرمي نفسة و يقول انا قوي.. جلال : اقل شيء برمضان بنسوي عملية تهدد الامن. فهد يضرب اطراف اصابعة على الكنب : ويش بيكون نظام العملية.؟ جلال : اللي اقدر اقوله لكم هالحين انها عملية اغتيال عالية راح يكون فيها ضحايا غير غير اللي احنا مستهدفينهم.. فهد : المكان.؟ جلال : الى الآن ما تم اعتمادة من الرئيس. حمود : طيب الخطة المتبعة.؟ جلال : الى الآن ما اعتمدنا الخطة.. لكن بس اللي راح نطلع منه بعملية الاغتيال قتل الشيخ ............ و رجل الاعمال ............. حمود : ما بغى يصدر الرئيس امر بحقهم. جلال : ويش رايك يا فهد. فهد : ما راح ابدي رأيي قبل لا نشوف الخطة و المكان وكل شيء عشان نشوف ويش راح يصير من وراها. جلال : الخطة ما راح تعرفها قبل العملية .. يوم تنفيذ العملية راح ابلغكم الخطة. فهد : تمام .. من اليوم لوقتها يصير خير. .. عماد : وبس هذا اللي صار. عزام : ما اخذنا منهم حق ولا باطل.. عماد : يشتغلون بسرية تامة.. راشد : معقولة شاكين انك مو فهد.!.؟ عماد : يمكن يدرون ان فهد عندنا عشان كذا شاكين فيني بس ليش يخلوني اطلع من عندهم حي..!؟ عزام : يالله على ذا القضية مشربكة مع بعضها.. عماد : الحين علمني انت ويش سويت مع الجماعة اللي رحت لهم..؟ عزام : مخططين على يوم العيد الظهر او العصر بيسوون التبادل بفندق وبعدها ينظفون المكان على قولتهم. عماد : تهقى ان العصابتين لها علاقة ببعض..؟ راشد : العصابة اللي يروح لها عزام مختصة بكل شيء مخدرات و سلاح و احيان جرايم اغتيال.. اما اللي تروح لها انت سلاح و اغتيال. عماد : حط في حساباتك ان اللي اروح لهم ما يبلغون احد بالخطط الا يوم التنفيذ اما عزام جاب الاولي والتالي وهذا يقولي ان الجماعة اغبياء. عزام : عشانك ما شفت سطام.. عينه مثل عين الثعلب. عماد : عينه مثل الثعلب وهو دجاجة. عزام : لا تستهين بالموضوع يا عماد ماهو من مصلحتنا.. ناصر بعد خبيث طالب من جورج يخترع له xxxx يفقد الشخص ذاكرته لمدة مؤقتة وبكذا قدر يهرب صلاح و بعدها بوقت زياد. عماد ساند نفسه على الكرسي ومبعد عن المكتب و ساند كوعة على حد الكرسي و يلف يمين ويسار بشكل خفيف : اذا هو خبيث احنا اخبث منه.. والله ما ارتاح لين اشوفهم مذلولين قدام عيني واقتلهم ببرود. راشد : الله يبلغنا اياه قريب.. عزام : نبي دعم يا عماد.. احنا الثلاث ما نقدر نغطي الخطط لحالنا. عماد : طلبت دعم و جاتني الموافقة بدخول ثلاث اشخاص وما فيه غيرهم لان الموضوع لازم يتم بسرية قد ما نقدر عشان ما ندري ايديهم لاي مدى واصلة. راشد : ومين بتختار. عماد : سيادة الفريق اول اختارهم. عزام : ويش فيك تحكي بالقطارة.. مين هم..؟ عماد : العميد عساف بن عبدالرحمن و العميد نايف بن دخيل و العقيد سعود بن ابراهيم. عزام : كفووو كلهم. راشد : ويش فيك كنهم مو عاجبينك.؟ عماد : تبي الصدق اعتراضي على عساف وسعود ياخي اثنين انحاشوا من مركزهم شلون بيمسكون مهمه زي هاذي. عزام : عساف وسعود اشهر من نار على علم .. و بعيدين كل البعد عن التهاون.. راشد : يعني بترجع وعد لبيت اهلها دامه ولد عمها و اخوها بيكون عندهم علم. عماد لا طبعاً مستحيل قبل انتهاء المهمة ممنوع تشوف احد وهذا الشيء منتهي. .. الفريق غازي : امامي الان انتم الستة مكلفين باتمام هاذي المهمة.. عساف : تبشر بعزك .. ان شاء الله بتسمع اللي يسرك قريب. نايف : نبي نسخ من القضية .. وتحديد مواعيد للاجتماع ننهي القضية باسرع وقت. الفريق غازي : ان شاء الله بتطلعون على الملفات .. بس بتبقى مع عماد الملفات و ينضاف لها كل جديد.. و تكون معاكم باجتماعاتكم.. والاجتماع ما راح تكون بالمراكز لكم مقر سري مزود بجميع التقنيات اللي تحتاجونها.. راح تكون اجتماعاتكم هناك. عزام : اما اننا ننهي القضية باسرع وقت .. في التجسس هم اللي يحددون المواعيد مو احنا للاسف .. احنا ما نعرف غير اسامي الناس اللي نتعامل معاهم واللي فوقهم ما نعرفهم و اللي نبي ننهي الجماعتين من جذروها. سعود : العصابتين يديرها شخص واحد.. كلهم التفتوا عليه يتكلم بثقة ونظرته مثبته على الطاولة.. رفع حاجبه عماد : ويش دراك..!؟ مراقبهم.؟! سعود : ما يبي لها ذكاء.. شخص واحد اساسا له جماعة والثانية مخليها بالوجه.. عزام : وضح قصدك.. سعود رفع نظره لعزام : بمعنى.. الاشخاص اللي قابلتهم ما يسوون ولا شيء عند زعيمهم.. بينما اللي قابلهم عماد هم الاساس .. نايف : اذا كذا ليش مسوي له جماعتين..؟ سعود : عشان يشتت الامن و ما يتوقعون انهم عصابة وحده واللي يديرها واحد.. بدليل انه مو مهتم للمعلومات والا فيه احد يخطط لمهمة ويفصح عن كل شيء قبل اكثر من شهر اذا هم فعلاً ناويها يوم العيد..! طيب شيء ثاني.. عزام ماله فترة طويلة من انضم لهم امداهم يثيقون فيه اذا هم جماعة فعلية و اللي يديرهم شخص ذكي بدليل انهم ما طاحوا بقبضة الامن للحين ما راح يخلي اعوانه اللي تحت يعرفون كل شيء يفكر فيه قبل هالمدة الطويلة.. عساف : اضف لكلام سعود.. هديتهم لعزام واللي كانت وعد... صلاح من زمان حاول يختطفها ليش بعد ما اخذها يقرر يهديها..!؟ عماد يناظر جواله اللي يدق : ماني مطمن لموضوع الهدية.. الفريق غازي : رد على جوالك مخك ماهو معنا.. ابتسم عماد : طيب .. الو... ايه... طيب لا جيت انا اتفاهم معاها.. انتِ لا تكلمينها ولا تخلينها تعصب... قفل الخط. الفريق غازي : ايش فيها..! عماد ناظر بسعود : ماهي راضية تأكل.. سعود ابتسم على طاريها : ولا راح تأكل دامها مبيتة النية. الفريق غازي : اختك راسها يابس..!؟ سعود : فوق ما تتخيل. الفريق غازي : الله يعين.. عماد لا رحت لها خلها تعلمك شلون اخذها صلاح من المستشفى و سجل افادتها .. عشان نحطها التهمة بملف صلاح.. عماد : حاضر ولو اني افضل نأجلها كم يوم.. الفريق غازي : اهم شي ما تنسى الموضوع .. نكمل النقاش بالموضوع.. راشد : طيب نقطع علقتنا بالعصابة اللي يروح لها عزام ونثبت على اللي يروح لها عماد. عساف : لا ابداً لازم ما يحسون اننا عارفين مخططهم ونخليهم يحسون انهم ضاحكين علينا.. الا ان حسينا ان حياة عزام بخطر.. نايف : و ممكن بهالتصرف نخليهم يشكون بفهد اللي متقمص شخصيتة عماد .. لا اله الا انت سبحانك اني كنت من الظالمين.. لا أحلل نقل الرواية دون ذكر إسمي.. ضحكة قهر.. |
رد: لو سألتي الورد وهو ما بين إيدك أقطعك بيقول لك عمري فداك الكاتبة / ضحكة قهر
بسم الله الرحمن الرحيم..
السلام عليكم ورحمة الله وبركاتة.. كنا متفقين بين كل بارت و بارت ثلاث اربع ايام.. بس عشانكم تعودتوا على بارت الخميس ما تقبلتوا .. يبي لكم فترة عشان تعودون.. ولعيونكم بنزل بارت طوووويل اليوم اطول من البارت اللي فات.. بس لازم تصبرون بعدها بكم يوم عشان نسوي رفرش للقريحة.. ما اخفيكم.. انا كنت كاتبة من الرواية اكثر من 1700 صفحة بس غيرت كل افكاري .. فالحين لازم تطولون بالكم علي عشان ننزل شيء يرضيني قبل لا يرضيكم.. اذا شفتوا اي خطأ املائي غضوا الطرف .. اراجع البارت وعلى اساس اعدل بعدين وانسى ويش الكلمة اللي بعدلها << زهايمر.. يا هلااا بكل اللي انظموا لنا من جديد .. نورتونا.. انبسطت جداً بحماسكم وهذا يحمسني لاني اعطي افضل من عندي .. و اكتب اشياء جديدة و ممتعة خلوكم جنبي داااائماً.. البارت السادس عشر.. " غنيت لك.. ع وتر الفرقا لحن..!" راشد : طيب نقطع علاقتنا بالعصابة اللي يروح لها عزام ونثبت على اللي يروح لها عماد. عساف : لا ابداً لازم ما يحسون اننا عارفين مخططهم ونخليهم يحسون انهم ضاحكين علينا.. الا ان حسينا ان حياة عزام بخطر.. نايف : و ممكن بهالتصرف نخليهم يشكون بفهد اللي متقمص شخصيتة عماد .. عساف : على كذا عملياتهم الجاية مو قريب .. اقربها اللي قال عنها عماد عملية اغتيال الشيخ ورجل الاعمال.. عزام : بس لو نعرف اللي فوق الناس ذولي. عماد : طيب ليش ما نسحب جلال مثل الكلب ونخليه يقر و يعترف. الفريق غازي : مستحيل لو ما يبقى شيء ما تعذبه فيه ما راح يتكلم.. اللي عرفته ان جلال عنده عيله و عيلته تحت حماية رئيسة اذا خاطر وقال كلمة وحده عيلته بتنمحي من على وجه الأرض. سعود : لازم نلقى طريقة نتنصت عليهم فيها.. عماد : لو بنحط أداة تنصت بيكشفوني دايركت.. و بيعرفون اني من الأمن. عساف : صحيح.. طيب ما نقدر نغر حمود اللي قلت انه معاك و نحاول نكسبه بصفنا..؟! عماد : ما ظنتي.. لان حمود شكله من زمان معاهم .. يعني عارف دهاليزهم. عزام : بقولكم على فكرة ادري انها خطر .. بس ما يمنع اننا نحاول. الفريق غازي : قول اللي عندك. عزام : سطام اكيد يعرف مين اللي فوقة.. و سطام عنده اخت. الفريق غازي : لا تقول نخطفها عشان ما ارفسك برجلي. عزام : لا ويش نخطفها رجال امن و يخطفون .. يتزوجها واحد فينا. راشد : ما انت صاحي ويش يتزوجها على اساس سطام بيزوج أي احد.. عزام : اسمعني اللي اعرفه ان سطام علاقتة مع اخته سيئة.. انا بتزوجها بخليها تقرب من اخوها و بعدها اقدر ادخل بيته بحجة اني زوج اخته. عماد : صاحي انت و ام يزن. عزام : ما احد بيدري عن هالزواجة يعني على ورق. الفريق غازي : شيل هالفكرة من راسك ما تفيد بشيء دامه علاقتة زفت ما راح يراضيها ولا يهتم فيها يعني يهدد و يقتل و يسوي بلاوي بتهمه علاقتة بأخته..!؟ عزام : احاول نسحب خيط عشان نشوف ويش تاليه بننتظر عمليتهم..!؟ عماد يناظر جواله يدق : جر أي خيط تبيه بس مو زي هذا ويش تبي باخت مجرم. عزام : قلت لك نحاول نعرف أي معلومة عن رئيسهم.. الفريق غازي : خير يا سعود شكلك متضايق.. سعود يمسح وجهه بكفوفة : بصراحة شايل هم اختي.. ما راح تحمل كل اللي يصير لها.. حتى لو بينت انها قوية بتنكسر.. مالها قوة تنحشر وما تقابل احد .. وعد اذا ما انفرط عداد كلماتها ما ترتاح.. ما تخلي احد ما تحكي معاه.. تعرف على أي وحده تقابلها و لا يهمها تقول عادي انتم موسوسين تشوفون كل الناس ما فيهم خير وانا مو مثلكم لين جابت المصيبة و وحده من صحباتها تخبر صلاح كل شيء عنها. عزام : غلطان .. صلاح كان يعرف اخبار اختك منها بنفسها. عقد حواجبة سعود : منها.!.؟ عزام : تعرف البنات ومواقع التواصل.. و شكله سألها عن اسم المعهد و هي معلمته بحسن نية. عساف : حسن نية..!؟ عزام : ايه يعني مأخذ دور بنت عشان يعرف كل شيء عنها.. عماد صد بوجهه عنهم : خبلة.. الفريق غازي : المهم انها بأمان الحين.. و ان شاء الله هالوضع ما يطول وتنحل هالازمة و ترجع لكم وعد. سعود يناظر بالاوراق قدامه متناثرة على الطاولة : والله على اللي اشوفه قدامي ماني متأمل اننا ننتهي من القضية هالحين.. اللي نقدر نسويه نبطل أي عملية بيقومون فيها لين نعرف اللي فوقهم.. وهالشيء بيأخذ وقت طويل.. عماد : تذكرت .. عساف قالوا لي انك كنت تبيني بخصوص قضية الدكتور. عساف : ايه.. كنت ابي اعرف ويش توصلتوا له..!؟ عماد : للحين التحقيق ما انتهى بس الواضح انها قضاء وقدر. عساف : لا ماهي قضاء وقدر .. قضية قتل مدبرة. عماد تقدم بجلستة وسند كوعة على فخذة : الدليل..!؟ عساف : الدكتور كنا مكلفينه بالكشف على زياد لما كان عندنا وهو اللي كتب عنه تقرير انه فاقد للذاكرة.. وكان يتابع حالته كل فترة.. و باليوم اللي انحاش فيه زياد انحرق بيت الدكتور. الفريق غازي : يعني زياد القاتل..؟ عساف : ويمكن احد يبينا نشك بزياد.. يعني فيه احد فوقهم يلعب فيهم.. امر صلاح يخطف وعد ثم يرجعها.. و امر زياد انه يحرق بيت الدكتور او هو حرقة عشان تنحط بحساب زياد.. اخاف يكون فيه طرف احنا ما ندري عنه.. الفريق غازي : انت وراء ما ترد على جوالك اللي من جلسنا وهو يدق. عماد : عمي لا تعصب. الفريق غازي : عمت عيونك قول امين. ابتسم عماد : ان كان يهون عليك انعمي امين.. رد على جواله : الو.. هلا عبدالله.. ما ادري باستراحة ابو سمر.. بحي ............. لا الاستراحة زينة.. انت بس خلص لي الاشغال الثانية كلها.. كلمت ابوي على الذبايح.. طيب على خير.. انا اخلص من الاجتماع واروح لي مشوار و اجيكم.. طيب عبدالله خلاص والله بجي.. اوك .. مع السلامة.. الفريق غازي : ويش عنده اخوك..؟ عماد : ويش فيك نسيت ان بكره زواجي..!؟ سعود بصدمة : من جدك بكره بتسوية..؟ عماد : ايه لان بعده احتمال يكون رمضان.. بعدين كله عرس رياجيل. نايف : مبرووك يا عريس. عماد : الله يبارك فيك عقبال عندك. نايف : لا تكفى عندي اللي مكفيني.. لا تقوم حرب ما نخلص من وراها.. عماد : هههههههههههه تراك معزوم.. وكلكم معزومين. راشد : من غير عزومة بنجي اما بننتظرك تعزمنا. الفريق غازي : ما تحسون اني معطيكم وجه ولا كني رئيسكم. عساف : والله معطينا وجه.. بالذات هذا .. (آشر براسة على عماد) اجل بوسط الاجتماع اتصالات و عمي. عماد : لا تعاون على الشر.. عساف : ما اعاون الا على الخير.. مبروك عليك بنت عمي.. ما انتبه عماد لنبرة عساف الغريبة لما نطق بنت عمي : الله يبارك فيك. الفريق غازي : وانت متى بنفرح فيك.؟ عساف : والله كل ما نويت احجز ما ادري ويش اللي يأخرني.. بس بنخليها للظروف. الفريق : وانت سيد سعود ..!؟ سعود : تكفى لا تجيب طاريه احس اني مكلبش وبدخل السجن.. اما تكون وراي مره تنشدني وين رايح ومن وين جاي و ويش بتسوي لا ابدا ماني من اهله. الفريق غازي : افاااا ويش ذا النظرة للزواج.. بس خلاص عروستك عندي بس تعزم على الزيجة.. وان ما عزمت انا زوجتك من وراء خشمك. سعود ابتسم : ترى بتدعي عليك اللي بتخليها تأخذني انا مالي دخل مبري ذمتي. الفريق غازي : انت بس اعزم و تبشر بعزك.. ما ودك تفرح امك و ابوك هذا وانت اكبر اخوانك. سعود : اخواني يفرحونهم ليش تنحط براسي. عزام : ياخي انت وعماد سوو زي ابائكم و طقوا اربعة. عماد اتسعت عيونه : انا وحده و للحين ما شفتها وين بلقى وقت لاربعة.. بعدين ويش تبيني اشيب على صغر والا يحوشني جنون اربعة يالظالم.. سعود : وعد ما ينوخذ على راسها مره.. ناظره عماد وكأنه سعود يحذره : لا ما نبي يكفينا وحده.. نسال الله التوفيق بس. الفريق غازي : اصلاً بس جرب و فكر تأخذ عليها مره عشان انهيك من الدنيا بكبرها. عماد : افااا تنكرت لي و صرت بصف بنت اختك من الحين.. لا ما اتفقنا على كذا ابدا ابدا. الفريق غازي : انت ويش بلاك اليوم احسك فاصل علينا. عماد : والله ما نمت .. وشكل جنوني بيطلع عليكم. الفريق غازي : قم اطلع برا اشوف.. عماد وقف وابتسم : كنت ابيها من زمان .. اخذ جواله : لا تقولي ارجع.. ولا تتصل علي. الفريق غازي : والله ان بغيتك لا تجي غصباً عنك.. يالله فارق الحين روح نام.. بس مو تترك بنت اختي لحالها.. عماد وهو طالع : زين ذكرتني.. كنت بروح انام بغرفتي.. نسلم عليكم.. : مع السلامة. .. بعيداً عن الحياة هي ماكثة.. ستمضي الحياة وهي هنا في مكانها.. حتى و ان انتهى حجزها.. هي لا تريد ان تستمر بهذه الحياة لم يعد لديها ما تعيش من اجله.. ام تخلت عنها.. واب ضحى بها.. واخوة تخلوا عنها.. وحبيب تركها.. و دراسة حُرمت منها.. : ما يصير ما تأكلين من البارح وانتِ على ذا الحالة سيادة العميد عماد قال انك مسوية عملية ولازم تأكلين. ما اعطتها أي أشارة تدل على سماعها لكلماتها .. جسدها ميت عدا رموش عينيها ترف بحركة لا ارادية.. دقات قلبها تنبض على وتر بطيء وكأنها تريد للحياة ان تسبقها.. و انفاسها الهادئة متأثرة بسكون الجو من حولها.. رانية : خليها على راحتها يا هيفاء سيادة العميد اكد علينا ما احد يعصب فيها. هيفاء : عاجبك نومتها بالصالة كذا البنت بيصير فيها شيء. رانيه : طيب ويش الحل .. سيادة الفريق اول مانع ان احد يكلمها او تكلم احد.. هيفاء : ما ادري بس البنت بتروح من يدينا واحنا جالسات نتفرج عليها.. جات الخدامة تأشر لهم وهن واقفات مو مستوعبات ويش تقول. رانيه : فهمتي شيء.؟! هيفاء : لا.. بس كنها تقول اكل شوفيها تأشر على فمها.. رانيه : ويش الفايدة من خدامة بكماء بالله .. استغفر الله بس الله يشفيها. هيفاء مسكت الخدامه وتحاول تأشر لها عشان تفهمها اشرت على نفسها : انا.. مو فاهمه.. (أشرت على راسها وبعدين سوت لها بيدها لا) اللي تقولين.. (آشرت على فمها انها تتكلم) الخدامة طلعت قلم و نوتة من جيبها وكتبت فيها "أنت يبغى أكل" رانيه : طيب من اول اكتبي وريحينا.. مسوين حفلة هنا بالحركات نحاول نفهم عليك.. هيفاء : انا مشتهية اكل وانتِ.؟ رانيه : ويش عندنا نضيع فيه الوقت غير الاكل والتلفزيون بس اكتبي لها تسوي لنا قهوة. هيفاء اخذت القلم والنوتة وكتبت فيه "ايوه جيبي أكل .. وسوي قهوة". تربعت رانيه : ويش تبينا تنفرج..؟! هيفاء : ما ادري حطي أي فيلم أي مسلسل أي قلعة.. رانيه : على اني ما احب اتفرج بس ما عندنا شيء نقدر نسويه غير الجلسة على التلفزيون. هيفاء تجلس جنبها وتلتفت وراها تناظر وعد المنسدحة على الكنبة : يا حياتي شكلها مره تعبانة..!؟ شوفي وجهها شاحب. رانيه : تتوقعين ويش تقرب لسيادة العميد..!؟ هيفاء : ما ادري .. بس سمعتي بدر برا يقول سيادة الفريق اول موصي عليها.. رانيه : يمكن اخت سيادة العميد.. هيفاء : يمكن زوجته.!.؟ رانيه : ويش زوجته .. ليش ما دريتي ان زواج سيادة العميد اليوم.!.؟ هيفاء بصدمة : كذاااابة .. بيتزوج.!؟ رانيه : ايه والله اليوم زواجه و مسوي بس عرس رياجيل. هيفاء : احسه ماله خلق حريم.. بالله شلون يتزوج..؟ الله يعين زوجته عليه. رانيه : اللهم آمين .. انا اذكر مره سمعت له نقاش مع العقيد راشد.. يكلمه عن وحده و كان معصب.. حتى اذكر يقول جابت ولد جابت له ولد.. ولدها المفروض هذا مني انا مو منه هو. هيفاء : اووووف .. متى هالكلام..؟! رانيه : يمكن من خمس سنين.. تهقين انه نساها وقرر يتزوج.؟ هيفاء : اللي يحب ما ينسى.. شوفيني ما نسيت عاصم وهو عايش حياته. رانيه : تقولين لي اللي يحب ما ينسى هذا عندنا احنا الحريم عشانا لا حبينا نحب من قلوبنا نحب بكل شيء بس الرجال ..! ما يحبون الا لغرض وبس ينتهي اللي يبيه رمى اللي يحبها.. هيفاء : مو شرط.. انا احسه على حسب الانسان نفسه فيه رجال اوفياء و فيه حريم اوفياء.. بس المرأة تنجرف وراء قلبها اكثر من الرجال.. يعني لو وحده حبت شخص ما يناسب لها بترمي كل الحواجر اللي بينهم بالجدار.. نزلت الخدامة الصواني على الارض قدامهن. رانيه آشرت لها تجلس : حياااك اجلسي. جلست الخدامة مبتسمة. رانيه : ايه كملي اللي تقولينه. هيفاء : ايه اما الرجال لا يفكر بعقله و يهتم بالحواجز.. رانيه : هذا يعني انهم يبيعون المره عند اقرب بسطة.. والمره يا عيني متعلقه فيه.. الخدامة آشرت على وعد المستطحة وراهم : آآآ .. (آشرت بيدها ويش فيها).؟ هيفاء كتبت لها بالنوتة اللي منزلتها الخدامة على الارض جنبها : تعبااانة. تبدلت ملامح الخدامة للزعل ورفعت يديها تدعي لها. هيفاء ابتسمت : شكلها طيبة. رانيه : ياليت .. وحتى لو ما هي طيبه بس بتشوف سيادة العميد بتصير طيبة غصب. .. كم كنت أحلم بـ يوم عرسي بجنبك.. و غيري بليا حلم ../ جالس مكاني.. ناصر التميمي.. جالس يسترجع كل شيء سمعه .. كل الاحداث من اليوم اللي دخل فيه مكتبه بعد اجازتة واستدعى صلاح.. لنحشتة واللي عرف كيف انحاش من عزام.. لاختطاف وعد.. لنحشة زياد.. و قتل عيلة الدكتور.. و خبر ملكة عماد عليها.. و احتجازها .. للقضية اللي تكلف فيها. بوسط كل هالاشغال عنده هي تتوسط تفكيره هي ما غيرها.. يتذكر كل موعد لقاء بينهم واللي كانت كلها بعيدة عن عيون اهاليهم.. وكلها محملة بهوشة ما يفتكر مره قابلها ولا تهاوشوا.. ما يفتكر ولا مره تقابلوا من غير ما يحاول احد فيهم يكسر كلمة الثاني.. وهاذي النتيجة قلوب معلقة ببعض و النصيب لاحد ثاني.. شلون خطبت ندى كسرتها بخطبتي لاختها.. "بس هي تبي تكسرني.. تبي تمشي كلمتها علي هي اللي تبي تفرض رايها وكأني خاتم باصباعها. وتفكيرها المنفتح ما يناسب ببنت عايشة بمجتمع مثل مجتمعنا.. كل شيء عندها عادي ومن حقها.. والرجال انسان متحجر ومستبد ويفرض رايه على المرأة" .. يذكر اليوم اللي قالت فيه "دام هذا تفكيرك لو انت اخر رجال بالدنيا ما وافقت عليك" .. ورده عليها " ليش متوقعة اني افكر ارتبط بانسانة ما عندها مبادئ ولا تقدر المجتمع اللي هي عايشة فيه مثلك.. تبيني اجيب العار لنفسي شلون بستأمن وحده مثلك على عيالي".. تنهد بصوت عالي : اففففففففففف . ام عبدالرحمن : ويش بلاك يا وليدي ويش به تهوجش. عساف منسدح على ظهره ومكتف يديه وحاط ساق على ساقه الثانية ورافعهم على الكنب فوق : عندي قضية جديدة. ام عساف : ما انت رايح عرس بنت عمك. عساف : الا يمه.. بس تو الناس. عبير : يمه تسمين ذا عرس خواتها قالبينها مناحة بالبيت. سهاد : اهم شيء انها بخير. هي حديث الجلسات بيجلسون يحكون فيها.. وهي مستحيل ترجع دام صدر امر باحتجازها من سيادة الفريق اول لانها شافت عزام مع صلاح و ينخاف منها تحكي و ينفضح الشغل وكل الخطط اللي مسوينها .. عزام يتجسس على عصابة و عماد على عصابة وما يندرى ان كان هالعصابتين لهم علاقة ببعض او لا.. و يمكن اللي يدير هالجماعتين شخص واحد.. المهمة كبيرة عليهم الى الان عزام و عماد ما عرفوا الشخص اللي فوق الناس اللي يقابلونهم ولا حتى اساميهم.. او تلميحات عنهم.. معرفتهم محدودة باشخاص معينين.. غير كذا لازم يعرفون الخطة اللي بيبطلون فيها عمليات الاغتيال الجديدة و اللي اولها قريب دامها بتتنفذ برمضان يعني احتمال باي يوم. عبير تلوح بكفها امام وجهه : اللي مأخذة عقلك تتهنا فيه. عساف يعتدل بجلسته : لا تجلسين تلمحين.. الفترة الجاية بنشغل حيل و يمكن توصل لاني ما ارد البيت للفجر.. عشان كذا لا تنتظروني خير شر. ام عبدالرحمن : وراه يمه ليش.؟ عساف : يمه عندي قضية جديدة.. قلت لكم عشان ما تقلقون. .. نهى تتحلطم : ويش ذا زواج من غير عروسة ليش ان شاء الله.؟ ام سعود : هاذي كتبة ربي يا يمه ما يصير تعترضين عليها. نهى : ليش يا خالتي مالها نفس تفز .. ما لها خاطر تلبس فستان عروسة زيها زي البنات..؟ والا عشان ما وراها ام ما احد ينشد عليها وعادي تنحرم من كل شيء. خالد يعدل عقالة : استغفر الله العظيم يا ذا التفكير المتخلف ويش تبينا نسوي هاه علمينا.؟ نهى : ايه انتم ما تفرق معاكم بكل الاحوال بتروحون عرس .. واحنا مبلطات هنا.. انا استحي اقول الليلة عرس اختي واني فرحانة لاني ما احس بالفرحة. جود : عاد انا اللي احس من جدكم هذا تسمونه زواج .. من جدكم معتبرين انفسكم اهل العروسة..؟ سعود متكشخ : اقول لا تجلسن تهذرن ازعجتنا من البارح وانتن ما غير هذره هذره هذره. سها : حاطين حرتنا بالهذرة حتى الهذرة بتحرمونا منها ما يكفي هي ما شفناها. سعود : بتكلمنا ان شاء الله.. الفريق غازي مكلم المسؤولين يسمحون لها تتكلم بوجود الامن. نهى : تضحك على نفسك والا تضحك على نفسك يعني لا كلمناها خلاص بنرضى..؟! ميار : من جد نبي نشوفها حرااام والله .. كلم غازي هذا. نهى : لحظة مو هو خالي..!؟ انا بكلمه. سعود : رجاءاً الا الفريق غازي تفشلينا عنده لا ادفنك بارضك.. نهى : عشانه رئيسك و تقدره كنه ابوك. سعود : مالك دخل.. ميار : اصلاً ما احلاك تكلمينه وهو ما نشد عنك يوم جاء هنا. نهى : من جد .. بس عاد اذا من وراها شوفة وعد عادي. سها : والله صدق كلميه يمكن يحن قلبه. سعود بحدة : غبيـــات انتن.. اذا انا رجل امن ممنوع اشوفها.. ما احد مسموح له غير عماد و شرطيتين و الخدامة بـــس.. ياسر : بسكن هذرة روسنا قلبت منكن. وليد مدخل عقالة بذراعة الايمن ولابس الطاقية على راسه وماسك الشماغ : لو فيه عداد كلمات بكل انسان كان عدادات خواتي انفرطت قرقرقرقرقر ياهوه خلاص الموضوع ماهو بيد احد. نهى : لا يا شيخ ما كنكم البارح معصبين على عماد اليوم متكشخين على سنقة عشرة ورايحين عرسة. خالد : عرس اختنا يالغبية انتِ ويش بلاك.؟ نهى : منبطة كبدي منبطة. مشعل : و المطلوب ويش نسوي..؟ احمد : خذوا الموضوع بالهون .. الحمدلله وعد ماهي متورطة بجريمة ولا هي مسجونة. سها : والاحتجاز اللي قلتوه ويش ينقال عنه.؟ ماهو سجن..؟! احمد : محتجزة ببيت عندها شغاله وحرس واشياء تلهيها وتقصر الوقت مو بسجن بين اربع جدران وتناظرهم.. جود : صبها واحقنها. ام ندى : ويش بلاكن انتن خلاص اهجدن رووسنا انتفخت من وراكن. سها : مو عاجبنا الوضع يمكن بابا يحس و يحاول يجيبها. ام ندى : لو يقدر يجيبها كان جابها من غير لا يشاورك بس الموضوع ماهو بيده انتن مو مستوعبات ان الموضوع داخل فيه امن دولة ماهو بكيفك تسوين اللي تبينه. سها : طيب ويش نسوي هاذي اختنا من حقها تفرح ومن حقنا احنا بعد نفرح فيها مو كذا ع السِكيتي. منيره : بس الظروف حكمتنا ما باليد حيلة. وليد يحاول يسوي شماغة : ويش ذا ماني عارف. سعود : اطول مني ولا تعرف تنسف شماغ. وليد : ما اعرف البسة ياخي ليش هالبلشة عادي ما البس. سعود : ايه افضحنا عند الجماعة بيحضرون ناس كبارية وانت بتدخل بذا الكشة حق من يحلقها لك وانت نايم. وليد يشيل الطاقية وينفض شعره بيده اليسار ويبتسم بغرور : اللي ما يطول العنب حامض عنه يقول. ياسر : عوينك انا يا سعود متى ما بغيت تعاونا وقرعناه على الصفر. سعود : تم. وليد يرجع يلبس الطاقية ويفرد الشماغة في محاولة فاشلة بلبسة : والله لا اقفل باب غرفتي من اليوم اخلي الرووس تصاكع ببعضها. احمد : وليد بتفضحنا ويش ذا مخليها مفروده ولا بعد ميبس راسك. وليد : وانتم ويش عليكم الناس بتقول وليد اللي ماهو ناسف شماغة عدل ماهو احمد ولا سعود. سعود : اقول تعال اسويها لك.. ترى فيه تصوير بكره تشوف التصوير و تندب حظك. وليد يجلس جنب سعود : لا بالله الا هاذي مانبيها.. نبي يصير عندنا تاريخ مشرف. ابو سعود : السلام عليكم. : وعليكم السلام. ام احمد : عقبال ما تفرح بشوفتها يا ابو سعود. ابو سعود : آميــن. منيره : و بزفة اخوانها.. ابو سعود : نقول ياااارب رغم اني ما اظن. نهى : يبه عماد كم عمره..؟ ابو سعود : ليش.؟ نهى : ما ادري سؤال طرى على بالي. ابو سعود : 36 سنة. جود بفاجعة : ويـــــــــــش 36 شايب ذا. ابو سعود : اجل انا مخرف. جود : مو قصدي بس كبير على وعد بينهم 13 سنة حرام. ابو سعود : طلعنا من سالفة الحلال والحرام.. خلاص الفاس انحطت بالراس وقضينا. .. في استراحة فخمـــة يملاها الناس المباركين وكأنهم يعلمون بأمر العرس من فترة طويلة.. الضيافة على قدم وساق يشرف عليها اخوان عماد.. اما اخوان وعد ضيوف شرف في المكان جالسين مع بعض يسولفون ولا شافوا احد عرفوه سلموا عليه.. اما ابو عبدالرحمن و ابو عبدالله و ابو سعود و عماد واقفين امام الباب يستقبلون المهنئين.. راشد : كل العرس كباريه ما شاء الله احس سلك الشرطة كلهم هنا. عزام ابتسم : من جد .. بس خلك من ذا .. عماد مكشر ليش.؟ راشد : زين اللي ما كنت معانا العصر .. تخيل ماهو لابس بشت.. قسماً عصب فيني. عزام : انا غاسل يدي من ذا الرجال. راشد : خلنا نسلم على سعود وعساف. عزام : يالله. اما عند سعود وعساف .. سعود : ماني مصدق انه مجهز زواجه بيوم تقول مخطط له من زمان ما شاء الله. عساف ابتسم : الفلوس تسوي اللي ما يتسوى.. اللي عرفته اخوياه واخوانه حجزوا كل شيء. حتى ذا الاستراحة لواحد من اخوياه. سعود : تقول قصر ما شاء الله. : السلام عليكم. : وعليكم السلام. سلموا الاربعة على بعض و وقفوا .. عزام : مبروك .. وعقبال ما نفرح فيكم. سعود : الله يبارك فيك .. اما تفرح فينا هاذي ما هقوتي بتصير. راشد ابتسم : وراه..؟ سعود : ياخي ماني مغير رايي بقولك نفس ما قلت لسيادة الفريق.. : اجل ما تقدر قيمة العرس للحين. التفتوا الاربعة اصطفوا برسمية و أدوا التحية العسكرية مع بعض .. ابتسم لهم بوقار .. سلموا عليه.. : هاه يا سعود كني سمعتك تسب الزيحة.. سعود ابتسم له : أسب الارتباط. الفريق غازي : اخوانك وينهم.. مهما صار احنا اهل.. سعود ابتسم ابتسامة باهتة : قريب هنا.. يقومون بالواجب. الفريق غازي : شكل انت واخوانك ما انتم فرحانين. سعود : تبيني اكذب بقولك الا فرحانين ومتشققين من الوناسة. الفريق غازي : عشان عماد العريس.. والا عشانها بعيدة عنكم.. سعود : الاثنين.. وصدقني لو ماهي بعيدة كانت ورقتها بيدها من امس .. اخواني مقومين البيت البارح.. بس جات الظروف معاكسة. الفريق غازي : وين اخوانك ابيهم. سعود استغرب : ليش..!؟ الفريق غازي : بتعرف عليهم. سعود مد يده لقدام بمعنى تفضل : حياك.. تقدم الفريق غازي و بجنبه سعود. عزام : الله يعين الموضوع تشربك.. يعني مو قضية امنية وبس فيها خلافات عائلية.. عساف يناظر عماد واقف يستقبل الناس.. عماد اقصر من عساف بشوي اسمر مرتب نفسة اليوم على سنقة عشرة مو مثل شكلة البارح محدد عوارضة الخليجية ومخليها خفيفة ومكثف السكسوكة عاقد حواجبة و يمكن عقدة النونة معطيتة هيبة زيادة على هيبتة لابس بشت اسود و يحاول يبتسم للناس خصوصا لرؤوساه. راشد : وين وصلت يا هووه. التفت له عساف وابتسم : معاكم.. ما شفت نايف ما جاء..؟! راشد : الا من شوي شفته يكلم مجموعة ضباط. بجهة ثانية من نفس القاعة. مشعل : فضحتنا يا وليد ويش ذا كنك رجل آلي. وليد : اخاف شماغي تطيح قدامي عاد شوف ويش كثر الكاميرات والله غير تصير فضيحة بجلاجل اخو العروس طاح شماغة. خالد : اقول ما تحسون انكم بمركز شرطة مو بعرس. وليد : هاه على طرف لساني بالله شوف فارس ومؤيد هاجدين احمد : ايه والله حزنوني خايفين. مشعل : شوف ويش كثر الضباط جايين بالزي العسكري. خالد : الله يعينهم عاد وراهم كرف. وليد : بقي العريس يقلب تصدقون اتوقع يروح يغير يلبس الزي العسكري. احمد : ليش مخفة هو..؟ بس عاد احسه جااامد. مشعل : اهم شيء اختي.. وهذا اللي مسكتني بالموضوع والا هو ما يهمني. خالد : اخ بس لو الظروف ما عاكستنا والله لا نخليه يطلقها بنفس الليلة. ياسر يجلس معاهم : لا تذكرني اسوي نفسي فرحان جالس امثل على نفسي. احمد : لا تسوي نفسك افرح من جد اللحظة ما تتكرر و ادعي لهم بالتوفيق. ياسر : ليه هذا عرس بالله. احمد : ماهو مقصر كل شيء موجود من اكثر واحسنه. ياسر : اقصد العروسة.. متخيل ان اختك محجوزة ببيت الله العالم بحالها. احمد : هذا المكتوب وما يحق لك تعترض عليه خلصنا من ذا السالفة يا ياسر خلاص تقبلوا الموضوع عشان ابوي وخواتي يتقبلونه.. احنا داخلين على رمضان ادعوا لها الله يفرج همها.. ويفرحنا بشوفتها.. وينعم على دولتنا بامن و أمان كل الحياة. : آميــــــــــــن. : السلام عليكم. ناظروه و قفوا يسلمون عليه مو من طيب العلاقة بينهم لكن عشان سعود اخوهم اللي جاي معاه ما راح يخلون احد يحكي عليهم ربع كلمه هم عيال ابراهيم بن مساعد.. كانوا بيتبعون طريقة وحده وهم انهم يصافحونه لكن الفريق غازي ما خلى لهم مجال يشدهم له ويسلم عليهم خد بخد. الفريق غازي : شخباركم..؟ احمد ابتسم : بخير الحمدلله.. انت كيف حالك. الفريق غازي وهو يجلس معاهم : بخير الحمدلله. ياسر يهمس لخالد : ناوي يقعد معانا. خالد : مو كافي القنابل اللي فجرها ببيتنا. الفريق غازي : استريحوا.. اجلس يا سعود ابيك انت واخوانك بموضوع. مشعل : و الموضوع اللي بيننا بصفتك رجل امن.. والا وشو..؟! الفريق غازي : بصفتي واحد من اهلكم. وليد جلس جنبه وبعناد : واحد من اهلنا.. من متى..!؟ قسماً بالله اللي مسكتنا عليكم اختي اللي عندكم. سعود : وليـــد. احمد : ناوي تفضحنا بين العرب..؟! الفريق غازي : ممكن تهدأ عشان نتفاهم.. ياسر : ما عندنا شيء نتفاهم عليه.. (يضرب بسبابته على الطاولة عدة مرات وراء بعض) اختي بس تنتهي المهمة الامنية تدخل ومعها ورقة طلاقها فهم هالكلام لولد اخوك. سعود : ياسر ويش بلاك.. اسمع اللي عند سيادة الفريق. ياسر : ما بيننا شيء عشان نسمعه.. اختي اللي عندهم واللي مسؤولين عن حمايتها لكن بس تنتهي هالمهمة يحلم ولد عامر يلمح طرف شعرها. خالد : والله ان الظروف عاكستنا والا قسماً بالله لا ننسف عامر هو و عياله .. واللي قاضبنا هالحين بنيتنا.. والا هو ماله أي احترام بيننا. الفريق غازي : انا مثلكم ماني راضي على هالزواجة وسمعتوني يوم اني جيتكم امس بس الامور خرجت عن السيطرة .. ما انكر اني اخوي عامر غلط ولا انكر ان ابراهيم بعد غلط اللي زوج البنية وهي تعبانة و لا حتى ترك عندها خبر .. بس هذا ما يعني تجون انتم وتستمرون بالغلط .. ما راح يروح فيها الا اختكم.. اللي ببالكم بتأخذونها وتعزونها هي اللي بتتضرر من الموضوع كله.. بترجع لكم ويش مطلقة.. وليد : ارحم من انها تتزوج ولد عدو ابوي. الفريق غازي بحدة : بس الزواج صار وهذا انت جالس على الكرسي بوسط العرس.. حكموا عقولكم بالموضوع.. ترى مثل ما وعد انظلمت بهالعرس عماد بعد انظلم.. بس ما ينفع نصلح الغلط بغلط.. يعني سالفة الطلاق شيلوها من رووسكم .. لو عماد و وعد ما ارتاحوا لبعض انا بسعى بطلاقهم.. لكن اعطوهم الفرصة لانهم يجربون الحياة مع بعض.. سعود : سيدي انت ما تعرف وعد.. والله اختي ما ينقصها شيء.. وانخطبت كثير وهي ترفض والحين يوم انجبرت ما راح تقبل الموضوع بسهولة... اعترف اني انا كنت احاول اقنع ابوي يغصبها بس على الاقل يكون عندها خبر تعرف منا من ابوي .. على الاقل ما تأخذ ولد عدو ابوي... الفريق غازي : لا تأخذك بنفسك العزة.. عماد ما يقصرة شيء مثل ما وعد ما يقصرها شيء.. و أي بنت تتمنى عماد زوج لها .. ما ادافع عنه صح شخصيتة يبي لها وقت عشان تعود عليها بس طيب ورجال يعرف ربه و يحب ديرتة بار بامه وابوه ومعتمد على نفسة يعني ما فيه شيء يعيبه.. مشعل : ماله داعي نتكلم بمواضيع قبل أوانها .. بس ترجع وعد لنا وقتها هي اللي بتطلب الطلاق واحنا حزتها كلنا بنوقف معاها ما راح نسوي سواة ابوي ونعطيها لعماد.. الفريق غازي : عليك نور ماله داعي نتكلم بمواضيع قبل اوانها. وليد : اجل ليش جاينا تبينا بهالموضوع. سعود تنرفز : وليـــد ويش صاير لك.!؟ الفريق غازي ابتسم بهدوء : جاي اسلم عليكم.. والسلام لله. .. .. في محاولة منهن لاسعاد انفسهن.. ندى فصلت سلك السماعات من الفيش وصرخت فيهن : خلااااص.. نهى : ووجعن يوجع العدو ليش تسكرينه.؟ ندى : ازعجتونا من يوم راحوا ابوي واخواني وانتن تردحن خلاص فجرتي راسي. نهى : ما تبينه روحي غرفتك ما احد طلبك تقعدين عند السماعات وتقولين سكروا. سهاد : من جد خلاص خلونا نسوي شيء جديد. نهى جلست : اوووف شيء جديد زي ايش..؟ سهاد : يالله نسوي عصف ذهني. عبير : انا ما عندي غير اعاصير عواصف ما عندي. سهاد : اللي هي اهم شيء اعطينا فكرة نسويها ونتونس فيها. ام عمر تقدمت لجلستهن بالصالة بالدور الثاني متوسط بعض الغرف يعني مو كل الغرف مفتوحة على هالصالة : ما بغيتن تسكرينه ازعجتنا فيه. ندى : قولي لهن يا عمه بغن ياكلني اللي سكرته. جود : ياختي نحاول ننسى اللي احنا فيه.. انتِ متخيــ .. ندى قاطعتها بحدة : خلاص عاد بتجلسين تلتين وتعجنين بموضوع وعد وان الليلة عرسها وما ادري ايش عارفين هالشيء بس ما بيدنا شيء لازم تتقبلون زي ما قال احمد الموضوع خارج عن السيطرة. جود : وانتِ ليش عصبتي..؟ كان عاجبك حال اختك ومتونسة اللي ماهي فيه. ندى : لا والله.. وليش اتونس اللي ماهي فيه.. تراها اختي وعندي قلب واحس فيها.. بس ما بيدي شيء. نهى : اذا الام ما تحس ببنتها مو غريب الأخت ما تحس بأختها. صبا : ما راح تتصل نسمع صوتها اشتقت لها والله. جود : ما اتوقعها تتصل حتى لو سمحوا لها.. ندى : مو بعيد عليها شيء. نهى : يحق لها.. ام عمر : استهدن بالله ويش بلاكن متحملات على بعض.. نهى : غصب من كلامها ينرفز.. ندى : انا اللي كلامي ينرفز والا انتِ اللي شايلة شلايلك علي.. نهى : لا تحسبين اني ما عرفت بكلامك اللي قلتيه لوعد قبل لا تدخل القسطرة. ندى : طيب و عرفتي ويش تبيني اسوي لك .. نهى : لا تسوين.. وبس ابي فيك تسوين لي.. لو عندك احساس كان ندمتي على كلامك لها. ندى : مين يتكلم عن الاحساس عاد انتِ.؟ و انتِ لا تحسبين اني ما اعرف ان امك تحاول تتواصل معاك وانتِ ساحبة عليها.. على الاقل انا و وعد مو اول مره نتهاوش. نهى : امي..! لا تجيبين سيرتها عشان كبدي ما تقلب علي.. احتمل منك تكلميني باي موضوع الا ذا.. ام عمر : صلووا على النبي يا جماعة.. : اللهم صلي وسلم على نبينا محمد. ام عمر : ما يصير اللي تسوونه انا تاركة الحريم قلت اجي اتونس معاكم شوي واعرف ويش عندكم تقومن تهاوشن..؟ دانه : ما عليش يا عمه بس اعصابنا متوترة بعد الشيء اللي عشناه. ميار : وما زلنا نعيشة. ام عمر : اذا انتم كذا ابوكم اجل ويش يقول هذا بدل ما تخففون عنه تزيدونه..؟! جود : يعني ويش نسوي ننسى اختنا..؟! ام عمر : لا بس لا تلومونه لان ما فيه شيء بيده .. حتى هو مو راضي لا تحملونه فوق طاقتة. سها : ليش زوجها من غير لا تدري ولا احد فينا درى..؟ ام عمر : حكاكم عمكم سعد عن الموضوع و ان ابوكم انجبر يعطي وعد لعماد .. وعماد ان شاء الله انه شخص زين و يعرف ربه ويخاف الله فيها.. .. : وعــــد..!؟ انصدمت يوم شافته قدامها مو اليوم زواجة ولا بعد كااااااشخ : سيدي. التفت لها نزل بشتة ولفه على ذراعة : وين وعد.؟! رانيه : نفس مكانها. عماد : ما أكلت.!؟ رانيه : لا للأسف. عماد تنهد : استغفر الله العظيم.. تقدم ودخل للصالة انوارها خافتة والتلفزيون شغال الجو هادئ ولا كأن فيه أحد جالس هنا.. قرب منها وجلس على الطاولة قبالها : رانيه شغلي الانوار. رانيه : حاضر سيدي. رانيه شغلت الانوار .. والتفت لها عماد : صار شيء اليوم!.؟ رانيه : لا الوضع هادئ جداً وطبيعي. عماد : تمام.. اذا احتجتوا أي شيء كلموا بدر او عبدالرحيم يجيب لكم اللي تبونه. رانيه: حاضر. عماد : و هيفاء وينها.؟! رانيه : بالمطبخ مع الخدامة.. عماد : اهاا طيب روحي شوفي شغلك. رانيه : حاضر سيدي.. وطلع باتجاة المطبخ.. اما هو جلس يتأملها وجهها شاحب خالي من الحياة.. الهالات السوداء تحتضن عيونها.. همس بهدوء : وعــد اللي تسوينه حرام بحق نفسك.. الموضوع ما يتكبر هالكثر كن ميت لك احد.. ان لبدنك عليك حق و انتِ لا تاكلين ولا تشربين.. ان شاء الله الاحتجاز مو مطول بس تنتهي المهمة الأمنية كل شيء بيصير تمام و تشوفين اهلك. تبيني ادق لك على احد فيهم تكلمينه..!؟ (سكت ينتظر منها جواب لكنها ظلت مثبته عيونها للامام و كفوفها تحت راسها .. حتى ما ناظرته).. اكمل هو : بندخل على شهر رمضان.. واللي تسوينه يعتبر انتحار.. بصوت مبحوح : ليش تزوجتني.!؟! عماد رمى البشت على الكنب و فتح نسفة الشماغ ورماها على البشت : تزوجتك عشانك نصيبي. : ماني بزر تضحك علي.. ليش تزوجتني.! عشان تنتقمون لاختكم اللي ضربتها بالمعهد صح..؟! ابوي شلون وافق عليك..!؟ عماد قام وجلس جنبها على نفس الكنبة اما هي تعدلت من سدحتها على طول لدرجة حست بدوخة خطت يدها على راسها .. قرب لها ومسك يدها : ايش تحسين فيه..؟ وعد سحبت كفها من كفه وردت عليه بصراخ : بقرف منك ومن نفسي ومن ابوي و امي واخواني وحياتي كلها.. انقلع عن وجهي ما ابيك جنبي. عماد يحاول يكبت اعصابة ما سبته هو لحاله هاذي مبين انها فاقدة اعصابها : الانفعال ماهو زين لك.. انتِ حايشك انهيار عصبي. وعد : بس انهيار عصبي...! وحياتي ما انهارت..!؟ انا اخر شيء اتزوج واحد مجرم مثلك..!؟ عماد شدها من عضدها له قربها منه وهمس لها بقوة : لا تقولين مجرم لا تحكين بشيء ما تعرفينه فااااهمة والا لا.. لا تخليني اسوي لك شيء أندم عليه والله العظيم ما اخليك تنسينه كل حياتك. ناظرت بعيونه العصبية تشع منها و صوتة يرجف من حدتة .. خافت منه لو بيقضي عليها الحين بحجة انه رجل امن ما احد بيدري عنها.. هو مجرم سمعت كلامهم ما راح يجي الحين و يقنعها انه رجل امن.. شافته من خويه اللي كان واقف مع صلاح.. خليه يذبحني احسن من اني انتحر وادخل النار ما وراي احد ينشد علي ولا يهمه امري كلهم تخلوا عني بدتها امي و تاليها عساف واخرها ابوي و اخواني .. اكيد فيني عيب عشان كذا ما احد واقف معاي وكلهم تخلوا عني.. اكيد فيني شيء ما يرضيهم بس انا ما اعرفه والله ما اعرف ويش اللي مسويته يخليهم يتخلون عني. صحت من سرحانها على هزه من يد عماد .. ابتسم بسخرية : عاجبتك عيوني تمتي بهواي..!؟ وعد : ليش احد قالك ان عيونك حلوة.!؟ عماد : كثيـــر يكفي انها وسااااع و مكحلة خلقة. وعد مدت اصباعها لعينة تبي تشوف الكحل الخفيف اللي يحاوط حد جفونة صدق والا هو حاطة .. ابتعد عماد اول ما حس باصبعها بيدخل بعينه : غبــــية انتِ بتعميني..؟! وعد : ما احد قالك قرب مني.. قرب منها بيشدها من جديد لكنها انحاشت منه ودخلت الغرفة وقفلت الباب عليها.. عماد بصوت عالي : ماااشي يا وعيد والله لا أجيب راااسك. وعد بصوت عالي : تخــــــــسى. عماد : يا حيوانة يوم جيت كنت مثل قطعة القماش ما تحركين ويش اللي قومك فجأة وطول لسانك.؟! وعد : قومني واحد مجرم مثلك. عماد يضرب الباب بقبضة يده : احسن لك افتحي وربي لا اوريك نجوم الليل بعز الظهر اول ما تطيحين بيدي. انا ينقال لي تخسى ما عاد الا هي مره ما تجي طول يدي تقول لي تخسى. جلست بتعب ما راح ترد عليه.. بذلت مجهود كبير ما اكلت شيء لها كم يوم ونفسيتها دماار .. "بيوريني نجوم الليل بعز الظهر كأنها بتفرق معاي حياتي ماعادت تهمني ما عاد عندي شيء اصحى عشانه بكره ولا شيء حتى الامل بطلعتي من هنا مقتول مالي احد ينتظرني " .. سها : بابا ليش مصحينا هالوقت حرام عليك. أبو سعود : ابيكن تعدلن نومتكن بكره رمضان. ميار : مين اللي بيعطش احنا والا أنت تكفى بابا خلنا على راحتنا. ياسر : الحين انتِ اللي ما صار لك شهرين عندنا لسانك اطول منك ويش ذا. ميار : حرام نعسانة نعساااانة.. قامت وجلست جنب أمها وحطت راسها على رجولها : ابي انام امي تكفين. أم سعود بحنية : أبو سعود خلهن ينامن شوف حالتهن يحزنن. أبو سعود : انتِ عشان هالبنت ما تحملين لازم تسوين لها كل شيء تبيه. لا ما ينامن إلا الفجر... ميار قومي جالسة. ميار : بابا ابي انام. أبو سعود : ندى روحي جيبي مويا بارد ابي اشوف مين بتتجرأ تنام عندي. ندى وقفت مبتسمة : ان شاء الله .. وراحت. منيره : نومتكن مره غلط الله يهديكن كل شوي تمددن مره الظهر ومره العصر والحين صايرات تنامن المغرب. جود : يا آلهي صبرني امسك لساني. أبو سعود : امسكية عشان ما يجيك شيء. جود : تدري أنت ان فيني هبوط بالسكر وأنت جالس تعذبني وانا احتاج إلى الراحة التامة. أبو سعود : على طاري الراحة التامة.! وين سعود ما شفته من الفجر. ام سعود : اول اتصلت عليه يقول مشغول لا احد يكلمني عنده شغل كثير. ياسر : ايه البارح بالعرس كله ضباط شفته يكلم واحد بعدها قال مبروك انضمامك للفريق الله الله بالشغل يا سعود. جود : يعني قضية جديدة. ام سعود : مهلك نفسه بهالشغل والله ما ادري متى بيرتاح. احمد : لازم تتفهمون ظروف شغلة وتدعون الله يكون بعونه. أبو سعود : يا متفهم عمتك ردت علينا تقول مها ماهي مرتاحة. احمد ابتسم : الحمد لله. أبو سعود : ويـــش.؟!! أول مره اشوف واحد يخطب ويفرح اللي ردوه. احمد : ما ادري يبه صابتني ضيقة بعد الخطبة ما ارتحت وربي فرجها من عنده. جود : اللهم لك الحمد والشكر يا الهي الحمد لله اللي استجبت دعاوينا أنا وخواتي. أبو سعود : الله لا يوليكن على صايم ومصلي. جود : شوف أنا ماسكة لساني ما ودي افرطة وتهفني خلني ساكتة لا احد يهيضني احكي شيء. : السلام عليكم. : وعليكم السلام. بعد ما سلموا على أبوهم وامهم وخالاتهم رموا انفسهم بتعب. أم احمد : ويش بلاكم يمه.؟ مشعل : كله من ولدكم هد حيلي. ياسر : اشغل وقتك بشيء مفيد ويش تبي بالنوم. أم احمد : يمديكم ما اكلتوا شيء يمه تبوني احط لكم شيء تاكلونة. مشعل : ايه يمه تكفين ولدك حتى بخل علي بوجبة. ياسر : لا يمه لا تحطين دانه تقوم تحط لنا. دانه وقفت : بس ما اعرف ويش احط لكم. أم احمد : خالد جايب فطاير اليوم سخنيها وهاتيها و سوي لهم شاهي. مشعل فجأة ضحك : ههههههههههههههههههههههه. ياسر مفتح عين ومقفل عين : خير.؟ مشعل : تذكرت اللي صار ههههههههههههه. ياسر : مع نفسك. جود : ليش ويش صار حكونا خلونا نضحك معاكم. مشعل : اقول.؟ ياسر : قول ما يهمني أنت اللي مسوي الموضوع شيء وهو ولا شيء. مشعل : رحنا نركب ديكور لبنت بغرفتها ومكتبها بعد ما خلصنا وسوينا كل شيء دخل اخو البنية وشافها انصدم قال مو هذا طلبنا وجلس يهاوش وتهاوش معاه السيد ياسر ما بقي غير يتحاذفون بالجزم الله يكرمكم. وليد : كان ناديتني الله يهديك عاونتك. أبو سعود : هذا اللي تفلحون فيه بترجعون السنين لوراء. وليد : هههههههههههههههههههههههه ما نسيتها.؟ أبو سعود : لا ما نسيتها. مشعل : خلوني اكلمكم المهم جات البنت اللي طالبة الغرفة والمكتب مع اخوها انبهرت لدرجة سبحان الله طرحتها اللي راميتها على وجهها طاحت قبال ياسر سبحان الله. وليد يصففر : اهم شيء كيف مزززة.؟ ياسر ساند ظهره ورقبته على الكنب يفتح عين وحده : هذا اللي ناقص اناظرها.!! وليد : لا يا شيخ ما لمحتها يعني قول غيرها. أم احمد : ليش تحسب كل الناس مثلك قليلين ادب عيب تناظر ببنات الناس بكره يناظرون بخواتك ترضاها. وليد : اقلع عيونهم.. بس عاد هي اللي عارضة نفسها ليش ما تفرجت.؟ ما حس غير بالفنجال اللي ضرب بجبهته : ميــــن.؟ أبو سعود ببرود : أنا.. ليش ..! بترده لي.؟ وليد : حاشاك. أبو سعود : قم صب لي قهوة. وليد قام وهو كاتم عصبيتة مد يده لابوه اللي مسك اصابعه وضغطها على الفنجال : قبل ما تناظر بنات الناس تذكر خواتك. وليد : يبه كانت مزحة ويش فيكم ما تقبلون المزح ويش ابي ببنات الناس اناظرهم. خالد : إذا بتناظر بندور لك على عروس من الحين تردك عن الغلط. وليد اللي ما زالت اصابعه بين كف ابوه والفنجال حار : تزوج أنت واخوانك بالاول. اخذ الفنجال أبو سعود : والله يا وليد إن دريت إنك يوم تروح مع اصحابك تكلم بنات والا زيها يا ويلك. وليد : ليش يبه تشك فيني اسوي شيء زي كذا.؟ ماني بزر اعرف مصلحتي وين.. واعرف الصح من الغلط. مشعل ببرود : مبين عليك. عصب وليد وكأنه ينتظر احد يفجرة : ويش قصدك.؟ مشعل : أنت ادرى بقصدي. وقف وليد ليهتف بعصبية مكبوتة بسبب وجود والده : عندك شيء قوله. أبو سعود بحزم وصوت آمر : وليـــــــــد اجلس. جلس وليد تمنى بس إن ابوه مو موجود عشان ينفجر فيه. أبو سعود : ليش عصبت عندك شيء خايف منه.؟ وليد : ما عندي شيء اخاف منه. أبو سعود : ليش قلت له كذا يا مشعل.؟ مشعل : ما قصدت شيء يبه. أبو سعود : انتقلت الصفة من البنات للعيال تخبون علي اخلصوا وقولوا ويش عندكم.؟ مشعل : بس عشانه صار يسهر برا لبعد وحده. أبو سعود : وهاذي أنا سمحت له فيها. وليد بابتسامة يستفز مشعل وهو يدري إن مو هذا قصد مشعل : سمعت والا تبي مين ينظف لك اذانيك. أبو سعود : لا تكفى قوم هفة.. تراه اكبر منك. وليد : على عيني وراسي بس ما يتدخل فيني. أبو سعود : حلوه ما يتدخل فيك غصباً عنك يتدخل من الحين تبون كل واحد ما يتدخل بحياة الثاني اجل بعد عيني ويش بتسون.؟ احمد : بعد عمر طويل يبه. أبو سعود : لا صدق ويش بتسون أنا ابيكم عزوة لبعض ما ابي احدكم يطيح وما يلقى اللي يوقف جنبة ابيكم تسندون بعض وتحمون خواتكم لكن اشوف من الحين تهاوشون. بالله علموني لو وحده من خواتكم تهاوشت مع زوجها تروح لمين فيكم وهي تشوفكم متفرقين بتحس إن لها سند يحميها. خالد : حصل خير يبه المصارين بالبطن تهاوش ما فيه بيت يخلى. جود : يبه ركبت سنياريوهات من هوشة بسيطة عادي اخواني مو أول مره يتهاوشون وكل الاخوان يتهاوشون ما يعني انك تقول كذا احنا بلاك ما نسوى شيء لو جايب لنا عشرين اخ. خالد : ياليتك سكتي. جود : والله عاد هذا اللي طلع معاي احس اني انجزت وقلت كلمة مفيدة. ياسر يناظر جواله اللي توصل له رسايل واتس من رقم غريب وراء بعض : يبي لي احذف هالبرنامج الزفت مزعج بشكل. خالد : أكيد الواتس. ياسر : ايه ينرفز طول الوقت رسايل ازعاااج. خالد : عاد اكثر شيء بالجوال برامج المحادثة ما احد قالك احكر نفسك على الواتس. نهى : سلام. : وعليكم السلام .. بعد ما قبلت رأس أبوها وخالاتها رمت نفسها جنب جود : وعيد ما اتصلت..؟. ابو سعود : لاا .. على ان غازي بلغني انهم سمحوا لنا نكلمها بوجود الامن .. بس عماد يقول ماهي راضية تكلم احد. ام احمد : يا عوينتي ما يصير نشوفها شوي بس البنيه اكيد خايفة. منيره : زوجها معاها ليش تخاف..؟! نهى : اكثر شيء اكرهه بالحياة اللي يفتي بمواقف هو ما عاشها و يتكلم عن احاسيس خلق الله والتصرفات المثالية. جود : الى ماذا تلمحين يا عزيزتي. نهى : ولا شيء. ابو سعود : صح ولا شيء ماني غبي يا نهى فاهمة..!؟ نهى : وانا صادقة..! لما صارت سالفة مريم الكل كان يقول عادي و امكم ولازم تبرون فيها ولو هم مكانا كان راحوا بروا فيها.. ليش لان هم ما عاشوا معانا.. والحين زوجتك تقول عادي ليش تخاف معاها زوجها..!؟ ابو سعود : اسمها خالتي.. ومريم ينقال لها امي.. فاهمة.. نهى : تركت كل شيء و وقفت على ذا الكلمتين..! ما تحس بتأنيب الضمير عشانها..! خليتها تروح للمستشفى من غير مرافق.. احنا ما نبي احد يهتم فينا .. هذولي كلهم (آشرت على الموجودين كلهم) مو ملزومين فينا... احمد : ويش اللي مو ملزومين فيكم.. ياسر : ناوية تبرين منا..!؟ نهى : ما قلت كذا ..! بس اذا امي تركتنا ..! بنطالبكم انتم بشيء.. خالد : عشانا اخوانكم.. عشان احنا اهلكم.. عشان ما راح تقدرين تعيشين من غير اهل هم لك عزوة وسند. نهى : وينكم عن وعد هذا هي محجوزة وين العزوة والسند ..!؟ احمد : لا تعتبرينها محجوزة اعتبريها مسافرة مع زوجها يا نهى.. موضوع وعد اكبر من ان احد منا يتدخل فيه.. هذا واحنا محكينكم كل شيء للحين ما رضيتي واستوعبتي الموضوع.. نهى : ماهو من حقهم يحبسونها. ياسر : يقولون لك عندها معلومات سرية لمهمة سرية امنية.. ويش تبين عشان تقتنعين..؟! نهى : من وين جاتها المعلومات واللي خاطفها صلاح..!؟ جود : اقنعونا بطريقة توصل لها المعلومات السرية.. ابو سعود : ما نعرف.. بس لو هي ما عندها معلومات ما كان حجوزها والحمدلله انها ببيت معززة مكرمة ماهي بسجن.. والموضوع هذا خلاص لا عاد تطرينه ما فيه شيء بيدينا نقدر نسويه ولا سويناه.. خالد : البارح سعود ما قال ان رئيسة قال طمن ابوك واخوانك وهو مكلف ناس ثقة بحمايتها.. و ان شاء الله يتممون المهمة الأمنية و ترجع وعد.. وبعدين عماد معاها.. سها : طيب ايش معنى زوجها يشوفها..؟! مشعل : عشانه يعرف المهمة.. وبعدين هم سامحين لها بافراد معينين تحتك فيهم خدامة.. وعماد وشرطيتين بس.. ام سعود : الله يفرجها علينا وعليها. .. دخل المزرعة بعد ما نط سورها .. يتسحب بخطوات بطيئة متجه للبيت الموجود بالوسط تخبا وراء الشجر الكثيف على اطراف الممر .. لازم يدخل البيت .. من غير ما يلفت انتباه احد.. لو أحد يشوفه من الحرس حياته بتروح فيها.. تقدم اول ما شاف احد الحرس طالع لبرا المزرعة .. اسرع بخطواته .. دخل البيت .. تنفس الصعداء اول ما دخل بقي الشرطيتين اللي داخل و الخدامة.. لازم يتصرف معهم بهدوء.. من غير أي شوشرة.. البيت مظلم واللي يدخله يشك ان فيه احد يعيش هنا.. بس شاف انوار من برا لغرفة وحده .. ومعناته هي هنا بالبيت.. طلع الدرج يتسحب .. طلع منديل من جيبه و علبة مخدر خفيف اول وحده بتطلع بوجه بيحطه بوجهه .. وصل للباب اللي تحته اضاءة طرق طرقات خفيفة.. انتظر حتى سمع صوت الخطوات.. وقف عكس فتحتة الباب حتى يفاجأ اللي طالعة .. فعلا انفتح الباب و بثانية مسكها وحط المنديل على فمها وانفها .. اتسعت عيونها مصدومة .. بس ثواني و غابت عن الوعي .. سندها على الجدار جالسة .. ودخل بهدوء.. : مين يا رانيــ .. تفاجأت باللي ثبتها على الجدار و غطأ فمها وانفها بالمنديل .. وغابت عن الوعي مثل خويتها .. اتجه للصالة.. شافها منسدحة.. انتبهت لوجود شخص بالمكان رفعت عيونها وشهقت اول ما شافتة.. : اهــــــــــــــــئ.. .. لا إله الا انت سبحانك اني كنت من الظالمين.. لا أحلل نقل الرواية دون ذكر اسمي.. ضحكة قهر.. |
رد: لو سألتي الورد وهو ما بين إيدك أقطعك بيقول لك عمري فداك الكاتبة / ضحكة قهر
بسم الله الرحمن الرحيم..
السلام عليكم ورحمة الله وبركاتة.. شخباركم و شعلومكم.. بداية انا تحديتكمhttp://forums.graaam.com/images/smil...am%20(262).gif وقلت لو وحده تجيب لي اللي دخل المزرعة و سمحت لي ظروفي انزل البارت قبل الاثنين ويكون اهدأ للي تجاوب صح .. اللي صار انتم ما جبتوا لي الاسم و انا نزلت لكم البارت .. بس اللي خلاني انزله بدري عشان الناس اللي عندهم اختباراتhttp://forums.graaam.com/images/smil...am%20(262).gif.. نجي للنقاش على اللي دخل المزرعة .. نفيت لكم اكثر من مره انه مو سعود.. سعود رجل امن وراح يتقيد بالتعليمات اللي تجيه.. خصوصاً انه مسك القضية مع الشباب و عرف كل شيء وهو يدري انه شوفتة لاخته بظل هالظروف مستحيلة.. اللي مسموح له يشوفها عماد وهو اللي مسؤول عن حمايتها .. و لو هو تمرد ودخل اول شيء راح يستبعد من القضية .. اثنين راح يتعرض للتحقيق و يشكك بانه خاين و ممكن يتعامل مع العدو.. .. لذلك سعود مستعبد من البداية لكنكم مصرين عليه.. بعدها جات توقعات بانه صلاح او عساف .. عساف نفس سعود رجل امن و ما راح يدخل وهو يقدر العواقب.. اما صلاح كان ممكن بس لو بيدخل اكيد مو لحاله .. خصوصاً ان افترضنا انه درى ان الامن حاجزين وعد لمعرفتها لمعلومات سرية اكيد ما راح يجي لحالة بس و يقرر اختطاف وعد.. لذلك كان المفروض نتجه لاخوان وعد.. احمد مستبعد من البداية شخصيتة مسالمة ولا يمكن يسوي شيء زي كذا تبقى الاحتمالات تترواح بين خالد و ياسر و وليد و مشعل.. اللي توقعت بالاول واحد من اخوان وعد .. ولا جابت لي الاسم صريح ما اعتبرته توقع لاني انا شارطة الاسم.. عموماً استمتعت جداً بهاذي القفلة والنقاش اللي صار عليها والتوقعات و الاصرار من البعض على ارائهم.. حمستوني كل مره اسوي لكم قفلة جديدة.. بس كل ما سمحت لي الظروف بسوي لكم قفلة << بارت اليوم ما فيه قفلةhttp://forums.graaam.com/images/smil...am%20(262).gif.. ارحب بكل اللي انضموا لمركب قراء روايتي.. و يسعدني جداً تواجدكم.. وتعليقاتكم و ردودكم.. لمساتكم تزيدني حماس.. خلوكم دايم قريب مني.. أتركم مع البارت قراءة ممتعة.. .. البارت السابع عشر.. عمق الألم، يحوّلك أحيانًا، إلى شخص يتصرّف ضد مصلحته.. لـ رشاد حسن.. انتبهت لوجود شخص بالمكان رفعت عيونها وشهقت اول ما شافتة.. : هــــــــــــــــئ.. قربت له بسرعة وصوتها يهتز : وليد. وليد شال لثامة و ابتسم : ايه وليد.. جيت اتطمن عليك. وعد : اخيراً ما بغيتوا تذكرون ان فيه ادمية منكم مرمية.. ليش بعتوني لمجرم ليش خليتوا ابوي يزوجني.. وليد استغرب : عماد سوا لك شيء.؟! وعد تمسح دمعتها قبل لا تنزل : لي انا لا بس بيسوي والله سمعتهم يا وليد لما خطفني صلاح بالسيارة. وليد : اسمعي عماد رجل امن يا وعد وهو عنده مهمة امنية و حتى سعود صار معاه بيحلون الموضوع باسرع وقت عشان ترجعين.. وعد : رجل امن.!. ومهمة امنية.!؟ وليد (خرج جوال من جيبة): ايه مهمة امنية .. امسكي هالجوال خليه عندك عشان اتطمن عليك كل فترة. وعد تعلقت فيه : خذني معاك لا تخليني هنا.. وليد : ما اقدر يا وعد .. اصلاً هالشرطيات لو بلغن بروح فيها .. بس ما قدرت لازم اجيك اتطمن عليك.. خذي الجوال ولو عماد يسوي لك شيء علميني وربي لا ادفنة تحت مكتبة. وعد بضياع : بتخلوني كلكم وانا من لي يا اخوي.!؟ بتخلوني بالدنيا لحالي.!.؟ وليد شد على كتفها : والله ما راح اخليك بس انتِ عندك معلومات للامن وهالشيء هو اللي مخليهم يحجزونك هنا عشان المعلومات ما تتسرب.. وعد : بس انا ما اعرف شيء.. وليد : هذا كلام الضباط اللي جونا من ضمنهم خالك غازي .. < قال اسمه بقهر.. وعد : طيب الى متى.!؟ وليد : ما ادري يا وعد .. وعد : طيب هربني من هنا.. واروح عند عمي بندر برا. وليد : لحالك.!؟ وعد : ايه عادي. وليد : مستحيل لحالك بس خلاص خليني اتكتكها و تبشرين بعزك.. وعد ابتسمت وحضنته : ما تخليني.! وليد ابتسم : افااا انفاسي فدوة لرفة عيونك. اتسعت عيونهم اول ما سمعوا صوت بــرا.. وعد سحبته معها و تمشي باتجاه المكتب : مع الشباك وليد مو من هنا.. وليد يجري وراها : وعد لا احد يدري اني جيتك فاهمة.. وعد : طيب انا بحل الموضوع بس روح.. فتح باب غرفة و اتجه للشباك و فتحة .. الدور الثاني.. ومستحيل ينط كذا .. تعلق بالشباك ومنها للماصورة الين حس انه ممكن ينط من غير أي اصابات وبعدها استقرت رجوله على الارض جلس ثانيتين يستوعب الوضع وعيونه تدور على المكان خوف من يكون احد قريب منه لكن سرعان ما اتجه بخطواته للسور ونط من فوقه.. قفلت الشباك بتوتر اول ما شافت وليد ينط برا .. طلعت من الغرفة جري للغرفة اللي تنام فيها بلعت حبتين بنادول نايت عشان تنام قبل لا تتعرض للاستجواب وهي ما جهزت ردود لأسئلتهم للحين.. اخذت الجوال اللي اعطاها وليد وحطه تحت الكومدينة بعد ما قفلته و انسدحت تغطت باللحاف وغمضت عيونها تدعي ربها تنام قبل لا يجي احد : يارب يارب يارب خذ روحي يارب يارب انام قبل لا يجي احد.. برا القسم اللي هي محجوزة فيه .. عبدالرحيم شاف رانيه المخدرة : والله لا نروح فيها كلم سيادة العميد بسرعة.. بدر يدخل القسم ينادي وعد بصوت عالي : يااااسيـــــــــــدة.. عبدالرحيم تقدم بخطواتة عن وليد : مشكلة يا بدر .. صد بوجهه اول ما شاف هيفاء متساندة على الجدار و وجهها مكشوف .. بدر يدخل الصالة وشال اللحاف الموجود ورماه على عبدالرحيم : غط البنية اللي هناك.. بكلم سيادة العميد.. والله يعين ع التحقيق.. عبدالرحيم : الشغالة وينها..!؟ بدر جواله على اذنة ينتظر الرد من عماد : ما ادري.. .. في مقر اجتماعاتهم يتناقشون ويختلفون .. راشد : يا ابن الحلال مو كذا التفاهم.. احنا رجال امن عندنا مهمة امنية مو طلعة برا عشان نسوي أي شيء.! أي قرار نتخذة لازم نكون متأخذينه وعارفين عواقبة قبل لا نقدم عليه.. عساف : تدري ويش الحل احنا نقترح و سيادة الفريق يقرر.. نايف : انا مع عساف اذا بنظل كذا و كل واحد يبدي رايه و يتمسك فيه ما راح نتقدم ولا نص خطوة. عزام : ما راح نتقدم خطوة غير اننا نبطل عملياتهم قبل لا تصير.. لين نتعرف على الرأس الكبيرة. : السلام عليكم.. : وعليكم السلام.. قاموا كلهم أدوا التحية العسكرية له .. وصافحهم : استريحوا.. جلسوا كلهم وهو بالصدر .. تكلم بثقة : قبل لا اعرف ويش توصلتوا له .. عماد اخذت افادة وعد بخصوص الاختطاف..!؟ عماد : لا.. الفريق غازي : ويش تنتظر.!؟ عماد : البنت ما تشوفني الا مجرم.. تقول لي كلام غريب انا سمعتكم وتقتلون الناس كأنها سامعة شيء من جماعة صلاح. ماهي راضية تقتنع اني رجل امن. الفريق غازي : و حققت معاها بخصوص كلامها وعرفت ويش عندها..!؟ عماد : ماهي راضية تعلمني بشيء.. تقول روح اسال خويك اللي وقف مع صلاح. الفريق غازي : عزام.. صار شيء بعد ما طلعتوا من الاجتماع بينك وبين صلاح.!.؟ عزام : ابداً .. مجرد كلام عادي.. عساف : معناته وعد عندها معلومات احنا ما نعرفها.. الفريق غازي : اكيد عندها شيء.. بس ما يندرى عن مصداقيتة. سعود رفع حواجبة : وعد ما تكذب. الفريق غازي ابتسم : ليش انا قلت تكذب..!؟ بس ممكن تعمدوا يسمعونها الكلام. راشد : ويمكن ما عرفوا ان صلاح جايب معاه بنت بالسيارة وفضحوا اعمارهم.. الفريق غازي : كل الاحتمالات واردة .. لذلك راح اصدر قرار بالتحقيق معاها.. سعود بصدمة : مع وعد..!.؟ الفريق غازي بثقة : ايه مع وعد وكل شيء يتم بسرية تامة. سعود : من غير تحقيق انا بأخذ اللي عندها .. الفريق غازي : سعود احنا في مهمة امنية مو أي احد يقابلها .. سعود : عندي علم سيدي.. بس دامها تشوف عماد مجرم ما راح تكلمه والله لو تحط رجل بالسماء ورجل بالارض ما تكلمه.. عماد ماسك جواله : سيدي عن اذنك. الفريق غازي : رد هنا. عماد : الوو.. نعـــم(وقف)....( بعصبية ) و وعد وينها..!.. انا جاي لا تتحرك من مكانك.. (طلع ماشيء لبرا وجواله بيده يكلم نسى انه باجتماع مع رئيسة..).. الحقوه كلهم.. قبل لا يفتح باب سيارتة.. الفريق غازي : عمــــــــــاد.. عماد ناظر فيه وقفل الجوال : الحرس بلغوني بان فيه احد اقتحام المكان.. و مالقوا لا الخدامة ولا وعد.. ركب سيارتة بسرعة وركب غازي جنبه.. وسعود وعساف مع بعض ونايف وعزام وراشد مع بعض.. متجهين كلهم للمزرعة.. .. مشعل بهمس : من جدك...!؟ وليد : ايه بس الحين محتاج فلوس بسفرها برا من غير لا أحد يدري. مشعل : ما تتوقع انها جريمة احنا بنهرب وحده محجورة بامر من الأمن ماهو أي بني آدم. وليد بقهر : وليش محجوزة عشان ولا شيء هي تقول ما تعرف شيء .. اسمعني هاذي اختنا وما راح نسمح لابن امه يضرها.. انفتح الباب بقوة : والله اني شاك ان وراكم شيء انت واياه,, ويش عندكم.؟ وليد وقف : ولا شيء.. ياسر : بتتكلمون والا بنادي ابوي يقرركم ويطلع اللي مخبينه.. وليد : ناده .. حرام الواحد يقعد مع اخوه...!؟ ياسر يحك دقنة : يعني يقالك واثق من نفسك الحين.. ماشي ع السحور يصير خير.. مشعل : ياسر لا تسويها سالفة ويش بيكون ورانا يعني..!؟ ياسر يناظر جواله تجيه رسايل ورا بعض : اسالوا انفسكم لا تسالوني... اقول مين يبادلني برقمة.!؟ وليد : عجزان لا تروح تطلع رقم جديد والا ما ودك عشان لا اشتقت للحب تاخذ الرقم من قريب. ياسر : حب في عينك ان شاء الله .. هذا اللي ناقص انا احب وحده مرخصة نفسها لي مثل ما ارخصت نفسها لي بترخصها لغيري .. و بعدين ويش ذا حب انت صاحي ما فيه شيء اسمه حب زي ما انتم فاهمين مــــــــــا فيـــــــــــه. مشعل : والله و عنتر وعبلة..!؟ وقيس وليلى.!.؟ ياسر : قيس اصلاً كان عنده مرض نفسي والا فيه واحد يحب الجدران.!؟ وليد بأسلوب القائي : و امر الديار ديار ليلى اقبل ذا الجدار وذا الجدارا. وما حب الديار شغفن قلبي .. ولكن حب من سكن الديارا.. ياسر : على تبن بتعلمنا انك حافظ بيتين من كتب الادب اصلاً ما احلاك ما تحفظ خمس سنين مغرز بالثانوي.. وترى حتى عنتر بعد ما يباعده هذولي مرضى نفسيين بمعنى مجانين و انت قلوا الناس الصاحية عشان تروح تناقز وراء مجانين..!؟ : والله انت المجنون كانك ما تقدر شيء اسمه حب. ياسر التفت له : ماعليهم شرهه كان كبيرنا هذا كلامه..!؟ احمد : مثل ما فيه مشاعر صداقة اخوه كره حقد فيه بعد حب.. مشاعر لا ارادية تتملك الانسان. ياسر : دكتورنا الفاضل .. ممكن تقولي قصة حب مقنعة.!؟ أحمد : كثير كثير .. و يا كثر الشعراء اللي حكوا قصص حبهم مثل قيس بن الملوح وعنتر بن شداد. ياسر يجلس على سرير مشعل : الشعراء من اللي رسموا خيالات و رسخوها بعقول البشر على انه واقع .. بالله فيه واحد يراكض وراء مره و يزعل عليها .. و يتضايق عشانها.. جود تدخل جوو معاهم بالنقاش بعد ما سمعت اخر كلامهم وهي واقفة برا : ليش انت ما تتضايق عشانا.!.؟ ياسر جلس : فيه فرق بين اخت و مره غريبة ... اختي دمها من دمي كل شيء فيني اكيد بيحن لها مو مثل وحده غريبة ويا حرام قلبي يعورني عليها .. و الا تصير بيننا مشكلة و نتزاعل. جود : ما اقول غير مثل ما كانت تقول وعد الله يذكرها بالخير الله يبلغني فيك دابغن على وجهك من غلا مره.. ياسر : جوووويد احسن لك لا تدعين علي بالجنون. وليد : والله شكلك يا جود انتِ اللي دابغة على وجهك.؟! جود ابتسمت : ايه احب واحد زقرتي وابضاي. وقف ياسر بعصبية : نعــــــــــــم.!.؟ احمد سحب جود بسرعة وحطها وراه : تتريق معاك لا تسويها سالفة مو مستاهلة.. ياسر : ما تستحي كذا بيننا تقول انها تحب واحد. احمد : وعشانها ما استحت مبين انها تبي تتريق عليك.. خالد : خير ويش فيكم.!؟ احمد : اخوك ما ادري ويش بلاه ضاربة فيوزة. وليد : شكله طاح وما أحد سمى عليه. ياسر : هيه انت لا تبلى علي.. هذا بس اللي ينقصني.. أحمد يناظر خالد : متى وصلت..!؟ خالد : من شوي.. ما تشوفني بالبدلة.. ويش اخبار وصيتي..!؟ احمد : بخير الحمدلله.. اخوانهم كلهم ناظروهم باستغراب .. ياسر : أي وصية.!!.؟ خالد : بتعرف بالوقت المناسب. ياسر : تعال ويش ترمي الكلام وتروح.. وليد : الحين قلبي بياكلني لازم اعرف ويش الموضوع..!؟ خالد : قلت لكم بالوقت المناسب لا تحنون.. .. أم ندى بعصبية : انتِ صاحية.؟ ندى بهدوء : ايه ما ابيه. أم ندى : خلاص شوفي الباب مفتوح روحي قولي لا أبوك وقولي له عذرك. ندى : مابي اتزوج وهالشيء راجع لي. أم ندى : طيب روحي كلميه. ندى : أنا قلت لك عشان تقولين له ما اقدر اكلمه لحالي. أم ندى : ويش تبيني اقوله بنتك الحين صحت تقول ما تبيع ساف هونت ما تبي تزوج.؟ وياليت عندك عذر إلا كلها خرابيط. ندى بترجي : يمه تكفين الله يخليك ما ابي اتزوج خلاص ما ابي اصلا كبرت على الزواج. أم ندى : كبرتي..!؟ ليش عمرك ستين... قطعتي ما عاد فيك رجا.؟ عندك شيء روحي قوليه لابوك أنا مالي دخل. ندى : انتِ امي شلون مالك دخل يمه تكفين والله اخاف اكلمه لحالي. أم ندى : ويش تبيني اقوله بنتك ما تبيع ساف فركش خطبتهم ويش العذر لو عندك عذر وقفت معاك بس ما عندك يا ندى. ندى : إلا عندي يمه عساف ما يبيني والله ما يحبني. أم ندى : مو كل اثنين يحبون بعض يتزوجون.. والزواج ماهو قايم على الحب. ندى : يمه تكفين افهميني. أم ندى : ويش تبيني افهم هاه.؟ ندى : عساف يبي وعد والله يبي وعد و وعد تبيه.ط ام ندى : ويش اللي يبيها و تبيه تدرين لو ابوك واخوانك يسمعون كلامك بيذبحونك... وعد صارت على ذمة رجال الحين.. ولو عساف بغاها كان وقف بوجه عماد ولا خلاه يأخذها. ندى تصيح : لانه ورط نفسه فيني. ام ندى : افكارك هاذي خليها براسك.. والله ان درى ابوك لا يقيم قيامتك.. والا سعود وياسر وانت ادرى.. انا ما راح اوقف معاك على خبالك هذا. .. "ولكنني شخص لايملك القدرة ليقاوم، وكل هذا الحزن المبذول، هو نوع من الإستسلام." وعد" لـ رشاد حسن. دخلوا السبعة للمزرعة اتجهوا بخطوات سريعة الى البيت.. ظلام يحاوط المكان.. و وحشة منتشرة بين ذراتة.. هدوء وسكينة تسكن في زواياه.. و رهبة تهاجم من يخطوا اول خطواتة هنا.. الفريق غازي : ويش ذا الظلام.. عماد يمشي قدامه ع الدرج : ليش نشغلها ونصرف كهرب ما يحتاج.. وضع رجله ع الدور الثاني وخطى خطواته متجه للقسم المتواجدة فيه وعد .. وقفوا الشباب الخمسة برا سعود .. عساف .. عزام .. نايف.. راشد.. دخل غازي و عماد وتفاجئوا بالبنت الطايحة قدامهم .. دخلوا القسم بسرعة .. بدر : سيدي.. (أدى التحية العسكرية). عماد : وعد وينها..!.؟ بدر : احنا فتشنا المكان كله بس بقي هالغرفة ما دخلناها مقفلة.. عماد اتجه للغرفة .. غرفة نومة حاول يفتح الباب .. التفت لبدر : زميلك وينه.!؟ بدر : راح يدور ع الشغالة.. الفريق : شلون يعني .. ماهي موجودة..!؟ سكت بدر متوتر و خايف مصيبة وطاحت على رووسهم.. الفريق غازي : والله كفوو مشغلين رجال ينشد بهم الظهر و يعتمد عليهم.. رفع عماد رجله وضرب الباب بكل قوتة وانفتح بعد ما انكسر القفل .. ضرب الباب بالجدار بقوة وارتد عليه بيتسكر من جديد لكن سبقتة يد عماد وردته .. دخل بخطوات سريعة شافها نايمة.. : وعـــد .. وعـــد.. ما ردت عليه.. وقف غازي ع الباب : غريبة .!؟ عماد : معقولة ما صحت على كل اللي صار.!؟ : آآخ. التفت غازي للصوت الصادر من الممر وشافها رفعت اللحاف من عليها صد عنها.. ناظرت بالمكان فترة تستوعب اللي صار .. حطت يدها على راسها تتذكر.. وطرى عليها الرجال اللي اقتحم المكان وقفت بسرعة. الفريق غازي : غطي نفسك.. انتبهت انها مو متغطية دخلت بسرعة للمطبخ عشان تلبس عبايتها ونقابها.. عماد طلع : لازم يصحن .. لازم نعرف ويش اللي صار..!؟ عبدالرحيم : سيدي.. ناظروه اثنينهم .. عبدالرحيم : الخدامة مالها آثر.. الفريق غازي : بتتعرضون للتحقيق.. كلكم الاربعة.. طلعت هيفاء .. بلعت ريقها ع الكلمة الاخيرة.. الفريق غازي : قبل لا نسمع اللي صار منك روحي صحي زميلتك.. والحقونا للصالة الخارجية.. هيفاء : حاضر.. خطى غازي اول خطوة حتى يطلع من المكان لكن وقفة صوت عماد : و وعد.؟ الفريق غازي : بس نستجوبهم نشوفها.. عماد : بصحيها الحين. الفريق غازي : صحها طيب لا يطق فيك عرق.. واتجه برا لباقي الشباب الموجودين اول ما خرج وقف سعود : سيدي.. اختي.!.؟ الفريق غازي يطمنه : لا تخاف بخير.. نايمة ما حست بشي. سعود تنهد براحة : الحمدلله.. راشد : اجل مين اللي اقتحم المكـــان.!.؟ الفريق غازي : الحين بنعرف من الاوادم اللي مشغلينهم هنا وشكلهم بس ديزاين. نايف : ما فيه هنا نظام مراقبة وكاميرات.!؟ الفريق غازي : لا.. عساف : شلون لا ..!؟ سيدي ما يصير.. الفريق غازي : ما احد يعرف بوجود وعد هنا الا قليل انا وعماد و عزام و راشد و الشباب اللي هنا.. بس.. عساف ناظر الحرس اللي وراء غازي : وين كنتم.!؟؟ بدر : كنا على البوابة سيدي. عساف : ع البوابة اجل شلون دخل اللي اقتحم المكان..!؟ عيونكم وينها..!.؟ عبدالرحيم : والله ما تحركنا من اماكنا ما نترك المكان بوقت واحد. نايف : يعني تتركونه ويبقى واحد يحرس صح..!؟ عبدالرحيم : نضطر احيان اذا بغوا البنات شيء لازم احد فينا يطلع يجيبه. نايف : كفووو والله.. بدر : سيادة العميد امرنا نلبي لهم طلباتهم.. عماد من وراهم : انا قايل لهم .. وانتم ايش اللي صار عشان نجي نلقى كل وحده بمكان مخدرة. رانيه : سمعنا صوت الباب و طلعت عشان افتح اتفاجأت بشخص حط منديل على فمي و انفي وبعدها ما حسيت بنفسي.. الفريق غازي : ما عرفتيه..!؟ رانيه : لا كان ملثم. الفريق غازي : و انتِ ..!؟ (آشر على هيفاء). هيفاء : طلعت من المطبخ عشان اعرف مين عشان اذا كان سيادة العميد نلبس عباياتنا .. لكني تفاجأت باللي وقف قدامي و خدرني نفس ما سوا برانية حط المنديل على تنفسي. سعود : ما شفتوا أي شيء يميز اللي دخل..!؟ رانية : لا سيدي كان ملثم.. مو باين الا عيونه. راشد : و الخدامة وينها يمكن شافت شيء. الفريق غازي : ما لقوها موجودة.. (التفت على الاربعة) اقلبوا لي المرزعة على الخدامة ابيها قدامي. : حاضر سيدي .. ادوا التحية العسكرية ونزلوا تحت .. عزام : لا يكون تعرف احد من عصابة صلاح. الفريق غازي : ما اظن .. لاني جايبها من بيت واحد اعرفه.. و بعدين البنت بكماء لا تحكي ولا تسمع.. سعود : اجل مين اللي تجرأ ودخل هنا.!.؟ عساف يجلس على الكنب : يمكن صلاح..!؟ الفريق غازي : لو صلاح كان سوا شيء لوعد بس البنية نايمة.. الا صدق صحيتها...!؟ عماد يجلس جنب عساف : ما رضت تصحى.. الفريق غازي بحدة : كيف يعني ما رضت تصحى.. لا يكون مسوي لها شيء وانت تحسبها نايمة..!؟ عماد : ما اظن لانها هذرت فوق راسي.. ورجعت نامت. الفريق غازي : ادخل صحي البنية غصب. عماد وقف : طيب .. روووق. الفريق غازي : عمااد تدري ويش يعني اقتحام لهالمكان.!.؟ يعني حياتها بخطر.. ومعلوماتنا بخطر .. و امننا بخطر. عماد : ادري سيدي.. بس مخي موقف ماهو راضي يشتغل .. ليش يقتحم المكان اذا هي هنا.. ولا صار شيء..!؟ مين اللي اقتحمة ويش غرضة..!؟ والخدامة وينها..!؟ الفريق غازي : صحي زوجتك بتلقى الاجابات عندها. عماد : بصحيها.. عشان مره وحده نعرف شلون انخطفت من المستشفى. دخل عماد للقسم.. وغازي جلس : اوووف.. عساف : غريبة .. فيه ان بالموضوع فيه شيء مخفي علينا.. معقولة صلاح هو اللي دخل.. طلع عماد من جديد و وراه الخدامة : هاذي هي الخدامة. وقف غازي والتفت وراه : وين لقيتها..!؟ عماد : رحت بشرب مويا لقيتها متخبية وسط دولاب المطبخ.. غازي : طيب روح صح البنية ودق ع بدر واللي معاه يرجعون يجلسون تحت.. و انا بتفاهم معاها.. عماد : حاضر.. اتجه عماد للقسم..و غازي التفت على الشباب : احد منكم يعرف لغة الاشارة..!؟ عزام : انا .. الفريق غازي آشر للخدامة بيده : تعالي.. تقدمت بخطوات خايفة منهم .. الفريق غازي : عزام طمنها اول شيء و بعدين اسالها ويش شافت..!؟ عزام : حاضر سيدي.. وبدأت لغة التفاهم بين عزام و الخدامه امام انظارهم.. عزام : سيدي تقول شافت شاب يخدر الشرطية وبعدها تخبت وراء الدولاب و لما راح دخلت فيه عشان ما يشوفها لو دخل المطبخ. الفريق غازي : اسالها ويش شافت غير هذا..!؟ او سمعته قال شيء.؟ نايف : سيدي تقول بكماء يعني ما تكلم ولا تسمع شلون يسألها سمعته.!.؟ الفريق غازي : ضيعت.. أسألها ان كان تعرف أي شيء ثاني..!؟ عزام آشر للخدامة بعدها تغيرت ملامحة.. الفريق غازي : ويش فيك.!.؟ عزام بلع ريقة : تقول شافتة يكلم وعد.. سعود قرب من عزام : اسألها ...! يعني تهاوشت معاه وعد والا ويش.؟! عزام آشر للخدامة مالذي حدث بينهم.!.؟ هم يراقبونها بقلق.. الحركات قدامهم مبهمة ومو فاهمين شيء.. الفريق غازي : ويش تقولك يا عزام.!.؟ عزام : تقول بس لمحتهم ما تدري ويش اللي صار بينهم. داخل عند عماد و وعد مجلسها وجالس وراها وساند راسها على صدره : قومي يا ادمية. وعد : افففف بعد عني يا مجرم.. عماد يحاول يطول باله : قومي احسن لك ويش ذا النوم الثقيل قووومي ابيك ضروري. بعدت عنه وحطت راسها على المخدة .. وقف هو بعصبية : لا يا شيخة صار لي ساعة اصحي فيك.. ناظر ع الكومدينة و انتبه لعلبة البنادول نايت و المويا.. مسكها بين اصابعة وطلع فيها برا : سيدي.. مأخذه بنادول نايت ما راح تصحى الحين. الفريق غازي : تعال اسمع الخدامة تقول شافتها تكلم اللي دخل عندها. عماد قرب بخطوات سريعة : و عرفت من هو..!؟ الفريق غازي : لاا بس لمحتهم يتكلمون. عماد : والحل البنية ماهي راضية تصحى. عساف : شربها قهوة.. خلها تبطل مفعول البنادول. الفريق غازي : عزام قول للخدامة تسوي قهوة وتثقلها.. عزام آشر للخدامة بحركات سريعة و راحت هي باتجاه المطبخ.. سعود : مين بيكون داخل .. ويش غرضة ..!؟ الفريق غازي : الجواب عند اختك.. نايف : لا يكون غاسلين مخها بس.. ومتعاونة معاهم..!؟ عساف : تبي وعد تقتنع بكم ساعة هاذي لو تجلس سنين تقنعها باللي تبيه ما تقتنع. الفريق غازي : شكلك مجرب. عساف من غير شعور ولا أي حساب للي يقوله : كثــــير.. عماد رفع حاجبة : ويش تقصد.!.؟ عساف انتبه للي نطقة : اقصد بايش..!؟ عماد بحدة : بانك مجرب..!؟ عساف ابتسم : تراها بنت عمي.. عماد : طيب بنت عمك مو اختك فرق.. عساف جلس بعد ما كان واقف كل الوقت : لا تقول إنك بتغار عليها مني.. تراها حسبة اخت.. و ان ما كنت تدري تراني خاطب اختها.. عماد : والله كل هالكلام اللي قلته ما يبرر لك اللي قلته.. عساف : وجهة نظرك. عماد : وين تقابلها عشان تقول هالكلام عنها..!؟ الفريق غازي : ويش فيك قلبتها تحقيق..!؟ عماد : بعرف ليش قال كذا..؟! الفريق غازي : ترى وعد كانت محيرة لعساف صح يا سعود.!؟ سعود بهدوء : ايه. عماد : ماشاء الله بعد محيرة و انا أخر من يعلم.. وليش ما اخذتها يومها محيرة لك..!؟؟ سعود : مو عساف اللي حيرها له جدي اللي حيرها و وعد قومتها حرب يوم درت لدرجة انها حلفت ما تأخذ واحد من عيال عماني.. نايف : بس محيرة يعني مالها رأي.. وحتى لو انخطبت اذا عساف ما وافق ما راح تتزوج.. سعود : ما يهمها لو ما تتزوج .. و بعدين جدي خيرها بين عساف و عمر.. بس هي رفضت الاثنين.. راشد : شلون تتحير لاثنين غريبة اعرف ان فيه احد يحجر على بنت عمه بس احد يحير ثنتين لوحده.. غريبة.!. وحتى هالسوالف مره قديمة.. سعود : الا فيه للحين ناس تحير واحنا اكبر دليل وفيه ناس مثلنا.. عزام : طيب عندي سؤال يعني اذا ما فيه احراج.. سعود ابتسم : عادي ندردش .. عزام : هي اكبر بنات عيلتكم...!؟ او اللي فوقها كلهم متزوجين...!؟ سعود : لا .. حتى كانوا خواتي اكبر منها ما انخطبوا.. بس جدي اختار وعد و حيرها .. لعيال عماني.. الخدامة طلعت لهم شايلة صينية القهوة.::.. آآآ ... آآآ.. عماد أخذها : هاتيها انا بصحصحها.. ودخل القسم.. سعود همس لعساف : هذا كلام تقوله قدام عماد..؟!؟ عساف : وانا صادق اختك راسها يابس ومعنادية.. سعود : زين اللي نسى الموضوع ولا قوم الدنيا.. عساف : اعلى ما بخيلة يركبة.. .. أم احمد : جويد لا رحنا السوق بكره اشتري قماش عشان تفصلين مريولك. جود : تمزحين يمه حرام عليك باقي كثير. أم احمد : بلا هذرة رايحة رايحة السوق وراء ما تشترين قماش من الحين وبعد العيد تفصلينة. جود : ما ابي افكر إلا بالعيد رجاءاً لا احد يجيب طاري المدرسة. أبو سعود : سها اتركي الجوال و تسحري. سها : بابا انتظر النتيجة نزلوا الاسماء بس الصفحة سنة عشان تفتح من الضغط. أم ندى : الله يكتب لكم الخير و ينولكم مرادكم. سها قامت تصارخ وتناقز : انقلبتتتتت انقبلتتتتت هيـــــــــه هيـــــــــــه ,. راحت تجري لابوها جلست على رجوله وتعلقت برقبته حط يده وراء ظهرها عشان ما تطيح : هههههههههه يالخبلة. سها تبوس خدة : احبك احبك احبك احبك احبك احبــــ .. حط باطن كفة على فمها مبتسم : خلاص يكفي. سها : فرحاااانة فرحاااانة ما تتخيل قد ايش. أبو سعود : اتخيل إن رفعتي راسي وجبتي لي درجات تفتح النفس. سها : اوعدك والله اجيب درجات تفتح نفسك كل ترم. مشعل و عيونه على جواله مبتسم : حتى أنا انقبلت بالقانون. أم احمد : مبروك يمه الله يوفقك أنت واخوانك ويفتحها عليكم و ينور لكم دروبكم. خالد : ما سمعنا سعادة الباشا عساك انقبلت بس. وليد : تسألني ذا السؤال هم بس يشوفون اسمي يقبلوني ويهلون فيني و يرحبون. ياسر : ليش ناقصهم اغبياء بالجامعة. وليد : بل على العكس يا اخي الوليد بن ابراهيم بن مساعد ياخي كله فخر. احمد : يا أبو فخر ويش تخصصك.؟ وليد : إدارة اعمال على الاقل نضمن الوظيفة لا تخرجنا. جود : ناوي على بابا عز الله فلسنا. وليد : تشكين بمهاراتي الادارية.؟ جود : مو شك إلا أكيد. وليد : طيب الايام بتثبت لك يا اختي البزر. ابو سعود : نهى .. ما عندك نية تشوفين امك..؟ نهى : لاا. ابو سعود : بس هي تبي تقابلك.. نهى : وانا ما ابي اقابلها.. ابو سعود : نهى اللي تسوينه غلط .. اسمعي اللي عندها بعدها احكمي.. نهى : اللي عندها ما يهمني انا ما هميتها من سنين الحين بهتم واسمع لها.. منيره : احنا بشهر رمضان حران هاذي امك.. نهى : هالموضوع ما احد له دخل فيه .. انا مقابلة ما راح اقابلها هذا شيء راجع لي. احمد : ايش اللي ما احد له دخل فيه .. حرام يا نهى هاذي ام.. والله ربي بيحاسبك على قطاعتك فيها.. نهى ببرود : ما تهمني..! .. وعد بصراخ : ويش تبي الحين..!؟ عماد بعصبية : لا تصارخين.. وعد : والله ما احد قالك صحيني.. عماد شدها بعد ما كانت جالسة ع السرير ومادة رجولها وقفها ورصها ع الجدار وتكلم ببطء : ميــــن كــــان هنـــا..؟؟ وعد ببرود : هنا وين.؟ عماد : الخدامة شافتك مع اللي اقتحم المكان..!؟ وعد : اقتحم شنو.! هيه انت شكلك شفت فيلم ونمت وتحلمت فيه روح كمل نوم ازين لك.. عماد يضغط اكتافها ع الجدار بقوة : و رب الكون يا وعد و اللي رفع سبع وبسط سبع ان ما تكلمتي زي العالم والناس لا اكون مصلي عليك الفجر.. وعد ترص على اسنانها : تصدق عاد مره خفت منك.. عماد تركها بقوة وابعد عنها شاد على كفوفة بقوة : يارب الصبر .. الصبر .. (رفع يده بوجهها بتهديد) تراني ماسك نفسي عنك لانك مره.. صدقيني ما راح ارحمك ان اعصابي انفلتت والله ما اثبت من اللي قدامي. وعد : ما تثبت بعد فوق انك مجرم مجنون....! كممملت.. اتجه لها عماد بيمسكها لكنها انحاشت للصالة ... تتكلم وهي تجري وهو وراها : انت اللي قلت عن نفسك ما تثبت مو انا.. انحشرت بالزاوية وهو قدامها بينهم خطوات : هيه تراني اكبر منك يالبزر جالس اطارد لي وحده ما تعدت طول يدي.. وعد : ما احد ضربك على يدك وقالك تزوجني.. وبعدين اذا بتعايرني عشاني قصيرة وانت كنك برج خليفه من طولك.. على الاقل انا عايشة بامان الله مو مثلك اقتل خلق الله بدون وجه حق.. عماد : انا اقتل خلق الله بغير وجه حق.. عزة الله اني بسويها قريب وبقتلك انتِ.. غبيــــة انتِ كم مره ارد عليك انا رجل امن انا رجل امن.. وعد : كذاااااب انا شفتك مع خويك اللي كان مع صلاااح خويك متفق معاه يفجرون المجمع يوم خمسة رمضان.. تبدلت ملامح عماد لصدمة مو عن خوية .. عشان العملية اللي قالتها وعد وهم ما يدرون عنها : ايش قلتي..؟! وعد : سمعتهم انا باذني.. يا مجرمين يا سفاااحين.. تقدم منها بسرعة وضغط على رقبتها بيخنقها : علميني اللي سمعتيه كله.. بســــــــرعة.!. وعد انخنقت : قلت لك اللي سمعته .. كح كح .. بتخنقني يا حيوااان.. عماد يصر على اسنانة : ويش سمعتي أي مجمع اللي بيفجرونه.. وعد تحاول تتنفس وتبعده عنها : كح كح مجمع الدرة التجاري.. عماد يشد على رقبتها اكثر و بقهر يتكلم : تدرين يا متخلفة ان بكره يوم خمسة.. تعرفين ان ارواح ناس ابرياء بتروح وانتِ بتحملين اثم بسكوتك.. بعد ما كانت تحاول تفك نفسها منها لا يخنقها هدأت .. وهو كمل : ويش بتسوين بعمرك لا سمعتي ان ارواح راحت اذا الام بكت على عيالها والاب دفن اهله .. ويش بتسوين اذا تيتموا اطفال ابرياء .. ويش بتسوين اذا انقتلت فرحة انهم يشرون ملابس العيد.. ويش بتسوين لا تبدلت اجواء الرضا والسعادة لاجواء الكأبة و الحزن... انتِ قادرة على انك تبلغين و فوق هذا سكتي ولا تكلمتي .. ربي بيحملك اثم كل روح بريئة تروح وانتِ اللي قادرة تنقذينهم و خليتيهم يروحو.... قطع كلمتة من الصرخة اللي دوت بالمكان.. الفريق غازي : عمـــــــــــــــاد.. تركها بقوة وابتعد عنها خطوة .. عيونها غرقت .. ما فكرت كذا والله ما فكرت هي تدري انه مجرم وهي سمعت كلامهم صاحبة كان مع صلاح بالمكان اللي اخذها له .. سمعت انهم بيسون عمليات قتل جماعية.. و ترويع آمنين.. : والله ما دريت كح كح.. والله انا شفته خويك معاهم .. مع صلاح والله كح كح شفته هو حطني بسيارتة والله ما كذبت.. قرب منها سعود وحضنها : اهدي وعد.. وعد : سعود كح كح انا مالي ذنب والله انا ما قتلت احد.. كح هم بيقتلون والله. بعد عنها عماد اكثر .. ما يبي يقرب منها عشان ما يسوي شيء يندم عليه.. سعود : اهدي وعلمينا كل اللي سمعتيه.. وعد تبكي بانهيار : سمعتهم .. والله هم قالوا بيفجرون مجمع درة يوم خمسة رمضان بعد التراويح.. و بيكررون العملية ثلاث مرات .. عشان الحزن ما يهدأ والجرح ما يطيب.. الفريق غازي قرب منهم : قولي ويش بعد..؟! وعد : قالوا بيسوونها مره كل عشر برمضان بس بالعشر الاواخر بيسوونها مرتين.. الفريق غازي : طيب اكيد كل مره بمجمع مستحيل يكون بمجمع ما راح يلحق المجمع يفتح خلال عشر ايام بس.. ما قالوا اسماء المجمعات الثانية.!.؟ وعد : لااا بس.. (تمسح دموعها) بس قالوا هالكلام.. سعود : سمعتي اسمائهم.؟!؟ وعد : واحد كان يقول يا ابو نمر.. والثاني يقول يا ابو سبع.. سعود ناظر غازي .. غازي يلوي فمه : مبين انها القاب.. سعود يشد على وعد بمحاولة انها تهدأ : ايه.. وعد : سعود انا مالي ذنب.. مو انا قتلتهم.!؟ سعود : بسم الله عليك .. اهدي.. الفريق غازي : وعد شلون أخذك صلاح..؟ سعود : سيدي اجلها لين تهدأ.. الفريق غازي : بتهدأ الحين وتعلمنا.. عماد جيب لها كاسة مويا.. عماد باستهزاء : ما اصير لها علبة مناديل بعد.. الفريق غازي : عماد لا تخليني افتري فيك.. مو كافي الكلام اللي قلته لها..!؟ عماد يتجه للمطبخ : ايه عاونوها على الغلط وخلوها تركب راسها.. الفريق غازي : بكلم الشباب و ارجع لكم.. عماد دخل و اعطى الكاسة سعود.. اخذها سعود : اشربي وعد سمي بالله.. وعد ابعدته بيدها : سعود مو انا قتلتهم انا مالي ذنب.. عماد مدخل يديه بجيوبة و جالس قبالهم و رافع رجل على رجل و يحكي ببرود: والله اللي يسكت عن الغلط مثل اللي مسوية.. سعود : عمـــاد ماهو وقتك.. برا الشباب واقفين : ابيكم تتجهون للمركز و تصدرون امر بإخلاء المجمع التجاري.. و ترسلون قوات من فرق تفكيك المتفجرات للموقع.. يفتشون المكان .. ابيكم الاربعة على رأس الموقع لين أجيكم.. وتمنعون أي احد من انه يدخل المكان.. مفهووم.!؟ الأربعة الشباب بصوت واحد و ثابت : حاضر سيدي.. الفريق غازي : عساف ابيك تكلم اكثر من فرقة تراقب المنطقة عدل اكيد ناوين يقربون منها يمكن يشوفون صلاح او زياد او احد منهم ابيه حي يا عساف حي.. عساف : حاضر سيدي.. الفريق غازي : الله معاكم.. تحرك الشباب الاربعة مع بعض لمراكز.. ومنها ح يتفقون على العملية و اختيار الفرق المتوجهه.. دخل الفريق غازي لقى عماد جالس و مقابلة وعد مع سعود جالسين وعد مدنقة وماسكة الكاسة بيدها اليمنى تضغط عليها.. الفريق غازي جلس قريب منهم : ابيك تطمنين.. وكلام هالاخ لا تحطينه بالحساب احنا باذن الله بنتصرف قبل لا يصير فيه ضحايا.. الفريق غازي : بس ابيك تذكرين كل اللي صار .. بداية من شلون خطفك صلاح لين وصلتي عندنا.. موافقة.!. هزت رأسها بايه .. بلعت ريقها .. و الذكرى المره تلوح امام ناظريها وتمر على خلايا لسانها لتشعر بها وتنفثها امام وجوههم : خـ خطفني من المستشفى.. ما ماكان احد نايم عندي.. دخل لي و هددني بسلاحة .. وانه يقتل ابوي.. واخواني.. (بلعت ريقها وهي تسترجع كل الاحداث اللي مرت فيها). كانت معطيه الباب ظهرها تفكر بحياتها لأي مدى وصلت.. امها.. ابوها .. خواتها .. دراستها.. السنة اللي راحت كلها ويش اللي انجزته فيها.. صحت من سرحانها على المسدس اللي انحط على راسها و صوت هامس : هلا هلا باخت سعود. التفت اتسعت عيونها وهي تشوفه رعب.. خوف.. رعشة مسكت كل جسدها : صـ صلاح. صلاح ابتسم بخبث : زين فاكرتني.. اذا اول كنت بنتقم من سعود بس اخذك واتزوجك و قلت لكم انسى كل شيء لكن اللي سووه اهلك ما ينغفر الحين باخذك واخليهم يحلمون يشوفونك. : .............. صلاح بهمس مثل و كأن الحروف أصبحت كالسكاكين تحتد لتنغرس فيها : ان تحركتي او سويتي أي شيء من غير لا اقولك بقتلك واقتل ابوك و اخوانك وانتِ تدرين اني بايعها.. والحقد بقلبي على عيلتك مثل النار... روحي ماهي غالية عندي.. وثاري باخذه من اخوانك وابوك و ولد عمك.. مسك يديها الثنيتن و ربطها : لا تتكلمين او تسوين شيء عشان ما اسوي شيء ما يرضيك ولا يرضي اهلك.. مسك اللزقة وحطها على فمها كانت مصدومة.. مرعوبة.. من فترة بسيطة وهي تحلم فيه.. تشوفه بياخذها من بيت اهلها.. بيخطفها و يعذبها من فترة وهي تصحى تصارخ من صورته وصوته.. واليوم هذا هو الحلم يصير واقع مر و حقيقة تعيشها آلم يصاحبها و خوف يتملكها.. المره اللي فاتت انفذت بجلدها ابوها واخوانها و عساف انقذوها هالمره مين بينقذها..؟! ما فيه الا احمد واحمد من ربع ساعة كان عندها وطلع بعدها يدور على مرضاه ما راح يرجع لها هالحين.. : قومي معاي بتجلسين على هالكرسي.. حط عبايتها على كتفها بعد ما وقفها طاحت هي على رجولها اللي تعلن عن خيانتها لها.. ضعفها بس هو اللي ما خانها هو اللي واقف معاها هالحين .. وين القوة اللي تتحلى فيها دايم وين العزوة وين السند ما احد معاها ابد.. امها .. ابوها .. اخوانها .. عمامها .. وعيال عمامها.. وين العزوة وين الامن.. وينكــــــــــــم.. شدها صلاح جلسها على الكرسي : اسمعيني زين خليك عاقلة عشان ما اضرك... الشيء الوحيد اللي ابيه اني انتقم من اخوانك و ابوك وعساف بس.. لا حققت اللي ابي بردك لهم. كانت تدري انه يكذب.. ما راح يخليها.. اذا هو راعي مخدرات يعني ما يعرف ربه.. يعني مستحيل يحافظ عليها.. مستحيل يوفي بوعده.. مستحيل يكون رجال لا شافته تطمن.. وين بيوديها ويش بيسوي فيها هذا الشيء اللي تفكر فيها. لف طرحتها على راسها بعد ما سكر ازارير عبايتها.. غطى وجهها بالشيلة : ترى سلاحي معاي أي حركة او أي شيء تسوينه ما راح يصير لك طيب.. صدقيني لو نفذتي مني هالمره المره الجاية بقتل ابوك قدام عيونك.. عشان كذا لا تحديني على شيء ما ابيه.. كل اللي ابيه هالحين اخذك عندي يومين وبعدها ارجعك لهنا مكان ما اخذتك بس ابيهم يومين يصكون رووسهم ببعض ما يلاقونك. ما راح تقدر تسوي شيء من غير لا تهدد كل شيء فيها تجمد.. فقط قلب ينبض بشدة ينبه ان هذه الادمية على قيد الحياة.. عينان تزوغان من محاجرها ستخرج من مكانها من شدة الرعب.. اما باقي جسدها مخدر .. مشلول.. ميت.. لا تستطيع الحراك.. لا تستطيع الصراخ والحديث.. لا تستطيع تنبيه الاناس اللذين يمرون بجانبهم هذا خاطفي.. انا لا اعرفه.. انقذوني.. لا تستطيع كل ما تراه هو السواد.. سواد مصيرها.. تشويه سمعة..!؟ قتل..؟! ضياع..!؟ اين يذهب بها ..!؟ هذا الشخص اللي يقف خلفها امام الناس هو يساعدها.. ولكن هو في الحقيقة يرميها للهلاك.. يجرها لمقابر الوجع.. لمستنقعات التشوية .. لسكاكين الطعن دون القتل.. والدها كيف سيتلقى خبر اختطافها.. سعود كيف سينقذها .. عساف كيف يضحي بنفسة لحمايتها.. اخوتها مالذي سيفعلونة من اجلها.. اخواتها كيف سيحتملون غيابها.. تتمنى الموت على التنفس الآن .. الموت على الحياة.. ابسطها الدخول في غيبوبة تعلن الانفصال عن العالم ولا تفاعل معه.. ان كان الذين في غيبوبة يشعرون بمن حولهم هي لا تريد ان تشعر باحد .. نعم تموت شريفة.. افضل من ان يقطع عرضهم بالظلم.. هي لم تخطوا خطوات الشيطان .. ولكن من خلفها هو الشيطان.. رجعت للواقع على صرخة عماد لها : و بـــعديــــــن.؟ برجفة فالذكرى ما زالت تتملكها : ركبني السيارة و سكر علي.. جلس فترة طويلة يفتر بالشوارع.. كان يقول.. انه ما يدري .. وين يوديني.. بس .. بس بعدها .. اتصل عليه واحد.. و اخذني معاه.. و تركني.. بالسيارة.. بعد ما قفلها علي.. و هناك .. سمعتهم يتكلمون.. عن عملياتهم.... عماد بحرقة تمتلكة كلماتها كالخناجر تقطع من لحمة .. صوتها كالنار يأكل روحة.. الغضب يتملكه .. كان بإمكانها تصرخ.. صرخة وحده بس تنقذها من كل شيء صار لها .. : تدرين ان ودي اذبحك الحين.. وما اصلي عليك.. الفريق غازي بحدة : عمــــــــاد.. عماد يرفع حواجبة و آشر عليها : هاذي سواة بنت عاقلة .. تمشي قدام الناس معاه..! ما كانت تقدر تصارخ..! قبل شوي صراخها يصحي قبيلة الحين طلع لها لسان.. ويش فايدته يوم انها بحاجتة ما استخدمتة.. (التفت على وعد) حق من يطلعه لك و يقصة.. وعد ناظرته وهي تصيح و يدها على فمها : انت مالك دخل.. عماد وقف : لا والله مالي دخل.. ليش ما انتِ محسوبة علي زوجة.. والا ناسية.. وتبيني اذكرك. سعود : عماد اهدأ.. عماد : ليش شايف اللي سوته اختك صح..!؟ سعود : لا مو صح.. بس عصبيتك ما راح تغير شيء.. انخطفت و هذا هي رجعت.. عماد : ايه هذا هو اللي مدلعها .. تخطي ثم نقول ما راح يتغير شيء.. الفريق غازي : انت ويش فيك ما انت طايق كلمة منها.. عماد وقف : مقهووور انا مقهووور زوجتي تنخطف و الحين تجيني بكل بجاحة و تقول انها ما سوت شيء و مر فيها بين خلق الله ولا انقذت نفسها ليتها كذبت علينا ولا قالت هالكلام عندنا.. ليتها لفقت لها قصة من عندها ولا علمتنا باللي صار.. وعد بحدة : اذا انت متعود تكذب عشان تطلع نفسك من مشكلة انا ما تعودت.. و اذا كلامي مو عاجبك الجدار وراك اضرب راسك فيه.. عماد أسرع لها بخطواته لكن غازي وقف بوجهه : والله ما تلمسها.. عماد بقهر : عاجبك كلامها.. فوق شينة قواة عينه..!؟ ما تقول ايه والله انا غلطت ومنكم العذر والسموحة لا ترد بقلة أدب. الفريق غازي يبعد عماد : عمـــاد .. البنت تعبانة يكفيها اللي مرت فيه.. عماد : عمي .. لا تتدخل بيني وبينها مو هي زوجتي.. ما احد فيكم له عندي شيء.. سعود بمحاولة لتهدئة عماد : شوف والله اختي احيان ينفلت لسانها بس انت راعي انها تعبانة هالفترة .. تحكم باعصابك شوي.. عماد ناظرها بقوة والشرر يتطاير من عيونة : مين اللي دخل اليوم عندك...!؟ وعد : ويش دخل بعد ..؟! انت ويش شايفني بنت شوارع..!؟ احترم نفسك والزم حدودك اعرف من تكلم انا وعد بنت ابراهيم.. عماد : وانا عماد بن عامر .. والله يا وعد ما انساها لكـ مردك لي.. الفريق غازي : جالس تهددها و احنا موجودين انت ما تستحي..!؟ عماد : ما اهددها بس لسانها الطويل ذا لا اقصة وانا اتحكم بطولة.. بتشكروني عليه بس اصبروا.. سعود : عماد الا وعد .. صدقني ما راح نسكت عنك.. لا انا ولا اخواني وانت تدري ان هالزواجة ما نبيها بس صارت.. عماد : يعني شنو بتأخذها مثلا.ً.؟!(صوتة تبدل للحدة) لا تهددني يا سعود تراها زوجتي.. وانت لو حطيت نفسك مكاني ما ترضى ان مره تقولك هالحكي.. سعود : والله ادري انها غلطانة .. بس هذا ما يعني انك تستفرد فيها.. وعد باستهزاء : لحظة يعني ويش بتسوي انت..!؟ الفريق غازي بحدة : وعـــــد .. عماد : ما راح اقولك.. لاني ما اقول.. انا افعل.. .. (ناظر غازي) انا بروح البيت وبعدها للمركز.. الفريق غازي : انتظر بنروح معاك انا وسعود سياراتنا مو معانا.. عماد يتحرك باتجاه باب القسم : طيب.. انتظركم تحت.. سعود التفت على وعد : مين اللي جاك اليوم.!.؟ وعد : ويش فيكم تسألوني هالسؤال يا ناس ما احد جاني كنت نايمة.. سعود : الخدامة شافتك تكلمين معاه.. وعد تأشر على نفسها : بعد بتشك فيني يا سعود وتظلمني للمره الثانية.!.؟ نسيت انا مين.!.؟ سعود : ما نسيت.. بس علميني مين اللي دخل.. لان هالشيء مو بمصلحتك انتِ ما يصير تكلمين بني آدم لين تنتهي المهمة الامنية.. الفريق غازي جلس على الطاولة : وعد احنا مو اغبياء عشان تضحكين علينا بهالشكل علمينا مين اللي دخل.. وعد : ما أحد دخل.. الخدامة تتحلم.. الفريق غازي : والشرطيات اللي مخدرات شلون.. ؟! بعد يتحلمن..!؟ بلعت ريقها ما درت ان وليد مسوي كل ذا مخدر شرطيات عشان يدخلن عشان كذا قال لو يبلغن عنه.. سكتت ودنقت.. الفريق غازي : واحد من اخوانك صح..!؟ وعد بسرعة : لااا .. اوعدني ما تسوي له شيء.. الفريق غازي يشد باسنانة العلوية على شفتة السفلية : ما اقدر,, هذا تخطى مهمة امنية و اعتداء على شرطيات اثناء اداء مهمتهم.. وعد : اجل ما راح اعلمكم.. الفريق غازي : عادي بصدر امر بالتحقيق مع اخوانك.. عدا سعود لانه كان مع الشباب حزتها.. وعد : بليـــز خالي الله يخليك غطي ع الموضوع.. الفريق غازي : اوعدك اغطي ع الموضوع بس بسوي له قرصة اذن عشان يلتزم بالحدود.. وعد شوي وتصيح من جديد : لا ما تسوي له شيء الله يخليك يكفي انه حسسني ان فيه احد يبيني بالحياة. سعود : افااا ويش اللي احد يبيك.. كلنا نبيك.. وعد : صح بدليل امي تخلت عني و ابوي رماني على عماد وانت واخواني تتهموني بشرفي .. خلني ساكتة سعود لا تخليني اقول كلام يوجعني.. سعود : ابوي ما رماك يا وعد.. عامر لوى ذراعة وحطه بخيار يا يزوجك ولده عماد يا يضر عماني.. و ابوي اختار الزواج.. قدري ظرفه يا وعد .. والله انه انحد عليها.. وعد : انحد عليها..! و مالقى غير ولد عدوه.. ما لقى غير عماد المجرم.. الفريق غازي : ولو اني ضد هالزواجة.. انتِ بنت اختي مثل ماهو ولد اخوي.. و ان شاء الله باسعى باصلاح الحال.. بس عماد ماهو مجرم عماد رجل امن.. وعد : انا شفت الرجال اللي جابني لكم مع صلاح والله معاه.. الفريق غازي : ادري .. قصدك عزام و عزام بعد رجل امن و جاسوس على عصابة.. وعد بلعت ريقها : جاسوس.. الفريق غازي : ايه و معرفتك بهالامور هو اللي خلانا ما نطلعك لان هاذي مهمة امنية سرية ياليت تتقبلين الوضع من غير مشاكل يا وعد.. والله احنا نسعى اننا ننهي المهمة الامنية باسرع وقت بس انتِ اصبري.. وعد : طيــب.. وقف الفريق غازي : الحين لازم نمشي ورانا شغلhttp://cdncache-a.akamaihd.net/items...rrow-10x10.png.. انتبهي لنفسك.. والشرطيات عندك اذا احتجتي أي شيء خليهم يكلمون عماد.. وعد لوت فمها : ما يصير يكلمون سعود.. الفريق غازي ابتسم : لا ما يصير اصلا سعود المفروض ما يشوفك الحين.. بس عملية الاقتحام كركبتنا شوي.. صدق ما قلتِ لنا مين اللي دخل.. (سكت شوي وبعدها نطق) وليد صح..!؟ هزت رأسها بايه .. ابتسم غازي : كنت متوقع انه متمرد .. ابيه ذا الولد.. .. ممكن نعيد اخر لقى؟ اشتقتلك !! لـ وحشتك.. في غرفتها واقفة بتوتر : رغد تكفين.. طيب اعطيني عمي.. انا اكلمه.. انتظرت شوي وجاها صوته يهلي فيها : هلا فيك.. بخير الحمدلله.. ويش لي عندك يا عمي.. تكفى انا احب تركي ما اقدر اتخلى عنــ قطعت كلمتها من الصرخة. : ميــــــــــــــار.. لما لفت وشافته واقف على الباب فاتح عيونه ع الأخير و وجه أحمر دليل على عصبية تجري بعروقة و يتشد جريانها مع كل لحظة بلعت ريقها و دموعها نزلت : ياسر.. ياسر بحدة : مين تركي ..!؟ ميار : يا يا .. سر .. انا .. قرب لها وشدها من شعرها طاح جوالها على الارض تمسكت بايديه : ياسر والله ما سويت شيء غلط.. ياسر بصراخ : انا ذباحك الليلة مين الكلب الزفت اللي تكلمينه.. ميار تبكي : والله ما سويت شيء غلط.. ياسر يشد على شعرها بقوة : ايه مبين التربية على اصولها تعرفين ربك انتِ عشان تحلفين باسمه .. (لف وجهها جهته و صارخ عليها) ويــــــــــــن عرفتيه.. يا كلبة تبين تنزلين سمعتنا بالتراب .. دخلوا احمد و خالد بعد ما سمعوا الصراخ .. احمد شد ميار من يد ياسر : انت ويش قاعد تسوي.. ياسر بحرقة : الكلبة جالسة تكلم واحد ولا بكل قواة عين تقول تحبه.. انصدموا.. جلسوا فترة يستوعبون الكلام لين نطقت ميار : والله ما سويت شيء غلط انا كلمت عمي هذا عمي .. كلمته من جوال بنته.. والله.. ياسر بصراخ : لا تكذبين.. مين تركي الزفت هذا..؟ تحت .. ام سعود : ما ادري ويش بلاه هالولد .. كل ما دقيت عليه قالي مشغول يمه مشغول .. ابو سعود : الله يصلحك انتِ تقلقين على ولا شيء.. ام سعود : خايفة عليه.. والله قلبي مأكلني.. مانيب مرتاحة.. منيره : الله يهديك.. سعود رجال ما ينخاف عليه.. ليش تقلقين.. ام سعود : صايرة ما اشوفه .. خير شر.. انتم تشوفونه..!؟ ابو سعود : البارح كان معانا لا تبالغين يا حنان.. ام ندى : الله يهديك مكبرة الموضوع .. شوي بيجي و امسكية عندك لين يطيح اللي براسك.. ام سعود : كنه يسمع الكلام عاد.. وليد : يبه محتاج فلووس. ابو سعود : عشان.!.!؟ وليد : عشان شيء خاص فيني.. ابو سعود رفع حاجبة : لا والله .. ويش هالشيء الخاص..؟! وليد : ابي اسافر مع اخوياي مكة اسبوع.. ابو سعود : وهذا شيء خاص.. قول بروح مكة ماله داعي تتفلسف علي.. فارس دخل لهم في الصالة يجري .. جود يوم شافته حضنت الخدادية : جاء المخابرات السرية.. فارس : بابا ياسر يضرب ميار. ام سعود وقفت : بنتي.!. ابو سعود : استغفر الله من هالشباب .. طلع فوق ولحقوه كلهم .. ميار : زوجي والله انا متزوجة.. خالد : ايـــ ــش.!؟ ميار : انا انا مملكة.. والله (طلعت دبلتها اللي كانت معلقتها بسلسال ومخبيتها تحت ملابسها) حتى هاذي دبلتي والله ما كذبت.. ياسر : متزوجة..! وينه اجل ما شرف سعادتة عندنا من يوم جيتينا ولا قد جبتي طاريه.. : ايـــــــــــش فيكم..!؟ قطع كلامهم .. صوت ابوهم .. دخلت ام سعود بسرعة وحضنت بنتها .. : بسم الله عليك يمه ايش فيك.!.؟ ميار تبكي على كتف امها : يمه ما سويت شيء غلط والله ما سويت شيء حرام.. ابو سعود ناظر ياسر : خير ايش فيك على اختك..!!؟ ياسر : دخلت عليها وهي تكلم واحد.. والحين تقول انها متزوجته.. ميار : انا ما قلت كذا .. قلت لك اكلم عمي.. وتركي هذا زوجي.. ام سعود شدت على بنتها : انتِ ويش قاعدة تقولين يمه..!؟ ميار : اقول اللي المفروض اقوله من زمان انا متزوجة.. و زوجي ما ادري وينه... ابو سعود : حبه حبه علينا يا بابا.. شلون متزوجة و زوجك ما تدرين وينه....؟! خالد : ميار تكلمي اقلقتينا.. ابو سعود تقدم منها وسحبها : قولي يا ميار فهمينا اللي عندك.. ميار : بيطلقوني منه.. انا احبه يا بابا ما اقدر اتخلى عنه.. ابو سعود : يطلقونك..!؟ ميار لا تحكينا طلاسم قولي لنا ويش القصة.. .. لا إله إلا أنت سبحانك اني كنت من الظالمين.. لا أحلل نقل الرواية دون ذكر اسمي.. ضحكة قهر.. http://up.graaam.com/img/23407876b74...eba11d9f14.png |
رد: لو سألتي الورد وهو ما بين إيدك أقطعك بيقول لك عمري فداك الكاتبة / ضحكة قهر
بسم الله الرحمن الرحيم .. السلام عليكم ورحمة الله وبركاتة.. صباحكم سعادة ورضا وتوفيق.. بداية انا ارحب بكل اللي انضموا للرواية .. و اشكر كل من يكتب له كلمة و يتركها بصمة في صفحات روايتي .. شكـــراً لكم لولا الله ثم انتم ما تشجعت و تحمست للكتابة.. ثانياً دعواتي بالتوفيق للكل اللي داخلين ع الاختبارات .. حقيقة انا قررت هالاسبوعين يكون بارت واحد بالاسبوع و يوم الخميس مثل قبل عشان اللي يختبرون .. وما ابي اقفل الرواية و رضاوة للي ما يختبرون البارت بيكون اطول من دايم .. ثالثا : بارت اليوم فيه قفلتين .. ابي حماااااس و ردود وتقوقعات تفجيرية.. البارت الثامن عشر.. غايب و له مدّه .. وقلبي متى يردّه .. مشتاق له والشوق فيني وصل حدّه .. أطريه ويا ليته يطريني !! لـ وحشتك "ناصر العنزي" مريم بترجي : تكفى يا اخوي كلم عماد يجيبها.. ابو عبدالله : يا مريم والله ما بيديهم شيء.. لو يقدرون كان ابوها ما تركها ما تعرفين ابراهيم كثري .. اللي مسكته انه ما بيده شيء.. هذا امن مو لعبة.. مريم : قلبي ناطف عليها ودي اشوفها يا عامر.. ابو عبدالله : اللي صبرك ثلاث وعشرين سنة يصبرك لين تنتهي مهمتهم.. مريم : ما اقدر .. قلبي بيطلع من مكانه على ما اشوفها هي و اختها.. ام عبدالله : طيب روحي لبيت ابراهيم وقابلي بنتك الثانية.. و وعد اجليها لين تتيسر الامور.. مريم على وشك البكاء : انتم متخيلين بنتي صار عمرها ثلاث وعشرين سنة و انا ما اعرفها .. ما اعرف ملامحها ولا ويش هي طباعها.. ام ناصر : استهدي بالله يا مريم ان شاء الله ان جاء عماد نكلمه يجيبها لنا لو ساعة نشوفها.. حتى انا ابي اشوف مرت ولدي.. مريم : انا كلمت غازي بس يقول انسي الموضوع ولا تجيبين طاريه لأحد كأنك تبين حياة بنتك.. عهود : ابي اعرف هي ويش مسوية ..!؟ ليش ما يبونها تشوف احد..!؟ يوسف : فعلاً شيء محير .. تهقون انها مجرمة..!؟ شهقت مريم : اعوذ بالله فال الله ولا فالك.. عامر : ويش مجرمتة انت .. خلاص عاد سكروا هالسالفة.. دخل بخطوات سريعة اتجه للدرج .. وقفه صوت عمته : عمــــاد.. التفت يووه مو وقتها : هلا عمه.. مريم : ما انت ناوي تسلم علي.. عماد يعطيهم ظهره : بعدين عمه مره مستعجل.. وطلع قبل لا يسمع ردها.. ام ناصر : ويش بلاه كنه مقروص..!؟ ناصر : ما تعرفين عماد يمه,, طيارة ما يعرف يقر بمكان واحد.. هنادي : من جد ويش ذا ما يركد الايام هاذي مير ما ينشاف خير شر.. ولو ملابسة مو هنا كان يمديه نام عند زوجته ولا عاد شفناه.. ام ناصر : والله ان فيه بلى.. : يا عيــــال.. عبدالله : هلا يمه تعالي.. قام لها يسندها.. مسك ذراعها و يمشي معاها .. ام عامر : اوخيكم المطيور كني سمعت صوته..!؟ عبدالله يجلسها و يجلس جنبها : ايه يمه جاء و طلع فوق.. ام عامر : امسكوه لي لا يطلع ابيه.. مريم : تكفين يا يمه كلمي غازي يجيب لي بناتي.. ام عامر : غويزي ياعل ما غويزي حتى بناته ما ينشافن هالمدلعات.. ام يوسف : الله يهديك يا عمه .. من يومين كانن عندنا.. نزل عماد بخطواتة سريعة مثل ما طلع .. عبدالله : هذا المطيور نزل يمه.. عماد يلبس حزامة و مو منتبه لأحد.. : عمــــــــــــاد.. التفت لها .. قرب لها وباس راسها.. : هلا يمه.. ام عامر : وين رايح مطيور ما عدنا نشوفك.. عماد : يمه والله الشغل اكثر من شعري,, تكفون اعتقوني.. ام ناصر وقفت جنبه يوم شافت زيه العسكري و حالته : يمه عندك عملية..!؟ عماد باس راسها وكتفها : ادعي لي.. ام ناصر غرقت عيونها : تكفى يا يمه لا تخاطر بعمرك.. عماد : ارواحنا رخيصة لهالبلد.. باس كفها .. والتفت لابوه : دعواتك يا ابو عبدالله.. ابو عبدالله : روح الله معاك.. والقلب داعي لك.. ام عامر : تعالي اركدي يا زينب ولدك مابه بلا.. ام ناصر دموعها نزلت على طول.. حضنها عماد : يمه تكفيـــن الله يطول بعمرك.. تبين نفسيتي تدهور يكفي اللي جايني وربي مكفيني اني مبتلش ببزر ما تقدر امورها.. مريم : تقصد بنتي.. عماد ويديه حول اكتاف امه : ايه يا عمه بنتك.. مريم : تكفى جيبها لي ابي اشوفها يا عماد.. عماد : كلمي عمي غازي ان وافق اجيبها.. لا تنتظروني .. انا مره مشغول وحتى لو خلصت بجلس بالمكتب .. لذلك لا تنتظروني.. ام ناصر : وكيف نتطمن عليك.. عماد : بدق عليك يمه بس لا تشيلين همي.. ام عامر : غازي معاكم..!؟ عماد : ايه يمه (أبعد امه عن حضنة بلطف).. يالله نسلم عليكم.. وطلع.. طلع حتى تنهار امه .. وهاذي حالتها كل ما صار عنده عملية .. مشاعرها الامومية تطغى عليها ولا تقدر تسيطر عليها .. ابو عبدالله : اذكري ربك يا زينب.. ناصر مسك امه : يمه هالشيء ما يعجب عماد وانتِ ادرى تبينه يزعل.. ام ناصر : ما يكفي هالايام ما اشوفه الا شوي.. بعد يروح عملية.. عبدالله : واجبه يا خالة.. و واجبنا كلنا نحمي هالبلد.. ام ناصر : الله يحميه .. الله يحميه.. .. قدر ، ودّاه .. لكن : ما بعد جابه ذبلت من السهر حتى الجفِن سوّد يلمّح بـ الرحيل .. بـ كثرة : غيابه وأنا لـ الحين ماني .. قادر أتعوّد !! لـ وحشتك "ناصر العنزي".. ميار : بيطلقوني منه.. انا احبه يا بابا ما اقدر اتخلى عنه.. ابو سعود : يطلقونك..!؟ ميار لا تحكينا طلاسم قولي لنا ويش القصة.. ميار : انا مملكة يا بابا.. تركي ملك علي.. و سافر .. بعد ملكتنا بشهر.. سافر وما رجع للحين له ثلاث سنوات ما ادري عنه.. ابو سعود : روقي يا بابا .. كيف يعني ثلاث سنوات ما تدرين عنه.. و مين اللي بيطلقك منه..؟! ميار تبلع ريقها : عمي .. ابوه هو اللي بيطلقني منه.. وليد : و ابوه ويش دخله .. هو وين موقعة من الاعراب..؟ ميار : قلت لكم سافر.. ابو سعود : ومتى ناوي يرجع..!؟ ميار : ما احد يعرف عنه شيء.. حتى .. حتى اهله .. ما احد يدري عنه أي معلومة.. خالد : ميار ما احنا مستوعبين... ميار : قلت لك ملكنا وبعدها سافر كان عنده دورة شهر ومن ذاك اليوم لهاليوم صار له ثلاث سنين ما احد يعرف عنه شيء.. ما اتصل ولا كلم احد وحتى السفارة ما يعرفون وين مكانة.. أحمد : و ابوه ليش بيطلقك منه.!.؟ ميار تمسح دموعها بقفى يدها : عشان .. عشان ما يبيني انتظر .. واحد ما يندرى عنه شيء.. ياسر باعجاب : كفووو رجال.. ميار بعصبية : بس انا ما ابي اتطلق تفهم ... ما ابيه .. انا احب تركي احبــــــــه.. ياسر بتقزز : ويش تحبينه انتِ هيه يقولك ما يدرون عنه شيء يعني ابسطها ما يدرون حي والا ميت.. احمد : يـــــاسر.. ياسر : وهذا الصدق.. ميار : ما يهمني.. انا طلاق ما راح اتطلق.. مسكها ابوها : أهدي يا بابا.. ميار تعلقت فيه : بابا الله يخليك لا تخليهم يطلقوني منه انا احبه.. لا تخليهم يتحكمون بحياتي يكفي مره تحكموا فيني وحرموني منكم تكفى لا تخليهم يتحكمون فيني مره ثانية.. ابو سعود : لك ما تبين يا بابا بس اهدي.. ياسر : يبه ويش اللي لها ما تبي.. الرجال له ثلاث سنوات برا ما احد يعرف عنه شيء.. حتى اهله.. تبيها تجلس على الاطلال تنتظرة.!.؟ مشعل : يبه ما يصير والله .. اذا ابوه بيطلقها منه ليش احنا نرفض.. ميار : عشان انا ابيه .. تفهم انا ابيــــه.. ياسر : انتِ ما تعرفين مصلحة نفسك تبين عمرك يضيع عشان واحد ما يندرى هو فوق الارض والا تحتها..!؟ ابو سعود : اشوف ما عاد ينعد لي حساب..؟!؟ سكتوا .. ابو سعود : انا قلت كلمتي دام هي ما تبي الطلاق بوقف معاها.. و اذا تبي الطلاق بجيب لها ورقتها.. ام سعود : الى متى بتنتظره تبي عمرها يروح رجوى واحدن ما يندرى هو بأي ارض غادي..!؟ ابو سعود : ميار عاقلة و بتعرف مصلحة نفسها .. بصبر عليها فترة.. وان ما استجد شيء.. وشفت ان الموضوع زاد عن حده حزتها.. بيكون لي تصرف ثاني.. ما راح تجلس كل عمرها تستناه.. : ايش فيكم..؟! التفتوا كلهم لسعود الواقف بزية العسكري .. ام سعود : ما فينا شيء يمه .. زين اللي جيت احط لك اكل.. سعود : لا يمه .. بروح المركز عندي شغلhttp://cdncache-a.akamaihd.net/items...rrow-10x10.png.. وليد : شغلك ما يخلص.. سعود : انت بذات لك هدية خاصة عند سيادة الفريق اول..؟ وليد بثقة : ما نبي منه هدايا.. سعود : خلنا نخلص من اللي بين يدينا .. وحزتها تشوف ويش بيسوي فيك ع اللي سويته..!؟ وليد باستنكار تمثيلي : ويش سويت ..؟ والا بعد طلعت اعرف معلومات امنية.!؟ سعود : أنت ادرى باللي سويتة ..عموماً حسابك مو عندي.. عند سيادة الفريق.. اخوانه ناظروة .. اما سعود دخل باس راس ابوه وكفة : دعواتك.. ابو سعود حط يده على كتف سعود : موفق يا ابوي الله حاميك.. ام سعود طاح قلبها .. عرفت ان وراه عملية .. : سعود.. سعود باس راسها : ما نبي دموع .. نبي بس دعوات.. ام سعود تمسك فيه بقوة : تكفى يا ابوي لا ترمي نفسك للنار.. سعود : ان كانت روحي بتحمي هالبلد ما راح اتردد يمه.. باس راسها.. انصدم بالثنتين اللي تعلقوا فيه.. ميار و جود : يالله والله ما راح اخلص بتجلسن تبكبكن.. ميار : لا تروح و تخلينا تكفى انا احبك.. سعود يقبل جبينها : وانا احبك يا عيوني.. خلاص عاد كنت بسلم عليكم لا تندموني.. سها تعلقت برقبته : ليش تقول كذا وكنك مو راجع..!؟ سعود : ما احد يدري ويش بيصير له.. ابتعد عن خواته : بكاء ما نبي.. حتى لو سمعتوا شيء.. بكون شهيد باذن الله .. شيء تفتخرون فيه.. ام سعود صدت بوجهها عنه .. ما تبي تعلق عيونها فيه وتحفر هاللحظات بعقلها.. سعود ناظر اخوانه كلهم صادين عنه .. تقدم لاحمد : تكفى ابوي يا احمد.. ترى هالايام تعبان ولا له حمل.. بس ما يبين لاحد.. تكفى خلك وراه و اسنده.. احمد حضن سعود : لا تقول كذا .. انت كبيرنا لا تجلس توسوس فينا.. سعود : ما ابيكم توسوسون بس والله ما ادري ويش بيصير وما ابي اروح و بقلوبكم شيء علي.. ياسر حضنة : لا تقول كذا انتِ كبيرنا ما بقلوبنا عليك شيء.. سعود : خواتي امانة يا ياسر.. ابتعد عنه وحضن خالد : امي يا خالد عدها مثل امك.. تكفى لا يقصرها شيء.. جود : سعود لا تحسسنا انك مو راجع والله لا اقفل عليك الباب ولا تطلع.. نهى : ما تعرفين سعود كل ما يروح لمهمة يسوي هالدراما هاذي.. المره الثانية روح من غير لا تسلم علينا يالله درعم.. سعود : وعد تسلم عليكم.. نهى بفرحة : صـــدق شفتها..!؟ سعود : ايه .. وخلي وليد يقولك.. لا أحد يتصل علي انا بخلي جوالي بالمركز.. وعلى فكرة ما ابي احد يطلع بكره السوق ابدا.. يالله نسلم عليكم.. طلع بسرعة يلحق على الشباب لازم يكونون على رأس الموقع .. ام سعود جلست بانهيار : يارب رده لي سالم.. يارب لا تفجعني فيه.. منيره جلست جنبها : استغفري ربك.. ان شاء الله بيرجع سالم.. خيمت الكأبة عليهم .. كل مره سعود يودعهم بهالطريقة الهموم تصير اضعاف على قلوبهم و الوقت ما يمشي من طولة.. خالد التفت لوليد : ويش مسوي انت..!؟ وليد بابتسامة لاحت على شفتية : رحت لوعد.. ياسر : احلف..!! وليد وما زال يبتسم : والله العظيم.. احمد : و الأمن.. وليد : دخلت وما احد درى عني .. قابلتها وبعدها انحشت.. و شكله غازي درى.. .. : اتصل بوالدك.. انا لن اذهب معكما.. ابراهيم : يمه تكفين رند تعبانة و ابوي ما يرد.. تتيانا تلعب بخصلات شعرها القصير الأشقر : لا دخل لي اتصل به و تحدث معه سوف يأتي مسرعاً او اتصل بعمك.. ابراهيم : انتِ ليش ما تحبينا..!؟ تتيانا : لا رغبة لدي بتربية اطفال اردت فقط ان يتمسك بي والدكما ولكني الآن ارغب بالتحرر فقد مللت هذه الحياة.. هنا كأننا نعيش بسجن لا نذهب لمكان وانا لم اعيد اطيق ذلك أبداً.. ابراهيم : بس انتِ امنا و احنا عيالك.. تتيانا بعصبية : انت ابن ابيك.. انظر الى ملامحك انك تشبهه بكل شيء.. حتى اختك تحمل من ملامحة الكثير.. ابراهيم : اجل ليش تزوجتوا ..!؟ هو يطنشنا و انتٍ تكرهينا.. وتبين تروحين.. احنا وين نروح..؟! تتيانا ولمعت فكرة جهنمية برأسها : اذهب الى جدك ابراهيم ابن مساعد.. ابراهيم : بس جدي ما يعرفنا.. تتيانا : و ما المانع بأن يتعرف عليكما بالتأكيد سيحبكما فانتم احفادة.. ابراهيم : بس اخاف ابوي يزعل.. تتيانا : لا يا عزيزي لا يغضب عليك فهو يريد ان يبلغ والده و ان انت ابلغته بهذا سيرتاح من هذا الهم .. و يشكرك يا عزيزي على ذلك .. دعنا غداً نذهب الى بيت جدك.. ابراهيم : و انتِ تعرفين وين مكانه.. تتيانا : لا بأس يا عزيزي فـ جدك شخصية معروفة و سنعرف منزلة ولن نتوه.. .. الساعة الرابعة عصراً.. الفريق غازي ينزل نظارتة الشمسية ويمسكها بيده اليسار : كم قنبلة طلعتوا.!.؟ رئيس فرقة تفكيك القنابل حسين : سبعة .. المشكلة لها تقنية خاصة بالتفكيك و تأخذ وقت.. شخص من فرقة التفكيك بفاجعة : بدأ العد التنازلي لهالقنبلة .. 59 دقيقة.. شخص آخر من نفس الفرقة بصدمة كزميلة : حتى هاذي.. حسين يشيك عليها : يالله ويش هالمصيبة .. معانا ساعة عشان نبطل سبعة قنابل.. بسرعة شباب.. الفريق غازي : طوقتوا المكان يا شباب.. نايف : ايه و سكرنا الشوارع عشان ما احد يدخل.. الفريق غازي : المباني هاذي اللي قريبة من المجمع اخلوا جميع السكان اللي فيها خلوهم يبعدون عن المكان.. : حاضر سيدي.. الفريق غازي : كل شيء بترتيب يا شباب من غير شوشرة وترويع ان شاء الله معانا وقت.. : حــــاضر.. حسين : ايــــــــــــش هذا..؟! الفريق غازي : ايش فيه.!؟ حسين باستنكار : القنابل توقف توقيتها..!؟ الفريق غازي : يعني ايش.؟! حسين : يعني فيه احد يراقبنا و يبي يوترنا.. بيخلينا بيده لعبة.. الفريق غازي : الفناجل مبين لها تحكم عن بعد .. لكن السؤال الحين يقدر يفجرها قبل الوقت .. بمعنى لازم التوقيت يتخطى الساعة من يضغط على زر التوقيت والا يقدر يفجرها على طول.. حسين : هالشيء ما نقدر نعرفه كذا.. الفريق غازي : طيب فكك هالمتفجرات .. وانا بروح اشوف باقي الشباب اللي يفتشون المجمع لقوا شيء جديد.. ما خلص كلمته الا طالعين ع الدرج ثلاث شباب كل واحد شايل قنبلة بيده نزلوها جنب الباقيات.. : سيدي هاذي القنابل الموجودة بالدور الارضي.. الفريق غازي : متأكدين ما فيه شيء غيرها..!؟ : تم تفتيش المكان بدقة عالية وما لقينا الا هالعشرة في المجمع كامل.. الفريق غازي : طيب .. ابي هالقنابل تتفكك احنا ما ندري بالضبط متى ناوين يفجرونها.. حسين : مو تم البلاغ على اساس بعد التروايح.. الفريق غازي : ايه بعد التروايح بس ما تضمنهم لو يسوونها قبل مثل ما اشتغل التوقيت من شوي.. لازم نكون محتاطين.. معنا من هالوقت لصلاة العشا حدود الـ 6 ساعات.. عماد : سيدي.. الفريق غازي : خير يا عماد..!؟ عماد : اخلينا المباني المجاورة والمنطقة كاملة.. الفريق غازي : تمام كم مبنى اخليتوا..!؟ عماد : عشر مباني.. الفريق غازي : حسين القنابل لو تفجرت قد ايش المنطقة اللي تتأثر..؟ حسين : على هالقنابل حدود المية متر.. الفريق غازي : حسبي الله ونعم الوكيل.. عســــــــاف.. تقدم عساف له بعد ما كان بعيد : امر سيدي.. الفريق غازي : ايش صار على مهمة المراقبة.. عساف : تتم على اكمل وجه كل الطرق المسكرة مركبين عليها كاميرات و فريق كامل يراقب الشاشات و ان شافوا زياد او صلاح او أي شخص مشبوه ما راح يترددون بالقبض عليه.. الفريق غازي : تمـــام.. عماد .. ركبت كاميرات ع المزرعة..!!؟ عماد : فيه فريق هناك يشتغل تحت عين بدر و باقي له شوي و يخلصون.. الفريق غازي : زين .. ابيك ترسل حرس زيادة للمكان.. و بوابة المزرعة تتقفل ما تنفتح الا للضرورة.. و ما يتركون المكان وحتى لو بغن البنات شيء.. قول للشباب يكلمون السواق و هو يجيب لهم اللي يبونه لحدهم ما احد يترك مكانة ابداً.. عماد : حـــاضر.. .. احمد : انت من جدك .. و شلون عرفت مكانها..!؟ وليد : ترى من البارح كل مره واحد يستلمني تحقيق.. لحقت عماد ثلاث ايام اوقف عند نقطة واليوم الثاني انتظره فيها لا شفته تعدا لحقته وعلى هالحالة لين شفته دخل مزرعتة.. وشفت الحرس.. خالد : مجنووون وربي مجنووون ويش هالتصرفات الصبيانية..!؟ وليد : لا تغثوني ما شفتوها كيف فرحت يوم شافتني.. يا عيني عليها بس.. احمد : كرر هالحركة وشوف .. اصلا الفريق غازي ما راح يعد يلك هالحركة على خير.. ميار : سعود ما اتصل..!؟ احمد : لا ما اتصل..!؟ خالتي كيف..؟! ميار تجلس جنب نهى : مره قلقانة.. ليش يسلم علينا كذا..!؟ نهى ببرود : عادي مو اول مره يسوي فينا زي كذا بس شكلك ما قد شفتية راح لـعملية.. ميار : ياااارب احمية.. ندى : انتِ قلبك بارد عادي ولا اشوفك متأثرة.. نهى : ويش تبيني اسوي ابكي يعني.. ندى : استغفر الله ما تحسين..!؟ نهى : على اساس انتِ حسيتي ان وعد محجوزة خلينا ساكتين ولا نتكلم ع الاحاسيس.. خالد : لا تكفن تهاوشن.. هذا اللي ناقصنا بعد.. ما يكفي ابوي تعبان.. احمد : الله يهديه ما يرحم نفسة .. سعود كان حاس فيه بس للأسف كان مشغول والا ما خلاه.. خالد : خلونا نقنعة يترك الشغل و يبيع الشركات.. وليد باستنكار : من جدك ويش تبيه يسوي..؟! احمد : وتعبه و شقاه يا خالد .. لو يبي يبيعها ما كان خلى عماد يلوي ذراعة بوعد كان باعها وترك بنته عنده.. خالد : بس ابوي تعب له سنين وهو يحمل نفسة فوق طاقتها واحنا الحمدلله متوظفين.. وانا بعد يومين بيعلنون عن نتايج التدريب بالطيران و ان شاء الله بتوظف وسعود متوظف و انت و ياسر نقدر نشيل البيت ولا ينقص على أحد شيء.. : شايفيني شيبت.. وقفوا كلهم يبوسون راسه.. خالد : حاشاك يبه بس نبيك ترتاح انت تعبت هالفترة اللي فاتت.. وكن فراق وعد مأثر عليك.. ابو سعود : كاسر ظهري.. انحجزت,, و زوجتها من غير لا تدري.. ميار : شكلك تحب وعد زود عنا .. لك كم يوم ما تنشد علينا والا ان كانت وعد ماهي فيه خلاص احنا بعد ما ينجاب لنا طاري.. ابو سعود : يعني بتغارين منها مثلاً .. مثل ما أنتِ بنتي هي بنتي.. ميار : بس صدق لها وحشة الشينة.. مشتاقة لها.. احمد : انسى هالموضوع يبه.. يبي لك فترة ترتاح خلنا نروح مكة يومين.. ابو سعود : ان شاء الله بنروح جميع .. ياسر ما جاب امي و ابوي.؟! خالد : راح يجيبهم.. ابو سعود : زين.. وليد كنك قايل بتروح مكة مع اخوياك اسبوع متى بتروحون..!؟ وليد يعتدل بجلستة بعد ما كان متربع ع الكنب : بصراحة.. وما تزعل.. ابو سعود يمسح على شعره : قول اسعدني.. وليد : كنت بأخذ الفلوس و بهرب وعد.. بس غازي هذا ما يطوفة شيء.. ابو سعود يحرك ظهره للأمام قليلاً و يشهر بيده أمام وليد : خبل انت .. متأكد ان عندك عقل تفكر فيه.!؟ وليد : ايه عندي ولا راح ارضى احد يضر اختي و اجلس اتفرج.. ابو سعود : ترى غازي ما عنده يمه ارحميني.. و دامه قايل لسعود يبيك يعني جهز نفسك بس.. وليد : ما علي منه اعلى ما بخيله يركبة.. ابو سعود : انا مالي دخل .. ولا راح ارده عن شيء .. لانك اخطيت ولا لي وجه أدافع عنك.. وليد : ما عليكم مني انا اتفاهم معاه .. هذا ان ناداني.. احمد : ما ادري شلون تبي تهرب وحده محجوزة امنياً..؟ وليد : والله عاد ان كنتم ترضون انا ما ارضى.. خالد : شوف عدم رضاك وين بيوديك.. : السلام عليكم.. وقف ابو سعود و وراه عياله : وعليكم السلام.. ابو سعود يحتضن امه بذراعة اليمنى و يسير بخطوات بطيئة معها : هلا يمه تو ما نور البيت.. ابو عبدالرحمن يتقدمهم..: النور بس لامك..!؟ ابو سعود ابتسم : افااا يبه الشمس ما يغطيها منخل.. خالد يبوس راس جده : يعني تغار من جدتي..!؟ ابو عبدالرحمن : ويش ابي اغار من عجيــز.. ام عبدالرحمن تجلس و يجلس جنبها ولدها : انا عجيـــز سقى الله بس.. (التفتت على ولده ) ويش حالك يا ابوي.. ابو سعود : بخير يمه جعلك بخيـــر.. ما ادري عبدالرحمن و عياله بيجون.!؟ ام عبدالرحمن : ايه يمه بس تخبر اخوك لازم ينتظر بناتة وهن عاد سحابة برد.. ابو عبدالرحمن يتلفت بالمكان : وين حريمك مالهن حس..؟! ابو سعود : بالمطبخ يبه.. ام عبدالرحمن : و سعيدان وينه..!؟ ابو سعود : بالشغل.. ام عبدالرحمن : ايه حتى عسييف و يقول انه بيطول ما ادري ويش عنده ذا الولد صاير يختفي ولا ينشاف.. نهى : عندنا و عندكم خير يمه.. حتى سعود ما ينشاف.. ابو عبدالرحمن : و بنيتك المحجوزة ويش حالها.. ابو سعود اشر على وليد : اسال هالباشا رايح لها من وراء الامن و دروا عنه.. ابو عبدالرحمن ويديه الأثنتين على رأس عصاتة يتكأ عليها : وانا ولد ابوي انت ما براسك عقل تفكر فيه..!؟ وليد : يبه اختي اختي اختي استوعبوا.. ابو عبدالرحمن : الله اعلم ويش يسوون فيك هالحين وابوك ما يجي له وجه يدافع عنك.. زين ما يتلووونك من اذانيك هالحين.. ام عبدالرحمن : ليش ابوك ناقص عشان تزيدة.. وليد : وانا بعد ماني ناقص.. وعماد هذا ودي اذبحة وبس اشوفه باتهاوش انا و اياه لا ادفنة بارضة.. ابو عبدالرحمن : انا ولد ابوي ولد تهاوش مع نسيبك انا اشهد ان علوم العرب ضاعت منكم يا عيال ابراهيم .. ما عدتوا تعرفون الصح من الغلط.. الرجال ما قصر و وعدكم يحط البنية على راسه و يحميها ولا يقصرها شيء .. تقوم تقل من مقدارة وتهاوش معاه.. نهى تهمس لميار : لازم المعلقات والمدح .. انا مع وليد لو يذبح عماد ازين ما جانا من وراه غير البلاوي.. ميار : من جد .. اذا احنا هذا راينا وعد يا عوينتي ويش رايها.. ابو سعود يناظر وليد : استغفر الله العظيم انت تبي ترفع ضغطي..!؟ وليد : يبه ماني راضي وعد قالت انها ما تعرف شيء عن المعلومات اللي يقولون عليها..!؟ ابو سعود : وليد لا عاد تكلم بهالموضوع فاهم.. انتظر غازي ويش يسوي فيك.. وليد يحط رجل على رجل : ويش بيسوي يعني .. لا هربت اختي ما يقدر يسوي شيء.. ياسر : تهربها وين..!؟ وليد : لعمي بندر.. ياسر : و انت قايل لعمي بندر عنها صح.!.؟ وليد : ايه.. ياسر بعصبية مكبوتة : صاحي انت الحين بيقلق عليها .. صدق والله ما فيك مخ تفكر.. وليد ببرود : اجل تراه بيجي اليوم.. ام عبدالرحمن بلهفة : تقوله صادق يا ولدي..؟! وليد : ايه يمه .. كان بيجي اليوم و بنهرب انا و اياه وعد و يسافر فيها.. ابو سعود : ما انت صاحي .. بندر ناسف لك هالمخ.. وليد : يبه رووق الموضوع مو مستاهل وفكرة النحشة والسفر وعد هي اللي قالت عليها .. ابو سعود : تستاهل و زين اللي يسويه فيك.. : الـــــــــــــحقوووو.. ابو سعود : خير ويش فيك.. جود اللي كانت جاية تجري من فوق انفاسها تتصاعد : انفجار .. انفجار بمجمع تجاري و التلفزيون جايبين الحدث مبااااشر.. لم يستطيعوا لقط انفاسهم بعد كلمتها .. سعود ذهب بمهمة امنية.. و كلامه الاخير يتردد بأذانهم كالطنين .. خالد قام بسرعة شغل التلفزيون : ع أي قناة..؟! جود : قنـــاة الـ ـ ـ ـ ـ ـ .. .. قبل هالوقت و بموقع الانفجار.. نايف : سيدي .. تم ورود بلاغ للمركز بوجود قنابل بمجمع صالح التجاري.. عساف : و تم ورود بلاغ بوجود قنابل بجمع الزمرد التجاري.. الفريق غازي : ايش قصدهم من ذا ..!؟ عساف و راشد خذو معاكم فرقتين من تفكيك المتفجرات لمجمع الزمرد وبلغوني بالتطورات.. : حاضر سيدي.. الفريق غازي التفت على نايف وعزام : نايف و عزام خذوا معاكم فرقتين واتجهوا لمجمع صالح وخلوكم ع راس الموقع.. : حاضر سيدي.. الفريق غازي التفت على عماد و سعود : عماد و سعود كل واحد فيكم يأخذ احد من مساعدينه يثق فيه ويتجه لمجمع و سكروا لي كل الشوارع المحيطة بالمجمعين ولا ابي احد يدخل المنطقة اخلوها تماماً.. عماد و سعود : حاضر سيدي.. وتحركوا خارج المجمع.. حسين : سيدي.. الفريق غازي التفت له : نعم..!؟ حسين : سيدي القنابل الوحده تحتاج اقل شيء ساعة لتفكيكها بعناية و أي خطأ بيودينا كلنا بداهية.. و الموجود للحين عشرة.. الفريق غازي بحزم : على ويش اجل فرق تفكيك المتفجرات.. حسين : النوع هذا من القنابل عالي و مصنوع بطرق عالية مو أي احد يقدر يفكها والموجودين عندنا خمس شباب يقدرون يفكونها .. يعني الحين ممكن نفك هالقنابل اللي هنا بساعتين يعني ممكن نخلص الساعة ستة.. بس اخاف المجمعات الثانية يكون فيها نفس النوعية من القنابل.. الفريق غازي : المكان ان شاء الله بيكون خالي وباذن الله ما راح يكون فيه ضحايا حتى لو صار الانفجار.. بصراخ ينبه الموجودين جميعاً .. حسين : اطلعووووا المكان بينفجـــــــــــــــــــــر.. .. وقد وردنا بلاغ بانفجار مجمع الدرة التجاري الواقع بحـــي ....... و لم يردنا حتى الآن أي خبر بخصوص الخسائر .. سنبقى معكم مشاهدينا في بث مباشر للموقع .. لحين الحديث مع احد المسؤولين لنوافيكم بأخر الأخبار.. الدخان و الغبار يغطي ذرات الأكسجين و الضجة ترتفع على وتر متفاوت والصراخ يهز المكان.. ومن وجد هناك لا أحد يتوقع خروجة.. و رحمة الله فوق كل شيء.. ام سعود يديها على ركبها و بفاجعة تلقت الخبر : يا ويلي يا يمه ولدي.. يا ويل حالك يا حنان.. مسكها خالد : استهدي بالله يا خالتي.. الله يهديك ويش هالكلام.. ام سعود بانهيار : والله كان يودعنا قلبي ماكان متطمن .. و لدي راح.. سعود رااااح.. ابو عبدالرحمن : استغفري ربك.. ما يصير تعترضين ع المكتوب.. ام عبدالرحمن : لا تفاولين ع الولد بالشر يا حنان.. ام سعود : والله ودعنا يا خالتي والله ودعنا كنه ماهو راد.. يا عزتي لك يا سعود.. راح شبابك يا ابوي.. ميار تبكي من بكاء امها : يمه تكفيــــن لا تقولين كذا سعود بيرجع يمه.. خالد : اجلسي يا خالة ارتاحي.. ام سعود : كلموه .. اتصلوا عليه لو ما فيه شيء بيرد عليك.. خالد طلع جواله : طيب اهدي يا خالة.. احمد : ما راح يرد يا خالة قالك مشغول تكفين لا تسوين بنفسك كذا.. ابو سعود وقلبه يأكلة على ولده : استغفر الله العظيم استغفر الله.. ابو عبدالرحمن : اللي تسوينه يا ام سعود الله ما يرضى فيه.. قولي لا حول ولا قوة الا بالله.. ام سعود من بين دموع تسيل خوفاً على بكرها.. : لا حول ولا قوة الا بالله.. بس قلبي مو مرتاح.. والله ماني متطمنة.. ابو سعود تنهد : ان شاء الله خير.. ان شاء الله خير.. ام سعود : والله قلبي مأكلني على ولدي ماني مرتاحة.. ام ندى : اذكري ربك يا حنان ان شاء الله ما فيه الا العافية.. .. عزام يناظر الفريق غازي يمشي باتجاههم بسرعة وخطواتة تدل على عصبيتة : سيدي.. الفريق غازي : يبون يلعبون فينا.. و الله ما ارحمهم.. عزام : غريب امرهم..؟! ليش يحطون قنابل بثلاث مجمعات و يتكلمون عن واحد بس..!؟ يعني وعد ليش ما سمعت المجمعات كلها.. الفريق غازي : فيه ان بالموضوع انا ناغزني قلبي من وراهم.. عزام يناظر نايف .. نايف يبادل نظراته بين عزام والفريق غازي : والحل سيدي.. الفريق غازي : احنا لهم بالمرصاد وكان ارواحنا راحت فيه غيرنا بيجي و يمحيهم.. حسبالهم بيتهنون باللي يسوونه وربي ما راح اخليهم.. نايف : سيدي لقينا هنا عشر قنابل .. والفرق ما زالت تفتش. الفريق غازي : كل الشباب اللي قادرين على فتح هالقنابل تعرضوا لاصابات.. عزام : يعني ايش..!؟ بنخلي القنابل تتفجر.. الفريق غازي : نايف اتصل لي بالمركز قولهم يرسلون لي ناس بروفشنال من فرق تفكيك المتفجرات.. نايف : حاضر سيدي.. الفريق غازي : عزام اتصل لي على عماد و سعود وشوف كيف الاوضاع معاهم...؟ بعدها كلم عساف وشوف ويش صار عندهم و كم قنبلة طلعوا للحين.. عزام : حاضر سيدي.. تركهم الفريق غازي و دار بالمكان كله .. خطواتة ما كانت لتفحص المكان .. كان يدور بمخة ويش الغرض من تفجير ثلاث مجمعات تجارية .. اولها تم تفجيره الساعة اربعة ونص .. والاثنين باقي للحين.. اذا كان غرضهم اصابة رجال الامن والقضاء عليهم .. يحطون القنابل بمجمع واحد.. لو افترضنا ان كلامهم لوعد ما كانوا قاصدين انها تسمعة.. البلاغ اللي وصل للمركز عشان مجمع صالح و مجمع الزمرد من مين ..!؟ وليـــش..!؟ : سيدي.. التفت له الفريق غازي : هلا.. نايف : بلغنا المركز وراح يرسلون لنا فرقتين حالاً.. الفريق غازي : تمام.. عزام : سيدي .. عماد و سعود مسيطرين على الوضع .. و عساف ما لقوا ولا قنبلة للحين.. الفريق غازي تفاجأ : ايش يعني مالقوا ولا قنبلة..!؟ عزام : هذا اللي قاله و ما زالوا مستمرين بالبحث.. عماد : سيدي.. الفريق غازي : كيف الوضع.؟ عماد : كل شيء تمام الطرق كلها مسكرة والدوريات مالية المكان .. انتم ويش صار معاكم..؟ نايف : لقينا عشرة قنابل بس ما احد قادر يفكها طلبنا دعم من المركز و ننتظر وان شاء الله يكون فيه احد يعرف.. عماد بضيقة : يارب وكلتك أمري.. وعساف و راشد ويش صار معاهم..!؟ عزام : ما لقوا أي قنبلة للحين.. عماد : لا يكون سامعين اسم المجمع غلط..!؟ عزام : لاا مستحيل .. بس احد يلعب فينا على مزاجة.. عماد : مرده يطيح بيدي واعلمه كيف المزاج.. يالله يا حي يا قيوم بحزة هالوقت الفضيل بلغني هالوقت يارب.. عساف و راشد : آميـــــــــــــن.. التفتوا عليهم .. :السلام عليكم.. : وعليكم السلام.. الفريق غازي : الاخبار..!؟ عساف : ما فيه أي قنبلة موجودة بالمكان حتى المواقف فتشناها ما فيه أي شيء.. راشد : وقفلنا المجمع اليوم احتياط.. الفريق غازي : ليش بلغونا ان فيه قنبلة بالمجمع.. راشد : سيدي اكيد قاصدين يشتتونا.. الفريق غازي : الله يشتت اعمارهم.. دخل سعود مبتسم : سيدي ابشر بعزك.. الفريق غازي ناظره : بشرني.. سعود : القينا القبض على زياد و صلاح.. الفريق غازي ابتسم : كفوو والله .. كنت متوقع جيتهم .. دام رئيسهم اصلاً عنده جماعتين يعني مستغني عنهم اكيد بيتخلص منهم بأي شكل من الأشكال.. عماد : صلاح لي.. سعود : تحـــلم الا صلاح.. عماد : سعود لا تخلينا نتذابح.. صلاح انا ابيه.. عساف : ارتاحوا انتم.. انا ابي الاثنين.. الفريق غازي : اقول اهجد انت واياه الاثنين كلهم بيكونون عندي.. نايف ابتسم : جاكم القرار خلاص.. : سيدي.. التفت له الفريق غازي : نعم.. : سيدي القنابل يبي لها وقت عشان تتفكك من غير أي حوادث لانها ان انفجرت وحده الباقي راح تنفجر معاها.. الفريق غازي : عندي علم معانا وقت ان شاء الله.. : بس القنابل غريبة مره يشتغل التوقيت ومره يختفي.. الفريق غازي : مثل ما صار بالمجمع اللي قبل.. راشد : بروح اشوف برا كيف الوضع .. وطلع خارج المجمع.. : سيدي.. التفت الفريق غازي للشاب اللي واقف .. سعود : هلا سلمان.. سلمان : الصحافة برا معبية المكان والتلفزيون.. الفريق غازي : ما ابي اشوفهم طلعوهم بــرا المنطقة كلها عشان سلامتهم.. سلمان : حاضر سيدي.. وطلع.. الفريق غازي : في أي مركز يشتغل هذا..؟ سعود : عندنا.. رجال يعجبك.. الفريق غازي : تمام.. التفت لرجل من فرقة تفكيك المتفجرات : كم من الوقت تحتاجون عشان تفككونها.. : والله يا سيدي كثير.. القنابل هاذي نوعية خاصة.. الفريق غازي يرفع يده : ادري .. عندي علم.. بس ابيكم تخلصون بأسرع وقت.. ما يندرى ويش قصدهم من وراء هالعمليات التفجيرية.. راشد : سيدي صاحب المجمع برا يبي يقابلك.. الفريق غازي : ماني فاضي له يا راشد .. عساف روح قابله.. عساف : حاضر سيدي.. وطلع برا.. الشباب يمنعون الصحافة من الدخول .. ومحاولة الصحافة في لقط خيط ليكون سبقاً صحفياً.. راشد آشر على رجال واقف قريب من البوابة : هذا هو.. تقدم منه عساف ومعاه راشد : السلام عليكم. : وعليكم السلام.. الفلاشات طغت على المكان وكاميرات التلفزيون تصور الحدث.. ومحاولة تقريب المايك ليلقط ذبذبات الحديث بين عساف و صاحب المحمع.. يصافحة بهدوء : معاك العميد عساف بن عبدالرحمن.. : ونعم.. انا مبروك صاحب هذا المجمع .. تفاجئت ان المجمع اغلق بساعات الدوام و طرد جميع العمال خير ان شاء الله.. عساف : صدر قرار باخلاء المجمع وتفتيشة.. مبروك : بس احنا في موسم يا اخي ما يصير وبعدين ليش هالتفتيش بضاعتي مضمونة.. عساف : واهم موسمك والا سلامة مجمعك و الناس ..؟ ولا تخاف بضاعتك مو جايها شيء.. لو سمحت مانبي أي شوشرة.. احنا هنا من اجل سلامة الجميع .. وان قفل مجمعك يوم ما يعني انك بتخسر.. راشد يهمس لعساف : بالهون ترى التلفزيون يصور.. عساف بقهر : احنا وين وهو وين.. ارواح بتروح وهم شايل هم كل الف خله يولي.. مبروك بحدة : راح اشتكيكم للمسؤولين.. عساف ببرود آشر له على قدام : هذا الطريق مفتوح قدامك تفضل.. مشى مبروك بعد ما القى على عساف نظرة قاتلة .. ادار عساف ظهرة ومشى باتجاه المجمع بالرغم من اصوات الصحفيين ومنادتهم له لتصريح لهم عما يحدث هنا.. راشد : من جدك ترد على الرجال بهالشكل.. عساف : تبيني اقوله ان فيه قنابل بمجمعك و نروع العالم.. راشد : على أساس ما تروعوا من انفجار مجمع الدرة.. عساف : و تبينا نزيدهم لازم نحاول نحافظ ع الهدوء والامان ما نروع العالم.. .. بعد ما شافوا لقاء عساف مع مبروك واللي بث مباشر على شاشة التلفزيون.. وليد : ما عنده تفاهم عساف شوي و يذبح الرجال.. مشعل : من جد .. شوي و يزنطة يقوله بتخسر يعني عشان قفلت يوم.. ام عساف بقلق : غريبة ويش دخل عساف بالاسواق ليش هو من البلدية..!؟ ابو عساف : اكيد عندهم شيء و الا ما راحوا السوق.. ميار تأشر على الشاشة : شوفوا سعود والله سعوود.. حطت يدها صدرها .. ماء بارد انسكب عليها عندما رأت ابنها وهي التي كانت تتحضر لتلقي خبر سيء .. : الحمدلله ياااارب الحمدلله.. جود : مين اللي معاه.. وليد بدون نفس : عماد.. مشعل يبتسم : شوفوا بالله هيبة الفريق غازي يتقدمهم وهم وراه عساف وسعود وعماد والباقين ما اعرفهم بس الاثنين اللي على اليسار جوو معاهم .. ويش كانت اساميهم..!؟ خالد : عزام و راشد.. جود تطول ع الصوت .. و الفريق غازي يتكلم : الحمدلله يارب قدرنا نسيطر ع الوضع .. ولله الحمد ما فيه وفيات .. كم اصابة وان شاء الله بسيطة.. ورايحين نتطمن ع الشباب بالمستشفى.. : سيدي .. وردنا خبر ان اللي بلغت عن المتفجرات امرأة.. الفريق غازي بهدوء و ثقة : حقيقة احنا ما زلنا نبحث عن اللي بلغنا عن المتفجرات .. وان شاء الله نوصل لشيء.. : سيدي .. قيل انكم لم تستعينوا بفرقة متخصصة بفتح القنابل وذلك ادى لانفجار مجمع الدرة.. الفريق غازي آشر وراه على مجموع شباب واقفين ينهون اعمالهم :الشباب اللي هناك الله يعطيهم العافية من فرق تفكيك المتفجرات استعنا باكثر من ست فرق لتفكيك المتفجرات.. عماد يهمس لسعود : وربي بنفجر و عمي معطيهم وجه.. اكثر شيء اكرهه الهذرة.. سعود : ومن سمعك.. همس باذنة : المفروض وجهك ما يبان عشان العصابة.. عماد : ومين قالك انهم يعرفون شكلي لو تشوفني يوم اروح لهم ما تصدق ان هذا انا تنكر كاااامل.. سعود : الحمدلله طمنتني خفت كل شيء يروح.. صراخ : سيـــــــــدي.. التفتوا كلهم النبرة تنبأ عن خبر سيء سيتلقونة.. : وردنا بلاغ بوجود متفجرات بمجمع الزمرد.. تشتتوا كلهم كل واحد لسيارتة يتسارعون للوصول لمجمع الزمرد.. خالد : يا ناس ويش قاعد يصير..؟! ابو سعود : شيء غريب انفجار في مجمع .. و بلاغ في الثاني واخلوه وامنوه و الحين يجيهم بلاغ بمجمع ثالث.. ياسر : الله يستر.. ام سعود : ياربي تطمنت يوم شفته والحين راح مره ثانية.. ام عساف : ان شاء الله انهم بخير عيالنا ماعليهم خلاف.. ام عبدالرحمن : اسمعي كلامها هذا هو ولدها مع ولدك ولا بكت مثل ما بكيتي خليك شديدة.. دانه بحزن : بس عاد شكلهم تعبانين سعود من امس الصباح طالع جاء بالليل شوي وطلع مره ثانية.. احمد : ان شاء الله تعدي المهمة على خير و يرتاحون.. الله يديم نعمة الامن علينا.. سهاد : والله قلق .. تلقونهم ما افطروا حتى.. مره يتعبون يا حياتي.. ابو عساف : واجبهم و واجبنا لا حسينا ان البلد تحتاج من يفديها بنصف كلنا عشانها.. عبير تحضن عضد ابوها : الله يحفظها من كل سوء يارب.. خالد : جود لا تغيرين القناة.. اكيد راح يجيبون كل جديد.. ام عبدالرحمن : يزيد وينه..!؟ ام عساف : والله قال عنده مشوار و بيلحقنا.. ام عبدالرحمن : افطرنا وهو بعده ما جاء.. ويش ذا المشوار اللي حزة الفطور.. ام عساف : والله ما ادري يا خالتي.. ام عبدالرحمن : انا ما ادري ويش بلاهم عيالكم.. ما يركدون.. وليد : يمه لا تجمعين هذا احنا انا واخواني قاعدين و مستريحين ومعينين من الله خير.. ام عبدالرحمن : انت لو ما وراك ابراهيم يمديك هايتن من زمان.. وليد : استغفر الله .. لا تظلمين بختك يمه.. ام عبدالرحمن : لا ظلمته ولا شيء .. انت غير من بد اخوانك.. وليد ابتسم بغرور : اكيد اني كفوو.. ام عبدالرحمن : لا بالله ما حزرت .. لو سيارتك ماهي بالورشة من شهرين يمديك مهيت مع اخوياك.. وليد : ذكرتيني .. يبه تكفى خلاص عاد صار ليش شهرين بدون سيارة ما غير على سيارات اخواني.. ابي سيارتي اشتقت لها.. احمد : مو اول تركد.. مو كل يوم صادم بشيء.. وليد : رجاءاً لا احد يتدخل بيني و بين ابوي.. قام وجلس جنب ابوه وباس كتفة : طلبتك يا ابو سعود خاست سيارتي عندهم .. ابو سعود : عشان تأدب .. كم مره مسوي حادث .. ما تقدر غلاة الروح انت..؟ وليد : قل ما يصيبنا الا ما كتب الله لنا .. بس عاد يا ابو سعود لي شهرين من غير سيارة ما غير مع الماشي.. زينه يقولون ولد ابراهيم بن مساعد ما معه يصلح سيارتة.. ابو سعود : والله يقولون اللي يقولون لا صار لك شيء ماهو نافعك قولهم.. ام احمد : تكفى يا ابوي لا تحرق قلبي عليك.. بصوت جهوري طغى ع المكان : السلام عليكم.. التفتوا له جميعهم لتنتقل ابتسامة مرسومة على وجهه لوجيههم.. ابو عبدالرحمن : يا هلا يا هلاا باللي طول الغيبة.. بندر تقدم لأبوه وباس راسه وكتفة وكفة : يا هلا فيك يالغالي.. ابو عبدالرحمن : لا بالله مانيب غالي عندك.. بندر : افاا والله غالي واغلى من روحي علي.. لف لامه وباس راسها وكتفها وكفها : الحمدلله على سلامتك يا ابوي.. وما زالت الابتسامة مرسومة على ثغرة : الله يسلمك يا نور عيوني.. سلم على اخوه : طولت الغيبة يا اخوي ما بغينا نشوفك.. بندر يحضن اخوه الكبير : والله اشتقت لكم.. حول على ابراهيم .. وحضنه : زعلانين عليك .. سبع سنين ما تنشاف.. بندر مبتسم : الا زعلك عاد ما ينقدر عليه.. بس مشاغل يا اخوي.. بعد ما انتهى على السلام عليهم جلس جنب امه : رجاءا من غير عتابات .. هذا انا رجعت.. ابو عساف : هذا اللي فالح فيه ما تبي احد يلومك على شيء .. شلعت قلب امي.. بندر : عاد رجعت لكم بشيء يرفع الراس.. اخذت درجة الزمالة ولله الحمد والمنه.. ابو عساف : مبروووك يا اخوي.. بندر : الله يبارك فيك.. ابو سعود : مبروووك عقبال ما تأخذ المره.. بندر ابتسم : الله يبارك فيك.. اما المره خلها ببيت اهلها.. ام عساف : ليش يا بندر والله خاطرنا نشوفك معرس.. بندر : تكفين لا تفتحين على مواضيع مقفلة.. و الله ما اتخيل نفسي ابداً ابداً.. ام عبدالرحمن : ادحر الشيطان عنك و ان شاء الله نزوجك قريب.. بندر : ترى برد مكان ماجيت.. ابو عبدالرحمن : والله ما عاد تعتب الحدود.. بندر : ما يندرى عن المكتوب .. الا وين الباقين..!؟ جود : كلاً بمطرحة.. بندر : ههه مطلوب اني اضحك الحين.. جود : ههههههههههههههه ياليت والله.. بندر : ههههههههههههه عشانك بس.. هههههههههههههههههه.. جود : لا الثانية من قلب الاولى لا .. بندر : ما علينا .. ويش اللي سمعتة..!؟ ابو عبدالرحمن : ويش سمعت..؟! بندر : وعد محجوزة امنياً..!؟ ابو عبدالرحمن : مثل اللي سمعته.. بندر تقدم بجلستة و ناظر ابراهيم : وانت عادي عندك بنتك تنحجز..!؟ ابو سعود : ما فيه شيء بيدي يا بندر .. والله لو بيدي شيء ما تأخرت .. بس ماباليد حيلة.. ام عبدالرحمن : لا تلوم اخوك و بعدين البنية ما عليها خلاف مع رجلها .. بندر بقهر : رجلها مين عماد.. تعرفونه تعرفون طباعة..!؟ ابو عساف : سألنا عنه يا بندر الرجال ما على سمعته غبار.. بندر : بس يتزوجها بهالطريقة لاااا وستين لاااا.. ابو عبدالرحمن : وانت جاينا من قلعة وادرين عشان تهاوش وتحامي لبنت اخوك.. ابو عساف : البنت صارت عند زوجها وهو مسؤول عن حمايتها.. بندر : ليش احنا ما نقدر نحميها ما احنا رجال..؟ ابو سعود : كلامك لا راح يودي ولا يجيب الموضوع صار فيه امن .. ممكن تسكر على هالموضوع.. بندر حس بضيقة ابراهيم : شوف انا متفق مع وليد نهربها برا السعودية.. ابو عساف بفاجعة : انت صاحي تحسب كل شيء على كيفك البنت عندها معلومات امنية تفهم.. وليد : غازي درى وهقوتي انه متوعد فيني .. بندر : شلون درى...!؟ وليد : ما ادري المهم ان سعود قايل انه يبيني بس ينهي اللي عنده.. بندر : ومن هو غازي ذا .. بالطقاق.. وليد : وهو كذلك.. احمد بيصرف الموضوع راح يعصبون ذا الاثنين : مين جابك يا عمي.. بندر : يزيد .. نسيته واقف برا قال يبيني اتأكد ان البنات تغطن.. البنات كل وحده قامت تلبس عبايتها ونقابها.. ام عبدالرحمن : يالله انك لا تبلانا مخلي الولد برا وانت جالس تهذر.. بندر : نسيت يمه والله نسيت.. فووويرس.. فارس جاء يجري..: نعم.. بندر : روح ناد يزيد واقف برا.. فارس : طيب.. ام عساف : ما شفت عيالنا.!.؟ بندر : الا كنت عندهم الاسبوع اللي فات.. ام عساف : ما عندهم يرجعون..!؟ بندر : ما باقي لهم شيء ماشاء الله .. هانت.. يزيد : مساكم الله بالخير.. : ياهلا .. مساك الله بالنور.. بعد ما سلم عليهم جلس .. : شفتوا اللي صاير برا..!؟ الشوارع زحمممة.. خالد : ايه القناة عارضينها.. يزيد : الله يأخذهم بشر اعمالهم اللي ما يخافون الله.. بندر : ليش ويش صاير..؟ انا كنت معاك بالسيارة ما حسيت ان فيه شيء.. يزيد : صاير انفجار بمجمع تجاري.. بندر : اوووف عسى بس ما احد راح..!؟ ياسر : لا من شوي جابوا لقاء مع غازي وقال ما فيه وفيات الحمدلله بس كم اصابة وان شاء الله بخير وعلى اساس خلصوا و بيروحون يسلمون على الشباب اللي انصابوا بس جاء واحد يقوله في قنابل بمجمع الزمرد.. بندر : يالله .. الله يعاونهم و يحميهم.. عشان كذا ما شفت لا عساف ولا سعود..؟! مشعل : ايه كانوا مع غازي.. بس لا شفت الصورة تحس بكمية رزة بالمشهد غازي و وراه ستة ضباط لهم هيبة.. ام سعود : الله يطمنا على عيالنا.. بندر باسلوب فكاهي : من جدك تخافين على سعود و عساف ما ينخاف عليهم قطاوة.. ام عبدالرحمن تضربة بعصاتها : ما تستحي قل لا اله الا الله.. ميار جات تجري وبيدها الجوال : يمه يمه سعود يتصل.. اخذته ام سعود وردت بلهفة : الوو .. هلا يا ابوي.. الحمدلله .. اكيد يا ابوي ما فيك شيء.. طيب تعال خلنا نشوفك.. يا ابوي والله ما ارتاح لين اشوفك.. ويش تطول مو خلصتوا شغل .. طيب يا ابوي بس لا تطول بنتظرك لين ترجع .. بس.. طيب على امرك.. ان شاء الله يوصل .. مع السلامة.. وقفل الخط.. ابو سعود : ويش يقول..؟ ام سعود : يقول انه بخير الحمدلله و بيطلع للمركز وبيطول يقول لا تنتظروني.. ابو سعود : الحمدلله اهم شيء انه بخير.. .. في مكتب الفريق غازي جالسين السبعة كل واحد مسوي نفسة مؤدب وجالسين برزة عدا عماد اللي شوي و ينسدح و مغمض عيونه .. الفريق غازي وراء مكتبة وهم ع الكنب.. عماد : عمي.. الفريق غازي مستند ع الكرسي : عمت عيونك.. عماد : خلنا نجيبهم الحين نحقق معاهم .. وليني صلاح بس تكفى.. الفريق غازي : لاااا.. انا اللي بستلم التحقيق معاهم.. عماد : ليش ابي اعرف.. الفريق غازي : عماد و رب الكون ماني فايق لك.. بتجلسون عندي من غير هذرة والا وروني مقفاكم.. راشد يهمس لعماد : روووق سيادة الفريق ماهو فايق.. نايف : و كأننا لعبة بيديهم كل مره يودونا مكان .. يجينا بلاغ و بالاخير يطلع ما فيه شيء بالموقع.. عماد : هذا واحد بزر بس ما راح ارحمه .. على كيفة يقدم بلاغ كاذب.. عزام : لا لهم قصد من وراء حركتهم هاذي .. مو معقول كان قصدهم مجمع الدرة نتفاجأ ببلاغين مجمع صالح و مجمع الزمرد .. ولما نروح نلقى الزمرد مافيه شيء .. و يوم نخلص من التفكيك بمجمع صالح يجينا بلاغ ثاني ان الزمرد فيه متفجرات اصلاً مين فتحة .. مو احنا كنا منبهين ما ينفتح لين ينتهي اليوم.. سعود : خذ بالحسبان التوقيت اللي مره يشتغل ومره يطفي.. عساف : واحد يراقبنا و يعرف كل شيء نسويه .. و بكذا قادر يتحكم فينا على مشتهاه.. الفريق غازي رفع سماعة التليفون : حمد تعال ابيك.. رفع عيونه للشباب : عماد دق ع الشباب شوف كيف الوضع بالمزرعة.. عماد وهو متساند بظهره ومغمض عيونة : دقيت وقالوا كل شيء تمام.. دخل حمد وأدى التحية العسكرية .. الفريق غازي : تعال حمد .... اقترب حمد من مكتب غازي .. الفريف غازي : اول شيء ابيك ترسل احد لبيتي يجيب الأكل للشباب ما افطروا.. عماد : زين حسيت اننا جوعانين اكرمك الله.. الفريق غازي : ان ما سكت هفيتك بالملف.. عماد التفت عليهم لان مكتب غازي وراه ابتسم : طيب بنطم.. اهم شيء حمد اللي بترسله قوله لا يطول.. الفريق غازي طنش عماد .. : فيه اكل من ضمن اللي بتجيبه لكم خذه من غير لا تشاور.. حمد : كثر الله خيرك.. الفريق غازي : بالعافية ..وامسك هذا الامر ابيك تأخذ لي دورية وتجيب لي وليد بن ابراهيم.. سعود التفت بسرعة : سيدي.. الفريق غازي بحزم : سعود لا تتدخل.. سكت سعود .. غازي وعدهم هو و وعد يغطي ع الموضوع بس بيقرصة.. الفريق غازي : و ابيك تشوف لي سلمان ويش طلع معاه حددوا موقع اللي اتصل و قدم البلاغات والا لا..!؟ حمد : حاضر سيدي.. الفريق غازي : روح شوف شغلك.. حمد ادى التحية العسكرية وطلع .. وغازي وقف متجه للشباب : هاه ويش الخطوة الجاية..!؟ سعود : التحقيق مع صلاح و زياد.. نايف : اذا مثل ما قلت وهم فعلا جماعتين لرئيس واحد تارك وحده بالواجهه معناتة ما راح نستفيد من وراهم شيء.. سعود : ماهو اكيد هاذي احتمالات واردة .. لازم نحقق و نشوف لـ ايش بنوصل.. عزام : ما قلت لنا كيف مسكت الاثنين.. سعود : ابداً اغبياء الاثنين لقيتهم على الحدود اللي احنا حاطينها و يحاولون يدخلون .. و مسكناهم .. تخيل بهالبساطة.. عساف : صدقت اغبيــــاء.. الفريق غازي : والله انتم الأغبياء.. دام بهالبساطة كلها اجل حركتهم مقصودة.. عماد اعتدل بجلستة : ويش تقصد..!؟ الفريق غازي : تقصدوا يخلونا نمسكهم .. راح نحقق معاهم بأسرع وقت و نشوف ويش وراهم.. عماد : عمي ويش تبي بوليد..!؟ الفريق غازي : بقرص اذنة.. عماد : ليش ويش مسوي..!؟ الفريق غازي : حساب بيني و بينه.. عماد : هو اللي داخل المزرعة..!؟ الفريق غازي : ايه.. عزام : غريبة شلون يكسر اوامر زي كذا..؟! عساف : وليد ما يهمه شيء.. واخر شيء يفكر فيه نفسة.. عادي يعرض حياتة للخطر.. مسوي اكثر من سبع حوادث.. راشد : اوووف سبعة ماهو صاحي..!؟ عساف : ما يعرف يمشي بهدوء بالسيارة الحوداث من غير الاشياء الخفيفة .. اذا ما دخل سيارتة كل شهر الورشة ما يرتاح.. الفريق غازي : تاركة ابراهيم على راحتة.. سعود : اثنين لا تجادل ابوي على غلاهم .. وعد و وليد.. عماد : ليش انتم مو عياله..!؟ سعود : الا بس هالاثنين غير عنده .. وليد بلسانة واسلوبة يقنع ابوي .. و وعد غالية عنده عشان كذا احيان يسكت عن غلطها.. الفريق غازي : غريبة اخبر ابراهيم ما يرضى بالغلط.. بس ايش معنى وعد لا هي اول بناتة ولا هي أخرهن.. سعود : يكن لان امها تركتها صغيرة وما يبيها تحس .. ما ادري بس وعد غير.. نايف : احس كل بيت زي كذا لازم يكون فيه احد اغلى عند الاب و الام.. الفريق غازي : شوف اذا بتفكر فيها كا ولد بتقول ايه لازم يكون واحد اغلى .. بس لو كنت اب بتشوف كل عيالك واحد.. انا عند امي اقول هي تغلي عامر اكثر مني .. و ان شفت بناتي اقول كلهم مثل بعض.. سعود : انت عندك بنات.!.؟ الفريق غازي : ايه ولا تقول مو باين علي اني متزوج عشان ما اهفك.. سعود : ههههههههههه الا باين .. بس ما توقعت.. الفريق غازي : ليش مو لايق..؟!؟ سعود مبتسم : ما تخيلك غير الفريق اول اما عيلة و كذا لا.. الفريق غازي : عندي اربع بنات اكبرهن 18 سنة.. واصغرهن 7 سنوات.. عماد : كلهم بزارين.. الفريق غازي : بزارين في عينك.. عماد : بس الصغيرة اللسان لا اله الا الله.. الفريق غازي ضربه بالملف : تراك تسب بناتي.. حاااسب.. عماد : ما سبيت .. تنكر بنتك ذاك اليوم بغت تذبحني.. الفريق غازي : ياليتها سوتها و ريحتنا من ذا الخشة.. عساف : ليش ويش سوت لك.!.؟ عماد : كنت نايم وحطت الكيس على راسي اخنقتني.. : ههههههههههههههههههههههههه.. الفريق غازي : المره الجاية انا بحطة.. طرقات الباب علت وسط حديثهم العملي يتخلله احاديث تخفف من قلقهم على امنهم .. الفريق غازي : تفضل .. دخل حمد و معاه رجال محملين بالاكياس : الأكل طال عمرك.. الفريق غازي : حط ع الطاولة .. اخذت الاكل المخصوص لكم..؟! حمد ابتسم : ايه طال عمرك كثر الله خيرك.. الفريق غازي : بالعافية.. ارسلت الدورية لبيت ابراهيم.. حمد : مثل ما طلبت.. الفريق غازي : تمام .. بس يوصل وليد دخله علي.. حمد : حاضر سيدي.. .. ياسر : يبه .. دورية برا يبون وليد.. ابو سعود : قايل انا غازي ما راح يمررها على خير.. ام احمد بفاجعة : تكفى يا ابو سعود لا تخليهم يأخذونه.. ابو سعود : لا اخليهم يأخذونه .. ويش تبيني اسوي كان ولدك ما يفهم .. غازي محرص علينا وهو يروح يناطح لي القوانين.. ياسر : متى امداه يخلص شغلة ماشاء الله عشان يطلب وليد.. ام احمد مسكت وليد : لا تروح انحاش منهم.. ابو سعود : ويش ينحاش منهم بيفتشون البيت عشان يأخذونه.. والله لا يجيبونه من تحت الأرض .. خليه يروح وبعدين بروح اشوف غازي.. وليد وقف : يمه لا تقلقين غازي هذا انا حاطة بجيبي بكلمتين بس افر له مخه و اجيك بس اصبري علي.. خالد : يا عيني ع الثقة يا عيني .. روح درعم لحالك للمركز.. ياسر : لا بنروح معاه ويش يروح لحاله.. وليد باس راس امه : لا تخافين ما فيه شيء يخوف .. وتعداها عشان يطلع مع رجال الامن و وراه ياسر و خالد ومشعل.. بندر : انتظروا شباب بروح معاكم.. ابو سعود جلس بعد ما طلعوا .. ام عبدالرحمن : ولدك ماخذينه وانت جالس هنا ويش صاير ل كانت صويحي..؟! ابو سعود : ايه يمه صويحي .. خلوه عشان يتأدب و يخاف اللي مأخذينة الأمن عشان المرة الثانية ما يتخطي حدودة.. ام احمد : تبيهم يحبسونة.؟! ابو سعود : خليه يحبسة يومين يمكن يجرب السجن و يتوب حتى عن سرعتة.. احمد : يمه تطمني والله مو صاير الا الخير.. يزيد : تطمني يا خالة سعود وعساف ما يتركونة.. ام عساف : الله يجيب العواقب سليمة.. .. حمد : سيدي وليد برا ومعاه اخوانه.. الفريق غازي : انا طالب وليد ما طلبت اخوانه.. سعود : هههههههههههه ما تعرفنا انا واخواني ننط بكل شيء.. الفريق غازي : دخل وليد بــس.. حمد : حاضر.. عساف يناظر الفريق غازي : ادبغة تكفى.. الفريق غازي : انا بوريه شغل الله.. دخل وليد وشافهم جالسين باريحيه ويأكلون .. الفريق غازي يتوسطهم يساره عماد .. والكنبة اللي يسارهم عليها عزام و راشد .. ومقابل غازي وعماد جالس عساف ويسارة راشد و يمين عساف وعلى كنبة لحالة سعود.. كتف وليد يديه وناظر غازي : السلام عليكم.. : وعليكم السلام.. الفريق غازي : هلا بوليد .. بكاسر القوانين ومتعدي الحدود.. وليد تقدم وجلس على حد الكنبة اللي جالس عليها سعود يعني ع الطرف اعلى منهم : ما احتاج احد يوصفني او يعطيني القاب.. الفريق غازي رفع حاجبة : انا سمحت لك تجلس..؟! وليد : ما كنك بدوام دامك تأكل ماني ملزوم اسمع اوامرك.. ليش طالبني..؟! الفريق غازي : مو انت اللي تعلمني ويش اسوي.. ليش رايح لاختك للمزرعة.!.؟ وليد يلعب برجولة المرتفعة عن الارض شوي : جاوبت على نفسك بنفسك اختي.. يعني ما احد له حق يمنعني عنها ولو اشتهيت اشوفها بروح مره واثنين و ثلاثة.. الفريق غازي : ويش عرفك بمكانها..!؟ وليد : ماني ملزوم اقولك عن اسراري..!؟ سعود : وليــــد تأدب.. الفريق غازي : سعود قايل لك لا تتدخل.. خله علي.. وليد : يعني شنو تبون تعازمون علي شكلكم مطولين .. فصخ جزماتة وتربع فوق : ماشاء الله مبين ان عندكم مهمة امنية.. ما كن اللي شافكم ع التلفزيون يصدق ان هاذي اشكالكم الحين.. عماد : الززززم حدودك واعرف مين تحاكي.. وليد : انت بالذات ما ابي لساني يجي على لسانك.. عماد : تصدق ميت ع الكلام معاك.. وليد : ازين بعد لو تموت يكون احسن.. الفريق غازي : ولــــيد.. اعرف اللي قدامك مين قبل لا تنطق كلامك.. اللي سويته خطأ ولا تقدر تنكر خطاك جيناكم وفهمناكم اختكم ما يصير تقابل احد و علمناكم بالاسباب.. وليد : وعد تقول ما تعرف شيء و المعلومات اللي تقولون عنها هي ما تعرفها.. الفريق غازي : اختك مو ما تعرف اختك ماهي مقدرة.. وليد بحدة .. يشهر يده امام غازي : لا تسبها قدامي.. الفريق غازي : لا قدامك ولا و وراك .. هذا الصدق .. اختك فاهمة اشياء غلط .. عموماً انا ماني جايبك من بيتهم عشان نتناقش بموضوع اختك المنتهي.. وليد باستهزاء : اجل ليش جايبني حضرتك..؟! الفريق غازي : عشان الخطأ اللي ارتكبته.. بأخذ الموضوع من أخره .. انت مخير بين امرين .. يا تنسجن عقوبة على اللي سويته .. يا تشتغل عندي لمدة ثلاث شهور تحت امرتي وتسمع كلامي.. وليد : والسجن قد ايش مدتة.!.؟ الفريق غازي : ثلاث شهور نفس المدة اللي بتشتغل عندي فيها.. وليد : انسجن.. سعود وقف : انت صاحي تفكر بعقلك..!؟ وليد : ايه بعقلي .. كيفي انا بنسجن ما احد طلبك تنسجن معاي.. الفريق غازي : على راحتك.. يا عسكـــــــــــــــــــــري.. دخل حمد وادى التحية العسكرية : امر سيدي.. الفريق غازي : خذ وليد وحطه بالسجن الانفرادي بعيد عن صلاح وزياد.. وليد بعصبية : صلاح هنا.!.؟ الفريق غازي يناظر حمد : خذه و لا تطلعه لين اقولك.. وليد بابتسامة خبيثة : حلووو زين ما اخترت اجل.. اسجني سنة دام صلاح هنا.. حمد تقدم من وليد ومسكه من عضدة : لو سمحت من غير شوشرة.. وليد سحب عضدة : لو سمحت انت انا امشي من نفسي صدقني مستانس اللي بنسجن.. ولو تسوي لي زفة بعد بكون شاكر لك.. حمد ابتسم : شكلك مضيع.. وليد يتخطاه : والله رئيسك اللي مضيع يحسب بيحط راسه براس وليد بن ابراهيم.. مشى وراه حمد .. اول ما طلع وليد وقفوا خالد وياسر و بندر .. بندر : ويش صار.. وليد بابتسامة : بيسجني ثلاث شهور.. ياسر : اووووف ليش..!؟ وليد : افرحوا صلاح بالسجن بنتقم منه على رواااق.. مشعل بفاجعة : ويـــــش..!..؟ وليد : ورب البيت لأخذ حق وعد منه ثالث مثلث.. خالد : ما انت صاحي .. هذا نهاية تهورك بتنسجن وتجيب لنا الفضايح.. وليد : لا فضايح ولا شيء.. خلوكم مروووقين بس.. حمد : لو سمحت يالله .. وليد ببرود : طيب لا تعصب.. مشى وليد ومشى معاه حمد.. مشعل : كلموا سعود خلوه يشوف لنا دبرة ويش ينسجن ثلاث شهور.. ياسر : خلونا ندرعم دام فيه احد هنا ندخل على غازي نتفاهم معاه.. خالد : يالله قبل ما يجي اللي هنا.. مشعل : ما تحسونها قلة ذووق.. ياسر : خل الذوق بس اهم شيء وليد ما ينام هنا.. بندر : صدق ما راح نخليهم ع راحتهم يكفي وعد محجوزة وساكتين.. خالد : انت اللي بتكون بالمقدمة اجل.. بوجه المدفع.. بندر : عادي تحسب اني بخاف.. |
رد: لو سألتي الورد وهو ما بين إيدك أقطعك بيقول لك عمري فداك الكاتبة / ضحكة قهر
.. تقدموا الأربعة يتقدمهم بندر اللي حطوه بالوجة .. طرق ع الباب عدة مرات وفتحة اول ما سمع صوت غازي يسمح له يدخل.. دخل بندر خالد ياسر مشعل.. : السلام عليكم.. وقفوا عساف و سعود يوم شافوا عمهم .. ابتسموا .. عساف : هلا هلا سلامة الاسفار.. سلم على بندر خد بخد.. بندر : الله لا يسلمك كانك جالس و ولد عمك ينسجن.. بعد عنه عساف وهو مبتسم .. بعده سعود سلم عليه : الحمدلله على سلامتك.. بندر : الله لا يسلمك مثل ولد عمك.. سعود بعد عنه : افاا ويش ذا الدعاوي.. مشعل قرب لسعود وباس راسة : خوفتنا عليك خالتي بغت تروح فيها.. سعود : قايل لكم عندي شغلhttp://cdncache-a.akamaihd.net/items...rrow-10x10.png ومطول.. مشعل : بس الانفجار اللي صار خوفنا.. سعود : ما كنت حتى بالموقع.. عموماً يصير خير.. ليش جايين كلكم.. ياسر : جايين نقابل الفريق غازي.. الفريق غازي ابتسم : حياكم ما عليش يعني الوضع مكركب تونا نفطر.. بندر : بالعافية .. مكن نعرف ليش حاجز وليد عندك..؟! الفريق غازي : والله وليد تعدا على اوامر امنية.. ومن حقنا نحاسبة ونحاسب كل من يتخطى الحدود.. بندر : طيب امرنا لله .. وعد..!؟ الفريق غازي : تكملنا بهالموضوع .. وان كنت مو فاهم شيء .. عندك عساف وسعود يفهمونك.. بندر : ماني غبي عشان ما افهم.. وعد تطلع من السجن اللي حاطينها فيه.. الفريق غازي : بصفتك مين تأمرنا بهالأمر..؟ بندر : عمها.. شوف بنتنا ما عندها المعلومات اللي تقول عنها .. وفوق هذا الحين حابسها وحابس ولدنا.. عساف : عمي اللي يهديك.. انت مو فاهم.. الموضوع ما تتخيلونه.. تكفى لا تحوسها.. بندر : ولا حرف ترى انت شايل عليك بقلبي قد ايش.. انت و هاللي جنبك..(يقصد سعود).. سعود : عمي احنا لو نقدر نطلعها طلعناها بس هالشيء ممنوع لين ينتهي الأمن من مهمتة.. بندر : كلامكم هذا ما يهمني.. تفهم.. الفريق غازي وقف وتقدم لبندر : رجاءاً يا بندر انت تحط راسك براس الامن .. وعد ما ينفع تطلع انا خالها ولو بيدي اطلعها ما ترددت.. بندر : خالها من متى.!.؟ من يومين توك اللي تذكرت ان عندك بنت اخت..!؟ مشعل حط يده على كتف عمه بمحاولة لتهديتة : عمي تكفى احنا هنا عشان وليد مو وعد .. وعد الموضوع منتهي وما فيه مجال للنقاش .. خلنا بمصيبة وليد.. الفريق غازي : حتى وليد الموضوع منتهي وما فيه مجال للنقاش.. خالد : وراء ما تجيب كل عيلتنا وتحجزهم عندك بعد..!؟ الفريق غازي : لا تستهزأ تراك تتعدا على رجل امن.. بامكاني الآن اشيلكم الخمسة و احجزكم بس مسوي لكم قدر تضلون اخوان بنات اختي.. بندر : و ان جاك الامر من فوق تطلق صراح وليد.. الفريق غازي : تبي الصدق انا ما ابي احبسة.. بس بسوي له قرصة اذن عشان يقدر ويش يعني حدود واعتقد كثر الله خيري اللي مو معرضة للتحقيق وهذا بس عشان خاطر وعد عشاني وعدتها و وعدت سعود.. هذا انا قلتها لكم على بلاطة.. بندر : مسوي انك تقدرنا يعني..!؟ الفريق غازي : شوف بندر انت مالك يد بالموضوع و الله لو احد غيرك كان رميتة بالسجن من دخل علي بالمكتب و تعدا علي .. بس عشان انت تعرف انك غالي علي ما ابي اسوي شيء يضرك.. بندر : انت تشوفها زينه وليد ينحبس و وعد تنحبس.. الفريق غازي : ليش معتبرها محبوسة هي ببيت سياح نياح ماهي بالسجن بس ممنوعة من التواصل مع العالم لين تنتهي المهمة الأمنية عاد لازم تقدرون انتم و تعاونون معانا والله الموضوع مو هين.. بندر : ماني مقتنع بكلامك يا غازي وعد ويش عرفها بالمعلومات الأمنية.. الفريق غازي : تدري من اللي بلغنا بالمتفجرات بالمجمع.. وعد.. انصدموا ناظروا بعض يستوعبون وعد ويش عرفها بمتفجرات .. خالد : وعد ويش عرفها..؟! الفريق غازي ما قالهم الا عشان يقتنعون ان وعد محجوزة لمصلحتها ومصلحة الامن : هالشيء ما ابيه يطلع عشان حياة اختكم ولا حتى تحكون فيه بينكم.. بس عشان تعرفون اختكم عندها معلومات غير المعلومات على اعداء هالبلد عندنا معلومات امنية.. و رجاءاً الموضوع خارج عن السيطرة.. سعود : الله يخليكم هاذي اسرار المفروض ما تدرون فيها والله لو احد يدري حياة وعد بتكون مهددة.. بندر يمسح وجهه بكفوفة : اللهم طولك يا روح.. الفريق غازي : لازم تصبرون .. لا تحسبون انه الشيء هين عندنا.. والله نبيها ترجع لكم بس هالموضوع مو بيدينا.. مشعل : الله يكون بعونكم و يحميكم.. بس احنا ودنا تكلمنا مو انتم وافقتوا على انها تكلمنا..!؟ الفريق غازي آشر على عماد اللي جالس يأكل ببرود ولا معطي الشباب وجه : هذا زوجها انا قايل له.. عماد : هي ما تبي تكلم احد ويش اسوي لها.. بندر : هو انت ولد عامر..!؟ عماد : ايه هو انا ولد عامر.. بندر : لا رحت لبنتنا قولها تكلمني ابيها .. عماد : مين انت بلا صغره..!؟ بندر : بندر بن مساعد.. عماد : ان شاء الله ان ما نسيـ ما خلص كلمته الا جواله يدق طنش الكل ورد .. الفريق غازي آشر للكنب : استريحوا خلوني اضيفكم.. بندر : كنا جايين عشان وليد ما نبي ضيافة.. الفريق غازي : والله غير تجلسون.. اشربوا فنجال وبعدها بكيفكم.. عماد يكلم الجوال عندهم : نعم رانيه .. ايه ... طيب اعطيني اياها واول ما أخلص المكالمة خذي الجوال..هلااا .. ايه ... والله ماني فاضي... على طوالة لسانك.. بقول لسعود ومتى ما جابها بجيبها.. طيب لا تحنين ارسلي لي اسمائها وارسلها لسعود .. اوكِ .. اعطي الجوال رانيه.. لا ما تقدرين.. اعطيه رانيه ترى ما اجيب لك اللي طلبتِ ونتبع ذا الاسلوب.. اوك .. تمام رانيه بس كنت بتطمن انك اخذت الجوال .. ان استجد أي شيء بلغيني.. وقفل الخط.. ياسر : الحين انت تكلم اختي..!؟ عماد : لا بنت الجيران.. (لف على سعود) اختك تبي روايات ما ادري كتب من البيت.. (عماد يناظر الرسالة الطويلة اللي واصلة له) ماشاء الله مسرع كتبتها .. ياسر : هذا اسلوب تكلمها فيه..!؟ عماد : ليش و شلون تبيني اتكلم..!؟ ياسر يصر على اسنانة : ترى نقدر نطلب غيرك يحميها.. عماد : تهددني.. انا ما اتهدد انا عماد بن عامر.. ياسر : خشمك لا يشق السقف.. الفريق غازي : ممكن تهدووون .. حمــــــــد.. حمد دخل بخطوات سريعة : امر سيدي.. الفريق غازي : ناد لي ابو احمد يجيب لنا قهوة و يشيل الأكل.. وقوله يجيب لنا المبخر.. حمد : ان شاء الله .. وطلع.. عماد : ما بعد شبعت للحين.. سعود يجلس جنب عماد : ايه والله ما شبعت للحين.. الفريق غازي : ما احد قالكم اهذروا من اول.. عماد : افااا ما هقيت تستبخل علينا.. حمد دخل بخطوات سريعة : سيدي وليد مسوي شوشرة بالسجن.. الفريق غازي ابتسم : جيبه لي .. كنت انتظر هالشيء.. حمد : ان شاء الله.. عماد : اول مره اشوف واحد يفرح بالشوشرة زيك.. الفريق غازي : كنت ابيه يسوي شوشرة عشان اخليه يتجه للخيار الثاني.. خالد : ونقدر نعرف ويش هو الخيار الثاني..!؟ الفريق غازي : انا خيرته بين السجن او انه يشتغل تحت امرتي.. وهو اختار السجن.. ياسر : زين ما اختار.. الفريق غازي ابتسم : من جدك تبي اخوك ينسجن.. ياسر : ايه ولا يشتغل عندك.. الفريق غازي : غريب انت.. كنت متوقع انك مثل سعود بس شكلي ما أعرف اقدر للحين.. سعود : سيدي سوو اللي تشوفه مناسب اخواني ما راح يعترضون.. وليد يبي له فركة أذن عشان يتوب حتى عن السرعة.. الفريق غازي : دخل مدرسة سواقة..؟! سعود : ايه بس فشل فيه وطلع الشهادة بالواسطة.. الفريق غازي : هذا اللي ينرفزني بـ ابراهيم و عامر اثنينهم يتبعون نفس الاسلوب مع عيالهم.. خالد رفع حاجبة : كـأنك تسب ابوي..؟! الفريق غازي : ما اسبه انتقد اسلوبة و اسلوب اخوي.. الدلع الزايد.. الواحد ما يضمن ويش يصير له بكره هم شافوا من الدنيا اشكال والوان و الحين ما يبون عيالهم يواجهون شيء وابسط الاشياء يوفرونها لهم من غير تعب مثل السواقة هاذي مطلع الشهادة من غير لا يكون مؤهل للسواقة.. ويش فيها اذا خلاه يواجه الحياة هو اليوم معاه بكره ما يدري ويش يصير له.. بندر : والله معاك حق .. ابراهيم اذا ما عرف كل صغيرة و كبيرة ما يرتاح.. عماد : نفس ابوي .. ما يقدرون ان الواحد له خصوصية.. سعود : ياخي عياله من حقه يعرف ويش عندهم.. الدنيا تخوف وفيها الشر اكثر من الخير.. دخل ابو احمد بيده صينية القهوة : سيدي.. قام عماد واخذها منه : بس جيب المبخر خل ريحة الأكل تروح.. ابو احمد : جاهزة طال عمرك.. عماد : تمام.. جيبها.. ابو احمد : تامر.. حمد : سيدي وليد برا.. الفريق غازي : دخله .. حمد وقف ع الباب : تعال.. دخل وليد وشاف اخوانه وعمه جالسين مع غازي والشباب اللي كانوا معاه.. : مين قالك اطلبني..؟! الفريق غازي : ويش مسوي بالحجز..!؟ وليد : عاجبني.. الفريق غازي : مسوي شوشرة..؟! وليد : والله عاد مزاجي .. انت خيرتني وانا اخترت قلهم ينزلون تحت عندي حساب بصفية.. بندر : مع مين.. وليد : مع الزفت صلاح.. عماد : لا تحاول حساب صلاح انا اللي بصفية.. نايف : ما يكفي تهاوشت مع سعود ع حساب انك تحقق معاه.. الفريق غازي : تعالي وليد اجلس خلنا نتفاهم.. وليد : ما عندي شيء اتفاهم عليه معك.. ابو احمد : سيدي المبخر.. راشد أخذه منه : يا حي هالريحة.. مشكور يا ابو احمد.. الفريق غازي : الهح يرضى عليك شيل كل هالأكل.. و بظرف دقايق حمل ابو احمد كل الاكل وطلع برا وسكر الباب وراه.. بندر : وليد الله يهديك فكر بعقلك الرجال ما قصر و عطاك الخيار تروح تختار السجن.. وليد : خيار والا خس انا ما ابي اشتغل عنده.. الفريق غازي : يا ابن الحلال السجن ماهو لك وانا ما ودي احطك فيه بس كانك تبيه ماني قايل لك لا.. وليد : تصدق آثرت فيني .. قلت لك ابي السجن.. الفريق غازي : عشان صلاح هنا..!؟ وليد : ايه عشان صلاح هنا و عناداً فيك.. الفريق غازي : شكلك ما تداري مصلحة نفسك .. سعود كلم ابوك قوله يجي.. وليد : شلون يعني بتهددني بأبوي مثلاً..؟! الفريق غازي : كانك ما تسمع الكلام وتبي مين يدقك ايه بهددك بأبوك.. وليد : على أساس بتغير رأيي .. انا ابي انزل تحت عاجبني الجوو عندكم.. شفت لي كم واحد راقوا لي.. سعود : ويش اللي راقوا لكم هذولي مجرمين مجرميـن اقل واحد فيهم حكمه بيصدر مؤبد.. وليد يجلس على طرف مكانة اللي جلس فيه قبل ويناظره اخوه اللي جالس جنب عماد : والله عاد هذا ابو مؤبد عاجبني كن اسمه سويلم صح..!؟ الفريق غازي بفاجعة : لحقت تعرف اسمه وانت بالانفرادي..!؟ وليد : و اتواصل معاهم لا بغيت.. طرقات على الباب علت لتقطع حديثهم .. غازي : تفـــــــضل.. حمد : سيدي صلاح يطلب وليد.. وليد ابتسم : قوله جايه هالحين.. بندر : انت غبي والا تستغبي .!.؟ وليد : ايه غبي وفاقد عقلي مزاااجي انا حر اصلا انا ما طلبتكم تلحقوني.. عساف : وليــــد تعرف انك تتكلم عن مجرم مطلوب امنياً.. وليد : ايه اعرف.. واعرف من يكون .. واللي اعرفه هو اللي روع اختي مرتين وخطفها هو اللي يخليها تفز من نومها نص الليل تصارخ من خوفها .. و اللي اعرفة ان لي حساب معاه بصفية.. عماد وقف ومسك وليد من كتوفه وجره له وحمر عيونة فيه : و رب البيت يا وليد اللعب عندنا مو مسموح ولو الموضوع تصفية حسابات شخصية كان دخلتة جثة على هالمكان .. لا تحسب ان انت بس اللي مقهور على خطفك اختك اذا انت مقهور مره انا مقهور الف مره.. وليد نفض يدين عماد وابعده عنه : مقهور الف مره بصفتك ويش .. متزوجها من غير لا تدري .. والا ابوك اللي لوى ذراعي ابوي عشان ياخذها لك لكن واللي رفع سبع وبسط سبع حقها ما يضيع هباء لو على جثتي.. الفريق غازي وقف بينهم : بـــــــــس ما تقدرون احد ولا تحترمون الكبير بينكم.. عماد : ماله حق يحاسب صلاح الامن يحاسبة.. لا يسوي تصرفات صبيانية مثل ما دخل عنده المزرعة.. الفريق غازي : وليد عاقل وما يسويها.. وليد : العقل ودعتة من زمان زماااان من يوم جيتونا و ابوي رضى اللي يزوج بنته لك (آشر على عماد) ودعتة يوم جيتونا تعلمونا ان اختي صارت عندكم وابوي ما سوا شيء.. عساف مسك وليد يهديه : وليد لازم تقدر الظروف .. مو كل شيء تبيه يجيك احيان يصير لك شيء ما تبيه ولا تتمناه.. وليد بحدة دف عساف بعيد عنه : مثلك ارضى باللي ما ابيه .. و احب وحده و اخطب اختها.. صدمة الجمتهم .. و كأن كلمات وليد الحادة كـ إبرة استخدمت لتحيك فتحات ثوب لتخفي تشوهاتة.. و كأنها كومة رمل سكبت على حفرة لتدفن ما خُبأ داخلها.. تزاحمت الكلمات على افواههم لتصبح من المستحيل ان تخرج بهدوء .. عساف من شعر بان هناك من يحكم رباطة عليه و يجره وسط رمال الصحراء .. الجفاف يشعر به فيه حلقة .. يديه ترجف رجفة خفيفة يحكم سيطرتة عليها .. .. دخلت المنزل بثقة ستترك ابنائة هنا وتهرب .. هي تعلم ان ما تفعله سيغضبة و ان امسكها سيفتري بها.. ولكنها ستهرب سريعاً سيارتة ليست موجودة امام الفيلا.. دخلت و بجانبها ابنائها .. ناظرت الخدامة اللي طلعت تفتح لها الباب : انا تتيانا اود مقابلة السيد ابراهيم مساعد.. الخدامة : ادخل هنا.. انا ينادي هو الحين.. ودخلت للباب الداخلي.. ابراهيم : يمه انتِ بتخلينا و تروحين صح..؟! تتيانا : نعم اتفقنا انني سأذهب .. ولكني سأعود لكما يوماً ما .. كونوا بخير من اجلي.. رند : ماما لا تلوحين انا الوح معاكِ.. تتيانا : بل ستبقين مع والدك.. داخل .. ابو سعود باستغراب : حرمة تبغاني..!؟ جود باستهزاء : اعترف بسرعة يا ابو سعود.. ام عبدالرحمن : بايش يعترف طاق الاربعة خلاص العداد امتلى.. جود : ههههههههههههه حلوة منك يمه.. ابو سعود : دخليها ياتي نشوف مين تطلع.. ياتي : حاضر .. واتجهت بخطواتها للباب الداخلي.. سها : علينا ابو سعووود علينااا يعني ما نعرف مين.. ابو سعود : تحسبيني لو اعرف مره ماني قايل ..؟! انا ما اطق الطار مقلوب.. والله معطيني ومكتفي الحمدلله..ماني محتاج اتعرف على وحده جديدة.. دخلت المرأة الشقراء لتتجه انظارهم اليها بجانبها طفلين.. تتيانا ترتدي العباءة الكتف المفتوحة وعلى اكتافها الطرحة شعرها الأشقر قصير بقصات عشوائية يصل لرقبتها.. جود : يبه وصلت للأجانب بكره و و عيال بعد.. ابو سعود : قسماً ان ما سكتي يا ويلك ويش يرضي الاربعة .. لا تبليني بشيء ما صار.. جود : صدق ما صار و الدليل قدامنا.. تتيانا با ابتسامة : هاااي.. انا زوجة ابنكم.. الصدمة اعتلت على وجيههم .. ابنكم وبما انها طلبت ابو سعود يعني الامر محصور بعيالة السبعة .. ام عبدالرحمن تأشر على تتيانا بعصاتها : هالغبرا ويش تخثرد به..!؟ احمد من وراها بصدمة : تتيانا..!!! .. لا إله الا انت سبحانك اني كنت من الظالمين.. لا احلل نقل الرواية دون ذكر اسمي.. حياكم في هاشتاق فتحتة خاص بالرواية ع التويتر #رواية_لو_سألتي_الورد.. ضحكة قهر.. http://up.graaam.com/img/23407876b74...eba11d9f14.png |
رد: لو سألتي الورد وهو ما بين إيدك أقطعك بيقول لك عمري فداك الكاتبة / ضحكة قهر
بسم الله الرحمن الرحيم.. السلام عليكم ورحمة الله وبركاتة.. صباحكم/ مسائكم سعادة ورضا وتوفيق.. بداية دعواتي القلبية لكل اللي يختبرون سواء قضوا او ما زالوا يختبرون الله يوفقكم وفالكم الفلاح باذن الله.. طبعاً انا فقدتكم جداً خلال هالاسبوع حسيت بفراغ .. صحيح كان طفش حيـــل مونسيني دايم.. << مشكلة العطالة.. البارت طووويل باذن الله لعيون اللي ما يختبرون بما انه بارت واحد بالاسبوع.. ما ادري ليش احسه ميت يعني ما فيه اكشن مثل الاسبوع اللي فات شكلي حبيت شغل التفجيرات .. ان شاء الله تستمتعون فيه .. اهداء لكل وحده توقعت صح .. مين زوج تتيانا..!؟ ما ابي اذكر اسماء عشان ما انسى احد لاني والله نسيت رغم ان كم وحده في بالي حالياً .. بس كل وحده قالت الاسم صح تعرف ان البارت اهداء لها.. لان موضوع تتيانا كان من بارتات قبل مو بس البارت اللي قبل فا التوقعات تشعبت.. البارت التاسع عشر.. لا أعتقد، أن هناك، من يضع نفسه، في حلبة من الألم، ليعيش في مصارعة دائمة، لكنّ الظروف، التي يتعرّض لها الشخص، ترغمه فوق قدرته على هذا. لـ رشاد حسن وعد : اففف ترى مره زودها عميدكم ذا.. هيفاء : ماعليش يا أستاذة احنا معنا اوامر نحافظ على سلامتك و نمنعك من التواصل وانتِ اليوم ما ادري ويش صاير لك قلبتِ فجأة.. رانيه : صدق ويش زينك الأيام اللي فاتت كنتِ هادية.. وعد : اولاً ماني استاذة انا اسمي وعد .. ثانياً ليش يعني تبوني انجلط.. انا ما قلت لكم بطلع برا المزرعة بس نأخذ لنا فرة بالمزرعة.. هيفاء : ما عليش ممنوع تطلعين من القسم .. وبعدين احنا بالليل ويش يطلعك هالحزة.. وعد : طقت كبدي ولا عاد عندي فرق بين الأوقات ابي اطلع و بس.. ان زين اتصلي على عميدكم انا اكلمه.. رانيه : تكفين لا تحطينا بموقف صعب مع سيادة العميد والله ان عصب ما راح يرحمك ولا يرحمنا.. وعد : يعني مره خفت الحين منه .. اعطيني جوالك انا اتصل.. رانيه : يا اختي والله ممنوع تمسكين الجوال.. وعد : طيب قولي له ابيه يجي يونسني.. هيفاء : ممكن اسالك.!؟ وعد متربعة قدام التلفزيون وهن واقفات : تعالن استريحن شكلي مالي غيركن تعالن نبسط .. وقولن للخدامة تسوي لنا قهوة نتونس.. ناظرن بعض.. شوي .. رانيه : اوك بروح أقول للخدامة تسوي لنا قهوة.. بس اخاف سيادة العميد يجي واحنا جالسين كذا.. وعد : يطق راسة بالجدار.. ونادي الخدامة بعد حرام تتونس معنا.. مرت دقايق حتى اجتمعن الاربعة جالسات ع الأرض.. وعد تشرب من فنجانها : ايه اسالي .. بس قبل ويش اسمك..؟! هيفاء : اسمي هيفاء.. وعد : عاشت الاسامي.. هيفاء : تعيشين.. انتٍ ايش علاقتك بسيادة العميد..؟! وعد بإستهزاء : يقولون انه زوجي..! رانيه بصدمة : كيف يعني يقولون..!؟ وعد : يعني بابا زوجني له من غير لا يأخذ رائي ولا يعلمني دريت من اللي يقول انه خالي اسمه غازي.. هيفاء بصدمة : الفريق اول غازي خالك.!.؟ وعد : يقوله.. رانيه : كيف يعني يقوله ليش يعني علاقتكم ببعض مقطوعة.!.؟ وعد : ليش هي انوصلت عشان تنقطع الله يهديك .. انا ما عمري في حياتي عرفت ان عندي خال.. هيفاء : يعني امك و خالك الفريق اول متهاوشين..!؟ وعد : اممم ما ادري .. انا حتى امي ما اعرفها.!. او اللي مسوية نفسها امي.. رانيه : ماني فاهمة شيء من كلامك.. وعد : هذا الله يسلمك مريم اللي هي اخت غازي تزوجت بابا و جابت بنتين وانا الثانية.. بس انها طلبت الطلاق من بابا و لما ولدتني رمتني ع بابا.. و بابا خلى وحدة من حريمة تربينا .. ثلاث و عشرين سنة من عمري راحت وانا اقول لمرت ابوي ماما ..ولما واجهنا بابا قال صدق ماهي امكم !؟ و صارت سالفة ببيتنا مفادها نحس اننا ايتام الام.. لاننا رفضنا نقابلها.. اصلاً ما ادري ان كانت جات تسأل علينا والا لا.. هيفاء : مستحيل ما فيه ام تترك بناتها..!؟ وعد : الا بالدنيا كل شيء يصير ولد يعق اهله .. ام تترك بناتها .. اب يتخلى عن عياله.. اخوان يتفارقون على سبب تافة.. بنت تهاوش مع امها .. كل شيء بالحياة يصير.. رانيه : كلامك اكبر منك ماشاء الله.. وعد ابتسمت : ليش كم عمري..؟! رانيه : تقصدين انا اتوقع كم ..!؟ وعد : ايه.. رانيه : اعطيك 17.. وعد فتحت عيونها : كم ..!؟ هيفاء : لا 18 يعني احسك اخر سنة بالثانوي.. وعد : لهدرجة مو باين ان عمري 23 سنة.. رانيه : اما 23 مو باين عليك ما شاء الله كنك بزر.. وعد : بزر في عينك .. متخرجة لي سنة و مبلطة بالبيت.. هيفاء : ليش ..؟! وعد : لأن بابا ما يبيني ادرس برا.. وانا ابي ابتعاث.. وبالمدينة ما فيه تخصصي.. على ان بابا مخلي اخواني يبتعثون.. يعني تخيلوا عيلتنا العيال عادي يسافرون برا ويمكن يواصلون المدة ولا يرجعون لين يخلصون مره وحده .. الا اخواني ما سواها بس عيال عماني وعم بندر هذا نظامهم لنا سنين ما شفناهم.. هيفاء : يعني عادي الولد يخلونه يبتعث والبنت لا.؟! ويش ذا التعقيد والتخلف.. وعد : رديتي على سؤالك بنفسك تخلف.. احنا بجتمع يفسح المجال امام الذكور وينادينهم للابداع وتلاقين اغلبهم ما يبون بينما البنات حدود وحواجز ما تقدرين تناطحينها.. رانيه : صدق كثير كذا.. كان لي زميلة تبي تبتعث بس اهلها رفضوا.. وعد : اخ بس ما ودي اجيب طاري الدراسة و اتذكر ان لي سنة مبلطة بالبيت.. رانيه : طيب ليش ما توظفتي.!؟ وعد : ما ابي وظيفة انا ابي دراسة دراسة و بس ما ابي اتوظف على انه بابا قالي اوظفك باللي تبينه بشرط بدون اختلاط بس انا رفضت ابي دراسة و بس. هيفاء : احس انتم مره قديمين ما احس فيه ناس للحين يفكرون هالتفكير.. وعد : امبلى فيه بابا و اخواني .. يمكن اللي هاه ينحل عم سعد.. رانيه : طيب انتِ قلتِ ان عمك رايح بعثة واخوانك ليش ما اخذوك معهم.. وعد : اخواني رجعوا .. اما اني اروح مع عمي بابا رافض.. واخواني لان البنت ما تروح بعثة الا مع زوجها .. جعل من حط هالقانون للماحي.. رانيه : يالله الى متى تتعلق احلام البنات على الزواج.. حرام والله يربطون المواضيع ببعض بهالشكل المعقد.. وعد : ممتع .. خلونا نحول السالفة ما ابي اتكلم بدراستي.. انتم مين جابكم هنا..!؟ هيفاء : العميد عماد.. وعد : العميد عماد .! ليش تشتغلون تحت امرته.!.؟ هيفاء : ايه نشتغل بمركزة.. وعد : اهااا اجل الله يعينكم على ما بلاكم فيه.. رانيه : اميـــــن.. و يعينك انتِ بعد .. على الاقل احنا ساعات دوام و مو شرط نقابلة اما انتِ زوجتة.. وعد : على أساس ببقى على ذمتة .. خليه يجي لا اسوي له سالفة ما صارت ولا استوت.. رانيه : مجنووونة قسماً ان عصب ما عنده يمه ارحميني.. وعد : وانا بعد لا عصبت ما عندي يمه ارحميني.. خليه يجي و نتفاهم انا واياه على روااااقة.. رانيه : ما انت صاحية.. .. أحمد : تتيانا..!؟ ام احمد بصدمة : تزوجت يا احمد .. تزوجت من ورانا.. يا حسرتي.. احمد : يمه لا والله ما تزوجت فهمتِ الموضوع غلط. تتيانا ببرود : هذا ليس زوجي.. انما زوجي خالد.. ام احمد تضرب كفوفها بأفخاذها : يا حسرتك يا سارة.. ام عساف : اهدي الله يصلحك يا ام احمد خلينا نفهم الموضوع. ابو سعود يناظر احمد : انت تعرفها.. (آشر على تتيانا).. اللي جاوبت بنت خالد تقدمت لاحمد بفرح طفولي : عموو احمد انت ما زيتنا.. احمد انتقل بنظرته من رند الواقفة بجانبه ممسكة بكفة و بين والده و والدتة.. ابو سعود : والله الواضح تعرفون بعض.. تدري ان اخوك متزوج من ورانا و ساكت..؟! احمد : يبه الله يخليك بس يجي خالد تفهم منه.. ابو سعود : اصلاً تفاهمي ماهو معاك يالكبير يا العاقل.. بس يجي يصير خير.. ام عبدالرحمن : اهب عليكم كانكم بتجيبون لابوكم البلاوي.. اخوك يتزوج هالشقراء و انت تدري عنه وتغطي عليه.. ابو عبدالرحمن : و لا بعد عنده عيال, انتم ما تستحون على وجيهكم.. قليلين الحياء هذا اللي رباه ابوكم فيكم.. احمد حس انه توهق وبياكلها قبل لا يجي خالد .. : يبه الله يخليك لي والله الموضوع ما صار بالرضا .. خلو خالد يجي و تفهمون منه.. ام احمد : دق على اخوك خله يجي الحين.. احمد طلع جواله : طيب يمه لا تعصبين.. بيرتفع سكرك.. ام احمد : مالك دخل لا انت ولا اخوك .. واحد رايحن لاخته والحين بيسجنونة والثاني متزوج من سنين و ولدة طولة و مخبي علينا .. وانت تدري و ساكت والله العالم ويش مخبين علينا بعد.. احمد يناظر جواله اللي تظهر على شاشتة جاري الاتصال خالد .. العتاب بيكون قوي لو ابوهم لحاله.. كيف و الكل درى دفعة وحده.. و ان كان فيه مجال للرضا الحين بيكون ضئيل.. : الوو .. وينك .. تعال البيت بسرعة.. (همس) : تتيانا هنا.. والله .. بسرعة ابوي و امي معصبين.. مع السلامة .. وقفل الخط.. نهى : والحين اخوك يوم بغى يتزوج مالقى الا وحدة اجنبية.. احمد : ممكن نأجل النقاش لين يجي خالد.. تتيانا : انا اريد الذهاب فا طائرتي على وشك الإقلاع.. ام عبدالرحمن : ويش تخثرد به هالغبراء.. احمد ناظر تتيانا : لا تستطيعين الذهاب قبل مجيء خالد .. تتيانا تتخصر : ومن سيمنعني.. احمد : انا.. تتيانا : انت تعلم انك لا تهمني لا انت و لا اخيك.. احمد : اللي خلاك تجين من وراء خالد هنا .. يخليك تنتظرين غصب لين يجي.. تتيانا : بل انا لست مجبرة على انتظارة.. احمد : اسمعي تتيانا انا ماعندي استعداد ادخل معاك بنقاش.. بتجلسين هنا لين يجي خالد و رجلك فوق راسك.. تتيانا : سا اطلب لك الأمن.. احمد : اطلبية ان كان بوسعك فعل ذلك.. ابراهيم : يمه لا تخلينا لين يجي ابوي.. احنا ما نعرف هذولي.. تتيانا : انهم اجدادك و نحن متفقون ان آتي بكم لهنا و اسافر من بعدها.. دخل وانفاسة تتصاعد انصدم لما احمد اتصل عليه و قاله ان تتيانا موجودة ببيتهم نزل قبل لا تنتهي الهوشة اللي بمكتب غازي هناك فيه من يكفيها لكن هنا هو الاساس عشر دقايق بالضبط وهو واقف قدامهم : السلام عليكم.. اول من رحب فيه بنته جات له تجري ومبتسمة بتعب فالحرارة ما زالت تلعب بجسدها الصغير : داااااااااادي.. لم يحتضنها كعادتة ليرفعها عالياً .. بل ركز نظرة على الموجودين.. ابو عبدالرحمن : تعال يا قليل الحيا ياللي ما تستحي على وجهك.. متزوجن من ورانا وحدتن كافرة.. ابو عساف : هذا اللي رحت برا عشانه كان بامكانك تعلمنا و نزوجك يومك ما قدرت تصون نفسك.. ام احمد تبكي : انا ويش قصرت فيه معاك يوم تجازيني بهالشكل حرام عليك يا خالد.. خالد بلع ريقة كان هاليوم المفروض يجي من زمان مو الحين .. و تأخير هاليوم زاد الموضوع تعقيد مو تسهيل .. قرب خالد لامه وباس راسها : يمه لا تصيحين والله ما استاهل دموعك.. ام احمد ابعدتة عنها : ابعد عني .. يا خسارة تعبي فيك.. ابو سعود : ليش يا خالد .. هذا وانا اللي واثق فيك .. طيب يوم سويتها و تزوجت ليش ما علمتنا .. ولدك صاير طولك و انت مخبي علينا متى كنت ناوي تعلمنا .. لا بغت الروح تروح لخالقها توصي عليهم..!؟ خالد : يبه ورب الكعبة غصباً علي .. والله لو هو برضاي كنت جيت قلت لك بس والله ظروفي عاكستني.. ابو عبدالرحمن : انطم ما تستحي على وجهك قليل الحيا.. ويش نقول لناس وجماعتنا جايب لنا ولده يوم صار طولة.. خالد : يبه تكفى خلك عون.. ابو عبدالرحمن : تعقب .. انا ما اعاون على الغلط.. احمد ناظر خالد مبين انه غرقان ولا قادر يدافع عن نفسة .. قرب من امه و باس راسها : يمه هونيها وتهون اسمعوا السالفة منه يمكن تقتنعون.. حتى لو هو على غلط بس يمكن يطيب اللي بنفسك عليه.. تتيانا : خالد يجب علي الذهاب الآن انا لا دخل لي بأولادك من الآن فصاعداً اريد الحرية.. خالد ما راح يلقى افضل من هالوقت يحط حرتة فيها بحركة بسيطة منها سحبها وضغطها على الدربزان : ورب الكون يا تتيانا .. لو تخطين خطوة وحدة قبل لا اصفي حسابي معاك لا الحقك عشان نتحاسب.. احمد سحب خالد : غبي انت كل حياتك صابر الحين بتخربها قدام عيالك.. خالد بنرفزة : خلاص عاد.. ايه انا اخطيت و تزوجت غصب .. طحت معاها بقضية .. وعشان تنازل تزوجتها.. ومن يومها خرج الموضوع عن سيطرتي.. ابو سعود بحدة : ما تبي احد يحاسبك تبي نقول كفوو والله يا ولدي انا اشهد اني ربيت رجال..!؟ خالد : يبه و رب الكعبة الموضوع خرج عن ارداتي والله ما تزوجتها بكيفي.. ابو عساف : علمنا شلون تزوجتها.. تتيانا : لكني اريد الذهاب فطائرتي على وشك الاقلاع.. خالد : الباب مفتوح .. تبين تنقلعين انقلعي و عيالك تنسينهم.. ما عاد لك عندي شيء.. تتيانا : بلى لي ورقة طلاقي.. خالد : مو الحين.. انا ما سويت اجراءات الطلاق.. تتيانا : اتعلم خالد.. انني اكرهك جداً.. ابتسم خالد بالرغم من كل شيء : اتعلمين تتيانا .. ان زواجي منك كان لمصلحة قضيتها غير ذلك لا تعنين لي شيئاً.. تتيانا : انت شخص سيء جداً.. خالد ببرود : بالطبع ليس بدرجة السوء التي تحملينها.. تتيانا : طلقني انا لا اريدك في حياتي.. خالد : انتِ تعلمين ان الانفصال كان لنا من قبل ان نرتبط ما بني على باطل فهو باطل .. ولكن انتِ من سعى لتصل الحياة بيننا لهذا المستوى.. تتيانا : اولادك لك فانا لا اريدهم.. خالد : اتعتقدين انني سوف ارفض ذلك .. من قال اني سأسمح لك بأخذهم معك.. لم أتي بهم من الخارج الى هنا كي أسمح لكِ بأخذهم معك.. والا لما تعنيت و اتيت بكم جميعاً الى هنا.. : السلام عليكم.. الصدمة اعتلت وجيههم من الوجوه الغريبة الموجودة بينهم .. مرأة شقراء تقف امام خالد .. طفلان يقفان بجانب بعضهم ينظران لخالد والمرأة برهبة و خوف.. احمد بالقرب من خالد و البقية يجلسون يشاهدون والدهم العصبية تتضح على ملامحة.. و ام احمد تبكي.. ما يحدث امامهم ليلقط كل واحد فيهم اقرب تفسير يلمع في ذهنة.. سعود : ويش القصة..!؟ ابو عبدالرحمن : تعال انت يا كبيرهم .. لا يكون تدري حتى انت ان اخوك متزوج ومعيل..!؟ سعود بصدمة : متزوج..!؟ مين فيهم..!؟ تتيانا : هؤلاء اخوانك.!.؟ انكم تشبهون بعضكم.. خالد آشر ع الباب : الباب يوسع جمل.. رند بزعل طفولي : لا بابا انا الوح مع مامي.. خالد : انت بتروحين معاي لبيتنا.. رند : لا انتِ لوحي لحالكِ.. انا و ابراهيم يلوحي مع مامي.. خالد تقدم لها ماهو ناقص عناد بنته و دلعها نزل لمستواها : انتِ بتجلسين معاي و ابراهيم بعد .. ماما بتروح لامها.. رند : حتى انا لوحي لماما.. خالد : كلمة وحده امك تنسينها .. (صرخ) فااااهمة.!.؟ تغيرت ملامح وجهها لمواجهة البكاء .. تلك الصغيرة متعبة جسدياً و صراخ والدها يزيدها لا يطبطب عليها ابداً.. ابتعدت عنه خطوة لتختبئ خلف اخيها ابراهيم متمسكة به.. خالد تنرفز من اللي سواه مع بنتة اعصابة مشدودة .. صرخ بتتيانا : تتيانا اطلعي برا.. تتيانا ببرود : انتظر زيارتك لانهاء اجراءات الطلاق كاملة.. خالد : لا تخافين ما راح اتأخر فيها لاني اريد ان نتحاسب صحيح انني كنت ارغب بالحساب هنا ثم تسافرين من بعدها ولكني الآن غيرت رأيي فا انا لا اريد رؤيتك.. تتيانا : شعور متبادل خالدي.. خالد ابتسم بخسرية : خالدك..!؟ لا اريد ان اجرحك امام اهلي.. اخرجي تتيانا لا اريدك بحياتي من الآن فصاعداً.. تتيانا : و انا ايضاً انت تعلم ان هناك من بحياتي غيرك .. لكني اريد ان انهي اجراءات الطلاق سريعاً حتى اشعر انني حره.. خالد : اه جوزيف .. حسناً لن اتأخر عليك رغم علمي انها لن تفرق معكِ .. عموماً سيكون لنا لقاء فا انا ايضاً اريد ان اصبح حراً.. تتيانا : ياه جوزيف .. حسناً انتظرك بفارغ الصبر.. خرجت تتيانا دون ان تسلم على ابنائها او حتى تلتفت اليهم .. التفت خالد لاهله وجود عياله موترة .. : دانه خذي ابراهيم و رند لاي مكان بعيد عن هنا.. دانه وقفت : ان شاء الله. ابراهيم برفض قاطع : لا انا ماني صغير عشان تطردني انا رجال و اعرف كل شيء .. ادري ان هذا جدي (آشر على ابو سعود) وهذولي كلهم عماتي وعماني.. وادري ما يبونا ماني صغير اعرف كل شيء.. احمد : ابراهيم حبيبي ادري انك رجال .. بس ابوك بيتفاهم مع جدك شوي.. وما يصير تسمع كل الكلام.. ابراهيم : انا اعرف كل شيء .. امي ما تبينا و ابوي ما يبينا وجدي ما يبينا .. احنا بنروح بيتنا.. مسك يد اخته عازم على الخروج.. لكن وقفتة قبضة ابوه : ابراهيم واللي خلقني واصلة معي للأخير مابي احط حرتي فيك.. قلت لك اطلع شوي بس بعدين بنروح كلنا جميع.. ابراهيم برجولة ترعرعت به : طيب عم احمد يودينا.. احنا مانبي نجلس هنا.. خالد : كلامي واضح .. مابي اعيده.. ابراهيم : بنجلس على الدرج برا.. وشد على كف اخته الممسك بها .. دانه : حرام يحزن.. خالد : خليك معاهم عشان ما يطلعون برا.. بس شوي.. دانه : طيب.. وخرجت لتلحق بهم.. خالد جلس جنب امه قبل راسها : والله لكم الحق تزعلون .. بس انا انجبرت.. سعود : كفوو والله رجال و ينجبر.. ومين اللي جبرك ابوي ..!؟ والا خالتي..!؟ خالد : ظروفي.. انا سويت حادث مع تتيانا باول سنة لي هناك .. كانت بيننا قضية .. كان الخطأ 70 بالمية علي.. يومها كنت تعبان وحراراتي مرتفعة وما ثبت.. تصادمنا و صارت بيننا قضية.. و عشان ما تكبر حاولت فيها تتنازل مقابل تعويض مالي لكنها كانت تبيني انسجن.. ياسر : و احنا ويننا من كل هذا.. ليش ما ندري..؟! خالد : كنت متوقع اني اقدر اغطي الموضوع بنفسي من غير لا ابوي يدري و يعصب و يمكن تنقطع دراستي .. قابلتني مره وقالت انها ممكن تتنازل عن القضية ان تزوجتها .. و فعلاً تزوجتها كنت ابيها بس تنازل عن القضية و بعدها اطلقها .. و تنازلت.. لكنها كانت حامل و انحاشت مني عشان ما اطلبها تنزلة.. و قلبت الدنيا عليها ابي اطلعها لكن ما عرفت مكانها جاتني بعد تسعة شهور و بيدها ولدي.. بندر : و طبعاً انت غبي صدقت انه ولدك.. خالد : سويت له تحليل حمض نووي.. و اثبت انه ولدي.. ما قدرت اتركه.. و للاسف اني استمريت معاها مره ثانية لين حملت مره ثانية.. و ولدت رند.. ابو سعود : وانت غبي .. كان قدرت تغريها بالفلوس لين تغير رايها.. خالد : والله قلت لها يبه .. ابو سعود : و ليش ما علمتنا ..!؟ الموضوع صار له سنين .. ما عندك عذر يا خالد.. خالد وقف وباس راس ابوه : والله ادري مالي عذر .. بندر : ولا لك وجه تطلب احد يغفر لك.. احمد : عمي خلك محضر خير.. ام عبدالرحمن : انت انكب مثل اخوك.. ما يندرى لو انك متزوج وعيالك اطول منك حتى انت.. نرسلكم برا تدرسون و ترجعون لنا معييلين واحنا اللي نحن عليكم تزوجون.. احمد ابتسم : لا والله ما تزوجت ولا شيء.. و خالد ظروفة عاكستة وإلا ما كان تزوج.. ام عبدالرحمن : ويش بتسوي بعيالك الحين يوم امهم تركتهم وراحت.. ابو عساف : بالله هاذي حرمة تامنها على بيتك .. خالد : عمي تكفى والله انجبرت .. لا تزيدونها علي.. قامت ام احمد و طلعت فوق.. من غير لا تعلق .. تعلقت عيون ولدها فيها .. تنهد بضيقة.. كان متوقع الموقف اكبر من كذا .. كان متوقع ان ابوه يتبرأ منه بس الحمدلله اللي ما وصلت لهالحد.. ابو عبدالرحمن : ارتحت يومك مغضب ابوك و امك.. انت الرضي تغضبهم.. ام عبدالرحمن : ابوكم هو تعبان و انتم تزيدونه.. صرتوا رجال المفروض تعتمدون على انفسكم لكن للحين ما تنتركون لازم يوقف فوق رووسكم.. متى بتريحونه..؟! ابو سعود : استغفر الله .. و رب الكعبة لو بِعد وعد ماهو كاسر ظهري و اني زوجتها من غير رضاها لاني لا التفت لك ولا اخليك تسمع شيء يرضيك.. بندر : وعد لا تشيل همها .. بخير وعافية بس انت يا اخوي ما ترحم نفسك.. ابو سعود : ماهي راضية تكلمنا زعلانة.. بندر : انا كلمت عماد يخليها تكلمني لا راح لها اليوم.. و ان شاء الله انك بتسمع صوتها وتعرف انها بخير.. يزيد : عساف ما جاء معاكم.!.؟ سعود : لا طلع قبلنا .. كنه راح البيت.. ابو سعود : دق عليه خله يجي يتسحر معنا.. ابو عساف : لا يا اخوي بنتسحر ببيتنا.. ابو سعود : استريح يا ابن الحلال ويش تسحرون ما بقي شيء على السحور.. ام عساف : لا يا ابو سعود .. و ابي اتطمن على عساف.. ابو سعود : ندق عليه نجيبه.. ام عساف : لا له كم يوم ما نام .. خله يرتاح يمكن عنده شغل بكره.. يزيد : الدلع كله لعساف و انا وخواتي صفر ع الشمال.. عبير : ولماجد بعد بس تكلمه تروح فيها.. ام عساف : عاد انتم يالاثنين بالذات ما يملى عيونكم شيء.. يزيد : يمه ما يصير تفرقين بين عيالك.. حرام تكسرين بخواطرنا.. شكلي حتى انا بسافر.. ابو عبدالرحمن : لا بالله ان ما احدن فيكم بيعتب الحدود .. خل بس يجي ماجد و فيصل و عمر ما اخلي احد فيكم يروح يدرس .. و بعدين ترجعون لنا بحريم.. يزيد : زواجة خالد بتكون عائق شكلها.. خالد : ويش يسوي الواحد لا ظروفة عاكستة غير انه يمشي معاها.. وقف خالد وباس راس ابوه : السموحة يالغالي.. ابو سعود : وين رايح.. خالد : لبيتي.. ابو سعود : ليش عيالك لهم احد يقعدون عنده لا طلعت انت..!؟ خالد : لا.. ابو سعود : دخل عيالك مالكم طلعة من هنا.. ارتاح خالد جداً اولاً ان الموضوع ما وصل للتبرأ .. ثانياً هم عيالة هو على وشك انه يتوظف و راح يضطر يتركهم بالأيام.. مستحيل يكونون لحالهم.. خالد : اللي تامر فـ قاطعة دخول دانه شايلة رند .. نطقت بخوف : خالد ما ادري ويش فيها.. ركض لها خالد حمل بنته بين يديه .. قرب له احمد ولمس بكفة جبينها : حرارتها مرتفعة.. لازم نروشها.. ابراهيم : من يومين وهي تعبانة.. انا دقيت عليك ما رديت.. << كان يناظر ابوه.. خالد : ليش ما دقيت على عمك احمد ماني محفظك الرقم..!؟ ابراهيم : انت قلت اذا كنت فيه ما تتصلون على احد غيري.. وانت جيت من السفر ولا جيتنا.. احمد سحب رند من يدين خالد : هات البنية.. بخلي ياتي تروشها.. ميار : هاتها انا اروشها ليش ياتي.. احمد : خليها انا اشيلها .. بتروشينها وين..!؟ ميار : بغرفتي .. بس لازم ملابس لها.. احمد : بنجيب لها بس انتبهي لها ميار.. دانه : انا بساعدك.. طلعوا الثلاثة لغرفة ميار .. اما خالد قرب من ولده و حط يده على كتفة وطلع فيه برا.. عبير تكلم البنات : ماني مصدقة ان احد من شبابنا متزوج.. جود : صدقي يا عوينتي يا امي انصدمت وهي اللي تحن عليهم يتزوجون.. سها : وربي قهر و معيل بعد .. نهى : وصلنا لمرحلة الطلاق احنا درينا على هالمرحلة لو ما فيه عيال بينهم يمكن لاخر العمر ما ندري انه كان متزوج .. بس عنده عيال.. سعود يناظر الرسالة اللي جاته من عماد : ندى امسكي جوالي هاذي كتب تلقينها بمكتبة وعد جيبها كلها.. ندى اخذت الجوال اللي مادة سعود عليها : غريبة ويش تبي فيها..!؟ سعود : وعد تبيها موصية عماد.. و عماد بيجي بعد عشر دقايق يأخذها.. عجلي الله يخليك.. ندى : طيب.. وطلعت على غرفة وعد.. ام عبدالرحمن : اخيتكم ويش حالها..؟! سعود : بخير يمه دامها مع عماد الحمدلله.. مشعل : كنك اقتنعت فيه..!؟ سعود : رجال ما عليه كلام.. ابو سعود : الا صدق وليد وينه!..؟ ويش صار عليه..!؟ بندر : ولدك هذا يا هو بيطلع عيون غازي يا غازي بيطلع عيونة..!؟ ابو سعود : ليش ويش مسوي.؟! بندر : تخيل غازي مهاوشة على الروحة على المزرعة ولا همه .. وخيره بين عقابين .. يا يدخل السجن يا يشتغل عند غازي.. ابو سعود : طبعاً اختار السجن.. بندر : ويش دراك.!.؟ ابو سعود : ولدي اعرفة خبز يديني.. سعود : اقسم بالله قهرني وهو يرد على الفريق غازي ودي انسفة.. الرجال يبي مصلحتة وهو لا همة.. وفوق انه حاطة بالانفرادي ما يبيه يختلط مع المجرمين هو ما قصر متعرف على كم واحد ومتهاوش بساعة بس.. ياسر : اخر شيء صار اللي براس غازي و اجبر وليد يشتغل عنده.. مشعل : يبه ما انت متدخل بالموضوع..!؟ ابو سعود : لا .. غازي يعرف ويش يسوي.. خله يمكن يفرك له اذنة يخليه يتوب عن التهور.. مشعل : يبه بيشتغل سواق عنده.. ابو سعود : بيكسر له سيارتة هههههههه.. سعود : والله قلت له عاد سيارتة جديدة موديل هالسنة.. لكنه اصر.. : السلام عليكم.. : وعليكم السلام.. وليد يجلس : اكيد تحشون فيني.. ابو سعود ابتسم : كيف الوظيفة الجديدة.. وليد : شكلها بتطلع بنتايج اجرامية .. بصير مجرم واقتلة هالغازي.. ما ادري على ويش شايف نفسه .. واللي يقهر معتبر نفسه من اهلنا خير ان شاء الله متى عرفناه.. ابو سعود : غازي رجال ما عليه كلام.. مشعل : بس اخو عامر.. ابو سعود : اولاً عامر ما عليه كلام لولا الاختلاف بالشغل اللي بيني وبينه.. ثانياً حتى لو افترضنا شخص سيء ما تحكم على غازي من اخوه.. ولا من امه بعد.. ابو عساف : ايه عامر ما احد يقول باخلاقة شيء .. بس ما ادري ليش الحقد اللي بينكم.. وليد : والله ذا كله ما يهمني.. ان تطاول علي لا اتطاول عليه.. سعود حمر عيونة : هيه ما يكفي اللي سويته بالمركز بعد تقل ادبك عليه..!؟ وليد وقف : ورب الكعبة واصلة معي للأخير ما ابي احط حرتي بأحد.. الا ويش عنده خالد طلع مسرع..؟! ياسر : طلع متزوج الحبيب.. وليد ببرود : اهــاا.. سعود : انا شكلي بروح انام تعبت اليوم انهد حيلي.. بس بنتظر عماد عشان الكتب.. ام سعود : خوفتني عليك يا ابوي.. سعود باس راسها وابتسم : يمه لا تشيلين همي.. والله اني هالفترة مشغول ولو بتراعيني ما راح تنامين.. ام سعود : تكفى يا ابوي اترك هالشغلة و اشتغل مع ابوك.. سعود : لا يمه .. مالي بالتجارة .. وانا احب وظيفتي و احب ديرتي.. ولو تبي روحي ما غلت عليها.. .. خالد : انت فيك شيء من طلعنا من بيت ابوي ورحنا بيتنا واخذنا الاغراض ووصلنا .. وانت ساكت..!؟ ابراهيم : انا ما فيني انت اللي فيك.. خالد : انا معلمك ترد علي بهالشكل..!؟ ابراهيم جلس على الدرج : انت ما تبينا و امي ما تبينا و جدي ابراهيم ما يبينا .. ما احد يبينا بنعيش لحالنا انا و رند.. خالد : انت تعرف اني احبكم وابيكم و اخاف عليكم .. وتعرف كمان ان اهلي ما يدرون اني متزوج وعندي عيال وانا فهمتك هالشيء يا ابراهيم انت رجال وعارف ويش اقول.. انا قايل لك بعلم اهلي .. تروح تساعد امك وتجي معها انت ورند..!؟ ابراهيم : والله قلت لها انك بتزعل .. بس هي قالت بالعكس بيفرح عشان شلت الهم عنه.. خالد : دايم اقولك اذا امك قالت لك شيء لا تسوية قبل لا تعلمني وانا اللي اقولك سويه والا لا صح..!؟ ابراهيم : صح.. خالد : هذا الحين ابوي زعلان وامي زعلانة.. بس ما راح نطلع من هنا.. لان ابوي يبينا نقعد عنده.. ابراهيم : بس انا مابي اجلس مع ناس ما تبينا.. خالد : والله ابوي يبيك و انت اول حفيد له و بيفرح فيك بس الحين ابوي تعبان .. تذكر لما قلت لك ان اختي سافرت وابوي تعبان عشانها.. ابراهيم : ايه اذكر عمتي وعد.. خالد : ايه وعد .. وانت الحين ان جيته بيتقبلك اكثر من أي وقت ثاني.. بس انت اصبر شوي.. تحمل عشان خاطري.. انا ما اقدر اخليكم لحالكم.. وحتى لو رحنا سكنا انا طيار يا ابراهيم يعني كل يومين اسافر تبيني اخليك انت واختك لحالكم ما يصير انتم صغار.. كانت حوارات خالد مع ابنه كحواره مع رجل كبير .. يبني فيه الثقة والرجولة والحزم .. لا يستصغرة ولا يحقرة.. يحاول ان يبعد كل ماهو سيء عن ابنائة لابد ان يمر بموقف اخطأ به لكن لا يعني انه اب سيء.. .. إنّ إصرارنا في تجاوز الألم؛ يؤلمنا.. لـ رشاد حسن اخذ نفس من الضيقة اللي تمتلك صدرة .. ناقص انا اللي فيني يكفي انها راحت له .. راحت لرجال مجبور اشوفه كل يوم.. و يتكلم عنها قدامي.. و يجي طاريها كل حين .. وانا ملزوم اسكت انا الوحيد اللي يحق لي اتكلم فيها و اسبل ولا يحق له .. انا اللي حبيتها وحبتني مو هو.. انا اللي املك قلبها .. وهو يملك جسدها.. بس روحها عندي ولي .. و روحي لها .. روحي غادرتني من زمان سكنت فيها.. كل شيء بينهم مات .. والميت ما يرجع .. حبها وخطب اختها.. هو يعاتب نفسه كل ما قام و قعد .. كيف لو دروا الناس انه خطب اخت حبيبتة.. ما احد بيرحمة ولا يقدر انه حبها من غير لا يحس .. ولا قدر يتحكم بمشاعره تجاهها .. هي الوحيدة اللي قدرت تربع على عرش قلبه .. بس عاداته و تفكيرة اقوى من حبه لها .. لا ماهي اقوى بس ما يقدر ما يقدر يطاوعها باللي تبيه هي تبي تمحي شخصيتة وتخليه مثل الخاتم باصباعها.. وهو ما يقدر يكون لها خاتم .. شخصيتة قوية ما تنقاد .. ما يقودها رجال كيف يرضى لمره تقودها.. يذكر القصيدة اللي اهداها لها بعد ما خطب ندى .. و انتهى كل شيء بينهم .. مد لها الورقة : اهداء لك.. وعد : بصفتك..!؟ عساف : انتِ ادرى بالصفة.. وعد : ماني متقبلة منك شيء .. ويش بيقولون عني بتأخذ زوج اختها.. عساف بحدة خافتة عشان ما احد يسمعهم من العايلة : انا ما صرت زوجها للحين.. للحين انتِ اللي متربعة بقلبي.. وعد : ليتني اوقف بوجه هالزواجة.. انت حطيتني بموقف صعب يا عساف عمري ما راح اسامحك قلوا عليك البنات تخطب اختي.. كيف تتوقع اني برضى عليها تأخذ واحد يعترف بحب وحده غيرها .. و واقف مع اختها و يخونها.. عساف يصر على اسنانة : لا تقولين يخونها.. ما ارتبطت فيها للحين.. وعد : قدام الناس انت خطيبها .. والكل يدري انك خطيبها .. انا احس نفسي انسانة حقيرة اللي واقفة معاك.. عساف الله يأخذك.. عساف : موافقة انك تتخلين عن الدراسة اللي تناطحين على حسابها و اتزوجك.. وعد شوي وتصيح من كلامة : انا مستحيل اتخلى عن حلمي عشان رجال.. و خصوصاً واحد مثلك ما يقدر الارتباط ولا قداسة الزواج .. انقلع عساف اكرهكك اكرهــك الله يأخذك.. عساف مسك كفها وحط الورقة فيها : اقريها تراها لك كل حرف فيها طلع من قلبي.. و ابيه يدخل لقلبك.. .. عبير تكلم البنات : ماني مصدقة ان احد من شبابنا متزوج.. جود : صدقي يا عوينتي يا امي انصدمت وهي اللي تحن عليهم يتزوجون.. سها : وربي قهر و معيل بعد .. نهى : وصلنا لمرحلة الطلاق احنا درينا على هالمرحلة لو ما فيه عيال بينهم يمكن لاخر العمر ما ندري انه كان متزوج .. بس عنده عيال.. سعود يناظر الرسالة اللي جاته من عماد : ندى امسكي جوالي هاذي كتب تلقينها بمكتبة وعد جيبها كلها.. ندى اخذت الجوال اللي مادة سعود عليها : غريبة ويش تبي فيها..!؟ سعود : وعد تبيها موصية عماد و عماد بيجي بعد عشر دقايق يأخذها.. عجلي الله يخليك.. ندى : طيب.. وطلعت على غرفة وعد.. ام عبدالرحمن : اخيتكم ويش حالها..؟! سعود : بخير يمه دامها مع عماد الحمدلله.. مشعل : كنك اقتنعت فيه..!؟ سعود : رجال ما عليه كلام.. : السلام عليكم.. : وعليكم السلام.. وليد لف على خالد الواقف وراه بيده شنطة يبصم بالعشرة ان خالد ما يدري ويش حط فيها و يده الثانية وراء كتف ولده : ما بغينا نشوفة.. خالد : كنت تدري..!؟ وليد : وهل يخفى شيء على وليد.. اعرف كل اسراركم بس اني ساكت عنكم.. نهى : احلى يا ابو اسرار.. وليد : نصيحة لا احد يلعب معاي عشان ما افضحكم واحد واحد.. ابو سعود : قول قول ويش اللي تعرفة واحنا ما نعرفة.. وليد : اسمح لي ابو سعود ما نقدر نخون بخلق الله.. خالد : بروح اشوف بنتي بس.. حط يده على كتف ابراهيم : خلك هنا لين اجي.. ابراهيم هز راسة بالموافقة و طلع خالد لفوق.. وليد : تعال يا ابو خالد خلنا نطقطق عليك.. ابراهيم تقدم له بهدوء وباس راسة .. وليد اللي كان بيطقطق عليك : لا مبين خالد عارف يربي ماشاء الله .. كفوو.. سعود : ما اشوفة سلم على باقي عمانة والا مو معترف فينا.؟! ام سعود : شوي شوي على الولد.. لف عليهم ابراهيم وسلم عليهم كلهم .. لين رجع مكانة .. ام سعود : بسم الله عليه رجال.. منيره : ايه ما شاء الله .. يشبه ابوه.. مشعل : لا تشبه ابوك تخير من عمانك بس و ازينهم انا.. ام عبدالرحمن : ويش بلاكم على الولد..؟! نهى : شكلك حبيتية يمه.. ما كنك اول شوي وتهفين ابوه وتهفينة معاه.. ام عبدالرحمن : اهف ابوه عشان اخطا.. لكن الولد ويش ذنبة..!؟ يضل ولدنا لحمنا ودمنا ما احنا متبرينن منه.. جود : بروح اشوف امي بعد ما زعلها ابوك.. ابراهيم : حتى انا ابي اشوفها.. جود رفعت حاجبها : بصفتك ويش..!؟ لا تقول حفيدها عشانها ماهي فرحانة بذا الشيء ابوك ما قصر خرب فرحتها.. احمد اللي كان نازل من الدرج سمع اخر كلامها : جود لا تحطين حرتك بابراهيم ماله ذنب في شيء.. جود : مو بعيد بعد تكون انت متزوج بعد.!.؟ احمد : لا متزوج ولا شيء لا تبليني بشيء.. .. في غرفة وعد .. ندى كانت ماسكة جوال سعود و تقرأ اسماء الكتب .. اخذت مجموعة وحطتها على الطاولة بقي لها اخر كتاب تدور عليه : انا ما ادري ليش طالبة كل هالكتب.. استغفر الله مكتبتها لحالها يبي لها غرفة.. من عذر ابوي اعطاها اكبر غرفة حوستها ويش كثرها.. مدت يدها اول ما لقت الكتاب وسحبته : اخيراً .. قلبت بين صفحاتة لتقف عند صفحة مخبأ في ثناياها ورقة .. قرأت الورقة لتغرق عيناها بالدمع .. ابياتاً من الشعر مذيلة باسم عساف مهداه لوعد.. علميني ليه أنا أسأل عليك,, وانا عارف رجعتي صعبه معاك.. بعد فرقانا بقى قلبي يبيك,, عيّى نبضه يستقل نبضه بلاك.. كل ما أبعد أحن أكثر إليك,, أمشي قدامك وأحس اني وراك.. أعذريني كان ما أقدر أجيك,, يبقى طيفي لو تخيلتي معـــــاك.. لو سألتي الورد وهو ما بين ايديك,, أقطعك بيقول لك : عمري فداك.. لو رجع عمري أبرجع وابتديك,, أنتي اجمل شي عشته يا (وعد)... عساف.. "كلمات : سمو الأمير فهد بن خالد بن مشاري آل سعود" الورقة هي الدليل القاطع على حب عساف لوعد و حب وعد لعساف.. وهي اللي بتحررها من قيود راح تخنقها .. بس لازم تستغلها صح يعني تطلعها بالوقت و المكان المناسب والشخص المناسب.. مو بالضروري الكل يدري بس شخص واحد و يكون عنده القدرة يوقف بوجه هالزواج اللي نهايتة هلاك لها هي و لعساف.. اخذت اخر كتاب وحطته فوق الكتب.. طلعت لغرفتها وخبت الورقة بغرفتها.. و رجعت لغرفة وعد تشيل الكتب تنزلها تحت بعد ما مسحت دموعها.. ..اما في نفس الدور في غرفة ميار.. رند بحضن ابوها ترجف : بابا بللللد < برد.. خالد : بابا تحملي شوي.. انتِ قوية الحين عمو احمد بيجيب لك دواء.. رند : انا ما احب دواء مو تعم.. ميار : تمسح على شعر رند المبلل : لا رنودة شاطرة بتسمع الكلام و بتاخذ الدواء عشان تطيب.. رند : لا رنودة ما تحب دواء.. خالد : ما يصير يا بابا لازم عشان تطيبين والا بتبقين مريضة.. رند : رنودة زعانة.. خالد : طيب بابا الحين ننزل تحت تأكلين معانا لان صار موعد السحور وبعدها تأخذين الدواء تمام.!.؟ رند : تيب.. دانه ابتمست : بسم الله عليها تجنن تمنيت اني اعرفها من زمان ليتك يا خالد جايبهم لنا وهم صغار.. خالد : ياليت عمرها ما بنت بيت.. خذوها معاكم تحت بروح اشوف امي.. .. ندى نزلت الكتب على الطاولة وعليها الجوال : هاذي الكتب.. سعود سحب الجوال اللي على الكتب : هلاا ابو عامر.. ههههههههه طيب ياخي طالع لك الحين.. لا تحن بس و تحط الحرة بأختي.. ايه فرحان عندك مانع.. ايه .. خلاص تم الساعة سبعة بكون بمكتب الفريق اول.. خلاص بشوفة وان شاء الله خير.. مع السلامة.. قفل الخط : حطيها بكيس ندى لا تجيبينها لي كذا كيف بعطيها عماد..!؟ ندى : طيب . بس دقايق.. سعود : استعجلي عماد برا.. ندى طلعت فوق تجيب كيس.. بندر : سعيدان أكد على عماد يكلم وعد تكلمني.. سعود : ان ما ضيعت والله نعسان وتعبان بشرب مويا وانام.. يمه صحيني الساعة سبعة.. اخاف انسى اقولك.. ام سعود : يا يمه ما يمديك تروح تنام و تصحى للفجر وترجع تنام.. سعود : الا يمه .. يمدي.. ندى جات بيدها كيس وجلست على الارض تدخل الكتب فيه : ان شاء الله الكيس يكفيها ما ادري ليش طالبة هالكتب.. سعود : اهم شيء تتونس.. ام عبدالرحمن : يا عوينتي عليها هالبنية.. بالله يا سعود خلني اشوف رجلها بكلمه.. مشعل : يمه ويش تشوفينه.. ام عبدالرحمن : يالردي تراه محرم لي .. لا يكون تغار علي.. مشعل : ههههههههههه ايه احد عنده هالغزال وما يغار عليه.. وليد : تبين ابو عبدالرحمن يشنق الرجال.. ليش شفت حرمي المصون وترمل اخيتنا لا يمه تكفين.. ام عبدالرحمن توقف : انا اشهد ان عيالك يبي لهم تربية من جديد من اكبرهم لاصغرهم.. سعود ياخذ الكيس من يد ندى : يمه وانا ويش دخلني..؟ ام عبدالرحمن : اليوم ما اخطيت بكره بتجيب لابوك مصيبة كبر راسك.. سعود يمشي معاها لبرا : يمه لازم الانسان يخطي والا ما تعلم.. ام عبدالرحمن : بس ما تعورون قلب ابوكم تراه يونس شيء يا ولدي وانتم تزيدونه هذا وانتم كبرتوا المفروض تريحونه.. صرتوا رجال اطول منه.. سعود يفتح الباب لتتقدمه جدتة : يمه والله اني حاس فيه .. بس اني مشغول هالفترة وموصي احمد عليه.. و ان شاء الله اني بكون معاه انا و اخواني.. سعود يسند جدتة بيد واليد الأخرى ممسكة بالكيس وينادي على عماد : ابو عامر تعال.. طلع عماد من السيارة و تقدم لهم : السلام عليكم.. : وعليكم السلام.. سعود : جدتي بتسلم عليك.. تقدم لها عماد وباس راسها ويدها : ويش حالك يمه.. ام عبدالرحمن : بخير يا ولدي .. انت مير ويش هي احوالك..!؟ عماد : نحمد الله يمه بنعمة.. ام عبدالرحمن : وبنيتنا ويش هي احوالها.. عماد : بخير ماعليها شر ان شاء الله.. ام عبدالرحمن : يا ولدي انا بوصيك عليها وعيد عصبية شوي ومدلعة ابوها مقوي راسها.. بس اصبر عليها يا ولدي والله انها ذهبة للي يقدرها.. عماد : لا تشيلين همها يمه ان شاء الله انها بعيوني.. ام عبدالرحمن : يا ولدي انا مابي بنيتنا ترد لنا مطلقة ان فكيتوا حجزها.. عماد رفع حاجبة وناظر سعود ورجع يناظر بام عبدالرحمن : ومين قال اني بطلقها يمه .. انا خاطبها ومملك عليها من قبل لا تصير سالفة الحجز.. ام عبدالرحمن : يا يمه ما يخفيك ان زواجك كانت طريقة غلط .. بس بنيتنا والله تنشرى بالذهب وانت رجالن مذكور بالخير ماعليك منقود.. عماد يبوس راسها : يمه ريحي لي بالك وعد زوجتي وماني رجالن ردي اترك زوجتي ما تزوجت عشان اطلق .. وكلن يوصيني عليها بس ما سمعت احد وصاها علي لو بالغلط.. سعود : انت ما ينخاف عليك بس اختي ينخاف عليها.. عماد : تطمنوا والله اني حاطها بعيوني ومأمن عليها و انت ادرى يا سعود.. ولو فيه شيء زيادة اقدر اسوية ما قصرت.. سعود : ما يطلع منك قصور يا عامر.. عماد يناظر جواله : ما عليك زود.. مير شكلها ذي تتصل انتظري يمه اخليك تكلمينها : الوو. نعم رانيه.. طيب .. وعد عندك..!؟ اعطيني اياها.. الوو .. (تجاهل سؤالها اللي كان عن طلباتها من غير لا تقول السلام) جدتك تبي تكلمك.. مد الجوال لام عبدالرحمن قبل لا يسمع رد وعد بس حطه على السبيكر .. اخذت الجوال ام عبدالرحمن : الووو.. وعد : يمممممممممممه.. ام عبدالرحمن : يا هلا ببنيتي ويش حالك يمه.. وعد : مو بخير يمه .. ام عبدالرحمن : افا وانا بنت ابوي .. ويش قاصرك.. وعد : انتم يمه .. ليش خليتوني..؟ ام عبدالرحمن : ما خليناك يا امك بس انتِ صرتي مره متزوجة ومسؤولة عن بيت و رجل و الحين محجوزة يا يمه لازم تحملين لين تخلص مشكلتك.. وعد مسؤولة عن بيت و رجل ..!! هذا يعتبرونة زواج عشان يقولون لها مسؤولة عنه يخسى .. ما راح تقولهم هالشيء .. دام الكل يقول لها تحملي عمرهم ما راح يحسون بمعاناتها ولا بالشيء اللي تحس فيه : ان شاء الله يمه.. سلمي على بابا والكل.. احمد : السلام عليكم.. : وعليكم السلام.. احمد : زين لحقتك عماد قبل لا تروح وعد بكره عندها مراجعة بعد القسطرة.. عماد : ما تتأجل..!؟ احمد : ليش..؟! عماد : يمكن اكون مشغول .. هي متى موعدها..!؟ احمد : بكره الساعة 9 الصباح.. عماد : اوك ان شاء الله تتدبر.. احمد : اذا ما انت فاضي انا اخذها.. عماد ابتسم : شكلكم ما انتم مستوعبين الموضوع .. عموماً بشوف ويش يصير معاي.. ام عبدالرحمن : وعيـــد وعيـــد .. ( تمد الجوال) : خذ هالمثقول يا وليدي ما عاد ترد وعد اناديها ما ترد.. عماد ناظر الشاشة : سكر يمه.. ام عبدالرحمن : يا قردي من هالبنية.. حط بالك عليها.. عماد : ان شاء الله.. احمد : ليش وعد فيها شيء..!؟ سعود : لا بس امي شايلة همها.. عماد : انا لازم اروح تأخرت .. سعود : لو ما ادري انك مثل حالتي تدور المخدة والا قلت لك ادخل نتقهوى.. عماد : قلتها انت ادور المخدة .. لو ابي قهوة تقهويت عند امي دوبني جاي من عندها.. خلنا ننام قبل الاجتماع.. سعود يمد له الكيس : هاذي الكتب.. عماد : ليش كل هاذي..؟! كتابين يكفون.. .. جود : يمه تكفين خلاص ما يسوى تتضايقين و تكدرين خاطرك.. خالد : احم السلام عليكم.. ما احد رد عليه .. ولده واقف عند الباب ما تجرأ يدخل .. و جود جالسة قدام امها على السرير.. تقدم خالد وجلس جنب امه باس كتفها : والله اني ما استاهل هالدموع و ادري ا نلك الحق تزعلين بس يمه لا توقفين ضدي تكفين والله اقوى على كل شيء الا زعلك.. ام احمد صدت عنه بوجهها .. اما هو اعتلت الضيقة ملامحة بشدة : يمه الله يخليك والله اني ابي رضاك.. وانا حكيتك شلون تزوجت تتيانا .. انا مابي الا المره اللي تختارينها وانت تدرين بس زواجي هذا عشان افك نفسي .. و صار كل ذا.. ام احمد : لو انك قايل لابوك وساعدك ما صار اللي صار.. خالد : يمه وقت ما تزوجت ابوي كان مشغول تذكرين الازمة اللي مرت فيها شركة ومو فاضي عشان يحل لي مشاكلي.. صح اني حليتها بطريقة غلط بس اهون من اني انسجن.. وبعدين طلعت فيها بحفيدين يبون يشوفونك من زمان.. تعال ابراهيم.. تقدم ابراهيم وقبل كف جدتة : لا تزعلين من ابوي هو يحبك و يقول انك طيبة.. و بتصيرين امنا مثله.. جود : لا والله بتستحلون امنا يا عيال خالد .. روح بس الحق امك.. ام احمد ضربت جود على ذراعها بخفة : بشويش على الولد.. جود رفعت حاجبها : شكلها رضت سارونة من جاء خالد وقال كلمتين ايه حبيب القلب ما تستغنين عنه .. وانا من اليوم اتحايل فيك معطيتني اكبر طاف.. مالت علي وعلى شكلي.. خالد : اللهم لا حسد.. قمي بس انزلي تحت .. اكيد حطوا السحور.. (قبل رأس امه) يالله يمه.. .. : يااااووللد.. نطن يجرن للمطبخ يلبسن عبايتهن قبل لا يدخل عماد .. اما هي ظلت جالسة مكانها تتقهوى ولا قالت له يدخل.. : ياااوووولد.. رانيه من وراء الباب : حياك سيادة العميد ما فيه احد بالصالة.. دخل عماد .. نزل الكيس على الارض وهي جالسة ببرود تتقهوى : السلام عليكم.. وعد من غير لا تلتفت عليه و عيونها على التلفزيون : وعليكم السلام.. عماد : كيفك اليوم.. وعد : من الله بخير.. عماد : جبت لك الكتب.. وعد : كويس.. عماد رفع حاجبة : ما فيه شكراً.. وعد : ما احد يطلب شكرا على واجبة اللي المفروض يسوية الناس تشكر على الشيء اللي متفضلين فيه.. عماد : لا والله يعني انا من واجبي اجيب لك كتب..!؟ وعد : طبعاً ما احد قالك احبسني هنا.. عماد يهز راسة : اهااا واجبي.. تدرين عاد ماراح اناقشك ولا تحسبين نسيت كلمتك يوم قلتِ اضرب راسك بالجدار بس مأجل الحساب.. وعد : ايه خلها كلها لا جات الحزة اللي تطلقني فيها.. عماد يجلس على الطاولة وراها : ومين قالك اني بطلقك.!.؟ وعد : انا اقول.. عماد : اهم شيء قولي مو قولك.. وعد : عادي برفع قضية خلع بالمحكمة.. اصلاً العقد اللي بيننا باطل انا ما وافقت ومن غير رضاي.. عماد : شوفي تراك تخطيتي حدودك حيل تكلميني ومعطيتني ظهرك .. هذا غير طوالة لسانك ماني واحد من اخوانك ولا ابوك عشان يصبر عليك.. وعد : كان زين ياخي تمل و ترميني.. عماد قام بعصبية وشدها من كتفها ولفها له بعد ما جلس على ركبتة وراها : ورب البيت ماسك نفسي عنك لا تخليني اسوي شيء لا يرضيني ولا يرضيك.. وعد دفت يده عن كتفها : ابعد عني بتستقوي علي عشانك رجال.. عماد : انتِ اللي جالسة تتعدين حدودك وانا هذا اكثر شيء ينرفزني.. وعد : والله ماني ملزومة ارضيك.. وانت ملزوم تشوف طلباتي.. انتم اللي حبستوني هنا.. وانت اللي تزوجتني من غير لا تدرين ان كان ابيك والا لا.. عماد : انتِ مصرة تخليني افتري فيك.. زواج وتزوجنا خلاص الناس كلها تدري انك زوجتي.. وعد : وانا ما ادري انك زوجي ولا ابيك زوج تفهم والا لا.. وصلت العصبية اقصى مراحلها عند عماد وقف وشدها من عضدها وسحبها معاه لغرفتة.. .. ام ندى : خالد نزل بنتك على الكرسي.. خالد : ما ترضى ان كنت موجود الا تجلس على رجولي.. منيره : شكلك مدلعها.. خالد يعض خد بنته : اذا رند ما تدلعت معناتة الدلع ممحي من قواميس البنات صح..!؟ رند تمسح بيدها خدها : انتِ دبا بس يُعدني.. خالد : يالله خلصي اكل عشان تأخذين الدواء.. رند : لا انا صرت تيب سوفي.. مسكت كف ابوها حطتها على جبهتها : سفتي انا تيب.. وليد : يااارباااه على اللغة.. الله يرحم امك لا احد يسمعك غير يسفرونك على اول طيارة باكستان.. رند : انتِ دباا انا ما احبت.. وليد : انت ما معاك قاموس نترجم ويش ترطنين.. ابو سعود : انت ما تهجد خل البنت بحالها.. حاط دوبك و دوبها.. وليد : يبه فرحان اني عم .. ما انت فرحان انك جد.. ابو سعود : غريبة عليك نسيت طاري غازي اول كل كلمة والثانية تسبه.. حتى لو انك تكلم بموضوع ثاني.. وليد : اخخ لا تذكرني قاهرني هالرجال.. يقولي نادني الفريق غازي مو باسمي.. يحمد ربه اللي بشتغل عنده والا كان صارت علوم.. سها : علوم و رياضيات و عربي ودين.. وليد : يقطع ابو السماجة يا شيخة.. سعود : الله يصبرني لصلاة احس اني بطيح من طولي.. ابو عبدالرحمن : تعبت انت و ولد عمك.. الله يكون بعونكم يا ابوي.. سعود : عشان الديرة كل شيء يهون.. نزل ابراهيم من كرسية وقف خلف كرسي والدة قرب فمة من اذنة : يبه ابي اروح الحمام.. خالد : ليش مستحي .. شوف الباب هذاك ادخل تلقى الحمامات يسارك.. ابراهيم : طيب.. خالد : توضأ عشان صلاة الفجر.. ابراهيم : ان شاء الله.. سعود يناظر ابراهيم المبتعد عنهم : تصدق ان ودي اتوطأ ببطنك بس اللي ماسكني شيء واحد.. ياسر : ولده.. سعود : ايه والله.. ياسر : نفس الاحساس .. خالد ابتسم : عادي لا تخلونها بخواطركم.. انا كان ودي اصفق نفسي اول ما انجبرت ع الموضوع بس الحين عادي.. رند : بابا حلاس رنودة ما تبي.. خالد نزلها على الارض : روحي لابراهيم هناك قولي له يفتح لك المويا تغسلين يدك وفمك.. بسرعة.. رند : تيب .. ام عبدالرحمن : زينة يومك حارمنا شوفة عيالك من عذر ابوك وامك ما يرضون عليك.. ام ندى : ندى ليش ما تأكلين.. ندى : ماني مشتهية يمه بروح اقرا قرآن على ما يأذن.. عن اذنكم.. .. في صالة بيته مسترخي يسترجع احداث اليوم.. وليد بحدة دف عساف بعيد عنه : تحسبني مثلك ارضى باللي ما أبيه .. احب وحده واخطب اختها.. وقفت الكلمات على اطراف افواههم صدمة من الكلمات اللي نفثت بوجوههم من وليد .. لم يستوعبون صدمة ما يقال الا عندما رن هاتف خالد واللي كان احمد يستعجلة يعود للمنزل.. عساف مسك وليد من اكتافة بحدة : انا تشكك فيني و رجولتي.. انا يا وليــــــــــد..؟! وليد كأنه استوعب انه كب العشاء قدام اغراب.. غازي شد عساف وابعده عن وليد : احترمني على الأقل اللي واقف بينكم.. عساف بعصبية مبكوتة عشانه يكلم غازي : ورب الكعبة لو ما احنا بمكتب سيادة الفريق لا كنت موريك شغلك يا وليد.. طلع قبل لا يتوجة له سؤال و تبدأ الملامح بالظهور.. سعود : انت صاحي هذا كلام تقوله لعساف.. مين حاط هالافكار براسك.. ياسر : ما لقيت الا عساف تتهمة بذا الشكل.. وين بتودي وجهك منه هالحين.. فشلتنا.. الفريق غازي : حصل خير.. انا بحل الموضوع مع عساف.. بندر : خل الموضوع هذا عائلي انا بحلة .. اهم شيء وليد الحين.. الفريق غازي : بيشتغل عندي مدة ثلاث شهور تحت امرتي.. واللي اقوله بيسوية من غير لا يجادل فيه.. وليد : لا بالله ما حزرت انا ابي السجن.. سعود : ماهو بكيفك .. ايه تعرف لي على المجرمين راقوا لك.. وليد : انا مزاجي.. ما احد له دخل فيني.. بندر : انت ويش صاير لك احد ساقيك شيء و مضيع العقل اللي براسك.. وليد : طيب انا موافق اشتغل بس بشرط.. الفريق غازي يجارية : ويش شرطك وقبله لاحظ انه انت اساساً غلطان و انا معطيك وجه.. وليد : نزلني عند صلاح ساعة بس.. عماد : ما حزرت والله ما تقابلة ماهو بكيفك مثل مالك حساب معه حتى احنا لنا حساب معاه.. واذا انت بتحاسبة عشان اختك ترى اولى انا اللي احاسبة عليها انا زوجها و ولي امرها ماهو انت.. وليد : بربرتك هاذي كلها ما تهمني.. حق وعد باخذه.. وحط ببالك يا غازي ماني مشتغل عندك الا عشاني واعد امي اني برجع لها بس .. والا وظيفتك ما ابيها.. كم بتعطيني راتب..؟! سعود فتح عيونة : هذا عقاب مو وظيفة.. ياسر كان مستمتع باللي يسوية وليد يقهر غازي و يغيضة عشان يهون عن اللي بيسوية.. غازي : تراه عقاب.. فاهم مو وظيفة.. و اذا اعجبني شغلك يمكن اوظفك عندي ما يندرى.. وليد : ما احب اتعب بدون مقابل.. غازي : المقابل انك ما تنسجن.. وليد : طيب انا ابي انسجن.. بندر : اقسم بالله يا وليد ان ما عقلت لا انادي ابوك و هو حزتها يتفاهم معا كانت ضيعت دروب السنع .. تبي تنسجن.. وليد : لا تهددوني بابوي ترى ماني بزر انا ما اخاف من أحد.. بندر طنش وليد ولف على غازي : وليد عندك اكرفة وهد حيلة خله يعرف ان الله حق.. ابتسم غازي : بعيوني لا تخاف.. بندر يصافح غازي : خلنا نشوفك.. الفريق غازي : ان شاء الله.. بندر يكلم عماد : لا تنسى تخلي وعد تكلمني و الله الله فيها.. عماد : ان شاء الله.. الفريق غازي : وليد .. بداية راح اسلمك سيارتي.. راح تكون سواقي الخاص مع اعمال ثانية تقوم فيها.. وليد اتسعت عيونة : عيد بالله ما سمعت.. سعود : سيدي والله اخر واحد يعرف يسوق هو وليد والله غير يكسرها لك وهي موديل السنة.. وليد ابتسم وكأن الفكرة راقت له .. وسعود فطنة على شيء هو غافل عنه .. الفريق غازي : ما راح يصير شيء ان شاء الله .. بداية شغلك من هاللحظة راح توصلني لبيتي.. وبكره تجيني الساعة سبعة الصباح.. و بعدها راح اكلفك بمهام اخرى.. .. عماد اعتدل بجلستة : قومي .. وعلى فكرة عندك موعد الساعة 8 ما ادري 9 .. ناسي والله.. وعد : كل تبن.. عماد ابتسم ببرود و وقف متجه للحمام : صدقيني ما تعرفيني والا والله ما تجرأتي و قلتي لي هالكلام.. وعد : ما يشرفني اعرف واحد حقير شرواك.. عماد : ما يشرفك .. انا ما سويت شيء مناقض للدين .. عموماً ماني فاضي لك ابي انام عندي اجتماع و برجع عشان اخذك موعدك.. وعد : ومين قالك بروح معاك.!.؟ عماد : اذا ما انتِ رايحة معاي ما فيه روحة مع غيري وتكونين ريحتي والله لأني ماني فاضي.. وعد : انقلع عن وجهي شوفتك بس تجيب الغثيان عساك تروح ولا ترجع.. طنشها ودخل الحمام وقفل الباب .. اما هي قامت و ناظرت المراية مقهورة على الحالة كل مره تتردى ما فيه شيء تعدل.. .. في اجتماع مغلق بمكتب غازي.. عساف بتعب : والله احس اني على شفا حفرة من الانهيار مو قادر اشتغل.. الفريق غازي : وين رحت لما طلعت من هنا..!؟ عساف : رحت افرفر بالسيارة.. سعود : مسكت طريق جدة ولا ردك الا لوحة تقولك كم كيلو باقي لك صح..؟ عساف ابتسم : تعرفني ما يحتاج.. الفريق غازي : ما انت صاحي افتر بشوارع المدينة لكن لا تطلع برا غير تعبت جسدك فوق تعبة.. عماد : مو بس انت ما نمت .. انا بعد ما نمت.. الفريق غازي : خير ان شاء الله سيد عماد وليش ما نمت..!؟ عماد : خلني ساكت ازين.. الا يوم جيت شفت وليد برا.. الفريق غازي : بيشتغل عندي والا نسيت.. عماد : ما نسيت.. بس شكله طفشان.. الفريق غازي : بس يجون نايف و عزام و راشد .. بطلع له اعطيه كم امر يتونس فيه لين ارجع.. سعود : ابوي يقول تراه بيكسر سيارتك.. الفريق غازي ابتسم : خلوه علي.. بنتفاهم انا و اياه والله لا اخلي يسوق مثل العالم والناس.. وهو جايبني هنا يسرع وانا ساكت عنه.. عساف : ترى وليد اخر انسان ممكن يسمع كلامك.. الفريق غازي : بتشوف قدراتِ .. بعدها احكم.. دخل وليد بعد ما طق الباب : تراني طفشت وانا برا.. الفريق غازي : سمحت لك تدخل..!؟ وليد : انا سمحت لنفسي.. الفريق غازي : وليد احنا بيننا اتفاق و أي خطأ ترتكبة بيزيد عليك المدة.. وليد ابتسم باستهزاء : ترى والله اني معطيك وجه وصابر عليك .. نعسان ولاني رايق اناظر موظيفنك رايحين جايين.. الفريق غازي : اولاً لا تدخل علي الا عندك شيء يسوى.. ثانياً لا دخلت تأدي التحية العسكرية و أي شخص له رتبة هنا تأدي له التحية العسكرية حتى اخوك سعود.. وليد اللي مازال راسم ابتسامة تستفز اللي قدامة وكأنه يسخر من الكل .. ويمثل البرود.. اما الفريق غازي يكمل سلسلة اوامرة.. : ثالثاً لا تسوي شيء انا ما قلت لك عليه بمعنى ما تسوي شيء من وراي لاني بدري عن كل شيء تسويه .. رابعاً الخطأ اللي ترتكبة ولا احد يدري عنه تراني ادري و ان ما تخليت عنه بيكون لي تصرف معاك.. خامساً من بكرة بتروح لتدريب السواقة و تطلع رخصة على سواقة زينة مو مثل اللي تسوقها.. وليد يكتف يديه : خلصت والا باقي مجلد اوامر ما القيته.. الفريق غازي بحدة : تأدب و انت تكلمني هنا انا رئيسك تفهــــــم..!؟ وليد : و انت تدري اني الشغل عندك ما ابيه.. الفريق غازي : اذاً بتنسجن.. وليد : احب على قلب من مقابل وجهك انت و موظفينك.. الفريق غازي : ما راح تكون بالحجز عندنا .. راح نحطك ببيت عليه حرس يعني تقريباً زي وعد.. فتح عيونة وليد : لا تمزح.. الفريق غازي بحدة : من متى اعرفك عشان امزح معاك.. لهدرجة الميانة طايحة بيننا.. وليد بقهر : خلاص موافق على شروطك بس تحجزني ببيت لا.. الفريق غازي ابتسم عشان يستفز وليد : تمام .. ولا جيت تكلمني تعرف كيف تقدرني.. الفريق غازي.. وليد وهو اللي بقي شوي و ينقض على غازي يكفخة : حاضر سيادة الفريق.. سعود وعساف و عماد ماسكين الضحكة عليه لا ينفجرون و يعصب.. الفريق غازي : الآن بتروح عند حمد بيعطيك شغلة تسويها.. دخلوا الشباب الثلاث بسرعة : سيدي.. الفريق غازي أشر لهم يسكتون : على شغلك وليد.. وليد : حاضر.. وطلع.. سكر راشد الباب .. ليتقدمون من الفريق غازي .. عزام : البلاغات اللي وصلت المركز.. الفريق غازي : من ..!؟ عزام : توصلنا لأحدثيات الموقع وكانت من ... الفريق غازي : ويش بلاك تحكي بالقطارة..!؟ نايف : من مزرعة العميد عماد.. عماد : نعــم.!؟؟ نايف : البلاغ الأخير اللي طلع كذب مو من المزرعة بس اللي قبل كانت من المزرعة.. ماسك بيديه سيديات : وهاذي سيديات فيها التسجيل للبلاغ.. الفريق غازي : راشد اعطيني اللاب على المكتب و السماعات.. راشد : حاضر.. سعود : يعني فيه احد بالمزرعة خاين و على اساس انه يحمي وعد.. نزل راشد اللاب على الطاولة فتحة.. واعطاه الفريق غازي .. وضع الباسوورد وهم في ترقب يسمعون الصوت و يعرفون مين اللي بلغ ويش وعلاقتة بالعصابة.. حط غازي السيدي بمكانة المخصص لينتظر ان يفتح المجلد.. عماد : لابك بطيء يبي لك تغيره.. الفريق غازي يفتح المجلد : على يدك.. سعود يكلم عماد اللي جنبه : بس عشانك متوتر .. الله يستر ما يكون فيه احد خاين مع وعد على اساس يحمونها.. ارتفع الصوت : ومين حضرتك..؟! : فاعلة خير.. : لو سمحتي انتِ تبلغين عن متفجرات وهذا الموضوع خطير.. تدرين لو انك مقدمة بلاغ كاذب راح تتعاقبين.. .. هاشتاق الرواية #رواية_لو_سألتي_الورد .. لا اله الا أنت سبحانك اني كنت من الظالمين.. لا أحلل نقل الرواية دون ذكر اسمي.. ضحكة قهر.. http://up.graaam.com/img/23407876b74...eba11d9f14.png |
رد: لو سألتي الورد وهو ما بين إيدك أقطعك بيقول لك عمري فداك الكاتبة / ضحكة قهر
بسم الله الرحمن الرحيم.. السلام عليكم ورحمة الله وبركاتة.. صباحكم/ مسائكم رضا وتوفيق.. بداية مبروك الاجازة واللي باقي لها يوم كنها اجزت مو مشكلة.. اهم شيء النتيجة تكون مرضية.. اتمنى لكم التوفيق جميعاًً والفلاح.. البارت هذا هدية لانه مره طووووووويل.. وانا حبيته http://forums.graaam.com/images/smil...aam%20(39).gif.. نجي للتوقعات اللي اتصلت وبلغت المركز عن باقي التفجيرات .. نالت وعد المركز الاول بالشكوكhttp://forums.graaam.com/images/smil...am%20(297).gif.. صراحة كنت ابيكم تجيبون العيد بالتوقعات بس خيبتوا ظني ماشاء الله شكلي ما عادت روايتي غامضة لازم اسوي شيء يخليكم ما تتوقعون ويس بيصيرhttp://forums.graaam.com/images/smil...am%20(297).gif.. سعيدة جدا بحماسكم وانتظاركم للبارتات.. انغام هالبنت الجميلة .. انا جداً سعيدة و فخورة فيك.. كلامك وتعليقك على البارت الاخير وطرح وجهة نظرك .. بخصوص الحب و تخلي البنت عن شهادتها و مستقبلها راق لي كثير.. لا يبقى تفكيرك محصور فيك اسعي لانك تعلمين الناس انتِ انسانة راقية.. كل البنات اللي سجلوا عشان الرواية انا جداً سعيدة بهذا الشيء .. و كلامكم و تعليقاتكم تشجعني و تسعدني.. خلوكم قريب مني مثل ما بدينا الرواية مع بعض بنسير فيها للأخير مع بعض.. حياكم كلكم بهشتاق الرواية #رواية_لو_سألتي_الورد .. مبروووك عليكم الاجـــــــــــــازة.. واللي مثلي مبروك عليكم اجازة اهاليكمhttp://forums.graaam.com/images/smil...am%20(297).gif.. البارت العشرون.. لاتنادي وانت تدري يشبهك فيني عنادي إنت كابر!! وانا اكابر !! وتكبر في صدري المقابر والعمر اللي جمعنا..! عمر عابر! لـ : صدووود..! : انا سمعتهم ما اعرفهم انا بس ابلغكم باللي سمعته.. : طيب ممكن يا اختي تذكرين اسماء المجمعات اللي قالوها.. : الدرة.. و الزمرد .. و فيه واحد ثالث بس كأنه مو بنفس اليوم.. : طيب اسمه.. : الصالح.. ما ادري ماني متذكرة بس سمعت شيء زي كذا.. : يا اختي انتِ وين الحين.!.؟ : ما يخصكم انا وين انا بس بلغتكم.. وانتم اللي عليكم حماية الناس.. وقفلت الخط لتنقطع سلسلة المعلومات اللي ادلت بها.. عماد وقف وبصدمة : وعــد.!.؟ الفريق غازي : من وين لها الجوال.. فجأة لمعت براسه فكرة ليخرج بعصبية و وراه عماد وسعود .. وليد مسترخي وراء المكتب و مغمض عيونة تعبان صايم وقرفان .. فتح عيونة على يد غازي اللي ضربت بالمكتب قام مفزوع وبعصبية : لو جاتني سكتة قلبية الحين من تخريعك لي ويش بتستفيد..!؟ الفريق غازي مستند على يديه و منحني شوي للأمام: انت معطي اختك جوال..!؟ بلع ريقة وليد : أي اخت عندي سبع خوات بعين اللي ما يصلي على النبي.. الفريق غازي اخذ نفس : اللهم صلي على محمد.. اخلص علي وليد..!؟ وليد : انت ما حددت بس تدري جايب لخواتي جوالات اذكر اني انا شريت لدانه جوالها و جود و اظن سها بعد.. الفريق غازي يصر على اسنانة : انت معطي وعد جوال..؟! وليد : ليش اعطيها رجلها المسؤول عنها هو المفروض يجيب لها مو انا.. الفريق غازي : يعني ما جبت لها جوال..؟! وليد : ابداً .. الفريق غازي اعتدل بوقفتة بعد ما كان منحني للامام ومتكئ على المكتب : لو ادري انك مسوي شيء من وراي يا وليد والا اخطيت خطأ ومخبية علي .. ودريت عنه بيكون عقابك عسير.. وليد باستهزاء : حاضر يبه.. الفريق غازي لف على عماد : ابيك تروح المزرعة تأمن عليها .. وتفتش القسم اللي فيه وعد تقلبه فوق حدر.. اكد على البنات ما يخلونها تغفل عن عيونهم دقيقة وحدة حتى لو هي نايمة يراقبونها و خذ معاك شرطيات زيادة بعد ان لزم الأمر.. ولا تقعد بأي مكان لحالها حتى لو هي طردتهم .. ابيهم مثل ظلها معها.. عماد : حاضر سيدي.. وطلع هاذي اوامر غازي بقي هو بيستجوبها على هواة.. سعود : استغفر الله العظيم.. الفريق غازي التفت على وليد : مانيب قايلك روح مع حمد يعلمك كم شغلة تسويها..!؟ وليد : الا قلت لي و رحت بس ما راقت لي ويش يعني اجلس اكتب و اعدل مره مالي فيذا الاشياء,, من حلاة خطي هقوتي بتحتاج مترجم ان خليتني اكتب لك.. الفريق غازي : وليد لا تستغل صبري صدقني بنفجر فجأة فيك.. تراني مطول بالي عليك.. بس حاسب مني.. وليد : قنبلة موقوتة.. الفريق غازي : متى موعد تدريب السواقة..!؟ وليد : انت قلت بكرة.. الفريق غازي : زين بكره من 9 لـ 11 تكون مرزوع قدام المدرب.. فاهم.. وليد : ليش ساعتين خير ان شاء الله..؟! الفريق غازي : ليش تسمي سواقتك سواقة .. والله يا وليد ان سيارتي جاها خدش لا ازيد مدة عقابك.. وليد : والله ما احد قالك اعطيني اياها.. الفريق غازي : وليد تراني قادر اريح راسي واسجنك.. بس انت مو مستغل طيبتي معاك وتراددني و مطول لسانك علي و انا للحين عادك حسبة ولدي.. وليد : الحين كل اللي تسويه فيني و حسبة ولدك..!! الحمدلله يارب اني ماني ولدك.. الا لو اني عدوك ويش بتسوي..؟ الفريق غازي التفت لسعود : اشهد سعود اني محذرة اكثر من مره.. غلطة وحده بعد هالكلام ورده علي بهالشكل وتقليل الاحترام بيخليني اسجنة.. سعود : حاضر طال عمرك.. دخل غازي لمكتبة وسعود قرب من وليد : تبي تنسجن لحالك حزتها بترتاح..!؟ وليد : لا ما ابي.. بس عاد هو خانقني .. سعود : لا تكذب انت اللي مطول لسانك عليه.. خلك محترم معاه واسمع كلامة لانه ما يبي الا مصلحتك.. وليد : طيب نعسان ابي انام.. سعود : والله لو انك محترم معاه وشاف حالتك هاذي كان قالك روح نام من غير لا تطلب بس عاد انت ما تخلي الواحد يسوي خير معاك.. .. وعد تصارخ : قلت لك ما معاي جوال.. عماد بعصبية : لا تصارخين ماني اصغر عيالك.. وعد : تراك خنقتني جعلك تموت ياحيوان .. انا ماني عبدة عندك ربي خلقني حره بنت ناس احرار.. عماد : ليش انا قلت انك عبدة عندي .. ترى زمن العبودية مات و ولى .. انا سألتك سؤال محدد وين الجوال اللي معاك..؟ وعد كتفت يديها على صدرها : وانا جاوبتك جواب محدد جوال ما معي.. عماد : رااااااااااااانيه هيفــــــــــــــــاء.. خلال ثواني دخلن الثنتين باحترام : امر سيدي.. عماد : اقلبوا لي الغرفة فوق تحت ابي الجوال بيدي.. : حاضر .. وعد تناظرهم ببرود الجوال مخبيته بغرفة عماد .. نظراتها تلاحقهم .. عماد : ليش ما علمتينا عن مجمع الزمرد و صالح..؟!؟ وعد : ما ادري عن ايش تتكلم.. عماد : اهاا ما تدرين.. راح اخليك تدرين بطريقتي.. بس خلي الجوال يطيح بيدي.. وعد التفت عليه : تراك حاط نفسك والي علي.. انت ترى بالنسبة لي ولا شيء تفهم..!؟ ولااااا شيء.. عماد بسخرية : تصدقين عاد انتِ بالنسبة لي الهواء اللي تنفسة .. ياعمي طيري بس كني ماخذك عشاني متيم في هواك,, فرقاك عيد.. وعد : يالله نعيد مع بعض,, و طلقني.. عماد : تحسبين انه عاجبني اني احس وحده ثقيلة على قلبي مثلك حاطها على ذمتي .. ترى الموضوع مأزمني اكثر منك.. وعد : مبين بدليل انك محبوس مثلي.. عماد : عاد هذا قدرك تنحبسين بين اربع جدران.. وعد : ان شاء الله تنحبس انت مع ذيابة وينهشون لحمك.. عماد ابتسم بسخرية : الذيب ما يخاف من الذيابة.. وعد ابتسمت بسخرية لتردها له بشكل مباشر : كنت متأكدة من يوم ما شفتك انك حيوان مو آدمي.. عماد يأشر على نفسة : انا حيوان..!؟ (مرر لسانة على أسنانة العلوية) : اسحبي كلمتك لا افتري فيك.. وعد : ويش بتسوي يعني بتضربني .. ما يهمني.. و بحركة بسيطة تشبثت يد عماد بشعر وعد ليشدها اليه : لا تحديني انتِ تدرين اني اقوى منك و ما راح تقدرين تجاريني.. وعد احدى يديها على يده اليمنى الممسكة بشعرها بقوة .. ويدها الاخرى على يده القابضة على عضدها بقوة : يا كلب عارفين انك قوي.. ماشاء الله رجال,, صفقوا له يا بنات.. البنات اللي كانن يفترن بالغرفة بحثاً عن الجوال لكن ما ان امسك عماد بوعد التفتوا لهم .. عماد صر على اسنانة ويده اليمنى تشد شعرها بقوة و يده اليسرى تنغرز بعضدها يشعر بأنه يمسك عظم وليس جلد و عظامها ستتكسر في كفة .. صرخ على البنات : اطلعوووا بــــــــــرا .. خلال ثانيتين خلت الغرفة الا منهم .. امسك وعد بشدة وهي التي كانت امامه وهو خلفها : وعد لا تحديني على شيء ما ابيه قايل لك اكثر من مره .. لا تطولين لسانك والزمي حدودك.. لا تخافين بطلقك بس نخلص من فترة الحجز بطلقك وبفتك منك.. بس من هاللحظة لين يصدر قرار الافراج عنك طيعيني بكل شيء عشان ما افتري فيك لاني ما راح اتحمل منك كلمة وحده زيادة.. ضغط بيده الممسكة بشعرها ليجعل رأسها يتقدم نحو الامام و يعود به للخلف مره أخرى : فااااهمـــــــــــــة.. وعد : لاااا ماني فاهمة... ولا راح افهم.. طلقني ما ابيك والله لا اشتكي عليك.. لا تحسب اني ضعيفة والله لا انتقم منك يا حيوان اكرهـــــــــــك.. كلكم اكرههههكممم.. عماد : عاد انا المتيم في هواك .. الحين وين الجوال..؟ وعد : ما عندي جوال يا رجال يا قوي.. عماد افلت يده عن عضدها ليمسك بذراعها يلفة وراء ظهرها و يضغط على ذراعة بقوة .. صرخت وعد من شدة الألم : آآآآآآآآآآآآآآآآآآآآآآآآآآآآآآآآ ياكلب والله لاشتكيك.. عماد : احسن لك تكلمي وين الجوال.. وعد : ما عندي.. عماد : من وين كلمتي المركز وقدمتي البلاغ بان فيه متفجرات بمجمع الزمرد و صالح..؟! وعد : ماهو انا.. عماد : كذابة انا سامع التسجيل باذني ما راح تخوني اذني بصوتك.. وعد شوي وتصيح من الالم : طيب اترك يدي.. عماد : اول شي قولي وين الجوال..؟ وعد : في جيب بنطلوني الجنز.. تركها عماد بحسن نية اتجه للدولاب .. لتمسك هي بالفازة الصغيرة الموجودة على الطاولة وترميها على كتفة وتطلع برا الغرفة وتقفل عليه الباب.. ارتفع صوت الفازة على الارض لتنتشر اشلاء عند اقدام عماد وضع كفة اليمنى على كتفة اليسرى مكان ضربة وعد : آآآخ .. ويش تحسبني جدار ما احس.. والله لأوريك يا وعيد ما اكون عماد.. اتجه لباب المقفل فقد سمع صوت القفل عدة مرات بعد خروجها طق الباب اكثر من مره : وعـــــــــــــــد.. وعد واقفة قبال الباب : جرب انك تنحبس يا حيوان مثل ما حبستني.. عماد : تراك تلعبين بالنااار.. وعد : عادي حياة معاك جهنم اصلاً ما تفرق معاي.. عماد : رانيه افتحي الباااااااااب.. اتجهت رانية للباب لكن وعد دفتها : ابعدي مالك دخل .. فاهمة .. رانيه : هذا امر من سيادة العميد.. وعد : والله ما تفتحين الباب.. رانيه : يا بنت الحلال بتودينا بداهية امر من سيادة العميد ما احد يقدر يخالفة.. وعد : انقلعي هناااك والا بفتري فيك ما راح يفيدك لا سيادة عميد ولا غيره.. هيفاء : ارجوك يا سيدة ما ينفع اللي تسوينه.. وعد : مالكم دخل.. والله لاوديكم بداهية لا عصيتوني.. بنت جديدة من اللي جابهم عماد : يا اختي ما ينفع اللي تسوينة هذا سيادة العميد مو حيا الله راح تتهمين بالتعدي على رجل امن و حبسة.. وعد : فيلمك هذا اللي قلتية ما يهمني انا محبوسة محبوسة على الأقل أطلع بفايدة و انتصار.. فجأة طغى صوت على محاولات اقناع هيفاء ورانيه لوعد .. كان صوت الباب اللي انكسر قفلة من عماد اللي ضرب القفل بدرجة الكومدينة بعد ما خرجة من مكانة بضربة وحده طاح القفل وفتح الباب .. ابتسم بعبث اول ما شاف وعد قدامه صرخت من فجعتها بطلعتة : آآآآآآآآآآآآآآآآآآآآآآآآآآآ.. راحت تجري تنحاش دخلت غرفة عماد بتقفل الباب بس رجل عماد كانت عائق لها على الباب دف الباب لتبتعد هي عنه : انت اللي بديت.. عماد : انا اللي بديت .. وعد كانت تتراجع وراء وعماد يقرب منها : شوف والله ان سويت لي شيء لا افتري فيك ترى حتى انا يطلع مني مو بس انت.. عماد : هههههههههه انتِ يالنتفة بتفترين فيني ..علميني وشلون بتفترين فيني بتضربيني بفازة على راسي..؟! وعد : ايه و اقتلك بعد واخليها دفاع عن النفس.. عماد : دفاع عن النفس..!! مشكلة ان هنا عندنا شهود لو كنا لحالنا كان يمكن احتمال واحد بالمية يعني تمشي خطتك.. وعد ضربت بالكومدينة خلاص بقي على الجدار خطوة : اسمع خلنا نسوي اتفاق.. عماد يوقف خطواتة وهو مبتسم على خوفها وهروبها منه كتف يديه : ويش هو اتفاقك..؟ وعد بلعت ريقها : انا اعطيك الجوال بس تكون برا .. ولا عاد تجي هنا.. عماد : لااا اتفاقك غلط مافيه ايه عدل بيننا .. تعطيني الجوال ما اعاقبك على تخبيتة .. لكن على انك ترمين الفازة علي وانا رجال طول بعرض ولا تستحين هاذي كبيرة.. ما تنغفر لك ابد.. وعد ظناً منها انها ممكن تتغلب على عماد وتنحاش منه بأقل الخساير او تبي الانتصار.. تنحاش ولا يوصل لها ولا تعطيه الجوال يعتبر انتصار و يسجل بسجلات الحياة العقيمة بينهم.. راحت تجري برا الغرفة لكن عماد كان اسرع و وصل لها قبل لا توصل للباب : مو كل مره تسلم الجرة يا وعد.. وين الجوال ترى صبري بدا ينفذ..؟ وعد : قلت لك ما عندي جوال.. عماد : توك قايلة لي بتسوين اتفاق وتعطيني الجوال لا كنت برا .. وعد لا تحديني استخدم اساليب شديدة معاك ... والله العظيم عندي شغل فوق راسي و انتِ ماخذة من وقتي.. وعد : انت اللي جيتني ومضيع وقتك مع وحده ما تبيك انت اللي ضيعت وقتك بنفسك لا تغلط و تبرر خطاك وتحطني السبب.. عماد : اسلوب الفلسفة مو علي .. خليك عاقلة واعطيني الجوال.. وعد : ان زين اوعدني بشي.. عماد : لو انك معطيتني اياه اول ما طلبته كنت وعدتك بشيء, لكن الحين فوق اللي سويتيه تبين تأخذين مقابل.. ترى ممنوع يكون معاك جوال انتِ ممنوعة من التواصل يعني اللي تسوينة جريمة يا وعد راح يشككون بولائك وانك ممكن تسربين معلومات.. وعد بلعت ريقها : قصدك للعصابة.. خفف عماد من ضغطة عليها وهي التفت له : ايه.. وعد : بقولك شيء.. عماد : قولي.. وعد : انا ما خنت الدولة .. و روحي فداها .. بس مالي ذنب.. عماد تغيرت ملامح وجهه : ويش تقصدين..!؟ وعد: هم قالوا لي شيء وما سويته.. بس بعدين ما ادري.. عماد سحبها وجلسها على السرير : شوفي ادري ان اللي مريتي فيه مو هين.. بس حطي قدام عيونك ان هذا امن وارواح ناس يا وعد .. لا تستهينين بالموضوع ابد.. أي حرف تقولينه لي وان ما كنت موجود كلمي البنات يدقون علي وانا بجيك.. وعد : صلاح.. عماد : ايش فيه..!؟ وعد : صلاح و واحد ثاني معاه هم اللي قالوا لي.. عماد رفع حواجبة يحاول يستوعب الكلام اللي قالتة : ويش قالوا لك..!؟ وعد : قالوا لي اقولكم على التفجير بمجمع الدرة.. عماد : نعــم.؟! وعد : لا.. هم قالوا لي انهم بيفجرون مجمع الزمرد والقنابل اللي فيه ماهي خطيرة .. (رفعت يديها بتشتت) ما ادري.. عماد مسك يديها المرفوعة بتوتر شد عليها : حاولي تسترخين.. وعلميني ويش اللي صار بالضبط..!؟ وعد : بعد ما وصلنا المكان هناك.. اخذني صلاح داخل.. وقابل رجال.. وقالوا لي احنا بنوصلك للشرطة ولا راح نسوي لك شيء.. بس خليك عاقلة و اسمعي كلامنا.. نبيك تبلغين الشرطة عن تفجير في مجمع الزمرد و مجمع صالح يوم خمسة رمضان.. عماد من كل كلمة بل كل حرف حرارة جسدة ترتفع من شدة غضبة وكأن النار بينه وبينها هي فقط .. يحاول ضبط اعصابة سيترك لحظة انفجارة فيها للأخير : و بعدين.. وعد : انا وافقت لاني خفت على نفسي.. قال صلاح انه بيتواصل معاي على جوالي.. بعدين رجعني للسيارة و هناك سمعت الثنين اللي اسمائهم ابو نمر و ابو سبع انهم بيفجرون مجمع الدرة بس والباقي بيكون لتشتيت الامن عشان ينشغل بالتحقيق و يقدرون يهربون الاسلحة والمخدرات بعدها باسبوع بيكون خف التشديد والتفتيش والامن بيكون بمركزة يحقق بالقضية مع صلاح و واحد ثاني نسيت اسمه وهم بيسرحون ويمرحون على كيفهم.. عماد : غيره..!؟ وعد : قالوا .. ان فيه احد يخونهم.. و انهم راح يعاقبونة بس يكشفونة.. عماد : غيره.!.؟ وعد : بس.. عماد : تدرين ويش ودي فيه الحين..!؟ وعد ببراءة : ويش..؟! عماد : انحــــرك.. وعد انقبلت حالتها : يكون ازين على الاقل ما اقابل خشتك .. ولا انتحرت عشان ما ادخل النار .. انت اللي قتلتني.. عماد : اللهم اني صايم.. هاتي الجوال.. وعد : طيب انا اطفش.. عماد : هاتي الجوال هاذي مسؤولية يا وعد هاتي الجوال.. وعد دفت الكومدينة وطلعته من تحتها مدته عليه : ما تخافين اعرف مخبئك السري.. وعد : لا ما اخاف يا كثر المخابئ السرية .. بخترع لي واحد ثاني.. عماد يقلب بالجوال : لا عاد تلعبين معاي.. ان شاء الله ما تتعرضين للمسألة عشانك مخبية معلومات على الأمن.. وعد : لا تكذب ما خبيت اتصلت و بلغت.. يعني انا اول شيء علمتكم على اللي سمعتة من الرجالين .. بس بعدين فكرت انه من الاحتياط اني ابلغكم على اللي قالوه بعد ما يندرى ويش يسوون.. عماد : يطلع منك .. يعني ما ينقال انك ذكية بس ممكن تجيك شطحات.. شكلها من الشيطان.. وعد تجلس على الكومدينة : ايه معاشرة لي شيطان هالايام متأثرة فيه.. عماد ابتسم : انا شيطان ..!؟ لا حول ولا قوة الا بالله.. وعد : اللي على راسة بطحاء..! تصدق اني انا معطيتك وجه بالرغم من اللي سويتة فيني.. عماد من غير لا يناظرها يفتش بالجوال : وتصدقين انا بعد معطيك وجه.. وعد : لا ما اصدق.. عماد وقف : ابي اجي على الفطور و بما انك زوجتي انتِ اللي تسوينه ما احب اكل الشغالات.. وعد باستهزاء : بس كذا من عيوني حبيبي.. عماد يدري انها تستهزء فيه : تمام أي شيء تحتاجونه كلموا بدر يجيبه لكم.. وعد : طيب.. ما انت معتذر عشانك شديت شعري و بغيت تفتت عظامي..!؟ عماد : و انتِ بتعتذرين عشانك بغيتي تكسرين كتفي..!؟ وعد : لا.. عماد : وانا بعد لا.. وعد بثقة : على راحتك.. مردك تندم.. عماد رفع حاجبة بسخرية لها : انا اندم.. ما عرفتيني.. وعد : عادي من هاللحظة لين ينتهي الحجز بعرفك مثل لما تكون خبز يديني.. عماد يعطيها ظهره و بيمشي : تبطين عظم يا بنت ابراهيم.. وعد : بذكرك اياه يا ولد عامر.. .. رند : باباتي ما ابعى.. خالد : رند ترى طفشت من الصلاة وانا اتحايل عليك.. رند : انا ما احبت.. خالد : و انا احبك.. يالله يا بابا.. رند : لاااا ما ابعى انا ما احب دواء مو تعم.. احمد جلس جنبها : ويش عندها حبيبة عموو.. رند : عموو انا ما احب دواء مو تعم.. احمد : اه طيب انتِ تحبين تكونين مريضة وتعبانة وما تلعبين.. رند : لااا.. احمد : اجل لازم تأخذين الدواء عشان ما تتعبين مرة ثانية.. رند : تيب بس سوووويه.. احمد ابتسم : على خشمي كم رنود عندنا.. سعود : السلام عليكم.. : وعليكم السلام.. سلم على ابوه وامه وخالاتة وجلس او بالاصح تمدد على الكنب : بقي شوي وانهار من التعب.. ام سعود : بسم الله عليك يا ابوي خذ يومين اجازة رئيسك مو رافض لك.. سعود : يمه مو بس انا اتعب حتى اللي معاي و حتى رئيسي يتعب بس كله يهون عشان البلد.. ام سعود : يا ابوي انا خايفة عليك.. سعود : هذا ابوي ما خاف علي .. يمه اللي اسويه انا واجب علي وعلى كل انسان قدام جنسيتة مكتوب سعودي.. منيره : لا تشيلينه هم فوق هم يا ام سعود.. الله حامية هو واللي معاه ان شاء الله.. سعود : عليك نور يا خالة الله الحامي.. ام احمد : ما شفت وليد من طلع الصبح ما رجع.. سعود : عند الفريق غازي لا أحد يشيل همه.. يبه تراه يوصيك ما تصلح له السيارة ولا تعطيه أي سيارة لين يتعلم.. لانه سحب الرخصة منه.. ابو سعود ابتسم : شكله بادي حامي مع اخوك.. سعود : اليوم خلاه يكرف و وليد يستاهل صراحة لسانة ويش طولة.. حتى الشباب توسطوا له عند الفريق غازي يروح البيت ينام بس هو رفض .. عشان ما ينساها.. ام احمد : يا عزتي لولدي كارفه وهو صايم..؟ سعود : ماهو صاير له شيء يا خالة الفريق غازي عارف ويش يسوي.. معاملة مثل ولده.. ام احمد : مثل ولده و انت تقول كارفة.. سعود : ايه و يحق له يكرفة عشان اللي سواه ماهو شوي.. ام احمد : خالد يا ابوي دق عليه شوفة وينه بقي نص ساعة عن المغرب.. سعود : يمكن يفطر مع الفريق غازي لاني طلعت من المكتب وهو كان عنده يشتغل معاه.. ام احمد : ابو سعود دق على غازي قله يصرف الولد ما صارت من الصبح عنده ويش هالشغل اللي للمغرب.. ابو سعود : ما راح اتدخل غازي يعرف ويش يسوي .. خله يأدب وليد يكفي له خمس سنين قاضيها بالثانوي وليته يأدب مشعل معاه.. مشعل بفاجعة : ويش سويت انا..؟!؟ ابو سعود : ست سنوات قاضيها بالثانوي.. اللي مثلك باقي له سنة و يتخرج وانت توك تخش الجامعة ما تستحي لا سأل الدكتور كم اعماركم اللي معاك يردون اعمارهم 19 و انت 22 .. مشعل : يبه ويش جاب طاري الدراسة الحين.. انا تعبت وسويت اللي علي و هذا انا نجحت.. ابو سعود : لو انك مسوي اللي عليك من اول سنة خشيت فيها الثانوي كان المفروض متخرج من زمان .. بس استحيت لا يطلع وليد اللي اصغر منك من الثانوي قبلك وهو وده ينافسك بشيء شديتوا حيلكم بأخر سنة.. اذا الدراسة ما قدرتوا عليها بتقدرون على فتح بيوت.. ام احمد : ابو سعود الله يهديك ويش بلاك على الولد حاط حرتك فيه.. ابو سعود : لا تدافعين عنه يا حنان .. هذا اللي خرب الاثنين وليد ومشعل دلعك لهم لا هاوشتهم رحتي لهم من وراي طبطبتي عليهم كنك تقولين لهم اللي سويتوه صح لين خربوا.. ياسر : يبه طبيعي امي تطبطب علينا أي ام بالدنيا تطبطب على عيالها مو بس امي .. امي ما غلطت.. امي مو السبب بدلع اخواني .. حتى انت يبه.. سعود : يــــــــاسرر.. ابو سعود : سعووود خله يقول اللي عنده .... قول يا ياسر.. ياسر : يبه تعرفني ما اطق الطار مقلوب .. انت بعد كل عمرك حاكمنا نحضر مجالس الرجال و ان اعترضنا غصبتنا عليها .. لكن مشعل و وليد جابوا لك ابسط عذر سمحت لهم .. غير كذا سامح وليد يسهر برا البيت من متى احنا نسهر برا البيت لين تالي الليل..!؟ ميار تهمس لسها : شكل المواجهة حامية.. سها : حيــــل عاد ياسر لا عصب ما يعرف مين قدامة.. ميار : يعني ممكن يتهاوش مع بابا..!؟ سها : بابا ما احد يقدر عليه.. ميار : الله يستر لا تقوم حرب.. ابو سعود : الله و اكبر صرت انا غلطان الحين .. مو انت جيتني يا احمد وقلت لي يبه الدنيا تغيرت و اخواني يحق لهم يسهرون برا البيت مو للفجر بس على الأقل لـين 2 .. احمد : ايه يبه وانا عند كلامي.. الدنيا ماهيب مثل اول ... الشباب ما يطلعون الا بالليل و سهرات مع اخوياهم.. ابو سعود : الحين انا اللي اتحمل الخطأ.. ياسر : لااا ولا امي اللي تحمل الخطأ.. لان هم كبار ما يصير يبه تحمل امي دلعهم.. ابو سعود : اشوفك تدافع عن امك.. ليش ناسي مين ابوك..!؟ ياسر : لا ماني ناسي على راسي.. ابو سعود بحزم : وليد بخلي غازي يريبة على كيفة ولو اقابلة بقوله ادبغة زيادة .. و ان يبي زيادة عطيتة مشعل.. مشعل : يبه ويش بلاك تبي تبرأ مننا.. ابو سعود : لا تقولني كلام ما قلتة.. اصطلب يا مشعل و خلك رجال.. مشعل ينهي النقاش قبل ان يتفرع و ينتهي بتجريح و اوامر : ان شاء الله على أمرك.. فارس : بابا.. ابو سعود ابتسم : تعال.. تقدم فارس و رفعة ابو سعود جلسة على رجله : ويش فيك زعلان.. فارس : شوف ولد خالد اقوله قول عمي يقول لا انا اكبر منك.. ابو سعود : عاد ولد خالد ما نقدر عليه.. فارس : ليش مو انا عمه.. ابو سعود : عمه و نص.. فارس : خله يقول لي عم.. خالد : فويرس خل ولدي على جنب لا تدخله بدلعك.. فارس : طيب خله يقول لي عمي مو انا اخوك.. خالد : بس كذا ولا يهمك.. نخليه يقولك عمي.. رند : لا انتِ سععععيررررة مو عمي.. سعود : يا عيني على طوالة اللسان.. فارس : اسكتي لا اضربك و انتِ بزر.. رند : مااا ابي ما تقدلين تدلبيني.. فارس اللي كان بينزل من حضن ابوه شد عليه ابو سعود : من جدك بتضرب بنت اخوك..! الرجال ما يمد يده على مره.. فارس : هي تكلم علي.. ابو سعود : ما عليه بكره بتكبر و تعرف الصح.. رند : انا تبيـــــرة .. مدت لسانة تقهر فارس.. جود : خويلد نصيحة اقضب بنتك والا بتجي وما تلقى غير عظامها.. ام سعود : لا بسم الله عليها .. الله يحفظها.. رند ترفع يديها تدعي : الله يحفدني.. سعود : ههههههههههههههههه تعالي يا عمي.. رند : لااا ما ابي.. خالد : روحي كلمي عم سعود.. رند تجلس بعد ما كانت واقفة على الكنب بين ابوها و احمد : لاااا ما ابي.. سعود : بعطيك فلووس.. نطت رند على الارض بسرعة واتجهت لسعود ومدت يدها : هاتي فلوسي.. سعود : صارت فلوسك من متى..!؟ رند : انتِ دلتي.. (التفت لابوها بزعل) بابا سوفي عمه سعودي.. مشعل : لا تخلي بنتك تطلع برا صدقني على اول طيارة برااا السعودية.. بيشككون بوطنيتها خصوصاً مع ذا العيون الرمادية.. سعود شالها : بعطيك فلوس بس قولي عم سعود.. رند : عم سعووودي. سعود : حلوو عم.. ليش قبل شوي تقولين لي عمه..؟ انا رجال مو مره.. خالد : لا تحاول تعلم,, ما ينفع بكره تكلمك كنك بنت عادي.. ام ندى : توها صغيرة عليها بكره تكبر وتعلم.. رند : يالله هاتي فلوسي.. فارس : حتى انا ابي فلووس.. رند : انتِ لااا بس انا عمه سعودي يعتيني فلوسي. نهى : عز الله كدينا خير بيأذن المغرب واحنا نتسامر على نقار بنت خالد وعمها.. ابو سعود وهو يناظر رند اللي تناظر محفظة سعود بيده ويطلع لها فلوس منها : تشبة وعد.. دانه : لا بابا تشبه امها.. ابو سعود : تشبه لها بدلعها .. نفس حركات وعد.. ام ندى : صادق والله .. مره تذكرني فيها.. خالد : ابشركم أنا توظفت و صرت كابتن.. ابو سعود : مبروك ان شاء الله.. خالد : الله يبارك فيك يالغالي.. : مبروك يمه ولو اني ما ابيها.. خالد ابتسم : الله يبارك فيك.. بكره بتعودين يمه عادي.. صار لي سنين ادرس برا.. جود : اهم شيء لا تنسى اختك حبيبتك لو تعلقها على الجناح ما تقولك لا.. خالد : اختي .. و حبيبتي.. و تبيني اخذك معاي اهنيك على الثقة العمياء.. .. الفريق غازي : ابيك تنزل تفطر عندي.. وليد : لا كثر الله خيرك الجايات.. ابي انام ما ابي فطور.. الفريق غازي : ماشي بكره تكون عندي قبل سبعة الصباح ان شاء الله.. وليد : ان شاء الله.. الفريق غازي : ما يصير ما تفطر انت تعبت اليوم.. وليد : ما اتوقع اني اهمك عشان تخاف على صحتي.. لك عندي ثلاث شهور اشتغل عندك فيها واسمع طلباتك غير كذا رجاءاً لا تدخل.. الفريق غازي : قصدك خمس شهور لا تنسى انك كذبت علي وعطيت الجوال لاختك.. وليد : خلاص ياخي ما راح تنسى .. اللي يسمعك ماني جالس اتعاقب الحين.. الفريق غازي : وليد تعلم ترد علي بأدب.. وليد : انا قرفان من نفسي يعني احتمالية اني ارد عليك بأدب هاذي مره ضئيلة.. الفريق غازي : اسمعني بمرر لك هاذي لكن أي كلمة من بكره تقولها غلط تزيد عليك يوم عقاب.. وليد صد عنه يناظر الشارع .. يبي المهلة تخلص وغازي كل مره يزيدها ولا ينقصها.. الفريق غازي : انتبه لا تزيد السرعة عن 80.. وليد : ان شاء الله.. على امرك يالغالي.. ابتسم غازي يدري ان وليد باقي له شوي و يفصل و يمكن يسوي حادث من كثر التعب.. كان يراقبة بدقة حتى ما يسوي حادث و يروح فيها الاثنين.. لف وليد حتى يسلك عدة مترات في الشارع الداخلي و بعدها دخل على اليمين من بوابة فيلة غازي حتى تستقر السيارة بعد لحظات امام الباب.. الفريق غازي : انزل.. وليد : قلت لك ما ابي افطر بنام.. الفريق غازي : طيب قلت انزل وتعال اركب مكاني.. وليد بطفش : ممكن تأجل دروسك للوقت اللي اكون مصحصح لك فيه.. الفريق غازي يفتح بابة : قلت انزل.. فتح وليد الباب بطفش ونزل واتجه للجهة الثاني.. الفريق غازي : جعفــــــــــر.. جعفـــــــــــــر.. لحظات و جاء جعفر بخطوات سريعة : نئم بابا.. الفريق غازي : وصل وليد لبيتهم.. جعفر : حاضر بابا.. الفريق غازي سند ذراعة على باب الراكب : بكره بيمر عليك جعفر الصباح وبعدها تجيني عشان نروح المركز.. وليد : ليش الحوسة هاذي كلها خل جعفر يجيبك وانا اجي مع سعود وقضينا.. الفريق غازي : لا ابيك انت اللي تسوق فيني حبيت سواقتك.. وليد يدري ان غازي يستهزئ فيه : طيب .. ان شاء الله نروح مره نفحط انا و اياك.. الفريق غازي : اوك بس لا تحطها بيوم ماني فاضي .. عشان اروق معاك.. .. .. عماد : ليش ..!؟ رانيه : تبي تطلع برا.. عماد : خلاص انا بتفاهم معاها.. رانيه : ما تسمع الكلام يا سيادة العميد ..كلمناها كلنا حتى البنات الجديدات الا انها مصرة تطلع برا وبالاخير زعلت وقفلت على نفسها بالغرفة.. هيفاء : سيدي ما يصير تطلع شوي بالمزرعة مو برا.. عماد بتحذير : ولا تعتب خطوة وحده برا القسم فاهمـــات.. : حاضر.. عماد : روحي ناديها يا رانيه.. : من غير لا ترسل مين يناديني .. جيت.. عماد آشر للبنات : تقدرون تروحون.. اتجهن كلهن لغرفة تخصصت لهن.. وعد : ابي اطلع.. عماد : ممنوع.. وين فطوري..؟! وعد : انا ما سويت لنفسي فطور تبيني افطرك تبطي عظم يا ولد عامر.. عماد : ترى هذا من مسؤولياتك .. يعني شيء واجب عليك.. وعد : هذا لا كنت تزوجتك برضاي .. و حبيتك.. و تعاملني معاملة زينة.. وما انت مقصر علي بشيء عشان استحي اني اقصر بحقك.. عماد : حبيتيني ..! ليش انتِ تعرفين الحب..!؟ وعد : كأني قريتها مره بكتاب.. او شيء زي كذا ناسية ويش يعني.. عماد يدري انها تطقطق عليه : كويس لانك لو تدرين ويش يعني حب كنت ذبحتك.. وعد : وليش ان شاء الله .. لا يكون من الشباب المتحجرين اللي ما يؤمنون بالحب يعتبرونة شيء غبي و جنون .. عماد : ابداً بل على العكس.. اؤمن فيه.. بس ما اتوقع وحده مثلك عندها عقل يفكر و قلب ينبض.. وعد : لاتدري اني معطيتك وجه.. عماد : عطيني راس.. وعد باستهزاء : يــــارب اضحك على نكتك عشان ما اكسر بخاطرك.. عماد ابتسم : والله ما ادري مين اللي معطي الثاني وجه.. وعد : اكيد انا اللي معطيتك وجه .. يعني سامعة كلامك ومنحبسة هنا وجالسة اسولف معاك اصلاً انا مستغربة من نفسي ما توقعت اني طيبة هالكثر.. عماد : تبين الصدق كنك تقريني .. نفس اللي احس فيه مستغرب اني طيب ومطول بالي عليك مصدوم من نفسي.. وعد : لا انا ما وصلت لمرحلة الصدمة.. بس انت هقوتي عندك انفصام بالشخصية اكيد سمعت فيه من قبل .. له انواع كثيرة لازم تراجع طبيب نفسي يعالجك بس ترى ماله علاج ينهي المرض لازم تستمر على الدواء كل العمر.. عماد : هقوتي انا اللي بوديك طبيب نفسي يعالج هالراس التنك.. وعد : التنك تنقال عن واحد مفهي غبي .. مو مثلي بسم الله علي.. عماد : روحي جيبي لي فطور بقي دقيقتين و يأذن.. وعد : شوف .. الا ويش اسمك..!؟ عماد : ناديني باللي تبين.. وعد بتقصد : تذكرت يا ذيب .. هذاك الشيء اللي هناك (آشرت على باب المطبخ) يسمونه مطبخ ادخل هناك و اتوقع بتلقى الشغالة مسوية اكل .. و ان ما كانت مسوية الله يعينك انتظر لين بعد العشا واطلب من مطعم والا تدري روح افطر عند امك.. عماد يحك شفايفة السفلية بيدة اليمنى ويناظرها : تصدقين انا كل لحظة انصدم من نفسي اكثر .. صدق شلون صابر عليك وعلى سماجتك .. ولما اتذكر اهلك يحزنوني صراحة شلون تحملوك لين صرتِ بهالعمر.. عفواً نسيت انهم ما تحملوك ابوك زوجك من غير لا تدرين ولا كلف على نفسة يعطيك حتى خبر.. ضربها في مقتل.. زواجها منه الشيء اللي تتجاهله و تتجاهل كل لحظة تعيشها هنا .. تتجاهل انها زوجتة والناس كلها تدري .. وهي اخر من يعلم .. تتجاهل انهم سوو لها عرس هي ماهي عروستة و نسبوه لها عرس وعد.. تتجاهل انها تزوجت شخص ما عرفت حتى اسمه و تجهل عنه ابسط الاشياء اللي من حق البنت تعرفها عن الرجل اللي بترتبط فيه.. كل الكلمات ماتت على شفاتها .. كل الحروف تعلقت في خلايا حلقها .. ما قدرت ترمي عليه كلمة ممكن ترد لها الشيء البسيط من كرامتها ... آلمها جداً كلامة اللي من اول ما عرفت انها زوجتة تجاهلتة و ما صدقتة بالرغم من اللي سواه فيها البارح .. كانت تعيش مرحلة الصدمة و تطلع منها تصرفات لو كانت بوعيها ما سوتها,, ابسطها جلستها معاه هالحين.. و كلماتة كالسهام اخترقت قلبها هي من كانت تتناسى تخلي والدتها ثم والدها و اخوتها .. حتى اصبحت في مكان مجبرة على العيش فيه و تعليق مسير حياتها ليركنونها على الرصيف الناس تسير بجانبها وهي تقف تنتظر من يقلها بمركبتة لتسير مع الناس .. لكن حياتها متوقفة .. وعماد هو العائق .. بمعاونة والدها واخوتها.. ملامحها التي كانت تقاتل لتعيش ماتت على كلمات عماد عادت لشحوب الحياة .. لرفوف الموت.. عيناها غرقت في بركة دموعها تعلقت دون ان تهطل لتريح بعضاً مما اختلج روحها.. لتبكي لوفاة روحها و تحطم قلبها مستقبلها حياتها علاقاتها اجتماعيتها وانسانيتها.. : يــــــــــــاهيـــــــــــه.. رفعت عيونها له وهو يناديها ينبها من سرحانها.. عماد : لا تقولين اني اثرت فيك كنك اول مره تدرين ان ابوك زوجك من غير لا يشاورك.. وعد : .......................... عماد : عموماً اجلسي هنا و انا ابروح لأمي افطر عندها.. وعد : .................... .. خالد : وين بتروح...؟! ابراهيم : هنا برا فيه عيال بالشارع بجلس معاهم.. خالد : لا يا ابراهيم الشارع لا.. ام احمد : يا ابوي بشويش على الولد.. خالد : لا يمه يطلع الشارع و يدشر مع العيال لا.. ام احمد : هذا هو فارس برا ما احد قاله ادخل.. خالد : يمه كم مره اقولكم لا تخلونه يطلع الشارع .. خلوهم يجلسون بالحديقة ليش الشارع..؟ ام سعود : ما فيها شيء يا ابوي كل العيال يحبون يطلعون برا.. خالد ناظر ابراهيم بحدة : طلعة بالشارع ما فيه.. جلس ابراهيم من غير لا ينطق حرف.. ابو سعود : ارفق على الولد شوي.. خالد : يبه الله يخليك لي .. لا تسمعة الغلط.. ابو سعود : خالد .. بشويش عليه.. : السلام عليكم.. : وعليكم السلام.. ام احمد : تعال يا ابوي تبيني احط لك فطور.. وليد : لا .. ما ابي ابن امه يكلمني.. ولا اسمع حس احد عند غرفتي.. ابو سعود ماسك ضحكتة على شكل وليد التعبان : ليش يا سي السيد.. وليد : ابي انام صحوني قبل الفجر بنص ساعة عشان اتسحر بس.. ام احمد : يا ابوي اكلت شيء..؟ وليد : لا ولا ابي اكل سد نفسي غازي ما قصر.. سعود : هههههههههههههه تستاهل اللي سويتة مو شوي.. وليد : احمدوا ربكم والله اني مسوي فيكم خير لكن انتم ما تحبون تشوفون غيركم مسوي شيء صح الا تغلطونة.. سعود : خلنا ساكتين احسن.. وليد : عليك نور نسكت احسن.. تصبحون على خير.. دانه : مره تعبان شكلة يحزن.. جود : والله شكله مدبوغ لين قايل بس.. ميار : يووه شكله قاسي هالغازي.. سعود : جداً قاسي.. اصطلبي انتِ و اياها.. وسيرة الفريق غازي ما تنجاب الا بالزينة.. سها : بقي تكتب فيه معلقات من حبك له.. سعود : يستاهل .. يرد على جواله : هلا عزام.. ايه .. خلاص ان شاء الله بكون اول الحاضرين.. الفريق غازي بيكون موجود.. تمام .. عشان ما نتهاوش مثل كل مره نجتمع فيها بدونه.. اوكِ مع السلامة.. ام سعود : لا تقول شغل.. سعود ابتسم : يمه تكفين.. هاذي وظيفتي.. ام سعود : بس يا ابوي اخاف عليك.. سعود : لا تخافين مجرد اجتماع مع الشباب.. ابو سعود : وين ندى ما شفتها اليوم..؟! ام ندى : نايمة .. ما ادري ويش فيها اليوم كنها تعبانة.. ابو سعود : هالبنت بس تتعب ما عندها مناعة.. نهى ببرود : يمكن تمثل.. ابو سعود : ايش تقصدين.. نهى : ما اقصد شيء.. ابو سعود : المره الثانية لا تتكلمين بشيء ولا ترمين نغزات.. تراني ملاحظ العلاقة المتوترة بينك وبينها عشان وعد.. نهى : و وعد ويش دخلها..؟! أي شيء غلط لازم تحطونها بالوجة.. ابو سعود : ما انتن متهاوشات عشان وعد..؟! نهى بقهر : لا مو عشانها .. وعد مالها دخل.. مو يكفي العيشة اللي عايشتها.. منيره : ايش فيك عصبتي ابوك مو قصده ان وعد غلطت.. نهى : رجاءاً انا مالي معاك كلام.. انا اتكلم مع بابا.. ابو سعود : نهــــــــــــى.. نهى : ما ابي منها نصايح ولا حتى تعليقات.. يكفي انها اخذت مكان امي.. ابو سعود اتسعت عيونة : ويش اللي اخذت مكان امك .. امك طلقتها من سنين.. وعلى اساس امك هامتك عشان تدافعين عنها.. نهى : ليش امي ما كانت رابع حريمك..؟! ابو سعود بطولة بال عشان ما تزعل يعرف ان بعد وعد متعبها خصوصاً انها شقيقتها الوحيدة من بينهم : ايه و انتِ جاوبتي على نفسك كانت .. كااااانت .. امك طلقتها من سنين يا نهى.. و اذا تبين امك صدق وهامتك روحي لها وانا بكلم غازي.. نهى : ايه بقابلها.. ام سعود : ايه يا يمه الله يحنن قلوبكم على بعض.. ابو سعود : متى تبين تروحين لها.. نهى : بعد العشا.. ابو سعود رفع حاجبة : كان تكلمتي من بدري.. نهى : ما راح اطول بس نص ساعة ابي اشوفها.. ابو سعود : خلاص يا سعود كلم غازي عشان يقول لاخته.. سعود : ان شاء الله.. .. هاتنِي منك تناساني وغيب غيب جداً ما ابي نرجع سوى.. لاتظن الجرح يا سيدي يطيب انتَ كنت الداء مَا كنت الدوى.. لـ صدووود..! الفريق غازي : يمه والله ادري مقصر بس مشغول يمه.. ام عامر : انت مشغول وبناتك وينهن فيه...؟! الفريق غازي : يمه بناتي نومتهن حوسة ما يصحن غير 12 بالليل.. عامر : خلهن يجونا لو 12 ياخي امي تبيهن .. بيت عمهن مانيب غريب عنهن.. الفريق غازي : اللي يسمعك يقول بناتي يستحن .. بس انا اخاف عليهن يطلعن تالي الليل مع السواق.. عامر : ياخي كلمني انا اخلي واحد من العيال يجيبهن.. : السلام عليكم.. : وعليكم السلام.. ام عامر : جاء وليفك.. غازي ابتسم وهو يناظر عماد اللي يسلم على امه وابوه وجدتة : يمه ما لقيتي غير ذا يكون وليفي.. دوري غيره تكفين.. عماد : تطول انت بس.. اقول ما عندكم فطور ترى حدي جوعان.. مريم : ليش بنتي ما فطرتك..!؟ عماد : ليتها تكف شرها عني بس.. عهود روحي جيبي لي أي شيء اكلة.. عهود وقفت : كل شيء عهود عشاني الصغيرة .. حاضر.. الفريق غازي : والله ليتك انت تكف شرك عن البنية.. عماد : اشوفك حبيتها من لقائين.. هذا وراء اللي علمتك عنه انا اليوم.. الفريق غازي : اهم شيء لا تهاوشها على شيء ترى اخبرك اللي ما يعجبك تدور له زلاتة.. عامر : عماد الا بنت ابراهيم .. البنت يكفيها انها بعيدة عن اهلها.. عماد : يا ناس ترى ما بقي احد ما وصاني عليها.. مريم : احسن بعد بنتي ما تشوف الا انت .. خلك عوينها.. تراها زوجتك مالها غيرك هالحين.. عماد : ان شاء الله عمتي على امرك.. ام عامر : ويش بلاك كن كلامنا ماهو عاجبك.. عماد : ما قلت شيء يمه .. على راسي.. عهود تنزل الصحن على الطاولة قدامه : فطاير سخنتها لك.. عماد يتقدم : اهم شيء شيء يوكل.. ام عامر : لا يكون مجوع بنيتنا.. عماد : من يوم جيت تكلمون عنها.. لا تخافون ماهي ميتة جوع عندها اكل و شغالة تطبخ لها لا طقها الجوع اكلت.. الفريق غازي : ويش فيك حمقان علينا.. لا يكون معصبة فيك..!؟ عماد : تقدر تقول كذا.. الفريق غازي : خليتها تكلم عمها..؟! عماد : اوووف نسيت .. خلاص بعدين.. عامر : مريم دام غازي هنا ليش ما تقولينه عن نيتك.. مريم : بعدين.. غازي : خير ان شاء الله.. ام عامر : اخيتك عقلها هقوتي تركتة بفرنسا ورجعت من غيره.. غازي : ليش..؟! ام عامر : تبي الطلاق.. غازي اتسعت عيونة : ليش الطلاق..!؟ مريم : ما ابيه.. غازي : بتكررين غلطتك مثل ما تطلقتي من ابراهيم..!؟ مريم : ابراهيم شيء وطلال شيء ثاني.. غازي : ليش اعطيني سبب واحد يقنعني بالطلاق.. مريم : كارهتة.. غازي : مو هذا اللي عفتي ابراهيم عشانة.. مريم : لا ابراهيم تطلقت عشانة متزوج من قبلي ثلاث حريم.. وانا ما كنت ابي واحد متزوج من قبلي وابوي زوجني من غير لا يشاورني وانتم تدرون.. غازي : مريم ما أنت صغيرة وحده من بناتك تزوجت والثانية بالطريق .. تبين الطلاق عشانك كارهتة.. عامر : مريم احنا ما نبي لك الا الخير و انتِ تدرين.. لكن انك تطلقين من طلال من غير سبب هالشيء ما احد يرضى فيه .. صبرتي عليه كل مدة حجزكم بفرنسا الحين يوم رجعتي تبين الطلاق.. ام عامر : يا بنتِ انتِ كبيرة وعاقلة و شورك بيدك بس انك تسوين الغلط .. بناتك حتى ما يجنك بكره يستيشيرنك بشيء .. بيشوفن امهن اللي ضيعت حياتها مرتين مع رجال كل واحد فيهم يقول الزود عندي.. مريم : الله وهالبنات عاد يمه كنهن درن عني .. وحده انحجزت والثانية ببيت ابوها ما تبي شوفتي.. الفريق غازي : من عذرهن يا مريم .. بس انتِ فاجئيهن بزيارة واجلسي معاهن و كلميهن يمكن يعذرنك.. وخلي بدايتك مع نهى الحين و وعد لا ربي افرجها عليها كلميها.. ام عامر : والله ان حتى انا ودي بشوفتهن الله يسامح اللي حرمنا من شوفتهن.. عامر : كنك تلوميني يمه مو انا اللي قايل لابراهيم لا تجيبهن.. ام عامر : بس تهاوشتوا انت و اياه لين كرهتوا بعضكم ما كنكم ارحام.. عامر : يمه خلاص لا ترجعين السنين لوراء صار بيننا انفس متوالفة.. عماد اللي كان يأكل بهدوء ما يدرون ان هو و وعد أبعد ما يكونون عن التوالف .. و كأن الماضي يعيد نفسة عمتة اللي انجبرت على الزواج من ابراهيم .. ترجع السنين و تتزوج وعد من غير لا تدري .. كأن قصصهم تنعاد اكيد ان الطلاق مصيرة مع وعد .. بس ما يبي يكون بينهم طفل او طفلة و تضيع بينهم.. : السلام عليكم.. تصلب مكانة عيونة ارتكزت على الصحن اللي يأكل منه .. صوتها .. صوت حبيبتة اللي راحت لغيره .. صوت البنت اللي خطط و دمج حياتة بحياتها مستقبلة بمستقبلها وقدمها على نفسة بكل شيء يطريها قبل لا يطري نفسة يدعي لها قبل لا يدعي لنفسة.. صوت انهار قلبة و انهار روحة .. البنت اللي روحة تستقر وتستكين لا شافها والا لمحها.. البنت اللي ابتسامتة ترتسم على وجهه لا سمع اسمها .. البنت اللي يتفائل بالحياة و يحس بمتعتها لا انتقلت ذبذبات صوتة لأذنها.. ام عامر : يا هلا ببنيتنا.. انهار : هلا فيك يمه .. من زمان عنكم.. عامر : ايه والله من زمان ما عاد نشوفك.. ام ناصر : ليش ما جبتي عيالك معاك.. انهار : لا تكفين يا خالة يجننوني حيــل.. ام ناصر : بسم الله عليهم يمديهم كبروا.. انهار : ههههههههه يعني شوي و شطانتهم كثير.. غازي : ما تقولين يسلمون على خوالي كل ما شفتك جايه بلاهم.. انهار : خالي يرجوني والله مسببين لي ازعاج.. التفت على العيال جالسين على يسارها..: كيفكم شباب.. ناصر : بخير الحمدلله.. انهار : ما تقولون لنا بنت عمة ننشد عليها.. يوسف : ما تعطينا مهلة ننشد عليك ما يحتاج كل شوي مطيحة عندنا.. انهار : لا تكذب لي اسبوعين ما جيت.. محمد : سبحان الله كنت بنشد عليك بس انتِ ما وهلتيني.. انهار : صدقتك يا شيخ.. خالي وين البنات انا مكلمة شوق وقالت بيجون توقعتهم جايين قبلي.. الفريق غازي : والله اخبرهم نايمات .. ان كانهم صحوا ما ادري عنهم.. انهار : لاني متفقة معاها من الصباح يا ويلها تسحب علي.. هنادي : افاااا ليش احنا مو مالين العين.. انهار : لو مو مالين العين ما كنا اتفقنا نجتمع هنا كالعادة بيت خالو عامر هو مقر التجمع.. عامر : حياكم يا خالي بأي وقت.. انهار : خالة ما كلمتي بناتك.!.؟ مريم : ليش هم يبوني عشان اكلمهم.. انهار اشرت على عماد : السبع عندك يجيبها لك من كشتها.. عماد رفع عينة لها : انهار لا تتعدين حدودك.. انهار : وانا ايش قلت عاجبك زوجتك تعق بأمها هاذي شلون تأمنها وتجيب منها عيال بكره يعقون فيك.. عماد : ما طلبت مشورتك في حياتي.. انهار : كيف كانت حر ويش دخلني.. ام ناصر : ويش بلاك كشت بالبنية ما قالت شيء.. انهار : ما ادري يحسب اني اكره له الخير.. عماد : وعد لا تجيبين طاريها على لسانك.. فاهمة.. انهار : تراها بنت خالتي .. والا نسيت.. عماد : على اساس كنتِ تعرفينها من قبل.. انهار : تصدق اني اعرفها .. تعرفت عليها مره بمحاضرة لدكتورة بصراحة مدلعة وشايفة نفسها على بالها هي الوحيدة بالحياة اللي انخلقت حلوة على انها مو ذاك الزود.. عهود : من جد .. تقهر و متكبرة شلون صابر عليها انت..!؟ ام عبدالله : عهووود تراها مرت اخوك.. عهود : خلاص بنطم.. عماد طلع جواله : هلا رانية.. ايه.. طيب خلوها على راحتها.. بجي بعد التراويح.. وقفل الخط نزل الجوال جنبة وهو يكمل اكل بهدوء و هو يناظر الصحن ولا يرفع نظرة لها صوتها يذكره بالأيام اللي قضوها مع بعض.. امام الجميع حبه لها كان مرئي كان يعلم به الصغير قبل الكبير.. باليوم اللي فرح هو بتخرجها من الجامعة و جاب لها هدية.. اغلى هدية جاتها بالمقابل هي ردة له هدية بفاجعة خطبتها.. عماد مبتسم : مبرووك انهار.. اخيـراً ما بغيتي تخرجين.. انهار مبتسمة بألم : الله يبارك فيك.. عماد أخرج علبة مربعة مخملية : هاذي هديتي لك.. انهار : مشكور و تعيش و تهديني.. عماد : الهدية الجاية بتكون غير لمناسبة غير ان شاء الله.. انهار : عماد .. انا بقولك شيء.. عماد : قولي يا روح عماد.. انهار بسرعة حتى ترتاح من سكاكين الحروف التي تقطع شرايين قلبها قبل قلبه : انا انخطبت.. عماد ما زال مبتسم لأنه ما استوعب الكلام اللي قالتة .. اما هي ناظرت فيه بألم عينيها تغرق بدموعها و عبرتها تختنق في حلقها : عماد سمعتني.. عماد لا يعلم من اين خرج ولا كيف خرج : ايه.. سمعتك.. الله يوفقك.. طلع من غير لا ينطق بحرف زيادة و لا يقول لها شيء .. ولا يسألها عن السبب .. ويش اللي خلاها تخلى عنه وهي اللي تدري قبل ما يدرون الناس انه يحبها.. هي اللي امتلكت روحة و صار لها كل شيء.. حتى طلباتها يلبيها لها .. تصحية من النوم عشان يجيب لها أكل تالي الليل.. لا تعبت ما يوديها المستشفى غيره.. كم مره شرح لها موادها اللي صعبت عليها .. كم ساعة قضاها معاها عشان يعلمها.. يتذكر انه هو اللي جاب لها مدرسة انجليزي على حسابة وقت ما كانت بالجامعة.. و هو اللي كان يعلمها الرياضيات وقت الثانوي.. وهو اللي يشرح لها المعادلات.. : عمــــــــــــــاد.. التفت بفزع : نعم.. الفريق غازي : اللي ماخذ عقلك.. عماد بضيقة خلق : ويش تبي..!؟ يوسف : جوالك يدق من اول.. ناظر الجوال ورد بعصبية : نعم.. طيب .. ويش تبيني اسوي يعني .. خلاص قلت بجي بعد التراويح.. وقفل الخط قبل لا يسمع رد رانيه راح يفقد اعصابة.. انهار : لا تدري المدام عن رانيه عشان ما تزعل عليك وتنومك برا البيت.. عماد وقف : تأمرين على شيء يمه.. ام ناصر : تعال يمه بعد التراويح تعشى معنا.. عماد : لا يمه مشغول.. ام ناصر : يا ابوي تكفى تعال انت و زوجتك.. عماد : ماني فاضي يمه والله .. ان شاء الله لا فضيت جبتها لكم.. عهود : مطلوب مننا نصدقك.. عماد بحدة : ما طلبتك تصدقين .. هذا شيء راجع لك.. ناصر : ياخي ويش بلاك فاقد اعصابك.. عماد : لا فاقد اعصابي ولا شيء .. بس عندي اشغال ماني فاضي للقرقة.. مريم : اهم شيء بنتي مو تخليها لحالها.. الفريق غازي : وعد ما عليها شر .. ان شاء الله قريب ينحل الموضوع و تشوفينها بس لا تحملون عماد فوق طاقتة.. عماد : علمهم يا عمي.. لا بكره يصير فيني شيء من وراهم.. بتجي الاجتماع.. الفريق غازي : ايه ان شاء الله.. عماد : و وليد..؟! الفريق غازي : ان صحى الصباح زين ههههههههههههههه.. عماد يضحك بدون نفس : ههههههههههههههههه والله وريته شغل الله اليوم.. الفريق غازي : لو شفتة وهو يسوق بعدين عين مفتحة وعين مسكرة قلت بيهبد فينا ذا بأقرب رصيف غير خليت جعفر يوصلة.. عماد : يستاهل.. الفريق غازي يخرج جوالة اللي ارتفعت نغمتة و يرد : هلا سعود .. بخير الحمدلله جعلك بخير.. لا يكون ابوك زعلان عشان وليد .. هههههههههههههههه .. زين اجل.. ايه.. حياها الله بأي وقت مريم ببيت عامر.. اذا ما تدل البيت برسلك الوصف .. خلاص ان شاء الله.. حياها الله نبي شوفتها.. ان شاء الله مع السلامة.. ابتسم وهو يناظر مريم : نهى تبي تشوف امها.. مريم ابتسمت : صدق والله.. غازي : ايه بتجي مع سعود بعد العشا.. عامر : زين الحمد لله .. .. ام ندى : ويش فيك ابوك سأل عنك اكثر من مره.. ندى : تعبانة يمه ابي انام.. ام ندى : ندى والله العظيم اني شايلة من الهم على قلبي كبر الجبل لا تزيدينها علي.. ندى : ما قلت لك شيء يمه بس ابي انام.. ام ندى : عشان فركشة الخطبة صح.. ندى : ايه ما ابيه يمه ما ابيه.. ام ندى : لا تصيرين خبلة .. انا امك وابي مصلحتك يا امي.. اختك وعد و تزوجت.. و انتِ صار عمرك 28 مين بيطق باب وحدة بهالعمر.. والبنات على قفا من يشيل.. ندى : يمه تكفين افهميني .. ابوي زوج وعد من غير لا تدري هي تحب عساف و عساف يحبها ما اقدر اكون عائق بحياتها .. ما اتخيل نفسي زوج الرجال اللي تتمناه كل عمرها.. ام ندى : تدرين لو تقولين هالكلمتين عند ابوك بيذبحك ويش اللي تتهمين اختك وهي متزوجة.. وعد صارت على ذمة رجال.. ندى : بس ما تبيه .. والله ما تبيه يمه وعد تبي عساف .. تكفين يمه اوقفي معاي.. ام ندى : اوقف معاك ويش اسوي.. ندى : كلمي ابوي ما ابي عساف.. ام ندى : علميني ويش العذر اللي بقوله له لا سألني ليش..؟! .. لما شافتها ما ردت عليها طلعت و تركتها لحالها .. دخلت يدها تحت مخدتها لتخرج الورقة تحمل من مشاعر الحب اكثر من الالم .. حب عساف لوعد .. اكثر من المه على فرقاها.. كل الحروف تنفث بالحب و كأنها تنفثة كي لا تختنق به.. و وعد ايضاً تحمل ذات المشاعر لعساف والا لما احتفظت بورقة تدان بها ان وقعت بيد احدهم .. ستلام هي قبل ان يلام عساف .. فهي امراءة وهو رجل.. .. جود : هيه انتِ بنت خالد تراك نتفة ما تجين طول يدي.. رند : الا انا تبيرة انتِ سعيييرة.. جود : تدرين بشيلك بيد وحده و ارميك برا بيتنا.. رند : ماني هزا بيتنا احنا مو بيتتم.. جود : بيتتم..! استغفر الله يقولون بيتكم بيتكم.. رند : بيتتم بيتتم.. ام احمد : جود خلي البنية بحالها.. جود : يمه هاذي تحتاج ندخل معاهد اللغة العربية لغير الناطقين بها.. سها : ههههههههههه بتصيرين مثلها من كثر ما قعدتي معاها.. جود : وكلي ربك يا شيخة ويش اصير مثلها .. بكره بنجلس انا و اياها و اعلمها الحروف.. ميار : بتصيرين خروف مثلها.. جود : مع نفسك انتِ و اياها بتشوفون بخليها ترطن رطناً يعجب منه العرب جميعاً.. ميار : يرحم والديك اذا انتِ اللي بتعلمينها مع ذا الجملة اللي قلتيها عز الله انتِ اللي يبغى لنا ندخلك معاهد اللغة العربية لغير الناطقين بها.. دانه : هههههههههههههههه والله صدق اجل ترطن رطناً.. جود : احترمي نفسك انتِ واياها.. رند تتخصر : ايوه انتِ احتلمي نفست.. جود : كفووو بتصير خليفتي بالأرض باذن الله.. خالد : ابعدي عن بنتي يا جويد.. السلام عليكم.. : وعليكم السلام.. جود : بنتك هي اللي جايتني.. خالد يجلس : رنود تعالي.. رند تتجه لوالدها يحملها و يجلسها على قدميه : لا تسمعين كلام عمه جود عشان ما تخربين.. رند : لا انا سلحانة مو خلبانة.. خالد : كفووو بنت ابوها.. جود : من زينك انت و بنتك كنت بكسب فيكم اجر بس ما تستاهلون.. : السلام عليكم.. : وعليكم السلام.. ابو سعود : كني اسمعكم تهاوشون جودي.. جود قامت بعد ما كانت جالسة على الارض و اتجهت لوالدها : جات بنت خالد و بيكبرون راسها علي.. ابو سعود يضع ذراعة الايسر على كتفها : لا احد يتعدا على جود.. كيف السكر.. جود : الحمدلله .. بس جودي تبي فلوس.. ابو سعود : حاضرين كم جودي عندنا.. ياسر : الله من الدلع الماسخ.. سعود : هههههههههههههه وين نهى بس نوصلها.. ام سعود : ما نزلت للحين كنها تتجهز.. سعود : ميار روحي استعجليها.. عندي اجتماع.. ميار : ان شاء الله.. دانه : ان شاء الله تحب امها و ترتاح لها.. سها : اكيد بتحبها و ترتاح لها امها شيء طبيعي.. دانه : ان شاء الله.. ابو سعود : وين احمد..؟ ام احمد : بالدوام.. ابو سعود : الله يكون بالعون.. كيف ندى..؟ ام ندى : نايمة.. ابو سعود : فيها شيء..؟! ام ندى : والله ما ادري ويش اقولك..!! ابو سعود : ايش فيها..!؟ ام ندى : ما تبي عساف.. ابو سعود : نعـــــم.!.؟ ام ندى : هذا اللي قالتة.. ابو سعود : وليش ان شاء الله..!؟ ام ندى : اسمع منها.. ابو سعود بحزم : دانه روحي ناديها لو هي نايمة صحيها.. دانه خافت من صوت ابوها : ان شاء الله وطلعت بسرعة ولا راح تنزل من جديد.. سعود : ويش فيها ضيعت عقلها هاذي..؟! ياسر : ايه بالله انها ضيعتة والا عساف ينرد.. خالد : اسمعوا منها قبل لا تحكمون على الموضوع يمكن عندها سبب يقنعكم.. سعود : والسبب ما طلع الا هالحين وينه ما طلع يوم خطبها عساف و ابوي شاورها.. خالد : ما تدري ويش صار.. سعود : ايه انت نفس اسلوب اخوك احمد .. كبر راس ندى مثل ما كبرتوا راس وعد من قبل.. خالد : لا نكبر راس احد ولا شيء بس خلك حقاني يا سعود.. نهى : انا جهزت.. سعود : اجلسي شوي بنشوف ندى ويش عندها.. ندى من وراء نهى اللي لابسة عبايتها استعداداً للقاء والدتها : السلام عليكم.. : وعليكم السلام.. اتجهت لابوها وباست راسه ثم خالاتها ووقفت : طلبتني بابا.. ابو سعود : ايه تعالي.. ياسر يهمس لسعود : بتجيني جلطة شكل ابوي بيتبع الاسلوب الرقيق اللي ما ينفع الا مع دانه.. سعود : اصبر و نشوف.. جلست يمين ابوها.. عيونها بالأرض تدري ان كل كلمة محسوبة عليها.. ابو سعود : وينك من البارح مختفية ما شفتك.. ندى : كنت نايمة.. ابو سعود : من البارح نايمة للحين.. ندى : ...................... ابو سعود : ويش اللي سمعته..!؟ ندى : ايش..!؟ ابو سعود : ندى لا تمثلين انك ما تدرين ويش اقصد.. ندى : ما ابيه.. ابو سعود : هاذي و عرفناها السبب..!؟ ندى : ماني مرتاحة له.. سعود : توك اللي ما ارتحتي ليش البارح اللي خطبك..؟! صار له ثلاث شهور خاطبك.. ندى : ما ارتحت له.. ابو سعود : هالعذر ما يمشي علي يا ندى.. علميني ويش السبب اللي مخليك الحين تقولين ما تبينه.. ندى : قلت لك يبه ما ابيه.. ياسر : هذا و انتِ الكبيرة .. اجل ليش نلوم وعد يوم كانت ترد خطابها.. ندى : انا شيء و وعد شيء ثاني لا تخبصنا ببعض.. ياسر : هي كانت تردهم من غير سبب و جيتي انتِ الحين تسوين سواتها.. ابو سعود : ندى خليك عاقلة .. عساف ما ينعاب رجال ينشد الظهر فيه .. و لو فيه شيء يعيبة ما كنت وافقت عليه.. ندى : بس ما ابيه يا بابا مو مرتاحة له ولا لحياتي معاه.. سعود : لا عشتي معاه بترتاحين له.. ندى : بس انا ما أبيه.. ولا أبي اتزوجة.. سعود : دام عطاك ابوي الموضوع اوله و وافقتِ من غير لا أحد يجبرك و علمنا الرجال ما احنا رادينه بعد ما قلنا له والناس درت انك مخطوبة له.. ندى : سعود انا ماني بزر اعرف مصلحة نفسي عدل .. حياتي مع عساف ماتت قبل لا تنولد انا ما ابيه.. ياسر : ليش سمعتي شيء عنه .. علمينا ان كان فيه شيء على الاقل لنا وجه يوم نرده.. ندى سكتت .. جميعهم ينظرون اليها ينتظرون منها المبرر المقنع للرفض.. ابو سعود : ندى تكلمي.. ان كان فيه شيء علمينا بوقف معاك بس اقنعيني.. ندى : انا قلت لك من قبل ان عساف يبي وعد ما يبيني.. ابو سعود : وانا قلت لك ان هاذي اوهام براسك الشيطان يوسوس لك عشان ابوي حيرها له.. سكتوا الشباب كلهم وهم يتذكرون وليد قال لعساف تحب وحده وتخطب اختها.. سعود : ندى انتِ تدرين ان كان عساف و وعد بينهم شيء.. ندى بلعت ريقها : لا ما ادري.. سعود : وليد بعد قال هالكلمة.. فيه شيء احنا ما نعرف عنه.. ابو سعود : ويش قال..؟! ياسر : قال لعساف انت تحب وحده وتخطب اختها.. ندى : شفت يا بابا الكل يدري انا ما جبت شيء من راسي.. ام ندى : وعساف ويش قال..!؟ سعود : انكر الموضوع وزعل على وليد.. اللي ماسكة عن وليد الفريق غازي والا كان منوم بالمستشفى.. ام احمد : بسم الله على ولدي.. ياسر : يستاهل .. اجل يشكك باخلاق عساف.. كلنا نعرف مين عساف.. خالد : ما شكك بأخلاقة .. ولا تدري ان كان هالشيء صدق.. ياسر : تقدر تقولي ليش ما كلم ابوي بعد ما حيرها جدي له وقتها ما احد بيحكي ربع كلمة لو هو فيه عيوب الدنيا كلها.. خالد : هذا الشيء اللي محيرني .. ان كان عساف صدق يبي وعد ليش ما تمم خطبة جدي له.. ياسر : عشانه ما يبي وعد اصلاً .. ومن حقة لان وعد ما تصلح لعساف والا من بكره مطلقها.. خالد : وعد ما ينقصها شيء.. ياسر : بس مدلعة وعنادية والكلمة ما تسمعها و الصح ما يدخل مزاجها بس هذا اللي فيها.. خالد : ايش فيك تراها اختك.. ياسر : و عشانها اختي ما احكي فيها الحق يعني..؟! وانا صادق كلنا نعرف ان وعد راسها يابس ومدلعة وتفكيرها كله غلط.. ابو سعود : ويش رايكم تهاوشون.. سكت الاثنين ليتوقف النقاش بينهم.. التفت ابو سعود لندى : اعتقد سمعتي اخوانك ويش قالوا عساف لو كان يبي وعد تمم خطبتة عليها و كنا بنعطيه اياها لان ابوي حيرها له ولا راح نكسر له كلمة.. لكنه خطبك انتِ وبغاك انتِ لا تخلين الشيطان يلعب بمخك.. سعود يوقف : يالله نهى.. .. لكنه حدث وانتهى الأمر! - والآن ماذا عليّ أن أفعل؟ - أن تذوق هذه المرارة! لـ رشاد حسن.. انهار : شكلك مره متحمسة يا خالة.. مريم مبتسمة : جداً.. ما بغت تحن وترضى.. انهار : اجل بناتك وينهن.!؟ مريم : عند ابوهن.. وشكلهن بيضلن عنده محاكيتك تبي الطلاق.. انهار : لا تقولين.. مريم : ليش..!؟ انهار : انا بعد طالبة الطلاق.. مريم : ليش..؟! انهار : ما ابيه.. مريم ابتسمت : عز الله بينجلطون عامر و غازي.. انهار : طفشني بغيرتة الزايدة عن حدها .. و تفكيره الغبي.. مريم : ضيعتي عماد من يدك لين راح لغيرك.. انهار : بس انتِ تدرين ان عماد يحبني انا.. مو بنتك.. انتِ بعد ما راح ترضين ان بنتك تأخذ واحد قلبه معلق بغيرها.. مريم : عامر اصر وانا وافقت لاني كنت ابيها قريبة مني بس اشوف اني ما استفدت شيء من زواجتها من عماد.. والا فارق العمر بينهم كبير.. ما فيه ام ترضى ان بنتها تأخذ واحد فرق العمر بينهم 14 سنة.. ام ناصر جلست معهم : بنتك ما جات..!؟ مريم : لا للحين.. لا تكون هونت بس.. ام ناصر : تفائلي بالخير.. عقبال ما نشوف مرت ولدي.. مريم : ان شاء الله.. عهود : ماشاء الله متحمسين لشوفتها.. حتى ابوي وده يكون بدري هنا و عمي غازي مصلي بمسجدنا عشان يشوفها.. مريم : طبعاً هاذي بنت مريم بن محمد.. عهود : هههههههههه ان شاء الله ما تكون مثل اختها.. مريم : تراك تسبين بنتي.. عهود : اعرفك تتقبلين الأراء صدقيني لو شفتي بنتك بترمينها انتِ بنفسك .. مليقــــــــــــة.. : السلام عليكم.. : وعليكم السلام.. عامر : ما جات..؟! عهود : يبه نص الحماس تراها ماهي بنتك.. غازي : الله يكفينا شر الغيرة..( يرفع يده الممسكة بالجوال) : هذا سعود يتصل .. هلا سعود .. خلاص انا بوقف لها على الباب.. لازم تدخل تقهوى .. يا ابن الحلال.. خلاص طيب عاذرك.. مع السلامة.. اتجه غازي للباب .. عامر جلس : مريم من غير دموع رجاءاً.. وقفت مريم : بحاول يا عامر.. عهود بصوت عالي : تعالوا يابنات لا يفوتكم الدراما اللي بتصير الحيـــــن.. ناصر : عهود تأدبي.. عهود : ويش قلت بس قلت تعالوا شوفوا الدراما اهم شيء جهزوا المناديل.. انهار : هههههههههههههه يمكن نبكي كلنا.. غازي : حي الله نهاووي.. نهى ببرود : الله يحييك.. غازي : انا خالك غازي.. نهى : اهاا سجان وعد.. ابتسم غازي : فاهمة الموضوع غلط.. نهى بلا مبالاة : مو مهم.. مسك غازي معصمها ويسير معاها لداخل الفيلا : لا مهم لازم تعرفين خالك مو تفهمينه غلط.. راح تشوفين امك وجدتك وعامر وعيالة وبناتة اما بناتي بالطريق.. نهى بنفسها كنه بيهمني عاد .. والا ابي شوفتكم.. مريم اقبلت اول ما لمحت البنت اللي مع غازي بحجابها : بنتي.. نهى لا شعورياً بعدت خطوة لوراء.. ومدت يدها عشان توقف امها ولا تقرب لها.. وقفت مريم مستغربة من الحركة .. قلبها يأكلها على بنتها تركتها عمرها سنتين و جايتها الحين وهي عمرها 25 سنة.. نهى : ما جيت عشان اسلم عليك.. ولا عشان اقولك انا راضية على اللي سويتيه فينا و ما عندي مانع اتقبلك.. ونعيش وكأننا نعرفك من زمان .. جيت عشان ابي اعرف ليش طلبتي الطلاق من بابا..؟!! مريم بلعت ريقها : بس انا ابيك.. ما ودك تجين بحضني.. نهى : والله الحضن اللي ضاق علي وانا صغيرة ماهو واسعني وانا كبيرة.. مريم بترجي : خليني احضنك بس شوي يا امي.. نهى : رجاءاً لا تقولين يا امي.. انا جيت بس عشان اعرف انتِ ليش طلبتي الطلاق من بابا.. عامر وقف جنب مريم : اسمعيني يا بنتي.. نهى باستهزاء : ان كان هذا غازي فأكيد انت عامر.. عهود : ان كنتِ ما تعلمتِ الادب ينقال له خالي.. نهى : متعلمة الادب من قبل لا اشوف شكلك.. انا ما كلمتك لذلك لا تكلميني.. انهار : هيه انتِ داخلة علينا بشراع ومجداف ما تبين الصلح ليش جاية..؟! عامر : بــــس يا بنـــــــــــات.. نهى : انا جيت لسببين الاول اعرف سبب طلاقك.. و الثاني تكلمين اخوك وولد اخوك يفكون أسر اختي.. مريم : يا امي انا لي سنين انتظر شوفتك انتِ و اختك ويوم جيتيني اليوم فرحت اني بشوفك لا تصديني.. نهى : اهااا صح تنتظرين شوفتي .. بدليل انك رميتينا على بابا.. ودي اصدقك.. بس مو داخل مزاجي.. عامر : نهى ما يصير تكلمين امك بهالشكل.. نهى : والله معتبر اختك ام..! (آشرت على مريم) هاذي لا انعدوا الامهات انعدت معاهم.. والا هي ابعد ما تكون عن الامومة.. ام عامر اللي كانت واقفة متكأة على عصاتها : يا بنتي اللي تقولين يعتبر عقوق بامك.. جنتك تحت رجولها.. نهى : هي عقت فيني قبل لا اعق فيها .. الام ماهي اللي تحمل وتولد الام اللي تربي.. وهي تخلت عني و تخلت عن اختي.. و جاية بعد ثلاث وعشرين سنة تطلب تشوفنا.. ام عامر : يا بنتي اسمعي اللي عندها يمكن تلقين اللي يطيب خاطرك.. نهى : هذا انا واقفة اسمعك .. قولي اللي عندك .. اللي بيطيب خاطري.. عامر : خذيها يا مريم و اجلسوا لحالكم.. مريم مسكت معصم نهى لكن نهى شدت يدها : ممكن ما تلمسيني اعرف امشي لحالي.. مريم عيونها مغرقة دموع.. ضعفت ولا هي قادرة تدافع عن نفسها : حاضر.. مشت مريم تتبعها نهى.. انهار تهمس لعهود الواقفة وراها : شكلها مقوية.. عهود : نفس اختها.. انهار : ودي ادخل و اشوفها مع خالة مريم.. اكيد تشبه لاختها.. عهود : يمكن ليش لا.. ام يوسف : هاه كيف الوضع.. غازي : شكله سيء البنت ماهي طايقة امها.. عامر : غازي انت تدخل تعرف تقنع البنات.. غازي ابتسم : هذا لو بنت اعرفها يعني اعرف ويش تقتنع فيه ويش شخصيتها بس هي جاية وماهي طايقة احد شلون بقنعها.. عامر : حاول يا اخوي والله مريم بتتضايق.. ام عامر : ايه يا ابوي انت تعرف تعامل مع البنيات وتدلعهن.. : السلام عليكم.. : وعليكم السلام.. سلموا على الجميع.. غازي : مين جابكم..!؟ شوق تجلس جنب ابوها : محمد.. وكنه معصب اللهم يا كافي.. غازي : ليش ويش معصب فيه.. ريما : ما ادري يقهر.. ام عامر : والله انتن اللي تقهرن تلقنكن متأخرات عليه.. وينكن عني من اسبوع.. ريما : مشغولات يمه حيل مشغولات.. محمد : تكلمت ام لسان.. ريما التفت له داخل من الباب : انت مالك دخل.. محمد : احمدي ربك اللي جايبكم.. ريما : ليش انا اللي قايلة لك جيبنا هنا.. ما هو انا ابوي يعني عمك غصباً عنك تسمع كلامة.. محمد : عمي اقضب بنتك عني.. غازي : لا تكفون فايقين احنا لهواش.. خلاص ريما.. ريما : طيب قولة لا يكلمني طويل اللسان.. محمد : كلن يرى الناس بعين طبعة.. عامر : محمد يكفي حاط دوبك دوب البنية.. ام عامر : بس انت و اياه كل ما تقابلتوا تناقرتوا ما تستحون على وجيهكم.. ما يكفي بنية مريم هالمندعسة مع امها ما يندرى ويش يصير معها.. شوق : بنت عمة مريم هنا.. زوجة عماد..؟! غازي : لا الثانية.. شوق بحماس : الله ونااااسة.. عقبال ما نشوف حرم عماد.. ام عامر : وين اختكم الصغيرة.. شوق : مع امي رايحة لخالة مها بيجونها حريم ما ادري مين هم.. ام عامر : وليش ما رحتن معاها كود يشوفنكن الحريم و يخطبكن والا ناويات تقعدن على قلب ابوكن مثل بنات عمكن.. محمد : ههههههههههههههه يمكن شوق نمشيها لكن ريما يمه كاد تجيبين وحده عمياء ممكن تخطبها لولدها.. ريما مسكت الخدادية اللي وراها ورمتها عليه : انا تخطبني وحدة عمياء.. انت اللي بتوافق عليك امها داعية عليها بليلة القدر ربي يجازيها با أشد عقاب.. غازي وقف : بشوف مريم .. محمد يوم شاف عمره توارى عن عيونة التفت لريما : انا اللي بأخذها امها داعية عليها.. لا بالله ما عندك نظر ولا تعرفين بالحياة شيء .. انا محمد بن عامر على سن و رمح.. ريما : و الخيبة.. محمد : لا انتِ تعديتي حدودك.. ام عامر : قمي اطلعي انت وهي برا.. ريما بزعل : يمه ويش تطرديني هو اللي يناشبني و بعدين انتِ تقولين لبابا خلهم يجون والحين تطرديني.. ام عامر : جالسة تراددين الرجال ما تستحين على وجهك.. وهو يرد عليك ما تستحون ما كن بينكم حدن كبير.. ريما : هو اللي تكلم علي.. هاوشية هو حاط دوبة دوبي.. محمد : يمه هي اللي غلطت عيب ترد على اللي اكبر منها.. ريما : و انت عيب تغلط على بنات الناس.. محمد : انتِ ليش ما طلعتِ على خواتك شوفيهن كيف هاديات ما حكن حتى توأمك اشك انها نطقت حرف.. ريما ناظرت لينا الساكتة : انا مو مثلها تفهم حتى لو احنا توأم انا ريما و هي لينا فررررق.. محمد : هي عاقلة و انتِ شيطانة.. ام عامر رفعت عصاتها : والله ان ما قمت انت و بنت عمك لا اكسر هالعصاة على ظهوركم.. عامر مسك امه : حصل خير يمه امسحيها بوجهي.. ام عامر : ما يستحون على وجيههم بس مرادد وقلة حياء.. لا يحترمون الكبير ولا يقدرون احد.. ..اما في الغرفة عند مريم وبنتها وغازي.. مريم : والله يا امي اني كنت صغيرة و غافلة ابوي هو اللي جبرني على الزيجة.. عمري 14 سنة ماخذة واحد متزوج قبلي ثلاث وعنده عيال.. غازي : امك ما تنلام.. صحيح ما لقت مين يعقلها بس كانت صغيرة حملت فيك وهي توها بزر مين يزوج بنته الحين بهالسن متخيلة انها اولى متوسط بحسبة بنات هالوقت.. نهى : قلتها انت بحسبة بنات هالوقت.. مالها عذر تتركنا ولا تنشد علينا كل هالمدة طيب تطلقت أي اثنين يتطلقون وينها ما نشدت علينا.. انتم مو خوالنا .. جدتي وينها.. وينكم عنا ايش معنى الحين حلينا بعيونكم.. مريم : انحبست بفرنسا مع زوجي.. منعونا من السفر برا فرنسا.. نهى : ليش..؟ مريم : ما اقدر اقولك السبب.. غازي : علميها مريم هاذي بنتك ما راح تقتنع اذا ما قلتي لها كل شيء.. مريم : عشان زوجي كتب مقال ضدهم .. و هو عالم وعنده خبرة .. عرضوا عليه انهم يعفون عنه بشرط انه يتجنس.. و أخذ الجنسية الفرنسية ومنع من السفر برا.. نهى : وانتِ .؟! مريم : انا بعد فرنسية.. غازي : استوعبتي ليش امك ما سألت عليكم.. نهى : طيب اتصال واحد .. انتم طيب وينكم عنا.. غازي : انا اعترف اني قصرت بحقكم.. بس ابوك عطاكم لزوجتة وهي ربتكم على اساس انكم بناتها .. انا سافرت برا كان عندي دورة مدة خمس سنين ولما رجعت كان عمرك عشر سنين و اختك ثمانية.. و لما عرفت انكم ما تدرون عن امكم انسحبت من الموضوع.. عشان ما افتح عليكم مواضيع وانتم ما تقدرون تشوفونها.. اما خالك عامر فا مشاكلة مع ابوك من زمان وشيء طبيعي يكون بينهم قطاعة.. نهى : ابي ارجع بيتنا.. مريم مسكت ذراع نهى : تكفين يا امي خليني احضنك شوي.. ابي المك و اشم ريحتك .. ابي اشم ريحة اختك فيك.. ما عارضت نهى يد والدتها التي احطت بكتفيها لتشدها لحضنها .. دنقت نهى راسها لتضعة على كتفة والدتها وتبكي فراق والم.. غازي : الحين ما بكيتي يوم دخلتي عندنا تبكين الحين..؟! مريم تشد على اكتافه نهى وكأنها تريد ان تخبأها بين اضلاعها.. غازي : مريم الله يهديك انا ابي بنتك تسكت تبكين معاها وتزيدينها استهدوا بالله.. نهى : ابي وعد يمه مشتاقة لها.. فقدتها يمه هي شقيقتي الوحيدة ابيها.. مريم : و انا ويش اقول يا امي.. ثلاث وعشرين سنة حتى ملامحها هالحين ما اعرفها.. ما لميتها لصدري يا نهى .. ما شميت ريحتها.. غازي : مريم.. خلاص يا خيه استهدي بالله.. بنتك ان شاء الله بينحل موضوعها وتشوفونها بينكم.. رفعت راسها نهى : تكفى ابي اشوفها محتاجتها والله.. غازي : اوعدك يا خالي اسعى بالموضوع والله بسوي كل اللي بيدي.. .. عماد : ياخي فكنا من ذا الموضوع.. عزام : انت ويش فيك نفسيتك صفر.. عماد : ماني فايق.. ابي انام.. سعود : وقت الشغل بتنام.. عماد : تدرون اجتمعوا انتم تكفون وتوفون فيكم الخير وبالبركة ولا جاء عمي قولوا له تعبان راح ينام عند زوجتة.. راشد : عماد .. شكلك حتى مو طبيعي.. شلون يكون طبيعي وانا من سنين اتحاشا اشوفها ولا شفتها تعبت من وراء شوفتها.. خمس سنين وانا أتالم لفرقاها .. اتالم اللي عطيت وحده ما تستاهل قلب بدوي تلعب فيه يومين و ترميه.. عساف : روح والله شكلك صدق تعبان.. قام عماد : نسلم عليكم.. : على وين العزم ان شاء الله.. ناظر عمه الواقف على الباب : بروح انام تعبان.. غازي : بس احنا بمقر عمل ماهو راحة.. عماد : وانا استأذن منك اني تعبان و بنام.. غازي همس باذن عماد لما قرب منه : عشانك شفتها.. قلبك هذا مو لانهار لوعد يا عماد حط هالشيء ببالك انهار متزوجة.. وعد هي اللي حلالك.. عماد تعداه من غير لا يرد عليه وكأنه ناسي عشان يذكره عمه.. اما غازي اكمل خطواتة : السلام عليكم.. : وعليكم السلام.. غازي : تأخرت عليكم .. بس غصباً عني بنت اختي من زمان ما شفتها على ما رضيناها اخذت وقت.. سعود ابتسم : اهم شيء رضت.. غازي : نقول ان شاء الله.. عساف : مين نهى..!؟ سعود : ايه.. غازي : ويش صار معاكم لايش توصلتوا..؟! نايف : توصلنا ان عزام يقطع علاقتة بجماعة سطام نهائياً عشان نضمن حياتة.. الجماعة ما قالوا لوعد ولا اعطوا عزام وعد كهدية الا ان نيتهم قشراء وعارفين ان عزام جاسوس عليهم.. غازي : تمام هذا اللي المفروض يصير .. وعماد..!؟! عساف : لا بيضل معاهم لانه رفض .. رفض قطعي انه يقطع علاقتة متأمل يلقى من وراهم شيء.. غازي : بقي ننتظر متى راح يسون عملية الاغتيال اكيد بيتصلون على عماد عشان يشارك فيها معاهم.. راشد : اكيد و عشان يضمنون ولائة ممكن يولونه مهمة كبيرة.. وان طاحت العملية ممكن يشكون فيه.. غازي : هاذي ما نبيها العملية احنا بنحبطها.. بس بنخلي العصابة تزيد ثقتها بعماد ما تنقص.. عزام : وشلون بنسويها هاذي صعبة.. غازي : احنا بس نعرف خطتهم ندخل من ثغرة موجودة و نقدر نأمن على الرجال المقصودين بالاغتيال وعلى عماد.. عساف : وصلاح و زياد متى بتحقق معاهم.. غازي : بكره ان شاء الله وابيكم كلكم بالتحقيق.. سعود : يا حبذا والله ان خاطري بصلاح.. غازي : ماني مخليها بخاطرك.. .. شوق : مستحيل بابا ما يوافق لو شنو ما صار.. عهود : عمي ما راح يرفض لا تكبرين الموضوع.. شوق : لا اكبر .. اتحداك يوافق.. عهود : ابوي يعني عمي ما يوافق.. شوق : ايه ما يوافق.. اصلاً هالفترة بس مشغول كل ما قلت له شيء قال ماني فاضي اجليها اجليها مليت من كثر ما أأجل مشاويري صارت متراكمة فوق بعض من التأجيل.. انهار : الله أكبر يا المشاوير.. شوق : والله مشاوير طوفت كم مشوار لأسناني و طوفت موعد الليزر هالشهر و كم مره ابي اروح الشوق بشتري لزميلتي هدية عشان فرحها وكل ما قلت لبابا يقول ماني فاضي و مواعيدي كلها بالليل و يقول بالليل ما تروحين مع السواق.. ريما : اصلاً اسم عندنا سواق مرتاح ما شاء الله.. هنادي : لا الحمدلله ما عندنا هالنخبة من التعقيدات.. الله يخليك يا وسيم و يديمك ان شاء الله ما تقلب علينا.. ريما : المشكلة مو بقلبة وسيم تجيبين غيرة لكن تفكير ابوي ويش يغيره.. مالك امل يتغير.. انهار : خلونا نهاجر برا السعودية ونرتاح.. شوق : هذا و انتِ متزوجة.. انهار : من زين الزواج ليتني ما تزوجت.. قرف و مسؤوليات وهم.. هنادي : رجاءاً لا تخربين المراهقات.. بيجي عمي غازي و يذبحك.. انهار : الا صدقاً ما تحسون ان خال غازي تفكيرة غريب.. يعني تحسونة مره رايق وهادي شلون دخل سلك الشرطة..؟! كيف يحقق مع المجرمين..!؟ عهود : اتوقع يوكل عماد يحقق عنه كلمتين يخر المجرم كل اللي عنده ما يحتاج.. شوق : ههههههههههههه من جد نظرتين من عماد تصكك ام الركب.. عاد الله يعين بنت عمتي عليه.. عهود : قصدك الله يعين اخوي طويلة لسان ما تنعاشر.. شوق : حرام عليك بابا يمدحها يقول لايقة على عماد نفس الطبايع.. عهود : من جد لايقة على عماد ما احد يقدر يهبدها على راسها غيره.. ريما : ويش فيك حاقدة على البنية عشان اللي صار بينكم بالمعهد خلاص صارت مرت اخوك لازم تنسين.. عهود : ما اقدر انسى .. ولا تحسبونها حست انها غلطانة تهاوشت حتى مع المديرة و خلتها ترجع لها فلوسها.. انهار : تلقينها عربجيـــة ابتلش فيها عماد.. شوفي اختها من جات للحين ما طلعت من عند عمتي.. عاجبتها الجلسة.. .. لا إله الا أنت سبحانك إني كنت من الظالمين.. لا أحلل نقل الرواية دون ذكر اسمي.. ضحكة قهر.. http://up.graaam.com/img/23407876b74...eba11d9f14.png |
رد: لو سألتي الورد وهو ما بين إيدك أقطعك بيقول لك عمري فداك الكاتبة / ضحكة قهر
بسم الله الرحمن الرحيم.. السلام عليكم ورحمة الله و بركاتة.. بداية أعتذر على تأخري بتنزيل البارت كنت ناوية احط اللمسات الأخيرة الصباح و انزلة لكن الظروف عاكستني .. خصوصاً اني صحيت و كتفي يوووجعني ما ادري ويش قصتة حتى الالتفاتة توجع الحمدلله.. ثانياً البارت فيه قفلة شسمة ابيكم تتوقعون بالعقل و المنطق.. بظل الظروف اللي عايشينها الابطال و الشيء اللي ممكن يصير مو تشطحون.. رغم ان الحياة فيها شطحات وكل شيء ممكن يصير.. ثالثاً البارت طويل والله ما كنت ناويتة بهالطول بس تستاهلون .. اهم شيء التوقعات ابيها مرضية والا بخلي لكم البارتات صفحتين.. رابعاً فيه ناس فاقدتهم بالرواية .. فدا لعيونه مبروك الاشراف شكلك تكبرتي علينا يا بنت ما عدنا شفناك.. البارت اهدأ لفدا لعيونة بمناسبة الاشراف.. و لكل الناس الناجحة و اللي ما نجحت بعد عشان تحفيز للنجاح.. دعواتكم لي ربي ييسر لي امري و يكتب لي من الخير و يرضيني.. << دعوة لأخيك بظهر الغيب مستجابة.. البارت الواحد و العشرون.. سيء جداً حين يختبئ شيئاً بداخلنا ، ليس لنا القدرة على التخلص منه ، لايُحكى ، لايُكتب ، لايُفهم ، وليتهُ / يُمحى !! لـ وحشتك "ناصر العنزي" مريم : خلاص حبيبتي.. يكفي صياح.. نهى : ودي ابعد عن كل شيء .. حتى بابا قاهرني.. مريم : روووقي.. نهى : قولي لأخوك يحبسني مع وعد.. مريم اتسعت عيونها : انتِ مو صاحية.. بعدين اسمه خالي.. نهى : يجيب الله مطر.. مريم : بنت تأدبي.. نهى : ما اعرفة كذا فجأة لازم اناديه خالي.. لا يبطي عظم.. مريم : الا اخوي يا نهى.. نهى : طيب البنات هذولك اللي تكلموا علي يوم دخلت بنات مين..؟ مريم : انهار بنت اختي الله يرحمها و عهود بنت عامر.. نهى : طيب هم ايش دخلهم يردون علي.. مريم : قومي بدل هالسدحة تعرفين على بنات خوالك.. حتى بنات غازي هنا.. نهى : لا ما ابي اشوف ناس مليقة.. مريم : نهــــــــى.. نهى : ريوم خلينا على نور .. انك تنهيني عن شيء هذا الحق طار من زمان امي أي و لك عندي احترمك .. لكن وحده تتكلم علي ا واني اسب وحدة ما يحق لك تنهيني.. مريم : يعني ام ديكور.. نهى : البعد اللي صار هو اللي سبب هالنتيجة.. مريم : ما انتِ راضية فيني كا ام يحق لها ما يحق لاي ام .. روحي و تعالي سلمي علي كل فترة.. ولا اتدخل بشيء يخصك.. نهى حست ان امها زعلت : مرايم ويش فيك زعلتِ بس بنات اخوانك قهروني و انتِ تدافعين عنهم.. انا بنتك انا المفروض تدافعبن عني.. مريم : ان شاء الله ما راح يصير بينكم شيء غلط.. لاني بوقف مع الحق .. كلكم بناتي.. .. أحياناً نرغب في الغياب لأننا تحملنا الكثير .. لـ وحشتك "ناصر العنزي" بعيداً عنهم هي شبة نائمة او تريد ان تنام بالرغم من نبرات صوتة تخترق طبلة اذنها و يردد كلماتة .. جرحها جـداً بتذكيرها لتخلي اهلها عنها.. تشعر انها ستبتعد عن هذا العالم.. لا احد هنا يريدها.. تريد ان تذهب بعيداً دون ان تلتفت لأحد لان لأحد يلوح لها بيدية مودعاً.. رمى نفسة جنبها بتعب وتنهد : آآآه.. من منهم له الأحقية بان ينفث بوجه الأخر آلم قلبة.. عماد لف واعطاها وجهه اما هي معطيته ظهرها .. عماد : تراني هنا.. ليش مو معطيتني وجه.. وعد : ................ عماد : ويش فيك..؟ وعد : ..................... عماد : تراني تعبان .. وما فيني لنقار.. وعد قامت جالسة : احلف يا شيخ.. جاي لغرفتي وتارك غرفتك .. وفوقها جالس تكلمني وانا ما كلمتك.. اطلع برا.. عماد : ان كنتِ ما تدرين ترى هالمزرعة كلها لي.. ملكي انا.. وعد : وان كنت ما تدري انها هنا بالغصيبة مو بالرضا.. عماد بتعب : و ان كنتِ ما تدرين انتِ وحده من املاكي.. وعد :انا الحين تأكدت ان عندك انفصام بالشخصية اذكر انك قلت زمان العبودية راح و ولى و الحين تقول اني من املاكك عموماً تبطي عظم على هيك شعور.. عماد ينسدح على ظهره بعد ما كان على جنبه جهتها : وعد احس حرارتي بترتفع.. كني بتعب.. وعد باستهزاء : الله يبشرك بالخير.. عماد : تشمتين بالمرض..؟! وعد : مثل ما تشمت فيني اني محبوسة بين اربع جدران.. عماد : روحي جيبي لي بنادول.. وعد : ليش الذيابة ما يعرفون يخدمون انفسهم بانفسهم..؟! عماد : لا زوجاتهم يخدمونهم.. وعد : عماد ممكن تروح غرفتك انا صدقاً تعبانة ولا لي خلقك يكفيني منك ما جاني .. ما عاد فيني اتحمل هالعيشة و انت تزيد علي نكدها .. خلنا نعقد هدنة لين يصدر الافراج واتطلق.. عماد : وانا بعد تعبان مو بس انتِ.. قامت وعد و تركتة .. اما هو يكلمها بصوت عالي بعد ما طلعت : وعيـــد البنادول.. وعد بتذمر : جعلك تموت يالذيب.. رانيه : تامرين على شيء يا سيدة.. وعد ناظرتهن خمس بنات جالسات من غير رانيه و هيفاء يعني سبعة .. كل ذا حراسة على اساس لو بسوي شيء هن بيردني.. : من بكره ما ابي اشوف وحده فيكن قولن لعميدكن يرجعكن مكان ما جيتن.. هيفاء : سيدة وعد احنا هنا لحمايتك.. وعد : قصدك لحبسي.. انتن هنا عشان تضمنون اني ما اطلع برا ولا اكلم احد.. : مالك بالبنات انا جايبهن.. التفتت عليه : خذ بناتك معاك وياليت تطلع برا.. ما عدت طايقة اشوفك.. عماد : ولا انا طايق اشوفك و بالذات بهالوقت .. بس عاد حكم القوي.. وعد : طلقني.. عماد : ليش مستعجلة..! بطلقك بس مو الحين لا حسيت ان مزاجي يقول طلق .. انتِ هنا زوجتي والزوجة لازم تسمع كلام زوجها.. وعد بدت شياطينها تنط قدامها طريقة الاستعباد هي ما تكره بحياتها : لما يكون الزوج آدمي مو حيوان.. او آدمي بهيئة انسان .. ولما اكون اخذتك برضاي.. موافقة عليك و على عيوبك قبل مزياك مو زواج استغفال و استغلالي بوقت عمليتي عشان ما اعترض.. و يسهل لكم كل شيء من وراي.. عماد : ياالله حزنتيني لو حرارتي ماهي مرتفعة كان نزلت لي دمعتين على حالتك.. عمتي مريم تركتي صغيرة بلفتك حطتك عند ابوك.. و ابوك تخلى عنك كبيرة.. اخوانك ما نشدوا عليك.. و حتى انا لولا هالقضية كنت رميتك عند اقرب محطة.. لم تعد تحتمل اكثر هاهو الانهيار يتملك كل خلاياها .. لم يكتفي بجرحة لها عندما كانوا لوحدهم قبل ان يخرج بل عاد ليجرحها من جديد امام موظفاتة.. لم تعد تطيق ذلك ابد.. حملت ريموت التلفزيون و الرسيفر بين يديها لترميها عليه لم يتفاجأ ابداً من ردة فعلها بعد ما رمت الفازة عليه ممكن ان ترمي أي شيء غيرها .. تحاشا الريموتات.. ليقف ينظر اليها عيناها الغارقة بالدموع تخفي عن رؤية الحياة بالوانها .. لم تعد ترى الا اللون الاسود مطرز بالاهانة و التجريح.. اقتربت منه لتضربة بيديها بكل قوتها المنهارة لم يتحرك تركها تضرب و تبكي .. : ياكلب يا حقير .. ادري انك بترميني مثلهم.. الله ياخذني يا حيوان.. الله لا يسامحكم.. الله يأخذني.. اكــــــــــــــرهكـــــــــــــــم.. اكرهـــــــــــكم.. امسك بها قبل ان تسقط على الأرض مغمى عليها .. : وعــــــد .. (ضرب بكفة على وجهها الباكي) : وعـــــــد.. رانيه المويا.. تحركت رانيه بعد ما كانت جالسة بصدمة كا بقية صديقاتها لم تتحرك العميد عماد يُهان .. وهو يرد بتجريح .. لتكون النتيجة سقوط وعد مغشياً عليها.. رانيه : تفضل سيدي.. اخذ المويا لينثرة بعض منه على يده و يمسح وجهها لم يعد به أي لون وكأنها ودعت الحياة : عباااايتها.. ثواني و جابت العباية رانيه لفها عماد بالعباية و طلع حاملها بين يديه كقطعة قماش تتحرك مع خطوات عماد.. سلوى : شفتوا اللي شفتة.. معقولة زوجتة..؟! وليش يعاملها كذا.؟! رانيه : لانه يحب وحده ثانية.. سلوى : وليش تزوجها..!؟ رانيه : هم كذا الرجال يحبون وحده و يأخذون غيرها.. فاهمين الحب غلط.. منار : مو الكل كذا .. بالعكس فيه رجال يحبون و يوفون.. رانيه : بنظر مجتمعنا هم مجانين.. مثل قيس.. والا..؟! اصلاً ما فيه رجال يصرخ بعالي الصوت انا احب فلانة.. لأن الكل بيعطيه اكس.. و احنا بمجتمعنا اخر همنا مشاعرنا.. هيفاء : الله يستر عليها لا يكون تعبت.. منار : حسيتها متكبرة والله خفت منها.. رانيه : بالعكس .. اول ايامنا هنا كانت مره هادية ولا تتكلم يجي العميد يكلمها ما ترد .. واحنا نكلمها ما ترد علينا كانت بس منسدحة كانها مو موجودة بالحياة بس مره فجأة كذا صارت تكلمنا و جلسنا هنا و سولفنا معاها مره طيبة.. .. ابراهيم : يبه.. خالد : نعم.. ابراهيم : ابي اطلع برا.. خالد بحزم : مو قلت لي من قبل و قلت لك لا.. انت ليش ما تسمع الكلام.. ابراهيم : بس العيال كلهم برا حتى عمي فارس.. خالد : لا تدخل نفسك بغيرك تفهم.. و روح شوف اختك السنيورة وين غاطسة.. ابراهيم : مع عمتي ندى مشغلة لها اليوتيوب.. ابو سعود : ما تحس انك خانق الولد..؟! جود تتفلسف : سبحان الله قريت معلومة ان حتى التربية ممكن الواحد يورثها لعيالة.. ابو سعود : طبعاً ما تقصدين ان خالد وارثها مني.. جود : لا مين قال.. ابو سعود : ما احد قال.. جود : الحمدلله حسبت ان فيه احد يتبلى علي.. ياسر : يبه بندق على نهى نجيبها خلاص شافت امها.. ابو سعود : لا خلوها مع امها.. خالد : يبه تشوفها مره ثانية الحين تفر مخها و تقعد عندها.. ابو سعود : امها ما فيها شيء.. خالد : توها تذكرت بنتها .. يبه يكفينا وعد مانبي نهى بعد تبعد.. ام احمد : يا ابوي لا توسوسون البنية مع امها بس تمل بترجع.. منيره : فعلاً قلقكم ماله داعي.. وعد محجوزة من الامن امها مالها علاقة بالموضوع عشان تخافون على نهى من روحتها هناك.. ياسر : عامر له علاقة هو اللي زوج وعد لولدة.. بكره ياخذ حتى نهى لكن و رب الكعبة لاصلي عليه لو يوصل لخواتي شيء منه هو وعيلتة.. ام احمد : يا ابوي ويش هالحكي هذولي اهلهن.. عامر خالهن.. مشعل : ما عرفناه من سنين الا عدو لابوي .. ما عرفنا انه خالهن فجأة كذا حلن بعينة و قرر يزوج وحده منهن لولدة.. زين اللي نهى محجوزة لفيصل والا كان اخذها حتى هي.. ياسر : يا شيخ ليت تمت تحييرة جدي وعد لواحد من عيال عمي كان ما اخذها الزفت عماد.. ابو سعود : ياليت عمرها ما بنت بيت.. نهى لما طاح اللي براسها هي اللي بتتصل.. مشعل : وان ما اتصلت..؟! ابو سعود : بتتصل ما راح تبقى وقت طويل.. مشعل : طيب نفترض افتراض انها ما اتصلت..؟! ابو سعود : ليش نفترض شيء احنا متأكدين انه ما راح يصير.. .. انهار : والله من جدك.. مريم : ايه يبون يكملون دراستهم بفرنسا و ابوهم مو معارض بعد كل شيء صار لنا.. انهار : و انتِ.. مريم : انا بتطلق منه ولا عاد اني طالعة برا السعودية.. خلاص حرممممت.. هنادي : اذا على ريان و رنيم توهم باقي لهم بالدراسة يعني يكملون هنا لكن رؤى ما باقي لها الا سنتين بالجامعة.. نهى تناظر الوقت غريبة الساعة 2 و لا احد اتصل عليها .. طقها الوسواس من ابوها لا يكون ما يبيها ترجع .. صارت تخاف و الشيطان يوسوس لها باشياء .. اتصلت عليه .. : الوو .. قامت بعيد عنهم : السلام عليكم.. بخير.. زينة.. اشوف اعجبك اني مو بالبيت ما اتصلت تسأل علي.. لا.. يعني تبيني ارجع.. احسب بعد قلت يمكن ما تبيني ارجع.. ايش اسوي.. من بعد ما زوجت وعد من غير لا تدري و انا اخاف تخلى عني.. طيب.. انتظرك.. مع السلامة.. قفلت الخط ورجعت تجلس معاهم.. مريم : ايش يا امي وين رحتي..؟ نهى : كلمت بابا.. مريم : لا يكون بيجي احد يأخذك..؟! نهى : ايه بابا بيجي.. مريم : قولي له بتقعدين عندي .. نامي عندي اليوم.. نهى باستغراب ما تدري ليش هالشعور : لااا .. ما اعرف انام بغير غرفتي.. و بابا كان ينتظرني.. مريم : بتنامين بحضني ما راح تحسينة جديد عليك.. اتصلي عليه قولي له.. نهى : ليش انتِ وين بيتك مو كنك بتطلقين.!.؟ مريم : ايه بتطلق وانا مستقرة هنا عند اخوي... وبتنامين معاي بغرفتي.. نهى رفعت حاجبها : لااا .. بعد مو بيتك.. : بيت اخوها مثل بيتها.. جلس معاهم : لا تتحسين انا خالك.. نهى : انت عدوو بابا.. وهذا اللي نعرفة عنك و بس.. عامر ابتسم : اتحدى ان كان ابوكم مكلمكم عني.. نهى : عشان اكون صادقة لا .. بس لما بنتك تهاوشت مع وعد بابا حكانا سالفة الارض وبس وحتى ما قالنا انك خالنا.. عامر : شكلك ما انتِ طالعة على ابوك.. نهى : لاا.. بعدين ليش تبي تزوج اختي لولدك..؟! عامر : بنصلح الروابط اللي اهترت بيننا من سنين .. و بنشد عليها.. نهى : وما لقيت الا وعد.. عامر : وعد بنت اختي .. و كان المفروض انتِ بما انك الكبيرة بس طايرة بسماء فيصل.. نهى : ترى تخرب ما تصلح.. مستحيل تجمع قلوب متنافرة بروابط الزواج.. احنا و انتم عيلتين مستحيل تتجمع .. تدري ليش .. لان كبار عوايلنا متنافرة انت و بابا لو بتصلح كان من المفروض انتم تتصالحون و تصفون قلوبكم مو تحطون وعد بساحة حرب و تبتعدون عنها.. عامر : ليش لهدرجة اختك ما تتحمل مسؤولية.!؟ نهى بقهر : ما يخــــــــــصك.. مريم : نهــــــــــــــــــى.. استحي هذا خالك.. انهار : و رجال كبر ابوك يا محترمة.. نهى ببرود : الحمدلله اني محترمة.. و انا ما قلت شيء غلط .. على كيفة يحمل وعد نتيجة اخطائة هو وبابا و هي اللي تدفع الثمن و يزوجونها واحد ما تبيه و لا بعد من وراها.. عهود : ترى مثل ما اختك انجبرت اخوي انجبر والا متربعة بقلبة وحدة ثانية.. عامر : عهـــــــــود.. عهود : وانا صادقة يا بابا محسستنا ان اختها المظلومة الوحيدة و عماد وين مكانة من الاعراب.. مانبي هالقرب من العيلة هاذي.. نهى : تصدقين عاد انا ميتة على قربك.. عامر : خلاص .. هذا و انتم قرايب.. نهى وقفت : انتم قتلتوا هالقرابة ما قصرتوا.. عامر مسك كفها : اجلسي.. سحبت كفها من كفها : بابا اكيد وصل.. عامر : ابوك هو اللي بيجيك.. نهى : ايه.. عامر : اجلسي بخليه يدخل.. نهى : ما ابغى اجلس.. طنشها عامر و دخل .. ودخلت هي وراه.. انهار : مليـــــــــــقة.. مريم : انهار تراها بنتي.. انهار : انتِ على راسي يا خالة بس هي لا.. عهود : ما تباعد اختها.. شوق : تشبه لوعد..؟! عهود : لاا.. هاشي تشبة عمه مريم هاذيك ما ادري على مين طالعة.. انهار : تلقينها على ابوها.. ريما : اهم شيء تكون حلوة عشان تليق بعماد.. عهود : ما حزرتي عماد ابتلش بوحدة شينة.. شوق : لا عاد عهود بابا يقول حلوة بسم الله عليها.. حتى جمالها واضح وهي كانت تعبانة.. انهار : خالي غازي ما يحب يكسر بخاطر احد كل شيء عنده حلوو.. ..اما في الصالة.. ابو سعود : والله مقصر يا عمة السموحة.. ام عامر : افاا يا ابراهيم ما هقيتها منك انت تدري انك غالي عندي.. ما تنشد علي.. ابو سعود يجلس جنبها : و الله لك الحق تزعلين يمه .. مقصر بحقك.. ام عامر : ويش حال امك.!.؟ ابو سعود : بخير الحمدلله انتِ ويش حالك.. ام عامر : بخير يا ولدي.. الحمدلله.. ابو سعود انتقلت نظرتة لبنتة الواقفة مبين انها زعلانة .. : تعالي.. قربت منه وجلست يسارة .. تمسكت بعضدة وكأنها ترسل له انها خايفة .. اذا ابوها ما حس بفقدها لوعد ما احد راح يحس.. ابوها هو الوحيد اللي ممكن يحس فيها .. حتى امها ما يمكن توصل لاحساسها عشانها ما تعرف وعد ولا شخصية وعد .. ولا كيف عانوا الثنتين فراق الام مع بعض.. ابوها هو الوحيد اللي شاف وحس و تلقى كل الكلام اللي طلع منهن لحالة.. ام عامر : ويش بلاك ماسكة ابوك ماهوب طايرن عنك.. جايك عشانك حتى ما ارسل واحدن من عيالة.. ابتسم ابو سعود : تستاهل نهاوي.. : السلام عليكم.. ارتفعت نظراتة بسرعة ونزلها : وعليكم السلام.. مريم : كيف حالك يا ابو سعود.. ابو سعود : بخير الحمدلله .. انتِ ويش حالك يا ام ريان.. مريم : بخير الحمدلله.. جيت عشان اطلبك تنام نهى عندي.. عامر : حاولت فيها اول ورفضت.. ابو سعود اللي كان حاس برفض نهى : لا.. ما اقد انام و بنتي برا البيت.. ام عامر : يا ولدي هاذي اميتها و جالسة ببيت خالها مو غريب عنها.. ابو سعود : يمه ما اخفيك .. عيالي ما يبون حتى قرب عامر بعد زواج وعد .. ومن اول جالسين على نار يبون يأخذونها يكفيهم وعد يمه.. عامر : ابراهيم انا خالهن.. ابو سعود : و اللي سويتة بوعد يكفي يا عامر .. خلاص ما راح اسمح لك تتمادى اكثر.. وعشان ابشرك الطلاق مصير زواج ولدك من بنتي ولا جاتني تبيه والله ما يشوفها ولدك.. عامر : خل ربي يفك حجزها و بعدها نحكي .. ابو سعود وقف : و انا حكيت من الحين.. عشان تكون على بينة.. ولو تصير ببينا حروب.. و عد ما تنضام.. و حطها حلقة باذنك و علمها ولدك والله والله لو وعد تشكي ان ولدك سوى لها شيء لا اكون ذباح ولدك.. نسلم عليكم .. تحرك بخطواتة خارجاً من خلفة ابنته.. ناصر : استغفر الله العظيم.. ام عامر : الله يهديك يا ولدي بدل ما تطفي النار اللي بينكم زدتها.. عامر : انا ما زدتها و سواة ابراهيم هاذي عشان بنته بعيدة عنه .. و محجوزة و لا بيده شيء يسوية .. بس ينحل الموضوع وقتها بتشوفين ابراهيم ما عنده مانع ان عماد و وعد متزوجين.. عبدالله : يحق له يبه يزعل .. حتى زواج عماد من بنته طريقتها غلط.. بس الحكي بالفايت نقصان بالعقل.. ام ناصر اللي كانت واقفة برا و سمعت اخر كلامه ودخلت اول ما خرج : اهم شيء ولدي.. تكفى يا ابو عبدالله الا عماد.. عامر : ولدك ما فيه الا الخير .. ام ناصر : بس ابو سعود توعد فيه .. و عماد حرق و ممكن يسوي أي شيء بالبنية.. و صايتة عليها الحين غلط.. كلم غازي يبعده عنها.. عامر : لاااا .. بالذات هالفترة اللي وعد بعيدة عن اهلها ابي عماد معها ابي يتعلق فيها.. ام ناصر : تبي توجع قلبة يكفيه توجع مره والله ان الثانية يروح فيها.. ناصر : يبه نسيت ويش صار بعماد .. تبي هالحين يعيد نفس الكره .. و انت عارف مصيرهم.. حرام يبه تعذبة.. عامر : وعد حليلتة على سنة الله ورسولة.. ان كان عاد هو غبي وبيضيعها من يده هو اللي رمى حالة بالنار.. .. اذن الفجر و اعتصم عن الاكل و الشرب وهو اساساً ما اكل.. جسمة مهدود .. يراقب وعد النايمة من تأثير المهدئ.. وهو بعد يحتاج مهدئ ينام.. ما علم احد ان وعد تعبت و ناقلها للمستشفى و عندها انهيار عصبي.. هو اول الملامين و بيدخل بدوامة اسئلة هو مافيه الحيل يجاوب عليها بحالة زي هاذي.. وقف واتجه للباب : بدر لا تخلي ابن امه يدخل.. و وعد ان صحت وانا نايم لا تخليها تطلع فاهم.. بدر : حاضر سيدي.. رجع دخل و انسدح ع الكنبة ضام رجولة وتلحف الشرشف اليابس اللي جابتة الممرضة و ما ان اغمض عينية حتى استرسل بالنوم.. .. ابو سعود : نهى ابيك تفهمين شيء واحد .. وعد ما تخليت عنها يا بابا لا تقولين لي هالحكي و تزعليني.. ادري اني قصرت عامر لوى ذراعي فيها .. و بعدها من غير لا ابرر لها ولا اوضح تتفاجأ انها عند رجلها و محبوسة.. لا تحسبين هالموضوع هين عندي.. كل يوم اصحى على صوتها تناديني جربت الاحساس اللي تحسة نوال ولدها يناديها وهو بالاساس ميت.. وانا بنتي تناديني وهي محبوسة.. نهى : بابا الله يخليك كلم غازي هو قال بيسوي شي عشانها تكفى كلمه و حن عليه.. طيب يسمحون لنا بزيارات قدام الشرطة عادي راضين اهم شيء نشوفها.. ابو سعود : بكلمه يا بابا بروح له و اكلمه.. بس انتِ اهدي شوي.. ترى ادري انك تعبانة حتى لو ما حكيتي لي.. نهى : حاسة اني وحيدة يا بابا .. خايفة تتركني انت و اقعد لحالي .. احس الدنيا تنكرت لي.. حتى اخواني احسهم اغراب عني.. احس ما اعرف الا وعد وانت.. وعد محبوسة و انت لاهي.. و ظليت لحالي.. خايفة افقدكم بابا .. هالاحساس بيذبحني.. ابو سعود طوق جسدها بذراعة : بسم الله عليك يا بابا لا تقولين كذا.. اخوانك يحبونك و خايفين عليك.. و انتِ تدرين انهم مستحيل يتخلون عنك.. خليك قريبة منهم و هم اصلاً ما راح يتخلون عنك لاي سبب كان.. سعود : وليد وينك ما رحت للسيادة العميد عندي اجتماع مهم.. وليد : قال بيرسل لي جعفر وللحين ما جاء.. سعود : قم اوصلك له.. وليد : لا بنتظر جعفرة.. ام احمد : لا تطول يا ابوي اليوم خلك لين معاه عشان يلين معاك.. وليد : والله يمه احاول بس ماني قادر.. عجزت شوفتة بس تخليني اتنرفز.. خالد : والله صراحة شكلك مره يحزن واضح للحين انك تعبان.. وليد : ولا ساحب رخصتي حضرتة .. و بيحطني بتدريب السواقة باليوم ساعتين.. منرفزني حاط نفسة والي علي.. ياسر : يا رجال اسحب عليه ولا تلتفت له.. سعود : لا تقوي راسة ما يحتاج هو مقوي.. خلك محترم عشان سيادة الفريق ما يقصر معاك.. وليد : انت غاسل يدي منك.. ما ادري ويش ساقيك عشان تحبة هالكثر المشكلة كلكم وراه ولد اخوه نمشيها له لكن انت والباقي ما عندكم عقول تفكر صايرين مثل ظلة.. سعود : هالشيء ما يخصك تفهم.. وليد : اقول بس خلونا نغير جوو وين بنتك..!؟ خالد : نايمة.. وليد : خسارة ما شفتها بطقطق عليها.. ياسر : يا حليلك هي تطقطق عليك.. ماشاء الله اللسان ويش طولة.. وليد : طبعا الحكي خرابيش ما تفهم منه شيء.. خالد : لا تتريق على بنتي تكبر وتتعلم.. مشعل : صراحة لايق عليك اب وكذا وعندك بزارين.. ميار : من جد مره لايق عليك احسك اب متفهم ماشاء الله .. فيه ناس لا جابوا العيال بيهددونهم بالموت.. سعود : طبعاً ما تقصديني.. ميار : مين يقول.. ام سعود : خليه يحن و يتزوج بالاول بعدها يصير خير.. سعود : مير حتى الفريق غازي كلمني بذا الموضوع .. كل الناس تبي تشوف زواجي.. ابو سعود : ياليته يقنعك.. سعود ابتسم : دام ما خش راسي ما احد قادر علي.. انا ولد ابراهيم على سن ورمح.. ابو سعود يجلس : ما ورثت مني غير الراس اليابس.. ام ندى : كيف نهى..!؟ ابو سعود تنهد : تعبانة.. ياسر : يبه كانت جالسة معنا ولا شيء ويش اللي تعبانة.. ابو سعود : نفسياً.. فراق وعد هاد حيلها.. سعود : يبه كلنا مو مرضينا بس والله عماد رجال ينشد الظهر فيه.. ابو سعود : بس طريقة الزواج غلط.. و زادها حبستها تتوقع يعني ان وعد الحين تعامل عماد معاملة زينة.. و انها راضية..!؟ ام سعود : طيب كلم عماد يجيبها لنا سويعة تفك عن نفسها شوي.. سعود : يمه هي السالفة لعبة.. امن دولة وعد عندها معلومات تخص الامن.. ما ينفع ابن امه يعرفها حتى اللي يشتغلون بالامن.. جود : طيب الى متى.!.؟ كل عمرها بتجلس كذا..؟! سعود : اكيد لا .. بس تنتهي المهمة الأمنية كل شيء بيرجع مثل ما كان و ازين.. خالد : انتم لا تعتبرونها محبوسة .. عند زوجها و مرتاحة هذا اللي فكروا فيه لان لو فكرتوا بشيء غير ذا بتتعبون.. وليد : اخ بس لو غازي يسلمني صلاح.. و مستعد اشتغل معاه كل عمري بدون راتب.. ام احمد : وليد والله اني مو مرتاحة لهالشغلة عند الرجال.. يا ابوي بالهون لا تعور قلبي.. خالد : يمه لا تشيلين همه ماشاء الله عليه غازي رجال شقردي.. لا تشيلين هم وليد معاه بيعتبرة مثل ولده.. وليد : كل ذا عرفتة من لقاء واحد وياليتك كملت للأخير رحت تلحق ترقع المصيبة اللي مسويها.. خالد : مير ذكرتني عندي سفرة لكندا اخر الاسبوع ذا يبي لي انهي كل شيء و ارتاح.. جود : خذ بنتك معاك خلها هناك تستقر ما فيه شيء يثبت انها سعودية حتى اللغة ترطن انقليزي ازين من العربي.. خالد : اهم شيء ويش مكتوب قدام جنسيتها سعودية.. على ابوها.. ابو سعود : لا والله ما يأخذها .. مسوية لنا جوو بالبيت.. خالد : يبه ويش بتسوي مع ندى..!؟ ابو سعود : بكلم عساف يسوي الملكة بالعيد يمكن ترتاح.. خالد : يبه من جدك البنت ماهي مرتاحة هذا عرس مو لعبة.. ياسر : ليش يا خالد موافقها ترفضة.. خالد : دامها ماهي مرتاحة ايه.. وان كان صدق عساف كان يبي وعد فا انتم تجرحون ندى و وعد الثنتين.. سعود : ويش اللي يبي وعد..! الرجال لو يبيها كان ما خطب ندى ولا تقوي عزومها على شيء غلط .. ندى ما عادت صغيرة.. خالد : بس ما يصير تقحمون ندى بزواج و هي عندها شك ان عساف بقلبة وحده.. ياسر : خالد الله يسعدك ويش ذا الكلام بقلبة وحده انت وين عايش..؟! ما فيه رجال يحب مره.. ابو سعود : لا احلف يا شيخ.. ياسر : والله صدق يبه ويش رجال يحب مره.. ما تجي.. ابو سعود : الا تجي.. سها وين امك.!.؟ سها : قالت بتنام صاحية من البارح الظهر.. ابو سعود : اهاا زين خليها ترتاح من التفكير.. مشعل : ليش ويش فيها..!؟ ابو سعود : موضوع قديم.. سعود : يبه احمد قال نأخذها لدكتور نفسي .. يمكن تلقى شيء يريحها.. سها بفاجعة : بس ماما ما فيها شيء صح احيان تكتئب و تزعل بس ما تحتاج دكتور نفسي.. سعود : ممكن ما تحكين بشي ما تعرفينة.. ايش قلت يبه..؟! ابو سعود : كلمتها من قبل و رفضت .. ما تبي تروح.. ام سعود : حاول فيها يا ابو سعود كود ترتاح معاه .. ما يصير تهوجس كل شوي.. خالد : اول مره اسمع ان خالتي تعبانة..!؟ ابو سعود : شوية هواجيس ملازمتها من سنين.. ياسر : ويش تهوجس فيه..؟! ام سعود : بولدها الله يرحمة.. انعقدت الحواجب يحاولون يستوعبون.. ولدها .. ياسر : ولدها احنا عندنا اخ توفى..!؟ ابو سعود : ايه يبه توفى بعد ما ولد.. خالد : ما قد سمعنا بذا السالفة..! ام احمد : يا ابوي صار لها سنين.. سعود : و بعدين توفى طفل الله يرحمة و جيبتة سيرتة بتتعب خالتي.. خالد : شلون توفى يبه يعني ولد وهو تعبان والا ويش.؟! ابو سعود : بالعكس كان بصحة و عافية تفاجأت يوم اعطوني اياه بعد الولادة جثة هامدة.. توفى بسبب نقص الاكسجين على انه كان ما يشكي من علة بس يومه .. الحمدلله على كل حال.. سها : و هالشيء من متى..؟ يعني لو عايش الحين كم يكون عمره..!؟ ابو سعود : 28 قد ياسر.. ميار : يا حياااتي كان عندنا اخو ثامن.. خالد : طيب خالتي ليش تهوجس فيه..؟! يعني ويش اللي يجيها..!؟ ابو سعود : انه عايش.. وليد : شلون عايش..!؟ ابو سعود : يمكن عشانها شافتة و هالشيء ما راح من بالها.. ياسر : يبه يمكن فيه ان بالموضوع.. ابو سعود : انا دفنتة بنفسي يا ياسر.. الموضوع ما فيه انات.. وليد : طيب غريبة ان خالتي تفكر فيه.. يعني دايم ما يقولون ان قلب الام دليلها..!؟ يمكن صدق حاسة فيه.. سعود بحزم : وليـــــــــــد قالك ابوي دفنة .. انتهى الموضوع.. ابو سعود : كانك صاير ابوي.. ابتسم سعود : افا العين ما تعلى على الحاجب.. بس هالموضوع بيزيدك هم ماهو مريحك.. الله يرحمة.. ابو سعود : سعود .. سكت شوي و رفع عيونة من جديد لسعود : وصيتك نهى و وعد.. انصدموا كلهم من الكلمة .. لتغرق أعين بناتة بالدموع.. الا الفراق.. الا اليتم..! سعود : بسم الله عليك يبه .. ويش هالكلام..!؟ ابو سعود : مابقى بالعمر كثر ما مضى.. خواتك لا ينضامن.. كلهم بدون استثناء .. خاصة نهى و وعد تراهن حاسات بالغربة وهم بين اخوانهم.. و يمكن لو اني ميت كان تعبن اكثر من تعبهن هالحين.. ام سعود : بعد عمر طويل يا ابو سعود.. ان شاء الله بتشوفهن عرايس و عيالهن على اكتافهن.. ابو سعود : الواحد ما يضمن عمره ولا متى يموت.. سعود قام و باس راس ابوه وجلس جنبة : تكفى طلبتك يا ابو سعود غير تأخذ اجازة.. يكفيك تعبك... انا بداوم عنك بالشركة صح اني ماني متعلم بس ماني غبي بستشيرك بس خذ اجازة تكفى.. خالد : ايه يبه كلنا بنداوم فيها ان بغيت بس لا تجهد نفسك يكفيك ما قضيتة بالشغل كل هالسنين.. جود جلست يسار ابوها وحضنتة : الا صحتك كل شيء نخاطر فيه الا انت.. بابا الله يخليك عشانا احنا نبيك.. ما عاد نبي فلوس ولا شغل ولا شيء انت اهم شيء بيع الشركة خلاص ما نبيها.. ابو سعود طوق اكتافها بيسارة : ايش فيكم.. انا بس قلت بوصيكم على خواتكم.. خليتوها سالفة.. جود : احنا نبيك انت ما نبي اخواني.. ابتسم ابو سعود : بزوجك انا عشان تعلقين بزوجك و تفكين عني.. جود : حامض على بوزة ما احد يوصل مواصيلك.. .. ارتفع جرس الباب وليد تأفف بصوت عالي : يا جعلني اصلي عليك الظهر يا غازي.. ابو سعود بحدة : استغفر ربك .. وليد : قاهرني يبه.. ابو سعود : استغفررر.. وليد : استغفر الله.. ابو سعود : لا عاد اسمعك تدعي على مسلم بالموت .. ليش ما وراه بنات يبن شوفتة.. وليد : وانا ما وراي ام تبيني يومة يكرفني.. ابو سعود : من رداك والله .. قم لشغلك اشوف.. وليد وقف : على امرك يا ابو سعود.. يمه تأمرين على شيء.. ام احمد : بالهون يا ابوي.. وليد : ان شاء الله .. مع السلامة.. : مع السلامة.. ام احمد : الله يحفظك يا ابوي و ييسر لك دربك.. ياسر : كل هالحب لوليد وانا اداوم كل يوم و اكرف مثل الحمار وما سمعت لي دعاوي.. ام احمد : كلكم عندي مثل بعض.. خالد : علينا ام احمد.. وليد ماهو غير حتى فارس ما تغلينة كثر وليد.. وهو اخر العنقود.. ابو سعود : ما لقيتوا تناقرون غير امكم.. ياسر : هههههههههههه تبينا نحول عليك.. ابو سعود : جرب وشوف.. سعود : انا بروح تأخرت على ابو شوق.. ام سعود : مين ابو شوق..؟! سعود : الفريق غازي ابو شوق.. ميار بقصد : ويش كبرها هالشوق..!؟ سعود : 18 سنة ليش..؟! ميار : والله حلوو كنها مناسبة يمه.. ام سعود ابتسمت : ايه والله مناسبة.. سعود : لا تلمحون لشيء.. ابو سعود : ليش ما تبي قرب غازي.. اللي مطير عقلك هالفترة.. سعود : ما احد يعاف قرب ابو شوق .. بس عاد اولاً ما ابي العرس ثانياً البنت صغيرة علي مره بيني وبينها 12 سنة حرام.. ام سعود : انت بس قول تم و انا بدور المدينة ادور لك اللي ترضيك تكفى يا ابوي.. سعود ابتسم : ان شاء الله قريب بقولك تم بس ادعي تخلص القضية على خير و تنحل مشكلة وعد و قتها بقولك تم.. ام سعود تهلل وجهها : اجل من الحين بدور لك.. سعود وقف : لسى يمه ما يندرى متى تنتهي القضية.. ابو سعود : قول تم.. سعود : لا يبه اصبر.. ابو سعود : قل تم.. سعود : يبه.. ابو سعود : قل تم.. سعود ابتسم : تـــم.. صرخن البنات بفرحة .. التفت لهن سعود : بس نص هالصراخ لهدرجة فرحانات.. جود : واخيراً بجرب احساس اخت العريس كلنا بنتشارك بعروستك.. سعود : لا امي و خالاتي يكفن انتن ابعدن عني عز الله ما تزوجت.. ابو سعود : ما ودك ببنت غازي..!؟ سعود : يبه صغيرة.. مسك كفة و جلس سعود : ماهي صغيرة و الفارق اللي بينكم عادي كثير ناس متزوجين و الفارق بينهم كبير.. سعود : بصراحة انا مستحي من ابو شوق .. لانه مره قالي عروستك عندي.. خالد : يالدلخ يعني حاسب عليك بس انت ماش.. سعود : صغيرة .. اتوقع يقصد وحده من بنات اخوه.. ابو سعود : مستحيل يدري ان بيني و بين عامر عداوة ما راح يزيد الطين بلة يكفي عماد و وعد.. سعود : ما ادري اخاف البنت ما تناسبني.. ام سعود : نروح لهم نشوفها .. ما فيها شيء.. سعود وقف : الحين انا مشغوول لازم اروح .. الايام جاية على طول بتحلون و تربطون.. سها : من الحماااااس.. سعود ابتسم : لا تشققن .. يالله نسلم عليكم.. : مع السلامة.. دانه : ليش ما نخطب له سهاد مره لايقة ع سعود احسها هادية ورايقة.. ام سعود : ايه والله ما تنعاب البنية.. ابو سعود : انتظروا سعود و شوفوا ويش يبي.. خالد : يا خسارة ليتني ما تزوجت من قبل كان الحين تدورون لي.. ابو سعود : ليش ما انت ناوي تزوج.. خالد : ابـــــداً جربناه مره و عفناه.. ابو سعود : لا بالله ماهو بكيفك.. والله ان تزوج و رجلك و فوق راسك.. خالد : استغفر يبه عيال و الحمدلله عندي ابراهيم و رند مكفيني.. ما ابي حرمة تحن فوق راسي نلت بهالتسع سنين حنة للعمر كله.. ام احمد : تقارن الكافرة بوحدة تعرف ربها مصلية و صايمة.. و الله ان تزوج .. يكفي انك حرمتني من فرحة عرسك الاولي.. خالد : ما يصير الا اللي يرضيك بس مو الحين لين تكبر رند .. مشعل : رفض باسلوب اخر يقالك ما تبي تزعل امي.. .. الفريق غازي جالس على مكتبة و الشباب عنده عدا عماد : استغفر الله ما يرد على جوالة.. سعود : الله يستر طيب جرب دق على احد من الحرس بالمزرعة.. الفريق غازي يدق على احد الحرس : السلام عليكم.. كيف حالك يا بدر.. بنشد عماد موجود بالمزرعة.. متى..!؟ أيـــش .. باي مستشفى..!؟ طيب انتبه انا بخلص شغلي و اجيكم.. لا لاتصحية.. ما تدري ويش فيها..!؟ اوك مو مشكلة خلاص مع السلامة.. عزام : خير ان شاء الله.. الفريق غازي ينهي الموضوع عشان ما يفجع سعود على وعد : خير ان شاء الله .. (رفع سماعة تليفونة) : حمد وليد راح تدريب السواقة.!؟ .. زين .. طيب جيب لي صلاح بغرفة التحقيقات.. وقفل الخط.. سعود بتوتر : سيدي .. قلت ان عماد بالمستشفى..! لا يكون وعد فيها شيء..؟! الفريق غازي : لا ما فيها شيء ان شاء الله لو فيها ما كان جلست.. و عماد نايم بس.. سعود : ما ادري خفت يكون فيها شيء من جبت طاري المستشفى.. الفريق غازي : لا ان شاء الله.. ما فيها.. وليد دخل : السلام عليكم.. : وعليكم السلام.. وليد : ما ابي احضر تدريب السواقة المخيس هذا جب لي مدرب غيره.. الفريق غازي : شايفني اشتغل عندك..؟ وليد : لا انا اللي اشتغل عندك و عشان اكون مخلص انت بعد لازم تكون مخلص ما يصير تجيب لي واحد خايس يعلمني كيف اسوق وانا اعرف اسوق.. الفريق غازي بحدة : وليد تأأأدب.. وليد : والله اني مؤدب بس المدرب حتى صوتة ينرفز رجاءاً انا بحضر التدريب ما قلت لا بس غير لي المدرب.. الفريق غازي : استغفر الله العظيم جايب لك احسن مدرب.. سعود : وليد بلا دلع.. الفريق غازي : بغير لك المدرب روح الحين لمكان التدريب و انا بكلم لك المدير.. حمد دخل ادى التحية العسكرية : سيدي صلاح صار بغرفة التحقيقات.. وقف غازي : حمد كلم مدير مركز تعليم السواقة و قولة يغير المدرب لوليد.. وليد مسك غازي من ذراعة : طلبتك قل تم.. الفريق غازي : مو قبل ما اعرف انت ويش تبي.. وليد : بشتغل سنة ان بغيت تحت امرك بس قل تم.. الفريق غازي : علمني بنيتك ويش هي..؟! وليد : صلاح.. ببرد حرتي فيه.. الفريق غازي : صلاح خاين للامن .. الامن هو اللي المفروض يحاسبة ماهو انت.. وليد : فيني جمرة ما انطفت .. ان تبي بشتغل كل عمري عندك بدون راتب بس وليني اياه.. الفريق غازي : شباب اسبقوني لغرفة التحقيقات.. طلعوا كلهم و بقي غازي مع وليد : ما ابيك تشتغل عندي بدون راتب.. و صلاح يا وليد الامن هو اللي بيحاسبة والا ليش فيه امن كان الدنيا سابت وكل واحد يأخذ حقة بيدة.. ادري انك مقهور على اختك و يحق لك و انا لو اني مكانك كان سويت سواتك.. بس حكم عقلك يا وليد انت ذكي بسم الله عليك.. و رجال كويس من ظهر رجال .. بس اترك التهور عنك.. وليد : انا اكلمك عن صلاح مو عن التهور.. الفريق غازي : شوف انا مستعد اخليك تعطية كم كف .. بس لازم يكون لك صلاحية.. وليد بحماس : ويش هي.. الفريق غازي : بشغلك بوظيفة رسمية.. وليد : موافق.. الفريق غازي : اعرف ويش هي .. وليد : ما عندي مانع لو قهوجي.. الفريق غازي : لااا مو قهوجي.. ضابط سري.. وليد : نعــم..؟! الفريق غازي : ابيك بس تاخذ شور ابوك و غيره ما ابي احد يدري.. يا وليد حتى اخوانك و اقرب اصحابك.. وليد : موافق.. الحين اجيب لك موافقتة.. الفريق غازي : لا تتصل عليه روح كلمه بنفسك و خله يتصل علي و يلمح لي بدون لا يقولها بصريح العبارة تحسباً لاي تنصتات او أي شيء ثاني.. و بعدها ارجع لي.. وليد بحماس : طيب .. و طلع بسرعة و سط ابتسامة غازي .. وليد و كونة ضابط سري مع شخصيتة شيء بيفيد الامن بشكل كبيـــر.. على طاولة التحقيق متحاملين عليه .. عزام : صلاح الانكار ما يفيدك.. صلاح ببرود : ما انكرت شيء.. انا ما سويت شيء.. نايف انت متهم بعدة تهم.. تهريب مخدرات .. تهديد الامن و ترويع الامنين.. تشتيت رجال الامن.. و الهروب من السجن.. عساف اضف عليها : اختطاف مواطنة مره و قبل محاولة اختطافها.. يعني مصيرك المشنقة ما فيها حكي.. دخل الفريق غازي : السلام عليكم.. : وعليكم السلام.. الفريق غازي : هاه وين وصلتوا.. راشد : تونا باول الطريق.. الفريق غازي : هاه يا صلاح ما عندنا استعداد نطول معاك.. احنا نعرف انك عضو بعصابة تهريب مخدرات و اغتيال.. اختصر علينا الطريق و على نفسك نبي معلومات عن هالعصابة و عن عملياتكم.. صلاح : ما ادري عن ايش تتكلم.. الفريق غازي : صلاااح .. ما يحتاج اقولك انك اذا تعاونت معانا ممكن تقل عقوبتك.. صلاح : ما يحتاج اقولك ان حياتي من الاشياء اللي مو اخر اهتمامي الا مو من ضمن اهتماماتي.. بس سؤال محيرني انتم ويش دراكم عن تفجير مجمع الدرة..؟! الفريق غازي : هالشيء ما يخصك ما فيه جريمة كاملة يا صلاح.. صلاح : بتشوف الجرايم الكاملة .. بام عينك.. يا غازي.. الفريق غازي : مبين انك ما تعرفني يا صلاح.. صلاح : الفريق اول غازي بن محمد بن حمدان العمر 44 سنة مولود بالرياض دخلت العسكرية بعد ما انهيت دراستك الجامعية.. اخذت دورات في علم النفس .. مجتهد بشغلك لدرجة انك اسرع واحد نال ترقيات وراء بعض ممكن تجيك ترقيتين بالسنة.. موعود بترقية جديدة عن قريب.. عندك اربع بنات شوق و عمرها 18 سنة رايحة الجامعة و تخصصت بالتاريخ.. و ريما و لينا توأم ثاني ثانوي وحده علمي و حده ادبي بمدرسة ............. .. وهمس الصغيرة بالابتدائي بنفس مدرسة خواتها بس الابتدائية.. ويش كمان .. اممم اخو التاجر عامر بن سلامة من الام.. غازي اللي كان البرود يحيطة عكس الشباب اللي عصبوا من جاب طاري البنات .. : المغزى من كل ذا .. تحسب انك تقدر تهددني ببناتي.. صلاح : لا ما يحتاج بنت ابراهيم و اخت سعود تكفينا.. جن جنون سعود وقف : اقسم بالله يا صلاح اني ماسك نفسي عنك بالقوة لا تخليني اجيب اجلك.. صلاح مبتسم : تحسب انك يوم زوجتها لعماد بن عامر انك حاميها .. عموماً نقدر نطلع مكانها وين و نرجع ناخذها منكم مثل المره اللي فاتت.. غازي : و انت تحسب انك لك طلعة من هالمكان..!؟ صلاح : ان ما طلعت فيه غير بيجيبها.. اخت سعود صارت وحده من العصابة.. عساف : تخـــــــــــــــسى.. صلاح ببرود وهو يشعل النيران بمن حولة : كيفكم.. ليش مو هي اللي بلغتكم بالتفجير اللي بمجمع الزمرد .. كانت معانا و ضميناها للعصابة .. اول مرأة سعودية تنضم لعصابتنا.. سعود اتجه له وخنقة : بقولك كلمتين حطها حلقة بأذنك و وصلها للأكبر منك و رب الكعبة ان وعد صار لها خدش بس اني لا اكون ذباحك انت و كل عصابتك... صلاح يبعد كفوفة سعود عن رقبتة ليلتقط انفاسة : كح كح .. بتشوف يا سعود.. كح اختك بيطلقها عماد .. و بتجيني برجليها.. الفريق غازي مسك سعود اللي مسك غازي من رقبتة يخنقة : سعوود.. سعود : خلني اذبحة ابي ارتاح منه.. الفريق غازي : بيموت بس مو قبل ما يعلمنا عن عصابتة.. صلاح : اذا كنت تنتظر شيء مني و بتهددني بالموت فا تبطي عظم تعرف شيء.. دخل حمد بسرعة : سيدي.. التفت له غازي : خير.. حمد بتوتر : بناتك برا.. انصدم الفريق غازي من متى بناتة يجنه المركز.. طلع بخطوات سريعة برا .. اقترب منهن .. : شوق ريما.. اتجهن له الثنتين بخوف : بـــــــــــابــــــــــــــا.. الفريق غازي بفاجعة : ايش فيكن..!؟ شوق : سيارة تلاحقنا يا بابا و يوم شفنا المركز نزلنا هنا بسرعة.. الفريق غازي يحتضنهن : خلاص يا بابا .. الحين بكلم عبدالله يجي يأخذكن.. ريما : لا بابا لا تخلينا تكفى.. وليد اللي كان بيدخل بس شاف البنتين اللي بحضن غازي تراجع .. الفريق غازي : يا بابا انا مشغول.. ريما بقهر : احنا اهم من شغلك.. الفريق غازي : بخلي عبدالله يجي و برسل معاكم حرس ما راح اخليكم.. ريما : لاااا ما راح اطلع من غيرك.. سعود : سيدي.. التفت له غازي بعد ابتعدن بناتة عنه من الاحراج : خير سعود.. سعود : لا تخلينهن بالبيت لحالهن.. لازم يكون فيه حرس.. ان تبي نوديهم بيتنا عادي ابوي ما يقول شيء.. غازي ابتسم : الله يهديك.. اللي يسمعك يقول مقطوع من شجرة.. بوديهن عند عامر.. سعود : اقصد عشان بيتنا قريب من هنا و يمديك توصلهن و ترجع على طول بعدين مره خذهن خواتي ما ينامن هالحزة بيروح الخوف لا جلسن معاهن.. غازي ناظر بناتة .. متردد .. ماهو فاضي يوصلهن لبيتة ولا بيت اخوه بعيد عن المركز.. سعود : لا تردد الحين بكلم ميار .. خرج جوالة.. و ابتعد يكلم ميار.. شوق بهمس بابا ويش اللي نروح لناس الصباح ما نعرفهم.. الفريق غازي : مو انتن لو ترضن يجيكم احد من عيال عمكم.. ما اقدر اوصلكم البيت ولا بيت عامر .. يا بابا مشغول مره ماني فاضي.. ريما : ايه دايم شغلك اهم مننا.. الفريق غازي : يا بابا هذا امن ارواح ناس مو لعبة انا مسؤول عنها امام ربي.. ريما : و احنا بعد مسؤول عننا مو كل وقتك للشغل.. الفريق غازي : ريما مو وقت هالحكي تدرين انكن غاليات عندي و لو تطلبن الباقي من عمري ما غلى عليكن.. لا تحطيني بموقف يا بابا.. ريما : دايم نفس الكلام .. ماهو شيء جديد.. الفريق غازي : ريوووم.. سعود : سيدي.. خواتي ينتظرونهن.. الفريق غازي : يالله.. بنروح مع وليد.. شوق : بابا لا الله يخليك صعبة مره.. الفريق غازي : ابراهيم زي عمكم عامر عادي يا بابا.. دخل سعود غرفة التحقيقات بعد ما طلع غازي مع بناتة.. عساف يهمس لسعود : لا يكون صاير شيء للبنات..؟! سعود : لا ان شاء الله بيوديهن بيتنا.. لين نخلص تحقيق و نشوف.. عساف : غريبة ما توقعت عماد ما يجي التحقيق.. سعود : حتى انا مستغرب عاد هو اكثر واحد مشتط.. راشد : شكلنا بننام هنا الليلة.. نايف وقف جنب سعود و عساف : اقولكم ما وصلوا لشيء بخصوص اللي قدم اخر بلاغ..؟! سعود : الا واحد مكلم من جوال و راميه بالزبالة الله يكرمك.. نايف : كان شيء متوقع منهم .. طيب راميه باي شارع..؟! سعود : بمجمع الـ ـ ـ ـ ـ ـ.. نايف باستغراب : من جدك..؟! سعود : هذا كلام الفريق غازي.. نايف : اكيد واحد منهم اللي مبلغ .. الله يستر لا يكون وراء هالحركة رسالة.. عساف : تقصد ان المجمع فيه شيء..؟! نايف : ايه.. عساف : لا ما فيه الفريق غازي ارسل فرق تفتيش للمجمع ما فيه شيء.. نايف : الحمدلله.. .. جالسات بتوتر و احراج.. جود : ترى مو حلوة الرسمية ابداً .. تحسسني اني مكلبشة مره .. ما اتوقع ان انتن هاذي طبيعتكن.. سها : حاسبي ترى يجي سعود ينقفك بنات الفريق غازي عيب.. جود : لا مو كذا (تقلد صوت سعود) انتن ما تستحن فشلتنا قدام الفريق غازي وبناتة .. هههههههههههههههههههههه .. ميار : صدق احنا ما عرفنا اساميكم.. يعني عشان نناديكم على الاقل .. شوق : انا شوق و هاذي اختي ريما.. البنات ابتسمن من الاسم .. سعود و شوق.. جاتهم على طبق من ذهب شوفة اللي احتمال تكون مرت اخوهم المستقبلية .. دانه : ياهلا فيكم والله حياكم.. ريما : ان زين ما انتم معرفينا على اساميكم..؟! دانه : انا دانه .. وخواتي جود و سها و ميار.. شوق : تشررفنا.. انتم خوات وعد مرت عماد.. جود : ايه خوات وعودتي حبيبتي .. الا انتم تعرفونها.. ريما : لا ما شافناها حتى كل ما قلنا لبابا بنشوف حرم عماد يقول مو الحين مو وقتة اصبرن.. شكلها بتخلف واحنا حتى ما نعرفها.. تقلبت المواجع عند خواتها يتخلنها صدق تحمل وهن حتى المباركة ما يباركون لها.. دانه : الله يكون بالعون.. شوق : هي تشبة لاحد فيكم .. احنا شفنا نهى البارح عند عمي عامر بس عهود تقول ما تشبة لها..؟! ميار : تشبة بابا.. ريما : ان زين ما عندكم صورة لابوكم نشوفه..؟! جود : ليش متحمسات تشوفونها..؟! ريما : عشانها حرم عماد الدب.. دانه : ليش ويش فيه عماد..؟! ريما : بس عصبي و قوي و نفسة خايسة.. شوق : ريما عيـــب.. ريما : وانا صادقة تخيلوا مره بغى يذبحني ليش عشان رجعت من المدرسة من زميلتي.. سها : عااااار على العررررب زين اللي ما ذبحك.. ريما : والله اللي فكني عمي عامر والا كان مصلين علي من زمان.. ميار : و ابوك وينه..؟ ريما : وقتها كنا ننام عند عمي عامر لانه بابا كان مسافر و ما يبي يخلينا بالبيت لحالنا يخاف علينا .. دانه : و امك وينها..؟! ريما : ماما كانت مسافرة مع بابا هي و اختي همس .. بس احنا عشان الدراسة بابا رفض يأخذنا.. ميار : عن اذنكم شوي.. ريما : لا يكون بتجيبين شيء ترانا صايمات.. ميار : هههههههههههه لا تخافين ماني جايبة شيء.. طلعت ميار فوق.. جود : انتِ كم عمرك..؟! ريما : 17 سنة.. جود : يعني ثاني ثانوي.. ريما : لا ثالث .. بابا مقدمنا سنة .. الله يهديه مشقينا بدري.. سها : ههههههههههه والله من جد مشقيكم من صغركم.. شوق : حرام عليك بابا يبي مصلحتنا.. ريما : ايه صح يبي مصلحتنا حبيبة ابوها ما ترضى عليه بكلمة.. شوق : ريما الا بابا.. ريما : اوكيشين .. خلاص اسفين غلطنا على حبيبك.. دانه : عادي شوق عندنا وعندكم خير خواتي بعد نفس الشيء لو بابا يسوي كل شيء يبنه الا ما يطلعن شيء من تحت الارض.. جود تحط يديها على راسها بتمثيل : يا مكبرها يا معبرها .. احنا نسوي كذا .. استغفر الله بس الظليمة شينة ياربي ترا كانت بنيتي اني اصوم.. ريما : ههههههههههههههههه حلوه كانت بنيتي اصوم حبيتها مره.. جود : ايه والله كان بنيتي اصوم بس ربي ما كتب.. ريما : حتى انا مثلك.. جود : توك تقولين لميار انك صايمة.. ريما : استظرف ههههههههههههههه.. جود : يالله نفطر انا و انتِ.. ريما : ما عندي مانع ابداً.. شوق : ويش اللي ما عندك مانع عيب لو احد يدخل امهم مثلاً عيب استحي.. ريما : عادي .. بعدين امكم مو نايمة..؟! سها : انا امي نايمة و تطمني حتى لو شافتكم ما راح تقول شيء.. جود : وانا امي نايمة و قبل ما تنام قالت لي كلي لا تخلين بخاطرك شيء ههههههههههههه.. ريما : الله حبيت امك.. انا امي تهاوشني تقول استحي ما يصير اللي تسوينة بس بابا يقول عادي خليها على راحتها.. دانه : تاكلين عند ابوك..؟! ريما : ايه مره هو وكلني عادي.. بس هو يعرف يعني.. لاني احيان ما اجلس على السحور و امي تهاوش ليش عيب و ما يصير و ما ادري ايش و انا اشوف انه عادي لا جعت اكلت لكن التعقيد ما ادري ليش.. سها : من جدك تاكلين قدام ابوك ما تستحين.. ريما : ليش استحي يعني ما يدري عادي.. شوق : لا تشرهون عليها الحيا ممحي من قاموسها.. ريما : والله عادي هاذي فطرة المرأة ويش اسوي انتحر يعني..؟! دانه : بس مره احراج ان ابوك يدري.. جود : عادي ريوم خذي راحتك دام ابوك فرري ولا همه ويش فيها.. ريما : انا حبيتك خلاص بصير صديقتك.. جود : ميت على صداقتك يا شيخة .. بس تعالي نروح المطبخ ندور لنا أكل.. ميار واقفة مع امها برا : يالله يمه تكفين.. ام سعود : يمكن البنات يستحن.. ميار : ما ودك تشوفين مرت سعود.. ام سعود : حطيتيها مرتة .. اصبري بالهون هدي اللعب.. ميار : يمه متحمسة حيل والله .. ودي تشوفينها بسم الله عليها البنت تجنن يمه تكفين لا تطوفينها على سعود.. ام سعود : خلاص اهدي الحين تنحرج البنت.. دخلن الغرفة اللي جالسات فيها البنات تحت : السلام عليكم.. وقفت شوق باحراج : وعليكم السلام .. سلمت على ام سعود وباست راسها ويدها.. ام سعود : الله يرضى عليك يا بنيتي.. شوق : الله يطول بعمرك يا خالة.. ام سعود : حياكم الله نورتونا.. شوق : والله كان ودنا نزوركم بوقت ازين بس اللي صار خلى بابا يجيبنا هنا لين يخلص شغلة.. ام سعود : حياكم الله يا امي باي وقت.. ميار : هاذي امي.. شوق : الله يحفظها و يطول عمرها بطاعة الرحمن.. : آميــــــــــن.. ميار : وين راحن جود و ريما..!؟ سها : المطبخ.. ميار : من جدهن..!؟ سها : ايه مفطرات ويش عليهن.. ميار : من جد ويش عليهن.. ام سعود : تخرجتي من الثانوي أي امي..؟! شوق باحراج : ايه يا خالة دخلت بالجامعة الله يعين.. ميار : ويش تخصصتي..!؟ شوق : تاريخ.. دانه : غريبة ليش تاريخ..؟! شوق : مره احب التاريخ و بابا شجعني رغم ان ماما تبيني ادخل انقليزي.. ام سعود : اهم شيء يا يمه تكونين مرتاحة فيه و تجيبين الشهادة العالية.. شوق : ان شاء الله دعواتك يا خالة.. ام سعود : الله يوفقك.. .. لم أعد أشعر بإنتمائي لهذا العالم .. لـ وحشتك "ناصر العنزي" مصدوم من نفسة نايم من الصباح للحين يا دوب صحى و صلى و رمى نفسة من جديد على الكنبة .. اتجهت نظراتة لها ما زالت نايمة ما فيه شيء يدل انها صحت ابداً انفاسها ساكنة يديها اليمين على صدرها و يستقر عليها المغذي و اليسار ممدة بجانب جسدها و وجهها شاحب جدا حتى شفايفها خالية من اللون .. كأنها تنتمي لعالم الأموات ولا تمد لألوان الحياة بصلة.. قرب لها و جسمة مكسر وهمس بصوت واطي : وعــد.. وعـــد.. ما ردت .. اتجه للباب و فتحة : بدر فيه احد جاء..!؟ او شكيت باحد..؟! بدر : لا سيدي.. بس اتصل الفريق غازي يسأل عنك.. عماد : طيب روح ناد الدكتورة.. بدر : حاضر .. واتجه بخطوات على الممر الطويل.. اما عماد ناظر بباقي الحرس : لا احد يتحرك من مكانة.. : حاضر.. عاد الى سريرها .. نظراتة تتأملها .. جسدها صغير بالنسبة لامراة .. من يراها بدون ان يعرف معلومات عنها يستبعد انها متخرجة من الجامعة.. جلس امسك بكفها اليسار بين يدية .. اصابع يديها طويلة وناعمة.. يشعر بان يديه تجرح يديها.. لكنه لم يفلتها .. احساس بالذنب يختلج ثناياه منذ ان استيقظ .. جرحها جداً هو يعلم ان والدها لم يتخلى عنها لكنه استمتع بتعذيبها .. و كأنه يرد لها صاع كل ما تفعلة او هي لم تفعل ولكنه ينتقم منها لانهم زوجوه اياها.. اتجهت نظراتة لوجهها .. بالرغم من انها نائمة بهدوء بعيداً عن صخب الحياة.. و الشحوب و التعب يملى تفاصيلها الا ان جمالها هو المنتصر بارز جداً حتى مع تعبها .. فجأة خطرت ببالة فكرة ان تكون بينهم طفلة تأخذ نصف ملامح امها و النصف الأخر من ابيها .. طفلة لها عيني عماد الكحيلة و رموش وعد الطويلة .. تأخذ انف عماد و شفاة وعد.. و بشرتها ايضاً تكون بين ابيها و امها .. يجزم بأنها ستكون اجمل بنات جيلها ان لم تكن اجمل بنات حواء جميعاً.. دخول الدكتورة هو من اوقظة من سرحانة .. : السلام عليكم... عماد : وعليكم السلام.. الدكتورة اقتربت من وعد لتكشف عليها .. بعد مرور بعض من الوقت .. حكى عماد بهدوء : ليش ما صحت للحين من الصبح نايمة.. الدكتورة : زوجتك تعبانة نفسيتها .. منهارة .. و ان شاء الله تصحى .. احنا وقفنا عنها المهدئ.. عماد : ولو ما صحت..!؟ الدكتورة : ما فيه شيء يمنعها انها ما تصحى صحيح ان عندها سوء تغذية حاد جداً .. لكن ما عندها مشاكل عضوية .. اللي فيها انهيار عصبي جراء مشكلة او موقف مرت فيه.. عماد : بس يا دكتور وعد من فترة مو طويلة جاها انهيار عصبي من قبل.. يعني الموضوع مو بعيد ممكن من اسبوعين..؟! الدكتورة : الله يستر .. اتمنى لها الشفاء.. عماد : دكتورة .. مو المفروض تكون صحت من قبل يعني المهدئ تأثيرة مو طويل..؟! الدكتورة : صحيح المفروض صحت من الظهر .. يعني بالكثير 12 .. عماد : يعني لها خمس ساعات ما صحت..!؟ لازم تسوين لها تحاليل.. الدكتورة : ياخي انا اعرف شغلي .. احنا سوينا لها تحاليل ما عندها أي مشكلة.. لكن احتمال و هالشيء مو اكيد ان زوجتك رافضة واقعها.. عماد : يعني ايش..!؟ الدكتورة : يعني راح تضل نايمة عشان ما تبي تعيش الواقع.. انصدم عماد .. معقولة كلمتة كان لها هالوقع الكبير بنفسها .. ترفض واقعها ليش هي ما تعرف غلاتها عند ابوها عشان تصدق اللي ينقال لها .. ما تعرف خوانها ويش سوو عشانها .. تنام و تبعد عن كل شيء.. ان لم يشعروا بها هم .. بعد ما تخلت والدتها .. والدها .. اخوانها .. و يريدون منها ان تعاني وحيدة و حبيسة عن كل شيء فالله ارحم بها منهم.. .. ام ناصر : طيب وينه ليش مقفل جوالة..؟! غازي : اللي باط كبدي انه رايح مستشفى ثاني وماخذ معاه الحرس وكلهم مقفلين جوالاتهم.. عامر : والله لو يدري ابراهيم لا يذبحة.. غازي : بيطلع ما راح يختفي فجأة عنده قضية ولازم يكون فيها ما راح يطول وهو مختفي.. ام ناصر : قلبي مأكلني عليه والله ماني مطمنة هو كل ما شاف انهار يتعب.. و الحين شافها بعد ما تزوج وبعد تبي الطلاق.. عذبت قلب ولدي.. ام يوسف : انهار راحت بحال سبيلها و عماد نساها من وقتها.. ام ناصر : ما نساها و الله ما نساها اعرف ولدي.. ما انسى ليلة عرسها .. نسيتوا ويش صار فيه..؟ ام عامر : اركدي يا ام ناصر ولدك رجال ما تهزه مره.. ام ناصر : يا عمة يحب انهار و الله يبيها.. انا ابيه يتزوج و ينسى انهار .. لكنه شافها من كم يوم و من بعدها ما شفتة يا عمه.. غازي : ياخيتي استهدي بالله عماد ماهو خبل.. و الله ان وعد بنت زينة و بتنسية انهار و اذكرك فيها.. ام ناصر : يا اخوي ماني معترضة على البنية.. ما اعرف عنها شيء.. لكنها محجوزة و عماد تزوج و حتى عرسة ما فرحنا فيه.. و هو للحين بقلبة مره.. غازي : لا تخافين عليه بطلع من تحت الأرض انتِ بس اهدي و روقي.. دام وعد تعبانة وما رجعها للمستشفى يعني موديها مستشفى ثاني و انا بوصي رجالي يفترون يدورونه بكل المستشفيات.. .. ام سعود : ويش تنتظر يا ابوي البنية ويش زينها.. سعود : يمه اصبري الله يهديك مو وقت خطبة الحين.. ابو سعود : امك خايفة لا البنت تطير عليك.. سعود : ان كانت من نصيبي ماهيب طايرة ان شاء الله.. احمد : تصدق مستغرب ويش اللي مغير رايك ومخليك بتتزوج..؟! سعود : تصدق حتى انا و شكلي ابتلشت على طول تحمسوا.. ام سعود : ابتلشت هذا جزاتي اللي بفرح فيك.. سعود : افاا حنون زعلت .. لا ما نقدر بتفرحين ان شاء الله انت بس ادعي الله ييسرها من عنده.. ام سعود : طيب بس نخطبها .. و الشغل الباقي بعدين.. ابو سعود : ارض امك يا سعود.. سعود : والله ما قلت لا يبه بس انتم اصبروا الله يخليكم.. شوي بس.. ميار : قلنا لك بس خطبة سعود لا تسويها سالفة.. و الله البنت لؤؤطة.. سعود : استغفر الله العظيم ويش بلاكم اشتطيتوا فجأة اصبروا لين اخلص قضيتي.. دانه : لو بنخلص قضاياك ما اعرست تكفى سعود خلنا نفرح.. سعود : حتى دوين حكت.. اصبروااا الله يخليكم لي اصبروا.. ابو سعود : انت ويش فيك ويش اللي مرددك..؟! سعود : اولاً حبس وعد ما ودي تكون بعيدة.. ثانياً البنت احسها صغيرة علي مره.. ابو سعود : ما راح تسوي العرس قبل لا وعد ينحل حجزها .. لكن السالفة خطبة عشان البنت تكون لك.. و اذا على العمر اهم شيء تفكيرها ويش هو .. يمكن تاخذ وحده بعمرك و عقلها صغير.. سعود : خلوني استخير و حزتها يصير خير.. جود : المهم هم عزمونا بابا مو تقول لااا ترى احنا قلنا اكيد بابا ما يرفض دامه يعرف ابوكم.. ابو سعود : قرارات من عندك ما شاء الله من غير رايي.. جود : عادي رايحين لمرت اخونا.. سعود : هيه انتِ لا احد يسمعك و تفضحينا.. ما صار شيء للحين.. ام احمد : احمد يا ابوي دق على وليد شوفة وينه.. سعود : ماله داعي قالي بيفطر مع الفريق غازي بالمكتب.. ام احمد : لا يكون يشد عليه.. سعود : والله اللي ملاحظة من ثلاث ايام انه هين معاه و حتى وليد هادي مره شكلهم وصلوا لنقطة اتفاق.. احمد : معقولة بهالسرعة.. ابو سعود : لا تشيلون همه دامه مع غازي ما عليه خوف ان شاء الله.. سعود : ان شاء الله.. رغم اين شاك بشيء الله يستر.. ابو سعود : بايش شاك..!؟ سعود : ان وليد متوظف عندنا.. ابو سعود : متوظف..!؟ سعود : ايه يبه .. متوظف.. ابو سعود : ليش مو غازي مشغلة عنده هالفترة كا عقاب.. سعود : بس هدوئهم الغريب فجأة و لهم ثلاث ايام و هم مع بعض و يجلسون لوحدهم صار يجلس مع وليد اكثر مننا.. ابو سعود : لا توسوس.. مسكت مكان خالتك.. ام احمد : تكفى يا سعود كلمة ما ابيه يشتغل بالعسكرية ابيه يكمل دراستة.. سعود : خالتي من جدك وليد ما تليق له العسكرية هذا با اربع كفوف و بوكسين يتشحط على الأرض.. احمد : ههههههههههه من جد وليد نحيف يبي له عضلات تنبنى بشهور.. .. |
رد: لو سألتي الورد وهو ما بين إيدك أقطعك بيقول لك عمري فداك الكاتبة / ضحكة قهر
.. وليد : الحين فهمت.. الفريق غازي : ما بغى ذا التنك يفتح.. وليد ابتسم : ويش اسوي القضية معقدة.. ما عمري سمعت قضايا فجأة تعلمني بقضية بهالحجم.. الفريق غازي : اهم شيء يا وليد السرية.. ما ابي ابن امه يدري انك متوظف هنا.. وليد : ارقد و امن.. الفريق غازي : اهم شيء تتفهم ليش اختك محجوزة.. وليد : طيب بما ان عزام قطع علاقتة بالعصابة يعني معرفتها بان عزام جاسوس ما يقدم ولا يأخر الحين.. الفريق غازي : امبلى .. ممكن حياة عزام تكون بخطر.. عموماً انا راسلت المسؤولين بخصوص الافراج و انتظر الرد.. وليد : تهقى يفكون اسرها.. الفريق غازي : نقول ان شاء الله.. وليد : مبين انك مو متفائل بس عشان تسكتني.. الفريق غازي ابتسم : فاهم غلط.. بس احيان لازم الواحد يحتاط من كل شيء .. لذلك بصراحة انا مستبعد سالفة الافراج ممكن يسمحون لها بزيارات قدام الأمن لكن افراج لاا.. وليد : اففففف .. ياليتني ما عرفت القضية عشان اسوي اللي ابي.. الفريق غازي : لا احسن عشان تتفهم الوضع وليش وعد انحجزت.. وليد : الحين ما تبي احد يعرف غير ابوي اني اشتغل امي طيب..!؟ الفريق غازي : لااا ابوك يكفي.. وليد : طيب.. رغم اني ما احب اسوي شيء من وراها.. الفريق غازي : ايه صح بدليل التدخين.. ابتسم وليد : ويش دراك اني ادخن.. الفريق غازي : اول شيء قولي ابوك شلون ما درى عنك للحين.. وليد : تصدق ما ادري انا مصدوم للحين ابوي العادة يعرف كل شيء عننا.. الفريق غازي : تتوقع ان يدري و ساكت عنك.. وليد : ممكن ليش لا.. الفريق غازي : بيضرك ما يفيدك يا وليد.. وليد : ادري.. الحين علمني شلون دريت ..؟! الفريق غازي : مره شفتك عند محطة تدخن.. وليد سكت .. اما غازي تقدم بجلستة : لا تنسى تدريبك بعد التراويح.. وليد : ماني ناسي.. بس احس ان شكلي بيطلع غبي لو طلعت لي عضلات.. الفريق غازي : ابي يكون عندك لياقة و قوة.. معاك سلاحك..؟! وليد : ايه.. الفريق غازي : هو الشيء اللي ممكن اهلك يشوفونه و يدرون.. دبر لك طريقة.. و بنفس الوقت ما تتركة يا وليد.. وليد : حاضر بشوف لي صرفة.. لو عندي سيارة كان خليته بسيارتي.. الفريق غازي : جيب لي الرخصة و سوق عدل و سيارتك علي.. ابتسم وليد : ابو سعود ما يقصر.. الفريق غازي : ترد هديتي..!؟ وليد : لاا.. بس تهديني سيارة كبيرة.. الفريق غازي : جيب لي الرخصة و نروح انا و انت و تنقي السيارة اللي تبيها.. وليد : كيفك انت اللي بتخسر نفسك.. الفريق غازي : ما عليك فيني انت بس جيب لي الرخصة.. عشان اتطمن ان سواقتك عدلة.. ولا يمكن تسرع ترى الخطأ اللي يرتكبة المواطن و العسكري وحتى ان كان نفس الشيء العسكري عقابة اشد.. وليد يلوي فمة : فهمت صار لك ثلاث ايام تعيد لي نفس التحذيرات.. الفريق غازي : عشان تكون على علم بكل شيء.. وليد : اهم شيء كم راتبي..؟! الفريق غازي ابتسم : تو الناس ع الراتب.. انتظر لنهاية الشهر و شوف كم.. وليد : وليش ما تعلمني انت..!؟ الفريق غازي : لا ابيك انت تعرف بنفسك.. (ارتفعت نظراتة للباب بعد عدة طرقات عليه) : تفضل.. دخل حمد بخطوات ثابتة بعد ما ادى التحية العسكرية باول خطواتة : سيدي العميد عماد برا.. الفريق غازي : اخيراً ما بغى يشرف .. دخلة.. حمد : حاضر سيدي.. وخرج بخطواتة الثابتة كما دخل.. وليد وقف : انا استأذن.. بروح لاميمتي.. الفريق غازي : انتظر بقي توصلني والا نسيت العقاب.. وليد : لا ما نسيت بس ولد اخوك يوصلك.. عماد من وراء وليد : السلام عليكم.. : وعليكم السلام.. كان تعبان مستنزف كل ما به يحكي التعب و الألم و كأن عماد يريد ان يصبح كا وعد النائمة.. يريد ان يبتعد لا يشعر بوجعة المتأصل بعروقة يسكن بين شريانة و الوريد خيانة انهار و تخليها عنه جرحتة لأبعد مدى .. رجل يعطي كل ما يملك لأمرأة هي تشعر بانها ملكة سلطنتة.. و لكنها تتخلى عن سلطنة ملكها .. اقسم منذ سنوات ان يهب لها كل ما لديه وما ليس لديه فقط لكي لا يبقى بخاطرها شيء هي تريده لو كان الثمن عمره هو.. وقف غازي بفاجعة اتجه له : عمــاد و يش فيك.. عماد : تعبان.. الفريق غازي : وين كنت..!؟ عماد بتعب : بالمستشفى.. الفريق : ابوك قالب الدنيا عليك وامك ماكلها قلبها.. تختفي من غير لا تعلم احد ليش بزر ما تعرف ان وراك احد.. عماد : عمي ما جيتك عشان تعاتبني.. الفريق غازي سحبه : تعال اجلس.. وليد اعطيني مويا.. وليد سحب العلبة على الطاولة الصغيرة موجودة من فطورهم هو وغازي مع بعض : تفضل.. اخذ غازي العلبة و فتحها لعماد : عماد ويش فيك..!؟ ايش صاير لك.. عماد : وعد تعبانة.. هنا تفتحت اذان وليد بقوة .. : ايش فيها..!؟ عماد : نايمة.. الفريق غازي : نايمة والا تعبانة..؟! عماد : نومها من تعب.. ما تبي تعيش بالحياة.. ماهي راضية تصحى حاولت فيها ولا رضت تسمعني ياعمي.. الفريق غازي : انت ويش قاعد تقول..؟! عماد : صار لها ثلاث ايام ما صحت .. نايمة من غير منوم ولا مهدئ.. وليد بحدة :صدقني لو انت وراء تعبها لوكلك التبن.. وينها باي مستشفى..؟ الفريق غازي : اهدأ وليد كلنا بنروح لها.. وقف عماد و وقف معاه غازي.. .. انهار : خالي ما ابيه.. عامر : انتِ ويش بلاك فقدتي عقلك مثل خالتك كلكن طالبات الطلاق.. انهار : ماني سعيدة معاه كارهتة.. عبدالله : و الزواج لعبة عندك ليش وافقتي عليه يومك ما تبينه.. انهار : وافقت و قضينا.. عبدالله : صار عندك طفلين يا انهار.. انهار : عيالي مو ضايعين.. ام عامر : انتن ويش صاير لكن تبوني تذبحوني حرام عليكن.. رفعتن ضغطي انتِ و خالتك.. ما انتن وجه زيجة والله.. انهار : يمه اكرههه اكرههه .. ام عامر : ويش تبين بوه تحبينة ماهوب لازم بس عشان عيالك اللي بيشيلونك لا كبرتي.. انهار : و الله مانيب ملزومة اعكر على نفسي عشان عيالي.. بيجلسون عندي و ان بغوا ابوهم عادي.. ام عامر : انا غاسلة يدي منك انتِ و خالتك.. مريم : يمه ويش بلاك ما احنا اول حريم يتطلقن عادي.. ام عامر : الناس بتأكل وجيههنا انتن ما تستحن على وجيهكن.. مريم : الا نستحي .. و الناس ماهي عايشة معانا نفس العيشة انا ما ابي طلال.. ام عامر : عزة الله عين و ما صلت على النبي.. عامر : اللهم صلي وسلم على نبينا محمد.. مريم يا خيه بناتك ما عادن صغار البنات يحتاجن امهن يكفيك نهى و وعد بعاد عنك لا تبعدين رؤى و رنيم عنك ريان نقول رجال لكن البنيات يا مريم.. مريم : بناتي مصرات يكملن دراستهن برا و انا ما عندي استعداد اعيش برا السعودية.. عبدالله : هذا ما يعني انك تطلبين الطلاق يا عمه.. عادي بيجلس ابوهن معهن ولا قضن دراسة رجعوا كلهم.. مريم : ما ابي ابقى على ذمة طلال.. ام عامر : ضيعية من يديك.. و اندبي حظك من بعدها.. مريم : انا ماني متأخذة القرار من فراغ ما ابي طلال ومن حقي اتطلق ما سويت شيء حرام.. مثل ما ربي شرع الزواج شرع الطلاق.. ام عامر : ايه انتِ اللي مقوية عزوم بنية اختك و مخليتها تطلب الطلاق.. انهار : خالتي مالها دخل انا ابي الطلاق ما ابيه يمه ليش ما تتفهمون.. عامر : ويش ذا الكره اللي طب عليكن الثنتين فجأة..؟! انهار : خالي ويش فيك كاره جلستي عندك..؟! عامر : تدرين ان عيوني اوسع لك من بيتي انتِ الداخلة و احنا الطالعين بس يا خالي انتِ حسبة بنتٍي ماني شايف غلطك وساكت عليه.. انهار : خالي الله يخليك انا ما ابيه تكفى لا تحسسني اني ثقيلة عليك.. ناصر يهمس لعبدالله : تعرف تلعب بقلب ابوي.. تبي تعيش قدام عماد.. عبدالله : لا تخاف عماد ما راح يلتفت عليها هي اللي صدتة و من صد عنه ما يرجع له عماد لو على موتة.. ناصر : ياخي عماد حبها من كل قلبة يا خوفي انه ما كرهها و يرجع لها لا تطلقت.. خصوصاً ان كانت بتستقر عندنا مثل زمان.. عبدالله : الله لا يقولة.. ان شاء الله ربي يصلح حال عماد مع بنت ابراهيم و ينسى بنت عمتك هاذي اللي ما تستاهل مواطي رجلية.. .. وليد يهمس عند اذنها : وعــــد وعـــد تكفين ياخية قومي.. الفريق غازي : غريب وضعها..؟! الدكتورة : مش غريب ولا شيء البنت رافضة حياتها و من الواضح مارة بصدمة في الفترة الأخيرة او بضغوط نفسية شديدة خلتها ترفض حياتها.. وتفضل انها تستسلم و تنام.. عماد : والحل يا عمي شلون نصحيها..؟! الفريق غازي : شايفني دكتور.. عماد : ابيها تصحى الحين.. يكفيها ما نامت.. وليد : كلموا ابوي يجي.. الفريق غازي : اخاف ابوك يضيق و يتعب زيادة.. وليد : طيب ويش الحل لازم تصحى.. الدكتورة : خلوكم قريب منها دايم وكلموها يمكن تستعيد الحياة قريب.. لا تحس انها لحالها عشان هالشيء ما راح يساعد لانها ترجع للواقع.. الفريق غازي جلس : انت متهاوش معاها..؟! سكت عماد شوي : تقدر تقول.. وليد بحدة : يعني انت السبب.. عماد : لا ماهو انا السبب الرئيسي اختك خبلة.. ببالها ابوها متخلي عنها وهذا الشيء اللي هي مصدقتة.. وليد : بس انا قايل لها ابوك هو السبب بزواجها منك.. عماد : ادري.. بس اختك ماهي متحملة يمكن لانها ما شافت ابوك.. و هالشيء مخليها على طريف.. و نفسيتها كانت دمار و اعتقد انت شفتها من قبل كيف كانت.. وليد : ايه كانت تعبانة بس مو هالكثر شوف وجهها كيف ما فيه حياة.. الفريق غازي : وليد دق على سعود وقلة يجيب ابوك وخواتك كلهم.. عماد : ليش..؟! يكفي ابوها..!؟ الفريق غازي : ابيها تحس انهم كلهم حواليها.. انا بكلم المسؤولين الحين و اشوف ويش يطلع معاي.. عماد : من جدك يا عمي .. و اذا ما رضوا.. و بعدين البنات بيتعلقن باختهن.. الفريق غازي : انا اتحمل المسؤولية.. عماد صلب فجأة لما سمع صوت جوالة اللي مخصصة للعصابة ناظر غازي بعدها طلع الجوال : جلال.. الفريق غازي وقف : رد.. رد عماد بهدوء : الوو.. وعليكم السلام.. بخير الحمدلله انت شخبارك.. متى..!؟بكره..! طيب ما فيه مشكلة.. ان شاء الله.. والله بس تعبان شوي.. لا يا شيخ.. سخونة شيء يهد الحيل.. باذن الله و المكان..؟! خلاص على الموعد ان شاء الله .. سلامتك.. مع السلامة.. وقفل الخط.. الفريق غازي : ويش..؟! عماد : بكره اجتماع يعني العملية قربت.. الفريق غازي : وليد بسرعة كلم ابوك يجي عشان بنروح المركز.. عماد انتبه انه تكلم عن القضية و وليد موجود بس طنش التعب ماخذ كل حيلة .. و وعد شالة تفكيرة.. .. سعود : من جدك..؟ وليد : ايه الحين كلم ابوي عشان يروح معنا.. سعود : مين قايلك..؟ وليد : انا جاي من عندها الفريق غازي قال اكلمك بس انا قلت بجي ازين.. سعود : استغفر لله وكيف حالتها..؟! وليد : ما ادري يا اخوي للحظة شكيت انها عايشة لو اني مو شايف جهاز القلب لا اقول انها مودعة.. سعود بفاجعة : بسم الله عليها بعد عمر طويل.. الحين المشكلة ابوي شلون نبلغة.. وليد : انت الكبير انت اللي بتكلمة.. سعود دف الباب ودخل و وراه وليد : دايم انا بوجه المدفع ماكلها.. وليد : ما احد قالك صير الكبير.. : السلام عليكم.. : وعليكم السلام.. ام احمد : ياهلا يا ابوي تبي احط لك فطور.. وليد : لا يمه افطرت.. سعود جلس جنب ابوه بتوتر.. اما وليد بقى واقف ينتظر سعود يحكي.. ابو سعود : ويش فيكم كن وراكم شيء.. سعود : نبيك بمشوار يبه.. ابو سعود : مشوار وين..؟! سعود : قريب يبه.. ابو سعود : سعود ماني اصغر عيالك قول ويش عندك..؟! وليد : يبه وعد تعبانة و نبيك تشوفها.. ابو سعود وقف : ويش فيها..؟! وليد : شوفها ازين.. سحب شماغة و عقالة اللي كانت منسوفة على ظهر الكنب .. نهى : ويش فيها.. سعود : لا عرفنا ويش فيها جينا علمناك انتِ اقعدي.. نهى : تعلقت بابوها تكفى بابا خذني معاك الله يخليك.. سعود : لااا المستشفى كله رجاجيل و الحرس حتى على باب غرفتها.. ابو سعود : البسي عبايتك.. اتجهت نهى بسرعة لغرفتها تجيب عبايتها .. اما سعود ناظر ابوه : يبه ما يصير.. وليد : الفريق غازي قال جيب ابوك و خواتك.. سعود : و انا ما ابيهن يروحن .. ما فيه حرس على غرفتها..؟! عماد ماهو فيه..!؟ وليد : الا عماد فيه و فيه حرس بس عادي هن بيروحن بعبايتهن.. ماهن مفسخات.. سعود انت بس تبي تكسر كلامي.. وليد : لا اكسر كلامك ولا شيء .. بس خلهن يشوفنها .. يمكن وعد ترتاح.. احمد : انت تدري ويش فيها..؟! وليد : نايمة.. احمد : يعني يوم جيتها كانت نايمة.. وليد : لا مرضها النوم.. ياسر : كيف يعني.. وليد : تفهمون من الدكتورة ازين.. جود : بابا حتى احنا بنروح.. سعود : جود لا تعاندين اذا الوقت مناسب برجع اخذكن بس اصبري شوي.. جود : بس ابي اشوفها يا سعود.. نهى : انا جاهزة.. سعود : نهى اجلسي و انا برجع لك اذا الوضع مناسب.. نهى : لا ابي اشوفها.. .. الفريق غازي : صاحي انت متهاوش معاها ارتحت الحين يوم وصلت لهالحالة..؟! عماد تكفى يا عمي اقسم بالله شايل على نفسي.. حطيت حرتي فيها اعرف اني غلطا بس خلاص هذا اللي صار.. الفريق غازي : هذا اللي صار و هي ويش ذنبها تحمل عصبيتك و نفسيتك الزفت.. تقوم تقولها ابوك تخلى عنك.. انت تدري قد ايش غالية عندهم تروح تقسى عليها بكلامك.. عماد بنفاذ صبر : ادري اني غلطان والله ادري .. بس خلاص ما جيتك عشان تلومني.. لايم نفسي وقاضي.. الفريق غازي : ان كنت ما تدري ترى ابراهيم مهدد ابوك لو تجيه بنته و تشيكك له بيكون ذباحك.. عماد يمسح وجهه ما عاد فيه طاقة يتحمل صار له ثلاث ايام مهمتة الوحيدة يراقبها ينتظر لو تغيير في وتيرة تنفسها وده لو تاخذ نفس زيادة .. حكى لها اشياء كثيرة فتح لها قلبها و علمها عن كل شيء كل شيء حتى انهار.. و حياتة مع انهار وكل مواقفة.. كان وده تصحى وتقول انت تخلت عنك اللي حبيتها و انا تخلى عني ابوي.. وهو يصحح لها ان ابوها ما تركها وشايل همها.. كان وده يملك سحر بيده يمسح فيه على وجهها و يتلشى الشحوب والموت اللي معتلية.. يبيها ترجع تصارخ و تضربة رفع يده لصدرة يتذكر لمساتها الاخيرة لما تضربة من قهرها.. غازي يوم شافه كذا : ياااهووه وين وصلت..؟ عماد : تصدق انها ضربتني قدام البنات.. غازي : تستاهل ليتها كسرت راسك.. عماد ابتسم بالرغم من اجهادة : امس ضربتني بالفازة على كتفي بغت تكسرة.. غازي : احسن ياليتها زادتك.. عماد : حاقد علي اللهم يا كافي.. اعتلت الطرقات على الباب ليقف عماد متجه للباب فتحه كان بوجهه بدر و من وراه ابو سعود وعياله : حياكم..دخلوا كلهم وراء بعض وقف غازي احتراماً وتقدير.. التفوا حول سرير وعد.. نهى بصدمة : مستحيل هاذي ماهي وعد..؟! احمد : وين الدكتور..؟! غازي : عماد كلم بدر ينادي الدكتورة.. عماد طلع برا.. يكلم بدر.. ابو سعود : هاذي بنتي اللي مستأمنكم عليها..؟! سعود : يبه لا تنفعل تكفى خلنا نسمع الدكتورة و نشوف ويش المشكلة.. ابو سعود : شايف حالتها هاذي بنتي..!؟ هاذي ما فيها حياة.. خالد : يبه اصبر خلنا نسمع للدكتور.. احمد اللي كان يشوف نبضها بجهاز القلب و المعطيات الحيوية كلها طبيعية.. مشعل : عرفت شيء يا احمد..؟! احمد : كل المعيطات طبيعية نبضها طبيعي تنفسها طبيعي الضغط و السكر كل شيء طبيعي.. لكن لازم نشوف التحاليل.. دخل عماد و وراه الدكتورة اللي تفاجأت بالكم الهائل من الرجال .. عماد : هاذي الدكتورة المشرفة على وعد.. احمد اقترب منها : ابي اشوف التحاليل.. الدكتورة : تحاليلها سليمة .. بنتكم ما تشكي من أي مشكلة عضوية و انا حكيت هالشيء لزوجها.. نهى : يعني ايش فيها..؟ الدكتورة : رافضة الحياة الواقعية اللي عايشتها.. عشان كذا مفضلة انها تنام.. يعني اللي فيها شيء نفسي.. ابو سعود : يعني ما عندها أي مشكلة و وجهها ليش كذا شاحب..؟! الدكتورة : من الواضح انها كانت ممتنعة عن الأكل و هالشيء اثبتة زوجها .. و قال انها ما تأكل.. ياسر : كفووو والله ما قصرتواا فيها.. مشعل : شلون بتصحى الحين.. الدكتورة : لازم تكونون قراب منها عشان تتجاوز هالمشكلة.. وتحاول تقاوم النوم وترجع للواقع.. خالد : كم صار لها على الحالة..؟ الدكتورة : ثلاث ايام.. ابو سعود التفت على غازي : وتوك تبلغنا..؟! غازي : انا بعد ما دريت الا اليوم.. اما عماد ما عنده استعداد يناقش احد وده يطلع ما يبي يواجه هالكم من الرجال.. ما فيه الحيل وطاقتة لازم يدخرها للقاء العصابة.. ابو سعود : وانت يا سيد عماد متزوجها عشان توصل لهالحالة..؟! عماد : ما قصرت حطيت لها خدامة و حارسات معاها بدل الوحده عندها سبعة جالسين معاها و كل شيء متوفر.. هي رافضة تاكل ويش اسوي اسدحها اغصبها.. ابو سعود : تراني قلتها لابوك و اقولها لك مره ثانية.. بنتي لا انحلت هالقضية بترجع لي بتطلقها يا عماد .. والله ثم والله لو تشكي منك وعد لاكون ذابحك.. عماد : بدري على هالكلام ما تدري ويش يصير من هنا لين تنحل القضية يمكن ترمل بنتك.. سعود : ويش هالكلام يا رجال بعد عمر طويل.. مير انت ويش بلاك كنك تعبان.. الدكتورة بابتسامة : له ثلاث ايام يراقبها يمكن تصحى شكلها يحبها حيل.. عماد وده ينسفها من على وجه الأرض هي وتعليقها اللي زي وجهها اما غازي ابتسم على شكل عماد.. اما الباقين ناظروا بعض شوي و رجعوا يناظرون بنتهم.. نهى : يعني شلون ابيها تصحى.. الدكتورة : خلوكم قريبين عشان تحس فيكم.. قرب ابو سعود وضع كفه على جبهتها يقرأ المعوذات و آية الكرسي بصوت هادئ.. خالد يهمس لياسر : تقولك لها ثلاث ايام يراقبها اصلاً شوف شكلة مهدود حيلة.. ياسر : عادي ملزوم فيها.. خالد : تتوقع صدق يحبها.. ياسر : ويش يحبها أي شيء حطيتوه حب.. وبعدين ويش ذا الحب وهو صار له اسبوعين من عرفها.. تكلم بالعقل تكفى.. خالد : وليش ما تكلم بالقلب.. ياسر : لان كل شيء يجي بالعقل.. احنا اودام مو بهايم مع الخيل يا شقراء.. كل شيء حطيتوه حب.. خالد : ويش بلاك اشتطيت.. ياسر : اسمع ابيك بسالفة بعدين.. خالد : عن..؟! لا يكون بس بتزوج..؟! ياسر : كفانا الله الشر.. بس ابي عونك بموضوع.. خالد : أي موضوع.. ياسر : ولد خالتي نوال اللي توفى.. خالد : قول اخونا يا صعبها ولد خالتي نوال.. ياسر : اللي هو.. المهم سمعت خالتي اليوم بقولك ويش قالت لي ويش انا ناوي عليه.. الفريق غازي : هونها يا ابو سعود ان شاء الله بتصحى.. ابو سعود : ما هقوتي يا غازي.. ادري انها تحسبني عايفها ولا ابيها.. تعبت يا غازي.. و انا اللي كنت اظنها اقوى بناتي.. كسرتها.. وليد : بتصحى يبه .. و بنأخذها معنا غصباً عن اللي ما يرضى.. الفريق غازي : ما تلمح ان قصدك علي.. وليد بقهر : الا اقصدك.. اعتقد شفت ولد اخوك ويش سوى باختي.. الفريق غازي : عماد ماله دخل .. انت تدري ان وعد متأزمة نفسيتها لان اللي صار لها لخبط حياتها بشكل قوي وهي ما تعودت على انها تبعد عنكم.. متعودة على جو العيلة و صدقني لو انها تزوجت عماد بظروف غير هاذي ما راح تتعب بذا الشكل.. وليد : ويوم ظروفها عاكستها ولد اخوك يكون مع ظروفها والا يهونها عليها .. هو (آشر على عماد) بعظمة لسانة قال انه تهاوش معاها.. الفريق غازي : شيء طبيعي أي اثنين متزوجين يتهاوشون.. وليد : ماهو بكيفة هو مأخذ بنتة سنعة متربية على السنع و الاصول عارفة ربها وما تعصية.. لكن ولد اخوك ماهو مقدر الدرة اللي مأخذها .. طلقها ما نبيك نسيب لنا.. عماد : خلها لين تنتهي القضية بجيبها لكم معها ورقتها.. ياسر : لاا الـــحين تطلقها.. عماد : بنتكم ......................... .. لا إله الا انت سبحانك اني كنت من الظالمين.. لا احلل نقل الرواية دون ذكر اسمي.. هاشتاق الرواية #رواية_لو_سألتي_الورد .. ضحكة قهر.. http://up.graaam.com/img/23407876b74...eba11d9f14.png |
رد: لو سألتي الورد وهو ما بين إيدك أقطعك بيقول لك عمري فداك الكاتبة / ضحكة قهر
لا اسطورة ! لا توقفين القفله تجلط تحمست معهم
الرواية جدا جميلة وملها احداث قوية الكاتبة ابدعت اسطورة تسلمين على النقل وين التكمله متحمسه اعرف عماد بيطلق وعد مادري ليش عندي احساس انه بيطلقها وبيفقدها وخلي غروره ينفعه كل شخصيات الرواية جميله وحبيتها |
رد: لو سألتي الورد وهو ما بين إيدك أقطعك بيقول لك عمري فداك الكاتبة / ضحكة قهر
بسم الله الرحمن الرحيم..
السلام عليكم ورحمة الله وبركاته.. صباحكم سعادة و رضا.. بداية احسكم صرتوا نايمين مع الاجازة ما ادري ويش قصتكم..!! ليش كذا بتخلوني انام معاكم.. ترى انتم الداعم الاساسي .. النار ان ما حطيت لها حطب كل شوي تطفي.. انا النار و انتم الحطب < بــــرا.. البارت اللي فات اللي قفلتة اليمة و حبيتها .. و التوقعات جاتني كلها مضاد للي بسوية و حده بس غيرت رايها واللي هي انغام .. انا قلت ابي توقع استناداً على ظروف الابطال مو يش تتمنونه فيه فرق يا اعزائي .. عماد تعبان سهران قرفان كاره جلستة عند وعد.. ولا يبيها زوجة .. و اخوانها يضغطون عليه عشان يطلقها.. وعنده اجتماع مع العصابة.. الشيء الوحيد اللي مردده هو وجود غازي واللي ممكن يوقف بوجه الطلاق.. ان جينا حطينا الاثنين بكفة ميزان فا اكيد واحد من الخيارين بترجح على الثاني و بتعرفون بالاحداث وهو اللي بيصير.. ابيكم تعرفون قبل ما تقرون ان البارت ما هو بطول اللي قبلة رجعنا للطول اللي قبل لان اخذنا فترة ننزل بارتات طويلة لانه يكون بارت بالاسبوع بس هالحين بارتات طولها حلووو ويكون بين كل بارت وبارت ثلاث اربع ايام لان كثير يسالوني متى موعد البارت الجاي و انا اقولكم ما ابي احط مواعيد عشان ننزل باستمرار.. بارت اليوم انا حبيـــــــــــــته و يمكن البارت الجاي احبه اكثر من هذا.. لا تشطحون بخيالاتكم واجد.. و انتظر تعليقاتكم و توقعاتكم تهمني.. البارت الثاني و العشرون.. أحيانا مشاعرك تجبرك إنك ما تكلم احد ولا تسأل عن احد بس تجبرك تغيب عن كل شيء !! لـ وحشتك ناصر العنزي.. عماد خلاص وصل حده منهم ومن كل شيء يجي فوق راسة : بنتكم.... قطعة حدة غازي : وقف.. ما تطلقها .. مو على كيفكم تلعبون بحياة البنية استغليتوها بمرضها و زوجتوها و بتستغلونها بمرضها و تطلقونها.. يكفيها تلقى صدمة انها متزوجة تبونها تصحى وهي مطلقة.. وليد : رجاءاً مالك دخل اختي احنا نتفاهم معاها.. الفريق غازي : لا بالله ما حزرت .. اختك انا خالها و ما راح اسمح لكم تلعبون بحياتها.. خلوها لين تصحى و هي تقرر مصيرها.. وليد : اخوك هو اللي لعب بحياتها من قبل و سمح لنفسة يتحكم بمصيرها و يلوي ذراع ابوي بنتة.. ابو سعود : ولــــــــــيد.. وليد : ما راح اسكت و الله ما اسكت بيطلقها غصباً عنه الحين.. سعود : وليد قم اطلع برا.. وليد : اول شيء يطلقها بعدها اطلع.. خالد : مانبيه يا سعود اختنا بس تستعيد صحتها ما راح يشوفها.. ياسر : ما نبيه يشوفها من الحين اصلاً وجودة ماله داعي.. الدكتورة بحدة : لو سمحتم.. تتهاوشون فوق راس المريضة هالشيء يضرها ما يفيدها.. احمد : فعلاً اطلعوا برا كلكم.. تهاوشوا زي ما تبون.. طلع عماد ولحقة وليد و ياسر و خالد ما راح يتركونة.. وليد : طلقها.. عماد : انتظر لين تصحى على الأقل.. خالد : مانبي ننتظر لين تصحى طلقها الحين.. دامك ناوي عليه احنا ما نجبرك تبقى معاها وما انت ملزوم تعطيها حتى حقوقها .. ياسر : حتى المؤخر ما نبيه.. مستغنين عنه.. عماد : اختكم طالق.. التفت صاد عنهم بدون رجعة فقد انهكة التعب و زادتة المواجهة.. شعور بانه قتل اخر امالها في الحياة يخنقة جداً انهار لن تترك قلبة يحيا من جديد فالأفضل ان يترك وعد كي لا يقسو عليها ويأخذها بذنب انهار.. داخل الغرفة .. غازي : عاجبك يعني اللي يسوونه عيالك.. ابو سعود : ما راح اعترض ولا اسوي شيء.. خلهم يأخذون حق اختهم حتى لو كان مني.. الفريق غازي : ابراهيم ويش صاير لك .. ويش اللي قلب حالك..؟! ابو سعود : العجز.. عجزت احمي بنتي زوجتها لواحد حتى ابسط حق انها تدري ما قلت لها.. راحت له وعاشت معاه بظروف قهرتني قبل لا تقهرها.. وما طلع بيدي شيء.. خل عيالي يسون لها اللي ما سويتة.. الفريق غازي : تتوقع ان طلاق وعد من عماد هو الحل.. هو اللي بيرد لها شيء.. انت تكسرها مره ثانية يا ابراهيم ما تجبر كسرها.. احمد : ماعليش يا ابو شوق .. ابوي ماهو نقصة ضغطة مرتفع هالفترة.. الفريق غازي : ابوك ضغطة مرتفع انت يالكبير انت و اخوك هذا (آشر على سعود) ما تقدرون على اخوانكم اللي اصغر منكم..؟! سعود : تبيني اصفقهم وهم اطول مني..!؟ و اخواني حمقانين على عامر و عماد مافيه شيء بيردهم.. الفريق غازي : يعني تبي طلاق اختك..!؟ سعود : الحق لله لا.. عمااد رجال ينشرى بالذهب.. و اخواني لا عرفوه بيقدرونة.. الفريق غازي : اقنعهم يأجلون الطلاق لين تصحى وعد و لا بغت الطلاق حزتها يصير خير.. انفتح الباب و دخلوا الثلاثة بانتصار عظيم.. الدكتورة : ممكن تطلعون برا كلكم انتم من الواضح راح تتعبون المريضة ما تساعدونها على انها تسترد عافيتها.. نهى : بابا بنام عندها.. الفريق غازي : لااا البنات بيجن عندها انتِ لا.. نهى : ما نبي بناتكم.. احنا نقدر نقوم باختي.. الفريق غازي : لا عاد زودوتها يا عيال ابراهيم.. قلت لك البنات بيجن عندها لانهن حارساتها اصلاً.. بتجين تعالي وقت الزيارة اما انك تقعدين هاذي تحلمين فيها.. نهى : مالك دخل.. الفريق غازي : مالي دخل ..! الامن له دخل و زين اللي رضوا يخلونكم تجونها وقت الزيارة لان هالشيء بيساعدها تصحى لكن انك تقعدين هنا فهاذي بالاحلام.. نهى : طيب اقعد مع الأمن ما عندي مانع.. سعود : نهى انتهى الموضوع مستهينة بالموضوع وهو كبير .. انك تجلسين معاها هذا الشيء تنسينة.. وقت الزيارة بجيبك كل يوم تشوفينها وتجلسين لين تنتهي الزيارة.. نهى : ما ابي هاذي شقيقتي ما ابي ارجع البيت من غيرها.. ابو سعود : نهى.. نهى : بابا تكفى.. ابو سعود : ما يصير يا بابا.. اذا مو عشاني عشانها .. هي نايمة ما راح تحتاجك في شيء.. لا صحت يصير خير بيكون لنا كلام ثاني.. نهى : ما ابغى اخاف تصحى وما احد عندها.. احمد : عندها الممرضات و الدكاترة و الحارسات ما راح تحتاجك.. مشعل : ايش سويتوا مع عماد..؟! وليد : طلقها.. الفريق غازي : انا ذابحك الليلة.. وليد : لا تحسب اني ما راح ادافع عن نفسي يعني ممكن انت اللي تموت و تيتم بناتك ياحرام.. انا ما وراي بنات اللهم لك الحمد.. الفريق غازي : ان ما ادبتك انت و الزفت الثاني.. ياسر : رجاءاً انت و اخوك ما نبيك تدخلون فينا ما احنا بهايم تمشون على كيفكم.. الفريق غازي : احد قال اننا بنمشيكم على كيفنا .. بس اللي سويتوه غلط.. الدكتورة : ان ما طلعتوا راح استدعي لكم الامن و امنع عنها الزيارة.. نهى : هاذي من اول ترطن طلعوها برا.. الدكتورة اتسعت عيونها : تكلميني.. احمد : ما عليش دكتورة .. الحين بنطلع كلنا .. يالله جلستنا مالها داعي.. نهى : خلونا شوي عندها.. احمد : لا اصلاً وقت الزيارة منتهي من وقت.. .. جود تتحلطم : يقهر سعود يبيني ادعي عليه.. مالت.. ام احمد بحدة : حلوه تدعين على اخوك.. جود : ينرفز يبط الكبد ما خلانا نروح نشوف اختنا يقول بيرجع لنا وما رجع.. سها : كان يسكتك يا حبيبتي.. منيره : الله يستر لا يكون بس صلاح مسوي للبنية شيء.. سها : اعوذ بالله تفاولي بالخير.. منيره : والله شكل سعود و وليد ما يبشر.. ندى بهدوء : طيب اتصلوا على بابا او احد من اخواني بيعرف اننا قلقانين و بيرد يطمنا.. ام ندى : اكيد مشغولين والا كان اتصلوا يطمنونا.. ابراهيم : عمتي وعد من ايش تعبانة..؟! جود : و احنا ويش درانا يا ولد اخوي..؟! رند : تيب بابا متى يزي.. جود : يزي الساعة ستة.. ليش احنا ندري عشان تسألينا..؟ رند : اوووف منت انتِ يا دوبا.. جود : انا دوووبا لا بالله زودتيها حيل انتِ و ابوك انا دوبا اجل انتِ ويش ينقال عنك..!؟ رند : انا لسيقة.. جود : وت وت وت اقين اقين.. رند : لسيــــقة.. ميار : مالها حل.. لسيقة.. جود باستفهام : ويش تقصد..!؟ سها : يالخبلة رشيقة رشيقة.. جود حطت يدها على راسها : اويلاه هاذي ما ينفع معاها قمي اطلعي برااا اصلاً ما احد بيشوفك و يسمع اللغة الخاصة اللي تحكين فيها و يشك انك حفيدة ابراهيم بن مساعد.. ام احمد : جويد اتركي البنت بحالها حاطه دوبك من دوبها ترى ما تعدت الاربع السنين.. جود : يمه هاذي بعمر اربع سنين وهي مألفة لها لغة خاصة لا صار عمرها 14 ويس بتسوي.. رند بصراخ : داااادي.. خطت خطواتها سريعة باتجاه ابيها نزل لمستواها لتتعلق برقبتة ويحملها.. : السلام عليكم.. : وعليكم السلام.. ام ندى : خير ان شاء الله ويش فيها وعد..؟ ابو سعود جلس و جلست جنبه نهى اللي ماسكة دمعتها من شافت وعد.. احمد : ان شاء الله انها بخير.. بكره تروحون لها تشوفونها.. ام احمد : يا ابوي وجيهكم ما تبشر بالخير.. خالد : يمه ان شاء الله انها بخير بس تحتاج اننا نكون جنبها.. كل تحاليلها طبيعة وسليمة الحمدلله.. منيره : طيب ليش اشكالكم كذا.. قالت لكم شيء.. نهى : كان زين.. جود : لا تقولين انها سكتت ولا قالت شيء و زعلانة..؟! مشعل : لااا كانت نايمة زي ما قال وليد.. سها : احنا مو فاهمين شيء..!! ابو سعود : يا بابا وعد نايمة هروب من الواقع صار لها ثلاث ايام نايمة.. ندى : ثلاث ايام ما صحت..!؟ و هروب من الواقع.. ام احمد : يالطيف .. وهذا ويش علاجة يا ابوي..؟! احمد : لازم تحس ان فيه احد حولها يبيها ويشتاق لها.. عشان كذا الامن سمحوا لنا نزورها.. ام ندى : طيب لازم نرافق معها ما يصير تقعد بنيتنا لحالها.. مشعل : ما ينفع يا خالة المستشفى مليان امن و غرفتها معاها حارسات.. لا احتاجت شيء فيه مين يخدمها لا تخافين عليها.. .. سعود : وهذا كل اللي صار.. ام عبدالرحمن : يا عوينتي يا بنيتي لا يكون زوجها مزعلها.. سعود : يا يمه عماد رجال .. ماله دخل بتعب وعد الحين.. احنا خايفين على ابوي.. نبيكم تجون يمنا فترة.. ياسر : ايه يمه ان شافكم معاه يمكن يخفف عنه شوي.. ابو عبدالرحمن : و انتم وينكم عنه.. سعود : يبه والله مشغول انت تدري بشغلي و الله لو اقدر اخذ اجازة كان اخذت بس هالفترة بذات ما اقدر و عشان وعد بعد ترجع قريب.. ام عساف : و زوجها.. ياسر : طلقها.. عساف بصدمة : عماد طلقها..؟! ياسر : ايه احنا اصرينا عليه يطلقها.. سعود : خل موضوع الطلاق الحين اهم شيء صحتها وصحة ابوي.. ابو عساف : لا تشيلون هم .. امي و ابوي بيستقرون عندكم هالفترة و احنا بنجيكم كل يوم.. سعود : ما تقصرون يا عمي.. ابو عساف : افااا و انا ولد مساعد تشكرني على شيء اسوي لاخوي.. سعود وقف ما فيه يخوض نقاش مع عمه : لا ماهو القصد.. بس كلم عمي سعد.. بندر : السلام عليكم.. : وعليكم السلام.. بندر سلم على الشباب : لا تقول بتروح ما جلست معاكم من جيت.. سعود : مستعجل والله عندي شغل.. بندر : من يوم عرفتك وهاذي اعذارك.. عساف وقف : عندنا اجتماع مهم .. ما احنا سايبين لا شغل ولا مشغلة.. بندر : طبعاً ما تقصدني لاني عمك.. عساف : لا ابداً.. بندر : كيف غازي..؟! سعود : شكله بتطلع له قرون من وليد.. ام عبدالرحمن : بنية اخوك تعيبينه.. بندر : مين..!؟ ام عبدالرحمن : وعد.. بندر : افااا ليش ويش فيها.. ام عبدالرحمن : نايمة.. بندر : نعم..! ويش اللي نايمة يمه..؟! سعود : انا بمشي بتمشي معاي اوصلك على طريقي..؟! ياسر : ايه ازين.. ام عبدالرحمن : و انت الحين توصلنا بيت اخوك.. بندر : طيب فهموني ويش القصة..؟! ابو عساف : وعد منومة بالمستشفى.. بندر باستنكار : تنويم بعد.؟ ويش تشكي منه..!؟ سعود : احنا نسلم عليكم.. وقف ياسر.. بندر : تعالوا مو قبل ما تفهموني.. سعود : جدتي تقولك.. مع السلامة.. : مع السلامة.. عساف : لا احد ينتظرني تراني بطول.. هاه يمه مو تجلسين تنتظريني.. ام عساف : طيب بتجي على السحور..؟! عساف : لا بتسحر مع الشباب.. مع السلامة.. : مع السلامة.. بندر : الحين علموني وعد ويش فيها..! ام عبدالرحمن : والله ما ادري ان سعود وياسر قرقوا فوق رووسنا يبونا نجلس عندهم عشانهم خايفين على ابوهم.. ابو عساف : نايمة .. سعود يقول هروب من الواقع بالنوم.. بندر : ليش..؟ طيب ويش اللي موصلها لهالمواصيل.. يزيد : يمكن عشان عمي زوجها من غير لا تدري مع سالفة الخطف .. و الحجز ما تحملت كل ذا.. بندر : ليش ما احد فهمها ويش الموضوع ..؟! ابو عساف : ما ادري عن غازي و زوجها.. ولا بعد يقولون طلقها.. بندر : افا و انا ولد مساعد .. وشوله طلقها..؟! يزيد : عيال عمي طلبوا منه ما يبونه.. بندر : يمه تكفين قومي يالله عيال ابراهيم انطلقوا و ابوهم مخليهم على راحتهم يبي لهم من يهجدهم.. .. الفريق غازي : فهمت..؟! وليد : ايه فهمت و الله فهمت.. الفريق غازي : نشوف عاد تستوعب والا لا.. وليد : ولد اخوك بيضل نايم هنا.. الفريق غازي اتجهت نظرات لعماد النايم على الكنب و متلحف بعد : ويش تبيني اسوي هاذي ضريبة العم اللي يشتغل مع ولد اخوه.. وليد : زين علمتني عشان ما اشغل عيال اخواني معاي.. عماد يشيل اللحاف : عمــــــــي.. الفريق غازي : عمت عيونك ان شاء الله ما تحس اني مدلعك ماني نوره انا.. عماد : يا حي هالطاري .. قلهم يجيبون لي قهوة.. الفريق غازي : عزة الله اني بتوطى ببطنك.. وليد : انت بس عطني الشارة وانا اتوطى لك فيه.. عماد : انت ترى هنا معاقب بس ما كنه عقاب جالس مع عمي ولا كنه عقاب.. وليد يحط رجل على رجل : والله اعتقد هالشيء ما يخصك.. عماد : تدري لو ماني تعبان لا توطيت ببطنك من غير ما انتظر شارة من احد.. وليد : ليش..؟! عماد : انت و خالد و ياسر.. وليد : بما انه احنا الثلاثة معناتة عشان الطلاق.. عماد : تصدق اني ندمان اني ما طنشتكم و طلعت.. وليد ابتسم يقهر عماد : احسن.. اهم شيء نلنا ما نبي.. عماد ابتسم : تدري ان اختك بالعدة يعني اقدر ارجعها وقت ما ابي.. وليد : وتدري انك تبطي عظم و اقدر اثور فيك هالحين و بسلاحك بعد.. الفريق غازي : و تدرون انتم الاثنين ان ما هجدتوا عني لا انسفكم من على وجه الارض و تنقرضون.. وليد : تبطي عظم.. الفريق غازي يجلس على الكنب : بنشوف مين يبطي عظم دق على حمد يكلمهم يجيبون لنا قهوة ورانا هم.. وليد رفع السماعة : حمد جيب لنا قهوة.. ومويا عطشان.. وسكر الخط.. عماد :بقي تحلف لحمد انك عطشان.. وليد : مزاااجي.. ارتفعت صوت الطرقات على الباب ودخل حمد .. ادى التحية العسكرية : سيدي العميد نايف و العميد عزام و العميد عساف و العقيد سعود و العقيد راشد برا.. الفريق غازي : خلهم يدخلون.. وليد يجلس جنب غازي : ليش تخليهم يعددهم كلهم مع الالقاب تعب عليه خل يقول عيالك برا و قضينا.. الفريق غازي ابتسم : تصدق راحت عن بالي.. انا قايل انك ذكي ينخاف منك.. : السلام عليكم.. : وعليكم السلام.. دخلوا الشباب الخمسة يسلمون على عماد اللي لف لحافة وجلس عليه .. عساف و وليد السلام كان بينهم متوتر.. الفريق غازي : ما تنشافون الا ان استدعيتكم.. نايف : انا محترم نفسي اخاف تطردني من كثر ما نجلس هنا.. عزام : هههههههههههه حتى انا قلت احترم نفسي قبل لا انطرد.. الفريق غازي : المكتب مكتبكم حياكم باي وقت برضى باللي ما رضيت فيه من قبل بس اهم شيء نخلص القضية و ننهيها.. دخل ابو احمد : القهوة سيدي.. وليد اخذها منه و نزلها على الطاولة و صب لهم.. وسط استغراب الكل مو وجود وليد و هم عندهم اجتماع يخص القضية.. الا ان ما احد راح يتجرأ و يسأل رئيسهم عن سبب وجود وليد.. الفريق غازي : جلال اتصل على عماد و كلمه بخصوص الاجتماع.. و راح يكون بكره بفلتهم .. راشد : نفس المره اللي فاتت..؟! الفريق غازي : ايه.. وهالشي غريب يعقدون اجتماعين وراء بعض و بنفس المكان .. و ما عهدنا هالشيء منهم من قبل.. عساف : معقولة شاكين بعماد..؟! الفريق غازي : جايز.. لان وعد قالت سمعتهم انهم شاكين باحد يخونهم و بكذا نكون احنا تسرعنا بكشف اوراقنا و اظهرنا ان عزام جاسوس عليهم.. عماد : انا بروح انا كانوا شاكين اني جاسوس بيقتلوني بارضي و ان كانوا ما دروا بجيب لكم اخبار عملية الاغتيال.. الفريق غازي : مو كذا فدا الارض يا عيوني هذا انتحار.. الارض ما تخاطر باي احد من رجالها.. ما راح تروح لهم الا ان تأكدنا انهم مو شاكين فيك.. عماد : العذر طيب .. ان ما رحت بيشكون فيني زيادة.. الفريق غازي : انت ما قلت لجلال انك اساساً تعبان.. اطلب منه انه يأجل الاجتماع لانك تعبان والا يبلغك بنتايج الاجتماع بالمستشفى.. يعني تتنوم بالمستشفى و يجيك زيارة.. عماد : جلال ماهو هالكثر غبي.. نايف : فعلاً يعني كنه يقولك تعال بنمسك.. سعود : يظهر اننا بنرجع لنقطة الصفر و ندخل جواسيس جدد عليهم.. الفريق غازي : مستحيل تبينا نحاول ندخل شخص جديد يحاول يقتحم العصابة و يكسب ثقتهم.. هذا مو صفر الا سالب صفر.. عزام يكلم سعود : فعلاً ما ينفع خصوصاً ان اختك قبل قالت بيسوون اربع عمليات كل عشرة من رمضان بيسوون عملية وبالاواخر عمليتين.. راشد : بقي الحل الأخير.. الفريق غازي : المداهمة.. عماد : ما راح يفيدنا راح ناخذ اللي تحت مثل صلاح و زياد و رئيسهم يبقى متخبي ولا استفدنا شيء.. نايف : بس ممكن يأخر و يشتتهم.. لان احنا اذا نجحت المداهمة وقبضنا عليهم اكيد رئيسهم ماهو غبي عشان يسوي عملية بنفس الوقت اللي نقبض فيه على شلتة.. عماد : ما ادري احس فيه شيء ناقص.. فيه شيء ضايع مننا ما ادري ويش هو.. الفريق غازي : عملية التهريب اللي قالت عنها وعد انهم بيتتممونها بعد ما نقبض على صلاح و زياد.. عماد : صح ويش صار حققتوا معاهم..؟! سعود : صلاح بس و كنت راح اذبحة.. عماد : كان ذبحتة و فكيت الأمة منه.. سعود : هذا و انت ما سمعت كلامة.. كيف لو سمعت كلامة.. عماد : ليش ويش قال..؟! راشد : يهدد الفريق غازي.. يقول ان وعد اول سعودية تدخل بعصابتهم.. عماد : يخسى و يعقب.. نايف : ما عليش على السؤال بس يعني للاحتياط.. الفريق غازي : اسأل.. نايف : وعد قالت لكم كل شيء..؟! يمكن فيه شيء ما قالتة.. سعود : حتى لو فيه ما راح نستفيد شيء وهي تعبانة.. ما راح نقدر نعرف منها شيء.. عماد : معقولة تكون متعاونة معاهم.. هي قالت بس كلموها تبلغنا عن العملية.. عساف : انها متعاونة معاهم لا هالشيء مستحيل.. لكن ممكن تكون تعرف شيء ومخبيتة.. الفريق غازي : احنا اللي بيدنا نلعب على الاوراق المكشوفة قدامنا و نحتاط من المستخبي.. عزام : طيب ارجع للعصابة من جديد.؟! الفريق غازي : هم ما كلموك بعد اخر مره صح..؟! عزام : لا.. الفريق غازي : لا جاك اتصال منهم نقرر حزتها .. لكن بقي مشكلة اجتماع بكرة.. بس فيه ان بالموضوع.. راشد : ان دايم العصابتين تسوي اجتماعاتها مع بعض.. وهالمرة لا.. الفريق غازي : صحيح.. يمكن الشخص اللي شاكين فيه عماد مو عزام.. وليد يصب له قهوة و يشرب بهدوء كان يستمع لحديثهم يحاول يفكر بعيد عن تفكيرهم و يخترق الحدود اللي يفكرون فيها هم لا سوو شيء بيسون شيء متأكدين من نتيجة على الاقل 60% وهو يبي شيء اعمق يضرب فيه العصابة بس اللي براسة نتيجتة ضئيلة يعني ان قلنا فا نجاحة 10% و الاكيد ان غازي ما راح يوافق عليه.. لازم يسوي شيء يقنع فيه غازي.. الفريق غازي يلوح بيده امام وليد : وين وصلت..؟! وليد : قل تم.. الفريق غازي : مانيب قايل قول ويش براسك.. وليد : العصابة ما عندهم مقر رئيسي .. يعني اكيد عندهم مخططات ورقية لو هي رموز او أي شيء المهم عندهم مكان رئيسي وممكن يكون مخبأهم لكل شيء... الفريق غازي : ايه عندهم مكان بس ما ندري ويش فيه.. حتى ما قد احد راح لا عزام ولا عماد.. وليد ابتسم : حلوو جاء دوري.. سعود : وانت ويش دخلك..؟! وليد : انا بروح للمكان هذا و بدخله.. عماد يصفق : الله الله فكرة جهنمية ويننا عنها من شهور بس علموني.. وليد : لا تستهين بقدراتي.. عساف : و بصفتك ايش تروح.. وليد : حفيد اوباما.. كلهم يناظرون فيه يستوعبون ويش قال.. وليد ضحك على اشكالهم : ههههههههههههههههه صدقتوا.. الفريق غازي يضربه بكفة على راسة : شايفنا بموقف يحتمل المزح.. وليد : لا .. بس انتم حاطين لانفسكم قيود رهيبة و كلبشات ما تقدرون تتحركون من ثقلها.. انا بروح للمكان هذا و بفتشة.. الفريق غازي يكتف يديه و يجاري وليد : ايه وبعدين.. وليد : انا اتوقع العصابة ممكن تدخلني بس مو ممكن تثق فيني.. الفريق غازي : ايه كمل.. على أي اساس بيدخلونك.. وليد : على اساس اني زميل مهنة.. سعود : تكفى خل افكارك براسك.. وليد : ترى تجار المخدرات يثقون ببعض بسرعة.. عماد : والله و انت ويش دراك..؟! مسوي دراسة عليهم..!؟ وليد : لا .. بس انتم ضباط شرطة ما تثقون ببعض..؟! الفريق غازي : قم اطلع برا.. وليد : ماني طالع وعدتني احضر الاجتماع لأخرة.. الفريق غازي : وعدتك على اساس ما تكلم .. مو ترمي كل كلمة ويش كبرها.. وليد يتربع جنبه و يلف عليه : اسمع انت فتح مخك معاي.. الشباب يناظرون بعض شلون الفريق معطي وليد وجه على اساس انه عقاب.. اذا عماد يقوله عمي يهاوشة و وليد مأخذ راحتة بزيادة.. وليد يسحب فنجال الفريق غازي من الطاولة و يصب له قهوة : تقهوى يا رجال و روق خلني اقولك اللي عندي.. الفريق غازي ياخذ منه الفنجال : شكلي بندم قد شعر راسي .. قل اللي عندك.. وليد ينزل الثلاجة على الطاولة و يكلم غازي لحالة متجاهل وجود الباقين من هم اعلى رتب منه .. يكفيه كفالة غازي : اسمع انت لو انك رئيس عصابة.. وهو هذا الظاهر يعني الشكل يوحي انك رئيس عصابة يعني اقل شيء فيهم رتبة نائب رئيس العصابة والا هالعضلات على ويش.. الفريق غازي : انا شكلي يوحي اني رئيس عصابة.. وليد : اهم شيء باطن الشخص ما يصير نحكم على الظاهر.. سعود : وليد قم اطلع برا.. وليد : ماني طالع بتسمعون اللي عندي غصباً عليكم.. عساف : تدري اننا نقدر نحجزك بتهمة التعدي على رجل امن.. عاد شوف الرتب اللي انت جالس معاها.. وليد : انا جالس بامان ابو شوق و رتبكم خلوها مراتب لكم وناموا عليها.. نايف : خلونا نسمع اللي عنده.. عندي احساس بيطلع منه شيء.. وليد : انت فاهمني كويس هذا اول واحد استوعب فيكم و عارف ان اللي بقوله صح قبل لا اقوله.. عماد : طيب تكلم قول ويش عندك.. وليد : الحين مين اكثر فئة يتأثرون و ينجرون وراء المخدرات و نقدر نقول عليهم هم الفئة المستهدفة من هالعصابات المدمرة.. سعود : انت تعرف ويش يعني فئة مستهدفة و مدمرة ..!!!! وليد مبتسم : افا عليك على ويش خمس سنين ثانوي.. عساف : يقولها بالفم المليان بعد ماهو مستحي.. وليد : ياخي كل انسان له قدرات عقلية يفقة بموضوع اكثر من غيره وانا ما حطيت الدراسة ببالي وفقهت فيها عشان كذا كنت اداوم ديكور بالفصل.. سعود : يفقة..؟ فقهت..؟! ويش ذا المصطلح..؟! وليد : يعني خبرة متخصص أي شيء افهمه مثل ما تبي هو طلع كذا.. الفريق غازي : ما تحس اني معطيك وجه.. وليد : لا للحين.. انا سالت وانتم ما جاوبتوني انا معطي عيالك وجه اجاوب على تساؤلاتهم.. عزام : طيب اكثر فئة مستهدفة الشباب.. وليد : حلوو ولما يجيك شاب اجتماعي لحد عصابتك و ذكي ويش بتسوي فيه..؟! نايف : اكيد بستغلة.. وليد : وصلنا خير طبعاً الشاب الذكي هو انا.. والعصابة حقة صلاح.. سعود : الحين انت ذكي.. استغفر الله العظيم.. عماد : هالشي ما راح يخليك تكسب العصابة ثقة.. وليد : انا بصير تاجر مخدرات.. بمعنى.. انا راح اروح لهم و اقولهم جايكم من طرف صلاح الزفت.. واني ابي بضاعة على سنقة عشرة و اشتري منهم .. فترة بسيطة.. و اكسب ثقتهم.. و ادخل فيلتهم بهدوء و برضاهم.. سعود : لااااا الفكرة غبية.. الفريق غازي : انساها.. عماد : ليش .. انا معاه.. بما انه شاب بالعكس راح يحسون انهم مستغفلينة و هم اذكى منه.. الفريق غازي : قلت لاااا.. وليد : ليش لا.. انا موافق.. الفريق غازي : ليش انا طلبت موافقتك..؟! انسى هالفكرة.. نايف : انا مع عماد و وليد الفكرة كويسة و نقدر ندخل للعصابة و نعرف نقاط ضعفهم و قوتهم و بمكن يكون اسهل لنا من دخول عزام و عماد اللي مشكوك بامرهم.. و اتوقع ان العصابة يعني بيفكرون لو اننا احنا بندخل شخص من جديد اكيد بنفس طريقة عزام و عماد .. و انتحالهم لشخصيات اساساً كانت مروجة.. وليد : حبيتكم انتم الاثنين فاهميني.. عساف : لازم تعرف يا وليد ان الشيء اللي انت مقبل عليه يسمونه موت.. بس.. وليد : راضي و انال فيه الشرف ان كان على حساب ديرتي كلنا بنموت لكن فيه من يموت بشرف وفيه من يموت بدون شرف.. عزام : طيب نصوت مين مع دخول وليد على العصابة ومين ضد.. عماد : انا مع.. نايف : وانا مع.. عساف : وانا مع.. سعود : وانا مع.. الفريق غازي : وانا ضد.. راشد : وانا ضد حرام نقحمه وهو توه بعز شبابة ولا هو من افراد الامن حتى اللي وظيفتهم يحمون البلاد.. وليد : حماية البلد ما تقتصر على رجال الامن كلنا فدا حفنة تراب من هالبلد.. عزام : وانا مع.. يعني خمسة مقابل اثنين.. الفريق غازي : ماني مقتنع.. وليد : انا مقتنع بتشوف قدراتي.. سعود : وليد ترى بنعتمد عليك حط هالشيء بين عيونك بتكون املنا الوحيد الحين.. عماد : لا تخوفة.. وليد : شايفني بزر لا تخوفة.. ما عليكم بيعجبكم شغلي بتخلوني رئيسكم.. .. : سيدي المراقبين يقولون وعد نايمة.. يعني اخذها من المستشفى شيء صعب لانهم يقولون ماهي صاحية نايمة.. سطام : جيبها لو هي جثة هامدة.. ناصر : ويش تبي فيها..؟ سطام : ما احد يدري عن عمليات التفجير غيرها هي.. هي اللي بلغتهم اكيد عن تفجير الدرة اكيد سمعت شيء.. ناصر : معقولة..؟!! مو انت وصلاح مهددينها..؟! سطام : ايه مهددينها بس يمكن تطمنت يوم راحت لهم وتحسب اننا ما نقدر نجيبهم.. وسعود يحسب انها حاميها يومه مزوجها للعميد عماد.. ما يدرون ان كلهم اجيبهم بطقة اصبع مني.. ناصر : من جدك..! شلون بتخطف وحده من المستشفى..؟! سطام : بسيطة بسيارة اسعاف.. على اساس مسوين اخلاء طبي لها.. : سيدي على غرفتها حرس و عندها حارسات داخل غرفتها.. سطام وقف : جهزوا لي سيارة اسعاف اسرقوها من أي مستشفى.. و بعدها جهز لي الشباب نروح المستشفى.. : حاضر سيدي.. ناصر : سطام .. ما يكفي ان صلاح و زياد بيد الشرطة.. سطام بثقة : ومين قالك بخليهم بيصبحون هنا و تشوف والله لاخليهم يضربون اخماس باسداس.. ناصر : ويش ناوي عليه..؟! سطام : بكلم جلال يهربهم من السجن.. بعد ما يوصلهم خبر اختطاف وعد ما راح يثبتون و راح يتجهون للمستشفى عشان التحقيقات.. يجي جلال و يضرب ضربتة و يهرب زياد و صلاح.. ناصر ابتسم بتخبث : عز الله بتعلم شلون رووسهم تناطحنا.. سطام : واحد واحد غازي بن حمدان اولهم.. ناصر : تدري انه ما يرحم.. سطام باستهزاء : لا مسكنا حزتها لا يقصر لا يرحمنا.. ههههههههههههههههههههههه.. ناصر : ليتهم يجيبون معاهم لقاء صحفي اشوف الخيبة على وجيههم.. عساف بن عبدالرحمن و سعود بن ابراهيم.. سطام : المهم انتبه لكل خطوة ترى بعد هم مو أغبياء و الخطأ بمليون.. .. .. ام ناصر : شلون يعني بخير وانا حتى ما شفتة..؟! ناصر : يمه عمي غازي كلمنا وطمنا ليش تقلقين نفسك..؟! ام عامر : غاوية الشقا لعمرها.. ام ناصر : شايلة همة يا عمة والله قلبي بينفطر عليه.. مريم : عماد ماهو صغير عشان تخافين عليه الله يهداك.. ام ناصر : قلبي ماهو مريحني.. ابي اشوفه كلم اخوك خله يجي الحين.. : جيت من غير لا تتصلون.. سلم على جدته وابوه وامه : ويش فيك يمه بس اغيب شوي تحاتيني..؟! الى متى بتضلين كذا..؟ ام ناصر : لين اتوراى تحت التراب.. ينحني برأسة ليقبل كفها : جعلني ما اذوق فرقاك.. يوم قبل يومك.. ابو عبدالله : تو الناس كان ما شرفت وينك من ثلاث ايام..؟! عماد : مشغول يبه.. ابو عبدالله : تصدق انا على ان عندي ثلاث شركات الا اني ماني مشغول كثرك..؟! عماد ابتسم : لا تقارنا ببعض فرق بيننا.. ابو عبدالله : وين بنت ابراهيم..!؟ عماد اختفت ابتسامتة : عند ابوها.. مريم بفرح : اخليتوا سبيلها.. يوسف : حبيتها يا عمة اخليتوا سبيلها واضح ان بنتك مجرمة.. عبدالله : يوسف البنت شريفة بنت ناس اشراف ان كنت ما تدري مين بنتة روح انشد عن ابراهيم بن مساعد مين يطلع.. يوسف : ندري مين ابوها اللي تهاوش مع ابوي من سنين و اخذ حلالة.. ولا كن ابوي خالة بناتة ولا قدر اللي بينهم.. ام عامر : مالك دخل بسواليفن قديمة .. البنية صارت مرت اخوك لزوم تحترمها و تقدرها من مقدار اخوك.. عماد بهدوء : كانت مرتي.. انا طلقتها.. اعتلت الصدمة وجيههم.. عامر بحدة : ايش قلت..؟! عماد : ما بني على باطل فهو باطل.. البنت ما تبيني و حتى بعرسها مني ما كانت تدري و تبي الطلاق ماني جابرها على الجلسة معاي الا غصباً عنك تكونين زوجتي.. عامر بعصبية : لا يا شيخ تقول لي حكم يا ولد امس..؟! عماد يحاول يمتص عصبية ابوه فهو به من التعب ما يكفي : لا حكم ولا شيء .. اخوانها يبوني اطلقها و قلت لهم اجلوها لين تستعيد عافيتها ورفضوا الا اطلقها و طلقتها.. ناصر : ما انت صاحي فاقد عقلك من متى احد يمشيك على شورة والا ما اشتهيت تمسك فيها و استغليت طلب اخوانها و طلقتها.. عماد : ابوي مشاني على شورة و زوجني وانا ما ابي اتزوج .. البنت انظلمت مني و من ابوي و ابوها ليش ازيد عليها و ما ارحمها.. يكفيها تعبها البنت نايمة لها ثلاث ايام ولا صحت لها ثلاث ايام جثة هامدة ثلاث ايام حتى عيونها ما فتحتها.. هاربة من واقعها للنوم عشان ما تعيشة .. ما تبي تكون بواقع انا زوجها فيه.. تفهمون.. ام عامر : يا ابوي انت ويش تحكي..؟! مريم بفاجعة : عماد ويش فيها..؟! بنتي ويش فيها..؟؟! عماد : نايمة.. هاربة من واقعها هذا اللي قالتة الدكتورة.. عامر : انت مسوي لها شيء.. عماد : ما ظنتي زود عن اللي سويتوه انتم.. ام عامر : افااا و انا بنت ابوي.. مستقوي على مره يا الرجال.. عماد : يمه ويش استقويت على مره هي مخها تنك تحسب ابوها متخلي عنها.. ام عامر : اعقب ماهو ابراهيم اللي يجيب البنات و يرميهن.. عماد : عاد هي هذا تفكيرها المشكلة الكل يدري ان هي الاغلى عند ابوها هي ما تدري يعني.. متزوج بزر.. ام ناصر : لا تحجج ما طلقتها عشان اخوانها يبون.. طلقتها عشانك تدري ان انهار بتطلق من رجلها.. عماد اعتلت الصدمة ملامحة : بتطلق..؟! ام ناصر : يعني ما تدري ضيعت البنية من يدك حرام عليك هاذي بنية عمتك .. ويش ذنبها تطلقها عشان قلبك متعلقن بوحدة غيرها.. عماد جلس ما زال مصدوم بتطلق بالوقت اللي هو تزوج فيه.. ايش تقصد يرجع لها..؟! ما عرفتيني يا انهار.. انا عطيتك كل شيء عطيتك قلبي و عصرتية بقلبك و رميتية تتوقعين برجع لك.. لو اخر يوم بعمري ما رجعت لك.. ناصر : ما ترد يا الفالح.. عماد : انهار ما تهمني مااااضي و ندمان عليه.. وعلى كل شيء فيه ولو الانسان بيده يشق صفحان من عمره كان شقيت صفحات حياتي كلها.. خرج جواله وهو يتكلم معاهم رداً على كلامهم : لذلك لا تحطون ببالكم اني ممكن افكر بانهار مرة ثانية لو تكون اخر مره بالدنيا ما رجعت لها .. طنشهم ورد على جوالة : الوووو.. وقف بصدمة اعلى من صدمتة بانهار : ايـــــــــــــــــــش..؟! .. طلع يجري وسط ذهولهم من تغير ملامحة و واضح انه سمع خبر سيء.. ام ناصر : الله يستر ما امداه يجلس يطلع من جديد.. ام عامر : انت ويش بلاك مشتطة على الولد كنك ما عقبتي غيره.. ناصر : قولي لها يمه انا صرت اغار من عماد كيف هنادي.. هنادي : من جد حتى انا اغار.. ام ناصر : شالع قلبي هالولد ما يقر بمكانة.. انا ويش اغبر بعمري.. عامر : ويش تغبرين بعد.. هو غبر وخلص وطلق البنية والله لا اتفاهم معاه بس يرجع ما راح ارحمة.. مريم : و انا اللي متأملة اشوف بنتي على يده مالت على يده و رجلة.. .. جود منسدحة : شيلتيني هم ابي اشوفها.. نهى و صوتها يرجف من العبرة : ما تتخيلون كيف انصدمت حتى اخواني و بابا انصدموا من شكلها تعرفون حسيتها راحت بسم الله عليها.. دانه : تفاولي بالخير يا شيخة ويش هالكلام.. نهى : ما شفتيها يا نهى و الله نحفانة بشكل و عيونها مغرقة بسواد و شفايفها باهتة وجهها كله باهت مو بس شفايفها ما فيها حياة.. ميار : حياتي عليها فيني ولا فيها.. سها : ويش فيها زود عشان تنحف زيادة كلها عظمتين ملصقة ببعض.. نهى : ما ادري.. الا وين ندى..؟ سها : بغرفتها .. ما ادري ويش صاير ببيتنا امي تعبانة نفسيتها .. وندى تبي تفركش الخطبة.. و خالد يطلع متزوج وعنده ولد وبنت .. وعد تتزوج و تنحجز.. نهى : لا تعترضين الحمدلله.. الخوف على بابا لا يصير فيه شيء.. ميار : بسم الله عليه .. لا تخوفينا عليه.. نهى : احسه مره متغير مو بابا اللي نعرفة كأن حيلة مهدود.. دانه : صادقة مره متأثرة نفسيتة بزواج وعد وحجزها.. جود : شيء طبيعي يتأثر هذا حجز امني مو شيء هين.. ميار بزعل : بنات اشتقت لتركي.. جود تجلس : كيف مشتاقة له .. احم بما اننا ما جربنا شلون نحب.. نهى : هذا اللي ناقص بعد تحبين..؟! جود : احلى كنك ياسر قلت له احب واحد زقرت وابضاي بغى يذبحني لو ما وقف معاي احمد.. يقول عيب تقول قدامنا حتى لو هي تمزح .. بس الولد عادي يقول يحب البنت.. وجع قهر كل شيء مسموح لهم و احنا لا.. دانه : اهم شيء انك افتريتي افتريتي افتريتي وصلتي لتفرقة بين البنت و الولد.. جود : ما احد يفهمني الا وعودتي حبيبتي الله يرجعها لنا سالمة غانمة ياااارب.. .. بغرفة ندى .. بعد تردد قررت لا تريد ان ترتبط بمن علق قلب اخته به .. ومن تعلق قلبة باختها ضغطت على زر الاتصال .. مغمضة عينيها بتوتر اللي تسوية غلط بس هم حدوها ما احد راضي يسمعها راح يقمحونها بزواج فاشل قبل لا بسم الله.. ما جاها الرد رمت الجوال وحمدت ربها اللي ما رد تحس كل الكلام اللي كان مجهزتة تبخر.. كانت ناوية تعلمة عن الشعر اللي لقتة مذيل باسمة و اهدأ لوعد.. ما راح تكلمة.. بتصور له الورقة و ترسل له الصورة و تطلب منه ينهي كل شيء بينهم هو اللي بداه و خطبها وهو اللي ينهيه و يفركشها هو المسؤول عن خراب هالزواج .. مو هي.. لو تزوجت هي اللي بتنظلم مو عساف لانها مره وهو رجال.. .. قبل هالوقت بساعة وربع تقريباً.. اقتحموا المستشفى احدهم واقف قريباً من البوابة بسيارة الاسعاف ينتظر الاشارة حتى يقل المريضة لمكان بعيداً عن هنا .. سطام يتكلم بالسماعة المخبأة تحت ياقة بلوزتة : انتبهوا أي خطأ بيودينا بداهية عند غرفتها حارسين.. و بغرفتها ثلاث حارسات وخدامة.. بلمح البصر وقبل ما يستوعبون الوضع ابيهم طايحين على الارض صوبوا عليهم من غير لا تقتلونهم ما يهمونا يعني اصابة بالكتف بالرجل مو مهم اهم شيء يعجزون عن الحركة لين نخلص مهمتنا .. اثنين ابي مخدر كل واحد معاه بخاخ مخدر يرش على كل واحد يوقف عائق بطريقة.. ثلاثة لا تنسون كاتم الصوت للمسدسات عشان ان اضطرينا لاستخدامها.. .. انهار جلست : خلاص تطلقت ولا احد يناقشني بالموضوع.. ام عامر : وغبرة ان شاء الله.. احنا من وين نحصلها الحين يومك متطلقة من رجلك هاه.. و خالتك بتسوي سواتك الغبرة و ولد خالك طلق زوحتة.. انهار : مين..؟! عهود : عماد.. انهار بعدم استيعاب : من جدك ما امداه متزوجها من اسبوعين..؟! بس الصدق ما ينلام تلاقينها رافعها خشمها عليه.. عبدالله : انهار.. احترمي البنية تراها بنت عمتنا مثل ما انتِ بنت عمتنا.. انهار : تقارني فيها.. انا اللي عشت حياتي عندكن تقارني بوحده ما عرفتها الا ليلة البارح..؟! عبدالله : هي بنت عمتي من يوم ما ولدت مو من ليلة البارح.. انهار : والله و توك تدري انها بنت عمتك ما اشوفك تجيب طاريها من سنين.. ام عامر : خلاص بتصدعين راسي.. عيالك وينهم..؟ انهار : عند ابوهم خليهم يقعدون عندهم ازين.. ام يوسف : حرام هو صغار يحتاجونك.. انهار : بيجيبهم كل يومين عندي لان ابوهم ما يبيهم يستقرون عندي شكله نفس طينة ابراهيم طليق خالتي مريم.. ام عامر : و انتِ نفس طينة خالتك عز الله ما عرفنا نربي بنات يعرفن السنع.. انهار : يالله يا يمه الله يخليك ما ابي احد يجبي لي طاري زوجي او بالاصح طليقي كبتني خنقنننني باوامره.. ام عامر : من رداك ما عرفتي تسنعين رجلتس ياعلني ما اربح ما عرفت اربي.. ابو عبدالله : استغفر الله يا يمه تدعين على نفسك ليش هن صغار عشان تأخذين خطاهن عنهن..؟! ام عامر : ماهن صغار وهذا اللي يلهد الكبد انه نهن صغار حريم كل وحده تقول الزود عندي لكن ما من فهم وتقدير لعيال الحمايل والا وحدتن عاقلة تضيع ابو سعود من يديها ثم ابو ريان .. وتجيك الخبلة هاذي و تلحق خالتها وتضيع رجلها.. مريم : يمه الله يخليك الحياة ماهي غصيبة.. ابو ريان بيكمل عيشتة بفرنسا وانا ما ابي اجلس هناك و عياله بيقعدون معاه ويش اسوي اجرهم من كششهم ماهي معقولة.. ام عامر : المعقولة انك تتركين رجلك بعد هالسنين و تجين بظل اخوانك و تطلبين الطلاق.. مريم : يمه ما عاد ابيه اقولها لك بالفم المليان طلال كررررهتة.. ام عامر : هد فم أي والله هد فم.. .. ام عبدالرحمن : يا وليدي ويش بلاك كن قلبك ماكلك.. ابو سعود : يا يمه لا مأكلني ولا شيء مين اللي قايل لكم ومقلقكم..؟! ابو عبدالرحمن : عيالك خايفين عليك.. بندر : تكفى ياخوي ما يصير اللي تسويه بعمرك عيالك بيهيتون ترضاها.. ابو سعود : ماهم صغار انا ربيتهم و هم رجال يعرفون الصح من الغلط.. ابو عساف : انت بك بلى غير زواج وعد.. علمنا يا اخوي لا تحط بصدرك وتقفل عليها.. ابو سعود : والله ما بني بلى واني بخير و نعمة ما ناقصني الا ان بنتي تكون جنبي و عيال مبالغين بحكيهم.. سعد : انت شفتها..؟! ابو سعود : ايه يا اخوي شفتها وهذا اللي ذبحني اني شفتها.. ابو عبدالرحمن : احمد ربك يا ولدي البنية بخير و هذا ولدك دكتور اخيتك بها شيء يخوف..؟! احمد : لا ان شاء الله .. ونومتها باذن الله ما تطول لا حست اننا جنبها بتصحى ما راح نتركها يبه لا تشيل همها.. ابو سعود : انت شفتها .. هاذيك وعد اللي تخبرها.. احمد : يبه طبيعي شكلها بيكون كذا ما تأكل على المغذيات عايشة .. بس تصحى بتأكل و ترجع عافيتها مثل اول و ازين.. ابو سعود : متى ابي موعد قولي بتصحى متى..؟! احمد : ما اقدر يا يبه و الحمدلله انها للحين ما دخلت بغيبوبة و ان شاء الله ما تدخل.. و نومتها ما راح تطول.. سعد : ابراهيم تراك اقلقت حتى عيالك.. ما خبرناك كذا.. يوم فقدت ميار ما سويت هالسواة.. ابو سعود : ميار انخطفت و سويت كل اللي بيدي وما رجعت لي الا بعد عشرين سنة.. وعد انا ضحيت فيها.. انا زوجتها من غير لا تدري وفوقها حجزها للامن.. .. لا اله الا انت سبحانك اني كنت من الظالمين.. لا احلل نقل الرواية دون ذكر اسمي.. هاشتاق الرواية #رواية_لو_سألتي_الورد .. ضحكة قهر .. |
رد: لو سألتي الورد وهو ما بين إيدك أقطعك بيقول لك عمري فداك الكاتبة / ضحكة قهر
بسم الله الرحمن الرحيم..
السلام عليكم ورحمة الله وبركاتة.. صباحكم مسائكم رضا.. بداية حسيت اني طولت عليكم .. بس حسبتها طلعت اربعة ايام عن اخر بارت بما انه نزل تقريباً فجر الخميس.. كثير يقولون لي طولتي و ننتظرك.. انا قايلة لكم ان بين كل بارت و بارت ثلاث اربع ايام .. حتى لو فرضاً تكررت حركة البارت هذا وتعبني بنزل لكم لو بارت قصير عشان اوفي بوعدي معاكم.. اما اني ما انزل لا ان شاء الله ما راح اسويها.. بيننا وعد مثل حبيبتكم وعد و بنلتزم فيه .. البارت هذا تعبني بشكل ما توقعتة .. ما تعبت في بارت من قبل كثر هذا.. رغم اني مرتبة افكاري و كل شيء ما ادري ليش حسيته ما هو راضي يكتمل.. بس اجرامي ركزوا فيه لا تحوسون ابداً يحتاج له تركيز شوي.. البارت ما فيه لا انهار و لا مريم عشان ما تنتفون فيهم << حنت عليهم من كثر السب.. اخيراً فيه كتابات انزلها من ضمن البارتات .. فيه اثنين يحملون نفس الاسم بس ماهم نفس الشخص.. وحشتك .. واحد فيهم راح اكتب فيه وحشتك ناصر العنزي .. و الثاني وحشتك*؟ .. حفظاً لحقوقهم.. البارت الثالث و العشرون.. اليوم صوتي يناسب لحظة الفرقا كانك تبينا نتفارق خلّها الليله من ينتظره الشقا لو ينتظر يشقى دام الشقا ينتظرني ليه ما أجي له ؟!.. لـ فهد المساعد بخطوات مدروسة يسيرون في ممرات المستشفى قاصدين غرفتها اثناء سماع تنبيهات سلطام عبر السماعات اللاسكية المخبئة باذانهم.. يرتدون زي الممرضين و الدكاترة يرتدون الشرف و يخبئون الخبث .. يستمع لاوامر سطام : ابي كل شيء يصير بسرعة عادية عشان لا احد يشك فينا و لا تماطلون و يطب فينا احد.. الخطأ محسوب عليكم .. لشباب اللي يراقبون بوابات المستشفى أي احد يلمح غازي و جماعتة يبلغنا مو تتركون البنت و تنحاشون يمكن يكون عندنا هدية مع البنية.. او لا شفتوا أي احد من اخوان سعود بعد يفيدنا.. ناصر يكلم سطام : كلمت جلال..؟ سطام : اكيد و الفرق جاهزة بس نأخذ وعد وقتها بيصكون رووسهم ببعض يدورون عليها.. تبي تأثر على مجموعة اكصر قايدها وقتها كل اللي وراه يتأثرون فيه.. و احنا ما كسرنا القايد و بس كسرنا معاه ثلاث ظهور سعود و عماد و عساف.. لو نمسك على نايف بن دخيل و عزام بن مبارك و راشد بن مصلح و نخليهم يلفون الحبل حول رقابهم.. وصلوا لغرفتها في غضون ثنتين تقابل اربعة رجال يرتدون الزي الطبي ليتلقون ببعض امام غرفتها ليكون مصير الحرس على بابها التمدد بالارض بين طلقات نارية صامتة بسبب كاتم الصوت و بين مخدر انتشرت ذراتة على مخارج تنفسهم.. ليستنشقوه و من بعدها يغطسون.. جاء رجلان كانا ينتظران انتهاء الاربعة من مهمة التخدير صوت عجلات السرير هي من تكسر هدوء المكان .. و همساتهم الخافتة استعداداً لدخول الغرفة و القضاء على من فيها تتم وفق خطة مدروسة من رئيسهم اقتحم الاربعة المكان .. الخادمة كانت نائمة و سلوى .. اما رانية و هيفاء يجلسان بزاوية لوحدهم ليتحدثوا بعيداً عن الازعاج في ثانتين لم تستوعبان فيها الحدث .. هجموا عليهم الرجال.. لتتلقى كل واحدة منهن رصاصة رانيه بكفتها و هيفاء بساقها كتمت صرخاتهن و انفاسهن ليتخدرن بعدها بمفعول المخدر.. احد الرجال : الخدامة و الحرمة الثانية نايمات.. : لا تصوبون عليهم بس خدروهم نضمن انهن ما يصحن.. : اخاف الرئيس يعصب.. : ما راح نستفيد من اصابتهم بس خدروهم.. اثناء حديثهم لما ينتبهوا لمن كانت مستيقظة لتصرخ باعلى صوتها : آآآآآآآآآآآآآآآآآآآآآآآآآآآآآآآآآآآآآآآآآآآآآآآآآآ آآآآآآآآآآآآآآآآآآآآآآآ .. انصدموا جميعهم من صرختها .. هي من حكوا انها تغط في عوالم اللا وعي ولا خوف منها فقط سيخرجونها باخلاء طبي.. هي من تقطن في فنادق النوم و اطالت المكوث فيها.. تقدم لها احد الرجال ليكتم انفاسها بيده.. التقت عينة القادحة للشرار بعينيها الخائفة دمعها يولد من زاوية عينها ليسير قاصداً شعرها ليختفي هناك بين شعراتها .. كانت تتمنى ان تكون مثل دمعاتها من تختفي ولا ترى من بعدها .. هي ايضاً تريد ان تختفي ولا ترى بعدها.. هذه المره الثالثة تخطف .. لكن من سينقذها هذه المره .. لا احد.. جميعهم تركوها و تخلوا عنها.. حتى عماد من اصبحت من عرضة حكى لها انه سيتخلى عنها عند اقرب محطة.. وهاهم وصلوا و هاهو رماها من مركبتة ليتلقفها هؤلاء.. لا احد معاها ابداً دمعاتها الكسيرة محملة بدعوات لرب ترجوه ان ينقذها قبل ان تنتهك وتهلك.. فهي لم تعتد تحتمل اكثر ابداً ستموت عند ادنى موقف.. بالتأكيد ستموت.. : ايش تنتظر ما تخدرها و نمشي..؟! بالفعلا هي لحظات لتخدر وعد بعد ما خدر الشباب الخادمة و سلوى ليحملوا وعد على السرير الخدعة الذي آتوا به معهم ليخرجوا من الغرفة و يتفرقوا حتى لا يشك احداً بامرهم.. سيخرجون من ابواب متفرقة للمستشفى كي لا يثيروا شك احد.. سطام واقف امام البوابة بجانب ناصر .. : تدري .. اول ما نحرك من هنا بدق على جلال يضرب ضربتة ما راح انتظر لين نوصل مقرنا.. ناصر : ما تخاف الرئيس يدري اننا خاطفين البنية من غير علمه.. سطام : لا ابداً .. هو معطينا صلاحيات كبيرة بخصوص هدم الامن تعرف انت قد ايش الرئيس يكره ابو سعود.. ناصر : صح ليش يكرهه..؟! سطام : ما ادري بس كنها مشكلة عائلية.. فا لما اقوله خطفت بنته بيحس انه كسر ابو سعود و احنا كسرنا الباقين.. ناصر يركز نظرة على السرير المحاط بثلاث من رجالهم يسيرون بحذر : شوفهم جوو.. سطام مبتسم بانجاز : كفووو و الله يبي لهم حب خشوم.. يسير الثلاث شباب بجانب السرير .. مسدساتهم مخبأة بايديهم الموضوعة على سرير وعد بهدف دفة و السير به للخارج و المسدسات بايديهم تحسباً لأي طارئ .. المستشفى لم يكن هادئ تماماً هنا فكان هناك بعض المرضى في أخر الليل لذلك هناك اشخاص متواجدين.. توقف الثلاث برعب عندما سمعوا صوت احد الاشخاص قاصدهم بالحديث : لو سمحتم.. وين ماخذين السرير.. انتبه للجسد الممد مغطى تماماً.. احد رجال العصابة : اخلاء طبي للمريضة.. استغرب الرجل : اخلاء طبي و بتالي الليل و المريضة ما عليها ولا جهاز..؟!!؟ احد رجال العصابة : الاجهزة موجودة بسيارة الاسعاف و احنا لازم ننقلها بسرعة و انت عائق لنا ممكن تهدر حياة المريضة.. الرجل : طيب اعطوني اسم المريضة عشان اشوف ان كان مسجل لها اخلاء طبي.. يا سنــــــد.. سند تقدم من خلف طاولة السنترال : نعم استاذ.. الرجل : اسم المريضة...؟! نظر الرجال لسطام ليفهموا اشارتة بالهجوم على الرجل و تهديد الجميع بالسلاح.. ليأخذ سطام الضحية خارجاً بها.. في لحظات بسيطة رفع الرجال الثلاثة اسلحتهم على الموجودين وجهوا احد الاسلحة على سند و رئيسة.. اتسعت العيون و الرهبة تملكت الجميع لترتفع صرخات الذعر بين زوايا المكان .. اخرج ناصر ايضاً سلاحة و سطام اتجه لسرير حمل وعد بخفة بين يديه و نظر لسند و رئيسة مبتسماً : قولوا لعماد بن عامر و سعود بن ابراهيم سطام يسلم عليكم.. و خرج امام انظارهم و ذهولهم و صرخات المرضى و الناس.. : يا شيخ ما يصير اللي تسونه.. رجل المستشفى : راح تندمون لا تحسبون انكم بتفلتون من يد الامن.. احد رجال العصابة : روحوا غرفة المريضة قبل بتلقون هناك مرضى تسلون فيهم بدل اللي اخذناها هههههههههههههههههههه.. تراجعت خطواتها حتى خرجوا من المستشفى باكملة ليصعدوا سيارتهم و كان ورائهم المدير محاولاً حفظ ارقام سيارتهم.. .. في اجتماع سري يقام بمقرهم.. بدون عماد الذي ذهب ليطمئن اهله.. عزام : متأكد يا وليد انك قدها.. وليد : استغفر الله كل دقيقة واحد سألني.. عزام : عشان تعرف انت على مين بتدخل.. وليد : على مين بدخل اقصاهم عصابة مخدرات.. نايف : وليد لا تستهين تراهم اذكياء فوق ما تتخيل.. بدليل ما احد قدر عليهم للحين.. وليد بغرور : مو اذكى من وليد بن ابراهيم.. بسطرهم لكم هنا بس انتم اعطوني الخيط و المخيط.. و الله لا اجيبهم لكم على رجل وحده.. الفريق غازي اللي كان جالس و صامت من اول الاجتماع.. يستمع لتنبيهات الشباب و غرور وليد و ثقتة بنفسة.. : يا خوفي ثقتك هاذي اللي قدامنا تروح بنفخة هواء منهم.. سعود : و الله انا ماني واثق فيك.. الفكرة اللي جبتها زينة بس التنفيذ انت انا معترض عليه.. وليد : كيفي فكرتي انا اللي بنفذها والا بروح ارفع عليكم قضية سرقة حقوق فكرية.. عساف : نشتغل مع مراهقين.. وليد : و الله المراهقين اللي تقول عنهم اعقل من ناس خط الشيب بروسهم و افعالهم افعال مراهقين.. لا داعي بان نذكر بان القصد هو عساف .. ولكن غازي يبي يلف الموضوع قبل لا يكبر هم يريدون ان يكونوا على يد واحدة صلبة داخلياً و خارجياً كي لا تفك من اول ضربة.. : طبعاً ما تقصدني.. وليد يسند ظهره براحة على الكنب فهو يعلم قصد غازي و ليس بغبي كي يفهم ان غازي يحول الموضوع : مين قال.؟.؟! الفريق غازي : بس كنت احسبك تقصدني.. وليد : من اليوم و رايح انا اسمي عبدالملك.. ما راح اتعامل معاكم و لا اقرب منكم.. الشيء الوحيد اللي راح اتواصل معاكم فيه الجوال.. و ما راح يكون باسمي.. لذلك ابي بطاقة مزورة باسمي.. اشتغل باعمال حرة .. عشان كذا راح افتح لي كشك بمجمع تجاري عشان من يسال عني يلقاني هناك.. الفريق غازي : اشوفك خططت و خلصت من غير لا ندرس أي شيء..؟! وليد : لا تدرس ولا تذاكر ما يحتاج كل شيء علي بس اللي اطلبه منكم جيبوه لي و لكم علي اجيب لكم كل اللي تبونه.. الفريق غازي : لا تحسب اني بخليك على راحتك.. (تحول صوتة للحدة) كل المهزلة اللي قلتها ماني معترف فيها تفهم والا لا.. وليد بطول بال شبك كفوف يده ببعض ويتقدم قليلاً لسيتند بذراعة على فخذة : انا ادري انك مو واثق فيني.. او بالاصح حاس انه المهمة كبيرة علي و خايف علي لا اخفق و يصير لي شيء.. بس تأكد مثل ما انت مفدي روحك لهالأرض انا بعد روحي فداها.. و اللي اقوله انا فكرت فيه قبل لا اقوله .. ما انكر ان دخولي عليهم كا تاجر مخدرات تهور بس هو السبيل الوحيد لدخول لمقرهم الرئيسي عشان نعرف نقاط ضعفهم و قوتهم و نوصل لرئيسهم وهو الاهم .. الشجرة ان ما بغيتها ترجع تنبت من جديد اقلعها من جذورها.. سعود مبتسم بفخر : يا طلع منك يا ولد امس.. وليد : اعجبك يا الشايب.. الفريق غازي : اننا ما نشوفك ولا ندربك على اساسيات لازم تتقنها و تعرف دهاليز شغل المخدرات قبل لا تروح لهم هاذي انساها.. انا بستلم تدريبك و رب الكعبة لاكرفك و الخطأ منك ما راح اقبلة.. حتى اسلوب حوارك هذا بيتغير .. فاهم.. وليد : لا تخاف علي.. بسوي اللي تبيه .. على الاقل اتونس خلال هالشهور اللي بقضيها معاكم.. الفريق غازي : و تدريب اللياقة ما تنساه.. وليد : اوك ما راح انسى شيء.. سعود يخرج جوالة الذي قطع استرسالهم بالحديث : هلا عماد .. وقف من صدمتة : ايش قلت..؟!؟ اغمض عينية بشدة لتخط التجاعيد على زاويتها قهراً على ما يجري .. : جايك الحين.. قفل الخط و هو يصير على اسنانة سيكسر الجوال : انا بروح المستشفى.. الفريق غازي وقف : وقف .. ايش فيه عماد..؟ سعود بقهر : خطفوا وعد.. .. في المستشفى عماد غاضب جداً اتاه اتصال من المستشفى يبلغة باختطاف وعد.. ليأتي مسرعاً هنا ذهب لغرفتها بالرغم من وقوف الأمن عليها و منع الدخول لحين اخذ جميع الأدلة الجنائية لعملية الاختطاف.. عماد لسانة عاجز عن النطق مقهور .. انخطفت يوم ملك عليها و انخطفت يوم طلقها.. عيناه تدور على المباحث المهتمين بأدق التفاصيل التي ممكن ان تفيدهم بالتحقيق .. بالرغم من وضوح كل شيء.. دخول سعود و غازي و الشباب هو من كسر اتقان العمل و تأمل عماد بعمل المباحث .. ادوا التحية العسكرية لغازي و الضباط.. غازي : وين الحرس..؟! عماد : مصوبين عليهم ومخدرينهم.. سعود : مين اذا صلاح بالسجن..؟! عماد : سطام.. الفريق غازي : ايش دراك انه سطام..!؟ عماد : ارسل سلام لي و لسعود مع مدير الاستقبال.. سعود بحدة : الله لا يسلمني ان تركتة بحالة.. عزام وين مكانهم.. الفريق غازي : بتروح لهم كذا..؟! سعود : اختي ما يأذن الفجر وهي عندهم.. وليد والنار تغلي بعروقة مسك سعود : تعرف وين مكانهم..؟! عزام : تحسبون بسهولة بتدخلون.. سعود : بداهم المكان.. عساف : ما راح نخلي وعد عندهم.. اعطينا امر بالمداهمة.. عماد : انا بعد ما ابيها تتم الساعة وهي عندهم.. و بنداهم المكان و نأخذها قبل لا تصحى وهي عندهم و تروح فيها.. نايف : عماد معاه حق.. هذا غير ان اختطافها للمره الثانية يعني ان وعد عندها شيء هم خايفين منه .. والا يختطفونها وهي تعبانة ولا تفيدهم بشيء .. يعني اكيد ناوين نية قشرا.. وليد : الحين الحين تعطينا الامر انا اول واحد بروح.. الفريق غازي خرج ليخرجون خلفة.. هيبة خرجت من غرفتها وسط رعب و توتر دبوه بنفس كل شخص يراهم و اولهم رجال الامن الذين يعرفون من هؤلاء و كيف هم.. غازي وقف على السنترال : مين اللي كان موجود لحظة اختطاف المريضة..؟! المدير : انا و سند.. وآشر عليه.. الفريق غازي : ليش ما حميتوا المريضة وخليتوها تطلع قدام عيونكم.. المدير : تعرضنا لتهديد بالسلاح.. و روعوا الخلق اللي كانوا موجودين لدرجة انحاشوا من المستشفى بعد خروج المعتدين.. الفريق غازي : ويش قالوا لكم..؟! المدير : قال قولوا لعماد بن عامر و سعود بن ابراهيم سطام يسلم عليكم.. الفريق غازي : بنستدعيكم للتحقيق راح يجي واحد من الامن ياخذ اساميكم و عناوينكم و ارقامكم.. .. سطام : اقفلوا عليها بالغرفة.. ناصر : الرئيس تحت ينتظرنا.. سطام : الحين بننزل له.. ناصر : بتقوله الحين.. سطام : اكيد.. لو درى بعدين بيسوي لنا سالفة ما تنتهي.. ناصر : كلمت جلال..؟! سطام يضغط زر الاتصال : الحين بكلمة.. الوو.. هاه وينك.. كويس احنا خطفناها جاء دورك.. المهم جلال ما يحتاج انبهك من مركز مين بتهرب مساجين.. بس قلت اذكرك بغازي بن حمدان.. علمني اول ما تخرج.. اوك.. وقف الخط مبتسم : اشتري شوفتهم بكل اللي وراي و دوني.. : سيدي السيد يبيكم.. نزل سطام من خلفة ناصر ليدخلوا الصالة في طابق تحت الأرض .. يغلبة الرقي من يدخل هذا المكان يأتيه بان من يملك هذا المكان هو انسان راقي مثقف ومفكر مهتم.. انســـاني بعيد كل البعد عن الافكار الاجرامية.. و تجارة السلاح و المخدرات.. وترويع الأمنين.. : السلام عليكم.. : وعليكم السلام.. سلموا على رئيسهم و جلسوا على الكنب .. : وين كنتم..؟! سطام : نلعب مع غازي و رجالة شوي.. ابتسم : ويش لعبتكم..؟ يمكن اشارك فيها..؟! سطام ابتسم : ما تعجبك.. : انت احكي و انا اقرر تعجبني والا لا.. سطام : تعرف اخت سعود بن ابراهيم اللي جابها مره صلاح.. : تقصد البنت اللي علمتوها عن العملية.. سطام : عليك نور.. جبناها مره ثانية.. : ايش تبي فيها..!؟ سطام : انا شاك ان هي اللي علمتهم على تفجير مجمع الدرة.. : وهي ويش عرفها..؟! سطام : انا متأكد ان ما احد كان يدري بالخطة الأساسية.. عشان كذا انا شاك انها تدري بشيء.. : سطام.. عداوتنا مع غازي و شاكلتة تكفينا ما نبي نزيدها و تثير جنونهم و يطيحون فينا.. ممكن ان درى الرئيس تروح فيها.. سطام : لا تخاف ما راح يلقونها .. و لا راح يصير شيء بخليها هنا ما احد بيقربها.. : ما ابي أي شيء يشغلنا عن عمليتنا بكرة.. سطام : ماهي مشغلتنا البنية مخدرة ولا هي حاسة بشيء.. : نشوف.. كلمتوا فهد..!؟ ناصر : ايه كلمة جلال و قاله على موعد الاجتماع و المكان .. بس ماني متوقع انه يجي.. رفع حاجبة الايسر باستعلاء : ليش..؟! ناصر : لان جلال يقول انه تعبان و بالمستشفى.. : ابي اشوف شغلة بهالعملية.. ابي العملية تتم على اكمل وجه.. ناصر : ان شاء الله .. نبي نرتاح من اشكالهم.. سطام : بس سيدي احنا ما عرفنا الخطة للحين.. : مو هالحين بتعرفونها بكره بالاجتماع و من بعدها التنفيذ انا مجهز كل العدة اللي لازمتنا بس عليكم تجون و تنفذون.. .. بعيداً عن حدث الخطف.. هم جالسين يحاولون تخفيف مرض وعد على والدها و اخوتها.. ابو عمر : ان شاء الله بكره تروح لها و تشوفها قايمة .. ابو سعود : الله يسمع منك.. جود : دادي ترى انا صرت اغار من وعد من كثر ما تحبها و ساحب علينا.. مشعل : عاد انتِ اخر وحده تحكين.. ماخذة حقك و زود.. جود : مالك دخل انا و بابا نتفاهم.. رند جات تجري : بابا سوفيها.. خالد : مين..؟! رند : سوسو الدوبا.. خالد : عمة سها.. سها واقفة متخصرة و تتحلطم : شوف بنتك و الله لا اضربها.. ام ندى : ايه حطي عقلك بعقل بزر.. سها : تقهر تدخل غرفة وعد وتلعب بكتبها و تحوسها و انتم تعرفون وعد قد ايش تقدر الكتب.. خالد : رنود الا غرفة عمة وعد ما تدخلينها فاهمة.. رند بحماس : عندها تتاب حلووة.. خالد : على اساس تعرفين تقرين.. رند : انتِ تدرين لي دصة.. ام عبدالرحمن : بنتك تعرف تقرأ..!؟ جود : الحين من جدك يمه هاذي شبر القاع تعرف تقرأ ليش عيال الاجانب غير عنا.. يطلعون من بطون امهم متعلمين..؟! مشعل : ليش ماهي بنت اخوك.!؟ يوم تقول عيال الاجانب.. جود : ويش اسوي لها ماسكة عرق امها.. اصلاً انا ما ابي امشي معاها قدام الناس عشان ما يدرون اني عمتها.. خالد : ليش ان شاء الله جود خانوم.. رند تقلد ابوها : ليس ان ساء الله زود خمة.. جود تصر على اسنانها : خمة في عينك ان شاء الله .. قامت تبي تضربها و رند تخبت وراء ابوها.. : ذابحتك انا الليلة اريح البشرية من همك.. ام عبدالرحمن : بقعة و صقعة ان شاء الله رادة عقلك للبزر..؟! جود : بضربها مالكم دخل فيني.. رند تمد لسانها على جود تقهر : آآآآآ .. انتِ بزلة.. جود : انا بزرة..!؟ رند بدلع : من زمااان.. جود تحاول تمسك رند و خالد مسك ذراع جود وجلسها جنبه : من جدك بتراعين البنية.. جود : بس بعضها.. ببرد حرتي.. سها : مو بس انتِ حتى انا ببرد حرتي بعضها .. ياسر : ويش السالفة استبزرتن الليلة كن احد فايق لكن..؟! ام عبدالرحمن : ايه والله العقول عقول بزارين انتِش لون بنزوجكن.. عز الله رجالكن بيردونكن علينا من صباحيتكن.. سها جلست على طرف الكنب : يحمدون ربهم اللي احنا موافقين عليهم.. جود : و يصلون شكر كل يوم اللي مناسبين ابراهيم بن مساعد و عياله.. سها : طبعاً و الا احد يحصلة احنا و يردنا من الصباحية زين ما خبونا عن الخلايق.. جود : صح يخافون علينا من عيون الناس.. ام عبدالرحمن : والله يبي لي اربيكن من جديد بهالعصا.. فزت سها و بلعت ريقها : نمزح يمه ويش فيك ما احنا متزوجات اصلاً بنقعد عند ابراهيم حبيبنا.. ام عبدالرحمن : الله يفكة من شركن ماهو ناقص الله فيه مكفية.. ابو عمر مبتسم : يمه ويش فيك عليهن .. خليهن يتونسن.. ام عبدالرحمن : ما يستحن على وجيهن حاطات عقلهن بعقل البزرة اللي حسبة يتيمة ام.. و من وراها يحكن بالزواج و لا يستحن لا قدرن ابوهن ولا اخوانهن ولا عمانهن وجدهن اللي جالس.. جود حطت يدها على راسها بتهويل : احنا ما قدرناهم .. يمه ويش فيك نمزح لازم تاخذون المواضيع بجدية و تكبرون الموضوع بس بنونس ابو سعود شوي .. بس ما اعطانا وجه حتى ما ابتسم لخفة دمنا.. ياسر بحدة خافتة : اقول قمي انتِ و اياها على فوق.. قامت جود و ناظرت برند اللي ما زالت وراء خالد : ما راح انساها لك يا الحلووة.. رند ترمش بعيونها : انا حلووة و انتِ دووبا.. جود تمد خدها الايسر و بلسانها : ماشي انا دوبا بعدين بتغيرين حكيك.. سها : امشي بس امشي بعدين ناخذ حقنا.. ام عبدالرحمن يوم شافت جود و سها طلعن ولا همهن الا يهددن رند : لا بالله بناتك يبي لهن من يربيهن من جديد .. سعود وينه عنهن.. احمد : يمه يمزحن ليش مكبرة الموضوع.. ام عبدالرحمن : انت ابعد عني ماني محكيتك عارفة انك ما تسمع الكلام و كل شيء عندك عادي.. مثل اخيك هالهيس هذاك اللي مخبي بنتة وراه.. خالد : يمه ويش فيك كبرتي الموضوع خواتي يمزحن.. هن متضايقات و رند مدلعة تضايقهن بزيادة.. ابو عمر : وينه سعود ما شفتة لي فترة..!؟ ابو عساف : عنده شغل هو وعساف و قالوا بيتأخرون.. ام سعود : دايم وهم مشغولين الله يستر عليهم.. ام احمد : حتى وليد صاير ما يرد البيت تقريباً شوي و ينام عند غازي.. بندر : مير ذكرتيني الله يذكرك بالشهادة .. لف على الشباب : من جدكم مخلين عماد يطلق اختكم..!؟ خالد : ايه.. ياسر : هو قال بيطلقها بس تخلص القضية كنها هم على قلبة ليش نخليه يتحملها يطلقها من الحين مانبي منه شيء.. بندر : لا ما اعرفكم ابداً ما اعرفكم مو انتم اللي ضغطتوا على الرجال و طالبينة يطلق اختكم..؟! خالد : الا احنا طلبناه بس حتى هو ما يبيها .. بندر : اغبيــــــــاء انتم ما تفهمون.. شلون بتسكتون حلوق خلق الله.. الكل بيدري انه طلقها لا جوو نشدوكم وين بنيتكم ويش بتحكون محجوزة امنياً..؟! تبونا ننفضح ما احد بيفكر انها محجوزة و هي ما سوت شيء بس معلومات تعرفها .. الكل بيقول مجرمة و كل واحد بيألف له قصة من عنده.. المفروض حتى لو بيطلقها تقولون له اصبر لين تخلص القضية هذا عرضكم و شرفكم يا الاغبياء.. ابو عبدالرحمن : ما يكفي انه ستر عليها و اعلن عرسة و سوا معانا سواة رجال .. تقومون انتم تهاوشون معاه .. ابو عمر : الله يهديكم يا عمي كان لازم تقدرون الموضوع عماد ما قصر تروحون تجبرونه على الطلاق ما امداه يتعرف عليها زين حتى ما كملوا الشهر مع بعض.. ام عبدالرحمن : هذا و انا اقول انكم عاقلين .. دقوا على سعود خلوه يجي و الله ا ناخليه يأدبكم يا اللي ما تستحون على وجيهكم.. سكتوا خالد و ياسر ما راح يناقشونهم كلهم اشتطوا عليهم.. ابو عساف : عاجبك اللي مسوينة عيالك..!؟ ابو سعود : ويش تبيني اسوي لهم..؟! بندر : من متى انت ترد زي كذا .. طول عمرك حاكمهم و الحين مخليهم ينفلتون و لا يردون لك الشور.. صاروا يحلون و يربطون من عندهم.. ابو سعود : تبيني اضربهم وهم طولي..!؟ و بعدين خلوهم يأخذون حق وعد ماني رادهم.. يمكن يقدرون يحمونها اكثر مني.. انا موليهم امور خواتهم.. الصدمة اعتلت الجميع .. من وقع كلمات ابو سعود و كأنه لا يريد ان يحكم حياتهم كالسابق و هذا بحد ذاتة مصيبة كبيرة .. ابو عمر : ليش كل هذا عشان وعد .. ياخوي انت مو مسؤول عنها بس عندك بنات غيرها .. ما اقول لا تضايق عليها بس انت وراك كاره الحياة و لا ودك تعيش.. البنية ان شاء الله انها بخير و انت بسواتك هاذي تفاول عليها بالشر.. ابو عساف : يا اخوي عيالك فيهم الخير و البركة بس ما يصير تهيتهم كذا .. و كنك ما خلفت غير وعد.. الشباب اللي وراهم اهل يحاسبونهم يخطون كيف اللي تاركينهم اهلهم على راحتهم..؟! ابو سعود : سعود ما يقصر انا ربيت و كبرت لين تعبت.. احمد : يبه قوم ارتاح تعبت اليوم حيل .. يمكن ضغطك مرتفع زود.. ابو سعود : انا مرتاح هنا.. ما ابي اجلس لحالي و اهوجس بحياتي.. احمد : طيب خلني اعطيك حبة تهديك و تنام و ترتاح.. ابو سعود : لاا.. ام عبدالرحمن : يا ابوي تكفى لا تخوفني عليك.. يا عل عيني ما تبكيك.. لا تسوي كذا بعمرك.. ان كان ما تبغى عمرك احنا نبيك و عيالك و بناتك يبونك.. .. امام مركز غازي .. جلال واقف ومعه حمود .. و بقية الرجال دخلوا بزي عسكري.. لن يدخل جلال معهم كي لا يخاطر بروحة فقط روحة غالية لدية لكن ارواح زملائة و رجالة ليست غالية.. دخلوا العصابة المتنكرين .. كانوا يدخلون للموت فا مركز غازي مجرد الوقوف امامة موت.. : مثل ما اتفقنا .. راح نرمي القنابل الغازية عشان نضمن خروج الكل من المركز.. تفرقوا على غرف الممر سيرمون القنابل بوقت واحد .. ارتكزت النظرات على قائدهم .. اعطاهم الاشارة ليرمون جميعهم بوقت واحد القنابل داخل المكاتب.. ليتفرقوا العصابة و يسيرون بشكل هادئ بالممر و كأنهم لم يفعلوا شيئاً.. صراخ الضباط بالتحذير و الهلع لينبهوا الجميع كي يخرجوا من المكان باسرع وقت : قنــــــــــــبلة.. : بسرعة يا شباب اخلوا المكان قبل لا ينفجر.. : يالله يا شباب استعجلوا.. : كلموا اللي بالدور اللي فوق عشان يخلون المكان.. دوى صوت صفارات الانذار بالمكان و لم يعد يرى سوى الدخان و اشباح تسير بين اكوام الدخان .. نزلوا العصابة للبدروم ليفتحوا الزنزانات عن مساجينهم .. احد الرجال : بنخلي المكان بسرعة المركز بينفجر.. فتح احد الحرس بوابة السجن .. لياخذ كل واحد مفتاح من الرزمة ليفتح عن المساجين ليخرجوهم خارج المركز بسيارات لمراكز اخرى.. صلاح : خير ايش فيه.. احد رجال العصابة : امش بسرعة و انت ساكت.. زياد : بالهون علينا يا شيخ.. الضابط : بسرعة المكان بينفجر ما معانا وقت.. رجال العصابة اخذوا صلاح و زياد عاكسين الطريق متجهين للبوابة الخلفية.. اما باقي المساجين كانوا يخرجون من الامن مع البوابة الامامية .. لكن ما هي الا لحظات حتى يدوي صوت الانفجار بالمكان محدث ضجة و ذعر .. و خسارات.. .. في المركز الذي يرأسة عساف .. واقفين الفرق المتوجهه للمداهمة برئاسة الشباب مصطفين جميعهم بجانب بعضهم بثبات وثقة.. الفريق غازي : احنا راح نداهم المكان ان حسيتوا باي خطر لازم تنبهون الجميع.. خصوصاً انهم ممكن يستخدمون القنابل.. ما ابي أي احد يحط حياتة على المحك مهما كان السبب احنا في مهمة امنية مداهمة عصابة خطيرة.. مفهوووم.. بصوت جهوري يهز المكان : مفهوووم.. الفريق غازي : وليد انت بتجلس هنا لين نرجع.. وليد : والله ما جلست هنا و اختي بيدهم لو تذبحني.. الفريق غازي : هذا امر من رئيسك غصباً عنك تنفذة.. وليد ما راح يتمادى على غازي امام الفرق الموجودة .. فهو يعلم الاحترام.. احتدت نظراتة جداً .. غازي اخرج هاتفة : نعم.. (تجهم وجهه من الصدمة) ايش قلت..!؟ قفل الخط لينظر للشباب : راح نأجل العملية.. سعود : سيدي.. غازي : فجروا مركزي و هربوا صلاح و زياد.. انصدموا مين يتجرأ يلعب مع غازي لعبة بهالحجم.. غازي من اذا نطق اسمه اهتاب الجميع منه.. غازي من يعرف عنه الحدة و الحزم و القسوة .. لا يعرف درب للرحمة ابداً و كأنها لم توجد الرحمة على كوكب الارض ابداً.. خرج غازي مصدوم عيناه تقدحان شرراً فضيعاً.. ومن خلفة وليد يسير ورائة.. عساف يكلم الفرق : اتجهوا لمقركم لين نخبركم بالتطورات.. الفرق : حاضر سيدي.. ادوا التحية العسكرية مع بعضهم ليخرجوا من مكتب عساف .. التقت نظرات الشباب الستة مع بعض.. و كأن الخناق يضيق عليهم.. خرجوا ليلحقوا برئيسهم دون ان يعلقوا على الموضوع.. .. سطام يسلم على صلاح و زياد : الحمدلله على السلامة.. زياد : الله يسلمك.. بروح اتروش انقرفت من نفسي.. ناصر : استعجل بس ورانا عملية.. زياد : يصير خير.. صلاح مبتسم : ما توقعت انه انتم بتطلعونا بذا الطريقة توقعت نفس الطريقة اللي فاتت.. جلال : ما انت صاحي و غازي مثل عساف وسعود.. مركز غازي يدوي مثل النحل.. مو مثل مركز عساف و سعود.. صلاح : لا تذكرني يوم حققوا معاي خليتهم يعصبونا لا الزفت غازي ما عصب.. على اني جايب له سيرتة الحياتية كلها عشان يولع و متكلم عن بناتة.. حمود : ما لقيت الا غازي تعصب فيه زين ما ذبحك.. صلاح : تعرفوني زين حياتي اخر اهتماماتي.. بس عاد قلت لهم ان اخت سعود اول سعودية تنضم للعصابة بس لو تشوف اشكالهم كيف صارت.. جلال : ما لقيت غير تلعب على اخت سعود و زوجة عماد.. صلاح : هذا انا طلعت من عندهم سالم.. سطام : الضربة اللي بتذبحهم انها جات وراء بعض خطفنا بنتهم و هربناكم.. صلاح وقف مبتسم بانتصار : اخ يا زين مين يشوفهم الحين.. بروح اتروش عفنت عندهم.. .. في أجواء يدب فيها الرهبة .. المكان محاوط بسيارات الاطفاء و الاسعاف.. حمد : سيدي الحمدلله ما فيه وفيات صحيح فيه اصابات خطيرة بس الله يعديها.. الفريق غازي صامت لا ينطق بحرف .. كل ما يراه هو مذهول منه جداً كيف يتم تفجير مركزة وكأنها اشارة لتحدية هو.. و يهرب منه مساجين.. عساف : سيدي.. الفريق اول جابر هنا.. التفت غازي للفريق اول من يحمل نفس رتبته .. صافحة احترام فقط.. الفريق اول جابر : ويش القصة يا الفريق غازي ما انت قادر تسيطر على عصابة سافلة مثل هاذي.. و ماسك افضل العمداء و العقداء.. معاك اسماء تنهز الارض ان انذكرت.. الفريق غازي : قدر الله وما شاء فعل.. الفريق اول جابر مبتسم : انا جيت ابلغك ان القضية انسحبت منك انت و جماعتك و مسكتها انا .. انتم راح تكونون بالواجهة و معاكم كامل الصلاحيات بس اللي ماسك القضية بالحقيقة هو انا.. تجهمت وجيهم هم يكونون مجرد مرآة تعكس افعال غيرهم..!؟ لا يرضوا بذلك ابداً .. لكنهم توقفوا عندما سمعوا موافقة رئيسهم.. الفريق غازي : دام معانا كامل الصلاحيات .. يعني نقدر نتحكم باللي نبيه .. خلوكم ورانا و احتموا وراء ظهورنا .. ما عندنا مانع.. اتسعت عيني الفريق جابر : احنا ما نحتمي وراء ظهر احد.. بس عشان العصابة يحطون بالهم منكم انتم و يسعون وراء معرفة افكاركم .. اما احنا ما يددرون عننا.. الفريق غازي : على اساس مو من قبل تشتغلون من ورانا .. ترى عندي علم بكل اعمالكم.. الفريق جابر : صحيح.. شكل هالقضية كبيرة عليك.. لدرجة ينحاشون مجرمين من مركزك.. الفريق غازي : برجعهم يا جابر.. و رب الكعبة لا ارجعهم.. ان ما كانت الليلة فهي بكرة.. الفريق جابر: اللي بيدك سوية.. يمكن ما تخسر مكانتك و مركزك .. سلام يا ابو شوق و سلام يا شباب.. ادوا التحية العسكرية جميعهم .. فا الفريق علي اعلى منهم مرتبة و لابد من احترامه.. عماد : سيدي.. الفريق غازي : جهزوا لي اربع فرق بنداهم مقر العصابة.. بنجتمع بمركز عساف.. ادوا التحية العسكرية لرئيسهم .. ليسيروا من خلفة متجهين في عملية امنية.. .. ابعدت قلبي عن هواك بـ شيمته /عشان تعرف كل ما قلبك سهى ،أي شيء فالدنيا ما تعرف قيمته / الا ليا منك خسرته .. وانتهى ! لـ وحشتك*؟ .. في غرفتها تحمل بين اصابعها الورقة المختومة بنهاية حياتها .. بهذه الورقة تستطيع ان تحل رباطها .. حفظت الابيات عن ظهر قلب و كأنها مهداة لها .. علميني ليه انا اسأل عليك.. و أنا عارف رجعتي صعبة معاك.. بعد فرقانا بقى قلبي يبيك.. عيا نبضة يستقل لحظة معاك.. كل ما أبعد أحن اكثر إليك.. أمشي قدامك و أحس إني وراك.. إعذريني كاني ما أقدر أجيك.. يبقى طيفي لو تخيلتي معاك.. لو سألتي الورد وهو ما بين إيديك..أقطعك بيقول لك : عمري فداك.. لو رجع عمري ابرجع و ابتديك.. انتِ اجمل شيء عشتة يا (وعد).. لـ سمو الامير فهد بن خالد بن مشاري آل سعود.. كل كلمة تقطع شرايين قلبها .. تشعر بألم عساف حينما كتب هذه الأبيات.. و تشعر بالالم اكثر لانه خطبها هي من بعد فرقاهم.. لماذا لما تغضب وعد من خطبة عساف لها .. بل باركت لها و دعت لها بالعون عليه.. هي تعلم ان وعد تكره عساف.. لا تدري من المشاعر المتضاربة التي تعيشها.. هل كانت اختها تحب عساف.. تذكر عندما رأتهم مع بعضهم بعيداً عن اعين الجميع.. عساف : اسمعيني انتِ تهدمين اللي بيننا.. لا تعاندين و تركبين راسك يا وعد بتخسرين بالاخير ما راح تكونين كسبانة.. وعد متكتفة : ما فيه شيء بيننا عشان ينهدم.. كان ممكن يكون بس انتِ اللي هدمتة.. والا فيه واحد صاحي يقول لوحده بنتزوج وما ابيك تكملين دراستك حتى الجامعية.. انت باي قرن عايش..؟! ويشه التفكير اللي عندك الحين اللي معاهم بكالوريس ما كأن معاهم شيء .. وانت تبيني جاهلة يا دوب اقرأ و اكتب..!؟ هذا انت دخلت الكلية الامنية ليش ما قلت لا ماني مكمل..!؟ عساف : فيه فرق بين مره و رجال.. الرجال لازم يبني نفسة عشان يتزوج و يعيش زوجتة و عيالة بنعمة وخير.. مو مثل المرة فيه من يصرف عليها.. وعد باستهزاء : و انت هذا اللي تفكر فيه ان الوظيفة مجرد فلوس وبس.. انا ما عندي استعداد اربط حياتي بحياة واحد تفكيرة سطحي.. عساف رفع حاجبة : انا تفكيري سطحي..؟! ليش عشان ما نلت على استحسان سعادتك و تبين تهتين وين ما تبين دراسة ثم وظيفة وين ما تبين.. حطيها براسك عدل يا وعد و الله و رب الكعبة لو على جثتي ما تدخلين الطب.. ولا توظفين بمكان مختلط.. وعد : لا كنت والي علي تعال تكلم.. عساف : ليش ما تدرين ان ولد العم له الكلمة على بنت عمة.. وهي من غصباً عنها تسمع كلامة.. اجيب لك مثال .. لو عندك اخو من امك.. مين اقرب لك.!؟ انا و الا هو.. وعد فكت يدها لتمسك بدربزان الدرج بجانبها : اكيد اخوي..!؟ عساف : لا طبعاً انا .. ولد العم هو اللي يتولى الامور مو الاخ من الام.. وعد : عموماً ماله داعي تسوي سيناريوهات مالها داعي.. انت تدري ان اللي قاعدين نسوية غلط.. ولو احد بيشوفنا ما احد بيروح فيها غيري.. فوق اننا مسوين شيء حرام.. عساف ابتسم : وهذا اللي ابيه.. ويش بيسون بيزوجونا لبعض .. انا راضي و انا ما كنتِ راضية بكره بترضين.. وعد : تخسى اخذ واحد مثلك.. تجهمت ملامح عساف و هتف بعصبية : لا تتعدين حدودك تعرفيني يا وعد ان بغيتك بالغصب و رب الكعبة ما احد بيردني لاروح الحين و احجر عليك في مجالس الرجال ولا احد بيقول لي عينك براسك.. و انت تدرين ان عمي و عيالة ما راح يردوني.. العادات فوق كل شيء.. وعد : تبطي عظم يا عساف اكون لك مثل العبدة تحت رجلك.. عساف : و تبطين عظم اكون لك مثل الخاتم باصباعك.. عادت للواقع .. وهي تحاول الفك و الربط.. عينيها تدمعان لا تدري لما .. هي لم تفكر بعساف من قبل .. ولكن ان يخطبها و قلبة معلق باختها هذا يؤلمها كثيراً .. كيف يسمح لنفسة يجعلها مكان المرأة التي تمنى ان يرتبط بها و رسم خيالاتة معاها.. كيف لاختها ان ترضى لها بان توافق على من تعلق قلبها به.. الم تفكر بمستقبلي ..! بحياتي..؟! كيف لي ان اتزوج رجلاً تعلق بامرأة غيري هل ترضى لي هذا ان كان من خطبني غير عساف..! لم تعد ترى الورقة و ابيات الشعر المخطوطة عليها حفرت بقلبها الصغير.. لتتألم من اختها و ابن عمها.. .. ميار : رغد انا قلت لك بابا ما عنده مانع اني اظل كذا معلقة.. كلمي عمي سيف بابا ما عنده اشكالية و دامني ما ابي الطلاق ما راح يجبرني عليه.. رغد بليز كلميه انا ما اقدر اكلم بابا هالفترة .. مره مشغول و تعبان.. خلاص بخلي امي تكلم خالتي وتقولها وهي تعلم عمي سيف.. اما اني اتطلق من تركي لا وستين لا.. طيب مع السلامة.. سكرت الجوال بضيقة .. اصرار عمها على الطلاق ينهكها .. هي راضية بتعليق مسير حياتها لا احد يحق له التدخل بها .. لا تريد ان تكون لرجل عدا تركي.. رمت جوالها على السرير و نزلت تحت عشان السحور .. ام احمد : ليش ما يرد طيب..!؟ احمد : يمه الله يخليك لنا لا تقلقين ماله داعي وليدان تعرفينه غازي هالفترة ماسكة مسكة ماهي صاحية.. خالد : ما يحتاج يمه تقلقين عليه ما عليه خوف.. ام عبدالرحمن : ان رحتوا لوعد بكره انا بروح معاكم.. خالد : ما يصير خاطرك الا طيب يمه.. : السلام عليكم.. : وعليكم السلام.. جلسن البنات ينتظرن السحور.. ام عبدالرحمن : ويش بلاكن كل واحد مادتن بوزها قدامها شبر اللهم يا كافي.. جود : من جد كل وحده قالبتها خشتها ويش فيكن..؟! نهى : على اساس الجو مره يونس عشان ننبسط.. استغفر الله بس.. اللهم لا اعتراض.. ام عبدالرحمن : ما كلمتي اميتك.. نهى : لا ولا ابي اكلمها كارهتها.. ام عبدالرحمن : اخفسي.. ياللي ما تستحين على وجهك.. وشوله رايحة لها تعلقين قليبها فيك.. نهى : على اساس مره تأثرت .. صح نزلت دمعتين بس بعد ما عرفت انها ناوية تطلق و تترك بناتها مع ابوهن طاحت من عيني قبل لا ترقى.. ويش برجي منها بتتكرر اللي سوته فيني انا و وعد.. منيره : و ليش بتطلق..؟! نهى بحدة : والله ما سألتها ولا عندي استعداد ادخل بحياتها و لا ابيها تدخل بحياتي.. ام سعود : الله يهديك يمه ويش هالحكي.. نهى ببرود : بعيش حياتي من غيرها مثل ما عشتها من قبل.. ام عبدالرحمن : والله ان اميتكن ماهيب صاحية.. ماهي طالعة على امها ماشاء الله سنع و ذرابة.. نهى : عاد ويش نسوي لو الواحد بيده يختار امه كنت اخترت ازين ام بالعالم.. بس عاد هي طلعت امي ويش اسوي..؟! ياسر : ترى اللي تقولينه عقوق بحقها.. اتقي الله بنفسك بكره بتزوجين و يجونك عيال يعقون فيك.. نهى : يقول كل شيء بحياتك دين و يسدد لك.. هي ما تدينت مني ليش اسدد لها..!؟ ياسر : لو ما سوت لك بحياتك شيء الا انها جابتك على هالدنيا ملزوم ترضينها و تبرين فيها.. نهى بلا مبالاة : يجيب الله مطر.. خالد : و ندو وميار ويش عندكن زعلانات..؟! ندى بهدوء يقتلها : مانيب زعلانة.. ميار : ولا أنا.. سعود متى بيجي..!؟ ام سعود : ما ادري يا امي ما ينعرف له وقت يرجع فيه البيت.. ندى : عمي بندر مو جاي..!؟ ام عبدالرحمن : لا رايح مع يزيد عند واحدن من اخوياه عازمينة على السحور.. ابو عساف : يا عمي لا يجي ابوكم و يشوفكم على ذا الحالة هو ماهو ناقص و انتن مبين عليكن الزعل.. ادري انكن متضايقات على اخيتكن.. بس الله بيفرجها ان شاء الله.. نهى : ويش نسوي يا عمي حتى التمثيل صعب.. ابو عمر : لا تمثلن يا عمي.. بس لا تزيدنها عليه.. نهى جلست متربعة و آشرت عليهم بتشتت : انتم تلومونا على شيء مو بيدينا.. ابو عمر : لا يا عمي ما نلومكم .. بس نكون بواحد ونصير باثنين.. لا تثقلونها عليه.. أي شيء يضايقة لا تعلمونة فيه ماهو ناقص.. وهالكلام للجميع ماهو بس لكن.. ياسر : احنا كلمناه يا عمي.. حتى الشغل سعود قاله اتركه انا بمسكة هالفترة بس ماهو راضي.. ابو عمر : لا ما نبيه يجلس بالبيت عشان ما يهوجس خلوه يشتغل عشان ما يفكر انه المذنب بمرض اختكم.. .. في تحركات حذرة جداً يسيرون جماعات متفرقة ليقتحمون مكان واحد.. يترأسهم غازي دمة يغلي من القهر.. اعطى الاشارة للفرقة لعزام خلفة ليتبعة ومن خلفهم الشباب.. توقفوا عند البوابة ليقبضوا على الحرس الموجودين و تبادلوا اطلاق النار مع الباقين.. غازي : انتبهوا أي خطأ يهلك حياتكم.. عماد و راشد مع مجموعة من خلف الفيلا ليتفاجئو الحرس باطلاق النار من جميع الاتجهات عليهم.. تعمدوا رجال الامن الاطلاق على الحرس بامكان لا تقتل.. عساف وقف عند احد الحرس : مين موجود داخل..!؟ الحارس بألم ممسك بفخذة : آآآه .. ما احد فيه هنا.. عساف : وينهم.!.؟ الحارس يغمض عينية بشدة من الالم : ما ادري ما احد جاء.. آآآه هنا اليوم.. الفريق غازي : راشد و عزام ابيكم تنقلون جميع الحرس للمركز و تجيبون لهم طبيب يعالجهم من بعدها نحقق معاهم.. اما الباقين راح نفتش المكان عشان نتأكد ان كان فيه احد او لا.. : حاضر سيدي.. راشد و عزام اخذوا معهم مجموعة رجال حتى ياخذون الحرس جميعاً للمركز.. اما غازي مع رجالة و باقي الفرق اتجهوا للداخل.. عماد : كأنه صدق مافيه احد.. سعود : سيدي.. الفريق غازي : نعم.. سعود : خلنا نداهم مقرهم الرئيسي.. الفريق غازي : ما ينفع تتكلم عن الخطط الامنية و احنا بوكر عصابة يمكن يكون فيه كاميرات تصوير.. سعود انتبه لنقطة نسيها : حاضر سيدي.. تفرقوا جميعاً في ممرات الفيلا و غرفها ليلتقوا بعدها بعشر دقايق.. عساف : ما فيه شيء مثير للشك.. نايف : حتى انا ما شفت شيء مثير للشك.. بس فيه غرفة مقفولة.. عماد : كان كسرت الباب.. نايف : ما ادري يمكن ما يرضى الفريق غازي.. الفريق غازي : اكسروا الباب لا تخلون شيء يوقف بوجيهكم.. سعود : ما فيه أي احد.. اتجهوا جميعهم للغرفة المقفولة بضربة من نايف و عساف كسر الباب ليفتح على مصراعية امامهم.. تقدموا بخطواتهم للداخل بحذر تسبقهم اسلحتهم بسانتي مترات.. دارت اعينهم على المكان .. سعود : مكتبة.. عساف ينظر للمكتبة الممتدة من الأرض وحتى السقف و الكتب تملأها : كل ذي كتب..!؟ تقدم عماد ومسك احد الكتب ليفتحة الواجهه هو شيء شريف كتاب لكن بداخلة الخبث.. التفت عليهم بعد ما كان معطيهم ظهرة و فتح الكتاب : مخدرات.. الفريق غازي : نايف كلم الفرق تنقل جميع الكتب بكراتين للمكافحة المخدرات.. نايف : حاضر سيدي.. الفريق غازي : عساف ابيك تكلم لي فرقة من الادلة الجنائية ابي مسح كامل على الفيلا و ركزوا لي على هالغرفة.. و ممنوع احد يدخل هالمكان ابداً غير المعنين.. عساف : حاضر سيدي.. الفريق غازي : بس تخلصون شغل الحقوني لمركز عساف.. : حاضر سيدي.. خرج غازي على يمينه عماد و يسارة سعود .. سعود : سيدي.. الفريق غازي : ادري ويش بتقول.. بنتفاهم بالمكتب.. عماد : الله يصبرني للمكتب.. .. في المكتب وليد لم يهدأ ابداً أذن الفجر وهو لم يذق شيء اعتصم عن الاكل و الشرب من غير شيء.. : يارب صبرني قبل لا انفجر تــأخروا.. سلمان : استاذ وليد.. الفريق غازي و سعود وعماد وصلوا المركز.. وقف وليد بالممر على الباب ما فيه صبر شافهم جايين وجيهم ما تدل ان فيها بُشرة خير.. : ويش صار لقيتوها..؟! سعود : لاا.. تعدوه الثلاثة و دخلوا لمكتب السكرتير و ادى سلمان التحية العسكرية اتجهوا لمكتب سعود بدون ان يلتفتوا لأحد.. دخل من خلفهم وليد بعصبية ورفس الباب برجلة عشان يتسكر : شلون يعني اختي بتجلس عندهم.. عماد مد كفة المفتوحة : عندك حل قولة الحين ننفذة.. وليد : ندخل على المقر الرئيسي مو انتم قلتوا عندهم مقر رئيسي نداهم المكان.. الفريق غازي : مو كل خطة تقولها بنوافقك عليها .. هذا انتحار.. و بعدين ماهم اغبياء عشان يحطونها بمقرهم الرئيسي و يخلونها تعرف معلومات عنهم.. وليد : اللي يسمعك يقول هي صاحية.. عماد : الا صاحية.. كلهم التفتوا على عماد.. عماد اكمل : صحت وهم عندها .. قالتة الحارسة اللي صحت على صرختها و شافت العصابة موجودين بالغرفة.. سعود وقف : من جدك صحت..!؟ عماد جلس مقابل لغازي امام مكتب سعود : ايه صحت.. وليد : حرام نكون رجال و عرضنا ما يندرى وينه.. عماد : اختكم تراني رجعتها.. وليد يصر على اسنانة : تحسب يعني اننا بنقولك استر عليها تكفى ترى وعد شريفة.. عماد : لا تفسر الموضوع على كيفك.. بس اختك انخطفت مرتين مره يوم ملكت عليها و مره يوم طلقتها .. وانا عندي النية من قبل اني ارجعها ما ابي نرجعها الحين و لا قررت ارجعها على ذمتي تنخطف بعد.. وليد : يعني وجهك نحس علينا.. سعود سحب الكرسي وجلس قريب منهم : و الحل مستحيل نخلي اختنا عندهم.. الفريق غازي : بنداهم مقرهم الثاني.. عندكم استعداد.؟! عماد : من يدك اليمين لليسار.. الفريق غازي : رغم اني فاقد الامل باننا نلقاهم فيه.. وليد : المقر الثاني اللي عماد قابلهم فيه و اللي بيقابلهم فيه بكرة.. او بالاصح اليوم.. الفريق غازي : ايه.. و بنداهمهم وقت اجتماعهم.. لذلك يا عماد ما راح تكون معنا انت فهد.. بتكون معاهم.. عماد : بس.. قاطعة غازي بحدة : لا بس ولا شيء.. بنداهم المكان بالوقت الاجتماع.. لانهم بيسون عمليتهم اليوم و احنا صرنا بنص رمضان.. و الاكيد بقي لهم عملية التفجير اللي ناوين عليها.. اللي تكلمت عنها وعد.. سعود : طيب ابوي.. اكيد بيروح يزور و عد بالمستشفى على اساس انها هناك.. الفريق غازي : عندك حل من الاثنين يا تبلغة .. يا تقولة انه الزيارة ممنوعة عنها.. بس الثاني يحتاج انك تروح المستشفى و تبلغهم و تمنع الكل من الكلام.. عماد : ماهو مضمون الحل .. اذا خايف عليه لا يتعب .. فهو بكل الخياريت بيتعب.. سواء قلت له انخطفت او تعبت.. قوله الحقيقة مالك غير ذا الحل.. وليد يمد اصبعة بتهديد لغازي : لا تقول لي ما راح اروح معاكم للمداهمة و الا بترك الشغل عندك و بالطقاق.. عماد : ترى عمي معطيك وجه بزيادة و الله تراك مثل اللي يشتغل بفترة تجريب.. سعود رفع حاجبة : ما توقعتك غبي هالكثر يا عماد اسمح لي.. يعني ما فهمت ان وليد ضابط سري.. فتح عيونة عماد لينقلها من سعود لعمة ثم وليد و عاد لعمة : من جدك..؟! الفريق غازي : ويش دراك..!؟ سعود : الغبي يعرف و الا شلون واحد مدني يعرف بقضية و يشارك باجتماع لقضية امنية سرية و يبدي اقتراحاتة.. هذا غير انكم تغيرتوا معاملتكم لبعض ماهي مثل اول ما جاء وليد.. عماد : صدق اني غبي ما فهمت وين كان عقلي.. سعود وقف : انا بروح ابلغ ابوي و الله يعين.. .. ام عبدالرحمن : استغفرن ربكن جالسات تصارخن من صباحية رب العالمين ما تستحن على وجيهكن.. جود تهمس لخواتها عشان جدتهن ما تسمع : ارتحتن زين ما قامت و كسرت ظهورنا بالعصا.. ميار : ويش نسوي ل كانتِ اللي جلستي تصارخين.. سها : نصيحة بس لا تجارينها و الله ان داخت بابا يسفل فينا.. نهى : زين انكن عارفات و الله ما يحتاج.. جود : بعد عمري يا حبي هو.. : السلام عليكم.. : وعليكم السلام.. سعود : وين ابوي..؟! جود : بالغرفة عند جدتي و جدي.. وليد : واخواني وينهم..!؟ سها : كل واحد بغرفتة.. سعود : روحي ناديهم قولي لهم سعود يبيكم ضروري بسرعة.. سها وقفت : ان شاء الله.. ميار : سعود بعدين ابيك بموضوع.. سعود : خير ان شاء الله.. ميار : خير ان شاء الله بس بعدين.. سعود : طيب.. بس انا بكلم ابوي و اطلع يعني لا رجعت.. ميار بخيبة : طيب.. جود : الا ويش عند وليد و سعود صايرين مع بعض مولف بينكم غززوي.. نهى ابتسمت بالرغم من ضيقتها : ويش ذا الدلع غزوي.. جود : ويش يدلعونة يمكن غوغو..؟! نهى : لا غزغز .. سعود : انكتمي انتِ واياها كن الواحد فايق لكن.. نزلوا احمد خالد ياسر مشعل وراء بعض .. احمد : خير ايش فيك..؟! سعود : ابي اكلم ابوي بموضوع وابيكم تكونون موجودين.. خالد : ويش فيه يا سعود اقلقتنا.. سعود مشى باتجاه الغرفة : تعالوا .. ساروا اخوانه بخلفة و حتى خواتة الفضول يذبحهم عشان يعرفون اللي عند سعود.. : السلام عليكم.. : وعليكم السلام.. قبل سعود راس جده و جدته و والده والدته.. و تبعة وليد بنفس الحركة.. وجلس.. ام عبدالرحمن : وينك يا ابوي ما تنشاف.. سعود : قايل لك يمه مشغول.. كيف حالك الحين يبه..؟! ابو سعود : الحمدلله بخير.. الشباب كلهم جالسين و البنات واقفات على الباب.. ابو عبدالرحمن : ويش بلاكن واقفات على الباب..؟! جلسن جنب بعض.. يناظرون بسعود .. اما هو متوتر يمسح بكفة على فخذة يحاول ينتقي الكلمات ليخفف وطأة الصدمة .. اولها على والدهم.. : يبه.. ابو سعود : قول ويش اللي بتعلمني فيه عارف انه ماهو خير.. سعود : يبه بنسوي اللي علينا و زود.. و تأكد اننا ما راح نرضى باللي يصير.. ابو سعود : اللي وراه..!؟ سعود بلع ريقة : اخذوا وعد.. .. لا اله الا انت سبحانك إني كنت من الظالمين.. لا أحلل نقل الرواية دون ذكر اسمي.. [COLOR="rgb(46, 139, 87)"]هاشتاق الرواية #رواية_لو_سألتي_الورد .. [/COLOR] ضحكة قهر.. |
رد: لو سألتي الورد وهو ما بين إيدك أقطعك بيقول لك عمري فداك الكاتبة / ضحكة قهر
بسم الله الرحمن الرحيم.. السلام عليكم ورحمة الله وبركاتة.. صباحكم سعادة .. وجمعة مباركة.. قبل لا نبتدي بالبارت .. حسيت الكل يبي تحديد مواعيد البارتات رغم اني ما افضلة .. بس بنجربه اذا حسيته ما نسبنا بنخليه مثل الحين بدون مواعيد .. لذلك البارتات راح تكون كل جمعة و اثنين.. باذن الله .. وما راح تكون طويلة عشان تكونون بالصورة لاني ممكن انضغط خصوصاً الرواية بدت تتعقد اكثر من قبل و البارتا يحتاج وقت لكتابتة و صياغة الافكار و تجديدها... و ان شاء الله بلتزم بالمواعيد و لو صار مره و تأخرت خارج عن ارادتي بقولكم.. الشيء الثاني .. ويش بلاكم نمتوا وين غاطسين اغلبكم اختفى فجأة الاجازة لهتكم وين رحتوا..؟ سالفة المقتطفات اللي احطها ابيكم تحمسون و تقولون لي بين مين دارات هالحوارات و تتوقعات للاحداث بس انتم مره هاجدين عشان كذا ما عاد انزلكم مقتطفات.. البارت الرابع و العشرون.. ناديت لك .. إلين ما صوتي شحب خذني معك لكن هنا : خليتني !! لـ وحشتك "ناصر العنزي".. سعود : يبه بنسوي اللي علينا و زود .. و تأكد اننا ما راح نرضى باللي يصير.. ابو سعود : اللي وراه..!؟ سعود بلع ريقةو بسرعة نطق عشان يتخلص من المهمة : اخذوا وعد.. تغيرت الملامح المتوترة .. اشتدت ملامحهم من الصدمة ابو سعود وقف و بهمس : كيف يعني..!؟ رجعوها للحجز.؟! سعود ناظر الأرض : ياليت كان زين..(رفع عيونة لأبوه) خطفوها.. لا احد بهم يستطيع النطق من صدمتة .. الا يكفيهم انها مريضة و تغطس بالنوم.. الا يكفيهم انها عانت الكثير بفترة بسيطة.. الا يكفيهم انها تألمت بعيدة عنهم.. تزاحمت الاسئلة .. و بدا الغضب واضح على ملامح الاخوة .. ياسر بحدة : شلون يعني خطفوها..!؟ ومين..؟ مو مسكتوا صلاح..!؟ سعود : الا مسكناه .. و الا خطفها صاحب صلاح.. ابو سعود جلس : ليتني ذبحتها بيدي والا تعنى بعيد عني.. انتفضت اجساد البنات لتنهال الكلمة عليهم كالصاعقة.. كالسيف على الرقاب يقطعها دون الوقوف على أحد عروقها.. همست ميار و الدموع تغرق عينيها و تتعلق برمشها : تذبحها..!؟ تذبح بنتك..؟! ياسر : وين الامن..؟! مو قالوا بيحمونها.. وين غازي الزفت عنها.. وين اللي قالوا بيحمونها..؟! وين اللي وعدونا ما يطولها شيء..!؟ وين اللي قالوا بيعزونها و يكرمونها..!؟ ابو عبدالرحمن : و فوق هذا طلقتوها من زوجها..؟! مين اللي بيستر عليها لا رجعت..؟! خواتكم اللي مسطرات عندكم مين اللي بيخطبهن..!؟ وليد : عماد رجع وعد.. خالد : متى..؟! وليد : هو من الاول ما يبي يطلقها يوم قابلتة ذاك اليوم قال ليتني طنشتك انت و اخوانك.. و اليوم رجعها.. ام عبدالرحمن : والله انه رجالنا جودي.. ما ينباع لو بكنوز الارض.. ابو عبدالرحمن : و الله ان احد فيكم تعرض للأجودي اني لا اكون ذباحكم ابوكم ما عاد له قدرة عليكم.. سعود : يبه.. ابو سعود : من وين القاها..!؟ ما يكفيني تعبها ونومها..!؟ وليد : وعد صحت.. تعلقت العيون بوليد.. ينظرون اليه ينتظرون منه ان يكمل حتى و ان خطفت ممكن خبر استيقاظها يخفف وطأة الخبر فا اختطافها وهي مستيقظة اهون باكثر من الكثير من اختطافها وهي لا تشعر بشي.. وليد : عماد قال انها صحت.. وحدة من الحارسات علمتة.. ام سعود : صدق يمه يعني هي بخير..!؟ وليد بخيبة تعلقت بذبذات صوتة : ما ادري.. بس المهم انها صاحية.. ام احمد : صحيح ان خطفها فجعة بس يومها صاحية اهون من انها نايمة.. نهى بانهيار.. : اهون..!؟ شلون اهون وهم ما راح يرحمونها هم ما اخذوها الا يبونها بشر .. و الله بيذبحونها.. بيذبحون اختي.. ما يكفي كل شيء صار لها.. يخطفونها من جديد ما فيه قلوبهم رحمة ليش يخطفونها كم مره..؟! ويش هي مسوية لهم..؟! (التفت على سعود) كله منك انت يا سعود انت السبب في كل شيء .. و الحين ما تقدر حتى تدافع عنها يا رجال هاذي عرضك هاذي اختك.. والا عشانها ماهي شقيقتك عادي ما تهمك.. انت السبب بكل شيء يصير.. الله لا يسامحك.. ما حست غير بالعصاة تضربها على بطنها دنقت و هي تضغط على بطنها بكفوفها.. جدتها هي اللي رمت عصاتها على نهى عشان تسكت.. : ما تستحين على وجهك يا قليلة الحيا.. ليش هو خافي اخوك انها من عرضة ودمة ولحمة.. بس هذا هو كل اللي بيده يسوية.. ويش تبينه يسوي زود يذبح عمره عشان تتهنين.. نهى : ايه يذبح نفسة و ترجع وعد.. خلوه يسلم نفسه لهم ولا يأخذون وعد.. هو رجال يتحمل لكن وعد ما راح تحمل.. يكفيها ما جاها.. ابو عبدالرحمن : قمي اطلعي برا ولا عاد ابي اشوف شكلك قدامي.. سعود : يبه الله يخليك.. ابو عبدالرحمن : انقلعي من وجهي و لو تروحين لأمك ازين.. نهى لم تعد ترى احد من دموع عينيها : افتكيتوا من وعد و الحين بتفتكون مني.. ماني رايحة لها بجلس على قلوبكم.. وطلعت.. لحقها سعود في الصالة وقبل لا تطلع فوق مسكها : نهى.. والله ورب الكون لو اني على اتصال بالعصابة لاخليهم يأخذوني و يردون وعد .. ان كان انا هدفهم و الله لا اسلم نفسي لهم ولا يصير لها شيء.. روحي فداكن يا خية.. وعد علي يا نهى لا اسوي اللي يطلع بيدي و اللي ما يطلع.. بس عشان ارجعها.. صدقيني ماني جالس العب و رب الكعبة النوم ما يهنا لي يومها عند عماد وانا عارف انه رجال كيف هالحين شلون بتغفى عيني.. بس انتِ اصبري تكفين و الله اني مقدر انك زعلانة و انتِ قدري تعبي.. نهى : بموت يا سعود .. هو قال انه يبيك عشانك سجنتة و شهدت ضدة .. روح له وخل وعد ترجع انا والله احبك انت اخوي بس انت رجال تحمل وعد ويش بتحمل انت شفت شكلها كيف كانت تعبانة.. شلون بتحملهم..؟! سعود : انتِ ما تعرفين القضية بالأصل ويش هي.. كل اللي قاله صلاح له هو وحقده علي.. لكن صلاح معاه ناس كثير.. و اشياء كثير ما تعرفينها و ازين انك ما تعرفينها .. تكفين يا خية.. لا تسوين بنفسك كذا.. يكفينا وعد تعبانة لا تتعبون انتن بعد.. والله ما يرضيني.. و ابوي متعبة بِعد وعد و اكثر احد ممكن يخفف عليه انتِ .. و انتِ مبعدة وعازلة نفسك.. وهالشيء مزودها عليه بزيادة.. ابو سعود قابض كفة : لا حول ولا قوة الا بالله.. احمد : يبه لا تنفعل عشان ما يرتفع ضغطك زود.. ابو سعود بحدة : ويش اللي ما انفعل .. يقولك خطفوها .. ولا كن وراها رجال.. خالد : بنرجعها يبه بنرجعها و غازي و شلتة بنحط لهم حد الحين بنروح لهم المركز ونقلب عاليها واطيها .. تحرك خالد خارجاً ليتبعة ياسر و مشعل .. ام عبدالرحمن : يا ابوي امسك عيالك لا ينحجزون مثل اخيتهم.. و نروح فيها.. وليد وقف : ما راح يقدرون يسون شيء.. لان غازي يسوي كل اللي بيده.. .. في مكتب عساف .. : كل شيء تم مثل ما طلبتة و هذا تقرير المختبر الجنائي.. الفريق غازي : يضايقك اننا نداوم بمكتبك لين يخلص مركزي..!؟ عساف : افااا و انا ولد عبدالرحمن.. انت الداخل و انا الطالع.. ابتسم غازي : امزح معاك.. هاه يا عزام ويش صار معاكم..!؟ عزام : الدكاترة عالجوا كل الحرس.. و نقدر نستجوبهم وترى ما راح نرحمهم.. حتى لو هم مرضى.. غازي : مو هذولي اللي ما ينرحمون.. اللي ما تصلح لهم الرحمة صلاح وسطام و زياد وطقتهم.. عزام : عماد ما كلموك العصابة..؟! عماد : ليش يكلموني مو هم قالوا لي ان اجتماعهم المغرب.. والمكان ادري به.. راشد : سيدي ويش بتسوي مع الفريق اول جابر..!؟ غازي : ولا شيء .. المهم في الموضوع ان احنا معنا كامل الصلاحيات يعني يحق لنا نسوي اللي نسوية.. اما هم معاهم كل الصلاحيات و بيشتغلون وهم محتمين فينا.. عساف التفت للباب تعلى الطرقات عليه : تفضل.. دخل سلمان و ادى التحية العسكرية : سيدي.. اخوان العقيد سعود برا.. عساف وقف : لا يكون عمي فيه شيء..!؟ سلمان : قالوا يبون الفريق غازي.. عساف التفت للفريق غازي .. الذي نطق : خلهم يدخلون.. سلمان : حاضر سيدي.. ادى التحية العسكرية و خرج.. ليدخل من خلفة خالد ياسر مشعل وليد.. كانوا ملتمين حول طاولة الاجتماعات في يسار مكتب عساف.. يترأسهم غازي.. خالد : اختي وينها..!؟ الفريق غازي : اعتقد بلغوكم سعود و وليد.. والا لا يا وليد .. التفت لينظر لوليد الواقف بالقرب من اخوانة المصطفين بجانب بعض.. خالد : لا والله و اعتقد انت بلغتنا من قبل انها بحمايتك انت و ولد اخوك. وهالاثنين شهود على كلامك.. (آشر على عزام و راشد).. الفريق غازي : و احنا حطيناها تحت الحماية .. بس اللي صار اكبر من الاحتياطات اللي اخذناها وكل الحرس تقريباً اللي كانوا معاها تعرضوا للاصابات.. كلهم.. مشعل بعصبية : يـــــــا ســـــلام عليكم.. يومكم عارفين انه ممكن يصير لها شيء ليش ما اخذتوا احتياطات على قد اللي متوقعينة.. سعود : مـــشعـــل.. التفتوا له واقف على الباب قبل الباب ودخل : تتوقعون لو فيه شيء احنا متوقعينة ما اخذنا حذرنا منه.. مكانكم مو هنا عند ابوي.. ياسر : يعني عاجبك كل شيء صار..!؟ سعود بحزم : بالبيت يا ياسر.. مو هنا.. خالد : ما راح نطلع ان ما اسقطوا الحجز عن وعد و احنا بنطلعها من تحت الأرض.. الفريق غازي : نسقط الحجز..؟! بنجلس نلت و نعجن بمواضيع تكلمنا فيه مية مره.. سعود الواقف بالقرب من الباب التفت و فتحة بعد ما سمع صوت الطرقات عليه : نعم يا سلمان..!؟ سلمان : الفريق اول جابر بن علي يبي يقابل الفريق اول غازي.. سعود التفت على الفريق غازي و رجع ناظر بسلمان : طيب.. رجع وراء.. تعالوا مكتبي الفريق اول جابر بن علي يبي يقابل الفريق غازي.. وقفهم صوت من وراه بعد ما وقفوا : ماله داعي.. و زين ان كلكم موجودين.. عساف وعماد ونايف وعزام وسعود و راشد ادوا التحية العسكرية منذ دخوله عليهم.. دارت عينية على المتواجدين هناك اربعة منهم يجهلهم.. خالد ياسر مشعل وليد.. : ما اظنهم موظفين عندك يمكن مشغلهم جواسيس..؟! الفريق غازي بهدوء : لا اخوان العقيد سعود.. الفريق جابر : اهاا اخوان الضحية المختطفة.. جيت عشان ابلغك انها صارت قضية مو بس معلومات امنية تعرفها البنت.. صار الموضوع فيه اختطاف و اللي مختطفها مجهول لذلك تم سحب القضية منك و راح يتعرض الجميع للتحقيق بما فيهم ابوها واخوانها و جماعتك.. خالد عقد حواجبة : خير ان شاء الله ما سمعنا.. عيد ويش قلت.. ان كان فيه احد يتعرض للتحقيق فاللي تولى حمايتها و لا حماها ماهو احنا اخوانها وفوقها ابوي بعد.. ياسر : ما نبي منكم شيء الا انكم تفكون حجزها و احنا بنطلعها من تحت الأرض.. سعود : ياسر خالد و لا حرف.. اعرفوا بحضرة مين جالسين تكلمون.. الفريق جابر بن علي : القدر لاخوكم و ولد عمكم و الا كان رميتكم بالحجز على كلامكم.. الفريق غازي : و المطلوب الحين..؟! الفريق جابر : راح اتولى انا قضية الاختطاف بنفسي و احقق فيها بنفسي .. لذلك راح ابدأ بجماعتك.. و اخوانها بما انهم موجودين.. الفريق غازي : بس اللي اختطفها سطام خوي صلاح و فيه شهود.. الفريق جابر : صلاح كان مسجون وما فيه أي تواصل بين صلاح و أي احد برا السجن الا ان كنت تسمح بشيء زي كذا بمركزك هذا شيء ثاني.. الفريق غازي : اللي وراه يا جابر ويش تبي توصل له الحين..؟! الفريق جابر : بحقق مع الجميع لأننا ما ندري مين اختطفها للحين و حتى الشخص اللي قالكم انه سطام بحقق معاه.. سعود : سيدي.. ممكن تأجل ابوي لانه ماهو حمل موضوع زي كذا الحين.. الفريق جابر : بنخلية اخر واحد.. عشان خاطرك.. هذا غير امها.. مريم بنت محمد راح تتعرض للتحقيق لاننا عرفنا انها مطلقة من ابراهيم بن مساعد و ممكن يكون بين الاثنين مشاكل و احدهم خطف البنية.. وبعد عامر بن سلامة يطلع خالها وبينه وبين ابراهيم عداوة يعني راح نحقق معاه بعد.. اتسعت عيون عماد وغازي .. لكن رد غازي بعكس البراكين التي تتفجر بداخلة : كل اللي بيدك سووه.. ومتى ما حبيت تحقق مع اختي حياك بالبيت.. وحتى اخوي عامر و ابو سعود ما راح تحقق معاهم هنا.. ببيوتهم.. الفريق جابر ببرود : عادي ما فيه أي مشكلة نروح لهم ببيوتهم.. و الآن بنبدأ التحقيق مع هذا.. (آشر على وليد).. و الباقين يطلعون و يدخل الكاتب اللي جبتة معاي عشان نسجل التحقيق.. خرج الجميع الا غازي و جابر و وليد.. دخل الكاتب و اقفل الباب خلفة.. جلس على طاولة الاجتماعات بجانب جابر.. اما غايز فجلس بمكانة السابق رآس الطاولة .. و وليد مقابلهم.. الفريق جابر : اسمك بالكامل و عمرك و وحالتك الاجتماعية و وظيفتك.. وليد ببرود : وليد بن ابراهيم بن مساعد بن سالم الـ ـ ـ ـ ـ عمري 21 سنة اعزب.. و ماني متوظف.. الفريق جابر : ايش تدرس..؟! وليد : رايح للجامعة.. الفريق جابر : عمرك واحد وعشرين ورايح للجامعة..؟! شكلك فاشل دراسياً..؟! وليد ببرود : جـــداً.. الفريق جابر : ايش تخصصك..!؟ وليد : إدراة اعمال.. الفريق جابر : ايش علاقتك بالمختطفة وعد ابراهيم..؟! وليد : اختي.. الفريق جابر : ادري انها اختك .. اقصد كيف علاقتك الحياتية معاها..؟! وليد : كيف يعني زي أي اخ و اخت.. الفريق جابر : مو شرط فيه اخوان مقضيناها ضرب و هواش و فيه اخوان متفاهمين.. وليد : اجل احنا من النوع الثاني.. الفريق جابر : اخر مره تهاوشت معاها..؟! وليد : اعتقد قلت لك اننا متفاهمين.. ما قد تهاوشت مع خواتي كلهم بدون استثناء.. الفريق جابر : انا مالي بخواتك علي من وعد وبس.. وليد : اوكِ بس انا اوضح لك اننا متفاهمين وكل شيء تمام.. الفريق جابر : ايش سبب اختطاف اختك..؟! وليد : ان رجعت و سألتها و عرفت منها,, حزتها اعلمك ويش سبب اختطافها.. الفريق جابر : يعني ما تدري ليش اختك انخطفت..؟! وليد : لا ما ادري و لو ادري كنت ريحتها من السبب مهما يكون عشان ما احد يأخذها.. الفريق جابر : حتى لو كان معرفتها بمعلومات امنية ويش بتسوي لها مثلاً غسيل مخ..؟! وليد الحين هذا تحقيق..؟! : مع احترامي لك شكلك مو فاهم الموضوع .. اختي انحجزت عشان المعلومات الامنية.. ماله دخل بعملية الاختطاف.. الفريق جابر : بس يمكن اللي خطفها عرف بموضوع المعلومات الأمنية و خطفها بسبتة.. وليد رفه حاجبة : جااايز.. الفريق جابر : ما سالتك يصير والا لا.. سالتك ويش بتسوي لاختك..؟! وليد : ويش بسوي لها يعني.. الامن تولى الموضوع وهم ادرى و عندهم صلاحيات ماهي عند المواطن.. الفريق جابر بدا يفقد اعصابة من اجابات وليد : سالتك سؤال واضح انت قلت انك لو تدري عن سبب اختطاف اختك كنت ريحتها منه..؟ و انا قلت لك لو كان بسبب معرفتها بمعلومات الامنية ويش بتسوي ..؟! وليد : ما كنت خليتها تعرف المعلومات من الأساس.. دام كل شيء بيدي.. الفريق جابر : لا تتذاكى علي.. وليد : لا اتذاكى ولا شيء انت سالتني و انا جاوبتك.. انت مفترض ان كل شيء بيدي و ان ممكن اسوي لاختي غسيل مخ .. لو بيدي ما خليتها تعرف المعلومات وكانت بيننا الحين .. بس ما شيء بيدي.. غازي مبتسم على اجابات وليد.. ما توقع يكون بهالشكل.. الفريق جابر : طيب يا وليد اختك لها اعداء..؟! وليد : لا.. الفريق جابر : ويش دراك..؟! وليد رفع حاجبة الأيسر : و الله ما قد قالت انه متهاوشة مع احد او تعرضت للضرب.. الفريق جابر : اهااا مين اقرب احد لأختك..؟! وليد : ما ادري.. الفريق جابر : ما تدري مين اقرب شخص لأختك..؟! وليد : لا ما قد اهتميت بذا الموضوع و سألتها عنه.. الفريق جابر : تستهبل علي ليش ما انت عايش معاها بنفس البيت..؟! وليد : الا بس ما يعني اني اعرف خفاياها تضل بنت و انا ولد.. الفريق جابر : ابوك له عدوات..؟! وليد : ما ادري و عشان ما تسألني انا ما اتدخل بشغل ابوي ولا اعرف عنه أي شيء و لا ادري حتى مين اصحابة.. الفريق جابر : عندك أي شيء بتضيفة..؟! وليد : لاا.. الفريق جابر : وقع على المحضر.. وقع وليد على المحضر و وقف.. الفريق جابر : ناد لي عماد.. وليد : حاضر.. وطلع.. كان غازي جالس ضيف شرف وجود جابر بهاللحظة يعني انه لاغي اجتماعهم.. دخل عماد ادى التحية العسكرية.. الفريق جابر : استريح يا عماد.. جلس عماد نفس مكان وليد قبل مقابل للفريق جابر .. الفريق جابر : عماد.. لو اني ما اعرف انك رجال شهم لا حطيتك انت وعيلتك اول القائمة المشكوك فيهم باختطاف الضحية.. بس هذا ما يعني اني واثق فيك مية بالمية احنا بمجال المفروض الواحد ما يثق فيه باحد.. انت تزوجت البنية بعد اختطافها الاول.. و رجعتها انت و الفريق غازي لاهلها او بالاصح حبستها تحت حماية الامن و صرت المسؤول عنها بما انك زوجها.. و اعلنت زواجك عليها لاسبابك الخاصة.. سؤالي.. ايش السبب اللي خلاك تعلن فيه زواجك بعد اختطاف البنت و حتى ما سلمتها لأهلها.. عماد هذا يستهبل .. لكنه اجاب بهدوء : انا كنت خاطب البنية من قبل لا تنخطف وملكت عليها .. و بالليل انخطفت و قدر ربي اكون بطريقها .. و لسبب امني صدر قرار باحتجازها.. و وكلوني انا اني اكون المسئول عن حمايتها.. و عشان وعد كانت مسوية قسطرة باليوم اللي انخطفت فيه و الناس بتجي تسال عليها.. قررنا مع اهلها اني اعلن زواجي عليها عشان ما احد يحكي عليها بالشينة وهي اساساً عندي.. الفريق جابر : طيب ايش سبب زواجك من البنت هاذي بالذات..؟! عماد : بنت عمتي.. الفريق جابر : ابوك ماله دخل بزواجك..؟! عماد : ابداً.. الفريق جابر : لاحظت شيء على المختطفة يعني أي شيء يخليها تثير الشك..!؟ عماد : لااا.. الفريق جابر : طيب يا عماد وقع على المحضر و ناد لي سعود.. .. سها : استغفر الله العظيم .. انا مو مصدقة كل اللي قاعد يصير لنا.. دانه : اللهم لا اعتراض الله يطمنا عليها.. ميار : شلون متحملة وعد.. انا و انا عايشة عند ناس و ما كنت ادري انهم اهلي و لما رجعت لاهلي الصدقيين بغيت انجلط لما عرفت .. كيف هي و تنخطف من ناس كم مره و تبعد عن اهلها.. ام سعود : ادعوا لها يا امي.. البنية انقلبت حالتها فوق حدر.. ام ندى : و الله اني شايلة همها.. خايفة عليها لا ينزر عقلها من اللي يصير لها.. اول تنخطف من واحد راعي دروبن خملة ثم يحجزونها الامن بين اربع جدران ثم تمرض و الحين تنخطف.. منيره : غريب كل اللي قاعد يصير احس فيه لعبة كبيرة تنلعب و احنا مو حاسين.. اختكم لها علاقات مع احد.. بمعنى انها تعرف أي بنت لها درب شين.. يمكن وحده موقعتها بذا المصيبة.. نهى بحدة : لااا و لا عاد تجيبين طاري وعد بالشينة لان ما احد راح يرضى عليها.. وعد عمرها ما صاحبت وحده سمعتها شينة.. ام احمد : نهى يا امي لا تعصبين.. ما ينفع اللي تسوينة بنفسك.. انتن كلكن ما نمتن من البارح ما يصير.. تبن تتعبن..!؟ نهى : وين يهنا لنا النوم و اختنا ما نعرف ارضها من سماها.. ام عبدالرحمن تتوكأ على عصاها لتدخل عليهم بالغرفة جالسين على الأرض جميعهم : يالله مسا خير انتن متى نمتن عشان تصحن.. ام سعود : ما نمنا يا خالة .. تعالي ارتاحي.. قامت لها تمسكها من ذراعها.. ام عبدالرحمن : مشغلتكن وعيد.. ام احمد : ايه والله يا خالة نبي أي شيء يطمنا على البنية.. ام عبدالرحمن تجلس : الله كريم الله كريم.. ام احمد : جود .. جود متساندة بظهرها على المسندة وراها و شبه منسدحة و ثانية رجولها و مكتفة يديها على صدرها ردت بصوت تعبان : هلا.. ام احمد : يمه افطري وجهك اصفر.. جود : ما باقي شيء ع المغرب بصبر.. ام احمد : يا يمه تراك تعيبينة ما يصير اللي تسوينة بعمرك.. جود : ما عاد باقي شيء يمه خلاص الله يخليك.. ام احمد : طيب على الاقل نامي من البالاح صاحية.. جود : ما فيني نوم.. : السلام عليكم.. : وعليكم السلام.. ياسر : ابوي وينه..؟ ام سعود : ويش بلاكم توخرتوا يمه..؟! خالد يجلس : يحققون معنا.. ندى : ليش..!؟ خالد : ماسك القضية واحد جديد محقق معنا كلنا يقول يمكن احد فيكم خاطفها.. نهى : ايش السخافات هاذي..؟! ام عبدالرحمن : ويش اللي تحكية انت..!؟ مشعل : يمه الضابط هذا مو مصدق ان وعد خاطفها صاحب صلاح لان صلاح كان مسجون.. و قرر يحقق مع الكل و بدا بوليد ثم عماد وسعود وعساف و الضباط اللي كانوا معاهم و انا و اخواني و يبي يكمل بابوي و امها و عامر بن سلامة.. ام عبدالرحمن : انا اشهد انه انهبل يحقق مع ابوك..؟! ليش ماهي بنته ما يدري عن حالتة يجي يشوفها.. مشعل : انا احسه فاقد لعقلة.. خالد : قصدك ماهو عارف ويش يسوي ليش لان مع غازي شكل بينهم عدواة و يمكن تنافس لان الاثنين بنفس الرتبة.. مشعل : تهقى..؟! خالد : ونص.. بالله هاذي اسئلة..؟! اللي يسألها الا غصب يسوي شيء و يمشي كلمتة.. ياسر : حتى انا حسيتة كذا .. رغم ان شكله يعطي هيبة و رزة.. نهى : ما يستفاد من هذا كله..؟ وشو..!؟ ياسر : اننا نصبر و نشوف ويش يصير.. سها : الى متى نصبر..؟! زوجها اللي مسؤول عن حمايتها وينه..؟! ياسر : موجود بالمركز كنت بتوطى ببطنة بس حسيتة ماهو فاضي لي.. خالد : انا اللي مستغرب منه شيء واحد هدوء وليد.. من متى وليد يكون هادي زي كذا دايم ما يهجدة الا ابوي.. مشعل ابتسم : من جد.. و حسيتة ماخذ راحتة بالمكتب بزيادة.. كأنه مكتبة.. وغازي عادي جــداً.. و يكلم الضباط ولا هامه.. ام احمد : ليش ما جاء معكم كود يرتاح ويش هالدوام اللي ما فيه راحة..؟! مشعل : قلت له قال مشغول.. نهى : ويش صاير بالدنيا وليد مشغول..!؟ الله يعافيك يا غازي بن حمدان.. خالد : ياليته يأدبة والله ملينا من تهورة اللي على قل سنع.. : السلام عليكم.. : وعليكم السلام.. وقفوا كلهم يبوسون راسة و كفة.. لين صار دور نهى : انا آسفة جدي ما قصدي اقل ادبي بوجودك بس انا متضايقة عشان اختي.. ابو عبدالرحمن : كلنا متضايقين يا بنتي ما يصير تحملين اخوانك فوق طاقتهم .. بالذات سعود هذا هو ما يقر بالبيت ابد.. نهى : ا ن شاء الله.. ابو عبدالرحمن : عيالي برا تغطن يا حريم.. قامن حريم ابو سعود كلهن و دخلن جوا يتغطن.. ابو عبدالرحمن : قم يا مشيعل دخل عمانك.. مشعل وقف : ان شاء الله.. لحظات و دخلوا ابو عساف و ابو عمر و بندر ولطيفه و مها من وراهم.. سلموا على الجميع.. لطيفه : اجل ايش اخبار اخوي..؟ ام عبدالرحمن : ان شاء الله بخير يا امي.. مها : ما يستاهل خالي اللي يصير له كنه ما جاب غير هالوعد عشان يزعل عليها.. البنات يناظرن بعض مالهن مود يردن عليها .. جاية تستعرض.. ام عبدالرحمن : يا وليدي كل ضنى له غلاة غير عن الثاني.. ابو عساف : ويش صار معاكم بالمركز..؟! دقيت على عساف عشان يهديكم و قالي كل الامور بخير.. خالد : رحنا ناخذ حقنا و انقلب علينا و حققوا معانا.. ابو عمر باستغراب : ليش..؟ خالد : و الله يا عمي كن الموضوع كبر و صارت قضية كبيرة.. و احنا شاكين باشياء واجد بس ما سالنا سعود عنها عشان ما تطلع شكوكنا صح.. ابو عساف : ويش شاكين فيه..؟! سكتوا الثلاثة .. قلقهم يجب ان يبقى بداخلهم ولا يخرج فالنفوس لا تحتمل المزيد.. ابو عساف : ويش بلاكم سكتوا..؟! خالد : ولا شيء يا عمي .. كلها خرابيط.. الا احمد وينه..!؟ دانه : من شوي رجع من الشغل و قال بيأخذ شور و ينزل.. ابو عبدالرحمن : خويلد.. قل انت و اخوانك ويش اللي وراكم من بلى.. خالد : يبه ما فيه شيء كلها خرابيط.. : بــــــــــاااابــــــااا.. التفت لبنتة الواقفة بتحلطم على الباب .. حمد ربه اللي انقذتة : ايش فيك..؟! تقدمت بدلع طفولي : سوفيهم ما يحلوني العب معاهم دبيين.. خالد : مين..؟! رند : ابراهيم.. وفالس الدووب.. جود : عز الله بيفلس من وراك.. سها : المشكلة تنطق الراء بابراهيم ليش ما تنطق بفارس.. خالد : عشانها تعودت على نطق ابراهيم و الكلمات الجديدة عليها ما تنطقها صح.. رند جلست متربعة على الارض جنب ابوها و سندت كوعها على فخذة : الا انا كله سح .. فالس الدوب مو سح.. مها : ياربي مرررره مدلعععة تززنن.. لطيفه : ايه بسم الله عليها .. ما عندك نية ترجع امها..؟! خالد : الله لا يقولة.. مها : ليش عاد غير عن عيال العايلة و تزوج اجنبية ويش فيها.. نهى : على اساس عيال العايلة متزوجين عشان تقولين له غير.. رند : وين مامي..؟! خالد : الله يهديك يا عمة ذكرتيها.. لطيفه : ليش تبي البنية تنسى امها و تسوي سواة ابوك بخواتك.. نهى تهمس لجود : استغفر الله هاذي جاية تواسي والا ناوية على هوشة.. جود : كنه شيء جديد عليها هي و بنتها.. خالد : لا اسوي مثل ابوي ولا شيء .. بس هاذي الظروف كذا و بعدين رند و ابراهيم يعرفون امهم.. فوق و تحديدا غرفة منيرة طلعت من غرفتها تجري : حنااان .. نوووال..ســـاره.. طلعت ام ندى من جناحها خير ويش فيك : خير ويش فيك.. منيره : ابو سعود ما يرد علي.. دخلن كلهن.. كان نايم.. او بالاصح فقط يتنفس.. ام احمد وقفت على الباب من وراهن : يارب سترك.. لا يكون صار له شيء نايم على زعل.. ام ندى : الشباب تحت.. احمد وينه..؟! منيره اتجهت للخارج تنزل تحت و طقت الباب على احمد : احمـــد احمــــــــــد.. طلع احمد مفجوع مو مسكر ازارير ثوبة : خير ويش فيه.. منيره ما خلته يكمل كلامة : ابوك بسرعة ما يرد علينا.. احمد بفاجعة : وينه..؟! منيره : فوق بحناجي.. طلع احمد و طلعت وراه منيره .. احمد جلس جنب ابوه تسلل شيء من الراحة لصدرة يوم حس انه يتنفس.. : يبـــه يبــــه.. كان يحاول يصحية ويربت على وجهه رفع راسة لامه وخالاتة .. : اخواني جو..؟! ام ندى تأخذ نفس : ايه تحت.. طلع احمد يجري برا و وقف على الدربزان يصارخ يناديهم : خـــــــــــــــــــــــــالد سعـــــــــــــــــــــود.. يــــــــــــــــــــــــــاسر ... مشعـــــــــــــــــــــــــــــل.. وليــــــــــــــــــــــــــــــــد.. ياسر يلتفت باستغراب : هذا مو صوت احمد يصارخ.. فزوا كلهم بسرعة و طلعوا فوق الشباب و البنات بقي جدانهم وعمانهم واقفين مفزوعين .. وصلوا لدور الثالث بسرعات متفاوتة.. احمد بنبرة حادة وسريعة : ابوي بسرعة بنشيلة نودية المستشفى.. اتسعت اعين الجميع من الصدمة يحاولون الاستيعاب لين صرخ احمد : بســـــــــــــــــرعة.. دخلوا خالد و ياسر و مشعل وراء احمد ما يبون يفكرون بشيء.. ابداً الشيء الوحيد اللي يتمنونة هاللحظة هو ان تفكيرهم ينشل ولا يجي ببالهم ان ابوهم يصير له شيء.. شالوه الشباب بهدوء .. مشوا من عند البنات .. دانه صدت بوجهها تصيح بألم فمنظر والدها لا يحتمل .. نهى جلست من فاجعتها لا تحتمل ان يحدث لأبيها مكروه يكفيها وعد وما يحدث لها ستتغرب عن الجميع ان حدث له مكروه.. جود داخت من هول ما تعيشة .. اختطاف وعد ثم عدم النوم و الارهاق ثم تعب والدهم و حمل اخوانهم له.. كلها لا تطيق احتمالها..ميار و ندى واقفتان مذهولتان وعد والدهم ثم جود.. صدمات تتخطى الاستيعـــاب.. ام احمد حطت يدها على صدرها : جوووووووود.. احمد اللي كان واصل المصعد : ثبتوا ابوي زين انا بشوف جود.. رجع لجود بخطوات سريعة ليحملها بين يديه.. ام عبدالرحمن تحت واقفة قريب من الدرج : ويش بلاهم اغطسوا الله يستر يارب استرنا بسترك.. ابو عبدالرحمن : اهجدي يا مره.. لطيفه : يبه صراخ احمد ما يبشر بالخير.. بندر : لطيفه امي ماهي ناقصة الحين ينزلون الشباب و مافيه شيء ان شاء الله.. و فعلا انفتح باب المصعد ياسر و خالد ومشعل شايلين ابوهم.. تصلبت اجسادهم وهم ينظرون اليه.. صرخت مها : خــــــــــــالي.. ام عبدالرحمن : يا عزتي يا ولدي .. راح ولدي.. يا عزتي لك يا فاطمه.. طلعوا الشباب من غير ما ينطقون ليتبعهم عمانهم الثلاثة.. بدون ان ينطقون هذا فوق الاحتمال ابو سعود القوي يرونه بهذا التعب.. ابو سعود الجدار الذي لا ينهد يرونه بهذا الضعف.. يحملونة اولاده في محاولة لانقاذة.. ابو عبدالرحمن : لا حول ولا قوة الا بالله.. لا حول ولا قوة الا بالله.. نهى نزلت بعبايتها وراها احمد اللي اعطى جود ابرة عشان يعدل معدل السكر.. : نهى وين بتروحين.. نهى : ابيه يا احمد لا يخلينا تكفى بلحححقة لا يروووح.. احمد مسكها بقوة : استغفري ربك .. ادعي له انتِ.. نهى تحاول تفلت نفسها منه وتصيح : يــــــــــــــــبه.. يبـــــــه تكفى لا تخلينا يبـــــــــــــــــــــــه.. .. صحت و جسمها مخدر .. تحس بأحد يقطع جسمها ببرود.. تساندت على يدها بتعب و جلست تحس انها بذلت مجهود كبير بس ما احد يمها يساعدها.. حاولت تسترجع اخر شيء من حياتها.. القسطرة.. ودخول صلاح عليها.. الصداع يفتت خلايا رأسها .. قامت و تساندت على الجدار واقفة نفخة هواء ممكن ترميها لأبعد مدى .. خطت اول خطوة بالمكان الغريب عليها و هي تحس بأبر تنغرز برجلها.. لفت بالمكان شوي لين وصلت لباب حاولت تفتحة لكنه مقفول.. الحياة صارت سوداء بعيونها او اشتد سوادها عن قبل.. صلاح ما راح يخليها ما حبسها هنا الا نيتة قشراء فيها.. همست بوهن : بـــ ــ ـابـ ـ ـا .. سـ سـ ـعــو وود.. أحــمـ ـ ـد.. تعالوا تكفون لا تخلوني عنده.. (سارت دمعاتها كسيرة على خدها و كأنها كالجمر يمرر على خدها) عــســـــ ــــاف تعـــال .. و الله ما اردك بس لا تخليه يلمسني.. عــــســـ ــاف و الله ما ابي ادرس بس لا يذبحني.. عســـ ـــ ــاف (جلست ساندة ظهرها على الجدار جنب الباب و كأنها تنتظر احدهم يأتي كي ينقذها مما تعيشة الآن لا تعلم انها عاشت ايام بعد استيقاظها من القسطرة و عاشت عند رجل اخر ارتبطت به.. نست كل الفترة التي عاشتها عند عماد و لم تعلم بأن هذا ثاني اختطاف لها.. هي تفكر الآن بوالدها سيأتي لينقذها سعود لن يتركها مع مجرم.. و احمد سيأتي نحوها ليطمأنها خالد لن يسمح لهم باهانتها.. ياسر لن يرضى عليها بان تداس.. مشعل سيشتعل قلبة لبعدها.. و وليد و وليد اتسعت عينيها لتمر الأحداث سريعة امامها.. تذكرت وجود وليد معاها تذكرت الامن و الحجز و عماد .. تذكرت سطام و صلاح .. تذكرت التعب و الاهانة و التحقير.. انحنت مقربة وجهها للأرض تبكي بألم ينهش قلبها.. تذكرت انهم تخلوا عنها جميعاً و انها خُطفت لم يكن لديها احد.. لا أحد.. "عمتي مريم تركتك صغيرة بلفتك عند ابوك.. و ابوك تخلى عنك.. و اخوانك ما نشدوا عليك.. وحتى أنا لولا هالقضية كنت رميتك عند أقرب محطة" تذكرتها كلمة ذلك الذيب المتوحش لها .. تذكرت حياتها الأليمة معاه حياتها..!؟ اتسمى تلك حياة..!؟ حياة..!؟ حياة..؟! كانت في عداد الاحياء الأموات.. جسداً حية روحاً ميتة.. تلك هي كانت.. لا تعلم مالذي جعلهم يتخلون عنها جميعاً.. لا تعلم مالذنب الذي اقترفتة.. كيف انقلب حالها..؟! حياتها اصبحت جحيم مستعر.. لن تعتبر نفسها حية بعد الآن هي ميتة و فقط.. لا يجب ان تشعر بشيء.. بل يجب ان تموت.. وقفت بتعب من جديد.. لكن تشعر بأن جسدها أصبح اثقل من قبل .. و كأن للهموم اوزان اثقالتها.. .. عماد ينتبه لأدق التفاصيل بشخصية فهد : كيف كذا تمام.. راشد : كل شيء توب.. عماد : المهم وقت المداهمة كل شيء بحذر.. عزام : لا تشيل هم كل شيء بيمشي مثل ما خطط له الفريق غازي.. الفريق غازي : نايف ابيك ترسل لي احد يتطمن على الشباب اللي كانوا يحرسون وعد.. نايف : حاضر سيدي.. وليد دخل بتحلطم : شلون يعني ما انت سامح لي و بتحبسني هناز. الفريق غازي : باي صفة ناوي تروح..؟ وليد : بصفة اختي عندهم ما راح اخليها.. سعود : و احنا ليش رايحين مو عشان وعد و عشان نوقف العملية.. وليد : مالي دخل انا بشارك معاكم.. الفريق غازي : لا تضطرني استخدم معاك اسلوب ما يعجبك يا وليد.. لا تعصي كلامي.. وليد : و انا من اول الموضوع قايل ل كانا ابي اروح معاكم.. الفريق غازي يضرب كفوفة بالمكتب و يستند عليها : و انا قلت لااا انت هنا تشتغل عندي و انا رئيسك و لازم تسمع كلامي.. وليد بتحدي يقابل غازي بالجهه الاخرى من المكتب ويستند بكفوفة و ينحني قليلاً كا وقفة غازي و ينظر لعينية بتحدي : و اللي مخطوفة اختي و انت كنت مسؤول عن حمايتها مع ولد اخوك فوق هذا انخطفت لا تحسب اني ما تدخلت مع اخواني يوم جوو يعني انا راضي و ساكت و رب الكعبة ان قلبي بينفجر من القهر بس ماسك نفسي لان الموضوع ماهو بس اختي فيه امن دولة و احنا كلنا فداها.. الفريق غازي : كلمتك الأخيرة تردك عن تهورك اللي تسوية فيه امن دولة و احنا كلنا فداها.. و احنا الامن اللي ملزومين نحميها مو المدنين.. وليد بنفس النبرة و التحدي : و المدنين لا نادتهم دولتهم ما راح يردونها و يقولون عندكم رجال امن.. كلنا فدا حفنة تراب منها.. الفريق غازي : اعرف ولائك ولا يحتاج تعلمني فيه .. بس بدري عليك تدخل مع عصابة بهالشكل.. خليك بتدريباتك ولا تشغل نفسك باي شيء ثاني.. و اختك بنجيبها باذن الله يا وليد.. .. لا إله إلا أنت سبحانك إني كنت من الظالمين.. لا أحلل نقل الرواية دون ذكر اسمي.. [COLOR="rgb(46, 139, 87)"]هاشتاق الرواية #رواية_لو_سألتي_الورد .. [/COLOR] ضحكة قهر.. |
رد: لو سألتي الورد وهو ما بين إيدك أقطعك بيقول لك عمري فداك الكاتبة / ضحكة قهر
البارت الخامس و العشرون
تتلخّص كل ردّات الفعل المؤلمة في الصمت، لأن مادون ذلك، من السهل البوح به. لـ رشاد حسن.. جالس فهد بهيبة بينهم .. السماعات الصغيرة مغروسة باذنة و شعره الطويل شوي مغطي عليها و لابس ثوب و شماغ هالمرة.. عادة يجيهم ببدلة رسمية.. جلال مبتسم : ما توقعتك هالكثر وسيم.. يا فهد.. ابتسم فهد مجاملة : افاا شايفني شين لهدرجة.. حمود : لا صدق طالعة وسامتك اليوم بس كنك نحفان.. فهد : أي والله السخونة هدت حيلي الايام اللي فاتت.. جلال : نبي همتك اليوم و تنسى مرضك.. فهد بثقة ان قدرتوا تسون شيء الله لا يخليني : افااا عليك بس.. ناصر : ما بغينا نشوفك يا فهد جلال و حمود دايم يتكلمون عنك.. : مسهم بالخير.. فهد بنفسه انتم تعرفون الخير : مساكم بالنور.. جلسوا سطام صلاح و زياد قدامة .. شتت نظراتة عنهم لانه لو ناظرهم ما فيه مجال بيفضح نفسة و يخرب كل شيء.. سطام اللي خطف زوجتة جالس قدامة .. قبض على كفة بقوة و هو يحس ان اطراف اظافرة تنغرز بلحم كفة تترك الآثر عليها و كأنها تقول كنت هنا في ذاك الوقت.. كنت هنا بالوقت الذي رأيت فيه خاطف امرأتك.. عرضك و شرفك.. سطام : ما بغينا نشوفك يا فهد.. فهد محاولاً كتم الغيض و دسها داخلة الحروف حتى لا تظهر لهم مكشوفة : مشاغل.. بس ما تعرفنا عليك.؟ مين تطلع..؟! جلال : هذا سطام و اللي معاه صلاح و زياد.. فهد : فرصة سعيدة.. سطام : و احنا اسعد.. الا ليش غيرتوا مكان الاجتماع بأخر لحظة..؟! جلال يحط رجل على رجل : صار شيء خارج عن ارادتنا.. غازي و شلتة داهموا مقرنا بحي ........ .. سطام يتقدم و يسند يده على طرف الكنب المرتفع يمينة : متى صار هالحكي..!؟ جلال : البارح.. عاد قرر الرئيس اليوم يغير مكان الاجتماع لهنا.. سطام بملل : يالله ازين ما كان فيني اشغل سيارتي و اطلع.. حمود : اجل شلون بتسوي العملية..؟ سطام : لا تخاف وقتها بيدب الحماس فيني نقضي على الناس اللي ما تعرف غير الشر الله يأخذهم.. ودي اقطعهم قطع قطع.. جلال التفت باستغراب : تسمعون الصوت.. ناصر وقف وناظر الشباك وراه كل شيء هادي و الحرس كل واحد بمكانة وما فيه شيء يثير الريبة : ما فيه احد برا.. جلال : كني سمعت صوت غريب.. الا سطام ويش سويت باللي جبتها البارح..؟! سطام ضرب بكفة على جبهتة : ذكرتني فيها .. بحق قمعاها بعد نجاح عمليتنا بكون مروق.. ناصر : انا احسك بتعب نفسك على الفاضي مستحيل غازي او سعود او عماد يدخلون مره معاهم بشغلهم.. و لا بعد وحده تقرب للثلاثة..!! سطام : انا بحقق معاها لسببين الأول ابي اعرف شلون درت عن تفجير مجمع الدرة.. و الثاني ليش معاها حراسة بالمستشفى..؟! هالشيء هو اللي مشككني انها تعرف شيء.. جلال : معاها حراسة لانها انخطفت البنت من قبل.. تهقون انها متدربة يعني نقزر فيها..؟! (قالها وهو مبتسم بخبث).. .. في سيارات قريبة من موقعهم واقفة بتفرق عن بعضهم كي لا يثيروا الشكوك حولهم.. بسيارة واحدة غازي سعود عساف نايف.. يستمعون للحوار بين عماد و افراد العصابة.. سعود بعصبية مكبوتة : الله يأخذك يا كلب.. الفريق غازي : لازم نداهم لان عماد ما راح يتحمل كلامهم كثير و بيفضح نفسة بأي لحظة.. عساف بحدة : انا مو قادر اتحمل الكلام.. قسم احس عروق قلبي بتتقطع.. نايف : لازم نستعجل الخوف يحاولون يسوون بالبنية شيء و عماد يتهور و ما راح يقدر عليهم كلهم و كنك يا بو زيد ما غزيت.. الفريق غازي مسك الجهاز يهتف فيه لجميع الفرق : راح نداهم المكان بعد لحظات .. كونوا على استعداد.. ما نبي أي خطأ .. الخطأ بأرواح.. نزلوا من السيارات مرتدين لباس يخفي جميع ملامحهم حتى وجوههم مخفية .. تحركوا بثبات نحو الفيلة و دخلوا لكنهم كانوا على مداخل متفرقة من الفيلا.. الفريق غازي يتكلم بالمايك : انتباه راح نبدأ نهاج الحرس على ابواب الفيلا.. واحد.. اثنين.. ثلاثة.. انتهى من العد لينطلقوا بثبات نحو شرف الموت او الحياة.. عساف أطلق النار على أول حارس قابلة بوجهه بكتفة و نزل يسحب منه جهاز الاتصال و السلاح.. اما البقية تخطوه كانوا يعلمون انهم مقبلين على الموت فدا لهذه الأرض التي يسيرون عليها.. و واجبهم حمايتها .. تفرقوا الشباب .. جميعا.. لم يكونون الحرس على انتباه فهم يعلمون ان العصابة لديهم عملية اليوم و هي لحظات و يخرجون جميعهم و لن يبقى احد هنا.. و لم يتوقعوا بان تحدث مداهمة امنية للفيلا.. الفريق غازي : راشد افصل الكهرب عن الفيلا.. انتقل صوت راشد عبر السماعة لغازي : حاضر سيدي.. الفريق غازي : عزام خل الفرقة اللي معاك تدخل القنابل الدخانية للمكان ابيهم يطلعون برا.. عزام : حاضر سيدي.. الفريق غازي : الفرقة سبعة .. تقدموا من الفيلة و انزلوا على سطحها.. قائد الفرقة على طائرة هيلوكبتر : حاضر سيدي.. لحظات بسيطة حتى يعج المكان بالدخان و كأن المكان سيحترق.. قريباً.. لكن الجماعة داخل ماهم حاسين بشيء.. فهد يحاول تغيير الموضوع حتى لا تتضح انفعالاتة عليه و يفتضح امرهم لن يهدم ما بنوه بفترة طويلة على مجرد حديث عنها سينتقم منهم قريباً.. ليس خوفاً منهم مؤجل عقابة لهم بل الامر يتطلب هدوءة الآن و لا شيء غير الهدوء لابد ان يشعروا بان الامر لا يعنية : متى راح نبدي في العملية لاني طفشت.. صلاح : شكلك متحمس و اول مره تطلع عملية.. فهد : ان كنت ما تعرف تاريخي اسأل جلال عنه.. دخل احد الحرس بسرعة : سيدي المكان يحترق.. دخل الدخان للمكان من وراء الحارس و كأنه وجد مساحة خالية جديدة كي يستحلها.. وقفوا كلهم بصدمة.. وهم يشوفون المكان.. سطام : اكيد هذا غازي و جماعتة الكلاب بسرعة انحاشوااا وتفرقواا.. جلال : بســــــــــــرعة مع السطح في هيلكوبتر اللي فوق .. طلعوا كلهم يجرون فوق ومعاهم فهد يمثل انه معاه.. الدخان مالي المكان من غير وجود نار.. تعدوا الدور الثاني ولا احد انتبه ان فيه مخلوقة بهالمكان .. ويش تهمهم فيه .. هم ابعد ما يكونون عن الانسانية.. فتحوا باب السطح بدون انتباه منهم و يوم صاروا بوسط السطح سمعوا الصوت المهدد لهم بصوت عالي و صراخ : اوقفــــــــوا اماكنكم ولا احد فيكم يتحرك.. ارفعـــــــــــــــــوا اياديكم.. تجمدوا اماكنهم لفتره عيونهم تعلقت بالهيلكوبتر .. صرخ القائد : بســــــــــــرعة ارفعوا يديــــــــــــنكم.. رفعوا يديهم كلهم حتى فهد معاهم.. القائد : نزلوا اسلحتكم على الأرض.. و ارفعوا يديكم لفوق.. نزلوا اسلحتهم لفوق و هم يدرون ان مصيرهم ينحجزون.. او احد فيهم يفجر الحزام الناسف اللي لابسة و يموتون كلهم.. بس دام رئيسهم برا هالمجموعة.. يعني لو انمسكوا بيطلعون منها.. صلاح : راح تندمون.. لا تحسبون اننا مسلمين انفسنا بهالسهولة يعني نلتوا مرادكم.. القائد : كلبشوهم.. و انطم ما ابي اسمع صوتك.. اتجهوا مجموعة من الشباب للعصابة و كتفوهم و حتى فهد معاهم.. و هو ساكت .. خصوصاً ان الرئيس مو معاهم و لازم ينال ثقة الرئيس .. القائد عبر المايك : سيدي تم القبض على العصابة في محاولة هروبها.... حاضر سيدي.. تكلم بصوت حازم : يالله قدامي كلكم.. نزلوا يتقدمهم سطام و جلال .. ناصر حمود .. صلاح زياد.. و يتقدمهم رجال الامن و بأخرهم رجال الأمن.. يمشون و كأنهم اشباح وسط اكوام الدخان.. اصوات سعالهم هو من طغى على المكان .. خرجوا مع الباب الرئيسي للحديقة الواسعة.. ليستقبلهم غازي بابتسامة : يا هلااا يا هلااا.. رجال الامن الأربعة من كانوا يتقدمون العصابة تفرقوا يمين و يسار حتى يستمتع الجميع برؤويتهم هكذا.. في منظر يسجل في تاريخهم.. هذه المره لن يسمح لهم غازي ان يرقصوا فرحاً عليه.. كالمره السابقة عندما هربوا صلاح و زياد من سجنة.. الآن هم أمامة جميعاً لن يسمح لهم بأن يخرجوا حتى لو اضطر ان يحرس سجنة بنفسة.. الفريق غازي : وين البنت..؟! : ................... الفريق غازي بحدة .. و حمر عيونة فيه ولو كانت الأعين تطلق الرصاص لأصبح سطام بعداد الأموت : سطااااااااااام وين البنية..؟! سطام بكل برود ما يرد على غازي.. غازي اقترب منه و شده من ياقة بلوزة اللي انشدت على جسدة و برزت تفاصيل ظهره و تقطعت ازارير صدرة الأولى : ان كنت ما تعرفني انا ما أحب اعيد اسئلتي.. وين البنية..؟ سطام : داخل.. بغرفة بالدور الثاني.. غازي : روحوا شوفوها.. دخل سعود ومعاه عساف و راشد و نايف.. اتجهوا بخطوات سريعة للدور الثاني فتحوا كل الغرف .. سعود كان مثل المجنون يدخل بغرفة و يخرج من الأخرى حتى و ان دخلوها من قبلة و كأنه يريد ان يتأكد ان كانت هنا او لا.. وقف بالوسط مثل الضايع.. : ماهي فيه.. عساف بقهر : يكذب علينا الكلب.. نزل و نزلوا وراه الكل .. سعود : مالها أثر سيدي.. الفريق غازي التفت بحدة لسطام بعد ما كان ينظر لسعود : تستهبل معااااي انت..؟! سطام : انا حطيتها بالغرفة ويش تبيني اسوي لها يعني..؟! فهد ماهو قادر يتحمل الوضع اكثر و وده يفك نفسة و غازي حاس فيه ناظر فيه نظرة بمعنى اصبر لا تتهور.. الفريق غازي الفتت للجميع : فتشوا لي المكان كللله مو بس الدور الثاني كللله.. : حاضر سيدي.. دخلوا افواج للفيلا يجوبون كل شبر فيها.. يبحثون عن فقيدتهم.. .. في مكان مو بعيد عنهم .. كانت تجري على قدر استطاعتها.. لم تتوقف لثانية بعد ما رأت السيارات فالرعب يجري خلفها .. لا تعلم كيف خرجت.. كل الذي تعلمه هي انها وضعت حياتها على حافة الموت.. عندما خرجت .. قبل ان يقف غازي و جماعتة على الابواب الرئيسية للفيلا .. كانت بالغرفة فتحت الدولاب الموجود في الغرفة.. وجدت ثياب رجالية كثيرة.. و بناطيل .. ولا شيء على مقاسها .. سحبت لها اصغر ثوب فيهم ولبستة .. وما كان فيه أي شك بان اللي تلبسة بنت.. لكنها لبسته عشان تستر نفسها لا اكثر .. سحبت الشماغ ولفته على راسها فوق غطاء المستشفى اللي كان مخبي شعرها .. و تلثمت فيه.. بحثت كثير بالادراج.. لقت سلاح.. و فلوس من غري لا تعدها سحبتها و حطتها بجيبها .. اتجهت للباب تفتحة وهي تعرف انها مقدمة على الموت .. و لكن مكوثها هنا ايضاً موت .. يجب عليها ان تدافع عن نفسها .. لن تسمح لأحد ان يمسك بها.. خرجت من غرفتها على اطراف اصابعها .. تلفتت برأسها يمين و يسار تأكدت ان ما احد موجود هنا.. رفعت الثوب الطويل.. و دارت بالمكان لين شافت الدرج .. ونزلت معاه.. و عيونها تراقب المكان بتوتر .. ستبكي من هول ما تعيشة.. رأت باب الفيلة الخلفي و اتجهت نحوه دون تردد.. سمعت صوت قريب من الباب : حاضر سيدي لا تخاف كل شيء بيسير مثل ما تبي.. و فهد معانا و بنوكلة بالمهمة الكبيرة نختبر فيها امانتة.. اعتبرهم ميتين.. انت متى جاي..؟! خلاص طال عمرك ارقد و امن.. ما يهمك.. وصلك الخبر.. و الله قلت له يا طويل العمر .. بس سطام مصر ان البنية هي اللي مبلغة غازي بتفجير الدرة.. ندري يا طويل العمر.. لا تخاف البنت بأمان ما احد بيوصلها.. (ابتسم) لا تخاف بتذل ابو سعود ببنتة.. ما تشيل همها .. على أمرك .. بنكرمها اكرام الضيف واجب.. ان شاء الله ببلغك بأخر التطورات.. قفل الجوال.. سمعت كل شيء.. ابو سعود و بنته و تفجير و موت.. كلها معلومات اكبر من استيعابها في هذه اللحظة.. تخبت وراء الباب وهي تعرف لو يسكرة بتنفضح بس هذا المكان الوحيد.. دعت في قلبها ربي يكون معاها .. الكل تخلى عنها و ربي ما راح يخليها.. شافت ظهره و هو يمشي وتارك الباب مفتوح وراه اولا ما لف هي طلعت من وراء الباب باتجاه الخارج من غير وعي انها ممكن تشوف حرس.. او أي احد يمنعها من الخروج.. اللي سمعته افقدها الباقي من عقلها .. لفت بنظرها للباب يسارها كان بعيد و عنده سيارة كبير و فيها كراتين كثير .. نزلت الدرجتين و لفت ع الجهه الثانية شافت بابا صغير ما كان بعيد عنها اتجهت له بسرعة و طلعت تجري منه ... تحاول انقاذ نفسها ..و طلعت من الباب و شافت الشارع .. حست بمشاعر ايه قلبها للحين يحس وهي اللي تبيه يموت.. ما تبي تحس بشيء.. وكأنها سجين و اعلنوا افراجة .. راحت تجري للجهة الثانية من الشارع و اللي كانت عبارة عن مزارع.. تعبت حاولت تأخذ نفسها بذلت مجهود كبير من خروجها للحين بالنسبة لانسانة من فترة مو طويلة مسوية قسطرة.. و نايمة لها اربع ايام.. جلست متساندة على الشجرة تحاول تلتقط انفاسها و ترتب اوراقها .. عيونها دارت بالمكان وين بتروح ويش بتسوي .. لمين بتلجأ..؟! ابوها..؟! امها..؟! سعود..؟! عساف..؟! عماد..!؟ عمها عبدالرحمن..؟! عمها سعد..؟! حتى لو عرفت لمين بتروح شلون بتروح هي بمنطقة بعيدة .. يعني .. وقف مخها عند هالنقطة و هي تشوف سيارات كثيرة بالوان مختلفة تمشي قدامها و توقف قدام باب الفيلا اللي طلعت منه.. اتسعت عيونها وهي تشوف رجال الأمن ينزلون معاهم اسلحة.. وقفت و هي ماهي ناقصة رعب عشان تشوف هالمنظر زيادة على رعبها .. .. في المستشفى ينتظرون طلعة الدكتور من عند ابوهم .. وقوفهم متوتر.. دخل احمد : هاه ايش صار..؟! بندر : ما احد طلع للحين.. دخل احمد بسرعة من غير لا ينتظر أي تعليق اخر .. : دكتور.. الدكتور : اهلاً دكتور احمد.. احمد متوتر : كيف ابوي..!؟ الدكتور : الحمدلله عدت على خير.. جلطة خفيفة.. احمد غمض عيونة بقوووة وفتحها و كأنه يحاول يستوعب اللي يصير لهم .. بالقوة هدأ نهى عشان ما تطلع وراهم.. و طيحة جود .. و الحين يعرف ان ابوه جاته جلطة.. : اللهم لا اعتراض.. الدكتور : انت ادرى يا دكتور احمد بهالحالة.. احمد مسح على شعرة : ادري.. ممكن اشوف الملف.. الدكتور اعطاه الملف : تفضل .. و احنا بنسوي له تحاليل و فحوصات و ان شاء الله النتايج ما تتأخر.. احمد وهو يلقي نظرة سريعة على الملف : ان شاء الله خير.. الدكتور : ياليت انت تخبر اهلك برا بطريقتك.. دامك هنا.. احمد مد له الملف : ان شاء الله .. الدكتور : وسلامة الوالد الله يطول بعمره.. احمد : الله يسلمك.. اللهم آمين.. ادار ظهره و فتح الباب و مد يده من غير لا يلتفت و سكره كلهم التفوا حواليه.. ابو عساف : تكلم ويش فيه..؟! احمد : الحمدلله صار زين.. ابو عساف : ويش سبب طيحتة..؟! احمد : جلطة خفيفة.. اتسعت عيونهم و الخوف عليه دب بعروقهم.. خالد : من جدك..؟! احمد يرفع كفوفة لهم يهديهم : ما فيه شيل يقلق الحين الحمدلله عدت على خير.. بس المهم الحين يبعد عن الزعل و الانفعال و كل شيء يضايقة.. ابو عمر : يالله رحمتك.. صاحي..؟! احمد : لا .. بس ما فيه قلق عليه ان شاء الله .. اهم شيء صحتة الحين.. اخبار وعد الشينة كلها لا احد يطريها عنده.. و لا احد يجيب طاري وعد من الأساس لين ترجع بالسلامة.. مشعل : تهقى انه ما راح يسأل عنها.. احمد : ادري بيسأل بس ان زاد الموضوع سوء مثل كل مره لا احد يقوله خلاص يكفيه اللي سمعة ابوي ماهو متحمل يصير لها شيء.. لانه حاس بثقل على اكتافة من همها عشانها بعيدة عنه.. بندر : احمد معاه حق.. اخبار وعد خلوها بينكم.. الشيء اللي يضايق ابوكم لا تقولونه له.. و الله بيفرجها من عنده.. ياسر : الله لا يخليني كان خليت طيحة ابوي تمر مرور الكرام.. ادار ظهره عنهم .. مسكة بندر و لفه عليه بحدة : ويش بتسوي ..؟! ياسر : بروح اجيب اختي لو هي تحت التراب .. و الله لا انتقم لها و لأبوي.. بندر : كفووو والله كفووو كذا بتريح ابوك .. ايه خله يكون بواحد و يصير باثنين.. مشعل : ياسر معاه حق .. بنروح ناخذ المعلومات عن صاحب صلاح من وليد اكيد يعرف و بناخذ اختي من وسط بيتة.. ابو عمر : ليش تتوقع لو هي بوسط بيتة كان الشرطة ما طلعتها.. تستهبل انت..؟! بندر بحدة : اسمعوا يا عيال ابراهيم.. تراكم زودتوها وما يعني ابوكم ساكت عنكم.. يعني كل شيء بيمشي على هواكم.. و بتهيتون مثل ما تبون لا عاد لحد هنا وبس... خالد : عمي احنا مو صغار عشان تكلمنا بهالشكل .. و من حرقة ما فينا بنروح ندور على اختي وما احد له حق عندنا.. بندر : و الله تصرفاتكم مبين انكم مو بكامل قواكم العقلية .. هاذي عقول بزارين طايشين.. مو رجال كل واحد بطول الباب و عرضة.. تبون تسوون جريمة و يرمونكم بالسجن و ابوكم يروح فيها صح هذا اللي تبونه..؟! ابو عساف : ارجعوا للبيت كلكم.. بتفضحونا بين الناس.. احمد : فعلاً لازم نرجع و نطمن الكل هناك.. و بعدين نرجع.. مشعل : انا بجلس عند ابوي ما راح اخليه.. بندر : بتمشي قدامي و رجلك فوق راسك انتم الثلاثة ما ابيكم تطلعون من البيت.. خالد بتحلطم : عمي ويش ذا الاسلوب.. ابو عساف : قدامي تهاوشوا بالبيت بكره يقولون عيال مساعد يتهاوشون بالمستشفيات.. .. في المكتب وليد مطرطع على الجميع.. و سعود و عماد جالسين جنب بعض يحاولون يربطون الاشياء ببعض يمكن يوصلون لشيء..عساف ما كان حاله ازين تضل وعد هي اللي متربعة بعرش قلبه لو هي حليلة لغيره.. اما نايف و عزام و راشد جالسين معاهم بهدوء و يسمعون لحلطمة وليد على رئيسهم.. وليد يضرب يده بالمكتب : شلون يعني ما تبيني اسأله .. ابي اعرف اختي وين راحت.. الفريق غازي بهدوء : تبيني اخلك تنزل للسجن الانفرادي و تكلم سطام عنها.. قلت لك احنا دورناها بكل الفيلا ما لقيناها.. وليد : ماهو معقول وين بتروح يعني..؟! مين الزفت اللي اللي ماخذها..؟ الفريق غازي يقرب كرسية اكثر و يستند بكوعة عليه رافعاً كفوفة لوجهه : هذا اللي بيطير عقلي .. الجماعة كلهم صاروا عندنا.. باقي رئيسهم و رئيسهم أساساً مو هنا .. مين اللي ماخذها..؟! وليد جلس على الكرسي مقابل غازي وهو يهز رجولة بقوة متوتر : من شوي سالتك نفس السؤال مو انت الرئيس هنا المفروض تدري.. الفريق غازي رفع السماعة : حمد تعال.. غمض عيونة وهو يسند راسة ع الكرسي وراه.. الحين بتخلص صلاة التروايح و الشباب قدامة ما احد فيهم افطر.. انقلبت الموازين.. صحيح حققوا نجاح عظيم بانهم قبضوا على العصابة بس الرئيس لا زال برا.. و اللي للحين ما يعرفون من هو و يمكن يوصلون لشي من خلال التحقيقات المكثفة لافراد العصابة .. و وعد و اختفائها.. ما احد يعرف عنها شيء للحين.. دخل حمد بعد ما ادى التحية العسكرية .. ووقف بمكانة بثبات .. الفريق غازي : تعال يا حمد.. تقدم حمد بخطوات ثابتة : امر سيدي.. الفريق غازي : شددت الحراسة ع السجن وعلى المركز كامل.. حمد : كل شيء تمام مثل ما امرت و زيادة.. الفريق غازي : زين.. ابيك ترسل احد للبيت يجيب لنا أكل.. وليد بعد ما كان ينقل نظرة بين غازي و حمد صد بوجهة عنهم : اففففف.. حمد : حاضر سيدي.. الفريق غازي طنش حركة وليد بمزاجة : و الا اقولك انا بخلي السواق يجيبة.. بس ابيك تنادي لي سلمان.. حمد : حاضر .. أي اوامر ثانية.. الفريق غازي : لا .. تفضل.. ادى التحية العسكرية و خرج حمد .. ليلتفت غازي لوليد بحدة : حركتك هاذي بمشيها بمزاجي فاهم.. طنشة وليد ولا يبي يرد عليه بمزاجة.. كل واحد يعاند الثاني.. غازي بعد ما كان ينظر لوليد الجالس امامة ارتفعت نظراتة للباب : تفضل.. دخل سلمان و ادى التحية العسكرية.. الفريق غازي : تعال يا سلمان.. ابيك تعمم لي اسم وعد على كل الحدود و المطارات المحلية و الدولية.. ابي منع سفر لها.. سلمان : حاضر سيدي.. الفريق غازي : و ابيك ترسل لي فرقة كاملة و يتفرقون على جميع المستشفيات و الفنادق و الشقق المفروشة بالمدينة يدورون عليها.. سلمان : حاضر.. وليد يناظر سلمان : و الاسواق أي وحده تشوفونها مشتبة فيها جيبوها.. سلمان اتسعت عيونة بس سكت و هي ينقل نظرتة لغازي .. اللي بدوره تكلم : خير يا سيد وليد ناسي انك بفترة عقاب يعني ما يحق لك تملي الاوامر على احد و كأنك تشتغل هنا.. وليد وقف : انا غبي اللي جالس انتظرك انت و جماعتك تحركون .. وعد انا بدور عليها من غيركم.. و اتجهه للباب بيخرج من غير لا يأخذ الاذن من احد.. لمن وقفة غازي : وليــــــــــد.. تراني صابر عليك.. طلعة من هنا ما فيه تفهم و الا لا.. وليد لف عليه و استند على الباب اللي وراه ببرود : انت تقول مالي دخل.. وانا ماني جالس و ساكت و اختي ما ادري وينها.. الفريق غازي بعصبية : ما راح اسمح لك تعتب الباب .. انطق مكانك.. وليد : مو كل شيء يمشي مثل ما تبي.. ما صارت غلطة و غلطناها تبي تذلنا عليها ثلاث شهور.. خلاص مسخت السالفة .. اشتغل عندك ايه رضيت لكن انك تحكم فيني وين اروح ومن وين جاي لا عاد.. زودتها.. الفريق غازي طنش وليد ولف على سلمان : هذا الأدمي ما ابيه يطلع من باب المركز تفهم.. (وآشر على وليد).. وليد اتسعت عيونة : يعني شلون بتحبسني..؟! ايه بس هذا اللي كان ناقصني.. و الا اقولك ازين يالله نزلني تحت عند المساجين ما ابي اشوف اشكالكم.. سعود : ولـــــــــيد.. خلاص عاد زودتها.. وليد : ماهو بكيفكم تحبسوني هنا .. يان تنزلوني السجن.. يا تخلوني اطلع ادور على اختي.. الفريق غازي وقف بقوة و دف الكرسي اللي جالس عليه و ضرب بالجدار اتجه بعدها لوليد : اقسم بالله مطول بالي عليك و عادك حسبة ولد لي.. لكن انتِ مصر تخليني اعاملك بسلوب زي الزفت عشان تعلم و تترك التهور عنك.. سلمــــــــان.. وليد ماله طلعة من المركز تفهم.. سلمان : حاضر سيدي.. الفريق غازي : روح شوف شغلك.. سلمان : حاضر .. ادى التحية العسكرية و طلع وسكر الباب من وراه.. وليد : شلون تأمرهم يحبسوني هنا..؟! الفريق غازي : حرف زيادة منك ما ابي اسمع.. عندك شيء يفيدنا تكلم احنا نسويه .. اما انت تطلع لااا.. وليد : لااا يا شيخ .. الفريق غازي : احترمني انا رئيسك هنا ماني واحد من اخوانك.. قاطعهم صوت عساف يرد على جواله بهدوء : الوو.. هلا عمي.. الحمدلله.. (رفع عيونة لوليد وسعود) سعود و وليد ما ادري ما قابلتهم الحين.. ليش تسأل عنهم.. متى..؟! طيب ان قابلتهم ابلغهم.. ان شاء الله.. خلاص عمي لا تشيل هم.. على امرك.. طيب عمي بس مسافة الطريق.. ان شاء الله .. مع السلامة .. وقفل الخط يناظر سعود و وليد : عمي بندر يبيكم الحين.. سعود : ما قالك ليش..؟! بندر : لاا.. بس قال يبيكم الحين دق على جوالاتكم ما تردون.. ابو سعود : اكيد عشان اختكم.. وليد : انا محبوس ماني رايح.. عزام : وين اللي من اول قالب الدنيا الا بيطلع.. وليد جلس معاهم ع الكنب : ويش اقول لأبوي والله ما لقينا اختي و العصابة كلها القوا القبض عليها.. سعود يمسح وجهه بكفوفة : يارب رحمتك.. عماد : عقلي بيوقف .. وين بتكون راحت..؟! وليد وقف فجأة : الفيلا ما عليها كاميرات مراقبة.. عماد : الا فيها.. وليد : شفتوا التسجيل يمكن يكون لها اثر فيها.. الفريق غازي اتجه لمكتبة ورفع سماعتة : الو حمد .. تعال انت و سلمان.. سكر السماعة.. وهو يلتفت لوليد : يطلع منك لو تحط عقلك براسك بس.. دخلوا حمد و سلمان مع بعض ادوا التحية العسكرية.. اتجه لهم غازي : الفرق من الأدلة الجنائية..!؟ سلمان : لسى ما حضروا سيدي يبي لهم وقت عشان يبحثون في كل الأدلة الموجودة في الفيلا.. الفريق غازي : ابيكم تروحون الاثنين و تأخذون من عندهم جميع تسجيلات كاميرات المراقبة و تجيبونها لي.. سلمان و حمد : حاضر سيدي.. الفريق غازي : عجلوا الله يرضى عليكم.. سلمان و حمد ادوا التحية العسكرية : على أمرك.. و خرجوا.. .. كانت تمشي بتعب الالم يسير من اطراف اصابع رجليها لين راسها دموعها تطيح على وجهها ما تحس فيها كانت تتلفت لوراء برعب تخاف احد يلحقها .. وصلت لحارة صغيرة و دخلت فيها .. كانت تتلفت خايفة تشوف احد تعرفة او احد ما تعرفة.. ودها الناس كلهم ينمحنون من على وجه الأرض.. جلست على الأرض بتعب و بوسط الشارع الاسفلتي الثوب اللي لابستة تلطخ بالغبار .. علت صوتها شهقاتها بالمكان خوف رعب ضياع موت و حياة.. تجمد الدم بعروقها من الصوت اللي سمعتة : ويش بلاك يالأخوو..!؟ لفت وراها و شافت رجال ما تدري ويش هي ملامحة اللي تدري فيها انها لازم تقوم و تجري وفعلا قامت على حيلها و راحت تجري قدامها من غير لا تلتفت عليه ودها تسابق الريح و تبعد عن كل شيء.. اهلكت نفسها بس للاسف جسدها ما يقدر يحملها اكثر من كذا اعلنت رجولها الخيانة لها وطاحت على الأرض صرخت وقتها : الذيـــــــــــــــــــــــــــب.. وسط ذهول الرجال اللي كان يناديها .. كان طالع من بيته جيرانة و بيروح لبيتهم .. شاف رجال متلثم و جالس بوسط الشارع و يصيح.. من غير ما ينتبه و لا يميز الصياح بنت و الا ولد اتجه له بحميه : ويش بلاك يا الاخو.. تفاجا بالجسد الصغير قام يجري برعب لكن ما بعد خطوات كثيرة عنه الا طاح الجسد من جديد و يصارخ الذيــب..؟! اتجه للبيت اللي طلع منه : يا رجااال فيه مره غريبة برا كنها تحتاج العون.. طلعوا مجموعة الرجال دبت فيهم الحمية للمره .. مو اهل البلد اللي يشوفون وحده من بناتهم تحتاج العون و يتركونها.. و لا اهل البلد اللي بنته تلجأ لهم و يصدونها.. حكى رجال كبير : يا بنتي.. كانت جالسة و ضامة نفسها رفعت عيونها لهم و شافتهم .. مجموعة رجال دب الرعب بعروقها.. كمل الرجال : يا بنتي من بنته انتِ ..؟ ويش اللي جابك هنا..؟! وعد ما تدري ويش تقول او ويش تسوي نطقت كلام وراء بعض من غير لا تفكر فيه : انا داخلة على الله ثم عليكم.. ما ابي ارجع له.. زوجي سِكير ما يخاف ربه و ما يصلي .. و ابوي ما يبيني اتطلق و رماني له.. تكفون يا اهل الخير احموني منه.. احد الشباب : افااا و انا ولد ابوي و الله ما ترجعين له لو هو على قص ارقابنا .. وصلتِ خير يا مره .. ادخلي عند الحريم و الله ما احد يقرب لك.. الرجال الكبير : لا تخافين يا بنتِ ادخلي عند الحريم .. انتِ وكاد انكِ تعبانة.. ادخلي ارتاحي معاهم.. و موضوعك باذن الله محلول.. قومي يا بنتِ قومي.. وقفت وعد على حيلها .. وهي ما تعرف ويش اللي تسويه او ايش الخطوة اللي بعدها .. بس اللي تعرفة .. ان كل شيء بالنسبة لها هو موت.. هنا او هناك.. كلها نهايتها ممات.. تقدم الشاب : حياك من هنا يا خيه.. مشت وراه و دخل البيت الشعبي.. وقفت ع الباب فترة.. بس اول ما تذكرت الامن و العصابة حطت اول خطوة في السيب الصغير.. دخلت البيت جداً بسيط.. كان يمينها باب والقت نظرة عليه من الباب المفتوح عرفت انه مجلس و السفرة المفرودة فيه وعليه اصناف من الاكل.. اكيد ان الرجال اللي برا مفطرين عندهم اليوم.. : أثيـــــــــر .. أسيـــــــــــل.. يا بنــــــات.. من وراء الباب سمعت رد بنية : هلا مشاري ويش بغيت.. مشاري : وين امي..؟! : مع الحريم.. مشاري : ناديها ابيها ضروري.. : ان شاء الله.. ظل مشاري واقف و هو يناظر بساعتة و يلعب بمسكة الباب و وعد واقفة وراه.. فرد شماغة و نسفة من جديد بعشوائية.. : هلا يا ابوي ويش بغيت.. مشاري : يمه عندك احد هنا.. المره : أثير يمه سكري باب الغرفة و المطبخ.. أثير : ان شاء الله يمه.. المره : تعال يا ابوي ما فيه احد.. مشاري من غير لا يلتفت لوعد فتح الباب على كبرة : ادخلي.. تقدمت وعد بخطوات ميتة لين دخلت ومن وقفت على باب الصالة.. أثير تخبت وراء الباب بسرعة كم لمحت الثوب.. و المره رفعت لثمتها اللي نازله عن فمها لين خشمها : مدخل علينا رجل يا مشاري.. مشاري : يمه من جدك هذا شكل رجال.. هاذي بنية منحاشة من زوجها.. المره بفزع : و انا بنت ابوي بنته.. جايب لنا مرة منحاشة من زوجها .. و ابوها وينه عنها.. مشاري : يمه الله يخليك خلوها عندكم لين نشوف لها حل لمشكلتها مع رجال الحارة.. بس والله ما ترجع له و هي محتمية فينا.. أثير بصدمة : من جدك انت..؟! ما تدري حتى من هي بنته..؟! مشاري : انا تكفلت فيها قدام الرجال .. وما احد يفشلني فيها .. بتولى امرها لين اخذ حقها.. المره : يا ولدي تبي الناس تجيب سيرتنا بالشينة.. مشاري : افااا و انا ولد موضي اقص لسانة يمه اللي يحكي علينا بالشينة.. من اليوم ورايح انا وراكان بننام برا بالحوش .. وهي عزوها و اكرموها يمه.. وعد بلعت ريقها وهي تسمعهم يتناقشون حولها من غير لا تنطق حرف.. حتى الاهانة ما حست فيها وهي اللي تعودت انها ما تنذل.. ما وراء تخلي ابوها عنها اهانة.. كل الاهانات صارت صغيرة بالنسبة لها.. المره : خلاص يا ابوي.. انت روح صل التروايح مع الجماعة و البنية بنكرمها ما تشيل همها دامك تكفلت فيها ما هو طايلها شيء.. مشاري يبوس راسها ويبتسم : الله يخلينا لنا هالراس ولا يحرمنا منه.. المره : امش لا تسلقها علي.. مشاري : طيب بس شيلوا السفرة اللي بالمجلس .. و الساعة 12 بالضبط حطوا لنا العشاء.. المره : ما تشيل هم شيء يا ابوي بس لا تطوفك الصلاة.. طلع مشاري و سكر الباب وراه .. أثير قربت من امها وهمست لها : ويش بتسوين..؟! المره : تعالي يا بنتي.. دام ولدي تكفل فيك .. فا انت وصلتي للامان ما احد بيطولك و انا ام مشاري.. وعد بهدوء : انا ما صليت .. ابي اصلي.. ام مشاري : أثير دليها على الحمام و اعطيها عباة تصلي فيها.. أثير ومو عاجبها الوضع : ان شاء الله يمه .. تعالي من هنا.. .. في المكتب يتفرجون على تسجيلات الكاميرا.. اللي يعرفونها هم اللي مبطلين عيونهم بتركيز عشان يعرفون ان كانت مرت من البوابة او لا.. عماد : سلمان رجع رجع التصوير.. سلمان : حاضر.. رجع التصوير.. عماد يشوف وعد تتلفت تناظر يمين و يسار وهي لابسة الثوب و متلثمة بالشماغ : شوفوا هاذي هي .. اشر عليها من خلال الشاشة.. سعود : انحاشت منهم.. ظلوا يراقبونها وهم ودهم ينادونها و تسمعهم و يرجعون بالوقت و يأخذونها.. كانت قريبة منهم حيل و ضاعت من بين اصابيعهم باخر لحظة.. وليد رفع راسة وهو يشد بكفوفة على شعرة : و الله هي.. انحــــــــاشت.. عماد : اكيد ما بعدت كثير عن المنطقة.. خلونا نسوي بحث هناك.. الفريق غازي : انت تدري ان كل ذيك المنطقة تقريباً مزارع.. عماد : طيب ويش الحل..؟! وليد : حتى لو هي مزارع بنروح ندور فيها ونسال ان كان فيه احد شافها.. سعود : فعلاً لازم نروح نفتش المنطقة و نسأل فيها.. عماد وقف : يالله.. وقفوا كلهم و معاهم غازي لازم يلقونها.. و نسوا سعود و وليد ان عمهم يبيهم و اتجهوا للمنطقة الموجود فيها الفيلا.. جالسين بالغرفة كلهم جميع .. البنات يبكن عشان ابوهن رغم ان اخوانهم مطمنينهم عليه.. بس ما راح يتطمنون الا ان شافوه.. حريم ابو سعود بعبايتهن و حجابهن الكامل و النقاب لوجود عمان عيالهم.. ام سعود في محاولة لتهدئة البنات : بسكن صياح .. حرام عليكن اللي تسونه.. ولا تبن تروحن له وعيونكن مفقعة من الصياح.. ندى تمسح دمعتها و تنزل غيرها : خاله كل شيء نتحملة الا ابوي يصير له شيء.. لطيفة : حسبي ربي على اللي كان السبب.. بندر يناظر جوالة يشوف الساعة : الكلاب ذولي للحين ما شرفوا.. مشعل : بس حابسنا هنا على الفاضي لو مخلينا نروح و نتفاهم مع وليد ونعرف منه المعلومات كنا رجعنا اختي.. بندر : يا شيخ الموضوع مره سهل مثل ما انت و اخوانك محسبين.. على كيفكم الديرة ما فيها قوانين.. تمشون على هواكم.. تبون تنكبونا بمصيبة و تخشون السجن وبدل لا يفقد ابوكم بنية يفقدكم معاها.. ما تشوفون ويش صاير فيه من وراء خطفها.. ابو عمر : بندر لا تلوم الشباب من حقهم ينقهرون على ابوهم و اختهم.. بندر : سعد رجاءاً لا تسمعهم الغلط.. كل واحد فيهم كبر الباب ما يفكر ويش عواقب اللي بيسوية.. يتخبطون يمين و يسار بدون لا يفكرون.. يبون يروحون لوليد.. و وليد تحسبة ما راح يعلم اخوانة بالمكان راح يعلمهم و يروح معاهم.. و يروحون لعصابة ادشر منها ما فيه ويضيعون حياتهم .. ان ما ذبحوهم العصابة بيسجنونهم الامن.. خالد : بس يا عمي من قهرنا.. بندر : تعلم شلون تحكم بانفعالاتك.. ليش يعني احنا عاجبنا اللي قاعد يصير لنا .. كلنا بالهواء سوا.. ما نفكر مثل تفكيركم.. خالها غازي متولي موضوعها .. و انتم تدرون ويش هي مكانة غازي ويش عنده من صلاحيات.. ولو هو قادر يرجعها كان رجعها من غير لا ينتظركم.. نهى بقهر : الله يأخذ كل من ظلم اختي اخذ عزيز مقتدر.. سها : اللهم آمين.. احمد : وين جود..؟! ام احمد تعدل اكمام عبايتها و تغطي اطراف اصابعها عن اخوان زوجها : بغرفتها .. حاولت فيها تأكل و رافضة الا تبي تشوف ابوها اول شيء.. بندر : فهميها بنروح له بعد الصلاة.. خليها تأكل والا والله ما تعتب الباب.. احمد : عمي ويش فيك اليوم..؟! بندر : قاهريني.. تصرفاتكم ما عادت تنطاق وابوكم تاركم على راحتكم.. دق على سعود شوفه يرد عليك والا لا.. احمد : ان شاء الله.. ابو عبدالرحمن يناظر بندر : الله لا يوليك على صايم و مصلي.. بندر يرفع رجليه و يتربع على الكنب : ويش زيني و الله .. المهم اللي بتروح بعد صلاة التروايح جاهزة مو تأخرونا.. نهى : عني بروح مع اول واحد يحرك سيارتة.. ابو عساف : الله يرحمنا برحمتة.. ام عبدالرحمن : انتم تطمنتوا على اخيكم..؟! شفتوا ابوكم يا عيال..؟! ابو عمر : يمه كم مره نشدتينا من جينا..؟! قالك احمد انه بخير بس شوية ارهاق وتعب..(طبعاً ما خبروا الجميع ان اللي فيه جلطة خفيفة لانهم بيقلبون الدنيا الا يشوفونة .. وبيخلونهم يشوفونة بعد التروايح يكون صحى ان شاء الله و بكذا بيتطمنون عليه).. احمد يناظر جوالة اللي متوسط جاري الاتصال بـ سعود.. اول ما بدت مدة المكالمة : الوو.. السلام عليكم.. وينك يا اخي..؟! .. من جدك.؟! ومتى بتجي انت و وليد..؟! بس عمي بندر يبيكم ضروري.. لا ما فيه شيء.. بندر اللي كان يسمع كلام أحمد: خير وينه هو و اخوه..؟! احمد يكلم عمه : يقول مره مشغول ما يقدر يطلع من الشغل.. بندر : قوله نص ساعة ماهي مأخرتة و الا بكلم غازي يطرده هو وليد معاه.. احمد يكلم سعود : سمعت عمي ويش يقول .. سعود رجاءاً نبيك الحين تجي.. ايه فيه شيء.. ما ينفع تعرفة بالجوال تعال يا اخي ضروري.. ننتظركم.. مع السلامة.. ام احمد : ليتك ما قلت لهم يا ابوي الحين بتفجعهم.. احمد : يمه نشب لي يقول مشغول مشغول ولو ما علمناه ان ابوي تعبان بيقلب الدنيا علينا ان درى.. ام سعود : الحين بيجيك مسرع هو واخوه.. الله يستر عليهم.. سها : راسي بينفجر من الصداع.. ام ندى : كلي لك شيء و خذي بنادول.. سها : مالي نفس.. (وقفت) بأكل بنادول كذا.. ابو عمر : ويش اللي تأكلين بنادول كذا وانتِ على لحم بطنك..؟! احمد : تبين بنادول تفطرين.. ما يصري تأكلينها و بطنك فاضية لا تستهنين بالادوية يا سها.. سها جلست : خلاص ما ابي شيء.. : السلام عليكم.. : وعليكم السلام.. ابو عساف : انتم متى امداكم تجون وتوه مكلمكم احمد.. سعود : كان عندنا شغلة قريب هنا.. خير ويش فيكم..؟ (دارت عيونة بالمكان و فقد ابوهم بينهم) : ابوي وينه..؟! ابو عبدالرحمن : اجلس.. سعود تصلبت عظامة وما كانت حالة وليد ازين منه .. ما عاد بقي فيهم شيء من وراء هروب وعد .. سعود عاد الكلمة بمحاولة انه يكون هادي : ابوي وينه..؟! ابو عمر : تعب شوي و وديناه المستشفى وهو بخير الحمدلله.. وليد بفاجعة : تعب.!.؟! ليش..!؟ ابو عمر : مرتفع ضغطة .. و الحمد حالتة زينة تطمنوا ما فيه الا العافية.. سعود : وينه..؟! بأي مستشفى..!؟ ابو عبدالرحمن : عساك بتروح له الحين.. سعود بتعبت فضيع يدب بخلاياه : ايه يبه الحين .. بنمر عليه انا ووليد ومن عنده بنطلع عندنا شغل.. بندر : ويش هالشغل اللي ما يخلص..؟! سعود : ما اقدر اقولك اسرار الشغل.. بندر : شخبار اختك..؟! هذا السؤال اللي ما تمنى احد يسأله اياه ما كان يبي يجي هنا عشان ما احد يدري ان وعد انحاشت و لا يدرون وين ارضها من سماها.. وليد : ابوي بأي مستشفى..؟! مشعل جاوب ببراءة من غير لا ينتبه ان وليد بيغطي على السؤال اللي ساله عمه بندر : بمستشفى........... ادار الاثنين ظهورهم عازمين على الخروج و ترك السؤال معلق لكن ابو عساف وقفهم : سعوود و ليـــد.. اختكم ويش اخبارها..؟! وليد ناظر سعود وهو يعض شفايفة السفلية باسنانة العلوية يكبت ما بداخلة لا ينفعل.. وقف بندر : سعود استجد شيء صح..؟! سعود التفت عليهم : ما ادري.. بندر : اجل مين اللي يدري..؟! ويش اللي صار..؟! وليد وهو يشد على شفايفة بقوة : انحاشت.. ابو عمر : انحاشت وين..!؟ وليد : كل اللي نعرفة انها انحاشت من اللي خاطفها وهذا اللي وضحتة كاميرات المراقبة.. و احنا رايحين ندور عليها هناك بس اتصالكم الهانا.. خالد وقف : بنروح معاكم.. ولا احد يقول لي لا .. وربي غير اروح و ما شيء بيردني.. ياسر : وانا بعد بروح ما راح اظل ساكت.. بندر : كلنا بنروح.. لطيفه : على كذا مين بيودينا لاخوي..؟ .. جالسة بوسط الغرفة و الحريم من حواليها .. كل وحده بقلبها مية سؤال و الفضول ذابحها .. كانت تعبانة حيل رجولها تألمها و بطنها و ظهرها.. ودها تنام وما تضحى بس وين الأمان اللي تنام فيه.. ظلت بالثوب ولا غيرتة على ان ام مشاري حاولت فيها تغير ملابسها بس هي رفضت.. ام محمد : يا وليدي انتِ من بنتة..؟ وعد : .................. أثير تهمس لأختها أسيل : عاد ام محمد بيطق فيها عرق لو ما عرفت كل السالفة و صبتها باذن كل واحد تعرفة لازم يكون عندها معلومات حصرية بس عندها.. أسيل : كنه جديد عليها .. بس البنت تحزن.. أثير : والله اخوك بيبلشنا فيها .. ما يندرى لو وراها بلوة كبيرة.. أسيل : لا تخافين مشاري ماهو غبي بيجيب خبرها.. ام مشاري : خليها يا ام محمد البنية تعبانة.. شوفي وجيهها اصفر .. أثير يمه جيبي لها شوربة و اكل خليها تأكل البنية بتطيح من طولها.. أثير وقفت : ان شاء الله يمه.. ام محمد توقف : انا بروح لبيتي اجهز سحور رجلي ما عاد الا خير.. و وقفن كل الحريم من بعدها .. وتفاوتت الاصوات و الردود : صادقة .. ايه والله تأخرنا.. كثر الله خيركم يا ام مشاري.. ام محمد : بكرة فطوركم عندي.. حياكم الله جميع.. و يا ام مشاري هات الضيفة معاك.. ام مشاري برزانة : ان شاء الله ان ربي كتب لها تاكل من سفرتك ما احد أخذ لقمتها.. الحريم : مع السلامة.. فمان الله .. نشوفكم ان شاء الله.. سلمت عليهم ام مشاري و وصلتهم للباب وسكرتة وراهم.. : اثير وين الاكل يا يمه البنية ما اكلت شيء.. أثير : ان شاء الله يمه بس بسخن الشوربة شوي.. ام مشاري : زين يمه.. دخلت الغرفة اللي كانت غرفة ضيافة وكانوا فيها الحريم .. تحاوط جدرانها ظهر الكنب من الباب للباب .. و ضيفتهم جالسة بالطرف ثانية رجولها و ضامها يديها بحضنها .. تقدمت منها وجلست جنبها وحطت يدها على فخذها .. و قمزت وعد بفجعة.. بلعت ريقها .. ام مشاري : بسم الله عليك يا امي.. لا تخافين ما احد بينوشك هنا.. الحين اثير بتجيب لك اكل يا امي و بتأكلين كنك من زمان ما اكلتي وجيهك اصفر.. أثير نزلت الصينية قدام وعد : تفضلي بالعافية عليك.. وعد بهمس : الله يعافيك.. مدت يدها للمعلقة اللي مرتكزة على حواف صحن الشوربة .. قربت منها الملعقة و اكلت مو بهدوء كثر ما هو موت.. وسط انظار و مراقبة ام مشاري و بناتها.. لكنها اكلت لانها حاسة بشيء ينهش جسمها يمكن ينقال له الجوع .. بس تبي تأكل و بس.. ولا عاد تهتم لشيء من كل اللي صار لها .. راح تنتظر موتها وبس.. راح تعيش عشان تموت.. اسيل مدت رجولها : الحمدلله اننا خلصنا من ذا الفطور قلللق و تعب مو طبيعي.. ام مشاري : كل شيء بأجره.. أثير : من جد تعبنا من البارح و احنا نشتغل ما صار فطور.. ام مشاري : لا تخربن اجركن بالحلطمة.. : يـــــــــاولـــــــــد.. قامت أسيل : لحظة راكان.. سكرت باب الغرفة .. راكان : وين البنت..؟! اسيل : هنا تأكل.. راكان : قالت لكم شيء..؟! اسيل : لا ما فتحت فمها بكلمة.. راكان : ابلشنا بلشة فيها اخوك.. ما يندرى لو وراها مصيبة.. مشاري من وراه : بنكلمها ونشوف ويش عندها..؟ ومن هي بنته ..؟و بنساعدها.. راكان : لا يا شيخ و شلون بتساعد مره غريبة عنك..؟! مشاري : بنت ديرتي ما راح اسمح لواحد واطي يهينها.. راكان : وانت صدقت كلامها على طول.. من غير لا تحقق معاها.. والله لو اشك فيها لا اسلمها للشرطة بنفسي.. مشاري : انت من جدك..!! ويش بيخلي بنت مثلها تنحاش بثوب و شماغ حتى بدون عباة..؟! راكان : ما ادري.. كل اللي ادري فيه انك راح تجيب لنا مصيبة و بس.. مشاري : مالك دخل انا بتولى أمرها.. أسيل افتحي الباب شوي بكلمها من وراء الباب.. اسيل : ان شاء الله .. فتحت الباب شوي و وقفت على فتحتة بين الغرفة و الصالة..: اخوي مشاري بيتكلم معاك.. رفعت عيونها وعد وهي راح تصيح بألم من كل شيء.. شتت نظرها بالمكان بضياع و هي تردد بنفسها الله يسامحك يا بابا كانك اهنتني بهالشكل.. مشاري : يا بنت الأجواد .. احنا عرب ما نشوف بنيتنا تنضام و نسكت عن اللي ضايمها .. ان كان رجلك سكير و ما يستاهلك وتبين الطلاق منه .. ابشري بعزك و اللي يجيب لك ورقتك بين يديك.. ونزوجك واحدن من جماعتنا يراعاك و يخاف الله فيك.. و ان كانك تبين ترجعين لابوك وهو يتولى امرك.. فا والله ما يصبح الصبح الا وانتِ ببيته.. ويش هو رايك يا الأجودية.. .. [COLOR="rgb(46, 139, 87)"]لا إله الا انت سبحانك اني كنت من الظالمين.. [/COLOR] لا أحلل نقل الرواية دون ذكر اسمي.. هاشتاق الرواية #رواية_لو_سألتي_الورد .. ضحكة قهر.. |
رد: لو سألتي الورد وهو ما بين إيدك أقطعك بيقول لك عمري فداك الكاتبة / ضحكة قهر
بسم الله الرحمن الرحيم.. السلام عليكم و رحمة الله و بركاتة.. صباحكم / مسائكم اجواء رمضانية.. جعله مبارك علينا و عليكم .. أسأل الله العظيم ان يعيننا على صيامة و قيامة و يكتب لنا الأجر أجمعين.. اللهم آمين .. بداية كنت بكتب لكم مقدمة البارت اللي فات و بقرقر فوق رووسكم بس نسيت .. لازم اعوض هالبارت .. حقيقة اللي ابي اقولة و انا سعيدة جداً فيه و اعتبرة تقدم لي .. هو زيادة عدد القراء بشكل مستمر .. اخر بارت نزلتة يوم الاثنين او بالأصح بداية الثلاثاء الساعة 1:00 او 1:30 مو فاكرة بالضبط بس بأخر الليل على بداية يوم الثلاثاء لما اعتمدت الرد .. قررت أشوف كم عدد القراء الين انزل البارت اللي بعد وكانوا 86,462 .. و الحين و قبل ما انزل هالبارت عدد القراء 96,135 يعني بين البارتين حوالي 10000 قارئ جديد للرواية حسيت اني مسوية انجاز لو الرواية مالها صيت ولو بسيط ما وصلت لهالعدد بحوالي اربع او خمس ايام .. هالشيء أسعدني جداً .. و اللي يسعدني أكثر احس اني لامست شيء من ذائقتكم من خلال تعليقاتكم و ردودكم .. كل رد يهمني و ما أخفيكم احب الردود اللي تعلق على جميع البارت و اللي تلمه كله و اعرف رأي القارئة من خلاله و ردود فعلها .. عشان اعرف انا وصلت للمشاعر اللي ابي اوصلها في اذهانكم خلال القراءة او لا .. ادري ان روايتي يقصرها من الوصف الكثير .. بس بأخر البارتات جالسة احاول اعوض هالتقصير عشان ارتقي بروايتي لأعلى درجة أقدر عليها .. و هالشيء ما يتم الا بفضل الله اولاً ثم بفضلكم ردودكم و تعليقاتكم و نقدكم و تشجيعكم لي .. هالراوية صح مسطرة بإسمي .. بس استمرت بدعمكم أنتم.. جعلكم بالمزيد.. اسأل الله العظيم لكم من السعادة و الرضا و التوفيق و التيسير في جميع أمور حياتكم .. وأسأل الله العظيم جنة الفردوس لي و لوالدي و اخواني و اخواتي وصحباتي و قرأئي.. و أسأل الله لكم جميعاً من كل خير سألته لنفسي.. الله يحشرنا جميعاً مع الأنبياء و الصديقين و الشهداء.. اللهم آمين .. اللهم آمين اللهم آمين.. ثانياً اعتذر عن تأخري بتنزيل البارت .. للأسف انشغلت بالبيت كثير .. لكني حاولت اعوضكم بالبارت و طولتة قد ما اقدر.. لين وصلت لنقطة معينة و قطعتة عليكم << لعانة.. بالنسبة لمواعيد البارتات بحاول التزم فيها قد ما اقدر يعني الاثنين و الجمعة .. بس ان صار تأخير مره ثانية.. فا ابيكم تعذروني بأضطر أرجع النظام القديم بدون مواعيد و حا انزل اعلان التويتر وهون اني ح انزل بارت جديد و بحاول يكون قبلة بوقت يعني ح نقرر ان استجد شيء جديد.. رمضان كريم علينا و عليكم.. البارت السادس و العشرون.. ليت منهو بـ التمني؟ يحصل ما يريد كان عيني ما بكت؟ في رجاء خلانها ليت لا ضاق الصدر ابدله واشتري جديد وليت اخفي دمعتي لا شرعت بيبانها. لـ وحشتك "ناصر العنزي".. في سيارات تجوب المنطقة .. يقودها عيال ابراهيم و عساف و بندر و غازي و عماد و راشد و عزام و نايف.. بندر و سعود و خالد و ياسر في سيارة.. غازي و عماد و وليد في سيارة.. عساف و مشعل في سيارة.. نايف و عزام و راشد و خالد في سيارة.. بندر : انتم متأكدين انها انحاشت منهم.. سعود و الهم معتلي ملامحة بعد شوفة ابوه : ايه الكاميرات سجلتها وهي خارجة.. ياسر بقهر : ويومكم تدرون انها معاهم ليش ما رحتوا و داهمتوا المكان.. سعود : على بالك الموضوع مره سهل مداهمة يالله خلاص داهمنا.. سكروا ع الموضوع .. نزل قزاز الشباك اللي يمه و سند ذراعة عليها و اطراف اصابعة تلامس جزئها العلوي .. : شوفوا هذا بنسأله.. بندر : اسال أي احد بوجهك من غير لا تقول.. سعود وقف السيارة بمحاذاة الشخص : السلام عليكم يالأخو.. الرجال : يا هلا وعليكم السلام.. سعود : شفت ولد صغير ضايع هنا متلطم..؟! على المغرب..؟! الرجال : لا والله يا اخوي ما شفت احد هنا ليش ولدكم ضايع..؟! سعود : ايه والله لنا ولد ضايع هنا.. ما تعرف احد يسكن هنا ننشده عنه يمكن شافوه.. الرجال : قريب هنا ما فيه .. لكن ان مشيت شوي قدام بتدخل على الحواري هناك.. سعود : ما قصرت يا الاخوو.. نسلم عليكم.. (ورفع له يده اشارة ع السلام).. ياسر باستغراب : من جدك تقوله ولد.. و احنا ندور على بنت..؟! سعود : قلت لكم وعد طلعت وهي لابسة ثوب و شماغ.. بندر : شوف الشباب يمكن صار معاهم شيء..؟! سعود : لو لقوها بيبلغوني.. اعينهم تدور بضياع و تشتت محاولين ايجادها.. في سيارة غازي و عماد و وليد.. وليد جالس وراء و بالوسط ويحاكي غازي بقهر : انا ما كنت ابي اجي معاك اصلاً.. غازي : حظك الردي مخليك تشتغل عندي.. وليد : الله يأخذة من شغل اللي تكون انت فيه رئيسي.. عماد : وليد عمي تكفون راسي ماهو ناقص صداع.. وليد : لا ما شاء الله راسي طيب.. انا ما اتذكر حتى افطرت و الا.. غازي يلف له : من جدك ما يصير تبقى صايم.. وليد : مالي نفس.. عماد ويده مثبتة على المقود ينحني يميناً ليسلط طريق أخر : مويا تكفي تفطرك.. وليد : ما يحدر بحلقي .. و اختي ما يندرى وين ارضها من سماها و ابوي تحت سقف المستشفى.. الفريق غازي : لا حول ولا قوة الا بالله.. وكيف صحة ابوك..؟! وليد بهدوء عكس انفعالاتة : احمد يقول زينة اهم شيء ما ينفعل.. الله يستر لو درى ان وعد منحاشة ويش بيصير فيه..؟! الفريق غازي : الله يجيب العواقب سليمة.. عماد : انا ما ادري ويش اللي جاها براسها تنحاش.. طيب وين راحت..؟! وين المكان اللي بتلجأ له.. الفريق غازي : اكيد بيتهم.. وليد كلمت اهلك يبقى احد بالبيت..؟! وليد : ايه بيتنابون عشان يروحون لأبوي.. احتياط ان جات وعد.. عماد : ما اتوقع تروح لبيتهم.. بعيد عليها حيل.. الفريق غازي يثبت نظره على عماد : اجل وين تروح..؟ عماد : تعرف احد بيتة قريب من هنا يا وليد..؟! وليد : الا بيت مصطفى و حسنين.. (و بنرفزة يكمل رده على عماد) ويش يعرفني مين بيتة قريب من هنا..؟ عماد باستهزاء : انت شلون صرت ضابط سري...؟! اقصد احد من معارفكم مو شرط يسكن من هنا .. قريب على الأقل تكون راحت له..؟! وليد : لا ما نعرف احد يسكن هنا.. المنطقة بعيدة عن الناس و الحياة مين بيسكن فيها..؟! عماد يكلم عمه : شلون جاء ببالك تحطه ضابط سري..؟! الفريق غازي : انصكيت من بين عيوني.. وليد بغرور : اصلاً تطول انت.. بتشوفون انجازاتي بس انتم لا تنشبون لي و اعطوني صلاحيات مثلكم.. الفريق غازي : حلوه صلاحيات.. خالك هاجد بس و التزم بتدريباتك.. وليد يصرف الموضوع : راقبوا المكان بدال الهذرة لو شفنا وعد ما درينا عنها.. عماد : انا اشهد انك انصكيت من بين عيونك.. شكله ما يعرف و شلون يكلم رئيسة..؟! الفريق غازي : و الله اني معطيه وجه.. عماد : و انا ان قلت لك عمي دعيت علي تنعمى عيوني و هو مأخذ راحتة و عادي.. وليد متكتف : الرازق بالسماء و الحاسد بالأرض.. في سيارة نايف و عزام و راشد و خالد.. نايف يسوق فيهم و جنبه خالد .. و وراء عزام و راشد.. خالد : الله يسلمك.. الشر ما يجيكم.. نايف : انتبهوا لصحتة ابعدوا عنه الأخبار الشينة.. خالد يراقب المكان من شباكة بهدوء : ويش السواة كان الشين ملاحقنا.. عزام : هونها يا اخوي و تهون.. ان شاء الله بنلقاها .. اكيد انها ما ابعدت عن هالمكان كثير خصوصاً انها ما تدل الدرب هنا.. و لا تعرف احد .. و تعبانة بعد.. يعني بعدها عن هنا شبة مستحيل.. خالد : و ان كان احد مأخذها..؟! ان طاحت بيد واحد ثاني ما يخاف الله نفس الي قبله..؟! راشد : لا تفاول بالشر.. ربي ارحم فيها منك.. وبيكون معاها .. وبيسير لها درب الرجعة ان شاء الله.. انت بس ادعيه.. خالد : يــــــارب.. نايف : بنشوف هالبقالة اللي ع اليمين .. ضرب بوري مرتين و طلع له عامل البقالة.. وآشر له نايف بيمينة يقرب.. و تقدم عامل البقالة .. نايف : سلام عليكم.. : وعليكم سلام.. نايف التفت لخالد : انشده.. خالد : شفت بنت هنا ضايعة قريب وقت الفطور..؟! العامل يهز راسة : لا ما يسوف..؟! نايف : طيب يشوف ولد لابس ثوب و شماغ هنا يمشي..!؟ غريب عن المكان..؟! العامل : لا ما يسوف احد.. نايف : طيب شكـرا صديق.. و حرك السيارة يسير في الشوارع بحثاً عن أي خبر عنها.. سيارة عساف و مشعل.. مشعل : ويش السواة..؟! ان ما لقيناها ابوي ويش بيسوي..؟! عساف كلنا ويش بنسوي مو بس عمي : الشكوى لله.. لازم تنتبهون لصحتة.. والا عمي ابراهيم يطيح ذا الطيحة.. مشعل يركز في النظر بحثاً عنها : كلنا مو متخيلين ان ابوي يطيح من موضوع زي هذا .. ما يعني انه شيء عادي ولا يكسر الظهر .. بس تعودنا ان ابوي قوي ولا يهزة شيء.. عساف مثبت الطارة بيدة اليسار و كفة اليمين رافعها لمستوى فمه وكأنة يحاول كبت انفعالاتة الداخلية : الله يكون بعونة.. مشعل : متى دريتوا انها انحاشت..؟! عساف : يوم دق عمي بندر علينا يعني ع العشا.. مشعل : احس فيه ان بالموضوع.. ايش معنى وعد هي اللي تعيش كل هذا.. ليش اختاروها هي من بد بنات حواء..؟! عساف : ما أدري يا اخوي جواب هالسؤال عندهم.. بس المهم هي وين راحت..؟! مشعل : الله يستر لا تطيح بيدين ناس ما يعرفون الخير.. عساف بألم : ادعي لها ربي يحفظها.. مشعل : يـــارب انت اعلم بضعف اختي.. يارب احفظها من كل شر.. يارب لا تولي عليها من عبادك الا الخيرين.. عساف ادعي و انا بدعي يا مشعل ادعي و انا بدعي.. .. وعد بصوت اعلى من الهمس بشوي : انا .. ما ابي ارجع له ..و لا لأبوي .. خصوصاً هالفترة.. ان رجعت لأبوي الحين بيردني لزوجي وهو (بلعت ريقها) ما يعرف ربه.. مشاري : يعني انتِ باغية الطلاق..؟! وعد : ايه بس مو الحين .. يعني ابي اجلس فترة بعيدة عنهم.. لو برد لهم الحين بيرجعوني له لازم ابعد فترة يمكن يحسون فيني.. ام مشاري بحزم : ان ما شالك بيتنا تشيلك عيونا انتِ الداخلة و احنا الطالعين.. وعد : مشكورة يا خالة.. جميلك ما راح انساه كل حياتي.. و الله انا ماني راعية شر ولاني راعية مشاكل بس ظروفي رمتني عليكم.. مشاري : ابشري بعزك يا خية و الله ما تنضامين و انتِ ببيت ام مشاري.. وعد تعض شفايفها تحاول تمنع دموعها ما تنزل : مشكور .. الله يجزاك بالجنة.. مشاري : خذي راحتك بالبيت و انا اخو كانا و اخوي ببنام بالغرفة اللي بالحوش .. و انتِ لك البيت تأخذين راحتك فيه.. وعد : لا ما يحتاج انا اجلس باي غرفة على طول بس اللي ابيه مكان يحميني.. مشاري : افااا و انا ولد امي.. و الله انك تنعزين و نكرمك انتِ ضيفة عندنا.. وعد : شكـــراً.. مشاري : يمه بغيتي شيء..؟! ام مشاري : لا يا ابوي بس لا توخر على السحور.. مشاري : شبعان يمه .. بس يبي لي كاسة مويا قبل الصلاة.. ام مشاري : الله ييسر لك دربك يا ولدي.. راكان : الدعاوي بس لمشاري..؟! ام مشاري : هو انت هنا..؟! راكان : ايه طبعاً القط يأكل عشاي.. ام مشاري : مين عساه انت اللي القط ياكل عشاك..؟! عز الله ما عرفتك.. راكان : يمه دايم ظانة فيني ظن سيء.. مشاري : اقول امش بغيتك بمجلس ابو محمد.. راكان : يا ابو محمد ذا بيبلشنا بلشة ماهي صاحية.. مشاري : امش وخلك رجال.. راكان يتعداه عازم على الخروج : من يومي رجال ما احتاج اشادتك.. مشاري : مع السلامة يمه.. ام مشاري : مع السلامة يا ابوي .. (التفتت لوعد) يا يمه غيري هالثوب.. ماهو ثوبك.. اسيل فتحت الباب على كبرة الله كانت واقفة عليه.. وعد : ما ودي اثقل عليكم يا خالة يكفي بتضفوني.. اثير : افااا .. دامك ضيفتنا فالبيت كله تحت أمرك.. أسيل : يمه متى بيودينا راكان نشري للعيد ترى ولدك زودها.. ام مشاري : خلاص بكلم مشاري راكان هذا ان ما اشتهى الله وكيلك.. أسيل : ازين بعد عشان مشمش ما يخلي شيء بخاطري.. اثير : ايه انانية ما تخلين شيء و تفقرين اخوك.. أسيل : كيفي دامي مشمشتي راضي أنا حره.. ام مشاري : بالهون على أخوك.. أسيل : يمه لا أحد يتدخل بيني وبين مشمش.. انا و اياه ننجاز.. ام مشاري : قمي طلعي للبنية لبس زين بي.. وخلي عنك الدلع.. اسيل : مشمش راضي اني اتدلع ولولا الله ثم هو كان احنا مرمين بالشارع ببركات رجلك.. ام مشاري بحدة : أسيــــــــــل كم مره اقولك لا تجيبين طاري ابوك بالشينة..؟! أسيل : ليش هو سوى شيء زين عشان اطريه فيه..؟! وعد انحرجت انهم يتهاوشون قدامها .. حست ان شكلها غلط.. بس هي جات على هاذي..؟! جلستها عندهم كلها غلط.. أثير : خلي مشاري يسمعك وقتها ما بيفكك منه أحد.. اسيل وقفت : هذا انتم ما تحبون احد يتكلم عن ابوكم بالحق.. أم مشاري : ليش ما هو ابوك يوم تقولين ابوكم..؟! اسيل : ابوي..؟! ليش هي الابوه اسم وبس..؟! يمه تكفين لا تخلين اطلع اللي بخاطري عشان ما تنصدمون.. و طلعت.. ام مشاري : بتجيب نهايتي هالبنت بتقصر عمري.. اثير : بسم الله عليك يمه .. لا تشيلين هم أسيل ما يعرف لها الا مشاري.. هي و راكان نفس التفكير زي بعضهم.. ام مشاري : و الله اني ربيتكم كلكم مثل بعض ليش هم طالعين غير..؟! أثير : ما أدري يمه.. ربك يعين..(ابتسمت لوعد) ما عليش تهاوشنا قدامك.. وعد : عادي ما فيه بيت يخلى من المشاكل.. (و كأنها تريد ان تبحث عن مشكلة أعظم من مشكلتها لذلك قررت ان تخوض بالحديث معهم كي تتناسى) حتى انا بابا تخلي عني.. ام مشاري : يا وليدي لا تحكين كذا .. اكيد ابوك يحبك و يبيك بس وده بالزين لك.. و يمكن ما يعرف رداة رجلك والا ما خلاك على ذمتة.. وعد وعينيها تحكي الألم من اعماقها بالدموع : بس انا بنته.. يتخلى عني بعد كل هالعمر ليش..؟! ويش الخطأ اللي ارتكبته..؟! ما يكفي ماما و اللي سوته يكمله هو.. أم مشاري : يا وليدي صدقيني ما احد يحبك بالدنيا كثر امك و ابوك.. و ان زعلوك بشيء اكيد هم يبون مصلحتك .. ما راح تعرفين ويش الزين لك الا ان صار عندك عيال و اختلفتي معاهم.. اسيل : ويش الزين بان ابوي تركنا..؟! علميني يمه ويش الزين فيه.. تزوجك من وراء اهله طيب ليش يخلف يومه مو قد الخلفة..؟ و ياليت ما عنده عيال من مرتة عنده و الناس كلها تدري فيهم و احنا طيب.. وين موقعنا في حياتة..؟! ام مشاري : أسيل اللي صار صار.. و الماضي ما يتغير.. فكري بحاضرك و كيف تخلين مستقبلك أفضل.. .. في مجلس ابو محمد.. موضوع طرى على جماعتهم يعني لازم يتبحاثون و يتناقشون فيه.. المره اللي احتمت فيهم.. مشاري : وهذا اللي قالتة.. و احنا مستحيل نرضى ان زوجها يأخذها وهو سكير .. احد كبار السن : انا مع مشاري هو صادق البنية ما يصير ان زوجها ياخذها وهو ما يراعي الله فيها ولو وحده من بناتنا ما رضينا عليها.. ابو محمد : و ان جانا ابوها ويش نحكي له..؟! الرجل : ان جاء ابوها ما وراء حكيه حكي بنته وهو حر فيها.. ابو محمد : طيب يمكن أهلها يدورون عليها ليه ما ننشد عن اهلها ما قالت لك هي من بنته..؟! مشاري : لا والله ما قالت من هي بنتة.. احد الرجال : لزوم نعرف من هي بنتة.. مشاري : بننشدها و أرد لكم خبر.. .. ابو سعود : يعني صار لها قد ايش ضايعة..؟! ابو عمر : شهر.. ابو سعود : ليش خبيتوا علي و كل مره تقولون لي عذر .. مره صارت عند الأمن و التحقيقات وما يصير تشوف أي احد حتى رجلها.. ومره تعبانة بالمستشفى و ممنوعة عنها الزيارة.. و بالاخير قلتوا انها عند عماد وما احد طايلها.. و غيره و غيره و لا عذر قلتوه لي خش مزاجي.. ابو عبدالرحمن : لا تعصب يا ابراهيم صحتك ماهيب ذيك الزود.. ابو سعود : بنتي يا يبه بنتي.. اذا الرجال اللي خطفها ماسكينة.. وين هي غادية..؟! لطيفه : يا اخوي لا تعصب اهم شيء صحتك.. و البنية تعوض.. ابو سعود : تعوض..؟! الضنى ما يتعوض يا لطيفه.. حتى و ان كان عندي غيرها كل واحد غير عن الثاني.. لطيفه : هذا انت قلتها عندك غيرها .. بتترك بناتك و عيالك كلهم عشان وحده فيهم ضاعت.. هذا قدرها و الشرطة للحين تدور عليها ويش بيدك..؟! ابو سعود : بيدي.. انا بدور عليها بنفسي ما راح انطر الشرطة تدور عليها.. ام عبدالرحمن : ويش بتسوي يا ابوي..؟! ابو سعود : بسوي يمه .. ان شاء الله برجع بنتي.. لطيفه : بتخبط مثل ما تخبطت يوم انخطفت ميار وما راح تستفيد شيء.. ابو سعود : لا تكسرين مجاديفي.. بحول الله ان بنتي بترجع لي.. .. ام عامر بفاجعة : و هالحكي من متى..؟! عامر : من شهر و زود يمه و ولدك و ولدي مخبين علينا و لا كن البنية بنيتنا.. ام عامر : دق لي على غازي الاغبر خله يجي هو ولدك.. عامر : دقيت يمه جايين هالحين.. ام عامر : ان درت اختك راحت فيها.. عامر : الله يستر يمه.. ام عامر : ويش هي حالة ابوها تلقاه يتخبط يمين و يسار يدور عليها.. عامر : ما راح نخلي بنتنا كذا.. بنردها يمه حتى لو اضطرينا لأساليب غلط.. يوسف : طيب غريبة على عماد ما حكى بالموضوع.. عامر : ومن متى عماد يحكي بشيء.. : السلام عليكم.. : وعليكم السلام.. تقدموا الاثنين يسلمون على ام عامر ثم البقية.. ام عامر : لا بارك الله فيكم .. بنيتنا وين هي فيه..؟! غازي : دريتوا..؟! ام عامر : ايه درينا و الا ما ودك ندري..؟! غازي : مين علمكم..؟! عامر : واحد يقاله جابر اليوم جاء يحقق معاي.. وقال بيشوف مريم.. غازي : هالجابر يبي له لفتة.. عماد : من زمان.. عبدالله : من جدك زوجتك ضايعة و عادي عندك..؟! عماد بحدة مكبوتة : ويش اللي عادي ..؟ تبيني اصيح عليها مثلاً..؟ حتى النوم ما أنامة.. ام عامر : أي زوجة يا حظي ناسي انك طلقتها..؟! عماد : رجعتها يمه.. عامر بصدمة : متى رجعتها..؟! عماد : باليوم اللي انخطفت فيه.. عامر : و ابراهيم راضي..؟! مره تطلق بنته و مره تردها...! عماد : على اللي قابل ابراهيم... بعدين اخوانها راضين صح مو كلهم بس راضين و عمها بندر راضي.. و اصلاً بحمدون ربهم اللي ساتر على بنتهم.. وهي مخطوفة.. عامر : اعقـــب .. تراه بنت عمتك.. عماد : بس مخطوفة يبه.. ما يندرى وين هي فيه اكيد طاحت بشلة افسد من اللي ماسكينها احنا عندنا.. و رايحة فيها.. عامر بحدة : والله يا عماد ان سمعتك تحكي عن بنت عمتك بهالشكل ما تلوم الا نفسك فاااهم و الا لا..؟! عماد : ان شاء الله يبه .. على أمرك.. ام عامر : يا غبنتي كان بنيتنا ضايعة.. وينكم عنها..؟! عماد صد بوجهة عنهم : لها شهر و لا تعرف احد بالمنطقة ذيك و لبيتهم ما رجعت.. مالها الا تفسير واحد طاحت بيدين ناس فاسدين.. ام عامر : يا غبنتي يا غبنتي.. ويش حظ هالبنية.. ام ناصر كانت داخلة عندهم وسمعت أخر جملة و دخلت مفجوعة : خير يا عمة ويش فيك..؟! عامر : ما فيه الا الخير ان شاء الله.. ام ناصر عدلت نقابها لوجود غازي : خير..!! ويش بلاك يا عمه مين هي اللي منغبنة عليها..؟! ام عامر : مرت ولدك..؟! ام ناصر باستغراب : مين شذى..؟! << مرت ناصر.. ام عامر : لا مرت عماد.. وعيد.. ام ناصر جلست جنبها : طلقها يا عمه الله يخليك.. ام عامر : رجعها لعصمتة من شهر.. ام ناصر باستغراب ناظرت بولدها : رجعتها..؟! تطلق و ترجع و احنا اخر من يدري..؟! ليش ما احنا اهلك..؟! عماد : على راسي يمه .. بس هي الظروف اللي جات كذا..؟! عبدالله : الظروف .. و عادي عندك كل شيء و لا كأن الأمر فيه عرضك.. عماد بقهر : ويش تبيني اسوي الطم و انوح يا جماعة ردوا علي زوجتي..؟! و الا ابكي بالشوارع تراني فاقدن لي مره..؟! عبدالله : اوص و قص.. ما ترد علي بهالشكل.. هذا اللي فالح فيه المرادد.. ورلا تحب احد يقولك انك غلطان.. عماد وقف : تسكتني انا يا عبدالله.. ليش شايفني اصغر عيالك..؟! عبدالله : اصغر مني يعني غصباً عنك تسمع كلامي.. عماد : لا بالله ماهو بالغصيبة.. عامر : لا تكفى ارميه بسلاحك و ارتاح منه.. عماد بمحاولة لكبت اعصابة : و الله انتم اللي تلوموني و كن الموضوع بيدي.. محسسيني اني مقصر مع البنت و انا اللي عزيتها و حميتها بس ويش اسوي ان كان قدرها تنخطف.. كانك تبيني اذكرك تراك انت اللي بليتيني فيها.. انت اللي قلت لي تزوجها و انا سمعت كلامك بس عشانك ابوي.. و الا انت تدري ان ما احد يغصبني على شيء.. عامر بحدة : طالت و شمخت يا عماد تراددني.. كفووو و الله يا العزوة.. عماد غمض عيونة يحاول يكبت عصبيتة .. مهما كان اللي قدامة ابوه.. و بوجود امه وجدته و عمه لهم الاحترام.. : السموحة .. بس انتم مخليني انا الغلطان و انا مسوي اللي بيدي.. ام عامر : ما ترد على ابوك.. يا المتربي.. عماد باس راس ابوه وهو ضايقة فيه الدنيا زود عن قبل : السموحة يبه.. ماهو بالقصد.. لك الحشيمة و التقدير.. عامر : انا صدق ابيك تزوج البنية.. و انت رضيت يعني صارت من عرضك و اللي يحكي فيها يحكي فيك.. الناس ان درت انها مخطوفة بتسفل فيها و في اهلها و فيك وفينا.. غازي : عـــامـــر.. عامر : هذا الصدق يا غازي.. المفروض يمتر المدينة تمتير يدور عليها لو فتش البيوت من وراء اهلها.. غازي بصدمة : ويش اللي يفتش البيوت من وراء اهلها.. تدري ان هاذي جريمة.. عامر : اهم ما علينا سمعتنا.. غازي : سمعتك..! افهم من كلامك ان بنت ابراهيم الحين صارت كخة ما تبغاها..!؟!؟!؟! عامر : ما قلت كذا.. بس الا سمعتنا يا غازي.. غازي بحزم : عامر لا تهدم حياة ولدك.. عماد : حياتي انا ابخص فيها .. ولا احد يقولي طلق لاني ما رجعتها مرة ثانية عشان اطلقها على هوى الناس .. حياتي انا حاكمها مو أحد غيري.. .. سعود : يبه جاء الرجال.. وقف ابو سعود و اتجه للمجلس.. خالد : بيحقق مع ابوي..؟! سعود : ايه .. و احتمال يحقق معانا من جديد بعد ظهرت بالكاميرات تنحاش.. ياسر : الله يعين و يفرجها من عنده.. سعود : ما تدرون يمكن نوصل لشيء.. يمكن ربي يكتب الفرج على يده.. ام عبدالرحمن : يالله يا كريم .. خلوا قليب ابوكم يتطمن بدل هالهم اللي عايشن فيه.. ابو عساف : طيب ليش ما نحط اعلان بالجرايد عن مكافأة للي يدلي بأي معلومة تفيدنا عشان نلقاها.. سعود : ماهو بصالحنا.. اولاً الناس كلها بتدري و بنصير سيرة على كل لسان يحكي فينا.. ثانياً بيجونا ناس كذابين و يقولون يدرون وين مكانها.. ابو عمر : معاه حق سعود .. اضف لهذا انه ما تقدر تحط صورة لوعد بما انها كبيرة لو هي طفلة عادي.. شلون الناس بتعرفها.. أحمد : عمي عبدالرحمن معاه حق.. يمكن نغري اللي وعد عنده و يرجعها.. ياسر : و سمعتنا.. احنا عيال و لا يأثر فينا بس خواتي..؟! ام عبدالرحمن : يا وليدي لا تسرعون فكروا بالهون لا ننفضح.. في المجلس.. جابر : بس احنا عرفنا من مصادرنا ان علاقتك بعامر سيئة و بينكم مشاكل .. ما تتوقع انه هو اللي خاطف بنتك..؟! ابو سعود : صحيح علاقتي بعامر سيئة بس في مواضيع الشغل .. اما ان عامر يخطف بنتي هذا الشيء مستحيل .. لان عامر اصلاً خالها و بيخاف عليها مثل أي وحدة من بناتة.. و ثانياً هي مرت ولده وشوله يخطفها..؟! الفريق جابر : طيب يا ابو سعود لك عداوات غير مع عامر.. ابو سعود : لااا مالي أي عداوة و صدقني يا سيادة الفريق لو لي عداوة مع رجال و شاك اني بنتي عنده و الله ما خليتها عنده.. لو اني عرضت روحي للموت.. الفريق جابر : كذا ما راح نتوصل لشيء يا ابو سعود.. انت مالك عداوات مع أي احد و لا احد من عيالك.. و نافي ان عامر بن سلامة او اخته خاطفين بنتك.. شلون بنتك تتعرض لمحاولة اختطاف و انخطفت مره ورجعوها الأمن و هاذي الثانية.. و بنتك منحاشة منهم بعد.. ابو سعود : اعتقد ان الموضوع فيه امن و هالشيء مالي حق اعرفة .. انا سألت ولدي سعود و قالي ان الموضوع مو بس اختطاف وعد يعني فيه امن او شيء زي كذا.. وعد طاحت بالنص بينهم.. الفريق جابر : صحيح هي بنتك صارت بنص القضية.. لكن انا مستغرب ليش مرتين تنخطف..؟! وقبلها محاولة اختطاف.. ابو سعود : و الله ما عندي خبر يا سيادة الفريق.. الفريق جابر : تهقى ان بنتك تعرف واحد و طلعت معاه بعد ما انحاشت.. تجهم وجه ابو سعود : بنتي وعد اشرف من الشرف نفسة .. اشك بالكل الا فيها هي.. الفريق جابر : لا تنفعل .. بس اختفاء بنتك بعد هروبها من المكان الي انحجزت فيه امر محير خصوصاً انها ماهي عند أي احد من اقاربها هنا.. طيب تعرف صحباتها..؟ يعني ارقامهم عشان نكلمهم ننشدهم عنها..؟! ابو سعود : لااا .. جوالها اصلاً مع الأمن.. و بعدين ان سالت عنها يعني الكل بيدري ان بنتي ماهيب عندي ولا عند رجلها.. .. أخذت على الوضع بينهم أكثر من قبل.. و تأخذهم أحيان السوالف مع بعض.. الا ان سوالفها احيان تلفيق او اضافة املاح عشان ما أحد يعرفها.. أسيل متمدده و تناظر التلفزيون و تقلب بالقنوات : يالله بكره مدرسة ويش ذا خلصت الإجازة بسرعة.. أثير باستهزاء وهي تشرب قهوتها : ليش مقضية أجازتك بلندن و الا جنيف..؟! أسيل : لا في فانكوفر.. بعدها لفت ظهرها اللي ساندتة على المركى و ناظرت بأثير وراها و ابتسمت : اتحدى تعرفين فانكوفر بأي دولة..؟! أثير بتفكير : امممممممممم اتوقع ايطاليا.. اسيل : غيرتي ملامح العالم الجغرافي.. هاه وعيد تعرفين..؟! وعد ابتسمت على الاسم كانوا ينادونها وعيد.. اشتاقت لهم.. بس هم ما أشتاقوا لها : كندا.. جلست اسيل متربعة جهتهم : ياااهووو ماشاء الله هالبنت تعرف كل شيء.. انتِ متأكدة انك انسانة.. ما فيه سؤال ما تعرف جوابة.. وعد صدت بوجهها : و الله يمكن ما عدت انسانة.. و ياليتني كذا عشان ما أحس.. (انتبهت لبطاقة احوال على المساند وراها و محفظة و قلم محفور عليه اسم مشاري).. أثير : بسألك يعني سؤال بس اخاف تحسين انك ثقيلة علينا.. أسيل : هو بصراحة كنتِ ثقيلة اول ما جيتي بس الحين حبيناك.. أثير : وجع لك ما تعرفين تحكين..؟! وعد ابتسمت : لا خليها لا تهاوشينها .. الله يسعدك مره تذكريني بأختي.. أسيل : سمعتي انا وهي ننجاز .. أنتِ لا تدخلين بيننا.. فاهمة..؟! وعد : عاد خلاص لا تهاوشون عشاني.. قولي ويش سؤالك ما راح اتضايق لاني اصلاً ما عدت أحس بالضيقة من كبرها في صدري.. أثير : يا حياتي عليك.. الله بيفرجها عليك من عالي سماه .. انتِ ويش خطوتك الجاية..؟! يعني مستحيل بتظلين كل حياتك كذا قاعدة .. بعيد عن اهلك.. و زوجك.. و حياتك معلقة..؟! احس لازم تتأخذين قرار انتِ كذا معلقة لا متزوجة و لا مطلقة .. و بعيدة عن اهلك.. و حتى لو فكرتي تتوظفين ما تقدرين لان ما معاك أي اثبات و لا شهادات و لا شيء..؟! وعد : ما اعرف.. اكذب عليك لو قلت لك ادري ويش بسوي.. كل ما حاولت افكر بمستقبلي احسه انهدم و انقضى ما افكر غير بماضيي اللي عشتة ويش صار لي فيه.. احاول استنتج الاسباب اللي وصلتني لهالمرحلة بس ماني قادرة .. حياتي تضيع اكثر من قبل.. اول كنت اتحسر على اليوم اللي يروح وما انجزت فيه شيء.. بس الحين اقول الا انجزت كنت احاول اتعلم اشياء جديدة رغم ان بابا مقعدني بالبيت عشاني ابي ادرس برا.. كنت اقلها اقرأ كتاب .. لكن الحين ولا شيء أسويه و يوم وراء يوم يضيع من عمري و انا احس نفسي ميتة.. أسيل : طيب ليش ابوك ما يهمه امرك.. يعني زوجك واحد اكيد لو كلف على نفسة شوي كان عرف انه ردي..؟! وعد : ما أدري.. صدق ما أدري ويش اسبابة.. ولا قدرت أسألة.. كل شيء وقف ضدي.. أثير : طيب اخوانك وينهم..؟! والا ما عندك اخوان كبار..؟! وعد تبتسم بالرغم من عيونها غرقانة بدموعها و كأن الألم يريد ان يظهر من داخلها بأي انفعال حتى و ان كان عكس مشاعرها ابتسمت : امبلى عندي.. اخواني كبار بس ما ادري ويش اللي حادهم عني.. بس اخواني مستحيل يطلعون عن شور بابا.. أثير : احيان احسك مدلعة بين اهلك ولا يليق فيك الا الدلع شلون ابوك يزوجك.. أسيل : على الاقل ابوها بس زوجها .. ابوي ما شافني من انولدت.. أثير : ما مليتي للحين على ذا المنوال ما فقدتي الأمل.. أسيل : انه يشوفني ايه فقدتة أصلاً ما أبيه .. بس خاطري اشوف عياله اللي تمسك فيهم و تركنا عشانهم.. وعد : ليش طيب تخلى عنكم..؟! يعني ايش اسبابة.. أسيل : عشان امي مو من قبيلتة .. معروف ان عيلة ابوي و امي متهاوشين من سنين.. يعني كان فيه هوشة من سنين قديمة و تربوا عيال هالقبيلتين انه اعداء لبعض مو دم و كذا بس ما يتماشون مع بعض.. يعني ان درى احد من قبيلة ....... اللي هي قبيلة امي ان احد من قبيلة يمشي مع احد من قبيلة ......... يتركهم و يستهزء فيهم و كله سب ببعض و ما يتزوجون من بعض.. وعد : العصبية القبيلة الشيء اللي كل ما نقول مات يطلع احد للحين متمسك بهالتخلف.. و لا كأن اللي يجمعنا دين و وطن .. مو قبيلة و أشياء من الجاهلية.. فعلاً الحين التعليم انتشر و ما زال الناس في جهل.. أثير : بس هذا اللي تربوا عليه .. ما يقدرون يغيرونه.. وعد : الا يقدرون بس هم اللي متمسكين بتخلفهم و اشياء تافة تقدر مستواى عقولهم التافهة.. ويش يعني قبيلة و عصبية.. اوك القبيلة عزوة و الجماعة .. بس ما يعني اني استحقر أي شخص من قبيلة غير قبيلتي و اهينه .. و كأن احنا بس اللي انخلقنا اوادم اشراف و غيرنا كلهم اقل مننا.. أٍسيل تنط تبوس خد وعد وتحضنها : ينصر دينك يا شيخة هذا الكلام الزين.. فهمي هالخبلة.. أثير : انا ماني خبلة.. و بعدين انت اعترفتي بعظمة لسانك القبيلة عزوة.. وعد : عزوة ما يعني ان كل افراد قبيلتنا ناس خيره و لا نخيتهم انتخوا لي.. تلقين ناس بقبايل ثانية نفس قبيلتك و يمكن زود.. و بعدين الرسول عليه الصلاة و السلاة نهى عن العصبية القبيلة.. لان ان كل واحد مدح بقبيلتة و سب بالقبايل الثانية هذا بيسبب التفرقة بي الناس.. أسيل : صح صح .. كفووو انتِ كفووو.. انا حبيتك خلاص ما فيها كلام.. وعد : هههههههههههههههه.. يا حبني لك.. وليد يجري و جنبه غازي يجري معاه : تدرب و انت ساكت.. وليد : تراك كل مره تزيد مدة التدريب و انا ساكت.. غازي : ليش ناوي ما تكون عندك لياقة .. من بكرة بتبدأ باللياقة بعدها بالحديد.. وليد وقف من فجعتة : ويش حديدة..؟! غازي مطنشة وهو يجري : تراني مدلعك.. هالفترة عشاني ماني فاضي لك.. وليد يكمل جري عشان يلحقة : ما انت صاحي ترى ما بقلبك رحمة ما يكفي مخليني اتدرب على فترتين..؟! غازي : لازم تكون عندك لياقة عالية.. ما ابيك تبدأ شغل و انت ما عندك لياقة.. كيف ابوك..؟! وليد : ما اجلس معاه بس اسلم.. احس مالي وجه اناظرة.. غازي : ليش كان بيدك شيء تسوية ولا سويتة..؟! وليد : ما أدري .. انا حتى مداهمة معاكم ما داهمت .. احس ما سويت شيء عشانها.. كل مره اقول ليتني هربتها ولا اهتميت لكلامك.. غازي : يا ليت عمرها ما بنت بيت.. و اختك هذا قدرها و اللي ربي كاتبة لها.. وليد يوقف ويحط يدة على ركبة و يأخذ نفس : خلاص تعبت.. غازي : بس هذا اللي عندك ما كملت حتى ساعة الا ربع تجري..؟! وليد : لا يكون بتقارني فيك.. ترى انا ما كنت اسوي شيء.. و الحين هالكني تدريب انت .. وانت لك سنين تدرب.. غازي : اللي كسبتة انا بسنين ابيك تكسبة بشهور.. وليد يجلس : ماني مقصر هذا انا اسوي كل اللي اقدر عليه.. غازي يجلس جنبة : بتستريح شوي وبعدها تكمل .. ابيك تجري ساعة و نص.. وليد : ايش رايك باللي قلت لك عنه.. غازي : ايش تقصد..!؟! وليد : اني اختفي عن الكل.. و اعيش بشخصية ثانية.. لازم نبدأ بخطتنا.. غازي : لااا .. قبل ما تكون مؤهل تأهيل كامل لا.. وليد : انا بتدرب ماني تارك التدريب.. و بنفس الوقت بشتغل.. غازي : أجل لي هالموضوع الفترة هاذي.. خلك بالتدريب.. بعدها بتدخل دورات عندنا بالمركز .. تعلمك على كل شيء.. حتى شلون ترد و شلون تحقق.. وليد : ما تتوقع ان الناس بتشك اني اشتغل.. غازي ابتسم : لااا لأن الكل يدري انك بفترة عقاب.. و يعرفون اني ما ارحم بالعقابات.. و حضورك لدورات بيعتبرونة من ضمن العقاب وبس.. انا حاسب حساب كل شيء.. وما اخترت هالعقاب الا اني عارف انه بيمشي معاي بكل الأحوال.. سواء دخلت معانا بالشغل او لا.. ان ما نفعك ماهو ضارك ان شاء الله.. وليد : ليش كنت متأكد اني بختار عقابك ذا..؟ غازي يصغر عيونة من الشمس المتعامدة على رووسهم : انا يوم خيرتك اوهمتك اني حاط لك خيار بين العقابين اولهم الشغل عندي و هو الاساسي و الثاني السجن.. و انت اخترت السجن.. وعشاني كنت متأكد من شخصيتك ما راح تسكت ولا ترضى انك تنسجن بتسوي لي مشاكل فيه .. وقتها انا اضغط عليك عشان تختار العقاب الاول الشغل.. وليد بقهر : عليك مخ .. غازي ابتسم بزيادة يقهر وليد : اذكر الله.. وليد : لا اله الا الله.. .. على سفرة الفطور.. جود : يارب عدي ذا السنة على خير.. بتجيني جلطة من نجلوه الزفت.. ميار : وانا من عزة ازفت من الزفت.. ياسر : هد فم انتِ و اياها.. على الصبح طايحات سب.. خالد : ابــــــــــراهيـــــم.. رند : هو يفرس اسنانة.. خالد : طيب يا بابا يالله خلصي فطور عشان تنامين.. رند : لا ما ابي انام.. بدعد مع عمة ندى.. ابو سعود : السلام عليكم.. : وعليكم السلام.. نهى : بـــــــــابــــــــــا.. التفت عليها نازلة تجري قبل لا يجلس على كرسية : خير.. نهى : اقرأ بابا شوف ويش مكتوب بالجريدة.. اخذ منها الآيباد و قرأ بصوت عالي و بصدمة : "اختفاء ابنة رجل الأعمال الشهير ابراهيم بن مساعد في ظل ظروف غامضة" وقفوا عيالة مع هالجملة اللي انقالت .. هذا يعني حكي فيهم.. يعني فضيحة .. يعني صاروا تسلية مجالس الحريم قبل الرجال.. يعني طعن فيهم.. سعود وقف جنب ابوه : يبه.. انت نزلت خبر ..؟! ابو سعود بحدة : مهبول انا.. من الزفت اللي يدري عن الموضوع و نشرة.. مشعل : يبه اعطيني بقرأ الخبر.. اخذ الآيباد من ابوه.. ياسر : اقرأ بصوت عالي خلنا نشوف ويش مكتوب.. مشعل : "علمت صحيفة النهر بأن رجل الأعمال الشهير ابراهيم بن مساعد يعيش الآن بظروف عائلية عصيبة .. حيث تم اختطاف ابنتة ذات الثلاث و العشرون عاماً من مشفى .......... , و علمت مصادرنا بان الجاني ارسل تهديداً لزوجها عماد بن عامر بن سلامة و اخيها سعود بن ابراهيم بن مساعد مع أحد العاملين بالمشفى .. و قد كانت ابنة ابراهيم ترقد بالمشفى أثر ظروف صحية ألمت بها في الفترة الأخيرة .. و الجدير بالذكر أن المجني عليها اختطفت من قرابة الشهر او ما يزود عن ذلك و تسعى عائلتها لتكتم على الموضوع لحين العثور عليها .. ومن جهتنا نحن نسعى لمخاطبة رجل الأعمال او احد ابنائة او زوج المختطفة لمعرفة التفاصيل.." ياسر بقهر : الله يأخذهم الكلاب.. سعود : مين ..؟! مين اللي يدري و معلم..؟! ابو سعود : دام الموضوع انفضح .. ياسر ابيك ترسل لنفس الجريدة.. و تحط خبر بالخط العريض.. اللي يساعدنا باننا نلقى بنتنا له مكافأة مالية .. مليون ريال.. أحمد بصدمة : يبه بالهون .. لا تتهور اصبر شوي.. ابو سعود : ماعاد بالموضوع صبر.. اول كل تصرف محسوب علينا مدارة للموضوع.. بس يوم الناس درت .. نتصرف بتصرفات اقوى.. و يمكن تجيب نتيجة.. سعود : يا يبه ما يصير ..هالشيء ممكن يسبب أزمة.. ابو سعود : ما فيه شيء بيكون أقوى من هالأزمة.. ابي الخبر ينزل بأسرع وقت تفهم.. سعود : يبه .. فيه أشياء انت ما تدري عنها .. يمكن هالشيء يزيد الموضوع ما يحله.. ابو سعود : قول لي ويش هي.. وليد اللي كان نازل من الدرج و سمع كل شيء : تقصد السلاح اللي لقيناه و عليه بصمات وعد..؟! كلهم التفتوا لوليد .. اللي كمل خطواتة باتجاة سعود : السلاح و لقيناه بالشارع.. اقرب احتمال انه طاح منها وقت ما انحاشت من العصابة .. ويمكن هي رمتة لانه ما فيه رصاص .. يمكن ما عرفت تحط فيه و قررت ترمية لا تبتلش فيه.. سعود بحدة : بس عليه بصماتها.. وليد : وان كان عليه بصماتها .. ما يعني ادانتها بأي جريمة.. ابو سعود بحدة : لا تخلوني مثل الأطرش بالزفة .. قولوا لي ويش اللي قاعدين تقولونه عن أي سلاح تحكون..؟! وليد : وقت ما كنا ندور على وعد بالمنطقة اللي رحنا لها.. لقينا سلاح مرمي بالشارع و اخذه الفريق غازي و رفعوا عنه البصمات بالمعمل الجنائي .. و طابقوا جميع البصمات اللي رفعوها عن السلاح على السجل الموجود بالمركز.. و عرفوا منهم اثنين .. جلال و وعد.. ياسر بصدمة : مين جلال هذا بعد..؟! وليد : واحد من اصحاب صلاح.. مشعل : يعني صلاح متعاون مع اصحابة عشان يخطفون وعد..؟! وليد : اكيد لان صلاح كان بالسجن وقت ما انخطفت وعد من المشفى المره الأخيرة.. و اللي اخذوها اصحاب صلاح.. سعود : ما تحس انك كبيت العشاء كله..؟! وليد : ما قلت شيء خارج اطار قضية الاختطاف.. وهم من حقهم يعرفون دامهم اهل المختطفة..؟! لازم يكون عندهم علم بتطورات القضية.. سعود بحزم : لا مو من حقهم.. تعلم ويش تحكي ويش اللي ما تحكية.. و بعدين القضية طلعت من تحت يد الفريق غازي .. و صارت تحت أمر الفريق جابر.. وليد : و الله انا اللي عندي قلتة.. بس لا تعلمون احد عشان ما يجيبون اجلي.. خلقة غازي ماهو راحمني.. ام ندى : يا عزتي لهالبنية ويش هي حالتها..؟! ميار : ما اصدق وعد كان معاها سلاح..؟! يالله شلون قدرت تمسكة..؟! نهى : بابا ..... ويش بتسوي..؟! ابو سعود : بروح لغازي و اتفاهم معاه هو وجابر.. .. مريم تبكي : يعني شلون لها شهر مخطوفة و انا ما ادري غير من الجرايد..!؟ عامر : و احنا ما درينا الا من فترة بسيطة.. وما بغينا نكدرك.. مريم : ليش ماني امها ..؟ مالي حق أدري ويش صاير بحياتها..؟! ام عامر : خلاص استهدي بالله .. ويش هو اللي بيدك تسوينه لها غير انك تنغبنين عليها..!.؟ ام عبدالله : الله يردها سالمة و يجبر بخاطرك و خاطر ابوها..؟! مريم تضرب يديها بفخذها : ما راح تجيني ولا حتى تطمني عليها .. شوفي اختها جاتني مره وبعدها ما شفتها.. ام عامر : طبخن طبختية يالرفلة اكليه.. و ياليتك متعلمة من خطاك هذا انتِ ناوية تطلقين مرتن ثانية.. و زين من رجلك اللي للحين ما رد من برا و رمى عليك الطلاق و قعدتي.. مريم : يمه تكفين لا تدخلين المواضيع ببعض.. بناتي شيء و طلاقي شيء ثاني.. ام عامر : وشهو اللي شيء ثاني بناتك ما صارن بهالحالة و لا يهتمن فيك الا انك انتِ اللي ما اهتميتي فيهن.. مريم تمسح دموعها : يمه خلاص تكفين .. اللي فيني مكفيني.. مريم : لو هو مكفيك كان تعلمتي منه.. ما اقول غير الله يرزقك بعقل.. ام يوسف : استهدي بالله يا عمه.. ان شاء الله الأمور بتنحل.. ام عامر : تنحل شلون هاه.. و البنية غاديتن من شهر و لا أحد يدري عن أرضها من سماها.. هالحين تبكبك عليها اميتها وينها عنها من سنين..؟! ام يوسف : عاد ما أحد يقدر يغير بالماضي يا عمة .. اللي صار صار .. اهم شيء ان الحين يلقون البنية.. ناصر : الشغلة اللي تحط العقل بالكف .. وين راحت..؟! .. عماد رمى جوالة على الطاولة بعد ما قرأ الخبر للمره المية يحاول يطلع أي شيء .. أي شيء ممكن يدل على صاحب الخبر.. : عمي.. الفريق غازي يجلس معاهم : خير..؟! عماد : كلم رئيس الجريدة.. استدعية بنعرف مين اللي قايل له ينشره.. الفريق غازي : على أساس ما استدعيناه.. عماد : ويش قال..؟! الفريق غازي : لسى ما شفتة.. عماد : ويش تنتظر..؟! الفريق غازي بحزم : ويش رايك تعلمني شغلي..؟! عماد : حاشاك.. الفريق غازي التفت للباب وراه ورجع اعتدل : تفـــضل.. دخل حمد وأدى التحية العسكرية : سيدي.. رئيس التحرير أسامة موجود برا.. الفريق غازي يوقف و يتجة لمكتبة : خله يدخل.. حمد : حاضر .. (آدى التحية العسكرية و خرج).. عساف يهمس : عمي ويش سوى..؟! سعود : للحين ما سوى شيء.. بس ناوي و الله يستر من نيتة.. عساف : الله يستر.. دخل أسامة بارتباك : السلام عليكم.. : وعليكم السلام.. اسامة كان متوتر مجرد استدعاء جاه للمركز يخلي التوتر يدب فيه كيف وهو يشوف سبعة من كبار الرتب العسكرية.. الفريق غازي : تعال يا أسامة أستريح..(و آشر له على كرسي مقابل مكتبة).. تقدم اسامة وجلس على الكرسي.. قام عماد و وراه سعود و جلسوا جنب بعض مواجهين له.. أسامة ارتبك ما يفصل بينه و بينهم الا طاولة صغيرة.. صد بوجهة على المكتب وشاف الاسم اللي يترأس المكتب "الفريق أول/ غازي بن حمدان".. الفريق غازي : يمكن ما تدري احنا ليش استدعيناك للمركز.. أسامة بتوتر : لا والله ما أدري يا طويل العمر.. الفريق غازي : انت رئيس تحرير صحيفة النهر..؟! أسامة : ايه نعم.. الفريق غازي : و اليوم نزلت خبر بالصحيفة عن اختفاء ابنة رجل الأعمال ابراهيم بن مساعد.؟!؟ و الخبر نازل حتى من غير اسم كاتب للخبر.. بلع ريقة أسامة.. و الخوف ملى قلبة.. الفريق غازي بحزم : سؤالي و ابي جواب واضح .. مين اللي اعطاك الخبر ووصل لك المعلومات..؟! أسامة غمض عيونة برعب .. وكأنة يبي يمحي كل اللي يشوفة قدامة .. رجع فتح عيونة و شاف غازي على نفس هيبتة و الرعب اللي يدبه بنفس من يشوفه يشع من عيونة.. تفاصيل وجهه .. نبرة صوتة.. ما تجرأ يناظر بعماد او سعود يكفيه وجه غازي و الهيبة و اللي فيه : واحد.. راسل الصحيفة و هددنا.. و اعطانا الخبر وقالوا انسخوه و الصقوه من غير أي تحريف أو تعديل.. الفريق غازي : قمت انت و سويت اللي قاله لك.. يعني بما انه هددك ما تتوقع انه ممكن يجيك شيء أكبر من تهديدة.. ما هددك الا انه بيحطك بمصيبة.. اسامة : والله حاولت افاوضة يا طويل العمر .. بس اول مره راسلته قالي لو ما سويت اللي اقوله لك .. قول الوداع لأهلك كلهم.. سعود بحدة : خفت على اهلك وما خفت على اللي مكتبو الخبر فيه..؟! عادي عندك صح..؟! اسامه برعب يحكي لهم و يبرر : والله حاولت .. حتى اني ارسلت لشركة استاذ ابراهيم على الايميل اكثر من مره بس كشفني .. مخترق ايميلي و عرف اني راسل له ابلغة.. عماد : تدري ان اللي سويته جريمة و راح تتعاقب عليها..؟! سكت اسامة.. ليتقدم بكتفية عماد قليلاً ويضرب بكفة على المكتب بقوة محدث ضجيج تردد صداه بالمكان : تدري والا ما تدري..؟! أسامة اومئى برأسة نعم.. الفريق غازي : بما انك محاول تراسل استاذ ابراهيم هالشيء راح يوخذ بالحسبان لك.. لكن كان المفروض تبلغ الشرطة .. انه جايك تهديد للصحيفة عشان يحمونك و يحمون أهلك.. ومن غير لا ينضر أحد بالموضوع.. و أنت الحين ضريت أستاذ ابراهيم و عيلتة و زوج البنت.. ولازم تحمل نتيجة خطأك.. اسامة : و الله يا طويل العمر ماهو بيدي.. تهددت و الله .. انا رجالن اعرف ربي ولا احكي بشيء مالي فيه.. بس حدوني و الله حدوني عليها.. الفريق غازي : لا تخاف بنأخذ هالموضوع بالحسبان .. انت شهرت بموضوع ما يخصك.. ضرب الجرس بيده اليسار.. ليأتي حمد و يأدي التحية العسكرية : سيدي.. الفريق غازي : خذه للحجز.. .. راكان : يـــااا ولد.. ام مشاري : تعال يا ابوي .. ما فيه غير اخوك و اختك.. راكان : السلام عليكم.. : وعليكم السلام.. راكان يجلس بعد ما باس راس امه : ويش عندكم جالسين بالحوش..؟! مشاري : الجوو ويش زينة .. قلنا نجلس نتقهوى هنا.. راكان : سمعتوا أخر خبر..؟! ام مشاري : خير ان شاء الله.. راكان : لا بالله ما هو بخير.. بنت ابراهيم انخطفت.. أثير : مين ابراهيم.. راكان بحدة : ابراهيم بن مساعد بن سالم.. مشاري اعتدل بجلستة بعد ما كان متساند على المركى : ويش قلت..؟! راكان : هذا اللي مكتوب بالجرايد و كل الناس تحكي.. و التويتر كلهم يكتبون عنها .. و ما انت مصدق افتحة الحين و اكتب هاشتاق اختطاف بنت ابراهيم بن مساعد.. ام مشاري حطت يدها على صدرها : افــــااا ..ويش صار عليهم ما لقوها..؟! راكان : واحد من عياله منزل تصريح و كاتب اللي يساعدهم بايجادها راح تكون له مكافأة مالية قدرها مليون ريال.. أسيل واقفة على باب الحوش ويوم سمعت الرقم صفـــرت : اوووف .. مشاري : راكان من جدك تحكي والا تمزح..؟! راكان : ليش هالموضوع فيه مزح..؟! طيب اصبر .. انا مخلي جوالي فاتح على الخبر ما سكرتة عارف انك مو مصدق .. (خرج جوالة و فتحة) : اسمعوا "تصريح من أخ المختطفة بنت رجل الأعمال الشهير ابراهيم بن مساعد".. صرح ياسر بن ابراهيم بن مساعد ابن رجل الأعمال الشهير.. بصحة خبر اختفاء اختة في ظل ظروف غامضة.. و تحدث بأسف لأجلها و لأجل ما تعيشة عائلتة في هذه الفترة .. حيث كانت ابنتهم ملح الجلسة مثلما سماها اخيها .. و تحدث ياسر قائلاً : تعيش أسرتي ظروف صعبة بظل اختفاء احدى اخواتي .. لم نتوصل حتى الآن لمكان تواجدها .. ولا نعلم عن أي خبر.. اختفت ابنة رجل الأعمال من قرابة الشهر او ما يزيد على ذلك .. ومنذ ذلك الحين تعيش الأسرة وهي تنتظر الأمل بعودة ابنتهم .. أملين من الله أن تعود إليهم بخير.. وآشار أخ المختطفة ياسر بن ابراهيم قائلاً : من يجد أختي او يساعدنا في إيجادها ستكون له مكافأة مالية قدرها مليون ريال سعودي.. الجدير بالذكر بإن المختطفة عمرها ثلاث و عشرون عاماً .. وعلى الراغبين بمساعدة عائلة رجل الأعمال في إيجاد ابنتهم عليهم التواصل عبر الأرقام التالية.." مشاري بصدمة : يالله .. ويش هالمصيبة اللي نزلت عليهم..؟! ام مشاري بتأثر : ان شاء الله ترجع لهم بالسلامة و يتطمن بالهم بشوفتها.. أثير : يعني شلون ..؟! كانت تسمع كل شيء.. لانهم جالسين عند شباك الغرفة اللي هي جالسة فيها.. عرفت انهم يتكلمون عنها .. طلعت البطاقة اللي مخبيتها بجيبها المحامي مشاري بن ........... .. لا إله إلا أنت سبحانك إني كنت من الظالمين.. لا أحلل نقل الرواية دون ذكر اسمي.. [COLOR="rgb(46, 139, 87)"]الهاشتاق ع التويتر #رواية_لو_سألتي_الورد .. [/COLOR] ضحكة قهر.. |
رد: لو سألتي الورد وهو ما بين إيدك أقطعك بيقول لك عمري فداك الكاتبة / ضحكة قهر
بسم الله الرحمن الرحيم.. السلام عليكم ورحمة الله وبركاتة.. صباحكم سعادة لا تنتهي.. بداية عذراً على التأخير اول ما قررت انزل البارت بس تسحرت و اتفاجأ بان النت خرب.. للأسف .. السموحة منكم.. للأسف انا مضطرة الغي المواعيد .. ابداً ما يناسبني تحديد ايام معينة.. بنمشي عالنظام السابق بدون مواعيد و ما فيها تأخير ان شاء .. رغم اني تأخرت بالبارت هذا بما اني البارت السابق نزلتة يوم السبت و اليوم الخميس .. يعني تأخير يوم.. بس ان شاء الله اكون معوضتكم بطول البارت.. و يمكن يكون فيه حدث في البارت رضاوة مستنينها من زمان .. لاحظت تضايق البعض من قصة الأكشن و العصابة يعني الأحداث الحالية.. انا اقولها بالخط العريض هدفي من الرواية اجتماعي وليس بوليسي.. و الخطف و القضية جانب من الرواية مو كلها.. اصلا مالي بهالاشياء ابداً وكلها خيالية.. بس الاختطاف قضية موجودة بالمجتمع و سمعنا عن ناس كثير و اختطاف سواء كبار او صغار بنات او عيال.. ان شاء الله لا عاد نسمع و لا نعيش هالاحداث.. و الله يرد كل بنت او ولد انخطفوا او ضاعوا لاهاليهم سالمين.. اما قصة الرومانس اللي تطلبونها.. ترى الأحداث للحين ما استدعت اي شيء رومانس بين الابطال .. ما فيه متزوجين الا وعد و عماد و هذولي بعاد عن بعض و اصلاً مو طايقين بعض.. اصبروا يا عالم.. بس للرومانس عندي حدود ولا ابي اتخطاها.. الأحداث .. كثير توقعوا ان مشاري ولد ام ندى الضايع.. يعني ولد ابو سعود.. انا ما ادري شلون جاء ببالكم هالشيء.. الله يصلحكم مرات تجيكم شطحات عالية اوي ما نقدر نناطحها.. احب ان كل توقعاتكم غلللط .. اما اللي قالي بس يقربون لأهل وعد طبعاً ما راح اعتبرة لان هالشيء واضح ابي توقع يكونون عيال مين.. بس خلاص بتعرفون بالبارت بس احب اقولكم ما احد جابها .. و الله ما غيرت شيء يعني من زمان وانا حاطتهم عيالة يعني عشان ما تحسبوني اني مغيرة شيء بعد توقعاتكم.. << فديتني اجيب شيء ما يخطر على بالكم.. <<.. أخيراً ياهلا بكل اللي انضموا لروايتي سواء قراء على المكشوف او وراء الكواليس .. مرحب فيكم دائماً و أبداً.. همسة : دعواتكم لي بالتوفيق و التيسيير بأمور حياتي جميعها.. << دعوة لأخيك في ظهر الغيب مستجابة.. البارت السابع و العشرون.. عينك زجاجه ودمعك عطر .. والذكرى مع كل غمضه ترش الدمع بـ اهدابك لـ ماجد بن مقبل.. سعود : انت متأكد من اللي تقولة..؟! سلمان : هذا البلاغ اللي وردنا .. يقول ان جاتهم بنت قبل شهر و متخبية عندهم للحين.. عماد : يعني هو ما يعرف من هي..؟! سلمان : الا قالوا اسمها وعد.. وقف سعود مبتسم : يعني اختي..؟! راشد : سعيد بن حميد.. سعود عقد حواجبة : نعم..؟! راشد عاد الاسم بهدوء : وعد سعيد بن حميد.. عماد : يعني ماهي هي..؟! راشد : اللي بلغ يقول ان البنت لها شهر و انها هي اللي قالت لهم على اسم ابوها و عيلتها و الحي اللي ساكنية فيه و دوروا فيه ولا لقوا لهم آثر.. عماد : غريبة..؟! سعود : ماهي غريبة اكيد انها وعد وكاذبة عليهم بالاسم.. عماد يجلس على طرف مكتب سعود : و ليش ما كذبت حتى باسمها..؟! كذا اضمن انها ما تنكشف..؟! سعود : ما ادري.. عماد ناظر راشد : ما قال لكم ويش سبب تخبية البنت عندهم..؟! راشد : الا .. قالت لهم.. ان .. زوجها سكير.. عماد عقد حواجبة.. : ويش.. راشد : سكير و منحاشة منه .. و ما تبي تروح لأبوها لانها بيردها عليه.. سعود : ان ما طلعت هي وعد ما اكون سعود.. عماد : جهزوا لنا دورية بنروح للبيت.. ما قال لكم مين راعية..؟! سلمان : مشاري الـ ـ ـ ـ ـ ـ .. .. سمعت كلامهم كله .. اخوها ياسر مصرح عن اختفائها .. شلون و هي كانت محجوزة لأسباب أمنية زي ما كانوا يقولون لها.. كيف قدر يعلم الناس كلهم .. مو اهلها اللي كانت تعرفهم.. ايه من تخلوا عنها وهي ما عادت تعرفهم.. تأملت البطاقة من جديد و همست : مشاري بن مساعد بن سالم الـ ـ ـ ـ ـ ـ .. جلست تفكر كثير ممكن تتوصل لشيء.. من طاحت هالبطاقة بيدها وهي تحاول تتذكر أي شيء أي تلميح على إن جدها كانت متزوج.. بس اللي فهمتة من البنات ان امهم تزوجت بالسر عشانها اخذت واحد مو من قبيلتها.. طيب ليش ويش اللي يقصر جدتي فاطمة عشان يأخذ عليها مره..؟! ويش اللي حد امهم على الزواج بالسر..؟! و ليش ما أحد يدري..؟! او ممكن يدرون و مغطين على الموضوع.. صحاها من سرحانها صراخ أسيل العالي.. أسيل : ياااهوه وين وصلتي.. وعد نزلت يدها على الارض بمحاولة تغطي على البطاقة كلها و تخبيها : ما تعديت الباب.. أسيل : اخوي مشاري يبيك.. يبي يسألك.. وعد بلعت ريقها خافت يكونون شاكين فيها تكون هي البنت المخطوفة : طيب.. أسيل وقفت على الباب : اسأل تسمعك.. مشاري : مساك الله بالخير يالأجودية.. وعد بصوت واطي : مساك الله بالنور.. مشاري : يا خيه احنا سألنا كثير عن اهلك وما لقينا احد ساكن بالحي اللي قلتي عليه بإسم سعيد بن حميد .. انتِ متأكدة من الاسم.. وعد كانت متأكدة ان ما انفضحت اليوم بتنفضح بكره .. كذبها عليهم باسم ابوها و عيلتها و الحي اللي ساكنين فيه .. يمكن لو دروا الحين يطردونها مع الباب.. حبل الكذب قصير.. و جاء الوقت اللي تطلع من بيتهم.. الى متى بيبقون ملزومين فيها.. ابوها و امها ما تحملوها ويش ذنبهم هم يتحملونها.. ليش يتحملون هم وحده ماهي منهم وهم على قد حالهم.. مشاري بصوت عالي : يـــا بنت.. يا بنــــت.. أسيـــل : وعـــــــــد.. رفعت راسها لأسيل بعيون غرقانة دموع صار لازم تواجة مصيرها .. انحاشت كثير كثير كثير : انا .. اسمي وعد ابراهيم مساعد سالم الـ ـ ـ ـ ـ .. أسيل و مشاري اللي واقف برا اتسعت عيونهم من الصدمة.. عقولهم وقفت حتى عن الاحتمالات ويش اللي حد البنية عليهم.. الاسم يتكرر بأذانيهم وعد ابراهيم مساعد سالم الـ ـ ـ ـ ـ .. بنت أخوهم.. أسيل طلعت من الغرفة بسرعة و راحت لامها تجري : يمــــه يمــــه الحقي الحقي مصيــــبة.. ام مشاري وقفت بسرعة ومعاها راكان و أثير .. ام مشاري دب الرعب بخلاياها : خير ويش فيه..؟! أسيل : يمه .. يمه وعد طلعت بنت اخوي.. ام مشاري بصدمة : ويش..!؟؟!؟ راكان دخل و شاف مشاري واقف على الباب و الباب مفتوح وهي جالسة مكانها ما تحركت.. دخل راكان بعصبية : انتِ مين...!؟ مين بنته..؟! وعد بصوت باكي : بنت اخوكم.. انا بنت ابراهيم اللي يدورون عليها.. راكان : كذبتي علينا ..؟ !! قلتِ انك منحاشة من زوجك.. و ابوك و زوجك ضايمينك.. يطلع ابوك اخونا,, و زوجك رجل أمن..؟! وعد : انحديت.. و الله.. بابا تخلى عني صدق .. زوجني لعماد وهو ولد عدوه عامر بن سلامة.. و الله استغل مرضي و ملك له علي من غير شوري.. راكان يأشر عليها .. و بصراخ يتكلم : و قمتي انتِ استغليتي طيبتنا .. احنا اللي اكرمناك و ضفيناك من الشارع.. وعد تبكي و تحاول تبرر لنفسها : ادري.. و الله ادري ما قصرتوا.. بس و ربي كنت ضايعة و منحاشة منهم .. من اللي خطفوني من المشفى.. راكان بعصبية : لا يا شيخة .. تبيني اصدقك صح .. و رب الكعبة لا ادق على اخوانك الحين يجون يقشونك من بيتنا.. طلع جوالة وسطهم وهي تبكي و الباقين يتفرجون عليهم .. راكان حفظ الرقم من الصحيفة و اتصل عليه.. سحب منه الجوال مشاري.. مشاري : اصبر خلنا نعرف ويش عندها.. راكان : و ان شاء الله بتصدقها.. هاه.. اصلاً يمكن تكذب ماهي بنت ابراهيم اكيد درت عن قصة المليون ريال وناوية تنهبهم.. مشاري وهو معطي وعد ظهره : خلنا نسمع منها.. احكي يا بنت ويش اللي مخليك تلفين يمنا.. وعد تبكي بانهيار : و رب الكعبة انا بنت ابراهيم بن مساعد.. ويش تبون اقولكم عشان تصدقون.. ام مشاري : مين هي زوجتة .. زوجة مساعد..؟! وعد : جدتي فاطمة.. ام مشاري : اسامي حريم عيالة كلهم..؟. وعد : عمي عبدالرحمن زوجتة موضي.. وعمي سعد زوجتة صفية .. و عمي بندر مو متزوج كان مسافر برا و يمكن رجع الحين .. و بابا متزوج اربع حريم و مطلق وحدة .. مشاري ناظر بامة و امه بادلتة النظرة.. ما يدرون ويش هي مشاعرهم.. أثير جلست جنبها متأثرة عشانها تبكي بانهيار : طيب لا تبكين.. وعد : و الله صدق انا كذبت ببعض الأشياء يعني باسم ابوي و عيلتي و اعطيتكم اسم من راسي .. و قلت لكم ان زوجي سكير بس عشان انحاش من العصابة,, لو قلت لكم اني منحاشة من ناس اخطفوني و الشرطة تدور علي يمكن ما ضفيتوني عندكم.. ابوي و اخواني ما قدروا يحموني.. ما احد قدر يحميني منهم خطفوني مرتين و لا رودهم.. مشاري ناظر براكان نظراتة ضايعة .. مقهور ان المهر اللي ضفوها و سوو فيها خير كذبت عليهم .. و بينقهر اكثر لو تطلع بنت اخوه و الكلام اللي ينقال لهم صدق.. مشاري التفت و ناظرها : يمه.. ام مشاري : علمينا ويش هي قصتك عشان نعرف صدقك من كذبك.. وعد : تمسح دموعها بكفها : انا كنت بالمستشفى كنت تعبانة.. صحيت على اصواتهم.. و صارخت .. و الله صارخت ابي احد ينقذني بس .. بس كل البنات اللي عندي ما ادري ويش صار فيهم .. كلهم طايحات و لا وحده تحركت .. خذروني و اخذوني معاهم.. بعدها ... راكان : انحشتي و جيتي يمنا..؟!.. وعد : لا.. صحيت لقيت نفسي بكان غريب.. و لما جات الخدامة حطت لي أكل و نست تسكر الباب انحشت وراها.. وطلعت من المكان و ظليت أجري لين وصلت هنا.. و الله هذا اللي صار.. مشاري : ويش يضمنا انك ما تكذبين..؟! وعد صوت راح من البكاء و الألم النفسي : و الله ما كذبت.. و رب الكعبة هذا اللي صار لين وصلت هنا.. أسيل : اللي يكذب مره يكذب ألف مره.. ام مشاري : أسيـــل .. خفوا على البنت.. ظلت عندنا شهر ما شفنا منها الا الخير.. أسيل : وين الخير يمه و هي تكذب علينا.. ولا تطلع بنت اخونا المصون ابراهيم بن مساعد أشهر من نار على علم.. مشـــاري : أسيـــل بس عشان خاطري.. خلينا نحل الموضوع بهدوء.. انتِ ويش اللي تبيغينة منا هالحين.. وعد : ما ابي ارد لأهلي.. يكفي علي انخطفت ما ابي اعيش نفس الأحداث مره ثانية.. راكان : و اخوانك و ابوك وينهم..؟! و الا نفخة تطيرهم.. وعد : ما شفت الا وليد و سعود .. يعني هو فيه موضوع مع هذا بس ما اعرف.. مشاري ما زال صاد عنها يخاف تطلع مو محرمة و يكون كشف على مره غريبة .. اما راكان فالعصبية عامية عيونة : ويش اللي يضمن انك انتِ بنت اخونا و احنا محارمك.. وعد تأشر على نفسها : انا .. شفت صورة جدي عند أسيل و قالت انه ابوها.. ناظروا اسيل كلهم .. أسيل : ايه انا وريتها صورة ابوي اللي اخذتها من عند راكان.. ام مشاري : دامك بنيتنا الظفر ما يطلع من اللحم.. ما تنضامين و عمانك وراك.. ويش اللي تبغينة بيسونة لك.. وعد : انا بس ابي ابعد فترة عن اهلي.. يمكن لا رديت بعدها تكون كل المشاكل انحلت.. مشاري : المشاكل ما تنحل بروحها يا وعد .. حلها المواجهة.. وعد : ما اقدر.. بيحبسوني و الله.. << هي كانت تقصد الأمن ,, وهم فهموا ان ابوها و اخوانها او زوجها يحبسونها بالبيت.. مشاري : اهدي و لا تبكين.. دامك ما تبين تطلعين من عندنا.. ما أحد بيجبرك.. راكان : تستهبل انت .. اقنعتك بتمثيليتها .. ما تبت للحين منها .. عرفتيها تحبكينها صح يا نصابة.. لعبتيها عدل.. مشاري سحب راكان معاه و طلعوا برا.. اما وعد ظلت تبكي .. كل شيء حتى حياة معدومة مثل اللي عاشتها عندهم.. ام مشاري : ما عليه يا بنتي راكان مأخذ بخاطرة شوي منك.. ما عليش.. وعد : يحق له.. بس والله انا ما كنت ادري.. انا اصلاً للحين مو مصدقة ان جدي متزوج على جدتي.. و انهم عمامي.. والله ما عرفت الا لما قريت بطاقة لقيتها بالصالة باسم عمي مشاري و شفت صورة جدي عند اسيل و الله.. واقفين بالحوش .. راكان معصب و مشاري يحاول يلم الموضوع .. راكان : يعني انت مصدق اللي قالتة.. مشاري : شكل الموضوع كبير يا راكان .. تقولك عصابة و خطف و اشياء كثير.. لو دروا ان فيه بنية احنا مخبينها عندنا عن اهلها هاذي فيها قضية و ما يحتاج اعلمك.. عشان كذا احــ ـ ـ قطع كلمتة من صوت الطق القوي على الباب : خير اللهم اجعل خير.. اتجه للباب و فتحة .. تفاجأ برجال امن بوجهه.. عماد : معانا امر بتفتيش البيت.. مشاري عرف ان الخبر انتشر شلون و كيف عرفوا انها عندهم ما يدري : لحظة .. راكان سوو لنا درب.. راكان : ان شاء الله.. مشاري واقف عند باب الشارع معاهم : جايين عشان ايش..؟! سعود : عشان البنت اللي متخبية عندكم.. مشاري : مو قبل لا أعرف مين تكون حضرتك..؟! سعود آشر على الاسم بأعلى جيبة الأيسر على صدرة : العقيد سعود بن ابراهيم.. مشاري : ونعــم .. يشهد الله ان اختك بالحفظ و الصون من لفت على هالبيت.. راكان طلع : مشاري خلهم يدخلون.. مشاري : ناد وعد.. راكان بلع ريقة .. رغم انه يدري ما جوو الامن الا عشان وجود البنت الغريبة عندهم .. مشاري التفت على راكان : ايش فيك نادها.. راكان : بتخليهم يأخذونها..؟! و اللي سووه فيها.. مشاري : راكـــان.. عماد : ليش .. زوجتي فيها شيء..؟! راكان : هلا هلاا هو انت زوجها..؟! عماد : ايه زوجها.. وعد فيها شيء..؟! راكان بحدة : لا .. ولا راح تأخذونها اذا هي ما بغت.. مشاري : فعلاً البنت ما تبي ترجع لأهلها و لا لك.. و دامها احتمت فينا احنا مستحيل نخذلها.. سعود : انت عارف ويش قاعد تقول .. اختي أساساً ضايعة.. لا تخلينا نخربها و نحجزكم بتهمة اختطافها.. مشاري : تصدق مره خفت منك.. اعرف انت مين تحاكي بالأول.. و رب الكعبة ان وعد ما بغت تطلع من بيتي ما أحد جابرها لو يجي ابوك.. عماد انقهر ان مشاري ينطق اسمها بكل ثقة قدامهم ولا هامه شيء : لا يا شيخ .. شوف انا بجيبها لك من قاصرها .. و الله ان ما قلت لزوجتي تطلع لا ندخل نفتش البيت.. و أنت و اخوك بتباتون بالحجز الليلة.. ام مشاري من وراء الباب : لا يا ولدي تكفى لا .. الا عيالي و الله بنتكم ما طالها شيء .. بنيتكم معززة عندنا.. (التفت على وعد اللي واقفة جنب أثير و متمسكة فيها من سمعت طاري الأمن) اطلعي لهم يمه اطلعي خليهم يشوفونك.. و ستذهب للموت مرة أخرى.. ستخرج لأنها مجبرة على ذلك.. اخذت منها الحياة حرية الخيار.. اصبحت مسيرة فقط.. خرجت لتقف على باب الحوش الخارجي .. الضعف مالكها.. و رؤيتهم من جديد تقتلها .. هل الروح تقتل و يبقى الجسد في متاهات الحياة...؟! اجيبوا عنها هل تقتل الروح و يبقى الجسد يعيش مع الناس.. هي هكذا الآن.. قتلوها و قتلوها و قتلوها و لم يكتفوا .. بل يريدون المزيد.. راكان اتجه لها و بصراخ : ان كنتِ ما تبين تروحين معاهم ما أحد بيأخذك .. و رب الكعبة ما تطلعين من بيتنا غصب.. راشد انسحب بــرا و سحب وراه باب الشارع و وقف مع الأمن برا.. حس ان شكله غلط و وعد موجودة بينهم.. بقي سعود و عماد.. وعد بصوت مبحوح : مشاري انت وعدتني بتحميني منهم.. انا ما أبيهم.. عماد اتسعت عيونة مشاري..!؟ بأي صفة.. اتجه لها وسحبها من عضدها : هيه اصحي.. متحامية برجال غريب عن مين..؟! عن زوجك و اخوك...؟! وين التربية يا بنت الناس..؟ و الا عشان عايش شهر بدون والي ضيعتي دروب السنع..؟! مشاري سحب وعد من يد عماد وخباها وراه وبصوت حاد رد نفثة بوجه عماد : لا تمد يدك عليها تفهم.. و الله ان ما بغت تطلع من هنا ما تطلع.. سعود بجنون سحب وعد جهتة أصبحت مثل الكره كل شخص يريد ان تكون بيده.. صرخ سعود : و انت مين عشان تمنعنا..؟! بصفتك ايش..؟! مشاري بحدة : عمها.. سعود و عماد رد الاثنين ببلاهة : هـــاه..!؟!؟!؟ مشاري : انا مشاري بن مساعد بن سالم الـ ـ ـ ـ ـ عم وعد بنت ابراهيم بن مساعد بن سالم الـ ـ ـ ـ ـ (آشر على راكان) وهذا أخوي راكان .. و بنيتنا مالها طلعة من بيتنا و لا أحد بيجبرها.. عماد ناظر سعود .. سعود آشر على مشاري بيده : انت ويش قاعد تقول..؟! من وين صرت عمنا..؟! راكان : روح اسأل جدك.. عن موضي و عيالها.. سعود رفع راسة يناظر السماء مطرزة بنجوم متفرقة تزين ثوبها الأسود في بداية ليالي الشتاء حس بتشتت مثل النجوم المشتتة رغم انها بسماء وحدة : ماني مصدق.. جدي ما تزوج على جدتي.. اكيد تشابهة اسماء.. (التفت على وعد اللي متخبية وراهم) و انتِ يالخبلة وثقتي فيهم على طول و صدقتيهم..؟!؟!؟ وعد : ايه مصدقتهم.. كيفي .. انا ما ابيكم.. وانت .. طلقني الحين ما ابيك.. تفهم ما ابيك في حياتي.. عماد : لا بالله انهبلت.. (التفت لسعود) اختك انهبلت.. سعود : ايه بالله انها انهبلت .. بتمشين معانا بالطيب و الا بنشيلك الحين.. وهذولي (آشر على مشاري و راكان) ما راح يقدرون يسون لك شيء بنرميهم بالحجز و لا واحد فيهم بيفيدك.. وعد تبكي : بس انا ما ابيكم.. انقلعوا عني ما ابيكم في حياتي.. هذا ان كانت للحين تتسمى حياة.. انتم ذبحتوني الله يأخذني و يفكني منكم.. راكان لفها عليه بحدة : لا تدعين على نفسك عشانهم.. و الله ما يطولونك لو يحبون السماء لو تصير فيها مذابح هنا.. مشاري : اعتقد سمعتوا ان البنت ما تبيكم ياليت تتفضلون برا.. سعود : هو على كيفك السالفة.. عماد : انت ليش تناقشة دق على أبوك خله يجي يعقل بنته.. سعود خرج جوالة و دق على اخوانة وهو يلف بالحوش من عصبيتة .. السالفة فيها عمان ولا يدرون عنهم.. : الووو .. ياسر اسمعني.. مصيرك تعرف.. ابيك تأخذ ابوي و تجي انت و اياه و أحمد و لا طلعتوا من البيت دق علي اقولكم وين تجون.. بعدين ياسر .. انت سو اللي اقولك عليه من غير كثرة حكي..اسمع .. اسمع عمي بندر عندكم..؟! كويس خله يجي معاكم.. بسرعة .. وقفل الخط من غير لا يسلم اول المكالمة او أخرها.. ناظر اخته اللي جالسة وراء مشاري و راكان .. حز بخاطرة انها محتمية فيهم عنهم.. محتمية بناس يقولون انهم عمانهم ما عرفوا من قبل عن اخوها و زوجها.. كانت تبكي و هذا الواضح رغم انها متغطية عنهم.. كانت تتألم .. تشعر ان روحها تؤلمها.. اخيك امامك ابعدتي نفسك عنه.. لكن خوفها من احتجازها مره أخرى أجبرها على الاحتماء بـ مشاري و راكان .. لا تريد ان تعود للسجن مره أخرى.. يكفيها ما عاشتة كل الفترة الماضية.. .. جالسين كلهم في الصالة.. ابو سعود و عيالة و امه و ابوه و بندر.. ابو سعود : ليش ويش يبي..؟! ياسر : يبه والله ما أدري.. ابو سعود : معقولة لقوا وعد..؟! ياسر : ما اعرف و الله يا يبه قالي تعال انت و ابوي و أحمد و عمي بندر.. بندر : ما قلت عيالك مهيتين .. كل واحد بيجرنا وراه كننا غنم.. أحمد : عمي الله يهديك لا تزيد النار حطب احنا نطلع و نكلمه نشوف وين يبينا.. خالد : حتى المكان ما قاله ويش ذا..؟ ام عبدالرحمن : يا وليدي دق على اخوك انشده ويش بلاه..؟! ياسر : يمه .. سعود معصب و مستعجلنا.. ابو عبدالرحمن : روح يا ولدي يمكن تلقى عنده اللي يسر خاطرك.. وقف ابو سعود : الله يسمع منك يبه.. وقفوا عيالة كلهم.. ام عبدالرحمن : انتم كلكم بتروحون..!؟ خالد : ايه يمه.. الموضوع فيه ا نواحنا لو قعدنا هنا ما راح نرتاح.. بندر : و وليد وينه..؟! مشعل : مع غازي.. بندر : ازين هالولد صاير ما ينطاق ما يتحمل شيء.. ابو سعود يمشي قبلهم : من زمان وهو ما يتحمل مو من الحين.. .. انهار : عمه تكفين خلاص عاد لا تبكين .. راسك بيصدع .. هذا و انتِ ما تعرفينها.. مريم : بس بنتي.. يعني لو هي عند ابوها اهون علي بكثير.. لكن ما أعرف وين مكانها.. ام عامر : توك تصحين لها.. وينك عنها من سنين.. دوبك فقدتيها..؟! يوم رميتها قطعة لحمة على ابوها ما رجف قلبك لها.. هالحين بس تبكبكين عليها.. ما يحق لك يا مريم.. ما يحق لك تبكين على بنتك.. مريم : يمه تكفين لا تزيدينها علي.. ادري اني غلطانة .. بس يكفي تكفون خلاص لا تذكروني بالماضي .. و كنكم بتعاقبوني بحرماني من بنتي.. ام عامر : ماهو احنا اللي حارمينك منها انتِ اللي حرمتي نفسك منها.. تهقين ان بنتك بتلفي عليك بعد ما رميتها.. الكبيرة جاتك هي عاشت بحضنك سنتين.. لكن الصغيرة ما عيشتيها يوم بحضنك .. تهقين بيحن قلبها عليك.. انتِ ما حنيتي عليها وين تحن عليك..؟! ام يوسف : خالتي الله يهديك ماهو وقت الملامة هالحين.. ام عامر بحدة : لا وقتها .. هي ما تونس الحرة الا لا انكوت بها.. وهي انكوت من بنياتها يوم رمتهن على ابوهن و لا احترت منها .. لكن الضغط على الكية توجع.. و ضياع بنتها هو ضغطة الكية عشان توجع و تذكرها .. ولا تكرر خطاها و تطلق و تشتت باقي بناتها.. .. راكان و مشاري جالسين جنب وعد اللي جالسة جنب باب المجلس الأرضي المساند مطرزة أسفل جدرانة .. و عماد و سعود جالسين قبالهم.. مشاري همس : راكان قم جب قهوة.. راكان بقهر : ما يستاهلون.. مشاري : هم ضيوفنا مهما صار عيال موضي ما تطلع منهم الشينة.. راكان : ما ذبحنا غير مثاليتك.. مشاري : راكان من غير هذرة قم جيب قهوة.. وقف راكان و خرج من باب المجلس و دخل ع الباب الصالة.. عماد يهمس لسعود : ما كن ابوك طول .. سعود : حيل طول .. ماسك نفسي لادبغة.. عماد : يقول انهم عمامك.. سعود : انا ما عندي عمام الا عمي عبدالرحمن و عمي سعد و عمي بندر.. عماد : ليش يقول انه عمك..؟! سعود : يخـــسى.. دخل راكان و نزل الصينية قريب من عماد و سعود .. سحب الدلة بيدة اليسار و الفناجيل بيدة اليمين و صب لسعود بس ملى الفنجال : سم.. سعود اخذ الفنجال و اول ما مسكة انتثرت قطرات من القهوة من حواف الفنجال على بدلة سعود العسكرية رفع سعود رجولة بسرعة و اهتزت يده و انتثر زيادة من القهوة.. راكان مبتسم رغم انه ما سوى ولا شيء بس نثر قطرات من القهوة على بدلة سعود.. و سوا نفس الحركة بعد ملى الفنجال بس عماد كان احرص من سعود اللي أكلها و اخذ الفنجال بهدوء ناظر في الفنجال و بعدها رفع عيونة لراكان : ويش بلاك حاقدن علينا..؟! راكان جلس قريب من عماد و سعود : و الله بلاي أنتم عارفينه.. سعود : شوف احنا نبي نتفاهم معاكم بالهدوء .. انتم تقولون بيننا دم و الله ان هاذي اللي ماسكني للحين عشان ما يقولون رامي عمانة بالسجن.. بنيتنا بنأخذها لو تنطبق السماء على الأرض ما راح تبقى عندكم.. عماد : اصلاً هي ما تعرفكم ويش اللي دلها على دربكم..؟! مشاري : القدر جابها عند عمانها.. و لا تجلسون تحلفون علينا و الله ان ما بغت تطلع ما احد بجابرها على الطلعة من بيتنا.. وعد سحب طرحتها ونقابها بشدة وصرخت فيهم : بــــــــس خلااااص ما ابي اسمع اصواتكم.. سعود رفع جوالة من على المركى اللي بينه و بين عماد : هلا ياسر.. وينكم فيه.. كويس بعد ما تأخذ المفرق تمشي قدام لين تجيك لفه على يدك اليمين.. و تأخذ الشارع و بعدها تمشي و البيت هو اول بيت بعد اول لفة على اليمين.. فهمت.. يعني بعد ما تدخل الشارع بتمشي شوي بتلقى لفة على يدك اليمين هو البيت اللي حاد يسار اللفة.. اصلاً بتلقى دوريات الأمن لا خشيت الشارع.. يالله انتظركم عند الباب..وقف الخط : وصلوا.. يالله وعد ما تبين تشوفين ابوي.. صدت بوجهها للجدار حتى دموعها ما عادت تنزل.. الصداع يفتك بخلايا مخها.. مشاري : خله يقلط يشوف بنته هنا.. احنا قلنا بنتنا ما تطلع من بيتنا.. عماد وقف مع سعود وبحدة : لا تقول بنتنا .. ماهي بنتكم.. وبنخلي عمي يدخل بس عشان رجال الأمن برا .. ما نبيها تطلع وهم كلهم رجال.. راكان : بسم الله عليك تعرف السنع.. حياك عشان تدخل اخوي و عيالة << قالها باسلوب استهزاء.. طنش سعود و طلع مع راكان و بقي عماد و مشاري مع وعد.. يحاول إقناعي؛ أنه يؤذيني، من أجل مصلحتي. لـ رشاد حسن.. مشاري مسك كف وعد وشد عليها : صدقيني ما أحد بيطولك.. وعد : وعدوني قبلك و اخلفوا بوعدوهم.. مشاري : جربيني.. ان ما بغيتي تطلعين خليك على رايك ما أحد بيجبرك على شيء.. عماد : لا تقوي راسها .. هو قوي خلقة ما يحتاج.. مشاري : على فكرة طلاقكم ان شاء الله على يدي.. عماد اتسعت عيونة بصدمة : نعـــم..؟! مشاري : بنت اخوي ما تبيك .. و راح ارفع قضية عليك و اخليك تطلقها.. عماد بحدة : لا بالله ما حزرت .. ان كنت ما تعرف مين انا.. روح انشد عن عماد بن عامر .. ماهو انا اللي انجبر على شيء ما ابيه.. وعد باستهزاء رفعت عيونها له : صح بدليل انك انجبرت تتزوجني.. عماد بثقة : لو انا حطيت براسي ما اتزوج .. ما اتزوج.. دخل ابو سعود بسرعة بعد ما سمع من سعود ان وعد موجودة بهالبيت و وراه اخوه و عيالة و اخرهم راكان.. دخل و شافها جالسة يسار الباب مدنقة يديها تمسح عيونها اكيد تبكي هذا اول ما جاء ببالة .. جلس على ركبة جنبها : وعد..؟!؟! ما رفعت راسها له .. ما تبي تشوفة يكفيها شوفة سعود ذابحتها .. عاد عليها الكلمة مره ثانية : وعد..! كانوا واقفين جنب بعض عيالة و بندر و وراه و يناظرون فيهم.. اما مشاري واقف الجهة الثانية مقابلهم و قريب من وعد.. مد يده ابو سعود لدقنها بيرفعة حطت يدها على يده .. همست بصوت مذبوح طعن قلوبهم : ما ابي أشوف احد.. ابو سعود : ويش فيك يا امي..؟! وعد : اللي فيني اني ما ابيكم.. ابعدوا عني.. قربكم ما عاد ابيه.. حتى هذا (آشرت بيدها اليمين من غير لا ترفع راسها على عماد اللي واقف قبالها و على يمينة بندر و اخوان وعد وبينهم مسافة بسيطة) اللي زوجتني له من غير لا تعطيني خبر ما أبغى اقول تأخذ شوري لانك تشوفها كبيرة علي .. ما اعطيتني خبر.. ابو سعود مسك يدها اللي مادتها على عماد : يا امي نحكي بذا الموضوع بوقتة.. اهم شيء اني لقيتك.. و الله ما هنا لي النوم و انتِ بعيدة.. و لا أدري ويش صاير فيك.. وعد : مطلوب مني اصدقك الحين صح..!؟ لو انك شلت همي ما خليتهم يحجزوني .. و لا خليتني انام بالمستشفى لحالي ياليتها مره مرتين.. و ياليتك ما زوجتني من غير شوري.. و ياليتك دورت علي من يوم ما اختفيت.. حرام عليك يا بابا.. ويش الذنب اللي سويته عشان تخلى عني مثل ما ماما تخلت عني.. ويش الغلط اللي فيني مخليكم كارهيني.. عجزت استوعب ليش..!؟ ما لقيت الشيء اللي متخلين عني بسبتة.. بندر : بسم الله عليك يا عمي شكلك تعبانة.. ويش اللي يتخلون عنك.. ابوك تعب من اليوم اللي يعرف انك مو بأمان .. ما هنا له النوم و انتِ محجوزة .. كيف يهنا له و انتِ مختفية ما أحد يعرف ارضك من سماك.. وعد : تعبانة..! هه بس .. هذا اللي قدرت عليه.. تعبانة.. (رفعت راسها لهم) انا انقتلت و انا حية.. قتلتوني ما خليتوا فيني روح.. و راجعين الحين تقولون لي شكلك تعبانة..!؟ بس..! بس... هذا اللي قدرتوا عليه.. ابو سعود : وعد.. وعد تساندت بيدها على الأرض و وقفت بعدت عنه باتجاه مشاري و راكان : ما عاد ابي ارجع لكم.. قولوا له يطلقني و روحوا ما عاد ابي اشوفكم.. عماد بحدة : انهبلتي.. متـــأكد انهم غاسلين لك مخك يالغبيـــة.. يالتــافهة هذا مستوى تفكيرك ينضحك عليك بسهولة مثل البزارين.. وعد : و الله انا غبية و تافهة ايه يالله طلقني ما يصير الذيب يتزوج حمارة.. عماد ضغط على أسنانة بقوة .. و اللي رد هالمرة سعود : هذولي غاسلين مخك مأثرين عليك.. قدروا يغيرونك على اهلك بكذبهم.. وعد : انا اللي كذبت عليهم.. و فوق هذا ضافيني للحين.. لكن انتم تخليتوا عني أول ما جاتكم الفرصة.. وقف ابو سعود : احنا تخلينا عنك..؟! تقولين هالكلام لأهلك..؟! وعد : اهلي ..! ليش فيه أب يزوج بنته من غير لا يشاورها ولا حتى يعطيها خبر..؟! ليش فيه اب يزوج بنتة لولد عدوه..؟! لولد عامر بن سلامة يا بابا..!؟ فيه اخوان ما ينشدون على أختهم هي حية و لا ميتة..؟! فيه اخوان يرضون على اختهم تنحبــس..؟! وين كابوسكم كلام الناس عنكم عادي يقولون بنتهم انحبست..؟! فيه اخوان يرضون ان اختهم تزوج من غير لا تدري..؟! جاين الحين تقولون تعبتوا على فرقاي..؟! و انا مت من بعدكم.. انا الحين عايشة عشان اموت وبس.. ياسر انتبه ان مشاري و راكان واقفين و وعد بس بعبايتها.. صرخ فيها بحدة : اصلاً انتِ شلون جالسة معاهم من غير غطى..!؟ صاروا محارمك عشانك عشتي معاهم شهر..؟! راكان : لا تصارخ عليها تفهم.. احنا عمامها.. بندر بصدمة : نعـــم..؟!!؟ راكان : معاك عيال مساعد بن سالم الـ ـ ـ ـ .. ياسر : عيال مين..!؟ مشاري : عيال مساعد بن سالم الـ ـ ـ ـ ـ .. مشعل : يبـــه.. و كأن ناقصهم عشان تنزل عليهم مصيبة مثل هاذي في هالوقت .. جلسوا كلهم يناظرون ابوهم .. بندر تقدم لإبراهيم حط يده على كتفة : ويش اللي قاعدين يقولونة ما تنطق يا كبيرنا.. و الا بتخليني انا اتكلم..؟!! ابراهيم : ابوي ..!؟ سعود : يبه ورانا بطاقتة اسم جدي وعايلتنا بعد اساميهم..؟! ابراهيم : بس ابوي ما عنده عيال.. راكان : ابوك كان متزوج امي.. او بالأصح ما زال متزوجها لأنها حتى الطلاق مستخسرة فيها.. بندر بصراخ : هيه عاد حدك انت الا ابوي وقسماً بالله لأدفنك هنا.. انقلع دور ابوك بعيد عنا.. راكان : ابوي و اللي ما أتشرف انه ابوي هو ابوك مساعد بن سالم الـ ـ ـ ـ ـ .. مشاري : راكــــــــان.. راكان : لا تهاوشني ايه ما أتشرف انه يكون ابوي.. ما اتشرف فيه .. ماهو اب اللي يرمي عيالة قطع لحم على حساب نقد الناس الله يأخذ هالناس و يريحنا منهم.. مشاري سحب راكان لجهتة : حرف واحد زيادة بذا الموضوع ما أبي تفهم.. هم هنا عشان بنتهم.. موضوع ابوي انساه.. راكان : خلاص خلهم يطلعون من بيتنا .. (مسك وعد) : انتِ تبينهم..؟! وعد هزت رأسها بلاا.. راكان ناظرهم بقوة : يالله اطلعوا برا قالت لكم ما تبيكم.. بندر : لا كانت السالفة على كيفك وقتها تعال تكلم عندنا.. مشاري : راكان .. ضيوفنا ما ينطردون.. راكان : خلك مع ضيوفك.. (سحب وعد قدامهم و دخل فيها لداخل البيت قدام عيونهم لين وصلت عند الباب و سحبها ياسر منه).. ياسر : مأخذها قدام عيونا بعد..؟! خالد : لا عاد زودتها حيل انت.. سعود خل رجالك يدخلون يقشونه.. ابو سعود بحدة : خـــــــالد.. راكان ناظر ابو سعود ثانتين ثم دخل و وعد بقت بين خالد و مشعل.. ابو سعود التفت على مشاري : انا جيت على حساب بنتي.. و انت فاجئتني بان ابوي متزوج من وراء امي.. ان كنت صادق فا ابشر بعزك بين اخوانك.. و ان كنت تكذب مالك عندنا غير نشكرك انك ضفيت بنيتنا عندكم .. مشاري : احنا عشنا حياتنا كلها و احنا ما نعرفكم .. و نبي نكملها مثل ما هي.. بس نبي ان ابوي يطلق امي من غير لا نرفع قضية عليه.. غير هالأمر ما بغينا.. ابو سعود : ان تأكدنا انكم اخوانا .. ما راح نخليكم.. ماهو احنا اللي تبرنا من دمنا.. مشاري ابتسم بسخرية : صح بدليل ابوي.. ما ودي انقدة بالشينة.. بس تأكد مثل ما تبي.. ابو سعود : بكره نجيب ابوي هنا لمكم و نشوف ويش يصير.. مشاري : تم.. بندر يكلم اخوه : يعني انت مصدقهم..؟! ابو سعود : تطلع الشمس و تملى البلاد لا تستعجل على رزقك.. بندر يهز رجله بقوة : طلعوا اخوانا خبط لزق كذا.. ابو سعود : بندر لا تحكي هالحين بهالموضوع,, ابوي هو اللي عنده الموضوع يا يصدق يا يكذب.. بندر : ان زين بصبر لين بكره.. و بنتك بعد بتخليها هنا..؟! ابو سعود انتقل بنظرته من بندر لـ وعد .. صدت بوجهها عنهم و همست : بقعد عند عند عمامي.. سعود : ليش انتِ تأكدتي انهم عمامي عشان تقعدين عندهم.. وعد : ايه تأكدت و كيفي انا ما ابيكم.. عماد : لا ما هو بكيفك .. طالت و شمخت تمشين كلامك علينا و احنا اللي حفينا عشان نلقاك.. انقهرت منه اتجهت له و وقفت بوجهه همست عنده عشان ما أحد يسمعهم : حفيت.. هه ويش اللي غير رايك كنت بتتركني عند اول محطة.. عماد دنق شوي عشان يوصل قريب لأذنها : و الله ان حكيتي بكلمة ان تشوفين شيء ما يرضيك.. انتِ حليلتي قدام الله و خلقة .. و ما هو انا اللي مره تمشي رايها عليه.. وعد : هذا هو انتم.. مدعين ان ما احد يمشي رايكم عليه و انتم ما تقدرون غير على الحريم.. عماد : انتم..؟! مين تقصدين غيري..؟! وعد : كلكم طينة وحدة.. ما تخيرون عن بعضكم.. بندر : ويش رايك تأخذ زوجتك و تقلعون من عندنا بدل هالمساسرة بيننا.. عماد اعتدل بوقفتة و ابتسم : ما عندي مانع.. مشعل : ويش تأخذها..؟! لا و الله احنا نبيها.. وعد رجعت على وراء لفت : انا ما ابي اروح ولا مكان .. الا عن عمي طردني (ناظرت مشاري) بتطردني..؟! مشاري ابتسم على اسلوبها : اكيد لا.. وعد : خلاص .. ما ابي اطلع عاجبتني القعدة معاهم.. ابو سعود : وعد يا امي.. ويش ما تبين تروحين..؟! وعد : انا ما ابي اروح .. بقعد عندهم.. ما ابي اروح معاكم.. تخليتوا عني مره مو بعيدة تلحقونها بالثانية.. و تخلونهم يحجزوني من جديد.. احمد : وعد ياخيه انتِ فاهمة غلط.. و الله ما تخلينا عنك.. وعد رفعت كفوفها مفتوحة : ما ابس اسمع شيء.. بليـــز ما ابي احد يكلمني .. انا ما ابي اروح معاكم.. بندر التفت على مشاري : ما تقولها شيء يا حظي .. خلها تمشي مع ابوها.. مشاري : ويش مثلاً اطردها..؟! بندر بحدة : ايه.. مشاري : تحلم فيها.. ما تطلع من بيت عمامها وهي ما تبي.. وياليت ما تضغطون عليها .. من جاء زوجها و سعود وهي تصيح يكفي عاد خفوا عليها.. سعود : رجاءاً اختي لنا اكثر من شهر ندور عليها .. لا تسوي فيها انك بتحميها .. الموضوع اكبر منك بكثير.. مشاري ناظر وعد : ادخلي عند امي.. عماد ناظر جواله اللي ارتفع صوتة فجأة بصوت جمعتهم : هلا راشد.. مين..؟! طيب (ناظر سعود) .. خلاص الحين نطلع له.. وسكر الخط.. ناظر سعود : الفريق جابر برا.. سعود بصدمة : من جدك..؟! ابو سعود : وعد ادخلي داخل.. وعد استغربت توهم يبونها تروح معاهم و الحين يبونها تدخل .. عاد عليها حكية بحزم : وعد ادخلي.. طلعت من قدامهم من غير ما يسلمون عليها و لا يفرحون بشوفتها دخلت الصالة و قفلت الباب.. مشاري : وعد ليش كانوا حاجزينها الأمن.. ياسر : و الله هالشيء ما يعنيك.. مشاري : وعد وكلتني احميها .. و أنا محامي و بدافع عن موكلتي ان كانت طايحة بقضية.. سعود : يالله نشوف الفريق جابر.. طلع سعود و عماد .. والباقين واقفين بالمجلس.. ابو سعود : الموضوع سري .. وعد تقدر تقول طاحت بالنص من غير خطية.. مشاري : ما احد يتحاسب من غير ذنب.. بندر : لا تفتي بشيء من عندك و انت ما شفت من الدنيا شيء للحين.. مشاري رفع حاجبة الأيسر : ما يعني انك اكبر مني اني بسكت لك على غلطك.. كل شيء و له حدود.. بندر : كفووو هاذي الأخوة.. مشاري : يعني لو غلطت عليك الحين بترضى.. ابو سعود : بس انتم الإثنين.. خلونا نشوف الأمن ويش عندهم.. برا بالحوش فتح عماد الباب و خرج و وراه سعود أدوا التحية العسكرية للفريق اول جابر بن علي الواقف يمين الباب : سيدي.. الفريق جابر : انا ما قلت انتم مالكم بقضية الاختطاف..؟! سعود : احنا جينا نتأكد بعد ما جانا اتصال بان عندهم مره احتمت فيهم من شهر.. الفريق جابر : و ليش ما قلت لنا..؟! و الا ناسي مين ماسك القضية.. عماد : ما نسينا سيدي.. احنا جينا نتأكد بعد ورود بلاغات عديدة بشأن الاختفاء .. و اغلبها كانت كاذبة.. الفريق جابر : طبعاً هذا بسبب الاعلان اللي اصر عليه ابوك.. الله يصلحة.. سعود : آمين.. الفريق جابر : ويش صار معاكم عاد..؟! سعود : لقيناها.. الفريق جابر ابتسم : كويـــس .. وينها نسجل افادتها.. و نحقق مع ساكنين هالبيت.. سعود : بس سيدي.. الفريق جابر : ناد لي ساكنين هالبيت.. كلهم بنحقق معاهم.. ابو سعود : السلام عليكم.. : وعليكم السلام.. الفريق جابر : ياهلا ابو سعود.. ابو سعود يصافحة : هلا سيادة الفريق.. الفريق جابر : قرت عينك.. ابو سعود : بعين نبيك.. الفريق جابر بحزم : اعتقد تعرف القوانين لازم نأخذ افادة بنتك و نحقق مع الناس هنا.. ابو سعود : ممكن تأجلها.. الفريق جابر : لا ما نقدر.. مشاري : انا صاحب هالبيت.. الفريق جابر : نقدر ندخل عندك.. و نحقق او تحب نروح المركز.. مشاري : بنتنا ما تروح مراكز.. حياك..(مد له يده باتجاه الباب).. الفريق جابر : بس يدخل الكاتب و اب المختطفة للتحقيق معاها.. دخل الفريق جابر و وراه ابو سعود و مشاري و الكاتب و دخلوا باتجاه المجلس .. و بقى عماد و سعود و اخوانه و بندر بالحوش .. عماد : الله يستر.. سعود : متوقع يحجزها من جديد..؟! عماد : كل ما قلبتها ما يجي غير هالشيء ببالي.. و اكيد ما راح يوليني حمايتها لو تنطبق السماء على الأرض.. خالد : ازين بعد كل اللي صار .. و تبينا نثق انك تحميها..؟! عماد : ليش تبيها تدخل سجن الحريم..؟! و الا احد غريب يتولى امرها..؟! بندر : ماهو وقت هالحكي فكونا من هالسيرة.. خلونا نشوف هالمصايب اللي كل وحده اكبر من غيرها تطيح على رووسنا.. الفريق جابر : ناداها.. ابو سعود : قبل لا نناديها يا سيادة الفريق .. بنتي انا طلبت اسقاط الحجز عنها.. ابي اعرف ويش صار على ذا الموضوع.. الفريق جابر : الموضوع تم مثل ما بغيت يا ابو سعود.. بس لا تنسى ان فيه اختطاف لبنتك يعني قضية ولازم لاها تحقيق.. غير سبب الحجز الأمني لها و بنتك لازم توقع على تعهدات و غير كذا زوجها و اخوها بعد يضمنونها.. ابو سعود : اهم شيء صدر الأمر و الباقي هين .. (التفت لمشاري) : ناد وعد.. مشاري اللي مستغرب الوضع اختطاف و حجز امني..!؟ و تعهدات و ضمانات : ان شاء الله .. خرج من المجلس و اتجه لباب الصالة : وعــد.. وعـــد.. راكان طلع له : خير بعد للحين ما راحوا..؟! مشاري : راكان الموضوع كبير .. و احنا ما لازم نتدخل لانه اكبر مما تتخيل.. راكان : لا يا شيخ..؟! مشاري : راكان ناد وعد الموضوع فيه امن و برا منصب كبير جاي يبي يحقق معانا.. نادها.. وعد : مشاري تكفى.. مشاري : امشي يا وعد ما تخافين ابوك معاك و اخوانك كلهم برا و احنا بعد ما راح نخليك.. وعد : و الله بيسجنوني.. مشاري : لا تخافين يا عمي .. و تأكدي مهما يصير هو خيرة لك .. أمر المؤمن كله خير.. وعد تبكي : يعني تبي تخلى عني.. مثلهم كلهم..؟! و انا اللي توقعتك بتحميني و تسندني.. مشاري : قلت لك ما راح اتخلى عنك.. تعالي معاي ما راح اخليك.. راح ادخل معاك بصفتي محامي .. ابيك تقولين انك بترفعين قضية على اللي خاطفينك و انك موكلتني محاميك.. فاهمة وعد.. وعد هزت راسها : ايه.. بس ما تخلى عني.. مشاري : ما راح اتخلى عنك.. وراح احضر التحقيق بصفتي محاميك .. سمعتي.. وعد : ايه.. راكان : مشاري ويش القصة.. مشاري : خلك مع الشباب برا لا تخلي ضيوفنا.. انا بروح التحقيق.. مسك كف وعد حسها باردة ضغط عليها : خذي نفس لا تتوترين ما فيه شيء يخوف .. بس خلي الحق قدام عيونك لا تتركين شيء ما تقولينة.. اوكِ عمي..؟! وعد : ايه.. مشاري : يالله غطي وجهك عشان ندخل عندهم.. غطت وعد و رجعت مسكت يد مشاري و دخل هو قبلها المجلس و قفوا قريب من الباب .. الفريق جابر : تعالي اجلسي يا بنتي لا تخافين.. وعد : انا .. ابي ارفع قضية .. و عمي مشاري المحامي.. ابو سعود رفع حاجبة و ناظرها.. اما الفريق جابر ناظر ابو سعود و بعدها نطق : الموضوع ما يحتاج محامي .. احنا اسقطنا الحجز عنك بس الحين نبي نحقق معاك شلون وصلتي هنا..؟! وعد : انا ما راح اتكلم و عمي مشاري مو معاي.. الفريق جابر : ابو سعود.. ابو سعود : وعد بابا ما يصير اللي تسوينة .. انتِ تدرين بمدى حساسية الموضوع ما يصير يحضر احد التحقيق.. وعد : لا ما ادري .. اللي ادري فيه اني ما راح اقول شيء و عمي مشاري مو هنا.. ابو سعود : وعـــد.. وعد : بابا بليــــز.. الفريق جابر : انتِ مو مطمنة.. طيب نجيب عماد و سعود يجلسون معانا و يحضرون التحقيق هم يعرفون القضية.. وعد : وانا ما ابي الا مشاري.. ابو سعود : بابا بلاش العناد هالحزة ما عاد الا خير بيأذن الفجر و احنا نتناقش.. وعد : انا قلت اللي عندي .. ما راح اقول شيء الا بوجود عمي مشاري.. ابو سعود مطول بالة حيل عليها .. يمكن فقدتها هزتها و لا وده يشوفها مكدرة.. و يمكن يبي يمسح الكدر اللي شافه على وجهها بمراضتها.. بس اللي يعرفة ما يبي يزعلها.. الفريق جابر : امرنا لله تفضلوا.. سحب مشاري وعد و جلسها بينه و بين ابوها.. الفريق جابر : بطاقتك لو سمحت .. مشاري سحب بطاقة من جيبة العلوي ومدها له.. الفريق جابر : مشاري بن مساعد بن سالم الـ ـ ـ ـ محامي.. مشاري : ايه نعم.. الفريق جابر : ماشي .. هاه يا وعد.. نبي تحكين لنا القصة كلها من طقطق لسلام عليكم.. وعد : الاختطاف اول مره و الا الثانية..؟! الفريق جابر : الاختطاف الاول عندنا افادتك مسجلة لو عندك شيء حابة تضيفينة فا تفضلي .. وعد : انا قلت كل اللي عندي من قبل.. الفريق جابر : طيب يا بنتي ابي الاختطاف الثاني.. وعد : كنت نايمة و صحيت على اصوات غريبة تتهامس عند راسي.. لما ميزت انها اصوات غريبة عني .. و انهم يحكون باطلاق نار قمت اصارخ ابي احد ينقذني.. لكنهم خدروني ... (سكتت فترة تحس بالوجع يخنقها .. بطنها تألمها من استرجاع الاحداث و الحكي فيها) ..... صحيت بمكان غريب.. كنت مو قادرة اتحرك..ما اعرف شلون وقفت.. الباب كان مقفل علي.. ما اعرف شلون وقفت و لا ويش صار لي.. جاتني بعدين خدامة فتحت الباب و حطت عندي اكل.. و طلعت .. و انا فتشت الدولاب و اخذتة من اشياء و طلعت .. الفريق جابر : ويش هي الأشياء اللي اخذتيها..؟! وعد بلعت ريقها : فلوس.. الفريق جابر : و سلاح.. ناظرت تحت شوي : بس ما ادري وين راح.. يعني صدق اخذتة بس ما ادري وين راح.. الفريق جابر : السلاح عندنا.. كملي.. وعد : بعدها انحشت و جيت هنا.. الفريق جابر رفع حاجبة : بس ..؟! ما شفتي شيء ما سمعتي شيء..؟! وعد : امبلى.. شفت سيارة كبيرة ينزلون منها كراتين.. و شفت .. شفت .. سيارات كثير ينزلون منها رجال مسلحين.. الفريق جابر : هاذي المداهمة اللي صارت.. كان بينها اخوك و زوجك و خالك .. لو تأخرتي دقايق بس كان ما عشتي بعيد عن اهلك كل هالفترة.. طيب شلون وصلتي هنا..؟! وعد : ما ادري كنت امشي لين دخل هالحارة و شفت رجال و بعدها طلعوا مجموعة و دخلت بحماية عمي مشاري.. الفريق جابر : يعني ما خططتي بمعاونة عمك على الهروب.؟! وعد : لااا.. الفريق جابر : و لا هو اللي اجبرك على المكوث هنا او احد من عيلتة.. وعد هزت راسها بالنفي : ابداً.. الفريق جابر : عندك شيء تبين تضيفينة..؟! وعد : ما ادري.. الفريق جابر : يعني فيه شيء و مترددة لا تقولينة.. وعد تفرك يديها : لاا بس .. بس انا متوترة شوي.. الفريق جابر : طيب ح توقعين على الافادة و اذا عندك أي اضافة احنا نسمعها بأي وقت.. وعد بتوتر : ما عندي أي اضافات.. اخذ الفريق جابر الدفتر من الكاتب و سلمه لأبو سعود .. وخلا على رجلة : وقعي هنا يا بابا.. مسكت القلم الأزرق متوسط الدفتر.. وقعت تحت اسمها ما تعرف شلون شكل توقيعها لانها ما تشوف الورق ولا الخط .. اللي تشوف بياض ما قدرت حتى انها تقرأ الحكي المكتوب.. عيونها غرقانة بدموعها.. شخطت على الدفتر و نزلت القلم.. ابو سعود مد الدفتر للفريق جابر : مشكور يا سيادة الفريق.. الفريق جابر : العفوو واجبنا و احنا نبي نلقي القبض على المجرم.. ياليت يا بنتي ان تذكرتي أي شيء تبلغينا فيه.. مشاري : قلت انك بتحقق معانا..؟! الفريق جابر : ما فيه داعي دام البنية ما حكت فيكم أي شيء يدينكم بأي اتهام.. مشاري : تمام.. وقف الفريق جابر : شوف لنا درب.. لو سمحت.. وقف مشاري : تفضل.. وعد بعد كانت بتوقف بس ابوها مسكها.. طلع مشاري و وراه جابر و الكاتب و بقت وعد مع ابوها.. ابو سعود : ادري انك زعلانة مني و يحق لك يا أمي.. بس ما تدرين بعادك شلون كسرني.. كسرتي ظهري يا وعد.. وعد : وانت ذبحتني يا بابا انت اللي ابعدتني عنكم.. ابو سعود : انا..؟! لا يا بابا انتِ تعرفين اني مستحيل اتخلى عنك.. ادري اني غلطت يوم زوجتك عماد .. وعلى قولتك من غير لا تدرين بس يا بابا انحديت و هذا هو اللي كسرني اني ما علمتك بنفسي و انوخذتي مني.. وعد : انحديت..؟! ليش ايش شيء تعذرون فيه انكم انحديتوا عليه.. ان انتم يالرجال انحديتوا البنات ويش يصير فيهم..!؟ ابو سعود : بابا .. انتِ عارفة ان الموضوع فيه امن.. و انتِ تدرين ان احنا فدوة لامن هالأرض.. وعد : ما قلت لا يا بابا .. بس تزوجني ليش..؟! ليش..؟! ترخصني..؟! ابو سعود : أرخصتك..؟! ادري اني غلطت بهالزواجة.. و اخوانك زعلوا .. بس يا بابا صدقيني انحطيت بين امرين .. يازواجك من عماد يا مضرة اخواني.. علميني يا امي ويش اختار فيهم..؟! وعد : مضرة..؟! ابو سعود : ايه .. عامر خيرني بين انه يهدم كل شغل اخواني و شغلي و لو علي انا كنت خليته يهدمة مثل ما يبي لكن اخواني يا امي ويش اسوي ما ابي اضرهم.. اصفيهم على الحديدة..؟! وعد : ليش طيب..؟! ليش انا...؟! ابو سعود : عامر خالك يا وعد.. و هو يبيك او يبي نهى .. ونهى مسماه لفيصل من زمان.. و جات فيك.. وعد : يعني انا اللي لازم اضحي.. انا اللي ادفع ثمن كل شيء.. بالاولة صلاح و انتقامة من سعود.. ثم انت وخلافك مع عامر .. حياتي تنهدم يا بابا و انا اتفرج.. اصلا ما عاد عندي حياة.. ابو سعود : بسم الله عليك.. لا تقولين كذا.. قدريني يا بابا شوي.. تكفين يا بابا انا ما ابي ارجع البيت و انا اعرف مو نايمة بمكانك.. يا بابا ما هنى لي النوم و انا ادري انك عند رجلك و معاك حراسة .. كيف يهنا لي و انتِ هنا.. وعد : بابا انا مذبوحة.. مذبوحة.. مالي خاطر بشوفة الخلق.. تكفى لا تحدني عليهم.. ابو سعود : طيب ما عندي مانع بأخذك فندق و نقعد فيه كم يوم لين يطيب خاطرك.. وعد : لا .. بابا بجلس مع عمامي.. ابو سعود : متأكدة انهم عمامك..؟! ليش واثقة هالشكل.. وعد : انا شفت صورة جدي عندهم يبه.. جدي تزوج خالتي موضي و جاب منها ولدين و بنتين و تنكر لهم ما عطاهم الا اسمه.. ابو سعود تضايق زود على ضيقتة عشان بنتة : طيب بابا خلي هالموضوع بعيد عنك اللي فيك مكفيك .. لا تشيلين هم أي شيء.. وعد : ما اشيل هم شيء..؟! ابو سعود : خلاص يا امي.. (مسك وجهها بين كفوفة) يكفي يا امي اشوف الحزن متسيد ملامحك.. انا ماني لايق على شيء.. ابيك بس ترجعين بنتي اللي اعرفها.. ابي هالهم يروح ابي اشوف الدلع من جديد.. وعد ابتسمت بحزن : كبرت.. مو دايم تقول انتِ كبرتي متى تعقلين.. خلاص عقلت.. ابو سعود رسم ابتسامة ما حس فيها : كبرتي..؟! بأقل من شهرين..؟! وعد : كنها عشرين سنة يا بابا.. ماني متخيلة اني عايشة للحين.. طوق كتفها بيسارة وشدها له يحتضنها : جعل عيني ما تبكيك يا امي.. تنذكر و لا تنعاد.. .. ام عبدالرحمن : ويش عاد باقي على الفجر ما عاد الا خير الحين بيصوت وهم مالهم حس ولا خبر.. ام ندى : اللهم اجعل خير.. ام سعود تلف بالصالة : يارب سترك يارب.. منيره : هونوها يا جماعة ان شاء الله الحين بيجون.. نهى : طيب يردون على اتصالاتنا .. ايش هالاسلوب.. سها : ياااربي .. مو معقولة مختفين من متى وللحين ما احد فيهم رجع ولا اتصل.. : السلام عليكم.. : وعليكم السلام.. وليد : ويش بلاكم صاحين كلكم.. ام احمد : ما فيه شيء يا أبوي تبي عشاء..؟! وليد : لا يمه تعبان و خاطري بالمخدة.. ام عبدالرحمن : ما باقي شيء على الفجر.. انتظر لين يأذن و صل مع الناس ثم نام.. وليد : ويش عندها ام الدحمي صاحية تالي الليل.. تطورات يمه.. ام عبدالرحمن : والله ان ما هجدت لاهفك بهالعصاة.. وليد ابتسم : خلاص بهجد.. بس ويش بلاكم اشكالكم ماهي طبيعية.. جود : سعود اتصل و طلب ابوي و عمي و اخواني و راحوا وللحين ما رجعوا.. وليد باستغراب : متى هالحكي..؟! جود : الساعة 11 تقريبا.. وليد خرج جوالة بيتصل .. قاطعت دانه : جربنا نتصل ما أحد فيهم يرد.. وليد : ما فيه مانع من التجربة.. (عيونة معلقة على شاشة جوالة ينتظر الرد) : الووو .. هاه خالد وينكم..؟! ويش فيكم بالله..؟! ما ادري جيت لقيت الناس قلقانة.. اكيد .. طيب وينكم بالضبط جايين..!؟ .. اجل متى بتجون..؟!.. خالد مو تطقطق علي تطلعون مخبين علي شيء.. احلفك بالله ابوي فيه شيء..؟! طيب ليش كلكم طالعين ولا رجعتوا للحين.. طيب بنتظر للصلاة الله يصبرني و الله ان ما سلمت من صلاتي ولا لقيتكم لا اقلب الدنيا على عيالك.. كيفي عاد.. ذنبهم انهم عيالك .. طيب .. مع السلامة.. ام أحمد جلست جنب وليد : ويش يقولك..؟! وليد : يقول ما فيه شيء .. هم شوي وجايين.. ام سعود قربت منه : صدق .. يعني ما حسيت ان فيهم شيء من صوتة..؟! وليد : ويش فيك يا خالة هذا و انتِ دايم اللي تطمنين الخلق.. جلست ام سعود بتوتر : ما ادري ليش ماني مطمنة.. ليش سعود مكلمهم و طالبهم .. حتى ما رضي يعلمهم وين يبيهم الا لين يطلعون من البيت .. يعني ما يبينا ندري .. خايفة لا يكون عندهم عملية و متصاوب و لا ادري عنه.. وليد : تطمني يا خالة لا عملية و لا شيء لو عندهم كان الفريق غازي معاهم .. و انا كنت معاه بمكتبة.. ميار : مامي روقي شوي خلاص بقي شوي و ان شاء الله بنتطمن عليهم كلهم.. ندى : حتى هم ما يراعون لا اتصلوا فينا و لا يردون على اتصالاتنا.. .. صلوا جماعة كلهم بمجلس مشاري بإمامة أحمد.. ابو سعود : أستغفر الله , أستغفر الله , أستغفر الله, اللهم أنت السلام ومنك السلام تباركتك يا ذا الجلال و الإكرام.. اللهم أعنا على ذكرك و شكرك و حسن عبادتك.. أحمد : يبه.. التفت ابو سعود و جلس ساند ظهره على الجدار : امر.. أحمد : يبه تعبت من البارح خلنا نروح البيت ترتاح.. ابو سعود : تهقى اني برتاح و بنيتي هنا..؟! أحمد : يبه بنحاول نقنعها تروح معنا.. ابو سعود : عجزت فيها .. راكان نزل صينية القهوة بنص المجلس .. و سحب الدلة و الفناجيل يقهويهم.. ابو سعود : مشاري.. وعد قالت انها شافت صور ابوي عندكم.. بندر باستغراب : يعني ايش..؟! ابو سعود : يعني هم اخوانا.. و بنجيب ابوي يحكينا ويش اللي سواه.. وعد : صباح الخير.. : صباح النور.. ابتسموا لشوفتها .. على ان شكلها واضح انها تعبانة.. ابو سعود : تعالي هنا.. عماد وقف بسرعة : ما عليش ابيها شوي.. سحبها و طلع فيها للحوش قدامهم.. بندر : استغفر الله العظيم.. سعود : عمي ويش بلاك.. بندر : الحين اختكم مو ما تبيه .. مشعل : ما تبي مين..؟! بندر : يعني مين..؟! عماد.. خالد : هذا اللي قالتة.. بندر : ماخذها قدامنا و احنا ساكتين.. سعود : ماهو رايح فيها المريخ.. عماد رجال اجودي .. ما ينعاب يا عمي و انت تدري.. بندر : وانا ما قلت لا.. بس هي تعبانة شايف كيف شكلها.. و قالت ما تبيه.. ليش نخليه يضغط عليها.. في الحوش .. عماد : هي كلمتين و حطيهم حلقة بأذنك.. وعد سندت ظهرها على الجدار جنب الباب : تهديد..؟! عماد : افهميه مثل ما تبين.. ما ابي ابن امه يدري عن أي شيء صار بيني و بينك.. وعد مالت براسها شوي : اهاا.. و اللي بينك و بين انهار..؟! تبي احد يدري عنه..؟! انصدم لفترة بعدها سند كفة على الجدار جنب راسها .. و ناظرها : ماضي.. و انتِ الحاضر.. و غيره هالحكي ما عندي.. وعد لفت و اعطته جنبها بتمشي : ان زين أي شيء عندي انا بالماضي ما يحق لك تحاكيني فيه.. يعني لو جعفر و محمد وخالد و زفت مالك دخل دامه ماضي و انت الحاضر.. سحبها من كتفها و رصها على الجدار : عشان اقص رقبتك.. انا ماضيك و حاضرك و مستقبلك .. انا نصيبك ولا يحق لك يكون عندك أحد قبل نصيبك.. ولا بعده.. وعد تحاول تفك نفسها منه : ابعد عني يالذيب.. ماهو انا فريستك.. عماد : نبهتك يا وعد .. لا تستفزيني ابداً قلت لك من قبل انتِ من ممتلكاتي.. وعد : ليش قطعة أرض مسجلة بأسمك و الا سيارة.. والا قطعة اثاث مزينة بيتك.. عماد : لا مره مسجلة بأسمي و مزينة بيتي.. فاهمة..؟! وعد : تدري با الذيب.. المشكلة انك ما تعرفني.. انا ما أحد يجبرني على شيء.. و ان كان ما بغيتك و رب الكعبة ما اعيش معاك يوم واحد.. و ثانياً اللي صار بيني و بينك على قولتك هذا شيء يخصني.. ولا هو انا اللي احكي باسراري لأحد .. انا انسانة لي خصوصيتي.. عماد شال يديه من على كتوفها اللي مثبتها على الجدار واعتدل بوقفتة : يالله كلام مثالي .. ما عندي وسام احطه على كتفك.. وعد : استغفر الله العظيم.. ما ابي اخربها معاك.. ترى كل اللي بالبيت هنا اهلي .. صرخة وحده بس .. اخواني بيطبون ببطنك.. عماد يمثل عليها : تصدقين مره خفت منهم .. تكفين لا تسوينها انا مره اخاف.. وعد : هه هه هه يعني مطلوب اني اصدقك و الا اضحك عليك..؟! عماد : داخل يقولون انك تعبانة و تحزنين.. و انا متأكد ما سمعوا هاللسان و الا عرفوا انك تمثلين التعب.. وعد : لا تعليق .. صدق ما عندي رد على كلامك.. عماد عاقد حواجبة : الا تعالي شلون تقولين لهم ان زوجك سكير يا مدام..؟! .. لاإله إلا أنت سبحانك إني كنت من الظالمين.. لا أحلل نقل الرواية دون ذكر إسمي.. هاشتاق على التويتر #رواية_لو_سألتي_الورد .. ضحكة قهر.. |
رد: لو سألتي الورد وهو ما بين إيدك أقطعك بيقول لك عمري فداك الكاتبة / ضحكة قهر
بسم الله الرحمن الرحيم.. السلام عليكم ورحمة الله وبركاتة.. أسعد الله اوقاتكم بكل خير<< انقلب برنامج.. بداية انا ادري اني تأخرت عليكم بالبارت.. بس لازم تراعون شوي اننا برمضان وضغط الوقت حيل و البارتات صارت تحتاج وقت مع تجديد الأفكار وكتابتها شيء متعب و الله يعني احيان اعرف ويش بسوي و الحدث بس كتابتة يأخذ وقت عشان احاول اوصل لكم الفكرة.. و بإذن الله بحاول انزل لكم بارتين وان ما قدرت بارت واحد قبل العشر لاننا ح نسوي ستوب بالعشر و ننزل بارت ليلة العيد بإذن الله من غير لا نقفل الرواية.. ثانياً البارت ادري مو طويل مقارنة ببارت ام خمسين صفحة ايام الاختبارات بس و الله طويل يعني مو قصير .. و احاول استعجل فيه بس مابي اكتب شيء ما يرضيني لانه ما راح يرضيكم.. خرجنا شوي من جانب الخطف و التفجير و نردع لاتجاة المجتمع.. راح نتكلم عن اشياء كثير و الاحداث مقبلة باذن الله يعني لسى باقي لنا عشان ما احد يقولي كم باقي و الرواية تخلص لسى تونا باقي لنا قصص و طرح قضايا و مشاكل كثير.. يعني لا تستعجلون علينا و ان شاء الله بتقرون اشياء جديدة هنا مختلف عن كل الروايات.. ثالثاً ماشاء الله طلع حزب كارهين عماد وكل مالهم بالمزيد والبارح مسيطرين على الرواية و قروب المحبين نايمين توهم صحوا بعضهم و بعضهم نايمين للحين.. بس حلوو طلع لهم صيت يمكن يكوشون ع الرواية.. رابعاً أرحب بكل القراء الجدد يا هلا و مسهلا فيكم .. اشكر كل من يعلق على روايتي و يترك له بصمة فيها .. سواء هنا او ع الآسك نورتوني جميعــاً ردودكم دعم لي افتخر فيه.. اخيراً .. دعوة الصائم مستجابة .. اتتمنى منكم تدعون لي الله يسعدكم يارب.. البارت الثامن و العشرون.. لا يخدعك هالحب ريح ضميرك الحب فينا.. ضاع قدرة و هيبتة.. حبيبتك في مجتمعنا لغيرك و أنت؟ مثل غيرك بتأخذ حبيبتة.. لـ ناصر التميمي.. عماد عاقد حواجبة و بهمس : الا تعالي شلون تقولين لهم ان زوجك سكير يا مدام..؟! وعد ابتسمت وهي تناظر حواجبة : و عقدة النونة هاذي ليش..؟! عماد : تهقين من وراك تنفرد يعني..؟! وعد : ما احد ضاربك على يدك وقالك تمسك فيني.. مثل ما ربي شرع الزواج شرع الطلاق.. عماد : هه هه تصدقين ما دريت زين علمتيني كنت خايف ابتلش فيك كل حياتي.. جاوبي على سؤالي من غير تفلسف زايد.. وعد : تعرف انا ما كنت اعرفك وما زلت يعني ما اعرف وشلون أخلاقك قايلة.. بس عاد انا متوقعة (مشت متخطيتة بقواة عين لوسط الحوش بالرغم من الرعب من الأمن و القضية و الاختطاف و الحجز الا ان وجود ابوها و اخوانها و عمامها مطمنها) انك سكير عربيد ما تعرف ربك لا تحلل ولا تحرم.. يعني هذا اللي استنبطتة من لما شفتك يالذيب.. لفت تبي تشوف شكلة انصدمت فيه واقف وراها بالضبط.. رفعت راسها تناظر عيونة انتبهت للكحل اللي مزينها و موسعها حست بالحدة بنظرتة.. بالرغم من كل هذا طنشتة ولا اعطتة مجال.. رجعت خطوة لوراء.. : ويش بلاك..؟! عماد : تدرين ويش ودي اسوي بك الحين..؟! وعد ابتسمت ببرائة : ويش..! عماد : اقتلك.. وشكلها قريبة بعون الله.. وعد ناظرتة وهي تهز راسها على خفيف.. و ابتسمت باستهزاء : اول مره أشوف واحد يطلب العون من الله على معصية.. الله يسامحك بس.. عماد : ان ما خفيتي هالابتسامة بخفيها لك ترى.. وعد بثقة : والله ويش ناوي تسوي تخيط لي فمي.. و الا تكسر لي فكي..!؟ عماد كتف يده اليمين تحت صدرة و يده اليسار آشهرها لها بتهديد : تتخيلين اني ما اقدر اسويها..؟! وعد : لا ما تقدر يا الذيب.. ان كانك تحسبني برضخ لك واخاف منك فهاذي تحلم فيها.. انا ماني فريسة مثل غيري يا الذيب.. صعبة عليك حيـــل وكبيرة ماهي بمقاسك.. انقهر من غرورها وخشمها اللي ح يشق السماء من رفعتة .. ولا هو اللي تدوس له مره على طرف : خشمك هذا اللي رافعتة علي بيجي يوم امردغة لك بالتراب,, و قولي الذيب ما قال يا بنت ابو سعود.. وعد بقوة : وانعمت با أبو سعود.. عماد زادت عقدة حواجبة : انتِ على ويش شايفة عمرك..؟! ابي اشوف شيء فيك يخليني اتقبلك.. ما ابي اقولك احبك لانها كبيرة عليك وماهي مقاسك على قولتك.. وعد ابتسمت بالرغم من كلامة لانها تدري باسلوبها هو اللي بينقهر مو هي و لأن عماد ما يعني لها شيء كلامة هي عارفة جمالها و كلامة ما راح يأثر فيها : كبيرة علي و الا قلبك مقيد بسلسلة لمرة يالذيب و ما انت حر..؟! عماد صر على أسنانة متفاجأ بردها القوي ,, و عصب من كلامها .. همس من بين اسنانة : تراك تلعبين لعبة كبيرة عليك.. و الله ما تعرفين من هو ذيبك و الا ما حكيتي معاه بهالشكل.. وعد باستفهام : ومن هو ذيبي..؟! عماد بن عامر بن سلامة.. العمر 37 سنة .. يشتغل في سلك العسكرية رتبة عميد .. عصبي ودمة حار .. ما يبي احد يخالفة يشوف نفسة هو الصح بكل شيء.. و كأن الدنيا خلقت وهو متسيدها .. اممم ايه وقلبه حاكمتة مره قدم لهم كل شيء و هي ما اعطتة شيء.. (حطت يدها على جبهتها محاولة انها تتذكر) ويش بعد.. ويش ياربي..؟! يقولون انه هيبة و يخوف و ما احد يقدر يعترض طريقة.. عاد بالله انت تخيل هيبة و يخوف وقلبة بيد مره.. امبيه شلون بيكون تفكير الناس لا دروا..؟! (تمثل انها متعجبة و تأشر عليه بيدها) يو يو عماد بن عامر الهيبة..! يحب مره عافتة و خذت غيره..؟! بلمح البصر ما حست بنفسها الا وهي مرفوعة ومثبتة على الجدار رجولها ماهي واصلة الأرض تمد أطراف اصابعها تحاول توصلها ولا هي قادرة .. عماد مثبتها على الجدار بقوة .. هتف فيها بحزم صارم : ورب الكون ان سمعت منك هالكلام مره ثانية ما تلومين الا نفسك.. هذاني حذرتك يا بنت ابراهيم .. ان ما لميتي هاللسان عني و عرفتي توزنين حكيك معاي .. ابشري بالجحيم اللي بتخطين فيه خطواتك.. وعد تلف وجهها يمين و يسار و تضغط عليه تبي تبعدة .. بس كانت ضعيفة جداً جسدياً من الارهاق و التعب اللي عاشتة الفترة اللي فاتت .. وحتى لو كانت بكامل صحتها ما كانت بتقدر على عماد : نزلني يا الذيب مو عشانك طويل رافعني .. عماد يضغط عليها أكثر : وان ما نزلتك ويش بتسوين..؟! وعد : و رب الكعبة لأصارخ و أخليهم كلهم يجون يأدبونك .. جالس ببيتهم و تهاوش مع بنتهم..؟! عماد باستهزاء : تصدقين عاد انا خفت مره.. تكفين لا تسوينها شوفيني كيف ارجف.. وعد تصفق : الله,, الله .. عرفنا انك قوي ماشاء الله كبيرة عضلاتك هاذي جعلها للكسر ان شاء الله.. عماد متفاجأ من طوالة لسانها الفضيعة .. تعبانة..! وكل هذا يطلع منها وجهها اصفر كل شيء فيها يصرخ بالارهاق الا لسانها الطويل .. تركها بحدة و طاحت على الأرض .. حست ببرودة البلاط اول ما لامستة كفوفها ..صرخت فيه بحدة : الله يأخذك يالكلب بغيت تكسرني.. عماد نزل لمستواها : كل هالكلام بخليك تندمين عليه يا حرم الذيب.. بس اصبري علي يومين يا بنت ابراهيم.. وعد تقلده لما يستهزأ فيها : تصدق مره خفت منك شوفني كيف أرجف.. عماد متفاجأ منها و من لسانها السليط ,,وقف وسحبها معاه ودخل فيها جوا وهو ماسكها من عضدها وقف فيها على باب المجلس : احب ابشركم بنتكم ماهي تعبانة و بكامل صحتها ولا تعرف للتعب درب.. كلهم تفاجأو بدخلة عماد بقوة و ماسك وعد من عضدها .. عماد ينقل نظراتة بينهم و وعد تناظر فيه وماسكة يده اللي تضغط على عضدها اليسار بقوة .. : اتركني عووورتني.. < ما تبغى تسبة قدامهم.. ابو سعود باستفهام : خير ان شاء الله ويش فيكم..؟! عماد : ولا شيء يا عمي.. من بعد اذنك بنتكم حليلتي.. و انا بخليها عندكم يومين عشانكم من زمان ما شفتوها بعدها ابيها ببيتي.. العيال كلهم انتقلت نظرتهم لأبوهم.. اما هو ناظر وعد و تكلم بهدوء : شوفي يبه.. انا صدق زوجتك لعماد من غير ما انشدك عن رايك.. وكانك ما لك خاطرن بهالزيجة بنطلع منها بالطيب.. سعود تضايق من حكي ابوه : يبــــــــــه.. ابو سعود : خلني اكمل يا سعود.. ان كنتِ ما تبينه بخليه يطلقك و بترجعين لي .. بندر : ابراهيم الله يهداك تصلح الخطأ بخطأ .. شايف على عماد شيء من منقود العرب عشان تشجع بنتك على الطلاق.. بيعجبك لو ترد لك مطلقة..؟! ابو سعود : حاشاه ولد عامر.. بس هو اكيد انه درى ان بنتي ماكانت تدري عن الزيجة كلها.. و انا بعد كل اللي صار ما عندي استعداد اني اخسرها من جديد.. كانها تبي تيسر مع رجلها فالله معاها و القلب داعي لها.. و كانها بترجع عندي فهي معززة مكرمة بين اخوانها.. ياسر : يبه ما اخذت راينا احنا بالاولة يومك زوجتها .. و الحين ما انت مأخذ راينا.. ابو سعود : بنتي شورها بيدي بعدني ما مت.. مشاري : اعطوها فرصة تفكر .. الموضوع مو بسيط عشان تقرر بلحظات.. وعد وهي تناظر بنص الأرض المكان الفاضي وسطهم : انا ما ابي اتطلق بس عندي شروطي.. عماد : امري باللي تبينه.. وعد : شرطي اني اكمل دراستي و اعتقد بابا يعرف هالشيء من زمان انا طموحي اكمل دراستي بالتخصص اللي ابيه.. و تخصصي مو موجود هنا.. يعني احتمالية كبيرة اقدم ابتعاث.. ابو سعود : و انا شرطت عليه هالشرط يومه ملك عليك.. وعد كانت شوي وتصيح تحس ابوها تغير حيل صار يحس فيها .. معقولة شرط عليه يبتعثها برا..؟! .. ما تدري ويش اللي غير نظرة ابوها.. على انها لما كانت تقوله بشرط على اللي يتزوجني ابتعاث كان يقولها لا .. تشرطين تكملين دراستي و وظيفتك.. اما ابتعاث ما تشرطينة تفاهمي معاه بعد زواجكم.. وعد همست : ان زين ابي بيت لي لحالي لو هي شقة صغيرة عادي راضية بس لحالي.. ابو سعود : هاه ويش قلت يا عماد..؟! عماد : و الله يا عمي انت تدري انها لو علي لا اسكنها فيها الحين و الحمدلله ماهو قاصرني شيء .. بس انا ما ابي نسكن لحالنا هالفترة عشان لا طلعت لدوام او رحت أي مشوار ما تبقى لحالها بعد كل اللي صار لها لازم أأمن عليها و عند اهلي أأمن من الشقة.. ابو سعود : عداك العيب .. معاك حق بكل اللي قلتة.. اجلي يا بابا سالفة البيت لين تنحل القضية كلها.. وعد : ان زين بقعد الحين شهر كامل عندكم.. عماد : لااا انا قلت يومين.. ابو سعود يسايرها : بابا ما يصير دامك راضية تتركين رجلك و تقعدين عندنا.. وعد : يعني تبيني اروح مو تقول اشتقت لي .. ماني بقعد شهر .. و تسوون لي عرس بعد.. راكان كان مبتسم على طلبات وعد .. تبي تعقد الموضوع عشان يقولون هو اللي رفض مو هي ولا يلومونها على شيء .. خطتها كانت واضحة وضوح الشمس.. عماد : من جدك تبين عرس..؟! وعد : ايه ابي عرس من حقي البس فستان ابيض مثل كل البنات.. عماد : استغفر الله .. هاذي تفاهاااات فاهمة شنو يعني تفاهات.. وبعدين ليش ابيض خليك مميزة تعالي لي بفستان اسود بسيط بعد يومين و قضينا.. وعد فتحت عيونها من اللون و لا كانت بس هي الكل معاها منصدمين من اللون .. وعد : اسود..؟! سود الله عيشتك.. ابو سعود بحدة : وعـــــــــد.. وعد : بابا ما تسمعة ويش يقول..؟! ابو سعود : مهما قال .. ما تردين عليه بهالشكل هذا رجلك و لازم تحترمينة.. عماد ياليتك سامع كلامها برا .. على ردك الحين عليها يمكن تطخها بالرشاش.. ابتسم على شكل وعد المتذمر من رد ابوها.. وعد : ان زين هو بعد لازم يحترمني و يحترم رغباتي و طلباتي انا ابي بعد شهر هو ليش يقول بعد يومين..؟! و لا بعد فستان اسود.. و الله لا اسويها و اشري فستان اسود.. بندر : استهدوا بالله .. خلاص خير الأمور اوسطها اسبوعين بينك و بينه.. عماد : السموحة بس هي مرتي و من حقي اخذها و عرس و سوينا و قضينا من موضوع الفشخرة و المظاهر.. وعد : بس انا ابي عرس.. ابو سعود : بابا كأنك صرتِ معاندية بزيادة..؟! وعد : ليش يعني ما تبون يسوي لي عرس مو من حقي..؟! اذا انتم فرحتوا انا ما فرحت.. عماد ابتسم : عشان كلمتك شيء بسوي لك عرس بس تكونين عندي.. فــاهمة.. وعد فرحت ان رايها بيمشي عشان تفاجئة قدام الناس بشيء ما يتوقعة : خلاص انت احجز الموعد و انا افكر بعدين.. عماد : انا قلت اللي عندي بجي اخذك ان شاء الله.. يالله انا أستأذن بروح اريح قبل الدوام.. مشاري : وين تو الناس ما افطرنا للحين.. عماد : بالجيات.. و السموحة على اللي سويناه انا وسعود اول ما دخلنا عليكم.. مشاري ابتسم : مسموحين من حقكم اللي سويتوه و من حقنا ردينا عليكم.. ما نعرف بعض و لا احدنا فاهم الثاني.. عماد : فمان الله.. بعدها مسك كف وعد وطلعها معاه برا وهو يسمع ردودهم عليه : مع السلامة.. وعد تكلم بصوت واطي : ياخي فكني ويش ذا..؟ عماد يوقف بنص الحوش و توقف هي معاه التفت عليها : اولا انا مو اخوك .. ثانياً ادري ليش مصرة على سالفة الفرح عشان تلبسين لي فستان اسود قدام الناس .. ويقولون عيشتها معاه سوداء و متنيلة بستين نيلة.. لكن انا بقدم لك خيار واحد وبس.. تروحين لابوك وتقولين له يكلمني ما تبين عرس و الغيتي الفكرة... فاهمة و الا لا.. وعد انصدمت انه عرف هي ويش بتسوي صدق كانت تبي العرس عشان تلبس فستان اسود مثل ما قال لكنها ردت عليه بثقة : و انا ما قلت لبابا ويش بتسوي..؟! عماد : عادي بسوي لك عرس .. و لا تلومين الا نفسك بأي شيء يصير.. وعد بملل : طيب خلاص روح مع السلامة.. عماد متفاجأ : تطرديني ..؟! انتِ كم عمرك..؟! وعد مسوية نفسها مصدومة : لا تقول ما تعرف كم عمري..؟! عماد : اكيد بزر ما ينشره عليك بس مو مشكلة بربيك من جديد حلايا هالطول تعلقي بالبيبان كود تطولين عشرة سانتي.. وعد : ابشرك طولي وقف .. و انا ما اعجبك عندك اربع جدران بهالحوش و اذا مو عاجبينك ولا بمستواك انتظر لين تروح بيت اهلك و تنقى لك جدار و صك راسك فيه ياعلك ما تربح.. انحاشت منه اول ما مد يده بيمسكها دخلت جوا واقفة على الباب الداخلي للبيت عشان عماد ما يقدر يجي هناك و كل اللي بالمجلس يشوفونها لأن الباب مفتوح .. وعماد واقف بالحوش تضحك : ههههههههههههههه.. عماد يرفع يدة بتهديد لها : ماشي و الله لارد لك الصاع صاعين وما اكون الذيب.. خرج عماد من البيت و سكر الباب وراه .. اما هي اتجهت للمجلس بعد ما خرج حست انها بذلت مجهود قوي مع عماد .. ابو سعود ابتسم : تعالي عندي.. اتجهت لأبوها و جلست جنبة.. مد يده على كتفها ولمها لحضنة : كنك نحفانة..؟! وعد : لا تغرك ملابس اسيلوة الدب.. ما غير خالة موضي تضيق فيها حرام استحليت ملابسها.. سعود ابتسم : نعوضها .. تأمر عمتنا .. مشعل ماسك جوالة : يالله هذا وليد اكيد بينشد عنا ليش ما جينا..؟! ابو سعود : قله يركد بلاش هالعجلة اللي بدمة.. مشعل وقف بيكلم وليد برا : ان شاء الله .. و خرج من المجلس.. بندر : طيب خله يجيب ابوي و يجي.. ابو سعود : الحين..؟! مشاري : ايه ان كان هو صاحي ليش نأجلها.. ابو سعود : اجل بندر كلم عساف يجيب ابوه و سعد و ابوي معاهم.. .. جلس بعد الفجر يقلب في جوالة من زمان ما شاف الرسايل النصية .. انتبه لرسالة برقم غريب "تراني ما ابي قربك يا ولد العم .. و ان كان عندك من الكرامة شيء كلم ابوي و قله اني عفت بنتك ولا لي خاطر فيها.. انا ما ابيك.. بس عشانك ولد اخوه جابريني عليك.." انصدم وهو يقرأ الكلام ندى تعيفة من وراء وعد..؟! عساف بن عبدالرحمن ينعاف مره ثانية.. بدا الشيطان يلعب براسة .. ويش قاصرني عشان ترفضني مو يكفي ضفيتها من درب العنوسة عايفتني .. ضغط على زر الاتصال و انتظر ردها و جاه صوتها مرتبك : اقسم بالله ان سمعت ذا الكلام مره ثانية ما تلومين الا نفسك و راح اسوي الملكة بأقرب وقت.. حرف واحد زيادة ما ابي فاهمة والا لا .. اللي عندي قلتة يا بنت العم .. اصبري لين تجيك العلوم .. وقفل الخط قبل لا يسمع ردها : اففففففففف استغفر الله.. ابو عساف يدخل الصالة و يجلس معاه : ويش بلاك تأفف..؟! عساف : ولا شيء يبه .. تراني بملك يبه.. ابو عساف عقد حواجبة : تملك و بنت عمك ما يندرى عن ارضها من سماها..؟! عساف : الا متى بننظرها يبه لين تشيب عظامنا .. ابو عساف بحدة : اعقـــب و انا ولد مساعد.. عساف يحاول يضبط اعصابة : السموحة يبة .. بس صدق انا بملك و اخذ زوجتي لا عرس و لا طقطقة ولا غيرة.. ابو عساف : روح تفاهم مع عمك ان كان لك وجه تقولة بأخذ بنيتك و اختها ضايعة.. عساف : الحين عمي مو اعطاني بنتة..؟! ابو عساف : ايه.. عساف : خلاص اجل ما احد له عندي شيء .. ابو عساف : عساف وين علوم الرجال .. تبي تأخذ البنية و اختها ضايعة .. بدل ما توقف مع عمك في محنتة .. تقول عطني بنتك بفرح فيها..؟! عساف : لحظة اصبر هذا عمي بندر .. ابو عساف : صار بندر مو هنا.. عساف : ما صلى معانا .. اكيد انه ببيت عمي ابراهيم .. الووو .. هلا عمي .. وعليكم السلام.. ايه ابوي صاحي.. ايه .. نمر جدي ليش تعبان فيه شيء..!؟ .. طيب بخلي ابوي يكلم عمي سعد و نمر عليهم .. طيب يا عمي ما نتأخر ان شاء الله .. مع السلامة.. ابو عساف : خير ان شاء الله..؟! عساف : عمي بندر يقول نمر على جدي و نأخذه يبونا كلنا بجمعة بمكان بس نطلع من بيت عمي بيقولون لنا وين.. ابو عساف : غريبة لا يكون فيهم شيء..؟! عساف : قال عمي خير ان شاء الله .. و يبي عمي سعد بعد.. ابو عساف : طيب يا ابوي غير ملابسك على ما اكلم عمك سعد.. .. جالسين كلهم بالصالة بعد الفطور عامر و امه و ام ناصر و ام عبدالله وهنادي و عهود و عماد.. مريم مبتسمة : يعني لقيتوها..؟! عماد يجلس : ايه لقيناها.. ام عامر : وين ما جبتها معاك.؟.. عماد : بجيبها يمه و الله بجيبها ويش بلاكم مشتطين عليها..؟! ام ناصر : شلون ما تبينا نشتط عشان نشوف مريتك.. عماد ما غير اللسان اطول منها : بعد يومين ان شاء الله.. مريم : وشوله يومين..!؟ و الله مشتاقة لها.. عماد : عمتي لها شهور ما شافت اهلها و انا عطيتها يومين بعدها بأخذها.. ترى احتمال نسوي حفلة بعد اسبوعين نسائية.. عهود : لقيتوها و رديتها و بتجيبها و حفلة بعد اسبوعين ومين مقرر موعد الحفلة..؟! عماد : انا.. ليش عندك مانع ست عهود..؟! عهود بغرور : لا وليش يكون عندي مانع.. بس ما يمدينا نجهز شيء باسبوعين.. تعرف حفلة حريم يبي لها اقل شيء شهرين ترتيب.. عماد : عليك بفستانك و خنبقتك شيء ثاني مالك دخل فيه وعد بتجيبه.. ابو عامر باستغراب : من جدك بتخلي زوجتك تسوي الحفلة من فلوسها..؟! عماد : افااا و انا ولد ابوي .. لا هي عليها تختار و انا ادفع.. ابو عامر : زين اجل لا تقصر و ان قصرك فلوس خبرني.. عماد : الله كافيها الحمدلله.. ام ناصر : وين بتسوونها يمه..؟! عماد : ما ادري يمه افكر نسويها بمزرعتي بس نشوف مدامتي ويش رايها.. عهود : ما ترفض لها طلب مبينه من اولها بتكون الغالية.. عماد : و تهقين مرت عماد ماهي غالية..؟! لا بالله ما حزرت يا بنت ابوي..؟! هنادي : و الله تمام بس على كذا انهاروه يمكن ما تحضر الحفلة..؟! عماد رفع حاجبة الايسر : وليش ..؟! هنادي : تدري انها تبي الطلاق و ان طلقها زوجها خلال هالاسبوعين يعني راح تكون بالعدة.. عماد باستحقار : قلة عقل.. من وراه ردت عليه : كلن يرى الناس بعين طبعة.. عماد التفت بحدة عليها : ايش قلتِ..؟! انهار : قلت كلن يرى الناس بعين طبعة.. عماد : و الله اللي ما وراها غير الهياتة و تدور الشارة على رجلها ما ينقال عنها غير قليلة عقل.. انهار : على اساس انت ما طلقت مرتك قبل لا تكمل الشهر معاك..؟! يعني حتى انت قليل عقل..؟! عماد : شوفي انهار انا ماني فايق لحنة الحريم .. ولا عندي استعداد اراددك مليت من مراددك و لا استفدت من وراك شيء.. انهار بقواة عين : ما تخاف ان زوجتك المصون تدري عني..؟! عماد ابتسم باستحقار : تهقين ان وعد ما تدري عنك..؟! هههههههههههههههه ضحكتيني و الله روحي انشديها ان بغيتي.. ام عامر بفاجعة : قايل لمريتك عن الغبرة بنية عمتك..؟! انت ما تستحي..؟! عماد يأخذ الموضوع لصالحة : ايه صارحتها عادي ما فيه شيء و هي متقبلة الموضوع وشلعت قلبي بتفاهمها و كبر عقلها.. انهار اتسعت عيونها بقهر : اقرأ عليها لا تنصك بعين.. عماد ابتسم : لا تخافين محصنها بايات الرحمن عن عيون الحساد.. انهار طنشتة ولفت على خالها : خالي اذا يضايقك اقعد عندك عادي بروح عند ابوي.. عامر : قلتها لك من قبل يا انهار انتِ حسبة بنتي البيت بيتك.. عماد : يقال يعني بتسوين عندك كرامة مو قاعدة عندنا.. عامر بحدة : عمـــــــــــــاد..! عماد وقف : انا بروح انام.. يمه صحيني الساعة 11.. ام ناصر : ان شاء الله يمه .. بس ما تبينا نرتب لك جناحك و نأثثة من جديد..؟! عماد : الا ياليت والله بس خلوها العصر لا رحت الدوام.. عهود : دام الحفلة على ذوق المدام حتى جناحكم خلوه على ذوقها.. عماد ابتسم : ماني شاغلها هاليومين .. ان ما اعجبها بغيره لها بعدين .. مشى عنهم و هو يضحك عليهم قدر يستفزهم بشيء اساساً ما صار.. عهود : اكلت عقلة .. والله.. ولدكم بيروح فيها.. ام عامر : اذكري الله .. الله يهنيهم و نشوف عيالهم بينهم.. انهار تجلس جنب عهود : آميـــن.. الله يهني سعيد بسعيدة.. ام عبدالله : ويش بلاك يا مريم هديتي..؟! مريم : شايلة هم بنتي ما ترضى فيني .. هاذي هي نهى جاتني مره و لا ردت من بعدها .. و وعد يمكن ما ترضى خير شر.. عامر : تبيني اكلم ابراهيم تروحين تزورينهن..؟! مريم : لا يا أخوي .. نهى طلعت من هنا راضية .. ما ادري ويش اللي صادها عني.. اما وعد دامها بتجي هنا بلقى لي وقت اكلمها ان شاء الله.. .. ابو سعود : وهذا كل الموضوع يبه.. كان ساكت و عيونة في الأرض يفكر .. ما علق على كلام ولدة و لا رد عليه .. و لا رفع عيونة لعيالة و لا شافهم .. حتى راكان ما كلف على نفسة يسلم عليه على عكس مشاري اللي سلم ببرود .. ابعد عن انها يكون سلام بين اب و ولده .. و البنات ما شافهن للحين.. ابو عساف : يبه .. انت المره اللي تزوجتها .. جبت منها عيال..؟! بندر : يبه ليش ما ترد علينا..؟! قولنا هم عيالك و الا لا..؟! مشاري : احنا ما نبي هالاعتراف .. كل اللي بغيناه من جيتك انك تطلق امي.. يكفيها ظلت 18 سنة معلقة لاهي متزوجة ولا هي مطلقة.. و الله ان نيتي كانت قضية نرفعها بعد ما نكلمك بالطيب.. بس ما نبي الناس تحكي فينا ويقولون رافعين قضية على ابوهم.. ابو عمر : اركد يا اخوي .. خلنا نسمع من ابوي ويش قولة.. ابو عبدالرحمن : ايه عيالي .. من موضي.. عيالة و احفادة تبادلوا النظرات مع بعض و بعدها كلهم ناظروه .. ابو عمر : يبه ليش ..؟! ويش اللي خلاك تخلى عنهم..؟! ابو عبدالرحمن : عاداتنا.. راكان بحدة : خبري عاداتكم تمنع زواجكم من قبيلة امي خير شر .. ماقالوا لكم بالسر عادي و جيبوا عيال و الشارع يربيهم.. ابو عساف بحدة : اركـــد ابوي ما ينرد عليه هالشكل.. راكان : هذا عشان كان لك الأب .. بس احنا ولا شيء .. و جية لين هنا قالكم مقصدنا من وراها مشاري .. نبي طلاق امي.. ابو سعود بحزم : راكـــان .. اصبر خلنا نسمع اللي عند ابوي.. ابو عبدالرحمن : لكم الحق انكم تزعلون.. بس زعلكم ما راح يغير شيء .. رضيتوا و الا زعلتوا انتم عيالي.. و انا مستعد اني اصلح خطأي.. عبدالرحمن : ايه يبه .. صلحة و اعلن زواجك من امهم .. و اعترف باخواني.. راكان وقف لم يتمالك اعصابة .. بعد كل هالسنين و البعد جاي يقول اصلح خطأي و اعترف فيكم.. صرخ فيهم : بس مو هذا اللي نبيه .. نبي الطلاق .. تفهمون .. طلقها الحين ما نبيكم.. بندر وقف من بعده و صرخ عليه : ان تكلموا الكبار انت تسكت .. و ابوي ان قال بيعلن الزواج انت تنطم و تقول على امرك.. فاهم مو جالس تراددة بوسطنا.. راكان : كفووو و الله علمكم ع علوم الرجال ما قصر ... لكن احنا اللي علمتنا مره .. و نفتخر فيها ... انتم لا احد فيكم تعزوى قال و انا ولد ابوي .. و احنا واحدن فينا لا تعزوى يقول و انا ولد موضي.. نقولها بعالي الصوت و لا نوطي الرووس... ربتنا موضي من غير ما يكون معاها رجال .. الرجال اللي اعترف فيكم بين الناس و رفع الراس فيكم و احنا ابعدنا عنهم و كننا عيال حرام .. بندر بصراخ : اوص وقص .. هاللسان الطويل هذا اقصة لك.. ان كانت خالتي ربتك على علوم الرجال من غير رجال ما كان وقفت بوسطنا تكلم بعالي الصوت.. مشاري : حدك يا بندر .. ما يوصل العلم عند امي و نسكت .. راكان غلط بس انت ما يحق لك تنقص من قدر امي.. يكفي ابوي و اللي سواه كل هالسنين.. و الله لو ما كنتم ضيوفنا كان انا بعد رديت عليكم.. ابو عمر بمحاولة لتهدية الوضع : صلوا على النبي يا جماعة الموضوع ما ينحل بهالطريقة.. راكان : ما عندنا لا طرق ولا حلول .. هو شيء واحد طلاق امي وبس .. ابو عساف : اركد يا ولد.. ابوي هو اللي يقرر ماهو انت.. راكان : لا انا اللي اقرر امي ما تبيه .. تفهمون ما تبيه.. ابو عبدالرحمن : طيب جيبها انشدها.. راكان : يعني شلون ما انت مصدقني..؟! قاطعة صوت امه : راكـــــــــان.. راكان اتجه للباب امه واقفة بعبايتها ولثامها ما باين منها الا عيونها : قولي له .. ردي عليه انك تبين الطلاق منه .. ما نبيهم يمه ما نبيهم.. ام مشاري : اركد.. راكان فتح عيونة بحدة : لا تقولين تبينه .. لا تقولينها..؟! ام مشاري : خواتك يا راكان.. راكان : خواتي احنا عندهم.. انا ومشاري نكفي والا ما احنا رجال بعيونك..!؟ ام مشاري : رجال و نص.. بس يا امي شوف بنية اخوك ويش صار لها و هي بين ابوها و جدها وعمامها و اخوانها و عيال عمامها .. انتم مين لكم غير بعض.. لا تكسر جناحي يا ابوي يكفي ما صار.. أسيل وأثير الواقفات وراء الباب الداخلي يتسمعون .. أثير تبكي .. اما اسيل انقهرت لما سمعت كلام امها طلعت لهم و وقفت جنبها : عشانا..؟! انا ما ابيهم .. كلهم ما ابيهم .. ام مشاري : ادخلي يا اسيل سلمي على ابوك.. دخلت اسيل بوسط المجلس و دموعها متعلقة على رف رموشها : تعالي يمه .. علميني أي واحدن فيهم ابوي.. أي واحدن فيهم اللي رماني..؟! قولي لي يمه ضيعت ملامحة من كثر ما أشوفة.. تعالي يمه قولي لي من هو ابوي انعميت عن صورتة و اليوم رد لي النظر و ما عرفتة من بينهم.. قولي لي يمه أي هم ابوي..؟ نزلت دموعها وهي تتكلم.. انجرحت من انسان المفروض هو اللي يبعد الجراح عنها و يداويها.. ابوها اللي ما تذكر له شيء.. غير انه اعترف انها بنته..؟! و ين حنانة و ين امانة..!؟ وين قلبة ..؟! وين روحة عن بنتة..؟! وعد بكت معاها هي اكثر وحدة فيهم حست فيها.. بغض النظر عن كونها بنية.. هي بعد فقدت امها مثل ما أسيل فقدت ابوها .. وقفت ومسكت اسيل من عضدها : أسيـــل.. تكفين لا تبكين.. أسيل : ما ابكي..؟! ما ابكي وانا ما اعرف ابوي..؟! ما ابكي و انا ادري ان عنده عيال ضافهم تحت جناحة و احنا رامينا برا..؟! ما ابكي و انا اشوفة جاي بعد هالسنين يقول بصلح خطأي ..؟! يومه عارف انه خطأ ليش سوية..؟! ليش ينكر عيالة .. ليش يجيب عيال ما يبيهم..؟! صارت تضرب نفسها بانهيار .. مراهقة عاشت على فقدان والداها .. و قهر تخليه عنها .. ابنة كانت تربد ان تعيش بين احضانة.. كا أي ابنة ترى انها بملكة في بيت ابيها .. مشاري وقف بسرعة ومسكها : أسيــل.. ما ردت عليها طاحت من طولها ما ماسكها غير يدينها اللي ماسكها مشاري .. جلس عندها بسرعة حط يده تحتها راسها : أســــيل ..؟ أسيـــل.. اجتمعوا كلهم حواليها .. مسكها احمد : جيب مويا .. بسرعة عمي.. راكان جاهم يجري معاهم كاسة انتثر نصها وهو جاي من المطبخ : امسك بسرعة خلها تصحى.. اخذها بندر منه ورش شوي على وجهها : بسم الله.. بسم الله.. احمد : لازم نأخذها المستشفى نتطمن عليها...؟! : امم .. يـــمـــه.. مشاري : اسيل .. امي هنا.. ويش فيك.. فتحت عيونها .. شافت مشاري يسارها و كان احمد يمينها و جنبه بندر بس كما تعرفهم .. كلهم واقفين يشوفونها .. لفت لمشاري وتمسكت بيده و قربت نفسها له كانت تبيه يبعدها عنهم : ابي انام .. مشاري : اول شيء بنتطمن عليك... أسيل : ما فيني شيء ..بس شوية دوخة .. وقفت بسرعة .. و حست بالدنيا تدور حواليها .. مسكها مشاري : ما يصير توقفين كذا و انتِ دايخة..؟! أسيل : قول لأبوي ماني مسامحتة.. تخطت مشاري و هي تترنح لين وصلت الباب عند امها : ان سامحتية و رديتي له .. انا مو مسامحتك.. لانك اكثر وحدة تعرفين قد ايش عانينا من غيره .. بعدها كذا باردة مبردة يقولون بصلح خطاي و تروحين معاه..؟! .. تخطت امها قبل لا تسمع منها رد دخلت الصالة و شافت اثير جالسة على المركى تبكي : امسحي دموعك .. ما عرفتة من بينهم.. خفت اقول لاحد فيهم انت ابوي .. يطلع مو هو.. ادري انه هو اكبر واحد فيهم.. بس خفت اقوله .. خفت ااشر عليه يقول لي لا.. مو انا.. أثير : ما عرفتية..؟! أسيل : ما ادري.. بس اللي اعرفة ابوي بينهم.. راكان : خلاص عاد فكونا .. بنتكم و ردت لكم .. مالكم شيء عندنا .. اللي نبيه الحين بس طلاق امي.. ابو عبدالرحمن : وانا ماني مطلقها .. و اليوم العصر بتكونون عندي بالبيت.. (بحدة على راكان) كلكم.. تعدى ابو عبدالرحمن من عند ولده اللي فاتح عيونة : تتوقع لا امرتني بسمع كلامك..؟ِ ابو عبدالرحمن : و الله ان كان موضي ربت عدل ما يحتاج من وراها تربي بتجي ولا بتعصاني.. ضغط عليه من اليد اللي توجعه بيحط تربية امه على المحك كان بيرد بس انتبه ان ابوه طلع التفت وشافهم واقفين.. ابو سعود : لا تحكي.. اللي صار صار.. و احنا مو مرضينا تبعدون عنا.. مهما كان احنا اخوان .. و الظفر ما يطلع من اللحم يا اخوي.. ويش ازين من ان يكون عندك اخوان عزوة و سند.. ماهو قصور بمشاري .. بس يا زين الأخوان الكثار تحس ان عندك عيلة و سند يسندك بهالدنيا.. و يوقف معاك.. راكان : ابوي هو السبب .. لو احنا ربينا معاكم كنت بقول نفس كلامك.. بس ما ربينا معاكم.. و انا ما عندي اخوان الا مشاري و اثير و اسيل.. ابو عساف : غصبـاً عنك احنا اخوانك.. ماهو برضاك.. الحين واحد من العيال بيروح يوصل ابوي.. و احنا نبي نشوف خواتي.. راكان : و الله كانهم بيجون يسلمون عليكم يعني يمكن اثير .. اما اسيل بعد اللي صار ما اتوقع .. سلام يا ,, اخواني<< قال كلمتة الأخيرة باستهزاء.. سحبة بندر قبل لا يطلع : شوف ترى حركات البزارين انا اكرهها.. اصطلب و خلك رجال.. رضيت و الا ما رضيت احنا اخوانك.. و اليوم بتجي العصر بالبيت عندنا و انت اللي بتجيب خالتي و خواتي.. و الا اقولك انا بجي اخذكم جميع.. راكان ناظر مشاري : رد عليه .. يا كبيرنا.. مشاري : مالنا رأي من بعد امي.. هي اللي تقرر.. وعد : تكفى راكان لا تعقد الموضوع .. جدي غلطان ما يخالف .. بس عاد احنا نبيكم.. بابا و عماني و احنا و يش ذنبنا و انتم ويش ذنبكم..؟ ليش نبعد عن بعض..؟! راكان : ذنبنا ابعدنا رجال واحد .. اسمه مساعد.. ابو عمر بحزم : اسمه ابوي يا راكان .. راكان : ابوكم انتم.. مو ابوي انا... ابو سعود : راكان .. وراها كل هالحكي مخك متنك للحين..؟! راكان : ايه متنك.. كيفي .. طلع و تركهم بالمجلس واقفين .. وعد مسكت ابوها من عضدة : لا تزعلون و الله ركوني طيب بس عصبي شويتين.. ابو عساف ابتسم : ما تحمدنا لك برجعتك بالسلامة.. وعد ابتسمت من وراء النقاب : الله يسلمك يا عمي.. ابو عمر : قرت عينك يا اخوي.. الحين ترتاح.. ابو سعود : بعين نبيك يا اخوي.. الحمدلله على كل حال.. عساف من غير لا يناظرها نطق كلمتة بهدوء : مبروكة رجعتك يا بنت العم.. وعد : الله يبارك فيك.. احمد : يبه لازم نرجع خواتي اكيد ما نامن قلقانات.. ابو سعود : بنروح يا ابوي .. مشاري بيجونك ياسر و خالد العصر بتجون كلكم جميع.. مشاري باستسلام : ان شاء الله .. .. أصارع الشوق؟ ولا أصارع : غيابك !! لـ وحشتك / ناصر العنزي.. وليد : يمه والله قال مشعل ما فيهم شيء.. ام احمد : شلون ما فيهم.. شيء مو انت تقول تعبان و بس تنتظر الصلاة و تنام صارت الساعة ثمانية وين ما نمت للحين.. وليد : بس عندهم مفاجأة بنتظرها.. منيره : الله يهديكن ناشبات في حلق الولد .. قالكم ما فيهم شيء.. لا تتشائمون.. ام ندى : استغفرالله العظيم.. انا تعبت و هم ما احد من اقبل علينا.. ام عبدالرحمن : يا يمه روحي نامي اكيد انك سهرانة من البارح و انتِ مداومة امس.. ام ندى : بنتطمن على العيال و ابوهم.. يمكن عندهم خبر عن وعد.. فاطر قلبي على شوفتها.. تذكرني بفقدتي لولدي.. ام عبدالرحمن : ولدك الله يرحمة يا نوال.. الميت ما تجوز عليه الا الرحمة و وعد ان شاء الله ربي بيرجعها لنا سالمة غانمة.. ام ندى : احس فيه يا عمة.. و الله احس فيه.. ما يمر يوم ما يجيني بنومي يناديني.. حتى وانا واعية احيان احس فيه يناديني.. و اتضايق لضيقتة.. مو يقولون ما يحس بالضنى كثر امه.. و الله يا عمة احس بين عروق قلبي.. ام عبدالرحمن : يا وليدي هذا الشيطان يلعب بعقلك .. شافك ضعيفة بيدخل لقلبك و يتعبك .. يا يمه تعوذي منه .. لا تنزارين و راك بنيتين يبونك.. ام ندى بألم : ما احد فيكم مصدق حكي.. حتى ابو سعود ما هو مصدقني.. يا ناس و الله احس فيه.. احس روحة بهالدنيا .. : السلام عليكم.. قبل لا يكمل سلامة راحن له و تعلقن فيه جود و ميار و سها مد يده و حضنهن كلهن : خير يا بابا ويش فيكن.. : وعليكم السلام.. ام عبدالرحمن : قلقنا عليكم يا ابوي ويش بلاكم.. ابو سعود ابتسم : بس هذا .. قايل لكم ما فيه شيء.. نهى : ما ينوثق فيكم لو صاير مصايب ما تعلمونا.. وعد متخبية وراء ابوها وتسمع حكيهم .. ام عبدالرحمن : ويش بلاكم يا ابوي وين غديتوا انت و عيالك و ابوك جاء عساف و اخذه..؟ ابو سعود : قريب يمه ما ابعدنا .. شغلة و سويناها.. ام عبدالرحمن : ويش هالشغلة اللي من البارح.. وما قضت لين الحين.. جود : و الله ان صار لك شيء لا اذبح نفسي وراك.. عقد حواجبة ابو سعود : جودي.. افاا يا بابا ويش هالحكي.. سها : ما نبي نعيش من غيرك.. ابو سعود : يا بابا انا بخير ما تشوفني.. دانه : من بعد ما تعبت و جاتك الجلطة صرنا نخاف عليك من كل شيء.. ابو سعود : ليش بزر انا تخافون علي.. كم مره حكينا بذا الموضوع .. قلت لكم انا بخير .. و قلقكم هذا بيقلقني انا و بيتعبني.. سعود يتخطى خواتة : يبه انت معطيهم وجه.. مدلعهم هالفترة بزيادة... ياسر يجلس جنب سعود : ايه ضيعة وعد طلعت بالنفع عليهم.. نهى : تصدقون احس طاريها خف عن قبل.. احس ما عدنا نتكلم عنها كثير مثل اول ما انخطفت .. تهقون بننساها..؟! ام سعود : ويش ننساها ما احد ينسى ضناه.. و لا اخوه .. نهى : امي ولا مره انشدتي عنها ولا قالت لي عساها الله يردها بالسلامة.. ياسر : ليش انتِ شفتي امك غير مره وحدة..؟! نهى ترفع رجولها و تربع على الكنبة : لا و لا ابي اشوفها.. أحمد واقف وراء ابوه : يبه قلهم عن المفاجأة.. ابو سعود مبتسم : مستعدين للمفاجأة..؟! ام عبدالرحمن : ويش مفاجعتة يا ابوي..؟! منيره : مفاجأة يا خالة يعني شيء حلو بتفاجأين فيه.. جود تبعد عن ابوها وتجلس جنب نهى وتهمس لها : يقالها شرحت مرت ابوك..؟! نهى : ما علينا خلينا نشوف دادي ويش عنده .. ابو سعود مد يده وراه ومسك وعد من عضدة وسحبها قدامة .. فتحوا عيونهم يناظرونها مو مصدقين انها قدامهم..و مبتسمة تناظرهم .. ميار صرخت : وعوووودة.. نطت عليها حضنتها بقوة : ههههههههههههههههه.. نهى تبعد ميار عن وعد وتحضنها : يا حياتي اشتقت لك.. وعد : و انا بعد.. جود تحضن نهى و وعد مع بعض : يا الله مو مصدقة ما بغيتي ترجعين .. قلت ويش هالنحاسة اللي فيك.. كم مره تنخطفين.. وعد : يا شينة لا تذكريني.. سها : ياربي مو مصدقة انك رجعتي لنا اخيـــراً.. ياسر يناظر خواتة حاضنات بعض و وعد بنصهم نهى و سها وميار و جود : الحمدلله و الشكر ماني بنية.. انا بس بوسة راس و قضينا ويش هالدموع هاذي (يقلد خواتة) اشتقت لك.. وليد يكمل معاه تقليد : و انا بعد.. احمد : انتم ويش حاركم خلوهم على راحتهن.. ام عبدالرحمن : خلوها تجي بسلم عليها.. ابعدن عنها و وحده وراء الثانية.. و اتجهت لجدتها باست راسها و كفها : اشتقت لهواشك يمه.. ام عبدالرحمن : يا عوينتي يا يمه و الله احنا اللي اشتقنا لك ما هقينا بنفقدك هالكثر .. تونسين شيء يمه..؟! وعد : لا يمه الحمدلله.. قامت وسلمت على ام ندى : ماما وحشتيني.. ام ندى تحضنها : و انا يا امي .. و الله فقدتك شينة.. كلمت سلام على خالاتها و وليد و بعدهم ندى حست مشاعر ندى متضاربة ما تدري هي فرحانة لها و الا رجعتها ما همتها .. جلست بين ابوها و جدتها .. ام عبدالرحمن : ويش اللي صار لك يا بنيتي..؟! وعد بنبرة مذبوحة : لو بنيتك تدري ويش اللي صار لها كان قالت لك.. كنت مذبوحة يمه.. اللي عشتة ما جاء با أبشع خيالاتي اني اعيشة.. ام عبدالرحمن : بسم الله عليك يا وليدي.. الحمدلله اللي ربي رجعك سالمة يا يمه ... وين كنتِ.؟! وعد : قريب يمه.. ما ابعدت.. وليد : قلبنا عليك الدنيا.. وين كنتِ فيه.؟! وعد عشان ما تطرق لموضوع زواج جدها : قلت لك قريب.. وليد التفت لسعود : شلون عرفتوا مكانها.. سعود : بلاغ .. المكافأة جابت نتيجة.. ابو سعود : اهم شيء تعطون اللي بلغ المبلغ كامل وفوقة حبة مسك.. ياسر : تامر يبه لا تشيل هم.. ابو سعود : ايه يا هوانم وين الدوام.؟! نهى : انا نفسيتي تعبانة.. جود : و انا السكر منخفض خفت عليكم.. سها : و انا قلت ما يصير اداوم من غير لا اشوفكم.. ميار : و انا دوامي مسائي.. دانه : وانا بعد.. وعد : هههههههههههه بابا ما تغيرت .. وليد : خفي علينا كنك غايبة عشرين سنة عنا.. وعد : و الله احسها طويلة صدق .. المهم ما تدرون هم قبلوني و الا لا..؟! سها : الا قبلوك يا بعدي .. بس لا سلمتي اوراقك و لا شيء.. وعد : يعني بجلس سنة ثانية بالبيت .. لا و الله ماني راضية.. ابو سعود : خلاص شوفي رأي عماد و ان كان موافق نكلم لنا احد يدخلك.. وعد : بابا تعليمي شيء يخصني ما يخص عماد .. ما ينضاف لسيرتة .. لسيرتي انا .. لذلك ما راح استشيرة و انت شرطت عليه اكمل تعليمي وهو وافق خلاص ماله دخل بالباقي.. ابو سعود تنهد : شوفي بابا الحياة الزوجية ما تنوخذ باثبات الرأي و رأيي هو اللي يمشي .. بترجعين لي بعد يومين على كذا.. كلمي عماد و قولي له انك بتداومين بالجامعة هالشيء ان ما رفع قدرك عنده مو منقصة.. وعد ارسمت ابتسامة ميتة : ان شاء الله .. << بس عشان تقول انه وافق وهي نيتها تسجل من وراه.. حتى رقمة مو عندها.. ميار : دادي بما انك يعني فرحان برجعة وعد ورايق .. انا ابيك بموضوع.. ابو سعود يتقدم بجلستة و يسند ذراعة على فخذة : قولي اسمعك.. ميار بلعت ريقها شتت نظرها و هي تدعك يديها ببعض : ................ ابو سعود : ايش فيك.. تكلمي.. وليد : مبين الموضوع يخص زوجها الضايع.. ميار : عمي.. كل شوي يكلمني مصر على الطلاق.. انا ابيك تكلمه ينسى الموضوع ما ابيه يفاتحني بالموضوع.. ابو سعود : الى متى..؟! ميار ناظرت الأرض ما عندها جواب .. بس ما يحق لأحد فيهم يقرر عنها حياتها.. ابو سعود : ميار جاوبيني.. ان طاوعتك و كلمته بنتي تبي تقعد معلقة لين يرجع ولدكم قولي لي عندك علم متى بيرجع..!؟ ام عبدالرحمن : لا بالله لا تسمع كلامها هاذي بزر ما تعرف مصلحة نفسها.. (تناظر ميار) انتِ يالخبلة تبين تعلقين حياتك الى متى هاه.؟! لين تكبرين و تقعدين بكبد ابوك.. ميار بصوت يرجف ينذر بان الصيحة قريبة : يمه انا ابيه .. ما ابي رجال غيره.. هاذي حياتي ما احد يقررها عني.. ابو سعود : يا امي أنا قلت لك موافق و اكلمه لك ان بغيتي .. بس علميني الى متى..؟! ميار تفرك يديها بتوتر تحمد ربها اخوانها للحين ما تدخلوا : ما أعرف بس ما ابي أتطلق منه تكفى بابا.. سعود : ميـــار.. خليك عاقلة ويش يعني تنتظرين واحد ما ينعرف ارضة من سماه.. ياسر ياستهزاء : تقولك تحبه و ما تبي رجال غيره.. سعود : أي حب و أي خرابيط.. لو انك معاشرتة اقول بينكم عيش و ملح بس ما عشتي معاه يعني ما بينكم شيء .. ياسر : الحب بعد الزواج هذا اذا كان فيه شيء اسمه حب بالدنيا و انتم ما تزوجتوا يعني ما بينكم شيء غير عقد عند الشيخ و ينفسخ بعقد ثاني.. ميار : انتم مالكم دخل بحياتي انا مو بزر تقررون حياتها عنها .. ولا مراهقة طايشة .. انا اعرف ويش ابي ويش نتايج قراري.. خالد : لا يا شيخة .. احنا اخوانك و مصلحتك تهمنا.. ميار وقف بحدة : بابا انت وعدتني ما يصير الا اللي انا ابيه.. و انا ما ابي الطلاق انت وعدتني.. ابو سعود : طيب اهدي ما ابيك تبكين.. اخوانك يبون مصلحتك.. ام سعود : يا يمه و الله خايفين عليك العمر يروح فيك وما تلحقين عليه.. لا تهدمين حياتك.. بكره تشوفين البنات اللي أصغر منك عيالهم على كتوفهم و انتِ تنتظرين سراب يقبل عليك ما تدرين هو حقيقة و الا خيال.. ام عبدالرحمن بقوة زرعت داخلها انسانة كبيرة تربت على عادات سرى عليها الزمن لكن هي ما زالت متمسكة بها : ابك و انا ام عبدالرحمن .. تبين تمشين رايك على ابوك و اخوانك.. ميار : يمه هاذي حياتي .. انا مو بزر تسيرونها على ما تبون .. انا ما ابي الا تركي.. ام عبدالرحمن : و هالغبر وينه..؟! تدرين هو فوق الا الأرض و الا تحتها.. انتِ ما براسك عقل..؟! فيه وحده عاقلة تهدم عمرها الجاي مع رجالن اغلب الظن انه ميت.. ميار تبكي : يمه لا تقولين ميت .. تركي مو ميت .. عايش .. ياسر : لا تقولين حاسة فيه..؟! يالله ويش هالحب..؟! ميار : انت يا معقد مالك دخل فيني .. اذا انت حجر ما تحس لا تكلم الناس اللي عندها احساس لانك عمرك ما راح تفهمهم.. نهى وقفت جنب ميار : مع احترامي لك انتِ غبية.. تعلمي شيء واحد.. ان بغيتي شيء من بابا كلميه لحالة.. اخواني بيجلسون يتكلمون و بابا بيسمع رايهم .. خليها بينك و بينه انتِ كذا بتتنرفزين من كذا شخص... بس زي موضوعك بما ان بابا كان موافق يصبر عليك و يطاوعك ممكن يغير رايه الحين.. و بتتنرفزين من الجميع.. ام عبدالرحمن تشهر عصاتها قدام نهى : انتِ يالوسواس الخناس مو كنتِ تبكبكين عشان اخيتك ماهي عندك يالله خذيها و اذلفي غرفتك.. نهى : حتى ميار اخيتي .. اخواني يحشرون انفسهم بكل شيء .. و كل واحد لازم يبدي رايه وحتى لو ما احد نشدة.. ميار يوم تكلمت قالت بابا .. ما قالت سعود وخالد و ياسر مالهم دخل.. ام عبدالرحمن : افااا و انا بنت ابوي بنته.. تبين الرجاجيل يسكتون و الحريم يحكن.. انا اشهد انك ما تربيتي.. و هالعصاة بكسرها على ظهرك أأدبك قبل لا يجي ولدنا و يأخذك.. نهى : الله و هالولد .. مو هو بعد راح عمري انتظره .. انا ابي الفكة مثل ما تبون تفكون ميار من تركي فكوني من فيصل.. ام عبدالرحمن : تفاولين على ولد عمك بالشينة يا قليلة الحيا.. لو انك سنعة ما خليتية يروح لديار الكفار لحالة.. و رحتي معاه.. نهى تجلس على طرف الكنبة المرتفع و تتكلم ببرود : معاه ماجد ولد عمي.. و بعدين انا كنت صغيرة و هو بيغربني عن اهلي.. امبيه لو رحت كان طافتني كل هالاكشينات و خطبة سعود..لا ما أقدر.. وعد بصدمة : خطبـــة مين..؟! جود بحماس : خطبة سعودي.. وعد تناظر سعود : يا نذل خطبت و انا مخطوفة هاذي الاخوه يا اللي مسوي فيها سنع.. ام عبدالرحمن قرصت وعد من فخذها وهي صرخت : آآآآآآآآآ.. يمه ويش هذا ..؟! بكره يشوفها عماد ويش يقول عني..؟! جلد مشجر..؟! ام عبدالرحمن : و الله انك قليلة حيا.. ما خطب للحين.. وعد وهي تفرك مكان القرصة : طيب يمه قولي لي كذا من غير قرصات و تعليمات علي.. ام عبدالرحمن انتبهت : رجلك بيأخذك..؟! وعد : ايه ليش تبيني اجلس عندك بقوله امي تبيني.. ام عبدالرحمن : ويش ابي فيك انثبري عند رجلك و بيضي وجيهنا لا يطلع منك المنقود .. و الله انه رجالنا جودي.. وعد بلا مبالاة تشهر يدها : ايه يصير خير ان شاء الله.. دانه : صدق بتروحين معاه الحين..!؟ وعد : لااا .. اختلفنا بالموعد يعني هو يقول يومين و انا اقول شهر.. ام عبدالرحمن تكلم ولدها : لا بالله انك ما ربيتهن بنات مريم .. وعد صدت بوجهها .. اما نهى : يمه ترا مريم ما يخصها شيء .. اللي ربتنا خالتي نوال.. يعني كنك تسبينها هي.. ام عبدالرحمن : استغفر الله العظيم.. و الله ان ما قمتن عني انتن الثلاثة لا اكسر هالعصاة على رووسكن.. وعد قربت من ابوها و حطت يدها على كتفها و تكلم جدتها : شوفي يمه.. ترى نهى صادقة.. و احنا ويش اخذنا من مرايم.. ولاشيء .. اللهم ان نهى يقولون ماخذة منها شوية شبة الله العالم.. ام عبدالرحمن : اخذات من هالرداة.. تطلقت من ابوكم و هالحين بتطلق من رجلها .. و انتِ تاركة رجلك و قاعدة ببيت ابوك.. و اخيتك هالخبلة تقول ما تبي ولد عمها وهي اللي عايفة الروحة معاه.. طالعات عليها.. نهى : اوووف والله ما لاحظت اثرينا طلعنا عليها بشيء.. وعد : ومين قالكم ان مرايم بتطلق من رجلها..؟! نهى : انا .. وعد : ويش دراك..؟! نهى : شفتها.. وعد بلا مبالاة : اهاا.. وليد : رجعت حليمة لعادتها القديمة .. خواتي مسيطرات على الجلسة و احنا نتفرج على معاناتهن.. جود : احسن بعد ما عندنا مشاهدين غيركم.. ما غير منثبرات بالبيت.. و انتم متسرحين بهالعالم و لا احد ينشدكم وين رايحين.. ام سعود : ميار ويش فيك يمه اجلسي.. ميار : بروح انام.. و طلعت من غير لا تنطق حرف.. نهى انهت الموضوع بطريقتها .. فعلاً هي لازم تكلم ابوها لحاله من غير ما يكون احد بينهم.. ام عبدالرحمن : اقضبي بنتك و ركديها يا ام سعود.. ام سعود : حاكيتها يا عمة اكثر من مره قلت لها تطلقي و نجيب لك عريس ازين منه بس هي راكبة راسها .. و ابوها الله يهداه مطاوعها على خبالها.. احمد : يا عمة ماهو كذا التفاهم.. صدق اللي تسويه غلط بس انتم بعد تبون تعالجون الغلط بغلط.. خلونا نصبر لين تخرج على الأقل و حزتها الله بييسرها من عنده.. ام عبدالرحمن : احنا ما نبي الناس تدري انها مطلقة.. بنطلقها سكيتي من غير لا احد يدري.. الحين البنات اللي ما تزوجن من قبل ما لقوا لهن عرسان .. المطلقات بيلقن.. منيره : عمتي معاها حق.. دامه ما صار بينهم شيء فا حتى عدة ما لها.. فالطلاق الحين احسن.. كل ما طالت المدة ممكن تعلق فيه اكثر.. نهى وقفت آشرت ع وعد : بس بس تعالي.. وقفت وعد .. جود : يصير اجي و الا جلسة خاصة للأشقاء.. نهى : هذا انتِ قلتيها .. يعني لا تلقفين.. سها : الله اكبر تنكرتوا لنا.. هذا و احنا بكينا على بعادك يا وعيد.. وعد : خلاص حزنتوني تعالوا.. طلعن اربعتهن.. مع بعض.. ام سعود : دام وعيد رجعت .. ليش ما نمشي بخطبة سعود.. سعود : يمه ويش فيك خلينا نروق و بعدين انا مشغول بقضية الحين اجليها فترة.. ام عبدالرحمن : تعقب ما تأجل.. ان شاء الله اننا نتصل عليهم اليوم و نسير عليهم بكره نشوف البنية و إن اعجبتنا خطبناها لك.. سعود : يمه ويش ان اعجبتكم.. تبوني اروح و اتخير عند الفريق غازي لا والله ما سويتها.. ام عبدالرحمن : و احد قالك تخير احنا نتخير لك.. ما نبي لك الزين.. وليد ماسك ضحكتة : اللهم لا شماتة.. بتفشل على مستوى مع رئيسك.. سعود انقهر من كلام وليد : يبه قول شي.. ابو سعود : انت ويش عليك .. خواتك و امك مو مدحوا البنية .. بتعجب امي ان شاء الله و بيخطبونها و قضينا.. سعود : يبه الا اني اتفشل مع الفريق غازي.. راضي بالبنية لو انها شينة اهم شيء اخلاقها زينة.. ام عبدالرحمن توقف و تتوكأ على عصاتها : احنا نبي لك الاثنين زين الشكل و زين الأخلاق.. انا بروح اتمدد لي شوي اتعبتوني من البارح انتظركم.. وقف ابو سعود يسند امه : الله يهديك يمه وشوله تسهرين.. ام عبدالرحمن : خفت عليكم يمه غرتوا كلكم مع بعضكم.. الا ابيك وينه ما رد معاكم..؟! ابو سعود : وصله خالد لبيت عبدالرحمن لا تشيلين همة.. ام عبدالرحمن : اجل وشوله انا اقعد هنا.. ابو سعود يسير ببطىء مع امه : افااا يمه بيتك و مكانك.. كلهم ان شاء الله بيجون بالليل انا بسوي عشاء عشان سلامة وعد.. ام عبدالرحمن : الحمدلله .. عساك مرتاح يا ابوي.. ابو سعود : الحمدلله يمه دام عيالي ما بهم شر و حوالي مرتاح يالله لك الحمد.. ام عبدالرحمن : الله يديمها عليك .. بس يا ولدي عقل بناتك بيفضحنا بين العرب.. ابو سعود يفتح باب غرفة امه : مين تقصدين..؟! ام عبدالرحمن : نهى و ميار.. ووعيد ويش قعدها هنا خلها تروح لبيت رجلها لا يلحقنا المنقود.. ابو سعود : ان شاء الله يمه .. و وعد كلها يومين و بيأخذها عماد خليها تقعد عندي هاليومين.. ام عبدالرحمن تجلس على سريرها : عاد انت براسك حب ما انطحن للحين ويش يقنعك.. ابو سعود يبوس راسها و يدها : ان شاء الله يمه ماهو صاير الا الخير.. في غرفة وعد.. وعد تنشف شعرها .. نهى منسدحة على السرير و جنبها سها و جود قاعدة قبالها : اخيراً ما بغيتي تطلعين و تخلصين هالشور.. وعد واقفة قدام المراية : احس من زمان ما تنظفت .. هاه خبروني ويش صار ..؟ ويش قصة خطبة سعود..؟! جود : بيخطب بنت خالك.. وعد باستغراب وهي تفرك شعرها بالمنشفة : خالي..؟! مين.؟! نهى : غازي.. وعد : أي احد من طرف مرايم ما اعرفه لذلك نادونهم عادي لا احد يقولي خالك امك بنت خالك و القلعة هاذي.. سها : المهم تخيلي لما سعود قرر و قال بيخطبها سبحان الله جاتنا ذاك اليوم الصبح ابوهم جابهم عندهم شغل و سعود قال وديهم عند خواتي.. بالله بناتة خطيــــرات.. وعد ابتسمت : يا عزتي لها مخططين عليها و هي مثل الأطرش بالزفة.. جود : فاتتك اشكالنا اصلا لما قالت اسمها شوق احنا نناظر بعض و نبتسم جاتنا شوفتها على طبق من ذهب .. ولا ميار راحت تصحي خالتي حنان تقولها تعالي شوفي مرت سعود.. وعد : ههههههههههه اما مرت سعود مره وحدة.. نهى : ايه خليناها زوجتة و قضينا بس اللي مرينا فيه الفترة الأخيرة هو اجل خطبة سعود.. وعد : على طاري اللي مرينا فيه .. كأني سمعتكم تقولون لبابا بعد ما تعبت و جاتك جلطة..؟! جود لفت على البنات و اعطت وعد ظهرها وهن يناظرن بعض.. وعد تقدمت وجلست بينهم : ايش فيكن سكتن..؟! بابا صدق تعب..؟! : ايه صدق.. التفت لندى الواقفة على الباب .. اما ندى كملت : و للأسف عشانك.. و انتِ ما تستاهلين.. وعد عقدت حواجبها : عشاني..؟!!! ندى كتفت يديها : ايه عشانك.. لما خطفوك العصابة وقت ما كنتِ تعبانة و ابوي درى بعدها جاتة ىالجلطة.. وعد ناظرت الأرض : يالله.. و انا.. كنت احسبة متخلي عني..؟! ندى : طول عمرك ما تقدرين أي شخص يضحي عشانك ماهي غريبة عليك.. نهى : ندى ويش له داعي هالكلام...!؟ ندى : الموضوع بيني وبينها لا تدخلين.. نهى : على كيفك هو .. وعد تعبانة ولا هي فايقة لهبالك.. وعد : لحظة نهى ..(التفت لندى بعد ما كانت تناظر بنهى) ويش القصة يا هانم..؟! ندى : علميني ليه انا أسأل عليك.. و أنا عارف رجعتي صعبة معاك.. بعد فرقانا بقى قلبي يبيك.. عيا نبضة يستقل لحظة بلاك.. كل ما أبعد أحن اكثر إليك.. امشي قدامك و أحس اني وراك.. (خنقتها العبرة وهي تردد الأبيات اللي حافظتها من كثر ما تأملت حروفها المخطوطة على الورق .. كملت وهي على شفا حفرة من البكاء.. اما وعد كانت في حالة ذهول وهي تسمع الأبيات و عارفة انها مذيلة باسمة اسم اللي حبها و خطب اختها اسم اللي طعنها و طعن اختها بنفس السكين.. سكين الحب و الزواج.. اما خواتهم مستغربين من الوضع ندى ترجف و هي تحكي الأبيات و الدموع متعلقة بعيونها و وعد تناظر الأرض مصدومة).. ندى تقول الأبيات وهي تطعن روحها و متأكدة انها تطعن اختها .. ألمتها الأبيات المطرزة باسم اختها تبي وعد تعرف قد ايش عانت ورقة اهداها لها الانسان المفروض يخلص لها و يهديها هي مو لأختها : إعذريني كان ما أقدر اجيك.. يبقى طيفي لو تخيلتي معاك.. لو سألتي الورد وهو ما بين ايديك.. اقطعك بيقول لك : عمري فداك.. لو رجع عمري ابرجع و ابتديك .. انتِ اجمل شيء عشتة يا (وعد).. كلمات : سمو الأمير فهد بن خالد بن مشاري آل سعود ندى تكمل من بعد الابيات و صوتها يرجف : هاذي القصة يا خيه.. هاذي القصة يا بنت ابوي.. ليش سويتي فيني كذا.. يوم قلبك معلق فيه ليش تخليني اوافق عليه.. والله ما ازعل بس انك تربطيني بشخص معلق قلبة فيك و قلبك معلق فيه.. وعد اتجهت لباب غرفتها بسرعة وسكرتة : ندى .. والله هذا زمان.. و الله انا ما ابي عساف.. و انا ما ربطتك يا خيه فيه هو خطبك و انتِ وافقتِ انا مالي ذنب .. لا تحسبينها هينة علي.. و الله زادتني هم فوق همي.. ندى : ما احسبها هينة عليك..؟! ليش يا وعد بس كان لمحتي لي .. قلتِ لي تراه قلبه ماهو معاه.. ما تخليني اوافق عليه و انتِ تدرين اني بتعذب معاه.. وعد : عساف حتى لو قلبة معاه بتعذبين معاه.. تذكرين اني قلت لكب تأخذين سجان.. هو رجال تربى تحت يد جدي.. و تربية جدي شايفة كيف على عماني و ابوي اهونهم عمي بندر هذا لانه عاش سنين برا.. شوفي اخواني كيف من اللي رباه ابوي فيهم.. ربى نفس ما رباه ابوه عليه.. عساف مو بس قلبة معلق .. ندى : انتِ تدرين اني مو مثلك.. انتِ تبين احد يكون لك خاتكم باصباعك.. انا مو مثلك ابي رجال قول وفعل.. وعد : ليش تحسبيني ابي واحد رخمة .. لا انعدوا الرجال انعد معاهم..!؟ انا بعد ابي رجال قول وفعل مثلك بس متفاهم يقبل النقاش يقدر المرأة عملها حياتها خصوصيتها .. مو مثل عساف مكان المره بيتها.. انتِ الحين معاك ماجستير و لو تزوجتي عساف من زمان ما خلاك تكملينها.. ندى : ليش تركتيه..؟! وعد : انا ما اخذ واحد يخليني اسيرة عنده.. و يحرمني شيء من حقي.. دراستي و وظيفتي من حقي.. و عساف ما كان يبيني اكمل حتى دراسة البكالوريس.. يحسب نفسة احنا للحين بييوت الطين و شهادة الابتدائي تسوي شيء.. الزمن تغير و عساف تفكيرة ما تغير.. ندى : يعني ايش..؟! انا ضعت.. يا خيه ماني عارفة ويش اسوي.. مقهورة ان قلبة معلق فيك.. ماني متخيلة اخذة منك.. وعد : بس انا اخذت نصيبي .. انا تزوجت .. حتى لو ما انوخذ راي تزوجت عماد.. و بابا شرط عليه يوديني بعثة ادرس برا.. ولو اني اخذت عساف ما كان قال له بابا يوديني بعثة و يحطها من شروط العقد.. جود : بس عشان كذا راضية فيه .. ناسية شلون تزوجتية..؟! وعد : ماني ناسية .. وانا رضيت دام عماد نصيبي انا راضية فيه.. و ان ربي يسر لي حياة معاه على الاحترام و التفاهم بكمل و ان ما احترمني بابا ماهو رادني عليه ان جيته مطلقة.. سها : وعادي تتزوجين واحد ما تحبينة..؟! وعد : يمكن احبه ما يندرى.. الايام هي اللي بتحكم..<< كانت تحكي عشان تقنع ندى.. السبب اللي خلاها تضغط على نفسها و ترضى بعماد هي خطبة ندى من عساف.. ندى : بس مو عادي تأخذين رجال قلبة معلق بمرة غيرك.. جلست وعد ابتسمت باستهزاء : الا عادي.. يمكن يتغير خصوصاً ان المره اللي قلبه معلق فيها ما حصلت له.. يعني صار قلبة بنص الطريق هو يحسبة انه عند المره .. بس هو مو عندها يعني تقدرين تأخذينة من نص الطريق و تجبرينه على طريق قلبك.. ندى : تقولين هالكلام عشانك مو حاسة باللي احس فيه.. ابوي واخواني ما يبون يفركشون الخطبة.. حتى عساف الزفت هددني.. وعد : مو حاسة.. و ان قلت اعيش اللي تعيشينة يا ندى.. حتى عماد قلبة معلق بمره.. تركتة و تزوجت غيره .. بعد كل شيء سواه فيني.. يوم جاني ندمان تكلم لي عنها.. يقول لي احبها يا وعد.. قلبي قتلته يوم زواجها.. روحي غادرتني وقت زفتها.. الالم احسة و انا ميت يوم جابت ولدها.. ولدها اللي لا شفتة اقول ابوك ماله حق فيك انا المفروض اكون ابوك.. و انطعنت الف طعنة يوم ما كفاها ولد منه و لحقتة بالثاني.. جابت منه اثنين المفروض ينقال اسمي انا بعد اسمهم.. كلهم يناظرون فيها مصدومين من اللي تقولة و اولهم ندى.. كانت جالسة ترجف : انا بعد مو متخيلة اعيش مع رجال بقلبة مره.. بس هو حاط الموضوع تحدي بيننا .. وانا ما راح اتركة من غير ما اصفي حسابي معاه.. بدفعة ثمن كل كلمة نطقها فيني.. نهى : بتهدمين حياتك على حساب كم كلمة.. وعد : انا تزوجتة بالرضا بالغصيبة تزوجت و قضينا ليش نحكي بالماضي و احنا ما نقدر نغير فيه شيء..و الحين بجرب حظي يمكن اسلك معاه.. غير كذا في شيء احتفظ فيه لنفسي.. ندى : اذا انتِ عادي عندك تهدمين حياتك انا مو عادي عندي.. وعد : قولي لي ويش بيدي اسويه..؟! جاية شايلة شلايلك علي و انا مالي ذنب عساف هو اللي خطبك و انتِ وافقتي و انا ما حاكيتك بكلمة وحدة.. و انتِ تعرفين نظرتي بعساف من زمان من جدي حيرني له.. ندى : تكلمينة.. قولي له ما ابيه.. علمية اني اكرهه.. وعد : لو جيتيني قبل لا اتزوج .. يمكن تهورت و سويتها رغم انه حرام .. بس انا مستحيل اسوي هالشيء و انا على ذمة رجال و صرت محسوبة عليه.. كلمي أحمد او خالد او كلمي بابا لحالة من غير اخواني لا يتدخلون.. ندى : كلمتة ومو راضي يقول لي هاذي وساوس شيطان يلعب براسك.. وعد : ما بيدي شيء يا ندى هو خطبك و انتِ وافقتي عليه.. انا مالي ذنب تحطيني بالنص بينكم.. ندى : يعني شلون.. عساف مهددني يقول بيملك علي بأسرع وقت..؟! ويش اسوي انا ما أبيه.. وعد : خليك على رايك و اوقفي بوجه الكل حتى لو كان بابا .. خليك عند موقفك ولا تغيرين رايك.. لانهم بيعصبون و يتكلمون و يصارخون خصوصا ان جدتي هنا يعني الموضوع بيكبر ما يصغر.. ندى تربعت على الأرض : بنخنق لو اخذتة بموووت بقهري.. صار عمري 28 سنة و اخر شيء اخذ واحد قلبة معلق بأختي.. شلون بارضى اقعد معاه ببيت لحالنا..؟! شلون بعيش معاه.. شلون بجيب عيال..؟! تخيلي لو يقول بعدين مثل ما قالك عماد.. يتمنى هالعيال منك مو مني..؟! ويش بسوي حزتها..؟! انا ما اقدر اسوي سواتك و اخرب حياتي و ارضى واقول يمكن اسلك معاه.. و انا ادري ان قلبه مع غيري.. انا مو مثلك اقدر اتأقلم بهالشكل.. وعد : فيه فرق بيني وبينك.. لان انا خلاص طاح الفاس بالراس لازم اجرب حظي معاه.. و يمكن اسلك معاه.. ما يهمني لو ما يحبني اهم شيء يحترمني و يقدرني.. لكن انتِ حتى ملكة ما ملكتوا يعني لساتكم على البر.. نهى : وعد صادقة فرق بينكم .. بس اللي معقد موضوعك بزيادة انه عساف ولد عمي.. و ولد العم ما ينرد على قولة ابوي و اخواني.. كلهم التفتوا على الباب اللي الطرقات على صوتها بينهم.. .. لا إله الا أنت سبحانك إني كنت من الظالمين.. لا أحلل نقل الرواية دون ذكر إسمي.. الهاشتاق الخاص بالرواية ع التويتر #رواية_لو_سألتي_الورد .. ضحكة قهر.. |
رد: لو سألتي الورد وهو ما بين إيدك أقطعك بيقول لك عمري فداك الكاتبة / ضحكة قهر
بسم الله الرحمن الرحيم.. السلام عليكم ورحمة الله وبركاتة.. بداية وايد سووري ع التأخير.. بس هالسبوع نزلت السوق اكثر من مره و السوق و رمضان و الحوسة شيء حوسة بزيادة و سبب في تأخيري للبارت .. ثانياً كتابة البارت صارت متعبة اكثر من قبل و انا قلت لكم هالشيء انا ما ابي اكتب شيء أي كلام و الا كنت انهيته بيوم و قضيت منه و نزلتة و خلصنا الرواية بشهر .. انا ابي اكتب شيء جديد يمتعني و انا اكتب و اعيد اقراه و انبسط فيه و هالشيء هو اللي يخليني اتأكد ان البارت بيعجبكم و بينال على استحسانكم.. عشان كذا اصبروا علي شويتين بالبارتات الله يرضى عليكم و الله زنقة زنقة بارت بارت << بـــرا.. ثانياً بصراحة انا كنت متوقعة تراجع عدد القراء برمضان كنت متوقعة الناس اللي تقرأ مو كثير حتى انسألت من قبل بتقفلين الرواية برمضان قلت لا .. و الحمدلله ما قفلتها و لا وقفت كتابة القراء بازدياد خلال اسبوع و انا نزلت البارت الثلاثاء اللي طاف و اليوم الأربعاء زادوا اكثر من 20000 الف قارئ .. هالشيء ابسطني كثير و اتمنى اكون عند حسن ظنكم و ما تندمون بلحظة انكم قريتوا الرواية و تقولون ضيعنا وقتنا عليها.. ثالثاً بارت اليوم لطيف هذا اللي احسه .. خفيف مو اكشيني مره لانه يحمل لقاء عيلة ابو عبدالرحمن كاملة.. بندخل على مشاكل جديدة البارت الجاي و كل مره شيء جديد مع مشكلة حبايبكم عماد و وعد.. أخيراً مثل ما اتفقنا البارت الجاي باذن الله ليلة العيد.. و البارت هذا اطول من اللي قبل عشان ما احد يقول مو طويل.. و العشر مباركة عليكم و الله يبلغنا ليلة القدر اجمعين يـــــارب.. لا تنسوني من دعواتكم.. قراءة ممتعة للجميع.. البارت التاسع و العشرون ما قتل ذاك الغرام الا جفاه و لا كسر ظهر الحزين الا القهر.. أبشع الأشياء في هذي الحياة ضيقة الخافق و طعنات الغدر.. لـ ناصر التميمي دانه باستغراب من خواتها : ويش فيكم كنكم خايفين..؟! وعد : لا من ويش نخاف عادي.. دانه : ليش كنتم قافلين الباب..؟ وعد ابتسمت : ويش صار بالدنيا دندنه تحقق.. شكلكم تغيرتوا علي ما انتم على خبري.. دانه ابتسمت : ليش ويش قلت بس استغربت انكن مجتمعات و قافلات الباب.. حتى قبل ما تروحين ما كنا نسويها و الغريب انكن موجودات كلكن.. نهى : من جد غريبة احنا كلنا مجتمعين و قافلين الباب.. دانه : يعني افهم ما فيه شيء مخبياتة..؟! ندى بقلة حيلة : و الحين ويش الحل علموني ويش اسوي..؟! سها : كلمي امي..!؟ ندى : كنها فايقة لي .. و بعدين كلمتها من قبل و قالت لي معلقات بعساف.. وعد : خلوني اقولكم شيء احنا عندنا في المجتمع.. الرجال ما يشوفون عيوب بعضهم.. و فيه فئة من الحريم ما يشوفون عيوب الرجال ابد.. لكن سبحان الله الرجال و الحريم كلهم يشوفون عيوب الحريم.. نهى : مو شيء جديد .. افففف شيء ينرفز.. ما ادري متى يتطور تفكيرهم..!؟ ندى وقفت : بتنامون.!.؟! جود : ويش رايكم نسوي قهوة و نبسط دام وعيد بتروح مع رجلها ما ادري متى..؟! وعد : ما عندي مانع نبسط نبسط ليش لا.. بس تكفون حطوا لنا فطور بطق من الجوع.. دانه : يخسي الجوع يا حياتي انا اسوي لك تبين شيء معين.. وعد تحضن دانه : يا ناس هالبراءة.. ممكن تعطيني شوي.. دانه ابتسمت : عندك ما يحتاج اعطيك.. و الا اعطيني من دلعك اعطيك من براءتي.. وعد : يا عيني بدينا نتعلم .. و الله اني كنت اقول أنتِ ما تعيشين بالدنيا .. نهى : للحين ما تعيش لا تغرك بهالكلمتين.. وعد : يبي لها دروس.. ندى : ابعدن عنها بس لا ابوي يجيب اجلكن.. سها : لا تحاولين صارت اغلى وحدة عنده وعد.. ما احد يضاهيها.. وعد : الله لا يحرمنا منه.. بروح اشوفة قبل لا تحطون الفطور.. كلهم طلعوا معاهم .. وعد : خير قلت بروح اشوفه مو يالله نروح نشوفة.. ندى : انا بروح اخذ شور لا حطيتوا القهوة نادوني.. دانه : و انا بسوي فطور.. نزلن كلهن تحت مع بعض عدا ندى .. ياسر : اللهم اجعل خير من زمان ما شفنا هالتجمعات .. مبين من وراها ساس البلا.. وعد : كلامك مردود عليك.. ابو سعود : لا تغلط على بنتي.. ياسر : يبه ترى صاير مره تدافع عن خواتي حتى لو على غلط.. مشعل : حتى انا ملاحظ..؟! وعد : اللهم لا حسد.. الا وين سعودي و وأحمد وليد عنكم..؟! ابو سعود : وليد راح الجامعة .. و أحمد بدوامة.. وسعود نايم يكفيه من البارح صاحي.. رند بصوت نايم : دااااادي.. خالد قدم شوي وفتح له يدينه : تعالي يا بابا.. رند تمشي بكسل وصلت لأبوها ورفعها و جلسها على رجولة : نازلة ببجامتك ليش ما غيرتي..؟! رند : ما احد عندي بالعلفة.. ياسر يصد بوجهة : يارب ما ابي اضحك اللهم لا شماتة.. وعد فاتحة فمها تناظرهم مصدومة من البنية : مين هاذي..؟! جود بحماس : اوووه ما دريتي.. نطت و جلست على الارض عن وعد و ابوها : خالد طلع متزوج و جات زوجتة هنا و سوت اكشن فضيع.. وعد نزلت تحت وتربعت جنب جود : احلفي.. حكيني ويش صار بسرعة.. ياسر طفش من خواتة : يبة طلبتك غير ترفسهن برجولك.. وعد : انت مالك دخل اعوذ بالله حاقد.. يارب يا كريم بلغني بياسر هابدن على وجهة من غلا مره.. ياسر يرميها بالخدادية .. وعد اعطته ظهرها وجات عليه .. رد عليها ياسر بحدة : قليلة ادب تحسبني مخفة.. اللي بتكون غالية هي زوجتي.. وعد تحضن الخدادية : اهم شيء تهبد على وجهك و قضينا و وقتها كلنا نطقطق عليك.. رفع ياسر الخدادية الثانية بيرميها عليها .. بس وقفة ابوه : ياسر.. ما تشوفها نفخة هواء تطيرها تقوم ترميها بالمخاد..؟! ياسر : يبه بس تدعي علي.. لو الحين بمرة ملك وقال وجب.. ويش اسوي انا.. تخيلوا عاد انا احب استغفر الله العظيم حتى ما ادري شلون نطقتها.. ابو سعود : تمزح معاك.. بس عاد لا تهبدها كذا زين انها تمشي للحين على رجولها.. .. بيت ام مشاري.. النقاش الحاد هو سيد الموقف و اللي مسيطر راكان و أسيل.. راكان : يعني عادي عندكم بعد كل شيء سواه يقول بصلح خطاي..؟! و نقوم احنا ونستقبلة بالأحضان..؟! اسيل : ما نبيه يمه .. ما نبي نروح عندهم.. لو هو اصلاً يبينا ما تركنا من سنين.. ليش الحين نروح لهم..؟! مشاري بهدوء : خلصتوا و الا باقي شيء بالخاطر ما انقال..؟! راكان : على اساس لقينا تجاوب منك و الا من امي..؟! مشاري : اذا على سالفة الروحة عندهم حتى انا ماني راضي.. و بنروح نشوف ويش عندهم ويمكن يرضينا .. و ان ما ارضانا ردينا.. أثير بحزن لفقد اب كانت تتمنى ان تجلس بجانبة.. تطلب منه الكثير ليأتي به اليها : تكفون انا خاطري اشوف ابوي.. لا تحرموني هالشيء.. اسيل بعصبية : خلاص روحي انتِ ومشاري تكفون و توفون.. ام مشاري : تبون تخلون ابوكم يقول اني ما ربيتكم عدل..؟! راكان : على اساس كلامة بيهمني.. انا بكبري ما هميتة عاد الحين بيهمني كلامة.. ام مشاري : ابوك يا راكان ولو ما سوى بهالدنيا غير انها جابك لا شفتة تقوم تبوس راسة و تبر فيه.. راكان : انا ماني مثالي يمه .. انا انسان .. كان المفروض اشكي لابوي همي.. طلعت اشكي ابوي اللي سبب همومي.. انا ما انسى الوقت اللي كنا نمر فيه بازمة كل وحدة اكبر من اللي قبلها .. الوقت اللي مشاري اشتغل فيه على سيارتة يلف يدور طلبات وقت دراستة بس عشان يستر بيتنا و لا نعتاز احد.. ضغط على نفسة عشان يتخرج باسرع وقت من قسم القانون و لا قدر يفتح له مكتب خاص فيه للحين ليش عشان ما عنده فلوس.. مشتغل بشركة راتبها 2500 ريال معيشها خمس انفار يا دوبها اكل و لبس.. أي واحد فينا لو نفسة بحاجة يستحي يقولها عشان اساسا يدري ان ما عندنا فلوس بالوقت اللي احنا نعاني فيه من كل شيء ابوي متمع بفلوس ما يندرى تنعد و الا لا و اخواني كل واحد فيهم صيتة واصل اخر الدنيا.. عيالهم مشتغلين باحسن الوظايف.. لبسهم تحلفين انهم اول مره يلبسونة و يمكن ما قد كرروا لبس بحياتهم.. ماهو حسد لهم اللهم يهنيهم برزقهم و يزيدهم.. بس القهر من ابوي .. ابوي اللي حرمنا من كل شيء و الحين جاي يقول بصلح خطاي.. يقول عاداتة خلته يخفي زواجكم.. طيب ليش ما طلقك..؟!؟ ليش يجيب عيال دامه مو قادر يعلنهم للخلق تراهم عيال و يتفاخر فيهم مثل ما يتفاخر بعيالة الثانين.. تقولين لي لو ما سوى بهالدنيا الا انها جابك لا شفتة تبوس راسة و تبر فيه.. ليش هو بر فيني قبل لا ابر فيه..؟! مشاري بحدة : راكان خلاااااص.. راكان : ليش كلامي اثر فيك..؟! للحين تبي تروح لهم..؟! و تدخل بيوتهم.. ام مشاري : بنروح يمه كلنا بنروح.. راكان وقف : ما عندي استعداد اني اروح معاكم.. روحوا بكيفكم انا لو تنطبق السماء على الأرض ما طقيت لهم باب.. و خرج من الصالة و من المنزل بأكلمة.. تنهدت ام مشاري بضيق : ويش السواة يا مشاري..!؟ مشاري : ما ينجبر يمه .. ما بيدينا شيء.. ان فيه احد ممكن يجبره هم اخواني.. اما انا ما اقدر و انا ادري قد ايش هو مجروح من ابوي.. ما اقدر عليه.. انا بعد متألم بس اقدر اضبط نفسي لكن ما اقدر اضبط الكل.. و ادعي ان اللي سواه ابوي فينا مو غلط.. أسيل : خلاص اجل.. دام حتى انت مو راضي ليش نروح لهم..؟! ام مشاري : ابي الناس كلها تدري انكم عيالة.. بس هذا اللي يهمني.. و بعدها نرجع لبيتنا و نعيش مثل قبل.. أسيل : تهقين كذا يمه..؟! نعيش مثل قبل..؟! بعد ما شفناه..؟! و شفنا اخواني و العالم درت عننا..؟! ام مشاري : ايه .. نعيش مثل قبل.. انتم لا احد نشدكم ويش يقرب لكم ابراهيم و الا عبدالرحمن قلتوا ما نعرفهم بس تشابة اسماء.. أثير : ابوي هو السبب.. ابوي ابعدنا عنه.. اصلاً ما احد يصدق انهم اخوانا.. أسيل : و بعد كل هذا تبونا نروح لهم برجولنا و نقول عادي ما صار شيء.. و العمر اللي قضيناه هنا.. و كل مشكلة مرينا فيها.. و الاشياء اللي نشوفها عند الخلق و احنا ما نقدر نجيبها نشوف و نتحسر.. ام مشاري : من غير هذرة زايدة بنروح كلنا لهم.. و نشوف ابوكم ويش بيسوي..؟! .. في قاعة التمرين غازي على السير يجري و وليد يرفع اثقال في المستويات الأولى : تقوله صادق..؟! وليد مبتسم بالرغم من الجهد الذي يبذلة في التدريب : تهقى اني ممكن أكذب بموضوع زي كذا..؟! الفريق غازي ابتسم : لا .. بس عاد صدق وين لقيتوها..؟! وليد : واحد بلغ امس وراحوا عماد و سعود و جابوها.. الفريق غازي : زين الحمدلله اهم شيء انها رجعتز. وليد : مو بس كذا.. الفريق غازي : ويش بعد..؟! وليد : الفريق جابر اسقط الحجز عنها.. الفريق غازي منصدم : من جدك..؟! وليد : ايه من جدي اخذوا تعهد على عماد و سعود و ابوي و وعد و اسقطوا عنها الحجز.. الفريق غازي : الله يستر من عواقب هالأمور.. وليد : ليش ما تبي اختي تأخذ راحتها.. الفريق غازي : اعتقد تدري اختك ويش تدري عنه.. ابي اشوفها.. وليد : حياك بأي وقت.. الفريق غازي ينزل من على السير و يجلس جنب وليد : غريبة انت تحييني..؟! توقعتك ما تعود علي.. وليد : تراني ادل دروب السنع .. لو اني قايل لك الله لا يحييك و درى ابو سعود عز الله دفني بالحياة.. الفريق غازي : يعني مو عشان كرمك انت.. عشان ابوك..؟! وليد : و انت تنطر من واحد كبر ولدك كرم..؟! المفروض انت تكرم علي.. عشان اخليك قدوة لي.. الفريق غازي : خلك من الهرج الفاضي.. متى بتترك السم اللي تشربة..؟! وليد ينزل الثقل على الأرض : حسستني اني اشرب خمر .. كلها سيجارتين لا صكت فيني الدنيا.. الفريق غازي : لا صكت فيك الدنيا الجأ لخالق هالدنيا ربك.. مو تعمر لك سيجارتين على قولتك كنك بترتاح عليها.. وليد : ان شاء الله دروس الثانوي هاذي حفظها و النصايح و الارشاد حافظها كارف خمس سنين ما يحتاج تعيد علي.. الفريق غازي : وليد تراني ساكت عنك.. لو يهمك ابوك ما تزعلة بشيء انت عارف انه ما يرضيه.. وليد يوقف : رجاءاً انا من امس مو نايم جاي التدريب عشان اقضي اللي علي و اروح انام.. الفريق غازي : اليوم تبدأ دوراتك التدريبية بالمركز.. وليد ينشف وجهه : الساعة كم..؟! الفريق غازي : الساعة خمس العصر.. وليد : زين باقي ساعتين عليها يمديني اروح انام لي.. الفريق غازي ينزل جزمتة الرياضية : ما تحس اني حافظ جدولك عنك و كني مدير اعمالك.. و المفروض يصير العكس.. وليد يجلس جنبة : ههههههههه في هاذي صدقت .. بس عاد انا مشغول عندي جامعة وقرف ما يمديني احفظ شيء جلست مع خواتي و ما حضرت الا محاضرتين و جيت ع التدريب عشان ما تقول ما جيت و تسوي لي محاضرة.. الفريق غازي : الشغل شغل ما يستهان فيه.. وليد : ما قلت شيء بس انت راعي ان وراي جامعة ودراسة و رياضة ثم دروات تدريبية ثم رياضة شوط ثاني.. لو اني حمار كان طحت من زمان بس اني صابر عليك.. الفريق غازي : لو ماهي عاجبتك الشغلة ولا هي مرضيتك كان طحت يا حمار .. بس عاجبتك.. و انت بديت بالشغل و احنا نخطط على اساس انت موجود ما تتركنا بهالحزة.. وليد : لو بتركم ما كان دخلت هالتدريب و هلكت نفسي.. .. في بيت ابو عبدالرحمن.. العوايل كلها مجتمعة باستدعاء من الجد.. ناس تعرف ليش هو منادينهم و ناس ما تعرف.. و ردود الافعال مختلفة بينهم..الشباب كلهم برا و البنات جالسين مع عمامهم و جدانهم والحريم.. ام عبدالرحمن : ويش عندك مرجعنا بيتنا مو صكتنا الغلقة بعد ما سافر بندر و جلسنا عند وليدنا..؟! ابو عبدالرحمن : بس بندر رجع الحين.. عبير تهمس لجود : ويش عنده جدي لا يكون بيرجع لسوالفة القديمة.. جود : و انا ادري يا بنت عمي.. صبا بحماس : تصدقون بنات مره اشتقت لبيت جدي احس جمعتنا كذا احلى.. مو مثل دايم و لا مره جيتوا عندي.. يا عندكم ببيت عمي ابراهيم تقولون احنا اكثر و الا ببيت عمي عبدالرحمن يقالنا جايين نطمن على جداني.. وانا عشاني وحيدة ما احد يجي عندي.. سها : من جدك تبينا انا و خواتي نجي بيتكم .. اولا بيتكم بعيد عن بيتنا.. ثانيا احنا اكثر منك تقارنين سبع بنات اللهم لا حسد ببنت وحدة بالله مين اخف.. ولا بعد لو بنطلع من البيت السبع بنات كلهن يتجهزن و سالفة اما لو تجين انت عادي نقابلك ببجايم.. صبا : لا و الله السيارات تقرب البعيد ماهو عذر .. و بعدين بيتنا فاضي بس انا و ماما و بابا نأخذ راحتنا أكثر من بيوتكم.. و تعالوا لي ببجايم بابا مو طاردكم.. جود : تخيلوا صدق عمي سعد يطردنا .. ابدا مو لايق .. صبا : فديتة يا ناس.. جود : اجل حتى انا فديته ابو سعود.. لطيفه بصوت عالي : الحمدلله على سلامتك يا وعد.. وعد ابتسمت : الله يسلمك يا عمة.. مها بشماتة : مبروك العرس.. وعد ابتسمت و كنها اسعد انسانة بزواجها : الله يبارك فيك و عقبالك يارب.. مها : اووه عاد صدق ليلة فرحك كنت مره مشغولة تعرفين جاء فجأة و كذا ما كان عندي فوستان.. وعد : ان شاء الله تكونين لحقتي بس..؟! مها : ايه و الله ما رضيت و شريت فوستان بالقيمة الفلانية عشان خاطر عيونك.. وعد تقهرها : اجل البسية .. عماد بيسوي لي عرس كبير.. مها فتحت فمها بدلع متفاجأة : صدق ,..!؟ زين علمتيني عشان اشري فوستان.. و متى ان شاء الله فرحكم..؟! وعد بدلع : و الله للحين ما حجزنا المكان ما ادري وين بنسوية .. لا حجزت اعلمك ان شاء الله.. نهى تهمس لوعد : اللي يسمع كلامك ما يقول هاذي متزوجة من غير لا تدري.. وعد : ليش تبينها تشمت فيني..؟ و الله ما أنولها اللي ببالها.. جاء ابراهيم ركازة : جدي.. ابو سعود : هلا ابوي.. ابراهيم : ابوي يقول عماد بالمجلس يبي عمتي وعد.. كل الأنظار اتجهت لوعد.. اما هي ناظرت ابراهيم مستغربة ويش جايبة..؟! مو كافي اللي صار الصبح.. وقفت وعد مسكتها نهى : بتروحين له..؟! وعد دنقت راسها وهمست باذن نهى : ايش رايك..؟! لازم اكون مبسوطة بجيتة.. وقفت ولفت طرحتها على شعرها تحسباً و نقابها بيدها تحسباً ان دخل أي واحد من عيال عمها .. لان الكل بيجتمع بمكان واحد حضوراً لاجتماع الجد.. سها قامت وجلست جنب نهى : ويش يبي فيها لا يكون بيأخذها..؟ نهى : شايفتني جالسة معاهم..؟! ويش عرفني ويش يبي فيها..؟! لطيفه : الله يهني سعيد بسعيدة.. ام ندى : امـــين.. ابو عبدالرحمن : يزيد ولدك جاء والا للحين..؟! ابو عساف : و الله يبه هو قال بيتأخر بس يمكن وصل و جالس مع العيال برا.. ابو عبدالرحمن : دق عليه شوف وين اراضية..؟! ام عمر تهمس لام سعود : ويش فيه عمي كن فيه شيء شاغلة..؟! ام سعود : و الله ما ادري من يوم طلعوا البارح و لا ردوا الا الصبح و انا قلبي قارصني الله يسترها بسترة.. سها : ياهوه جدي متى بيبدا محاضرتة بديت اطفففش.. في المجلس انصدم يوم دخلت و نزلت طرحتها على كتوفها .. ماهي الأدمية اللي شافها الصباح .. هاذي بكامل زينتها .. شحوبها وجهها مستخبي و خوفها صار طمأنينة.. : السلام عليكم.. : وعليكم السلام.. وعد ابتسمت وراء كل شيء صار الصباح تحولت لشخصية جديدة راسمتها تقهر فيها اللي ما ينقهر.. كل شخص بيتشمت فيها بيشوف وجهها الجديد وهي مضطرة لهالشيء مقبلة على حياة جديدة ما احد فيهم طايق الثاني.. جلست قريب منه بس كل واحد على كنبة لحالة.. عماد : وين التعب ما اشوفة..؟! وعد : مو انت كشفت علي الصباح وقلت لبابا اطمنك بنتك مو تعبانة..؟! عماد : ليش مبتسمة..؟! وعد : وجهك يجيب السعادة..؟! شلون ما تبيني ابتسم..؟! عماد : هههههههههههه ليتك دايم كذا مره راكدة.. تقابل رجلها بوجه حسن.. وعد وربي يا عماد لا انتقم منك انا مافيني شيء يخليك تتقبلني..؟! انا بترميني عند اقرب محطة..!؟ : والله لكل فعل ردة فعل مساوية له بالمقدار معاكسة له بالاتجاة.. هذا قانون نيوتن الثالث .. (عماد حط يده على وجهه بملل بتتفلسف على راسة) بمعنى اللي بتسوية فيني بيرجع لك.. تبتسم لي ابتسم لك.. تتكلم علي اتكلم عليك.. تهاوشني اهاوشك.. تضربني اضربك و اعتقد جربتها من قبل.. عماد وهو يضغط بكفة على فمة بملل من اول سالفتها : تتوقعين اني نسيتها..!؟ فيه مره عاقلة متربية تعرف سلوم العرب ترمي الفازة على رجلها..؟! وعد ابتسمت تغيضة : فيه رجال عاقل متربي يعرف سلوم العرب يمد يدة على مرة..؟! و الله عاد انا خابرة سلوم العرب تقول ان اللي يضرب ناقص مرجلة.. عماد ببرود : هذرتك الزايدة هاذي ياليت تتخلين عنها .. و الله ان سمعتك تتكلمين عن رجولتي بربعه كلمة لا اوريك شيء عمرك ما شفتية.. وعد رفعت حواجبها : انا قلت لك لكل فعل ردة فعل مساوية له بالمقدار .. و انت تسب تربيتي تهقى بقول سوري حبيبي و الله ما اقصد..؟! عماد : غصباً عنك تقولينها..؟! وعد : طيب اعتذر لي انت اول و انت اعتذر لك.. عماد بدا يغلي منها جاي وهو مروق وهي بتنرفزة : اسمعيني زي و حطيها حلقة باذنك.. تراني ماني صبور عشان اتحملك .. لمي نفسك لا اوريك الشغل عدل.. وعد : ما ظنيتي جاي من بيتكم و متعني لبيت جدي عشان تقول لي هالكلمتين.. عماد : افهم انها طردة..؟! وعد : و الله افهمها مثل ما تبي.. و بعدين ويش دراك اني هنا..؟! عماد : ماشي تلعبين بالنار و انتِ مو حاسة.. اما ويش دراني انك هنا مو لازم تعرفين.. قلتي لابوك ما تبين تسوين حفلة وهونتي ..؟! وعد : لا ما قلت و لا راح اقول .. ابي حفلة و انت وعدتني قدام الكل.. عماد : ماااشي .. بنتفاهم بكره ان شاء الله.. وعد عقدت حواجبها : ويش معنى بكرة..؟! عماد : بكره بجي اخذك بعد صلاة العشا مباشرة ابيك جاهزة.. مو تلطعيني برا ترى اكره ما علي انتظر مره تسحب لي على بيض.. وعد باستغراب : تأخذني وين..؟! عماد : قلنا يومين و اخذك والا نسيتي.. وعد : لا و الله هذا صار يوم و فوقها جاي الحين بعد طالبني.. عماد يحط رجل على رجل : و الله عاد كيفي.. اطلبك و غصباً عنك بتجلسين معاي.. وعد وقفت : انا ما احد يغصبني على شيء .. حطها بين عيونك.. عماد : الله الله ما احلاها بنت ابراهيم طالعة و تاركة رجلها لحالة بالمجلس ويش بيحكون عنك اهلك..؟! وعد تذكرت ان عمتها لطيفه و بنتها هنا و هي من دقيقتين قدامهم مسوية نفسها سعيدة لو تركتة الحين و لطعتة هنا و دروا بتصير علك بحلوقهم.. هذا غير المحاضرات الأخلاقية و الاحترام و التقدير للرجل وشيء ماله اول من تالي.. شافها واقفة وما ردت كنها تفكر بشيء.. وقفت وسحبها له : قلنا ما نبي احد يدري عن شيء بيني و بينك.. اقرب الناس لك ما ابيهم يدرون فاهمة.. و الا افهمك بطريقتي.. وعد بتحدي : فهمني بطريقتك.. ويش بتسوي يعني بتضربني..؟! عماد مسك اذنها بيده وقرب منها وهمس باذنها وهو يصر على اسنانة بقوة : لا تحديني يا وعد اتعامل معاك بطريقة ثانية.. ولو بغيت اخذتك الحين مين بيت اهلك و ابن امه يفتح كلمة و يقول لي لا.. وعد : وعد الحر دين عليه.. و انت وعدتني تخليني عند اهلي يومين .. وهذا الكلام كان اليوم تقوم تقول بكره اجي اخذك.. عماد يترك اذنها : وانا متى باخذك العشا يعني خلصت اليومين خلاص الباقي تجلسين عندي.. وعد بحلطمة و دلع : ماني مقتنعة خلاص طيب تعال اليوم اللي بعده الصبح انت بقرارك هذا غشاش.. عماد : لا تحاولين قلت بكره يعني بكره .. امي وجدتي و ابوي يبون يشوفونك.. و اعتقد من حقهم يشوفون مرت ولدهم.. ولو انك سنعة كان المفروض قلتي اروح اسلم عليهم اليوم مو مأجلتها.. وعد باستهزاء وهي تضرب كفوفها ببعض : يا ردى حظك يا الذيب اخذت وحده ما تعرف السناعة.. عماد : و ربي اني مستغرب شلون صابر عليك.. وعد ابتسمت بثقة : ترى الانسان ما يصبر الا على اللي يحبه.. عماد اتسعت عيونة : على مين..؟! وعد ترمش عيونها بدلع : على اللي يحبه.. عماد : بس هذا اللي ناقصني .. تراك مأخذة بنفسك مقلب.. وعد مسكت كفة اليسار بين كفيها : بجيب راسك يا الذيب.. وعدتك فيها يوم كنت محبوسة عندك.. ما نسيتها للحين.. عماد شد على كفها اليمين بقوة ممكن تفتت عظامها : ماهي بمقاسك يا بنت ابراهيم.. وعد : بنشوف.. يا أنا يا أنت.. عماد ابتسم و اعجبة التحدي و دام السالفة كذا بيكون الموضوع ممتع : و ان جبت راسك انا.. وعد : ويش بسوي بتمون جبت راسي ما بيدي شيء.. عماد بثقة : اصلاً انا جايب راسك وقاضي لانك ملكي.. وعد : و انت ملكي.. عماد : انا جيت عشان امرين.. مرسل لك هدية لبيتكم و عشان اذكرك تقولين لابوك ما تبين حفلة و يكلمني قبل بكره معاك اقل من 24 ساعة.. ثانياً عشان تتجهزين بكرة و ما تتأخرين لأني اعرف تسحب الحريم.. وعد : اوكِ غيره.؟! عماد : بــس و سلامتك.. وعد ابتسمت : الله يسلمك حبيبي.. و شكراً ع الهدية مقدماً.. و ان شاء الله ما راح اتأخر عليك بكره و بــس.. عماد : و الحفلة..؟! وعد : صح ذكرتني لازم تقول لي وين بتسويها لي عشان اعزم اللي ابيهم.. عماد يمشي متخطيها : بغير رايك لا جيتي عندي.. شوفي لي الدرب.. وعد : عادي عندك اطلع من غير لا اتغطى و عيال عمي برا..؟! مسك معصمها بيده اليمين ويده اليسار ضغط فيه على كتفها وصر من بين اسنانة : املاكي ما احد يشوفها غيري.. وعد بتحدي رغم الالم اللي تحسه من ضغضطة عليها : انا قلبي مو بملكك.. ماهي بمقاسك.. عماد : و الله تقولين كلام ما انتِ قده يا بنت ابراهيم .. بس ماشي دامك تبينها تحدي فهي تحدي.. وعد : طيب ممكن تبعد عني ناوي تكسرني.. عماد : لكل فعل ردة فعل مو هذا كلامك انتِ تستفزيني و هاذي النتيجة.. وعد : مو كلامي كلام نيوتن لا تقولني كلام ما قلتة.. فكت نفسها من ونزلت نقابها على وجهها و طلعت.. اما هو ظل واقف بمكانة يناظر بالمكان اللي كانت ماليتة تتذاكى عليه هالبنت حيــل و ناسية انها تلعب مع ذيب.. ابتسم على مرواغتها بالكلام.. دخلت بعد ما شافت ان ما فيه احد برا لقتة يناظر مكانها و يبتسم اطلقت ضحكة تردد صداها في المجلس : هههههههههههههههههههه شكلك بتعلن الاستسلام من الحين.. عماد لف لها : واثقة حيل من نفسك.. شفتي الدرب بس..؟! وعد مبتسمة : ايه .. تقدر تطلع.. عماد : لا تنسين موعدنا بكره.. تبين شيء..؟! وعد : يعني لو قلت لك ابي اجلس عند اهلي بتوافق..؟! عماد : لاا.. وعد : اجل ليش تسأل..؟! عماد : يعني يمكن محتاجة فلوس او شيء محتاجة اجيبة لك مو الذيب اللي يقصر بحق مرتة.. وعد : لا ماني بعازتك لو اعتزت بطلب من بابا.. عماد : الشرهة علي اللي مسوي لك قدر.. وعد باستهزاء : قدر و الا غطاية ههههههههههههه.. عماد : استخدمي ذا الاسلوب معاي وشوفي ان ما كوفنتك قريب و صليت عليك و دفنتك بحديقة بيتنا.. وعد : هههههههههههههههه مسوي فيلم بس عشاني بضحك..؟! ما تستاهل.. عماد : ماني محتاج اضحك.. و انتِ بعد ما انتِ محتاجة عضلات فكك معلقة على الابتسامة ذي اللي ما اختفت.. وعد : الابتسامة في وجه اخيك صدقة.. عماد وهو يطلع برا : انا شاك ان اهلك مبدلينك.. لولا هاللسان السليط كنت قلت غاشيني.. وعد : سلم على عمي و عمتي.. عماد يخرج مفاتيح سيارتة من جيب ثوبة : لا تعرفين الاصول بسم الله عليك الله لا يضرك.. وعد ترمش بعيونها : شكــــراً.. عماد : عماد وهو يفتح باب سيارتة و يستند عليه و يناظر وعد الواقفة قدامة : انتِ هذا صوتك ما يتغير..؟! وعد : ليش عندك قطع غيار..؟! و ودك تغيره لي..؟! عماد : استغفر الله العظيم.. مابي ادخل معاك بنقاش .. غطي عيونك ولا ابي احد يشوفها فاهمة.. وعد غمزت له : ليش تغار علي..؟! عماد : قلت لك انتِ وحدة من املاكي.. و ثانياً ما ابي ادري انك محاكية احد مو من محارمك فاهمة.. وعد بهدوء : حاضر بس كذا على هالخشم ..(حطت سبابتها اليمين على خشمها).. عماد حسها تستهزء فيه .. يدري انها ماهي خالية.. و ابتسامتها ما فرقاتها من دخلت عنده.. و هدوئها و كانها مرتاحة و لا عاشت الفترة اللي فاتت بازمة نفسية.. هذا غير مكياجها مخفي الشحوب .. يعني فيه شك انها مبدلة.. : يالله ادخلي ما ابيك تقعدين هنا من بعدي.. وعد وهي تناظر سيارة ياسر داخلة : على امرك.. يالله بايات.. عماد ركب سيارتة و شغلها اما وعد مشت شوي و انتظرت لين اللي بسيارة ياسر ينزلون عماد انقهر من حركتها لكنه تجاهل الوضع لما شاف حريم ينزلون من سيارة ياسر.. و خرج من بيت الجد.. نزل مشاري و امه و اسيل و اثير من السيارة.. أسيل تهمس لأثير وعيونهم تدور بالحديقة : اياني و اياك تبكين .. شوف الخير اللي حرمنا منه.. شوفي البيت واجهتة كيف تفتح النفس.. وعد باست راس ام مشاري : كيف حالك يا خالة.. ام مشاري : بخير يمه.. انتِ بشريني عنك ويش هي حالك..؟! وعد : زينة يمه الحمدلله من فرحتي ما نمت.. مشاري رغم توترة من الموقف الا انه ثابت و هادئ : لا يا عمي لا تتعبين علينا.. وعد : عمي حبيبي مره شكــــراً.. اللي سويتة معاي ما راح انساه لك كل حياتي.. و مكافأة مني لك عروستك عندي.. مشاري : اووف شطحتي للعرس مره امشي اقول بس اذلفي.. أسيل : ليش ناوية تزوجينة على حسابك..؟! وعد : وكم ميشوو عندنا.. بس ما عندي فلوس زواجة.. ياسر : يالله ندخل.. وعد نبهي عليهم.. عشان اللي مو محرم يتغطى.. وعد : اتوقع الشباب دخلوا لان اول كانوا جالسين هنا والحين ماهم فيه.. بس احتياط بشوفهم لك.. أثير تأخذ نفس وهم واقفين عند الباب متقدمهم ياسر و مشاري : متوترة.. يمه خلينا نرجع خلاص ما عاد نبيهم.. مشاري بحززم : استغفر الله ما قفلنا هالسيرة.. في الصالة الكبيرة الحريم في جهه و الرجال في جهة الحريم كلهم متغطيات عدا لطيفه و ام عبدالرحمن.. ابو عبدالرحمن جالسة بالصدر و عصاتة بيده .. و جنبة ام عبدالرحمن.. الغالب على الجو البنات كل كم بنت مع بعض في سالفة خارج المنطقة.. عكس الرجال اللي يستمعون لسوالف عمامهم بهدوء.. ام عساف : ليش ويش فيها..؟! ام سعود : و الله تعب بسيط و استأذنت من ابوها ما تجي .. و طاوعها.. ام عبدالرحمن تناظر ابو سعود : صاير تطاوع بناتك بحكيهن.. ابتسم ابو سعود : ما ابي زعلهن يمه.. اللي صار لوعد كفاني ما ابي اشوف وحدة فيهن متضايقة من شيء.. ام عبدالرحمن : الله يهدي البال .. بس صحتك يا ولدي لا تحمل نفسك فوق طاقتها.. ابو سعود يمسح بكفة على فخذة : قل ما يصيبنا الا ما كتب الله لنا.. دخلت وعد و من سوء حظها اول ما دخلت على وسع المكان و الأشياء اللي ماليتة ما طاحت عينها الا عليه.."عساف" ما انتبه لها و لا لدخلتها و يمكن انتبه و تجاهلها.. حمدت ربها اللي ما تعلقت عيونها بعيونة.. اكبر غلط بحياتها انها تزوجت قبل لا تحرق حب عساف من قلبها.. بس هي قادرة تحرقة عساف عيوبة اكثر من مزاياة و تقدر تنسفة نسف من قلبها.. و يبقى خالي بدون ما احد يقرب له و يصير منطقة محضورة ما فيها الا اللي تدري انهم يحبونها .. ابوها و اخوانها و حريم ابوها عمامها .. بس ما راح يكون فيه احد متسيدها ابد.. مثل ما عساف سوا فيها من قبل.. ما صحاها من سرحانها الا صوت جدتها : وعيد راح رجلتس.. وعد لفترة ظلت تناظر جدتها تستوعب الكلمة صارت عند رجال استغفر الله اللي سوتة ما يحق لها تناظر احد كيف وان كانت على ذمة احد .. قالت بهدوء : ايه يمه.. بابا ياسر برا معاه ضيوف.. ابو سعود : خليه يدخل هو و اللي معاه.. وعد : ان شاء الله .. و طلعت.. ام احمد : ويش ضيوفة..؟! و ليش ما قالنا كنا قعدنا بالبيت و سوينا لهم شيء وقمنا بواجبهم.. ام عبدالرحمن : بيت جده كنه بيت ابوه .. الحين خواتة يقومون بواجب ضيوف أخوهم.. ام احمد : دانه يمه سوي لهم قهوة و حطي لهم حلى.. ابو سعود : لا تقومين ماله داعي.. ماهم ضيوف.. اهل بيت.. دخل ياسر و وراه ام مشاري و وراهم عيالها عل كلمة ابو سعود القوا السلام بصوت جهوري : السلام عليكم.. اللي يعرفون مين الناس اللي جايين ردوا السلام و الباقين تعلقت الأنظار بالحرمة اللي مع ياسر.. جود وقفت بصدمة : تزوجت .. و الله خوش بعد اخوك يتزوج اجنبيه و يجيب لنا عيالة بيدخلون المراهقة و انت متزوج و عيالك اطول منك.. ياسر بحدة : قسماً بالله ان ما بلعتي لسانك لا ابلعك اياه.. ام احمد : ويش صاير بالدنيا..؟! ابو عبدالرحمن بهدوء : اهدي يا ام احمد.. لا تفهمين الموضوع غلط.. بعلقك الحين هاللي وراء ياسر ولده..؟! ام احمد بهدوء : لا اكيد مو ولده.. ابو عبدالرحمن : اجل خلاص و كلام البزر هاذي لا تهتمين فيه.. جود جلست بحلطمة : و الله يبه نفس الدراما .. لا حرام مو نفس الدراما مرت خالد هي جاتنا مو هو جابها.. ابو سعود بحزم : جووود خلاااص.. ابو عبدالرحمن : استريحوا.. كل اللي هنا محارمكم.. ام عبدالرحمن اوجستها خيفة من المره اللي تابعة ياسر و واضح انها مره كبيرة و لا يمكن تكون زوجتة.. جلس ياسر قريب من اخوانة.. و ام مشاري جلست باقرب مكان فاضي لها و جنبها مشاري و أثير و أسيل.. و وعد جلست جنبهم بحماس.. أثير ما رفعت عيونها عن الأرض.. و مشاري يناظر بـ أبوه.. اما اسيل عيونها دارت على الموجودين كلهم.. و تتفحص المكان بعيونها و قلبها يزيد حقدة على أبوها.. ابو عبدالرحمن : انا جمعتكم اليوم و فيه منكم من يدري ليش هالجمعة.. و منكم اللي ما يدري للحين.. من كم زمن قبل 27 سنة انا كسرت عاداتنا و مشيت عكسها .. تدرون انتم ويش هي قبيلة .......... و يش هي قبيلتنا.. و هقوتي انكم تعرفون بالشر بيننا و بينهم.. يوم من الأيام انا خربت سيارتي على بعد 300 كيلو عن المدينة .. و قابلت رجالن اجودي.. نقلني معاه للمدينة.. و من يومها صرنا قراب من بعض الرجال ربي ما كتب له يجيب عيال.. و طلبني طلبة اني اتزوج مرتة بعد ما يطلقها .. تعرفون المطلقة ما يجيها نصيب مثل البكر ويش هي عندنا.. و طلق مرتة و تزوجتها من وراه.. وهذا هي قدامكم زوجتي و عيالي.. أسيل : ياليت امي ظلت معاه بدون عيال و لا تأخذ واحد ما قدرها و لا قدر عيالة .. هو يومة ما قدر يخلف ما حب يظلمها معاه.. قمت حضرتك بعد ما دقيت الصدر ظلمتها زود عن ظلمة خليتها تصير ام بدون ما تسندها و لا تربي عيالك وعيالها معاها.. بندر : أســــــــــــــيل.. وقفت اسيل : ليش تبون تسكتوني مو هذا الصدق.. و الا عشانكم ما عشتوه تشوفون اللي نقوله كبير..؟! النار ما تحرق الا رجل واطيها.. بندر صرخ عليها : احتـــرمي ابوي و الا ورب الكعبة لا اربيك من جديد .. لسانك الطويل هذا اقصة لك.. فاهمتني و الا لا.. أسيل : لا ماني فاهمة.. انت مالك كلمة علي.. من سبعة وعشرين سنة ابوك فصلنا عنكم.. مالكم كلمة علينا الاخوة اللي تربطنا ابوك قطعها ما عاد بيننا الا اسم على ورق.. ابو عمر : افاا يا خيه تبين تبرين مننا..؟! احنا ما كنا ندري بزواج ابوي .. و لو كنا ندري ما خلينا الموضوع معلق بهالشكل.. مشاري : أسيـــل اجلسي من غير لا تنطقين حرف.. ام عبدالرحمن بهدوء : ما قلت لي انك جبت منها عيال.. صحيح انك علمتني بزواجك بس قلت لي انك طلقتها ما بقت على ذمتك ما تبي الجماعة تدري انك ماخذ وحده من قبيلتهم..؟! ابو عبدالرحمن : ادري ويش اللي قلت لك خابر حكيي زين.. بس الصح انا عندي منها اربعة ولدين و بنتين.. وليد يهمس لياسر جالس جنبة : ويش القصة ماني فاهم..؟! ياسر : اسكت من الصبح و انا اقلب الموضوع براسي.. بس اللي هونة الصبح انه جاء مع وجود وعد و التحقيق .. وليد : و وعد ويش دخلها فيهم..؟! ياسر : كانت عايشة عندهم.. وليد بصدمة : تكذب..!؟ ياسر بحدة : شايفني كبرك اكذب عليك..؟! ابو عساف : يمه .. لا تزعلين خالتي مره طيبة و ان شاء الله بتكونون مع بعض ما فيه ازين منكم.. ام عبدالرحمن : و تهقى اني بزعل ليش..؟! حقة دام الدين سامح له ليش اقوله له لا.. لطيفه بصدمة : ليش يبه..؟! و لا عندنا اخوان و احنا ما ندري..؟! ابو عبدالرحمن : اللي صار صار و لا ابي احد يكلمني فيه.. هالحين احنا بنستقر هنا دام بندر رجع .. و ام مشاري و عيالي بعد بيقعدون هنا.. ام عبدالرحمن برزانة : بيتهم و مكانهم.. مشاري : العذر يبه بس احنا بنرد لبيتنا.. انت عارف ويش مقصدنا من وراء هالزيارة .. حاجتنا و قضيناها.. ابو عبدالرحمن بحزم : انا قلت اللي عندي يا مشاري .. مالكم طلعة من هالبيت.. (بثقة كمل كلامة) و امك بعد ما تبيكم تطلعون من هنا.. و ترجعون لبيتكم هذاك مو مكانكم.. أسيل : و الله عاد هذاك اللي رميتنا فيه غبت سنين و رجعت ولقيتنا بنفس المكان ما تغيرنا.. بندر بحدة يأشر على أسيل : بتسكتونها و الا لانا اسكتها.. ابو عبدالرحمن : تبي تمد يدك على اختك و انا موجود.. انا ما جمعتكم عشان تهاوشون .. ابيكم سند لهن.. ما بقي بحياتي شيء عشان أأمن عليهن.. تراهن امانة برقبتكم.. لطيفه : بعد عمر طويل يبة بسم الله عليك.. ابو عبدالرحمن : ما احد يدري متى يومة.. أسيل بقواة عين وهي تحس انها تفرغ حرتها فيهم : حلو الاعتراف قلتها ما يدري متى يومة ويش بتكون الحال لو انك ميت من زمان و احنا على حالنا بترتاح بقبرك.. ام مشاري : أسيـــــــــــل.. أسيل وقفت ببرود ولا كنها تتكلم عن ابوها .. ايه بالورق ابوها .. حتى قدام الناس و قدام اخوانها ما صار ابوها الا من دقايق .. صار لها 18 سنة على هالدنيا ما شاف حتى ملامح وجهها .. يقولون ان هذا ابوها .. بس هي ما تحسة ابوها .. يبونها تحترمة ليش ..؟! وهو ما احترم ابوتة لها..؟! تخلى عنها بحاجتها .. يبونها الحين تحترمة..؟! : انا بطلع بيتكم خنـــقة.. وعد ووقفت ومسكتها من معصمها قبل لا تطلع : انا بروح معاك.. أثير همست بصوت مخنوق : انا بروح معاكم.. سحبتها وطلعت فيها برا.. ابو عمر : خذي راحتك يا خالة .. كلهم عيالنا محارمك.. و حياكم الله ببيتكم و بمكانكم.. ام مشاري : الله يحييك و يبقيك.. ابو عبدالرحمن : اخوك وينه يا مشاري..؟! مشاري : طلع مع اصحابة..؟! ابو عبدالرحمن : و الا ما يبغى يجي..؟! سكت مشاري لان راكان فعلاً ما يبي يجي ولا له داعي تخبية الموضوع.. هم يعرفون ردة فعل راكان.. ابو عبدالرحمن : دق عليه قولة ابيه يجيني الحين.. لزم عليه.. مشاري : ان شاء الله.. عبير تهمس للبنات : يعني هذا عمنا..؟! قاطع سؤالها .. كلام الجد : قوموا سلموا على عمكن و خالتكن.. و وقفن البنات و سلموا على ام مشاري و مشاري.. و حريم عيال ابو عبدالرحمن سلموا على ام مشاري.. سهاد تكلم عبير الواقفة تنتظر الدور عشان تسلم : جاك الجواب بأمر.. عبير : تصدقون احس وناسة ان عندنا عمان زيادة.. صبا : من جد شيء مره واو بس لو العيال يطلعون عشان نأخذ راحتنا.. جود بعربجة : انت يا ام واو و تاء و قاف اصطلبي لا يسمعك اخوي ياسر و يهفك طراق على وجهك يلصقة بالجدار.. وليد وقف : انا استأذن.. ابو سعود : على وين..!؟ وليد : عندي مشوار يبه.. ابو سعود : و المشوار ماله اسم..؟! وليد : الا .. بروح عند الفريق غازي.. ياسر : ويش عندك مع الفريق غازي كنك صرت تحبة..؟! وليد : ويش اسوي بالله .. تدري اني بفترة عقاب عنده بسبب بنتكم.. ابو سعود : لا والله مو بسبب بنتي بسبب المخ التنك اللي براسك.. وليد يرفع كفة ويحطها على صدرة علامة للشكر : شكراً ابو سعود يجي منك أكثر.. ام احمد : يمه لا تتأخر و تخليني اقلق عليك.. وليد : يمه تكفين انا بطول .. لا تنتظريني.. سعود : ويش فيكم وليد ماهو بزر و لا بعد مع الفريق غازي يعني ان شاء الله بأمان.. وليد : هذا الكلام الزين .. شكرا نخدمك بالافراح .. نسلم عليكم .. طلع بسرعة عشان ما احد يتكلم عليه.. لطيفه : صدق اللي سمعناه يا سعود..!؟ سعود : ويش اللي سمعتية يا عمة..؟! لطيفة : انك ناوي تخطب..؟! سعود : ان كتب ربي.. لطيفه : ماشاء الله ومن هي اللي داعية لها امها بليلة القدر..؟! سعود ابتسم : لا خطبت يا عمة اقولك.. مها بدلع ماسخ : ايش دعوة ما تعلمنا و الا خايف نسرقها منك..؟! سعود ما يحب يكلمها رد بدون نفس : ليش تسرقونها ان ربي كاتبها لي ما احد بيأخذها غيري.. عساف : على البركة يا ولد العم.. سعود : الله يبارك فيك.. عساف : دامنا في سيرة العروس .. فا انا حددت العرس.. حطت يدها على قلبها و هي تسمع تحديد اليوم اللي بتنتهي فيه.. كل يوم يتعقد الموضوع اكثر.. خطبه موافقة اعلان للخطبة و اجابية فحص الزواج و الحين تحديد الموعد.. ابو عبدالرحمن : زين ما تسوي.. ما بغيت تحددة .. ومتى ناوية ان شاء الله..؟! عساف : نص شهر 11 باذن الله.. ام عساف : ويش بلاك يمه شهر ويش يمدينا نسوي فيه..؟! عساف : يمدي يمه .. مو كل مره تقولون حدد هذا انا حددت العرس.. عبير تتحلطم : تمممزززح و اهلح اكيد تمززح معانا أقل من شهر..!!! عساف : تهقين المواضيع هاذي فيها مزح..؟! يزيد يناظر جوالة : عن اذنكم.. و طلع يكلم برا.. ابو عساف : خلاص الرأي عند عمك.. ابو سعود : افاا انتم اهل العرس فصلوا و احنا نلبس.. انقهرت ندى هذا وهي مترجيتة و يدري انها ما تبيه.. قامت بقهر و طلعت من المكان.. انخنقت و الخناق كل يوم يزيد عليها.. ام عبدالرحمن : ان شاء الله نروح نخطب لسعود بكره.. ام سعود : بس يا عمة ما عطينا الناس خبر.. ام عبدالرحمن : الحين نهى تكلم مرت خالها و تقولها بنزورهم.. نهى : يمه ويش اللي انا اكلمها .. عمري ما كلمتها.. خليها جود تكلم ريما.. في الحديقة.. وعد : و الله يحق لكن تزعلن.. و جدي ماله عذر .. بس خلوكم انانين هالمره.. من حقكم تعيشون حياتكم.. لان جدي اساساً ملزوم يصرف عليكن من ولادتكن لين يزوجكن.. و ابوي و عماني ملزومين يكونون السند لكم.. و هم اساساً مالهم يد باخفاء الموضوع لان بابا اكثر واحد يأييد التعدد بدليل متزوج اربعة و مطلق وحدة الله لا يضرة.. الملام جدي.. و جدي رجال كبير ما احد جالس الحين يحاسبة ليش سويت كيت و كيت.. الموضوع صعب و لا احد ينكره ومو سهل تتقبل شخص بلحظة رفضك و ابعدك عنه.. كيف لما يكون هالشخص المفروض اقرب لك من نفسك.. ابوك او امك.. أثير : انا مجروحة .. ودي اجلس معاه و يطيب خاطري.. ابي اقعد معاه لحالنا او على اقل مع اخواني اللي تعودت عليهم مو كذا.. وعد : بتجيك الفرصة لأنكم بتعيشون هنا .. و كلنا بنروح بيوتنا اعوذ بالله كنا ثقلنا عليكم.. أثير حطت يدها على ذراع وعد : لا و الله مو قصدي.. وعد : ادري ويش تقصدين و ما احد يلومك.. أسيل : اللي دخل مزاجي بكلامك شيء واحد خلوكم انانين.. انا انحرمت من اشياء كثير و الحين بصير مادية و اخليه يجيب لي كل شيء نفسي فيه.. وعد : عادي قولي له .. ما راح يردك ابداً.. بس لا تطلبين شيء غلط.. راعي انه رجال كبير و تفكيرة من زمان اول.. : السلام عليكم.. التفتن كلهن لاحمد و خالد : وعليكم السلام.. وعد : اخواني حمودي و خلودي.. احن اثنين بعيلتنا و الباقين حطوا عليهم حجر.. احمد : تسمحون لنا نقعد معاكم.. أثير : اكيد مكانكم.. جلسوا الاثنين جنب بعض .. خالد : و الله وطلع عندنا عمات صغار.. ولا بعد مزز..ههههههههه.. اسيل : استح على وجهك تراني عمتك.. خالد و احمد : ههههههههههههههههههههه.. خالد : من شوي مسوية فليم داخل الحين مسوية فيها عمتي.. بس ولا يهمك يا عمة.. أسيل : لا تقول لي عمة.. و انا اصغر منك و عيالك قدي.. خالد : لا يا شيخة توك ويش تقولين تراني عمتك محسستني انك من الجاهلية.. و الحين لا تقولين عمتي.. أسيل : ايه احترام بدون عمعمة.. احمد : هههههههههههههه عليك كلام.. خالد : طبعاً انتِ تعرفنا عليك الصباح.. بس المزة اللي يمك ما تعرفنا عليها.. اسيل : اثير العمر 22 سنة بالجامعة التخصص طب.. تصلبوا الاثنين خالد و احمد.. مو عشانهم يشوفونة غلط بس بتقوم القيامة ان دروا اللي داخل.. وعد : اسيل .. لا عاد تقولين لاحد هالكلام.. حتى انتِ يا اثير.. الفي بتخصصك قولي انك تدرسين رياضيات كيمياء ايه كيمياء ازين ما احد راح يحاسبك .. بس لو دروا انك طب قولي على اللي درستية و السنوات السلام.. أثير بقلق : ليش..؟! وعد : هنا عندنا الطب من المحرمات وفقاً للعادات.. و اللي تدخل طب ما تتزوج.. و اللي تدخل طب يأكلونها الناس .. وسيرتها و سيرة اهلها على كل لسان.. و ايش كمان..؟!؟!؟ قاطعتها اسيل : ويش اخباري انتِ ويش اللي محرمات..؟! وعد : انا كنت بدخل طب و بابا ما رضي و لا اخواني.. و فقاً لهالموضوع ترتب عليه اشياء كثير.. و الكلام اللي قلتة من شوي من مجتمع احنا نعيش فيه.. و للأسف متمسكين بالأشياء الغلط الموجودة.. أسيل : لحظة حبة حبة شتتيني.. وعد : ويش اللي شتتك.. الحين سبب اخفاء زواج جدي من خالتي موضي مو العادات و القبايل, و سلوم العرب..؟! أثير : ايه.. وعد : و العادات و القبايل و سلوم العرب تقول البنت ما تدخل طب.. أحمد : وعد لا تشجعين على الغلط.. وعد : يعني لو دروا بيسكتون..؟! بيحرمونها من تخصصها و فوق هذا السنين اللي درستها بتضيع هباء منثوراً و لا كنها سوت شيء بحياتها.. أثير : وعد خوفتيني .. تكفين قولي ويش اسوي..؟! وعد : لا احد يدري انك تدرسين طب و قضينا.. خالد : وعيد ابعدي عن الشر و غني له.. أسيل : بس اثير مو انتِ دخلتي برضا مشاري و امي.. أثير : ايه.. أسيل : اجل مالهم دخل حتى ابوي تخلى عنا ما يحق له الحين يحاسبنا على شيء سويناه من سنين.. خالد : انتِ كم عمرك..؟! أسيل رفعت حاجبها : ليش السؤال..؟! خالد : بس اسأل.. أسيل : كم تتوقع..؟! خالد : على طوالة اللسان و الحكي اللي قلتية لجدي يعني 30.. أسيل انقهرت تربعت بقوة : و على الشكل كم تعطيني..؟! خالد : يعني 22.. أسيل : مالت عليك كانك ما تقدر و لا تعرف.. احشمني انا عمتك.. احمد : هههههههههههه ويش بلاك نمزح معاك جايين عشان نخفف عنك الحدة اللي كنتِ فيها.. أسيل : شكـــراً ما قصرتوا.. خالد يناظر ولده واقف و يتكلم مع فارس و مؤيد : ابـــراهيـــــم.. التفت ابراهيم و تقدم ناحية ابوة .. أثير : ماشاء الله هذا ولد مين..؟! وعد : ولد اخوي العزيز اللي تزوج من ورانا.. أثير من جدك من وراكم...؟! ما احد كان يدري..؟! وعد : و الله هذا اللي حكوني اياه مو انا كنت محبوسة بين اربع جدران.. خالد : ان زين ترى مليت من المعتابات قضينا منها خلاص.. أسيل وهي متربعة ترفع رجلها اليسار على اليمين : ما تنلام.. عادي دام جدك هو مساعد.. خالد طنش كلام أسيل : ابراهيم وين رند..؟! ابراهيم : مع عمتي جود.. أحمد : هوووه عز الله قامت القيامة .. الحق بنتك بس.. خالد : لا تخاف امي هناك و جدتي ما تقدر تسوي شيء.. خلاص روح العب بس برا لا تطلع فاهم.. ابراهيم : ان شاء الله .. أثير : الحين وين زوجتك..؟! خالد : طلقتها.. وعد : كان متزوج وحده اجنبية.. أسيل : ما عندها اخو تزوجني اياه و انحاش من هنا..؟! خالد : هذا اللي كان ناقصنا .. بناتنا يأخذون اجانب.. : وعـــــد.. وعد التفت لصوت نهى الواقفة عند الباب : خير ويش فيك..؟! نهى وصلت عندهم : كلمي جدتي.. وعد : انا..!؟ ليش ويش تبي..؟! خالد : قومي شوفي ويش تبي مو قاعدة هنا وهي تنتظرك.. وعد وقفت : اووف غلطنا على سموك.. نهى تمشي مع وعد : عساف حدد العرس.. وقفت وعد لثانية و بعدها كملت : ما له الا راية و لا يهمه شيء ثاني.. نهى : الله يعين ندى.. اذا بتنجبر عليه ويش بيصير لا تزوجوا .. مستحيل تمشي حياتهم.. وعد : حتى ندى جبانة.. بامكانها توقف بوجه بابا و ان ما رضي تفضح عساف عند الكل.. و تلجأ لعمي عبدالرحمن وقتها ما احد بيغصبها على الزواج من عساف.. بس فيها زعلة كبيرة من بابا و اخواني عشانهم مستحيل يوافقون على شيء زي كذا.. نهى : بس هاذي حياتها ما احد فيهم بينفعها لو ما توفقت معاه و تطلقت .. يعني انتِ تخيلي تزوجين واحد يحب اختك.. تحسبين انه يشوفك انت و يكلمك انتِ وب الاصح هو يشوف اختك فيك ما يشوفك.. احسها بتنجرح بكل لحظة تقعدها معاه.. وعد : سكري على الموضوع لا احد يسمعنا.. ام عبدالرحمن : تعالي يمه.. وعد جلست جنب البنات : هلا يمه ويش بغيتي..؟! ام عبدالرحمن : راضيتي عماتك..؟! وعد : و الله يمه رضاوتهم ماهي عندي عند جدي و بابا و عماني.. انا كلمتهم و الباقي عليهم.. ابو سعود : يبشرن باللي يبنه.. عساف حط رجل على رجل : يا خوفي زدتيهن ما ركدتيهن.. وعد : كان طقيت الصدر و رحت قلت لهن كلمتين لو من باب المجاملة يمكن يحسن ان فيه احد يوقف معاهن وماهم بين ناس اغراب عنهن.. عساف : ما اعرف انافق.. ما اخذت فيه خبرة مثلك.. وعد انقهرت منه من باب لطاقة محاكيها.. سفهتة : يمه بغيتي شيء ثاني..؟! ام عبدالرحمن : ايه انت صرتي مره متزوجة الحين .. و احنا بكره بنروح لبيت خالك غازي نخطب لسعود.. لازم تروحين معانا.. وعد افف بدينا بمهام المره المتزوجة : اولاً يمه انتم تكفون و توفون انتم و خالاتي و سم بالله و بارك.. ثانياً انا بكره ماني فاضية.. مها : ليش يا بعدي عندك رعية تتفقدين احوالها .. و الا موظفينك بالسفارة و احنا ما ندري..؟! ام عبدالرحمن : وعيد بلاش خبال بتروحين و رجلك فوق راسك فاهمة.. وعد : يمه بكره مع عماد.. ام عبدالرحمن : وين بتروحين.. وعد : يمه يعني وين بروح معاه..؟! اكيد للبيت.. < ما قدرت تقول بيتنا و لا بيتي و تكون لها مملكة خاصة هي و عماد فيها .. للبيت و بس من غير يا الملكية.. ام عبدالرحمن : ايه دام كذا زين اجل ما نقدر نقول لرجلك شيء .. زين بعد ويش يقعدك عند ابوك و تتركين رجلك لحالة.. جود : لاااا غشاش هو قال يومين .. بتروحين و انتِ ما كملتي يومين ما احنا راضيين.. ام عبدالرحمن : اعقبــــي و انا بنت ابوي.. ما تعرفين السنع .. و الله يا بنات ابراهيم يا خاطري احطهن عندي و اهبد فيهن لين يتسنعن.. بلعن ريقهن من رعب الفكرة ابوهم و يالله يالله كيف لو جدتهم السجن ارحم بكثير منها.. مشاري تجاهل وجود الجميع لانه ما نسى ان وعد الجأت له بيوم عشان يحميها : انتِ مقتنعة..؟! وعد ابتسمت رغم انها من وراء النقاب و لا راح يشوفها مشاري : ايه مقتنعة.. سعود : عمي لا تشيشها علينا.. مشاري : و الله ما انسى ان وعد جاتني بيوم و لجأت لي.. و انا وعدتها ما تنضام.. عبير : اجل كلنا بنلجأ لك اذا تدافع عننا.. مشاري ابتسم : جربوني يمكن ما انفع.. لحظة بس.. الوو .. ايه هو نفسة بس ادخل مع البوابة.. تمام .. و قفل الخط.. ابو عبدالرحمن : هذا اخوك..؟! مشاري : ايه يبه.. صبا : الله وناسة صاروا عندنا عمان جدد.. بننبسط.. ياسر فرك فمه بيده من الغيض صوتها بس ينرفز.. كيف دلعها.. ابو سعود : اجل احنا مو عاجبينك شياب ما تنبسطين معانا..؟! صبا : لا عمي و الله مو قصدي.. بس يعني عمان شباب مو متزوجين و نزوجهم و كذا احس اكشن.. ابو عساف : هذا هو بنيدير عندك ليش ما زوجتية..؟! صبا : راسة يابس و الا فيه بنوتة تجنن مالت عليه بيخليها تضيع من يده.. نهى تهمس باذن سها : شوفي ياسر كيف متنرفز من يوم ما حكت صبا و تحسينة بينفجر من القهر.. سها : ههههههههه منقهر منها.. نهى : اعوذ بالله جلللف هقوتي بيتزوج وحده تشبة له يبي لنا ندور له على عربجية وقتها يرتاح.. سها : صدق و الله اذا بنزوجة بندور له على وحده نفسة اما وحده مثل صبا حرام يستفرد فيها بس يقولها بخ تبكي.. نهى : هههههههههههه.. : السلام عليكم.. قطع كلام الكل و الاحاديث الجانبية صوت خالد و احمد و معاهم صوت غريب على الاغلبية راكان.. كان متنرفززز و هالشيء واضح عليه لابس ثوبة و نص ازاريرة العلوية فاتحة و ناسف شماغة بعشوائية و نفسة براس خشمة.. : و عليكم السلام.. ابو عبدالرحمن : هذا ولدي راكان.. تعال سلم.. راكان : مجاملة و الا من قلب..؟! ابو عبدالرحمن : من قلب.. راكان جلس جنب مشاري : للاسف خلص السلام من القلب بسوي لكم طلبية المره الجاية.. مشاري ضربة بكوعة على خصرة و همس باذنة : الزم حدودك يكفي اللي سوتة أسيل.. راكان تكلم بصوت عالي ولا همة احد : لا تنصحني .. ماني مجبور اجاملهم ما اعرفهم اصلاً عشان اجاملهم و اقول اني مستانس بشوفتهم.. و السلام سلمت يوم دخلت السلام عليكم و سويت اللي علي.. بندر انحناء شويو سند كوعة على افخاذة : احلف يا شيخ .. كلفت على نفسك ليش تسلم.. راكان : السلام لله.. ابو عمر : بندر .. تكفى ما نبي الهوشة اللي صارت الصبح.. معذورين.. فترة و بيتعودون علينا و كل شيء بيصير طبيعي.. بندر : ما قلت لا .. بس طوالة لسانة على ابوي ما ينسكت عنها.. كل شيء وله حد.. ام عبدالرحمن : بندر.. اترك اخوك براحتة.. راكان : سمعت.. لا تناشبني ترى ما فحالي اتهاوش معاك.. بندر وهو يصر على اسنانة : و رب الكعبة ان ما تعدلت بيكون لنا تعامل ثاني معاك.. راكان : ويش بتسوي يعني بتطردني.. يا حبذا و الله ماني بغية هالجلسة.. ام مشاري اللي كانت هادية جــداً و تاركة عيالها ينفسون عن حرتهم على كيفهم و لا تقدر تلومهم هي اللي عاشت معاهم كل هالسنين و تعرف مقدار الالم اللي سببه ابوهم لهم.. : راكــــان.. عشان خاطري يمه.. راكان : على امرك.. بس عشانك.. رنـــد تجري بوسطهم لين وصلت لأبو سعود وتمسكت فيه : بـــــــــــــابـــــــــــــــا.. ابو سعود شالها : خير ويش فيك..؟! فارس : و الله لا اضربها ما تستحي.. رند : انتِ ما تسلحي.. فارس بصدمة ما استوعب الكلمة : ويـــش..؟! رند : انتِ ما تسلحي مو انا.. خالد : خير ايش فيه يا فارس..؟! فارس : خربت لعبتنا كل شيء نسوية تخربة.. خالد : ما قلت لك اقعدي مع عماتك ما تطلعين مع العيال.. رند : ماني هم يلعبون انا ما تلعب ليس..؟! خالد : و الله ويش اسوي لك كان ما فيه احد على قدك.. رند : هم حمارين ما تلعبوني .. ابو سعود : خلوها تلعب معاكم يا فارس.. فارس : يبه ما تعرف و الله بس تخرب.. ابو سعود : ما عليه خلها تلعب اهم شيء ما تزعل.. رند تعلقت برقبتة : انتِ حلوه وحده.. لطيفه تكلم خالد : بنتك ويش تقول..؟! خالد ابتسم : يعني انت احلى واحد.. راكان ناظر بمشاري على التفسير و مشاري ابتسم .. جود : اصلاً شكلك ملخبط ببنتك يا خالد مبين اصلاً و الا جيناتها مضروبة.. ماهي راضية تعلم.. اجيبها تجلس عندي و اعلمها بس ترد وراي اقولها عيدي تألف من عندها لو افهم بقرة كان فهمت.. ام عبدالرحمن : اعقبـــي بنتينا ماهي بقرة.. جود : يمه ويش بلاك علي اليوم حاطة حرتك فيني انا ويش مسوية لك.. ام عبدالرحمن : بلاه من رداك .. لو انك سنعة ما احد نحكى فيك.. رند : بابا انا تلعب معاهم..؟! ابو سعود : ايه يا بااب روحي و اللي يحاكي قولي لهم بعلم جدي.. رند نزلت بحماس : تيب انا تدول تذا.. و راح تجري من بينهم.. سها : الله وكيلك عاد الحين بنت خالد تدور المشاكل دوره.. بتتصنع أي شيء عشان تسوي مشكلة.. خالد : اشوفكن مسفلات ببنتي خير ان شاء الله..؟! ياسر : ايه و الله على الطالعة و النازلة متهاوشات معاها و يتحكن عليها.. مشعل : انا اشهد البارح بغن يصفقنها لو ما ابوي فكها منهن.. نهى : اعوذ بالله الوسواس الخناس شيـــن.. ما يصير الواحد يزن باذان خلق الله و يششيهم..ماهو زين والله ترى ربي يبلاكم بحريم رديـــات.. عساف : عن اذنكم.. و خرج من الصالة.. ياسر : اعوذ بالله فاولينا خير .. خلاص هونا ما نبي نعرس.. ابو عساف : صارت انت عزمت تعرس عشان تهون.. ابتسم ياسر : لا و الله ما عزمت و لا ابي اعزم.. ابو عبدالرحمن : و الله يبي لكم من يلد عليكم و اولكم ذا (آشر على بندر).. بندر بملل : ترى انحشت منكم من سبع سنوات ممكن انحاش مره ثانية .. جداً عادي.. ام عبدالرحمن : يا يمه ويش باقي بعمرك .. تبي تجيب عيال لا شيبت..؟! تراك كبرت لا تحسب انك صغير.. بندر : يمه متى ما طن الزواج براسي قلت لكم أبي.. ام عبدالرحمن : ومتى يجي هاليوم يا أبوي.. و الله البنات ما يبن رجالن كبير.. كل الحريم ينشدوني ولدك ليش ما زوجتية للحين.. بندر يلوي فمة : وهن ويش دخلهن بيتكفلن بعرسي..؟! لطيفة : تكفى بندر خلنا نفرح فيك.. بندر : افرحي بولدك .. زوجيه ما دخل سن الزواج..؟! لطيفه : ومين قالك ماني مزوجتة ان شاء الله قريب.. بندر : حلووو اجل انشغلوا بعرس ولدك وعرس سعود و عساف.. بعد تبون زيادة.. ام عبدالرحمن : ايه نبي نزوجك انت.. في المجلس كانت جالسة الضيقة معتلية ملامحها .. تحس وجهها صار اسود من القهر اللي فيها.. شلون بتتزوج واحد يحب اختها .. وفوق هذا علمتة انها تدري يقوم بكل بجاحة و تسلط يحدد العرس.. معاها حق وعد .. عساف يعيبة تسلطة و تجبره.. انا شلون وافقت على واحد زي كذا.. ما انتبهت للي دخل غير لما تكلم : اتوقع تفكرين بعرسنا.. انصدمت فيه نزلت نقابها على وجهها بسرعة : انتِ شلون تسوي كذا و انا ما ابيك.. عساف قرب منها بخطوات بطيئة : والله انا ابيك و انتِ تبيني.. و خطبتك و وافقت صار دور الملكة و العرس الحين.. ندى : بس انا ما ابيك لا تضحك على نفسك.. عساف : لو ما تبيني ما وافقتي علي.. غير كذا ما عندي.. ندى : وافقت عشاني ما كنت ادري عنك .. عن قلبك المشلوع.. عساف : قلبي بين ضلوعي ما احد شلعة.. ندى بهدوء بمحاولة انها تقنعة : و الله يا عساف انا ادري و عندي الدليل على حبك لاختي.. و اقدر اطلع الورقة (سحبتها من شنطتها وهي بين اصابعها) و اقولكم شوفوا اللي مو راضين تفركشون خطبتي منه.. وقتها ما احد فيهم بيرضى اني اخذك.. عساف : الرجال ما يعيبة شيء حتى لو قلبة معلق بوحدة ثانية.. و الدليل عمي.. ابوك.. كان يحب مره و تزوج بنت عمه.. ام سعود.. ندى انصدمت ما توقعت ان حياتها بتنتهي بهالشكل .. حتى لو الكل درى بتنجبر..؟! بيزوجونها..؟! سحب الورقة من بين ايديها و فتحها قرأ اول شطر و قطعها قدام عيونها : لا تحطين شيء غلط براسك.. هذا كان زمان .. و الماضي ما احد محاسب عليه.. و اعتقد تعرفين انا مين و اختك الخبلة مين..!؟ ندى : خبـــلة..؟! عساف : ايه خبلة.. ما تعرف تقدر الاشخاص تبي تأخذ رجال تحطه خاتم باصباعها.. يمشيء وراها وين ما بغت بس انا مو كذا.. انا ما ابي حرمة من هالنوع .. ابي مره متزوجة عاقلة راكدة و شفت هالشيء فيك.. و خطبتك.. ندى بشك : يعني شنو..؟! بتفهمني انك ما تحبها..؟! عساف : قلت لك كان زمان ايام الغباء و اللي متوقع انها مره ناضجة.. ندى : انا ماني بزر تضحك علي.. تبي تسكتني عشان ما أتكلم.. عساف بحزم صارم : اصلا ما تقدرين تتكلمين.. و الله ان دريت انك تكلمتي بحرف .. لا اقلب السالفة عاليها واطيها و اخذك برضى الكل و باسبوع واحد املك و ماله داعي عرس وما احد بيقول لي لا.. ندى بلعت ريقها خافت منه : تبي تستقوي علي..؟! عساف : افهميها مثل ما تبين .. انا ما ابي عقلك ما يهتم غير بالتوافهة.. و أي شيء تصدقينة.. و تقعدين لي على الحبة سويت كيت و سويت كيت.. ندى : يعني شنو..؟! تبيني انطم و اسكت و انا ادري اني بنظلم معاك.. عساف : ما جربتيني عشان تقولين انك بتنظلمين.. لا تحكمين.. ندى : تبيني احط حياتي على المحك و اجرب.. و ان فشلت قالوا عني مطلقة .. و انت رحت تزوجت من جديد ليش عشانك رجال ما يعيبك شيء.. عساف : استغفر الله العظيم .. لا تتفلسفين من راسك.. لا تحكمين على حياتنا بالفشل و هي توها ما بدت.. ندى : لانها اساساً انتهت.. انت تحب اختي.. عساف تجهم وجهة : لا تقولين تحب اختي من زين اختك عاد.. اقسم بالله ان سمعت للسالفة هاذي طاري حتى لو بينك و بين نفسك يا ويلك مني فاهمة.. و العرس بعد شهر قمتي و الا قعدتي فا لا تسوين سالفة على فاشوش.. طلع من غير لا يسمع ردها .. عرفت ندى ان حياتها انتهت.. وعد قالت انتِ اهون ما ملكتوا و كلها فركشت خطبة .. بس ماهي اهون .. الخطبة صارت كنها عرس دام العريس عساف.. ماهو سهل فركشتة.. .. لا إله الا انت سبحانك إني كنت من الظالمين.. لا أحلل نقل الرواية دون ذكر اسمي.. هاشتاق #رواية_لو_سألتي_الورد .. ضحكة قهر.. |
رد: لو سألتي الورد وهو ما بين إيدك أقطعك بيقول لك عمري فداك الكاتبة / ضحكة قهر
بسم الله الرحمن الرحيم .. السلام عليكم و رحمة الله وبركاتة.. ليلة عيد سعيدة عليكم يارب.. و جعلنا جميعاً من المقبولين يارب العالمين .. ما ابي اهنيئكم بالعيد قبل الصلاة لانها ما تجوز هذا و الله اعلم.. البارت المنتظر من فترة طويلة علي و عليكم حوالي 12 يوم كثير و الله بس العشر الأواخر لازم علينا نستغلها اكبر استغلال ممكن.. ما عليش ما رديت على ردودكم قبل البارب بس كلها حماسية جعلكم للجنة يارب.. اليوم باذن الله فيه بارتين.. الثاني عيدية.. و البارتين طويلة و مليانة احداث.. ان شاء الله بتعوضكم عن الفترة الطويلة .. ما ابي اقرقر واجد عليكم.. بس يا هلا بكل القراء الجدد حياكم الله جميعـــاً.. البارت الثلاثون.. تعبت أوله عليك و أحن للماضي تعبت أبكي على الماضي و على الذي جاي.. أأخ تعبت أكتبك على الفاضي وحيد أقضي بقايا هالسهر بكاي.. لـ ناصر التميمي.. أسيل تحط المخدة على وجهها : اووووف انتم ما عندكم بيت تذلفون له..؟! عبير : الا عندنا و هذا بيتنا بعد.. أسيل : ترى انتم رجـــة.. سها : احسن بعد بابا قال طفشوووها.. أسيل : و ابوك أي واحد فيهم اروح أعطية تهزية.. وعد : احم احم.. أسيل : هو نفسة ابوك..؟! وعد : ايه هو نفسة ابوي.. أسيل : ماشاء الله ابوك بقي مره بالمدينة ما تزوجها..؟! نهى رفعت الخدادية وضربت أسيل فيها : قولي ماشاء الله ماهو ناقص احد يصكة بعين نبية ترانا.. أسيل تضغط على كتفها مكان ضربت نهى : وجعع ويش ذا الضرب.. و بعدين ويش قلت انا كني قلت لكم تبروا منه.. جود : بابا خط احمر ما نرضى عليه بربع كلمة.. أسيل : استغفر الله طيب اشبعوا با ابوكم.. سهاد : وعد صدق بتروحين بيتك..؟! وعد ابتسمت : ايه صدق.. سهاد ابتسمت : الله حركات صرنا حريم متزوجات مين يصدق عاد.. جود تجلس جنب وعد : المهم وعيد لا تسحبين علينا ترانا خواتك حبيباتك.. وعد : افا من جدك انتِ مين بينسيني اياكم.. عبير : يعني مين سبع البرمبة عمادوه.. وعد وقفت : ما احد بينسيني اياكم.. المهم انا بروح البيت بنام بكره بسوي شووبينق لعمادي.. صرخن البنات كلهن بصوت عالي ما هجدهم الا صوت جدتهم : ووجع ان شاء الله ويش بلاكن تجعرن.. وعد : هههههههه تستاهلن.. سها : احم انا بروح معاك للقسم هذاك..(غمزت لوعد وهي مبتسمة).. وعد : انطقي قلة ادب.. اصلا انا بروح لمشغل بسوي نيو لوك جديد.. بقص و اصبغ و اسوي تنظيف وأسوي شعري.. عبير : ودي اصدقك من شوي قلتِ بتروحين السوق.. وعد : الصباح بروح السوق و العصر بروح للمشغل.. وماني اخذة معاي الا ناس ثقة انتم ما ينوثق فيكم.. طنشتهم وطلعت وهي تسمعهم يتحلطمون عليها.. أسيل : وجع انا عمتك حتى انا بروح معاك.. عبير : جعل عماد ما يشوف غيرك بس تعالي.. جود : وعيـــد يالشينة احنا نحبك تقومين تسحبين علينا هذا و انتِ ما رحتي معاه للحين.. سها : وجع تقهـــر.. نهى : بلا حلطمة.. بسألكم قد ايش باقي ع العيد..؟! سهاد : اقل من شهر.. ليش ..؟! نهى : ما شرينا لبس.. و انا خاطري اسوي دايت.. أثير : ليش بسم الله عليك جسمك حلوو.. نهى تلوي فمها : أي حلو الله يهديك يبي لي انحف كم كيلو عشان الوزن المثالي .. هذا غير اخواني طايحين تسفيل فيني.. جود : ههههههههههه كله كوم و مشعل يوم احرجك ذاك اليوم شي ثاني.. نهى : وجع لا تذكريني.. صبا : ليش ويش قالك..؟! نهى : ما قال شيء .. يا ويلكن ان علمتن فاهمات.. جود تلعب بحواجبها : ويش تعطيني مقابل سكوتي.. نهى : كفيـــن ان شاء الله.. جود : تراها اخت فصووولي.. نهى وقفت وبحدة ردت على جود : فصولي بعينك.. صبا وهي تناظر نهى بعد ما طلعت من غرفة البنات (اثير و اسيل) : ويش فيها زعلت..؟! لا يكون مشعل مزعلها مره..؟! جود : لا .. ما عليك ما صار شيء.. .. بيتهم على اتم الاستعداد .. الفرحة ملت ام ناصر و تشع من عيونها .. بتجيهم مرت ولدها و تستقر عندهم و هالشيء مونسها .. و مريم ما كانت اقل من وناستها شوفة بنتها بعد 24 سنة يخلي الابتسامة ما تفارق وجهها.. عبدالله : الله ,, الله كل هالبخور عشان مرت عماد..؟! ناصر يمزح : سقا الله يا اخوي تزوجنا و خلفنا و ما احد عطانا وجه.. ام ناصر : لا تظلم عمرك.. بس عاد مرت عماد حتى العرف ما نعرفها و اليوم بنشوفها و ان شاء الله ربي يكتب لهم حياة هنية و نشوف عيالهم حواليهم يــــارب.. ابو عبدالله : آميــــن.. عهود : هـــاي.. ام عامر بحدة ترد على حفيدتها وهي تشهر يدها تهددها : قلعـــاي.. انتِ ما تختشين .. مسلمة انتِ.؟ مسلمة حتى سلام مثل الاوادم ما تعرفين تسلمين.. عهود تجلس جنب ابوها : يمه ما صار شي السلام عليكم و رحمة الله وبركاتة.. زين كذا.. ام عامر : بعد ايش..؟! عيديها مرتن ثانية.. عشان اعلمك السنع.. عهود تحط رجل على رجل : هذا و انا حسبالي مروقة بتشوفين مرت حبيبك عماد.. ام عامر : و اللي يسمع حكيك يروق.. تعلمي السنع و الا اعلمك اياه يابنت عامر ترى لساتني بني شدة.. : يـــاولد.. ابو عبدالله : ناصر قم شوف عمك.. دخلت ام ناصر داخل تلبس عبايتها.. و ناصر وقف ع الباب : حياك عمي اقلط.. دخل غازي : السلام عليكم.. : و عليكم السلام.. باس راس امه و اخو هاما البقية هم قربوا له يسلمون عليه من باب الاحترام.. جلس غازي جنب امه : ويش حالك يمه.. ام عامر بزعل : من الله بخير.. ابتسم غازي : افااا كنك زعلانـــة..؟! ام عامر : لا وشولة ازعل.. غازي قبل كفها المجعد تحت أثر كبر السن : طلبتك ويش مزعلك.. ام عامر بزعل : وين بناتك..؟! غازي : برا ما ادري ويش فيهن ما دخلن وراي.. ام عامر : اللهم يا كافي ما يقولون عندنا جدة ننشد عنها..؟! غازي : و الله يمه لك الحق .. بس بناتي مشغولات بدراستهن..؟! عامر : وليش ما يجن نهاية الاسبوع.. غازي برفض : ما أبيهن يجن مع السواق لحالهن.. عامر : قول لواحد من العيال يجيبهن.. ما يقصرون.. غازي : و الله ادري ما يقصرون.. بس ولا يهمك يمه ان شاء الله بخليهن يجن كل أسبوع.. عامر : ويش موقفهن برا..؟! دخلت لينا متقدمة خواتها متحلطمة من غير لا تسلم وقفت بعيد و تكلم ابوها : بــــابـــا شوفهن.. ام عامر بحدة : الله لا يبارك بالعدو.. غازي بحزم : تعالي سلمي انتِ وخواتك.. تقدمتهم شوق وبعدها لينا و ريما و همس.. شوق : شخبارك يمه.. ام عامر : ما تهمك اخباري.. شوق باست كفها : افاا يمه و الله تهمني اذا ما همتيني مين يهمني اجل.. عهود تخرب على بنات عمها : اراهن اذا مو جايين عشان مرت عماد.. ريما تسوي نفسها ما تدري : مرت عماد..؟! ليش بتجيكم..؟! عهود تجاريها : ايه بتجي ليش ما قريتي قروب العيلة..؟! ريما : لا ما قريت صحيت و لبست و جيت.. بعدين احنا جايين عشان جدتي و عمي لا تلفقين من عندك.. : على اساس احد بيصدقك اصلاً.. ناظرت محمد وهو يجلس ببرود بعد ما سبها .. جلست تردد بنفسها وهي مغمضة عيونها لا تردين اسفهية لا تعطينه اكبر من حجمة.. اسفيه اسفية اسفية.. عهود : ويش عندكن كنتن واقفات برا و عمي داخل.. لينا : لقينا عندكم بِسة(قطوة) صغيرة مررره.. عهود بتقزز : وععع لا يكون مسكتيها..؟! غازي وهو الخبرة في بناتة : اكيد ما يبي لها.. عهود تأشر على يدها : وما غسلتي بعد ولا سلمتي علينا.. ريما بعدم اهتمام : انتِ هيه موسوسة نظافة .. عادي كلها بِسة.. عهود باستغراب : ليش ما فيها جراثيم..؟! ام عامر : اهجدن عنا انتن يا مال الصلاح ان شاء الله ما تعرفن تبلعن السنتكن..(التفت على غازي) زوجتك وينها..؟! غازي : رايحة لبنت اختها .. بعدين تجي هنا.. عبدالله : ويش عندها همس تقلب عيونها على الجالسين..؟! همس وهي مثبتة راسها و تلف بعيونها بس على الخلق : بـــس انا كذا.. عبدالله ابتسم : بنتك هاذي وراها مصيبة.. و الله يستر منها.. همس : انت مصيبة انا مو مصيبة انا همس.. محمد : مو البلا انك همس جاية بالمرتبة الثانية بالمصايب بعد بعض الناس.. ريما انقهرت منه : تراني ساكتة عنك.. يمه شوفية مو لا رديت عليه تتكلمين علي.. محمد مسوي فيها بريء : يمه ما كلمتها هي تلفق علي ولا جبت طاريها.. ريما : لا و الله وكل اللي قلتة ويش هوو.. غازي بحدة سكت الاثنين : و بعدين مع هالسالفة ما راح نخلص منها .. كل ماتقابلتوا تهاوشتوا من غير تقدير لا أي احد جالس بينكم.. صوت غازي بينهم كفيل ان الاثنين يهجدون من غير ما احد فيهم يزيد حرف واحد على كلامة.. عامر ابتسم على اشكالهم على ان ريما متغطية الا واضح الوضع مو عاجبها : كان سويتها من زمان ياخي ازعجونا.. .. وليد و مشعل يصفرون على نزلتها : ووووووو.. وعد ابتسمت : ايش رايكم..؟! مشعل يغمز لها : بتجيبين راس عماد.. انحرجت وعد من كلامة.. لو ماهي رايحة مع عماد عادي .. بس انهم يشوفون هالشيء وهي بتروح له يحسبونها مسوية هاللوك عشانه .. سعود باستغراب من شكل وعد : ويش ذا الشعر..؟! شكل الكوفيره مخربتة لك..؟! وعد دارت حول نفسها و استغربت من ردة فعل سعود : لا مو مخربتة.. ياسر يأشر عليها : أي مو مخربتة الا حرقتة لك شوفي كيف ابيض من تحت.. البنات كل وحده ضربت بكفها على وجهها من اخوانها بصدمة.. المعلومات عندهم تحت الصفــر الثلجي صار ينقال له ابيض.. منيره ابتسمت : هي كذا الصبغة.. جود تحاول تبسط المعلومة لأخوانها : اخواني الاعزاء هاذي اسمها صبغة الاومبري.. تدرج باللون ما يقولون عنه حرق..؟! و الا ابيض .. (صبغة الاومبري هي تدرج اللون لين الاطرف ما تصير ثلجي).. مشعل : ويش ويش اسمها..؟! جود : اومبـري.. مشعل : اللهم لك الحمد يارب اللي ما خلقتني بنية.. وعد بحماس وهي تلف : ليش مو حلو..؟! خالد يهز راسه : ما ودي اكسر بخاطرك.. زين.. ياسر بحدة : الا معفـــن و لا يعرف الزين وينه ويش بيقولون عنك اهل رجلك..؟! حارقة شعرها..؟! أي شيء تشوفونة على هالغرب قمتن غبرتنة على انفسكن.. نهى : استغفر الله العظيم.. الله يعين اللي بتتزوجها امها داعية عليها.. وعد : مع أنفسكم شغالين تحطيم لي اربع ساعات بالمشغل,, هالصبغة اللي ماهي عاجبتك سويتها بالقيمة الفلانية.. ام سعود ابتسمت تراضيها : ما عليه يمه هم ويش عرفهم بحركات البنات .. الا طالعة حلوة و تهبلين.. بسم الله عليك .. اقري على نفسك يمه.. وعد ابتسمت : سمعـــت الناس ويش تقول.. هذولي الذوق تعلموا.. وليد : و الله صدق طالعة تهبلين.. المهم الفريق غازي سابقك لهناك البارح قال بيسلم عليك بس قلت له انك ببيت جدي.. وعد جلست على طرف الكنبة المرتفع و عبايتها على ذراعها : الله يعين.. كنك صاير مره معاه.. وليد : بركات حضرتك مقتحم مزرعة عشان شوفة عيونك.. وعد : تسلم لي عيونك يا عيوني.. وليد : لا اجلي الكلام لعماد.. احم احم.. وعد ضربتة على كتفة بخفة : قليل أدب.. سها تسحب الخدادية و تحطها بحضنها و تناظر وعد : شكلك متوترة..؟! وعد ببساطة : لا عـــادي.. وليش اتوتر.. ام احمد : وشولة تتوتر اهل رجلها بيكونون مثل اهلها و اعز.. ابو سعود : هالله هالله يبه .. ما ابي احد يحكي فيك.. وعد : يبه اذا ما يبوني اكيد بيحكون فيني.. سعود بحدة : ويش اللي ما يبونك كان خلاك عماد تنثبرين عندنا ما اخذك.. خليك عاقلة و طوالة لسانك اللي خبري خبرك انسيها .. ترى رجلك ما يصبر عليك مثل ما يصبر ابوك و الا اخوك .. ما عجبتيه الباب يوسع جمل.. ياسر يكمل على تنبيهات سعود : ايه عاد مو ترفعين صوتك و تنسين مين قدامك .. و امه احترميها كنها امك و قومي فيها .. ترى الرجال تعجبة المره السنعة اللي تقدر اهله.. سعود : و خواتة قدريهن كنك جالسة مع خواتك.. لا تخلين عليك منقود يقولون ابو سعود ما عرف يربي.. ما كانت وعد الوحيدة اللي تنقل عيونها بين سعود و ياسر خواتها كلهم يسمعون سيل النصايح و المهمات التبجيلية .. لوهلة حسوا انهم يعرفون اهل عماد و عاشروهم وناس طيبين وما فيه منهم و ان الشين كله بيطلع من وعد وبس.. هي تعرف حدودها وتعرف ان لازم تقدر امه و تحترم خواتة.. بس اكيد اللي بيتعدا عليها بيصير فيه تتشات.. فارس فتح الباب و يصارخ من غير لا يقرب لهم : وعـــد.. عماد بـــرا.. وعد وقفت : طيب... (فردت عباتها تلبسها) : شكراً على النصايح.. يجي منكم اكثر.. ياسر يرفع حاجبة الأيسر : كنك زعلتي..؟! وعد : انا متربية و اعرف ويش لي ويش علي.. و مستحيل اخلي احد يحكي على تربيتي.. بس ان كان فيه احد بيحكي فيني ما راح اسكت له و بعصب و اصارخ و اسفل فيه بعد.. سواء من اهل عماد و الا غيره .. و ان كان عماد نفسة فرضاً رضا ان احد من اهله يهيني .. وقتها ما يلزمني الرجال اللي يشوف مرتة تنهان و يسكت ماهو رجال.. (ناظرت ابوها) : بابا تامر على شيء..؟! ابو سعود : لا يا بابا.. انتبهي لنفسك.. وعد تقدمت له وباست راسة وكفة : ان شاء الله.. التموا حواليها خواتها يسلمون عليها.. مشعل : هوووه علينا .. ترى بيتهم هنا حذفة حصاة و انتم عندها ماله داعي تسلمون و تخلونها تأخر على الرجال ماهي زينة.. وعد وهي تبوس راس خالتها ام سعود : هذا همكم يا رجال ما تحسون غير ببعضكم.. وليد : عادي اذا بتقعدين انا اوصلك بعدين.. سعود بصدمة : ويش اللي توصلها بعدين..؟! روحي الله يستر عليك.. وعد سحبت شنطتها : مع السلامة.. تفاوتت الردود : مع السلامة.. في امان الله .. بحفظ الله و رعايتة.. مشعل : يالله ماني مصدق وعيد صايرة مره متزوجة و رايحة لبيتها و بتجينا زيارات..؟! خالد ابتسم : زي أي بنت مرد اللي قدامك كلهن يتزوجن و يسيرن علينا.. ام احمد تناظر خالد : و انت بعد ما انت مفرحني..!؟ خالد : ما ادري ويش جاب طاري الزيجة .. يصير خير يمه.. ام احمد : متى يا ابوي خلني افرح فيك.. خالد : يمه تكفين لا تضغطين علي و انا توني طالع من تجربة فاشلة بكل المقاييس.. ابو سعود بحزم : و الله غصب تكون فاشلة متخير لي مره ما تعرف الدين ثم معتبر نفسك داخل تجربة.. خالد : يبه الله يرضى لي عليك لا تسمعهم حكي و رب الكعبة ماني ناقص.. جود بلعانة : طيب ليش ما تزوجون يسوري.. ياسر رفع راسة بعد ما كان مدنق : نعــم و انتِ احد شكى لك شيء..؟! ام احمد بخيبة بانت بصوتها : عين و صايبتكم و الله ما انتم طبيعيين.. كلكم عايفين الحريم..؟! ياسر بتصريف : عندكم احمد ليش ما تزوجونة .. زوجوه بعدين يجي دور خالد ثم دوري.. سها : اذا بتنتظر دور احمد ثم خالد بتصك الأربعين و حضرتك ما تزوجت.. نجلس خمس سنوات نقنع بواحد فيكم.. ياسر يناظر خواتة و احتد صوتة عليهن : ليش احنا شكينا لكن..؟! مدخلات انفسكن بمواضيع ما تخصكن.. ابو سعود بحدة : يـــاســر خواتك يبن لك الخير .. ام احمد ترجاهم : تكفى يا ابوي خاطري اشوفكم داخلين معاكم حريمكم.. نهى تحمســت : ياسر ترى لك عندنا عروسة ما تنفوووت ابداً ابداً بتعض اصابعك ندم ان ضيعتها.. دانه تساير خواتها لانهم متفقات على شيء.. بيعرفون نظرة ياسر ببنت عمهم : ايه تكفى ياسر و الله مره لايقة عليك بنت عالم وناس << ما قالت لا دلوعة و لا حلوة و لا حتى تصغير بنوتة عشان ما تخلي ياسر يرفض حتى يعرف من هي.. بنت عالم و ناس و هذا اللي يدورونة بنت حسب و نسب متربية تعرف الدين.. ياسر : ليش كلمتكن انا عشان تدورن لي .. ويش بلاكن علي..؟! وليد : ناويات عليك نية ماهي صاحية.. الله يعينكم بس هقوتي بكره مو بس سعود اللي بيخطب الا كلكم.. ام احمد : حتى انت يا ابوي صرت بعمر زواج.. قمز وليد من الخرعة : وشوووو انا بعمر زواج..؟! اجل عيالك هذولي ويش ينقال عنهم..؟! ودعوا خلاص ما فيهم رجاء .. تكفوون طلعوني من الحسبة.. انا مالي دخل فيكم .. عندي شغل ايه شغل مثل عيالكم و لازم تلتمسون لي العذر مو تقحموني بامور ما عندي لها وقت.. ابو سعود : هيـــه أنت ويش فيك بلعت راديو.. ما سكت.. سعود : ههههههههههههههه بسم الله على الشغل اللي مقطع بعضة.. ام احمد : انا مصره اخطب لكم ثلاثتكم احمد و خالد و ياسر.. ياسر : يمه تكفين الله يرضى عليك انا بتزوج لا صار عمري مثل عمر سعود الحين.. توني صغير.. ام احمد : لا تحاول و الله لا اكلم جدكم يحلف عليكم.. طيعوني ازين لكم و علموني بالمواصفات اللي تبونها.. ياسر بقهر ابوهم لو دخل بالموضوع بينهيه بأمر واحد كيف جدهم يزوجهم اخر الأسبوع وهو مرتاح.. : ليش يمه طالبين سيارة..!؟ انا ما ابي شيء.. ابي ارتاح من حنة الحريم فوق الراس.. ابو سعود : ليش انت مجرب حنة الحريم عشان تقول بأرتاح منها.. جود : تكفى ياسر و الله البنت خطيــرة.. ياسر بحدة : ومن هي هاذي ان شاء الله اللي اعجبتكم و ما تبونها تروح من يدينكم..؟! نهى دانه سها و جود الاربعة بحماس و عيونهن تلمع من القنبلة اللي بيفجرنها بوجه ياسر : صبـــا.. ياسر وقف لا شعوريــاً هو و صبا يتخيل ذيك اللوعة مرتة اتسعت عيونة من الصدمة ونسى ان ابوه موجود : هذا اللي ناقص انا اخذ هاذيك المايعة عشان ازفها لقبرها.. ابو سعود بحدة : يــــــاســــــــــر.. ياسر لف لابوه و استوعب اللي قاله.. لكنه ما رد مجرد خيال ان صبا تكون زوجتة هالاحساس يذبحة .. هو و صبا صوتها و حركاتها و طريقة كلامها تخليه يعصب و هو يشوفها من وقت لوقت بعيد.. كيف لو انه يتزوجها و يسكنون ببيت واحد بيضطر يسمع صوتها على الاقل في اليوم مرة.. ابو سعود وهو يقدم بجلستة و عيونة بعيون ياسر : خير ويش فيها صبا..؟! ياسر بمحاولة انه يهدأ : السموحة يبه بس ما تعجبني.. ابو سعود : ليش ويش يعيبها..؟! ياسر يبي ينهي الموضوع عشان لا يكبر : يبه ما تروق لي .. لو اني باغيها كنت خطبتها من سنين ماهي قدامي من يوم ولدت .. بس انا ما أبيها.. و طلع بسرعة قبل لا يسمع أي تعليق من أي احد.. ابو سعود ناظر بناتة : انتن وراكن شيء صح..؟! ناظرن الأربعة ببعض و نطقن بصوت واحد : لا.. نهى ببرود : شيء زي ايش..؟! ابو سعود : شوفوا انا ماني غشيم .. بناتي و تربيتي و اعرف ويش وراكن.. ايش معنى اخترتن صبا من بد الكل و اصريتن على ياسر.. جود : انت يتهيأ لك.. بابا لا تكبر الموضوع و تسوي سيناريوهات.. ابو سعود : السيناريوهات صارت علموني فيه شيء انا ما ادري عنه..؟! ام احمد : افا يا ابو سعود تشك بولدك..؟! ابو سعود : ما اشك فيه .. بس اصرارهن على ياسر بالذات و ردة فعلة تأكد ان فيه شيء احنا ما ندري عنه.. ام احمد ناظرت البنات : صدق هالكلام..؟! سها : خالة و الله ما فيه شيء.. و انتِ تعرفين صبا قد ايش بنوتة حبوبة و طيبة .. اصلاً حرام ياسر يأخذها وهو على ذا الشكل بيسفل فيها.. منيره : و لما انتم عارفات اخوكن و تقولون ما تصلح له.. ليش قلتوا لياسر لك عندنا بنت كويسة.. نهى لوت فمها ما بقي غير انتِ تحققين معانا .. : ليش يعني صبا ماهي كويسة..؟! الا يا سعد عينة اللي بيأخذها بسم الله عليها.. ما تنعاب .. اما ياسر هو اللي بتتعقد اللي بتأخذة من تعقيدة.. ابو سعود بحزم صارم : ســاره .. كلمي ولدك.. ام احمد باستغراب : اكلمه ويش اقولة..؟! ابو سعود : قولي له بلا عنفقة .. ما راح يطلع من بنات عمه .. احمد بيأخذ سهاد و خالد يأخذ عبير و هو يأخذ صبا.. خالد : يبه ليش هو الزواج خذني جيتك.. انا حتى لو بتزوج ماني مأخذ من بنات عمي.. ابو سعود اتسعت عيونة : خير خالد .. بتروح بعد تأخذ اجنبية..؟! خالد بمحاولة لامتصاص غضب والدة : ما قلت بأخذ اجنبية .. بس بنات عماتي حسبة خوات.. ابو سعود : لا.. ماهن خواتك.. خالد : يبه تكفى الموضوع ماهو كذا .. يعني كل هالسنين صابر علينا الحين تبينا نتزوج بهالشكل.. ابو سعود : قلتها صابر .. و انتم ما صدقتوا .. ما تقولون نفرح ابوي و نتزوج .. نخليه يشوف احفادة.. خالد : هذا هم يبه عندك ابراهيم و رند .. انا قضيت ما ابي اتزوج.. الموضوع ما يجي بهالشكل.. ابو سعود ارتفع صوتة : تبي تعصاني..!؟ خالد : اعوذ بالله.. انت تدري اني ما اسويها.. ورضاك اهم ما عندي.. ابو سعود : خلاص لا تأخذ عبير .. بس تتزوج.. خالد يحاول يهدي أبوه : ان شاء الله.. ابو سعود : مو تسكتني يا خالد .. تقول لامك ويش شروطك و امك ما تقصر.. خالد : يبه تكفى انا عندي عيال .. تخيل اني داخل عليهم بمرة.. ابو سعود : هذا انا لحد قبل اربعة شهور داخل عليكم بمرة استنقصتني..!؟! خالد : حشاا لله.. بس احنا كبار يبه.. و عيالي صغار ما يتقارنون ببعض.. ابو سعود : الموضوع منتهي.. ان شاء الله عرسكم الأربعة بليلة وحدة.. ام احمد : حتى وليد و مشعل وشولة يجلسون كذا.. مشعل : يمه ويش نجلس كذا احنا ندرس.. و لا عندنا وظايف ولا نقدر نفتح بيوت.. سعود غمز لوليد بمعنى انت تقدر وظيفة و راتب و تقدر تفتح بيت.. اما وليد تجاهل ابتسامة سعود و غمزتة : من جد يمه تخيلي لو تقول لي ابي فستان اروح اطلب ابوي عشان اجيب لها فستان..؟! بالله على ويش رجال..؟! مشعل : يالله و الله مره بينقودنا العرب و سيرتنا على كل لسان ما احد بيسكت .. عاد على اخر العمر ينقودنا الحريم على كم ريال كل شهر.. وليد : من جد عاد الحرمة لو تعطيها دم قلبك و قالت لك ابي ريال و ما عطيتها تقوم تنشر غسيلك عند الخلق شيء صار و شيء ما صار.. مشعل : ايه و الله يا أخوي عاد تخيل تروح بيت ابوها و تقول اصلا هو ما يصرف علي عاد ان كانت موظفة تقول انا اصرف على البيت و ان ماهي موظفة قالت ابوه يصرف علينا و حارمني من أشياء كثيرة.. وليد : و عاد تبدأ تحكي لهاذي و هاذيك و ابشر بكم بي سي يجيك ع الواتس نقد فيك لا تصرف على مرتك و فيك وما فيك.. لا ما يصير ابداً نتزوج بهالشكل ما احنا متزوجين و احنا ما تخرجنا و توظفنا.. مشعل : اصلاً عيــــب ندق بيبان خلق الله و احنا مو متوظفين مين بيزوجنا..؟! ابو سعود : خلصتوا و الا باقي هذرة..؟! سكت الاثنين من بعد كلمة ابوهم.. وهم يلقطون وجيههم.. ابو سعود : انا ماني جابر احد فيكم.. بس اعطوني السبب المقنع.. بس هذا اللي ابيه.. الناس تنشدني متى بتزوج عيالك..؟! و انتم قاعدين هنا و لا واحد فيكم فكر يتزوج.. سعود يبرئ نفسة : يبه لا تضمني معاهم.. ابو سعود : انت اولهم.. و ساس البلا اللي قدك عيالهم طولهم و انت قاعد لي للحين توك تفكر تخطب.. وليد و مشعل ماسكين انفسهم لا يضحكون و ابوهم معصب.. بس سعود بيبرئ نفسة من الموضوع وهو اولهم.. ام سعود : ان شاء الله بكره بنروح لناس و نخطب منهم.. ابو سعود : ان شاء الله .. وين ميار ما عدت اشوفها..؟! ام سعود : بغرفتها .. تخبر انت بلاها.. ابو سعود : و ندى..؟! نهى : بعد بغرفتها.. كنها البارح ما نامت.. دانه : من حقها ما تنام .. عساف ما قصر بتخريعها عرس بشهر..؟!! ابو سعود : هم اهل العرس يعني هم يحددون ماهو احنا نتشرط.. احمد وينه..؟! ام احمد : بدوامة.. صاير يدوام الليل كله الله يعينة.. ابو سعود : و امكم وينها..؟! سها : تعبانة.. ابو سعود : استغفر الله العظيم.. منيره : لها فترة حالتها زايدة .. يمكن تشكي من شيء.. ليش ما نسوي لها تحاليل و فحوصات.. ابو سعود : ما تشكي الا من القالون و لو ظلت على الحالة بيجيها السكر و الضغط.. سها نقزت بفجعة على امها : بسم الله عليها بابا لا تقول كذا.. ام احمد : عمتي البارح قالت لها تروح لشيخ .. يمدحونة يقولون يا زين قرايتة.. بس ماهي راضية.. و اخبرها بتكلمك تقنعها.. ابو سعود وقف : انا بشوف البنات و اشوفها.. سارة كلمي ياسر على صبا.. و مشى طالع لفوق.. سعود يناظر خواتة : ارتحتن انتن الحين..؟! ابي افهم طاب خاطركن.. لو ابوي يضغط على ياسر و يأخذ صبا وهو ماهو راضي وما توفقوا بحياتهم بترتاحن حزتها..؟! نهى : لا تحطها برووسنا .. صبا ما تنعاب العيب بأخوك.. لا تهش و لا تنش وين ما تحطها تلقاها.. لكن اخوك يبي وحده تشابة عشان تسمعون هواشهم كل يوم و تحط راسها براسة.. خالد : لا يا شيخات.. يعني اللي سوتنة صح .. تعرفون ان ابوي لا قال كلمة تصير .. الحين هو مصر على انه يزوجنا ممكن انا و احمد نفلت منها لكنه بيضغط على ياسر عشان يأخذ صبا.. و انتن تدرن انه ما يبيها قمتن سويتن الفيلم اللي من شوي .. ثم تبرئن انفسكن.. .. عماد : لا تخافين اغراضك وصلت العصر بس طبعاً ما احد رتبها لك انتِ بتشمرين عن اكمامك ترتبينها.. وعد تطلع الدرج القصير وراه : ازين لاني ما ابي احد يشوف اغراضي.. عماد لف عليها : بلا سخافة حريم.. وعد : ماني سخيفة بس فعلاً خصوصياتي.. عماد يفتح الباب : استغفر الله العظيم .. على فكرة انا لازم احط النقاط على الحرف بس خليها لحالنا.. الحين اكيد الكل موجود بيشوفون حرم عماد.. وعد : ان زين البيت هذا فيه اخوانك..؟! عماد : ايه فيه اخواني.. اصبري لا تنزلين عبايتك بشوفهم اخبرهم بيخرجون قبل لا تجين عشان تأخذين راحتك اليوم.. وهو يوم واحد ما فيه غيره عشانك عروصة.. وعد مسكتة ذراعة قبل لا يدخل و يتركها بالمدخل ونطقت وهي ماسكة ضحكتها : عشاني ايش..؟! عماد استغرب : عروصة.. اطلقت وعد ضحكتها و كتمتها بسرعة تحاف يكون اخوانه فيه.. و عماد استغرب : خير ويش اللي يضحك..؟! وعد وهي ماسكة ضحكتها : عروصة.. اسمها عروسة عروسة مو عروصة.. بس الدقاقات يقولون عروصة.. عماد سحب ذراعة من كفها : لا عاد تعيدين هالحركة عشان ما اصكك كف على خشتك يعدل لك ضروسك.. وقف ع الباب بعد ما فتحة شاف اخوانة ماهم فيه : فيه احد..؟! ام ناصر قامت و الأرض ماهي سايعتها من الفرحة : لا يمه تعالوا.. عماد لف : تعالي ما احد فيه.. فكت نقابها بسرعة و حطته بشنطتها و الطرحة على أكتافها .. نفضت شعرها بيديها و اخذت نفس و عماد يناظرها ينتظرها تخلص من الحوسة .. تقدمت وهي تناظر فيه .. وهي يناظر فيها مغيرة لوكها عن البارح لافها شعرها كيرلي و مقصقصتة .. ام ناصر اول ما شافتها : يا هلا يا هلا تو ما نور البيت .. استحت وعد باست راسها وكفها بعد ما عماد باس راس امه وكفها .. : هاذي امي.. ام ناصر : يا مرحبا يا بنتي البنت نور فيك.. وعد ابتسمت باحراج : منور بأهلة.. عماد مشى و سلم على ابوه اللي متوسط المكان و باس راسة و وعد كانت تمشي وراه و تسلم من غير لا تسال و لا غيره تفضل قال لها عنهم اوك.. ما قال مردها تعرفهم.. عامر : يا هلا ببنيتا .. ما بغينا نشوفك.. وعد ابتسمت : هلا فيك عمي.. (عمي) قالت عمي لانه ابو عماد ولازم تحترمة نست انه خالها.. بعدها سلمت على غازي .. و اكيد عرفتة من بينهم كلهم .. غازي مبتسم : الحمدلله على سلامتك.. وعد : الله يسلمك.. عماد بأمر : تعالي سلمي على جدتي.. وعد شطحت الكل و سلمت عليها باست راسها و كفها.. ام عامر : يا ماشاء الله تبارك الله .. يا سعد عينك يا عماد ببنتنا.. (وهي ماسكة كف وعد تضغط عليها) ويش حالك يمه ان شاء الله بخير.. وعد ابتسمت الحريم كبار ما يتركون حركاتهم الغبية : بخير يمه جعلك بخير.. سحبت وعد يدها من ام عامر و سلمت على الحريم الموجودات .. حريم ابو عامر و بناتة و بنات غازي و اخرهم كانت مريم .. مريم تعرف بنتها عيونها كانت مغرقة لكن وعد نست انها راح تقابل امها هنا.. لكن مريم ما نست بنتها .. من 24 سنة تركتها ما شافتها الا يوم واحد يوم ولادتها .. و اليوم هاذي ثاني مره تشوفها.. مرت بحياتها بمراحل كثير و مشاكل و مواقف احتاجتها فيها و ما لقتها جنبها.. اعطتها ابوها قطعة لحمة لين خلصت نفاسها بعدها تزوجت و سافرت و اليوم تدخل عليهم و هي زوجة لولدهم.. 24 سنة مرت ما تعرف حتى ملامحها .. و لا لمين تشبة.. ما تعرف الا ان ابوها سماها وعد.. بس حتى تخصصها و دراستها ما تعرف عنها و لا شيء.. وعد سلمت عليها عادي مثل الباقين ما توقعت انها امها و لا جاء ببالها لان هالموضوع ما يهمها.. ما انتبهت لعيون مريم الغرقانة دموع.. صافحتها و باستها خد بخد مثل الباقين و فلتت يدها و ابتعدت.. عماد : تعالي هنا.. عماد جلس و وعد جلست جنبة.. مقابلهم غازي و مرتة و بناتة متغطيات عشان عماد.. و يمينهم الجدة و ام ناصر و عامر.. ويسارهم البنات و مريم و حريم عامر و حريم عيالة.. ام عبدالله : ياهلا فيك يا بنتي .. من زمان نبي نشوفك.. وعد و ابتسامتها ما فارقتها : الظروف ابعدتنا .. و توه جاء وقتها.. عامر : ما عرفتها على الناس يا عماد..!! عماد : طبعا هذولي تعرفينهم.. ابوي وجدتي و امي.. و هذا عمي غازي ما يخفيك.. وعد ابتسمت من غير لا ترد.. و عماد يكمل : و حرمتة ام شوق و بناتة شوق و ريما و لينا و همس الشرانية.. همس : لا و الله انت شراني.. ريما بحمــاس : اخيــراً شفناك خواتك يقولون ما تشبهين لهم الا نسخة طبق الاصل .. ام عامر : يالمطفوقة انتِ ماهو زين توصفين البنات المستترات عند رجال ما يحلون لهم.. ريما حطت يدها على فمها : ما انتبهت يمه من الحماس.. ام شوق : اقضبي لسانك المنفلت هذا ما تحاسبين على كلامك.. ريما تحط رجل على رجل : خلاص و الله.. وعد مبتسمة : عادي حصل خيــر.. ريما : يؤبرني المتفهم ياناس.. عماد يناظر ريما : ان ما لميتي لسانك ذا اقصة لك.. ريما : انا ما كلمتك اكلم بنت عمتي.. ام عامر بحدة : اعطوني اياها اعلمها السناعة.. ريما وقفت و بعدت شوي على انها بعيدة عن الجدة : يمه ويش سويت هو يتكلم علي.. انا اكلم بنت عمتي هو ويش سقطة بيننا.. عماد : زوجتـــي فاهمــــة .. زوووجتي.. (آشر على ريما ويكلم وعد) هاذي لا تكلمينها ما ابيها.. وعد رفعت حواجبها : حرام عليك ما قالت شيء.. عماد يأشر باصباعة على راسة : كيفي مزاجي انا ما ابيك تكلمينها.. وعد همست بصوت واطي : ما ابي اكسحك قدامهم.. بس ما يحق لك تكلمني بهالشكل.. يا عماد ماني عبدة عندك كلمي ذا و لا تكلمين ذاك.. عماد عناد قرب منها و فمه عند اذنها : جربي و طولي لسانك قدامهم و بعدها ادعي الله يرحمك.. انا بالقوة ماسك نفسي عنك و احنا لحالنا.. وعد كانت مبتسمة حتى و عماد يهددها اللي يشوفها يقول يتغزل فيها يقول كلام حلو سالفة تبسط .. بس مستحيل يكون تهديد.. عماد كمل : هذولي حريم ابوي خالاتي واللي جنبهم حريم اخواني حياة ام عامر وخلود ام جهاد واللي هنا خواتي (كانوا هنادي وعهود وانهار الثلاثة جنب بعض جالسين الا ان ضم انهار تحت قائمة الأخوة ولا قال اسم أي وحده فيهن عشان ما يجيب طاريها اما عهود منقهرة من وعد سلمت وعد عليها عادي ولا كنهم بيوم تهاوشوا من المعهد وسو سالفة مالها اول من تالي قابلتها وعد بوجهة بشوش وكنها اول مره تشوفها و سوت هالشي مع انهار بعد بس ممكن تكون ما تعرف انهار بس لو عرفت ويش بتسوي ؟!).. عماد آشر على مريم : وهاذي عمتي.. وعد مبتسمة وهي كل مره تنقل نظرها على الناس اللي يعرفها عليهم .. اختصر على كلمة عمتي من غير لا يقول اسمها.. ام ناصر : نزلي عبايتك يمه خذي راحتك ما احد جاي من العيال.. وعد وقفت و فكت ازارير عبايتها و لفتها .. اما هنادي اتجهت للطاولة و صبت القهوة للكل ابتداء من جدتها.. و عهود و انهار يتهامسون.. ريما تهمس لخواتها : يا خسارتها بعماد.. يقهر ما يستاهل كل هالجمال.. هذا حقة وحده ماهي متعلمة ساكنة كل عمرها بالديرة ما تكلم احد و لا تعرف شيء جاهلة.. شوق : لا يطق فيك عرق من القهر.. ريما : مسوي فيها انا متحكم ياكل تبن.. انا بدعي لها ليل نهار الله يعينها عليه.. لينا : عاد صدق البنت تطيح الطير من السماء بسم الله عليها.. شوق : ايه ماشاء الله بابا قال انها حلوة و هذا يكفي شهادة ابو شوق فيها.. ام عامر : ويش حال جدتك و عمانك يا وعد.. وعد : بخير يمه الحمدلله.. ام عامر : وحريم ابوك ويش حالهم..؟! عماد يأشر لهنادي ما يبي قهوة .. و مدتة لوعد و اخذتة .. وهي ترد على جدتها : يسلمو.. بخير يمه كلهم الحمدلله بنعمة.. ام عامر : وخواتك ويش اخبارهن.. وعد مسلسل الكفحلة : بعافية يالله لك الحمد.. ام عامر : و اخوانك ويش حالهم..؟! وعد : بنعمة الحمدلله.. ام عامر : ابوك متى بيزوجهم..!؟ وعد : ان شاء الله قريب يمه.. ام عامر : هقوتي اخوك سعود صك الثلاثين.. وعد : ايه يمه اظن عمره 30.. ام عامر بلقافة اللي ما تخلص : ويش باقي بعمره ويش حقه ما تزوج للحين..؟! وعد : ما كان له خاطر .. بس ان شاء الله قريب نزوجة.. ام عامر : ايه زين .. هقوتي عندك اخوك ادون منه ماهو بعيد.. وعد : ايه احمد.. ام عامر : ايه و هو ماهو ولد ام سعود..!؟ وعد : لا ولد خالة سارة.. ام عامر : ايه ماشاء الله هي عندها عيال غيره..؟! وعد شكت هاذي تعرفهم و الا تستهبل..؟! معقولة ما تدري..؟! : ايه يمه احمد و خالد و ياسر و مشعل و وليد و فارس.. ام عامر : يا ماشاء الله يا ماشاء الله الله يحفظهم لها و لابوهم .. و يبرون فيهم.. وعد : آميــــن.. ام عامر : صحيح ان جدك طلع متزوج على جدتك.. وعد انصدمت.. ما توقعت احد يكلمها بذا الموضوع ما طاحت الميانة عشان احد يحاكيها.. لكنها ابتسمت تخفي صدمتها : ايه.. ام عامر : ويش عنده متزوج من وراء الخلق..؟! و ليش يتزوج على مرتة ما شاء الله عليها سنعة ام عبدالرحمن.. وعد : هم الرجال كذا.. لا طخ الزواج برووسهم ما احد يردهم.. عهود : يعني عادي عندك ان جدتك طلع متزوج..؟! وعد : ايه عادي ويش بالحلال ماهو حرام.. عهود وهي تلعب بشعرها تبي تغيض وعد : حلوو يعني ما عندك مانع نزوج عماد ثانية.. وعد زادت ابتسامتها و بانت صفة اسنانها : اسالية ليش تسأليني..؟! عهود تناظر عماد جالس جنب وعد : هاه عماد ويش رايك ندور لك على الثانية.. عماد يحط يدة على كتف وعد : لا عندي وحدة مكفيتني الحمدلله.. وعد بغرور : و مو وعد بنت ابراهيم اللي ينحط على راسها مره.. ريما بحماس : انتِ كفووو و الله اعجبتيني.. عماد يأشر بيده اليمين على ريما : خيــر انتِ..؟! لو انك واحد من الشباب..؟! ريما بقهر منه مو مخليها تتكلم : استغفر الله انت ليش حاط دوبك و دوبي ويش انا مسوية لك..!؟ عماد : صدقيني لو مسكتك مردغتك هنا ما احد بيقول لي شيء.. ريما : يا شيخ خوفتني مره.. عماد ناظر عمه : عايف بنتك ..؟! غازي : انت لا تحاكيها خلها تقول اللي تبيه.. ليش ناشب لها..؟! عماد : لا تحاكي مرتي.. غازي : و الله مرتك بنت عمتها .. لا يكون بتحبس البنت بس و تحرمها ما تحاكي الخلق.. انهار : كل ذا غيره عليها..؟! عماد يقهر انهار : ايه اغار ما احد له عندي شيء.. مرتي و حلالي.. عهود بقهر : اشبع فيها.. وعد همست لعماد : مين هذولي..؟! عماد : قلت لك خواتي... وعد : خواتك ما لهم أسماء ..!؟ عماد ببرود يأشر عليهم و يتكلم بصوت عالي : هنادي و عهود و انهار.. وعد ابتسمت و كأن الموضوع جداً عادي : اهاا عاشت الاسامي.. هنادي : حبيبتي تعيشيـن.. غازي : اخوك وليد بالبيت..؟! وعد : ايه.. غازي : اهاا.. ابو عبدالله : كنك خارط معاه مره..!؟ غازي : رجال ما عليه صح ان عنده حركات تنرفز بس يعجبك.. متربي صح.. عماد : لو انه يترك البلاء اللي يشربة.. وعد انصدمت من كلمة عماد لفت عليه بحدة : ايش قلت..؟!؟!؟! عماد ببرود : سمعتيني.. وعد : وليد ..؟! غازي : لا تفهمين غلط.. عماد يقصد الدخان.. وعد : يدخـــن..!؟ لا تمزحون..!؟ غازي يناظر عماد : انت ما تعرف تمسك لسانك..!؟ عماد : هذا الواقع .. مو هو يعتبرة مرجلة ليش يخفيها عن اهله خلهم يدرون.. وعد تنرفزت منه سحبت شنطتها و خرجت جوالها .. وتذكرت جوالها القديم ناظرت خالها : ما انتم متكرمين علي و مرجعين لي جوالي..؟! غازي ابتسم : لا للاسف نحتاجة.. وعد ناظرت عماد : ابي اكلم بمكان غيري هذا.. عماد : ادخلي هالغرفة .. (آشر لها على غرفة جدته و راهم و بابها على يسارهم.. فعلاً قامت و دخلت الغرفة وهي متنرفزة من وليد..). غازي : ارتحت الحين .. عماد : ويش بتسوي يعني انت ما قدرت ترده هي بتقدر .. بتقولة كلمتين و ترضى بعدين.. عامر : بس كنت تحاسب خصوصاً ان اهله ما يدرون ولو هو عادي عندهم كان ما تضايقت و تفاجئت.. عهود : الله يستر من بدايتها الاخو يدخن و الجد متزوج من سنين الله العالم بكره ويش يطلع عندهم.. عامر : عهووود .. احترمي الادمية.. فاهمة.. عهود بتحلطم : و انا ويش قلت .. مو هذا واقعهم.. ام عامر : ويش بلاك ساكتة يا مريم.. مريم : ما عرفتني .. ما عرفتني يمه.. سكتوا كلهم يناظرونها .. و كأنها تنزف الماً.. : ما عرفتني سلمت علي من غير لا تنتبة اني امها.. 24 سنة يمه ما شفتها ما عرفتني من بعدها.. غازي : الله يهديك هذا اللي مضايقك .. شيء طبيعي البنت ما تعرفك ما قد شافتك بحياتها.. ام شوق : الام هي اللي تحس بضناها ماهو البنت اللي تحس بامها.. لا تزعلين مردها تجيك و ترتمي بحضنك.. مريم : تهقين..؟! اختها ما جاتني الا مره.. و جات عشان تعرف ليش تركتهم و بعدها ما رجعت لي و لا حتى كلفت على نفسها و اتصلت علي.. و انا يوم تركتها عمرها سنتين .. تهقين وعد بتعترف فيني و هي ما عاشت عندي غير يوم..!؟ ام ناصر : ايه يا ام ريان بتعترف فيك.. اليوم تزعل و بكره ترضى .. ما يخالف اللي سويتية انتِ معذورة فيه.. ما احد يلومك.. و السنين مرت ما احد محاسبك على شيء صار من سنين.. ام يوسف : ام ناصر معاها حق .. ما احد محاسبك على شيء صار من سنين.. و بناتك كبرن ماهم محاسبتك الحين.. مريم : ما هن محاسبتني بس ماهن راجعات لي .. انا فقدت الامل.. اول كنت امني نفسي .. اقول يمكن تطلع الصغيرة اهون.. بس يوم شفتها ما عرفتني خلاص ما عاد فيه امل.. ام عامر تعدل طرحتها و لثمتها : يا ليتك عاد تعتبرين .. و تراجعين عن اللي بتسوينة .. رجلك بيجي و ان كنت صاملة على رايك بيرمي ورقتك بوجهك و تضيعين باقي بناتك.. مريم : يمه تكفين اللي فيني مكفيني .. خلاص مليت من هالحكي.. انا ما ابي ارجع فرنسا يكفيني ان لي عشرين سنة انتظرهم يوافقون على اني اسافر منها و ارجع السعودية.. و طلال ما تاب يبي يقعد هو و عيالة خلهم يقعدون ويش بسوي انا ماني طالعة من السعودية.. ام عامر : المره وين ما يكون رجلها تكون معاه.. مريم : يمه اذا بتفتحين سيرة طلال و تناقشيني فيها انا بترك الجلسة و اقوم.. يكفيني اللي أعيشة.. ابو عبدالله : امي تبي لك الخير يا مريم.. لو ماهي خايفة عليك و ان نفس هالحركة تتكرر بعد سنين ما نصحتك.. مريم : بناتي من ابراهيم شيء و بناتي من طلال شيء ثاني .. هم كبار و يعرفون مصلحة انفسهم و يبون يقعدون هناك و يكملون دراسة و ابوهم راضي و يش اسوي اجرهم من شعورهم الا غصب تجون عندي.. غازي : ما قلنا سوي كذا .. بس فكري يا مريم .. الطلاق ماهو سهل.. مريم : فكرت و انا مره صاكة الاربعين و بصك الخمسين و اعرف مصلحة نفسي..ماني بزر تنحصوني.. ام عامر : و انتِ عرفنا بلاك و اللي جنبك هاذي ما احد لد عليها خلاها تقر اللي وراها.. انهار باستغراب : انا يمه..؟! ام عامر : ايه انتِ يا عل ما انهار صار لك قاعدة بيت خالك كم شهر و تارك رجلك و عيالك و بيتك .. شوفي خالتك تركت بناتها صغار و الحين متحسفة عليهم.. بتسوين سواتها..!؟ انتِ ما تعلمين من الناس..؟! انهار بملل : تركتوا خالتي و بتحولون علي.. انا ما ابي رجلي.. ما ابيه يمه مو غصب.. كارهتة كارهتة شوفتة بس تجيب المرض.. عماد تدخل ولأول مره بموضوع انهار : ليش مد يده عليك..!؟ انهار : لا.. عماد : سبك و اهانك و اهان تربيتك..!؟ انهار تهز رجولها : لاا.. عماد : قصر عليك بأي شيء..!؟ سحبت الخدادية و حطتها بحضنها : لا.. عماد : محافظ على صلاتة بالمسجد و يعرف ربه و يعاملك بالحسنى..؟! انهار تقلب عيونها : ايه محافظ على صلاتة بس عنده حركات تنرفز غيرتة زايدة عن حدها و يدقق بكل شيء و اسلوب حياتة ما يمشي مع اسلوب حياتي.. عماد : يا خسارة الرجال فيك.. و الله انه اجودي و صابر عليك و انتِ ما تستاهلين.. تفاجاءت انهار من كلام عماد : نعــم انا ما استاهل..؟! ايه انت صرت وراء زوجتك .. مشتك مثل الخروف وراها..؟! عماد وقف و بحدة نطق : احشمي البيت اللي قاعدة فيه يا انهار و رب الكعبة لا اسوي شيء ما سويتة من سنين.. خرجت وعد من الغرفة على كلام عماد الحاد.. تناظر فيه و هو يناظر انهار ومشهر يده يهددها.. انهار : ويش بتسوي يعني بتضربني..؟! انت مالك كلمة علي و خوالي هنا تفهم و الا لا..؟! بتفرد عضلاتك افردها عليها (آشرت على وعد).. عماد اتجه بسرعة لانهار ومسك يدها ولفها وراء ظهرها : و رب الكعبة ان ما تربيتي لا أربيك من جديد.. حياتك السايبة هاذي اعلمك حدودها.. سحبة غازي و ابعده عن انهار : صاحي انت..؟! تمد يدك عليها..؟! ليش ما وراء ظهر..؟! عماد : يعني عاجبك اللي قالتة ..؟! عادي مره ما تقدر ولا تحترم احد..؟! مخلينها على راحتها و لا واحد فيكم موفقها و فوق هذا ضافينها عندكم و لا تلزمونها و حياتها مخلينها تعيشها بالطول و العرض ما احد يقولها حدك هنا و بس.. عامر : تقوم تمد يدك عليها وقدامنا بعد..؟! يعني انت اللي تحترم كذا ..؟! احترمتنا ماشاء الله كفووو و الله.. عماد : لو اني مو محترمكم كنت طردتها من البيت من زمان و لا خليتها تعتبة .. افكارها سخيفة مثل وجهها .. شوفها ما شافت المنقود على زوجها قالت كارهتة ماهي مجبورها تحبة عشان تكمل معاه اهم شيء محترمها .. لو هو مضيق عليها و الا ماد يده عليها كنا قصيناها له لكنه رجال ما طلع منه المنقود عازها و رازها لكن هي ما تستاهل ما عودوتها غير على الدلع و طلباتها مجابة و لا واحد فيكم قد قالها لا.. غازي بحدة : اشوفك حولت علينا .. تعلمنا الصح من الغلط..؟! عماد : محشومين.. بس انت قول قد رديتها بشي..؟! .. سكت غازي و لا رد عليه.. اما عماد كمل وهو يأشر على بنات عمه : طيب قد رديت بناتك بشيء..؟! عماد : كلكم ما تعاملونها مثل بناتكم.. خايفين عليها تتحسس من شي.. تردون بناتك باشياء كثير .. لكن هي لا و لا مره قد قلتوا لها لا.. وهي ما تقدر.. انهار : قلت لك مالك دخل فيني روح استقوي على زوجتك.. مالك كلمة علي.. عماد يرفع يدينة و يجرح فيها نفسة قبل لا يجرح انهار : اللهم لك الحمد.. صدق ربي كتب لي الخير يوم فرقاك.. لف عماد و طلع و سطا نظار انهار المذهولة من كلمتة.. ما توقعت عماد ينساها بهالشكل .. كانت متأكدة انه يحبها لانه ما فكر انه يتزوج من بعد ماهي تزوجت.. لكن الحين يحمد ربه اللي ما تزوجها .. وما ارتبط فيها.. انتقلت نظرتها من الباب اللي خرج منه عماد لوعد الواقفة باحراج من الموقف مو عشان عماد يحاكي انهار لان عماد ما يهمها .. بس لان اول يوم لها هنا و تهاوشوا قدامها.. و الموضوع المفترض يكون حساس حتى لها هي لانه يخص علاقة كانت بالماضي لرجال ارتبطت فيه حالياً.. ام ناصر : ما عليش يمه .. تعالي اجلسي.. وعد تقدمت باحراج : لا عادي .. كل البيوت فيها مشاكل.. عهود : بس بيتنا ما فيه .. ما ادري مين اللي وجه شين علينا.. وعد رفعت حاجب و هي تناظر عهود و ردت عليها بحدة : و الله اللي فهمتة من كلام عماد الموضوع قديم .. يعني مو شيء اليوم صار بسبب اللي وجه شين عليكم.. انهار ابتعدت عن خالها و طلعت قدامهم.. غازي : استغفر الله العظيم.. ام عامر : هي غلطانة.. و عماد ما اخطى صادق باللي قالة دلعتوها انتم ما خليتوا عليها قاصر.. حتى عاملتوها اعز من بناتكم لين تبطرت على النعمة.. الرجال ماهو مثل الابو و انتم بمقام ابوها .. و هي ما فرقت بينكم و بين رجلها على انه الرجال ما قصر و الله انه صابر عليها .. بس عاد ويش السواة معاها .. بكره بتندب حظها لا سوت اللي عازمة عليه الحين و بتقول ليتني ما سويت.. غازي : مهما كان يمه عماد ماله دخل فيها .. هذا و احنا موجودين هنا.. كيف لو ما احنا موجودين و دبغها.. ام ناصر : ما يسويها عماد استهدي بالله يا ابو شوق.. عماد ما يمد يده على مره.. غازي : شفتية بعينك ياخيه ما جبتة من راسي.. ولدكم لا عصب يفقد عقلة ولا يعرف مين يحاكي.. عامر : انت استريح بس و ان شاء الله انا اكلمه.. غازي يرجع يجلس مكانة : ان كرر هالحركة مره ثانية.. تجي تجلس عندي .. و بيتي اريح لها ما يحتاج تستر عن احد.. عامر يرفض بشدة : لا .. ضفيتها الاول من عمرها ماني عايز عنها الحين.. غازي بمحاولة لاقناعة فعلا بيتة اريح لانهار لان ما عندي عيال شباب عكس عامر : اسمعني يا اخوي بيتي و بيتك واحد .. ولا بغيتها حذفة حصاة وهي عندك.. بتأخذ راحتها عندي اكثر .. و ازين لعماد.. عامر : لا تحاول.. دام هي ما بغت من خاطرها تروح و الله ما احد يحاكيها.. و عماد دبارة عندي.. تجاهلوا و جودها.. ربطوا سوالفهم عن من ارتبطت به بـأنهار .. من اولها ينعاف تاليها.. الحياة ما تستمر بدون احترام و ربط عماد بانهار قدامها حتى لو هي بسالفة عدم احترام لها.. حتى و ان كان قلبها سبق و ان دق طبولة لرجل اخر .. لكنها اصبحت على ذمة اخر تعهدت بان تخلص له .. لوجه الله اولاً .. ثم ان مبادئها و تربيتها و اخلاقها غرست فيها هالشيء.. حست ان شكلها غبي بينهم.. انقهرت منه طلع معصب و تركها بوسطهم حتى ما تدري وين جناحهم يكون.. اليوم الاول لها بينهم المفروض يشاركها كل لحظة فيه بين اهلة.. غازي : انا بروح عندي شغل.. ام عامر : من عرفتك وانت ما غير مشغول يا وليدي ارحم عمرك.. غازي : ويش اسوي يمه اترك الدنيا سايبة وراي.. و اقول ابي راحة.. ما يصير عندي تحقيق.. (لف على زوجتة) لا خلصتوا اتصلوا علي و ان كنت مشغول بكلم واحد من العيال يوصلكم.. ام شوق : اذا ما تقدر تجي عادي نروح البيت الحين.. ام عامر : لا والله غير تقعدون و تنبسطون معانا.. و متى ما جات حزة نومتكم الله معاكم.. عامر : تعشا معانا ياخوي ما احنا مأخرينة.. غازي : لا و الله متواعد مع الشباب نتعشا جميع.. يالله نسلم عليكم.. ردد الجميع بصوت واحد : مع السلامة.. ريما : اقول وعودة خالاتك بكره بيجونا تعالي معاهم.. شوق : ايه خلينا نشوفك.. وعد ابتسمت ما تدرون ليش بيجون.. والا ما جبتوا طاري الزيارة : ان شاء الله بس اشوف عماد.. << نفس كلامها لجدتها اللي ملزمة عليها تجي لانها صارت مره متزوجة.. على ان شوق شالت نقابها من طلع عماد الا انها ما انتبهت لها وهي بتصير مرت اخوها .. ومو أي اخ سعود.. ريما : ما تدرين ان كانوا خواتك بيجون..؟! لاني ارسلت لجود ولا ردت للحين ما ادري ويش بلاها العادة تنط بوجهي على طول.. وعد : ما ادري بس ما اتوقع.. لان بعد بكره دوامات و بابا كله و لا الدوام عنده.. خصوصاً انهن غايبات امس.. ريما : عادي يغيبون يومين يأخذون راحة ويش فيها..؟ ام عامر : ايه انتِ يالمهملة مخلينك على راحتك.. ريما بخيبة : يمه ليش بس تسبيني ويش انا مسوية لك..؟! ام عامر : ليش تقدرين تسوين لي شيء..؟! ريما تناظر عمها : عمي دافع عني.. عامر ابتسم : عاد ما لقيتي الا امي.. تعالي لي باي احد ثاني و اوقف معاك.. اما امي ما اقدر.. .. في غرفة ياسر يطقطق على اللاب توب .. دخل عليه خالد فجاءة و جلس على السرير يسألة.. خالد : اسمع .. تذكر يوم كنا عند وعد بالمستشفى في اليوم اللي انخطفت فيه.. قلت لي ان خالة نوال قايلة لك شيء عن ولدها..؟! ياسر ابعد اللاب عن رجولة و حطة على السرير : ايه.. خالد : ويش هو..؟! ياسر : قالت انها متأكدة ان ولدها عايش.. تحس فيها .. و كانت صاحية من النوم على سوتة يناديها .. فاستغربت قلت لها شلون..!؟ ردت علي ان قلب الام ما يخطي.. ولو ولدي ميت كنت حسيت انه ميت وفقدت الامل.. لكن من اليوم اللي قالوا لها انه توفى وهو كل يوم يجيها بالحلم يناديها و يبكي.. تخيل انها تسمع صوت طفل يبكي كل يوم و يصحيها.. خالد : فعلاً شيء غريب.. يعني اذا هو قدك عمره 28 سنة السنة الوحدة فيها 365 اضربها بـ 28 و شوف كم مره تكرر عليها الحلم..؟! ياسر بطفش : فعلاً انا اعرف ان الاحلام تتكرر على الشخص بس مو بهالشكل .. و تدري اللي صدمني اكثر تقول اذا كان فرحان احس بشي في داخلي سعيد .. احس بنشاط و فيني طاقة .. و اللي يتضايق فيه احس الدنيا صاكة فيني.. هي الام تضايق ان ولدها تضايق وهو قدام عينها كيف وهي ما تدري عن ارضة من سماه وش هو اللي مكدرة.. خالد : غريب احسها تتكلم وهي واثقة انه حي.. ياسر : قلت لها هالشيء.. لكنها ردت انه حي و حاسة فيه و الا ما كان جاها كل يوم و لا حست فيه.. خالد : طيب ابوي ..؟! ليش ما شك بالموضوع.. ياسر : ماهو مصدقها يقولها انتِ عشانك شفتية قبل لا ندفنة و ما نسيتية.. خالد : طيب انت ويش بالك نكلم ابوي و ننشده..؟! ياسر : لا .. نروح للمستشفى اللي ولدت فيه خالتي.. خالد باستغراب : ويش نسوي فيه..؟! ياسر : مستحيل يكون المستشفى ما عنده سجلات للمواليد و الوفيات .. و كل معلومة صغيرة او كبيرة مسجلة عندهم.. خالد يستحث ياسر يكمل : طيب..؟! ياسر : نروح و نشوف المعلومات عندهم باليوم اللي ولدت فيه خالتي كم عدد المواليد ومين توفى و نشوف البيانات.. خالد يعض شفايفة : تهقى يرضون اننا نطلع على المعلومات..؟! ياسر : سهلة قولهم احنا طلاب ماجستير و عندنا بحث مسحي و بنشوف عدد المواليد و الوفيات.. من السنة الفلانية للعلانية..و قضينا.. خالد : و ان ما رضوا..؟! خالد : وقتها يحلها الحلال.. خالد : اوكِ موافق متى تبينا نروح..؟! ياسر : انا بكره فاضي من 9الى11 الصباح.. خالد : طيب انا طيارتي الساعة 4 العصر رحلة ماهي طويلة.. برجع بنفس اليوم ان شاء الله.. ياسر : خلاص تم.. بس لا تعلم احد عن الموضوع.. لان لو ابوي شم خبر اننا بنبحث بالموضوع بيهاوش و يمكن يهاوش خالتي او يقولون تراكم ما تساعدونها.. و تخلونها تصدق افكارها.. خالد : ويش خلاك تقول هالحكي.. ياسر : لاني كلمت سعود و احمد وكلهم يقولون لا تشطح و لا تعلق قلوب ابوي و خالتي بامل مقتول .. ولا احد فيهم سمع كلامي.. خالد : خلاص بنشوف بكره ويش يطلع معانا .. بس تعرف المستشفى اللي خالتي ولدت فيها..؟! ويوم ولادتها..؟! ياسر : افا عليك جبت كل المعلومات.. خالد وقف : تمام بكره موعدنا .. بروح اشوف رند اكيد جايبة العيد مع خواتي.. قبل ما يلتفت خالد لجهة الباب و يطلع دخلت ام احمد بعد ما طقت الباب : انت هنا.. خالد ابتسم : ايه يمه.. بغيتي شيء..؟! ام احمد : لا .. اكيد انك كلمت اخوك..؟! خالد استغرب : اكلمه عن ويش..؟! ام احمد : عن اللي قالة ابوك.. خالد هز راسة : لا ما كلمتة.. ياسر : ليش ويش قال ابوي..؟! خالد : ابو سعود ناوي يدخلنا القفص الذهبي بليلة وحدة الاربعة.. ياسر : استغفر الله العظيم ما راح نخلص من ذا الموضوع هذا هو عمي بندر ما تزوج ويش فيها يعني..؟! ام احمد تجلس على الكنب : يا وليدي الناس اكلت وجيهنا و الله ان سواتكم تغبن .. لا انت و لا عمك و لا اخوانك و عيال عمانك.. و لا واحد فيكم سنع قال اتزوج و افرح اهلي .. اللي كبركم عيالهم طولهم و انتم لا احد جاب لكم طاري العرس تصددتوا .. و الله الناس بتحكي فينا و تقول بهم بلاء يومهم عايفين العرس كلهم.. خالد رفع يدينه بتبريئة لنفسة : انا طلعوني من الموضوع.. ام احمد بحزم : اقعد ابغيك حتى انت ماني جاية عشان ياسر لحالة.. اهجد مكانك.. خالد جلس مكانة على السرير وهو يناظر امه اللي جالسة قبالهم : يمه سمعتيني انا حكيت ابوي اللي عندي.. ام احمد : ابوكم ماهو بصحتة مثل اول.. ولا ودي انكم تضايقونة بسواتكم .. من حقة يشوف احفادة (رفعت يدها لخالد اللي بيتكلم وسكتة , تعرف انه بيقول عندي ابراهيم ورند مثل الرد المعتاد) : ادري ان عندك ابراهيم و رند الله يحفظم و يخليهم لك .. بس عيالك ما فرحنا فيهم من صغرهم لا تطلع نفسك من الموضوع.. حتى انت ملزوم تفرح ابوك.. ياسر : هذا هو سعود بيتزوج و ان شاء الله ربي يرزقة بعيال و تفرحون فيهم.. ام احمد : وانت..؟! و اخوانك..؟! ما انتم ملزومين تفرحونة.. ليش تحسب عيالك مثل عيال سعود مثل عيال خالد مثل عيال احمد..؟! يا ابوي كل واحد عيالة غير .. بيقولون ولد سعود ماهو قايلين ولد ياسر.. وحفيدة من سعود ماهو حفيدة من ياسر.. ياسر : يمه تكفين انا ما ابي اتزوج ماهو غصب.. سعود ما حنيتوا عليه الا يوم صك الثلاثين.. خلاص لا صرت بعمره حنوا علي.. ام احمد : افااا يا ياسر ما تبي تفرح قلب اميتك و ابيك..؟! ويش شايف من بنات حواء اللي معيفتك غيرها..؟! ياسر انصدم من كلام امه : انا يمه..؟! من جدك ما لقيتي غيري .. انا اخر واحد يفكر بمره.. ام احمد : اجل وشو هو اللي رادك عن العرس يوم قليبك ماهو بمشغول بمره.. خالد : و الله تعرف تحجر ام احمد.. ام احمد : انت اهجد جايك الدور.. ياسر : يمه انا مالي خلق مره تحن فوق راسي وين بتروح و متى بترجع .. ووديني للمكان الفلاني و العلاني.. و عندي مشاريع براسي كثيرة بسويها.. ماني فايق للحريم.. ام احمد : الحريم يعاونن ما يصدن.. سو اللي تبيه و بنت الناس مزينة بيتك.. ياسر : يمه تكفين انا ابيك عون لا حاكاني ابوي مرة ثانية.. مو تجلسين انتِ تحنين علي.. ام احمد : ابوك كلمني الزم عليك و ان ما عقلت بيعقلك.. ياسر بصدمة نزل رجولة تحت بعد ما كان متربع : ليش ويش هو انا مسوي..؟! ام احمد : ويش اللي يعيب بنية عمك يومك عايفها..؟! مجرد طاريها يرجع لياسر الغثيان من جديد .. كون صبا زوجة له هذا شيء بحسابة لا يطاق : يمه لا الا هاذي .. الا المايعة.. خالد : كلامك عنها بهالشكل هو اللي خلى ابوي يحط الموضوع براسة.. انا بعد كلمني على عبير بس رفضت موضوع الزواج اساسة و قال لي خلاص براحتك ما تبي عبير بكيفك بس تزوج.. لكن انت اخطيت يومك تسب بنية اخوه.. ياسر بلوعة كبد : انت من جدك.. طاريها بس يخليني اتنرفز كيف تبيني اتحمل ان خواتي يقولون لي اتزوجها..؟! خالد : مهما كان .. لازم تنتبة على كلامك عند ابوي.. ما راح يرضى ان احد يتكلم عن بنت اخوه وهو عادها حسبة بنتة.. لو عكست الموضوع و واحد من عيال عمي تكلم عن وحدة من خواتي بيكون الوضع اهون لان ماله سلطة عليه .. زي لما يكون له سلطة على ولدة.. ياسر وقف : ابوي على عيني وراسي من فوق .. لكن انه يجبرني على الزواج من بنت اخوه لا و ستين لا.. ام احمد : تبي تغصبة..؟! تبي تعبة يعاود له..؟! تبيه يطيح علينا من جديد.. يا ابوي خذ بنية عمك عشان ترضي ابوك.. و ان ربي ما كتب لكم توفيق من عنده عزها عندك و خذ الثانية.. ابوك ما هو قايل لك لا.. خالد : يمه من جدك..؟! تبين الغلط يتصلح بغلط..؟! ام احمد : هذا هو ابوك متزوج اربعة ما شاء الله .. و هذا هو جدك طلع متزوج من سنين.. خالد : ولو وحدة من خواتي متزوجة ترضين ان رجلها يتزوج عليها..؟! ام احمد : ويش لي حيلة .. الرجال ان بغى يتزوج ماهي رادة ام مرتة عن زواجة.. كان زوجتة ما ردتة.. خالد : و المره تقدر ترد زوجها عن الزواج..؟! ام احمد : لاا بس انا اقولك كان زوجتة ما قدرت عليه بتقدر امها عليه.. و بالاخير الرجال ما سوا شيء حرام من شرع الله.. خالد : يمه تكفين لا تخربين الشيء وهو اساسا ما صلح.. ابوي حط ياسر براسة و الا بيزوجة صبا .. تقومين انتِ قبل لا يتعدل الموضوع تزيدين خرابة.. ام احمد : ويش لي حيلة فيه..؟! علمني انت...؟! قول لي ويش اغبر و انت سامع ابوك ويش حكى و هذا اخوك قدامك ويش يحكي..! خالد : لا تعاونين على شيء ممكن يزيد الموضوع تعقيد و ما يصلحة.. قولي لابوي ان ياسر ماهو راضي.. و هم بيتفاهمون بينهم.. ياسر يكتف يدية : ليه يعني انت شايف اللي يقولة ابوي صح..؟! خالد : اوافقة بشي و اختلف معاه بشي.. اوافقة انه يحن علينا نتزوج بس ما اوافقة على الغصيبة و لا ان هو يختار البنات عننا مثل ما يقول سهاد لاحمد و عبير لي و صبا لك.. و انا متأكد انه ما غير رايه عن عبير الا لسبب واحد.. عشاني مطلق و عندي ولد وبنت وهو يبي لبنت اخوه مثل بنتة يبي لها رجال عزابي ما تزوج من قبل.. مو واحد عنده طفلين.. ياسر : ماشاء الله حللت كل شيء.. خالد : ما يبي لها لان انا الوحيد اللي قال لي خلاص لا تاخذ عبير بس تتزوج.. ويش معنى انا.. ليش ماهو احمد وليش ما هو انت..؟! الا عشان ذا السبب.. لان لو جاه واحد مطلق وعنده بنتين يمكن ما يزوجة وحده من خواتي و هو معتبر بنات عمي حسبة بناتة.. عشان كذا غير راية عني.. ياسر : و الحين يعني ويش السواة..؟! ام احمد : اسمعوا مني .. تراني اميتكم و ابي لكم الخير .. و الله يا بنات عمكم ما يعيبهم شيء .. ولا بهم المنقود.. ياسر صد وجهة ما ادري هم ما يشوفون اللي انا اشوفة اللوعة اللي تتحرك ذيك ما يشوفونها ولا يتعامون عنها..؟! ام احمد : ويش زين الواحد يوم يأخذ من بنات عمه ستى و غطا عليكم وهم اللي بيتحملونكم ماهو احدن ثاني.. خالد : انا غاسل يدي من الزواج الحين يمه .. لا طخ الزواج براسي يصير خير .. توني متوظف ولا اقدر اخذ اجازة مدة سنة قدام .. و ماهو معقول بأخذ بنية و اتركها بالايام من اول زواجنا .. اجلوا الفكرة لوقت ثاني .. (وقف عشان ينحاش) وهذا اللي عندي مع السلامة.. و طلع بسرعة قبل لا تنادية امه و تمسكة من جديد في محاولة اقناع هي منتهية بالنسبة له و فاشلة.. تتيانا عيفتة ببنات حواء ازينهم و اشينهم.. طلع من تجربة اقحم نفسة فيها مدارة لنفسة بانه كره جنس حواء و خباثة و كيد النساء.. ام احمد وهي تنظر ياسر يتجه للسرير يجلس من جديد : ويش قلت يا ابوي ..؟! ياسر : قلت لك يمه اللي عندي ما ابي اتزوج الف مره .. و اني اخذ بنت عمي سعد مليون مره لو اجلس عزابي لنهاية حياتي.. وقفت ام احمد : و الله يا وليدي انا ما اعرف اتفاهم مع الرووس اليابسة .. خل كلامك منك لأبوك.. في غرفة ندى .. قضتها صياح و نياح.. من كلام عساف و تقطيعة لدليل اللي كان ممكن ينقذها بكل برود.. و تهديدة و كانها هي مخطية و هي اللي لازم تحمل نتيجة خطأها.. لكن الصح هو المخطي وهو اللي لازم يتحمل النتيجة.. و الواقع يقول هو اللي يخطى و هي اللي تتحمل نتيجة الخطأ.. كون عساف يحب بنت و يخطب اختها هذا خطأة .. و كون ندى توافق انها تعيش معاه و تنصدم بان قلبه تعيش فيه انسانة ثانية و هالانسانة اختها وصارت مجبرة انها تعيش مع شخص ما لها في قلبة مكان صارت هي اللي تتحمل نتيجة خطأهم.. الغريب ان عساف يحب وعد.. و وعد تحب عساف و الا ما احتفظت بورقة مهداه منه اذا ما يعني لها شيء.. و الاغرب انهم ما يتزوجون و وعد تتزوج واحد يحب وحده غيرها.. ما احد فيهم ارتاح.. ستة اشخاص يمكن البعض منهم قلبوهم تلاقت .. لكن حياتهم ما تلاقت.. عساف و وعد .. و عماد و انهار.. و الضحايا ندى و زوج انهار.. هم اللي يدفعون الثمن.. ثمن حب ما يندرى له كم سنة ترعرع بقلوب الناس اللي تحتم عليهم يرتبطون فيهم.. عماد و الا وعد و الا عساف و الانهار.. كم لهم يحبون..؟! طيب مين فيهم اللي اهون عليه.. وعد تتقبل حب زوجها لانهار وهي اللي كانت تحب من قبل و تدري ان حبيبها خطب اختها..؟! و الا ندى اللي قلبها ما دق من قبل بتتقبل حب زوجها لاختها...؟! مين فيهم بتتعايش و ترضى ..؟! مين فيهم اللي تألمت اكثر..؟! مسحت دمعة كانت متعلقة بطرف عيونها ومن غير لا ترفع اللحاف عن وجهها المورم من الصياح : خير ويش تبين..؟! دانه : ابوي يبيك.. ندى : قولي له نايمة.. دانه : بس هو مصر يشوفك و يشوف ميار.. ندى رفعت اللحاف و احتد صوتها المتأثر بصياحها الطويل : قلت لك قولي له اني نايمة.. دانه كانت بتحاول تقنع ندى بس لما شافت شكلها يوم رفعت اللحاف عنها و حدة صوتها خلتها تتراجع.. بتقولة نايمة مثل ما قالت و الا تجيه كلمتين ما تنساها كل حياتها بطبيعة شخصيتها الحساسة.. لا إله الا أنت سبحانك إني كنت من الظالمين.. لا أحلل نقل الرواية دون ذكر اسمي.. هاشتاق الرواية #رواية_لو_سألتي_الورد .. اصبروا شوي و بنزل البارت العيدية.. ضحكة قهر.. |
رد: لو سألتي الورد وهو ما بين إيدك أقطعك بيقول لك عمري فداك الكاتبة / ضحكة قهر
بسم الله الرحمن الرحيم.. السلام عليكم ورحمة الله.. مساءكم اجواء العيد.. او بالأصح التعب بعد صبحية العيد.. الله يعيده علينا اعوام مديدة و يجعلنا من العايدين الفايزين.. و كل عام و أنتم بخيـــر يارب.. البارت الواحد و الثلاثون .. العيدية.. بحاول احبك بالخفا قد قيل حبّ العلن ما يدوم. لـ وحشتك .. ناصر العنزي.. في مكتب ابو سعود.. مدنقة و الضيق خانقها .. متألمة حيل قدامة .. ما وده يكسرها و يظل الالم ملازمها .. و لا وده يمشي معاها و يأملها على شيء ما يدري عنه.. لو كان الامل مقطوع مثل ماهو مقطوع برجعة ولدة اللي من نوال و اللي جلس ساعة يحايل فيها و يكلمها و يقرأ عليها .. كان قطعة من قلب بنتة و طلقها منه.. متردد .. متردد حيل بأمرها.. ما وده تنكسر وهو اللي يكسرها.. طلاقها منه كسر لها ان رجع .. و بقاها على ذمتة كسر لها ان ما رجع.. و كل الاثنين مره عليه لانها مره عليها.. : طيب علميني انتِ يا بابا .. انا ماني عارف ارضيك و الا ارضي امك و اخوانك.. يعني معقولة يا بابا كلهم غلط وما يبون لك الخير و انتِ الصح.. ميار : ما قلت كذا انا .. انا ما قلت ما يبون لي الخير .. بس هم ما يعرفون تركي.. و الله يا بابا تركي طيب وخلوق ومحافظ على صلواتة و بار بوالدينة و متوظف وقادر يفتح بيت و متفهم وكل شيء فيه كل المواصفات اللي مفضلتة علي غيره.. ابو سعود : طيب انتِ تشوفين ان رايك انك تبقين على ذمتة وهو ما يندرى وينه صح.. و هم كلهم غلط..؟! ميار باندفاع : ايه .. لانه ما يعرفونة.. و الله تركي طيب.. ابو سعود : بابا انا ما قلت مو طيب و لا اتكلم عن اخلاقة .. كلامي الحين معاك عشان نقطة اختفائة و انتِ على ذمتة.. تشوفينها صح تبيقين على ذمتة و انتِ ما تدرين فوق الارض و الا تحتها.. ميار رافضة تقتنع بأي رأي اخر .. اللي تبيه وما تبي تعيش غيره ان تركي عايش و بيرجع عشانها.. هو وعدها قبل لا يسافر قالها شهر و بيرجع و الشهر طال .. طال حيـــل و صاروا ثلاث سنين.. و ياليتها تدري عنه شيء عشان تقولهم.. ما تعرف وينه ولا ويش صار فيه.. بالرغم من كل ذا الا انها ما تبي تعيش بواقع تركي يكون ميت فيه يكفيها عايش بقلبها : الا فوق الارض بابا لا تقول كذا.. ابو سعود نفس الموضوع يتكرر عليه .. زوجتة تعاني من فقد ضنا ما تعايشت مع موتة وتقوله على الارض و حاسة فيه .. و بنتة قلبها معلق برجال من ثلاث سنين ما احد يدري عنه شيء..؟! الامل برجعة ولدة مقطوع .. و محتار يقطع امل بنتة برجعة تركي و الا يخليها تتأمل..؟! بس الى متى..؟! ويش هي مصلحتها من انتظارة..؟! بيفيدها و الا بيعلقها فيه اكثر..؟! متردد .. و هو اللي ما قدر تردد بشيء من قبل .. قراراتة يتخذها باللي يشوفة صح و لا يحط لأرائهم اعتبار .. خصوصاً بناتة لانه يحس انه مسؤول عنهم و يخاف لا يجي يوم يعاتبونة ليش ما منعتنا او ليش ما خليتنا صار هو يقرر عنهم.. لكن هالصفة خفت شوي بعد اختطاف وعد و يمكن اختفت ذيك الفترة كلها و الحين بدت ترجع من جديد.. لكن ما وده يكسر بخاطر ميار.. تنهد : ما ادري اطاوعك و الا اطاوع نفسي.؟! مالي قوة اكسر بخاطرك ولو طاوعتك الى متى بتنتظرين رجعتة..؟! و انتِ حتى اشارة بسيطة على انه عايش ما عندك..؟! حتى اهله ما يعرفون عنه شيء..؟!و يمكن فاقدين رجعتة.. ميار بلعت ريقها وهي تحس اللي بتقولة يذبحها .. يذبح قلب صغير تعلق باول رجل ارتبط به..: عمي سيف بيسوي ... له.. عـ عـزاء..!. ابو سعود : ايش رايك..؟! تبين تبقين على ذمتة و اهله بيسون له عزاء..؟! ميار بحدة انفعلت : ايه ابي ابقى على ذمتة.. بابا ما ابي اخذ غيره ما ابي الا تركي.. ما ابي احد غيره.. وقف ابو سعود و هتف بحزم : ما اقدر اعطيك زود عن وقت تخرجك يا ميار.. يعني معاك هالسنة و السنة الجاية.. ان قرب الوقت و تركي ما له حس تأكدي اني ما راح اسكت على هبالك.. كانت تبي تترجاه تبي تمسكة و تعلق فيه .. تعلمة انها ما تقبل تكون حليلة لغيرة .. لكنه كان اسرع منها بخروجة من المكتب عشان ما يسمع ترجيها لانه ما راح يغير قرارة ابداً.. ماهي مصلحتها تبقى على ذمة واحد ما ينعرف هو في عداد الاحياء و الا الأموات.. .. في صالة بيتهم .. اجتماع عائلي ما تعودوا على افرادة.. ابو عبدالرحمن و حريمة الثنتين و عيالة و بناتة.. ابو عبدالرحمن يناظر بندر : تأخذ الاثنين معاك و تخلي كل واحد يتخير السيارة اللي يبيها و تأخذها له.. بندر : على امرك يبه ما طلبت شيء.. مشاري : مالها لزمة يبه.. راكان : الا لها لزمة انا ابي سيارة جديدة.. بندر ببساطة : بتجيك على هواك .. لا تخاف.. راكان يحط رجل على رجل : ماني خايف لان هذا اللي المفروض يصير من زمان.. ابو عبدالرحمن : ماله داعي نعيد و نزيد بالحكي مثل الحريم.. الرجال ما يعيد حكية مرتين.. راكان : اجل انا مره .. لاني بعيده عليك كل ما شافتك عيني.. عشان تذكر اللي سويتة.. ام مشاري : راكان .. يكفي يا ابوي ويش لك بترديد الحكي.. أسيل : ان زين و انا ..؟! ابو عبدالرحمن : امري ويش بغيتي..؟! أسيل تلوي فمها بدلع : ابي اشياء كثير .. ابي اروح السوق و اشري ملابس كثير و ابي جوال اخر شيء و ابي لابتوب.. و ويش كمان..!؟ ايه ابي اروح مشغل اقص و اصبغ شعري.. و ابي اشتري غرفة على مزاجي.. ابو عبدالرحمن : صار.. هاذي كلها تحت امرك.. مشاري باستغراب من طلبات اخوانة المادية اكثر من أي شيء ثاني حتى ما ولا واحد فيهم اعاد الشكر على ابوه لو من باب المجاملة.. : ويش صاير لكم..؟! استخفيتوا انتم الاثنين..؟! أسيل : لا ما استخفينا بس صار لي 18 سنة اتمنى الشيء و لا يجيني.. اشوف ابسط الاشياء عند الناس و لا افكر اني اجيبها غير باحلامي.. جاتني الفرصة اللي اجيب كل اللي بخاطري ليش اردها و اقصر على عمري..؟! ابو عبدالرحمن : خلهم على راحتهم يا مشاري .. اهم شيء يرضون.. و انتِ يا أثير ما طلبتي شيء..؟! أثير : ما ابي الا سلامتك.. ابو عبدالرحمن : اطلبي يمه لا يردك شيء.. أثير بقناعة : لو بغيت شيء طلبتك.. بس مالي خاطر في شيء.. ابو عبدالرحمن : اسيل اللي تجيبنه لك جيبي لأختك معاك.. أسيل : ما طلبت شيء.. سهله هاذي.. بس انت اعطنا الفلوس.. بندر : يالمشفوحة انتِ.. بنعطيك فلوس لا تخافين.. و الا ليش اعطيك تروحين معاي تنقي اللي تبين و انا ادفع.. أسيل تستفزة : اهاا يعني حسبة سواق.. بندر بحدة : سواق في عينك.. تراني صابرن عليك لانك اختي.. لو وحدة غيرك قايلة لي هالحكي كنت دابغها من زمان.. أسيل تلعب بشعرها اللي حاطة جزء من قدام : كثر خيرك تعرف الأخوه .. تقدر ما شاء الله.. بندر : خليك على ذا الاسلوب و باذن الله بتشوفين ويش بسوي فيك.. ام مشاري : اسيل يمه ويش بلاك ناشبة لاخيك.. تقلين ادبك عليه .. هذا اللي ربيتك عليه..؟! سكتت اسيل .. أي شيء يجي عند خط التربية يسكتها..! ما راح تسمح لهم يتكلمون عن تربية امها.. لان الابناء اللي يتربون تحت جناح مره يعتبرونهم ناقصين .. و يحتاجون رجال يربيهم.. وهي راح تثبت لهم هالشيء.. مو كل مره تحتاج رجال عشان تربي عيالها معاه.. بندر ابتسم لما شافها سكتت غصباً عنها : كان سكتيها من زمان يا خالة شغالة راديو قرقرقرقر على قل سنع.. أسيل بقهر وهي تنقل نظرها بين امها و بندر : هاه شفتي يمه هو اللي يتكلم علي..؟! ام عبدالرحمن : حتى انت ما انت قليل شر يوم شفتها سكتت تناقرها ليش..؟! أسيل : كفوو شفت خالتي وقفت معاي.. يعني انت الغلطان.. ام عبدالرحمن : حتى انتِ بك قسمك.. راكان وقف : انا بروح مع الشباب للعزبة.. ابو عبدالرحمن : ومن هم ذولي..؟ مين يطلعون..؟! راكان : معاي بالجامعة.. ابو عبدالرحمن : ايه مين عياله..!؟ راكان بعدم اهتمام : ما ادري.. ابو عبدالرحمن : تمشي مع ناس ما تعرف من هم عيالة..؟! لو طلعوا ناس ما يعرفون الا شر .. و دبروا لك اللي يوديك وراء اشمس حزتها ويش بتسوي.؟! راكان ابتسم ببرود : حزتها انت بتطلعني .. نسلم عليكم.. و طلع قبل لا يسمع رد ابوه على ان بندر كان يناديه.. بندر بحدة : راكــــان.. راكـــان..! ابو عبدالرحمن : خله لا جاء انا اتفاهم معاه..؟! بندر : ويش تفاهم معاه يبه يبي له دق راس.. ابو عبدالرحمن : بندر بالهون على اخوانك.. بندر : ايه يبه دلعهم لين يركبون على راسك.. اقسم بالله ان ما تعدل لا اربيه من جديد.. مشاري : راكان ما ينفع معاه هالاسلوب بيعاندك زيادة.. و لا يحط لشورك أي اعتبار.. بندر وهو يرفع رجوله على الكنب : وشلون تبيني اعاملة .. كفوو و الله يا حبيبي بعد قل ادبك.. و خذ راحتك بطوالة لسان على من هم اكبر منك..؟! مشاري : اكيد لا.. بس لو ما جيتة بالمسايرة انسى يسمع كلامك.. و ترى كل اللي سواه عشان يعاندك.. بندر : و انا ويش دخلني يعاندني..؟! مشاري : لانك من اول تبي تحكم بزمام الامور وهو ما يحب احد يحسسة ان امره محكوم .. شورة خله بيدة من غير لا تدخل.. لا حسك معطية حريتة هو بيجيك من نفسة و يقول انا محتار و صار كيت و كيت.. بندر بنرفزة : استغفر الله .. عاد هو ما يخليني اضبط اعصابي.. ام عبدالرحمن : بلاك من رديت من برا و انت صاير عود كبريت اللهم يا كافي قبل ما ترد وعد طايح بعيال ابراهيم و هواش طول اليوم.. و ابوهم مخليك على راحتك .. و يوم ردت وعد و ردت عافية ابوهم و شفت اخوانك بطريقك حطيت الحره فيهم.. انت ما تقر ويش وراك..؟! اسيل بتشجيع لخالتها : صح ويش وراك..؟! اكيد ا نوراك شيء كايد من واره معصب و تحط الحره باللي قدامك ما تستحي.. بندر اتسعت عيونة : يمه تخلين هالنتفة اللي ما جات طول رجلي تحكي فيني..؟! ويش بيكون وراي يعني..!؟ ام عبدالرحمن : ما يندرى لو انك مسوي سواة ولد اخيك ما جاب عيالة الا يوم رمتهم مريتة الشقراء.. أسيل بتمثيل تحط يدها على صدرها : يالله لا تكون مسوي سواتة يا بندر يا فضيحتنا بين العربان .. الناس كلها بتحكي فينا و تقول ما عرفوا يربون عيالهم يسفرونهم برا يدرسون يرجعون لهم بيد مره و بيد ولد.. بندر مسك الخدادية اللي جنبه ورماها عليها بقوة : ان ما لميتي لسانك ذا الطويل لا اقصة لك.. لا تحطين على النار بنزين.. أسيل وهي تمسك الخدادية اللي حاولت تحاشاها لكن بندر رماها على وجهها و جابها في الصميم : كللللب .. انت النار .. والله صدق فضيحة نسفركم برا تدرسون و تروحون تزوجون..؟! ليش يعني يومكم تبون الزواج ليش ما حكيتوا كنا زوجناكم بنات ويش زينهن.. على نفس دينك.. ام عبدالرحمن : اعتبر من ولد اخيك هذا هو مبلتش بعيالة بعد ما تركتة اللي ما تخاف ربها و رمت عيالة عليه.. بندر بمحاولة لتهدئة الموضوع : يمه تكفين ركبتي الموضوع على هواك .. و الله ماني متزوج و اللي خلقني ماني متزوج.. تخبريني انا ما اطق الطار مقلوب لو اني متزوج كان جبت مريتي من زمان معاي.. بس انتِ تخبرين اني ما احب مره تمسكني وين رايح ومن وين جاي..؟! أسيل : ايه عشان كذا قررت تأخذ اجنبية ما تنشدك وين رايح ومن وين جاي.. عشان تترك لك الحبل على الغالب.. ام مشاري : أسيل ويش بلاك على اخوك..؟! ام عبدالرحمن : هي صادقة بنيتي لا احد يحاكيها.. أسيل قامت وجلست جنب ام عبدالرحمن تقهر بندر : ايه و انا صادقة ومع خالتي باللي تقولة .. و الا واحد صاك سنين الزواج من عمر وهو للحين ما يبي..؟! ويش يعني الا ان عنده اللي مغنية.. بندر وقف و بحركة بسيطة سحبها من معصمها و شدها بعيد عن امه : انتِ تحديني..؟! ابو عبدالرحمن : بندر ماسك اختك قدامي..؟! وشو مالي احترام..؟! بندر بقهر وهو يضغط على معصمها الصغير بكفة اليسار وهي تحاول تفك يدها منه : يبه يعني كل اللي قالتة في حقي عادي.!.؟! هاذي محراك الشر.. ابو عبدالرحمن : امسحها بوجهي لا تزعلها.. أسيل : يبه ما غلطت انا قلت زي خالتي ما تقول هو شكله خايف من شيء.. بندر صار يهزها بمسكة لمعصمها وهي تألم من مسكتة بس مو أسيل اللي تبين ضعفها.. ولمين لشخص حطت براسها تعاندة .. بندر : شفت يبه ما تأدب تعاند زيادة.. أسيل : يبه شوفة انا بنتك شوف عظمتة الحين يفتت عظامي و اتكسر.. بندر : لا يا شيخة توك عرفتي انك بنتة.. لسانك من شوي ويش طولة..؟! أسيل بمحاولة فاشلة تخفف من الم ضغط كف وحدة من يد بندر على معصمها : و الله كيفي انا و ابوي ننجاز.. بندر : طيب دوري احد يوديك السوق و يشري لك اللي تبينه.. أسيل : ابوي قالك و كانك بتعصية حتى انت ما تعرف الاحترام مو بس انا.. بندر يرفع حاجبة باستغراب : كويس معترفة انك ما تحترمين.. أسيل : لا انت اللي قلت مو انا .. اتركني عووورتني.. ام عبدالرحمن تمد عصاتها تبي تضرب فيها بندر لكنه رجع وراء وسحب أسيل معاه : يمه انا ولدك مو هي بنتك..؟! ام عبدالرحمن : و الله ان ما تركت البنية اني لا اكسر عصاتي على ظهرك.. اتركها.. عشانها قالت الحق تبيها تسكت .. يا مالك يا بندر بتلقى اللي بيزن براسك مثل النحل عشان تزوج.. بندر ترك أسيل وجلس : عادي سهل دواها النحشة مثل اللي قبلها.. أسيل وهي تلف كفها اليسار على معصمها اليمين وتشوف بندر يجلس ببرود ولا كنه كان ماسكها بيفتت عظامها : يا كلللب .. ويشه اليد ذي تقول كلبشات.. بندر : اذكري الله .. اسيل ترجع لوراء : ماني قايلة احسن كود تنكسر.. البقية كلهم يتفرجون على المشادة اللي بين بندر و اسيل و مبين ان مستحيل تخلى جلسة من غيرها .. على ان بندر متفهم و قريب من كل عيال و بنات اخوانة الا انه مع اسيل جايب العيد.. مشاري : ما مليتوا من الهواش..؟! ابو عبدالرحمن : شكلنا ما راح نخلص لين نزوج الاثنين.. كود يعقلون.. هالمره حتى اسيل سكتت.. ولا علقت.. ام مشاري ابتسمت لان حست ان بنتها انحرجت : ياليت جبت هالطاري من مبطي كان ما سمعنا الصوت يلعلع بالمكان.. .. حست شكلها غبي بينهم تاركها و طالع .. حتى على العشاء حضرتة ما شرف.. كل ذا على حسب ست الحسن و الدلال انهاروه.. يا عل ما فيه انهار.. كانت مقهورة منها لانها حطتها بموقف محرج.. منظرها صار بايخ وهم يتكلمون عن ارتباط الاثنين ببعض وهي مهمشة بينهم.. حست انها اقدمت على خطوة غلط يوم وافقت ترجع معاه.. بس اسبابها كانت اقوى من انها تجلس ببيت ابوها.. وقفت بتعب : عن اذنكم.. ام ناصر : وين يمه..؟! وعد : تعبانة يمه بنام.. عهود تناظر وعد الواقفة باستحقار : بتنامين و عماد برا البيت..؟! ولا بعد طلع وهو معصب..؟! انهار باستفزاز لوعد : و اللي نعرفة من السلوم و السنع ان المره ما تنام و رجلها برا البيت تنتظرة لين يرد و تنشدة كان يبي عشاء..؟! انقهرت وعد من اسلوبهن وكان ودها تسفل فيهن و في عماد الزفت بس مسكت اعصابها : الحمدلله نومي خفيف لا حسيت بدخلتة صحيت و قمت في واجبة ما احد يعلمني السنع.. طالعة من بيت ابوي متربية.. لكن العلم عند اللي يشاور على العالم بالمنقود اللي فيه.. انهار بحدة : ويش تقصدين..؟! وعد : اللي على راسة بطحاء يتحسس عليها.. انهار : تعايريني عشاني بتطلق.. ترى الطلاق مو عيب يالجاهلة.. شرع من ربي.. وعد باستفزاز تردها لأنهار : لا عايرتك و لا شيء بس في شخصيات تنقد الناس بعيوبها هي.. و ثانياً الجاهلة اللي تكلم بالطلاق ولا تعرف ويش ضوابطة.. ما شرع ربي شيء من فراغ و لا خلى الدنيا سايبة سبحانة.. روحي راجعي دروسك كود تستوعبين.. انهار وقفت : هذا اللي ناقص اول زوجك و الحين انتِ تعلموني دروس بالاخلاق و التربية و الدين .. اقبلها من عماد عادي لكن منك انتِ ما عاد الا هي انتِ يا شبر القاع تعلميني.. وعد تبتسم وهي تدري ان ابتسامتها زيادة في غيضها لانهار عشان تعلمها ان انتِ ما تعنين لي شيء : الحمدلله هذا دليل على الجهل.. ما راح اجادلك لان مو مستواي اني احتك بسخافة تفكيرك.. لفت وطلعت الدرج وهي عارفة انها ما تدري وين جناحهم بس تجلس فوق لحالها و الا تنشد أي خدامة تطلع و لا تبقى مع انهار و عهود بمكان و واحد لان ممكن يصحى البيت كله على صراخهم وهواشهم.. و فعلاً صوت انهار يأصلها وهي فوق.. انهار : ما بقي الا انتِ تحكين فيني.. و الله العظيم لا اقعد لك مثل الشوكة ببلعومك .. و اوريك مين تكون انهار يا بنت امس.. اخذت انهار نفس وجلست على الكنب بحدة : و الله لا اوريها الكلبة.. هنادي : ما كان له داعي هالهواش اصلاً.. حتى ما قدرتن امي.. ام ناصر : لا خليهن وش له داعي تذكرينهن اني جالسة بينهن.. انتن ما تستحن..؟! ام عبدالله : ما يصير اللي تسونة لو صحى ابو عبدالله على حكيكن الحين .. تعرفن انتن ويش بيسوي فيكن.. انهار بقهر و عيونها غرقت دموع : ليش ما سمعتوها شلون تحاكيني و تعايرني..؟! ليش يعني انا غلطت وهي ما غلطت..؟! ام ناصر تهدي الوضع : ما عليه يمه .. انتم حسبة خوات .. ما يصير من اول يوم لها هنا تهاوشون.. عهود : يمه من جدك..؟! ما لقيتي الا هاذي..؟! استغفر الله العظيم انا ما ادري ويش فيه عماد مصر عليها على انها متزوجها على شور ابوي..؟! ام ناصر : هالحكي ما أبي اسمعه مره ثانية.. و عماد لو سمعك تردينه عليه انت اخبر بأخوك ويش هي افعالة.. عهود : مو بلاي اني اخبر هذا اللي مسكتني .. بس عاد لو هو باغيها ما كان تاركها من متى و طالع.. اما هي ظلت فوق تناظر المكان بضياع.. ما تدري وين تروح او وين مكان جناحهم .. جلست تدعي عليه بقلبها اللي حاطها بموقف اسخف من السخيف .. ما قصر فيها تركها لحالها بعد ما تهاوش مع حبيبة قلبة ما قدر على زعلها يروح يفك الضيقة عن نفسة بعد ما ضايقها جعلهم للضيقة اثنينهم.. : وعــد..؟! التفت لمرت عبدالله اللي مبين انها مستغربة وجودها فوق : هلا .. (ابتسمت تضيع الاحراج) زين لقيتيك .. ضيعت جناحنا ما ادري وينه.. ابتسمت حياة برقة : تعالي حبيبتي من هنا.. جناحكم جنب جناحنا.. حياك.. مشت وراء مرت عبدالله وهي في كل خطوة تدعي على عماد و سواتة .. ما تدري هي ليش منقهرة منه..؟! بس فكرة ان الكل يحكي فيه وفي انهار مع بعض وهي ولا كأنها موجودة و لا بعد بأول يوم لها عندهم تخليها تغلي من القهر .. ما بقي غير يحكون عن قصص حب عنتر و عبلة عندها و ما يتوقعون ان الموضوع يعنيها .. يسونها دام حتى رجالهم الكبار اللي ينقال انهم خوالها يحكون قدامها عادي هذا بدل ما يقدرونها جعلها ينحطون كلهم بقدر و ينطبخون على نار عالية.. ما صحاها من غليانها الا صوت حياة الرقيق : هذا جناحكم.. وعد : مشكورة حبيبتي تعبتك معاي.. (تناظر بطنها المنتفخة) و انتِ خلقة تعبانة.. حياة ابتسمت : لا حبيبتي تعبك راحة.. اذا احتجتي أي شيء لا يردك الا لسانك اعتبريني اختك.. وعد : حبيبتي و انتِ بعد اذا احتجتيني بتلاقيني يمك.. حياة : اترك الحين .. تأمرين على شيء.. وعد : بس انتبهي على نفسك.. حياة : حبيبتي.. تصبحين على خير.. وعد : و انتِ من اهله .. اتجهت حياة لجناحهم القريب من جناح عماد و وعد فتحت باب جناحهم ما تدري شلون جاها صبر تأخذ و تعطي مع حياة.. بس لازم تدرب اعصابها ما تنفلت ما ينفع بهالبيت الا البرود واضحة من اولها .. سكرت الباب و استندت عليه بظهرها و غمضت عيونها.. تسترجع كل شيء صار لها مو من دقيقة و لا ساعة و لا امس و لا قبلة .. من اليوم اللي سوت فيه القسطرة و انخطفت من صلاح بالمستشفى.. كل يوم يمر عليها هالشريط.. ما تدري كم مره بس اللي تعرفة انها تتذكرة و تتألم على روحها اكثر و اكثر.. و الحين ما انرحمت بالعكس لازم تعيش مع رجال يحب غيرها و فوقها اللي يحبها عايشة معاهم بنفس البيت .. و لا بتصير حرة طليقة ماهي على ذمة رجال.. ما تدري تضحك و الا تبكي.. كل شيء بحياتها يتعقد.. من اليوم اللي تخرجت فيه كانت حياتها روتينية ما انجزت فيها شيء غير قراءة الكتب.. تنام و تصحى يا على اللاب يا تقرأ كتاب تأخذ بالايام ما تعتب باب بيتهم.. و ان احتكت بالنقاش يكون مع ابوها على الدراسة برا.. اخذت فترة طويلة تهاوش مع الكل بدون استثناء ما خلت احد ما طولت لسانها عليه يمكن بحق و يمكن بدون حق بس حياتها تغيرت و انقلبت 180 درجة و عاشت رعب دفعت ثمن ايام تضايقت فيها على غير سنع.. و ايام نامت و صحت و ما سوت فيها أي شيء ينقال فيه انا عشت ذاك اليوم.. جلست على الباب انهلكت ما اعطاها عماد الفرصة لأنها تستوعب اللي صار لها اخذها من بيت ابوها بيوم وهو واعدها بيومين.. تجي هنا تتفاجـأ بأجواء غير كانت منتظرتها .. انهار و عماد يعيشون بنفس البيت.. عماد اللي صار لها حقها هي .. مع حبيبتة انهار.. اللي حبها كل اللي هالسنين مستحيل ينساها وهي طول الوقت قدام عينة.. وين ينساها..؟! هي تعرف ان عندها الامكانيات اللي تؤهلها انها تأخذ قلب انسان.. لكن صعب تأخذ قلب مأخذتة مرة من قبلها .. القلب لا حب ما يشوف العيوب راح يشوف انهار كاملة وهي قدام عينة و حرة وش يحداه ما يأخذها على راسها..؟! تفاجأت باللي يدف الباب بقوة وهي جالسة علية.. قامت بسرعة وهي تحط يدها ظهرها مكان طرف الباب اللي ضربة السيد عماد فيها وهو يفتحة .. ناظرت فيه عيونة حمراء وكأن الدم يتفجر في عروقها.. كانت تبي تتكلم تبي تنشدة ويش بلاك..؟! لكن هو اللي بدا بالسؤال : ويش عندك جالسة على الباب..؟! ما ردت على سؤالة لأن ما عندها جواب..! ما عندها مبرر تقولة جلست على الباب عشان كذا..؟! حست شكلها غبي ويش كان فيها لو مشت خطوتين و قعدت على الكنب بالصالة هذا هو قدامها ما لقت تجلس غير على الباب ما حلى بعينها غير هالمكان جلست تلووم نفسها على غباءها.. تعداها بعد ما سكر الباب : ترا اهلي ما يأكلون و ذوق و لا سكرتي الباب ما احد مدرعم عندك الغرفة لأي سبب كان.. وعد وهي تمشي وراه : لا تقولني كلام انا ما قلتة.. انت وين كنت..؟! عماد يفتح ازارير ثوبة و ينزل الكبكات على التسريحة : هذا اكثر سؤال اكره.. انا ما ادري ليش الحريم ينشدون رجاجليهم وين كانوا..!؟ لازم المره تعرف ان رجلها ما يحب ذا السؤال و لا تسأله اياه.. وعد وقفت جنب التسريحة وهي تناظر فيه يسحب ثوبة من فوق عشان ينزلة : و لازم الرجال يحط لمرتة شوية قدر و احترام ما يتركها اول يوم مع اهله و يطلع معصب وكنها ما تعني له شيء.. ابسطها مكان جناحهم ما علمهم اياه و ياليته افتكرها و رجع بدري .. شوف كم الساعة يا سيد.. عماد يتجاهلها و هو يتجه للدولاب يطلع له بجامة : اعتقد قل لك اهلي ما يأكلون.. و بعدين على الجناح كنتِ نشدتي امي و الا خواتي او أي وحدة من الشغالات ما احد فيهم بيقولك ماني معلمتك.. بعد ما رمى هالكلام وكنها هي الملامة دخل الحمام و سكر الباب قبل ما ترد عليه.. تنرفزت من كلامة السخيف بحقها .. وعد تأكل بنفسها من القهر "هذا عذرة اهله ما يأكلون كني قايلة انهم مصاصين دماء و الا ذيابة.. جعلهم ينهشون بلحمة و لا يشبعون".. اتجهت للدولاب وهي معصبة مسكت اول بجامة في وجهها و رمتها على السرير .. و نزلت اكسسواراتها ومسحت مكياجها.. .. خالد : هاه ويش لقيت..؟! ياسر رمى الملف اللي بيدة على الطاولة : متنرفز ماني قادر استوعب حتى الاسماء ما اشوفها.. خالد بنرفزة : ليش حسبالك كل يوم بنقلى هالفرصة..؟! ياسر : ويش تبيني اسوي..؟! و ابوي متحلف يذبحني و انا حي.. خالد وهو يناظر الملف اللي قدامة : مالك مفر منها .. لازم اللي براسك يطخ لان ابوي بيسوي اللي براسة.. على حساب كلمتك.. ياسر بقهر : انا .. انا اخذ الشيفة بنت عمك..؟! خالد بهدوء : ليش شايفها عشان تقول شيفة..؟! ياسر : ما يحتاج اشوفها الصوت يعطيك فكرة عنها.. خالد : اقول وراء ما تقلب بالملف اللي قدامك زي العالم و الناس و تترك هالهروج هاذي بالبيت ما معانا وقت كلها ساعة.. خالتي باي تاريخ ولدت..؟! ياسر : 7/7/1406 .. خالد وهو يمشي بين ارفف الأرشيف بعد الدخول بالمحايلة هنا .. ووصلوا لرفوف المواليد.. سحب ملف اصفر الغبار سكنة من سنين طويلة .. كل شيء يحكي فيه القدم حتى الأوراق و الحبر اللي اتسعت حدودة عن الخط اللي انكتب فيه.. نزل الملف على الطاولة : ياسر لقيتة.. قام ياسر و وقف جنب خالد : ويش لقيت.. ياسر : ذاك اليوم فيه 11 مولود .. وهاذي ورقة خالتي نوال.. شوف ويش مكتوب.. ياسر سحب الورقة و استقرت بين اصابعة : نوال عيد الـ ـ ـ ـ ـ نقل المولود الى دار الرعاية بسبب مرور 15 يوم في الحضانة ولم يأتي اهله لاستلامة.. اتسعت عيونة وهو يناظر خالد المصدوم من اللي قراة.. يحاولون يربطون المواضيع ببعضها..؟!. : يعني ايش..؟! خالد : يعني خالتي نوال معاها حق.. اخونا عايش.. بس على كيفهم يسلمونه دار الرعاية ليش هو ملف و الا قطعة اثاث..؟! ياسر بقهر : و ربي لاحاسبهم كبيرهم قبل صغيرهم.. خالد : هات الورقة نروح نكلم مدير المستشفى نشوف وين يودون المواليد اللي زي كذا.. تركوا الملفات اللي خرجوها من كهوفها على الطاولة لان ما بتفكيرهم الا شيء واحد.. اخوهم.. اخوهم اللي تسلم لدار ايتام و اهله عايشين.. ام عانت لفرقاه 28 سنة و اب استلم جثة لطفل قالوا له هذا ولدك ودفنة و توكل على ربه هو الأخذ المعطي.. وقفوا قدام مكتب السكرتيرة المفتوح : تفضلوا بأيش اقدر اخدمكم..؟! خالد : نبي المدير.. الموظفة : عندك موعد مسبق..؟! خالد : لااا موعدي توه جاء.. الموظفة باستغراب من اسلوب خالد : كيف يعني ما عندك موعد وتوه جاء ما فهمتها..؟! ياسر : يقصد انه توه طلع الموعد و لازم نقابل المدير الحين.. الموظفة وهي تنقل نظرها بين الاثنين و بيديها اوراق ماسكتها بيدها و تضرب طرفها بالطاولة اللي قدامها عشان ترتبها : ما عليش المدير عنده اجتماع ما تقدرون تدخلون عليه الحين.. ياسر وهو يضرب كفة على الطاولة : قلنا نبي نقابلة الحين و الا و رب الكعبة باتصال واحد مستشفاكم هذا يصير ذكرى.. : خير يا سيرين..!؟ سيرين وقفت : استاذ هذول الاثنين يبون.. قاطعوها الاثنين وهم يتقدمون للمدير .. خالد : انت المدير...؟! المدير : ايه نعم .. تفضل يالاخو ويش عندك..؟! ياسر : نبيك بمكتبك..؟! الموضوع طويل.. المدير : معاكم عشر دقايق انا عندي عملية.. خالد : طيب ادخل و حزتها نتفاهم.. المدير وهو يتقدمهم : يا ليت تحترمون المكان اللي انتم فيه.. ياسر : لما حضرتكم تحترمون الانسانية و الناس و الدين و العمل و شرف الوظيفة طالبوا الناس تحترمكم.. اول ما جاء في خاطر المدير خطأ طبي و اكيد هذول من اقارب المريض او المريضة.. جلس وهو يتمالك اعصابة : خير يالاخوان انا ماني فاهم ويش فيكم مشتطين..؟! خالد : من 28 سنة ولدت امي بالمستشفى ذا .. و من بعد ما ولدت و جاء ابوي عطيتوه ولد ماهو ولده وقلتوا له ولدك توفى الله يرحمة .. و ابوي ما يعرف ولده ما شافة من قبل اخذه و صلى عليه و دفنة.. لكن اليوم و بعد كل هالسنين ما مرت جينا و دخلنا ارشيفكم و شفنا هالورقة اللي تثبت ان اخونا عايش و اللي عطيتوه ابوي ماهو ولده.. مد له الورقة البالية بي اصابعة.. المدير وجهه بدت تنتشر عليه ذرات العرق من القلق اذا الكلام صحيح يعني مستشفاة تدمر .. اخذ الورقة وهو يقرأ اسم الام نوال عيد الـ ـ ـ ـ و اخر الورقة مكتوب انتقال الطفل الى دار الرعاية : اتوقع فيه سوء فهم يا اخوان.. ياسر باستهزاء : احلف يا شيخ .. بس سوء فهم..؟ 28 سنة صارت تساوي سوء فهم..؟! دموع و بكي امي كل هالسنين صارت سوء فهم..؟! المدير : يا اخوان لحظة الموضوع مو سهل يحتاج لتحقيق من قبل المستشفى الموضوع صار له فترة طويله 28 سنة ماهي قصيرة ولا هي امس عشان كل شيء نلقاه قدام عيوننا.. خالد : وين تودون الاطفال اللي نفس الشيء..؟! المدير : لدار رعاية ايتام.. خالد : ليش دار الرعاية مالها اسم تنطقة..؟! المدير : فيه اكثر من وحدة.. ياسر : الحين بتروح معانا لها كلها و تخليهم يورونا السجلات لسنة اللي دخل فيها اخوي و تحديدا في التواريخ القريبة من هاذي.. المدير وقف على ان عنده عملية .. رفع سماعة التليفون : سيرين كلمي دكتور عبد الرحيم يدخل العملية عني انا مضطر اخرج من المستشفى الحين.. و قفل السماعة.. وهو يناظر الاثنين تفضلوا.. .. في دار الرعاية الرابعة و الاخيرة و بعد البحث في سجلات الارشيف من تاريخ ولادة اخوهم الى سنة من بعده يبحثون في المعلومات المسطرة على الورق بأمل انهم يلقونة.. الدكتور كان في اقصى درجات التوتر خالد اجل رحلتة.. و ياسر ارسل من ينوب عنه بشغلة .. مشرف الدار : هاه لقيتوا شيء.. خالد قاطعة : ياسر شوف.. ياسر اخذ الورقة مسجل فيها اسم طفل وكيف دخل الدار والاهم اسم الام نوال عيد..!؟!؟! ناظر خالد و كأن نص الهم انزاح صار عندهم شيء يستندون عليه.. شيء ممكن يوصلهم للأخ اللي انحرموا منه وانحرم منهم من 28 سنة .. عاش بدار ايتام و هو ماهو يتيم.. لبس ثوب اليتم بسبب غلطة..! ما يندرى مين عليها يتحاسب.. خالد : وين حاتم..؟! المشرف : تقصد الدكتور حاتم..؟! خالد : صار دكتور..!؟ المشرف ابتسم : ايه دكتور عظام.. خالد : دق عليه قوله يجي.. المشرف : طيب استريحوا و عينوا من الله خير.. ياسر : ما احنا مرتاحين لين نشوفة.. المدير : كلمه يا استاذ خلهم يشوفونة.. المشرف : بكلمه و ان شاء الله خير.. في بيت غازي المغرب .. تترأسهم الجدة كبيرتهم.. و ام سعود و ام احمد و منيره و وعد مقابل لام شوق اللي بكل براءة جابت بناتها يسلمن .. ام عبدالرحمن سحبت شوق : يا هلا ببنيتنا تعالي اقعدي يمي.. شوق انحرجت و وجهها قلب احمر على طول من مسكة ام عبدالرحمن لها .. اما ام عبدالرحمن عادي الموضوع عندها تمسك شوق من عضدها و تضغط عليها كنها تختبر جسد البنية حريم كبار معروفة حركاتهن : يا ماشاء الله انتِ تدرسين يمه.. شوق استغربت السؤال : ايه يمه بالجامعة.. ام عبدالرحمن : يا ماشاء الله يا ماشاء الله.. وعد همست لخالتها ام سعود : و رب الكعبة ان ما تداركتِ الموضوع يا خالة ان لا يجي خالي غازي و يطردنا كلنا مع الباب.. ام سعود : تبيني احكي و كبيرتنا موجودة .. عز الله ابوك رمى علي الطلاق و خلاني ارجع لبيت اخي..؟! وعد : ما تشوفين جدتي ويش مسوية بالبنت لو نعجة ما فحصتها كذا كل ذا حب بسعيدان..!؟ ام سعود : حرمة كبيرة و هاذي حركات الحريم ما تخفى احد.. شوق ما عادت تحمل اكثر الوضع من شدة الاحراج قامت و همست بصوت يالله ينسمع : عن اذنكم.. و مشت و لحقوها خواتها.. ام عبدالرحمن : يا صلاتي على النبي .. يا ماشاء الله .. اقولك يا ام شوق .. احنا بندخل بالموضوع على طول.. احنا عربن ما احدن يجهلنا و انتم ما بكم قصورن عنا.. و احنا تخيرناكم من بعد العرب اللي نعرفهم كلهم.. ماشاء الله نسبكم ينشرى بالذهب ما ينباع.. احنا جاينك اليوم نطلب بنيتك شوق لولدنا سعود.. ام شوق انحرجت ما تدري ويش تقول اول مره تجرب تكون في موقع خطبة زي كذا .. لكنها تداركت الوضع : و الله يا ام سعود مثل ما قلتِ عرب ما احد يجهلكم و نسبكم ينشرى لكن الأصول ان البنية شورها عند ابوها.. ام عبدالرحمن : حقك.. و عداك العيب يا بنت الاجاويد.. كلامك عين العقل.. و احنا ما نتعدا ابو شوق بس قلنا نجي احنا نخطب حسب اصولنا و ان صار توافيق من ربي يجون الرجال و يخطبون رسمي بحول الله.. ام شوق : الله يكتب اللي فيه الخير ان شاء الله.. اعطوني الفرصة اللي احاكي فيها ابو شوق و ان شاء الله ما يكون الا خير.. ام عبدالرحمن : خذي راحتك يا ام شوق.. و ولدنا ما يحتاج نسطر فيه صفوف الحكي ابو شوق ماهو غشيم عنه و عن طيب فعولة و ويش هي وظيفتة .. كل شيء تخبرونة.. ام شوق : ايه و الله سعود ما يعده ابو شوق الا ولده وما يحتاج تحكون فيه الطيب تفوح ريحتة من غير وصوف له.. و انتم طيبكم منتشر ماشاء الله.. ام عبدالرحمن : ما عليكم زود.. دارت الاحاديث العادية بين الامهات لا داعي للخوض بموضوع الخطبة اكثر .. سعود بالنسبة لغازي معروف كل معلومات مسطرة عنده .. لا يحتاج لسؤال عنه و معرفة المزيد .. .. بيت ابو عبدالرحمن.. اجتماع عائلي فقدوة بهالبيت من زمان .. من سافر بندر و استخلى عليهم البيت و قرروا يعيشون عند عبدالرحمن في جو عائلي .. عاد الناس الكبار يكرهون انهم يعيشون ببيت لحالهم ما احد يرد عليهم الصوت و يكرهون الازعاج لذلك اختاروا بيت عبدالرحمن لانه اكبر عيالهم واحد.. و لان بيت ابو سعود عيالة و بناتة مزعجين بالرغم من ان كلهم كبار بس لا يخلى جوهم من المناوشات الدائمة بالرغم من قرب بيته منهم .. و سعد اللي بيتهم شبه خالي فيصل مسافر من سنين و ما فيه الا صبا و عمر كان اغلب الوقت برا.. فاختيارهم على عبدالرحمن مناسب لهم.. ام مشاري : الله يكتب لك الخير يمه.. سعود مبتسم يحس باحراج : آمين يمه.. ام عبدالرحمن اللي ما وقفت مدح بشوق : و الله ان ما بتلقى مثلها ما شاء الله البنية فيها حياء مو مثل بنات هاليومين ماشاء الله عليه غازي مربي بناتة عدل.. وليد يكلم مشعل : جدتي ما راح توقف مدح بمرة سعود كنها حورية طالعة من البحر..؟! مشعل : يا حليلك وعد متصلة على سعود تقول ابشر ان خالي وافق عليك من وراء اللي سوتة جدي تفحص بنتة كنها بضاعة..؟! وليد : اجل تبي هالمدح كله يطلع من مجرد نظرة.. مشعل : ايه و الله صادق.. بس عاد شوف سعود مستحي .. جهز الكام نلقط له كم صورة.. ام عبدالرحمن : وين خالد و ياسر ما شفتهم اليوم..؟! ابو سعود : كني انا اللي شفتهم يمه من الصبح ما شافتهم غير ع الفطور.. على اساس خالد عنده رحلة و بيرجع الليلة ان شاء الله.. و ياسر عنده حجوزات اليوم.. نهى : بس خالد ما سافر.. ام احمد : ماهيب عادة خالد يسافر من غير لا يسلم علي.. انا اتصلت عليه و جوالة مسكر.. ابو سعود : وليد دق عليه شوف وينه..؟! وليد يخرج جوالة من جيبة : ان شاء الله يبه.. ام احمد : الله يستر لا يكون وراه شيء..؟! ام عبدالرحمن : ويش بيكون وراه ..؟! زواج و تزوج ما خلى على عمره.. ام احمد : و الله ما ادري عنه يا عمه.. وليد : هلا خالد السلام عليكم... وينك ياخي ابوي ينشد عنك.؟!.. يعني ليش من الصبح مختفي و نهى تقول ما سافرت..؟! .. طيب ليش ما سافرت..؟! .. طيب ننتظر حضرتك.. الا تعال هذا مو صوت ياسر جنبك..؟! .. ماشاء الله طالعين الاثنين من ورانا.. طيب خلاص ننتظركم.. اوكِ مع السلامة.. ام احمد : هاه ويش يقولك..؟! وليد : يقول عنده شغل و لقى من اصحابة اللي ينوب عنه بالرحلة.. ام احمد : زين .. و ياسر وينه..؟! وليد : معاه يمه يقول عندهم شغل مع بعض..؟! < قال كلمتة الاخيرة باستغراب خالد و ياسر عندهم شغل ومع بعض الاثنين..؟! لو ياسر وسعود تنبلع لكن ياسر و خالد..؟! ام احمد بقلق : لا يكون فيهم شيء وما يبون يحكون..؟! وليد : يمه قال شوي و بيجون ما فيهم الا العافية.. ابو عبدالرحمن : ما يحتاج تقلقين ياخية ان شاء الله ما بهم الا العافية الحين بيجون.. صبا : وعد ماهيب جاية..؟! ام عبدالرحمن بفزع : ويش يجيبها..!؟ مالها يومين رايحة لبيت رجلها تبين الناس تأكل وجيهنا..؟! جود بهمس للبنات جنبها : على اساس ما خلتها تروح معاهم الخطبة يعني مره متزوجة و صار عندها مهام.. مؤيد جاء يجري و وقف عند الباب نطق بحماس : تغطوا كلكم تغطوا.. ام عساف : خير يمه ويش فيك..؟! مؤيد يناظر بنات عمه ابراهيم لان هن بس مو متغطيات اما الباقي كلهم متغطيات : تغطوا و الله لا اخليه يدخل عليكم.. بسرررعة.. سعود وقف بحدة : على كيفك هوو.. مين بتدخل علينا..؟!؟ مؤيد سحب سعود : تعال شوف.. سعود طلع مع مؤيد برا.. ام عبدالرحمن : والله يا ذا الولد مطفوووق وين عساف عنه..؟! ام عساف : ماهو مقصر فيه يا عمة.. دابغة ليل نهار.. ام عبدالرحمن بحدة : خليه يصطلب و يصير رجال.. نهى تهمس لجود : يا عيني عليك يا خية كانك بتعيشين مع عساف اذا ابو 7 سنين دابغة هي ويش بيسوي فيها..؟! جود : لا تذكريني لا تذكرت ان خواتي كل وحدة متزوج واحد يحب مره ثانية اكره جنس الرجال كلهم مالت على وجيههم..؟! نهى : مو بس كذا تخيلي انك تشوفين نماذج عندك بالبيت سعود و ياسر..؟! ما فيها جلطة دماغية..؟! سعود دخل مبتسم : تغطن.. ام عبدالرحمن : وشولة نتغطى..؟! سعود : لا يمه انتِ ما يحتاج تغطين بس خواتي و بنات عمي اصلاً متغطيات.. نهى بصوت عالي وهي تلف طرحتها على راسها : على اساس جدتي كاشفة الحين بالقوة تشوف عيونها.. ام عبدالرحمن بحدة : انتِ يالفاسخة ما تختشين انا قايلة ابوك يوليني امرك اعلمك شلون تراددين بالحكي.. نهى عقدت حواجبها بانزعاج من كلام جدتها : ويش قلت يمه انا صادقة شوفي كيف متلثمة انا عمري ما شفت وجهك حتى ما اعرف ملامحك.. ام عبدالرحمن : اعقبـــي و انا بنت ابوي بنتة.. نهى : يمه تراني ماني واحد من الشباب جاي من برا يتغزل في مفاتنك.. جود : صادقة اختي .. يمه ما نعرف شكلك بنشوف ابوي يشبة لك والا لا..؟! ام عبدالرحمن تمثل انها بتقوم وتلفت تدور عصاتها : وين عصاتي خلوني ادبغ بهالثنتين فاسخات الحيا.. و الله ان قضبتكن لا اربيكن من جديد.. ابو عمر : يمه الله يهديك البنات يمزحن معاك.. ام عبدالرحمن : بعض الهروج ما احدن يمزح فيها .. و الله من قلة الحيا.. ابو سعود يناظر بناتة اللي لابسات نقابتهن : قومن بوسن راس امي.. قامت نهى وهي عارفة ما راح ترجع مكانها سليمة.. تعدت من عند عبير اللي همست لها : الله يعينك.. سها : الله يجيب العواقب سليمة.. جود همست لهن وهي وراء نهى : ان ما انكتمتن و ربي لا اصرخ بعالي الصوت و اخلي بابا يقومكن معانا.. نهى وقفت وهي فاردة كفوفها لجدتها : خلينا نتفق يمه .. ما نبي شيء مره قوي.. لان اللي صار سوء تفاهم بين حيلنا و جيلكم.. تكفين مانبي نتكسر و لا نتقرص..؟! ام عبدالرحمن وهي تناظرها : انتِ اقربي بس... نهى : شوفي يمه انا بس ابي ابوس راسك رضاوة لك.. و الله يا ميمتي اني خلاص ما عاد اني ابي اشوف وجهك هونت .. اول كنت بشوف اللي يقولون عنه القمر يمشي بالأرض من سنين طويلة.. جود : صح يمه نهى معاها حق.. حتى انهم قالوا لنا مره بمواصفاتك.. و قلنا يمكن انتِ القمر اللي مضيعينة.. ام عبدالرحمن : انتن اقربن مني و انا اعلمكن خبر هالقمر اللي تنشدن عنه.. اختلطت اربع اصوات ببعض اثنين تعودوا عليهم.. اما واحد فيهم اقشعر بدنها لما سمعت صوتة.. ما قدرت تلتفت للباب وراها و تشوفة.. ما قدرت تقدم خطوة او تبعد.. ظلت يابسة بمكانها ما قدرت تحرك.. عيونها اللي تميز برودها هي الوحيدة اللي قدرت تعبر عن مشاعر مختلطة.. امتلت بالدموع لكنها تعلقت فيها ما سالت على خدها تختبي وراء نقابها اللي مغطي وجهها.. جود رجعت وراء استغلت فرصة دخول الشباب و الترحيب فيهم عشان تنحاش من العقاب.. اما نهى ما قدرت.. ما استوعب وقوفها بمكانها و بوجه جدتها اللي تبعد عنها كم خطوة الا ابوها اللي شدها من عضدها يمه.. من غير ما ينطق لها او يشوف هي ليش واقفة.. يدري انها تفاجئت بجيتة مثل ما هم متفاجئين.. فيصل يبوس راس ابوه وهو مبتسم : الله يسلمك يبه والله اشتقت لكم.. وللمتكم.. اتجه يسلم على جدتة ويبوس راسها و كتفها ويدها : كذيبان لو انكم مشتاقين لنا كانو عودوتوا من سنين يا مال اللي منيب قايلة.. ماجد اللي من وراء فيصل يسلم على جدتة : و الله مشتاقين ما تدرين عن خوافي القلوب يالغالية.. ابو عبدالرحمن : الحمدلله على سلامتكم يبه.. فيصل يبوس راسة : الله يسلمك.. ام عساف سحبت ولدها على انه كان مسلم عليها : ويش هي اخبارك يا ابوي..؟! ماجد يبوس كفها و يجلسها و يجلس جنبها : بخير يالغالية.. ما غير الشوق اللي ذبحنا.. ام عساف : ما بغيت ترجعون اتعبتونا.. ماجد يبوس راسها : و الله فراقكم اتعبنا.. بس خلاص هي الاولى و الاخيرة باذن الله ما عاد اني معتب الحدود.. فيصل مبتسم : بكره اقولكم يالله نسافر اسبوع نرجع الذكريات تقول قدام.. ابو عمر : اعوذ بالله حتى باجازاتكم ما فتكرتونا..؟! فيصل : و الله يبه اطول اجازة اخذناها خمس ايام ماهي حمل جية.. و انت تدري كندا قد ايش بالطيارة من هنا اذا ما اخذتها ترانزيت بعد مقضيها يوم يوم جيه هنا ويوم رجعة قضت الخمس ايام.. ياسر و خالد اللي دخلوا معاهم بس سلموا عادي و جلسوا اماكنهم.. ياسر : يا شيخ ما عندكم اجازة اخر السنة طويلة..؟! فيصل : الا عندنا بس كنا نقضيها اترام صيفية و كتابة رسالة .. و ان كنا فاضين ما تعدا خمس ايام اسبوع بالكثير نقضيها بمدينة قريبة منا عشان نقول تمشينا بكندا.. ابو عمر : الحمدلله اللي ربي رجعكم سالمين.. خالد : وين عماني الصغار و البنات..؟! ام عبدالرحمن : رايحين السوق مع بندر.. ما فاتتهم الكلمة.. عماني الصغار .. ناظر الاثنين ببعض.. لانهم ما انتبهوا مين ناقص يمكن اللي فقدوا صدق بندر و عساف و يزيد اما الباقين ما يعرفون عنهم شيء عشان يفقدونهم .. فيصل رد كلمة خالد : عماني الصغار و البنات بعد..؟! وليد بحماس وهو يتربع على الكنب و يناظر فيصل : هووه انتم ما تدرون عن أخر التطورات جدي طلع متزوج و عنده بنتين و ولدين.. فيصل فتح فمه : هـــاه..؟! مشعل : هواه ان شاء الله اللي تهويك من فوق جبل .. دارس برا و رجع لي بـ هاه..؟! فيصل : استغفر تراني ولد عمك.. مشعل : ويش اسوي لك احد يقول هاه..؟! ولا دارس برا سنين لا يكون بس تقولها للأجانب هناك و مفشلنا.. فيصل : هههههههههههههههه و الله ما اعرف الا اكون على طبيعتي اما شخصيات ثانية ما اعرف اتقمص.. تحس بجلد يدها راح يتقشر من شدة فركها لها.. قرب منها حيل يوم سلم على ابوها وهي واقفة جنبة.. بس حتى نظرة ما اعطاها.. ليش يعطيها ماهي رفضت لا تروح معاه من سنين و قام عاند و أجل الملكة.. خلاها لا مرتبطة و لا منفلتة.. و الحين رجع عشان تحس انه ناسيها و هي اللي ما قصروا فيها كل ما جاتهم الفرصة قالوا لها فيصل و فيصل و حسسوها بالذنب.. حست بذراع ابوها تستقر على أكتافها وتشد عليها .. ابو سعود يكلم فيصل : اهم شيء الشهادة اللي سافرتوا عشانها كيف.. فيصل وهو مركز نظرتة بعمة لا يمين و لا يسار بس يشوفها لانها جنبة يشوفها : تسرك الحمدلله.. ابو سعود : الحمدلله.. مبروك يا عمي.. عقبال ما توظفون وظايف سنعة.. فيصل : ان شاء الله.. الله يسمع منك.. ماجد مندمج بسالفة جدة مع وليد اللي جالس عن يسارة : من جدك..؟! وليد : اوووه ما سمعت شيء.. ماجد : يا خسارة طافنا ذاك اليوم.. لو اننا مقدمين رحلتنا بس..؟! وليد : عاد يومين خسارة و الله ما ينفوت.. ماجد : ياخي كان عندنا مشكلة بالحجز .. الله يسرها من عنده.. صبا بحماس و شوق لاخوها : فصولي تعال.. فيصل وقف يمشي قدام وماد يده لها بيطلع معاها : انتِ اللي تعالي ابيك.. نقزت له بحماس و طلعت معاه برا.. ما احد تنرفز من الحركة كثر ياسر.. او بالاصح مو الحركة بس عشانه سمع صوتها اللي يخلية يتنرفز دايركت يكره الدلع .. يحسة مرض ويبي لها تتشافى منه.. نهى انقهرت ايه انقهرت صح ان صبا اخته.. بس مقهورة ما ولاها شيء ولا نشد عنها.. من سبع سنين مختفي حضرتة يعني يمكن تغيرت و لا عرفها و عادي عنده ما ولاها ذرة اهتمام.. حست بالقهر يزيد بقلبها له.. اللي قبل مقهورة حاجزها من سبع سنين و الناس كلها تدري انها له .. و كانت.. مشتاقة.. ايه مشتاقة بس ما تبي احد فيهم يحس .. بيندمونها انتِ اللي تركتية و قعدتي معانا.. كانت تبي تفركش خطبتها بس عناد فيه.. ما وقفها عن سواتها الا ابوهاو اخوانها اللي مستحيل يوافقون على هبالها.. قامت و طلعت من الغرفة قدامهم.. .. ام شوق : وهذا اللي صار.. غازي واقف يسمع لزوجتة اللي خبرتة عن خطبة سعود : سعود ينشرى ما ينباع.. بكلم شوق و ان شاء الله خير.. كل ضيوفك راحو..؟! ام شوق : لا .. بقي وعد.. غازي ابتسم : ناديها ماهي غريبة.. ريما تحضنة من وراء : مين اللي ماهي غريبة.. حط يده على يديها : بنت عمتك.. ريما تلف و توقف جنبة و هو يحضنها : ما شفتك اليوم وين غطستي..؟! ريما : عندي اختبار بكره.. قللق.. غازي ياخذها معاه للصالة : وكيف المذاكرة..؟! ريما : اسوي اللي علي غير كذا ما اقدر.. غازي يجلس : تراني اخبر حركاتك.. سالفة اني امثل عليكم المذاكرة نص السنة و اخر السنة اشد حيلي لين انهد و يغمى علي.. تراني اخبرك ريما.. ريما جلست جنبة : كافشني .. بس شوف اخذت عهد على نفسي اني اشد حيلي من اول السنة مو بس في الأخير.. غازي : نشووف الايام بيننا.. وعد دخلت عندهم بعد ام شوق و وقف لها باست راسة : كيفك يا خالي.. وعد : بخير الحمدلله.. غازي : الحمدلله عساك مرتاحة.. وعد جلست على كنبة لحالها : الحمدلله يارب.. غازي : الحمدلله.. الا وين لينا وشوق.. شوق بمرح : أنا جيت.. .. باست راس ابوها وجلست جنب مامتها.. غازي : كيف النفسية.. شوق : الحمدلله.. غازي عرف انها ما ردت عن الخطبة و الا ما جات خصوصا ان وعد موجودة.. : وليون وينها..؟! ام شوق : بغرفتها ما ادري ويش صاير لها هالبنت صايرة هي و الكرسي واحد.. ريما : من زمان ماهو شيء جديد.. غازي ضرب ريما مع راسها : لا تسبين اختك قدامي.. ريما تحط يدها على راسها : وانا صادقة .. كل يوم عن يوم تزيد ما تطلع من غرفتها ما تكلم اجلس معاها انا تخلص سوالفي كلها وهي ان مره تفاعلت معاي ناظرتني.. ولا تعلق و لا تسزي شيء.. غازي : مهما كان ما تحكين عليها.. فاهمة.. ريما تحلطم : ان شاء الله.. فجأة و بدون سابق انذار نقزوا من اماكنهم بفاجعة.. صوت اطلاق نار برا.. احتدت ملامح غازي وهو واقف .. تحرك خطوة : ادخلوا كلكم لغرفة وحدة واقفلوا الباب عليكم.. لا احد يطلع.. وقفوه بناتة اللي تعلقن فيه يصيحن ما يبونه يطلع : لا بابا تكفى لا تطلع الله يخليك.. شوق : بابا نبيك تكفى لا تروح .. غازي : ادخلوا .. امال خذيهن.. امال ما تدري هي تسمع كلام زوجها و الا تلحقة من خوفها عليه.. لين احتد صوتة : امـــال.. امال : يالله .. غازي التفت للباب وراه اللي ارتفع صوت الطق عليه .. خرج سلاحة و تأكد من وجود الرصاص : امال بسرعة.. يالله وعد.. امال سحبت شوق .. اما ريما تمسكت بـ أبوها اقوى من قبل ما تبيه يروح و تفقدة.. شلون تسمح له يروح للموت برجليه.. شلون يقولها روحي و احمي نفسك و انا بطلع اشوف.. كيف يبيها ترضى انها تتيتم..! ايه تتيتم.. خايفة عليه و على نفسها لو هو مو موجود حواليها.. غازي مسكها من كتوفها يضغط عليها : ريما .. انتِ تدرين ان وظيفني احمي الامن و لاني جالس الحين احكي لك.. لا تخافين المكتوب مامنه هروب.. ولو ربي راد لي اموت .. بأموت لو قدام عيونك و انتِ جالسة بحضني.. روحي مع امك و اخواتك.. و لا تخلينهم.. انا بس بروح استطلع برا ويش صاير.. ريما بعدت عنه خطوة : بنتظرك و رب الكعبة ان رحت لا اروح من بعدك.. حياة ما فيها انتِ انا ما ابيها يا بابا لان الموت اهون علي من اني امشي على ارض انت تحتها.. و تركته وهي تلحق امها و وعد و اختها.. اما هو اتجه للباب و فتحة بحذر و جعفر كان قدامة : بابا ئماد.. شاف عماد يجلس على الاسلفت يده على كتفة و لبسة العسكرية مغرقة بالدم.. اتجه له بسرعة نسى انه في ساحة مفتوحة.. : عمـــاد.. عماد : وعد يا عمي.. ودها بيت ابوها اامن لها.. غازي : مين..؟ يا عماد.. عماد وانفاسة متقطعة يشعر بأن روحة ستخرج.. : ما اد..ري واحــ ـ ـد صـ ـ ـ ـابني و ... انحــ ــاش.. غازي التفت لجعفر : ما شفت احد..؟! جعفر : لا بابا ما يسوف.. غازي : شيل عماد بسرعة للسيارة قدام.. (التفت على عماد) بجيبهم ما راح اخليهم هنا بس تحمل شوي يا عمي.. عماد : بنتظرك يا عمي.. بس وعد احميها.. غازي : لا تخاف.. نقز غازي يجري لداخل الفيلاا : امـــال.. وعـــد.. ريمـــــا.. ما كمل مناداة لهم الا الكل واقف قدامه و الرعب على وجيههم يحكي.. وجه غازي اسود ما يبشر بالخير ابد.. بس وقوفة امامهم سليم يطمنهم .. نطق بسرعة قبل لا يستفسرون : بسرعة البسوا عبايتكم.. يالله.. ثواني.. ما فيه مجال للسؤال الرعب اللي دبه بنطق هالكلمتين و الحدة و التوتر و السلاح بيدة يخليهم يتحركون بسرعة و يلبسون عبايتهم بدون نقاش.. اقل من دقيقة و كانوا قدامة.. طلع مترأسهم و وقف على الباب وهم يطلعون قدامة : على السيارة كلكم سريع سريع.. امال كانت تبي تركب قدام وقبل لا تفتح الباب سحبها غازي من يدها و فتح لها الباب اللي وراه : اركبي.. البنات يوم شافوا عماد صرخوا : آآآآآآآآآآآ.. غازي بحدة : بســـرعة ما فيه وقت اركبوا بأخر مرتبة كلكم.. وعد جلست جنب مرت خالها وحطت يدها على كتف عماد و نطقت بخوف دب بعروقها عليه : عمــاد.. غازي يركب و يحرك السيارة : الحين بوصل عماد للمستشفى بعدين بنزلكم ببيت عامر.. عماد بصوت يالله ينطق وهو يضغط بكفة اليمين على كتفة اليسار : اول شيء وصل وعد.. غازي بحدة وهو يناظر الشارع قدامة : بوصلها .. بس اول شيء انت قبل لا يخلص دمك.. اصوات البنات يبكون .. و ام شوق اللي تردد الدعاء و وعد اللي متقدمة وهي حاطة يدها على يد عماد اللي تضغط على كتفة كل شيء يبعث على التوتر و الألم.. ام شوق : الله يستر يارب الطف.. يارب الطف.. وعد بصوت يرجف يعلن عن بكاء قريب : عمــاد تكفى تحمل.. عماد يبلع ريقة : عمي اول شيء ننزل وعد ببيت ابوها.. ما راح اروح المستشفى اذا ما نزلتها.. قاطعتة وعد : لا تكفى انا ابي اروح معاك ابي اتطمن عليك .. عماد الله يخليك.. عماد : لاا.. ما ابيك تعتبين.. الباب.. و لا .. تطلعين.. حتى.. راسك.. يمكن .. متقصدينك.. ما ندري .. مين .. هم..؟! كلمة يمكن متقصدينك خلت احساسها بالذنب يثور مثل البركان في صدرها و نزلت دموعها .. خبت معلومة يمكن قدروا من وراها يمسكون العصابة.. بس ما تدري ليش ما قالتها..؟! يمكن من خوفها على ابوها.. بس ما يصير ...؟! ما لها مبرر.. ما لها مبرر.. مالها مبر.. ضغطت بيدها عليه : بس بكون معاك و الله ما ابعد تكفى ما ابي اروح لبيت بابا ابي اتطمن بس يطلع الدكتور اروح.. عماد التفت لها : قلت لك لا.. انتبه لعبايتها المفتوحة و بلوزتها السكرية .. ضغط على نفسة وهو يمد يده اليمين بصعوبة عشان يمسكها من بلوزتها لانها جالسة وراء بالوسط عشان تكون جنبة.. مسك بلوزتها اللي تلطخت بدمة نطق وهو يصر على اسنانة الم و عصبية عليها : سكري ازارير عبايتك.. مسكت عبايتها تحاول تسكر الازارير بيدين مرتجفة عليها دم عماد.. ما تدري قفلتها صح و الا لا.. ما تدري لو لبست عبايتها مقلوبة.. بس بتسكرها عشان ما يعصب ماهو بموقف يحتمل العصبية.. عماد : عمي دق على سعود قولة يخلي حارس بيتهم يدخلنا ما راح يوافق يدخل السيارة اذا سعود ما قالة.. غازي وهو يخرج جوالة يتصل بسعود لازم يكون متماسك.. مين اللي متقصد يصاوب عماد ببيت غازي.. يعني عنده نية يهدد غازي و يقتل عماد ببيت غازي اشارة له.. صحاه صوت سعود المرحب فيه نطق غازي من غير سلام : سعود انا جاي بيتكم الحين بوصل وعد.. ابيك تكلم الحارس يفتح البوابة.. سعود : و الله احنا ببيت جدي.. بس مو مشكلة انا اكلم الحارس و بعدين اجي اخذها.. غازي : بيت جدك مساعد..؟! سعود : ايه.. غازي : خلاص انا اجيبها .. و سكر من غير لا يزيد بالحكي.. وعد ترجى عماد : تكفى لا تروح .. عشان.. (بلعت ريقها) عشان خاطر.. اللي بطني.. ماهو ناقص عشان يجمد الدم بعروقة .. التفت لها من غير لا يأخذ نفس : ويش قلتي..؟! وعد تتنفس بقوة : انا.. حامل.. اما سعود استغرب اسلوب غازي وحدة صوتة.. اول شيء جاء ببالة انه مو راضي عن الخطبة.. حس انه تسرع تمنى لو انه لمح له كان لقى كلمة منه يا تخليه يكمل او لا.. خالد : ويش فيك..؟! سعود : الفريق غازي جايب وعد للبيت..؟! خالد : غريبة وين عماد..؟! سعود : ما ادري صوتة ما يطمن تهقى انه ماهو موافق على الخطبة..؟! خالد : ايش هالسخافات هاذي..؟! مين يعاف سعود ولد ابراهيم.. بس يمكن فيه شيء مشغلة.. سعود : الله يستر.. شكلي تسرعت.. خالد : لا تسرعت و لا شيء ريح لي بالك شوي.. عساف : مبروك يا ولد العم ما بغيت تخطب.. سعود ما يدري ويش يسوي .. يفرح لمجرد الخطبة لانه من ساعة بس اللي يبارك لك يرد عليه وهو مبتسم و راضي بس كلها تبخرت من سماع صوت غازي قبل لحظات.. : الله يبارك فيك.. واقفين بعيد عنهم بالصالة الثانية فيصل و صبا .. فيصل : كلميها طيب.. صبا : ويش اقولها..؟! فيصل : قولي لها اني ابي اكلمها.. صبا : من جدك والله بس يدري عم ابراهيم يذبحني و يذبحك.. فيصل : صبا حبيبتي يهون عليك اخيك لي سبع سنين ما شفتها.. ما اعرف و شلون صارت.. صبا : طيب لو شانت تبي تتركها يعني..؟! فيصل : اكيد لاا لان نهى تزين ما تشين.. بس ابي اشوفها.. صبا وهي تناظر عمها ابراهيم اللي جالس مع الناس و لاهي : و ان درى و الله اخاف منه.. فيصل : استغفر الله العظيم.. بشوف خطيبتي.. صبا : قلتها خطيبتك يعني لو بتشوفها قدام عيون اهلها مو من وراهم.. ما يصير حرام.. فيصل : انا غبي اللي قاعد اكلمك.. صبا تعلقت بيده قبل لا يمشي و يخليها : و الله آسفة بس اني خايفة من عمي.. و يمكن نهى تعصب تخيل تعصب.. فيصل بمحاولة اقناع : عمي ابراهيم ما راح يدري و نهى خليها علي بس ناديها انتِ.. وسط التهاء الجميع كل شخص باللي يعنية.. و الاصوات المرتفعة.. دخلت عليهم ما تشوف شنطتها بيده عبايتها اخرها مفتوح.. يدها ملطخة بالدم.. انتبهوا بس لدخولها من غير باقي التفاصيل .. وهي ما تشوف الا ازوال اشخاص من غير ملامح .. من غير تفاصيل من غير حدود و كأنها اشباح جالسة.. طاحت على الارض جالسة تبكي بنحيـــب افجع قلوبهم.. نقزوا لهم جميع .. اول من مسكها ابوها : وعـــد..؟! بابا ويش فيك..؟! خالد مسك يدها بفجعة من منظرها مغطيها الدم و بعده ما نشف : يبه شكلها متعورة.. ابو سعود جمد الدم بعروقة وقت ما شاف يدها : يبه ويش فيك ..؟! علميني.. سعود : الفريق غازي وينه..؟! وعد بصوت مبحوح : راح.. ام عبدالرحمن وهي جالسة وراء رجولها ماهي شايلتها : ويش بلاكم البنية ويش بلاها..؟ وعد تمسكت با أبوها و لطخت ثوبة بدم عماد و ارتفع صوت شهقاتها و صياحها تردد صداه حواليهم : عمــاد يا بابا.. عمـــاد.. سعود مسكها : تهاوشتوا..؟ ياسر بحدة تفجرت في عروقة حمية لأختة : ضربك..؟! وعد : عماد انصاب يا بابا .. عماد انصـــاب...!؟!؟ سعود مسكها وهي بحضن ابوه : وعد .. ويش تقولين..؟! مين اللي صابة..؟! وعد : ما اعرف و الله ما اعرف.. (ضربت راسها بكفوفها).. صابوه بيموت.. و الله بيموت يا بابا.. سعود : أي مستشفى راحو..؟! وعد هزت راسها : ما ادري.. وقف سعود و خرج هو وليد معاه.. يشوفون زوج اختهم.. مشاري : اهدي وعد.. اخوانك راحو يشوفونة.. .. في المستشفى..واقفين بتوتر قدام باب غرفة العمليات.. عامر و ام ناصر و عهود و غازي و ناصر و عبدالله .. وبعيد عنهم و على نفس الممر سعود و عساف و وليد و خالد و ياسر ومشاري و بندر.. سعود : استغفر الله العظيم.. الله ييسرها من عنده.. مشاري : اكيد بيفتحون تحقيق بالموضوع.. عساف : ما يبي لها .. ومو أي احد بيمسكة اكيد الفريق غازي.. ما راح يخلي الموضوع يمشي كذا.. بندر : انا ما ادري ليش المصايب تلاحق اختكم..؟! ياسر : استغفر ربك يا عمي ويش هالحكي.. كن البلا باختي.. كانوا مسكرين الممر تقريبا بوقوفهم في دائرة .. فجأة ومن غير سابق انذار عباية تعد من بينهم .. يعني بنت .. ظلوا يناظرون بعض و لا علقوا.. خصوصاً البنت وقفت عند عامر وهي تصيح مفجوعة : وينه...؟! تكفون ويش فيه..؟! (تعلقت بخالها غازي تترجاه) قولوا انه بخير.. قولوا ان ما فيه شيء.. غازي مسكها من عضدها و بحزم يخفي خلفة توترة على عماد : انهار اهدي.. ما احنا ناقصين توتر.. توهم مدخلينه غرفة العمليات.. انهار وهي تضرب على فخذها : الله يأخذهم ليش بيذبحونة..؟! عهود : عشان تصدقون ان بنت ابراهيم وجهها شر علينا..!! من البارح مشاكل اللهم يا كافي.. سمعوها كلهم سمعوها بنت ابراهيم ما يبي لها ذكاء المقصودة وعد.. بس ما احد فيهم رد و لا راح يرد.. ما بقي الا يراددون مره.. ظلوا يناظرون ببعض كأن كل واحد فيهم يسأل الثاني فهمتهما...!؟؟! ناصر : عهود ما انتِ بالعة لسانك ارجعي البيت.. حنة زايدة و كثرة حكي ما نبي.. عهود بقهـــر : وانا ويش قلت ..؟! عشانك البارح ما كنت فيه وشفت ويش سوت.. عامر بحزم صارم : عهووود خلااااص.. سكتت بعد كلمة ابوها.. وهي مقتنعة بوجهة نظرها وعد هي السبب و وجهها شر عليهم.. انتبهوا كلهم لصوت من بعيد : سعـــود.. التفت الكل له بأخر الممر.. جاهم يجري يوم شافهم انفجع و اول ما خطر على بالة ابوه .. احمد يحاول يلقط انفاسة : ويش فيكم ابوي فيه شيء..؟! خالد : لا الحمدلله بخير.. بس عماد متصاوب.. ما ينكر انه ارتاح شوي.. صحيح قلق عشانة .. بس كون مو ابوه اللي تعبان هدأ باله : خير ان شاء الله خلال تدريب..؟! وليد : ما ندري.. احمد تذكر اخته لا يكون رجعوا لدوامة الخطف من جديد : و وعد وينها..؟! خالد : عند ابوي تطمن.. احمد : الحمدلله خفت يكون صاير لها شيء.. الله يقومة بالسلامة.. بندر : ادخل انت مو دكتور يسمحون لك تدخل غرفة العمليات.. احمد : عمي الدنيا ماهي سايبة اللي ماهي موكلة له العملية ما يعتب الباب.. خرجت الممرضة الفلبينية بسرعة من غرفة العمليات كلهم التفتوا للباب اللي طلعت منه .. اكيد معاها خبر ..بس ما يمديهم مالهم ربع ساعة من دخلوا..كانت تبي تخرج تنادي احمد بس لما طلعت شافتة قدامها : دكتور اهمد.. جاتهم تجري في الممر و وقفت قدامة : لازم يزي مريض ما يرضى تخدير يبي صاحي.. بسرءة قلب هو تئبان.. احمد من غير لا يخوض بالحديث اكثر اتجه لغرفة العمليات بطولة بينهم .. لقى الممرضات منتظرتة غسل يدينه و عقمها بسرعة و لبس لبس العمليات و القفازات و دخل.. وقف عند راس عماد : عماد.. عماد وهو يئن من الألم مو بس كتفة جسدة كلة يألمة : ما.. ابي .. تخدير.. سووها.. وأنا.. صاحي.. الدكتور : عجزت فيها راسة يابس ماهو راضي احد يخدرة.. احمد : عماد دمك بيخلص و انت جالس تعاند.. عماد يضغط على كتفة : ما ابي.. تخدير.. احمد استسلم لا يمكن يخوضون بالموضوع اكثر يمكن لا حس بالالم القوي يرضى ع التخدير.. ناظر طبيب التخدير : حط له تخدير موضعي على مكان الجرح.. الدكتور : ان شاء الله.. بس ممكن ما يتحمل العملية.. احمد : وقتها بنخدرة تخدير كامل.. اما بــرا الاجواء توترت اكثر من قبل.. مو راضي يتخدر و قلبه تعبان.. ام ناصر و الدعاء بسلامة ولدها ما يفارق لسانها : يارب احفظة لي.. يارب لا تفجعني فيه.. انهار بصوت مبحوح من الصياح و الخبر نزل عليها كالصاعقة عماد انصاب : يبي يذبحني .. يبي يحس بالالم و يسويها وهو صاحي.. يبي يعاقبني و اتألم عشانة.. جلست على الارض و خوالها يناظرونها ما علقوا .. ليش يعلقون وهم يعرفون بقصة حب دامت لسنين بين الاثنين .. و الاهم ان اخوان وعد و عمامها و عساف يسمعون حكيها.. عهود : يارب الطف فيه .. و الله ما اتخيل بيتنا من غيره.. على انه عصبي و دفش بس ينحب.. ناصر ماهو ناقص توتر و كلام انهار خلاه يعصب مين تحسب نفسها عشان تحكي في عماد اللي تخلت عنه و عن قلبة بعد ما تملكتة : انا ما ادري شلون عبدالله انصك براسة و جابكم معاه.؟! وحدة فيكن تفتح فمها بكلمة ما تلوم الا نفسها..؟! غازي اتجه للشباب : السلام عليكم.. : و عليكم السلام.. غازي بهدوء : عساف ابيك تمسك التحقيق.. عساف ومهمة عسكرية توكل له : حاضر سيدي.. غازي : خذ فرقة من الادلة الجنائية و روحو لبيتي و خلهم يسوون مسح على الحديقة كاملة .. و شوف لي كاميرات المراقبة كلها و أي شيء تلاحظة خبرني فيه.. عساف : تأمر طال عمرك.. تأمر على شيء ثاني..؟! غازي : لا سلامتك.. بس وافيني بكل شيء يا عساف.. عساف : تأمر.. مع السلامة.. : مع السلامة.. خرج بعد ما ادى التحية العسكرية للفريق غازي يبتدي مهمتة.. غازي يناظر سعود : سعود كلم ابوك و اكد عليه وعد ما تعتب الباب و لا تطلع حتى لحديقة بيتكم.. و لا تنترك بغرفة لحالها.. سعود باستغراب : حاضر.. خالد : ليش ... وعد ويش دخلها..؟! غازي : دام الجاني مجهول ما يندرى مين يقصد.. و لازم نأمن وعد من باب الاحتياط .. قبل لا يوقع الفاس بالراس.. بندر : يعني ايش..؟! ما راح ينمسك و تظل وعد بدائرة الخطر..؟! غازي : ماهي وعد لحالها بدائرة الخطر اذا ما انمسك.. كلنا.. و الشيء الثاني اللي ابيكم تنتبهون له.. و عماد حرص عليه قبل لا يدخل العملية.. يبي وعد تدرب على السلاح.. كلهم اتسعت عيونهم من الكلمة وعد تدرب على سلاح اغلبهم ما لامس اصابعة .. لا مشاري ولا بندر و لا خالد او ياسر .. وليد بتأيد : معاه حق .. لازم تعلم عليه وتحمي نفسها.. غازي : اذا عماد قام بالسلامة هو بيدربها.. و اذا ....(رفع راسة يأخذ نفس) استغفر الله .. انتم اهتموا بذا الموضوع.. لازم يكون معاها سلاح مرخص بس تدرب عليه اول.. على الأقل لين تنتهي القضية.. سعود : الله يستر .. الله يجيب العواقب سليمة.. غازي : ان شاء الله.. اهم شيء تنتبهون لاختكم و لا تخلونها بالبيت لحالها .. ما ندري لو كانت هي المقصودة و يبون يتخلصون من عماد عشان يوصلون لها.. بندر باستغراب : ليش..؟! غازي : عدنا و زدنا بهالحكي عشان المعلومات اللي عندها ممكن أي احد يحاول يوصل لها .. و بكفين يخليها تخر كل اللي عندها.. سعود : و ممكن يكون متقصدك سيدي.. غازي : ادري .. محاولة قتل عماد في بيتي اشارة لي.. ما اختاروا المكان عبث.. كان اسهلهم يصيبونة عند بيت ابوه.. و عماد مو كثير يجيني.. و الغريب انه جاي عشان يأخذ وعد.. عشان كذا عماد خايف تكون هي المقصودة.. بندر : يارب عونك. و الحل. بنأخذ وضعية المتفرج. و نشوف ويش بيصير.؟! غازي : عندك حل.؟! بندر : تسافر.. ايه تسافر برا.. أأمن لها.. غازي : هذا لو كان شخص واحد يلاحقها نسفرها بالخش و الدس.. لكن اللي كان يلاحقها صلاح و صلاح عندنا.. اذا كانت وعد المقصودة معناتة في احد ثاني ملاحقها و اللي ما فيه شك انه يكون من نفس شلة صلاح.. ياسر : و رب الكعبة اللي يطولها بشيء لا اكون ذباحة.. و هالمره ما راح اعمل لأي احد حساب.. حتى لو قررتوا تحجزونها ما راح نوافق.. غازي بهدوء وهو الرجل الذي تعود على الصلابة حتى في اصعب المواقف: لا تستبق الأحداث.. لو مصلحة اختك بالحجز ما راح توقف ضد مصلحتها.. .. لا إله الا انت سبحانك اني كنت من الظالمين.. لا أحلل نقل الرواية دون ذكر اسمي.. هاشتاق #رواية_لو_سألتي_الورد .. ضحكة قهر.. |
رد: لو سألتي الورد وهو ما بين إيدك أقطعك بيقول لك عمري فداك الكاتبة / ضحكة قهر
البارت الثاني و الثلاثون.. مشاعر الغيرة بصدري تعارك عندي يعاف الشيء لا صار مشروك.. يقال كل اللي يشارك يبارك الا المحبة كل مشروك متروك.. كانوا هادين عشانها.. ما وقفت صياح وكل دمعة تنزل خويتها وراها.. تعبت وهي تبكي.. وما في بالها الا ان هي السبب .. ما علمت عن اللي سمعتة منهم.. بس خايفة على ابوها.. ما تبي احد يأخذة وهي ما كانت شايفتة فترة طويلة خلالها تعبت حيل.. وحتى لو كانت شايفتة ما تبي ابوها يصير له شيء.. أم عبدالرحمن : يا يمه استهدي بالله .. الحين يجون اخوانك يطمنونا.. وعد : صار لهم ثلاث ساعات يمه.. ثلاث ساعات ما احد بين منهم.. ام مشاري : تفاولي بالخير يا يمه .. ان شاء الله بيجون و يطمنونك.. ابو سعود : بسك صياح يا بابا هلكتي نفسك.. وعد بالم ومن غير لا تحس باللي تقولة : بابا لو صار لعماد شيء ما راح اسامح نفسي.. نهى جلست جنبها وهمست باذنها : بسواتك ذي بتضرين ولد عماد .. حرام عليك نفسك و اللي ببطنك من زود حبك لعماد عشان تبكين عليه.. أسيل : ما يصير الناس تساسر بوسط المجلس عيب.. نهى ناظرت اسيل : شيء بيني وبين اخيتي ما احد له شغل بيننا.. وعد تمسكت بذراع أبوها : بابا كلم سعود .. شوف ويش صار.. : ما يحتاج هذا انا جيت.. نقزت لسعود بسرعة : ويش صار طمني..؟! سعود مبتسم : بخير ما عليه الا العافية.. وليد يجلس ببرود : ابو سبع ارواح ما يحوشة شيء.. وعد بقهر : كلب لا تقول عنه كذا.. و الله كان بيموت.. وليد ببرود يرد عليها وهو يحط رجل على رجل : بس ما مات .. وفوق هذا ما رضى يخدرونة سوا العملية بدون تخدير.. وعد اخترعت من اللي قالة وليد : عملية..؟! و بدون تخدير..؟! خالد : اكيد عملية شلون بيطلعون الرصاصة..؟! وعد : بس .. بس ليش بدون تخدير..؟! كلهم جلسوا الا هي ظلت واقفة تستجوبهم.. تبي تطمن عليه.. ياسر : هو ما رضي على ان احمد حاول فيه بس رفض لا يخدرونة.. وعد : طيب ليش..؟! ياسر : اسالية عليه افكار غريبة زوجك.. بندر : اهم شيء انه بعافية و اهله تطمنوا عليه.. وعد : خالي عامر كان موجود..؟! بندر : ايه و امه بعد و خواتة.. وعد باستغراب : خواتة..! وليد مبتسم وكأنه لقط شيء : وحدة من خواتة اسمها انهار.. كان مويا باردة انكبت عليها.. كل الخوف و القلق اللي كان بقلبها عليه جمد وما عاد يزيد.. و احساسها بالذنب تبخر.. ردت الاسم بهمس : انهار..!؟! .. انقهرت منه .. ترجتة تبقى عنده لين يطلع الدكتور ويطمنها و رفض و حضرتها جايتة و شايفتة بعد ما طلع من عمليتة.. اكيد مستانس شايف خشتها بعد ما طلع من الموت جعلة يرجع له الذيب.. استغفر الله العظيم؟؟ جلست جنب ابوها بقهر يغلي فيها .. صحى قهرها اللي البارح من جديد.. وليد يغمض عين وحدة : كن اخته تكرهك.. سعود بحدة : وليـــد.. وليد : وانا ويش قلت .. سمعتوها كلكم.. وعد : ليش ويش قالت..؟! وليد كان بيتكلم بس قاطعة عمه بندر : تبي تردد حكي الحريم ..؟! ما تستحي انت..؟! وليد : و الله صدق كارهتها ما سمعتها تقول وجهها شر علينا.. وعد من غير اهتمام : اكيد عهود.. وليد : ما ادري .. يمكن.. بس ليش كارهتك.؟! وعد تحاول تبرر لها عشان ما يحسون ان فيه شيء : عشانها متعلقة باخوها مره .. و تحسب اني بحرمها منه.. عادي فترة و تتعود علي.. وليد : يا شين سخافة تفكير البنات.. صبا : من حقها اخوها و تخاف عليه.. بس عاد وعودة ما تأكل.. وعد وهي تحاول ما تبين انها مقهورة وتحول مشاعرها من الصياح و الخوف عليه للقهر : شفتوه..؟! سعود : ايه سلمنا عليه و طلعنا عشان خواتة و امه.. عضت شفايفها و قهرها يزيد يعني شافها و شافتة جعل عيون الأثنين للعمى.. مسحت دموعها اللي كانت من خوفها عليه و احتدت ملامحها و هي تناظر بالأرض و ما تتخيل الا عماد و أنهار مع بعض.. و القهر انها تدري ان ما احد بيعبرها و لا بيحط احد اعتبار ان صار عنده زوجة.. اذا حكوا عن الاثنين وهي موجودة كيف لو ما هي موجودة .. نطقت بسرعة : بابا بروح المستشفى.. ابو سعود : نعــم..؟!! وعد تأخذ نفس : ابي اروح المستشفى.. ابو سعود : خلاص بكره بوديك يا بابا خلاص صار الوقت تالي الليل.. وعد : لا بابا ابي اروح الحين.. نهى همست باذنها : ويش بلاك فقدتي عقلك..؟! وعد : ابي اروح الحين.. بابا تكفى.. سعود : تستهبلين انتِ .. عماد و الفريق غازي محرصين ما تطلعين من البيت و لا تعتبين الباب .. و لا تنتركين بالبيت لحالك.. وعد : شوف سعود .. ما يهمني كلام احد.. و اللي براسي بسويه.. ياسر : لا يا شيخة.. انتِ تدرين اللي صوب عماد ما مسكوه.. و فيه احتمال تكونين انتِ المقصودة.. وعد : من كل اللي صار لي تعلمت شيء و واحد و هو اللي واثقة فيه.. لو ربي كتب لي شيء ما احد فيكم بيرده عني لو اني جالسة بوسطكم.. صلاح اول مره سحبني قدام عيونكم.. و التالية قدام العالم و الناس من المستشفى.. و جلست فترة طويلة ما احد فيكم يدري عني شيء.. يعني باختصار لا انتم و لا عماد و لا خالي غازي بيرد عني شيء ربي كتب لي اعيشة.. ياسر : فيه شيء اسمه الأخذ بالأسباب.. ما فيه شيء بدون سبب.. صحيح ربي الحافظ و ما احد يرد المكتوب بس ما يصير الانسان يعرض نفسة للهلاك.. مثلك الحين تعرضين حياة للهلاك.. وعد تأخذ نفس ما راح تحمل فكرة ان انهار معاه بالمستشفى : ان زين بس شوي ما راح اطول.. ياسر : ايش فيك.. اصلاً ما راح يدخلونك .. حتى احنا قالوا لنا هذا مو وقت زيارة و طلعوا الكل ما جلس عنده الا واحد من اخوانة مرافق.. و الا حتى اهله ما طولوا عنده.. و ان كنتِ قلقانة الحين بيجي احمد و انشدية عنه هو اللي سوا له العملية.. نهى مسكت وعد : قومي ابيك.. قامت من غير لا تعترض .. ما راح تصر زيادة لانها تعرف ما راح يوافقون دام كلهم على رأي واحد.. فيصل غمز لصبا عشان تسحب وعد من نهى و يصير هو يقابل نهى.. قامت صبا.. ام احمد تناظر ياسر و خالد : انتم وين كنتوا اليوم..؟! خالد : كان عندنا مشوار و قضيناه.. ابو سعود : و هالمشوار ما ينقال ويش هو..؟! خالد : بس رحنا نعزي واحد من اخوياي.. ابو سعود : سبحان الله من الصبح لليل تعزون خويك..؟! خالد : لا يبه كان عندنا كم مشوار.. ابو سعود بطوالة بال : وين قضيتوها هالمشاوير ..؟! بندر : ياخي قول ويش سويت كل يومك و قضينا.. خالد : عمي ويش انا بزر عشان اقول و الله رحت الساعة الفلانية للمكان العلاني و طلعت من عندهم ما ادري متى.. كبرنا على ذا الحركات.. ابو سعود : استغفر الله العظيم يعني ما انت قايل لي وين كنت انت و ياسر مع بعض.. ياسر : يبه و الله رحنا نعزي واحد من اخوياه.. ابو سعود يناظر خالد : طيب ليش ما سافرت..؟! خالد : تبادلت مع واحد من اخوياي هو عنده رحلة الاسبوع الجاي بنفس يوم زواج اخوه و تبادلت معاه.. ابو سعود : اهـــااا.. ام احمد : انا ماني متطمنة.. احس ان وراكم بلا.. ياسر وقف : ما ورانا شيء يمه .. انا بروح انام تعبان.. خالد : انا بعد بروح .. ابراهيـــم.. ابو عبدالرحمن : و الله انكم مو خالين.. خالد : يبه الله يهديك ويش بلاكم علينا الليلة..؟! لو ورانا شيء بتعرفونة بحزتة.. ابو سعود : يعني عندكم شيء مخبينة..؟! مو ما عندكم..؟! خالد : ايه يبه .. و للحين ما جات الحزة اللي نقولكم اياه.. ابراهيم : نعم يبه.. خالد : يالله يبه ناد رند بنمشي.. ام احمد : انت اكيد بتنام خلهم معي.. ابراهيم : لا يمه انا بروح مع ابوي.. بروح انادي رند.. و خرج من الغرفة اللي مجتمعين فيها كلهم.. وليد : ياخي فك عن ولدك شوي.. ناشب له.. خالد : شكى لك..؟! وليد : ما يحتاج يشكي مبين على عيونة.. ام احمد : خف على الولد شوي توه بزر.. خالد : يمه ما قلت له شيء هو يبي يمشي معاي.. لو قال لي بقعد ما قلت له لا.. رند جات تجري : بابا لا ما تروحي.. خالد : بابا بروح انام بتروحين معاي و الا بتجلسين مع امي..؟! رند : تجلس مع امي.. خالد : بس مو تعبينها.. ترى ان سويتي أي شيء غلط برجع اخذك وما اطلعك من البيت.. رند كتفت يدينها و رفعت ابهامها لفمها : لا انا تدعد مؤدبة.. خالد : اوكِ .. (التفت على اهله) تأمرون على شيء..؟! ابو عبدالرحمن : سلامتك.. ياسر و خالد و ابراهيم : مع السلامة.. نهى و وعد.. نهى : مقهورة يا وعد منبطة كبدي ما ناظرني حتى..؟! وعد انسدحت : توه جاي بيشوف اهله اكيد اهم منك.. اركدي بس.. نهى تربعت : اقولك ما ناظرني.. تهقين ما عرفني..؟! احس انه ما عرفني مو مشعل يقول لي انفرطتي حتى فيصل بيهون عنك..؟! وعد : الحين مو من فترة طالبة من ابوي يفركش الخطبة ..؟! ليش الحين مهتمة فيه..؟! نهى : كنت مقهورة منه.. ليش يروح و يخليني حتى ما فكر يملك علي.. وعد : و الله يا نهى ان جينا للحق انتِ اخطيتي.. فيصل كان بيخليك تكملين دراسة برا لكنك ركبتي راسك وما تبين تبعدين عننا.. ما اقولك شيء سهل تعيشين بغربة بعيد عن كل الناس اللي تعرفينهم .. بس بتستفيدين يعني انتِ مع زوجك و بتأخذين شهادة من برا.. نهى : وعد رجاءاً لا تصيرين زيهم .. خلاص اللي صار صار لا تجلسين تندميني الحين.. تهقين بعد ما شاف الشقر و الحمر ما يبيني..؟! و الا يمديه متزوج بعد مثل ما سوا خالد.. (صرخت بقهر) وربي لأذبحة لو انه متعرف وهو خاطبني.. وعد : غبية انتِ غبية و ستين غبية.. نهى : ليش..؟! وعد : تهقين من واحد خاطب وحدة قبل لا يسافر بيشوف وراها احد .. و الا بيشوف بنت حلوة من بعدها.. طيب لو افترضنا انه شاف معروف فيه رجال عيونهم زايغة و نفرض ان فيصل منهم .. و تزوج اجنبية وهو كان خاطب بنت عمة.. و بيرجع لأهله ويش بيسوي..؟! نهى : اكيد يطلقها.. وعد : و ان افترضنا انه يبيها.. نهى بلعت ريقها : اكيد بيجيبها معاه.. وعد : و افضل وقت متى..؟! نهى : ويش دراني..؟! وعد : اول زيارة لأهلة لان من شوقهم له بيتغاضون عن خطأة.. و عشان يفهم الجميع انه تزوج و الرباط اللي كان وثاق بينه و بين بنت عمة بينحل من الأول من غير لا يقول انا ما أبيها.. هي بتفرض لا تكون الثانية.. صح و الا لا.. نهى : ويش دراني.. وعد : نهى لا تحسسيني انك هبلة و كل شيء ويشد راني.. حطي نفسك بمكانة.. ويش بتسوين..؟! نهى : دامني خطبت بنت و علقتها و خليت الناس كلها تدري اكيد ما اناظر وحدة غيرها و اوفي لها.. وعد : الحمدلله و الشكر .. خلاص مثل ما شفتي نفسك بهالكلام اللي الحين نفس الشيء فيصل.. نهى : طيب ليش ما ناظرني..؟! اكيد ما عرفني صح.. وعد : ترى انتِ مسوية سالفة من ولا شيء.. اصلا لحظة تبينه يناظرك و بابا و اخواني موجودين.. ليش عايف عمره هو .. بس نظرة من بابا بتخليه يكره عمرة.. نهى : يعني..؟! تهقين عشان كذا ما ناظرني..؟! وعد تسايرها : ايه اكيد كذا.. نهى : اخاف ما عرفني يمكن سمنت.. لازم انحف.. وعد بملل من الموضوع نهى كنها استخفت من شافت فيصل : سوي اللي يريحك.. قاطعهم دخول صبا : هااااي بنات.. : هاااي.. صبا : ما عليش يعني ابي وعودة بكلمة راس.. نهى : ايه قولي نهى اطلعي برا و افهمها .. صبا باحراج من الموقف اللي انحطت فيه : و الله ما اقصد بس ابيها بسالفة صغننووونة.. نهى وقفت وهي تلف طرحتها و تلبس نقابها : عادي يا بعدي.. عن اذنكم.. طلعت نهى و وصبا جلست جنب وعد اللي اعتدلت عشانها حست بتوتر ما تدري ويش تقولها بس تبي تلهي نهى عشان تطلع و يأخذها فيصل .. وعد حست ان فيها شيء : صبوي ويش فيك..؟! صبا : بصراحة.. وعد : ايه.. صبا : شوفي انا ما ادري ويش اقولك.. وعد : صبا ويش فيك خرعتيني..؟! صبا : انا سويت شيء غلط.. وعد : شلون يعني شيء غلط..؟! صبا : يعني غلط .. اممممم خلاص تدرين مو لازم.. وعد مسكت يدها قبل لا تقوم : صبوي تكلمي .. لا تخافين ما راح اقول لأحد.. سرك ببير.. صبا : بصراحة انا ما كنت ابيك.. بس كنت ابي نهى تطلع من الغرفة.. وعد عقدت حواجبها : وليش..؟! صبا : فيصل يبيها.. وعد ما تدري ويش تقول.. تدري ان نهى تبي تشوف فيصل .. وهي اخر وحدة ممكن تعارض .. لأن قبل كانت تشوف عساف من وراء الكل.. ما يحق لها الحين ترفض.. بس لو احد يدري بتصير مشكلة : يبيها..؟! وليش ما طلب من بابا انه يشوفها.. على الأقل قدام عيونة مو من وراة.. لأن لو بابا درى بتصير مصيبة على فيصل ونهى و انتِ و انا .. ما راح يرحمنا.. صبا توترت وهي تفرك يديها : و الله فيصل اصر علي.. قالي طلعيها من الغرفة و أنا بكمل الباقي.. وعد : و الله ما ادري يا صبا .. بس ما اقول غير الله يستر.. انتِ روحي اوقفي عشان اخوك ما يتأخر .. الكل هنا يعني ما فيها رحمة.. .. يكابر وهو باللقا يفقد موازينة.. اما نهى اول ما طلعت من الغرفة ما حست الا باللي مسكها من معصمها و سحبها ما استوعبت الا وهي موقفة بنص الغرفة و مسكر الباب التفت و شافتة مبتسم .. كانت مصدومة انه قدامها وهي وياه بغرفة لحالهم .. فيصل مبتسم : ويش فيك..؟! نهى : انت شلون تسوي هالحركة تدري لو اصرخ الحين المهم عليك.. فيصل : جربي اصرخي.. سكتت ما راح تصرخ بس مصدومة منه .. اكيد فسخ الحياء بعد ما شاف الشقر و الحمر يحسبني مثلهم.. : ويش تبي..؟! تحسبني مثل الشقر و الحمر اللي راجع منهم.. فيصل رفع حواجبة يقهرها : قولي انك غيرانة.. نهى : غيرانة..؟! و ليش اغار..؟! فيصل : يعني لو اكلم جوليت و شوريا و ... قاطعتة بحدة : و الله لأذبحك و ادفنك بغرفتي.. فيصل اطلق ضحكتة يقهرها : ههههههههههههههه طافت عليك.. ليش رفضتي لا تروحين معاي..؟! نهى : بدري حيل ع ذا السؤال .. مرت سبع سنين.. فيصل : و الله توه جاء وقتة.. نهى بقهر : مثل ما أجلت الملكة للحين.. فيصل : ما اجلتها الا من بعد رفضك.. ما كنت راح اخذك من غير املك عليك يالخبلة.. نهى : ما ابي اسافر و اترك اهلي.. و انا كنت لسى ما بديت بالجامعة.. كان توه جايني القبول.. فيصل : و انتِ تدرين اني مو معارض على دراستك بس كان رحتي معاي و درستي هناك.. نهى : وما ارجع الا اليوم و اخذ سبع سنين عن اهلي..؟! اذا انت تقدر انا ما اقدر.. فيصل : المره تلحق رجلها وين ما يكون.. نهى زعلت جاي يحاسبها بعد سبع سنين .. ما يكفي انها جالسة تنتظرة.. جاي الحين عشان يعاتبها .. يحاسبها بعد سبع سنين و كنه امس صار .. تعدتة من حنبة : بس انت مو رجلي .. اللي بيني و بينك مجرد كلام بين ابوي و ابوك.. و طلعت.. ظل فيصل متصنم اللي بيني و بينك مجرد كلام بين أبوي و أبوك.. اللي بيني و بينك مجرد كلام بين أبوي و أبوك.. التفت يبي يتهاوش معاها بس كان الباب مفتوح وهي ماهي موجودة.. لكنه فجأة سمع صوتها تصارخ بالمكان.. طلع و لقاها تهاوش صبا بقهر.. نهى قهرها من فيصل خلاها ما تثبت : انا تستغفليني و تسوين هالحركة فيني .. و رب الكعبة لو اعلم أبوي الحين بيدفنك مكانك.. صبا عيونها غرقت دموع كانت خايفة من زعل نهى و عمها لو درى و فعلاً هاذي نهى زعلانة : و الله ما قصدت.. نهى : لا يا شيخة ما قصدتي.. يعني ما طلبتي مني اطلع عشانة..؟! سحبها بقوة و رصها على الجدار من غير لا يفكر هم وين واقفين و أي احد بيطلع من الغرفة بيشوفهم : صبا مالها دخل انا اللي سحبتك يوم شفتك طلعتي.. نهى : لا تكذب علي انا مو غبية.. فيصل يصر على أسنانة بقهر : و سبعين غبية.. صبا ما تكلمينها فاهمـــة..؟!!! صبا تمسكت بفيصل تبي تبعدة عن نهى : فيصل خلاص الله يسعدك و الله بيجي عم ابراهيم و يذبحنا.. فيصل : صبا ابعدي عني .. نهى لا تخليني اسوي شيء ما يرضيني و لا يرضيك.. سكوتي عن خبالك قبل سبع سنين ما يعني اني راضي عليك.. نهى و الدموع مجتمعة بعيونها : قولها .. قول انك ما تبيني .. تبي من الشقر اللي شفتهم جعل عيونك للعمى.. فيصل عرف ان كل اللي سوتة عشانها غيرانة.. خايفة لا يكون شاف وحدة غيرها و عافها الحين.. و يمكن تكونين ندمانة اللي ما راحت معاه : ويش تبيني اقولك..؟! نهى : روح لها حبيبتك الشقراء.. ليش تحكي و تقول.. ما يحتاج.. بعدت عنه و دخلت الغرفة اللي كانت فيها مع وعد.. صبا : فيصل قلت لك بتزعل بس انت ما سمعتني.. فيصل : ماهي زعلانة منك.. حاطة اشياء من راسها و مصدقتها.. صبا : طيب ويشب تسوي..؟! فيصل : يعني ويش بسوي .. بكلم ابوي عشان يكلم عمي.. بحدد العرس.. يمكن تركد شوي.. صبا : حرام عليك و الله نهى راكدة.. بس يوم شفتك انهبلت.. فيصل جلس ع الدرج : من زمان هبلة بس ما احد يعرف لها.. صبا : نهى و هبلة ما تجي .. اصدق أن أي وحده من بنات عمي هبلة الا نهاوي.. تدري.. انها.. امممم.. فيصل : قولي انها ويش..؟! صبا : كانت .. تكلم عمي عشان يفركش خطبتكم.. فيصل : كنت متوقع.. عشان كذا كلمت عمي قبل لا أسافر ما يعطيها احد.. حتى لو طالت سفرتي.. دامني قلت لها تروح معي و رفضت.. و طبعاً عمي ما ردني.. اكيد ما راح يسمع كلامها.. صبا : طيب ليش ما ملكت عليها قبل لا تسافر.. احس صعبة وحدة تبقى مخطوبة سبع سنين .. و الله طويلة المدة حيـــل.. فيصل : مثل ماهي رفضت لا تسافر معاي.. خليها تعرف ويش الخطأ اللي سوتة .. الحين الشك بيملي قلبها.. عشان المره الثانية ما تعاندني.. صبا : ما توقعتك قاسي كذا.. حرام عليك تعذبها ما يكفي انك ما كلمتها عدل.. فيصل : قاسي..؟! انتِ لو اشيل نملة و اغير مكانها قلتي قاسي.. الله يعينك على نفسك.. ضربتها على كتفة بدلع و نعومة : لا تكذب انا مو كذا.. بس صدق دامك زعلتها راضيها .. و الله ما راح اسامحك اذا راحت بيتهم زعلانة مني.. فيصل : لا تخافين بترضى من حالها.. لا درت اني حددت العرس.. ياختي الحريم مخفااات.. صبا : عدااال يا الثقيل.. اما نهى ما وقفت صياح من دخلت عند وعد .. : يقهر يقهر و الله لا اقول لأبوي ما ابيه حيوان رايح متعرف على البنات كلهم و جاي الحين.. يهاوشني.. وعد : يهاوشك..؟! على ويش..؟! نهى : عشاني ما رحت معاه.. كنه يقول تستاهلين تعرفت على كل البنات ما احد قالك ترفضين.. وعد : مستحيـــل .. ما احس فيصل يتعرف على بنات.. نهى : كل الرجال كذا كلاب ما عندهم احساس و لا وفاء.. وعد : ههههههههه مبين انك فصلتي معروف ان الكلب وفي .. الحمدلله يارب.. نهى : لا تضحكين تراني مقهورة.. وعد : عشانك غبية ميتة عشانة ليش..؟! مين اللي بينقهر بالموضوع غيرك.. نهى : يعني انتِ ما انقهرتِ يوم عساف خطب ندى.. وعد : اكذب عليك ان قلت ايه و اكذب ان قلت لا.. ان شفت الموضوع من ناحية انه كان لاحظي كان بيوم شخص عزيز علي اقول شلون سواها.. و ان شفت شخصيتة و بيحرمني من اشياء ابيها اقول فرقاة عيد.. نهى : بس .. انا ابيه.. من وعيت ع الدنيا وهو لي.. ما اتخيل وحدة ثانية تأخذة غيري.. وما تأكد هالشيء الا من سبع سنين و الناس كلها درت اني له .. وما احد خطبني غيرة عشانهم يعرفون اني مسماه له.. و سبع سنين وهو مسافر ما افتكرني بزيارة و انا متعلقة فيه.. متعلقة باليوم اللي يجي عشان نملك و نتزوج.. يطلع متزوج وحدة غيري و الله اموت.. وعد : تصدقين انا ما ادري للحين ويش مزعلك.. ما افتكرك بزيارة هو ما رجع اصلاً ولا مره عشان تشرهين عليه.. يعني حتى اهله ما زارهم هم كانوا يرحون له هناك و يزورونة.. اما كلامك الأخير انتِ حطيتية من عندك.. هاتي دليل واحد يثبت ان فيصل متزوج.. سكتت نهى تحاول تثبت شكوكها .. انه ما طلبها ولا ناظرها هذا يخلي قلبها يقولها ترى بقلبة وحدة ثانية.. وعد : لا تقولين انه حتى ما ناظرك يوم دخل.. عشانك تغيرتي.. لانه سحبك من عند باب الغرفة من شوي و هو يدري لو بابا درى بتصير مشكلة.. لو فيصل متزوج بيتحاشاك يا نهى ما راح يسعى انه يخلي صبا عشان تطلعك من هنا و يكلمك.. لا تستبقين الأحداث يا نهى ترى بتتعبين و بتهلكين.. مو معقول فيصل من اول يوم بيجي هنا وهو مشتاق للكل يقول تراني حددت عرسي.. نهى تمسح دموعها و تهدأ شوي.. : يعني تهقين انه يبيني.. بس عشان توه جاي.. وعد : لو ما يبيك ما قابلك يا نهى.. بس انتِ اصبري شوي.. ادري انك متعلقة من سبع سنين وشيء صعب تنتظرين شخص ارتبط اسمك باسمة.. يمكن لو ما خطبك اهون الموضوع على الاقل ما انتِ معلقة بشخص بحد ذاتة و تنتظرين نصيبك.. بس مع هذا لازم تنتظرين ما ينفع تزعلين على ولا شيء.. و بعدين فيصل كذا بيحسك خفيفة ياللي متعودين على برودها.. خليك ثقيلة و يتعب عشان يلقاك.. نهى : يعني انا غلطت.. وعد : اكيد غلطتي.. بس خلاص انسي هالشيء و خليك راكدة.. نهى : احمم سحبتك بعد فجعتك و اللي عشتة اليوم و هذرت فوق راسك.. وعد : عادي يا قلبي نحنا اخوات و الا شوو..؟! نهى : الا صدق ليش تبكين عشانة..؟! لو انا كنت سويت عرس على اصابتة.. وعد تنهي النقاش : بس كذا.. نهى تتساءل باستغراب : لا يكون حبيتية..؟!!! وعد تعدل المخدة تحت راسها : مين داري ..؟! نهى : ما علينا كيف امي..؟َ! وعد : امي..؟! ليش ايش فيها..؟ نهى : ايش اللي ايش فيها..؟! كيف مقابلتكم..؟! وعد ضربت جبهتها بكفها : اوفف تصدقين نسيتها على بالي تقصدين ماما نوال..؟! (كملت بنبرة عادية ما تحمل اي مشاعر من بنت لأمها) ما انتبهت لها بس عماد ما قال لي.. نهى : ويش يقولك...؟! هي ما قالت لك..؟! وعد : اقصد ما قال لي اسماء.. كان يتكلم بشكل عادي يعني هذول خواتي هذول حريم اخواني كذا.. بس وحدة قال عليها عمتي.. نهى : تطلع هي امي يا ذكية.. وعد ببرود : وانا ويش دراني.. على اساس تهمني عشان اهتم لشوفتها.. اما في غرفة كبيرة جمعتهم .. لطيفة جالسة جنب ابو سعود تكلمة .. لطيفه : و الله يا اخوي اني كنت بكلمك من زمان و ما جات حزتها.. ابو سعود بحمية لأختة : خير يا خيه محتاجة شيء.. تأمرين علي انتِ من غير لا تنتظرين حزة.. لطيفة : لا الله يخليكم لي.. ابو ثامر مو مقصر.. بس ابيك بموضوع.. ابو سعود : خير ان شاء الله.. لطيفه : خير باذن الله.. انت تدري اني بخطب لثامر.. ابو سعود : ايه.. الله يرزقة ببنت الحلال اللي تسعدة و ترضية.. لطيفه : و بنت الحلال اللي نبيها عندك.. نبي بنتك دانه لولدي ثامر.. ابو سعود : دانه بنتك يا خيه .. و ثامر حسبة ولدي.. بس خليني انشدها.. لطيفه : حقها يا اخوي.. بس انا خفت تكون زعلان عشان مها ردت احمد وما تعطينا.. ابو سعود : افااا و انا ولد ابوي.. الزواج قسمة و نصيب.. و دام ربي ماهو كاتبهم لبعض ما احد بيزوجهم غصب.. اما فيصل واقف مع ابوه برا.. يكلمة عشان نهى.. ابو عمر مبتسم : لهدرجة متشفق عليها..؟! فيصل يقنع ابوه اللي من كلمه وهو يتريق عليه : يبه تكفى .. كلمة الحين.. ابو عمر : اكلمة ويش اقولة.. تبي تملك اقولة نملك لهم.. فيصل : ابي ملكة و زواج بيوم واحد.. ابو عمر : طيب يا ابوي ما حددت انت عشان يكون لي وجه اكلم اخوي.. فيصل : يبه قوله بنحدد العرس بعيد الأضحى.. يناسبكم..؟! ابو عمر : يا ابوي اركد شوي ويش بلاك مشتط.. خلها يومين و نسير على عمك و نحدد العرس و نعطيهم المهر.. توك جاي يعني سبع سنين ما شفتها يوم لمحت زولها ما عدت تصبر..؟! فيصل : يبه ما راح اصبر.. الحين كلمة تكفى قولة نبيه بالعيد.. تكفى يبه طلبتك.. ابو عمر : امري لله بكلمة عشانك.. فيصل يبوس راس ابوه : الله يديمك عز و ذخر لنا يارب.. ابو عمر : اسلقها علي بس.. تعداه و دخل الغرفة.. ترك ولدة واقف و مبتسم..بالرغم من الهوشة اللي بينه و بين نهى بس مبسوط ان ما سوتها الا من غيرتها عليه.. ما ينكر انه كان زعلان منها و يبي يعاتبها عشانها خلته يروح لحالة.. بس يوم شافها غيرانة عليه زعلة تبخر.. أسيل : الحين يعني لازم اشري فستان لولد اخوي يعني احم عمة العريس.. عبير : يعني متفشخرة.. و الله مره مقهورة من عساف فيه عريس صاحي يحدد عرسة بشهر.. أثير : اذا من زمان مخطوبين و بادين تجهيز عادي.. عبير : ما جهزنا شيء اول شيء بنفصل الفساتين و بعدين بنجهز جناح عساف و نشوف ترتيبات العرس.. جود : و الله من جد اخوكم قلق ويش ذا المفروض يحددة بعد سنة عشان يمدي الواحد يستوعب ان وراه عرس.. سها : و الله صدق انا مع اختي.. انا لا انخطبت بقول لخطيبي يحددة بعد سنتين.. أسيل : انخطبي انتِ بالاول بعدين نلقاك تنقين عليه يخليه بعد اسبوع.. سها صرخت بوسط الجلسة.. ما حست الا الكل ملتفت عليها مستغربين يحسبون فيها شيء.. حست شكلها غبي وما التفت عليهم عشان ما تلقى تهزيئة.. ام عبدالرحمن : ويش بلاك..؟! سها من غير لا تناظرها : ولا شيء يمه.. ام عبدالرحمن : ويش منه صرختي..!؟ سها : و لا شيء.. ام عبدالرحمن : بلاه من قلة الحيا ما تختشين انتِ..؟! عبير تهمس : اكلتيها.. سها : اسكتي لا احطها براسك.. ام عبدالرحمن : و الله يا سها ان عدتيها لا اقص هاللسان.. ما تختشن انتن جالسات تحكن بصوت عالي و تصرخن.. ما تقدرن احد ولا تحترمن.. سها : يمه و الله ما اعيدها .. هي طلعت لا شعورياً.. ابو عمر : حصل خير يمه.. خليهن على راحتهن.. ام عبدالرحمن : ما احد مقوي رووسهن الا انت.. ابو عمر ابتسم : ويش اسوي يمه .. ما اقدر على زعلهن.. ام عبدالرحمن : ايه خلهن يتمردن لين يقولون عيال مساعد ما عرفوا يربون بناتهم .. بكره يتزوجن و رجالهن يردونهم علينا.. ابو عمر : اعوذ بالله يمه.. بناتنا متربيات و سنعات و قص لسان اللي يقول غير هالحكي.. .. : تهقى بيقابلنا اليوم.. خالد يسكر ساعتة : لازم يقابلنا .. لو نروح له لدوامة مو شرط نقابلة بالدار.. ياسر : تصدق متوتر انا من هالحركة.. خالد : ويش اللي موترك..؟! ياسر : خايف على ابوي ما يتحمل.. يعني له 28 سنة مقتنع ان ولده متوفي ودافنة بيدة.. فجأة يطلع ولده عايش.. خالد : مثل ما جاب ميار و تقبلها بيتقبل حاتم.. ياسر يجلس على طرف التسريحة و خالد واقف قدامة : ميار ابوي كان مقتنع انها عايشة لانها انخطفت منه .. و اعتقد تذكر ويش صار.. و كيف خالتي حنان تعبت.. مو مثل حاتم ابوي مقتنع بموتة.. خالد : انا ما انكر صعوبة الوضع .. بس ترى حاتم رجال يعني هذا يهون عند خطف ميار لانها بنت.. ياسر : معاك حق الرجال اهون من المرة.. بس يضل الموضوع صعب.. خالد : لازم تهونها عشان احنا بنصير بوجه المدفع.. انا صراحة ما اقدر اكلم خالتي.. ياسر : ولا انا.. اما اجيبها و اقولها ولدك طلع عايش.. اخاف يصير فيها شيء من فرحتها.. : ويش ذا اللي سمعتة..؟! التفتوا عليها .. استغربت يوم سمعت اخر كلامهم.. لقت الباب مفتوح شوي و سمعت اخر حيكهم .. ناظروها الاثنين.. لين نطق ياسر : ويش فيك..؟! وعد : كنت جاية ابي انشدكم ان كنتم بتروحون لعماد.. و سمعت اخر كلامكم.. ايش كنتم تقصدون.. خالد يلبس شماغة : ولا شيء.. اما عماد انا بروح له بس مو الحين.. عندي مشوار.. وعد : خالد ماني خبلة .. سمعتكم قلتوا اكلم خالتي و اقولها ولدك طلع عايش..؟! مين تقصدون..؟! ياسر : من غير قرقر واجد.. عماد مو رايحين له الحين.. وعد : طيب علموني ويش تقصدون..؟! ياسر : كل شيء بوقتة حلو.. الحين احنا عندنا مشوار.. وعد : ما انتم مريحين سبحان الله مشاوريكم صرتوا تقضونها مع بعض.. على فكرة ترى ما احد مصدق ان انتم الاثنين متفقين.. خالد : ليش ان شاء الله مو اخوان..؟! وعد : امبلى بس العلم عند اختلاف شاسع بالشخصيات.. لو سعود وياسر و انت و احمد تمشي.. بس خالد وياسر..؟!!! مليون علامة استفهام.. خالد : المهم لا تطلعين أي مكان ابداً.. وعد : لا تخاف ماني طالعة.. بقي حبة و تربطوني بحبل والا تحطوني بقفص.. شوي و أكره نفسي.. ياسر : من خوفنا عليك.. وعد : ما يخالف ما اقول لا بس ترى جد شيء يطفش.. كل مره واحد ناط عندي.. حتى بابا بقي ينام عندي.. عشان يطمن.. و سعود بيصير لي بودي قارد يوقف على باب الغرفة.. و احمد كل ساعة يتصل يطمن.. اما وليد ومشعل يعني مو خايفين بس بيجون يسهرون معاي.. هذا غير عم بندر ويش ذا من جد مليت.. ياسر : ما تستاهلين يالشينة احد يحاتيك.. المهم كلمتي رجلك..؟! وعد : لاا.. ياسر : وليش ان شاء الله.. وعد معقولة بقوله ما عندي رقمة.. رفعت شعرها اللي نازل على وجهها : كنت بتصل بس لما قلتوا انه سوا العملية وهو صاحي ترددت خفت يكون نايم .. فا سألت احمد عنه و قال بخير الحمدلله.. ياسر : زيـــن.. المهم كلمية ماهي زينة ما تحاكينة.. وعد : ان شاء الله.. سها : تقهر تقهر تقهر.. ام احمد : اعوذ بالله ويش بلاكن كل ما سمعت وحدة فيكن اليوم قالت انها مقهورة.. سها : مقهورة من الدكتورة الزفت.. قاهرتني حاطة نقرها من نقري.. جود : تلاقين انتِ معطيتها وجه.. سها : تستهبلين.. كل محاضرة تكلم علي.. ما ادري ويش انا مسوية كني سارقة حلالها.. منيره : غريبة كذا من الباب لطاقة..؟! سها باستهزأ : تخيلي عاد من الباب لطاقة.. : السلام عليكم.. : وعليكم السلام.. ابو سعود : ندى ما نزلت..؟! ام ندى : لا .. ليش انت طالبها..؟! ابو سعود : ايه متى ناوية تجهز لعرسها!..؟! ام ندى : و الله ما ادري ما حاكيتها.. ابو سعود : يصير خير.. جود : بس صدق شلون بتجهز وعد مو ع اساس بتسوي حفلة بعد اسبوعين.. ابو سعود : الا وينها..؟! وعد : هنــا.. باست راسة و سلمت ع خالاتها و جلست.. جود : توني اسال مو انتِ بتسوي حفلة..؟! وعد : ما ادري تصدقين ما كلمت عماد عليها.. بس مو حلوة اكلمة الحين خليه لا قام بالسلامة ان شاء الله.. الا صدق بابا ما انت رايح المستشفى تزورة..؟! ابو سعود : الا ان شاء الله بعد شوي.. وعد : بروح معاك تكفى لا تقول لا.. ابو سعود : بس يا بابا.. قاطعتة وعد : ادري ويش بتقول بس صدق بشوفة بابا و الله ما اطول.. جود ناظرت نهى و سها لانهم يعرفون ان وعد ما تحب عماد .. او بالاصح شلون تبي تشوفة وهي تدري انه يحب مره.. المفروض تستغلها و تبعد عنه.. ابو سعود : امرنا لله.. ام سعود : لازم تأخذين شيء معاك يمه .. خلينا نسوي لك شوربة.. وعد : ما يحتاج خالة.. اكيد امه مو مقصرة.. ام سعود : انتِ غير و امه غير.. لازم تقومين برجلك ما يصير يطلع منك المنقود.. وعد : خالة لا تكبرين الموضوع .. اصلا عماد ما يحب الشوربة < قالتها عشان ما تبي تأخذ له شيء.. و الا هي اساساً ما تدري.. ام ندى : وجهك للحين اصفر يمه.. شكلك ما تأكلين.. وعد : امبلى اكلت..بس طبيعي كذا.. ابو سعود : لازم تستردين عافيتك يا بابا.. للحين شاحبة.. وعد ابتسمت باحراج : ان شاء الله بعد سبع شهور ونص.. ما احد استوعب.. غير نهى اللي تعرف لانها الوحيدة اللي كانت معاها وقت ما حللت وعد في المجمع الطبي اللي كان جنب المشغل اللي راحوا له عشان وعد تصبغ.. ابو سعود : ويــش..؟! نهى : دادي و انا اقول انك ذكي.. وما احد يلحقك.. سها : ويش دخل الذكاء بالموضوع.. نهى : معقولة ما فهمتوا.. النتفة هاذي حامل.. تعلقت الابتسامة على وجيههم.. اما هي غطت وجهها بيدها : رجاءاً لا احد يعلق.. ابو سعود ابتسم : مبروك.. وعد باحراج من الموقف تحس شكلها غبي : الله يبارك فيك.. ام ندى : الله يقومك بالسلامة.. وعد : الله يسلمك.. : السلام عليكم.. باسوا راس ابوهم و وقفهم ناوين ع الطلعة مع بعض .. ياسر : خير سمعت مباركات..؟! ام احمد : اختكم حامل ماشاء الله.. الاثنين ناظروها بصدمة : ويـــش..؟!!!! خالد : صدق يعني بنصير خوال..؟! ام احمد : ان شاء الله يا ابوي بس ادعوا لها تقوم بالسلامة.. ياسر : الله يقومك بالسلامة.. اهم شيء جيبي ولد يشبهني.. وعد : من زينك.. تبيني اعوف ولدي.. انت تزوج وجيب من يشبة لك.. ابو سعود : كويس فتحتي السيرة.. ياسر تضايق عرف ان الموضوع فيه مصيبة جاية .. ابو سعود يناظر ياسر : تراني كلمت عمك.. اتسعت عيونة بصدمة : ويـــش..؟! ابو سعود : خطبت لك صبا.. ياسر بقهر مكبوت بس ما سلم منه صوتة : ليش يبه تبيني اظلمها .. انا ما ابيها كارهها شلون تبيني ارضى اخذها.. ابو سعود : صوتك لا يحتد عندي يا ياسر..؟! ياسر يأخذ نفس يبي يكبت القهر اللي يزيد بداخلة : بس انت تعرفني يبه.. قايل لك ما ابيها ما ابيها.. وعد بقهر : على اساس هي الحين ميتة عليك.. ياسر بصدمة : نعـــم..؟! وعد : انت ما تبي صبا لشيء فيها ماهو عاجبك ويش ما يكون هالشيء... تأكد ان صبا بعد تشوفك بنفس الطريقة.. يعني بصراحة احتمالية تمام هالزواج 10% .. ياسر كتف يدينة و يناظر بوعد : ان شاء الله سالب 10 .. ابو سعود : يـــاســـر.. ياسر : يبه تكفى لا تظلمني و تظلم البنية.. لو انت تعزها مثل بنتك ما خليتني اخذها.. ام احمد بفزعة : اعوذ بالله ليش ويش ينقصك عن الرجال..؟! ياسر : يمه مو قصة نقص .. بس ماني متقبلها.. ما ابيها.. ابو سعود : و انا كلمت عمك.. بتعصيني..؟! ياسر : يبه تكفى كل شيء يجي بالغصيبة الا الزواج.. ابو سعود بهدوء : و انا قلت كلمتي.. كانك ما تبيها دق على عمك قولة مالي لزمة ببنتك.. و أبوي بيجبرني عليها.. سكت ياسر و كأنه يقلب الفكرة براسة على قوتها الا ما يكون فيه طريقة تمنعة من الزواج و بنفس الوقت ما تزعل ابوه او عمة.. خالد بسرعة : لا يبه ياسر ما يسويها.. انت تفصل و احنا نلبس.. و ياسر بينتظر رد بنت عمي.. ياسر ناظر خالد.. و وده يسفل فيه .. ما بقي الا صبا من بد بنات خلق الله عشان تصير زوجتة.. : يبه اذا انت ملزم انا موافق اتزوج بس مو صبا.. صبا لا.. اسمها بس يجيب المرض.. ابو سعود : يــــاسر تراك تغلط على بنتي.. ياسر يغمض عيونة و يبوس راس ابوة : السموحة.. عن اذنكم مع السلامة و طلع.. اما خالد ناظرة : تأمرون على شيء.. ام احمد والوضع مو عاجبها : لا تأخر يا ابوي.. خالد : ان شاء الله يمه.. مع السلامة.. ام احمد تناظر زوجها بعد ما طلع خالد : ليش تخطبها وانت ما حاكيتة و اخذت بخاطرة.. ابو سعود : انتِ شايفة على صبا منقود..؟! ام احمد : حاشا لله.. كاملة و الكامل الله.. ابو سعود : اجل ما يحتاج اخذ بخاطرة و زعلة اللي من غير سنع بكرة بيروح.. جود : و اذا ما يبيها يبه.. ما يصير تجبرهم.. نهى : على اساس صبا بتوافق على ياسر..؟! جود : من جد بتكون غبية.. ابو سعود : خير ان شاء الله حجيات..؟! ويش عندكن من جديد..؟! جود : احنا صادقين.. صبا لو تنفث عليها طارت.. اما ياسر لو تحطه قدام ذيب صرعة.. ام احمد : بسم الله عليه.. اذكري الله.. جود : لا اله الا الله .. عشان ما تقولون نضلتة.. بس صدق ما فيه توافق بين الاثنين.. ابو سعود : خليك بدراستك وما لك بالباقي.. جود : يعني لازم تجيب طاري المدرسة..؟! ليش كذا.. ابو سعود : ليش الغياب اليوم..؟! جود : احم.. كنت تعبانة و دايخة.. ابو سعود : تراك ماخذة السكر عذر وصايرة تهملين دروسك.. جود : بقى تدرسني.. بابا تكفى انا اعرف مصلحة نفسي و اعرف ان الشهادة سلاح و التعليم مهم ومحاضراتك كلها حافظتها.. ابو سعود : ياليتة ينفع عاد.. وعـــد وعـــد.. انتبهت من سرحانها : هلاا.. ابو سعود : وين وصلتي..؟! وعد ابتسمت : مو بعيد.. ابو سعود : بروح اشوف ندى و بعدين نروح لـعماد.. وعد اللي من جابت طاري الذيب جود سرحت فيه : ان شاء الله.. ابو سعود وقف : انتبهي لصحتك.. وعد : ان شاء الله.. سها : من قدك بتصير جد.. ابو سعود : يعني ماني جد الحين.. الله يسامحك نافية عيال خالد.. سها : بس هالمره من بنت .. و من هي كتكوتة بنشوفها مو مثل عيال خالد ماشاء الله.. ابو سعود يطلع الدرج : اهم شيء الصلاح.. و كلهم مثل بعضهم.. وعد : لا بابا عيالي غير.. نهى : على ويش غير بالله ..؟! وعد : يكفي ان امهم وعد بنت ابراهيم.. منيره تكلم ام ندى : كيفك اليوم ان شاء الله احسن.. ام ندى : الحمدلله.. الأيام اللي فاتت ماكنت قادرة ارفع راسي من الخمول و التعب و اليوم كني احسن الحمدلله.. ام سعود : يا خية الهواجس ذابحتك.. خلينا نأخذك لشيخ يقرأ عليك.. ام ندى : ما فيني بلا يا ام سعود .. و الهواجس مونستني لين القى راعيها.. سها : و احنا يا ماما نبيك.. و الله نحتاجك يمنا.. ام ندى : و انا معاكم يمه.. التعب من اللي يحس به القلب و لا تشوفة العين.. ام سعود : بسم الله عليك.. خلي ابو سعود يوديك الشيخ.. ام ندى : لا مالي خاطر.. انا ما فيني شيء الحمدلله اقرأ وردي كل يوم و اقرأ على نفسي.. اللي فيني قلب متشفق على شوفة قطعة منه ما التقى فيها من صغره.. نهى قامت و جلست جنب ام ندى و حطت راسها على صدرها : تدرين يمه.. لا شفتك تهوجسين بأخوي اقول يمكن امي كانت كذا تهوجس فينا و احس اني احن لها.. بس لا ذكرت يوم قابلتها احس ببرود اتجاهها.. احس انها ماهي امي.. كل يوم اقول ليتني ما داومت ذاك اليوم و سمعت المره اللي علمتني.. كل يوم اقول ليتني ما عشت ذاك اليوم و بقيت بنتك و انتِ امي.. ام ندى تشد على نهى بحضنها : و انتِ بنتي يا نهى.. انتِ و وعد بناتي مثل ندى و سها.. و انا قلتها لكم من قبل انتم بناتي.. انا ربيتكم و ما راح اتنازل عن امومتي لكم.. وعد قامت و باست راسها : و أنا ما عرفت الا انتِ امي.. و لا ابي اعيش بشيء غير هذا.. انتِ امي.. ام ندى سحبت وعد و حضنت الثنتين مع بعض : الله يخليكم لي .. و يفرحني فيكم.. اما في غرفة ندى اللي كانت الكأبة هي محيطها .. فتح الباب بعد ما طقة كم مره.. دخل و شاف الظلام قدامة.. مد يده يتلمس الجدار و ضغط على الانوار و اشتغلت .. كانت منسدحة و اول ما اشتغلت الأنوار تضايقت و تغطت بفراشها من غير لا تنتبة مين شغلها.. اما هو تقدم و جلس عند راسها : مساء الخير.. اول ما سمعت صوتة فزت جالسة والنور يضايق عيونها : بابا.. مساء النور.. ابو سعود : كنتِ نايمة.؟! ندى : لاا.. ما نمت.. ابو سعود : امس ما جاتك دانه وقالت لك اني ابيك..؟! ندى : كنت نايمة.. ابو سعود : او تمثلين النوم مثل الحين.. سكتت ولا ردت عليه.. اما هو كمل : وبعدين يا ندى.. هذا و انا اللي كنت اقول انك اعقل بناتي.. و عقلك يوزن بلد.. و ما تطلعيني بالشينة.. ندى باستغراب : ليش ويش سويت..؟! ابو سعود : ويش سويتي..؟! فيه بنت شهرها باقي له اقل من شهر و لا فكرت تنزل السوق.. او ابسطها تسأل عن مهرها.. ندى : وصلني.. جاتني رسالة ع جوالي من البنك.. ابو سعود : تبين تطلعين مقصرة..؟! و الحكي بيطولني انا و امك بعد.. ندى : لا .. ابو سعود : بابا لا تخلين الشيطان يلعب براسك.. يكفيني امك تعبانة.. لا تخلين الشيطان يسيطر عليك و يتمكن منك ويخليك تصدقين اشياء مالها اساس.. ندى مالها حل اخر.. الرضوخ و الاستسلام هو الحل .. او بالاصح مو حل بس لازم تعيشة.. ما عندها شيء ثاني.. الدليل اللي كان بيدها صار بكومة زيالة من زمان.. و حتى لو رددت ابيات القصيدة اللي حافظتها عن ظهر قلب يمكن ما يصدقونها ابوها يشوف اللي فيها وسواس.. ابو سعود : ايش فيك سكتي.. ندى باست راسة : كل شيء بسوية عشانك.. عشان انت ابوي.. و لا ابي احد يحكي فيك بالمنقود.. ابو سعود باس راسها : هاذي بنتي اللي اعرفها.. .. بندر : ويش ذا اللي مشتريتة..؟! اسيل ماسكة الفستان : مو حلوو..؟! بندر : لحظة سؤال الفستان لمين..؟! أسيل : لخالتي قماشة..؟! تستهبل لي انا..؟! بندر : ما يلبق عليك.. يبي لك لون غير هذا هاذي الدرجة ما تليق عليك.. اسيل ناظرت اللون الفسفوري اللون هادي.. و اعجبها عشانه مميز : بس انا عاجبني.. بندر : بس ما يليق عليك.. المفروض تشوفين ويش يناسبك مو كذا خبط لزق تأخذين من طرف حتى لو مو حلو عليك.. أسيل تخصرت : و انت ويش يعرفك بالأشياء هاذي..؟! كلها سوالف بنات.. بندر : لا يا شيخة كن العيال ما يلبسون غير ابيض و اسود.. و بعدين ما يبي لها مفهومية.. المفروض انتِ بعد تهتمين لذا الأشياء مو تطلعين هبلة ما يصير اخت بندر و هبلة.. أسيل : من زين بندر عاد .. انا اخت مشاري و راكان.. بندر بهدوء عكس الخبال اللي من دقيقة معاها : يعني ما تبينا.. ولا عندك نية تتقبلينا..؟! اسيل بعد تغيرت نبرتها من تغيرت نبرتة : اكذب عليك لو اقولك ايه احبكم مثل مشاري و راكان.. بس ما انكر احس ان في قلبي فرحة عشان عندي اخوان.. بندر : كويس يعني بيجي يوم و تحبينا.. بس ابي منك شيء انتِ و راكان.. أسيل : ان زين بنحكي بوسط المحل كذا..؟! بندر : لااا يالله خذي اللي تبين عشان نشوف لك محل جوالات تشترين منه.. أسيل : طيب ما قلت لي أي واحد اخذ.. بندر : خذي الخمري.. بيطلع حلوو عليك.. أسيل : ما الوم خالتي لا شكت انك متزوج تعرف سوالف الحريم ماشاء الله.. .. حاتم بصدمة من اللي يسمعة : رجاءاً انا ما عندي استعداد اضيع وقتي بتفاهات.. ياسر اللي اساساً معصب من خطبتة ناوي يحطها بـحاتم.. : تفاهات..؟! اهلك امك و ابوك صاروا تفاهات..؟! حاتم : لا تضحك على نفسك انا ما عندي اهل.. تفهم.. ما عندي.. انا مجرد نكرة .. نتج عن خطأ ما احد اعترف بارتكابة.. خالد بحدة : احتــــــــــــــرم نفسك.. حاتم : انتم ويش تقربون لها...؟!! خالد : خالتي.. مرت ابوي يعني حسبة امي.. حاتم : كفوو و الله.. تربي عيال ضرتها.. ياسر : الزم حدودك.. احنا قلنا لك كل السالفة.. حاتم : ماهي داخلة مزاجي.. سبحان الله يعطوني ابوي جثة يقولون له هذا ولدك و يروح يدفنة ع اساس انه انا..؟! تلعبون على مين انتم..؟! خالد : ويش مصلحتنا من الكذب..؟! لو عكست الادوار و انت اللي جاي تقولنا بنقول انت تلعب علينا.. بس احنا ويش مصلحتنا عندك..؟! استوعب ياخي و افتح مخك شوي.. احنا يالله لك الحمد ماعلينا قصور.. كل اللي نبيه ان تعب خالتي يروح.. خالتي اللي من 28 سنة وهي تهوجس فيك.. تعبانة من قلبها ومن اللي حولها ما احد مصدقها.. كلهم مقتنعين انهم صلوا على ولدها ودفنوة.. الا قلبها بعده ما اقتنع.. حاسة فيك تمشي على الارض اللي هي عليها.. حياتها اللي حاولت تمشيها الحين وقفت ولا تحس غير بالتعب.. ووقفت عندك انت وبس.. وما تفكر الا فيك.. ترى خالتي و ابوي ما ينلامون.. انت تربيت سنين طويلة على فكرة انك يتيم بدون اهل.. صعب ان بيوم وليلة يطلع لك ام و اب و اخوان.. بس هذا ما يعني انك تلوم اللي ماله ذنب.. صدقني المخطي بنحاسبة.. بس انت لا تزيد الخطأ و تتعب قلوب انهكها التعب.. حاتم اللي كان يسمع لخالد وهو يناظر فيه.. فعلاً مالهم مصلحة عنده عشان يكذبون عليه.. بس ما يبي يصدق.. ان عنده اهل.. لو طلع خطأ .. اللي اخطأ و دفن جثة لولد ماهو ولدة.. يخطي و يقول لواحد انت اخوي و هو ماهو اخوة.. ما يبي يمشي بطريق يكون مسدود بالنص.. ما يبي يتأمل بشيء تمناة من سنين ام و اب و اخوان و عيلة و جماعة و سند.. ما يبي يعيش دور من سابع المستحيلات يعيشة.. ما يدري..!! مشاعرة متضاربة.. او بالاصح كلها خوووف بس خوف مع المغامرة وهو انه يتأكد من كلامهم.. و خوووف انه يصدق و يحاول يتأكد .. يتأكد انه يتيم بدون عزوة.. ياسر : ويش قلت..؟! حاتم : بشرط.. ياسر : اللي هو..؟! حاتم : نسوي الـ dna و الا ما راح اقتنع باللي قلتوة.. ياسر : تم.. نسوي تحاليل ليش لا.. بس ان كنا اخوان من الاب يصير..؟! حاتم : اذا كانوا الاخوان اشقاء يتطابقون بالنصفين بالجينات من الام و جينات من الاب.. و اذا مو اشقاء يتطابقون بنصف واحد.. يعني اذا انتم اخواني من ابوي.. ح نتطابق بجينات الأب.. ياسر : خلاص متى تبينا نسويها..؟! حاتم : الحين نروح المستشفى و نحلل.. لانها تأخذ كم يوم النتيجة التحاليل صعبة ماهي سهلة.. خالد : مو مشكلة.. نروح نحلل.. و بعدين نمر على عماد.. ياسر : اوك.. .. تعبان ولا له خلق لأحد.. وده ينام.. بس مجاملهم و جالس معاهم.. ابو سعود : ما تشوف شر.. عماد : الشر ما يجيك يا عمي.. غازي : كيفك يا خالي ان شاء الله ما اخترعتي..! وعد : لا الحمدلله.. عدت على خير.. ام عامر : الله سترها من عنده .. يالله لك الحمد.. : الحمدلله.. عامر : مو كل مره تسلم الجره يا عماد.. كم مره قايل لك لا تنزل السترة.. لو جاية الرصاصة بقلبك..؟! عماد : لو ربي كاتب لي اموت من غير رصاص راح اموت.. ام عامر : بعيد الشر .. لا تطرون الموت الشر برا و بعيد.. خلاص لا عاد تطرونة.. سعود : متى بيطلعونك..؟! عماد : ان شاء الله اليوم ما ابي اجلس.. ام عامر : ويش بلاك كنك بزر تبينا نحلف عليك و نقضبك السرير عشان تركد.. اقعد عندهم يمه لين نتطمن عليك.. عماد : ما فيني شيء يمه.. هذا انا بخير الحمدلله.. بعد طقتين ع الباب دخلت.. و لا انتبهت مين موجود : مساء الخيــر.. صدت وعد بوجهها عنها ودها تسفل فيها من قهرها .. اما انهار مبتسمة من وراء نقابها و لا عبرت ابو سعود و سعود الجالسين : الحمدلله ع سلامتك.. عماد بهدوء وعيونة على شرشفة الأبيض اللي مغطي رجولة : الله يسلمك.. انهار بحماس : احترت ويش اجيب لك .. بعد ما خوفتنا عليك.. بس ما لقيت احسن من التشكوليت اللي تحبها .. فتحت العلبة و مدتها عليه تبيه يأخذ.. وعد فزت و سحبت العلبة منها : الله شكلها يشهـــي.. اخذت العلبة و جلست مكانها تأكل.. استغربوا حركتها بس ما همها .. كل شيء يهون و لا عماد يأكل منها.. ظلت تاكل وهم يناظرونها .. ما كانت تعطي نفسها راحة .. سعود همس لأختة اللي جالسة بينه و بين ابوه : وعـــد..؟! وعد مستمرة تأكل وحدة وراء الثانية بتخلصها كلها عشان عماد ما يأكل منها.. بتنقهر لو اكل من اللي جايبتها انهاروة له على اساس انها تعرف ويش يحب مالت عليهم كلهم عماد يناظرها مستغرب : بتعورك يالخبلة.. وعد : بطني و الا بطنك..؟! عماد بحدة وهو يرفع ظهرة شوي : وعـــد ورب الكعبة ان ما تركتيها لا اخليك ترجعين اللي اكلتية.. انهار باستحقار لوعد: اعوذ بالله كنها ما قد شافت تشوكليت.. لا تخافين بجيب لك كراتين.. حست نفسها غبية جابت الحكي لنفسها .. من زين عماد عشان تاكل عشانة.. بعد ما خلصت نص الطبقة الاولى من وراء خشمها : ويش اسوي مشتهية تشوكليت من فترة.. و عماد يدري ليش مشتهيتة.. غطت العلبة و حطتها على الطاولة.. غازي ابتسم : ايه خلوها تخلصها .. ما عليه ياخالي بجيب لك منها كثير خذي راحتك.. ام عامر : ويش بلاكم تحكون بالالغاز..؟! عماد : يمه وعد حامل.. ام عامر بفــرحة : صدق يمه.. يا ماشاء الله.. اكلي يمه ما عليك دامه من ولدنا.. عامر : مبروك يا بنتي.. وعد بدلع بعد ما هببت من دقيقتين : الله يبارك فيك.. عامر : مبروك يا ابو سعود.. ابو سعود بهدوء : ولدكم.. مبروك لكم و لنا.. عامر : الله يبارك فيك.. سعود باس راسها : ماني مصدق انتِ يالنتفة بتخلينا خوال..؟! وعد : لا يا شيخ.. بكره تقول بشيل ولدك حامض على بوزك.. سعود : خليه يجي و ما راح اخليك تشوفينه بأخذة.. عماد : بعد عيني عينك تبي تسرق ولدي..؟! سعود : اتونس فيه.. ام عامر : ان شاء الله بتجيك اللي تونسك.. ماله داعي تسرق عيال خلق الله.. ابتسم سعود باحراج وهو يدري انها تنغزة عشان شوق.. ما علق على كلامها.. اما انهار اللي ما شالت عيونها من الارض.. بيصير عنده بيبي منها.. من زوجتة.. عماد بيصير عنده بيبي يقول له بابا و ما راح يقول لي ماما.. ما عندنا طفل يجمعنا.. روح تولف بين روحي و روحة.. حست بدوخة من الصدمة.. بس ظلت واقفة مكانها .. لين نطقت بهمس : انا بشوف خالتي.. ودخلت للغرفة اللي موجودة فيها خالتها من دخل ابو سعود و سعود.. اما وعد ابتسمت .. صحيح ان كل شيء بحياتها ما جاء برضاها.. بس حست نفسها انتصرت.. و كأن فيه روح يتراهن عليها بالكسبان.. روح فيها من دم عماد هي فازت فيها.. حاسبة نفسها في معركة مع انهار حتى لو كانت انهار ما تعني لعماد شيء.. بس هي تحس غير كذا.. هي وعدته تجيب راسة و دامها بتحدي راح تسعى بكل الطرق انها تكسبة.. ابو سعود وقف : احنا نستأذن ما تشوف شر يا عماد.. عماد : الشر ما يجيك يا عمي.. مشكور ع الزيارة.. ابو سعود : واجبنا.. وقف سعود : خطاك الشر و انتبه على نفسك.. عماد : الشر ما يجيك.. اما وعد ما ودها تروح.. لسبب واحد ان انهار موجودة هنا.. ما تبيها تبقى مع عماد وهي ماهي فيه.. لكنها وقفت مقهورة وهي تلف طرحتها .. عماد : اجلسي بنطلع كلنا للبيت.. وعد ما تنكر انها فرحت.. عشان ما تجلس تأكل بنفسها لمجرد الفكرة ان انهار عنده وما احد بيردها عن شيء.. بس ما راح توافق لسبب بسيط.. "عناد" تخاف يحسب نفسة مهم عندها خصوصاً بعد ما سحبت علبة التشوكليت من يد انهار عشان ما يأكل منها.. : بس تعبانة.. ودي ارتاح.. ام عامر تعدل لثمتها..: ايه يمه لا تتعبين عمرك ابد.. عماد بقهر و هو يصر على اسنانة : شوي و بنمشي ما راح نطول.. وعد : بس ظهري يعورني.. عماد ودة يسبها من قهره منها توها نقزت قدامة و سحبت التشكوليت ولا فكرت انها حامل و ظهرها يعورها زي ما تقول .. ومو غبي عشان يعرف انها ما تبيه يأكل منها.. بدليل ما خلته يأخذ ولا حبة و يوم خلصت غطتها و حطتها ع الطاولة الصغيرة قدامها مو عنده.. يعني كل السالفة عناد.. عماد مو غشيم يا وعد.. .. لا إله الا انت سبحانك اني كنت من الظالمين.. لا أحلل نقل الرواية دون ذكر اسمي.. هاشتاق الرواية #رواية_لو_سألتي_الورد .. ضحكة قهر.. |
رد: لو سألتي الورد وهو ما بين إيدك أقطعك بيقول لك عمري فداك الكاتبة / ضحكة قهر
بسم الله الرحمن الرحيم... السلام عليكم و رحمة الله وبركاتة.. يسعد صباحكم جميعاً.. ما ابي اخثرد عليكم واجد.. بس بليــز ابي دعوات منكم.. و الله نفسيتي اكككس عايشة بحيرة من امري ومتأزمة وشكلي بصير نفسية.. دعوة لأخيك بظهر الغيب مستجابة و لكن بالمثل.. تكفون بس ادعوا لي اللي يكتب لي الخير و ييسر لي.. << باقي لحظة و تصيح.. خذوا البارت و تراه بقفلة ^_^ يعني ما عليش طلعت النفسية ويش اسوي.. و الله ما كنت ناويتها بس الجزء الأخير من البارت كنت اكتبة و انا منفسة.. ويش اسوي عاد طلعت عليكم.. ^_^ << احسكم بتكفخوني.. ياهلا بكـــل الناس الجديدين و القديمين مرحبا فيكم.. و عفواً ترى ما راجعت البارت يعني اكيد اكيد بتلاقون اخطاء املائية كثير .. خصوصا الحرف اللي من كلمة يتشبك بالكلمة اللي قبل لان هذا من الوورد نفسة ولازم ارجع اعدل.. و هالمره اذا لقيتوا شيء استروا على ما وجهتوا.. واخر شيء سوري سوري سوري و عدتكم يكون البارت طوووويل بس و الله ما قدرت.. بودي ما انزلة الحين و اكمل كتابة بس عشان اساساً نفسيتي خايسة اخاف اقلب لكم الرواية نكد و اذبح كل الأبطال ^_^ فا بحاول لا حظوا بحاول اني اخلص البارت الجاي بدري و انزلة لكم قريب يعني قبل الاثنين و ان ما قدرت موعدنا الاثنين باذن الله.. البارت الثالث و الثلاثون.. اللي هجرني دون معنى و تقصير أبرك محاصيل الجفى / في ذهابه !! لـ وحشتك/ ناصر العنزي.. عساف في مكتبة يقلب ملف قضية محاولة اغتيال عماد بن عامر.. من غير مجموعة ملفات مكومة على مكتبة بترتيب قضية هروب مجرمين من السجن زياد وصلاح .. قضية اختطاف وعد بنت ابراهيم.. قضية تفجير المجمعات التجارية .. قضية اغتيال الدكتور و جميع عائلتة وما زال الجاني مجهول.. من غير عدة قضايا للمخدرات و تهريب السلاح.. الشيء اللي متأكد منه ان راعي كل هالقضايا واحد.. و يدير مجموعة شباب ما يندرى ويش اللي جابهم له و استغلهم بتنفيذ مخططاتة.. فيه احد للحين يلعب .. فيه احد للحين ما نزل لساحة الحرب و هو اللي يعطي التوجيهات.. مستحيل ما يكون عنده مخططاتة .. ممكن يكون هادئ هالفترة لأنه ماسكين رجال من عصابتة.. ناصر و زياد و صلاح و سطام و جلال.. زفر الهواء بملل : اوووف.. سلمان : خير ان شاء الله سيدي.. عساف : الحمدلله على كل حال.. بس القضايا اللي ما تقفلت كثيرة و ياليتها عاد ما تزيد.. سلمان : ربك المعين.. ان شاء الله ان التهم عليهم مثبتة و بيصدر فيهم حكم.. عساف : بس الفريق اول غازي ما خلص التحقيق معاهم للحين.. ولا يبيهم يتحاكمون من غير لا يعرف من وراهم.. لانهم اذا ماتوا اكيد رئيسهم بيجيب غيرهم.. و احنا بنمسك لو طرف الخيط و نسحبة.. سلمان : معاه حق الفريق غازي.. لازم لو معلومة بسيطة اكيد وراها شيء كبير ولا جات من فراغ.. الا بسألك سيدي ما تبي تروح للعميد عماد.. عساف : الا ان شاء الله بروح له.. لازم نتحمد له بالسلامة.. تروح معاي..؟! سلمان : خلاص ان شاء الله.. عساف : القضية جات مع زواجي.. ياليت عمي يعفيني من فشخرة العرس و ارتاح.. سلمان ابتسم : ليش مو انتم تقررون..؟! يعني الرجال.. عساف : اكيد.. و عمي لو اقوله ماني مسوي عرس ما راح يقول لي الا غصب تسوي.. بس ما ابي خطيبتي تحس انها اقل من البنات.. تعرف عاد انت تفكير البنات.. ان كان عندك خوات.. سلمان : الا عندي الحمدلله.. ولهن فترة يحنن علي الا يبوني اتزوج.. و انا مأجل الموضوع فترة.. عساف ابتسم : اجل تزوج الحريم ما يرتاحن لين يشوفن عروستك معك.. حنوا علي سنين و بالرغم من اني خطبت الا انهم ما فكوني من حنتهم متى تحدد العرس متى تملك متى متى متى.. سلمان : تبي الصدق و يعني بيني و بينك انا ما ابي اتزوج وحده من الجماعة و امي حاطة براسها كم بنت اللي بنت عم و اللي بنت خال.. و انا ابي وحدة ما اعرف عن ماضيها شيء.. عساف : طيب قولها ما راح تردك.. و الا انت ببالك احد معين تأخذ من بناتهم..؟!! سلمان : لا و الله ما في بالي احد.. بس ما ادري.. عساف : اجل خلاص عروستك عندنا.. عندك خواتي و بنات عماني و عماتي ثنتين.. خل امك تجي بس.. سلمان انصدم : بــس.. عساف : شوف انا ماني قايل لك تأخذها .. امك تشوفهن و اذا شافت وحده مناسبة لك تعال اخطب.. و وقتها هي توافق او ترفض ما احنا جابرين احد.. سلمان : بس سيدي.. عساف : مافيها سيادة هاذي .. احنا نجتمع كلنا ببيت جدي.. و انا ببلغك قبلها و بقولهم بتسير عليكم ام صاحبي.. و خل امك تجي.. و الموضوع بيني و بينك و اذا الله كتب لك نصيب عندنا بتأخذة.. سلمان : و الله ما ادري ويش اقولك..؟! عساف : لا تقول شيء انا اعرفك و اضمنك مثل ما اضمن نفسي.. و سعود يعرفك وما عليك منقود رجال ولد عربن اجاويد.. وما احد يرد النسب الاصيل و الخُلق الزين.. توكل على الله ولا تشيل هم شيء.. سلمان : بس انا اخاف اسبب لك احراج.. عساف : انت شايف بالموضوع احراج.. مثل أي رجال يجي يخطب من عندنا..(يلعب بالقلم على المكتب) الا اذا انت ما تبي نسبنا..؟! سلمان بفزعة : اعوذ بالله.. نسبكم ما ينعاف ينشرى ما ينباع.. عساف ابتسم : خلاص اجل اتفقنا.. .. ابو سعود : لا جلست عند زوجها بيطلع بعد ما تنتهي الزيارة.. ام سعود : الله يوفقها و الله اني فرحت بحملها.. الله يتمم لها على خير و يرزقها بالضنى الصالح.. ابو سعود : آميـــن.. اجل وين الشباب..؟! ام احمد : خالد و ياسر على خبرك ما رجعوا.. و وليد مختفي ما عاد ينشاف.. و مشعل مع عمه مشاري يقول يحللون قضايا ما ادري ويش.. و احمد توه طالع غرفتة و بينزل بعد شوي.. ابو سعود : سعود كلم وليد شوف وينه.. سعود : اكيد مع الفريق غازي من صار عندنا وهو ما يفارق مكتبة.. ابو سعود : ما عليه تأكد.. سعود : ان شاء الله.. ام احمد : انا ماني مرتاحة و الله اني على قلبي لين ينتهي هالعقاب.. حتى دراستة مهملها.. ابو سعود : بيرد لها ماهو بزر يعرف مصلحة نفسة اللي كبره بيتخرجون من الجامعة وهو حضرتة مفحط بالثانوي و ما الجامعة ما راح تباعدها.. بيفحط فيها نفس الثانوي و يتخرج لا صار عمره ثلاثين.. ام احمد : اعوذ بالله ان شاء الله بيمشي.. لا تفاول عليه بالشينة.. ابو سعود : طيب اذكرك.. من بدت الدراسة للحين شفتية ماسك كتابة .. حتى يروح للجامعة من غير كتب.. ام احمد : طيب كلمه.. هاوشة عشان يلتفت لعمره مستقبلة بيروح و احنا نتفرج عليه.. ابو سعود : ليش بزر اكلمة.. خليه بكره ينصك على راسة و حزتها يعرف ويش قيمة الدراسة.. : السلام عليكم.. ناظروة داخل و بيده كتابين : وعليكم السلام .. قبل راس امه و ابوه و خالاتة.. وجلس حنب سعود.. مشعل : طافكم بيت جدي.. عمي بندر و أسيل قالبين البيت على حساب لون فستان.. ابو سعود : بندر لقى له من يونسة بالبيت.. حاط حرتة فيها.. سعود ابتسم : ما عنده نية يتوظف..؟! ابو سعود : ما هقوتي.. في موال براسة و يبي يغنية.. سعود : اكيد بيسافر برا.. ابو سعود يفرك السبحة بيمينة : ايه .. يقول بيأخذ الزمالة.. و للحين ما كلم ابوي و امي.. سعود : شكله تعود ع العيشة برا.. مشعل : حتى أسيل ماهي قليلة شر اذا بتفك نفسها منه نطت لجدتي تفتح لها سيرة زواج بندر.. ابو سعود : ههههههههههه انا قايل هالبنت ما ينسلم من شرها.. ام سعود : و الله بسم الله عليه تجنن.. بس هي زعلانة شوي من اللي صار ولا تنلام.. بس تعود ع الوضع بتهدأ.. : ابوي ما جاء.. ابو سعود : ما فيه سلام لجدك..؟! تقدم ابراهيم و باس راس جدة و كفة : آسف.. ابو سعود حاوطة بذراعة و شدة و جلسة جنبة : ويش فيك..؟! ابراهيم : بس ابي ابوي ما عرفت احل الواجب.. ابو سعود : واجب ايش..؟!! ابراهيم : رياضيات.. ابو سعود سحب منه الكتاب : أشوف.. ناظر الأرقام و المسائل .. ماهو فاهم منها شيء .. : هم مغيرين المناهج..؟! مشعل : ليش يبه متوقعها مثل مناهجكم.. من سنين الجاهلية.. ابو سعود : يعني انا خرفت من الجاهلية.. مشعل ابتسم : لا حاشاك.. ابو سعود مد الكتاب على ابراهيم : روح لعمك مشعل نشوف يحلها و الا لا.. مشعل : هههههههههه يبه رجاءاً لا تحرجني الا الرياضيات.. ما ادري شلون نجحت فيها.. سعود : وريني يا عمي.. اخذ الكتب من يد ابراهيم.. : افففف شكلي من زمان متخرج ما اخبر ذا الأشياء.. مشعل : ليش حاسب نفسك ولد امس.. سعود وعيونة ع الكتاب : تشوف ان ما حليتها اوريك يا ولد امس.. ابو سعود : ابيكم تقومون مع ندى.. يمكن امها ما تقدر توقف معاها .. و هي بتجهز خلوكم معاها و نبهوها.. ام سعود : تأمر و ندى بنيتنا ما احنا مقصرين معاها بشيء.. ابو سعود : لو قصر ريال واحد علموني.. لا تخلوني تشتهي شيء وما تشترية.. ام احمد : لا تحاتيها انت.. ابو سعود : البارح كلمني اخوي سعد .. و قالي بيسون عرس فيصل بداية شهر 12 .. منيره : على كذا نجهز للثنتين مع بعض احسن و عشان ما نتشتت يعني كون بينهم اسبوعين تقريباً.. ابو سعود : سوو اللي يريحكم.. و ان شاء الله ان اعطونا صبا لياسر بيكون عرس سعود و ياسر مع بعض.. ام احمد بهدوء : ليش انت خطبتها له..؟! ابو سعود : ايه.. ليش التأجيل.. ام احمد : الله يكتب اللي فيه الخير.. مشعل : ماشاء الله اربع عروس مع بعض لو تحطونها بيوم واحد و تريحونا يكون ازين.. سعود : عساف محدد و فيصل ناوي على شهر 12 اما احنا شكلنا مطولين.. ابو سعود : لا ان شاء الله ما تنتهي السنة الا و حريمكم معاكم.. سعود : يبه ليش العجلة و الربكة هاذي جهاز ماهو سهل.. خلها تجينا الموافقة بعدها الله يسهلها.. ابو سعود : ان شاء الله بتجي.. و الباقي عند احمد و خالد.. ام احمد : بالركادة يا ابو سعود لا تزوجهم كلهم بسرعة بسرعة .. خلهم يفكرون و يستخيرون.. ابو سعود وماله الا اللي براسة : يصير خير.. مشعل : تدري يبه احسك ودك تزوجنا كلنا و ترتاح كلنا مع بعض عيال و بنات و يمكن تزوج فارس بعد.. ابو سعود : لو داخل عمر الزواج ما قصرت كنت زوجتة.. اما انتم يبي لكم مين يهبدكم عشان تمشون.. سكت مشعل و سعود يحاول يحل المسألة... اما ابو سعود يكمل : مو بس كذ.. اختي لطيفه كلمتني تبي دانه لثامر.. سعود رفع راسة لأبوة : بس يبه ثامر مو متوظف.. ابو سعود : هي ما قالت بكره زواجهم خطبة.. اكيد الرجال ما راح يسوي زواج وهو مو متوظف.. و الا من وين بيصرف.. سعود : الشور شورك يبه.. احنا ما نطلع عن طوعك.. ابو سعود : و انتِ يا ام احمد ويش رايك..؟! ام احمد : مالنا رأي عقب رأيك.. ابو سعود : خلاص اجل كلميها لو بكلمها بتستحي مني.. خليها تستخير.. ام احمد هزت رأسها : ان شاء الله.. .. احمد : انتم عارفين ويش قاعدين تقولون.. ياسر : لو مو عارفين ما جيناك.. الحين نبيك تكلم أي احد يطلع النتيجة بسرعة.. احمد : بسرعة يعني متى بعد دقيقة.. هاذي تحاليل احماض نووية مو تحاليل عادية.. خالد : احمد تكفى عجل لنا فيها.. نبي النتيجة.. احمد : مو تقولون ان بياناتة مسجلة بالدار باسم خالتي نوال..؟! خالد : هذا المكتوب.. بس هو شارط الا تحاليل.. احمد : خلاص اصبروا.. ما لكم الا ذا الحل.. ياسر : ما فيني شدة للصبر .. احس لو دخلت البيت و شفت خالتي نوال على حالتها و انا اعرف ولدها وين مكانة بيصير فيني شيء من القهر.. احمد : خالتي نوال صبرت 28 سنة .. بس لا تحس ان عندكم أي خبر .. لازم اول شيء نطلع النتيجة ما يندرى ويش اللي مخبى لنا.. و يمكن هو يعند حتى لو طلعت النتيجة ايجابية.. ياسر : وقتها بخنقة لين يودع عشان ترتاح خالتي منه ولا عاد تحس فيه.. و الله هي هالكة روحها عليه و هو حضرتة يعند.. احمد : على كيفك هو .. انت ركد فيوزاتك ضاربة هاليومين ويش بلاك.. خالد : من صار الحكي ببنت العم وهو ما عاد يثبت.. ياسر : خالد رجـــاءاً يكفي ابوي و امي.. طاريها ما ابي احد يجيبة لي.. احمد يقدم بكرسية المكتب اكثر : خير ان شاء الله.. و اجل ليش تخلي ابوي يخطبها.. ياسر فزع : خطبها..؟!! احمد : ليش ما تدري..؟! ياسر : لا ما ادري.. ابوي اخذ رأيي بشيء مقرر كل شيء من عنده كنه هو اللي بيتزوج.. خالد : يـــاسر.. ليش ما قلت لأبوي ما اطلع من طوعك.. ياسر : قلت بس مو معناه ما يأخذ رآي بعين الاعتبار و يتصرف من نفسة.. احمد : ليش ويش اللي ماهو عاجبك بالبنية..؟! ياسر : كلها ماهي عاجبتني.. كلها على بعض تجيب لي المرض.. احمد : اقول بلا عنفقة.. ياسر وهو ينزل شماغة و ينسفها على كتفة : الله و أكبر و ين التفهم اللي دايم تنادون فيه و الا يوم جاء الدور عندي صرت انا الغلطان و عادي ابوي ما يأخذ رأيي.. احمد : ما قلنا لا .. و ان ابوي ماهو غلطان.. بس انت بعد ما سايست ابوي.. و لا جبتة بالهدواة و حاولت تقنعة .. قمت تسب بنت اخوة قدامة.. ياسر : بسبها قدام الكل مو بس قدامة.. خالد : عاد انا يوم شفتك استسمحت من ابوي اليوم قلت خلاص رضيت بالأمر الواقع.. ياسر : ما ابي اطلع وهو زعلان مني .. بس ما يعني انه يخطب لي و انا ما طلبتة.. خالد : لا تعاند لأن ابوي بيمشي رأيه .. أحسن شيء تقبل الموضوع مثل ماهو ما احد بيرتفع ضغطة غيرك.. ياسر وقف : انا بروح البيت.. خالد : اصبر نروح جميع.. وشولة طاير.. احمد : اقول امش انت و اياه ماني فاضي لكم بروح اشوف مرضاي.. و الموضوع اللي قلتوه لي لا احد فيكم يطرية لين تطلع نتايج التحاليل و وقتها يصير خير.. و حاتم لا تقطعون فيه.. خلوكم ع تواصل معاه خلوه يحس انكم قراب منه.. خالد : معاك حق.. ويش رايك بكره نروح له و تروح معانا انت.. عشان يحس اننا متقبلينة و يرتاح و ما يأخذ الموضوع بحزازية.. احمد : تمام.. موافق نروح له بعد المغرب ويش رايكم..؟! ياسر : تمام لأن العصر عندي تركيب ديكور زواج.. ويش رايكم نأخذ سعود و عمي بندر.. احمد : لا حبة حبة.. ما نبي نفاتحهم بالموضوع و يصير شيء ما نتوقعة.. خالد : احسك خايف من شيء وشو كانك مو مصدق انه اخونا..؟! احمد : لا مو ذا القصد.. بس اخاف يكون بالموضوع لخبطة و يطلع ماهو اخونا.. و نكون علقنا امال و قطعناها و اتعبنا القلوب.. عشان كذا ما ابي الكل يدري و يخرج الموضوع عن السيطرة و يوصل لأبوي او خالتي.. خالد بإقتناع : معاك حق اللي لخبطة بين جثة وآدمي حي يلخبط بأي شيء ثاني ماهي بعيدة.. .. عماد جالس ع الكنب و ماد رجولة : لا يا شيخة.. وعد : شوف انت تدري اني ما اطيقك.. و انا ادري ما تطيقني.. بس احنا صار عندنا شيء نضحي عشانة.. ومو معنى هذا ان احد فينا يتخلى عن كرامتة.. عماد بملل يضغط على كتفة : اللي بعدة.. تكلمي من غير ذا المقدمات.. وعد جلست على طرف الكنب عنده : ما فيه أي شيء بالحياة يمشي من غير احترام.. لا زواج و لا بيت و لا عيلة و لا شغل و لا جمعة أي شيء من غير احترام ما يدوم.. عماد : ليش هفيتك كم كف من تزوجتك.. وعد : ممكن تخليني اتكلم.. ولا تقاطعني.. عماد : قولي يا دكتورة فوزية الدريع.. وعد : لا تجلس تتريق.. انا من جدي اتكلم.. و ترى مو بس الضرب يعني عدم الإحترام حتى الكلام.. عماد : و انا ويش قايل لك يا حظي قللت احترامك فيه.. وعد : انا ما ابي اكون متحسسة.. و الموضوع بمشية رغم ما فيه بنت بالدنيا ترضى انها تأخذ رجال قلبة به مره.. و انت يوم غلطت علي بالمزرعة و جيت تحكي لي ما حكيت لي الا عن عبلتك يا عنتر.. و هذا بحد ذاتة مو احترام لي لكني تجاهلت هالشيء و قلت ما يخالف و حطي تلك عذر للي سويتة .. لكن مسألة انك تتهاوش مع حبيبتك قدامي و تترك البيت بأول يوم لي هنا و تخلي الناس تحكي فيني لا يا عماد.. و اللي اكبر من هذا اهلك.. ابوك و عمك يحكون عن اللي كان بينكم و لا كأن صار فيه مره على ذمتك و لا كأنها هي على ذمة رجال.. على الاقل هي رجلها ماهو موجود لكن انا قدامي عيني عينك يحكون فيكم.. عماد : برد عليك بشيء بسيط.. انتِ قلتيه بكلامك كان بينكم.. و انتِ تدرين من قبل لا ترجعين معاي و رضيتي بهالشيء.. وعد بحدة : ما يعني انك ما تحترمني.. المفروض تحطني فوق راسك اللي قدرتك و ما جلست عند بابا.. عماد بحدة : انكتمي و خليني اكمل حكيي.. اما مسألة اني احطك فوق راسي ترى انا هالشيء ما يعيبني و اقدر اتزوج بدال المره اربع.. لكن انتِ انخطفتي بدل المره ثنتين وراء ذلك تخطيت الموضوع و مشيتة.. و الحين تقولين لي انك حامل.. اتسعت عيونها بصدمة منه و وقفت : ايش قصدك..؟! تشك بشرفي..؟! انا يالذيب.. اعرف مين تكلم انا وعد بنت ابراهيم.. عماد : لا تجلسين تحكين.. انا اعلمك مو بس انتِ ساكتة.. وعد : شوف يالذيب انا اسكت عن كل شيء الا ان الموضوع يوصل لشرفي و انت لو مو متأكد من طهارتي ما فكرت تردني معاك .. و والله ثم و الله لو في قلبك شكوك ما رضيت فيني ببيتك.. عماد : لا تجلسين تحلفين لي.. انت زوجتي من قبل لا تنخطفين.. فاهمة هالشيء و الا لا.. وعد : لا ماني فاهمة.. انا بديت الموضوع بالاحترام و عمرك ما راح تحترم وحدة تشوفها نجسة.. عماد : لا ترفعين صوتك على صوتي.. وعد : هذا اللي انت فالح فيه.. لو وحدة من خواتك صار لها اللي صار لي ما كنت رضيت زوجها يقولها كذا.. و رب الكعبة لو اعلم اصغر اخواني لا ينسفك من ارضك و لا ينشد عليك.. انا ماني جاية من الشارع عشان اهلك يحكون بمعلقات الحب بينك و بنت عمتك .. و لاني مقطوعة من شجرة عشان حضرتك تشك فيني و بشرفي و بما انك شكيت اكيد شاك ان اللي ببطني مو ولدك.. عادي ما انت ملزوم تقبلة بكره لا جاء على وجة الدنيا سوو له تحاليل عشان تتأكد من ابوتك الفاشلة من اولها.. عماد وقف بملل من الموضوع كل كلامها تفاخر بأهلها و كأن هي الوحيدة اللي لها سند بالدنيا وما احد عنده غيرها ابوي اخواني و انا وعد بنت ابراهيم تفاخر و تفشخر على قل سنع : اسمعيني يا بنت الناس .. اسلوبك هذا كله ما يهمني.. و ولدي بسوي له تحاليل من غير لا تقولين حضرتك.. ما فيه بنت عاقلة بالدنيا تنحاش من عصابة و تروح تعيش مع ناس ما تعرفهم شهر و زود و بعدين تحكي عن الشرف و السنع و السند و الأهل.. لو اروح و اقول لأبوك بنتك ما تلزمني بيكون الموضوع عادي بس بتجلسين شوكة ببلعومة.. وهذا السبب اللي خلاك توافقين على رجعتك معاي و تنازلتي عشانة.. انقهرت منه يشوفها ماهي شريفة و يشك فيها و هو اللي متفضل عليها و ساتر عليها كل هذا ليش عشان تكلمت عن الاحترام .. وين الاحترام عنده.. وين بتلقى الاحترام باللي قدامها.. : تدري عاد انت تشوفني نجسة و انا اشوفك انجس من النجس.. اللي تفكيرة تفكير شياطين مثلك حرام يكون اب.. انت لو انك مو متأكد من طهارتي ما أخذتني عندك ما فيه رجال يا رجال يالذيب فيكم يرضى انه يأخذ مره ماهي شريفة يا ولد الأصول لانكم شايفين المره شيء حقير و لا اندسات تتحقر زيادة و تخافون لا تصيرون حقيرين .. نسيتوا ان لنا رب واحد خلق المره مثل الرجال.. خلقنا كلنا من تراب يا تراب.. انت تقول اني تنازلت و جيت معاك عشان بابا .. طيب لو افترضنا انه صح كلامك .. انت ليش طلبتني.. ليش خليتني ارجع.. اعطني مبرر واحد.. عماد ببرود : عشان اللي ببطنك.. اكسب فيكم اجر اثنينكم.. وعد : جعلهم يجرونك على الجمر .. توك تقول انك شاك ماهو ولدك.. عماد يجلس و ما كأنه اثار بركان قدامة : بنتظرك لين تولدين و وقتها اتأكد من نزاهتك.. ما تدري ويش تسوي من القهر .. عقلها تشوش و لا هي قادرة تقرر .. تجلس و هو يهينها..؟!! تروح بيت ابوها وهي جاية اليوم من عندهم معاه..؟!! ويش تقول شاك ان اللي ببطني ماهو ولده..؟! بتفتح على نفسها بيبان مسكرة.. و بتحملهم هم لين تولد و هو يتأكد من ابوتة لطفلها.. ما احد فيهم بيلومة كلهم بيوقفون معاه .. يمكن لو وقفوا معاه ما يردونها له .. هذا اذا وقفوا معاه بيخلونها عندهم لين تقضي فترة حملها.. جلست على الطاولة ترفع شعرها اللي نازل على وجهها و تشدة بقهر لوراء اذنها.. كل شيء يوصل عند الاحترام و يوقف.. راضية فيه يحب غيرها و ما رضت الا عشان اللي ببطنها و اختها ندى تشوف حياتها.. لو رجعت وعد الحين اكيد بتتأثر حياة ندى اللي مقتنعة بحب وعد لعساف و عساف لوعد.. و اللي ببطنها ما تبيه يعيش بين ام و أب منفصلين مثلها .. صحيح انها ما درت الا من فترة بسيطة بس المها كان قوي جداً عليها.. تحاول تأخذ نفس و تهدأ عشان تقرر .. لو جلست عنده بيرخصها اكثر.. بيحس انها فعلاً مدنسة.. كان جالس بهدوء و لا كأنه اشعل شيء بقلب اللي قدامة جالسة على الطاولة و حاسة بالضياع اللي وصل له .. شافها ضايعة و كأن كلامة لها شتت كل شيء فيها.. انقهر من غرورها و اعتزازها بنفسها و ابوها و اخوانها و ما فلحت غير تهدده فيهم كأنه بيخاف منهم.. محتقرتة و كأنه و لا شيء عندها.. تتكلم عن الاحترام و هي ما تعرفة.. قهره حكيها اعطاها كلمتين بالعظم و جلس ما يبيها ترفع خشمها عليه.. : ايش فيك انصدمتي و الا ما كنت متوقعة هالشيء يعني.. : انصدمت بكمية الحقارة اللي انت تعيشها.. و الله ما اتمنى شيء الحين كثر ما اتمنى يطيح اللي ببطني عشان ما اجيب بيبي منك.. مو برود بثلج يرد عليها : بكذا كأنك تقولين بصريح العبارة انه ماهو ولدي.. و تخلصتي منه عشان ما اتأكد.. وعد : جعلهم يجيبون لي خبر موتك اكيد.. انت ما تحس.. ما فيك ذرة نخوة.. طيب ما فيك ذرة رجولة .. ذرة انسانية..؟! و الا نسيت اللي ابوه يحدة على الزواج ماهو رجال.. غلطنا على سموك طلبناك بصفة ماهي فيك.. عماد : قولي اللي تبين ما يهمني.. ماني مجبور اثبت لك رجولتي.. و اذا على الزواج ترى حتى انتِ انجبرتي.. وعد باستهزاء منه عشان تغيضة و تقهرة : هههههههههه تصدق اول مره اشوف رجال يقرن نفسة بمرة.. المره عاد تنغصب بس العيب على الرجال ينغصب يالله لو بس الناس دروا ويشب يقولون هم يشفقون على المره كيف الرجال.. انقهر منها و من استهزاءها .. لامست فيه الوتر الحساس و قدرت تلعب عليه و تقهرة : احسن لك اطلعي برا الجناح قبل لا افتري فيك.. وعد : تحلم اطلع.. هذا جناحي مثل ماهو جناحك.. ما تبي تشوفني اطلع برا ما احد قالك تجيبني معاك من المشفى.. وقف و سحبها من عضدها يضغط عليها بقوة : لما اقول كلمة ما تردينها علي فاهمة و الا لا.. تعودي يا بنت ابراهيم و ان كان ما لقيتي مين يقص لك لسانك الحين بتلقين.. وعد : احسن لك اتركني .. تراك مزودها و رب الكعبة موصلة معاي منك للأخير.. ما ابي اسوي شيء غلط.. ماهو عشانك .. عشان اللي تقول اني شوكة ببلعومة.. و رب الكعبة ما يخليك بحالك تحسبة ممكن يسمح لك تهني بهالشكل.. عماد وهو يهزها بقوة و جسدها الضعيف يستجيب لمسكة يده اليمين : تعودي ما تهدديني بأبوك لأنه ما يخوفني.. فاهمة و الا لا.. وعد ضربتة بيدها على جرحة.. من قهرها منه تبيه يتألم حتى لو ألم جسدي دقيقتين و يروح مقهورة بسبتة جرحها و يحاكيها بكل برود و لا كأنه سوا شيء .. اول ما ضربتة على جرح العملية ترك يدها عشان يضغط على كتفة اللي دب فيه الألم .. انحاشت منه بسرعة وقفلت باب غرفة النوم عليها وهو يضغط على كتفة بقوة : ماشي تحسبين بتركها لك.. و الله ما اتركها يا بنت ابراهيم.. وعد من وراء الباب : تستاهل ما احد قالك تضربني.. عماد بقهر : هذا اسمه ضرب..؟! ماشي انا اوريك الضرب على أصولة.. وعد : و الله و رب الكعبة ان سويت شيء زيادة ما اسكت لك.. و قسم لا ارفع عليك قضية بالمحكمة و اتطلق منك و اشهر فيك ع الملا و ما يهمني شيء.. عماد وهو يناظر الباب المسكر : كان فيك خير سويها.. .. ابو شوق بهدوء وهو يضغط على كف بنتة : ابيك تفكرين و تستخيرين .. ابيك تفكرين بعقلك و تأكدي اني معاك يا بابا وافقتي بوافق و رفضتي برفض.. ما احد بيحاكيك و لا يحسفك على شيء .. هاذي حياتك و انتِ اللي تحكمينها.. شوق بقلق : بابا خوفتني اكثر.. ابو شوق : لا ما ابيك تخافين.. اللي ابيك تحطينة بعين الاعتبار ما تلتفتين لاي كلام على الخلاف بين عمك عامر و ابو سعود.. لان هذا شيء ثاني و ان شاء الله بينتهي مع حفيدهم.. شوق بتوتر : ما ادري بابا انا خفت من قلت لي و انا احس قلبي طاح.. ابو شوق ابتسم : استخيري و بترتاحين ان شاء الله.. شوق : بس بابا انا ما اعرفة.. يعني احس اني افكر بـ ولا شيء مجرد رجال.. ما اعرف ولا شيء عنه غيره انه يشتغل معاكم و اسمه .. شلون بفكر و اقرر.. ابو شوق .. اسمه سعود ابراهيم مساعد الـ ـ ـ ـ ـ برتبة عقيد و ان شاء الله قريب جايتة ترقية و تكونين فال خير عليه.. عمره 31 سنة هو وحيد امه من الاولاد وعنده اخت وحدة شقيقتة و الباقين كلهم من ابوه.. محافظ على صلاتة ما يطوف فرض.. رجال شهم و اجودي ما ينحكى فيه بالشين.. عصبي حبتين.. شوق : لااااااا.. ابو شوق ابتسم : ليش لا.. تبين واحد بارد انتِ تعصبين وهو ما يهمه شيء.. و بعدين ليش خايفة من عصبيتة ليش ناوية تغلطين.. شوق مستحية من ابوها بس تحاول تكلم بأريحية عشان تعرف عن زوج المستقبل : لا مو قصدي بس أي حياة فيها مشاكل.. ابو شوق : قلتيها و أي انسان بالدنيا يعصب صح و الا لا..؟! شوق : صح.. ابو شوق : يعني هذا ما يعيب سعود.. انا ابيك تفكرين و تستخيرين و تدعين ربي يكتب لك الخير و ان وافقتي و جوو خطبوا رسمي بخليك تشوفينة.. حتى لو هو ما طلب بس عشان يصير بينكم الفة و ان ما ارتحتي او هو ما ارتاح كل واحد يروح بحال سبيلة.. شوق : بس انا خايفة.. ودراستي طيب ابو شوق : بابا ما فيه شيء يخوف.. و اذا تبين تعرفين اكثر اتصلي على وعد و اذا مره مستحية منها ارسلي لها واتس آب ما أتوقع انها بتردك و اذا ع دراستك لا تخافين بشرط عليه و ان رفض انا حزتها ماني موافق.. شوق : بابا من جدك تبيني ارسل لوعد و الله استحي.. ابو شوق : من حقك يا بابا تعرفين عنه كل شيء.. و وعد ما راح تردك تراها طيبة و متفهمة.. ام شوق استندت ع الباب : ما خلصتوا اجتماع.. ابو شوق : تهقين بنخلص..؟! ام شوق : و الله اذا بتراعيها عز الله ما قضيت شغلك.. شوق بدلع : مـــــامــــا.. ام شوق تقلدها : نعــــم.. ابو شوق وقف : فكري زين يا بابا و اذا تبين تعرفين شيء قولي لي و لا تستعجلين فكري براحتك.. (خرج جوالة من جيبة) : غريبة.. ام شوق : خير ان شاء الله.. ابو شوق وهو يفتح الخط : وعد .. الوو.. هلا خالي و عليكم السلام.. بخير يا خالي انتِ شخبارك.. خير ان شاء الله عماد فيه شيء..؟! خير يا خالي لا تخرعيني.. افااا لك عيوني المركبة امريني.. ليش عماد وينه...!؟! طيب.. خلاص خليك جاهزة بجيك الحين.. تأمرين.. مع السلامة.. سكر الجوال و هو يرجع لجيبة ع الجنب.. ام شوق : ايش فيها وعد..؟!! ابو شوق : تقول ابيك تأخذني ما ابي اجلس عندهم.. و لا تبي اهلها يدرون.. ام شوق استغربت : ليش فيه احد مضايقها..؟! ابو شوق : و الله ما ادري بروح اشوفها و اشوف عماد يمكن متهاوشين.. ام شوق : لا حول ولا قوة الا بالله ما امداهم يرجعون لبعض و نفرح بحملها الا يتهاوشون ركدهم يا غازي لا تخليهم يهدمون حياتهم.. ابو شوق : بحاول و ان شاء الله افلح.. لان حياة هالاثنين انبنت على باطل و خايف ما يقدرون يقومون اساسهم و يتحدون الحياة و المشاكل.. ام شوق : طيب اجلس مع الاثنين و فهمهم انت عم عماد و خال وعد واكيد بيسمعون منك.. ابو شوق : و الله اللي مثل رووسهم يبي من يهبدها عشان يسلكون ما ينتركون سايبين.. الظهر الدنيا حر الله يجيرنا من نار جهنم.. و اغلب اللي جايين من الدوامات معصبين من الزحمة و بعد ساعات من التعب.. او اللي على شفا حفرة من العصبية مثل بندر .. ابو عبدالرحمن : انت ما تركد مع اختك.. تمشي لأبوها بقهر : كلم ولدك تراه ناشب لي.. بندر بحدة : حلوه ناشب لك كاشفة عن نقابك ليش.. أسيل رمت شنطتها ع الكنب : قلت لك ابي اشوف السيارة ما اشوفها و انا ما رفعت انا بالقوة اشوف و انا رافعة و لا اميز.. مشاري بهدوء وهو يقهوي ابوه : بندر الله يعافيك اسيل عندها ضعف نظر .. راعيها شوي.. بندر جلس جنبهم : ضعف نظر ..؟! و ليش ما تلبس نظارة..؟! أسيل : لا و الله تبيني اصير ابلة نظيرة.. بندر : شوفي بنات ابراهيم يلبسونها ميار و وعد احيان اذا جلست ع اللاب او التلفزيون.. أسيل : قلتها انت بنات ابراهيم مو انا.. فرق انا اسيل.. بندر : ليش ان شاء الله زايدة يد و الا رجل.. أسيل : مزاجي تفهم لا تقرني بأحد أكثر شيء ينرفزني احد يقولي سوي مثل فلانة و علانة انا غير .. تفهم غيــــر انا اسيل,, أأأأسيـــــل... << شدت على كلامها من قهرها ما تبيه يقرنها بأي احد لا قريب و لا بعيد.. بندر : و الكووبة المرة الثانية لا تفتشين عن عيونك اوقف لك عند الباب ما يحتاج انك تفتشين بعد قولي ما اشوف من قريب عندي بعد نظر.. أسيل : المره الثانية انت لا تجيني ما ابي اركب معاك يا معقد.. هذا و انت شايف من برا لين طلع من عيونك جاي عشان تعقدنا.. ابو عبدالرحمن ضرب بعصاتة ع الرخام : و الله ان ما سكتوا اثنينكم لا اكسر هالعصاة على ظهوركم.. ما مليتوا من النقار و الهواش كل حزة تهاوشون و ما كن بينكم كبير تحترمونة.. قام بندر و باس راس ابوه .. اما أسيل ترددت.. مشاعرها تضاربت.. تبوس راسة و تستسمح منه.. طيب و السنين اللي عاشتها بلاه.. بس هو استسمح منها جابهم عنده و لبى لها كل ما تبي.. و طلباتها اوامر.. تغلبت على نفسها و اخذت نفس و اتجهت له تبوس راسة و اول مره تسويها .. اول مره تكون بهالقرب منه و اول مره تهدية قبلة منها على راسة كا اعتذار منها على خطأ اخطيتة قدامة.. اما ابو عبدالرحمن ما ينكر انه انبسط بهالتقدم.. ان كانت بكل جلسة ترد عليه بتقصير و تخلي عنهم 18 سنة ولا شافها من يوم انولدت وما اعطاها الا اسمة.. الا انها تجاوزت مرحلة العتاب.. و باست راسة يعني ممكن يجي يوم و تتكلم معاه و ما كأنه بيوم ابعدهم عنه و ابتعد عنهم.. : الله يرضى عليكم.. راكان متى يجي..؟! مشاري : يطول يبه لانه يطلع من الجامعة على شغلة.. ابو عبدالرحمن : أي شغل..؟!! مشاري : يشتغل محاسب بسوبر ماركت.. ابو عبدالرحمن : وشولة يشتغل .. خله يلتفت لدراستة و بس و اللي يقصرة انا بجيبة له.. مشاري : يبه خله يعتمد على نفسة ماهي شينة.. ابو عبدالرحمن : يعتمد على نفسة لا تخرج يتوظف و حزتها يصير خير ان شاء الله اما الحين يحط راسة بكتابة.. مشاري : يبه راكان يعرف مصلحة نفسة و يعرف ويش يسوي.. ان كلمتة و قلت له اترك الشغل بيعند و يتمسك فيه.. خليني اكلمة و ان شاء الله خير.. بندر : يبه انت اعطه المصروف كل نهاية شهر بعدها بيحس انها مو معتاز للوظيفة.. ابو عبدالرحمن : يصير خير.. و انت ويش تشتغل بالضبط..؟! مشاري : انا تخرجت من بكالوريس محاماة و اخذت دبلوم حاسب سنة و الحين ما بين هنا و هناك.. ابو عبدالرحمن : قلي حكي افهم منه ويش ذا اللي تقولة.. ابتسم مشاري : متوظف بشركة صغيرة مستشار قانوني.. و اسوي صيانة اجهزة لمحلات كومبيوتر.. بندر : ليش ما تفتح لك مكتب استشارات قانونية.. ليش حاد من عمرك و كارف عمرك بشغلتين.. مشاري : مد رجولك على قد لحافك ليش اشطح.. و انا الحمدلله مرتاح فيهن.. ابو عبدالرحمن : حكيك ذا ما يهمني.. بتروح و تدور لك مكتب زين و تشتغل فيه و المصاريف كلها علي.. مشاري : يبه اصبر ما يصير كذا تعدل كل شيء و تشطح فينا احنا ما تعودنا على كذا.. خلني بوظفتي و افتح لي مكتب صغير بس مو الحين اصبر علي شوي.. ابو عبدالرحمن : ويش يردك..؟! هاه..!؟ مشاري : يبه ما يصير كذا .. انا ابي ابدأ من الصفر مو انقز للمية على طول.. عشان يجيني شغل.. ابو عبدالرحمن : انت اشتغل بالسنع و الشيء اللي تعرفة و بيجيك الشغل.. و مكتبك من عندي و الا بتردني يا مشاري.. مشاري : ما عشت و لا كنت يبه.. اللي تبيه بيصير.. بندر ابتسم : اجل نقول مبروك مقدماً ع المكتب.. و أي شيء يقصرك ترانا بالشوفة.. ابو عبدالرحمن : و انت يا السنع متى بتوظف.. بندر التفت لأبوه : دام جاء الدور علي.. فا أنا بقولك.. انا بروح برا اخذ الزما.... ما كمل كلمتة لأن ابوه قاطعة بالرفص القاطع : لااا .. انا قلت ما تعتب الحدود يا بندر.. بدل ما تفرحنا فيك و تزوج تقول بتذلف برا.. ما مليت انت..؟!! بندر : يبه ابي الزمالة لازم اخذها.. لا تخليها بخاطري.. : مثل ما انت خليت العرس بخاطرنا.. التفت لأمة تمشي على عصاتها ببطئ العمر اخذ منها الشيء الكثير.. و اعطتها التعب و الوهن و التجاعيد.. ارتسمت على ملامحها عينيها جبينها فمها المخبى خلف لثمتها وجنتيها.. و بياضها ايضاً سرق منها.. هذا لا يعني اصبحت سمراء جداً و لكنها اسمرت عن السابق.. لم تعد تلك بفتية العشرين او زهاء الثلاثين او بنضوج الأربعين.. تخطتهم جميعاً .. العمر الذي عاشتة تراه الآن بأبنائها و أبناء أينائها.. تشعر بأنها انجبت لهذه الحياة.. و ان توارت تحت التراب هي مذكورة بينهم و عمرها الذي ارتسم عليها اهديتهم اياه حتى رأت أبنائها كبار و احفادها شباب.. فهي ضحت بعمرها من اجلها و تدعوا الله بأن لا يخسرها تعبها.. وقف لها بندر و باس راسها و كفها : افااا يمه بتقلبين علي.. انا بنيدر.. أسيل وقفت وسحبت شنطتها و طرحتها على كتفها .. اتجهت لخالتها وباست رأسها : انا اقول يا خالة زوجية يمكن يركد ولدك استخف.. و انحاشت بسرعة قبل لا يمسكها بندر و يحط حرتة فيها من طاري العرس .. ام عبدالرحمن تمسك يد بندر اللي مادها وبيمسك اسيل فيها : اقعـــد و الله انها صادقة مستخف.. بندر يمشي مع امة : يمه من يوم جات هالنقطة و انتِ مسفلة فيني كن هي بنتك و انا مو ولدك.. ام عبدالرحمن : يوم انت عارف انك ولدي ليش ما ترضيني.. هاه.. بندر : اطلبي أي شيء الا الزواج.. تكفين.. ام عبدالرحمن جلست و عصاتها جنبها : مابي منك الا فرحتي بزواجك .. و كانك مستخسرها فيني روح بكيفك لا تزوج الله معاك.. بندر حس انها زعلت.. : يمه زعلتي.. ام عبدالرحمن : و انت ويش تشوف .. قم عني.. مشاري : الا صدق كان عمرك بنهاية الثلاثينات.. بندر يمثل البراءة : شفت يعني توني صغير ع الزواج.. مشاري : هههههههههههههه مره صغير.. بندر : اقول اهجد لا ابلشك معاي احسن لك.. مشاري : لا يا حبيبي انا غير و انت غير .. قبل ما اكون نفسي ماني متزوج.. هذا غير انك اكبر مني بثمان سنين.. و مسافر من متى ع اساس تدرس و المفروض يوم رجعت تخطب.. بندر اتسعت عيونة : لا يا شيخ.. اشوفك انت بعد قلبت علي.. مشاري : لا قلبت و لا شيء .. بس صدق ما تحس شكلك غلط بتصك الأربعين و انت ما تزوجت.. احسها صعبة شوي.. بندر : مو احسن لما اخذ بنت الناس و الهى عنها و اسحب عليها.. ابو عبدالرحمن : قول انت بك بلى يمنعك من العرس..؟! بندر : يبه كم مره نشدتني و قلت لك لا ما فيني بلى.. بس انا ما ابي اتزوج و تجلس المره تحن علي.. ابو عبدالرحمن : المره على ما تعودها عليه.. ام عبدالرحمن بحزم شديد : لا تحاكيني يا بنيدر لين تقول لي اخطب لك.. بندر فزع وباس راسها : افااا يمه بتزعلين مني عشان مره.. انتِ كذا بتكرهيني فيها قبل لا اخطبها.. ام عبدالرحمن طنشتة و لا ردت عليه لا نوت على شيء تسوية و ما تتراجع عنه.. بندر اخذ نفسة و مسك كفها و قبلها : تكفين الا انك ما تكلميني.. اجل وشولة اجلس كان سافرت.. الا زعلك يمه.. ابو عبدالرحمن : لو انك تبي رضاها كان ارضيتها.. بندر باستسلام : طيب خلاص موافق بس بشرط.. الزواج السنة الجاية.. ابو عبدالرحمن : احنا نخطب لك و وقتها يصير خير.. ام عبدالرحمن ما قدرت تمنع نفسها من الابتسامة لكنها مخبئة تحت لثمتها بالرغم من ذلك اتضحت على تجاعيدها .. باس راسها بندر : هاه رضيتي..؟! ام عبدالرحمن : ان شاء الله ان زواجك مع عيال اخوك ابراهيم.. بندر يتحلطم : توني شارط عليك.. قايل لك السنة الجاية عاد عديها انتِ.. ام عبدالرحمن : ياما عديت.. كانك ما انت سامح كلامي .. اذلف من قدامي هالحين.. بندر : خلاص .. خلاص.. المره اللي بتزوجها بتدعي عليكم.. .. ابو شوق : زين كذا صار لك كم يوم زعلانة من رجلك.. يا خالي انا ما ودي اتدخل و اسألك عن تفاصيل زعلكم.. بس اني اخذتك من بيت رجلك وهو مو فيه بسبب اصرارك.. وهو حضرتة ما قابلتة كل ما رحت لبيت ابوه ما لقيتة.. وعد : ولا راح تلقاة.. انا و وعماد ما بيننا حياة.. و انا احتاج فترة ابعد فيها عن الكل.. عن بابا و اخواني و عماد.. و عن كل ضغط .. ابي اقرر مصير حياتي بدون تدخل من احد.. ابي اتحمل مسؤولية قراراتي .. رجعتي مع عماد اخذت القرار بدقيقة.. من غير تفكير و أي شيء يصير بيني و بينه اندم نفسي ليش ما فكرت و كان المفروض انهي كل شيء لان البداية كانت غلط.. ابي افكر براحتي.. حتى هو ما ابي اشوفة.. ابو شوق : صحيح ان بداية حياتكم كانت غلط بس هذا ما يعني انكم ما تقدرون تصححون الغلط و تمشون بالباقي.. ما ينفع يا خالي تبقون عند نقط البداية و لا تمشون.. انتم بيصير بينكم طفل.. تبينه يعيش بتشتت بينك و بين ابوه.. وعد : و الطفل ما يرضى على امه بالاهانة.. يكفيني ما جاني يا خالي.. انا بالرغم من كل شيء صار لي الا اني احاول اقوم على رجولي.. مو بس عشاني عشان بابا و اخواني و خواتي.. و عشان اللي بطني.. عشان روح صارت تربطني فيه.. انا جالسة اضحي و اضحي و اضحي.. و ياليت احد يكفيني شرة.. كل مره يطلع لي شيء يكدرني.. انا تعبت ما عدت اتحمل.. ما ابي اعيش ضغوطات من احد..يكفيني الآلم النفسي و الجسدي.. يكفيني الرعب و التحقير و الاهانة.. بالرغم من كل شيء عشتة رجعت معاة زوجة.. و ضحيت حتى بإني استعيد نفسيتي.. لكن خلاص ستوب.. ما عاد فيني اتحمل زود.. انا اخترت اجي عندك عشان ما ارجع لبابا و يكبر الموضوع لو اني متخذة قرار غير الطلاق.. انا ما ابي احد يدري حتى عن وجودي هنا.. ابو شوق : و الله يا خالي ماني عارف ويش اقولك.. اخاف اقولك انا معاك و انلام بعدين .. لو تعلميني بس بأساس المشكلة بينكم.. يمكن عماد زعلك بشيء كبير و الا ما رضيتي تطلعين من البيت.. و احيان اقولك يمكن انتِ من كثر ما تحملتي ما عدتي قادرة على التحمل زود خصوصاً مع الحمل.. وعد بمحاولة لأنها تهدأ : لما يوصل الموضوع لشرفي اعتقد يحق لي ازعل و اطربق الدنيا فوق راسة.. مو عشاني انخطفت يعني ماني شريفة.. اما انه يشك حتى بأبوتة لطفلي هذا شيء ما اقدر اتحملة.. غازي انصدم من الكلام.. عماد يشك بحملها.. ما يدري يلومها و الا يلومة.. لو حط نفسة مكانها بيقول عماد غلطان.. و لو حط نفسة بمكان عماد اكيد بيتضايق و الشيطان بيلعب براسة مهما كان اختطاف و اختفاء لمدة شهر و عنده ناس اغراب عنها حتى لو كان بينهم صلة دم بس ما كان احد فيهم يدري عنها.. : خلاص يا خالي .. اوعدك ما احد يضغط عليك.. و عماد بشوفة و اكلمة و اشوف لـ ويش نوصل.. قام وخرج من الغرفة.. اما هي تضايقت.. زود عن قبل .. لما قالت له ان عماد شاك بأبوتة للطفل ما عصب و لا تضايق.. يعني معاه .. يعني ما يلومة على اللي يقولة عنها و عن شرفها.. حست نفسها رخيصة.. رخيصة ينحكى فيها و ينشك و كأنها ولا شيء .. وقفت و سحبت شنطتها من الدولاب وهي مقفلة ما ترتبت للحين .. و سحبت عبايتها و لبستها و طرحتها لفتها بعشوائية على راسها و طلعت و هي تسحب شنطتها دموعها معلقة بعيونها .. ما تشوف شيء قدامها من القهر .. تحس بالحموضة ترتفع و بتطلع مع بلعومها.. ضياع تعيشة.. شتات يملى قلبها.. تعاقبت بدون ذنب.. (فتحت المصعد و دخلت وهي تسحب شنطتها و دموعها نزلت غطت وجهها وهي تشهق تبي مع كل شهقة تزفر الألم خارج صدرها..) ما يكفيها اللي عاشتة عشان يلومونها عليه.. يكلمها عن الشرف..! وينه ما حافظ على شرفة ودافع عنه .. وينه ما حماها و حافظ عليها.. ليش خلاها و تركها و يجي الحين يلومها..؟! يحاسبها!.؟! ليش ما حاسب نفسة ليش ما حمل نفسة الذنب و عاقب عمرة.. و اللي يقهر زود خالها ما علق .. ما علق بربع كلمة.. وين يعلق وهم كلهم نفس الطينة.. تربوا على انهم رجال الشرف و النزاهة و العقل.. كلهم مثل بعض ما يتباعدون.. (انفتح الباب حتى تطلع من غير لا تلتفت لأي احد موجود او بالأصح هي ما تشوف احد قدامها غير دموع غامرة عيونها و تنهمر على خدها) اتجهت للباب من غير لا تسمع أي صوت يناديها.. ما تشوف و لا تسمع اللي في عقلها الاختطاف الرعب الشرف و الطفل كل شيء عاشتة و تعيشة الحين هو اللي تشوفة.. ما وقفها الا مسكة خالها : وعــــد.. ناظرتة : لا تكلمني.. انا اغبية يوم جيت عندك.. انصدم من كلمتها : خيــر...!؟ وعد سحبت يدها منه بحدة : ابعد عني ما ابي اشوفك.. رجع مسكها و ثبتها : فهميني يا خالي لا تتركيني مثل الأطرش بالزفة .. احد زعلك.. سمعتي شيء يضايقك..؟! وعد بصراخ وهي ترجف : ما اعتقد انه يهمك.. شلون بتترك ولد اخوك و تدافع عن بنت ما تعرفها.. شرفها ماهو من شرفك.. غازي بحدة : وعد اعرفي شلون تكلميني.. الزمي حدودك.. وعد وهي تبلع غصتها : و الله غلطت عليك..!؟! و انت ما غلطت علي.. ما غلطت على بابا.. قلت لك ولد اخوك يشك فيني.. تسكت و كأن الموضوع ما يعنيك.. وليش يعنيك..؟! لاني بنتك و لا بنت اخوك.. و لا اخر اسمي نفس اسمك..مجرد بنت اختك تنسب لرجال مو من عيلتكم.. الصوت الحاد هالمرة هو اللي سكتها : شكلك نسيتي اننا عيال قبيلة وحدة.. و كلنا جماعة وحدة و انا و ابوك بيننا قرابة بعيدة.. ناظرتها خالها عامر اللي دخل و وجهة متجهم.. ومن ردة يعني انه سمع كلامها.. وما كان عامر لحالة.. معاه عماد.. واقف وراء ابوه ولا تدخل.. : صح بدليل انتم قدرتوا القرابة اللي بينكم زي ما تقول و ما تقاطعتوا.. ما تطلقت ماما من بابا.. و لا تهاوشتوا و الكل دراء عنكم.. هاذي القرابة اللي تتكلم عنها.. ما همتكم انتم .. تبيها تهمني انا الحين.. انا ما اعرفكم.. و لا عمري بحياتي شفتكم.. و وجودكم كلكم بحياتي ما ابيه.. عامر : استغفر الله العظيم.. خالي انا ما ابي اعصب عليك و ازعلك.. انا جايب عماد عشان تتراضون انتِ و اياه.. ما ابي الموضوع يكبر و انتم بينكم طفل.. اما انا و ابوك هذا شيء ثاني ما نبيه يدخل بينكم و لا انتم تدخلون فيه.. وعد : و الله انت جايبة .. يعني هو ما حس على دمة و جاء من نفسة..(تناظر بخالها عامر و تأشر على عماد) ولدك اهاني.. و طعني بشرفي و انا بنت ناس اشراف.. و ما راح اقول معلقات بنفسي ولا نزاهتي .. بكره بتطلع الشمس و تملى البلاد.. لا ولدت خله يسوي التحاليل عشان يتأكد انه ولدة.. و غير هالشيء ما عندي أي شيء له.. و الحين الحين يطلقني الحين.. غازي : وعد المواضيع ما تنحل بهالطريقة.. وعد : لا كانت المواضيع ما فيها شرف.. ما فيها سمعة.. انتم.. انتم اللي تدعون اننا اهل.. فيه اهل يرضون على بنتهم تنهان.. انا قلت لكم ولدكم طعني بشرفي.. طعني بشرفي.. لو جاتكم وحدة من بناتكم و رجلها قايلها انا ساتر عليك و ابي اكسب فيك اجر انتِ و اللي ببطنك.. ما اتوقع بتخلونه يوم على وجه الأرض.. بس لاني مو بنتكم.. و هذا (تآشر على عماد) ولدكم.. اكيد بتوقفون معاه.. انا ما ابي الا الطلاق.. شيء ثاني ما ابيه.. وكلامكم و فروه لكم لانه ما راح يغير أي شيء.. مشت تبي تطلع لكن عامر وقف بوجهها و مسكها : قلت لك عماد جاء عشان يرضيك.. يا خالي لا تعقدينها انتِ بنتنا.. بس نفسيتك تعبانة مع الحمل.. وعد رجعت وراء و مدت يدها لداخل شنطتها المفتوحة حاست باطراف اصابعها لين مسكت جوالها خرجتة .. اتصال سريع رقم 2 البابا.. حطت الجوال على اذنها لحظات وجاها صوتة : بابا محتاجتك تعال خذني.. لا.. بس ابيك.. طيب لا تطول انا ببيت غازي.. انا تأخرت بطلع بالشارع.. قفلت الخط وهم يناظرونها.. عماد ببرود وهو مستند ع الباب من يوم ما دخل و لا نطق بحرف : قايل لك لا تهددينا بأبوك.. العادات ما احد يتخطاها.. يعني ابوك ما راح يسمع لك وعد : عاداتك الزفت تقول ما تهين زوجتك.. بتشوف ويش بسوي فيك.. وحتى لو بابا سمع رايك .. اقدر اخذ حقي بيدي و اذبحك.. غازي حط يده على راسة مبين فيها شيء مو طبيعي.. معاها حق يوم قالت تحتاج تجلس فترة لحالها من غير أي ضغط.. فعلاً البنت يبي لها استجمام و استرخاء نفسي.. مبني اعصابها مشدودة و مو متحملة شيء هذا غير هرمونات الحمل لاعبة فيها أكيد.. اجل تبي تذبحة.!؟! شافت شكلها و شكل عماد..؟!! جلست على اقرب كنب لها و هي تهز رجولها تحس الوقت ما يمشي الشيء اللي يمشي هو دموعها وبس.. حتى نظراتهم تحسها واقفة عليها.. الضعف هو الشيء اللي متملكها الحين.. اتصلت على ابوها تبيه يجي عشان تحتمي فيه.. جرح عماد لها بشرفها حسسها انها رخيصة.. و بجيتها هنا ارخصت نفسها زود.. تمنت لو راحت عند ابوها.. كان قالت لهم شاك فيها و طلبت الطلاق و تطلقت حتى لو بقضية من عمها مشاري.. ما تبيه.. ما تبيه.. ولا تبي تعيش مع واحد يستنقصها .. مو مجبورة تحضي بكل شيء.. خلاص يكفي.. يكفي اللي حضتة .. من حقها الآن تفكر بنفسها.. و نفسها نافرة من عماد ولا تبية..!! .. في مكتب احمد .. كانت الفرحة ماهي سايعتهم الأربعة.. بس اكيد احدهم كانت فرحتة غير عنهم.. هم اخوان ولقوا اخوهم اللي دوروا عليه من فترة بسيطة.. وهو اللي عاش يتيم سنين و سنين.. كان عايش نكرة وسط مجتمع ما يرحم.. اصابع تأشر عليه و تهدد ذاك "لقيط" "ولد حرام" لا تمشي معاه.. ما حطوا حتى احتمال لأنه يكون يتيم.. وهو ويش ذنبة انه انخلق يتيم او لقيط.. مجرد انه دفع ثمن غلطة غيره ارتكبها.. او ان ربي قدر له كل اهله يتوفون..؟! ما احد يعترض على القدر.. و بأمر من ربي ينقلب حال من اشر عليه و استنقصة لنفس حالة و يمكن اردى بعد.. لكنهم تجاهلوا.. تجاهلوا انهم كلهم من تراب.. تجاهلوا انه آدمي مثلهم ما نقص عنهم بشيء.. حتى هم يمكن الأباء و الأمهات و العيلة اللي عندهم يطلعون مو عيلتهم.. ما فكروا لو للحظات و حطوا نفسهم مكانة يوم يأشرون عليه و يستنقصونة.. كان يسمع الكلام منهم.. ما احد فيهم رحم صغر سنة و لا احد احترمة يوم كِبر.. الكلام يأصل لمسمع آذنة من غير لا يدور عليه.. و الحكي يجيه على اطباق من ذهب و كل واحد فيهم يتفنن بقوة الكلمات اللي يرميها عليه.. بالابتدائية لما الأهل يبعدون عيالهم عنه.. و احتقار بعض المدرسين له.. او المتوسط و الثانوي يوم يسمعهم ينادونة بولد الحرام و يقولونها له بكل تحقير.. و للأسف انه كان ساكت..!! ويش بيرد عليهم..؟! ويش بيقول و يش بيعلق..؟! مين وراه يدافع عنه..؟! ومين سنده اللي بيجي و يسكتهم كلهم..!؟ .. حتى لو تجاهل حكي الناس.. اشياء كثير فقد فيها الأهل.. ما أحد بارك له يوم نجح.. و ما احد أهداه يوم تخرج.. الوظيفة ما احد فرح له فيها.. و لا له ام او اب يردون عليه و أنت بخير يوم العيد.. ما احد شاركة أي مناسبة في حياتة الا اللي كانوا مثلهم و عاشوا نفس معاناتة.. بدون ام بدون اب بدون عيلة.. الفرحة ناقصة بكل شيء.. ما فيه شيء صار لأحد فيهم و يحسون فيه بالفرحة الكاملة.. كل شيء في حياتهم ناقص عن أي شخص غيرهم يعيش بنفس الشيء لكن مع امه و ابوه.. هذا غير التربية من هو صغير و الارشاد و التوجية بالمراهقة و الاستقلال بالجامعة و الوظيفة حالياً.. كل مراحل حياتة تمر قدامة مثل الشريط.. من اليوم اللي فهم فيها معنى عيلة و انه عايش بدونها.. من اليوم اللي حاول فيه يدخل ع الملفات و يقرأ ملفة و عرف ان له ام و اسمها نوال و لا جات استلمتة الشيء اللي ببالة و ببال أي شخص مكانة اكيد انه غلطة و لازم تنمحى و تنسي.. .. لا إله الا انت سبحانك اني كنت من الظالمين.. لا أحلل نقل الرواية دون ذكر اسمي.. هاشتاق #رواية_لو_سألتي _الورد .. ضحكة قهر.. |
رد: لو سألتي الورد وهو ما بين إيدك أقطعك بيقول لك عمري فداك الكاتبة / ضحكة قهر
بسم الله الرحمن الرحيم.. السلام عليكم ورحمة الله وبركاتة.. ما ودي اقرقر عليكم واجد.. لكن كان ودي اعلق على ردودكم اكثر مما كتبتة لكني مستعجلة عشان بنزل لكم البارت بدري بدري.. لاني ادري اسبوع مره كثير.. لكن ان شاء الله الوضع يتغير مع الدوامات و يترتب الوقت.. لان الاجازة الوقت ضايع و لا تحسين فيه.. احب ارحب بكل القراء الجدد .. و شكــراً لكل وحدة تتعنى و تكتب تعليق على البارتات.. انتم الداعم صدق لولا الله ثم انتم اكيد الرواية ما تمشي.. و يمكن وقفتها من زمان.. فيه قرأ فاقدتهم و يا عسى المانع خير.. أشكرا كل وحده دعت لي و تدعي لي .. و الدعوة لأخيك بظهر الغيب مستجابة.. و الملائكة ترد و لكِ بالمثل.. الله يجزاكم بالفردوس الأعلى جميعاً.. اتركم مع البارت.. وعذراً ع الأخطاء الإملائية لأني ما راجعتة للأسف.. استروا على ما واجهتم.. و البارت الجاي يوم الاثنين ان شاء الله.. البارت الرابع و الثلاثون.. من رضى بقضاء الله.. أرضاه الله بجميل قدره.. غازي جلس جنبها : خالي اسمعيني.. وعد : ما ابي اسمع منكم شيء بتوقفون معاه انا ما عندي استعداد اتكلم معاكم قلت لك طعني بشرفي ما علقت و لا ضربت فيك الحمية عشاني.. شوق : السلام عليكم.. : وعليكم السلام.. سلمت على عمها و جلست جنب وعد مدت لها كاسة عصير ليمون : اشربي و روقي اعصابك تعبانة.. وعد : ما ابي شيء.. ابي هذا يطلقني و قضينا.. ما عاد ابي شيء غيره.. غازي قام و وقف قدام عماد اللي واقف بعيد و مستند ع الجدار و أخذ وضعية المتفرج : راضيها.. اقسم بالله ابراهيم ما راح يسكت عن اللي قلتة.. عماد : و انا ما قلت شيء غلط.. بنتة هاذي تخبت عند ناس حول الشهر.. غازي يصير ع أسنانة : وليش ما قلت له هالحكي و خلتها عنده.. ليش تأخذها عشان تذكرها بهالشيء و تهينها.. لا تتوقع اني راضي عن كلامك لها .. اذا انت شاك بحملها لا تضايقها خلها لين تولد بالسلامة و سوو تحاليل للولد من غير لا تدري و تجرحها.. ما يكفيها اللي عاشتة بتزيدة عليها.. عماد : عمي لا تكلمني بس انا كلمها هي و اسلوبها الزفت .. على أي شيء تهددني بأ ابوها و رافعها خشمها بيشق السماء.. و كأن ما احد انخلق عنده ا بالا هي.. غازي : مهما كان.. خصوصاً هالفترة لازم تراعيها.. عشان حملها و توصلون لطريقة تفاهمون فيها من غير لا انت تزعل و لا هي.. اما تقولها كاسب فيك اجر و ابي استر عليك.. تراك تتكلم عن شرف.. شرف بنت و عيلتها.. الحين بيجي ابراهيم .. و ابشر بسعدك.. دام فيه ابوك.. الموضوع ماهو منحل.. عماد : خلها تقعد معقلة لا مطلقة و لا متزوجة.. تفكني من حنتها.. غازي بيرد لكن قطعة صوت الجرس .. اتجة للباب و شوق دخلت داخل.. فتح الباب.. : هلا حياك ابو سعود.. ابو سعود سلم عليه : السلام عليكم.. : وعليكم السلام.. بعدها سلم على عامر بتحفز من الاثنين عامر او ابراهيم.. يضل بينهم ارواح مثل ما سعى لها عامر.. و سلم على عماد : كيف حالك الحين.. عماد بهدوء : الحمدلله احسن.. ابو سعود ما انتبه لبنتة جالسة وراة و تبكي : الحمدلله .. غازي : حياك تفضل.. ابو سعود : وعد هنا..؟!! ما حس غير بيدينها تطوقة وتحضنة من وراء.. حط يدية على يديها يبي يسحبها عشان تصير قدامة لكنها شدت عليه و عرف انها ما تبي تطلع من وراه ناظر غازي و عماد : خير ايش السالفة..؟! عامر بهدوء : خلاف بسيط وما فيه بيت يخلى من المشاكل.. ابو سعود اخذ نفس خلاف بسيط وهي ببيت غازي ..؟!! حس انه مو فاهم شيء .. مد يده وشدها من وراه و تخبت بحضنة عن كل شيء .. عن كل شيء.. وكأنها تبيه يواجهة كل شيء عنها.. ما تقدر تحمل اكثر.. انهكت قواها كلها تمسكت فيه وهو طوقها بيدة كان مستغرب انها تبكي.. لكن الشيء اللي حس فيه هو ضعفها وعد ما قد بكت عنده بهالشكل.. حتى لو ضايقها شيء و شكت له ما تبكي و كانها تبي منه يخبيها.. معقولة خلاف يخليها تبكي بهالشكل.. : وعــد..!! غازي بهدوء : بنتك نفسيتها تعبانة.. انت تعرف اللي مرت فيه كل الفترة اللي فاتت.. و مع حملها الحين نفسيتها تعبت زود.. كان المفروض ترتاح نفسياً قبل لا تقحمونها بحياة زوجية و مسؤولية.. لازم تسترخي و تهدء اعصابها.. وعد بقهر لفت له : و للحين تحط اللوم و الغلط علي.. بالرغم من كل شيء تحط اني انا تعبانة و كل الغلط علي.. يعني ما يكفي انك واقف معاه بعد تدافع عنه.. ما عندك كلمة حق لا تحكي.. ابراهيم بحدة : وعـــد.. هذا خالك.. وعد : لو خالي ما يرضى علي انهان.. ابو سعود : ممكن تهدين شوي.. ما ينفع لك هالتوتر.. وعد : ما ابي اشوفهم خله يطلقني .. ما عاد ابيه.. ابو سعود انصدم.. المشكلة مو فاهم شيء.. و الموضوع فيه طلاق .. يعني اكيد مو شيء سهل.. ناظر عماد و سحبها لحضنة عشان ما تتكلم و يفهم من عماد : اقدر اعرف ويش اللي صار..؟!! عامر جالس رجل على رجل و بهدوء يلعب بسبحتة السوادء بين اصابعة : اكيد تقدر تعرف.. بس الموضوع مو مستاهل كله حكي.. و انا جبت عماد عشان يراضيها بس بنتنا دلوعة حبتين.. غازي : الموضوع ماله داعي يكبر و نهدم حياتهم.. عماد اخطأ ما يخلاف بس ما يعني اننا نهدم الحياة.. الموضوع ينحل بالهدوء .. انقهرت وعد اثنينهم مصرين ان هي الغلط.. هي الدلوعة و هي اللي اعصابها تعبانة .. انقهرت و بعدت عن ابوها بحدة.. و آشرت على عماد و هي تكلم ابوها : هذا يشك فيني.. في شرفي... يشك بأبوتة لطفلي.. يقول انه ساتر علي.. يرضيك بنتك يطعنونها بشرفها.. و يتكلمون عليها بالشينة.. انصدم ابراهيم.. وصل الموضوع لحد الشرف.. شيء ما ينسكت عنه .. : ساتر عليك..!؟! .. ماني راد عليك.. بكره بتطلع الشمس و تملى البلاد .. لا ولدت بنتي بالسلامة تعال تأكد من الولد.. عماد تدارك الوضع : عمي .. بنتك اخطأت انت تشوف تصرفها صح تجلس عند ناس ما تعرفهم شهر.. هذا تصرف بنت تخاف على نفسها و عرضها و عرض اهلها..؟! ابو سعود : مهما كان ما لك حق تشك فيها.. و حتى لو افترضنا انك شكيت .. المفروض تخلي شكك بقلبك و تأكد منه لولدت ما تجرحها بهالشكل.. بنتي يكفيها ما عانتة .. ما عندي استعداد اخسرها او اتعبها.. يالهه يا بابا البسي نمشي.. غازي وقف جنب ابراهيم : استهدي بالله يا ابو سعود.. الموضوع ما ينحل بهالشكل.. ابو سعود : لك الحشيمة يا ابو شوق.. و الله لو ما بيكون بيننا روح مثل ما عامر سعى لها ما اخلها تعتب الباب الا وهي مطلقة.. عماد باس راس ابو سعود : عمي تكفى افهمني.. حط نفسك مكاني.. انا ممكن غلطت بس ما يعني وعد ما غلطت.. لا تحفز ضدي عشان اللي بينك و بين ابوي.. انا زوج بنتك انسى اني ولد عامر.. ابو سعود : لو اني اشوفك ولد عامر اقسم بالله ما رديتها لك نكالة باأبوك .. لكن مصلحة بنتي فوق كل شيء.. و لا فيه اب بالدنيا يرضى ان بنتة ترد له مطلقة.. شاورتها عليك و ورضت و عشانها و الله و عشان خاطرها رضيت.. رغم انها من وراء خاطري.. لكني عديتها عشانها هي.. بس توصل المواصيل لانك تكلمها عن شرفها.. بنتي انا واثق فيها مثل ما انا واثق اني اشوفك قدامي الحين.. و مالك عذر ياعماد انك جرحتها و طعنتها بشرفها.. لو خليتها بخاطرك و سويت للولد تحاليل من وراها لو طلعت النتيجة ويش ما كانت ما احد بيلومك حزتها.. لكن الحين تكلمها..!؟!! لا يا عماد ماني جايبها من الشارع عشان اشوفكم تجرحونها و اسكت.. لفت طرحتها و هي تسمع كلام ابوها لهم و مسكت شنطتها تسحبها وراها لكن عماد اخذها منها و طلعها هو برا.. كانت تمشي قدامة و عماد وراها.. نزل الدرجات و هو شايل الشنطة.. وقفت عند السيارة و التفت كانت تبي تشوف ابوها وراها لكن شافت عماد بس فتحت الباب و ركبت و سكرتة وهي تمسح دموعها.. اما هو فتح الباب و وقف يناظرها : عجبك..؟!! وعد : طبخن طبختية يالرفلا كلية.. لو قايل لي أي شيء ثاني يا عماد.. أي شيء يالذيب.. كان قللت من احترامي.. كان حكيتني عن قصصك مع عبلتك.. أي شيء و الله ما كان علمت بابا.. لكن توصل فيك المواصيل تحاكيني بشرفي.. لا .. الى هنا و حدك.. انا ما جيت من الشارع عشان اسمع حكيك و انطم.. اسمعك تحكي فيني بالشينة و اقول ما يخالف.. انا رضيت فيك بكل شيء .. بكل شيء و جيت معاك.. ما زعلتك من اليوم اللي جيت فيه بيتكم.. بالرغم انك ما قدرتني.. وراء ذلك كله تطلع جايبني من بيت بابا عشان تهيني.. ماهي قدك يالذيب.. ماهي قدك.. عماد يستند ع الباب ويناظرها : ما مليتي.. اسلوبك الزفت هذا يبي له اعادة تأهيل.. كم مره من جيتي كلمتيني عن انهار..؟!! وعد : عشان تعرف اني شايفة و ساكتة.. بالرغم من هذا ما حطيت لي قدر.. عماد : اسمعيني زين.. انتِ اخطيتي.. و حكيي ضريبة خطأك.. انتِ يوم تخبيتي بيت عمك مشاري و انتِ ما تعرفينة ما حطيتي لأبوك القدر اللي تدورين عليه الحين.. ما حطيتي اخوانك بين عيونك و فكرتي فيهم.. و لا عبرتيني انا و لا كنك على ذمة رجال.. و رجعتي يوم طخت براسك و تبين كل شيء يقولك يا هلا فيك و الله ما نشوف خطاك..؟!.. وعد : بابا اللي تكلم عنه انت ما غيرك اللي حط الأوهام براسي.. انت ما غيرك اللي قلت لي ان بابا رماني.. انت ما غيرك اللي علمتني انه ملك لك علي.. انت ما غيرك اللي زرعت بداخلي ان بابا و اخواني ما يبوني.. و انت بترميني بعدهم.. اقسم بالله يا عماد.. ما ابي اكبر الموضوع و اسويها مشكلة كبيرة .. ان كان ابوك بيحل اللي بينه و بين بابا بزواجنا .. و الله لأزيدة نار و اعلمهم على كل شيء.. اعلمهم انك ضربتني.. و اعلمهم انك غصبتني على شيء ما ابيه.. و اعلمهم انك قلت لي بابا تخلى عني وما يبيني.. و انت بس تنتهي القضية بترميني.. و حزتها شوف ويش ممكن تكون العلاقة بين الأثنين.. اما داخل .. ما كانت الحالة اهون بكثير من برا.. يضلون عامر و ابراهيم لا تقابلوا مستحيل يتفقون.. عامر : يعني تبيهم يتطلقون..!؟! تبي يكون بيننا طفل ضايع..؟! ابراهيم : و الله اللي وصلنا هالمواصيل انت ادرى مين.. طاوعتك يا عامر عشاني ما ابي مضرة اخواني.. و عطيتك بنتي لولدك.. لكن و رب الكعبة انت تدري اللي يدوس لي على طرف ويش ممكن اردها له.. انا قد ما اقدر اخذ الموضوع ببساطة.. لو بحط للي بيني و بينك اعتبار اقسم بالله ما اخليها على ذمة ولدك من اول يوم اخذت فيه الاوراق.. و انت تدري اني اقدر اطلقها لاني زوجتها بدون رضاها.. اقدر اخليها تطلق بسهولة منه.. لكني مشيت الموضوع لان الظروف اللي مرينا فيها ذيك الفترة ما خلتني التفت لك.. و الحين رديتها لولدك عشانها راضية.. لكن اقسم لك بالله لو ماهي راضية ما خليتة يشوفها.. ثم توصل فيكم الحين تهينونها بشرفها..؟! ليش ما وراها والي..؟! ما وراها اهل..؟! و الا عشاني سكت لكم كم مره تحسبون انكم قادرين عليها..؟! بالرغم من كل شيء صار انا للحين حاط لكم قدر و قيمة.. لك و ولدك.. عشان الروح اللي سعيت لها تكون بيننا.. غازي حط يده على كتفة ابراهيم : استهدي بالله يا ابو سعود.. صلوا على النبي يا جماعة.. : اللهم صلي و سلم على سيدنا محمد و على آله و صحبة آجمعين.. غازي : مشاكل عيالكم ان تدخلتوا فيها اثنينكم و الله بتزيد ما تنقص.. انتم اصلا متحفزين ضد بعض.. الموضوع بيزيد و الله ما بيتهون.. خلوني انا احلها بينهم.. ابو سعود : لاا.. بنتي ما احد يتدخل فيها يا غازي.. وعد ما تنغصب على شيء ما تبيه و ان بغت الطلاق بتناله.. عامر : و عماد ما يطلق لو ما بغى يا ابراهيم.. و بنتك حلالة و ما احد يرده عن حلالة.. ابو سعود : ماله عندنا مره.. له عندنا طفل يشوفه لا جاء على هالدنيا .. و ما له عندنا غيره.. عامر : مرتة .. بنت اختنا .. ما يحق لك تمنعة منها.. الطلاق بيدة هو مو بيدك انت.. و الشيء اللي لازم تنتبه له ترى بينهم طلقة وحدة قبل.. لا تخلي عصبيتك تعميك عن الصح.. ابو سعود : ماني ناسي عشان تذكرني.. و عصبيتي ما جات من فراغ.. لو ولدك قدرها و احترمها ما عصبت.. و فوق هذا كله انت و ابو شوق ما تدافعون عنها.. لو هي بنتكم ما رضيتوا عليها.. عامر : وعد بنتنا يا ابراهيم.. غازي : استهدوا بالله .. عيالكم ببداية حياتهم.. شيء طبيعي بيننهم مشاكل.. و هم لو شافوكم على ذا الوضع و الله مشاكلهم الصغيرة بتكبر.. لين ما توصل لكم.. وعمرهم ما راح يقدرون يديرون عيلة هم اساسها.. عماد بيتحفز لها عشان ابراهيم ابوها.. و هي بتتحفز له عشان عامر ابوة.. ما ينفع عيالكم يشوفونكم على خلاف بهالشكل.. اللي بينكم مجرد شغل خلوه بمكانة.. مهما كان عيالكم هم اللي بالساحة الحين.. ما ينفع تحاربون فيهم.. خلوهم يعيشون حياتهم و يأسسونها صح بينهم طفل حرام يعيش بين ام و اب كل واحد عايش ببيت.. و الطامة انج دانهم متهاوشين.. بيحس انه مشتت بين عيلتين.. لازم تنازلوا و تضحون.. مو انتم زوجتوهم لبعض عشان تهدأ النفوس بينكم...؟!! خلاص تنازلوا عشانهم.. تكفون لا تهدمون الحياة وهو توها ما انبنت.. ابو سعود اخذ نفس : استغفر الله العظيم.. بس هي كلمة وحدة.. بنتي لو بغت الطلاق ما راح اردها.. غازي : ما ينفع يا ابراهيم.. انا قايل لك بنتك تعبانة .. لا تخليها تقرر بحياتها الحين.. لو كلمتك بالطلاق اجلها الين تولد على الأقل .. اللي مرت فيها و مع الحمل الحين ما راح تقرر صح.. لا تخليها تتخذ قرار تندم عليه بعدين.. اجلها يا ابراهيم .. تكفى و الله بمصلحتها ماهو ضدها.. اصبروا عليهم.. ما تدرون ويش يصير بينهم.. ابو سعود اخذ نفس : يصير خير.. عامر مسك ابراهيم من ذراعة قبل لا يمشي : تدري اني بغيت اصلح اللي بيني و بينك بهالزواج.. خلنا نصلحة عشانهم.. اضغط على نفسك يا ابراهيم عشانهم.. عشان بناتك.. اللي ما يعرفن اختي.. تبكي عليهن كل ما جاء طاريهن.. نهى ما جاتها الا مره و لا عادتها .. او حتى كلفت ترفع الخط و تكلمها.. و وعد للحين ما نشدت عنها و يمكن ما تعرفها.. اختي متعبها بِعد بناتها.. و اكيد البنات يبن امهن.. عشانهن يا ابراهيم.. عشان اختي اللي كانت حلالك بيوم.. و عشان البنات اللي بيننا.. خل كل شيء يتصلح و ترجع المياة لمجاريها.. ابو سعود يسحب يده من يد عامر بهدوء : كذا بالساهل يا عامر..!!؟! بناتي ما عافن امهن الا من سواتها.. ما ابي الومها الله يحاسبها على خطاها ماهو انا.. و بناتي لا بغن الروحة لها و شوفتها ما رديتهن عنها.. يشهد الله علي ما اردهن عنها متى ما قالن نبي قلت لهن تم.. بس هن ما يبن.. لا وعد نشدت عنها.. و لا نهى تبي الرجعة لها.. غازي : طيب كلمهن.. احنا ما راح يتقبلن منا.. كلمهن انت يا ابراهيم.. وصهن على امهن.. و الله اختي حالتها شينة.. و هي اخطت ما احد ينكر.. بس الى متى ينحاسبها على خطاها ما يكفي انها انحرمت منهن 23 سنة.. كلمهن يشوفن امهن.. ما نبي منهن يخدمنها بشيء و لا يشوفن طلباتها .. بس اقلها يجلسن معاها.. بس ما نبي شيء زود.. ابو سعود : بكلمهن.. بكلمهن عشانهن هن هالشيء بينفعهن ما يضرهن.. لكن ماني غاصبهن على الروحة.. نسلم عليكم.. .. احمد : حاتم.. حاتم الورقة بين يديه ترجف و روحة خفيفة مثل الورقة ترجف معاها.. الخبر صدمة عليه.. انقلبت حالتة بكم قطرة دم اثبتوا فيها ان له عيلة.. عيونة ممتلئة دموع يقرأ الرموز الانجليزية.. خالد مد يدة وحطها على كتفة يضغط عليه : حاتم.. حاتم بصوت متقطع يلهث و كأنه كان يمشي من بعد ميــل : أنــ ــا .. أنــ ــا.. عنـــ ــدي أ..م... أ...ب.. عــيـــ ــلــ ـة.. أنــ ــا مـــ ــا ..لــ ــقــ ــيــ ــط.. احمد : استهدي بالله .. خذ نفس و استرخي.. انت اخونا يا حاتم.. و عندك ام و اب و عيلة.. لا تسوي كذا بنفــسك.. حاتم : أنــ ــا مــ ـــانــ ــي لـــ ــقــ ــيــ ـــط..!! وقف يلف في الغرفة فتح ازارير قميصة الأسود يحاول يأخذ نفس.. يحس الأكسجين كله راح.. راح مغادرة لمكان ثاني.. ظل يفتر بالمكان ضايع .. تايه.. منكسر.. سعيد.. حزين.. كل المشاعر موجودة لحظتها فيها شينها و زينها.. ماسك الورقة بيدينة و شاد عليها فيها حياتة .. فيها الباقي من عمره.. و الباقي منه هو.. او كله .. لانه مو معتبر نفسة عاش شيء و الا المجتمع معتبرة ما عاش.. ما كان احد بيذكرة لا مات.. و لا احد بيصلي عليه من اقاربة .. كلهم بيكونون فاعلين خير ما احد من اهله.. ما احد بيبكي عليه.. ظل يفتر بالغرفة و هو مو متخيل انه بيكون بين أسرة.. كل شيء فيه يرجف فرح..و فرج من ربي.. وقف ياسر و مسكة : حاتم.. حاتم عيونة حمراء .. : انا ماني لقيط.. ماني لقيط.. ياسر يحاول يهدية : بعيد عنك يا اخوي.. استهدي بالله وصلي على النبي.. حاتم يردد الكلمات .. : أخوي.. أخـوي.. أخــوي.. احمد : حاتم اذا ضليت على هالحالة مضطرين نعطيك مهدئ.. اجلس و ارتاح.. حاتم : ارتاح..! انا مرتاح الحين.. و الله مرتاح.. مرتاح انا ماني لقيط.. انا ماني ولد حرام مثل ما قالوا.. انا عندي اهل.. انا مرتاح و الله مرتاح.. اخوانة وصلوا لهالنقطة و وقفوا ماهم عارفين شلون يهدونة.. ويش يقولون له.. و كانه قارب على الجنون.. انتقل من حال لحال بفترة قياسية و هالشيء مأثر عليه ماهو راضي يهدأ .. يفتر بالمكان و يناظر الورقة.. خالد يهمس لأحمد : ويش نسوي..؟! احمد : بنادي ممرضين لازم ننومة .. ابيه يسترخي من الشد.. و ان شاء الله لا صحى يكون ارتاح شوي.. ممكن يكون له كم يوم مانام من اليوم اللي جيتوه فيه.. خالد : تهقى..؟!! احمد : ممكن .. انت شفتة يوم دخل علينا.. كيف وجهة تعبان.. و مع الخبر اللي قلب حياتة اكيد بيتأثر.. و انا اخاف عليه يزر عقلة.. خالد : خلنا ننادي عمي بندر.. احمد : اصبر انا ابيه ينام بعدين دق على عماني و سعود.. لاني مستحيل اكلم ابوي.. اخاف يصير فيه شيء.. خالد : طيب عجل يا احمد .. ياسر واقف جنب حاتم : حاتم.. تكفى يا اخوي لا تسوي بنفسك كذا.. و الله انك تجرحني بسواتك.. تكفى يا اخوي.. اركد شوي.. حاتم : انا صار لي 28 سنة راكد.. ابي اسوي كل شيء الحين.. كل شيء.. انا صار عندي اهل.. (مد الورقة لياسر) شوف صار عندي اهل.. صار عندي اهل.. مسكة ياسر و حضنة و استند حاتم على الجدار و جلس على الارض و جلس جنبة ياسر حاضنة.. ماهو متخيل ان عنده اخ يعاني من فقدتهم.. ماهو متخيل ان لهم اخ ما دوروا عليه من 28 سنة.. ماهو متخيل ان عنده اخ بعمرة كان المفروض يقاسمة كل شيء.. حاسة مثل النار تكوي قلبة و حاتم يشهق بحضنة مثل الطفل يبكي.. على كل شيء مر فيه.. على أبسط الأشياء اللي احتاج فيها احد من اهلة جنبة.. سواء حزن او فرح.. كلها تساوت عنده و لا تفرق.. ما عنده احد يحسسة بالفرق بين الاثنين.. كل المشاعر صارت مثل بعضها.. و يمكن اللي يصير فيه هالحين من الكبت اللي عاشة 28 سنة.. يمكن اول مره احد يحضنة من قرابة عشان يبكي بحضنة طفل صغير و ينسى انه دكتور.. احمد و خالد اقتربوا من الاثنين و جلسوا على ركبهم مقابلهم.. احمد : ياسر.. ياسر يأخذ نفس عشان ما تنزل دموعة رفع راسة وهو حاضن راسة حاتم عشان ترجع دموعه مكانها.. و تتخبى هناك.. وراء معالم الرجولة.. وراء ابراج العيب.. "دموع الرجال عيب تنزل" على العكس من حاتم اللي خلاها تنزل و استسلم لها.. ما احد رباه مثل ما ربى ياسر.. ما عنده الشخص اللي قوى عود ياسر عشان يقوى عودة هو.. و استسلم.. خالد : ياسر اذا انت بتسوي كذا كيف ابوي.. و كيف خالتي..؟!! ياسر ببحة الوجع على اخوة بانت بصوتة : ما سويت شيء.. تكفون خلونا نأخذه لها.. خلوها ترتاح.. خلوها تشوفة.. و الله ما اقدر ادخل البيت و انا ادري عنه و اشوفها تبكي عليه.. و الله خايف تشم ريحتة معاي.. أحمد : وكل امرك لربك.. الحين بنأخذة لبيت جدي.. و بنادي عمامي هناك.. و بنفهمهم الموضوع.. و هم يعلمون ابوي بطريقتهم.. و ابوي يعلم خالتي نوال.. ياسر بإصرار قاطع : اليوم.. اليوم تشوفة.. ما تنام الا وهي شايفتة.. احمد : خلك معاه دامه هدا و خالد يكلم سعود عشان يكلمون عماني و يجتمعون ببيت جدي.. خالد وقف و اتصل على سعود.. و أحمد مد يدة يمسح على شعر حاتم.. ما يدري ليش حاسة كنه طفل.. يمكن عشان ما عرفة الا كبير و خاطرة يرجع فيهم الزمن و يرجعونة طفل لهم و لا يتركون يعاني.. : حــاتم..!! حاتم : ............ أحمد : قول لا إله إلا الله.. حاتم وهو يشهق بين كل حرف و الثاني : لا.. إله.. إلا .. اللــ ــه.. أحمد : يا اخوي امر المؤمن كله خير.. ربي كتب لك تعاني الأول من عمرك.. لا تكدر و تزعل على شيء عشتة بالماضي.. تأكد ان ربي ما يكتب لك الا الخير.. ما يندرى لو عشت عندنا طلعت انسان شين ما تعرف درب الدين.. و الا عاق بوالدينك.. و الا ويش ما كان.. ربي كتب لك الخيرة .. يوم ابعدك عن ابوي و خالتي.. حط هالشيء بين عيونك.. و احمد ربك في السراء و الضراء.. حاتم : الحــ مــد لــلــ ــه.. احمد : الحمدلله .. الحمدلله الذي لا يحمد على مكروه سواه.. اقرأ شوي من القرآن .. حافظ شيء..؟! حاتم هز راسة.. : حافظ القرآن كامل.. احمد ابتسم : الله يجعلة شفيع لك.. و حجة لك لا عليك يوم القيامة .. يارب.. اقرأ يا اخوي طمن روحك.. خالد بتذمر و هو يدخل جوالة بجيبة : سعود سوا لي تحقيق.. يقول هو ببيت جدي و فيه عمي سعد و عمي عبدالرحمن و عمي مشاري.. بس الا يبي يعرف ويش فيه.. احمد : بيعرف الحين.. عاد سعود حِرق.. .. ابو عساف : ليش ويش عندهم اخوانك..؟! سعود باستغراب : و الله ما قالوا لي يا عمي بس اكدوا انكم تكونون فيه و ابوي لا.. ابو عبدالرحمن : اكيد انها بلوة جديدة من بلاويهم.. مين اللي كلمك..؟!! سعود : خالد.. ابو عبدالرحمن : ايه خويلد يمديم طاق له مرة ثانية من بلاد ثانية ماهو كل اسبوع طاق دربة شلالة من ديرة لديرة.. ابو عمر : يبه الله يهديك لا تحمق على الولد.. خله يجي و نعرف ويش عنده.. ابو عبدالرحمن : لو ان ما وراه الا شين ما حرص ان ابوه ما يكون فيه.. هذا هم عيال ابراهيم.. يسون البلاء من وراء ابوهم.. سعود : يبه الله يهديك .. ويش اللي نسوي البلاء من وراء ابوي.. ابو عبدالرحمن : ليش وخيك خويلد يوم تزوج ما كان من وراء ابوك..؟! سعود هز راسة وهو مدنق : ايه.. ابو عبدالرحمن : و وخيك الثاني يوم راح لأخيتة وهم محرصين علينا ما احد يقربها ماهو من وراء ابوك..؟! سعود : ايه.. ابو عبدالرحمن : خلاص اجل لا تردها علي.. ابو عمر ابتسم حس ان سعود توهق : يبه .. حمقت على سعود و هو ماله دخل.. لو نفترض الحين ان خالد غلطان تحط حرتك بسعود ليــش..؟! ابو عبدالرحمن : بلاه اكبر اخوانة وماهو قاضبهم.. و الله يا عيال ابراهيم .. انج بتوا المصايب لأبوكم لا انا اقضيكم و اعلمكم السنع.. سعود تمنى انه ما جاء هنا.. ومن قرادة حظة ما فيه الا هو من اخوانة وهو اللي اكل كل التهزيء.. جلست جنبة اسيل مسوية تعاطف معاه : حزنتني صراحة.. تبيني احول لك مسار الجلسة لين يجون اخوانك و ينقذونك.. سعود : تقدرين..؟! أسيل : افا عليك و انا أسيل بنت موضي.. اسمع بس.. (تكلمت بصوت عالي) : خالتي.. ما علمتي اخواني انك بتخطبين لأخوهم..؟! بنيدير.. بندر كان متكيي و مريح على الأخر .. بس فتحت السيرة أسيل نقز.. مسك الخدادية .. و رماها على وجهها.. : انتِ ما تكفيني من شرك..؟! أسيل تحضن الخدادية ببراءة و ترمش بعيونها : و انا ويش قلت..؟!! مو انت وافقت على انك تتزوج.. صح يا خالة و الا انا اكذب..؟!! ام عبدالرحمن : لا بالله بنتي ما تكذب.. مير ما نسيت.. بس اني ادور له على بنت الحلال للحين.. أسيل : و الله يا خالة شفت بنت بتعجبك.. ويش رايك تشوفينها.. تسيرين عليهم و أسير معاك.. أم عبدالرحمن تعدل لثامها : من هي بنتة..؟! أسيل : بنت عامر سلامة.. ابوها تاجر معروف .. ماشاء الله سمعتهم هذا زينها.. سعود ضربها على راسها خلها تدنق .. رفعت راسها بقهر منه : وجععع ويش قلت انا..؟! سعود : تعرفين مين عامر بن سلامة..؟!! أسيل : ويش دراني سمعت البنات يحكون عنهم.. مشاري : ترشحين بنت لأخوك عشان ابوها عنده خير..؟! أسيل تتفلسف : يعني انا قلت من نفس الطبقة الاجتماعية.. بندر : و وجعة ان شاء الله توجعك.. مين قالك ابي وحدة (يقلد طريقتها)من نفس الطبقة الاجتماعية.. ابي وحدة من الطبقة الكادحة.. أسيل بحماس تربعت : صدق و الله ما عندك مانع تزوج وحدة فقيرة..؟! بندر : ايه عادي وين الاشكالية بالموضوع..؟! أسيل : اجل عندي.. عندي و انا بنت موضي.. قول لي بس مواصفاتك.. بندر يرجع يتكي و ببرود يحطمها : لا سوري ما اثق بذوقك.. أسيل فتحت عيونها : نعــــم..؟!! ايه نسيت انت تبي وحده تعرف بالاستايلات.. و الانتيكا..و الموضة.. و المكياج.. و تكون من الطبقة الكادحة روح حك مصباح علاء الدين يمكن يطلع لك بنت على مواصفاتك يا كلب كنت بساعدك.. مالت عليك.. عبدالرحمن : و بعدين مع هالنقار بينكم.؟! بكل جلسة متهاوشين..؟! سكت الاثنين ما علقوا .. فعلاً بكل جلسة لازم يقلبونها هواش و كل مره واحد يهاوشهم مره ابوهم مره ام عبدالرحمن و مره ابراهيم و مره عبدالرحمن و لا يعتبرون.. يرجعون يتهاوشون و على اتفة الاشياء مستقعدين لبعض.. لو على كاسة مويا.. عبدالرحمن : عاد ياليتكم صغار.. (يأشر على بندر) اللي كبرك عيالهم شباب.. بيزوجونهم.. و أنتِ (يأشر على أسيل) اللي كبرك عيالهم بالابتدائي.. أسيل فتحت عيونها بصدمة : ابتدائي..؟! عبدالرحمن بحدة : ايه بالابتدائي.. ليش منصدمة.. أسيل تحاول تلطف الجوو : الابتدائي اخوي شكلك ما تعرف كم عمري .. انا عمري 18 الله يسلمك .. و الله يعني اللي قدي ما تزوجوا الا اذا اهاليهم معقدين و يزوجون بناتهم بدري.. عبدالرحمن : اجل معنسة انتِ عندنا.. بندر انفجر ضحك : ههههههههههههههههههههههه .. روحي لقطي وجهك.. أسيل بقهر تناظر عبدالرحمن : شفت خليته يضحك علي.. يعني انا عانس.. هذا تفكيرك انت السقيم اللي من أيام الجاهلية.. هذاك اول يوم يزوجون البنت صغيرة.. ماهو الحين عشان تكلم علي و تخليه يضحك علي.. عبدالرحمن : يعني انتِ ما همك بالموضوع الا ان بندر ضحك عليك.. أسيل : ايه .. هذا اللي هامني كيفي.. ام مشاري : أســـيل.. عيــب.. اخوك الكبير حسبة ابوك.. أسيل : و الله ابوي ما يقول لي عانس و انا لسى بريعان شبابي.. بندر ما مسك نفسة : هههههههههههههههه عيديها تكفين عيديها.. ريعان شبابك.. أسيل : تبـــن بوجهك.. و الله لا اذبحك.. عبدالرحمن : بنـــدر خـــلاص.. : السلام عليكم.. : وعليكم السلام.. سلم ببرود مثل دايم.. الى الآن ما اعتاد الوضع.. اكثر شيء يسوي انه يجلس معاهم عشر دقايق و يطلع.. يسلم ببرود.. عشان امه مكلمتة.. مو عشان ابوه او عشان واجب عليه.. ابو عبدالرحمن : وينك ما شفتك اليوم.. راكان : مشغول.. أبو عبدالرحمن : والشغل كل يوم.. وين دراستك..؟! راكان : اعتقد اعرف مصلحة نفسي.. يوم كنت طفل ما وجهتني بتوجهني يوم الشوارب خطت بوجهي.. عبدالرحمن بحدة : الزم حدودك يا راكان.. ابوي ما ترد عليه بهالشكل.. احنا كلمنا بأي طريقة تبي و لا تجلس معانا ان بغيت.. بس ابوي تحترمة.. راكان : و الله انا ما اسوي شيء ما ابغية.. و ما قلت شيء غلط.. الحين يسألني عن دراستي.. وينه عني من سنين..؟! و الا خلاص يوم كبرت عشان يقول لي كلمتين صار سوا اللي عليه و انتهى دورة.. عبدالرحمن : اللي صار صار.. و حكيك بالموضوع ما هو مقدم و لا مأخر شيء.. لازم ترضى باللي انت تعيشة هالحين.. سوو اللي تبيه بس حدودك بالاحترام ما تخطاها.. ترى مستعدين نربي من جديد و نطلع رجال.. ما احنا عاجزين.. انتفض راكان بحدة : و الله متربي احسن تربية.. اذا فيك شدة حطها بعيالك.. ما يخصك فيني.. عبدالرحمن احتد صوتة : ترد علي انا بهالشكل..؟!! راكان : و الله تتكلم على تربيتي اكيد برد عليك تحسب اني بسكت لك عشانك اخوي الكبير.. لا ترى ما عرفتك اخوي من مدة ما تجي لها حتى شهر.. لا تحسب اني بسمع كلامك و احترمك و انت تحقر فيني.. انا ماني واحد من عيالك يسمع سبك له و يسكت عنك.. اصحى انا راكان.. راااكان.. عبدالرحمن بحدة : و الكوووبة.. يوم هاذي علومك.. تعرف اني اخوك الكبير و هذا حكيك معاي..؟! انت اللي تخلي الواحد يحقرك.. ما فيه رجال بالدنيا ينكر فضل ابوه حتى لو ما سوا له شيء بحياتة غير انه اعطاه اسمة.. و انت اكل شارب نايم صاحي و ماسح يدينك بالجدار و لا تشكر.. و بكل جلسة تحاكية من طرف خشمك.. هاذي التربية اللي تحكي عنها..؟! هاذي الأصول و هذا اللي درستة..؟! راكان : السموحة و الله ما تعلمنا عدل مثل مدارسكم.. تعرف مدارس فقراء.. و اصول فقراء.. ما نعرف الأصول الزينة مثلكم.. مشاري : راكــــان.. ام مشاري : يمه ويش بلاك مشتط.. اخوك ما يبي الا مصلحتك دنيا و دين.. راكان : مصلحتي..؟! يمه تضحكين علي..؟! مصلحتي وينه عني يومني صغير.. و ينه عني يومي كنت احتاجهم.. وينه عني يوم كنت اراقبهم من بعيد اشوف ابوي معاهم طالعين مع بعض من صلاة الجمعة...؟! وينهم..؟! يمه مصلحتي الحين يومني كبرت..؟! وينهم يومنا صغار..؟! الحين تبونا نتقبلهم وما كن شيء صار..؟! و كن ابوي ما اخطأ بحقنا..؟! و كل شيء يمشي عادي..؟! هم يتكلمون علينا عشانهم ما حسوا بالنار اللي حرقتنا... ما وطووها و حسووا فيها.. يتكلمون وهم بالظل و البراد.. يطالبونا نسوي شيء هم ملزومين يسونة.. هم اللي اخذوا منه ومن حقة انهم يعطونة.. بس احنا ما اخذنا.. ما اخذنا شيء.. كانوا داخلين بيسلمون بس يوم شافوا الوضع سكتوا و اخذوا وضعية المتفرج.. ماجد و فيصل.. ابو عبدالرحمن : ويش يرضيك يا راكان..؟!! راكان : قول لعيالك مالهم دخل فيني... انا حر بنفسي.. لو يشوفوني ارمي نفسي بالنار مالهم دخل فيني.. لا تطالبوني بشيء و تبوني اعطيكم اياه من طيب خاطر.. ماني ملزوم اعطيكم.. و طلع من بينهم منقهر.. عبدالرحمن : ماجد الحق عمك لا تخليه.. ماجد : تام ريبه.. و خرج وراء .. يمشي بسرعة .. مسكة قبل لا يدخل سيارتة الجديدة موديل السنة هدية من ابوه : عمي.. عمي.. راكان التفت بحدة : ارجع داخل ما ابي احد يلحقني.. ماجد : ما راح اخلي كانت معصب.. تكفى يا عمي ترانا نبيك... لا تهور و تسوي بنفسك شيء.. راكان : توني ماني قايل لا تشوفني رامي روحي بالنار ما يخصكم.. ماجد طنشة و اتجه لباب الرديف و ركب من غير لا يرد عليه.. ما راح يخليه لحالة.. راكان ركب .. وصك الباب بقوة وهو يناظر بماجد : انزل.. ماجد : ماني نازل.. قلت لك ما راح اخليك.. احنا نبيك حتى لو ما تبينا.. راكان : مــــاجد انزل... ماجد يسترخي على المرتبة بهدوء : سوري ماني نازل.. راكان : طيب.. اقسم بالله تفتح فمك بكلمة يا ويلك لا افتح الباب و أرميك منه فاهم..؟! ماجد : فاهم.. بس روق شوي.. راكان : ما يخصك.. اما داخل البيت ما زال النقاش قائم.. ام عبدالرحمن : الله يهديك كان لازم تعصب فيه و تخليه يطلع حمقان..؟! عبدالرحمن : يمه .. راكان يغلط و احنا نسكت.. الى متى.. لازم له احد يوقفة عند حدة.. مشاري : ما عليش يا اخوي.. بس كم مره قايل لكم هالاسلوب ما ينفع مع راكان.. بيعند و يسوي اللي براسة.. مرده يرجع و يندمج مع العيلة وما كنه شيء صار.. بندر بسخرية : يعني ندلعة حبتين.. خله يغلط و قوله شاطر حبيبي .. عيدها مره ثانية.. مشاري بحدة بسيطة : ما قلت كذا.. لكنه هو للحين متحسس من اللي صار و لا احد يلومة.. ما ينفع على أي كلمة تستقعدون له و تهاوشونة.. هو يعرف ان ابوي اللي قدامة ولازم يحترمة.. بس اعطوة الفرصة.. ترى كل ما جاء و قال لو كلمة عن خاطرة هب في وجهة واحد فيكم.. و يمكن الحين صار يسويها عناد عشانكم فيه.. لانه يبي يعلمكم ان هو شيء و انتم شيء ولا لكم دخل فيه.. و انتم اكيد ما تبون هالشيء.. خلوه براحتة.. لا تستقعدون له.. عبدالرحمن عصب على مشاري : ايه ما خلاه هالشكل الا تعاملك معاه.. ما شديت عليه و خليتة يعرف علوم الرجال.. مشاري : راكان متربي و عارف ويش له ويش عليه.. ومن حقة يثبت وجودة و لا تهمشونة و تمشون كل شيء على كيفكم.. عبدالرحمن رفع حاجبة : اشوفك انت بعد حولت علينا..؟! مشاري : ما حولت و لا شيء.. بس انتم تبون تعيشونا على اللي انتم عشتوة سنين.. و احنا نبي نعيش على ما عشناه احنا من سنين.. اذا انتم متفشلين ان عندكم اخوان فقراء عادي بنرجع مكان ما جينا .. لان هالجية جات ماهو برضانا.. أبو عبدالرحمن : افااا و انا ولد ابوي.. و انا اللي شاد الظهر فيك بتعقل اخوانك اثاريك مثلهم..؟!! مشاري : يبه ما ينفع تدمج عيلتين ببعض كل وحدة فيهم تربت على حياة معينة.. احنا تربينا غير اخواني.. و اخواني كبار و لهم الحشيمة.. بس هذا ما يعطي لأحد فيكم الأحقية انه يعطينا الأوامر و احنا ننفذ.. انا ما يعجبني كل ما بندر شاف اسيل تهاوش معاها.. و راكان كل ما شفتوه استقعدتوا له على اتفة الأشياء.. كل مره يطلع معصب و كل مره نعيد نفس الكلام.. سعد : يعني ويش يا مشاري..؟!! تبون تبرون مننا..؟! مشاري : ما قلت هالشكل .. لكن يضل لنا خصوصيتنا.. اخواني انا اتولى أمرهم.. و ياليت ما عاد احد يضايقهم بشيء.. عبدالرحمن : انت تولى امرهم..؟! ليش ما هم اخوانا احنا بعد.؟! : السلام عليكم.. : وعليكم السلام.. ام عبدالرحمن تحول مسار الموضوع بعد ما سلم عليها ولدها : زين جيت يا وليدي.. شوف عيالك ويش مغبرين.. ابو سعود جلس .. استغرب: عيالي..؟!! ام عبدالرحمن : ايه بالله .. من شوي داق خويلد على سعود يقول يبي عمامة و انت ما تكون فيه.. ابو سعود بهدوء : خير ان شاء الله.. ابو عمر يهدي الموضوع يكفي الهوشة اللي من شوي : لا تحمق من الحين اصبر و شوف ويش عندهم.. ابو سعود : ماني حمقان.. فيني ما يكفيني.. ام عبدالرحمن : خير يا ابوي ويش فيك..؟! ابو سعود يفرك عينة اليمين و كأن الموضوع عادي : بس وعد متهاوشة مع رجلها و رحت اخذتها منه.. ام عبدالرحمن انتفضت بجزع : انا بنت ابوي بنتة... مأخذ بنيتك من بيت رجلها.. انا اشهد اني ما الوم عيالك يوم ضيعوا سلوم العرب.. ابو سعود مسك ذراعها يهديها : يمه اصبري لا تهاوشين.. ام عبدالرحمن : وشو ما اهاوش.. يا زينها و الله يا ابراهيم.. ماخذ بنيتك من عند الأجودي وهو اللي ما قصر معنا.. ما يكفي انه ساتر عليها.. ابو سعود : يمه تكفين.. اقسم بالله لو وعد تسمعك تقولين هالحكي عنها لا يصير فيها شيء.. فكوا عنها شوي.. خلوها تقوم على رجولها ماهو كل ما جات بتقوم يجيها من يكسرها.. ام عبدالرحمن : ما علي من خثاريدك هاذي.. ترجع البنت لرجلها.. ابو سعود بحزم : ماني عايفها.. لا قدرها عماد يدل دربها.. غير هالحكي ما عندي.. سعود : يبه لا تحكم على الموضوع منها .. اسمع منه.. ابو سعود : سمعت منه ومن ابوه و من غازي.. من العيلة كلها.. وما عندي استعداد اوقف معاهم ضدها.. و بنتي اصلاً ما غلطت عماد هو اللي غلط عليها.. عشان كذا ما راح اردها له الحين.. ام عبدالرحمن تهدي ولدها : يا وليدي ما يصير .. البنت مالها الا بيت رجلها.. و الحين بنيتك حامل تعيبينة.. تجيبها عندك خلها مع رجلها ويش بتحكي فينا الناس..؟! ابو سعود : يمه ما يهمني حكي الناس و عادي بنقول متوحمة في رجلها.. و عشانها حامل انا ابيها تكون عندي.. ما ابيها تضل عنده.. يمه و الله عشانها و عشانة و عشان ولدهم.. ام عبدالرحمن : انت هالتو مستخف ما تعرف الصح من الغلط.. ابو عمر : اذا رجلها راضي وهي باغية تجلس عند ابوها خليها يمه.. كم يوم والا كم اسبوع و تقول برجع لبيتي.. دخلوا و بيسلمون لكنهم تفاجأو بوجود ابوهم.. انتقلت انظارهم لسعود بسرعة و كأنهم يستفسرون ..؟!! قايلهم ماهو فيه.. يرجون يلقونة بوجههم.. ابو سعود بسخرية يناظر احمد و ياسر : تعالوا .. حياكم.. احمد و ياسر : السلام عليكم.. : وعليكم السلام.. ابتدوا بالسلام على جدهم و جدتهم و خالتهم ام مشاري و اعمامهم و جلسوا جنب سعود.. ابو سعود : وين خالد..؟! احمد : قريب.. شوي و بيجي.. ام عبدالرحمن بحدة : ويش مغبرين ما تبون ابوكم يدري عنه..؟! كانوا مستصعبين شرح الموضوع لاعمامهم بدون وجود ابوهم .. كيف يشرحون لأبوهم و ينحطون بوجه المدفع .. وهم اللي يبون اعمامهم يكلمونة.. احمد باستغراب : غبرنا..؟! ويش يمه..؟! ام عبدالرحمن : خويلد متصل يقول انكم تبون عمامكم و ابوكم ما يكون فيه.. هاه ويش وراكم من بلا..؟! احمد اخذ نفس وهو يلتفت من ياسر لجدتة : خير يمه.. كل خير ان شاء الله.. ابو سعود : دق على خالد قولة يجي الحين.. ياسر : ما يقدر يجي الحين.. عنده شغلة بيخلصها.. ابو سعود : انا ناغزني قلبي من التوافق اللي بينكم.. ويش عندكم يا ياسر..؟! ياسر : تكلم يا احمد.. أحمد يناظر ياسر : بتحطها براسي.. و ليش ما تكلم انت مو انت و خالد بديتوها خلاص كملوها... ياسر : كنا متفقين انت تحكي اول شيء.. و تفهمهم بعدين احنا نتكلم.. احمد : بس تغير الوضع الحين.. شلون بأبدا انا..؟! ابو سعود : يعني عشاني موجود ما تقدر تكلم.. اسمعوا انتم الاثنين ادري انكم جايبين لي مصيبة.. قولوا اسمع.. ياسر : تؤمن بالله..؟! ابو سعود انتفض : لا اله الا الله.. بندر : بلاها هالمقدمات ترى انحرقت اعصابي.. ابو عمر : يا عمي تكلموا قولوا ويش عندكم.. احمد : الموضوع كبير يا عمي.. و الله ما ادري شلون نقولة.. احنا كنا نبيكم انتم تحكونه لأبوي.. ابو سعود : قولوه انتم .. احمد لا تلعب باعصابي.. تكلم.. أحمد : يبه .. ربي يختبر عبادة بصبرهم على امتحانهم.. احيان يصير لاي انسان ابتلاء و ممكن يزعل الانسان لكن اكيد له خيره من الأمر.. ابو سعود يقاطعة : احمد لا تتكلم بهالمقدمات.. قول اللي عندك.. يــــــــــــــاسر.. ياسر يحاول يبسط الموضوع : خالتي نوال تدري ويش علاجها..؟! ابو سعود : مصدق اللي تقولة خالتك صح..؟! انا ماني قايل ما ابي احد يحاكيها بالموضوع .. ما ابيها تسترسل فيه وما تنساه.. قلت لكم تكلموا معاها بأي شيء عشان تنسى.. ياسر : يبه اخوي عايش.. اخوي دكتور يبه.. ابو سعود ما اهتم اللي توقعة ان ياسر مصدق كلام خالتة و بينقل له كلام : انت ما تفهم.. انا دفنتة بيدي.. خليت كلام خالتك يأثر على عقلك.. ام عبدالرحمن : جاين تغثون ابوكم بحكي صار له سنين.. الرجال ما يسمع لحكي الحريم لانهن يمشن وراء قلوبهم.. ابو عبدالرحمن : انتم رجال ينشد فيكم الظهر انتم..؟! المفروض تأخذون خالتكم لشيخ يقرأ عليها من وساوس ابليس تقومون تصدقون حكيها..؟!! سعود : منبه عليك انا يا ياسر لكنك ما تفهم الحكي.. و انت يا احمد ما قلت له ما يسوي شيء يزعل ابوي و يضايق خالتي.. تقوم تساعدة و تنبش وراء الأموات.. ابو عبدالرحمن : هالحين مسوين كل هذا عشان تدورون اللي يعور ابوكم..؟! تحسبون انكم بترضونة و ترضون خالتكم.. انتم بتخلونها تعلق بشخص مات.. وهي ما نستة عشانها شافتة قبل لا يدفنونة.. ياسر انقهر من سلسلة الهواش وقف بحدة وصل الموضوع لأنهم يشوفونهم رجال ما ينشد فيهم الظهر و بيتعبون ابوهم .. يعني يشوفونهم مراهقين و يمكن بزارين : يبه اخوي عايش شفناه احنا شفناه.. اللي عطوك اياه و دفنتة ماهو ولدك.. اخوي مرسلينة الدار كاتبين ان اهله ما استلموه.. كلهم سكتوا.. الملامح علقت.. يحاولون يستوعبون اللي انقال من ياسر.. احمد مسك ياسر : اصبر حبة حبة مو كذا.. ياسر : ما شفتهم هبوا فينا.. يحسبون ما ورانا سالفة.. يبه اخوي حاتم دكتور.. احنا سوينا التحاليل تطبقنا معاه بجينات الأب.. يبه و الله أخوي عايش.. ابو سعود ما علق.. ويش يقول.. لكنه الى الآن ما وصل مرحلة التصديق و لا قرب منها.. دفن ولده شلون يصدق حكيهم.. ابو عمر : ياسر .. احمد.. انتم عارفين ويش تحكون..؟!؟ أحمد : ايه ياعمي.. و خالد معاه الحين.. المستشفى لخبطوا بين الأطفال و اعطوا ابوي جثة ماهي لولدة.. و اخوي كاتبين ان اهله ما استلموه و سلموه لدار رعاية ايتام.. بندر بعصبية : مجانين انتم..؟! حدث العاقل بما يعقل..؟! أحمد : عمي.. اقولك مسوين التحاليل و متطابقين.. مشاري : طيب شلون يلخبطون مو كل طفل يكتبون اسم امه عشان اللخبطة..؟! ياسر : ايه .. و الطفل اللي مسجل بالأوراق باسم نوال بنت عيد سلموه لدار الرعاية.. ام عبدالرحمن : ياربي رحمتك... ياربي رحمتك.. ابو عبدالرحمن : لا اله الا الله ... لا اله الا الله .. كان يرجعون الأموات احياء.. لا اله الا الله.. ياسر : اخوي ما مات.. بس انتم صدقتوا انه مات.. سعود اتجه لأبوه وجلس جنبة : يبه.. ابو سعود : دفنتة.. و الله دفنتة..(رفع راسة يناظر اخوانة) كنتم معاي.. صلينا عليه و دفناه..؟! ابو عبدالرحمن : اذكر الله يا اخوي.. اذكر الله.. ابو سعود : لا اله الا الله .. فقدت ميار و فقدت وعد و اطلع فاقد لي ولد مطمن انه عند ربه ارحم مني فيه.. و اثاريني غلطان عايش بدار الله اعلم ويش عانا معاهم.. ابو عمر : الله لطف فيك يا اخوي.. يومك ما دريت عنه ربي رحمك.. ويش بيصير فيك لو كنت داري فيه و فاقد ميار .. و الله ما بتحمل الهم كله.. الله لطيف بعبادة و لطف فيك.. ابو عبدالرحمن : دامه رجال فالموضوع هين.. هين.. ام مشاري : ابو سعود.. اذكر الله يا يمه.. لا تضيقها على عمرك.. ويش أزين من انه يكون حي و تشوفة .. ان شاء الله بشوفتة بيهون عليك الموضوع.. ابو سعود : لا اله الا الله.. حاسها مثل القهر .. النار تشتعل بصدري من القهر.. كل هالسنين عادة ميت .. يطلع عايش.. كل راعِ مسؤول عن رعيتة و انا ضيعت رعيتي.. الله اعلم ويش تربى عليه.. ام عبدالرحمن : استغفر ربك يا يا ابوي.. ابو عبدالرحمن : ماهو بكيفك يا اخوي.. انت رجال مصلي مزكي حافظ دينك.. وما ضيعت عيالك و مربيهم عدل.. ربي كتب لك تفقد ولدك و ما تدري عنه.. ابو عمر : لو دريت عنه يعني بتتركة..؟؟! ما انت تاركة.. ربي ماهو محاسبك على شيء ماهو بيدك.. ابو سعود : اللهم لا اعتراض.. ما ادري ويش اقول.. ابو عبدالرحمن : ويش تقول بعد.. اخوانة الحين يجيبونة و تشوفة.. ابو سعود ناظر عيالة : وين خالد..؟! احمد : مع حاتم.. ابو سعود : اسمه حاتم..؟!! أحمد : ايه يبه .. و دكتور عظام.. أبو سعود : كلم خالد يجيبه الحين.. أحمد : ان شاء الله.. .. نهى تقرقر فوق راس وعد.. و وعد ماهي فايقة لها منسدحة و مغطية وجهها : فيصل حدد العرس.. احس اني خايفة يا وعد .. كان ودي اصارخ بوجه أبوي يوم قال لي.. و انقهرت انه وافق.. قلت طيب مو المفروض يشاورني يمكن ما يعجبني الوقت.. قالي كفاك اللي سويتية من سبع سنين.. و ياسر فتح لي محاضرة طويلة عريضة و عيب و قلة حيا و ما يلومة لو يأخذ على راسي مره.. ومن هالحكي لين كرهني بنفسي عشاني سألت هالسؤال.. وعد رفعت اللحاف بحدة : نهى تكفين و رب الكون اللي فيني مكفيني.. انا ما فيني اسمع لأحد.. و الله العظيم تعبانة .. تعبانة نفسياً و جسدياً.. خليني انام .. و لا صحيت اسمع كل مخاوفك و قلقك بس تكفين بنام ما حسبت اني طلعت من البيت.. نهى : وانا فرحت اللي جاية على الأقل تسمعيني.. ماني عارفة ويش اسوي بقي شهر ونص يعني لازم ابدأ اجهز.. وعد : روحي لندى.. انتِ و اياه عندكم نفس المخاوف من العرس.. انا ما عشت هالشيء ما اقدر افتيك .. على طول طبيت فيه من غير الخوف و القلق اللي تحكين عنه.. اخر وحدة ممكن تنصحك هي انا.. لذلك روحي لوحدة عاشت التجربة او تعيشها هالحين عشان تعاونون بعض.. ومينا زين شيء .. ندى .. روحي لها و احكي لها اللي عندك.. و جهزوا مع بعض بعد ويش تنتظرين.. نهى وقفت : مالت هذا و انا شايفتك شقيقتي .. تقومين تطرديني عشان بتنامين.. وعد : قدري اني حامل و لازم ارتاح.. و الا تبين ولدي يجي بس نايم كنه في سبات.. خلي امه تنام عشان يطلع نشيط.. نهى فتحت عيونها باستغراب : وين قريتها ذا المعلومة..؟! وعد : قريتها راسي.. بس انقلعي يالله.. و طفي اللمبات و سكري الباب معاك.. و قولي لهم لا أحد يصحيني.. نهى تكش عليها بيديها : مالت عليك .. طلعت و خلتها بالغرفة.. اما وعد ما حسبت تبي ترتاح و لا تفكر بأي شيء لا عماد و لا غيره و لا بالكلام اللي جاها.. بتندمة على اللي قالة بحقها.. بس لا جات حزتها مو الحين تضيع وقتها بالبكي عليه.. اما نهى طلعت من غرفة وعد لغرفة ندى فتحت الباب من غير لا تستئذن : ندى.. ندى جالسة على السرير و تكتب : فيه شيء اسمة استئذان.. نهى : اقولكم نفسيتي تعبانة تقولون شيء اسمة استئذان..؟! ما تحسون انتم وحدة تطردني و حدة تطالبني بالاستئذان انتم خوات .؟!؟ ندى : خير ويش بلاك..؟! ويش اللي متعب نفسيتك..؟! نهى : فيصل حدد العرس.. ندى : طيب ويش الجديد..؟! نهى : ما ادري قلقانة و خايفة و ما ادري شلون بجهز.. ندى : نجهز انا و انتِ مع بعض.. و اول شيء بكره بنروح نفصل فساتين.. نهى فتحت عيونها : اوووف على طول الفستان طيب ما نشتري ملابس.. ندى : السوق مو طاير .. و تبدين بالفستان لأنه هو اللي يأخذ وقت.. و بعدين لازم تسوين لستة تشوفين انتِ ويش بتشترين ملابس و جزم الله يكرمك و شنط و غيره.. نهى : طبعاً بشتري كل شيء اشوفة و يعجبني.. ندى : ليش فيصل معطيك المهر شيك مفتوح..؟! .. ما ينفع لازم تقسمين المهر.. نهى : عادي اللي بينقص بأخذة من ابوي الله يخليه لي.. ندى : نهى ويشه التفكير..؟! هذا مهر تخيلي مجهزة اشياء كثير فيصل اصلاً بيعرف انك مأخذة من عند ابوي و بيزعل .. بتخلينه يحس انه قصر عليك من اول حياتكم و كأنك تقولين له ما قدرتني.. ما اقولك لا تأخذين من عند ابوي.. بس شيء بالمعقول.. يعني نقصك الفين خمس ان شاء الله عشر .. بس عاد مو تفسفسين الفلوس على أشياء ما تحتاجينها و كثيرة و بنفس الوقت ما راح ترضين فيصل.. نهى بحيرة : ضيعتيني كذا..؟! ندى : بالعكس ما ضيعتك .. انتِ و شلون مفكرة تقضين..؟! نهى : بصراحة مفكرة اروح السوق و اللي القاه اخذه سوا ملابس او اجهزة سشوار و غيره او مكياج او عطورات يعني كل شيء.. ندى : غلط.. كذا ممكن تشترين شيء ما تحتاجينة.. لازم تجيبين و رقة وقلم و تكتبين ويش بتشترين.. لان اذا مشيتي على طريقتك ممكن تنسين شيء مو ممكن الا اكيد بتنسين.. لكن اكتبي كل شيء و كم ناوية تشترين منه و كم الميزانية المتوقعة تصرفينها فيه.. نهى عقدت حواجبها : طيب انتِ سويتي..؟! ندى : ايه و تقريباً مخلصتها .. بس ابحث بالنت اذا لقيت شيء مو كاتبتة اكتبة .. اما باقي البنات.. سها : ياناس باطة كبدي .. فشلتني قدام الكل.. جود : لو مني منك كنت توطيت ببطنها.. سها : قهرتني حاطة دوبها من دوبي.. كني داخلة الجامعة على حسابها.. جود : متخلفة انتِ متخلفة ما تعرفين تصرفين.. لو انك شقردية دخلتي اصابعك بعيونها.. هذا اللي ناقص تكلم عليك.. ميار : انتِ هيه لساتك على الثانوي لا تدخلين.. اسمعي سها.. الدكاترة بالجامعة لازم تكسبينهم بصفك.. اذا ما نفعتك ماهي ضارتك.. ترى فيه دكاترة كثير يمشون على العلاقة.. يعني علاقة البنت فيها.. اذا تعرفها و تحس لها وجود و كلمة بالقاعة تعطيها درجات.. انا مره وحده من زميلاتي عند دكتورة بس عشان ارسلت لها ايميل.. صارت تسأل عنها بالقاعة و البنت تروح لها وتسألها بالأخير اعطت زميلتي درجة اعلى مني بالرغم من ان انا امتز منها.. سها بضيقة : شلون اكسبها يا بنت الأدمية كارهتني .. بكل محاضرة تجيب طاري ابوي.. و دخولي الجامعة.. جود تربعت : طيب عندي فكرة ليش ما تكلمين أي دكتورة تكلمها تخف عليك.. ميار : انتِ هيه.. ما تعرفين مجتمع الجامعة لا تحكين.. غبية تحقد عليها زود.. لا تكلمين احد كلميها هي.. خصوصاً لو كلمتي وحدة اعلى منها انسي بعدها ممكن علاقتك فيها تصير زي أي طالبة بتستقعد لك للأخير.. سها : ميار و وجع ويش اسوي..؟! : سلام.. : وعليكم السلام.. جلست معاهم وهي مبوزة.. ميار : خير ويش فيك..؟! دانه تكتف يديها : خايفة..؟!! ميار تحط يديها على خدها بملل : شكلي بصير لكم فوزية الدريع احل لكم مشاكلكم.. جود تأشر بلا مبالاة على دانة : ما عليك خايفة من العرس هاذي.. مسوية فيها.. دانه فتحت يدينها و تحاول تفهمهم : صدق بنات بطق.. مره خايفة.. ميار تهون الموضوع عليها : ليش ويش مخوفك ترى ما انتِ اول وحدة تتزوج.. عندك خوات بسم الله عليهم وحدة تزوجت و ثنتين بالطريق و انتِ بتحلقينهم.. جود : و انتِ بعد ما يبقى الا انا و سها.. ميار بألم : انا مع وقف التنفيذ.. يااارب بس اسمع شيء يطمني عليه.. دانه : يارب يا ميار ربي يريح بالك و يطمن قلبك عليه و تفرحين يااااارب فرحة ما تنتهي.. ميار حضنت دانه : احبكككك.. جود : ما احد يدعي لي.. عموماً انا شكلي ببلط عند ابوي.. سها : و انا معاك لا تخافين.. جود : لا صدق صدق .. يعني مين بيأخذ وحدة عندها هبوط بالسكر.. المتعافيات ما انخطبن انا بنخطب..؟! ميار : اعوذ بالله ويش هالفال الشين.. ليش يعني المتعافية مضمون ما تمرض.. ترى انا اكره هالتفكير.. بعدين سعد عينة اللي بيأخذك.. جود : على اللي يفكر بالعرس.. بس ادعوا لي ادخل طب اسنان تكفون.. ما ابي الا هاذي.. سها : ضحكتيني ما فقدتي الأمل بعد وعد..؟! جود : لا.. بس اخلص اختبارات راح افاتح ابوي بالموضوع.. انا ابي طب يعني طب.. سها : اجلسي احلمي لين تدبغين على وجهك.. بس صدق عاد لو تزوجون كلكم و تجون تسيرون علينا.. بس انا وجود بالبيت نتدلع على ابوي.. ميار : ما ادري ليش ما انتم حاسبتني.. سها : نتفائل لك بالخير يا بعدي.. ميار : اذا كذا تمام.. جود : و ربي وناسة.. و اخواني بعد يتزوجون.. اونس و اونس.. سعود و احمد و ياسر و خالد.. نبقى بس احنا و مشعل و وليد و فارس.. سها بحماس : الله روووعة.. ميار : و وجع ان شاء الله لهالدرجة تبون فرقانا..؟! جود : الا صدق تهقون صبا توافق على ياسر..؟! سها : لا.. ميار : و لا انا.. دانه : حرام عليكم ليش ويش يعيبة ياسر يجنن.. جود : هاذي كل شيء عندها يجنن.. ياسر ما يعيبة شكلاً طاقة الملح حبة.. لكن الوسامة والجمال و لا شيء عند التعامل و الشخصيات.. صبا مره ناعمة و دلوعة.. و ياسر يكره هالشيء.. انتم تشوفون كيف وجهة ينقلب اذا سمعها تحكي لا اجتمعنا ببيت جدي.. كيف لو عاشت معاه ببيت واحد..؟!! ميار : لا يغرك.. ترى الرجال نوعين.. نوع من الأساس معترف ان الدلع يعجبة و يدور على دلوعة.. و النوع الثاني مثل ياسر يكره دلع الحريم لكن اعطيه يوم .. هه يومين ثلاث تلقينه طايح من طولة.. مع ذلك كون ابوي اجبر ياسر على صبا.. و بنفس الوقت ياسر ما يطيق صبا.. احتمالية اقامة زواج بهالشكل 1% .. دانه : اعوذ بالله ويش هالتشاؤم.. لا ان شاء الله ربي بيوفقهم و يتزوجون و يجيبون لنا عيال يجننون مثلهم.. سها : الحين مين جاب طاري التشاؤم و التفاؤل يا اختي هذا الصدق.. المنطق يقول كذا.. ياسر و صبا ما يجتمعون.. تذكرون صبا مره يوم قالت ان ياسر يخوف و معقد و الله يعين اللي بتأخذة..؟! جود : صدق و الله اتذكر يوم كنا بالمزرعة.. يعني اكيد بترفض ما فيها حكي.. دانه ترفع يديها : يارب يا حبيبي لا تكسر بخاطر اخوي و بنت عمي.. يارب تجمعهم على خير.. ميار : على أساس ان صبا رفضت ياسر بينكسر خاطرة.. الا بيرقص سامري من الوناسة.. جود : ههههههههههههههههههه حلوه ميار.. اتخيل ياسر يرقص سامري.. سها : عاد مو لايق ما يرقص غير وليد و مشعل.. اما ياسر و الا سعود.. ميار : سعود برقصة غصباً عنه يوم ملكتة.. بس اصبروا علي.. سها : امبيـــه تخربين برستيجة قدام شوق.. ميار : ما علي اهم شيء اشوفه يطق رقبة و يطلق العنان لسيقانة و يردح بالصالة.. جود : ههههههههههههههههه انتِ ما ادري ويش بلاك انتقائتك فضيـــعة عاد ياسر و سعود يرقصون.. دوري غيرها...؟! .. حاتم و الألم النفسي مبين على وجهه كل ملامحة تدل على التعب و كأن له فترة طويلة ما نام.. غير البكي اللي انهكة و الصراخ و مشاعرة الداخلية المكبوتة اللي ما ينفس عنها لا صراخ و لا دموع و لا غيره تضل بالخاطر ما تبان الا بالتعب الجسدي : يعني يبي يشوفني..؟! خالد : ايه يا حاتم.. اقرأ سورة الفاتحة و خلنا ندخل.. حاتم واقف على الباب ما انتبة للمكان اللي هو فيه .. مشاعرة معميتة عن كل شيء.. خايف يدخل وما يعرف ابوه.. و خايف ما احد يتقبلة بينهم.. خايف من حياة جديدة صارت معلقة.. بخيط رفيع جداً اذا انقطع بيطيح بهاوية مالها قرار .. : (بسْمِ اللَّهِ الرَّحْمَنِ الرَّحِيمِ _ الْحَمْدُ لِلَّهِ رَبِّ الْعَالَمِينَ _ الرَّحْمَنِ الرَّحِيمِ _ مَالِكِ يَوْمِ الدِّينِ _ إِيَّاكَ نَعْبُدُ وَإِيَّاكَ نَسْتَعِينُ _ اهدِنَا الصِّرَاطَ الْمُسْتَقِيمَ _ صِرَاطَ الَّذِينَ أَنْعَمْتَ عَلَيْهِمْ غَيْرِ الْمَغْضُوبِ عَلَيْهِمْ وَلاَ الضَّالِّينَ).. يارب ارحم ضعفي.. يارب اني وكلت امري اليك و أنت نعم المتوكلين.. لا إله إلا أنت سبحانك إني كنت من الظالمين.. خالد : حاتم لا تقلق و لا تخاف .. الحين بتشوف ابوي و عماني و جداني و اخوي سعود الكبير.. حاتم : ما اخاف..؟!! الا احس روحي بتطلع من صدري.. خايف لا ارجع لدروبي من سنين.. و خايف من حياة جديدة كنت اتمناها من سنين.. ما ادري اقدم رجلي و الا ارجع وراء و لا عاد ارجع.. : انتم هنا.. التفتوا لياسر اللي فتح الباب كان خارج ينتظرهم برا .. خالد : تعال اسمع متردد.. ياسر : ويش اللي مرددك.. هنا اهلك و عيلتك و بيتك الشيء اللي لازم تعيشة من سنين.. متردد و لا خاطرك تشوفة..؟! ما ودك تشوف ابوك اللي انظلم يومه اعطوة جثة ماهي جثة ولدة.. ما ودك تشوف امك اللي ما صدقت موتك و بكت عليك سنين.. ما ودك يكون عندك اهل و اخوان و عزوة تلجأ لها لا تسكرت البيبان بوجهك.. ما ودك يكون لك ظهر يحميك و تستند عليه..؟! حاتم : ما احد يعرف ويش كثر ودي في هالأِشياء و اشياء اكثر .. ويش كثر احتجتها و لا لقيتها .. ويش كثر تألمت عشانها ماهي عندي و اشوفها عند الناس.. الناس اللي يشوفوني اقل منهم.. لين وراء اساميهم اسم اب وجدة و قبيلة.. و انا ما عندي الا اسم واحد.. ياسر : ما اقدر اخفف عليك.. لأني مهما قلت ما راح اقدر اواسيك .. لكن كلها ان شاء الله بتنتهي و تصير من الماضي اول ما تخطي خطوة داخل هالبيت.. قول بسم الله و ادخل.. حاتم ينقل نظراتة بين خالد و ياسر.. أي عذاب نفسي يعيشة الآن ما احد راح يقدر يحس فيها.. مهما حكاه و تكلم فيه.. يحس روحة بين السماء و الأرض.. لكنها روح مخنوقة.. مخنوقة ما تقدر لا تكمل و توصل السماء و لا تنزل للأرض.. عيونه تحكي ضياع يعيشة و هي تنتقل بتشتت بينهم.. بين الاثنين اللي قلبوا حياتة فوق تحت.. ياسر مسكة من ذراعة و شدة لداخل.. و لان حاتم ما كان ثابت على الأرض دخل معاه باستسلام و لا استوعب انه خطى اول خطوات بحياة جديدة.. كان الجو هاديء على غير عادتهم.. ساكتين ينتظرون اللي حكوا عنه أحمد و ياسر.. ما بين امل و فرحة و اكيد حزن و زعل.. مشاعر متضاربة خصوصاً ابوه.. كان متألم داخلياً تمنى لو سمع كلام ام ندى كان بينهم من سنين.. ما كان عاش بدار ايتام الله اعلم مين رباه فيها و على ويش رباه..؟! : السلام عليكم.. قالها ياسر و خالد.. اما حاتم ريقة ناشف و لسانة يابس ما قدر ينطق الحروف حتى بالهمس.. ما قدر يقول شيء.. وهو يشوف قدامة اشخاص ساكتين ما عدا مرأة كبيرة تردد ذكر الله بالمجلس.. شاف بنتين و حرمتين كبار و الباقين شايب و ثلاث رجال كبار و خمسة شباب.. و حرمتين كبار و بنتين.. "ابو عبدالرحمن .. ابو عساف.. ابو عمر.. ابو سعود.. بندر .. مشاري.. سعود.. أحمد.. فيصل.. ام عبدالرحمن.. ام مشاري.. أثير .. أسيل".. ابو عبدالرحمن وهو يلمح ازوالهم و بعض من ملامحهم بسبب ضعف النظر : الله اكبر.. لا اله الا الله.. ابو سعود وقف .. ماهو مصدق.. الشخص اللي دفنة صغير .. يطلع عايش و يشوفة قدامة رجال كبير شواربة خطت على وجهة.. يدقق فيه له ملامحها.. ملامح نوال.. فيها منها كثير.. اخذ نفس.. وهو يناظر يتخيل لو شافة قبل هالمرة بأي مكان و انتبه للشبة ويش بيسوي..؟! و لو هي شافتة بأي مكان ويش بتكون حالتها..؟! حالة من الضياع ما تباعد ولدة لكنه كان اثبت من ولدة بكثير.. لأسباب كثيرة اولها ما درى ان ولده عايش الا من كم دقيقة ما تجاوزت حتى الساعة عكس ولدة اللي من وعى على الدنيا وهو مستوعب انه بدون اهل.. و ثانيها التربية اللي بينهم.. و الفوارق كبيرة بينهم.. عشان هو يكون قادر على السيطرة على التشتت بداخلة.. عكس ولدة اللي الدموع غرقت عيونة.. و كأن جسدة بينفس عن ضياعة.. حاتم ما يشوف الا اشخاص بعضهم واقفين و بعضهم جالسين.. الدموع معمية عيونة.. ومو بس دموعة كل مشاعرة الداخلية مخليتة ما يشوف عدل و كأنها تقول لا تصدق و لا تفرح .. و يمكن لو يطلع الحين و يشوف واحد فيهم برا ما عرف ملامحة.. ما يشوفهم.. ما يشوف الا نفسة بوسط أشخاص يقال لهم عيلة وحدة.. اكثر شيء زاد ضياعة وهو ماهو ناقص شوفتهم كا عيلة وحدة شوفتهم مع بعض كلهم.. الشيء اللي كان يتمناة.. شافة و ضاع.. اول من تحرك هو احمد يمكن لأنه حس بحاتم.. : حاتم .. تقدم .. (آشر على أبوه) هذا ابوي.. تعال سلم.. ما تحرك.. ولا خطوة.. رجولة انغرست بالأرض و رافضة الخروج.. عكس دموعة اللي تنهمر من عيونة.. ماهو قادر يتحكم بجسدة.. يدة ما زالت بيد ياسر.. تمنى يشد على ياسر و يفهمة.. يفهمة لأنة قال له انه بنفس عمرة.. بس اخوان من الأب .. قالة انه متألم عشانه لقى كل شيء و كل شيء لقاة المفروض ان حاتم يقاسمة فيه.. لكن ياسر عاش عند ابوه .. و حاتم عاش في دار رعاية و افترقوا و اكيد اختلفوا.. .. لا إله الا أنت سبحانك إني كنت من الظالمين.. لا أحلل نقل الرواية دون ذكر اسمي.. هاشتاق #رواية_لو_سألتي_الورد ضحكة قهر.. |
رد: لو سألتي الورد وهو ما بين إيدك أقطعك بيقول لك عمري فداك الكاتبة / ضحكة قهر
بسم الله الرحمن الرحيم.. السلام عليكم ورحمة الله وبركاتة.. مساء الخيرات.. بداية .. ادري مطولة عليكم و ادري ان فيه ناس متضايقة من بارت في الاسبوع.. بس ان هذا اللي طالع بيدي هالفترة و بحاول اغيره لا بدت الدوامات متأملة ان شاء الله.. ثانياً كنت متوقعة اني انزل البارت الصباح مثل البارتين اللي فاتوا لكني انصدمت امس ان البارت طار وباقي ست صفحات بس..؟!! تضايقت حيــل و اكتئبت.. صرت كل ما اكتب كلمتين اترك البارت من القهر.. بس الحمدلله ان شاء الله اكون عوضتة ببارت جميل.. و ان شاء الله بيعبجكم.. و الله ضغطت على نفسي و ما نمت للهالحزة عشان خواطركم.. لاني ادري بصحى متأخر و أنا واعدتكم بيوم الاثنين ما ابي اخلف بوعدي معاكم.. و ادري تنتظرون البارت من زمان.. بصراحة البارت يحزن.. و نزلت دموعي كم مره.. على حاتم و امه و وليد.. يالله بصيح من جديد.. لا تنسوني من دعواتكم.. و غضوا الطرف عن الأخطاء الاملائية.. حاسة ان البارت بيكون فيه تشتت بس ان شاء الله لا لاني كاتبتة و طار و رجعت كتبتة.. طارت عليكم اشياء كنت كاتبتها بس ان شاء الله ترجع بالبارتات الجاية.. اتركم مع البارت.. البارت الخامس و الثلاثون.. من كثر ما أحبه و أحب أتبع خُطاه ما كنّ أحد عنده أبو .. إلا : أنا ..! لـ آدم دليم.. اول من تحرك هو احمد يمكن لأنه حس بحاتم.. : حاتم .. تقدم .. (آشر على أبوه) هذا ابوي.. تعال سلم.. ما تحرك.. ولا خطوة.. رجولة انغرست بالأرض و رافضة الخروج.. عكس دموعة اللي تنهمر من عيونة.. ماهو قادر يتحكم بجسدة.. يدة ما زالت بيد ياسر.. تمنى يشد على ياسر و يفهمة.. يفهمة لأنة قال له انه بنفس عمرة.. بس اخوان من الأب .. قالة انه متألم عشانه لقى كل شيء و كل شيء لقاة المفروض ان حاتم يقاسمة فيه.. لكن ياسر عاش عند ابوه .. و حاتم عاش في دار رعاية و افترقوا و اكيد اختلفوا.. ياسر ناظر حاتم .. اللي عيونة مركزة بمكان واحد.. قدامة.. و يناظر ابوه.. لكن الصح ان حاتم ما كان يشوف احد.. يسار قرب له : حاتم.. كان وده يرجع.. يحس هذا مو مكانة.. تربى بعيد ليش رجع هالحين.. ماهو قادر يخطي خطوة وحده لا وراء و لا قدام.. حاس الدنيا كلها كابتة على صدرة..ما يدري اذا الهواء يدخل و يتنفس و الا لا.. ما تحمل حاتم الوضع و طاح من طولة على الأرض قدامهم.. اول من استوعب ياسر و خالد .. بعدهم احمد مسك يده يتحسس النبض.. سعود : ويش فيه..؟! احمد : هو من اول تعبان.. عايش ضغط نفسي وماهو متحمل.. كلهم تجمعوا حولهم حتى ابو سعود اللي مصدوم.. ما امداه يفرح او حتى يستوعب انه عايش عشان يطيح قدامة.. بندر : خلنا نأخذة المستشفى.. احمد : بس يبي له يرتاح لان ضغطة منخفض.. له فترة ما اكل.. بندر : و انتم وينكم عنه..؟! ليش ما غصبتوه على الأكل..؟! خالد سحب مويا من على الطاولة.. : احمد امسك.. بندر : ما كنتم معاه صح..!؟ عشان كذا ما رديتوا..؟! سعود : شلون تخلونه..؟! خالد : هو ما يبينا ويش نسوي الا نجلس معاه..؟! فيصل : اهدوا ماهي حلوة يصحى على هواشكم.. هالشيء بيأثر عليه بشكل سلبي.. أحمد كان يصب شوية مويا بيده و يغسل وجهة حاتم .. : بسم الله.. حاتم حرك راسة لكنه ما فتح عيونة..؟ يفتح عيونة!! ما يبي يفتحهم يخاف ان كل شيء صار له حلم.. الاثنين اللي جوه و قالوا له ان امه خالتهم و ان هو اخوهم من ابوهم.. و النقاش اللي صار بينهم و التحاليل.. جلس بسرعة و دخل يده بجيبة.. من غير لا يناظر الأشخاص اللي حوالية.. يدور على شيء واحد بيتأكد منه.. "ورقة التحاليل" خرجها من جيبة يقرأها.. قرأها للمره الألف لكنه للحين ماهو مصدق.. احمد حط يده على ذراع حاتم : حاتم.. حاتم رفع عيونة و شافة.. هذا اخوه اللي شافه بعد ياسر و خالد.. التفت يدور عليهم يبي يسألهم .. يبي يتأكد منهم ان اللي عاشة ماهو حلم.. اول ما التقت عينة بعين ياسر.. : صدق..!؟! احمد هو اللي تكلم : بسم الله عليك.. ايه صدق.. انت بين عيلتك يا حاتم.. شوف ابوي و اخواني و عماني.. يشوف..؟! ابو عبدالرحمن اللي جالس وراء و جنبة ام عبدالرحمن : ويش صار يا ابوي .. ولدك ويش بلاه..؟! الكلمة رنة بأذنة .. بغض النظر عن كون احد يسأل عنه ويتطمن عليه .. لكن كلمة ولدك هي اللي آثرت فيه.. مشاري : حاتم.. سمع صوت غريب ينادية.. اول مره يسمعة.. رفع عيونة عشان يناظر الوجية اللي اول مره يشوفها.. التقت عيونة بعيونهم كلهم .. لكنه يوم وصل عند ابوه دموعة نزلت.. نزلت من غير لا يحس.. يناظرة من غير لا يحكي.. يمكن العيون تحكي.. تحكي اعتذار من اب لولدة.. و الم عاشة الولد لأبوة.. جلس ابو سعود على ركبة عنده و مد يده حطها على كتف حاتم.. حاتم الولد اللي عاش 28 سنة في دار رعاية ايتام.. حاتم اللي عانا في حياتة من أبسط الأشياء .. الأشياء اللي الناس متوفرة عندهم ما حسوا بقيمتها.. ما حسوا بقيمة الشعور لما ابوك يعاتبك على غلطك.. ما حسوا بقيمة لما امك تكلمك تراضي ابوك.. ما حسوا بقيمة كل لحظة ضيعوها و اهلهم زعلانين لأنهم من وعوو على الدنيا وهم بين ام و أب.. ما فكروا بلحظة انهم ممكن يفقدونهم.. و لأول مره حاتم لجأ لحضن أب فقدة من زمان.. بكا .. حتى الدموع لا بمكن تعبر عن مشاعرة.. بكا حاتم وهو يزفر كل شيء على صدر ابوه.. شهقاتة ارتفعت بينهم.. نسى كل شيء.. كل شيء حتى العادات اللي تحرم على الرجال الافصاح عن مشاعرهم.. خلاص حطم الرقم القياسي بالكبت جاء الدور انه يفضفض عن اللي بصدرة.. : يـــ ــبـــ ــه..؟!!! << نطقها وهو ودها يجرب احساسها.. احساس اللي ينادي ابوه وهو عارف انه بيرد عليه.. عارف انه بين احضانة بأمان.. ابو سعود : آمرني يبه.. اطلب ما تبي.. حاتم : ابي تقولي اني ماني غلطة عمر ندمت عليها.. قول لي اني ماني منبوذ و امي ما خلتني.. قول لي ان .. قول انك ما تركتني برضاك.. ابو سعود شد عليه وهو يحس بألمة.. و كأنه يخرج من صدر حاتم و ينغرس بصدرة هو.. : يشهد الله علي يا حاتم لو اني شكيت واحد بالمية انك عايش كنت ما خليت بيت ما دورت عليك فيه.. لكنهم اعطوني الجثة قالوا لي ولد توفى.. دفنتة وهو ماهو ولدي.. ام عبدالرحمن بحدة : تفاول على ولدك انت.. استغفر ربك.. ابو سعود : استغفر الله العظيم.. يمه ما اتفاول عليه بعيد الشر.. ابو عساف : قوم يا اخوي و قوم ولدك خله يغسل وجهة.. خلاص اللي صار صار و الحمدلله انه الحين قدامك.. و الحاضر ينسية اللي صار بالماضي.. وقف ابو سعود و وقف معاه حاتم.. حاتم اللي اول مره يحس ان فيه عنده شخص جنبة يبيه.. يحبه.. يخاف عليه.. ابو سعود باس راس حاتم.. بوسة محملة باعتذار ابوي.. تلقاها حاتم و حط راسة على كتف ابوه.. اثير مسحت دموعها وهي تكلم اسيل : يا حياتي يحزززن.. أسيل تهف بيديها على دموعها : ويييه حررر.. أثير : كل هذا عشان ما تبكين.. أسيل : ما فيه شيء يبكي.. بس الموقف مؤثر .. انتِ عاد على كل شيء تطيح دموعك.. أثير : قالوا لك حجر مثلك ما شفت دموعك الا مره وحدة يوم ابوي جانا البيت.. أسيل : لا اجل اصير شلالات مثلك.. ياسر مسك حاتم : تعال عشان تغسل وجهك.. حاتم ناظرة.. كل ما يشوف احد يناظرة و كأنه يقرأ في عيونة انه بينهم.. بين عيلتة.. مشى مع ياسر بانصياع.. رغم انه كان متمسك بأبوه.. لكنه اطمئن.. انه بين اخوانة و عمامة.. عبدالرحمن : يهنيك برجعتة يا أخوي.. ابو سعود : الله يهنيك.. أبو عمر : ابراهيم.. شكلك تعبان.. احمد : يبه اخذت دواك.. ابو سعود اتجه لمكان قبل عند امه : حتى لو اني مأخذة تهقى ان الموضوع بيكون عندي عادي.. ولدي اللي دافنة بيدي .. يطلع عايش ,, و عايش حياة الله العالم قد ايش تعذب فيها.. أبو عبدالرحمن : احمد ربك.. ان شاء الله بتعوضة عن اللي عاناه و تنسية اياه.. بس خلك معاه.. الولد قليبة قليب طير.. سعود يناظر اخوانة : متى دريتوا.؟! خالد : من اسبوع و شيء.. كنا ننتظر نتايج التحاليل لانه أصر عليها على ان اوراقة موجودة بالدار باسم خالتي نوال.. ام عبدالرحمن تضرب يدها بفخذها : يا عزتي لها... ويش بتسوي لا درت..؟! و الله المره بيزر عقلها.. دخل ياسر و حاتم اللي كان متأخر خطوة عن ياسر.. يحس نفسة بيقتحم العيلة.. حاس باحراج بالرغم من مشاعرة المتضاربة.. لكنه دخل وراء ياسر.. وهم اول ما دخل اوقفوا له.. بيسلمون عليه.. ياسر : تقدم هذا جدي مساعد.. حاتم سلم عليه بمحاولة لأنه يرجع لهدوئة قبل.. قبل ما يجون اخوانة و يقلبون حياتة .. باس راس جدة و يدة .. أبو عبدالرحمن : الله يرضى عليك يا ابوي.. ياسر : جدتي فاطمة.. سلم عليها حاتم.. بس حس دموعة بتنزل.. يمكن لأنه اول مره يسلم على مره.. يحس بالحنان ينبع منها تجاهة.. ياسر : خالتي موضي مرت جدي.. اتجهة لها حاتم و باس راسها و يدها.. ياسر : عماني.. عمي عبدالرحمن و عمي سعد و عمي بندر و عمي مشاري.. سلم عليهم حاتم و هو يحس عنده عزوة.. عمي.. يحس بطعم الكلمات وهو يرددها بينه و بين نفسة.. يحس بحلاوتة اللي انحرم منها سنين.. ياسر : فيصل ولد عمي سعد.. و سعود اخوي الكبير.. حاتم سلم على فيصل و بعده سعود.. وباس راسة.. وسعود بادلة نفس الشيء و باس راسة : حياك الله يا اخوي.. ياسر : اخر شيء عماتي الصغار عمتي أثير و أسيل.. سلم على أثير اللي عيونها حمراء و دموعها تنزل من تأثرها.. ما انكر انه لامس شيء بصدرة اللي احد يبكي معاه و يحس فيه.. بعدها اسيل اللي كانت فاصلة : يا هلاااا يا مرحباااا.. أسفرت و أنورت.. بس تكفى لا تطلع مثلهم خلك غير .. عشان اصاحبك.. حاتم مو فاهم شيء : تصاحبيني..؟!! أسيل : ايه استغلك توديني السوق بدال بنيدير ما يتفلسف على راسي.. يصلح و ما يصلح.. بندر : اقول هو حاصل لك بس تركبين سيارتي.. أسيل : من زينها .. سيارة راكان ازززين منها ويش حلاتها.. بندر : ترى انا اللي مشتريها.. أسيل : على الأقل احسن من سيارتك اجدد منها.. بندر : تصدقين عاد مره تأثرت.. حاتم اللي بعد ما سلم على أسيل ضاع من جديد.. يطلع..؟! و الا وين يجلس..؟! حاس بتشتت حتى مستحي لا يدور بعيونة على المكان.. لكن صوت ابوه انقذة.. ابو سعود : تعال هنا يا ابوي.. < أشر له على مكان جنبة.. و اتجة له حاتم و جلس جنبة.. سعود يبي يسولف عشان ما يحسس حاتم بالغربة بينهم : خويلد رجعت البيت اليوم..؟!! خالد : لا ليش..؟! سعود : كفوو بنتك متهاوشة مع خواتي.. خالد بملل : يعني شيء جديد.. استغفر الله.. ياسر : اكيد مع جود و الا سها.. سعود : مع نهى و انت الصادق.. نهى طفشانة و حاطة حرتها فيها مستقعدة لها على الحرف.. فيصل ابتسم .. ام عبدالرحمن : يا ربي من هالبنات.. و الله اني شكلي بحول يمكم اربيهن من جديد.. ام مشاري : و الله يا زينهن يملن البيت ماشاء الله.. عاد ينفقد حسهن لا تزوجن.. سعود : ذكرتيني يا خالة.. ترى بتسير عليكم مرت واحد من اخوياي.. ام عبدالرحمن استغربت : تسير علينا احنا..؟! سعود : ايه عساف قال لي.. يعني يمكن بكره دام مجتمعين كلنا.. أم عبدالرحمن : و عساف ويش دخلة..؟! سعود : هو خوينا احنا الاثنين.. عساف متفق معاه و يوم درى اني جاي هنا قال لي اقولهم.. أم عبدالرحمن : مير عسييف ما صرنا نشوفة.. ابو عبدالرحمن : و الله مشغول يمه.. ما بين انه يحضر بيتة و بين الشغل.. ماسك قضية ولد عامر.. ام عبدالرحمن : الله يعينة.. اسيل : الا الله يهديه.. ابلشنا ما لقيت لي فستان للحين.. مالت عليه احد يحدد زواجة بشهر.. بندر يقهرها : و الا من ذوقك المخيس.. أسيل بقهر : انت انقلع عني.. ما راح اروح معاك السوق اصلاً لأني لو رحت ما راح اشتري لا عاجبك العجب و الا الصيام برجب.. بندر باستهزاء : احلى نقول حكم و مقولات.. أسيل : ايش على بالك.. بندر : على بالي تقومين تفرشين اسنانك و تنخمدين بكرة وراك مدرسة.. المفروض انك متعشية المغرب و نايمة بعد صلاة العشا.. أنقهرت منه كل يوم يستهزء فيها عشانها بالثانوي معتبرها بزر.. : ايه على الأقل الحياة قدامي بلاه من مشيب بيصك الخمسين وهو عنده عقدة من الحريم.. بندر : ههههههههههههههه لا تحاولين ماني منقهر عادي.. ابو عساف : يالله صباح خير.. اصبحنا و انتم من اول الليل تهاوشون.. ما تملون..؟! ام عبدالرحمن : ايه و الله ما يهجعون.. اسكتوا اثنينكم خلونا نعرف نحكي.. (التفت لأبو سعود) : ويش بتسوي مع امه..؟! ابو سعود : ما ادري يمه..؟! شلون بعلمها..؟ و الله لا يزر عقلها.. ابو عبدالرحمن : جيبها لها بالهداوة .. هي متشفقة على ولدها.. ابو عمر : دامها حاسة فيه و قلبها يقولها انه عايش فالموضوع هين ان شاء الله.. مشاري : أي هين يا اخوي..؟! 28 سنة وهم كاذبين عليها وهي ما غير شعور بقلبها يكذبهم و يقولها انه عايش .. تجيها فجأة تقولها ولدك عايش.. و الله صعبة عليها ما تحملها.. أسيل بحماس تربعت : انا عندي فكرة.. مو هي تحس فيه يعني اكيد اذا خليتوها تشوفة بتعرفة دامه ولدها.. بندر من صدمة الفكرة ضرب وجهه بكفوفة : قمي انقلعي اشوف .. حطي افكارك الهبلة هاذي بكتبك و تخب عليك يمكن ترسسبين بعد.. أسيل و ما زالت متحمسة بالرغم من تحطيم بندر لها : يا غبي انت ما فهمتني.. صدقني بتعرفة.. بندر يضغط على فمة باصباعة السبابةو ابهامة تحت دقنة : بأي مسلسل شفتيها...!؟؟! أسيل : بمسلسل راسي.. و الله فكرة حلووة و تريحكم من عنى الحكي و انتقاء الكلمات.. بندر : هاذي مبين انها شاربة شيء اليوم.. اجل حكم و امثال.. و كلمات غريبة انتقاء..!؟! أسيل : ليش اول مره تسمع بها..؟! اسمعني اخي العزيز.. اذا انت غبي لا تفترض ان كل الناس أغبياء مثلك.. الغباء حدك و حدودك انت و بس.. ام مشاري : أســـيل وين كتبك اليوم ما شفتك ماسكة كتاب واحد..؟! تغيرت ملامح اسيل اللي انقلب الحكي كلها عليها .. : يمه ذاكرت يوم جيت من المدرسة.. ام مشاري : يا كبرها انتِ تفتحين الكتاب لا جيتي..؟! اسيل ماني خبلة تضحكين علي.. ما كان بندر الوحيد ماسك ضحكتة عليها.. كل الشباب.. و لو واحد منهم يضحك كلهم بيتبعونة.. مشاري : عز الله ما عرفتك تبدلتي اجل.. اخبرك تنامين لا جيتي.. أسيل : اليوم ما نمت و ذاكرت.. شلون يعني مو مصدقيني..؟! مشاري : لا مين قال.. نعرفك ما تكذبين.. أسيل اطمئنت : الحمدلله على بالي بعد بتكذبوني.. المهم ويش رايكم بفكرتي.. و الله حلوة تكفون و بنصورهم.. مشاري : بتصورين مين..! أسيل : مرت اخوي و ولدها.. قرصها فيصل بشويش وكلمها بهمس : اركدي ما يصير الاستهانة بمشاعر الناس.. أسيل قمزت : حرام عليك و الله مو هذا قصدتة ليش تظنون فيني ظن سيء و الله ما قصدت كذا.؟! ام مشاري : خلاص روحي ادرسي و نامي.. بندر : بكره تنامين على الطاولة يا زينها لا استدعوا خالتي عشانك.. عاد ويش كبرك يستدعون ولية امرك.. أسيل ناوية تحط حرتها فيه : انت لا تكلمني فاهم.. ما ابيك.. بندر ببرود يرفع رجولة و يتكيء بروقان ع الأخير : عاد انا اللي ميت عليك.. يالله يا كريم ترزقها برجال و تفكنا من حنتها.. أسيل بعناد : حامض على بوزك و الله ما اوافق لا اقعد على قلبك.. بندر : كننا احنا بننتظر رأيك.. لا جانا رجال زين ما احنا مشاورينك بنزوجك من غير لا نأخذ رايك.. أسيل : اهااا مثل ما سويتوا بـ وعد..؟! كلهم ناظروها ..؟!! اما أسيل : لا حبيبي ذيك وعد تسكت.. انا اسيل اقسم بالله لا اقلب عاليها واطيها.. و لا راح اسمح لأحد فيكم يتحكم بحياتي.. ام مشاري : أســــــيـــل..؟!!! أسيل : ويش فيكم انقلبت وجيهكم..؟! مو هذا الصدق وعد زوجتوها من غير رضاها.. و هذا اخرها تهاوشت مع رجلها و حامل.. مين فيكم بيتحمل مسؤولية ام و طفلها..؟! بندر : اسيــــــل مالك دخل بوعد فاهمة..؟! أسيل : ليش عاد ويش قلت غلط.؟! مو هذا الصدق..؟! بندر : لا مو هذا الصدق.. مالك داخلة القصر الا من البارح العصر... لا تفتين بشيء انتِ ما تعرفينة.. اللي مرت فيه وعد انتِ ما تعرفينة.. أبو سعود و عيالة ساكتين كلهم.. ما احد فيهم علق ع الموضوع.. أسيل ممكن تكون جاهلة بالموضوع.. و ممكن تكون سمعت من وعد بس و الصورة ماهي كاملة.. ابو عمر : أسيل ياخيه ماهو كل هرجة تنقال.. وعد و اللي مرت فيه انتِ ما تعرفينة.. لان المواضيع دخلت ببعضها.. يمكن هي تكون حاكية لك شيء.. بس وعد عاشت بضغط نفسي الفترة اللي فاتت.. و الموضوع كبير اللي لقت نفسها بنصة.. وما يصير تحكينة لأحد و لا حتى بينك وبين نفسك.. مشاري : فعلاً الموضوع مو مثل ما انتِ فاهمة.. ترى له مسار غير عن اللي تحكينة.. الموضوع ماهو غصيبة زواج مثل ما قلتي.. شيء اكبر من كذا.. عشان كذا لا تحكين فيه.. ولا تسعين لانك تعرفينة.. أسيل قلقت من كلامهم.. هي اللي تعرفه ان وعد انخطفت من المستشفى و ابوها زوحها من غير لا تدري..؟! و امها بعد تخلت عنها وهي صغيرة.. بس هم يقولون لها الموضوع كبير و مسار وما أدري ايش..؟!!!!! أسيل وقفت : انا بروح انام.. و لا احد يصحيني بكره للدوام ماني مداومة.. الى اللقاء.. بندر : تعالي تعالي ويش اللي ما انتِ مداومة.. و الى اللقاء بعد..؟!!! أسيل : ماني مدوامة دراستي و الا دراستك..؟!! سعود : شكلك يا عمة بتبلطين بثالث ان شاء الله.. أسيل : تف من فمك.. اعوذ بالله فاولنا خير.. زين اني اداوم و الله.. سعود : توك من يومين غايبة.. أسيل : وانت ويش دراك..؟! سعود : ويش دراني بعد انا موصل جود و سالتها عنك وقالت ما انتِ مداومة.. أسيل : عقبال ما تلهى مع المدام و تنسى التدقيق ذا ماشاء الله كمبيوتر ما نسيت اني غايبة من يومين.. ام مشاري : اذكري الله لا تنضلين الولد.. أسيل : لا اله الا الله .. بكره يقولون اسيل صكتة بعين.. مو انتم ناس تؤمن ان بالعين اكثر من ايمانها ان الله الحافظ.. استغفر الله بس.. ياسر : أسألك بالله هالكلمة ما قالتها لك وعد..؟! أسيل ابتسمت : شكل هالبنت مكشوفة.. ياسر : ومين غيرها يزن بعقول خلق الله.. على هواها و مزاجها.. أسيل : فديتها بس.. المهم ترى بجي اسكن عندكم دامها عندكم.. سعود : ما نستقبل احد .. أسيل ناظرت اخوها : تطردني من بيتك..؟! ابو سعود : افااا .. هم الطالعين و انتِ الداخلة.. ما عليك منهم اذا ما وسعك البيت توسعك عيوني.. أسيل رجعت جلست و بغرور تناظرهم : سمعتم ويش قال.. لا احد يتفلسف علي.. بندر : توك ما تقولين بتنامين..؟! أسيل : ما احد قالكم ناقروني و انا كنت بروح.. بندر : محراك الشر.. ام عبدالرحمن : يا ولدي انا اقول نام عندنا انت و وليدك و بكره كلم امه عنه.. ياسر : لا .. خالتي ما تنام و هي ما درت عنه.. تكفى يبه يكفيها و الله يكفيها.. ام عبدالرحمن : اللي صبرها سنين يصبرها ليلة.. الصباح رباح.. ياسر : ما عاد بقى فيها صبر .. لازم تشوفة.. و الله ما اقدر ادخل البيت و انا ادري عنه و اشوفها تبكي عليه.. ابو سعود : ياسر معاه حق يمه.. بخليها تشوفة اليوم.. و الله ييسرها من عنده.. .. عماد : يمه هذا اللي صار.. ام عامر بحدة : بلاه من رداك.. احد يزعل مرتة و هي حامل.. ما تستحي انت.. عماد طفش ما يكفي انه مصاب و هو من جاء جدتة و امه مستلمينة هواش على حساب حضرة جنابها .. خايفين عليها ما يدرون انها تأكل قبيلة و لا تحدرهم بشيء : يمه تكفين الله يخليك انا تعبان.. تعبان.. ليش ما تهاوشينها هي اللي تاركتني و انا متعور و مسوي عملية.. ام عامر : ولو البنية حامل يعني اكيد بتعصب و تزعل من أي شيء.. بس لازم تراعيها فترة حملها بعدين كل شيء يصير زين.. عماد بحدة مكبوتة : و انا بعد لازم احد يراعيني.. تكفون خلاص .. اللي بدايتة غلط ما راح يستمر .. و انا زواجي منها اكبر غلط .. ام عامر : اعقـــب و انا بنت ابوي.. تنتر علينا..؟! عماد يأخذ نفس : ما انتر عليكم.. بس يمه تكفون من جيت و انتم تحكوني عنها.. خلاص انسوها لين تولد و حزتها يصير خير.. ام ناصر : من جدك.؟! بتتركها عند ابوها لين تولد.. يا يمه ما يصير احنا بكره نروح و نراضيها.. عماد وقف : على اساس بترضى.. ترى بتعنون انفسكم ع الفاضي.. حتى عمي ما راح يعطيكم اياها.. و مشى من غير لا يكمل و لا يفهمهم.. عهود جات تجري .. بحماس : صدق ان عماد و وعد متهاوشين..؟! ام عبدالله : انتِ ما تركدين.. عهود : يمه.. بعرف ويش مزعل دلوعة ابوها.. ام عامر : بحق من يقضبني اياك اعلمك السنع اللي ما تعرفينة.. عهود جلست : طيب خلاص ما نبي نعرف ويش فيها .. بس صدق ان شوق انخطبت.. ام عامر : ايه صدق.. عهود : كلبة ما قالت لي.. ام عامر : فاسخة الحيا انتِ الليلة.. ويش تقولك..؟! البنت لا انخطبت تقضب مكانها ما تحاكي احد مو تروح تحكي للناس.. عهود بزعل : يمه انا بنت عمها .. يعني لازم ادري.. ام عامر : ما صار شيء للحين.. و هقوتي ماهو صاير يوم عماد و وعيد متهاوشين.. عهود : و ويش دخل هالاثنين بخطبة شوق.. ام ناصر : اللي خاطب شوق اخو وعد الكبير.. عهود : وعععع.. قلوو الناس.. ام عامر : و الله ان كان فيني شدة لا ادبغ فيك الين تعتبرين.. ما تختشين انتِ تسبين الرجال و انتِ ما تعرفينة و الله انه اجودي يكفي انه ابوه ابراهيم بن مساعد.. عهود ببرود : ابراهيم بن مساعد طليق بنتك السابق يمه شلون تدفعين عنه.. ام عامر : بنتي رفلة ما عرفت تجود رجلها.. و الا رجالن مذكور بالخير من القاصي قبل الداني.. كلن يعرفة و يعرف تربيتة.. و الله انه رجالن ما به بالدنيا اثنين منه.. عهود : يمه حسستيني انه عنتر زمانة.. ام عامر لفت سبحتها بكفها و رمتها عليها .. فزت عهود و بعدت عنها .. ام عامر : و الله ان سمعتك تطرين ابو سعود بالشينة يا ويلك فاهمتني يا عهيد.. عهود : كل ذا حب له .. ويش دعوة كنه ولدك.. ام عامر : ايه بالله ولدي.. عهود تهدي جدتها اللي عصبت عليها : اوك ريلاااكس مامي.. و لا يهمك ويش زينة ابو سعود ما كنه نهب حلال ابوي.. ام عبدالله : عهوووود.. ناوية ترفعين ضغط جدتك.. ام عامر : ايه بالله هذا اللي ناويتة.. عهود ما حست الا باحد رافعها من بلوزتها .. لفت تناظر .. ناصر ماسكها : تبيني ابرد حرتك فيه جدة.. ام عامر : قضبني اياها انا ابرد حرتي.. عهود تحاول تمسك يده اللي ماسكتها من رقبتها : و الله لا اعلم ابوي.. نووويصر.. ناصر : علمية و بالمره قولي له انك معصبة بجدتي وشوفي ويش بيسوي فيك.. ام عامر : اتركها تعال ابيك.. تقرأ لي ورقة جاتنا اليوم العصر.. ناصر ترك عهود و اتجه لجدتة : ورقة ايش..؟! ام عامر : ما ادري .. عطوني الورقة و قالوا لي اوقع شخبطت على دفترهم و اخذت الورقة.. ناصر : ما قالوا لك من وين..؟! ام عامر تخرج الورقة من وراء المخدة اللي وراها : الا يمه و الله انه حكى بس السمع انت خابرة ما هو ذاك الزود.. ناصر اخذ الورقة حرك عيونة ع الورقة يقراها.. ام عامر : ويش مكتوب فيها من علم..؟! ناصر : طلاق انهار.. ام عامر : يا ستار استر علينا.. وشووو.. ناصر ببرود يثني الورقة : يعني ويش متوقعة يمه..؟! البنت لها قد ايش عندنا.. الى متى بيصبر عليها ولد الأوادم.. بنتكم ما قدرته و فوق هذا ابوي و عمي و لا واحد فيهم جلس معاها و حاكاها كلمتين عشان تعرفين ا نوراها رجال ما يرضون بخطاها.. بكره بيقولون خوالها ما عرفوا يمسكونها و يعلمونها السنع.. ام عامر تلفت : وين اودي وجهي من الناس..؟.! ويش السواة معاها.. حاكيتها و حاكيت خالتها لين انبح صوتي مير ان كان الحصى يلين رووسهن ما تلين.. كل واحد ماسكة رايها ما تبي رجلها.. حسبي الله على العدو حسبي الله.. ام يوسف : اهدي يا عمة.. لا يرتفع ضغطك.. ام عامر : ليش هو ضغطي ما ارتفع.. و الله انهم قاهريني كلهم.. عماد و مرته و مريم و انهاروة.. ام عبدالله : وكلي امورك لله يا عمة.. ان شاء الله كل شيء بيتصلح.. ام عامر : ويش يتصلح وهن ما حيلتهن غير يخربن.. و الله يا بكره ما يطق بابنا احد يخطب البنيات.. بيقولون ثنتين تطلقن و ولدهم متهاوش مع مرتة بهم بلاء.. و الناس كلها بتحكي فينا.. ناصر : لا تدخلين عماد با انهار و عمتي مريم.. ام عامر : ايه انت و اخيك مقوين راسة يا مال الصلاح.. ناصر : ويش اللي مقوين راسة يمه.. عماد ما يحتاج تقوية راس.. بس الموضوع كبير و تدخلوا فيه عمي و ابوي و ابو سعود و ما ظنتي يتصلح.. ام عامر : تعقب و الله ان يتصلح بحب الخشوم.. بس اصبر علي ان ما قضبتهم كلهم اوريك فيهم.. ناصر : على راحتك.. ام عامر : مريتك وينها..؟! ناصر : ببيت اهلها.. ام عامر : لا يكون انت متهاوش بعد. ناصر ابتسم : اعوذ بالله يمه فاولينا خير.. بس ابوها راجع من السفر و بتسلم عليه.. ام عامر : ايه زين ... و انت ليش ما سلمت على عمك ماله حق عليك.. ناصر : ان شاء الله بسلم عليه لا رحت اخذها.. شكلك يمه بتمشين علينا بالدور.. .. الفريق غازي بمكتبة : و بعدين يا وليد.. وليد بملل : ترى طفشت.. قضيت الفترة كلها بالتدريب حتى ملابسي احسها ضاقت علي و انت تقول تو الناس.. الفريق غازي : اصبر بعد اسبوع بتفتح الكشك بمجمع المسك.. اكل التمر حبة حبة.. وليد : ابي ادخل بالعصابة.. و انا اقول هذا احسن وقت .. اكيد محتاج ناس يثق فيهم بما ان رجالة عندنا.. الفريق غازي : و تتوقع بما ان رجالة عندنا يعني ما عنده رجال..؟! صاحي انت عنده اكيد عنده.. وليد : يعني ايش..؟! الفريق غازي : الهدوء غريب.. العادة ما يترك رجالة بالسجن.. وليد : تدري احسك تبيه يطلعهم.. الفريق غازي : لا .. ابيه يحاول.. و اكيد بالمحاولة بنلقى شيء له.. أي شيء ممكن يدلنا على شيء.. وليد : عشان كذا مأجل محاكمتهم.. الفريق غازي : اكيد ما راح نحولهم المحكمة و فيه الشيء الكثير ناقص.. الاعتداء على عماد رقم واحد.. قضية اغتيال عائلة الدكتور في يوم هروب زياد و صلاح رقم اثنين.. غير قضايا المخدرات و الاسلحة المعلقة.. لازم ندينهم بجميع التهم و تكون الادلة واصحة و بينه وكاملة.. وليد : كل القضايا صارت قبل لا ينمسكون.. يعني اكيد هم.. لكن الاعتداء على عماد هذا اللي فيه ان.. الفريق غازي : عشان كذا ما ابي اخاطر بدخولك للعصابة قبل ما نكون على بينة.. وليد بقهر : انا ابي اخاطر.. انا ماني بزر تخاف علي اعرف ويش اسوي.. و بعدين بتجلس تحط يدك على خدك و تتفرج عليهم و تنتظرهم يجيبون لنا مصيبة.. تحول صوت الفريق غازي للحدة : وليد لا تنسى نفسك .. (ضرب بيدة على المكتب) انا هنا رئيسك ماني واحد من اخوياك تعصب عليه.. وليد : و انا ماني بزر مشغلني عندك بالاسم.. عشان تكرفني بتدريبات.. و تحكم فيني.. و تشغلني سواق عندك.. ترى المهلة اللي بيننا ثلاث شهور.. يعني باقي لها شهر وتقضي.. بتجلس تعاملني بهالشكل و الله لا اقدم استقالني و لا اسحب عليك.. الفريق غازي عصب .. واحد من موظفينة يكلمه بهالاسلوب.. و موظف هو جابة هنا و بيشغلة هو بكيفة : احترم نفسك.. اعرف مين تحاكي .. انا الفريق اول غازي بن حمدان.. حط الاسم بين عيونك قبل لا تفكر تعتب رجلك هالمكان .. كلامك كله ما يهمني.. انت هنا تشتغل تحت امرتي.. ما يعني دخلتك مكتبي و سمعت منك انك تعدى حدودك معاي.. فيه شيء اسمه قوانين و قواعد و احترام.. انا هنا اكبر منك بمراتب و مناصب.. ما تسمح لك حتى تتكلم من غير امري.. وليد يحط رجل على رجل : و الله صدق.. ما دريت تصدق.. اذا بتعاملني بهالاسلوب السخيف و الله لا اطلع من هالباب و لا ارجع.. انا وليد بن ابراهيم اذا انت غازي بن حمدان.. انا لا قلت الشيء اسوية.. و اللي انوي عليه ما اتثنى عنه يا ولد حمدان.. اذا بتحط لي سيرتك الذاتية قدامي و بتسردها علي و تبيني احترمك.. ما راح احترمك لو ما احترمتني.. الفريق غازي بحدة : وليــــــــــــــــد.. وليد : و الله لو تعصب ما يهمني.. احنا اتفقنا على مخطط و انت ما تبيني انفذة.. فيه شيء براسك ما تبي تقولة لي.. اذا خايف علي ليش تخليني ضابط سري..؟! ابي الشيء اللي براسك ما تبي تقولة.. الفريق غازي : مبين انك مو مستوعب حجم القضية اللي داخل فيها.. تدري يا وليد.. مخك هذا هو اللي يخوفني منك .. من احتمالية فشلك الكبيرة بالمهمة.. وليد : انت ما جربتني عشان تفترض اني بفشل.. موعد لقى به حضن به مسكة ايدين يوم النفس ويّا نفَسك ؟ ايتخانق جيتك ب عطر ورحت منك ب عطرين ما كنت حاسب للمعانق .. معانق !! لـ حمد العيد.. الفريق غازي : طيب يا وليد.. معناتة بتسمع اللي اقولك و تنفذة بالحرف.. الآن بتطلع من هنا و تروح بيتكم.. تودع امك و ابوك و اخوانك.. جيب لك عذر من تحت الأرض لانك ما راح تشوفهم لحين انتهاء المهمة.. يا إما ترجع لهم حي .. يا إما نرسلك جثة لهم.. وليد يدري ان غازي ممكن ينتقي كلمات افضل من كذا و هالشيء اللي قالة ما يخفي يدري انه مقبل على الموت و الروح رخيصة للوطن .. لكنه قال هالكلمات عشان وقعها يكون اقوى عليه و يخليه يتراجع : موافق.. الفريق غازي : بتطلع من هنا بتسلم عليهم و تنسى امرهم.. مهما عرفت و مهما سمعت ما تروح لهم و الا كل شيء بينهدم بلمح البصر.. بتكون تحت المراقبة من جهتين.. جهة الأمن و اكيد جهة العصابة.. بتعيش بشقة لحالك و بتدبر كل امورك.. بتقضي وقتك بين تدريب.. و بين شغلك بالكشك في المجمع.. و بتتعرف على ناس محددين اساميهم انا بعطيك اياهم عشان تقدر توصل للعصابة.. غلطة وحدة يا وليد بحياتك.. اشياء كثير لازم تحطها قدام عيونك.. وعودك ما تخلفها معاهم لان خلف الوعد بروحة الروح ما راح يثقون فيك خصوصاً في بداية الأمر.. صوتك واثق و قوي لانك اذا خفت بيعتبرونك و لا شيء.. ما تعطي أي احد بياناتك.. اخوانك لو شفتهم باي مكان تبعد عنهم و لا كنك تعرفهم.. و خصوصاً اللي ما يدرون انك بمهمة امنية.. وليد : كلها مقدور عليها.. لكن اخواني...! (تلفت بالمكان يحاول يخترع له عذر يبعدة عن الكل و المشكلة انه ما يدري عن الفترة اللي بيختفي فيها) : و امي..!!؟ الفريق : هاذي مشكلتك انت تحلها.. وليد : امي بقولها بسافر.. و اخواني اقدر اقولهم نفس العذر لكني لو قابلتهم برا بتكون مشكلة.. و خواتي اخاف يجون نفس المجمع و يشوفوني.. الفريق : شفت تطلب تبدأ بشيء انت مو مستعد له.. الشقة جاهزة مما جمعية.. و الكشك ببضاعتة جاهز.. لكن باقي عليك السكن و الشغل.. وليد : و دراستي..؟! الفريق غازي : حولها عن بعد و اللاب اللي تدخل عليه غير عن اللي تشتغل فيه للعصابة.. و اسمك من اليوم ح يتغير لأيمن المنذر.. الفريق غازي يفتح درج بمكتبة و يخرج مجموعة اوراق : هاذي رخصتك الجديدة.. و هاذي بطاقة صرافة باسمك و فيها رصيد.. و هاذي بطاقتك المدنية.. الطريقة اللي نتواصل معاك فيها عن طريق اشخاص ح تقابلهم يعطونك رسايل تخبيها مجرد ما تقراها تحرقها.. و تحفظها بعقلك و بس.. وليد : تمام.. أي اوامر ثانية.. الفريق غازي : أي شيء تعلمتة و شفتة هنا بالدورات تحطة قدام عيونك.. تذكر انك بمهمة امنية عشان هالبلد.. و روحك انت و انا و كلنا فداها.. ان صار و طحت لأي سبب من الأسباب.. و لا كلمة وحدة منك تطلع يا وليد.. وليد : لا تخاف من هالناحية.. لو يغرسون السكاكين بصدري ما تكلمت.. ما اقدمت على مهمة عشان وطني و اخلف فيها و اخونها.. انا قدمت روحي لهالبلد و انا عند كلمتي.. وقف الفريق غازي.. و وقف وليد.. الفريق غازي حط يدة على كتف وليد : اذا فيه شيء احترت فيه.. حكم عقلك اللي تعلمت فيه .. لا تتهور بشيء و تحط حياتك بخطر و فيه سُبل أأمن.. لا تنسى يا وليد ان بلدك بحاجتك.. وليد : ما راح انسى شيء.. بس أي شيء ترسل له ارسل لي عن اهلي.. الفريق غازي : قلت لك انساهم.. لأن ان العصابة شكت فيك و عرفت ان لك علاقة فيهم فا انت بتكون ضحيت فيهم.. وليد أخذ نفس.. مهمة وكلت له.. وهو طلبها.. حميتة لدينة و ووطنة في عروقة و لا راح يسمح لأي أحد يخطي بحقهم.. ما راح يسمح لأشخاص ملتهم الدناءة و الحقارة و ابعدوا عن طريق الدين انهم يقتلون ابرياء و يهددون امن البلد وهو بيدة شيء يسوي حتى لو راحت روحة فداها.. طلع وليد.. بعد ما التقت عينة في عين الفريق غازي للمرة الأخيرة.. للمره الأخيرة نظرة رئيس لأحد موظفية مسيرتهم التي لم تتجاوز الشهران لكنها مليئة بالحميمة.. مليئة بالخوف مليئة بالتفاهم العصيب.. الاثنين ما يتفقون ببس الاخير يحاولون يوصلون لشيء.. خرج يخطوا خطواتة بقي له توديع اهلة و من بعدها ينسى انه وليد بن ابراهيم.. يصير أيمن المنذر.. شخص جديد حياة جديدة.. كل شيء بيتغير عليه.. و بيصير يعيش شخص ثاني عشان وطن يعيش بأمان.. عشان يقدم روحة رداً لجميل هذا الوطن.. سيحاول و يحاول و لن يضع سوا النجاح امام عينية.. الدخول بالعصابة و معرفة دهاليزها هو هدفة الحالي.. مع تطوير ذاتة.. كل شيء بيتغير عليه.. .. في الصالة جالسين ابو سعود و حريمة و عيالة الشباب.. ابو سعود : تؤمنين بالله.. ام ندى فزعت : لا اله الا الله.. ليش تسألني هالسؤال.. ابو سعود : اذكري الله.. ام ندى : لا اله الا الله.. ويش فيه علمني.. انا حاسة عندك شيء بتقولة لي.. وجهك فيه شيء.. و الله مبين عليك.. انا حاسة و الله قلبي حاس.. ابو سعود يحاول يمهد الموضوع وين ما يقلبها براسة يلقاها كبيرة.. شلون بيبداها.. ويش بتسوي ..؟! ام سعود : ويش فيك يا ابو سعود.. و الله اقلقتنا.. ابو سعود : ما فيه الا الخير.. الا الخير ان شاء الله.. ام ندى : طيب تكلم.. انا قلبي ذابحني.. ابو سعود : متى اخر مره تحلمتي بولدنا..؟! ام ندى استغربت و انعقدت حواجبها و قلبها يدق بقوة.. اول مره يطري ابو سعود ولده.. العادة يقولها ادعي له و شفيع لهم ان شاء الله .. و ما يخلي احد يحاكيها بالموضوع عشان تنساة : ليش..؟! ليش تنشد انت ما قد نشدتني.. الشباب متوترين.. سعود .. احمد.. خالد.. اما ياسر رفض يدخل و فضل يجلس مع حاتم بالمجلس.. و مشعل كان هادي لانه ما يدري عن الموضوع اصلاً.. ابو سعود : ما جاوبتيني..؟! ام ندى تعلقت بيدة : ويش صار..؟! ويش استجد..؟! تكفى علمني لا تعلق قلبي.. قلبي بينفطر عليه.. و الله اني حاسة فيه.. احس بروحة على الدنيا.. احسة بريحتـ.... وقفت فجأة عن الكلام : انت.. انت معاك ريحة غريبة..؟! ابو سعود انصدم معقولة تعلقت ريحة حاتم فيه عشان تشمها هي.. معقولة قلبها يدلها عليه هالكثر .. ندم.. ندم اللي ما سمع لها و التفت .. ندم اللي ما اعطاها الفرصة و اعطى نفسة اللي يبحث عشانها.. ندم انه صدقهم.. مسكها من عضدها بقوة : اذكري الله.. ام ندى : الا .. و الله انت تعرف عنه شيء.. و الله تعرف و الله .. تكفى يا ابو سعود .. ابوس يدك ولدي وينه..؟! (مسكت كفة بتبوسها لكنة سحبها بسرعة).. تكفى و الله قلبي شفقان عليه.. ابو سعود مسكها يبيها تهدأ : اهدي .. اذكري الله.. ام ندى وقف ما تدري ويش تصرف و يش تحكي : ابيه.. و الله عندك.. صح .. انت تعرف عنه.. علمني.. بس قول لي هو وينه.. انا اروح له.. ابيه تكفى الله يخلي لك عيالك.. وقف ابو سعود و مسك يدينها و ثبتها : نوال.. هنا.. ولدك هنا.. اتسعت عيونها.. الخبر اللي تنتظرة من سنين.. و اللي كذبتة و نامت على تصديق اللي حولها له.. اليوم و هاللحظة يزفون لها احساسها الصادق.. قلب ولدها ينبض مثل ما كانت حاسة.. روحة بهالدنيا مثل ما كان قلبها يقولها.. مخها ما يقدر يستوعب.. ويش يفكر فيه.. وينه..؟! و شلون عاش.. كيف يقولون لها مات..؟! وين عاش..؟! و ليش كذبوا..؟! ويش اسمه..؟! كيف تربى..؟! ويش هي شهاداتة..؟! تزوج..؟! عنده عيال..؟! مين رباه..؟! مخها ما يدور الا في ولدها.. و الاسئلة تنهال عليها من كل اتجاة.. قلبها بيطلع من مكانة و هي ما تسمع الا كلمة وينة تتردد بعقلها .. تبي شوفتة اللي انتظرتها من سنين.. تبي شوفتة اللي حرموها منه.. تبي تشوفة حتى لو كان كبير وما عاشت معاه اللي مضى من حياتة.. تبي تشوفة بكل عيوبة قبل مزاياة.. همست بروحها صوتها انتهى و ضاع : و يــ نــ ــه.. ابو سعود وهو ماسكها خايف عليها لا تطيح من طولها : سعود نادة.. ثواني.. بالوقت الحقيقي هي ثواني.. لكن بقلبها اطول من ثمان و عشرين سنة عاشتها وهي ما تدري عنه حاسة فيه و يعذبونها يقولون لها موسوسة و الشيطان يلعب براسة.. ثواني تجاوزت طولها كل عمره طفل وليد طالب ابتدائي و متوسط و ثانوي و جامعي و تخرج.. الوقت وقف في روحها مدة خروج سعود من البيت و دخولة للمجلس و رجوعة تحس ما تسمع ولا شيء حتى ضربات قلبها القوية ما تسمعها.. و كن كل شيء انقطع عنها الهواء الدم الحياة .. كل شيء راح و ينتظر الروح ترد بشوفتة.. شوفتة من اضناها فرقاة.. حاتم ما كان ابسط حالاً منها.. وجودة مع ياسر و اللي كان يكلمة عن امه و تعبها بسببة.. أثر فيه.. أثر بقلبة ظلمها و دعى عليها و تحسب عليها كان يشوف نفسة غلطة مكان ما انوجدت و تروح.. تتخلى عنها و تنساها.. كم يوم احتاجها فيه و ما لقى نفسة الا انه يدعي عليها.. يدعي على ام اخطت و تركت خطاها عشان الفضيحة.. دعى و دعى و دعى وما كان فيها دعوة تحمل الخير لها.. و كلام ياسر الحين يوجع قلبة زود .. كانت تدعي له.. تدعي تشوفة و يريحها.. كانت تتمنى تشوفة بينما هو لو من قبل لو قابلها وقالوا هاذي امك كان قتلها بأرضها.. حس بتأنيب الضمير يلعب في قلبة.. لين دخل سعود : حاتم.. يالله.. وقف ياسر قبل حاتم اللي تعلقت عيونة بسعود.. شاف ابوة.. و بقى امه.. ابوة صدق موتة و تعب يوم قابلة.. كيف لقاءة بأمة اللي كانت حاسة فيه.. وقف.. مشى خطوات بضياع.. يحاول يكون ثابت.. نبهتة جدتة انه يكون قوي عشان امه ما تضعف.. عشان امه تكون قوية و لا تنهز و تتعب.. وقف سعود قدامة و ياسر وراة.. فتح الباب سعود و انكشف البيت.. او بالأصح انكشفوا الاشخاص.. شهقت شهقة و كأن روحها بتطلع.. شوفتة هي اخر امنياتها.. طفلها الشاب.. طفلها المتوفي بقلبوهم حي بقلبها.. شافتة واقف.. عيونة معلقة فيها.. و عيونها تعلقت فيه.. عيونها اللي ملتها الدموع.. متمسكة بأبو سعود بضعف ولو هو مو ماسكها كان طاحت من طولها.. كل الموجودين وقفوا.. من هول الموقف بس اكيد مو كثر قلوب الاثنين الأم و ولدها.. حاولت تفلت نفسها من ابو سعود و عيونها ما شالتها من ولدها.. تركها وهي تمشي خطواتها بتشتت خطواتها ماهي ثابتة.. تترنح و كأنها تعلن عن اخر امنياتها شوفتة ومن بعدها ولا شيء.. مادة يدها له.. وهي تترنح و ابو سعود وراها عشان ما تطيح.. تحرك حاتم.. و خطة خطواتة سريعة لها و طاحت جالسة على الأرض و هو جلس جنبها و يديه على عضدها ماسكها.. ام ندى و عيونها متسعة.. و صوتها مبحوح و يديها تتأكد منه قدامة ماهو سراب و لا حلم يراودها لك ليلة صرخت بصوت تردد صداة بالبيت.. : ولـــدي..؟؟! يا ويلي يمه ولدي.. ولـــــــــــــدي يا نــــاس و لدي.. ولدي عـــــايـــش.. ولـــــــــدي يمه.. نزلن البنات و وقفن على الدرج من الصوت اللي سمعوه.. وهم يشوفون منظر عقولهم وقفت عن استيعابة.. حاتم انطلقت دموعة من جديد باس راسها : يمـــه.. يمـــه سامحيني.. يمه سامحيني تكفين.. ام ندى : يا ويلي يا ابوي.. ولدي عـــايش.. ولدي ما مات.. التفت بالمكان تدور على الأشخاص اللي كذبوها : شووفوه.. شوفوا ولدي قلت لكم ما مات.. قلت لكم احس فيه.. حاتم مسكها بقوة و حضنها : يمه تكفين.. يمه الله يخليك انا ابيك.. يمه لا تسوين بنفسك كذا.. يمه لا تبكين.. انا ما استاهل دموعك.. البنات غرقت عيونهم وهم يشوفون انهيار ما جاء ببالهم بيجي يوم و يشوفون هالشيء قدامهم.. ظلوا يناظرون بصمت و عيون تنطق دموعها.. ابو سعود جلس جنبهم : اذكري الله .. قولي الحمد لله.. ام ندى بانهيار تام : شفتة.. شفتة عايش.. شوفة ولدي ... قلت لك و الله قلت لك انه عايش ما صدقتني.. قلت لك احس فيه قلت لي وسواس شيطان.. شوفة .. شوف ولدي شوفة.. ابو سعود : شفتة.. قولي الحمدلله اللي ربي رجعة لنا.. بتشوفينة قدامك.. تطمني... ام ندى ماسكة ولدها بيد و ابو سعود بيد و عقلها على حافة الجنون : شوفة .. ولدي انا ما اتحلم.. انا ما اتحلم شوفة .. شوف ولدي.. انا كنت اسمع صوتة بالحلم يصيح.. شوفة الحين قدامي.. ولدي كبر.. كبر بعيد عني.. ابو سعود يمسك يدها و يضغط عليها : اشوفة و الله أشوفة لا تبكين عشانة.. لا تنهارين عشانة .. يبي يشوفك لا تخلينة يزعلك عليك.. حاتم : يمه تكفين.. الله يخليك انا ابيك.. ما ابي اعيش عمري من غيرك.. تكفين لا يصير فيك شيء.. و الله بموت.. و الله بموت.. ام ندى و انفاسها متسارعة..: لا .. لا .. تقول كذا.. بذبح نفسي وراك انا ما حسبت ترجع لي.. حاتم مسكها : تكفين اهدي.. عشان خاطري.. ان لي خاطر عندك اهدي.. وقفت الكلمات على شفاتها وهي ماهي متخيلة انها تفقدة مرة ثانية .. لحظات شافتة عشان تروي عطش سنين ما لمحت عينها زولة.. لحظات شافتة عشان تتعلق فيه أكثر من أي ام بالدنيا متعلقة بولدها.. ابو سعود حط يدة على راسها يقرأ عليها.. وهي بحضن ولدها.. ولدها اللي المفروض من 28 سنة هو يتربى بحضنها و يكبر فيه.. لكنه صارت هي بحضنة الحين.. ماسكها بيدية الثنتين و كأنه خايف لا تبعد عنه و انفاسة تلتقط بصعوبة مع وتيرة انفاسها.. الشهقة تتبعها شهقة تحاول تأخذ نفس و تهدي من نفسها لكنها عاجزة عن هالشيء.. سعود وهو يناظر خالتة : يبه خلنا نأخذها غرفتها ترتاح.. تعبت حيل.. ام ندى : لا .. ما تبعدوني عن ولدي.. ابو سعود : ما راح نبعدة عنك.. لا تخافين بيكون معاك.. تطمني.. البنات واقفات.. كانوا يبون احد يفهمهم حتى بعد اللي شافوة.. يبون احد يحكي لهم بصريح العبارة.. "هذا اخوكم اللي قلنا لكم انه توفى".. احمد : مو مشكلة بس تجلس على الكنب.. لا تجلس ع السراميك.. يالله حاتم.. وقف حاتم و وقف امه معاه.. حس بضعفها.. الضعف اللي سببة فرقاة لها.. الضعف اللي الم قلبها.. مشت مع ولدها وهي ماهي مصدقة.. ماهي مصدقة ان الروح اللي حست فيها حواليها دايم و بتعبها الحين قدامها روح و جسد.. وقف ابو سعود و ناظر بناتة.. : تعالن.. نزلن كلهن.. و اولهن جود اللي تعلقت فيه.. ما تدري ليش تعلقت با ابوها و كأنه حطت نفسها مكان حاتم و تبعد عن امها و ابوها.. نهى : يبه ويش القصة..؟! احنا مو فاهمين..؟! ابو سعود : حاتم اخوكم.. اخوكم اللي ولدت فيه خالتكم نوال و بعدها قالوا انه توفى بعيد الشر عنه.. سها تمسح دموعها و ترجع تنزل : معقولة بابا.. ابو سعود : معقولة يا بابا ليش ماهي معقولة.. وعد : شلون..؟! و وين كان..؟! و كيف عرفتوا..؟! ابو سعود : سالفة طويلة.. امسحوا دموعكم كلكم.. و اجلسوا بتسمعون كل شيء من ياسر و خالد.. بس لا تبكون عشان خالتكم.. ندى سها عشان امكم.. لا تخلونها تزيد احنا نبيها تهدأ مو تزيد.. لا شافتكم تبكون بتبكي معاكم.. اتفقنا.. البنات هزن رووسهن كلهن .. مشى ابو سعود و جود معاه و وراه بناتة : سلمن على اخوكن.. وقفن كلهن انصدمن.. اولاً رجل غريب.. ثانياً على طول سلمن ما قال لهن كذا.. كلهن وقفن و لا وحدة تحركت.. لين بدتها ندى و تقدمت له.. وقف حاتم و سلم عليها.. ابو سعود : هاذي اختك الكبيرة ندى.. هو انت اكبر بس هي اكبر البنات.. بعدها نهى ثم وعد و دانه و ميار و سها و جود مع تعريف ابوهن با اساميهن.. جلسن كلهن جنب بعض بهدوء.. الهدوء اللي اساساً ما يعرفنة ببيتهم.. بس الموقف اجبرنهن عليه.. عيونهم ظلت مركزة على حاتم اخوهم و امه.. ياسر : يبه.. ابو سعود : هلاا.. ياسر : يبه شكلك تعبان.. قوم ارتاح.. احنا جالسين.. ابو سعود : لا يا ابوي.. مرتاح هنا.. خالد : يبه أي مرتاح و الله مبين عليك التعب.. ابو سعود يفرك عيونة : لا قلت لكم بجلس.. وين وليد..؟! ام احمد : لساتة ما رجع.. ابو سعود : سعود دق عليه.. وقول له يجي الحين.. سعود : ان شاء الله يبه.. مشعل يهمس لخالد : خالد ويش القصة ماني فاهم..؟! خالد : كل اللي شفتة وما انت فاهم.. مشعل : اللي فهمته ان هذا ولد خالتي بس شلون..؟! من وين طلع لها ولد كبير..؟! خالد : اسمه اخوي يالفالح.. مو دايم خالتي تتعب عشان ولدها.. مشعل : ايه بس ولدها متوفي.. خالد : لا ماهو متوفي عايش و هذا هو قدامك الحمدلله.. مشعل : يا رجال ويش هالحكي ابوي مصلي عليه.. خالد : ايه ادري ما قلت شيء جديد.. لكن الجديد ان المستشفى ملخبطين و معطين ابوي جثة ماهي لولدة.. و اخوي عاش بدار ايتام.. مشعل : لا تقول.. من جدك..؟! خالد يناظر حاتم : هذا اللي صار.. لو شفت حاتم ويش سوا بالمستشفى يوم شاف التحاليل يتقطع قلبك عليه.. ويوم شاف ابوي.. و يترجاه يقوله انه ولدة.. ياخي لو ما مسكت دموعي كنت بكيت معاه.. مشعل : يالله.. و انتم شلون دريتوا..؟! خالد : هاذي قصة طويلة.. سعود يرجع جوالة بجيبة بعد ما كلم وليد : يبه كلمتة يقول شوي وجاي.. ام سعود : يهنيك برجعتة يا ام ندى.. ام ندى ابتسمت .. ابتسامة ما انشافت عليها من سنين.. كلهم ابتسموا معاها و كأن الاحساس انتقل لقلوبهم..ردت بصوت مبحوح من الصراخ و البكي : الله يهنيك.. ام احمد : قرت عينك صبرتِ و نلتِ.. ام ندى : بعين نبيك.. الحمدلله.. منيره : قرت عينك الله يحفظة لك و تمتعين عينك بشوفتة قدامك كل العمر.. ام ندى : بعين نبيك.. سها : شكله بينحط علينا اكسس على حساب حضرة جنابة.. ياسر : توك ساكتة يوم نطقتي ما نطقتي شيء زين.. سها : و الله اكل الجو علينا بدقيقتين.. (تناظر حاتم) هيه ترى الا مكاني ما اسمح لك تاخذة.. حاتم ابتسم : نو نو جاء دوري.. بعدي بس.. سها : و الله يا ويلك.. ابو سعود : يالله بننتقل من أسيل و بندر لسها و حاتم.. ميار : الله اسمك حلوو.. حاتم : الله يحلي ايامك.. سعود يتريق على ميار : الله اسمك حلوو.. مشعل يكمل معاه : يـــاي مره ناااايس.. ميار : يبه شوووفهم.. وعد : بس بس ليش تتعبين نفسك.. كلها كم يوم و تنتقمين من سعود على اعلى مستوى .. بس اصبري له.. و مشعل بيجيه يوم.. سعود : الله يكفينا شرك انتِ بس.. نهى : لا تقول عن اختي شر.. سعود : احلفي بس عشان اصدق انها اختك.. نهى : و الله اختي.. وما انت مصدق اسال ابوي.. ياسر : توكن كنتن ما احلاكن مسرع الالسنة طولت..؟! مشعل : الا صح انتِ ويش جايبك عندنا..؟! رجلك ليش ما جاء اخذك للحين..؟! وعد : ليش قاعدة على قلبك..؟! قاعدة ببيت بابا.. مشعل : مالت كنت بعرض عليك اوصلك.. وعد : لا ارتاح بقعد عندكم على طول ببلط هنا.. بتمل من شوفتي.. ياسر : يعني فرحانة..؟! وعد بحدة ما راح تسمح لهم يتدخلون في قراراتها وهي تدري انها ما غلطت : ايه فرحانة و برقص الحين مصري عشان ابين لكم مقدار فرحتي و سعادتي.. ابو سعود بحزم يسكت الجميع : خـــلاص.. خلوها براحتها.. خالد : يبه ما يصير .. تجيبها من بيت رجلها على مشكلة بينهم.. ماهم الو ناس يتهاوشون.. ابو سعود : خالد ويش رايك تعلمني من جديد اللي يصير و ما يصير..؟! حطوها حلقة باذنكم.. وعد اللي بينابشها و بيحاكيها بموضوع عماد ما راح يصير له طيب.. لو ان مصلحتها بالقعدة عنده كنت خليتها عنده.. ماني بزر تعلموني الصح من الغلط.. احمد بهدوء : يبه خالد ما يقصد هالحكي.. كل الموضوع اننا نبي مصلحة اختنا و انت تدري انها تهمنا.. ولو ما احنا خايفين عليها ما كلمناك عنها.. ابو سعود : و انا ما قلت لا.. بس ما ابي منكم ترضون على خواتكم بالاهانة.. بكره كلهن يتزوجن ما ابيهن لا انهان توقفون مع رجالهم.. هذولي خواتكم من لحمكم و دمكم.. كرامتهن من كرامتكم.. لا تخلونهن يحسن ان ما وراهن سند.. ياسر يناظر وعد باستغراب : ليش عماد ضربك..؟! وعد هزت راسها : لا.. ابو سعود : ليش يعني عشاني قلت هالحكي بتجلس تحقق معاها..؟! اللي صار صار بينهم.. و ما ابي الموضوع يكبر زود عن ما كبر.. ياسر دبت فيه الحمية : يبه تكفى.. قولنا ويش السبب.. ليش جبتها بس علمنا.. ابو سعود : ياسر خلاص.. لا ولدت وعد بالسلامة يصير خير.. ياسر : يبه و الله بنقهر.. لو ادري انه قهرها و احنا يا غافلين لكم الله.. ابو سعود : ما قهرها.. تتوقع لو قهرها بسكت..؟! خلاف بينهم و جبتها هنا لين تولد و بعدين يصير خير.. و خلاص نقطة انتهى النقاش في الموضوع.. ظلوا يتبادلون الشباب النظرات..؟! كل واحد يفسر من عنده.. ابوهم ما قال حكية من فراغ اكيد ان عماد و وعد صار بينهم شيء كايد.. و هم ما يبون لاختهم الضرر .. و دامهم من الاول ماهم راضين بهالزواج.. و سعوا للطلاق اول مره.. اكيد أي شيء بينبشهم.. ام احمد : يمه دانه جيبي لنا شاهي.. دانه وقفت : ان شاء الله يمه.. مشعل يناظرها وهي معطيتة ظهرها بتروح للمطبخ : ايوه كفوو العروسة.. انحرجت و حمدت ربها اللي ما كانت جالسة او وجهها يمهم.. ابو سعود يناظر مشعل : ويش استفدت الحين..؟! مشعل : ليش يبه ويش قلت..؟! ابو سعود : اتحداك ان رجعت جلست معانا.. مشعل : الله ما عطاها ما عطى قلة حيا بعض الناس.. نهى : شوف ان كنت تقصدني بقولها لك بالفم المليان : انا ما استحي كيفي مزاجي انا حره.. مشعل : الحمدلله عرفتي نفسك من غير لا احكي.. ابو سعود : انت ويش صاير لك..؟! جالس مع بندر كثير هاليومين صح..؟! مشعل : هههههههههههههه ايه و الله حضرت كل هوشاتة مع اسيل.. ابو سعود : و انا اقول هالاسلوب اسلوب بندر ما غيره.. ام احمد : هذا اللي يقول يروح بيت جدة عشان عمة مشاري و القانون وما ادري ويش.. ابو سعود : صدقتي انتِ..؟! و الله اني عارف باسطها مع بندر قهوة و شاهي و بلعة و كلمتين مع مشاري عشان يقول كنت معاه و لا يكذب علينا.. مشعل : ويش فيكم قلبتوا علي.. تراه عمي ماهو غريب.. وليد : السلام عليكم.. : وعليكم السلام.. سلم على ابوه و امه و خالاتة و حاتم : هلا بالأخوو.. حاتم ابتسم : هلا فيك.. وليد جلس جنب خالد .. خالد : ويش دراك انت لا يكون بعد تدري عنه..؟! وليد : لو بتدري كنت سكت..؟! بس توني قابلت فيصل و عمي راكان و ماجد و يحكون عنه.. مشعل: ما تفاجأت..؟! وليد : ليش يعني تبيني ابكي عشان ابين لك قد ايش منصدم..؟! مشعل : ها ها ها ياخي بموت من الضحك خف علي تكفى.. وليد : ان شاء الله المره الجاية.. حاتم اللي كان احساسة غريب.. كلام العيلة بين بعضهم وكأنه واحد فيهم ومن زمان يعرفونة شيء محسسة بالراحة و الطمأنينة.. كان خايفين يتحفظون قدامة لين يتعودون عليه.. لكنهم تكلمون بمواضيع ما يحكون فيها قدام اغراب مثل خلاف وعد مع رجلها.. و نقارهم و هواشهم.. و ما كأن بينهم شخص لأول مره يشوفونة.. ام احمد تناظر وليد : يبه تبي اكل نحط لك..؟! وليد : لا يمه ماني مشتهي.. دخلت ياتي و نزلت الشاهي و المكسرات على الطاولة.. و قامت ميار تصبة.. ام احمد : يا ابوي ويش بلاك شهيتك ماهي زينة للأكل.. كل مالك تنسخط.. ياسر شهق وه يأخذ الفنجال من ميار : ينسخط..؟! يمه من جدك..؟! شوفي كتوفة بقي كم سانتي وما يدخل مع الباب.. ام احمد بفزعة : اذكر الله .. لا تنظل اخوك.. ياسر : لا اله الا الله.. بكره يمرض تحطونها براسي.. ام احمد تضرب يدها بفخذها : تفاول على اخوك بالشينة.. ياسر : خلاص خلاص .. الله يحفظة و يخلية لك و تشوفين عيالة و عيال عيالة ويش تبين بعد يالغالية.. خالد : بعد ايش.. بعد ما شلعت قلبها.. عاد الا وليدان ما ترضى عليه بكلمة.. صعبوا عليه المهمة.. شلون بيقولها انه بيسافر برا.. و طيارتة الفجر.. كيف بيقولها انه بيطول و لا يقدر حتى يكلمها.. و لا تسمع صوتة و تطمن عليه.. صعبوها عليه حسها غصة بحلقة.. كيف بيعلمها.. (ناظر الأرض يفكر) ويش بيكون عذرة.. بتصدق انه بيسافر برا بدورة..؟! طيب دورة ايش..؟! يحطها براس الفريق غازي ويقول انه اعطاه دورة.. بس بتسألة كم مدتها وهو ما يدري.. طيب شلون ما يكلمها.. ويش له من عذر.. يخربها و يعلمها انه بيروح يفدي الوطن بروحة..؟! ماهو عارف ويش يقولها.. نطق اخيراً : يبه ابيك بموضوع.. ابو سعود استغرب .. : خير ان شاء الله..؟! وليد وقف : بالمكتب.. مو بالعادة وليد يطلب يشوف ابوه لحاله.. كلهم ناظروة باستغراب.. لكن ابو سعود وقف و اتجه لمكتبة .. اما وليد ناظر اخوانة : و انتم.. وقفوا كلهم وسط استغراب البنات و حريم ابو سعود.. فيه ان بالموضوع.. و ياخبر اليوم بفلوس بكره ببلاش.. جلسوا كلهم.. سعود و ابو سعود جنب بعض.. و خالد و احمد و مشعل جنب بعض.. و ياسر و وليد جنب بعض.. ابو سعود : خير يا وليد.. قول ويش عندك.. وليد : يبه اللي بسوية سعود يدري عنه.. و انت تدري عن بدايتة بس ما تدري ويش انا بسوي.. و اخواني ما يدرون.. لكن لازم يدرون عشان اللي لازم يصير.. ابو سعود : تكلم.. وليد : انت وافقت اني اكون ضابط سري.. الاخوان انصدموا.. احمد خالد مشعل ياسر.. تقدموا كلهم يناظرون وليد.. وليد = ضابط سري.. احمد : ايش قلت.. سعود بثقة : مثل ما قالكم.. ضابط سري.. يعني ما فيه ابن امه يدري.. خالد ينقل نظراتة ما بين سعود و وليد : مو على اساس يشتغل مع الفريق غازي كا عقاب..؟! سعود : ايه هاذي البداية.. لكنها صارت وظيفة سرية.. ياسر : و امي..؟! امي ما تبيه يشتغل هالشغلة.. ابو سعود : لو دولتك بحاجتة تخاذل عنها..؟! ياسر : اكيد لا.. ابو سعود : اذاً انتهى الموضوع.. كمل يا وليد.. وليد : يبه انا مقدم على مهمة.. و المهمة هاذي بتقلب حياتي.. انا لازم اترك البيت و اعيش حياة ثانية.. بعيش لحالي بشقة و بشتغل.. ما راح اقدر أشوفكم او حتى اكلمكم.. اخباركم بتوصلني بطريقة ما.. لكني بتطمن عليكم.. ياسر بحدة : انت ويش قاعد تحكي.. انت عارف كم عمرك عشان تدخل مهمة انت اصلاً تصير ضابط..؟! وليد : صرت ضابط و هالشيء يخصني انا يا ياسر.. لكن الشغلة اللي بشتغلها يمكن تخليكم تقابلوني باي مكان.. و أي مكان تقابلوني فيه انسوا اني اخوكم او شفتوني بيوم.. لاني بكون تحت المراقبة.. ما استوعبوا سيل الصدمات اخوهم ضابط سري .. بيقبل على مهمة امنية سرية.. تحتم عليه الانقطاع عنهم.. و بيكون تحت المراقبة.. يعني الموضوع شيء كبير.. احمد : وليد انت ويش تقول احنا مو فاهمين.. وليد : اللي سمعتوة.. انا بطلع من البيت صلاة الفجر.. لا احد فيكم يسأل عني.. بحجز تذكرة وهمية لبرا و ع اساس بسافر برا.. عشان أي احد يسال عني أكون بدولة ثانية.. و انا ما علمتكم الا عشان ان شفتوني ما تكلموني و لا حتى تناظروني.. ما ابي حياتكم تتهدد بالخطر.. خالد : ليش ويش اللي حادك..؟! وليد : روحي فدا البلد.. و انت و كلنا.. انتم بس ادعوا لي و ان شاء الله بنجح و ارفع رووسكم كلكم.. ياسر حضن وليد و ربت على كتفة : كفووو.. روح و القلب داعي لك.. مشعل ما حكى.. انصدم بالموضوع.. ما توقع وليد اقرب اخوانة له.. بيبعد بهالشكل و يحط حياتة على حافة الموت.. و ابو سعود بعد ما حكى.. لانه يطلع من فقد و يدخل بثاني.. لكنه هالمره مقدم ولده عشان البلد.. توه ما فرح برجعة حاتم عشان يجيه وليد و يقولة بيبعد عنهم ومن اليوم و رايح ما يعرفهم و لا يعرفونة.. و لا حتى بينهم أي اتصالات.. خالد : شلون يعني ما راح تتصل فينا..؟! وليد : لا .. قلت لك بكون تحت المراقبة من كل الاتجاهات.. و اخباركم بتوصلني.. بس ابي دعواتكم.. احمد : امي.. ويش بنقول لها..؟؟! وليد بحيرة : ما ادري.. محتار.. سعود : يبه ما قلت شيء..؟! ابو سعود : ويش اقول .. الله يحميك و يكون بعونك.. وعون جميع رجال الوطن.. وقف وليد و جلس يسار ابوه وباس راسة : تكفى يبه لا ارسلوني جثة لك قول لامي لا تزعل علي.. قولها اني عطيت روحي لوطني.. قولها لا تبكي و انا باذن الله شهيد.. قولها تسامحني يبه تكفى لا تخليها تزعل.. قولها بحافظ على صلاتي و فروضي و واجبات ديني.. و وطني.. و دراستي.. ما راح اخيب ظنها و لا ظنك يبه.. دمعت عيون مشعل على كلام وليد.. صد بوجهة عنهم.. وهو يشوف وجيه اخوانة و ابوه شلون تغيرت من حكى وليد بداية الموضوع و زادت عند كلامة الأخير.. صعبة تودع شخص عزيز عليك و انت تدري باحتمالية كبيرة انه ما يرجع لك الا جثة.. .. لا إله إلا أنت سبحانك إني كنت من الظالمين.. لا أحلل نقل الرواية دون ذكر اسمي.. هاشتاق #رواية_لو_سألتي_الورد ضحكة قهر |
رد: لو سألتي الورد وهو ما بين إيدك أقطعك بيقول لك عمري فداك الكاتبة / ضحكة قهر
بسم الله الرحمن الرحيم.. السلام عليكم ورحمة الله وبركاتة.. بداية مساء الخير.. و سنة دراسية حافلة بالنجاح اتمناها لكم جميعاً.. نصيحة لكل بنت تدرس يمكن سمعتوها كثير بس صدقوني بتحسون فيها لا تخرجتوا.. الدراسة متعة صدق.. و نجاح.. سوي اللي عليك حتى لو ما جبتي درجة بالمادة ربي ما يضيع تعب احد بتعوضينها بمادة ثانية.. لا تخلين يجي يوم و تقولين ليتني اجهتدت و جبت درجة اعلى كنت اقدر اسويها.. سوي اللي عليك.. << انا وحده كذا اهملت مو يعني اني بليدة.. بس كنت اقدر اجيب اعلى مما جبت.. و لا جبتتها للأسف و الحين ندمانة و الله.. بس ان شاء الله يكون خيرة لي.. ثانياً. بخصوص البارت الجاي.. ان شاء الله بقدمة كثير يعني بيكون الخميس او الجمعة يا حبايب.. و الصبر زين يعني لاحظوا اني قدمتة كم يوم من الاثنين للخميس او الجمعة.. بس ببدأ اكتبة من بكره الصباح لاني صاحية للحين عشانكم و الله و الا كنت نمت من العصر..حاسة بعد ان البارت قصير و هذا واحد من اسباب تقديمي للبارت الجاي.. و اوعدكم لو اخلصة قبل فهو لكم اول ما يخلص.. ثالثاً هذا البارت اهدأ .. اهدأ لوحدة مجهولة ع الآسك ما اعرف اسمها.. بس ناقشتها على موضوع الدراسة و اشياء كثير.. ما ابي اعيد اللي كتبتة و ناقشي معاها.. بس ادعي لها ربي انه يوفقها و يكتب لها الخير و يحقق لها مرادها و يسدد خطاها.. ادعوا لها يا بنات .. بس اقولها لا تيأسين ابداً و هالكلام مو بس لها للجميع .. الحياة تحتاج مين يتعب عشانها.. و هي عبارة عن انجاز.. اذا استسلمتي يعني ما سويتي اي شيء .. يعني اليوم مثل امس مثل بكره.. ما عندك شيء جديد انجزتية.. عشان كذا اقول لا تستلمون و حققوا كل مره حلم جديد.. << لو بقرقر عليكم بقلبة بارت.. اتركم مع البارت تقريباً كله ببيت ابو سعود مثل زمان حنيت للبارتات الأولى.. البارت السادس و الثلاثون.. من اللي علمك .. تجرح حنيني وتعطي عيني اللون الرمادي ؟ على كثر الجروح اللي تجيني وصلت لمرحلة ( كل شي عادي ) ! لـ حمد العيد.. ابو سعود : ويش اقول .. الله يحميك و يكون بعونك.. وعون جميع رجال الوطن.. وقف وليد و جلس يسار ابوه وباس راسة : تكفى يبه لا ارسلوني جثة لك قول لامي لا تزعل علي.. قولها اني عطيت روحي لوطني.. قولها لا تبكي و انا باذن الله شهيد.. قولها تسامحني يبه تكفى لا تخليها تزعل.. قولها بحافظ على صلاتي و فروضي و واجبات ديني.. و وطني.. و دراستي.. ما راح اخيب ظنها و لا ظنك يبه.. دمعت عيون مشعل على كلام وليد.. صد بوجهة عنهم.. وهو يشوف وجيه اخوانة و ابوه شلون تغيرت من حكى وليد بداية الموضوع و زادت عند كلامة الأخير.. صعبة تودع شخص عزيز عليك و انت تدري باحتمالية كبيرة انه ما يرجع لك الا جثة.. أحمد : ما ينفع تصبر لين نمهد لأمي الموضوع.. وليد : لازم اطلع الفجر.. ما بقي وقت.. انا بقولها اني مسافر بدورة تدريبية.. وما ادري متى تخلص و ممنوعة المكالمات.. هذا اخر شيء وصلت له.. خالد : بس انت تدري ان مهمتك ممكن تطول لحد امي ما راح تصدقة.. ياسر : و لو درت انك بتكون بخطر ما راح ترضى على هالشيء.. ابو سعود : بنقولها مثل ما قال وليد .. و بعدين تدبر.. الله بيسرها من عنده.. أحمد : و خواتي..؟!! وليد : كلهم بسلم عليهم و أنا طالع.. (وقف) كان ودي اسلم على الكل بس ما يمديني.. بروح اجهز اغراضي.. و خرج.. ظلوا يتبادلون النظرات من وراه.. مشعل : يبه انت راضي..؟! راضيى يروح يرمي روحة بالنار.. ابو سعود : و ليش تشوفها كذا.. ليش ما تقول راح يفدي وطنة.. مشعل : ماني متخيل انه بيروح و يخاطر بنفسة.. لسى صغير.. سعود : مشعل.. مشعل وقف : بترضون لو بكره قالوا لنا .. تراه.. تراه .. مات تعالو استلموا جثتة.. سعود وقف وسحب مشعل و طلع برا .. ابوهم ماهو ناقص.. ما بعد استوعب حاتم و رجعتة و طلعة وليد المفاجئة عشان احد يلومة.. سعود واقف مع مشعل برا و يكلمة بهدوء : ابوي ماهو ناقص.. مشعل : ليش تبيه يرمي وليد بالنار..؟! سعود : هذا و انت بتشتغل بالقانون..؟! مشعل بقهر : اشتغل بالقانون ادافع عن الناس و احميهم.. مو ارميهم بالنار و اتفرج عليهم.. اكيد انت السبب وراء كل ذا.. ويش بتستفيد من انه يخاطر بحياتة..؟! بتجيك ترقية..؟! ليش ما هو اخوك ما تهتم لحياتة.. لهدرجة رخيص عندك.. و الا عشانة ماهو شقيقك عادي.. سعود : تدري عمري ما توقعت تفكيرك لهدرجة صغير.. انت تعرف اني لا يمكن افرق بين انكم شقايقي او لا.. اصلا ما عندي اخوان اشقاء الا ميار و ميار بنت.. توقعتك خواتي يفكرن هالشكل لكن انت..؟! تتوقع اني برمي وليد عشان ترقية,..؟! اصلاً انا ما دريت انه متوظف معانا.. هو جاء لأبوي هنا و ابوي وافق.. و هو اللي عرض يدخل بالقضية.. ما احد جبرة.. هو اللي فدا روحة لوطنة ما احد حطه بالواجهة.. هو اللي تبرع بنفسة عشان حماية الوطن.. ماهو انا اللي بستفيد من وراه.. ولو جاء يوم و قالوا لي اخوك توفى.. ما راح ازعل .. لا تحسب عشان ماهو شقيقي مثل ما قلت لانه اخوي.. ربطنا اب و ما يهمني بالباقي.. ما راح ازعل عشاني عارف انه توفى بشرف.. توفى شهيد.. تجي انت الحين و قبل ما يطلع تلوم ابوي..؟! .. ما بعد استوعب صدمة حاتم عشان يجيه وليد.. انا متغانم ان ضغطة ما ارتفع و انت تسمعة حكي يكدر خاطرة..؟! و تزيدها عليه.. مشعل و عيونة غرقت : ما ابيه يروح.. ما ابي افقدة.. حضنة سعود.. و نزلت دموع مشعل ما يطري بباله الا ان وليد رايح للموت.. : افااا توقعتك اكبر من كذا.. ما فيه شيء تبكي عليه المفروض تفتخر فيه.. هالحين تبكي بكره لو قابلتة ويش بتسوي...؟! لازم تمسك نفسك يا مشعل.. لازم تكون اقوى من كذا.. وليد بيدخل مهمة و محتاج دعم نفسي.. مو يدخل و هو يخبرك تبكي عشانة.. اجل شلون بيكلم خالتي.. اذا انت زعلت خالتي بتشك بالموضوع.. مشعل رفع راسة ومسح دموع خانتة : طيب على الأقل يكلمنا و نطمن عليه.. سعود : لا.. فاهم.. لان حياة الكل بتصير بخطر.. حتى امي و خالاتي و ابوي و خواتي و اخواني و عماني.. الكل يا مشعل.. اول ما يطلع وليد من هالباب تنساه.. تنسى ان عندك اخ اسمه وليد.. لا شفتة و لا كنك تعرفة.. : انت ويش قاعد تقول..؟! ارتعب سعود يوم سمع الصوت.. التفت شافهن واقفات مصدومات.. سمعوا الكلام.. : ندى .. نهى.. ندى : سعود احنا سمعناك.. ويش تقصد..؟! سعود بثقة : ما اقصد شيء.. اما مشعل مسح دموع و رجع مكتب ابوه.. ما يبي ينحط بمواجهة مع احد.. لانه اكيدج بيفضح الموضوع.. نهى : لا يا شيخ.. سمعناك تقول تنسى ان عندك اخ اسمه وليد.. سعود : يتهيأ لك انتِ و اياها.. الا وين حاتم..؟! ندى : مع امي.. كلهم جالسين بالصالة و خواتي ماسكاتة استجواب.. نهى تقدمت بتدخل وراء مشعل مسكها سعود : على وين.. نهى : بشوف ابوي الا بعد تبينا ننساه.. سعود تركها وهو يعفس فمة.. دخل وراها و من بعده ندى.. نهى التفت شافتهم جالسين كلهم : وين وليد..؟! كلهم ناظروا سعود .. مستغربين ليش نهى تسأل عن وليد و بهالحزة بالذات.. ابو سعود : بغرفتة ليش..؟! نهى التفت لسعود : ليش يقول لمشعل تنسى ان وليد اخوك و لا كنك شفتة و تعرفة..؟! سعود : ما قلت هالحكي لا تألفين من راسك.. نهى : انا ماني صمخاء يا سعود.. سمعت ويش قلت.. وشوف شكل مشعل.. و اشكالكم.. و الله فيكم شيء.. وليد ويش فيه..؟! يبه.. لا يكون تبريت منه..؟! ندى شهقت : لااا.. يبه تكفى لا .. ما صدقنا حاتم يطلع عايش و يرتاح قلب امي.. ما نبي خالتي تتعب تكفى.. نهى : تبريت صح..؟! يعني مو بعيدة بكره تتبراء منا كلنا.. نبي نعرف ويش سوا ويش الغلط .... قاطعتها حدة ياسر : هيـــــــه انتِ ركبتي سيناريوهات من عندك و صدقتيها.. ويش اللي ابوي تبرأ منه خبلللة.. نهى : الا احنا سمعنا سعود يكلم مشعل.. ومشعل يبكي.. ابو سعود : يا بابا فهمتوا غلط.. و يمكن ما سمعتن زين.. لان وليد بيطلع الفجر بيسافر.. ندى باستغراب : يسافر..؟! ليش..؟! و وين بيروح..؟! سعود : امريكا.. و ليش عنده دورة.. نهى ببرود : اجل وصووه لا يرجع لنا بمره و عشر عيال.. خالد : كأنك تدقين بالحكي.. نهى : ما جبت شيء من راسي.. خالد : ليش فيصل رجع و بيده مره..؟! نهى : ماني ضامنتة.. ممكن يعترف بعد سنين مو شرط يعترف الحين.. ياسر : خبـــلة انتِ خبــــلة.. نهى : شكـراً اخي العزيز.. اقول ترى اخوك الجديد برا و انتم مسوين اجتماع ذكوري عيب ماهي حلوة بحقة.. في الصالة جالسات حوالية و يستجوبونة.. جود : كم عمرك..؟! حاتم : 28 سنة.. دانه : ماشاء الله.. طيب ويش تخصصك..؟! حاتم : طب عظام.. ميار : يا عيني و متى تخرجت..؟! حاتم : من زمان.. ميار : احلف بس.. حاتم ابتسم : و الله.. ميار : صدق طيب متى امداك تأخذ ماجستير يعني الطب سبع سنوات مره كثير احس يبي لك فترة عشان ترتاح.. حاتم : ليش ارتاح و انا ما وصلت اللي ابيه.. بدري ع الراحة.. سها : شكلك دافور.. بعض الناس طالعين عليك.. ام ندى : اذكري الله.. سها تلوي فمها : لا اله الا الله .. بكره يقولون صكيتية بعين.. وعد : و اذكري الله عشاني.. سها : لا اله الا الله.. لا اعوذ بالله غثيتوني.. حاتم : لازم تقرنين اعجابك بماشاء الله ماهي مكلفتك شيء.. سها : اهااا محاضرات.. اجل شكلنا بنسلم عليكم و نمشي.. ام ندى : مير ما نمتي خير ان شاء الله ما عندك دوام بكره.. سها ابتسمت : هلا هلا رجعت نوالتي لسابق عهدها.. كفووو و الله لك فترة مهيتتنا.. ام ندى تضربها على ذراعها : استحي على وجهك ويش مهيتتكم.. شكلك تبين العين الحمراء.. سها : لا تكفين لا توصلينها للحمراء خليها برتقالي بيني و بينك.. جود : احد قالك من قبل دمك ثقيل.. سها : لا انتِ اول وحدة.. يالله ما عندك نظر.. جود : انا ما عندي نظر..؟! لا حول ولا قوة الا بالله.. صدقيني يا خية ما ودي اكسر بخاطرك.. بس مير يعني.. و الا أقولك خلاص بتحملك.. و الله يعيني.. سها : لا تكفين لا تحمليني قولي بس ويش عندك.. ام احمد : انتن ويش بلاكن.. كل وحدة لسانها ويش طولة.. : خير ويش فيكم..؟! جود تتمسكن : بابا شوف سها بس تحكي علي.. سها حطت يدها على راسها : يا ربي يا كبرها.. ويش اللي احكي عليك..؟! على اساس انتِ ما جرحتي مشاعري.. جود تمثل الصدمة : انا جرحت مشاعرك..؟! يا ربي .. عشانك اختي بس ما راح اتحسب عليك.. ظلمتيني الله يسامحك.. سها : يوه اصبري بحط قطرة عيون انزل لك دمعتين.. تأثرت بطيبتك.. وقلب الأبيض الصافي.. نهى : صافي و الا المراعي.. هههههههههههههههههههههه.. كلهم التفتوا لها حتى اخوانها اللي جو وراء ابوها يناظرونها.. بعد ما كانو يشوفون تمثيل سها و جود و فقش كل وحده ع الثانية.. خالد : ويش المطلوب اننا نضحك.. جود : هههههههههههههه لقطي وجهك.. ابو سعود بحزم : بــــــس.. اعتدلت كل وحدة بجلستها بهدوء و بالعة لسانها.. ابو سعود : لي فترة ما اسمع اصواتكن ويش صار لكن اليوم.. سها : يعني صار عندنا اخ جديد لازم نفرح فيه.. ابو سعود : تدرين كم الساعة يا هانم.؟! سها بلعت ريقها : ايه.. ابو سعود : بكره ما عندك دوام..؟! سها : احم.. الا بس.. بس بغيب.. ابو سعود : و ليش ان شاء الله..؟! سها : لان ما عندي الا محاضرة ما تسوى.. ابو سعود : صدق ما تسوى..؟! حتى الدراسة ما تسوى.. ليش تتعبين نفسك انثبري بالبيت.. سها بفجعة : لا . لا .. خلاص خلاص بداوم.. ابو سعود : لا ريحي نفسك ليش تداومين ما تسوى.. سعود : و الله من البلادة.. سها : مو بلادة .. بس الدكتورة كارهتني و ما ابي احضر لها عشان ما... نهى قاطعتها: لا تقولين عشان ما تهاوشين معاها لانك ما قدرتي تردين عليها من اول مره كلمتك.. خالد : ويش اللي ترد على دكتورتها ويش قلة الأدب هاذي..؟! نهى : اللي مثل دكتورتها ما يتسمى قلة ادب.. يتسمى تعليم الاحترام.. و الله شيء.. ابو سعود : على آخر عمري بسمع سوالف حريم.. سها : مو قصة سوالف حريم .. بس هي تكرهني ويش اسوي لها انا.. ابو سعود : طنشيها.. وعد : لا تطنشيها.. سمعيها كلمتين تبلع لسانها وراها.. ابو سعود حمر عيونة : نعم..؟!!! وعد : و الله صدق.. اجل تقولها انتِ داخلة هنا بواسطة ابوك.. طيب و اذا هي ويش دخلها..؟! جامعتها و الا جامعتها..؟! ياسر : ايش تقول..؟! سها : تقول هذا مو مكانك انتِ دخلتي هنا عشان واسطة ابوك.. فيه بنات احق منك بالمكان اللي انتِ جالسة فيه.. شرشحتني قدام الله و خلقة.. أحمد : سها يمكن انتِ فاهمة غلط.. جود : و الله ما يبي لها اغلاط يعني وحده تقولها كذا يكون فيه احتمالية لانها فهمت غلط ما تجي احمداني.. أحمد : طيب انتِ سويتي لها شيء و تضايقت منها.. سها : لا طالبة جديدة وما اعرف احد ويش بسوي لها.. اصلاً هي من لقاء المستجدات وهي حاطة دوبها من دوبي.. مناقرتني حتى على جلستي.. دانه : انتِ عشانك جديدة مو متعودة على اجواء الجامعة.. يعني فرق عن الثانوي.. بس فترة تتعودين.. سها بقهر : انا ماني هبلة.. هي الوحيدة اللي تعاملني هالشكل.. كل الدكاترة عادي الا هاذي.. بكل محاضرة تسأل عني.. و تسالني و كل محاضرة ترد علي نفس الحكي.. ابو سعود : ماله داعي تعصبين.. دانه ما قالت شيء.. سها : كل واحد اقوله يحملني انا الغلط.. و انا ما غلطت هي حاقدة علي ويش اسوي لها يعني.. ابو سعود : طيب اهدي.. مسرع عصبتي.. الموضوع ما يسوى تعصبين عليه.. سها شتت نظراتها ما تبي تصيح و يحسونها ضعيفة تبكي على شيء زي كذا بنظرهم تافة : ما عصبت.. سعود : عامليها بالحسنى مردها تتغير.. أحمد : ايه هذا الرأي الزين.. اصبري عليها ماهي مدرستك كل المواد.. سها تأخذ نفس و ترمش عشان ما تبكي : هي رئيسة القسم.. و تدرسني مادتين و كلهم ثلاث ساعات.. يعني اربع محاضرات.. بالأسبوع.. و كل محاضرة.. تسأل عني و تناظرني باستهزاء.. و كل محاضرة تسالني تبي توقعني بأي شي.. عشان تنقصني.. درجات.. مشعل : يمديها زيا بلتكم هاذيك اللي حاقدة عليكم بسبب مسيرة بعض الناس.. وعد : ما عليش بس ما توقعتك غبي لهدرجة قالت لك رئيسة قسمهم.. ويش بيخليها تدرسني و انا مو بقسم علم النفس..؟! مشعل : اهااا ما ادري.. قلت يمكن عاد انتِ ما تخلين احد بحالة.. وعد : طالعة عليك اكيد.. منيره : طيب ليش ما ناقشتيها.. ممكن انتِ سويتي شيء مو منتبهة.. سها صرخت : قلت لا احد يحملني الغلط .. انا ماني مجنونة عشان ما اعرف ويش مسوية.. ابو سعود بحدة : سهــــــا.. وقفت سها و دموعها بتنفجر ماسكة نفسها و مقهورة.. ابو سعود : و الله طالت و شمخت .. من متى ينرفع الصوت بوجودي..؟! و لا بعد على خالتك..؟! اعتذري منها أشوف.. من غير لا ترفع عيونها عن الأرض و صوتها يرجف : آسفة.. وطلعت من بينهم بسرعة قبل لا تنفجر صياح.. البنات كل وحدة تلتفت على الثانية و ساكتات.. من زمان ابوهم ما صرخ عليهم.. بس كأن الأمور بترجع لسابق عهدها.. نهى تلعب بشعرها و تقرب من وعد و تهمس باذنها : كل ذا عشان مناير.. وعد بنفس الهمس : مو شيء جديد عليه.. نهى : من زمان ما هاوشنا.. و لا صرخ علينا.. وعد : و من زمان ماما ما سالتنا عن الدوام شوفيها سالت سها اليوم.. بنرجع مثل قبل يا حظي.. نهى : ايام الكبت و ضيقة الخلق.. اشوا اني بتزوج و الا كان صار فيني شيء.. وعد : لا تفرحين واجد.. ما تدرين لو بيت بابا اهون من بيت فيصل.. نهى بفزعة : اعوذ بالله فاولينا خير.. جود بهمس تنبه خواتها : بس.. التفتن عليها .. جود : ويش صاير اليوم..؟! نهى : علمنا علمك.. جود : هذا و انا كنت بفاتحة اني اغيب.. الحمدلله عدت على خير.. نهى : ابلعي لسانك و داومي بس.. ابو سعود : و الله خوش رجعنا لمساسرة..؟! اعتدلت كل وحده بجلستها و لزمت الصمت.. ابو سعود : ما كلمك وليد يا سارة..؟! ام احمد باستغراب : يكلمني بأيش..؟! ابو سعود بهدوء : بيسافر.. ام احمد بصدمة : يسافر وين يغدي..؟! ابو سعود : بيروح دورة برا.. ام احمد : دورة..؟! دورة ليش..؟! احمد : دورة مع الفريق غازي.. ان شاء الله ماهو مطول.. ام احمد : ويروح معاه ليش..؟! مو على اساس عقاب ثلاث شهور و تقضي.. يأخذه معاه ليش..؟! خالد : عادي يمه و وليد حاب يروح و يستفيد من الدورة.. ما فيها شيء.. ام احمد : و دراستة..؟! ما يكفي انه مهملها..؟! من صار مع الفريق غازي و هو مهمل كل شيء.. اكله و شربة.. و نومتة.. و دراستة.. حتى جلستة معنا ما عاد يجلس مثل اول.. ياسر : كل ذا حب لوليد يمه..؟! و بعدين انتِ موسوسة.. و الا هذا هو وليد ما تغير غير انه ركد شوي .. احسن له من الهياتة.. اول ما يرجع غير تالي الليل يجلس مع اخوياه.. على الاقل مع غازي الواحد يضمنة و يعرف معدنة.. ام احمد : ليش شايف عليه شيء انت..؟! ياسر : لا يمه ويش بشوف..؟! عاد ماهو اخر العنقود عشان تشفقين عليه هالكثر..!؟ ام احمد : انا ماني راضية عن سفرتة.. ما ابيها.. ابو سعود : سارة.. وليد ماهو صغير.. يعرف مصلحة نفسة.. ام احمد : لو يعرفها ما ترك دراستة و اهملها.. ما راح لأختة وهو يدري انها محبوسة.. ويش استفاد من روحتة لها.. ولا شيء.. غير انه تعاقب عليها و الحين بيسافر.. ابو سعود : ما اهملها يا سارة.. وليد ما عاد صغير عشان تخافين عليه.. خليه يروح يشوف الدنيا.. < يقنعها و الا يقنع نفسة ان وليد رايح لدورة برا.. ماهو للموت..؟!! ام احمد : و يرجع مثل خالد بيدة مره و عيال..؟! : هذا ظنك فيني.. من جدك يمه انا وجهي وجه زواج..؟! ام احمد التفت له واقف.. ومنزل شنطتة : ليش هاذي..؟! ابو سعود : قلنا لك بيسافر.. ام احمد : كذا من غير رضاي.. وليد يبوس راسها و كفها و يجلس جنبها : افااا و الله من غير رضاك ما أعتب الباب.. بس تكفين يا يمه خاطري بهالدورة.. ترضين ان ولدك يكون بخاطرة شيء و لا يحصلة..؟! ام احمد : و انت ترضى تروح لشيء انا ماني راضية عنه..!؟ وليد : لا ما ارضى.. بس انا قلت اجهز شنطتي و اعرفك يا ميمتي ما انتِ رافضة ومخليتها بخاطري.. مشعل كان وده يقوم و يصفق وليد على ذا الاسلوب.. ما كأنه بيروح لمهمة.. ام احمد : قد ايش بتقعد..؟! وليد : ما ادري للحين ما حددوا.. ام احمد : يعني بتطول..؟! وليد يبوس كتفها : و الله ما أدري بس ان شاء الله ربك ييسر و يعين.. ام احمد : اول ما توصل تكلمني.. وليد يبوس راسها : ما اقدر قبل ما نطلع الطيارة بيأخذون اجهزتنا ممنوع نكلم أي احد.. بس اوعدك ان جاتني فرصة بكلمك.. بس لا تنتظرينها ما ابي بالك يكون مشغول فيها لان احتمال كبير ما اتصل.. ام احمد : استغفر الله.. احمد : انتِ بس ادعي له يمه الله يوفقة.. ام احمد : الله يوفقك يا أبوي.. .. جود وهي جالسة على الأرض و مادة رجولها ..حطت رجل على رجل : الحب كله لوليدان و انا يا عوينتي البنية الثانية و اخيتي الأولى بتزوج و بقعد لحالي و الله بلاني بالسكر و ما احد خاف علي..؟! يا عوينتي بس.. مشاعري انجرحت.. ياسر : ان شاء الله حتى انتِ تزوجين و نرتاح منك.. جود بقهر : الا ان شاء الله انت تزوج و نرتاح منك.. وين رد صبوي بس.. خلنا نفتك منك حبتين.. ياسر مسك الخدادية و رماها عليها بقوة : انتِ ما تعرفين تستحين..؟! جود : لا ما اعرف.. اريحك انا الوحيدة اللي ببلط عندكم.. لا تنسى فيني السكر.. وما احد بيتزوج وحدة فيها السكر.. قاعدة على قلبك.. ام سعود : ويش هالحكي ذا..؟! ما تدرين الله ويش كاتب لك.. جود : يوه تحسبوني ميتة على العرس الحين.. انا كذا بس قلت يعني البنات مسطرات ببيوت اهاليهن ما تزوج.. انا بتزوج.. بس عشان اريحكم.. وعد : تعالي كأنك قلتِ دانه بتتزوج..؟! جود : اوفف ما دريتي..؟! وعد : لا .. ولا كني اختها..!! جود بحماس : ما دريتي عمتي لطوف كلمت بابا و قالت تبيها لثامر.. وعد مدت لسانها لزاوية فمها و اتسعت عيونها : اها.. كذا السالفة.. جود غمزت لها : كذا يا عيوني.. جاء في بالك اللي جاء ببالي صح..!؟ وعد : طبعاً اصلاً من الغباء ما يطري عليك.. اذا ما طرى عليك معناتة ما انتِ شبيهتي.. نهى : ليش ويش طرى عليكم..؟! وعد : معقولة ما فهمتي..؟! نهى ببساطة : لا ما فهمت..؟! ويش تقصدون..؟! ابو سعود : ويش اللي تقصدنه حضراتكن..؟! وعد : و الله يا بابا اللي نقصدة واضح زي عين الشمس ما يحتاج له سؤال.. جود : كفوو افصحي يا خيه ما جات لي الجرأة اتكلم بدونك.. سعود : قايل هاذي محراك الشر.. وعد : و الله اني ماني شر بس اشوف اشياء انتم غافلين عنها.. و يمكن ما انتم غافلين بس فضلتوا تسكتون.. ياسر : ويش الشيء اللي فضلنا نسكت عنه..؟! وعد : خطبة عمتي لطيفة لدانه بذات..؟! ام سعود : ما تدرين عن النصيب.. وعد : خالة ما اتكلم عن النصيب.. ليش ما خطبت سها او جود او عبير او سهاد او صبا..؟! ليش ما خطبت له من برا العيلة..؟! ايش معنى دانه..؟! سعود : انتِ يالخبلة ويش اللي بتوصلين له.. وعد : اللي بوصل له عمتي لطيفه متقصدة تأخذ دانه لولدها عشانها تدري لو تندق ما راح تكلم و بتنطم.. ضعيفة و القطو ياكل عشاها.. جود : عليك نور.. هذا اللي جاء في بالي.. و الله ما اختارت دانه عبث.. ابو سعود : ان سمعت طاري هالحكي مره ثانية.. ما تلومين الا نفسك انتِ و اياها.. فاهمااات.. جود تربعت .. و وعد كتفت يديها.. و لا وحدة زادت كلمة بعد كلام ابوهن.. سعود : قال ايش ما اختارت دانه عبث.. يالله لك الحمد و الشكر.. تفكير سطحي و سخيف.. ابو سعود : دانه حسبة مها عندها.. مثل بنتها و اللي ما ترضاه على مها ما ترضاه على دانه.. ياسر : يبه من جدك يتناقش هالثنتين..؟! يا خوفي بس متبلية على عماد.. وعد ناظرتة : لا عاد حدك يا ياسر.. انا ماني متخلفة و لا تفكيري سطحي مثل ما قال اخوك.. و عماد صبرت عليه مره و اثنين و ثلاث و عشر.. لكن هو اللي ما قدرني.. و انا مستحيل اعيش مع واحد ما يحترمني.. ما طالبتة بزود عن الاحترام.. لكنه يتكلم علي و يحكي فيني.. يخسى هو وكل عيلتة.. ابو سعود : وعـــد..!! وعد : بابا انا ما جيت هنا عشان هم يقعدون لي على الكلمة.. اقسم بالله لو احد فيهم يقولي كلام ما راح اسكت عنه.. مليت من كثر ما تحكون علي و تلوموني.. خلاص عاد طقت كبدي.. طلعت.. حاتم اللي كان حاضر بينهم.. هاديء جداً مستحيل ينطق حرف بشيء هو ما يعرفة.. كانوا ماخذين راحتهم عنده بس اكيد هو ما راح يتكلم لانه ما يدري عن ايش يتكلمون.. او بالاصح ما يعرف السالفة كاملة عشان يبدي راية.. عيونة تنتقل من شخص لشخص.. و يستمع لأحداث عائلية.. و مشاكل بينهم.. لأول مره يحس باستمتاع.. كل عمره اللي يسمعة من العيال في الدار واحد يتمنى يكون عنده اهل .. و واحد مو متهم للدراسة.. و واحد مهمل كل حياتة و عايش هايت.. و واحد يتعرف على بنات خلق الله.. و واحد همه دراستة و أي شيء ثاني ما يتدخل فيه.. مشاكلهم كانت غير عن المشاكل العائلية.. لأول مره يحس بانتماء لبيت و اهل.. ابو سعود : ياسر انا ما قلت وعد ما احد ينابشها..؟! ياسر : يبه.. سمعتها انت ويش تقول.. ما تدري لو وعد مخطية على عماد.. ابو سعود : لا ادري.. و انا منبه توه كلامي ما صار له وقت.. ياسر : السموحة.. وليد وقف : انا لازم اطلع الحين عشان الطيارة.. جود نطت بسرعة و تعلقت فيه : ويش الدولة اللي بتروح لها..؟! وليد : امريكا.. جود : تكفى لا تنسى اخيتك لو بمنديل.. اخيك مهيت من ديرة لديرة و لا عمره ذكر اخيتة بشيء.. وليد : هههههههههههه خلاص بجيب لك مناديل من الطيارة.. جود بوزت و بعدت عنه : مالت قلت هذا بيخيب كل توقعاتي.. ويجيب لي شيء بروفشنال.. وليد : ما عندي بروفشنالات.. ماني رايح العب و لا سياحة.. بس لا قدرت و لا يهمك بجيب لك شيء من عيوني.. سلم على خالد اللي همس باذنة : وصيتك روحك تكفى لا تعور قلوبنا.. وليد شد عليه : بحاول يا اخوي.. تكفى امي.. و الله انها حازة بخاطري.. خالد : لا تشيل همها.. بس انتبه لنفسك.. وليد ابتعد عنه : ان شاء الله.. و اتجه لأحد و سلسلة من التوصيات على روحة بداها خالد و استمروا فيها باقي اخوانة و انهاها ابوه.. وكلها كانت همس بينهم و بينه.. ابو سعود : رافع راسي يا وليد.. الله يردك بالسلامة.. وليد : انا عمري ما قلت لك اني افتخر باني ولدك.. انا افتخر يبه اني ولدك.. افتخر لا قلت وليد بن ابراهيم.. < قبل والدة على جبينة.. شكراً و عرفان.. يمكن لأنه من اليوم بيصير بشخصية وهمية و بيضطر حتى اسم ابوه يغيره أيمن المنذر.. سلم على خواتة بهدوء على عكس اخوانة اللي عارفين هم لـ وين بيروح.. لين جاء دور مشعل الأخير.. تقدم وليد بيسلم .. لكن مشعل : انا بوصلك المطار.. < كان يبي يختلي فيه لحالهم.. اتجه وليد لأمه و باس راسها بعد ما سلم على خالاتة.. و حاتم اكيد.. : يمه لا تزعلين مني.. ام احمد : ماني زعلانة يمه.. بس انتبه لنفسك.. و حافظ على فرضك.. لا تفوت شيء لدينك يا ابوي.. وليد : ان شاء الله يمه.. لا تخافين.. بطلع اشوف سها و دانه و وعد.. سعود : استعجل ما بقي شيء ع الطيارة.. وليد : ان شاء الله.. ام احمد وهي تناظره يطلع : ويش بلاه وجهة بارد.. ما كنه متحمس لهالسفرة.. ياسر : قلت لك يمه ركد.. احسن من الصرقعة اول.. ام احمد : و الله يمديه تعبان.. لو يأجلها يومين.. ابو سعود : ماهو مأجلها.. و خلي عنك الوسوسة.. ما فيه الا العافية ان شاء الله.. مشعل طلع برا.. يسمعهم يقنعون امه بان وليد طيب.. و بيروح يسافر عشان دورة.. و يتكلمون طبيعي..وهو يعرفون انه رايح للموت.. مستغرب من البرود اللي لفهم من اول ما دخلوا ندى و نهى المكتب.. و كأنهم نسوا وليد رايح لـ وين..؟! : مشعل.. التفت و شاف سعود.. : نعم.. سعود : ادري انك متضايق.. مشعل : الا شوي و اودع.. سعود : اذكر الله يا اخوي.. ما يصير اللي تقولة.. مشعل : ويصير اللي بيسوية..؟! همس سعود : الجدران لها اودان.. حرف واحد عن اللي صار بالمكتب لا عاد تذكرة حتى بينك وبين نفسك.. اعتقد نبهتك يا مشعل ويش خطورة هالشيء.. مشعل : ادري.. و الله ادري.. بس ماني مصدق.. ابوي يتكلم عادي و انت و اخواني و ما كنكم عارفين.. سعود : لأن هذا اللي لازم يصير .. ليش تبي الكل يدري و يقلبونها صياح و نياح..؟! مشعل جلس على الدرجات القصيرة : لا .. بس بعد ماني قادر اقول انه عادي.. سعود : ماهو عادي.. بس مضطرين.. مضطرين لازم تسوي اللي احنا نسوية.. خالتي لو تشك بشيء بتتضايق و تزعل و وليد لازم يسافر ع الفجر.. مشعل تنهد و سكت ما يدري ويش يقول : ................. سعود : ادري ان انت و وليد متعلقين ببعض.. بس يا اخوي هذا واجب علينا عشان وطنا.. لو انت مكان وليد تروح..!؟! مشعل : اكيد طبعا.ً. سعود : اجل لا تلوم وليد و لا تتضايق.. ادعي له كل ما ذكرتة بان الله يوفقة و يسدد خطاة.. و ان شاء الله الموضوع ما يطول و يرجع كل شيء مثل ما كان و أزين.. مشعل : ان شاء الله.. : بتسلم علي و الا ما تبي..؟! وقف مشعل و التفت لوليد الواقف وراه.. حضن الاثنين بعضهم.. ما بينهم الا سنة.. اشتركوا بكل شيء حسبة توأم.. حتى بالفشل الدراسي اشتركوا.. و لما تخرجوا تخرجوا مع بعض.. كل شيء عاشوه الاثنين مع بعض.. و الآن جاء الوقت ينفصلون عن بعض إلى أجل غير مسمى.. مشعل : انتبه لنفسك.. تكفى ارجع لنا.. وليد : ان شاء الله.. بس لا تتزوج اصبر عشان نتزوج مع بعض.. مشعل ابتسم : خلاص بنتظرك.. بس لا تأخر.. وليد : ان شاء الله ما اتأخر.. بس اختار عروسة لها اخت عشان اخذ اختها.. مشعل ابتعد عنه : اوكِ موافق بحجزها لك اصلاً.. وليد ابتسم : تمام.. (التفت لسعود) : اذا جبت ولد سمه علي.. سعود : خلني اتزوج بالأول عشان افكر اجيب ولد.. وليد : بتتزوج ان شاء الله.. مشعل : و بتحضر عرسة بعد ان شاء الله.. وليد : ان شاء الله.. انتبهوا لأمي و ابوي.. سعود : لا توصي.. تبيني اوصلك..؟! وليد : لا بيرسل لي الفريق غازي سواقة عشان نروح المطار.. سعود : زين.. .. صبا : تكفون بنات.. و الله العظيم بطق.. ماني قادرة.. سهاد : طيب كلمتي عمي..؟! صبا : لا ما قدرت.. احس لو بقولة اخاف منه بيضحك علي.. جود : ههههههههههههه فعلاً صراحة شيء يضحك.. تخيلي شكلك بس بابا ما ابغى ياسر.. ليش..؟! و الله اخاف منه كنه وحش.. صبا بقهر : لا تكذبين انا ما اقول كذا.. بس و الله صدق يخوف.. اخاف يضربني.. انا ماني مصدقة اصلاً ان ياسر يخطبني..؟! و الله احسه بيكفخني.. سكتن بنات ابراهيم بدون تعليق.. ياسر يخطبها..!؟ ما يدرون انه مجبور.. و الا كان صارت علوم.. عبير رجل على رجل : خايفة منه ليش..؟! يكفخك..؟! غبية انتِ ما فيه ولد عم يضرب بنت عمة.. يقولون خذي ولد عمك يعزك و يرزك.. وعد باستهزاء : ويقولون خذ بنت عمك تصبر عليك.. عبير : ايه صح.. وين صارت خانة المعزة..؟! وعد : و الله ما أدري اسالي نفسك.. عبير : تبخرت.. أسيل دخلت بصينية : لا تحسبون انفسكم ضيوف.. هذا اللي ناقص بعد.. اخذتها سهاد منها : سوري والله تدرين عيال عمي كلهم برا.. ما فيه الا انتِ.. أثير دخلت شايلة ثلاجتين قهوة : و انا وين رحت.. سهاد : يا هلا بعماتي.. جود : يا هلا بضيء عيوني.. يا هلا باللي به الخافق يهلي.. أسيل : بلا اسلوب دهن السير ذا وقومي فزي صبي لنا قهوة.. جود قامت : يا عوينتي لو بابا درى انك مشغلتني و انا فيني هبوط بالسكر يا ويلك منه.. أسيل : و الله لو درى يا عوينة ابوك انك تخدمن بأختة لا ينسفكن كلكن.. أثير : وين ندى و نهى..؟! دانه : رايحات السوق.. أسيل : وجع ابلشونا بزواجتهم.. و الله عيالكم ما ادري ويش يحسون فيه... ليتنا ما طلعنا غير بعد زواجتهم ما فحالي احضر.. أثير : خلاص اقعدي وشولة تروحين.. أسيل : ما تدرين يمكن انخطب.. أثير رفعت حواجبها و شبح ابتسامة يلوح على وجهة : شكلك حنيتي..؟! أسيل بحلطمة : لا حنيت و لاشيء.. عبير : و الله شكلكن عندكن شيء ما ندري عنه.. أسيل : لحظة و اذا عندنا..؟! ترى ما يعني اننا عماتكم يعني تدرون عن كل شيء.. لا يا حبيبتي فيه حدود.. أثير : هيه ويش بلاك كشتي في البنية.. كل ذا عشان جبنا طاري بعض الناس.. أسيل : ان ما انطميتي يا أثير و رب الكعبة لأقلبها هوشة هنا و اخليهم كلهم يجون عاد تدرين انك ما انتِ قدي.. وعد : ويش اللي تتهاوشون.. صلوا ع النبي يا جماعة.. : اللهم صلي و سلم على سيدنا محمد و على آلة و صحبة أجمعين.. وعد : الموضوع ما يسوى تعصبون عليه.. أثير : انا ما عصبت.. هي اللي تهددني.. أسيل : انتِ تدرين انه الموضوع يضايقني ليش تجيبين طارية.. اصلاً لو انا عادتة شيء صار ما كنت قلت بنخطب.. أثير تهدي الموضوع : اوك آسفين غلطنا على حضرتك.. أسيل : بعد ايش بعد ما اطريتة.. الله يأخذة.. وعد : ههههههههههههه .. سكتت يوم شافت اسيل تناظرها بقهر : ويش اسوي لك هههههههههه لا تقولين بتهاوشين معاي تراني حامل.. البنات ساكتات ماهم فاهمين شيء.. الا وعد اللي مبين عارفة ويش يقصدن البنات.. أسيل : اولدك الحين ما انتظر سبع شهور ما ادري كم.. وعد : لا عاد ابي البيبي حقي كامل و الكامل الله.. أسيل : اجل ابلعي لسانك.. وعد : هيه ترى ما التفت لك و الا ابلعك لسانك.. و الله.. مو عشانك منقهرة من حضرتة تحطين حرتك فينا.. عبير : ممكن تعلمونا من مين منقهره!...؟! ما نبي نكون مثل الأطرش بالزفة.. سها : و الله حتى احنا تحمسنا شكل السالفة اكشن.. أسيل : واحد متخلف حاسب نفسة بالجاهلية للحين عايشين.. خاطبني من سنين.. على باله بوافق عليه من زينه اصلاً.. جود بحماس : و المتخلف ذا ويش اسمه..؟! أسيل : نايف.. جود غمزت : ومن متى متخلف..؟! أسيل بقهر : من زمان.. من يوم ما عرفت العرف وهو متخلف.. أثير : غصب كفخك و انتِ صغيرة لين قال بس.. أسيل ابتسمت : و أنا مره فقشتة.. ههههههههههههههه.. ضحكوا البنات على خبالها.. دانه : من جدك.. شلون.. أسيل : بحجرة.. و لا بعد مره كسرت قزاز سيارتة.. من يومها حقد علي.. و خطبني.. صبا : يالله .. اكيد بينتقم منك.. أسيل : يخسى.. انا اسيل اذا هو نايف.. اغطة بالبحر و اطلعة ناشف.. سها : بديت أشك بأنك بنت..؟! أسيل : شكي ما علي منك.. ميار : طيب انا اتوقع انه يحبك.. يعني كاسرة قزاز سيارتة و فاقشتة و فوقها خاطبك.. أسيل : حب في عينك.. نايف يعرف يحب..؟! من جدك انتِ..؟! نايف ما يعرف غير يكفخ.. جود : ويش يشتغل..؟! أسيل : بالشرطة بس ما ادري ويش بالضبط.. يعني ما ادري ويش منصبة.. أثير : علينا ما تدرين ويش منصبة..؟! اضمن انك حافظة حتى تواريخ ترقياتة.. أسيل : على تبن انتِ و هو .. ما بقي الا نوييف.. وعد تسلك : خلاص عارفين انك ما تبينة... بس مو غريبة للحين ما خطبك..؟! اقصد رسمي.. أسيل : ازين انا ابي انخطب قبل لا يخطبني أي واحد بيجيني بوافق عليه لو سكير ما عندي مانع.. صبا : اخ كلن على همة سرى.. سها : طبعاً انتِ همك اخوي ياسر.. صبا : بنات علموني ويش اسوي.. كيف ارفضة.. ويش اقول لـ بابا..؟! أثير : ما تخافين ان خواتة يزعلن..؟! تكلمين عن اخوهن كذا.. صبا انتبهت ناظرت بنات عمها : اوه بنات و الله آسفة.. جود : بعد ويش آسفة بعد ما شرشحتي اخونا و لعنتي جدفة.. سها تكمل مع جود : من جد .. حسستينا انه شخص شين.. جود : وما احد يتقبلة.. و وحش بعد.. صبا غرقت عيونها وهي تسمع كلامهن : انا و الله ما قصدت.. لا تفهموني غلط.. انا.. وعد : اقول انطمن انتن الثنتين.. خبلة انتِ صبا يمزحن عليك.. عادي و اذا خفتي من ياسر.. ما احد يلومك.. ياسر يخوف.. بس هذا ما يعني انه ما ينتعاشر او انه شين بكل شيء.. اخوي وما امدحة و لا اذمة.. انتِ تعرفينة.. طيب و عصبي.. وتفكيرة احيان ينرفز.. بس ما يرضى بالغلط.. يحافظ على صلاوتة بار في بابا و خالتي.. يعني عنده الشيء الزين و الشيء الشين.. و هالشيء ما يخفيك.. اذا مو مرتاحة كلمي عمي و ويش ما كان سبب رفضك قوليه له وصارحية اكيد بتهمة مصلحتك اكثر من أي احد ثاني.. : يـــــــــــــا وعد.. صوتة هجد الجميع.. اولهن صبا اللي حست مويا بارد انكبت عليها و جمدت مكانها من صوتة العالي.. قامت وعد و طلعت سكرت الباب وراها : خير ايش فيك.. ياسر وهو يصر على أسنانة وصوت عالي عشان اللي داخل يسمعون : قولي لبنت عمك و الله ان حكت لعمي انها رافضة لأقوم قيامتها.. وعد بصدمة : ويش اللي تقوم قيامتها..؟! صاحي انت..؟! ياسر : شوفي دلع ما عندي.. و الحركات السخيفة هاذي ما عندي وقت لها.. هي كلمة وحدة انا ياسر بن ابراهيم.. ما انرد.. فاهمة.. وعد بحدة : لا طبعاً ماني فاهمة.. هذا اللي ناقص.. ليش تخطب اجل وراء ما تأخذها لبيتك مو ازين..؟! ياسر : لو بغيت ما احد بيردني.. خليها تكلم عمي اليوم ابيه يكلم ابوي ويقول لي انها موافقة.. وعد همست : ماله داعي ترفع صوتك.. و تسمعها.. حرام عليك البنت خايفة منك.. مسبب لها رعب حتى قبل ما توافق و ترتبط فيك... شلون تبيها تفكر فيك.. تراها تقدر تروح لعمي و تقولها ما ابيه.. وقال و قال و الله عمي ما يردها و انت تدري عمي سعد ويش تعني له صبا.. بنتة الوحيدة.. ياسر يضغط باسبابتة على وعد : ما يهمني كل حكيك هذاك عمي سعد.. بتصير مرت ياسر.. و ياسر لا خطب ما ينرفض.. و دامني خطبتها بتوافق و رجلها فوق راسها و الا برجع حركات الجاهلية و احجر عليها قدام الله وخلقة.. و تعرفيني يا وعد لا قلت كلمة ما اثنيها.. راح و تركها ماسكة الباب و مقهورة منه.. كل واحد يبي يثبت وجودة و راية كل الرجال نفس بعضهم.. ياسر و نايف يوم خطب اسيل.. و عساف و عماد.. كلهم زي بعض.. دخلت الغرفة عادي و ما كأن شيء صار.. لكن صبا اللي كانت الدموع عالقة بعيونها : ويش قالك..؟! وعد : ابداً يبيني بشغلة.. صبا : انا سمعتة لا تكذبين علي.. وكلنا سمعناة.. وعد ناظرت خواتها اللي هزن رووسهن .. وعد التفت لصبا : ما يهمك كلامة.. استخيري و فكري بالموضوع و ردك اللي تبينه و مقتنعة فيه قوليه لعمي.. غير كذا لا تحطين لاي شيء أي اعتبار.. صبا : بيحجر علي.. و الله يسويها ياسر.. عبير : مثل ما جدي حير وعد لعساف او عمر.. وعد بقوة : بس ما اخذت و لا واحد في الاثنين.. و صبا لو ما تبي ياسر ما تأخذة.. صحيح اخوي بس هي حسبة اختي.. ولو وحدة من خواتي بتتزوج غصب اكيد ما كنت برضى.. لازم تسوين اللي انتِ مقتنعة فيه لأن ما احد بيعيش معاه غيرك انتِ وبس.. .. الشباب جالسين مع عمانهم و الحريم و جدانهم.. ام عبدالرحمن : وينه ما اتصل فينا.. ام احمد : و الله ما ادري يا عمة قلبي شفقان عليه.. ابو سعود : يمه قلنا لك ما راح يقدر يتصل بيأخذون جوالاتهم.. ما راح يتواصلون مع احد.. ام عبدالرحمن : ومتى بيرجع..؟! ابو سعود : ما يندرى يمه.. متى ما ربي ييسر.. ام سعود دخلت و مبتسمة من وراء نقابها : ابشركم.. ام شوق قالت عطونا بنتهم.. اول واحد استوعب و ابتسم سعود.. من زمان ينتظر ردهم و توه يشرف.. ابو سعود : مبروك ان شاء الله.. سعود : الله يبارك فيك.. ابو عبدالرحمن : مبروك ... و ان شاء الله نروح نخطب رسمي.. ابو سعود : ان شاء الله قريب.. ابو عبدالرحمن : الخميس ان شاء الله .. خير البر عاجلة.. ابو سعود : تم.. بندر : مبروك يا سعيدان و الله بتتزوج و بتلحق الركب الزواجي.. سعود : الله يبارك فيك عقبالك.. ام عبدالرحمن : هذا به حب في راسة ما انطحن للحين.. كل ما قلت له بنت طلع فيها عذاريب الدنيا.. بندر : يمه ما ارتحت لهن.. ويش اسوي..؟! مشاري باستهزاء : ما ارتحت من قالت اسمها و الا من هي بنتة و الا من أي قبيلة.. و الا عمرها ما ادري ويش فيها..؟! بندر : قل خيراً او فصمت.. رجاءاً انا اللي بعيش معاها.. لازم اللي بتزوجها المفروض من يوم تقولون لي اسمها احس بانشراح بصدري و اشوف بياض بعيوني و الحياة حلوة.. راكان : هذا لا قالوا لك الزواج التعجيزي.. مشعل : عمي قول ماني متزوج و ريح جدتي حرام تعبتها وهي ما غير تسير كل ما جيتكم العصرية قالوا ماهي فيه لاقطة عبايتها ومسيرة.. بندر : مين قال ما ابي اتزوج.. الا بتزوج.. بس وحدة على كيفي انا.. ام مشاري : طيب أسيل ما قالت عن بنت تمدحها.. خلونا نشوفها.. بندر : عساها بنت عامر..؟! ام مشاري : ايه اظن.. بندر يميل راسة و يناظر ابراهيم : عامر سلامة يا اخوي.. ابو سعود بهدوء : و النعم.. بندر اعتدل : من جدك..؟! ابو سعود : ايه عادي.. وين الاشكالية..؟! بندر : و اللي بينك وبينه..؟! ابو سعود : هذا انت قلتها بيني و بينه يعني مالك شغل فيه و بعدين بالشغل.. ما شيء زود عنه.. بندر : لا تدخل الفكرة براسي.. ابو سعود ابتسم : اذا جاك الانشراح اللي تتكلم عنه تقدم بس.. بندر توهق : هاه.. لا انا بس كذا.. ام عبدالرحمن : نادوا وعد خلونا نشوف كم بنت عنده..؟! بندر : يمه اصبري خليني استخير.. ماجد : هههههههههه عمي على ويش بتستخير.. يزيد : على انه بيتزوج ههههههههههههههه.. بندر : ان شاء الله ما اعزمكم على زواجي انتم الاثنين.. يزيد : بكره تقول ساعدوني بيجي الاثاث .. ناقصني الشيء الفلاني.. بنشوف يا عمي.. بندر : عاد و الله العيب اذا نقصني شيء و انا عندي عيال اخوان.. ويش فايدتكم.. مشعل : ابداً نرعاك في حياتك.. بندر : هو كذا.. رنــــــد..(ناظر خالد) خلونا نتخدم ببنت خالد.. خالد : لا يغرك اذا ما اشتهت بتطنشك و لا كنك تكلمها.. تفز انت و لا تقولها سوي.. بندر : طبعاً راسها يابس ما ادري على مين طالعة.. ام عبدالرحمن : ما يحتاج تنشد .. طالعة على عمتها.. أبو عمر : و الله لها حركات تذكرني فيها يوم هي صغيرة.. ابو سعود : كم مره اقولهم .. تشبة وعد بحركاتها.. دخلت رند بدلع : نعــم.. بندر بصوت واطي : نعامة ترفسك .. رفع صوتة : ورحي نادي عمة وعد.. رند جلست على الأرض و تربعت : رزولي تعولني مللللة.. و عيوني تعووولني و حلدي يعووولني.. بندر حط يده على راسة : اهب يالكذب توك تطامرين ما بك بلاء.. بس عشان طلبناك طلعت فيك بلاوي الدنيا.. بقي تقولين عندي القلب و السكر و الضغط يا النتفة.. رند : لاااا دلت لت رزولي و يدي و حلدي و عيوني.. خالد : رند بابا اسمعي كلام عم بندر.. رند وقفت و اتجهت لجدها : لا انا تبعانة.. يبه سوفهم.. ابو سعود شالها وجلسها على فخذه : بس لا احد يكلمها.. رند : انا تبعانة.. ابو سعود حط يده على راسها استغرب : و الله صادقة بنتي مسخنة.. بندر وقف : بدا الجد يهلس مثل حفيدتة.. ومشى عنهم.. ابو سعود : من متى تعبانة..؟! رند : من بُكلللة.. ام احمد : و الله شكلها تعبانة خديداتها حمر.. خالد : تعالي.. نزلت رند و اتجهت لأبوها.. خالد : ليش ما قلتي لي يا بابا..؟! رند : انا تبعانة.. خالد : نروح المستشفى..؟! رند : لا .. مسششفى لا.. مشعل باستهزاء : تقولك مششفى لا هههههه.. ام احمد : نشوف عيالك يا مشيعل وشلون يحكون.. مشعل : انا لو عيالي يحكون كذا بحرم عليهم يحكون قدام الناس.. خالد وهو يحضن بنتة : و الله ما علينا منكم.. بنتي بتحكي مثل ما تبي.. مشعل : ياخي عكس ولدك.. هذاك شوي وتقوله هلا بـ ابراهيم الكبير.. وهاذي نتفة حتى الحكي ما تنطقة زين.. عساف : ماشاء الله عليه رجال.. مشعل : هذا انتم رجال رجال.. وين طفولتة على قولت خواتي.؟! عساف : ايه عاد انت بتصير لي مدلع.. لا يا حبيبي خله يصير رجال من بدري يعتمد عليه.. ليش تجلس تدلعة و بعدين يطلع خرطي.. بندر دخل و وراه وعد .. : جات المسعدة اللي بنستجوبها عن عروستي.. وعد : الحين مجرجرني من الغرفة عشان عروستك..؟! ومين تطلع..؟! ام عبدالرحمن : اجلسي اول شيء.. وعد جلست جنب بندر : و هاذي جلسة.. ام عبدالرحمن : خالك عامر كم عنده بنية..؟! وعد : بنتين.. بس اظن عنده بنات متزوجات مو عايشات هنا.. ام عبدالرحمن : ابي البنيات اللي ما تزوجن كم وحدة..؟! وعد : ثنتين.. ام عبدالرحمن : ويش كبرهن..؟! وعد : و الله ما ادري .. بس اعتقد.. اعتقد ان هنادي 27 و عهود 25.. ام عبدالرحمن : و محكي بأمرهن..؟! وعد : ويش دراني يمه..؟! ام عبدالرحمن : يمكن عماد قايل لك شيء..؟! وعد ليش انا لحقت : لا يمه ما قال لي.. ام عبدالرحمن :ويش رايك فيهن..؟! وعد : و الله ما احب ابدي رأي خصوصاً بموضوع زواج.. انتم شوفوهم ازين انا ما لحقت اتعرف عليهن.. مشعل : ما عنده بنتها اسمها انهار..؟! وعد بعدم اهتمام : لا هاذيك بنت اخته متوفية.. مشعل اتسعت عيونة : متأكدة انها ماهي بنتة...!؟ وعد : لا شاكة.. ايه طبعاً متأكدة.. تبادلوا الشباب النظرات.. لانها هي اللي كانت تبكي بالمستشفى و تقول بيعذبني اللي بيسويها العملية بدون تخدير.. وما هي اختة..؟!! ياسر : و كيف تعاملها هاذي معاك..؟! وعد : مين..؟! ياسر يمسح على فمة : انهار.. وعد مستغربة من السؤال : عادي.. يعني قابلتها مره او ثنتين.. ما لحقت اعرف خيرها من شرها.. سعود : متزوجة..؟! وعد : ايه ليش..؟ مهتمين بأمرها.. بندر : لا ابداً و لا شيء.. اهم شيء.. ابي الكبيره فيهن كيف تحسينها انتِ..؟! وعد : عمي ويش اللي كيف بحسها .. لو قلت لك احسها شينة وطلعت زينة و قطعت برزق البنية ويش بسوي حزتها..؟! اقولك ما لحقت اتعرف عليها.. بندر : استغفر الله.. ما استفدت من وراك شيء.. سعود خرج جوالة ابتسم يوم شاف الاسم : هلا.. (استغرب من نبرتة) ببيت جدي ليش..؟! (وقف سعود) انت متأكد..؟! تحرك بخطواتة سريعة و وجهة أسود.. لحقوه ياسر و خالد .. : سعود .. سعود.. سعود فتح باب سيارتة و ناظرهم بعد ما آشر لهم على الدخان المتصاعد بالمكان : بيتنا انحرق.. ظلوا الاثنين واقفين يناظرون الدخان .. يتزايد.. بالجو.. حرك سعود من غير لا ينتظرهم.. و استوعبوا الصدمة و ركب كل واحد سيارتة و اتجهوا لبيتهم.. ابو عبدالرحمن : انا ادرى بعيالك و الله ان كل مره ينحاشون وراء بعضهم تلقى وراهم مصيبة يخبونها عليك.. ابو سعود ابتسم : يبه الله يهديك.. ترى مسيء الظن بعيالي.. مشعل : و الله صادق ابوي مره مسفل فينا.. ابو عبدالرحمن : ان ما كان وراهم مصيبة لا تسموني مساعد ولد سالم.. ام عبدالرحمن : و الله ان أبوك صادق.. لو انه شيء بالشغل كان عساف طار معاه.. عساف ابتسم : يمه تراك ماخذة فكرة شينة عنا.. ام عبدالرحمن : ما أحتاج افكار اخبركم.. من زمان ما شفناك.. عساف : مشغول يا يمه.. و الله عندي شغل بالمكتب و بالبيت.. ماني فاضي.. ام عبدالرحمن : المغيربية ماهي ماخذة من وقت شيء.. تزرق بها تشرب معانا فنيجيل قهوة.. وتأصل رحمك و ترضي ربك.. خلك لا اخذت بنتنا ما نشوفها و الله يا ويلك يا عسييف.. عساف : هههههههههه يمه يعني وين بروح فيها.. كلها حذفة حصاة.. قريب.. ام مشاري : الا دكاتركم وينهم.. ما شفناهم اليوم..؟! ام ندى ابتسمت طاري ولدها يجلب لها سعادة : عنده دوام اليوم.. مطول.. ام احمد : و احمد مودي خواتة السوق.. ام مشاري : ماشاء الله.. وعد : اخ لو ان ولد مساعد موافق لي كان يمديني جراحة دماغ الحين.. مشعل : يا كبرها.. دماغ مره وحدة..؟! وعد : طبعا.ً. حبيبي انا ما العب يا تخصص يسوى يا بلاها.. مشعل : على اساس التخصص اللي يسوى موظفك الحين.. وعد : فيه فرق بين طموحي و اللي آل له مآلي بسبب عاداتكم المتحجرة.. مشعل : رجعنا للعادات و التقاليد و التحجر.. وعد : ما يحتاج نرجع لأننا اصلاً ما تجاوزنها.. فيصل : يا حليلك تبين جراحة دماغ..؟! وعد حسيتة يستهزء فيها .. : تخيل عاد..؟! فيصل : هههههههههه.. من جد و الله خيالك واسع.. وعد : ليش مسيو فيصل ممنوع بعد عند حضرة جنابك..؟! فيصل : اكيد طبعاً هذا اللي ناقص تحتكين بالرجال.. عساف : تحسب الموضوع بيجي على كيفها.. و بنرضى بناتها يشتغلون بين الرجال.. ليش اشباه رجال احنا..؟! وعد : اهااا.. عموماً ما دخلت.. وصدقني لو بابا كان موافق ما حطيت اعتبار لأي احد غيره حتى لو كان اخوي.. فما بالك باني احط لكم اعتبار..؟! و انتم مين اصلاً عشان تحكمون فيني.. حيا الله عيال عمي..؟ ابو سعود بحدة : وعـــــــــــــد..؟!!! وعد : و انا صادقة بابا.. ما يحق لهم يتحكمون بحياتي.. لازم يعرفون حدهم انفسهم.. ما يخصهم باحد غيرهم.. ليش التسلط هذا و اثبات الرأي.. بندر : ايش فيك عصبتي.. مشعل : مع الحمل طول الوقت معصبة.. ابو عبدالرحمن : عيال عمك حسبة اخوانك لهم كلمة عليك و غصباً عنك فاهمة...؟! وعد وقفت : حتى اخواني مالهم كلمة علي بحضرة بابا.. كلهم من وراه.. و انا ماني بزر عشان احد يتحكم فيني و يتأخذ قراراتي عني.. ام عبدالرحمن : اعقبـــي و انا بنت ابوي بنته.. وعد : ماذبحنا يمه غير اللي يقول مثلك.. مين حطم احلام البنات غير الرجال و الحريم المؤيدات لسلطتهم.. مين علق امال البنات على الزواج غيرهم.. و احلامهم هم يحققونها من غير ما يلتفتون لأحد .. هذا اذا كان احد فيهم صاحي و محترم و يفكر و عندهم طموح زي العالم و الناس.. عساف باستهزاء : لا عاد تصدقين بس انتِ اللي تعرفين الطموح.. هيـــه اصحي من التخلف اللي عايشة فيه.. وعد بحدة نسفت كل شيء و هي عمرها ما راددت عساف قدام الكل : ما احد عايش بتخلف الا انت و اشكالك.. عساف وقف بعصبية : خيـــر..!! .. امام بيت ابو سعود.. زحمة الدفاع المدني.. و مجموعة عسكر.. و الناس المشاهدة للأسف.. عماد : متأكد ما احد بالبيت..؟! سعود : ايه الكل برا الحمدلله.. جاهم الفريق غازي : ابوك وينه..؟! سعود : ببيت جدي.. الفريق غازي قرب منه و همس بأذنة : صاحبنا هو اللي سواها.. اعتلت الصدمة وجهة.. ناظر الفريق غازي اللي ابتعد عنه بعد ما همس باذنة هالجملة.. اسئلة كثير جات ببالة.. ليش..؟! وكيف..؟! و شلون عرف الفريق غازي..؟! و بهالسرعة..؟!! و الوقت اللي اختارة..؟! .. لا إله الا انت سبحانك اني كنت من الظالمين.. لا أحلل نقل الرواية دون ذكر اسمي.. هاشتاق #رواية_لو_سألتي_الورد .. ضحكة قهر.. |
رد: لو سألتي الورد وهو ما بين إيدك أقطعك بيقول لك عمري فداك الكاتبة / ضحكة قهر
بسم الله الرحمن الرحيم..
السلام عليكم و رحمة الله وبركاتة.. بداية .. ادري تأخرت عليكم بس لسى ما انتهى اليوم.. ما ادري البارت هذا ليش ما رضي يكتمل.. بالقوة بالقوة خلصتة.. و ابشركم يعني مو طويل.. لكنه موتر للأعصاب.. حسيتة اكشن.. و البارتات الأكشن تحتاج جهد اكبر من البارتات العادية.. البارت الجاي و الله اعلم بيكون الجمعة الجاية او السبت.. ثانياً .. أرحب بجميع القرأ هنا و ع التويتر و ع الآسك.. الشيء الثاني لاحظت فيه ناس تعصب علي.. بس خلونا نكون منطقيين هاذي رواية وله سير احداث معين.. ما احد يتحكم بشيء في حياتة.. عشان كذا لا تزعلون من حدث صار بالرواية بالنهاية هذا واقعنا.. وبعدين دايم اقولكم الصبر زين.. اصبروا لا تحكمون على الموضوع من نصة.. اعرفوا الموضوع كامل و بعدين يصير خير.. اخيراً جاتني توقعات على اللي حرق بيت ابو سعود.. اقروا البارت و بتعرفون كل شيء.. ان شاء الله برد عليكم كلكم بكره باذن الله .. اتركم مع البارت .. قراءة ممتعة.. البارت السابع و الثلاثون.. اكبر و أعود بطيوفك طفل تعبت و آنا اتمرجح لك دايم تسوي لـ فقدك حفل فالبال من دون ما اسمح لك يا ليت للبال باب و قفل لا جيت والله ما افتح لك لـ آدم دليم.. عساف باستهزاء : لا عاد تصدقين بس انتِ اللي تعرفين الطموح.. هيـــه اصحي من التخلف اللي عايشة فيه.. وعد بحدة نسفت كل شيء و هي عمرها ما راددت عساف قدام الكل : ما احد عايش بتخلف الا انت و اشكالك.. عساف وقف بعصبية : خيـــر..!! وعد : اللي سمعتة.. و اللي يحكي على الناس يتحمل اللي يجيه.. عساف آشر عليه و احتد صوتة : اعرفي مين تكلمين انتِ.. و لمي لسانك.. وعد بسخرية : ومين اكلم عساف بن عبدالرحمن.. لا رحت و لا جيت.. ام عبدالرحمن : اعقبي.. تراددين ولد عمك بوسطنا.. ما عاد استحيتي انتِ .. و ين رجلك ما يلمك عنا.. وعد اتسعت عيونها : وين رجلي ما يلمني..؟! و الله كفوو يمه.. الحين هو يحكي علي عادي.. بس انا ارد صرت ما استحي.. بندر يهمس لأبراهيم : ليش ما تسكت بنتك و الله ان يصوعها عساف الحين و تسقط اللي ببطنها.. ابو سعود : اصبر انت.. هي طول الوقت معصبة.. ما راح تهجد لين تحط حرتها بأحد.. ابو عمر : وعـــد.. كل شيء له حدود يا عمي.. وعد : وهو ما عرف حدودة.. انا ما اسكت عن حقي.. و لا أرضى احد يدوس لي على الطرف.. حتى لو كانوا عيالكم.. فيصل : هيـــه انتِ تراك تكلمين ابوي.. احنا بالطقاق ردي زي ما تبين علينا.. لكن ابوي عمك.. وعد : ليش ويش قلت انا..؟! يعني انت الحين محملني الغلط و انتم ما غلطتوا علي..؟! عساف : بأيش غلطنا على حضرتك يا سنيورة.. وعد : و الله ماني مجبورة اعلمك اخطائك.. فتح عيونك و تشوفها.. عساف تقدم خطوة و قدامة الطاولة هي اللي بينة و بين وعد و لو مد يدة حبتين مسكها : ترى الحشيمة لعمي.. اقسم بالله اني لا اعلمك حدودك.. ولسانك ذا لأقصة لك.. وعد : هه.. تصدق خفت منك يا شيخ.. لا تكفى لا تسويها بموت من الخوف.. مشاري وقف و مسك عساف من ذراعة : اهدأ .. وعد عمي خلاص روحي عند البنات.. عساف سحب يده من مشاري : ما راح اسكت عنها.. مو عشان رجلها مهيتها ما تقضب لسانها.. وعد انقهرت منهم جدتها تقول وين رجلك ما يلمك عنا.. و كملها عساف يقول انه مهيتها.. ليش من هو اصلاً..؟ و اللي قهرها ان ابوها شايف و ساكت.. : رجلي مهيتني..؟! ليش تبيه يربطني بسلاسل عشان حضرتك..؟! و الا يقص لساني.. عساف : ايه يقصة لو ما قصة انا بقصة.. وعد نطقت ببطئ.. : تخــــســـى.. اتسعت عيونة و اتجه لها بسرعة يبي يمسكها لو ما وقف بوجهة بندر اللي صرخ بوجهة : صاحي انت..؟! ام عبدالرحمن : اتركها يا عساف البنية ببطنها روح .. اذلفي لا بارك الله بعدوك.. عساف : وين تروح.. و الله لأربيها من جديد.. ابو عساف كان هادي طول النقاش و مخلي الهوشة تستمر عادي .. : عســـاف.. خلاص.. عساف : عاجبك يبه اللي تقولة..؟! هاذي لو تاركينها على كيفها كان سيرتنا علك بحلوق خلق الله.. ابو عساف : وعد انا ساكت من البداية ما يعني اني راضي.. اللي قلتية غلط.. عساف حسبة اخوك.. ناظرتة و ناظرها.. خانت عماد وخان ندى.. حسبة اخوك.!! و اللي كان بينهم..؟!! ابو عساف يكمل : ولد العم ولي امر.. حسبة اخوك.. ما يصير تهاوشين مع عيال عمك و تراددينهم.. و تطولين لسانك عليهم.. لا انتِ ولا هو ما حشمتوا ابوي و امي و خالتي .. و لا حشمتونا احنا.. نموذج من هوشة كانت بتتكرر كل ليلة و كل لقاء.. لو استمرت الحياة بينهم و رضت وعد و ورضى عساف بانهم يكونون اسرة.. بتكون افشل اسرة ما فيها أي نوع من التفاهم.. فقط محاولة اثبات الرأي.. على الأقل الهوشة قدام الكل.. لكن لا تسكر باب مين بيهدي الوضع بينهم..؟!.. خيرة ان وعد رفضت التحيير و خيرة ان عساف ما خطبها و الزمها بزواج ولد العم.. و نهاية اسرة فاشلة.. أبو سعود : ليش تسكتهم..؟! خلهم يتهاوشون.. بزارين نفكك بينهم.. عساف : عمي بنتك ما حشمت احد.. هذا حكي تحكية..؟! و الا عاجبك اللي قالتة..؟! ابو سعود : ما اعجبني.. بس ما تهاوشون قدامنا و لا تحترمونا.. فيصل : لك الحشيمة يا عمي.. بس الغلط ما ينسكت عنه.. و انت سكت عن غلطها.. ابو سعود : ادري .. و انا مخليها براحتها.. اذا اثنينكم ما تدرون اللي عاشتة وعد بالفترة الأخيرة اذكركم فيه.. توه ما مر عليها الشهر.. و انكم تكلمون عن رجلها مهيتها.. ليش ماني عاجبكم..؟! فيصل : السموحة يا عمي.. عساف : عمي كذا انت حملتنا الخطأ و خليتها تسمعك.. و كنها ما اخطت.. ابو سعود : الا اخطت و اخطت و اخطت.. بس ما يعني انك تضربها و انا موجود وهي حامل.. عساف : كلامها نرزفني.. تتكلم و كنها هي الصح و راميتنا كلنا بالجدار.. احنا اللي ما تكلموا الناس فينا هي بتخليهم يحكون فينا.. ابو سعود : اعرف ان دمك حار.. و الغلط ما ترضى فيه.. بس احترمني يا عساف.. و الكلام مو بس لك.. (التفت لها واقفة و ما كأن النقاش يدور حولها) : و لها هي بعد.. .. امام بيت ابو سعود.. زحمة الدفاع المدني.. و مجموعة عسكر.. و الناس المشاهدة للأسف.. عماد : متأكد ما احد بالبيت..؟! سعود وهو يناظر المكان : ايه الكل برا الحمدلله.. جاهم الفريق غازي : ابوك وينه..؟! سعود : ببيت جدي.. الفريق غازي قرب منه و همس بأذنة : صاحبنا هو اللي سواها.. اعتلت الصدمة وجهة.. ناظر الفريق غازي اللي ابتعد عنه بعد ما همس باذنة هالجملة.. اسئلة كثير جات ببالة.. ليش..؟! وكيف..؟! و شلون عرف الفريق غازي..؟! و بهالسرعة..؟!! و الوقت اللي اختارة..؟! عماد ناظر سعود المصدوم.. واضح انه عرف.. وما يحتاج للموضوع شرح.. صاحبهم سواها.. ما احد غيره.. جايهم بفجعة : خير ويش صاير..؟! التفتوا اخوانة له.. خالد بخيبة : مثل ما انت شايف.. احمد : ابوي و امي وخواتي..؟! ياسر : كلهم ببيت جدي.. احمد تنفس الصعداء : الحمدلله.. بالبيت و لا بالروح.. سعود التفت له : خواتي وينهن..؟! احمد : بالسيارة.. سعود : ياسر خذها و ودهن بيت جدي.. و لا يحكن حرف واحد لين نجي.. ياسر : ان شاء الله.. رغم انك تدري الحريم ما يمسكن السنتهن.. عماد : وعد معاهن..؟! سعود : لا.. عماد يناظر اللي يكلم الفريق غازي : العميد نايف جاء.. اكيد هو اللي بيمسك القضية.. سعود : ما يحتاج لها قضايا.. عماد : الفريق جابر ماسكها.. سعود : مو الفريق غازي..؟! عماد : لا.. شوي و بيجي.. سعود : توقعتة الفريق غازي.. لان هو اللي كلمني.. عماد : عنده ما يكفيه.. سعود : معاك حق.. : وين صاحب البيت.. سعود : انا ولده الكبير.. : العوض بسلامتكم.. حاولنا ننقذ الضحية بس ما قدرنا.. كانت متفحمة.. كلهم اقتربوا منه باستغراب.. "ضحية" .. سعود : ضحية..؟! بس .. بس ما احد بالبيت.. : شلون ما فيه احد..؟! الحين الشباب بيطلعون الجثة .. بس ياليت ما تشوفونها ما راح تحملون.. بلع سعود ريقة.. حس بحلقة نــشف.. لا يكون وليد.. يمكن كشفوة و رموه بالبيت و حرقوة.. و الفريق غازي فاهم غلط.. خالد و الفجعة على وجهة تنطق : شلون يعني..؟! كيف يكون فيه جثة..؟! : الجثة الحين بيطلعونها.. و بنثبت هي لمين بالأجنة الوراثية.. سعود بجمود : بشوفها.. كلهم التفتوا له بصدمة.. سعود ناظر رجل الاطفاء : ابي اشوفها.. : يا اخوي احنا نثبت هويتها.. ما يحتاج تشوفها.. ما راح تتحمل المنظر.. صوتة الحاد خلاهم يلتفتون له : ما احد بيشوفها.. عماد و سعود ادو التحية العسكرية.. الفريق جابر : مثل ما قال بنثبت الهوية بالتحاليل الجينية.. سعود : آسف سيدي.. بس لازم اشوفها.. ما عندي صبر اني انتظر.. الفريق جابر : ســعود.. مو شيء هين تشوف شخص متفحم.. وحتى لو شفت الجثة يعني بتعرف هي لمين..؟! أحمد : سعود اصبر ياخوك.. ان شاء الله ما يطول الموضوع.. سعود بحدة خافتة وما براسة الا انه يتطمن ما يكون وليد : لا بشوفها ما عندي صبر.. الفريق جابر بحدة : ليش العنـــاد هذا..؟!! سعود : سيدي .. اسمح لي اشوفها.. الفريق جابر : أنت علمني ويش بتستفيد..؟! اهلك بالبيت..؟! سعود : لا.. و اللي بستفيد اني بعرف.. ما احد بالبيت مين بتكون جثتة.. الفريق جابر : يمكن بفعلة فاعل و طاح بشر اعمالة.. سعود وهو يناظر الاسعاف خارجين من البيت اللي السواد غطاه.. و دخان خفيف ما زال يتصاعد.. : لازم اشوفها.. < اتجه سعود للسرير المغطى بخطوات سريعة ثابتة.. همه شيء واحد.. ما يكون وليد.. ولو هو وليد اكيد بيعرفة.. اخوانة ما تحركوا من اماكنهم.. مستغربين من اصرار سعود على شوفة جثة محروقة.. ما توقعوا ان جاء بباله انه ممكن يكون اخوهم.. سعود وقف جنب السرير متردد.. : يا أخوي ما انصحك تشوفة.. أحد رجال الأسعاف : لي شانت تبي تشوفها..؟! سعود ما رد عليه .. فـنصاب تفكير يصب بقلق على وليد.. رجل الاسعاف مسك سعود من ذراعة : ما انصحك تشوفها ما راح تتحمل.. لكن يد سعود الثانية امتدت عشان ترفع غطاء ابيض عن جثة متفحمة.. اتسعت عيونة من هول ما يشوفة.. ماهو انسان.. و لا كان بيوم انسان.. ما فيه أي ملامح تنشاف.. جلس سعود على ركبة و يرجع بالشارع.. الصورة مقززة مؤلمة لأبعد حد.. رجل الاسعاف بحدة : قلت لا ما راح تحمل.. عماد قرب منهم : طاح اللي براسك.. عاد هو..؟! سعود : ما... أ..در..ي .. مــو .. بــا..ين.. عماد : قوم الله يهديك راسك يبي له دق.. لازم تعلم عمي.. سعود يرجع من جديد فالصورة رسخت بالذهن.. و ذهابها من الممكن يصبح مستحيل.. احمد جلس عن يمينة و حط يده على كتف سعود يرفعة : سعود لا تفكر فيها خلاص انسى.. سعود و الصورة ما فارقت خيالة.. شافها ثانيتين لكن مخة استوعبها و خالدها : مــاني .. قادر.. الفريق غازي : ايش فيكم.. الفريق جابر : اصر يشوف الجثة.. الفريق غازي بفجعة : صاحي انت..؟! شلون تسمح لنفسك تشوفها..؟! عماد : سيدي.. بنطلعة من هنا.. يمكن لا خرج من المكان يتناساها.. الفريق غازي : خذه لبيت جده.. أنا و الفريق جابر بنلحقكم عشان نكلم ابو سعود.. .. في حديقة البيت.. ياسر بحدة : اقسم بالله ماني فايق لكن.. احسن لكن انطمن.. نهى : على كيفك ننطم.. انت ما خليتنا حتى نشوف شيء.. بيتنا يا ادمي بيتنا يا جماد.. ياسر مازال صوتة حاد لكن ما يرفعة عشان مالكل يسمعة و يطلع : نهى احسن لك انطمي.. علميني بتقدرين تقولين لأبوي بيتنا انحرق..؟! نهى : ايه بقدر .. خله يشوف ويش صار مو انت مرجعنا و اخواني هناك مسنترين.. ياسر : ليش تبيني اخليك بين الأمة اللي هناك..!؟ ندى و قلبها يضرب بشدة : نهى تكفين خلاص.. انا مو قادرة استوعب ان بيتنا انحرق.. الحمدلله اللي ما أحد فيه.. يا الله لك الحمد.. ياسر يناظر السيارة تدخل مع الباب الرئيسي : ادخلن هاذي سيارة عماد و معاه سعود.. دخلن و نهى تتحلطم.. تبي تشوف ويش صار على بيتهم.. الشيء اللي عاشوا و يعيشون فيه.. النار كانت مسيطرة عليه.. و السواد اكتساة.. كل شيء كان فيه تبخر مع دخانة.. عماد مسك سعود : شوي شوي.. ياسر : ايش فيه..؟! عماد : شاف الجثة.. ياسر انصدم : ليش..؟! عماد : ما ادري عنه.. سعود جلس على الدرج : مو قادر يروح عن بالي.. عاد ليتني عرفتة.. ياسر : صاحي انت شلون بتشوف شخص محترق..؟! يعني بتعرفة..؟! سعود : ما ادري.. ما توقعتة بيكون بهالشكل.. كنت ابي ارتاح ما فكرت بشيء ثاني.. ياسر : بترتاح من ايش..؟! سكت سعود و لا رد.. ويش يقول شاكة انه اخونا.. اخونا اللي طاح بالنار ما مر عليه كم يوم..؟! اخونا اللي معالم جسدة انطمست.. " وليد ".. ياسر : وين خالد و احمد..؟! عماد : في البيت.. مع الأمن.. لازم يبحثون عن أي ادلة جنائية و يشوفون مسببات الحريق.. و اثبات هوية الجثة.. ياسر : يالله .. و أبوي بعده ما درى.. ويش بنسوي الحين.. عماد : انا أقولة.. بس شوف لي الدرب.. ياسر باستغراب : انت..؟! عماد بثقة : ايه انا.. و الا نسيت اني نسيبكم..؟! ياسر : لا ما نسيت.. بشوف لك الدرب.. لان انا ما اقدر اقول لأبوي.. دخل ياسر و اول ما فتح الباب لقة نهى و ندى واقفات عند الباب .. اقتربن منه بتوتر.. نهى : ويش صار..؟! ياسر بحدة : يعني ويش بيصير هاه.. بيرجع بيتنا مثلاً .. ادخلن عند البنات عماد بيدخل.. و نبهي عليهن ما احد فيهن يطلع.. لا يفضحنا عند الرجال.. ندى : يالله .. و ابوي..؟! ياسر : ادخلي ومالك دخل بالباقي.. ترى و رب الكعبة واصلة معاي للأخير.. ماني فايق لدلع البنات.. نهى : الحمدلله يارب.. تدري ان هذا السبب اللي مخليك تتزوج وحدة مدلعة.. ترى اللي يكره الشي يجيه.. دخلت نهى من غير لا تسمع تعليقة.. ياسر : ماشي و الله لأوريك يا نهى.. و انتِ ويش تنتظرين..؟! ندى : طيب اوكِ لا تعصب ما يحتاج.. بدخل الحين.. دخلوا للبيت مع بعض ندى للغرفة البنات.. و ياسر للغرفة الكبيرة اللي يجتمعون فيها كلهم.. : السلام عليكم.. : وعليكم السلام.. دخل و سلم بهدوء عليهم.. ام احمد : ويش بلاك يا ابوي وجهك اسود.. ياسر : ولا شيء.. عماد برا بيدخل يسلم عليكم.. ابو عبدالرحمن : الحريم يقومن يدخلن عند البنيات .. و خله يدخل ولدنا ماهو غريب.. كانت جالسة معاهم.. و لا تحركت يوم جاب طاريه ياسر.. ما راح يعنيها حضورة شيء.. قامت ام مشاري و حريم العيال كلهم.. بس ام عبدالرحمن و وعد اللي جالسات معاهم.. ياسر : بروح اناديه.. ام عبدالرحمن تناظر وعد : لا جاء رجلك قومي فيه.. وعد : و الله تعبانة يمه.. ام عبدالرحمن : انا بنت ابوي بنته.. تبين الناس تنقدك.. وعد : و الناس ما عندهم شغلة الا وعد..؟! يالله هذولي الناس اللي ودي انسفهم من على وجه الأرض. التافهين اللي همهم فلانة سوت و علانة قالت.. ناس سطحية.. ام عبدالرحمن : ابك خثردتك ذي كلها ما تعنيني.. و الله ان ما قمتي برجلك لا اكسر عصاتي على ظهرك.. يكفي اني ساكتة عن طوالة لسانك.. أبو سعود بحزم هاديء : وعـــد.. : السلام عليكم.. صوتة قطع النقاش و وراة سعود ما كانت ملامحة اقل هدوء من ياسر.. اما عماد لف ع الموجودين يسلم عليهم بداية من كبيرهم أبو عبدالرحمن و ام عبدالرحمن.. سلم على الشباب و بعدها التفت و شافها جالسة.. تقدم ناحيتها وجلس جنبها.. و ما كأن بينهم أي خلاف.. و كأن ارواحهم متوالفة.. ابو عبدالرحمن : ويش حالك يا ابو عامر.. صدت وعد من الاسم يمينها .. و عماد جالس يسارها.. اما عماد : بخير جعلك سالم يبه.. ابو سعود ناظر سعود و ياسر : ويش بلاكم..؟ وجيهكم فيها بلى.. الاثنين جالسين جنب بعض.. قريب من عماد و ابوهم و عمانهم مقابلينهم.. عماد : العلم عندي يا عمي.. التفتوا كلهم له.. ينتظرونة يتكلم.. عماد بصوت ثابت : الحمدلله دام الأرواح سلمت فالباقي يتعوض.... بيتكم.. ابو سعود نغزة قلبة بس اللي طمنة كلمة الأرواح سلمت خاف يكون بوليد شيء.. : ايش فيه..؟! عماد : انحرق.. وعد قدمت ظهرها والتفت على عماد بصدمة : نعــــم...!؟!؟! عماد : دام كلكم سالمين بتعوضون البيت.. أبو عبدالرحمن : لا حول و لا قوة الا بالله .. ويش حرقة..؟! (التفت على ولده) انتم ناسين شيء شغال بالبيت..؟! عماد : للحين ما اثبتت التحقيقات .. بس 90% بفعلة فاعل.. ابو سعود استغرب مين اللي حارق بيتة .. تهديد.؟.؟! و الا قاصد انه يذبح احد من عيلتة..؟! بس صادف ان كلهم طالعين..؟! : انت متأكد..؟! عماد : ايه يا عمي.. ياسر ناظر ابوه بثبات : يبه.. فيه جثة بالبيت.. أبو سعود انصدم اول ما جاء في بالة عيالة : جثة..؟! خالد وينه..؟! ياسر : مع الأمن.. مشعل : يالله شلون كذا..؟! عماد : صدق انها مصيبة بس الحمدلله ان البيت ما فيه احد.. عساف بتساؤل : و الجثة..؟! عماد : بعدهم ما اثبتوا هويتها.. يبي لها وقت تعرف التحقيقات.. قام سعود و طلع .. رجع له الغثيان من جديد بالحكي عن الجثة.. بعده ما نساها.. ام عبدالرحمن : ويش بلاه اخيكم..؟! ياسر شتت نظرتة عنهم : شاف الجثة المحروقة.. وعد شهقت : هــــئ.. عماد ناظرها جالسة عن يمينة : بسم الله عليك.. وعد ناظرتة لثانية و نقلت نظرها لياسر اللي جالس بعد عماد بمسافة بسيطة : من جدك..؟! أبو عمر : و ليش يشوفها..؟! ويش يدور فيها..؟! ابو عساف عقد حواجبة : يعني بيعرفها الله يصلحة..؟! راكان رفع رجل اليمنى على الكنب و اليسرى ملامسة الأرض : اسمه شافها و قضينا.. لكن اشوفكم تركتوا لب الموضوع.. ما تحسون الموضوع تهديد..؟! يعني البيت ينحرق و فيه جثة..؟! لغز يحير.. بندر : صدق و الله .. الله يستر ما يكون أحد ناوي على شيء اعظم.. : هالشيء أكيد .. التفتوا كلهم على سعود اللي واقف على الباب.. بندر : ويش دراك..؟! سعود : لان ممكن تكون الجثة للي حرق البيت.. و ممكن.. عماد قاطعة : سعووود.. (التفت لوعد) روحي اجلسي مع أي احد.. وعد رفعت حواجبها باستغراب منه : ليش..؟! عماد : مو لازم تسمعين كل شيء.. زيك زي غيرك.. و بعدين انتِ حامل يعني لازم تراعين نفسيتك شوي.. وعد قربت منه و همست باذنة : طفلي و نفسيتي و صحتي اشياء ما تعنيك.. مالك دخل فيني.. انت اخليتك مسؤوليتك بشكك فيني.. لا تنسى هالشيء و حطة بين عيونك.. عماد بهدوء : لا تعاندين ما أبي الا مصلحتك.. وعد تصر على أسنانها : ما لك دخل في مصلحتي.. سعود جلس عند الباب بتعب.. مو متخيل اللي يصير.. لو دروا عن وليد يعني نهاية حياة لأهله كلهم مو بس هو.. اكيد عماد و الفريق غازي.. و العميد نايف و راشد و عزام كلهم.. اكيد متهددين.. فيه ان بالموضوع ما وصل لها للحين.. مشعل : سعود كمل ويش كنت بتقول.. سعود وهو ينقل نظراتة للجميع ابتدأ من ابوه مرور بعمانة و اخوانة.. و انتهاء بعساف وعماد : ممكن أحد مرسل تهديد.. حزتها ..كلنا نكون بخطر.. مشاري : شلون يعني..؟! سعود : يعني لازم نتصرف.. ما ينفع نوقف كذا لين نروح كلنا.. عساف : سعود معاه حق.. مو بس كذا.. لازم نأمن ع الكل.. ام عبدالرحمن وهي تتلقى الصدمات : ويش اللي تغبرونة أنتم ويش تحكون..؟! عماد : يمه.. لازم أي شخص غير عيلتكم ما يدخل البيت.. لازم كلكم تجلسون بمكان مأمن بحراسة و كاميرات.. لازم البيت ما يفضى من الشباب.. و يكون معاهم أسلحة.. وعد : ليش داخلين حرب و الا داخلين حرب.. حسستني اننا جالسين نصور فيلم.. عماد : خلي عنك الاستهانة بالموضوع.. الشخص اللي حرق البيت.. بيدور ع الجميع.. ابتدأ ببيتكم و الجثة اللي فيه ماهي موجودة عبث.. مروراً علينا كلنا.. كلنا.. مشاري بحدة : ليش ما فيه قانون..؟! ما فيه امن..؟! سعود : فيه أمن و فيه قانون.. بس الاحتياط واجب.. بنعيش كلنا بمكان واحد كلنا اقصد الجميع.. مشعل : ممكن تحكون حبة حبة شوف اشكالنا ما احنا فاهمين و انت و عساف و عماد كل واحد يتكلم بشي واحد.. انتم كان عندكم شيء تعرفونة و احنا ما نعرفة..؟! ابو سعود وقف : بروح اشوف البيت.. سعود : لا يبه تكفى.. خلك هنا.. ابو سعود : نعم..؟!! عماد وقف : عمي ما ينفع تروح.. احنا ما نبي احد يطلع من هنا.. ما ندري لو احد يتربص فينا برا.. ابو سعود بحزم : بلا يتربص بلا خرابيط الله الحافظ.. ابو عساف : اصبر يا اخوي.. خلنا نفهم .. الشباب عندهم شيء ما قالوه.. ابو سعود : بشوف بيتي.. ماني جالس حاط رجل على رجل.. عماد يحاول يقنعة : عمي اصبر.. تكفى لين نأمن الدرب.. ام عبدالرحمن : يا وليدي لا تخلي قلبي يغلي عليك.. لا تيتم بناتك.. خلك معاهم لين يشوفون العيال ويش فيه برا من علم.. ابو عبدالرحمن : اركد يا ابراهيم.. لا تستعجــل.... فجأة صوت طغى المكان.. يناديهم : سعــــــود.. عمــــــاد.. عســــــــاف.. ملامحهم توترت.. خالد وقف ع الباب يلتقط انفاسة.. : الفريق جابر.. يبيكم.. تبادلوا نظرات سريعة .. عماد خرج سلاحة من جيبة عشان يتأكد من امتلائة بالرصاص.. : لا أحد يطلع من الباب.. و أي احد يطق الباب لا تفتحون له.. وأقفلوا البوابة الرئيسية.. سعود : يبه تكفى لا تطلع الله يخليك.. وعد وقفت وحطت يدها على ذراع عماد وهي تناظر السلاح بيدة : ليش..؟! عماد سحب يده عشان يحط كفوفة على اكتافها : لا تطلعين.. مهما صار و مهما سمعتي لا تعتبين الباب.. اذا جاء أي احد و حسيتي بأي ضرر صوبي براسة.. و مسك كفها و حط السلاح بيدها.. اتسعت عيونها.. بصدمة ما يكفيها اللي تسمعة عشان يعطيها سلاح فيه رصاص : لا عماد.. ما اقدر.. عماد بحزم صارم : الا تقدرين.. الحين قفل الأمان شغال .. بس تحسين بأي خطر اسحبية.. و اضغطي على الزناد و صوبي.. لا تترددين.. وعد حطتة بجيبة : ما احتاجة.. انا عند اهلي.. ما ابيه.. عماد أخذ نفس : ما عندي وقت اجلس اقنعك.. عشان تطمنين و انا اطمن.. ببطنك روح لازم تحمينها انتِ مسؤولة عنها الحين.. مشاري بحدة : انت خبل بتعطيها سلاح..؟! عماد : لا ماني خبل.. لو تدري بتفاصيل اللي مقدمين عليه ما لمتني.. انا من زمان ابيها تدرب على سلاح.. و ما صاار وقت و الحين بيكون معاه.. و يصير خير بالتدريب.. بندر : عماد ما احنا ناقصين جنون.. عماد : الجنون اننا نطلع و ما نأمن على البيت.. راكان : ليش ان شاء الله احنا مو عاجبينك..؟! عماد : ما قلت كذا.. ما عندي وقت افسر لك.. (سحب كفها و هي تسحبه ما تبيه يحطها بيدها.. لكنه مسكه بقوة و حطه بيدها غصب) لا تتهاونين باستخدامة.. و طلع .. من غير لا يفكر ينتظر ثانية عشان تعترض.. طلع و ترك السلاح بيدها و هي مصدومة ان معاها سلاح لا صوبت فيه بتقتل.. عيونة تتسع و تضيق من الصدمة.. ما حست غير باللي حط يده على يدها و سحبة منها ناظرت كان عمها مشاري : عمــي..؟! مشاري : لا تبعدين خليك هنا و ما راح تحتاجينة.. وعد ناظرت ابوها وراء عمها واقف : بــابــا..؟!! ابو سعود : ما فيه شيء يخوف.. الكل بيجلس هنا.. مشعل روح ناد الكل.. انا بروح اقفل البيبان.. مشعل : ان شاء الله.. .. الأوضاع في الخارج ما كانت هادئة ابــداً.. على أقصى درجات التوتر.. الفريق جابر : العميد نايف.. ابي تقرير كامل و شامل للجريمة على مكتبي.. العميد نايف : تأمر سيدي.. الفريق جابر ناظر عماد و سعود و عساف : سعود بلغت أبوك عن الحريق..؟! سعود : ايه عنده علم.. الفريق جابر : تمام.. المهم الآن.. يوصلني تقرير المختبر الجنائي عشان نشوف الجثة لمين.. بلغت ابوك انه ممكن يكون الحريق بفعلة فاعل..؟! سعود بتعب : بكل شيء يا سيدي. الفريق غازي اللي كان يبحث عن ادلة مخبأة.. هو من سيقرأها فقط.. فهناك من افتعل هذا الحريق و ذا دون ادنى شك هو "وليد" لكن لماذا..؟! و لمن الجثة..؟! يبحث حتى لو عن دليل بسيط.. يدل عن الجثة ليست له.. أو أي معلومة من الممكن ان يستفيدوا منها.. فا وليد أصبح أيمن المنذر.. و وليد لن يقتل انسان بهذه الطريقة البشعة الخالية من أي مقاييس الإنسانية.. لذلك هو متخوف بأنهم اكتشفوا وليد بهذه السرعة و اردوا قتلة بهذه الطريقة.. سعود : سيدي.. التفت الفريق غازي له : نعم.. سعود همس بصوت واطي باذن الفريق غازي : انت قلت انه صاحبنا..؟! الفريق غازي : ايه.. سعود : شلون .. و الجثة..؟! الفريق غازي : اللي طرى عليك طرى علي.. و مثل ما انت شايف ابحث عن أي شيء.. ممكن يدلني عليه.. سعود : طيب الناس اللي يراقبونة كلمهم.. اكيد بيعرفون عنه.. الفريق غازي : و اذا قلت لك ما يردون.. بعدين تقفلت جوالاتهم.. اتسعت عيون سعود من الصدمة حس بشيء يضرب براسة .. الم قوي.. ليش ما منعتة.. ليش ما وقفت بطريقة.. ما قدر عليها المفروض كنت تدري انه صغير على مهمة مثل هاذي.. المفروض تعرف انه ما يقدر هذا اخوك .. شلون خليتة و قلت له الا تقدر .. و شجعتة.. الفريق غازي مد يده و ضغط على كتف سعود : لسى بدري الحكم.. ننتظر تقرير المختبر الجنائي.. سعود : ما اقدر اصبر.. قلبي يأكلني.. الفريق غازي بحزم : انت كنت تدري ويش اخوك مقدم عليه.. الحين انسى و التفت لشغلك.. ما فيه شيء عشان قلبك يأكلك.. سعود : بس.. الفريق غازي بحزم صارم : سعـــود.. سعود : ان شاء الله.. التفت و هو يناظر بيتهم.. المكان يعج بالأمن بكل مكان مترأسهم الفريق غازي و الفريق جابر.. هذا يعني انهم مقبلين على شيء ما راح يكون سهل أبداً.. عساف : ايش فيك..؟! سعود : حاس بكبدي تقلب علي.. عساف : طيب ارجع البيت احنا بنسد مكانك.. سعود : لا.. التفت للي ناداه.. : سعــــود.. سعود : حاتم.. حاتم يناظر المكان بصدمة : امي..؟! ابوي..؟! سعود : لا تخاف كلهم بخير.. الكل كان ببيت جدي.. حاتم : يالله.. الحمدلله.. الحمدلله خفت افقدهم من جديد.. عساف : روح لبيت جدي.. و لا تطلع خلك معاهم.. حاتم : ان شاء الله .. بروح اتطمن عليهم.. بس خواتي و اخواني.. احد صار له شيء..؟! عساف : لا.. ما احد كان بالبيت.. تطمن.. حاتم تنهد براحة : الحمدلله يارب.. سعود : روح الحين حاتم.. و انتبه لأبوي.. حاتم : ان شاء الله.. خرج حاتم من زحمة المكان.. عماد شال قبعتة العسكرية.. و مسح على شعرها وهو يناظر المكان : قلبي ناغزني.. سعود : كلمت اهلك..؟! عماد : ايه.. ابوي و اخواني بالبيت حتى بنات عمي غازي عندهم.. : سيدي.. التفت الفريق غازي له : ايش فيه يا سلمان..؟! سلمان : لقينا جثتين.. الفريق غازي استغرب : ايـــش..؟! سلمان : كلها محترقة بالكامل.. و الأكثر من كذا.. كانوا مربطين بسلاسل.. ما كانت عيون غازي الوحيدة اللي اتسعت من الصدمة ع اللي يسمعة.. أي قلب بشري..؟! يقتل انسان ببشاعة.. مستحيل ينقال عنه قلب.. مربوط و يحس بالنار تحرقة و لا يقدر يسوي أي شيء.. ما يقدر يبعد عنها.. الشيء الوحيد اللي يستوعبة جسدة هو الآلم.. آلم حتى الموت.. حتى المجرمين ما يقتلونهم بهالشكل.. الفريق غازي : وين هم..؟! سلمان : موجودين كانت مقفلة.. اتوقع ان اللي احرق البيت اول ما بدا فيهم بعدها حرق البيت كامل.. الفريق غازي : تعال معاي.. تحرك سلمان .. و لحقوة سعود و عماد.. البيت مستحيل يكون بيت من كم ساعة الاضاءة مسيطرة و الرخام الساطع.. الأثاث الملون.. النجفات المميزة.. كلها أصبحت مجرد اشلاء و سواد.. اضاءة فريق الأدلة الجنائية فقط هي من تضيء المكان.. دخل الفريق غازي و شاف الفريق جابر واقف بالمكان.. دخل سلمان.. ثم عماد و سعود.. سعود اللي طاحت عيونة على الجثث المتفحمة .. على أنها تحمل نفس اللون الطاغي.. الأسود.. صد بوجهه وراء..و كبدة رجعت تقلب من جديد.. الفريق جابر : سعود خلك برا.. و انت يا عماد.. عماد ما فكر يناظر الجثث : ما عندي اشكالية سيدي.. بس يبدو سعود مو متحمل الوضع.. الفريق جابر : سعود.. سعود وهو يتحامل على نفسو : انا تمام سيدي.. الفريق جابر : اطلع برا يا سعود.. سعود : سيدي.. الفريق جابر : سعـــود.. طلع سعود و حمد ربة من جد اللي طلع من المكان.. لأن عيونة تدور بالمكان و ترجع للجثث من جديد.. تدور ملامح يعرفها.. يتمنى انه ما يشوفها فيهم.. ما يشوف ملامح وليد فيهم.. لكن ما كان واضح أي شيء.. ثلاث جثث.. مستحيل وليد هو اللي أحرق المكان.. مستحيل وليد احرقهم بهالشكل.. و حرق بيت ابوه.. هذا يعني.. ان وليد أحد الجثث الثلاث.. و يمكن الاثنين الثانين هم المراقبين.. صحى سعود من سرحانة على صوت الكلام اللي يدور بحدة في المكان.. الفريق غازي : ايش قلت..؟! ارتعب العسكري وما كرر الخبر القنبلة اللي رماه في وجه الفريق غازي.. الفريق غازي كرر السؤال بحدة أكبر : عيد اللي قلتة.. عبدالكريم : سيدي انحاشوا.. الفريق جابر صرخ على عبدالكريم : شلون ينحاشون..؟! عيونكم وينها..؟! ست مساجين شلون ينحاشون..؟! الفريق غازي الدنيا اسودت بعينة.. ثاني مره.. ثاني مره ينحاشون.. وهم يا غافلين لكم الله.. ثاني مره ينحاشون من مركز يرأسة الفريق اول غازي بن حمدان.. هاذي اهانة له هو شخصياً.. اكيد هم وراء الحريق.. و اختاروا بيت واحد من اللي ماسكين القضية عشان ينشغل الكل معاه.. هم اللي وراء الحريق.. بيعرفون اننا بنجي هنا نحقق بالموضوع عشانا متوقعين انه يتعلق فيهم.. حرقوا البيت عشان يشغلونا و يخرجون عصابتهم.. ما احد من رجالة.. قال كلمة وحده.. يعرفون انه ما راح يتحمل شيء.. اتجه بخطوات ثابتة برا البيت.. و تبادلوا سعود و عماد و عساف النظرات.. مثل ما توقعوا مقبلين على شيء كبير.. و بدوها بحرق بيت ابو سعود.. و تهريب باقي العصابة من السجن.. عساف : سيدي.. احنا لازم نلحق الفريق اول غازي.. الفريق جابر : تفضلوا.. احنا بس بناخذ بقي الادلة بالغرفة اللي وجدنا فيها الجثتين.. و بعدين بنقفل البيت و بنحط عليه حراسة لحفظ الأدلة.. و نطلع للمركز.. ادوا التحية العسكرية ثلاثتهم.. وطلعوا.. يمشون بتوازن على مستوى واحد.. من يراهم يدب الرعب في خلاياة.. ورثوا ذلك من رئيسهم.. الفريق غازي بن حمدان.. يقتدون به حتى بتصرفاتهم.. .. جود بقهر : ما راح اصدق بابا قول شيء.. ام عبدالرحمن : ويش تبينه يقول..؟! جود : شلون بيتنا ينحرق.. اكيد ياتي الخبلة نست شيء.. نهى : يبي لنا ندفعها ثمن ترميم البيت.. جود بقهر : و الله لا اذبحها.. ميار : يا بنت لا تحطين بذمتك ما تدرين لو انتِ متسببة بالحريق.. جود : لا يــا شيــ...... (سكتت فجأة.. و بلعت ريقها).. بندر : ويش مسوية..؟! جود : نسيت الشاحن مشبوك.. بندر : يعني بسبتك انتِ .. ارتحت الحين يوم خسرتي تعب ابوك و شقاة.. عاجبك الوضع.. << اللي يشوف بندر و هواشة لجود يقول ما كان جالس مع سعود و عماد و قالوا انها بفعلة فاعل.. جود : و الله نسيتة.. يعني.. ما ادري انا فصلتة و الا.. بندر بحدة تمثيلية : توك تقولين نسيتة مشبوك.. أسيل : من الرعب صارت ترقع.. خلاص يا بنتي اللي بتنذبحين عشان تعوضين خسارة ابوك.. جود غرقت عيونها دايركت.. ناظرت ابوها : بابا و الله آسفة انا ما ادري فصلتة و الا.. مشاري ناظر بندر : ارعبت البنية.. ما عليك يا عمي.. انتِ مالك دخل بالموضوع.. ابو سعود : ماهو انتِ يا بابا.. شخص من برا.. سها : من برا..؟! و يحرق بيتنا ليش..؟! ويش احنا مسوين له..؟! صبا : ليش يحرق البيت.. ويش مصلحتة.. ياسر اللي كان يمشي رايح جاي بالغرفة و مستفز لأبعد حد و متحمل اسئلة خواتة اللي ما خلصت .. لما سمع صوت صبا انفلتت اعصابة صرخ فجأة على البنات : انكتمــــــن.. وحدة فيكن تنطق حرف واحد ما تلوم الا نفسها.. ناقصين احنا دلعكن.. اول وحده اتسعت عيونها رعب.. صبا.. بلعت ريقها.. و دنقت.. ما مر على تهديدة لها كم ساعة.. انرعبت و كلهم موجودين لو صرخ عليها و هي لحالها معاه بتصيح بدون تفكير من الخوف.. سها همست بأذن صبا : لا تصيرين ام دميعة عادي.. متعودين يصارخ مو شيء جديد عليه.. صبا حست بالعبرة خانقتها لو بتنطق حرف واحد بتنفجر قدامهم صياح.. : السلام عليكم.. دخلوا و سلموا ع الجميع.. فيصل و حاتم.. ام ندى : الحمدلله .. كنت خايفة عليك.. باس راسها : يوم شفت البيت قلقت عليكم بس قابلت سعود و طمني انكم هنا كلكم.. فيصل : معوض خير يا عمي.. ابو سعود : تسلم.. دام كلهم بخير الحمدلله.. البيت بدالة عشر.. فيصل : الحمدلله.. ام مشاري : الشباب وين راحوا..؟! ابو عساف : عندهم قضية.. تلقينهم ما يرجعون غير متأخر.. سها : طيب احنا وين بنجلس..؟! وين بنعيش..؟! ابو سعود : البيت هين امره.. لكن فيه أشياء ثانية.. بنشوف سعود لا رجع ويش يقول.. ام عبدالرحمن : يا ابوي سمعته ويش هم قالوا.. البيت يشيلنا كلنا.. كلكم بتقعدون هنا.. ما احنا عايفينكم.. عشان نخليكم تروحون.. تكلم بسرعة وهو واقف على الباب : السلام عليكم.. التفتوا كلهم له : وعليكم السلام.. سعود يتكلم بسرعة : أنا حطيت حراسة على الباب.. أي شيء تحتاجونة هم بيجيبونة لكم.. لا تطلعون.. خالد : يعني ايش بننحبس هنا..؟! سعود : لا .. بس تنتهي هالليلة.. بعدين يصير خير.. اهم شيء ما احد يعتب الباب.. كلكم .. حتى انتم عمي عبدالرحمن و عمي سعد.. ام سعود بقلق : يا ابوي تكفى طمني عليك.. سعود : يمه لا تقلقين بكون بالمركز.. ما فيه شيء يخوف.. بكون مشغول لا تقلقين.. ام سعود : ما يخالف اتصل علي ما راح ارتاح.. سعود : على خشمي ان شاء الله.. (مد يده و سحب ياسر اللي ما جلس من اول ما طلع سعود و عماد و عساف.. وهو شايل هم) : تعال ابيك.. طلع ياسر مع سعود.. سعود : انتبه ياسر .. لا تخلي احد يطلع.. لا تغفي عيونكم كلكم.. تناوبوا.. على الأقل لين الفجر.. و انا ان شاء الله بكون راجع.. ياسر : سعود فيه شيء..؟! سعود : ما ادري يا ياسر.. بس انتبه الله يخليك.. ونبه على اخواني.. ياسر : لا تشيل هم.. سعود : يالله فمان الله... ياسر : فمان الله.. خرج سعود و التفت ياسر .. انتبه لها معطيتة ظهرها : على وين..؟! صبا التفت برعب.. شافت نظرتة الحادة تخترقها .. بلعت ريقها : بـ ــ بــ روح الحديــ ــقة.. حس انه ندم اللي وقفها و سألها .. صوتها الناعم اختراق طبلة اذنة و ازعجة : اعتقد الكلام واضح.. ما تعتبين الباب.. ارجعي مكانك اشوف.. صبا : بس.. انا.. ياسر بحدة خافتة عشان ما يسمعون اهلهم : كلامي واضح.. على فكرة.. جات من الله.. اليوم تردين على عمي بالموافقة فاهمة.. صبا حست ريقها ناشف : بس انا بعدني ما وافقت.. ياسر : و انا ما فيني صبر.. اليوم تكلمين عمي.. فاهمتني.. صبا ناظرتة بقهر.. متحكم حتى بقرارها بالعرس : بستخير.. ياسر : ليش ويش كنتِ تسوين كل هالأيام..؟! صبا تشجعت عشان تنطق بقوة ناعمة : هذا شيء يخصني.. ياسر رفع حاجبة الأيسر : خيــر..؟!! صبا التفتت ودخلت الغرفة بسرعة.. قبل لا يصرخ عليها و يعيفها الرد عليه.. ياسر بهمس : ما عاد الا هي تردين علي.. بندر : ويش ذا الوضع الكئيب...؟! راكان : و الله مره كئيب.. شكلي بروح للشباب.. أسيل بحماس : لا تكفى لا تروح لهم.. نروح نتمشى تكفى و الله طفشانة.. ابو عبدالرحمن : انت ما تفهم الكلام.. ما سمعت العيال ويش قالوا..؟! راكان : ما يهمني ويش قالوا هذا شيء يخصكم.. احنا مالنا دخل فيك.. ابو عساف بحدة : انت صاحي..؟! تبي تعرض حياتك للخطر..؟! راكان بملل : الحمدلله جاوبت على نفسك.. حياتك.. يعني شيء ما يخصكم.. ام مشاري : راكان لا تفزع قلبي.. الله يرضى لي عليك لا تطلع.. و الله ما راح ارتاح.. شلون بتونس و انت تدري اني قلقانة عليك.. راكان سند ظهرة : و هاذي قعدة.. خلاص عشان خاطرك بس.. أحمد تربع : الله يعين احس الليل ما يمشي.. فيصل : شكلة كذا.. صبا جيبي لنا شيء نقزر الوقت فيه.. صبا لا شعورياً ناظرت ياسر.. ما تدري حست نفسها كأنها تستأذنة.. تحركت بعد لحظة و طلعت.. ميار : انا بروح معاها.. بندر : جيبوا من المكسرات اللي جبتها امس.. ميار : ان شاء الله.. وعد : ماشاء الله ع الروقان.. ناس قلقانة و ناس تقزر الوقت.. بندر : ليش تبيني اصيح عشان اعلمك اني قلقان و الا لا.. بس ما بيدينا شيء.. بنحط يدينا على خدنا لين الفجر.. بنتضايق وما راح نستفيد شيء.. احسن شي نسوي شيء عشان ما نحس الوقت.. ام ندى : انتِ ارتاحي يمه.. لازم تمددين.. نامي يمه لا تشيلين هم.. وعد وقفت : بروح الغرفة.. نهى : خذيني معاك.. ابو سعود : بابا انتبهوا.. اذا حسيتوا بأي شيء لا تسكتون.. نهى بهبالة : ليش و يش بنحس فيه..؟! ابو سعود : بأي خطر.. مهما يكون.. نهى : عادي اصارخ على صرصور.. ياسر بقهر : عشان اقص لسانك.. نهى : ما ادري ايش فيكم.. مكبرين الموضوع تراها الغرفة هنا خطوة بس.. .. في مكتبة متوسط الجلسة.. فريقة معاه كلهم.. ابتدأ من العمداء عماد عزام عساف و نايف.. والعقداء سعود و راشد.. وجهة أسود من العصبية.. رد على جوالة : نعم.. ريما ماني فاضي.. (يطق بيدة ع المكتب) استغفر الله.. ما ابي اعصب عليك.. خليك ببيت عمك لين ارجع.. يعني..؟! اعطيني محمد.. (رفع عيونة يناظر بالسقف لين جاه صوت محمد) لو تطلع ريما من البيت بحاسبك انت.. لا تخليها تعتب الباب فاهم.. قول لأبوك يهجدها.. اعتقد كلامي واضح.. قفل الخط و رمى جوالة.. : البنات دايم اوقاتهن غلط.. عساف : عندنا و عندك خير.. الفريق غازي : استغفر الله العظيم.. عزام : سيدي .. اكيد كاميرات المركز سجلت ارقام السيارات نتابعها و نشوف.. الفريق غازي : شفناها.. و الشباب يتأكدون مره ثانية من التسجيلات..ما فيه وجود لأي سيارة غريبة.. عماد بقهر : قدروا يلهونا.. بس يطيحون بيدي لانسفهم و لا انتظر شيء.. نايف : الحين ممكن يشكون فيك.. مو يمكن الا اكيد.. كلهم انحاشوا بقي انت بشخصية فهد.. عماد : دامنا بالانفرادي .. يعني ممكن الموضوع ما انكشف.. الفريق غازي : الحين بنشوف الطريقة اللي انحاشوا فيها.. اثنين.. .. (رفع نظرتة للباب اللي ارتفعت صوت الطرقات عليه) : تفضل.. سلمان دخل وأدى التحية العسكرية : سيدي.. الفريق غازي : تعال يا سلمان.. سلمان مد الورقة : تقرير المختبر الجنائي بخصوص الجثث.. سحبها الفريق غازي : نشوف.. سعود توتر .. : سيدي .. الفريق غازي : قلنا لا تحكم.. بعدنا ما قرينا التقرير.. اتسعت عيونة بصدمة و رجع بكرسية المتحرك وراء و هو يقرأ اسماء الأشخاص.. .. لا إله الا انت سبحانك إني كنت من الظالمين.. لا أحلل نقل الرواية دون ذكر اسمي.. هاشتاق #رواية_لو_سألتي_الورد .. ضحكة قهر.. |
رد: لو سألتي الورد وهو ما بين إيدك أقطعك بيقول لك عمري فداك الكاتبة / ضحكة قهر
بسم الله الرحمن الرحيم..
السلام عليكم ورحمة الله وبركاتة.. بداية اشكر كل وحده اسعدتني بدعوة او تذكرتني فيها بظهر الغيب.. شكــراً لكم جميعاً.. بالنسبة للبارت.. انا وعدتكم انزلة الجمعة او السبت من اخر بارت بلغتكم.. بس انتم هالاسبوع مشتطين.. ولأني رجعت للبطالة للأسف بعد يومين دوام و حسيت بفراغ كبير اكبر من قبل للآسف.. بديت بالبارت من بدري و حاولت اعجل فيه عشان انزلة بدري.. لكن مهما حاولت الا لازم تحسسوني اني متأخرة ترى لسى بداية السبت احنا احيان تحسسوني بالذنب.. يجيني فوق عشر اسئلة ع الآسك وين البارت..؟! دايم اقولكم الصبر زين.. و نتيجة هالصبر ان شاء الله اليوم بارت جميل و طويل.. و اللي بتقول لي مو طويل يا ويلها بتأخر شهر.. عشان فيه قفلة^_^.. التوقعات.. ما فيه احد منكم توقع ان وليد مات.. ليش..؟! وليد مو البطل الأساسي بالرواية .. هو احد الأبطال و موتة ما تعني انه مو بطل في الرواية.. عموماً لا تأمنوني و تخلوني شريرة ترى الأحداث بتسير مثل ما ابي.. و ان شاء الله بتلقون ما يرضيكم و يرضيني.. أرحب بكل اللي انضموا للرواية.. اهلاً و سهلا فيكم.. و أشكر كل مين كان معاي و استمر و يدعمني بتعليق هنا او ع التويتر او الآسك.. شكــراً.. البارت الجاي ح يكون في الويك آند باذن الله.. البارت اهدأ للي توقعت ان الجثث للـ،،، عشان ما اخرب عليكم.. بس ما رجعت بالصفحات لوراء و اقرأ التعليقات مستعجلة بتنزيلة البارت.. المهم اللي توقعت صح.. هي تعرف نفسها و تقول لي .. عشان بيكون البارت اهدأ باسمها.. البارت الثامن و الثلاثون.. في الوداع الاخير اللي يقص الظهر، بين دمع الكلام وبين صمتٍ طويل. يوم كانت تذكّرني دعـاء السفر، كنت اردد على نفسي دعاء الرحيل لـ علي الضوي.. البنات بالغرفة مع بعض.. سهاد بقلق : ويش ذا الحالة يعني..؟! عبير تحمست : عادي بننبسط.. بننام كلنا مع بعض.. ميار استغربت من عبير : ليش ما انتِ خايفة..؟! عبير : و ليش اخاف.. بابا هنا و عماني و عيال عماني.. و ماجد و يزيد شوي و يجون.. ميار : بس احساس مرعب حتى لو كانوا كلهم هنا..؟! عبير : بالعكس اكشن.. ويش بيصير يعني..(تحرك يده بلا مبالاة) مين المتخلف اللي بيدخل بيتة فيه رجال كثير.. نهى : تدرون ان زوج وعد معطيها سلاح..؟! سهاد انصدمت : اووف ماهو صاحي..؟!! أثير : ليش عاد..؟! كلهم فيه .. يعني احس غريبة يعطيها سلاح.. على كذا الموضوع كبير و احنا مو حاسين فيه..!! نهى : عمي مشاري معصب يكلم ابوي و ابوي يقول حصل خير.. الرجال بيأمن عليها.. و عمي راكان عصب على ابوي بعد يقول ليش ما هو شايفنا رجال.. عاد الا وعد عندهم.. جود : عاد صدق احس عماني حابين وعد اكثر مننا.. نهى : عادي يمكن عشان عاشت عندهم.. جود : ما علينا .. احنا بعد بننبسط مو بس عماني و العيال.. وقفت سها بتطلع : بنات بروح انام.. عبير مسكت بلوزتها قبل لا تروح : ويش تنامين يا دجاجة تعالي.. سها سحبتها بقوة : عبير مالي خلقك ابي انام.. نهى : ما عليكم تلقونها متضايقة عشان الدكتورة .. يا عمي طنشيها.. سها : نهى ماخلقك.. نهى : و انتِ من خشيتي الجامعة تنقلب مزاجيتك فجأة و تنفسين علينا.. سها بحدة : و الله اذا انتِ باردة و لا تحسين غيرك ماهو نفسك.. نهى ببرود و لا كأن سها معصبة : و الله انا ماني تافهة اهتم لأمور سخيفة و ازعل على حسابها.. و اذا دكتورة ما طاقتني بالطقاق كلها كم مادة و تعدي.. مو كل ما جلست تضايقت عشانها.. سها تأشر على نفسها وهي تناظر نهى : أنا تــافهة..؟! و الله اذا انتِ ما يهمك تجلسين مع وحدة ماهي طايقتك و بيدها شيء لكـ و ما يأثر عليك هذا يعني ما عندك قلب.. و انا ماني مثلك.. نــدى تهدي الوضع : صلوا على النبي يا جماعة.. : اللهم صلي و سلم على نبينا محمد و على آله و صحبة أجمعين.. سها ناظرت ندى : كلميها هي اللي تنابشني.. انا ما حاكيتها.. نهى : ياربي ما بقي غير تصيحين عندنا.. هيه انتِ الى متى بتبقين تافهة و حساسة و أي شيء يصيحك و جبانة.. سها اتسعت عيونها بصدمة : انا..؟!! وعد لوت فمها : نهـــى.. مالك داعي.. نهى : لا يا شيخة.. ليش يعني عاجبتك حالتها بتصير مثل دانه.. غير احد يوقف وراها و يوجها و يعلمها.. ما تسوي شيء من حالها و لا تواجه احد حسبالها بتلقى احد لين اخر عمرها يوقف معاها.. دانه : انا بعد كذا..؟!! نهى : ايه كلكن كذا.. ما تعرفن تسون شيء من حالكن.. لازم احد يعلمكم ويش تسون.. و الا ما تقدمون بحياتكم خطوة.. اصحن من الغفلة اللي انتن فيها.. وعد تناظر نهى الجالسة ببرود و تحكي على خواتها : نهى ما يصير تحكين بهالشكل.. واذا جيتي بتنبهين احد و تنصحينة مو بهالطريقة.. نهى : ليش عشاني خايفة عليهن و تهمني مصلحتهن.. بس انا ما انكر مو منهن.. ندى ترمي جوالها جنبها ع الكنبة بملل : اجل من مين..؟! جود جالسة رجل على رجل و استلمت الدور عن نهى : من بابا اللي رباهن على هالشيء.. هو اللي تحكم بحياتنا.. انا ما استغرب لو طلعنا ما نواجه العالم.. و لا نقدر نختلط بالناس.. ندى : بتحولن على ابوي يعني..؟! أثير : ويش بلاكن توكن كنتن ويش زينكن.. فجأة قلبتن.. سهاد : استهدوا بالله يا جماعة.. الموضوع مو مستاهل و اصلاً هذا مو وقتة.. سها : لا خليهن.. خليهن يحكن.. قولن يا فاهمات يا قويات اللي تواجهن الحياة وما تخافن.. نهى تناظر ندى و أشرت عليها.. : لا نحول على أبوي ولا شيء .. انتِ قدرتي تسوين شيء في حياتك صحيح تحت سلطة ابوي بس ممكن يطلع منك شيء.. و وعد تقدر تواجه الحياة لانها اساساً واجهت ابوي و اخواني و عاشت شيء صعب كلنا نعرفة.. و جود نفس وعد تقدر تواجه ابوي و اخواني.. اما دانه و سها و ميار فيها بعد هالشيء ما يسون أي شيء الا بتوجيه من ابوي او أي احد اكبر منهن.. و ميار اهونهن اما دانه اكثر وحدة ما تقدر تسري خطوة وحدة.. ممكن حتى لا جات تنام تستأذن.. ندى : اهااا يعني تبيننا متمردات مثل حضراتهن..؟! جود : خير ست ندى حولتي علينا.. ندى : ليش اول مره تسمعن هالحكي هذا الصدق انتن متمردات.. وما تمشن الا بهبدة ع الراس.. جود : لو اني متمردة.. و رب الكعبة ما جلست ببيتنا و انحشت من الزمان .. و الا من يرضى بتزمت ابوك و اخوانك.. ندى : ومين قالك اني مستبعدتها عليك ما تسوينها.. انا اصلاً اتوقع منك أي شيء.. انتِ مدلعة و عشان عندك هبوط بالسكر ابوي ما يرضى احد يكلمك و هالشيء ضرك ما نفعك.. ميار ترفع يديها تهدي الوضع : لحظة.. يعني انا الحين ما امشي الا بتوجية..؟! عادي ومين بيلومني.. انت تقولين عني هالحكي عشانك ما عشتي اللي عشتة.. انا تربيت بين ام و اب غير اللي جابوني على الدنيا.. فجأة حياتي كلها انقلبت بيوم وليلة.. و جيت عند عيلة غير و حياة غير اللي عشتها.. شيء طبيعي ما اقدر اسوي شيء من راسي لاني ما اعرف انتم على ويش تربيتوا.. هذا غير اني ما ارضى اني احط راسي ع المخدة و انام و اكون مسوية شيء غلط حتى لو بدون قصد و ماما و بابا متضايقين عشانة.. سها و الجرح اعماها عن اللي تحكية : و كلام ميار يثبت ان انتِ اللي ما عندك قلب و تشوفين الناس خوافة.. عشان تقيسين افعالهم بأفعالك انتِ .. و الا فيه وحدة عندها قلب و تخاف الله ما تشوف امها اللي جابتها على هالدنيا الا مره وحده و لا رجعت لها من جديد.. مهما سوت فيك امك غصباً عنك ترضينها لو على حساب نفسك.. بس ويش نقول بانسانة قلبها ميت.. نهى : انا قلبي ميت..؟! و الله امي شيء ثاني ما ابي اخوض الحديث فيه.. مثل ما ميار تقول ما عشت اللي هي عاشتة انا بعد نفس الشيء.. انتِ امك هي نفسها امك.. ما رمتك صغيرة و لا ابوك حطك عند وحده من حريمة و ربتك.. ندى وقفت و بحدة ردت على نهى : الحين صارت امي وحده من حريم ابوك..؟! انتِ تعرفين الاحترام..؟! هذا هو رد الجميل اللي عندك..؟! نهى : ليش انا سبيتها..!؟ انا صادقة وحدة من حريم ابوك.. ندى ناظرت بوعد اللي ما شاركت بالهوشة عدا التهدئة : و أنتِ بعد نفسها طبعاً..؟! وعد : انا ما شاركت بالموضوع عشان ما ابي اتهاوش مع احد.. مالي خلق .. ولا تدخليني عشان صدق ما اقلب البيت عليكم.. ندى : تصدقين عاد مره خفت منك..؟!!.. سها : هالحكي كله ما يهمني.. ما راح اسمح لك يا نهى تهنيني بهالشكل.. و لا تكلمين معاي بهالطريقة.. نهى : زعلك دليل على ان كلامي صح.. سها : و انتِ تبين ترمين الحكي على الناس ولا يزعلون..! ليش مين حضرتك..؟! عبير لوت فمها على الوضع : ترى اذا استمريتوا تحكون بهالشكل و الله لأنادي عمي.. ما انتن أطفال انتن عشان تهاوشن.. الموضوع مو مستاهل تحكن فيه حتى.. كبار انتم المفروض تخطيتوا مرحلة الهواش هاذي للأطفال.. سها : انا ما حكيت نهى هي اللي بدت و اخطت علي و على دانه و ميار.. ندى : و الأهم على أبوي.. نهى : انتم ليش تأخذون المواضيع بحساسية.. لو انا اخطيت بالحكي اللي قلتة لكن حق.. بس ما اخطيت.. انا صادقة باللي قلتة ابوي اخطأ بالطريقة اللي ربانا عليها.. بس فيه منا اللي قدر يخلي تأثير هالتربية اخف و فيه منا اللي ما قدر يطلع منها.. ابوي طول عمره يحسسنا اننا صغار و يعاملنا بهالشكل.. و مانعنا من اشياء كثير بحجة خوفة علينا.. حتى ابسط قرارات حياتنا هو اتخذها عننا.. زيارات للصحبات ما فيه ليش يخاف علينا..؟! ليش احنا ما نشوفهم بالجامعة بالمدرسة..؟! هذا غير دراستنا اللي هو اختار عننا كل شيء.. حتى بصحباتنا يتحكم و لازم يعرف بنات مين..؟! ندى : صدق ما يبين بعينك..!! (تأشر على وعد وهي تناظر بنهى) على اساس ابوي يعرف صحبات اختك كلهم.. هاذي ما بقي بنت بالمدينة ما تعرفت عليها.. وعد كانت ساندة ظهرها بهدوء و تناظرهم.. اول ما تكلمت عنها ندى اعتدلت بجلستها .. نطقت بحدة : ما تحسين انك تلفين و تدورين علي..؟! ندى : و الله اشوف اننا نحكي ع الكل و جالسين نطلع اخطأ بعض.. ليش ما تكونين ضمن الدائرة.. وعد : شوفي ندى.. انا مأيدة نهى بابا اخطأ بتربيتنا.. حرمنا من اشياء كثيرة.. اثر على نفسيتنا.. هو يشوف ان اللي يسوية صح.. و انا اشوف اللي يسوية خطأ.. اذا هذا اللي بتسمعينة هذا انا قلتة عشان ترتاحين.. سها و صوتها يرجف معلنة البكاء القريب : يعني انتِ بعد تشوفيني جبانة و ما اواجة الحياة.. وعد : ما قلت كذا.. وحتى لو فعلاً هذا الشيء فيك انا بعد يشوفوني متمردة.. ولو فعلاً هالشيء فيني انا متمردة و انتِ و دانه خوافات و نهى قلبها ميت هذا يعني ماهو مني ولا منك.. من اللي ربانا بطريقة غلط و خلى كل وحدة فينا تتجه لأقرب طريقة لها.. دانه : يعني ايش تبينا نقول لبابا مالك دخل فينا..؟! احنا مو بناتك..؟! و الا ما نحتاج توجية منك احنا خلاص..(خنقتها العبرة و نزلت دموعها و صوتها يرجف) كبرنا.. كبرنا و صرنا نجرح.. بعض بسببك..؟!! سها اول ما طاحت عيونها على دانه تبكي.. نزلت دموعها هي بعد.. و بكت.. جود وقفت : فعلاً يبي لنا بابا يهدي الوضع.. طلعت بعد ما لبست طرحتها و نقابها .. صبا : بنات الله يهديكم بتزعلون عمي الحين.. الوضع ماهو ناقص.. حتى ياسر راح يعصب عليكم.. < من رعبها انطقت اسم ياسر و لا حست بنفسها.. أسيل : و الله صراحة ما عليش بس كلكم تافهات.. و تفكيركن قد النملة و اصغر بعد.. اجل تهاوشن على حساب فلانة فيك و علانة فيك.. طيب هذا الشيء فيها انتِ مالك دخل ويش بيضرك فيه يعني..!؟ عبير : تراكم غلطتوا حيـــل على بعض.. نهى : انا ما قلت شيء غلط.. هذا الصدق.. و الا أي شيء يصير لهن في حياتهن جن و كبن العشاء عند ابوي.. وهو اللي يتصرف.. ولا بعد هاذي (تقصد سها) يقولها لها بابا تبينا نكلم العميدة و تكلم لك رئيسة القسم عشان ما عاد تحكي معاك هالشكل.. من خوفها منها تقوله لا.. انا اصلا لو مكانها من اول مره هجدتها و وقفتها عند حدها.. لكن هي ما تعرف حتى تتصرف شلون.. سها : انتِ تقرنين تصرفاتي بتصرفاتك.. انتِ قليلة ادب انا مالي دخل فيك.. انفتح الباب و دخل ابو سعود.. و ام سعود و ام ندى و ام احمد.. كلهم استغربوا لما جات جود تقول لأبوها ان خواتها متهاوشات و كلهن.. ابو سعود ناظرهن.. نهى باردة و لا كأنها في الموضوع خير شر.. ندى واقفة و معصبة.. دانه و سها يبكن.. اما وعد كانت قاعدة عادي و عاقدة حواجبها كنها متضايقة هي و ميار .. بعد ما نقل نظراتة بينهن : ايش فيكن..؟! ام سعود : بسم الله عليكن ويش اللي صار لكن..؟! ما احد فيهن رد.. كل وحدة دنقت و سكتت.. سهاد اشرت لصبا و عبير و وقفت و وقفوا معاهم أثير و أسيل : عن اذنكم.. طلعن كلهن وراء بعض.. اما ابو سعود تقدم لوسط الجلسة و جلس حس ان الموضوع مطول : ما وحدة فيكن تحكي..؟! دخل ياسر و خالد و معاهم جود .. ياسر ناظر خواتة بحدة : متهاوشات..؟! من جدكن انتن صاحيات..؟! بيتنا منحرق و انتن ما عندكن احساس..؟! ابو سعود : ياسر.. خلنا نسمع ويش اللي مزعلهن.. ندى : اللي شعلت المشكلة من البداية هي اللي تحكي و تقول ليش ما احنا عاجبينها.. ابو سعود : ومين اللي شعلتها فيكن..؟! ياسر ناظر وعد : طبعاً ما يبي لها سؤال يبه.. اكيد هي.. وعد صالبة ظهرها : و رب الكعبة ان ما سكت عني لا اعلمك شلون اشعل لك مشكلة.. ياسر قدم رجلة اليمين خطوة : لا و الله.. بعد قوية عين..؟! خالد : ياسر جاي عشان تهدي الموضوع و الا تزيدة.. خلنا نعرف ويش عندهن.. ياسر : ليش ما تسمعها..؟! تمردك هذا متى بتتركينة انتِ ما تبتي بعد اللي صار لك..؟! وعد خلاص وصلت للأخير بالأول عساف ثم عماد ثم ندى و الحين ياسر + مع الحمل يعني ما يندرى ويش بيصير فيها : انا متمردة صح..؟! و بعد اللي صار لي..؟! اللي صار لي ما صار الا بسبتكم.. انتم.. من اخوك سعود.. ومن اهمالكم.. لو سعود ما مسك صلاح كان ما عرفني.. ولا اختطفني.. و لو انتم اهتميتوا شوي فيني ما كان نمت لحالي بالمستشفى كني مقطوعة من شجرة و لا عندي اهل عشان يجي صلاح و يخطفني.. اللي صار لي بسببكم انتم.. المفروض انتم توبون مو انا.. لكن بابا عودكم ما تشوفون اخطاءكم.. و احنا بس اللي يحاسبنا.. ليش لانكم عيال.. و احنا بنات.. لان احنا ناقصات عقل ما عندنا عقل نفكر مثل البهايم.. ناكل نشرب و ننام.. و قرارات حياتنا كلها عنده.. و انتم غير.. و انا عشاني احاول اكون ادمية لها حياتها و قرارتها صرتوا تشوفوني متمردة عليكم.. و انا اللي علمت خواتي يراددن بالحكي و قلة الأدب.. ام سعود بتأثر من كلام وعد عشانها لامت سعود : يا يمه هذا واجب سعود لا تلومينة.. وعد : انا ما لمتة يا خالة.. بس انتم تحملوني ذنب ماهو ذنبي.. انتم اللي تخلوني اعلمكم ايش اللي صار و انا بريئة من اللي تحكون فيه.. لكنكم ما تشوفوني الا قليلة أدب و متمردة بس.. و يمكن بعد تشوفون اني استاهل اللي صار لي.. نهى وهي تناظر الأرض ومن غير لا ترفع عينها بأي احد و حاطة رجل على رجل : عاد ماهي غريبة عليهم.. خالد بحدة : ما انتِ صاحية تخلينها تحط الفكرة براسها.. (التفت لوعد) من جدك تقولين هالحكي..؟! احنا ما نرضى بالغلط لا منكن و لا عليكن.. و اللي صار لك شيء خارج عن ارادة الجميع.. هذا اللي ربي كاتبة لك.. ماهو بيدنا نمنعة.. لو احنا ندري ان صلاح بيخطفك كان ما تركنا المستشفى بس ما ندري.. وعد : لا مو خارج عن ارادة الجميع.. لا تضحك علي بهالحكي.. انا بلعت السالفة و سكت.. ما فيه اهل يتركون بنتهم تتنوم لحالها وهي بتسوي قسطرة.. و لا فيه اهل.. يزوجون بنتهم من غير لا تدري و لا يتفضلون عليها و يعطونها حتى خبر.. انا اللي بلعت الموضوع و طنشت.. لاني ما ابي اجلس اعاتب و ازعل.. لكن انكم تستمرون بالغلط علي و تشوفوني ما اعتبرت من اللي صار لي و كأني انا اللي جبتة لنفسي بإرادتي لا عاد الى هنا وبس.. ام ندى جلست جنبها : قلت لك ابي ارافق معاك.. و انتِ اللي رفضتي.. لا تحملين الكل خطأ حتى انتِ شاركتي فيه.. وعد وقفت و التفت لها تناظرها و العبرة واقفة بحلقها : صح انا شاركت فيه.. انا الغلط كله راكبني من ساسي لراسي.. دايم الخطأ ما يطلع الا من وعد.. هي اللي متمردة وهي اللي قليلة ادب و لا تحترم و لا تقدر.. مشت بتطلع من الغرفة.. وقفها صوت ابوها.. ابو سعود : بعدني ما حكيت يا وعد.. وعد : و انا ما عندي شيء احكية.. قلت كل اللي ابيه.. بس عيالك لا يجرحون فيني.. ترى من جد وصلت معاي.. ما اعاد اتحمل شيء منهم.. مو معقول الناس تجرح فيني من كل صوب.. ابو سعود : وعــد.. اجلسي.. وعد : بابا بليـــز ما ابي اجلس.. انا مو اللي سويت هالهوشة.. و لا شاركت فيها.. ندى هي اللي نبشتني و حكيت اللي عندي ما صار عندي شيء زود.. بناتك اللي متهاوشات انا مالي دخل.. ابو سعود : و أنتِ ما انتِ بنتي..؟! ندى : اجلسي عشان تقولين لأبوي الحكي اللي قلتية من شوي.. والا بتهربين ياللي تقدرين تواجهين الحياة.. وعد ناظرت ابوها : خلها تسكت عني.. و رب الكعبة لا اوصلها للضرب و لا اسكت عن حقي.. ابو سعود : ندى اجلسي.. لا احد يحكي لين ما اقولة.. و لا احد يغلط على الثاني.. (ناظر وعد) تعالي اجلسي.. جلست جنب الباب قريب من دانه.. وام سعود و ام احمد و خالد و ياسر كلهم جلسوا.. بيشوفون ويش هالقصة اللي متهاوشين على حسابها الكل.. الا جود ظلت واقفة.. ابو سعود : سها دانه وقفن صياح.. ابي افهم الموضوع من غير دموع.. سها جلست جنب امها.. وهي تمسح دمعة و تنزل اختها.. متضايقة اصلاً وقاهرها انهم ما زالوا يحملونها الخطأ عشان خلافها مع الدكتورة.. تجي نهى و تزيد عليها.. ابو سعود : نبدأ من ندى .. هاه يا ندى ويش القصة..؟! ندى : نهى هي اللي بدت الموضوع .. خلها تعيد لك اللي حكتة.. هي اللي تهاوشت مع دانه و سها و ميار بعد.. ابو سعود : نهى..؟! نهى اللي كانت حاطة رجلها اليمين على اليسار و شابكة يديها ببعض ناظرت ابوها : انا ما قلت شيء غلط يا بابا.. اللي قلته انهن خوافات و جبانات و يحتاجن احد يحمينهن و يوجهن في الحياة.. ندى بقهر : و قلتي انتِ و وعد و جود ان ابوي اخطأ بتربيتنا و ما ربانا صح تحكم بكل قرارات حياتنا و هذا السبب بتمرد وعد و جود.. و هو السبب نفسة اللي مخلي سها و دانه خوافات على حد كلامك.. نهى التفتت على نهى اللي جالسة باليمين : تحسبيني بخاف اني اقول هالحكي عشان تقولينة بهالطريقة..؟! لو بخاف ما كان قلته من الأساس .. و هذا غير اني صادقة باللي قلتة.. ابو سعود : طيب .. سمعيني اللي عندك.. نهى : اللي عندي اننا صرنا ما نقدر نواجة الحياة.. و لا نعرف نتصرف.. لاننا من صغرنا تعودنا انت تتحكم بكل شيء يخصنا.. ابسط اشياءنا ترجع لك.. مدارسنا تخصصاتنا صحباتنا حياتنا كلها انت اللي تتحكم فيها.. ما عودتنا على اننا نحل مشاكلنا من انفسنا و نلجأ لك اذا صعب علينا شيء.. كل شيء كنت تعرفة و انت تتصرف فيه.. و تتحكم بالموضوع كله.. انت حتى تحرمنا من اشياء كل البنات يسوونها عشانك خايف علينا.. تحمينا من الغلط قبل لا يصير و انت تعرف كل ممنوع مرغوب ما علمتنا بطريقة غير انك تمنعنا عنه بالغصب يعني ممكن نسوية من وراك.. ما خليتنا على راحتنا حتى لو اخطينا ما نخاف منك و نقول لك على اللي سويناه.. ابو سعود رفع حواحبة : يعني انا اخطيت..؟! نهى : يمكن .. بدون قصد.. انا صار عمري 25 للحين انت تتحكم فيني.. مهما تصنعت انه الشيء ما يهمني لكنه مضايقني.. مضايقني احسة خانقني.. و شوف خواتي.. اكثر وحدة يمكن ما تأثرت فينا هي ندى.. او تأثير هالشيء خفيف عليها.. لكن شوف دانه و سها كيف خوافات ابسط مشاكلهن ما يحلنها.. شوف وعد و جود كيف تمردن و ممكن يسون الغلط عناد.. وحتى لو من وراء الكل بس عشان يخترقن قوانين و حواجز انت حطيتها.. و انا .. انا صاروا يشوفوني ما عندي قلب.. قلبي ميت.. بابا احنا نخاف منك على ادنى شيء لحد فترة مو بعيدة.. بس من وعد اختفت انت لهيت عننا.. و ابتعدت تيك الفترة.. و صرنا نأخذ حريتنا شوي.. لكن الحين رجعت مثل قبل.. < سكتت نهى .. حست انها طلعت اللي بقلبها .. طفح الكيل فيها.. ابو سعود : ايش رايك يا وعد..؟! وعد : انا قلت اللي عندي.. و تعبت و انا احكي لو الحكي يجيب نتيجة كان انا ادرس برا من زمان.. مو متزوجة شخص ما اعرفة وفوقها ولد عدوك.. و لاني حامل الحين و صرت ما اشوف الحياة شيء.. ابو سعود : تبين الطلاق..؟!! سكتت و لا علقت.. شتت نظرها.. ابو سعود : تبين الطلاق فكري فيه.. و ولدك ما احد بيأخذة منك.. و ابوه بيعترف فيه غصباً عنه.. وعد : و أصير مرأة مطلقة.. يشوفها المجتمع و لا شيء و يضطهدها .. و انتم اكثر شيء تخافون من كلام الناس و المجتمع.. ما تهمكم راحتكم.. ابو سعود : انا اللي قلت لك اذا تبين الطلاق فكري فيه.. بس حطي قدام عيونك لو تطلقتي بتكون الطلقة الثانية.. لانه طلقك قبل كذا.. وعد : عادي ما تفرق لو بتطلق ما راح افكر فيه اصلاً.. بس ما ابي طفلي يعيش ببيئة غلط.. و ينولد بين ام و اب منفصلين.. ابو سعود : فكري ما راح اغصبك على شيء ما تبينه.. تبين نقرصة قرصة اذن قرصناة لك و ترجعين له بعدها اللي يريحك.. ياسر انقهر من كلام ابوه : ويش اللي تطلق يبه..؟! ابو سعود : انا عند وعدي يا ياسر.. اذا تبيه ما احد يغصبها تعيش معاه.. و هاذي وصاتي لسعود.. انا وصيت سعود ما يشوف خواتة ينضامن و يسكت.. و اوصيكم الحين.. انا معاكم اليوم بكره لا.. ما ابي احس اني جبت عيال ما يخافون على خواتهم و يحمونهن.. ما ابي احس ان وحدة فيهن انضامت.. من أي شخص.. ام سعود : الله يطول بعمرك.. خالد : يبه لا تحكي كذا.. خواتي بالحفظ و الصون.. و الله ما ينضامن و هن بنات ابراهيم.. لا تحاتي ذا الموضوع و تخليه يقلقك.. ابو سعود : الله يعين .. و انتِ يا دانه قولي ويش عندك عشان نحل الموضوع كله مع بعض..؟! دانه بصوت اقرب للهمس و الدموع ما زالت على خدها : ما عندي شيء.. ابو سعود : قولي يا بابا.. لا تخافين من شيء.. ويش اللي مخليك تبكين..؟! دانه بلعت ريقها : بس متضايقة.. ابو سعود تقدم بجلستة و سند كوعة على فخذة : طيب ويش اللي مضايقك.. علميني.. مين فيهن اللي زعلتك..؟! دانه : ما احد.. نهى و عيونها بالأرض ما تناظرهم و كأن اللي سوتة كله عادي : انا.. انا اللي زعلتهن كلهن.. ابو سعود بدل نظراتة بين الثنتين : ليش..؟! نهى : لاني قلت الصدق لهن.. قلت لهن اللي حكيتة لك.. ابو سعود : و سها..؟! نهى : حتى سها.. ابو سعود : ليش..؟! ويش اللي خلاك تحاكينهن بهالشكل.. نهى : لاني انقهرت.. مضايقة نفسها على حساب دكتورة تقدر توقف عند حدها.. لكنها جبانة ماهي قادرة.. ابو سعود بحدة : نهــى..!! سها : انا ماني جبانة.. و لا اسمح لك تكلمين علي.. نهى مطنشة ابوها : انا قلت الشيء اللي فيك ما جبت شيء من عندي.. ابو سعود : نهـــى..!! احترمي وجودي بينكم.. نهى : شفت انت تسكتنا حتى عند الصح.. ابو سعود : الصح انك تحكين على اختك و تجرحينها و تصيح.. وفوق ذا تزيدينها و قدامي بعد.. ليش انا مالي احترام و لا تقدير.. اختك ما كسرت خاطرك.. و الا أنتِ ما تحسين..؟! وقفت نهى : لا ما احس.. ما الوم عيالك لا شافوا قلبي ميت و لا أحس اذا لا امي حاسة بقلبي و لا انت وين يكون عندي قلب..؟!.. طلعت قبل ما تسمع ردة.. جرحها منه كان كبير.. ترضى تسمع الحكي من أي احد الا ابوها.. كلهم يهونون عندها الا ابوها يجرحها مثلهم.. ام ندى ناظرت بالباب اللي تسكر و بعدها ناظرت بأبو سعود : زعلت.. وعد وقفت : انا ابي انام.. عن اذنكم.. و لحقت نهى.. ابو سعود : استغفر الله العظيم.. ام احمد : الله يهديكن هذا انتن تزاعلتن و لا تراضيتن.. كل وحدة بتنام زعلانة على الثانية.. كيف بتهنأ لقلوبكم النومة..؟! ام سعود : انتن خوات حتى لو ما انتن شقايق.. ابوكن واحد.. ميار : مشكلتنا كل وحدة متضايقة و تبي تحط حرتها بأي احد.. نحتاج نغير جو.. حتى انا لحقني حكي نهى.. و عادي انا عاذرتها.. ابو سعود : ايش قالت لك..؟! ميار : نفس سها و دانه.. بس لان اصلاً ما عشت عندكم اخاف اسوي شيء غلط و تزعلون.. وهي تشوفة اني انا ما امشي الا بتوجية.. و احد يعلمني كل شيء.. ياسر : كل السبب هي.. ابو سعود : و انت زعلت وعد.. ياسر : و انا صادق يبه دايم هي اساس المشاكل.. و هالمره اختها.. ابو سعود : هي و اختها خواتك.. و هالمرة وعد ما قالت شيء.. لكنك انت ما قصرت فيها.. خالد : ما نبي ننام و احنا زعلانين من بعض.. نهى اخطت و انتم اخطيتوا.. يمكن هي اللي بدتها بس نضل اخوان.. و هالشيء ما يرضي أي احد فينا.. سها : بس هي اللي حكت علي.. ام ندى : ما عليش ماما يمكن هي متضايقة اصلاً.. و أنتِ تعرفين نهى تعطيها بالوجة حتى لو هي تجرح.. بس ما يكون هالشيء بقصدها.. جود : على كذا حتى ندى تعتذر لوعد .. لانها اخطت عليها.. رغم ان وعد كانت ساكتة و لا تدخلت.. ابو سعود ناظرهن باستغراب : ويش فيكن كل وحدة تغلط على الثانية..؟! ايش اللي صاير لكن اليوم..؟! .. وعد منسدحة : بتنامين..؟! نهى كانت متلحفة و تكتم شهقاتها ما تبي وعد تسمعها قالت بصوت هامس ما يوضح فيه الزعل : ايه.. وعد : هوشتنا وقتها غلط.. بابا ماله كم ساعة جاية خبر حرق البيت نقوم احنا نزيدها عليه بهوشتنا و نضايقة.. نهى : عادي انتِ متمردة و انا ما احس يعني ما تفرق معانا.. ثلاث طرقات على الباب بعدها انفتح.. وعد جلست اما نهى معطية الباب ظهرها و لا التفت.. ابو سعود : أبي احكي معاكن.. وعد : تفضل.. ابو سعود تقدم بخطواتة و سكر الباب.. جلس على السرير جهة نهى : نهى.. نهى.. نهى حاطة يدها على فمها تمنع شهقة بتفضحها : ................... ابو سعود : أدري انك صاحية.. وما ابي اشيل اللحاف عنك و اجبرك تسمعيني .. عشان ما تقولين انا اتحكم حتى بهاذي في حياتكن.. قومي و خلينا نتناقش الهروب مو حل.. نهى ما تحركت من مكانها و لا قامت.. ابو سعود : بتخليني اجلس متضايق عشانك..؟!.. طيب انا ادري اني زعلتك.. بس اسمعيني.. نهى من تحت اللحاف : ما ابي اسمع شيء.. كلامك كله اعرفة.. انا ما ابي اقول شيء زود و اجرحك فيه مثل ما جرحتني.. قام وجلس جنب راسها.. ونزل باسها : جرحتك..!؟ طيب ما تسامحيني..؟! دفنت راسها بالمخدة و انطلقت شهقاتها .. لأول مره نهى تبكي بهالشكل عنده.. ناظرها و ناظر وعد .. مد يده و شال اللحاف عنها شوي ومسح على شعرها : افاا هاذي هي بنتي اللي ما تأثر و قلبها ميت..؟! اجل لو قلبك حي بتصيرين مثل خواتك اللي تنقدينهن.. ارفعي راسك.. قامت نهى جالسة .. مد يده و ضغط على ذفنها و رفع راسها : ماهو لايق عليك تبكين.. و الله ما يصير هالعيون تنزل دمعها.. نهى : انصدمت ان انت تشوفني مثلهم.. ما يهمني احد الا انت و انت قلت عني زي ما قالوا.. ابو سعود : ايش فيك صايرة حساسة.. انتِ غلطتي على خواتك.. يمكن فيه شيء مضايقك وهو السبب.. بس هذا ما يعني انك مو غلطانة عليهن.. شايفة سها تبكي من كلامك تزيدين عليها ليش..؟! نهى : انا انقهر لا شفتهم كذا.. و انقهر اكثر لا وحدة حكت أي مشكلة لكم و هي بسيطة.. ليش ما تحلها من نفسها.. ابو سعود اخذ نفس : ان دكتورتها مستقعدة لها من اول السنة مشكلة بسيطة.. نهى بحدة خافتة عشان ما تصارخ على ابوها : لو هي ردت عليها اقل شيء تناقشت معاها كان وقفت الأدمية عند حدها.. لكنها خوافة ولا تقدر تقولها شيء.. ابو سعود : و أنتِ ويش اللي مضايقك بالموضوع انا بحلة.. نهى : مالي دخل فيها اصلاً ما تهمني عشان انقهر.. ابو سعود رفع حواجبة : ما تهمك..؟! ليش ماهي اختك..؟! ما تهمك مصلحتها..؟! نهى : اختي.. بس هي تزعل من كلامي خلاص براحتها انا قلت لها اللي عندي وهي ما تسمع كلامي بالطقاق.. ابو سعود ناظرها و ناظر وعد : بالطقاق..؟!! يعني هذا اللي زرعتة فيكم كل هالسنين.. و اللي سعيت له هذا تكون نتيجتة.. انا ما حطيتكم كلكم ببيت واحد و حطيت قوانين بالبيت و جمعتكم على سفرة وحدة عشان بعد كل السنين اللي مرت تقولين ما تهمني بالطقاق.. وقف ابو سعود : قومن ثنتينكن.. ابيكن.. وعد عفست وجهها : بابا تعبانة اجلها لين بكره.. ابو سعود بحزم : وعـــد.. يالله.. وعد نزلت رجولها على الأرض : ان شاء الله رغم انك سحبت علي بس بمشيها لك.. ابو سعود : قدامي يالله.. ما زالن بالغرفة بس الكأبة أحاطت جوهن.. ام سعود : اذكرن الله يا يمه انتن خوات.. المصارين بالبطن تهاوش.. ما انتن اول ناس.. ياسر : لو ابوي يسلمني امرهن لامشيهن على الصراط المستقيم.. قال ايش متهاوشات.. هذا وقت هوشات.. ناس ما تقدر.. بس مو منكن من ابوي اللي مدلعكن.. ندى : عاد هن يشوفنة كابتنا و حارمنا حياتنا.. ياسر : الكبت اللي يكبتهن ان شاء الله.. هن كذا الحريم المفروض ما تعطيهن وجه عشان ما يركبن على راسك.. خالد : الله يعين اللي بتأخذها.. ياسر صد بوجهة عنه بعد ما كان يناظر فيه .. نطق بصوت هامس : الا يا حظها تحمد ربها اللي انا تنازلت و اخذتها و الا من يرضى بوحدة مايعة.. خالد بصوت عالي : قلت شيء..؟! ياسر التفت له : لا.. عيالك وينهم بس.. بنتك ماهي تعبانة..؟! خالد : عند عمانهم.. و بنتي عند الدكاترة ما يحتاج اخاف عليها.. ياسر : ماشاء الله مشروع اب ناجح.. ام احمد : ويش بلاكم انتم بعد بتهاوشون.. تبون ابوكم يرتفع ضغطة و يطيح علينا.. توكم تهاوشون خواتكم على سواتهن..؟! خالد : هاذي ماهي هوشة يمة.. هاذي مجرد مداعبات.. دخلوا احمد و مشعل و حاتم.. احمد : خير ابوي قال يبينا..؟! خالد : ايه يبينا كلنا.. احمد ناظر خواتة : تراضيتن..؟! ما وحده فيهن علقت كل وحدة تناظر الأرض.. و زعلانات.. مشعل جلس : لا يكون ابوي يبينا نراضيكن على بعضكن.. وقتها بس عندي الطريقة.. يسلمني الموضوع.. حاتم : ليش ويش بتسوي..؟! مشعل : رصهن جنب بعضهن و اعط كل وحدة كفين و يسلك الموضوع.. حاتم ابتسم : ماخذ الموضوع باستخفاف.. خالد : لا تقول هالحكي عند ابوي عشان ما يعطيك أنت كفين.. مشعل يحط رجل على رجل و يلوح بيدة : مهبول انا.. ما بعد عفت نفسي للحين.. بس و الله انها الطريقة الأمثل و الا هاذي اشكال خوات..؟! هاه بالله ناظرهن.. ياسر : هذا و انت ما سمعت حكيهن لأبوي.. يا حرام مكبوتات.. و نفسياتهن تعبانة.. و الله ان ابوي معطيهن وجه.. ابوي ما ادري ويش صاير له..؟! ام ندى : ويش صاير له..؟! بناتة و ما يبي زعلهن.. ماهي غريبة عليه.. ياسر : يا خالة مو هذا البلا خل الوحدة فيهن تزعل و تضرب راسها بالجدار و ترضى من حالها.. ام سعود : اعوذ بالله.. ويش بلاك على خواتك.. .. ياسر : ليش يعني هن يحسن و احنا ما نحس.؟! جود : لا ما تحس.. انت تقول علينا ما نستحي و لا نراعي ابوي عشان بيتنا منحرق الليلة.. و انت حضرتك كذا يعني مراعية بحكيك..؟! ياسر بحدة : هيـــه لسانك طايل يا جويد.. ناظري و استوعبي مع مين تحكين.. جود : ومع مين احكي.. معاك انت.. ويش بتسوي يعني..؟! من اول ما جلست و انت ما قلت كلمة عدلة و تبي منا نحترمك لا ما حرزت.. ياسر وقف وسحب جود من ذراعها و وقفها : غصباً عنك تحترميني.. و انا ما جبت شيء من راسي .. انتن ما تستحن و لا تراعن.. لمي لسانك و الا و الله لا اقصة لك.. ام احمد بحزم : يـــاسر.. احمد مسكك جود وسحبها من ياسر : من جدك انت.. تحكي عليها يعني اللي انت تسوية صح..؟! ياسر : ايه صح.. و والله لو تطول لسانها علي لأدبها من جديد.. ام احمد : ويش صاير لكم..؟! عين وما صلت على النبي.. حسبي الله و نعم الوكيل.. احمد ناظر ياسر و همس : ارتحت الحين بتزعل.. ما يكفي ابوي.. انفتح الباب و دخل ابو سعود و وراه نهى و وعد.. : السلام عليكم.. : وعليكم السلام.. جلس ابو سعود.. وهن جلسن جنب بعض.. خالد : ترى مو لايق عليكن الزعل.. وعد : انا ماني زعلانة.. عادي الموضوع عندي.. جاني اكثر بزعل على حساب كلمتين.. ياسر وهو يرجع يجلس مكانة : الحمدلله عشان ما اعتذر لك.. وعد : ما يلزمني اعتذارك.. ابو سعود بحزم : هدوووء.. ما ادري ويش اللي صار لكم اليوم و تهاوشتوا كلكم.. انا ناديت حتى اللي ماله علاقة بالموضوع عشان نتفاهم كلنا جميع.. انا تزوجت اربع حريم عشان اكون اسرة كبيرة.. عيال و بنات اشوفهم مع بعض.. و تعمدت اعيشكم ببيت واحد عشان ما تباعدون.. و القلوب تشيل على بعض.. كنت احط قوانين عشان اخاف عليكم لا تفترقون بعد عيني.. قلت ازرع فيهم يا ابراهيم خوفهم على بعضهم كنهم من ام وحدة و أب واحد و قتها ما يفترقون.. بيساندون بعض.. خليتكم كلكم تجتمعون على العشاء اجباري.. ليش عشان اللي متضايق كلنا نحس فيه.. و اللي عنده شيء يحكية وكلنا نسمعة.. ابي قلوبكم تخاف على بعض.. اما كل واحد فيكم يجرح الثاني قدامي و يقولها له بوجهة.. بشكل يزعل ما احد يرضاة.. ما اقول لا تنبهون بعضكم على اخطأكم و لا تنصحون بعض.. بس بطريقة ما تزعل. مو كل واحد فيكم يجرح الثاني و يقول بالطقاق ما يهمني. اجل ويش فايدة اللي سويتة انا كل هالسنين.. عشان تهدمونة انتم..؟! بتفترقون..؟! طيب ميار و عندها سعود.. و جود و دانه عندهن احمد و خالد و مشعل و ياسر و وليد.. و ندى و سها عندهن حاتم... (لف على نهى و وعد) وانتن مين عندكن..؟! تبوني اضل قلقان طول الوقت وما استفدت اني جبت عيال..؟! نهى رجعت لبرودها و كأن الموضوع كله ما حرك فيها ساكن : مو لازم يكون عندنا اخ.. نقدر ندبر امورنا ما احنا ميتات.. ابو سعود دنق و وهو رافع حدقة عينة لفوق يناظرها مستغرب من كلامها : نعم..؟! نهى : صدق و الله .. عيالك بيذلونا على كل شيء.. و بيتحكمون بحياتنا.. و انا ما راح ارضى بهالشيء.. احمد استغرب من ردها : نهى بسم الله عليك ويش فيك..؟! هالحكي يطلع منك انتِ..؟! ياسر : ما قلت لكم لازم احد يهبدهن عشان يسلكن.. مشعل : انا أأيدك.. ليش ان شاء الله تبين تهيتن ما وراك رجال..!؟ و الا يا زينها لا قالوا عيال ابراهيم مهيتين خواتهن ما كنهم لحم و دم.. نهى بحدة : خواتك عندك مالك شغل فينا.. حاتم : بس احنا اخوان.. ترى العيشة وحيد ماهي سهلة.. انا جربت هالشيء يا نهى.. و الله بتتمنين الموت الف مره و لا تعيشين بلحظة تشوفين كل شخص مع اهله و اخوانة و انتِ تتفرجين عليهم و بس.. نهى : اخواني..؟! اخواني يعرفون شيء غير التحقير و المذلة و الاهانة.. هذا اللي عودهم ابوي عليه ما يحسبون حساب شيء.. عودهم يهنونا و لا يقدرونا ليش عشانهم عيال و احنا بنات مجتمع متخلف.. انصدموا كلهم من كلامها.. نهى ما عمرها حكت بهالشكل.. و حتى جود و وعد اللي دايم يتكلمن عن التفرقة ما قد قالن هالحكي لأبوهن.. وعد تدراكت الوضع اشرت لهم تهديهم : لحظة.. (مدت يدها و حطتها على جبهة نهى وحست بحرارتها) كنت متوقعة فيك شيء ماهو طبيعي.. نهى نزلت يد وعد بحدة : ما فيني شيء.. انا جالسة اقول الحكي اللي لازم ينقال من زمان.. مو انتِ انحرمتي من اشياء تبينها.. و غيرك يلقاها عادي.. احنا مو كبرنا على ان احد يتحكم بحياتنا و يأمرنا باللي نسوية و ما نسوية.. احمد وقف وتقدم لها وجلس جنبها : كبرتِ و شورك بيدك ما احد يجبرك على شيء.. و ان منعناكم من شيء من خوفنا عليكن.. ماهو عشان نتحكم بحياتكن مثل ما تقولين.. نهى التفت عليه : انا ما ابيكم.. اطلعوا من حياتي ما ابيكم.. اصلاً بروح عند امي.. ما ابغى اجلس هنا.. ابو سعود : ليش صرنا الحين مو عاجبينك..؟! نهى ترد بحدة ماهي مستوعبة شيء من اللي تقولة.. كل شيء حكتة ما فكرت فيه لحظة : لا ما انتم عاجبيني.. حياتكم ما ابيها.. احمد حط يده على جبهتها.. لكنها دفت يده عنها بحدة : لا تلمسني ما ابيكم.. احمد : انتِ تعبانة.. و لازم ترتاحين.. نهى وقفت : ايه طبعاً تعبانة من حياتي كلها اللي عشتها معاكم.. جاء الوقت اللي اتبرأ منكم فيه.. كلمتها وقعها كان قوي.. لكنها هي ما حست فيها.. ما حست حتى بردة فعلهم على كلامها.. اتجهت للباب تبي تطلع.. لولا ان حاتم مسكها : اصبري.. خلينا نتفاهم.. نهى رجعت وراء : ما عندي شيء اتفاهم عليه معاكم.. (ناظرت وعد) قومي انتِ بعد.. لا تجلسين معاهم.. ما نبيهم.. كلهم وجيهم معتليها الصدمة.. كل شيء بنهى يقول انها ماهي طبيعية.. ام ندى وقفت و مسكتها من ذراعها : تعالي معاي بسم الله عليك.. نهى رجعت وراء و ضربت بالباب : ما ابي اجي معاك انتِ مو امي.. استوعبي يا ادمية ما انتِ امي.. ابو سعود سحبها من بينهم : تعالي.. اجلسي.. جلس و جلسها جنبة.. تحسس جبينها مولعة .. شلون ما حس يوم باس راسها لما راح لهن يناديهن.. نهى غمضت عيونها و فتحتها : قول لعيالك مالهم دخل فينا.. احنا ما نبيهم .. اصلا احنا بنعيش ببيت لحالنا.. ابو سعود يسايرها عشان ما تبعد عنه : طيب .. و لا يهمك.. حاتم : يبه لازم نأخذها المستشفى.. نهى رفعت راسها تناظره : سمعت انتم مالكم دخل فينا.. ما ابيكم تدخلون في حياتنا.. ابو سعود : ما احد بيتدخل فيكم.. خلاص.. خلاص هدوء.. ابيك تنامين الحين.. احمد : لازم نحط لها كمادات على الأقل.. حرارتها مولعة.. ابو سعود آشر له يصبر : نهى.. ويش تحسين فيه..؟! نهى تنسدح و تحط راسها على رجل ابوها : ابي انام.. ابو سعود : ندى هاتي مويا بارد و منشفة.. ندى وقفت : ان شاء الله.. ام سعود : و الله كانت ماهي طبيعية فيها بلى.. نهى ما يطلع منها هالحكي.. ياسر يناظر وعد : انتِ مو طول الوقت معاها وينك عنها..؟! وعد و عيونها على نهى : ما انتبهت لها.. ياسر : ليش عقلك وينه..؟! وعد : ياسر ترى من جد مزودها اليوم.. حاط نقرك من نقري.. ابو سعود : خـــلاااص.. وعد : بابا انت شفتة من اول شيء و هو متقصد يضــ ..... قاطعها ابو سعود بحدة : قــلت خـــلاص.. سكتت و اخذت نفس مقهووورة من ياسر.. مستقعد لها الليلة.. ندى دخلت و معاها المويا والمنشفة : سم يبه.. ام ندى اخذتها و نزلتها على الطاولة غطست المنشفة بالمويا : تراها بتقمز من برودتها.. ابو سعود : بمسكها.. حطيها على راسها.. ام ندى طبقت المنشفة بشكل مستقيم و حطتها على راس نهى.. اول ما حست نهى بالبرودة لسعتها قمزت تبي تجلس.. لكن ابوها مسكها و ثبتها مكانها : عشان تخاف الحرارة يا بابا.. لكن نهى حركت راسها و طاحت المنشفة.. : ما ابيها برررد.. دخلت ام عبدالرحمن : يالله يا معين.. هاه ركدت بناتك و الا للحين عقولهن ماهي بمحلها.. مشعل : اللي سببت المشاكل هاذي كلها طلعت مسخنة ماهي مثبتة ويش تقول.. ام عبدالرحمن تناظر مشعل : من هي اللي مسخنة..؟! مشعل : نهى.. قالت حكي كنها ماهي بعقلها.. ام عبدالرحمن تتوكأ على عصاتها و تمشي لين وصلت لنهى.. مدت كفها المجعدة على راسها نهى : و غبني البنية تطبخ.. (تلفت) نوال.. روشيها.. مشعل يناظر جدتة : ويش تروشها يمه ليش كم عمرها هي..؟! ام عبدالرحمن : انت و اخوانك اطلعوا برا.. مشعل وقف : لا تزعلين يا ام عبد الرحمن.. (التفت مشعل للي دخل مع الباب) : سعود.. سعود مستعجل : ايه .. يبه أبيك مع عماني.. ابو سعود : خير ويش فيه..؟! سعود : ان شاء الله خير.. بس ابيك.. ام عبدالرحمن : انت ويش بلاك مشتط.. كنك مقروص.. عرفتوا من هو اللي حرق بيتكم..؟! سعود يحكي بسرعة : لا يمه للحين.. نزل ابو سعود راس نهى على الكنب.. و طلع.. لحقوة عيالة كلهم.. مبين سعود ماهو خالي.. دخل سعود.. بعده ابوه و اخوانة.. : السلام عليكم.. : وعليكم السلام.. ابو عبدالرحمن : سعيدان.. هاه ويش سويتوا.. سعود : يبه ابيكم تتركون البيت.. كلكم.. الساعة 8 الصبح بنجي انا و عساف و نأخذكم.. لمكان أأمن من هنا.. بحراسة و كاميرات مراقبة.. و الوضع ان شاء الله يكون تمام.. ابو سعود : نعــم..؟! انت ويش تحكي..؟! سعود : يبه .. بتروحون كلكم لمزرعة عماد.. المزرعة هناك مأمنة.. و فيها كل شيء.. وأي شيء تحتاجونة بتطلبونة من الحرس و يوفرونة لكم.. ابو عساف : بتحبسونا انت وعساف..؟! سعود : عمي.. ما نبي احد فيكم يضحي بحياتة.. هناك اامن لكم.. و الله احنا بمواجهة صعبة.. و ما نبي نبعد عن المكان.. (سكت مع صوت الطلق الناري برا).. رجع وراء وهو يسحب الأمان : سكروا البيبان.. و تجهزوا الساعة 8 بالضبط بنكون عندكم.. ام سعود مسكتة : يا أبوي لا تطلع.. سعود باس راسها وهو يرجع لوراء : ادعي لي.. يبه تكفى عجلوا.. لا تأخذون غير الملابس وأي شيء مهم.. غيره لا تأخذون.. مشاري : انت مستوعب ويش تقول..؟! تبينا نترك بيتنا و نسكن عند الرجال..؟! سعود : ايه مزرعة عماد كبيرة و بتشيل قبيلة.. اهم شيء تكونون بأمان لين تنتهي القضية.. راكان : و دواماتنا..؟! سعود : كل شيء وله حل.. اهم شيء ما تتأخرون .. ما بقي شيء ع الفجر.. و خرج قبل لا يستمرون بالأسئلة .. جاء عشان يبلغهم انهم يتركون البيت كلهم.. فيصل : ماني فاهم شيء..؟! انتم فاهمين..؟! عبير : اللي فاهمينة اننا بنعيش مسلسل.. و لو يجيبون كاميرات تصوير بعد عشان تكمل الكاست موجود و اللوكيشين موجود و الديكوريشن خلاص ما بقي الا الكاميرات.. جود : موجودة.. يقولك كاميرات مراقبة.. يعني لا تشيلين هم اهم شيء تكون جودة فل اتش دي.. أثير : ايش فيكن ماخذات الموضوع باستخفاف.. سمعتوا الطلق الناري اللي برا من شوي.. جود : و الله انا ما سمعت زود عن هلوسة نهى و وسوسة سعود.. اجل بيعيشونا بمزرعة عشان هنا مو أمان.. استغفر الله بس.. وعد دخلت و سمعت اخر كلام جود : مزرعة..؟! عبير : اخوك و اخوي بيودونا مزرعة بعلك .. يقولون هنا مو امان.. وعد بصدمة : نعــم..؟!!! احمد : كلنا بنروح هناك.. وعد : مزرعة عماد..؟!!! احمد : ايه.. وعد : تستهبل.. تبيني ارجع للمكان اللي انحبست فيه..؟! ابو عبدالرحمن : عيالنا هم ادرى باللي يواجهونة.. و دامهم قالوا لنا نروح للمزرعة نروح.. كلها يومين ان شاء الله و ينحل الموضوع.. راكان : ويش اللي نروح وما نروح..؟! ابو عبدالرحمن بحزم يسكت راكان : كلنا بنروح.. راكان : احنا عيلة ما يشيلنا بيت لحالنا ماشاء الله.. تبونا نروح نسكن بمزرعة الرجال..؟! ابو عبدالرحمن : بنروح نسكن.. وماله داعي توسعون وكل واحد يأخذ له غرفة.. العيال مع بعض و البنات مع بعض.. ام مشاري : الله يستر.. ويش اللي يصير احنا ما عندنا خبر فيه..؟! عبير : اللي يصير ان عيالنا مكبرين الموضوع و بيعيشونا بفيلم أكشن.. جود بحماس : اوووف و الله وناسة.. نجرب نعيش الأجواء هاذي.. ياسر ضرب جود على راسها : خبـــلة انتِ ما تحسبين حساب شيء.. صحصحي.. بيتنا و انحرق.. و لاقين فيه جثة.. هذا يعني تهديد خص نص لنا.. ثم سعود و عساف يحطون لنا حرس على الباب.. و عماد يسلم وعد سلاح.. و الحين سعود يبينا نغير مكانا لمكان أأمن.. ماهو معقول ثلاثتهم ما يعرفون ويش اللي يسونة.. اكيد فيه شيء كبير احنا ما نعرفة.. جود وهي تضغط على راسها مكان ضربة ياسر : اولا اذا انا خبلة فاني طالعة عليك.. ثانياً هالأشياء اللي حكيتها ما شفناها غير بالخيال.. تبيني اصدق انها تصير لنا..؟! ياسر : وعد ما انخطفت..؟! وقبل صلاح ما حاول يخطفها و احنا كلنا موجودين بالبيت.. نحسب انه أمان دام كلنا فيه ما احد بيتهور و يخش البيت.. وفوقها ابوي حاط عليه وقتها حراسة.. وفوق هذا قدر يدخل.. هذا يعني ان فيه ناس يقدرون يسون شيء احنا متوقعين ان ما احد يقدر يسوية.. و بما ان عساف و عماد و سعود كلهم بقضية وحدة.. و معاهم الفريق غازي يعني انهم يتعاملون مع مجرمين و خايفين علينا منهم.. و بيأمنون علينا.. استوعبتي و الا اشرح بعد..؟! جود : اووف كل ذا..؟! أسيل : يالله نغير جو.. بنروح مزرعة بس ان شاء الله تكون حلوه.. ابو عمر : الله يستر من اللي جاي.. دام هاذي علومهم.. ابو سعود جلس وهو اللي حاط يده على قلبة.. وليد صار له اسبوع من طلع وما له حس.. ام عساف : بس ماهي صعبة نضيق على الرجال في مكانة..؟! خالد : سعود و عساف عارفين كل شيء يا عمة.. اكيد مستأذنينة و يمكن هو طلب منهم.. مشعل : عاد عماد رجال اجودي.. حاتم : بس دواماتنا ما نقدر نتركها.. مو معقول بنجلس كذا وما راح نداوم.. أحمد : ربك يحلها.. لو يجون سعود و عساف على الأقل نفهم منهم مدى خطورة الموضوع.. .. مكتب الفريق أول غازي بن حمدان.. سلمان : تأمر.. الفريق اول غازي : خلهم يرجعون و يتأكدون من التحليل.. سلمان : ان شاء الله.. عماد : رفعتوا جميع البصمات في بيت ابو سعود..؟! سلمان : كلها تم رفعها .. بس كثيرة وما ندري لو هي لأهل البيت.. نايف : بنأخذ بصماتهم كلهم ونقارنها مع البصمات اللي رفعناها.. عزام : من جدك..؟! عساف : معاه حق نايف.. لازم نأخذ البصمات كلها.. و عمي ماهو قايل لا.. لازم نحاول بكل الطرق ممكن نمسك شيء ولو بسيط.. نايف : هذا غير اننا راح نأخذ عينات دم منهم.. عساف التفت لنايف : عينات دم ليش..؟! نايف : عشان نطابقها مع الأنسجة الموجودة عندنا للجثة الثالثة اللي ما عرفنا مين صاحبها للحين.. الفريق غازي : بما انك انت اللي ماسك قضية حرق بيت ابو سعود انت اللي بتتكفل بانك تعلمة هالشيء ما ابي سعود يعلمة.. نايف : تم طال عمرك.. الفريق غازي ناظر سلمان : سعود ما رجع..؟! سلمان : لا للحين.. الفريق غازي : ماشي.. روح كل للي المختبر الجنائي عشان يعيدون التحليل في الجثث الثلاث كلها.. و غير الطاقم اللي حلل من قبل.. طاقم ثاني ابيهم يحللون.. و ابي التقرير بأسرع وقت يا سلمان.. سلمان : حاضر.. ادى التحية العسكرية و خرج.. راشد : سيدي ليش بالثلاث كلها..؟! وحده هي المجهولة للحين.. الفريق غازي : مو مشكلة لو اختلاف بسيط بنعرف ان كان فيه ان بموضوع التحليل.. دخل سعود بسرعة وقف على طرف المكتب : كان فيه طلق ناري بالحي.. الفريق غازي : وين..؟!! سعود : عند بيت جدي.. فريت المنطقة كلها ما فيه احد.. و شفت الحرس اللي عند بيتنا قالوا ما شافوا احد.. عماد : بلغتهم ينتقلون لمزرعتي..؟! سعود : بلغتهم بس ماهم راضين يعني اذا جلسوا كم ساعة فهذا شيء كويس.. الفريق غازي.. لو الكبار يقتنعون وقتها ما احد بيقول لا.. يعني نقنع جدك و ابوك و عمانك الكبار و حزتها الكل بيسمع كلامهم.. عساف : و تتوقع ان اقناع أبوي و عماني شيء سهل..؟! نايف : و جدك..؟! عساف : جدي لو علمتة بخطورة الموضوع اكيد بيقتنع.. و يمكن يجبرهم على الجلسة.. عزام : اجل خلاص وصلنا خير.. الحكي بيكون مع جدك وهو بيتولى الموضوع.. سعود : ابوي ما راح يرضى الا اذا حس ان المكان امن لخواتي.. بعد قصة وعد ما راح يستأمن عليهن بأي مكان .. لذلك لو كلمناة من هالناحية ممكن يرضى و ممكن لا خصوصا اذا ما حس انه مرتاح.. عماد : المزرعة عليها حراسة مشددة.. و اسوارها عالية و عليها صاعق كهربائي يعني ما احد بيقدر يتسلق الجدران.. و فيه كاميرات مراقبة شغالة اربع و عشرين ساعة.. و ناس مسلحين و مدربين.. ليش ما يرتاح..؟! سعود : حتى لو.. ابوي لو ما اشرف على كل شيء بنفسة و اقتنع ان كل شيء تمام ما راح يقعد.. الفريق غازي : بنجرب ما احنا خسرانين.. ابوك ما راح يعرض حياتكم للخطر.. ولو عنده مكان آآمن.. ما احنا معارضين له يروح .. بس يكون امن فعلاً و معاه حراسة ثقة.. راشد : تعرفون ان هاذي فترة دوامات.. و الناس اللي تدرس و اللي تشتغل.. ويش بتسون بذا النقطة.. عزام : اللي عنده شغل يقدر يأخذ اجازة.. اما اللي يداومون..؟! (ناظر الفريق غازي).. الفريق غازي : ماهو لازم يداومون.. عساف : معاك حق سيدي.. ماهو لازم عادي يضيعون سنة ويش بيصير يعني.. سعود : نعــم..؟!! عساف : اهم درسون سنة و يخاطرون بحياتهم و ممكن يروحون فيها.. و الا يقعدون بأمان..؟! سعود نزل قبعتة بيدة يضغط عليها بقوة : ما ادري.. بس كذا بتوقف حياة الكل..؟!! عماد : اهلنا بنحميهم حتى لو سحبانهم من مدارسهم.. سعود : عندك اخوان بالمدرسة..؟! عماد : بالجامعة .. لكن ما راح اخليهم يداومون.. لا هم.. (ناظر الفريق غازي) ولا بنات عمي.. الفريق غازي : احنا نقلناهم المزرعة.. و احنا ما راح نتركها.. بنداوم هنا الصباح و اذا ما عندنا مداهمة او عملية بنروح نجلس هناك.. ما نتركهم.. عساف : تهقى يا عماد المزرعة بتشيل عيلتنا و عيلتكم..؟! عماد : ايام الدلع يتركونها.. الشباب بمجالس الرجال الخارجية و الحريم بالفيلا.. وتشيلهم و زود ماله داعي كل واحد يتسدح لحاله.. نايف : زين اللي اهلي مسافرين و الا قلقت عليهم.. عزام : و انا اهلي اصلاً مو بالمدينة.. الحمدلله.. الفريق غازي : بس الاحتياط واجب.. لازم تكلمهم.. عزام : مكلم خالي وهو متولي الموضوع هناك.. ما عليهم خوف ان شاء الله.. الفريق غازي : و انت يا راشد.؟! راشد : ما عليهم خوف ان شاء الله اخواني كلهم موجودين.. الفريق غازي : تمام.. هذا عشان نحتاط.. اكيد عارفين مين يشتغل على القضية.. وهم ما حرقوا بيت ابو سعود عبث.. سعود : سيدي.. انت قلت صاحبنا احرقة.. و كنت تقصد وليد.. ليش الحين تقول ان هم احرقوة..؟! الفريق غازي : آخر خبر جاني من المراقبين ان وليد متجة لبيتكم.. سعود يناظرة باهتمام : و بعدين..؟! الفريق غازي : كلمتهم يمنعونة.. لان توه له اسبوع من ابتعد عنكم ما امداه يشتاق.. و انت تدري انه ممكن يكون قابل اعضاء من العصابة.. و اذا العصابة بتدخلة معاها اكيد بتراقبة قبل و تعرف كل تحركاتة.. و دخولة لبيتكم يعني هدم لكل شيء.. سعود : يعني..؟! عماد : يعني فيه شيء عند وليد احنا ما نعرفة.. ممكن يكون قابل العصابة و لا قدر يقول لنا.. راشد : باسبوع..؟! الفريق غازي : ايه باسبوع.. تعرف انت كبار الشخصيات يهتمون بالعطورات القوية و العود.. و عماد و عزام لما كانوا يقابلونهم كانوا يعرفون انهم يروحون للمحلات بانفسهم يختارون على اذاوقهم.. ما كانوا يجيبون احد لعندهم لانهم ما يبون يعلمون احد بمناطقهم و أماكن تجمعهم.. يروحون مع بعض.. وهم ضامنين ان ماعليهم تهم لحد الحين و الأمن ما يقدر يمسكهم لأنهم ناس مجهولين.. و اللي وراء القضايا للحين ما نعرف اساميهم.. كا تحدي للأمن و لنا احنا يروحون الأسواق و يعيشون حياتهم بين الناس.. و لا كأنهم خطر علينا.. من هالمنطلق قررنا نفتح كشك عطورات و عود لوليد.. و أي شخصية بتجي لوليد تكون مشبوهة بيسعى وليد لأنه يتعرف عليه بطريقتة الخاصة.. عشان كذا ما استغرب لو جاه احد من العصابة وقدر وليد يتعرف عليه.. و بما ان العصابة كانت تعاني انه رجالها عندنا يعني محتاجين رجال و يثقون فيه.. فا أي شخص يحسون ان ممكن يثقون فيه اكيد بيسعون لأنهم يكسبونة.. و وليد مكسب لهم.. عمرة و ذكاءة و شخصيتة.. عزام : انا كنت مستغرب ليش وقع الاختيار على محل عود بالذات.. طلع كل شيء مدروس.. الفريق غازي بتأكيد : بالملي.. نايف : طيب انت متوقع ان وليد قدر يكسب ثقتهم..؟! الفريق غازي : اكيد لا.. ما هم اغبياء لهدرجة عشان يعطونة الثقة على طول.. لأنهم بيسحبونة لهم و يشغلونة معاهم بعملياتهم.. و من خلال العمليات ان شاء الله وليد بيقدر يعرف معلوماتهم.. عماد بجمود : ولو كانت الجثة الثالثة له..؟! سعود نقل نظرتة من عماد بصدمة للفريق غازي.. و كأنه هالشك ما راودة في باله.. ما جاه و لا صدقة.. الفريق غازي و عيونة على المكتب و القلم بين اصابعة : الله يرحمة.. شهيد باذن الله.. صد سعود عنهم.. بألم.. كل شيء يقول ان وليد هو الضحية الثالثة.. بس ماهو مصدق.. و لا راح يصدقهم.. ماهو وليد.. بس بس المراقبين..؟!! الفريق غازي : سعووود.. سعود بتساؤل : انت فاقد الأمل..؟! الفريق غازي : ما جاني امل عشان افقدة.. لاني متفائل و لاني متشائم.. سعود : بس كل شيء يقول ان وليد هو الثالث.. حرقهم في بيتنا.. و كأنه تهديد لنا.. و حرق لقلوبنا.. و الاثنين.. المراقبين معاه.. الفريق غازي بقسوة : تتكلم و كأنك ما تدري ان وليد كان مقدم على الموت..؟! سعود : بس ما ينحرق.. يحطون رصاصة بين عيونة بس ما يحرقونة.. الفريق غازي بحدة : كان قلت لهم.. لا حبايبي لا تقتلونة بهالشكل.. لو بيدك شيء ما خليتة يموت اصلاً.. سعود : شلون بقولهم..؟! انا مستصعب اني اقولهم مات.. كيف بقولهم انه مات محروق..؟! الفريق غازي : ماله داعي تقولهم.. لا جات حزتها.. بنمنعهم يشوفونة و نقولهم مات بس.. ماله داعي يعرفون التفاصيل.. عساف : بس للحين ما ثبت شيء.. يعني يمكن مو وليد الجثة الثالثة..؟! سعود : ماله داعي نضحك على بعض و نصدق كذبة انه عايش.. مراقبينه كانوا محروقين ببيتنا.. و الجثة الثالثة اكيد له.. الدليل البيت و المراقبين.. سعود حرق و ما تستأمنة انه ما يغلط.. لو احد بيتكلم عن شيء غلط قدامة بيعصب على طول و بيكشف نفسة.. احنا غرنا حماسة و نسينا انه توه على هالشغلة.. الفريق غازي ضرب يدة بالمكتب وهو يناظر سعود بحدة : متوقع اننا ممكن نرسل شخص ماهو متدرب لمهمة ماهو أهل لها..؟! ونستهين بأرواح الناس..؟! سعود : آسف سيدي.. انا ماني معارض ان وليد يفدي روحة للوطن.. بس احس احنا ضحينا فيه.. الفريق غازي و عيونة الحادة تنطق : شكل مخك ضرب.. و تحتاج اجازة يا سعود.. سعود ما رد و لا ناظر فيه.. ما احد فيهم مقدر ان وليد اخوه.. اوكِ فدا روحة .. بس الفقد يوجع.. الفريق غازي : بتأخذ اهلك على مزرعة عماد.. وما ابي اشوفك هنا.. لين اطلبك.. ما رد.. و لا علق.. تراجع لوراء خطوة.. ادى التحية العسكرية و خرج.. الفريق غازي : استغفر الله.. راشد .. بتروح للقسم الجنائي و تشرف لي على التحليل و تجيب لي التقرير بنفسك.. راشد وقف : ان شاء الله.. < ادى التحية العسكرية و خرج.. الفريق غازي : نايف بتستكمل لي باقي التحقيق و تضيف اخر النتايج و بكره ترسل نسخة منه للفريق اول جابر.. نايف : تم طال عمرك.. الفريق غازي : و بما انك انت اللي ماسك قضية حرق بيت ابو سعود.. بتروح معاي للمزرعة و بتبلغة باللي لقيناة ببيتة.. و نطلبة عينات دم منه هو و اهله.. نايف : تم.. الفريق غازي : عزام.. (ناظر ساعتة) ما بقي شيء على الصلاة ابيك تروح و تصلي بالمسجد اللي بنفس الحي.. و تسأل الناس هناك ان كانوا شافوا أي شيء البارح.. او سمعوا أي شيء.. عزام : تم طال عمرك.. الفريق غازي : اما انتم الاثنين (عماد و عساف) بتكونون بالمزرعة ابي تشييك كامل عليها.. و تنبيه جميع الحرس.. عينكم ما ابيها تغفل و لا نص دقيقة.. اثنين.. بس نجي انا و نايف الصبح.. بس نأخذ عينات الدم منهم.. و تطلع النتايج ممكن ارسلكم لشقة ايمن.. و محلة.. بس نشوف النتايج اول.. عساف : مثل ما تبي طال عمرك.. الفريق غازي : الحين بيأذن.. و كل واحد فيكم بيشوف شغلة.. عماد بتكون مع عساف و سعود عشان تروحون المزرعة مع بعض.. عماد وعساف وقفوا مع بعض .. عماد : ان شاء الله.. .. في المزرعة.. الساعة ثمانية الصبح.. عامر يبوس راس ابو عبدالرحمن : حيا الله من جانا.. ابو عبدالرحمن : الله يحييك و يبقيك.. عامر : حياكم الله اقلطوا.. ابو عبدالرحمن : لا بنجلس هنا.. ما نبي نجلس داخل الجو ويش زينة.. عامر : على راحتكم.. حياكم.. ابو عساف : ما شاء اللخ المزرعة كبيرة.. عامر : ايه اشاء الله لعماد مشتريها من فترة ماهي طويلة.. ابو عمر : اهم شيء يهتم فهيا حرام التعب اللي انحط فيها يروح.. عامر : لا عماد ماهو مقصر من هالناحية حاط لها عمال و يشرف عليهم.. (التفت وراه) يا محمــد.. هات القهوة.. محمد من بعيد بصوت هامس لأخوة : دايم ابوي ما يعرف احد غيري يقهوي الرجال .. (بصوت عالي) ان شاء الله يبه.. يوسف : ما نساها لك يوم كبيت القهوة يوم العيد بمجلس الرجال ههههههههههه.. محمد : ياخي كنت بزر.. ويش ذا واحد بثالث متوسط يخلونة يصب قهوة.. و الله صرت قهوجي.. المشكلة انك اصغر مني.. هذا اللي باط كبدي.. يوسف : بس اعقل منك و ازين و اكشخ.. (يناظر البنات) شوف بس بتنقى لي وحده من بناتهم.. محمد : خل اخواني يدرون عشان تقول يوماً ما كنت ارى.. يوسف : ياخي من جدهم بيخلونا نعيش هنا احنا وهم..؟! محمد وهو يرص الفناجيل بالصينية : انا ادري..؟! المهم عماد منبه ما احد يروح وراء يقول البنات يروحن هناك و انتم هنا.. ولا احد يعتب باب الفيلا و الا بيحش رجولة.. يوسف : و الله اخوانك بيعموني و يحشون رجولي و يمكن يقطعون يديني.. بروح عند امي.. محمد : روح عنـــ (قطع كلامة من صوت ابوه) جـــاي يبه.. (يكلم يوسف) الله ياخذك ياكلب الحين بيهزأني.. محمد مشى و يوسف يتريق عليه : ما احد قالك اقبع القهوة بالمجلس و الا كان انت مرتاح الحين.. شوف لك كم سنة ابوي مخليك قهوجي.. اما البنات.. واقفات .. امهاتهم دخلن داخل الا هن واقفات وراء السيارات.. أسيل : من جدك انتِ كنت هنا و معتبرة نفسك محبوسة..؟! جود : شايفة جمال المكان ما شاء الله.. و احنا كنا نتبكبك عليك.. مالت علينا يا خسارة دموعي.. نهى بتعب : فكونا و ابعدوا عن وجهي.. عبير : لساتك منفسة..؟! طنشتها نهى و دخلت الفيلا.. سهاد : المكان مره روووعة..خلونا نتمشى تكفون.. صبا : اخاف يعصبون علينا.. جود : اختي حبيبتي زوجة صاحب المزرعة وهي عادي عندها صح..؟! وعد ابتسمت من وراء النقاب : لو تبين تحرقينها فداك.. جود : لا قلبي ما يطاوعني.. ندى : اقول ادخلن بسرعة.. بيجي سعود الحين و يعصب علينا.. جود : اآآآه.. سعود ياسر .. سعود ياسر.. ويش ذا..؟! ما اقدر اسوي شيء.. كله تخويف و رعب.. حتى الوقفة هنا رعب.. ندى بهمس حاد : لا ترفعين صوتك.. الرجال مو بعيد.. بعدين صحصحي احنا مو في بيتنا و لا في بيت جدي عشان تخلين البساط احمدي.. ادخلن و انطقن.. قدامي.. أسيل باستهزاء : احلى يا كبير.. طبعاً كلامي ع خواتك.. انا عمتك.. ندى : حتى انتِ.. أسيل : لا عاد شكلنا بنحول على بعض.. وعد : اقول من جد بيجون الحين اخواني و يسفلون فينا.. على الأقل انا.. اللي هنا اخواني و عماني و خالي و عياله اللي هم سلايفي.. يعني عادي.. لكن انتم.. اوووبس.. دانه و ميار و أثير و سهاد مشوا وراء بعض بهدوء و من غير زيادة نقاش.. بقي وعد و أسيل و عبير و جود و ندى.. ندى تناظرهن : ما انتن دخلات..؟! جود : عني لا.. بروح اتمشى .. يمدحون المشي للي فيهم السكر.. عبير : و انا بروح معاها.. احم احم.. أسيل : و انا لازم ما يمشون من غيري عشان احميهم.. مو اخوك و ولد عمك معيشينا بفيلم اكشن.. بقي بس يقولون مؤونة الأكل قربت تخلص و الا بنطلع عشان نجيب لنا اكل و يروحون يصيدون لنا بالغابات.. ندى : انتِ ما تقدرين مثلهن..؟! صحصحي.. احنا بمشكلة وحدة.. وما جينا هنا عشان حضرتك انتِ و اياها تهيصين و تهيتن يمين و شمال.. جود : و ما جينا عشان ننكبت هنا و نعيش بسجن.. وعد : ماشاء الله بالكم طويل .. خلونا ندخل بس فيكن حيل تناقرن.. جود : ما ينفع كذا تعاملنا و كننا بزارين وهي الوحيدة الكبيرة فينا.. وعد ناظرت جود : ما احنا ببيتنا.. احسبن حساب الكلمة قبل لا تحكنها.. داخل فيه ناس يمكن ماهي طايقة وجودنا.. لا تسوين شيء يعرضك لان احد فيهم يتريق عليك فاهمة.. أسيل : لا و الله صاحب المزرعة نادنا هم ويش دخلهم..؟! وعد : اهله.. جود : كرهتيني بالمكان قبل لا ادخل.. وعد : ادخلن بس لا تسون سالفة مالنا خلق هوشات يكفي اللي صار بالليل.. اتوقع ان الناس للحين زعلانة.. ما اشوفهن حكن كلمة.. ندى : ابوي ما راح يخلي الموضوع بس عشان نهى للحين تعبانة و المكان و الزمان مو مناسب.. أسيل تمشي و تكلمهن: الله يصبرني عليكن كاني بقابلكن 24 ساعة.. عند الرجال.. ابو عبدالرحمن : مشكور يا ولدي.. عماد ينزل سلاحة و يرميه على الطاولة قدامة : ما سويت شيء يا عمي.. عامر : لما قال لنا عماد نترك البيت و نروح المزرعة قلقنا.. بس للحين يسلق علينا الموضوع و احنا ساكتين له.. عماد : يبه ما اسلق على احد.. عمي غازي الحين بيجي.. و بتسمع منه.. عبدالله : يخص القضية اللي مشتركين فيها كلكم.. عماد : ايه.. ناصر : خلاص وصلنا خير.. محمد : ما انتم ناوين تقاعدون..؟! و تفكونا من المشاكل..؟! عماد : قبل لا ننهي اللي بديناه لا.. و بعدين احنا جالسين نشتغل عشان الوطن.. محمد : بس انت و عمي مكبرين الموضوع.. عماد : هو كبير.. حريق بيت عمي تهديد لنا كلنا انهم قادرين يوصلون لعيلة كل واحد فينا.. يوسف واقف : و الله انتم تحسسونا اننا عايشين بين عصابة مافيا.. عماد يناظر البوابة : خلاص عمي غازي جاء قولة هالحكي.. يوسف يناظر سيارة عمة : ما بعد عفت نفسي للحين.. محمد ابتسم : ضاعت العلوم.. يوسف : مهبول انت.. اصلا لو هو معصب تجي تقولة كيف حالك يكفخك.. احسن لك لا تحاكية.. ناصر : و الله من الخرش.. يوسف : ما ادري ويش بلاكم معتبريني جبان.. هذا (يأشر على محمد) يقول بتنخشون عيوني و تقطعون يديني و تحشون رجولي.. كل ذا غيرة من وسامتي.. ياسر يهمس لخالد وهو يضغط على فمة : شكلة بيستظرف على رووسنا.. خالد يلوي فمة : ما احنا ناقصينة.. شوف سعود شكلة متضايق..؟! ياسر : ايه وجه مو طبيعي ابوي كلمة و يقول ما فيه شيء.. : السلام عليكم.. : و عليكم السلام.. سلموا الاثنين عليهم.. نايف لما وصل لمشاري.. مشاري ابتسم : هلااا.. نايف : هلا فيك.. مشاري : ما عاد شفناك.. نايف : مشاغل ياخي.. راكان يسلم على نايف : ترى مالك عندنا شيء.. نايف زادت ابتسامتة : امنتكم عليها و بتردون لي أمانتي.. عامر : حياكم الله.. الفريق غازي و العميد نايف يجلسون جنب بعض : الله يحييك و يبقيك.. الفريق غازي مد يده على فخذ نايف : اعرفكم على العميد نايف.. ابو عبدالرحمن : و نعم.. نايف : ما عليك زود.. الفريق غازي أشر على مشاري و راكان : شكلك تعرفهم..؟! نايف : ايه حسبة اخوان.. الفريق غازي : ماشاء الله.. العميد هو اللي ماسك قضية حرق بيتك يا ابو سعود.. نايف : معوض بسلامة الأرواح يا أبو سعود.. ابو سعود : تسلم.. نايف : حقيقة بعد التحقيقات و البحث.. لقينا في البيت جثث.. كلهم يناظرونة باهتمام.. وجود جثث بالبيت.. ياسر : ماهو على اساس جثة وحدة و بتحققون فيها..؟! نايف : كانت جثة.. و لقينا غيرها ثنتين.. الواضح انهم انقتلوا بنفس البيت.. و لاخفاء الادلة و لمقصد ما للجاني قرر يحرق البيت.. ابو سعود قدم بجلستة : يعني ايش..؟! ما عرفتوا لمين..؟! نايف : الجثتين اللي لقيناها بالأخير عرفنا لمين.. لكن الجثة الأولى ما زالت مجهولة.. بندر : و انتم بتتهمونا بالجثث..؟! نايف : لا .. بس ما يمنع نأخذ افادات من الجميع.. رجال و نساء.. ياسر : تأخذ افادات من حريمنا..؟! هذا اللي ناقصنا.. الفريق غازي : معانا حريم بيأخذون افاداتهم.. الموضوع مو مستاهل هالحدة.. كلها كم سؤال و نقضي.. و اجراء ضروري.. ياسر : حريم و الا ماهو حريم خواتي لا.. عساف : ياسر.. مو بس خواتك.. الكل.. لازم يأخذون افادة من الجميع.. الشرطيات اللي جوو مع الفريق غازي بيتولون الموضوع داخل كلها كم سؤال و ينتهي الموضوع ماله داعي تكبرة.. احمد : ياسر اصبر خلنا نسمع الموضوع للأخير.. نايف : هذا عدا اننا نحتاج عينة دم منك.. و من زوجتك.. ام وليد.. اعتدل بجلستة و صلب ظهرة من اللي سمعة.. و عيالة ينتقلون بنظراتهم ما بين ابوهم و نايف.. و سعود.. اللي كان هادئ و لا نطق حرف واحد وماهي عادة سعود.. ابو سعود : دم..؟! نايف بجمود : ايه.. مشعل وقف مصدوم.. بالرغم من انهم كانوا يعرفون اللي مقدم عليه.. لكن مو بهالسرعة يجيهم هالخبر.. مو بهالسرعة.. ما جاهم حتى بأبشع خيالاتهم... تردد اخر كلام وليد بأذنة " تكفى يبه لا ارسلوني جثة لك قول لامي لا تزعل علي.. قولها اني عطيت روحي لوطني.. قولها لا تبكي و انا باذن الله شهيد.. قولها تسامحني يبه تكفى لا تخليها تزعل.. قولها بحافظ على صلاتي و فروضي و واجبات ديني.. و وطني.. و دراستي.. ما راح اخيب ظنها و لا ظنك يبه..".. مو مستوعب.. لا هو و لا اخوانة.. و ابوهم.. اما الباقين كانوا يراقبون الصدمة على وجيههم.. مشعل صرخ فيهم : ذبحتوة..؟! ذبحتوه الله لا يوفقكم.. يا كلاااااب.. انتم السبب .. و الله ما اسكت عنكم.. و الله لاولعها فيكم.. كله منكم انتم اللي اخذتوة منا.. (مشعل كان يتحرك وسطهم بتشتت ضايع يأشر عليهم.. غازي .. نايف.. عماد..) الله لا يسامحكم .. وين بتلقون التوفيق.. يا كلاااب.. ما احد من اخوانة قدر انه يسكتة.. لانهم في طور الصدمة ما تخطوها.. عقولهم وقفت على النقطة الأخيرة و ما استوعبوا اللي وراها.. حتى سعود.. سعود الوجع ملى قلبة.. ما مسك مشعل و منعة من انه يفرغ كبتة حتى بالحكي عليهم.. مشعل : يا كلاب .. و الله لأذبحكم.. تحرك مشعل بحدة و قوة ما يشوف قدامة الا وليد.. وهو يردد كلامة الأخير.. ما حس غير بشخص سحبة.. و أول ما لف شاف عماد اللي اعطاة بكس على بطنة.. يبي يصحية.. مشعل تراجع خطوتين وراء بعدها رجع لعماد و رد له البكس من جديد .. و استمر الاثنين يضربون بعضهم.. قدام الكل و لا احد فيهم تحرك يفكهم.. حتى عامر جالس ببرود وما كان ولده احد الطرفين.. عماد سحب يد مشعل ولفها وراء ظهره حاول يفك مشعل نفسة و رفس عماد على ركبتة.. ناصر وقف مصدوم : يا جماعة عيالكم يتذابحون..؟! اخذ الفريق غازي نفس.. و اتجه لهم سحب عماد و ابعده عن مشعل.. مشعل لما استوعب ان اللي جاه عدو ثاني.. اخذ منه شقيق ينقال عنه توأم روح.. مد يده بيضرب الفريق غازي على صدرة.. لكن الفريق غازي كان اسرع منه و لف يد مشعل اليمين ورى ظهرة.. صار ظهر مشعل على صدر غازي العريض فرق جسدي بين بنية مشعل و بنية غازي اللي قدر يسيطر على مشعل بكل سهولة.. مد الفريق غازي يدة اليسار و ضغط على عرق الحياة برقبة مشعل.. و خارت قواة مغشي عليه.. .. لا إله الا انت سبحانك إني كنت من الظالمين.. لا أحلل نقل الرواية دون ذكر اسمي.. هاشتاق #رواية_لو_سألتي_الورد .. ضحكة قهر.. |
رد: لو سألتي الورد وهو ما بين إيدك أقطعك بيقول لك عمري فداك الكاتبة / ضحكة قهر
بسم الله الرحمن الرحيم..
السلام عليكم و رحمة الله وبركاتة.. بداية صارت لي ضجة ع الآسك و هنا ع البارت.. الله يصلحكم.. انا حددت لكم الموعد و ما اخلفت بوعدي.. السبت ما بعد انتهى.. لكنكم من الخميس تنشدون عن البارت.. و عشان اقولكم البارت الجاي بيكون بالويك آند ان شاء الله.. يعني يالجمعة او السبت.. هالشيء يوترني و الله تحسسوني اني متأخرة عليكم.. انا مره خاطري انزل لكم بارتين بالأسبوع بس للحين ما قدرت البارتات صارت اصعب من قبل و تحتاج وقت و احداث و ترتيب.. الأفكار ماهي بيدي و اكتبها.. براسها على ما انسقها على كلام و حوار تحتاج وقت.. غير كذا مرات تطري علي اشياء تخليني ما اقدر اكتب مخي يوقف.. فاصبروا الصبر زين.. اذا فيه تشتت بالبارت او اخطاء املائية العذر و السموحة.. و البارت طووووووووويل تعويض عن الاسبوع كله.. الشيء اللي ابي منكم دعواتكم.. بليـــز محتاجة دعواتكم.. ادعوا لي ربي يكتب لي من الخير و يرضيني.. و ييسر لي التقديم بالوظايف الجديدة.. اتركم مع البارت و الناس اللي ما رديت عليها برد عليكم كلكم.. قراءة ممتعة.. البارت التاسع و الثلاثون.. حتى عطرك مر بالذكرى وشمّيته حنين مدري أشهق عبرة عيوني أو أشهق ريحته !! لـ حمد العيد.. ام عامر : المكان مكانكم يا ام عبدالرحمن لا تختشون من شيء.. ام عبدالرحمن : ما تقصرون يا ام عامر.. لولا ان عماد ماهو ولدنا و انتم مو من عربنا ما كان جينا يمكن انتم ناس معروفين بالطيب يا ام عامر.. ام عامر : ما عليكم زود.. انتم والله منبع الطيب.. ريما جنب جود : متى بيخلص مسلسل التبجيل..؟! جود : أساليهن ما ادري متى لهن ما شافن بعضهن.. من جينا وكل وحدة تفقش على الثانية.. ريما : الحريم الكبار سلاقات.. جود ماسكة ضحكتها : تبيني اتكلم بصوت عالي..؟! ريما : عشان يصلون عليك الظهر باذن الله.. بعدين ما جبت شيء من راسي بالله اسمعي الحكي.. انا جدتي عمرها ما مدحت فيني و يوم شافت وليفتها طلع المدح..؟!! جود : بلاه من رداك ما تمدحك.. ريما التفت لها : ليش انت جدتك تمدحك..؟! جود : لا.. ريما : اجل انطمي.. و الله بس هم كذا الحريم ما يعجبهم شيء.. معقدين انفسهم.. جود : على اساس انتِ مو حرمة..؟! ريما : انا بنت.. فرق.. بين الحرمة الكبيرة و البنت.. جود : اختك شووق وينها..؟! ريما ابتسمت : ليش ويش تبين فيها..؟! جود رفعت حواجبها : بس اسأل..!! ريما : عندك مراسيل هدايا مواعيد ارتبها معاك ترى.. جود : من مين مواعيد مراسيل من سعيدان..؟! عزة الله ما عرفتية.. ريما : ما عليك بس يشوف اخيتي يرسل مراسيل و مواعيد.. جود : طيب نشوف .. ما بقي غير تعلميني بأخي.. المهم اختك وينها صدق..؟! ريما : مستحية هههههههههههه.. جود : ههههههههههههه من جدك..؟! ريما : و الله ويوم درت انكم بتجون قفلت على نفسها الغرفة هههههههههههه مهبولة البنت.. جود : غبية و الله.. على أساس ما نعرفها.. يالله عشان امسكها عليها و بكره اذكرها فيها.. ريما : بالله علمي سعيدان خلينا نطقطق عليه.. جود : اعلمة ويش اقولة..؟! ريما : أي شيء.. لو تألفين من عندك شيء ما صار المهم شيء يكون فيه شوق.. بنشوف تعابير وجة.. جود : و الله جبتيها عاد انا ابي شيء انفس فيه عن نفسي.. ضايق خلقي يا خية.. ام عبدالله : اختاروا الغرف اللي تبون كلها تحت امركم.. كل الغرف اللي بهالدور فاضية الا وحدة لعمتي .. و فوق فيه ثنتين فاضية.. ام عامر : ايه حول الخمس غرف شوفوا شلون توازعونها.. ام عبدالرحمن : ما تقصرون يا ام عامر.. انا مير مالي شدة اطلع فوق.. بنات ابراهيم يأخذن لهن وحدة.. و حريمة وحدة.. و انا و ام مشاري و بناتنا مع بعض.. وحده لام عساف وبناتها.. و وحده لام عمر و بنيتها.. جود بصوت واطي : يقطع ابو التقسيم.. ريما : ما عليك تفقشين و تجين تنامين عندنا.. جود : هذا اللي بسوية.. اهم شيء ابوك ما يتهور و يدخل.. ريما : هههههههههههه لا تخافين اما يدخل.. : ماما انا نزف كل عرفة فوق باقي واحد.. بابا ئماد.. ام ناصر : ليش ما نظفتيها..؟! : بابا مقفل ما يفتح.. عهود : من جدك خالتي من متى عماد يخلي جناحة مفتوح..؟! هنادي : خلاص روحي سالي انا اكلم عماد اشوف اذا يبغانا نظف جناحة.. ام عبدالرحمن : ولدكم ليش شاري هالمزرعة ..؟! ام عامر : شراها عشان يقعد فيها.. له كم سنة مرات ينام هنيا.. و يجلس يومين و يرجع للبيت.. ام عبدالرحمن : ليش ويش عنده هنيا لا جليس و لا ونيس..؟! ام عامر : قلبة غاوي الشقا.. اخذ له فترة لفة بلى من كم سنة ما يداني الناس و لا يبي يشوفهم.. و صار يجي هنا اخذ له كم شهر.. ما غير ابيه و اخوانة يترددون عليه.. ناظرت لجدتها تسمع باهتمام.. قلبها يقولها ان البلى اللي تتكلم عنه جدتها يتعلق بالأدمية اللي جالسة قدامها.. ام عبدالرحمن : و غبني.. وشغلة و أهله.. ام عامر : شغلة قدم اجازة و لا حتى انتظر لين تجيه الموافقة شل شلايلة و جاء هنيا.. و عمه مشى له الموضوع.. تنذكر و لا تنعاد.. ام سعود : يمكن جاتة عين الواحد ما يدري سبحان الله.. ام عامر : لا والله يا بنيتي انه ماهيب عين.. مير قليبة شقيان.. هونوها عليها يا ناس.. هونوها.. جرح .. جرح .. جرح .. جرح .. الى متى بتسمع و تسكت.. ما انكتبت هي باسمة.. و انكتب هو باسمها.. ليش للحين يربطون قلبة بوحدة غيرها.. حتى لو كان هذا الشيء فعلاً ما يحق لهم يحكون دامها صارت على ذمتة.. ناظرت الأرض مقهورة من الموضوع.. لكن ما راح تبين.. انهار و عهود قدامها.. قليبة شقيان عشان انهار..!! ام عبدالرحمن : الحمدلله مير اللي الله سلمة.. ام عامر : الحمدلله.. نهى : وعد قومي نجلس بغرفة ابي انام.. وعد ناظرتها : يمه احنا بناخذ غرفة تحت.. ام ناصر : يمه خلني اجيب لك مفتاح جناح عماد فيه غرفتين و صالة تقعدون فيها.. وعد الجناح اللي انحبست فيه : لا خالة ماله داعي.. بنقعد بأي غرفة ماهيب مشكلة.. وقفت وعد ومعاها نهى تبعنهن خواتهم كلهن عدا جود اللي مبسطة مع ريما.. ام سعود : مير وين بنيتنا شوق ما شفناها.. ابتسمت اميرة : والله جالسة بالغرفة فوق عندها شغلة بتقضيها.. .. بالمجلس مشعل جالس وماد رجولة.. غازي جالس جنبة و يكلمة بهدوء.. عدا ان اخوانة فقط الموجودين مع عماد و عساف.. غازي : ادري انك معصب و وليد اخوك ويحق لك تزعل.. بس ما يحق لك تحمل أي احد الذنب.. انت واحد من اللي يدرون وليد ويش اقدم عليه و ليش.. و عصبت على شيء للحين مو مؤكد.. ما ندري اذا الجثة له و الا لا.. نبي نتأكد.. مشعل : تبي تقنعني ان وليد عايش للحين صح..؟! انا ماني مغفل مثلة اللي سمع كلامك وشوف نهايتة ويش هي.. غازي يصر على اسنانة يكون بمعلومك ما فيه رجل امن يقحم مدني بأي مهمة.. لكن وليد هو اللي عرض نفسة و هو اللي اختار و انا قلت له اذا بتشتغل لازم تكون ضابط سري معنا.. انا ما قلت له شيء يخليه يتهور عديتة مثل ولدي.. ولو عندي ولد ما عزيتة مثل ما عزيت وليد.. لكن مع ذلك انا ما اتبع مشاعري.. عماد : لا تحكم على الموضوع قبل ما نتأكد.. احنا بنأخذ عينة من عمي و من امه.. و نتأكد.. ياسر : شلون بنجيبها من امي.. صعبة.. عماد : هاذي مهمتكم.. حاتم : قولها يا احمد بتسوي تحاليل تطمن عليها.. احمد : اكذب..؟!! دخل ابو سعود : السلام عليكم.. : وعليكم السلام.. ناظر مشعل ساكت : هديت..؟! مشعل هز راسة من غير لا يرفعة و يناظر ابوة.. ابو سعود جلس قريب من غازي : متى بتتأكدون..؟! غازي : بس نأخذ الدم منكم.. ابو سعود : احمد يسحب الحين.. المهم ما تطول علينا.. غازي : بس يسحب الدم منك ومن امه و بيدخلون الشرطيات يحققون مع البنات.. ابو سعود : مو مشكلة.. ياسر كلم ندى و حكها الموضوع وفهمها.. حاتم : يبه بيخافن.. ابو سعود : لا ما يحتاج الموضوع ما يخوف.. .. أسيل اول ما سمعت كلام ندى انفجرت ضحك : هههههههههههههههههههههههههههههه.. ههههههههههههههههههههههه ياااربي ههههههههههههههه.. (حطت يدها على بطنها و تلف اصباعها بحركها دائرية) عيدي عيدي تكفين.. ندى : ماني جالسة اضحك .. اقولك بيحقوون معانا كلنا.. وحده وحده.. أسيل فزت واقفة : انا اول وحده تكفون.. وعد : الله يخلف مخك مودع.. أثير : من زمان مودع.. جود : انا مع سوسو و الله الموضوع اكشن.. يعني جايبينا هنا و حاشرينا و حابسينا و الحين تحقيق.. يالله.. أسيل : وينهم الشرطيات انا بكلمهم.. ندى : اريحك جالسين مع جدتي ينشدونها بادين فيها بيمشون على الكل بس ارتاحي.. أسيل : يوووه مطولة على ما يجي دوري بس اسمعن (تأشر على بنات اخوانها) انا عمتكم وحتى لو اني اصغر منكم انا اتقدم عليكم احم.. سهاد : طيب عن ايش بيسألونا..؟! ندى : ما ادري اللي قاله ياسر كلكم حتى حريم عماني و البنات.. صبا برعب : احنا..؟!! أسيل : صباح الخير توك تستوعبين.. صبا : لا و الله مستحيل.. و الله اخاف.. أسيل : خلاص انا ادخل عنك مره أسيل و مره صبا.. ام ندى دخلت : ندى يبونك.. مشت ندى بهدوء.. و الكل يناظر بنوال.. نقلت نظراتها بينهم.. : ايش فيكم..؟! الموضوع ما يخوف.. بس كم سؤال وين كنتم ويش سويتوا بس.. صبا حطت يدها على فمها و انطلقت في صياح .. ام ندى : بسم الله عليك صبا و الله ما فيه شيء بس بيسألون عشان البيت.. عبير : عاد ما لقيتوا الا ام دميعة الجبانة تقولون لها تحقيق..؟!! و الله قوية صراحة زين ان قلبها ما وقف للحين.. ام ندى جلست جنب صبا : استهدي بالله.. ليش تبكين.. شوفي البنات ما احد فيهن بكا.. ندى دخلت : نهى.. و بعدها وعد.. نهى قامت ببرود و خمول.. دخلت الغرفة.. الشرطيتين موجودات.. معاهم ملف يكتبون فيه.. : اسمك.. و عمرك.. نهى جلست : نهى ابراهيم مساعد الـ ـ ـ ـ عمري 25 سنة.. : متخرجة..؟! نهى : ايه.. : وين كنتِ البارح..؟! نهى : باي وقت بالضبط..؟! : الساعة 10 بالليل.. نهى : بالسيارة راجعة من السوق.. : مين كان معاك..؟! نهى : ندى و اللي جابنا اخوي احمد.. هزت رأسها الشرطية بتفهم : طيب بعد ما رجعتي وين رحتي..؟! نهى : بيت جدي.. و الكل كان هناك بدون استثناء.. : طيب وقعي هنا يا نهى.. اخذت الدفتر و نزلتة ع الطاولة الصغيرة و وقعت أي كلام و طلعت قبل لا تنتظر الشرطية تحكي.. و دخلت بعدها وعد.. اللي انصدمت لما شافتهم : هيفاء.. و رانيه.. ابتسمن لما شافنها.. تقدمت و سلمت عليهن.. رانيه : ما توقعنا نشوفك هنا..؟! وعد : ليش حاذفيني من العيلة..؟! رانيه : لا مو قصدي .. بس بعد اللي صار لك بالمشفى على اننا سألنا سيادة العميد عماد وقال انك بخير.. بس ما توقعنا نشوفك مره ثانية.. وعد ضغطى على شفايفها : أنا آسفة ع اللي صار لكم بسببي.. هيفاء : لا تقولين كذا هذا واجب عملنا و كنا نأديه.. الحمدلله ما صار شيء كايد.. و رجعنا نمارس حياتنا طبيعي.. وعد : الحمدلله.. .. نايف : سيدي.. رانيه تقول فيه بنت اخر وحده ماهي راضية تدخل.. الفريق غازي عقد حواجبة : ليش..؟! نايف : ما ادري ماهي راضية انهم يحققون معاها.. ياسر وقف معاهم : ما قالوا لك اسمها..؟! نايف : الا يقولون اسمها .. صبا.. ياسر لوى فمه بقهر : طيب انا اتصرف.. اتجه للباب و طقة بقوة.. : نــــــــــدى.. في الصالة جالسين بنات عامر مع باقي الحريم و الجدات و مريم.. تعدت ندى باتجاة الباب : ايش فيك.. ياسر بحدة : نادي صبا.. ندى اتسعت عيونها : نعم..؟!! ياسر : تبيني اعيد حكيي مرتين.. ام عمر : ويش تبي فيها يا ولدي..؟! ياسر ميز انه صوت مره غريبة يمكن تكون من حريم عمانة و الأرجح مره عمة سعد : يا عمه مأخرة الضباط.. ماهي معقولة بينتظرونها لليل.. كلها كلمتين وتقضي.. سكت يوم سمع صياحها.. : و الله ما سويت شيء انا مالي.. دخل.. ابي بابا.. ابي فيصل.. ام عمر : يمه ويش هالحكي.. ياسر برا و معصب.. اتسعت عيونها و زاد رعبها رعب انطلقت شهقة خوف من قلبها و ترجع تصيح من جديد.. ندى : يا بنت الحلال الموضوع ماهو كبير شوفينا كلنا حققوا معانا ما وحده فينا حتى بكت.. انتِ مكبرة الموضوع.. صبا و صوتها يرجف : ندى و الله ما سويت شيء.. انا مالي .. دخل.. ياسر يمحاولة لضبط اعصابة : يا بنت العم.. التفت للباب و الرعب يزيد ما ينقص.. الأمان يختفي ما يبان.. و الرجفة تزيد ما تنقص.. كمل ياسر وهو يأخذ نفس ما يبي يدخل و يمردغها بينهم : كلها سؤالين و ينتهي الموضوع مثلك مثل غيرك .. معاك خمس دقايق بعدها بيشكون فيك ا نلك علاقة بالجريمة و يأخذونك للمركز << بدا يألف عليها قصص ترعبها ازود و ازود.. مو عشان يقنعها قد ما كان يبيها تخاف اكثر و تصيح.. ندى بقهر : يـــاسر... ياسر وهو يلعب برجلة على رسومات الرخام : تحسبيني اتريق معاك.. كلهم حققوا معاهم و رفضك للتحقيق يبوديك بداهية.. الله العالم شلون يخلونك تحكين بالمركز.. و مين يحقق معاك..؟!! صبا صرخت فيه: بــــس بــــس.. صرخت فيه بس صرخة مبحوخة من البكاء.. صرخة من قلب مذعور بيصير له القلب القاسي الأمان المستقبلي.. قلب صبا و حجر ياسر.. ياسر اللي كان فاتح بالباب شوي عشان يوصلهم صوتة و معطيهم ظهره.. سحب الباب و سكره.. و رجع للرجال و لا كأنه سوا شيء.. صبا تعلقت بأمها : ما تخليني.. تكونين معاي.. ام عمر : بكون معاك ما يخالف.. ام في غرفة تجمع جود و ريما.. سواليفهن كانت مسموعة لأطراف اخرى بدون لا ينتبهن.. ريما : ملل .. متى اتزوج.. جود : هههههههه بكره تزوجين و تجين تشكين من الملل الزواجي.. ريما : خسارة لو ابوك ماهو متزوج اربعة كنت قلت لك تزوجيني اياه.. جود بصدمة تمثيلية : سوري ماني عايفة ابوي.. ريما قرصتها من فخذها : كلبـــة.. جود تفرك مكان قرصتها : انتِ الكلبة.. اما ازوجك ابوي.. ليش فاقدة عقلي و الا فاقدة عقلي.. لو ما بقي بالحريم الا انتِ ما زوجتك اياه.. ريما : اصلاً مين قال ابيه شايب.. بس زوجيني واحد من اخوانك.. جود : نعم!! عندي خمسة و بصراحة بعد ماني عايفتهم.. يعني سعود طار و ياسر طار.. بقي لك احمد و خالد و حاتم ومشعل و وليد.. ريما : اممممم خليني اشوف مين اوسم واحد فيهم و اختاره.. جود : اقول انقلعي.. بس.. ما عاد الا تأخذين واحد من اخواني.. بكره يستقبل القبلة و يدعي علي.. : مين بيدعي عليك..؟! ريما بمرح ولا كن جود تهزء فيها : يا هلا بحرم العميد عماد بن عامر اللي زعلانة منه و كارشتة ههههههههههههههههه.. بصراحة عماد يحزن من غيرك.. وعد تجلس معاهم : يحزن..؟!! ريما : و الله صدق يحزن.. وعد : ما علينا .. ليش ما انتن جالسات مع الحريم..؟! ريما : من جدك انتِ .. ما غير جدتي تهاوش يا عمتي مريم.. يا انهار و تندمها على طلاقها.. وعد الصدمة الجمتها لحظات و نطقت بعدها : انهار تطلقت..؟!! ريما : اوووه من زمان..؟!! وعد : متى زمان..؟! ريما عفست وجهها : اظن من اسبوع كذا.. وعد يعني صارت حره و قدامة عينة : اهاا.. الله يعين.. صليتن و الا للحين..؟! ريما : ما اصليش.. جود : و لا انا.. وعد : ماشاء الله مريحات.. ريما : بالحيل.. شوق : من زمان مريحة بعض الناس لدرجة قلة الأدب.. ريما تناظر شوق دخلت : لا تكذبين لي يومين.. شوق : حكيهم ويش قلتِ لبابا ذاك امس.. ريما انفرطت ضحك وهي تصفق بحماس : هههههههههههههههههه.. جود بحماس : ويش سويتي.. ريما : صحاني لصلاة الفجر امس.. رجعت تلحفت و أقولة غازي اطلع برا ما علي صلاة.. وعد و جود : اووووف.. شوق : قلة الأدب.. بس ابوي ما خلاها.. جود تتمسخر عليها : هاه بشري كم طراق اكلتي..؟! ريما : اما يضربني على ذي.. لا بس شال اللحاف و فتح الشباك و سكر المكيف قال قومي ما فيه نومة عشان المره الثانية تأدبين و انتِ تكلميني.. جود : ههههههههههههههههه و الله انك تجنين ياختي.. ريما : عادي ما قلت شيء غلط .. الموضوع عادي.. شوق مكتفة يديها و تكلم جود و وعد : لا الفالحة قامت تحلطم تقولة انت ما تحترم خصوصيتي.. وعد تناظر ريما : ههههههههههههه شكلك فاصلة.. ريما : ياختي ما نمت بدري يعني عادي ما شلت هم الصلاة.. يجي بابا و يصحيني و من النوم و العجز عشان ما اقوم امثل عليه و اروح اتوضا قلت له ابيه يطلع.. اخر شيء خلاني اقوم غصب و ما رضى اني انام لين راح الدوام.. جود : و الله مأدبك.. شوق تجلس معاهم : ياليته نافع عاد.. ريما : تراك من اليوم تسفلين فيني .. لا تخليني اجيب طاري الفارس المغوار و اخلي وجهك الآن يقلب بحر دم.. شوق اللي بدا وجهها يحمر : انقلعي.. جود : من جدك تستحين منا عشان سعود.. اولا لا على كذا ما راح تجلسين معانا.. بتحبسين نفسك.. ريما تكلم وعد بحماس : طافك اول يوم تسلم على خالتك ام سعود و وجهها كيف كان.. وعد ابتسمت : و الله خسارة ما كنت فيه.. و الا كنا سجلنا هاللحظات التاريخية.. ما عشناها نشوفها بغيرنا.. شوق : و الله لا ازعل اذا بتجلسون تكلموني كذا.. الجهة اللي كانوا يسمعون حكي البنات.. كانوا ساكتين لان مالهم خلق يحكون.. لكن ريما و جود جابن العيد و لا خلن شيء.. سعود و مشعل مع غازي و عماد.. غازي ابتسم وهو يناظر عماد : كان المفروض يا تقفل هالغرفة يالغرفة اللي جوا ما بقي شيء ما سمعناه.. عماد : و الله بنتك الفضيحة.. ما تستحي.. غازي : سوالف بنات.. اقولها لا تحكين.. عماد : المفروض اصلاً بنتك هاذي بالذات.. تقفل لسانها و تعرف ويش بتحكي فيها قبل لا تحكيه دايم وهي جايبة العيد.. سكت عماد وهو يسمعها تسأل وعد عن الحمل.. ريما : انتِ بأي شهر.. وعد : بداية الثالث.. ريما بحماااس : وااااو متحمسة اشوف نجل العميد عماد.. رغم انه ما يستاهل.. بس عشانك و الا هو من زينه اذا طلع الولد عليه فا أكيد بيكون قرد خليهم يشبهون لك.. انفجروا الشباب ضحك على ان نفوسهم قلقة .. الا ان حكي ريما ونسهم.. مع تعابير وجه عماد و ابتسامة غازي المستهزأة فيه.. عماد : قايل لك بنتك يبي لها قص لسان اصلاً.. ليش تبتسم..؟! .. عادي بنتك تحكي و الشباب يسمعونها..؟! غازي : تبيني اقوم امردغها يعني.. مو بس هي.. كلهم يحكون جات على بنتي و الا بس الحقد.. عماد : بنتك منطلق لسانها بقي شوي و تسفل فيك بس.. سكت الاثنين على حكي جود : على الأقل احمدي ربك عندكم سواق.. ريما : من جدك انتِ احنا عندنا سواق بالاسم بس.. بابا حاطة عشان يقولنا انا جبت لكم سواق.. تقولين لهم انا ارجع من دوامي الساعة الفلانية يقول لا ما ترجعين مع السواق لحالك.. مرات اشارك بدورة او شيء بالمدرسة فا نروح لوزارة التعليم احتفالية او مسابقة و نطول و احيان يكون المكان بعيد عن بيتنا تتوقعين بابا يوافق السواق يرجعني يقول لا انتظري لين ما اجيك..أقولة طيب وينك..!؟ بقي شغلة بيدي اخلصها و اجيك.. جود : اخخخ قهههر.. ويش فايدتة اجل..؟! ريما : قلت لك بس اسم عشان لا قلنا له أي شيء نطلبة مثلاً نبي السوق يقول روحو مع السواق مع امكم انتن لحالكن لا.. او يخلي واحد من عيال عم عامر يودينا و كأنهم مسؤولين عنا.. وعد : غريب.. تصرف ابوك.. شوق : لا مو غريب من خوفة علينا و هذا شيء طبيعي.. يعني احنا لحد فترة مو بعيدة كنا ساكنين ببيت عم عامر.. على انه كان عندنا بيت بس تقريباً استقرارنا هناك.. لين كبرنا و اصرينا على بابا ينقلنا لبيتنا.. بالبداية مره كان رافض بس مع الوقت اقتنع يمكن لانه خلاص كبرنا و عيال عمي كبار.. ريما : من جد.. اقناع بابا بشيء تبينه جداً صعب.. حتى لو ابي شيء.. زي مره اتصلت عليه ابي شغلة وهو حضرتة مو فاضي لي كالعادة قال كلمي عمك عامر اذا وافق اوكيه.. قلت ليش من ابوي انت و الا هو.. قال هو.. و سكر بوجهي.. جود : يعني هو قاسي..!؟ ريما : لا.. تعودنا ندوره ما نلقاة.. تعودنا ما يذكر ان عنده بنات الا بالوقت اللي يفضى فيه.. وعد : انتم بناتة و لكم حق فيه و شيء ما يختلف عليه اثنين.. لكن ابوك وظيفتة صعبة الشيء اللي يسوية يسوية عشان بلده و دينة و عشانكم.. انتم افراد من الشعب.. ريما : و انا اكره وظيفة بابا.. اتمنى يشتغل أي شيء أي شيء ما يهمني ويش يكون بس يكون معانا.. ما تخيلون قد ايش يضيق خلقي اذا مره صحيت بالليل زعلانة او متضايقة او خايفة من حلم أي شيء اروح له ادوره بغرفتة تقول لي ماما ما جاء بالدوام..! مره يحز بخاطري.. انقهر على هالشيء.. و انقهر اكثر اذا البنات حكوا ان ابائهم.. ما اكذب اذا قلت اخذ يومين ثلاث ما اشوفة.. و احيان تزيد.. يصادف نومتي وقتة رجعتة للبيت و يا دوب يرتاح و يطلع من جديد حتى قبل لا اصحى.. جود : الحمدلله ان اشوف ابوي كل يوم.. راضية بقوانينة.. ابتسمت شوق : كل انسان يدور على اللي ناقصة.. احيان تكونين مره متضايقة من شيء يصير لك بس حدك تسمعين لشخص يصير له شيء اشد منك ترضين بحالتك و تقولين الحمدلله.. وعد : و انتِ متضايقة من ابوك..؟! شوق : لا.. بالعكس.. صحيح انه احيان اشتاق له بس يجي اجلس معاه.. ما قد طلبتة شيء و قال لي لا.. و قصة انه السواق و كذا هالشيء مو مضايقني لأني ادري ما قال كذا غير من خوفة علينا.. حتى انتقالنا لبيتنا.. ما خلانا ننقل عشان ما يبينا نقعد لحالنا.. خصوصا انه كلنا بنات.. يعني لو احتجنا شيء بأخر الليل وهو مو فيه صعبة عليه يجينا.. يعني الانسان ما يضمن ويش يصير له.. جود : طيب و لينا اختكم.. احسها عادي يعني ما تعترض.. ريما لوت فمها : لينا ما كانت كذا.. انا و هي توأم.. كنا تقريباً في كل شيء مثل بعض.. حتى بالنوم و الصحية كل شيء.. بس مره صار تتش بينها و بين بابا.. بعدها انقلبت لينا 360 درجة.. صارت مثل ما تشوفينها الحين.. أي شيء تقولينه لها تقول عادي ما تعترض ما تسوي أي شيء بالحياة.. و اغلب وقتها بغرفتها.. جود : غريبة..!! و ابوك و هي ما تصالحوا..؟! ريما : هي اعتذرت له و هو قبل اعتذارها.. بس وين لينا..؟! ما ادري.. و للأسف ان بابا للحين ما حس بإن لينا تغيرت.. شوق : لا تقولين كذا.. ايش اللي ما حس..؟! ريما : هذا الصدق ماله داعي تغطين عليه.. صار لها سنتين السالفة.. قد شفتي لينا جالسة مع بابا و تكلمة بأي شيء..؟! طلبتة شيء..؟! صارت جداً سلبية بابا يعطيها الشيء تأخذة.. ما تطلبة أي شيء حتى لو محتاجتة.. ما تكلمة بأي شيء.. شوق : انتِ مكبرة الموضوع مو مستاهل.. يعني بتفهميني ان بابا للحين زعلان..؟! ريما : ما قلت كذا.. قلت ماهو حاس بأنها تغيرت بعد المشكلة.. دخلت ندى : وعد تعالي ابيك.. وعد : طيب.. وقفت و طلعت و استمر النقاش بين بنات غازي على نفس المشكلة.. شوق : انتِ تبالغين.. ريما رفعت حواجبها : انا ابالغ.. بذمتك لينا كانت كذا..؟! شوق : ما ادري.. انا احسها طبيعية.. يمكن عشانها توأمك تحسين فيه شيء غلط.. مو معقول بابا ما راح يلاحظ و لا ماما و لا احنا..؟! ريما : طبيعية..؟! اسألك لالله لينا كانت تنام بدري.. او بالأصح هي تمثل علينا انها تنام كله عشان ما تجلس معانا .. ولاحظي هالشيء اذا كان بابا جالس.. ما تبي تجلس لأنه فيه.. و كأنها ما نست اللي صار.. جود حكت شعرها : ادري لقافة بس تحمست اعرف الخلاف اللي صار لدرجة انه تمر عليه فترة ما ينسي بين بنت و ابوها و خصوصاً ان البنت اعتذرت و الأب قبل اعتذارها.. اما في غرفة جمعت ندى المعصبة بـ وعد.. ندى : للحين صح..؟! تهاوشتي معاه و لا احترمتيني.. نسيتي انه خطبني و ترك.. قلتِ انك ما تبينه.. كان علمتيني بس ان لك خاطر فيه عشان اتركه لك.. ترى ماني ميتة ع العرس عشان اخذ واحد قلبة متيم فيك.. وعد اللي كانت واقفة على الباب من غير لا تلتفت مدت رجلها على وراء و صكت الباب.. : انا ما احترمتك..؟! ايش له داعي كل هالحكي ابي افهم..؟! ندى : تهاوشتي معاه صح..؟! حن قلبك للأيام الخوالي.. وعد هزت رأسها بأسى : كل مره تثبتين لي ان عقلك صغير.. اصحي ركزي على كلامك شوفي ويش تحكين فيه.. عسا فاخر اهتمامي.. و اللي تحكين عنه ما حرك فيني ساكن.. ولو بيتكلم علي ما راح اسكت حتى لو كنتِ على ذمتة مو بس كلمة خطوبة بينكم.. انا ما اسكت عن من يغلط علي.. تقومين انتِ تناديني الحين عشان طالعة حضرتك مفسرة كل شيء على هواك و مزاجك..؟! ندى : لا يا شيخة..؟! بتفهميني تهاوشتي معاه من الباب للدريشة..!؟ صح..!؟ ما بينكم تاريخ يمجد افعالكم المستخبية اللي بالخش و الدس عن العيون.. وعد : ندى ترى من جد مزودتها.. افهمي كل شيء مثل ما تبين.. مو بس عساف حتى فيصل تهاوشت معاه عادي و بابا كان فيه.. ما سويت شيء يخلي مخك التنك هذا يشتغل بالأشياء السوداء..(كانت واقفة قدام ندى وجة لوجة ما يفصل بينهم شيء مدت سبابتها تضغط فيها على كتف ندى) خلي عنك التخلف اللي انتِ فيه.. كبري عقلك قلتها لك و بعيدها عساف ما يعني لي شيء.. ندى : صح.. تبيني اذكرك بالقصيدة اللي تحكي ألمة على فرقاك..؟! عساف ما خطبني الا عارف ان فرقاكم ما وراه رجعة.. قالها.. قالها علميني ليه انا اسأل عليك.. وأنا عارف رجعتي صعبة معاك.. وعد بملل : استغفر الله العظيم.. ويش تبيني اسوي يعني..؟! ندى : بنادي بابا و بقولة ما ابي عساف و ما احد غيرك بيقنعة.. وعد عقدت حواجبها بحدة : خيـــر..!! ندى : أصلاً انا كلمتة يجي.. و قلت له انه هنا.. شوي وبيجي.. ما خلصت كلمتها الا الباب ينطق و ينفتح.. استغرب ان ندى مناديتة و تبيه ضروري.. اما وعد انصدمت!! انحطت بموقف ما تعرف كيف بتصرف فيه.. ابو سعود : السلام عليكم.. : وعليكم السلام.. سكر الباب و تقدم لهن : ايش فيكم..؟! ندى ناظرت وعد : قولي له.. ابو سعود بتعب : لا تكونون متهاوشات.. ترى مشكلة البارح ما بعد انحلت عشان تهاوشن.. ندى تناظر ابوها : البارح وعد تهاوشت مع عساف..؟!! ابو سعود : طيب المشكلة انتهت بأرضها.. ندى : ما يعني لك اللي صار شيء..؟! ابو سعود يناظر وعد اللي صادة بوجهها تنتظر قنابل ندى تتفجر فيها : يعني لي شيء ايش غير قلة الأدب و طوالة اللسان.. ندى تمد لسانها لزاوية فمها وهي تمسك دموعها لا تنزل : من زمان قلة الأدب.. انا من قبل قلت لك.. اني ما ابي عساف.. عساف يبي .. .. وعد.. ابو سعود بملل : استغفر الله العظيم .. ما قضينا من هالسالفة.. ندى : اسمعني طيب.. اسألها.. اسألها عن اللي كان بينهم.. اسألها عن الشعر اللي كتبة بأسمها.. قولها .. خلها تعلمك.. انا ما اتوهم و لا الشيطان يوسوس لي مثل ما تقول.. هذا هي عندك خلها تعلمك عشان تعرف اني انا ما اتوهم.. ابو سعود نقل نظرتة من ندى لوعد الي صادة بوجهها عنهم وما نطقت حرف .. و كأن حركتها تأيد كل شيء.. : شعر!!.. ندى : قولي له.. ما انتِ حافظتها.. بلعت غصتها و جرحت روحها.. علميني ليه أنا أسأل عليك.. وأنا عارف رجعتي صعبة معاك.. بعد فرقانا بقى قلبي يبيك.. عيا نبضة يستقل لحظة بلاك.. كل ما أبعد أحن أكثر إليك.. أمشي قدامك و أحسب اني وراك.. إعذريني كان ما أقدر أجيك.. يبقى طيفي لو تخيلتي معاك.. لو سألتي الورد وهو ما بين إيديك.. أقطعك.؟! بيقول لك: عمري فداك.. لو رجع عمري أبرجع و أبتديك.. إنت أجمل شيء عشتة يا... (شهقت شهقة ألمت قلبها) وعد.. كلمات : سمو الأمير فهد بن خالد بن مشاري آل سعود كان يناظر ندى وجسمها يرجف و تقول الأبيات بآلم.. ألم وصل لروحة و طعنها.. و دموعها اللي نزلت وهي تنطق اسمها اختها.. حس انه الشيء جرحة هو .. بس مو قبل لا يجرح بنتة.. بنتة عرفت قبل و اجبرها و اوهمها انها كلها افكار.. ناظر وعد اللي ما تحركت ما عبرت ما تكلمت.. عكس ندى اللي تتألم.. ناظرت ندى ابوها : ما ابيه.. انت قلت لي اتوهم.. بنتك اسالها.. قولي له.. علميه ويش اللي بينكم.. وعد غمضت عيونها و ناظرت ندى بقوة : انتِ تكذبين الكذبة و تصدقينها.. هالشيء راجع لكر لا تبلشيني بمشاكلك و تفكيرك.. ماني مجبورة اجلس اقنع فيك و اساحلك.. ما تبينه انا ما جبرتك تتزوجينة.. بس ماهو على الطالعة و النازلة ناشبة لي .. تحملي مسؤولية قراراتك.. ما تبينه لا تحطينها براسي.. ارفضي من نفسك.. لا تحمليني السبب.. ماني ناقصتك.. ندى : الله اكبر.. الحين انا صرت اكذب..؟! انا شفتكم بعيوني.. شفتك معاه تكلمين.. شفتك ببيتهم.. لا تحكين علي و كأني مجنونة.. انا اعقل منك.. وعد بحدة و كأنها نست ان فيه طرف ثالث دخل عندهم : لا مجنونة و ستين مجنونة.. ابو سعود احتد صوتة : وعـــد.. سكتت وهي تحاول تكبت بنفسها.. ابو سعود : رجعتي لحركاتك.. قلة ادبك ما تتركينها.. صادقة ندى من زمان قليلة ادب و انا اللي متوقعك كبرتي و عقلتي.. لفت بوجهها له و هي تناظر مقهورة و مستغربة بس ما ردت.. كبرتي..!! عقلتي..!! من زمان قليلة أدب..!! أبو سعود : ويش اللي بينك و بين عساف..؟! وعد وهي تناظر الأرض : ما بيننا شيء.. ما بيننا شيء.. بنتك ماهي راضية تصدق.. ماهي مسؤوليتي.. (ناظرت ابوها في محاولة لإقناعة) لو بيننا شيء ما تركني.. وجدي محيرني له.. أبو سعود : و الشعر اللي قالتة ندى..؟! تنكرينة..؟! وعد ناظرت ندى و سكتت.. تنكره!!! تكذب!!! ظلت فترة مترددة ويش تقول ويش تحكي : كان زمان.. زمان لما ما كنت اعرف انه مجرد انسان ما يقدر ويش يعني مره.. زمان لما كنت بزر.. وهو يبي يتحكم فيني.. ندى : صح بزر.. وأنتِ ثالث ثانوي.. حرام مره صغيرة وين رضاعتك.. وعد انقهرت من ندى كانت تبي تصرخ فيها تهاوش تهزئ توعي.. بس هي تعرف ابوها.. هوشة فيها ندى و وعد.. ندى هي الكسبانة.. رجعوا لهوشات زمان ندى و وعد.. نطقت بهدوء : ماني مجبورة اقنعك.. ابو سعود : بس مجبورة تقنعيني.. وعد : قلت لك كان زمان.. كنت بزر .. ما كنت اعرف انه ما يصلح لي.. و بيأخذني عشان يدفني بالحياة.. أبو سعود : الظاهر صدق اني ما ربيتك عدل.. وعد وهي تشد على بلوزتها و كأنها تبي تشقها نصين من القهر : انا ما غلطت.. ما حست غير بكف.. كف خلاها تراجع خطوة.. ثاني مره.. ثاني مره يضربها عشان بناتة.. ثاني مره يحملها الخطأ و يدافع عنهن.. مره نهى و مره ندى.. ما رفعت عيونها و هي تسمع كلامة.. ابو سعود بحدة : قليتي ادبك حيــــل يا وعد.. ما عدتي تستحين على وجهك و تقدرين احد و لا تحترمين.. توقعتك تكونين تأدبتي بعد اللي صار لك.. لكن ذيل الكلب أعوج عمره ما يتعدل.. الحين خاطرك بيطيب لما خربتي على اختك..؟! .. كان لازم تخلينها تعرف..؟! ماهو انتِ تزوجتي خلاص ليش تسوين كل هذا.. انا ربيتك على الأنانية و الحسد..؟! ويش اللي ربيتك عليه علميني..؟! لأول مره من لقوها تتمنى انها ما رجعت لهم.. لأول مره تتمنى انها ترجع تنخطف من جديد.. بس هالمره ما ترجع.. ما ترجع.. ولا يكون عندها اب يوجع.. و زوج يشك.. و خوات و اخوان ما يتفهمون.. و طفل ينمو.. رفعت عيونها المغرقة : لا ربيتني اني اخذ احقي من كل شخص يغلط علي لكنك ما تشوفيني غير قليلة أدب و ما تربيت.. اللي صار بيننا انا و عساف ماهو شيء ينذكر حتى.. بدليل ما احد درى عنه اصلاً.. ان هي (آشرت على ندى) قرت ورقة فيها كم حرف منه ما يعني تحملني انا الذنب.. هو اللي خطبها و هي اللي وافقت.. و الخطأ طاح علي انا.. دايم ما تعرف تحمل اخطأ بناتك الا انا.. دايم انا اللي قليلة ادب و اللي متمردة و لا احترم و لا تربيت.. (شهقت و هي تحاول تلقط انفاسها وما تبكي قدامهم تداري عبرتها ) عمرك ما فكرت تدافع عني.. حتى لو بالغلط.. ما قد اخذت لي حقي و لا مره وحدة.. حتى عماد يوم اخطأ علي ما سويت لي شيء.. شوف وين جبتني الحين.. جبتني بمكانة وهو طعني بشرفي مو بعيدة انت بعد تكون شاك فيني.. و لا مره حسيت انك اخطيت بحقي.. حتى بزواجي بالرغم من كل شيء ما عاتبتك اعطيتيني مبراراتك تبي تقنعني عشان ما ازعل.. هذا اذا كان يهمك زعلي اصلاً.. ولا مره بحياتك راضيتني.. تبيني أذكرك بكل شيء.. اذكرك ويش سويت.. اذكرك كم مره زعلت و رضيت من حالي.. كم مره تهاوشت مع ندى و وقفت معاها.. تبيني اقولك انك ضربتني قبل هالمره عشان نهى.. وهالمره ندى.. بكره سها وبعده دانه و بعده و بعده..و أنا..!! وعد!!!!! وين موقعها من الاحترام اللي تطالبني فيه..؟! انا مالي دخل فيهم فوق هذا انا فهمتها مره و اثنين و ثلاثة.. ما يعنيني انها وافقت عليه و انت اقنعتها فيه.. طيب صح .. انا كنت كنت كنت احب عساف.. مخي كان تنك و حبيتة و قضينا .. صرت انانية و حسودة وما ابي الخير لها..؟! ليش انا اللي قايلة لها ترفضة..!.؟ هاذي اخرة نظرتك فيني..؟! حكت حكت حكت وهو سمع.. سمع فيض من العتاب حملتة له بكلمتها اشياء كثير تكلمت عنها و عاتبتة عليها.. و بكت.. بكت و طلعت قبل حتى لا يرد عليها.. ناظر الباب اللي تسكر وراها.. غمض عيونة و نزل شماغة و رماها على الكنب.. و جلس.. بناتة.. وليد.. كان يبي يمسكهن و يكلمهن بس سالفة وليد اشغلتة.. تجي ندى و تكلمة و يزيد الموضوع سوء.. ندى : بابا.. ما ابيه.. الله يخليك لا تغصبني عليه.. ابو سعود أخذ نفس : استخيري.. وعد تزوجت يا بابا.. فكري بعقلك.. انتِ اللي بتكونين قدام عساف و بتنسينة كل لعب البزارين اللي كان بينهم.. ندى جلست جنبة : ما ابغاه الله يخليك.. تكفى بابا لا تجبرني.. و الله اني مخنوقة وماني مرتاحة.. ما ابي اتزوج خلاص ما ابي العرس عفتة.. بس تكفى لا تجبرني عليه.. ابو سعود : اسمعيني.. عساف رجال ما عليه كلام.. و مثل ما قالت وعد كانوا صغار.. و الا من جدك وعد بتصلح لعساف..؟! بيتهاوشون الاثنين.. عساف اختارك انتِ عليها.. خطبك حتى قبل لا هي تنخطب.. لو كيد انخطبت بقول عشانها راحت عليه.. لكنه فضلك انتِ.. لا تخلين الشيطان يلعب براسك.. ندى مسكت كفة و باستها : انا استخرت وما ابيه.. لا توقف ضدي.. ابو سعود تنهد بضيقة : ماني واقف ضدك.. بكلمة و اكلم عمك عشان ما يزعل لازم يعرف.. .. وعد تكلم الشغالة بحدة : الآن تجيبينة لي.. : حاضر ماما انا يروح الآن يشوف بابا ئماد.. نهى : ويش فيك طالبة مفتاح الجناح..؟! وعد وهي تداري نفسها لا تبكي قدام خواتها : بس ابيه.. نهى : بيعطيك اياه..؟! وعد : ما ادري.. دخلت ندى الغرفة.. الغرفة اصلاً كئيبة.. نهى وعد سها دانه و ميار.. كلهن كئيبات و لحقتهم ندى عشان تزيد جرعة الكأبة اللي تشع من الغرفة.. و كل وحده صادة عن الثانية.. ندى : بابا يبينا كلنا.. ناظرنها كلهن عدا نهى اللي منسدحة و متغطية باللحاف و وعد اللي جالسة على طرف السرير.. سها : ليش..؟! ندى : يبينا كلنا.. وقفن سها ميار و دانه.. ندى ظلت تناظرهن : و انتن..؟! وعد من غير لا تناظرها : كلمة وحدة معاي ما ابيك تحكين.. (رفعت نظرها) فاهمة.. ما ردت ندى و طلعت قبل خواتها.. اللي ناظرن وعد.. دخلت الشغالة مدت المفتاح لوعد : خدي بابا ئماد يقول ما يمسك سيء بالزناح عسان هو ما يخرب.. وعد : طيب روحي.. نهى : تأخذيني معاك و الا وشو..؟! وعد ناظرت نهى : تعالي.. قامت نهى و طلعت معاها.. في الصالة .. عهود تكلم البنات : ماخذات راحتهن بالمزرعة كنها بيتهم.. شوفن رايحات جايات.. أنهار : من جد.. و لا كأنه مكان جديد عليهن قلة أدب.. عهود : و اختهم هاذيك من اول ما غير صوت ضحكها واصل عندنا.. استغفر الله بس كأنهم اول مره يشوفون مزرعة.. لينا مبتسمة على حلطمة انهار و عهود بدون أي تعليق.. حياة : ويش فيكم خلوهن ينبسطون.. هنادي : اذا بتروحون معاهم ترى عادي ماهن قايلات لكن لا تجن.. أنهار : هه ما بقي الا هي.. أمال (أم شوق) : لينا وين همس..؟! لينا : ما ادري ماما.. أمال : ريمــــــــــــا.. ريمـــــــــــــا.. طلعت ريما من الغرفة : هلا.. أمال : همس عندك.؟! ريما : لا ما شفتها من لما جينا.. أمال : ماشاء الله يا الاهتمام.. البسي عبايتك وشوفيها برا عند أبوك و الا لا.. ريما بحماس السالفة فيها طلعة : ان شاء الله.. رجعت دخلت الغرفة : يالله بنات مين تروح معاي.. أسيل : وين..؟! ريما : يعننا بنشوف وين همس بس بنفتر بالمزرعة.. كلب عماد ما قد عزمنا هنا.. جود : سفلتي بالرجال يا بنت.. ريما : يستاااهل.. ما تعرفونة اقشررر.. أسيل : انا بروح معاك.. جود : طبعا انا بعد بطلق رجيلاتي.. أسيل : انتبهي بس لا تزعل منك لا طلقتيها و ما ترجع لك بعدين.. جود : هههههههههههههه حلوه عمة سماجتك.. بدقايق لبسن ثلاثتهن و طلعن.. سهاد : كيف بنات عمي..؟! أثير : مره الوضع انقلب 180 درجة.. كانن ويش زينهن.. عبير : الله يصلح.. بس هن مره زودنها.. بالأخير طلعت نهى اللي شعلتها تهلوس.. سهاد : وانت صبوي ويش فيك مكتمة..؟! صبا : مرعوبة.. (فكت شعرها) ياسر.. يبيني اوافق.. و انا خايفة منه.. عبير : لا تقولين يبيك توافقين.. انتِ ويش تبين.. مو هو ويش يبي.. الزواج ماهو بالغصب.. صبا : لو حجر علي..؟! تخيلي ارفضة و يحجر علي و حزتها بيأخذني بالغصب و يهاوشني عشاني رفضت.. أثير : حلوه يحجر عليك بأي عصر عايشين هذا كان زمان.. صبا : ما استغرب عليه أي شيء.. و الله يسوي اللي يبيه.. سهاد : طيب انتِ ويش رايك..!؟ صبا : ما اعرف بس خايفة خايفة بشكل ما تخيلونة.. أثير : استخيري.. و قرري.. بتجلسين كذا لا افتكيتي و لا وافقتي.. ما ينفع.. لازم تعزمين.. صبا : بستخير و بقول لماما رائي.. .. ابو سعود : وين جود و نهى و وعد.؟! نجى : جود ما قابلتها مع ريما ما شفتها من جينا.. و وعد و نهى ما ظنتي لهن نية يجن.. ابو سعود يمسح على المركى جنبة : خيــر ان شاء الله.. بس انا ابيكم كلكم.. ما ينفع كل واحد لحاله ابيكم مع بعض.. اما كل وحده بكلمها لحالها ما راح تصالحن.. ميار : ما احنا متهاوشات عشان نتصالح.. بس الارهاق عامل فينا عمايل انا عني مو زعلانة من احد وما غلطت على أحد عشان يزعلون مني.. يعني انا برا المعادلة.. ابو سعود ابتسم : الله يرضى لي عليك.. بس ولو ابيك موجودة.. ميار : طيب متى بتسوي هالاجتماع..؟! ابو سعود : على أساس ابيكم الحين.. بس وعد زعلت و نهى.. كيفها الحين.؟! ولا وحدة ردت!! يقولون له ما ادري..؟!! ابو سعود ناظرهن : ايش فيكن.. كيف نهى..؟! ميار : ان شاء الله انها طيبة.. ابو سعود : كيف يعني ..؟! ما شفتوا حراراتها كيف..؟! ميار : كنا مع بعض.. و كانت منسدحة يعني.. ما ادري و الله.. ابو سعود قلب عيونة : و بعدين.. ويش اللي صار لكن..؟! (وقف) بس تروقن لنا حكي مع بعض.. طلع ابو سعود و بقن هن.. ندى شدت شعرها بقهر : فركشت خطبتي.. انصدمن بكلمتها.. اعتدلن بجلستهن يناظرنها باهتمام .. سها : ليــش..؟! ندى : ما اقدر اعيش مع شخص يبي اختي.. دانه وميار اول مره يسمعن الحكي.. انصدمن بكلام ندى.. دانه همست تردد الكلام : يبي اختك..!؟ ندى : عساف يبي وعد.. البارح تهاوشت معاه قدام الكل.. يسترجعون الماضي بينهم.. ميار : يمكن انتِ فاهمة غلط ندى.. شلون يبي وعد و يخطبك.. .. برا نست ان امها طلبتها تشوف همس عند ابوها و الا لا.. ولهت مع البنات.. ريما : يقهر كلب عماد كلب حارمنا نمتع عيونا بهالجمال.. جود : يا خسارة ليته متزوج اختي من زمان كان جينا هنا.. ماشاء الله احلى من مزرعتنا بكثير.. أسيل وهي تهز الورد و يتمايل : ماشاء الله اللي مسويها تعبان فيها لو منه ما فكرت ابيعها و يأخذها غيري و يتمتع بتعبي و شقاي.. ريما : يمكن فلس و قرر يبيع مزرعتة يسدد ديونة ما يندرى.. أسيل : متأثرة بالمسلسلات انتِ .. صح ما احد يدري ويش اللي حدة يبيع شقاة.. جود : كانه فيه رجال غريبين.. ريما : اكيد تقصدين عيال عم عامر.. جود : شوفوا هذاك الرزة.. شكلة واقف مع ابوك.. ريما : الرزة ابوي و الثاني ما ادري مين.. جود : وجع ابوك اعرفة الرزة اللي معاه .. ابوك مو رزة ابوك رعب.. أسيل رفعت عيونها تناظرهم : ايهم ابوك..؟! جود : الجدار.. أسيل دفتها و لا همها ان الرجال قريب و جود صرخت .. جود تحاول تثبت نفسها لا تطيح : ياااكلبة لو طحت الحين.. ريما : تستاهلين اجل تقولين عن بابا جدار.. جود : مين زينه اصلاً.. أسيل همست : نايف.. ريما : مين نايف..؟! أسيل بلعت ريقها و يدها رجفت.. جود قربت من اسيل : مين نايف..؟! أسيل : نايف.. اللي.. خطبني.. ريما صفقت بحماااس : الله الله .. جود : لقاءات المحبين.. طنشتهم و اتجهت للفيلا بتدخل بسرعة.. ما تحتمل يكون قدامها.. ما حست الا باللي مسكها و شهقت من خوفها : هـــي.. راكان مبتسم : بسم الله عليك.. ويش بلاك مستعجلة.. أسيل بحدة : ماني مستعجلة.. ويش تبي..!؟ راكان : شفتي من عندنا.. سأل عن أمانتة.. أسيل : الله يأخذ امانتك انت و اياه يا كلب.. : استغفر الله العظيم تدعين عليه بالموت.. التفت و شافت بندر ماهي ناقصة راكان و سخريتة يكمل معاها بندر.. أسيل : احسن لكم انقلعوا عني.. و الله لا أصرخ فيهم و اسوي لكم سالفة هنا.. بندر : جربي اصرخي.. ويش بتقولين اخواني يحكون معاي..؟! أسيل متوترة.. قلبها بينفجر من الدم اللي يضخة بقوة.. : انقلعوا عني.. راكان : كل ذا عشانك امانة نويف.. تبيني انادية الحين.. بندر التفت لراكان : أي امانة..؟! راكان مبتسم : اختك المصون خطيبة ذاك اللوح اللي هناك.. بندر : اهاااا و الدعاوي ذي كلها علينا و عليه.. يا عوينتي عليه الله يعينة.. أسيل تضرب رجلها بالأرض : ما يخصك تفهم.. و بعدين انا ما وافقت.. راكان رفع حواجبة : ومين قال ناطرين موافقتك.. يا حبيبتي تدرين انه مملك عليك من زمان ما يحكي فيها اثنين.. يعني لو بيأخذك الحين ما احد بيقولة عينك براسك.. أسيل : تخسى انت و إياه.. : مين اللي يخسى.. اخوانها الاثنين هم اللي يشوفون عيونها اتسعت بصدمة من نبرة صوتة.. تصلب جسدها ما قدرت تخطي خطوة وحده للأمام عشان تقصر المسافة بينها و بين الفيلا.. و لا قدرت تلتفت له و تشوفة.. حتى يوم ملكتهم ما شافتة.. يوم ملكتهم كانت ثاني متووسط لما ارتبط اسمها باسمة.. بعد سلسلة هوشات هو اللي كان منتصر فيها.. و لما خطبها بالأول رفضت لكنها وافقت تفكيرها الصغير خلاها توافق عليه عشان تنتقم منه.. لكن كان في قلبها شيء ثاني بزاوية بعيدة كل يوم يأخذ خلية من قلبها و يكبر و يكبر.. حست فيه وقف جنبها.. و حست من نبرتة انه مبتسم : مساء الخير.. راكان و بندر : انفجروا ضحك على عيونها اللي تتسع و تضيع مع كل نفس تأخذة و تزفرة.. نايف التفت لها : طالت الغيبة.. أسيل رمت كل احاسيس قلبها اللي تتحكم فيها و كل رعشة جسدها تجاهلتها و ناظرت فيه.. ما طاحت عينها الا على بقايا جرح بجبنة بصمة للي سوتة فيه.. ابتسمت من وراء النقاب بانتصار و كأنهم وصلوا اخر المعركة و اخذت لقب الفوز : وين الغنايم..؟! نايف : قريب بتوصلك ان شاء الله يا زوجتي العزيزة.. أسيل عفست وجهها على الكلمة : اهم شيء تسوى.. نايف مسكها من معصمها و سحبها قدامهم.. و ابعدها فيها عنهم.. و راكان و بندر انقهروا.. بندر : كلب ما خلانا نشوف ويش بتسوي اختك كني اتابع فيلم.. راكان : افلام.. شفت الخياط اللي بجبهتة من اختك.. بندر : اوفف شلون..؟! راكان مره هاوشها مسكت حجره وفقشتة من جبهتة.. ما مر اسبوع الا خطبها هههههههههههههههههه.. بندر : ههههههههههههههههههههه ياااربي ويش التفكير ههههههههههههههه.. تقدم عساف : نايف مين مأخذ..؟! بندر : لا تترع أسيل زوجتة.. عساف : نعــــم..!!!! عند الرجال كان يدور نفس الحديث تقريباً.. مشاري : و صار لهم مملكين كم سنة ينتظرها لين تتخرج.. ابو عبدالرحمن : وراى ما قلت لنا من بدري.. مشاري : ما صارت فرصة.. و خفت تشوفونة يكلمها و الا شيء و تفهمون غلط.. بس هي زوجتة على سنة الله و رسولة.. ابو عساف : الله يوفقهم.. بس خطبتهم طالت.. بس تخرج من الثانوي يتزوجون ماله داعي ينتظرون.. مشاري : لا خلها لين تخرج من الكلية.. ابو عبدالرحمن : ويش تخرج من الكلية.. الحين يجي نحاكية وشولة يخطب البنت و يخليها عندنا.. خلاص كبرت مالازم تدرس.. ابو عمر : يبه ماهو قصة كبرت.. بس المسؤلية اكبر ولازم تأخذ الشهادة اول و تضمنها.. فيصل : فعلاً يبه اهم شيء الشهادة.. اذا عنده استعداد يتحمل انه تدرس و بيتحمل لين تخرج عادي.. وهي بعد لازم نشوف رايها.. ما ينفع كذا نحملهم شيء فوق طاقتهم.. ابراهيم : يبه.. التفت خالد لولدة : نعم..؟! ابراهيم : بروح اتمشى بالمزرعة.. خالد : شوف فارس و مؤيد و رند يلعبون هناك روح معاهم.. ابراهيم : ماني بزر العب معاهم.. ابي اشوف المزرعة ويش فيها.. عماد : كفووو.. انا بسوي جولة بأخذة معاي.. خالد يناظر ولدة : تسمع كلام عم عماد.. و لا تراددة في شيء.. ابراهيم وقف : ان شاء الله.. عماد : تعال بيسمع الكلام ما عليك بس.. ابو سعود يكلم اخوه عبدالرحمن : ابيك بسالفة.. عبدالرحمن : خير يا اخوي كنك ما انت على بعضك.. وقف ابو سعود .. و وقف معاه ابو عساف.. و ابعدوا عن المكان بعد ما اشر ابراهيم لعساف عشان يلحقهم.. عبدالرحمن : خير ان شاء الله ويش بلاك..؟! ابو سعود : و الله يا اخوي ما ادري ويش اقولك.. انت تدري ان العرس قسمة و نصيب.. (ناظر عساف) و عساف ما ينعاب.. لكن قلبة ماهو خالي.. و ندى عرفت و ما تبي تكمل بهالزواج.. عبدالرحمن : كيف قلبة ماهو خالي..؟! عساف ما تكلم.. ما عنده شيء يقولة.. ابو سعود : قلبة متعلق بمره.. والله لو جات علي لا اعطيه اياه بس ندى ماهي راضية ومالي حيلة اغصبها لان هالمره اختها.. لو هي مره ثانية كنت اقنعتها.. بس كل مره تقول لي اختي ما ادري ويش ارد عليها.. ابو عساف : يا اخوي ويش تحكي..؟! ويش اللي قلبة متعلق باختها..؟! عساف تكلم..؟! ويش هالحكي..؟! عساف : ما عندي شيء اقولة.. كان زمان هالشيء .. وماهي راضية تتأقلم معاه.. اللي يريحها تضل بنت عم عزيزة و غالية.. مشى قبل لا ينتظر تعليق ابوة او عمة.. ابو عساف يناظر اخوه : ويش السالفة يا اخوي ماني فاهم شلون عساف يبي وحده من بناتك غير ندى.. ما غصبة يخطبها هو اختارها من نفسة.. ابو سعود : ما ادري يا اخوي شكلهم تهاوشوا و احنا ما درينا عن شيء من الأساس.. و عساف بعدها بكم سنة خطب ندى.. لا تزعل يا اخوي.. لو هو بكيفي ما كنت عطيتها الا لعساف.. ابو عساف : معذور يا اخوي.. لو كنت مكانك سويت نفس ما سويت.. ماهي هينة تجبر بنتك على رجال يبي اختها.. لو يبي مره ثانية عادي.. لكن اختها.. ما عليه.. عند غازي و عساف اما سعود جالس مع اخوانة و لا تدخل بامور الأمن ابداً من وقت ما جوا بالمزرعة و لا راح يتدخل دام الفريق غازي ابعده لفترة.. و عماد راح يسوي جولة و اخذ معاه ابراهيم.. و نايف سحب اسيل و ما رجع.. غازي : خذها و ودها للمركز.. و النتيجة جيبها مع راشد.. ابي الاجتماع بالليل هنا.. عساف اخذ عينة الدم المسحوبة من ابو سعود و ام احمد : تأمر.. الفريق غازي : لا تأخرون عساف.. و جيب لي معاك عزام و راشد.. عساف : ان شاء الله.. الفريق غازي : و انتبة لنفسك سلاحك لا يبعد عن عينك.. عساف : ان شاء الله ما علي خوف.. اما أسيل و نايف.. أسيل معصبة و نايف ما كأنه في مهمة أمنية و جاي عشان تحقيق.. أسيل : تأكل تبن تفهم.. نايف : ان شاء الله بوكلك اياه قريب.. تأدبي لا تخليني اعصب عليك.. أسيل جلست على الأرض : اسمع.. انا و انت ما نصلح لبعض.. خلاص انت روح تزوج و انا اتزوج لي واحد يحبني.. نايف جلس جنبها و شد على كفها بقوة و كأنه بيفتتها بيدة : انتِ لي.. وما خطبتك صغيرة و ملكت عليك عشان الحين تقولين تتزوجين واحد يحبك.. أسيل وهي تتحمل الألم على كفها ما تبي تقولة انه يعورها .. لانها تعرف انه متعمد يألمها : ما اشوفك علقت على انك تتزوج..؟! نايف نزل نظارتة الشمسية على عيونة و برزت ابتسامتة اكثر : يحق لي اتزوج وحده و ثنتين و ثلاث عليك.. اسيل مدت كفها الثانية تضرب كفة اللي تضغط عليها : و الله اذبحك.. تفهم.. اصلا انا فقشت وانا بالمتوسط يعني خلاص وصلت لمرحلة اجرامية اعلى.. بغرس السكين وسط صدرك لو تفكر بوحدة غيري.. بانت صفة اسنانة و اطلق ضحكة تزيد قهرها وهي تحاول تفلت نفسها منه خبلة ما تغيرت أي شيء بتسحبة منه تقدر بكل سهولة اذا عصبت فيها و ضغطت عليها بطرق ما يعرفها الا اللي معاشر أسيل و يعرف شلون يسحب منها الحكي اثار غيرتها عليه بكل سهولة خلاها تفضح شيء بقلبها مخبى له.. وقف عن الضحك لكن ابتسامتة ما زالت : تحبيني..؟! أسيل رجف جسمها لدرجة توقعتة حس فيها لانه شد على كفها اكثر : ما عاد الا هي.. نايف : ليش غرتي طيب لما قلت لك بتزوج عليك.. أسيل : هذا اللي ناقص تاخذ علي مره.. انا ما اجتمع مع غيري.. تبي تزوج روح شوف البنات ماليات المكان و خذ اربع منهن بعد.. لا انا غير.. نايف : اكيد غير و الا فيه بنت عاقلة هادية حليلة تطلع بنص الليل بتسير على جيرانهم و تفقش خطيبها من راسها.. أسيل : كل تبن ماهو نص الليل الساعة عشرة.. لا تلفق و تخرب سمعتي.. ومين قال انك كنت خطيبي.. كنت ولد جيرانا واحد مليق و قليل ادب و عصبي و ينرفز و الدم اللي نزل من راسك قليل عليك.. مد يده اليمين للجرح بجبينة : صح قليل ثلاث غرز بس.. أسيل : ليش خطبتني بعدها.. ما مر عليها اسبوع و خطبتني.. نايف : تتوقعين ليش..؟! أسيل : عشان تفقشيني.. و الله لا اضربك و اذبحك بعد.. نايف : استغفر الله انا شكلي بحطك بالسجن ويش ذا ما عندك غير الذبح.. تراك تهددين رجل امن.. بكلمة الحين انومك بالمركز.. أسيل تأخذ الموضوع ببساطة عشان تقهرة مثل ما جلس يلعب فيها من اليوم : على شرط بمكتبك.. عشان يقولون جايب زوجتة معاه.. نايف ابتسم بخبث : بيقولون ما يقدر يستغني عنها رومانسي و يحبها و يخاف عليها بيداوم و هي معاه.. أسيل ترجع تضربة من جديد على كفة عشان يفلتها : ان شاء الله رئيسك يفصلك يااارب.. اتركني .. اتركني ترى بذبحك.. .. محمد و يوسف واقفين و يتفرجون على البزارين يلعبون.. يوسف : يا اخوي ويش القصة عيالهم قاعدين بالغرفة ما احد منهم يحكي و كن عندهم عزاء استغفر الله.. و الا جالسين مع الرجال و لا واحد فيهم تحس عنده طاقة يسوي شيء.. شكلهم كبار تتوقع كم أعمارهم..؟! محمد : تسألني انا.. امش خلنا نلعب كورة بس جيب عيالهم الاثنين ذولك و نلعب معاهم.. يوسف : انا بجلالة قدري و قيمتي يوسف ولد ام يوسف العب مع بزارين..؟! محمد يضرب كفوفة بأسى : غرورك هذا بيخليك تلعب مع صراصير مو بزارين.. يوسف بقرف : كل تبن.. قلو المخلوقات قول مع دلافين مع اسماك أي شيء.. محمد : عشان ما ترفع خشمك.. بس هات الكورة.. وقفهم صوت ابوهم : على وين.. التفت محمد : بنلعب كورة الجوو زين.. ناصر : احسبوني معاكم.. عامر : خلوا كورتكم تجي بنص قهوتنا عشان اشقها و ابلعكم اياها.. يوسف وهو يشيل الكورة من الأرض : هههههههههههه مسلسل رعب.. مؤيد : انا بعد بلعب معاكم.. فارس : انا بعد.. بنجيب عشرة صفر عليكم انا و مؤيد.. يوسف بسخرية : كم..؟! شكلك ما تعرف مين تكلم يا روح الماما.. محمد لا يجيب يوسف اخوه العيد ويقول قدامهم يوسف ولد ام يوسف : عارفين مع مين بس يالله .. انت معاي (آِشر على فارس) و انت مؤيد مع يوسف.. ناصر وقف معاهم : طلعتوني من الحسبة..؟! محمد : ويش رايك تصير الحكم..؟! ناصر : مالك لوى.. ماجد وقف : انا معاكم.. فيصل : معاكم.. عماد وقف : معاكم.. يوسف : يارب زيدهم.. هاه مين بيجي معانا.. ابو عبدالله مالك خاطر..؟! عامر : خلني اشوف لعبكم اول اذا جاز لي قمت معاكم.. يوسف : لو انك مدرب عاد و تفهم اللعب.. يالله عمي.. غازي وقف : ماني رادك.. حاتم وقف : اجل انا معاكم.. محمد : حلوو كذا متفقين.. يوسف : عمي غازي معانا.. محمد : طيب انت و عمي و مؤيد و حاتم و ماجد.. و انا وعماد و فيصل و ناصر و فارس.. عامر : يوسف العب زي العالم و الناس لا تغش.. يوسف : يبه لا تفشلني رجاءاً.. .. اما عند الحريم ما كانت الحالة تفرق كثير.. يحاولون ينسون انهم هنا عشان الأمن.. و يقضون الوقت بالسوالف و القهوة و الشاي و الأكل.. ام يوسف : و الله يا ختي رحنا عرسهم.. ما كان ذاك الزود.. منيره : عاد وحده من صحباتي راحت تقول مره فشخرة.. ام يوسف : من ناحية تقديمات و كل شيء متكلفين لحد الإسراف لكن اهل العرايس و اهل العرسان كأن بينهم مشكلة.. تحسينهم متحفزين ضد بعضهم ما قاموا مع بعضهم و لا كأن العرس بينهم.. ام عساف : يا شينها لا جات العروس كذا.. ما تدرين الفرحة وين راحت.. الله يصلح بس.. ام ناصر : يطري علي مره رحت لزواج قامن ثنتين من المعازيم على بعضهن.. و وحده كبت القهوة على الثانية.. و الله يا ان اهل النوب انقلبت وجيهن.. اعوذ بالله.. ام عامر : بلاه من قلة العقل.. الشيطان راكب رووسهن اللهم يا كافي.. أمال تناظر ساعتها : هالبنت ما ادري وين اختفت ارسلتها تشوف اختها.. رجعت همس وهي ما رجعت.. ام عامر : مين هي..؟! أمال : ريما.. من قريب العصر مرسلتها وصارت الساعة خمس و لا رجعت.. ام عامر : تلقينها تمشى بالمزرعة ما شاء الله ويش زينها... ام احمد : راحن معاها اسيل و جود.. أسيل رجعت وقالت انهن يتمشن.. ما بهن خلاف ان شاء الله.. أمال : ما بقي شيء ع المغرب.. شوي و الدنيا بتليل.. ام سعود : ما عليهن خوف ان شاء الله الرجال برا.. تلاقينهم يشوفنهم.. أمال تناظر همس اللي تجري بحماس من مكان للثاني مع رند : همـــس .. تعالي.. جات لها تجري و معاها رند وكأنها حتى هي مناديتها حماس و لقافة طفولية : نعم.. أمال : روحي قولي لبابا شوف ريما وينها..؟! همس : ماما هي اول راحت تمشيء مع جود.. رند : ايه انا سفتها مسوا بعيد مع بعد.. أمال : ما عليه روحي قولي لبابا يشوفها.. همس بدلع ما تبي تروح : ماما.. أمال حمرت عيونها : رووحي.. همس : طيب.. مشت و لحقتها رند مثل ظلها.. من جات عند عمانها ما شافت بنت صغيرة كلهم كبار عليها.. شذى مرت ناصر : هاذي بنت مين..؟! ام احمد : بنت ولدي خالد.. شذى : ماشاء الله.. بس ما تشبة لكم.. ام عبدالرحمن : ايه وليدنا الله يصلحة اخذ له مره من هالكفار و جاب عيالة و طلقها.. حياة : يا حرام بس صغيرة البنت تحتاج امها.. ام عبدالرحمن : اللي مثل اميتها مالها حاجة فيها.. لا انعدوا الأمهات انعدت معاهم.. ندى : مساء الخير.. : مساء النور.. ندى باست راس جدتها و ام عامر من باب التقدير.. و خالاتها ابتداء من ام مشاري و حريم ابوها و جلست.. ام عبدالرحمن : وينكن انتِ و خواتك ما شفناكن اليوم.. ندى : خواتي نايمات.. الكل سهران.. بس جود ما شفتها بالغرفة.. ام ندى : تمشى مع ريما.. تبين تأكلين.؟! ندى : لا ماني مشتهية.. بابا ما قال متى بنرجع بيتنا..؟! ام عبدالرحمن : لا يا عوينتي.. ما احد حكى لنا شيء.. جابونا هنيا و هم برا .. ام عامر : وليدي يقول يمكن يطول الموضوع ما يندرى .. ماهم مخلينا نعود بيوتنا و هم خايفين.. ندى : الله يعين.. مريم : شكلك تعبانة يا بنتي.. ندى : لا بس ارهاق.. عهود : ويش اللي حادك ما تنامين.. ندى ببساطة : المكان جديد علي.. ما قدرت انام براحة.. ام عامر : و الله حتى انا ما ادري شلون قيلت الظهر.. مع ان المكان يا زينة و الله شرح و ينشرح له الصدر.. بس الواحد ما تهنى له النومة بغير مكانة.. ندى : بس صعبة كذا نبقى هنا فترة.. يعني اللي ما يدرس عادي مثلي.. لكن اللي يدرسون و يشتغلون ما يقدرون يتركون كل شيء و يجلسون هنا.. ام عامر : غازي منبه ما احد يعتب الباب و الا بيحش رجولة.. و الله يا انه مسك العيال و كلمهم و هدد البنيات يقول الموضوع ماهو سهل و حتى دراسة هالفترة ما فيه.. مير بنات عامر بصرة ما يدرسن صح ان هنادي متوظفة مير تدبر لها اجازة لكن يوسف و محمد و بناتة.. و الله ما ادري ويش بيسوي معاهم.. ام عبدالله : مير ابو شوق موسوس الله يهدية.. الموضوع ان شاء الله بسيط.. مير ما يخلونهم يدرسون طيب الا متى..؟ ماهو معقول بيخليهم شهورة ما يدرسون.. اذا جات على محمد منى عينة ما يدرس.. أمال : و الله غازي منبه ما احد حتى يجيب له سيرة الدوام.. يقول متى ما تيسرت تداومون.. ما ادري الى متى.. ام سعود : هونوها ان شاء الله الموضوع ماهو مطول.. كلها يومين و كل شيء يرجع مثل قبل ان شاء الله.. منيره : و الله زين ما ابي اداوم.. من زمان فكرت اخذ اجازة.. مريم : ليش وين تشتغلين..؟! منيره : بالاشراف التربوي.. مريم : ماشاء الله.. والله طارية علي فكرة الوظيفة هالفترة اشغل نفسي فيها.. انهار : و الله جبتيها يا عمة.. بدل جلسة البيت.. نشوف العالم.. بس بنتظر فترة طويلة على التقديم و كذا.. مريم : ماله داعي تنتظرين اعطي ملفك عامر يدبرها لك بيومين ان بغى.. عهود : ماهو من جدك عمة .. بعد كل هالسنين تبين تتوظفين احس تعودتي على جلسة البيت ما راح تتأقلمين مع الدوام صعبة.. مريم : ليش ويش قاصرني..؟! معاي شهادة جامعية و معاي لغتين انقليزي و فرنسي بأيش اقل من غيري..؟! عهود : مو مسألة أقل.. مسألة تعودتي على جلسة البيت يعني الدوام بعد ماهو شيء سهل.. هنادي : و جلسة البيت بعد ماهي شيء سهل.. هي اساس كل الأمراض النفسية.. اغلب اللي يعانون من وسواس قهري او اكتئاب لان ما عندهم شيء يشغلون انفسهم فيه.. بس تشغلينهم بشيء يخف الوسواس تدريجياً لين يختفي.. عهود : تكلمت د.هنادي.. هنادي : ليش مستهينة فيني..؟! عهود : تراك توك طبيبة عامة.. و اول سنة لك بعد.. هنادي : و هذا اللي قاهرني ان عم غازي ماهو مخليني اداوم و انا احس توني جديدة ع الوظيفة.. عهود : ما عمري شفت وحده باغية الشقى كثرك.. يا زين جلسة البيت و النوم.. هنادي : طيب نمت اليوم و بكره و بعده و شهر و بعدين..؟! عمري كله يروح بالنوم..؟! عهود : ويش ازين من النوم..؟! و الله يا زينة احلى شيء بالحياة النوم.. دخلن ريما و جود : السلام عليكم.. : وعليكم السلام.. أمال : وين كنتِ..؟! ريما : و الله ما طلعت برا هنا.. بس لو ناظرتي مع الشباك بتشوفينا جالسات برا.. ما ابعدنا.. أمال : كل ذا جلسة برا.. جود : خالة الجو برا حلوو.. و البراد كذا يهب مو هنا كتمة و الله.. ام عبدالرحمن : و الله ان عظامي تصلبت من البرد.. تقولين كتمة.. اللهم يا كافي مير الدم اللي فيكن بارد ما تحسن.. ام عامر : ايه و الله ما يحسن.. و الا وحدتهن بهالجو تشغل لك المكيف و تنزلة عليها.. و تصحى لك من النوم ملوزة مسخنة بها مية علة.. ام مشاري : ايه و الله جننتني اسيل على ذا الحركة.. ما يرحمون انفسهم.. و حدهم يشوفون التعب و الألم يعيفون المكيفات.. ام عامر تمد عصاتها ناحية عهود : اريها هالغبرة هاذي ما تفهم.. لا صحت تشكوت ظهري رجلي حلقي بطني.. ام عبدالرحمن : و الله عندنا و عندك خير .. ناس ما تعرف مصلحة نفسها.. جود تهمس لريما : السالفة كانت جلسة برا فجأة انقلبت مكيفات.. ريما : حريم.. لو تجيبين لهن سالفة عن المستشفيات ممكن فجأة تنقلب عن المجموعة الشمسية.. أمال ناظرت ريما : برا لا تطلعين.. اعتقد كلام ابوك ما مر عليه يوم.. ريما : بابا يشوفنا قدامة احنا ما ابعدنا ما قال لنا شيء مخلينا على راحتنا.. برا احسن و الله ما نبي نجلس هنا.. أمال : عاد مين افهم.. ريما لا تخليني اكلم ابوك.. ريما : ماماتي بليـــز.. و الله هنا ناظري مع الشباك بتلقينا جالسين هنا حتى اخذنا قهوة من عند الرجال و فرشة.. ما احد قالنا ادخلوا.. ام عامر : يا قلة الحيا اللي فيكن.. ما تختشن برا ماهم محارمكم.. ريما بملل : يمه ماني جالسة مفسخة انا.. لابسة عباتي.. و اصلا سيارة بابا فيه بينا و بينهم.. يعني عادي الوضع.. ام عامر : قضبوني اياها هالبنية ما عادت تختشيء.. ريما بعدت : خلاص خلاص.. بختشي.. اصلاً بنام بدل ما انكبت.. ام عامر : مير ازين نوم الظالم عبادة.. ريما : الله يسامحك يا ام عامر.. لو ما انتِ غالية على قلبي بس.. ام عامر وهي تمسك عصاتها بقوة : ايه ويش بتسوين يعني.. ريما انحاشت قبل لا يجيها شيء : هههههههههههههههه.. جود تناظر ريما اللي طلعت من الصالة و ام عامر.. دايم الجدات على خلاف دايم مع الحفيدات.. ندى تناظر جود : كل هذا تمشين..؟! جود : ايه.. .. لحقت ريما اللي رجعت للغرفة اللي كانن فيها قبل لا يتمشن.. .. بغرفة تجمع أثير و أسيل و صبا و سهاد و عبير.. أسيل : كلب قهرني.. صبا بنعومتها : كلنا مقهورات.. ولا وحده فينا تعرف تصرف صح.. أسيل : ليش ويش سويتي انتِ..؟! صبا : قلت لماما اني موافقة وهي بلغت بابا.. أسيل وهي تجلس ثانية رجولها تحتها على السرير : عشان انتِم دمغة ما ربطك شيء بياسر .. وافقتِ و انتِ مو مقتنعة.. و انا بعد مدمغة بس كنت بزر.. و الله ثاني متوسط.. ثاني متوسط يعني عمري 14 سنة و ملكة.. متخيلين الموضوع..؟! حاسين بحجم الشيء هذا يعتبر زواج قاصرات.. أثير : مشاري ما ضربك على يدك قالك فكري مره و اثنين و ثلاثة و انتِ ما غيرتي رايك.. أسيل بحدة : و الحين غيرتة (حطت اصباعها على راسها) كيفي الحين غيرتة.. أثير ببرود : اطلبي الطلاق.. أسيل بلعت ريقها : اتطلق.. عبير : من جد ما تبينه تطلقي.. أسيل : اتطلق.. أثير : مسوية علينا فيلم من اليوم ما تبينه حدنا جبنا طاري الانفصال مسكتك كهرب.. أسيل : لا تلفقين من عندك: .. بس مو متخيلة اني اكون مطلقة بهالعمر.. سهاد : ويش فيكن على البنية.. أسولة حبيبتي لا يغرك كلامهم.. انتِ الآن زوجتة وله سنين خاطبك و مملكين حرام ما تتممون عرسكم.. يعني كل هالسنين و انتِ له و هو لك الحين تنفصلون.. طيب ويش السبب..؟! أسيل : يقهرني و الله.. يقول بيتزوج علي.. سهاد : يطقطق عليك يالخبلة.. معقولة واحد بيفكر يتزوج على وحده وهم بينهم مجرد ملكة.. بيشوف ردة فعلك بس.. أثير : من جد عقلك صغير يا أسيل.. نايف من سنين خاطبم و رضى انه يصبر عشانك سنين الحين بيفكر يطق عليك الثانية لما صرتي بسن زواج.. يأخذك و يريح راسة اما بهالعمر و يدوش راسة بحنة كم حرمة.. أسيل تربعت : تهقون يتريق علي.. هو اصلاً جلس يختبرني.. يقولي تغارين علي.. عبير : مدمغة جاوبتي على نفسك بنفسك ليش مسوية سالفة.. أسيل : يقهر ان ما فقشتة مره ثانية بس هالمره مع فمة عشان اهده له ولا يحكي علي مره ثانية.. صبا مبتسمة : الله يعينة شكل امه داعية عليه.. أثير : لا و الله ماشاء الله بار فيها ما يقصر عليها بشيء.. صبا : ماشاء الله .. احس هذا اهم شيء بالرجال محافظتة على صلاتة و برة بأهلة اذا ما بر بأهلة ما راح يبر بزوجتة.. أسيل : يا عيني على الدلع تقول اذا ما بر بأهلة ما راح يبر بزوجتة.. ما اقول غير الله يعينك على ياسر.. شكل انتِ صدق اللي امك داعية عليك.. .. في غرفة تجمع ثلاث اشخاص.. ام عامر و عامر و غازي.. مصدوم وهو يسمع كلام امه بالرغم انه ماهو جديد عليه ابد.. ماهي اول مره تحاكية بالموضوع.. لكن الوقت اللي مختارة فيه الحكي ماهو مناسب.. غازي : يمه الله يرضى لي عليك ويش هالحكي..؟! ام عامر : الحكي اللي المفروض تسوية من زمان.. زينة الحين بناتك ما عندهن اخ يحميهن لا غبت عن البيت.. كان المفروض تجيب لهن اخ من سنين ماهو الحين.. غازي : يمه حكينا بذا الموضوع ربي ماهو كاتب لي اجيب ولد من اميره ويش اسوي..؟! ام عامر : تزوج عليها.. قلتها لك من قبل لكن انت ما تسمع الحكي.. غازي : يمه ماهو وقت هالحكي.. و بناتي اصلاً ما راح يرضن.. اذا قبل لا تجيب اميره همس كانن صغار و اقدر اقنعهن كبرن الحين يمه ما عادن صغار.. عامر : شورك بيدك ماهو بيد بناتك.. امي معاها حق.. و انت كل مره تأخر الموضوع وماهو بصالحك.. غازي : ما اقدر يمه.. بناتي و أمال.. ام عامر : زوجتك يوم حاكيتها تيك المره اللي نويت فيها بالغصيبة ما رفضت لك قالت لك روح و الله ييسر لك.. بنت اجواد.. وماهو عيب انك تدور لك على ولد يشيل اسمك.. البنت عيالها بيشيلون اسماء ابهاتهم.. و انت خلفتك للحين بنات.. يا ابوي ماهو قاصرن فيك شيء عشان ما يكون عندك ولد.. البنات ويش كثرهن ببيوت اهاليهن يرضن يكونن الثانية و الثالثة و الرابعة.. عامر : بناتك حسبة بناتي و تدري بهالشيء يا غازي.. و من عيوني احوفهن لك .. لكن فكر بالموضوع بعد عمر طويل ويش بيصير لهن من وراك .. اذا انا موجود هن بأمان بس انا بعد يمكن اموت قبلك.. يا اخوي الولد عزوة و سند.. غازي : ما قلت لا.. و انا مالي اعتراض على حكم ربي.. دام ربي ما كتب لي اجيب عيال ما راح اجيب لا من أمال و لا غيرها.. ام عامر : الله قال خذوا بالأسباب.. ما يمنع تزوج مره ثانية ما سويت شيء ماهو من الشرع.. غازي : يمه الله يخليك.. انا اصلاً هالفترة ماني فاضي و الله مشغول ما عندي وقت احك شعري.. تبيني افكر بعرس و خطبة و اقنع بناتي.. ما عندي كل هالوقت.. ام عامر : العروس موجودة وما ابيها تطير عليك.. و بكره تخطبها.. غازي اتسعت عيونة : ومين هالعروس اللي خايفين لا تطير علي و مخليتكم ما تنامون و تحاكوني بهالموضوع.. عامر بهدوء وهو يلعب بسبحتة بين اصابعة : ندى بنت ابراهيم الكبيرة.. غازي انصدم تعدل بجلستة : بنتة الكبيرة مخطوبة لعساف.. عامر : تفركشت خطبتهم.. ما عاد بينهم شيء.. و امي تبيها لك البنية عاجبتها.. غازي : أي اللي تفركشت خطبتهم.. الرجال يجهز لعرسة.. ام عامر : انا سمعت امها تحكي لجدتها ان خطبتهم تفركشت البنية ما عادت تبيه.. و ابوها ما ردها.. و انا من يوم شفت البنية انشرح لها صدري.. و الله انها متربية و متعلمة و ماشاء الله عليها ادب و اخلاق.. غازي وقف : يمه انســـي .. ما راح اتزوج وحده كانت لواحد من رجالي.. موضوع العرس بالقوة راضي فيه عشانك بس.. لكن تجيبين لي وحده ما تناسبني لا يمه.. مو تقولين البنات ماليات بيوت اهاليهن.. دوري وحده فيهن.. اما خطيبة عساف لا.. .. في جناح عماد.. ظهرها يصرعها من الألم.. تئــن .. نهى : وعد ويش فيك.. وعد انسدحت على ظهرها : ظهري و بطني مره تألمني.. نهى : تبيني اجيب لك مسكن.. وعد حست ببلل جلست بحدة و ابتعدت عن المكان اللي كانت منسدحة فيه و انصدمت بالدم يعلم بالمكان و لا حست فيه.. .. لا إله الا انت سبحانك إني كنت من الظالمين.. لا أحلل نقل الرواية دون ذكر اسمي.. هاشتاق #رواية_لو_سألتي_الورد .. ضحكة قهر.. |
رد: لو سألتي الورد وهو ما بين إيدك أقطعك بيقول لك عمري فداك الكاتبة / ضحكة قهر
بسم الله الرحمن الرحيم..
السلام عليكم و رحمة الله وبركاتة.. مساء الخير على اللي ممسين و صباح الخير على اللي مصبحين.. بداية خلوني اتكلم عن نقطة ما اخفيكم بدت تضايقني و الله.. كثير يظنون ان انا وعد بالرواية.. صرتوا تفهمون غلط.. انا مستحيل اكتب حياتي و اخليها كتاب مفتوح للجميع .. وعد شخصية من ضرب الخيال و الأحداث اللي صارت لها صارت بالمجتمع للناس مختلفين يعني وحده انخطفت و حده حبت و لا تزوجت و غيره و غيره.. لكن صرتوا تحسبون اني وعد.. لا يا حبايبي انا مو وعد.. اثنين وحده ارسلت لي ع الآسك انه نلتزم بواقعنا و تحريم العلاقات.. انا ما دعيت لعلاقات محرمة و لا يمكن اسوي هالشيء.. حتى علاقة عساف بوعد سابقاً وضحت انها غلطت من خلال الرواية .. اللي يُبنى على باطل فهو باطل.. و ربي ما يتممة و لا يكتب لهم الخير.. اما باقي الرواية و الأحداث من الواقع .. يمكن تنقد على ان البنت تشوف ولد عمها و كذا .. احنا كا عيلة هالشيء مو عندنا الحمدلله.. لكن عاشرنا ناس بالمجتمع يتكلمون عن انفسهم و هذا الشيء عندهم.. وممكن يقابلون عيال عمهم بدون عباة..!!!! .. وبعضهم يجلسون مع بعض بمكان لكن بعبايات و احتشام و ما يجلسون جنب بعض يعني مكان كبير يجمعهم .. يعني انا ما جبت شيء من راسي كله من الواقع اللي نعيشة بالمجتمع و اذا احد فينا ما يعيشة ما يعني ان الباقي ما يعيشة صحيح ان احنا مجتمع واحد.. بس لكل ناس عادات و ان تشاركنا بعادات تميزنا كا مجتمع واحد سعودي خليجي شرقي.. ثالثاً نتكلم عن البارت.. انا قلت لكم ان البارت بالويك اند الجمعة او السبت.. تجيني تعليقات من يوم الأربعاء بالليل تطلب البارت.!.! طيب انا حددت الموعد الجمعة او السبت ولو اني انهيتة قبل و الله تبشرون فيه.. بس ما انهيتة.. رابعاً احداث البارت هذا من اولها لين اخرها هواش.. ما بين تمشي عادي و ما بين هوشة قوية في البداية.. حطيت لكم جزء منها بالتويتر.. و جاتني توقعات.. اقدر اقول انهم جابوا لي اسم الشخص صح.. برافوا عليكم.. خامساً اشكر بنت الفوزان ع التويتر نبهتني بالبارت السابق على لخبطة سويتها باسم مرت غازي مره سميتها اميرة و مره امال.. لذلك نعتمد امال و نكمل فيه.. قرقرت عليكم واجد بس أشياء بخاطري حبيت اقولها لكم.. البارت هذا ابي ردود تشعلل في كل مكان مخصص للرواية.. ابي ردود تفلج ما قد قريتها من قبل ابي اقرأ توقعات كثير للرواية من كل شخص فيكم .. لو بتنامون بعاقبكم و أنزل البارت الجاي بعد اسبوعين.. البارت الجاي بالويك أند الجمعة او السبت ان شاء الله عشان ما تكثر الأسئلة.. لا تنسوني من دعواتكم بهالأيام الفضيلة.. و لا تضيعون فضل الصيام الله يجزاكم بالفردوس الأعلى.. بسم الله نبدأ.. البارت الأربعون ما وحشتك يابعد كل الخطايا ! يا أعزّ إنسان واقسى من عرفت شفت نفسي فيك وأنكرت المرايا ليتني ما قلت أحبّك وأعترفت !! لـ رجف.. في جناح عماد.. ظهرها يصرعها من الألم.. تئــن .. نهى : وعد ويش فيك.. وعد انسدحت على ظهرها : ظهري و بطني مره تألمني.. نهى : تبيني اجيب لك مسكن.. وعد حست ببلل جلست بحدة و ابتعدت عن المكان اللي كانت منسدحة فيه و انصدمت بالدم يعلم بالمكان و لا حست فيه.. شهقت وهي تحط يدها على بطنها : لااااا.. نهى وقفت على ركبها بعد ما كانت منسدحة على السرير : وعـــد..!!! وعد وجهها لنخطف لونة من الرعب : دقي على عماد.. بسرعة نهى.. نهى بلهت : مين..؟!! وعد انطلقت في صياح الم وخوف على فقد طفل : جوالي رقمه بجوالي.. بسرعة هاتي جوالي.. نطت نهى للتسريحة و سحبت جوال وعد اللي كان على الشاحن و اعطتة اياه بعد ما فتحت على اسم عماد مدت الجوال .. وسحبتة وعد وهي ترجف.. تنتظر رده ما راح تحتمل تفقد ضناها بعد كل شيء صار اول ما سمعت صوتة : البيبي بيروح عماد تكفى جاني نزيف.. اما عند عماد كان برا يشيك على كل شيء و يتأكد ما راح يخاطر بانه يعرض هالعيلة للخطر.. ما هنى له النوم بامكانة ينام لا صحوا على الأقل يكونون فاطنين للي يصير اما الكل ينام وهو ينام حتى لو كان فيه حراسة ما راح يرتاح.. في هالوقت جاه اتصال منها.. و انصدم لما طرت النزيف : أيـــش.. انتِ وين بأي غرفة.. طيب سكري سكري.. انا بتصرف.. قفل قبل لا يسمعها قفلت الخط و الا لا.. و دق على هنادي.. ظل يدور بالمكان لين سمع صوتها : بسرعة تعالي شوفي لي الدرب لين جناحي.. بســـرعة و لا تأخرين ثانية وحده انا عند الباب بعد لحظة بدخل.. اتجه للباب و ظل ماسك الجوال و هنادي ع الخط دقيقة بالضبط و وقفت قدامة النوم بعيونها استغربت باتصال عماد و بطلبة اكثر فتحت له الباب : ايش فيك..؟! عماد وهو يجري متجه لجناحة : وعد جاها نزيف.. اما هنادي ظلت مثل الهبلة واقفة و تناظرة يجري ع الدرج : نــزيف.. نهى حاطة يدها على كتف وعد : اهدي تكفين كذا بتوترين زيادة.. وعد : بيروح .. ما احد يبيه فيهم بس انا ابيه.. انا ابيه.. سمعت نهى صوت الباب و طارت جري للحمام.. دخل عماد و لا فكر انه ممكن يكون فيه احد عندها : وعـــد.. وعد تبكي : بسرعة الله يخليك بيروح و الله ولدك لا تخلى عنه تكفى يالذيب.. عماد ظل واقف فترة ما يدري ويش يسوي وقفت وراه هنادي : بسم الله عليك.. اتجهت لوعد : عماد لازم ننقلها المستشفى بســرعة خطر عليها و ع البيبي.. عماد سحب عباية كانت على الباب و ما انتظرها تلبسها و تسكرها حطتها عليها و شالها.. و طلع يجري فيها و هنادي تنبه : لا تطيح يالخبـــل. ماهي ناقصة.. عماد مطنش هنادي و يمشي بسرعة.. اما وعد كانت مستسلمة للألم الجسدي و النفسي.. فتح باب سيارتة و حطها.. سكر الباب و اتجه لباب السايق و ركب شغل السيارة.. و فتح البوابة الكتروني و طلع منها.. نزل القزاز وكلم الحارس : خذ الريمون خله معاك لين يأذن الفجر و اعطة الفريق غازي.. الحارس : ان شاء الله.. و تحرك عماد بصوت احتكاك الكفر بالاسفلت.. وعد : عماد و الله ولدك.. ما احد لمسني.. عماد متوتر و يشد على الطارة بقوة وماهو وقت مواضيع تنرفزة : اهم شيء صحتك و قومتك بالسلامة.. وعد لفت نفسها له : اقولك ولدك..؟! عماد : ايش السبب...!؟ اللي خلاك تنزفين..؟! وعد وهي تضغط على اسفل بطنها : ما اعرف.. ما ابيه يروح.. تكفى الا طفلي.. ابيه.. و الله ابيه حتى لو انت ما تبيه انا بتحمل مسؤوليتة.. عماد وعيونة مركزة على الطريق رد عليها بحدة : ليش شايفتني بلا ضمير.؟!اجيب عيال و ارمي .. ماني عايز عن ولدي.. سكتت ماهو وقت نقاش و لا وقت تهدر فيها اخر الطاقة اللي فيها.. بتختزنها عشان اللي بين احشائها.. كانت تتمنى حياة افضل من هاذي بكثير.. تتمنى تتزوج رجال متفهم.. تحمل بطفل منه و برغبتها.. يفرح فيه ابوه لا سمع خبر حملها.. يكون معاها بتعبها قبل راحتها.. ينتظر معاها مولودها و يعد الأيام لين يشرف.. ولا شيء من هاذي صارت لها.. و لا شيء.. الصباح الساعة ثمانية.. جلسة برا في الهواء البارد.. احمد : الجو ماشاء الله حلوو بس ينخاف على البزارين من البرد.. خالد يناظر ولدة : من اليوم اقولة قوم البس شيء ثقيل يقول لا ماهو برد.. إبراهيم : عم احمد قال البزارين يعني ماهو انا.. ابتسم عامر : هو صادق.. خله على راحتة.. أحمد يهمس باذن سعود : ويش بلاك ما انت طبيعي..؟! سعود : ولا شيء.. وقف : عن اذنكم.. عامر يناظر بعيالة يوسف و محمد شبة نايمين بالمكان.. : وين عماد..؟! محمد : ما شفتة.. غازي : اعطى الحارس المفتاح و طلع.. دقيت عليه و ما رد.. عامر : وين بيكون راح..؟! تهقى راح المركز..؟! غازي : يمكن.. رغم اني ما وصيتة بشيء النتيجة بيجيبونها الشباب بعد شوي.. ما خلص كلمتة الا يجية اتصال من الحرس بان رجالة برا.. فتح البوابة غازي و وقف لازم يقابلهم اول و يعرف النتيجة قبل الكل.. اما ابو سعود و عيالة ظلت قلوبهم معلقة.. نزلوا من السيارة عساف و راشد و عزام.. اقتربوا من غازي : السلام عليكم.. الفريق غازي : وعليكم السلام.. ويش الأخبار..؟! مد له عساف التقرير : جبنا لك التقرير تطلع عليه بنفسك.. اخذه غازي و فتح الملف و خرج الأوراق القى نظرة سريعة و طاحت عيونة على النتيجة.. : كويس الحمدلله.. راشد : كنا راح نداهم شقتة و نسويها.. بس الحمدلله.. الفريق غازي : زين ما تهورتوا.. عزام : مو بس كذا.. راقبناه.. و طلع من شقتة ع المطار.. الفريق غازي عقد حواجبة : ليش..؟! عساف : حاجز تذكرة على روما.. الفريق غازي : أحد معاه..؟! عساف : لا.. هو لحاله.. الفريق غازي وعيونة تدور على رجالة : معقولة موكلينه بمهمة برا..؟! عزام : تجي عليهم.. ماهي غريبة.. الفريق غازي : لازم نتواصل معاه.. ما ينفع الانقطاع هذا.. لازم نعرف ويش عنده.. و نعرف الجثة الثالثة لمين..؟! راشد : فعلاً ما ينفع كذا لازم نشوف طريقة نقدر نتواصل معاه بطريقة دائمة.. بعد اللي صار للمراقبين لازم نأخذ حذرنا.. : ايش الأخباار..؟! التفت غازي لأبو سعود : تـــ (قطع كلامة يرد على جوالة) : نعــم.. ميـــن..؟!!!! (تغيرت نظرتة للاستغراب) خله يدخل.. (لحظات وهو يناظر البوابة مستغرب.. من الاسم اللي قالة الحارس انه بيدخل.. فعلاً دخلت سيارتة و ضج المكان بصوت البوري اللي علق عليه اول ما انفتحت البوابة و دخل و ازعج الكل.. خرج راسة من القزاز وهو يضغط على البوري و يوقف وراء بعض و يضحك.. الشباب عزام وراشد و عساف ما كانوا اقل صدمة من غازي.. لانه في مهمة وهو يعرف انه المفروض ما يجي.. لكن ابوه شقت الابتسامة وجهة).. نزل من السيارة و وقف عند الباب ما ابتعد و يمثل البراءة : صبحهم بالخيـــر.. اخوانة كانوا ورى وقفوا يناظرونة..؟!! وليد قرب من ابوه وباس راسة.. ابو سعود وهو يحضنة و يربت على ظهرة : حي الله هالطلة.. وليد مبتسم و يناظر غازي : الله يحييك و يبقيك.. (ابتعد عن ابوه وهو يناظر بغازي) لا تبدأ بالتهزيء خلنا نتفاهم.. لا تسرع بالحكم.. غازي وهو يكبت انفعالة : طيب يا وليد.. ماشي.. مشعل حضن وليد : يا كلب خوفتنا.. وليد يشد عليه : بالعكس مسوي لكم اكشن الله يعافيني بس و يخليني لكم.. مشعل ابتعد عنه : جرب و كرر ذا الحركة.. وليد : ما انتم مضيفيني..؟! غازي يحك لحيتة القصيرة بقوة : ويش دراك اننا هنا..؟! وليد : ما احنا بالمكتب و انا باجازة يومين لا تكلمني بالشغل رجاءاً.. غازي : ومين معطيك اجازة..؟! وليد بحط يدة على صدرة بفخر : انا الله يطول بعمرك عطيت نفسي.. رايح روما يا اخي كيفي.. ابو سعود مبتسم : شكلك ما عرفت مين تختار يا ابو شوق.. غازي : مو شكلي الا انصكيت براسي.. انا ما ادري ويش شايف فيك.. وليد : ذكائي و طيبتي و فطنتي و دهائي و سرعة بديهتي و ايش بعد وتصرفاتي الحكيمة.. راشد يستهزء : ماشاء الله كل هاذي فيك..؟! عزة الله ما عرفناك.. وليد : هاه شفت حتى رجالك بيغلطون علي.. ترى كذا كذا.. اللي تبونة معاي.. غازي : تراني معطيك وجه.. لا افقع لك وجهك الحين.. و انسيك اسمك.. وليد : اكيد تقصد الاسم اللي عطيتني.. لا نتهاوش انا و انت و الله ماهي حلوة بحقك و حقي.. بيقولون الفريق غازي يتهاوش مع وليد الخقة غيران من جمالة.. بعيد عنهم بمسافة وقبل هالوقت بدقيقتين .. سعود و بندر.. بندر : بتفهمني ان ما فيك شيء ابد ابد.؟! سعود : صدقني ما فيه شيء لو فيه كنت تكلمت.. بندر : سعود ادري انك تعاني من ضغوط عشانك الكبير.. بس عندك اخوان وماشاء الله كلهم كبار و ينشد فيهم الظهر.. مع شغلك بتنضغط زيادة.. خذ لك فترة تريح و غير جو اخطب رسمي و ملك على البنية.. و الا انت (رفع حاجبة) متهاوش مع غازي..؟! سعود عقد حواجبة : ايـــش..؟! بندر : تصرفك ماهو طبيعي.. ما تكلمة خير شر.. و حتى لا صار شيء دايم رجالة معاه و انت ما تكلمة حتى و لا تسألة ان كان يبي منك شيء..؟! سعود حط يدية بجيوب بنطلونة الأسود : مأخذ اجازة.. بندر : اجازة..؟! حتى لو هذا ما يمنع تشوفة اذا قصر عليه شيء.. تراني اعرفك و اعرف طبوعك.. هاذي ماهي عوايدك.. انت و إياه بينكم شيء.. و بصراحة ماهو بس انا اللي لاحظت.. حتى ابوك و اخوانك.. لا يكون بخصوص خطبتك من بنتة..؟! سعود : انتم توهمون.. و خطبتي من بنتة لا تدخلونها بكل شيء.. ماهو عشانة رئيسي حطيتوا بنتة بالنص بيننا.. علاقتي فيه كا رئيس غير عن انه يكون اب للي بتصير زوجتي اذا ربي كتب.. بندر : يعني بتفهمني ان كل الموضوع اجازة و بس..؟! سعود وهو يناظر السيارة اللي دخلت و ازعجت العالم و يصرف الموضوع : شوف بس مين جاينا و مزعجنا.. (لكن عيونة اتسعت لما شاف وليد) : وليد و الا يتهيأ لي.. بندر يضيق عيونة : الا هو.. الكلب جاء و لا قال لنا نجيه بالمطار.. يالله ريح عشان ما نطق مشوار.. سعود يمشي عن بندر : بشــوفة.. بندر يمشي بخطوات توازي سعود : لا تصرف تراني ماني بأهبل.. سعود وهو يسرع بخطواتة عشان يتأكد ان اللي شافة وليد : ما اصرفك يا عم.. لو فيه شيء صدقني كان قلت لكم.. اما وليد جالس و مبسط مع الجماعة و لا كأنه جالس يرفع ضغط احد فيهم.. ما كان غازي بس اللي معصب لكنه كان اشدهم حتى رجالة معصبين.. : السلام عليكم.. ما كانوا سعود و بندر لحالهم اللي القوا السلام كان معاهم نايف اللي صحى من النوم توه شمسة عالية.. لكن انتبه اول ما شاف سعود يحضن وليد : وليــــد.!!!!! فيصل : ويش بلاكم انتم كنكم اول مره تشوفونة..؟! نايف نقل نظراتة للفريق غازي اللي العصبية تشع من عيونة حاط رجلة اليمين على اليسار بس رافعها يعني مثل المتربع ع الكرسي بس رجلة وحده بالأرض .. و عزام و عساف و راشد ساكتين.. بندر يشد على وليد : زين اللي ما قلت تعالوا لي المطار.. ريحتنا.. وليد : مالت عليك من عم.. ما سمعت عمي مشاري ويش قال شوي ويذبح لي ذبيحة.. بندر يجلس جنب مشاري : ليش كلنا نقولك نفس الحكي خل يكون عندك تنويعة ما أنت اول واحد تسافر هذا و انت مسافر اسبوع يعني اننا نجيبك من المطار تخب عليك و بقوة.. مشاري : مسفل بالرجال ليش..؟! عاد ياليتك قلت له الحمدلله على السلامة.. بندر : ماشاء الله لقطتها انا ما انتبهت قلت له و الا ما قلت.. شغل رجال القانون.. راكان : اذكر الله لا تصك اخوي بعين.. بندر : على امرك عمي.. لا اله الا الله.. ارتحت.. وقف يوسف : عن اذنكم.. عامر : على وين..؟! يوسف : بتمشى شوي.. عامر : بتمشى و الا بتخمد..؟! يوسف : يعني تعرف يبه ليش تسألني.. وقبل لا تحلف نعسااان.. و العالم(آشر عليهم) راعين مكان ما يحتاج نباشر عليهم.. عبدالله : كفوو.. ليش السالفة مباشرة وبس.. ليش اصلاص تنام..!؟ ناصر : قاعد لين قبل الفجر يلعب اون لاين.. و الصلاة الله العالم فيها.. غازي بحدة وهو يناظر بطرف عينة ليوسف : انطق مكانك و الله ما تنام لين يأذن العشا.. يوسف اتسعت عيونة : ويـــش..؟! غازي : خلني اشوفك مغمض عيونك و تحمل ما يجيك.. يوسف جلس بقهر : ما انت مداوم..؟! غازي : لا قاعد على قلبك.. و بعد شوي بروح اسوي رياضة و بتجي معاي.. يوسف : لا عاد.. حيلي مهدود اصلاً.. عمي رجاءاً ما احب ذا الإسلوب.. عامر ببرود : تستاهل تحمل ما يجيك.. لا ترحمة يا غازي.. غازي : الحمدلله جات من ابوك.. و الله لأوريك شلون تترك استهتارك انت وبعض الناس.. كان يدري وليد انه يقصدة.. لكنه ما علق و مسوي نفسة غبي ما فهم.. يوسف : أي استهتار .. استهدي بالله.. اذا احد مكدر خاطرك نعاونك عليه.. بس لا تحطها فيني.. غازي : عاد بتجي براسك انت و غيرك..(ناظر محمد) تراك معاه.. محمد فزع : ويش اللي معاه.. لا تكفى جربت رياضتك مره ربع ساعة ونمت بعدها اسبوع من التعب.. غازي : ماني منتظر موافقتك ماهو بكيفك بتجي و غصباً عنك انت و اياه.. و لا تحسبون اذا طلعنا من هنا يعني الموضوع انتهى.. بتجوني تدربون بالمركز كل يوم.. يوسف و وليد عيونهم بتطلع من مكانها من الكلام اللي يسمعونة يعرفون عمهم ما يرحم.. اما ناصر و عبدالله و أبوهم اول من ابتدأ بالضحك على اشكالهم مع الباقين.. محمد يلف بنظرة عليهم : ضحكتهم علينا..؟! خلنا نتفاهم يا ابو شوق.. و الله ان الموضوع ماهو سهل.. احنا ما لنا بالعسكرية و لا ذا الأشياء.. رياضة حدنا هه هه مشي.. غازي يلف بسبابتة على المركى من غير لا يناظرهم : لا اجل بتكسر عظامك معاي ان شاء الله.. ابو عمر : بالهون عليهم يا غازي.. توهم صغار على سهرة بتسوي كل ذا.. غازي : لا راكمتها بقلبي وحدة على وحدة.. و الحمدلله ابوهم موافق.. يوم كنت اقولة عيالك هذولي تدلعوا يقول خلهم يعيشون حياتهم هالفترة.. يوسف : ما انتهت الفترة طيب.. غازي : انت بالذات ما راح ارحمك.. كم لك مخالفة بالمرور..!؟! يوسف بله في وجه عمه : هاه.. غازي : هواااه.. تحسب اني ما دريت انك محجوز يومين..؟! عامر عدل جلستة يناظر يوسف اللي جالس بنفس الجهة اللي هو جالس فيها : أي حجز..؟! غازي : كاذب على الكل يقولهم طالع استراحة يومين مع اخوياي.. يوسف عرف انه طاح وما احد سمى عليه.. دام عمه عرف بالمخالفات بيأكلة التبن.. عبدالله : أي حجز اللي يوم صدمت بالرصيف وما عندك فلوس تدفع الغرامة.. عامر ببساطة مأخذ الموضوع : ماشاء الله..؟! و نمت بالحجز.. و الله كفوو ما قلت لي عشان ما احبسك سنة.. غازي : اخوه الفالح طلعة.. اقصد اللي تهاوشت مع الشباب و طلبوا ولي امرك طبعاً ما احد درى عنها.. لانك اصلاً ما دقيت على ابوك.. و ما فكرت مين طلعك صح..؟! يوسف يحك جبهتة و هو مستغرب من عصبية عمة.. صح ماهو اول مره يهاوشة بس هالمره اسلوبة غير بالرغم من كذا ما تكلم.. عامر : أي هوشة..؟! غازي لا تكلم بالألغاز..؟! غازي : السيد متهاوش هو والقش اللي معاه مع شباب و انحجزوا كلهم.. (ناظر يوسف) لما سألك المحقق عمك غازي بن حمدان قلت له لا ليش..؟! يوسف : عشان ذا اللحظة يوم تدري.. و الله يا عم ما ترحم احد.. غازي : طيب انا اوريك كيف ما ارحمك.. انت و اخوك.. محمد : انا ويش دخلني بكل السالفة..؟! حطيتوني فيها غصب..؟! غازي : و الله انا ابي ادبكم الإثنين على طريقتي.. و اولها راح اسحب منكم السيارات و الرخص و الجواز.. وخل واحد فيكم يعتب لمكان من غير لا يأخذ اذني.. محمد منقهر من اسلوب عمة : لا عمي ويش هالحكي.. ليش بنات احنا..؟! غازي : جعفر يوديكم وين ما تبون.. غير هالحكي ما عندي.. متى ما شفتكم استرجلتوا حزتها افكر.. ما كان غبي عشان يعرف ان كل التهديدات له جزء منها.. و استغرب ان غازي ما دمجة معاهم.. بس يمكن عشان ما يتهاوشون قدام الكل.. لأن عيال اخوة ما ردوا عليه.. بالعكس محترمينة و ساكتين عنه.. لكن راح كل استغرابة لما ناظرة غازي و نطق : طبعاً انت قبلهم.. وليد رفع رجولة و تربع على الكرسي : اذا تدريب انا اتدرب ما تفرق معاي الحمدلله.. و اذا على سيارتي اعتقد تعرف انك ما تقدر تأخذها.. و رخصتي اصلاً من زمان عندك.. و اذا على سالفة السفر ما عاد الا هي.. ما انت والي علي عشان اخذ شورك.. غازي : لا تحسب انها صعبة علي منعك ما تعتب الحدود.. ان بغيت منك شيء لو ما سويتة برضاك بجبرك عليه.. وليد : ماني واحد من عيال اخوك عشان اسمع كلامك و انطم.. انا غيــر استوعب هالشيء انا غيـــر عن كل اللي تعرفهم.. غازي بهدوء : بنشوف مين فينا كلمتة بتمشي.. ولو ماهي بالطيب بالقوة.. وليد : و الله اذا بتستخدم صلاحياتك اكيد بتكسب انت.. لا تستقوي علي بمنصبك.. ترى تعلمت منك انت و رجالك اشياء فوق ما تتخيل.. عدا عنهم (يقصد العصابة) باسبوع بس عرفت اشياء حفيتوا وراها سنين ما دليتوا دربها.. غازي و فنجان قهوة بيد يضغط عليه.. ولما قال هالكلام وليد رش القهوة عليه و كانت دافية مو حارة و لا باردة.. ما كان وليد الوحيد اللي انصدم من الحركة اللي سواها غازي.. الكل..!! لكن الأغلبية ما يعرفون ان وليد موظف عند غازي.. و غازي كملها لما رمى الفنجان على الأرض وانكسر ثم سحب وليد من كتوفة و وقفة و بحدة : لا تختبر صبري عليك.. طولت بالي عليك واجد.. وليد مد يدة بيعطي غازي بوكس على بطنة.. لكن غازي اسرع منه و سحب يده ولفها ورى ظهرة وضغط عليه و صار ظهر وليد على صدر غازص و مثل ما سوا مع مشعل سوا مع وليد شده له و يده اليمين شادة على يد وليد ورى ظهرة بقوة و ذراعة اليسار تشد على رقبة وليد.. نطق من بين أسنانة : شكلك نسيت مين دربك.. وليد انقهـــر وجهة حمر من العصبية : شكلك نسيت انا مين يا ولد حمدان.. تحسب كل الناس يخافون منك و يرضخون لكلمتك.. مهما سويت فيني اللي ما اقتنع فيه ما اسوية.. ماني واحد من رجالك ما يناقشك باللي تقولة و لاني واحد من عيال اخوانك ينطم و يمشي على اوامرك.. ( شدة رجلة على قدام ورفس ركبة غازي بقوة و فلتة غازي.. وهو قدم بخطواتة و وقف فيس تو فيس لغازي) وتكلمة بحدة : انا وليد بن ابراهيم.. سعود وقف يبي يهدي الموضوع : وليـــــد.. لكن غازي عصـــب وما هو وقت يحسب حساب شيء صبر على وليد كثير و منقهر من استهتارة اللي جايبة هنا.. تقدم ضربة بقبضة يدة على وجة وليد .. وليد ضل فتر يبي يستوعب لكن غازي كمل ما انتظرة لين يستوعب و اعطاة بوكس تحت صدرة.. وقتها وليد انفجر.. بدنياً غازي اقوى من وليد بكثير.. غازي جسم رياضي من سنين مو من كم شهر مثل وليد.. يعني القوى غير متكافئة ابداً بالرغم من ذلك وليد حط كل قوتة ومثل ما غازي يعلم عليه هو يبي يعلم عليه.. لكن في اغلب ضرباتة تصداها غازي بفطنة و سرعة بديهة على عكس وليد اللي تلقى كل ضربات غازي على جسدة.. وقف بندر قريب منهم يبيهم يهدون : استهدي بالله يا غازي.. ويش الهبال اللي انتم فيه..؟! ياسر و مشعل وقفوا بيفزعون مع اخوهم.. لكن حدة صوت ابوهم وقفت : على وين..؟! مشعل باستغراب من هدوء ابوه : يبه ما تشوفهم يتهاشون.. ابو سعود : مالكم دخل.. خلوهم يتذابحون.. ياسر : يبه ما تأثر هو .. و وليد تكفخ.. ابو سعود : ماهو ذابحة.. خله يتحمل مسؤولية اخطائة.. مشاري : أي مسؤولية اخطائة.. ليش شايفهم كيف يتذابحون عادي عندك هذا تحمل المسؤولية..؟! ابو سعود : قلت لكم ماهو ذابحة.. خله يأخذ له كفين ويش وراه.. راكان وهو يناظر الهوشة بهدوء و مكتف يدينة : اشك انك ابوه.. و الا جابك عرق تخلى عن عيالك.. طنشة ابراهيم و لا رد عليه وهو يراقب بندر يهديهم لكن و لا احد في الاثنين معطيه وجه لا غازي و لا وليد.. ابو عساف : ابراهيم تصرف يا اخوي قاعد و تفرج عليهم..؟! ابراهيم : غازي معتبر وليد مثل ولده.. خل الأب يربي ولده ما علينا منهم.. عامر مبتسم : هو صادق لو يكفخ ذا الاثنين معاه بكون شاكر له.. يوسف و محمد اللي كانوا يتابعون الهوشة بصدمة اول مره يتهاوش عمهم مع احد بهالشكل قدامهم يعني العادة هوشات حكي و صراخ ما توصل لحد التكفيخ .. اتسعت عيونهم من حكي ابوهم.. يوسف يناظر ابوه : عايفنا الا و الله عايفنا.. اذا ما تبيني امي تبيني ترى.. عامر : اعقـــب خلك عشان تربى من جديد .. اجل متهاوش مع الدشيــر.. يوسف : يعني كل واحد يتهاوش داشر هذا اخوك يتهاوش يعني داشر.. عبدالله بصوت حازم : يوووسف الزم حدودك.. يوسف : ياخي لا تظلموني قبل لا تعرفون .. يمكن ان معاي حق.. ناصر : صح بدليل انك ما علمت احد.. لكن ربي وقعك بشر اعمالك و درى عمي غازي.. و احنا اللي دايم نستر عليه.. و كل مره مخالفة جديدة.. وليد جالس على ركبة و يدة اليمين تضغط على كتفة اليسار و يصر على أسنانة من الألم وصدرة يرتفع و ينخفض : الله يكسر عظامي كان سكت لك.. غازي وهو يضرب كفوفة ببعض و ما كأن جاه شيء : كان فيك حيل ترى عادي نكمل.. بندر جلس جنب وليد : ما هقيتها منك يا غازي.. ويش اللي تكفخة ما صار شيء يسوى.. هذا و احنا كلنا فيه.. غازي : شيء ما تدري عنه يا بندر لا تفتي فيه.. اسألة سوى شيء يسوى و الا ما سوى.. وليد وهو ما زال يضغط على كتفة بقوة و يتحمل الألم : راح اوريك اللي يسوى بجد.. و الله ما عرفت من هو وليد.. غازي : لا تهدد بالحكي.. قوم وريني اللي عندك.. وليد اشتدت عصبيتة من القهر و وقف و رفس غازي على بطنة بقوة .. غازي كان يدري انه يستفزة.. و وصلها مع وليد للأخير.. ولازم يمتص غضبة لان الهوشة صارت قدام الكل و وليد خسر.. عشان كذا مثل انه ما انتبة لوليد وخلاة يرفسة لكنها كانت أقوى مما توقع و تراجع ورى منثني على قدام و يضغط على بطنة غمض عين و فتح عين : لا بالله فيك حيل للحين.. وليد ما انتظر رجع بيرفس غازي من جديد لكن غازي رفع ركبتة عشان تضرب رجل وليد فيها و سحبة بقوة و كرر نفس مسكتة اول و صار هو المتحكم بولــيد ويشد على رقبة وليد بذراعة.. وليد يناظر قدام و عيونة تنطق حقد وعصبية على غازي وهو وراه وهمس بأذنة : تراني راحمك.. يدك ما انت قادر تحركها .. يكفي.. وليد ترك كتفة اليسار اللي كان يضغط علية بيدة و ضرب غازي بوكس بكوع يدة لكن غازي مسك يد وليد و ثبتها على بطن وليد : اهجــد.. لا تصير بزر.. وليد : الا بزر.. و الله لأعلمك شلون البزرنة صدق..(يصارخ) اتركني.. غازي عكس وليد تماماً كان هادي : ماني تاركك.. لين تهجد.. انت اللي نرفزتني و لازم تحمل ما يجيك.. وليد يتحرك يبي غازي يفلتة و كتفة توجعة : اتركني ماني رايق لك.. كاسر كتفي و تبيني اهدأ.. غازي : بوديك المستشفى الحين يسون لك اشعة بس اضمن انك هادي.. وليد يصارخ : تقتل القتيل و تمسي بجنازتة .. خلااااص هديـــت اتركـــني.. غازي ببرود : لا ماهي هاذي الهدواة اللي ابيها.. وليد : شوف و الله العظيم اني ممكن اطلع سلاحي و افرغة بنص راسك.. احسن لك اتركني.. غازي ما زال مثبت وليد : لا تحاول اذا بتصارخ و تضل معصب ماني تاركك.. وليد : حركتك هاذي تنرفزني اكثر.. اتركني.. بندر : غازي اتركة.. خلاص.. غازي يهز راسة بنفي هو خير من يعرف وليد بفترة قصيرة و يدري ان تركة بيرجع عليه يبي يضمن ان اللي بصدرة طفى : لا.. خله لين يهدأ.. يوسف وهو يتفرج على المشهد : يارب لا تولي عمي علي.. و الله انه هاه تصلون علي الظهر.. محمد : الظهر بعيد مره.. ندفنك ما يحتاج نصلي عليك.. يوسف يناظر محمد : ترى انت معاي بعد ناوي علينا نية قشراء.. ماجد مبتسم و يناظرهم : عاد صدق شكل عمكم ما يرحم. يوسف : شكله .. الا اكيد ما شفت ويش سوا.. و عادي ما هزتة شعرة.. يحسبنا مثلة.. و الله غير يذبحني بدم بارد.. عامر رمى فنجالة الفاضي على رجل يوسف اللي يتحلطم : اذكر الله لا تنضلة.. يوسف : يبه من جدك جات علي..؟! يا كثر اعدائة يتكلمون عليه يعني بينضر مني.. ناصر : و الله ما ندري.. العين حق.. يوسف : بذكر الله بس اوعدني تحميني منه.. و الله غير يذبحني و لا يسأل علي.. عامر : تعقب.. خله يأدبك انت و اخوك.. محمد منقهر : ليش حاطيني بالنص.. ولدكم يغلط تحملوني الخطأ معاه ليش.. عبدالله : على أساس ما تغلط.. ترى كلنا عارفين المستخبي.. بس ساكتين عنك.. و شكله عمي درى و الا ما نوى عليك من الباب للدريشة.. محمد بحدة : ماعندي شيء مخبية.. كل شيء معلمكم فيه.. ناصر : خلاص بنشوف عمي ليش ضمك معاه.. اذا هو (يقصد يوسف)عنده سجل مخالفات ما احد درى عنه.. بكره نعرف انت ويش عندك..؟! سعد : ابراهيم تصرف .. بتخليهم كذا ولدك منقهر و غازي ماسكة و يقولة اهدأ شلون بيهدأ..؟! ابراهيم : قلت لكم ماني متدخل.. خله يضمة مع عيال اخوة و مشعل معاهم هدية.. مشعل فزع : ويـــش..؟!؟ ابراهيم : ولو بندر بعمرك كنت حطيتة معاكم.. و بعض الناس ناوي عليهم بحول الله.(يناظر راكان).. راكان يضيق عيونة : جربوني وشوفوا ويش بسوي.. تراني بايعها ولاني عاد حساب لأحد.. ابراهيم بحدة : غصباً عنك تعد حسابات.. راكان : لا ماني عاد لأحد و خله يقرب مني و الله اقسم بالله و انا ولد موضي ما احلف بربي عبث اني لأندمكم على اللي يسوية.. مشاري بحزم صارم لأن الوضع ما أعجبة : لا يا ابراهيم.. احنا اصلاً مو عاجبنا اللي يسوية بولدك .. تبي تضم راكان.. رجاءاً الا هالشيء.. ما راح اسمح لأحد فيكم يتدخل بـ راكان.. ابراهيم : يصير خير نتفاهم على راكان بعدين.. يبي لها جلسة.. راكان : لا تحسب اني جالس معاكم هنا يعني راضي عنكم.. لا بس ما ابي اسوي شوشرة و احنا ينقال اننا عيلة و عند ناس غرب.. ابو عمر : خلاص راكان .. ما احد مسوي لك شيء انت بحماية مشار يمين يقدر يسوي لك شيء..؟! عامر يناظر عيالة الاثنين و مشعل : والله خوش عاد غازي يتفضى لكم الله يعينه ساعة باليوم يريبيكم من جديد.. مشعل بحدة يرد على عامر : ما احنا ناقصين تربية.. اذا ما ربيت عيالك شيء راجع لكـ.. ابراهيم : مشــــعل.. مشعل : الحين ما يكفي كل اللي صار لنا بسببهم.. من يوم عرفناهم و احنا من مصيبة لمصيبة.. و الحين يتكلم على تربيتنا.. ابو سعود : انا اللي قلت اضمك معاهم.. هو ماله دخل يتكلم عن عيالة.. مشعل يهز رجولة بقوة .. و يبلع الحكي عشان ابوه : طيب.. السموحة.. مشاري : على أساس غازي ماهو مخطي باللي يسوية.. ما يجي التفاهم بهالشكل.. ليش ناوين تحطون بعيالكم عقد نفسية..؟! عامر : و الدلع ما نفع معاهم.. هاه كم مخالفة عن السيد ما فكر يتكلم عنها.. و متهاوش بعد.. مشاري وهو مكتف يدينة : هذا خطأك.. تعطون عيالكم كل شيء و من غير أي مراقبة و لا توجية.. وما تبونهم يخطون.. تهاوشونهم على اخطاء مراهقة.. ليش مين منا ما اخطى بمراهقتة.. فيصل : عمي معاه حق.. ما ينفع هالاسلوب تسلمونهم غازي و اذا بيعاملهم بهالشكل بتجيهم عقد نفسية.. يوسف يناظر مشاري و فيصل : و الله انكم حليلين هذا العلم الزين.. انا حبيتكم خلاص.. عامر : غازي ماهو جاهل .. ما يعاقب الا ع الغلط.. و لا يبخس بحق احد.. خلهم يمشون تحت شورة كود يسترجلون.. مشعل بقوة وهو يناظر عامر : و الله ان تدخل فيني لا اشتكي عليه.. و اسفل فيه و اتهمة بعد.. مشاري ابتسم وحط يده على كتف مشعل : ما هو متدخل فيك..(يناظر ابراهيم) مشعل عندي.. ما احد له دخل فيه.. ابراهيم يلف فنجان بحركة دائرية و هادي و لا كأن ولده يتهاوش وراه مع غازي : خلاص دامك توليتة خطاه عندك.. مشاري يفرد يده على صدرة : بوجهي ما احد يكلمة.. يوسف يمثل البراءة : ما تبي لك واحد ثاني.. تولى امره.. تراني طيب و حنون و مطيع.. عامر : لا .. لا .. انت مع غازي.. يوسف يضرب كفوفة ببعض : قلت انا اصلاً انت عايفني.. ترى امي تبيني و الله انا ولدها الوحيد.. .. اما غازي و وليد ما زالوا على حالهم غازي مبرد اعصابة و لا كأنه من دقايق معصب على وليد لكنه شخص قادر على انه يتحكم في اعصابة اكثر من أي شخص .. و هذا اللي جالس يسوية بوليد يبي يدربة على كيفة : قلت لك خلني احس انك هديت عشان اترك.. وليد يغمض عيونة بقوة : اشك انك تحس اصلاً .. ويش تبيني اسوي عشان تحس اني هديت.. غازي : أي شيء يخليني اقتنع انك هديت.. وليد لف رقبتة وباس كتف غازي.. ابتسم غازي و حس انه انتصر.. و فلت وليد.. لكن وليد كان اذكي بهاللحظة و عض غازي بقوووة و اعطاة بوكس بيدة السليمة و ابتعد عنه .. و نطق و هو يلقط انفاسة بقوة : عشان تعرف شلون اهدأ.. غازي تفاجأ من حركة وليد.. حط يده على مكان عضة وليد وشاف الدم : ماشي يا وليد.. انتهى الدرس الأول.. بنشوف ويش بتسوي بالدرس الثاني.. وليد يشهر يده بتهديد على بوجة غازي : خل لسانك يجي على لساني لين اسبوع قدام .. و الله لا اتهاوش معاك من جديد.. غازي ابتسم : كانت يومين ويش اللي خلاها اسبوع..!؟ وليد بعناد : صارت اسبوعين كيفي انا حر.. غازي احتدت ملامحة : لا تدخل الشغل بالوسط..؟! وليد : وانا ويش يربطني فيك غير الشغل.. غازي : امش معاي نروح المستشفى.. وليد : قلت لك لا تكلمني.. ماني بعازتك.. بندر مسك وليد من ذراعة السليمة: انا بأخذة تعال.. غازي وهو يتجه للجلسة : اللي يريحك.. جلس معاهم و يوسف سكت ممثل انه هادي و راضي و لا كأنه من اول يحش بعمة.. مشاري : الله يهديك يا غازي ماهو اسلوب ذا.. غازي : انا و وليد لا احد يتدخل بيننا اللي بيني و بينه ما احد يعرفة.. (ناظر سعود) رافقهم بيروحون المستشفى.. سعود يناظر وليد اللي يركب سيارة عمه بندر و وقف : ان شاء الله.. ابراهيم : شكلك كسرتة.. غازي مبتسم : اغلب الظن.. عقبال اللي في بالي.. يوسف : لا الكيمياء اللي بينك و بين وليد ماهي بيني و بينك .. ما راح نتفاعل مع بعض.. صح ابوي ما يبيني مثل ابو سعود ما يبي ولده.. لكن امي تبيني و خواتي يبوني و جدتي تبيني.. غازي : و انا ابيك.. بربيك على مزاجي.. انت و اخوك و وليد.. محمد بهدوء : عمي ويش اللي تربينا على مزاجك خلاص كبرنا على ذا الأشياء.. بنجلس نتهاوش يعني..؟! غازي : جرب و راددني و شوف ويش بسوي فيك.. كلامي تسمعة و انت ما تشوف الدرب.. يوسف : طيب .. بس هواش و تكفيخ لا.. عظامي ابيها.. ما انت قايم فيني لا كسرتني.. يمدحون اسلوب النقاش اسلوب حضاري و راقي.. غازي : ينفع مع الناس اللي تفهم بالحكي.. لكن اللي ما يفهم بالحكي مثلك ما ينفع الا بالهبد.. يوسف : انا ويش مسوي بحياتي.. عشان كم مخالفة مرورية..؟! ماني اول واحد يقطع اشارات و لا يصدم احد.. بدل ما تسوي لي سلامة اني طالع من الموت.. غازي : لا طلعت من الموت اللي برسلك له حزتها اسوي لك سلامة.. يوسف يرفع يدينة : يا جماعة اللي غلطت عليه يحللني.. ان بودع الحياة.. وما ادري اذا ربي بيكتب لي عمر جديد اشوف الحياة و الا بندفن.. اللي كان مو غريب عليهم اسلوب غازي و يتوقعون منه أي شيء.. هم رجالة.. جالسين و الوضع عادي.. ياما دربهم على أشياء بطريقتة هو.. وسوا مثل اللي يسوية بوليد الحين و اكثر.. بالعكس معتبرينة معطي وليد وجه بزيادة.. و مأخذ راحتة.. الراحة اللي ما قدروا يذوقونها ايام التدريب معاه.. لانهم كانوا تحت امرتة يمشون حتى لو رفضوا يضلون متدربين عنده.. وحتى توظيفهم تم غير عن الطريقة اللي توظف فيها وليد.. نايف مبتسم يسولف مع عزام : كنت انتظر هاللحظة من زمان و مستغرب من الفريق ما سواها.. راشد : ما توقعتة يسويها .. توقعت وليد عنده غير.. عزام : لا يا حبيبي الفريق غازي ما عنده بالشغل يمه ارحميني.. و جية وليد هنا نرفزتة.. و ياما ح تشوف مثل ذا الموقف لين يدرب وليد على اللي يبيه.. و يحترم القوانين و يلتزم فيها.. راشد : اجل مطووولين.. نايف : بالحيــل مطولين اذا وليد بيضل معاند للفريق.. الفريق غازي يناظر نايف : شمسك عالية ما شاء الله..؟! نايف ابتسم : كنت سهران البارح.. الفريق غازي : ويش مسهرك..؟! نايف : عماد طلع و خلى المراقبة لي.. دق علي و قال لي انه طالع ضروري.. عامر : ما تدري وين راح..؟! نايف : لا.. ما قال لي.. بس شكلة كان مستعجل.. غازي يطلع جوالة : عاد ليته يرد على جوالة حضرتة.. يوسف وهو يناظر الأرض : شكلك ناوي ع الكل اليوم.. غازي يناظر يوسف بحدة : نيتي عليك غير ماهي معاهم.. قم البس لك شيء رياضي بتروح معاي لغرفة عماد الرياضية.. يوسف وقف : استودعتك يارب روحي.. مشى و خلاهم.. غازي يناظر محمد : قم ورى اخوك يالله.. محمد : ان شاء الله.. وقف ولحق يوسف.. مشاري : غازي اللي تسويه غلط.. غازي : لا ماهو غلط.. اصبر انت و بتشوف النتيجة.. مشاري : هم ماهم من رجالك عشان تقسى عليهم بهالشكل.. انت عمهم وما هو مطلوب منك اكثر من التوجية.. غازي : لما تشوف واحد منهم له سجل مخالفات تشيب الراس من كثرها وهو مالها الا كم سنة يسوق.. و السيارة عادمها عدام و ابوه مدلعة و كل سنة يشري له سنة جديدة.. و هاذي حتى بوليد نفس الحركة و لا يهمهم شيء.. كل شيء يجيهم بالساهل وين يتربون.. لكن اكرفهم و ربيهم من جديد علمهم ان الحياة ما فيها كل شيء بالساهل عشان يتربون ماهو عشانه موفر لهم كل شيء يطقون الكل بالجدار و لا كن وراهم حد.. خالد : يعني اللي سويتة مع وليد كان هذا سببة..؟! غازي : انا و وليد اللي بيننا شيء ثاني.. ما احد فيكم يعرفة.. ولا تحطونة بالنص.. عيال عامر شيء و وليد شيء ثاني.. لكن كلهم بربيهم بطريقتي.. يزيد : بس كبروا خلاص.. يعني اللي بيربي يربي صغير مو واحد طول بعرض.. غازي : و أنا ما عندي هالشيء.. دامهم حدوني اربيهم كبار بربيهم.. ماني عايز عنهم.. مشاري : بس طريقتك يا غازي.. ما تنفع و الله.. تراهم مراهقين هالأسلوب ما ينفع معاهم ماهم اطفال عشان يخافون منك بالضرب و الهواش.. غازي : ومين قالك بضربهم..؟! فيه الف طريقة للتربية تخليهم يشوفون من الحياة الوجة اللي ما شافوة.. اذا ظلوا كذا و الله ان كل واحد يجيب مصيبة كبر راسة ما احد يغطيها.. راكان : طيب ابوهم عندهم يربيهم.. غازي : عامر..! (ناظر اخوة) ما شد غير على عبدالله و ناصر و عماد و عماد انا كملت عليه.. و يوسف و محمد كل ما قلت له عيالك سوو يقول خلهم يعيشون حياتهم.. بدري على الشقا.. و كل شيء يبونه تحت امرهم من غير أي تعب و لا شقا.. حتى عند الخطأ ما يعاقبهم.. مدلعهم كنهم بنات.. حتى البنات ما عاملهم كذا.. عامر : كبرنا على اننا عاقبهم وهم كبروا على التربية.. غازي : ما احد يكبر على التربية.. انت بس لا تدخل بيني و بينهم.. و لا قالوا لك أي شيء رده علي.. لا توافق من راسك.. عامر ابتسم عاجبة الوضع : كيفك و الله تريحني.. غازي : انا اوريهم ثلاثتهم.. و الله لأخليهم يمشون على الصراط المستقيم.. مشاري : كيفك انا نصحتك.. بكره بتراكض وراء الأطباء النفسيين تعالجهم.. عبدالله : ياما تكفخنا ما راكضوا فينا وراء النفسيين.. لا يا ابوي الدلع معاهم ما ينفع.. مشاري : و الضرب و الهواش و التهميش ما ينفع.. هذولي مراهقين هذا ماهو اسلوب يتعامل الواحد فيه معاهم.. غازي : اللي يسمعك يقول اني بذبحهم بالحياة.. شايف هذولي.. اللي قدامك (آشر على رجالة) انا اللي دربتهم .. ما رحمتهم و اسألهم ويش سويت فيهم.. ما تعقدوا و لا غيره .. الوحيد شفت الوحيد من بين رجالي كلهم ما تعبني.. و بالرغم انه ما تعبني كان هالشيء يستفزني و اكلفة بشيء فوق طاقتة و لا قد ردها عليه هو (آشر عليه) عساف.. و أكثر واحد تعبني فيهم (ضرب على فخذ نايف اللي جالس يسارة) هالشيخ.. نايف ابتسم : و الله بصراحة انت ما قصرت.. عادي تنومني بالمركز ثلاث ايام.. و انقهر اذا طلعت انت و اجبرتني اقعد و تكلفني بشغل ويش كثرة اللي يقهرني اكثر ان رجعت وانا ما خلصت الشغل و اعطيتني تهزيئة.. عزام : ههههههههههههه و الله كانت الحركة توووولع بالكبد.. تخليك تحس انك ما سويت شيء.. عساف : بالعكس تحسسك انك مقصر و تشجعك تتصرف بشكل افضل بالمره الجاية و تقسم الوقت و الشغل بطريقة ممتازة و تنجزة بوقت قياسي و بالشكل المطلوب.. الفريق غازي : ما قلت لكم ما تعبني.. فاهم علي.. راشد : كلنا تعبانك و الله و انت ما قصرت معنا.. غازي : الحمدلله .. (يناظر بجوالة) حضرتة ما طرا له يرد.. (بعدها غير الرقم اتصل على شخص ثاني) السلام عليكم.. سلمان ما شفت عماد البارح اخر الليل او اليوم..!؟.. ما جاء للمكتب..!؟ دق لي على احد من رجالة بالمركز وشوفا ذا جاء لمركزة من البارح للحين.. ماشي.. و سكر الخط.. .. اما الحريم.. فالوضع كان غير بعض النفوس بها شيء حتى لو ما حصل تصادم.. لكن كلهم مجتمعين.. بنات و حريم.. ام عامر : و الله يا خية انها زينة.. نطلع نتقهوى برا.. عماد قال اذا تبون روحوا وراء اجلسوا زي ما تبون بس لا تبعدون.. ام مشاري : اجل الجو ويش زينة لو نطلع ازين.. مريم تناظر بنتها : نهى فيك شيء..؟! من صحيت الفجر و انتِ هاذي حالتك ما غيرتي مكانك و تهزين رجولك.. نهى بحدة : بدري بالحيل كان ما نشدتي..!؟ مريم عقدت حواجبها : خيــر..؟! طنشت نهى و صدت بوجهها من غير لا ترد على امها.. ام عبدالرحمن : انتِ ويش بلاك كن ابليس راكبك..؟! تدخلت هنادي اللي كانت واقفة قريب بس ما يشوفونها : نهــى!! نهى التفت لها و فزت : رد..؟! هنادي كانت تبيها تجي عشان ما احد يدري و يتوتر : تعالي.. نهى بحدة : رد و الا لا..؟! هنادي قربت منها و همست : لا تخلينهم يحسون شوي وبيرد عماد ان شاء الله.. نهى بحدة قوية و صوت الكل سمعة : متى حضرتة من البارح الساعة اثنين و حضرتة ما يرد علينا.. ام ندى : ايش مين اللي ما يرد عليكم..؟! نهى : الزفت عماد مأخذ وعد و للحين ما طمنا عليها.. ام ناصر : ليش مأخذها..؟! هنادي : ان شاء الله مو شيء يخوف.. ننتظرة يطمنا.. مريم قدمت بجلستها : ليش مأخذها طيب..؟! نهى : جاها نزيف.. و حضرتك ما تدرين عن بنتك.. عادي يصير فيها أي شيء .. اهم حاجة راحتك و حياتك ما يقلقها شيء.. ام عبدالرحمن طنشت كل كلام نهى : ويش اللي جاها نزيف ليش..؟! أثير : لا تكون شايلة شيء ثقيل او طاحت..؟! نهى : لا.. لكن ماشاء الله الناس ما قصرت فيها.. الله لا يسـ ــ ـ ـ (قطعت كلمتها وهي تضغط على خصرها بقوة) استغفر الله.. ام سعود : ليش ما حكيتوا من اول.. هنادي : ما نبي نقلقكم.. و عماد ما يرد علينا حتى نتطمن.. كنا نبي نشوف الوضع و نقولكم.. جود : يعني ايش..؟! البيبي طاح..؟! و الله وعد يزر عقلها.. ندى : فاولينا خير بعيد الشر عنهم.. نهى ناظرت ندى و ما علقت.. ما راح تهاوش مع خواتها قدام الكل.. اما امها عادي.. وجودها و عدمها واحد.. مريم : هنادي جربي دقي عليه من جديد.. هنادي : و الله دقيت يا عمه.. معلقة عليه بس اتصل ولا يرد.. مريم : كلمي ابوك و الا عمك يشوفون وينه.. خليه يطمنا.. نهى تكت ع الجدار بظهرها : مره خايفة على بنتك.. بسم الله عليك.. مريم : نهــى..؟! نهى : هذا الصدق.. ليش يعني تبيني اكذب.. على فكرة ترى وعد للحين ما تعرف ملامحك.. ولو تشوفك برا مع ناس ما تعرف انتِ أي وحده فيهم.. ياللي تتسمين امها.. ام عبدالرحمن : ادحري الشيطان يا نهى.. نهى : الشيطان ما دحرتة يوم طلبت الطلاق من ابوي.. و لا دحرتة يوم تركتنا.. صار الشيطان الحين فيني.. عهود : الله من الفراغة اذا بتتكلمين عن مواضيع اندفنت من سنين.. نهى وقفت عدل و آشرت على عهود بتهديد : انتِ ما كلمتك لا تدخلين نفسك بالنص.. ماني ناقصتك و الا اقسم بالله العظيم لا احط حرتي كلها فيك.. عهود عقدت حواجبها : تصدقين عاد خفت منك بالحيــل.. ام عبدالله : عهوود.. خلااااص.. ام ندى : نهى اجلسي .. توترك ماهو نافعك و لا نافع اختك.. ما انهت كلمتها نوال الا وعد داخلة بتعب و نحيب.. و صوت عماد وراها : هنــــادي.. نهى جرت لها.. و ارتمت وعد بحضن الشقيقة الوحيدة.. و انطلقت في صياح و تشد على نهى بقوة.. وهمست بصوت مبحوح من البكي : راح.. انتظرتة و راح.. هنادي وقفت على الباب وعيونة تناظر وعد .. وعماد برا : ايش فيه.. عماد : انتبهوا لها لازم ترتاح اعطيها المسكنات و المهدئ عشان تنام.. هنادي : و البيبي ..؟! عماد بثبات وصوت خالي من أي تعبير : عليه العوض.. هنادي شهقت كان لازم تفهم من صياح وعد انها فقدت البيبي ناظرت بعماد : حبيبي لا تزعل الله بيعوضكم توكم ببداية حياتكم.. عماد : ادخلي.. و انتبهي لها.. انتِ دكتورة و تفهمين بذا المواضيع.. هنادي : لا تشيل هم.. بحطها بعيوني.. ام عبدالرحمن : ويش بلاك تصيحين.. وعيـــد.. ام ندى و مريم وقفوا جنبهم.. وحده ممكن يتقبلونها و يتقبلون منها أي شيء ربطها فيهم تربية و امومة .. وثانية ربطها فيهم دم ولحم.. تسع شهور في البطن.. لكن ما يتقبلون منها شيء.. ام ندى : بسم الله عليك وعد ويش صار لك..؟! هنادي واقفة قريب منهم : طاح البيبي.. سكتوا للحظة يستوعبون الكلمة.. لكنها مو شيء غريب.. أي مرأة بالدنيا حامل معرضة لأنها تسقط حملها اذا ربي ما تممة لها.. مدت يدها مريم عشان تهدي بنتها : لا تزعلين ربي بيعوضكم.. وعد شدت على نهى و رجعت نهى خطوة ورى عشان راس وعد اللي على كتفها يبعد عن لمسة المفروض تحس فيها وعد من سنين.. مو يوم صار عمرها 23 سنة و تواسيها على فقد ضنا.. ومين يواسيها انسانة ما قدرت ايش يعني ضنا و طفل.. انسانة ربي عطاها و تخلت عنهم.. كيف بتحس ببنتها اللي طاح بيبي في حشاها صار لها شهرين و شوي و تعودت عليه.. و انتظرتة و تعد الأيام عشان تشوفة و تشيلة بين يديها و تحطة بحضنها.. شهقت وعد بألم نفسي و جسدي.. تخطى طاقتها ما حست بالانتماء الا لها.. لـ نهى.. يمكن خلافها مع ابوها خلاها تحس بالبعد من كل اخواتها.. و امها ما كانت قريبة منها في يوم عشان تحس الحين بوجودها.. ام عامر : اذكري الله يا بنيتي.. الله بيرزقك بغيرة.. ما انتِ بأول مره يطيح اللي في بطنها.. ام عبدالرحمن : استهدي بالله.. الصياح ماهو نافعك و لا راد اللي ببطنك.. الحريم يفقدن لهن عيال عاشوا معاهم عمر.. الله اخذة منك الحين قبل لا تعودين عليه و تحطينه بحضنك.. ويش تقول المره اللي عاشت مع ولدها و فقدتة..؟! نهى همست : وعــد تكفين لا تبكين.. خلاص.. ربي ما تممة لك هو اللي يدبر لك امورك باللي فيه خير لك.. ام ناصر : الحمدلله على كل حال.. اكيد ان عماد متضايق.. ام عامر : ما به شيء يضايق.. مير النفوس تبي الضنا.. و ربي ما كتبة .. يتعوذون من ابليس هو اللي مضايقهم.. الله بيرزقهم ان شاء الله بالضنا الصالح.. ام ندى مدت يدها لكتفة وعد تضغط عليها و تواسيها : بس يا امي.. قولي الحمدلله.. شوفي مصيبة غيرك تهون عليك مصيبتك.. شفتي اللي صار لي.. فقدت كم ضنا و ظل قلبي معلق بواحدن قالوا لي انه مات.. 28 سنة ما اعرف ارضة من سماة و يحسبون ان فيني بلى.. لو اني ادري بس انه تحت الأرض على الأقل ربي ارحم فيه مني.. لكن قلبي كان يحس فيه.. قولي الحمدلله.. و ربي بيعوضك بضنا غيره.. تملين حضنك فيه.. رفعت وعد راسها عشان تقابل امها.. امها اللي ربتها و فتحت لها حضنها.. وجهها احمر : بس انا كنت انتظرة.. ابيه.. حسبت الأيام عشان اشوفة.. نوال يدينها على كتف وعد : انك تفقدينة و ما نفخت فيه الروح للحين.. ارحم من انك تفقدينة وهو عاش بحضنك لو هو يوم.. والا ساعة.. ربي لطف فيك.. و رحم ضعفك.. احتوت نوال وعد.. و وعد اظهرت ضعف من زمان كان داخلها.. ضعف راكمتة موقف على موقف.. لين انفجر بأخر مواقفها و ما وقفت صياح.. وعد ما كانت تبكي قدام احد.. الآن ما عاد يهمها.. ويش جاب لها الكبت و التعب النفسي غير فقد الضنا.. ويش جاب لها غير انها سكتت عن حق هو لها.. ارتحت بحضن نوال و هي تشهق بنحيب ليس فقد طفل فقط.. لكن فقد كل شيء كان له من زمن قيمة.. او كانت هي بالنسبة له شيء و صارت ولا شيء.. بكت شرف ما قصر عماد بطعنة.. بكت حبيب راح من سنين وهي السبب في روحتة حتى لو هي مقتنعة ما يمنع ان قلبها يعذبها بين حين و حين.. بكت اب ما وقف معاها ضد بنتة و كانها هي افضل منها.. بكت ام مهمتها بحياتها انتهت لما ولدتها.. بكت و هي تذكر كل موقف مر عليها و ضايقها.. هنادي : عماد يقول اعطوها المسكنات و المهدئ.. افضل نعطيها الحين عشان تنام و ترتاح.. .. برا اول ما نزل وعد جلس على الدرج.. كان يشوفهم جالسين و كأن بينهم نقاش حاد.. لكنه ماله خلق يكلمهم.. جالس ومطلع جوالة و حاط يده عليه و كأنه يطقطق عشان يحسبون عنده شيء.. وماهو جالس كذا.. لكن صوت قاطعة .. : جالس تمثل عليهم تراك مكشوف.. التفت ليوسف : انقلع عني ترى و الله واصلة معي لا تخليها تجي فيك.. يوسف : ما ادري مين داعي علي.. انت و عمك ناوين تحطون حرتكم فيني.. هذاك معصب من وليدوة و يبيها فيني و انت شكل المدام مزعلتك.. كل كلام يوسف مر على عماد و لا كأنه سمعة حتى اسم وليد ما انتبه له.. يوسف جلس جنب عماد و حط يده على فخذ عماد : اسمع يا اخوي.. أنا اخوك الصغير.. و الواجب على الأخ الكبير انه يحمي اخوه الصغير.. عماد نزل نظارتة الشمسية على عينة وهو يناظر بيوسف اللي يتكلم و لا هامة شيء : اللي بعده.. يوسف هادي : شوف عمك ناوي علي.. و انا اخوك الصغير اخر العنقود.. خلك شقردي مع اخوك.. عماد : ان ما قلت له يكسر لك ظهرك.. بس اصبر.. : يووووسف.. يوسف ناظر عمه و بلع ريقة : يالله انك تسلمني بس هذا اللي ابيه.. هلا.. تقدم غازي لهم .. و يوسف وقف .. غازي : بسرعة الحق اخوك على غرفة الرياضة.. يوسف : ما ينفع اخذ اجازة اليوم.. غازي يحك حاجبة بسبابتة : الا ينفع.. روح ارتاح شكلك تعبان.. يوسف يدري ان عمه يستهبل.. بقي ثانيتين ويتكفخ.. انحاش اول ما حس ان عمه بيتحرك و يمسكة التفت وهو يشوف عمة ماد يده للمكان اللي كان موجود فيه قبل لحظة و اطلق ضحكتة : ههههههههههه يسموني الفار من سرعتي.. غازي : نشوف كيف سرعتك بالتدريب.. و الله لأصير لك قطو.. يوسف : لا انا اسرع بالأشياء اللي ابيها.. غازي بحدة : يوووسف.. يوسف عرف ان عمه عصب : خلاص ريلاكس. بس لا تطول عشان ما امل.. غازي : انقلع بســـرعة عن وجهي.. يوسف مشى بس مو لغرفة التدريب لأبوه رجع للجلسة.. اما غازي التفت على عماد : وين كنت..؟! عماد : مشوار.. غازي : و المشوار ماله اسم.. عماد : الا.. بس ماني رايق احكي فيه.. غازي : لا تستفزني.. مأخذ زوجتك و طالع وين.. احنا نجيبهم عشان نأمن عليهم و أنت حضرتك مطلعها و لا كن وراكم احد.. تردون عليه الشور.. عماد و عيونة تنطق غضب لكن نظارتة حاجز ما تخلي غازي يشوف تعبير عيون عماد : و الله هذا شيء راجع لي.. زوجتي انا وليها ما احد له دخل فيني.. غازي رفع حاجبة : لا يا شيخ..؟! مو على اساس متزاعلين..؟! عماد : عمي ماني فايق .. صاحي من امس الفجر.. وما عندي استعداد اناقشك في شيء.. غازي : مأخذها عشان تهاوش معاها و تكمل اللي ما قلتة لها صح..؟! ياخي انت ما تحس.. خلها لين تولد و سو اللي تبيه ان طلع ماهو ولدك.. عماد يصر على أسنانة : سقطت.. غازي بله في وجه عماد : هاه.. عماد : باليوم اللي تقبلت فيه حملها.. و حسبت لها لما قالت لها ثلاث شهور.. قلت هانت ان شاء الله ست شهور و بيكون عندي ولد.. لما شفت ولد خالد اخوها فز قلبي.. اول مره احس اني زوجتي حامل .. البارح بس اللي تقبلت الموضوع.. البارح اللي بغيتة و ما كنت مفكر حتى اتأكد من أي شيء.. كنت ابيه يكون ولدي حتى لو مو ولدي.. لكن حضرتها سقطت.. غازي حط رجلة جنب رجل عماد على الدرج و الثانية ع الأرض.. استند بذراعة على فخذة وهو مدنق على عماد : يعني تقصد انها متعمدة تنزلة.؟! عماد : الدكتورة تقول نفسيتها سيئة و جسمها ضعيف.. و الحامل بالشهور الأولى تحتاج رعاية.. و تهتم بنفسيتها وما تخلي شيء يكدرها.. و هذا السبب النزيف اللي جاها.. غازي : يعني انت احد الأسباب في انها سقطت.. عماد بحدة : لا ماني احدها.. لو هي واثقة من نفسها ما تعبت نفسيتها.. غازي : واثقة من نفسها..؟! تدري لو الرجال اللي جالسين هناك سمعوا كلامك عن اختهم ما راح يسكتون لك.. ابراهيم مر عليه الموضوع بمزاجة.. و مشاها لك.. قالك كان خليتها بقلبك و لا جرحتها فيها.. لا تغلط الغلط مرتين يا عماد.. البنت حلفت لك ان ما احد لمسها.. عدا ان فيه شيء ثاني يثبت ان الطفل انت ابوه.. عماد : شلون..؟! غازي : كم صار لها حامل..؟! عماد : كانت بادية بالثالث من اسبوع تقريباً.. غازي : يعني يوم حملت بداية رمضان اول حملها.. وين كانت..؟! عماد : عندي.. غازي : اذاً قضى الموضوع.. ماله داعي تشكك بشرف البنية.. عماد : متأكد..!؟ غازي : ما افهم بسوالف الحريم.. لكن انت فكر فيها.. لانها يوم انخطفت كان بنص رمضان.. عماد : يعني ظلمتها..؟! غازي صلب نفسة : قولبها براسك.. و تعرف ان الولد كان ولدك.. عماد : لما انت تعرف ذا السوالف ليش ما علمتني..؟! ماهي كانت عندك اسبوع..؟! غازي : قلت امال وهي نبهتني على ذا الشيء.. الحريم سواليفهن ويش كبرها تبيني اعرفها هذا اللي ناقصني.. انا بروح التدريب.. و انت علم ابوها و بعدها ارتاح.. احتمال يكون عندنا شغل العصر.. مع رجعة السيد وليد..< قال جملتة الأخيرة و اعطى عماد ظهرة بيمشي.. عماد وقف و سـأل عمه : مين رجع..؟! الفريق غازي : وليد.. ولا تسأل شلون عندك الشباب يعلمونك.. اتجه غازي لغرفة عماد الرياضية و عماد اتجه لجلسة الرجال : السلام عليكم.. : وعليكم السلام.. عماد جلس بعد ما حب رووس الكبار منهم و صافح الشباب.. عامر : وين كنت..؟! عماد : اقضي لي مشوار.. وين الشباب..؟! خالد : ما احنا عاجبينك..!؟ عماد : مو القصد.. بس اقصد نايف و راشد و عزام و عساف و سعود.. يعني الأمن.. ناصر : سعود راح مع عمه و أخوه اما الباقين كلهم راحوا غرفة التدريب قبل عمي.. ناوي على يوسف و محمد.. عماد : احسن.. يستاهلون.. عبدالله : ويش بلاك نفسك براس خشمك .. لا يكون بتحطها فيهم عمي ماهو مقصر فيهم.. يكفيهم هو لا تزيدها عليهم.. عماد : لو اني فايق ما قصرتي .. لكني بروح انام لي شوي.. ابو عبدالرحمن : تنام هالحين... يوم صارت الشمس بوسط السماء.. عماد لا شعورياً رفع عيونة يدور الشمس وين مكانها بعدها ناظر ابو عبدالرحمن : ما نمت من امس.. ابو عبدالرحمن : ويش مسهرك.؟! ابليــس..؟! عماد وقف : لا .. كنت بالمستشفى.. (ناظر ابراهيم) وعد جاها نزيف و سقطت.. اعتدل ابو سعود بجلستة من صدمتة بالخبر حط كفة على المركى يستند عليها و كأنه بيقوم : ويــش..؟! عامر : متى صار هالحكي..؟! عماد : أخر الليل.. أحمد : كيفها طيب..؟! عماد : إن شاء الله بخير.. بس تأخذ المهدئ بتنام.. ابو عبدالرحمن : الله يرزقكم بغيره.. عماد : امين.. ابراهيم : طيب ايش السبب.. مو معقول جاها نزيف من الباب للدريشة..؟! عماد : الدكتورة قالت نفسيتها سيئة.. و اول شهور الحمل لازم تكون مرتاحة عشان يثبت الحمل.. احمد : كان متوقع ان حملها ما يتم.. كان يبي لها رعاية على الأقل لين يثبت.. لأن اللي عاشتة اول حملها ماهو شوي.. مشاري : الحمل يتعوض اهم شيء سلامتها هي.. عماد : الحمدلله.. (ناظر جوالة هنادي يتصل بك) ناصر قبل اذان الظهر بعشر دقايق دق علي صحيني.. ناصر : ان شاء الله بس لا تخليه صامت.. عماد يعطيهم ظهرة : عن اذنكم.. (رد على هنادي) الو.. وعليكم السلام.. شلون يعني ماهي راضية..؟! .. طيب شوفي لي الدرب.. انا اتفاهم معاها بس خليهم يطلعون من الغرفة.. اتجه للباب وهو واقف بتعب.. لما شاف ولد خالد امس تمنى يكون عنده ولد.. امس بس اول مره يفرح بحمل وعد و يحس ان روحة تنتظر مولود.. ما كملت فرحتة 24 ساعة الا تتصل عليه و تقوله انها تنزف و راحت فرحتة مع الطفل اللي ما تقبلة بأول الموضوع.. فتحت عهود الباب : حياك.. زوجتك مدللللعة.. كنها اول مره تسقط.. عماد دخل و طنش عهود و لا رد عليها.. عيونة كانت بالأرض.. لمح حريم متلبسين اسود جالسين على يسارة بالصالة لكنه تخطاهم.. و وقف لما تعدا و ما عاد يشوفهم بس ما يدري وعد بأي غرفة : وين..؟! ما جاه من بد الأصوات الا صوتها.. صوتها اللي اخترق جدار قلبة مثل قنبلة فجرت حصونة رفع عيونة .. شافها لابسة عبايتها و واقفة عند باب الغرفة.. ليش هي من بينهم كلهم اللي علمتة عن مكان زوجتة.. ليش واقفة اصلاً هنا..؟! عشان ايش..؟! لكن مو عماد يا انهار.. مو عماد.. تجاهل قلبة و كل جيوش الحنين و مد يده يفتح الباب المردود اللي واقفة عنده .. دخل.. و شاف هنادي و جدتة ام عامر و ام عبدالرحمن و امه.. : السلام عليكم.. : وعليكم السلام.. ام ناصر قربت من ولدها وحطت يدها على كتفة : معوض خير يا ابوي.. عماد صوتة مبحوح جرح يصحى كل ما شافها.. و مشاعر محبوسة ما ماتت و لا انعتق منها.. واقفة وراه.. يحس بوجودها.. قدامة مره على ذمتة و وراة مرة بوسط قلبة : الحمدلله.. ام عبدالرحمن : يا وليدي هديناها مير ماهي راضية تهدأ.. هنادي : حاولت فيها تأخذ المهدئ و رفضت.. ماهي راضية بس تبكي.. عماد يأخذ نفس لازم يتصرف ع اللي قدامة و اللي على ذمتة .. اما اللي طعنت صدرة وهي ساكنة فيه ما راح يلقي لطعونها بال : طيب انا بشوفها.. بس خلونا لحالنا.. كان يبيهم يطلعون كلهم.. عشان يرتاح من شوفة اللي وراه.. يتحاشى وجودها دايم.. مره وحده جلس معاها من تزوجت يوم جاب وعد لبيتهم و انتهت بهوشة كبيرة.. طلعوا كلهم عدا هنادي : عارف كيف العلاج.. عماد : من كل واحد حبة الا المهدئ ثنتين.. هنادي : كويس.. اخليكم.. عماد : اذا اذن الظهر و ما صحيت دقي علي الباب.. هنادي بصدمة : تبي تنام هنا.؟! عماد : ايه ليش..؟! هنادي : بس هاذي غرفة خواتها.. عماد : لين الظهر بس.. يالله فكينا.. هنادي : على راحتك.. طلعت و سكرت الباب.. اما هو اتجه للسرير من الجهة الثانية.. رمى جوالة و مفاتيحة و سلاحة على الكومدينة و انسدح جنبها.. كانت معطيتة وجهها وتصيح .. عماد : الله عطانا و الله اخذ.. (مد يده يمسح على شعرها بهدوء و كل احاسيس قلبة تلعب على وتر هو ما عايفة "انهار") : ربي ما كتب لنا نشيلة و نضمة.. بس ان شاء الله يكتب لنا غيره.. اذا بتجلسين تصيحين وهو عمره 3 شهور كيف تسوي اللي تفقد ولدها كبير.. وعد مدت يدها و بعدت يده عن شعرها بقوة : على اساس انك حاس بفقدة.. انت ما حسيت بوجودة عشان تفقدة.. انت اخر واحد ممكن يطبطب علي.. عماد : اللي فقدتية انا فقدتة.. جلست وعد بقوة : لا ما فقدتة.. انت اصلاً ما حسيت فيه عشان تفقدة.. لا تقرنن نفسك فيني.. انت انسان عديم احساس.. عماد انسدح على ظهرة : الا احس.. بغيتة ولدي.. مير ما جاتني على الكيف.. لا تحسبينها هينة علي.. مثل ماهي صعبة عليك صعبة علي.. لكني ما نسيت ربي وهو رحمنا ولطف فينا.. اخذة منا و احنا ما شفناة ارحم بمليون مره من انه يكون تربينا بينا.. وعد تصيح : الله يأخذك يا كلب.. انت اصلاً ما تبيه.. شكيت بشرفي.. الحين طاب خاطرك.. الحين ارتحت.. يا حمار اكرهك اكرهك.. جلس عماد ساند ظهرة على ظهر السرير و رجولة ممدة : ادري انك شريفة.. من مدة حملك يدل ان الطفل ولدي.. عماد جلست جنبة و صارت تضربة بقهـــر : يا حقيــر يا حثالة.. بعد ما طعنت بشرفي جاي تقولها باردة مبردة.. الله لا يسامحك الله لا يسامحك طعنتني طعنتني.. عماد مسك يدينها و شدها عليه بقوة : اششش.. نفسيتك المدمرة هي السبب بان الطفل طاح.. ويش اللي دمرك اذا على كلامي و انتِ واثقة من نفسك كان حافظتي عليه لين تولدين ما تخلينه يروح كذا بالساهل.. انصدمت من كلامة.. كان ما يبيه.. و الحين يحملها الخطأ.. حط الذنب عليها .. عيونها متسعة تناظر بعيونة خالية من أي تعبير حنون او طيب.. و عيونة الكحيلة زادت نظرتة حدة لها.. اما هي دموعها تنزل و هي تناظر بعيونة : تحملني الذنب..؟! اخليه يروح بالساهل..؟! توك تكلم عن الله اللي يسمعك يقول تعرف ربك.. و انت تظلمني مره ورى مره.. ظلمتني يوم طعنتني.. ظلمتني من قبل يوم كنت محبوسة عندك و شككتني حتى بأهلي.. و طحت بالمستشفى بسبتك.. و انخطفت و انت ما قدرت تسوي لي شيء.. ثم طعنتني.. و اليحن تحملني مسؤولية ان البيبي طاح.. و تقول انا ما حافظت عليه.. انا اصلاً ويش يربطني فيك الا هو.. هو اللي كان مصبرني عليك و اللي كنت ابي اضحي بكل شيء عشانة.. حتى روحي.. انت ويش سويت له..؟! ويش سويت غير انك تنكرت له و عدمت نفسيتي.. انت السبب بكل شيء.. انت السبب انا ما راح اسامحك ما راح اسامحك كل حياتي.. عماد فلت يدها بحدة : لا تسامحيني ما طلبتك تسامحيني.. اقسم بايات الله يا وعد.. هي كلمة وحدة و لا أثنيها .. دلعك و مصاختك هاذي ما ابي اشوفها مره ثانية.. و اللي رفع سبع و بسط سبع.. لو كلمة وحدة تطلع باللي يصير بيني و بينك لأفتري فيك وأسوي فيك شيء عمرك ما راح تتخلينة و لا يخطر على بالك.. بعدت عنها بظهرها ظلت تناظر مصدومة خايفة.. ايه خايفة لأن هوشتها مع ابوها امس حسستها انها بدون سند.. وجودها الحين بمكانه هو بعد اللي قالة فيها خلاها تحس انها ولا شيء هي شيء ما ينعد له حساب.. يهددها و يرمي كل شيء عليها و هو ما كأنه مسوي شيء..؟! هذا اللي نادوه عشان يهديها عشانهم بنفس المركب و فقدوا طفل : تتوقع انك بتقدر علي بالذيب.. عماد رفع حاجبة الأيسر : العبي بكل الأوراق مثل ما تبين.. الا ورقة الطلاق لا تحطينها بوجهي عشان وقتها ما اتصرف معاك بتصرف ثاني.. ونشوف مين ينتصر فينا بالأخير انا و الا انتِ..؟! وعد تصر على أسنانها : تتوقع بقولك لا..؟! انا حياتي ضاعت اصلاً من اليوم اللي ارتبطت فيك.. لكن و الله يا عماد لا اندمك على كل شيء سويتة فيني... و الله لأخليك تعض اصابعك ندم و قهر.. و قول وعد ما قالت.. عماد ابتسم و كأنه منتصر عرف يطلعها من حزنها بتحدي بينه و بينها ماهو خسران شيء.. اهم شيء تتغير نفسيتها و ابعد الطلاق من طريقهم : نشوف .. و الحين تأخذين ادويتك و تنامين لاني بنام و ماني رايق اتحايل عليك.. وعد انسدحت وتلحفت : مالك دخل فيني انا اسوي اللي يريحني.. عماد انسدح على ظهره : كيفك و الله المهم اني انا سويت اللي علي و قلت لم خذي ادويتك ماهي مسؤوليتي لا تعبتي.. وعد اعطتة ظهرها و الدموع ما زالت بعيونها : انطم و نام.. ام عامر : و الله ان ما خطبتها الليلة لا أنت ولدي و لا اعرفك.. غازي اتسعت عيونة مسكها قبل لا تطلع من الغرفة : انتِ تدرين اني ما اسوى شيء بلا رضاك.. و ربي ما وفقني بحياتي و لا بشغلي الا من رضاك.. اذا بتغضبين علي ربي بيغضب علي.. تكفين يا يمه اجلي الموضوع فترة بس.. لين اتفضى له.. ام عامر سحبت يدها من يدة : و الله يا غازي تعرفني ما ارد كلمتي مرتين.. انت بتأجل الموضوع عشان بناتك.. غازي : مو بس بناتي.. عساف يمه.. زينة اروح اخطب خطيبتة..؟! خليني على الأقل اعرف انها ماهي بخاطرة.. زينة اخذ منه مرتة.. تشوفينها زينة بحقي..؟! غازي يأشر لأخوة عامر عشان يتدخل .. عامر وقف جنب امه : اعطية يومين يمه.. لا تحطينة بموقف صعب.. اذا عساف له خاطر ببنت عمه هو اولى فيها.. وقتها ندور لغازي على مره ثانية.. غازي مقهور يحس انهم يلعبون فيه بس انه ساكت عشان رضى امه.. ما يتخيل انها تغضب عليه.. يتوقع ان كل شيء بيصعب عليه و لا راح يسوي أي شيء صح لو غضبت عليه : يومين يمه.. اقنع فيها بناتي و اشوف عساف.. ام عامر : هذاك قلتها يا غازي بعظمة لسانك.. ان ما سمعت وراها خبر خطبتك و الله يا غازي اني لا ازعل عليك و لا يطب لساني على لسانك.. غازي باس راسها : لا الا زعلك و الله لو ما انتِ غالية عندي ما سويتها.. بس عشان خاطرك.. ام عامر : و أنا لو ما أبي لك الزين ما طلبت منك تزوج.. مريتك ما عليها قصور.. مير ابي لك ولد يشيل اسمك.. و يسندك و يسند بناتك.. غازي : الله يقدم اللي فيه الخير.. طلعت ام عامر و غازي التفت على اخوة : بالله تشوفها زينة بحقي.. اخطب خطيبة واحد من رجالي..؟! عامر : اذا الخطبة تفركشت عادي لا هو عيب و لا حرام .. و اذا على ابراهيم انا بكلمة.. غازي : اصبر .. اول شيء بشوف عساف.. عامر : و بناتك..؟! غازي : لو بكيفي ما تزوجت عشان زعلهن.. لكن امي مصرة.. و امي الزم علي.. بكلمهن و اقنعهن.. ما راح اخلي الموضوع كذا.. عامر : تحرك بسرعة معاك يومين.. غازي يصر على اسنانة بقهر : كني ابو 16 سنة عشان انجبر على زواج.. عامر : لا تأخذها من ذا الزاوية.. انت اصلاً ما عندك مانع تتزوج و زوجتك ما عندها مانع.. و اللي رادك بناتك.. غازي : ماني فاضي ازعلهم و اراضيهن الحين..ما راح يتقبلن الموضوع بسهولة.. عامر : شوق و لينا ما ينخاف منهم.. ريما هي اللي ما راح تسكت.. غازي : ومو معقول بخليها زعلانة.. و انا اصلاً ماني فاضي.. يعني خطبة بوقت انا ماني فاضي يعني بالله هذا وضع الواحد يفكر فيه بخطبة..؟! عامر : عاد امي لا نوت شيء تسوية.. لا تحاول تخاذل بتأكلها على راسك.. برا الرجال كلهم مجتمعين.. حتى عماد و وليد.. وليد من رجع المستشفى ما شاف غازي.. عماد : اهم شيء انها ماهي قوية.. وليد بقهر : كسر ويش تبي اقوى من كذا..؟! ناصر يناظر محمد و يوسف.. محمد جالس و مبين عليه التعب.. اما يوسف باقي شبر و راسة يوصل الأرض من التعب و النوم : يوسف ترى بعلم عمي.. يوسف فز يتلفت.. كلهم ضححكوا على شكلة.. ناظرهم منقهر : علمه.. ماشاء الله فيه شدة للحين يهاوش بعد الكرف اللي وكلنا اياه.. محمد : اكلنا طن من التبن.. وهو عادي.. و لا كأنه يسوي رياضة كنه جالس يتقهوى.. يوسف لف على محمد : من جد.. قهرني .. (يفخم صوتة مثل عمة) يوسف ارفع رجلك اكثر.. محمد اسرع ابغاك تجري صاروخ مو سلحفاة.. (رجع لصوتة الطبيعي) عمرك شفت صاروخ يجري..؟! اول مره اسمع فيها منه..؟!! محمد ضرب كفة بكف يوسف و افلتوها ضحك على عمهم.. عبدالله : ماشاء الله فقتوا السالفة فيها حش بخلق الله.. يوسف : ما احد قاله يتعرض لنا.. ابو عمر : بيأخذ من حسناتكم ما انتم مستفيدين شيء.. و بعدين عمكم يبي مصلحتكم.. يوسف : أي مصلحة و الله بس يبي يحط حرتة فينا.. اما رجالة.. (لف على الشباب اللي جالسين جنب بعض) عادي متعودين.. الا بعض الناس اكلوا لهم كم تهزيئة.. نايف : ههههههههههههههههه لا تدقق ترى بنقفك.. يوسف : ههههههههههههه شلون عمي تنازل و خلاك عميد.. اتوقع يتمنذل عليك وما يعطيك ترقية عشان ما وصلت لدرجة الإتقان اللي هو يبيها.. نايف : اسكت اللي شفتة ذا ولا شيء.. لا دخلت تدريب معاه.. مره دربني على ذا الحركة بالسلاح.. عماد ابتسم : اكيد الحركة اللي تتصدى الرميات اللي ع الراس بميلة بسيطة.. نايف : ايه هي.. اكلتها مرات و مرات منه.. بس عادي تعودت.. يوسف : ما فقع لك وجهك مره..؟! نايف : لا عاد.. شوف يذبحني تجي عليه.. لكن يشوه جمالي لا.. يوسف : ههههههههههههههههه الحين انت جميل..؟! اجل انا ويش اقول..؟! نايف : انت تيــس.. يوسف : تعــقب.. بين كل الأصوات الثقيلة و الخشنة طغى صوتها الناعم عليهم.. تعلقت برقبة ابوها من ورى : بـــابـــا.. خالد مسك ذراعها الصغيرة : ايش فيك.. رند تأشر ع البزارن يلعبون : ابراهيم الدب يدولي لوحي العب مع همس بنت متلت انا ابي العب معاهم.. خالد : وهو صادق.. روحي العبي مع البنية ليش تروحين مع العيال.. بعدت عن ابوها بقهر.. و اتجهت لجدها.. هو اللي بينصرها و بيخلي كلمتها تمشي : جدوو.. ابو سعود ابتسم : وصلتِ و الله غير تلعبين وهم يتفرجون.. يا ابرهيــــم.. فـــــارس.. غازي و عامر : السلام عليكم.. : وعليكم السلام.. جلسوا بأماكنهم.. غازي تجاهل وليد و وليد عادي طنشة.. يكفي هوشتهم الصباح و اللي صار من وراها.. ابراهيم : هلا يبه.. ابو سعود : تنزلون من اللعبة و تخلي اختك تلعب.. فارس جاء ووقف بعد ابراهيم : لا يبه ويش اللي ننزل و هي تلعب.. ابو سعود : عشان المره الثانية ما تزعلونها.. يالله.. فارس : طيب تلعب معانا.. ابراهيم بحدة طفولية تلبست بالرجولة : لا ما تلعب.. كلهم عيال ليش تلعب معاهم.. تروح مع البنات.. ابو سعود : خلاص خلو اللعبة لها.. لا تلعبون فيها.. رند : لا .. انا تلعب معاهم.. ما تلعب لحالي.. ابو سعود يناظرها : عاد مالنا فيك حيلة انتِ و اخوك.. ابراهيم اتجه لأبوه : انا ما ابي العب و لا ابيها تلعب.. أحمد : عمي لا تحجر على اختك كذا.. توها صغيرة حرام.. خلها تلعب.. كلهم صغار.. ابراهيم جلس جنب ابوه و ناظرة : انت ويش رايك عادي..؟! خالد ببساطة : صغيرة.. كلهم صغار صغار مثل ما قال عمك احمد.. ابراهيم : بس كلهم عيال ليش ما تلعب مع همس..؟! رند : همس راحت مع البنات.. انا ما ابيهم.. ابو سعود : خلاص روحي مع فارس خلي ابراهيم يجلس.. رند نقزت على رجلة و باست خدة : احبـــــــــــــــت.. ابو سعود ابتسم : و انا احبك.. راكان : ماشاء الله عارفة وين تروح لا بغت شيء.. ابو عساف : ايه ماشاء الله عارفة تطلب مين.. عامر : هم زينة البيت.. الأب يشد و الجد يرخي.. ابو سعود : لو بخليها على خالد كان ولاها ولدة .. لا خلها عندي ماني عايز اربي بنت جديدة.. ابو عمر : الله يعطيك العافية يا اخوي.. و ان شاء الله تفرح بعيالهم جميع.. ابو سعود : ان شاء الله .. الله كريم.. ابو عبدالرحمن : و الله على ذا الجلسة ما احد من عيالنا بيتزوج.. عامر يناظر غازي و عماد : ان شاء الله يعتقونا.. غازي : عيشوا حياتكم مثل ما تبون بس بذا الحدود.. و شغلكم موظفينكم ويش كثرهم ماشاء الله خلوهم يجيبونة لين هنا.. ابو سعود : لا عاد الا هاذي بس اني ساكت هاليومين.. لكن ان شاء الله من بكره بداوم.. سعود : يبه لا تكفى.. ابو سعود : تكفى انت.. انا اعرف مصلحتي.. عامر : و لا بالعقل بنجلس هنا وننتظر حلالنا يروح.. غازي : حياتكم اهم من الشغل.. وراكم عيال.. بلا عناد تراني ما اقدر على اثنينكم.. يكفي عيالكم.. أبو سعود : عيالي ماهم طالعين.. كاد بعض الناس صاروا عندك و انت تحكمهم مالنا دخل فيهم.. اما الباقين ما احد بيطلع.. أحمد : يبه ما اقدر يكفي مأخذ اجازة يومين.. حاتم : و انا بعد عندي سلسلة عمليات هالإسبوع.. ما اقدر اتركها.. خالد : و انا عندي رحلة لـروما.. من اول وظيفتي ما صار لي سنة اقدم اجازة ولا بالعقل.. مشعل : و انا دراستي ما قدمت قانون عشان اغيب عن محاضراتي.. ياسر : و انا عندي حجوزات لليل اخر ايام الويك اند.. مستحيل ما اروح انجزها.. ابو سعود : انت عندك موظفينك ينجزون الشغل بدالك.. (آشر على مشعل) و انت دراستك عندك عمك يشرح لك ما تبي.. ( أشر على خالد) و انت انا اجيب لك اجازتك من غير شوشرة خلك مع عيالك.. و انتم احمد و حاتم قدموا اجازة فيه مين ينوب عنكم.. احمد : يبه و الله عندي ثلاث عمليات هالاسبوع.. ابو سعود : فيه مين ينوب عنك.. احمد : الله يرضى لي عليك اللي ربي كاتبة ما احد بيردة.. ناس من زمان اتابع حالاتهم اتخلى عنهم يوم عملياتهم.. غازي : لو ما عندك ظروف كان كملت معاهم.. بس روحتك فيها خطر عليك.. و ما عندنا استعداد نخاطر فيكم.. حاتم : رأيكم على عيني و راسي.. بس ما راح اسمع كلامكم.. انا متعود اخذ قراراتي بنفسي.. و دام ماني شايف بداومي أي شيء ما راح اجلس و احط يدي على خدي و اشوف ايامي تعدي و انا متكي هنا.. سعود : حاتم كذا بتعرض حياتك للخطر.. حاتم : انا ماني حاس بالخطر اللي تكلمون عنه.. اصلاً ما احد يعرف اني ولدكم.. وليد بهدوء : عشانك غبي.. كان المفروض تحس بان اللي يتكلمون عنه و اللي مهددنا بالخطر شخص مو سهل ابداً .. و عنده برنت كامل عن كل شخص جالس هنا.. و انت اولهم.. سعود : وليـــد ويش هالحكي.. وليد : و انا صادق.. انت قلبها بمخك حبتين.. اذا انت انسان ما عندك ذمة و وضمير امثالهم و ناوي تضعف عدوك ويش تسوي..؟! تتجه لقرايبة طبعاً و تلوي ذراعة فيهم و تأخذ اللي تبيه.. انا ماني جالس اخوفك و لا احكي لك حكي من ضرب الخيال.. هذا الصدق اللي ما احد مستوعبة.. احنا كلنا بخطر عشان هذولي (آشر على رجال الأمن ابتدأ من غازي من غير لا يناظرهم كانت عيونة على حاتم) هم مهمتهم يحمون البلد.. و اعداء البلد يبون يضعفونهم يروحون يأخذون أهل هالشباب عشان يلهونهم و يقدرون يسوون مخططاتهم.. انت ترضى انك تلهيهم عن حماية الوطن.. عشان تروح لشغلك.. لازم تنازل شوي دام فيه مين ينوب عنك.. و الموضوع ان شاء الله ما يطول.. حاتم : اقولك ما يعرفوني يعني ما تفرق.. وليد : لا ابشرك يعرفونك.. و يعرفون كل صغيرة و كبيرة عنك.. ما يطوفهم شيء يتعلق بأعدائهم.. عساف : خلاص انت عاد.. بقي شوي و تكب العشاء.. وليد : ما قلت شيء.. انا ابسط الموضوع عشان يستوعبون الواحد يبي يحميهم يروحون يعرضون حياتهم للخطر.. انتم حزتها ويش بتسوون تدورن عليهم عشان تلحقون عليهم و لا يصير لهم شيء و الا بتحمون البلد.. نايف ابتسم : يا مقلب القلوب ثبت قلبي على دينك.. مين يسمع حكيك الحين.. ما يقول انت اللي من شهرين بمكتب الفريق غازي.. عزام ضرب على فخذ نايف : هههههههههههه تذكر حركاتة.. حتى تدريب السواقة متدلع فيه.. وليد : كبرت خلاص.. اعوذ بالله ما تنسون.. راشد : الحمدلله يعني ما راح تتعبنا.. وليد : و الله على حسب اللي قدامي منكم.. يعني فيه ناس ما تستاهل و فيه ناس تستاهل.. < ما يقصد الفريق غازي اللي مطنشة و لا هو معطية وجه و لا تحمد له بالسلامة على كتفة.. عماد : طيب علمنا مين اللي ما يستاهل عشان يجلسون معاك .. بدل ما تستنذل علينا.. وليد : لا ما ابيكم كلكم تجلسون معاي.. انا جاي من دورة و تعبان و عندي اجازة اسبوعين ما ابي اشوف اشكالكم حتى بس الشكوى لله.. عماد طارت عيونة : اسبـــوعين..؟!!! وليد : و ممكن تزيد.. يعني على حسب و الله يوم رئيسكم كسر كتفي شكلي بزيدها يمكن اخليها شهر.. الغبي بيفهم ان فيه شي سري بين وليد و غازي و رجالة.. لكن للأن ما جاء ببال أحد فيهم انه يكون ضابط امن سري.. و مشترك معاهم بنفس المهمة.. لكن اكثرهم معرض للخطر.. راكان : عاد شكلك ما يقول تطلع منك حكم.. وليد عقد حواجبة : ليش لهدرجة طايح من عينك..؟! راكان : حاشاك.. بس الشكل ما يأهل.. وليد ناظر شكلة لبسة عادي بنطلون جينز و تيشيرت بدون اكمام و عضلاتة بدت تبرز : ليش ويش فيه شكلي..؟! يزيد : صاير كأنك واحد من هالدشير.. ويش ذا اللبس لا تشوفك امي فاطمة و الا غير تدبغك.. وليد : و الله ما شريت ثياب و اللي بالبيت انحرق.. مشاري استغرب : ويش دراك ان البيت انحرق..؟! وليد استغرب السؤال : مريت على بيتنا و بيتكم لقيت بيتنا محروق و مودع و بيتكم ما احد فيه.. راكان : انت وين كنت مسافر..؟! وليد : امريكا.. راكان : امريكا و اسبوع..؟!! وليد : قلت لكم مأخذ اجازة من الدورة.. فيصل : على أساس انك رايح دورة للفريق غازي (آشر على غازي).. وليد رفع رجولة اليمين على الكرسي و ثناها و اليسار تلامس الأرض : ايش قصدكم اكذب يعني..؟! هذا هو قدامكم اسألوه رايح دورة ارسلني مع مجموعة بس ذكائي و فطنتي و دهائي خلتني اسوي علاقات مع المدرب و اخذ اجازة.. فيصل : ما قلنا انك تكذب.. بس الموضوع ما يخش الراس.. وليد : بشر عساه الحين خش راسك..؟! فيصل : يعني تقدر تقول.. بس ليش تأخذ اجازة على الأقل تفتك من التدريب و تخلص مدة عقوبتك.. وليد : لا عاجبتني العقوبة رايقة لي.. ويش وراي هذا انا مأخذ راحتي.. بذكائي اقدر انهيها و بدهائي اقدر اخلص المدة بطريقتي الخاصة.. كان يدري غازي ان كل الحكي نغز له.. بالرغم من هذا كله ما علق على ولا شيء.. راكان : الله يعينك على نفسك.. مأخذ بنفسك مقلب.. وليد : رجاءاً ما تعرفني لا تحكي عني.. يزيد يناظر عمه بندر : خير عمنا الصغير الكبير ما سمعنا صوتك..؟! راكان : طبعاً انت ما تفرق معاك لانك عاطل.. اول مره اسمع بواحد معاه شهادة من برا و دكتوارة و ما دور له وظيفة.. ما ابغى اقول مو متوظف لكن ما دور له حتى.. بندر : اول شيء بتزوج بعدين اتوظف.. فيصل : الناس تقول اتوظف بعدين اتزوج..؟! بندر : انا عكس الناس.. عشان اكون على الحديدة و اعرف بنت الاوادم اخاف تكون متزوجتني عشان فلوسي بس.. عساف : الله و اكبر يالفلوس اللي عندك.. ابو عبدالرحمن يشرب فنجالة و ينزلة على الأرض .. نطق بصوت حاد و ثابت و كأنه ما يبي احد يقولة لا فيهم .. : يومك ناوي العرس هذا احنا فيها الحين.. نضرب عصفورين بحجر واحد.. ابو عساف : ويش تقصد يبه.. ابو عبدالرحمن : ادري ان هذا ماهو بمكانة و قدركم يا ابو عبدالله و يابو شوق اعلى .. و مقداركم نجيكم بكبار قبيلتنا و جاهتنا معانا.. ابو عبدالله لقطها و هي طايرة خطبة سعود لشوق رسمي .. : افاا يا عمي ما بيننا هالحكي و الله لو يجينا براسة صارت من حقة و لا لنا كلمة من بعدك.. ابو عبدالرحمن : ما تقصر يا ابو عبدالله .. مير انا قلت نغير هالجو و نبسط الأرواح.. و نتمم خطبة ولدنا سعود على بنيتكم.. سعود انصدم.. ما توقع ان الموضوع يخصة.. اعتدل بجلستة.. و عيونة على ابوه.. لكن ابو سعود ما علق على الموضوع.. ابو عبدالله : و احنا عطيناكم اياها.. حليلة لولدكم على سنة الله و رسولة.. ابو عبدالرحمن : الله يرفع مقدارك يا ابو عبدالله.. مير مهرها حددوه و احنا جاهزين من الريال للمليون.. ابو عبدالله : افاا و انا ولد ابوي.. و الله ما نحكي فيه.. انتم عطوها مثل ما ترضون لبناتكم.. ما انتم مبخسين حقها.. ابو سعود : ان كان لها شروط سعود يسمعها.. غازي : شرطها هو شرطي.. دراستها.. ما ابيك تمنعها يا سعود عنها.. سعود حس ان صوتة انبح من الاحراج لكنه طلع ثابت : لك ما تبي.. غازي : اما اذا الوظيفة بعدين هم يتفاهمون عليها ما احد يدري ويش تكون ظروفة.. ابو عبدالله : عين العقل.. ابو عبدالرحمن : بكره يسون تحاليلهم و الخميس الجاي الملكة على خير الله.. ابو سعود : يبه التحاليل.. شلون يروحون بهالظروف.. ابو عبدالله : محلولة.. اخوه يسحب منه دم.. و بنيتنا بنتي تأخذ منها و يوديها سعود لبنك الدم و النتايج ان شاء الله انها بكره بالكثير طالعة.. سعود حس ان وجهة تلون و يحس الكل يشوفة منحرج.. تنحنح عشان يخفي الاحراج.. وليد : مبروووك عقبال ما يخطبون لي.. سعود ابتسم : الله يبارك فيك.. ابو عبدالله : مبروك عليكم ان شاء الله.. ابو سعود : الله يبارك فيك.. ابو عبدالرحمن : مير بقي عصفورنا الثاني ما صدناه.. خطبة سعود لكم علم بها.. وهالمره نبي نخطب بنتك الكبيرة لولدي بندر.. بندر انصدم.. لحظة بالهون.. انا ما وافقت ما عرفت البنية ما عرفت مواصفاتها.. اصبر يبه لا تقحمني يمكن ما تعجبني.. ابو عبدالله ابتسم : له باذن الله .. و يسون تحاليلهم مع سعود و شوق.. بندر بلع ريقة حس انه انحط بموقف لا يحسد عليه.. مو هذا الزواج اللي كان يبيه.. يبي يتعرف عليها اول.. يعني مو يكلمها.. بس يعرف مواصفاتها يسمع من بنات اخوانة عنها.. يخطبها عن قناعة.. هو حتى اسمها ما يذكرة قالت وعد اساميهم بس ما يفتكر .. ويش بتطلع.. غازي بهدوء : بس ترى بنتنا دكتورة.. و وظيفتها مهمة عندها و عندنا.. ابو عبدالرحمن ما علق.. دكتورة..؟!!!! بندر ما كان ازين حالة من سعود .. سعود منحرج.. وهو مصدوم انحط بوسط الموضوع من غير لا يخوض اولة : ما عندي مانع بشغلها.. ابو عبدالله : انا واعدها افتح لها عيادة خاصة اول ما تخلص ماجستير.. لانها ناوية تقدم ان شاء الله.. السنة الجاية.. بندر انقهر مو عشانها دكتورة.. ما يدري ليش حس ان ابوها يقوله مالك دخل في وظيفتها : عيادتها و الله ما يفتحها غيري اذا صارت على ذمتي.. عماد : لا تخاف بتخصص بدكتورة نساء يعني بعيد عن الاختلاط ان شاء الله و العيادة بتكون نسائية بحتة و ممنوع دخول الرجال.. بندر : قلت لكم ما عندي مانع حتى لو بتداوم بالمستشفى.. دامها متربية و هذا اللي نطمح له بنت عالم و ناس و متربية على الدين و الأصول.. ابو عبدالله : على بركة الله باذن الله ملكتكم وحدة مع ولد اخوك.. بندر ولازالت الصدمة عليه : الله يكتب اللي فيه الخير.. ابو عمر : ما عليش بس يا ابو عبدالله بنتك لازم تأخذ شورها.. ابو عبدالله : بأخذ شورها ان شاء الله مانيب جابر بنتي .. بس انا اعرفها ما راح تردني.. ابو عبدالرحمن : الله يرفع مقداركم.. ابو عبدالله : الله يجزاك بالخير.. مير يومك فتحت الموضوع .. احنا بعد لنا عندكم طلب.. .. لا إله إلا أنت سبحانك إني كنت من الظالمين.. لا أحلل نقل الرواية دون ذكر اسمي.. هاشتاق #رواية_لو_سألتي_الورد لا تنسوني من دعواتكم.. ضحكة قهر.. |
رد: لو سألتي الورد وهو ما بين إيدك أقطعك بيقول لك عمري فداك الكاتبة / ضحكة قهر
بسم الله الرحمن الرحيم..
السلام عليكم و رحمة الله و بركاتة.. كل عام و انتم بخير و سعادة يارب.. اليوم بالرغم من نفوسنا ما حست بفرحة العيد.. لكن ما احد ينكر ان هاليوم فيه سعادة ولو بسيطة تلامس الروح لو من شوفة الأطفال.. بداية انا ابي ارحب بكل القراء الجدد.. خلال هالاسبوع في ثمان ايام من السبت للسبت زادوا أكثر من 40000 الف قارئ يعني بمعدل 5000 قارئ باليوم<< رياضيات ^_^.. مره انبسطت بهذا الشيء و حسيت اني مسوية انجاز عظيم و يارب اني اكون عند حسن ظنكم ان شاء الله و ما تندمون اللي قرأتوا روايتي.. لا تحرموني من تشجيعكم.. النقاش.. عندي صراحة شيء صدمني.. ردة فعلككم من خطبة غازي لندى.. بصراحة ما توقعت ابداً تكون ردة فعلكم الرفض ما لقيت احد ما عنده مانع الا يمكن واحد او اثنين بالكثير الباقي سب و طعن بام عامر ^_^.. توقعت انكم تفرحون بس شكل توقعاتي صارت تخيبني.. النقاش هالأيام حول الشك بمنيرة.. ما ادري شلون طرت عليكم بس ما راح انفي و لا أأكد .. الأحداث هي اللي تحكم بيننا.. متوقعة هالبارت ما القى تفاعل بالردود عشان العيد بس ان شاء الله تخيبون توقعاتي.. و متوقعة الرودو تركز على جزء و تترك الباقي << ما ادري ويش فيني صايرة اتوقع ويش بتردون عليه.. اهم شيء انهار و وعهود بيكوشون ع الردود بالسب ^_^.. أخيراً تمنيت اني انزل لكم بارتين بارت عيدية و بارت اساسي بس ما حالفني الحظ.. ان شاء الله هالبارت حسبة عيدية.. و احب اقولكم نسفت توقعاتكم بخصوص كلام عامر اللي توقعتوة خطبة غازي من ندى.. البارت الجاي بالويك اند ان شاء الله الجمعة او السبت.. قراء ممتعة للجميع.. و استروا ما واجهتم من اغلاط.. البارت الواحد و الأربعون.. صعب اكون اللي تبينه صدقيني مأتمة طبعي ،، ولا فرْح التطبّع.! وان نويتي بـ المفارق تصدميني داخلي من ظلم غيّابي ،، تشبّع لـ ماجد بن مقبل.. البارت الواحد و الأربعون.. ابو عبدالله : بأخذ شورها ان شاء الله مانيب جابر بنتي .. بس انا اعرفها ما راح تردني.. ابو عبدالرحمن : الله يرفع مقداركم.. ابو عبدالله : الله يجزاك بالخير.. مير يومك فتحت الموضوع .. احنا بعد لنا عندكم طلب.. غازي توقع ان اخوه بيحكي بالخطبة.. تمنى يصارخ عليه و يقولة لا.. اصبر عساف هنا ما كلمتة.. وقف بحدة : عن اذنكم.. عساف تعال ابيك.. عساف وقف : ان شاء الله.. ابتعد غازي باتجه غرفة التدريب لعماد و عساف كان معاه.. اخذ غازي نفس حمد ربه تدارك الوضع قبل لا ينحط بموضع تافة مع عساف.. ابو عبدالله : احنا اهل و الظفر ما يطلع من اللحم.. و بنيتنا لولدنا.. عماد و وعد.. ما بعد عاشوا مع بعض حياة زينة عشان يتخذون قرار بحياتهم.. لازم نصبر عليهم.. ابو عبدالرحمن : بنيتنا بنيتكم.. و احنا ما نبي لبنيتنا الطلاق.. ابو سعود : يبه.. انا وعدت وعد اذا تبي الطلاق ما احد بيردها عنه.. ابو عبدالله : استهدي بالله يا ابو سعود.. ما نبي الا الزين لبنتنا مثل ما نبيه لولدنا.. عماد بهدوء : انا و وعد تفاهمنا.. اجل فكرة الطلاق لفترة.. ياسر : نعــم..! ليش ان شاء الله ما وراكم احد تردون له الشور و تأخذون رأيه.. مره تزاعلون و مره تراضون..!؟ عماد تربع على الأرض : ليش تبي لأختك الطلاق..؟! ياسر : لا.. بس الأصول اصول.. عماد : و احنا ما تخطينا الأصول.. اليوم تفاهمنا على ذا الموضوع.. ما اعتقد احد فيكم يكره لنا الخير..!! خالد : مو قصة كره الخير.. بس مو متى ما اشتهيتوا تزاعلتوا و متى ما اشتهيتوا تراضيتوا.. ابو عبدالرحمن : اقصروا الموضوع.. دام ابوكم عطاها الشور و هي تبي تجلس مع رجلها ما احد بيقول لها لا.. ناظروا بعضهم ياسر و خالد سكتوا.. دام جدهم حكى ما احد بيقول له لا.. و لو حكوا اول من بيدبغهم ابوهم.. اما غازي دخل و وراه عساف اللي كان متوقع الموضوع ما يتخطى طلب او امر عسكري.. لكن غازي اتجه للكراسي الموجودة و جلس و بقي عساف واقف.. ناظرة غازي : استريح.. جلس عساف بثقة وهو يتجاهل نفسة و راحتها من الوقت اللي قالة عمه ان ندى ما تبيه.. منع نفسة حتى انه يفكر بالموضوع.. اما غازي كان متوتر مو خوف.. لكن مهما خفف الموضوع يظل صعب لانه ما يضمن ويش رد عساف : ابي اجلس معاك بعيد عن جلسة رئيس و موظف معاه.. عساف : تأمر.. غازي سند نفسة براحة على الكرسي : انا تزوجت من عشرين سنة تقريباً.. و ربي رزقني بخلفة كلها بنات.. شوق ثم ريما ولينا و بعدهم بعشر سنوات همس.. عساف كان مستغرب الموضوع لكن اول ما طرى عليه ان الفريق غازي متضايق و اختارة هو عشان يفضفض له انصت له بتركيز .. اكمل الفريق غازي : اذا كنت تسألني فانا راضي فيها.. لكن امي مره كبيرة و مقتنعة اني لازم اجيب ولد.. تبيه سند لبناتي.. على ان بناتي كبار.. لكن وجود اخ لهن بيسندهن خصوصاً مع وظيفتي و انا من فترة ماهي بعيدة تاركهن عند عامر لكنهن يوم كبرن اصرن ننتقل لبيت لحالنا.. عساف : الولد عزوة حتى لو بناتك كبار و هو صغير مردة يكبر و يسندهن حتى ابسط امورهن بتوكل له لأنه يعتبر ولي امر لهن من بعدك.. بعد عمر طويل ان شاء الله.. غازي : ماهي مشكلتي مع الولد.. انا عادي ماعندي مانع.. لكن ربي ما كتب لي مع زوجتي ولد عندها مشاكل .. و امي تبيني اتزوج.. ابتسم عساف بس شوي و اطلق ضحكة بسيطة : ههههههههه.. غازي ابتسم : ليش هالضحكة...!؟ عساف : ما توقعت ان ممكن ترضى تتزوج ثنتين.. يعني مثل عمي ابراهيم او اخوك ابو عبدالله.. غازي تنهد : حكم القوي على الضعيف .. انا اجيبها لك على بلاطة اشياء كثير مرددتني او بالاصح اتمنى انها تسعفني بتغيير رأي امي مثل بناتي و البنت اللي مختارتها امي.. لكن امي مصرة و معطيتني يومين عشان اخطب و الا بتغضب علي.. عساف اخفى ابتسامتة : رضى امك اهم عليك من أي شيء ثاني .. اما بناتك بيزعلن اليوم و يرضن بكره.. بنات عمي ابراهيم سون له سالفة على زواجة الأخير لكنهن بالنهاية اقتنعن.. و انت ما تقل عن عمي ابراهيم.. تقدر تقنع بناتك.. و تقدر تخليهن يتقبلن الأمر الواقع.. الا اذا انت اساساً مو متقبل زواج من ثانية يعني عشان زوجتك و عشرة.. غازي : زوجتي ما عندها مانع لأن هالموضوع انفتح من قبل.. قبل لا تجيب بنتي همس.. ولما حملت فيها اقنعت امي لكن طلعت بنت و امي لها فترة طويلة هاجدة.. و من امس وهي راكبة راسها ولو بكيفها ادخل عندها نهاية الاسبوع و معاي زوجتي.. عساف مبتسم : اجل فرحها.. لا تخليها بخاطرها.. غازي يلف و يدور عشان يلقى له مدخل عشان العروس : و الشغل..؟! تعرف هالفترة ماني فاضي.. عساف : خذ اجازة اسبوع يعني فترة نقاهة و احنا بنمسكة عنك و ان قصرنا حاسبنا باللي تبيه.. غازي : و انت.. متى بتزوج..؟ ليش ما تخلي عرسي و عرسك مع بعض..؟! عساف اختفت الابتسامة اللي كان رسمها : ربك ما كتب للحين.. غازي : ليش..؟! عساف : ما بعد حانت الفرصة..؟! غازي : ليش ما حانت ماهو انت محدد عرسك..؟! عساف : كنت.. و الغيتة.. ما صار بيننا نصيب.. غازي : السبب.. علمني اذا ابراهيم زعلان عليك او البنية زعلانة منك في شيء يمكن اقدر افيدك بخبرتي يعني عندي بنات اعرف تعامل معاهم.. عساف ابتسم من جديد : لا ماهو زعلان عمي.. بس الله ما كتب لي اخذها.. و خيرة من ربي.. غازي وعيونة على عساف تدقق بأقل التفاصيل في ملامحة : انت تحبها..؟! عساف ناظر الفريق و جاوب ببساطة : لا.. اصلاً انا ما خطبت الا عشان امي و ابوي و جدتي اللي يحنون علي اتزوج.. و هي ما ارتاحت لي و ما حصل نصيب.. غازي : ما ارتاحت لك.. له علاقة باللي قالة وليد بمكتبي..؟! احتدت ملامح عساف وما غاب عن غازي وقع جملتة على عساف .. اللي جاوب بهدوء : أي كلام.. غازي : انت عارف ويش اقصد.. عساف تراك واحد من رجالي خابزك و عاجنك.. اذا انت لك خلاف مع ابراهيم انا بعاونك و تأخذ البنية اذا لها خاطر بقلبك.. اما اذا ما تبيها هذا شيء ثاني.. عساف : لها خاطر بنت العم و بس.. (ناظر بقوة للفريق و كأنه لمح شيء ربط الكلام ببعض.. امه اللي امس اصرت على ولدها يخطب.. و انه متردد بالبنية.. و انه اختارة هو من بين كل رجالة.. عدا انه يصر عليه اذا فيه خلاف بيصلحة) ليش كل هالإصرار..؟! غازي يحك لحيتة بسبابتة : ابي اساعدك.. عساف يضيق عيونة : امك تبيك تخطب ندى بنت عمي..؟! غازي سكت للحظة وهو يناظر بالأرض بعدها رفع عيونة لعساف : ايه.. و انا ابيك ترجع ترتبط فيها اذا تبيها.. لعدة اسباب.. عشانك.! لأن انت اللي خطبتها.. و ابي امي تلهى عن موضوع انها تزوجني وحده ثانية على الأقل هالفترة.. عساف من ورى قلبة لأنه انرد منها وهو ما يعيبة أي شيء اذا كان يحب مره غيرها و ردتة.. بيجيها واحد متزوج مره غيرها : السموحة ما اقدر اعاونك.. بنت عمي ما بيني و بينها نصيب.. و ربي يكتبها من نصيبك.. تراها ما تنعاف.. شقردية.. غازي احتد صوتة : لا تستهبل علي.. اذا انت عادي عندك اني اخذها انا ماهو عادي اخذ اللي كانت بتصير زوجتك.. انا ابيك ترد لها.. بخلي زوجتي تكلمها.. بصلح اللي بينكم.. عساف وهو يحاول يكون طبيعي : انت قلتها كانت بتصير زوجتي.. و اللي بيننا ما يتصلح.. غازي : على شرط.. عساف : اللي هو..؟! غازي : زواجي و زوجك بليلة وحدة و الا ما اخذها و اقول لأمي انك تبيها.. وقتها ماهي قايلة لي غصب تأخذها بتقول ولد عمها اولى فيها.. عساف وقف : لا.. نفسي شافت من الحريم لين عافت.. غازي : ويش شفت..؟! عشان مرة ردتك تعيف الحريم..!؟ شوف ما اقولك ما عليهن تصرفات تنرفز .. بس لما يكون عندك مره تحس انها نصفك الثاني لا رحت البيت من بعد تعب تسمع منها كلمة حلوة تخفف عنك.. تلقى احد منتظرك و يخاف عليك.. ولا جبت بنات و سمعت لدلعهن و هواشهن و صالحتهن بتحس ان الحياة ما تمشي من غير مره تشاركك.. عساف : مانيب ضعيف لهدرجة عشان اعيف الحريم من مره وحدة..(من غير شعور بأن اللي قدامة رجل أخر يشعر بجرح رجل) بس عندي بقلبي من الماضي اللي يغنيني.. غازي وقف بحدة لدرجة ان كرسية طاح و مسك عساف اللي كان يبي يطلع من المكان اللي خنقة لفه عليه بحدة : ماضي..؟! يعني كلام وليد صح.. بتعيش على ماضي بنت .. ليش خطبتها اذا تبي اختها..؟! ليش ما خطبت اللي قلبك معلق فيها..؟! ويش اللي خلاك تجرح نفسك بهالطريقة و تعذبها.. الا ان كنت ما تقدر..؟! بس .. بس لما خطبت كانوا بنات عمك ما تزوجوا.. الا ان كنت..(لمحت ببالة مثل البرق المضوي) تقصد نهى المسماة لولد عمك من زمان..؟! عساف سحب ذراعة من كف الفريق غازي بقوة : لا.. ماهي نهى.. بس لأن اللي قلبي بغاها عقلي ما تقبلها حليلة لي.. انا و هي مقتنعين اننا ما نصلح لبعض.. و لما قررت اخطب خطبت وحده حسيت انها ممكن تناسبني.. لكنها ما تناسبني و هذا كل اللي صار.. غازي مسك عساف بقوة و دفة على الجدار و ضغط على أكتافة بقوة : بتعيش على طيف..؟! بتعيش على ماضي و تترك الحاضر..؟! تبي تقهر امك و ابوك عليك و لا يشوفونك داخل عليهم بزوجتك و عيالك..!؟ عشان مين ..؟! مين اللي لعبت فيك بهالشكل..؟! (صرخ عليه بحدة تردد صداها عليهم الاثنين) ما تقول عقلك ما بغاها.. يوم اتبعت عقلك ما يقولك الحين تزوج مره غيرها.. عقلك ما قالك ما تنفع لك.. متأكد ان هو اللي يقولك عيش على ماضي بيغنيك عن حاضر تعيشة..؟! عساف رفع عيونة للسقف وده ينزاح.. الهواء ما عاد يحس فيه من القهر اللي متجمع بصدرة.. لا تجمعها و تنفثها بوجهي.. ويش اقولك.. صارت لولد اخوك حليلة..؟! ويش اقول و انا اعرف و مقتنع ان احنا فعلاً ما نصلح لبعض.. و من غبائي يوم خطبت ما خطبت الا اختها.. اختها هي اللي عرفت بكل شيء صار من زمن.. صار و قررت اتجاوزة و انساة مع اختها.. و الآن ما عاد ابي اجرب اخطب مره و انرد من جديد و انا اعرف ان ما فيني شيء ينعاب.. ما فـــيــنـــي..< نطق كلمتة الأخيرة بـ بطئ.. غازي مسك عساف من ثوبة و شدة له حمر عيونة بعيون عساف : ويش لي عندك..؟! عساف عيونة حمراء من مجرد ذكرى مرت و حديث أُثير : اللي تبيه الا الزواج.. غازي فلت عساف و دفة بقوة على الجدار : هذا و أنا اللي كنت متوقعك رجال ينشد الظهر فيك.. اخذتك بأشد المواقف صعوبة عشان ثقتي ان عندك عقل نظيف يشور عليك بالزين.. باللي فيه الصالح.. ما يقول ادفن نفسك و عيش على ذكرى مره.. ما قدرت تخطى شيء صار بحياتك و بتعيش ما تجاوزت حدودة.. كان يقسى على عساف و هو يشوف كيف عيونة تتسع و تضيق من حدة كلامة.. عارف انه يجرح بكرامة عساف و رجولتة.. يبي عساف يتخطى اللي صار بقوة.. يتجاوز كل شيء.. ما يبقى على نقطة بنت حبها ما تزوجها عن قناعة و الحين يرجع يبي يعيش على ماضيها.. عساف كان متساند على الجدار وهو يناظر فيه عيونة حمراء و كأن قلبة ينزف و يدفع بالدم لعيونة و يفضحة.. غازي : لو انك رجال ما خليت مره تلعب بعقلك قبل قلبك.. تقول فكرت بعقلي ما بغاها.. تكذب على نفسك و تقنع نفسك بشيء غلط.. عقلك يبيها بس هي ما تبيك.. هي رفضتك.. صح ..؟! هذا اللي صار بينكم.!.؟! عساف جلس و مدد رجولة اللي لامست اطرافها ثوب غازي .. غازي معصب و عساف ضعف.. قلبة انفتح من غير لا يحس.. غازي جالس ينبش فيه و يلعب على أشد اوتارة ألم.. : لا تستفزني.. لا تستفز رجولتي.. ما راح اسمح لك حتى لو كنت رئيسي.. غازي يشد على عساف و يستفزة عشان يصحى ما يبيه يعلق حياتة و يوقفها : انا استفز عقلك اللي ما يعطيك غير الغلط اللي تسوية.. اصحى يا عساف.. عساف تعرف ويش معنى اسمك.. تعسف ما تنعسف.. ما تنعسف يا عساف.. مو مره تلعب بحسبتك و تعسف قلبك و عقلك و كل حياتك.. وقف عساف و طلع و غازي لحقة مسكة : عســـاف.. عساف سحب يدة.. و يصر على أسنانة : لا تكلـــــمنـــــي.. و مشى مسرع قدامة و معطي غازي اكبر طاف.. و لأول مره عساف احد يفتح له قلبة و يقرأ سطورة.. و يضغط على جروحة.. لأول مره عساف يضعف و مين يضعفة.. غازي.. غازي كان واقف ينظر له وهو كل شوي يبتعد عنه خطوة خطوة خطوة لين ما شافة يركب سيارتة بعدها رفع جوالة و اتصل على الحرس : بدر .. لا تفتحون له الباب.. لو يكسرة ما عليك منه.. و قفل الخط.. و اتجة له من جديد.. اما عساف.. حاس بضعف نفسي متعب جسدة.. ما توقع احد يكشفة.. الوحيد اللي كان يدري انه يحب وحده و عن قناعة بعقلة خطب اختها هو عمر ولد عمة .. عمر اللي نصحة ما يسويها.. يمكن لو خطب وعد و رفضتة كان اهون.. من انه يحب وعد و يخطب ندى و ترفضة.. و يجيه رئيسة يقولة انه بيخطبها.. و يكشف كل اوراقة اللي مخبيها عن عيونهم.. علق على البوري عشان يطلع من المكان بالرغم من قبل لحظات كان بس يتمنى ان السقف يختفي و يتنفس الحين يتمنى يطلع من المكان كله.. أسوراة تضغط عليه.. مجروح.. وهو جرح نفسة بنفسة و هذا اللي زاد آلمة للضعف.. شد على الطارة و اطراف اصابيعة بيضت من مسكتة و كأنه بيقلعها من مكانها.. ينتظرهم يفتحون البوابة عشان يطلع.. التفت لقزاز السيارة اللي ينطق و ما فتحة طنش.. جاه بندر و يزيد مستغربين من حركتة اتجة لسيارتة من غير لا يكلم احد و معلق ع البوري متجاهل ازعاج الجميع.. بندر : عســـاف ايش فيك..!؟ يزيد يناظر عمه بندر : شكلة متهاوش مع غازي.. بندر : هذا مو مخلي احد بحالة ناوي يمشي عليهم واحد واحد.. : اصلح الأخطاء.. بندر التفت لغازي : و بعدين معاك..؟! ناوي تكفخ معاه.. تراة ماهو مثل وليد.. غازي : مشكلتكم ما تشوفون اللي أنا اشوفة.. و ماني مجبور ابرر لكم افعالي.. مو بس وليد اللي لا تدخلون بيني و بينه.. عيالي بعد.. و عساف واحد من عيالي.. بندر احتد صوتة : لا يا شيخ.. كسرت كتف وليد و الحمدلله انه ماهو مضاعف.. و الحين بتكمل الباقي بعساف.. و مين ناوي عليه بعده..؟! غازي : ما ادري على حسب الوضع اذا استدعى اني اتدخل بواحد فيهم.. وليد واقف ورى غازي هو و باقي الشباب.. يحضرون الهوشة عن قرب.. : الله لا يوليك على صايم و مصلي.. غازي ناظر وليد : ترى حرتي فيك ما بعد بردت.. وليد رفع حاجبة الأيسر : و ناوي تحطها بعساف..؟! غازي احتد صوتة بوجه وليد : لا تدخل باللي ما يعنيك.. يزيد يناظر اخوة اللي مغمض عيونة و لا يسمع أي حكي من اللي يقولونة.. رجع يطق القزاز من جديد.. ماجد : عســـاف.. عســــاف.. و الله لا اكسر القزاز.. افتح الباب.. لكن عساف ما رد عليهم.. و لا التفت لهم.. دوبة يداري قلبة المفتوح و يصد عنهم لا يشوفونة.. غازي : ما راح تقدر تكسرة لأنه اصلاً مضاد لرصاص.. بندر : انا ابي افهم.. ويش اللي خلاك تنقزة من بيننا.. و تهاوش معاه.. حبكت يعني يوم شفتة رايق تبي تكدر عليه..؟! ابي افهم شلون تفكر انت..؟! يزيد : ما تحس انك مزودها.. ماهو عشانا بمكانكم تحكمت بكل شيء.. غازي ببساطة يناظر القزاز شاف عساف فتح الباب و نطق بحدة : خلهم يفتحون البوابة مانيب بزر عشان تحبسني.. غازي وهو يتجة لباب الرديف : ما راح اسمح لك اذا ما خاويتك.. بندر مسك غازي من ذراعة : تكفى غازي يكفي تعصب بالواحد و تبي تكمل عليه لين يطق.. شوف وليد ويش صار فيه من وراك ويش بتسوي بعساف..؟! غازي سحب ذراعة ببساطة من بندر : عيالي و انا حر فيهم.. (ناظر عساف) افتح الباب.. دخل عساف و سكر الباب وفتح القفل عن باب الرديف.. و ركب غازي جنبة.. و بعدها انفتحت البوابة عشان يطلعون اثنينهم.. بندر يناظر البوابة تتسكر من وراهم : ابي اعرف ويش ورى هالغازي.. وليد : اثبات رأي لا أكثر.. عماد : ويش تقصد..؟! وليد وهو يعطيهم ظهرة : يبي يمشي كلمتة علينا.. هذا كل الموضوع.. بروح اشوف وعودتي.. عماد مسكة قبل لا يمشي : نايمة.. لا تصحيها.. وليد : لا تخاف راسل لها و هي ردت لي.. مشعل : اجل انا معاك.. خلنا نشوف بنيات اربع و عشرين ساعة بوجية شباب و شياب.. بندر : ما تستحي على وجهك.. مين الشياب ابوي..؟! مشعل مبتسم : يعني ليش تنكر الواقع.. و الا ناوية تثبت شبابة و تزوجة.؟! هذا شيء ثاني.. وليد : تبي خالتي موضي تولع فينا..؟! راكان باستهزاء : لا تخاف ما احد مولع فيكم.. هذا اذا ما كان متزوج من قبل و عنده عيال ما احد يدري عنهم .. يعني عاد تجي عليه.. بندر ضغط على شفايفة السفلية : متى بنخلص من ذا الموضوع.. راكان : ماهو مخلص.. هذا الواقع و لازم تتقبلة.. .. : أنا آسفة.. وعد ناظرت ندى بحدة : على ايش..؟! ايش بالضبط تتأسفين عليه..؟! ندى تنهدت : كل شيء.. لما عرفت انك اجهضتي عشان نفسيتك كانت سيئة حسيت بالذنب.. وعد : حلوو يعني تحسين للحين.. و نفسيتي كانت بس..؟! مو ما زالت من وراك..؟! ندى : انا ابي اتخلص منه.. ابي اتخلص من الحبل اللي يخنقني فيه.. حاولت بـ أبوي أكثر من مره بس ماهو مصدقني.. ماهو مقتنع ان عساف يبيك.. وعد : انتِ غبية و ما عندي استعداد اعيد و ازيد بنفس الكلام.. و كلامك ذا يضرني ما ينفعني و لا ينفعك انا قلت لك اللي عندي و وضحت لك اكثر من مره وماني محبورة انك مو راضية تصدقين.. لو احد من اهل عماد يسمع حكيك عماد بينحرني.. عساف ولا شيء عند عماد و لا شيء..(همست) ما راح يرحمني.. كل خواتها بالغرفة كانوا يستمعون لصلح.. ودهم يسير بينهم كلهم.. نهى : لا تبالغين.. ما يقدر يسوي شيء.. وعد لفت على نهى اللي جالسة يمينها : ويش تتوقعين من رجال يقولون له ترى زوجتك تحب غيرك..؟! بيتقبل الموضوع عادي..!؟.. ما راح يراودة حتى شك فيها..؟! نهى : يأكل تبن.. لا ينسى انك متزوجتة ماهو برضاك..؟! وعد : يأكل تبن..؟! هه ضحكتيني.. ما أحد بيأكل التبن الا انا .. ما احد بيعيش معاه غيري (ناظرت ندى) مو انتِ وصلتي للي تبينه.. خلاص ادفني الموضوع بأرضة مانيب ملزومة أقنعك.. ندى : لا تفهميني غلط.. انت حسبة شقيقتي.. ان حسيت بالذنب عشان اللي صار مع ابوي.. وعد تمرر لسانها على شفايفها : ما يخصك بابا.. كل الحكي اللي قلتة لـ بابا مو لك.. ندى : يعني.؟! وعد : يعني لا ترجعين تفتحين ذا الموضوع من جديد.. خلاص انسية.. سها : خلاص عاد تكفون.. و الله ماهيب حالة هاذي.. كل الناس عايشة حياتها و احنا بوضع صعب و احنا زايدين الحالة مع بعض و كل وحدة منفسة على الثانية.. وعد : انا ما نفست على أحد فيكم.. حتى ندى.. انا متقبلة الموضوع بس خلاص.. ما عاد ابي احد يحكي فيه.. لا ترجعون تفتحون صفحات تقفلت التقليب فيها بس بيجيب لي الموت.. ندى قامت و باست راس وعد.. وعد للحظة انصدمت من الحركة.. واضح ان ندى حاسة بالذنب.. وعد حضنت ندى : ادري انك تحسين بالذنب عشان البيبي.. لكنه مو ذنبك.. صدقيني.. مو ذنبك.. دانه : خلونا نغير الموود.. بنات انا متوترة.. نهى : مره غيرتية الحين..؟! دانه : للحين ما رديت على بابا.. ايش رايكم..!.؟ ندى : انتِ اللي بتعيشين معاه.. دانه : انا ما اعرفة.. يعني ما اعرف اطباعة.. كل مره يجي فيها المح زولة بس يسلم على جداني.. ما اعرف كيف اخلاقة.. خايفة مره.. ميار : عادي طبيعي تخافين بس استخيري.. و اسألي اخواني الرجال هم اخبر ببعضهم.. دانه شهقت : اسألهم.. لا و الله لو اموت ما سألتهم.. نهى : اجل موتي.. دانه : نهى تكفين انا مو جالسة العب.. هاذي حياتي.. حياة يعني المفروض افكر الف مره قبل لا أقرر.. نهى : اجل بتموتين و انتِ للحين تفكرين.. التفكير مره وحده ان كثرت مرتين.. مو الف مره.. انتِ ويش تعرفين عنه..؟! دانه : اسمه و عمرة.. و ما عنده وظيفة.. نهى : وبرايك هذا شيء يستند عليه تفكرين على أساسة..؟! صحصحي.. قلتيها حياة.. ميار : طيب انتِ شلون فكرتي بفيصل .. فيديها يمكن تستفيد من خبرتك..؟! نهى : من جدك..؟! انا ما ادري شلون انخطبت لفيصل للحين..؟!! لا مو ما ادري..ب س يعني خطبة عادية بس فيصل اعرفة يعني كنت اعرفة و لما خطبني كان لي ثلاث سنوات متغطية.. يعني صدق كنت بزر و هو غصبني اتغطى مالت و ابوي قال كلمة ولد عمك ما تثنى تغطين.. وعد : ههههههههههههه شر البلية ما يضحك.. كلمة ولد عمك ما تثنى على ويش على غطاية ما علينا بس.. نهى : لا تذكريني منرفزني اصلاً على ذا الحركة خليه يوم الزواج غير اتهاوش معاه عشاه غصبني اتغطى.. ميار و دانه شهقوا من الصدمة.. ميار : من جدك..؟! بدل ما تستحين تقومين تفتحين حياتكم بهوشة..؟! نهى : ايه عادي.. اصلاً انا ناوية عليه نية قشراء لا اطلع السبع سنين من عيونة.. ندى : خير سهاوي ما سمعنا صوتك.. سها فركت يدينها : بنات بقولكم شيء.. نهى : تكفين اذا على دكتورتك الخبلة ذيك لا تنرفزيني على حسابها.. سها : لا.. مو عنها.. ميار : قولي اللي عندك حسيتك متوترة..! سها : انا سويت شيء غلط.. و احس ربي يعاقبني الحين.. ناظرن ببعضهن غلط؟!؟ و ربي يعاقبها..!!.. ندى : ويش سويتي..؟! سها : من اسبوعين تقريباً كنت خارجة و صادفت دكتورة نهال طالعة.. و تعرفون قد ايش هي طيبة.. و طلعت و انا اسولف معاها.. لما طلعت.. انا كنت رافعة نقابي.. وهي اشرت على سيارتها اللي كانت واقفة قدام باب الجامعة.. و ولدها كان برا.. على ان الدنيا شمس الا انه كان رافع نظارتة ينتظر امه..و طاحت عيني بعينة.. ما تخيلون حسيت ان قلبي بيطلع من مكانة بس عيني طاحت في عينة.. و حاولت اشيل عيني و شلتها تذكرت ان النظرة الأولى لي و الثانية علي.. لكن ملامحة ما انمحت من بالي.. صرت حافظة ادق التفاصيل بوجهة.. ذاك اليوم ما قدرت حتى اكل.. صرت احس اشوف عيونة حتى على صحن الأكل.. ندى قاطعتها باستهزاء وهي ترفع عيونها و تحرك يدينها بحالمية : و حبيتــية و تمتي بهواااة.. و قلبك خفق له.. ( ناظرت بسها و أشرت عليها بحدة) هيـــه انتِ صاحية..؟! فيه وحده تناظر بشاب عند باب الجامعة و تقول حافظة تفاصيلة..؟! انتِ وين عايشة..؟! عارفة ان النظرة الأولى لك و الثانية عليك يعني عارفة دينك و حدودك و تربيتك.. تحكين هالحكي.. نهى : لحظة ليش هبيتي فيها.. ان حاسة باقي شيء ما قالتة.. سها بلعت ريقها عشان تكمل ..نزلت رجولها اللي كانت ضامتها لصدرها : صرت اطلع كل يوم عشان اشوفة.. ندى وقفت و حطت يديها على راسها : يا كبرها يا كبرها.. توك تقولين شلتي عيونك عشانك تعرفين دينك.. عارفة انك بترتكبين معصية.. ضميرك ما صحى.. سها ناظرت بندى و قاطعت سيل الاندفاع و اللوم : خطبني.. ندى بلهت : نعم!..! سها : دكتورة نهال كلمتني عنه.. ولدها.. قالت من اليوم اللي شافني فيه كلمها عني.. نهى : طبعاً و قلبك الدلخ ذاب فوق اللي سويتية.. شافك عند باب الجامعة.. و عرف انك كل يوم تطلعين عشان تشوفينة.. اكيد لاحظ غبائك الزايد و انك صيد سهل غبية و تافهة.. ما راعت حدودها.. سها بحدة : انا ما قلت لكن عشان تلومني.. انا قلت لكم احس ربي يعاقبني.. انا قلت لها ان بابا ما راح يوافق.. مستحيل يوافق اني اتزوج واحد مو سعودي.. ميار فتحت فمها : هـــاه..!! سها : قلبي يأكلني مو قادرة اتحكم فيه.. من الوقت اللي قلت لها ان بابا ما يرضى احس الدنيا ماهي سايعتني.. حاسة اني تسرعت.. ندى : تسرعت..؟! ليش كنت ناوية تأخذين لك واحد مو سعودي..؟! اصلاً انتِ جاوبتي على نفسك بنفسك.. ابوي ما راح يوافق ولو بيدري راح يقلع لك عيونك هاذي.. سها : ممكن تروقون.. انا ماني ناقصة.. و الله حاسة بالذنب.. احس اني خنت ربي.. و بنفس الوقت ماني قادرة اتحكم بمشاعري.. احس اني جالسة الوم نفسي على كل شيء.. نهى : الحمدلله و الشكر على نعمة العقل.. سها : انا ما قلت لكم عشان تتريقون علي.. انا صدق صاكة فيني الدنيا.. دانه : طيب استغفري لذنبك الله تواب رحيم.. سها : انا مو بس حاسة بالذنب.. اقولكم شيء بقلبي يعذبني.. ميار : حبيتية..؟! ندى : هيـــه ويش اللي حبتة.. ماشاء الله من نظرة حبتة.. توها دانه تقول عن ثامر وهو ولد عمتنا منا و فينا انها خايفة و لا تعرفة.. شلون هاذي تحب واحد ما شافتة الا عند باب الجامعة و لا تعرف عنه شيء..؟! عدا انه مو سعودي.. يعني المفروض بديهياً ما تفكر ترجع و تجلس تتفرج على الرايح و الجاي و جات عيني بذا و راحت عيني لذاك.. قلة ادب.. وعد : انتِ الحين ليش معصبة..؟! ندى : ايش رايك يعني ماهو غلط..؟! وعد : غلطت.. بس البنت حاسة بالذنب.. ولايمه نفسها.. يعني ضميرها صاحي لو ميت ما جاها احساس بالذنب.. و بنفس الوقت مشاعرها تحركت و ماهي قادرة تصدها.. نهى : لا والله.. يعني عادي اللي تقولة..؟! وعد : ماهو عادي.. لأن احنا بمجتمع ما يرحم.. لو بيوقف الموضوع عندي كنا نقول نسأل عن الشاب دامه خطبها و ان طلع خير زوجناها اياة.. لكن ورانا ناس همها الأول العادات و التقاليد.. يعني يا سها مشاعرك لازم تضبطينها لا تطلعين تشوفينة و تجددين اللقا كل مره.. انسيه و لا تفكرين فيه طلعية من حياتك.. حطي فيه سلبيات تخليك تكرهينة حتى لو ماهي فيه.. يوم عن يوم المشاعر اللي بقلبك بتموت.. بيجيك واحد يرضيك و ينسيك اياه.. سها : ليش ما قلتِ احسن منه..؟! وعد : ما ابي احط بذمتي.. يمكن الرجال احسن منا كلنا.. سها : ما قدرت.. و الله العظيم حاولت.. احس مجرد ما افتح عيني اشوفة هو.. و لا غمضت اشوفة و لا نمت اتحلم فيه.. ما يفارقني و الله تعبت.. انا اعرف اني جالسة اعذب نفسي وما احد اصلاً بيعطيني وجه.. انا رفضتة قلت لأمه اني ما اقدر بابا و اخواني ما يوافقون.. ندى : الكل ما راح يوافق.. لا ابوي و لا اخواني و لا عماني و لا عيالهم و لا كل عيلتنا كلهم بيتكلمون عليك.. بتخلينهم يحكون فينا مااحد راح يسمح لك تنزلين من سمعتنا.. وعد : ندى.. تراك جالسة تغلطين من غير لا تحسين.. ايش اللي تنزلين من سمعتنا.. ما تدرين عن اخلاق الرجال يمكن عندى ربي احسن منا كلنا.. ليش حطيتي عيلتنا كلها احسن منه..؟! عشانة مو سعودي..؟! ليش احنا ملائكة و هم تراب..؟! ندى جلست : استغفر الله العظيم.. انقهرت ابيها تحس بغلطها..انفتح الباب بقوة و انقطع سلسلة حديثهم بدخول جود : يا عيني ع الجمعة.. وليد و مشعل جوو.. وليد و مشعل : هـــاي.. ندى : وعليكم السلام.. ابتسم وليد : ما تغيرتي..؟! ندى : ليش كم لك مسافر..؟ قرن..؟! وليد يبوس راسها عشان يحسسها انها كبيرة : و الله انتِ المفروض تصفين جنب جدتي فاطمة.. حرام اصلاً حتى تصفين مع امي وخلاتي.. ندى طنشتة وهي تناظر جاكيتة لابسة من غير لا يدخل يده اليسار فيه : خير ان شاء الله وليدوه ما عندك وقتك تدخل يدك اليسار مثل ما دخلت اليمين.. وليد : مالت عليك.. (نزل الجاكيت و رماه كان مخبي كتفة حتى لما سلم على امه سلم بسرعة بسرعة عشان ما تلاحظ) ارتحتي.. ندى : بسم الله عليك ويش فيك..؟! وليد : طحت من الدرج.. جود تحك دقنها : اعتقد هاذي الاعذار يقولونها البنات مو العيال من ويش خايف عشان ما تقولنا شلون انكسرت كتفك.؟! وليد : بالتدريب ارتحتي..؟! جود تناظر السقف : الكذب حبلة قصير.. وليد طنشها و سلم على نهى و باس راسها نفس ما سوا مع ندى.. نهى استغربت : خير ان شاء الله ويش عندك تبوس راسي..؟! وليد : ما تستاهلن هذا عشانكم اكبر مني.. وعد وقفت عشان تسلم عليه و باس راسها : سلامتك.. وعد ابتسمت : الله يسلمك.. مشعل سلم عليها : الحمدلله على سلامتك اهم شيء صحتك.. وعد : الحمدلله.. مشعل : لا تزعلين.. الله بيرزقك بغيره.. وعد : ان شاء الله.. نهى : ما احد قالي سلامتك.. و الا ما قالوا لكم اني كنت مسخنة و بموت..؟! مشعل : الا جبتي العيد و ارتحتي..؟! نهى : مالت عليك.. وليد : سلامتك الف سلامة.. و لا تزعلين.. جود : خير وليدان ويش عندك صاير حنون..؟! وليد : من يومي حنون بسم الله علي.. جود : شكل مو بس يدك المنكسرة اتوقع شيء بمخك انكسر.. وليد : انتِ تبين تشوفين وجهي الثاني.. انقلعي جيبي لنا قهوة.. جود صفقت : يـــس هذا اخوي اللي اعرفة.. ندى : انتِ وين غاطسة..؟! ما تنشافين حتى النومة البارح ما نمتِ معنا وين كنتِ سهرانة..؟! جود : مع ريمي.. و نمت عندهم.. اما اجلس معاكم و اكتئب لا يا عمتي انا عندي هبوط بالسكر اجوائكم تأثر علي.. ميار : اكلت عقلك البنت.. جود : يـــس.. على الأقل القى احد يوافقني..؟! وليد يحط رجل على رجل : مين ريمي هاذي..؟! جود تلعب بحواجبها : بنت اللي معاقبك.. وليد : بنت غازي..؟! نهى : ويش عندك تقولها كذا بطريقة غريبة.؟! وليد : لا غريبة و لا شيء.. حرام اعرف ان كان عنده بنات و الا لا..؟! دانه : يمكن ناوي تخطب..؟! وليد : مين..؟! انا..؟! لا يا شيخة.. تستهبلين.. انا بكمل مسيرة العيلة.. قبل ما يصير عمري 30 ماني متزوج.. ويش لي بالحريم و حنتهن توني بعز شبابي.. مشعل : من جد .. عاد كل مره طلب و طلباتهن ما تخلص اعوذ بالله.. ميار : كأنكم جاين عشان تتمشكلون معانا..؟! وليد : لا جايين نتطمن على المملوحة.. جود : يا بخت عينيك يا بت دا الولد وليد بيحبك.. مشعل بحدة بسيطة : انتِ للحين ما جبتي القهوة..؟! جود : لا تنفخ علي.. و الله اعلم ابوي اقوله مشيعل و وليدان يتخدمون فيني و انا دايخة.. انحاشت اول ما شافت مشعل وقف.. مشعل : مجنونة البنت.. كن فيوزها ضربت.. نهى : تأثير بنت الخال.. مشعل : أي خال..؟! نهى : اللي اسمه خالي.. غازي.. مشعل : اهاا لا تذكريني فيه.. باط كبدي.. ودي انقفة و اريح الأمة منه.. وليد : مرتاحين هنا..؟! دانه ابتسمت : دام كلنا بخير الحمدلله مرتاحين.. مشعل : كيف النفسيات بعد الهوشة.. سها : خوات نزعل و نترضى من غير شيء عادي يعني.. مشعل : من جد نفسيات.. وليد يناظر مشعل : أي هوشة.؟! مشعل : طبعاً طافك ذاك اليوم كنا ببيت جدي اليوم اللي انحرق فيه البيت.. فجأة قامن على بعضهن و تهاوشن اساس الهوشة الهانم نهى و قالت كلام ويش كبره لأبوي عن التربية و الضعف و القوة تخبر حكي خواتي ما يحتاج.. وليد يناظر مشعل : ايه..!؟ و بعدين..؟! مشعل : طلعت الأخت مسخنة و تهلوس علينا.. وليد : هاذي اخرتها.. عاد لا تقول تزاعلن وهي تهلوس..؟!(ناظر خواتة) بالله زعلتن من كلامها وهي مهلوسة..؟! نهى : هيـــه تحسسني ان مكاني شهار.. و الله .. بعدين يعني صدق انا غلطت بأشياء بس مو كل الكلام اللي قلتة غلط.. مشعل : على أساس انتِ مثبتة ويش قلتِ .. يعني يوم قلتِ لوعد خلاص بنروح ما نبيهم كانتِ واعية.. نهى تربعت : لا ما كنت واعية و لا اقصدها يعني وين بنروح مثلاً لكن يعني فيه اشياء صح.. مشعل : اللي هي..؟! نهى : و لا شيء احتفظ فيها لنفسي.. مشعل : ترى فيصل طفشان لو تنزلين تونسينة.. نهى : هه يعني على أساس بستحي منك الحين و اقول اني خجلانة .. لا صحصح انا نهى.. مشعل ابتسم : من زمان فاسخة الحيا.. وليد : ما دريتوا عمي بندر خطب.. بصوت واحد من الصدمة : هـــاه..!! مشعل : هواااه ان شاء الله.. وعد : صح ان احنا كنا جالسين بالغرفة بس اذا موضوع خطبة كنا بندري..!؟! شلون يخطب من غير لا يقولنا..؟! سها : و كيف و مين هي..!؟ مشعل : يالله عاد فكك نفسك انا ما كنت بقولهم على خطبة سعود رسمي تقوم انت تبطها و تقول عن خطبة عمي.. ندى : سعود خطب رسمي..؟! يعني غريبة احنا بهالمكان و تصير خطبة و ما خطبة..!؟! دانه : من جد.. بس شيء حلوو و الله.. مشعل : جدي قرر و نفذ خطب لسعود رسمي ثم خطب لعمي بندر.. نهى : طيب ما قلت لنا مين خطب له..؟! مشعل : بنت عامر الكبيرة.. وعد : هنادي.. مشعل و وليد ابتسموا مع بعض و ردوا الاسم بنفس الوقت : هنادي.. وليد : هههههههههه ماشي يالعم برفه عن نفسي فيك قبل لا اسافر.. مشعل : هنادي و بندر.. بندر و هنادي.. الله الله.. دانه : عقبال ما نخطب لكم ان شاء الله.. وعد : شلون جدي خطب لعمي بندر اخبره بيفكر..؟! وليد : حطة امام الأمر الواقع.. عدا انها طلعت دكتورة..!! نهى : من جدك..؟!! وجدي ويش سوى..؟! مشعل : ولا شيء... عمي بندر قال ما عنده مانع ابداً و عامر قال انه بيفتح لبنتة عيادة نسائية خاصة و عمي بندر رفض و قال ان عيادتها ما يفتحها احد غيره.. وعد : هه سبحان الله.. ما يبون الطب و يريد ربي يطيحون بزوجة ولدهم دكتورة.. مشعل : كنك تستهزئين..؟! دخلت جود و معاه الصينية : شوفوا معطيتكم وجه.. ولو وحده غيري ما خلت اخوانها يجلسون و هي تخدمهم.. مشعل : مين قال اصغر القوم خادمهم.. نزلت جود الصينية ع الطاولة بقهر : اجل هاه شوف مين اصغر وحدة و تخدم فيها.. انا مانيب جالسة معاكم ماني ملزومة اقهويكم..! وليد : خير ويش مشغلك يومك ما تجلسين معانا.. من زمان ما جلسنا مع بعض.. ما اذكر حتى متى اخر مره.. جود تمسح يديها المبللة ببلوزتها : لا تبالغ هذا واحد.. اثنين .. ويش عندكم شيء جديد ما غير الكأبة.. و الا بتهاوشون.. نهى : بس بس عمي بندر خطب.. جود ناظرتها : احلفي..؟! نهى : كلام اخوانك.. جود تربعت على الأرض بحماس : دام هاذي سواليفكم بجلس معاكم.. يالله سمعوني.. مشعل : حريم.. الله يكفينا كيدهن.. جود : اشوف عاد تتزوج و الا لا.. يومك تسب الحريم.. وليد : الا بنتزوج احنا متفقين نأخذ خوات.. جود : ههههههههههههههه الله يعينهن يااارب.. و يعين امهن و أبوهن.. و يعين امي و أبوي اللي بيروحون يخطبون لكم.. مشعل : و يعين بيتهم و اهلهم و كل قبيلتهم.. سها وقفت : عن اذنكم.. وليد : على وين..؟! سها : تعبانة شوي بأخذ غفوة قبل المغرب.. مشعل : ابوي يبيكم كلكم المغرب.. سها : طيب.. وليد يناظر وعد : الحين هاذي الغرفة لكن جالسات فيها..؟! وعد : هذا جناح عماد.. انا جالسة هنا.. مشعل ابتسم : يا عيني يا عيني انام بجناج زوجي.. وليد : هههههههههه حركات من ورانا.. مشعل : اجل انتم وين تنامون..؟! ندى : تحت.. احنا اصلاً كلنا كنا مع بعض بس بعدين وعد اخذت مفتاح جناح عماد و طلعت هنا.. وليد : ازين عشان ترتاح.. مشعل يناظر الدولاب و بعده خزنة كبيرة : ويش عنده رجلك حاطة له خزنة..؟! وعد : ليش هو الوحيد اللي يحط خزنة..؟! جود نطت للخزنة بلقافة و حاولت تفتحها : قافلها برقم.. وعد تناظر جود : انطقي مكانك.. عماد منبه ما احد يلمس شيء.. جود : الله و اكبر كنه بيدري عاد.. لا يأثر عليك و تصيرين معقدة.. بعدين بكرهك.. وعد : جووويد.. جود طنشت و فتحت الدولاب لكنها انصدمت لما شافت الأسلحة قدامها خلت الأبواب مفتوحة و تناظر فيها بصدمة : من جد هذا شكله ارهابي..؟!! وعد قامت و قفلت الدولاب : لا تصيرين بزر غير امسكِ عن كل شيء.. جود : طيب علميني زوجك ليش عنده كل هالأسلحة..؟! وعد بحدة : ما ادري ما سألتة.. خلاص عاد خلي كل شيء مكانة ترى بيلاحظ انك محركة ارقام الخزنة و بيحس ان فيه احد حاول يفتحها.. جود : شكله عفريت مثل ما تقول ريما عنه.. ميار : صدق وعد ما تخافين تنامين و المكان فيه اسلحة..؟! احس رعب.. وعد : رعب عشان سلاح هنا..؟! اخبره امان مو رعب..؟! (التفت لجود) لا تصيرين بزر الاحقك عشان ما تلمسين شيء.. جود : اصلاً بطلع بروح اعرف سالفة الخطبة من جدتي هي عندها العلوم كلها.. وليد : من جد البنت فاصلة..؟! معقولة تأثير بنت غازي عليها..!؟ ندى : يا حليلك ما شفناها تقريباً من يوم جينا ما غير ثنتينهن مع بعض.. و نايمة معاهن بعد.. وليد : ويش تنام معاهن .. فرضاً بيدخل عند بناتة زينة تكون عندهن..؟! نهى : عاد هن منسجمات ليش تنكد عليهن.. وليد : ماهو قصة تنكيد.. تجلس معها متى ما بغت لكن وقت النوم تنام عندكن.. ماهي زينة تروح عندهن.. نهى : خلاص قولها و اذا سمعت كلامك لك اللي تبيه.. وعد : يا عيني و صرنا نتكلم كلام كبار وليدان.. وليد : راحمك عشانك تعبانة و الا مردغتك هنا.. كنك تقولين اني بزر..؟! وعد جلست على طرف السرير : حاشاك.. بس صدق تغيرت.. ويش اللي غيرك..!؟ نهى : من جد حتى انا حاسة بالتغييـر..؟!! وليد : صبن قهوة بس بلا هذرة زايدة انتن تبن واحد ما يعطيكن وجه عشان ترضن.. مشعل : ندى..!! ليش غيرتي رايك.. ندى حطت عيونها بالأرض للحظة و بعدها رفعتها بثقة لمشعل : ما ارتحت.. وليد : بس من الأول المفروض تكلمين.. مو ابو يفاجئ اخواني البارح بالليل يعلمهم.. مو تخلين الرجال يحدد العرس و يجهزر ثم تقولين ما ابيه.. ماهي زينة.. على الأقل كنا غطيناها بيننا عيال عم .. مو الناس تدري انه خطبك و تردينة.. ندى : انا قلت لكم.. من قبل اني ما ابيه.. وليد رجاءاً لا تفتح معاي هالموضوع.. خلاص كل واحد راح بحال نصيبة.. وليد : اوكِ انا ما راح افتح الموضوع.. بس شوفي سعود و ياسر ان سكتوا عن الموضوع.. و يمكن خالد و احمد يأيدونهم.. لأنك اساساً وافقتِ لو ما وافقتِ كان لقيتي من يوقف معاك.. ندى : اقولك ما ارتحت.. و أبوي وعدني ما يجبرني.. و خلاص الموضوع انتهى.. مشعل : لا ما انتهى.. لو انك أصريتي على رايك و اول مره يوم جيتي لأبوي و قلتي له انك مو موافقة كان الموضوع أهون كنا وقفنا معاك وما زوجناك اياه.. بس الرجال ماهو لعبة مره موافقة ومره لا ما ابيه.. بتصيرين مثل الخبلة اللي وراك له سنين راجتنا ما تبي فيصل و بس جاء و كحلت عيونها فيه هجدت.. نهى لوت فمها : انت ويش عندك مستقعد لي.. انا لا تحطيني بمقارنات مع احد.. لأني مو مثلهم.. و على فكره ابوي موافق على رايها و قال لعمي ان ما بينهم نصيب .. يعني خلاص الموضوع انتهى ما يحتاج تعيدون و تزيدون فيه.. مشعل : و انتِ هانم دانه ما طرى لك تعطينا رأيك للحين.. بلعت ريقها و بظرف ثانتين وجهها احمر من الخجل.. عيونها ما شالتها عن السرير.. وعد : مير زين انك فتحت هالطاري.. دانه ما تعرف شيء عن ثامر.. انتم تحسونة كيف..؟! وليد : و لا انا ما اعرفة يعني ما قدر جلست معاه جلسة شباب.. بس الواضح انه رجال راعي صلاة و دين.. مشعل : انا مره طلعت معاه هو واخوياة.. عادي زي أي شاب.. وعد : مو كذا.. يعني عصبي..؟! طيب..؟! ايش يحب..؟! كيف التعامل معاه..؟! كيف علاقتة باصحابة..؟! يدخن و الا لا..؟! كل شيء.. مشعل : بالعكس طيب و محافظ على صلاتة كان هو يأم فينا جماعة.. فرفوش و مرات يفصل و يجيب العيد.. اما التدخين(ناظر وليد و رجع ناظر خواتة) ما ادري اللي جلست معاهم يوم وما شفتة يدخن.. ما قد شفت سيجارة الله يمحيها من على وجه الأرض بيدة.. اما علاقتة مع اخوياة عادي زي أي اصحاب و ما يصير تقيسين عليها.. وعد : بالعكس علاقتة مع اخوياة تعرف منها كيف شخصيتة تشوفة على طبيعتة مع اخوياة و مع اهله اكثر من تعاملة مع أي احد ثاني.. بينهم عشرة ما راح يكون فيه تصنع.. مشعل : قلت لك مالاحظت عليه شيء شين ينقد فيه.. نهى : يعني تأيدونها تتزوجة..؟!.. مشعل : اذا استخارت و ارتاحت و هو ماله شيء يعيبة ليش ترفضة..؟! وعد : و عمتي لطيفة..؟! تعرفون ان تعاملها صعب.. و تحشر نفسها باي شيء و احنا بنات اخوها كيف بمرت ولدها.. وليد : ويش اللي كيف مرت ولدها..؟! اكيد بتعزها مثل بنتها.. لا تفكرن بتفاهات لا تودي و لا تجيب.. الرجال ما عليه منقود و انتهى الموضوع.. ندى : ايش فيك عصبت..؟! وليد : ما عصبت.. بس كبرن عقولكن عن التفاهات..(ناظر ميار المبتسمة) خير هانم ميار ويش عندك من دخلت بس توزعين ابتسامات..؟! ميار : مرتاحة الحمدلله.. من جينا المزرعة و انا حاسة باحساس جميــل من زمان فاقدتة.. مشعل : يا عساه دوم.. ميار : اميـــن.. وليد : تبينا نشتريها من عماد..؟! ترى عادي.. وعد : ويش نشريها منه صاحي.. لا ما نبيها يا زين مزرعتنا زيناه.. وليد يشرب الباقي بفنجالة : لا تكذبين مزرعتة اكبر و احلى.. مهتم فيها ما شاء الله.. وعد : بس تجيب الكأبة.. .. غازي بعد ما القى القنبلة على بناتة.. ينتظر ردة فعلهن.. لكن و لا وحدة فيهن استوعبت اللي قالة ابوها عشان تعلق.. امال : ايش فيكن بلمتن..؟! ريما : ايش فينا..؟! جيتي معاه تكلمينا يعني عادي عندك يتزوج..؟! امال اخذه الموضوع ببساطة : اكيد عادي.. من حقة شرع ربي يقول يحق لها يأخذ وحده وثنتين و ثلاث و اربع.. اجي انا اقول لا ما تتزوج..؟! ريما مستغربة من ردة فعل امها : يعني ما يهمك يكون عنده مره غيرك و يجيب عيال منها.. و يعطيها شيء احنا محرومين منه كل هالوقت.. غازي : ايش اللي حرمتكم منه يا ريما.. ريما : وقتك.. وقتك.. حرمتنا منك.. عمرك ما جلست معانا مثل كل اب يجلس مع بناتة.. دايم مشغول دايم ما انت فاضي عادي ندور عليك ما نلاقيك.. و لا مره.. ولا مره سافرنا معاك.. اصلاً كم مره سافرنا يمكن ثنتين و الا ثلاث مع عم عامر لانه محرمنا الوحيد وما يصير نسافر بدون محرم.. و انت و لا مره كلفت على نفسك تأخذ اجازة عشانا.. و الحين باردة مبردة تقول بتزوج و بتجيب مره.. و بتعطيها الوقت اللي احنا اولى فيه منها.. غازي : حبه حبه.. دخلت المواضيع ببعضها.. ادري اني مقصر معاكم و... قاطعتة ريما بوقفتها : شفت يعني انت معترف بتقصيرك و تبي تزيدة و تجيب مره تلهى فيها عنا مو بعيدة اصلاً بكره تنسى ان عندك بنات.. كل هذا ليش..؟! ابي اعرف ويش اللي مجبرك على الزواج.. ماما ويش قصرت فيه عليك..!؟ امال بحدة بسيطة : ريمــــا.. حتى لو كنتِ زعلانة مالك حق تغلطين.. حدودك لا تتجاوزينها.. ريما سكتت عيونها بالأرض امتلت دموع.. دايم تشكي من بعده و الحين يبي يبعد زيادة.. غازي : اجلسي خلينا نتفاهم بهدوء.. ريما و العبرة بحت صوتها : ما ابي اجلس .. سوي اللي تبيه ما يهمني.. اتجهت للباب بتطلع لكن غازي اسرع منها وقف لها على الباب : ما ابي حركات بزارين.. انتِ كبرتي على ذا الحركات.. (اخذ نفس) امي تبيني اتزوج لو الموضوع واقف علي ما تزوجت.. انتن عندي مغنياتني عن الف ولد.. لكن امي معطيتني مهلة يومين لو ما خطبت بتغضب علي.. تبي لي ولد يشيل اسمي..و انتم تعرفون ان امكم واجهت مشاكل بعد ما جابتكم و لما حملت بهمس كانت بخطر و الحمدلله عدت .. بس ما يصير تحمل مره ثانية و تعرض حياتها لخطر اكيد.. ما تطلع منه الا بلطف من الله.. ويش تبوني اسوي.. ارضيكن و ازعل امي.. و الا ازعلكن و ارضي امي..؟! شوق : انا ما عندي مانع.. ما نقدر نقولك لا على شيء من حقك.. اهم شيء ما تكون قشراء و تأخذك منا.. وقتها و الله لا اذبحها.. غازي رفع حواجبة و ابتسم : يعني انتم هذا اللي خايفين منه وحده تأخذني منكم..؟!.. اصلاً تعيش معاكم بنفس البيت.. ما راح اسكنها بعيد ابد.. ما عندي استعداد لهالشيء.. ريما بحدة : ما نبي نشوفها.. غازي : بتشوفينها و عشان ما تحسون اني بعدت عنكم.. حتى لو هي مالها دخل.. و بعدين ما عندي استعداد افتح بيتين و حط على ذا و ذا حراسة.. و البيت كبير و يسع الجميع.. ريما : لا تقـهـــرني و انت تحسسني ان الموضوع عادي.. ليش جدتي كذا.. ربي ما كتب لك تجيب عيال .. يعني تضمن لا تزوجتها تجيب عيال.!.؟! غازي : ريما.. امي مره كبير.. ما تعلمت ما تعرف ان البلا بالرجال مو بالمره.. و هي راكبة راسها بهالشيء.. تبي تشوف عيالي.. خليني اتزوج و ارضيها.. ريما : بتنبط كبدي و الله بتنبط.. ما راح اتحمل حتى اني اشوفها.. شوق : جدتي اصلاً شلون تفكر تزوجك و احنا بمكان زي كذا.. مو على اساس امن و بتحرمونا حتى من الجامعة..؟! غازي : شافت البنت هنا و راقت لها.. الا تبيني اخطبها.. ريما التفت لخواتها وراها بما ان هي و ابوها ع الباب و رجعت ناظرت ابوها على سؤال شوق : هنا..؟! مين..؟! غازي: ندى بنت ابراهيم.. شوق وقفت مصدومة من الاختيار : اخت سعود..!؟ غازي : ايه .. اخت سعود.. ريما تضرب رجلها بالأرض: ليش ابي افهم.. انا حبيت بناتة ليش تبي تكرهني فيهم بسبة زوجتك الثانية.. غازي : ريما .. كبري عقلك.. ويش اللي تكرهينهم.. البنت ما تدري عن شيء.. امي اختارتها.. و انا لسى ما خطبت اصلاً.. جود : اختار غيرها.. الا هي.. لا تأخذ من بنات ابراهيم لا تخرب صداقتي.. و بعدين شلون تأخذ اخت نسيبك..؟! غازي : ما تسكتين شوي انتِ.. لو تفكرين بالكلام اللي تقولينة تستغربين من عقلك.. هذا و انا اقول انتِ بنت ابوها طالعة علي.. حكيمة حتى لو انك شيطانية.. تطيرين الحكمة اللي اشوفها فيك.. ريما جلست على الطرف : شوف اعرف اسلوبك هذا يعني تبي تحرجني و تخليني اغير رأيي اختار عمتهم.. عندهم عمة ما ادري ويش كبرها بس بنات ابراهيم لا.. شوق تفرك يديها : سعود بيوافق..؟! غازي : يمكن..؟! و يمكن كلهم يرفضون كونها الثانية.. يعني ما عندي توقع لرأيهم.. ريما تناظر شوق مقهورة منها : و انتِ هذا همك.. سعود بيوافق..؟! من زين سعود اصلاً.. و بعدين ما يهم اهم شيء بابا ما يتزوج.. غازي : ريما.. بتحطيني بينك و بين امي..؟! بقولك بختار امي.. لا تحطيني بهالموقف.. جنتي تحت رجلها.. صح انك بنتي وما ابي زعلك.. بس لا تحطين نفسك مع امي.. ما يرضيني هالشيء.. ريما حطت رجل على رجل : اعرف جدتي ما ترتاح لين تشوف معاك عشر عيال مو بعيدة تزوجك اربعة.. عادي عندها.. اهم شيء ولد.. صادقة جود و الله ما قالت شيء كذب.. غازي : ليش ويش قالت جود..؟! ريما : تقول حتى الحريم ما يبون الا العيال مالت عليهم من حريم.. ما يبون بنات جنسهم..و يفضلون الرجال عليهم.. اصلاً ما وخرنا الا ذا.. و الا الرسول عليه الصلاة و السلام عاش و عنده بس بنات و كل عيالة توفوا.. الناس تترك الدين و تفكر بس بعقولها اللي يبي لها اعادة هيكلة.. يعني انت يوم تتزوج ما انت ضامن ان خلفتك تكون عيال اصلاً ما انت ضامن انها ما تكون عقيم و الا ان ربي ما يكتب لكم عيال.. و الا تجيب عيال و يموتون... غازي تملل من الحكي و هي تتكلم بتفاعل تبيه يقتنع : ريما.. امي ما راح تقنتع الا بالشيء اللي تعرفة.. و الولد قمتِ و الا قعدتي عزوة و سند.. و لا كبر ما راح تنتظرين مني لا سفر و لا غيره.. ريما : لا كبر انطر يا حمار لين يجيك الربيع.. غازي يصر على اسنانة : ايه و الله انك حمار.. ريما : طيب يمكن اتزوج و عيالي يصيرون كبر عيالك.. و عيالكم بما انهم خوال عيالي يسفرونا مع بعض ملزومين فينا.. غازي : استغفر الله العظيم.. ريما تعرفين ان اكثر شيء اترك الاستهتار و اخذ المواضيع بهبال.. انا ماني جالس اطق حنك معاك و ابسطك.. امال تناظر ريما : ما تخبرها تفر الموضوع فر ما تخليك تطلع بفايدة.. غازي : مثل بعض الناس.. يبي لهم تربية من جديد.. ريما : انا متربية.. و بعدين ما قلت شيء غلط.. انت تقول ما تنتظرين مني سفر و لا غيره.. ليش يعني ناوي تبرا منا..؟! ناوي تولي ولدك اللي لسى ما جاء امرنا..؟! يعني احنا كم اعمارنا وهو كم عمره للحزة اللي تتكلم عنها..؟! شوق : ريمـــا خلااص.. ريما احتد صوتها : ليش خلاص.. انتم تحكون بحكي مو مقنع و تبوني اقتنع.. اقنعوا انفسكم بالأول عشان تقنعوني.. تقولون الولد عزوة و اقولكم البنت اعز.. ليش دايم مأخذين ان الولد هو الحياة هو السند هو الخير.. و البنت ما يطلع منها الا كل شيء شين.. و لا لها تقدير و لا غيره.. ما يعدونها شيء.. اول بالأصح ما يشوفونها غير ثقل عليهم.. غازي جلس على الكنب ساند ذراعة على افخاذة : ليش انا قد حسستكم انكم ثقل علي..؟! ريما : ما تحسسنا الا انك شايل همنا و اذا طفشناك بشيء ما تحملتنا.. حتى لا زعلت منا ما ترضى بسهولة و كنك تبي ترتاح اطول وقت ممكن.. دايم تنقلنا ببيت عم عامر و تخلينا هناك.. اسبوع اسبوعين.. اهم شيء ترتاح ان هم بناتك انزاح لو فترة بسيطة.. امال قاطعت بنتها اللي تسترسل بالحكي و لا هامها شيء : ريمــــــــا .. انتِ فسختي الحيا..؟.. غازي و عروق رقبتة تنبض بقوة من الكبت ما راح يحط الحرة فيها ماهو ناقص مشاكل يكفيه وليد اللي يبي له محايلة و عساف اللي حيلة انهد من كم كلمة جاتة بوسط قلبة .. : خليها يا امال.. خليني اسمع ويش عندها.. كملي بعد..؟! ريما سكتت.. و عيونها ما ركزت على شيء تناظر فيه.. : ما ابيك تتزوج.. ماني متخيلة يكون عندك مره بحياتك.. ما عندي استعداد اتقبل هالشيء.. غازي : طيب انا بتزوج.. و بكره بخطب.. تقبلتي هالشيء و الا ما تقبلتية انا جيتك بالطيب و الزين و حاكيتك.. لاني عادك كبيرة و عاقلة و تفهمين بالحكي.. انا ما راح اغضب امي عشانك.. انتِ ما تقدرين أي شيء يسوية الشخص عشانك.. لما اتركم عند عامر ماهو عشان افتك منكم.. عشاني خايف عليكم لا يمسكم شيء.. دام كانتِ متوقعة اني اشوفكم بهالشكل.. اجل ابشري بزوجك عشان ارتاح صدق.. جهزي لعرسك بيكون قبل عرسي.. و طلع بعد ما فجر كلامة بوجهها.. رفعت عيونها تدور ابوها اللي كان جالس.. عقلها عجز على استيعاب اخر جملة.. جهزي لعرسك..!! التفت و عيونها متسعة تناظر امها خواتها.. احد يحكي ويش قال ابوها..؟! احد يفهمها.. قلبها بينفجر من القلق اللي انتشر مثل النار بالهشيم في جسدها.. بيأكل قلبها .. يزوجها..؟! تعرفة ما يثني كلمتة وما يقول شيء ما يعنية.. جنت على نفسها.. امال وهي تناظر بنتها و كأنها واقفة على هواية لا هي ثابتة و لا هي طايحة.. عيونها ضاعت و تشتت كل شيء داخلها من حكي ابوها : ريمــا.. ريما ناظرت امها تبي تستوعب تبيها ترجع تعيد لها الحكي.. او تكذب فهمها.. تقولها تراك فهمتي غلط.. ابوك ما يقصد.. امال جلست جنب ريما و حطت يدها على ظهرها : ريمــي.. شوق : ايش فيك بابا ما يقصد.. يقول كذا عشان يخوفك..؟! ريما يخوفني..؟! بمستقبلي و حياتي ..!؟ : كيفة.. خلوه يزوجني مانيب قايلة لا.. بس و الله ما ارجع له.. قالتها و الدمعة طاحت من عينها.. طلعت من بينهم و هي مقهورة على ان ابوها ممكن يتخلى عنها عشان يرتاح.. حتى لو فعلاً ما يقصد.. هي تعرفة مستحيل يقول شيء ما يقصدة.. شوق : مامي.. ويش بتسوين..؟! امال : ما راح اسوي شيء.. مستحيل يسويها ابوكم.. ماهو بايع بنتة عشان يرميها بهالشكل.. توها على الزواج على الأقل لين تتخرج من الثانوي.. بس يبيها تحس بحجم الكلام اللي قالتة.. ما قصرت عاد هي .. بقي تبرا من ابوها.. شوق : بس انتم تعرفون ريما مندفعة و ما تثمن حكيها.. امال : ولازم تترك هالشيء.. خليها تحسب حساب الحكي قبل لا ترمية.. (ناظرت لينا اللي ما نطقت حرف واحد ولا ابدت رايها ابداً و كأنها قطعة اثاث موجودة مجرد ديكور) لينا.. ما قلتِ ايش رايك..!؟ لينا تمثل البرود : عادي.. يتزوج ما يتزوج ماهو مغير شيء بحياتي.. بتمشي مثل ماهي.. و يمكن اسوء.. امال : ليش ويش اللي اسوء..؟! لا توقفن ضد ابوكن وتحطنة بنار بينكن و بينه امه.. ما راح يدور رضاكن عند رضا امه.. هو بيتزوج عشانها و عشانكم عشان يجيب ولد يكون لكن سند.. يعني حاطن قدام عيونة.. و ما تشوفن جزاة..؟! يا ماما ابوكم يجي تعبان يبي كلمة حلوة راحة يحس نفسة بمكان بعيد عن المشاكل و ضجة الشغل.. ماهو معقول بيسمع كلام انه مقصر بحقكن و تخلهن كأنه ما سوا لكن شيء بحياتكن..!؟ يكفيكن فخر انكن بنات غازي بن حمدان.. شفتن لو ما سوا الا انه اعترف فيكن.. تبوسن الأرض اللي يمشي عليها.. شوق : ماما و الله نعرف هالشيء.. بس احنا متعودين ان بابا لنا لحالنا فا اكيد لما يقولنا الموضوع اقلها بنتفاجئ في البداية بس بنتقبلة .. هاذي حياتة و من حقة يقرر اللي يبيه دامه ما سوا شيء يلحقنا بالعيب و المنقود.. بس انا شايلة هم عشانها اخت سعود.. اخاف يتحسس من هالشيء.. امال : توك قلتِ ماهو عيب.. و لا هو حرام.. و الرجال يفهمون لبعضهم اكثر من احنا نفهمهم.. و ما عمري سمعت عن رجال يعارض على واحد انه يتزوج الثانية.. ممكن هو نفسة ما يتقبل يتزوج لكن لغيره ما عنده مانع.. شوفي عيال عمك عامر.. ما عندهم مانع من زواج ابوهم.. نفس الشيء سعود و اخوانة ما اعترضوا على زواج ابوهم.. الرجال يأخذون المواضيع ببساطة و عقلانية اكثر من الحريم اللي يأخذونها بحساسية و يحسبون لكل شيء الف حساب.. شوق تنهدت : ما ادري.. و الله خايفة ما احس سعود بيرضى.. امال : اذا ما يرضى بيردون على ابوك بالرفض.. ومو سعود لحالة اللي يقرر لأختة.. شورها بيد ابوها و هي اكيد بتقرر.. لا تشيلين هم.. انتِ اللي بتعيشين معاه و بيتقفل عليكم باب.. ما راح يزعل عشان ابوك فكر يخطب اختة.. لينا وقفت ببرود او البرود اللي تتلحفة قدامهم بس من وراه هي اضعف من كذا بكثيــر : عن اذنكم.. امال : اصبري.. اذا ابوكم سألكم مره ثانية ما تردين عليه الكلمة و تتمنون له الخير و تقولون له موافقات.. لينا : عادي لأني ما راح اقول غير هالحكي يتزوج او ما يتزوج هذا شيء راجع له انا اخر وحده ممكن تبدي رأيها فيه طلعت تنفس عن قهر بقلبها مخفي عنهم تظهر عكس ما تحس ويشوفون شيء هي تبيهم يشوفونة وتخبي الباقي داخل عشان ما احد يعرف آلمها.. منسدح بالمكتب اللي غصبة غازي يجي فيه.. انفتح الباب وهو ما فكر يشيل اللحاف و يشوف مين.. ما يهمة شيء اللي يهمة انه ما يشيل و يبان ان قلبة مفتوح للحين.. يخاف يقرونة.. يقرون حروف حب ما احد قدرها.. يقرون سطور من الوفا ما وصلت لأحد.. يقرون عبارات من الغيرة ما حس فيها احد.. يقرون قصص من الخذلان ما احد قراها.. كلها مجتمعة بقلبة.. لشخص واحد.. "وعد" و اللي يوجعة انه مقتنع بعقلة انها ما تنفع له.. ما تنفع تكون له حليلة.. ما راح يتصافون ابد.. بيتعذب و تعذب معاه.. و ما احد فيهم بيقدر ينفصل عن الثاني ويقولون طلق بنت عمه.. كان يقدر يحجر عليها خصوصاً انها محيرة له.. وما يخلي جنس مخلوق يفكر انه يخطبها.. لكنه ما يبيها.. عقلة ما يبيها و قلبة للحين يشفق عليها.. ويش المعادلة الصعبة.. ويش تكون الحياة اللي القلب و العقل فيها ما يتفقون.. ورى مين يمشي.. قلبة اللي يقول ما راح تملى عينك مره الا هي.. و ما راح يسمح لك تنساها.. او تنسى ايام كنت تفكر فيها كا زوجة.. و الا عقلة اللي يقول تفكيرها غير عن تفكيرك.. ما راح ترتاح معاها و الا تعيش بحياة هادية مثل ما انت تطمح حتى عيالكم ما راح يرتاحون لأنكم بتكونون بين مد و جزر.. و تزوجت و راحت بحال سبيلها حياتك لا توقفها عليها.. : ما قمت للحين.. لو جاي احد غيري و شافك بالشكل ويش بتتوقع يسوي..؟! ما رد.. يفتح جروحة و يبيه ينثر عليها الملح و لا يتألم.. : عســـاف.. جلس عساف بحدة : انت رئيسي على عيني و راسي.. كلامك بشغلي يمشي بالحرف الواحد.. لكن لا تدخل نفسك بحياتي.. لو سمحت انا مابي اغلط عليك.. لك عندي من التقدير و الاحترام ما ابي اندم على شيء ما اتمالك اعصابي فيه.. غازي يتمسخر عليه : لا و الله.. تبيني ما اتدخل بحياتك و اشوفك تهدم نفسك بنفسك.. قوم شوف شكلك بالمراية.. روح شوف عيونك.. هذا عساف.!؟ عساف على سن و رمح.. قلبة ما يتحمل فرقى مره.. عساف شد اللحاف و رماه بعيد عنه : لا تستفزني.. قلت لك لا تستفز رجولتي.. غازي : ويش رايك تقوم تكفخني..؟! عساف : لا تكلمني بحياتي رجاءاً.. غازي : ماهو بكيفك.. غصباً عنك.. قلت لك زواجي و زواجك بليلة وحده وما انت راضي.. ويش اسوي فيك..؟! تبيني اجبرك.. ماني عايز عنها يا عساف.. حتى لو ماني ابوك قادر اني اجبرك.. عساف : انا ما انجبر.. الشيء اللي ما ابيه ما اسويه.. غازي : خلها برضاك يا عساف.. انا ما ابي اخذ وحده انت كنت خاطبها و امشي بحياتي.. عساف : قلت لك الموضوع ما يهمني.. ما يحرك فيني ساكن.. غازي : طيب اسمع كلامي.. اخطب.. عساف : ما ابغى اخطب .. عاجبتني العزوبية.. غازي : اللي تبيها وما تبيك.. و تقول انك ما خطبتها عن قناعة.. قناعتك ما تقول لك تزوج و عيش حياتك.. شوف عيالك و فرح اهلك فيك..؟! عساف : مالي خلق لحنة الحريم.. و لا طلباتهم.. و لا عندي استعداد اسوي عرس و حوسة و فشخرة مالها اول من تالي.. غازي : مين قالك حنة الحريم ماهي زينة..؟! (ابتسم) تراها تونس.. تسمع سواليفهن و تعرف كيف يفكرون.. و طلبات شيء طبيعي يعني انت ما عندك طلبات و الا ناوي تأخذ وحده و لا تعطيها شيء.. الحياة اخذ و عطى.. و المره تقدر تدربها على الشيء اللي تبيه.. و اذا تبي خذ لك صغيرة تقدر تحكم فيها و تكبرها على اللي تبيه.. عساف : صغيرة..؟! من جدك..؟! تعرف كم عمري..؟! غازي يطلع جوالة و يرمية : ايه اعرف.. 34 وين الاشكالية ويش يعيبك..!؟ عساف : صغيرة يعني كم 25.؟! بيني و بينها 9 سنوات..!! غازي : شكل السالفة راقت لك..؟! عساف يتجة للمكتب : ما راقت لي.. فكرة اني اتزوج كنسلتها و ما عاد ابي اتزوج.. غازي : عساف ما ابي اجبرك على شيء.. و اقدر اجبرك بطريقة غير مباشرة..؟! كلمتين لجدتك تجيب راسك.. مثل ما ابي جابت راسي.. عساف يجلس على كرسية الطويل : ما احد يجبرني.. خطبت و انرفضت يعني سويت اللي علي.. و ان ظلوا يحنون و الله لانحاش مثل ما انحاش عمي من سنين.. غازي من غير لا يناظر فيه و هو معطية ظهرة : يعني بتجلس كل عمرك برا مردك ترجع.. مثل ما رجع عمك.. و الا بتزوج من برا و عاد شوي اذا تقبلوا الموضوع.. عساف يرفع سماعتة : سلمان هات لنا ثلاث قهوة طبعاً انت معانا ابيك تونسني.. غازي رفع حاجبة من غير لا يلتفت عشان عساف يشوفة.. عساف : اوك.. قفل السماعة و رجع للكنب مع الفريق غازي : تسمع سوالفة هالسلمان رجال شقردي.. قلت له يجي يخطب من عندنا بس للحين ما صفت.. غازي : ومين ناوي تعطية..؟! عساف : ما ابي احدد له.. قلت له امه تجي و تشوف خواتي و بنات عمي.. اكيد هو عنده مواصفات يبيها ليش احرج الرجال.. غازي وهو يعرف ان عساف يصرفة عشان ما يحاكية بموضوع زواجة : شكلة معجبك حيل..؟! عساف : و ليش ما يعجبني.. ماهو مقصر ابد.. دخل سلمان وبيدة ملف وراة ابو سارة معاه القهوة ادوا التحية العسكرية : السلام عليكم.. : وعليكم السلام.. تقدم الاثنين.. عساف : استريح يا سلمان.. اشر له مكان مقابل لة و يسار الفريق غازي.. اخذ سلمان القهوة و نزلها على الطاولة قدام الفريق غازي و عساف.. و جلس مكانة.. عساف : ايش الأخبار..؟! سلمان توتر : امم و .. .. عساف : ايش فيك تلعثمت قول ويش عندك..!؟ سلمان : جانا تهديد للمركز..باسم الفريق اول غازي و باسمك و اسم العقيد سعود و العميد عماد.. عساف : احنا الأربعة وبتهديد واحد.!.؟! غازي : شلون ارسلوه..؟! سلمان : بالبريد.. و تتبعناه بس ما لقينا شيء.. يمكن احد حطة بالصندوق من غير لا احد ينتبة له.. عساف : راجعتوا الكاميرات..؟! سلمان : ايه و ما كان فيه احد مشتبهة فيه.. غازي سند ظهرة : و بعدين معاهم ما يملون.. عساف : ما ظنتي.. لازم نتصرف باسرع وقت بالخطة الأخيرة.. غازي : ان شاء الله بس ننتظر الوقت المناسب.. .. جلس عماد جنبة : ويش فيك احسك متغير...؟! راشد : الصداع صاك راسي .. من جيت الصبح.. عماد : اخذت بنادول..؟! راشد : اخذت و لا نفع.. عماد : خذ مره ثانية و حاول تنام.. ان شاء الله تنفع.. راشد انسدح : مالي خلق حتى ارفع راسي احسة بيفجرني.. دخل عزام : الفريق غازي ماهو جاي..؟! عماد : الا شوي بيجي..؟! و بيجيب عساف معاه.. عزام تربع عندهم : ودي اشوف يزن.. لي يومين ما شفتة.. عماد : يالله عقبالنا.. نشتاق لعيالنا.. عزام مبتسم : ان شاء الله.. شوفتة يضحك تنسيني همومي.. ويش انا مقبل عليه.. راشد يضغط على راسة : احس شيء بصدري يعورني..(يأخذ نفس بقووة) استغفر الله.. عزام : ايش فيك يا رجال.. تبينا نروح المستشفى..؟!راشد يتقلب و يضغط على راسة بقوة : لااا ما ابي اروح مكاان ااااخخخ.. عماد : اصبر ننادي لك واحد من عيال عمي ابراهيم.. (وقف و عماد و طلع).. عزام قرب من راشد : ايش بلاك.. هذا صداعك اللي دايم..؟! راشد يصر على اسنانة و هو يحس جمجمة بتتفتت من قوة الصداع و ضغطة عليها : اليوم اقوى شيء ما ينطااااق.. دخل حاتم مع عماد : خير ان شاء الله.. عزام : تعال شوفة هو دايم يجية صداع بس هالمره اقوى.. حاتم جلس : راشد أي مكان براسك يعورك..؟! راشد : ككللله كللله بينفجـــر... حاتم : دام له فترة يحس بالصداع كان لازم تودونة يكشف الصداع عرض لعدة امراض ما يبان الا بالتحاليل و الأشعة.. لازم نأخذة المستشفى.. عزام : طيب انا بأخذة.. بس عماد بلغ الفريق غازي ان انا و راشد طلعنا.. في نفس المزرعة وراء الفيلا.. البنات جالسين.. كلهم عدا ريما و لينا.. انهار : ماهو متعب عليك توك مجهضة و طالعة برا بالبرد..؟! وعد منبطة كبدها صوتها ما تبي تسمعة : لا عادي.. و حتى لو بتعب ما احد طلبك تقومين فيني..!! مريم : ردي بأدب..؟! وعد : ومين حضرتك عشان تطلبين مني ارد بأدب..؟! مريم احتدت نظرتها لوعد : امك.. وعد : ارجعي عيدي حساباتك امي ماتت باليوم اللي ولدتني فيه.. روحي دوري بنتك بعيد عني.. ندى بهمس : وعودة لا تخلينهم ينقدونك و يمسكون عليك شيء.. انتِ اذكى من كذا بكثير.. مريم : خير ان شاء الله.. مين مفهمك اني توفيت..؟! لا تفاولين علي.. وعد التفت على خواتها و بنات عمانها : ايش رايكم وحدة تجيب بيبي و تتركة وما ترعاة تتوقعون ان قلبها توقف عن النبض يعني ماتت مو..؟! مريم : ابوك ما علمك كيف تردين على اللي اكبر منك بأدب و احترام..؟! وعد : لا تجيبين طاري بابا.. بابا علمني اني اعامل الناس باللي يعاملوني فيه.. عهود تشرب من فنجالها : مو مشكلة عماد يعلمك.. وعد : خلاص .. بس قبل اسالية الشخص اللي ما وفا لك توفي له..؟! و اللي ما عطاك بعز حاجتك تعطية..؟! ولا قالك ايه.. حزتها يكون لنا كلام ثاني.. عهود : ليش متوقعة يعني ان عماد ما عنده قلب عشان يقولك اقسي على امك.. عشانها تركتك صغيرة.. لا يا عمري.. عماد اكبر من كذا بكثير عماد يخاف ربه و ما يظلم نفسة.. بس مشكلة انك مو مقدرة الشخص اللي ماخذتة خسارة فيك.. جود كشرت بوجهها : نعم نعم..!!! لا يا حبيبتي هو اللي خسارة فيه اختي وعد.. وعد جوهرة ما يلقى لها شبية بالدنيا كلها.. خليه يقدر اللي عنده و يحمد ربه كل ما صبح و مسا عاللي عنده.. انهار : ايش دعوة..؟! مين ماخذ..؟! مره ما بها زود عن باقي الحريم.. سها : والزود اللي تدورينة انتِ وشو.؟! وعد تميزت عن كل الحريم كاملة و الكمال لله.. جمال و دلع و دلال و حسب و نسب و تعليم.. ويش يبي زود ان شاء الله..؟! عهود : و الله اخوي ما يبي وحده ما تبر بأمها.. امك لو تصبحك بطراق و تمسيك بطراق تبوسين الأرض اللي تمشي عليها.. جود : الحمدلله جاوبتي على نفسك بنفسك.. قلتيها تمسيك و تصبحك يعني معاك.. ما تخلت عنك و رمتك.. و جايها بعد سنين لما كبرتي تقول انا امك و بري فيني.. وعد : اششششش (تناظر خواتها) خلاص الموضوع انتهــى.. عهود : و على كيفك تبدينة و تنهية متى ما اشتهيتي..؟! اصحي يا حبيبتي.. مو كل الناس على هواك و مزاجك.. وعد : عهود ما ابي اناقرك.. مالي خلق اتهاوش معاك.. عهود : لا تكفين تعالي تهاوشي.. من زينك عاد انا اللي ميتة اتهاوش معاك.. لو بكيفي ما دخلتك بيتنا و لا خليتك مرت اخوي.. وعد ابتسمت تستفز عهود : بس ماهو بكيفك.. حطي تحتها مليون خط.. ماهو بكيفك.. ميار وقفت : انا بروح اتمشى.. سها : خذيني معاك.. عهود : الله لا يبلانا بس هذا اللي اقولة.. عماد ويش لاقي فيك اللي مخليك للحين على ذمتة.. ابيه يعطيني شيء واحد بس يشوفة فيك الا طويلة لسان و قليلة ادب و بنت عدو ابوي.. نهى : بمشي لك الثنتين لاني ما ابي اتهاوش معاك لكن بوقف عند اخر كلمة بنت عدو ابوي..؟! ترى ابوك هو اللي لوى ذراع ابوي باسلوب خايس زي وجهة.. هذا يعني ان ابوك هو اللي ما يعرف غير الشر هو السبب بكل شيء صار من سنين و للحين.. ويوم مل و طفش جلس يدور الصلح .. و اختار مين يكون الضحية.. و حطها براس اختي.. و عرف كيف يخلي ابوي يسكت.. بس يكون بمعلومك ابوي كلم وعد لو تبي الطلاق تطلبة انا اصلاً ما ادري ويش مصبرها على اخوك للحين.. و الا شلون بتدخل بيتكم..؟!!! مريــم بحدة : بــــــــــس ما فيه أي احترام لي جالسة بينكن..؟!! نهى : لا تكلمينا كلمي بنات اخوك هم اللي غلطوا علينا.. اما تبينها تهين ابوي و اسكت و الله لو انه الكلام يطلع منك لأرد عليك.. الا ابوي.. خط احمر ما احد يتعداه.. انهار : كنك انتِ الوحيدة اللي عندك اب بالدنيا.. ما احد عنده غيرك.. يا عمي طيري.. نهى : اووهوو علينا.. اذا انتِ ترضين ان احد يتكلم على ابوك قدامك هذا شيء راجع لك.. لكن احنا لا.. فاهمة و الا تبيني اعيد بطريقة ثانية.؟! انهار : بطريقة ثانية كيف يعني بتقومين تعطيني طراق..؟!! مريم بحدة تناظر هنادي : دقي على ابوك خليه يجي يتفاهم معاهن.. هنادي : ان شاء الله.. طلعت جوالها من جيب تنورتها الجينز تتصل على ابوها.. نهى تستهزء فيهم : يعني ويش بخاف منه..؟! ترى ما اخاف من ناس ما تخاف ربها..؟! الله فوقهم.. عهود : احترمي نفسك تراك بمكانا .. لا تغلطين و تتجاوزين حدودك..!! نهى : لا يا شيخة.؟! تصدقين مره خفت منك..؟! على فكرة ترى اخوك هو اللي اصر نجي هنا.. حطيها حلقة باذنك.. عهود : على الأقل احترمي هالشيء.. قدري الجميل اللي حطة على رووسكم..!! مريم : عهووود خلاااص.. هنادي : ابوي بيجي الحين.. اللي مو محرم لها تتغطى او اذا تحب تدخل.. بالرغم من ان عامر جاي الا انهن ما سكتن.. و كملن هواش.. وعد : الجميل اللي حطه على رووسنا..!!!!! صدمتيني صراحة..؟! انهار : انتِ مو زعلانة منه ويش جابك هنا..؟! وعد ابتسمت بسخرية : لا يا شيخة..؟!! ايش جابني هنا..؟! هذا الشيء ما يعنيك.. لا تحشرين نفسك بيني و بينه.. نتزاعل نترضى نتقاتل انتِ ما يخصك.. حطي هالشيء بين عيونك.. عهود ابتسمت تستفز وعد : و انتِ حطي بين عيونك ان عماد قلبة ماهو لك.. وعد ضحكت ضحكة قهر ماهو ناقصها هو و تحدية عشان تجي اختة تكمل الناقص : طيب بنشوف قلبة لمين يا بنت عامر.. كل البنات دخلوا عدا وعد و نهى و انهار و هنادي و عهود ومعاهم مريم.. عامر : السلام عليكم.. : و عليكم السلام.. وقفن وعد و نهى يسلمن عليه عشان ما يخلون لهم مجال يحكون على تربيتهم.. بعد ما سلم عليهم جلس.. : خير ايش فيكم..؟! مريم : تفاهم معاهن.. كل وحدة لسانها ويش طولة ما يحترمن احد.. عامر يستند بيدة على المركى : على ويش..؟! انهار : هم ما يحترمون احد و لا يقدرون يردون على خالتي مريم و لا كنها امهن.. عهود : و لا هم مقدرين احد.. و كل وحدة رافعة خشمها شوي ويشق السماء.. انهار : عدا انهم تكلموا عليك.. و يقولون ما تخاف من الله .. يعني ايش تبينا نسكت عنهم..؟! عهود : هن اللي يخلن الواحد يطلع من طورة.. كلامهن استفزازي..؟!! و كأنهم متفضلين علينا.. انهار تكمل السلسلة مع عهود : ولا بعد يا عيني ماهو عاجبهن اللي جالسات هنا.. يا حرام مو رايق لهن المكان عشتوا بنات العز و الدلال.. نهى و وعد مع كل جملة يناظرن بعض.. و ساكتات.. مو خوف ولا ما عندهن رد.. بس لعانة يبن يسمعن كل اللي عندهن و يعرفن ويش اللي بيقولنة و من بعدها يحكن.. عامر : هاه يا بنات ابراهيم.. ويش عندكن..؟! نهى ببرود تتكي على المركى بينها و بين وعد مثل حركتة : و النعم و الله ببنات ابراهيم الله يطول بعمرة.. علم بناتك ما ادري ويش يطلعن لك.. حقيقة النصب اللي سويتة على ابوي.. عامر بحدة : مواضيع الكبار ما يخصكن تدخلن فيها.. نهى : و الله عاد بناتك يقولن ان ابوي نهب فلوسك.. ما تبي تعلمهن الحقيقة ويش هي.. قولهن لا يتعدن حدودهن و يحكن على ابوي.. و الا اقسم بالله ما نسكت عنهم.. عامر : ما احد له شغل بشيء بيني و بين ابوكن.. ما يخص احد فيكن و لا اسمع وحده فيكن تتكلم بذا الموضوع.. وعد : و الله احنا ما حكينا هن اللي حكن.. ما راح نسمح لهم يتعدون حدودهم معانا.. و ترى مالهم دخل باللي نقولة لمريم.. ما يعنيهن.. لو نسب و نطعن فيها ما يخصهن.. عشان هن ما عاشن اللي عشناة و يديهن بالماء يتكلمن و يتفلسفن.. مالهن دخل.. نهى : صادقة اختي.. احنا و مرايم ننجاز.. لا يدخلن عصهن بشيء ما يخصهن .. هن اللي حكوا فينا يوم حكينا مع مرايم.. يعني هن اللي بدن.. عامر : نهى .. امكم هذا موضوع خاص.. و الحكي ذا كله و القرقرة مالي خلق اسمع نقار حريم.. انتن قرايب و الظفر ما يطلع من اللحم.. هواش و نقار ما نبي.. احنا بوقت نبي نكون على قلب واحد.. اذا انا و ابوكم بعد كل اللي صار بيننا هذا احنا جالسين بمكان واحد و نأكل من صحن واحد.. و عايشين بنفس المصاب مع بعض.. الظروف ما تحتمل اننكم تهاوشون.. احنا بأزمة.. خلوا الخلافات هاذي على جنب متى بتصافون..؟! ما تدرون الواحد متى الله يأخذ عمرة عشان يكون بقلب كل وحده فيكن على الثانية..!!! انهار : ما يخالف احنا ما بقلوبنا حقد.. بس هم يلتزمون حدودهم لا نغلط عليهم و لا يغلطون علينا.. نهى : احنا ما حارشناكم.. انتم دخلتوا نفسكم بيننا و بين مرايم.. عامر : انتِ ما تستحين تقولين مرايم..؟! نهى ببرود : لا ما استحي.. يعني ويش امي..؟! لا طبعاً لأنها ما كانت معاي.. عامر : مو لازم تكون معاك.. اهم شيء انها ولدتك على الدنيا.. تراك تعقين فيها و تغضبين ربك.. وين بتلقين التوفيق من الله و انتِ مزعلتها..؟! وعد : على أساس هي ما زعلتنا.. لا نضحك على بعض و نسوي انفسنا ناس مثالية و ما تشيل بخواطرها شيء.. انا ما اعتبرها ام لي.. امي توفت من سنين باليوم اللي اولدتني فيه ماتت.. انا يتيمة الأم.. و ربتني امي نوال.. غير كذا ما عندي.. عامر : استغفري ربك غيرك يدور امها عشان جنتة تحتها و انتِ ترفسين النعمة.. وعد : هي اللي رفست نعمة ان يكون عندها بنات.. هي رفستنا و راحت تدور سعادتها.. هي ما اهتمت لبناتها و لا نشدت عليهم.. .. في مكان مو بعيد.. سها : ادري و اللي ندمانة.. قلبي يعورني.. ما تخيلين شلون و الله مو قادرة اتحمل.. حاسة بالذنب.. ميار : سهاوي لا تعقدينها ان الله غفور رحيم.. استغفري لذنبك.. سها : و انتِ ويش فيك شكلك مهمومة..؟! ميار : هالفترة تركي ما يروح عن بالي.. بس حاسة براحة.. يعني ما ادري شلون افسرها.. مرات اقول لا تضحكين على نفسك يا بنت لو هو بخير ما كان له ثلاث سنين مختفي.. يمكن بيجيك خبر و يقلب حياتك فوق تحت.. سها : تبين الصدق.. اتمنى يجيك خبر على الأقل تعرفين راسك من رجلك.. تعرفين شلون تمضين بحياتك.. ميار : ما ابي الا يجيني خبر يفرحني.. ما ابي خبر يضايقني و الله بموت لو عرفت انه صاير له شيء.. و الله بطق.. ما اتخيل نفسي من غيره.. سها : هو ايش يشتغل..؟!! ميار : ضابط.. كان يشتغل ضابط.. عليه هيبة يا سها.. مرات لا شفت سعود اتذكرة.. على انه هو اقصر من سعود بشوي.. الا ان زية العسكري و مشيتة تذكرني فيه.. تخيلي مره .. كنت زعلانة و هو كان مستلم له 24 ساعة و اول ما وصل بيتهم و عرف من رغد اني متضايقة جاني يراضيني.. ما يبي ينام وهو يحس ان خاطري فيه شيء.. ما راح لين خلاني انبسط.. مرات يتصل علي يحس فيني اذا فيني شيء.. حتى لو كنت بكذب عليه اقوله ما فيني شيء يعرف من نبرة صوتي.. سها : تزوجتية عن حب..؟! ميار : لا.. بس اول ما خطبني حبيتة تعرفين اول رجال بحياتي شيء طبيعي بتعلق فيه.. و لما ملكت و تعرفت عليه تعلقت فيه اكثر.. على انه فترة ملكتنا يمكن شهر و كم يوم بس.. الا اني كنت احس نفسي كتاب مفتوح قدامة.. مره مالي خلق اشتري للعيد و لما عرف ليلة العيد نزل السوق وشرا لي يقول ما ارضى ان زوجتي ما تكون مميزة أيام العيد و لا تلبس شيء جديد حتى لو خزانتك مليانة.. سها مبتسمة : من عذرك تحبينة.. .. في نفس المزرعة واقفة عند الحيوانات.. تتفرج عليهم.. وقفت عند الأرانب رغم انها ما تعرف أي ذكر و أي الأنثى الا انهم اثنين كبار و اثنين صغار يعني صغارهم : ياليت بابا يحبني مثل ما ابوكم يحبكم.. من زمان ما عاملني مثلهم.. مثل باقي بناتة.. ريما بنت ابوها مثل ما يقول.. و شوق شبيهة ابوها و همس دلوعة ابوها.. و لينا و لا شيء.. ما عدها شيء من بينهم.. كرهها.. ما صار يعدها شيء مهم بالنسبة له.. حتى اثاث البيت اهم منها.. ما سمع حتى رأي بموضوع زواجة و عادي عنده ما اثر فيه.. ما حس بفرق.. صوت همس عند اذنها و شيء حستة على رأسها : حركة وحده ترحمي على نفسك.. ما امداها تستوعب كلمتة الا حست بشيء يكتم انفاسها و تفقد السيطرة على نفسها.. و تروح في عالم اخر.. .. و في نفس المزرعة لكن قريب من البوابة.. راشد خرج من الغرفة مخنوووق ..يتلفت يمين يسار.. يحس بشيء ينهش جسمة و صداع يفتت خلايا مخة.. جلس على ركبة و يضغط على راسة بقوة : يكفـــي.. وينـــك.. وينـــــك.. غازي نزل مع عساف من سيارتة مصدومين بـ راشد جالس على ركبة و اشبه بـ ساجد على الأرض.. غازي : ايش فيه..؟! عزام : ما ادري ويش صار له .. كنه مخنوق بالغرفة و طلع.. راشد من شدة الصداع يضرب راسة بالأرض : آآآخ.. غازي مسكة من كتوفة و رفعة : راشد.. راشد ما يشوف قدامة من الصداع.. عيونة بتطلع من مكانها من شدة الألم.. : وينك..؟! ويش صار..؟! .. لا إله الا انت سبحانك اني كنت من الظالمين.. لا أحلل نقل الرواية دون ذكر اسمي.. هاشتاق #رواية_لو_ٍسألتي_الورد ضحكة قهر.. |
رد: لو سألتي الورد وهو ما بين إيدك أقطعك بيقول لك عمري فداك الكاتبة / ضحكة قهر
بسم الله الرحمن الرحيم.. السلام عليكم و رحمة الله وبركاتة.. صباح/ مساء الخيرات و الليرات.. يا هلا و يا مرحبا فيكم من جديد بعد فترة انقطاع طالت اكثر من اللي كنت حاسبتة و قلتة لكم.. و جاني عتب كثير و كلام بس لازم تعرفون ان الشيء هذا مو بيدي.. انا لما يكون مالي خاطر بالكتابة و مخي موقف ما عندي الحماس لأني اكتب و ارتب افكاري و تبوني انزل بارت.. تتوقعون بيطلع البارت كويس..؟! بكون مستواة على مستوى باقي بارتات الرواية..؟! اكيد لا.. الكتابة تزور و لا تزار.. و ان شاء الله هذا الإنقطاع الأول و الأخير عنكم لين ننهي الرواية مع بعض.. و تأكدوا اني ما راح اتركها ابداً.. اسئلة كثير تجيني بتكملينها و الا لا.. لو ما ابي اكلمها كان ما ادخل المنتدى و لا الأسك و التويتر و ارد عليكم.. و قلت لكم من قبل لو ماني متأكدة اني راح انهيها ما نزلتها انا بعد قارئة مثلكم و اكيد ما يرضيني اقرأ رواية و اتعلق فيها و تترك لي الكاتبة بالنص.. ما راح اسوي هالحركة ابداً فيكم.. وثقوا فيني شوي.. اشكر كل اللي سألوا عني و ما تركوني و اسدوا لي تعاونهم معاي لو بكلمة.. و اللي دايم يرسلون لي على الأسك تأكدوا حتى لو السؤال عادي و جاوبتة مية مره وجودكم يزيدني حماس.. اشكر كل شخص قرأ روايتي وهي بقسم الروايات الغير مكتملة لأني احسها ثقة.. ثقة اني بكمل حتى لو ما كانوا واثقين يكفيني هالإحساس انا احسة.. ارحب بكل القُراء من مختلف الدول.. سعيدة جداً بمتابعيني من دول الخليج عامة و فلسطين و السودان.. شيء جميل و الله و جودكم جمالة ما ينوصف.. اشكر اللي ردوا على الرواية اول ما فتحتها المشرفة و ترى ما نسيتك Miss RoFa حتى لو من فترة طويلة يمكن اللي ردون مره مرتين انساهم لكن اللي ترد كم مره حتى لو تنقطع فترة ما انساها.. اخيراً مواعيد البارتات ثابتة كل سبت ان شاء الله.. بس هالويك اند بارتين بارت اليوم و الثاني السبت عشان يأخذ هالبارت حقة في الردود و التوقعات.. و عشاني مطولة عليكم و تستاهلون مين يعوضكم.. استروا على ما واجهتوا من اخطاء.. البارت الثالث و الأربعون.. اللقاء صدفة ! يذل الذاكره و الحنين يبكي اسراب الحمام.. حبك بقلبي ولآني,, ناكره بس يحتاجك و يحتاج اهتمام.. لـ رجف.. طلع من المزرعة بعد ما سمع صوت بنتة.. حس بانكسار بروحة من بنتة.. ألم فضيع ينهش شرايين قلبة.. ويش يقهر الأب كثر بنتة يوم تطعنة بسمعتة.. يوم تحسسة انها ما رباها و راحت مع واحد عشان تزوجة.. وثقت فيه و تركت ابوها..!! ليش هي تحسب نفسها بأي مكان عايشة..!! ناسية وين..؟!! : تفــضل.. < قالها بعد ما سمع صوت الطق ع الباب.. دخلوا عساف و عزام .. ادوا التحية العسكرية رغم استغرابهم من شكل الفريق غازي.. اللي عيونة بالأوراق و لابس نظارتة الشمسية.. رفع عيونة لهم.. وهم تقدموا لمكتبة.. آشر لهم على الكراسي : استريحوا.. جلس عزام مقابل عساف.. كل واحد يفكر شلون يبدون بالموضوع.. و غازي عيونة بالأوراق.. و مخفية خلف نظارتة.. عساف بثبات : سيدي.. اذا فيك شيء نأجل الموضوع.. غازي : قولوا اللي عندكم.. (رفع عيونة لهم يناظرهم من ورى نظارتة) اسمعكم.. عساف اخذ نفس واضح ان رئيسهم ما راح يكون صدرة وسيع لهم مثل دايم.. و الأسلم يستلم الأمور بجدية اكبر : تونا جايين من شقة راشد.. او الأصح تركي بن سيف.. تركي بن سيف ضابط في سلك الشرطة.. سافر من ثلاث سنين على الصين و طبها و من بعدها اختفى من على وجه الأرض.. و اللي صار له انهم خطفوة.. و عرضوة لتعذيب شديد.. حتى انهم اعطوه صعقات كهربائية عشان يفقد ذاكرتة.. (عساف نقل نظرتة لعزام ثم لرئيسة عشان يكمل) اصدرنا انا و عزام امر بتفتيش بيتة, و رحنا لشقتة و لقينا صور لنا كلنا في كل اجتماعاتنا.. وهو مو معنا.. و كأن هو اللي كان يصور.. عشان كذا مو ظاهر في الصور.. و الغريب.. ان لقينا له صور كثير وهو يتعرض لـتعذيب و اخذناها و سلمناها للأدلة الجنائية نرفع منها البصمات.. غازي النار اصلاً تشتعل بصدرة من بنتة و طعنتها له بظهرة.. تجية الطعنة الثانية من واحد عده مثل ولده و وثق فيه سلمة موضوع كبيــر و كان احد الأشخاص اللي اعتمد عليهم.. وين كان عقلة.. وين عيونة.. ويش صار له!! ضيع عقلة ما عاد يفرق و لا يعرف الأمين من الخاين!.! عزام باستغراب من وضع الفريق غازي : سيدي..!! غازي بحدة : لا عاد تناديني كذا.. ناديني باسمي.. لا جاء الوقت اللي استاهل فيه اكون رئيسك قولها لي.. ما كان عزام الوحيد اللي تفاجأ من الكلام عساف بعد تفاجأ ..تبادلوا النظرات ولفوا يناظرون رئيسهم عيونة على المكتب.. و كأنه اليأس متملك كل خلية فيه.. ما كان كذا..!! قبل كم ساعة بس ما كان كذا..!! ويش اللي قلب حالة بساعات..؟!! عساف اعتدل بجلستة و يدة على طرف الكرسي الجلد يضغط بقوة عليه ما راح يسمح له ييأس.. اذا هو تحطم بيأثر عليهم.. بيقدرون عليهم العصابة بكل سهولة.. : انت رئسينا و لو ما تستاهل تكون رئيسنا ما انحطيت بذا المكان .. و لا مسكت قضية كبيرة مثل هاذي.. هم قدروا يستغلون راشد.. هذا ما يعني ان كل شيء انتهى.. و احنا طحنا.. غازي بعدم مبالاة يهز كتفة و هو متنسد بذراعة على المكتب : شكلك نسيت ان احنا ستارة و جابر هو اللي ماسك القضية..(الخيبة اعتلت صوتة) خله يمكن هو يقبض عليهم و نفتك منهم.. عزام وقف بحدة : ليــش..!! ليش تبي تنسحب الحين..؟!!! ما تعودنا منك الضعف.. الحين انت بتأثر علينا كلنا.. كلنا.. مو احنا عيالك..؟! مو هذا اللي قلتة..؟! و الأب ما يخذل عيالة.. ما راح نسمح لك تنسحب.. الحين بنناديهم كلهم.. و بنتناقش بالموضوع.. ما راح نترك الموضوع بنصة.. يا نموت فيه.. يا نعيش منهينة.. عزام ادى التحية العسكرية و طلع.. عساف ناظر الفريق غازي : ما احد ينسحب من مهمة له الا ان ناوي يترك المجال كله.. انت ناوي تستقيل..؟! ما رد الفريق غازي.. هو مجروح.. مطعون من بنتة.. صحيح ما فكر بالاستقالة للحين لكنها ماهي بعيدة عليه ابداً.. حس انه انكسر..!! انكسر و لا هو حمل يتحمل اكثر.. بنتة و واحد من رجالة بيوم واحد.. ما حتى كمل على موضوع لينا 24 ساعة حتى ينصدم بـ راشد.. وقف سحب جوالة و مفاتيح سيارتة : انا رايح المزرعة.. طلع و ترك عساف اللي طلع وراه و شاف عزام يناظر غازي طالع.. عزام نزل الجوال من اذنة وهو يناظر عساف : ايش فيه.؟! عساف : سألتة بتستقيل و ما رد علي.. .. جالسات فوق.. حفيدات مساعد و بناتة.. جود مشتطة من الحزة اللي سمعوا فيها كلام عماد : اما يتزوج عليها.. راح اذبحة صدقوني.. انا بذبحة.. و استأثم فيه.. نهى : ما يقدر يسويها.. ما تزوجها من الشارع.. لها اهل يوكلونة التراب.. سها : اصبروا يمكن احنا فاهمين غلط.. حتى هي طردتنا و سكرت باب الجناح كله مو بس غرفتهم.. جود : الى متى نصبر لين يتزوج عليها..(مسكت اذنها اليمين) سمع اذوني قايل باسبوعين بيخطب.. عبير : مين بيزوجة بـ أسبوعين..؟! التحاليل لحالها تأخذ اسبوع.. جود : لا يا حبيبتي .. ابوه رجال واصل للمريخ.. يطلعها بساعة لا بغى.. هم الرجال حميـــر.. ما يقدرون.. البارح بس مجهضة .. يجيها اليوم يزف لها خبر زواجة يا عله بالماحي.. أسيل تربعت : يبي له تأديبة محترمة.. بس فيه شيء محيرني.. هي اساساً مو تزوجتة بدون رضاها..؟! ليش للحين متمسكة فيه على انه مشاري عرض عليها يرفع عليه قضية طلاق او خلع.. ندى بـ هدوء عكس خواتها و أسيل و عبير : لأنه زوجها و صارت مسؤولة منه.. تتوقعون شيء سهل الوحدة تكون مطلقة..؟!!! ماهو شيء هيــن وحدة ينقال عنها مطلقة.. ما احد بيرحمها.. عبير : لها رب يرحمها.. ما نبي رحمتهم.. ويش ذا الرجال ما يملى عينهم مرة وحدة لازم يصفرون العداد.. سهاد : بديتن تقطن خيط و خيط..أولاً هذا بالشرع.. الرجال من حقة يتزوج وحدة و ثنتين و ثلاث و اربع.. عبير بحدة : بس لازم يعدل مو من هنا و الطريق.. سهاد : و هو ما تزوج للحين عشان تعرفين هو عادل و الا .. ثانياً مو كل الرجال لازم يتزوجون اربعة.. بدليل عيلتنا.. جدي متزوج ثنتين.. و عمي ابراهيم متزوج اربعة.. و ابوي و عمي سعد كل واحد متزوج وحدة.. نهى اتسعت عيونها : يعني انتِ تشوفين عادي يتزوج على وعد..؟!! سهاد : طبعاً لا.. ماهو عادي.. متى صار لها معاه عشان يطق على راسها مره.. بدري على الحكم حيـــل.. اكيد ما يرضيني انه يتزوج عليها.. بس انا تعليقي عشانكم تتكلمون عن الرجال كلهم.. خلوا كلامكم بـ عماد ما يحتاج تغتابون جنس الرجال كلهم و تسبونة و كأن ما فيه رجال صالح بالدنيا ما يصير كذا.. أثير : و شيء طبيعي بين أي اثنين تو تزوجوا يكون بينهم مشاكل لفترة ماهي قصيرة.. لكن انه يتزوج عليها بخلال هالفترة هذا الشيء اللي غريب.. : السلام عليكم.. : وعليكم السلام.. ام ناصر : وعد بغرفتها..؟! نهى كانت بترد بس آشرت لها ندى تنطم لأنها تدري ممكن تقل أدبها : ايه يا خالة.. ام ناصر بقلة حيلة : اكيد سمعتن ويش قال عماد.. ما كلمتوها و عرفتوا ويش بينهم..؟! ندى : لا و الله يا خالة طردتنا و سكرت باب الجناح.. مريم تكلم ام ناصر : كلمي عامر.. ما احد يهجد ولدك الا ابوه.. عهود وراهم متكية بظهرها على الدربزان : على اساس يا عمة ما تعرفين عماد.. لا طق الشيء براسة سواه وهو ما يشوف الدرب.. عشان يمشي كلامة.. انهار : بس مو لدرجة يتزوج عليها.. اوكِ اختلفوا ينتظر لين يطخ اللي براسة و بعدين يناقشها.. مو كذا على طول يأدبها بمرة.. جود تناظر انهار و عيونها بتطلع من محاجرها من القهر عليها : لا و الله.. يأدبها بـ مره.. يعني الحين اختي هي اللي غلطانة.. و كأنك جالسة معاهم يوم تهاوشوا.. سها كملت على مع اختها : لو سمحتي يا ليت تحترمين نفسك.. ما نبي نتهاوش معاك.. تحطين وعد المذنبة من غير لا تعرفين شيء.. نهى وقفت قدام انهار : مضايقك انه بيتزوج عليها..؟!!! و الا مضايقك انك ما تكونين مخلصة عدتك..؟!! مريم بحدة : نهـــــــــى.. نهى تناظر امها : لا تصارخين علي انتِ مالك كلمة علي.. صوت الكف هو اللي سكت الكل.. تعلقت عيونهم بـ نهى و مريم اللي اعطت بنتها كف.. مريم بـحدة : قليتي ادبك حيـــل و لا تحترمين احــــد.. دامني هنا غصباً عنك تحترميني.. كل ما سمحت لك الفرصة رفعتي صوتك و قلتي كلام زي السم.. و لا تراعين احد.. نسيتي اني امك ولي حق عليك.. نهى ما كانت تناظر احد فيهم.. حتى امها.. وهي تسمعها تكلمها.. مريم صرخت على نهى : ليـــش ابوك ما رباك..!؟ ما علمك شلون تحترمين اللي اكبر منك..؟! ردت نهى ببرود مو غريب عليها هي اللي اكثر ما يميزها هي برودها : ما يخصك ابوي ويش علمني.. و ما اسمح لك لا انتِ و لا غيرك تتكلمين على تربيتي.. (أشرت على أمها) انتِ اخر وحدة بالدنيا انا ممكن اتقبل منها شيء.. انت ما اعطيتيني شيء عشان تطلبيني.. رميتيني بزر عمرها سنتين.. جاية يوم صار عمري 25 تبين مني اسمع كلامك..!؟! مو لازم تعلميني من قبل شلون اسمع لك..!؟ لا تقولين ابوك ما سوا و ابوك ما علمك.. لأنه علمني.. و علمني و علمني.. و قالي يا نهى.. اللي بتعطينة تأكدي انه بيعطيك.. لأنه بوقت عازتك لا طلبتية صد عنك و الدنيا اخذ و عطا.. و اللي ما يحترمك لا تحترمينة لأنه بيركب فوق راسك و لا بيقدرك.. و انتِ ما عطيتيني عشان اعطيك.. بوقت عازتي لك صديتي عني.. و لا احترمتي امومتك لي عشان احترمك.. انا ما اعتبرك بحياتي أم لها حق علي.. لا تحاولين الحين تمنعيني عن أي شيء.. لو تشوفيني ارمي نفسي بالنار انتِ مالك دخل.. مشت نهى عنهم.. انهار ناظرت خالتها بعد ما دخلت نهى لأجناح عماد عند وعد : ليش سويتي كذا..؟! يعني مو من طيب العلاقة بينكم و خربتيها زيادة عشاني..!! مريم بحدة ردت عليها كلام نهى يطعنها في صميم روحها : زودتها و ما عاد اني طايقة منها و من اختها شيء زيادة.. كل مره يطولن ألسنتهن علي و لا يحترمني.. هن محني من حياتهن.. و لا اعني لهن شيء.. وقفت أسيل : عن اذنكم.. أثير : على وين..؟! أسيل : طالعة اتمشى.. أثير انصدمت : هالحزة..؟!! أسيل : ايه.. سحبت طرحتها بما انها من قبل لابسة العباية لأنها مصرة تقابل نايف.. عبير تناظر أثير : ترى اختك خبلة...!! أسيل : من زمان مو من تو.. ام ناصر : خلاص مريم اذا ما عرفن خطاهن اليوم بكره بيعرفنة انتِ الحين ارتاحي.. و انا بكره بكلم ابو عبدالله و هو يتصرف معاهم.. عهود تكلم انهار : كان لازمها هالكف من زمان.. انهار : صح تنرفز.. بس ترى خالتي غلطانة اللي ضربتها.. مو من زين العلاقة بينهم و خربتها زيادة الحين.. كلامها ما يقدم و لا يأخر ما أثر فيني عادي.. عهود تنرفزت : الا تبط الكبد.. بس ايش معنى قالت لك هالحكي..؟! تهقين انها تدري عن علاقتك بعماد..؟! انهار : علاقتي بعماد انتهت باليوم اللي رضيت اتزوج فيه غيرة لذلك سكري ع الموضوع.. .. في غرفة بنات غازي.. امال : ابوك قال يبي يشوفها.. وهي منخمدة.. شوق : قولي له اكلت بنادول.. و نايمة ما راح تصحى الحين.. امال : و الله لا يدخل و يصحيها بالغصب.. و يحط حرة لينا فيها.. شوق مسكت ذراع امها ترجاها : يمه تكفين قولي لـ جدتي تكلمة.. ريما مالها ذنب.. امال ناظرت جوالها يضيء باسم غازي : هذا هو جاء.. اذا شفتي الوضع زفت و ممكن يذبحها.. علمي عمك عامر.. شوق انصدمت : من جدك يمه بتتركينها..؟! امال : ماني تاركتهم.. بس بكون لابسة عبايتي احتياط.. ابوك ما راح يهدأ.. لين يلقى مين يحط حرتة فيه.. شوق : و ريما هي اللي بتأكلها..؟!! امال ردت على الجوال بهدوء رغم ان هي بعد مصدومة من لينا.. لكن اكيد ما ترضى ان اللوم كله يجي على ريما حتى لو كانت توأمها مالها ذنب تتعاقب بخطأ اختها..! : الو.. و الله نايمة يا غازي اكلت بنادول نايت و ماهي راضية تصحى.. (غمضت عيونها و اخذت نفس) طيب الحين بتجيك شوق و تدخلك.. سكرت من الجوال حتى تناظر شوق : روحي دخلية.. شوق وقفت : يالله.. لينا ليش سوت كذا..!؟ امال : رووحي.. ابوك بيحط اول الحرة فيك عشانك تأخرتي.. طلعت شوق.. و امال لبست عبايتها.. تعرف زوجها.. اكيد بيحقق مع ريما وكأنها مجرمة.. مثل ما سوا من سنتين.. بس تيك المره ريما كانت تدري و مخبية.. الله يستر لا تكون هالمرة مخبية بعد.. بتروح روحها بين يدين ابوها.. لحظات حتى يدخل غازي و وراه شوق.. نظارتة ما نزلها عن عيونة.. جاي من المركز لـ هنا على طول و لا شاف احد فيهم.. طاحت عيونة على ريما نايمة.. : اطلعوا.. امال : غازي تكفى.. غازي بحزم : امال اطلعي.. امال تترجاة : تكفى و الله مالها ذنب كانت نايمة.. هي ويش دراها..؟!! غازي بصوت احتد اكثر من قبل : امال اطلعي ما ابي اعيد و ازيد بالحكي.. شوق على شفا حفرة من الصياح.. ريما ماهي حاسة بـ شيء.. و ابوها معصب.. ما راح يرحمها حتى لو هي مالها ذنب.. : بابا.. غازي صرخ فيها : شــــــــــوق.. صرختة خلتها تطلع من غير لا تترجاة يعتق ريما و هي ما تشوف الدرب.. طلعت امال وراها.. وغازي رفس الباب برجلة و قفلة من غير لا يدير ظهرة عن ريما.. اتجه لها و شال اللحاف عنها.. شالها.. و اتجة للحمام.. نزلها في البانيو وهو يناظرها.. ما زالت نايمة.. هي الوحيدة اللي ممكن تدري عن اللي انحاشت معاه لينا.. هي الوحيدة اللي ممكن تعرف اشياء عن لينا هو ما يعرفها.. لأن لو امها او شوق عرفوا من قبل بيعلمونة لكن ما يستبعد على ريما تخبي عنه.. حتى لو موضوع مثل هذا.. من سنتين.. كانت تدري عن لينا لما انحاشت مع سامي.. و كانت مخططة تغيب يومها عشان ما يقولها كنتِ تدرين.. و اليوم بالعة بنادول نايت.. عشان ما ينشدها عن لينا.. لكن هالمرة ما راح يرحمها.. مد يده للمويا حتى يفتحة على راسها.. فزت من نومها تصارخ .. تستوعب ويش يصير.. تلفتت بسرعة تحاول تفهم رفعت عيونها.. شافت الدش مفتوح و ابوها واقف.. تفكيرها البريء قادها لأنها طولت بالنوم.. و حاول يصحيها وما صحت.. اعتدلت واقفة بتعب مدت يدها و سكرت المويا .. مسحت وجهها بيدها و انقهرت منه : كان ممكن تصحيني بطريقة افضل من هاذي.. طلع حتى تسحب منشفة و تطلع وراه.. جلس على السرير من غير لا ينطق.. اتجهت هي للدولاب و سحبت لها بيجامة و رجعت الحمام تغير.. طلعت بعد دقايق لافة شعرها بمنشفة.. كانت مقهورة من الطريقة اللي صحاها فيها.. و قهرها من سالفة زواجة للحين ما راحت.. ناظرت فيه : ليش صحيتني..؟! نزل نظارتة و رماها على الكومدينة.. لف لها عشان تلتقي نظرتة القاتلة بنظرتها.. دب الخوف بعروقها بلحظة.. بلعت ريقها و ما زادت كلمة وحدة من نظرتة .. نظرتة كفيلة بانها تنحرها و ترميها قتيلة.. غازي بهدوء : مين هو..؟! عقدت حواجبها بحدة ..!! مين هو..؟! ويش يقصد..؟! يمكن يقصد مين يبي يزوجني..؟!!.. ما راح ارد.. دامه هو بيقرر خليه يقرر كل شيء.. يعني بيأخذ رأيي اصلاً انا ما ابي اتزوج الحين..!!! صدت بوجهها و ترمش بعيونها.. غازي : لا تقولين لي ما تعرفين.. و من غير لا لف و لا دوران.. لأني ما راح ارحمك.. و الله لأحط حرتي كلها فيك انتِ.. فا احسن لك قولي لي من هو..؟! ما راح يرحمني..!!! شكلي ما بعد صحصحت ما اثبت بابا ويش يقول..!. ويش اللي ما يرحمني انا ما سويت شيء غلط اصلاً.. ولو بيعاقبني على الكلام اللي قلتة ما كان ترك المجلس وطلع من وقتها.. ما أجلها للحين..!؟ و بعدين مين هذا اللي يتكلم عنه..!؟!.. وقف غازي وهو لاف يدة وراء ظهرة ما يبي يضربها ما راح تحمل كم كف منه.. ماسك نفسة بالقوة.. : صدقيني بالي ماهو طويل.. و لا يسمح لك توقفين قدامي مثل الصنم.. ولا اعيد عليك السؤال كم مره.. و لا تكذبين علي بـ شيء.. ريما بلعت ريقها نظرتة ابعد من تكون عن الأبوة.. نظرتة رعب : ما ما اعرف عن ايش تتكلم..!؟!!! فهمني طيب.. غازي : تراني نبهتك ما تكذبين علي.. لا تستغبين علي.. ريما شابكة يدينها بتوتر من ابوها : و الله ما ادري عن ايش تتكلم..؟!!! غازي : طيب.. اسم الشخص اللي راحت معاه لينا..؟! و قولي ما تدرين عن ايش اتكلم عشان ما اضمن لك ردة فعلي.. ريما تراجعت خطوة وراء مصدومة.. الشخص اللي راحت معاه لينا..؟!! هذا يذكرها باللي صار من سنتين.. بس الطريقة كانت الطف بكثيـــر من الحين.. حست نفسها مجرمة وقبضوا عليها بالجرم المشهود..!! بس بدون ذنب.. اذا كانت من سنتين حاولت تثني لينا على اللي بتسوية وما قدرت.. و غابت عن المدرسة.. هالمرة فعلاً هي ما تدري احتارت ويش تقولة.. ماهي فاهمة شيء.. لينا راحت..؟!!! استجمعت شجاعتها : والله مـا اعـــر... قطع كلمتها كف على وجهها.. الم عمرها ما حست فيه.. طاحت منشفتها من شعرها على الأرض.. شد شعرها من وراء و قربها منه نطق وهو يصير على أسنانة : قايل لك لا تكذبين علي.. ريما نزلت دموعها وهي تمسك يده بمحاولة تخفف مسكتة لشعرها : و الله ما اعرف انا مو فاهمة شيء.. غازي : و الله ما احد غيرك بيأكلها.. وينهـــــــــــــا..؟!!؟! ريما : و الله ما ادري.. ما ادري.. انا كنت نايمة ما اعرف شيء.. غازي يهز راسها عشان و يشد من مسكتة لها : لا تغطين عليها مثل ما سويتي من قبل..(صرخ فيها) و الله لا اذبحك.. احسن لك تكلمي.. ريما : بابا و الله ما ادري.. انا كنت نايمة ما اعرف شيء و الله.. غازي لف راسها و عيونها الباكية التقت بعيونة الحمراء الدم بعيونة من قهرة..! ويش هو اشد من قهر الرجال..!!! : بتفهميني انها صدفة.. بلعتي بنادول نايت عشان تقولين لي ما دريت..؟!! لا تخليني استاثم فيك.. لا تخليني اذبحك بيدي..!! دموعها على خدها تحاول تخلية يصدقها لكنه مصر على انها تعرف : و الله ما شفتها على يوم كنت بالمجلس.. انا طلعت على طول و نمت.. نفض يده من شعرها حتي تطيح.. سحب حزامة العسكري.. اتسعت عيونها وهي تشوفة ماسكة بيده و ثانية.. رجعت وراء زحف : بابا لا الله يخليك و الله ما ..... قطع كلامها بجلدة على جنبها.. صرخت من شدة الألم.. لكنه ما رحمها.. مقهور.. وما فيه احد ممكن يحس بقهرة.. هذا شرفة.. هذا عرضة.. يدوسنة بنات مراهقات..!!! يدوسونة عشان ناس ما يسوون..؟!! ماقصرن عليهن بشيء حتى يجازنة بـ هالشكل..؟!! بنى نفسة و اسمة و عيلتة و هن يهدمن كل شقاة بضحكة.. يبيعنة بتراب.. عشان شخص ما يسوى مواطي رجولة.. اعطاها الضربة الثانية و هي تترجاة يصدقها.. يضرب فيها و هي تصارخ تترجاه رافعة يديها على وجهها تغطية : بابا... لاااا.... مــــــــامـــــــــا... و الله ما... اعرف شيء.. لا ... بـــابـــا.. برا الكل اجتمع على صوت الصراخ مصدومين.. الكل عدا الحريم و نهى و وعد وميار.. امال : عمتي تكفين تصرفي.. و الله بيذبحها.. ام عامر تضرب الباب بعصاتها : غازي.. يا مال الصلاح افتح الباب.. البنية مالها ذنب.. ليش تعاقبها بأخيتها.. حرام عليك تعوذ من ابليس ادحر الشيطان.. امال تحاول تضبط دموعها عشان ما تبكي ناظرت شوق : دقي على عمك.. شوق هي اللي كانت تبكي.. ابوها غير اليوم.. غير.. حتى نبرة صوتة فيها من الوجع ما يذبح.. اتصلت على عمها و هي ترجف من صراخ ريما.. اختفوا الحريم كلهم عدا محارم عامر.. لحظات حتى يدخل عامر مفزوع : خير ويش فيكم..؟! شوق كلمتني تبكي..!؟ ام عامر وهي ما زالت واقفة عند الباب بـ فزع : تسمع لأخيك بيذبح بنيتة.. عامر سمع صراخ ريما و ترجيها لأبوها.. قرب من الباب حتى يدقة بقوة : غــــازي.. غـــــازي.. امال : تكفى يا ابو عبدالله و الله يذبحها وهي مالها ذنب.. ابتعد عامر خطوة عن الباب حتى يرفسة برجلة.. المره الأولى وما انفتح الباب مجرد صوتها دوى بالمكان.. رفس الباب مره ثانية.. و انفتح بقوة حتى يرتد عليهم بعد ما ضرب بالجدار فتح الباب بيدة و هو يشوف غازي يضرب ريما ابعد ما يكون عن اب وبنتة.. لو هي مجرمة ما عاقبها بهالشكل.. اسرع له حتى يبعدة عنها و يصرخ فيه : انهبلت انت..؟! البنية بتموت بين يديك..؟!! باقي في راسك عقل..؟! ام عامر : الشيطان لعب براسك و يبيك تغضب ربك.. تعوذ من ابليس تعوذ من ابليس.. غازي تنفسة السريع من غضبة و قهرة : ما راح اتركها لين تقول لي مع مين راحت.. امال : غازي تكفى.. قاطعها غازي بحدة : ما ابغى اسمع شيء منك.. لو انك قريبة منهن ما سون كل ذا من ورانا.. سكتت امال.. غازي ما عاد يثبت.. الغضب مسيطر عليه.. و غضبة انكب على ريما ظلم.. ابتعدت تزحف لزاوية و هي تشوف يدها اشبة بالدم متحجر في اماكن الضرب.. على عضدها كيف جنبها و ظهرها.. ما راح يكون اخف.. ام عامر : اتق ربك فيها.. البنية نايمة وشولة تنقزها من نومها.. غازي : يمــــه تكفين.. بربيهن من جديد.. و الله لأخليهن يرجفن لا سمعن اسمي.. مسكه عامر و يدفة مقهور منه : اطلع برا.. و رب الكعبة ان لمستها لا انت اخوي و لا اعرفك.. غازي بصدمة : تبرأ مني عشانهن..؟!!؟ تراهن بناتي.. و وطن راسي بالتراااب.. و الله لأربيهن من جد و جديد.. عامر صرخ فيه : مالها ذنب تعاقبها باختها.. روح عاقب ذيك لين تقول بس ما منعتك.. لكن ريما ما سوت شيء.. روح جيبها من اللي ذلفت معاه من تحت الأرض و اذبحها ما احد قايل لك لا.. غازي : الا سوت.. الا اكيـــد تعرف عن اختها وما علمتني.. خلتها لين تذلف تغطي عليها.. برا ما احد من بنات عامر او انهار او شوق تجرأ يدخل الغرفة.. شوق ترجف رعب و خوف.. خايفة يجيها الدور.. نقزت جري لـ فوق ما راح تتحمل الضرب.. و لا قسوة ابوها اليوم.. انهار بلعت ريقها : متأكدين ان خالي غازي يضرب ريما..؟! ليش ويش اللي سوتة..؟! عهود : انا بطلع فوق ماني عايفة عمري .. و الله لا يذبحنا كلنا.. اسمعوا صراخة على ابوي.. حتى جدتي فيه و يصارخ.. ام عامر : حرام عليك.. هاذي بنيتك قطعة منك.. ويش سويت فيها...!؟!! ما كانت قادرة تسوي أي شيء او تقاوم ضرب ابوها.. ترجتة بمختلف العبارات.. لكنها ما حركت فيه ساكن.. ضعف صوتها و انبح من صراخها و هو ما تعب من ضربها.. شهقاتها المتتالية هي اللي تدلل ان فيه انسانة في الزواية يتكلمون عنها.. ام عامر قربت منها مدت يدها لـ ريما : تعالي يمه .. ريما تعلقت برجل جدتها وهي تصيح و صوتها مبحوح ضعيف : والله.. ما سويت شيء.. و الله ما اعرف.. ما ادري.. طلع غازي من غير لا يفكر ان كان فيه احد برا محرم له او لا.. الشيطان تملك كل اعصابة.. و اعمى عنه بصيرتة.. خلاه يظلم بنتة.. و يعاقبها بذنب غيرها بدون وجه حق.. حتى لو كان شاك ان ريما تعرف عن لينا.. ما يحق له يعاقبها قبل ما يتأكد.. و لو تأكد ما تستاهل كل هالضرب.. لو نحرها بسكين اهون من تعذيبة لها.. لف عامر عليها وهي متمسكة بأمة.. تشاهق ومع كل شهقة انين.. انين يقتل.. لو غازي انصت لأنينها كان عرف انه ظلمها.. شهقاتها المتتالية و كأن تنفسها بينقطع متمسكة بجدتها.. تبي احد يحميها مو من اب.. من وحش..!! هذا مو ابوها.. مو غازي بن محمد بن حمدان اللي تعرف.. هذا مو الشخص اللي رباها.. هذا مو اللي يحميها من ظلها.. هذا مو غازي اللي تنطق اسمة بعد اسمها.. هذا شخص ثاني هي ما تعرفة.. ام عامر جلست بصعوبة على الأرض جنبها : بسم الله عليك.. امال اقتربت من بنتها : ريما.. ما زالت تشاهق و تصيح : بيــ ــذ بحـــ ـــني.. ما.. سو.. يت.. شـــيء.. و الله.. ظـــلــ مـــني.. عامر واقف : اهدي يا عمي بس ابوك شوي معصب من اختك.. بس يروق بيرجع يراضيك.. فزعت و هي تمد يدها قدامها تبي تحمي نفسها من القادم : لا ..لا .. و الله .. بيذبحني.. انا .. ما سويت شي.. ماما .. ماما .. حضنتها امال بقوة و ريما وجع جسدي و روحي ينهش كل جسدها المنهك ..تعلقت بأمها بضعف شديد ابعد عن بنت عمرها 17 سنة.. امال شدت عليها : اهدي.. خلاص عمك هنا.. ما راح يصير شيء.. ريما تبكي بـ شدة : و الله ما اعرف شيء.. و الله ما اعرف شيء.. بيذبحني.. ما اعرف شيء.. هنادي واقفة على الباب همست : يبه.. بيصير لها شيء.. ما يصير كذا..!! عامر ناظر هنادي : ويش تبينا نسوي..؟! هنادي : حاول تهديها.. يمكن تحس انها بامان معاك.. اذا ما قدرت.. نعطيها منوم.. لأن اعصابها مشدودة الحين ولازم تسترخي.. عامر : اجل اعطيها منوم.. هنادي : طيب كلمها انت اول.. عامر بحزم : بروح اشوف عمك الخبل.. و انتِ اعطيها منوم.. ام عامر : قولي لا اله الا الله.. اذكري الله يا بنتي.. ابوك يبيـــ قطعت كلمتها من صرخة ريما.. صرخة مجروحة تكذب اللي تقولة جدتها.. يبيها..!. و اللي سواه ويش يعتبر..!؟! ما حتى فهمت شيء.. ترجتة بخاطرها عنده.. و خاطر امه و اخوة.. و عيال اخوة.. قالت له كلام كثير تستعطفة فيه لكنه ما عطف عليها.. و العكس سواه ضرب فيها و علم على جسمها.. و هي للحين ما اتضحت الصورة و لا عرفت ذا العقاب كله ليش..؟!!.. انينها المختلط بشهقات يطعن قلوبهم.. و اللي يطعن اكثر انها مظلومة..!!! ريما : ظــلمــ ــنــ ــي.. و الله.. ما.. أعـــ ـــرف.. بــ يــذ ـبــحــ ـــني.. امال نزلت دمعتها من حالة بنتها : بس خلاص يا امي.. راح و الله راح.. عمك عامر ما راح يخليه يجي.. هنادي : عمة امال.. اذا ظلت على الحالة هاذي بيصير فيها شي.. اعصابها مشدودة.. و الخوف مسيطر عليها.. ام عامر : ويش نسوي..؟!! هاه.. هذا هي ماهي راضية تركد.. حسبي الله على اللي كان السبب.. حسبي الله.. هنادي : نعطيها منوم.. لازم تنام عشان اعصابها تسترخي.. (قربت هنادي منهم جلست على ركبها مدت يدها حتى تلامس مكان النبض على رقبة ريما.. بالرغم من ان ريما صرخت لكن هنادي ما بعدت يدها ريما تشد على امها ما في بالها الا الوحش اللي ضربها جاي يذبحها.. ما تبي تشوف شكلة و عيونة ما تبي تشوف شيء منه).. هنادي : يمه نبضها سريع.. راح يصير فيها شي لو ما استرخت.. خطر عليها نبضها يبقى بهالحالة.. امال : طيب اعطيها.. أي شيء خليها تنام.. هنادي : المشكلة انا ما جبت معاي شنطتي.. برسل واحد من اخواني الصيدلية.. (وقفت حتى تطلع برا).. ام عامر حطت يدها على شعر ريما تقرأ عليها وهي بحضن امها تشاهق و تأن.. و ريما تقمز مع كل لمسة من خوفها.. في الصالة فوق.. البنات ساكتات معاهم عهود و انهار.. يفكرون باللي سمعوة.. كل اللي سمعوة صراخ و لا فهموا شيء منه..!! و صراخ يوجع القلب.. عهود بقهر : عمري ما شفت عمي بالحالة هاذي..!!!!! انهار : تكفين عهود اسكتي.. جود : مين كان يضرب.. لينا و الا ريما..؟! انهار من غير لا تناظرها : ريما.. ندى : جود لا تسألين مالك دخل.. عيب اللقافة.. جود وقفت : ماهي لقافة.. العيب صدق اللي سواة ابوها.. ما فيه شيء يستاهل يخلي العالم تسمع صراخها.. عدا انها صديقتي.. بروح اشوفها.. مسكتها ندى : انتِ ما تستحين.. عيب.. و الله عيب.. بتحرجينها بعد .. بنات عمانها هنا ما راحن ايش دخلك تروحين.. جود سحبت عضدها من ندى : اقولك صديقتي.. ندى : حتى لو.. حطي نفسك مكانها.. بيكون لك خاطر تشوفين احد حزتها..؟! جلست جود.. مقهورة و هي صراخ ريما يرن بإذنها.. ما كانت مثبتة هي أي وحدة فيهن اللي تصارخ.. لكن الأكيد الكل سمع صراخها.. و كلهم تجمعوا عليه.. برا كانت الأوضاع متوترة بجانب .. هادية لـ حد ما في جانب اخر.. متوترة عند رجال غازي في غرفة التدريب.. عماد : مستحيل عمي يستقيل..؟! عساف : ما جبت هالشيء من راسي.. سألتة ولا رد علي.. ما شفتة كيف يأس.. سعود : ما اتوقع ان الفريق غازي يعرف لليأس باب.. اصدق أي شيء الا الفريق غازي ييأس.. عزام : يقول احنا ستارة .. جابر هو اللي ماسك كل شيء وهو اللي بيمسكهم و يفكنا منهم.. يعني كل شيء سويناه.. ما احنا مستفيدين من وراه.. نايف : تبوني اصدق.. ان الفريق غازي يبي يستقيل عشان طلع راشد جاسوس.. عساف : ماهو جاسوس..!! كلهم ناظروة.. باستغراب عدا عزام اللي يعرف ويش يقصد عساف... عماد : توك ويش قلت..؟! عساف : قلت تعرض للتعذيب وافقدوة الذاكرة.. لكن فيه رسايل كثير تهديد له عشان يتعاون معاهم.. ما رد عليها.. حتى بعضها ما انفتحت.. بعضها ورقية و بعضها جايتة على الايميل.. عزام : صحيح.. هذا الغريب.. يمكن في البداية كان يتعاون معاهم و بعدين تركهم.. لأن لقينا رسايلة صادرة من بريدة.. لـ بريد ثاني كاتب فيها معلومات عن عماد و عني و الفريق غازي.. لكن المعلومات عادية.. بعدها جاه تهديد انهم يبون يعرفون تفكيرهم مو بس المعلومات هاذي اللي ما تفيدهم بشيء.. و كان مستمر يرسل لهم اشياء لهم مالها فايدة.. عساف : عشان كذا.. انا و عزام متوقعين.. انا راشد او تركي.. كان بمرحلة ضياع.. يحاول يسوي الشيء اللي ما يضرة.. لا يخسر الأمن و لا يخسر العصابة.. و كأنهم شخصين بشخص واحد.. راشد اللي سووه العصابة كان يعرف المعلومات.. لكن تركي اللي بداخلة يمنعة لا يوصل لهم المعلومات.. عزام : و الدليل كل العمليات اللي سويناها ناجحة.. و كان معانا راشد.. او بالأصح تركي بن سيف.. نايف : طيب.. و الحين.. هو مين فيهم..؟! عساف : الدكتور يقول لازم تجيبون اهلة.. يجلسون معاه و يذكرونة.. يسولفون عليه.. يودونة اماكن كان فيها معاهم.. أي شيء.. عماد : انا اعرف اهله.. هم من قرى المدينة.. عزام : ماهم اهلة.. عماد اتسعت عيونة : نعم..!؟! عزام : ماهم اهلة... اللي احنا نعرف,, العصابة متفقة مع واحد .. كان له ولد و توفى اسمة راشد.. و جابوا تركي عشان يحل محل راشد.. عشان كذا احنا ما شكينا بـ شيء.. و قابلنا ابوه و تعشينا عندهم انا و انت.. سعود : يعني ندور على ابوه سيف.. ماهو مسلم...؟! عساف : ايه.. و اعتقد اسهل شيء.. تكلم اختك.. اكيد تعرف وين ساكنين.. و نروح لهم.. نايف : اختك زوجتة..؟! سعود : اذا تركي بن سيف بنفسة ايه.. مملك عليها من فترة طويلة.. نايف حط رجل على رجل : طيب.. ليش ما تأخذها له.. يعني هي شافتة و درت انه هو نفسىة خطيبها.. ليش ما تكون اختك اول وحدة تكلمة.. لأننا ما نضمن اهلة و ردة فعلهم.. سعود : لا.. ميار ما تدخل في ذا الموضوع.. لا من قريب و لا من بعيد.. عساف يحاول يقنع ولد عمة: سعود.. انا مع نايف.. هي اللي شافتة.. انت شفت شكلة لما شافها.. كان واضح كأنه يتذكرها..!! سعود بحزم : لا .. لا تحاولون يكفي وعد صارت بالنص و ضحية بدون قصد.. ما راح اضحي بـ ميار بعد.. .. في جلسة برا.. تجمع حاتم و ابوه فقط.. ابو سعود ابتسم : اجل ليش ما تزوجت..؟! حاتم : و الله ما جاء ببالي.. لأني اعرف ما احد بيزوجني.. الا ان كنت بتزوج من بنات الدار و انا ما ابي منهن.. مو قصوراً فيهن.. بالعكس متربيات ماشاء الله.. لكني ابي سند.. يبه.. من حقي يكون عندي سند.. ما كنت ابي عيالي بدون خوال دامهم بدون عمام.. ابو سعود : و الحين.. ما تبي تتزوج..؟! حاتم : لا يبه والله مالي خاطر فيه.. ما ابي اتزوج.. ابي اعوض كل شيء من حياتي ضاع بنيكم.. ابي اعيش بدور الابن اللي مو متزوج.. ابي احلل كل لحظة.. ابو سعود : يعني يا ابوي بتبرأ منك لا تزوجت..؟! انت بالذات بزوجك و اسكنك عندي.. يكفي عشت بعيد عني 28 سنة.. ولا حسيت فيها.. احيان الوم نفسي اللي ما سمعت كلام امك.. حاتم : ماله داعي تلوم نفسك.. انا لو مكانك بصدق.. انت اعطوك جثة.. اكيد ما بيخطر على بالك انه ماهو ولدك.. ابو سعود : انت كنت تعرف اسم امك..؟! ليش ما حاولت تسأل عنها..؟! حاتم : رحمة من ربي.. لأني لو شفتها و عرفت انها عايشة و متزوجة و عندها عيال كان ممكن ارتكب فيها جريمة.. يبه كنت مقهور.. مقهور و كل ما يطري علي اسمها انقهر.. كل ليلة اناديها حتى و انا كبير.. كانت تجيني من الهواجس الكثير.. كنت ابي اجابات لأسئلتي.. من هو ابوي..!؟ ليش تركتني..!؟ ليش غلطت اصلاً.. ليش ما تحملت نتيجة غلطها.. يبه اسئلة كثير كلها طلعت غلط.. ما ذكرت بيوم تمنيت اشوفها عشان ابوس راسها.. كل ما تمنيت اشوفها عشان اقتلها.. وراء ذلك ما سعيت وراء اسمها.. رحمة من ربي.. لأنها كانت مظلومة بافكاري.. ابو سعود : الحمدلله على كل حال.. رحمة من ربي.. امر المؤمن كله خير.. شلون عشت..؟! مين رباك..؟! حاتم : لحد الثانوي و انا كنت بالدار.. بعدها طلعت منه.. كنت ادرس بالجامعة و اخترت الطب.. و اشتغلت.. اشتغلت اشياء بسيطة عشان ادفع اجار الشقة اللي تقاطينا فيها انا و اخوياي.. وهي كلها غرفتين و صالة و مطبخ.. سبع سنين ما ذقت فيها طعم الراحية لا نفسية و لا جسدية.. و انا بعد ما كنت اراعي نفسي.. و لا أوي لعمري.. كنت ابي اسوي نفسي شيء.. ابي لي اسم الناس تحترمة.. (من غير لا يناظر ابوه لكن جرحة بصوتة واضح للي يسمعة) يبه الناس ما رحمتني صغير و لا احترمتني كبير.. يعني ويش هو ذنبي بكل اللي صار لي عشان كل ما شافوني حكوا فيني..؟! ويش ذنب كل شاب و بنت اهلهم توفوا ومالهم احد و تربوا بدار رعاية..؟! ويش ذنب أي شاب و بنت كانوا نتيجة لغلطة بين شخصين..!؟ يعني هو اللي اختار اهله يومهم يأشرون عليه ولد حرام و الا لقيط.. الله قادر يقلب حالهم و يصيرون اردى منا.. و اهلهم يموتون.. ليش اهلهم يعلمونهم الشيء الغلط.. ليش اهاليهم يحذرونهم ما يمشون معانا..؟! (ناظر ابوه يحكي له بعض من حياتة ابوه ما شاركة فيها) يوم كنت بالمتوسط و عرفت ويش معنى الحكي اللي يقولونة تهاوشت مع ناس كثير.. أي احد يأشر علي اتهاوش معاه.. حتى لو ما ادري ويش قال عني.. و اخوياي نفسي.. حتى اننا تنومنا بالتوقيف كم ليلة.. بعدها صرنا نكفخ بس مو لدرجة اننا نتنوم بالتوقيف.. لحد ثاني ثانوي.. بعدها وقفت عن المضارب.. (احتد صوتة) و قررت اني ادرس و ادخل اصعب تخصص في العالم.. اللي الناس كلها تحتاجها.. حتى لو هي سخونة و الا اصعب شيء الجراحة.. و اخذت الطب سبع سنوات.. و من غير لا افكر بالراحة قدمت ماجستير عظام.. ابو سعود حط يدة على كتف ولدة : ابيك تأخذ اجازة.. فترة.. حاتم : هذا انا ماخذ اجازة.. ابو سعود : لا هاذي ما اسمها اجازة.. ابيك باجازة اجازة.. لا رجع كل شيء طبيعي.. ابيك تروح معاي الشغل.. تروح لـ سعود الشغل تسير عليه.. و على ياسر بمـحلة.. و احمد يعني هاه اذا ودك بما انه بمستشفى مثلك.. ابيك تعيش معانا كلنا و تعرف كل شيء.. ما ابيك تحس انك مو منا.. و لا ابي هالشيء يراودك ببالك.. حاتم ابتسم : يبه و الله اني حاس اني منكم.. شفت خوفكم علي.. شفت حتى معاملة اخواني اللي ما يحسسوني اني ما اعرف عنهم شيء.. و لا هم يتحفظون قدامي من أي سالفة.. كل شيء يطرونة قدامي لأني اخوهم.. (زادت ابتسامتة تعبر عن راحة ما شعر فيها بأي وقت سابق) و امي.. امي اللي ما تخلص كل ساعة الا تتصل علي.. يمكن تتأكد اني ما ابعدت.. ما تدري اني متمسك فيكم اكثر من تمسكم فيني.. ابو سعود : لا تحاول احنا متمسكين فيك اكثر.. و... قطع كلامة بجلسة وليد الي قطع الجلسة بين ابوه و حاتم.. لف ابو سعود عليه.. وليد : السلام عليكم.. ادري جلسة خاصة بس انا ابي اكلمك.. ابو سعود : وعليكم السلام.. حاتم : اجل انا استأذن.. وليد بدفاشة : انطق ما قلت لك قوم.. حاتم اتسعت عيونة.. ابو سعود : نعـــم...! تراه اكبر منك.. وليد : و الله ادري.. بس ما فحالي احترم احد.. ابو سعود : لا شكلك ضيعت عقلك.. ويش رايك تنزل جزمتك و تهفني فيها بعد..؟! وليد : حاشاك يالغالي.. كل ذا عشان قلنا للحبيب انطق.. ابو سعود بحزم : كل ذا عشانك تقول ما تبي تحترم احد.. وليد : اوكِ حقكم على راسي.. (وقف وباس راس ابوه و حاتم و رجع مكانة) عسى سعادتكم راضين بس..؟! حاتم ابتسم : ما زعلنا اصلاً بس لا عاد تعيدها.. ترى اكسر لك كتفك الثاني.. وليد : جرب تقرب مني.. تراك ما تعرفني.. حاتم : مو شرط اعرفك.. تراني دكتور عظام.. وليد : ايه صح نسيت.. دامك دكتور.. ليش يوجعني..؟! حاتم : طبيعي يوجعك.. فترة و تخف.. وليد يتحلطم : اجل ويش فايدة هالجبس..؟! و رابطين يدي برقبتي..؟! حاتم : عشان يجبر العظم بالمكان الصحيح.. و يخف الألم عنك.. بس اصبر انت.. ليش آلمها الحين زي آلمها اول ما انكسرت..؟! وليد : لا.. بس شيء لا يطاق.. ابي انام.. ما عندك حبوب تنوم..؟! ابو سعود : شكلك تعبان صدق.. ويش اللي جابك هذا انت اكلت كسر من غازي..!؟ وليد ببساطة : عشانك.. اما غازي هذا حالة ثانية.. بأخذ حقي منه قبل لا اروح.. حاتم : غريبة علاقتك معاه..؟! وليد : معاقبني.. ما ادري اذا كنت تدري ان اختي انحبست بهالمزرعة فترة و انا جيتها.. و من جيتي تعاقبت خمس شهور.. حاتم : ايه حكوا لي ياسر و خالد القصة كلها.. غريبة صراحة.. احسها حرام صارت الضحية.. وليد : يبه ما تحمدت لها بالسلامة..؟! ابو سعود : و هذا اللي جاي تكلمني فيه..؟! وليد : يعني تقدر تقول كذا.. ابو سعود : ليش هي قايلة لك شيء..؟! وليد : لا.. ما فتحت فمها بكلمة.. بس لما رحنا انا و مشعل.. حسيت الوضع ماهو طبيعي.. خواتي فيهن شيء غريب.. ولما كلمت ندى قالت ما فيه شيء.. قلت يمكن للحين زعلانات على هلوسة نهى.. ابو سعود : ليش ما كانن جالسات مع بعض كلهن..؟! وليد : الا.. غير جويد المطفوقة جلست شوي و راحت.. ابو سعود : اختصر علي الوقت و قل لي مين قالك..!؟ ابتسم وليد : ندى.. لأني تنرفزت وجهها فيه شيء غريب.. و كنت احسب عماد ضربها.. و مسكت نفسي لي طلعت و سألت ندى ان كانت وعد متهاوشة مع عماد قالت لي لا.. و ان انت ضربتها.. ابو سعود : و انت الحين تسأل ليش تبي تحاسبني..؟! وليد : لا اكيد.. بس ابي اعرف السبب.. خصوصاً انك للحين ما تطمنت عليها و هي توها مِسلِبة (مجهضة).. ابو سعود : و انت جالس تراقبني..؟! و بعدين ويش دراك تطمنت و الا ما تطمنت..!؟ يمكن سألت عنها..؟! وليد : قلتها سألت عنها.. ما سألتها هي.. يعني ما تطمنت عليها.. ابو سعود : ويش رايك نغير الأدوار و تصير انت ابوي و انا ولدك و تحاسبني..؟! ابتسم وليد : ليش عصبت.. انا بس بخترع سالفة.. حاب اسمع صوتك الشجي.. ابو سعود بحدة : اذلف عني.. حلال اللي يسوية فيك غازي.. يالله انقلع.. وليد رفع حواجبة : تراني ماني مطول هنا.. بكره بتقول وينك يا وليدان.. اشتقت لخفة دمك و سوالفك المبهرة..! هههههههههههههههه.. ابو سعود يستهزئ فيه : هه مره يا مبهرة انت.. غازي وينه عنك..؟! وليد عفس وجهة : الحين انت ابوي و الا هو.. انا ولدك و الا ولدة عشان تسألني عنه..؟! ويش دخلني فيه.. حاتم : ايش بلاك عصبت.. احسن لك نام و ارتاح.. وقف وليد : هذا اللي بيصير.. مشعل نايم ما ادري ويش مسهرني مع الشياب.. ابو سعود نزل عقالة بيرميه على وليد اللي انحاش وهو يضحك على ابوه.. حاتم مبتسم وهو يناظر زول وليد يبتعد عنهم : ليش احسه غير عندكم..؟! ابو سعود : وليد غير..؟!! حاتم : ايه.. احيان احسكم شفقانين عليه.. حتى لما اليوم جاء فرحتك بانت بعيونك.. و اخواني فزوا اول ما شافوة.. حتى عماني و عيال عماني كانوا مستغربين.. ابو سعود تنهد و كأنه ينفث القلق على وليد خارج صدرة : لأنه رايح للموت.. و احنا كنا خايفين عليه لا يكون صار له شيء.. و يوم شفناة فزينا.. حاتم باستغراب من كلام ابوه : رايح للموت..؟!!! ابو سعود ناظرة : تكتم السر.. حاتم : افا عليك تسألني هالسؤال..؟! ابو سعود : بس هذا سر غير.. يعني حتى عن خواتك امك و خالاتك.. ما احد يدري غير انا و اخوانك.. .. يمشي وراء الفيلا.. كان جالس مع الشباب يتناقشون بموضوع راشد جاه ابراهيم ولد خالد ينادية.. ويقولة كلم عمتي.. حتى عساف و سعود طلعت عيونهم.. و سعود احتد صوتة على ابراهيم و سأله مين.. و عرفوا انها اسيل.. خبلة البنت.. ما يردها شيء عن اللي تبيه.. التفت على صوتها : انا هنا.. لف مبتسم : ويش عندك مناديتني تالي الليل..؟! تدرين عيال اخوانك بغوا يذبحوني ماسكين انفسهم عني.. أسيل نزلت الطرحة على كتفها و رفعت حواجبها : عيال اخواني..؟!! نايف : ايه عساف و سعود.. مو اللي راسلتة ولد ما ادري مين قال عمتي تبيك.. سعود بغى يثور فيني.. اسيل عفست وجهها : مالهم دخل.. عمتة انا غصباً عنهم.. نايف جلس متساند على جدار الفيلا : علميني ويش اللي مخليك تعرضين حياتي للموت عشانة.. أسيل جلست مقابلة و قريب منه : ما عرضتك للموت لا تكذب.. نايف مبتسم : الا عشانك ما شفتيهم.. على فكرة ترى ماهو عاجبهم اني اشوفك.. و خصوصاً بهالوقت بس ساكتين.. و انا ما ودي احد يكون بخاطرة شيء علي.. أسيل : وانا ما يهمني لو الكرة الأرضية بكبرها شايلة عليها.. دامني ما غلطت.. نايف بجدية : تالي الليل الساعة 11 يا اسيل.. ماهي زينة.. انا رجال ما يعيبني بس انتِ بنية.. أسيل : نايف ايش فيك..!! ما احد فيهم له دخل انا كلمت مشاري و وافق.. و بعدين انا كنت ابيك من قبل المغرب.. وما حصل لي الا الحين.. نايف : ويش ذا اللي من المغرب تقلين عشانة..؟! علميني.. أسيل : بصراحة سؤال بسيط مره.. نايف : بسيط ومن المغرب تقلين عشان تسأليني اياه..!! اجل اكيد عن زوجتي الجديدة..!! (مد لسانة يقهرها).. اعتفست ملامح اسيل و احتد صوتها عليه : الله يأخذك قبل ما يأخذها.. نايف : ههههههههههههههه اقسم انك هبلة.. اسيل وقفت : حمار لا تضحك.. نايف : ههههههههههه الله يونسك بالعافية يا شيخة.. كنت محتاج هالضحكة و تغيير اجواء الكأبة مع الشباب.. انقهرت منه هي معصبة و حضرتة يضحك عليها.. حتى ياليتة بالع ضحكتة و قعد بحسرتة ما فجرها قدامها.. مسك عبايتها قبل لا تمشي : اجلسي .. اجلسي ههههههههههههه.. أسيل : ماني جالسة.. ما احد قالك تسبني.. نايف : ترى بشد عبايتك و بتنقطع..(بحدة تمثيلية) انثبري مكانك.. أسيل رفعت حواجبها : لا و الله .. و ان شاء الله هالكلام لي..؟! نايف : لا للي معانا بسم الله بسم الله.. جلست وهي تتلفت : انت شفت احد..؟! نايف ماسك ضحكتة الخبلة صدقتة و من جدها خايفة!! : ايه كأني شفت شيء ابيض يتحرك وراك.. أسيل صرخت : آآ..... قطع صرختها نايف اللي حط يده على فمها : وجع بتفضحينا..!؟ الناس نايمة.. امزح عليك يالخبلة..!! أسيل ساكتة وهو ما زال يضغط على فمها بيدة اليمين و مثبت راسها من وراء بيدة اليسار : ماسكك و اكلمك أنتِ.. تسأليني سؤال غبي اكلم مين..!؟؟ ايش رايك مين بكلم يعني..!؟ اسيل بعدت يده عن فمها بقوة : و انا ايش دراني عنك.. يا حمار خوفتني.. نايف ضربها من راسها بخفة : لا تقولين حمار تراني ساكت عنك.. ضابط طول بعرض و مرتي تقولي حمار.. تدرين لو الفريق غازي يسمعك بس يسمعك ويش تقولين عني.. ما يحاسبك انتِ يحاسبني انا.. يمسكني من رقبتي و يعدمني.. يقولي ما قدرت على مره بتقدر على مجرم.. أسيل طنشت كل الكلام اللي قالة و اعتدلت مقابلة : كيف الفريق غازي..!؟ يعني كيف تعاملة..؟! نايف عقد حواجبة : ليش..؟! أسيل ما تبي تقولة ويش صار داخل و انه ضرب بنتة : بس .. البنات شافوة و يقولون انه رعب.. و انا بشوف تعاملة مثل شكلة و الا لا.. نايف عض طرف شفايفة السفلية : و انتِ شفتية..؟! أسيل ببراءة : ايه شفتة مره وحدة وماني بفاكرة حتى ملامحة.. نايف تربع : ويش رايك انادية لك تقزين فيه و تحفظين ملامحة..!؟! أسيل انتبهت انه يستهزء فيها و تبي تستغل اللحظة و تقهرة : عادي ما عندي مانع.. البنات يقولون انه رجال عن عشر ماشاء الله.. و يقولون وسيم.. نايف : اهااا وسيم .. ماشاء الله.. و البنات يقولون..؟! أسيل مبتسمة : ايه.. و يقولون مو مبين عليه انه كبير.. يعني يمكن يعطونة بالثلاثينات.. نايف : اهاا .. بالثلاثينات.. اسيل تزيد من ابتسامتها : ويش فيك كنك ببغاء تعيد الحكي..؟! نايف شدها من عضدها اليمين و قربها له و بحدة خافتة : ما ابي اسمع منك هالحكي مره ثانية.. لو ادري ان عينك راحت لـ رجال غيري لا اكون منهيك عن وجة الأرض.. أسيل انقهرت يضغط على عضدها بقوة و لا هامة و فوقها زعل ليش ما يراعيها وهو يقولها بيتزوج عليها..؟!! : و انت بعد لازم تعرف ان لو عيونك راحت لـ غيري بنهيك عن وجة الأرض.. نايف : هذا من حقي.. مره و ثنتين و ثلاث و اربع.. و انتِ حقك رجال واحد اللي هو انا.. أسيل فلتت عضدها منه : ماهو بكيفك.. طلقني اجل.. يوم عيونك زايغة ليـش تخطبني..؟! روح خل عندك تاريخ مجيد بالقز.. نايف رجع مسكها من عضدة بس هالمرة بيدة الثنتين و هي مقابلتة : انتِ ليش غبية..؟! ابي افهم مخك هذا من وين جايبتة..؟! اخوانك ماهم اغبياء.. مشاري محامي و راكان ماشاء الله ما ينحكى بذكائة بالكيمياء.. و اختك طب.. عدا اخوانك من ابوك ماشاء الله.. انتِ من وين جايبة هالمخ!..؟! خالتي يوم حملت فيك في مين توحمت..؟! أسيل مقهورة منه.. جالس يسبها و لا همه شيء.. و يمدح اخوانها و يحسسها انها اقل عن الكل: بعد عني.. (وقفت) الحق مو عليك علي انا اللي بغيت شوفتك جعل عيوني العمى.. مشت عنه و ادخلت مع الباب الخلفي قبل لا يلحقها.. نايف جالس مكانه : ما كذبت و الله غبية.. احد يدعي على نفسة بالعمى..؟!؟! ليش زعلت ما قلت شيء غلط..!!! : تكلم نفسك..؟! شكلك انهبلت.. التفت على الفريق غازي : هههههههههههه لا و الله كنت اكلم لي زول و اختفى عني زعلان.. الفريق غازي جلس على الأرض جنب نايف : و الزول لـ بنية و الا رجال..؟!! نايف تنهد : بنية.. بنية و اشقتني.. ابتسم غازي.. بالرغم من كل شيء يصير له الا انه ابتسم.. ما حس فيها لأن الابتسامة يبي يخدع فيها نفسة.. نفسة اللي انكسرت و يبي يجبرها بأي شيء .. أي شيء .. حتى لو هي ابتسامة مالها معنى.. أي شيء ممكن ينسية و يجبر كسر روحة بيسوية, بيسوية عشان ما يتوجع.. ما يتوجع وهو يحس ان اغلى الناس على قلبة مختبيات في حجرات قلبة يطعنونة بدون رحمة.. بدون اهتمام عن كل شيء سواه.. عن كل تضحية ضحاها عشانهن.. نايف لف على الفريق غازي : سيدي.. قاطعة غازي بحدة : لا تقولي سيدي.. ناديني غازي.. اذا مالك خاطر ناديني ابو عامر.. نايف ناظرة بإمعان.. عيونة عليها نظارة شمسية بعز الليل.. هذا يعني لابسها عشان يخبي شيء واضح بعيونة : تأمر.. تأمر يا ابو عامر.. فيك شيء..؟! تونس شيء..؟! غازي : من شد الوجع ما احس فيه.. نايف : عشان راشد..!؟! ما اخطيت.. انت افترضت انه كفو.. و الرجال من اللي قالوة عساف و عزام مبين انه كفو.. ما خيب ظنك.. يمكن صح ما يكمل معنا.. لكنه اقلها ما ضرنا.. غازي : ماهو بس راشد.. ما انكر انها حازة بخاطري.. لأني ما عديتكم الا عيالي اكثر من انكم تشتغلون تحت امري.. و انت تدري أي شيء تطلبونة حتى لو صعب جبتة لكم.. و اسمع منكم و اخذ بـ رايكم و لا اكسر احد فيكم.. ما ادري هذا جزاي في مين.. ما ادري مين هو اللي كسرتة.. عشان يكسروني.. ما ادري جزاي في مين..ما ادري.. نايف انصدم..!! كلماتة الأخيرة خلتة ينتفض للأب الثاني له.. اذا مو عشان راشد عشان مين..؟! غازي انكســر!! الشخص الكبير قدوتة المثل الأعلى بالنسبة له ينكسر..!! : من يوم ما عرفتك.. اول مره شفتك فيها.. انجذبت لك.. شفتك القيت علينا كلمة باحتفال.. و كنت موجود يوم التخرج.. لكني سمعت اغلب الشباب كانوا يتكلمون عنك.. عن تدريبك.. عن تعاملك.. و عن شدة القسوة اللي تشيلها بقلبك لهم عن اشياء كثيرة ما يتمنونها برئيسهم.. و لما اشتغلت بالمركز.. و انحطيت تحت امرك.. كنت متضايق.. كنت مقهور لو ماني برجال كنت بكيت من قهري.. انا كنت ادري ان العسكرية ماهي هينة.. و مستعد اتحمل شقاها.. لكن ان الشقى يكون الضعف عشان رئيس.. وقتها ما راح اتحملك.. خفت ينهدم حلم تحلمتة .. من زمان كنت احلم اشتغل بالعسكرية و امسك منصب كبير.. ويوم اشتغلت بمركزك.. و الله اني احس احلامي تبخرت.. داومت اول يوم.. و انت مسكتنا و دربتنا.. و يا كثر ما اخطيت و لا رحمتني.. رحت البيت و انا افكر بالاستقالة.. انسحب و اشتغل أي شغلة ثانية.. لكن مشاري هاوشني.. و قالي حارب عشان حلمك ماهو رئيس اللي يخليك تتراجع.. اليوم يهاوشك بكره بعده.. لكن ما احد بيقدر ينكر تعبك و شقاك و يشوفونك قد ايش تتعب عشان توصل لحلمك.. و بتكبر بعين نفسك قبل الكل.. و داومت.. و ذاك الاسبوع اتوقع بقي تصفقني قدام الشباب.. ما ادري ويش اللي كان ضارب بمخي.. ما ركزت بشغلي و انا ادري ان رئيسي ما يرحم.. لين ناديتني.. ناديتني بمكتبك.. و كلمتني.. غازي جالس وراء مكتبة امامة احد المتدربين عنده .. يتكلم بحزم قوي زرع في اعماق روحة و يخرج صوتة حاد : نايف.. العسكرية ماهي لعبة عيال و لا طيش مراهقين.. العسكرية تحمل.. و تصنع الرجال الشداد.. لازم تكون نَبِيه.. و تفكيرك حاضر و تركيزك ميه على ميه.. و انت حتى بتدريب بسيط ما انت قادر تركز.. ايش اللي مشغلك..؟! نايف شابك يدينة .. رد باحترام : ما شيء مشغلني.. بس هالفترة ماني بخير.. غازي : علمني ويش معتاز و بعطيك اياه.. و توعدني تصير رجال و تمسك الموضوع بجدية اكبر.. و الا ويش ناوي عليه انت..؟! ما تأخذ ترقيات و بتبقى بمركزك مثل ما انت..؟! نايف حس بالإحراج : و الله ماني بمعتاز شيء.. بس تفكيري مشتت.. غازي : و انا قلت لك لازم تفكيرك حاضر و تركيزك مية على مية.. شلون تخرجت من الكلية و انت هذا مستواك عندي..؟! نايف ودة تنشق الأرض و تبلعة حط نفسة بموقف سخيف على حساب ماهو مركز بتدريب شلون بيثق فيه و يمسكة شيء وهو ما يركز بتدريب عادي : و الله ماهو ذا مستواي.. غازي قاطعة بحدة : ادري.. و سأل عنك انا.. كلهم مدحوك لي.. ما ادري ويش اللي صاير لك هنا..؟! شلون بأخذك تدريب برا مع الشباب.. و شلون بخليك تتدرب على اشياء خطيرة عشان تكون كفوو و لهــا..؟! نايف بصوت خرجت فيه حدة طفيفة ما قدر يمنعها : و الله اني كفوو.. غازي ابتسم : ما شفتها للحين..!؟ ما وريتيني كفاءتك.. اسمعني.. اذا انت عندك امور بالبيت مضايقتك حاول تفصل بين بيتك و شغلك.. لأن الاثنين ما يدخلون ببعض.. هنا انضباط و التزام كل شيء مطلوب انك تأدية بأفضل ما عندك.. اذا محتاج اجازة تصفي امورك بعطيك اياها و لو انك توك ما صار لك مدة مداوم وما يصير تأخذ اجازة.. بس اذا بتخليك كفوو بعطيك اياها من عندي.. نايف : لا و الله يا سيدي.. مانيب معتاز اجازة و اموري بالبيت من احسن ما يكون يالله لك الحمد.. مير انا ما تعودت للحين على النظام هنا.. غازي وقف و اتجة لـ نايف وقف قبالة : ما راح ارحمك اذا سالفة تعود.. ما راح انتظرك سنة عشان تتقبل الوضع و انت متخرج من كلية و عارف و دارس و فاهم.. نايف تجرأ اكثر : انا اعرف النظام و اعرف كل شيء ..(بلع ريقة وهو يشوف هيبة رئيسة زادت عن قرب) انا مشكلتي انت.. غازي عقد حواجبة بحدة : انا!!!.. نايف : ايه.. يمكن الحكي يضايقك.. بس انا بعد غلطان اسمع من الناس قبل لا اشوف بعيوني.. و هذا مخليني اشوف حتى الشيء اللي تسوية كبير و يمكن اتثاقلة.. و يمكن لو احد غيرك طلبني هالشيء بشوفة عادي.. غازي ابتسم : بصراحة ماني فاهم... بس شكلك سامع حكي شين عني..؟! نايف بجراءة اكبر : واااجد.. غازي : هههههههههههههههههههههه..(يحك دقنة بسبابتة) و هذا اللي مخليك ماهو مركز..؟! نايف : شايل هم و الله.. ان حطيتني في بالك ما اخذ حتى ترقية وحدة.. غازي : انت جاوبت على نفسك بـ نفسك.. قلت مشكلتك فتحت اذنك قبل لا تجرب.. و صرت تشوف كل شيء مني ثقيل حتى لو هو عادي.. شوف يا نايف.. انت صرت تحت امري.. و انا انسان ما احب الكسل و لا التكاسل.. يمكن فيه ناس انا ما اعجبتهم لكن اكيد في ناس يشوفوني رئيس كويس.. و اذا تبي الحين لا طلعت دور على الموظفين بمركزي و انشد عني.. يمكن انت سمعت من ناس ما تريد لي او لك الخير.. و هذا الشيء غلط.. ماهو انت الرجال اللي طول بعرض اعلمك ان هالشيء غلط.. ياما راح تسمع بحياتك.. (احتد صوتة) واذا بتفتح اذنك للقال و القيل مثل الحريم.. بتجلس مكانك و صدق ما تجيك و لا ترقية و تقعد على اهمالك.. (هز اكتافة) ماهو من حقي امنع عنك ترقية انت تستحقها.. ما يعني اني رئيسك اظلمك براحتي.. لو ماني كفو ما انحطيت بهالمكان.. و قبل كل ذا انا اخاف من ربي.. و اعامل كل هالشباب مثل عيالي.. اللي ما رضاة على ولدي ما ارضاة عليكم.. وما ارضى ان ولدي يهمل بواجبة.. و انت ولدي.. عشان كذا لو بنبدأ الإسبوع الجاي و انت على ذا الحالة صدقني ما راح ارحمك..(احتد صوتة أكثر لينبة نايف على جديتة الكبيرة) و الله يا نايف صدق احطك براسي و اضاعف لك كل شيء عن اخوياك لين تعلم و تصطلب.. نايف يتدارك الوضع قبل لا يطيح الفاس بالرأس : لا خلاص.. و لا يهمك.. بسوي اللي تبيه.. في الواقع نايف ما يدري ليش يذكر بداية لقاءتة بـ غازي له الحين.. لكنه حس انه محتاج يذكرة بـ ايام عُرف غازي بقوتة و شدة بأسة : علمتني اشياء كثير.. تعلمت منك كيف اتحمل اشياء صعبة.. دربتني على امور كثير و احيان كنت اتضايق منك.. بس كل ما ضاقت فيني رجعت لك.. لما قلت لي انت ولدي.. و كلكم مثل عيالي كنت متوقعة كلام تحكية بس.. لكني الحين احيان احس اني ولدك.. للحين اشوف ابوي كبير و لا ينكسر من شيء.. و وجعة ما احد يحس فيه.. يداوي روحة بـ روحة.. يخاف على اللي حولة اكثر من نفسة.. تعودت اشوفك كبير و قوي و صامد بوجة كل شيء ما تنكسر و لا تنحني.. مهما صار تظل واقف لين ينتهي كل شيء و تحمي كل من احتمى فيك.. و هالنظرة كانت تكبر معاي كل يوم اشوفك فيه كل يوم اشوفك اتمنى اني اكون بـ يوم زيك.. اتحمل أي شيء.. و لا أي امر يكسرني.. (ختم سلسلة حديثة برجاء) يبه احنا عيالك لا تكسرنا.. لا تستقيل و تترك عيالك.. تكفى يبه لا تخلي عيالك.. غازي تنهد.. كل الكلام و كل المواضيع هي صغيرة عند وجعة في توأمة : رغم اني ما اعرف ويش خلاك تقول لي هالحكي كله.. انا ما بعد قررت استقيل.. يبي لي كم يوم افكر بالموضوع.. و ماهو موضوع راشد اللي موجعني.. ما انكر اني متضايق منه و عليه لكن فيه اشياء ثانية تخصني انا.. في جلسة بعيدة نوعاً ما عنهم.. الشباب جالسين.. .. يوسف صاحيمن صباح الله خير و فايق.. مفلل نوم من البارح.. طلع برا و شاف ابو عبدالرحمن جالس لحالة باس راسة : صبحك الله بالخير يبه.. ابو عبدالرحمن : صباحك النور يا ابوي .. ماشاء الله ذاهن من بدري..!؟ يوسف سحب صينية القهوة و شال الثلاجة و الفناجيل نفض يدة اليمين نفضتين عن المويا الباقي بالفناجيل: ايه يبه ويش ورانا لا دوامات و لا علة.. ابو عبدالرحمن : انت تشكي من شيء..؟! يوسف يمد له فنجال القهوة : ما غير ظهيري متكسر و رجيلاتي تعورني.. عمي غازي حاطني براسة بيهد حيلي كل يوم.. ابو عبدالرحمن : عمك يبي مصلحتك.. يقول انك مطفوق و لا تعرف تسوق ما غير تمشي و تصدم و لاقطك ساهر مرات ما تنعد و تقطع اشارات.. يوسف ينزل الدلة و فنجالة بالأرض وهو له موال براسة يغنية : يبه مرات اكون مستعجل و يلقطني ساهر متأخر على دوامي.. يلقطني ساهر و ابوي يدفع الغرامة ازين من اني ادخل متأخر و يقلل من شاني الدكتور بين اخوياي.. بالله يبه تشوفها زينها بحقي.. رجال طول بعرض يهاوشة دكتور عاد انا و حظي يا مصري يا اردني يا سعودي.. ابو عبدالرحمن : افااا و انا ولد ابوي.. لا بالله ماهيب زينة ما عاش مين يقلل من شانك.. مير انت ليش ما تبكر بروحتك..!؟ يوسف : انا ابكر يبه مير الشوارع زحمة.. الناس كلها تداوم ما تقربها من ست ونص لين تسعة الا.. مير هاذي الشوراع اللي توديك الجامعة.. الاشارة تقفل علي كم مره.. ويش اسوي بعميري..؟! ابو عبدالرحمن : اطلع من قبل ست و نص يا وليدي ازين لك.. الشوارع فاضية.. عشان تفوت زحمة الناس.. يوسف ياربي اجيه يمين يقول يسار.. شلون اقنعة : يبه حتى لو بكرت.. ماهو كل يوم اقدر ابكر.. مرات اسهر مع اخوياي ما اصحى بدري.. و الا اكون تعيبان.. ابو عبدالرحمن يمد فنجالة على يوسف يصب له : تعيبان وشولة تداوم.. اقعد مكانك.. لو سقت بسيارتك و صادك شيء ويش بيغبر ابوك..!؟ يوسف : يبه ماهو على كيفي ما ادوام يرسبوني بالمادة يعطوني حرمان.. ابو عبدالرحمن : الله لا يحرمنا علينا جنتة.. ويش ذا.. : خلة عنك يا عمي لا تسمع له و الله ان قد يطلع براسك قرون.. لف يوسف لأبوه اللي جاء بنص مخططة بيخرب عليه.. يبي يكسب ابو عبدالرحمن بصفة عشان يكلم عمة و ما يخلية يتدرب.. سلموا ابو عبدالله و ابو سعود و ابو عبدالرحمن و ابو عمر و مشاري.. يوسف وقف يبوس راس كل واحد فيهم.. و ظل واقف لين هم باسوا راس ابو عبدالرحمن و جلسوا.. شال الفناجيل و القهوة يقهويهم.. عامر : شفت عمك..؟! يوسف يمد الفنجال لأبو عساف بما انه اكبر الجالسين بعد ابو عبدالرحمن و يكمل صب القهوة عن يمين ابو عساف : لا.. عامر يتساند على المركى يمينة : ويش عندك صاحي مبكر..؟! ماهي بالعادة.. اذا ما لعلعت عليك امك و صرخت فوق راسك ما صحيت.. يوسف مسك ضحكتة و هو ماد الفنجال لأبوة : يبه ما تفشلني قدام العرب.. بعدين نايم مبكر ليش ما اصحى مبكر..؟! اصلاً هاذي طبيعة الانسان و اللي المفروض تكون عليه البشرية اجمع.. مشاري : اجلس ما احنا بـ غرب عشان توقف و تقهوينا.. ارتاح.. يوسف : افا عليك.. لا بالله ما اجلس قبل ما تخلصون قهوتكم.. ابو عمر : لا بالله تقعد و الا ما احنا متقهوين.. احنا حسبة معازيب راعين محل.. لا جيناكم ببيتكم ضيوف اوقف و قهوينا ما احنا قايلين لك لا.. لكن هنا ما احنا ضيوف.. جلس يوسف بالوسط مقابلهم بحيث يقدر يصب للجميع بما انهم جالسين تقريبا جنب بعض.. عامر لحالة بصف و يمينة ابو عبدالرحمن ابو عساف ابو عمر ابو سعود ويمينهم مشاري : حياكم الله مير هاذي الساعة المباركة اللي تضيفونا فيها.. عامر ماسك ضحكتة ولدة النوم مأثر عليه.. بس تأثير ايجابي.. ما منع ابتسامتة من الظهور : ان شاء الله دايم هالسناعة.!! يوسف : طول عمري سنع بس انت و عيالك ما تشوفون سناعتي.. الله يخلي لي ام يوسف هي اللي تشوفها.. عامر : ايه صح احنا ما نشوف سناعتك.. بس ان شاء الله بدور عليها بعد فترة يمكن انا كنت اعمى و اليوم اللي شفت.. يوسف : كويس يعني اضمن انك بتشوف سناعتي.. عامر و عيونة على سيارة عماد الداخلة البوابة و وراها سيارة عساف : يا خوفي ادورها الظهر و لا القاها.. نشوف يا يوسف.. : السلام عليكم.. : وعليكم السلام.. سلموا على الكل و جلسوا.. ابو عبدالرحمن : من وين جاين من صباح الله خير.. عساف : كنا بالشغل يبه.. الفريق غازي ما طلع..؟!؟ عامر : لا .. ليش تبونة بـ شيء..!؟ عماد : ايه شوية شغل.. عامر : ازين بعد.. اشغلوة.. عماد ناظر ابوه : يبه صاير شيء بينك و بينه..؟! عامر استغرب من السؤال : بيني و بين عمك..؟!(احتد صوتة على عماد) صاحي انت تسألني هالسؤال..؟! عماد تنهد بـ قوة: عمي من البارح يتصرف تصرفات غريبة.. فيه شيء ماهو طبيعي.. حتى اني شكيت ان جدتي تعبانة و ما دريت عنها.. و كلمت عمتي مريم و قالت ما فيها الا العافية.. عامر : و بـ كذا شكيت اني متهاوش معاه..!؟ عماد : لا.. لأني اعرف هوشاتكم و الا توصل لـ الحالة اللي شفنا فيها عمي.. فيه شيء غريب.. حتى ان الشباب يقولون يفكر يستقيل.. عامر ببساطة : غيروا تفكيرة.. ما احد بيغيره غيركم.. ماهو انتم رجالة.. اضغطوا عليه.. جيبوا له شيء من تحت الأرض و حسسوه انكم ضايعين بدونه.. علموه ان هذا وضعكم من غيره.. مسكوة الأمور حتى لو يبي يتركها.. عماد : يبه الله يرضى لي عليك.. فهمني طيب ويش القصة و انا احلها..؟!! عامر : ما فيه قصة يا عماد.. كلامي واضح.. غازي عطاكم وما قصر بحق أي واحد فيكم.. جاء الدور اللي انتم تردون له.. عزام : لو يطلب اعمارنا ما غلت عليه.. و الكل يدري عن معزتة بقلوبنا.. و حالتة من البارح ماهيب عاجبتنا و احنا نضرب اخماس باسداس نطلع ويش المشكلة عشان نحلها.. قلبنا المركز و كل البلاغات مافيه شيء يقول انه فيه شيء اكبر منه و لا هو قادر يحلة عشان يترك الشغل.. سعود : وما نتوقع انه الشيء بالبيت.. لأن عمر الفريق غازي ما دخل البيت بالشغل.. و حتى لو هو متضايق ببيتة ايش دخل الموضوع بإنه يستقيل..؟!! نايف : نبي نعرف.. اذا انت تدري ويش هو اللي مضايقة علمنا..!؟ احنا يدينا مربطة و كل ما حاول نلقط خيط انفلت منا.. ماهو ذا الفريق غازي اللي احنا نعرفة.. عماد : يبه .. حتى يوم وفاة عمي الله يرحمة ما شفتة كذا..(يقصد ابو غازي بما انه عم ابوه لأنه زوج ام عامر فـ هو عمة).. ما عمري شفتة بـ هالحالة.. عامر : فيه اشياء ما تنقال.. ما يصير تطلع لأحد.. و انتم عليكم تطلعونة من ذا المزاج اللي هو فيه من غير لا تعرفون ويش فيه.. قاطعهم الصوت الحاد اللي سمع حوارهم : ماهو بكيفة يستقيل..!! (ناظر الشباب) وينه..!؟!.. عامر : الفجر راح لـ غرفة التدريب.. اذا تقدر عليه لا تقصر.. .. لا حول ولا قوة الا بالله.. لا أحلل نقل الرواية دون ذكر اسمي.. هاشتاق #رواية_لو_سألتي_الورد ضحكة قهر.. |
رد: لو سألتي الورد وهو ما بين إيدك أقطعك بيقول لك عمري فداك الكاتبة / ضحكة قهر
بسم الله الرحمن الرحيم..
السلام عليكم و رحمة الله وبركاتة.. شسمة ما ابي اكتب مقدمات مره مستعجلة و متأكدة انكم ما تقرونها لأني دايم اكتب موعد البارت الجاي وراء ذلك تنهال علي اسئلة متى البارت الجاي..؟!.. انا قلت البارت السبت و ما اعتقد اني حددت موعد الا ان صكني زهايمر الله و اعلم.. ربع الأسك انام و اصحى الاقي حول الثلاثين سؤال عن البارت..!!! طيب لسى ما انتهى اليوم.. باقي وقت.. و انا عمري ما اخلفت بوعد وعدتكم اياه.. ما ادري ليش ما انتم راضين تثقون فيني..!!! كل اللي ردوا على الرواية سوري ان ما علقت عليكم لأني مره مره مره مستعجلة.. حياكم الله جميعاً و يسعدني اني اقرأ تعليقاتكم و اشوف حماسكم رجع مع رجعة الرواية.. البارت إهداء لـ نفسي إرضاء لـ نفسي .. عشانكم مزعليني.. البارت الرابع و الأربعون.. كان ودك بالجفا شد الرحال مستحيل أقول تكفى حبني. لـ وحشتك "ناصر العنزي" في غرفة التدريب.. غازي هادي جداً عكس البارح تماماً.. جالس على الأرض و حاط المركى عن يمينة و متكي يناظر رجالة من وراء نظارتة.. وليد معصب.. و الباقين متوترين.. وليد : ماهو بكيفك تتركني بالنص.. ما راح اسمح لك.. انت دخلتني بهالموضوع.. و انت بتخليني اطلع منه منتصر.. ما راح تستقيل و تترك الموضوع.. انا ما فكرت اضحي بحياتي عشان انت تجي باول خطوات لي تبعد عني.. ماهو بكيفك.. انا اخذت منك كلمة بتوقف معي للأخير و بتحميني.. عشان كذا انت مجبور توفي بـ وعدك لي.. عزام مسك ذراع وليد اللي شبه واقف على ركبة و يكلم غازي مقهور منه : وليد اهدأ الموضوع ما ينحل بهالطريقة.. وليد : ماني هادي.. ماهو اول ما بديت يتخلى عني كان ترك الموضوع قبل لا ادخل فيه.. ما خلاني لين اقابلهم و احرق بيت أبوي.. و شفت الحرس بعيوني يموتون.. ماهو بعد ما عرفتهم و عرفوني.. عساف تربع : علمنا ويش صار..؟! قولنا شلون قابلتهم.. وليد تربع بيحكي لهم كل شيء صار.. رغم انه البارح كان ناوي يتمنذل عليهم.. لكن يوم شاف غازي هو اللي بيبدأ بالنذالة قرر يوقف لعب بأعصابهم : ثاني يوم من فتحت الكشك جاني شخص مبين عليه كشخة و من الكبارية.. لف يدور بالمكان بعدها جلس على الكرسي.. سألني عن نفسي.. اسمي و عمري.. و انا كنت اعرض عليه البضاعة و انتهت بإنه ما شرا مني شيء.. و زارني بعدها بيومين.. و قالي ايش تدرس و شغلك شكلة ماهو ماشي.؟! و من وين جبت الفلوس عشان تفتح كشك البضاعة قيمتها غالية ابوك عنده فلوس..!؟ وليد يناظرهم كيف مهتمين و يسمعون كل كلمة ينطقها و عيونهم مركزة عليه وعيونة تدور عليهم واحد واحد و احيان يناظر الأرض : من أسئلتة حسيت انه ممكن يكون واحد منهم.. فا جاوبت مثل ما اتفقنا من قبل الوالد متوفي من زمان و أنا ادرس بالجامعة سنة ثالث.. و الفلوس شوي من الورث و الباقي اخذت قرض.. و مشيت حالي بعد بالدين.. لين تيسر اموري و اسدد الخلق.. فـ عرض علي يشتري مني الكشك مقابل تسديد كل ديوني و يخليني اشتغل فيه و اديرة له.. عساف : و رفضت..؟! وليد بـتأكيد : طبعاً.. لأني لو وافقت ممكن يكون داخلة شك ان الكشك نقطة بداية بالطريق اللي يوصل لهم.. عدا اني ما كنت متأكد انه من العصابة.. قلت له لا .. انا فتحتة عشان استرزق.. انا انسان ادرس اغلب الوظايف تبي واحد متخرج من الجامعة.. و انا ما معاي الا ثانوي و فاشل فيها بعد.. قالي انا بشترية و بخليك انت تمسكة.. و رفضت عرضة اكيد ما شقيت و تسلفت عشان ابيعة.. اخر شيء قال لي طيب انا ابيك توظف عندي.. ما اتوقع يتعارض مع وظيفتك هنا و اذا تبي عطيتك واحد من موظفيني يساعدك.. سعود : طيب و بعدين..؟! وليد سحب قارورة مويا من اللي بوسط جلستهم مرصوصة بالصينية.. و فتحها : قلت له على حسب الوظيفة عشان يعرف اني ماني شفقان عليهم و يشك فيني.. قالي الوظيفة حتى لو كانت صعبة بتلقى على كل شيء تسوية مقابل للي تسوية و فوقة حبة مسك.. فا قلت له اول نجرب فترة يمكن انا ما يعجبني الشغل و يمكن انت ما يعجبك شغلي.. حزتها بس عرفت مقدار الشر بعيونة قالي لا اللي يدخل معنا ما يطلع.. لأن الطلعة بتكلفة حياتة.. كل الشغلة عندنا تأخذ امر و تنفذة من غير أي سؤال و تأخذ عليه مقابل و بنفس الوقت لك عندنا حق الحماية نحميك من كل شيء يضرك.. و تأكد اننا كل شيء نسوية نبغي فيه الخير.. و نساعد فيه ناس كثير.. شرب من المويا يبل ريقة حس انه مجرد حكي اللي صار معاه ريقة ينشف كيف لما عاش الوضع.!! ما يدري شلون هو عايش للحين..؟! : و بديت ارواغ فيه قلت له طيب اعطني يومين افكر بالموضوع و رفض قال معاك ساعة موافق اتصل علي و حط لي بطاقة على الطاولة.. و قال لأن اول شغلة بتسويها بعد صلاة العشا.. و طلع من عندي.. خلال هالساعة كنت ابي اتواصل معاكم.. بس ما قدرت.. لأني حسيت انه ما جاني بعد يومين الا وهو عارف كل شيء عن ايمن المنذر.. و قبل ما تخلص الساعة بدقيقتين دقيت عليه و قلت له اني موافق و قالي خير بيجونك رجالي و يجيبونك لمكاني و لا تستغرب من أي اجراء يسوونة لك.. لأنها للاحتياط فقط.. تعرف انت توك جديد علينا و لسى ما عندنا عليك ضمانات.. و جوني رجالة في البداية كنت باخذ سلاحي معاي بس بعدين غيرت رأيي.. عساف احتد صوتة : خبـــل انت رايح بدون سلاح..؟! شلون كنت تفكر..؟! وليد رد بحدة على عساف : انت اللي خبل تبيني اروح ومعاي سلاح.. على طول بيشكون فيني بأي صفة شايل معاي سلاح..؟! لكن لا دخلت معاهم اقدر اشيل سلاح من غير لا يشكون.. عماد يهدئ الوضع: طيب و بعدها..؟! وليد يذكر تفاصيل اللي صار له مع الرجال من لحظة دخولة .. دخل مع الباب و انفتح الرباط عن عيونة غمض عيونة بقوة و فتحها دارت عيونة بالمكان البيت كله مفتوح على بعض صالتين بكنب و المطبخ و غرفة النوم كلها مفتوحة على بعض.. بابين بس المقفولة بالمكان.. ما يدري ويش وراها.. "يمكن حمامات".. قاطع تأملة الصوت المرحب .. فاتح يدينة الثنتين : يا هلا بأيمن المنذر.. تقدم له بثقة و خطوات مدروسة وصافحة بهدوء و هو يرد على ترحيبة بالرغم من التوتر اللي يتملكة داخل بمكانهم بدون سلاح و مع واحد ما يدري ويش يبي فيه و الطامة لو كان الشخص مو من العصابة اللي يسعى لها : هلا فيك.. (ابتسم) الا صدق ما عرفت اسمك..؟! ابتسم الشخص ابتسامة بسيطة مائلة على جنب و نطق بوتيرة بطيئة و كأنها نبرة تحذيرية لـ وليد : الــــصقـــر.. رفع حواجبة باستغراب من طريقتة : الصقر..!! (ابتسم له بلا مبالاة).. مد يده باتجاة الجلسة : حياك خلنا نتكلم عندنا شغل مهم بعد ساعة.. تقدم وليد من بعد ما تقدم الصقر باتجاة الجلسة و جلسوا اثنينهم متقابلين بثقة متمردة على الصقر واضحة للأعمى حتى من نبرة صوتة و ثقة تهز اللي قدامة عشان يشككة بنفسة.. بالرغم من هذا جلس وليد بهدوء.. الصقر : هاذي الساعة المباركة اللي تنضم لنا.. وليد : ساعتك ابرك.. الصقر : ما ابي اضيع وقتي و وقتك يا ايمن انا ابي اشرح لك احنا مين و ويش هي اهدافنا.. وليد : تفضل اسمعك.. الصقر : احنا مجموعة فينا من الخير ما الله به عليم و لله الحمد.. وليد كان وده يتفل بوجهة من هالكلمة : الله يبارك فيكم.. < وده بس يزيد حرف النفي لا قبل يبارك.. بس ماسك نفسة بالرغم من التوتر عامل عمايلة فيه بس يتذكر هدفة اللي ابعد عن اهله عشانه يتحمل و يسكت.. الصقر : طبعاً.. انت تدري ان فيه ناس فيها حسد و ما تحب الخير لأحد.. و تبي تسوي اشياء كثير تفرق فيها الناس و تبعدهم عن الدين.. و احنا كله و لا ديننا.. وليد حس انه غلط.. و ان هالشخص ماهو من العصابة و انهم جماعة فيهم خير.. الثقة الطاغية على الشخص اللي قدامة خلتة يحس بهالاحساس : فعلاً اهم شيء الدين.. الصقر حط رجل على رجل و فارد يديه الثنتين على ظهر الكنبة العريضة اللي يجلس بوسطها : و احنا مهمتنا نوقف هالناس عن اللي يسوونة و نردعهم و نخليهم عبرة لغيرهم.. و عندنا رجال مكلفين بهالشيء و انت بتكون من ضمنهم.. تتلقى الأمر من غير لا تسأل عن أي شيء.. و تأخذ الخطة مثل ما هي و تنفذها بحذافيرها.. و لا تستغرب ان قريت اسم أي شخص سمعت فيه من قبل لأننا اكيد نعرف عنه شيء انت ما تعرفة.. و ما اخترناه الا انه يستاهل اللي بيصير له.. موافق تسوي اللي نبيه من غير أي سؤال و تنفذ اللي نبيه بالحرف.. و على فكرة عشان ما انسى راح تكون تحت حمايتنا.. وليد : طيب المقابل..؟! الصقر ابتسم ابتسامة صغيرة مائلة على جنب : لا تخاف ما ينوكل عشاك و انت واحد من رجالي.. وليد : ويش هي المهمة اللي بعد ساعة..؟! الصقر رفع حواجبة : ارتكبت اول خطأ.. قلت لا تسأل لأنك ما راح تعرف شيء انا ما ابيك تعرفة.. وليد : ما ارتكبت خطأ.. انت قلت فيه مهمة بعد ساعة و الساعة قربت تقضي.. الصقر : لا تسأل عن أي شيء مهما يكون صغير.. الا شيء تبيه عن المهمة انا غفلت لا اعلمك اياه بس.. اما غيره لا تنشد عنه.. و أي مهمة توكل لك تأكد انك ما راح تعرفها قبل مدة من الوقت المحدد اللي احنا نبي نسويها فيه.. اكثر وقت ممكن نعطيك اياه ربع ساعة عشان تتجهز بس.. ايش قلت.؟! وليد : اوكِ ما عندي مانع.. دام حقي بأخذة على دوز بارا.. الصقر ابتسم : متفائل فيك خير, و وجودك معانا بيدفعنا للأمام اكثر مما انا متخيل.. وليد وهو ما بين صراع المهمة هي الوحيدة اللي بتدلل هو من العصابة و الا لا هم فيهم خير و الا شر ما يبي يستبق الأحداث : ان شاء الله.. الصقر : تعرف تستخدم سلاح..؟! وليد : يعني مو مره حِريف.. الصقر : كويس عشان ما نبدأ من تحت الصفر.. و نضطر نخلي واحد يرافقك لين تتعلم على السلاح.. و الآن جاء وقت انك تعرف المهمة ويش هي..؟ تقدم الاثنين بجلستهم كل واحد مسند كوعة على فخذة و شابك كفوفة في حركة مشتركة اتفق فيها الاثنين.. الصقر : مهمتك الأولى ابسط مهمة ممكن تأخذها.. لا يجي ببالك اني مستهين بقدراتك لأني لو مستهين ما جبتك و عنيت نفسي.. لكن هي اشبه باختبار لك بشوف تقدر تسوية كامل و تجيب الفل مارك و الا لا.. وليد : ببيض وجهك ان شاء الله.. الصقر : ابيك تروح لبيت شخص و تحرقة مــن,,, إلى.. وليد تفاجأ.. اولها حرق بيت!! وين الخير اللي توقعة قبل لحظات منه.. حاول يضبط نفسة : سهالات ان شاء الله.. الصقر : ما سألتني بيت مين..؟! وليد رفع حواجبة باستغراب و هز اكتافة : ما قلت لي لا تسأل..؟! انفجر الصقر بضحكة ترددت على مسامع وليد.. صلب ظهرة و نظرتة ما زالت على وليد : كفوو يعجبني المركز.. بيت ابراهيم بن مساعد بن سالم.. وليد جف ريقة حاول يتنفس بهدوء عشان ما يبين صدمتة..!! أي مهمة هاذي.؟! يختارة هو و عشان يحرق بيت ابوه..؟! معقولة شاك فيه..؟!.. ضاغط على يدية بقوة عشان يخفف من توترة اللي حس بيظهر على ملامحة و ينكشف بكل سهولة.. كمل الصقر بهدوء : ابراهيم بن مساعد اتوقع انك سمعت فيه من قبل لو بالاسم.. اللي ابيه منك تحرق بيتة كله.. وليد جاهد ان صوتة يطلع واثق و ثابت و كأن الموضوع ما يعنية : تهديد له.. < ما قالها بطريقة استفسار عشان ما يشك الصقر في الموضوع.. الصقر : له ,,,,, و لولدة سعود.. عصفورين بحجر واحد.. عدا كذا ابي اثبت لغازي بن حمدان اني اقدر اسوي اللي ابيه.. و هو يتفرج و لا يقدر يمنعني لا هو و لا رجالة.. وليد حس بريقة جاف : و عيلتة..؟! مو يمكن يكونون بالبيت..؟! الصقر : اليوم خميس و عادتهم يطلعون الخميس من بيتهم.. و اذا لقيت احد .. اقتلة.. < نطق كلمتة الأخيرة ببرود قاتل.. و ما كأنه يهدر بارواح الخلق.. و يسفك دمهم.. وليد وده يمسك السلاح و يثور فيه.. اجل مهمتة يحرق بيت ابوه..؟!!! و اذا لقى احد يقتلة..؟!! يمكن وحدة من خواتة ما راحت..؟! يمكن اخوانة موجودين بالبيت.؟! اي قلوب يشيلونها بين ضلوعهم هاذي..؟!.. البيت ممكن يحرقة و يدري ان ابوه لو درى ما يزعل لأنه بيفهم انه انجبر.. لكن ان احد ينضر من عيلتة وهو اللي يضره هاذي اللي ما يتحملها.. : يـــــــــــــاهوه.. وليد رفع عيونة لـه من غير لا ينطق.. يحاول يتجاوز كل شيء.. عشان الأمن.. دامهم ناوين يحرقون البيت يروح هو يحرقة على الأقل يتأكد ان ما احد فيه و لا واحد منهم ينضر.. اما اذا هم راحوا ما يضمن ويش يصير.. أخذ نفس : تمام,,, عندكم خطة معينة..؟! الصقر : ايش فيك سرحت..؟! وليد : شيء طبيعي بـفكر بالموضوع.. مهما كان المهمة اللي تقولها ماهي سهلة.. تنحط تحت مسمى "جريمة" و هالخط دخولة بدون رجعة.. يعني لازم افكر.. الصقر رفع حواجبة : يعني ايش..؟! رافض المهمة.؟! وليد : ما قلت كذا..؟! الصقر بحدة : هذا معنى كلامك..؟!! وليد ببساطة تستفز الصقر : ليش عصبت..؟! الصقر : انت وافقت تشتغل معاي و ما جيتني هنا الا موافق على اللي بطلبة منك.. وليد بـ ثقة وقوة هو رضى ان يقدم روحة للموت فدا لوطنة.. ما راح يخاف ابداً هو قلق عشان اهلة بس : لا تغلط, انت اللي جبتني ماهو انا اللي جيتك هذا واحد.. اثنين انا كنت افكر بالموضوع بس.. لأن المهمة اللي انت تقول عليها سهلة ماهيب سهلة.. انت بتخليني ادخل بيت رجل اعمال اشهر من نار على علم.. و احرق بيتة.. ابسط شيء بيصير بيفتحون تحقيق و تجي المباحث.. الصقر : لا جات المباحث تكون انت قاضي من كل السالفة.. الا ان كنت غبي و تترك لك بصمات بالمكان او أي شيء يدل عليك.. و ترى ما احد من رجالي يراددني و انت ناوي ترفع خشمك علي من اول ساعة..!! وليد يتجاهل كلام صقر الأخير : طيب.!!! اذا كان الوضع مره صعب.. يعني لو طلعوا كلهم بالبيت ما راح اقدر احرقة.. او يكون فيه شرطة قريب من المكان هم ما اقدر.. الصقر : معاك خمس رجال يعاونونك بيمشون على امرك.. (احتد صوتة بنبرة تحذيرية) و ان سويت شيء غلط.. بيقضون عليك بنفس المكان.. وليد رفع حواجبة : تهددني..؟!!! بامكاني اطلع من هالمكان و ما ارجع.. الصقر رسم ابتسامتة المايلة على جنب : تهقى..؟!! انا ما جبتك هنا عشان اخليك تروح.. ابيك تكون معانا و انت جالس تماطل.. عايز لا تحرق بيت..؟! وليد بـ حدة : ماني عايز بس انت جالس تهددني.. الصقر : انا هنا رئيسك.. كلمتي هي اللي تمشي.. و تمشي عليك قبل غيرك.. ما احد يراددني ابد.. و انا وثقت فيك و وكلتك مهمة حتى قبل لا ادربك.. بس لاحقين على التدريب اول شيء نسوي لك اختبار قبول.. وليد : طيب.. موافق.. و رجالك بيمشون على كلامي..؟! الصقر : بالحرف.. وليد وقف : اوكِ.. و اذا خلصت ارجع بيتي..؟! الصقر : لا طبعاً .. راح تكون مع الشباب وهم بيجيبونك لي.. .. وليد يناظرهم : هذا كل اللي صار معاه.. و اديت المهمة.. و بعدها رحت معاهم و قابلت الباقين.. عماد : و شلون انقتلوا الشباب اللي حطيناهم عشان يكونون معاك..؟! وليد : انا اول من دخل البيت.. و الباقين ظلوا برا.. و شافوهم كانوا يتتبعونا و دخلوهم البيت و اقتلوهم فيه.. ما قدرت اسوي شيء.. لأن الوقت اللي دخلوهم فيه انا كنت فوق اتأكد ان ما احد من اهلي فيه.. ابي انحشة قبل لا يصير شيء و يوم نزلت.. كيد ان هم رابطينهم بسلاسل و قاتلينهم بعدها ولعوا بالغرفة.. عساف : و الجثة الثالثة لمين..؟! وليد : واحد منهم.. قالوا ان الرئيس امر انهم يقتلونة.. نايف : يذبحون الناس و يذبحون بعضهم بدم بارد.. غازي بعد ما كان مستمع فقط حتى على غضب وليد نطق اخيراً : كيف الصقر..؟! وليد : يبيني اصبح و امسي عليه حضرتة كني ولده.. (مسح بيدة السليمة على شعره) يقول بيدربني بنفسة.. وما قد شاف احد و راق له عشان يتنازل هو و يدربة الا انا.. عماد ابتسم : يعني نقول بداية ثقة..؟! وليد : ما يثق الا بنفسة.. عنده رجال من سنين و فوق هذا يشك فيهم.. سعود : و انت ايش دراك..؟! وليد : هو قال لي.. سعود : و هذا ما يعني انه صادق.. وليد هز اكتافة.!! : ويش اللي يخليه يكذب..؟! سعود مقهور من وليد : ويش اللي يخليك تصدقة..؟! وليد لوى فمة : ما احس عنده سبب يخليه يكذب علي.. انا ماني مهم عنده عشان يكذب علي واحد توه جديد يقدر يمحيني برصاصة وحدة.. غازي بحزم صارم : كأنه راق لك..؟! وليد : هه.. ويش فيكم..؟!!.. مو قصة راق لي.. بس مقهور عليه.. ويش اللي يخلي رجال بعمرة يفكر هالتفكير.. اول ما تكلم معاي راودني شك انه صادق و انه رجال فيه خير.. شكيت اني رحت للناس الغلط..!! بعد ما حكى لي كل شيء عرفت اني ما اخطيت.. نايف : لو فيه خير ما ربط على عيونك وما خلاك تشوف الدرب.. عزام : اذا بيصبح و يمسي عليك شلون جيتنا..؟!! وليد قلت له بسافر روما استوعب المهمة اللي سويتها اسبوع.. و وافق بشرط اني ما اتأخر عندي تدريب.. و حجزت على روما و رجالة يتبعوني و انسلت منهم بالمطار و طلعت من جديد و جيتكم بالمزرعة.. غازي بحدة عالية : لا عاد تجينا.. الا ان طلبناك فاهم..؟! انت جالس تخاطر بحياتك بهالشكل و حياة غيرك.. وليد ناظرة بطرف عينة و ما علق على كلامة.. او بالأصح طريقة غازي الحادة.. غازي ضرب يدة على المركى جنبة و صرخ على وليد : لا كلمتك تحط عينك بعينك و ترد علي زي العالم و الناس.. اخذ نفس وليد و ناظرة : ان شاء الله .. و اذا ربي كتب لي عمر بعد هالمهمة تأكد اني ما راح اظل تحت امرك.. غازي : اذا ظليت على هالاستهتار اللي انت فيه تأكد انه بيجنا خبر موتك قبل لا تستقيل.. وليد بحدة مشابهة لـ غازي : ماني مستهتر.. اسوي اللي اشوفة صح.. يعني انت مو مستهتر يوم قررت تترك الشغل بالنص..؟! على الأقل انا ما فكرت اترك شيء نويت اسوية و بديت فيه و خطيت اول خطوة و طريق الرجعة اسهل لي من اني اكمل على الأقل اضمن حياتي اكثر من اني اعرض نفسي للخطر.. البقية وضعية المتفرج .. غازي و وليد ما احد فيهم يقدر يدخل بالنص بينهم و يحل الموضوع بـ هدوء الاثنين يتناطحون و بالأخير يركدون.. غازي : و رب الكعبة يا وليد.. لو يراودني شك ربع بالمية انك ما انت بكفو لأسحبها منك و ارجعك بنفسي.. وليد وقف وعيونة على غازي فقط.. : ما راح اترك شيء بديتة..(آشر عليه بسبابتة) ولو انت شاك اني ماني بكفو ما كان عطيتيني اياها.. ولو انا مستصعبها على نفسي و انا ادري ان 99% بالمية ما اطلع منها عايش و مخاطر بحياتي ما كان رضيت.. و على فكرة لا راودك شك.. ما راح اكون هنا بكون هناك و علمني شلون بتطلعني من بينهم و تحافظ على حياتي.. قادرين يسوون اشياء كثيـر ما تخطر على بالكم.. معاهم ناس بشتى المجالات.. سعود : اجلس.. ما قلت لنا كل شيء..!؟ مبين فيه شيء ما قلتة..؟! وليد : قلت كل شيء.. نايف : ما علمتنا لما رحت معاهم بعد ما سويت العملية حقتهم. ويش صار حزتها..؟! وليد دف المركى برجلة و جلس عليها : قابلتهم.. صلاح و طقتة.. كانوا مهربينهم من السجن.. ما خلوني احضر اجتماعهم.. الصقر ماخذني ديزاين معاه.. خلاني اجلس بجناحة.. خلص اجتماع و رجع اخذني معاه.. عماد : ما حاولت تسمع شيء..؟! وليد : ما بعد انهبلت عشان احاول اتنصت عليهم.. أي حركة ماهي محسوبة ما راح اسويها.. اخاف يكون مركبين كاميرات و يكشفوني بسهولة.. عشان كذا كل شيء اسوية اكون مفكر فيه قبل.. سعود : طيب.. تقدر تزرع هناك ادوات تنصت صغيرة احنا نعطيك اياها..؟! وليد : سعود قلت لك ما راح اسوي حركة ماهي محسوبة.. صقر ما يخليني اعتب مكان لحالي.. ويوم راح الاجتماع جلسني بجناحة و قالي لا تعتب الباب تونس بأي شيء هنا.. لفيت بجناحة ما فيه أي شيء ملفت للإنتباة.. عساف حط يده على دقنة : اهتمام الصقر فيك غريب..؟!! وليد يناظر عساف : تتوقع انه شاك فيني..؟!(قبل لا يرد عساف جاوب على سؤالة بنفسة) جاء في بالي هالشيء.. بس لو شاك ليش ما قتلني بارضي..؟! ليش يأخذني معاه لمكان اجتماعهم..؟!! كان تركني ببيتة..؟! نايف : و انت جالس معاه ببيتة..؟! وليد : يعني مو مره.. بس مسكني حتى بعد المهمة يبي يشوف كيف اصوب بالسلاح.. و يقول بيحط لي برنامج تدريبي على السلاح و بيدربني بنفسة.. عزام : غريب تصرفة معاك..؟!!! وليد : حتى انا ملاحظ هالشيء.. بس لازم امشي فيه اشوف ويش تالية.. اذا حسيت انه شاك او يعرف شيء عني بنسحب منه بهدوء.. و اقفل الكشك و لا عاد ارجع له.. و اذا ما هو شاك بكمل فيه.. ادوام بالكشك و عنده متى ما ناداني.. نايف : طيب انت قضيت الليلة اللي بعد العملية عنده..؟! لأننا مراقبين شقتك ما رحت لها..! وليد : ايه.. قضيتها عنده و قبل الفجر طلعنا للاجتماع و بعدها رجعني معاه و قلت له اني بسافر اسبوع.. الحين برجع له كتفي مكسور و بينشدني..؟!! بجهز لي تمثيلية تليق بحضرة جنابة.. (دخل وليد يده اليمين بجيبة و خرج بكت الدخان و الولاعة من غير لا يهتم بأحد تفكيرة مشغول و يبي يروق).. اتسعت عيون سعود : ويش ذا.. وليد خرج السيجارة و حطها بـ فمة : ويش تشوف..؟! عساف ما كان اقل صدمة من سعود : من متى تدخن..؟!!! غازي بحدة : انقلع دخن برا.. وليد رجع بكت الدخان بس بجيبة العلوي على صدرة و خلاه فاتح اسهل له و ولع السيجارة : عاجبني المكان هنا.. سعود وقف و سحبها من فمة و داس عليها برجلة : هذا مكانها(آشر على الأرض مكان دوسة رجلة على السيجارة) ماهو فمك.. من متى انت تدخن هذا اللي علمك عليه الزفت اللي رحت له..؟! بيومين قلب راسك..؟! عماد بـ بساطة : من زمان يدخن.. ماهو من يومين.. سعود ناظر وليد اللي ما اهتم و طلع له سيجارة جديدة كان بيسحبها سعود لكن وليد وقف و ابعد عنه .. وليد : مالكم دخل ادخن ما ادخن هذا شيء راجع لي.. اخوي الكبير على راسي بس شيء يخصني ما تدخل فيه دامني ما سمحت لك.. سعود سحب السيجارة بعناد من وليد و داس عليها و احتد صوتة على وليد : احترم وجودي قدامك.. و الا ما عدت تعرف ويش هو الإحترام..؟! وليد تنرفز من حركة سعود : اللهم طولك يا روح.. ممكن تفكني من شرك.. ماني رايق لك.. ما جيت هنا عشان حضرتك تنشب لي.. سعود : لا يا شيخ.. الحين انا شر.. و هالسم اللي مفتخر فيه ماهو شر..؟! وليد اعطاة ظهرة : مالكم دخل فيني.. ما عدت بزر واحدكم يتحكم فيني.. اكبر مني مالك زود عندي عن الإحترام.. غيره مالك عندي.. سعود : ماشاء الله يالإحترام اللي مقطعك..؟! تدخن قدامي..! و تكلمني معطيني ظهرك..! و فوقها لسانك طايل علي..! وليد ينفخ فمة بـ ملل اخرج الهوا من فمة : اسمع.. كلمني باللي تبيه.. تبي بالشغل جلست و سولفت عليك لين بكرة.. لكن تجلس تقول تدخن و ما تدخن.. هذا شيء ما يعنيك.. شيء يخصني انا لحالي.. تفهم لحالي.. سعود كتف يدينة : خلاص بشوف يخصك لحالك شلون ان درى ابوي.. وليد : اذا بتتبع اسلوب غازي و تهددني بأبوي ما راح القي لك بال.. انا اسوي اللي ابيه.. ما عادني بزر.. تحفظ حق الأخوة تنصحني.. زود عنها ما تسوية.. عساف : لا انت انهبلت.. مبين تارك عقلك عندهم و راجع بلاه.. صاحي..!! غازي : خلوه على راحتة.. انتم ما بغيتوا الا مصلحة وهو ماهو جاهل و عارف ويش هو ضرر التدخين.. ولو يكتب بالنت هالكلمة و يبحث بالصور بيشوف ويشي سوية السم بجسمة.. اذا اليوم هو بخير بيجية يوم و ينهد من اللي يشربة.. على قولة ماهو بزر عشان نتحكم فيه.. (وقف غازي عازم على انه يطلع) رجال شواربة خطت بوجهة و يرادد على شيء هو يعرف انه غلط.. طلع و تركهم مع وليد.. سعود متنرفز من وليد.. اللي مو مهتم.. سحب سيجارة ثالثة و هالمرة ما سحبها منه سعود.. و وليد يدخن قدامة.. نايف : تراهم خايفين عليك..ليش تعاند..؟! وليد هز اكتافة بلا مبالاة : شيء راجع لي.. سعود : ماشي يا وليد.. بسكت عنك لكن تأكد ماهو على طول.. بيجي يوم اربيك من جديد على قلة احترامك.. ام سعود : بس يا امي من متى و انتِ تصيحين..؟! ميار في حضن امها و شوفة سراب تركي مرهقة,, مرهقة حد الوجع لها.. ثلاث سنين متمسكة فيه و بحبة و برباط وثيق ارتبطت به تحت اسم زوجة.. ثلاث سنوات تشتكي من عذاب فراق اليم لـ روحها المحاربة وسط اقناع الجميع انفسهم بموتة و محاولة اقناعها بالتصديق و حل الرباط بينهم.. : ماما ماهو مصدقيني.. و الله تركي.. عيوني ما تخبط فيه.. انا اعرفة يا ماما و الله اعرفة.. ام سعود : اذكري ربك.. اخوانك يقولون اسمة راشد بن مسلم.. يعني هم ما يعرفونة..؟! بس يمكن يشبة لـ تركي.. و انتِ من زمان ما شفتية و تهيأ لك انه تركي.. الله يخلق من الشبه اربعين.. و انتِ شفقانة عليه.. ميار غطت عيونها بيديها يعني غلطانة..!! هي شوقها انهكها و خلاها تتخيل تركي بالناس..؟!! ام سعود تكمل : يا امي ما يصير اصلاً اللي تسوينة الرجال ما يندرى عنه شيء.. انتِ تهدمين حياتك بإنتظارك له.. ابوك و اخوانك شايلين همك اكثر من باقي خواتك.. و بعد اللي سويتية ما ظنتي بتبقين على ذمتة.. فزعت جالسة : لا.. ما راح اسمح لكم.. الا اني اتطلق منه.. لا يا ماما تكفين لا تقولين كذا.. دخلت جود بعد ما طقت الباب : السلام عليكم.. : وعليكم السلام.. جود : سعود برا قال يبي يشوف ميار.. ام سعود : الله يستر ..(تناظر ميار) تحسبينة بيسكت ما تعرفين اخوك و الله اكيد انه مشتط وما احد ماسكة عنك.. زين اصلاً اللي اخوانك مخلينك للحين عايشة.. ماهي ناقصة قلق عشان امها تزيدة.. هي خايفة على تركي الغائب في الواقع الحاضر في روحها و خايفة على نفسها من اخوانها.. و قلقة من كل شيء.. حتى من انهم يجبرونها تنفصل عن تركي.. جود : ادخلة..؟! ام سعود : دخلية يمه و الله يعين.. بخلي جوالي طارف عشان يلحقك ابوك قبل لا يذبحك.. ميار : ماما خلاص.. تكفين خلاص.. سعود اخوي و اخواني كلهم على راسي و انا ما سويت شيء غلط ماهو بيدي اللي صار كلهم يلوموني ماهو بيدي افهموني تكفون و الله تعبت (نزلت راسها على فخذها تبكي بنحيب) ما احد فيكم رحمني.. دخل سعود وهو يشوف ميار جالسة على طرف السرير ثانية رجولها تحتها و مدنقة تبكي : ميـــار.. ام سعود حاطة يدها على ظهر ميار تطبطب عليها لفت على ولدها : هلا سعود.. سعود سكر الباب و اتجه لميار جلس جنبها : افااا كل ذا صياح..؟! ليش بالله مين هو اللي مزعلك..؟! ميار رفعت راسها عيونها صغرت من صياحها و خشمها و خدودها حمرا : اللي صار ماهو بيدي.. خلاص انا سمعت منكم كلكم.. يكفي.. سعود : لا ما بعد سمعتي اللي عندي.. بس ابيك قوية.. اذا انتِ على ذا الحالة ما اقدر اقولك من خوفي عليك..!؟ ام سعود زاد قلقها على بنتها و افكارها تودي و تجيب : خير يا ابوي ويش فيه.. تكفى طمنا و الله قليبها ماهو مرتاح.. سعود بهدوء عشان ميار ما تنفجع و يصير لها شيء من زود الفرحة او القلق و الخوف : ميار هي اللي كانت صح .. و احنا كلنا غلط.. ميار هزت راسها يمين و يسار بشويش من غير لا تفهم شيء.. وكأنها تقوله عيد..!! ام سعود : ويش يعني ذا..؟! سعود : راشد هو تركي.. و تركي هو راشد.. اتسعت عيونها صدمة .. و كأنها تتلقى الخبر.. قلبها و عينيها هم اللي كانوا يخبرونها انه تركي وما احد غيره اللي شافتة.. لكن الضغط من اخوانها و امها يخليها تراجع الأمر من جديد خصوصاً ان شوقها صار يوهمها بأشياء مثل ما قالوا لها.. لكن اللي شافتة هو تركي.. تركي بن سبف نفسة.. ام سعود : يا مثبت العقل و الدين.. انت ويش قاعد تحكي..؟! سعود عيونة على ميار الضائعة روحها ما بين فرحة رجعة و الصدمة لها بـ واقعها راشد!!: اقولك يمه راشد هو نفسة تركي.. همست ميار : كيف..!! راشد تركي..؟! اطلق سعود تنهيدة : ما اقدر اقولك على التفاصيل لأنها معلومات امنية.. لكن تركي فقد الذاكرة من ثلاث سنوات و عاش بشخصية راشد عند ناس و اشتغل معانا.. وقت ما شفتية هو كان يعاني من صداع له فترة طويلة يعاني منه و سببة ذاكرتة اللي فاقدها.. ميار : ع.. عشان .. كذا .. ما عرفني..!!؟ سعود يبي يطمنها : الدكتور يقول احتمال ترجع له الذاكرة بس ما عنده وقت محدد يقدر يعطينا اياه.. لكن ان شاء الله قريب مع الأدوية و محاولة التذكر من اهلة.. ام سعود : يعني هو ما يعرف نفسة..؟! سعود : و الله يمه ما ادري بس ما كنه يعرف نفسة او انه ضايع بين شخصين راشد و تركي.. لكن ان شاء الله انها فترة و تعدي.. ميار : بشوفة.. هو كان يناظرني يعني يمكن يتذكرني.. لازم اشوفة.. سعود بحزم صارم : لا.. قلت لك امن.. ما يصير تشوفينة.. لو بتشوفينة ممكن تروحين فيها.. شايفة كل اللي صار لـ وعد.. ممكن يصير لك اردى منه لأنك زوجتة.. و هو لا تذكر كل شيء بيتذكرك لا تشيلين هم هالشيء اهلة هم اللي بيساعدونة.. انتِ خليك بعيدة عن الموضوع.. ميار : لا .. مستحيل ما اقدر.. و الله بموت.. سعود : قلت لا.. ما احد راح يسمح لك.. اقولك ما يصير تروحين عشان خايفين عليك.. ممكن يأخذونك و الله ما يرجعونك عشان يقهرون تركي فيك.. تتوقعين لو رجعت له ذاكرتة بيقول ايه تعالي لي خليني اشوفك..؟! مستحيل لأنه بيعرف انه بيعرض حياتك للخطر.. ام سعود : يا أمي اصبري اللي صبرك سنين يصبرك فترة.. ميار ضربت فخذها : الى متى .. تعبت و انا صابرة.. ابي اتطمن عليه.. انا شفتة ماهو طبيعي.. و الله ماني مرتاحة.. تعبت و الله تعبت.. سعود : اصبري فترة اوعدك يا ميار اذا حسيت ان الوضع امان ابي اخذك بنفسي له.. قولي الحمدلله الحين عرفتي انه عايش و هنا يعني تيسر الموضوع كثير ماهو احسن من اول..؟!! حزت راسها بإية من غير لا تحكي.. عبرتها متفجرة بحنجرتها.. يمنعونها من شوفتة بعد ثلاث سنين غياب.. و بعد ما شافتة دقايق هو فاقد ذاكرتة فيها.. و هي متشفقة عليه و انتبهت لتفاصيل التعب في وجهة.. سعود : خلاص اجل اصبري.. بس ادعي ربك الله يحمية و يشفية و ينهي الموضوع على خير.. الجئي لـ ربك و بس.. ومثل ما فرجها عليك برجعتة بـ يفرجها عليك بشوفتة طيب ان شاء الله بس قولي يارب.. ميار دنقت حتى تنطق بنبرة محملة بالوجع و الرجاء : يـــارب.. .. المغرب.. في جلسة بدوا يتأقلمون عليها.. الشباب جميعاً مع الرجال على رأسهم ابو عبدالرحمن.. نايف جوالة بيدة و بـ جو بعيد عن اجوائهم.. يسولف بالجوال و مو منتبة لأحد منهم.. راكان : بدا يطقني الملل.. (ما خلص كلمتة الا جوالة يطق رد مبسوط) هلا يا اخوي.. بخير جعلني ما افقدك.. افا عليك فينا الشدة ليش لا و الله اني طفشان.. ههههههههههههه لا تظلم مشاري ماله دخل.. خلاص وين نتقابل..؟! اهم شيء صباحي..!؟ ابد ما حولك احد.. جعلك سالم.. مع السلامة.. (ناظر مشاري) يسلم عليك حسام.. مشاري : عليك و عليه السلام.. من كلامك بتطلع..؟! راكان : ايه و رجاءاً ما ابي محاضرات من احد.. بروح ابسط عمري.. بدال هالحكرة اللي ملينا منها كننا حريم خايفات و متخبيات ببيوتهن.. مشاري بـ أسلوبة اللين متفاهم : الله يرضى لي عليك.. لا تعاند.. و الله من خوفي عليك.. راكان : ادري بس هذا هم يطلعون ويروحون و يجون.. من حقي انا بعد اطلع.. مشعل : خذني معك تكفى ضايقة فيني الوسيعة.. ابو سعود : انتم من جدكم و الا انهبلتوا.. وقف راكان : انا ما انهبلت .. و بنهبل اذا جلست مقابلكم 24 ساعة.. (ناظر مشعل) يالله قم.. مشعل وقف.. ابو سعود : مشعل..؟!!! مشعل : الله يخليك لي.. ابي اشوف الناس انكبت و الله.. ابي اشوف احد جديد.. سعود يناظر مشعل مقهور منه من بعد وليد واللي يسوية : انهبلت انت واخوك.. كل واحد بيمشي راية..؟! مشعل مل من الوضع اللي جالسين فيه : انا مالي دخل بأحد.. و من جد طفشت.. صار لي كم يوم ما شافت عيني الشارع..؟! احمد : مشعل لا تعاند من مصلحتك.. خايفين عليك..!! مشعل رفع حواجبة : خايفين علي (ابتسم) كان اولى تخافون على غيري.. و مشى و وراه راكان.. سعود : ماشاء الله الناس صارت تخيط و تفصل من غير لا تشور احد..؟! ياسر : معاهم حق.. من جد طفشنا.. انا عني بكرة بداوم.. بشوف شغلي ما ادري لو الدنيا سايبة.. ومن الحين اقولك لا تسوي لي سالفة انا بسوي اللي ابيه من غير لا احد ينصحني.. ماني بزر احد يخاف عليه.. ابو عبدالرحمن بحدة حتى يسكت الجميع: ابك انتم ما تريحون الواحد.. ما عندكم سوالف تونس.. ما غير تهاوشون..؟! ابو عبدالله بصوت راكز : اقول يا عمي مساعد .. يومنا هنيا.. و احنا صرنا اهل.. و ان شاء الله قريب نفرح بالشباب كلهم.. حتى لو هي نتايج التحاليل تأخرت عن اليوم.. غازي كان هاديء جداً او بالأصح مو مبالي بـ شيء.. و كأنه ما يدري اخوة ويش يقول.. و الحقيقة ان اللي يقولة اخوة ما يثير اهتمامة.. مجرد شيء بيسوية عشان امه ترضى عنه و يقول انه خطب.. ابو عبدالرحمن : ان شاء الله.. بس تطلع نتايجهم و تتيسر امورنا كلهم يملكون.. ابو عبدالله اعتدل جالس : يا عمي احنا جماعة وحدة.. ولو اننا مو من فخذ واحد.. لكن عرقنا واحد.. و الدم ما يصير ماي حتى لو اختلفنا من سنين ماضيات.. و الحكي في الفايت نقصان في العقل.. ابو عبدالرحمن : عداك العيب يا ابو عبدالله انا اشهد انه منطوق رجال من ظهر رجال.. احنا كان بيننا و بينكم بنياتنا الثنتين.. و الحين بيصير بيننا ارواح متوالفة ان شاء الله.. كلهم مستغربين المقدمة اللي يتكلم فيها عامر.. و منتظرين يسمعون ويش وراه.. حتى عيالة ما يدرون ويش بيقول ابوهم.. بس اكيد انه ما يقول هالحكي كله الا وراه شيء.. ابو عبدالله : و احنا يا عمي يشرفنا نسبكم و قربكم.. ما هو بس بـ ولدي عماد.. و لا ببنياتي (يقصد شوق و هنادي).. احنا نبي قربكم و نخطب بنت ابراهيم الكبيرة لـ اخوي غازي. صــــدمة...!! اتسعت عيونهم من الصدمة.. طبعاً عيال ابراهيم هم اكثرهم صدمة بالخطبة.. ندى.. و الثانية.. لكن الصدمة تحولت لـ غضب شديد على رد جدهم.. ابو عبدالرحمن : و الله انها ما تعرف غيرة حليلة ان الله كتب لكم.. هي من نصيبة.. ابو عبدالله ما توقع ان الموضوع ينتهي بـ هالسرعة.. لكنه نطق برزانة : الله يكبر قدرك يا عمي.. مير احنا نبيكم تنشدون البنية.. من حقها تقرر حياتها هي بـ تكون الثانية.. كان على وشك ياسر يسفل فيهم و يأخذ موضع الهجوم على خطبة ما يدري شلون اقدموا عليها.. لولا ان عمة بندر مسكة وهو يصر على اسنانة : اركد.. حكيك بيصغر ابوي.. اصبر.. ياسر يناظر عمة بندر حمقان : يعني عاجبك..؟! بندر : لا.. و هجومك بعد ما راح يعجبني.. اصبر نشوف ابوك.. ابو سعود : دام ابوي عطاكم.. فـ بنيتي ما تطلع من شورنا.. غازي ما اهتم.. لو هو خطب قبل لا يصير له اللي سووه بناتة.. كان اصر على معرفة رأي ندى بنفسها .. كان خلى سعود يكلمها قبل و لا اقحمها بشيء.. اما الآن.. هو غير مبالي حتى بـ رايها.. مو لأنه ما يبيها.. و لا سمع منقود فيها.. لأنه ماهو حاس.. ماهو حاس بـ شيء ايجابي ابداً.. مشاعرة المكسورة بعد توأمة خلاه ما يفكر بـ طريقة صحيحة.. او ممكن يطري عليه الصح و لا يبي يسوية لأنه ماهو مهتم.. ابو عبدالله : اجل على بركة الله.. ان شاء الله يملكون مع الشباب.. لحظات حتى يقومون عيال ابراهيم.. واحد وراء الثاني.. و اولهم ياسر و حاتم ثم خالد و احمد و اخرهم سعود.. في غرفة جمعتهم.. معصبين.. الا مفولين.. من هالخطبة اللي انتهت حتى من غير لا ينرد الشور لأختهم.. و ياليتها الأولى بحياتة ما كانوا اعترضوا لكنها الثانية.. و الأكيد ان ردود افعالهم ماهي وحدة و الا اتفقوا على ردة فعل وحدة.. فيهم اللي معارض و بقوة و فيهم اللي متقبل الموضوع عادي.. يظل رجال غازي ينشرى و ما ينباع.. و نسبة مكسب.. ياسر يفتر بالغرفة : شلون جدي و ابوي يعطونهم من غير لا ينشدونها.. الثانية.. الثانية بحياتة ماهي الأولى..؟!!! احمد : يعني ويش تبي ابوي يسوي..؟! جدي هو اللي عطاهم و ابوي لو تنطبق السماء على الأرض ما تراجع عن كلمة قالها جدي.. خالد : يعني تبي هالخطبة تتم..؟! من بعد عساف اللي هي اول بختة تأخذ غازي و الثانية بعد..!؟! سعود بمحاولة لـ تهديئة الموضوع : اركدوا.. الموضوع ماهو سيء.. غازي بنفسة ما فيه عيب.. حاتم : بس متزوج يا سعود.. انا مو معترض على موضوع انها تكون الثانية.. لكني معترض ان رأيها ما انوخذ.. من حقها هي اللي تقرر حياتها لأنها هي اللي بتعيشها ماهو جدي و لا ابوي.. يمكن ما تقدر تحمل تكون الثانية بحياتة و هي تشوف عنده مرة و بنات..!! ياسر : ماهو على كيفهم يحلون و يربطون من غير لا يشورونا ما احنا جدران جالسين.. احمد : احنا ما نوقف ضد ابوي.. و دام ابوي قال موافق فا غصباً عنك توافق.. مالك كلمة من وراه.. خالد : انتم ليش ما تحسون..؟! مستوعبين.. ان غازي بالأربعينات و عنده اربع بنات..؟!! و ندى ما يعيبها شيء..؟! ليش تبون تزوجونها انسان ما يصلح لها..؟! ما فيه بينهم أي توافق.؟! سعود : خالد ماله داعي نضحك على بعض.. ندى ماهي صغيرة.. كم شهر و بتعتب على الـ 28 قلت فرصها بالخطبة .. و بعد فركشة خطبتها من عساف بتقل زيادة.. الناس بتنقدها و بيقولون لو فيها خير ما تركها ولد عمها.. فكر فيها شوي.. تبون لها الشين و الا الزين..؟! ياسر اتسعت عيونة وهو يناظر سعود : يعني انت راضي..؟! سعود : ايه.. لو فكرت في الموضوع بـ شوية ركازة.. بـ تشوف غازي مكسب لها.. تكون هي الثانية بحياة رجال و يعزها و يكرمها و لا تكون الأولى و ما تتهنى بحياتها و تقضيها كلها مشاكل.. خالد حط رجل على رجل : بتفهمني أي وحدة من خواتي لو جاها واحد طلبها الثانية ما ترفضة..؟! تذكر يوم حمد خطب وعد الثانية ويش سويت انت يوم دريت..؟! سعود : تتوقع لو ندى اصغر من كذا كنت بـ وافق اكيد لا.. كنت بـ أقول يمكن يجيها ازين منه واحد عزابي هي اول بختة.. و لو وعد كانت بنفس مكان ندى الحين كنت بـ وافق انا ماني مفرق بين خواتي.. و حمد يوم خطب وعد الثانية حتى هي اصغر من عيالة ماهو صاحي.. ابوي من حزتها رفض لأنه مستحيل ينفع لها.. و حمد ترى ما جاء و خطبها.. الا انه سمع انه ترد خطابها وهم عزابية قال يجرب حظة يمكن تبي لها واحد متزوج..!! و مبين انه سأل عن وعد كثير عشان كذا صمل و تجرأ يخطب من عندنا له.. ياسر : ويش سمع ..؟! ويش تقصد..؟! سعود : اقصد سأل عن مواصفاتها و راقت له.. كلنا نعرف ان وعد هي اكثر وحدة من خواتي انخطبت.. و اغلب اللي خطبوها عزابية و ردتهم فا هو جانا يجرب حظة بنت صغيرة و حلوة ترجع له شبابة.. احمد : انا مع سعود.. ماني شايف غازي فيه عيب حتى لو خاطب ندى الثانية.. ابوي لو ما تزوج خالتي منيرة و بغى يتزوج وحدة رابعة ما بعد تزوجت و لا احد فيكم بيعترض طريقة ابد.. الرجال ما يعيبة انه متزوج.. تعيبة اخلاقة.. و اخلاق غازي كلنا نعرفها.. ياسر ينقل نظراتة بين احمد و سعود : اشوفكم صفيتوا الاثنين مع بعض.. و عادي تخلونة يأخذ ندى.. سعود بـحدة : و انت بعد بيكون عندك عادي و بتفرح لها.. لأن ابوي عطاة كلامك و اعتراضك ماله معنى.. دخل بندر مقهور و جلس : استغفر الله العظيم.. جلستنا بهالمزرعة غلط بـ غلط.. يحلون و يربطون بمواضيع الزواج و لا همهم شيء.. بقي يزوجون ولد خالد و بنتة و نقضي.. ياسر يناظر اخوانة و يأشر على عمة : شفتوا حتى عمي ماهو راضي.. لأن الموضوع اصلاً ماهو منطقي.. بندر : لا بالله ماني راضي.. و اللي ما ارضاني اكثر ان ابوي عطاة و اكد عليه ابراهيم يوم قال بنتة ما تطلع من شورة.. ما هو رايح فيها الا البنية.. ابوكم استخف.. ما اعتبر من اللي سواه بـ وعد بيكمل على ندى..؟!! ابوكم مرات يحسسني انه لاقي بناتة بالشارع.. سعود : عمي الله يهداك ويش هالحكي.. هذا و انت تعرف ابوي و تدري ان ابوي ما يرخص وحده فيهن ولو هو شايف ان غازي ماهو كفو ما كان عطاة.. بندر : تكفى لا تنرفزني.. لا تخليني اطلع الخمير و الفطير.. بـشوف شلون بيتصرف بـ موضوع ميار.. و كيف بيزوج سها و دانه و جود.. ياسر يناظر عمة : و الحل يا عمي.. دامنا بأول الموضوع خلنا نتصرف و نمنعة قبل لا يملك عليها و يطلع الموضوع من يدينا.. احمد : ما انتم صاحين.. كلامك هذا قولة لأبوي وشوف ويش يقولك..؟! كنكم شايفين ابوي ما عاد له فايدة وكل قراراتة غلط.. تتوقعون لو غازي ماهو كفو كان جدي عطاه..!؟ و ابوي رضى و اكد على كلام جدي..؟! لو ابوي ما يهمه زواج أي وحدة من خواتي كان كلهن متزوجات من زمان و معيلات.. لكنه يعرف الرجال و يعرف غازي بإنه كفو ينعطى حتى لو هي الرابعة ماهو الثانية.. .. جمع بناتة بغرفة كلهن.. يبي يشوف اخر التطورات و يتطمن انهن تراضن بعد اللي صار من وراء نهى.. سلمن عليهن كلهن و وقفن ينتظرونة.. ابو سعود آشر لهن على الكنب : اجلسن بتكلم معاكن.. ندى جنبها دانه وسها و جود لحالها و ونهى و وعد جنب بعض.. قبل لا يجلس مسك وعد من عضدها : تعالي.. وقفت و جلست جنبة لما جلس.. ناظرها وهو محاوط كتفها بيدة اليمين و باين له نصف ملامحها : الحمدلله على سلامتك.. وعد ببرود : الله يسلمك.. ابو سعود ناظر بناتة : شخباركن..؟! مرتاحات هنا..؟! جود تتحلطم : لا.. ترى ملينا نبي نرجع بيتنا.. ندى ناظرت جود : مرتاحات يبه ما علينا قاصر الحمدلله.. سها : بابا و الله طفش ملينا من الجلسة هنا.. ابي اداوم ابي اشوف ناس غير اللي هنا.. ابو سعود : مسرع مليتن ما صار لنا اسبوع حتى..؟! امداكن..؟! و بعدين الجامعة قلنا نأجل الموضوع فترة.. سها : بيعطوني حرمان يا بابا على غيابي.. و انت تعرف مشاكلي مع رئيسة القسم و الله غير تشوفني ماني كفو للتخصص.. ابو سعود : قلنا بنحل موضوع رئيسة قسمك و الحرمان لا تشيلين همة انا بجيب لك عذر طبي.. ما احد راح يعطيك حرمان و انتِ معاك عذر طبي.. ابو سعود ناظر ميار : ما سمعت صوتك ميار..؟! ميار رفعت عيونها لأبوها : عادي ما عندي شيء اقولة.. ابو سعود : سعود كلمك.. عشان تركي..؟! ميار : ايه.. بعد كل شيء يقولي خليك بعيدة لين نشوف الموضوع.. انا انتظرة من ثلاث سنين عشان اخر شيء تقولون هالحكي..!!! ابو سعود : سعود خايف عليك.. يكفي علينا وعد صارت بنص القضية.. و ما نبي نضحي فيك بعد.. و هو خايف عليك لو دروا انك زوجة تركي ممكن يسعون وراك.. ميار : انا زوجة تركي.. ماني زوجة راشد اللي جلس يتكلم عنه سعود.. بابا افهمني الله يخليك.. سعود يقول فقد ذاكرتة و محتاج احد يذكرة بحياتة.. ابو سعود بـ حزم حتى يقطع تفكيرها بالموضوع : ابوه و اخوانة بيتولون الموضوع.. انتِ لا تدخلين.. لا من قريب و لا من بعيد.. ميار : و ان رجعت له ذاكرتة و ما ذكرني عشاني ما كنت معاه.. تراكم تذبحوني يا بابا.. و الله تذبحوني.. ابو سعود : ميار الله يرضى لي عليك.. ما عندي استعداد اضحي فيك.. اصبري فترة بس يتأكد سعود ان كل الأمور بخير انا بنفسي بوديك له.. و اجلس معاك لين تقضين و متى ما بغيتي خليتك تشوفينة.. بس الحين اصبري اللي صبرك ثلاث سنين يصبرك فترة ماهي طويلة ان شاء الله.. ميار تحس ان الموضوع خارج عن إرادتها متفقين و مخلصين ما راح يسمحون لها و وجودهم بالمزرعة يزيد ضعف صعوبة شوفة تركي : بصبر.. بس بابا ترى حتى الصبر له حد و ينتهي.. ما اضمن لك نفسي بطول و انا صابرة بعد ما شفت حالتة.. ابو سعود : ان شاء الله بتصبرين لين الوقت المناسب.. بس انتِ لا تفكرين بالموضوع ما ابيك تتعبين.. ميار اطلقت تنهيدة عميقة تعبيراً عن وجع بعد ما بكت كل الليل و الصبح بحضن امها و زادتها عليها سعود بكلامة : شلون ما افكر حتى و انا ما عندي شيء يشغلني.. ابو سعود : بتتيسر من عند ربك.. استعيني بالله.. ميار : و نعم بالله.. جود : شكلك جامعنا عشان نسمع حكيك لـ ميار و تحط وعيد بحضنك..؟! ما كني انا الصغيرة مكاني ماهو مكانها.. ابتسم ابو سعود : ما عقلتي انتِ كل ما شفتك اخبل من قبل..؟! جود : و ليش اعقل و اكدر على خويطري.. خليني خبلة عشان ما اموت ناقصة عمر.. ابو سعود : بعد تقولينها قدامي بتزيدين خبال.. ما تستحين مني انتِ..؟! جود : باباتي كأني قلت لك شيء عيب ترى عادي قلت لك بصير خبلة يعني عادي ماهو شيء استحي منه.. لازم تكون متعود على اني خبلة.. ابو سعود : انا ما ادري شلون بزوجك اخاف تفشليني بالرجال..!! جود شقت الابتسامة وجهها : قول ان جايني عريس كود يطلعني من سجنكم ذا و ارتاح.. ابو سعود : عز الله العريس اللي بيخطبك ما يحتاج ينشد عنك بس يجي يتسمع لهالحكي و هذا وجهي (ضغط على دقنة باصباعة السبابة و الإبهام) كان شفناه مره ثانية... جود عفست وجهها : اول مره اشوف اب يحطم بنتة التعيبينة..؟!!! دانه : انتِ تعيبينة ماشاء الله..؟! و لسانك ما وقف اجل لو طيبة ويش بتسوين..؟! جود : قل اعوذ برب الفلق..!! اذكري الله لا تنظليني.. دانه : قلت ماشاء الله لا تخافين عيني باردة ما اصك احد بعين.. جود تمسح على شعرها بيديها الثنتين : بعد اخاف على جمالي لا تخربينة بعينك الصاروخية.. نهى وقفت : عن اذنكم.. ابو سعود : اجلسي.. ما بعد خلصت عشان تقومين.. نهى بصوت مرهق من البارح ما نامت : تعبانة بابا ابي ارتاح.. ابو سعود : اجلسي ماني مطول عليك.. (جلست نهى حتى يناظرها ابوها) ايش فيك..؟! نهى : كل السالفة سهرانة و ابي انام.. ابو سعود : ليش من متى صاحية..؟! نهى : امس العصر.. ابو سعود عقد حواجبة بقوة : ويش مسهرك فوق 24 ساعة..؟! نهى : مالي خلق انام.. جود : يعني الحين لك خلق تنامين..!؟! نهى رفعت رجولها و ثنتها : لا مالي خلق اسوي شيء.. جود بتسرع : كل ذا عشان اللي صار مع خالة مريم..؟!! نهى نزلت رجولها و ناظرت جود و احتد صوتها عليها : ممكن ما تجيبين لي طاري هالموضوع.. كل من شافنا تكلم علينا ما تملون انتم خلاص عاد.. ابو سعود : نهـــى.. (نظرتة نهى لثانيتين و بعدها شتت نظرها عنه).. ويش اللي صاير بينك وبين امك.؟! نهى : و لا شيء.. ما صار و لا شيء.. ابو سعود : نهى ادري للحين مو متقبلة الموضوع.. بس ما يصير اللي تسوينة.. انتِ بغيتي شوفتها و انتِ جيتيها بنفسك.. ما يصير تصدين امك بعد ما اعطيتيها امل ان كل شيء بيكون طبيعي بينك و بينها.. نهى : بابا سكر عالموضوع.. صدقاً انا تعبانة و ما ابي اعيد و ازيد بالحكي.. و لا لي خلق اتكلم بالموضوع.. الله يخليك لا تضغط علي.. من جد تعبانة و احس السخونة بترجع لي.. ابو سعود : بس ابي اقولك لا تحرمين نفسك من جنتك يا نهى.. ما انتِ صغيرة عشان تجهلين فتحي مخك.. نهى : ان شاء الله بحاول.. و الحين ممكن اطلع..؟! ابو سعود : ممكن ليش لا.. وقفت نهى حتى تبوس راسة مسك يدها و حط باطن كفة على جبينها و حس انها فعلاً مسخنة : لساتك على ادويتك..؟!! نهى وقفت عدل بعد ما كانت مدنقة على ابوها : لا شفت اني تحسنت و تركتها.. ابو سعود : عمرك سمعتي بمضاد حيوي يتركونة قبل يكمل سبع ايام..؟! نهى : بابا لا تكبر الموضوع هذا عشاني سهرانة بنام و اصحى و اصير زينة.. ابو سعود : استغفر الله العظيم.. قبلت نهى راسة من جديد و طلعت قبل لا يسمعها محاضرة.. ابو سعود : انتبهوا لها شكلها هلكانة.. ندى : لا تشيل هم يبه.. ابو سعود : تراضيتوا بعد اللي صار بيت ابوي..؟! سها : ما زعلنا عشان نرضى.. ابو سعود ابتسم : ما زعلتوا..!! ههههههههه ما كنت معكم وقتها ابد.. سها : الا صدق وقتها بس بعدين خلاص يعني أي خوات يتزاعلون ساعة ساعتين و كل شيء يرجع طبيعي و ما كأنه شيء صار.. ابو سعود رجع يده وراء وعد بعد ما شالها لما مسك نهى : و الشيخة ويش اخبارها..؟! وعد : عايشة.. ابو سعود : بس..!! عايشة..؟! وعد : ايه.. ابو سعود : شكلك زعلانة مني..؟! وعد : لا ليش ازعل..؟! ما يحق لي اصلاً ازعل على احد.. ابو سعود ناظر بناتة : اطلعوا كلكم عدا ندى و الشيخة.. فعلاً طلعوا كلهم بعد ما باسوا راسة .. و بقت ندى و وعد معاه.. ابو سعود : للحين زعلانات من بعض..؟! ندى : لا يبه كل شيء رجع طبيعي.. مثل ما قالت سها ساعة ساعتين و يرجع كل شيء طبيعي.. ابو سعود : اكيد..؟!!! ندى ابتسمت : ايه.. ابو سعود ابتسم : طيب.. ابوك ويش له عندك..؟! ندى : حياتي كلها.. ابو سعود : الله لا يحرمني منك.. انتِ تدرين انك غالية عندي.. انتِ غير بما انك اكبر البنات.. وعد تنرفزت.. ما تنكر ان الكلام نرفزها ضعف لو وعلاقتها بأبوها عادية.. و فوق هذا هو سمعها الحكي هي من بِد خواتها.. ندى : الله يخليك لي.. ابو سعود : ابيك تدرين يا امي مو كل شيء بالحياة نبيه نحصلة.. و مرات يصير لنا اشياء حتى لو رفضناها بالبداية بس نعطي انفسنا الفرصة لأننا نتقبلها بنحبها وما عاد نستغني عنها.. ندى توترت حست ان الموضوع فيه عساف و الموضوع بيتكرر عليها خافت ان اخوانها مغيرين راي ابوها.. : يبه ليش هالحكي..!؟ ابو سعود : جاك عريس.. سكتت ندى ما هو من طبعها تتسرع تبي تلقط الموضوع كله عشان يكون لها حق انها تتكلم.. ابو سعود : بصراحة ما يعيبة شيء.. رجال له مركز و اسم و نسب.. و راعي دين يخاف الله.. و يوم خطبك ابوي عطاه.. و انتِ تدرين اني ما ارد ابوي و اعرف انك ما راح تفشليني و تقصين وجهي و بتفهمين الموضوع.. ما راح تسوين لي سالفة اني ما اخذت شورك.. زادت توترها ابوها ما قال اسمة.. و فوق هذا يقول ان جدها اعطاه..!! يعني الموضوع حسبة منتهي.. ابو سعود : بس عنده شغلة ممكن ما ترضيك و انا ما اشوفها عيب لأنك لو تشوفينها عيب بيكون هالعيب فيني بعد.. ناظرت ابوها و هي تشوفة خالي من كل العيوب حتى لو خواتها يشوفونة متحجر هي ما تشوف التحجر اللي يقولون عنه.. حتى لو خواتها يقولون كابتهم و اشياء كثيرة حارمهم منها هي ما تشوف هالحرمان.. اما يكون عيب فيه..!! هي ما قد شافت بأبوها أي عيب.. ابو سعود : متزوج.. اتسعت عيونها.. ما كانت هي الوحيدة اللي انصدمت وعد بعد انصدمت من الكلمة.. ندى : و كم بيكون ترتيبي بين حريمة..؟! ابو سعود : الثانية.. ندى : يعني ممكن يطق على راسي الثالثة و الرابعة..؟؟! ابو سعود : و اللي يتزوج وحده ممكن يتزوج ثنتين و ثلاث.. يا امي و الله رجال ما فيه منه.. ندى حست بالعبرة خنقتها : ومين هذا اللي ما قدرتوا تردونة و تعطونة حتى لو اني الثانية بحياتة و لاني اول مره بحياتة..؟! ابو سعود : غازي بن حمدان.. اكيد سمعتي باسمة كثير بالفترة الأخيرة.. دب الرعب بـ عروقها و هي تتذكر صراخ بنتة البارح : لا يبه تكفى و الله يذبحني.. ابو سعود ابتسم : ويش يذبحك.. هو طالبك زوجة مو ذبيحة للعيد.. هو صح تشوفينة تقولين انه عصبي و شديد لكن ما فيه رجال بالدنيا ما فيه رحمة.. ندى راح صوتها بـ تبكي : لا الله يخليك يبه الله يخليك.. و الله يصبحني بـ طراق و يمسيني بـ طراق.. عادي انا ما عندي مانع اتزوج أي واحد لو الرابعة.. بس غازي لا الله يخليك غازي لا.. ابو سعود زادت ابتسامتة بنتة شكلها من جدها خايفة : ويش هالحكي ما راح يصبحك و يمسيك بـ طراق انا واثق فيه.. لو ادري انه ممكن يمد يدة عليك ما قلت له اني موافق.. ماني مرخصك عشان اسمح له يضربك.. ما سمحت له نفسي امد يدي عليك عشان اسمح له يمد يده عليك.. ان كان كلامة كله يبي يريح فيه ندى.. فا أخر جملة كفيلة بأنه يجرح فيها اللي مجلسها جنبة ما سمحت لنفسي امد يدي عليك عشان اسمح له يمد يدة عليك.!! يعني لو عماد يضربها عادي دام هو سمح لـ نفسة يضربها.. !!!!.. ندى جالسة و ترجف كأنها تقلي على نار ماهي ثابتة بمكانها : و الله خايفة يبه و الله بموت.. ابو سعود : بسم الله عليك.. ويش هالحكي..؟! بخليك تشوفينة و يشوفك.. بتشوفين انه رجال فيه خير.. و اسمعي من اخوانك بعد و استخيري.. ماهو عيب يا ندى تكونين الثانية.. ندى : يبه عادي قلت لك لو اكون الرابعة ما يهمني.. بس غازي و الله اخاف منه.. ابو سعود : ليش ويش انتِ سامعة عنه..؟! ندى دنقت ما تبي تقولة انه ضرب بنتة البارح و صراخها الكل سمعة.. حست بهالشي هي تجرح ريما لأن هذا الشيء خاص في ريما و اهلها ما يحق لها تقولة لأي احد حتى لو سمعتة.. ابو سعود : ما قلتِ لي ويش سمعتي..؟! ندى : ما سمعت .. بس الكل يقول يخوف.. ابو سعود : اجل لا تحكمين على شيء قبل لا تشوفينة.. شوفية و اجلسي معاه بعدها ما تدرين يمكن قلبك يرتاح له.. ندى : لا ما ابي اجلس معاه.. بس.. خلاص انا بستخير.. بشوف امي.. ابو سعود : اللي يريحك.. ما تبين تشوفينة كيفك.. و اذا تبين ما عندي مانع بكلمة.. بس لا تفشلين ابوك يا ندى.. (ناظر وعد) حتى الشيخة ممكن تقولك رأيها بـ خالها.. وعد عقدت حواجبها من غير لا تناظر فيه : شكلك نسيت اني ما احب لها الخير و اني انانية و حسودة.. ندى : وعد قلنا الموضوع انتهى..!! ابو سعود : قلتِ تراضيتن يا ندى..؟! وعد : هالكلام مو ندى اللي قالتة انت اللي قلتة.. ندى بـ رجاء لـ وعد تقفل السيرة : وعد بليــــز!!! وعد : انا ايش قلت لك البارح..!؟ ما قلت لك لا تدخلين بيننا..؟!! لا تحشرين نفسك بالموضوع.. مو انتِ سعيتي ان بابا يدري بشيء كان ماضي ما عاد يعني شيء لأحد.. لا تخربين الباقي بعد.. ابو سعود شد على وعد ما كان يبيها تعصب و تنفعل عشان كذا حضنها اكثر : و لا كأني جالس جنبك..!؟ تصارخين عليها قدامي..!؟! ما اعرف يا وعد شلون افهمك.. تصرفاتك ما تعجبني.. احيان اشك اني ربيتك مثل اخوانك..! ليش تجازيني بهالشكل..؟! علميني ويش الخطأ اللي ارتكبتة بتربيتك..!؟ وعد تعض شفايفها بـ قوة.. و لا تحاول حتى تناظر بـ ابوها.. ابو سعود : ما تردين علي..؟! علميني ويش هو الخطأ عشان نصلحة و ننتهي من الموضوع.. بدل ما كل شوي مطولة لسانك..؟! ندى : يبه الله يخليك.. خلاص انسى الموضوع.. احنا تصالحنا.. وهذا هو المهم.. و الموضوع صدق قديم وما ينلقى بال.. ما فيه شيء يستاهل زعلك و زعلها.. بس وعودة تعبانة من بعد ما اسلبت (سقطت= اجهضت).. يومين و بتحسن نفسيتها.. ابو سعود : ندى لا تدافعين عنها و عن غلطها.. لا تخلينها تحس انها ما غلطت.. انا للحين ماني راضي عنها.. وعد ابعدت يده عن كتفها و لفت جهتة : ما انت راضي..؟! و لا انا راضية.. انت تغلط علي من غير لا تحس و لا تحسب حساب لخاطري.. كل مره تظلمني.. كل ما صار أي خلاف بيني و بينك قلت انك ما ربيتني.. اوكِ انا ما تربيت و قليلة ادب و حسودة و ما احب الخير لأحد وما استاهل انك ترضى عني.. بعد فيه شيء بخاطرك ما قلتة..!؟! ناظر بـ عيونها حسها غير.. غير عن بنتة اللي من فترة ماهي بعيدة كانت هي وعد..!! هاذي غير.. غيـر عن وعد بنتة.. حتى نبرة صوتها غريبة عليه.. و كأن الحياة انسحبت من نبرة صوتها.. مد يده حتى يلامس خدها : أنتِ تعبانة..؟!!! هزت رأسها بـ لا و طلعت بعد ما باست راسة.. ناظر ندى اللي كانت حاضرة جلستة.. ما توقع من وعد تطلع و هو يقولها ماني راضي عنك..!! ما يهمها رضاة..؟! لو ما يهمها ما كان باست راسة..؟! ايش التناقض اللي تعيش فيه..!! ندى قامت و جلست جنبة : يبه لا تضايق.. هي بس مرهقة من كل شيء.. اصبر عليها يومين و هي بتجيك تدور رضاك.. ابو سعود : انا اعرف بنتي اعرف وعد.. بس هاذي غير..! ندى ويش صاير لها..؟! تهاوشت مع امها..؟! ندى : لا.. نهى هي اللي تهاوشت مع خالتي مريم.. ما ادري ويش صاير لهن الثنتين.. بس وعد ممكن للحين ما تخطت ازمة انها اسلبت.. لكن نهى البارح قالت لخالة مريم كلام كثير ليـن ضربتها.. ابو سعود رفع حواجبة : مريم ضربت نهى..؟! ندى : ايه.. انا مستغربة من نهى.. و دخلت بعدها عند وعد وما طلعت الا لما ناديتنا.. لو لقيت العذر لـ وعد باللي تسوية ماني لاقيتة لـ نهى.. ابو سعود : يمكنها كانت مسخنة و خارتها بالحكي..؟! شفتيها ويش سوت يوم سخنت قالت حكي ما ينقال..!! ندى : ما كان فيها شيء .. بس سها تقول هي متأثرة بـ وعد.. ابو سعود : شلون..؟! نهى متأثرة بـ وعد..! اولاً نهى اكبر.. ثانياً نهى شخصيتها ماهي ضعيفة عشان تتبع احد براية.. لو قلتِ سها دانه اقولك ايه ممكن أي احد يأثر عليهم بس نهى لا.. ندى : قلت لـ سها انها شخصيتها قوية ماهي ضعيفة عشان احد يأثر عليها..!! قالت لي ان نهى ما راح تتأثر بـ احد فينا كثر وعد.. بدليل لما نهى قررت تشوف امها وعد كانت بعيدة.. بينما لو هي قريبة ما راح تشوفها.. و الدليل اللي يصير الحين.. و لو نهى تبعد عن وعد ممكن بعد فترة تلجأ نهى لأمها.. ابو سعود : يعني انتن تقولن ان وعد تعبي راس نهى..؟! ندى : لا.. ابو سعود كتف يدينة : يالله .. توك ويش قلتِ..؟! ندى ابتسمت ابوها مو فاهم فلسفة سها : مو شرط وعد تعبي راس نهى.. لكن نهى لما تشوف وعد اللي هي اصغر منها ترفض القرب من امها بتتأثر فيها.. لأن وعد بتتكلم بالموضوع بشكل سلبي لخالة مريم انتِ تركتينا وما همِناك و من هالحكي و نهى لما تسمعها بما ان وعد هي الوحيدة اللي عايشة معاها بنفس المشكلة بتأثر فيها.. ابو سعود : طيب يعني اذا ابعدت الثنتين عن بعض ممكن يصلح حالهن مع امهن..؟! لأن خوالهم كلموني كم مرة.. و انا بعد هالوضع ماهو عاجبني و ما ابيهن يضيعن جنتهن.. ندى : ممكن.. بس يبة لازم تعرف ان خالة مريم لازم تجتهد.. هي ولا مره سعت انها تجلس معاهن لحالها.. هي ما جربت هالشيء بصراحة هي مقصرة معاهن.. تطالبهن بإحترام و حب و اشياء نهى و وعد يشوفون مالها حق فيها هن للحين ما شافن منها الا الجانب السيء.. ما اعطتهن شيء من حنانها حتى لو بالإجبار.. اتوقع اذا ضغطت عليهن بتلقى شيء ايجابي ولو ان البداية بتكون صعبة بس ما لازم تيأس لأن اللي سوتة ماهو قليل خصوصاً ان وعد عرفت ان خالة مريم كانت تبي تسقط الجنين وقت ما كانت حامل فيها.. ابو سعود استغرب : ومين اللي علمها..؟! ندى : ما اعرف و الله.. عشان كذا خالة مريم لازم تحمل نتيجة اللي سوتة لأنها اخطت و لازم تتحمل نتيجة خطأها.. مهما كان هذولي بناتها و لو اليوم صدنها و بكره صدنها اللي بعده بيلجئن لها هي لأنها امهن و شافن طيبتها بعد ما كانن يعرفنها.. ابو سعود : طيب انا بقول لخوالهن هالكلام.. بس ويش رايك احسن الثنتين مع بعض و الا كل وحدة لحال..؟! ندى : حالياً ما تقدر تبعد الثنتين عن بعض.. هن بيبتعدن اذا رجعنا لـ بيوتنا وعد بترجع مع عماد و نهى بتتزوج فيصل.. وقتها ممكن تشوف كل وحدة لحالها من غير انت ما يكون لك يد.. لأنهن لو حسن ان فيه احد بيبعدهن عن بعض ممكن يتهاوشون مع الكل.. لكن خالة مريم لازم تجرب حظها الحين لو بالغصيبة.. لو دخلت عنده في جناح عماد اصلاً ما راح يتجرأن يطردنها برا.. ممكن يقولون لها لا تدخلين بحياتنا اما يطردنها من المكان اكيد لا.. ابو سعود ابتسم : ان شاء الله ما اكون اخطيت و غازي يعرف قيمتك.. ما قدرت تبتسم شتت نظرها عن ابوها.. رجع لها الخوف من جديد.. معادلة فاشلة يطغى فيها الخوف على كل شيء.. ما تقدر تتخيلة الا يضربها!!! رفعت نظرها لأبوها : يبه.. ليش هو قرر يتزوج على زوجتة..؟! ابو سعود : كنت متوقع تسأليني هالسؤال.. بصراحة ما ادري.. وما يهم السبب لأن المعنى واحد.. هو بيتزوج وما خالف الشرع في شيء.. ندى : بس هو صار له مدة طويلة مع زوجتة.. ما فكر يتزوج عليها ايش معنى الحين..؟! يعني لو زوجتة فيها شيء ما راق لحضرتة كان تزوج عليها من سنين مو من الحين.. عدا ان بناتة صاروا كبار..؟!! و انا شفت زوجتة ماشاء الله كاملة و الكامل الله ذربة و سنعة و ما فيها عيب لا خَلقي و لا خُلقي..!! ابو سعود : الرجال اذا اشتهى يتزوج بيتزوج متى ما طق براسة.. انا تزوجت على ام سعود بعد سنة و شوي من زواجنا.. و تزوجت على ام احمد بعد سنة و شوي بعد.. هذا يعني ان فيهن عيوب.؟! ندى : لا بابا و الله ما قصدت.. طيب متى تزوجت خالة مريم..؟! ابو سعود : يعني بعد اربع سنوات تقريباً ماني فاكر بالضبط كبرنا.. خلينا من سالفة زواجي.. ابيك تفكرين صح بالموضوع و تستخيرين.. ندى : ان شاء الله.. انت ارضى علي و الله بيكتب لي الخير من رضاك انت و امي.. ابو سعود ابتسم : راضي عليك .. الله يرضى عليك دنيا و آخرة.. ما ابيك تتركين خواتك.. ادري لسان كل وحدة ويش طولة بس انتِ الكبيرة و العاقلة.. ندى : و الله جالسة احاول.. و ان شاء الله اني بقدر عليهن.. .. في جناح عماد .. نهى منسدحة : تقولينة من جدك و الا تمزحين..؟! وعد : كلام ابوك..!! انا خاطري افهم جنس الرجال كيف يفكرون..؟! و مو بس كذا تخيلي بابا يقولها اذا تشوفينة عيب فا هو فيني هالعيب.. يضغط على ندى بالحكي.. من جد انقهرت و هي خبلة بعد تقول ما عندي مانع اكون الرابعة بس غازي لا..!! نهى : مالت بس صامت صامت و بتفطر على بصلة.. هاذي اخرتها بيزوجها الثانية..؟! شلون يوافق ابو سعود ما توقعت..؟! و اخواني وين مكانهم من الإعراب..!؟ وعد لفت حتى تنسدح على جنب : تبيني اعلمك بأراء اخواني احمد و خالد ما راح يعترضون الا اذا ندى اعترضت و ياسر و سعود بيقولون غازي رجال و النعم فيه ما ينرد نسبة ينشرى ما ينباع خصوصاً بعد ما ندى فركشت خطبتها من عساف.. و مشعل و وليد نما راح يبدون رأيهم بالموضوع.. نهى : و حاتم..؟! وعد : ما ادري ويش بيكون رأية.. ما بعد عرفت تفكيرة من أي فئة فيهم.. عموماً الأهم هو رأي بروو لأنه على قولة جدي عطاه و ما يبي ندى تفشلة.. نهى : ما توقعت ابوي يفكر بهالطريقة..؟! يعني مو الثانية..؟! وعد جلست حتى تربع : عمرك سمعتي برجال متزوج اربع حريم يعارض أي احد غيره انه يتزوج..؟! حتى لو كانت بنتة العروس.. نهى : بس انتِ قبل انخطبتي لـ واحد متزوج و أبوي ردة من عند الباب..!! وعد : لأني صغيرة و متأمل يجيني احسن.. او بالأصح بابا كان ينتظر عساف او عمر.. بما ان جدي حيرني.. اكيد ما راح يزوجني لـ واحد متزوج و عيالة اكبر مني و هو يدري ممكن يجيني نصيب ازين.. نهى : طيب انتِ ايش رايك بـ غازي..؟! وعد : غازي شكلة طيب و متفهم و محترم.. رغم ان بناتة يشكون من بُعدة عنهم يعني ندى لازم تحسب حساب ذا الشيء ما راح يكون لها وقت كبير في حياتة خصوصاً هي الثانية و عنده زوجة غيرها و بنات.. نهى : طيب و ندى..!؟ وعد : ندوش هي اللي لازم تقرر.. هي تعرف نفسها و تشوف نفسها اذا تقدر تتحمل يكون عنده مره غيرها و تترك غيرة الحريم و شغل الطباين و الا لا.. لأن خالي ماهو فاضي لـ حنة حريم و لا يبيها.. و بصراحة انا احس الموضوع منتهي.. اولا جدي عطاة.. ثانياً كلام ابوي لـ ندى.. و اخيراً رأي ندى بأنه ما يهمها لو تكون الرابعة.. نهى : طيب بما انك تقولين ان الرجال اللي متزوج ما يمنع أي رجال انه يتزوج وحده الثانية حتى لو بنتة.. لو حولنا الموضوع.. و قلنا يتزوج على بنتة مثل حالتك تتوقعين بيرفض بابا إن عماد يتزوج عليك..؟! وعد : لا.. لأنه ابسط شيء عماد بيقولة حليتة على نفسك ما يحق لك تحرمة علي..! بابا ما راح يقول شيء.. ترى الرجال ما يشوفون الزواج من كم حرمة فيها اشكالية.. نهى : و انتِ اكيد بتطلبين الطلاق..؟!! وعد : لا.. بجلس علة على كبدة.. نهى انصدمت .. اعتدلت جالسة : طبعاً تمزحين..؟! وعد : لا ما امزح.. اطلب الطلاق لما اكون عارفة لو رحت لـ بابا قلت له عماد بيتزوج علي بيمنعة.. و اخواني بيوقفون معاي.. لكن ما ابي اتطلق الحين.. ما صار لي اربع شهور متزوجة عشان اتطلق.. الناس بتحكي فيني مو في عماد خصوصاً اني قد انخطفت.. ما احد بيرحمني.. نهى : الله اكبر من متى يهمك كلام الناس..؟! وعد : ما يهمني.. لأنهم لو ما لقوا اللي يحكون فيه بيحكون بأنفسهم.. لكن انا بجلس فترة مع عماد.. اذا اعجبني الوضع كملت و اذا ما اعجبني فيه لي مين يضفني.. نهى : انتِ متأكدة انك بكامل قواك العقلية..؟! وعد : ايه.. عماد متوقع اني بزعل عشانة بيتزوج علي و اسوي له سالفة ويش طولها و بيأثر فيني الموضوع.. لكن يهبى.. و الله لأخلية يحس انه ولا شيء بحياتي.. اذا هو تزوج عشان يقهرني.. انا بعلمة ان زواجة ما فيه احد تضرر فيه الا هو و القهر له هو مو لي.. نهى : ما انتِ صاحية.. انا متأكدة انك ما انتِ صاحية..!! وعد : الا صاحية.. انا تحديت عماد مرتين وما راح انسحب و اخليه يكسب التحدي.. نهى : بتضيعين حياتك على حساب تحدي تافة قدر يستغلك فيه..؟! وعد : انتِ تشوفينة تافة انا اشوفة غيــر.. .. شوق : ما يصير من البارح و احنا منومينها و مهدئ وراء الثاني..؟! هنادي : ويش تبينا نسوي..؟! هي لا صحت و تذكرت اللي صار تصارخ.. و تنفعل.. امال : مو معقول يا هنادي بتظل كل الوقت نايمة..!؟ هنادي : عمتي هي تعرضت لأشبة بصدمة نفسية .. انصدمت بـ عمي و اللي سواه فيها هي الحين تحت عارض نفسي اللي هو الخوف.. و الخوف هو اللي مسبب لها اضطراب في نبضات القلب.. ام عامر تأشر على هنادي بعصاتها : اسمعيني يا بنتي انا ما فهمت من خثردتك ذي شيء.. علمينا ويش هو علاجها و نجيبة لها.. هنادي : يمه علاجها نفسي ماهو طبي.. انا الحين لما اعطيها منوم عشان اخليها تسترخي و اخفف من سرعة نبضها عشان ما يصير لها شيء لا سمح الله.. ام عامر احتد صوتها قل صبرها حالة ريما من البارح رديئة لأبعد حد : ويش القرقرة ذي.. عطينا العلم الوكاد.. هنادي ناظرت جدتها يأسة من انها تفهم هي ويش تقصد.. : يمه.. تدرين ويش هو علاج الخوف..؟! ام عامر : ويش هو..؟! هنادي سكتت شوي : المواجهة.. امال تكلمت بسرعة : لا .. لا تشوف ابوها لا.. اصلاً هو ما فكر يسأل عنها من البارح.. نسى ويش سوى فيها.. وهي ما بعد نست اللي سواة.. والله لو تشوفة يصير فيها شيء.. ام عامر : حسبي الله و نعم الوكيل.. انا ما ادري ويش اللي خلى ابليس يركب راسة.. دخلت مريم : السلام عليكم.. : وعليكم السلام.. مريم : كيفها الحين..!؟ امال امسح على شعر ريما النايمة : على حالتها من البارح.. مريم استندت على الدولاب : ما ادري ويش صار بـ غازي شكلة استخف..(ناظرت امها و امال) تدرون انه بيتزوج..!؟ هنادي هي الوحيدة انصدمت.. اما البقية ردود افعالهم كفيلة تخبرهم انهم يدرون من قبل.. مريم اعتدلت بـ وقفتها : كنتوا تدرون..؟! ام عامر : ايه.. ويش يقصرة ما يتزوج..؟! مريم : و زوجتة..؟! و بناتة..؟! امال : انا ما عندي مانع يا مريم.. و بناتة ان كان قبل بيعمل حسابهم الحين ما ظنتي.. شوق : ماما لا تقولين كذا.. اوكِ اللي سواه بابا ماهو بسيط.. بس من البارح و انتِ وجدتي تحسبون عليه و تسبونة.. مو معقول تنسون كل شيء يسويه لنا.. غلط على ريما ما أقول لا.. لكن ما يصير بعد انتم تغلطون عليه.. مريم جلست على سرير ريما و ناظرت امها مقابلها : انتِ طلبتي منه يمه صح..؟! ام عامر : ايه انا.. ويش عندك جاية تحاسبيني..؟! اولى انا احاسبك على تركك لـ زوجك و عيالك تراني امك.. مريم اخذت نفس : يمه الله يرضى لي عليك لا تدخلين موضوع بـ موضوع غازي.. غازي شكى لك من شيء عشان تزوجينة..؟! ام عامر : ماهو شرط يشكي لي.. انا اميتة و ابي له الزين.. و هو لازمة له و لـ بنياتة ولد.. ولو امال قادرة تجيب له عيال ما كان قلت له يتزوج.. بس كلنا نعرف و ما نقدر نعترض على حكمة ربي.. و انا اخترت له زينة البنات ماشاء الله.. مريم : بنت ابراهيم..؟! امداك تعرفين زينها من شينها..؟! مالك كم يوم من شفتيها..؟!! ام عامر : ما يحتاج اعرفها من سنين طويلة.. البنية سنعة و السنع يبان من الأول و فيها من الزين اللي يشلع القلب.. مريم : و تتوقعين ان غازي يدور على الزين..؟! غازي حتى لو يفكر يتزوج يبي له وحده عتبت على الـ 35 نضج تفكيرها.. ما عنده وقت يسمع سخافات حريم.. ام عامر : بنية ابراهيم ما حولها سخافات.. و الله اني من شفتها قلبي شفق لها.. و ودي اشوفها بـ بيت ولدي حليلة له على سنة الله و رسولة.. مريم : عاد بنت ابراهيم..؟! قلوا الناس يمه..؟! بنات ابراهيم يأكلن الواحد لحم و يرمنة عظم.. شوفي بناتي كيف و اختهم الصغيرة.. ام عامر : بناتك من سواتك يالرفلة.. و اختهم الصغيرة عادها بزر.. لا كبرت حاسبيها.. هنادي همست لـ شوق جنبها : من جدك عمي غازي بيتزوج ندى..؟! شوق : ايه.. ما ادري اذا خطب او لا بس قال لنا انه بيتزوج.. هنادي : و انتن ويش قلتن له..؟! شوق : ريما هي الوحيدة اللي اعترضت انا كنت مستغربة الموضوع و لينا ما اعترضت و لا فتحت فمها بكلمة.. و امي موافقة.. هنادي لفت تناظر شوق : مو معقول عمي غازي ضرب ريما عشانها معترضة على زواجة..؟! شوق : لا عشان شيء ثاني.. هنادي عقدت حواجبها : الا صدق وين لينا ما شفتها..؟! شوق شتت نظرها : ما ادري.. هنادي استغربت من شوق .. ناظرت جدتها و مرت عمها : وين لينا..!؟! ناظرنها الثنتين بـ قوة.. و كأنهن يتذكرن من جديد التوأم اللي حاولوا يلتهون عن موضوعها و لا يفكرون هي مع مين رايحة.. مريم : ايه صدق انا ما شفتها..؟! وينها..؟! ام عامر بحدة : لا احد ينشد عنها.. و الله ان سمعت وحدتن فيكن تجيب طاريها يا ويلها.. و سكرن على ذا الموضوع و لا عاد اسمع طارية.. وقفت ام عامر حتى تخرج من الغرفة وسط استغراب مريم و هنادي.. و صمت شوق و امال.. و اعتكاف ريما تحت المهدئات.. .. ام عبدالرحمن : ماشاء الله عليه ابو شوق رجالن ما ينرد.. عفست وجهها نوال : عمتي من جدك..؟! انا ابيك تكلمين ابو سعود.. ام عبدالرحمن بحزم : اكلمة بـ ويش هاه..؟! ما تقولين ان جدها عطاها.. مالنا كلمة خلاص.. ابو عبدالرحمن هو ادرى بالرجال.. ام حاتم : عمة الله يخليك اسمعيني.. انا ما عندي اعتراض على اخلاق الرجال.. كلن يعرفة و يذكرة بالخيــر.. ام عبدالرحمن تقاطعها : اجل ليــش ما تبينه لـ بنيتك..!؟ كارهة لها الزين..؟! ام حاتم تحاول تطول بالها من قالت لها ندى وهي اعتفست نفسيتها ابنتها قريباً تصح على اعتاب الـ 28 .. فرطت بـ عريس ثمين كا عساف حتى ترضى بـ رجل متزوج.. : ما ابيها تكون الثانية يا عمة.. بنتي ماهو قاصرها شيء.. ام عبدالرحمن : ليش ابو سعود يشوف بنيتة ناقصة..؟! يوم رضى على عطية ابوه لـ ولد حمدان..؟! بنيتك ان شاء الله يكون من نصيبها ابو شوق.. و الله انه بيعزها و يغنينها و يكرمها.. سكتت ام حاتم هي كا أي ام لا تريد لأبنتها سوا شخص يكرمها و يحترمها و تكون هي اول نصيبة.. ليست الثانية.. ام عمر همست لـ ام حاتم : هونيها ياخيه.. ام حاتم : ماني راضية بس ما بيدي شيء.. ام عمر : المشكلة ان عمي تدخل بالموضوع و عطاهم.. لو ما عطاهم كان ابو سعود اخذ شور بنتة.. ام حاتم : المشكلة ندى خايفة منه بس.. تعرفين بعد اللي سواه ببنتة البارح.. هذا همها و اللي باط كبدي انها قايلة لأبوها ما يهمها تأخذ متزوج بس ما تبي غازي.. و ابوها بيقنعها ان غازي و نعم الرجال دام ما عندها اعتراض على انها تأخذ معدد.. ام عمر : ما هقوتي ان قلتِ لها ما انتِ موافقة بتقول لأبوها انها راضية.. ام حاتم : قلتيها يا خيه عمي عطاهم يعني رأيي ماله معنى الحين.. .. لا حول و لا قوة الا بالله.. لا احلل نقل الرواية دون ذكر اسمي.. هشتاق #رواية_لو_سألتي_الورد ضحكة قهر.. |
رد: لو سألتي الورد وهو ما بين إيدك أقطعك بيقول لك عمري فداك الكاتبة / ضحكة قهر
بسم الله الرحمن الرحيم.. السلام عليكم و رحمة الله و بركاتة.. اسعد الله اوقاتكم جميعاً.. بداية في مقدمتي اللي فاتت اعطيتكم انطباع غلط بـ كلامي.. ترى انا مو زعلانة.. كل الموضوع اني كنت مستعجلة مره و اكتب بسرعة و بوصل لكم اللي ابيه.. لكني استغربت انكم تحسبوني زعلانة و الله ما زعلت.. ما ينزعل منكم ابداً.. لاحظت زعلكم من ابو عبدالرحمن عشانه اعطى ندى وماهو شيء غريب ابداً على رجال كبير.. ما ادري ليش للحين احسكم ما تبون ندى لـ غازي.. ^_^.. ما علينا البارت ان شاء الله بيكون جميـــل و فيه حاقات قميلة.. تقولون الرواية صايرة حزينة حطيت لكم حدث يونس.. بس هذا مسار الرواية اصبروا التمر ينوكل حبة حبة.. *مواعيد البارتات كل سبت ان شاء الله.. البارت إهــداء لكم جميـــعاً.. البارت الخامس و الأربعون.. شوف دمعي صار يشبه طيبتك ليت ما حبيـتـني ، وخليتني .. كانت : الدمعه تطيح بـ غيبتك صارت : الدمعه تطيح أن جيتني !! لـ حمد المشيعلي.. يوم الملكة الجماعية.. اربعة عرسان بأربعة ردود افعال و نفسيات مختلفة.. السعيد = سعود الغاضب = ياسر غير مبالي = غازي متخوف = بندر ملكة جمعتهم الأربعة.. سعود سعيد بأنه بيملك على شوق.. سمع صوتها لما كانت تتكلم مع اختها و جود و وعد راق له تفكيرها.. متحمس يشوفها.. يشوف مدح امه اللي طيرتها للسماء.. جمال و سنع و دلال و اخلاق و ذرابة ما بقي شيء زين ما قالت فيها.. على العكس من ياسر تماماً ما اهتم حتى انه يشوفة عروسة و أجل لـوعة الكبد للعرس.. ما عنده استعداد يشوفها عشان يتنرفز فوق ماهو متنرفز الحين.. على قولتة ماهو طالب يشوفها بنت عمة و يخبرها من هي بحضن ابوها ما يحتاج يشوفها يعرفها و تعرفة.. اما غازي ما طلب لأنه ماله رغبة يقابل أي انثى.. و حمد ربه يوم ابراهيم قالة اذا تبي تشوفها ما عندي مانع و اذا ودك بالعرس مره وحده عادي لأن بصراحة بنتي خايفة منك شوي فـ رفض انه يشوفها و خلاها للعرس مره وحدة.. اما بندر متوتر.. من عدة اشياء استجوب بنات اخوانة عن هنادي بس متأكد انها بعيدة كل البعد عن وصفهن.. بالغن فيها لدرجة وصفها بالملاك..!! جاه الصداع من كثر ما حنن فوق راسة عبير و جود و انهالن عليه بالمدح ما صار سؤال و سألهن اياه عنها.. كان يبي يكون عنده خلفية عنها قبل لا يتفاجأ بالأدمية.. و ما استفاد من وراهن شيء غير تهويل الأدمية.. حسسوة انها ماهي خالية من العيوب و يوم سألهم من متى تعرفونها ببساطة جاوبوة من جينا المزرعة.!! كل ذا المدح على حساب كم يوم!! يعني ما يندرى لو عشرتها شينة..!!! أُقحم بزواج خايف من تالية.. من سنين وهو يرفض يتزوج لين ابوه يخطب له من غير لا يشورة.. او شاورة .. شاورة من سنين وهو يرفض جاء دور ابوه لأنه يتصرف منه راسة لأنه على حد قولهم ما ينعطى وجة.. البنات متوترات.. شوق و هنادي.. اما صبا و ندى ثنتيهن ارتاحن انهن ما راحن يقابلن الرجال اللي ارتبطوا فيهن.. لكن اكيد ان الخوف باقي في قلوبهم.. ندى خايفة من الرجل لا يرحم ضعف ابنتة و انهال عليها بالضرب.. اما صبا فـ هي تعرف تعقيد ياسر و عصبيتة الحادة بعيد كل البعد عن هدوئها و نعومتها الرايقة.. .. دخل سعود مع غازي.. رجل متوتر و الأخر مذبوح.. سعود متوتر و غازي مذبوح.. الى الأن ما قدر يتشافى من جرح توأمة.. بنتة الكبيرة ملكت و ماهو حاس حتى بالفرحة فيها.. قبل راسها : مبروك.. رفعت عيونها حتى تلتقي فيه مختبئة عن من هو خلفة مدت يدها لكتفة و تعلقت برقبتة انحنى شوي لها لأنها قصيرة عنده, راسها يوصل لمنتصف صدرة.. : افرح عشاني.. عشان شوق.. ابتسم و كأنه حاسة فيه ماهو فرحان.. انسلبت منه كل المشاعر الإيجابية و اللي سلبها بناتة.. رد عليها بالكذب بعد ما ابتعد عنها : و ليش ما افرح هو انتِ بتملكين كل يوم..؟! ابتعد حتى يوقف عن يسارها ليكشف عن الشخص الواقف خلفة بمسافة ماهي بعيدة.. تقدم منها سعود او ما شاف الساحة انفتحت له.. لكنها مدنقة ما قدر يشوف شيء شعرها الكيرلي مغطي ملامحها.. قبل رأسها : مبروك عليك.. همست بصوت متقطع ريقها نشف : الـ ـله يـ ـبـ ـارك.. فــ ــيــ ــك.. غازي : بخليكم على راحتكم.. (رفع اصباعة لـ سعود يهددة) لا تطول.. و لا تأخذ راحتك زود.. ابتسم سعود : ان شاء الله عمي.. رسم غازي شبح ابتسامة على وجهة حتى يعطيهم ظهرة و يطلع و يسكر الباب.. تنهد سعود و جلس مسك ذراعها و جلسها جنبة.. جلست هي متوترة.. ما رفعت عيونها من الأرض.. اما سعود ما شال عيونة من عليها يبي يشوف الملامح اللي وصفوها له.. مد يدة لدقنها حتى يرفع راسها لفها جهتة عيونها ما قدرت تشيلها صارت تشوف ثوبة بعد ما كانت تشوف الأرض.. سعود مبتسم : و الله عرفوا يوصفون لي.. بس انا اشهد ان الواقع حلاوتة غير عن الوصف.. ابتعدت عن اصابعة منحرجة.. تدفق الدم بوجهها.. ودها تبعد عنه.. ما تجلس جنبة هالكثر.. سعود : ترى ما سمعت صوتك..؟! يعني صح قلتي الله يبارك فيك.. بس ما باركتي لي و حتى قلتيها مقطعة ما حسيت فيها.. ما ردت.. صوتها رايح وهو يطلبها تحكي.. ماهي قادرة تتكلم.. سعود ينتظرها ترد لما شافها طولت : سمعيني صوتك قبل ما يجي احد يدرعم علينا.. ادري خواتي ما راح يفوتون هاللحظة لا دروا ان ابوك طلع.. عشان كذا ابي استغل الفرصـــ ــ ( ما كمل كلمتة من الباب اللي انفتح بحدة.. مبتسمات.. فوق اللي يسوونة مبتسمات.. فرحتهم لا توصف اخوانهم الإثنين و اختهم و عمهم.. من حقهم يبتسمون و يبخلون على الضيقة و الحزن لا يأخذ شيء من ملامحهم و يكتسية..) جود تغطرف : كلللللللللللللللويش و اخيـــــراً شفنا سعيدان معرس.. سعود مبتسم ما يقدر الا انه يبتسم لهن.. خربن عليه جوه بس يعرف فرحتهن اليوم .. وقف حتى يسلمن عليه : ليش كنتِ مستبعدة اعرس.. اولهن جود وميار و بعدهم سها و دانه و اخرهم ندى و نهى و وعد.. جود : شوف انتبة للأدمية تراها رقيقة مو تطفشها ترى اخبرك دفش وما تنعطى وجة.. سعود : هههههههههههه عز الله انتِ اللي ما تنعطين وجة.. لفت على شوق تسلم عليها رغم انها سلمت عليها من قبل اول ما اعلنوا انهم مالكوا : شوفي اخوي ما ينعطى وجة.. سعود اللي كان يسلم على ميار شد جود من بلوزتها من وراء و ابعدها للجهة الثانية على يسارة : لا تعطينها نصايح احتفظي فيها لنفسك.. ميار : مبروك حبيبي الله يوفقكم يارب.. سعود قبل رأسها : الله يبارك فيك.. (ناظر جود) سمعتي الناس ويش تقول انتِ حتى مبروك ما عرفتي تقولينها.. جود : جلست : ويش اسوي قلبي واكلني على البنية.. اخاف تسوي فيها بلى.. نهى تسلم عليه و تبوس راسة : مبروك.. سعود : الله يبارك فيك.. شكلك تعبانة..!؟ نهى : لا ما فيني الا العافية.. اخرهم ندى باركت له و بارك لها.. ندى : مبروك ما بغينا نشوفك يمك عروستك.. سعود مبتسم : ان شاء الله تقولين لي هالكلمة بعرسي.. مبروك عليك.. ندى انحرجت تراجعت خطوة : الله يبارك فيك.. دخول امه و جدتة اثار السعادة اضعاف في نفسة.. امه لها سنين تحن عليه يتزوج.. وهو يأجل الموضوع لأجل غير مسمى.. و اليوم يحقق اول خطوة بحلمها قبل لا يكون حلمة.. بأمنيتها قبل لا تكون امنيتة.. يشوف السعادة بعيونها رغم ضيقتها عشان ميار.. ام سعود : مبروك يا ابوي جعلها زواجة الدهر ان شاء الله.. سعود : الله يبارك فيك يالغالية.. ام عبدالرحمن : مبروك يا وليدي هالله هالله في البنية.. سعود : الله يبارك فيك يمه.. اللي يسمعكم يقول بأخذها معاي.. الله يصبرنا لين العرس.. حمدت ربها انها جالسة لو هي واقفة ممكن طاحت مغمى عليهم من حياها.. ام سعود : الحمدلله يارب.. و الله سعادتي اليوم ما ابيعها بكنوز الدنيا.. عقبال ما اشوفك بالبشت و زافينك لـ بيتك.. سعود : ان شاء الله قريب يمه.. ام عبدالرحمن قبل ما تجلس : بـ شوف عريسنا الثاني ويش مغبر.. نطت جود ماسكة جدتها : بروح معاك يمه.. ما سلمنا عليه و باركنا له.. وه يا شوفتة الليلة من زمان تنتظرين هاليوم.. سعود يناظر جود لف على خواتة قبل لا يجلس : ويش بلاها مستخفة..؟! ام سعود : حرام عليك ويش مستخفة.. يا حليلها و الله.. سعود يحرك رقبتة يمين و يسار عشان يعدل شماغة : و انا صادق يمة.. كل ما شفتها وهي مطيورة.. ندى : لها فترة هاذي حالتها.. يالله لبس عروستك الدبلة.. سها : احم يالله عشان التصوير بس رجاءاً سعود مو تسوي حركات غبية.. سعود ابتسم حط يدة على كتف شوق : ماني مسوي ماهو عشانك عشاني شوقي.. صرخن البنات على الكلمة متحمسات.. اخوهم المتحجر يقول هالحكي.. اما شوق زاد احراجها.. سعود احتد صوتة عليهن : وجــع بتفضحنا الرجال سمعوكم.. سها : مسرع تغيرت اعوذ بالله .. يالله طلع الدبلة بس و لبس شوقك.. فتحت ندى العلبة المخملية و سحب منها سعود دبلة شوق مسك كفها اليمين ترجف بـ كفة.. لبسها و ترك يدها و سحبتها لـ حضنها.. ميار بـ ملل من اخوها : اوووف منك يا سعود.. المفروض تبوس يدها بعد ما تلبسها.. سعود رفع حاجبة الأيمن : قدامكم..!! وعد رفعت عيونها لـ سقف : استغفر الله.. (ناظرتة) ترى كلها بوسة يد.. ما عندك اسلوب هم كذا يسوون.. سها : نزل الدبلة و لبسها من جديد رجاءاً بنلقط صورة زينة.. سعود لاحظ ان شوق تضغط على كفها بقوة و ما تبي اللي يقولونة خواتة : لا مو لازم تلقطينها بالزواج ان شاء الله.. سها تتحلطم جنب خواتها بصوت واطي مقهورة من سعود : بيجلطني خرب ام الملكة.. نهى : ليش ويش كنتِ متوقعة من سعود..؟! ياختي زين جات على كذا انا توقعت ما يجيب دبل و ينساها.. ما استغربها منه.. ندى : يالله شوق لبسي سعود.. نزلت مسكتها بحضنها و سحبت الدبلة من العلبة دخلتها بإصباعة من غير لا تمسك يده من ربكتها لما شاف يدها ترجف مسك يدها دخلت الدبلة بسرعة و سحبت يدها.. ام سعود مبتسمة : مبروك يا ابوي.. سعود : الله يبارك فيك يالغالية.. ام سعود وقفت بعد ما شافت ضناها الذكر الوحيد في ليلة ملكتة : احنا نتركم لحالكم.. تربعن البنات عناد.. على ان خالتهن طلعت حتى ندى و دانه وقفن بيطلعن.. لكن سها و ميار و نهى و وعد عاجبهم الجو عنده.. مجرد تنكيد.. سعود ناظرهن : يالله ورني عرض اكتافكن.. نهى : عاجبنا الجو هنا.. مره حلو داخل كتمة.. (تناظر خواتها) و الا خواتي..؟! سها : الا صح مره الجو هنا حلو.. روقان بس يبي لنا ثلاجة قهوة.. سعود اتسعت عيونة : ثلاجة قهوة اللي بصبها على راسك ان شاء الله .. يالله برا.. وعد : لا يطق لك عرق ياخي.. من زمان ننتظر هاليوم تبي تطردنا يهون عليك تكسر بخواطر خواتك فرحانات فيك اليوم..؟! سعود يجاريهن : لا و الله ما يهون.. و يهون عليكن اخوكن الكبير تنكدن عليه بيجلس مع زوجتة لحالة.. ميار : تجلس معاها لا سويتوا العرس الحين عيب تجلس معاها لحالكم ويش يقولون علينا الناس.. سها شدت بلوزتها من قدام تف فيها : تف تف تف تبيهم يحكون فينا و يجيبون سيرتنا بالمنقود.. ميار : يعني يرضيك الحين يجي تركي و اجلس معاه لحالي..؟! (من غير لا تنتظر منه جواب هي جاوبت) اكيد لا.. عشان كذا احنا ما نرضي تختلي بالبنية نخاف عليها منك.. نهى : و انا مع خواتي .. عيب صراحة.. ترى الحين بتجي جدتي اللي هي جدتها و الله تدبغك بعصاتها سنة ما تقوم منها.. سعود شبك يدينة على ركبتة اليمين و رافعها شوي : اللهم طولك يا روح.. الحين بيجي عمي و بيطردني و انا ما حتى جلست معاها.. حلن عني شوي.. سها وقفت و مدت كفها مفتوحة له : هات احل عنك بس اهم شيء الأسئلة سهلة.. اضرب كفها بقوها سحبتها و تضغط على اطراف اصابيعها اللي تلقت ضربة كفة.. وسط ضحك خواتة على كلامها.. عصبن فيه.. سعود : ترى ماني عايز لا اشيلكن اربعتكن و ارميكن برا.. سها بوزت : زين الحين ضربتني و انا ابي اونسك..؟! سعود : احد قالك طقطقي فوق راسي..؟!! سها اعطتة ظهرها : بكره تجي تدور رضاي.. مالت عليك.. و على اللي يفرح لك.. و الله يعين البنية على ما بلاها.. وقفن الثلاثة بعدها .. وعد : ادري عصبنا فيك.. بس لك عندنا بالرصيد اشياء كثيرة ننرفزك عليها و هاذي فرصتنا و الفرصة الثانية يوم الزواج.. سعود مستغرب : الحين تملعنون على اخيكم بيوم ملكتة و ناوين على زواجة بعد.؟! سها واقفة على الباب : بعض مما عندكم يا اخي.. لازم نرد حقنا ثالث مثلث منك.. ياما نرفزتنا جاء وقتنا.. نهى تهون عليه : ما عليك الزواج بيكون اخف من اليوم لا يهمك.. سعود يكش على وجهة بيدية الثنتين : ما اقول غير مالت على خشتي اللي انتن خواتي.. ميار : اسحب كلمتك ترى ما بعد طلعنا و الا تربعنا هنا و بلطنا عندكم.. سكت سعود وهو يضغط على فمة باصباعية السبابة و الوسطى و ابهامة تحت دقنة يناظرهن بيطول بالة عليهن.. لما شافوا نظرتة و سكوتة ناظرن بعضهن.. بيعصب و يمكن يخرب الدنيا قدام شوق و يجيب العيد.. نهى : خلاص روق بنطلع.. لحظات حتى تخلو الغرفة الا منه هو و اياها تنهد بقوة : استغفر الله العظيم.. من جد انتقمن لأنفسهن.. ابتسمت شوق اللي مونسها وجودهن.. لف عليها و هي مدنقة : ما طرى لك ترفعين راسك توريني وجهك..؟! شوق رفعت راسها لكن عيونها بالأرض.. سعود : ما عليش ما سويت لك حفلة ملكة تليق فيك و فيني.. بس ظروفنا جات كذا.. لكن وعد علي لأسوي لك عرس اخلي اهل المدينة كلهم يحكون فيه.. شوق همست و عيونها على المسكة بيدها : ما تهمني المظاهر اهم شيء التوفيق ليش نتفشخر و نبذر و نسرف.. سعود بـ رضا : انا اشهد ان امي و ابوي راضين علي.. في غرفة ماهي بعيدة عن سعود .. بندر.. اذا سعود بس خواتة جننوة.. بندر بنات اخوانة و خواتة.. و انضموا الحزب اللي نكد على سعود لهم.. عشان تكمل على راسة.. بندر : تراني للحين محترمكن.. جود : يعني ويش بتسوي..؟! ترى قلنا لها ان عمي طيب و متفاهم و ما يعصب.. اذا قللت من احترامنا راح تقول اننا كذبنا عليها.. عبير : صح و بتدعي علينا بعدين يرضيك يا عمي تدعي على بنات اخوانك..؟! أسيل : اكيد ما يرضية احد يدعي عليكم.. و لا يرضية تخرب صورتة البهية قدام المدام.. بندر : يا دعوة امي علي.. اطلعن برا.. ابتسمن على عصبيتة المكبوتة.. اثارن غضبة بـسهولة لأنه اصلاً متوتر من السهل استفزازة.. سها باستغراااب : عمي الله يهداك احنا دعوة امك عليك..؟! أسيل تأشر باصباعة السبابة بمعنى لا و بحماس : لا لا يقصد اللي جنبة.. اتسعت عيونة تقصد هنادي.. ما تهنى حتى بشوفتها عشان يدرعمن عليه كلهن.. رفع رجولة عن الأرض و تربع على الكنب حط يدية بحضنة : يالله روحو جيبوا قهوة و ابسطوا عندي هنا ويش رايكن..؟!! جود تربعت على الأرض : لا ما يحتاج قهوة ما احنا مطولين عندكم احنا ناس ذربة و ذوق.. بندر يناظرها باستهزاء : ماشاء الله واضح عليكن.. اردى شيء الواحد يكون عنده بنات اخوان مثلكن.. سهاد : يالله ترى مره زودتوها قلتوا بنسلم عليه و نبارك لهم تربعتن على الأرض باقي لكم فصفص و شاهي و تكمل الجلسة.. ندى : يالله فزي انتِ و إياها خلوهم يجلسون لحالهم.. عبير : عاجبنا الجو مره حلوو و بعدين عمرنا ما شفنا عرسان.. خلونا ننبسط..؟! قاطعهم الصوت الرجولي وفزن من مكانهن : يــــا ولد.. وعد ناظرت الباب جهة الحديقة : هذا عماد ادخلن.. جود تحلطم : و زوجك المصون ما لقى يجي الا هالوقت..؟! وعد : اكيد بيسلم على اختة.. يالله سفرقي أشوف.. طلعت جود .. بندر تأفف وهو ينزل رجولة : الحمدلله يارب.. و الإ كان نشبن عندي.. فتحت وعد الباب وقفت وراه.. دخل عماد : احد عندكم.. بندر ما تهنى للحين بشوفة هنادي بس متأمل ان عماد يطلع ذرب و يضرب الباب بعد ما يسلم على اختة : وعد وراء الباب.. مد يده و سكره ناظر وعد و هي بادلتة النظرة.. نظرة خالية من أي مشاعر طبيعية.. طنشها و اتجه لـ هنادي و باس راسها : مبروك يا خية.. هنادي واقفة همست : الله يبارك فيك.. عماد مبتسم : لا يكون مستحية.. ما يصير دكتورة و تستحي..؟!! هنادي ما علقت عليه.. عماد ناظر بندر : هاه بندر.. انك عم المدام ما يعفيك من شيء تسوية ترى الا غاليتنا.. بندر : و انا لحقت اسوي شيء..؟! كل مره واحد ناط عندي..؟؟! عماد : هههههههههههه يالمشفوح كنك عمرك ما شفت مره..؟! بندر : عدال يالراكد.. خف علينا بس.. خذ زوجتك و اذلفوا عني اثنينكم.. عماد لف على وعد ما زالت واقفة عند الباب و ما تحركت : روحي البسي عبايتك و تعالي بنطلع.. وعد مترددة تخاف اذا وافقت يحسبها ميتة عليه و محاولة لكسبة.. و ودها توافق مشتهية تغير جو : وين.؟؟! عماد : لا طلعنا تعرفين يالله.. وعد بـ عناد : ما ابي اطلع مكان الجوو بارد و انا تعبانة.. عماد رفع عيونة لـ فوق بـ يعصب منها ما يلحق يقولها شيء الا نطت تعاند : ما راح انزلك من السيارة لا تخافين و البسي هراديس فوق بعضها ما راح تبردين.. يالله.. بندر ناظر وعد : تكفين اطلعي معاه و فكونا.. وعد ناظرت عماد : اذا مرضت ما غيرك بـ يقوم فيني.. عماد يناظرها معطيتة ظهرها بتطلع من الغرفة : خلاص و لا يهمك امرضي و انا اراعيك.. سكرت الباب حتى يجلس عماد على كبد بندر .. بندر ناظرة : ويش رايك انا و اختك بعد نطلع..؟! عماد ابتسم : لا طبعاً.. انا و بنت اخوك متزوجين.. و انت و اختي مملكين.. فرق.. بندر : كني بأخذ الأذن منك.. تراها شرعاً زوجتي.. لو اخذها لـ بيتي ما احد فيكم له حق عندي.. عماد : عندك الوالد تفاهم معاه.. و اتوقع اذا هي موافقة ما يقولك لا.. عادي.. انحرجت هنادي.. تمنت وعد تدخل الحين و تفكها شوي من الإحراج يكفي بنات اخوة جالسات من اول.. يكملها عماد الحين.. و ما راح يراعي اصلاً كونها انثى الخجل من طبيعتها.. ما حست الا بـ سؤال بندر اللي لاف عليها : انتِ موافقة.؟! هنادي استغربت : على ايش..؟! بندر : على اني اخذك لـ بيتي.. اتسعت عيونها وفتحت فمها بـ صدمة من كلامة ما حست بـ شكلها الا من ضحك الإثنين عليها.. عماد يضحك : هههههههههه اتوقع هونت خلاص.. بندر يضرب كفة بكف عماد و يضحك : هههههههههههه.. كان ودها تقوم و تضرب الإثنين بـ مسكتها فالينها يضحكون و لا هامهم شيء.. دخلت وعد وهي تناظر الإثنين و انتقلت الصدمة لها بـ شوفة عماد يضحك بـ هالشكل من اول يومم شافتة فيها ما شافتة يضحك بهالطريقة ابداً.. وعد ناظرت هنادي و هزت راسها : ويش فيهم..؟! هنادي انقهرت : يضحكون علي.. عماد : الله يونسك ياخيه مثل ما ونستيني اليوم.. وعد تمد لسانها لـ زاوية فمها : استغل الوقت عشان بعد شوي بتتكدر بسبتي.. اختفت حتى ابتسامتة ناظرها بـ عدم اهتمام : عادي مراعي نفسيتك.. بسبة الموضوع اللي خبري خبرك.. وعد ابتسمت تستهزئ فيه : لا .. عشان انا انسانة ما اعرف الا اني اكدر اللي حولي.. وكل ما حاولت تحتك فيني اكثر بتتكدر اكثر.. رفع حاجبة الأيسر بندر : ويش هالحكي..؟! عماد وقف : ما عليك خلك بعروستك.. الله يوفقكم.. و يكتب لكم حياة سعيدة.. و يكتب لي مع اللي بـ خاطري.. بندر : آمين.. وعد : امين يارب.. عماد يدري انها فاهمة الدعوة الأخيرة على ضرتها.. و عناد امنت عشان تقهرة.. مشى من جنب وعد متجة لباب الحديقة : يالله.. طلعت وراه و سكرت الباب.. حتى يخلى الجو لـ بندر.. التفت على هنادي حسها تغيرت عن اول ما شافها.. يمكن زعلت ..!! : زعلتي..؟! هزت راسها بـ لا.. بندر : ممكن تسمعيني صوتك ما انتِ طرما عشان تهزين لي راسك.. بنات اخواني مدحوا بكل شيء فيك.. حتى صوتك.. يقولون لي بتسميها البلبل.. ابتسمت هنادي .. : يبالغون.. حتى انا سألتهم عنك و مدحوا فيك كثير.. بندر ابتسم : قالوا لي.. بس ما بالغوا ترى هم صادقين ما كذبوا في شيء فيني.. الا ان كنتِ تشوفيني غير..؟! انحرجت هنادي : لا تفهمني غلط.. ما قصدت و الله.. يعني انا قصدت هم بالغوا بحكيهم عن صوتي.. بندر : و انا اقول ما بالغوا.. يمكن انتِ ما ما تسمعين صوتك الحقيقي.. بس انا اسمعة و هذا المهم.. ما قدرت ترد عليه ما عندها شيء تقولة له.. بندر : هنادي.. انتِ وافقتِ علي بكامل إرادتك..؟! استغربت من السؤال رفعت راسها له : ايه.. بندر تنهد : الحمدلله.. ما ابي ابدأ حياة تكونين مغصوبة فيها علي.. ادري ما اخذتِ وقتك تفكرين حتى سوينا التحليل قبل لا تعطين رايك لأبوك.. بس شيابنا حددوا و صملوا يملكون لنا كلنا مع بعض.. ما ادري ويش معجلهم.. كنت ابيك تأخذين راحتك بالتفكير.. هنادي : صدقني بندر انا مرتاحة.. من لما ابوي قالي صح استغربت على طول التحليل بس و الله كنت مرتاحة.. و لما كلمت بنات اخوانك ادري انهم ممكن يزينونك بـ عيني عشانهم اهلك.. بس ما ادري شيء بـ داخلي يقولي انك نصيبي.. ابتسم بندر : الله يكتب لنا حياة هنيئة مع بعض.. ما ابي مرتي تكون ماهي مرتاحة من شيء.. .. في غرفة بنات غازي.. ريما و امها.. امال ناظرت الصينية على السرير ما انوكل منها شيء : و بعدين يا ريما..؟! ريما جالسة ضامة رجولها لـ صدرها و مغطية رجولها باللحاف : تزوج..؟! صح..؟! امال : ملك بس.. مأجل الزواج لـ فترة بس اكيد مو بعيدة.. ريما : ما نشد عني و عن اللي سواه فيني.. ضربني بدون رحمة و حملني ذنب انا ما اقترفتة..كل هذا وهو ما ملك عليها.. ايش بيسوي فيني لا تزوجها..؟! امال : ندى ما لها دخل.. ابوك زعلان من اختك.. ريما : و انا..؟! يعني انا ماني زعلانة..؟! هي تخطي و انا اتعاقب..؟! لو اني وحده من مساجينة ما ضربني بـ هالشكل.. امال خايفة عليها لا تنتكس حالتها.. اول ما صحت كانت حتى طارية ينقزها من مكانها خوف منه.. يحاولون انهم ما يتكلمون عنه قدامها عشان ما تخاف و تصارخ.. لكن نفسيتها ما زالت مدمرة.. ما تأكل شيء.. و اليوم بس سألت عن ابوها.. تخاف عليها امال اذا عرفت شيء عنه تسوء حالتها اكثر وهي ما بعد طلعت من رعبها : صدقيني بـ يجيك و الله ما يترك ابوك.. انا معاشرتة و اعرفة زين.. اليوم زعلان بس يعرف انه اخطأ بحقك بيجيك وما راح يطلع بدون لا يراضيك.. نزلت دموعها : ما ابيه.. اذا جاء بيجي يذبحني.. و انا مالي ذنب.. امال : ريما.. ماما لا تبكين.. خلاص يكفيك ما بكيتي.. ارحمي نفسك و ارحميني معاك من وين القاها.. منك و الا من اختك اللي ما نعرف ارضاها من سماها..؟! و الا من ابوك..؟! ريما : لو لينا رجعت بابا بـ يقتلها.. احسن كذا ما نعرف عنها شيء.. بدل ما يقتلها و يقتلني معاها.. امال : ليش انتِ تعرفين الشخص اللي راحت معاه..؟! ريما : لا.. اصلاً لينا ما تسويها.. هي ما بعد طلعت من صدمة سامي عشان تتهور و تسوي الشيء مره ثانية.. لكن غازي ما راح ينتظر لين يسمع اللي عندها.. امال : ويش اللي بيكون عندها.. رايحة مع واحد بالليل..؟! طالعة من بيت ابوها من غير لا احد يدري.. و تتصل تقول احبة.. عيونها المغرقة بدموعها تناظر بأمها : انتِ مصدقة..؟!! صح..؟! مصدقة ان لينا تسوي شيء زي كذا..؟! امال : اول يوم ما صدقت.. وهاذي الأيام تتابعت وما سمعنا لها حس و بديت اصدق.. ريما تأخذ نفس و تشهق : و انا مو مصدقة.. ما اصدق اختي تسويها لو اموت.. امال : طيب خلينا من ذا الموضوع.. انسية هالفترة.. بس يا ماما لازم تأكلين.. شوفي كيف ضعفتي بـ فترة بسيطة..!! ريما صدت بـ وجهها : ماني مشتهية.. امال : تعاقبين نفسك.. ما تعاقبين ابوك بـ سواتك هاذي.. ابوك للحين ما صحى من صدمتة.. ريما : مالي نفس.. و لا تجيبين لي طارية.. خليه يروح لزوجتة اللي فضلها علينا.. بكره يذبحنا كلنا عشانها.. امال : ريما لا تقولين هالحكي.. انتِ تدرين ان البنية طيبة.. و بنت ابراهيم و انتِ تعرفين بنات ابراهيم.. ماشاء الله عليهن متربيات.. بس عشانك زعلانة من ابوك.. ريما : لا ما اعرفهن.. انا ما اعرف احد.. و لا احد.. حتى الشخص اللي ضربني ما اعرفة.. و لا اعرف من هو غازي بن حمدان..؟! و لا اعرف انا مين بنتة..؟! اخذت نفس امال .. قامت وجلست جنبها حتى تضم ريما لـ حضنها : اهــدي .. لا تبكين.. ريما تبكي : بـيذبحني.. ظلمني و بـيذبحني.. امال : عمك عامر ما قالك ما راح يسمح له يقرب منك.. ما عندك ثقة فينا.. ثقي بـ عمك.. ريما رفعت راسها من حضن امها : خلينا نروح عند خوالي تكفين.. نروح بيت جدتي ما ابي اقعد هنا.. امال : اوعدك بـ كلم عمك و اشوف ويش يقول .. بس انتِ لازم تصبرين شوي.. ما كنتِ ضعيفة هالكثر ويش اللي مخليك ضعيفة الحين..؟!! .. في سيارة عماد.. ما حكى حرف.. يلفلف بالسيارة بـ شوارع المدينة.. و هي تناظر الأماكن تمر من قدام عيونها جاكيتها بحضنها.. عماد : ما تبين تقولين لي شيء..؟! وعد : زي ايش..؟! عماد : أي شيء في بالك.. بس ياليت تنتقين كلماتك عشان ما ينتهي الموضوع بـ هواش.. وعد : ما عندي شيء اقولك.. و بعدين انا اعرف انتقي كلماتي.. و اذا فيه احد يدور الهواش فـ هو انت.. عماد وقف قدام محل الكوفي طلبات السيارات : ويش تبين..؟! وعد : موكا بارد.. عماد عقد حواجبة : نعــم..!! وعد : موكا بارد.. عماد : ليش ما انتِ حاسة ان الجو بدا يبرد.. و فوق هذا جايبة معاك جاكيت و ما كنتِ بتطلعين عشان البرد.. وعد : مشتهية موكا بارد.. عماد لف على العامل : عطني اثنين موكا حار.. (لف على وعد) ايش تبين معاه..؟! وعد انقهرت منه : مو انت طلبت خلاص جيب كل شيء على كيفك.. عماد طنش اسلوبها و لف على العامل : عطيني اثنين كروسان جبنة.. حاسب عماد العامل و لف يناظر قدام و يطقطق على الطارة بأصابعة .. سكت شوي حتى ينطق بعدها : امي ما قالت كل شيء.. وعد : شيء زي ايش..؟! عماد : أي شيء كلمتك فيه..؟! وعد : لا.. لف عماد على العامل و اخذ منه الطلب و حرك السيارة .. سحبت وعد كرتون الكروسان و فتحتة : و امك في ويش بتكلمني..؟! عماد يأخذ نفس : اسمها خالتي.. عمتي أي شيء.. مو معقول بعلمك الإحترام..؟!! وعد تجارية : و لا يهمك خالتي ويش بـ تكلمني فيه..؟! عماد : بالموضوع اللي تخبرينة.. وعد تأكل : ما اخبر مواضيع.. عماد : انا خطبت.. لا شعورياً ارتكزت عيونها بمكان واحد لـ ثواني.. تجاهلت كل شيء في خاطرها و نطقت ببرود : مبروك.. عساهم عطوك.. عماد بـ غرور : و مين الخبل اللي بيرفض عماد بن عامر..؟! وعد : حلوو.. متى زواجك.. عماد يناظرها تتكلم من غير لا يهمها الموضوع و لا كأنها ضرة على راسها : بتجي بعد اسبوع ان شاء الله.. وعد : الله يهنيكم.. عماد لف عليها بعد ما كان يناظر الشارع : تراها طبينتك..!! وعد ابتسمت من ورا النقاب : طبينتي لو انا و انت متزوجين بشكل طبيعي و عايشين حياة طبيعية.. لكن ماهي طبينتي.. هي زوجتك.. و انا و لا شيء.. مجرد وحده اضطريت تتزوجها عشان ابوك يقهر ابوها.. هذا كل الموضوع.. عشان كذا ما يهمني لو تزوجت.. لأن موضوع زواجي منك اصلاً ما يهمني.. انت ما تعني لي شيء يا عماد.. و لا شيء.. < عادت كلمتة الأخيرة بـ شدة اكبر عشان تقهرة مثل ما يحاول يقهرها.. عماد يناظر الشارع بدون اهتمام للي قالتة : ترى ماني مطلق.. وعد : هه لا تطلق.. خلنا كذا.. و تكون ملزوم فيني.. و اخذ اللي ابيه منك.. بدون ما يكون لك شيء عندي.. عماد عقد حواجبة : لي عندك كثيــر انتِ زوجتي.. رضيتي و الا ما رضيتي انتِ زوجتي الأولى.. و لي عندك حقوق كثير و غصباً عنك تلتزمين فيها.. وعد : عندك زوجتك الجديدة تكفي و توفي.. ما لازم يكون عندك حرمتين.. عماد : هذا شيء ما يعنيك.. اللي ابيه بأخذة منك رضيتي و الا نرضيتي.. و اولها الإحترام يا وعد.. وعد : هه.. تصدق انك تضحكني..؟! من فترة ماهي طويلة قلت ل كانا عندي استعداد اعيش معاك بس تحترمني.. هذا اللي ابيه و كنت بحطك فوق راسي.. ضربت كلامي بعرض الجدار.. و طعنتني بـ شرفي و حملتني خطية اجهاض ولدي.. قلت لي كلام زي السم و لا احترمتني.. الحين تقولي احترميني..؟!!!! و انت ليش ما احترمتني..؟!! البادي اظلم يالذيب.. البادي اظلم.. عماد وقف السيارة و لف جهتها : متى بتفتحين مخك و تعقلين..؟! علميني الحين يعني ويش بيدك تسوينة..؟! خطبة و خطبت.. و اخر الإسبوع بجيبها المزرعة تسلم على اهلي.. انتِ تهدمين حياتك معاي.. انا قلت لك انا حاضرك و مستقبلك.. و انتِ تهدمين حياتك انتِ وحتى لو عصبتي فيني عندي مره غيرك.. وعد : ما يهمني.. صدقني ما يهمني.. انت كلك على بعضك ما تهمني.. انا بسوي الشيء اللي يروق لي.. الشيء اللي ارتاح له.. و عاجبني.. ما راح اهتم لـك ابداً .. و زين انك تزوجت عشان تفكني منك و من شرك.. و تلهى مع عروستك.. ندم .. ندم اللي قرر يطلع معاها يبي يغير جو و ما اختار الا هي.. عشان تعفس مزاجة فوق تحت بكلامها.. شغل السيارة من غير لا يناظرها : ابيك ترتبين جناحي.. بجلسها يوم بالمزرعة.. وعد : جلسها سنين ما هميتني.. اما ارتبة لك و الله لو تحب السماء ما سويتها.. ما عاد الا هي تخدم فيني لـ زوجتك.. الخدامات ماليات البيت قول لهن يرتبنة.. عماد : طيب خليني ادخل الفجر و لا القاك مرتبتة و شوفي ويش بسوي فيك..؟!! وعد اعتدلت بجلستها و تسحب قهوتها حتى تشرب منها : اوكِ بنتقابل الفجر.. .. أسيل و كأنها تقول السالفة لأول مره و يتجدد غضبها من نايف في كل مره تحكيها : نرفزني.. من جد نرفزني.. أثير : ترى من جد طفشتينا بذا السالفة.. زعلانة منه روحي قوليها له بـ وجهة.. مو جالسة تحلطمين بيننا.. أسيل اشرت بسبباتها على راسها : كيفي انا حره.. وما راح اروح له مالت عليه و علي بعد.. اللي قلبي شفق عليه.. عبير : و الله اسولة من جد انتِ غبية.. ادبية قبل لا يركب على راسك.. سهاد تأشر على اختها : هيـــه انتِ ويش ادبية ذي..؟!! عبير بـ عدم اهتمام : و الله من جد لازم تخليه يفهم ان وراه مره بكره ما تحس الا هو متزوج عليها.. تخيلوا بس..؟! أسيل صلبت ظهرها : تهقين كذا..؟! طيب ويش اسوي له.. ندى ضربت كفوفها الإثنين ببعض : عز الله طلقك.. قولي ندى ما قالت.. خبلة تسمعين كلامها..؟! عبير تناظر ندى : لسى ما قلت شيء هبيتي فيني..؟! ندى : غصب هذا كلام تقولينة..؟! جود : انا مع عبورة و الله صادقة دقي راسة قبل لا يدق راسك بـ مره.. ندى : اقول انطمي انتِ و إياها.. (لفت على اسيل) عمرك سمعتي بـ رجال يبي زوجتة تركب فوق راسة و تأمر عليه و تخليه خاتم بإصباعها..؟! هزت راسها اسيل بـ لا.. ندى : و نايف نفس الشيء.. الرجال يبون مره تقدرهم و تحسسهم بهيبتهم و ان لهم كلمة عليها مو هي اللي لها كلمة عليه لو سويتي مثل اللي يقولونة لك بكره يردك بيت جدي و يقول ربوا بنتكم من جديد ما ربيتوها.. مالي عازة بـ وحدة ما تعرف حدودها.. اتسعت عيون اسيل و عصبت : خيــر ان شاء الله انا متربية قبل لا اعرف شكلة.. ندى رفعت حواجبها : و المتربية ما تهين زوجها.. أسيل : يعني ويش اسوي..؟! ندى : لا تسوين شيء.. خليه هو يراضيك.. مو يدري انك قمتي زعلانة.. وشولة تنطين عنده و تهاوشين معاه بتكونين خفيفة بنظرة و ما تقدرين تصبرين عنه.. لكن خليه هو يدور رضاك دامه زعلك.. أسيل تضييق عيونها : هذا رايك..؟! ندى : ايه.. هذا رأيي.. اسيل : اجل ان شاء الله تجيبين راس غازي من اول اسبوع.. البنات اضحكوا على الدعوة عدا هي.. ذكرتها بالخوف من غازي.. تحاول تتناسى انه ضرب بنتة.. ما ودها تحكم عليه من موقف واحد.. و بنفس الوقت ما تقدر تتجاهل خوفها منه.. سها وقفت : عن اذنكم.. جود : وين بتروحين.؟! سها : بتمشى برا شوي.. ميار : تأخذيني معاك..؟! ضايق خلقي.. سها : تعالي.. وقفت ميار و طلعت مع سها بعد ما لبسوا عبياتهم و طرحهم و النقاب حتى يطلعون من الباب الخلفي.. عبير : تهقون هنادي اعجبت عمي بندر..؟! أسيل : عجبتة و الا ما عجبتة صارت زوجتة نقطة اخر السطر.. عبير : لا من جد اتكلم.. احسها مره لايقة على عمي بندر..؟! سهاد : حتى انا.. مره رايقة البنت نفس عمي.. أسيل : هه بنيدير رايق..؟! لا بالله ما عرفتوا للروقان..؟! أثير : ابعدي كرهك لـ بندر على جنب.. الرجال ما شفنا منه الا كل زين.. و تراه اخوك عيب تحكين عليه بهالشكل..؟! أسيل تربعت : و عشانة اخوي ما اقول فيه كلمة الحق..؟! هذا انتوا يا عيال مساعد ما ترضون الواحد يقولكم فيكم و فيكم تهبون فيه.. نهى : اقول ما انتم مستغربين عمتي لطيفه ما جات للملكة..؟! ماهي غريبة..؟! عبير : تلقينها زعلانة تسويها عمتي و الله.. دانه : بس ما صار شيء يزعل.. عادي.. عبير : عادي تطلع شيء من تحت الأرض عشان تزعل عليه.. و الا سماجة بنتها.. استغفر الله العظيم.. جود : الحمدلله اللي ربي فك احمد منها.. و الا كان هجيت من بيتنا.. ندى : لا تحكين بـ شيء ماضي .. خلاص.. جود : و الله هي تجيب الحكي لـ نفسها تخلي الواحد يحش فيها اول ما ينطرى اسمها.. ما ادري ويش حاسبة نفسها..؟! دخول وعد الحـــاد قاطع الجميع : اكرهــــــه اكرهـــــه.. ندى وقفت مفزوعة : بسم الله عليك .. ويش فيك..؟! وعد لفت تناظرهم.. كل البنات جالسين بالصالة.. بس جماعات.. هنادي و شوق جنب بعض.. انهار و عهود و معاهم مريم جنب بعض.. و ميار و سها.. و خواتها الباقيات و بنات عمها جنب بعض.. تصر على اسنانها : ما فيني شيء.. لو استمر يعاملني بهالشكل.. و الله لا اذبحة.. نهى حاطة رجل على رجل و مكتفة يديها بحضنها : ما احد جابرك تبقين على ذمتة وهو بيتزوج عليك..!! وعد : خليه يتزوج.. ما همني.. اما يقولي نظفي الجناح لـ زوجتة!!!!!! يخسى و يعقب.. جود اتسعت عيونها : من جدك..؟! وعد : حسبالة اني بعصب عشان بيتزوج علي.. ما عاد الا هي.. << متقصدة تسمع خواتة و انهار.. عشان يوصل الكلام لـ عماد و يعرف انه ما يعني لها شيء.. ندى تأشر بعيونها على خواتة اللي جالسات وراها : وعد ويش هالحكي.. عيـــب.. وعد : لا ماهو عيب.. العيب انه يقولي نظفي الجناح لـ زوجتي بجيبها اخر الإسبوع.. ان شاء الله يجيب ثلاث و يجمعهن على صدرة بالطقاق.. لكن انا انظف الجناح..؟!! هزلت.. جود : اسفهية و لا تعطينة وجه..؟! وعد ابتسمت : لا.. اسفهة لا.. ما يطاوعني قلبي كذا يمر الموضوع عادي.. و الله لأجننة و ادفع ثمن كل كلمة قالها في حقي.. عهود وقفت بـ حدة تصارخ على وعد : هيـــه انتِ من يوم دخلتي و انتِ تسبين بأخوي و كأنه اصغر عيالك.. وعد رفعت يدها تهدد عهود : انتِ لا تدخلين.. لا تكسبين عداوتي.. و الله ما بتنفعك بـ ربع ريال.. انا انسانة بايعة الدنيا و ما فيها بـ قرش.. و اخوك حاطتة بـ راسي(حطت سبابتة على راسها) لا تدافعين عنه و انتِ ما تدرين عن شيء.. مو عشانه اخوك توقفين معاه حتى لو هو اخطى.. انا و عماد لا احد يحط نفسة بيننا عشان ما يحوشة طشار.. ندى ضربت كفوفها ببعض: انجنيتي انتِ..؟! اكيـــد انجنيتي..!! وعد هزت اكتافها بـ غرور : بنات ابي بودرة جسم.. مين عندها..؟! صبا : انا.. بس بالفواكة يمكن ما تعجبك ريحتها..؟! وعد : هاتيها لو بالغبار.. جود وقفت بحماس : ويش ناوية عليه..؟! وعد : بعدين تعرفين.. يالله صبوي.. طلعت صبا و وراها وعد مع نيتها القشرا.. جود اشرت على كتفها : اقص يدي من هنا اذا ماهي ناوية نية قشرا عليه..!؟ ندى : شكله عاجبك الوضع..؟! جود : عادي خلينا نشوف ويش بيصير يعني..؟! ما راح تشطح وعد مره مهما سوت ما يجي عند انه يتزوج عليها.. عبير : انا مع جود خليها تجننة.. دام هو استخف و ناوي يعرس عليها وفوقها بـ يشغلها خدامة عنده.. شكلة للحين ما استوعب مين هي وعد..؟! ندى انقهرت : انتن تشجعنها على الغلط.. نهى : وعد ماهي بزر يعني الحين عشان كلامهن بتتصرف هالتصرف..؟! لا يا حبيبتي كلنا ندري وعد ما تنقاد لأحد و عماد يبي يكسر راسها لكنه يبطي عظم.. مريم بـ هدوء : قفلوا السيرة.. و لا ابي احد يتكلم فيها.. عماد و وعد كلهم مستخفين.. لذلك لا احد يحكي زود.. ماهم صغار عشان الواحد يوقف على حياتهم سوو و لا تسوون..؟! هو ناصف الثلاثينات وهي بتناصف العشرينات.. كل واحد فيهم عقلة براسة و يعرف خلاصة.. قامت مريم حتى تبقى الجلسة بناتية بحت.. عهود تكلم انهار : اقسم مستفزة داخلة و تصرخ اكرهه اكرهه عاد كنه اخوي المتيم في هواها..؟!! انهار : ما تدري ايش اللي بينهم.. يمكن تظلمين البنية.. لأن فكرة ان اخوك يتزوج عليها هاذي بحد ذاتها تخليها تكرهه.. عهود رفعت حواجبها : ويش فيك شكلك نسيت مين هو عماد..؟! عماد مستحيل يظلم احد.. الا هي مجننتة تصرفات بزارين.. انهار : لا ما نسيت مين هو عماد.. اما تصرفاتها فأنا متأكدة انها بناء على تصرفاتة.. صح ان عليها تصرفات تنرفز بس هذا ما يعني انها انسانة مميزة.. تبين الصدق تليق بـ عماد اكثر من أي احد ثاني.. عهود بـ قهر : الحين صار عماد له تصرفات وما ادري ايش..؟! ترى كله بسبتك انتِ اللي تركتية.. قامت حتى تطلع من الجلسة وسط استغراب الجميع لوقوفها الحاد و هدوء انهار.. .. ميار :اخاف تجازفين..؟! سها : تهقين..؟! ما ادري انا استحيت و الله اردها قالت بتطمن علي.. اقولها لا لا تجين..؟! ميار : ما ادري سها.. بس تدرين ان احنا جايين من اخر الدنيا عشان نجلس هنا.. حارمينا من الدوامات بيخلونك تستقبلين دكتورتك..؟! سها : ما راح اعلمهم.. لا وصلت بقول لـ سعود يفتح لهم البوابة.. ميار : مين بيجيبها..؟! ولدها..؟! ابتسمت سها لا شعورياً.. عصافير قلبها ترفرف لطارية : ايه.. ميار : ههههههههههه اشوف العيون تلمع.. سها : لي كم يوم ما شفتة.. و ادري اني ما راح اشوفة هنا من سابع المستحيلات.. لكن بشوف دكتورة نهال.. و ولدها بيكون هنا مو بعيد.. ميار : ويش اسم ولدها..؟! سها : طارق.. ميار : طارق.. وامه تقولة طارئ و الا طارق.. سها عفست وجهها : طارق طبعاً.. ميار تربعت : سها انتِ متأكدة من اللي بقلبك..!؟ يعني يمكن نزوة و تمر..؟! خصوصاً انك ما تعرفين عنه شيء..؟! سها : الا اعرف.. عمره 24 سنة مهندس تقنيات يشتغل بشركة ........ وحيد امه و ابوه.. ميار : بس ما تعرفين شخصيتة طباعة تصرفاتة طيب.. فكرتي ويش بيصير لو انجرفتي وراء قلبك و مشاعرك..؟! سها انا معاك قلب الإنسان ماهو بيده و لا يقدر يتحكم بمشاعرة بس يقدر يتحكم بتصرفاتة.. خروجك نهاية الدوام عشان تشوفينة غلط.. سها : و الله ادري ميار.. و ادري اني بأكلها على راسي.. و ادري اني اغلط.. اصلاً اصلاً حتى لو جاء و خطبني.. ادري بابا ما راح يوافق.. و لا ماما و لا إخواني.. ادري ما راح اكون من نصيبة.. بس ما راح اكون لـ غيره.. ميار عقدت حواجبها بحدة : بدري على هالحكي مره.. كأنك تعرفينة من سنين و انتِ ما مر عليك حتى شهر.. صحصحي سها.. انتِ تدرين ان ابوي و اخواني ما راح يوقفون معاك.. لازم تحطين حد للموضوع و لا تنجرفين وراء قلبك و مشاعرك.. صدقيني ممكن ما يكون حب.. يمكن بس انجذبتي له.. حدك ما تشوفينة فترة و تنسينة.. لا تقولين انك نصيبة من الحين.. سها : ليش انتِ لما خطبك تركي ما حبيبتة..؟! أي بنت بالدنيا تنجذب اضعاف للشخص اللي يخطبها و بس توافق يزيد حبة في قلبها و يصير له مساحة كبيرة حتى من تفكيرها.. ميار : قلتيها تركي خطبني.. هو اول رجال في حياتي و اخر واحد.. لكن انتِ و طارق غير.. سها : حتى طارق خطبني.. انا احسكم تبون تشككون بأخلاقة.. و الله محترم و خلوق.. لو ما يبيني ما خلى امه تكلمني.. ميار : مو بس هذا الفرق بيننا.. فيه الجنسية.. و هاذي مشكلتكم الرئيسية.. انتِ سعودية وهو مصري.. سها : ليش ويش فرقي عنه.. ويش زدت فيه عليه عشاني سعودية..؟! ليش هو ما فكر اني انا اقل منه.. وما قال اهله ما يرضون يأخذ وحدة سعودية..؟! ميار : ما زدتي عنه بشيء و لا نقص هو بشيء.. بس عندنا عادات.. ما أحد فيهم يسمح لك تعدينها.. انا جيتكم قبل الإختبارات النهائية الفصل الثاني.. و احنا الحين بـ بداية شهر يعني تقريباً لي نص سنة عندكم.. عرفت فيها تفكير بابا و اخواني.. و متأكدة مثل ما انا متأكدة انك جالسة قدامي ما راح يرضون.. من اسبوع و زود و هي محبوسة في غرفة .. سحبوها من المزرعة من غير لا تحس بأي شيء.. و لما صحت.. هددوها بالسلاح.. و بأبوها قالوا لها كلام مثل الملح ينثرونة على جرحها.. اجبروها تتصل بأهلها و تقولهم انها تحب واحد و بتتزوجة..!! قبل اتصالها كانت متأملة احد يجي ينقذها.. احد يتذكر ان فيه ادمية انخطفت من بينهم.. لكن بعد اتصالها ما احد بيجي.. و بينهشون بلحمها و هي مظلومة.. صارت نكرة على الحياة.. ما شافت الا ثلاث رجال و كلهم معاهم اسلحة..و الآن اسبوع ما شافت واحد فيهم.. محبوسة بـ غرفة ملحقة بحمام الغرفة فيها سرير و جلسة كنب بسيطة و طاولة عليها اكل بسيط مجرد شيبسات!! تشوكليت غلاية و اكواب ورق و بكتات نسكافة و شاهي.. وقفت و اتجهت للشباك.. الدنيا ليل و ما فيه اضاءة شغالة المكان موحش.. موحش حيـــل لها.. حاولت تفتح الشباك.. بتشوف أي شيء.. بتروح لأي مكان.. خطرت على بالها وعد.. معقولة نفس الناس اللي خطفوا وعد يخطفونها هي بعد..!! يدها تصلبت اول ما سمعت صوت وراها.. : لا تحاولين تفتحينة كل شيء هنا ما يفتح الا برمز سري.. حتى الشبابيك.. التفت له.. عيونها تقدح شرر من القهر و الخوف.. بس ما راح تبين لهم.. ما راح تعلمهم انها خايفة.. : ويش تبون مني..؟! : و مين قال نبي منك..؟! نبي من ابوك.. غازي بن حمدان.. ابتسمت بسخرية من وراء نقابها مدت يدها تعدلة و تشد على ربطتة من جديد : تتوقع ان بابا بيجي بعد الكلام اللي قلتة له..؟!! صار لي اسبوع و زود هنا.. استند بظهرة على الجدار و الباب مفتوح عن يسارة : اللي نعرفة ان ابوك ما يضعف لشيء مثل الشجرة ما تنحني للريح.. لكن يا ترى اذا طعنت الشجرة بنص جذعها و تبي تقطعها .. و كسرت نص و صارت مرتكزة على نص بس.. بتصبر بوجة الريح..؟!! (ابتسم و بانت صفة اسنانة) تتوقعين تصبر..؟! لينا : اذا لقت مين يحل محل الطعن و يثبتها لين تمر الريح بتثبت.. رفع حواجبة : ما ينخاف عليك بنت غازي.. عموماً انا ما جيت هنا عشان اسولف معاك عن ابوك.. كا شخصية هُلامية.. لأني اتوقع وصلنا للي نبي للحين.. دام ابوك ما جاء يدور عليك لهالحزة.. لكن اللي نبيه مو بس هذا.. ابي اوريك ابوك شلون ينكسر.. و اسمه اللي صنعة و تفاخر فيه بمسحة بشخطة قلم.. و اداتي انتِ.. لينا تصر على اسنانها بقهر : تخســـى .. غازي بن حمدان ما ينكسر حتى لو انا كنت اداتك.. و حاولت تضعف ابوي فيني تهبى توصل للي تبيه.. لأني اصلاً ما راح اسمح لك.. و رب الكعبة.. و اللي خلق الروح فيني.. لأذبح نفسي قبل لا تحاول تضر بابا فيني.. اعتدل بوقفتة بعد ما كان متساند على الجدار .. و اتجه ناحيتها.. بخطوات بطيئة ثابتة : يا عيني عليك يا روح البابا انتِ.. خايفة على البابا!! عاد تحزنين.. البابا ما يحبك.. و انتِ خايفة عليه يا روحي انتِ.. نسيتي كلامك.. ابوك ما يحبك مثل ما يحب خواتك.. عاد الله العالم ابوك ليش ما يحبك..؟!! تتوقعين ليش..؟! كانت يدها ترجف وهي تسمعة عرفت انه سمعها يوم كانت بالمزرعة.. تخطاها بخطوتين عشان يوقف على الشباك مكان ما كانت واقفة يوم دخل.. بلعت ريقها و هي تسمعة.. يجرح فيها زود عن جروحها..: يمكن ما انتِ بنتة..!! اتسعت عيونها و هو يشوف انعكاس عيونها على الشباك.. ابتسم وهو يحس تأثير كلامة عليها.. و كمل : تعرفين عادة التوائم يكونون شيء متوارث بالعيلة.. و اللي انتِ تعرفينة و احنا نعرفة.. لا خوالك و لا عمانك عندهم توائم..؟! ايش معنى ابوك..؟!!! (التفت عليها وهو يمثل البراءة و البساطة عليها) طيب نقول اخذوا ابر توائم.. ايش معنى انتِ اللي يكرهك ابوك..؟! ليش ماهي توأمك اللي المفروض تكون مثلك بكل شيء.. ليش ماهي اختك الكبيرة اللي بتصير حرم العقيد سعود بن ابراهيم.. اتوقع ما انتِ غبية هالكثر عشان تعرفين ان فيه فرق بينك و بين خواتك..؟! اكيد ملاحظة اشياء كثير صارت ببيتكم تدل على التفرقة بينك و بين خواتك.. خبيث خبيث.. يلعب بحب اغلى شخص عندها .. ابوها.. كل شيء يمر قدام عيونها .. مواقف كثير كثير صارت بالفترة الأخيرة هي كانت فيها زيادة عدد.. مجرد ديكور بالبيت.. احيان يطري عليهم ينظفونة من الغبار.. نطقت بهمس مذبوحة : المطلوب.. اتسعت ابتسامتة : شوفي انا اقدر انك تحبين اهلك.. حتى لو هم ما يحبونك.. و ما ابيك تضرين ابوك لأنك اصلاً ما تقدرين عليها.. او بالأصح الشخص اللي ما قدر يكمل تمثيل انه ابوك.. لينا نطقت بحدة : اللي بعده.. : شكلك متحمسة.. عموماً اللي نبيه.. تجيبين لنا شخصين.. و احنا بندبر لك سالفة تجيبينهم لحدنا.. لينا : مين..؟! احتدت نظرتة لها : عماد بن عامر.. و وعد بنت ابراهيم.. لينا ابتسمت : ولد عمي و بنت عمتي.. تدري انت تحسبني هبلة و غبية و ممكن تلعب علي بكلمتين.. لكنك ما تعرف اني اعرف مخططك.. يمكن ما احد قالك قبل انك غبي و ما تعرف تفكر و اللي قدامك يقدر يعرف اللي وراك بسهولة.. عيونة تضيق و تتسع على كلامها.. اما هي مستمرة بذات البساطة في الكلام..: لو على قولتك انا ماني ببنت ابوي.. و هو ما يبيني.. كان ما جبتني هنا و تقولي بتضعفة.. عشان ينكسر .. يعني وجودي ما ينفعك.. كان اولى تأخذ وحدة من خواتي اللي يحبهم ابوي و تكسب انت.. بس عشانك عارف ان كلامك غلط.. قلت اضحك عليها بكلمتين و استغلها عشان انتقم من ابوها و ولد عمها فيها.. (تراجعت خطوتين ورى ببطء) لكنك اخترت الشخص الخطأ بتنفيذ مخططك.. تراني اذكى مما تتوقع.. غازي بن حمدان ابوي .. رباني على اشياء كثير.. اولها.. اني اضحي بنفسي اذا حسيت ان اللي حولي بخطر.. تعلمت منه.. دايم ما يضحي بنفسة عشان كل شيء يحبة.. احنا, اخوانة.. اهله كلهم.. و الناس اللي فيهم خير و طبعاً انت مو منهم.. و الوطن.. الوطن اللي تمشي على ارضة اللي اعطاك امان و عزة و كرامة.. شيء انت تفتخر فيه لا كتبوا جنب الجنسية سعودي.. لكن الناس اللي قلوبهم تعودت تأخذ وما تعطي.. او بالأصح اللي قلوبهم ماتت امثالكم.. ما يشوفون أي خير.. و لا يسوون خير .. ما يعرفون الا كل شيء شر.. ابتسم من جديد ابتسامة خبيثة رفع يده يعدل نظارتة بسبابتة : لا ذكية.. و مو غريب عليك دام ابوك غازي.. تتوقعين ان هاذي الطريقة الوحيدة اللي نقدر نستخدمها معاك و نستغلك عشان نلقى اهدافنا..؟! .. و بما انك ذكية ما يطوفك اننا ممكن نعذبك و نجبرك على اللي نبيه.. و ما يخفيك اننا ممكن نجيب ابوك على عماه هنا.. و ما يخفيك اننا نقدر نطعن بشرف ابوك و نرسلة فيديو لبنتة الشريفة اللي تحب واحد و بتزوجة..؟! اتوقع كلها هالأشياء ما خفت عليك.. انتِ طُعم ما ينفوت.. من وراك نقدر نسوي اشياء كثيرة.. لينا : ليش ما حطيت انك تذبحني من بينها..؟! لأن كل الأشياء اللي قلتها.. نهايتها وحدة.. الموت.. : اما نذبحك من غير لا نستفيد من وراك.. لا ما يصير.. ليش نتعنى اجل و ندخل المزرعة اللي مأمنينها.. (جلس على الكرسي قريب من الباب بعد ما تخطاها وعيونها ما فارقتة) : اتوقع ان انتِ ما تعرفين عننا شيء او بالأصح متأكد.. اما احنا نعرف كل شيء عنكم.. ابوك و امك و عمك عامر بن سلامة.. و عمتك طليقة ابراهيم بن مساعد.. و نعرف عن الخلافات اللي بينهم.. و نعرف ان الصلح كان نتيجة لزواج عيالهم.. العميد عماد بن عامر و وعد بنت ابراهيم.. اخت العقيد سعود بن ابراهيم.. و بنت عم لـ العميد عساف بن عبدالرحمن.. ما اخفيك ان وعد احد اهدافنا.. وجودها معنا يربك اربعة اشخاص يشكلون تهديد لنا.. اخوها ولد عمها زوجها و خالها اللي هو ابوك.. ايش رايك..؟! كتفت يدينها : ليش تقولي هالحكي..؟! : اقولك هالحكي.. عشان بعقد معاك اتفاق.. جيبي لنا وعد بس و احنا بنقدر من خلالها نجيب زوجها.. و نخليك تروحين لأبوك.. : اولاً.. شكلك ما استوعبت كلامي ابد.. قلت لك.. ان بابا علمني اضحي بنفسي عشان غيري.. و غيري اللي انت تطلبهم اهلي.. ثانياً.. اذا وجود وعد معاكم يربك اربعة مثل ما قلت.. فا وجودي يربك اثنين.. و عصفور باليد و لا عشرة على الشجرة.. تقدم بجلستة و سند ذراعة على افخاذة و عيونة مرتكزة عليها : لا تمثلين المثالية.. و اضحي بنفسي و ما ادري ايش.. لأن هالشيء ما عاد موجود بهالدنيا.. و بصراحة صمدتي اكثر من توقعي.. توقعت ادخل الاقيك ترجفين من الخوف صار لك اسبوع هنا ما شفتي احد و لا تدرين ويش اللي مقبل عليك..؟!.. لكني ماني شايف الخوف بعيونك.. ليش..؟! متوقعة انك تقدرين تنحاشين من هنا مثل ما سوت بنت عمتك..؟! او يرجع للدروة اللي اخذتيها من ثلاث سنوات..؟! (ابتسم و غمز لها بعينة اليمين) كاراتية..؟! انصدمت شلون يعرف شيء زي هذا..؟! اخذتها برا السعودية من ثلاث سنوات بأخر سفرة لهم مع عمها عامر.. و ما احد درى الا اللي كانوا بالسفرة معاها.. و لا قد اطرتها لأحد لأنها اصلاً ما كملتها .. معقولة يعرف عنها اكثر مما هي متوقعة.. بلعت ريقها الخوف اللي تخفية تحس انه بدا يظهر عليها.. وهي ما تبي تكون ضعيفة.. : تكون غبي اذا متوقع ان بنت بتتغلب على رجال معاهم اسلحة مثلكم بكاراتية.. و حتى صار لها سنين ما اتذكر ويش قواعدها.. اطلق ضحكة رنت باذنها حستة يستخف فيها.. استمر يتكلم وهو يضحك : و انتِ مو بمنافسة و لا مباراة كاراتية عشان يكون فيه قواعد.. لينا : المطلوب.؟! اسند ظهرة للكرسي و جلس رجل على رجل : قلته لك كم مره و انتِ مو راضية تقتنعين ان هذا اللي نبيه.. يمكن اعجبتك الجلسة عندنا رغم انك ما لحقتي تشوفين الا هالغرفة.. لكن و لا يهمك نوعدك ما نطردك.. بس جيبي لنا بنت عمتك.. تراجعت للوراء خطوتين حتى تجلس على كرسي : و اذا قلت لا.. ايش الحل البديل..؟! : ما عندنا حلول بديلة.. اذا ما سويتها برضاك بتسوينها غصب عنك.. و طبعاً الغصب فيه طرق كثيرة.. لينا حطت رجل على رجل و هي تحاول ما تنهز ثقتها بالرغم انها تتمنى أي معجزة تصير.. أي معجزة تنهي كل شيء هي تعيشة الحين.. : و انا ارفض عرضك.. عصب منها بزر و فوق هذا ذكية يجيها يمين تروح يسار.. و قاهرة انها ما هي خايفة من شيء.. : خليني اعلمك بشيء من باب يعني اني احب لك الخير.. رفعت حواجبها اللي ما ظهرت له لكنه لاحظ على عيونها الاستغراب من كلمتة .. بالرغم من كذا كمل : اللي برا.. جماعتي يعني.. اقترحوا كم اقتراح باللي بيسوونه فيك.. لأنهم مقتنعين ان وجودك يشكل عبء علينا.. اولاً عشان ابوك.. ثانياً عشان ما احنا فاضين نراقبك و انتِ بمقرنا اللي ما احد يعرف عنه شيء.. يعني خروجك من هنا يشكل تهديد لنا.. و بمناسبة هالكلام لا تحاولين تطلعين من هنا مثل ما قلت لك كل شيء هنا برمز سري الأبواب و الشبابيك و كل شيء.. وين وصلنا قبل هالحكي .. ايه اقتراحات جماعتي.. اثنين و مالهم ثالث.. يا نقتلك و نرسل جثتك مشوهة لأبوك.. و عاد اكيد ما راح يعرفك لين تثبت الأدلة الجنائية ان الجثة ترجع لك و تخيلي شكلة لا عرف يالله بنتة اللي داست شرفة راجعة له مشووهة.. يا نبيعك لأحد المنظمات اللي تتاجر ببيع الأعضاء.. و من وراء الحلين احنا الكسبانين.. يتكلم بكل برود.. كل حل اشنع من الثاني.. الموت شيء سهل عندهم و كأنه مثل شرب العصير يستلذون فيه.. هذولي تجاوزو مراحل القتل العادي.. رجفت يدها لمجرد تخيل الأمر.. يشوهونها و يشوفها ابوها..؟!! و هي حتى عذر ما تعذرت على اللي قالتة حتى لو كان مو صدق.. لكنه اكيد صدقة فيها لو واحد فيهم متكلم عنها كان شك.. لكنهم اجبروها هي اللي تتكلم عشان ما يشك بشيء.. و لا يسعى وراها عشان يجيبها صار لها فترة هنا ما جاء و انقذها منهم.. وحلهم الثاني.. يقطعونها و يبيعون لحمها.. كان يناظرها ترجف ما قدرت تسيطر على خوفها.. ما قدر يمنع نفسة من انه يبتسم.. وهو يشوف كلامة كيف قلبها.. من لحظتين تمثل عليه الثقة و القوة و الحين..ما قدرت تحمل.. : هاه ايش قلتي..؟! رفعت نظرها بعد ما كانت تناظر الأرض : عادي.. اذبحوني.. كلنا بنموت.. بكل الحالات بموت ما تهمني كيف الطريقة.. اما اني اجيب لكم شخص بريء و اصير وحدة ما عندها ذمة مثلكم لا.. و الف لا.. منصدم ويش ذا البنت..؟! قام من مكانة بقوة و شدها .. اعطاها كف بكل قوتة.. خلاها تجلس على السرير من جديد لكنه ما انتظرها تستوعب حتى يشدها و يوقفها من جديد : تحسبيني جالس من اليوم اساحلك و خايف على مشاعرك و ابي العب معاك..؟! لا يالشيخة.. لا يا بنت غازي.. احنا ما جبناك هنا الا لغاية.. و غايتنا بناخذها منك بالطيب بالغصب بنأخذها.. لينا ماسكة يدة تبي تبعدة عنها ماسكها و كأنها وحدة من محارمة.. و اصلاً شلون يفكر بهالشيء حلال و الا حرام اذا عادي يقتل بيفكر ان حرام يمسكني..؟! : تحلم.. و الله تحلم.. (مدت يدها عشان تضربة بكل قوتها على صدرة قريب من قلبة.. افلتها وهو يضغط على صدرة من الألم و مغمض عيونة بقوة هاذي اللي تقول نست الكاراتية.. لكنها انحاشت.. اتجهت للباب و طلعت.. تلفتت بالمكان.. صالة كبيرة.. و مفتوح عليها غرف كثير ما يمديها تفكر بشيء شافت سلاح على الطاولة و اتجهت له جري و شالتة.. ناظرت وراها و شافتة واقف على باب الغرفة.. : تراك تلعبين بالنار.. طنشت كلامة و هي تسحب صمام الامان اذا قرب منها بتصوب عليه.. من غير لا تفكر : اقسم بالله لو فكرت تقرب مني ما راح اتردد باني اقتلك.. ابتسم بسخرية : يا بابا ترى هذا سلاح حقيقي مو لعبة عشان تشيلينة.. نزلية و أوعدك اشتري لك واحد تلعبين فيه.. تراجعت وراء و هي تلفت الأبواب كلها مسكرة عدا واحد وهو واقف عليه.. الغرفة اللي كانت فيها وقفت عند احد الأبواب : كم الرقم..؟! زادت ابتسامتة وهو يتقدم منها بخطوات بطيئة : تتوقعين اني اهبل هالكثر.. انتِ صدق قلتِ اني غبي.. بس ما اتوقع ان غبائي يوصل لهالدرجة بنظرك.. لينا تصر على اسنانها : لا تقرب.. و الله العظيم ما اكذب.. و الله لأقتلك.. : اوه لا لا.. كذا احنا بعد كسبانين.. تخيلي الجرايد تكتب عن ابوك وكل مواقع التواصل الاجتماعي.. ابنة الفريق اول غازي بن حمدان في العقد الثاني من عمرها.. بعدما اخبرت والدها بانها ستتزوج من حبيبها.. و هربت معه.. تقتلة عمداً.. تخيلي عاد انتِ واقفة بالمحكمة و ابوك من ضمن الحضور يحضر محاكمتك..؟! لينا صرت على اسنانة عشان ترخي المسدس شوي و تطلق على ساقة صوت الرصاصة دوى صداها بالمكان.. جلس متفاجئ وهو يضغط على ساقة من الالم و الدم ينزف مشكل بقعة على بنطلونة الجينز.. صرخ فيها : مجنونة انتِ..؟! لينا : قلت لك لا تقرب مني.. هذا اثبات لك اني ما راح اتردد بقتلك.. علمني الرقم.. صوت الباب اللي واقفة عنده يفتح.. ابتعدت خطوات عشان يظهر لها شخصين من وراه.. بلعت ريقها.. مشهره السلاح قدامهم.. اما الاثنين ناظروا صاحبهم ثم ناظروها.. زياد : هي اللي اطلقت عليك..؟! يصر على اسنانة : ليش شايف فيه احد غيرها..؟! ناصر اتسعت عيونة : هيه انتِ.. نزلي السلاح و الا قسم بالله لا نرميك جثة عند باب بيتكم.. لينا بلعت ريقها : يكون ازين.. ابيه الموت اللي بترسلوني له.. كلهم ناظروا بالباب اللي وراها ينفتح وهي التفتت و تراجعت وراء اول شيء جاء ببالها اذا كل ما ابعدت لباب انفتح وين بتروح..؟! صاروا الأربعة بجهة وحدة و هي بجهة .. ناظرت بالشخص اللي خرج.. واضح انه اكبر منهم كلهم.. بس مو كبير مره.. ممكن بأواخر الاربعينات او بجاية الخمسينات..؟! دارت عيونة عليهم ثم ثبت نظرة عليها و موجه سؤالة للشباب : هاذي ضيفتنا ..؟! قام اللي جالس على الأرض يتساند على الأرض : ايه طال عمرك.. ابتسم : شكلها صابتك..؟!! و عيونة عليه و بثبات نطق : ليش كنت متوقع اقل يالصقر..؟! الصقر كتف يدينة وهو يناظر لينا : و ليش نتوقع اقل وهي بنت غازي..؟!! لينا تحاول تكون هادية.. اربع رجال.. وهي لحالها.. تحاول تكلم بثقة و هي تناظر بكبيرهم : انت ما عندك بنات..؟! ما عندك خوات..؟! الصقر مبتسم : الا عندي.. بس حلوات مثلك لا.. لينا : يرضيك احد يسوي ببنتك اللي تسوونة فيني..؟! الصقر : ما سوينا شيء للحين..؟! بالعكس انتِ تعديتي علينا.. و صاوبتي واحد من رجالي.. لينا : انا قلت له ما يقرب مني .. لو اضطريت بقتلكم كلكم ما يهمني.. الصقر كتف يده اليسار على صدرة و يده اليمين ماسك فيها مسباحة و يلفة قدام عيونها و كأنه يستخف فيها : يا عيني على الثقة.. قبل لا تهددين.. تعرفين السلاح اللي معاك كم فيه رصاصة.؟! لينا خافت.. معقولة تكون هي وحده و ما استغلتها صح..؟! مسكت السلاح و فكتة و طلعت المشط شافتة كامل .. رجعتة مكانة و سحبت الأمان مره ثانية : لا تحاول تستغفلني.. ابتسم الصقر : ابوك مدربك على السلاح..؟! و الا ما كان عرفتي تطلعين المشط و تعرفين كم رصاصة فيه.. عاد تصدقين احنا لو بنأذيك.. كان استغلينا غباءك وقت ما طلعت المشط تشوفين الرصاص.. لأننا عارفين ان ما فيه رصاصة جاهزة بما انك اطلقتيها هذا يعني ان السلاح بلحظتها ماله أي فايدة.. لينا : شكراً على المعلومة.. و الحين.. انا مستحيل اكون طُعم عشان تجيبون فيه احد من اهلي.. ما راح ارضى انكم تأذون احد بسببي.. عشان كذا خذوها من قاصرها.. انا الحين اقدر اذبحكم.. و ان استصعبتها ذبحت نفسي اسهل.. ناصر متململ : هاذي ما وقفت قرقرة.. هيه انتِ ترى معطية نفسك اكبر من حجمك.. لينا : افتحوا لي الباب .. و خلوني اطلع و ما اقرقر عليكم.. الصقر : لا عاجبتني قرقرتك.. اما طلعة من عندنا انسيها.. اتوقع انك عرفتي ويش نبي منك..؟! لينا : اذا تقصد اني اجيب لكم وعد.. و بعدها تخلون عماد يجي عشانها و تمسكونة .. هاذي بعيدة عن شواربكم.. زياد : طيب ويش رايك تجيبين لنا غازي بكبره..؟! لينا : ضحكتني تصدق..؟! تتوقع ان بابا لا جاء بيخليكم..؟! حتى لو جبروتني على الكلام اللي قلتة له.. بيجي عشان ينسفكم كلكم.. و الله ما راح يخليكم عايشين دقيقة وحدة.. الصقر : ما يحتاج تعلمينا بأبوك و تمجدين بطولاتة.. نعرفة اكثر مما تعرفينة.. : الصقر دخلها و سكر الباب عليها.. خلها لين يطيب جرحي و اوريك فيها.. بأخذ حقي منها ثالث مثلث.. لينا تناظرة وهو جالس على الكنب يضغط على ساقة .. و بقوة : تخـــسى.. < ما تدري من وين تجيها القوة.. يمكن لأنها تدري ما احد بيجي ينقذها لو هي ما دافعت عن نفسها ما احد بـ يدافع عنها.. الصقر يجلس على طرف الكنبة : ما تحس انك تأمر علي و انا اعلى منك..؟! : لا ما أحس.. الرئيس ولاني المهمة و ما راح اتنازل عنها حتى لو لك.. زياد : سيدي معاه حق .. خلنا ندخلها و نفتك منها و من قرقرتها.. اتجهت للباب ضغطت ارقام من راسها تبيه يفتح.. لكنه اصدر صوت دليل على الرقم خطأ كانت على وشك انها تحاول من جديد لكن يدها تصلبت من الرصاصة اللي مرت بجانب كفها لفت تناظر.. الصقر مسك سلاحة و صاوب بدقة جنب يدها صرخ فيها : لا تلمسين الأزارير فاهمة..؟!! لينا التفت تناظرة : الله يأخذك.. الله لا يسامحكم.. الله لا يهنيكم بحياتكم.. ربي ينتقم منكم.. قام الشخص اللي حابسها بجناحة وهو يعرج و مسكها من عضدها بقوة..حتى يرميها داخل الجناح و يسكرة.. لف على جماعتة حتى يقول بـ عدم اهتمام : بتزوجها.. الصقر انصدم!! : نعـــم..؟!!! : اللي سمعتة.. ابي اتزوجها.. بترسلون شيخ لـ غازي و تقولون له يوقع على عقد زواجي من بنتة.. زياد يناظرة مصدوم من الفكرة : شكلك انهبلت.. على اساس غازي ماهو جاينا..؟! : انا بروح اخذ العقد من الشيخ بنفسي.. غازي ما راح يحس.. اذا جيت للشيخ بـ وقت صلاة و اخذت منه العقد.. ما راح يعرف غازي.. ناصر يحذرة : تراك تلعب بالنار.. هذا غازي بن حمدان مو حيا الله..؟! ابتسم حتى بانت صفة اسنانة العليا بالرغم من الوجع المتزايد في ساقة : ادري انه غازي بن حمدان.. ولو ما ينضحك عليه ما كان بنتة للحين عندنا.. و انا بتزوجها.. كيفي انا حر.. ابي اقهرة فيها.. تخيلوا شكلة يوقع على عقد زواج بنتة من غير لا يكون فيه اسم حتى.. وما يعرف مين اللي بيأخذها..؟!! .. أستغفر الله العظيم و أتوب إليه.. لا أحلل نقل الرواية دون ذكر اسمي.. هاشتاق #رواية_لو_سألتي_الورد ضحكة قهر.. |
رد: لو سألتي الورد وهو ما بين إيدك أقطعك بيقول لك عمري فداك الكاتبة / ضحكة قهر
بسم الله الرحمن الرحيم.. السلام عليكم و رحمة الله و بركاتة.. بداية مساء الخير على الصاحين.. اخ منكم.. انا صرت زي ابو سعود و انتم وعد بتعرفون قصدي بأخر البارت.. اقصد ربع الآسك طبعاً.. انا اتكلم و انتم ما تستوعبون حكيي.. 20 سؤال عن البارت..!! من يوم الجمعة تنهال الأسئلة ليش..؟! طيب اوكِ اسألوا متى البارت.. لكن تأخرتي..!! ليش انا وعدتكم بـ ساعة معينة و ما نزلت فيها..؟! ما يهمني يجيني مليون سؤال متى البارت.. لكن احد يقول تأخرتي..؟!! لا ما عليش ما ارضى.. انا ما وعدت احد بـ شيء و اخلفت فيه.. اتفاقي معاكم البارت السبت.. ما اعطيكم موعد و لا شيء و لا عودتكم انزلة كل اسبوع بـ وقت معين.. بالعكس كل اسبوع لي وقت.. ليش يجيني سؤال الظهر تأخرتي..!! اجل لو نزلت البارت بعد وحده بالليل ويش بتسوون..؟!!! اوكِ اقدر الحماس اسألوا متى البارت لكن احد يقول لي هالكلام لا.. شيء ثاني.. ما عليش يعني اللي بيقول شيء ياليت يقولة بأسلوب.. و الله احيان ابي ارد رد!! بس اقول ما عليه يا بنت مشي الموضوع.. خليها تمشي.. كلكم على راسي بس ابي اسلوب ما اطالب بـ شيء زود.. انا من قبل الفجـر صاحية لأني ما قدرت اكتب الا عشر صفحات صحيت و صحصحت بالغصب عشان اوفي بـ وعد ان السبت يكون البارت من قبل الفجر و الحين الساعة 10 باليل متخيلين كم ساعة انا على اللاب..؟! و ابشركم اكلت تهزيئة من امي صلاة العشا!! و فوق ضغطي انخفض المغرب بس تحملت عشان انهي البارت لكم.. عشان تعرفون اني ما اقول شيء و لا اسويه.. لا وعدت ما اخلفت.. الشيء الثاني توقعاتكم الجميلة مين اللي صابتة لـينا و بيتزوجها.. استمتعت جداً جداً بقراءتها.. اعتقد الجواب بهالبارت للي يفتح مخة حبتين ^_^.. و لا احد يصمل على رأي قالة لأن افكاري متغـــيرة لحد اليوم غيرت شيء كنت ناوية اسوية.. افكاري متغيرة بإستمرار عشان كذا لا تضمنون شيء ابداً ابداً يعني الهوشة اللي بتصير في بداية البارت و بتقرونها بدايتها اوكِ تمام لكن الثاني كنت مأجلتها لـ فترة و بسوي مشكلة بين وعد واهلها و عماد تسببها وحده لها بس غيرت الفكرة تمام.. غيرت اشياء كثيـــر في هالبارت كنت ناوية أأجل و اقدم بأشياء بس رسيت على هالشيء اخيراً.. الشيء اللي بنبهكم عليه.. قصة دانه و جود بالبارت اللي بتقرونها صارت لـ وحدة من زميلاتي و اختها.. الفكرة بس الحوار و الباقي من راسي طبعاً عشان ما تفهمون غلط.. راح تفهمون قصدي اذا قريتوا البارت.. الشيء الأخير انا مقدمة على وظيفة ادعوا لي تتيسر اذا لي فيها خير.. و دعواتكم لأخوي بالشفاء.. لا تزعلون مني ما اعاتب الا الغالين.. المقدمة كاتبتها من البارح وما ابي اعدلها تخيلوا ان البارت نزل الساعة عشرة و المنتدى ما تملعن علينا ^_^.. البارت السادس و الأربعون.. عطني سما صوتك برفرف وأحلّق صوتك رحل فيني أو إنّه رحل بي؟ قلبي .. و اعرفه لا تعلّق .. تعلّق ابيك تاخذني .. على قد "قلبي" ! لـ آدم دليم.. الرجال جالسين برا.. لكن اكيد كل جماعة يسولفون لحـالهم.. بندر : ليش مو ابراهيم قايل لك ملك ابي افهم ليش تعيي..؟! فيصل : ما ابي املك الحين.. انا قلت ابي الملكة مع الزواج بليلة وحدة لو ملكتوا لي ترى اخذها و ما اخليكم تشوفون رقعة وجهها بلا زواج بلا خرابيط ما تهمني.. خالد : لا اجل انثبر لين الزواج.. حلوه ذي تفضحنا و لا بعد بنملك لك الساعة 12 بالليل اخاف تفضحنا تملك العصر و بالليل ما نشوفك يباركون لك المعازيم.. فيصل ابتسم : عادي اسويها و الله.. ياخي سبع سنين و انا خاطب..مصخت.. مشاري : هانت خلاص بس نخلص تحدد موعد ثاني و تأخذ عروستك.. فيصل : لا تذكرني بهالموضوع اتنرفز المفروض بعد يومين زواجي.. و هذولي حابسينا هنا.. بكره بروح احجز موعد جديد اخر هالشهر.. و ما علي بأحد لو ما جهزت شيء عادي نعيش بفندق.. حاتم : ياخي تريث وشولة مستعجل..؟! اللي يسمع كلامك يقول مراهق و ابوه واعدة يزوجة مو رجال طول بعرض معتب الثلاثين.. فيصل : ايه اجلس اتريق بلاك ما جربت اللي جربتة.. لو اختك الهانم موافقة تروح معاي كان عيالي اطول مني الحين.. بندر : الحمدلله ان نهى ما وافقت و الا كان جاينا مستخف.. ويش بلاك اركد.. يمديك تضيع بنيتنا هناك ويش بنستفيد حزتها من وراك..؟! ماجد : ههههههههههه و الله يا فيصل خربت البرستيج مره وحدة.. فيصل : بلا برستيج بلا خرابيط ويش سوا البرستيج لي.؟! هاه.. لو ما عندي برستيج كنت جريت بنت عمي من شوشتها و اخذتها معاي بس اني سمعت كلام البرستيج و هذا اللي استفدتة.. يوسف يكلم اخوه محمد بـ همس بينهم : من جدك..؟! محمد : طبعاً.. ياخي مخفات كلهن ويش ذا كلمتين تجيبيهن و توديهن.. يوسف : اجلس على ذا الحالة ناسي ان عمي غازي شاك فيك و الله يا محمد ان يحط الأولي و التالي فيك. محمد : ويش بيدريه..؟!! انت عرف عن سواياك لأنك شوي و تخلي المركز فندق تنام فيه.. اما انا ويش بيخليه يعرف عني.. يوسف : ما ادري.. بس اتوقع انه شاك فيك.. على الأقل خف هالفترة مو فاضحنا طول الوقت على الجوال عيونك عليه.. ترى ما استغرب يأخذة و يشوف ويش فيه.. عاد ما يحتاج له يأخذ له فرة خمس دقايق يعرف كل شيء.. محمد : لا تجلس توسوس حسستني بـ عمي شيطان.. و اذا عرف ويش بيسوي يعني..؟! بيضربني مثلاً..؟!! بيقول لي كلمتين ما علي.. يوسف : ايه بـ صدق ان ما عليك عمي يقولك كلمتين.. خلنا ساكتين ازين ياخي.. في جانب اخر.. من نفس المكان و نفس الجلسة.. عامر : انا مرممة كامل شوفة يمكن يعجبك.. ابو سعود يستفسر : هو نفسة البيت اللي بنفس المنطقة..؟! ما ودي ابعد عنها..!؟ عامر : ايه هو نفسة.. كبير واسع و شرح.. و اتوقع يكفي و يوفي.. عماد : بكره نروح نشوفة يا عمي.. و اذا اعجبك تأثثة على هواك.. ابو سعود : مو مشكلة لو اخذة الحين و نسكن فيه مؤقت لين ابني بيت جديد و بعدين أبيعة.. عماد : ما تدري يا عمي يمكن يجي على هواك.. لأني اعتقد اكبر من بيتك الحين.. و هو اربع ادوار.. ابو سعود : اهم شيء عندي عدد الغرف.. ابو عمر : لا تشيل هم الغرف اتوقع تكفي.. لا تنسى ان اربع من بناتك بيتزوجن ان شاء الله.. ابو سعود ابتسم : حتى لو.. لازم لكل وحدة غرفة.. و ابي زيادة غرفتين عشان عيال خالد ما ابيهم ينامون مع ابوهم.. (ناظر عامر) هو فيه كم غرفة..؟! عامر : الدور الأول كله استقبال مجالس الحريم و الرجال.. و الثاني فيه ست اجنحة منفصلة عن بعض.. و اللي فوقة فيه ثمان غرف و صالة و كل غرفة بحمامها.. و الأخير ست غرف بس اكبر من اللي تحتها و صالتين.. ابو عساف : انا اقول يا اخوي مناسب لك ما يحتاج.. بناتك بـ دور الثالث.. و عيالك بالأخير و اثنين منهم تعطيهم اجنحة ياسر و سعود عشان تزوجهم و تحطهم عندك.. و ولد خالد حطه هو وفارس بغرفة وحدة.. ابو سعود يناظر اخوه : هذا شورك..؟! ابو عساف : انا اقول شوفة قبل لا تقرر.. ما يندرى يمكن ما ينشرح صدرك للمكان..؟! ابو سعود : اجل بكره ان شاء الله بشوفة مع ياسر.. : السلام عليكم.. : وعليكم السلام.. ابو سعود يناظرة شايل شنطتة على كتفة : على وين..؟! وليد : بـسافر.. بندر عصب عليه : حلوه تسافر و انت متى ما طخت براسك شلت شلايلك و غديت..؟!! وليد يناظر عمه : لا تنسى اني بـ دورة و خلصت إجازتي.. سعود : مو على اساس بتكمل الإسبوعين..؟! وليد : ما باقي الا كم يوم و اكمل اسبوعين.. و الرئيس اتصل قال لي ارجع و خلص تدريبك احسن لك.. غازي اللي كان هادئ جداً عند هالكلمة رفع راسة لـ وليد.. بندر ناظر غازي : مو انت اللي مرسلة كلم رئيسة وقولة الولد كتفة ما انجبر كسرة.. خله يقعد لين ينجبر كسرة..!! وليد : ابو شوق ماله دخل.. يعني هو ارسلني بس الدورة لها رئيس.. ماله دخل يقولة خله عندنا ليش الدنيا سيبة..؟!! يزيد : انا ابي افهم ويش اللي مخليك قارد نفسك..؟! وليد : ماني قارد نفسي عادي دورة و بخلصها.. وقف سعود : انا بوصلك المطار.. وليد : لا ابو شوق بـ يوصلني رضاوة عشانه كسر كتفي لازم يشيل عني شنطتي.. غازي وقف : بـ وصلك بس اني اشيل شنطتك.. لو تحب السماء ما سويتها لك.. وليد اشر لـ سعود عشان يلحق غازي.. اما وليد اتجه لأبوه و باس راسة و همس بإذنة : يمكن اطول هالمره حيــل.. اني قدرت اجي هالمره ما يعني اقدر اجي متى ما بغيت.. يبه تكفى اذا صار أي شيء لا تجلس تضرب اخماس بأسداس انا بكون بـ خير ان شاء الله بس انت ادعي لي.. ابو سعود : اذا قدرت تكلمني لا تقصر يا وليد.. ادري انك بايعن عمرك.. و يومك بايعة لـ وطنك ما عندي مانع يستاهل.. لكن تكفى اذا فيه درب امن من اللي انت تسوية اسلكة.. تكفى يا وليد.. وليد باس كتف ابوه : لا تخاف علي يبه.. تأكد اني اختار أأمن شيء و لا اسوي شيء ما ادري ويش عاقبتة.. بس انت ادعي لي.. ابو سعود : الله يوفقك و يفتحها بـ وجهك.. وقف وليد حتى يسلم على اخوانة و سلسلة من التوصيات الهامسة بينه و بينهم.. مو بس اخوانة اللي وصوه رجال غازي اللي يعرفون وليد لـ مين رايح كان لهم نصيب من التوصيات المكررة على اذنة.. راكان : كان زين لا سافرت احد يقلق علي كذا.. وليد يربت على ظهر راكان : قل لا إله الا الله لا تنظلني.. و بعدين الناس مقامات يا عمي.. في السيارة غازي و سعود الإثنين قدام.. سعود مأخذ مكان السايق.. غازي : ما طرا له يخلص سلامات بيخليهم يشكون..؟!! سعود : ترى فيه منهم اللي ممرر الموضوع بمزاجة و ساكت.. و فيه منهم اللي ماشي عليه.. عندك عمي بندر و عمي مشاري ابصم بالعشرة انهم ماهم مصدقين ان وليد رايح دورة.. لكن عيال عماني ماشي الموضوع عليهم.. غازي : و الله اذا اخوك بـ يجي اكيد بننفضح.. لو يقر مكانة و يقضب ارضة ما احد شك فينا.. لف سعود على رئيسة : انا ادري انك من زمان تعدنا عيالك.. و الحين انا صرت حسبة ولدك صدق.. و الولد يشيل عن ابوه همة.. كلنا حاسين ان فيك شيء.. علمني يمكن اقدر اعاونك.. غازي يناظر لـ وليد جاي جهتهم : ما فيني شيء.. صح اني متضايق هالفترة بس تعدي..(يضيق عيونة) بعون الله تعدي.. سعود : ان شاء الله.. ركب وليد وراء و رمى شنطتة .. جلس بالوسط عشان يتكلم براحتة مع الإثنين.. اما سعود حرك السيارة.. وليد ناظر غازي : شوف ترى انا ما حذرتك بس الحين احذرك.. غازي لف عليه مستغرب : خير ان شاء الله..؟! وليد : اختي.. ندوش ان زعلتها في شيء ما راح يهمني انت رئيسي و إلا لا بطلع حقها من بين عيونك.. غازي : استغفر الله.. خل همك بنفسك و بس.. مالك شغل بـ غيرك.. اسمعني زين و فتح مخك.. وليد رجع و سند ظهرة على المرتبة و حط رجل على رجل : ادري بـ تقول وليد انتبه لا تغلط و انتبه لـ عملياتهم و اذا جاتك فرصة ذهبية بإنك تتواصل معانا لا تقصر.. ويش بعد..!! لا يرف لك جفن معاهم و انتبة لكل حرف يقولونة خلك منتبة.. و لا يخدعونك لا بمظاهرهم و لا تفكيرهم اللي يدعون فيه الصلاح.. و أي شيء يقولونة و يضايقك لا تبين لهم.. و اذا حاولوا يستفزونك لا تنولهم مرادهم.. و اسمع كلمة الصقر اللي ما تأذيك.. (ناظر غازي) شفت اني حافظ الكلام مثل اسمي..؟!! غازي : ياخوفي ببغاء يردد وراي و العقل ميــــح!! وليد : بـتشوف كيف العقل ميح يا ابو شوق.. انا وليد بن ابراهيم.. غازي : اسمع مو تتهور و تبلغنا بشيء عن طريق جوالك..؟! و الله لا اذبحك يا وليد.. وليد : قالوا لك مهبول انا ادري ان الصقر بيراقب جوالي.. غازي : حاول تبين له شخصيتك اللي متفقين عليها.. لا ترضى بكل شيء و تأخذ و تنفذ من غير لا تنشد.. عصب فيه ناقشة بين له انك ذكي و مو كل شيء يطوف عليك.. خله يرقيك و يعلمك بأشياء ما علمها بأحد من قبلك فاهم و الا لا..؟!! وليد : فاهم.. و الله فاهم.. اصلاً الصقر حاطة بجيبي انا و مريح راسي.. سعود : ايه اوثق فيه و ودنا بـ داهية..؟!!! وليد بـ غرور : مو انا اللي واثق فيه هو اللي واثق فيني.. غازي يمسح وجهة بكفوفة : يارب صبرني عليه.. وليد مبتسم وهو يشوف غازي معصب صار له كم يوم هادي يبي يعصب فيه مثل قبل و يتهاوشون.. : ليش ويش سويت لك انا الحين..؟! تراني صادق.. يعني هو لو ما وثق فيني ما راح يوريني لا اوراق و لا غيره.. غازي يصر على أسنانة : ثقتك الزفت بنفسك هي اللي بتودينا بـ داهية.. وليد فتح مخك.. لا تخرب كل شيء جالسين نسوية.. وليد : اوكِ اوكِ لا تعصب.. انا مانيب بزر اعرف ويش قاعد اسوي.. غازي يناظر سعود : سعود اعكس الطريق خلنا نرجع المزرعة لين يفتح مخة.. وليد نط قدام بين غازي و سعود : ويش يعكس من جدك.؟! انا متفق معاه بكره اكون عنده.. غازي بـ حدة : مو لما تفتح مخك التنك المقفل.. وليد : طيب لا تعصب.. انا متفق معاه على اساس بكره.. بجي و بيرسل لي رجالة بس بقولة اني مأخذ رحلة ترانزيت و بروح المطار عشان الكاميرات تسجل خروجي منه بعد ما غير ملابسي طبعاً.. و برتاح بـ شقتي و بقوله اني جيت من البارح.. غازي : تدري لو قايل لي ودوني شقتي على طول و الله كنت رجعتك صدق.. بس كويس يفيد فيك التدريب يطلع منك.. اهم شيء تنتبه على طول.. وليد : طبعاً يطلع مني بس انت مو راضي تثق بـ قدراتي.. سعود : وليـــد خلاص عاد.. اصطلب بلا سوالف التنكيت بوقت غلط.. .. دخل الجناح و هو متأكد انها ما نظفتة.. اكيد ما راح تنظفة اما وعد تسمع كلامة!! اكيد بيصير فيه شيء باليوم اللي وعد ما تعاندة فيه.. انصدم بـ ريحة قبل لا يفتح باب الجناح و اول ما فتحة داهمتة بشكل قوووي عقد حواجبة بـ حدة و هو يناظر المكان كله مغـــبر حتى لف على المطبخ و نفس الشيء اتجه للصلاة حتى على الكنب المكان مغبر اتجه لطاولة و مسح بإصباعة و فرك اصباعة السبابة بالإبهام يتعرف على الشيء اللي مالي المكان اتجه لغرفة النوم و ما كانت حالتها احسن ابداً بالعكس كانت هي الأسوء اسوء حتى الحمام مليــان من هالمادة.. وما راح يفــكر مني سوا.. ما فيه غيرها هي.. طلع من الجناح و وقف عند الباب صــرخ : وعــــــــــــــــــــــد.. وعـــــــــــــــــــــــد.. اما هي جالسة مع البنات بعد الفجر اسيل و ندى و نهى و صبا و جود.. ابتسمت يوم ناداها و لا همه الناس نايمة صاحية جالس يصارخ.. ندى : وعد قومي شوفي زوجك ويش يبي..؟! وعد تقاوم ابتسامتها : يعني ويش يبي..؟! خليه بالطقاق..؟! جود : ويه يا صراخة شكلة معصب روووحي بــسرعة.. لحظات حتى تنزل هنادي : وعد عماد يبيك..؟! وعد : رجلي تعورني ما فحالي اطلع فوق.. هنادي عقدت حواجبها عماد مولع و هاذي جالسة رجل على رجل و لا هامها شيء..؟!! : قولي للبنات اللي عندها يذلفن.. هنادي ناظرت البنات جالسات بالصالة : بنات ادخلوا الغرفة عماد بـ ينزل.. دخلوا كلهم الا هي.. و ليش تدخل ما راح تهرب من شيء سوتة.. هنادي ناظرت فوق لعماد بالدور الثاني : انزل ما فيه احد.. قبل لا تكمل كلامها كان متعديها اتجه للصالة شافها جالسة و لا هامها ولا كأنها مسوية شيء.. و مو بس كذا قدامها صينية قهوة و تتقهوى حضرتها..: ويش ذا الحركة اللي سويتيها..؟! وعد هزت رأسها ببراءة و بيدها فنجان القهوة : أي حركة..؟!!! عماد اتجه لها بسرعة نزلت الفنجان قبل لا يوصل لها هذا يحرقها و لا يهمه شيء رفعها و دفها على جدار : يعني ما تعرفين ويش مسوية.. وعـــد لا تستفزيني..؟! وعد بـ حدة : انت جاي مدرعم و تهاوش ويش دراني عن ويش تتكلم..؟!! عماد يلف بالمكان ما يبي يمد يده عليها : يارب صبرني يارب.. (لف عليها و اشهر يده بتهديد في وجهها) تراني ساكت و متحملك.. و متحمل البزرنة اللي عايشة فيها.. وعد : قلت لك من قبل طلقني.. انا و انت ما احنا لـ بعض.. عماد : عشم ابليس بالجنة.. و الله يا وعد تحلمين بالطلاق.. و الله ما تسمعينة.. وعد : كيفك اجل تحمل ما يجيك.. عماد اتجه لها بـ قوة ضغطها على الجدار و رفعها عن الأرض حتى اطراف اصابيعها ما تلامس الأرض حط يده على رقبتها يخنقها .. يصر على اسنانة : ويش اللي كبيتية بالجناح..؟!! وعد وجهها احمر تحاول تبعد يديه عن رقبتها وهو مثبتها و لا هامة شيء : بـــعد.. كح كح .. بــــعد يا حمـــار.. هنادي ماسكة ثوب عماد من وراء تبيه يبعد عن وعد : عمـــاد تكفى ذبحتها و الله ذبحتها.. عماد دف هنادي عنه و يناظر وعد : احسن لك تكلمي..؟! وعد تحرك رجولها تبي تضربه و تضربة على اكتافة تبيه يبعد عنها لكن عماد جبل قدامها ما تزحزح و لا ربع ملم.. هنادي على شفا حفرة من الصياح متعلقة بأخوها : تكفى يا عماد الله يخليك.. و الله بتروح فيها البنية.. يمــــــــــــــــه.. يمــــــــــــــــــــه.. عماد ابتعد عن وعد حتى تطيح على الأرض : صابر عليك يا بنت ابراهيم لين طفح الكيل منك.. زودتيها.. وعد يديها على رقبتها و لا رفعت راسها له : ما اشوف طفح الكيل اللي عندك.. جاب نتيجة.. طلقني.. دامك .. مو قادر.. تحملني.. جلس على ركبه شد شعرها حتى يرجع راسها لـ وراء : انا حلفت ما تسمعين الطلاق.. و انتِ تبين نفسي تعيفك.. عادي اسعي لهالشيء يا وعد و الله لأخليك معلقة لا متزوجة و لا مطلقة.. وعد غمضت عيونها بـ قوة و فتحتها : ما تقدر.. ما كثر الله من المحاكم و الله لأرفع عليك قضية خلع.. و اقدر اكسبها بـ سهولة دامني ما تزوجتك برضاي.. و الله لأقولهم كم مره طحت بالمستشفى بسبتك.. ابتسم عماد بـ خبث : ما عندك و لا تقرير طبي.. كنت اخذك و اردك ما عندك أي اثبات.. وعد ابتسمت : عندي شهود.. انا ما كنت اقابل احد غيرك يعني ما احد غيرك متسبب في الإنهيار العصبي اللي جاني مرتين.. و الله لأحيكهم كلهم على الحكي اللي قلتة لي.. و موظفاتك اللي جبتهم يحرسوني عشان ما اطلع شهود على الحكي اللي قلتة انت بحقي.. شد شعرها زيادة و هي تغمض عيونها ما تبي تقولة يفلتها : جربي و روحي اشتكي.. بـ شوف كيف بتوقفين عمي ابراهيم بالمحكمة.. و تشتكين عليه حتى هو اللي ظلمك و زوجك من غير لا يشاورك.. وعد : ما يخصك في بابا.. و بعدين بابا ما زوجني لـ واحد ردي مثلك الا ابوك لوى ذراعة.. تتوقع انت بتصير مثل ابوك و تلوي ذراعي و انطم.. عندي مين يوقف و يجيب لي طلاقي منك و غصباً عن خشمك يا عماد.. عماد يشد على شعرها يبيها تسكت و كل شوي يزيد و هي كل مره تزيد و لا هامها : ويش اللي كبيتيه بالجناح..؟!!! وعد محاجر عيونها اسودت من شد عماد لـ شعرها لكنها جاوبت ببراءة عشان تحسفة : هاذي بودرة نمل.. الجناح مليان نمل قلت قبل لا ينظفونة الخدم اخليهم يحطون بودرة عشان النمل.. خفف من شعرها لا شعورياً.. ابتعد : بودرة نمل.. وعد تحاول تبعد عنه قبل لا يستوعب شيء : ايه.. عماد رجع شد شعرها : كذابة بودرة النمل مالها ريحة.. وحتى لو لها هاذي ريحتها عطر يعني ماهي هي..؟! وعد : ما انت ملزوم تصدق.. عماد : خلاص اكيد راح النمل الحين تقومين تنظفينة مو الخدم مانيب عايز لأقولهم بس انا قلت لك يعني انتِ تنظفينة.. وعد شدت يده من شعرها و رمت يده على صدرة : تراني معطيتك وجة يا ولد عامر.. انت بكامل قواك العقلية..؟! عماد : كتف يدينة : ويش رايك يعني..؟! هنادي اللي كانت حاضرة الهوشة من اولها : عماد الله يخليك خلاص انا بكلم الخدم و بشرف عليهم بنفسي لا تسوي مشكلة.. عماد : انا قلت وعد تنظفة.. وعد : تحلم يا عماد ان شاء الله تطلع منه قبيلة صراصير ما نظفتة لك.. عماد ميل راسة شوي و احتدت عيونة عليها : مو انتِ جالسة فيه و انا فاتحة ل كانتِ خص نص..؟! وعد : هذا الظاهر بس نيتك ما ادري ويش هي..؟!! عماد : نيتي تحترمين نفسك و تنظفينة.. وعد : و اذا ما نظفتة ويش بتسوي يعني..؟! بتضربني يا ليت كان زين يا عماد سوها و شوف مين بيجلس على ذمتك دقيقة وحدة.. عماد : تعودت اسمع كلامك بأذن و اطلعة بالثانية.. انتِ لسان يلعلع على الفاضي.. انقهرت منه انقــهرت..يحسبها خايفة منه!! هي للحين اصلاً ما التفت له عدل و استفردت فيه و الا علمتة شلون لسان يلعلع على الفاضي.. : جرب يا عماد و سوها و اعلمك شلون انا لسان يلعلع على الفاضي.. في الغرفة صبا صكتها ام الركب وهي تسمع الصراخ و الهواش.. لو مالها دخل كانت خافت من صوت عماد كيف وهي اللي معطيتها البوردة!! ممكن تصيح.. اما جود هي اكثر وحدة متحمسة و تشجع.. اكيد تشجع اختها.. و اسيل تتذمر و نهى باردة ما همها الموضوع اما ندى تنقد على الإثنين الناس نايمة وهم يتهاوشون لا مراعين كبير نايم و لا صغير.. ندى : الله لا يبلانا يعني ما عندهم جناح يقفلونة على انفسهم و يحلون مشاكلهم مو جالسين تحت و يصارخون و الله ماهي زينة لو يصحون جدتي فاطمة و الا عمتي نوره(ام عامر).. أسيل : استخفوا الإثنين من جد استخفوا.. ويش الهبال اللي عايشينة ما كنهم كبار الا بزارين.. نهى : ويش عليكم الثنتين.. خلوهم يتهاوشون انتم ويش عليكم..؟!! ندى : خليهم يتهاوشون ما علينا لكن مو الفجر و الناس نايمة هم يلعلعون..؟!! ويش قلة هالذوق هاذي..؟!! صبا تضرب خدها مرعوبة من تخيل عمها يدري انها اعطت البودرة وعد : و الله يا بنات ما دريت انها بتسوي كذا.. اسيل مستندة على الباب و تتسمع : الحمدلله و الشكر و انتِ ويش دخلك.؟! ويش عرفك ان وعد بتسوي زي كذا..؟! جود ابتسمت : يا ويلك يا صبوي لو بابا يدري.. يمكن حبل المشنقة على طول.. اتسعت عيون صبا : لا.. ندى : وجع ان شاء الله يا جود.. تمزح عليك يا صبا.. اصلاً من كل عقلك بيجي ببالهم ان وعد اخذت البودرة منك..؟!! وحتى لو دروا بيحسابونك انتِ ليش وعد المصاصة بـ فمها بزر.!!! صبا : ما ادري.. و الله يا بنات مرعوووبة!!! نهى : معطية الموضوع اكبر من حجمة انتِ مالك دخل فيه كلش كلش حتى لو دروا ان وعد ماخذة البودرة منك ويش بيقولون ليش اعطيتي وعد بودرة جسم..؟!! جود حاطة اذنها على الباب لفت عليهم و يدها على فمها : اووووش الموضوع وصل للطلاق..!! اسيل : من جدك طلاق على حساب بودرة..!!! ويش ذا السخافات..؟! نهى تناظر اسيل : ماشاء الله وين العقل ذا لا جاء طاري نيوف.. عفست اسيل وجهها : كل عمري عاقلة بس فيه ناس لازم اصير معاهم مجنونة.. بــــرا هنادي حاضرة الحدث ساعة ساكتة و دقيقتين تحاول تهدي الإثنين.. تخاف يتأزم الموضوع وقتها ما احد بيفك وعد من بين يدين عماد الا لما يحط حرتة كلها فيها و يوريها نجوم الليل بعز الظهر.. عماد : يعني.؟!! وعد : قلت لك و الله لو تحب السماء ما نظفت لك الجناح.. عماد يفتح قبضة يدة و يقفلها وراء بعض بمحاولة يمسك نفسة عنها عشان ما يعطيها كف يلصق وجهها بالجدار وراها.. هنادي حطت يدها على كتف عماد : تكفى عماد خلاص الله يسعدك.. اعطيني ساعة بس بتشوف الجناح ويش زينة.. عماد : ما ابيك تنظفينة ابيها هي اللي تنظفة انا قدرتها و عطيتها مفتاح الجناح تقوم تحوسة بهالشكل..!! ليش احنا بزارين!! كل ذا غيرة عشان البتول.. بلعت ريقها هنادي و غمضت عيونها بـ قوة.. وعد بعدت عنه و اتجهت لمكانها قبل و جلست : اجل اسمها البتول!! لا يا حبيبي يا ضي عيوني انت مو عشان البتول اللي ما ادري من وين جايبها لأنك ما قدرتني.. لو مقدرني و حاطني فوق راسك ما تجرأت تقولي نظفي الجناح لـ زوجتي.. عادي قولي اتركية بأخذ راحتي معاها ما همتني بـالطقاق انت و إياها .. بس تقولي نظفية..!! ليش جاية من الشارع انا عشان اخدمك..!! لا تحسبني من الحريم اللي تبلع كلام رجلها و تنضام تحت جناحة و تنطم.. لا يا عماد.. لا يالذيب ما حزرت.. شفت الخلاف اللي زواجتنا ذي هدنة صلحة و الله يا عماد لأشبة من جديد و لا هميتني لا انت و لا غيرك.. عماد : تصدقين مره خفت!! الحين انا ضمتك يوم قلت لك نظفي الجناح!! انتِ غبيــــة و الا تستغبين.. مو انتِ جالسة فيه يعني من باب التقدير و الإحترام ما تطلعين منه وسخ تردينة ازين من يوم استلمتية مو تسوين فيه سواتك هاذي.. متزوج بزر انا ما تقدر و لا تحترم..؟!! ترى عادي عندي استعداد اربيك و اعلمك شلون تحترمين من جديد.. وعد : متعلمة الإحترام قبل لا اشوف رقعة وجهك.. عماد : مبين الإحترام سواتك هاذي سوايا وحدة محترمة متربية.. وعد : و الله سواتي ردة فعل لـ سواياك.. لا تخليني ابدأ معاك من الصفر من اليوم اللي قابلتك فيه مع عمك ما ادري خالك.. و اعلمك ويش سويت و يش قلت لي.. و اعيد عليك كل حرف غلطتة بـ حقي.. عماد : اجلسي عيدي و زيدي بـ هالكلام وشوفي مين بيسمع لك.. الناس وصلت المريخ و انتِ للحين جالسة على ايام الحجز.. على فكرة ما همتيني و لا حركتي فيني ساكن.. و اذا تبين خلديها بـ دفتر بعد للتاريخ عشان تعلمينهم عيالنا بعدين.. وعد ركزت عيونها على الطاولة عيالنا..!! معقولة شاك..!! معقولة يدري و ساكت..!! خليه يدري عشان ما يفكر يمد يده عليها : مالك عندي عيال.. عماد يناظرها بإستهزاء : دامك على ذمتي غصباً عنك اذا ربي كتب لي عيال منك بتجيبينهم و رجلك فوق راسك.. وعد : طبعاً بجيبهم اجل بخليهم في بطني طول العمر!! اقصد انت من طريق و انا و ولدي من طريق.. ما يخصك فيه و لا بكبر الشعرة.. عقد حواجبة بـ حدة.. لكن الصدمة الجمتة مع سؤال هنادي.. هنادي : ما طاح البيبي صح.. كذبتي علينا و الأدوية اللي تأخذينها مثبتات و فيتامينات.. عشان كذا كل ما ابي اعطيك من الأدوية اللي اساساً تنعطى للمجهضة ترفضين..!! وعد ابتسمت بـ تشفي : عليك نور.. ما طاح البيبي.. ما تكلم.. ما قدر يتكلم من الصدمة يحاول يستوعب.. و النزيف.. هو شافها.. هو اللي راح معاها المستشفى و الدكتورة طلعت له و قالت له.. و خلتها كم ساعة و مركبة لها مغذي.. حتى وجهها كان شاحب.. شاحب جــداً.. ناظر وعد مصدوووم : كـــذابــــة!! وعد : ليش وقعت على عملية تنظيف لي..؟!! هنادي ناظرت عماد.. عماد ما رد.. تنظيف...!! لف على هنادي : تنظيف ويش..؟! هنادي : تنظيف رحم يسوونها اذا طاح الجنين.. بس مو شرط يمكن هي ما احتاجت الأدوية تكفي.. وعد وقفت حتى تشد بلوزتها الفضفاضة عليها على وراء حتى تبان تفاصيل بطنها في بداية بروزها : ارتحت و الا باقي.. عماد حمر وجهة من القهر لمجرد تخيل الموقف..!! يعني زعل على الفاضي...! يعني انقهر من نفسة يوم سبها و زعلها على الفاضي..؟! ماهو مصدق توصل فيها الوقاحة لدرجة تكذب على الجميع بإن جنينها طاح..!! ليش..؟! ويش استفادت..؟! ويش هدفها..؟! وهو..؟! هو لـ هالدرجة غبي ما لاحظ شيء عليها..؟! ما لاحظ انها تكذب..؟! وهو مرافقها حتى بالمستشفى.. و صياحها اللي ما وقف..؟!! كله تمثيـــل..!!!! هنادي اللي كانت تراقب تفاصيل عماد الغاضبة و عرق جبهتة ينبض بـ شدة من القهر.. نطت جري للغرفة اللي فيها البنات فتحت الباب : بنات تكفون.. اتصلوا على ابوي او بندر تكفووون.. و الله غير يذبحها.. ندى : خليك معاهم احنا بنكلم ابوي الحين.. نهى : خبلة انتِ ابوي مو محرم لـ هنادي.. دقي على عمي بندر.. ندى : لا سمعت صوت ابوي تدخل هو اللي يتولى الموضوع.. عماد يصر على اسنانة بيكسرها من ضغطة عليها على العكس منها هي اللي واقفة و مبتسمة و لا كأنها سوت شيء : يعني انتِ حامل..؟! وعد جلست و لا هامها شيء و لا كأنها لعبت على الكل : على حسب اذا تبي تشوفني حامل فأنا حامل.. و اذا ما تبي كيفك يعني تخبر انا انخطفت و كذا عادي لا تعترف فيني اني حامل.. عماد : انتِ من ويش مخلوقة..؟! عندك عقل براسك مثل باقي المخاليق..؟! هنادي فتحت باب الفيلا و دخلت عند البنات.. ضربت بيدها على خدها : الله يستر الله يستر و الله ان ضربها لا يخليها تسقط صح.. ندى : الله يهديها هاذي حركة تسويها..؟! مجنونة البنت.. أسيل : اوووش خلونا نسمع.. وعد : و الله شوفني مثل ما تبي بعقل بـدون عقل ما يهمني شلون تشوفني.. انت اللي جنيت على نفسك بـ نفسك باليوم اللي رضيت ترتبط فيني.. و ياليتك عاملتني زي العالم و الناس الا بواسعة وجه تقول انك بتوقف مع ابوك و انك ما تبيني يعني انجبرت على الزيجة.. و ياليتك كنت رجال يوم رجعتني عندك احترمتني الا اهنتني و طعنتني بـ شرفي و ابوك و عمك وقفوا معاك.. و حتى بابا يومه جابني هنا يعتبر واقف معك.. و حتى لما كذبت عليك ياليتك تحسفت و اعتذرت.. الا غلطت زيادة و حملتني الخطية.. ما اعترفت و لا مره بإنك اخطيت علي الا تخطي و تحملني إياها.. ثم تسألني ان كان عندي عقل..؟! انت اصلاً ما فكرت تعترف في اللي ببطني الا يوم دريت انه راح.. جاي الحين تحاسبني..؟! ما يعنيك.. ما يعنيك لا انت و لا ابوك و لا عمك و لا حتى بابا.. كلكم ما يعنيكم.. هذا لي انا.. انا و بـــس.. ماهو لكم.. في وسط كلامها دخلوا اول ما ندى كلمت ابوها و قالت ان ما فيه غير ذا الإثنين يتهاوشون بالصالة قاموا كلهم ابراهيم و عامر و غازي و بندر و مشاري و سعود.. عامر : خيـــر ايش فيكم..؟! عماد ما رد على ابوه اللي واقف وراه نظره عليها هي.. ماسك نفسة لا يجيب سلاحة و يفرغة بـ نص راسها.. مو عشانها هي.. عشان الروح اللي يوم قالت له ودعت حزن و تمناها تتم في بطنها تسع شهور و يفرح فيها لا خرجت على الدنيا : انهبـــلتي.. مليون بالمية انهبلتي.. انـــــــــــــــــتِ مجنونة ما براسك مخك اصلاً عشان انشدك.. ويش الشيء اللي سويتية يدل انك صاحية..؟! كل شيء تسوينة يدل انك فقدتي عقلك.. وعد بـ برود هزت اكتافها : طلقني ليش تبلش نفسك بـ وحدة مجنونة..؟!! عماد : عشم إبليس بالجنة يا مجنونة.. عشـــــــــم إبليــــس بالجـــــنة.. و الله يا وعد اقسم بالله ماسك نفسي عنك ماهو عشان ما ابلش نفسي فيك لأن موتك راحة للخليقة من وجهك.. و لا عشان ابوي و لا ابوك.. و لا اخوانك و لا كل عيلتك.. عشان ولــــدي اللي ببـــطنك.. و الله لو ما انتِ حامل لأوكلك التراب و انتِ تضحكين.. وعد : لا تضحك على نفسك.. انت جالس تكفر على اللي سويتة.. مو طيباً منك ساكت الا غصباً عنك تسكت.. يوم طعنتني ما هميتك و لا فكرت حتى تأخذني مره للدكتورة تطمن على البيبي و لا نشدتني عنه و لا عن أي شيء.. و يوم قلت لك طاح ندمت و ياليتك ندمت على خطاك.. الا حملتني اياها انا.. عشان ما تعترف بـ ذنب انت اقترفتة.. قلت ارمي عليها كل شيء و احطه فيها عشان ما الوم نفسي على سواتي.. ما يحق لك اصلاً تكلمني ليش كذبت عليكم.. لأن انت من الأساس ما همك ولدي.. جاي الحين تقولي معلقات بطيب اصلك و ان انا مجنونة و انت ساكت عني عشان ولدك..؟! توك تعترف فيه..؟! توك تعرف انه منك..؟! على اساس هم جايين يفككون بين الإثنين و يهدون الأمور لكن انصدموا بالحكي اللي ينقال قدامهم.. ما احد فيهم تكلم.. اخذوا وضعية المتفرج على الإثنين.. لكن اكيد سكوتهم ما راح يطول.. : يالله صباح خيـــر ويش هالصراخ..؟!! الناس تقوم تذكر الله و انتم تصارخون مين هاللي يصارخ.. مشاري طلع اول ما سمع صوت المرة لكن الباقين هم محارمها سعود و بندر و ابو سعود .. التفت عامر لأمة اللي جاية و تتوكأ على عصاتها.. اتجه لها و باس راسها : بزارينا يمه يتهاوشون.. اثنينهم ما التفتوا لـ عامر لا عماد و لا وعد.. نظراتهم النارية المتبادلة تكفي لأنه كل واحد يرمي الثاني قتيل.. عماد حمقان عليها و هي تشوف ماله حق دامه من الأول تخلى وما وثق فيها ما يحق لـه يجي يحاسبها الحين.. ام عامر : اصبحنا و اصبح الملك لله.. ويش هالسواة الغبرة ويش عندهم عيالكم متهاوشين.. عماد : انقلعي لمي اغراضك.. ما راح اخليك هنا دقيقة وحدة.. وعد ابتسمت فرحانة بـ يطلقها : هذا احسن قرار تتخذة بـ حياتك.. لأن فرقاي عيد مثل ما قلت انت من قبل.. عماد اتجه لها بخطوات حادة و كأنه بيغرس رجلة بالأرض من قهرة مسكها من عضدها : لا يا حياتي.. تحلمين بالفرقا.. و الله لأخذ حقي منك ثالث مثلث.. وعد سحبت يدها من يدة : ماني عايزة لا اوقفك بالمحكمة.. و اقولهم انك طعنت بـ شرفي.. وشاك بـ ولدك اللي ببطني.. و شوف مين اللي بينتصر بالأخير انا و إلا انت.. عماد : اذا لقيتي مين يروح معاك و يشكيني وقتها تكلمي.. ما قلت لك انتِ لسان يلعلع على الفاضي.. قولي لـ عمي ويش سويتي.. و اعرفي ان كان عنده استعداد انه يوقف ضدي بالمحكمة و يطلب طلاقك و إلا لا.. ما التفت لأبوها.. لأنها واثقة انه مو راضي على اللي هي تسوية.. تدري مستحيل يوقف معاها.. لو تنطبق السماء على الأرض ما راح يوقف معاها.. كاذبة على الكل بإنها سقطت ثم تطلب الطلاق بعد ما غلطت و تبيه يوقف معاها..؟!! غازي : اثنينكم مستخفين و لا لقيتوا من يوقف كل واحد فيكم عند حده.. عماد ناظر عمه منقهر يبي يحط حرتة بأي احد : انا مستخف..؟! و الا هي اللي استخفت.. كذبت علينا كلنا وقالت انه سقطت.. و بكت كن ميت لها احد.. و ضحكت علينا كلنا.. و تسوي تصرفات البزارين ما يسوونها.. روح شوف كيف لاعبة بالجناح و غير انها متعبثة بأغراضي و انا محذرها ما تلمسها و فوقها محاولة تفتح خزنتني.. كل شيء احذرها عنه تقرب منه عناد.. غير لسانها اللي يلوط اذانها.. بندر ناظر وعد مستغرب : انتِ مسوية كل ذا..؟! انتِ للحين حامل..؟! طيب ليش كذبتي..؟! وعد حطت يدها على راسها : مزاجي.. مزاجي قالي اكذبي عليهم.. عشان زوجك الشريف اللي شاك فيك يندم على اللي سواه و كل الحكي اللي قالة بحقي.. و عشان بابا اللي على اساس واقف معاي لكن لعب علي و ردني عليه جابني بـ مكانة.. يعني كل هالدنيا ما فيها مكان يصلح نقعد فيه الا مزرعتة اللي حبسني فيها..؟! سعود : الظروف هاذي غير اننا جينا هنا هالفترة ما يعني ان ابوي ردك له.. انتِ بنفسك تفاهمتي معاه و رجعتي له صح و الا لا..؟! وعد : هه.. ضحكتني يا شيخ.. هو قالكم صح..؟! هو قالكم اني رضيت.. (آشرت عليهم) انتم نشدتوني..؟! احد فيكم سألني اذا رجعت له بقناعتي و الا لا..؟! طيب انتم ما تدرون (آشرت على خوالها الإثنين و ابوها) انتم تعرفون ليش طلعت من البيت سألتوني..؟! فكرتوا تنشدوني عن شيء لو من باب المجاملة..؟! بندر : يعني ويش عماد بـ يكذب..؟!! وعد : ما يحتاج يكذب.. لأنه بـ يوصل لمرادة بطرقة الخبيثة مثل وجهة.. عماد مسكها من عضدها يضغط عليها ما يبي يهزها و لا يصفقها مو عشان الكل موجودين.. عشان ضناة و بــس : انقلعي الحين لمي اغراضك بتروحين معاي.. و الله معاك عشر دقايق ان ما نزلتِ لأجيك و اشد من شوشتك.. و بتقعدين عندي زيادة عدد مالك غير اكلك و شربك و مكان نومك.. و ملكتي و يوم دخلتي اخر الإسبوع.. و وريني ويش بتسوين..؟! وعد بعدت عنه : ما يهمني .. ملك على ثلاث دفعة وحدة و جمع الحريم على قلبك ما هميتني.. تحسب انك بتجيب راسي عشانك بتتزوج علي..؟! هذا اللي ناقص.. انا قلت لك مليون مره انت ما تعني لي شيء.. ما تعني لي أي شيء.. و الا ليش تجيب الثلاث دفعة وحدة انتظر لين بنت عمتك تخلص عدتها و تزوجها.. اتجه له خلاص ولـــــع ما بقى فيه شيء صاحي لو ما عمه غازي مسكة عنها كانت هي طايحة بالأرض بهاللحظة : يا مجنووووووووونة انا كم مره اقولك ما تجيبين طاريها.. انـــــــــــــــتِ ما تفهميــــــــــــــــــن.. تبيني اذبـــــحــــك.. و الله بســــويها و اريح الخليقة منــــــــــك انتِ آفة على المجتمع.. كانت تشوفة و عيونة تقدح شرر قدامها غازي يحاول يثبتة و هو يحاول يتفلت منه صراخة تبصم بالعشرة انه صحى كل النايمين بالمزرعة.. و هي واقفــــة ما همها شـــيء.. تستفزة لأبعد مدى.. حتى نبرة صوتة انبحــــت.. عروق وجهة تنبض من القهر و العصبية.. وقف خالها عامر فيه وجهها عن عماد : عمــــــاد.. غازي دف عماد على وراء : ايش بلاك انهبلت..؟! عماد بـــصراخ : ايه انهبـــلت.. انهبـــلت مثلها.. و الله لأربيــــها من جديـــد.. و الله لأدبـــــها.. ام عامر : يا مثبـــت العقل و الديـــن انت ويش بلاك ما براسك عقـــل.. تبي تضرب لي مره..؟! بندر قرب من اخوه اللي ما نطق حرف واحد : خذ بنتك.. راكبها الغلط من ساسها لـ راسها و لا هي معترفة.. خذها لا يطيح اللي ببطنها.. خلنا نرجع لـ بيتنا.. ابعدهم عن بعض جنونهم واصلة المريخ.. مو هامهم الضنا اللي بينهم و الله غير يتحسفون لو صار فيه شيء.. عامر ناظر ابراهيـــم.. و ابراهيــــم ناظرة و كأنه يقول شوف اللي سعيت له.. هذا الصلح اللي تبيه..؟!! هذا هي حياتهم مهدومة من قبل لا تنبني..؟! بغيت تصالحني و راح ضحية الصلح بنتي و ولدك.. و بنتي نالها النصيب الأكبر لأنها بنت بالأخير.. لف ابراهيم على عماد : مالي وجه اطلبك و لا اقولك شيء.. بنتي ما قصرت ما خلت لي لسان يحكي.. لكن شيء واحد.. شيء واحد و ملزوم تسوية و لا تسوية عشانها عشان ولدك و لدها.. خلها عندي لين تولد و بعدين خذها تكون هدت النفوس.. عماد بـ قهر منها : لا .. لا يا عمي مستحيـــل.. غازي : الا .. مو انت بتزوج .. تزوج ما احد رادك.. لكن البنت تقعد عند ابوها.. لين تولد.. بعد ما تولد سو اللي تبيه.. انت الحين معصب و هي معصبة و ما راح تفكرون صح.. اذا تبي تضربها و هي حامل هذا تفكير صح..؟! و الله لو صار لولدكم شيء انتم اللي بتندمون اثنينكم.. عماد صوتة المبحوح حـــاد استنزفت حتى صوتة : ما راح تروح ما راح اسمح لها.. ام عامر : تكفى يا ابوي.. اللي تسوية انت و بنت عمتك جنان.. و الله انكم انهبلتوا.. قومتوا الناس من عز نومتهم على صراخكم.. ما اختشيتوا بغيت تذبحها و احنا كلنا عندك كيف لو استفردت فيها لحالك.. اركد يا وليدي و خل البنية عند ابوها لين تعرفون غلطكم انت و إياها.. سعود مو راضي عن اللي يصير بس سكوت ابوه جابرة انه يسكت.. لأنه ما يدري على سالفة الشرف و الطعن غير من كلام وعد وهي معصبة فضل انه ما يتطرق للموضوع و يسفل بـ عماد قبل لا يفهم لكن اكيد ما راح يسكت عن هالوضع اللي واصلين له : عماد.. الله يرضى عليك عشانك و عشانها.. ما ينفع تحلون مشاكلكم بهالطريقة لأنها ما راح تنحل.. اصبر يومين تكون هديتوا و تعال و تفاهم معاها.. اما كذا ما ينفع اللي تسوونه اثنينكم.. عماد ناظر عمه ابراهيم : لا تقولي طلقها ما راح اطلقها و الله ما تسمعة.. ابو سعود بـ صراحة : اذا حياتكم كذا مالك صالح و لا لها صالح تبقى على ذمتك.. خلها تولد تكون هدت النفوس و فكرتوا اثنينكم باللي تبونه.. ام عامر : لا يا ابو سعود تكفى الا الطلاق.. ابو سعود : ليش يا عمه هاذي تعدينها حياة..؟! و احنا كلنا معهم لا قدرونا و لا احترمونا بينهم.. بنتي غلطانة ايه ما اقول لا و ابريها .. بس اللي يسوية عماد ما يصلح الغلط.. انا بعد غلطان اللي ما تأكدت منها انها تبي ترجع له.. و عامر غلطان اللي قرر يزوجهم هو يدري عن شخصية ولده بس ما يدري عن شخصية بنتي.. النار و البنزين ما ينحطون جنب بعض يا عمة.. و عماد بعد ما قصر فيها و اخطأ عليها.. غازي : ابو سعود الزواج صار و انتهى.. و هذا مو الخطأ.. مو معقول عشان عامر اخطأ بقرارة الاثنين يصغرون عقولهم ولا يعرفون يحلون مشاكلهم.. سواياهم الإثنين ماهيب زينة.. عماد اخطأ و وعد اخطت.. و ما يعني احنا نجي و نخرب الباقي اللي بينهم.. بيصير بينهم طفل.. لو ما اصلحنا حالهم بيضيع بين الإثنين.. سوا مطلقين و الا متزوجين.. عماد بحدة : لا تقول مطلقين .. ماني مطلق.. نجوم السماء اقرب لها.. ام عامر : اخزي ابليس يا ولدي.. قول اعوذ بالله من الشيطان الرجيم.. ويش وصلكم لهالحالة البارح ما كان فيكم شيء.. لا تخلي الشيطان يترس راسك.. عماد جلس : هي اللي حطت الشيطان بيننا.. فوق اني صابر على طوالة لسانها كل مره تسوي لي شيء يستفزني.. و امسك نفسي عنها.. لكن توصل لأنها تكذب علي و تقول ان الجنين طاح و هي تكذب و ياليتها ندمانة على فعلها لا ما همها الى هنا و بس.. ما اقدر امسك نفسي زود عنها.. وعد طفح الكيــل عندها دامها خربت لازم تخربها على شيء يسوى بكلامة يعني هي اللي غلطانة و هو ما غلط قدامهم صارت هي غلطانة عليه : لا تكذب.. رجال طول بـ عرض الشيب براسك تكذب..!! اتسعت عيونة وهو يناظرها بعد ما طلعت من وراء ابوه .. كلهم يناظرونها يبونها تسكت و ينتهي الموضوع لكن هي ناوية تسترجع كل شيء صار و تعلمهم باللي سواه كله.. : اول يوم.. قابلتك فيه.. و علمتني انك تزوجتني.. و وريتني العقد و كان معاك عمك و شفت اصحابك.. ياليتك علمتني بطريقة زي العالم و الناس.. فوق اني كنت طالعة من قسطرة و مخطوفة و مرعوبة طلعت نفسيتك علي و معصب اللي خاطفين المره اللي كتبت كتابك عليها.. و وقتها جاني انهيار عصبي.. وجبتني هنا و حبستني و ياليتك سكت عني.. الا كل مره تهيني.. انت بعظمة لسانك قلت لي ان ماما تخلت عني صغيرة و بابا تخلى عني كبيرة و انت بس تنتهي القضية بترميني عند اقرب محطة.. ظليت تعيد علي الكلام و تزيد لين جاني انهيار مره ثانية قدام موظفاتك اللي جايبهم يحرسوني.. و فضلت اني انام على اني اعيش الواقع معاك انت.. و ياليت يوم ندمت قلت كلمة زينة.. اعتذرت لي اعتذار يحسسني انك ندمان على ما سويت..لا.. جيت تحكيني عن سوالف ماضيك اللي انت عارفها.. و حتى لما رجعت بعدها من بيت عمي مشاري رغم ان انت اللي طلبتني ارجع و ما رضيت الا عشاني كنت شاكة اني حامل.. عشان ما ابي اتطلق و انا ما عشت معاك عشان ما يلومني ولدي بعدين و اقوله اني ما حاولت عشانه.. و يوم جيتك شكيت بـ شرفي طعنتني رغم اني حزتها ما طلبتك غير احترام.. بس احترام عشان تمشي حياتنا قلت انك تبي تكسب فيني اجر انا و اللي ببطني و تستر علي.. و لما رحت لـ بيت عمك كنت ابيك تجي تعتذر لي.. ما لجأت لبابا عشان ما اكبر الموضوع.. و عمك ما كان ازين منك.. و فوقها يجي ابوك ساحبك وراه غاصبك تجي تراضيني يعني مو من طيب خاطر جاي تستسمح مني.. غازي : لا تظلمين بختك يا وعد.. و كأني انا ظلمتك و طعنت فيك..؟! وعد : ما قلت بـ صريح العبارة و لا ضربت فيك الحمية عشاني و هاوشت ولد اخوك.. انا اصلاً غبية اللي ارخصت نفسي بجيتي عندك.. سعود اللي كان يناظر وعد و عماد مصدوم اتجه لأختة و لفها عليه : متى صار هالحكي..؟! ليش ما تكلمتي..؟! ليـــش ما علمتينا..؟!! وعد آشرت على ابوها : اسأل بابا.. اسأله تكلمت و الا سكت.. كلهم وقفوا معاه.. ابوه و عمه.. حتى بابا يوم جابني هنا يعني وقف معاه.. سعود صرخ على وعد : روحي جيبي عبايتك.. رووووحي.. ما راح تقعدين هنا دقيقة وحدة.. غازي يناظر سعود : سعـــــود.. وعد راحت و سعود لف على غازي : وشو..؟! لو اني قايل هالحكي لـ شوق بترضاها.. غازي ناظر سعود بـ حدة : يعني تتوقع اني بعامل وعد غير عن بناتي..؟! اختك اخطت يا سعود اللي قعدت شهر عند ناس ما تعرفهم.. و لا ابري عماد من خطاة.. لا تحامي لأختك و تضيع كل شيء.. كل واحد مخطي بحق الثاني.. سعود : ما يكلمها بـ شرفها و هو يدري ان وعد شريفة.. يشكك بولدة اللي في بطنها..؟! يعني عشانها انخطفت عادي يسفل فيها..؟! لا ما راح اسمح له لا هو و لا غيره.. و الله اللي يجيب طاري وعد بالشينة لأنهيه من على الدنيا.. عماد : انت تدري ان اختك انخطفت مرتين و الثانية لحقتها بـ شهر و زود ببيت ناس ما تعرفهم.. سعود : المره الأولى يوم انخطفت بعدها انت اخذتها و دخلت عليها و لو شايف عليها شيء ما خليتها على ذمتك دقيقة وحدة.. و المره الثانية احنا كنا مراقبين المكان يوم انت رحت لهم و سمعت كلمة سطام بنفسك يوم قال انه بيعتدي عليها لو انهم سوو لهم شيء ما كان بـ يعتدي عليها و احنا داهمنا المكان و هي راحت بيت عماني.. ما يحق لك تشكك فيها.. حكيك ما طعن بـ وعد بس لحق حتى عمي مشاري و عمي راكان.. وكل الناس اللي هناك شهدوا لهم بالزينة و بأخلاقهم.. تتوقع انهم بيعتدون عليها وهي داخلة عليهم حتى لو ما يعرفونها..؟! عماد : اللي قلتة صح اني اخطيت اني حكيتة بوجهها.. لكن ما احد فيكم يقدر يلومني.. و لا يفتح فمة بكلمة.. انت نفسك ما تقدر تكلم لأنك ما عشت اللي عشتة.. اذا هي اختك تراها زوجتي.. (آشر على سعود) انت بنفسك سمعت شلون صلاح خطفها من المستشفى و اختك ما حركت ساكن.. (رفع يدينه الثنتين) تبيني اصدق انها تدافع عن نفسها قدام مين ما كان..؟! اذا قدام الله وخلقة ما استنجدت بأي احد وهي بمستشفى مليان.. تبيني اصدق انها بتدافع عن نفسها في أي مكان ثاني سوا قدام سطام و الا غيره.. ام عامر : اخزوا ابليس كلكم.. هاذي اخرتها.. بدال ما تعقلون و تركدون تهاوشون الإثنين.. بدال ما تصلحون اللي خرب تخربونة زيادة.. وانتم (آشرت على ولدها عامر و ابراهيم) عيالكم يتناطحون قدامكم و لا واحد فيكم سكتهم.. عاجبتكم سواتهم..؟! ليش ناسين ان حنا اهل وعد و عماد ما هم اول متزوجين يتهاوشون.. بتخربون كل شيء ليش هم الإثنين اللي بيننا بس.. ما هو انت (تأشر على سعود) معاك بنية غازي و عمك معاه بنية عامر.. و حتى غازي مأخذ اختك الكبيرة..؟! سعود : انا وشوق و عمي و زوجتة و حتى اختي ندى و ابو شوق كلنا حياتنا مالها دخل بمشكلة وعد و عماد.. يعني ترضينها يمه عماد يسب اختي بـ شرفها و ما كن وراها احد يأخذ حقها..؟! انا اعرف اختي زين و ادري انه مدلعة و عليها حركات تنرفز و تعصب و اعرف انها غلطت يوم كذبت عليه بانها سقطت.. بس ما يحق له يوم يسب شرفها هو سب شرفنا كلنا يمه كلنــــا.. انا لو اشوف وعد بـ عيوني تخطي ما اصدق اذا بس قالت ما سويت شيء..لأني ادري بأختي واثق فيها.. ام عامر : وهو قالك انه اخطى.. وهو الحين يبوس راس ابيك.. و الخطأ بخطأ يا وليدي.. عماد اخطأ و وعد اخطت.. هي تدمح له وهو يدمح لها.. و يا دار ما دخلك شر.. خلهم فترة لين تصافى نفوسهم يا وليدي لا تركب راسك و تهدم حياة اخيتك وهي ببطنها ضنى.. نزلت وعد لابسة عبايتها و طرحتها على كتفها و نقابها بيدها وما معاها غير شنطة يدها.. غازي ناظرها و ناظر سعود : وين بتأخذها..؟! سعود : كلنا بنرجع بيت جدي.. وعد بتبقى لين تولد و بعدها يحلها الحلال.. في المستشفى امام غرفة تركي او راشد.. ما تفرق دام الشخص هو نفسة.. لكنه فترة الضياع اللي ما يعرف هو أي واحد فيهم و لا رسى عليهم تقلق الجميع اهله على تركي.. و جماعة غازي و رجالة على راشد اللي عرفوة.. عساف : يعني كيف ما تذكر للحين..؟! ابو عصام : و الله يا وليدي مرات كأنه بيتذكر و يقول شيء بعدها يقول ما ادري ما ادري... عساف : خذوه للبيت طيب مشوه بالأماكن اللي كان يروح لها قبل.. خله يشوف اخوياه.. يحكونة سوالف صارت له من قبل لازم تساعدونة يستعيد ذاكرتة.. عزام : ايه يا عم لازم تطلعونة بس تنتبهون له.. يعني لا يطلع لحاله ابد عشان حياتة انت تعرف قصة ولدك.. و احنا خايفين عليه لا يرجعون عليه من جديد ينتقمون منه و الا يسوون له شيء.. عساف : و الدكتور بيتابع معاكم الحالة و بيزوركم بالبيت كل يوم و اذا استدعى المستشفى بجيبة و انتم بتكونون معاه.. عصام : قالنا الدكتور انكم موصين عليه.. ما قصرتوا و الله ما تخيلون فرحتنا بـ شوفتة حتى لو هو ما يذكرنا يكفينا ان له نفس بالدنيا.. عزام : واجبنا يا ابو سيف.. ما يشوف شر ان شاء الله.. و ياليت اذا صار أي شيء تبلغونا فيه.. احنا اعطيناكم ارقامنا جميعاً للإحتياط.. عساف : و اكيد احنا ما راح نتركة بنزورة كل فترة.. و تأكدوا ان سيادة الفريق اول غازي بن حمدان شخصياً مهتم بأمره.. ابو عصام : ما يقصر. والله كلكم ما تقصرون.. و الله يشفية يارب و يرد له عقلة.. .. في مكتب غازي.. حمد : و الله ما قال من طرف مين بس قال يبي يقابلك ضروري.. غازي : خله يدخل نشوف ويش عنده.. حمد : حاضر طال عمرك.. طلع حمد حتى يرجع غازي على الأوراق اللي بين يديه.. لحظات و يدخل عليه شخص : السلام عليكم و رحمة الله و بركاتة.. وقف غازي : وعليكم السلام ورحمة الله و بركاتة.. حياك الله.. : الله يبارك فيك.. غازي آشر له على الكرسي قدام مكتبة : تفضل استريح.. جلس الرجال.. غازي : ايش تشرب..؟! : ما جيت عشان اشرب.. انا مستعجل بغيت اكلمك بموضوع و اخذ رايك و توقيعك و امشي.. غازي استغرب.. رأيه و توقيعة.. ما فيه يفكر مخة متزاحمة فيه الأفكار.. بناتة اللي ما فارقوا مخة ابداً.. وهو يفكر كيف يرجع لينا.. و المشكلة اللي من ثلاث ايام بين وعد وعماد.. و وليد وقلقة الدائم عليه اعطى نفسة راحة من تخمين الموضوع و فضل يعرف الجواب من الرجال اللي قدامة : رأيي و توقيعي في ايش..؟! الرجال : انا جيت لك من طرف الرجال اللي بيتزوج بنتك لينا.. صـــــدمــــــــة..!!! خلته عاجز يســــألة عن شيء.. أي شي..!! الرجال اللي بيتزوج لينا..؟! فيها البركة ما راحت للحرام و ارسلت الشيخ لأبوها..!! كثر خيرها ما قصرت لا هي و لا هو.. يعرفون الحلال من الحرام.. الرجال لما شاف غازي ما رد كمل : جيت اخذ توقيعك على العقد.. غازي بهدوء عكس البراكين المثارة بـ داخلة : مين هو..؟! ايش اسم الشخص اللي راسلك..؟! الرجال استغرب صح انه محذرة اللي راسلة بإن غازي ممكن يعصب بس ما توقع ملامح الشخص اللي قدامة بـ تتبدل لهالشكل الجامد : ما اعرفة.. غازي ضرب بيدة على المكتب بـ قوة : ماني جالس العب معاك انا .. اقسم بالله العظيم.. لو ما قلت لي اسمه لأنسفك انت و إياه.. الرجال بهدوء : تعوذ من إبليس يا ابني.. انا إمام مسجد جاني رجال و قالي اجيك و اقولك انه بيتزوج بنتك و توقع على العقد.. انا و الله بالبداية ما رضيت قلت له انت و ابو البنت و شهودكم تكونون مع بعض في مجلس واحد و اكتب لكم العقد و نتمم الملكة.. لكنه قالي ظروفة و اشياء كثير.. لو انها بنتي و الله ما رضيت عليها.. و جيتك ابلغك باللي قاله لي.. دخل سعود بعد ما طق الباب و لا انتظر انه يسمع غازي يسمح له : سيدي.. مشى بخطوات سريعة و مد له الورقة اللي حطها فوق الظرف بعد ما قراها.. اخذها غازي و فتحها اللي توقعة بلاغ..!! امر.. لكن كلام ينهية وليد بتوقيعة.. سعود بلغ ابو شوق اذا جاه رجال يطلبة يزوج بنتة يوافق بس مو على طول خله ينشدة عن الرجال اللي بيتزوج بنتة عشان ما يشكون بـ شيء.. بنتة خاطفينها.. ولو ما زوجها لـ الرجال اللي جايه ممكن يغصبونها على شيء ثاني و فهمك كفاية.. وليد.. ضغط على الورقة بيدة ماهو مصدق..!! خاطفينها..؟!!!! عشان كذا جوالها مقفل.. عشان كذا.. اقتحموا المزرعة و خطفوها..!! شلون..؟! شلون وصلوا للفيلا..؟! وين عيونهم هم..؟! معقولة احد من الحرس متعاون معاهم..؟! ان كان نوع من الراحة تسلسل لقلبة اللي بنتة ما خانت ثقتة فأضعافها ملايين مضاعفة من القلق اخترق قلبه عليها.. مع العصابة مخطوفة..؟!!! معاهم..؟! صار لها اسبوع و شوي معاهم..!! ما سعى لأنه ينقذها.. بالعكس.. اعطى الرقم لرجالة عشان يعرف مكانها و يجيبها طلبهم يراقبونة بس تفتح الجوال اكيد بتنبث اشارة بإحداثيات المكان عندهم و بيجيبها.. بيجيبها عشان يذبحها...!!! عشان يعرف مين هذا اللي فضلتة عليه هو..؟! مين فضلت على ابوها..؟! ويش اللي اغراها فيه.. ويش اللي وعدها يسوية لها..؟!! رفع عيونة للرجال ما فيه الا هو يقدر من خلالة يوصل لهم.. راح يراقبة.. يراقبة عشان يوصل للمكان اللي فيه بنتة : سعـــود.. جيب لي رسام.. ابيه يرسم لي الشخص اللي راسلة لـ عندي.. سعود اللي مصدوم من الموقف.. بنت غازي مخطوفة..؟!!! قبل امس شاف شوق.. و شوق متزوجها هو شلون وليد يقولة زوجة..؟! : حاضر طال عمرك.. طلع سعود.. غازي : ما قالك اسمه..؟! الرجال : لا.. بس قالي اذا رفضت اجي لك بالقوة.. و اقولك اذا ما وقعت قول على بنتك السلام.. انا و الله ما كنت بجي و لا برضى.. بس يوم قالي الحكي.. اللي بيسويه فيها قلت اجي اكلمك بالحلال و اساعدة بإنه يعصم نفسة و لا ... ولا .. غازي قاطعة بـ قهر يغلي في صدرة : خلاااص فهمــــت.. يبون يلون ذراعة فيها.. يبون يحدونة على شيء ما يبيه.. ليش خلوها تكلمة و تكذب عليه..؟! ويش مصلحتهم..؟! غازي : الحين بـ يجي الرسام ابيك توصف لي الشخص اللي جاك و طلبك تجيني هنا بـ دقة.. دخل سعود و معاه الرسام.. ادى التحية العسكرية.. غازي : شوف شغلك.. ابيك تركز مع الوصف.. الرسام : ان شاء الله طال عمركـ.. الرجال ناظر بـ سعود بـ دقة و وقف آشر على عليه : يشبة هذا..!! الإثنين ناظروا بـعض غازي و سعود..!!! و نفس الفكرة تردد صداها بأذهانهم وليــد!!! الرجال ما زال يأشر على سعود : الا و الله يشبه هذا عليه دمة.. و مسوي نفس هالتحديد بس انه انحف و اطول شوي.. غازي يحاول يربط الموضوع طلب وليد منه و مجازفتة بأنه يرسل له رسالة ورقية تطلبة يوافق و بين كلام الرجال.. لازم يظلل الرجال عشان ما يشك بـ وليد لأنه لو وافق على طول بيشكون بيحط وليد بمحل شك : متأكد يشبة له..؟! طيب أي شيء يميزة..؟! أي شيء..؟! الرجال : و الله ما ادري بس انه يشبه لـ هذا.. .. جود رمت نفسها على الكنبة : مو صدق صار لنا اسبوع و للحين اضيع بالبيت..!! نهى : ما انتِ صاحية .. بس احفظي المكان من هالصالة لين غرفتك و خلاص الباقي يبي لنا فيه خريطة.. ميار : جي ابي اس و انتِ الصادقة ماشاء الله مره كبيــر البيت.. ويش ذا..!؟!! ابي افهم اللي بانية جايه خاطر ان احنا بنسكن فيه..؟! ندى : و ليش ما يكون مثلنا..؟! يعني رجال متزوج اربع حريم و عنده عيال و بنات.. او رجال كبير مزوج عيالة و مسكنهم عنده..؟! ما يندرى..!! دانه : صح كلام ندوش.. يعني احنا الوحيدين بالدنيا اللي بابا متزوج اربعة..؟! مو معقول..!!! نهى : وعد يقولون البنات ان عمتي مسفلة فيك امس..؟! وعد عقدت حواجبها : خير ان شاء الله ليـــش..؟!! نهى ابتسمت : تقول انتِ اللي مزوجة بندر لـ هنادي و زعلانة منه اللي سمع كلامك و خطب اخت زوجك و هي اللي من زمان تحايل عليه ما قدّرها.. جود ابتسمت : من جد ليش ما قريتي القروب بنات عمي و اسيل شوي ويسجلون صوتها و هي تكلم عماني.. وعد : لا ما قريت ماني فايقة اقرأ اكثر من 800 رسالة خير ان شاء الله كن لكن سنين ما شفتن بعضكن.. وما صدقتن تشوفن الواتس..؟! سها : الحين انتِ تركتي لب الموضوع و جلستي تكلمين على عدد الرسايل..؟! وعد : اما تبيني اهتم لـ لطوف ويش تقول عني.. هي كل ما شافت بابا قالت له بناتك و بناتك.. تخترع سالفة من راسها عشان تسفل فينا ما ادري ويش احنا مسوين لها..؟!!! خليها تكلم من اليوم لين سنة قدام ما همتني و لا حركت في ساكن.. ندى : الله يهديها عمتي عليها افكار.. حتى لو فعلاً وعد هي اللي قايلة لـ عمي بندر عن هنادي ويش فيها..؟! مو هي تبيه يتزوج المفروض تفرح له..؟! سها : كنك اول مره تعاشرين عمتي.. ما علينا يكفي اخذوا حسناتنا بالواتس آب.. غيروا الموضوع سولفوا عن أي شيء..!! ميار : ما تحسون صرنا نجلس بهالدور ما ننزل تحت عند ابوي و اخواني..؟! جود : من جد حتى انا حسيت .. بس صراحة انا مضيعة بالبيت اخاف ابي انزل وما ادري وين القى نفسي..!! لا اخاف على نفسي اضيع.. : السلام عليكم.. التفت كلهن لها : و عليكم السلام.. منيره جلست حطت رجل على رجل : ويش بلاكم قاعدين هنا ابوكم و اخوانكم تحت..؟!! سها : ارتحنا بهالصالة اكثر شيء يمكن عشانها بين غرفنا.. منيره : شكل البيت الكبير بيخلي كل ناس تجلس لحالها.. احس بيتنا اللي قبل ازين.. رغم ان هذا اكبر و اشرح.. ندى : ايه ماشاء الله مره كبيـــر.. سها : احس بابا ما راح يسكت ان كل ناس تجلس لحالها كذا.. (ابتسمت) تخيلوا بابا ما يرجع القوانين و نعيش ببيت ديمقراطي كلن يدج على راسة..(رفعت يدينها بحمـــاس) ونـــاسة.. منيره ابتسمت : ابوكم قالي اناديكم كلكم بـ يسوي اجتماع تحت.. اختفت ابتسامة سها اللي ما عاش حلمها ثانيتين على بعض : نعـــم...!! منيره : و الله انا كنت طالعة وقالي اناديكم معاي.. بيسوي اجتماع.. جود غطت وجهها بيدينها : ياااربي.. رجعت حليمة لـ عادتها القديمة.. يا سعدك يا جويدة.. ندى : اقول فزي انتِ و إياها بس.. معروف ان ابوي مسير البيت على نظام واحد كل هالعمر بيرضى بالسيبة و كل واحد يدج لحاله..؟! جود : ويش فيها..؟! كل واحد على هواة.. تخيلوا يرجع النظام اللي الكل يجلس على الوجبة!! ممكن يصير فيني شيء احس تعودت على البلادة.. نهى وقفت : انا اتمنى ان هذا اللي يصير ما يكون فيه شيء زيادة.. ياليتها تجي على كذا.. سها : مين يتكلم الثنتين اللي كم شهر وما نشوف رقعة و جيهن وحده عند فيصل و وحده عند غازي.. في صالة واسعة جمعت العيال و ابو سعود و حريمة عدا منيره اللي مع البنات فوق.. ابو سعود : بكره بـ يجي ابو ثامر و يخطب رسمي ابيكم كلكم مرتزين بالمجلس.. سعود : تأمر يبه.. ان شاء الله بنكون كلنا فيه.. احمد : يمه ويش بلاك كنك تعبانة.. سكرك مرتفع..؟! ام احمد : ما فيني شيء.. مير اشتغلت شوي و تعبت.. ياسر : وليش تشتغلين انتِ..؟! الخدم مالين البيت و خواتي عندك ليش تتعبين عمرك..؟! : السلام عليكم.. : وعليكم السلام.. قبلوا رأس ابوهم وراء بعض و خالاتهم.. و جلسن جنب بعض بأدب.. يمكن لأنهم لهم فترة ما جلسوا هالجلسة العائلية استحن شوي.. يبي لهن من يفسح لهن المجال عشان ترجع جلستهن مثل قبل.. ياسر يناظر خواتة معصب : انتن من كل عقلكن تخلن امي تشتغل و حضراتكن قاعدات لا فايدة و لا عايدة..؟! دانه بلعت ريقها.. خايفة : أي شغل..؟!! و الله ما دريت.. خالد : اذا بتجلسن في الصالة اللي في الدور الثالث اكيد ما تدرين انتِ و إياها و امي و خالاتي هن اللي بيشتغلن عنكن.. ام احمد تناظر عيالها الإثنين : ويش بلاكم كشتوا فيهم.. مالهم دخل هن.. انا اتعبت نفسي.. ابو سعود : ليش ما تعلمينهم اللي مضايقك.. خلينا نسمع رايهم بالموضوع.. ام احمد اخذت نفس و سكتت.. احمد ناظر امه و لف على ابوه : خير يبه.. ويش القصة..؟! ابو سعود : خالكم زعلان علينا اللي عطينا دانه لـ ثامر.. حمر وجهها رجع على وراء و تخبت وراء ندى ما تبي ابوها و اخوانها يشوفون وجهها.. مشعل رفع حواجبة : وهو ويش عليه..؟! نهى سحبت صينية القهوة و الفناجيل و تصب لها و خواتها اللي جنبها همست بإذن جود : شكل السالفة حامية..؟! جود ابتسمت : شكلها كذا.. (اخذت الفنجال من يد نهى) من زمان ما عشنا اكشن عائلي اسمعي بس لا يطوفنا شيء.. ام احمد : هو من زمان كلمني و قال يبي دانه لـ ولده مهاب.. و زعلان الحين اللي تخطيناه و عطيناها لـ ولد عمتكم.. خالد : انا ما اخبر ان خالي خطب من عندنا...!؟ سعود : انتِ ويش قلتي له يا خاله منيتية بـ شيء..؟! ام احمد : لا و الله ما منيتة قلت له البنية شورها عند ابوها و اخوانها.. انا ما بيدي شيء.. ياسر ناظر ابوه : قد لمح لك يبه..؟! ابو سعود : ابداً.. و لا قد جاب طاري.. لما هو يبيها لـ ولده يجي و يخطب زي العالم و الناس.. مو يتشره علينا يوم عطيناها.. حاتم : طيب يمكن هو متوقع ان خالتي تشورك و ترد لك الرأي و تبلغة بالموافقة من عدمها.. غريبة كذا يسكت ثم يزعل.. يعني احس ماله حق.. ام احمد : لو اني ممنيتة بـ شيء و الا قايلة له اني بـشور ابو سعود كان رديت له الرأي.. بس انا من يوم حاكاني قلت له يكلم ابوها.. مشعل منقهـــر : خالي هذا عليه حركات ما ادري ويش تبي.. سعود : طيب اذا هو يبي القرب منا و يبي من بناتك يا خالة فيه جود.. شرقت بـ قهوتها من الصدمة : كـــح كـــح.. (عيونها دمعت و هي تناظر سعود) نــــعم.!!!! سعود بـ بساطة : و انا صادق.. الرجال يبي يناسب ابوي و اختة و دام دانه انخطبت بقي انتِ.. جود بـ حدة : لا يــــا شيخ.. تفك و تربط من عندك.. لا يا حبيبي ماهو بكيفك ما عاد الا هي انا اخذه وهو اللي يبي اختي.. ياسر : بلا غبـــاء انتِ .. هو يبي يناسبنا.. خلاص دانه و انعطت.. ليش ما تزوجين حضرتك ماهو من صغرك.. جود عقدت حواجبها وهي تناظرة مقهورة منه : يعني الحين يوم انت تزوجت ما انت مطوف سن الزيجة من زمان..؟! و الا حلال عليكم حرام علينا..؟! مو بكيفكم تحلون و تربطون بـ حياتي.. ما بقي غير تعرضوني عليهم.. خالد : جود لا تفهمين الموضوع غلط.. سعود بس قال رأي.. يعني مو معقول امي بتقول لـ خالي تعال اخطب جود.. ليش لاقينك بالشارع يوم نعرضك على الخليقة..؟! لا تفهمين الموضوع من راسك.. جود ضربت كفوفها ببعض : يــــا ســـــــــلام لا افهم الموضوع من راسي.. يقولها دام انعطت دانه فيه جود.. يعني عادي يأخذها..؟! لا يا حبيبي مـــا راح ارضى فيه لو تنطبق السماء على الأرض ما اخذتة حتى لو جاء هو و كل خوالي.. ابو سعود بـــحزم : هــــــــــــدوء.. (لف على جود) ما صار شيء عشان تعصبين و تولعين علينا.. اللي يسمعك يقول إنّـــا قلنا لخالك جيب ولدك و خله ياخذها بخلاقينها..!! جود آشرت على اخوانها و هي تناظر ابوها مستغربة : يعني يرضيك هالحكي..؟! ابو سعود : ما صار شيء.. ويش قالوا..؟!! هاه..؟! خالك لو فعلاً يبي نسبنا بيجي يخطبك لـ ولدة و حزتها لكل حادث حديث.. سندت ظهرها بقوة على الكنب وراها مقهورة من اخوانها.. حلوه يجي يأخذني وهو اللي كان يبي دانه.. يبوني اكرر اللي صار لـ ندى.. يحلمون و الله ما أخذتة.. على كيفهم انا اتزوجة ما عاد الا مهاب التبن.. ابو سعود : دام خالكم ما جاء و خطب رسمي و لا قد كلمني بالموضوع ما يحق له يزعل علينا.. و انا قلت هالحكي لأمكم.. لو انّـــا معطينة حقة و حق ولده علينا.. لكن هو ما جاء و لا تكلم يعني ماله شيء عندنا.. احمد : يمكن هو اعتبر كلام امي يعني بداية موافقة.. ياسر : كلام امي واضح ما يحتمل وجهين.. قايلة له البنت شورها عند ابوها و اخوانها انا مالي رأي عقب رأيهم.. ما ينفهم منه الا شيء واحد.. المفروض يكلم ابوي مو يزعل على امي وهي قايلة له الحكي..!! احمد : حتى لو.. مهما كان ذا خالي و المفروض نرضية بكلمتين مو كذا كأن زعلة ما يهمنا.. من باب التقدير فقط لا غير.. حاتم : انا اقول المفروض ما يتكبر الموضوع.. اوكِ زعلان خالتي تكلمة و تفهمة مو شيء زود اخو و اختة.. اما اذا بنتدخل فيها احنا بيكبر الموضوع.. وهو ما صار شيء زود عن حكي بـــس.. خالد : انا مع حاتم.. ليش نسوي من الحبة قبة..؟!! .. قطع كلامة بـ صوت صياح بنتة اللي جاية تجري له.. فتح يدينة يستقبلها بأحضانة : خيـــر ايش فيك..؟! رند تمسكت فيه و صياحها يزيد : ابراهيم تدلب رند.. خالد : ويش سويتي..؟! رند : رند ... ما تسوي.. سي.. خالد : رنــــد.. ابراهيم ما راح يضربك من الباب لـ الدريشة علميني ويش مسوية لا تكذبين على بابا.. رند تفرك عيونها الدامعة بقفا يدها : ما تسوي رند تدول تطلع بلا بس ابراهيم يصالخ لا لا لا.. خالد : تطلعين برا وين..؟! رند : تلوحي لـ همس.. خالد يـتأفف : اففف بنت غازي اللي ما عيّنا من وراها خير.. سعود مبتسم : لا تسب اخت زوجتي.. خالد يشد بنتة و يجلسها على رجلة : لو تفكنا من شرها بس.. رند تعلقت بـ رقبة ابوها : تلوحي همس.. خالد : ما يصير يا بابا بكره مدرسة و همس بنت شاطرة تنام بدري عشان تصحى بدري.. ما يصير نروح لهم الحين.. ميار : ههههههههه ما تدري تسب و الا تمدح البنت.. خالد ماسك بنتة المتعلقة فيه و تمثل الصياح عند اذنة : ويش نسوي نساحل بـ بعض الناس.. سها : لو ندوش متزوجة غازي الحين كنت وديتها و ريحت راسك منها.. اصلاً احسن تبرأ منها بعدين اعطها ندى خلاص اضمن انها تبي تجلس عندهم على حساب همس.. خالد يسحب بنتة يبيها تجلس بدل ماهي ناشبة له و متعلقة فيه : خلاااص يا بابا اجلسي.. رند جلست : رند تلوحي مدلسة مع همس.. خالد اخذ نفس و عفس وجهة يناظرها.. ماهو رايق يدلع فيها.. نهى : سجلها بـ روضة و ريح راسك.. ميار : لا وين يسجلها توها صغيرة.. ندى : من جد تبين البنت تتعقد من بدري..؟! نهى : و ليش تتعقد بالعكس الروضة كلها لعب و منها تتعلم شوي شوي.. خالد : ان شاء الله بسجلها و اريح راسي.. (مسك خدود بنتة يقرصها) بسجلك بعد العيد.. باقي العيد بعد يومين بعدين دوام و اسجلك بالروضة.. رند عقدت حواجبها : لوضة مع همس..؟!!! خالد : لا.. همس بالمدرسة و انتِ بالروضة.. حتى همس لما كانت قدك دخلوها الروضة.. رند : تيب انا مع همس انا تبيرة و ساطرة.. جود وقفت : عن اذنكم.. وعد وقفت معاها : خذيني معك.. ابو سعود : اجلسن ثنتينكم ما بديت كلامي للحين.. اعتقد اني طالبكم و ما حكيت شيء.. جلسن الثنتين.. جود تهمس بإذن وعد : متنرفزة ودي اصفق نفسي.. وعد : و ليش تصفقين نفسك.؟! ما عليك دام خالك ما جاء و خطب و الموضوع ما صار فيه شيء كلام اخواني دخليه مع إذن و طلعية مع الثاني.. جود : و أنتِ ويش عندك هاجدة..؟! وعد ابتسمت : ويش تبيني اقول..؟!! جود : من يوم جلسنا ما حكيتي شيء.. ابو سعود يناظر بـ عيالة كلهم : صار لنا اسبوع بهالبيت.. و كل واحد فيكم صار على كيفة ينام و يصحى متى ما بغى لا ام نشوف طلباتها و لا ابو نجلس معاه..!! طبعاً هالحكي مو موجة للكل.. كل واحد يعرف نفسة.. ما يحتاج اعدد فلان و علان.. يعني عشان اللي صار و اللي عشناة و غيرنا البيت كل واحد بيهيت على كيفة..؟!! سعود رغم انه ماله دخل بس لازم يشارك : لا يبه ما وصل الموضوع للهياتة كل السالفة اللي عنده شغل و اللي صايبة ارق ما ينام زين تعرف المكان جديد علينا.. ابو سعود : اللي عنده شغل اعذرة بـ وقت شغلة.. اما اللي صايبة ارق ليش مجلسكم بخيمة وسط البر عشان يجيكم ارق..؟! ندى : حقك علينا يبه.. انت تأمر و احنا ننفذ.. ابو سعود ابتسم : المشكلة يتكلمون الناس اللي ما نسوا الكلام.. و اللي هايت على كيفة ما حكى شيء.. هاه سيد مشعل..؟!! مشعل ابتسم يرقع : سم يبه.. ابو سعود : يا طايح لي بيت ابوي مع اخواني.. يا نايم.. مشعل : ويش اسوي يبه و الله طفشت بالبيت.. يكفي الحبسة اللي انحبسناها بالمزرعة.. و بعدين ما ابعدت و لا رحت مع ناس غرب مع عماني و وسط البيت لا دشرنا و لا شيء.. ابو سعود اتسعت عيونة وهو يناظر فيه : لا يا شيخ..؟!! يعني تقولي احمد ربك اللي هاذي سواتي..؟! وقف مشعل وباس راس ابوه و جلس جنبة : ما قلت هالحكي يبه الله يطول لي بعمرك.. و الله بس اني طفشان و فاقد لي خل غالي.. و اقزر وقتي مع عماني.. ابو سعود يدري انه يقصد وليد.. مشعل الى الآن ما تعود على بُعد وليد.. ما جات الفترة اللي تخلي مشعل يتعود على انه ما يشوفة و يجلس معاه.. هم اللي كانوا جالسين مع بعض و رووسهم برووس بعض 24 ساعة.. و احيان يطلعون مع بعض : حتى لو.. اليوم ما تعودت بكرة تعود.. بتجلس كل عمرك على ذا الحالة..؟! اجلس مع اخواني ما اقولك لك.. بس خلني اشوف رقعة وجهك.. لو طايح بـ مصيبة ما دريت عنك.. مشعل : لو اني طايح بـ شيء كنت جيت و قلت لك ما نسوى شيء من غيرك.. انت الخير و البركة.. ابو سعود اخذ نفس.. جاء دور الهوانم : جينا لكن انتن, طبعاً ندى خارج الموضوع و دانه انا عارف ليش ما تجلس معاي.. باقي الخمسة.. ليش ما تشرفني بشوفة وجهيكن كل ما أصبحت و امسيت..؟! الخمسة نهى وعد ميار سها جود.. و لا وحدة ردت عليه.. و لا حتى ناظرتة لأن ما وحدة فيهن تجرأت للحين ترد عليه.. ابو سعود : هاه اطربني بسماع اصواتكن..؟!! ميار : هي جات كذا بابا يعني مع البيت الجديد و اجازة و فالينها بس.. ابو سعود : و البيت الجديد و الإجازة!! يخلونك ما تجلسين مع ابوك و لا حتى عشر دقايق..؟!! ميار : لا و الله مو كذا.. بس تجي الدوامات و يترتب الوقت بيكون كل شيء تمام بتمل من شوفة وجيهنا.. ابو سعود : ما عندي هالحكي يا ميار.. الوقت ماله دخل يوم تعذرين فيه.. انا ما حددت لك موعد تعالي لي بالوقت الفلاني و الا لا اشوف رقعة وجهك.. اجلسي على الأقل بـ وجبة!! خليني اشوفك مو انسى ان عندي بنت.. ام سعود : الله يهديك يا ابو سعود ميار مو قصدها.. ابو سعود : حنان الله يرضى لي عليك.. خلي عنك دلعها.. ترى ادري انك تطلعين لها الأكل.. و تغصبينها عليه.. ماهو خافي علي شيء.. عايزة لا تنزل تجلس معنا على طاولة وحدة و تأكل معنا.. و لا كننا عيلة.. يعني ابي اعرف اذا كل واحد دج على راسة اذا انا كنت متضايق مين فيكم بـ يدري عني..؟! اذا مشعل عنده مصيبة مين فيكم بـ يدري..؟! مين فيكم بـ يحس بالثاني..؟! سها تهمس لـ خواتها : بابا يا حبه لتفخيم المواضيع.. نهى : انكتمي لا نأكل طن تبن الحين.. ابو سعود ما طافة مساسرة بناتة لكنه يحاول يغض الطرف عنهن : هاه حجية نهى.. ويش عندك ما تجلسين معاي..؟! نهى : ما عندي شيء.. ليش اكذب.. بس اني عجزانة لا انزل من الدور الثالث.. سعود : فيه شيء اسمه مصعد.. ابو سعود : فيصل حدد موعد جديد للعرس.. شلون تبيني اعلمك..!؟ برسالة جوال..؟!!! نهى كتفت يدينها وما ردت.. ما عندها رد.. ابو سعود : ما تردين علي..؟! نهى : ما عندي رد.. يعني هي جات كذا.. مر الإسبوع و ما حسيت فيه.. ابو سعود : ما حسيتي فيه.. اجل لا تزوجتي ما راح نشوفك سنة..؟! ما راح تحسين ان مرت سنة ما شفتي اهلك.. نهى : بابا لا تكبر الموضوع.. انا ماني رايقة لـ شيء حتى للعيد احنا و لا وحده فينا نزلت السوق وهو باقي له يومين.. ما احنا حاسين بـ شيء.. يعني.. يعني.. (رفعت عيونها فوقو رجعت ناظتة) ما ادري شلون اوصل لك اللي ابي .. بس صدق.. يعني ما حسيت.. ابو سعود : قولي اللي عندك اسمعك انا.. عادي قولي اللي تبينه ما راح افهمك غلط.. نهى : مو قصة تفهمني غلط.. بس ما اعرف شلون اوصل لك اللي بخاطري.. ابو سعود : غصب ما تحسين يا نهى.. و الله غصب.. امك و مغضبتها و ابوك ما تنشدين عنه و جالسة و منرزعة بـ غرفتك كيف بـ تحسين ان الإسبوع مر عليك..؟! نهى : ممكن ما تدخل مريم بالسالفة.. هالشيء بيني و بينك لا تحطها بالنص.. ابو سعود : تتوقعين انك بتكونين سعيدة و انتِ مغضبتها..؟! انتِ مو حاسة بطعم شيء بالحياة.. حتى جلستك هاذي ما انتِ حاسة فيها.. و زواجك اللي بعد اقل من شهر ما اهتميتِ فيه .. العيد اللي بعد يومين ما يهمك لو يجي و انتِ جالسة على سريرك لأنك ما راح تحسين فيه.. لو براسك عقل يا نهى دورتي رضا امك.. امك ماهي حرمة كبيرة لها متطلبات ويش كثر.. كل اللي عليك تسيرين عليها و تشوفين اخبارها ترضينها ماهو ماخذ منك الموضوع نص ساعة.. لكن اغضبتي امك.. و طنشتي ابوك.. و ساحبة على اخوانك.. و تبين تحسين..!!! نهى : لا ماني حاسة.. ولا راح احس.. ليش انت تطلبني ارضيها و هي ما ارضتني.. ابو سعود بـ حدة : لأنها امك.. اخطت صغيرة ايه.. بس ما يعني انك جالسة الحين تحاسبينها وهي كلمتك و قد جيتي من عندها راضية.. يعني ابي اعرف سواتك هاذي ليش..؟! عشان اختك تعبي راسك عليها..؟! يعني هي ما تفهم تقومين تسمعين كلامها..!؟ اذا الكلام لـ نهى و يتعلق بأمهم فأكيد ان اختها يقصدها هي فيها.. "وعد".. ما رفعت حتى نظرها له و لا التفت على نهى.. ظلت عيونها تناظر تفاصيل الفرشة بنص جلستهم.. ابو سعود : كل شاه و معلقة بـ كراعها.. يوم الحساب انتِ بتحاسبين لحال و هي لحال.. مو كلكن مع بعض على اللي تسونه بأمكن.. ما علقت نهى.. ما عندها رد.. ما تبي هالجلسة اللي تحسها فجوة بينها و بينه.. رغم ان ما احد حكى و النقاش مفتوح لها هي و إياه.. لكن ما قدرت تقول له شيء بخاطرها.. فظلت تسكت على إنها تتكلم.. ابو سعود ناظر سها و جود : هاه يا هوانم ما سمعت مبرراتكن.. سها بلعت ريقها حست ابوها معصب من بعد نهى تمنت انه سألها قبل نهى على الأقل ما كان معصب.. اما جود اصلاً متنرفزة اخوانها ما قصروا عصبوا فيها.. جود : ما عندي مبرر.. و لا شيء.. اجازة انام و اصحى متى ما بغيت.. اوكِ غلطنا اللي ما نزلنا تحت وسألنكم تبون شيء ماشيات لكن ما يستحق الموضوع نفتح تحقيق..!! ابو سعود : ويش رأيك تجين تعلميني ازين.. و الا ليش تعلميني انا ما افهم بهيمة انتِ تولي امور البيت.. جود : حاشاك .. بس بابا و الله خنقة.. بنرجع مثل قبل كل الوجبات جالسين عليها حتى اللي مو مشتهي غصباً عنه يجلس.. تعبانة نعسانة اللي هو تنطقين لين يخلصون اكل و تقومين.. بابا وصلنا 2014 و احنا للحين نجتمع اجباري على طاولة اكل.. ابو سعود بـ حدة : لو نوصل للمليون سنة يا جود.. لسانك ما تمدينه علي.. صوتك ما ينرفع بـ وجودي.. الحكي الناقص تقصرينة عني.. كلامي تسمعينة بـ حذافيرة.. انا ماني كبرك و جالس العب معاك.. انا ابوك و غصباً عنك تسمعين كلمتي.. جود بـ هدوء : على امرك.. ابو سعود اخذ نفس بقي الأخيرة و ختامها مسكـ ناظرها : وعـــد.. نادها عشان تلتفت له.. لأنه من يوم ما باست راسة و جلست ما حاولت تناظر فيه تناظر كل الموجودين الا هو.. ناظرتة .. وهو يعض شفتة السفلية : طبعاً انتِ ما ادري ويش اقول ويش اخلي.. مشكلتي حتى لو تكلمت ما راح تستوعبين ويش احكي فيه.. كلامي يدخل من إذن و يطلع من الثاني.. و لا توقفين عليه ثواني تستوعبين ويش اقولكـ .. كل شيء تفسرينة على كيفك و ياليتك تفهمينة مثل ماهو كل شيء عندك بالمقلوب.. اتوقع يجي يوم و اقولك كيف حالك و تفهمينها شيء ثاني.. ما ردت.. لأنه هي مقتنعة باللي فاهمتة.. حتى من شوي قال لـ نهى اختك تعبي راسك.. ويبيها تفهم شيء ثاني..؟!! ابو سعود : اتمنى يا وعد تنتهي هالحركة لـ ولدتي.. بصبر عليك لين تولدين و بـ طول بالي و بعدي لك بس لا تحاولين تتجاوزين حدودك.. الله يعيني بـ صبر.. مـتأمل ان هذا كله بسبب الحمل لاعب في نفسيتك.. و بس تولدين يتغير الوضع و ترجعين مثل اول و أزين.. .. لا حول و لا قوة إلا بالله.. لا أحلل نقل الرواية دون ذكر إسمي.. هاشتاق #رواية_لو_سألتي_الورد ضحكة قهر.. |
رد: لو سألتي الورد وهو ما بين إيدك أقطعك بيقول لك عمري فداك الكاتبة / ضحكة قهر
بسم الله الرحمن الرحيم.. السلام عليكم و رحمة الله و بركاتة.. بداية ادري ما تأخرت على الـ 12 بس ويش اسوي اليوم تكركب الجو.. على اساس بيتنا السبت هادي.. بس خواتي جو اضطروا يتركون عيالهم عندنا .. صار عندنا عزا في جماعتنا من بعيد الله يرحم ميتتهم و يسكنها فسيح جناتة.. انا من مجهزة البارت من الأربعاء بس كان ناقصني كم موقف و تعديل على الأخطاء و هذا اللي اخرني.. البارت اللي انا اول ما كتبتة تحمست زيادة.. و حزنت البارت كئيب صراحة.. و تحمست اعرف ويش ردود افعالكم عليه.. لأني احب دايم انسف توقعاتكم يمكن اللي صار بهالبارت كان فيه توقعات مسبقة له بس بالفترة الأخيرة تغيرت توقعاتكم.. عشان كذا دايم اقولكم لا تضمنون شيء مني ولا تصملون على رأي واحد.. حسيت فيه ناس فهمت غلط قصة جود و دانه.. ياليت تركزون شوي الموضوع بعيد عن الخيانة و الحب.. و انا اخذت الفكرة بأنه رجال خطب بنت اخته الكبيرة لـ ولدة بس ما خطب رسمي و الكلام دار بينه و بين اختة بس اللي قالت له يجي لـ زوجها وهو ما جاء ولما اعطوا البنت هو زعل.. قاموا اخوان البنت عشان يرضون الخال مجرد حكي بينهم قالوا لو هو يبي نسبنا يجي يخطب البنت الثانية..هذا كل الموضوع.. الباقي انا من راسي و تكملة القصة من عندي لأنها وقفت عند ذا الحد و لا ادري ويش صار بين زميلتي و اختها و خالهم..ان كان جاء وخطب الصغيرة او لا.. بس ما اتوقع.. انا اهدي البارت لـ وحده افحمتني بـ ردودها..صدق صدق انصدمت بتحليلاتها لأشياء جابتها تمام التمام.. وردة شقى على التويتر.. يعني ارفع لك القبعة على تحليلاتك الجميلة و إصرارك عليها.. اخيـــراً.. حاسة ان البارت قصير و الله كنت ناويتة اطول بس الجزئية الأخيرة اللي كتبتها تحتاج تعديل كبيـــر يبي لها شغل.. البارت الجاي بما انه اختبارات الجامعيين بـ تبدأ ح يكون اما الخميس او او ركزوا على او الجمعة رغم اني متأكدة بتجيني اسئلة من قبل تسأل عنه.. بحاول اخلصة بــكير عشان عيونكم.. و مستمرين بالرواية حتى في الإختبارات عشان تغيرون جو بالويك اند.. حيـــــــــــاكم جميعــــــــا.ً. البارت السابع و الأربعون.. أحبابي اللي علقوني وراحوا كأني أشهق من صورهم ملامح .. لـ حمد العيد.. بصوت قلق ما اخرج بمكنونات صدرة الا قدام اخوة : ما بيدي شيء يا عامر.. وقعت على عقد زواجها.. زوجتها.. ابي احميها.. عامر منقهر على أخوة : شلون تحميها بـ زواجها انا ماني عارف شلون تفكر..؟! حتى اسم الشخص اللي مزوج له بنتك ما انت عارف من هو..؟! غازي اخبر اخوه بـ كل شيء الا شيء واحد ان وليد هو اللي متزوج لينا : ويش تبيني اسوي..؟! الرجال يقول كلام على لسان الشخص اللي جاه يمكن لو زوجتها يحميها زوجها يكون عنده غيرة عليها.. انا ما انام الليل من التفكير ويش يسوون فيها..؟! ما بـ قلوبهم رحمة بس اقول ربي يلطف فيني وفيها.. عامر : و انت ما تعرف مكانهم تروح تأخذ بنتك منه..؟!! غازي : لو اعرفة ما ترددت لحظة وحدة.. بس ما ادري وين هم فيه..؟!! عامر : و بـ نجلس كذا ما ندري لو عرضنا ينداس و احنا عايشين حياتنا..؟! غازي : عندك حل..؟! اسعفني فيه.. عامر : الرجال اللي انحاشوا منك ما تدري وينهم.؟! اهاليهم تهددهم فيهم..؟! غازي يعرف اخوه و اساليبة ما يهمة شيء : انت صاحي..؟! عمرك سمعت بـ رجل امن يروع الناس.. عامر : بنتنا الزم ما علينا.. اجل نخليها بين المجرمين.. ما يندرى ويش يسوون فيها.. وقف غازي : الله بيحلها مثل ما حل مشكلة وعد.. الأمل بالله كبيــر.. بـروح اشوف ريما.. عامر ابتسم : طبخن طبختية يالرفلة كليه.. غازي : تهقى ترضى..؟! عامر : اهقى..!؟! مستبعد و الله.. البنت للحين تفز من نومها تصارخ.. ما نست اللي انت سويتة فيها.. ضربك للحين على جسمها.. غازي : ما تعرف تقولي كلمة سنعة.. اشوفها بـ نفسي ازين لي.. طلع غازي من مكتب اخوة لـ جناحة بـ بيت اخوة اللي يستقرون فيه وقت ما يضطر يخلي عيلتة هنا لأنه اغلب وقتة مشغول و يخاف عليهم.. و أأمن لهم يكونون ببيت عامر يمكن لو عنده عيال كبار ما شال همهم.. اخذ نفس وهو يفتح باب الجناح.. ناظرهم اول بالأصح طاحت عينة عليها اول ما شافتة قفزت حتى تتخبى وراء امها.. سكر الباب من غير لا يلف عيونة عليها : السلام عليكم.. امال وشوق : وعليكم السلام.. باست شوق كتفة : يعطيك العافية.. غازي و عيونة على ريما مو احد ثاني يراقب حركاتها مخبية وجهها عنه و يشوف مسكة يديها لأمها : الله يعافيك.. اتجه حتى يوقف قدام امال .. مد يده بيمسك يد ريما عشان يشدها و يطلعها من وراء و يقدر يكلمها .. لكنه تفاجئ بـ صرخة ريما : آآآآآآآآ.. امال مدت يدها لـ غازي تمنعة : تكفى ابو شوق الله يسعدك البنت ما سوت شيء.. غازي : ايش فيك ماني مسوي لها شيء.. بس بـ كلمها.. امال : قالت لك ما تعرف شيء.. يكفي اللي اكلتة منك.. غازي اخذ نفس .. و بـ هدوء رد عليها : امال.. ما راح اكلمها بالموضوع بس ابي اراضيها.. امال لما سمعت الكلمة استغربت يراضيها..!! ارخت يدينها المرفوعة عشان تمنع غازي من انه يمسك ريما : رجعّت لينا..؟!! غازي ناظرها ما يبي يخبرها و يقلق قلبها فوق قلقة الحين خليها تفكر انها رايحة مع واحد و لا انها تبكي ليل و صبح : زوجتها له.. اتسعت عيون امال بـ صدمة : زوجتها..؟!!! من جدك غازي..؟! مستحيــل..؟! شوق مكتفة يديها تناظرهم لما قال ابوها هالكلمة عيونها غرقت : ليش بابا..؟! غازي : تبيه و يبيها.. زوجتها و قلت له يأخذها ويش اسوي اسبوعين وهي معاه.. مين اللي بـ يظن انها شريفة..؟! امال : انت صاير لـ عقلك شيء.. حرام عليك هذولي بناتك.. ليش تسوي فيهم كذا.. كله من هالشغل هو اللي قساك عليهن.. ما نبيه خلاص تقاعد سويت اللي عليك ويش تنتظر لما تضيعهن..؟! بعدها تحس..؟!! غازي مد يده لشوق حتى يحضنها ما تحملت و بكت و هي مغطية وجهها بـ يدها : ادري اني مقصر و ادري اني غلطت.. بس قولي لي انتِ ويش الحل..؟! امال : تقاعد.. شوفهن احنا ما عندنا الا هالبنات.. غازي : ما اقدر اتقاعد هالفترة.. تعرفين اني مشغول بـ قضية كبيرة وماهي سهلة و لاني تارك الشغل بالنص.. امال : اجل تترك بناتك..؟! ياليتك مخليهن و بس.. ريما عقدتها و لينا زوجتها.. من غير حتى لا تأمن عليها.. غازي حس ان الموضوع تعقد من جهة اهلة.. بس يزعلون عليه و لا يبكون صبح و ليل لـ مجرد خيالات تقتل ويش يسوون فيها العصابة.. : خليك من لينا تزوجت و خلاص.. انا علي بـ ريما الحين.. امال : ويش بـ تسوي ..؟! بـ تضربها بـ تصارخ عليها..؟! ويش بالضبط..؟! غازي : قلت لك ابي اراضيها.. ريما نطت تجري من وراء امها حتى تقفل الباب وراها قبل لا يدخل.. رعبها منه يزيد ما ينقص.. بعد ما ضربها ولا مره سأل عنها و لا مره شافتة غازي اللي هي تعرفة.. و لا مره قابلتة عشان تشوفة ابوها بـغض النظر عن اللي سواه.. كان ممكن لو جاء لها و راضها قبل لا يحكي و يقول زوج لينا ممكن يطيح شيء من اللي بخاطرها عليه.. لكن بعد كلامة.. ما راح تسامحة.. توعد فيها قبل لينا يزوجها.. يمكن هالشيء مو مطول.. عشان يبعدهن كلهن الثلاث لينا و شوق و ريما و يرتاح مع زوجتة الجديدة.. شوق : بابا ليش..؟! حرام و الله حرام.. ليش تزوجها.. هي غلطت بس .. بس.. لو هو زين ما رضى عليها تروح معاه.. شلون تثق فيه..؟! كيف تعطيه قطعة من روحك..؟! ما رد.. ما عنده شيء يرد فيه.. ليش يدافع و يحكي والواقع اللي تعيشة لينا غير.. يحلف..!؟ حتى لو تكلم و قال أي شيء ثاني و زود بالكذب بيكشفونة.. لو قالهم ان الرجال اللي راحت معاه جاه و هو ملك لهم.. ما راح تنطلي عليهم الحيلة.. لأنهم ببساطة متأكدين ان غازي من سابع المستحيلات بـ يسكت عنهم.. اذا ما ذبح بنتة قبل الرجال.. ترك شوق و اتجهة لـ غرفتة.. شوق ناظرت امها : لا تقسين عليه.. الله يخليك.. ما عندها الا هالأب.. صدت امال بـ وجهها.. يعني هي راضية..؟! بس هو اللي حدها على الحكي اللي قالتة.. .. ندى تناظر الصالة و أشياء جديدة حاطينها فيها : مو من جدكن..؟!! قالباتها مطبخ..؟! جود : ازين بعد عشان كل ما مريت تهف نفسي على الأكل.. اصلاً انا قلت بنفصل مطبخ صغير هنا بس ياسر طنشني.. نهى : غريبة ياسر معطيكن وجه و يجيب لكن كل ذا الأجهزة ثلاجة و سخانة و مايكرويف و بلعة بعد.. جود تهف بـ يدها : مو من طيب اصلة الا عشان ابوي قايل له أي شيء يطلبنه جيبة لهن حتى هو مل منا يقول معطينا وجه.. وعد تناظر جود : و الله ما قصر الا من طيب اصلة يالشينة.. تسبينة وراء اننا متشرطين عليه حتى بأسامي الشركات ما جاب لنا أي شيء.. سها : غريبة و الله صاير حنون ويش عنده..!؟! ندى : يا ربي من ظنكن السيء.. ما تعرفن تقولن كلمة عدلة.. انا بنزل تحت.. بتنزلن و الا بتخمرن هنيا..؟! ناظرن بـعض ما فيه مجال للرفض اصلاً لازم ينزلن.. وقفن كلهن.. جود : الله يهدي ابوي اللي عليه حركات ما ادري ويش تبي.. ميار : احيان احس فيه تعقيد.. ليش كذا..؟!! متجمعات كلهن في المصعد .. جود : ميار صدق احيان ما تحسفين على حياتك قبل بالله مو وناسة..؟! ميار ابتسمت : لا مو لـ ذي الدرجة.. مهما كان اللي هنا اهلي و احبهم.. جود : بس هناك حرية و الحرية تنشرى بـ فلوس.. ميار رفعت حواجبها : قلتيها انتِ بـ فلوس مو بأهل.. تحت الوضع غير تماماً عن البنات.. صدمتهم بـ تلقي الخبر.. اولهم سعود اللي عاشر تركي و لو لـ فترة بسيطة.. و تاليها كلهم بما ان ميار زوجتة يعني صارت ارملة و بـ تدخل عدتها!! و الأهم كيف بـ يعلمونها..!! ام سعود بـ قلق و هي تداري دمعتها لا تبكي : و الله غير تنفجع هي كانت تنتظر سعود يأخذها له.. احمد : ما احد يعترض على المكتوب يا خالة.. صح بالأول بتتعب بس بعدها بتتقبل الموضوع.. مشعل : شلون توفى!! اللي نعرفة فقدان ذاكرة اللي عنده شلون يموت..؟! ابو سعود : يومه وما احد عايش لحظة وحده زيادة عن عمره.. سعود من غير لا يرفع نظرة لأحد : قتلوة..!.! تعلقت الأنظار فيه.. مصدوميـــن!! قتـــل..!! ياسر بـ حدة من صدمتة : انت متأكد..!! سعود : مثل ما انت قدامي.. حسبي الله ونعم الوكيل.. اصوات البنات العالية اسكتتهم.. و شوفة ميار بين البنات خلتهم كلهم يصدون عنها.. لـ سبب واحد.. هروب من إخبارها.. ما احد فيهم عنده استعداد انه يقولها الخبر و يفجعها فيه..هي اللي تعد الأيام و كل يوم تسأل سعود ما جاء الوقت المناسب..!! كلهم كانوا حاسين بـ تعلقها في تركي.. كيف لهم الحين يبلغونها خبر وفاتة بأبشع طريقة!! مقتول!!.. شلون بـ تتحمل..؟! ندى بـ صدمة من اشكالهم : ويش فيكم..!! حاتم بـ هدوء : و لا شيء.. سها : توقعناكم على الطاولة يعني بادين عشاء و بنأكل تهزيئة..!! حاتم : خالد على وصول قلنا ننتظرة.. خلص حاتم كلمتة حتى يدخل خالد في بدلة الكابتن كاملة حتى القبعة.. و شنطتة الصغيرة بـ يدة.. : السلام عليكم.. : وعليكم السلام.. قبل لا ينتبة لأشكالهم بنتة جاتة تجري اول ما شافتة : دااااادي.. ابتسم و هو ينزل لها ويشيلها : يا هلا بـ روح دادي.. هاه كيف الزينة اليوم..؟! رند : زينة بس انتِ تولتي كله سافل لحالك.. جود ماسكة ضحكتها : الله لا يبلانا سافل!! سافل مره وحده.. ههههههههههههههههههههههه.. خالد : انقلعي بس هناك عن بنتي بكره نشوف إنتاجك ويش بيطلع..؟! اتجه لأبوه بيسلم عليه باس راسة وهو مستغرب.. ابو سعود : سلامة الأسفار.. خالد : الله يسلمك.. خالد يناظرهم متأكد فيه شيء.. دارت عيونة عليهم قبل لا يكمل و يسلم على امه و خالاتة يبي يتأكد من وجودهم كلهم.. ناقص شخص.. شخص و مو غريب يكون مو موجود بالفترة الأخيرة.. وهو اللي عسفت الأفكار الشينة براس خالد عشانة "وليد" بلع ريقة وهو يسلم على الباقين.. و كل شيء بقلبة يقولة هو.. بس خواتة!! جلس خالد جنب سعود و همس : ويش فيه..؟!! سعود : ما فيه شيء.. نزل خالد قبعتة حتى تسحبها بنتة منه و تحطها على راسها.. خالد ما شال عينة عن سعود : و الله فيه شيء.. وليد ..؟! صح وليد..؟! سعود : لا.. تركي عطاك عمرة.. تراجع بظهرة و عيونة متسعة من كلام سعود!! تركي!! لا شعورياً التفت لـ ميار الواقفة بين خواتة.. كلهن ما زالن واقفات.. لكن عيونة عليها هي.. همس : ما تدري!! سعود : تونا عرفنا.. وعد : اشكالكم ماهيب طبيعية..!! ويش فيكم..؟! ام ندى : ما فيه شيء تعالي اجلسي الوقفة ماهي زينة لك.. وعد : قبل ما اجلس و الله فيكم شيء.. جداني فيهم شيء.؟! عماني..!؟! ياسر : لا كلهم بـخير الحمدلله.. وعد : طيب مين..!! انا متأكدة عندكم شيء.. و الله فيه شيء..!! شوفوا وجيهكم مسودة.. حتى خالد توه كلم سعود و تغير وجهة..!! ابو سعود ارتكزت عيونة على ميار : ميار .. ميار ناظرت ابوها بعد ما كانت تناظر وعد و هي تكلمهم فعلاً فيه شيء مو طبيعي.. : هلا.. ابو سعود : تعالي.. زادت ضربات قلبها.. حست برجفة تسري بكل اطرافها.. ناظرت خواتها اللي بادلوها النظرة و اتجهت تجلس عند ابوها.. تحس تنفسها ضاع ماهي قادرة تحكم بـ نفسها رغم انها ما تدري ليش طالبها بس قلبها ينبئها بـ خبر سيء.. المهمة صعبة!! تمنى لو طلقها منه اول ما عرف و لا سمع لحكيها.. على الأقل بـ تكون متعودة على فرقاة لو انه رجع.. و هي للحين ما استفادت من رجعتة غير القلق لـ قلبها و بـس و ما عاشت معاه شيء.. و لا كانت بتعتد عليها دامه ما صار زواج ما راح يكون لها عدة بس الحين!! بتعتد اربع شهور و عشر ايام عدة الأرملة.. ابو سعود ماهو عارف من وين يبدأ او كيف بعلمها الخبر وما يتسبب لها بـ صدمة كبيــرة.. مرت دقايق هو ساكت و هي تناظرة و تناظر الموجودين عيونها غرقت تبيه ينطق و يقول شيء.. هي متأكدة انه خبر سيء بس مين!! و ليش ما حكى للحين..؟! و ويش الشيء اللي صار..؟! همست : تـ ـركي..!!! ابو سعود حط يده على كتفها يضغط عليها يواسيها قبل لا ينطق : يطلبك الحل.. اتسعت عيونها بـ صدمـــة و هي تناظر ابوها.. نزلت دموعها بدون لا تحس فيها.. تبي تسألة تتأكد.. تقولة عيــد ما سمعت..!! ما انتبهت ويش قلت..؟!! لكن صوتها راح.. ما قدرت تنطق.. صدرها يرتفع و ينزل بـقوة ما قدرت حتى تبلع ريقها.. ابو سعود يضغط على اكتافها : ادعي له بالرحمة كلنا على هالدرب.. وقفت مبتعدة عنه.. يبيها تصدقة!! يبون يموتونة مره ثانية..!! قالوها لها قبل لا تنتظرينة لو عايش رجع.. تركي مات..!! و ما صدقتهم.. و الحين..!! الحين ما راح تصدقهم.. ليش يبونه يموت..؟! ليش مستكثرين عليها تعيش معاه..؟! (ظلت تلف في المكان قدام عيونهم وهم واقفين ينتظرون ردة فعلها مو تسكت!! ما يبونها تبلعها و تسكت..) شهر عاشتة حليلة له بكتب كتاب ملك عليها فيه.. شهر تعلقت بـ تركي زوجها قبل لا يكون حبيبها.. شهر كانت اميرة رغم انها ما صارت ببيتة لكنه ما قصر معاها ابداً.. ليلة العيد شرا لها ملابسها.. اول ما عرف انها ما اشترت رغم انه جاي من دوام و تحمل الزحمة عشان خاطر يفرحها.. جلستة معاها خجلها و كلامة تفكيرة و منطقة اهتمامة.. كل شيء يجذبها.. ضربت وجهها بـ يدها و هي تصــرخ : يا ويــلي يمـــه تـــركي راح.. يا ويــلي يمـــه تــــركي راح.. يا ويـــلي يمـــه تـــركي راح.. اول ما شافوها تضرب نفسها.. كلهم .. كلهم بدون استثئناء اتجهوا لها.. اول من مسكها سعود يمنعها من اللي تسوية.. ابو سعود ماسكها من اكتافها و جالس قدامها و سعود وراها مكتفها ما تضرب نفسها : ما يصير يا امي .. ما يصير اللطم ما يجوز.. انما الصبر عند المصيبة الأولى.. قولي إنا لله و إنا إليه راجعون.. سعود : استغفري ربك حرام اللي تسوينة.. انتِ تعترضين على المكتوب.. ادعي له بالرحمة.. ميار تبكي و تصرخ بينهم : رااااح.. راااااح ما خليتوني اشوفة.. ما خليتوني حرمتوني منه.. هو رجع و ما خلاني انتم اللي حرمتوني منه.. انتم كلكم ما تبونة ما احد يبيه حتى اهله ما يبونه انا ابيه.. انا ابيه.. تــــــــــــــركي.. تــــــركــــــي ارجع و الله ما نسيتـــــــــــكـ..!! ام سعود تبكي مع بنتها : لا تسوين بنفسك كذا حرام و الله ما يجوز.. ادعي له بالرحمة يا يمه.. البنات ما تحملوا منظر اختهم و هي تنتحب بـينهم يشاركونها بـ دموعهم بس ما وحده فيهن تجرأت تنطق حرف .. ميار ترفض تقبل الموقف قطعياً وما احد يلومها الصدمة كبيرة عليها.. ثلاث سنين تنتظر رجعتة.. ثلاث سنين يقولون لها لا تنتظرين لو هو حي كان رجع.. ثلاث سنين من الضغط ابوها ابو عبدالله اللي كانت عايشة عنده و عمها سيف كم مره كلموها على الطلاق يبونها تتطلق منه و تعيش حياتها.. ثلاث سنين و هي تتحملهم و تتحمل كل الكلام اللي ينقال لها و صابرة على امل رجعتة.. و لما يرجع ما تلحق تفرح فيه عشان تنصدم انه ما يذكرها!!! فاقد للذاكرة..!! ما يذكر هي مين و هي تذكر تفاصيل كل جلساتهم المعدودة و مكالماتهم.. حرموها شوفتة و جلستها معاه .. حرموها حتى محاولاتها بإنها تذكرة هي مين و كيف ارتبطوا و ويش عاشوا بالشهر اللي ملك عليها فيه.. من قمة انفعالها و صراخها الي قمـــة السكـــون.. غمضت عيونها حتى تغيب عن الوعي بين سعود و ابوها.. ابو سعود ضرب على كفها بخفة : ميــــار .. مـــيار.. ام سعود : يا عزي عن بنـــتي راحت.. احمد مسك خالتة : ياخالة اهدي بس أُغمى عليها.. حاتم سحب كاسة المويا من على الطاولة و صب شوي بيدة حتى ينثرة على وجهها : ميـــار.. سعود من غير لا ينتظر و يشوفها بتصحى او لا شالها : بأخذها المستشفى.. ام سعود مسكت ولدها من ذراعة : انتظرني بروح معاكم.. ابو سعود : اجلسي هنا.. احنا نكفي.. ام سعود تترجى ابو سعود : تكفى يا ابو سعود و الله قلبي يحرقني.. سعود طلع .. ابو سعود : لا.. خليك هنا بنتصل عليك و نطمنكـ.. أبو سعود طلع حتى يلحق ولده .. احمد باس راس خالتة : اهدي يا خالة.. ان شاء الله ما فيها شيء.. بس اغماءة عشانها مصدومة.. ام سعود بـ جزع متملك قلبها على بنتها : و الله ان درت بانه مات مقتول غير تروح فيها.. ندى حطت يدها على فمها و شهقت : مقتــــول!!! ياسر ناظر خواتة : لا احد يعلمها و الله ان زل لسان وحده فيكن عندها ما تلوم الا نفسها مات و خلاص,, الله يرحمة.. سها : طيب مين..؟! مين اللي قتلة..؟! ياسر : ما ندري.. مسكوا القضية و بادين بالتحقيق مع الكل حتى الدكاترة اللي مراقبين الحالة بالمستشفى.. احمد باس راس خالتة : تعالي يا خالة ارتاحي بيرتفع الضغط معاك.. انتِ اكثر وحده محتاجتها ميار لازم تصبرينها.. اتجهت ام سعود مع احمد اللي حاط يده على كتفها.. جلست و جلس جنبها.. ام سعود : يـ عزتي لها ترملت صغيرة.. ياسر : هذا المكتوب لها ياخالة ما يصير نعترض على كتبة رب العالمين.. هو مسير امور خلقة.. ام سعود مسحت دموع عينها بطرف طرحتها : و نعم بالله.. وعد بلعت ريقها و هي تناظر اخوانها تستفسر..!! : هو .. له علاقة بـ صلاح..؟!! خالد يناظر وعد : كيف يعني..؟! وعد : يعني هو ماسك القضية..؟! صح..؟! انتم قلتوا هو نفسة راشد بس ما يفتكر هو مين..؟! و انا مره سمعت عماد يكلمة عنهم.. ياسر : لا تفكرين بـ ذا الموضوع.. انتِ تحتاجين لـ راحة مو قلق.. شيلي الموضوع من راسك.. وعد تناظر ياسر احتد صوتها من الخوف : يعني له علاقة بس ما تبي تجاوبني..؟! خالد بـ بساطة : ما ندري بالضبط ويش علاقتهم بس نعرف انه هو بعد انخطف و تعرض لتعذيب و صعق كهربائي عشان يفقدونة الذاكرة و يعيشونة بـ شخصية غير شخصيتة.. ياسر عصب على خالد : خالد.. من جدك تقولها ها الحكي..؟! وعد رجفت اطرافها خوف.. من تخيل الموقف..! تعذيب و صعق كهربائي!! ام ندى سحبتها من ذراعها : تعالي يمه ويش فيك..!؟ وعد : ماما يمكن يجون..؟! هم يعرفونا و يعرفون كل شيء عنا..!! اذا هم نفسهم اللي اخذوني يمكن هم اللي حرقوا بيتنا!! و هم اللي قتلوا تركي..!! حاتم : وعد.. لا تفكــرين بالموضوع كله.. لا تنسين انتِ ببطنك روح.. اهم شيء انتِ بأمان هنا.. ما احد بـ يوصل لك.. وعد : ويش يضمنك..؟! ويش يضمنك ما يجون و يقتلونا كلنا..؟! انا سمعت كلامهم و خططهم.. هذولي ما يعرفون الرحمة و لا يدلون درب الدين.. ام ندى تمسح على شعر وعد : يا امي انتِ حزتها كنتِ تعبانة بالمرتين اللي اخذوك فيها كلها كنتِ تعبانة اكيد صرتي تشوفين هواجيس وما ثبتي.. وعد ضربت جبهتها بكفها : ماما انا مو مجنونة.. انا سمعتهم.. و الله متأكدة..؟!! ياسر انقهر من خالد.. كأنه ناسي انهم لازم يراعونها و ترتاح نفسياً و جسدياً.. يناظر خالد : عاجبك الحين..!؟ هذا هو الشيطان يلعب براسها.. احمد : وعــد يا خيه يعني ما انتِ مطمنة و احنا كلنا عندك..؟! و البيت برا محاوطينة الحرس مختارينهم غازي و سعود بأنفسهم و واثقين فيهم عيونهم مفتحة ستة على ستة.. في ممر المستشفى واقفين كلهم ينتظرون قدام الباب.. : السلام عليكم..؟! لفوا عليه كلهم.. ما استغربوا وجودة خصوصاً بظل اللي يعيشونة هم : وعليكم السلام.. سعود : ويش فيكم.؟! استغربت يوم شفتكم هنا..؟! عساف : عمـاد تعب بالمكتب و جبناه هنا.. و لسى ما طلع الدكتور من عنده.. نايف : و انت ويش جايبك هنا..؟! سعود : اختي تعبت.. عساف : ايش..؟!! سعود : انهيار عصبي.. ما يحتاج له الموضوع اسئلة زيادة اكيد انها زوجة تركي.. او بالأصح ارملتة.. ما تحملت فجعة فقدتة.. على انها فاقدتة فعلياً من ثلاث سنين.. انفتح الباب حتى يطلع الدكتور شافهم قدامه ست رجال.. كلهم لابسين زي عسكري حتى سعود اللي طلع من المركز و بلغ اهله و جاب اختة هنا ما امداه يغير.. بنظرة وحده على كتف كل واحد فيهم يعرف انهم من الرتب العالية.. غازي : خير يا دكتور..؟! الدكتور : ضغطة منخفض جداً شكلة له فترة ما اكل شيء و وجهة غريب و خبرني انه تلقى خبر صدمة.. و هالشيء اسأء وضعة وهو اللي خلاه يطيح بينكم.. عزام : و الحين طيب..؟! الدكتور : انا حطيت له مغذي و عدلت له الضغط حاولت فيه ينام هنا اليوم و رفض.. اذا تقدرون تقنعونة لا تقصرون.. غازي محاولة اقناع عماد بتأخذ وقت و هواش و هو مو رايق لأنه يتهاوش معاه ما يمر كم يوم الا يتلقى خبر يصدمه .. : خله يطلع على راحتة.. ما خلص كلمتة الا بطلعة عماد اللي فصل المغذي من يده و طلع ما راح يجلس بالمستشفى و تذبحة الهواجيس بـ راشد.. ايه راشد هو يعرف راشد ما يعرف تركي.. هو كان من اقرب الأشخاص له.. موتة مقتول فــــجعة!! فجعـــة له.. الدكتور يناظر يد عماد مصدوم : انت مجنون تنزل المغذي كذا..؟! كان ناديتني انا انزلة لك..!! عماد اعطاه ظهرة بـ يمشي : اعرف انزلة .. شكراً.. و مشى بينهم طالع.. نايف : هذا مجنون..!! ويش بلاه..؟! عزام : من حقة راشد من اقرب الناس له.. بعد كل شيء عرفناة شيء طبيعي ينفجع بـ موتة.. خصوصاً انها ماهي موتة طبيعية.. سعود تنهد : انا بروح اشوف ابوي.. عن اذنكم.. عساف : بتجي المركز..؟! سعود : اكيد.. بس بتطمن اول شيء على اهلي.. .. ام سعود تمسح على شعرها وهي منسدحة بـ حضنها و متلحفة .. صارت هادية هدوء الأموات.. لا اكل و لا شرب و لا حكي..الشيء الوحيد اللي تسوية تبكي تنام تصلي..!! من صدمتها بالخبر جاها انهيار عصبي و من بعد صراخها صارت ما تتكلم بس تبكي.. و اذا احد كلمها بـ يهديها تزيد في صياحها.. صاروا ما يتكلمون معاها و لا يهدونها لكن ما يخلونها تجلس لحالها اغلب وقتها بالصالة معاهم و منسدحة احيان تنام و هم يسولفون.. خالد بـ حدة خفيفة : إبراهيم و بـعدين..؟! ابراهيم فاتح الكتاب قدامة : يبه تعبت.. من العصر و انا احل.. خالد : ويش تبيني اسوي لك..؟! لازم تعيد كل شيء من البداية كتبك و انحرقت.. ابراهيم : مو لازم كلها اليوم.. يدي عورتني.. رند جلست جنب ابراهيم : رند تتب معت..(رند تكتب معك).. ابراهيم يناظر اختة مصدقها : تعرفين..؟!! رند : ايه تثير.. خالد يناظر ولده : اعطها كتابك و شوف ويش اسوي فيك..(احتد صوتة بـ قوة) صاحي انت.. هاذي بزر ما تعرف الواحد من الإثنين.. رند رفعت حواجبها تناظر ابوها : رند تعرف انت دلت انا تبيرة و ساطرة ادحل الوضة.. خالد طفشان من العصر وهو ماسك ولده و مخليه يعيد كل الكتب و الدفاتر اليوم راح معاه و اخذ له كتب جديدة من المدرسة و ابراهيم كل شوي يتذمر.. : ابراهيم خــلص باقي لنا العربي.. ام احمد تهاوش ولدها : يا ابوي حرام عليك هلكت الولد مقضبة كتابة من العصر و انت فوق راسة.. خالد : لازم يعيد كل اللي اخذه زينه بكره المدرس يستدعيني و الا يعطيني خطاب انه مهمل.. احمد : ابراهيم ماهو مهمل انت شاد عليه.. ماهو معقول بتعيدة كل اللي اخذة بـ يوم واحد..؟!! خالد بـ حزم ينهي الموضوع : الا يعيده مو من كثر اللي اخذة.. ابو سعود : خوويلد.. خالد رفع يدينة يبي الكل يسكت : يبه الله يخليك لي.. عيالي تدلعوا من جو هنا.. ما عندي استعداد اشرف على إهمالة.. سعود : انت صاحي..؟! هذا فارس ما احد قضبة كتابة ندى ذاكرت له درس اليوم و خلته يكتبة بس.. ما خلته يعيد كل شيء.. خالد : و الله لو امي ما حلفت علي لا اجلسة جنب ابراهيم.. تراه سنة اولى عودوه على الإهمال و يصير زي بعض الناس مفحطين سنين بالثانوي.. مشعل : طبعاً ما تقصدني..؟! خالد : و ليش خايف منك عشان اقولك لا.. ما اقصدك الا انت و اخوك.. كل سنة لاحقينها بـ سنة..(ضغط على دقنة باصباعة السبابة و الإبهام)هذا وجهي يا مشيعل ان كملت بالقانون.. المتعود على الإهمال ماهو بيوم و ليلة بيفلح.. مشعل : طيب بتشوف درجاتي نهاية الترم بحط السجل الأكاديمي بين عيونك.. خالد : طيب نشوف يا مشيعل.. (لف على ولدة) يالله باقي كم صفحة عايز لا تخلصها..؟! وعد سحبت كتاب ابراهيم وهي تناظر بـ خالد : الله لا يوليك على صايم و مصلي.. الولد له ساعة في نفس المكان ما يبي يقولك ماهو عارف الجواب و انت ما غير تهاوش.. خالد : ليش ما عنده لسان يحكي..؟!! وعد : الا عنده بس انت اليوم تكلمت عنك و عنه ما بقيت له شيء يقولة.. (نزلت الكتاب على الأرض و اشرت له على المكان) اكتب هنا 4 .. (ابراهيم يكتب) اكتب 16 .. خالد يناظر وعد : خير ان شاء الله ناوية تعلمينة كل الأجوبة ليش ما حضر الدرس هو..؟! وعد تأشر لإبراهيم و مطنشة خالد : اكتب 20 .. ابو سعود : خالد.. ما يصير اللي تسوية تبي تعقد الولد.. خالد : لا.. ابيه يتعلم و يفلح.. ماهو جالس جنبي ماهو عارف كوعة من بوعة.. مسك خالد وجه ولدة بين اصابعة السبابة و الإبهام يضغط على حنكة : انا رايح و جاي بعد عشر دقايق خلني القاك ما انت مخلص المادة.. و دام عمتك تعلمك انا بسألك و لا تجاوب لي صح وشوف ويش اسوي فيك.. وقف خالد و ابراهيم اول ما ابوه ابتعد عن عيونة شوي رمى المرسام على الكتاب.. لف على جده : قوله ابي اغيب بكره و اكمله الصباح.. ابو سعود تنهد : ويش نسوي بـ أبوك راسة يابس.. نهى : ما جابة من بعيد.. وراثة يباسة الراس بالعيلة.. حاتم ابتسم : مين تقصدين..؟! نهى ابتسمت : اللي على راسة بطحا يتحسس عليها.. ابو سعود : طبعاً انا.. يعني الحين ما ورثتكم الا يباسة الراس..؟! نهى : الا ما ورثنا منك الا كل شيء زين حتى يباسة الراس زينة.. اجل نصير امعات نمشي وراء خلق الله برايهم.. حاتم : فاهمة يباسة الراس غلط.. دخل فارس و بيده كورة وقف قدام ابراهيم : يالله قوم نلعب.. ابراهيم رفع راسة من كتابة له : ماني لاعب.. الحين يجي ابوي و يهاوشني اذا ما خلصت.. فارس جلس جنبة : ما عليك منه لا تسمع كلامة.. مشعل حط يده على راسة : اوه اوه.. والنعم بالعم و الله.. أقول سفرق لا يقضبك خالد كتابك و يوريك شلون لا تسمع كلامة.. فارس : خلصت واجباتي ندى ذاكرت لي و جبت ممتاز.. (لف على ندى) صح ندى..؟! ندى : صح يا عيون ندى.. سعود : يا سبحان الله.. فــــرق بين الإثنين.. كل واحد حال.. ياسر : فارس مدلع و ابراهيم مكروف.. فارس ناظر ياسر : ماني مدلع انا رجال صح يبه..؟! ابو سعود ابتسم : و شيخ الرجال بعد.. (ناظر ياسر بـ نص عين) نشوف بعض الناس بعد كم سنة ان ربي كتب لنا عمر ويش يكون حالهم مع عيالهم.. ياسر عفس وجهة يعني ويش بيكون..!! ويش بترجي مني و انت مزوجني بنت اخوك..!! اخاف عيالي يطلعون مثلها و يبكون من نظرة بس وقتها بـ انجلط.. و الله لأربي امهم قبلهم و اعيشهم بالبران.. و اقطعهم من الحياة هذا اللي ناقص عيالي يطلعون رخووم و مدلعين..!! : السلام عليكم.. : وعليكم السلام.. دانه و جود باسن راس ابوهن و امهن و خالاتهن و جلسن جود جنب وعد و دانه بين نهى و ندى.. ابراهيم يمد كتابة لـ وعد : عمه ويش هاذي..؟! وعد : وريني.. جمع ثلاث اعداد ابدأ من اليمين و اجمع كل رقم مع اللي تحتة و اكتب الناتج تحت.. دانه همست لـ خواتها : ما تكلمت..؟! نهى : لا.. حتى خالة حنان ما تكلمت.. و احنا ما سكتنا ما نبيها تفكر يمكن اصواتنا تزعجها وما تخليها تهوجس.. وعد لفت على جود : ويش فيك..؟! جود ثانية رجولها لصدرها ردت من غير لا تناظر وعد : ولا شيء.. وعد رفعت حواجبها : متأكدة..؟! جود : ايه.. نهى : وعد متى بـ تجي الشحنة.؟! وعد : ما ادري ما تابعتها لا جات يتصلون علينا يبلغونا.. مشعل : شحنة ايش..؟! وعد : ملابس.. طالبين ملابس من النت.. مشعل : ليش من قل الخلاقين في اسواقنا..؟! روحي اقرب محل و خمي اللي تبين ويش اللي حادك تطلبين من النت..؟! وعد : ما فحالي اروح تعب.. و ملابسي ضاقت علي.. و النت مليان ليش ما اشري من النت و يوصلني لـ حد بيتي..؟! حاتم : بس المقاس.. ما تخافين تطلع صغيرة..؟! وعد : فيه شيء اسمه قياسات.. و بعدين انا طلبت ملابس حمل بـ تجي واسعة من غير شيء و اذا طلعت صغيرة بجيب غيرها.. مشعل : ايه بس اصرفي فلوس و لا هامك هالفلوس من وين تجي..! وعد تناظرة بنص عين يتفلسف عليها ما عاد الا مشعل : ما طلبتها منك عشان تكلم.. ابو سعود رفع حاجبة اليمين : ولا طلبتيها مني.. من وين جايبتها..؟! وعد : عماد يحول لي فلوس.. سعود : نعـــم..!! وعد بـ بساطة : ليش مستغرب هذا المفروض انا للحين على ذمتة حتى لو بالإسم اصلاً عيب ما يصرف علي اسم ان ولدة بـ بطني و محسوبة عليه زوجة.. خالد رجع : السلام عليكم.. : وعليكم السلام.. سعود : حتى لو احنا ما احنا عايزين عنك عشان تخلينه يصرف عليك و انتِ عندنا.. وعد : و انا ابيه يصرف علي.. و افقرة بــعد ويش وراي غيره..؟! ابو سعود : وعــــد!! وعد ابتسمت : ويش فيكم.. انت يا سعود لو شوق جالسة ببيت ابوها وبينكم هوشة كبيره و تدري انها بتشتري شيء او محتاجة تروح السوق بتعطيها فلوس و الا تقول تأخذ من ابوها..؟! سعود : طبعاً اعطيها.. وعد : خلاص اجل.. عماد يدري اني هنا مو معتازتة و اللي يسوية واجب عليه لا اكثر و لا اقل.. رغم اني متأكدة لو اني معتازة فلوس و بـ يدري ما راح يعطيني عناد فيني.. ياسر : ان بعض الظن اثم.. وعد : استغفر الله.. خالد : وريني ابراهيم خلصت..!؟ ابراهيم : باقي الصفحة الأخيرة.. ابو سعود : اذا ما ودك ولدك يداوم من غير لا يحل كل اللي عليه خله يغيب بكره و كمل له الباقي الصبح.. خالد بعد ما كان يناظر ابوه و هو يتكلم لف على ولده وهو يكلم ابوه : هو طلبك صح..!؟ ابو سعود : طلبني و الا ما طلبني المضمون واحد.. خله يغيب.. تعبتة اليوم ما قصرت فيه.. و باقي له كثير الساعة بتطبق الـ 11 يعني متى بـ يخلص..؟! ابراهيم يمد الكتاب على ابوه : العربي كثير يدي عورتني.. خالد يسحب الكتاب : ما عندي غيابات.. و من غير تحلطم انا قلت تخلصها كلها اليوم يعني تخلصها كلها اليوم.. لو ما تنام غير الفجر.. ام احمد : خاف ربك فيه ما كنه ولدك.. ويش بلاك عليه الليلة..؟! خالد : يمه الله يرضى لي عليك خليني اتفاهم مع عيالي براحتي.. ابو سعود : ما احد قالك لا تفاهم معاهم براحتك بس اللي تسوية غلط.. بـ تكره الولد بالدوام..!! خالد يهمس لـ ولده : و الله ان احتميت بأمي و أبوي مره ثانية يا ويلك.. ابراهيم يتكلم مع ابوه بـ صوت واطي : ما احتميت فيهم.. بس انا اقولك يدي عورتني و انت ما تسمعني.. شوف يدي (مد له باطن كفة مفتوحة اصابيعة محمرة من ضغطة على المرسام).. خالد يناظر اصابع ولده : و انا كم مره اقولك لا تضغط عليه بقوة عشان ما يعورك.. ابراهيم لم يدينة : ما اعرف انت تخليني اعيد الورقة اذا ما كتبت زين و تمسح اللي كتبتة.. خالد : ليش تبيني اشوف خطك زفت و اسكت عنك..؟! حتى المدرس ما راح يفهم شيء من كتابتك كنها خرابيش دجاج.. ابراهيم سكت.. و خالد يشيك على الإجابات.. ابو سعود : خير جويدة ما شفناك اليوم لا على غدا و لا قهوة..!؟ ويش مشغلك عنّا..؟! جود : داومت سهرانة و لما جيت نمت.. من شوي صحيت.. ابو سعود : و ليش مداومة سهرانة..؟! لا يكون مراعية لي البطالية..؟! تراك ثالث ثانوي.. جود : لا كان عندي اختبار و ما دريت الا متأخر من البنات عشان ما داومت قبل العيد.. حددوا الإختبار اول يوم.. سها : وعععع مين مختارة..؟! من جدهم ذولي..؟! جود : انا ادري عنهم قهروني .. او بالأصح هي قهرتني نجلوة التبن.. نهى : انا اقول ازين بعد ويش احسن من يوم الأحد اول الإسبوع تذاكرين..؟! سها : لا عاد مو بعد إجازة.. احس لازم اسبوع عشان استوعب ان الإجازة خلصت.. وعد : انا اكره الإختبارات اول الإسبوع حتى لو قبلها مو اجازة.. احس اني ما اجاوب.. سعود بإستنكار : انتِ الدافورة ما تجاوبين..؟!! اجل مين يجاوب..؟! وعد : استغفر الله العظيم..رجاءاً لا تصكني بـ عين انا ناوية اورث جِدّي و اجتهادي لـ ولدي.. عشان يطلع مثلي.. مشعل : على أي اساس حكمتي يجيك ولد..؟! وعد : على اساس التفاؤل.. انا متفائلة يجيني ولد.. حاتم رفع حواجبة : ليش ما تبين تجيبين بنت..؟! وعد : بصراحة .. ايه.. سعود : ما عندك سالفة.. احلى شيء البنات الصغيرات.. منيره : ليش ما تبين بنت..؟! وعد : مو عشان ما احب يكون عندي بنت.. بالعكس لو الود ودي ما اجيب الا بنت بس بمجتمع غير مجتمعنا.. احس البنت انظلمت فيه ليش اجيب بنت و تنظلم.. و دام الأماني ببلاش و لا هي حرام ليش ما اتمنى اجيب ولد على الأقل المجتمع بـ يقدرة و لا يحرمة من شيء.. حاتم بإستغراب : ليش ويش فيهم البنات بـ مجتمعنا..؟! سعود يستهزئ بـ وعد : مظلومات يا حرام ما يدرسن برا و لا يطلعن لحالهن و لا يسوقن سيارات و لا ولا ولا.. ما تعرف اختك هاذي تفتحها علينا الحين و تكلم عن المجتمع شهر كامل ما تسكت.. وعد : انا ما قلت كذا يا سعود.. لا تخرب وجهة نظري بكلامك.. ايه مظلومات بمجتمعنا.. اجيب لك امثلة مو مثال واحد.. اخواني عشانهم عيال قدروا يروحون برا و يحققون حلم تمنوه و درسوا و تخرجوا و رجعوا.. و انا عشاني بنت و ما تزوجت ممنوع هالشيء علي.. احمد مثلاً دخل الطب برغبتة و لقى تشجيع كبير من الجميع.. و الجميع اللي لقى التشجيع منهم هم نفسهم اللي منعوني من دخولة ليش..؟! لأني بنت.. طيب شيء ثاني اللي صار لي كله فتح حلوق الناس علي و حكت فيني بالشينة لأني انخطفت.. لكن لو انخطف ولد بيتكلمون عليه..؟! احد بينقد فيه و الا يحكي ربع كلمة و يهينة..؟! احنا في مجتمع يشوف الرجال شايل عيبة.. و المرأة ثوب ابيض أي شيء يدنسها.. أي شيء يصير للمرأة النصيب الأكبر من النقد.. لو فرضاً الحين اثنين يدخنون حرمة و رجال بتتقبلها من مين..؟! حاتم بإستنكار من منطقها : اكيد من الرجال لأنه عادي اما مره تدخن..؟! وعد : ليش..؟! ايش معنى و المره طيب..؟! الدخان شيء غلط مو المفروض تستنكرة على الإثنين..؟! ليش عادي عندكم الرجال يغلط و المره لا..؟! حاتم ابتسم : ما ادري.. ياسر : عشان الرجال رجال و المره مره.. ومثل ما قلتِ الرجال شايل عيبة و المره ثوب ابيض أي شيء يدنسة.. وعد رفعت حاجبها الأيسر تناظر ياسر : و كلامك هذا موجود بالدين..؟! ياسر : لا.. بس عادات مجتمع من سنين.. تبين تنقدينها انقديها.. بس حكيك كله ماهو مغير شيء.. قمتِ و الا قعدتي الرجال يبقى رجال و المره تبقى مره.. وعد : و مستغربين ان قلت ما ابي بنت.. ليش الواحد يجيب بنات يعقدهم في حياتهم.. احمد : تراك تقولين كلام كبير و تغلطين.. يعني انتِ الحين متعقدة في حياتك..؟! لا تظلمين نفسك و ابوي.. وعدهزت راسها تنفي الحكي : ما ظلمت احد.. انا ما قلت شيء جديد.. هذا الواقع الولد شيء و البنت حسبة ولا شيء.. طول ما هي تتكلم ماسك نفسة لا يعلق.. ما يبي يدخل معاها في نقاش و يهاوشها لأنها حامل و ما يبيها تعصب و تزعل.. بس ماهي مراعية حتى نفسها و لا همها تحكي : اعتقد قلت لك يا وعد من قبل لا تتجاوزين حدودك.. انا ساكت مو عشان ماني رايق اناقشك.. عشاني خايف عليك و على اللي في بطنك.. وعد مستنكرة : ليش زعلت..؟! انا ما قلت شيء غلط..؟! سعود : كل اللي قلتية و ما قلتِ شيء غلط..؟! يعني انتن الحين عندنا و لا شيء..؟! و بما اننا من امهات مختلفات بتكلم عن ابوي.. ابوي ظلمك في حياتك..؟! خالد : كأن ابوي مصبحك بطراق و ممسيك بطراق.. و مسفل فيك و كارفك و لا هو مراعيك ابد و اول واحد طق الباب عطاه اياك.. مشعل : و لا تجيبين طاري زواجتك من عماد و ما احد شاورك كلنا ندري ان ابوي ماهو راضي فيها و عامر ما قصر لوى ذراعة فيك.. ياسر : انا ما ادري ليش تنكرين الجميل..؟! ابوي معيشنا كلنا ازين عيشة.. غيرنا يتمنى اللقمة و لا يلقاها.. أي شيء تطلبة وحده فيكن ما يردها.. ولو خطر له يحط لكن الشمس بيد و القمر بيد بيحطها.. مصروف ما ظنتي احد يأخذ زي مصروفكن.. و اذا نقص طقيتن باب المكتب و مديتن اليد قلتن نبغى زيادة.. ملابس ماركات و ازين شي انتن تلبسنة.. أي وحده تحتاج فيكن عيادة و صرف فلوس بالهبل قالها خذي ما يخالف ما نخلي شيء بخاطرك حتى لو هو ماهو لازم.. غرفكن بعظمة لسانة قالي أي شيء يبنه لو ماله فايدة تجيبة لهن و لا تخلي واحدتهن تنام و بخاطرها شيء.. غيرك يا وعد يتمنى العيشة اللي انتِ ناكرة فضل اللي معيشنا اياها.. وعد خنقتها العبرة من الهجوم المستميت من اخوانها : ليش ما انتم راضين تفهمون قصدي..؟! وقف ابو سعود حتى يوجه نظره لها : ما فيها مقاصد يا وعد.. مشكورة يا امي و يجي منك اكثر.. خرج من جلستهم و انظارهم ارتكزت عليها.. عيونها مغرقة دموع.. ام ندى : ليش قومتية زعلان..؟! هاذي سواة تسوينها..؟! و الله لو تحججينه على ظهرك ما تلحقين جزاه.. وعد : ايش فيكم و الله ما قصدت كذا.. انا كنت اتكلم بـ نظرة عامة عن الكل.. تكلمت عن مجتمع كامل.. ما قلت انت يا بابا سويت.. يعني انا اتكلم عن المجتمع كله.. منيره : انتِ قلتِ حرمك دراستك الطب و انك تدرسين برا.. لمتيه هو مو احد ثاني.. وعد : انا لمت مجتمع ما لمت بابا.. سعود : قصدتي او ما قصدتي يا وعد قام زعلان.. ياليت ترضينة قبل لا ينام.. وقفت و طلعت من جلستهم اول ما اعطتهم ظهرها بكت.. "انا هبلة و غبية ما احد قالي اتكلم.. كل يوم ساكتة عنده و لما نطقت ما قلت شيء زين.." اتجهت لـ مكتبة.. حاتم : ترى صادقة.. اقصد بان المجتمع يحمل المرأة خطأ و الرجال يعفو عنه.. خالد : حتى لو هذا اللي تربينا عليه.. مو معقول بتجلس تنقد تربية ابوي لها.. انت لاحظ فارق العمر بينهم.. مهما كان المفروض تشوف المزايا قبل العيوب.. وما فيه انسان بالدنيا كامل.. ولو ابوي فيه عيوب الدنيا كلها المفروض هي ما تشوفها لأنه ابوي.. في مكتبة.. رفع نظرة للباب : تفضل.. دخلت مدنقة .. ما تبيه يشوف دموعها.. ما تعرف ليش بكت على طول وهي مو كذا اصلاً.. لما شافها ما توقعها تجي.. من بعد سالفة المزرعة و طلعت وهو يقولها ماني راضي عليك صار ما يستغرب منها شيء.. او يحاول ما يستغرب عشان تكملها الحين و تقول انه ظالمها في حياتها.. اتجهت له حتى تبوس راسة.. : انا آسفة.. ابو سعود يحرك القلم بين اصابعة يمين و يسار : ما يفيدني آسفك يا وعد.. وجهة نظرك فيني وصلتني.. ما يحتاج تتأسفين و تبررين.. وعد : و الله فهمتني غلط.. بس اسمعني.. ابو سعود من غير لا يناظرها : ويش تبيني اسمع..؟! حرمتك الطب..؟! حرمتك دراستك برا.؟! زوجتك عماد من غير لا اشورك.؟! رجعتك لـ مكانة زي ما تقولين.؟! ويش باقي ما قلتية.؟! يظهر لازم تبتعدين عني مو بس عن عماد عشان ترتاحين.. جلست على ركبها لفت الكرسي جهتها : لا تكفى و الله بــ موت ان تركتني.. بابا و الله غلطت بس ما قصدك اقول كذا و الله ما عرفت اقول اللي بخاطري اخطيت بـ كلامي.. ما وصلت لكم اللي ابيه.. ابو سعود : ما اخطيتي يا وعد.. ما اخطيتي.. بالمزرعة قلت لكـ ماني راضي عليك طلعتِ و لا حطيتي لـ رضاي اعتبار.. دنقت جلست ثانية ساقها تحتها على الرخام و سندت ظهرها على الجدار: انقهرت..!! انقهرت بابا حسيت اني ولا شيء عندك..!! ضربتني عشان ندى.. (آشرت على نفسها) تقولي انا حسودة!! و ما احب لها الخير و انانية..!! تقول انك ما ربيتني..!! جلستني عندك عشان تسمعني تقول لـ ندى ما تسمح لـ غازي يضربها انت ما مديت يدك عليها بترضاها عليها.. و الله حزت بخاطري.. يعني ما يهمك عماد يضربني..!؟! ما يهمك دام ضربتني هو يضربني..؟! مسكها من عضدها شدها حتى توقف وهو ماسكها من معصمها اليمين : هذا ظنك في نيتي يا وعد..؟! مجلسك عشان اجرحك..؟! (تنهد وهو يشوفها حاطة يدها اليسار على فمها تبكي) تغيرتي.. تغيرتي على ابراهيم يا وعد.. ما جلستك الا عشان اتطمن انك تصالحتي مع ندى.. ما بغيت خواتك يعرفون المشكلة ويش هي..؟! يعني من كل عقلك برخصك و اخلي عماد يهينك..؟! انتِ تحديني امد يدي عليك يا وعد.. ليش تسوين هالسواة..؟! كل ما اقول عقلتي تنهبلين.. و ياليت تنهبلين هبال عادي.. الا تجرحين باللي حولك من غير لا تحسين و تخطين على الكل.. اخطيتي على امك و خوالك و عماد و علي .. علي انا.. انفتح الباب حتى تصد وعد للجدار تحاول تكتم صوتها.. ابو سعود ناظر ولده بعد ما ترك يدها .. سعود ناظر وعد وناظر ابوه : حطوا العشاء يبه.. ابو سعود : تعشوا ماني مشتهي.. بس حاول تخلي ميار تأكل.. سعود يناظر وعد يشوف اكتافها تهتز عرف انها تبكي : سامحها يبه.. ما قصدت.. اكيد عرفت خطاها.. ابو سعود : الى متى يا سعود..؟! الى متى تخطي و ادمح لها.؟! بـ تصير ام و هي للحين تخطي على ابوها..؟! سعود تقدم لأبوه و باس راسة : و عشان اللي بتصير هي امه.. عشان خاطر حفيدك.. تكفى يبه بس هالمره.. وعد مني ما عاد تجيب هالطاري مره ثانية..؟! ابو سعود : ويش بستفيد اذا ما جابت الطاري وهو بخاطرها علي..؟! سعود : ما راح يبقى صدقني اذا صارت ام بتفهم كل شيء تسوية انت عشانّا.. ابو سعود متضـــايق من علاقتة بـ بنتة و الحالة اللي وصلت له : تشوف اني ظالمها يا سعود.. ويش اللي قصرت فيه عليها..؟! عشاني حرمتها من الطب يعني بخليها تدرس مع الرجال بوسطهم رايحة جاية معاهم و الناس بتنقدها قبل لا تنقدني.. بنت ابراهيم تدرس مع الرجال.. و ابراهيم خلى بنتة بين الرجال مرخصها و عايفها.. ما خليتها تروح برا مع مين..؟! احمد كيد انه رجع و خالد ما باقي له الا سنة..؟! تبيني اترك كل شغلي و اشلّع فيها برا ليش ما عندي شغل هنا..؟! ما عندي بنات و عيال غيرها..؟! دخلتها تخصص جديد بالرغم من انها عصتني لو واحد غيري بنتة سوت فيه سواتها فيني كان حرمها و قعدها بالبيت تعد جدرانة.. لكني قلت ما يخالف سامحها ويش ازين من انه يكون عندها شهادة.. و كل ما قالت ابي قلت تم.. تخرجت و جننتني سنة دخلتها معهد عشان نفسيتها تتعدل.. كل شيء اسوية افكر فيها هي.. و حتى يوم زوجتها لـ عماد.. كلكم تدرون اني مهددة لو وعد ترجع لي و تقولي ابي الطلاق بـ طلقها منه ولو تجيني تشكية ما رحمتة.. لوو ذراعي فيها هي.. عامر ما اخذها مني لـ ولدة الا عشان يقهرني.. و بالرغم من ذلك حتى لو على حساب مضرتي ما تخليت عنها.. نادتني تشكية و اخذتها منه.. ثم تشوف جلستنا بمزرعتة كني ارخصتها و رديتها عليه.. رجعت له من غير لا ترد لأبوها الشور.. بالرغم من كذا قلت ما عليه يا ابراهيم ويش ازين من انهم يتفاهمون و تتعدل حياتهم.. طنشتني و تقول ارخصتني.. ثم يطلع مسوي لها كل اللي حكتة بالمزرعة و لا فكرت تقولي.. و تلومني تالي الوقت.. وعد لفت جهتة : انا ما لمتك.. انا آسفة.. و الله ما قصدت اقول الحكي اللي قلتة فهمتوني غلط.. سعود حط يده على كتفها : اهــدي.. بنسمع لك من غير لا تبكين.. اهدي.. وعد تناظر سعود : و الله ما قصدت سعود.. انا.. عماد.. عماد كان يعبي راسي.. و الله هو استفرد فيني.. هو كان يقولي ما يبونك..! و انا لما شفتكم.. ما جيتوني .. صدقتة.. ما توقعت القضية.. انا .. سمعتهم .. و شفت عماد.. ما كنت اعرف شيء.. و الله ضعت.. صدقتة لما.. ماما تخلت عني.. و لما عماد قالي انكم تركتوني بالقضية.. انكسرت و الله انكسرت.. .. تزاحم الحكي بـ خاطرها حتى تضيـــع و تتكلم بـ شيء غير اللي يحكون فيه.. حضنها سعود حتى تبكي بـ حضنة .. سعود بـ قهر : عماد ذا يبي له دق راس.. من كل عقلك تصدقينة..؟! و اذا امك تركتك.. ابوي ما ترك..؟! احنا ما تركناك..!؟ وعد وهي بحضن سعود : وراني ورقة الزواج شفت توقيع بابا.. صدقتة.. صدقتة انا ما شفتكم.. ما كلمتوني.. ما علمتوني بـ شيء خلتوني معاه لحالي.. لما بابا ضربني عشان ندى تذكرت كل كلام عماد.. انقهرت نزفت كان بيطيح البيبي.. انا كذبت انا اتفقت مع الدكتورة تقولة طاح الجنين.. (سعود يناظر ابوه والإثنين يشوفون انهيارها قلقلهم واحد.. هي و الجنين اللي في بطنها خايفين عليهم) زعل .. هاوشني يقول انتِ السبب دام نفسيتك معدومة انتِ اللي طيحتي الجنين عشانك خايفة يطلع مو ولدي.. و بعد كل شيء يتخدم فيني يقول نظفي الجناح عشان زوجتي الجديدة .. بيتزوج علي.. و هو.. (شهقت) وهو كان يحب قبل لا يتزوجني ما يهمني و الله ما يهمني بس اهله.. اهله كل شوي يجيبون الطاري بأول يوم لي عندهم تهاوش معاها و ترك البيت و خلاني.. يتكلمون عن علاقتة فيها و ما كني موجودة.. سعود شد عليها : خلاص .. خلاص يكفي.. اوعدك يا وعد اني بأخذ حقك منه.. وعد : طلقوني منه ما ابيه.. ما ابيه.. اكرهه.. سعود : لا تفكرين فيه الحين بأخذ لك حقك بس لا تبكين.. اذا ولدتي وما براسك الا الطلاق بـ يطلقك و رجله فوق راسة.. لو انك متكلمة من اول يوم رجعتي و الله ما تمادى عليك زيادة.. الله يهديك يا وعد.. ابو سعود وقف و سحبها من حضن سعود حتى يحضنها هو.. حتى لو هو زعلان من كلامها ما يقدر يشوفها بهالحالة و يبعد عنها صحتها تهمــة ولو تبي روحة ما غلت عليها : لا تبكين.. خلاص ما يستاهل دموعك.. وعد : خله يطلقني بابا خله يطلقني.. هو السبب في كل شيء هو اللي غيرني طلقني منه.. ابو سعود يشد على اكتافها : ما يصير خاطرك الا طيب بس اهدي.. لا تنسين اللي في بطنك ارحمي نفسك.. وعد ابتعدت عنه : انا آسفة.. ابو سعود : اذا عماد هو اللي مغيرك علينا ما يلزمنا.. ابي اشوفك بنتي اللي قبل.. عاقلة, صح مهبولة شوي بس مو على غلط.. و لا تسمعين لأي احد يشكك بغلاتك عندي.. هم ما تعبوا فيك.. لا يهمونك انــا ابوك ماني لاقيك بالشارع عشان يشككون بغلاتك عندي و تصدقينهم.. سواً عماد و الا غيره.. وعد بلعت ريقها : راضي..!! ابو سعود : ارجعي بنتي وعد اللي كلنا نعرفها و تأكدي اني راضي عليك من غير لا تنشديني.. باست كتفة.. سعود : يالله اكيد ينتظرونا على العشاء طولنا عليهم.. وعد : انا مو مشتهية ابي انام.. ابو سعود : عشان اللي لازم يتغذى.. وعد : مو مشتهية والله احس اني برجع لو اكلت.. ابو سعود تنهد اذا على شهوة الأكل هو بعد مو مشتهي.. لكن عنده ناس لازم يشرف عليهم اولهم ميار اللي حارمة نفسها من الأكل.. و ثانيهم جود اللي ما جلست على طاولة اليوم. مسح دموعها بيده : على راحتك.. طلعت حتى يطلع وراها ابو سعود و سعود.. فارشين السفرة على الأرض تقريباً كل واحد بـ مكانة عدا ميار و امها و وعد و جود.. ابو سعود جلس مكانة : وين جود..؟! ام احمد : تقول ما تبي تأكل تبي تشرب قهوة.. ابو سعود اخذ نفس : دانه قومي ناديها.. دانه وقفت : ان شاء الله.. ابو سعود : على كيفها هالبنت كلامي ما مر عليه شهر حتى تعصيني..!! خالد : يبه شكلها تعبانة و مالها نفس تأكل.. ابو سعود : قلتها انت تعبانة تلقاها كل اليوم ماهي ماكلة شيء.. انا ماني عارف ليش ما يهتمن بـ صحتهن..؟! صوتها المتذمـــر جاوبة : مالي نفس.. لف يناظرها .. آشر لها بـ يدة : تعالي.. تعالي.. دانه جلست مكانها و وجود جلست جنبة.. سندت كوعها على فخذة : لازم يعني..؟! المفروض توكل بنتك ام كرش.. تأكل عن اثنين.. ابو سعود شد اذنها : مالك شغل بـ بنتي .. عليك بـ نفسك يالله كلي.. ياسر يناظر جود ولا هامها شلون جالسة : انتِ هيه بزر جالسة هالشكل..؟! بقي تجلسين على رجول ابوي..!؟ رند جالسة احسن منك.. قبل لا ترد جود .. رند ترمش بـ عيونها تقهـــرها.. جود اعتدلت بـ جلستها وهي تناظر رند : عدال لا تفقع عيونك.. رند : و الله انا اسحن منك.. صح عمو ياسل..؟! ياسر ابتسم : صح يا عموو.. جود : مالت عليك و على عمك.. انا من يوم سمعتك تقولين لأبوك سافل غسلت يدي بـ كلوركس منك.. يا خبلة لو تعرفين معناها صدقيني انك بعداد الموتى من اسبوع.. خالد : قالت سافر بس مشكلتك ما تفهمين عليها ماهي مشكلتها.. نهى : و الله اتحدوا عليك جويدة.. ابو سعود : خليك منهم و كلي يالله.. جود سحبت الصحن و الملعقة دارت عيونها على الأكل : ويش اكل..؟! احمد : جود استغفر الله ويش هالحكي..؟! النعمة قدامكـ.. جود : ما ادري ويش اكل طيب..؟! (مدت الصحن لأبوها) حط لي على ذوقك بس لا تكثر.. سعود سحب الصحن من يدها : هاتي اشوف ..و نقول بـ نزوجها عز الله بيرجعك علينا من ثاني يوم بيقول مزوجيني بزر خلوها عندكم لين تكبر.. جود : ازين بعد عشان ما تزوجوني.. ابو سعود يناظر ام سعود : متى نامت..؟! ام سعود : لها شوي.. لين متى بـ تجلس على هالحالة..؟! ابو سعود : ما راح تجلس على طول.. ان شاء الله بس يخف حزنها بـ ترجع ازين من اول.. سعود حاط جوالة بـ حضنة و يدق.. مد الصحن لـ جود بيده اليمين و رفع جوالة باليسار حطه عند اذنة : هلا عساف... وعليكم السلام... موجود بالبيت.. لا ما قابلتة ليش..؟!.. ليش ويش فيه..؟! (لف يده حتى يشوف الساعة اللي قاربت الـ 12) الحين.؟! .. طيب جايكم.. اوكِ مسافة الطريق ماني متأخر..(وقف و ما زال يكلم بالجوال) اها.. يحتاج اغير و الا..؟! .. اوكِ خلاص مع السلامة.. ام سعود قبل لا يتكلم بادرتة بالسؤال : وين بتروح يمه..؟! سعود : اجتماع طارئ.. يمكن اتأخر لا تنتظرين يمه.. ام سعود : عملية..؟! سعود : لا, بس اجتماع.. حتى بروح بـ ثوبي مانيب مغير.. ام سعود : اتصل علي اذا ابطيت.. سعود انحنى حتى يبوس راسها : لا تنتظريني الله يخليك لي.. تعشي و نامي يكفيك طول اليوم جالسة مع ميار.. اعتدل بـ وقفتة حتى يبوس راس ابوه : نسلم عليكم.. : مع السلامة.. خالد لف لولدة اللي جالس بعيد على كتابة : ابراهيم تعال تعشى.. ابراهيم ما رد و لا تحرك.. خالد : ابـــراهـــيم.. ام احمد تناظرة قلبها شفق عليه منسدح على بطنة : يا عوينتي نايم على كتابة.. خالد : من جده.. ابو سعود لف و شافة فعلاً نايم راسة على الكتاب و المرسام بـ يدة لف على خالد : و الله ما تصحية.. جننت الولد تراه ثاني ابتدائي خله يكره الدراسة و تعقدةى من سوياك بكره ينحاش منه و تلف وراه بالسكيك.. خالد : ليش يبه تبيني اتركة و اخليه يهمل دروسة.. ابو سعود : لا تخليه يهمل و لا تعقدة.. من العصر و انت ماسكة شد عليه بس ماهو زي اللي تسوية فيه.. توه بـــزر.. الولد صار يخاف منك ما يقولك انه ما يعرف الجواب يعرف ان لسانك بـ يلعلع عليه.. خالد اخذ نفس : هو صاير يتدلع.. ما يعرف الجواب ليش ما حضر الدرس..؟! و الا المخ ميح يطلع من المدرسة و ينسى كل اللي اخذه.. حاتم : انت ويش فيك معقد..؟! حرام عليك اللي تسوية فيه.. ابو سعود : بكره كمل له مو ضروري تنكد عليه حتى نومتة لا تعشى و لا اكل شيء.. ماهو لازم تخلص كل شيء.. خالد : ليش زينة يبه يعطوني خطاب انه مهمل .. و الا يستدعيني المرشد يتشكى من كسلة.. ابو سعود : انت سمعة هالحكي و سوو فيه هالسواة و الله ان تشوفها بـ عينك فيه.. ماهو مهمل عشان ما حل كل اللي اخذه بـ يوم واحد صار مهمل..؟! اللي يكلمة ما حل واجباتة قبل العيد روح انت بنفسك و كلمة.. اعطة اسبوع على الأقل يحل فيه مو كل شيء بليلة تبيه ينهية.. وقفت جود : سفرة دايمة.. يـــاتي هاتي قهوة صالة فووق.. ام احمد : ما اكلتي شيء يمه..!! جود : امبلى شبعت.. بتـــقهوى الحين.. ابو سعود : ايه اقعدي لي فوق و اسهري للفجر و طنشي دروسك.. جود : ماني مطنشة بس بــ أروق على القهوة و بعدها اشوف دروسي.. سها ناظرت جود : خذيني معاك.. (وقفت) سفرة دايمة.. ابو سعود : بالعافية.. .. في مكـــتب غازي جالســـين الصدمة متملكتهم جميــعاً.. اخر تحقيقاتهم و اللي وصلوا له!! عســاف : ماني مصدق..!! يعني كل هالفترة مضحوك علينا..؟!!! راشد اساساً خاين..؟!! عزام : الأدلة كلها تقول كذا.. بس ما ادري شلون ما طرى عليكم..؟! شلون ما طرى عليكم انكم تعرفون راشد من خمس سنين..؟! كيف تمر عليكم سالفة انه فاقد الذاكرة..؟! و انه معذب..؟! عماد يضرب راسة : ما ادري ما ركزت..!! ما اعرف شلون مرت علي..؟!! عدا ان الصداع اللي يشكي منه مرر علي الموضوع.. واني شفت ابوه و كم مره سيرت عليهم!! الفريق غازي : اللي شفتهم ماهم اهله اكيد انهم العصابة انفسهم.. يمكن الأشخاص اللي ما نعرفهم مثل الصقر.. انا بعد غلطت.. مشاكلي نستني التركيــز.. مر علي الموضوع كنهم قارين علينا.. نايف : حبـــة حبـــة نستوعب.. يعني الآن راشد او بالأصح تركي بن سيف هو اصلاً خاين.. تقرب من عماد و اشتغل بهالدائرة باسم راشد بن مسلم.. و هذا من خمس سنين.. و كان هو قدامكم راشد و من وراكم تركي.. بعدها بـ سنتين قرر تركي انه يسافر برا و اختار الصين و اختفى طبعاً كلها تلفيقة و رجع السعودية بـ شخصية راشد.. و ابتعد حتى عن اهلة.. و هذا يفسر السبب اللي خلى اهله ما يلقون له اثر بالصين.. لأنه اساساً رجع السعودية.. و قدر يـلعب علينا..!! يمثل انه معانا و يأخذ الثقة وهو اساساً مو معانا..؟!! عزام : و الصور اللي لقيناها و الرسايل اللي في بريدة و بيتة..؟! عساف : اكيد كلها تلفيق.. ماهو عايز لا يسوي كل شيء ملفق.. ماهو عايز لا هو و لا جماعتة الله ينقفهم من على وجة الأرض.. سعود : بـــس..! راشد.. كان معانا بخططنا هذا يعني..!!! عساف : يعرفون عن ولــــيد.. راح يكون بـ خطر.. غازي : مو بس وليد.. بــنتي معاهم.. اربع وجوة اعتلتها الصدمة عماد.. عزام.. نايف.. عساف.. اما سعود يعرف بما انه قرأ الرسالة اللي ارسلها وليد لـ الفريق غازي.. عمــاد عقد حواجبة بحدة مصدوم : نعـــم!! الفريق غازي : باليوم اللي تعطلت فيه كاميرات البوابة الخلفية بالمزرعة هم اخذوها.. عساف ما كان اقل صدمة من عماد : واحنا وين كنا..؟! عيوننا وين..؟! الفريق غازي : ما ادري.. كيف اخذوها ما ادري.. اللي ادري فيه انها معاهم وبــس.. نايف : كل هالفترة و احنا ما ندري..؟! صار لها اكثر من اسبوعين..!؟ كنّا حاولنا نعرف المكان من وليد و اخذناها منهم.. الحين شلون بـ نوصل لـ وليد.. الفريق غازي : وليد حزتها كان بالمزرعة.. يعني ما يدري.. ولو عندهم علم بـ نيتهم بخطف بـنتي كان خبرنــا.. عدا ان وليد ما يعرف مكانهم اصلاً هم يدلون مكانة لكن الصقر يوم اخذه اخذة وهو مغطي له عيونة.. عزام ناظر ســعود : انت تدري..؟! سعود مد ساقة اليمين تحت الطاولة المتوسطة جلستهم : من اسبوع دريت.. عماد يناظر عمه مقـــهور : ليـــش ..؟! ليش ما علمتنا..؟! و الا ما انت واثق فينا..؟! الفريق غازي : لو ماني واثق فيكم ما جلست معاكم و الا اخترتكم.. لكن انا نفسي ما كنت ادري انها انخطفت و لا تسألوني شلون ما كنت ادري و خلاص.. من اسبوع جاني رجال و قالي انه واحد راسلة لي عشان يخليني ازوج لينا له.. و وقتها جاني سعود و معاه رسالة من وليد قالي اني لازم اوافق لأن بنتي معاهم.. و يوم نشدنا الرجال عن مواصفات الرجال اللي جاه آشر على سعود و قال انه يشبهة.. نايف : يعني وليد هو اللي قال له..!؟ هو اللي راح للرجال.. سعود : ايه.. عساف : بس اذا هم يعرفون عن وليد من تركي.. ممكن يكونون هم ارسلوا الورقة بإسم وليد.. و ممكن لعبوا على وليد بأي موقف و ارسلوا للرجال كا مهمة له و قالة كلام هم متفقين عليه.. او واحد فيهم تنكر مثل وليد.. حتى يوهمنا ان الشخص هو وليد.. سعود : يعني انت متوقع ان كل شيء ضاااع...؟! كل شيء.. انهدم..؟! عساف اخذ نفس من غير لا يناظر في سعود : انا احط احتمالات لأسوء الأشياء.. بعد ما طلع راشد يلعب علينا(ناظرة نظرة قوية ثابتة) لازم تحط بين عيونك انهم يعرفون وليد.. عماد : شلون نقدر نوصل له..؟! مو معقول بنجلس ننتظر لازم نعرف شيء..؟!! لازم نأخذ لينا منهم.. عزام : اتفاقنا مع وليد هو يتواصل معانا اذا شاف الوقت مناسب.. يعني احنا نستقبل منه المعلومات ما نرسل له.. نايف : شقتة.. نروح لها.. الفريق غازي : لا.. ما بعد انهبلنا للحين.. تصرفات ماهي محسوبة تهدم كل شيء.. مافيه شيء للحين موثوق مية بالمية.. تصرف غلط منّا يهدم كل شيء.. نايف : طيب ويش الحل..؟! نجلس ننتظر و نحط يدينا على خدنا..؟! الفريق غازي : اذا هم عارفين بـ وليد بيستغلون وجودة معهم يا اما يتخذونة ورقة رابحة ضدنا بحيث يهددونا فيه.. يا امّا يحاولون يقنعونة يشتغل معاهم و منها يأخذون كل المعلومات اللي عندنا يعني يصير بديل لـ راشد.. عساف : و ليش ما تتوقع يخبونة عندهم و يعذبونة و يغسلون مخــة.. و التلفيقة اللي لفقها راشد و خدعنا فيها تصير واقع بـ وليد.. الفريق غازي : حزتها احنا راح نبعد وليد.. عنّا و عنهم.. عماد : بس..؟!! يعني احنا الحين بنطلع من الإجتماع و نروح بـيوتنا..؟! و وليد و لينا معاهم..؟! عساف : ليش عندك استعداد تتصرف تصرف ما انت عارف ويش ممكن تكون نتيجتة..؟! عزام : طيب باقي شيء واحد.. راشد ممكن قدر يخدعنا كلنا.. لكن مستحيل يقدر يمثل الألم علينا و الصداع..؟! الفريق غازي : تركي كان يعاني من ورم في الراس وهو سبب الصداع .. هو متفق مع الدكتور على سالفة فقدان الذاكرة.. بعدها هم تخلصوا منه.. العصابة نفسها حسوا انه ما راح ينفعهم زود و خلصت فايدتهم منه و قتلوة.. عزام : ورم!!! الفريق غازي : ايه اثبت هالشيء التشريح الجنائي.. و استدعينا الدكتور للتحقيق و هو اللي قال ان راشد متفق معاه على قصة فقد الذاكرة.. عماد مقهور راشد كان قريب منه جداً جداً و انصدم لما عرف ان راشد ماهو اكثر من خاين و تقرب منه عماد اللي عده اخ له و راشد ما بغى عماد الا مصلحة مو زود : ويش ذا الحالة..؟! حاسنا راشد حوس الله يحاسبة.. سعود : بننتظر ليـن نعرف ويش صاير مع وليد..؟! نايف : هذا انسب حل.. ما ندري هو ويش صاير معاه.. ما نقدر نأكد احتمالات احنا مو واثقين منها.. .. ابو عبدالرحمن : ما مريتوا بنية اخوكم اليوم شفتوا ويش حالها..؟! بندر : انا كنت عندهم المغرب.. على حالتها كلمتها و جلست تبكي.. مشاري : انصدمت بـ موتة مين يلومها..؟! أسيل متأثرة : من جد شيء صعب لها ثلاث سنين ما تعرف شيء عنه فجأة تلقاة و ما احد يخليها تشوفة ثم يموت..!! و مقتول بعد..؟! فجعة كبيرة.. مشاري : ما تدري انه انقتل.. بس تعرف انه مات و بس.. و لا يزل لسانك عندها ابراهيم منبه اكثر من مره ما احد يقولها.. أسيل : لا يا حبيبي تبيني افجعها.. لا و الله ما اقولها شيء.. اصلاً ما اعرف اواسي عشان اجيب العيد و اقولها مات مقتول.. راكان : اجل لا تحاكينها خير شر.. و ان شاء الله هم يطلعونها من اللي هي فيه ما راح تجلس كل عمرها عايشة كذا.. ام عبدالرحمن : يا عزتي لها هالبنية.. و الله اني قايلة لأبوها طلقها منه يمكن لو طلقها كان خف حزنها عليه هالحين و لا قضت هالعدة محبوسة ببيت ابوها.. بندر : هذا المكتوب لها يمه ما احد يعترض عليه.. أثير : صح انها بتأجل هالترم..؟! مشاري : ايه.. البنت ما داومت قبل العيد و الحين مالها خلق تداوم تأجل هالترم ازين لها ما راح يكون لها نفس تذاكر و هي بـ تكون بالعدة اصلاً.. أسيل : و الله على الأدمية اللي شفتها ما اتوقع تروح الجامعة و تفكر تأجل هالترم.. بندر : ابراهيم ماشي لها بالموضوع.. ما يحتاج تروح يجيب لها التأجيل حد مكانها.. ام مشاري : يبي لنا نروح لهم نسير عليهم يمكن نونسها..؟! ابو عبدالرحمن : و وعيد ما طرا لها ترجع لـ بيتها..؟! بندر ناظر مشاري اللي بادلة النظرة الإثنين يعرفون تفاصيل الخلاف اللي ابتدأ بصراخ ملى المزرعة و طلعهم منها.. و الحيـــن معلق.. ما يندرا شلون ينتهي.. بندر اخذ نفس : ماهي راجعة الحين.. بتجلس عند ابوها لين تولد.. ام عبدالرحمن : و حري من هالبنية.. و الله ان الصخر يلين و راسها ما يلين.. امس انا مكلمتها تقول ماني راجعة له.. و الله اني شاكة غير تطلب الطلاق لكن ما حاصل لها.. ما عاد الا هي تطلق من رجلها و هي ببطنها بزر.. مشاري : الحياة ما تمشي بالغصيبة يا خالة و اذا هي ما تبيه ما احد بيحدها على الرجعة له.. ام عبدالرحمن : و الله انه كلام سعيدان هو اللي مقوي راسها.. يبي لهم دق رووس الإثنين.. راكان ابتسم : وهو ويش دخلة يا خالة..؟! ام عبدالرحمن : هو اللي يقول ما ترجع له الحين.. انا اساحل بالبنية يدخل عندنا و يقول لي شيلي هالحكي من راسك.. ولد امس يعلمني ما عاد الا هي.. أثير وقفت : عن اذنكم بروح اذاكر.. أسيل : يالدافورة اعطيني شوي.. بقي لي خليني افتح الكتاب على الأقل.. بندر : ما باقي الا تصكينها بـ عين قولي لا إله إلا الله.. أسيل حطت يدها على راسها : اختي و انا حره فيها اصكها عين اذكر الله عليها كيفي مزاااجي.. أثير : لا تكفين اجلي عينك عندي اختبار بعد بكره.. أسيل حطت يدها على راسها : يا كبرها يا كبرها الحين انتِ رايحة تذاكرين للإختبار اللي بعد يومين..؟! أثير : المادة ماهي سهلة مليانة معلومات دقيقة و متشابهة يبي لها ذهن مفتح.. ام عبدالرحمن : هو انتِ ويش تدرسين يا بنيتي..؟! أثير بلعت ريقها وهي تذكر كلام وعد عن التخصص.. لكن امها جاوبت : طب.. ابو عبدالرحمن ابتعد عن المركى بعد ما كان متساند عليها : وشهو..!!! مشاري بـ بساطة : طب يبه.. ابو عبدالرحمن بـ حدة : ما عاد الا هي.. راكان رفع حواجبة : و ليش إن شاء الله..؟! ابو عبدالرحمن بـ إستنكار و غضب عـــارم : انا بنيتي تدرس مع الرجال سبرها بـ سبرهم..؟! ام مشاري : ما فيها شيء يا ابو عبدالرحمن البنية محتشمة بعباتها.. وهم يجلسون البنات وراء و العيال قدام.. ابو عبدالرحمن ناظر أثير الواقفة قلبها يـــرجف : و الله ان عتبتي باب البيت لا احش رجولك.. مشاري يحاول يهدي الموضوع قبل لا يكبر : يبه اسمح لي.. اثير بـ سنة رابعة ماهي توها تدرس.. انت تضيع مستقبلها كله.. و الطب ما فيه شيء زيه زي أي تخصص ثاني.. ابو عبدالرحمن يشهر يده بـ تهديد لهم : لو هي اخر سنة ما خليتها تكملها.. تبون الناس تأكل وجهي..؟! راكان بــ غضب موازي لأبوه لأنه ما يشوف له حق باللي يقولة : يــــا ســــلام.. و الناس يوم درت انك تركتنا سنين ما اكلت وجهك..؟! ما يحق لك تتحكم في حياتنا و تهدم مستقبل اختي.. انت حرمت نفسك من حق انك تمشي حياتنا.. جاي الحين تمنعها من دراستها..؟!! بندر : راكـــان.. احترم نفســـكـ.. راكان : لا يا شيخ بتكلمها انت..!؟ اشوفك ملكت على دكتورة ما احد قالك عينك بـ راسك..؟! بندر : انا اقول احترم نفسك لا تغلط على ابوي.. ما جبت طاري الطب.. (لف يناظر ابوه يحاول يقنعة وهو يشوف أثير بـ تبكي) يبه الله يرضى لي عليك.. ما فيها شيء.. ليش تحرمها من دراستها لو هي توها سنة اولى اقولك سهلة تخليها تدرس أي قسم ثاني بس هي سنة رابعة.. يعني باقي لها ثلاث سنين.. ابو عبدالرحمن : بنتي ما تدرس بين الرجال لو بكره تخرجها.. مشاري ما راح يسمح له يتحكم بحياتهم بـ هالشكل.. لو الموضوع ما يتعلق بـ دراستها بـ يسكت لكن دراستها لا.. تكلم بـ هدوء حازم : اسمح لي يبه.. اثير بتكمل اللي بدت فيه.. لو يهمك بنتك ما تدرس بين الرجال كنت جيت منعتها من اول.. على الأقل من اربع سنين يوم اختارت الطب.. مو الحين تحرمها حلمها و تحطم سنين عمرها.. ما عندنا استعداد اننا نهدم احلام بنيناها.. ابونا على راسنا كلمتك ما تنعصى.. انت تركتنا وما نشدت علينا الحين بتهدم مستقبل احنا نسعى له..؟! ابو عبدالرحمن طلعت عيونة وهو يناظر مشاري : بتعصيني يا مشاري..؟! هذا و انا اقول انك اعقلهم.. تبي تكبر رووسهم علي..؟! مشاري : انا ما عصيتك يبه.. بس اللي تطلبة مستحيــل.. اختي احنا واثقين فيها و في تربيتها.. اذا انت تركتنا و رجعت تبي تصلح خطاك لا تكملة الحين و انت تمنعها من الطب لأن هالشيء ما راح يصير.. ابو عبدالرحمن : بـ شوف يا ولد موضي يصير و الا ما يصير (ناظر اثير و عصب عليها) انقلعي عن وجهي.. طلعت بــسرعة .. اما أسيل اللي كانت تتقهوى بـ برود تمنت انها مكان اثير اللي بالعة لسانها عشان تسكت ابوها.. حلوة يحرمها من الطب.. حاط لـ نفسة حق علينا هو بنفسة تخلى عنه.. .. سبحان الله و بحمدة سبحان الله العظيم.. لا احلل نقل الرواية دون ذكر إسمي.. هاشتاق #رواية_لو_سألتي_الورد ضحكة قهر.. |
رد: لو سألتي الورد وهو ما بين إيدك أقطعك بيقول لك عمري فداك الكاتبة / ضحكة قهر
بسم الله الرحمن الرحيم..
السلام عليكم و رحمة الله و بركاتة.. بداية بنناقش رفضكم لـ خيانة تركي!! رغم اني توقعتكم تلقطونها قبل لا يجي الحدث نفسة.. بديهياً رانية لما كانت تكلم هيفاء وقت ما وعد محبوسة بالمزرعة قالت لها انها سمعت عماد يكلم راشد عن انهار و هالحكي من خمس سنين تقريباً تركي اختفاء من حياة ميار و اهله من ثلاث سنين!! طيب نحلل الموضوع شلون تركي قبل خمس سنين مع عماد وهو فيه شيء مأثر على عقلة سببة العصابة!! هذا يعني ان تركي اساساً خاين و تعرف على عماد و استغل علاقتة فيه و بعدها دخل بالقضية من ثقتهم فيه.. وهو اساساً خاين لهم.. شلون طافت عليكم فرق هالسنتين بين اختفاءة و قصة فقدانة للذاكرة و عماد و تعرفة عليه من خمس سنين!! اقتنعتوا..؟!!! طيب اللي ما اقتنع ان شاء الله بـ يقتنع بهالبارت بعد ما يسمع حكي الطرف الثاني عن تركي و اللي هم العصابة!! اكثر من كذا توضيح ويش باقي..؟!! لاحظت تعاطفكم الكبيــــر مع وعد مقارنة بـ ميار اللي متوفي زوجها كان اكبر بـ كثير وعد من ميار..؟! ليش كذا..؟! لهالدرجة ما ترضون عليها حتى انه تصيح..؟! لو ما اطلعها بكم بارت وراء بعض ويش بتسوون..؟! يمكن تأكلوني بـ قشوري.. غير كذا نقدكم لـ خالد ليش..؟! ترى مو كل الأباء ما يغلطون.. اي اب بالدنيا يغلط التربية ماهي شيء سهل عشان نقول ما راح يصير فيه اي اخطاء..؟! البارتات الجاية بـ تكون اغلبها احداث اجتماعية عندنا احداث كثيـــر و هذا ما يعني ان العصابة ما يطلعون خير شر.. لا بس عندنا ناس كثير عندهم مشاكل و زواجات و اشياء و احداث حماسية.. البارت هذا فيه زواج!! استمتعت فيه ^_^.. اخر شيء للي جاوبوا على المقتطف اللي نزلتة بالآسك.. ما توقعت احد بـ يجاوبني صح.. لكن ثنتين جاوبوني صح.. اريج على الآسك.. و أريج الجوري على التويتر.. و البارت إهدأ لهن الثنتين.. البارت الجاي يوم الجمعة بإذن الله.. الله يوفقكم في اختباراتكم و يفتحها عليكم.. اذا فيه اخطاء استروا ما واجهتوا مفتحة عين و مسكرة عين.. ابي تفاعلكم مو تعذرون بالإختبارات تراني انزلة بالويك اند ذا بتعذرون لي بالإختبارات نوقف الرواية لين تنتهي.. حيـــاكـم الله جميعاً.. البارت الثامن و الأربعون.. ليه تقتل كل ذكرى في حياتي وليه وسط الذاكرة زاد اتّساعك ؟! كل ماحاولت أشاهد ذكرياتي وقفّ المشهد على لحظة وداعك ! لـ أحمد المطيري.. بيت ابو سعود.. الصالة اللي اعتادوا يجلسون فيها.. خالد جالس مع ولدة على الأرض يكمل له كتبة.. و جود و وعد على الأرض يتقهون جنبهم.. ام سعود تناظر زوجها : جاء الظهر و نام.. و طلع العصر و للحين ما رجع.. و الله قلبي ماكلني عليه.. ابو سعود : ماهو بزر.. انتِ عارفة انه مشغول بـ دوامة لا تنقين عليه.. بتخلينه يشيل همك.. خليك مع اللي جنبك لا هي راضية تاكل و لا تحكي..!! ام سعود ناظرت ميار و كأنها تعيش بـ عالم ثاني.. بــعيد عن عالمهم.. حتى نظرات عيونها فااارغة من كل شــيء.. يمكن حتى حزنها ما تحس فيــه..!! : السلام عليكم.. : وعليكم السلام.. جلس عند رجول امه على الأرض و رجع راسة على وراء يسند راسة عليها : همزي لي يمه.. ام سعود : ويش بلاك.. سعود يضغط على عيونة بـ أصابع يدة اليسار السبابة و الإبهام : راسي مصدع.. ام سعود تهمز له راسة بيديها الثنتين : غصب لا تنام و لا تأكل.. تهاوش خواتك و انت ما تشوف نفسك.. سعود يصر على اسنانة و غمض عيونة : شغل و لازم اقضية .. وعيد ابيك بعدين.. وعد : انت فك نفسك من الصداع و بعدين يصير خير.. سعود رفع راسة و ناظرها : لا تنامين هذاني انبهك.. و الله ان نمتي لا اصحيك.. رفعت حواجبها : خير ويش عندك ..؟! قول اللي تبيه الحين.. سعود : ماني رايق لك الحين.. بس اصبري علي لو يطلع الكلام صدق بـ أوريك.. رجع راسة و هي تناظرة مستغربة.. أي كلام يقصد..؟! ما بقى شيء ما قالتة..؟! معقولة يكون سعود مكلم عماد و عماد قايل له شيء عني..؟! بس انا ما سويت شيء خله يقول اللي يبي.. ابو سعود يناظر وعد ثم سعود : ويش فيه يا سعود..؟! سعود : بعدين يبه.. و الله راسي بـ ينفجر.. ابو سعود اخذ نفس و ناظر وعد.. اللي بادرت بـ دفاع وهي تناظر ابوها : و الله ما سويت شيء.. ابو سعود : ما قلت شيء طيب.. جود : هههههههههههه خبلة خليتيهم يشكون فيك..شكل الحمل أثر على عقلك.. ما كنتِ كذا.. وعد انقهرت .. ردت على جود و عيونها جوالها تناظر الرقم يتصل عليها : انتِ الخبلة.. ما سويت.. خليهم يشكون.. (ردت) الو.. وعليكم السلام.. ايه انا وعد مين معاي..؟! عند هالجملة كلهم التفتوا يناظرونها.. وعد : اهــا.. ايوه.. اوكِ انا موجودة هالحين بالبيت.. العنوان.... قفلت الجوال.. جود : مين..!؟ وعد : شركة الشحن.. وصلت الشحنة بيوصلونها للبيت.. ياسر : لا و الله.. (يقلد صوتها) ايوه انا وعد مين معاي..؟!هبلة انتِ .؟! يعني أي احد يتصل عليك تقولين له كل شيء قبل لا تعرفين مين هو.؟! ما تبتي من وراء اللي صار لك من صلاح للحين..!؟ وعد : ما صار شيء يستاهل عشان تعصب علي.. ابو سعود يكلم ياسر : خلاص ياسر حصل خيــر.. ياسر : يبه نسيت كل شيء صار و عشناه..!؟ ابو سعود : ما نسيت.. و وعد تعلمت من اللي صار و لا عاد بـ تخبي علينا شيء.. لو صار شيء بتقولنا.. سعود رفع راسة من على رجل امه : ما ظنتي يبه انها تعلمت.. وعد تناظر سعود معصبة منه : انت قول اللي عندك.. لا تجلس تتكلم من تحت لـ تحت.. انا ما خبيت شيء قلت لكم كل شيء.. اذا عماد ملفق علي شيء مو مسؤوليتي تجي و تجلس تنغز بالحكي.. ابو سعود : سعود قول اللي عندك.. ويش فيه..؟! سعود قام بعد ما حس ان راسة خف عنه شوي و جلس على الكنب جهة امة و قدام وعد : مو عماد اللي قال.. رانيه و هيفاء.. احمد : مين هذولي..؟! سعود : الحارسات اللي كانن معاها وقت ما جلست بالمزرعة مع عماد.. وعد : ويش قالوا..؟! ما اخبر شيء..!! سعود : يعني انتِ حكيتي لنا كل شيء صار بينك و بين عماد..؟! وعد بـ ثقة : ايه.. سعود : انا استدعيتهن اليوم مع الفريق غازي و سألنهم عن اللي صار بينك انتِ و عماد بالمزرعة.. وعد : ايه .. و بعدين..؟! سعود : قالن انه ضربك.. كل الأنظار اتجهت لها.. نزلت عيونها على فنجال القهوة قدامها.. سعود يكمل : و انتِ ما جبتي هالطاري و لا قلتِ انه مد يده عليك.. رغم انك قلتي انه سبك و حكيتي كل شيء الا هالشيء ما جبتي طاريه.. خالد يناظر وعد اللي جالسة جنب ولدة مستغرب منها!! : من جدك..؟! ليش..؟! يعني ما وراك احد يأخذ لك حقك منه..؟! احمد : معقولة وعد..؟! ضربك و سكتي..!؟ كل شيء و لا إنه يمد يده عليك.. ابو سعود غمض عيونة بـ قوة : استغفر الله العظيم.. وعد تدارك الوضع قبل لا ابوها يعصب و يفهم شيء ثاني عن قصدها : لحظة.. اصبروا.. مو قصة خبيت.. هو ما ضربني ضربني.. يعني بس شد شعري و هذا ما اعتبرة ضرب.. خالد : اجل ويش يعتبر يا حظي..!؟ بس شد شعرك ما سوا شيء..؟! وعد : اففففف يعني لازم اقول..؟! ابو سعود بـ حدة: لا تتأففين بـ وجهــــي..!! وعد دنقت : آسفة.. ابو سعود يكمل بـ نفس النبرة الحادة : وعد و بعدين معاك..؟! قلتِ اشياء اقوى من انه ضربك.. عجزتي لا تقولين مد يده علي..؟! الى متى بتتعبين اسلوب انك تخبين علينا و كأنك بـ تقدرين تحلين كل شيء بنفسك..!؟ وعد ناظرتة : مو قصة اخبي.. بس لما رجعت معاه بعد ما غبت شهر عند عمي مشاري كنت ناوية انسى كل شيء صار صح هو اخطى علي مره و ثنتين و عشر بس انا بعد اخطيت عليه مره يعني يوم شد شعري انا كنت معصبة فيه لأنه يبي الجوال اللي جابة وليد.. انا ما كنت فاهمة شيء بالقضية.. لأني شفت صلاح و صاحب عماد وعماد و كل شيء مع بعض ما خلاني افكر بـ شيء.. لما مد يده علي.. انــا.. مديت يدي عليه.. : ايـــــــش!!! مصدوميــــن!! مدت يدها عليه..؟! ضربت عماد..؟! ام ندى مصدومة : انتِ ضربتي الرجال..؟!! وعد صدت لـ لجهة الثانية ما تشوف غير جود اللي جالسة جنبها : ......... ياسر : وعيــــد.. انتِ مديتي يدك عليه..؟! صاحية انتِ..؟! تمدين يدك على رجال طول بـ عرض قدامك زين اللي ما ذبحك.. و الله مالنا وجه نطالب بدمك منه.. ام احمد : يا حيـــف يا وعــــد يا حيـــف.. وعد : ما سويت شيء غلط يا خالة قهرني.. مستفز لأبعد حد.. يجي عشان يتأمر علي و يذلف.. حتى من الجناح ما يخليني اطلع.. و يسمعني كلام زي السم.. و فوقها يفكر يمد يده علي.. قهرني محبوسة و مأكلة تبن حتى بالحكي اللي يقولة لي.. عصبت منه يوم مد يده علي و رميت الفازة على كتفة.. اوكِ انا ما قلت هالشيء بس هو ما كفخني و علّم علي.. انا ما همني انه شد لي شعري اللي يهمني الحكي اللي قالة لي و اللي انا قلتة لكم.. عماد ما تزوجني الا عشان ابوه يقهر بابا.. و جات القضية و تورط معاي.. جود تبوس خد وعد و تصفق بـ حماس : انتِ كفــــو .. ما فيه احد زيك ابد.. اعطيني دروس عندك.. ابو سعود يناظر جود : احمدي ربك اللي هي مغطية عليك و الا صكيت فنجالي بجبهتك.. سعود : بس كان لازم تعلمينا.. حتى لو السالفة شد شعر.. يعني قلتِ كل شيء عجزتي لا تقولين هالكلمتين.. وعد : طيب ذاك اليوم بعد شد شعري.. يوم تهاوشنا.. و خنقني و مو اول مره يخنقني قد خنقني قبل يمكن مرتين ما ادري ثلاث.. اعتقد ما باقي شيء ما قلتة.. حاتم : بس عشان خايفين عليك.. مهما كان هذا زواج مبني على الإحترام و الضرب ما يدل على انه يحترمك.. ابو سعود : يا خوفي بس تطلعين بكره بـ شغلة يا وعد.. ما عدت اثق بحكيك.. لازم تنقصين بالحكي.. وعد : ما نقصت.. انا قلت كل شيء.. توقعت تهاوشوني على اللي سويتة.. بس.. بس انا مو معتبرة نفسي عشت معاه كا زوجة.. يعني.. لو بعد الأيام اللي عشتها خلال الفترة كلها هاذي من قبل رمضان لين اليوم ما تجي شهر على بعضة و كلها هواش.. هو ما عنده استعداد يتقبلني و انا ما عندي استعداد انهان.. ام احمد : يا يمه ما يصير هالحكي مهما كان هذا زوجك و بينكم بيصير ولد.. ام سعود : ابوك ينادية و يصلح اللي بينكم و ترجع المياة لمجاريها.. سعود : لا.. لا يمه.. ما ترجع لمجاريها.. ويش هي مجاريها ينومها و يصحيها على هواش..؟! و يهينها و يطعن فينا كلنا.. ام احمد تهدي سـعود : يا وليدي ما يصير لا تقطع رزق اختك.. وعد : ما ابيه.. انا ما ابي الا الطلاق.. ما ابي اعيش معاه.. بـ يتزوج علي.. راح و خطب.. جايني بكل قواة عيني يقولي نظفي الجناح لـ زوجتي.. و هذا هو سبب الهوشة الأخيرة هو قالي نظفي الجناح و انا رحت حستة زيادة.. منيره بإستهزاء : ويش تصرفات البزارين هاذي و إذا قالك نظفي الجناح مو بالضرورة انتِ تنظفينة قولي للخدامات و هم ينظفونة ليش تأخذين الموضوع بحزازية و تخلينه يمسك شيء عليك..؟! هالشيء بيكبر مقدارك مو مقللة.. جود ترد عليها بنفس الإستهزاء : لا و الله..؟! تأخذ الموضوع بحزازية..؟! و ليش هو ان شاء الله ما يقول لخواتة و الا الخدامات..؟! اختي ويش دخلها.؟! مو يكفي انه قاهرها حاط على راسها مره جعلهم يكسرون راسة.. نهى دخلت بالنقاش قبل لا تسلم : دايم اقول اللي ماله بالموضوع يحب المثالية و يجلس يتفلسف .. النار ما تحرق الا رجل واطيها.. نهى باست راس ابوها و خالاتها لما وصلت لـ منيره ما ودها تسلم لكنها ضغطت على نفسها عشان ابوها فقط.. و الا مو تقدير لها.. منيره : ما بغيت الا مصلحتها الحين عماد يشوفها بزر.. ابو سعود : اللي صار صار.. الزواجة من اولها خطأ.. وعد تترجاه على شفا حفرة من انها تصيح : بابا انت وعدتني البارح.. ما ابيه ما ابي اعيش معاه.. خله يطلقني.. ابو سعود : قلتيها وعدتك وما راح اخلف بـ وعدي.. ما عندي استعداد اجلس اتفرج على ولد عامر ويش يسوي فيك.. ابراهيم مد الدفتر على ابوه كلهم يتناقشون و ابراهيم على دفترة يكتب : خلصت.. سحب الدفتر خالد و عينة على ابوه : يبه انهي كل شيء بأسرع وقت.. ليش تجلس كذا.. بكره بس تولد يحطون لهم حقوق مالها اول من تالي.. ياسر : دام هي تبي الطلاق يجيها.. كلنا من الأساس ما كنا نبيها هالزواجة.. من وين بـ يحترمها وهم حسوا انهم قدروا يلون ذراعك فيها و يأخذونها.. الحين ما يهمهم ممكن يسوون شيء ثاني عشان عماد ما يطلقها.. ابو سعود : ماني مستغربها على عامر يسويها و الله بس و رب الكعبة ما انولة اللي يبيه.. منيره مستغربة : ايش فيكم تحكون على الطلاق و كنه شيء عادي.. اول شيء هي حامل.. ثاني شيء هو ولد خالها من دمها و لحمها.. و قالت هي بعظمة لسانها انها ما عاشت معاه حياة طبيعية.. اعطوهم الفرصة لأنهم يعيشون حياتهم.. لو ما بينهم ولد يضحون عشانه اوك كل واحد يروح بـ طريق لكن ولدهم..! فكروا لـ شوي قدام.. وعد تناظر منيره : اللي هاذي اولها ينعاف تاليها.. يعني اولها زي الزفت مع عماد متى بتتحسن لا جاني عشر عيال..؟! و اني ما عشت معاه حياة طبيعية اولاً هو اساساً مو متفرغ همه الأول وظيفتة ثانياً اهلة و بعدين باقي خلق الله و انا مو من ضمنهم.. يعني حتى هو ما حاول انه يعيش معاي.. لأنه اصلاً ما تزوجني لأنه يبيني و لا على قولتك دمه و لحمة لأني ما اعرف الدم اللي تقولين عنه.. تزوجني عشان انا بنت ابراهيم.. اخر شيء انا قلت ابي الطلاق يعني ابي الطلاق لا احد يجي يتفلسف على راسي وهو ما عاش اللي انا عشتة.. ابو سعود بـ حزم : خــــلاص يا وعد.. ابيك بس تستخيرين كم مره.. وعد : استخرت و الله استخرت و مرتاحة للموضوع ابي اتطلق.. ام احمد : يا وليدي ماهو زين لك.. توك صغيرة.. ياسر : بـ يجيها مين ينسيها طوايف عماد.. خالد يناظر الدفتر و عصب : ابراهيم و بعدين..!؟ ماني معيدك الصفحة..؟! ليش ما تكتب زين..؟! ما تبي تخلص ..؟! ابراهيم باقي شوي و يصيح من صراخ ابوه .. سكت عشان ما يبكي عيونة بالأرض.. يضغط بكفة اليسار على كفة اليمين.. خالد قطع الورقة و رمى الدفتر على الأرض : عيدها و اكتب زي العالم و الناس و الا بنقعد للصبح انت تكتب و انا اقطع.. مد يده اليسار و اخذ الدفتر فتح صفحة جديدة و مسك المرسام باليسار يحاول يكتب.. خالد رفع حاجبة اليمين : من متى تكتب باليسار..؟! بلع ريقة و رمى المرسام وقف من غير لا يناظر ابوه لأن دموعة نزلت : انا قلت لك يدي تعورني بس انت ما تسمعني.. يدي تعورني .. يدي تعورني.. مشى بـ يطلع من الصالة و تعدا من عند جده اللي مسكة بسرعة من عضدة و شده له ووقفة قدامة.. ابو سعود : تعــــــال.. ابراهيم وهو يضغط على كفة : يبه و الله تعورني.. ابو سعود باس راسة : مصدقك.. ما راح تكمل حل خلاص لا تبكي.. ابراهيم ما يناظرة : ما ابكي.. حاتم قام و جلس على الطاولة قبال ابوه : اجلس خليني اشوفها.. جلس ابراهيم جنب جده.. ومد كفة لـ عمه.. : لا تعورني.. حاتم : ما راح اعورك.. بـ شويش اذا حسيت بألم زيادة قولي و اوقف .. اتفقنا.. هز راسة ابراهيم بالموافقة.. مسك يد ابراهيم بيديه الثنتين, حرك حاتم يده بحركات دائرية على كفة بداية من المعصم على ظاهر يده و كل شوي يزيد بالضغط.. ابراهيم مد يده اليسار يمسك يده عمه وهو عافس وجهة من الألم بس يتصبر عشان ما يبكي قدامهم : تعوور.. حاتم رفع اصابعة : طيب .. نشوف الأصابع..اول ما مسك اصابعة السبابة و الوسطى شد ابراهيم يده مبعدها و دموعة اللي يحاول انها ما تنزل قدامهم نزلت.. حاتم ناظر ابوه : اعصاب يده مشدودة.. لأنه يضغط عليها.. هو بمـرحلة نمو المفروض ما يطول و هو يكتب لأن المرسام صغير و بيأثر على نمو الأصابع.. عشان كذا الأطفال الصغار بالروضات و المراحل الأولى المفروض يكتبون بمراسيم كبيرة و ما يطولون وهم يكتبون.. لأنه اذا استمر على هالحالة بيتأثر العظم و يصير له تشووة.. عدا ان مسكتة للمرسام غلط.. ابو سعود يناظر خالد.. يكلمة بـ حدة مقهور من اسلوب ولده : ارتحت و الا باقي للحين..!؟ حاتم لف يناظر خالد الجالس على الأرض مكانة.. و رجع يناظر ابراهيم : بروح الصيدلية اجيب لك مرهم عشان يخف الألم و شاش عشان نربط على يدك و ما تحركها و ان شاء الله ما تعورك.. اوكِ عمي..؟! هز راسة ابراهيم ..و حاتم وقف مد يده يحوس له شعرة : بطل.. ابراهيم رفع رجولة حتى يتخبى وراء جده.. مو عشان ابوه كثر انه ما يبي احد يشوف دموعة و هو يبكي.. خالد رباه ان دموع انت رجال و دموع الرجال عيب تنشاف.. مهما صار لك ما تبكي.. حاتم : تأمرون على شيء.. خالد وقف : اجلس قولي ويش هو المرهم و انا اجيبة.. حاتم : عادي انا بـ أجيبة.. خالد : لا انا بـ أروح بس قولي ويش هو المرهم اللي تبيه.. جود تهمس لـ وعد : اخوك ماهو مرتاح لين يعقد ولده..؟! وعد : شوفية ندم.. يعني صح هو غلط.. بس خالد يبي ولده يكون ازين شخص بالعالم.. نهى : يجيب له امراض نفسية و تقولين يبي ولده ازين ولد بالعالم.. اخذ خالد الورقة الصغيرة اللي كتب فيها حاتم اسم المرهم و طلع.. ابو سعود لف يناظر ابراهيم مختبي وراه : ايش فيك..؟! تعورك..؟! ابراهيم هز راسة و هو يمسح دموعة بـ كفة اليسار : ابي اكل انا جوعان.. ابو سعود : يخسى الجوع الحين نجيب لك تأكل.. جود رفعت يدها : احسبوني معاه.. ياسر يناظر جود بـ قوة : فزي جيبي أكل لك و له.. جود نزلت يدها و عفست وجهها : ما فحالي.. لو فيني حيل كنت قمت لـ نفسي ما عازة اقوم لولد اخوك.. ام احمد : يا غبني من هالبنية ما تبي تسوي شيء.!! تحركي بكرة تروحين لـ بيت رجلك و تفضحينا عنده.. جود بإستنكار : افضحكم عنده ليش..؟! يعني انشر غسيلكم (مدت لسانها وهي تضحك).. ياسر : قص لسان ايه و الله قص لسان.. جود : هههههههههه ايش فيك عصبت.. ياسر : مادة لسانك على امي يا قليلة الحياء.. ام احمد : خلها تمزح.. ياسر ضرب جبهتة : و ما تبينها تفضحنا عز الله بيردها علينا رجلها قبل لا يصلي الفجر.. جود بـ غرور : وه وه نيالة اللي بيأخذ جود بنت ابراهيم بن مساعد بن سالم.. عز الله امه و ابوه و كل عيلتة و قبيلتة و جماعتة و السعوديين كبيرهم و صغيرهم داعين له بـ ليلة القدر.. حاتم : هههههههههههه لا يشق خشمك السقف بس.. جود تكمل بـ غرورها وهي رافعة رقبتها : مشكلتكم و الله ما تحبون احد يكون زين غيركم بس انا ازين منكم.. سعود : على ويش بالله ..؟! هاه..؟! انتِ حتى بيض ما تعرفين تسوين..؟! على أي اساس بيخليك عنده..؟! جود : اوووف منكم ترى مو كل الرجال تفكيرهم بطنهم و بس مثلكم.. اعوذ بالله.. طيب لحظة لحظة.. انت شوق ما ادري يمكن تعرف تطبخ ليش اسفل بالبنية لكن انت (لفت على ياسر) بـ تفهمني ان صبا تعرف تسوي شاهي..؟! ياسر عفــس وجهة من الطاري : ما ادري.. جود : حبيبي انت.. احمد ربك انكم بتعيشون هنا و الا كنت مت من الجوع.. ياسر بـ بساطة لأنه مستحيل يأكل من اكلها ما راح يثق ان ذيك المايعة يطلع منها شيء سنع يمكن يتسمم!! : الله يخلي المطاعم و النواشف.. جود : لا يا شيخ الحين صار الله يخليها و من شوي مسفل فيني على حساب العريس اللي ما طق الباب.. احمد : ما تدرين عن الرزق متى يجي.. جود تسكر الموضوع تخاف لا يتشعب و تفتح على نفسها مشاريع مسكرة : صح معاك حق.. دخل خالد : السلام عليكم.. : وعليكم السلام.. خالد مد الكيس لـ حاتم : شوف ذا ما لقيت اللي انت كتبت رحت لـ ثلاث صيدليات قالوا مو متوفر هالفترة و هذا بديل عنه لـه نفس المفعول.. فتح حاتم الكيس حتى يطلع المرهم : اه.. كويس ذا مو مشكلة.. وقف و جلس قدام ابوه على الطاولة: يالله ابراهيم اعطيني يدك.. خالد جلس جنب ولدة .. ناظرة متخبي وراء ابوه.. عقد حواجبة : نايم.. ابو سعود لف و حط يده اليسار وراء ظهر ابراهيم حتى يجلسة وهو نايم : قال انه جعان.. خالد تنهد : استغفر الله.. حاتم : خلوه ازين عشان ما يحس بالألم.. لأنه ممكن يتوجع اول بس لامست اصابعة سحبها من يدي.. خالد : طيب اخذة المستشفى ازين..؟! حاتم ماسك يد ابراهيم بـ يدة اليمين و ضغط على المرهم بـ يدة اليسار حتى ينزل شوي على يد ابراهيم و يحركة بحركات دائرية : لا ما يحتاج هو مو كسر و لا شعر.. بس اعصاب يدة انشدت من الضغط عليها.. بس يريح يده و المرهم ان شاء الله بيحيب نتيجة زينة.. و لا تثقل عليه مره ثانية.. اعطه وقت يستريح بين كل قطعة و الثانية.. مو تشد عليه هو يكتب و انت تقطع.. تغاضى عنه شوي ياخي.. ابو سعود يناظر خالد : لا تجنن الولد توه صغير.. سواتك فيه قشرا.. و ياليتة على شيء مهم واجبات قبل العيد..!! خالد ماسك ولده راس ابراهيم على صدرة : يبه ما ابيه يتعود على الإهمال.. ماني معاه كل يوم شغلي يخليني اتركة بالأيام ابيه يذاكر حتى لو ماني عنده.. ابو سعود : سواتك بتخلية يذاكر قدامك و بس.. من وراك ما يفتح الكتاب.. حاتم يلف الشاش على يد ابراهيم : ازرع فيه حب الدراسة مو كرهها.. سواتك تكرهة ما تحببة حتى لو انه سمع كلامك و فتح الكتاب من وراك بـ يحس انه فرض و لازم يسوية عشانك ماهو عشانة.. خالد : يــــاتي.. هاتي لحاف لإبراهيم.. ام حاتم : وده غرفتة ليش تخليه بينا عشان ما يصحى..؟! خالد : لا خالتي لو صحى وما لقاني موجود معاه بيزر عقلة.. سعود : ويش هالحكي ولدك ماهو بزر عشان يخاف ينام لحالة..؟! احمد : تجية كوابيس دايم.. ياتي تمد اللحاف لـ خالد : خود بابا.. خالد سحبة من يدها : شكراً.. (ناظر حاتم اللي يربط الشاش) خلاص..؟! حاتم : ايه.. ابو سعود : وين مشعل ما شفتة..؟! ام احمد : طلع من قريب المغرب يقول بـ يروح لعمانة..و اذا خلص دوام خواتة بـ يجيبهن.. ابو سعود : هالولد اذن طين و اذن عجين ما يفهم الكلام.. سعود : و ندى وينها ما شفتها اليوم خير شر..؟! ام حاتم : نايمة.. جلست مع خواتها البارح مشغلات المكيف و الدنيا برد.. و لوزت و سخنت.. احمد يناظر خواتة اللي يتقهون و لا هامهن شيء : من جدكن مشغلات المكيف..؟! جود : ويش فيها حر..حر انتم تبردون كيفكم احنا مو بردانات.. احمد : ايه امرضن بهالبرد.. : السلام عليكم.. : وعليكم السلام.. تقدمهن مشعل يبوس راس ابوه و بعدها دانه ثم سها.. سلموا على خالاتهم و جلسوا.. ابو سعود يناظر مشعل : اخيراً ما بغينا نشوف سعادتك..؟! مشعل يجلس على الأرض عند خواتة يبي يلهى بأي شيء عشان يقصر الإستجواب و الهواش اللي بيجية : ليش يبه تبي شيء..؟! ابو سعود بـ حدة : و انت ويش دراك عني ابي شيء و الا لا .. من العصر للحين طايح لي ببيت ابوي..؟! مشعل ابتسم حتى يمتص غضب ابوه : عماني كانوا كلهم فيه و تحمست للجلسة و الا كنت برجع من صلاة المغرب.. سعود يستهزء فيه :بسم الله عليك تواصل رحمك..!! ليش اول مره تشوف عماني..؟! مشعل يستغل الوضع عشان ابوه ينسى انه يهاوشة : مو اول مره بس عندهم سالفة اكشــــن.. تهاوشوا هوووشة ماهي طبيعية.. ابو سعود : اكيد راكان و بندر..؟! هالإثنين ما يتوالفون يبي لهم دق رووس.. مشعل :لا مو زي دايم هالمرة جدي و عمي عبدالرحمن ضد عمي مشاري و عمي راكان.. ام سعود : الله يهديه راكان ماهو راكد ويش عنده..؟! مشعل ابتسم : موضوع كبيـــر شوي تهاوشوا و اخر شيء جدتي قالت و الله ماهو حال الموضوع غير ابراهيم.. يبونك تجي عشان يكلمونك رغم ان جدي ما كلمك اليوم الصبح يقول ولبه بـ عيالة بس.. ياسر : و عمي بندر وين مكانة من الإعراب..؟! مشعل : عمي بندر عليه يكلم عساف و فيصل لا يتدخلون.. عساف معصب من الموضوع و فيصل معصب من اسلوب راكان منرفزة.. خالد يعدل راس ولده على رجلة : طيب ما قلت لنا ذا كله ليش..؟! مشعل لف و اعطى خواتة ظهرة يناظر ابوه و اخوانة.. ضربتة على ظهرة نهى : ما فيه احترام للي اكبر منك..؟! مشعل لف عليها : هووه السالفة حماس تبيني افكر احترمك.. (ناظر ابوة) البارح جدي عرف ان عمتي اثير تدرس بالطب.. ابو سعود عقد حواجبة بـ قوة : نعـــم..؟!! مشعل يكمل سيل المعلومات اهم شيء ابوه يلهى عنه مدقق عليه بشكل فضيع وكأنه يبي طول الوقت بـ وجهة!! يهاوشة انه يجلس مع عمانة فترة طويلة و يترك البيت يبيه يقابلة و بس : جدي مصمل انها تتركة.. و عمي مشاري و عمي راكان رافضين الموضوع بتاتاً.. ابو سعود بـ حدة الموضوع بالنسبة له منتهي : على كيفهم..؟! ما عاد الا هي.. وعد : بابا الله يخليك عمتي اثير صارت سنة رابعة.. مو توها عشان تسحبونها و تقعدونها بالبيت و تهدمون مستقبل هي من زمان تحلم فيه.. مشعل لف على وعد وراه : انتِ كنتِ تدرين انها تدرس طب..؟! وعد : ايه ادري.. اوكِ انتم تشوفونة عيب.. بس ما احد له حق يمنعها.. حتى جدي تخلى عن هالحق.. سعود عصب على وعد : حلوه ذي تخلى عن هالحق وهو معصب الحين بسبة هالموضوع.. هذا انتِ ما دخلتي الطب و ابوي منعك يعني ابوي ماله حق..؟! وعد : فيه فرق بيني و بينها.. انا بابا ما خلاني و منعني من الموضوع قبل لا تضيع سنة من حياتي ادرس فيه.. عمتي اثير جدي متخلي عنهم سنين و بنين.. انا لما عشت عندهم كنت اشوفهم يبنون احلام كبيرة.. يمكن لأنهم يبون يثبتون لـ جدي وجودهم في الحياة و كل واحد يكون شيء كبير.. عمي مشاري محامي و يفهم بالكومبيوترات و عمي راكان مجالة بالكيمياء و لو انه للحين يدرس لكنه ماشاء الله من الطلاب الأوائل على الدفعة و عمتي اثير دكتورة.. هو بـ تخليه عنهم ما اهتم لحياتهم كلها لا من وين يأكلون و لا وين ساكنين حرم نفسة من حق انه يتحكم بـ مستقبلهم.. بعد ما درست اربع سنوات و عماني موافقين و خالة موضي موافقة يجي جدي يحرمها منه..؟! انت بابا لو انا و نهى تخليت عنا و كنا عايشين عند ماما و جيتنا بعد هالسنين و لقيتنا ندرس بـ تخصصات ما تبيها.. بتخلينا نتركها..؟! بتحس ان لك حق تحرمنا منها..؟! الشيء اللي بـ يهمك اننا نكون راضيات و نتقبل ان انت ابونا و نتعامل طبيعي مثل أي عيلة ممكن اشياء كثيرة تغض الطرف عنها حتى لو هي ما ترضيك.. نفس الشيء جدي لازم لازم يغض الطرف عن دراسة أثير.. اخذ نفس ابو سعود : استغفر الله العظيم.. ياسر : حتى لو معاك حق و ما دخلت الا برضى عمي مشاري ما يعني تمحين حق جدي.. خالد : حق جدي لو مالها كم سنة تدرس.. انك تسحب ملفها يعني راح تقعد بالبيت او تعيدها الثانوي من جديد و تدرسها بـ تخصص ثاني بالجامعة..؟! ايش رايك انت..؟! هي ما اخطت يوم اختارت الطب.. لكن جدي اخطأ يوم تركهم.. احمد : انا ما اشوف فيها شيء.. فيه بنات كثير بالطب و محترمات و فيه اللي ما يدلون درب الإحترام.. و بنتنا متربية المفروض نغرس فيها الثقة مو نهدمها.. و هذا عمي بندر متزوج دكتورة ما احد قاله لا.. وعد : بابا تكفى انت مو راضي على الموضوع اوكِ لا تدخل.. لا تشارك بانك تظلمها و الله بتنقهر و بـ تسكت و تبلعها غصة بحلقها ما تنساها لكم كل حياتها.. خلك محايد بالموضوع لا توقف مع جدي و لا مع عمي مشاري.. حاتم : انا ماني شايف التخصص مشكلة عشان تحاربونة.. بالعكس احنا نحتاج كوادر نسائية سعودية في الطب.. فيه تخصصات الأفضل تكون للحرمة بسبب غيرة الرجال يعني يوم زوجتك تتعب او اختك مو تفضل انه يكشف عليها رجال مو شرط بمجال النساء و الولادة أي مجال ثاني لو الأسنان مثلاً مو افضل تكون حرمة مو رجال..؟! ليش نحارب شيء احنا نبيه..؟! ياسر : لأن هاذي تربيتنا ما نرضى على بناتنا يدرسون الطب بين الرجال سبرها من سبرهم.. و شغلها معاهم رايحة رادة وهي وسطهم.. انت ما تدخل مستشفيات ما تشوف الضحك و قلة الحياء واصلة وين..؟! حاتم : اسألك بالله كلهن كذا..؟! ياسر : لا طبعاً.. فيه محترمات تستحي حتى ترفع عينك لها.. حاتم : و هذا مو سببة الطب.. سببة التربية اللي اهلها ما ربوها او اهلها تعبوا فيها و لا اثمرت.. حرام الحين تهدمون مستقبل البنية وهي سنة رابعة باقي لها ثلاث سنين.. يبه اذا ساعدتهم و خليتها تترك تخصصها بتكون ظالم البنية بتصير بشهادة ثانوي بعد ما وصلت لنص الطب.. وعد مبتسمة و هي تحس فيه احد جالس يضغط على ابوها تدري انه مستحيل يغير تفكيرة بإن الطب غلط للبنت بس ما ودها يظلم اثير اللي وصلت لـ نص الطريق : بابا تكفى لا تظلمها و تدعي عليكـ.. اتسعت عيونة اخته تدعي عليه!! : استغفر الله العظيم.. سعود بـ عدم اقتناع : يعني نترك عاداتنا و كل شيء و نرضى لها على اللي تسوية..؟! خالد : لازم ترضى.. لو اسيل توها بـ تدرس طب اقولك نقدر نثنيها بس اثير صار لها سنين حرام تهدم مستقبلها خلاص ما عاد فيه رجعة.. و الا بتجيب لها وظيفة بشهادة ثانوي و هي طموحها دكتورة و تكسرة لها و تحرمها منه..؟! تضمن ما تصيبك دعوتها يومك ظلمتها لأنها يوم دخلتة كلنا ما كنا نعرفهم و دخلت برضا ولي امرها عمي مشاري الحين يوم عرفتنا نقوم نظلمها..؟!! نهى تهمس لـ سها الجالسة على الكنب و شاقة ضحكتها : انتبهي لا يعلق فكك من الضحك.. سها نزلت جلست جنبهم : هههههه ويش حارك.. نهى : ويش عندك ماشاء الله فاردتها..؟! سها تلم فمها : ولا شيء.. نهى : شفتية..؟! سها ابتسمت من جديد فرحة تجتاحها لشوفتة بس :............. نهى رافعة حواجبها و لسانها تمده لـ زاوية فمها تنتظر جواب من سها.. و جود مره مع ابوها و اخوانها السالفة حماس و بـ يصير اكشن عندها الحين بين نهى وسها.. ابو سعود : على قولتكم بوقف محايد لأني مع و لاضد.. انا ماني راضي ولو توها كنت حولتها و راح اجرب انشد اذا اقدر احولها بـ حولها من التخصص.. وعد : ما تقدر بابا اذا الطالب درس خمسين بالمية من مواد التخصص يمنع من التحويل بعدها..هذا نظام الجامعة.. ابو سعود : ماني عايز لاجرب.. وعد قلقت لعبوا على وتر انها لها اربع سنين متخرجة من الجامعة لو سحبوا ملفها ما راح تنقبل و بتكون انظلمت.. مشكلة لو ابوها جاب لها تحويل اخذت نفس شلون تقنعة!! المفروض يكونون شوي خف تعقيدهم لما دروا ان هنادي دكتورة.. لازم يلعبون على هالوتر بعد.. بس اذا عندوا ممكن يفركشون خطبة بندر منها..؟!! يسوونها و الله و لا يهمهم شيء.. نهى تهمس لـ سها وهي تصر على اسنانها : اقسم بالله انك قليلة ادب.. ما تستحين على وجهك.. سها : ما يخصك الموضوع.. جود تناظرهن و ساكتة!! بـ تشوف نهاية هالموضوع ويش بـ يصير!! سها تجري وراء سراب و متعلقة فيه.. نهى : لا ما يخصني سمعتك بإسمك بس.. ما هو كلنا الناس بتحكي فينا.. عموماً لو ما التزمتي حدودك يا سها واحد من اثنين يا بجلسة مثل هاذي افضحك فيها و تدرين اني اسويها يا سها و لا يهمني وشوفي مين بـ يفكك من ابوي و سعود و ياسر و خالد!! و الا ندى تولى الموضوع بس اخبرها ما يحتاج تصبها بإذن ابوي على طول لأنها كم مره محذرتك معاملتك كنك كبيرة لكن انتِ ما تستاهلين الواحد يثق فيك.. سها تجمعت الدموع بـ عيونها : مالكم دخل هاذي حياتي و انا حره فيها.. ما يخصكم انا ويش اسوي لا تهدديني ما يهمني شيء.. ثنتينهن ما انتبهن للعيون اللي تراقبهن و لما ركز نظرة الكل انتبة لهن و صار يراقب انفعالات الثنتين واضح بينهم شيء لكن اصواتهم هامسة ما تنسمع.. مشعل لف عليهن : ايش فيكن..؟! سها وقفت : ولا شيء.. عن اذنكم.. ابو سعود : ايش فيه يا سها..؟! سها : و لا شيء بابا.. ابو سعود : و لا شيء و انتِ بـ تصيحين..؟! (ناظر نهى) ايش فيكن.؟! نهى سكتت ما راح تكذب عليه على شيء ما يسوى و تقولة ما فيه شيء وهو فيه شيء كبيــر!! المفروض ينحط له حد قبل لا يتفاقم.. جود همست لـ وعد : مجنونات ما لقن يتهاوشن الا عند بابا!! ابو سعود بـ حدة وهو ينقل نظرة بينهن سها واقفة ماسكة شنطتها و نهى جالسة على الأرض : ما وحده فيكن تنطق..؟! سها : مــ ــا.. فــ ــيه.. شــ ــيء .. عـــ ـــادي..!! ابو سعود رفع حواجبة وهو يناظرها : و تأتأتك هاذي من خوف و الا كذب..؟!! بلعت ريقها وهي تداري عبرتها لا تبكي..!! وقفت نهى .. حتى يوقفها صوت ابوها عن انها تطلع : نهـــى!! ويش فيه..؟! نهى تناظر سها : خلها تقولك كان فيها خير.. طلعت نهى حتى تبقى سها.. وسط التحقيق..!! ناظرت الثنتين الجالسات على اليسار تترجاهن ينقذنها.. ام حاتم : ايش فيكن على ويش متهاوشات..؟! جود تسحب فنجالها من الأرض ومن غير لا تناظر بأحد تتكلم ببساطة : على حساب الدكتورة اللي مضايقة سها و نهى متضايقة من ردة فعل سها بس ذا كل الموضوع تخبرونة.. لا جديد.. منيره رفعت حواجبها : بـــس!! و ليش نهى تقول ان كان فيها خير تحكي..؟! جود تمد طرف لسانها لـ زاوية شفايفها : ما ادري..!! منيره ابتسمت : عشانك تكذبين.. جود : ما طلبتك تصدقيني.. انا حكيت صدقتي كان بها ما صدقتي هاذي مشكلتك مانيب جالسة اتحلف لك عشان تصدقيني.. سها : عن اذنكم.. طلعت بـسرعة قبل لا احد يناديها و يحقق معاها و تصير لها سالفة طويلة عريضة.. .. في الجناح اشبة بـ ميت.. مو بس الجناح المكان اللي عايشين فيه كله ميت.. لأن قلوبهم ميتة.. دخل جناحة بعد ما ملك عليها يدخل يراقبها شوي و يطلع من غير لا يكلمها.. رجلة يعرج عليها بعد ما اصابتة ما بعد تشافى من الجرح كلياً.. يبي له فترة حتى تعدل مشيتة.. الجناح مـــرتب يمكن ازين من اول مره رماها فيه.. واضح انها طفشانة و تقضي وقتها بأي شيء يشغلها.. : اذا ما اكلتي بـ تموتين.. لينا بـ قهر : ما يخصك .. ان شاء الله اموت انت ويش عليك مني..؟! اخذ نفس وهو يرمي نفسة على السرير اللي هي جالسة بـ طرفة و بـ عبايتها و نقابها ما نزلتها.. وقفت حتى تصرخ فيه على طول : قليل ادب انت ما تستحي حرام عليك تقرب مني انا مو محرم لك.. بـ ملل : اوووف هو انا ما قلت لك..؟! لينا هزت رأسها : ويش تقول لي..؟! منسدح على ظهره : اني ارسلت واحد لأبوك عشان يزوجني اياك و عاد ابوك و تخبرينة انتِ لازم يستر العار اللي سببتية انتِ يوم انحشتي معاي انا حبيبك و ملك لي عليك.. هزت راسها بـ لا ماهي مستوعبة الحكي اللي يقولة : لا .. لا كذااااب.. : لا اصبري ما قلت لك الشيء المهم انا ارسلت شيخ لأبوك يوقعة على عقد زواج بنتة وهو فاضي ما يدري من هو اللي بيوقع مكان العريس.. (ابتسم بـ سخرية و اسنانة البيضاء تزيدة خبث) هه تخيلي ما يدري من هو اللي متزوجك!! اللي يدري به انك رايحة مع حبيبك و بس.. ما يدري مين هو هالحبيب.. لينا : انت كذاب بابا ما يسويها.. ما يسويها.. سحب صورة من العقد من جيب بنطلونة و رماه عليها : اقري.. سحبت الورقة اللي طاحت على الأرض و فتحتها عقد زواج لينا بنت غازي بن محمد بن حمدان!!.. عند توقيع ابوها غرقت عيونها بالدموع من غير لا تنتبة حتى لإسم الشخص اللي تزوجها!! : ليــش!! ليش صدقني.؟! ليش ما يفهمني..؟! ليش ما يحس اني بحاجتة..؟! ليش يرخصني..؟! (تراجعت لـ وراء حتى تصدم بالجدار و تجلس متساندة عليه و الورقة بين يديها) معقولة ريما ما حست اني بخطر..؟!! قلبها اللي هو قلبي ما قالها اني تعبانة..؟! معقولة امي صدقت الكذب فيني..؟! ليـــش!! اللي صار لـ وعد يصير لي الحين بأبشع طريقة.. (رفعت عيونها له) الله يأخذك الله لا يسامحك خليتهم يشكون فيني و انا شريفة.. الله لا يوفقك الله لا يمد بـ عمرك.. وقف حتى يطلع من الجناح و يقفلة عليها اول ما طلع التقت عيونة بـ عيون أيمن المنذر!! نظرات قهر غضب دم تساؤل..!!! وليد ناظرة وهو حاس بالذنب.. ليتة ما ارسل لـ غازي هو ويش لقفة يرسل له..؟! بس هذا الحل الوحيد قدامة..؟! اللي سمعة من الصقر ماهو هين..؟! من جدهم بـ يقتلونها و يرسلونها جثة لـ بيت ابوها..؟! طبعاً بعد ما يطعنون بـ شرفها..؟! و الصقر عصب على هالشخص اللي قدامة لما اصر انه يتزوجها و الرئيس وافق له.. ما كان قدامة الا يحث غازي انه يزوج بنتة لـ الشخص اللي بيجيه.. يتمنى انه ما يلومة يمكن يحميها بدل ما يذوقونها الويل عشانها بنتة!! بنت غازي.. زواجها من هالشخص هو الطريقة الوحيدة لـ حمايتها بينهم.. .. عساف معـــصب من الموضوع كله : ما عاد الا هي نشوف و ننطم.. وعد من هاك السنين الكل وقف بـ وجهها الحين تبونا نرضى لأثير.. راكان بنفس عصبية عساف يرد عليه : مو برضاكم غصباً عنكم بـ ترضون.. ابوكم تخلى عن الحق اللي كان له و لكم الشور بـس يعني بما انكم اخوان.. لكن هالحين مالكم حق عندنا.. ابو سعود : راااكان.. الزم حدودك.. مشاري يناظر اخوة : يعني انت عاجبك هاللي قاعد يصير..؟! اثير ما حضرت اختبارها اليوم ممكن ترسب بالمادة و عادي الموضوع اهم شيء عندكم العادات اللي ذبحتونا فيها.. ابو سعود : ماهو عاجبني.. خلنا نوصل لـ حل وسط.. مشاري : الموضوع ما فيه حلول وسط.. قسماً بالله العظيم احنا مو عايزين لا نرجع بيتنا و نظف خواتي.. مستقبل كل واحد فينا ما راح نسمح لأي واحد فيكم يهدمة اذا انتم كل شيء جاكم بالساهل من وراء ابوي.. احنا حتى الدراسة كرفنا فيها كرف الحمير.. اخر شيء على بلاطة كذا تحرمونها من حلمها لا و الله لا نرجع بيتنا و نقعد فيه لا نعرفكم و لا تعرفونا.. ابو عبدالرحمن يضرب بعصاتة على الأرض بـ حدة : انا اشهد انك انهبلت..!؟ مشاري : يبه كل شيء عندي يمشي سوو اللي تبيه بس تهدم مستقبلنا لا ما راح اسمح لك.. انا رضيت بكل شيء و جبتهم عندك وهم مو راضين بس تهدم مستقبلهم و اسكت لا.. كل عمرنا عايشين فقراء ما متنا الحمدلله اصلاً ما نعد فقراء نشتغل و الحمدلله ربي كافيها من خيره.. ابو عمر يهدي الوضع .. رغم انه متأكد بـ وجود ابراهيم بـ يزود سوء : يا جماعة هذا ماهو اسلوب نحل به المشكلة.. راكان : احنا ما تسببنا بـ مشاكل انتم اللي سببتوها كنا كافين خيرنا شرنا انتم اللي ناوين تحكمون بحياتنا.. بعد ابوكم ما رمانا بالشارع.. عساف وقف : تراك زودتها ماهو عشانك عمنا بنسكت عن خطاك لا اصحــى عاد..صوتك ذا اللي يلعلع بين جدي و ابوي و عماني نكتمة لك.. ابو سعود بـ حدة : عســـاف.. الله يرضى لي عليك.. اجلس خلنا نوصل لـ شيء يرضي الجميع.. عساف : الموضوع ما فيه حل ترضي فيه الطرفين يا تترك الطب عشان جدي يا تكمل عشان اخوانها.. راكان : ما راح تترك الطب حتى لو هي عافتة لأجرها من كشتها ادخلها المحاضرة (حط سبابتة على راسة يقهرهم) عنــــاد فيكم.. ابو سعود :هــــــدوء.. اسكتوا اثنينكم.. دام ما احد سمح لكم تتكلمون ما ابي اسمع صوت واحد فيكم.. صد راكان بـ وجهة و عساف جلس معصب.. التاريخ يعيد نفسة لكن هالمره اقوى.. وعد اللي تبي الطب و الكل وقف ضدها كان موقفها جداً ضعيف لكن الحين اثير موقفها قوي حتى لو كانت هي اساساً ضعيفة يكفي وراها مؤيدين مشاري راكان و حتى بندر.. ابو سعود بـ هدوء و حزم : كلكم تعرفون نظرتي بالطب للبنت و معارضتي له.. و لو يرجع الزمن و ترجع وعد تطلبني من جديد كنت رفضت و انا مقتنع باللي أشوفة.. احنا ما نرضى لبناتنا يدرسن بين الرجال سبرها من سبرهم.. غير انه منقودٍ بين العرب خوفنا على بناتنا عرضنا و شرفنا.. و اثير لو هي توها سنة اولى كنت خليتها تحول لكني انا نشدت اليوم و قالوا لي ما تقدر تحولها لتخصص ثاني هالحين.. لأنها درست 50% من مواد التخصص نظام الجامعة يمنعها من التحويل.. ابو عساف : نسحب الملف و تقدم من جديد بـ تخصص ثاني.. ابو سعود : ما ينفع قالوا لها اربع سنوات و وحده تحضيري يعني خمس سنوات متخرجة من الثانوي ما يقبلونها.. ابو عبدالرحمن ماهو مقتنع ابداً يا دوب بالع مرة بندر هالمره بنتة بعد..!! : يعني ويش هالحكي..؟! انا بنتي ما تدرس بين الرجال..!؟ ابو سعود يستخدم اسلوب عيالة البارح معاه : يبه اذا حرمتها من دراستها ما راح يصفى قلبها لك كل حياتها.. انت اخطيت يوم تركتهم لو انك مرجعهم و معرفنا عليهم من وقت طويل ولا واحد منهم (آشر على مشاري و راكان وهو يناظر ابوه) قدر يطول لسانة علينا.. يبه ما نقدر نغير شيء كبير بحياتهم مثل تخصصها حتى لو ما احنا راضين عنه.. هي بتنظلم بلا شهادة!! بتكرهنا بتشوفنا ظلمناها و يمكن تدعي علينا اللي حرمناها تعبها و شقاها..!! و انت يبه ويش بتستفيد اذا هم ردوا بيتهم مشاري و راكان ما راح يرضون انها تتركة حتى لو اضطروا يتركون البيت و لو جبرت اثير و اسيل و خالتي على الجلسة حريم و ينقدر عليهم هالإثنين(آشر على مشاري و راكان) ما ينقدر عليهم.. ما احنا مربطينهم بوسط البيت عشان يقرون عندنا.. احنا ويش نبغى زود عن القلوب تصافى بيننا و بينهم.. سكت ابو عبدالرحمن و هو يناظر الأرض يقلب الموضوع بـ راسة.. ابو عساف ماهو عاجبة الكلام : استغفر الله العظيم.. يعني وشو..؟! نخلي الناس تنقدنا..؟! ابو عمر : هذا احنا خطبنا لـ بندر دكتورة.. يصير بعدين نفتح لهم شغل مع بعضهن و ما نخلي الرجال يدخلون معاهم.. عساف يهمس لـ سعود : ويش عنده عمي راضي..؟! توقعت يقلب البيت فوق تحت..!! سعود ابتسم : بركات إخواني.. عساف : انت راضي..؟! سعود : مالي رأي عقب ابوي هي عمتي مو اختي.. لو قلت وحده من خواتي بـ قولك لا.. بس عمتي..!! اتحكم بحياتها..؟! اظل انا ولد اخوها صعبة.. و تصعب اكثر مع الحياة اللي عاشوها.. عساف يضيق عيونة بـ سعود : بسألك سؤال و تجاوبني بـ صراحة..؟! هز راسة سعود بالموافقة.. عساف يكمل : اختك شبر القاع تدري عن الموضوع من قبل..؟! سعود : ههههههههههههه من جدك تسأل ..؟! اكيد تدري.. عساف بـ قهر : وليش ما علمتنا كنا وقفنا الموضوع من اولة.. سعود : لو هي تعارض الطب لك حق تسأل اما انت تدري انها تبي الطب يعني مستحيل تقول.. هي احد الأشخاص اللي أثرت على ابوي بـ حكيها.. عساف صد بـ وجهة : ما ادري ليش طالعة عكس عاداتنا..!! عمي شلون رباها..؟! سعود : مثل ما ربانا.. عساف من غير لا يناظر بـ سعود عشان ما ينكشف بـ عيونة شيء هو مخبية : مصره على الطلاق للحين.؟! سعود : ايه.. لمعت عيونة حتى لو عقلة يرفض بتاتاً الأرتباط فيها.. كونها تصير حرة من غير رجل هذا الشيء يخلي قلبة يرفرف.. يمكن يجي يوم و يصحى فاقد عقلة و تصير اسيرة لـ واحد مجنون!! بندر يهمس لأخوانة الإثنين : فزوا سلموا على ابوي و اعتذورا له ما قصرتوا رفعتوا ضغطة.. راكان رفع حاجبة الأيمن وهو يناظر بندر الجالس جنب مشاري : لا يا شيخ..؟! حتى انا لي يومين انتم رافعين ضغطي بوس راسي يالله عشان ابوس راس ابوي.. مشاري بينهم وقف و اتجه لأبوه و باس راسة و جلس على رجلة اليسار ثانيها تحتة و اليمين ثانيها واقف (ركبة ونص) : السموحة يبة.. ما ودنا نكسر لك كلمة.. بس الا انك تهدم احلامنا.. احنا بنيناها طوبة طوبة.. و نتعب عشان نحققها التخرج من الجامعة ماهو اللي يحقق لنا احلامنا لسى قدامنا درب طويل.. ما راح نستغني عن احلام على حساب كلام الناس ما يحوشكم.. ما همونا و لا لهم شغل فينا.. بكره حريمهم يتعبون ما يطقون الا باب اختي ما يبون رجال يكشفون على حريمهم.. ابو عمر : خلاص مشاري الله يخليك.. لا تزيدها على ابوي.. مشاري وقف : مانيب زايدها بس ابيه يحس بأهمية الشيء اللي احنا نسعى له.. ابيه يوقف معنا مو يهدمنا.. عن اذنكم.. طلع مشاري من الغرفة حتى يبقى راكان رافع رجل.. طلع مسواكة يلعب فيه بـ فمة و بندر يناظرنة بـ قوة يبيه يقوم و هو لا همة.. بندر : انت ما تفهم..؟! راكان يتكلم و المسواك بين اسنانة : ويش تبي..!؟! بندر يصر على اسنانة : استغفر الله العظيم ما ابي شيء.. راكان يحاول يمسك ضحكتة على بندر المعصب.. بعدها وقف و باس راس ابوة و رجع مكانة : ارتحت..؟! ابو عبدالرحمن مستغرب من راكان ناظرة : الله يبلغنا هالحبة من قلبك قبل لا يواريني التراب.. ابو سعود : بعد عمر طويل يبه.. ان شاء الله تشوف عيالة طولة.. و تزوجهم.. راكان يناظر ابو سعود : ليش احد قايل لك اني بـ تزوج..؟! ابو سعود : ليش ناوي تهيت بلا مره..!؟ راكان : زوج عيالك اكبر مني.. انا ابي اعيش حياتي بدون مره.. مو شرط الرجال يتزوج عادي اموت بدون ما يكون عندي ولد..!! ام مشاري بـ فزع بعد ما كانت ساكتة وقت الحوار الحاد بين عيالها و اخوانهم : اعوذ بالله تف من فمك.. ويش هالحكي.. بعد عمرٍ طويل.. ليش ناوي تعلق بنت الناس كل عمرها..؟! بكرة تدور غيرك.. كلهم ناظروا بـ راكان بارد و يلعب بـ مسواكة.. ابو عبدالرحمن : هو انت خاطب...؟! راكان : لا.. ام عبدالرحمن تضييق عيونها فيه : اجل مين هي بنت الناس اللي بـ تعلقها..؟! راكان نزل صندلة و رفع رجلة اليمين ثانيها على الكنب : بنت الناس اللي مكتوبة من نصيبي و تنتظرني و انا للحين ما خطبتها.. هههههههههههههه.. ام مشاري ضربت كفوفها بـ بعض : انت صاحي..؟! ويش صاير لـ عقلك..؟! لا يكون ما تبي البنية ترى هذا زواج ماهو لعبة..؟! فيصل : ما ينوخذ منه حق و لا باطل.. ماجد مبتسم : يمكن خايف لا نصكة بـ عين.. ام عبدالرحمن : وشولة تصكونة بـ عين البنات على قفى من يشيل.. نزوج كل واحدن فيكم اربع من بنات الشيوخ.. ماجد : الله لا يقولة.. اما اربع..!! لا و الله يا زين العزوبية.. (هز راسة لـ مجرد خيال عنده اربع حريم) لا استغفر الله ويش اربعة!!.. ابو عبدالرحمن يناظر راكان : هالحين عطنا العلم الوكاد هو انت خاطب و إلا لا..؟! راكان : خاطب رسمي لا.. حاجز لي بنت ايه.. مشعل يغمز لـ عمة : اوووه يا عيني يا حاجز خايف تطير.. راكان يرفع حواجبة : ما راح تطير و انا محاكي اهلها.. ما عاد الا هي انا احكي و هم يعطونها غيري.. ام مشاري : قول هالحكي و بعدها ما نعيد الا ابوها مملك لها على رجالن ثاني.. راكان نزل رجلة وهو يناظر بأمة عيونة طلعت : ماهو بـ كيفة و الله لأحرق بـيتة باللي فيه.. ام مشاري : ويش لك عنده.؟! حكي و بس..!! لا رحت و خطبت رسمي و لا ملكت على البنية.. ام عبدالرحمن : ويش اللي حادك يا وليدي ما تملك على البنية.. بكره روحوا و اخطبوها رسمي و بعدها ملك عليها.. راكان : بـ سويها قريب ان شاء الله.. ام مشاري : و هالقريب متى..؟! اذا تخرجت صح..؟! يا وليدي تو السنة بأولها.. اخطبها الحين و تزوجوا اخر السنة.. تكفى يا وليدي.. راكان : لا يمه.. زواج هالسنة لا قبل ثلاث سنوات قدام ماني مفكر فيه.. ابو عبدالرحمن : تبي تعلق البنية كم سنة..؟! الله العالم من متى حاكي فيها بعد..؟! ما تستحي لازم تقدر الرجال اللي قدرك و عطاك.. ماهو عشانك واثق انها لك جالس ترخص بالبنية بين اهلها.. استح على وجهك.. راكان : ويش جاب هالطاري الحيــن!! رجاءاً انا اعرف ادبر اموري.. ما طلبت مشورة من احد.. ابو عبدالرحمن : ما علمتنا من هي بنتة..؟!! راكان : ما يهمني من هي بنتة!! يهمني اني انا ابيها..!! بندر : الله يعينها انا من الحين ادعي لها.. أجــــــل زواجك عشر سنين لا ترتكب ذنب بالأدمية بس.. .. بعد مرور اربع شهور و نصف.. الأوضاع اشبة بـ مستقرة.. بعد موت تركي أو راشد مقتول.. ميار انهت عدتها.. و طلعت من الأزمة النفسية.. كل شيء يبدأ صغير و يكبر الا الحزن يبدأ كبير و يصغر.. و اختفاء تركي لـ فترة طويلة ساعدها على هالشيء.. حتى لو كان قلبها معلق فيه لكنها كانت ما تشوفة و لا تعرف عنه شيء.. و موتة بعد فترة قصيرة من رجعتة صدمها مبدئياً.. لكنها بعد فترة اسبوع و شوي رجعت للحياة شوي شوي.. خصوصاً مع بيت ابعد عن هالهدوء مثل بيتهم.. و حياة مليئة بالأحداث مثل حياتهم.. وليد مع العصابة و اختفاء عن الأمن وما قدر يتواصل معاهم على أي شيء لأنه ما راح يخاطر بـ شيء كبير و العصابة موقفين كل شغلهم هالفترة.. بيستغل كل شيء لو فيه عملية او خطة عشان يخبرهم ما راح يخاطر بـ حياتة على حساب يطمنهم عليه.. لينا و المجهول!! محبوسة 24 ساعة بجناحة وهو ما يكلمها و لا هي تكلمة.. الشيء الوحيد اللي يسوية يوفر لها الأكل و بـس.. بعد ما درت ان ابوها زوجها وما احد ناشد عليها و صدقوا الحكي اللي هي قالتة فقدت حتى الأمل الضئيل بقلبها أن ابوها يدور عليها.. وعد في بيت ابوها و بين اخوانها صارت في منتصف الشهر الثامن من حملها.. مصرة على الطلاق و عماد مصر ما يطلق.. عماد اجل فكرة الزواج بعد قتل راشد حتى لو هو يستاهلة ما ينكر ان راشد كان منه قريب.. ابراهيم كلمة اكثر من مره و هو مصر ما يطلق.. غازي ما بين امه اللي تصر عليه يتزوج ندى بأسرع وقت.. ما بين لوم شوق و امال لا طروا لينا.. و ما بين نفور ريما حتى باب غرفتها تقفلة عشان ما يدخل عندها.. مستخسرة فيه انه يطمن عليها..!! زواجة الليلة حفلة عائلية بـسيطة اشرفت على تحضيراتها زوجتة اللي ارسلت كل شيء من بدري لـ بيت ابراهيم.. متأمل ان ندى تكون نعمة في حياتة ماهي نقمة.. ما يبي مره تحن على راسة.. و لا يبي مره تهاوش مع زوجت و مشاكل طباين مالها اول من تالي.. و لا يبي وحده ما تخاف الله..متأمل تكون ندى اشبة بـ نسمة طيبة في حياتة.. تخفف عنه ما تزيدة.. يكفي هم لينا يقتلة ببطء.. مجرد خيال انه هو ينام على سرير مرتاح و هي بينهم يخلي يحس السرير تحتة نار تشتعل..يجهد نفسة بالشغل في كل شيء يراقب ادق التفاصيل بعد خيانة راشد و قتلة و بعد اختفاء اخبار وليد تماماً.. يتأمل بدليل جديد يوصل فيه للعصابة.. سها المستمرة في الحديث مع الدكتورة نهال عن كل شيء دراسة و حياة و حب.. الدكتورة نهال هي همزة وصل بين طارق و سها.. الإثنين يعرفون بعض عن طريقها حتى جداولهم كل واحد يعرف الثاني عن طريق نهال الأم للإثنين.. ما زالت سها تخطي و تطلع عشان تشوفة.. لكن خطاها ما وصل لأنها تكلمة.. يمكن نهال اغنتها عن هالخطأ.. و يمكن رعبها و خوفها من ان اهلها يعرفون خلاها ترضى بتوصيل الكلام عن طريق نهال.. زواج الشباب تحدد من فترة بعد زواج ندى و غازي بإسبوع تقريباً.. بيت الصقر .. في تمرين للياقة البدنية .. تعلق على الحديدة المغروسة على طرفين الجدار يرفع نفسة لـ فوق و ينزل في تمرين يرفع فيه لياقتة و قوتة البدنية.. : اجهدت نفسك اليوم..!! وليد : يمكن تحس اني صرت مؤهل لأني ادخل عملية.. صار لي اربع شهور و نص مرزوع قدامك و انت ما غير تدرب تدرب.. الصقر جلس على الكرسي و بيدة كوب قهوة يتفاوح البخار منه : ليش مستعجل على رزقك..!؟! وليد نط برجولة و وقف قدام الصقر : جبتني عشان تعطيني مهمة وحده وبعدها ما وكلتني بأي شيء.. بس وين ما رحت تأخذني معاك.. كني كلب و انت صاحبة ما تمشي بدونة.. ابتسم الصقر : بـ تشبة نفسك بالكلب هذا شيء راجع لك.. لكن اني ما امشي بـ دونك غلطان.. وليد سحب منه الكوب و جلس على الكنبة مقابل له : ابي مهمة!! الصقر : تبي مهمة و الا تبي اجازة!!! وليد : الإثنين.. انت حكيتني على طبيعة الشغل بس ما شفت شيء جديد ابد.. و بصراحة طفشت من التنقل من بيتك لـ لمكان السري.. حتى شغلي انت كلفت واحد من رجالك يمسك الكشك عني ودي اروح اشوف العالم.. الصقر : لا تستعجل احنا مقبلين على فترة فيها جدولة خطط جديدة.. بس احنا قررنا نتوقف فترة لأننا اكتشفنا ان احد رجالنا يخوننا و نبي نعرف لـ وين وصلت تحقيقات الفريق اول غازي بن حمدان بـ قضية قتلة.. وليد يحاول يمثل عدم الإهتمام وهو متشفق على كل معلومة : بس اللي اعرفة انكم قتلتوه من اربع شهور و زود.. ما تتوقع ان القضية تقفلت..؟!! الصقر يرفع رجلة اليمين حتى تستقر على اليسار و عينة بـ عين وليد : تكون اكبر غبي لو توقعت هالشيء.. ماهو غازي بن حمدان اللي يستسلم بـ سهولة..لو القضية لها اربع سنين ما يقفلها.. هذا واحد من رجالة او هو كان مفكر انه واحد من رجالة لكنه كان معنا.. وليد يشرب من الكوفي بهدوء يده تضغط على الكوب تخفي انفعالاتة الداخلية : ما اتوقع لـ هالدرجة يعني لو هو شخص مثل ما تقول بنتة لها خمس شهور هنا.. ليش ما دور عليها..؟! يعني اولى يدور على بنتة بدال لا يمشي وراء واحد ميت و خانة.. الصقر : لأن الشخص الميت ان جمع عنه معلومات كافية و قدر يوصلها ببعضها بـ يوصل للرجال اللي معاهم بنتة.. فهمت يا غبي.. وليد ابتسم بدون نفس : فهمت.. عندي سؤال و ادري ماهو مسموح لي الأسئلة بس يعني ذابحني الفضول.. الصقر : المشكلة حافظ الدرس.. اسأل ويش عندك..؟! وليد : ليش قتلتوة...؟! ما كنتم مستفيدين من وراه..؟! الصقر : في البداية ايه.. او لـ فترة طويلة و احنا مستفيدين.. لحد يوم انفجار مجمع الدرة.. الإتفاق انه يفجر المبنى وقت ما يتأكد ان غازي و رجالة فيه لكنه ما فجرة.. من بعدها تغير علينا.. وليد يحاول يتشعب بالنقاش حتى يلقط المعلومات من الصقر بدون لا يحس : اهــا.. بس ما تحسها غريبة هو يعرفكم و يعرف انتم ويش ممكن تسوون.. ليش ما مشى على الإتفاق او حتى تغير عليكم بعدها يعني ما حاول يسوي عملية جديدة و يقضي فيها على غازي..؟! الصقر : لأنه حس ان نهايتة قربت بكل الأحوال..!! لأنه هو يعاني من ورم في راسة.. بيعرف انه بـ يموت حتى لو احنا ما قتلناه.. وليد : على كذا بنمر بمشكلة المرحلة الجاية اذا هو يوصلنا اخبار غازي شلون بـ ناخذها الحين..؟! ما اتوقع سهل يكون لك عين بمركز امن..؟!! الصقر : تقدر تكسب عين بالمركز بـ سهولة بس بينقل لك اخبار عادية ما تستفيد وراها شيء انا ابي عين بين غازي و رجالة.. و هالشيء الحين اشبة بـ مستحيل.. او بالأصح من سابع المستحيلات.. غازي بن حمدان و عماد بن عامر و عساف بن عبدالرحمن و سعود بن ابراهيم و نايف بن دخيل و عزام بن مصلح يدخلون بينهم احد بعد ما تأكدوا ان راشد بن مسلم او بالأصح تركي بن سيف خاينهم.. وليد : و شلون بـ نوصل لأخبارهم..؟! الصقر يمسح بسبابتة على دقنة : بطريقة عمرها ما تخطر على بالهم..حتى الجني الأزرق ما تطري عليه.. بس يبي لها وقت.. لأن الطرف اللي بنستغلة هالحين ماهو فاضي لنا..!! او بالأصح يمكن ما يخدمنا بالطريقة اللي نبيها.. وليد وده يسألة .. نهر نفسة و بـ شدة و يمثل اللامبالاة قدامة.. لكن عيونة اتسعت لا شعورياً مع الإسم اللي نطقة الصقر بـ برود.. .. بعد الحفلة البسيطة في بيت ابراهيم.. تحت مسمى زواج غازي و ندى..!! شلون يجي له نفس يفرح وهو يدري ان بنتة بين يدين ناس ظالمين..!! و وليد من فترة طويلة انقطعت اخبارة ارسل رسالتة بأنه يزوج له بنتة و عليها ما ارسل شيء و لا يجي شقتة حتى!! اصرار امه و حلفانها خلاه يحدد العرس غصباً عنه.. ما يبيهم يقلقون على لينا.. عادي عنده يعيش جميع الإنفعالات و لا اهله يعيشون القلق و الخوف عليها.. صحيح انلام من امال خاصةً.. خصوصاً مع نفور ريما منه يحسة عقاب له على اللي سواه فيها و في اختها.. لكن امه أيدتة و بقوة على اللي سواة يقالة يصحح اللي بنتة غلطت فيه و زوجها له عشان يستر عليها.. لف يناظر الباب اللي طلعت منه ندى يبصم بالعشرة من اول نظرة البنت ترجف من خوفها!! و هالشيء مستغربة.. يتذكر وصية ابراهيم عند الباب "إبراهيم : تكفى يا غازي اعطيك اول فرحة بناتي لا تظلمها و لا ترخصها و الله ان زعلتها كنك تحط السكين من غير لا تحدها على رقبتي و تنحرني ".. طلعت من الغرفة وهي تصبر نفسها انا قوية عادي الموضوع زواج اقصاة رجال ويش بـ يخوف بالموضوع.. عادي عادي عادي.. تحاول تبث الإيجابية بـ نفسها و كل ما قربت لجلسة الكنب بركن صالة جناحهم قلبها تزيد دقاتة من رعبها تحس اهل المدينة كلهم يرقصون على صوت دق طبول قلبها وقفت عند طرف الكنب وهي شابكة يديها و تضغط عليها بقوة تشوف ثوبة اسنانها صارت تصاكع ببعض و كأنها بتتجمد من البرد.. غازي بـ هدوء : اجلسي ليش واقفة..؟! مدت يدها اللي ترجف للكنبة و جلست.. تحس بالرعب و كأنها بـ تطيح.. بس جلست رجعت ظهرها لـ وراء وهي تضغط بظهرها على الكنبة و يديها بـ حضنها.. غازي مستغرب البنت ما رفعت عيونها و فوق هذا خايفة!! : ليش خايفة..؟! بلعت ريقها تحاول تبلع كل انفعالاتها و تخبيها داخلها لكن اول من خانها اسنانها اللي تصاكع ببعض و هي تتكلم : مانيب خايفة.. ابتسم غازي : صح ما انتِ خايفة.. انا اللي خايف.. حستة يستهزء فيها بس ما قدرت حتى ترفع عيونها.. وهي تحاول تأخذ نفس وراء بعض تخفف من توترها الحاد.. غازي مراقب كل شيء هي تسوية و هـــــادي حتى تنفسها : ترى بتخلصين الأكسجين علي.. هنا عقدت حواجبها من خفة دمة .. فايق يتفلسف على راسي لا ماشاء الله تعرف تنكت.. كان ودها تقول هالكلام بـ صوت مو بـ داخلها..؟!! غازي : أدري دمي ثقيل ما اعرف انكت..!! تعودت على الجدية بـ كل شيء.. حياتي تمشي على نظام عسكري حتى حياتي الخاصة.. يقولون اني ما اهتم لأحد اكثر من شغلي.. بس هم ما يعرفون اللي انا اعرفة يفسرون الموضوع من غير لا يأخذون الحقائق كاملة.. او انا مخفي الحقائق عنهم خوفاً مني عليهم.. استغربت من استرسالة بالكلام بس ما فهمت و لا شيء!! حاولت تركز بس خوفها و توترها يمنعها.. الشيء الوحيد اللي تسوية تفرك كفوفها ببعض.. وقف غازي حتى يجلس جنبها.. تحس الهواء انسحــب ما عاد فيه أكسجين.. و زاد الوضع سوء اول ما حست بـ يدة على يدها.. اتسعت عيونها وهي تشوفها كانت راح تصارخ وهي تشوف يده الحنطية الكبيرة على يدها البيضاء بس سكتها كلامة.. غازي يده اليمين على فوق على ظهر الكنب و يده اليسار على يدها الثنتين : لا تفركين يدينك بقي شوي و تصلخين جلدك.. تراني ما اكل.. (رفع يده اليسار لـ وجهها مسك دقنها ولفها جهتة) ليش خايفة مني..؟!! ندى : ما.. ما ني خايـ ــفة.. غازي و يده ما زالت على دقنها : ليش ما تعترفين عادي قولي لي خايفة ترى ما راح اسوي لك شيء.. مانيب ضاربك و لاني مصارخ عليك شيء طبيعي.. بس اللي مو طبيعي رجفتك احس بعظامك تناقز من رجفتك.. ندى : ابـو شوق.. غازي قاطعها : لا لا لا.. ناديني غازي.. ماله داعي تبنين حواجز بيني و بينك.. احنا لحالنا ناديني غازي.. ناظرت فيه بعد ما كانت تلهي نظرها بأي شيء بعيد عنه.. التقت عيونها بـ عيونة.. ملامحة الحادة توحي بـ هيبة عظيمة مزروعة في عروقة.. رغم انه منزل شماغة و طاقيتة الا الهيبة موجودة كيف لو لبسهم!! شتت نظرها بعيد عنه.. غازي : ما بغيتي تحنين علي و تخليني اشوفك..؟! لا عاد اشوفك فاكة شعرك و انتِ عندي.. طول الوقت مندقة و مغطي ملامحك عني.. ندى دنقت و هو ابعد يده عن وجهها : ..................... غازي : قولي لي ويش كنتِ بـ تقولين..؟! ندى هزت راسها : ولا شيء.. غازي رفع حواجبة : و الله..!! ندى هزت راسها بـإيه : ........ غازي : ترى ما احب احد يكلمني بإيماءات.. (قبل لا ينتظر ردها انسدح و حط راسه على رجلها) ما ادري ليش خايفة هالكثر مني..!! عموماً بتتعودين علي و هالخوف ان شاء الله بـ يروح.. بس تعرفين اني كائن لطيف.. عقدت حواجبة بـ حدة اول ما قال هالوصف كائن لطيف!! طرى عليها صراخ ريما..!! غازي وهو يناظر تعابير وجهها : شكلك ما انتِ مصدقة الأيام تثبت لك.. بس ابي اقولك كم شيء ابيك تحطينها قدام عيونك يا ندى عشان ما تزعليني.. هزت راسها بإيه يعني بـ تسمعة.. غازي : ندى لا تهزين راسك كنك بـقرة.. قولي أي شيء.. ندى بقرة!! من اولها بقرة!! ما عنده اسلوب : ان شاء الله.. غازي : اول شيء امي.. مره كبيرة احيان تقول حكي ممكن تغلط فيه عليك بدون قصد.. او يكون هذا تفكيرها.. ابيك تتحملينها ندى صدقيني لو صار بينك و بينها خلاف حتى لو هي غلطانة بـ وقف معاها.. جنتي تحت رجولها ما راح اضحي بـ رضاها.. و هذا ما يعني ان ما يهمني رضاك بالعكس لكن امي لا تحطين نفسك بـ مواجهة معاها و اكيد انتِ يهمك اني ما ازعل.. ندى بـ هدوء : عمة نورة بعيوني و عادي انا متعودة على الحريم الكبار اعرف امي فاطمة و اعرف اسلوبهن و ان شاء الله ما يصير الا اللي يرضيك ما بيكون بيننا الا كل خير.. غازي تنهد : الحمدلله.. الشيء الثاني بناتي.. بالتحديد ريما.. لأن شوق هادية و متقبلة الموضوع عادي و همس صغيرة لكن ريما.. (اخذ نفس) ممكن تقولك شيء يزعلك ما اطالبك تسكتين لأني اعرف بنتي ممكن تطول لسانها بـ زيادة بس ما ابيك تقسين عليها.. ريما تحبكم حتى لما قلت لها بـ تزوج كانت تقولي اختار أي احد الا بنات عم ابراهيم لأني احبهم وما ابي اخسرهم.. يمكن هي تحسك عدوة لها الحين بس اكيد بـ تقدرين تكسبينها.. ما اجبرك تتحملين طوالة لسانها و لا تسوين شيء فوق طاقتك.. بس هالبنت ذابحتني.. زعلانة علي واجد.. الله يسامحني اللي ظلمتها.. ما ودها تبين تعابير وجهها له.. ينبأها لـ حياة بـ تكون حافلة بالمشاكل مع بنتة..!! ياليت مع زوجتة مير هي اهون!! لكن بنتة..؟! : ان شاء الله ما يصير شيء.. غازي كتف يدينة : ادري بـ يصير بنتي حافظها مثل كف يدي ادري ما راح تنطم هي ما تجلس ان كنت موجود بس من وراي اعرف انها بـ تتعبك.. عشان كذا ابيك تعلميني بالصدق يا ندى ان صار أي شيء بينك و بينها.. فاهمتني.. هزت راسها و نست تحذيرة .. شوي و استوعبت : ايه.. .. بجناحة اللي صاير يومه فيه مشاكل بالفترة الأخيرة!! جناح منيره تحديداً شبه منسدح على ظهرة وهو ساند ظهرة على السرير.. ابو سعود بـ ملل من السالفة : منيره و بعدين..؟!! منيره : هذا الصدق.. ليش تتضايق ان سمعت الحق..؟! ابو سعود : كم مره انبهك عند ذا الكلام.. منيره كل شيء عند بناتي و يوقف.. منيره : انا ما بغيت الا مصلحتها.. ويش لها بالطلاق البنية بطنها واصلة لـ خشمها و انت تسعى وراء طلاقها..؟! كثر خيرة الرجال اللي ساتر عليها.. ابراهيم لازم تستوعب شوي الوضع.. انت صاير تمشي وراء بناتك عشانك ما تبي زعلهن..!! بس هذا ماهو حل تسمع لهن و تهدم حياتهن بكره يجنك يلومنك ليش خليتنا نسوي كيت و كيت.. وعد بـ تطلقها و سها بـ ترد العريس اللي متقدم لها.. و جود ما غير تدلع عليك كنها بزر ام سبع سنين بنت خالد ما تسوي سواتها.. ابو سعود : و انا كم مره اقولك لا تدخلين بـ حياة بناتي.. منيره صرت عايد عليك هالحكي مليون مره.. وعد تبي الطلاق كيفها ما احد جابرها تبقى معاه.. و سها ما تبي العريس هي حرة.. و جود تدلع على ابوها ما احد ناقدها.. منيره : خلاص طلقها و شوفها بكره تذبل قدام عيونك ما حيلتها غير تربي ولدها ما راح يطق بابك يبيها الا رجالن عود و الا متزوج كم حرمة و بنتك عادها ما صكت الخمس و العشرين.. ابو سعود وقف : ما ابغى نصايحك فاهمة.. افتحي ذا الموضوع مره ثانية يا منيره.. طلع من جناح منيره وهو معصب بس تنقد بالفترة الأخيرة و رافضة فكرة ان وعد تطلق..! مستغرب ما كانت تهتم بالموضوع ويش اللي خلاها تهتم فجأة فيه..!! و مصرة على زواج سها!! ويش بلاها انقلبت الأدمية 180 درجة!!.. طلع الدرج للدور الثالث سمع اصوات بناتة و ابتسم ما تبيهن يتدلعن!! اجل مين يتدلع عليه..؟! ضحكهن بس يجلب له سعادة كل يومة شافهن جالسات.. و مبسطات على الأخير.. : السلام عليكم.. لفن كلهن له استغربن وجودة ما قد طلع عندهم : و عليكم السلام.. جود تصد بوجهها يمين و يسار و تدعي ما ينتبة لـ لبسها.. وهي مكتفة يديها و ماسكة عضدها بـ قوة.. ابو سعود يناظر جود لابسها بجامة البلوزة بدي و البنطلون ميدي و متربعة على الأرض بين نهى و وعد : جود ويش هاللبس..؟! جود ترقع : وشوو..؟! ابو سعود : من متى تلبسين زي كذا بالصالة..؟! بغرفتك لحالك البسي اللي تبين ما احد شايفك لكن برا لا.. جود : بابا ما احد يجي هنا اخواني فوق وما احد ينزل هنا.. ابو سعود : طيب هذا انا طلعت..؟! قومي غيري.. وقفت بـسرعة : ان شاء الله.. ابو سعود جلس جنبهن .. لف على وعد : وعد كم مره اقولك لا تجلسين على الأرض.. تعب عليك.. وعد ابتسمت : عادي بابا لو ما قدرت أقوم بناديك تشيليني.. نهى : ويش عنده ابو سعود طالع عندن..؟! فاقد ندى..؟! ابو سعود ابتسم : اكيد.. عقبال ما افرح فيك بعد اسبوع.. نهى ناظرت القهوة و الحلى و الأشياء اللي مالين المكان فيها بينهم : ان شاء الله.. ابو سعود : ايش فيك تقولينها بدون نفس..؟! نهى : لأني ما ابغى زواجي مع زواج اخواني وما احد فيكم معطيني وجة.. متخيل اني ما احضر عرسهم و الله بـ انقهر.. ابو سعود : نهى ويش هالحكي..؟! كم مره حكينا بـ ذا الموضوع.. تأجيل العرس ما احنا مأجلينة الرجال طفح الكيل عنده مننا.. يكفي عاد.. نهى تتحلطم : خلاص بـــ أنطم.. ابو سعود : نهى الله يرضى لي عليك.. صار له سبع سنين خاطب.. لو انك مطاوعتة كان عيالك بـ الإبتدائي الحين.. نهى : بابا خلاص و الله مليت من هالإسطوانة تعيدونها علي.. خلاص راضية راضية.. ابو سعود : ازين بعد ترضين من نفسك لأني ما عندي غير هالحكي لو يجي فيصل يطلبك بعباتك ما رديتة.. (لف على بناتة دانه و ميار و سها) وبعض الناس ويش عندهم هاجدين..!؟ جود درعمت من وراه و جلست جنبة : يقالهم مؤدبين.. سها : كل ذا غيرة اعوذ بالله.. جود : على ويش اغار بالله..؟! خليني منطمة احسن لا نتهاوش.. ابو سعود : استغفر الله العظيم ما تعرفن تلمن السنتكن شوي..؟! كيف ندى بالحفلة..؟! ميار وهي تذكر شكل ندى قبل لا تطلع : تحزن شوي و تبكي.. البنت خاااايفة.. ما توقعت ندى كذا دايم احسها هيبة ما تخاف من شيء و عاقلة.. اما تخاف من زواج..؟!! هذا اللي صدمني.. ابو سعود : هي مبالغة بس تعرف الرجال زين بتضحك على نفسها.. بس كيف زوجتة و بناتة..؟! يعني تحسونهم راضين..؟! نهى تأكل من الحلى : اتوقع راضين شوف زوجتة حاجزة حلى من افخم المحلات و ازين شيء و اغلى شيء و اكشخ شيء.. جاينا الحلى بإسمها مو بإسم غازي.. ابو سعود : هذا مو سبب مقنع..!! وعد : ريما ما جات اما شوق و امها عادي.. بالعكس يعني احسهم متقبلين الموضوع بأريحية و طول الوقت مبتسمات.. صح شعور صعب على الثنتين بس انهم جاهدوا انفسهم على انهم يبينون لنا انهم راضين صراحة برافو عليهم لأنهم ما ينلامون لو زعلوا.. ابو سعود : و ليش يزعلون..؟! الرجال ما سوا شيء ينافي دينة..؟! وعد سندت يدها على الأرض عشان تصلب ظهرها : ماله داعي نضحك على بعض بابا ما فيه مره بالدنيا ترضى ان زوجها يتزوج عليها.. يعني بتلقاها فرحانة و تجهز له وكذا..؟ هذا يعني ما عندها احساس.. اما البنت شيء طبيعي امها بيصير على راسها مره و ابوها اللي بـ يتزوج يعني مهما كان بـ تحس بـ حقد تجاه الزوجة الثانية حتى لو طفيف و ممكن مع الوقت يروح او يزيد.. ابو سعود : تفكيركم غريب يالحريم.. عندكم انانية تبون كل شيء لكم.. جود : طبعاً .. و نبي زود بعد.. يعني وحده ابوها هذا الشخص الجميل (مدت يدها لدقنة تحركة يمين و يسار) و تكتفي لا يا حبيبي.. ابو سعود دنق حتى يعض يدها.. جود سحبت اصابعها من بين اسنانة : آآآ هذا جزاي اني مدحتك..؟! ابو سعود : ما احد قالك حطيها على دقني.. بـ أعضها.. سها : متوووحش.. ابو سعود : ما بغينا نسمع صوتك.. ويش عندك متغيرة علينا..؟! صايرة عاقلة بـ زيادة.. سها ابتسمت : من يومي عاقلة بس انتم ما تعرفون لي.. ابو سعود يهز رأسة يجاريها : ويش اخبار دكتورتك للحين تضايقك..؟! سها : ما تدرسني هالترم الحمدلله و الا كان صار فيني شيء .. حاقدة علي بـ شكل فضيـــع..!!! ابو سعود : ما علينا منها قولي الله يسامحها و انتبهي لـ دراستك و بـس ابي شيء يرفع الراس.. سها : ان شاء الله لا تشيل هم.. .. جود بـ هدوء من غير لا تناظر فيه : بابا.. ابو سعود استغرب النبرة : ايش فيك لا يكون زعلتي عشاني عضيتك..؟! جود هزت راسها بـ لا : بس ابي اسألك سؤال..؟!! ابو سعود : اسألي.. جود : لو احتجت.. بـ يوم.. حماية.. بـ تحميني..؟!! البنات ناظرن بعض بـ إستغراب من جود لأنهن يدرن ويش تقصد..!! اما ابوهن استغرب من الحكي : بـ روحي يا امي.. ويش فيك صاير لك شيء..؟! احد مضايقك.؟! احد قايلك كلام..؟! جود ابتسمت : لا .. بس انا اسألك كذا.. ابو سعود : جود لا تلعبين بأعصابي.. علميني ويش فيك.. لا تخلين قلبي يغلى على نار.. شفتوا ويش صار يوم وعد خبت علينا اتصالات صلاح من خوفها.. ماني مهاوشك علميني بس.. جود : صدقني ما فيه شيء بس غرت منهم .. يعني طول الوقت مهتم بـ وعد.. و تسأل نهى اذا راضية.. و فاقد ندوش.. و تسأل سها عن دكتورتها.. و دانه و ميار ما يحتاج طول الوقت و انت عيونك مبققة عشرة على عشرة عليهن.. باقي انا.. ابو سعود يقرص خدها : بكـــــاشة.. انتِ مأخذة حقك و زود.. و حكيك ذا كله ما خرط مشطي.. مردي اعرف يا جود و ياليت قبل لا يطيح الفاس بالراس.. جود ابتسمت : ما فيه شيء لا تشيل هم عادي.. و انت ليش ما نمت ما عاد باقي شيء على الفجر..؟! .. لا حول و لا قوة إلا بالله.. لا أحلل نقل الرواية دون ذكر إسمي.. هاشتاق #رواية_لو_سألتي_الورد ضحكة قهر.. |
رد: لو سألتي الورد وهو ما بين إيدك أقطعك بيقول لك عمري فداك الكاتبة / ضحكة قهر
بسم الله الرحمن الرحيم..
السلام عليكم و رحمة الله و بركاتة.. صباح الخير للي مصبحين و مساء الخير للي ممسين.. بداية بـ نتكلم على النقاش اللي من بعد ما انتهى البارت اللي فات تتوقعونه.. مين الشخص اللي يقصدة الصقر..؟! و مين هو الشخص المجهول اللي تزوج لينا..؟! السؤالين كلها ما راح يكون لها جواب بهالبارت.. لكن السؤال الأول فيه حصر اكثر للأشخاص المتوقعين.. احنا حددناهم على الأسك.. منيره بعد معاملتها المتغيرة ممكن يكون عندها هدف توصل له.. وعد بما انها حامل.. ميار بما انها تو مخلصة عدتها.. وليد اللي يشتغل كا عقاب مع غازي و مسافر في دورة مثل ما يعرفون ممكن يكون هدف الصقر و قلنا ندوش بعد بما انها صارت زوجة اهم عدو غازي.. و قلنا جودي بعد اللي قالتة لأبوها.. اليوم من خلال الحوار اللي بـ يدور بتصفى التوقعات على ثلاثة.. عاد انتم و شطارتكم.. اما الشخص اللي متزوج لينا مره بدري على معرفتة بــــدري حيــــل.. الشيء الثاني اللي صار من لما نزلت البارت اللي فات الحماس الفضيع اللي دب في البعض و يبي يعرف النهاية..!! انا كم مره اقولكم افكاري متجددة انا في بداية روايتي عماد من الأساس ما كان في الرواية عشان تعرفون ويش كانت عدت كتابة الرواية اكثر من مره مره وعد تزوجت سلطان و مره تزوجت عساف و اشياء كثيـــر الغيت و انحط مكانها اشياء جديدة.. انا في راسي موال و بـ اغنية الله يرضى لي عليكم لا عاد احد ينشدني او يطلبني ان وعد تبقى مع عماد او ويش نهاية الرواية لأني ما راح اقول ابداً بـ تعرفون في النهاية مثل ما انا مخططة امشي بالأحداث.. لسى قدامنا احداث كثير و انتم همكم مع وعد و عماد انسوهم شوي و ركزوا على غيرهم.. البارت هذا انا اعتبرة فرائحي .. لأن البارت الجاي بـ يكون العكس تماماً.. اذا ما اجريت تعديل على البارت الجاي بما اني كتبتة ^_^ فـ حدثين بـ تصير في البارت بـ تقلبنا من جديد.. بس اربطوا لي قلبوكم شوي و استمعتوا بهالبارت بكل حدث.. اخر شيء دعواتي القلبية لكل اللي يختبرون بالتوفيق و الفلاح.. شدوا حيلكم كلها فترة و تمضي.. و على فكرة يعني اخر شيء انا انصدمت من التفاعل في البارت اللي فات ما توقعت صراحة هالنوم و اكثر المتفاعلين كانوا على الأسكـ طبعاً.. اما هنا ما توقعت ابداً و ادري بـ تقولون اختبارات و كذا بس اللي يلقى وقت يقرأ بارت اقل شيء يأخذ 20 دقيقة يلقى وقت يكتب رد بخمس دقايق.. و ما ظنتي الكل يدرس او عنده اختبارات.. < ترى العتب من زود المحبة.. و البارت طويـــــــل لعيون كل اللي تفاعلوا معاي < صايرة متعصبة و نفسية ^_^.. البارت القادم يوم الجمعة بإذن الله و احتمال مو اكيد اقدمة للخميس.. و حيــا الله قرائي الجدد.. و اشكر كل اللي يتابعوني و تفاعلكم يزيدني حمـــاس و حمـــاس.. اتركم مع البارت.. البارت التاسع و الأربعون.. علم الشمس ليه النور فيك إرتمى ياللي أنفاسك العذبة تشكل غمام إبتسم للوجيه العابره .. و السماء كل بسمة من شفاهك حمامة سلام .. لـ حمد العيد.. جالسين على طاولة الأكل .. امال و شوق ينتظرون غازي و ندى ينزلون اما ريما مطنشة و ضاربة الكل بـ عرض الجدار و تأكل.. همس : اوووف طفشنا و احنا ننتظر انا جوعانة.. امال تناظرها : اصبري الحين بابا و خالة ندى ينزلون.. ريما بعد اهتمام : كلوا لا تموتون جوع عريسكم نايم بالعسل.. امال : ريما استحي على وجهك.. تراه ابوك.. مهما صار بينك و بينه ما تقللين من احترامة.. ريما تناظر الدرج ابوها ينزل كاشخ تشوف كشختة بـ زيادة رغم انه هو دايم كاشخ مو شيء جديد عليه . و وراه ندى ينقال عنها عروسة همست : الحمدلله.. غازي و ندى : السلام عليكم.. : وعليكم السلام.. شوق وقفت تبوس راسة.. اما ريما وقفت حتى تطلع من الجلسة اللي هو فيها.. مد يده و مسكها من عضدها قبل تطلع : ما باركتي لي..؟! ريما : ما ظنتي تهمك.. غازي يطول بالة عليها : لو ما تهمني ما طلبتها منك و انتِ ناسيتها..!! ريما ابتسمت بإستهزاء : لا ماني ناسيتها بس ماني شايفة الموضوع بالنسبة لي يستحق ابارك لك عشانة.. طلعت قبل لا تسمع ردة على كلامها.. شوق ابتسمت ترقع الوضع : صباحية مباركة ولو انه قريب العصر ما عاد الا خير.. غازي اتجة للطاولة و جلس مكانة و ندى جلست يسارة مقابلها امال يمين غازي و جنبها شوق و همس.. همس : بابا يالله جوعانة.. غازي : افاا يخسى الجوع.. لا عاد تنتظريني اكلي يا بابا ما راح ازعل.. همس ابتسمت : طيب.. امال : كيفك يا ندى.. ندى بـ هدوء : بخـير الحمدلله.. كيفك انتِ.؟! امال ابتسمت : بـ نعمة الحمدلله.. (التفت على غازي) احنا بنطلع بعد الصلاة مع جعفر يمكن ما نرجع الا متأخر.. غازي : ليش.؟! امال : بنأكد على الحجوزات كلها و بنحجز تشوكليت و فطاير تعرف لازم يكون عند شوق بالغرفة و بـ نمر على كم محل بنشتري كم شغلة ناقصة و اخر شيء بنروح المشغل نطلع فستان شوق.. و ريما تسوي البروفة الأخيرة.. لازم نخلص الشغل اليوم لأن بكره عندها جلسات بالمشغل و يوم الثلاثاء النقش.. غازي : طيب مو مشكلة بس اذا ما خلصتوا لين بعد العشا كلموا محمد و الا يوسف يكمل باقي المشاوير.. شوق تتحلطم : ما ابي انقش مو حلووو خلاص راااحت موضتة..!! امال بـ حزم : شوق حكينا بـ ذا الموضوع كم مره.. شوق : ياااربي ما احبة.. ندى ابتسمت : سعود يحب الحناء.. اختبصت شوق بإحراج.. بلعت الحكي و سكتت.. تناظر صحنها و تلعب بالملعقة.. امال ابتسمت بإنتصار مصرة الا بنتها تنقش وهي رافضة : هاه شفتي يعني ما احلاك داخلة عنده بدون حناء..؟! غازي : خلوها تسوي اللي يريحها.. لا تضغطين عليها امال.. شوق و عينها بـ صحنها : خلاص بـ أنقش.. غازي : ههههههههههههههههههههه كل ذا عشان سعود..!! همس : انتِ تزوجين يوم الخميس..!! يعني باقي كم يوم..؟! غازي : اليوم السبت يعني باقي خمس ايام يا بابا..(ناظر امال) بتأخذين البنات كلهن معاك..!؟ امال : ايه.. عشان بروفات الفساتين.. غازي ناظر ندى : تروحين لأهلك..؟! هزات راسها بإية.. ناظرها بـ قوة على حركتها.. تنحنحت : ايه عادي.. غازي : خلاص بـ نمر قبل على امي قبل المغرب وبعد صلاة العشاء انزلك بـ بيت اهلك لأني بـ أطلع المركز.. كان ودها ترجع تسألة تتأكد المركز!! من بكرة زواجهم..؟! بس ما قدرت.. هيبتة اكبر من انها تأخذ راحتها معاه.. .. جلستهم العائلية روح بيتهم اللي يعيشونها كل يوم.. سعود يناظرها جاية : حيا الله ام كرش.. وعد حاطة يدها على ظهرها و تناظرة بـ قهر ما ينادونها غير ام كرش و يتريقون عليها : الله يحييك.. اتجهت لأبوها و باست رأسة .. ابو سعود : وعد كم مره اقولك لا تدنقين علي..؟!! وعد تجلس بعد ما سلمت على خالاتها جنب سعود : عادي بابا ماهي مأثرة علي.. منيره : الا كل شيء يأثر عليك المفروض ما تشيلين الكاسة من الطاولة بطنك واصلة لـ خشمك اللي يشوفك يقول داخلة شهرك من زمان انتِ متأكدة من الدكتورة حاسبة لك صح..؟!! وعد عفست وجهها : ايه.. و كم مره اقولكم ما ابي احد يكلمني على الحمل و يوسوس فيني.. انا اللي شايلتة ما احد قالكم شيلوا معاي.. منيره : ويش بلاك هبيتي..؟! بس محزنتني.. الحمل متعبك.. و للحين ما دخلتي شهرك.. وعد : لا تناظريني عشان ما احزنك غطي عيونك عني.. و الله.. ام حاتم بـ حدة : وعـــد..!! سها : ما عليك و الله تجننين و انتِ حامل ودي ما تولدين..!! جود ضربتها على راسها : حلوة ما تولد و احنا ننتظر هالمولود من متى!! و الله قاهرني المفروض تولد بالسابع.. ليش يجلس للتاسع..!! ام احمد : ويش معجلك..؟! خليه ببطن امه يتم نموه.. جود : حتى اللي بالسابع كامل نموه بس عنده نقص بالرئة ما ادري ويش و يكملها بالحضانة و كثير بزارين يولدون بالسابع..!! و هذا ما طرى عليه شكله بعد سنة يمكن يفكر!! ام سعود : لا و الله خلي ولدنا يطلع من بطن امه كامل وشولة مستعجلة عليه!! لاحقن على الدنيا الله يكتب له العمر المديد.. دخلت مستحيـــة!! امس كانت بنت هالبيت ما تحس بالإحراج بـ جلستها بينهم.. بس اليوم داخلة ضيفة.. كم ساعة و تطلع منه.. : السلام عليكم.. ابتسموا كلهم لـ شوفتها.. : وعليكم السلام.. باست راس ابوها و امها و خالاتها ودها تطلع من الصالة بس تحس شكلها غبي لو طلعت..!! هي اكبر من الإحراج اللي ماله معنى.. .. ابو سعود : حيا الله عروستنا.. ندى مبتسمة وجهها احمر : الله يحييكـ .. ام حاتم : شخبارك...!؟ ندى جلست جنب امها و تنزل عبايتها بـ حضنها و تلفها : الحمدلله بـ خير.. سعود : الفريق غازي ما نزل..؟! هزت رأسها بـ لا : لا راح المركز!! مشعل بـ صدمة : من جدك..؟! مداوم..؟! ندى : ايه.. جود : ويش هذا من جده و الا يستهبل..؟! لا يكون عنده شغلات ماهي زينة..!! سعود رمى عليها الخدادية : استحي على وجهك.. اكيد راح يشيك على الشغل لأنه ما داوم الصباح.. و احنا بـ وضع ما يسمح لنا نأخذ اجازة يوم واحد!! نهى : الله من التعقيد بس..! احمد : مجبورين لأن وظيفتهم معقدة.. ندى تهمس لأمها : يعني..!! ام حاتم : كيف يعني.؟! هاوشك مثلاً..!؟ ندى : لا.. ام حاتم : شفتي ان خوفك ماله معنى.. ندى : بس احس التعامل معاه صعب.. ام حاتم : مسرع حكمتي على التعامل.. مالكم 24 ساعة مع بعض..!! امداك تعجنين و تخبزين الرجال..؟! و بعدين قلتيها صعب مو مستحيل.. ندى تعض شفايفها السفلية : و الله يخوف.. ام حاتم بـ حدة خافتة : هوووه علينا!! ندى ويش ذا..؟! بنت الـ 15 ما تسوي سواتك يالعاقلة الفاهمة.. ندى : عشانك ما شفتية تقولين كذا.. ما اقدر احط عيني بـ عينة اخاف يذبحني.. ام حاتم ابتسمت : عز الله عقلك ودع.. ويش اللي يذبحك..!! ندى سكتت مستحقرين خوفها منه!! هم شافوه..؟! حتى لو شافوه ما عاشوا معاه ببيت واحد..؟! و ما ربطهم رابط مثل اللي ربطوها فيه..!! ريما شلون ردت عليه اليوم بـ هالشكل و سكت عنها..؟! شوق كيف باست راسة ما خافن..؟! وجودة بالمكـان رعــــب!!! ابو سعود ناظر في ام حاتم نظرة يستفسر فيها .. ندى صدق دخلت مبتسمة بس الحين مبوزة بعد ما كلمتها امها..!! ام حاتم رفعت حواجبها و كأنها تقول اللي تخبرة!! خوفها..!!! ليلة عرسها ما نامت و هي تصيح..!! الساعة 2 بالليل راحت لأمها.. ام حاتم فتحت الباب تفاجأت من وجود بنتها : ندى..!! ندى ارتمت في حضنها تكمل صياح : يمه ما ابيه خلاص تكفون ما ابيه.. ابو سعود من وراء ام حاتم : خير ايش فيه..؟! ام حاتم خافت على بنتها لا يعصب عليها.. : ما فيه شيء لا تشيل هم.. انت كمل نومك.. ابو سعود سحب ندى من حضن امها و وقفها قدامة : ايش فيك..؟! ندى : ما ابيه بابا الله يخليك و الله يخوفني بـ يذبحني..!! ابو سعود تنهد بـ راحة السالفة كلها على خوف هوينة : الله يهديك يا امي صبيتي عظامي.. هذا حكي وحده بكره عرسها..؟! ندى تكمل صياح : خلاص كلمة قولة لا يجي ما ابي اتزوج بقعد عندكم.. ام حاتم تصفق يديها ببعض : انتِ صاحية..؟! ويش اللي بقعد عندكم.؟! ندى اصحـــي جايتنا تالي الليل البزارين ما يقولون اللي تقولينة.. اللي كبرك عيالهم طولهم.. و انتِ تبكين خايفة من عرس..؟! ابو سعود حضن ندى : تعالي معاي.. جلس على السرير و جلست جنبة.. ابو سعود : افااا الحين انتِ العاقلة تسوين هالسواة..!! يا امي صح غازي رجال شديد بس انه طيب.. انتِ شوفي بناتة عمرهن سبنة..؟! عمرهن انقدن تربيتة لهن و انه قاسي عليهن..؟! زوجتة قد شفتيها تشكي منه..؟! يمكن انتِ شفتية من بعيد لـ بعيد بس ما عرفتي اخلاقة و الله رجال ذهبة.. ندى تذكر صراخ ريما بالمزرعة و ضربه لها : ما يهمني خلاص ما ابي اتزوج.. بابا خليني عندكم الله يخليك.. و الله لو اغلط بدون قصد يذبحني..!! ام حاتم : استغفر الله العظيم مين حاط هالفكرة في راسك..؟! ابو سعود : الشيطان اللي كل مره يوسوس لك عشان يخرب عليك.. خرب عليك بـ خطبتك من عساف و الحين بـ تخربينها مع غازي.. ندى بكره بس تروحين معاه و ينصك عليكم باب كل خوفك ذا بـ يروح بـ تشوفين ان ماله معنى.. قومي اغسلي وجهك و كلمة ما ابيه ما ابي اسمعها على لسانكـ .. ندى : بـــس.!!! ام حاتم بـ حدة : ما فيه بس.. ويش بلاك و الله ان فيك بلا شين..؟! عايفة العرس و الا عايفة الرجال..؟! دنقت ندى : انا خايفة منه و الله خايفة.. (نقلت نظرها بينهم) انتم مو راضين تستوعبوني..!! ابو سعود : يا امي فاهمين عليك بس هالحكي ماله معنى.. لو غازي رجال ما أمنة و الله ما اعطية اياك لو يحب السماء.. اعرفة و اعرف اخلاقة و تربيتة.. و ماني خايف عليك عنده.. رجع للواقع على هواش بناتة.. سها : ماهو بكيفك حلوه نروح لمشغل...... ما نبيه معفن.. جود : مجنونة انتِ..؟! جايبين العاملة ساندي تجنن, مكياجها خورافة فنية.. ميار تأيد رأي جود : انا شفت شغلها بالمكياج رووعة بس تسريحاتها لكم عليها شوي.. وعد : لو نطلبها في البيت تجينا..!؟ ندفع لها دبل السعر.. بصراحة تعبانة و ما فيني ارتز بالمشغل من الظهر!! نهى تناظر وعد : ليش ما انتِ رايحة معاي..؟! وعد : انتِ عروسة لك موعد محدد اما انا بـ كون زبونة عادية بيخلوني اطق سرا و انا ما فيني اطول جالسة و وراي ليلة طويــلة.. ماما تروح معاك.. ام سعود : صادقة يا بنيتي ويش يخليك تروحين مشغل و تتعبين جيبن لكن وحده تجهزكن هنا كلكن وحده شعر و وحده مكياج..؟! اريح لكن كلكن.. ميار : يمكن يكون شغلهن ماش نبي وحده مضموووونة!! و الا بـ نروح مشغل.. ام احمد : يعني المشغل مضمون..؟! صبها و احقنها يا بنيتي.. و انتن بتجيبن وحده شغلها كلن يحكي بـ زينة.. جود : طيب نجرب نتصل عليها..؟! اذا تجينا بالمكياج.. لأن احنا عدد لا بأس فيه.. (ناظرت ندى) ندوش معانا..؟! ندى : ما ادري..!؟! نهى : ايه ازين تكونين معنا.. اذا ما جيتي معانا يعني بتكونين مع شوق.. صعبة شوي.. سعود لف جهتهن يناظرهن مستغرب..!! : ويش الصعب بالموضوع..؟! جود : بتعب نفسي و اقولك ويش الصعب بالموضوع و متأكدة ما راح تفهم بس مو مشكلة عشانكـ اخوي الكبير و انا اختكـ الصغيرة.. سعود سحب الخدادية من وراه ورماها عليها : و يومني الكبير ويش شايفتني غبي..؟! جود حضنت الخدادية : استغفر الله مو شرط غبي بس لأن هالشيء مو من اهتمامكـ ما راح تفهمة.. سعود : اقول انتِ انطمي بس.. (ناظر خواتة) انتن صاير شيء بينكن و بين شوق..؟! نهى : قالت جود ما راح تستوعب.. ياخي مو كذا الموضوع.. سعود : اجل..؟! ميار : لأنه و ببساطة شوق العروسة و ندى اخت العريس.. العروسة ما تحب يكونون خوات زوجها معاها نفس المشغل او نفس الكوافيرة.. سعود كتف يده اليسار على صدرة و اليمين رافعها لـ خدة : لا يا شيخة..؟! و ليش ان شاء الله ما تحب..؟! خالد : ونفس المشغل بعد..؟! ليش طيب يعني عاملة وحده اللي تشتغل فيه..؟! سها : لا بس كذا نفسياً ما يحبون يكونون مع بعض..يعني عشان اطلالة العروسة تكون كاملة مره وحده بعد ما يخلص كل شيء ليش يشوفونها مره بالمكياج و مره التسريحة بعدين الفستان تحس خربت طلتها.. مشعل عفس وجهة : من جد البنات نفســــــــية.. ابو سعود : هذا و انا ابيكن تأخذن صبا معاكن.. تعرفون ما عندها خوات ما ودي تحس بالنقص.. ابيكن توقفن معاها حتى هي اختكن.. دانه : هي مع نهى حاجزين مع بعض.. سها : بس صبا عادي اول شيء بنات عم ثاني شيء حتى نهى عروسة اخوها و هي عروسة اخونا يعني عدالة.. احمد : و الله متعبات انفسكن.. ويش ذا السوالف..؟! احسكم تهتمون بأمور تافهة.. خلوا تفكيركم شوي اكبر.. ام حاتم تكلم ندى : ازين روحي معاهن.. سوي مكياج عروسة.. هاذي اول طلة لك بعد عرسك و بعد ما لك كثير متزوجة.. لازم كل شيء يكون تمام التمام.. ندى عقدت حواجبها : مكياج عروسة..!! لا يمه ما ابي.. ابي شيء ناعم.. وعد : ماما معاها حق.. و فستانك ينفع له مكياج شوي يعني مو ثقيل و لا خفيف.. مكياج عروسة مرتب.. اما ناعم لا يا حبة عيني.. سها : ايه و نسوي لك تحضير.. نهى ضربت جبهتها : ويش اخباري مين يسوي تحضير الحين..؟!! سها هزت اكتافها بـ بساطة : عادي ما فيها شيء مالها كثير متزوجة بينكم ست ايام.. نحضرها على الساعة 12 و الله حلووة تعويض عن الحفلة اللي البارح ما حضر فيها الا عيلتنا و عيلتهم كنها ايام المزرعة.. ياسر : ويش تحضير يعني تجيبون لها ورقة و توقع حضور..؟! ناظرن البنات بـ بعض!! ويش يردون عليه!! محتارين..؟! من تفاهةالسؤال و جهل الإخوان..!! مشعل الجالس على الأرض و متساند على مركى و مايل عليه .. لما شاف اشكال خواتة لف على ياسر : لا ما شكلها كذا يمكن هي تلف بـ دفتر على الحضور و تحضرهم تشوف مين حضر..!! ميار : ماني مصدقة انكـ جاهلين هالكثر..؟! من جدكم ما تعرفون يعني ايش تحضير عروسة..؟! خالد : و احنا ويش عرفنا ندى اول وحده تتزوج فيكم.. وعد تنحنحت : احم احم.. خالد ناظرة : اوووه نسيت ام كرش.. بس انتِ ما صار عرس حريم يعني ما عندنا خبرة.. دانه : تحضير تنسوى للعروسة بعد اول طلة لها بعرس قريب منها .. يعني مثل ندى الحين اول طلة لها بـ زواج اخوانها و اختها.. تكون بغرفة بعدها تطلع للناس و تنزف تكون في نص الليلة تقريباً.. و بعدها يا تغير فستانها يا تبقى فيه هي وكيفها.. و تجلس مع الناس عادي.. ياسر يستهزء فيهن : اقسم بالله سخافات..؟! من جدكن..؟! تاركات الضيافة و الأشياء اللي المفروض تسونها و تقدمنها على اكمل وجه عشان ما تقصون وجيهنا قدام خلق الله.! و تقولن لي تحضير و سخافات..؟! سها : ياسر بلــيز.. يعني عادي ما فيها شيء.. كل السالفة زفة.. بـ نزفها و هي توها عروسة.. ندى : لا ما ابي انزف.. ماله داعي.. كان من البداية طلبت عرس كبير.. بس انا ما ابي هالشيء.. جود : يــــاربي ندى بليـــز فكيها شوي كل شيء لا..؟!! ترى بـ تصيرين ملولة كذا لا عاد تجينا اذا غازي بـ يقلبك علينا.. ندى : كيفي هذا تفكيري و انا حره.. جود ميلت راسها : شفتي ريما..!؟ ندى : يعني.. جود : ما قلتِ لها الشينة تكلمني..؟! حمارة ارسل لها ما ترد علي.. ندى : لا ما كلمتها و لا كلمتني.. مشعل يناظر ابوه : يبه ابي اطلع مع راكان.. ابو سعود : لا.. مشعل عفس وجهة ابوه صاير غريب يعاملة كنه بزر : ليش..؟! ابو سعود : ما ابيك تطلع.. طول الوقت و انت برا البيت.. مشعل : يبه ويش اسوي اجلس..؟! بروح معاه استراحة الشباب طفش البيت.. ابو سعود : افتح دروسك و ذاكر.. مشعل : بكره عندي اوف.. سعود : الا وين مكانها ذي الإستراحة..؟! مشعل : بنروح هالمره لإستراحة في حي ...... ابو سعود بـ حزم ينهي الموضوع : قلت لك ما فيه روحة.. مشعل : يبه انا مواعد الشباب ما احنا مطولين وحده و انا هنا.. (مشعل يناظر احمد عشان يعاونة).. احمد ناظر ابوه دايم اخوانة يجبرونة على انه يوقف معاهم : خله يروح يبه و ينبسط.. و معاه راكان ماهو لحاله.. وما هم مطولين ان شاء الله.. ابو سعود : أنا قلت لا.. مشعل متنرفز تربع على الأرض يناظر ابوه : يبه صاير تعاملني كني بزر حتى فارس ما تعاملة مثلي..!! ابو سعود : الحين عشان ابي اشوفك قدامي صرت تشوف نفسك بـزر..؟! مشعل : لا.. (اخذ نفس بـ يحول الموضوع) ترى جدي قالي يبيك بكره بـ مجلسة بعد المغرب.. بيجونة رجال و ضروري تكون موجود.. ابو سعود : مين بـ يجيه..؟! مشعل هز راسة : ما ادري ما قالي.. بس اكد علي اعلمك.. جود تهمس لـ خواتها : جننتني جايبة رقمي..!! و رسايلها زي وجهها قليلة ادب.. دانه : ما توقعت تقولين لأبوي شيء زي كذا..؟!! جود : ما قلت له..!! بس من جد صرت اخاف منها.. انتم ما شفتوها و ربي تقولون ولد..!! ندى جلست جنبهن : ايش فيكن..؟! نهى : تكلم عن البنت البوية اللي مضايقتها.. ندى تناظر جود : ما ملت..؟!!! جود : لا.. انا بديت اخاف على نفسي.. البنت وين ما التفت اشوفها بـ وجهي صرت اخاف امشي لحالي.. ندى : ليش ما تكلمين وحده من المعلمات..؟!! جود : كلمت المرشدة يوم الخميس و ياليتني ما كلمتها تقول لي شكلك ناوية على بنت و جاية تقولين لي عشان ان صار شيء ما اشك فيك..!! وعد بـ قهر : قليلة ادب حتى هي.. جود : علموني ويش اسوي..؟! البنت وصلت لـ رقمي و جابتة و ترسل لي على اني مأكدة على صحباتي و كلهم قالوا لي ما اعطيناها..؟!! ما ادري شلون جابتة..؟! ميار : انتِ قلتِ للمرشدة اسم البنت..؟! جود : لا.. كنت بـ شوف ردة فعلها اول.. يعني توقعت انه ما يحتاج اقول لها اسم.. و صدمتني بردها الله لا يوفقها.. سها في عالم اخر جوالها على رجلها تطقطق و مبتسمة..!! ندى تهمس لـ نهى : مين تكلم..؟! نهى : مين يعني..؟! اكيد شينة الحلايا اللي علقتها بـ ولدها.. ندى بـ حدة خافتة : ســــها..!! رفعت راسها لـ ندى : هلا عيني.. ندى : مين تكلمين..؟!! سها زمت فمها : وحده من زميلاتي..!! ندى : اطلعي فوق معاي يالله.. وقفت سها و بعدها ندى لحظات حتى تخلى الصالة من البنات السبعة كلهن.. منيره : ويش عندهن البنات قامن كلهن وراء بعضهن..؟!!! سعود : عادي يا خالة ماهو شيء جديد.. منيره تناظر سعود : ماهو غريبة غازي يداوم من بكرة زواجة..؟!! ان شاء الله ناوي تسوي مثلة انت..؟! سعود : عندي اجازة اسبوع تبدأ من يوم زواجي.. منيره : اسبوع بس!! مره قليل.. تراك عريس لازم تأخذ شهر على الأقل بما ان عمك رئيسك يضبطك عشان بنتة.. سعود بـ ملل : ما احتاج تضبيط انا اعرف نفسي و اعرف ويش ابي و اسبوع يكفي.. دام مأجلين السفرة لين اخلص شغلي اخلي اجازتي وحده و طويلة.. منيره : الا وين حاتم ما شفناه اليوم..؟! ام حاتم : مداوم ما راح يرجع قبل الفجر.. مشعل وقف : انا بروح انام!! ام احمد : ما تعشيت يا ابوي بدري على النوم..!! مشعل : ماني مشتهي.. تصبحون على خير.. (باس راس ابوه و امه و خالاتة و اتجة للمصعد).. خالد يناظر ابوه و يكلمة بـ صوت واطي بينه و بين ابوه و اخوانة الجالسين قريب منهم : تهاوشني عشان ابراهيم و انت حاكر مشعل..؟! على الأقل ابراهيم بزر اما مشعل ما عودتة انت على هالشكل..؟! ابو سعود يستهزء بـ خالد : ويش رايك تقوم تهفني..؟! خالد : حاشاكـ .. بس يبه كلنا ملاحظين تغير معاملتك معاه.. حتى هو صار يتضايق شايف اللي اصغر منه مخلين له الحرية اكثر منه.. مشعل ماهو بزر يبه صار رجال.. احمد : يبه هالشيء بـ يخلية مقيد.. و الله بـ يسوي اللي يبيه من وراك.. بيقولك تم من قدامك و وراك يعصيكـ .. حتى عند عماني اذا انت رحت لهم و شفتة عندهم اخذتة معك لا طلعت..!! سعود : ما عليش بس ما توقعتكم اغبياء هالكثر..!! السبب واضح وضوح الشمس..!! ياسر : وشو..؟! مسوي شيء غلط و ابوي يعاقبة..!؟ سعود : لا.. عشان وليد.. خالد : ويش دخل وليد..؟! سعود : ابوي ما يبي مشعل يبعد عنه و كنه يعاملة معاملة شخصين بـ شخص.. وليد و مشعل بما انهم كانوا كل الوقت مع بعض.. و بما ان وليد له فترة مختفي و ما شفناه ابوي حاط الحرة بـ مشعل ما يبيه يبعد عنه.. ابتسم ابو سعود.. سعود تربيتة.. يعرف كل شيء بـ ابوه و كأنه ولده.. احمد : بس هالشيء بـ يضايقة.. انت شوفة كل ما قال لأبوي بـ طلع ابوي رده.. احنا نروح و نجي و نطلع وهو حده الجامعة و يرجع.. ابو سعود : و الله لو ما يزعل لا اسحب سيارتة منه و اوصلة انا.. في الدور الثالث عكس نقاشات الدور الأول الهادية.. ندى و نهى معصبات على سها.. و سها تدافع دفاع مستميــــت عن نفسها و حبها.. نهى : مخفـــة اقسم بالله انك مخفة.. يا مجنونة المره قدرت تلعب عليك و تخليك تحبين ولدها.!.؟ ثم الحين تقولين ماهو ولدها ولد اخوها وهي مربيتة..!! سها : ما يهمني ولدها ولد اخوها ما يهمني اللي يهمني اني انا احبة.. ندى : شوفي سها انا صبرت عليك لين قلت البنت عقلت.. ما فيه مجال, عرفت ان اللي تسوية غلط.. لكن انتِ ما تبتي و جالسة تغلطين و تغلطين و لا انتِ حاسة.. وعد جالسة جنب دانه و هي تشوف النقاش الحامي نهى و ندى بـ صف.. ندى معصبة و نهى مأخذة الموضوع بـ برود حتى لو هي ناقدة عليه.. و سها بالطرف الثاني معصبة ان ما احد مستوعبها : المشكلة يا سها انك تدرين انك غلطانة.. تدرين انك قاعدة تعصين ربك قبل لا تعصين بابا و اخواني.. سها : انا ما اكلمة.. انا اعرف اخبارة من امه.. ما عصيت ربي.. نهى : لا يا شيخة..؟! و طلعتك اخر الدوام عشان تمتعين عيونك بـ شوفتة ويش تعتبر..؟!.. ندى : تعرفين اني اقدر امنعك من اللي تسوينة بـ ابشع طريقة.. و رب الكعبة لأنزل و اقول لأبوي ترى سها متعرفة على واحد.. سها : روحي قولي له.. و قولي له انه بـ يخطبني مره ثانية بس هالمره منه .. من ابوي بـ نفسة.. انتم تحسبون ان الدنيا ما فيه خير و أي شاب يكلم بنت يعني قصدة ماهو شريف.. طيب هو اصلاً ما يكلمني انا اكلم امه.. وعد : عمتة ماهي امه.. لا تضحكين على نفسك.. طيب اوكِ ما نختلف.. لا تكلمينها حتى هي.. لين يجون يخطبونك رسمي من بابا اذا هم قصدهم شريف.. امه لما تكلمت كلمتك انتِ حتى ما فكرت تكلم ماما.. سها تصارخ على خواتها عشان تدافع عن طارق قبل لا تدافع عن نفسها تدافع عن حب انبنى بينهم : انتم ليش مو راضين تستوعبون..؟!.. ندى : ويش تبينا نستوعب..؟! واحد لاهو من ثوبنا و لا احنا من ثوبة.! عند جنسيتة مكتوب مصري ماهو سعودي.. الناس بـ تأكل وجيهنا.. ويش حقة معطينها مصري قلوا السعوديين عليهم..؟! ابوها بايعها يومه معطيها واحد مو سعودي..؟! هذا اخف شيء ممكن ينقال عنّــا..!! نهى : هذا إذا.. إذا ابوي وافق..!! (تأشر على سها و تلف كفها مفتوحة تستفسر) مجنونة انتِ..؟! تركضين وراء واحد انتِ عارفة من سابع المستحيلات انكـ تأخذينة..؟!.. أنتِ جنيتي على نفسكـ بـ نفسك.. سها مازالت تصارخ عليهن مو حاسبة حساب ان احد يسمعها غير خواتها بـعد ما طفح فيها الكيــل من تحطيم حلم روحها معلقة فيه : مالكم دخل فيني.. انا ما طلبت رأيكن و لا نخيتكن بـ شيء.. ابعدوا عني لأن ما احد غيركن بـ يخرب علي حياتي.. وسط صراخ سها كانوا طالعين كلهم بعد ما سمعوا صراخهن..!! حتى مشعل على اساس بـ ينام نزل من الدور الرابع على الدرج التقى هو و اخوانة على الدرج.. ابو سعود : ايش فيكن..؟! وعد همست لـ جود : الحمدلله اني جالسة عشان بابا ما يشك اني بالسالفة..!؟! جود تحاول تمسك ضحكتها : تبين ابراهيم يصدق انك مو بالمشكلة..!؟ ياختي انتِ بكل شيء ناطة.. سها دب الرعب بـ عروقها وهي تشوف ابوها و امها و خالتها ام احمد واقفين عند باب المصعد و اخوانها طالعين الدرج..!! مواجهـــة هي ماهي مستعدة لها..!! و لا راح تقدر عليها او تنطق بـ شيء ابداً ويش بـ تقول..؟! انا احب لي واحد..؟! يبي يتزوجني..؟! ام حاتم تقدمت لهن : ويش بلاكن ما تردن..؟! ندى رفعت قصتها و نزلت من جديد : ما فيه شيء.. ابو سعود عوينة تدور عليهن : الصراخ ذا كله وما فيه شيء..؟! ايش فيه يا نهى..؟! نهى : ممكن ما تسألني انا ما راح اكذب و اقولك و الله ما فيه شيء.. لأنه فيه.. ندى مسكت ذراع نهى ورجعتها لـ وراء.. ناظرتها بـ حدة : نهى..!! نهى ناظرتها : ويش فيك..؟! يعني تبيني اكذب ماني كاذبة.. الا فيه.. و خلي اللي سببت كل ذا ان كان فيها خير و ما خافت تقول ويش فيه.. خالد : ويش فيه يا سها..؟! سها تناظر خالد!! خالد اقربهم لها..؟! اذا قالت له ممكن يوقف معاها..؟! ليش لا..؟! هو تزوج اجنبية ما تتوقع انه يرفض زواجها من طارق..!! ابو سعود ناظر وعد : هاه وعودة..؟! وعد ابتسمت بـ براءة و هي ترفع كفوفها مفتوحة : انا ماليش دعوة.. سعود : بـ تفهميني انكـ ما تدرين و لا تدخلتي لا من قريب و لا بعيد..؟! وعد : هههههههههههههههه يعني شوي ليش الكذب.. بس ما عليش مالي دخل.. ابو سعود يناظرهن : و بـعدين معاكن..؟! ويش اللي صاير لكن..؟! جود ويش اللي صار..؟! جود وقفت : بابا مالي دخل ما فتحت فمي بـ كلمة.. اللي فيني مكفيني.. عن اذنكم.. ابو سعود ناظر الثنتين الباقيات ميار يمكن ما تحكي.. لكن دانه بس يمسكها من يدها و يسألها بـ تخر الأولي و التالي.. اخذ نفس : بغض الطرف هاذي المره و بـ أمشي الموضوع لكن و الله العظيم ان عاد و سمعت ذا الصراخ مره ثانية لأحاسبكن بـ طريقتي.. و لا تحسبون انكن قادرات تخبن علي شيء.. ان اليوم ما عرفت بـكره بـ أعرف و منكن انتن مو من احد ثاني.. .. اليوم اللي بعده .. المغرب مجلس ابو عبدالرحمن.. مشاري و خالد ما جلسوا يضيفون.. و إلى الآن ما بان القصد من وراء هالزيارة.. ابو مهاب و ولدة.. اما البقية اهل البيت ابو عبدالرحمن و عيالة كلهم و احفادة عدا حاتم و احمد و يزيد.. خالد همس لـ عمة : ارتاح انت انا اكمل.. مشاري يسحب شماغة من على كتفة شوي لـ قدام : ماهي متبعتني.. ابو مهاب نزل فنجالة على الأرض.. : يا ابو عبدالرحمن احنا جاينكم اليوم مأخذين بـ خاطرنا منكم.. عساف لف بإهتمام للموضوع.. سعود همس له : لا تحمس.. عساف ناظرة جالس عن يسارة : تعرف ايش السبب..؟! سعود : خلاص فهمت من هالجملة ليش جاي..!!؟!.. عساف يناظر ابو مهاب.. : ليش..؟! سعود هز رقبتة بـ خفيف عشان ما احد يلاحظ انه يأشر عليهم : اسمع.. ابو عبدالرحمن : افااا يا ذا العلم و الله ما يكون بيننا زعل و احنا اهل.. ويش اللي مزعلك و الله ما تطلع من مجلسي زعلان.. ابو مهاب : من فترة طويلة يا ابو عبدالرحمن و انا ابي بنت اختي الكبيرة لـ ولدي.. و من اربع شهور عطيتوها لـ ولد عبدالمحسن.. و انا و الله ساكت كل هالفترة ما بغيت اجي و احكي و اخيتها بـ عدتها ارملة.. ابو سعود بـ ثقة : من بعد اذن ابوي.. يا ابو مهاب انت ما جيت و خطبت.. انت حاكيت اختك و هي ما عطتك الرأي الوكاد قالت لك ان البنت رأيها عند ابوها.. عندي انا يا ابو مهاب.. و انت ما جيت و خطبت مني و الا ما عزيتها عليكم.. احنا اهل و ما يرضيني انك تزعل خال عيالي و لك الحشيمة و التقدير انت و ولدك.. ولو اني عطيتكم حقك انت و ولدك تأخذة غصباً عني لكن انت ما خطبت مني.. ابو مهاب : من سنين طويلة يا ابو سعود و انا احكي في البنية ابيها لـ ولدي.. لا هي سنة و لا سنتين.. يعني اخيتي ما قالت لك اني ابيها..؟! صحيح اني ما خطبت منك بس وكاد ان عندك العلم بـ خطبتها حتى لو هي ماهيب رسمي.. ابو عبدالرحمن : ويش يرضيك يا ابو مهاب..؟! اللي تأمر فيه بـ تأخذة.. لو تبي البنية حليلة لـ ولدك و الله ما تطلعون من المجلس الا وهي حليلتة.. خالد جلس جنب ياسر اللي جالس بـ صف خالة و يناظر فيه : بـ أنجلط..!! ياسر : ما توقعت خالي يشكي ابوي عند جدي..؟! عاد يا ليتة على حق..!! خالد : ويش حاسب نفسة منرفزني.. البنت و عطيناها يقوم جدي يقولة هالحكي.. على الأقل ثامر خطب رسمي.. وهم حضرتهم معتمدين على حكي.. ياسر لف على خالد بـ يرد التقت عينه بـ عينة ابوه و انطم.. يهدد على ذا السوالف بـ مجلس الرجال.. تنحنح حتى ينبه خالد : احم احم.. ابو مهاب : لا بالله ماهو ذا اللي نبيه.. البنية صارت لـ ولد عبدالمحسن.. بس كانكم تبون نسبنا فـ احنا نبي جود.. ابو عبدالرحمن بـ تلقائية : تم.. ابو سعود وده يوقف ابوه ما ينفع ذا الإسلوب.. جود ما راح ترضى ماهي زي ندى بلعتها و سكتت لذلك تدارك الوضع : تم من بعد رضاها.. نشاور البنية و نرد لكم خبر و ان شاء الله مو مطولين عليكم.. ابو عبدالرحمن وده يهف ولدة بعصاتة .. بس ابراهيم عارف بنتة اكثر من أي احد ثاني بـ تقلب البيت فوق رووسهم.. ابو سعود يكمل بـ نفس النبرة الواثقة : ان شاء الله ربي يكتبها لـ مهاب حليلة.. ابو مهاب : ان شاء الله .. الله يكتب اللي فيه الخير.. مشعل وقف حتى يجيب الشاهي.. دقايق و دخل فيه ما بين سوالف الرجال و مهامسات الشباب بينهم تعليقاً على الموضوع.. ماجد ابتسم : من جدك ذيك البزر تنخطب..؟! فيصل مبتسم : انت متخيل..!؟ اصلاً انا انصدمت يوم رجعت لقيتها متغطية عننا.. ههههههههههههه.. ماجد : تذكر كيف هبلنا فيها يومها بزر احسها للحين بزر اما جود تكبر..!! فيصل : و الله ما اصدق.. لو يجيبونها قدامي معاها بزارينها ما اصدق انها كبرت.. ياخي ما اتخيلها غير بـ شعرها عمتي تلمة لها فوق بـ ربطة وهي تلف رقبتها يمين و يسار عشان يلف معاه وهو مو من طولة و تلبس شباصات صغيرة و بيدها كيس كلها بساكيت..!! ماجد : ههههههههههه و إلا يوم اخذناه منها و سحبنا الزين و رمينا عليها الشين و راحت تشكينا عند عمي..؟! هههههههههههه.. فيصل : يا سبحان الله كنه امس صار.. شوف امس نلعب عليها و هي مع اخوانها و عمي و اليوم نحضر خطبتها..!! ماجد : اذا تمت خطبتها بـ جيب لها هدية البساكيت اللي اكلناها من عندها هههههههههههه.. فيصل ضرب كفة بـ كف ماجد و اطلقوا ضحكة عالية بـ وسط المجلس.. ما حسوا غير بالنظرات ودها تحرقهم.. اصطلبوا الإثنين لـ ثواني و طلعوا من المجلس.. مشعل بـ يصب لـ خالة شاهي.. لكن ابو مهاب رفع يده : لا شكرت يا خالي.. مشعل : تقهوى يا خالي.. يمكن ما ناسبك حالي شوي.. نسوي لكـ مر..؟! ابو مهاب : لا خالي حلاة زين ما قصرتوا.. مير حنا بـ نمشي.. ابو عبدالرحمن بـ سرعة يلحقة بالحلف : و الله ما تمشون عشاكم عندنا.. ابو مهاب بـ ثبات : كثر خيرك يا ابو عبدالرحمن .. مير حنا متعجلين.. ابو عبدالرحمن يصــر عليهم : ملحوقين خير.. و الله ما تطلعون من غير عشاء.. عساف يهمس لـ سعود وهو يناظر مهاب : ويش عنده العريس ما نطق حرف..!! سعود : ما ادري عنه..!! ويش عندهم ماجد وفيصل فضحونا..؟! عساف يحط يده على ركبة وهو مايل على سعود : بروح اشوفهم اعطيهم تهزيئة فشلونا.. تدلوا دواليل الغرب و جاين عندنا يضحكون بمجالسنا.. .. يوم زواج بندر و سعود و ياسر وفيصل.. اربعة عرسان و اربع عرايس.. ياسر اصغرهم من الشباب و شوق اصغرهم من البنات.. مشاعر متضاربة بين الجميع اسوأهم ياسر و صبا.. ياسر يهاد ذبان وجهة كل ما قرب موعد الزواج و ارتفع لـ الذروة اليوم.. ما نام من البارح و كل ما قابل احد صرخ بـ وجهة.. صبا الخايفة من ياسر و حدتة و عصبيتة.. كل دقيقة تحاول تأخذ نفس عميق عشان تهدأ بـدون فايدة.. على العكس من الثلاث العرسان و العرايس الباقين.. مشاعر القلق و الخوف طبيعية ما وصلت لـ حد غير معقول يخالطها شيء من السعادة في ليلة العمر.. اسعدهم من انتظر سبع سنوات حتى يرتبط فيها.. فرحتة اليوم لا تضاهى.. ياسر يعدل بـشتة و يناظرة واقف جنبة : انتبة شدوقك لا تعلق..!! فيصل : ههههههه ويش اللي حارك..؟! ياسر : احس من كثر ما وجهك معلق على الإبتسامة ما تحس فيها.. اركد يا رجال فضحتنا بين العربان.. فيصل : ما هموني العربان اللي تحكي عنهم.. سبع سنين صابر ما حسوا فيني.. بندر : طفشت من السلام خلاص عاد باقي احد بالمدينة ما عزمتوة..؟! ياسر : ما ظنتي اهم شيء عندي ما نتفشل قدامهم قدرونا و جونا لولا اني خايف من ابوي يهبدني و الا رحت شفت الضيافة شلون.. بندر : على تبن.. انثبر مكانكـ العيال ماسكينها.. ما كنك عريس افردها شوي.. (ناظر فيصل) يا خي سلفة شوي ابتسامات..!! فيصل : سوري باخل فيها على الكل.. انا مدخرها من سبع سنين عشان هاليوم.. كم لكم خاطبين كم شهر بس انا سبع سنين خاطب حاسين..؟! سبع سنين.. و انا انتظر هاليوم.. تقولي سلفة ابتسامة..؟! حتى نظرة ما اسلفة.. سعود يعدل غترتة : متى بـ تعشونهم..!؟ خلونا نقضي.. ياسر : يالمشافيح سنين و بنين يحنون عليكم تزوجون جات على كم ساعة فضحتونا فيها كنكم تقلون على نار تبون تعشون العالم و تسري.؟! ابو سعود يناظرهم بـ حدة : قسماً بالله ان ما هجدتوا الأربعة لأزفكم لحريمكم مشوهين.. ابو عمر يناظر اخوة الواقف جنبة على باب الإستقبال : ويش فيك عليهم..؟! ما كنهم عرسان لازم تدلعهم.. شوي.. ابو سعود : ما ذبحهم غير الدلع.. بالله ناظرهم المفروض احنا واقفين نحيي معازيم زواجات عيالهم مو هم.. كل واحد يمشي على زندة التيس سنين نساحلهم.. و الحين ماهم راكدين بـ يدخلون لـ حريمهم.. و تقول دلعهم الا قضبهم الأرض.. بـ يفضحونا.. داخل الوناسة اعلى من برا بـ كثير.. البنات اللي مو مخلين على انفسهم قاصر ماسكات المنصة رقص و هيصة.. وعد : ابي ارقص ابي ارقص.. ندى : أي يالله قومي و ورينا طولك وشوفي جدتي ويش بـ تسوي فيك.. ابوي منبه ما تقومين مكانك.. وعد : مالي دخل حماااس.. ياختي ليلة ما تتكرر انتِ متخيلة زواج عم بندر..! و نهى..! و سعيدان و ياسر.. يعني ليلة اسطورية لو ما رقصت فيها بـ أنقهر بـ خليهم يعيدون زواجهم من جديد.. ندى جالسة جنبها : شكلي بـ لصقك بالكرسي.. اضمن انك ما تقومين ان شفتك رزيتي طولك و الله لاعلم جدتي.. وعد بـ قهر تتلمس تسريحتها النازلة : خلاص بـ انطق.. كيف شكلي..!؟ ندى تناظرها تسريحتها النازلة كلها حتى ماهي منزلة شيء على وجهها مكياجها ناعم مع نعومة فستانها التركواز : قمر بإسم الله عليك.. الحمل محليك.. وعد ابتسمت : ترقعين.. بس عاد ما شفت وحده احلى منك الا نهى طبعاً.. الله يعين خالي لا شافكـ..!؟.. ندى : قليلة ادب .. ما تستحين على وجهك.. ما كن بطنك قدامك.. وعد : ههههههههههههههه و الله إني صادقة انتِ شفتي شكلك..؟! رغم انكـ قهرتيني بالتسريحة كنت ابيك تسوين شيء افخم عشانك عروسة توك بس انتِ الا تفلين الشعر و تفرين اطرافة و قضينا.. و مع الأوف وايت بتطلعين خورافة لو سمعتي كلامي.. ندى : اهم شيء اني خورافة بـ عين نفسي.. شوفي جود و سها و عبير مجانين كل اغنية ناطات لو صكتهن عين ما احد نافعهن.. وعد : الله الحافظ.. بنت زوجك ويش عندها هاجدة ما كنه زواج اختها..؟! ندى : ما ادري بس اكيد عشان اختها تعرفين كيف زواج الأخت.. وعد تناظر ريما تكلم جدتها نوره فستانها طويل و ساتر كلها اكمامها طويلة فستانها فــخم لكن مستغربة من ريما البنت منقلبة 180 درجة : مستحيل.. شوفي البنت كيف شكلها.. حتى ما جلست مع جود و بسطت معاها مره متغيره.. لا يكون عشانك مرت ابوها..؟! ندى : و انا وجود ويش دخلنا بـ بعض.. بعدين انا ما سويت لها شيء عشان تكرهني.. درعمت عندهن ميار رافعة فستانها الأسود : بناااات.. سعود قال جات ام خوية و خواتة و يبي الكل يسلم عليهم و يقوم بواجبهم اكد مليون مره على هالشيء المشكلة اني ما عرفتهم..؟!! ويش اسوي..!؟ اخليه يسأل صديقة ويش لابسات..!؟ ندى ضربت خدها : مجنونة انتِ..؟! تخيلي سعود يكلم صديقة خواتكـ ويش لابسات..؟! وعد : انتِ متخلفة صراحة يعني ويش بيلبسن اكيد فساتين و الا تبينه يشرح له موديلات الفساتين عشان تعرفينهن..!؟ : السلام عليكم.. : وعليكم السلام.. البنت مبتسمة منحرجة : ما عليش ابي اسالكم عن اهل العرسان.. انتم منهم..؟! وعد ودها تقولها ويش تشوفين : ايه.. البنت : انا ابي خوات سعود.. ميار آشرت عليها : قولي انك اخت سلمان.. البنت : ايه.. ميار فتحت يدينها : و اخيـــراً الحمدلله.. انا ميار.. البنت سلمت عليها خد بـ خد : و انا مرام.. ميار اشرت على خواتها اللي وقفن : خواتي ندى و وعد.. سلمت عليهم مرام.. ميار : ما عليش و الله ما عرفتكم سعود منبه علي بس ما عرفتكم.. مرام : عادي حبيبتي.. مو مشكلة.. ميار : تعالي بـ أسحب كل البنات تسلمين عليهم.. وعد : اقول انا بـ أروح لـ نهاوي.. و بسلم على هنادي.. ندى : بشويش على اللي ببطنك ما تهبدين على الدرج.. في غرفة شوق.. امال : يالله يا شوق و بـعدين..؟! شوق ماسكة يدها: ماما و الله خايفة..؟! خليك عندي ماهو محرم لك يعني عادي.. الله يسعدك.. امال : ابوك معاك.. شوق : ابيك انتِ تكفين.. امال : شوق على كذا بتتأخرين على الزفة على ما يدخل على ما تجلسون مع بعض و تصورون بعدين تنزفين.. تراك ثاني وحده من البنات بـ تنزفين.. شوق فزعت : ليش انا ثاني وحده..؟! امال : مقررين على العرسان بالكبر يعني زوجة بندر ثم سعود ثم فيصل ثم ياسر.. في غرفة جنب شوق هنادي مستحية عكس بـندر مأخذ راحتة.. بندر : لا توصين يا عمة بـ عيوني.. ام عامر : ايه يا وليدي مير حنا نوصيك عليها هاذي دكتورتنا و نوصيها عليك بعد.. بندر : ما تقصرين.. و اثنينا ما نحتاج وصاة.. وعد : يالله يمه نطلع بـ يصورون و يأخذون راحتهم.. ام عامر : وشو بـ تطرديني يا بنية ابراهيم..؟!! وعد : و الله ما اطردك..(ترقعها) بس ما تبين تشوفين نهى قبل لا يدخلون إخواني..؟! ام عامر : ايه بالله مير ان اخوانك ماهم كبار اخبرهم يوم جوو.. وعد تأشر بيدها وراء جدتها لـ بندر على بنفسها تمن عليه انها مخليتهم لحالهم: بس يمه اخواني يستحون..(تمد لسانها من قو الكذبة).. ام عامر تطلع و وعد وراها : ايه ماشاء الله تربية ابراهيم.. (مسكت وعد من معصمها بـ قوة) و انتِ ما عندك نية ترجعين لـ رجلك و تولدين و انتِ عنده..؟! وعد : لا يمه ما عندي.. انا طلبت الطلاق وما ظنتي خافيك.. ام عامر : يا وليدي ما يصير اللي تسوينة ما عاد باقي على ولادتك شيء..!! ويش تبين الناس تقول عنا..؟! وعد تفتح باب غرفة نهى بـ قوة : يقولون اللي يقولونة ما يهموني ضيقتي و راحتي ما احد غيري بـ يحس فيها.. ام عامر دخلت وراها : يا ماشاء الله يا ذكر الله.. نهى وقفت و اتجهت لـ جدتها باست راسها : ليش تعبين نفسك يا جده كنتِ خليتيني لين انزف و اسلم عليك.. ام عامر : انا كنت قريب و قلت اجي اسلم عليك قبل لا نرجع للحريم(حطت يدها على كتف نهى) قريتي على نفسك يمه..؟! نهى : ايه.. ام عامر : وعد نادي امك تقرأ عليها.. نهى : كانت عندي و قرأت علي لا تخافين الله الحافظ.. ام عامر : يا بنيتي لا تنزفين خلي رجلك يدخل و تصورو غربلوا اللي تبون و اطلعي معاه.. و الله يا الحريم ما وراهن خير.. وعد : يمه هي ليلة وحده ولازم تنزف.. ام عامر تهز عصاتها قدامها : انتِ ابعدي عن وجهي ما ابيك اشوفك.. نهى ناظرت وعد.. وعد طنشت جدتها و مبتسمة و لا هامها شيء.. ام عامر : انا الحين بس يجي ابيك بـ اكلمة ماني طالعة من هنيا.. وعد حطت يدها على ظهرها و جلست على الكرسي : يمه قلت لك اخواني بـ يستحون منكـ.. ام عامر تجلس جنبها : خليهم يستحون كلهم عيالي.. انتِ اللي اذلفي انطقي بالصالة ماله داعي ترزين نفسك قدام الحريم و انتِ بطنك قدامك خلي الحريم يصكنك بـ عين ولاك طايحة بيننا.. نهى جلست مكانها وهي ترفع فستانها : يمه لا تفاولين بالشر ان شاء الله ماهو صاير الا الخير.. يعني ويش تبينها تسوي ما تحضر..؟! ام عامر بـ حدة : ايه ازين وشولة تجي وهي كرشها قدامها تجلس بالبيت ازين.. ويش بـ نستفيد لا صكوها بـ عين..؟! وعد : يالله يا هالناس ودي اذبح نفسي من كثر ما تخافون منهم.. الله الحافظ مو تحفظكم هذا ما يصير يا جده اللي تقولينه.. ام عامر : ما عاد الا انتِ بنت امس تعلميني اللي يصير وما يصير تراني اذكركـ و انتِ بلفتكـ كنك نملة.. وعد آشرت على نفسها : انا نملة..؟!! ام عامر : ايه نتيفة قطعة لحمة ها كبينتها (آشرت على كفها).. وعد : اسلقيها علي الحين فيه بيبي قد الكف..؟! دخلت ام حاتم مستعجلة : يالله نهى الحين بيدخل ابوك و فيصل.. نهى توترت : صندلي يمه ما لبستها.. سحبتها نوال و حطتها عند رجلها لبستها نهى.. نهى : كيف يمه ..؟! ام حاتم باست راسها : كل شيء تمام لا تشيلين هم.. بـ تزوغين قلبة.. ابتسمت نهى بـ إحراج.. ام حاتم : اقري آية الكرسي و تنفسي بـ عمق حتى تسترخين.. ما فيه شيء يخوف فيصل و تعرفينة من سنين.. نهى تضغط على مسكتها بقوة و تفتح يدها : خلاص اوكِ انا هادية.. ام حاتم ناظرت وعد و ام عامر: يالله الشباب بـ يدخلون.. ام عامر تعدل لثمتها : خليهم يدخلون لبسي ساتر كلهم عيالي.. وعد وقفت و طلعت مع ام حاتم وهي تسندها : ايش فيها جدتك..؟! وعد : بـ تكلم بابا ما تبي نهى تنزف.. توها كانت عند هنادي ما قالت لها ايش معنى نهى..!! قسماً لو يسمع بابا كلامها بـ يصير فيني شيء.. ام حاتم ابتسمت : توقعت شيء ثاني.. وعد : قصدك عشاني..؟! ام حاتم اخذت نفس : ايه.. وعد : هاوشتني.. ما ادري ليش احسها كل الليلة مسفلة فيني..!! من شافتني العشا قبل العالم تجي و هي حاطة حيلها فيني ما تبي حتى جيتي.. ام حاتم : تبين الصدق يا ماما انتِ مقصرة معاها.. طيب زعلانة على امك بـ تحاسبين جدتك بعد..؟! انتِ ما تروحين لها لو المغرب تسلمين عليها انتِ و نهى.. ما يصير يا ماما تراكن مقصرات بـ حقها.. و اذا ما تبين تروحين عشان عماد هي اكيد مرات تروح عند غازي روحي لها لا كانت هناك.. مهما كان هي مره كبيرة و لها الحق توصلنها انتِ و اختك.. يحق لها تزعل منكن.. وعد : تهاوشني تبيني ارجع لـ عماد.. ما جابت طاري سلمت عليها و الا ما سلمت.. ام حاتم : شكلك تعبتي تعالي اجلسي هنا ترتاحين.. اليوم ما ريحتي ظهرك.. جلست وعد استنزفها التعب اليوم اضعاف.. ضغطت على أسفل بطنها.. ام حاتم : خليك هنا انا بروح اشوف البنات.. مشت ام حاتم .. و وعد جالسة بـ صالة لـ حالها قدامها عاملات الاستقبال يفترن.. : انتِ وعد..؟! وعد ناظرت الأدمية اللي واقفة قدامها : ايه.. بغيتي شيء..؟! ابتسمت : الله يعينك حامل..؟!! وعد رفعت حواجبها من اسلوب الأدمية : لا حاطة كورة بـ أجرب الوضع.. آشرت البنت على وحده : خفيفة دم بسم الله عليكـ .. شايفة هاذيك اللي واقفة هناكـ لابسة احمر.. تعرفين مين تكون..؟! وعد تنهدت وهي تناظر البنت اللي تأشر عليها : لا و الله ما حصل لي الشرف.. البنت : هاذي البتول عماد ملك عليها من اسبوعين.. يعني ضرتك.. حست بشياطين الأرض تنط قدامها لكنها ما راح تنول الأدمية مرادها : ويش تبيني اسوي ارقص..؟! البنت تمثل الإستغراب : لا بس مو شيء غريب ان زوجك يتزوج عليك و انتِ حامل و ما كملتِ السنة..؟!! حتى لو ما مات صاحبة كانت البتول بـ بيتة من زمان..!! و محددين عرسهم بـعد شهر ان شاء الله.. وعد حست بـ تعبها يزيد ملك حضرتة و هي ما درت بدل لا يروح يملك ليش ما طلقها و فكها من شره : ويش تبيني اسوي..؟! جايتني انتِ و معنية نفسكـ عشان تقولين لي هالحكي..؟! ليش ويش بـ تستفيدين..؟! البنت تكمل : ويش اللي مكره عماد فيكـ يعني انتِ حلوة و صغيرة ..؟! بس..!! اكيد عماد شايف عليكـ شيء مكره فيكـ..!! يمكن الولد اللي ببطنكـ ماهو ولدة..!! قامت تصارخ عليها هاذي جالسة تهينها و تطعنها بـ شرفها..!! : إلى هنــــــــــــا و بـــــــــس.. قسماً بالله ان ما لميتي لسانك عني لأعرفك قدرك اللي ما يباعد ماطا الجزمة يا حمارة.. اطلعــــي براا.. العاملات كلهم التفتوا واقفين يتفرجون على الفيلم اللي يصير خارج القاعة الرئيسية.. البنت فتحت فمها مصدومة : هذا اللي ناقص تطرديني من فرح بنت خالتي..!! وعد تصارخ عليها يمكن لو ما هي حامل كانت نطت عليها و صفقتها بس ثقل جسمها مخلي فيها عقل : قلتيها بنت خالتك.. احنا اهل النوب.. تطلعين برا و رجلك فوق راااسك.. (ناظرت العاملات و آشرت عليها) اطردوها ما ابي اشوف شكلها و الا قسماً بالله ما تأخذون حقكم.. اقتحهم صوت يهديهم : خير ويش صاير..؟! ايمان ايش فيه..؟! ايمان تناظر ام احمر : تخيلي تطردني من الزواج مين حاسبة نفسها هاذي..؟! البتول تناظر وعد : من جدكـ انتِ..؟! ويش حاسبة نفسكـ عشان تطردين اختي..؟! وعد تناظر البتول بـ قوة : لا و الله ..اختكـ..!! اجل اطلعوا الثنتين بـــرا..(تحول نظرها للعاملات) طلعوووهم.. احد العاملات : لو سمحتم بدون مشاكل و تقلبون الليلة الله يخليكم برا.. البتول : هيـــه انتِ احنا من اهل العروسة..؟! العاملة : وهي اخت العرسان.. هم اهل العرس مو انتم.. ما عليش.. البتول ناظرت وعد : و الله ما امررها لكـ بـ تشوفين ان ما رديتها لكـ.. كل ذا حقد عشان عماد خلاكـ انتِ..؟! وعد : و الله اذا هذا مستوى تفكيرك فا شيء راجع لك.. و عماد اشبعي فيه لا تخافين ماني مضايقتكـ عليه ابي فرقاة.. انتِ و اختكـ ما احترمتوا اهل العرس و تبون تقعدون..؟! هذا اللي كان ناقصنا.. (اعطتهم ظهرها و هي تناظر العاملات) خمس دقايق و ما ابي اشوفهن الثنتين.. في غرفة صبـــا.. صبا تنتفض من الرجفة.. ابوها جالس جنبها و يقرأ عليها : بسم الله عليك ويش فيكـ..؟! صبا : خايفة بابا لا تخليني.. ام عمر واقفة قبالهم : كل ذا و ما بعد جاء ياسر اجل لا رحتي معاه ويش بـ تسوين.. صبا : خلاص ما ابي اروح.. تكفى بابا كلم عم ابراهيم ما ابي.. ابو عمر : استغفر الله هذا انا قلت بـدخل اسولف معك قبل لا يدخل ياسر و اطمن عليكـ .. صبا مسكت يديه الدافية .. ابوها ناظرها : يا امي ويش فيك يدينك ثلج.. كل ذا خوف.. أي بنت تخاف بـ مثل هالليلة.. بس يجي ياسر بـ تطمنين و هالخوف كله بـ يروح حاولي تهدين نفسكـ يا قلبي.. انطق الباب حتى تدخل ام عمر للحمام و فتحت المصورة الباب .. ابو سعود واقف يمين الباب و معاه اخوانة و العريس.. : غرفة صبا.. ابو عمر لما سمع صوت اخوة : ادخل ابو سعود ماحولك احد.. دخل ابو سعود وراه بندر و مشاري و راكان اخرهم ياسر اللي عجز حتى يمثل الفرحة.. سلب ابوه منه حق الإختيار و انسلبت راحتة معاه.. وقفت صبا وهي ماسكة يد ابوها تحس لو ابتعد عنها بـ تطيح من طولها.. سلم عليها ابو سعود : مبروك يا عمي.. اخذت نفس وراء بعض عجزت عن الرد تحاول تطلع صوتها ماهي قادرة.. بندر باس راسها : مبروك يا دلوعة.. كانت حالتها اهون من عمها ابراهيم المرعب بالنسبة لها.. لكن ما قدرت ترد.. ثم مشاري و راكان.. و جاء دور الرعب بـ كبرة بالنسبة لها.. يتذكر وصايا خواتة الود وده يجلس من غير لا يكلمها و لا يسوي الوصايا اللي قالوها و حتى ما يبي يجلس جنبها مو بس يجلس الا وده يطلع من الغرفة و لا يرجع لها .. طلع صوتة بالغصب مبحوح : مبروك.. كان ردها عليها بإنها جلست ما قدرت تتحمل اكثر من كذا.. ابوها فزع : صبـــا..!! ياسر ابتعد.. ابو عمر مسكها : ايش فيك..؟!! صبا بلعت ريقها وهي تضغط على ذراع ابوها بـ قوة تفرغ القلق و الخوف تنقلة من قلبها لـ قلبة : ولا شيء.. و لا شيء.. ابو سعود : عطها ماء البنية ترجف.. مشاري سحب علبة من على الطاولة : اشربي يا عمي.. راكان يهمس بإذن ياسر : ويش قايلها و خليتها تطيح..؟! ياسر طنش.. فضل شرف الحضور و بــس اما يتدخل و يهديها هذا اللي كان ناقصة..؟! هاذي طاحت وهو قايل لها مبروك لو سابها و الا مناظرها نظرة كرة ويش تسوي..؟! يمكن يغمى عليها..؟! او تدخل صدمة نفسية..؟! تجي عليها ماهو شيء غريب.. هاذي ويش تحمل..؟! صبا ما رفعت عيونها فيهم وهم يستفسرون عن حالتها : لا و الله.. ما فيني.. شيء.. بندر : اكيد ما اكلتي شيء اليوم.. يا عمي ما يصير شوفي كيف جسمك عظمتين ماسكها جلد.. ابو سعود يناظر بندر : خلاص لا تهاوشها.. وينك عن عروستك..؟! بندر ابتسم : مخلينها تنزف اول وحده ازين بعد عشان اخذها و نسري.. انقلبت الغرفة من غرف المعاريس لـ غرفة عائلية.. ابو سعود يناظر ياسر بـ حدة يبيه يتحرك و ياسر يتجاهل نظرات ابوة.. جبره على انه يتزوجها بس ما راح يجبرة يتصرف بإنه متقبلها.. المصورة : فيكن توئفوا جنب العرسان مشان نأخذ ليكون صورة جماعية..؟! وقف ابو سعود جنب ياسر و قرصة من عضدة.. و ياسر طنـــش..!! واقف جنب صبا وهي واقفة جنب ابوها بدال ما تمسك يد ياسر او بالأصح ياسر يمسك يدها هي مسكت يد ابوها..و جنبهم بندر و مشاري و راكان.. ابو سعود اول ما خلصت المصورة: انا بروح اشوف نهى قبل لا تنزف.. ياسر كان وده يقول بـ اروح معاك عشان يطلع من المكان المايع بس انطم و بلعها مع كلمة المصورة : فيكون تطلعوا كلكون مشان العرسان بـ يأخدوا راحتهون بالتصوير.. طلعوا كلهم وهم متأكدين ما احد من الحريم برا لأن اغلب الرجال هنا اذا كان فيه حرمة بـ تكون متغطية اكيد عشان ما تكشف على احد.. دخلوا على غرفة نهى اللي عرفوها من صرختها على اخوانها.. ابو عمر وقف بدون لا ينتبهون لأم عامر : ايش صاير..؟! نهى تهاوش اخوانها : قليلن ادب انتم ما تستحون على وجيهكم.. اطلعوا برا.. ما ابي سلامكم.. فيصل ماسك ضحكتة لا يفجرها يمكن تطردة حتى هو تسويها..!! ام عامر : انتِ ما تختشين لسانك يلعلع على اخوانك ما كن رجلك يمك المفروض تستحين يا قليلة الحيا.. يوم سمعوا صوت ام عامر طلع برا ابو عمر و مشاري و راكان و بقي بندر و ابو سعود.. ابو سعود مفزوع من الصراخ : خير ويش فيكم..!؟ ام عامر : بنيتك هاذي بازع ما تستحي على وجهها.. نهى تصر على اسنانها و هي تهمس بينها و بين اخوانها الواقفين جنب فيصل مشعل و خالد و سعود هم الثلاثة قالبينها مسخرة و حاتم و احمد يضحكون : و الله لاوريكم يا حمير قسماً لاردها لكم بـ حريمكم.. يا قليلين الحيا.. مشعل : عيب انتِ و لا كن فيصل جنبكـ .. استحي منه طيب..!! نهى التوتر و الخجل اللي اصلاً بعيد عن شخصيتها الباردة خلاها تفقد السيطرة على عقلها و تقط خيط و خيط : كلوا تبن قليلن ادب ما تستحون على وجيهكم كني واحد من اخوياكم ماني اختكم.. ابو سعود يناظر بنتة بعد ما سلم على ام عامر و عيالة قاعدين ما همهم و لا كن الأدمية ماهي محرم لهم : ايش فيه..؟! نهى بـ قهر : خلهم يـطلعون برا و الا و رب الكعبة لا ارجع البيت معكم.. فزع فيصل بعد ما كان مريح ظهرة على الكرسي جنبها : ويش اللي ترجعين معاهم..؟! (آشر لـ عيال عمه) اطلعوا برا.. اطلعوا برا.. خالد : يا حمار من اليوم و احنا مونسينك و الحين تطردنا.. ام عامر : اعدتة اللي جنبة.. فيصل : سبع سنين صابر تقولون لي مونسيني صاحي انت..؟!! ابو سعود دنق على نهى و باس راسها : ما عليك فيهم.. مبروك يا امي.. نهى وقفت و تعلقت في رقبتة و مسكتها بـ يدها : الله يبارك فيكـ .. ابتعدت نهى عنه حتى يناظر عيالة : ما تستحون على وجيهكم عمتي هنا و انتم قاعدين كنكم محارم لها..!؟ ام عامر : انا قلت لهم يا وليدي هم عيالي و ماني بنية متكشفة.. مير انا جيت مع بنيتك القشرا و قلت لها تخليني..؟! ابو سعود استغرب من الوصف..؟! مين تقصد..؟! همست نهى : وعد.. ابتسم ابو سعود : ويش هي مسوية لكـ و اتلها من اذانيها..؟! ام عامر : ما اركدت و لا كن ببطنها ضنا.. لكني ما جلست هنيا عشانها.. بنيتك ذي هاللي وراك ما ابيها تنزف و تطلع للحريم و الله ماهم معطينها خير.. ابو سعود : ليش يا عمة..؟! خليها هي ليلة وحدة بالعمر.. ام عامر : من خوفي عليها.. و الله ما شفت مثل زينها اليوم لا إله الا الله.. مير خلها تذلف مع زوجها ما من داعي تطلع للحريم.. احمد : يا خالة هاذي ليلتها و من حقها تنزف و تفرح..؟!! ام عامر : لا ما تنزف .. كود انتم عايفينها رجلها ماهو عايفها.. فيصل : لا ما احنا عايفينها.. (مسك كف نهى الواقفة) ماهيب لازمة الزفة.. خلاص نصور و نطلع.. نهى تتحلطم : بس انا ابي انزف.. ام عامر : لا ما تنزفين لا انتِ و لا عرايسنا ما وحده فيكن بـ تطلع للناس.. سعود ابتسم ياليت يكون ازين وشولة ينزفن..؟!! .. فيصل : نهى مو لازم خلاص..!! برا عصـــبن البنات ما انزفت الا هنادي و الباقي ام عامر سوت اللي براسها و منعتهم من انهم يطلعون .. وعد معصبة من البتول و اختها و كملت معاها جدتها اللي منعت زفة نهى و البنات : ماهي معقولة هالجدة بـ تولدني انا شكلي بـ طلع من القصر على المشفى على طول.. جود مقهورة : يعني شلون..؟! و صبا طيب هي مالها دخل بـ صبا..؟! ندى : ياسر رفض.. عمتي قالت انها داخت لما دخل ياسر ما يبونها تنزف.. تخيلي تطيح قدام الناس..؟! عبير تتحلطم : يعني الحين ما خلت غير بنتهم تنزف و بناتنا لا..؟!! سهاد : شوق بنتهم يالخبلة.. و بعدين هي مره كبيرة و خايفة عليهن من العين.. ما انزفت غير هنادي و لا بعد استعجلتهم عشان يطلعونها.. ميار : صح ان العين حق.. بس الانسان يقرأ اذكارة و يؤمن بالله.. ما احد بـ يحفظة غير ربي.. يعني ايش هذا الناس تؤمن بالعين اكثر من الله..؟! جود : اقول انا بروح ارقص يا خسارة الكوشة و شريط الزفة و كل شيء تعبنا فيه و ضيعته جدتكم.. سها : خذيني معاكـ ويش يجلسني بعد.. عبير تناظر البنات جالسين على طاولة وحده بالأخير و يتقهون يفرغون الحرة اللي خربتها الجدة : عاد تصدقون جدتي فاطمة انبسطت من قرار جدتكم.. تقول طافني و الا ما اطلع حتى مرت ولدي.. أسيل : هههههههههههههه من جد و الله طافتها ما طلع غير حرمة ولدها بس.. تلقينها خالتي تمسكها و تقرأ عليها بعدين خايفة لا يجيها شيء.. أثير : لا تفاولين على البنية بـ شر ماشاء الله عليهن اليوم كل وحده تقول الزود عندي..!! وعد : صح كلهم حلوات ماشاء الله بس احلى وحده انا.. أسيل : مين يقول..؟! عساها بـ ذا الكرش انتِ المفروض ما تمشين يحطونك على الأرض و يدحرجونك..!! عبير ضربت كفها بـ كف اسيل و انفجرن الثنتين ضحك.. عبير : من جد قصيرة و بطنها كورة قدامها.. وعد : ربي يبلغني اياكن حوامل قريب بأربع توم.. فزعت اسيل واقفة : استغفري يا حمارة.. وعد : ما الحمارة غيرك.. ان شاء الله يارب تحملين وراء بعض كل سنة بأربعة (ترفع يدها تدعي) يااارب يا كريم.. سهاد تضحك : تستاهلن ما احد قالكن تتريقن عليها.. ميار : اقول كلكم سلمتوا على خوات سلمان و امه..؟! سهاد : ايه بس استغربت اسلوبهم كأنهم يبون يعرفونا من بعضنا.. سألتني انا مين و يوم درت ان عساف اخوي شقت الضحكة وجهها استغربت!..! دانه : حتى انا احسهم غريبين كأنهم جايين يبون يتعرفون علينا.. بس عاد اختاروا وقت غلط.. ام احمد : انتن جالسات هنا و احنا بندخل الحريم على العشاء..؟! ندى : وين ياخالة توها الساعة اثنين..؟! ام احمد : ما فيه زفات خلاص و عرسانا و روحوا وشولة نجلس الحريم..؟! ام حاتم : وينكم عن الناس..؟! ندى : موجودات يمه.. الحين بـ نقوم.. ام حاتم حطت يدها على كرسي وعد : وعد ويش فيكـ ..؟! وعد : ابي ارجع البيت..(ناظرت دانه) دانه كلمي مشعل قولي له.. ام حاتم دنقت عليها : ايش فيكـ حاسة بألم..؟! وعد بللت شفايفها : لا ماما بس تعبانة ابي ارتاح.. دانه تنزل جوالها : يقول ينتظرك بـرا لا تطولين.. وعد وقفت.. ام حاتم حطت يدها على كتف وعد : انتظري بـروح معاكـ .. ندى وقفت : يمه خليكـ انا اروح معاها.. وعد : ما يحتاج انا بروح اخذ شور و انام.. ندى : حتى لو بـ روح معاكـ .. بيت سعد .. جناح فيـصل و نهى.. جالسين على الكنب بالصالة نهى منزلة عبايتها.. و فيصل منزل البشت عن اكتافة و طايح على خصرة جالس على جنب يناظرها.. فيصل : و اخيــراً.. شلعتي قلبي ما بغيتي تردينة علي.. سبع سنين يالظالمة و انا انتظر هالليلة و اشوفها مثل الحلم.. سبع سنين قلبي شفقان شالعتة من بين ضلوعي.. نهى انبح صوتها : فيصل الله يخليك لا تقولي كذا.. كلكم تحسسوني بالندم عشاني ما رحت معاك.. طيب انا غلطت اوكِ كل من شافني هاوشني و ندمني يكفــي عاد.. فيصل مسك يدها : مالك فيهم لكـ فيني انا.. انا اللي لي الحق اعاتبك يا نهى ما حد حس فيها غيري.. ما توقعتك ترديني..!! نهى ضغطت على يده : ما رديتك بس ما كان عندي استعداد اترك اهلي فترة طويلة ما اقدر فيصل (هزت كتفها) و الله ما اقدر.. فيصل : صح صعبة في البداية بس بتسلكين بتعودين هناك و بتأخذين شهادة عالية و كويسة و بـ يكون معاك لغة.. بـ يكون حالك افضل من الحين ادارية بـ مدرسة و انتِ افضل من كذا بـ كثير.. نهى : بـ تعاتبني عليها.. و انا اعاتبك تأخرت علي حيــل.. صار الشيطان يوسوس لي انك مطول لقيت مين يغنيك عني.. عذبتني و انا كل مره افكر و اهوجس.. سبع سنين ما طرا لك ترجع بوسطها تقول بـ املك عليها..؟! تعلقني بـ خطبة..؟! فيصل مسك طرحتها يلعب بـ طرفها : من جدك..؟! من جدك تشكين اني بألقى مين يغنيني عنكـ.. انا صدق شفت اشكال و الوان بس مو مثلك.. عفست وجهها : تعلمني بعد انكـ شفت غيري..؟! فيصل : ههههههههههه ماني مصدق انتِ تغارين علي..؟! نهى : لا ما اغار حتى انا شفت اشكال و الوان غيركـ .. ما حست غير بيدين فيصل تضغط على حنكها بـ قوة و يرجع راسها على وراء : و رب الكعبة لأقلع عيونك يا نهى.. ما صبرت عليك كل هالوقت عشان تجين تقولين لي شايفة غيري حتى لو هو مزح.. نهى بعدت و جهها عنه : لا و الله يعني انت تقول عادي انا اقول لا..؟! فيصل لا تعاملني بهالشكل ما راح يرضيني.. ايه اغار و رب الكعبة لو دريت ان عيونك زايغة لأحد لاقتلك وانت نايم.. فيصل بعد عنها : خبالك ما تركتية للحين..!! .. بندر : خلصتي..؟! التفت هنادي : ايه.. بندر جلس على السرير وهي قدامة على التسريحة : ابي اتفاهم معاك كان بـ ودي اقابلك قبل الزواج و اسير عليكم.. بس خفت ابوك ما يعجبة و احرجة بالطلب.. عيونها بالأرض و تلعب بأظافرها : عادي ابوي ما راح يردك.. بندر : انتِ تدرين ان عيلتنا و عيلتكم اساساً ما كانت على وفاق و السبب اخوي ابراهيم و ابوك.. و على اساس بـ يصلحون اللي بينهم بـ زواجة عماد من وعد..!! و ما ظنتي تضرر احد كثر هالإثنين خصوصاً وعد.. اللي ابيه منك يا هنادي تبعدين عن ذا المشاكل كلها مالنا دخل فيهم كلهم.. ما عندي استعداد اعيش حياة متأثرة بـ مشاكل غيري و الا اذا كل واحد فيهم تهاوش مع حرمتة احنا بـ نتهاوش معاهم ما راح نرتاح بـ حياتنا.. الحياة ماهي خالية من المشاكل عشان كذا ابيك تكونين على بينة من الأول مشاكل غيرنا مالنا فيها.. هنادي بـ هدوء : ما احب اتدخل بـ احد .. و لاني حقت مشاكل.. بالعكس هالحكي ريحني و الله.. لأني كنت متوترة خصوصاً ان ممكن يوصل موضوعهم للطلاق.. بندر ابتسم : الحمدلله صبرت و نلت.. اهم شيء تكونين كذا على طول رايقة.. يالله نصلي.. هنادي : طيب.. بس البس شرشف الصلاة.. وقف بندر : اوكِ.. .. بيت ابراهيم.. عريسين متناقضين تمام التناقض.. جناح سعود.. شوق مستحية تلعب بـ طرف كم قميصها الدانتيل الطويل : ان زين انا ابي.. سعود مبتسم : طيب خليها بكرة..؟! ليش الحين..؟! شوق : خاطري فيه و الله ما اعرف اسوي شيء و لا انام و لا ارتاح اذا بقى بخاطري.. سعود يجاريها : هههههههههه طيب امرنا لله.. شوق عضت شفايفها السفلية : تهقى فيه الأغراض بالمطبخ..؟!< آشرت على المطبخ وراها.. سعود : ما ادري و الله امي ويش حاطة بالضبط.. و اذا محتاجة شيء و مو فيه بجيبة من تحت.. شوق وقفت : لا .. بشوف ايش فيه اذا ما فيه خلاص مو لازم.. مشت للمطبخ و سعود وراها : ليش يعني خايفة احد يدري انك بتطبخين يوم زواجك.؟! شوق تناظر المطبخ الصغير واضح عشان يمشون حالهم فيه اذا حبو يكون لهم خصوصية : انا بسوي كيك يعني ما يعتبر طبخ.. بعدين ما فيه شيء يخوف..؟! سعود واقف على الباب و مستند بكتفة و هي تفتح الدولاب تدور على المقادير و تتمنى تلقاها كاملة.. لسببين الأول ما تبي سعود ينزل ويشوفة احد من اخوانة و يدري انها بتسوي شيء و تتفشل.. و الثاني تبي تنشغل عن سعود حياها ما يقودها الا لـ هالتفكير.. طلعت الاغرض و حطتها على الطاولة بلون البني المحروق.. سعود ماسك ضحكتة ما وده ينفجر فيها عشان ما يحرجها هذا جزاة اللي احرج نهى مع اخوانة قدام فيصل : تبيني اساعدك..؟! شوق : آآ ليش.. تعرف تسوي كيك..؟! سعود : هههههههههههه اما عاد..؟! انا حتى شكل مطبخنا ما اعرفة تبيني اعرف اسوي كيك.. يعني اذا سويت كبسة كويــس.. شوق تحط المقادير الناشفة مع بعض و تخلطها و هي اغلب نظرها مركزتة على اللي قدامها.. احيان ترفع عينها لسعود عشان ما تحسسة انها مستحية.. لكن سعود كان يدري انها هربانة منه و تدور شيء يشغلها.. شوق : طيب.. اذا تبي اعلمك الطبخ.. رغم ان الكبسة اصعب من الكيكة.. سعود ضغط على شفايفة بقوة عشان ما ينفجر.. لكن وجه احمر.. : تهقين انا مكاني المطبخ..؟! شوق حست ان نبرة صوتة غريبة عرفت انه يضحك عليها و ما رفعت عيونها له : لا.. ما .. ما قصدت.. كذا.. بس.. كثير رجال يعرفون يطبخون.. ما هو عيب.. سعود : و انا ما قلت عيب.. و لو الطبخ ميولي ما كان دخلت العسكرية.. كان فتحت لي مطعم.. شوق : اممم تبيه بالشوكليت و الا سادة.. سعود : اللي تبينه.. انا علي اكل بس.. و انتِ سويه على هواك.. شوق : اجل بخلية سادة.. (صبتة بالصينية البايركس) تبي.. معاه شيء..؟! سعود : كيف يعني..؟! بتسوي لي عشاء مثلاً..؟! تراني متعشي .. و الله اذا ناوية كل يوم تعشيني شوط ثاني.. شهر و ما عاد اخش مع الباب.. زاد تدفق الدم لوجهها .. توجهت للفرن عشان تحط فيه الصينية : لا اقصد مشروب يعني شيء تشربة مع الكيك.. يعني اسوي قهوة او شاهي..؟! سعود : لا لاتسوين.. فيه عصير بالثلاجة.. شوق : سَعُود.. سعود عقد حواجبة و ابتسم : ايش..؟! شوق رفعت نظرها له : ويش..؟! سعود زادت ابتسامتة : عيدي اسمي.. شوق : ليش..؟! سعود : بس ابي اسمعة مره ثانية.. شوق انحرجت لمت شفايفها بعدها نطقت بصوت هامس : سَعُود.. سعود : سَعُود..؟! اول مره اسمع احد ينطق اسمي بهالشكل.. اللي اعرفة سُعُود.. كيف صار سَعُود.. شوق : آسفة.. ما قصدت احرف.. بس لا شعورياً.. سعود : و انا ابيه يصير شعورياً.. .. جناح ياسر.. رمى البشت على الكنب وعليه شماغة و طاقيتة و جلس فارد يديه على الكنب فوق و مرجع راسة لـ وراء.. دوامة من وجع الرأس دخـل فيها..!! الله يسامحك يبه.. طلعت صبا شدت على جلابيتها البيضاء المطرزة بخيوط باللون الأحمر.. ميدي و اكمامها طويلة.. فتح عيونة اول ما حس بـ ريحة عطر غريبة اقتحمت خلوتة بـ نفسة.. تضايق صار عنده زوجة هو مو متقبلها..!! ناظرها!! البنت مايعة مايعة الى حد لوعة الكبد بـ نظرة..!! رفع راسة و جلس ساند ذراعة الثنتين على افخاذة : اجلسي.. جلست وهي تحس بـ رجولها ما تشيلها ما قدرت ترفع عيونها له و تشوفة اللي تذكرة منه العصبية و الهواش و الخوف و الرعب حتى صوتة وهو هادي مو معصب يخوف.. ياسر : اول شيء فستانك اللي اول لابستة حتى بالدولاب ما ابي اشوفة و اشياء نفس الموديل اللي كنتِ لابستة ما ابي اشوفها عليك برا الجناح.. يفضحك اكثر مما يسترك و انتِ قاعدة عندي ابوي و عماني و عادي ما استحيتي.. صبا غمضت عيونها و هي تذكر فستانها ضيق على جسمها لحد نص الفخذ وبعدها يتسع اتساع خفيف مو منفوش حيل.. ما قدرت ترد..!! هذا اللي يسمونة غزل..؟! يمكن غزل الجلفين زي كذا..؟! لازم اتعود عليه عادي هو قال برا الجناح يعني يغار اكيد يغار..!! ياسر : ثانياً و اتمنى هالشيء ما يضايقك لأن العكس بـ يضايقني.. ما ابي اسمع صوتك ابداً.. انا حطيت لك نوتة و قلم على الكومدينة أي شيء تبينه اكتبية فيها و انا ما راح اقصر معاكـ.. و كل يوم قبل لا اطلع بـ اشيك عليها.. انصدمت!! ما يبي يسمع صوتها ودها تسأله ليش..؟! ويش سويت ..؟! ما بعد بدينا حياة عشان تكتمني من اولها.. لكنها ظلت تسمع لـ طلبة الثالث من غير لا تحكي او تعترض.. ياسر : أي شيء يصير بـ جناحنا ما ابي جنس مخلوق يدري عنه يا صبا احنا لنا حياتنا الخاصة بـعيد عن الكل ادنى شيء ما ابيك تصبينة بإذن أي احد فاهمة..!؟ هزت رأسها بإيه.. ما اعترضت على كتمانك لـ صوتها بتعترض على حفظ اسرارها الخاصة اللي المفروض يصير من غير توصية منك..؟! ياسر : ياليت كلامي ينفذ بالحرف عشان ما ابي اظلمك.. هزت راسها و هو قام : بأخذ شور ما باقي شيء على الصلاة.. دخل غرفة النوم حتى تنفجر صياح من اول ليلة قلبها هو الخايف هو اللي كان حاس بـ رداءة الحياة معاه و ما طاوعتة الخبلة خلت خوفها منه يتحكم فيها و يسير حياتها.. مضطرة تجارية خوفاً منه.. و يقولها ما ابي اظلمكـ..؟! و اللي يسويه و يش يعده..؟!! .. صلاة الفجر.. ام سعود : انا اقول يمديهم نايمين لا تزعجهم.. ابتسم ابو سعود : تشمين اللي اشمة..؟! ام سعود : ايه والله.. ريحة احد يطبخ..!! ابو سعود : و هنا ما فيه مطابخ الا للمعاريس.. (يستهزء) اولها تبشر بالخير ماشاء الله.. انفتح الباب حتى يطلع سعود شافهم و ابتسم : صبحهم بالخير.. : صباح النور.. باس راس ابوه و امة و الابتسامة ما فارقت وجهة.. ابو سعود : الريحة هاذي عندكم..؟! سعود يــرقع : ههههههههههههههههههههه ويش اسوي متوترة الا تسوي كيك.. ام سعود و هي تعدل طرف لفتها : يا فشيلتي .. يمدي البنية ما تعشت.. سعود : أي ما تعشت يمه...!! ما احد اكل الكيك الا انا انفقعت بطني.. بس لا احد يدري اخاف اخواني يمسكونها و تنحرج.. ابو سعود : و اخوك وينه..؟! سعود : ما ادري يبه.. يمكن نزل قبلنا.. طلعت ام حاتم : صباح الخير.. : صباح النور.. ام حاتم ابتسمت : صباحية مباركة يا عريس.. سعود : هههههه الله يباركـ فيكـ يا خالة عقبال ما تباركين لـ حاتم.. ام حاتم : امين الله يسمع منكـ .. ابو سعود يناظر ام حاتم : شفتِ وعد..؟! ام حاتم : شفتها قبل لا ادخل اريح تقول ما فيها شيء بس ظهرها يعورها.. بنتكـ اتوقع منها تدخل علينا شايلة ولدها و لا تعلمنا.. ام سعود : لا تبالغين ماهي متحملة الم الطلق.. بس هذا تعب عادي من تعبها البارح.. .. العصر في جناحهم الميت او بالأصح الجناح اللي هي انرمت فيه.. و انجبرت تجلس مع شخص غريب عنها.. حتى لو جمعتهم ورقة تحت عقد زواج هي ما رضت فيه و لا عرفت عن هالزواج الا منه هو.. واقفة على الطاولة اللي كل مره يجيب لها اغراض جديدة هو انواع الأكل و مويا و منبهات قهوة و شاهي.. واقف وراها بـ مسافة خطوات بينهم : وبعدين معاكـ الى متى بـ تضلين على هالحالة.. تحرك المعلقة بـ كوب النسكافة : أي حالة..؟! : كنك ميتة.. بـ جسد حي..!! لينا : ياليت الجسد ميت.. غمض عيونة بـ قوة : استغفر الله العظيم.. لينا رفعت حواجبها من وراء نقابها حتى بعد ما عرفت انه تزوجها ما كشفت قدامة : انت تعرف الله..؟! هه و الله شيء يضحك.. وقف : ويش رايك انتِ..؟! لينا تشرب من الكوب وهي مطنشة اقترابة منها : و الله ما يحتاج لها اراء هي واضحة زي عين الشمس.. واحد يخطف وحده من بيت اهلها بـ يكون يعرف الله..!؟ : ليش تتغطين عني..!؟ لينا لفت حتى تنزل الكوب على الطاولة : لأني ما اعرفك.. رفع حواجبة : بس انا زوجكـ..!! لينا : هه مُصر تضحكني اليوم عليكـ.. حلوة ذي زوجي..!! سحب نقابها بـ قهر منها حتى ينكشف وجهها له.. غطت وجهها بيديها : يا حمـــار.. يا حقـــير.. رمى النقاب على الأرض و سحب يدينها من على وجهها و لفها وراء ظهرها : قسماً بالله يا لينا ان سمعتك تقلين ادبك علي ما تلومين الا نفسكـ .. و نقابكـ ما ابي اشوفكـ لابستة عندي.. فاهمة و الا لا..؟! ابتعدت عنه رغم ان يدها المتها لأنها سحبتها بـ قوة من يده : انت انسان حقيــر ما انت مستوعب اصلاً مدى الحقارة اللي انت فيها..؟! ليش تحسب نفسك شريف يعني..!؟ صرخ فيها بـ حدة : ليــــــنا...!! انا للآن عازكـ ما تعاملت معاكـ بإسلوب زفت.. لذلك لا تستفزيني احسن لكـ ترى وراي شيء اهم منكـ انتِ و من مرضاتكـ .. جلست تبكي : رجعني لأبوي ما يهمك رضاي و لا زعلي خلاص ارميني بالشارع انا ارجع لأهلي الله يخليكـ .. و الله راح اسامحكـ .. وما راح اقول شيء لا لأبوي ولا عمي.. تكفى الله يخليكـ.. ناظرها و هي تبكي اول مره تبكي بهالشكل قدامة.. توقع انها دخلت بـ صدمة نفسية من يوم قالها ابوك زوجني اياكـ وهي حالتها من سيء لأسوء.. حتى اكلها سيء.. يجيها يوم تطيح بالأكل و تأخذ بعدها كم يوم ما تشرب الا نسكافة.. : اهلكـ انسيهم انا صرت اهلكـ كلكـ على بعضك لي يا لينا.. نفس المكان و الجناح المقابل لهم جناح الصقر.. ايمن يهز رجولة بـ قوة متوتر من اللي سمعة..!! ماهو مصدق اللي بـ يسونة..؟! بـ يستغلون اختة و بـ يجبرونها على انها تتعاون معاهم.. مستحيل يـسكت عن اللي بـ يسوونة فيها..؟! ما راح يسمح لهم لو كان الثمن عمره.. صحى من سرحانة على صوت الصقر : ويش عندكـ سرحان..؟! ايمن : ابداً افكر بالوضع اللي حطيتني فيه.. انت قلت بـ تشغلني عندكـ مع شغلي بالكشك.. بس انت مو مخليني اروح له.. الصقر : بعدين نحكي بذا الموضوع خليني اقولكـ خبر حلو.. ايمن يناظره وقلبة بـ يطلع من مكانة يخاف انهم بدو مخططهم : وشو..؟! الصقر : البارح كان زواج العقيد سعود.. ايمن عقد حواجبة زواج اخوه البارح وما حضر..!! اكيد مع ياسر بعد..و يمكن عمي بندر.. الصقر ناظر ايمن و يدقق فيه : ايش فيك..؟! ايمن يتدارك الوضع : ابداً.. مستغرب ليش تقول خبر حلو ليش فرحان..؟! الصقر : لأنه بـ يأخذ اجازة فترة من الشغل و هالشيء يفيدنا ما يضرنا.. عندنا عملية هالإسبوع.. ايمن يبلع ريقة يبي يعرف التفاصيل و ما يبي يسأل حتى ما يثير الشك رجع بـ ظهرة يريح على الكرسي حتى ما يبان انه متوتر : اهاا كذا الموضوع.. أي عملية تقصد..؟! الصقر بـ ثقة : عملية سبيشل ما راح تكون انت فيها.. ايمن تنرفز : اجل ليش تدربني..؟! عشان تخليني ارافقكـ وين ما تروح و بس.!؟ الصقر : ليش تستعجل على رزقكـ .. و بعدين انا ابيكـ عندي.. قدام عيوني.. ايمن : ليش..؟! انا للحين ماني مستوعب ويش هو الشغل اللي جبتني عشانة..!؟ ويش الشيء اللي شفتة فيني..؟! الصقر : اللي شفتة فيكـ ولد .. ولد و ابوه.. عقد حواجبة و هو يناظرة : ويش..؟! الصقر : كل عمري اتمنى يكون عندي ولد.. احطة على يمناي و اتفاخر فيه.. يوم شفتكـ بالكشك و جمعت معلومات عنكـ رقت لي كثير.. قررت اجيبكـ تشتغل عندي و يوم عن يوم يزيد اعجابي فيكـ .. انا ما اشوفكـ الا ولدي.. عشان كذا ما ابي ادخلكـ بهالعملية.. .. ما قامت من السرير التعب مسيطر على جسمها.. و لا هي فايقة تفكر او تسترجع كلام ياسر البارح لها.. ما نامت الا لما صلت الظهر.. قامت و يدها على بطنها و هي شاكة بوجعها ويش سببة.. دخلت الحمام.. و طلعت بعد دقايق.. فتحت اغراضها هي متأكدة مأخذة احتياطاتها.. وينها..؟!! رجعت للحمام و تدور فيه ما لقت شيء..؟! طلعت و هي تضرب رجلها بالأرض : اوففف ماهو معقول.. انا متأكدة اني حاطتها وين راحت..؟! مسكت جوالها و اتصلت على امها شوي عشان يجيها صوت امها المرحب : هلا مامي.. بخير الحمدلله.. لا بس تعبانة شوي.. لا ياسر مو هنا.. ماما انا حطيت اغراضي الخاصة و ين حطيتها لما رتبتي الأغراض..؟! .. شلون مامي ما شفتيها..؟!.. يعني انا ويش اسوي الحين..؟!.. مو من جدك ماما تبيني اقول لـ ياسر.. خلاص مامي انا بتصرف.. اوكِ سلمي على بابا.. مع السلامة.. سكرت جوالها.. و هي تفكر شلون بتتصرف..مو بس كذا الآلام بتزيد عليها و هي متعودة تروح تأخذ ابرتين.. بتتحمل الألم و بتضغط على نفسها.. بس شلون بتجيب اغراضها.. ناظرت الجوال بيدها : هو قال لا تتصلين.. برسل له رسالة..بس اوووف رقمة مو معاي.. دقت على جود و ماردت.. و اتصلت على سها و نفس الشيء : ويش ذا الحظ..؟! متعودين يجلسون تحت مثل هالحزة!! اتجهت لدولابها.. عشان تطلع لها لبس و تنزل.. .. تحت في جلسة عائلية تعودوا عليها.. ابو سعود : ان شاء الله يمه.. (غمض عيونة بـقوة) ولا يهمكـ انتِ و عمتي حقكم علي.. طيب يمه يمكن عمتي فاهمة غلط وعد ما تسويها.. طيب طيب ما يصير خاطركن الا طيب.. ان شاء الله.. مع السلامة.. سكر جوالة و ناظر سها : فزي نادي لي وعد.. سها : ان شاء الله.. على أمركـ .. نطت سها لـ غرفة وعد.. ابو سعود : زوجتك وينها..؟! ياسر يرفع عيونة من الجوال : نزلت و هي نايمة يبه.. ام احمد : يمه مريتك ما تغدت معانا و ما ارسلنا لكم فطور قلت بتنامون.. ياسر و هو يأخذ نفس عشان ما يعصب كل شيء يدور حولها الدلوعة : بتنزل ع العشا.. رند جالسة على الطاولة قدام شوق و سعود : ليس ما زات معات همس.. ابتسمت شوق : قاعدة مع ماما.. رند : ليس خليها تزي.. شوق : ان شاء الله تجينا.. رند : تيب انتِ تددعدين عندنا دايماً دايماً.. شوق انحرجت : ان شاء الله.. رند : تيب حلاص حتى همس تدعد.. خالد : بابا عمة شوق صارت زوجة عم سعود.. و همس ما يصير تترك امها و ابوها.. رند لفت جهة ابوها : ليس تيب رند تترك ماما هي ليس ما تترك ماما.. خالد : ما خلصنا من ذا الموضوع..؟! رند : رند ما تدول شيء.. انت دلت.. ام احمد : لا تنتر على البنية.. من عذرها.. ما انت ناوي تزوج..؟! خالد : يمه تكفين.. توه ما ريحنا من ورى عرس اخواني.. خلينا نروق.. و بعدها نزوج احمد و نرتاح بعدين حاتم و نرتاح.. بعدين مشعل و نرتاح.. ابو سعود : و ما انت عاد نفسك بالحسبة..؟! خالد : يجيب الله مطر.. منيره تناظر شوق : الا اختكـ لينا ما شفناها البارح غريبة..؟! شوق حمدت ربها انها متنقبة عشان ما يبان شيء على وجهها : مسافرة لـ خوالي وما قدرت تجي.. ابو سعود ناظر في سعود..!! و سعود يناظر شوق..!! وعد : طلبتني بابا..؟! ابو سعود يناظرها وده يسفل فيها و تعبها المبين على وجهها ماسكة : ويش سويتي البارح بالعرس..؟! وعد مشت وهي تسند ظهرها بـ يدها.. جلست : ما سويت شيء.. ابو سعود : وعـــد..!! عمتي نوره جاية عندي امي تشكيك.. وعد : عشان ايش بالضبط تشكيني..؟! انت مو موضح لي..؟! ابو سعود : طردتي احد البارح..؟! ياسر ناظرها بـ صدمة : وشوو..؟! طاردة معازيم من عرسنا..؟! وعد صالبة ظهرها و تناظر ياسر بـ قوة : ايه طردت وماهم معازيمنا.. معازيم عماد الله يأخذة.. خالد صرخ عليها : انتِ صاحية..!؟ حلوة ذي معازيم عماد..؟! ابو سعود هز راسة : ماني مصدق انكـ تسوين ذا الحركة و تفشليني..(اشهر كفة مفتوحة قدامة وهو ساند ذراعة على طرف) متى بتتصرفين بـ عقل يا وعد..؟!.. سعود : ويش ذا يا وعد..!؟ صاحية انتِ و الا فقدتي عقلكـ ..؟! اكيد الناس شافوكـ.. (ناظر البقية) وينكم عنها انتم..!؟ مخلينها تطرد معازيمنا..؟! ام حاتم : ما درينا عن هالسالفة..!؟ يعني مين بـ يتوقع هالشيء..؟! وعد كل الوقت كانت مع البنات..!؟ ابو سعود متنرفز منها : هاذي تصرفات انسانة عاقلة متربية..؟! انا بديت اخاف على ضناك من تربيتك له..!! منيره : عاد كل شيء نتعذر لك بالحمل توصل لأنك تطردين معازيمنا ويش عذرنا انقصت وجيهنا..!! تنرفزت وهم يسفلون فيها ما احد فيهم حس انها متضايقة وقفت وهي تأشر عليهم : ما احد فيكم فكر يسألني ليش..!؟ لكن انا بـ اتعب نفسي و اعلمكم.. (حطت يدها على بطنها.. بللت شفايفها) البنت اهانتني جات تعلمني عن ملكة عماد اللي من اسبوعين و لا دريت عنها و زواجة بعد شهر و هذا ما يهمني.. لكن تشكك بـ شرفي و تقولي ان اللي بطني مو ولد عماد و تبوني اسكت..!؟ (غرقت عيونها وهي تناظرهم) اهانتني..!! اصلاً انتم اهم شيء عندكم الناس ويش تقول عنكم..؟! مو مهم اهانتني بالنسبة لكم (تحرك يدينها بـ عشوائية من القهر اللي تحسة .. لفت تناظر ابوها) انت يا بابا وعدتني تجيب لي طلاقي منه لكنك ما وفيت بـ وعدك لي..؟!! هذا هو تزوج علي و انا صار لي خمس شهور هنا ما شفتكم سويتوا لي شيء..؟! و الحين بعد تهاوشوني..؟!! (بلعت غصتها عشان ما تبكي قدامهم) اوكِ انا مجنونة ماني صاحية و لا متربية و ينخاف على ولدي مني.. شكــراً.. يجي منكم اكثر ما يحتاج تهتمون مانيب مطالبتكم لا تطلقوني منه و لا بـ شيء غيره.. طلعت من بينهم وهم يناظرون بعض.. ما احد علق بـ كلمة من بعدها.. ظلوا ساكتين لـ فترة.. ما عندهم تعليق.. ان كان فيه شيء يقولونة بـ يكون اعتذار وهي ماهيب موجودة.. جود رفعت رجولها حتى تتربع على الكنب : يا خسارة ليتني دريت عشان امردغها الحمارة.. وهي ويش دخلها عماد اعرس و الا ما اعرس..؟! صوتها اشبة بالهمس قطعهم : السلام عليكم.. : و عليكم السلام.. ابتسم ابو سعود وهي تسلم عليه و تقبل راسة : هلا يا عمي.. كيف حالك.. صبا بصوت تردد بينها و بين عمها و طرف ثالث مفتح اذانية : بخير جعلك بخير.. قبلت راس ام احمد و باقي حريم عمها عشان تجلس جنب ياسر تبي تأخذ رقمة و تطلع فوق عشان ترسل له.. ياسر يطقطق بالجوال و همس : تو الناس كان ما صحيتي يا محترمة..؟! صبا بهمس بينهم : تبيني اكتب لك ردي بورقة..؟! ياسر قفل جوالة و رفع عيونة من غير لا يناظرها .. لكن الحديث لها هي : لا تردين مو لازم.. صبا ضغطت على نفسها : ابيك شوي.. ياسر التفت يناظرها و هي عيونها على الأرض مستحية منهم.. و وقف عشان توقف وراه.. اتجة للباب فتحة عشان تطلع معاه و سكره طلعوا واقفين بالحديقة على باب البيت : نعم.. صبا : اب.. ابي.. اروح.. الصيدلية.. عقد حواجبة بـ حدة : بس هذا اللي ناقصني.. ما عاد الا هي تدخلين صيدلية..!! صبا تترجاه : بس انا.. محتاجتها.. ضروري.. ياسر يضغط على نفسة و يكلمها صوتها طنين بأذنة لكنه ما راح يقصر دامها تبي الصيدلية اكيد شيء مهم : ويش تبين و انا اجيبة لك.. صبا حمر وجهها و حمدت ربها اللي ما رفعت النقاب عن وجهها عشان يشوفها : طيب.. اعطيني رقم.. جوالك عشان ارسلك اللي ابيه.. ياسر : 050.............. سجلتة صبا.. تكلمت بـسرعة عشان لا يعصب ما يبي يسمع صوتها و عشانها مستحية : خلاص برسل لك الحين.. ياسر مسكها من عضدها قبل لا تفتح الباب : ابوي يسأل عنك.. كأنه شاك بشيء عشانا ما نزلنا مع بعض.. ياليت تجلسين الحين انا عندي شغلة بسويها و ارجع.. صبا تبيه يتركها اصلاً لأنها تعبانة و لا هي رايقة تجلس مع احد او تمثل الامها تزيد كل شوي : طيب.. دخلت صبا و طلعت فوق دايركت بعد ما استأذنت منهم و ياسر باقي مكانة متساند بـ ظهرة على الجدار و يطقطق بجوالة .. شوي الا يعلن جوالة رنة مسج.. فتحها من رقم غريب.. و من الكلام المكتوب عرف مين حمر وجهة بقهر.. فتح الباب بـ قوة : صبــــــــــــــــا..!! طاحت عيونة على جلستهم درات عيونة وهم مصدومين لكنه يبيها و هي مو فيه..!! من غير لا ينتظر سؤال من أي احد طلع الدرج بسرعة.. للدور الثاني عشان يفتح عليها باب غرفة النوم وهي منزلة عبايتها ناظرت الباب اللي انفتح بقوة : من جدك تبيني اطلب هالشيء من الصيدلي..؟! انتِ صاحية..؟! صبا شوي و تصيح : انا قلت لك.. بروح و رفضت.. ياسر يصر على اسنانة : قومي نذلف نجيب اللي تبينه.. ما عاد الا هي انا اجيب هالأشياء.. صبا : توك تقول.. قاطعها ياسر بحدة وهو رافع كفة لـ مستوى راسة مفتوحة يقاطعها : كلامي ما مر عليه اربع و عشرين ساعة.. قايل لك ما ابي اسمع صوتك.. تبين شي.. (آِشر على الكومدينة) حطيت لك ورقة و قلم عشان تطلبين اللي تبين.. و غير كذا.. لا قلت كلمة لا تردينها علي فاهمة..!! صبا كانت بـ تقولة توك تقول ما تروحين.. بس لما فتحت الدفتر كتبت الشيء اللي هي محتاجتة الآن و بـ قوة شلون تجادلة وهو يحكي و هي تكتب ردها بـ ورقة!! "محتاجة اروح الطوارئ اخذ ابرة مسكنة..".. مدت له الدفتر و اخذه قرأ اللي فيه و تأفف بداخلة .. نطق بحزم : يالله.. لبست عبايتها و طرحتها و نقابها.. سحبت شنطتها و طلعت.. طلعت من جناحهم و شافتة واقف على اعلى الدرج و ما نزل.. حس بخطواتها دخل الجوال بجيبة و نزل عشان تنزل وراه معتبرها طرما تسمع و لا تتكلم.. هو له الأحقية يحكي و يسمع و يسوي أي شيء يبيه و حاذف احقيتها بالكلام و بـ كل شيء.. ام احمد واقفة جنب الدرج : ياسر يا ابوي ويش فيكم..؟! ياسر يدري انه تهور يوم دخل و ناداها بحدة.. كان متوقع تكون موجودة بينهم.. و يناديها من عند الباب و تجيه لكنه ما شافها و طلع لها بجناحهم : ما فينا شيء يمه.. ام احمد : ويش اللي ما فيكم شيء و انت كنك معصب..!؟! ياسر يحاول يبتسم : ماني معصب يمه.. بس عندنا مشوار.. (قبل راسها عشان ينهي الموضوع و يطلع) عن اذنك.. طلع عشان تمشي وراه مجرد كومبـــارس.. ام احمد رجعت مكانها : الله يستر منه ذا الولد.. جود : ما اقول غير الله يعين من هو بحاجة العون.. .. لا حول و لا قوة الا بالله.. لا أحلل نقل الرواية دون ذكر اسمي.. هاشتاق #رواية_لو_سألتي_الورد ضحكة قهر.. |
رد: لو سألتي الورد وهو ما بين إيدك أقطعك بيقول لك عمري فداك الكاتبة / ضحكة قهر
وبكــــــــــــــذا وصلنا مع الكاتبه
وسامحوني على التأخير الطويل عليكم بس المتصفح عندي مره تاعبني والحمدلله لقيت واحد عدل وان شاء الله بكره او السبت البارت الجديد بينزل بإذن الله قراءة ممتعة |
رد: لو سألتي الورد وهو ما بين إيدك أقطعك بيقول لك عمري فداك الكاتبة / ضحكة قهر
بسم الله الرحمن الرحيم..
السلام عليكم و رحمة الله و بركاتة.. مساء الخير و السعادة.. بداية كان بـ نيتي الإسبوع اللي فات اني انزل البارت الخميس بس اللي على الآسك و التويتر يدرون اني واجهت مشكلة بالمتصفح للآسف.. و فرمت جهازي و سالفة بس شكلة المشكلة تكمن في الإتصال.. اكتب المقدمة و انا اقول اللي ييسر بس و يتعدل اللاب لو شوي و ينزل البارت.. كان ودي ارد عليكم هنا بس لازم على اللاب و بحاول اني ارد عليكم كلكم بإذن الله اذا نزلت البارت بس يتسهل الوضع.. ما علينا المهم ليش كل السب هذا بـ ياسر هاه..؟! ولدي ما سوا شيء حرام عليكم ما احد فيكم مدحة..!! ليش كذا..؟! وحشيـــن..!! اجل بهالبارت بـ تسبونة الضعف ان شاء الله ^_^.. البارت الجاي يوم السبت بإذن الله بتكونون كلكم خلصتوا اختبارات ما فيه داعي ينزل الجمعة ^_^.. و شسمة نقطة مهمة لكل اللي يطلبوني انزل بارتين و دايم ارد عليكم بـ نفس الرد انا ما اقدر انزل بارتين بالإسبوع قبل اول الرواية كنت انزل بارتين بس البارت قصيرة ماهي بهالطول اللي ينزل فيه البارت الحين و الرواية ما كانت معقدة مثل تعقيدة الآن.. الكتابة مو شيء سهل.. انا مرات يعلق مخي و مرات انسى اشياء اضطر ارجع اقرأ من جديد عدا اني انزلكم بارت طويل يعوضكم عن الإسبوع كله.. ادري بـ تقولون الرواية حماس.. و بـ قولكم لو ماني مأخذة فرصتي و وقتي بالكتابة ما كانت البارتات بهالمستوى ياليت ما عاد اقرأ هالطلب.. تمنياتي للجميع بالفلاح ياارب و تجيبون درجات كويسة.. حيــاكـم الله جميعـــاً... قراءة ممتعة.. البارت الخمسون.. أنا رجل شرقي و اعرف بلادي ما تعترف بالحب .. و الحرية! ما بين صدمة واقعي و عنادي متورط بحب امرأة .. شرقية!! لـ أحمد المطيري .. جلستهم العائلية.. بعد ما طلع ياسر و صبا وهم متأكدين ان بينهم شيء..!! جود : ما اقول غير الله يعين من هو بحاجة العون.. سعود : اقول انتِ ما وراك دراسة ..؟! جود تناظر سعود و تضرب باطن كفها اليمين بـ ظاهر كفها اليسار و تحطها على بطنها : لا ما وراي.. احمد يناظر امه تجلس مكانها : يمه ما كلمتيها بالموضوع..؟! ام احمد : لا.. جود : أي موضوع..؟! (صلبت ظهرها مسوية نفسها متحمسة) قولوا عريس تكفون خلوني انعتق.. ابو سعود يتأكد من حكيها : متأكدة..؟! تبين تزوجين..؟! جود حست ان الموضوع بينقلب جد اعتدلت بجلستها و استرخت : لا بصراحة ماني متأكدة على حسب.. ام احمد : خالك يبيك لمهاب.. جود رفعت يدها تهف فيها بإستهتار : الحمدلله حسبت عندكم سالفة.. خالد بـ حزم يبين لها جدية الموضوع : ما احنا جالسين نتريق عليك.. خالي خطبك لمهاب.. جود بـ هدوء لأنها متأكدة الموضوع ما راح ينتهي بهالجلسة لازم تدخر طاقتها : و انا ماني موافقة.. يعني عشان دانه بتتزوج ثامر قال خلاص ما حصلت لنا الكبيرة نحول على الصغيرة..؟!! سعود : لا يا شيخة..؟! هم ما خطبوا دانه رسمي.. يعني ما فيه شيء مؤكد.. لكنهم جوو و خطبوكـ من جدي و ابوي.. جود : امي ماهي مخرفة يا سعود.. خالي بنفسة مكلمها و زعل يوم درى انكم عطيتوها لثامر ولد عمتي.. و قمت انت طقيت الصدر و قلت دامه يبي يناسبنا و يبي من بناتك جود موجودة.. لا يا سعود لو تنطبق السماء على الأرض ما خذيتة.. ابو سعود يضرب بكفة على المركى : جود بلا حركات البزران هاذي.. و فتحي لي مخك.. مهاب رجال ما يعيبة شيء.. و عدا ان خالك زعلان علينا و ما نبي هالزعل بيننا.. و انتِ ما يعيبك شيء.. جود ميلت راسها : و انا بتحطوني نتيجة صلح..!؟ مثل ما وعد صارت صلح بينك و بين عامر.. ويش استفادت..؟! و لا شيء.. وهذا هو طق على راسها مره.. احمد : لا تقرنين نفسك بـ وعد.. انتِ شيء و وعد شيء ثاني.. جود متنرفـــزة : ويش اللي ما اقرن نفسي.. مو هذا الصدق..؟! عدا اني مستحيل اخذة و هو كان يبي اختي.. شكلكم تبون تكررون الأحداث فيني.. و انا ماني مستعدة لهالشيء ابداً.. سعود : انتِ الحين ليش معصبة..؟! الموضوع مو مستاهل كل هالعصبية.. جود : الا مستاهل.. لا تحسبوني مخدية و بسكت مثل ما وعد بالعة الضيم و ساكتة.. ابو سعود بحدة : لا تنطين كل شوي وعد و وعد.. اللي صار مع وعد شيء ثاني.. جود : بابا انا ما كنت بعيدة.. اعرف اللي عاشتة اختي.. و ادري ان اللي عاشتة هو اللي مسكتها الحين.. و انت تعرف لو وعد ما انخطفت.. ما كان رضت على زواجها من عماد مثل ما سويت فيها.. وعد ما كملت حتى اربع شهور ببيتة الا مهددها يأخذ على راسها مرة و هذا هي حامل و ياليتة قدرها الا ملك على الثانية و محدد عرسة بعد و الناس تدري و هي اخرهم.. ام سعود تحاول اقناع جود بـالهداوة : يا امي.. وعد مشكلتها معقدة.. الموضوع دخل فيه مضرة لعمانك و ابوك اضطر يزوجها لعماد.. انتِ عارفة السالفة كلها ليش تعيدين و تزيدين فيها.. مشعل : هاذي ندى الثانية ليش ما عصبتي عشانها..؟! جود : ندى تزوجت غازي برضاها و هي تدري انه متزوج.. و ما احد جبرها على شيء.. اما وعد.. انجبرت انخطفت انقهرت و انظلمت.. حاتم : انا ماني شايف لكلامك هذا أي داعي يا جود.. اللي عرفتة من اخواني ان عمي مشاري يوم درى انها متزوجة غصباً عنها قالها اذا تبين الطلاق كلميني و اطلقك منه.. جود : طيب و لا طلقها حزتها يوم قالها عمي وين بتروح..؟! بتجي هنا.. و هنا مين فيه.. ابوي و اخواني.. مين بيرحمها..؟! ما احد.. عشان كذا قررت تقنع ابوي بالطلاق و للحين هالطلاق ما صار.. سعود بحدة : تراك زوووودتيها حيـــل.. تحكين يمين و يسار من غير لا تحاسبين على حكيكـ .. جود : ما زودتها هذا الصدق.. انتم تبوني اتزوج مهاب عشان خالي زعل اللي عطيتوا دانه لثامر.. و عشان تراضونة الحين تعطون ولدة جود رضاوة لهم.. لكني ما راح اسمح بهالشيء يصير.. حتى لو اضطريت اكلم خالي بنفسة و اقولة ما ابي يولدك ما يلزمني.. مشعل صرخ عليها : أيه عاد ما بقي الا تفضحينا.. جود : افضحكم..؟! انتم اللي اخذتوا قراري و حقي مني.. بالقبول و الرفض.. احسن من لما اعيش حياة حسبة تجربة نسبة فشلها اكبر من نجاحها.. اذا وعد صابرة على عماد.. انا ما اقدر اكون زيها و اصبر على مهاب مهما يسوي فيني.. احمد بـ ىهدوء و رزانة عكس عصبية جود اللي اثارت اعصاب اخوانها : جود انتِ حاطة وعد و حياتها بالنص.. ممكن نتناقش على مهاب و بس.. بغض النظر عن كونة خطبك بعد دانة.. جود تناظر بيدها اليمين و هي ضامة اصابيعها فتحت السبابة : عاطل باطل.. (فتحت الوسطى)ما يتحمل المسؤولية..(فتحت الخنصر) مغرور و شايف نفسة و الناس عنده حسبة حشرات.. (ناظرت بـ احمد) ما تقول لي وين بيسكني..؟! من وين بيصرف علي..؟! ام احمد : انتِ تدرين ان خالك عنده عمارة.. و مأجر كل الأدوار الا اللي ساكنين فيه اكيد بيعطي ولدة شقة فيها.. جود بـ تأكيد على كلامها و كأنها لقت تأييد من احد : شفتي يمه.. خالي بيعطية.. يعني حتى تحمل مسؤولية ما عنده.. و فوقها بطالي.. ما قد استمر بشغلة اشتغلها.. ويش يضمني بيلقى الشيء اللي يروق لحضرة جنابة و بيشتغل فيه و بيعزني..!؟ و الا ناوي يخليني انا اصرف على البيت..؟! او يمكن خالي يصرف علينا..؟! و نصير كلنا عالة عليه.؟! احمد يحاول يبين لها بساطة الموضوع و موالشيء اللي ينرد فيه مهاب : بسيطة سالفة الوظيفة.. نشرط عليه ان ما فيه زواج الا بعد ما يتوظف مثل ما احنا شارطين على ثامر.. انا ماني شايف السالفة معقدة.. انتِ بس مكبرة الموضوع.. جود : انا ماني مكبرة الموضوع.. انا زواج من مهاب ما راح اتزوج.. و انتهى الموضوع بالنسبة لي بتفتحونة لي بأقولكم نفس الحكي.. ام احمد تناظر جود : انتِ من وين جايبة هالراس اليابس.. اللي قدك متزوجات و انتِ تبين تجلسين عندي.. جود رفعت رقبتها : كل هذا عشانه ولد اخوك..؟! طيب انا بنتك..!! يعني مو معقول تبيني اهدم حياتي عشان خالي يرضى اللي ما عطيتوة دانة..؟! ام احمد وقفت : خليكـ على ذا الحال و شوفي مين بيطق بابنا يبيك.. طلعت ام احمد من الصالة .. و اعتفست ملامح جود.. مشعل رفع حاجبة اليسار : عاجبك اللي زعلتي امي..؟! جود انقهرت من مشعل جالس على الأرض وسط كل الطوشة و يتفلسف عليها و يبي يندمها : انا ما زعلتها.. هي زعلانة لأن خالي مزعلها.. و انا مالي دخل تحطوني بينكم.. مالي دخل عشان تحطون حياتي بالنص.. كان عطيتوة دانه مثل ما بغى.. سعود : دانه لثامر و انتِ تعرفين هالشيء..!! جود ابتسمت بإستهزاء : هه.. بالرغم اني ما اعرف ثامر.. بس اعرف عمتي لطيفة.. و لو جيت بقارن بين الإثنين بقول مهاب احسن.. احمد : نفهم من كلامك انك ممكن تفكرين بموضوع مهاب..؟! جود تنفي الموضوع : لا طبعاً.. انا اتكلم عشان دانه.. ما ادري انتم لاقينا بالشارع عشان تضحون بحياة كل وحدة فينا..؟! ابو سعود : جــــود.!! جود وقفت : انا ماني موافقة على مهاب.. ما يروق لي ابداً.. ما ابي اتزوج الا واحد جاي يخطبني عشاني انا(آشرت على نفسها).. عشان جود.. ماهو عشاني بنت ابراهيم و لا بنت سارة.. و اكون مقتنعة فيه.. سعود : ويش رايك تقولين تحبينة بعد..؟! جود : ماهو شرط.. (هزت كتفها اليمين) اهم شيء اكون مقتنعة و شايفة حياتي معاه شلون بتكون.. حاتم : كلامك ماهو منطقي.. ما انتِ ضامنة ويش يصير بعد الزواج.. ابو سعود : اسمعي الكلام اللي عندي.. راح اعطيكـ فترة تفكرين فيها.. و خلي عنكـ وعد و حياتها و ان خالكـ حكى بـ دانه لـ ولدة.. ابيكـ تفكرين فيه كـ رجال متقدم لكـ .. و بـ انشدكـ عن رايكـ عقب.. تفكير البزران هذا يا جود ماهو عندي..!! .. في المستشفى.. الدكتورة مبتسمة : كنت متوقعة اشوفك من البارح.. صبا منسدحة .. تلف طرف الشرشف على اصبعها السبابة بـ إحراج : البارح كان زواجي.. الدكتورة : مبروووك.. صبا : الله يبارك فيك.. الدكتورة : اجل زوجك هو اللي برا..؟! صبا : ايه.. دكتورة ليش دخت..؟! الدكتورة : من قلة الأكل.. شكلك ما اهتميتي بأكلك بالفترة الأخيرة.. عشان تطيحين من طولك من بكرة زواجك.. دخل من غير لا يسلم مستند بكتفة على الجدار و مكتف يدينة .. جايبها على اساس تأخذ ابرة مسكنة.. عشان تطيح من طولها اول من تطلع من عند الدكتورة.. الدكتورة ناظرت ياسر : لازم تهتم بأكلها.. ما ينفع تهمل صحتها.. كان على طرف لسانة يقولها هي مسؤولة عن نفسها مره ويش طولها والا لازم الواحد يلقمها.. بس ماهي حلوة.. بحقة و حق بنت عمة و قدام وحدة غريبة.. : متى بتطلعينها..؟! الدكتورة : بس يخلص المغذي تقدر تطلعها.. صبا : بس هذا الثاني .. خلاص يكفي اللي اخذتة.. الدكتورة : لا يا دلوعة.. تحملي شوي وجهك اصفر ما تشوفين نفسك..؟! صبا : هذا عشان الابره المسكنة اللي اخذتها.. ياسر يقطع الحديث بحزم صارم : شكـراً دكتورة.. ناظرت فيه عرفت انه يبيها تطلع.. : العفو.. (ناظرت صبا) اهتمي بنفسك ( غمزت لها و همست) و زوجك.. طلعت الدكتورة حتى يسكر الباب حمد ربة الغرفة ما فيها احد غير الدلوعة.. دخل يناظرها و هو ما زال مكتف يدينة ضيق عيونة يناظرها : شلون تكلمين عند الرسبشين و أنا معاك..؟! (احتد صوتة) ليش انا جدار واقف جنبك..؟! صبا بلعت ريقها .. وما تكلمت لأنها تدري ما يبي يسمع صوتها.. ياسر قرب من السرير حتى يستند بيده عليه و ينحني بـ ظهره شوي يناظرها بحدة : ما رديتي..؟! جدار انا..؟! صبا مرتبكة : انت.. ما تعرف ويش فيني.. انا.. بس حددت له الأبرة.. اللي ابيها.. عشان الالام ويش.. ياسر يهز رأسة : يعني مسوية فيها مستحية مني.. و راسلة لي ويش تبين من الصيدلية.. و ما اشوفك استحيتي من الغريب يوم تكلمينة.. صبا : هذا مستشفى.. انا كنت .. تعبانة.. وما زلت.. و انا .. ما صار لي.. كثير معاك.. عشان تعرف.. علتي.. و انا .. كنت حاسة.. انك.. مو عارف.. ويش ابي بالضبط.. و قلت لهم.. يعني ما.. كفرت.. ياسر يصر على اسنانة عشان ما يصارخ عليها.. من البارح و هو يحاول يكبت انفعالاتة.. ما يبي يصارخ عليها ماهو عشانها.. عشانة..!!! الناس بتلتم عليهم.. و ببيتهم.. يمكن يوصل الصوت لأهلة.. و هو ما يبي هالشيء.. يحس اسنانة بتكسر من كثر ما يضغط عليها : و رب الكعبة.. و ما احلف بربي كذب.. لو تعيدين ذا الحركة و تهمشيني و انا واقف يمك ما يصير لك طيب.. انا ماني جدار معاك عشان تكلمين و انا واقف.. و حطيها حلقة باذنك.. ماهو بس بالمستشفى بأي مكان نكون فيه.. اللي تبينه تقولينة لي انا.. خليني اسمع صوتكـ قدام احد غريب..! صبا ودي تصيح من القهر.. ما يبيها تكلمة غير بالكتابة و الرسايل.. و ما يبيها تكلم غيره..؟!! يعني أي شيء تبيه لو بـ مكان عام بتكتب له..!! حاولت تكتم دموعها : ان شاء الله.. ممكن لا طلعنا نروح لبيت اهلي..؟! ياسر صلب ظهرة : لا .. الساعة صارت 11.. .. شوق منحرجة باست راس ام سعود وبيدها علبة عنابية مخملية : مشكورة يمه.. ام سعود : ماهي من قيمتك يمه.. عاد انتِ مرت الغالي.. سعود ابتسم وهو يبوس راسها : الله لا يخليني منك.. ام سعود : يالله عاد انزلوا العشا و الا تبوني اكلم الشغالات يطلعون لكم اكل.. سعود : لا بننزل يمه بنتعشا معاكم.. ام سعود : ننتظركم لا تطولون.. وطلعت من جناحهم.. سعود مبتسم : ناديني.. شوق عقدت حواجبها باستغراب من طلبة : نعم..!!! سعود زادت ابتسامة : ماهي صعبة.. ناديني.. شوق ابتسمت : سُعود.. سعود : هههههههههه لا غشاشة .. قوليها زي اول مره.. شوق : ما ابي.. تراك مسكتها علي.. سعود يجلس على طرف الكنبة : مردك تقولينها.. بخصوص اللي صار تحت.. ما ابيك تستغربين.. يعني احنا دايم على خلاف.. شوق : ما استغربت.. كل بيت فيه مشاكل.. ما انتم الوحيدين بالعالم.. لكني..... اممم.. سعود : ايش..؟! شوق : صدق انت قايل اذا اللي خال خواتك يبي قربكم و دام اختك اللي كانوا يبونها اعطيتوها يخطب الثانية..؟! سعود : ايه .. وين الاشكالية.؟! شوق : ما ادري.. حسيتها صعبة شوي في حقها..؟! سعود : و ليش صعبة..؟! انتم يالبنات تتحسسون من أي شيء.. الموضوع ما فيه شيء.. الرجال يبي قربنا و يبي وحده من بنات اختة وين الصعب بانه يخطب لولدة الصغيرة اذا الكبيرة انخطبت.. شوق : الصعب انه اول شيء بغى الكبيرة.. انا ما ادري ويش اللي خلاكم ما تعطونة بس.. سعود : هو ما خطب اصلاً عشان نعطية.. هو كلم خالتي سارة انه يبي دانه لولدة مهاب.. و خالتي سارة من حزتها قالت له البنية شورها عند ابوها و اخوانها.. انا مالي رأي من بعد رأيهم.. كان المفروض يجينا و يخطب من ابوي رسمي.. لكنه ما خطبها.. و ظل الكلام معلق.. وهو حاسبها لولدة.. حتى انه جانا من اسبوع و زعلان كان بيجي بـعد خطبة دانه رسمي بس عدة ميار وقفتهم.. لكن الصح ان ولده ماله حق بـ دانه دامهم ما خطبوا و ابوي ما عطاهم.. لو عطاهم.. حقهم كلهم على رووسنا.. لكنهم ما خطبوا و بعدها يزعلون.. شوق نزلت العلبة على الطاولة : طيب.. الحين هم ليش خطبوا جود..؟! سعود : مين ما يبي نسب ابراهيم بن مساعد..؟! شوق : مو قصة ما يبي.. بس يعني وصلهم حكي ان انتم بتعطونهم جود اذا خطبوها..؟! سعود : ما ادري..؟! انا من حزتها قلت لخالتي اذا يبي نسبنا و يبي بناتك جود موجودة.. طبعاً يومها تهاوشنا على سبة الموضوع وهو ما صار.. بس الحين هم خطبوا.. يعني هم يبونها.. شوق وقفت عنده وهو جالس على الطرف الكنبة العالي : سَعُود.. اذا هم عندهم علم انهم اذا خطبوا جود بتعطونهم.. يعني ممكن تصير مشكلة.. لأن اكيد جود بـ تنجرح من هالشيء..!! اصعب شيء ان البنت تحس اهلها عرضوها على زوجها!! سعود مبتسم اللي قالت اسمه بطريقتها وهي ما انتبهت.. شوق ناظرتة : ليش تضحك..؟! سعود : قلتي اسمي سَعُود هههههههههههههههه.. شوق ابتسمت : يبي لي فترة اتعود.. سعود : هذا لو اسمي جديد عليك وعمرك ما سمعتية.. بس اسمي مو جديد.. هذا يعني انها طريقتك نطقك.. عموماً ما ابيك تعودين على غيره خليه مثل ما تقولينة عاجبني.. اما بخصوص المشكلة.. ادري انها بتصير.. اذا جود رفضت.. حتى لو ما وصلهم علم اننا ممكن نعطيهم جود.. لأننا عطينا دانه اللي كانوا يبونها ثم جود رفضت.. عدا ان احنا ما عرضناها.!! شوق : بس هاذي اختك.. ما لازم توقف ضدها.. حرام تتزوج عشان ينصلح الحال بين ابوها و خالها..؟! سعود : يمكن تأثرتي بكلام جود و تقرن نفسها بـ وعد.. بس الصح وعد احنا كلنا ما كنا راضين على زواجها.. عامر لوى ذراع ابوي بعماني.. و ابوي ما يبي مضرة لأخوانة و كان شرط عمك انه يعطي وعد لولدة عماد.. و هذا هو السبب.. يمكن عمك يسعى لصلح من وراء زواج عماد و وعد.. يعني ماهو مثل جود و حكيها اللي تخثرد فيه.. شوق : طيب انت ويش رايك..؟! سعود : بايش..؟! شوق : بزواج عماد و وعد..؟! سعود : ما كنت ابيه.. و ابوي اصلاً ملك لها من غير لا يعلمنا عماني بس هم اللي كانوا يدرون.. حزتها وعد كانت بالمستشفى.. و درينا يوم انخطفت.. و يمكن لو وعد ما انخطفت.. كان فعلاً زواجهم ما يتم.. لأن وعد مستحيل تتزوج بهاذي الطريقة.. انتِ ما تعرفين وعد كيف كانت.. عموماً يوم عرفت عماد غيرت رأيي فيه.. بس حكية لـ وعد و اهانتها مستحيل ارضى فيه.. خليني احكيك سوالفنا بسهرتنا.. الحين بنتأخر على اهلي.. تحت .. مجتمعين على السفرة كلهم عدا ياسر و زوجتة اللي ما رجعوا و اكيد وعد.. دخلت نهى : السلام عليكم... تفاوتت الأصوات بالرد عليها : وعليكم السلام.. ابو سعود مستغرب من شوفتها هالحزة : خير ان شاء الله..؟!! نهى ابتسمت : حرام اسير عليكم..؟! احمد رفع يده اليسار يبين لها الساعة : هالحزة..؟! منيره : الناس بتنام..؟! شكلك توك صاحية.. نهى زمت فمها : مالت و انا اقول اشتقتوا لي..!؟ ابو سعود : نهى الله يرضى لي عليكـ مانيب ناقص مشاكل.. لا تقولين متهاوشة مع فيصل..!؟ نهى : ويش ذا الفال الشين..!؟ لا بس فيصل معزوم و بـ يتأخر قلت اجي يمكم ما تبوني يعني..!؟ ام حاتم : حياكـ يا امي.. اجلسي تعشي.. نهى : ما ابي مو مشتهية.. وين وعودة..؟! ابو سعود تنهد : دامك جيتي كلميها.. راضيها.. نهى : اراضيها بـ شنو..!؟ ابو سعود : انا زعلتها.. و ابيكـ تكلمينها.. نهى ابتسمت ترقص حواجبها : ماليش دعوة انت زعلتها انت راضيها.. هو انتو تزعلوها و انا اراضيها.. انفتح الباب حتى يدخل ياسر وراه صبا : السلام عليكم.. : وعليكم السلام.. ام احمد : تأخرتوا يمه.. صبا تغطي كفها عشان ما تبان اللزقة اللي يا دوب مغطية اللون البنفسجي بسبب ابرة المغذي.. اما ياسر : قلت لك يمه عندنا مشوار.. ام احمد : تعالوا تعشوا.. صبا همست : انا ماني مشتهية عن اذنكم.. ما خطت خطوة الا ياسر ماسكها من عضدها اليسار بيدة اليمين و سحبها عشان يوقفها جنبة و عيونة تدور على كل شيء الا انها تجي عليها : كلام الدكتورة ما مر عليه وقت عشان يمديك تنسينة.. صبا همست باحراج : و الله ماني مشتهية.. ماهو غصب.. كلهم ساكتين بالرغم انهم حاسين بتوتر الجو بين ياسر و صبا.. و يحاولون ما يناظرون فيهم على اساس مو منتبهين لكن..!! ابو سعود ما سكت..!! ابو سعود : خير ان شاء الله..؟! ايش فيكم يا ياسر.؟.! ياسر يدري ان ابوه منبهة كثير عشان ما يزعل بنت عمة لكنه قادر يقلب الطاولة و يبري نفسة قبل لا احد يلومة بالتقصير من اول يوم بـ حياة جديدة!! : يبه تعبانة و ما تبي تأكل.. ما يكفي انها طاحت من طولها من شوي..؟! صبا انحرجت.. تراجعت وراء خطوة ودها توقف وراء ياسر عشان ما تشوفهم.. ام احمد وقفت و اتجهت لصبا : بسم الله عليك يمه ويش فيك..؟! صبا : ما فيه شيء خالة بس ياسر يبالغ.. واقفة عن يمينة مد يده اليمين عشان يمسك كفها اليمين رفعة بوجة امه : شوفي اني ما ابالغ يمه.. توها مأخذة مغذي.. كان ودها تضربة من القهر ما يكفي اللي يسوية من البارح بعد بيحرجها قدام اهلة.. صح انهم اهلها بس اخوانة موجودين!! .. و هي عروسة ما بعد تأقلمت.. حست بدمعتها علقت برمش عينها.. تقدر تبكي بس ما تقدر تضربة.. ام احمد حطت يدها على صدرها : مغذي بعد..؟! و تقولين ما فيه شيء..؟! وشوله اجل المغذي..؟! نهى وقفت يمهم : صبوي بسم الله عليك ويش فيك..؟! نزلت دموعها.. لكنه ما انتبة.. الجماد اللي يمها ما حس.. حاولت تتكلم بصوت ما يبين فيه انها تبكي لكن صوتها خذلها : ما فيه شيء.. و الله مو مستاهل الموضوع.. عن اذنكم.. طلعت قبل لا يصرون عليها و يسون سالفة تعرف ما راح تسلم و مو بس ياسر عمها موجود!! تخاف يضغطون عليها و تقول كل شيء وهم بأول حياتهم لازم تصبر على الأقل فترة تشوف ويش اخرة ذا الوضع.. اما هو اتجه للطاولة و جلس.. ام احمد تناظر ولدها باستغراب : من جدك بتجلس..؟! و مريتك..؟! ياسر : ما عليها خلاف.. هي اصلاً تدور المخدة.. ابو سعود : وليش المغذي..؟! ياسر يمد الملعقة لفمة و يجاوب على ابوه ببساطة : الدكتورة قالت لها فترة ما اكلت عشان كذا داخت..؟! ابو سعود : لا يا شيخ..؟! و تاركها و جالس تبلع هنا..؟! ياسر يبلع اللقمة : احمم يبه الله يرضى لي عليك.. انا بالسيارة اساحلها عشان تأكل وماهي راضية ويش اسوي اغصبها..؟! ماهيب بزر عشان ابلعها الأكل.. ابو سعود بـ حزم : الا تبلعها غصب.. نزل الملعقة على الصحن : اخذت مغذي و هي اصلاً دايخة يعني شيء طبيعي انها ما تشتهي تأكل.. (وقف و تراجع الكراسي وراء) الحمدلله.. ام احمد : يا ابوي وين ما تعشيت.. ياسر رفع حواجبة : ماني مشتهي.. و طلع لجناحة.. ام احمد : الله يهدية ما اكل شيء اليوم..!! نهى بـ برود : لا جاع بيأكل.. ابو سعود : ساره نبهية.. ام احمد جلست مكانها : ماهو بزر يا ابو سعود.. ياسر انت خابرة.. ماهو ضايم بنت عمة.. ابو سعود : حتى لو.. البنية ماهي حمل جلفاتة خليه يخف عليها.. و الله لو تشكية اني لا اوقف معاها ضده حتى لو هي غلطانة..!! احمد يبي يهدي ابوه ما امداهم قالوا بسم الله في حياتهم الجديدة حتى الناس تدخل بينهم من اولها : يبه الله يهديك الموضوع مو كذا.. انت كبرت الموضوع ما امداهم يتهاشون ويصير بينهم شيء توهم البارح متزوجين.. بس اكيد يبي لهم فترة يتعودون على بعض.. نهى : انا بـ اروح اشوف وعودتي..امبيـــه كله مشاكل.. مشعل يناظر الدرج و نهى تجري : هاذي تزوجت وما عقلت..!؟! سعود : الا قول انخبلت زيادة..!! ماهي صاحية..؟!! شوق قرصتة من ذراعة وهو مشمر اكمام الثوب و هو لف بسرعة : احح وشوو..!! شوق انحرجت : حرام تسبونها لا طلعت كان سبيتوها و هي فيه هاذي اسمها غيبة..!! سعود : يمه منها ما ينقدر عليها..!! مشعل : و الله صدق اصلاً انا اتحاشها ما اناقشها بـ شيء اما اتهاوش مع نهى..!! تخيل وراء هالبرود عفريت..!! يعني تستفزني و تخليني اغلط ثم تأكلني بـ قشوري..!! حاتم : تستاهلون اجل الطيب تأكلونة انتم..!! ام سعود : سبحان الله نفس امها حتى بالطبع..!! منيره : لا مو مره ماشاء الله عليها مريم ذربة و سنعة..!! جود تناظرها بـ قوة تدق بـ نهى و لا هامها ..!! : حتى خواتي ذربات و سنعات..!! ابو سعود يناظر جود بـ قوة يعني اهجدي..!! لا تزودينها بالحكي..!! .. وعد واقفة بـ الحديقة بعد ما واصل بإتصالاتة عليها و حضرتة جاي بعد يهاوش.. ياليتة يقولها قدرتكـ و عارف خطاي و انا آسف..! او يعتذر عن اللي سوتة الشينة زوجتة البارح..!! الا جالس يسفل فيها.. عماد : انا ابي افهم شيء واحد بس..!! انتِ شلون جاتكـ الجرأءة و طردتيها..!؟ وعد بـ برود : و الله ما ظنتي ان هذا الشيء الوحيد اللي بـ تعرفة من جيت و انت ما غير تحلطم و تحكي و تسأل ما مليت..!؟ عماد يصرخ فيها : ليش انا لاقي جواب منكـ ..؟! وعد تفتح عيونة و تناظرة بـ قوة : لما تعلم يا عماد و تعرف كيف تسألني حزتها ارد عليكـ .. عماد مسكها من معصمها يهزها : انتِ تحديني على شيء ما ابيه يا وعد.. كل مره تخليني اهينكـ اكثر.. سحبت يدها من يده بـ قوة : تراني حامل اذا انت ما تبيه انا ابيه.. عماد يفتر بالمكان متنرفز من درى من امه ان خالتة متصلة تشكي على مرت عماد الأولى اللي طردت بنتها وهو مطرطع : غيرانة..؟! وعد بـ بساطة : من مين..؟! و على مين..؟! عماد حط يدية الثنتين على خاصرتة : من البتول و علي.. ابتسمت : صدقني ما اعرف كم مره قلت لكـ انت ما تعنيني في شيء عشان ازعل انكـ تزوجت علي.. عماد انت ما تهمني في شيء.. الشيء الوحيد اللي يربطني فيكـ هو ولدي.. انا ما عشت معاكـ يوم زين عشان ازعل عليه.. انت استخسرت فيني كل شيء.. كل شيء يا عماد و اهنت فيني لين قلت بس.. و استغليت ضعفي لما ما كان عندي احد غيركـ و جننتني حتى لما رجعت معاكـ كنت ابي انسى المرحلة اللي عشتها معاكـ بالمزرعة لكنكـ ما خليتني انسى شيء و انت تكمل اهانتكـ لي.. انا و إياكـ ما نجتمع تحت سقف واحد.. مستحيل يكون بيننا مودة او حتى احترام.. عماد صوتة مازال حاد مأخذ اسلوب اغلوبهم بالصوت : تصرفاتكـ هي السبب.. تصرفاتكـ هي اللي خلتني اقولكـ الحكي اللي قلتة.. انت بـ عظمة لسانكـ قايلة ان صلاح طلعكـ من المشفى بـ رضاكـ من غير لا تدافعين عن نفسكـ .. انت بـ نفسكـ اللي عشتي شهر ببيت ناس ما تعرفينهم و لا اهتميتي لا لـ اب و لا اخ و لا زوج و لا اهل و لا جماعة..!! ما اهتميتي انكـ انتِ محسوبة على احد.. ما فكرتي فينا احنا ما ننام الليل ندور عليكـ ..!! وعد تستهزء فيه : هه تدور علي..!؟ مو انت قلت لي بـ ترميني..!؟ مو انت قلت لي اهلي تركوني..!؟ مو انت اللي قلت ماما رمتني صغيرة و بابا رماني كبيرة..!؟ انت اللي مليت راسي و تلومني الحين اللي ما رجعت..!؟ لـ مين ارجع..؟! لـ مين.!؟ عماد : وانتِ متخلفة..؟! عقلكـ صغير يصدق ان ابوكـ يتركـ ..؟! و اخوانكـ يخلونكـ ..؟! وعد : بابا زوجك اياني من غير لا اعرف انا ما عرفت الا منكـ شيء طبيعي بـ اصدق اللي تقولة.. (اخذت نفس) اعتقد تكلمنا بهالموضوع كثير.. و ما عندي استعداد ارجع و اعيد و ازيد بالحكي اذا مخكـ ما يستوعب الحكي من مره و اثنين عادي بـ اسجلكـ صوتي و ارسلة لكـ واتساب و كرره لين تفهم.. دفها على الجدار اللي وراها و هي غمضت عيونها بـ تعب بطنها هو الحاجز بينها و بينه ابتعد عنها لما تذكر انها حامل : و بعدين معاكـ تستفزيني لين ما تخلين براسي عقل لو اني ضاربكـ الحين و مولدكـ..!؟ وعد : عماد صدقاً انا تعبانة .. ما فيني اناقشكـ انا تعبت و انا احكي معكـ بدون فايدة.. ياخي حل عني طلقني.. انا مو طايقتكـ و رب الكعبة ما ابيكـ في حياتي.. عماد اعطاها ظهرة : لو تحبين السماء يا وعد ما طلقتكـ .. تركها و مشى .. ظلت واقفة تناظرة ركب سيارتة و طلع.!! اختفى.. الى متى بـ تظل معلقة على ذمتة..!! ابوها و ابوه ندين متساويين.. يعني فعلاً ممكن طلاقها ما يصير اذا خالها وقف مع ولده.. الى متى هي بـ تكون الضحية..؟! حتى اللي اختاروة يشاركها الصلح بـ يتزوج..!! وهي معلقة.. : يارب اني لجئت بـ همي إليكـ فـ فَرِجهُ عني.. داخل .. نهى : بابا وعد مو بـ غرفتها..؟! ابو سعود : شلون يعني ماهي بغرفتها..!؟ نهى : ما ادري بس ما لقيتها و لفيت الدور كله حتى غرف خواتي وماهي موجودة..!! ام حاتم : يعني وين بـ تكون راحت..؟! يمكن بالحمام..؟! نهى : ماهي موجودة حتى بالحمام..؟! انتم ويش سويتوا لها عشان تزعل..!؟ مشعل : مهما سوينا المفروض ما تطلع..!؟ دقي على جوالها شوفي وينها..!! : مين هي اللي وينها..؟! نهى لفت عليها : انتِ وين كنتِ..؟! وعد : يعني وين بـ اكون.. (تنهدت) بالحديقة.. جود وقفت و سحبتها من يدها : اجل تعالي بـ امشي معاكـ المشي زين للحوامل.. وعد سحبت يدها : لا تعبت ابي اتمدد.. جود : هوووه وعيدان ترى صايرة ما تحركين و يقولون لازم اللي بـ شهرها تمشي كثير عشان تتسهل و لادتها يالله تكفين نمشي شوي.. وعد : ما فيني رجلي تشد علي لا جيت بـ انام.. و بعدين ما دخلت شهري للحين.. نهى : لا تقولين بـ تنامين .. ما جيت عشان تنخمدين و تتركيني.. وعد : ممكن تحلون عني.. ترى من جد ماني طايقة نفسي.. مشت بإتجاة المصعد حتى تطلع للدور الثالث.. وهم يناظرونها..!! نهى لفت عليهم وهي تحط يدها اليمين على خصرها : ممكن اعرف انتم في ايش زعلتوها..؟! ابو سعود يقلد اسلوبها : ممكن تروحين لها و تكلمينها..؟! نهى نزلت يدها : شفتها ماهي طايقة احد.. الا غصب اجلس معاها..!؟ (سحبت كرسي من على الطاولة و جلست تتأفف) اوووففف.. جود وقفت وراء كرسي نهى : ليش معصبة .. اجل لو بـ اقولكـ ويش مزعل وعيد ويش بـ تسوين..!؟ نهى حطت رجل على رجل و هي مميلة الكرسي.. و الطاولة على جنبها الأيمن : ويش مزعلها..؟! جود سحبت كرسيها اللي كانت جالسة عليها و جلست مقابل لـ نهى : هذا يا ستي البارح جات وحده لـ وعد و تكلمت عليها و قالت لها انه عماد مملك على وحده و بـ يتزوج بعد شهر.. و اخر شيء قالت لها يمكن اللي ببطنكـ مو ولد عماد.. نهى شهقت : اووووف مصيبة صابتها ان شاء الله.. الله يعدمني اياها.. جود تكمل و هي مطنشة كل اللي يناظرون فيها على راسهم ابوها : قامت اختكـ البطلة و طردتها من العرس هي و اختها.. نهى : كفووو و الله كفووو ياختي على هالأخت شو بـ تجنن.. ابو سعود يطقطق على الطاولة بيدة اليمين و يناظرهن منسجمات و لا هامهن شيء .. جود تكمل : من زمان يا ختي بس مو هذا اللي مزعلها.. اللي زعلها ان جدتكـ جاية عند جدتي تتشكى من اللي سوتة وعد.. نهى : جدتي نورة..؟! جود : يب.. قامت جدتي فاطمه و كلمت ابوي و كل الموجودين هبـو في وعد قبل لا يعرفون القصة.. نهى لفت تناظرهم كلهم بعدها ناظرت ابوها اللي وراها بما انها قاعدة على جنب.. ابو سعود : بـ فمكـ حكي قولية.. ويش عندكـ ..؟! نهى اعتدلت لـ جلستها : و لا شيء.. منيره : لا يكون بـ تلومينا على الحكي.. اختكـ ما حكت من اولها و حتى لو حكت ما يحق لها تطرد البنية من عرسنا.. فتحت الحلوق زيادة عليها كلهم يدرون انها زوجة عماد الجديدة ما راح يقصرون الناس فيها بـ يأكلون لحمها.. نهى وقفت بـ قهر و ضربت بـ كفها على طاولة الأكل : انا مليون مره قلت لكـ انتِ مو مسموح لكـ تتدخلين فينا.. يا ادمية احنا مو طايقينكـ لا تدخلين نفسكـ بـ حياتنا.. كلامكـ بـ خيره و شره ما نبيه.. ابو سعود بحدة : نهــــــــــــى!! كم مره اقولكـ احترميها و احترميني.. نهى تناظر ابوها : يعني عاجبكـ كلامها..؟! ابو سعود : ما تردين عليها بـ هالشكل و قدامي بعد..؟!!! يعني ما فيه احترام لي..؟! نهى : آسفة لكـ بس مو آسفة لها.. هي من يوم دخلت بيتنا و احنا مصيبة لـ مصيبة.. ما ارتحنا في حياتنا من يوم ما جبتها انت.. الحين هي بعد تحكي بـ اختي و انت ما يهمكـ تقول ما احترمتيها..!؟ ليه هي احترمتنا و احترمتك..؟!! يعني هذا حكي تقوله عن وعد..؟! يرضيكـ ..؟! منيره : نهى لا تفهميني غلط.. انا ما جبت شيء من عندي اللي سوتة وعد الكل بـ ينقدة كلهم بـ يقولون طردت ضرتها لأنها مقهورة منها.. بـ ينقدون سواتها و تربيتها.. نهى : لو رديت عليكـ بابا بـ يزعل.. بس ترى ما راح اسمح لكـ تهينين وعد بهالشكل و اسكت.. يعني احنا عشان ما عندنا ام هنا تحكون علينا عادي..!؟ يعني عشان ما عندنا اخ شقيق ما احد يوقف معنا..!؟ احمد : نهى ويش هالحكي..!؟ نهى : هذا الصدق.. انتم مو حاسين عادي اصلاً.. طلعت فوق.. ابو سعود ناظر منيره : ابعدي عن وعد و نهى.. لا تحاكينهن لا بخير و لا بشر حتى الشيء الزين اللي بـ تقولينة ما راح يشوفنة.. خصوصاً بهالفترة.. وعد بـ تدخل بـ شهرها ما ابيها تعيش وسط ضغط نفسي.. منيره تناظر الطاولة ثم تناظرة بإستنكار : ابو سعود انا ما قلت شيء غلط.. ابو سعود : حتى لو يا منيره.. .. في غرفة وعد.. نهى : ايش فيكـ ..؟! وعد : ولا شيء..!! نهى : ابوي قال انه مزعلكـ .. وعد : و الله..؟!!.. ليش يحس انه زعلني ماله داعي..؟! نهى : ويش اللي صار..؟! وعد تناظر رسالة تهزيء طويلة من عماد بعد ما دق كم مره و لا ردت قبل لاتقابلة : ما صار شيء.. ويش رايك تسوين لنا قهوة ادري عروسة و كذا بس ما فيني اقوم.. نهى : اشتغل عندك انا و عروسة بـعد.. بس يالله عشانكـ بـ قوم اغلي المويا و بعدها بـ تحكيني عن اللي صار البارح.. لحظات حتى ترجع نهى : هاه ويش القصة..!؟ وعد : ما فيه قصة جديدة نفس كل مره.. نهى : تزوج..؟! وعد : نهى هالشيء ما يهمني.. و الله ما يهمني.. عادي يتزوج لأنه ما يعنيني بـ شيء بس اني انهان و انذل بـ كل مكان خلاص يكـــفي .. ما احد راحمني.. ذبـــحوني.. نهى : ويش هالحكي..؟! وحده يتزوج عليها زوجها و تقول ما يهمها..؟! وعد : ايه ما يهمني.. يهمني لو انا عشت معاه يوم زين.. بقولكـ يمكن اذكرة فيه و اقوله و الله كان زين معاي ذاك اليوم بس لا انا ما عشت معاه حياة طبيعية.. ما انكر اني انقهرت بس قهري لأني مظلومة مو زود انا هنا ابي الطلاق من خمس شهور و هو مملك له على مره انا مربطة وهو عايش حياتة بالطول و العرض و لا يهمة شيء.. خمس شهور ما فكر يسأل عني لو مره بالغلط.. طيب انا ما اعنية ولدة بعد ما يعنية..؟! ما يفكر يسأل عن صحتة ايش قالت الدكتورة عنه أي شيء..؟! .. اليوم جاء هنا بس عشان يهاوشني لأني طردت زوجتة و اختها من الزواج.. الله يأخذهم ثلاثتهم.. نهى نقزت تجري : اوووف نسيت القهوة تغلي.. جود درعمت للغرفة : ترى انا بـ انجن منهم.. اهلكم ذولي بيجي يوم اموت من رفعة الضغط اللي تجيني منهم.. وعد : ليــش..؟! ويش مسوين لكـ ..؟! جود جلست على الأرض على الفرشة الصغيرة : تخيلوا يقولون خالي خطبني لـ مهاب وما يبون يزعلونة و بيزوجوني له.. و مشعل توه يقولي اصلاً جدي عطاه.. نهى نزلت الصينية على الأرض : من جدك..؟! وعد وقفت بـ تجلس معهم : امسكي يدي.. جود : مو تكسرين يدي و انتِ تضغطين علي.. وعد تجلس وتسند ظهرها للسرير و يدها على بطنها : فداي يدك و كلك على بعضكـ .. ايه و اهلك ما تابوا..؟! يعني وشو ناوين يضحون بـ حياتنا كلنا على حساب الصلح مع خلق الله اجل ليش يتهاوشون من الأساس..!؟ عشان يضحون فينا..؟! نهى : جود صبي القهوة زين مني سويتها ما كني عروسة.. جود : ويش اسوي انا من جد طايحة بـ مشكلة مع البنت و اهلكم يزيدون علي الوضع سوء.. ماني رايقة اتهاوش بالمدرسة و البيت.. نهى : المدرسة لا تجلسين لحالك ابداً و لا تروحين لـ أي مكان يا جود لحالكـ البنت مستقعدة لك بعد ما هزأتيها اخر مره و متحلفة فيكـ .. وعد : انا اقول اختصار لـ كل المشاكل كلمي بابا ينقلكـ بتجلسين لأخر السنة و انتِ يدك على قلبكـ .. البنت واضح راعية مشاكل و شر.. جود : بس انا مرتاحة فيها.. و صحباتي معاي.. لو بـ انقل بتتأزم نفسيتي و انا مالي خلق كل اللي باقي كم شهر و اتخرج.. نهى : طيب ويش بـ تسوين..؟! اصلاً ابوي بـ يفتح لكـ تحقيق ليش بـ تنقلين من المدرسة و سالفة طويلة عريضة خصوصاً ما باقي لك شيء.. جود : و مهاب..؟! وعد : خلي موقفكـ واحد.. شوفي تراهم بـ يعصبون و يزعلون و يكبرون الموضوع بس هم اللي اساساً كبروة ما احد قالهم يعطونة بدون لا يشورونكـ .. الا اذا انتِ تبينه هذا شيء ثاني..!! جود : من جدكـ انتِ ما تعرفينة تدرين يجلس و يقوم ما يحكي حرف واحد تقولين تمثال محنطينة و يناظر الناس بإستحقار و كأنه اعلى منهم امـــا انا اعيش مع مهاب..!! (حطت يدها على صدرها) لا يمه قلبي.. نهى : لا تشيشينها خليكـ بـ مشاكلكـ انتِ.. مع ذا الكرش.. وعد : ما شيشتها,, اصلاً ما تحتاج تشيش.. لـكن ما ودي تطيح باللي انا طحت فيه.. رغم ان ما فيه وجه مقارنة بيني و بينها انا اللي عقد مشكلتي اني انخطفت و هالشيء هو اللي موصل حالتي لـ هالدرجة.. لكن انا ما ابيها تتزوج واحد هي ما عندها استعداد تتقبلة اساس الزواج انها تكون متقبلتة و الا بعدها ادنى مشكلة بـ تشوفها ويش كبرها.. وما تتحمل منه شيء.. نهى : انا بـ اروح اكلم ماماتي.. وعد : مين..؟! نهى : امي مريم.. وعد : غريبة من متى..؟! نهى : من كم يوم.. احس اني أبيها جنبي.. وعد.. اسمحي لها تقرب منكـ و الله غير عن كل شيء.. وعد : ما اقدر.. هي مو بس خلتني عند بابا و راحت هي حاولت تقتلني و انا ببطنها.. كل ما افكر اني ابيها و افتح القائمة على اسمها ابي اقولها تجي ابي اشوفها اتراجع بس افتكر هالشيء.. نهى : ماما تطلقت من فترة طويلة.. و خلصت عدتها بعد.. و احنا بناتها ما ندري.. وعد : ويش تبيني اسوي لها..!؟ ما بيدي شيء هي طلبت الطلاق.. نهى : اقوم اكلمها ازين.. .. عماد : هاذي الأدمية يبي لها ذبح و افك الخليقة من طوالة لسانها.. عامر : و انت هذا اللي فالح فيه تبي تذبح البنية.. ام عامر : ما عليك بس تولد نروح لأبيها و تحب خشمة و نتلها معانا.. عماد : و الله لأربيها من جديد لأخليها تبوس الأرض عشان تعرف شلون تحكي.. عهود : انا ما ادري ليش معني نفسك..؟! طلقها و ريح راسك واضح انكـ ما انت طايقها.. عامر : ويش رايكـ ما تعطينا ارائك السحرية..؟! عهود : افااا عموري كذا تكسح بنوتكـ ..؟! عامر يرفع سبابتة ينبهها : بنتي تـتدخل باللي مالها فيه.. عهود الطلاق ما نبيه قضى الموضوع.. شذى مرة ناصر تكلم حياة مرة عبدالله اللي تلاعب ولدها : غريب عمي عامر.. طيب ليش عماد يتزوج عليها اذا ما يبون الطلاق..؟! حياة تناظر شذى : للحين ما عرفتي اسلوب عماد..؟! اللي براسة يسوية و عمي اساساً اجبرة على الزواج من وعد وهو مو مرتاح فـ شاف انه من حقة يدور راحتة بـ مكان ثاني.. شذى : بس حتى يوم خطب.. خطب بنت خالتة البنت كلنا نعرف انها تبي عماد من زمان.. و عماد بـ يعلق وعد وهو يبي انهار.. ما تحسين الموضوع زاد تعقيد بـ زواجة من وحده قريبة..؟! حياة : حيل تعقد .. الله يهدية عماد ما ادري متى بـ يركد.. يوسف : هـــاي..!! ام عامر بـ حدة : لقعاااي و صقعاااي ان شاء الله يا مال اللي مانيب قايلة انت ما تختشي متى بـ تعلم..؟! يوسف : ويش سويت..!؟ سلمت عليكم..!؟ ام عامر تناظر ولدها : عاجزن لا تربية من جديد هاذي خشة يدخل علينا فيها..؟! (تآشر بـ عصاتها على عيال عامر الكبار) عاجزين لا تربون اخيكم..؟! ام يوسف تناظر ولدها المتحطم : ويش فيكـ يا عمة ما سوا شيء الولد.. يوسف يناظر امه بـ حالمية : تؤبرني يا ناس جعل يومي قبل يومها .. ام عامر بـ حدة تناظر ام يوسف : ما ذابحة غير دلعكـ انتِ و ابوة.. هاذي دواليل يسويها.. (تناظر الباب اللي انفتح و صوت غازي ينبة الموجودين).. غازي بصوت جهوري : يـــا ولد.. ام عامر تناظر يوسف : جاء اللي بـ يريبك و الله اني اعلمة على سواياك.. دخلوا الحريم داخل و يوسف وقف على الباب يدخل عمه : حياكـ عمي ما حولك احد.. غازي يناظرة و هو رافع حاجبة اليسار : ويش بلاكـ منفس..!؟ يوسف يبوس راسة : ولا شيء.. غازي يدخل لجلستهم : السلام عليكم.. : وعليكم السلام.. باس راس امه و ابوه و عيال اخوه وقفوا له و باسوا راسة.. غازي جلس جنب امه : ويش حالك يالغالية.. ام عامر : ضغطي مرتفع.. يوسف يتلاحق على عمرة : انا بطلع عنــ .. قاطعتة جدتة : و الله ما تطلع غير تقر هنيا.. يوسف : يمه تكفين تشوفيني كاشخ بـ اطلع مواعد الشباب بالعزبة الحين تبدأ مباراة البرشا.. ام عامر تضرب بعصاتها على الأرض : و الله غير تقر هنيا ذا لبس تطلع فيه ياللي ما تستحي وفاتش لي صدرك يا قليل الحيا.. يوسف يناظر لبسة عادي بنطلون جينز و قميص ضيق و حزام بني.. مسك ازاريرة بـ يسكرها : ذي اللي مضايقتك خلاص سكرناها.. ام عامر : كلك مضايقني.. (حطت يدها اليسار على فخذ غازي اللي جالس جنبها) و الله ما لك غير وليدي يربيك من جديد.. غازي ابتسم : ويش مسوي لك اذا لبسة الحين يطلع يغير.. ويش مسوي لكـ عداه..؟! ام عامر : حالة كله ماهو عاجبني.. كل ليلة يسهر برا ما يرجع غير اخر الليل و امه تجلس تحاتية.. و الأبو مهيتة.. البارح ما رجع غير الفجر.. غازي : البارح كان عندي.. انا مخلية معاي.. ناصر رفع حواجبة وهو يناظر يوسف : غريبة..؟! غازي ناظر يوسف الواقف : ما قلت لهم..؟! يوسف جلس من غير لا يرد.. غازي ناظرة بـ حدة : سمي و عدوي اللي اكلمة وما يرد علي و الا يهز لي براسة.. يوسف اخذ نفس من غير لا يناظرة : انت عارف اني ما قلت لهم.. عامر : ليش ويش مسوي..؟! غازي : سهران بـ قسم المرور البارح مسوي حادث.. قلت اطلعة و يكمل السهرة عندي بالمكتب.. نتونس انا و إياه.. عامر ناظر ولدة مفزوع .. حط يده على كتفة ولدة الجالس يسارة : حادث..!! صار لكـ شيء..!؟ يوسف هز راسة بـ لا .. اما غازي يناظر اخوه متنرفز : هذا اللي ربي قدركـ عليه..!؟ مخليه يهيت يمين و يسار كم مره سوا حادث تحسبة كل مره بـ يطلع منها..!؟ هذا حديد يا عامر.. الى متى بـ تخلية يصكع بالعالم و تسكت عنه..!؟ عامر : غازي توكـ قلت مسوي حادث يعني ويش تبيني اسوي اضربة اكيد بـ اتطمن عليه.. ام عامر تناظر يوسف : تونس شيء..؟! يوسف : لا.. غازي يناظر امه مستغرب : حتى انتِ يمه..!؟ توكـ تبيني اكفخة..؟! انا ما ادري ليش تعاملونهم هالشكل.. ما راح ترتاحون لين يجيبون لنا مصيبة هو و اخوه .. (يناظر يوسف و يكلمة بـ حدة ) شلون بـ تطلع و رخصتك معاي..؟! و الا مخالف عادي يمسكونك..؟! يوسف : عطني اياها عشان ما يمسكوني.. غازي : بكــرة الساعة تسعة ابي اشوفك مرزوع قدامي بالمكتب فـــاهم و الا لا..!؟ يوسف : مو اول مره اسوي حادث ويش الجديد..!؟ ام عامر تشد طرف شيلتها على صدرها حتى توصل لـ بطنها : عزتي لأميتك اللي ما عندها غيركـ حرام عليكـ اللي تسوية فيها.. يديها على قلبها لين ترد كل ما طلعت تخطف قليبها معاكـ متى بـ تركد..؟! عماد : عمي سوو فيه مثل ما سويت بـ وليد.. غازي ابتسم : وهو كذلك.. اعلمك ويش الدلع اللي انت متدلعة يا يوسف.. الفترة اللي فاتت ما فقت لكـ رغم اني من قبل محذرك انت و اخوك تجوني المكتب ان طلعنا من المزرعة استغليتوا اني ماني فاضي لكم قلتوا نهيت و لا نكلمة دامه لاهي.. يوسف : ما احد يروح للموت بـ رجولة.. غازي يصرخ على يوسف : انا موت يالتعبـــان..!! و الحوادث اللي كل يومين ماهي موت..؟! حسبالك كل ما سويت حادث بـ تطلع منه.. انت ما تستحي على وجهكـ..؟! بكره لا اشوفك قدامي يا يوسف و رب الكعبة لأوريكـ ترى عندي من المشاكل ما يكفيني لا تخلي الحرة تجي فيكـ .. يوسف : طيب.. و شلون بـ اروح و انا سيارتي بالورشة وما عندي رخصة..!؟ غازي : تعال مع عماد و بعدها يصير خير.. ام عامر : شوق ما جاتكم اليوم..!؟ غازي : لا يمه.. ام عامر : كنت بـ اكلمها مير استحيت من رجلها.. غازي : كلمتها انا.. تسلم عليكـ ما عليها مرتاحة الحمدلله.. ام عامر : الحمدلله.. شفت بنية اختكـ ويش مسوية..؟! عامر : يمه الله يهديك تشغلين قلبة بـ مواضيع مالها داعي اللي فيه مكفية.. غازي ينقل نظرة بين عامر و امه : ليش ويش فيه..؟! مين فيهن..؟! ام عامر : وعيد القشرا (ضامة قبضة يدها قريب من فمها الملثم بـ طرحتها)و الله يا هالبنت نتيفة و الراس يابس الصخر يلين و هي ما تلين (نفضت اصابيعها مفتوحة).. ما تقول يطلع منها كل ذا.. غازي ابتسم : ليش ويش سوت..؟! عبدالله : طاردة البتول و اختها من العرس..!! غازي : ههههههههههههههههههه قوية ماشاء الله.. ام عامر : الحين حنا نشكي لك كود تشوفها بـ بيت ابوها و تغسل شراعها و انت تمدحها..؟!! غازي : و الله اللي اعرفة من وعد انها تحمل و تصبر فا اكيد الأدمية مسوية لها شيء و الا ما طردتها.. يمكن جاية تقهر وعد بعد ما ولدكم ملك عليها.. عماد يناظر عمة متنرفز : تقوم تطردها و تقص وجهي قبل وجه اهلها..؟!! غازي : تحمل ما يجيكـ .. بس زوجتك واضح انها متصلة تشكي ما ادري جاية بالله ما قالت لك عن السبب..؟! ناصر : خالتي اللي اتصلت.. و حتى لو فيه سبب هاذي سواة بنت صاحية..؟! مريم بـ حدة : ايه صاحية.. ناصر ناظر عمتة طلعت من غرفتها .. مريم سلمت على اخوها و جلست : تراكم من العصر و انتم تهاوشون فيها و زوجها قاعد و لا حكى و مشجعكم بس خلاص عاد اكلتوا بـ لحمها.. ام عامر تضرب بـ عصاتها على الأرض معصبة : من عذرها ماهي سواة اللي سوتها.. مريم : البتول و ايمان يستاهلون.. اجل هي تروح تسب بـ بنتي و تقولها الولد اللي ببطنكـ ماهو ولد عماد..!! عماد ناظر عمتة ومبقق عيونة : ويش هالحكي..؟! مريم تكمل كلامها : قمتوا كلكم هبيتوا فيها و اخر شيء تطلع اللي تدافعون عنها هي اللي غلطانة عليها.. يحق لها تطردها و ما يحق لكم كلكم(تحرك راسها بـ حركة دائرية تأشر عليهم) تحكون اصلاً ما انتم اهل النوب هم اهل النوب و اذا احد له حق يعاتبها هم اهلها ماهم انتم.. ام عامر تضيق عيونها بـ بنتها : انت من وين جايبة هالحكي..؟! مريم حطت رجل على رجل : توني مكلمة نهى و هي اللي قالت لي.. تكفون فــكو عنها شوي.. عماد خلاص تزوج بنت خالتكـ و اترك بنتي بـ حالها انا صدق بغيتك تتزوجها لأني ابيها جنبي بس ما جاها غير المشاكل.. الى متى بـ تحمل.. غازي : قلت لكم وعد ما تسويها من الباب لـ الدريشة.. و هذا هي.. انت قايل لزوجتك شيء عن وعد..؟! عماد بـ صوت حاد مقهور من عمتة و منطوق عمة : ليش شايفني قليل مروة..؟! غازي يهز راسة : و زوجتكـ ليش تقولها هالكلام..؟! عماد يحك شعرة : ويش دراني يبي لها غسلة شراع ان شاء الله.. اول كنت عندها ليه ما حكت لي..!! ناصر : اللهم لا شماتة بس هذا اللي اقولة.. هذا انت ابلشت نفسك بالثانية و بتضيع عمركـ ..!! ام عامر : قعدتها عند ابوها هي اللي مفتحة حلوق خلق الله عليها.. بكره بـ اروح لهم و اجيبها.. مريم : يمه تكفين خليها على راحتها لو تبي الردة كان ردت من زمان.. ام عامر : ماهو بـ كيفك و انتِ بعد بـ تروحين معاي و تقنعينها.. مريم : يمه ماني رايحة وعد اصلاً ما تقبل شيء مني و لو بـ اقولها ارجعي بـ تعاند زيادة عشان انا قلت لها.. ام عامر : ويش يحدك عن الروحة العدة و خلصتيها و هذا انتِ قاعدة هنيا عيالكـ كلهم ما تدرين عنهم الا بهالجوال و الا ما من تربية.. مريم : يمه من ثلاث شهور من طلقني طلال و انتِ تردين نفس الحكي.. عيالي بـ يجون لا تخافين.. ام عامر : وينهم ما شفتهم..؟! قد ايش لك ما شفتيهم.. انتِ ناوية تعيدين اللي سويتية ببنياتكـ الكبار و تهملينهم.. مريم : خلصنا يمه من ذا الموضوع.. ويش تبوني اسوي اذبح عمري.. هم يبون يعيشون في فرنسا و ابوهم ما تاب بعد اللي صار لنا و المرمطة اللي صارت و العيشة القشرا اللي عشناها مطاوعهم و مشجعهم بعد.. و انا ما عندي استعداد اعيش هناكـ بعد كل اللي صار.. عامر : خلاص يمه لا تضايقينها بـ ذا الموضوع اللي صار صار.. ام عامر : ويش بـ يقولون علينا الناس البنت و خالتها متطلقات..؟! عبدالله : هذا النصيب يمه الواحد ويش يسوي..؟! ام عامر تناظر عماد و تهدده بـ عصاتها : و الله ان طلقت بنت ابراهيم اني ما اسامحكـ .. .. الفجر.. على سفرة الفطور.. فارشينها على الأرض.. الكل موجود عدا سعود اللي استأذن بـ ينام وطلع لـ جناحة و نهى و وعد و جود و صبا .. ام احمد : يا وليدي زوجتكـ ماهي نازلة..؟! ما اكلت شيء وهي تعبانة..؟!! ياسر اللي صحاها بالغصب باتصالة بعد ما رجع من الصلاة عشان ما احد يتكلم عليه : قلت لها.. الحين تنزل.. ابراهيم : يبه.. خالد يأكل من التمرة : هلا.. ابراهيم : المدرس يوم الخميس.. قال خل ابوك يجي بكره.. رمى خالد النواة بالصحن و ناظر ولدة : خيـــر..؟!! ليش ويش مسوي..؟! ابراهيم : ما سويت شيء.. خالد : ابراهيم .. يعني المدرس قال ناد ابوك على الفاضي كذا..؟! ابراهيم : ايه هو ناداني و قال لي خل ابوك يجي معاك يوم الأحد.. خالد : ويش يدرسك..؟! ابراهيم يهز راسة : و لا شيء.. قال اسمي المرشد الطلابي.. خالد بـ حدة : لا والله و بتفهمني انه مناديني على ولا شيء..؟! ابو سعود : لا تنتر على الولد.. روح المدرسة وشوف ويش يبي فيك.. خالد : ان شاء الله (لف على ولدة) لو تطلع مشاغب يا ويلك.. ابراهيم بـ ثقة : قلت لك انا ما سويت شيء.. احمد : ابراهيم رجال و عارف الصح من الغلط.. و يدري ان المدرسة مكان علم مو لعب و مشاغبة.. ابراهيم : ما سويت شيء يا عمي.. احمد ابتسم : ادري.. اذا تبي انا اروح معاكـ بكره...!! : صباح الخير.. ردوا عليها كلهم الا هو.. : صباح النور.. باست راس عمها و حريمة.. ناظرت بـ ياسر و بالمكان الفاضي جنبة.. بينه وبين سها اتجهت هناك مضطرة تجلس جنبة لأن الجهة الثانية فيها اخوانة.. عدا انه زوجها ولازم تجلس جنبة حتى لو ما تبي.. ام احمد : كيفك يمه اليوم..؟! صبا همست : بخير يمه الحمدلله.. ياسر همس بصوت يتردد على مسامعها هي فقط وعيونة على السفرة ما بعد اكتملت و اخوانه و ابوه بطـرف يتقهون : لا عاد تميعين و تقولين صباح الخير.. السلام عليكم و قضينا.. ما ردت.. يعني جات على كلمة صباح الخير بيمشيها لها.. اكيد بيطلع عذاريب بكل شيء.. هزت راسها من غير لا ترد لأن حضرتة ما يبي يسمع صوتها.. وعد : السلام عليكم.. : وعليكم السلام.. ما دخلت و باست راس ابوها لأنه هو اصلاً منبها ما تدنق عليه وهو يقعد على كرسي كيف على الأرض .. ام حاتم ناظرتها و هي تعدل الصحون على السفرة : زين يمه نزلتي عشان تفطرين البارح ما اكلتي شيء.. تعالي.. وعد : ما ابي مو مشتهية.. (ناظرت ابوها و اخوانها) نهى فوق منهارة.. من البارح تتصل على فيصل جوالة مقفل.. ابو سعود : غريبة..! هو وين رايح..!؟ وعد بـ إرهاق : ما ادري تقول استراحة ما ادري ويش.. قايلها بـ يرجع الساعة وحده.. وللحين ما رجع.. صبا وقفت نزلت دموعها من اول ما وعد قالت فيصل جوالة مقفل : يعني ايش..؟! فيصل صار له شيء..؟! ياسر وقف لفها له : ما فيه شيء.. لا تخترعين سيناريوهات.. الحين بـ نشوف وينه.. اجلسي.. دخلت نهى تصيح البارح داخلة بنفس اللبس بس روحها تضوي و الحين الدموع و الإنهيار مخليها لـ النقيض كحلها السايح مكياجها اللي ما مسحته عدلو دموعها تكفلت تمسحة زايد الوضع سوء .. جلست عند ابوها : بابا.. ابو سعود : اهدي الحين بـ نشوفة .. ما فيه شيء يخوف.. نهى : و الله صار له شيء.. مو قادرة اتحمل زود.. حاتم : استغفري ربكـ ويش ذا الفال الشين..!! وين المكان اللي رايح له..!؟ نهى هزت راسها و يد ابوها على كتفها : ما اعرف بس قالي انها بالبر و ما فيه ارسال وما راح يطول وحده بـ يكون بالبيت.. خالد : مع مين راح..!؟ نهى : مع ماجد ولد عمي.. ابو سعود يكلم خالد : دق عليه شوف وينه..؟! خالد يفتح القائمة على رقم ماجد : ان شاء الله يبه.. (لحظات حتى يناظر ابوه) جوالة مقفل.. نهى فزعت : شفتوا و الله فيه شيء و الله قلبي ناغزني.. هو قال ما راح يطول و الله..! حتى لو بـ يطول الحين الساعة بتقرب السبعة وهو ما جاء..!! صبا تناظر جوالها يدق بـ يدها بـ رعب : بابا..!! نهى وهي تبكي : هم دقوا علي و ما رديت.. ياسر يناظر صبا بـ حزم : لا تردين.. اكيد فقدو فيصل و نهى.. ابو سعود : ما حدد لك الديرة اللي بـ يروح لها ويش هي..؟! نهى : ما اعرف و الله ما اعرف..!! صبا : يمكن .. يمكن استراحة عمار.. هي هي اللي دايم يروحون لها.. ياسر : تعرفين مكانها..؟! صبا تفتح جوالها و يديها ترجف ماهي ثابتة : بـ جوالي.. فيصل مره ارسل لها لي على الواتس من رقم غريب.. سحب ياسر الجوال : هاتي .. (فتح البرنامج وهو يناظر بالقائمة يبي يلقط رقم غريب بالدردشة مو مسجل.. فتح على دردشة) : هاذي..؟! صبا : ايه هي..!! ياسر نسخ المحادثة و ارسلها له و حذف المحادثة من عندها..!! لأنه متأكد ان الرقم مو رقم فيصل اكيد رقم واحد من اخوياة و حضرتها حافظة المحادثة بعد..!! حسابها لا رجع.. : انا بروح اشوفهم هناك.. مشعل وقف : انا بـ اروح معاكـ .. ابو سعود : لا انت ما تروح.. خالد يروح معاه.. مشعل كتف يدينة متضايق : ليش..؟! ابو سعود بـ حدة : قلت ما ابيكـ تروح.. خلاص يا مشعل.. وقف خالد : استريح من اول ناوي انا اروح.. قبل لا يطلع الإثنين دق جوال نهى اتسعت عيونها ردت وهي تشوف اسم فيصل يدها على قلبها اول ما سمعت الصوت : فــيصل..!! تزحلق الجوال من يدها و طاح راسها على رجل ابوها مغمى عليها قبل لا تسمع شيء و الطرف الثاني يناديها.. صبا صـــرخت من حالة نهى اكيد صار شيء شين و الا ما اغمى عليها.!! : لاااااااااااااا.. احمد و حاتم اول من نطوا عند نهى حتى يجلسونها و يسندونها على ظهر الكنب.. ابو سعود سحب الجوال اللي طاح عند رجلة : الو.. فيصل..!! وينكـ..!؟ استغفر الله.. (يناظر بنتة اللي من سمعت صوتة اغمى عليها حاتم و احمد يحاولون يصحونها).. طيب يا عمي لا لا تشيل هم ما فيها شيء.. انت وينك بالضبط ارسل لك واحد من العيال..؟!.. خلاص خلاص مع السلامة.. ياسر : ايش فيه يبه..؟! ابو سعود : يقول السيارة خربت عليهم و هم نازلين الحين مع واحد.. صبا تبكي : يعني ما فيه شيء..؟! فيصل ما فيه شيء.. ياسر مسكها من عضدها يبيها تهدأ : ما فيه شيء ماله داعي الصياح و الصراخ اصلاً.. احمد يمسح على وجه نهى وهم ساندينها على ظهر الكنب : صحصحي بسم الله عليك..!! نهى فتحت عيونها : فيـــصل..!! ابو سعود يناظرها و يمسح على شعرها : ويش اللي صار لكـ..؟! ما فيه شيء يا امي قال انهم قريب.. شوي و بـ يجي.. حاتم يضربها على راسها بـ خفة و مبتسم : يغمى عليك عشان سمعتي صوتة..!؟ الله لا يبلانا.. مشعل يلعب بـ حواجبة : مزعجتنا من فترة قبل لا يرجع ما ابيه و ما ابيه و الحين وهو ما صار له شيء اغمى عليها..!! يارب ترزقني بأدمية تحبني كذا.. نهى تناظر ابوها مقهورة من اخوانها : خلهم يـسكتون عني.. ابو سعود قرص خدها : قومي اغسلي وجهك قبل لا يجي فيصل.. خالد : ايه و الله قومي لو شافكـ بـ يخليكـ عندنا و ينحاش.. نهى وقفت : مالت عليكم من اخوان.. ياسر : الا مالت عليكـ انتِ..(يمسك كف صبا) : اجلسي.. جلست صبا جنبة و هي تحاول تكتم شهقاتها و تدخل يدها و تمسح دموعها من وراء النقاب.. ياسر همس يهديها : خلاص ما فيه الا العافية.. صبا صوتها الباكي : ابي اشوفة.. ياسر : بس يجي تشوفينة ماهو طاير.. الحين افطري.. صبا : ما ابي مو مشتهية.. ياسر بـ حدة وهو متنرفز من صراخها اول و الحين تدلع ويش ناوية يغمى عليها : لا يا شيخة..؟! ناوية تطيحين من طولك مثل البارح.. صبا : بــ ياسر قاطعها : اعتقد قايل لكـ ما ابي اسمع صوتكـ مسرع نسيتي كلامي.. ما ابي اعيد و ازيد بالحكي.. لا ترادديني بـتأكلين غصباً عنكـ.. صبا دنقت ما عنده اسلوب الطف..؟! ما يعرف يقول كلمة هادية مو حلوة بس هادية.. بدال النبرة الحادة هاذي..؟! ما تعودت الا على الدلع و ياسر نقيض للدلع حتى صوتة ما فيه حتى نبرة حنان او هدوء.. بس معصب.. يعني اذا هو خايف عليها ليش ما يقول هالشيء بأسلوب الطف من كذا..؟! ابو سعود يناظر بناتة الثنتين الواقفات جنب بعض يجمعهن شيء واحد زعلانات.. : ما انتن ناويات تفطرن..؟! وعد : انا بروح انام.. ابو سعود : اجلسي بـ نتفاهم.. وعد : على ايش..؟! ابو سعود اخذ نفس : على اللي صار البارح.. وعد هزت اكتافها : ليش ويش صار..؟! ابو سعود بـ حدة : لا تستخدمين معاي ذا الإسلوب.. ماني اصغر عيالك انــا..!! خالد : اللي صار سوء تفاهم ما يسوى تزعلين عليه.. وعد كتفت يديها : ليش انا قلت اني زعلانة..؟! ياسر : هذا الواضح بعد ما يبي لها من البارح ما شفناكـ .. وعد : ماني زعلانة عادي.. ما سويتوا شيء انتم تدافعون عن نظرة الناس لكم.. ما فيها شيء.. منيره : ويش هالحكي..؟! وعد تصر على اسنانها : ممكن ما تكلميني انتِ .. ترى من جد ماني طايقتكـ .. ابو سعود بـ حدة : وعــــد تـــأدبي..!! وعد : انا قلت لكم ماني زعلانة خلاص ماني زعلانة.. الا تبوني ازعل غصب..!؟ ابو سعود بـ هدوء : خلاص بـ راحتكـ .. (ناظر جود) و حضرتكـ ..؟! جود : وشو..؟! ما سويت شيء..؟! ابو سعود : فكرتي بالموضوع..؟! جود : يب.. و قلت لكم رأيي وماني مغيرتة.. انا ما ابي مهاب.. ياسر : حلوه هاذي ما تبين مهاب..؟! ليش ان شاء الله ويش قاصرة..؟! جود تناظر ياسر : قاصرة اني ما ابيه.. ياسر تربع وهو يسند يده اليسار على اعلى ظهر الكنب ولاف عليها واقفة على الباب : و حضرتكـ ليش ما تبينه..؟! جود : قلت لكم البارح ما ابيه انتم تبون تهدمون حياتي و انا ما راح اسمح لكم.. ابو سعود : الحين احنا بـ نهدم حياتكـ..؟! جود : ايه تبون تزوجوني مهاب غصب.. انا ماني راضية.. منيره : انا ماني عارفة ليش ما انتِ راضية الى متى ناوية تقعدين بـ كبد ابوكـ ..؟! ما كانت جود اللي ناظرتها بـ صدمة كلهم ناظروها.. جود قبل لا يرد أي احد : و الله ابوي ما شكى لك الحال و لا قالك ردي عنه عنده لسان و يعرف يحكي.. و انتِ لا تدخلين عصكـ بـ شيء ما يخصك اقعد على كبدة اتزوج ما يعنيكـ .. ما طلبت مشورتكـ عشان تلقفين.. ام احمد : جـــــود ما عدتي تحترمين احد انتِ..؟! وعد : عن اذنكم.. .. غازي : متأكدة..؟! ندى ابتسمت : ايه.. غازي يقفل حزامة العسكري : رغم ان عندي شكـ بـ كلامكـ بس بـ اسمعة عشانكـ بس.. ندى وقفت قدامة ماسكة قبعتة العسكرية : صدقني لو اني متضايقة من شيء كنت قلت لكـ بس ما صار شيء يضايقني.. غازي : المعلومات اللي عندي تقول غير كذا.. و انتِ ساكتة.. ندى سكتت كأنه يقولها كذابة.. و هي فعلاً كذابة تدافع عن بنتة يمكن خايفة يضربها مره ثانية بـ سببها..!! غازي : ما رديتي..؟! ندى : يصير اروح لأهلي..؟! غازي ابتسم : تصرفيني..؟! ندى : لا و الله مو قصدي.. بس نهى بـ تجي اليوم و انا من تزوجت ما قابلتها ولا مره.. غازي : اللي يسمعكـ يقول نهى متزوجة من سنة توها لها اسبوع..!! و اول شيء قولي لي ويش صار بينك و بين ريما ابي اسمع منكـ .. ندى : حتى لو صار شيء.. صدقني ابو شوق انا عاذرتها صح ما راح اطول و انا متحملتها بس و الله عاذرتها يعني انا شفت خواتي شلون يعاملون خالتي منيره اول ما جات بيتنا يعني ريما ولا شيء عند اللي سووة فيها تيكـ الأيام.. غازي : اول شيء منبهكـ انا ما تناديني ابو شوق لحالنا.. ندى قاطعتة بإنها حطت يدها على فمها : آسفة نسيت.. غازي : يا كثر ما تنسين يا ندى.. ويش بلاكـ احيان احسكـ مسبهة..!! ندى تضييق عيونها : تسبني..؟!! غازي ابتسم : حشى لله.. بس دايم انبهكـ على اشياء و تنسين.. ندى : و ليش ما تقول انت نبيه بـ زيادة ماشاء الله اعطيني شوي.. غازي : هههههههههههههه هذا اعتبرة غزل..؟! ندى حمر وجهها .. غازي يناظرها : من جدكـ تستحين من ذا الكلمة..؟! ويش قلت بالله عشان تنحرجين و يحمر وجهكـ ..؟! صار لكـ اسبوعين عندي ما تعودتي علي للحين..!؟ ندى تصرف الموضوع : ما قلت لي راضي اروح و الا لا..؟! غازي : معاكـ عشر دقايق تتجهزين عشان اوصلكـ قبل ما اروح المركز.. ندى نقزت : طيب بس ثواني.. غازي : انا بنزل بس تخلصين تعالي و لا تتأخرين ترى بـ امشي عنكـ و روحة مع السواق لحالكـ ما فيه.. ندى : طيب.. نطت للدولاب تطلع لها لبس بـسرعة و غازي نزل تحت : يا حيا الله البنيات.. همس وقفت ومدت يديها له شالها : هاتي بوسة قوية لـ بابا.. همس باستة : بابا شعرك يعور.. غازي : ههههههههههههههه هذا اسمه دقن.. همس : ليش ما تقصة كله و يصير ناعم زي محمد.. غازي يجلس وجلس همس على رجلة : تقارنين ابوكـ بحميدان الخايس..؟!! وقفت ريما.. غازي : ريما اجلسي.. ريما مدت لسانها لـ زواية فمها وهي تناظر فيه كل شيء بينهم اختلف حتى النظرات : ليش..؟! غازي : ابي اجلس معاكـ شوي.. ريما : و انا ما ابي اجلس معاكـ .. عندك زوجة جديدة ما امداك تشبع منها.. امال بـ حدة : ريمـــــــــا...!! غازي : خليها يا امال ما عادت تشوفني ابوها و استحق انها تحترمني.. انا غلطت يوم ظلمتك بس اعتذرت لكـ يا ريما مرة و اثنين و ثلاث و انتِ تقسين على ابوكـ كل مره..انتِ يوم تغلطين علي اسامحك ما اخذ اكثر من اسبوع زعلان قلبي ما يطاوعني اشوفكـ متضايقة.. بس أنتِ قلبكـ ماهو وسيع على غلطة ما انتِ راضية تصفحين.. ريما بكــت من كلامة : اصفح..؟!! على ويش بالضبط..؟! على انكـ هددتني تزوجني عشاني رفضت زواجكـ لأني احبكـ (تأشر في الفراغ وهي تناظرة)و الوقت اللي تعطية لـ زوجتكـ انا اولى فيه منها.. انت طول الوقت مهملنا.. اسامحك على انكـ ضربتني و كنت تبي تذبحني اترجاكـ و احلف لكـ و اقولكـ مالي ذنب انا مظلومة طنشتني و انت تحط حرتكـ كلها فيني..!! و طنشتني ما عبرتني رحت تزوجت وفوقها ظلمت لينا و انت مربينا ما تثق بـ تربيتكـ (هزت راسها) لا اصلاً ما ربيتنا ماما ربتنا انت كل وقتك لـ شغلك و بس احنا مو من ضمن اهتمامكـ تروح تزوجها و تزوج شوق عشان ترتاح مع زوجتكـ ثم تقول اعتذرت لي..؟! على ويش..؟! على كل حزة احتجتكـ فيها و ما لقيتكـ..؟! على كل ضربة معلمة علي جسمي للحين..!؟ على إهمالكـ لنا..؟! على ويش اعتذرت لي..؟!.. طلعت قبل لا يرد قابلت ندى اللي سمعت اخر كلام ريما .. ريما ما ناظرتها كانت تناظر الأرض و تبكي و طلعت غرفتها على طول.. و ندى نزلت.. امال : لا تتضايق يبي لها فترة تتقبل..!! غازي : قد ايش يا امال..؟! الموضوع صار له ست شهور.. قد ايش هي الفترة اللي بـ تتقبل فيها اللي صار..؟! امال سكتت.. ما عندها رد.. ريما كل مالها و تزودها و تلوم ابوها على اشياء كثيرة.. و تحملة فوق طاقتة.. وهو متأمل ان وضعها يرجع مثل قبل معاه.. همس : خالة انتِ بـ تروحين عند رند..؟! ندى ابتسمت رغم توتر الجو : ايه.. تروحين معاي..؟! امال تناظر ندى : لا ندى الله يهديكـ بكره دوامات لا تدخلين الفكرة بـ راسها.. ندى : ما نطول حتى رند بـ تنبسط معاها.. امال : لا الله يسعدكـ ابيها تخلص مذاكرة و تعشى و تنام.. .. صالتهم و جمعتهم كلها نسوانية حريم ابو سعود عدا منيره و البنات كلهن عدا سها.. وعد : لا يا شيخة تتريقين علي..!؟ ان شاء الله اخر الشهر تحملين.. نهى : هههههههههههههههااااي لا تخافين علي مأخذة احتياطاتي فيصل ما يبي بيبي الحين يوه يوم قالي ودي ابوس راسة.. دانه : هههههههههه وليش ما بستية..؟! نهى : ما ادري.. خفت يعصب.. احيان احسة غريب يقولي شيء و ارد عليه بـ نفس الشيء يعصب علي.. مو طبيعي..!! اقولة انت مو صاحي يضحك!! ندى : هبلتي في الرجال.. نهى : يستاهل كل شوي يقول تركتكـ سبع سنين و خبالكـ زي ما هو ما تغير..!! منيره جلست بعد ما سحبت مناديل من الطاولة تنشف يدها : مين عند ابو سعود..!؟ ام سعود : رجال ينقال له ابو طارق جاي هو ولدة.. جود تناظرهم بإستغراب : مين مين..!؟ ويش اسمه..؟! ام سعود بـ حسن نية : ابو طارق.. ناظرن البنات ببعض.. ندى : اكيد هو..!؟ وين سها..!؟ وعد : بـ غرفتها..!! قامت ندى حتى يلحقنها باقي البنات.. سها تنتفض سعادة بـ غرفتها .. سعادتها اكبر من القلق اللي يداهمها و ينبأها بأن ابوها ما راح يوافق على هالزواجة.. فتحت ندى الباب : تدرين مين تحت عند ابوي..؟! سها وقفت الفرحة تشع من عيونها : ايه طارق و ابوه.. نهى مستغربة منها : لا و الله و تقولينها مبسوطة..!؟ اليوم بيدفنونكـ يا حظي.. سها و الإبتسامة على وجهها نست كل شيء عادات تقاليد فروق بناها مجتمع و حصون كبيرة تحاول تقفز فوقها كلها و تتخطاها : ما يهمني.. شفتوا ان قصدة شريف و جاء خطبني.. عشان تعرفون بس قد ايش هو يحبني.. جود : انا عمري ما شفت وحده بـ جنونكـ يا مجنونة.. إستباحت دم الحلم الهزيل يلفظ أنفاسة . وهو مبتسم.. و حوّلت واقعي للمستحيل كل شيّ بعيوني إنحسم.. حاولَت , ما تنازل للرحيل و أنا حاولت و الله ما قسم.. لـ خالد عايش.. في مجلس ابو سعود.. عيالة كلهم موجودين عدا ياسر.. مشعل واقف يقوم بواجب الضيافة للرجال الغريب اللي جاهم حد بيتهم.. ابو طارق : و الله يا ابو سعود احنا قايين النهار ده و احنا مـتأملين فيكو خير.. ابو سعود بـ سوت هادئ و ثابت : حياكـ الله يا ابو طارق.. ابو طارق رغم توترة من الموضوع لكنه بـ يحاول عشان ولده : احنا قايين نطلب ايد بنتكو سها لإبني طارق.. لحـــظة يستوعبون..!! توقعوا أي شيء وظيفة عنده بالشركة.. يطلبة واسطة أي شيء..! أي شي..! لكن مو خطبة.. ابو سعود مسح بكفة على فخذة : و الله يا ابو طارق احنا عربن لنا عادات و سلوم ومو من عاداتنا نطلع بناتنا برا الجماعة كيف لما يكون واحد ماهو سعودي.. ماهو تصغير لكم لـكن هاذي عاداتنا.. ابو طارق : عشان نفرح في العيال دي يا ابو سعود.. احنا ما تخطيناش الدين في حاقة قايين نطلب البنت بـ شرع ربنا .. دا انا ابني بيصلي و بيصوم و بيعرف ربُه.. ابو سعود بـ حزم : نصيبة ماهو عندي يا ابو طارق.. طارق رفع يدينة يهدي ابو سعود و يحاول يوصل له شيء من مشاعر حملها لـ بنتة حب شفاف بين قلبها و قلبة بين روحها و روحة : ليه يا عمي ده انا بـ حب سها و سها بـ تحبيني.. حرام تحرمنا من بعض بسبب عادات أديمة مش موقودة في شرع ربنا.. ولــــعت كبووودهم يحبها و تحبة..!!!!! ويش المصيبة اللي يقولها..؟! ماهو مستوعب هو ويش قال بـ مجلسهم و بينهم و قدامهم..!! يحبها و تحبة..!! يتكلم عند ناس اخر همها مشاعرها..!! عند ناس تقدم العادات و التقاليد و كلام الناس على المشاعر.. سعود بـ حدة : و انت من وين تعرفها عشان تحبها و تحبكـ ..؟! ابو طارق : هو بـ يعرفها من القامعة.. ام طارق بـ تدرس بنتكو.. ما فيهاش حاقة.. ابو سعود القهر يــسري بـ عروقة وقف بـ حدة يصر على اسنانة : قلت لك.. مالكم عندي نصيب.. طارق وقف جنبة و مسك كف ابو سعود يترجاة : عمي ربنا يخليكـ ما تحرمنيش منها و ربنا حـ حُطها بـ عينيا مش ح ازعلها ابــداً.. لو تطلب لبن العصفور ح اقيبوه الها.. خالد مسك طارق من ذراعة و صرخ فيه : بــــرا.. طارق بـ ينهار مسكـ خالد : ارقوكم و حياة ربنا ده انا بـ أعشئ سها.. ما تحرمونيش منها.. ابو طارق مسك ولده : خلاص يا بني خلينا نمشي.. طارق يترجى ابوه وهو على طرف انه يبكي على حب وقف على حدود العادات : بابا انا عاوزها انا بحبها و هي بتحبني.. انا مستحيل اعيش من غيرها!! سعـــود : اطلعوا برا و لا نبي نشوف اشكالكـــم مره ثانية.. طلع ابو سعود من المجلس حتى يدخل للبيت : ســـــــــــهـــــــــــا.. صرختة وقفتهم على ساق وحدة.. معصـــــب.. دب الرعب بـ عروق بناتة اللي يعرفون ليش هو جاي.!.! اكيد عرف كل شيء..!! وقفوا مصدوميـــن حريم.. لحظات حتى يدخلون عيالة بعد ما طردوا طارق و ابوه.. ياسر دخل وهو مستغرب الوضع كلهم واقفين و اشكالهم ما تبشر بالخير : ايش فيكم.؟! ابو سعود صــــرخ : ســـــــــــــــــــها...!! وقفت سها بنص الدرج وهي ترجف : نـ نــعم.. ابو سعود يصر على اسنانة : تعالي هنا.. نزلت وهي تحس رجولها ترجف من داخل ومع كل درجة تثني رجلها تحس نفسها بـ تطيح لأخر الدرج عند رجول ابوها.. اول ما وصلت الدرجة الأخيرة تعلقت يد ابوها بـ شعرها : تعرفين مين كان عندي..؟! سها غمضت عيونها بـ قوة في بالها لازم تكون شجاعة و تواجهم عشان تقدر تأخذ طارق لازم توقف في وجيههم عشان تدافع عن حب مغروس في قلبها : ايه.. ابو سعود رفع راسها : يعني تعرفينة..؟! (يعيد السؤال بـ تأكيد صرخ) تعـــــــــــــرفينة..!؟ سها خافت..!! صوت ابوها ارعبها..!! لكن لازم تتجاوز هالسؤال لازم يعرفون ان روحها معلقة فيه : انا ... احبة.. ما كان فيه ناقص حتى يفيض القهر بـ ابوها و اخوانها.. ما كان ناقصهم عشان تضاعف العصبية عليها و تعترف قدامهم.. ما يكفيهم سمعوها منه يقولهم يحبها و تحبه.!.! تجي عشان تعترف و تقول تحبة..!! ابو سعود و عيونة بـ تطلع من مكانها : تقولينها قدامي..!! انا يا سها تجزايني هالشكل..!؟ انا يـــا سها تطعنيني بـ ظهري..؟! سها مسكت يدية المتشبثة بـ شعرها و هي تبكي : لا بابا ..و الله.. ما غلطت.. رماها بـ قوة على الرخام : لا تحــــــــلفين لا تحلفيـــــــن.. ياسر كان مثل الأطرش بالزفة لكن العصبية+ الصراخ+ رجال كان بالمجلس+ تحبه+ تطعن ابوه= الموضوع شر.. انفاسة تصاعدت قبل لا يعرف التفاصيل الصحيحة للموضوع : ما تقولون ويش فيه..!؟ خالد آشر على سها : اختكـ المصون متعرفة على واحد مصري جاينا بوسط مجلسنا يخطبها و يقول انه يحبها و تحبة.. سها صرخت : ايه احبـــه احبـــــه.. ما حست غير بيدين ياسر توقفها من شعرها وهي قامت معاه من الألم وقفت حتى تخفف من الشد تحس بـ شعرها بـ بيطلع بـ يدية : ايش قلـــت..؟! متعرفة على واحد..!؟ متعـــرفة.. فضحـــتيــــــــــنا.. جبتي لنا العــــــــار..!! سحبها سعود من يدينه ياسر و يهزها بـ قوة و هي تستجيب لـ توبيخهم و تحطيم قلبها : هذا جزانا..؟! مدخلينكـ الجامعة عشان تشوفين الرجال..؟! عشان تفضحينا و توطين رووسنا بالتراب..؟! اخذها ياسر حتى يوقفها وجهها للجدار لف يدها اليسار وراء ظهرها و مسك شعرها بيدة اليمين : تعرفين ويش قاعدة تقولين..؟! فوق اللي هو قالة ما نكرتي..؟! تقولينها قدامنا..!! (ضرب راسها بالجدار وهي تبكــي بـ صوت عالي) هِنّـــا عليكـ كلنا و فضحتينـــا..؟! تبين تهدميـــن حياتنا..؟! تبين الناس تحكي فينا..!! تبين يقولون ما ربوا بناتهم..!! فضحـــتينا.. فضحتينــــــــــــا.. ام حاتم صادة بـ ظهرا و تبكي.. صدمتها بـ بنتها قوية و شوفتها لإخوانها يعذبونها تكسر ظهرها زود.. ابو سعود واقف يتفرج على عيالة ويش يسوون كسرت ظهرة ما حست بكل شقاة اللي تهدمة بـ لحظة.. تهدمة بـ غلطة .. تدفنة بـ فضيحة.. ما قدرتة و لا قدرت كل شيء يسوية عشانهم.. واقفة قدامة و تصرخ انها تحبة.. هو ما تحمل طارق اللي يقول انه يحبها كيف وهو يسمعها على لسانها هي.. هي اللي تعب فيها و لبى لها كل شيء على حساب نفسة..!! سحبها ياسر حتى يرميها على خالد اللي لوى يديها الثنتين وراء ظهرها بـ قوة و ياسر مسك شعرها بيدة الثنتين وراها خالد و قدامها ياسر .. ياسر يهز راسها بقوة و هو بيقطع شعرها بـ يدية : من متى تعرفينة...؟! سها تبكي حب يحاولون يقتلونة.. و روح يخنقونها.. و جسد يتوجع من اقرب الناس لها : من اول السنة..! ياسر : يعني من سبع شهور و احنا مدمغين نوديك و نجيبكـ على اساس تدرسين..!!! خالد : مين عرفكـ عليه.؟! سها : ما مـا احد.. انا .. شفتة..(خوفها منهم و رعبها القاتل يخليها تقول كل شيء و بـ صدق بدون لا تفكر بـ مدى فداحة حكيها).. خالد : و الله كفووو .. انتِ شفتية..!؟ كيف شفتية..!؟ شلــــــــــــــون..!؟ سها تبكي وهي تشوف ياسر قدامها صدرة يعلو و يهبط من بقوة من عصبيتة : شفتة بالمواقف.. ياسر : و دامه جاي يخطبكـ اكيد تكلمينة..؟! تعديتوا مرحلة المكالمات (صـــرخ) صح..؟!!! سها فزعها صراخها زيادة .. ما عاد فيها تتحمل اكثر خايفة..!! خايفة..!! تدافع عن نفسها: لا و الله.. لا ما كلمتة.. و الله ما رضيت.. خالد يضغط على يديها بين يدينة يبي يكسرها لها : و حبكـ و حبيتية عشانكـ شفتية بالمواقف..؟! تبين تسلقيـــنها علينا وما تكلمينة..؟! شلون عرف اجل انكـ تحبينة وهو يقولها لنا بالفم المليان..؟! سها تغمض ما تبي تشوف اشكالهم المرعبة يكفيها الألم اللي تحسة من الإثنين ياسر اللي يشد شعرها كل ما سألها و خالد يضغط على يديها زود و زود يبي يكسرها ماهي قادرة تصرخ من الوجع : امه.. امه.. انا.. اكلم.. امه.. البنات يجمعهم شيء واحد القلق عليها.. دانه و ميار يبكون من الشيء اللي يشوفونة.. وعد ساكتة عن وجعها اللي تحس فيه وهي تشوفهم كيف ماسكينها و يحققون معاها.. نهى مكتفة يدينها و تتفرج هي جنت على نفسها باللي سوتة..!! ندى بلعت لسانها ما قدرت تحكي لو بتنطق بـ يدرون انهن كلهن يعرفن عن الموضوع من قبل و يمكن يضمونهن معاها.. جود تناظر ضايعة بينهم ابوها متصلب وهو يناظرهم.. سعود واقف بالنص و شوق واقفة وراه.. تكلمة صبا ترجف من الصياح.. احمد ساكت يعني راضي.! راضي عن اللي يصير اكيد راضي اللي مسويتة ماهو شوي.. حاتم المتردد بـ يقول شيء و ساكت يمكن هو الوحيد ماهو راضي..!! ما احد متدخل يهدي الوضع حتى خالتها نوال اللي اعطت الموقف ظهرها و واضح من شكلها انها تبكي.. مشعل ماهو احسن اخوانها ساكت لأن خالد و ياسر متولين الموضوع بأشنع طريقة.. جنون ياسر و عصبية خالد مسيطرة على الموقف ما احد موقفهم.. شوق تبكي وماسكة سعود : الله يخليك لا تخليهم يكفي.. لا يضربونها حرام.. سعود يتفرج عاجبة اللي يسوونة اخوانة وطت رووسهم بالتراب لازم يعرفون كل شيء حتى يتداركون الوضع : مالكـ دخل يا شوق.. شوق متمسكة بـ ثوبة بـ قوة و تشدة : الله يسعدك سعود فكها منهم بـ يذبحونها و الله بـ يذبحونها.. سحبها سعود حتى يدخلها لـ غرفة بابها على الصالة مجهزة لـ نفاس وعد : شوق اسمعيني.. لو احد منهم يسمع هالحكي ما بيرحمونكـ انتِ جالسة تدافعين عن غلط.. تستاهل اللي يصير لها.. ما انتِ متحملة اطلعي جناحنا و لا تدخلين بـ شيء.. شوفي ما احد وقف اللي يصير لأن هذا المفروض يصير لازم تتأدب و تتربى من جديد.. شوق مسكتة ما زال عندها امل ان سها تنعتق من الألم ما تبي سها تعيش اللي عاشتة ريما و الحالة النفسية اللي مرت فيها : الله يخليكـ سعود تكفى.. سعود : شوق لو ابوي و اخواني يسمعون ذا الحكي منكـ بـ يعتبرونك تشجعينها على غلطها.. ابوي ما راح يرحمكـ الموقف ماهو محتمل احد يهدية.. انكـ تهدينه يعني تزيدينة سوء..!! تضرينها زيادة ما تنفعينها..! طلع سعود اما شوق جلست على الكنب منهارة ما تبي تطلع و تكمل المشهد القاسي اللي تشوفة.. و سعود طلع محمل بـ خيبة اخوية عميـــقة من سها.. المشهد هو نفسة ما تغير ما زالوا الإثنين مستمرين بالتحقيق معاها و الباقي يتفرجون.. ياسر عيونة تقدح بـ شرر لأختة من لحمة و دمة : و احنا ويش يضمنا انكـ ما طلعتي معاه..!؟ مو يمكن ضاحكة علينا على اساس رايحة الجامعة و طلعتي معاه..!؟ ويش يضمنا انكـ بنت للحين..؟! سها صوتها انبح من بكاها و صراخها : و الله.. لا .. ما رحت.. معاه.. و الله.. حتى .. ما كلمتة.. حاتم قرر يتدخل بعد ما شاف ان الوضع شيء لأبعد درجة و مو عاجبة اللي اخوانة يسوونه.. قرب منهم و سحب سها من بينهم و حطها وراه .. ناظرهم و يكلهم بـ حزم يبي يوقفهم : يكــــفي عاد.. اللي تسوونة غلط.. خالد صرخ فيه : غـــلط..؟! غلـــط وراء الفضيحة اللي سببتها لنا..؟! حاتم يحاول يهديهم : ما صار شيء.. الرجال جاء و خطب و احنا رديناه الموضوع انتهى عند ذا النقطة.. ياسر مقهور يحس بـ عروقة كلها بـ تفجر من عصبيتة : لا يا عيني توه بدا الموضوع توه..!! تعرفة من سبع شهور ..!! من سبع شهور وهي تضحك علينا نوديها و نجيبها و على اساس تدرس..!! (يأشر على ابوه من غير لا يناظرة ما يقدر يحط عينة بـ عين ابوه رغم ان هو ما اخطأ بس وين عيونهم عنها من سبع شهور و هي تخطي وهم مو حاسين ) ما انت حاس بـ قهر ابوي و هي يحس بطعنتها له وهو يصرف عليها ريال على ريال عشان دراستها..(يأشر على خالتة و عيونة ما زالت مركزة على حاتم) ما انت حاس بـ ذبحة خالتي اللي كل ما طلعت تدعي لها.. الله يوفقها و ييسر لها..!. ويش..؟؟! الفضيحة..؟!! سعود : ابوي دخلها التخصص اللي تبيه بالواسطة و ضغط على نفسة رغم انه ما يبيه بس عشان خاطرها وهي ما سوت لـ خاطرة حساب.. الا دفنتة بالقاع و داست عليه و علينا.. حاتم ريفع كفوفة مفتوحة يهديهم : طيب انا معاكم هي غلطت.. بس هذا مو اسلوب لـ حل المشكلة.. ابو سعود توجه لـ سها اللي تفرك يدينها وراء حاتم متألمة من مفصل كتفة اللي يوجعها من مسكة خالد و سحبة حاتم لها و خالد كان ماسكها .. مسكها من عضدها : صح ماهو اسلوب..!! معاكـ حق..! سها شهقت اول ما مسكها وهي تشوف عيونة جرها معاه و طلع فيها فوق على الدرج وهي تبكي و تصارخ.. : لا بابا .. و الله ما كلمتة.. و الله ما غلطت.. قلبي مو بـ يدي.. قلبي.. مو بـ يدي.. صدقني بابا .. و الله ما كلمتة.. تكفى بابا.. و الله ما غلطت..!! طلع للدور الثالث وهو يسمع كلامها و رجائها له يصدقها و حلفانها فتح باب غرفتها و رماها على الأرض يناظرها بـ قهر : دراسة ما فيه بكره بـ تلقين ملفكـ بوجهك.. و الله العظيم لأخليك تندمين يا سها على اللي سويتية فيني.. وين جوالكـ ..؟! (صرخ) وينـــــــــــه..؟! آشرت له على التسريحة و سحب الجوال و سحب اللاب توب : خليني اشوفكـ معتبة باب غرفتك لو هنا للصالة(آشر على الصالة اللي مكان جلستها مع خواتها) و الله ما راح ارحمك.. ادفنك حية اهون من انكـ تطعنيني بدون لا تذبحيني.. بـ تجلسين هنا لين ازوجكـ و ما راح اشاوركـ لأني بـ ادفن العار اللي خليتيني احس فيه.. الله لا يباركـ فيكـ .. طلع و سكر الباب وراه و قفلة عليها رمى اللاب توب و الجوال على الجدار حتى يتحولون لـ قطع مكسرة .. مقهور و ما احد بـ يحس بـ قهره ابد.. نزل تحت وهو يشوفهم ما زالوا واقفين كل واحد مكانة : لو ادري ان اللي صار اليوم طلع منه كلمة وحده برا البيت و الله لأحاسب الجميع.. لحظات بسيطة حتى يطلعون البنات كلهم فوق حتى ندى و نهى اولهم.. بقي ابو سعود و حريمة و عيالة اكيد..!! ياسر يفتر بينهم مثل المجنون.. ما هدت اعصابة للحين.. : شلون تخلونة يطلع من المجلس و ذا حكية..!؟ حاتم مستغرب منه : ويش تبينا نسوي نذبح الرجال و نبتلش فيه..؟! ياسر آشر على نفسة بيدية الثنتين : لا اذبحوني انا..!! تراك تسمعها الحكي و بـ تكبر راسها و الله لأكسرة لها.. ام احمد تحاول تهدية : يا وليدي استهدي بالله تعوذ من ابليس هو اللي راكب راسك.. ياسر رمى التحفة على على الطاولة بـ زاوية الصالة بـقفى يده على الرخام من بعد صوت ارتطامها بالرخام اللي افزع الأشخاص اللي فوق مو هم قلوبهم مجروحة من بنتهم ما راح يفزعون من صوت قزاز : تشوفين هالقزاز يمه..(آشر على فتات التحفة على الأرضية) تشوفينة..!؟ هاذي روحي.. هاذي روحي الحين..!؟! بـــ انجــــن .. ياليتني انجن عشان ما احس.. ما عندي عقل.. ام احمد فـزعت : ويش هالحكي يا وليدي ويش هو الإنسان بـليا عقل..؟! ياسر جلس وهو يسحب رجولة و سند ذراعة عليها و هو مدنق وهو يناظر الأرض: اجل اللي هي سوتة سواة عاقلين..!؟ منيره جالسة رجل على رجل : لا و الله ماهي سواة وحده عاقلة متربية.. ويش اللي خطر لها تسوي هالسواة و تفضحنا بين العربان.. ام حاتم صوتها مبحوح من الجرح قبل الصياح : يمكن دكتورتها لعبت بـ راسها هي حلفت ما كلمتة يمكن هي ملت راسها بـ هالحكي انتم تعرفونها على نياتها و ينلعب عليها بـ سهولة.. منيره تناظر ام حاتم بإستغراب لـ دفاعها و هالمنطق اللي تحكي فيه : بنتكـ ما عاد هي بزر عقلها بـراسها .. نزلت راس ابوها و اخوانها بـ التراب.. ابو سعود : منيــــــره..!! لفت منيره عليه وهو مدنق و عيونة بالأرض : ما قلت شيء من راسي هذا الواقع.. عمرها 19 سنة وينها وين البزرنة.. ابو سعود بصوت مجروح من بنتة قبل أي شخص ثاني و اول من جالس يحكي و فتحت فمة و خلتة ينقدة و ينقد تربيتة زوجتة من اهل بيتة كيف الناس اللي برا : انتِ طالق..!! اتسعت عيونهم وهم يناظرون ابوهم و منيره المصدومة.. منيره نزلت رجولها : تطلقني يا ابراهيم..!؟ ليش اللي قلتة ماهو ذا الصدق..؟! (آشرت عليه و على عيالة).. ماهو ذا اللي تحسة انت و عيالك..؟! ابو سعود وقف : خليكـ بجناحكـ لين تخلصين عدتك.. و رب الكعبة يا منيره و ما احلف بـ ربي كذب.. لو كلمة وحده طلعت من بيتي اني لأدفنكـ بالحياة انتِ و عيالكـ قبلكـ .. طلع ابو سعود للمجلس حتى يرمي نفسة على الكنب.. حس بأحد جلس عنده.. اكيد عيالة.. وجعهم من وجعة بس هم انخذلوا من اخت و هو انخذل من بنت.. في الصالة اللي فوق.. مرعوبين.. حتى شوق و صبا معاهن.. ندى : استغفر الله العظيم..!! هذا اللي كنت خايفة منه و ما ابيه يصير..!! نهى : هي اللي جنت على نفسها.. خبلة مصدقة كلام دكتورتها نصحناها مرات و مرات لكن هي ما فهمت.. تقول هو صادق جاي يخطبني فرحانة باللي مسويتة..!! وعد اخذت نفس وهي تضغط على أسفل بطنها : تبون الصدق.. احنا نتحمل جزء من الغلط.. كان المفروض نوقف الموضوع صار له سبع شهور المفروض يوم درينا و عرفنا اننا ما قدرنا عليها نكلم امي و نعلمها.. كان هي تصرفت..!! لكن احنا سكتنا على غلطها..!! شوق : انتم كنتم تدرون..؟! ميار : ندري بس ما توقعنا الموضوع يصير كذا.. يعني انا ادري تحبة بس ما توقعت يجي و يخطبها و يقول لأبوي و اخواني انه يحبها و تحبه..!! يعني شيء مره قوي صراحة.!! صبا : بس حرام .. يعني دامهم يحبون بعض وين الإشكالية بإنه يتزوجها..؟! جود : عشانه ماهو سعودي ما راح يرضون.. هم لو متقدم واحد سعودي يسألون عنه و سوالف ويش كثر و ان طلع ماهو منهم و الا من جماعة ثانية ردوه كيف لما تقولين واحد ماهو سعودي..؟! وعد : ما عندنا شيء اسمه حب..!! ما احد يعترف بهالشيء عندنا..!! يستحقرون هالمشاعر كلها.. جود : انصحكـ لا تقولين هالشيء عند ياسر بس عشان ما يحط باقي الحرة فيكـ و الله ان قلتِ هالشيء عنده يا صوصو انكـ بـ تروحين فيها..!! ندى تناظر جود : هيـــه انتِ .. حاسبي على كلامكـ ..!! صبا بلعت ريقها ماهي عايفة عمرها عشان تقولة هالحكي.. هو يتنرفز من صوتها كيف لو تقولة هالحكي بس تذكرت شكلة وهو يحقق مع صبا يدب الرعب بـ قلبها.. تتخيل يسوي فيها مثل ما سوا بـ سها و يضرب راسها بالجدار..!! دانه يوم شافت صبا تبولع بـ ريقها من خوفها : صبوي ما عليكـ ترى جود تبالغ..!! نهى : انا بأكلم فيصل بـ انحاش قبل لا يصير شيء و اتوهق..!! يمممه بس انفذ بـ جلدي ازين.. قاطعهم الصوت الغاضب : ارتحتوا الحين..!؟ كل شيء صار من تحت رووسكن انتن..!! نهى وقفت : هيــه هيــــه خير ان شاء الله..؟!! جاية مدرعمة عندنا مأخذتنا بـ شراع و مجداف..؟! منيره : كل بسببكـ انتِ و خواتكـ ابوكن طلقني.. نهى ابتسمت : ايش قلتِ..؟! (حطت يدها على فمها تزغرد) كلللوووووووش..!! جود : ما بغينا نفتكـ منكـ و الله كل المصايب جايتنا من تحت راسكـ ..!! منيره تناظرهن مقهورة ماهي مصدقة ان ابراهيم طلقها ولو ان حبه اللي كان من سنين مات من سنين : ماشي ان ما طيرتكن كلكن.. ما اكون منيره.. بـ يردني لأنه ما يستغنى عني..!! وعد : و الله لو ما يستغنى عنكـ مثل ما تقولين ما كان فكر يطلقكـ ..!! منيره : انتِ اخر وحدة تتكلمين.. انتِ المفروض يحطكـ جنب سها الليلة و يدبغ فيكـ حتى انتِ كسرتي ظهرة.. و قهرتية.. تحسبينة عاجبة جلستكـ هنا..؟! ابوكـ ما يبي يطلقكـ يبيكـ تولدين و يرجعكـ لـ عماد لأنه هو اللي بيستر عليكـ و عليه.. ندى بـ حدة : خالتي ويش هالحكي..؟! ما يصير اللي تقولينه..؟! وعد وقفت : خليها من الواه اللي فيها.. ما يهمني ويش تقولين بابا وعدني يطلقني و ابراهيم بن مساعد كلمتة ما تصير ثنتين.. منيره : بـ تشوفين يا وعد مثل ما افتكينا من نهى بـ نفتكـ منكـ و بـ ترجعين لـ عماد انتِ بنفسكـ عشان ما تهدين حيل ابوكـ و اخوانكـ مثل ما سوت اختكـ اليوم..!! تركتهن و نزلت تحت..!! وهن يناظرن ببعضهن..!! مصدقتها..!! ايه وعد مصدقتها حاسة ان هذا اللي بيصير لها بـ ترجع له..!! بـ تنحد عليه.. تدري ان ابوها ما راح يجبرها لأنه هو انقهر يوم خالها لو ذراعها بس ممكن تنحد بـ طريقة ثانية..! تقهرة هو زود..!! نهى تناظر وعد : طنشيها ما عليكـ منها مقهورة من ابوي جاية تحط حرتها فينا.. ابوي متحملها اصلاً و متحمل لسانها اللي مطولتة علينا و كلنا نعرف ان ابوي ما يرضى بهالشيء.. جود : بصراحة على اني زعلانة على سها الا اني فرحانة الحين و لازم نحتفل بـ هالمناسبة.. دانه : حرام عليكـ ويش هالحكي..!؟ ما يصير اللي تقولينة لسانكـ حصانكـ .. شوق : فعلاً جود ما يصير حرام التشمت.. الدنيا دوارة..!! جود بـ ملل : استغفر الله ما صارت كلمة و قلناها.. مو قصدي اتشمت بس صدق انا فرحانة لـ فرقاها.. .. أستغفر الله العظيم و أتوب إليه.. لا أحلل نقل الرواية دون ذكر إسمي.. هاشتاق #رواية_لو_سألتي_الورد ضحكة قهر.. http://up.graaam.com/img/23407876b74...eba11d9f14.pnghttp://up.graaam.com/img/c433481acf7...1de64fbad2.png |
رد: لو سألتي الورد وهو ما بين إيدك أقطعك بيقول لك عمري فداك الكاتبة / ضحكة قهر
بسم الله الرحمن الرحيم..
السلام عليكم و رحمة الله و بركاتة.. مساء الخير و السعادة.. بداية ادري متأخرة بس ما بعد خلص السبت.. كان ودي انزلة بـ وقت ابكر بس النفسية ماش..!! و التهيت و مع التعديل تأخرت..!! ثانياً انا سعيدة بـ شيئين.. واحد كنت ابي اكتبة الإسبوع اللي فات و تدودهت اعوذ بالله و نسيت.. اننا وصلنا للخمسين بارت..!! انا جداً سعيدة بهالشيء فوق ما تتخيلون.. كوني اوصل للخمسين بارت و انجز بالرواية و احاول كل مره اني ارتفع بالمستوى هالشيء يبسطني جداً.. عموماً مانيب متوقعة ان الرواية بـ تطول مره يمكن توصل للسبعين بارت اقل او اكثر الله العالم.. الشيء الثاني عدد القراء خلال هالإسبوع 45000 الف.. في ثمان ايام من الجمعة للسبت اوصل لـ هالعدد انجاز عظيم لي.. الله يسعدكم جميعاً مثل ما اسعدتموني و ان شاء الله جميعكم تكملون معاي للأخيرو ننبسط بإنجاز رواية تحمل هدف بالنسبة لي و لغيري كبيـر.. مبروكـ جميعاً انكم عطلتوا.. و مبروكـ للناجحين و حتى اللي تضايقوا من مادة ماتين تذكروا فيه ترم ثاني تعوضون فيه ان شاء الله لا تكدرون خواطركم اللي مضى ما يتعدل.. و اخيراً لـ كل اللي ردوا على روايتي كان بـ ودي ارد عليكم جميعاً بس ماش النفسية هاليومين..!! على اني ناسخة ردودكم من كم يوم بالوورد ابي ارد بعدين الصقها هنا بما ان مشكلة المتصفح للحين بس ماش..!! شكـــرا لكم كلكم و اعذروني على القصور اني ما رديت عليكم الله يسعدكم يارب و يخليكم.. مواعيد البارتات كل سبت بإذن الله.. قراءة ممتعة.. البارت الواحد و الخمسون.. يا ذكرياتي :: خلي عندكـ كرامة يا عطري اللي كل ماأحن فحتي.. اللي رحل قولي له مع السلامة مابيه يطري للأبد . لو سمحتي.. لـ خالد عايش.. فيصل : ما توقعتها كذا..!! انا ما اذكرها زمان و ابوي قال انها جننت عمي يوم تزوجها.. نهى : هههههههههه حتى هي تقولة الله يسامحة جدي زوجها لأبوي و هي بزر.. فيصل : عمرها 14 اول ماهي بزر.. تعرف كل شيء.. نهى : ادري بس مرحلة مراهقة و قبل ما يعترفون بالأشياء هاذي و امي راسها يابس لا قالت كلمة تصر عليها و تسويها.. فيصل منسدح و يناظر السقف و يده اليسار تحت راسة : اجل انتِ طالعة عليها..!! نهى : راسي مو يابس.. كلن يرى الناس بـ عين طبعة..!! فيصل : لا صح ماهو يابس مين يقول اصلاً انتِ راسكـ يابس..!؟ .. الا ما قلتِ لي مو غريب ان عمي يطلق زوجتة منيره..؟! نهى : الا غريب و هالشيء انا مستغربة منه.. بس ازين تجيب المرض..!! فيصل رفع حواجبة : ليش..؟! نهى : دايم مدخلة عصها بـ شيء ما يخصها.. حاطة دوبها من دوبنا على كل شيء..!! ماهي صاحية.. فيصل لف و انسدح على جنبة اليسار و يناظرها جالسة : لا تنظرين للموضوع من هالزواية.. يمكن اللي تسوية بـ حسن نية.. هي عندها ولدين و عيالها الإثنين راحوا بعثة حسب ما أعرف و عايشة ببيت فيه عيلة و كذا فا تبدي رأيها مو اكثر.. نهى : و احنا ما نبي ارائها و اصلاً انا بـ ازوج ابوي قبل لا يفكر يرجعها..!! جلس فيصل من الصدمة : ويش قلتِ..؟! نهى بـ برود : بـ ازوجة.. فيصل : ههههههههههه اعجبتيني يا شيخة اما تزوجينة..؟! طيب رديها له اولى هي فيه دامها بـ عدتها...!! نهى : لا.. ما ابيها بـ ازوجة وحده ثانية..!! قبل لا يفكر يردها.. فيصل : قصدكـ رابعة ماشاء الله.. و بعدين ما يصير عمي يتزوج قبل ما تخلص منيره عدتها.. نهى حطت يدها على خصرها مستنكرة رفضة..!! : و ليش ان شاء الله..؟!! فيصل : شرعاً ما يجوز المطلقة طلاق رجعي حسبة المتزوجة تجلس مع زوجها تتزين له بس انها ما تنام معاه و عمي عنده ثلاث حريم على ذمتة و منيره مطلقة طلاق رجعي يعني للحين زوجتة ما يصير يتزوج الحين لأنه بـ يكون عنده خمس حريم و هالشيء يخالف الدين.. نهى : اهاااا ما دريت ان الموضوع كذا..!! يعني بحط يدي على قلبي لين تخلص عدتها..!! فيصل : نهى ما يصير كرهكـ لها.. يعني انا ماني شايفكـ تكرهين حريم ابوكـ الباقيات مثلها بـ اقول ام حاتم ربتكم طيب ام سعود و ام احمد..؟!! نهى : اولاً انا ما طقتها من اول يوم دخلت فيه البيت.. ثانياً خالة حنان و خالة سارة من زمان من قبل لا انولد وهم حريم ابوي تعودت على هالشيء.. ثالثاً انا احس هالمكان لأمي.. فيصل انصدم : يوم تقولين بـ تزوجين عمي تقصدين امكـ ..؟! نهى بـ ثقة : ايه ليش استغربت ويش يعيب امي..؟! فيصل : مو قصة يعيبها..؟!! بس اولاً ما اتوقع توافق ثانياً اللي اعرفة هي وعمي ما كانوا متفقين ابداً.. شلون تبينهم يرجعون يجتمعون.. عدا انه الأولى ترجع لـ زوجها ابو اخوانكـ ما ادري ويش اسمة اخوانكـ اصغر منكن محتاجينها اكثر يعني ممكن يكونون مراهقين او اصغر.. نهى بـ قناعة باللي تفكـر فيه : ما كانوا متفقين لأن جدي اخطأ يوم زوج امي لأبوي بـ الطريقة اللي سواها و بعدين امي كانت بزر و ماهي مقدرة الأمور لكن امي الحين غير.. و زوجها لو تبي ترجع له ما كان قضت عدتها و حتى احنا محتاجينها احنا ما عشنا معاها من حقنا نعيش معاها.. فيصل يضرب جبينها بأصابعة حتى يرجع راسها على وراء : فتحي مخكـ عمي ما اتوقع يوافق لو ايش.. و بعدين ويش اللي محتاجينها انتن كبرتن يعني ما تحتاجونها مثل حاجتكم و انتم صغار اخوانكم اولى فيها.. نهى بـ قهر : لا و الله ويش رايكـ انت بعد تتركـ اهلكـ كبرت ما تحتاجهم.. فيصل ابتسم : ويش دخل ذا بـ ذا.. انتِ مو راضية تفهمين ويش اقصد.. لو افترضنا الحين ان امكـ خطبوها الإثنين عمي و زوجها و هي بـ ترجع لـ واحد فيهم .. اكيد بـ تحط بـ عين الإعتبار عيالها.. و ما يعني انها توافق على واحد بـ تخلّى عن عيالها الباقين .. تتوقعين مين اللي محتاجها اكثر انتِ و وعد و الا اخوانكم..؟! نهى بـ عناد وهي تحط سبابتها على راسها : احنا.. و انا اول ما القى فرصة راح اكلم ابوي عشان احسم الموضوع و يتزوجها لا خلصت مناير عدتها.. .. قامت من سريرها و الوجع ذابحها.. اتجهت للتسريحة بـ تتصل على امها..!! مريم.. مسكت جوالها حاولت تفتحة و الشحن مخلص..!! : يا الله مو وقتة..!! عشاني ابيها!! ما فكرت فيها الا الحين حتى يقفل جوالي.!! رمت الجوال على السرير و طلعت و هي تعض شفايفها بـ قوة و تتأوة من الألم.. و يد على بطنها و يد على ظهرها ماهي متحملة اللي تحس فيه فوق الثقل وجع ما ينطاق.. اتجهت للمصعد تسكر عليها و ضغطت الزر من غير لا تنتبة لأي دور كانت بـ تنزل للثاني حتى تتجه لـ وحده من خالاتها اكيد ما راح تروح لأم حاتم بعد اللي صار اللي فيها مكفيها..!! لكن الباب انفتح و طلعت حتى تشوف نفسها بالدور الأول اتجهت للصالة و جلست صالبة ظهرها و تأخذ نفس وراء بعض : آآآه ياربي.. رفعت عيونها لـ الساعة المتوسطة الجدار وسط الصالة مكان جلستهم دايم باقي نص ساعة و يأذن .. مسحت على بطنها بهدوء رغم الوجع و هي تصر على اسنانها : اصبر يا ماما شوي .. ما فيني اطلع فوق..!! اصبر لين الصلاة بس..!! آآآآه.. يـــاااتي..!! يـــــااااتي..!! استغربت من صوتها ينادي ياتي نبرتها غريبة .. طلعت من المطبخ : وعد..!! ناظرتها وعد : دانه.. تكفين ..(اخذت نفس) كلمي.. ماما مريم اشحني جوالي و خذي الرقم منه بــسرعة .. انا.. بأولد.. صلبت دانه من صدمتها..!! وهي تشوفها كيف تتوجع.. ما قدرت تتحركـ .. عيونها ترمش بس شيء زيادة ما قدرت تسوية..!! وعد صرخت فيها : دااااااااانه..!! دانه ارتبكت : ويش..!! ويش .. اسوي..؟! ما اعرف..!! وعد صرخت : ليش.. احد قالكـ ولديني..!! روحي .. كلمي امكـ .. او خالة حنان .. بـــسرعة..!! تحركـت دانه و هي مرتبكة طلعت لجناح امها بــسرعة دقت الباب بـقوة و هي تدعي ان ابوها ماهو هنا ما تبي تواجهة بعد اللي صار من ساعات.. لخبطت حتى بالحساب و لا تدري ابوها اليوم عند مين فيهن..!! انفتح الباب ناظرت دانه بـ خالتها مصدومة ناظرت الباب اللي جنبة جناح امها دقت الجناح الخطأ .. دقت على جناح ام سعود .. طالعت في دانه مستغربة من الدق على الباب اللي ينبأ في شيء قالت بـ فزع وهي تلف طرحتها بسرعة أي كلام : دانه..!! خير يمه ويش فيه..؟! دانه : اااا.. وعد.. وعد تحت.. بـ تولد..!! ام سعود تعدتها : تولد..!! الله ييسر لها.. دانه تمشي وراها : تكفين خالة بـسرعة انا ما اعرف .. ويش اسوي..؟! نزلت ام سعود : روحي صحي واحد من اخوانكـ نايمين بالمجلس مع ابوكـ بسرعة..!! وعد اول ما شافت خالتها بكت.. من اول الليل تضغط على نفسها بس ما عادت تتحمل زود.. ام سعود تهديها : اهدي يا يمه لا تخافين ان شاء الله سهالات.. (حطت يدها تحت رجل وعد بـ ترفعها حتى تتمدد على الكنب) تعالي مدي رجلكـ لين يصحى واحد من اخوانكـ ما يصير تجلسين كذا و تضغطين على بطنكـ .. وعد : خالة بـ اموت..!! ذبحني الوجع..!! ام سعود تمسح على شعرها بيدها اليمين : الله ييسر لكـ يا امي.. خلاص هانت.. درعموا كلهم للصالة ابو سعود اولهم ,, دانه من ربكتها صحت كل اللي بالمجلس..!! بدل ما تصحي واحد صحتهم كلهم.. ابوها و احمد و مشعل..!! ابو سعود ما لحق ينام من صدمتة بـ سها ماله ربع ساعة من داهم النوم عينة حتى يفزع بـ دخلة دانه عليهم ترتجف و حكي بـ ولادة وعد : ايش صاير..؟! وعد تأخذ نفس : كأن الوجع خف..!! لفوا على دانه اللي ترجف..!! وما قدرت تتحمل جلست على الكنب مشعل انقهر وهو يناظر دانه اللي فزعتهم : ارتحتي..الحين..؟! وعد : انا قلت لها..!! ام سعود : متى جاكـ الوجع اول مره..؟! وعد : المغرب.. بس كان اخف و كل مره يزيد. ام سعود : لازم نحسب لكـ .. اذا جاكـ مره ثانية و زاد الوجع فـ اكيد انه طلق ولادة.. ابو سعود جلس وهو يمسح بيدة على شعر راسة القصير.. وهو يسمع حكي وعد : لا ما ابي اولد هونت..!! تقولين بـ يزيد..!! يعني بـ اموت..!! ام سعود : ويش هالحكي ليه هو بـ كيفكـ ..؟! قومي تمشي شوي.. وعد : ما ابغى..!! ابو سعود : قومي يا وعد زين لكـ ..لا تعاندين شيء بـ مصلحتكـ .. وعد : و الله تعبانة ما فيني احس بـ يرجع الحين الوجع..!! مشعل انسدح على الأرض بعد ما سحب خدادية من الكنب : لا ولدت علموني مو تصحوني قبل..!! احمد مد يده لها : تعالي انا امشي معاكـ هنا ندور بالصالات مو مبعدين.. وعد صلبت فجأة دنقت تناظر بـطنها.. احمد استغرب : ايش فيكـ ..!! وعد : سمعت شيء طق..!! (صرخت) انفكـت موية البيبي..!! مشعل فزع واقف رغم انه مو فاهم شيء.. احمد صرخ بـ دانه : جيبي عباية بـسرعة..!! دانه ما وقفت من صدمتها ..!! ماهي مستوعبة اخر وحده ممكن يعتمد عليها بالمواقف هي دانه مستحيل تعرف تتصرف من الربكـة ما تعرف تسوي و لا شيء .. ام سعود نقزت تجيب لها اقرب عباية لـ وعد و لها حتى تروح معاهم.. وعد تبكي : بـــابـــا.. ابو سعود جالس جنبها و يضغط على كفها اليسار و يده اليمين على كتفها يهديها : اهدي يا أمي.. وعد : كلم ماما.. تكفى.. قول لـ عماد يجيبها..!! الله يخليكـ.. ابو سعود : طيب.. طيب.. بـ نكلمة بس انتِ هدي..!! ام سعود مدت العباية عليهم : بـشويش عليها.. احمد غطاها بالعباية من غير لا يلبسها و شالها وعد صرخت : لا بـ اعدمكـ ..!! طنشها و طلع فيها و طلع وراه ابوه و ام سعود.. مشعل يناظر دانه : انتِ هيـــه..!!! دانه و هي تناظر المكان اللي كانت جالسة فيه وعد : ويش بـ يصير..؟!! مشعل : ويش عرفني بهالأشياء بس واضح انه شيء خطير..!! بكت على طول وماهي ناقصة شيء عشان يدفعها مشعل لأنها تصيح..!! مشعل ناظرها : هيـــه تراها ولادة مو شيء يخوف.. روحي كلمي وحده من الشغالات تنظف المكان و الا انتِ نظفية..!! (جلس بحماس على الكنب مكان ابوه اول ومد يديه) الله و اخيــراً بـ نصير خوال وناسة..!! دانه وهي تسمع صوت الأذان : اقول قم توضأ بس.. و الا ابو سعود مو فيه بـ تسحب على الصلاة..!! مشعل عفس وجهة : ليش ويش شايفتني ..؟! تراني اصلي لـ ربي مو لأبوي.. و قومي سوي اللي قلت لكـ عليه الحين بـ ينزلون و لا تعلمينهم بـ شيء قولي ابوي راح مشوار مع احمد عشان تصير كذا مفاجأة حلوة..!! دانه : ماني قادرة و الله احس اني بـ اطيح لا وقفت.. وقف مشعل : انتِ ويش تقدرين عليه..؟! ابي افهم..؟! و لا بعد بـ تزوجين..؟! شلون لو انتِ اللي بـ تولدين..!! ههههههههههههههههههههههه.. تركها و راح وهي تسمع ضحكة عليها..!! ما قالت شيء غلط.. هي ان انحطت بـ موقف على المحكـ ما تعرف تتصرف و مو بس هي ناس كثير زيها ما تقدر تسوي أي شيء.. ما تتمنى انها تنحط بأي موقف نفس هذا يتطلب شوي تصرف منها..!! وما يكون عندها احد.. .. بيت عامر جالسين على السفرة.. صوت ام عامر هو اللي يتردد بالمكان اما الأغلبية هاديين صاحين من النوم ..ماله خلق احد فيهم يسولف..!! ام عامر : اصبحنا و اصبح الملك لله.. ويش بلاكم كلن مدني وجهة..؟!! يوسف يتغمط وهو يمد ايدية قد ما يقدر ويحاول يطق ظهرة : نعسان ابي اكمل نوم.. عبدالله يـستهزء فيه : اقول لا تنسى عمي غازي بس.. يوسف : اوووف بـ يجيب اجلي هالعم.. واحد وناشب لي في بلعومي..!! ام عامر : ما عاد باقي الا تدعي عليه..! و انا من عندي غيره هو و ابيكـ..!! ما يكفي شغلة اللي يخليه يروح للموت كل مره..!! يوسف : ما قلت شيء يمه.. بس هو من جد ناشب لي..!!(مسك حلقة) هنا يمه ما ينزرط.. عماد يناظر جوالة يدق : يالله صباح خير ..!! اكيد السنيورة وراء هالمكالمة..!! ام ناصر : مين..؟! عسى خير..!! عماد ينزل فنجال الشاهي : احمد .. الووو .. وعليكم السلام.. صباح النور.. (انصدم وهو يسمع ان وعد بـ تولد) ايش قلت..!؟! طيب طيب أي مستشفى..؟! .. (وقف وكلهم يناظرون فيه) خلاص احمد لا توترني..!! .. طيب مع السلامة..!! قفل الخط حتى يناظر عمتة : وعد بـ تولد و تبيكـ ..!! مريم فزعت واقفة..!! : بـ تولد..!! عماد : ايه بسرعة يا عمة..!!! فزعت عمتة لـ غرفتها تلبس عبايتها..!! ام عامر : ويش قالكـ اخيها..؟! عماد : ما ادري يمه يقول لازم تجي بسرعة و تجيب امها ضروري..!! أنهار تناظرة و تناظر توترة..!! ينتظر مولودة الأول من مره غيرها..!! حرمت نفسها من حبها..!! لا مو هي حرمت نفسها ابوها حرمها.. كان هو متوتر الحين عشانها..! عشان ولادتها هي..!! و انتظروا مولودهم هم الإثنين ثمرة حب بينهم من سنين طويلة..!! لكن مو كل حب نهايتة زواج..!! هي تزوجت و عندها ولدين و الحين تطلقت وهو تزوج و بـ يستقبل مولودة اليوم..!! عماد بـ يصير اب.. ابتسمت شلون بـ يكون اب..؟! بـ ينجح و الا بـ يفشل..؟! خصوصاً مع حالتة هو و وعد..!! شلون بيعيش الولد بينهم اذا هي معلقة و هو بـ يتزوج البتول..!! ما تنكر انها تتمنى وعد ترجع و يطلق عماد البتول قبل ما يتزوجها.. وعد جنة عند البتول و سخافتها..!! ما تدري شلون عماد اختارها زوجة له..!! شكلة ذنب وعد اللي طفشها و بـ يعلقها.. مريم تلبس نقابها : انا جاهزة.. ام ناصر وقفت قدام مريم بحماس لـ حفيدها من عماد الأول اللي تحن عليه سنين يتزوج و كانت شايلة همة : تكفين مريم لا تنسين تبشرينا.. مريم : ان شاء الله.. الله يسهل عليها.. يوسف : ما يصير تأخذوني عشان انا ابشر عامر بن سلامة و اخذ البشارة..؟! عماد يعطية ظهرة بـ يطلع : ما عاد الا هي..!! يوسف انقهر : قهر بـ تروح علي.. و الا كنت طلبت سيارة جديدة (رفع يدينة الثنتين بحماس) طلبتكم ما احد يبشر عمي غيري..!! طلعوا عماد و مريم متوجهين للمستشفى..! عماد ينتظر مولودة الأول اللي ممكن يحل مواضيع مشربكة..!! و مريم قلقة على بنتها اللي طلبتها بـ هالموقف يعني ما نستها لو هي ماهي راضية عليها و ما تبي تشوفها كان راحت مع ام حاتم..! اللي ربتها و هي تسمعها تقولة ماما الكلمة اللي انحرمت منها تسمعها من وعد.. لكن دام تبيها الحين ان شاء الله الولادة بـ تقرب بنتها منها.. بعدها ما راح تتركها ابداً.. ام عامر : يالمشفوح خل البنية تولد بالسلامة ذا هو المهم.. عامر ابتسم : و لا يهمكـ السيارة تبشر فيها بس بـ شرط.. يوسف صفق بـ حماس : وشو..؟! عامر : ترضي عمكـ .. اذا قالي انه راضي عنكـ فا تبشر فيها.. يوسف عفس وجهة و انسدح على جنبة يسند راسة على كفة اليمين : اجل ابشركـ الفلوس بـ تقعد عندكـ و بتدخرها و تطلع زكاتها لا حال عليها الحول ان شاء الله.. : السلام عليكم..!! : وعليكم السلام.. عبدالله : اخيراً شفنا حضرتكـ وين مختفي..؟! محمد جلس بعد ما سلم على ابوه وجدتة و خالاتة و امه : ليش تبي شيء..؟! عبدالله : و لازم نكون نبي شيء عشان نشوفكـ ..؟! محمد بـ ملل من محاضرات عبدالله الدائمة : ماني فايق اتهاوش معاكـ راسي مصدع.. عبدالله : وين كنت البارح..؟! محمد : مع الشباب.. عبدالله بـ حدة على استهتارة : و الدراسة..؟! راجع لي تالي الليل و لا انت مهتم بـ شيء..؟!! محمد : اوووف انا ويش نزلني..!! عامر بـ حزم!! : محــــمد..!! محمد يناظر ابوه بـ قهر من عبدالله : يبه ماني بزر حتى يحاسبني..!! انا ماني اصغر عيالة.. انت ما كلمتني هو يكلمني ليش..؟! عامر : اخوكـ الكبير لا كلمكـ كني انا كلمتكـ .. غصباً عنكـ تحترمة من خوفة عليكـ ينشدكـ .. وهو صادق انت وين كنت عشان ما ترجع غير وجه الفجر..؟! محمد : قلت لكـم يبه مع الشباب بالعزبة.. ام عامر : ومين هم هالشباب الهايتين اللي ما وراهم اهل و جالسين لـ شقة النور و هم في ذا العزبة..؟! محمد : شباب معاي في الجامعة..!! يوسف يسحب على نقاشهم و ينشدة بالموضوع اللي يهمة : شخبـار المباراة مين فاز..؟! محمد : الريال.. ليش ما شفتها..؟! يوسف : عمكـ مشغلني من وجه الفجر و كارفني كرف الحمير..!! كني ذابح له احد.. و المباراة تبدأ متأخر ما فيني شدة انتظرها..!! ام عامر تأشر بـ عصاتها على محمد : ان ما حاكيتة بأمركـ ما ينفع معكـ الا هو دام ابوكـ مهيتكـ و لا انت راد على اخوانكـ عمكـ غصباً عنكـ يقضبكـ الوادي ..!! محمد تنرفز : وهو ايش دخلة فينا...؟! عامر : محـــــــــمد..!!! الا اخوي تفهم و الا لا..؟! محمد : يبه كل شيء تهددونا فيه..!! احنا مو عيالة.. وهو يبي يتحكم فينا و بـ حياتنا.. يحسبنا واحد من رجالة يدبغ فيهم و لا يحكون..!! احنا عيال اخوة غير.. لكنه ما يفرق بيننا و بين رجالة..!! ناصر ارتفع صوتة على محمد فـ عمهم ابوهم الثاني هذا اللي يحسونة مو مثل ما يقول محمد و كأنه يتطفل عليهم..!! : اوووص و قـــص هالحكي ما تنطقة لو عمي هنيا.. لسانكـ ما يطلع من حلقكـ لو هو موجود..!! محمد وقف : ليش يعني خايف منه..! ماني خايف و لا يهمني.. هو عمي له عندي احترمة اما يفرض رأية علي لا و ستين لا.. عامر بـ حزم صارم : غصباً عنكـ تسمع حكية.. و الله يا محمد لو ادري انكـ قايل لـ عمكـ شيء و مزعلة يا ويلك مني.. ما عندي غير ذا الأخ.. تبوني اسمعكم تحكون فيه و اسكت..!! عبدالله : ماشي يا محمد و الله ان حكيكـ ذا يوصلة و هو بـ يعلمكـ شلون تسمع كلامة غصباً عنكـ .. حلوة يفرض رأية لا.. هو عمكـ يعني حسبة ابوكـ .. محمد طنشهم و طلع.. من غير لا يسلم او يحسب حساب شيء.. ما يبي يعطيهم مجال ان غازي يتولى امره و الا بـ يحرمة من كل شيء مثل ماهو ملعوز يوسف الحين..!! وهو مو مثل يوسف..!! .. الدكتورة : لا ما ينفع هي نحيفة و قصيرة و شيء طبيعي تكون ولادتها قيصري.. ابو سعود متوتر : احمد اتصل على عماد شوفة وينه..؟! الدكتورة : احنا بـ نجهزها للعملية على ما يجي زوجها.. عشان يوقع على الأوراق..!! احمد : طيب شكراً دكتورة.. دخلت الدكتورة و احمد ماسك جوالة يدق على عماد و يكلم ابوه و خالتة : شيء متوقع انها تولد قيصري اكيد الدكتورة اللي تراجع عندها قايلة لها بس هي ما قالت لنا.. ابو سعود جلس على الكراسي في الممر : استغفر الله العظيم هالبنت بـ تجيب اخري بـ يوم..!! اهمالها لـ نفسها ماهو طبيعي..!! احمد بـسرعة : عماد وينكـ ..؟! بـسرعة الله يخليكـ .. بـ تلقانا بالدور الأول.. طيب ننتظركم مع السلامة..!! ام سعود : وكل ربكـ.. انتم بس ادعوا لها تقوم بالسلامة.. قاطعهم صوتين يتنفسون بـسرعة من المشي السريع عماد و مريم : السلام عليكم..!! : وعليكم السلام.. احمد مسكـ عماد : استعجل روح للإستقبال وقع على اوراق العملية..!! مريم : عملية..!! ليش..؟! احمد : موية الجنين انفكـت يا خالة و هالشيء خطر عليها وعلى الجنين ما ينفع نتجادل بالموضوع الحين..!! استعجل..! عماد : طيب طيب.. بروح لهم الحين..!! ام سعود وقفت : تعالي استريحي يا ام ريان..!! مريم : ما عليش و الله ام سعود تدودهت.. (سلمت عليها).. ام سعود : ما عليه هدي نفسكـ بس.. ما عليها شر ان شاء الله.. مريم جلست على الكراسي مقابل ابراهيم و جنبها ام سعود .. ابو سعود : شحالكـ يا ام ريان.. مريم : بخير جعلكـ بـ خير يا ابو سعود.. (لفت على ام سعود) شلون ما حست على نفسها..؟! يعني ما جاتها الالام..؟! ام سعود : بنتكـ تقول توجع من المغرب..!! و قومتنا الفجر على اساس بـ تولد بعدين قالت خف الوجع شوي يوم صرخت فينا المويا انفكت.. مريم بـ قلق امومي : استغفر الله العظيم.. هي ويش عرفها اصلا.ً.!! ام سعود : استهدي بالله وعد ماهي صغيرة..!! حرمة ما شاء الله و كل حرمة تمر بهالشيء ان ربي كتب لها.. مريم و كأنها تعرف تصرفات بنتها رغم انها ما عاشات معاها و لا حضنتها و لا مره لكن قلبها ينبأها ببنتها العنيدة!! : الا صغيرة و ما تفهم..!! هي ويش يعرفها بالولادة..!؟ ام سعود : تتعلم..!! يعني كلنا نعرف نسمع من الحريم بس التجربة غير..!! .. متوترين من عدم وجود ابوهم و احمد اللي ناموا بالمجلس..!! خالد : يعني بـ تفهمني ما حسيت عليهم يوم طلعوا..؟! مشعل يراسل احمد و عيونة على الجوال و يرد خالد : لا ما حسيت..!! سعود : الله يستر .. و ابوي ناسي جوالة هنا و احمد مشغول..!! حتى امي ما نزلت للفطور..!! ميار روحي شوفيها ليش ما نزلت للحين..؟!! ميار وقفت : ان شاء الله.. دانه و هي تشوف قلق اخوانها على ابوها و مشعل و لا هامه اهم شيء المفاجأة اللي بيسويها!! : ترى مشعل يكذب..!! كلهم لفوا لها.. حتى مشعل رفع عيونة لها : خيـــر!! دانه تناظر مشعل خايفة يهاوشها بس عادي اخوانها فيه ما راح يقدر!! : حرام عليكـ شوف قلوبهم كيف تغلي..!! مشعل يناظر الجوال : لحظة!! اووووه مشكلة..!! ياسر مقهور من مشعل البارد : اقسم بالله لأهفكـ بـ ثلاجة القهوة..!! ابوي وينه...؟! دانه : وعد تعبت و اخذوها المستشفى.. قالوا بـ تولد.. ارتاحوا كلهم ولادة يعني هوينة خافوا لا ابوهم رجعت له الجلطة خصوصاً انه نام زعلان..و النوم على زعل ماهو زين.. اما الولادة كلهم حاسبين حساب هالشيء دام وعد دخلت شهرها..!! مشعل : دخلوها العمليات.!.! خالد بـ فزع : من جدكـ ..؟! مشعل نزل جوالة جنبة : احمد يقولة.. قلت له ليش يقول لو بأقولكـ ما راح تفهم..!! حاتم : غالباً المرأة القصيرة ولادتها تكون بـ عملية.. لأن الحوض عندها يكون صغير.. ما تحتمل ولادة طبيعية و هالشيء ماهو قاعدة على الكل بس الأغلبية.. سعود : اهااا يعني كذا اهم شيء ما فيه شيء يخوف..؟! حاتم : لا ان شاء الله بس بيكون تعب عليها شوي بعد العملية فترة اكثر من اللي ولادتها طبيعية.. مشعل : بس هم قالوا انفكت مويا ما ادري ايش.. عشان كذا شالوها و اخذوها بـسرعة..!! حاتم : من جدكـ ..؟!! مشعل : دانه مو كذا و الا ..؟! دانه : الا.. حاتم يحاول ما يقلقهم : الله ييسرها.. ان شاء الله يتلاحقون على الموضوع.. خالد : و اذا ما تلاحقوا..؟! حاتم : هم دكاترة و عارفين خطورة الوضع.. ان هالشيء يسبب اختناق للجنين و ضررة على الجنين و الأم.. ياسر : استغفر الله الواحد ماهو ناقص توتر..!! (ناظر مشعل) كلم احمد قولة اول ما يطلعونها يبلغنا مو يخلينا نغلي هنا.. ام احمد : ويش بلاكم كن اخيتكم اول حرمة تولد.. اركدوا.. ميار : الله بـ يكون عندنا بيبي نلعب فيه.. وناااسة..!! احلى شيء صياحهم يجنن..!! سعود يستهزء فيها : لا والله..!! صياحهم..؟! من الحين تبين الإزعاج.. ميار : بسم الله عليكم يالهادين.. جات على نتفة بـ تناشبونة بعد.. خالد : يالله ابراهيم خلص فطوركـ بـسرعة وراي طيارة.. ام احمد : متى بـ ترجع..؟! خالد : بالليل إن شاء الله على 12 كذا.. رند : بابا انا ما تلوح.. خالد يناظر بنتة : و ليش..؟! رند : بتني يعولني..!! ام احمد : يا عزي عنها.. هالبنية ما عندها مناعة كل يومين مرضانة..!! خالد يناظر امه : يمه تسلقها علينا كله عشان ما تروح الروضة..!! (ناظر بنتة) صح و الا لا..؟! رند هزت رأسها : لاااا.. انا تبعانة.. (تناظر جدتها) يمه انا تبعانة..!! ام احمد : تعالي يمه عندي.. (قامت رند بلبس الروضة و جلست بـ حضن جدتها) يــــاتي.. سوي شاهي اخضر لـ رند..!! خالد يناظر بنتة وهو يدري انها تحتال عليهم لأنها لو تعبانة يبين عليها وجهها بيكون احمر و عيونها بـ تدمع و تضعف قوتها بس الحين واضح الكذب من عيونها : لا يمه ماهو شاهي اخضر هاتي الدواء المر عشان بطنها تعورها.. رند فتحت عيونها : دواء مر.!! رند ما تحب دواء.. مو تعم.. خالد : بس انتِ تعبانة لازم تأخذين الدواء عشان تطيبين.. و تصيرين زينة.. رند لفت بـ عيونها و هي حاطة يدها على بطنها : خلاص بتني ما تعولني.. طابت.. مشعل : اووووه اهب يالكذب مسرع..؟!! رند : رند ما تتذب انتِ دبا..!! خالد : رند كم اقولكـ لا تقولين هالحكي..؟! حاتم : خالد لا تهاوشها حرام صغيرة..!! الحين البنت الشاطرة تخلص فطورها و تروح الروضة.. ياسر وقف : يالله صبا..!! قامت صبا شالت لاب توبها و اتجهت للباب شالت كيسين واحد قهوة للبنات بما انها عليها اليوم و الثاني عمل فني..!! ياسر ناظرها : ويش ذا الأغراض كلها..؟! صبا : لازم هذا شغلي..!! مد يده و اخذ الأكياس منها : هاتي انا اشيلها بـ تبتلشين فيها بالجامعة..!! صبا تناظر ظهرة يمشي قدامها غريب الأطوار..!! يقدرها بس ما يبي يسمع صوتها..!! يحترمها حدة يشوف شيء هو ينقدة ما يعجبة ينقلب حالة..!! محتارة كيف تتعامل معاه وهو حارمها حتى من النقاش الطبيعي بينها و بينه..!! يعاملها كأنها خوية و اطرم ما يتكلم..!! علاقتهم ما تعدت هالحدود ابد خلال هالإسبوع..!! الشيء الثاني اللي مستغربتة ما خلاها تروح مع خواتة معني نفسة عشانها هو ما يفتح محلة قبل 9 او 10 الصباح قايم عشان يوديها و يقوم بـ واجبة كا زوج اتجاة زوجتة..!!! ركبت جنبة نزلت شنطة اللاب عند رجلها.. ياسر شغل السيارة و من غير لا يناظرها : ليش كنتِ محتفظة بالمحادثة..!؟! صبا استغربت و احتارت استغربت من السؤال ويش يقصد.؟! و احتارت كيف ترد عليه.. همست بـ صوت رقيق : ايش تقصد...؟! غمض عيونة بـ قوة من صوتها : ممكن تخشنين صوتكـ شوي بما انكـ مضطرة تسمعيني صوتكـ .. صبا انا أكره الدلع اكره الدلع استوعبي الحكي..!! بلعت ريقها : انا كذا و الله هاذي خلقتي ويش اسوي..؟! ياسر : لازم تغيرين من نفسكـ انا ما اتحمل هالشيء.. انا ما اطيق اسمع صوتكـ كيف لو احد مو محرم لكـ سمع صوتكـ تدرين ويش يصير فيني حزتها..؟! (تناظرة ترجف من خوفها هذا التقدير اللي تكلم عنه..!! يعني يغار و الا وشو هي ماهي مستوعبة حكية و تصرفاتة..؟!).. ياسر يكمل وهو يشد على الطارة يفرغ شيء من عصبيتة فيها : لو سلمتي بس و اخواني كلهم فيه انقهر.. ما تعرفين ترفعين صوتكـ شوي و تخلينه طبيعي.. الا تنعمينة هالشكل و تميعينة..؟! هالإسلوب ما يمشي عندي يا صبا..!! انا رجال اكره ذا الحركات.. صبا : ياسر و الله هذا صوتي هاذي خلقتي.. اذا يضايقكـ صوتي انا ويش اسوي..!؟ ما بيدي شيء.. تبيني ما اطلع من الجناح ما طلعت.. بس لا تعاملني بـ هالإسلوب..(انبح صوتها دليل على بكاء قادم) انا ما تعودت على كذا..!! ما تعودت على هالجفاف..!! سكت لما حس انها بـ تبكي..!! ما يبيها تبكي..!! مشكلتة معاها نعومتها اللي حتى بـ صوتها طاغية..!! شيء ثاني عادي حتى لو ما يعجبة بـ يتخطاة.. لكن هالمياعة اللي يشوفها ما يقدر يتحملها..!! عمره ما توقع يتزوج وحده فيها شيء هو ينقدة.. ينقد المياعة يتزوج وحده تقوطر مياعة..!! كل شيء يتحملة الا هالشيء لازم يلقى له حل.!! ما يقدر يتحمل و يصبر واجد اسبوع مر عليه وهو متنرفز .. وحتى لو هو روق حده يسمع صوتها عشان تحضر عصبيتة و بقوة..!! .. الصبح.. سفرة فطور بالمجلس من بعد ما طلق منيره صاير ينام بالمجلس.. ابو سعود : ودي لها اكل.. و لا تكلمينها يا نوال خليها تحس بـ غلطها..!! ام حاتم : خليني افهم منها الموضوع..!! ما ينفع هالوضع..!! ابو سعود : لا.. خليها تحس بـ غلطها وقتها تكلمينها.. الحين لا.. ام احمد : اللي منكم بـ يروح دوامة يمر على المشفى بـ نعطيكم فطور لبنيتنا.. حاتم : ماله داعي يا خالة هم يفطرونها.. ام احمد : الله يكرم النعمة .. هذاك تعده فطور..؟! احمد : اكل صحي يمه يناسب جميع المرضى.. ام احمد : و احنا علينا ببنيتنا بـ نفطرها هي نفاس و تحتاج تتغذى زين عشان بنيتها.. خالد : غريبة ما قالت انها حامل بـ ولد..!؟ حاتم : عادي تصير كثير السونار يكون غلط.. احمد : يبه ويش فيكـ ما تقهوى..؟! ابو سعود : مالي خاطر فيها.. سعود : راسكـ بـ يصدع لو ما تقهويت.. ام سعود : و الله اني ما حسبت وعد تراضي امها..!! كاسرة خاطري هالبنت..!! خالد : ليش..؟! ام سعود : امس متعلقة بامها و نايمة بـ حضنها و الله كنها صغيرة ماهي حمل الشقا اللي شافتة..!! ياسر : لا يحمل نفساً الا وسعها يا خالة.. هذا المكتوب..!! ام سعود : الله يكون بـ عونها .. عسى عماد ما يقهرها في بنيتها..!! ابو سعود : ما راح اسمح له.. لو اضطريت اذبحة ما خليتة يقهرها فيها..!! يكفي اللي سواه فيها و انا للحين ساكت عنه.. مشعل : طيب ليش ما تخليه يطلقها الحين..؟! ليش تصبر لين تخلص وعد نفاسها..؟! ابو سعود وده يهفة بـ علبة المناديل : حتى احكام شرعكـ ما تعرفها..؟! ما يصير طلاق الحائض و النفاس.. خالد : و مغرز ست سنين بالثانوي كل سنة بـ سنة و ما انت فاهم..؟!! و داخل قانون بعد..؟! مشعل طفش : خلاص طيب فهمت ما يحتاج التهزيء..!! ابو سعود : متى تخلص اليوم..؟! مشعل وهو يدري بالحكي اللي بـ يقولة ابوه : الساعة 3 .. ابو سعود : لا تتأخر.. ثلاث و نص و انت بالبيت..!! مشعل من غير لا يرفع عيونة : ان شاء الله..!! سعود يناظر جوالة يطق : غريبة وعد اكيد تبي شيء..!! هلا.. (وقف مصدوم لما سمع صوت خالتة مريم) ويـــش..!! .. خالة ويش هالحكي..!؟ (مسك شماغة و عقالة) خلاص خلاص انا جاي.. .. في المشفى الوضع متردي.. على الجهتين.. بـ غرفة وعد مع امها.. و عماد الواقف على باب الحضانة مع عمة.. غازي بـ حزم : عماد اهدأ ماني قادر افكر بسبتكـ.. عماد يصارخ : شلون تبيني اهدأ.. علمني شلون و بنتي اخذينها..!؟ غازي : شلون يطلعون بزر من المشفى بدون امه تالي الليل..؟! نايف : سيدي ما لقينا اثر لها فتشنا كل الغرف ما لقينا بزر نفس الصورة.. عماد : اخذوها و الله هم اخذينها.. و الله مو غيرهم.. الله يأخذ ارواحهم..!! عساف بـ حزم : عماد اهدأ .. توتركـ ما راح يجيب نتيجة.. خلنا نعرف نفكر.. : ايش القصة..؟! لفوا على ابو سعود و عيالة كلهم واقفين معاه.. غازي اخذ نفس و بـ هدوء عكس كل انفعالاتة.. تعود بنتة بعد مفقودة..!! : البنت اختفت من الحضانة.. دورنا عليها بالمشفى كله ما هي موجودة.. سعود عقد حواجبة بـ قوة : شلون يعني ماهي موجودة..!؟ شلون تنخطف بزر توها مولودة.؟! عساف يفكر بالموضوع من جميع الجوانب : خلونا نحقق مع الممرضات قسم الأطفال.. نشوف مين مناوب البارح.. مشعل : وعد ما درت للحين .. لو خالتي تضعف و تقولها بـيصير فيها شيء.. هي تصر عليها تبي تشوف بنتها و مبتلشة فيها.. عماد ضرب رجلة بالجدار .. كل خلية ترجف فيه قلق وخوف و عصبية و قهر على بنتة اللي ما وصل عمرها يوم لـ حد هالحزة..!! : انا متأكد انهم هم.. هم اللي مأخذينها.. و الله لأشرب من دمهم.. نايف : عمــــاد.. ويش ذا الحكي..؟! لا احد يسمعكـ و تصير مصيبة.. هذا الكلام ما ينطق بأي مكان.. عماد كتف يدينة و سند ظهرة للجدار : ويش تبوني اسوي..؟! علموني ويش اسوي..؟! انا ما لحقت افرح فيها.. ما شلتها الا شوي .. يأخذونها ليش..؟! ويش بـ تفيدهم فيه.. عساف بـ ثقة : بـ تفيدهم لأنها بنتكـ .. عشان يجيبون راسكـ فيها.. عماد شد على ياقة ثوبة المبهدل من دخل و انصدم يوم ما شافها راح و نشد عن غرفة وعد و كلم عمتة و قالت له ما جابوها لهم جن جنونة وهو يفتر بالممرات لين دق على عمه و قالة ان بنتة انخطفت : و الله لأوصل لهم و اذبحهم واحد واحد.. في غرفة وعد.. مريم تحاول تهديها مصره وعد تروح الحضانة و هي ما تبيها تروح.. وعد : ليش ما تبيني اروح..؟! كلهم شافوها البارح.. انا ابي اشوفها.. مريم : يا بنتي ما يصير اللي تسوينه.. هم بـ يجيبونها لكـ.. وعد : و انا ماني صابرة يا ماما ابي اروح اشوفها ما راح اطول بس شوي.. مريم تجاهد على انها تجلد قلبها ما تبي تضعف و بنتها تضعف معها : ليش ما فيكـ صبر خلاص انا بـ اكلمهم يجيبونها.. بس انتِ اهدي..!! وعد : انتِ مخبية شيء عني..؟! بنتي فيها شيء وما تبين تقولين لي صح يا ماما..!؟ فيها شيء..؟! مريم بلعت غصتها : ان شاء الله بـ خير .. بس.. وعد ما انتظرتها تكمل وهي تلبس عبايتها و تلف طرحتها و تلبس نقابها : ما راح انتظرهم انا بس بـ اشوفها ما راح يمنعوني انا امها.. طلعت وعد حتى تلحقها امها تحاول تثنيها تبي تأخر فجيعتها.. تأخر آلمها.. : يا بنتي انتِ تعبانة.. تكفين تعالي معاي..!! وعد وقفت على الرسبشن : وين الحضانة..؟! الممرضة : اخر ممر.. بعدين روح يمين.. مريم : خلاص.. اجلسي انا بـ اروح اجيبها.. وعد : مانيب جالسة هم أصلاً ليش يخلونها بالحضانة..؟! احمد قال ان صحتها زينة..؟!.. مريم : يا ماما روحي غرفتك و ارتاحي و انا بـ اروح اجيبها.. وعد تمشي بالممر قلبها ينغزها صحت مفزوعة من نومها تبي تشوف بـنتها و ترتاح لفت يمين حتى تشوف الناس واقفين عند باب.. قربت حتى تتعرف عليهم.. ابوها اخوانها كلهم عدا وليد طبعاً الغايب بالفترة الأخيرة عماد غازي عساف وصاحب عماد الجاسوس عزام و واحد ما تعرفة نايف طبعاً.. مشعل يناظر الممر بعد ما سمع اصوات و شافها جاية و معاها خالتة : يبه.. لف ابو سعود له و مشعل عيونة عليهم : وعد..!! قربت وعد وهي تشوفهم مصدومة وجودهم جميعاً.. و عساف و صاحب عماد و الثالث لابسين زيهم العسكري.. : انتم ليش هنا..؟! سعود يناظر خالتة مريم : ليش.؟! مريم تراجعت عشان الرجال اللي مو محارمها.. اما وعد عقلها فاقد للوعي اصلاً عشان تستوعب : ما قدرت عليها.. ابتعدوا عساف و نايف و عزام لأخر الممر.. و الباقين يناظرونها شلون بـ يخبرونها.. وعد تهز راسها متشتتة : ليش..؟! بنتي فيها شيء..؟! عشان كذا انتم هنا..؟! ما احد رد عليها.. ويش يقولون لو هي مريضة يقدرون يقولون لها اهون بـ كثير من انهم يقولون لها ما لقوها اختفت ما راح تشوفينها.. اتجهت للباب بـ تفتحة وقف سعود بـ وجهها : وين رايحة..؟!! ممنوع تدخلين الحضانة..!! وعد تراجعت خطوة و عينها على سعود : ليش ممنوع..؟! سعود يحاول يكون هادئ عشان ما تشكـ بـ شيء : لأنه ماهو وقت زيارة.. وعد : و ليش انتم هنا..؟! اذا هو مو وقت زيارة ليش انتم واقفين..!؟ طلعت الممرضة من الغرفة وهي تشوفهم.. وعد مسكتها : وين بنتي.. ابي اشوفها؟! الممرضة : ايش اسم انتَ..؟! سعود يناظر الممرضة..و يكلمها بـ حدة : روووحي.. يوم شافت نظرة سعود وكل الواقفين هنا مع المشكلة اللي صايرة بالحضانة من قبل الفجر اختفاء الطفلة انحاشت و هي ما تشوف الدرب من الخوف و التعرض للمساءلة.. وعد ناظرت سعود مصدومة : ويش اللي ما تبوني اعرفة.؟! ليش تطردها..؟! سعود حط يده على كتفها : تعالي لازم ترجعين غرفتك ترتاحين.. وعد ابتعدت عنه و صرخت فيه يمنعها ليش ..؟! ما يراعي قلبها خوفها امومتها المتفجرة : سعوووود.. عماد الواقف وراها و بعيد عنها بكم خطوة مستند على الجدار : بنتكـ ماهي هنا.. كلهم التفتوا لـ عماد وهي لفت معاهم تناظرة .. ما استوعبت الكلمة ابتسمت بـ غباء من وراء النقاب : كيف ماهي هنا..؟! عماد بـ نفس النبرة : اختــفت..!! وعد تحاول تركب الكلام على بعضة!! بنتها اختفت..!! : نعـــم..!! سعود يناظر عماد منقهر هو يساحلها بـ يرجعها الغرفة يروح هو يقولها من غير لا يحسب حساب شيء : عمـــــــــاد..!! وعد دفت باب الحضانة و دخلت وقفت تناظر الأطفال بعضهم يبكون و بعضهم نايمين.. لفت بين الأسرة بـ ضياع تقرأ اسمالأم .. الأسم على معصم كل طفل و طفلة صغار متأملة تشوف اسمها هي وعد ابراهيم .. و كل مره تلقى اسم مو لها تبكي و تشهق مع كل طفل و طفلة رغم انها تدري جابت بنت لكنها حتى على العيال اللي ملفوفين باللون الأزرق مرت عليهم.. ما احد فيهم دخل وراها ظلو واقفين يشوفونها من القزاز على الجدار ما احد فيهم له قوة يمنعها من اللي تسوية بـ نفسها و تفجع نفسها بأشنع طريقة.. كلهم بـ يبتعدون عن تأكيد فجيعتها لها.. امس صارت ام.. و فجر اليوم هي ام محرومة من ضناها.. ياسر دف الباب و دخل : وعــــد.. وعد واقفة بالنص عيونها تدور عليهم تبي تشوفها احمد قال انها تشبه لها تبي تعرفها.. انحنت تضرب افخاذها بـ يديها : لاااااا .. لااااا.. مسكها ياسر و كتف يدينها قدامها على بطنها رفعها عن الأرض و هي تحاول تفلت منه طلعها من الحضانة و هي تصرخ و تبكي.. وعد : لاااااااا .. ليـــــــــــش.. لــــــــيش انا..؟! لاااااااا ما شفتها.. ما شفتـــــــــــــها ما اعـــــــــــرفها.. انـــــا.. مــا أعـــــــــــرف .. بنــــــــتي.. ياسر شاد عليها عشان ما تفلت منه و تضرب نفسها خصوصاً انها طالعة من عملية ما امدى جرحها يبرى : خلاص خلاص بـ يلقونها و الله بـ يلقونها.. احمد مسك يدينها : تكفين لا تسوين بـ نفسكـ كذا .. بـ ترجع لكـ .. ما احد يقدر يأخذ طفلة صغيرة و يعتني فيها.. وعد تصرخ فيهم مجزوعة من اللي يصير لها : لاااا يذبحونها .. و الله يذبحونها.. ابيـــــــــها.. ابي بنــــــــتي انا احــــق فيها.. لا غازي و لا ابراهيم قدر احد فيهم يتدخل و يهدي الموقف لو بـ كلمة وحده.. ابراهيم قد انفجع مرتين مره بـ ميار و مره فيها هي.. و غازي اللي ما زال مفجوع بـ بنتة ما يدري ارضها من سماها.. ما احد كثر الإثنين يحس بـ وجيعتها.. حتى غازي يحتاج مين يهدية هو ما زال فاقد بنتة.. صار له شهور ما يدري عنها ست شهور .. نص سنة ما يدري وينها ما شافها ما تطمن عليها.. كل ليلة يدخل البيت يمر على غرفتها متأمل يكون كل شيء يعيشة كذب و يشوفها قدامة جالسة على سريرها بالظلام.. او منسدحة بـ تنام.. وعد ما زالت منهارة و انهيارها يزيد و اخوانها يحاولون يهدونها الناس تجمعت عليهم وهي ما هي راضية تهدأ.. نايف و عزام في جهة ما يبون الناس يقربون منهم.. عساف واقف في جهة من الممر و كل شوي يسترق نظرة لها..!! نظرة يتطمن عليها..!! حاس بـ وجيعتها..!! لأن قلبة معاها هي..!! روحة ساكنة بـ روحها.. وجيعتها وجيعتة.. و فجيعتها فجيعتة.. حتى لو البنت ماهي بنتة..!! يكفية انها بنتها هي..!! بنت وعد..!! وعد تناظر زول عماد وهي ما تشوف تفاصيلة من الدموع : كلـــه منكـ انت..! كله منكـ انت اللي غصبتني و حملت.. انت السبب ما راح اسامحكـ .. ما راح اسامحكـ .. كله منكـ انت جبرتني.. عماد اصلاً معصب و مقهور و الوضع اللي يعيشة نفس وضعها.. اثنينهم فاقدين نفس الضنا اثنينهم مقهورين نفس القهر اثنينهم وجيعتهم وحده.. بدل ما يقربهم هالشيء زادهم نفور .. عماد يأشر على نفسة : كله مني..؟! .. لا يا ام يا صالحة يا مهتمة لو فيكـ خير ما تركتيها برا غرفتكـ .. ما كان سمحتي لهم يخلونها بالحضانة و هي ما فيها شيء من امس لليوم بس لأنكـ مو كفو تكونين ام..!! ســعود صرخ بالإثنين : بـــــــس.. صاحين انتم..!؟ فضحتونا بالعرب.. هذا حكي ينقال..؟! وعد صرخت على اخوانها : اتركوووني.. اتركوووني بــ أروح اشوفها.. عماد اللي وصل التوتر معاه لأقصى مراحلة قرب منها و ياسر مازال ماسكها مد يده لـ رقبتها من تحت طرحتها لأن عبايتها الراس طايحة على كتوفها و ضغط على عرق الحياة حتى تنهار قواها و ياسر يناظرة مصدوم : ويش سويت..!؟ عماد عطاهم ظهرة : احسن من اللي تسوية هي.. (و مشى و خلاهم.. يبي يحل و يربط و صراخ وعد يرن بإذنة ماهي حاسة بـ وجيعتة هو.. ماهي بنتة بعد..؟! شلون ما تبيه يحس.؟! كيف تلومة..!؟).. ياسر شالها وهو يصر على أسنانة : ان ما ذبحتة هالعماد بـ يوم ما اكون ياسر.. جلس ابراهيم على الكراسي وهو يشوف عيالة كلهم متجهين لـ نفس المكان مع مريم غرفة وعد.. جلس غازي جنبة.. يناظر الأرض.. ابو سعود مصدوم : اللي تشوفة هالبنت ماهو شوي.. ليتة فيني و لا فيها.. ليتها وجيعتي و لا هي وجيعتها.. انا تعودت خلاص.. بـ اصبر و اتحمل.. هي عودها ضعيف قلبها صغير ما راح تحمل هالفجيعة..!!.. غازي يحاول يهدي قلبة قبل كل شيء..!! : الله يرد كل ضايع لأهلة.. و يطمن كل قلب شفقان.. ابو سعود يناظرة : ما فيه اخبار عنهم..؟! غازي مخبر ابراهيم عن بنتة و عن وليد اللي طلب يتزوجها : لا.. بعد اخر رسالة اللي حكيتكـ عنها ما استجد شيء..؟! ابو سعود : تهقى هم مأخذين بنت وعد..؟! غازي : البنت ماهي موجودة بالمشفى كله.. و انا وصيت الرجال يراجعون كاميرات المراقبة بس للحين ما فيه جديد وماني متوقع نشوف احد مشتبة فيه لأنهم ان طلعوا طفلة اخر الليل بـ يشكون فيها حتى لو استعانوا بـ حرمة تشيلها على اساس انها بنتها.. متأكد انهم طالعين من ابواب الطوارئ ما عليها كاميرات المراقبة.. عدا انهم ممكن مطلعينها بأي طريقة ثانية يسوونها انا ما استبعد عليهم شيء..!! .. المقر السري.. اشخاص يحسون بـ ضغط فضيع.. يحاولون يتصرفون عكس قيمهم مبادئهم اخلاقهم و الأهم دينهم..!! ايمن المنذر يحاول يضغط على نفسة بالتدريب عشان ما يفكر باللي قاعد يصير لهم يحس بأي لحظة بـ يفضح نفسة و بيذبحهم و الحرس بـ يذبحونة بعد ما يقضي على اهم الرجال.. اخذوا بنت اختة عشان يستغلون اختة و يجيبونها.. ويش حالها الحين..؟! ما يكفي هي انخطفت الحين يخطفون بنتها..؟! ليش يختارون وعد من بِدهم كلهم ليش يوجعونها هي مو غيرها..؟! غمض عيونة وهو يسمع صراخ البنت الصغيرة تبكي.. طلع من جناح الصقر اللي بالفترة الأخيرة مدقق عليه و مو مخلية يتنفس.. شافهم جالسين كلهم عدا رئيسهم طبعاً ما شافة و لا مره.. جلال رفع رجلة اليمين على الكنب : اووووففف و احنا بـ نجلس نتحملها و هي تصيح.؟! صلاح بـ قهر : صوتها مزعج.. حق من يكتم انفاسها.. الصقر : ليش نجيبها اجل..؟! حياتها تهمنا.. بنجيب امها عند رجولنا من وراها.. كتف ايمن يديه وساند ظهرة على الجدار يناظرهم .. يسمع حكيهم ما راح يسكت.. ما راح يخليهم يسوون لها شي.. خالها هو خالها.. هو هنا عشان يحمي اهلة و وطنة ضحى بـ حياتة حتى دراستة اللي على اساس بـ يكملها من بعيد لـ بعيد الصقر ما خلاه.. ما ضحى بـ روحة عشان يهدمون حياة اختة و بنتها!! سطام يناظر ....... : ليش ما تعطيها بنت غازي خلنا نستفيد من وراها.. ناظرة يضيق عيونة فيه : و ليش ابتلش انا فيها بـ تكون بجناحي يعني ازعاج.. و ازعاج بنت غازي مكفيني.. الصقر يتأفف : اوووف على ذا الصوت صيحة وحده ما سكتت.. ايمن صلب نفسة و اتجه للكرسي اللي حاطينها عليه البنت حتى دموعها نزلت قلبة يعووورة : انتم اللي ابلشتوا انفسكم فيها.. فيه مليون طريقة توصلون فيها لأهدافكم بدون لا تخطفون بزر و تبلشون انفسكم..؟! مين بيهتم فيها..؟! اذا ظلت على هالحالة بـ تروح فيها.. و حياتها هي اللي بـ تجيب امها مثل ما تبون.. الصقر يناظر ايمن : ويش رايكـ تهتم فيها انت..؟! ايمن ناظرة وهو قلبة بـ يطلع من مكانة قهر و خوف عليها : طبعاً تستهزيء..؟! الصقر ناظر ............ : خلاص انت عطها زوجتكـ علمها انها بنت عماد ولد عمها و بتهتم فيها.. ما فيه مره هنا غيرها و الا لا يكون بنجيب لنا وحده تراعيها..؟! ناصر : ما فيه الا ذا الحل هي بـ تعرف لها اكثر منّا .. اصلاً ما احد فينا عنده استعداد يراعيها.. وقف .... : بأخذها لها بس لو تزعجني بـ اطلعها و تحملوا صياحها انتم.. اتجه للكرسي عيونة بـ عيون ايمن المنذر.. كل واحد فيهم ينظر للثاني بـ طريقة واحدة .. شال البنت و اتجة لباب جناحة فتحة حتى يدخل و يسكر الباب وراه.. فزعت وهي تناظر البيبي بـ يدة وقفت : ويش ذا..؟! : ويش تشوفين..؟! تهتمين فيها..!؟ لينا مصدومة : شلون..!؟ نزل الكيس على الأرض : اول شيء سكتيها.. فيه اشياء جايبينها لها حليب و ما ادري ايش.. لينا ما طاوعها قلبها و هي تسمع صياحها اتجهت على طول للكيس و فتحتة سحبت الرضاعة و الحليب.. قامت تجري للغلاية شغلتها على ما تغسل الرضاعة لفت عليه : كم اسوي لها..؟! جالس على الكنب و البنت بحضنة يهزها : ويش عرفني البنت جعانة.. لينا سحبت الغلاية تصب في الرضاعة وهي رفعتها عشان تشوف الأرقام : بسوي اثنين دامها جعانة .. كم عمرها..!؟ بـ ملل : خلصيني سكتيها اول شيء.. لينا ترجع الرضاعة و تحطها على خدها تشوف حرارتها : احسها حارة عليها..!؟ تنرفز : يالله يا لينا.. حطيها بـ مويا بارد لازم اعلمك..!؟ لينا تناظرة : لا تصارخ علي فاهم.. ترى انا اسوي اللي ابيه.. احمد ربك جالسة اساعدك.. و انت جايب لي بنتكـ .. يصرخ عليها : ماهي بنتي و خلصيني.. لينا تشطف الرضاعة بالمويا البارد و ترجها شوي و حطتها على خدها : ان شاء الله تكون زينة .. اتجهت له بـ تعطية الرضاعة .. ناظرها وهو يشوفها تمدها له : وشوو..؟!!! خذيها انتِ رضعيها انا ويش عرفني..؟! لينا تتحلطم : حتى انا ما اعرف لو تشرق ويش اسوي..؟! : ما راح تشرق اجلسي بس و ارفعي راسها شوي بـ يدك امي كانت تسوي كذا.. جلست جنبة لأول مره بـ رضاها حطها بـ حضنها .. لينا : طيب افتح غطاية الرضاعة.. سحبها من يدها بـ ملل و شال الغطاء : امسكي.. لينا رفعت راس البنت بـ يدها اليسار و مسكت الرضاعة باليمين حطتها بـ فمها حتى تمص الصغيرة بـسرعة.. : كذا..؟! من غير لا يناظر : ايه.. لينا تناظرها : يا حياتي شكلها جوعانة حيل..؟!! مين هاذي..؟! بـ هدوء : بنت عماد.. لينا اتسعت عيونها وهي تنقل نظرها بين البنت و بينه : ميـــن..؟! بـ نفس الهدوء : بنت عماد ولد عمك و وعد بنت عمتك.. لينا مصدومة من قلوبهم اللي عايشين فيها : ليش..؟! حرام عليكم..؟! حرام اللي تسوونة..!! تخطفون بزر من حضن امها ما كفاكم خطفتوني من اهلي..!؟ ما يكفيكم الكبار اللي تأخذونهم تخطفون الصغار..!؟ سند ظهره على الكنب و كوعة على طرف الكنبة المرتفع و يضغط على جبهتة : ماني فايق لكـ ماهو انا اللي جايبها هم اللي جابوها.. و ما فيه غيركـ هنا بـ يهتم فيها زين.. البنت من جابوها و هي تبكي.. خليها عندكـ تتونسين فيها.. لينا حضنتها لـ صدرها : الله لا يسامحكم.. الله لا يسلم فيكم مغز ابرة.. فتح عيونة وهو يناظر عيونها دعوتها من قلب قلبها : آميــــن.. لينا : تأمن على دعوة عليكـ..؟! اصلاً من زمان و انا متأكدة ان قلبكـ ميت.. اللي يخطف بنات الناس وين يكون قلبة حي..؟! انتم ناس بلا ضمير.. : ابي اقولكـ شيء بس ابيكـ تحلفين برب الكون انه ما يطلع منكـ كلمة وحده.. لينا صدت عنه : ما ابيكـ تقول لي.. ويش يضمنكـ ما افشي اللي بـ تقولة حتى لو حلفت لكـ يمكن انعديت منكـ و ضميري مات.. من عاشر القور 40 يوم صار منهم.. و انا معاشرتك ست شهور.. : ست شهور بس ما تعرفيني لكن انا اعرفكـ و اعرف عنكـ كل شيء.. لينا تنقل نظرها بين و بين البنت بحضنها : ما يشرفني اني اعرف واحد مثلكـ .. سحبها من قميصها وهو يفرك كفة عشان يشدها له : غصباً عنكـ يشرفكـ .. منبهكـ انا عند طوالة اللسان لكن انتِ ما تفهمين الحكي.. انا مدلعكـ ست شهور و انا زوجكـ و حضرتك عايشة بالهنا.. من اليوم يا لينا من اليوم بأخذ كل شيء منكـ..!! حقوقي كلها بأخذها..!! اتسعت عيونها حاولت تبعد عنها بس ما قدرت غير تبعد راسها على وراء : تخسى.. شدها له بـ قوة : و غصباً عنكـ ماهو برضاكـ انتِ زوجتي بـ شرع الله و وريتكـ عقد الزواج و انا مدلعكـ و محترمكـ لكن انتِ ما تستحقين الإحترام.. انا اوريكـ ويش اسوي فيكـ ان ما خليتكـ تحسبين حساب الكلمة قبل لا تنطقينها.. لينا بـ تبكي الا انه يستغلها : حرام عليكـ اللي تسوية فيني.. انا ما تزوجتكـ برضاي.. وقف بعد ما دفها و ظهرها صكع بالكنبة : اهم شيء انا راضي.. و حقي بأخذة من اليوم.. .. استغفر الله العظيم و أتوب إليه.. لا أحلل نقل الرواية دون ذكر اسمي.. مواعيد البارتات كل سبت.. هاشتاق #رواية_لو_سألتي_الورد ضحكة قهر.. http://up.graaam.com/img/23407876b74...eba11d9f14.pnghttp://up.graaam.com/img/c433481acf7...1de64fbad2.png |
رد: لو سألتي الورد وهو ما بين إيدك أقطعك بيقول لك عمري فداك الكاتبة / ضحكة قهر
ماشاء الله روايه جميلة قريتها كلها ممكن اعرف نهايتها امتى
|
رد: لو سألتي الورد وهو ما بين إيدك أقطعك بيقول لك عمري فداك الكاتبة / ضحكة قهر
السلام عليكم ورحمة الاه وبركاته
شكرا اختي اسطوره على نقل الروايه الرائعه تثبت الروايه+تقييم |
رد: لو سألتي الورد وهو ما بين إيدك أقطعك بيقول لك عمري فداك الكاتبة / ضحكة قهر
مسا الخير
ما صدق أن الرواية هون سعيدة جدا شكرا لنقل الرواية رواية رائعة جدا وجميلة ومحمسة وبتجبر القارئ أن يتفاعل مشكورررررررررين |
رد: لو سألتي الورد وهو ما بين إيدك أقطعك بيقول لك عمري فداك الكاتبة / ضحكة قهر
بسم الله الرحمن الرحيم..
السلام عليكم و رحمة الله و بركاتة.. إنا لله و إنّا إليه راجعون.. اعزي نفسي و اعزي جميع المسلمين و العرب كافة في وفاة قائدنا والدنا و حبيبنا عبدالله بن عبدالعزيز.. الله يرحمة و يغفر له و يسكنة فسيح جناتة.. عظم الله اجر الوطن و عظم الله اجر شعبة و عظم الله اجر المسلمين.. انا اعتذر عن تنزيل بارت هالإسبوع.. النفسية مو متحملة تعديل على اللي كتبت حاولت بس!!.. وفاتة صدمتنا !! الله يرحمة يارب.. و الله يحفظ ملكنا سلمان بن عبدالعزيز و ولي العهد الأمير مقرن بن عبدالعزيز و ولي ولي العهد الأمير محمد بن نايف .. الله يوفقهم و يسدد خطاهم.. عظم الله اجركم.. ضحكة قهر.. |
رد: لو سألتي الورد وهو ما بين إيدك أقطعك بيقول لك عمري فداك الكاتبة / ضحكة قهر
اعجبتنى الروايه جدا متابعه معك ان شاء الله
قرأت الاجزاء كلها مجمعة وفى انتظار الجديد ان شاء الله واخيرا عظم الله اجركم وعوضكم الخير ان شاء الله |
رد: لو سألتي الورد وهو ما بين إيدك أقطعك بيقول لك عمري فداك الكاتبة / ضحكة قهر
بسم الله الرحمن الرحيم..
السلام عليكم و رحمة الله و بركاتة.. مساءكم خير و سعادة.. بداية انا كان ودي اخلي البارت اطول و اطول عشان اعوضكم بس ما قدرت..!! تعبي هالإسبوع اخذ وقتي مني.. يا دوب خلصت هالبارت بس ان شاء الله ما راح انسى التعويض لأني وعدتكم فيه.. اشكر كل اللي سأل عن صحتي مشكورين ما قصرتوا كلكم.. و الحمدلله انا احسن بـ كثير.. بالنسبة للبارت احسه مليااان احداث..!! ما ادري هذا احساسي.. و شسمة فيه شيء صدمة لكم بـ خصوص وليدان ^_^.. و بصراحة كنت بـ اكشف عن اسم المجهول و بأخر اللحظات شلت الجزئية حقتة.. قلت بـ اشوف ترسون لي على بر و تعرفونة و البارت الجاي ممكن يطلع المجهول بإسمة.. اللي بـ تعرفة تقرأ اللي بين السطور.. كتبت لكم تلميحين في بارتات قبل.. و هالبارت فيه تلميح.. اذا ما عرفتوه خلاص بـ تقرونة بالصريح.. بليز اللي ينتظرون البارت لا تحطون لي ردود مالها داعي من اول اليوم .. انا وعدتكم السبت يعني السبت بإذن الله .. لا تخلون الرواية تحمل ردود مخالفة و تتقفل..!! اخيـراً.. يا هلا فيكم كلكم قراء قُدامى و جدد .. يسعدني تواجدكم .. و شكـراً لكل شخص رد على روايتي و اعطاني شيء من وقتة يكتب لي تعليق على البارت.. و سوري اللي ما رديت عليكم.. صايره ماش انا هالأسابيع.. رغم اني و الله ناسخة ردودكم البارح كلها و حاطتها بوورد و حافظتها عندي بس ما امداني ارد عليكم.. لا تنسوني من دعواتكم.. اتركم مع البارت.. قراءة ممتعة.. البارت الثاني و الخمسون.. لا ترمي احساسكـ على اي مخلوق حتى لو ضلوعكـ وراهم .. / تشبّكـ .. لا صار قلبكـ في هوى الغير مسروق ماهو ضروري من تحبة .. / يحبّكـ .. لـ عبدالله بن غصن.. بيت غازي في الصالة امال و ريما و ندى.. امال : و الله ما ظنتي له يومين لاهي مع عماد بعد اللي صار لـ بنتة..!! (بعد ما نطقت كلمتها انتبهت انها زلقت بالحكي و قالتة عند ندى اللي ما عرفت..!!).. ندى بإستغراب : ليش ويش صاير للبنت..؟! امال ضاعت نظراتها : ما ادري..!! ندى : شلون ما تدرين..؟!! اصلاً انا مستغربة من ولدت وعد ما شفت ابو شوق و اذا اتصلت عليه بـ استأذن منه عشان اروح بيت اهلي ما يرد علي..!! يعني اكيد صاير شيء..!! ويش فيها البنت..؟! امال تنهدت : اختفت..!! ندى بققت عيونها من الصدمة : ويش..؟!! متى صار هالحكي..؟! امال : لهم يومين حايسين..!! ندى مصدومة : طيب شلون اختفت مو معقول..!؟ انا كلمت وعد يومها و قالت حاطينها بالحضانة..!؟ امال : وهم اخذوها من الحضانة اسهل لهم من انهم يأخذونها من غرفة امها.. ريما : طيب ليش..!؟ امال : ابوك ما قال شيء اصلاً ما رجع.. ندى وقفت : ابي اروح لأهلي.. ما ودي اكلم اخواني و ادري انهم مو فاضين.. بروح مع السواق.. ريما تناظرها : كلمي بابا.. ندى تفكر ما راح يرضى تروح مع السواق و لا يرد عليها عشان يوديها و فوقها هي ما قابلتة بعد اللي قالتة لها ريما الا شوي و نامت عشان ما تواجهة يومها ..!! : لا.. ما بعد انهبلت.. يمكن معصب من اللي صار..(تناظر امال) هو يعصب اذا توتر الوضع زي كذا..؟! امال : احياناً خصوصاً اذا لقى من يستفزة بـ يحط الحرة دايركت فيه.. ندى بلعت ريقها و جلست مسكت جوالها : اجل بـ اشوف مشعل ازين.. امال ابتسمت : ليش تخافين منه..؟! ندى بـ ثقة : ما اخاف.. بس ما احب احد يعصب علي.. ريما تبي ندى تتصل على ابوها و هو يعصب عليها كذا بس تبي تشفي غليلها و ابوها معصب : بس لازم تقولين له بابا ما يحب اننا نطلع من غير لا نقولة.. مو يعني انكـ طلعتِ مع اخوكـ يعني عادي تطلعين من غير شورة عيب على البنات المتربيات..!! امال : ريمـــا ما يخصكــ ..!! ندى تناظر امال : لو اروح من غير لا اقولة يهاوش..!؟ امال : طيب ارسلي له رسالة يمكن ما ينتبة لها اذا طول ما رد اتصلي عليه.. ريما تضغط عليها : بالعكس تكلمينه الحين و تقولين له انكـ بتروحين و يعصب اهون من لما يعصب طالعة من غير شورة.. امال تناظر بنتها : ريما ويش هالحكي..؟! ريما تربعت : ما قلت شيء غلط هذا الصدق بابا يدور أي شيء عشان يعصب عليه و يحط حرة الشغل فيه.. قاطعهم صوتة القوي : لا يا شيخة.. لفوا عليه كلهم.. ريما تمسح بـ يدها على رقبتها من غير لا تناظر فيه.. غازي جلس : ويش اللي جاب هالحكي..!؟ امال تصرف الموضوع عشان ما يعصب على ريما : ايش الأخبار..؟! غازي يناظر ندى و سكت..!! اما ندى ناظرتة تنتظرة يتكلم عرفت انه يتوقع للحين ما درت : ليش ما قلت لي ..؟! اختي من يومين تعبانة و انا اخر من يدري..!! غازي يناظرها : مين قالكـ ..؟! امال : انا طحت عندها بالحكي..!! ندى منقهرة منه : ليش ما تبيني ادري..؟! غازي انسدح على ظهرة و هادئ و هدوءة يستفز ندى : لأن ما بـ يدكـ شيء تسوينة.. بس بـ تقلقين و بيتكم مو متحمل زيادة قلق.. ندى : بس انا ابي اروح لهم أبي اشوف وعد و اتطمن عليها.. غازي عدل الخدادية تحت راسة كتف يدينة على صدرة و غمض عيونة : ماهو الحين ابي اريح.. ندى تلعب بـ هدب الخدادية بـ حضنها : طيب بـ اكلم مشعل يجيني.. غازي يرد بإختصار : لا.. ندى بـ حدة خفيفة ما انتبهت لـ نفسها بس من قهرها : انا ابي اروح لهم الحين.. الحين..!! غازي فتح عينة يناظرها بـ قوة : نــــدى..!!! رجع خوفها يغلب كل مشاعرها القهر من كلام ريما و الخوف على وعد و القهر منه هو انه مخبي عليها موضوع الخطف و يطلع متزوجها عشان تجيب له ولد يشيل اسمه..!! وقفت : خلاص ماني رايحة..!!! طلعت من الصالة واضح عليها مقهورة .. جلس غازي و ناظر امال : الله يهديكـ يا امال.. ليش قلتِ لها ماني منبه عليكـ ما تعلمينها..؟! امال : و الله طحت بالسالفة عندها و هي ملاحظة ان لكـ يومين لاهي و ما ترد على اتصالاتها.. ودها لهم البنية قلقانة على اختها و بنت اختها خلها تروح و تطمن عليهم.. لا تكسر بخاطرها.. امال تكمل لما شافت غازي ما علق : الله يعينها وعد قلبها شفقان على بنيتها.. ما ادري ويش مصلحتهم من خطفها وهي بزر ما تنفعهم بـ شيء.. غازي : ابوها ينفعهم.. كل ذا عشان يخلون عماد يضيع عقلة و يجيهم بـ رجلية.. ما ينتركـ لحالة عامر مخلي معاه رجال يتبعونة عشان ما يتهور.. امال : طيب صار لهم يومين ليش ما حاولوا يكلمون عماد..؟! و يعلمونة عن بنتة..؟! غازي : يبونة يضيع عقلة يعيش بـ ضغط كم يوم ما اتوقع يتصلون على طول و يريحونة هالشيء مستحيل يسوونة يبون يستنزفون طاقتة و يهدون حيلة.. تفكيرهم خبــيث يشتتونا عشان يوصلون للي يبونه بكل سهولة.. يلهونا بـ شيء عشان يسوون شيء ثاني.. مين متوقع انهم يخطفون بنت عماد..؟!!.. ريما بـ برود : و الله عاد انتم الأمن مهملين عيلتكم و بعد يتخطفون منكم وين الشغل اللي مهملينا على حسابة..!! حتى شغلكم فارط منكم.. غازي لف راسة يناظرها.. امال صرخت فيها : ريمـــــا و بــعديـــــن..!! ريما وقفت : انا بروح انام.. وقف غازي و لحقها قبل لا تطلع مسكها من عضدها و لفها عليه.. ردة فعلها العفوية شهقت بـ صدمة و خوف تجاهل الخوف بـ عيونها منه و شفايفها اللي ترجف تعلن عن بكاء قريب : تعرفيني زين يا ريما.. صبور لكن و الله ان طفح كيلي ما اتحمل.. و انا صبرت عليكـ لكن انتِ مو قدّرة ابوكـ .. و لا مقدّرة أي شيء اسوية لكم.. كلمة و حطيها بين عيونكـ ترى صبري نفذ وما اتحمل قلة ادب من بنتي.. ماني عايز اربيكـ من جديد.. (تركـ يدها حتى تطلع بسرعة و هي تجري قبل لا يتكرر نفس الحدث و نفس الألم).. امال وقفت جنبة : غازي تكفى الا ريما.. الله يخليكـ اصبر عليها.. لا تحط حرتكـ فيها لا تلومها على شيء.. انت جرحتها و زاد عليها انها فاقدة توأمها راعيها تكفى.. يكفي لينا ابعدتها لا تبعد ريما..!! يكفي لينا ابعدتها لا تبعد ريما..!! ترددت بإذنة هو ابعدها..؟!! لو هو مو ابوها ما انخطفت..!! تنهد : استغفر الله.. تركها و طلع لـ ندى..!! دخل جناحة استغرب الأنوار مسكرة معقولة نامت..!! شغل الإضاءة و ركز عيونة على اللحاف حتى ينتبة لـ تنفسها غير منتظم واضح تبكي..!! جلس على الطرف الثاني : معقولة تبكين..؟! من جدكـ..؟! و تبين بعد تروحين لأهلكـ لو انكـ قوية و قادرة تحكمين بـ نفسكـ كنت وديتكـ ابوكـ و اخوانكـ دوبهم يهدون وعد منهارة عليهم.. ندى جلست وهي تمسح دموعها : انت قهرتني..!! تخبي علي شيء زي كذا.. و تقولة لأمال انا مو بس زوجتكـ وعد اختي.. البنت اللي انخطفت انا خالتها و انا اخر من يعلم..!! غازي مد يده يمسح دموعها : تراكـ شينة لا بكيتي..!! (رفع اهداب عيونها تناظرة هي تحكي يمين و هو يحكي يسار).. انا ما قهرتكـ خايف عليكـ .. ابي ااجل ضيقتكـ اكبر وقت ممكن .. كان عندي امل نلقاها خلال هاليومين.. ما ودي كلكم تتضايقون.. اكيد ما كنت راح اخبي عليكـ على طول لأن اختكـ نفاس و اكيد تبين تروحين لها.. كلامة ما يقولة الا شخص يبيها هي..!! مو يبي منها ولد وبس..!! عيونها على السرير و ما تناظرة .. سألت عشان تتأكد : خايف علي..؟! غازي : اكيد خايف عليكـ .. ندى : ليش تزوجتني..؟! (رفعت عيونها تناظرة) عشان اجيب لكـ ولد.. لأن امال ما تقدر مع المشاكل اللي تواجهها بـ حملها.. تبيني اجيب لكـ ولد و ترميني بعدين صح..؟! غازي اتسعت عيونة يناظرها : مين قايلكـ هـ الحكي..؟! ندى : مو مهم مين قالي.. المهم انكـ انت اصلاً ما تزوجت الا عشان يجي لكـ ولد يشيل اسمكـ و تنتهي مهمتي وقتها..!! اصلاً انا استغربت و الله استغربت و قلت لأبوي مرتة مو ناقصها شيء عشان يتزوج عليها..!! رمت اللحاف من على رجلها و قامت : انا بروح بيت اهلي..!! ما ابي اقعد هنا..!! اتجه للدولاب و طلعت لها ملابس و دخلت الحمام تغير.. اما هو ظل جالس مكانة ماهو وقت ندى تدلع عليه..!! و يراضيها : الله يهديكـ يا ندى عليكـ وقت غلط..!! طلعت و سحبت عبايتها من العلاقة لبستها و لفت الطرحة و هي ما زالت تبكي.. قام و وقف قدامها و سحب النقاب من يدها قبل لا تلبسة انفكت طرحتها اللي ما لفتها عدل من زعلها : ابصم بالعشرة ان اللي مدخل الفكرة براسكـ ريما..!! لأن امال مستحيل تقول شيء زي كذا علي و عليكـ .. اما ريما من زعلها مني عادي تطلعني شيطان..!! و انتِ بـ تفتحين اذنكـ لها و تسمعين كلامها و بـ تزعلين علي..؟! ليش انا ضايقتكـ بـ شيء..؟! جبت لكـ طاري الحمل و العيال..؟! ما قد فتحت معاكـ الموضوع ابداً .. ندى صدقيني ما يهمني لو تجيبين لي بس بنات.. انا ماني جاهل و لاني رافس النعمة.. و البنات نعمة من ربي.. تتوقعين اني تزوجتكـ عشان تجيبين لي ولد..؟! صدق ان فكرة الزواج هي فكرة امي و ما انكر ان امي تبي لي ولد.. و هي قررت تخطب لي.. بس هذا ما يعني انه تفكيري انا بعد..!! و توصل بعد لأني اخليكـ تجيبين لي ولد و ارميكـ ..؟! هذا ظنكـ فيني..؟! يعني صدق ما صار لنا سنين مع بعض.. بس فيه اشياء لو احد يجي و يقولي ندى سوت ما اصدقة.. لأني اعرفكـ من هالإسبوعين و زود اللي عشتها معاكـ .. هالإسبوعين ما دللت لكـ اني ما اسوي هالفعول..؟! بكت زيادة ما تحملت حتى نبرة صوتة تلومها..!! هي غبية عارفة ان علاقة ريما بـ ابوها متوترة ليش تصدقها..!!؟ عدا ان امال من زمان تعاني من مشاكل حملها ليش ما تزوج عليها من زمان اذا زواجة عشان الولد وبس..!!! ما رفعت عيونها و لا ردت عليه.. اما هو نطق بـ هدوء عكس زعلة منها : انتظركـ بالسيارة..!! .. صرخ عليها : و بعدين معاكـ انتِ..؟! لينا ما تبي تبكي عنده : خير ويش تبي زود بعد..!؟ ما بقيت شيء ما اخذتة فكـ عني ترى زودتها حيل..!! ترى حياتي ما تهمني يعني ممكن اقتلكـ و افتكـ منكـ اللي مصبرني هاليومين بعد اللي سويتة فيني هو هالبنت اللي من لحمي و دمي.. و الا لو ماهي فيه كنت قتلتكـ قبل لا تلمسني.. : اووووف ما تملين قرقرقرقر.. انتِ شلون صابر عليكـ ابوكـ ..؟! طنشتة لينا ما تبي ترد عليه فوق اللي سواه يقلب جروحها بدم بارد و لا يهمه شيء..!! اطلق تنهيدة وصلت لمسامعها و هي جالسة على الكنب بـ حضنها بنت عماد : اسمعيني زين..!! قاطعتة بقوة : انت اللي اسمعني زين.. انا ابي حبوب منع حمل.. تفهم هالشيء و الا لا..؟! جلس على السرير وهو يناظرها بـ ملل اسلوبها زفت ما تشوف ابعد من أرانبة انفها : طبعاً لا انا ابي ولد.. لينا على مشارف البكاء : تأكل تبن و الله لو حملت منكـ لأذبح نفسي..!! : اذبحي نفسكـ بعد ما تجيبين لي ولد.. بعدها بـ كيفكـ انا رجال طبيت الثلاثين من حقي يكون عندي ولد..!! لينا : انقلع تزوج و جيب ولد انا ايش دخلني..!؟ : انتِ زوجتي..!! فاهمة و الا لا..؟! صراخكـ و بربرتكـ ما راح تفيدكـ بـ شيء حقي و بـ أخذة منكـ و لا همتيني.. و ولد ان ربي كتب لي بـ تجيبين لي و رجلكـ فوق راسكـ ..!! بكت..!! : انت ليش تسوي فيني كذا..؟! حرام عليكـ ما عندكـ خوات..؟! اهلكـ ما ربوكـ على الدين..؟! انا احس اصلكـ طيب تعرف ربكـ بس ليش تسوي فيني كذا..؟! ليش ما تخاف ربكـ فيني..؟! وقف حتى يتجة لها وهي تناظر بنت عماد و تبكي جلس على الطاولة قدامها : ويش اسوي فيكـ اذا انتِ تعانديني..!! انتِ مو مستوعبة اني جالس احميكـ..؟! لو ما تزوجتكـ كنتِ ميتة من زمان..؟! كان اغتصبوكـ و كسروا ظهر ابوكـ فيكـ ..!! انتِ مو مستوعبة اني مجلسكـ هنا عشان احميكـ من الكل..؟! لو بـ يدي طلعتكـ من هنا.. بس مو بـ يدي يا لينا..!! و الله العظيم مو بـ يدي..!! انتِ هنا زيادة حمل علي ..!! لا تحسبين اني فرحان بإني حاطكـ هنا..؟! انا احاول ما اطلع من المقر كله عشان ما احد يتغافلني و يدخل عليكـ .. و ياليتكـ تفهمين كل شيء من عمركـ صار لك فوق الست شهور هنا احميكـ لكن انتِ بزر ما تفهمين شيء..!! ويش اسوي فيكـ ..؟! رفعت عيونها له : وديني لـ بابا و الله ما راح اقوله عنكـ بـ قولة انكـ حميتني وما احد طالني.. ما راح اقوله عن اللي سويتة فيني..!! تنرفز منها : ويش سويت..؟! حقي ترى حقي..!! استوعبي يا ادمية وريتكـ العقد و غصباً عنكـ تعطيني حقوقي..!! تحاول تلعب على وتر ثاني : طيب ..!! متى بـ تردني لأهلي..!! اذا انت صادق و تحميني منهم.. و طيب .. متى بـ تخلصني منهم..؟! : قريب بإذن الله قريب..!! ادعي لي بس..!! نطقت بـ صدق من اعماق قلبها : يـــارب..!! ابتسم وهو يناظر بنت عماد : تشبه امها حيـل..!! ما انتبه للي قاله انه صدمها ..!! : نعــم!! و انت ويش عرفكـ بأمها..؟!! ناظرها مستغرب منها..!! غبية هالبنت و اكبر غبية قابلها على وجه الأرض : ليش..!! تغارين..؟! بوزت : لا طبعاً اكيد شايفها يوم خطفتوها..!! يا ويلكم من ربي استبحتوا اعراض خلق الله..!! و الله لو تطيحون بـ يد عماد لا يوريكم نجوم الليل بـ عز الظهر.. حط رجل على رجل : و الكوبة بـ ولد عمكـ ..!! لينا تمسح على جبهة البنت بـ حضنها و تناظرها : عشانه مو هنا تسبه بـراحتكـ لكن لو هنا ما اشوف الا غبرتكـ ..!! : هههههههههه يعني بـ تغيضيني عشاني اثرت غيرتكـ بـإني اعرف وعد..!! خليه يجي و بـ تشوفين انتِ غبرتي و الا شيء ثاني..!! لينا تصر على اسنانها و تناظرة بـ قوة : ما يكفي اللي اخذتة مني.. بعد تطري حرمة ثانية قدامي .. ياعل لسانكـ القص.. (رفعت يدها تهددها وهو مبتسم و لا هامه) شوف انت ما تهمني.. و لا تعني لي شيء..!! حتى بعد اللي سويتة فيني لأن انت اصلاً مو رجال لو رجال ما خطفتني من ابوي يا سويد الوجه..!! مسك كفها اللي رافعتة بـ وجهة تهددة و ضغط عليها بقوة و سحبها يمه : مليون مره اقولكـ صوتكـ لا ترفعينة عندي.. و لسانكـ لا تطولينة علي.. ترى ما عندي صبر يا لينا و اتحملكـ ماني غازي يشوف خطاياكـ و يدمح لكـ لا اصحي.. انا غيـــر..!! و الله لا أربيكـ من جديد..!! شدت يدها من يده و المتها زود : يا حمار تبي تكسر يدي..؟! فتح عيونة فيها عمره ما شاف بنت زي هاذي..!! عليها طوالة لسان مو هامها شيء و لا خايفة : نعم..!! ويش قلتِ..؟! شالت البنت و نزلتها على الكنب جنبها.. و تضغط على كفها اليمين بـ كفها اليسار تخفف الألم : قلت لكـ حمار هو انت ما تستوعب..؟! لازم اسبكـ كم كره عشان تستوعب..؟!! حمار حمار حمار حمــ ـ ـ ـ (قطع كلامها بإنه حط كفة على فمها و ضغط عليها لين رجعت وراء و راسها على ظهر الكنبة و يده على فمها بلعت ريقها وهي تشوف نظراتة يطلع منها الشر ).. صر على اسنانة بـ قوه ما قد احد كلمة بـ هالطريقة يبي لها تأديب من جديد : احسن لكـ .. ما ابي امد يدي عليكـ ..!! ما تعودت على هالإسلوب بس لو اضطريتيني ماني متردد..!! فاهمة و الا لا..!! انرعبت..!! ما قدرت ترد حست بـ رجفة تسري بكل جسمها و عيونها بـ عيونة..!! ينولد احساس جديد!! من التناقض بين الأمان معه و الخوف بدونه..!! دمعت عيونها.. رفع يدة عن فمها : لا تحديني على شيء ما ابيه.. همست بـ ضعف : انا.. أكرهكـ ..!! ابعد يده عنه و وقف : ما طلبتكـ تحبيني.. ابي احترام و بس.. لسانكـ لا تطولينة..!! .. عماد دخل وهو معصب : خلااااص عاااد حلووو عني..!! عامر وقف اول ما دخل : وين كنت..!؟ عماد بـ نفس العصبية من اختفت بنتة وهو يضرب اخماس بـ اسداس و لا يحاول انه يهدأ و يستوعب شيء : ماني بزر عشان تتبعوني و تنشدوني وين كنت..!! عبدالله صرخ عليه : انت استخفيت..؟! ترفع صوتكـ على ابوي..!! عماد : انتم لا تطلعوني من طوري..!! حلووو عني.. تراكم خانقيني..!! ام ناصر : تعوذ من ابليس يا ابوي.. احنا خايفين عليكـ لا تسوي شيء بـ روحكـ ..!! عامر : فيه عاقل يسوي سواتكـ ..؟! انت تبي تحدني اسوي شيء ما يرضيكـ يا عماد..!! عماد : ما طلبت مساعدتكم في شيء.. انا ابي بنتي.. ابي بنتي و بس..!! ناصر : و باللي تسوية بـ تلقى بنتكـ ..؟! انت عارف ان بنتكـ معاهم.. و اللي تسوية سواة مجانين.. عماد : مالكم دخل .. ما طلبتكم تلفون وراي..!! ام عامر : يا وليدي استهدي بالله.. انت ضيعت عقلكـ ..؟! حرام عليكـ اللي تسوية بـ نفسكـ و بـ أبيكـ و اميتكـ .. عماد ما زال على نفس وتيرة صوتة فقدان بنتة مطير الباقي من عقلة : يمــــــه.. ما ضيعت عقلي.. انا ابي بنتي.. شلون تبوني اجلس و هي عندهم..؟! انتم ما تعرفونهم..؟! ما تعرفونهم..!! و الله لا يذبحونها بـ دم بارد..!! يرمونها بالصحراء و لا يرف لهم جفن..!! عمرها يومين.. يومين.. مين بيرعاها..؟!! ناصر : تروح تلف بالشوارع توريهم صورة بنتكـ تنشدهم ان كانوا شافوها..؟! تلف دور الأيتام تنشد ان كان جاتهم بنت هاليومين تشبة بنتكـ ..؟! هاذي سواة انسان صاحي..؟! عبدالله : الناس كلها تحكي انكـ صرت مجنون و فقدت عقلكـ مع بنتكـ ..!! عماد : طيب خلاص انا مجنون.. انتم ويش عليكم..؟! انا ما راح ارتاح اذا ما رجعتها.. ما راح اتطمن..!! ناصر : و الإسلوب اللي تتبعة خطأ .. جيبوا العصابة تجيب بنتكـ منهم..!! ام عامر : يا وليدي يكفي مريتكـ منهبلة على اهلها.. لا تسوي هالسواة و تخوفنا عليكـ ..!! عماد بـ حدة : لا احد يجيب لي طاريها.. ما جاني من وراها الا الشقا.. عامر : اسمع الكلام اللي يجمد على الشارب.. لو ما انثبرت مكانكـ بدال ما تلف السكيك تالي الليل تدور عن بنتكـ كنكـ خبل ما تلوم الا نفسكـ يا عماد.. لا تخليني احبسكـ بالبيت و الله يا عماد لو اضطريتني لا اسويها مانيب متردد.. عماد : ما عاد الا هي يبه تحبسني.. انتم ما احد فيكم حاس بـ وجيعتي..!! ما احد فيكم حاس بـ قهري.. بنتي صغيرة..!! عندهم.. عندهم..!! و الله ما يرحمونها.. عامر : بـ نلقاها يا عماد.. بس فكر بـ عقلكـ لا تسوي سواة المهابيل.. ما راح تستفيد شيء..!! هم ما سوو هالسواة الا يبون يقهرونكـ .. يبون يكسرون ظهركـ مثل ما كسرو ظهر عمكـ ..!! يكسرون ظهركـ مثل ما كسرو ظهر عمكـ ..!!!! ما انتبة انه افشى سر مخبى عن الكل.. كل الأنظار تعلقت بـ عامر.. عدا عماد اللي جلس وهو يناظر الأرض..!! ام عامر تناظر ولدها بإستفهام : ويش بلاه اخوكـ ..؟! ويش سوو فيه..؟! عامر استوعب اللي قالة..!! : ويش..؟! ام عامر احتد صوتها مفزوعة : اخوكـ ويش بلاه..؟! هو من يومين ما شفتة..؟! ويش سوو فيه اللي ما يخافون ربهم..؟! عامر : ما فيه الا العافية يمه.. غازي بخير ما عليه شر.. ام عامر : رجيلاتي ماهي شايلتني .. قلي ويش بلاه اخوكـ لا تخبي علي..!! لا تفجعني فيه.. عامر اقترب من امه و باس رأسها مد ذراعه على ظهرها المنحني و ماسك كفها اليمين بكفة اليمين : و الله ما عليه خلاف.. ام عامر : لا تكذب علي.. سمعتكـ بأذوني ويش قلت.. ما بعد خرفت يا ولد بطني.. تكذب على اميتكـ .. ويش مسوين بـ أخوكـ علمني.. و الله اني حاسة فيه موجوع.. قلي ويش بلاه.. عامر يجلسها و يجلس جنبها : استهدي بالله يمه.. ما به بلا.. لو به شيء ما كان داوم و لا تزوج.. ام عامر : دق عليه.. دق عليه الحين يجيني.. ما راح اكن لين يجيني..!! عامر : طيب هدي لا يرتفع ضغطكـ .. ناصر دق على عمكـ قوله يجي.. عامر يناظر بـ عماد يمسح على وجهة و كأنه يمسح واقع يعيشة..!! مقهور عليه استخف يدور بالشوارع يدور على بنتة وهو يدري انها معاهم..!! متوقع انهم رامينها بأي مكان يلف دور الأيتام يسأل اذا جوهم اطفال جديدين.. يروح المساجد يسأل الناس يلف كل مكان و يدور..!! عشر دقايق بالضبط حتى يدخل غازي و معاه ندى.. كلمه ناصر وهو رايح يوصل ندى لكنه غير طريقة لـ بيت اخوه خاف يكون بأمه شيء..!! فتح الباب شوي : يــــا ولد .. دخلوا الحريم كلهم عدا البنات اللي اساسا محرم لـ غازي و ام عامر.. ناصر : حياكـ عمي.. دخل مفزوع وهو ينقل نظراتة بينهم : خير .. خير ويش فيكـم..!! عامر وقف يبه يهدية : ما فينا شيء الله يهديكـ .. ام عامر مدت يدها و تقدم لها غازي بسرعة .. ام عامر : ويش بلاكـ يا ابوي..؟! غازي ماهو مستوعب..!! : انت ويش فيكـ يمه .. تونسين شيء..؟! راسكـ يعوركـ ..؟! ضغكـ مرتفع..؟! ويش بلاكـ ..؟! عامر : استهدي بالله انت الثاني.. بس امي تبي تطمن عليكـ لكـ يومين ما جيتنا بس..!! غازي انتبه لـ نظرات عامر ماهي طبيعية وكأنه ينبه لـ شيء بس مخة موقف ماهو مستوعب..!! ام عامر تمسح على عضد غازي بـ يدها اليمين : ويش بلاكـ .. انا لي فترة حاسة ان بكـ بلا مخبية علي.. قلي ويش منه تشكي.. بـ ويش كسروا ظهركـ اللي ما يخافون ربهم..!!؟ غازي رمش وراء بـعض يستوعب .. تنهد وهو يناظر عامر.. معقولة عامر يكون قايل لها..؟! : تعرفين ولدكـ ما احد يكسر ظهرة.. و لا فيني بلا مير الشغل هاليومين مع خطف البنية معكرني.. ام عامر : لا تكذب علي.. و الله انكـ تونس بلا.. ويش اللي كسروا ظهركـ فيه..؟! عامر : قولها إلى متى بـ تخبي.. مردهم يعرفون..!! غازي : عـــامر..!! عامر : كنكـ ما تعرف امي.. و الله ما تخليكـ تعتب خطوة و هي ما عرفت وجعكـ وش هو..!! ندى الواقفة عند الباب استحت تتقدم او تطلع حتى..!! حاسة شكلها غلط خصوصاً انها كانت تبكي..!! عامر ناظر انهار و عهود : بنات خذوا مرت عمكم و ادخلوا.. انهار وقفت و وقفت معاها عهود : ان شاء الله .. يالله ندى.. مشت معاهم ندى وهي ما ودها تدخل.. شكلها الحايس وهي مالها كثير متزوجة لازم تكون بطلة جديدة كل مره.. طنشت تفكيرها عندها اشياء اهم تفكر فيها بدل هالتفاهات.. ام عامر : علموني.. يالله قول ويش عندكـ ..؟! عامر ناظر عيالة الواقفين : اجلسوا.. و لا احد فيكم يحكي بـ كلمة وحده قبل تقضي السالفة.. تبادلوا النظرات و جلسوا مقابل لأبوهم و عمهم و جدتهم يترقبون الحكي اللي بـ يكون مصيبة اكيد.. و الا ما حكى ابوهم هالمقدمة و لا قالوا انها كسرت ظهر عمهم..!! عامر : باليوم اللي قالت لنا لينا انها انحاشت من المزرعة مع واحد..!! اتسعت عيونهم عبدالله.. ناصر.. اما عماد فـ هو يعرف القصة .. لكن هالبداية ما يعرفها يعرف ان لينا مع العصابة و بس .. انشد انتباهة للموضوع.. ارتكزت العيون على عامر عدا غازي اللي يناظر الأرض ينزف وجع.. كل يوم.. هو وحده يعانية.. ما احد يخفف عنه او يشيل عنه هالهم.. لأنه هو ابوها لحاله.. و اللي المفروض تقاسمة هي امال وهو مخبي عنها الموضوع و متحملة لحاله.. ام عامر بـ حده : كنت حاسة ان هالمغضوبة وراء هالسالفة زوجناها و لا ارتحنا منها حسبي الله عليها كانها بـ تفضحنا.. غازي فزع : لا يمه تكفين.. لا تدعين عليها.. يمه ما تدرين ويش هي القصة.. يمه لينا هم خاطفينها.. لينا معاهم هم.. ما انحاشت هم اخذوها من المزرعة.. ام عامر : وش هو..!!؟؟!! غازي : اخذوها يمه ما حميتها.. كل هالمدة هي عندهم سبع شهور وهي عندهم..!! ما قدرت اوصل لها..!! ام عامر و الصدمة باينة على وجهها..!! سبع شهور مخطوفة..!!: بس انت قلت لي انكـ زوجتها للي راحت معاه..؟! ناصر الدم يفور بـ عروقة و يحاول يكتم عصبيتة من اللي يسمعة انحاشت مع واحد..!! انخطفت..!! : ممكن تفهمونا اصل السالفة ويش هي..؟! عامر : صحيح زوجها بس لـ واحد منهم..!! ام عامر وقفت وهي تستند بـ قوة متهالكة : ويش يعني..؟! بنتينا مع من..؟! غازي : مع نفس الرجال اللي خطفوا بنت عماد.. نفسهم يمه.. جوني و طلبوني ازوجهم اياها و زوجتها لهم..!! عبدالله وقف صرخ بـ عمة : من جدكـ انت..؟! احنا ننقد على عماد يسوي سواة المجانين.. طلع يا عم ما تباعدة.. عامر وقف : اوص و قص.. لسانكـ ما يطول على عمكـ يا قليل الحيا.. ناصر : يبه.. عرضنا.. عرضنا.. تقولون زوجتوها لـ واحد فيهم..؟! شلون..؟! سبع شهور البنت عندهم..؟! سبع شهور..؟! ما فكرتوا ويش بـ يصير..؟! تزوجونها..؟! غازي وقف : ماني ملزوم ابرر لأحد فيكم.. بنتي فجيعتي فيها اكبر من فجيعتكم كلكم.. و املي بعد الله انه يحميها هو.. انا واثق فيه.. بـ يجي يوم و يردها لي..!! ام عامر التفت عليه : من هو..؟! غازي : زوجها..!! (طبعاً غازي يقصد وليد..!! حسب الرسالة اللي وصلتة من وليد تطلبة يوافق على الزواج و حكي الشيخ).. ناصر واقف جنب عبدالله : كذا بـ هالبساطة..؟!! و الثقة جات من الفراغ..؟!! تقول مزوجها لـ واحد فيهم..!؟ و تقولون انهم عصابة شر..!! و واثق فيه..؟! و واثق ان عرضنا ما ينداس بينهم كل يوم..؟!! عامر بـ حدة : نــــــــاصر..!! غازي بـ هدوء يحمل تهديد عظيم .. رفع سبابتة يهدد عيال اخوة : اللي فيكم يجيب طاري بنتي بالشينة و الله يحرم علي اسلم عليه لين يواريني التراب.. (لف راسة لـ وراء و صرخ) نــــــــــــدى..!! .. بيت ابو سعود.. بالحديقة قدام الباب تحديداً.. فيصل ناداها بعد ما قالت له امه انها تبكي و ما سكتت : نهى ايش هذا ما توقعتكـ ضعيفة هالكثر..؟! البنت بـ ترجع ان شاء الله..؟! بتبكين بـ تزيدين على اختكـ ما راح توقفين معاها بهالشكل.. نهى تبكي : موجعني قلبي عليها.. بس اخواني يعطونها مهدئ واحد وراء الثاني لأنها كل ما صحت صرخت تبي بنتها.. فيصل : ويش تبينهم يسوون..؟! رغم انها من الأفضل تواجة الموقف.. صح صعب عليها تتقبل الموضوع بس الأمن جالسين يسوون اللي عليهم و يتعبون عشان يلقون البنت.. نهى واقفة بالحديقة قبالة : طيب وهي ايش ذنبها يا فيصل..؟! فيصل : مالها ذنب ما احد له ذنب..!! يعني عمي له ذنب يوم هي انخطفت منه..!؟ او يوم انخطفت ميار منه كان له ذنب..؟! بس هذا المكتوب.. لازم توقفين جنبها و تقوينها لو شافتك تبكين انتِ و خواتكـ بتزيدونها ما راح تخلونها حتى تسكت.. يكفي عليها وجعها.. نهى : ما أقدر.. و الله ما أقدر.. فيصل : ان الله اذا احب عبداً ابتلاة.. لازم تصبرن عشان هي تتأثر فيكن و تصبر معكن صياحكن يأثر عليها.. امكن وينها..؟! نهى : معاها تجي العصر و تروح على 12 .. اذا طلعت أبوي يستلم الدور و يجلس معاها.. فيصل مسك كفها يشد عليها : تعالي اجلسي.. جلس على درج مدخل البيت و هي جنبة .. فيصل : تبينا نروح البيت..؟! نهى : لا.. ابي اقعد هنا.. فيصل : اخاف قعدتك تضرها ما تنفعها.. نهى مسحت دموعها : لا فيصل الله يسعدكـ خلاص ما عاد ابكي.. : يا عيني على طيور الحب.. لفوا عليه وهو مبتسم بس بدون نفس يبي يغير جو عن اللي يعيشونة بالبيت.. فيصل : قل لا إله الا الله لا تنضلنا.. مشعل جلس بوسط الدرج بينه وبينهم مسافة بسيطة : لا إله الا الله.. تصدقون عمري في حياتي ما تخيلت بـ نعيش شيء زي كذا.. دايم كنت متفائل حتى بـ خيالي.. ما قد توقعت بـ نعيش احداث مثل هاذي.. ميار يوم انخطفت ما كنت ادري يعني الموضوع فترة و تسكر خصوصاً مع طلاق ابوي و خالتي رغم انهم ما نسوها وما رجعت الا بعد 21 سنة.. اتخيل وعد بعد 21 سنة تشوف بنتها.. نهى وقفت .. رجعت تبكي من جديد : لا تقول كذا.. ان شاء الله لا.. فيصل يناظر مشعل وهو ماسك كف نهى يبيها تجلس و يكلم مشعل بـ هدوء : لا تقول هالحكي.. ان شاء الله بـ ترجع قريب.. مشعل : ان شاء الله.. متأمل خير فيه.. فيصل عقد حواجبة بإستغراب : في مين..!؟ مشعل : بـ سوبر مان.. نهى : تتريق حضرتكـ ليش حاسبنا لنا مزاج نسمع نكتكـ السخيفة..!؟ مشعل يقصد وليد بس ما يبي يعلم الإثنين .. وقف : حلي عني بلاش نفسيات تزيد الهم.. دخل مشعل البيت و نهى واقفة و تتحلطم وتسبة .. نهى : يا حمار انا نفسية ما غيركـ النفسية ابو مليون مزاج.. فيصل : و بعـــدين..؟! نهى اركدي.. نهى جلست : انا راكدة ما أحتاج تعلمني.. فيصل يجاريها : ايه صح راكدة.. انا خبل بس اقعدي.. نهى : فيصل لا تعاملني هالشكل.. و تستفزني.. فيصل يقهرها : اوووه انتِ الباردة مين يقدر يستفزك.. ودها تقوله انت ما احد غيركـ يقدر علي لكن ما تبيه يعرف عشان ما يستغل هالشيء فضلت تسكت.. داخل في الصالة.. ابو سعود جالس عند راس وعد النايمة تحت تأثير المهدئ.. بيتهم انقلـــب من جديد رجع له هدوء غير مرغوب فيه ايام خطف وعد نفسها تنعاد الحين وعد ماهي محتملة.. مصيبة وعد و مصيبة سها الإثنين جاتة مع بعضها.. ناظر عيالة اللي ما كن اثنين منهم عرسان طول الوقت عنده : اطلعوا لـ حريمكم ويش يقعدكم هنا..؟! ياسر اساساً يبي الفكة من مقابلها ما يبي يشوفها : راسي مصدع ما فيني اقوم.. ابو سعود : قوم ريح بـ جناحكـ .. سعود وقف : انا بـ اريح قبل الفجر.. اذا استجد شيء كلموني.. ابو سعود يناظر ياسر : فز حتى انت.. ياسر يبوس راسة : على امركـ .. ابو سعود يناظر الباقين واضح عليهم التعب..خالد منوم عيالة بـ حضنة.. مشعل منسدح على رجل احمد و بناتة هاديات كــلهن.. : قوموا كلكم ناموا.. احمد : انا بـ انام هنا يمكن تصحى.. ابو سعود بـ حدة خفيفة : ايش فيكم لازم اعيد و ازيد بالحكي.؟!.. لو صحت و انهارت بـ اصحيك و يمكن يكون حاتم رجع من دوامة وما نعتازكـ قوم ريّح.. يالله قوموا كلكم.. ما احد فيهم تحرك.. قاعدين ما يبون يناقشونة و يعصب.. ما يبون يتركونها و يتركونة.. ابو سعود : يالله.. و انتن بعد قومن.. جود قامت و جلست جنبة : انا بـ اقعد عندك.. ابو سعود : ويش فيكم انتم..!؟ صار لنا كم يوم ما احد فينا ارتاح.. خالد يالله خذ عيالك و نومهم فوق.. خالد ينهي النقاش : مرتاحين هنا.. دانه وقفت باست راس ابوها و امها و خالاتها ام سعود و ام حاتم الموجودات اما منيره بـ جناحها : تصبحون على خير.. : و انتِ من اهله.. بـ جناح سعود.. شوق : يا حياتي مره محزنتني.. كل ما شفتها تبكي ودي اطلع من البيت و لا اسمعها.. سعود يفرك راسة : راسي بـ ينفجر.. حسبي الله ونعم الوكيل.. شوق جلست عند راسة : تبيني اهمز لكـ..؟! سعود سحب المخدة و حطها على رجلها : همزي لي بـ قوة مو زي دايم ما احس في اصابيعكـ .. شوق : اخاف اوجعكـ .. سعود : ما عليكـ يالله.. شوق تضغط بأصابيعها على راسة .. سعود : اقوى شوق.. شوق : طيب.. كيف عماد..؟! سعود : هايت من مكان لـ مكان يدور عليها.. جاء مكتب ابوكـ اليوم هلكان.. و ابوكـ ما رحمة هاوشة لين قال بس.. شوق : ليش يقسى عليه حرام..؟! سعود : يعني سواتة زينة..!؟ هذا مو اسلوب هو خايف لا يحطونها بـ دار ايتام مر عليهم مرتين امس و اليوم يبي يتأكد يمكن جابوا لهم احد بعد ما طلع من عندهم.. شوق : ما احد يقدر يلومة هاذي بنتة.. ما لحقوا يفرحون فيها حتى يفقدونها.. حرام البنت صغيرة.. يعني ابسط شيء ما يعطونها حليب و يخلونها تصيح و الله تروح فيها.. سعود فتح عيونة : شوق هالكلام ما ينقال عند وعد ماهي ناقصة الهواجيس ذابحتها.. شوق فزعت : مستحيل اقول شيء كذا عندها.. مانيب غبية.. سعود : زين حاسبي على كلامك عندها.. شوق : ان شاء الله لا تخاف من هالناحية.. بس عمي..!! ما تحسة تعبان..؟! سعود : واجد.. حتى الشركة ماسكينها عماني وهو ما وده يطلع من البيت.. شوق : و انت..؟! ما ترتاح يعني تطلع من الفجر وتروح و ترجع للدوام لين تالي الليل ما تريح نفسكـ شوي.. سَعُود تكفى الله يخليكـ لا تهلكـ نفسكـ اخاف يصير لكـ شيء و الله ما اتحمل.. ابتسم وهو يناظر عيونها مرات يحمد ربه انه ما تزوج من زمان عشان شوق بـ تكون صغيرة يعني ما هي من نصيبة يقلد طريقتها بـ نطق اسمه : سَعُود يقولكـ ما فيه داعي تقلقين عليه.. جناح ياسر.. النقيض تماماً.. ياسر اخذ الكاسة من يدها بلع حبتين البنادول و شرب المويا على طول : الحمدلله.. جالسة على طرف السرير ثانية رجولها تحتها ودها تكلمة تقولة أي شيء يخفف عنه لكنها متأكدة اللي بـ تقولة مهما كان اهميتة بـ يزعجة لأنها هي اللي قالتة صوتها ينرفزة مثل ما يقول.. ياسر : صحيني قبل لا يأذن بـ عشر دقايق.. و طفي النور و ياليت ما تطلعين أي صوت خلي البيبان مفتوحة عشان ما تزعجيني اذا دخلتي او طلعتي.. بلعت ريقها وهي تنطق بـ همس.. رفعت يدها وهي ضامة كل اصابعها و فاتحة السبابة بس : ممكن..!! نطقت اربع حروف كنها اربع مطارق في راسة تنضرب مع كل حرف يسمعة منها.. شد الصداع عليه : خير.. ياليت تكتبين اللي تبينه بـ ورقة يا صبــــا.. صبا سحبت النوتة و كتبت فيها رغم انه يسلب حقها بس راح تصبر عشان هالفترة ماهي حمل مشاكل زيادة "انا عندي اختبار بكره و ابي اداوم اذا ممكن".. مدت النوتة عليه و اخذها قرأ الكلام.. مد النوتة عليها : متى اختباركـ ..؟! من غير لا تأخذ النوتة : تسعة.. ياسر غمض عيونة بـقوة .. جلس : انا كم مره لازم اعيد حكيي عشان تستوعبين..!؟ صبــــا انا محذركـ استوعبي يا ادمية.. صوتكـ يستفزني.. يضااايقني.. (ضرب راسة بأصابيعة وهو يناظرها) زاد صداعي بسبتكـ .. صبا خافت منه و من صوتة و فقدت سيطرتها بدل ما ترد عليه مثل ما هو يبي ردت بالطريقة اللي يكرهها : و الله.. نسيت.. ياسر بـ حدة قوية تخليها ترجف : نسيتي...؟!! توني متكلم.. و تردين علي نسيت..!؟ غبيــــة..؟! ما تستوعبين..!؟ راسكـ ما فيه مخ..؟! صبا هزت راسها و هي فاتحة كفوفها قدامها .. ماسكة نفسها لا تبكي ما عمره احد صارخ عليها.. دايم في بينتهم مدللة.. ما احد يهاوشها حتى لو غلطت يعاتبونها ممكن لأن طبعها الرقيق العتب عندها شيء قوي حيــل و يأثر فيها.. اما صراخ..!! .. ايمن وقف مصدوم : انت ويش تقول..؟! الصقر : اللي سمعتة.. ويش فيكـ ..؟! ايمن : ما تحس انكـ مزودها علي..؟! الصقر : لا.. قلت لكـ انا ما اعدكـ الا ولدي.. ايمن.. انا مرتاح لكـ .. انا مقبل على عملية جديدة.. ممكن روحي تروح فيها و ابي أأمن على بنتي قبل لا ادخلها.. ايمن : ماشاء الله و تأمن على بنتكـ بأني اتزوجها..؟! الصقر رفع حاجبة اليسار وهو حاط رجل على رجل : ليش ان شاء الله..؟! ويش اللي ماهو عاجبكـ في بنتي..؟! ايمن مصدوم : و تسألني بعد ويش اللي ماهو عاجبني..!؟ بنتكـ بزر.. بزر الصقر : بس ملكة بـ تكون على ذمتكـ و اذا كبرت سوو الزواج.. ايمن : لا انت اكيد تستهبل انا مستحيل اتزوج وحده قاصر .. ما وصل عمرها 10 سنين.. الصقر : لا يا روح ابوك عمرها 12 سنة مو 10 .. شكلها يعطي انها اصغر من عمرها.. ايمن جلس وهو متنرفز يبي يحل موضوع بنت اختة عشان يجيب الصقر مصيبة ثانية على راسة ويطلبة يتزوج بنتة : بس انا ما افكر اني اتزوج اصلاً.. الصقر : طيب حلوو.. لأن هي عمرها 12 من هنا لين تفكر تتزوج تكون هي كبرت و بـ عمر زواج.. ايمن رفع عيونة لـ الصقر : و اذا قلت لا..!! الصقر : ترد ابوكـ ..؟! ايمن انا ما عندي الا هالبنت.. شايف كم عمري..!! ما صفا لي الا هالبنت.. كان عندي بنتين اكبر منها بس ..!! اقتلوهم.. لو هن عايشات كنت خليت اختهن عندهن و خبيتهن بـ عيوني..!! ايمن عقد حواجبة : اقتلوهم..!! الصقر : ايه.. اقتلوهم.. ايمن : مين..؟! الصقر : ما عرفتهم للحين.. لكني شاكـ بـ كم واحد.. لكن و الله لأخليه يشوف بناتة يموتون قدام عينة بـ أشنع طريقة و اخليه يعيش وما ينسى منظرهم.. بلع ريقة..!! خاف .. ايه خاف على خواتة..!! بنت اختة اللي مع بنت غازي و زوجها الحين..!! و اختة اللي بـ يجيبونها هنا عشان يستغلونها..!! يبونها تزرع ادوات تنصت بـ ملابس سعود العسكرية و بـ كذا يقدرون يعرفون ويش يصير بالقضية بـ سهولة..!! بإستغلال وعد.. لازم يرجع بنت اختة بـ أسرع وقت عشان يحميها و يحمي اختة و عيلتة و الأمن.. : ابي اخذ اجازة..!! الصقر : لا.. انا اقولكـ تزوج و انت تقول تبي اجازة..؟! ايمن : فكني من موضوع الزواج الحين.. من جدكـ انا وجهي وجه زواج..؟! الصقر : ماهو بـ كيفكـ .. غصباً عنكـ .. ايمن وقف وعيونة بـ عيون الصقر : خيــر..!! ما تلاحظ فوق التدريبات اللي هالكني فيها على قل سنع لا تشركني بأي عملية جايبني عشان تجلسني قدامكـ .. و الحين تبي تزوجني بنتكـ ..!! تبي تشرط علي.!! لا يا الصقر انا ايمن المنذر.. تراكـ ما تعرفني عدل.. و الله لأطلع من الباب و لا ارجع لكـ من جديد.. الصقر وقف و اقترب منه : لا تجرب تهددني.. طلعة من غير شوري ما لكـ .. لا تجلس تهدد تدري ان حياتكـ بـ يدي.. اما زواج من بنتي.. عشاني عادكـ رجال بغيتكـ لـ بنتي عشان أتمنكـ عليها بعد عيني.. ايمن صد عنه وهو يتأفف : اووووفففف .. اجل لي موضوع الزواج الحين.. انا ابي اطلع و اشوف الناس.. الصقر : لا ما راح أأجلة .. بـ تروح بكره لـ بنكـ الدم و تسوي التحاليل.. و منها تشوف الناس على قولتكـ ..!! غمض عيونة وهو يحاول يهدي نفسة وما ينفجر فيه.. رضا الله على غازي لما كان يأمره و ينفجر بـ وجهة و لا يهمه و يقول كل اللي بـ خاطرة.. اما الصقر محاسب على الحرف و النفس.. الصقر : انا رايح اتأكد من كل شغلة لعملية التهريب الجديدة.. (رجع للطاولة اللي كانت قدامة لما كان جالس و سحب جوالة و مفاتيحة) كمل تدريبكـ فاهم..!! ايمن كتف يدينة : ان شاء الله.. طلع الصقر و طلع وراه ايمن.. ايمن وقف على باب الجناح و الصقر طلع برا المقر.. ناظر بالباب اللي انفتح الجناح المقابل لـ جناح الصقر اللي فيه بنت اختة.. التقت عيونهم بـ بعض..!! لوم..!! عتاب..!! حقد..!! كره..!! تقدم ايمن خطوة و سكر باب جناح الصقر و اتجه له همس له : رغم اني كارهكـ .. لكن ابي اشوف البنت..!! : عاد انا اللي طايقكـ ..؟!! وماني جايبها لكـ .. هي بـخير مع بنت غازي..!! ايمن يصر على اسنانة : جيبها ابيها.. بـ ثقة : لا.. قلت لكـ بـ خير.. ايمن : أي خير و هي مقابلتكـ .. حط بـ بالكـ اني ما راح اسكت عنكـ .. و بـ تشوف.. ادار ايمن ظهرة حتى يمسكة من قميصة من على كتفة و شدة على وراء : لا تهددني.. انا ما اتهدد.. اذا انت مجرد فرخ هنا.. تحت جناح الصقر.. انا اكبر منكـ بـ كثير.. ايمن شد قميصة من قدام و تركة ......... لف ايمن : بـ تشوف مين يضحكـ بالأخير.. و الله ما راح احط لأي شيء أي اعتبار.. و بـ تشوف..!! .. يضرب على المكتب و يسألة من غير لا يرفع عيونة له : كيفها الحين..؟! سعود : منهارة.. عساف بـ قهر نابع من قلبة : لو يطيحون بـ يدي و الله لأفرمهم واحد واحد..!! قهروها الله يقهرهم..!! سعود : ومن سمعكـ ..!! ماني متحمل اشوفها..!! لا زواجتها عدلة و لا تهنت يوم ولدت..!! كل ما شفتها قلبي يعورني عليها يا عساف..!! عساف : عماد يبي له تأديب .. على كيفة يسوي حركتة الزفت معاها.. ما ادري شلون سكت له و انت عنده..!! سعود : ويش تبيني اسوي..؟! اتهاوش معاه بـ نص المستشفى و ننفضح بين الناس..؟! زينة يعني..؟! عساف : لا اجل سواة فيها زينة عاد..؟! سعود : حتى هو مقهور و كلنا مقهورين.. الأمل بالله كبير.. و بعد الله الأمل بـ وليد.. عساف ضرب كفة بالمكتب : مقهور ما يحط حرتة فيها..!! ويش يحسب ما وراها والي يدافع عنها..!!؟ بناتنا ما ينهانن.. سعود : عساف روّق شوي.. و .. و .. عساف : و ايش..؟!! سعود : تراها للحين على ذمتة..!! و هي اختي يا عساف..!! و انت.. تسأل عنها واجد..!! بلع ريقة أسأل عنها..؟! و هي على ذمتة..!! علميني ليه انا اسأل عليكـ!! .. وأنا عارف رجعتي صعبة معاكـ .. : ايش قصدكـ ..؟! شايفني قليل مروه..؟! سعود وقف : لا .. تراني ادري باللي كان.. بينكـ و بينها.. و ياليتكـ حجرت عليها يا عساف.. ياليتكـ خذيتها انت.. ما كان هذا حالها..(تنهد) استغفر الله العظيم.. عساف سكت ..!! ما عنده رد عليه..!! حجرت عليها..؟!! ياليت يا سعود..!! ياليت..!! ما كنت تعذبت انا و لا هي تعذبت..!! سعود : انا بـ روح لفريق غازي بـ أشوف اخر التطورات..!! طلع سعود و لف عساف للشباك وراه .. يناظر السيارات تحت رايحة جاية كل مين عايش حياتة.. و هو حياتة واقفة عليها.. ما يبي شيء زود عن انها تكون مرتاحة و متطمنة و تعيش حياة كريمة.. يبيها مرتاحة لو مو معاه.. اهم شيء ما تقلق ما تبكي ما تزعل ما تنهار..!! على قوتها اللي يعرفها فيها و عنادها انكسرت..!! قد ايش يتمنى يجبر كسرها.. يجيب لها بنتها لـ حضنها.. يطمن قلبها.. يبي عينها تغفى من غير مهدئات.. اطلق تنهيدة قوية تعبر عن وجعة من وجع روحها.. .. أسيل : ماني مصدقة البنت عليها نحاسة حظ عمري في حياتي ما سمعت مثلها..!! بندر : استغفر الله ويش هالحكي..؟! ما احد يقول للقدر هالكلام..؟!! اسيل : استغفر الله مو قصدي .. يعني لا تفهم غلط.. مشاري : حاسبي على كلامكـ اسيل رب كلمة يقولها الرجل لا يلقي لها بالاً تهوي به في نار جهنم سبعين خريفاً.. اسيل فزعت : استغفر الله استغفر الله.. و الله مو قصدي كذا.. يعني بس احس المشاكل ملاحقة البنت.. انا ما اذكر شفتها مبسوطة و سعيدة..!! بندر : ما بعد العسر الا اليسر.. ربي بـ يفرجها عليها من عالي سماه.. هنادي بـ صوت هاديء اقرب للهمس من الخجل بـ وجود مشاري و راكان.. : يااارب .. الله يطمن قلوبهم و يريحهم.. راكان : و الله قهر.. عاد هالبنت رغم انها كذبت علينا قبل.. الا ان غلاتها عندي غير.. ام مشاري : ايه و الله انها غالية يا عيني عليها.. الله يكون معاها و يصبر قليبها.. أثير : حتى خالتي فاطمه جالسة هناكـ كن ما ودها تجي.. بندر : ما ودها تتركهم.. على ان وعد طول الوقت ينومونها بس تهون على اخوي و عيالة.. أسيل : فاقدتها و الله.. شكلي حتى انا بـ اشيل قشي و بروح بيت اخوي.. مشاري : ويش اللي تروحين هناكـ وهم بـ هالظروف.. أسيل بـ دلع عفوي : عادي بيت اخوي.. و هو قالي تعالي بـأي وقت كلهم طالعين و انتِ الداخلة.. بندر : هيـــه حجية مصدقة روحكـ .. فايق لكـ ابراهيم يدلعكـ .. دوبه في بناتة.. خليه في مصيبتة ما هو فايق لـ بزارين.. روحي تدلعي على نويف.. انقهرت : مالكـ دخل بيني و بين اخوي ما يخصكـ .. و حتى نايف مالكـ دخل فيه.. بندر : لا و الله بـ ذات نايف ماني متدخل فيه بكف نفسي عنه لا خير و لا شر.. لأني لو بـ اتدخل بـ انصحة ما يبلش عمره فيكـ عوبا و لسانكـ طويل.. خليه يـاخذكـ و يفكنا من شركـ .. اتسعت عيونها مقهورة منه و من اسلوبة معاها.. حتى بعد ما تزوج ما خلاها بـ حالها.. : لا و الله انا الشر..؟! اذا انا شر مثل ما تقول فا انت محراكـ الشر .. انت ساس البلا و المصايب كلها.. ام مشاري : أســــيل عيب عليكـ .. شوفي الفرق اللي بينكـ وبينه بالعمر.. لو متزوج من سنين عيالة اكبر منكـ .. أسيل وقفت : و ليش ما تقولين له هو.. يناقرني.. ويش قلت له انا..!! بندر : تكفين لا تصيحين.. حزنتيني.. هنادي همست : بندر حرام عليكـ زعلتها.. بندر مبتسم .. و ابتسامتة تستفز أسيل يكلم هنادي : ما عليكـ هاذي ما تحس..!! أسيل : انا ما احس..!! و انا الشر.. و تهاوشوني بعد كلكم.. ما تقولون له ليش يناقرني.. ما كني اختة الصغيرة .. مالت عليكـ و علي بعد.. طلعت من بينهم مقهورة .. و بندر اطلق ضحكة عالية وصلت لمسامعها اكيد و خلت دموعها تنزل مقهورة منه و من نايف اللي ما سأل عنها بعد ما زعلها.. مشاري : بندر خف عليها.. ترى اسيل حساسة لا يغركـ طوالة لسانها.. بندر : مشاري تراني امزح.. و حتى هي تعرف هالشيء.. مشاري : هي ماهي واحد من اخوياكـ تمزح معها مزح ثقيل.. تراكـ محسسها انها ما عندها مشاعر.. ابصم لكـ بالعشرة الحين انها تبكي..!! بندر وقف مستغرب : لا تقول.. معقولة تبكي..؟! مشاري : ايه و لا تروح لها.. بـ تتضايق زود.. تحركـ بندر و مسكتة هنادي من معصمة : لا تروح لها.. بتحرجها زود.. اسمع كلام اخوكـ خلها لين تهدأ و راضيها.. بندر : ويش فيكم ما اتوقع انها بـ تزعل.. هي تعرفني و تعرف اسلوبي.. مشاري : اسلوبكـ مع كل البنات غير بنات اخواني و حتى اثير و معاها غير.. بندر : غير اروح اشوفها الحين.. طلع ماهو مصدق ان وراء روحها الطفولية انسانة نفسية..!! اسيل غير.. عنده هو غير.. من جات البيت وهي مسوية جو في حياتة عكس اثير الهادية وين ما تحطها تلقاها.. سحبت منه بساط اخر العنقود حتى تستحلة هي.. و يليق عليها.. يليق عليها تدلع عليهم كلهم حتى على اخوانة.. طق باب الغرفة و دخل.. لفت و شافتة عطتة ظهرها و تمسح دموعها بسرعة.. بندر : قالوا لي انكـ بـ تكونين زعلانة بس ما صدقت.. معقولة تزعلين من مزحي..؟! اسيل من غير لا تلتفت عليه : رجاءاً خليني بـ حالي.. اصلاً كلكم تجرحون فيني و لا تقولون اني ما احس.. بندر : مين كلنا..؟! أسيل : ما لكـ دخل.. خلاص روح و فكني.. بندر جلس جنبها على السرير و باس راسها : من جدكـ اروح و انتِ زعلانة.. و الله ما دريت مزحي بـ يزعلكـ دايم اقولكـ حكي اقوى من كذا ما تزعلين ايش معنى هالمره زعلتِ..؟! أسيل بكت و هي ما تبي تبكي قدامة : قلت لكـ روح خلاص.. بندر : أسولة .. و الله ما توقعتكـ تزعلين.. تراكـ غالية علي.. اختي الصغنونة.. افا تزعلين من بندر حبيبكـ .. خلاص اوعدكـ ما احارشكـ ابد.. بس انتِ لا تحارشيني.. ما اقدر اسكت عنكـ .. أسيل تمسح دموعها و ساكتة : ........... بندر يمسح على شعرها : أسيل عاد و الله ما عرفت بـ تزعلين و الا ما كنت زعلتكـ الا انتِ عاد ما ارضى عليكـ .. فكيها عادي.. خلاص اراضيكـ ويش رايـكـ اعشيكـ بـ مطعم اليوم..؟! أسيل : خلاص راضية بس روح ابي اجلس لحالي انا متضايقة.. بندر رفع رجولة و تربع على السرير : لا تحاولين تقولين لي متضايقة و تبيني اطلع بعد.. شوفي احنا صدق مالنا سنين معاكم.. بس الدم ما يصير ماء.. انتم اخواني.. و الله اذا متضايقة اني اتضايق معاكـ .. ما يرضيني زعلكـ .. أسيل : خلاص رضيت بس انا ابي اقعد لحالي.. بندر وقف و سحبها من يدها يوقفها : لا .. قومي اغسلي وجهكـ و بنطلع الحين نمر بـيت ابراهيم و بعدين نطلع نتعشى برا.. أسيل : تجيب لي رضاوة و افقركـ فيها..!! بندر : ههههههههههههههههههه اوكِ و لا يهمكـ بس مو مره بعدين هنادي تطلبني فلوس من وين اعطيها يرضيكـ اخوكـ عريس ما صار له شهر متزوج ما يصرف على زوجتة..؟!! أسيل تتعداه : ما احد قالكـ زعلني.. و زوجتكـ دكتورة عندها راتبها.. .. بيت عامر.. ام ناصر : و الله يا خية ما ادري.. بس ما ظنتي عماد بـ يسوي عرسة وهو بـ هالحالة.. اختها : ليش ويش بـ يده.. ما يندرى بنتة متى ترد له.. ما يصير يوقف حياتة..!! ام ناصر : ما ادري عنه.. ما كلمتة.. صاير نار شابة ما ينتحاكى..!! البتول : ماهو موجود في البيت..!؟ ام ناصر : الا .. راح لـ مكتب ابوه يدور له شغلة.. قامت البتول : بـ اروح اشوفة.. فيه احد بالبيت من العيال..؟! ام ناصر : لا يا بنتي.. ام البتول : لا تنزلين عباتكـ ما يندرى يمكن احدهم يجي بأي حزة.. البتول : ان شاء الله.. طلعت البتول من عندهم متجة لـ مكتب عامر عشان تقابل عماد و تفرغ الحرة اللي فيها .. ما تبي عرسهم يتأجل على حساب بنت وعد..!! ام البتول بـ صوت اقرب للهمس و يدها على ذراع اختها : ياخية انا ما ودي ولدكـ يـكسر بـ خاطر بنيتي.. زواجهم ما بقي له شيء.. ام ناصر : يكسر بخاطرها ليش..؟! ام البتول : انه يأجلة لـ حزة ما يندرى متى تجي.. ما يهم لو ما يسوي عرس بس انه عشاء بسيط بيننا.. ام ناصر : لا تشيلين هم يا خيه ان شاء الله ما هو كاسر بـ خاطرها.. انا بـ اكلم ابو عبدالله وما يصير خاطركـ الا طيب.. هالأمور بـ يدة هو.. في المكتب دخلت شافتة جالس و سرحان .. تنحنحت .. التفت لها مصدوم من وجودها و بـ مكتب ابوه.. البتول و هي شابكة يدينها بـ بعض : السلام عليكم.. عماد : وعليكم السلام.. البتول : كيف حالكـ ..؟! عماد : ويش تشوفين..؟! البتول : تعبان..؟! عماد يلف بالكرسي يمين و يسار : واجد.. تقدمت البتول و جلست على المكتب قبالة : فضفض لي..!! عماد : ما عندي شيء اقولة زود عن اللي تعرفينة.. البتول : كيف اخذوها من المستشفى..؟! ما فيه كاميرات و امن..؟! عماد : ما ادري.. البتول : ليش ما تكون بنتكـ بالمستشفى وقت ما دورتوا عليها..؟! عماد : لأننا قلبنا عليها المستشفى ماهي فيها.. البتول : و شفتها ان كانت بـ غرفة وعد او لا..؟! عقد حواجبة بـ قوة : اذا بغرفة وعد ليش ندور عليها..؟! البتول : ما فهمتني.. ليش ما تكون وعد مخبية البنت عشان انت ما تتزوج..!! عماد : نعم..!! انتِ صاحية..؟! البتول : ايه صاحية.. زوجتكـ مبين انها غيرانة مني.. تذكر كيف اتهمتني اني حكيت عليها.. ليش ما تكون هي مخبية بنتها و مسوية هالمسرحية كلها..؟! عماد : مستحيل.. هي كانت منهارة و عمتي مريم كانت معاها شلون بـ تخبي بنتها..؟! بلاش غباء.. البتول بـ قهر : و ليش ما تكون متفقة مع احد ثاني.. و يمكن حتى عمتكـ تدري عنها..؟! عماد وقف : كلام سخافات لا عاد تقولينة.. و لا اسمح لكـ تتكلمين على عمتي بـ هالشكل.. و لو مثل ما تقولين ليش وعد تنهار و ما تنام الا على مهدئات و كل الوقت تصارخ.. لا تخلين غيرتكـ تعميكـ .. البتول وقفت : ايش فيكـ عصبت ما قصدت .. انا بس ابي اشوفكـ مرتاح.. شوف شكلكـ مبين عليكـ التعب.. .. بيت ابراهيم بعد العشا.. مريم تمسح على شعرها و تقرأ عليها.. مفتحة عيونها اول مره ما تصارخ عليهم و تنهار.. يمكن ضعفتها المهدئات.. : وعد..!! وعد دموعها تنزل من زوايا عيونها كل دمعة تلحقها خويتها : اخذوا بنتي..!! اخذوها.. مريم : خلي املكـ بالله قوي.. ان شاء الله بـ ترجع لكـ .. توكلي على ربكـ .. وعد : صغيرة..!! ما لها حمّل .. ما تقوى عليهم..!! ويش يسوون فيها..؟! مريم ضمت راسها لـ صدرها حتى تحضنها ودها تفرغ كل اللي بـ وعد فيها وما تخليها تحمل هالعذاب : خلاص يا ماما لا تبكين.. وعد تعلقت فيها : لا تخليني.. لا تروحين عني..!! مريم شدت عليها : ما راح اروح انا جنبكـ .. ارتاحي ماما.. خلاص نامي.. نامي انا عندكـ .. دخلت دانه : حاتم بـ يدخل يشوف وعد..!! ام سعود : خليه يدخل يا امي ما به احد غريب.. ام عبدالرحمن : يا وليدي خلي بنيتكـ تأكل ماهو زين لها ما حطت لقمة بـ فمها هي نفاس والدة بـ عملية.. زاد بكاء وعد أي نفاس.!.!! أي نفاس و بنتها ماهي عندها..!! أي عملية اللي ما تحس فيها..!! اللي تحسه وجع اعمق بـ كثير.. وجع يألم و يذبح.. مريم تمسح على شعرها : خلاص ماما اهدي..!! حاتم : السلام عليكم.. : وعليكم السلام.. باس راس جدتة و خالاتة .. و سحب الطاولة و جلس قدام خالتة مريم لأن وعد منسدحة بـ حضنها.. : كيفها الحين..؟! وعد نزلت راسها على رجل امها : حاتم..!! كلم عماد.. ابيه.. حاتم : ليش..!؟ وعد : ابيه.. ابي اشوفة.. حاتم : انتِ تدرين ان ابوي ما وده يشوفة.. كيف تبيني اقولة يجي هنا..!! وعد جلست شالت اللحاف عن رجلها و وقفت.. وقفت معاها امها : وين رايحة يا ماما..!! حاتم : وعد لازم تأخذين دواكـ و اركب لكـ مغذي ما يصير بـ تطيحين من طولكـ ..!! وعد : ابي اروح لـ بابا.. ابي اشوف عماد.. مريم : ماما خلاص انا بـ اكلم عماد .. انتِ تعالي ارتاحي.. جود تكلم نهى : اختكـ استخفت..؟! نهى : ليش متوقعة ان باقي فيها عقل..؟! جود : اكيد لا.. نهى : ويش عنده ابوي ساكت عن غياباتكـ و لا كنكـ بـ ثالث ثانوي..؟! جود عفست وجهها : الرازق في السماء و الحاسد بالأرض.. انتِ ويش عليكـ .. خليني افتكـ من الشيفة ذيكـ .. نهى : للحين ترسل لكـ ..؟! جود : كل يوم.. الله يحاسبها على كلامها.. حسبي الله فيها.. نهى : كلمي واحد من اخواني يغير لكـ الرقم.. جود : و مين فاضي لي..!؟! عدا ان دادي بعد موضوع مهاب حتى هو انضم لأمي و لا واحد فيهم يكلمني..!! نهى : لا تلفقين عليه.. انتِ بعظمة لسانكـ قلتِ اخطيتي عليه بالحكي.. جود تحول الموضوع : اقولكـ ما انتِ ملاحظة ان ندى نايمة عندنا من البارح..؟! نهى : هذا انا نايمة عندكم ويش اللي اختلف..؟! جود : غبية.. لاحظي شكلها ماهي طبيعية.. اذا امس نامت يعني غازي مو عندها نشوف اليوم تروح بيتها و الا لا.. نهى : طيب هذا انا نايمة هنا و فيصل نايم لحالة عادي.. جود : انتِ مهملة لكن ندى سنعة.. نهى اتسعت عيونها : نعم..!! جود : رجاءاً مو تسوين فيها زعلانة و كذا .. هذا الصدق يا ختي.. انتِ غير و ندى غير.. مريم : نهى..!! نهى التفت لأمها : هلا.. مريم جلست بعد ما اخذت وعد لـ عند باب المجلس حتى تكلم ابوها مع حاتم : الى متى بـ تنامين هنا و تتركين بيتكـ ..؟! ام عبدالرحمن : مضيعة السنع قليلة الحيا.. نهى : أي قليلة حيا ما سويت شيء فيصل راضي.. و اختي محتاجتني.. مريم : اليوم ترجعين لـ بيتكـ فاهمة.. نهى : ماما..! مريم قاطعتها : نهى.. ما يصير اللي تسوينة.. عيب.. اختكـ عندها مين يرعاها نهى : لا فيصل راضي عادي.. و انا مستحيل اتركـ وعد.. انتِ حدكـ 12 و تروحين.. مريم : معاها ابوكـ و خالاتكـ و اخوانكـ .. ماهي بـ عازتكـ تعالي من الصبح لليل.. بس بعدها ترجعين لـ بيتكـ .. ماهي زينة يا ماما اذا فيصل ساكت ما يعني انه راضي على سواتكـ عيب يا ماما ما صار لكم كثير متزوجين.. ام عبدالرحمن : ايه بالله علميها السنع اللي ما تستحي.. نهى : ويش فيكم علي.. ما عليش هاذي حياتي و انا متفاهمة مع فيصل ما احد له دخل.. ام عبدالرحمن ضربت بـ عصاتها على الأرض : اه يا قليلة الحيا مالنا دخل .. حق من يكسر هالعصاة على ظهركـ .. ابكـ لو ما تتصلين عليه و تذلفين الحين معاه يا ويلكـ .. تفهمين العلم و الا لا..؟! نهى وقفت : انا بـ اروح اشوف وعد..!! مشت نهى حتى تلحقها مريم و تمسكها من عضدها بعد ما ابتعدوا عن الكل : تعالي.. نهى : ماما.. مريم دخلت الغرفة اللي المجهزة لـ نفاس وعد و دخلت نهى وقفت قدام نهى : فيه شيء بينكـ و بين فيصل..؟! نهى : ماما لا انتِ فاهمة غلط.. مريم : هذا اللي المفروض نفهمة لأنكـ توصلينة لنا كذا.. (رفعت شعر نهى عن وجهها) ماما انتِ صرتِ مرة متزوجة مسؤولة عن بيت لازم تشوفين فيصل ويش محتاج.. اذا هو قايل لكـ انه راضي عن جلستكـ و ساكت و مراعيكـ انتِ بعد راعية.. خلاص جلستي ثلاث ايام هنا كفاية لازم تروحين لـ بيتكـ و تقابلين زوجكـ و تعالي هنا كل يوم ما احد بـ يقول لكـ لا.. نهى : انا متفاهمـة معاه.. مريم تقاطعها : نهاوي ماما ادري انكـ جالسة هنا بـ رضاة.. مثل ما ارضاكـ ارضية.. لا كان صاحبكـ عسل لا تلحسة كله.. لا تحدينة يقولكـ ارجعي معاي البيت.. خليها تجي منكـ و تكبرين في عينة.. كل ليلة يجيكـ و يكلمكـ يوقف معاكـ .. ليش تصعبين عليه و تبعدين عنه.. خليكـ معاه و معانا.. انتِ مسؤولة عنه يا ماما.. نهى تنهي الموضوع : طيب..!! مريم : ايش فيكـ زعلتِ..؟! نهى : لا.. ليش ازعل..؟! انتِ تبين مصلحتي.. مريم قرصت خدودها : زين انكـ عارفة.. تعالي خليني احضنكـ حليااانة.. نهى ابتسمت باست خد امها : تلعبين علي..!! مريم : و ليش العب عليكـ .. محلوة غصباً عن الكل.. و اسألي فيصل بعد.. نهى ابتعدت عن حضن امها : ما يحتاج اسأل انا اعرف نفسي.. مامي بـ اقولكـ شيء.. مريم : قولي ماما ايش فيكـ ..؟! نهى : ابي انحف.. مريم : ليش ماما ايش فيه جسمكـ ماشاء الله .. حتى نحفتي قبل زواجكـ .. نهى : ماما لا تطقطقين علي.. صح نحفت بس حتى ما وصلت للوزن المثالي لسى يبي لي..(حولت نبرتها للتردد) احس احيان..!! يعني.!.! مريم : قولي لا تستحين..! نهى : احس اني متغيرة عن زمان.. متغيرة على فيصل.. مريم : هو قالكـ هالحكي..؟! نهى : لا ابداً.. بس انا احس كذا.. مريم : شوفي ماما يمكن تكونين زايدة عن المثالي شوي رغم اني ما اتوقع انا شايفة جسمكـ حلو و مشدود.. بس اذا ودكـ سوي ريجيم بسيط.. نهى بـ برود : لا ابي اسوي عملية.. مريم فتحت عيونها مستغربة : صاحية انتِ ..؟! ويش اللي عملية اقولكـ اصلاً ما تحتاجين ريجيم تقولين لي عملية..؟! نهى : ماما اسمعيني.. نجرب نروح دكتورة و نسأل.. الله يخليكـ .. مريم : لا.. ثم لا.. و لا حتى تفكرين بـ ذا الموضوع يا نهى.. ماني سامحة لكـ .. تبين اوديكـ دكتورة تغذية اوكـ ما عندي مانع.. بس تسوين عملية لا.. هالأشياء خطيرة .. اصلاً ما يسوونها لأي شخص و أي وزن.. على كيفكـ الشغلة هي..؟! نهى : نجرب ما يمنع.. مريم : و انا قلت لكـ اللي عندي.. لو فيصل متضايق منكـ انكـ متغيرة على اللي يخبرة من سنين وما تبين تقولين.. انا بـساعدكـ يا ماما و تسوين ريجيم صحي.. نهى : ما ينفع جربت.. مريم : الا ينفع بالعزيمة يا ماما.. كملي رجيمكـ اللي قبل زواجكـ و بتنحفين عليه.. اما تقولين لي عمليات لا.. طلعت مريم و تركت نهى تتحلطم بالغرفة : غبية انا ليش قلت لها..؟! المفروض اروح مع فيصل بس انا ما ابيه يحس..!! الا ما القى حل.. في المجلس.. ابو سعود : انسدحي بابا شوي و بـ يجي عماد.. خالد : وعودة خلينا نجيب لكـ شوربة دافية.. وعد حاضنة عضد ابوها و راسها على كتفة : لا ما ابي.. حاتم : وعد ما يصير اللي تسوينة بـ نفسكـ .. هذا انتحار.. ابو سعود : بابا ما اكلتي شيء.. شوفي كيف ضعفتي.. صرتي عظام.. مشعل : صرتي هيكل عظمي متحركـ .. ويش ذا بنت.. يعني لو بنتكـ رجعت حتى ما تقدرين ترعينها لأن انتِ تحتاجين مين يرعاكـ ..!! وعد : مالي نفس.. (بكت) و الله ما اقدر.. ابو سعود سحب يده منها و حطها وراء ظهرها حضنها : خلاص لا تبكين.. ما حسبت انكـ تسكتين يا بابا اهدي.. وعد ما زالت تبكي يكفيها فقد واحد يوجع.. ما تبي تفقد احد زود : بابا .. ما ابي ماما تروح.. ابو سعود غمض عيونة : حياها الله لو ترضى تجلس كلهم عيالي كلهم محارمها.. و انا قاعد هنا.. بس ما اظن خالكـ عامر يوافق.. حتى لو قلت لـ عمتي نوره تجي تنام عندنا.. مشعل يهمس لـ ياسر : ماشاء الله بيصير بيتنا فندق.. ياسر : اهم شيء وعد ترتاح لو نجيب اهل المدينة كلهم و نسكنهم عندنا.. وعد : طيب.. كلم.. غازي.. ابو سعود : يا بابا امكـ جالسة عند خالكـ عامر.. ما يصير نكلم الصغير.. و بعدين غازي بـ يقول بـ اشوف عامر.. هذا اذا ما رفض الموضوع.. وعد : طيب انا ابيها..!! ابو سعود : خلاص طيب.. بـ اكلم خالكـ بـ اشوف ويش يقول.. بس اوعديني ما تزعلين لو ما رضى.. هي تجي كل يوم ما هي مقصرة.. وعد ابتعدت عنه بـ ضعف وهي تسند نفسها على كفها : لو ما رضى.. انت.. تتزوجها.. ابو سعود بـ صدمة : نـــعم..!! نهى دخلت بعد ما سمعت اخر الكلام و ابتسمت اللي وعد تشاركها نفس الفكرة : و ليش استغربت..؟! ماما ما يعيبها شيء.. ابو سعود : انتن استخفيتن..؟! وعد : ليش استخفينا..؟! احنا نبيها.. ابو سعود : اولاً منيره بـ عدتها.. ثانياً امكـ متزوجة..!! نهى : مطلقة امي و خلصت عدتها.. و منيره لا خلصت عدتها انت تتزوج ماما.. ابو سعود : سكرن هالموضوع و لا عاد ابي اسمعة.. وعد : ليش..؟! ابو سعود : من غير ليش.. وعد ما ابي ازعلكـ فوق زعلكـ .. ترى فيني من الهم ما يكفيني.. نهى : بـ نسكت بابا بس نوعدكـ مو على طول.. اذا خلصت منيره عدتها لنا حكي ثاني.. ابو سعود يطنش حكيها : ادخلي يا نهى داخل شوي عماد بـ يجي.. وعد وقفت : انا .. ابي اقابلة برا لحالي.. ياسر وقف : لا.. اولاً انتِ تعبانة ما يصير تطلعين برا بـ هالجو.. ثانياً ما اضمن انه ما يسوي لكـ شيء.. ما اثق فيه.. وعد : انا ماني مطولة بـ اكلمة شوي.. و ما راح يسوي لي شيء.. لو قرب مني بـ اصارخ.. ياسر : قلت لكـ لا.. حاتم : ياسر لا تعقد الأمور.. خلهم يمكن يتفاهمون يمكن هالمشكلة تقربهم من بعضهم.. ابو سعود : لا.. (ناظر بـ وعد) وعد تدري اني مستحيل اردها له .. تحرم عليه حرمة امه و خواتة عليه.. حاتم فزع : يبه ويش هالحكي ما يصير.. ابو سعود : اللي عندي قلتة.. رجعة لـ عماد لا.. وعد : و انا ما ابي ارجع له.. بس بنتي.. هي بنتة.. ياسر : تقابلينة لحالكـ و برا لا يا وعد.. فاهمة.. اصلاً شلون تطلعين و انتِ لا صحتكـ تسمح.. عدا ان برا حرس و المكان ما راح يكون امن لكـ .. ابو سعود : ياسر معاه حق يا وعد قابلية ما رديتكـ .. وما تبينا اوكـ اجلسي معاه بالمقلط اما تطلعين برا لا .. ياسر التفت للباب بعد ما سمع صوت الجرس : هذا هو جاء.. راح ادخلة بالمقلط.. طلع ياسر و وعد لفت لأبوها : قول لـ ياسر يخليني على راحتي.. ابو سعود : خايف عليكـ .. كتفت يديها و طلعت من المجلس و دخلت المقلط بالجهة المقابلة.. : السلام عليكم.. لف عماد و ناظرها.. كل واحد جسمة يحكي تعب و ارهاق و وجع من نوع مختلف.. : وعليكم السلام.. وعد ناظرت ياسر : ممكن..؟!! ياسر صد بـ وجهة ما يبي يتركها معاه بعد كل شيء سواه فيها و اخرها كان قدامهم بالمستشفى ما راعاها ابد .. وعد ترجتة : بليـــز ياسر.. ياسر : عشانكـ بس.. (لف لـ عماد) و الله العظيم لو تغلط عليها اني ما اسكت لكـ .. لو بس اسمعكـ رافع صوتكـ عليها لا احاسبكـ على الأولي و التالي.. طنشة عماد مو لأنه ما يقدر يرد او خاف من تهديد ياسر لأنه ما يبي.. يكفية المغثة اللي قدامة بـ يشوف حضرتها ليش مناديتة..! طلع ياسر و ترك الباب مفتوح.. جلست وعد و جلس عماد بعيد عنه بـ مسافة .. شيء طبيعي اذا ارواحهم متنافرة ما احد فيهم يحاول يخفف على الثاني.. ما احد فيهم يبي قرب الثاني او شوفتة.. عماد : ما اظن طلبتيني عشان تسكتين.. اذا ما عندكـ شيء تقولينة عندي اشياء اهم من مقابل وجهكـ .. ضيقت عيونها وهي تناظر بالأرض : اسلوبكـ ما تعرف تعدلة.. دايم زفت..!! عماد : لكل واحد ما يستحق..!! غمضت عيونها بـ قوة يقصد يهينها .. لفت تناظرة : ابي بنتي..!! عماد : ما احد قالكـ اهمليها و خليهم يأخذونها.. وعد حطت يدها على صدرها مصدومة : تلومني..!! و ليش ما تلوم نفسكـ ..؟! عماد : الوم نفسي..؟! ليش مو انتِ اللي تركتيها..؟! انتِ غبية شلون تخلينهم يأخذونها للحضانة و هي ما تشكي من شيء..؟! وعد : ليش مو انت كنت موجود وقت ولادتي.. ليش ما حكيت..!؟ انت بس تبي تحملني اخطاءك.. ما تبي تطلع نفسكـ غلطان في شيء.. انا ما اخطيت .. تفهم انا ما اخطيت.. بنتي معاهم بسببكـ .. لو انت مو ابوها ما كان خطفوها.. ابيكـ ترجعها.. انت المسؤول عن خطفها.. عماد وقف : ما احتاج كلامكـ عشان ادور عن بنتي.. الحمدلله انها ما هي كبيرة عشان ما تسوي سواتكـ و لا تهتم باللي وراها و يدور عليها تقعد عند ناس شهر و لا تسأل عن اهلها.. وعد وقفت .. و صرخت فيه : انت تهيني..؟! انت شنو ما تحس..؟! ما مليت من كثر ما تجرح فيني..؟! فوق كل اللي سويتة و اخطاءك علي بعد تكملها..؟! ما تتوب..!! طلعوا من المجلس و دخلوا عندهم على صراخها..!! ابو سعود : ايش فيكـ وعد..؟! عماد : عن اذنكم.. ياسر : ويش قلت لها يزعلها..؟! عماد : و ليش ما يكون اختكـ غلطت..!! ياسر ما تحمل زود هو اصلاً حمقان عليه من حركتة معاها بالمستشفى هجم على عماد و ضربة بـكس على بطنة..!! تراجع عماد على وراء منحني و ضاغط على بطنة لكن ياسر رجع من جديد و عطاه بكس استوعب عماد انه ينضرب .. صلب نفسة بالقوة و هجم على ياسر حتى يتعراكـ الإثنين ضربة لـ عماد و ضربة لـ ياسر.. حاتم وقف بين الإثنين : صاحين انتم..؟! عماد ماهو ناقصة احد يهدية و لا بعد من اهل وعد..!! طنش حاتم و ضرب ياسر على وجهة دنق ياسر و نزف فمة.. لكن ناره ما طفت من عماد بالعكس كل ثانية تزيد و تزيد .. هجم على عماد مره ثانية و ضربة ضربتين وحدة على وجهة و الثانية على بطنة.. عماد سحب يد ياسر و لفها له لين طقت و رفسة بـ رجولة على ظهرة.. ياسر تقدم لـ كم خطوة من رفسة عماد.. لف عليه بـ يضربة وقف ابوه بـ وجهة.. ابراهيم : بـــــــــــس..!! صاحين انتم..؟! ما كنكم رجال طول بـ عرض..؟! .. بيت عبدالرحمن.. مجتمعين على اخبار سهاد بـخطبة سلمان لها.. ابو عساف : و اخوك يعرف الرجال يا بنتي.. و يمدحة.. عساف : ما فيه منه اثنين.. اضمنة بـ عمري.. و الله يا سهاد لو ما يستاهلكـ حتى ما افكر اني اشاورك بالموضوع.. سهاد منحرجة بين اهلها .. ما رفعت عيونها من الأرض و تفركـ يدينها بـ توتر.. ام عساف : استخيري يمه و فكري على مهلكـ .. عبير : طيب تحسون ظروف بيت عمي ابراهيم تسمح لنا نفكر نزوج سهاد..؟! ماجد : الموضوع مجرد خطبة اكيد ما راح نعلق الرجال شهور ما يندرى البنت متى بـ ترجع لأهلها.. و لسى ما صار شيء و لا قلنا بـ نسوي زواج.. عساف : هاذي خبلة ما ادري متى بـ تفكر زين..؟! ويش حاسبة انتِ..؟! عبير : ماني حاسبة شيء بس اسألكم.. حرام ..؟! (ناظرت ابوها) بابا شوفهم..!! ابو عساف : ما عليكـ فيهم خليهم يقولون اللي يقولونة.. ماجد يقلدها : بابا شوفهم..!! هيــــه انتِ اللي قدكـ عيالهم بالمتوسط..!! عبير اتسعت عيونها : هذول اللي قدكـ يا عيني.. مو اللي قدي ترى عمري 19 شلون صاروا عيالي بالمتوسط..!؟ يزيد : يا حبكـ للمبالغة.. هذا انت فشلت نفسكـ .. ماجد : اما فشلت نفسي..!! ما عاد الا بعير.. عبير : بعير في عينكـ يا قليل الأدب ما كنكـ دارس برا.. ماجد حمر عيونة فيها : من هو قليل الأدب..!! عبير قامت و جلست جنب ابوها : انت..!! عساف : ما عليكـ لو ما عرفت انها غلطانة ما احتمت بـ ابوي.. ماشي يا عبير على طوالة لسانكـ ذي اوريكـ .. ابو عساف : و الله لو تنوشها يا ويلكـ يا عساف.. هذاني نبهتكـ .. عساف : يبه .. ترى لسانها طايل و انت تحامي على غلطها.. ام عساف : هو صادق .. عيب تقول لأخيها هالحكي.. ابو عساف يده على كتف عبير : حتى هو غلط عليها.. هي تحترمة وهو يعطف عليها.. اما يتكلم عليها و تبونها تسكت لا.. ماجد : شككتني اني ماني ولدكـ يبه .. يعني انا تقولي قليل ادب زينة كم سنة بيني و بينها ما تحترمني..؟! عبير : ويش فيكـ و الله امزح مثل ما تمزح انت.. عساف : ما تقولين لأخوكـ قليل ادب..!! سهاد شافتهم لاهين في مشكلتهم طلعت حتى من غير لا تستأذن حتى ما ينتبهون لها منحرجة منهم.. ابو عساف : الحين هي تعذّر منه وهو يتعذّر منها.. وقفت عبير و باست راس ماجد.. و ماجد باس راسها.. عبير : عن اذنكم.. طلعت من بينهم.. تبي تلحق على سهاد و طقطق عليها على الأقل تتونس شوي.. عساف : يبه تراكـ مدلعها.. ما يصير اللي تسوية معاها.. دايم واقف معاها و كل طلباتها اوامر..!! ابو عساف : ما يطاوعني قلبي اردها.. ماجد : يبه الدلع يخربها.. لا الشدة زينة و لا الدلع زين.. ايش معنى هي مدلعها..؟! ابو عساف : ليش تبي تحط نقركـ من نقرها.. تراكـ رجال و هي بنية.. و لا تلحلحت و تزوجت و جاتكـ بنية تعرف ليش تدلعها.. ماجد : اما انا اتزوج.؟! و اتخطى كبيرنا.. (ضرب عساف على ظهرة).. عساف : بقي تكسر ظهري..!! و لا تربط نفسكـ فيني.. انا ماني متزوج.. ام عساف : ليش يا ابوي انت بكرنا و اول فـرحتنا و فرحة العيلة كلها .. خلنا نفرح فيكـ .. عساف : مالي خاطر.. لو لي فيه خاطر كنت تزوجت.. ام عساف : ويش اللي لادكـ عن الزيجة.. و الله عين و ما صلت على النبي..!! ابو عساف : اللهم صلي على النبي.. لا عين و لا شيء.. ولدكـ به بلى ثاني.. مير ماهو راضي يركد.. عساف وقف حتى ينهي الموضوع : قفلوا هالسيرة انا الزواج شايلة من راسي بتاتاً.. ام عساف تناظر ولدها اللي اختفى بعد ما طلع لـ فوق.. لفت على زوجها : ويش بلاه انت تعرف ويش فيه..؟! نوديه شيخ يقرأ عليه..؟! يزيد : يمه من جدكـ .. عساف ما يشكي من شيء.. بس هو ما يبي يتزوج.. ام عساف : اللي قده عيالهم بالإبتدائي.. هذا خالد ولد عمكم بينه و بين عساف حول الخمس سنين و ولده ثاني ابتدائي.. ماجد : عساف غير و خالد غير.. ام عساف : و انت ويش لادكـ ..؟! لا يكون خابرن لك مره برا..؟! ماجد غمز لها : تعجبكـ يا ام عساف.. بـ اجيبها لكم قريب.. ابو عساف : تعقّب و الله ما تدخلها بيت و انا ولد ابوي.. ام عساف : قلوا عليكـ بنات دينكـ و ديرتكـ حتى تتزوج من الشقر.. هذا اللي ارسلناكـ تدرس له..؟! يا قليل الحيا.. ماجد : اووووه انتم أي شيء فيه حرمة على طول تصدقون.. لا تخافون ماني خابر احد و لا شيء.. بس ما لقيت مره تروق لي على مزاجي للحين.. ابو عساف : عندكـ بنات عمكـ ماشاء الله عليهن.. ميار و سهاد و جود..!! ماجد : اما جود..!! من جدكـ يبه جود تحطها من ضمن الخيارات..؟! ابو عساف حمّر عيونة بـ ماجد : ليش ويش ينقصها ان شاء الله..؟! ماجد : ما ينقصها الا يزودها.. جود ما احسها الا اختي.. ابو عساف : ماهي اختكـ .. بنت عمكـ و يحل لكـ تتزوجها.. ماجد : يبه تكفى اصلاً شيل الموضوع من راسكـ انا عرس الحين ماني معرس.. ام عساف : خلاص طيب ما تبي من بنات عمكـ خذ من بنات خوالكـ .. ابو عساف لف لـ زوجتة : ليش بنات ابراهيم يشكن من نقص..؟! ام عساف : لا ماشاء الله عليهن.. بس كود الولد ماله خاطر بـ وحدة فيهن.. ليش نحده عليهن الله يرزقهن.. ابو عساف : ماله الا وحده فيهن (لف على ماجد) هذاني نبهتكـ .. وبس تخلص مشكلة بنت وعد نروح لـ بيت اخوي و نخطب لكـ .. ماجد : يبه الموضوع ماهو بهالشكل.. ما يصير.. يزيد : يبه عدا انه ما يجوز خطبة المسلم على اخيه المسلم.. طلع جود من السالفة ما يصير.. ابو عساف : ابو سعود قالي ان بنتة ما تبي ولد خالها.. .. استغفر الله العظيم و أتوب إليه.. مواعيد البارتات كل سبت ان شاء الله.. لا أحلل نقل الرواية دون ذكر اسمي.. هاشتاق #رواية_لو_سألتي_الورد ضحكة قهر.. http://up.graaam.com/img/23407876b74...eba11d9f14.png http://up.graaam.com/img/c433481acf7...1de64fbad2.png |
رد: لو سألتي الورد وهو ما بين إيدك أقطعك بيقول لك عمري فداك الكاتبة / ضحكة قهر
يسلمووووووووووووو على البارت
عماد بدو قتل من كتر ما هو بقهر ليه مو حاط واطي أنو غلطان جد واحد متخلف وكتيررررررر ظالم |
رد: لو سألتي الورد وهو ما بين إيدك أقطعك بيقول لك عمري فداك الكاتبة / ضحكة قهر
بسم الله الرحمن الرحيم.. السلام عليكم و رحمة الله و بركاتة.. مساء الخير.. نخش بالثقيل على طول.. السالفة اللي اشغلتكم و ما خلتكم ترتاحون.. مين هو المجهول..؟! و اللي انا استغربت انكم ما وصلتوا له بـ بساطة.. جاتني اجابات تحمل اسمة لكن ما احد اعطاني التحليل لذلكـ واضح الإجابات تعتمد على التخمين يا تصيب يا تخيب.. نجي نحلل الموضوع و نشيل و نحط و بالأخير اكيد بـ نرسى على شخص واحد.. اول نقطة ممكن تنفي توقعات الأغلبية عزام وعساف ونايف.. من الحوار كل شيء موجود بالحوار للي مركز.. الصقر قال لأيمن المنذر انه يبي يعرف اخبار غازي و ما يقدر على رجالة مستحيل و تحديداً في البارت 48 عشان كذا اختاروا وعد تزرع ادوات تنصت بـ ملابس سعود.. اثنين و اللي تنفي عزام و نايف و التوقعات اللي قالوا واحد من عيال عامر و تحديدا محمد .. الشبة اللي قال عنه الشيخ لـ غازي و سعود.. هذا يعني انه واحد من العيلة.. و اكيد انه ماهو وليد هو قال انه ارسل الرسالة بس ما جاب طاري انه راح للشيخ و هالكلام بـ البارت 48 و لام نفسة على لقافتة بس هو مقتنع انه سوا الشيء اللي فيه مصلحة لينا.. اثنين قلت كم كلمة توضح انه من العيلة.. الدم..!! و الكره اللي بين الإثنين و النظرات العتاب..!! مين يعتاب شخص ما يعرفة..؟! اكيد بينهم معرفة .. رحتوا اسندتوا الكره لـ عساف عشان كان بينهم خلاف.. لكن الكره كان شيء طبيعي بين الإثنين لانهم تواجدوا بـ مكان هم ادرى بدنائتة شيء طبيعي بـ يحقد كل واحد فيهم على الثاني لأنهم من عيلة وحدة.. نجي لتحليلات العيلة.. و اللي انفيها كلها مشاري راكان و ماجد بـ شيء واحد..!! كلهم كانوا متواجدين بالمزرعة وممنوعين يطلعون وقت ما انخطفت لينا منها و المجهول قابلها..!!! مين باقي..!؟ بعد قولوا ما عرفتوا..؟! مين الوحيد اللي يقدر يختفي عن الكل .. "عمر".. عمر يا اوادم..!! كل شيء واضح مثل الشمس.. بس ما ادري انتم ويش بلاكم.. لـ درجة ان تجيني تعليقات توهم يقتنعون ان المجهول ماهو وليد..!!! النقطة الثانية.. اللي بديت اتضايق منها.. الرومانسية اللي من جد بديت اكره الرومانسية.. انا اكثر من مره وضحت وجهة نظري بـ هالموضوع و قلت اني مستحيل اكتب شيء انا مو مقتنعة فيه.. هالشيء ينزل بإسمي انا.. مو بإسم احد غيري.. يقرأها 800 الف قارئ لو كتبت شيء مخل انا اخذ ذنوبهم كلهم.. انا اقدر اوصل حياة ابطالي من غير رومانسية.. شوق و سعود مثلاً.. فيصل و نهى..!! اي سؤال او تعليق يجيني سوا على موضوع الرومانسية او نهاية الرواية و انا كاتبة بالأسك لا احد يسألني عن النهاية ما راح ارد على الإثنين.. و اللي ما تقرأ المقدمة مشكلتها ماهي مشكلتي.. اخيراً البارت.. اجراااامي.. حبيـــــتة..!! رغم اني الفجر ما كنت كاتبة الا 14 صفحة وما توقعت اني بـ انزلة بـ هالوقت القياسي و انا على صحيتي البارح العشا بس الحمدلله ربي يسرها من عنده.. البارت تعويضي عن اللي ما نزل قبل اسبوعين.. سوا بالأحداث او بالطول.. و بـ كذا اعتبر نفسي عوضتكم ^_^.. حيــا الله قرائي جميـــعاً.. قرأت كل ردودكم و تعليقاتكم و ما امداني ارد مع زحمة البارت لأن اول هالإسبوع صابني خمول ماهو طبيعي.. شكــراً لكم.. همسة : اشكر فدا عيونة على تصميمها لـ توقيع خاص بـ روايتي.. شكــراً لكـ من القلب يا جميلة.. قراءة ممتعة لـ البارت.. لا تنسوني من دعواتكم.. .. البارت الثالث و الخمسون.. اليوم أنا صدري رحب أحس في صدري صباح أحب كل شي .. وأحب كل شي حبيته و راح [IMG]http://www.******.com/forum/images/smilies/smile.gif[/IMG] لـ حمد العيد.. جالس في مكتبة مرهق جداً.. مين يقول التربية تنتهي اذا كبروا.. بالعكس همهم يكبر معاهم.. خايف عليهم كلهم.. عيال و بنات.. و بعضهم زود بسبب المشاكل اللي يمرون فيها.. وليد و وعد و سها..!! سمع صوت الطق على الباب .. من غير لا يرفع نظرة عن المكتب : تفضل..!! دخلت بـ هدوء : السلام عليكم.. ناظرها و رجع نظرة للمكتب : وعليكم السلام.. دخلت تمشي بـ ثقة : ممكن نتكلم بـ هدوء..؟! ابو سعود : اذا بـ تغلطين على احد من عيالي اكيد ما راح يكون فيه هدوء.. جلست منيره : عاجبكـ انكـ طلقتني..؟! ابو سعود ناظرها : ويش كنتِ تبيني اسوي و انا محذركـ اكثر من مره.. انتِ تهينين بناتي قدامي و تبين مني اسكت..؟! شلون تجي هاذي..؟! منيره : انت ما تشوف اخطاء بناتكـ .. او بالأصح مقهور منهم و تبي احد تحط الحرة فيه.. ابو سعود : انتِ وحده من اهل بيتي.. انتِ اول من اخطأ و حكى في بنتي و قدامي.. منيره قاطعتة : يعني ما تشوف بنتكـ اخطت..؟! انا ما قلت شيء من راسي.. هي وطت رووسكم بالتراب.. ابو سعود صرخ : منيــــــره..!! ما يخصكـ في بناتي.. لو ارميهم بالشارع مالكـ دخل و لا يحق لكـ تحكين ربع كلمة.. و انا ما طلقتكـ الا انكـ تحكين عليهم و اللي يحكي عليهم يحكي علي.. وعد و نهى و جود و سها ما خليتي و لا بقيتي.. بناتي قطعة مني.. لما تهينين وحده كنكـ تهنيني انا.. انتِ ما احترمتيهن.. منيره بـ حدة مشابهة و دفاع : و بناتكـ محترماتني..؟! انا من اول يوم دخلت البيت حاربوني.. و انت بـ نفسكـ تذكر ويش سوو.. و ويش سويت انا عشان اتقرب منهم.. عاملتهم بالزينة لكن ما نفعت معاهم و يقللون من احترامي.. ابو سعود : بناتي انا رادعهم عنكـ .. و اذا حكوا بينهم و وصلكـ الحكي ما يعني انكـ بـ تصغرين عقلكـ و بتزعلين من هالحكي.. اهم شيء محترماتكـ .. منيره عقد حواجبها : يعني نهى يوم تحكي علي لما كنا على العشا, هذاكـ احترام..؟! ابو سعود : انا قايل لكـ لا تدخلين فيهن.. و من دق الباب سمع الجواب.. هن ما يتحملن منكـ كلمة.. فا ليش تحشرين نفسكـ بـ مواضيعهن.. ما عليكـ فيهن حتى نصيحة لا تنصحينهن.. ما انتِ مسؤولة عنهن.. منيره : صح معاكـ حق ماني مسؤولة عنهن.. لكني ما بغيت الا مصلحتهن لأني عديتهن مثل بناتي.. و بغيت لهن الزينة لأنهن بناتكـ انت.. بناتكـ يا ابراهيم.. انت تدري ويش تعني لي..؟! ابو سعود ابتسم : هذا كان زمان يا منيره.. زمان.. لما تعني لي و اعني لكـ .. شيء ماضي و اندثر من ثلاثين سنة.. وقفت بـ صدمة : نعم..!! شنو اللي ماضي و اندثر..!؟ يعني انتِ ما بغيتني..؟! اجل ليش تزوجتني..؟! ابو سعود : لو ما بغيتكـ ما تزوجتكـ .. تقدرين تقولين كنتِ حبة براسي و انطحنت.. يقولكـ كل ممنوع مرغوب.. و انتِ كنتِ ممنوعة عني وقت ما كنت طايش و مراهق.. و انا تهاوشت مع اهلي عشان اخطبكـ و لما اهلي رضوا اخوكـ رفضني و بقيتي في خاطري.. لو انرفضت رفض عادي كان ما بقيتي في خاطري.. بس هالشيء خلاكـ تبقين ثلاثين سنة.. و بعدها تزوجتكـ و عادي...!! منيره منصدمة : كيف يعني عادي..؟! انت ما تتخيل الحكي اللي جاني.. عيالي اللي انحاشوا برا على اساس يدرسون بعثة بسبب زواجي منكـ ..!! ابو سعود : الحكي..؟! انا خطبتكـ و انتِ وافقتِ.. و لا تفهميني من هالحكي ان انتِ كنتِ باغيتني يوم وافقتِ..(ابتسم) منيره انا ماني غشيم..!! ارتبكت : ايش تقصد..؟! ابو سعود : قصدي و انتِ عارفتة..!! تهقين اني ما ادري عن اللي يدور براسكـ ..!! انا لما خطبتكـ بغيتكـ بـ شرع ربي.. رغم ان عندكـ عيال و لكـ فترة مترملة.. لكني احترمت شيء كان بالماضي و تقدمت لكـ وما اخفيكـ كنت فاقد الأمل بالموافقة لأن عيالكـ كبار لو هم صغار بـ اقول مالهم كلمة عندكـ .. و هذا او شيء خلاني اشكـ بالموصوع لكني احسنت الظن فيكـ و عزيتكـ مثل ما عزيت باقي حريمي.. انا للحين مقدر شيء ولّى من سنين يا منيره كان بـ قلبي و مات من ثلاثين سنة و انتِ هدمتي الباقي بحكيكـ على بناتي.. و للحين انا ساكت و مخلي لكـ البيت بكبرة و قاعد بالمجلس و ضافكـ في بيتي.. عشاني ما ابي اطلعكـ و اخالف امر ربي.. عدتكـ هنا تقضينها.. و الحين ياليت تتفضلين برا..!! .. بيت ابو عبدالرحمن..!! مشاري : فا قلت اكلمكـ .. هي فيها شيء ماهو طبيعي ماني عرف وش هو..!! من بعد ما عشنا تيكـ الفترة بالمزرعة و كانت تقابلكـ بعدها تغيرت.. نايف جالس بـ بدلتة العسكرية بعد ما كلمة مشاري يبية بـ موضوع يخص اسيل و جاء على وجهة خاف يكون فيها شيء : طيب نادها اكلمها.. مشاري : انت مزعلها في شيء..!! نايف بـ هدوء : يمكن هي كبرت الموضوع و زعلت منه.. مشاري : نايف اذا ما يضايقكـ افتح معاها موضوع تحديد الزواج.. يمكن طول الخطبة مضايقتها..!! نايف : تعرف انه ما يضايقني و احب على قلبي اضويها في بيتي من اول يوم ملكت عليها.. بس انا صابر مثل ما وعدتكـ عشان دراستها.. مشاري : و انا الحين اخليكـ من وعدكـ لي.. و اقولكـ كلمها اذا هي موافقة فـ انا موافق.. نايف : و ابوكـ ..؟! مشاري : ابوي مضايقة موضوع طول الخطبة بس انا مفهمة الموضوع يعني لو بـ تقولة بـ نسوي العرس ما راح يرفض ابداً.. عموماً اتركـ ابوي علي.. و اسيل عليكـ ..!! نايف ابتسم : ويش رايكـ نتبادل..!! معطيني الأصعب..!! مشاري : هههههههههههههه .. (وقف) عطيتكـ وجه.. يا ويلكـ تطلع وهي زعلانة منكـ فاهم..!! الا اسيل ما احب اشوف الا الضحكة على وجهها..!! نايف بنفس الإبتسامة : ومن سمعكـ ..!! ربع ساعة حتى تدخل عليها.. لابسة قميص نوم قطني.. لـ نص ساقها و اكمامها مشمرتها و فوقها محيوس بـ الأكل من ياقتها حركة متعمدة ما راح تطوف عليه.. و لا كأنها بنت و بـ تقابل خطيبها حتى تفاجئة بـ حدة سؤالها : نعم..!! ويش تبي جاي..؟! نايف ميل راسة بـ صدمة : نعم..!؟! اسيل : اخلص ويش تبي جــاي..؟! نايف : الحق على اللي متعني لكـ .. هذا شكل تدخلين فيه عندي..؟! اسيل : ماهو عاجبكـ يا سعدي و الله ازين عشان تفكني منكـ و ارتاح كل حياتي.. نايف ابتسم بإستهزاء : هه ارتاحي انتِ لي معلقة فيني و الله ما يحلكـ مني الا الموت..!! اسيل قهرها معميها : جعلة قريب اجل..!! نايف وقف مصدوم : تدعين علي..؟! تتمنين موتي يا اسيل..؟! اسيل جلست بـ برود : ليش من الهنا و السعادة و الحب اللي مغرقني فيها عشان اتمنى لكـ طولة العمر .. ماهو انت مسفل فيني و ماني عاجبتكـ ..!! نايف جلس جنبها : مين قال انكـ ما انتِ عاجبتني..؟! اسيل بـ حدة : انت قلت.. و الا نسيت الحكي بالمزرعة.. ترى انا ما نسيتة..!! و ابعد عني تراني قرفانة من نفسي..!! نايف : هدي اسيل..!! ليش هالعصبية..!! أسيل تناظرة مقهورة : و الله ما ادري عنكـ ماني عاجبتكـ و ناشب بـ حلقي.. ناظر فيها.. بـ يسوي حركة تفقدها الباقي من عقلها اذا كان فيه باقي للحين.. رجع يده لـ وراء و سحب الكلبشات بـ هدوء عشان ما تطلع صوت.. و بـ ثانية قبل لا تستوعب اسيل أي شيء.. كان حاطها بـ يدها اليمين و الطرف الثاني حطة بـ يد الكنبة الخشب.. ابتسم..!! اما هي انصدمت.. تستوعب هو ويش سوا..!! ناظرت معصمها بدل ما يلبسها اسوارة رضاوة لبسها كلبشات..!!! بققت عيونها فيه : ايش هذا..؟! نايف : عشان تعقلين.. اسيل اسمعيني زين.. اسيل : فكها..!! نايف : ماني فاكها اسمعيني زين.. حركات البزرنة حقتكـ هاذي ما تسوينها عندي.. انا افكر احدد العرس و انتِ تسوين لي سوالف بزارين..؟! اسيل : نايف فكها دام النفس عليكـ طيبة..!! نايف ابتسم : يعني ويش بـ يدكـ تسوين..؟! علميني..!! اسيل قهرها بـ يخليها تبكي قدامة وهو ما قد شاف دموعها : نايف فكها تراكـ نرفزتني..!! نايف حط رجل على رجل : خليكـ عاقلة و انا افكها.. أسيل : و الله لا اصارخ و ألم عليكـ اخواني يجون يشوفون ويش مسوي فيني.. نايف : يا ليت كان زين عشان يشوفون الشكل اللي داخلة فيه عندي..!! و يعرفون اني معذور فاقدة عقلكـ انتِ..؟! اسيل : طلقني..!! نايف ناظرها و تجاهل كلامها وهو يناظر قدامة : خليكـ عاقلة و افتح الكلبشات.. أسيل : احسن لكـ نايف و الله لأذبحكـ ما راح تقدر تخليها كل العمر علي.. مردكـ بـ تفتحها لو مو الحين بكره ولو مو بكره بـعده حتى لو اخذت سنة مردكـ تفتحها.. نايف : اثبتي لي انكـ عاقلة و افتحها..!! اسيل : انا ماني مجرمة عشان تحطها بـ يدي..!! نايف : الا اجرمتي بـ حق قلبي.. ارتبكت.. وصل الحكي للقلوب.. هي اجرمت..!! ويش سوت..!! ما تدري.. بس تدري انه هو جرحها حيــــل بـ مقارنة عقدها بينها هي الفاشلة بـ نظرة و بين اخوانها الناجحين..!! سكتت و مرت عليها الدقايق و هي تجاهد ما تبكي.. ناظرها حس انها على شفا حفرة من الصياح.. سحب المفتاح من جيبة و مد يده و فتح الكلبش عن يدها و تركـ الثاني معلق بـ طرف الكنبة و ناظرها : اسيــل.. حطت عينها بـ عينة ثانية ثنتين ثلاث و بعدها طقت الكلبش على يدة اليسار.. ناظر يده منصدم و لا بعد ساحبة المفتاح منه.. : قدها..!! اسيل رافعة يدها اليمين لـ بعيد و هو جالس عن يسارها و يده اليسار هي اللي مكلبشة عن يمينها صار محاوطة بـ يدة : ايه قدها مثل ما انت قدها.. نايف : هاتي المفتاح.. رمت المفتاح بعيد وهي تناظرة مبتسمة : الحين اروح اجيبة كم نيوفي عندي..!! اما هو رد لها الإبتسامة و ثبتها بيده اليمين : و لا حركة.. لو حسيت انكـ تحركتي حشيت رجولكـ انا مكلبش و انتِ بـ تكلبشين معي و بـ تحملين نتيجة اللي سويتية.. اسيل بـ صدمة : لا و الله .. ما تشوف نفسكـ .. اللي بـ نفسكـ حار و بـ غيركـ بارد..؟! نايف وهو مثبتها بـ قوة بينة و بين طرف الكنبة : تحلطمي من اليوم لا بكرة.. انا محبوس و انتِ محبوسة معاي.. اسيل : طيب بعد اجيبة.. نايف : لا.. اسيل : الحين بـ يجي احد و يشوفنا كذا.. نايف : عادي انتِ اللي جنيتي علينا.. اسيل رفعت صوتها بـ قهر منه : نــــايف...!! نايف : لا ترفعين صوتكـ تراني يمكـ اسمع ماني اصمخ.. اسيل تهز رجولها : طيب بعد عني.. ضايقتني.. بـ تكسر كتفي.. و حتى الكنبة بـ تدخلها بـ جنبي.. نايف بـ حدة : و لا كلمــــة..!! بكت..!! هي خبلة وهو خبل.. استثار عصبيتها بـ حركتة و لما حبت تردها لها ردها لها بـ اسرع من توقعها و عاشت اللحظة اللي حبستة فيها معاه و حبست نفسها.. ما اهتم لـ صياحها مو بعيد تمثل عليه..!! ما يستغرب منها شيء..!! يطلع منها بلاوي ما تخطر على احد.. صوتها مبحوح : ليش تسوي فيني كذا..؟! حرام عليكـ .. ليش احيان احسكـ ما تزوجتني الا عشان ترد لي أي شيء سويتة صغيرة..!! و الله كنت بزر و انت كنت تقهرني.. نايف : ماني تافة هالكثر.. لو بـ رد لكـ أي شيء سويتية صغيرة كنت رديتة و انتِ صغيرة.. انا ما تزوجتكـ عشان اقهركـ يا اسيل.. و الا ما كنت صابر عليكـ كل هالسنين.. صابر لين تكبرين.. اللي مثلي عنده عيال يمكن في الإبتدائي.. و انا انتظركـ تتخرجين عشان ما ابي عيال الا منكـ .. شوفي ادري انكـ زعلتي عشان قلت اخوانكـ ازين منكـ بس انا ما كنت اقصد هالحكي عشان تأخذينة بـ محمل الجد.. تروحين تزعلين مني كل هالفترة و تنفسين على اهلكـ بعد على حساب كلمة.. وين ما كنتِ قوية و انتِ صغيرة ويش اللي غيركـ .. أسيل : من شفتكـ بالمزرعة اول مره و انا صرت ضعيفة.. انا من زمان ما شفتكـ انت ما كنت تفتكرني حتى بـ زيارة في العيد.. انت ملكت علي و نسيتني.. انا ما كنت احس نفسي مرتبطة فيكـ .. كنت اعتبر نفسي حتى مو مخطوبة.. و كنت اقولهم انا ما انخطبت و ابي انخطب و اذا حرمة سألتني في عرس اقولها لا ماني مخطوبة لأحد.. ما حستتني اني اعني لكـ شيء.. ربطتني فيكـ و رحت عشت حياتكـ و لما رجعت و شفتكـ قلت انكـ بـ تتزوج علي عشان تقهرني.. و تشوفني اقل من اخواني.. انت جرحتني..!! دموعها اللي تنزل و تساند كلامها جرح اعماق اعماق قلبة : انا آسف اسيل .. و الله ما حسيت اني جارحكـ هالكثر.. انا مستحيل افكر اتزوج عليكـ مستحيل انا ابغيكـ انتِ ما ابغى احد غيركـ .. و بعد بالفترة اللي قبل عشاني ادري زواجنا مو قريب و انتِ صغيرة.. و مشاري قالي لا تعوّد على الروحات و الجيات تملكـ و لا تحدد عرسكـم بعدها بـ تشوفها بـ كيفكـ .. و الله آسف خلاص لا تبكين..!! عشان خاطر نايف اذا باقي له خاطر عندكـ ..!! مسحت دمعتها عشانة.. عشان الخاطر اللي له عندها.. لكن دموعها نزلت من جديد و هالمره يده هي اللي مسحتها ابتسم : ما كنت ادري انكـ بكاية..!! (تشد خشمها المحمر) دلوووووعة و يحق لكـ .. اسيل : بـ اقوم اجيب المفتاح و الا ما تثق فيني.. قام نايف و افسح لها المجال و قامت هي بعده و اخذت المفتاح و فتحت الكلبش.. من غير لا تناظر فيه.. مستحية.!! لأنها بكت.. و لأنها تكلمت عن شيء بـ خاطرها وهي كتومة بس قرب نايف منها خلاها تحكي باللي مضايقها منه.. و اخر شيء آسفة منها.. استحت منه وهي داخلة عليه شيفة متعمدة عشان تنرفزة و بـس..!! .. بعد مرور ثلاث اشهر.. بيت ابراهيم .. و غرفة وعد تحديداً.. نهى بـ فرحة ما قدرت تخبيها : اخيراً ما بغت تطلع من بيتنا فكة منها.. مريم بـ حزم : نهى..!! عيب هالحكي..!! نهى بـ برود : بـ حقها ماهو عيب اللي سوتة ماهو شوي.. لسانها ويش طولة تقول حكي اكبر منها..!! مريم : نهـــى..!! نهى تنزل فنجالها : خلاص بـ انطم..!! مريم : مهما كان هاذي مره اكبر منكـ و خالتكـ مرت ابوكـ احترامكـ لها احترامكـ لأبوكـ ..!! نهى : كانت مرت ابوي هو طلقها و قضينا من ذا الموضوع.. اما ناحية اكبر مني.. فا انا احترم اللي يحترمني اكبر مني اصغر مني هالشيء ما هو اشكالية عندي.. اما وحده اكبر مني تطول لسانها علي و اسكت و اعتبره احترام..؟! لا اجل انا قليلة ادب..!! مريم تأكد كلام نهى الأخير بإنها قليلة ادب : مبين ما يحتاج تعلميني..!! الله يعين فيصل عليكـ ..!! نهى : خلينا من فصولي انا ابيكـ بـ موضوع .. انا و هاللي متسدحة 24 ساعة..!! وعد : فكيني من شركـ ترى ماني رايقة لكـ ..!! نهى : الى متى بـ تجلسين هالشكل.. اوكِ الموضوع مو سهل بس صار لكـ ثلاث شهور كنكـ ميتة..!! مريم شدت نهى من عضدها : ناظريني هنا..!! (التفت نهى على امها) لا تناقرينها فاهمة..؟! نهى : احيان اشكـ اني بنتكـ ويش ذا بـس تدافعين عنها و انا بنت البطة السوداء..؟!! مريم قرصتها من عضدها : انا بطة سوداء..!؟ نهى ابتعدت وهي تفركـ مكان القرصة : ويش هذا يمه .. الحين يشوفها فيصل و يضحكـ علي..؟! مريم : احسن.. قولي ويش كنتِ تبين..؟! نهى ما زالت تفركـ عضدها : اوعديني ما تعصبين.. مريم : خلاص اجل لا تحكين عارفة انكـ بـ تقولين شيء يعصب فيني و تحكين بعد بالفم المليان.. صدق انكـ قليلة ادب.. نهى : مامي بليـــز اسمعيني..!! مريم بـ حدة : لا..!! وعد جلست : ماما بليــز..!! عشاني..!! مريم ناظرت وعد : حتى انتِ معاها..؟! (نقلت نظرها بين الثنتين) ويش عندكن..؟! نهى : شوفي مامتي انتِ مره حلوه و صغيرة و جميلة و تجننين.. و ما ادري شلون حظكـ يخليكـ تطلقين مرتين.. بس بصراحة يعني انا اعتبرها مره.. طلاقكـ من بابتي ما اعتبرة بما انكـ كنتِ بزر و ما تنطاقين من عذر بابا ان طلقكـ ..! مريم تسلكـ لها رغم كلامها : طيب ..!! نهى تلف بالموضوع عشان ما تعصب امها و تنهي الموضوع من اولة : يعني انا ما ادري ويش اللي خلّى زوجكـ يتمسكـ بالغربة و يطلقكـ الحين.. بس اعرف ان انتِ ما عدتِ تبينه.. و هالشيء من حقكـ يعني عادي حتى لو عشتي معاه سنين من حقكـ تطلقين لو بغيتي..؟! مريم تبوس كفها وجه و قفا : الحمدلله و الشكر على نعمة العقل.. هذا كلام وحده عاقلة..؟! حسبالكـ الطلاق شربة ماء..؟! صدق انه حلال.. بس ابغض الحلال.. وعد : ما عليكـ منها ماما ماهي عارفة تحكي.. نهى تناظر وعد : تكلمي يا فهيمة.. ما انتِ صايرة دلوعة الكل.. وعد : انكتمي.. مامي.. مريم تناظر وعد بـ حزم: تقولين لأختكـ قدامي انكتمي..؟! استغفر الله العظيم.. يبي لكن تربية من جديد.. وعد تربعت : لا تدققين على كل كلمة.. بيروح الوقت و احنا ما قلنا لكـ اللي عندنا.. مريم تجاريها : قولن اسمعكن.. وعد : احنا محتاجينكـ .. شوفي انتِ كل يوم تجينا و ما تقصرين يعني.. بس احنا طماعين و نبي زود.. مريم تنهدت : ويش بيدي.. لو الأمور ازين من كذا كنت جلست ببيتي و اخذتكم عندي..!! نهى : على اساس انا مو متزوجة.. و الا بابا بـ يوافق لـ وعد.. وعد : خلينا من ذا.. فيه حل ثاني.. مريم : اللي هو..!؟ وعد : تتزوجين بابا.. انصدمت..!! وهي تنقلن نظرها بين الثنتين مصدومة من تفكيرهن.. شلون يطري عليهن موضوع مثل هذا..؟! : انتن صاحيات..؟! لا اكيد انهبلتن..؟! عارفات اللي بـ تقولنه غلط و فوقها تتكلمن بهالموضوع..؟! انتن لو عارفات انه الشيء صح ما كان ترددتن و انتن تحكن.. نهى : ليش..؟! مريم بـ حدة : من غير ليش..؟! الموضوع منتهي.. و لا عاد ابي اسمعة مره ثانية.. وعد : آسفين لأننا بـ نحكي فيه على طول لين توافقين.. احنا من حقنا نعيش معاكـ و مع بابا.. اوكِ احنا كبرنا بس ما يعني ما نحتاجكم.. مريم وقفت و العصبية تتملكها منهن : وما اعتقد اني مقصرة.. كل يوم اجيكم من العصر لليل.. و ما اخليكن.. و الا بـ تطلعني مقصرة..؟! نهى بـ هدوء : ما قلنا انكـ مقصرة.. بس بدل المشورة رايحة جاية احنا ما نقدر نستغني عنكـ .. مريم : ما شكيت لكن الحال.. انا جالسة اسوي كل اللي بـ يدي عشان اعوضكن عن ايام ما كنت فيها معاكن.. و اوقف معاكم.. وما اخليكـن تحسن بـإني بعيدة عنكن.. وعد : طيب احنا ما قلنا شيء.. الموضوع ما يحتاج تعصبين عشانة.. احنا قلنا لكـ نبيكـ معانا.. ما غلطنا ما قلنا لكـ سوي شيء حرام..!! مريم بـ حدة : وعد الزمي حدودكـ بالحكي معي.. اصحي انتِ و اياها.. طوالة لسانكـن ماهي عندي.. ما راح اسمح لكن تفهمن..؟! نهى : نفهم.. بس انتِ هدي ليش ولعتي.. ما خليتينا نقول اللي بـ خواطرنا.. مريم اتجهت للعلاقة و سحبت عبايتها : ما عاد فيها خواطر.. لو سمعت هالحكي منكـ انتِ وهي ما يصير لكن طيب.. نهى وقفت و مسكت عباية امها : تكفين.. يعني احنا مالنا خاطر عندكـ ..؟! ابوي ماهو شين عشان تكرهين تعيشين معاه..؟! طيب عشانا..؟! دامكـ تخليتي عنّا صغار لا تخلينا كبار.. سحبت مريم عبايتها بـ قوة من يد نهى و لبستها : انتن انهبلتن.. اخليكن لحالكن كود جنونكم تركد.. طلعت مريم و الثنتين يلحقنها يترجنها تسمعهن..!! مستحيل تفكر بـ الرجعة لإبراهيم اللي انفرض عليها..!! ايام عيشتها معاه..؟! هو ما قصّر هي اللي كانت بزر و تطلبة حتى يطلق حريمة..!! وعد : لا تروحين تكفين.. مريم : انتن اللي تبني اروح فاتحات لي الحلوق بـ سوالف زي وجيهكن.. نهى : وجيهنا حلوة و الله انا اشبه لكـ اذا اني شينة فا اكيد بـ اطلع عليكـ ..!! مريم تناظرها بـ قوة.. فوق اللي قالتة باردة..!! برود العالم كله فيها..!! شيء واحد وصلت له انه يستفزها.. فيصل و بس..!! عدا كذا ما يهمها..!! ام سعود : خير ويش فيكم..؟! مريم التفت تناظرها : ولا شيء.. ام احمد : استريحي تقهوي معانا.. مريم جلست هي اصلاً ما اتصلت على احد من عيال اخوها بـ تروح مع غازي بما ان ندى جاية لأهلها.. تحاول تفكـ نفسها من العصبية.. : وين ام حاتم..؟! ام سعود : راحت مع ندى مشوار قريب.. انتِ ويش حالكـ ..؟! مريم وهي تناظر بناتها الثنتين كل وحده جلست عن جنب : الحمدلله بخير.. ام سعود : و انتِ وعيد يمه ويش حالكـ الحين..؟! وعد بـ هدوء : عايشة..!! ما بعد مت.. مريم تنرفزت زيادة : و بعديــــن..؟! وعد : ما قلت شيء غلط.. عايشة.. ام احمد : قولي الحمدلله يا بنتي.. وعد : الحمدلله.. الحمدلله على كل حال.. ام سعود : الجئي لـ ربكـ بالدعاء و انتِ متيقنة الإجابة.. احسني ظنكـ فيه.. و الله ما راح يخيبكـ ..!! هذا انا انتظرت ميار 21 سنة الله ما خيبني يا بنتي.. خلي املكـ بالله.. وعد من قلب مظلوم و محروم : يـــارب..!! : السلام عليكم..!! : وعليكم السلام.. باست راس ام سعود و ام احمد و مريم و جلست.. ام سعود : زين نزلتي يمه لكـ يومين مختفية.. شوق ابتسمت : جالسة استغل الوقت و اذاكر تعرفين الإختبارات قربت يا خالة.. مريم : شدي حيلكـ نبي معدل حلووو.. شوق : ان شاء الله اجيب امتياز.. نهى بـ عدم اهتمام : ماله داعي امتياز اهم شيء عدي.. مريم ضربت نهى على راسها : ماشاء الله على النصايح.. نهى : انا صادقة ماله داعي بكره تخرج و تكلم ابوها يجيب لها وظيفة و قضينا ليش تكرف.. شوق : لا سَعُود وعدني يجيب لي هدية بروفشنال اذا جبت امتياز..!! نهى تناظر بـ وعد و تغمز لها : اها سَعُود..!! وعد : مالت عليه حتى هدية تخرج ما اهداني و انا متخرجة امتياز مع مرتبة الشرف الأولى..!! نهى : انتِ اختة فرق يا عيني هاذي زوجتة لا تقرنين نفسكـ فيها..!! شوق تدافع عنه : حرام عليكم.. و الله سَعُود ما يقصر..!! مريم تناظر شوق : ما عليكـ منهن فاضيات يبن احد يطلعن جنونهن عليه..!! نهى : كأننا تهزأنا..؟!! (وعد هزت رأسها) و الله يا خيه شكلنا بننكرش..!! وعد : شكله كذا..!! (وقفت) انا بـ أروح اشوف بابا.. نهى غمزت لها : لا اوصيكـ ..!! وعد : بـ احاول.. مريم تناظر نهى بعد ما راحت وعد : خير ناويات تعصبن بالكل..؟! نهى : لا طبعاً.. اصلاً مستحيل ابو سعود يعصب من وعيد.. صايرة حبيبتة.. ما يبي شيء يزعلها.. شوق : من عذرة و الله.. كلهم شايلين همها.. خايفين لا تذبحها الهواجيس..!! ام احمد : الله يلطف فيها.. و في بنيتها..!! شوق : شيء غريب.. يعني الموضوع صار له ثلاث شهور.. اذا قصدهم يوصلون لـ عماد ليش ما تواصلوا معاه و طلبوا منه اللي يبون..؟! ام سعود : حسبي الله فيهم كان شلعوا البنية من حضن امها و خلوها تغلي عليها ليل نهار.. نهى : حق من يذبحهم واحد واحد الحمير..!! مريم : مالهم اثر و هذا اللي مجنن غازي.. كنهم فص ملح و ذاب اكيد بـ يجلسون فترة لين يتأكدون ان عماد استوى و بعدها يأخذون اللي يبونه منه و يمكن ما يردون له بنتة.. ام احمد : و عماد ويش حالة..؟! مريم : مثل ماهو.. كل يوم يروح دور الأيتام و ينشد عنها و يشوف مين جاهم..!! نهى : صراحة هذا الإنسان ما ادري شلون عايش او كيف يفكر كيف طبيعتة ..!! غريب..!! مريم : ليش..؟! نهى : فيه واحد بنتة ضايعة يتزوج على زوجتة..؟! مريم : طليقتة..!! نهى : كانت زوجتة لما ضوّى البتول.. مريم : صارت طليقتة لا تضايقين وعد بـ مواضيع انتهت..!! نهى : لا تخافين من هالناحية عماد نقطة سوداء بـ حياتها.. زواجة من البتول ما راح يأثر عليها سلباً و هي كانت تبي الطلاق قبل لا يفكر يتزوج البتول..!! شوق : بـ غض النظر كونة تزوج على وعد.. لكن البتول ما تنفع له.. احسها مخفة و عماد تكانة..!! نهى بـ إستهزاء : مبين التكانة ماشاء الله.. مريم : الله يهنيهم.. خلاص انتهى الموضوع.. ام سعود : مالنا بالناس تحشون فيهم و تأخذون ذنوبهم.. الواحد دوبة يتحمل ذنوبة.. .. مقر العصابة .. و الجناح المحبوسة فيه لينا من سبع شهور.. لينا بـ صدمة : كـــذاااب..!! : مو لازم تصدقين..!! تعلقت بـ ذراعة تترجاة : قول و الله و بـ ترجعونها لأمها .. الله يخليكـ ..!! طيب رجعني حتى انا الله يسعدكـ .. : انتِ غير و هي غير.. اقدر اطلعها من هنا بـ صعوبة.. انتِ طلعتكـ هالفترة مستحيلة.. افهمي ليون.. تركتة وهي تناظرة : الله يسعدكـ و الله ما صرت ازعلكـ و لا اضايقكـ بـ شيء و اسمع كلامكـ ..!! ابتسم يسلكـ لها : مبين ماشاء الله.. اذا اللي تسوينة فيني يـعتبر انكـ تسمعين كلامي..؟! لفت بـ عيونها ابتسامتة..!! الشيء اللي انتبهت له من اول يوم لها هنا..!! سحر يجذب..!! صدت عنه تتجاهل كل شيء نبت له بـ قلبها لساتة صغير تقدر تتحكم فيه تقدر .. انتبهت له يناديها و يحركـ يده قدامه.. : هلا..!! : وين وصلتي..؟! ناظرت المكان الي كان فيه بنت وعد : وديتها..؟! مين بـ يهتم فيها حرام..؟! : لازم الخطة تقول اني انتِ مو متحملة وجودها و ما عندكـ استعداد تهتمين فيها فـ تجلس برا لحالها تزعجهم بـ صياحها هاذي المرحلة الأولى..!! ناظرتة وهو يجلس بـ بساطة بعد الحكي اللي قالة : تبكي..؟! انت صاحي..؟! حرام عليكـ انا ما شكيت لكـ الحال .. هاتها الحين هاتها..!! : امها اولى فيها منكـ ..!! لينا انقهرت : توكـ تقول بـ تخليها برا و تزعجهم بـ صياحها.. ما تخاف يسوون فيها شيء..؟! حط رجل على رجل : لا .. لأنها و بـ بساطة تهمهم.. ما راح يسون فيها شيء يندمهم بعد خطوة.. اتجهت له و جلست قدامة على الطاولة : احيان تخوفني.. احس ما عندكـ قلب.. شلون عايش انت..؟! شلون قلب يطاوعكـ ترمي طفلة عمرها ثلاث شهور لحالها..؟! : ما رميتها .. انا ابي ارجعها لأمها.. مو انتِ كنتِ تدعين علي عشاني جبتها عندكـ و حرمت امها منها.. هذا انا بـ ارجعها..!! لينا : طيب ليش ما تأخذها الحين و توديها لهم.. اذا خايف من الشرطة اذا تبي بـ اكلم لكـ بابا و اخليه يوعدكـ يجي لحالة و ما معاه احد و تعطية البنت..!! ما احد يلومة اذا قال اكبر غبية..؟! حلها السخيف مثل وجهها ..! اكلم بابا..؟!! طنشها من غير لا يرد عليها..!! لينا : هيــــه انا اكلمكـ ..!! : عفواً ما اكلم اغبياء .. (التفت لها) او ناس تتغابى..!! لينا : ما تغابيت عليكـ .. انا صدق محزنتني حرام عليكـ لو هي بنتكـ ما رضيت..!! : لينا حلي عني احسن لكـ ..!! سكتت شوي تقلب عيونها في المكان : انت ايش اسمكـ ..؟! التفت اعطاها نظرة و طنشها.. قامت و جلست جنبة وجهها مقابل له لأنه جالس على جنب .. كملت : صدق يعني انا ما اعرف اسمكـ ..!! : ماهو لازم جاتكـ اكثر من فرصة تعرفينة و انتِ ما استغليتيها..!! عقدت حواجبها : شوف الحين انت مسوي فيها ذكي.. ما احد يحط اسمه بألغاز..!! قول اسمي فلان و قضينا..!! : خلاص اسمي فلان..!! ضيقت عيونها فيه : لا تستهبل علي..!! ماني غبية..!! كتف يدينة : واضح عليكـ ماشاء الله.. شلون غريتيني اول يوم لكـ هنا توقعتكـ ذكية.. بس صدق كل شيء يطلع مع العِشرة..!! لينا : ليش ويش شايفني..؟! ما تحس انكـ جالس تسبني.. و انا اصلاً متنرفزة منكـ ..؟! : عندي شيء مشغلني اهم من قرقرتكـ ..!! قومي فزي سوي لي نسكافية.. لينا اعتدلت بـ جلستها و كتفت يدينها وهي تناظر قدامها : ما اشتغل عندكـ .. اخدم نفسكـ بـ نفسكـ .. سحبها من عضدها و هو يصر على اسنانة : لا تختبرين صبري..!! ترى بدا ينفذ.. ناظرت عيونة..!! ضاعت..!! دقات قلبها ارتفعت اربكتها و خلتها تضيع و ما تعرف تركز بـ عيونة و تبين له انها ما يهمها شيء .. ابتعدت عنه و هي ترجف .. اتجهت للطاولة من غير لا تعلق او ترد عليه..!! التفت لما سمع صوت الطق على باب الجناح.. قام و طلع : خير..!! سطام يأشر على بنت وعد اللي تبكي على الكنب : ويش ذا..؟! ليش مطلعها..؟! : بنت غازي ما تبي تحملها زود.. وصلت معها للأخير.. و اكيد انا ما راح اتحملها لو شنو ما صار..!! صلاح : ليش ما هي لحمكـ و دمكـ ..!؟ غريب تخلّى عنها.. : اولاً البنت تتبع ابوها و عماد ما يقرب لي.. ثانياً جات على هاذي سويتوا فيها لحم و دم..؟! ثالثاً انتم تعرفوني زين و انا من قبل لا ادخلها عندي الجناح قلت لكم اذا ازعجتني لا اطلعها و انتم تحملون مسؤوليتها ما قلت لكم خذوها من يدينهم.. الصقر : انت تدري احنا ليش جبناها هنا..!! تحرك وهو يناظرهم : اللي حاطة تحت جناحكـ افهم منكـ قالكـ تقدر توصل للي تبيه من غير لا تخطف البنت و تبتلش فيها.. تهقون غازي او عماد او سعود او عساف ممكن يسكتون..؟! الصقر : ندري ما يحتاج تعلمنا فيهم.. : و الله مو باين.. تلعبون بالنار.. نسيتوا مين هو غازي.. هذا انتم خطفتوا بنتة من سبع شهور.. و ما انكسر للحين ذيب.. للحين ما تقدرون تسون شيء مفتح عيونة عليكم.. حتى عملية التهريب تأجلت من كثر ماهو شدد على الكل.. ناصر : تتكلم و كنكـ مو معانا..؟! : انا ما اسوي اشياء غبية مثل اللي انتم تسوونها..!! زياد : تراكـ ما تحترم احد..!! : ما سبيت احد فيكم.. بالعكس محترم نفسي و بـ قوة..!! لكن انتم اللي تسون عمايلكم ثم ترمونها علي تبوني احل مشاكلكم كنكم بزارين..!! الصقر بـ حدة : الـــزم حدودكـ ..زودتها..!! بـ عدم اهتمام لإثارة اعصابهم خصوصاً : الحين ويش تبون..؟! ارجع بنت عماد عندي لا..؟! انسوها.. حطوها بالجناح الفاضي و كل مره واحد فيكم بعد ساعتين يحط بـ حلقها رضعتها و قضينا.. انا تحملتها بـما فيه الكفاية..!! الصقر وهو يسمع صياح بنت عماد تنرفز زيادة : اقلعوها عني لا اذبحها الحين..!! ايمـــــــــــــن..!! كان واقف و يستمع للحوار بينهم..!! خطة مدروسة من حليفة الجديد قبل لا يحطون النقاط على الحروف بين بعضهم.. بإسم العيلة و الدم و القرابة اتحدوا..!! و اول خطتهم يطلعون البنت من جناحة.. و تكون بـ جناح فاضي يسهل عليهم انه يهربونها منه.. و هاذي اسهل خطوة بـ خطتهم..!! اتجة لـ بنت اختة..!! ما فيه شبة..! صح هو خالها بس ما احد ممكن يشكـ ان هذا وليد بن ابراهيم الا شخص هو يعرف وليد من سنين و يطلعة من بين الف.. مثل ما عرفة حليفة.. بينما صلاح شافة من قبل بـ سجن غازي لكن ما تعرف عليه مع تغيير تحديد العوارض و تطويل شعرة بـ زيادة و العضلات اللي انرسمت على جسمة و صارت محددة بـ شكل اكبر بـ كثير .. عكس جسمة قبل كان معصقل بـ زيادة..!! نزلها بالجناح الفاضي و حط الرضاعة بـ فمها باس جبينها و كأنه يبوس جبين اختة وعد و يتأسف لها..!! صار له ثلاث شهور يفكر شلون ممكن يطلع من هنا بإقناع الصقر و شلون يطلع هالبنت من هنا صاغ سليم..!! تركها و طلع حتى ما يثير شكوك حولة.. مجرد امر من الصقر و نفذه بـ هدوء.. الصقر : اسمعني زين يا عمر..!! تراني ساكت عن طوالة لسانكـ عشان الرئيس بس لا طفح الكيل عندي ما راح اتحملكـ دمكـ ما يكفيني..!! عمر بـ هدوء : تعرف اني ما اتهدد و لا اخاف من احد.. انا ما غلطت عليكـم جالس اساعدكـم غصباً عني.. بالأولة ببنت غازي.. و هالحين بـ بنت عماد..!! ظل ايمن واقف يتفرج .. عجز يفهم ليش عمر مو متصالح معاهم اذا هم جماعة وحده..!! الصقر مع الكل علاقتة كويسة سطام زياد صلاح ناصر و جلال و حمود كلهم علاقتة فيهم تمام.. بس مع عمر بينهم دايم خلافات..!! هذا وهو ما يحضر اجتماعتهم السرية اللي يكون فيها الرئيس و يتناقشون بالشغل كيف بـ يكون النقاش بينهم..؟! ليش كلهم معادينة..!! و بنفس الوقت مبين ما يستغنون عنه..!! و اكيد السبب وظيفتة..!! وظيفتة اللي يخونها..! مو بس وظيفتة دينة وطنة اهلة تربيتة..!! جلال : تراكـ ذالنا على حساب الشغل.. نقدر ندبر امورنا من غيركـ ..!! عمر : عساكـ ع القوة.. روح دبر اموركـ و امور غيركـ .. الصقر : ماشي يا عمر.. تقول احنا نلعب بالنار و ناسي نفسكـ مع مين تلعب..!! عمر : اعلى ما بخيلكـ اركبة..!! الصقر : بـ تشوف.. هين..!! طلع الصقر من المقر كله.. حتى يبقون هم مع عمر..!! ناصر : ما تمل من الهواش يسري بـ دمكـ ..!! ماهو زين لكـ .. حتى لـ صحتكـ ماهو زين..!! عمر : انا ما قلت شيء.. انتم اللي بديتوها يوم شفتوني طلعت بنت عماد.. عاد ترى صجيتوني فيها مو انتم اللي جبتوها انتم اللي تحملون مسؤوليتها ليش انا اتحملها و اصبر عليها..!! رجع الصقر وقف يناظرهم : الحين تتصلون على وعد.. تسمعونها صوت بنتها و بعدها تقولون لها اللي اتفقنا عليه..!! ايمن هو اللي انصدم..!! خاف..!! قلق..!! ما توقع بـ هالسرعة.. ما توقع ان خطتهم ممكن تنتهي عند اول خطوة.. و يستعجلون بإنهم يـستغلون وعد..!! الصقر صرخ بـ عصبية عمر ما قصر بإثارة اعصابة بـ سهولة : سطــــام..!! بـــسرعة..!! مد سطام الجوال له.. : هذا هو الجوال.. مين بـ يكلمها..!! صلاح ابتسم : انا.. انا.. عليها صوت يذبح بنت الكلب..!! عمر ناظرة بـ قوة وهو مقهور يحاول يتجاهل كل السب اللي يسبونة عمه ابراهيم و عيال عمامة سعود و عساف..!! عشان يوصل لـ هدف يبيه..!! اما ايمن كان اسوء بـ كثير من عمر اللي متعود على الوضع .. شد على كفة يحاول يضبط انفعالة قبل لا يفرغ اسلحتهم بـ رووسهم و يرتاح من التعذيب..!! ايه تعذيب بالنسبة له وهو يسمع صلاح يتغزل بإختة و يسب ابوه..!! ناظر بـ ولد عمة شافة هادي مو باين عليه أي تفاعل مع الموضوع..!! بـ يسمع صوتها .. صوت احد من اهلة..!! حرم نفسة يتواصل معاهم صار له فترة طويلة ما تواصل مع احد فيهم.. ما تطمن عليهم.. و الحين بـ يكلمون اختة بدون حق عيني عينكـ ..!! وهو لازم ينطم عشان عنده هدف و لازم يوصل له..!! صلاح ابتسم اول ما سمع صوت وعد واضح انها كانت نايمة : هلا بالزين..!! انتبهي تسكرين الجوال قبل اخلص كلامي.. عشان عندي شيء غالي لكـ ..!! الصقر همس : حطه سبيكر..!! صلاح حولة سبيكر على صوت وعد مبحوح من بعد صياح ثم نوم : انت مين..؟! صلاح : ما عرفتيني يالحب ما نسيتكـ تراني..!! قام عمر و ضغط على رقبة صلاح من وراء و همس من بين اسنانة وهو يغلي يغلي يغلي بنت عمة عرضة و شرفة : اخلص قولها اللي تبي و الا انحركـ هنا.. حلوه ذي تغزل فيها عيني عينكـ ..!! وعد شلون تنسى صوت سبب لها رعب فترة طويلة.. شلون تنسى صوت من بدا في معاناتها .. : صـ صـ لا ح..!! صلاح ابتسم وهو يشيل يد عمر من رقبتة : عليكـ نور.. اسمعيني زين.. هي كلمتين و تحطينهم قدام عيونكـ .. اذا تبين بنتكـ سليمة تنفذين اللي اقوله لكـ بالحرف الواحد..!! وعد فزعت لما سمعت طاري بنتها : بنتي..!! بنتي عندكـ ..!! صلاح يقاطعها : اسمعي ماهو وقت مشاعركـ الحين.. انتظري اتصال مني.. بـ يكون اخر الليل بـ تلقين طريقة تطلعين فيها من بيتكم.. من غير لا احد يدري.. اهلكـ او الحرس اللي موزعين على الباب.. بـ تمشين لأخر الشارع.. بـ تجي سيارة و تعطيكـ شغلة.. و بعدين بـ اعلمكـ ويش تسوين فيها.. اذا نفذتي اللي ابيه منكـ و تأكدت من هالشيء .. راح نرجع لكـ بنتكـ ..!! بكت..!! تترجاه.. الا روحها اللي عنده.. ما تتأذى.. : خلاص.. بـ اسوي أي شيء تبونة.. بس تكفى رجعها.. ابي اشوفها..!! صلاح : اذا جيتي تأخذين اللي نعطيكـ اياه.. بـ اعطيك لها صور عشان تتأكدين اني صادق..!! يعذبها..!! يعذبها..! و يعذبهم معاها..!! عمر .. و وليد..!! عمر همس له عند اذنة وهو وده يذبحة : سكر اشوف..!! قفل الخط و ترك قلب وعد شفقــان..!! .. عمر بـ حدة : شوفوا عاد.. تأخذون بنت عماد بالطقاق.. سوو اللي تبونة.. لكن و رب الكعبة لو احد يضر وعد بـ شيء يحسب الله ما خلقة..!! الصقر طنش حكي عمر و لا كأنه تكلم او يهدد احد.. اما عمر ناظر صلاح اللي ملتفت عليه : ان سمعتكـ تحكي على بنت عمي ما تلوم الا نفسكـ تفهم..!! سطام : بنت عمكـ هي اللي بـ توصلنا لـ ولد عمكـ و لـ غازي.. عمر : ما قلت لا تنفذون مخططكم رغم انه ماهو عاجبني.. بسعشان مصلحة شغلنا بـ ارضى.. لكن اسمعكم تغزلون فيها قدامي.. لا .. احمدوا ربكم ما فرغت السلاح بـ رووسكم..!! الصقر وقف : ترى رجيتنا بـ بنت عمكـ .. كنكـ الوحيد اللي عنده بنت عم .. هذا وهي ماهي زوجتكـ اجل لو تزوجتها ويش بـ تسوي..؟! عمر وقف قدام الصقر بـ تحدي : زوجتي و الا ماهي زوجتي تظل بنت عمي و اللي يمسها يمسني.. و الا انت ترضى اجيب بنتكـ هنا و نتغزل فيها كلنا..!! الصقر شد عمر من قميصة بقوة : عشان انهيكـ من على وجه الأرض..!! عمر : اللي حار فيكـ حار بـ غيركـ و لا تهددني.. مثل ما تسوي بـ اسوي..!! الصقر : اجل لو جبنا صبا هنا ويش بـ تسوي..!! ما تحمل.. يكفي وعد و يضغط على نفسة حيل عشان يسكت.. صبر زود عليهم.. و على اللي يسونة.. صدق ما تهمة بنت عماد مثل ما تهمة بنت عمة.. هجم على صقر و عطاه بكس تحت صدرة و ثم رفسة على بطنة..!! الصقر تفاجأ بـ ضرب عمر له.. هو ينضرب؟؟!! الصقر ينضرب ومن عمر..!! ما احد يتجرأ يرد له النظرة .. كيف عمر يتجرأ و يضربة..؟! عمر بـ حدة : اقسم بالله تجيب طاري اختي مره ثانية على لسانكـ ما تلوم الا نفسكـ ..!! الصقر رفع عيونة يناظر عمر.. ثم التفت على ايمن الواقف و اشر له يشوف شغلة مع عمر..!! وقف لحظات ايمن يستوعب..!! بـ يتضارب مع ولد عمه..!! و عشان شيء هو يوقف معاه فيه.. لكن فيه شيء اهم من كذا.. فيه امن وطن محمل على عاتقة.. فيه اشياء دخل عشانها هنا و ما وصل لها للحين.. مضطر يتضارب مع ولد عمه عشانها.. و هجم على عمر حتى يتعاركـ الإثنين.. تحول الضرب من تصفية حساب بين الصقر و عمر.. لـ تصفية حساب بين وليد بن ابراهيم و عمر بن سعد عيال العم.. اللي تقابلوا في نفس المكان كل واحد فيهم يجهل سبب تواجد الأخر.. لكن جاء الوقت اللي كل واحد فيهم يفرغ الحرة اللي فيه من الثاني.. كل واحد فيهم يلوم الثاني كيف تركـ عيلتة و اهلة و دينة و وطنة و يشتغل مع عصابة واطية..!! تحالفوا الإثنين بـ شيء واحد انهم يردون بنت وعد لها عشان ما تهور و تسمع كلام العصابة.. لكن الحين نسوا التحالف و نسوا كل شيء و كل واحد فيهم يضرب الثاني من قلب من وجع قلبة منه.. كل واحد فيهم يحس الثاني يخونة.. موجوع..!! موجوع..!! ويش اصعب من اختلاف شيم الدم الواحد..!! ويش اصعب من خيانة الأهل..!! خيانة الدين..!! خيانة الوطن..!! خيانة التربية و التعب و الإخوة و السهر..!! ابعدهم جلال عن بعض بعد ما وقف بينهم.. كل واحد نال من الثاني تفريغ شوي من قهر قلبة : انهبلتوا..!! خـــلاص.. انت لا تجيب طاري بنت الصقر وهو ما يجيب طاري اختكـ .. خلاص.. عادي شغلنا مع وعد و بس.. وعد..!! ما يدري انه بـ هالكلام يثير غضب ايمن و عمر اكثر و اكثر.. الإثنين بعد اسم وعد هجموا على بعض من جديد لأنهم ما يقدرون يثورون بـ جلال كل واحد بـ يحط قهرة بالثاني.. جلال ناظر الصقر : وقفهم..!؟ الصقر : خلهم يتهاوشون ما يخصكـ ..!! حمود : تبيهم يتذابحون..!! انت تدري عمر ويش هو عند الرئيس..؟! الصقر : خل ايمن يذبحة و يفكنا منه..!! عمر اللي كان تحت ايمن تغافلة و اقتلب حتى صار ايمن تحتة .. و ضربة عند عينة اليمين بـ قوة..!! ايمن يحاول يسيطر على الألم بـ كل جسمة من وراء ولد عمة .. و رفس عمر مع بطنة رفسة قوية ابتعد عنه عمر من تأثير الرفسة.. الصقر : يكـــــفي..!! خلاص ايمن..!! عمر وقف وهو وده يكمل على الصقر ..!! وده يذبحة مو بس يضربة..!! دمة يغلي من القهر منه شلون ضحكـ على وليد و حطة تحت جناحة..؟! سكت حيــل عنه حيـــل.. ما عاد فيه زود يتحملهم زود .. ناظر الصقر بـ تحدي : لا تظن اني بـ اسكت عنكـ بـ تشوف ان ما رديتها لكـ اقرب مما تتخيل.. الصقر بـ برود : اللي ما تطولة بـ يدكـ وصلة بـ رجولكـ .. ! بيت عامر.. عماد في عالم اخر من الحل و الربط..!! يحاول يدور طرف خيط يسحبة يمكن يكون اخره طريق لأنه يلقى بنتة..!! ام عامر تناظر مريم : ويش عندكـ اليوم ما رحتي لـ بنياتكـ ..!! مريم تربعت على الكنب : زعلانة منهن..!! ام ناصر : افااا ليش..؟! مريم : عليهن سوالف تجيب المرض.. خليهن يتأدبن..!! عامر : و هذا وقت تتركين فيه بنتكـ ..؟! مريم : ابوها ماهو مقصر عليها بـ شيء.. تبيه اكثر مما تبيني.. انهار : حرام يا خالة و الله شكلهن صارن حليلات معاكـ .. حسيتهن تعلقن فيكـ اخر مره رحنا نتطمن على وعد..!! مريم : ادري.. بس عادي أي بنات يصير بينهم و بين امهم سوء تفاهم عادي الموضوع مو كبير.. لا تشغلون بالكم.. ام عبدالله : اخاف يجفون عليكـ .. تخبرين ويش صار لكـ عشان يرجعن لكـ .. مريم : ماهو صاير الا كل خير ان شاء الله..!! تنرفزت البتول الجالسة جنب عماد.. ما حسبت عماد يطلقها عشان يجيبون طاريها قدامة..!! و دايم.. دايم يجيبون طاريها و طاري اختها.. ماهي مخليتها وعد بـ حالها ابد..!! لفت على عماد تحاول تطلع نبرتها عادية : ايش فيكـ ..؟! عماد ناظرها و بعدها ناظر الطاولة : و لا شيء..!! البتول : ما انت معانا و تقول ما فيكـ شيء..؟! عماد بـ هدوء قبل لا تُثار اعصابة من غيرة البتول الغير مقنعة من وعد : البتول حلي عني ترى ماني فايق لـ حنتكـ ..!! البتول : اكيد تفكر فيها طبعاً هم يخلونكـ تنساها اصلاً طول الوقت يحكون عنها.. جعلها المرض اللي يهد حيلها و يخلص عمرها.. قامت البتول قبل لا تسمع رد عماد على دعاها..!! مو بعيد يأمن بعدها..!! ايه يأمن.. اذا كان حاس ان السبب وعد بإن بنتة انخطفت ليش ما يأمن وراء البتول..!! ليش ما تكون نحاسة وعد هي السبب بـ حرمانة من اول اطفالة..!! اول فرحتة..!! و اول ضنى له..!! ام ناصر تناظر بنت اختها اللي طلعت واضح انها زعلانة : ايش فيها زوجتكـ ..؟! عماد ناظر امه : و لا شيء..!! مريم تناظر جوالها يطق.. و اسم نهى على الشاشة ردت : اذا متصلة تتكلمين بالموضوع اللي البارح و الله يا نهى يا ويلكـ ..!! (تفاجأت بـ نبرة نهى القلقة و تخبرها انهم محتاجينها حيـــل..! نزلت رجولها من على الكنب ) خير..!! .. طيب هدي هدي خليني افهم..!! طيب.. خلاص عشر دقايق و بـ اكون جاهزة.. خــــلاص نهى لا توتريني.. قفلت الجوال.. وهم يناظرون فيها يتساؤلون.. ام عامر : خير يا بنتي ويش فيها بنيتكـ..!! مريم وقفت : ما ادري يمه تقول وعد قافلة على نفسها وماهي راضية تفتح لأحد من البارح..!! انهار فـزعت : لا يكون مسوية بـ نفسها شيء..؟!! مريم : انا بـ اروح اشوفها..!! عبدالله وقف : انا انتظركـ بالسيارة يا عمة..!! مريم : ما يحتاج.. نهى قالت مشعل جايني.. عماد : و مشعل ليش..؟! احنا نوديكـ ..! مريم : تراه محرم لي.. تركتهم و اتجهت لـ غرفتها تلبس عبايتها.. عهود : غريب طيب ليش ما اكسروا الباب عليها ليش يتصلون على عمتي تجي..؟! عامر : اكيد يبونها تقنعها تفتح الباب.. انهار : بس كذا ممكن يطول الموضوع.. البنت يمكن عقلها انزر من وراء اللي صار معها.. مو بعيد تسوي بـ نفسها شيء..!! عبدالله : المفروض يكسرون الباب ما ينتظرون لين عمتي تجي..!! اصلاً المفروض ما يخلون المفتاح على باب غرفتها..!! عهود : صح يمكن البنت انجنت.. ام عبدالله : عهووود ويش هالحكي..!؟! عيب عليكـ تقولين هالحكي على بنت عمتكـ ..!! عهود حطت رجل على رجل : يمه انا ما قلت شيء غلط.. صدق ما تنتركـ لحالها مو عشان شيء .. بس عشان مصلحتها.. و الا انا ويش علي..!! .. بيت ابراهيم .. غرفة وعد.. قفلت على نفسها بـ غرفتها بعد ما كلمها صلاح..!! عندها طاقة عجيبة في الصياح ما انتهت.. و كانها كل ما صاحت تتجدد طاقتها.. سمعتهم يحاولون يقنعونها تفتح الباب اولهم خواتها ثم احمد ثم ابوها و كل اخوانها يحاولون فيها تفتح لين صرخت فيهم ما تبي تشوف احد فيهم و لا تبي تسمع اصواتهم.. عيونها الغرقانة بـ دموعها مركزة على جوالها تنتظر اتصال من صلاح..!! ما غفت عينها خوف من انه يتصل بأي لحظة..!! كل ساعة تشحن جوالها و تفللة رغم انه ما يكون ناقص كثير و الشحن شبة كامل.. بس تخاف يطفي بأي لحظة..!! بصيرتها انعمت عن كل شيء..!! اذا طلعت من البيت بـ غفلة عن الكل اول شيء بتأخذ صور بنتها بـ تشوفها كبرت..!! اكيد ثلاث شهور كبرت فيها..!! ما عرفت شكل بنتها ابد..!! حتى صور مالها عندها..!! بـ تشوفها لأول مره..!! من بعد ثلاث شهور.. برا كانوا متوترين عشان وضعها..!! خايفين تسوي بـ نفسها شيء.. سعود : ماهو معقول البارح ما كان فيها شيء.. ويش اللي قلبها كذا..؟! ياسر : غريبة حركتها.. فيها شيء و الله ماهو طبيعي..!! نهى : ياليتها تفتح الباب لأمي.. هي اخر امل باقي و الا بـ نجلس كذا وما ندري لو تسوي شيء بـ نفسها..!! ابو سعود : استغفر الله العظيم.. خالد كلم مشعل شوف وين صاروا..؟! طلع مشعل من المصعد وراه خالتة : هذا احنا جينا..!! وقف ابو سعود و لف لهم ومن غير مقدمات : حاولي فيها يا ام ريان تفتح الباب.. اقنعيها بأي شيء قبل لا تسوي شيء بـ نفسها.. مريم من غير لا ترد على ابراهيم اتجهت لـ غرفة وعد طقت الباب طقتين : وعــــد..!! افتحي الباب يا ماما لا تخوفينا عليكـ..!! وعـــــد..!! كانت جالسة على السرير و بيدها جوالها ناظرت الباب بعد ما سمعت صوت امها..!! القلق في نبرتها.. ذكرها بـ خوفها على بنتها.. و بـ سواتها هاذي هي تخوفهم كلهم امها ابوها اخوانها..!! كل اللي واقفين معاها وما تركوها..!! بكت تبيهم يفقدون الأمل و يبعدون عن الباب على امل ان يجيها اتصال اليوم من صلاح و تطلع من البيت..!! ناظرت الأرض وهي تسمع امها تناديها.. لو ظلت على هالوضع ممكن يحرسون الباب و ما تقدر تطلع ابد..!! يمكن ما يخلون لها الجو..!! اتجهت لـ الباب و طقت المفتاح طقتين و افتحتة..!! كلهم كانوا وقفين يناظرون الباب..!! ماهو مصدقين انها سمعت كلام و فتحت..!! و ايش معنى لـ مريم..!! يمكن عشانها ام..!! وقلق الأم على البنت..!! ما تفهمة البنت الا لا صارت ام.. فتحت الباب من غير لا تناظر احد فيهم..!! شلون تناظرهم وهي ناوية تطلع عن شورهم و تطلع لـ صلاح بـ رجولها..!! مريم حطت يدها على اكتاف وعد بـ نبرة قلقة حنونة : وعد ماما..!! رفعت عيونها حتى يشوفون وجهها كيف ذبلان..!! واضح انها بكت فترة طويــــلة.. وجهها خالي حتى من الحياة..!! حياة فقدتها مع فقدانها لـ بنتها..!! طعنت قلوبهم دموعها اللي ما قدروا ينهون السبب فيها..!! حضنتها مريم حتى تنخرط وعد في بكاء من جديد..!! من جديد..!! هي ما وقفت اصلاً عشان تجددة.. ما وقفت دموعها ارتفعت صوت شهقاتها وهم يسمعونها مع كل شهقة سهم تغرسة بـ قلوبهم.. يخترق امها و ابوها و اخوانها.. اخوانها اللي كل واحد يلتفت على الثاني يتأمل ان احد فيهم يقدر يسوي شيء.. يخفف من وجع قلبها المتراكم ثلاث شهور..!! على كثر ما حاولوا يطلعونها من اللي هي فيه.. على كثر ما فشلوا.. بوسط جلستهم اللي يحاولون ينسونها فيها همها تشرد منهم روحها تدّور على روح ابعدوها عنها.. روح شفقانة على شوفتها.. شفقـــــانة تشتري ثانية من شوفتها بكل عمرها الباقي.. بس عشان تعرف ملامح بنتها..!! مريم اللي كانت بالقوة متحملة عشان ما تبكي معاها ما قدرت تقولها كلمة تهديها.. تحس لو نطقت بـ تبكي معاها..!! ويش يخفف وجعها و يقدرون يسوونة..!! لأن اللي ينهية وهو وجود بنتها بـ حضنها ما يقدرون عليه للحين مع اختفاء العصابة كاملة..!! ام سعود تقدمت لهم.. لأن ابراهيم ما يقدر يتقدم بـ وجود مريم.. تمنى بـ هاللحظة لو سوا اللي قالن عليه نهى و وعد.. عشانها عشان يقدر يأخذ بنتة في حضنة من غير ما يكون قرب مريم منها حاجز بالنسبة له.. ام سعود : اذكري الله يا بنتي.. تعوذي من ابليس هو اللي مضايقكـ و مخليكـ تصيحين..!! رفعت راسها وهي تحاول ما تبكي عشان ما تزيد قلقهم يكفي اللي سوتة.. لازم تبعدهم عن مرافقتها.. مسحت دموعها : انا .. زينة.. زينة .. ما فيني شيء.. ناظرت ابوها مبين عليه القلق.. ملامحة كلها تحكي الخوف عليها.. هي غبية.. غبية شلون تسوي كذا.. اتجهت له حتى تعلق فيه وهو يشد عليها و يحضنها و كأنه بـ يخبيها حتى من وجع قلبها.. شدت عليه وهي تغرس اظافرها بـ ظهرة بـ دون لا تحس.. مجرد خيال انها تطلع لـ صلاح و ابوها يكون غافل تحس انها تطعنة بـ ظهرة.. محاولتها بإنها تسكت عشان تبعدهم عنها فشلت.. بكت بـ حضنة وهي تتخبى حتى ما تناظرة و لا تناظر اخوانها.. عشان خوفهم اللي عليها هي الحين و هي بـ تكسر ظهورهم بـ طلعتها من وراهم..!! ابو سعود حس ان فيها شيء مو طبيعي حاول يرفع وجهها بـ يدة لكنها تخبت بـ صدرة : وعد..!! لا تخوفيني يا امي ويش فيكـ .. و الله بكـ بلى..!! شدت عليه اكثر وهي حاسة انها بـ تطعنة بـ ظهرة..!! ما راح يقوى بعد سواة سها اللي ما التفت لها بعد ما رماها بـ غرفتها ذاك اليوم.. و الى هاليوم ما نشد عنها و كأنه نسى انها بنتة..!! يمكن وعد الهتة حيــل عنها..!! ما راح تحمل ابوها يبعد عنها : انا آسفـــة بابا.. آســـفة..!! غصـــباً عني.. و الله..!! وقفت قلوبهم عند اللي تقولة..!! حتى اذهانهم وقفت عن تخيل ويش الشيء اللي وصلها لأنها تحبس نفسها و تبكي عشانة و الحين تعذر..!! ابو سعود : ويش سويتي.. علميني.. وعد : ما سويت.. بـ اسوي.. ما راح اقدر اتركها بابا.. ما راح اقدر.. لو انت مكاني كان سويت اللي بـ اسوية.. خالد وقف جنب ابوه : تكفين لا تحكين بـ الغاز.. ما احنا بـ حمِل نفسر حكيكـ قولي ويش اللي بـ تسوينة.. اذا يفيدكـ احنا كلنا معاكـ ما راح نخليكـ ..!! تدري انهم مستحيل .. و من سابع المستحيلات انهم يوافقون تطلع لـ صلاح و تالي الليل حتى لو بعز القايلة ما خلوها تطلع له.. و تعرف ان صلاح خاين للوطن..! ليش ما يخون الحكي اللي قالة لها..!! هم .!! ما فيه غيرهم لو بنتها ما رجعت عن طريقهم ما راح ترجع.. اهلها.. اهلها و بس مو صلاح و لا حتى عماد..!! ابوها و اخوانها اللي واقفين معاها : صـ صـ لاح..!! تعلقت العيون فيها بـ صدمة تنتظر التكملة بعد الإسم.. وعد ابتعدت عن ابوها : اتصل .. فيني..!! سعود وقف قدامها مسك كفوفها يهزها : متى..؟! ويش قال..؟! وعد : البارح..!! قال.. قال انتظر اتصالة.. بـ اخر الليل.. يبيني.. اطلع.. من البيت.. يبيني اسوي.. شغلة له.. اذا سويتها بـ يرجع لي بنتي..!! سعود احتدت ملامحة : اليوم بـ يتصل..؟! وعد : ما ادري.. قال هاليومين.. و بـ يعطيني صور لـ بنتي.. سعود : تطلعين من البيت ..؟! ما قالكـ وين تروحين..؟! وعد هزت راسها وهي تداري نفسها ما تبكي.. كذا أأمن بـ كثير و ما تطعن الظهر اللي يسندها : قال اروح لأخر الشارع بـ لقى سيارة هناكـ .. سعود ترك يدينها : وين جوالكـ ..؟! وعد : الرقم خاص.. ما ظهر لي.. سعود بـ حدة من قهرة عليها رغم انه ما يقدر يلومها .. و على صلاح اكيد : هاتيــة..!! وعد : طيب يمكن يتصل..!! سعود : وعـــــد..!! وعد ناظرت ابوها يمكن رجاء..!! امل جديد لاح لها .. يمكن تفقدة اذا اعطت سعود الجوال.. ما حست بـ خالد اللي سحب الجوال من جيب جاكيتها القطني ناظرتة : خــالد لا .. الله يخليكـ .. بـ يتصل.. بـ يسوي فيها شيء.. و الله يذبح بنتي.. خالد مد الجوال لـ سعود من فوق وعد المتعلقة فيه تحاول تأخذ الجوال.. الإثنين اطوالهم ما توصل لهم.. هي قزمة عندهم.. سحب سعود الجوال و ناظرها يطمنها : لا تخافين.. ما راح يصير شيء.. انا بـ اروح اكشف عن مكان المكالمة بـ المركز.. بـإذن الله بنتكـ بـ ترجع لكـ .. لا تسوين شيء تندمين عليه و تكسرينا يا وعد.. لا تكسرين ابوي.. وعد ناظرت سعود ثم ابوها.. عارفينها.. عارفين كلهم انها كانت ناوية تغافلهم و تروح.. فاهمينها.. اخر همها روحها.. ناظرت سعود و دمعتها علقت بـ رمش عينها : لا تخليهم يفجعوني فيها.. سعود قبل رأسها و غمز لأبوة.. اللي يدري بـ هم سعود الحين.. يعرف ان وعد قالت لهم ما يعني انها رضخت و حست بـ خطورة الموضوع.. يدري ممكن تخاطر و تطلع من البيت.. تسويها.. بنتة خبز يدينة.. خالد يناظر سعود : طمّنا لا تخلينا نقلق.. سعود يتجة للدرج : ان شاء الله.. لحقتة شوق بـ سرعة تنزل وراه : سَعُود.. التفت على شوق .. : ايش فيكـ ..؟! شوق وقفت قبالة : تكفى اذا بـ تشارك بـ عملية خبرني.. الله يسعدكـ لا ترمي روحكـ بالنار.. سعود : ان شاء الله.. انتِ ذاكري و لا تشيلين هم شيء.. و لا تنتظريني.. فاهمة.. خلصي و نامي.. .. في مقر العصابة.. لينا متنرفزة لأنه من البارح مأخذ بنت وعد و لا بعد يقولها بالفم المليان تبكي لحالها ما احد عندها قلبها يحاتيها.. خلال هالثلاث شهور كانت معاها و مونستها بـ هالوحشة و الهتها عن السفاح اللي قدامها : ليش اخذتها يعني مين بـ يهتم فيها..؟! متنرفز منها و من حنتها على راسة : لينا حلي عني.. لينا بـ حدة : انتم مجموعة سفاحين عسى ربي يسفكـ دمكم.. جالس على السرير يدية على رجولة متوتر و لينا توترة زيادة : ليــــــــــــــنا..!! ارتعبت منه ومن صرختة رغم انه ما رفع نظرة لها .. لكن ما همها ويش الشيء اللي وراها و تخاف عليه؟! و لا شيء : لا تصارخ علي انا ما اشتغل عندكـ .. لف يناظرها وهو ما زال ساند يده لا رافعة يدها و تهددة : انتِ مستغلة اني صابر عليكـ صح..!؟ تبين تشوفين وجهي الثاني..؟! لينا صارت تناظر أي شيء الا هو : يعني انت منافق عندكـ كم وجهة مسوي نفسكـ محترم معاي و تذكر الله و انت ما تعرف ربكـ يا مجرم.. وقف حتى تصرخ و تنحاش لكنه لحقها قبل لا تقفل باب الحمام عليها مسكها و رصها من عضدها على الجدار بـ قوة .. يصر على اسنانة : ويش قلتِ..؟! لينا تنتفض من الرعب ماسكة دمعتها : يعني .. انا .. ما اعرفكـ .. انت تشوف.. نفسكـ .. طيب.. و انت.. حابسني هنا.. ابتعد عنها لأنه يعرف انها بـ تبكي.. وهو ما يبي يشوف دمعتها : مليون مره قلت لكـ لا تطولين لسانكـ علي.. لينا انا ماني فاضي اشرح لكـ و افهمكـ شيء.. بس ابيكـ تستوعبين شيء واحد.. انا.. ماني مثل اللي براسكـ .. و الحين.. شابكة يديها و ضامتها لصدرها خايفة منه : ويش..!؟ : افففف خليني اكمل انتِ ويش ذا الإسلوب اللي تعيشين فيه.. ماني مصدق ان ابوكـ الفريق اول غازي بن حمدان.. فكت يدينها : مالكـ دخل.. لا تجيب طاري بابا على لسانكـ .. : اقول فكيني من طوالة لسانكـ و خذي ورقة و قلم و اكتبي له رسالة قولي له انكـ بخير.. عشان ما يقلق عليكـ .. اعطاها ظهرة بـ يمشي لكنها نطت قدامة تناقز : قول و الله.. بـ توصلها لبابا..؟! (هز لها راسة بـ ايه.. مسكتة ) الله يخليكـ آآآ قولي المكان هذا وين انا اقولة يجينا..!! و اعلمة انكـ ما سويت لي شيء و انكـ احترمتني و كل شيء زين سويتة له.. حتى ما راح اقوله انكـ جبرتني على شيء..!! او اقولكـ اقولة حتى انت خطفوكـ..!! مسكها من بلوزتها عند كتفها فيها كمية غباء احيان يشكـ انها تتصنعها و بـ قوة : لا و الله اللي جبرتكـ عليه حقي و غصباً عنكـ بأخذة .. و المكان هذا ما يصير احد يدري فيه.. روحي و اكتبي رسالة لأبوكـ .. و الله يالينا لو كتبتي شيء غلط يا ويلك.. انتبهي تزيدين قلقة عليكـ .. لينا تحول اسلوبها من الحماس الى اللامبالاة : و ليش يقلق علي اذا هو زوجني لكـ ..؟! مل منها و من حنتها : شفتي لو ما تروحين الحين تمسكـين ورقة و قلم و تكتبين لأبوكـ و الله ما اوديها لكـ فاهمة و الا لا..؟! لينا : ما عندي ورقة و قلم..؟!! اتجة للكومدينة و فتح شنطتة مليانة ملفات طلع لها ورقة وحده و قلم : اكتبي.. مسكتها لينا : ما تكفيني هاذي..!! انقهر منها : ليش ناوية تكتبين قصة حياتكـ..؟!! بس طمنية انكـ بـ خير يالينا فاهمة الحكي و الا لا..؟! لينا تهف بالورقة : ليش اطمنة يعني هو زوجني لكـ من غير لا يطمن علي.. زوجني لـ واحد مجرم ليش تبيني الحين أرسلة..؟!! انا صار لي فوق السبع شهور قاعدة هنا معقولة ما لقاني..!؟ اكيد ما دور علي اصلاً حتى يلقاني..؟!! جلس على السرير و سحبها وقفها قدامة : ادري ما تثقين فيني لو احلف لكـ من اليوم لـ سنة قدام.. بس ابيكـ انتِ تحلفين ما تنطقين بـ حرف لأي مخلوق بالدنيا و ما كأنكـ عرفتي شيء ابد.. احلفي يا لينا.. لينا : و الله و اللي خلى غازي بن حمدان اغلى من روحي علي ما نطقت بـ حرف.. اخذ نفس : يوم وريتكـ العقد ابيكـ تقرين اسمي.. لكن من صدمتكـ بالموضوع ما قريتية.. انا اسمي.. عمر بن سعد بن مساعد بن سالم.. لينا تحاول ما تبكي : ما اعرفكـ طيب انا ويش استفدت من اسمكـ .. عمر : انا ضابط امن.. (اتسعت عيونها) كل اللي هنا يدرون اني ضابط امن و كل الناس تدري اني ضابط و بـ رتبة عميد.. لينا : يعني تخون الوطن.. شد على كفوفها : لا.. لو اخون الوطن و رب الكعبة ما كنتِ حركتي في ساكن و انتِ وحده من بنات الوطن.. مو انا اللي جبتكـ هنا و انتِ تدرين بهالشيء.. بس انا اللي اخذتكـ و حبستكـ عندي عشان ما احد فيهم يوصلكـ .. زواجي منكـ عشان احميكـ منهم.. لو ما تزوجتكـ بـ يخذونكـ لحم و يرمونكـ عظم.. انت بنت اكبر عدو لهم.. غازي بن حمدان.. و بيـستغلون أي شيء عشان يكسرون ظهر ابوكـ و يمشون شغلهم من تحتة.. لينا انا ما اقدر اشرح لكـ تفاصيل كثيرة بس انا هنا عشان اسلمهم للعدالة بـ يوم.. صدقيني بـ يجي يوم و اوديكـ لأهلكـ بس اصبري علي.. لينا بكت : يعني بابا يعرفكـ عشان كذا زوجني اياكـ ..؟! عمر : يعرفني ايه.. لكن ما يدري ان انا اللي تزوجتكـ حسبالة واحد ثاني و هاذي سالفة طويلة.. بس نطلع من هالمكان بـخير احكيها لكـ .. لينا : طيب بنت عماد..!! عمر : بـ اردها لأهلها الليلة.. و الله ما اخليهم يجيبون وعد بنت عمي لو يحبون السماء.. لينا : طيب وديني حتى انا و الله ما اقول شيء لأحد.. عمر : الموضوع مو بهالسهولة لو تدرين قد ايش مخططين على حساب نهرب بنت صغيرة ما تصدقين.. و لما نهرب بزر نقدر نخبيها بأي شيء مو مثل وحده كبيرة.. بس اوعدكـ اوعدكـ ليون ما راح يطول الموضوع.. لينا : طيب ان مصدقتكـ صح انكـ تقولي كلام يقهرني بس . بس كنت استغرب من اشياء كثير تسويها.. كنت احس عندكـ انفصام بالشخصية.. (عقد حواجبة يناظرها بـ قهر .. اما هي كملت) لا تناظرني كذا و ربي اني صادقة كنت استغرب منكـ تذكر الله و انت مجرم..!! المجرمين يذكرون الله..؟! شلون واحد يقتل نفس بريئة او يخطف بنت من اهلها يعرف ربه..؟! (لينا استوعبت شيء) انت قلت ان وعد بنت عمكـ من شوي ..؟!! عمر : مخكـ تنكـ اشكـ ان ابوك الفريق اول غازي بن حمدان.. لينا سحبت يدينها و جلست جنبها حطت الورقة على الكومدينة : طيب طيب خلاص .. اوعدني ما تفتح الورقة..؟! عمر : آسف.. ويش ضمني يمكن تكتبين شيء غلط لأبوكـ ..!! لينا بيده القلم و تآشر عليه على آساس تهددة : شوف.. انا حلفت لكـ اني ما راح اعلم احد.. بس هالورقة انت قلت بـ توصلها لـ بابا يعني هالشيء بيني و بينه بليـــز!! عمر : توعديني ما تعاتبينة تراه دور عليكـ ضرب اخماس بأسداس عشان يلقاكـ انتِ ما تدرين ويش يصير برا.. بس هذا انا اعلمكـ و اقولكـ ابوكـ ما نساكـ مثل ما انا قلت لكـ يعني فيه اشياء كثيرة انتِ مو فاهمتة و انا ما ابي اشرح لكـ و افهمكـ.. لينا تمد لسانها لـ زواية فمها : مو بكيفكـ انا ضحية و لازم افهم اللي انا فيه.. بس اخلص من الكتابة بـ اتبرع لكـ و اسوي لكـ كوفي من يدي بما انكـ دايم تطلبني و انا اطنشكـ و تحكي لي كل شيء.. عمر وقف : عايف عمري انا..؟! اقول اخلصي و الا و الله ما ارسل الورقة بـ سرعة.. معاكـ عشر دقايق بـ أطلع اشوف الوضع و ارجع القاكـ مخلصة.. طلع عمر و هي ظلت بالغرفة احتارت ويش تكتب و اعتراف عمر شتتها زيادة.. صحيح ما كان حنون معاها بس ما كان ظالم.. حتى لو قالها اشياء كثيرة يمكن هو انجبر عليها ما تدري ما تبي تظلمة و تحكم عليه.. بـ تعرف قصتة بـ حنتها على راسة.. بـ تحاول تفهم هي ليش من سبع شهور هنا و ابوها ما لقاها..!! من حقها تدري.. عشر جقايق بالضبط و عمر دخل عند لينا و شافها ما زالت تكتب .. سحب الورقة : خلاص.. لينا ماسكة القلم بـ يد و الغطاية بـ يد : الله يخليكـ بس شوي..؟! عمر : لا.. من اول قايل لكـ عشر دقايق و انا صار لي اكثر برا.. انتِ كذا بـ تعطليني.. لينا : بس بـ اكتب اسمي.. ناظر بـ عيونها تترجاه لها سبع شهور ما تدري عن أي شيء برا.. لا اهلها و لا شيء ثاني.. ما تعرف الوقت غير بالساعة و لا تحس بـأي شيء.. من حقها ترسل لأبوها رسالة دام هالشيء يقدر عليه ليش ما يوفرة لها..؟! مد لها الورقة حزنتة..: بس اسمك.. سحبتها و كتبت اخر كلمتين و اسمها.. مدت له الورقة و سكرت القلم : لا تقراها.. طنشها و طلع و سكر عليها باب الجناح.. جناح الصقر.. يرتب شنطتة.. اخيــراً بـ يشوف اهلة تحت مسمّى مسافر..!! يضحكـ على نفسة.. يقول لأهلة مسافر دورة.. و يقول لـ صقر مسافر اغير جو..!! ضبط له تذكرة وهمية بـ مساعدة رجال غازي بالمطار اللي عندهم توصية مخصوص لأيمن المنذر.. الصقر : لا تطول.. ايمن اعتدل بعد ما ملى شنطتة ملابس و سكرها : ان شاء الله.. الصقر : انتبة لـ نفسكـ و تمارينكـ لا تتركها.. و سلاحكـ لا يغيب عن عينكـ ..!! ايمن : لا تشيل هم..!! الصقر : تراهم يعرفون بـ غلاتكـ عندي.. و يبون يفجعوني فيكـ خصوصاً هـ العمر.. ايمن : لا تخاف.. تدريبكـ .. عيني ما تغفى.. الصقر : كفوو.. الحين انا رايح اقضي لي كم شغلة.. انت لا جاء موعد رحلتكـ بـ يوصلكـ مصطفى.. ايمن : طيب..!! طلع الصقر بعد ما سلّم على ايمن.. بـ حميمة من الصقر .. على العكس من ايمن.. مشاعرهم متناقضة جـــداً.. طلع الصقر من الجناح ثم من المقر كله.. بعدها بـ نص ساعة بالضبط .. خطوتهم الثانية مع حليفة في المهمة الوحيدة بينهم طلع من الجناح و سكرة.. اتجة لـ الجناح اللي فيه بنت وعد.. و شاف عمر.. عمر : تأخرت..!! ايمن : يتهيأ لكـ ضابط ساعتي بالثانية.. عمر : خلكـ من القرقرة فضي شنطتكـ بـسرعة.. انا بـ اخدرها..!! ايمن بـ صدمة : نعم..!!! عمر بـ حدة خافتة : خير ان شاء الله شلون ناوي تطلعها.. بس تصيح بـ تفضح كل شيء.. لازم تظل نايمة.. لين تدخل المطار.. ايمن فك سحاب الشنطة و رمى الأغراض بالكيس اللي جايبة عمر و عمر خدر البنت مخدر بسيط لكن اكيد قوي عليها لأنها صغيرة وما راح تصحى الحين ابداً : خلاص طيب..!! عمر لف المفرش الصغير عليها و حطها بالشنطة اللي ماسك اطرافها ايمن و قفل السحاب الا من فتحة صغيرة جداً.. : انتبة شوي شوي.. ايمن وقف وهو يشيل الشنطة على كتفة و يشد الطرف الأمامي قدام شوي عشان الشنطة تصير على مستوى واحد من تحت رغم ان هالشنطة طلبية مخصوص بـ قاعدة و أطراف مقواة عشان ما تنطوي على البنت وهي فيها.. عمر : يالله لا تنسى شيء.. من اللي اتفقنا عليه.. (خرج الورقة من جيبة) سلمها للفريق غازي قوله من بنتة..!! ايمن استغرب التصرف لكنه مشغول بـ شيء اهم من انه يفكر بـ رسالة ..! : طيب.. طلعوا الإثنين ايمن اتجه لـ باب المقر و عمر بيدة الكيس اللي فيه اغراض وليد لـ جناحة.. متوتر.. خروج وليد سالم من هنا بـ يدة الورقة الرابحة بـ عمليتهم الجديدة ضربة عميقة للعصابة..!! ناوين يجيبون وعد اليوم عشان بنتها.. ما يدرون ان بنت وعد راحت لأمها..!! جلس على السرير بعد ما رمى الكيس تحت السرير : يارب اعميهم عنه.. يارب..!! مشغول بالتفكير شلون يدخل ولد عمه بـ هالعصابة اذا عنده افكار منحرفة ليش ما لاحظو عليه..؟! عمة..!! سعود..؟! وينهم عنه.. فجأة لمعت مثل البرق قدامة..!! شلون غفل عنها..!! وقف و معالم الصدمة على وجهة : معقولة..!! شلون ما طرى علي..!! اكيد اكيد..!! لينا وقفت جنبة وهي مستغربة من شكلة اول مره تشوفة كذا : ويش اللي اكيد..!! عمر ابتسم : اول مره احس اني غبي.. شكلي من كثر ما استهزأت فيكـ ربي بلاني..!! لينا تنرفزت : كل تبن.. عمر ما عصب عليها هالمرة.. لأنه وصل لـ راحة كون ولد عمة ما يخون دينة و وطنة شيء يريحة حيــل بالعكس وجودة هنا اكيد لـ نفس الهدف اللي هو جاء عشانه عشان ينهون عصابة لها من اهداف تفكيكـ وحدة الوطن و زعزعة امنة..!! : هههههههههههههههه...!! لينا : تراكـ مجنون.. .. مكتب الفريق غازي.. الفريق غازي : ايش الأخبار..؟! عماد رمى نفسة على الكنبة : ما احد مبين بالشارع كلش..!! يمكن ما يراقبون المكان.. الفريق غازي : مستحيل اكيد انهم مراقبين بيت ابراهيم و عارفين عليه حرس عشان كذا طلبوها تروح لأخر الشارع.. و اكيد هناكـ بـ يراقبون المكان لـ فترة عشان يتأكدون انه امان.. لأن طلبهم لها صعب و يثير شكوكـ الناس و المنطقة اخر الشارع فيها بيتين وماهي مسكونة.. و الباقي ما بعد خلصت بناء.. يعني حاسبين لـ كل خطوة.. عساف حاط يده على خصرة وهو متنرفز لأنه خايف عليها..!! يعرف طبعها وده يجيب لها بنتها قبل لا هي ترمي نفسها بـ الهلاك : يعني مراقبينها.. و ما راح يخاطرون بإنهم يكشفون انفسهم قبل لا تطلع وعد حسب مخططهم.. حتى الرقم اللي متصلين منه خاص و ما يظهر..!! عماد : اذا كذا يعني لازم تطلع عشان حضراتهم ينكشفون..!! سعود يناظر عماد مقهور : مهبووول انت..؟! ليش شايفنا عايفينها..؟! عماد بـ حدة : ليش ويش الحل بـ نظركـ راقبنا المكان و اكيد كشفونا ما يبي لها..!؟ يمكن يكونون مارين و احنا ويش درانا عنهم..؟! غازي ضرب المكتب بـ قوة : بــــــــــــس..!! (ناظر الإثنين) اقسم بالله لو ما تسكتون اثنينكم لأخلي جميع مسؤولياتكم من هالقضية و ابعدكم عنها.. مشغلين بزارين معاي..؟! سعود و عماد اثنينهم تراجعوا و سندوا ظهورهم على ظهر الكرسي.. عساف : سيدي.. انا من رأيي نشيل كل سيارات المراقبة.. و نراقب بـ طريقة ثانية.. غازي : لا تقولي كاميرات ممكن نفقدهم بـ سهولة.. عساف : لا.. نراقب من البيوت.. ما احد بـ يشكـ اننا ممكن نكون نراقب الشارع من بيت ناس.. اذا بلغنا اهالي البيوت اللي نحددها و نقولهم اننا من الأمن و نراقب المكان ما اتوقع احد فيهم بـ يردنا و يرفض.. و يكون فيه سيارات امن بعيد عن بيت عمي للمطاردة ان احتجناها..يعني عند مداخل و مخارج الشوارع .. خصوصاً الرئيسي.. غازي وقف و اتجة لـ عساف و الواقف : ممتاز عساف.. بـ تروحون لي كلكم.. (عماد و سعود وقفوا ناظرهم غازي) لا انتم الإثنين بـ تنطقون عندي.. عماد مستغرب : ليــش..؟!!! غازي بـ حزم : مزاجي انا اللي هنا أأمركـ بالشغل ماهو انت تأمرني.. عماد كتف يدينة بـ قهر وهو يناظر بالأرض.. اما غازي يكمل : بـ تأخذون لي فرقتين كل واحد فيكم بـ يكون بـ مكان.. خذوا لي سلمان و حمد معاكـم.. ابيكم .. تختارون اهم البيوت.. ما اشكـ بذكائكم..(ناظر بـ عساف) عساف.. ابيكـ تشرف على هالشيء و تقسم الرجال بـ عناية.. ما ابي لهم مفر فاهميني..؟! عزام : فاهمين طال عمركـ لا تشيل هم.. غازي : بلغوني بالتطورات ويش يصير معاكم.. ادوا التحية العسكرية ثلاثتهم عساف و عزام و نايف و طلعوا.. اما هو لف على الإثنين الواقفين : و بعدين معاكم..!؟ هذا مكان شغل ماهو خلافات..!؟! سعود : يعني عادي يضحي بأختي..؟! اصلاً هي ما تهمه عشان الومة..!! عماد : و الله رجعة بنتي هي اللي بتعقل جنان اختكـ .. سعود : انت طلقتها يعني حتى ما يحق لكـ تحكي فيها..!! غازي : هيـا خلوني اسمع واحد فيكـم ينطق حرف وشوفوا ويش بـ اسوي فيه.. اتجه غازي لمكتبة و جلس وراه اثنينهم جلسوا على الكراسي قدام مكتبة و كل واحد فيهم يتنهد بـ قهر.. غازي ناظر جوالة يدق بـ رقم غريب : الوو.. (انصدم يوم سمع الصوت) وليــد..!! (كلهم ناظروة الإثنين) طيب.. طيب.. نفس الحي بعد بيت ابوكـ القديم بـ شارعين..بـ اقابلكـ هناك.. ماني مطول.. خلاص (قفل الخط و ناظرهم) وليد رايح بيت ابراهيم.. مشى و مشوا وراه .. سعود : ويش قال..؟! غازي يمشي بـ ثبات و رجالة يدقون التحية له : قال يبي عنوان بـيت ابوكـ بـسرعة الله يستر ماهو مسوي مصيبة.. عماد : تجي عليه ماهي غريبة..!! .. بيت ابراهيم.. في الصالة صراخها مالي المكان.. وهم يهدونها حتى اخوانها واقفين.. و ابوها جالس و مجلسها بـ حضنة.. ابو سعود ماسكها و ضامها ظهرها على صدرة : وعد اهدي.. ما يصير اللي تسوينة سعود بـ يجيبها لكـ .. وعد تصارخ و تحاول تتفلت منه : ما ابي اتركوني ما احد بـ يقدر يجيبها.. انا ما راح اعيش بـعيد عنها خلوني.. بابا حرام عليكـ .. خليني الله يخليكـ .. ابو سعود مقهوووور من الحالة اللي وصلت لها.. صراخ و انهيار نفسي و جسدي ما تراعي نفسها ابداً فقدان بنتها مفقدها صوابها : ما راح اخليكـ ماني عايفكـ .. وعد تصارخ و تحاول تضرب نفسها : انا عايفة عمري .. انا عايفة عمري.. ابو سعود ناظر احمد : اعطها مهدئ.. وعد طلعت عيونها بـ ينومونها غصب : لاااا بابا لااااا الله يخليكـ لاااااااااااا ابي بنتي.. ابي بنتـــــــــــــي..!! بابا.. احمد فتح الأبرة ناظر اخوانة حتى احد يمسك يدها و لا تحركها خوفاً من الإبرة تنكسر بـ يدها.. تقدم حاتم و مسكها : وعد اهدي.. الله يسعدكـ اللي تسوينة بـ نفسكـ ما يصير.. وعد وهي تحس بـ برودة المسحة الطبية على عضدها احمد يمسح المكان : احمد.. لاااا و الله بـــزعل .. و الله بـ ازعل منكـم.. باااااااااااابااااااااااااا.. لكن احمد غرس الأبرة بـ عضدها و خرجها مسح الدم بـ قطنة و حط لها لزقة وهي يسمع انينها يخف تدريجياً.. وعد جسدها الضعيف ما قاوم ابداً استسلم للمهدئ و قلبها يرفضة تبي تكون صاحية حتى تطلع تبي تشوف بنتها : لا.. ما ما.. لا .. ابو سعود تنهد اول ما غطست بالنوم.. بعد ما راحت امها و حست انه صار اخر الليل و سعود ما جاء انهبلت..!! جود : يعني وشو..!؟ بـ تضلون تنومونها كل ما انهارت بهالشكل..!؟ ذا مو حل..!! ياسر : ويش الحل بـ نظركـ ..؟! جود : جيبوا لها بنتها.. ياسر : لا و الله و شايفتها عندنا و احنا مخبينها يوم تقولين جيبوها..؟! جود : حطوا اعلان بالجرايد.. خالد بإستهزاء : اهنيكـ على ذكائك الخارق.. بسم الله عليكـ لازم نحصنكـ و نخاف عليكـ من العين..!! ابو سعود : خـــالد..!! (ناظر جود) بنتها مع نفس الناس اللي اخطفوها هي.. يعني ماهي مختفية مثل ما اختفت وعد بـ فترة وما ندري وينها.. فرق يا بابا.. جود ضربت رجلها بالأرض : طيب بابا الى متى..!؟ و هي على هالحالة..!؟ احمد : مع بعد العسر الا اليسر.. ربكـ كريم..!! بالمجلس دخل سعود و دخل عماد و الفريق غازي معاه.. سعود لف لهم : الله يستر..!! (لف على الباب) غريبة البيت هادي..!! يمكن يدخل مع الباب الرئيسي..!! غازي : روح شوف هناكـ اول ما يجي جيبة هنا..!! فتح سعود باب المجلس.. لف على الباب اللي ينفتح.. دخل وليد وهو شايل الشنطة.. سعود : وليـــد..!! لفوا عماد و غازي كلهم و طلعوا من المجلس.. وليد ناظرهم .. نزل الشنطة و فتحها.. طلع بنت وعد وهم يناظرون.. اول من استوعب عماد.. اخذها من يدين وليد و ضمها.. : يالله..!! يالله.. مد رجلة على وراء و دف الباب و سكرة.. غازي ناظرة : ممكن نفهم..؟!!! وليد : هربتها..!! هي الحين مخدرة خلوا احمد او حاتم يشوفها.. سعود بـ صدمة : مخدرة!!! وليد : ايه.. هو الحل الوحيد عشان اطلعها من هناكـ ما تسكت بس تصيح..!! غازي بلع ريقة بـ صعوبة : و .. لينا..؟! وليد طلع ورقة من جاكيتة ومدها له : منها..! غازي ناظرة و ناظر الورقة.. يبي يفهم..!! وليد ما زال ماد الورقة : تطمن هي بـخير.. وراح تقرأ هالشيء بالورقة.. آسف ما قدرت اهربها للحين بس لا تخاف هي بأمان.. سعود و عماد يناظرونهم ساكتين عماد كل شوي يبوس يد بنتة .. غازي اخذ الورقة من يده وهو يناظر وليد : شلون بـأمان..؟!! شلون و هي بينهم..؟! وليد يحاول ما يجيب طاري الزواج عشان ما يدري غازي : قريب بـ تكون عندكـ ان شاء الله..!! غازي : انت تحميها..؟! وليد ناظرة يكذب.!! و الا يقول الصدق ..!! غازي ناظرة بـ شك : وليــد لا تخبي علي..!! وليد دخل المجلس و دخلوا وراه الثلاثة : لا.. زوجها يحميها..!! غازي بـ صدمة : زوجها..؟! ماهو انت زوجها..؟! وليد : لا.. سعود مصدوم..!! : شلون لا..؟! و انت ارسلت لنا رسالة و قلت لازم الفريق غازي يوافق على زواج بنتة.. و حتى الشيخ اللي جانا قال انه شافكـ ..؟!!! وليد جلس و يناظرهم : انا صدق ارسلت الرسالة بس ما رحت للشيخ.. بعد ما سمعت حكيهم عنكم و عن اللي بـ يسوونة فيها.. قلت لازم ادفع الفريق لأنه يوافق على زواجها.. و اللي تزوجها يحميها و لا مره طلعها من جناحة عشان ما احد يوصلها فيهم.. لكن لو ما تزوجها ما راح يقدر يحميها منهم.. بـ .. بـ يعتدون عليها.. غازي رفع يده و غمض عيونة بـ قهر : خلااااص..!!! وليد بـ ثقة : اذا تثق فيني.. بـ تصدقني انها بـخير.. غازي : كم قضية عليه..؟! وليد نزل عيونة ما يبي ينفضح و يكشف سر عمر اللي من شوي تفاهموا اثنينهم عليه بعد ما لحقة عمر و تأكد ان وليد ماهو الا ضابط سري.. و وليد تأكد ان عمر يحمل نفس الهدف اخفاء العصابة من وجهة الأرض و تسليمهم للعدالة: ما اعرف.. انا ما اعرف حتى اسمة بس كم مره شفتة..!! (وقف) وين الناس ما اشوف احد..؟! سعود : بـ انادي ابوي هنا و اخواني.. (لف لـ عماد) اعطيني اياها.. عماد : خلها معي شوي.. لو بـ تأخذها لأختكـ ما راح اشوفها لو طلبتها بـعدين..!! وليد اخذها من عماد : حتى انا بـ أبوسها ما متعت عيوني فيها.. طلع سعود من المجلس و وليد منزل البنت وهي نايمة على الكنب و مدنق عليها يبوسها.. : ترى عندهم عملية..!! ركزوا الاثنين فيه غازي اللي اساساً مشغول بـ بنتة و عماد .. عماد : عملية ايش..؟! وليد : الصقر رفض لا يعلمني.. يقولي ما ابغاكـ تدخل فيها.. دخل ابو سعود اللي ناداه سعود هو و عيالة لموضوع مهم بالمجلس.. انصدم بـ وجودة : وليـــد..!! وليد وقف و ابتسم .. ابو سعود ما انتبه لـ بنت وعد لأن حتى صوت ما فيه.. كلهم عيونهم مركزة عليه .. راح لأبوة و حضنة : اشتقت لكـ يبه..!! ابو سعود ابتسم : طولت الغيبة..!! (ناظر بالشيء الصغير جنب عماد ابتعد عن وليد و اتجة له) ايش هذا..!؟ سعود : بنتنا يبه..!! ابو سعود ابتسم راحة..! راحة تتسلل لـ قلبة من زمان ما حسها : و الله..!! سعود : ايه وليدان جابها.. حضنة مشعل بـقوة : يا حمـــار.. وليد : ما حمار الا انت يا حيوان.. مشعل : و لا حتى اتصال تذكرنا فيه..؟! وليد بـ غرور : اشغال يا عمي ماني فاضي..!! حضنة احمد مبتسم رجعة بنت وعد وشوفة وليد بعد سبع شهور : الحمدلله اهم شيء انكـ بخير.. بعدها حاتم : الحمدلله على سلامتكـ .. وليد : رغم إنّا ما خلصنا للحين بس الله يسلمكـ .. ثم خالد : يا عيني عضلات و حركات.. وليد : لا إله الا الله..!! ياسر : هههههههههههه ما احنا صاكينكـ بعين.. بس صاير رياضي..؟! وليد : لا بالله بتسدحوني هنيا.. عماد ناظر احمد : تعال شوفها احمد.. يقول خدروها..!! احمد اخذها منه مصدوم : ليش..؟! هي بزر.. ويش تتحمل..؟! سعود : مضطر و الا ما قدر يقول ما سكتت بس تصيح.. حاتم : اجل امها لا تدري..لو تدري بـ تنهبل.. وهي ما باقي فيها عقل كلللش..!! احمد : مشعل روح جيب سماعتي بـ شنطتي بالصالة.. مشعل : ان شاء الله.. احمد يفكـ اللفة عنها صغيــرة ما كبرت بس خدودها ضعفوا : ضعفت..!! عماد : لاحظت بس قلت يمكن انا موسوس.!.! ياسر : الحمدلله.. اهم شيء رجعت.. دخل مشعل شايل الشنطة كلها : تفضل.. فتحها حاتم و اخذ احمد السماعة يحطها على صدرها و يفحصها.. ابو سعود ناظر غازي قام و جلس جنبة يكلمة بـ همس بينهم : قالكـ شيء عن بنتكـ ..؟! غازي : مو هو اللي تزوجها..!! لعبوا فيني يا ابراهيم..!! جالس اضحي حتى بـ عيلتي.. ابو سعود حط يده على فخذ غازي : وكل ربكـ يا شيخ.. ولدي و اعرفة و الله كل شيء بـ يده يسوية و حتى اللي فيه خطر يسوية.. غازي بـ ثقة بـ وليد : اعرفة يا ابراهيم ما يحتاج تعلمني فيه.. بس اني كنت متأمل تكون معاه وقتها بـ يطمن قلبي.. لكن قالي انها مو معاه زوجتها لـ واحد حتى ما اعرف اسمة.. ابو سعود : ما الومكـ تزعل.. بس اني حاس فيكـ.. غازي : ادري.. ما احد بـ يحس فيني كثركـ مجرب اللي جالس اعيشة الحين.. ابو سعود : بس انت اقوى مني ماشاء الله.. لا تضعف.. اكيد.. وليد بـ يتصرف مثل ما تصرف الحين.. احمد : و الله ما فيها شيء صحتها الحمدلله كويسة و حرارتها طبيعية.. بس يروح مفعول المخدر بـ تصحى.. عماد : طيب وليد قال المخدر خفيف ليش ما صحت الحين..!؟ حاتم : مهما كان خفيف عليها قوي.. لأن جسمها ضعيف هاذي طفلة ماهي شخص بالغ.. عماد بـ قلق ابوي عميــــق لأول مره يجرب حلاوتة.. : يعني ويش..؟! متى بـ تصحى..؟! احمد يناظرها تحركـت بـ حضنة ابتسم : شكلها قربت.. سعود : كيف وعد..؟! خالد : نومناها..!! وليد : تعبانة..؟! ياسر : حيـــل.. الحمدلله على كل حال.. سعود سند ظهرة على الكنب و مد رجولة : اخيراً انتهى هالكابوس.. وليد اتجه لـ غازي و ابوة و جلس يمين غازي : و رب الكعبة لو كنت وقتها موجود معها اني كنت تزوجتها انا.. بس صدقني انها هي بأمان مع زوجها اكثر مني.. لا تخاف عليها حتى ان الصقر قالي انها بأول يوم صابت واحد من الرجال.. و الرجال اللي صابتة هو نفسة اللي تزوجها.. رغم انهم عارضوة بالبداية بس اصر عليهم يتزوجها.. هالشيء ما يخليكـ تحس انها بأمان معاه..!؟ غازي عقد حواجبة من كلام وليد : كل ذا و ما تعرفة..؟! لا تخبي علي..؟! وليد غمض عيونة و مد يده يضغط على كتف غازي : ما اعرفة.. لو اعرفة كنت قلت لكـ .. غازي : ادري انكـ مخبي علي شيء.. وليد يناظرة بـ أكبر قدر من الثقة يحاول يجمعة بـ نفسة : ما عندي شيء زود عن اللي قلتة.. غازي : متى بـ ترجع..؟! وليد ابتسم : اجازة..!! ابو سعود انتبة للكدمات اللي بوجهة..!! كل هالوقت ما انتبهوا له.. و حاط لصقة عند عينة حتى يخفي الكدمة البنفسجية رغم ان اطرافها باينة : ويش فيه وجهكـ ..؟! وليد ضحك : ههههههههههه الله بالخير يبه.. هذا و انا ما لبست نظارة عشان ما اخدعكم.. غازي استوعب اللي يشوفة بـ وجهة وليد و طرف شفتة المجروحة و لصقتين عند عينة اليمين و على طرف خدة اليسار قريب من اذنة : سلامات..؟! وليد : الله يسلمكـ .. ضريبة الإجازة.. ابو سعود : الله يهديكـ هاذي سواة..!! وليد : يبه يعني بـ كيفي..؟! ماهو بـ يدي..!! غازي وقف : بلغوا الشباب ان البنت رجعت بس خلوهم يظلون بـ أماكن المراقبة للفجر.. للإحتياط يمكن ما يعرفون ان البنت انوخذت منهم و ينتظرون وعد تطلع لهم.. عشان كذا خلوا كل شيء يمشي مثل ماهو.. و انا بـ اروح البيت ابي ارتاح.. اذا استجد شيء بلغوني..!! سعود : تأمر.. اوصلكـ ..؟! غازي : لا.. ابو سعود : الا .. قوم وصلة.. ما تروح و انت بهالحالة.. غازي طلع قبل ما فيه يناقش و يزيد هدة الحيل عليه.. و طلع سعود وراه.. ركب معاه السيارة سعود يسوق و غازي جنبة.. طلع الورقة حتى يقراها "بسم الله الرحمن الرحيم.. السلام عليكم و رحمة الله و بركاتة.. بابا حبيبي.. انا بـخير الحمدلله.. صدق اني كنت زعلانة منكـ عشانكـ زوجتني و ما دورت علي بس انا عرفت انكـ ما خذلتني .. صح ما فهمت للحين شلون ما لقيتني بس انا متأكدة انكـ مستحيل تتخلى عني.. لأني قطعة منكـ ما راح ترميني للكلاب تنهشني.. بتتوجع من وجعي.. بابا مشتاقة لكـ .. مشتاقة انام بـحضنكـ .. انا من سنتين و نص محرومة منكـ و انت قدامي انا غلطت و تأسفت بس حسيت ان اللي بيني و بينكـ انكسر.. حسيت انكـ ما تبيني و متفشل مني.. بس الحين انا عرفت ان كله الشيطان يوسوس لي.. بس انا بنيت حواجز و حصون بيني و بينكـ و حرمت نفسي منكـ .. بابا لا تزعل مني و لا تزعل علي.. بابا ودي اكتب كلام كثير و تزاحم بـ خاطري و ما اعرف ويش اكتب.. بس خاطري اشوفكـ .. و انام بأمان عندكـ و بحضنكـ .. انا بخير لا تشيل همي.. زوجي يحميني منهم و ما يخلي احد يأذيني.. بنتكـ لينا..!! " خلصت الرسالة وهو يناظر حروفها لو سعود ما يقول عنه مهبول كان حضن الورقة و كنه يحضن لينا.. سعود : عمي..!! ناظرة غازي من غير لا يرد..!! سعود : وصلنا.. غازي : تصبح على خير.. سعود : و انت من اهلة.. نزل غازي و حركـ سعود بعد ما تأكد انه دخل.. غازي طبق الورقة من جديد و حطها بـ جيبة البيت ظلام و شيء طبيعي الساعة 3 متألم عشانها .. ظهرة و انكسر من بعدها..!! طلع الدرج بـ ثقل و اتجة للشخص اللي ممكن يخفف عنه كل ذا..!! كل همة يشيلة عنه.. فتح الباب و شافها جالسة على اللاب توب و تتفرج ما انتبهت له..سكر الباب و مشى للسرير جلس عليه و لفت عليه تناظرة بلعت ريقها بـ خوف .. اما هو انسدح على ظهرة : ريما..!! بعدت اللاب و كانت بـ تحطة على الكومدينة ما انتبهت انها حطتة على الطرف و عيونها على ابوها و يديها ترجف طاح اللاب و شهقت.. فتح عيونة و ناظرها : خايفة ..؟! ما راح اضربكـ .. مسكها قبل لا تنزل من السرير و حط راسة على رجلها يبي يحس بـ لينا و ما راح يحس الا بـ توأمها : ابوكـ موجوع يا ريما..!! بكت اول مره تشوفة كذا.!.! كل زعلها منه تبخر حطت يدها على راسة : بابا.. غازي : انا غلطت.. ادري و الله غلطت لا تبكين .. خايفة مني..؟! ما الومكـ .. بس يا بابا انا آسف.. و الله ما عاد امد يدي عليكـ .. ريما باست راسة : ماني .. خايفة منكـ.. خايفة عليكـ .. ايش فيكـ.. زعلان مني..؟! غازي : لا.. بس خليكـ هنا.. ابي احس بـ وجودكـ و انا نايم.. ريما هزت راسها : طيب خلينا نروح المستشفى و الله شكلكـ تعبان..!؟ غازي رفع راسة و حط على مخدتها : لا بـ انام بس خليكـ بالغرفة.. ريما مشت على ركبها على السرير و نزلت جزماتة و رمتها على الأرض لحفتة و جلست عند راسة مستغربة ..!! معقولة تعبان..! طيب ليش يجيها هي..!؟ عنده حرمتين..؟! مدت يدها تمسح على شعرة مخالطة الشيب خصوصاً منابت شعرة .. همست : بابا..!! غازي : اممممم.. ريما : ما ابيكـ تنام زعلان..؟! اخاف يصير لكـ شيء.. ترى بـ اذبح نفسي.. لف عليها بعد ما كان معطيها ظهرة : ماني زعلان بس تعبان و ابي اريح.. و ابي انام عندكـ و الا ما تبيني..؟! ريما : الا ابيكـ .. بس خايفة عليكـ ..؟! احس فيكـ شيء..!! غازي : لا .. بس خليني انام..!! ريما : طيب رغم اني ماني مصدقتكـ ..!! غمض عيونة يطارد النوم عشان يمسكة و يتلبسة و يغطس فيه لأبعد مدى يقدر عليه .. يبي ينام وما يفكر بـاللي استجد عليه..!! .. استغفر الله العظيم و أتوب اليه.. لا أحلل نقل الرواية دون ذكر اسمي.. مواعيد البارتات كل سبت بإذن الله.. هاشتاق #رواية_لو_سألتي_الورد ضحكة قهر.. http://up.graaam.com/img/23407876b74...eba11d9f14.pnghttp://up.graaam.com/img/c433481acf7...1de64fbad2.png |
رد: لو سألتي الورد وهو ما بين إيدك أقطعك بيقول لك عمري فداك الكاتبة / ضحكة قهر
بجد الرواية رووووعة وكل ما ليها الخطوط تتشابك اكتر
منتظرين بفارغ الصبر سؤال بايخ شوى كم جزء بتكون الرواية لانو اعصابنا انحرقت 😢 |
رد: لو سألتي الورد وهو ما بين إيدك أقطعك بيقول لك عمري فداك الكاتبة / ضحكة قهر
الاحداث اخدت منحنى مختلف عن المتوقع
حبيت جدا انها خالفت افكارى فى انتظار التكمله ان شاء الله |
رد: لو سألتي الورد وهو ما بين إيدك أقطعك بيقول لك عمري فداك الكاتبة / ضحكة قهر
الروايه جدا جميله
توقعت ان زوج لينا يصير لوليد وسعود بسبب ان الشيخ قال يشبه سعود واخيرا ارجعت البنت لأمها الحين ما راح ترضى تفارقها اتوقع بو سعود راح يخطب مريم وهي توافق علشان ماتفارق بناتها وعد الله يلوم اللي يلومها لو تستخف ام وماشافت بنتها وليد وولد عمه روعه عمر دير بالك على ليونه كسر خاطري غازي ***استغفرالله واتوب اليه*** |
رد: لو سألتي الورد وهو ما بين إيدك أقطعك بيقول لك عمري فداك الكاتبة / ضحكة قهر
بسم الله الرحمن الرحيم..
السلام عليكم و رحمة الله و بركاتة.. مساء الخير للجميع.. ما عندي مقدمات مستعجلة مثل كل مره ^_^.. ادري طولت بالبارت بس من الصبح صاحية و عليه و ما بعد وصلت للنقطة اللي ابيه انهية فيها.. مو مشكلة وصلنا لـ نص الجلسة..!! البارت هذا انا احسة تمهيـــد لإجرام البارت اللي جاي..!! انكشف عن مجهول اللي بارت اللي فات.. و طلع لنا مجهول جديد هالبارت ^_^.. عمر الشخصية الجميلة و انحب على طول ماشاء الله عاد لو ينقلب على ليون بـ تنقلبون عليه كلكم .. اعرف حركاتكم.. توجعتوا البارت اللي فات من وعد و انتظرتوا لقائها ببنتها .. و ان شاء الله بـ تشوفونة اليوم و لا تبكون لا اوصيكم.. يمكن تبكون كم مره بـ هالبارت مين داري..!! ما ابي احرق عليكم.. < من العجلة مضيعة ويش كنت ابي اقولكم..!! ما عليش لو طرى علي بعدين بسوي تعديل على المقدمة و الا بـأجلها للبارت الجاي ان شاء الله.. اخر شيء كلمة للي متضايقين من طول الرواية..!! ما عليش اعتقد كلامي كان واضح البارت اللي فات.. و هالبارت انا اقولكم اذا انتم مو عاجبكم الوضع ترى انا ما جبرت احد فيكم يفتح الرواية كل سبت و ينتظرني.. وجود الجميع شرف لي بـ روايتي بس دام مضايقكم وما ودكم تكملون تأكدوا اماكنكم محفوظة سوا كملتوا معانا و الا تركتونا.. و الله يضايقني اقولكم كذا.. و يضايقني اكثر لما اقرأ كلام عن نهاية الرواية.. ما عليش على الأسلوب صايرة نفسية ..!! حيـــاكـم الله جميعـــاً.. لا تنسوني من دعواتكم.. البارت الرابع و الخمسون.. قبل أعرفك ما أعرف معنى الحنين و الحزن ما كنت أعرفه و أشبهه أنت واحد .. لكن أشوفك : اثنين واحد أحبه .. وواحد أكرهه !! لـ حمد العيد.. عماد شايلها : وي جعلني فدوة لكـ ..!! سعود : ترى بـس تصحى وعد بـ نأخذها..!! عماد : ويش بلاكم بـ تحرموني منها..!؟ نشبتوا لي من يوم صحت ما تخلوني اتهنا تراها بنتي مثل ماهي بنتها..!! خالد : ويش نسوي لكـ .. نبي نحافظ على العقل اللي باقي براسها.. انت استمتع الحين لين صلاة الفجر.. ما اتوقع تصحى قبلها.. عماد يبوس بنتة وده يقولة صار اختكـم براسها عقل بس عارف راح يهبون فيه مسك لسانة عشان ما يطقطق عليها قدامهم : و الله اذا بـ تجلسون كل شوي تذكروني ما راح استمتع.. (انسدح و حط بنتة عليه) خلوني مع بنتي بـ راحتي.. ابو سعود وقف : انا بـ اريح قبل الفجر.. قفلوا البيبان..!! احمد : لا تشيل هم يبه كلنا صاحين..!! ابو سعود : حتى لو.. اقفلوها.. وليد : ويش اخر اخباركم..؟! مشعل : غير زواج اخواني و ندى ما صار شيء.. وليد : اهـــااا.. انا بـ اروح اشوف خواتي و امي.. و بعدها بـ اريّح.. (وقف و اتجه لـ شباك المجلس يشيك على المكان).. سعود : ويش فيكـ ..؟! وليد التفت له : مجرد احتياطات.. انت اللي مختار الحرس..؟! سعود : ايه.. ليش..؟! وليد : بس اتأكد.. عن اذنكم.. عماد يناظر وليد لين ما طلع.. و لف على سعود و اخوانة : صاير مهذب اما عن اذنكم..!! خبري فيه يصفق البيبان وراه من غير لا يستأذن..!! مشعل : من جد.. شكله ماهو طبيعي..!! ياسر : يمكن بعد اللي مر فيه.. اكيد انه جاب البنت ماهو شيء سهل.. يمكن يكون متوتر او خايف..!! سعود : ما اتوقع وليد يخاطر.. اذا ماهو متأكد من ثقتهم فيه ما راح يخاطر و يجيب البنت..!! حاتم : الا ويش بـ تسمونها صار عمرها ثلاث شهور..!! عماد ابتسم : سميتها.. فجر.. احمد : متى سميتها..؟! عماد يرفع بنتة فوق : من زمان سميتها بس ما قلت لأحد..!! ياسر متنرفز : ما كان لازم تأخذ شور اختي..؟! هي بنتها بعد ماهي بنتكـ لحالكـ عدا ان لها حق اكبر منكـ يومكـ تنكرت لـ بنتكـ اول حمل وعد فيها..!! عماد جلس وهو يناظر ياسر بـ هدوء ما يبي يتهاوش معاه..!! مو خوف .. بس خوال بنتة وما يبي يكسب عداوتهم فوق اللي صار بينه و بين وعد.. خلاص كل مين راح بـ حال سبيلة و ما بينهم الا هالبنت و بس : البنت تتبع ابوها.. و لا تجلس تعيد في الحكي.. اذا اختكـ ماهي متقبلة الإسم عادي بـ اغيره.. (ناظر بنتة) وما سميتها فجر الا عشان الأمل كل يوم يتجدد مع الفجر.. ما ابي افقد الأمل بـ رجعتها و سميتها فجر.. الفجر بداية جديدة لكل يوم..!! خالد : كلامكـ مقنع..!! الإسم حلوو ماهو شين..!! بس دام عندكـ استعداد تغيره عشان وعد بـ نشاورها..!! عماد : على فكرة لا عاد اسمع كلمة ان لها حق اكثر مني.. هي بنتي.. مثل ما هي بنتها.. اوكِ اختلفنا تهاوشنا و تطلقنا ما يعني تهضمون حقي في بنتي..!! ما راح امشي هالموضوع..!! سعود : ويش شايفنا..؟! لا تخاف متى ما حبيت تعال و تسدح هنا مع بنتكـ لين تمل ان ما شالكـ البيت تشيلكـ عيونّا.. .. مقر العصابة..!! صقر يصرخ عليهم : شلـــون يعني ماهي موجودة..!؟ صلاح : انا فتحت باب الجناح على اساس بعطيها الرضاعة حقتها وما لقيتها..!! زياد : يعني وشو مشت على رجولها و طلعت..؟!! مين اللي له مصلحة بإنه يرد البنت لأهلها..؟! صقر ناظر عمر الواقف بـ برود عادي الوضع عنده وما كأن الموضوع يعنية : ومين غيره..!! عمر ناظر الصقر : خيـــر..!! صقر : انت ما فيه غيركـ ..!! عمر : على كيفكـ تتهمني..!! انتم كلكم تعرفون ان البنت ما تهمني.. لو تهمني رجعتها من اول ليلة جبتوها.. سطام : يعني بـ تفهمنا انكـ مو انت اللي رديت البنت عشان ما نجيب وعد..!! عمر : لا لا لا كذا نوسع الإتهامات.. و ليش ما يكون واحد فيكم اخذ البنت لـ مكان ثاني.. و عنده هدف غير عنكم..؟! زياد : ما فيه غيركـ هنا يخالفنا.. عمر : عاد انا اليوم ما طلعت من خير شر.. و بـ تأكدون راجعوا الكاميرات على البوابة..!! صقر : ناصر روح جيب تسجيلات الكاميرات.. ناصر : ان شاء الله..!! طلع ناصر لـ غرفة المراقبة الخارجية .. و هم واقفين ما جلسوا .. عدم وجود الطفلة بينهم يعني ما يقدرون يوصلون لـ وعد عشان يجبرونها تزرع ادوات تنصت بـ ملابس سعود..!! عمر يجلس بـ هدوء بينهم و كلهم واقفين ..!! يدري انهم يتمنون امنية وحده يخنقونة لين يموت..!! وهو بعد يتمنى لهم الموت بس في ظل القانون و تحت العدالة..!! و قريب.. قريب ناويها عليهم..!! ناصر يدخل و جلس و سحب اللاب من الطاولة و يركب نسخة من تسجيلات الكاميرات .. جلس جنبة الصقر .. مرت ساعة و الصقر و ناصر يعجلون بالتسجيل تبع اليوم كله .. مرت ثقيلة على عمر خايف لا يشكون بـ وليد .. بس يعرف تفكيرهم الخبيث فيه اشياء غبية كثير يرتكبونها..!! و بسبب ثقة الصقر العمياء في ايمن المنذر ما راح يطري عليه انه جاسوس اساساً.. راح يشكون فيه هو.. و هو تثبت براءتة الكاميرات..!! الصقر وقف : ماهو معقول يعني شلون البنت فص ملح و ذاب..!! ناصر : اكيد لا... المشكلة اللي اهم..!! اذا غازي و رجالة يعرفون مكانّا..!! زياد : مستحيـــل اذا يعرفون مكاننا ليش ما داهموا المكان..؟! ليش يضيعون عليهم الفرصة..!! صقر : عمر انت لازم تعرف لنا التطورات بالمركز.. عمر : الحين عرفتوا قيمتي..!! من شوي لو بيدكـ رصاصة كنت حطيتها بـ راسي..!! صقر : عميـــــر ترى ماني فايق لكـ ..!! : خيــــر ايش فيكم..!! وقفوا كلهم على قدم وحده..! بالأخير كلهم يشتغلون عنده..!! بداية من الصقر مروراً فيهم جميعاً لأصغر حارس هنا.. صقر : بنت عماد ماهي موجودة.. مأخذينها من المكان..!! : اهــا .. مو مشكلة صغيرة .. نقدر نجيب عماد بـ راسة هنا ما عازة نجيب بنتة..!! صقر : بس انت تدري ليش احنا جايبينها.. جلس بـ صدر الصالة فـــخم..!! فخــــم..!! فخامة اجرامية بعيد عن الطمأنينة و الراحة.. من تسريحة شعرة اللي غازية الشيب لـ طرف جزمتة البنية : ادري.. راح ندور لنا طريقة ثانية نجيب فيها معلومات من عند غازي و رجالة.. وين الرجال اللي عندكـ ما تعرفت عليه..!! جلس الصقر : اخذ اجازة.. طفشتة انا هالفترة..!! : لا تدلعة.. الا قلت لي ويش اسمة..!؟ الصقر : ايمن المنذر..!! : اهـــا ايمن المنذر.. اسم رنان.. انا عندي شغلة بـ اصفيها بكره الصبح.. ابيكـ يا سطام انت و ناصر معاي..!! عشان لا خلصت بـ ارسلكم بـ مشوار مرتب.. سطام و ناصر : تامر طال عمركـ .. : و بكره الساعة 2 بالضبط بالليل بـ تتم عملية التهريب.. كلكم بـ تكونون مشاركين فيها.. ما ابي ادنى غلطة .. لأن الغلطة بـ يشوفها غازي بـ بساطة.. و هالمره ما راح يكون فيها رحمة..!! بنتة عندنا من سبع شهور.. ما راح يسكت.. الصقر : لا تشيل هم.. ان شاء الله كل شيء بـ يتم مثل ماهو مخطط له..!! وقف و وقف معاه الصقر .. : انا بـ اروح جناحي .. على ما يجي الصبح و اصفي اول حساباتي.. دخل الرئيس جناحة الخاص.. و كلهم جلسوا من بعده.. عملية بكره..!! و الغلط بـ يوديهم كلهم بـ داهية..!! ناصر : ويش يقصد الرئيس.. بـ يصفي اول حساباتة..؟! الصقر : اكيد مع ابراهيم..!! .. تفتر بالجناح صلوا الفجر و حضرتة ما رجع و ما يرد على اتصالاتها..!! متنرفـــزة منه.. ماهو معطيها وجه خير شر..!! صار لها شهر و ثلاث اسابيع زوجتة..!! وما هو مهتم فيها كل اهتمامة بـ بنتة اللي ما شافها غير دقيقة..!! همست : الله يأخذها هي و امها و يريحني منهم..!! لبست عبايتها فوق البجامة الحرير و قفلت الأزارير و حطت الطرحة على راسها و طلعت.. نزلت تحت.. شافتهم مجتمعين عدا هو مو موجود..!! البتول : صباح الخير..!! : صباح النور.. البتول : عماد ما رجع..؟! ام ناصر : لا يمه ماهي غريبة عليه تعالي افطري.. البتول كتفت يدينها : لا مو مشتهية..!! انهار تهمس : يا جعلة دوم..!! عهود ابتسمت : ناوية تحارشين احد..؟! انهار : لا انا ما ابلش نفسي بناس بـ مستواها وع..!! ام ناصر تهمس لـ زوجها : كلمة فضحنا ببنت اختي..!! عامر : على اساس ولدكـ يسمع كلامي.. ما ينقدر عليه.. حاط لي رجال يتابعونة و قالوا لي البارح سهران ببيت ابراهيم..!! ام ناصر : ويش يسوي هناكـ ..؟! عامر : ويش دراني عنه..!! ناصر مجلس ولده بـ حضنة و يكلم اخوه عبدالله : امي ماهو عاجبها على حساب السنيورة اللي ما تستحي..!! عبدالله : حتى اخوكـ ما علمها السنع و الا ودي انه يطلقها قليلة الحيا.. نازلة اول ما تغطت و هي تخبر اننا نجلس الصبح هنيا و يعنها يوم شافتنا تلثمت يا عل عيونها العمى..!! ناصر : بعطيه يومين لو ما رجع لـ عقلة و سنع حرمتة ماني عايز لا اسنعها..!! عبدالله : ما عاد الا تفضحنا..! : هـــــــــــاي..!! ام عامر : لقعــــاي و صقعــــاي يا قليل الحيا.. يوسف : السلام عليكم و رحمة الله و بركاتة.. زين كذا يمه..!! ام عامر : ما بغيت كنكـ كافر.. الطول طول نخلة و العقل عقل صخلة متعلم و دارس دينكـ و اخر شيء تسلم علينا سلام كفار..!! يوسف : يمه خلاص سلمت لا تسوين من الحبة قبة..!! ام يوسف : تعال يا ابوي افطر..!! يوسف باس راس امه و جلس جنبة : يا عل يومي قبل يومكـ هاذي اللي تفهمني.. مو تسفل فيني..!! ام عامر : عمكـ وينه البارح ما طل علينا..؟! يوسف : البارح بـالذات كان مشغول قالي انقلع لأنه ماهو فاضي لي .. سمعت ان فيه احد متصل على وعد و قايلها اذا تبي بنتها تجيهم.. و انقلبوا.. عامر ناظر ولده : تقولة صادق..؟! يوسف : و الله هذا اللي سمعتة منهم.. حتى يقولون هو نفس الشخص اللي خطف وعد اسمه صلاح.. مريم واقفة جنب البتول : صباح الخير..!! : صباح النور.. ام عامر : هو صدق اللي يحكيه هالخبل.. متصلين على بنيتكـ ..؟! مريم جلست بعد ما باست راس امها و اخوها : ايه يمه صدق.. ام ناصر : طيب ويش صار بعدها..؟! مريم : راح سعود بـ يحققون بالموضوع و كلمت نهى قالت انها انهارت عليهم الا تبي تروح و نوموها و ما كلمتهم بعدها.. عهود : ويش هالحالة بس ينومونها ماهو زين بـ تعود عليها ما راح تنام من غيرها..!! مريم : لها فترة هادية.. بس البارح رجعت لحالتها اول ما ولدت..!! عامر : ناصر دق على اخوكـ شوف وينه.. انفتح الباب حتى يدخل عماد وجهة غيـــر عن دايم.. مبـــسوط.. و فجر اليوم غير عشان عاشة مع فجر.. : السلام عليكم.. : وعليكم السلام.. ام عامر : هاه يا وليدي طمنا ويش صار..؟! عماد مبتسم : رجعوها يمه.. رجعوها .. بنتي رجعت..!! عامر وقف : الحمدلله شلون شلون.. و .. و.. عماد عرف قصد ابوه يسأل ان كان قدروا يرجعون بنت عمه : لا يبه.. للحين.. عامر تنرفز : شلون للحين..؟! كيف رجعتوا بنتكـ و لا رجعتوها..؟! عماد : يبه الموضوع مو مثل ما انت فاهمة.. بس ما قدرنا و بس.. ام عامر : و عمكـ ويش حالة..؟! عماد : ما عليه يمه.. خبري فيه الساعة 2.. ام عامر : الله يفرجها عليه مثل ما افرجها عليكـ يارب ... الله يريحة و يطمنة.. ام ناصر : ليش ما جبتها معاكـ نشوفها..؟! عماد يجلس معاهم على السفرة تجاهل البتول و يمكن ما شافها اساساً واقفة : ما بعد شافتها امها.. بعدين الوضع ماهو مطمن نطلعها من بيتهم هاليومين.. انتم اليوم روحو شوفوها.. ام يوسف : و كيف صحتها ان شاء الله زينة..؟! عماد : الحمدلله.. خوالها شافوها و طمنوني عليها.. كانت تهز رجولها من العصبية..!! مووولعة.. من هالبنت اللي رجعت لفت و طلعت.. عماد اصلاً كان معطيها ظهرة لـ ذلكـ ما انتبة .. ام ناصر : يا وليدي مريتكـ شكلها زعلانة..!! ما يصير اللي تسوية.. عماد يمد يده و يأكل : اللي يزعل من حالة يرضى من حالة.. ام ناصر : ناوي تطفشها مثل ما طفشت اللي قبلها..!؟ عماد : يمه تكفيـــن وعد شيء و البتول شيء ثاني.. لا تخلطينهن بـ بعضهن.. عامر : راضي البنية من يوم تزوجتها و انت مو معبرها .. صح اني ما خليتكـ تأجل زواجكـ كنت ابيكـ تغير جو عن الحالة اللي مريت فيها كنكـ منهبل.. وبغيت ازوجكـ عشان تلهى شوي.. لكنكـ حاط بنت الناس صفر على الشمال و تراكض وراء بنيتكـ و هذا هي رجعت الحمدلله .. يعني ما عاد له داعي تطنش البنية.. عماد وقف : تكفون ما ابي اخرب فرحتي بـ بنتي.. و البتول لا احد يتدخل بيني و بينها.. بـ اروح انام.. تمسون على خير.. عهود : اهم شيء البنت رجعت حمــــاس بـ نروح نشوفها.. ناصر : خير عيالنا ماهم عاجبينكـ ست عهود..!! عهود : ما قلت كذا بس خلاص ملينا من عيالكم نبي نشوف بنت عماد شلون طالعة.. عبدالله : حتى ولدي انسحب عليه وهو توه ماله الا كم شهر..!! عهود : ياربي خبري الغيرة للحريم مو للرجال.. في جناح عماد دخل ناظرها و عرف نفسيتها ما يحتاج واضح من ملامحها المقلوبة انها ماهي راضية.. همس : الحين بـ تخرب روقاني..!! البتول وقفت وهي تناظرة : تو الناس كان ما شرفت يا سيد..؟! عماد رفع حاجبة الأيمن يناظرها بإستغراب : هالإسلوب تكلميني فيه انا..؟! البتول : شايف احد بالغرفة غيركـ معي..؟! عماد يهز راسة : اممم طيب صحصحي و تلاحقي على نفسكـ و التزمي حدودكـ قبل لا اعلمكـ شلون تحسبين حسابي من تسمعين اسمي..!! البتول : كان زين على الأقل اعرف انكـ معطيني من وقتكـ ... مو راميني هنا لو اني عنز كان طليت عليها كل صبح حطيت لها اكلها و شربها..!! عماد : استغفر الله .. البتول ترى ما انتِ غافلة عني .. المرادد ما احبة.. البتول : و انا ما احب التهميش.. انت مهمشني بـ حياتكـ .. حياتكـ لـ طليقتكـ اللي ما عادت لكـ ما عادت لكـ تفهم..!! عماد : انتِ اصلاً تلفين و تدورين عشان توصلين لـ وعد.. يا ادمية وعد صفحة و طويتها من حياتي انتهت حياتي معاها خلاص قضينا..!! البتول : واضح ماشاء الله.. و بنتها..؟! عماد وقف مقابلها وهو متنرفز يبي ينهي الموضوع قبل لا يطير الباقي من الترويقة : بنتي.. بنتي فجر بنت عماد.. حطي هالشيء قدام عيونكـ بنتي خط احمر يالبتول ما راح اسمح لكـ بـ حرف واحد تنطقينة بـ حقها..!! البتول : شوف عماد انا ما تزوجتكـ عشان اكون على هامش حياتكـ و انت تراكض وراء طليقتكـ و مشاكلها.. انا لي حياتي معاكـ زوجة تطلع تروح تجي تسولف معاها .. انت مو معطيني وجه خير شر.. عماد : شوفي انا الحين مروق ومالي خلق الباقي من مزاجي تطيرينة.. لا صحيت ان شاء الله نتفاهم.. و على فكرة انا ما اراكض وراء مشاكل طليقتي.. بنتي اللي انخطفت.. ومن حقها علي القاها و أأمن لها حياتها.. ويش خانتي اب اذا بنتي تنام بين يدين عصابة و لا حميتها منهم.؟! و بما ان بنتي رجعت ان شاء الله بـ القى لكـ وقت.. دخل عماد وهو يشوفها ما خلصت كلامها و تبي تحكي و تهاوش زود..!! ما راح يضحي بـ فرحتة على حساب مشاكل عائلية بسبب غيرة البتول من وعد..!! هذا وهو مطلق وعد كيف لو هي على ذمتة للحين..!! يمكن تذبحة هالبتول..!! البتول بعد ما سكر عماد باب غرفة النوم : الحين بيروح لها على حساب يشوف بنتة و بيقهرني !! الله يأخذها هي و بنتها اخذ عزيز مقتدر.. .. بيت ابراهيم.. الأغلبية مجتمعين على شرف حضور فجر.. عدا هي ما زالت نايمة عندهم بالصالة بعد ما خدروها..!! ام حاتم : بسم الله عليها..!! تجنن.. جود جالسة جنب خالتها ام حاتم و تترجاها : خالتي تكفين اعطيني اياها بـ اشيلها..!! ياسر : ليش احد قايلكـ عايفينها..؟! لا يا حبيبتي ما تشيلينها انتِ مطفوقة و تطيح منكـ .. جود : لا و الله ما اخليها تطيح .. تكفين خالة الله يخليكـ .. ام احمد : نوال لا تعطينها اياها و الله غير تدبغ منها تراها بزر.. انقهرت جود ماهم معبرينها : لا و الله..؟! في كل شيء تعاونون ضدي دامني بزر ليش تبون تزوجوني..؟! احمد : ههههههههههه و الله حشرتكم.. جود جلست جنب ابوها تمسكن : شوف ادري انكـ زعلان مني بس انا مالي غيركـ .. قولهم يعطوني اياها.. الله يخليكـ .. ابو سعود سحب جود حتى يجلسها جنبه : دانه بابا هاتيها من خالتكـ .. دانه وقفت و شالتها ابتسمت وجود الصغيرة بينهم يخفف من اشياء كثير و رجعتها فرحة تكسر كل حزن و خوف و قلق يعيشونة طبعاً بعد موضوع سها و خطف الصغيرة.. : سم بابا.. ابو سعود : بسم الله.. (مدها لـ جود) يالله جاء دورك.. بس انتبهي لا تزحلق منكـ .. جود مادة يدينها بـ حماس حطها بحضنها اول ما حست فيها على يدينها و ابوها ابعد يدينها ضحكت بصوت عالي : ههههههههههههههههههه ونااااااااسة.. ياسر وهو يناظرها الخبلة تضحكـ بـصوت عالي : يبه تكفى غير تأخذها.. ابو سعود : مالكـم دخل في بنتي.. ثبتيها جودي.. جود : بابا خفيفة زي الريشة..!! شوق و صبا : السلام عليكم.. : وعليكم السلام.. صبحوا على عمهم اول ابو سعود و وقفوا يوم شافوا البيبي بـ حضن جود وهي تضحك.. شوق : مين..؟! سعود وقف جنبها : بنت وعد.. شوق اتسعت عيونها و ابتسمت بـ فرحة : والله..!! سعود : ايه.. رجعناها البارح بالليل.. صبا جلست بين عمها و جود على ركبها : وااااو تزنن يا حياتي.. طبعاً ياسر ارتفع مؤشر الضغط عنده للألف من هالكلمتين اللي قالتها.. جود لفت عليها وهي متربعة : تبين تشيلينها..؟! صبا قامت على طول : لا و الله اخاف..!! ابو سعود : اجلسي يا عمي ما فيه شيء يخوف.. صبا ابتعدت : لا و الله عمي بعدين تطيح و تبكي راح ابكي معاها.. صحت و هي تسمع اصوات ما تدري هي واقع و الا حلم تشوفة.. فيه صوت طفلة صغيرة تبكي.. و اهلها يتكلمون بـ سعادة عن هالطفلة.. ما فتحت عيونها كل اللي تعيشة حلم .. حلم من كثر ما تتمنى كل شيء ينتهي صارت تشوفة بالحلم..!! دام ما قدرت بالواقع تعيشة تجسد لها بـأحلامها رجعت بنتها..!! .. لفت و اعطتهم ظهرها تبي كل شيء يوقف احساسها سمعها نظرها قلبها كل شيء فيها يوقف..!! تسمع صوت بأذنها بكاء طفلة صغيرة بكت معاها لا شعورياً و هي تدفن وجهها بالمخدة.. ثلاث شهور تعاني.. ثلاث شهور فاقدتها.. لو هي ميتة كان ما زعلت يمكن تبكي يوم يومين لأنها ام .. بس متأكدة انها عند ربها الطف فيها منها.. لكن انهم يأخذونها من حضنها مجموعة عصابة سفاحين هالشيء ما تتحملة فـــوق طاقتها بـ كثير..!! ام حاتم : ابو سعود ..(آشرت على وعد براسها) صحت.. وقف ابو سعود و جلس عند راسها و يمسح على شعرها : وعد..!! وعد بصوت مكتوم لأنها ما رفعت راسها : ما ابي احد يكلمني خلااااص حتى انتم حرمتوني منها كل اللي يصير بسببكم انتم.. ما خليتوني حتى احاول ارجعها .. حتى الأمل اخذتوة مني..!! مد يدينها لتحت اكتافها ورفعها حتى يسندها على صدره : اشش اهدي.. اخوانها منصدمين معقولة ماهي مستوعبة ان بنتها تصيح هنا..!! سعود شال البنت من يدين جود و حطها بحضن وعد اللي مغمضة و تصيح.. : بنتك هنا وعد.. فتحي شوفيها..!! حلم..!! ايه حلم!! انا من كثر ما احلم انهم يرجعونها لي صرت اسمع اشياء انا ابيها..!! لو افتح بـ اشوف كل شيء مثل ما هو..!! انا ولدت و ثقلي راح..!! بنتي اختفت و انا ما شفتها..!! احمد و حاتم ينوموني عشان ما انهار..!! ياسر يجلس عند راسي حتى يقرأ علي..!! و خالد يذكرني بالصبر .. و مشعل يحاول يضحكني و ينسيني..!! كل شيء مثل ما هو!! خواتي مكتئبات عشاني و عشان سها..!! ابو سعود مسك يدينها و حطها على بنتها يبيها تلمسها يمكن تفتح و تصحى.. : شوفي بنتكـ .. بنتكـ هنا يا امي.. فتحت عيونها حتى تلتقي بـ عيون سعود.. ابتسم لها يطمنها.. و ناظر بـ بنتها اللي تبكي من بكاء امها.. نزلت عيونها للي يناظرة سعود.. شافتها تبكي مغمضة عيونها و فاتحة فمها تصيح من قلب..!! شهقت : هــــئ..!! ابو سعود : بـ هدوء بابا.. (ناظر سعود) لا تفلتها يمكن تطيح منها.. سعود هز راسة و وعد تبكي مع بكاء بنتها..!! : بابا هاذي بنتي..؟!! بنتي..؟! اخذتها من سعود و ضمتها لـ صدرها قبل لا يرد ابوها.. ابو سعود حاضن بنتة و حفيدتة لأنها سحبتها من سعود خايف لا تطيح البنت من يدينها : يا امي اهدي.. بنتكـ بـ حضنكـ خلاص.. هدي.. وعد تشاهق : بابا بنتي..!! هاذي بنتي..!! ابو سعود : بنتكـ و الله بنتكـ بس هدي.. حاتم جلس على ركبة جنبهم : وعد خذي نفـــس عميـــق.. وعد اصلاً مو مستوعبة كل مشاعرها و حياتها و استيعابها وقف عند نقطة ان بنتها بـ حضنها .. تتنفس من فمها حتى صوت تنفسها واضح للجميع.. حاتم حط يدها على كفوفها اللي شايلة بنتها : وعـــد..!! ركــــزي معي..!! (لكن وعد ماهي مستوعبة صياح و فرحة حتى جسدها صار يرتعش من فرحتها.. حاتم ناظر ابوة).. يبه خذها منها.. وعد تناظرهم مفزوعة : لا .. لا بابا.. لا خلاص..(تمسح دموعها بسرعة) خلاص انا هديت.. و الله بابا هديت..! انكسر قلبة ما كان قصدة يفجعها.. يبيها تهدأ وما تنفعل .. ممكن يغمى عليها من صدمتها..!! او لـ فرط انفعالها..!! قام حاتم و ابتعد رغم خوفة عليها.. ما كانت وعد الوحيدة اللي تبكي..!! فيه من بكاء عشانها بكت..!! ما تحملوا منظرها و فرحتها شاركوها حتى دموعها.. دانه و صبا و ميار ثلاثتهن بكوا عشانها بـكت قدامهم و الا قبل كانوا هاديات ما دمعت عيونهن.. ياسر يناظرهن صبا واقفة و حاضنة كتابها و خواتة الثنتين جالسات جنب بعض : من جدكن تبكن..؟! احنا نبيها تهدأ و انتن تبكن .. تزيدنها ترى ما تنفعنها بـ دموعكن..!! صبا انبح صوتها .. لكن بحة دلع : تكسر الخاطر.. ناظرها اول مره يسمع هالنبرة منها..!! نسى انه يكره صوتها..!! صد عنها و ناظر اختة ازين.. وهو بينه و بين نفسة يفكر لو صوتها يبقى كذا على طول ازين من المياعة اللي فيه طول الوقت..!! بس ما ينكر.. ما يتخيلها الا بـ هالصوت..!! مستغرب من وين جاتة هالميوعة كلها..!! يعني صدق هاذي طبيعتها..!! يتذكر اذا كان سمعها مره تحكي بـ نبرة غير هاذي.. اللي يتذكرة انه دايم صوتها يستفزة..!! وعد و ما زالت بنتها بـ حضنها : خلاص و الله هديت..!! ابو سعود : طيب ياالله يا امي قومي صلي طافتكـ الفجر.. وعد : ليش كم الساعة..؟! ابو سعود : ست ونص.. وعد بـ قلق متفجر على بنتها : و بنتي.؟! تخليها معكـ ما تبعد عينكـ عنها..!!؟ ابو سعود اخذها منها : من عيوني .. تطمني البيت محاوط بالحرس روحي صلي و بـ تجين ان شاء الله و بـ تلقينها تنتظركـ لا تطولين عشان ما تبكي..!! يقولون صياحة..!! (قرص خدها الأيمن) طالعة عليكـ ..!! ابتسمت : عشر دقايق و راجعة..!! نقزت تتوضأ عشان تصلي مو بس الفجر.. ركعتين شكر لله على رجعة راحة فقدتها و فرحة انسلبت منها..!! الحمدلله.. ام سعود : تأخرنا ما حطينا الفطور.. ابو سعود يجلس على الأرض و البنت مخليها بـ حضنة : ابي القهوة.. ام سعود وقفت : ان شاء الله خمس دقايق و كل شيء جاهز.. : السلام عليكم.. : وعليكم السلام .. دخل مبتسم .. متغــــير.. متغيـــــر.. لكنه هو.. "وليد".. شعرة طويل واصل لأخر رقبتة يلامس كتفة .. لبستة ضيقة عليها مبرزة تفاصيل جسدة.. حتى اكتافة عرضت عن اخر مره شافوة فيها.. عضدة.. جسمة تغيـــر.. و حتى لبسة.. لبسة غريب.!! تيشرت اسود سادة بدون اكمام.. و بنطلون اسود.. ضحك على اشكالهم المصدومة : هههههههههههههههههه ويش فيكم..؟! ما عرفتوني..؟! ام احمد وقفت : و غبني ويش مسوي بنفسك..؟! وليد يتقدم لها وهو يضحك : هههههههههههه بعيد الشر عنك تدعين على نفسك بالغبنة.. (يقبل رأسها) ويش اسوي انا لا انغبتني..؟! ام احمد حطت يدها على اكتافة : ويش ذا..؟! هذا اللي مرسلك غازي له..؟! وليد : ههههههههههه و الله كل شيء يجي بوجة الرجال الله يعين على ما بلاه.. حتى لو ماله ذنب.. بس يمه ترى ما سويت شيء.. كلها رياضة.. ام سعود : أي رياضة يا ولدي.. و الله كنك من هالدشير الصايعين.. قبل وليد رأس ام سعود : ويش بلاكم أي واحد يسوي رياضة صار داشر..؟! ام حاتم مبتسمة : سلامة الأسفار..!! وليد : الله يسلمكـ يا خالة.. ام حاتم : صاير كنكـ بودي قارد..!! وليد يجلس جنب ابوة بعد ما باس راسة : و الله ناوين تسفلون فيني..!! ام احمد : هاذي سواة مسوية بـ عمركـ ..؟! ويش ذا..؟! وليد : يمه ويش فيكـ ما اشتقتي لي..!! ام احمد : هو انت اشتقت لنا..! ما تقول عندي اميه انشد عنها و الا اب اطمنة علي..!! و الا اخوان يمكن احد بهم معتاز شيء..!! سكت وليد..!! كان شيء متوقع لوم امه..!! ابو سعود ناظر ام احمد : ويش فيكـ عليه.. خفي شوي.. توه جاي ما لحق يرتاح.. بعدين هاوشية مثل ما تبين و ادبغية بعد.. ام احمد تناظر وليد بـ حنان حتى لو هو غلطان بـ نظرها و غايب عنها و لا نشد عليها : جوعان يا ابوي..؟! وليد : واااااجد..!! مشتهي اكل من يدينكـ الحلوة..!! مشعل : الله من الفقع..!! بس جالس تسلقها امي.. ام احمد وقفت : انت افتح كتابكـ و ادرس.. خله عنكـ ..!! مشعل يكلم امه اللي رايحة المطبخ : ههههههههه الحين صرت كخة..!! بـ ازعل يا سوير و انا بعد با اسافر..!! (ما حس غير بـ علبة المناديل على جبهتة..! من غير لا ينشد عرف مين ما احد يجيب الضربة بـ نص الجبهة كثر ابوه..!!) احم .. ابو سعود : حلوه هاذي سوير.. ما تستحي على وجهكـ ..!! مشعل : نمـــزح ابو سعود .. شكلكـ حتى انت ناوي تسحب علي..(يلعب بـ حواجبة) يالله عشان اخذ راحتي شوي..!! صبا فاتحة كتابها و جالسة جنب ياسر يقالها تراجع..!! جود : لا بـ تجيبين الفل مارك يا دفره.. رفعت عيونها صبا و ابتسمت : ياليت و الله.. بـ انقهر لو ما جبتها الا هالدكتورة عاد لو ما جبت عندها أي بلس بـ انقهر و بـ تذبحني..!! جود : بـ تنقهرين ابلعها تذبحكـ ليش ويش دخلها..؟! صبا : تحبنا يا اختي .. نقصت درجة بالإختبار الدوري و زعلت.!! و البارح ارسلت لي اذا كنت محتاجة شيء و هددتني لو ما جيب الاي بلس يمكن ما ارجع.. ياسر يردد بـ نفسة فــــراغة..!! دكتورة معنية نفسها..!! لف على صبا و هي تصبح على صاحبتها بالجوال : يا حياتي الحمدلله .. لا نمت الساعة خمسة..!!.. هههههههه ادري مو كثير بس بـ اعوض لا خلصت اختبار اليوم احس بـ انام يوم كامل.. ايوه عندي..!! اوكِ لحظة اشوفة لكـ .. (فتحت شنطتها حتى تسحب اللاب توب و تفتحة و بنفس الوقت تكلم صاحبتها و ياسر جنبها عينة على لاب توبها .. اشتغل اللاب و هي فتحت الملفات المصغرة و منسجمة مع صاحبتها) اوكِ .. خلاص لقيتة بـ اسوي لكـ منه نسخة على فلاش.. لا تشيلين هم ما راح انساه ان شاء الله .. مع السلامة.. قفلت الجوال و مدت يدها للشاشة حتى تسكر اللاب لكن وقفتها يد ياسر اليسار على الشاشة تثبتها حتى ما تسكرة صبا .. بعدها سوى تصغير للملف حتى يشوف خلفية سطح المكتب اخذ نفس و عيونة تدور بالمكان و بعدها سكر الشاشة وهو مــتنرفز ما بقى الا هي ..! تحط صورتها خلفية!! ليش ويش هي مستفيدة..؟! لو انسرق اللاب توب و صورها فيه.. وقف ياسر و صبا تحاول تتنفس طبيعي وما تبين انها خايفة..!! ليش ما طرى عليها تغير الصورة..!! لاب توبها يعني عادي ما يستاهل الموضوع يعصب عشانة..!! انتبهت لـ ياسر وقف : يالله.. ام احمد تصب الشاهي : وين يا ابوي ما افطرتوا.. مريتكـ عندها اختبار لازم تأكل..!! صبا صوتها راح من الخوف تتمنى يسمع الكلام و يخليها لين ما يروق..!! ياسر : بـ اجيب لها شيء تأكلة بالسيارة..!! سحب شنطة لاب توبها يشيلها و صبا عروقها كلها تنبض وقفت و هي حاسة نفسها فضحت علاقتهم هي و ياسر..!! تحس واضح انه معصب منها و بـ يفرغ حرتة فيها بـعيد عنهم..!! طلع ياسر و هي لفت عليهم ما تشوف بس لازم تسلم قبل تطلع : مع السلامة.. : مع السلامة..!! ام احمد : الله يحفظـكـ يمه.. جود تناظر امها بعد ما طلعت صبا : الله يحفظها من ولدكـ بتكون بـخير..!! ام احمد بـ حزم : وشوو..!! جود ما همها نبرة امها اللي بـ تهاوشها : انا صادقة.. البنت ذرررربة وهو اعوذ بالله جلاااافة ما ادري من وين جايبها..!! احمد وقف : لا تدخلين عصكـ بـ شيء ما يخصكـ .. فاهمــة..!! جود : الله و اكبر احمداني يهدد.. مو لايق عليكـ ما ينفع لا تغير اسلوبكـ اول ازين ترى.. ام احمد تناظر ولدها : خلكـ من هالبزر لو هي تعرف مصلحة نفسها كان ما ردت ولد خالها .. انت ما افطرت يا ابوي.. احمد : معزوم على فطور ملكي بالمستشفى.. عندي عملية لازم اكون بـدري هناكـ .. نهى : يالله فيه ناس تكره تروح المستشفيات و فيه ناس تستلذ تأكل بالمستشفيات .. ام احمد : دام عندكـ عملية كل من هالأكل الزين يا ابوي لا تأكل خرابيط هالمستشفيات و الله اكلهم ماهو من زينة الله يكرم النعمة..!! احمد ابتسم : يمه اقولكـ معزوم يعني احد عازمني .. اذا ما سممني اكلة الله يستر بس.. جود : و هالأحد ماله اسم..؟! احمد : لو بـ اقول اسمة كنت قلتة من غير لا تنشدين.. و توني قايلكـ لا تدخلين عصكـ بـ شيء ما يخصكـ صاير عجيز عن كل شيء تنشدين.. (رفع يدة) مع السلامة.. : مع السلامة..!! ام احمد : ما ادري ويش بلاهم هالعيال متغيرين علي..!! خالد : ههههههههه ويش بلانا يمه هذا احنا ويش حليلنا..!! ام احمد : ما تشوف اخوكـ هذا اللي جالس و ما حكى شيء من يوم جاء.. و ناظر لبسة و شلون هو قايل..!! مشعل : انتِ موسوسة يمه .. والا ويش زينة وليدان.. وليد : ما نمت زين يمه و جاي تعبان من السفر يعني غصب بـ اكون هادي.. بس اريح بـ اتشيطن عليكـ و لا يهمكـ .. جات تجري بـسرعة و كأنها تتأكد اللي قبل دقايق ما كان حلم تشوفة.. بـ تأكد ان بنتها للحين موجودة..!! و هي تركتها مع ابوها و بـ ترجع و تلقاها مثل ما هي معاه..!! ناظرت في ابوها و شافتها بـ حضنة.. سعود يناظرها و تنفسها سريع مبين جاية جري : بسم الله عليكـ هدي.. ما انتبهت لـ وليد اتجهت لأبوها وهي واقفة تناظر ابوها الجالس على الأرض و السفرة مفروشة قدامة و بنتها بـ حضنة مثل ما تركتها بس كان جالس على الكنب و الحين مغير مكانة على الأرض..!! جلست جنبة ويدها ترتعش حطتها على بنتها : يعني صدق..!! ابو سعود حط يده وراء ظهرها و شدها له : ايه يا امي صدق.. صدق.. بكت .!! وليد صد عنها ..!! مقهــــور ويش اللي بـ يهدي قـــهره.. الشخص اللي عذب اختة هو نفسة اللي زوجة بنتة عشان يحميها..!! يالله قد ايش هي صعبة عليه..!! يحمي بنت الصقر..!! الصقر نفسة هو اللي عذب اختة..!! ام حاتم تناظر وعد تبكي بـ حضن ابوها : خلاص يا بنتي لا تبكين.. اهدي.. خذيها بـ حضنكـ عشان ترتاحين..!! جود : ترى ملينا من الدموع خلاص عاد كافي..!! نهى : انا شكلي بـ اروح بيتي .. طول الوقت صياح..!! نبي شيء يونس..!! رند الجالسة بـ حضن ابوها : سح و الله بس تسيحون..!! ما يصير تذا..!! الأبلة بـ اللوضة دالت القوي ما يسيح..!! جود : هـــااااه.. يسيح..!! ليش شايفتنا زبدة حاطينها على النار..!! خالد يحضن بنتة و يتمايل معاها : و الله صادقة بنيتي القوي ما يصيح.. جود : الله و هالبنت عاد.. لو بنتي متبرية منها من زمان..!! وعد : وليــد..!! وليد التفت لها و ابتسم جالس جنبها .. هي اللي جات جلست بينه و بين ابوه : ايه وليدان ما عطيتية وجه..!! ما اشتقتي له..!! وعد : ما شفتكـ و الله متى جيت..!؟ وليد باس راسها و هي باست راسة.. : البارح..!! وعد : رجعتكـ فال خير علي..!! ابتسم وما علق..!! عشانة رجع بـ نفس اليوم اللي رجعت فيه بنتها..!! ما درت ان هو اللي مرجعها.. كانت عنده.. نهى : اقول بنتكـم بـ يصير عمرها سنة و انتم ما سميتوها..!! حاتم : عماد سمّاها.. فجر..!! جود مستغـــربة : نعـــم!!! ويش ذا الإسم..!؟! فجر ظهر عصر مغرب عشا..!!! سعود يناظر جود : فجر.. بالعكس اسم حلو و معناه حلو.. و خلي عنكـ الهلاقة.. وعد تبوس خد بنتها : ما يهمني ويش ما يسميها اهم شيء بنتي عندي..!! خالد : تراه قال اذا ما اعجبكـ بـ يغيره.. بـ صراحة احنا كنّا بـ نعصب عليه .. بس اقنعنا بالسبب.!! ام حاتم : ويش السبب..!! مشعل بـ شاعرية : يقول انه مع الفجر يتجدد الأمل ..! .. وهو كان عنده امل و سمّى بنتة فجر عشان ما يفقد الأمل ..الفجر بداية جديدة لـكل يوم ..! لا لا لا لا .. ام سعود : ما شاء الله هذا زينة الاسم و الله صادق ابو فجر.. سعود : هههههههههههه اقتنعت امي خلاص.. رند : بابا كم عمرها..؟! خالد : ثلاث شهور.. رند : يوووه صعيرة متى تتبر عسان انا تلعب معاها..!! جود : هيـــه انتِ جدتي ترى بينكـ و بينها سنين.. خالد : و انتِ ما انتِ جدتي يومكـ تناقرين بنتي..؟! رند : لا بابا هازي زود مو زدتي..!! ام احمد : وين ولدكـ ما افطر..؟! خالد : نايم.. ام احمد : و الله اكلة ماهو زين هالولد.. ما ادري ويش بلاه..!! وليد ناظر اخوانة : اقول عطوني ملابس ما جبت معاي بـ اروح اتحمم.. ام احمد : ازين بعد عشان تغير لبس الكفار هذا .. يا ويلكـ ان شفتة عليكـ مرتن ثانية.. وليد : هههههههه يمه مين قال انه لبس كفار بنطلون و تيشرت.. خفي علي يعني ما اشتقتي لي بس تهاوشيني من يوم جيت..!! ام احمد : تستاهل.. هاذي سواة تسويها بـ عمركـ شوف شكلكـ كيف غادي.. شوف ويش مغبر بـ عمركـ لا يكون تأخذ ابر و الله ما اسامحكـ يا وليدان.. وليد : ويش ابره يمه..؟! ام احمد تكمل هواشها : شوف زندكـ بـ ينفجر..!! وقتها ما تحملوا اولهم مشعل اللي انفجر ضحكـ و كملها وليد و اخوانة.!.! وليد يمسح دموعة من الضحكـ : يا زينكـ يمه و الله تونسين.. هاذي رياضة و الله رياضة.. اجل لو شلت اوزان اكبر و صرت ضخم مثل المصارعين ويش بـ تسوين..؟! ام احمد : تعقب.. ما ادخلكـ بيتي من بعدها.. ما عاد الا هي تصير مصارع..!!؟ وليد : ما يحتاج تعصبين.. خلاص موقفين.. هي نفس الأثقال ما زدناها.. مكتفين كذا..!! ازين من العصقلة كذا جسم رياضي..!! مشعل : و الله راق لي الوضع.. ويش رايكـ تعلمني ابي اصير كذا عضلات.. حاتم : ترى الوضع مو سهل..!! (ناظر وليد) انت صار لكـ قد ايش تدرب..؟! وليد : حول التسع شهور.. حاتم : غريب تكون عضلاتكـ بـ هالشكل الا ان كنت تسوي تدريب مكثف لأن بناء العضلات ماهو شيء سهل..!! وليد : وهو كذلكـ نتونس بالرياضة و نضيع وقت.. ام احمد : يا وليدي ويش لكـ بالشقا و تعني نفسكـ ..؟! حاتم : بالعكس يا خالة الرياضة مفيدة.. بس لازم تنتبة لـ نفسكـ و اكلكـ مو تهلكـ نفسكـ تدريب و ما تأكل.. و توصى بالماء.. وليد وقف : ان شاء الله .. انا بروح اتحمم و انام.. و ياليت تغسلون ملابسي هاذي.. ابيها جاهزة ان صحيت.. تمسون على خير.. دنق على ابوه و باس راسة ثم امه و خالاتة و طلع.. ابو سعود ناظر جود : ما اشوفكـ تذاكرين يا هانم اختباراتكـ ماهي الإسبوع الجاي..؟! و الا ناوية تجيبين لي نسبة تجلسكـ عندي..؟! جود : اوووه رجع ابو سعود لـ عادتة الحين فقت لنا .. لا ان شاء الله بـ اجيب نسبة تدخلني التخصص اللي ابيه.. ام سعود : ويش بلاكـ يا نهى ما تأكلين..؟! نهى : مسوية دايت.. سعود تنرفز منها: خبـــلة انتِ ..!! من يوم عرفتكـ و انتِ تلعبين بـ نفسكـ .. ويش اللي زايد فيكـ عشان تسوين رجيم..!؟ شوق ضغطت على ذراع سعود و كأنها تقولة شوي شوي عليها..!! ام حاتم : ويش اللي مسوية دايت..!! انتِ صار لكـ فترة ما تأكلين مثل العالم و الناس ما يصير اللي تسوينة بـ نفسكـ ..!! ام سعود : كلي من النعمة اللي قدامكـ ما يصير تمنعين عن الأكل .. غيركـ يدور اللقمة وما يلقاها.. نهى : ويش فيكم هبيتو فيني..!! مسوية دايت.. يعني شيء لي.. (ودها تقول ما يخصكم.. بس مو اخوانها اللي تكلموا بس خالاتها)..!! جود : ما عليكـ بس سوي اللي يريحكـ.. ميار : انتِ ما تشجعين غير على الشيء الشين..!! جود : اوووه اخيراً تكلمت انسة صامتة.. خير صايرة لكـ فترة ما تحكين.. و اليوم نطقتي ذا الدرة المكنونة..!! مشعل : و الله صادقة جويد.. صايرة صامتة ويش عندكـ ..!! ميار : ويش بـ يكون عندي يعني..!! اقول قم ذاكر بس لا تجيب العيد..!! مشعل : اووبس كأني تهزأت..!! تراني اكبر منكـ يا عيني.. لا يغركـ اني اولى جامعة.. ميار : انت اللي جبتة لـ نفسكـ ..!! جود تناظر مشعل : و الله لسانها طايل..!! مشعل : مـــره يبي له قص..!! ابو سعود : انا اعلمكم الإثنين شلون لسانها طايل..!! مشعل وقف : ما عليش عندي اختبار الساعة 1 ماني عايف عمري.. تشاااو..!! ميار تناظر جود : بقيتي انتِ لحالكـ يعني الحين امردغكـ هنا..!! جود تستهزء فيها : هه .. جربي يالله..!! ميار وقفت : ماني رايقة اتهاوش مع بزارين..!! جود : ما البزر الا انتِ.. يالشينة..!! ابو سعود : ما بقي الا تهاوشين انتِ و اياها عندي..!! خيـــر ان شاء الله..!! جود قامت مع ميار و انحاشت قبل لا تكبر التهزيئة..!! ما بقي على السفرة الا ابو سعود و حريمة الثلاث.. و سعود و شوق و خالد و حاتم و نهى و وعد..!! نهى : دام كذا الجوو صار هادي (ناظرت ابوها) احنا نبي نكلمكـ بـ موضوع.. ابو سعود : انتم مين..؟! نهى : انا و اللي جنبكـ ..!! ابو سعود بـ هدوء : اعتقد الموضوع منتهي و حكينا فيه من قبل اكثر من مره..(احتد صوتة) ما هو اسلوبي يا نهى اعيد و ازيد بالحكي.. كلامي واضح..!! نهى : ليش تبي تقفلها بـ وجيهنا.. احنا ما طلبنا منكـ شيء كبير.. ابو سعود : و بــعدين معـــاكـ ..!! وعد تناظر السفرة من غير لا تلتفت لأبوها : نهى صادقة..!! الموضوع اصلاً ما يفرق معاكـ .. بس يفرق معانا احنا..!! انت لو تبي تأخذ الرابعة بـ تأخذها من غير حتى لا تشاورنا.. طيب مو الأفضل تأخذ وحده احنا نبيها..!! ابو سعود هالمره هو اللي وقف : قلتيها لو ابي.. و لو ابي ما راح اخذ وحده على ذوقكـ انتِ و اياها.. انا ماني بزر عندكـ تمشنة على هواكن.. عشاني سكت عنكن تطاولت السنتكن علي..!! صحصحي انتِ و اياها و افتكرن من هو ابراهيم بن مساعد..!! تركهم حتى يناظرونهم كلهم..!! متحطمات امهم من جهة و ابوهم من جهة..!! لو واحد اللي فيهم رافض اهون..!! الإثنين كلهم رافضين..!! خالد : انتن من جدكن تقولن لأبوي تزوج..؟! غريبة..!! يوم تزوج خالتي منيره اول من زعل انتن..؟! نهى : تخلخلت عظامها.. ايه نبيه يتزوج ويش فيها..؟! سعود يناظرهن يستفسر ..!! : خالتي مريم..؟! وعد : ايه..!! بس هو رافض وهي رافضة..!! سعود : قايلات لها بعد..!! مو المفروض تأخذون رأي ابوي قبل..!! وعد : كنّا بـ نشوف ويش رأيهم بالموضوع على بلاطة..!! خالد ابتسم : و الله عاد خالتي مريم مــزه!! ام احمد : ويش مزتة..!!! خالد : ههههههههههه يمه يعني ماشاء الله عليها زين..!! ام احمد : ايه ماشاء الله دايم مهتمة بـ نفسها اللي يشوفها ما يعطيها عمرها..!! سعود يأشر على نهى : اصلاً انا ما اصدق هالقرد بنتها..!! المفروض اختها عشان الشبة بس..!! شوق : حرام عليكـ ويش قرد..!! و الله تهبل نهاوي..!! سعود : ويش تهبل الا شيفة..!! شوق : يعني عمتي مريم شيفة..!!(سعود رفع حاجبة يناظرها) انت قلت ان بينهم شبه نهى و عمتي مريم و الحين تقولها شيفة يعني عمتي شيفة..!! سعود : هههههههههههه لا تحجرين لي مره ثانية.. نهى شيفة و نص بس عاد خالتي مريم ما ينقدر عليها.. نهى : ان شاء الله يارب ترزقة بـ بنت تشبهني..!! عشان يعرف شلون انا قرد و شيفة بعد..!!! وعد : خليكـ من ذا.. سعيـــدان كلم ابوي .. يعني انت الكبير و كذا يمكن يسمع منكـ ..!! سعود : ويش تبيني اقولة..؟! وعد : أي شيء.. تكفى عشانّا .. خالد : كنت بـ اوقف معكم بس خلاص ما تبون مساعدتي..!! وعد : خويـــلد لا تخفف دمكـ علينا..!! تكفـــون..!! سعود : اصبروا فترة لأن ابوي توه مطلق خالتي منيره ما راح يفكر يتزوج الحين..!! خصوصاً هالموضوع اصلاً مو في بالة.. و انتم بعد فاجئتوة بـ هالطلب.. .. قدام بوابة الجامعة.. ما نطق حرف واحد هو اصلاً معصب منها.. دخلت السيارة سكرت الباب بـ هدوء : السلام عليكم.. : وعليكم السلام.. (التفت عليها) نقلتي اللي تبينة من اللاب توب..؟! صبا رمشت بـ عيونها : ايه..!! ياسر مد كفة اليمين بعد ما حرك السيارة : هاتيه..!! صبا : ياسر الله يخليكـ و الله فيه اشياء كثير حتى لو نقلتة انا ما قدرت انقل كل شيء.. ياسر : ويش اللي ما قدرتي تنقلينة صوركـ ..؟! من بعد اختباركـ للحين ويش كنتِ تسوين..!؟ صبا : و الله كنت اشتغل عليه..!! ياسر : كلامي كان واضح.. ما اعطيكـ الهاردسكـ حقي عشان ترجعين لي باللاب توب..!! صبا : ويش بـ تسوي فيه..!! ياسر صرخ فيها : صبـــــــــا..!!! مدت شنطة اللاب وهي ترجف عادي في اللاب توب و لا فيها.. نطقت بـ صوت يرجف : بس هذا هدية من عمر.. ياسر سحب اللاب من الشنطة ورماها بالشارع..!! و حركـ عليه السيارة اكثر من مره قدام عيون صبا..!! وهي مصدوووومة!!! كل ذا الحقد على حساب كم صورة..!! يمكن يتمنى تكون هي مكان اللاب و يدهسها مثل ما يدهس اللاب الحين..!! مجنـــون تصرفاتة مجنونة..!! ما عرفت شلون تعامل معاه..!! عليه تفكــير غريب..!! احيان تشكـ انه يكرهها من زمان..!! و احيان تشوفة ما يقصر عليها بـ شيء لو يكرهها ليش يهتم بـ امرها..!! حتى يشيل عنها اغراضها خصوصاً ان كان معاها اكثر من شيء.. و عصبيتة المجنونة..!! أي شيء يستثيرها..!! تناظرة وهو وقف السيارة و نزل منها و مخلي الباب فاتح .. يبي يـتأكد ان كل اجزاءة صارت فتات شال بعض منه و رماه بـ كيس و دخل السيارة و رمى الكيس بالمرتبة اللي وراء..!! ويش تفسر تصرفاتة..!! كل ذا عشان صور لها..!! معقولة غيرة..!! غيرة هالكثر..!! ياسر يحاول يتمالكـ اعصابة و يكلمها بـ هدوء : و الله يا صبا لو ادري ان لكـ صور بالجوال و الا باللاب ما تلومين الا نفسكـ فاهمـــة ..!! هالمره مشيتها لكـ المره الجاية ما راح اعديها..!! ناظرتة بـ صدمة ..!! مشاها..!!؟! كل اللي سواه و يقول انه مشاها..!! الا لو ما عداها لها ويش بـ يسوي فيها..!! اكيد بـ تكون مكان اللاب..!! عشان يرتاح منها ومن صوتها اللي يضايقة..!! .. |
رد: لو سألتي الورد وهو ما بين إيدك أقطعك بيقول لك عمري فداك الكاتبة / ضحكة قهر
في مكان غريب..!! انجبرت تكون فيه من يوم طلعت من بيت ابراهيم..! انجبرت وهي جات بـ رجولها له.. الرعب متملكها..!! معقولة ابراهيم يدري..!! معقولة يعرف ليش تزوجتة و ساكت عنها كل الفترة اللي فاتت..؟! كان شيء طبيعي ما توافق عليه.!! يمكن هاذي النقطة اللي شككتة عندها عيال كبار اكيد ما راح يرضون..!! لو عيالها صغار او مراهقين كان ممكن تمشي عليه..
انفتح الباب حتى تقوم واقفة مفزوعة..!! كل ما فيها يرجف.. دخل و وقفوا رجالة برا.. من غير سلام و لا تمهيد دخل بالموضوع على طول : خيـــر.. ويش اللي قلتية بالجوال..!! منيره : قلت لكـ اللي صار.. انا سويت اللي طلبتة مني.. صح ما قدرت اجيب لكـ الأوراق بس حاولت.. : و طلقكـ ..!! منيره : ايه.. طلقني و ما خلاني اطلع من بيتة قبل ما تنتهي العدة..!! : ويش استفدت انا الحين من دخلتكـ بيت ابراهيم..؟! ويش كان اتفاقنا..؟! منيره : اني اجيب لكـ الأوراق و مقابلها تطلع عيالي.. بس ما قدرت اوراقة بـ مكتبة وما احد يدخلة اذا هو مو موجود حتى عيالة.. : و انتِ صار لكـ شهور بـ بيتة وما جبتي لي اللي ابيه.. شلون انا الحين اعطيكـ اللي تبينة..؟! منيره : انا سويت كل اللي بـ يدي.. لا انا و لا عيالي لنا ذنب.. حرام حابسهم عندكـ كل هالفترة .. مشكلتكـ مع ابراهيم.. ليش تحطنا بالنص..!! بـ حزم : كلامي كان واضح..!! جيبي الأوراق تأخذين عيالكـ .. سؤالي الأخير عشان اقرر ويش بـ اسوي.. تقدرين ترجعين بيت ابراهيم و تجيبين اللي طلبتة منكـ قبل العصر..؟! منيره : مستحيـــل.. اصلاً ابراهيم شاكـ فيني شلون بـ يدخلني بيتة و مكتبة بعد..!! من غير لا يلتفت على الباب : هاتوهم..!! دقيقة بالضبط.. و عيالها الإثنين قدامها فرحة عمرها و شقاها.. تعبها و زعلها و رضاها.. اللي انحدت توافق على ابراهيم عشان تطلعهم من يدين شخص اقتحم عيلتها الصغيرة بـ ليلة..!! او ساعة..!! و قلب حياتها كلها..!! مقابل مجموعة اوراق يبيها من بيت شخص كان في الماضي عزيز عليها.. ناظرت عيالها شفقـــانة على شوفتهم..!! : نايف.. نواف..!! : افتح فم الصغير يا ناصر.. ناصر شال اللزقة عن فم نواف.. وهو يناظر الرئيس : تف عليكـ عساكـ ما تهنى.. الرئيس وقف و مشى لـ جهة نواف و منيره قلبها فزع تبكي من خوفها عليهم : لا لا لا ما اتفقنا على كذا..!! ما ينفع..!! ماما ما علمتكـ لازم تحترم اللي اكبر منكـ ..!! ليش كذا يا بابا..؟! نواف : خلهم يفكوني عشان اعلمكـ ليش كذا.. اعلمكـ شلون تطاول على امي.. و الله لأذبحكـ انت و رجالكـ ..!! الرئيس يناظر ناصر و سطام : يو يو يو مره خفنا شوفي رجالي كيف يرجفون.. خف علينا يا بطل..!! توكـ كتكوت ما فقصت من البيضة.. نواف : فكـ رباطي و اعلمكـ شلون كتكوت اللي تسوية ماهو مرجلة.. احنا ما تعدينا عليكـ .. الرئيس بـ ملل : اقفل له فمة.. ناس بـ تسوي نفسها شيء و هي و لا شيء..!! ناصر قفل فم نواف .. الرئيس لف على منيره : هاه بـ تروحين بـيت ابراهيم و الا لا..؟! منيره : قلت لكـ ما يبيني في بيتة .. الرجال طلقني.. طلقني..!! الرئيس ناظر ناصر و سطام : نفذو اللي قلت لكم عليه.. طلع الرئيس و دخلوا باقي رجالة.. و منيره صرخت و كأن قلبها ينبأها ترى ما عندهم رحمة..!! و ارواح عيالكـ رهينة مقابل مجموعة حبر على ورق..!! من خلاف قديم.. بينهم هي و عيالها صارت ضحيتهم..!! تناظرهم اعطوا عيالها ابر.!! ابرة في نايف و ابرة في نواف.. و رموهم على الأرض..!! سحب سطام السكين من خصرة و رماها عند رجول منيره : عيالكـ دقايق و بـ يتفاعل السم في اجسامهم.. و بـ يدكـ تريحينهم..!! طلعوا بعد ما شالوا اللزقة عن فم نايف و نواف و سكروا الباب..!! راحت لهم تجري : نايف.. نواف..!! نايف وهو يحس بالوجع بادي ينهش خلاياة : ما عليه يمه..!! الله فوق.. الله فوق.. الله ينتقم منهم..!! الله ينتقم منهم..!! نواف : احنا مو ظالمين هو ظلمونا.. الله لا يبيحهم و لا يحللهم.. باست راس نواف و حضنتة راسها على راسة تبكي من وجعهم تبكي معاهم.. نواف يحاول يكتم اهاتة عشان ما تعور .. يكفيها الشهور اللي عاشت بعيدة عنهم.. مع الرجال اللي عرفوا ان كان يبيها زمان قبل ابوهم لا يتزوجها و خالهم وقف في وجيههم..!! و عشان هالحب.. اللي جدده ابراهيم بـ خطبة اساساً كان معروف ردهم ويش هو..!! هم رجال .. رجال شرقيين.. تربوا على العادات و التقاليد.. شلون يرضون لأمهم الأربعينية تتزوج من بعد ابوهم..!! بـ ينقال عنهم رخوم..!! ما قدّروا لا امهم و ابوهم بعد وفاتة.. سمحوا لها تتزوج من بعده..!! نايف يأخذ نفس قوي بين كل كلمة و الثانية : يمه.. يمه لا يكون.. ضريتيهم..!! منيره يدها على فمها : لا .. لا .. و الله.. نايف : عشان.. نموت .. مرتاحين..!! نواف : آآآه.. يمــــه..!! منيره : تحمّل يا ابوي.. تحمّل تكفى..!! نواف : ماني قادر.. يمــــه.. يمه تكفيـــن..!! نايف يهدي اخوه..!! و الا يتحمل الوجع اللي يسري بـ عروقة و خلاياة..!! ويش بـ يدة.!! لو يقدر يفكـ اخوة من وجعة و هو يشيلة عنه ما تردد لحظة وحده..!! كيف..؟! كيف وهم حتى ما فكوا رباطهم..!! ناظر السكين المرمية على الأرض..!! يبونها تقتلهم..!! غمض عيونة بـ قوة يحاول يكتم كل آه تحاربة عشان تطلع من فمة..!! يبون يوجعونها فوق اللي سووه فيها..!! نواف يبكي من الألم : يمــــه الله يخليكــ ماني قادر اتحمل..!! يمه سوووي شيء الله يخليكــ ... مع كل كلمة..!! تحس نفسها تبكي دم بدل الدموع...! ويش بـ يدها..!! نزلت راس ولدها على الأرض و قامت اتجهت للكاميرا المثبتة بأعلى الجدار : تكفى الله يخليكـ اذبحني انا.. تكفـــى الا عيـــالي..!! و الله ما راح ارفض..!! نايف بلع ريقة :آآه .. يمــــه..!! ضربت يديها بـ افخاذها تشوفهم يتوجعون قدامها الإثنين..!! يقول بـ يدها تريحهم..!! و رموا لها السكين..!! نواف : يمـــــه ريحيــــني.. تكفيـــــن يمــــــه..!! نايف همس : نـــواف..!!! نواف : انا اتقطـــع..!! مانـــي قادر اتحمـــل..!! ماني قـــادر..!! منيره تناظر الكاميرا و تترجاة يمكن يسمعها ..!! : بـ سوي اللي تبيه.. بـ اجيب لكـ الأوراق من بيت ابراهيم.. و الله بـ اجيبها بس فكـ عيالي من وجعهم..!! تكفــــى.. و الله بـ اجيبها الحيـــن بـ اروح له.. بـ اجيب لكـ الأوراق و كل شيء تبيه..(جلست على الأرض) لو تبيه روحة جبتها لكـ ..!! بس عيالي فكـهم من وجعهم..!! دقيقة و انفتح الباب قدامهم..!! و انوخذوا عيالها قدام عينها..!! من غير لا تطمن عليهم..!! ومن غير لا تسمع كلمة وحدة منهم..!! وقفت على الباب بعد ما سكروة تدقة و تصارخ و تبكي : و الله بـ اجيب لكـ اللي تبيه.. بــس لا تسوي بـ عيالي شيء..!! و الله بـ سوي اللي تبيه..!! و الله..!! وجع مرأة اربعينية !! يفجعها شخص ما بـ قلبة رحمة في فلذات كبدها!! عشان حب قديم ما صار له أي وجود!! .. بيت غازي..!! ندى : يالله طيب مو معقولة جوالة مقفل و ما رجع من البارح..!! امال : و الله ما قد سوّاها بس ما ادري ويش نسوي..!! ندى جلست وهي متوترة غازي من البارح ما رجع..!! و اول مره يسوي هالحركة على حد قول امال : طيب دقي على مكتبة..!! امال سحبت جوالها و اتصلت : السلام عليكم.. معاكـ ام شوق.. الله يبقيكـ حمد بغيت انشدكـ الفريق غازي بـ مكتبة..!؟..(ناظرت ندى) شلون يعني..؟! .. طيب شكراً (سكرت الخط) يقول ما جاء اليوم..!! : صباح الخيـــرات.. (ناظرتهن متوترات و لا وحده ردت عليها) ايش فيكم..؟! امال تنهدت : ابوكـ ما رجع من البارح.. بـ اكلم عماد.. ريما جلست : بابا نايم بـ غرفتي..!! انصدمن الثنتين من الفجر وهن قلقانات : ايــــــش..!! ريما : و الله.. امال : من متى..؟! ريما : من البارح جاء متأخر و نام عندي.. ندى : غريبة طيب ما صحى يصلي..!! ريما : يب اول صحى و قال بـ يقضي فرضة طافة.. امال : الله يهديكـ احنا قلقانين عليه و اخر شيء يطلع نايم عندكـ كان علمتينا... ريما : و انا ايش عرفني حتى انا نمت لما هو نام..!! : السلام عليكم..!! : وعليكم السلام..!! جلس جنب ريما حط يده على كتفها وهي ابتسمت من النقيض لـ النقيض حالتهم.. لو امس ما كان اصلاً جلس حنبها لأنه يدري ما راح تتقبلة..!! بس الحين..!! غيـــر.. امال : ايش فيكـ .. كن بكـ شيء..؟! غازي : ما فيني الا العافية.. ما انتم مفطرينا..!! امال : بـ تصير حزة الغداء..!! ريما : من برا بابا تكفـــى..!! غازي : و لا يهمكـ من برا.. و الا نتغدا برا ويش رايكـ .!! ريما ابتسمت : حلووو نتغدا برا.. موافقة.. امال : ويش يودينا نتغدا برا.!!؟ لا نتغدا هنا ازين..!! ريما : لا مامي بـــليز انا و بابا موافقين..!! همس نطت بـ حضن ابوها : و انا بعد بـ اروح معاكم..!! غازي : انت ملح الطلعة ما فيه غداء من غيركـ .. كلنا بـ نروح مع بعض..!! امال : اللي يريحكم.. غازي ابتسم : ما بشرتكم..!! (كلهم ناظروة ينتظرون البشارة.!!) بنت عماد رجعت.. ندى : صدق..؟! يا حياتي..!! غازي : ايه صدق رجعوها البارح بالليل.. امال : الحمدلله الله طمن قلوبهم عليها.. ريما : مره تحزن وعد.. انا شفتها من شهرين كانت هيكل عظمي و تعبانة مره..!! الحمدلله اهم شيء يسون حفلة و يعزمونا..!! غازي : هههههههههه يسوون حفلة و يعزمونكـ ليش..؟! ريما : عشان مشتهية اغير جوو قبل الإختبارات..!! غازي شد اذنها : ابي درجات زينة..!! مو مثل الترم الأول..!! ريما تناظرة : انت السبب.. مالي دخل..!! غازي : ادري اني السبب.. بس شدي حيلكـ هالإسبوعين.. عشان تدخلين الجامعة.. ريما : طيب..!! ندى : انا بـ اروح لأهلي..!! امال : حتى انا بـ اروح معاكـ لازم نباركـ لـ وعد.. ريما : حتى انا بـ اروح..!! غازي يناظر ريما : اختاري يا تروحين معاهم يا نطلع نتغدا برا.. طلعتين باليوم و عندكـ اختبارات لا.. ريما اتسعت عيونها : غشـــاش ما كان اتفاقنا كذا .. حتى انا من زمان عن البنات.. و متحمسة اشوف بنت عماد..!! همس : لازم تذاكرين بالبيت مو تجيبين درجات فاشلة مثل دايم..!! غازي مسكـ يدين ريما اللي بـ تضرب همس وهو يضحكـ من زمان ما ضحكـ ..!! ناقصة..!! اذا كانت قبل معدومة من عدم وجود لينا و زعل ريما.. الحين ناقصة و ناقصة حيــــل بـ فقدان لينا : وشووو بـ تضربينها و هي عندي..!! ريما سحبت يدينها منه : عيب عليها تقولي هالحكي.. كم سنة بيني و بينها..!! يمكن عشر سنين..!! غازي : هههههههههه يا عيني تعلمنا العيب..!! من وراي..!! ريما : شكلكـ ناوي تزعلني.. ترى بـ اقوم..!! وما راح ارضى..!! غازي : ماهو بـ كيفكـ .. خلاص تجهزوا مره وحده نطلع نتغدا برا و نتمشى شوي و بعدين انزلكم بـ بيت ابراهيم.. ريما : انا موافقة..!! غازي : انتِ ما طلبت رايكـ .. معاكـ ساعة بس و بعدها راح ارجعكـ البيت..!! ريما : لا بـ اسهر معاهم من زمان ما شفت البنات..!! غازي : لا.. بعد الإختبارات اسهري معاهم.. الحين ما فيه .. مين جود و عندها اختبارات مثلكـ .. ريما ابتسمت وهي تطري عليها فكرة : ايوه عشان اذاكر معاها.. انا غبت كثير هالترم و عندي كم شغلة ماني فاهمتها بـ اقولها عليها.. امال : و يمكن جود ماهي فاهمة طيب..؟! ريما : عندها خواتها ما شاء الله بيتهم فيه كل التخصصات..!! طب انقليزي احياء رياضيات حاسب قانون كل التخصصات عندهم ماشاء الله..!! ندى : ههههههههه و ادارة اعمال عندنا بعد.. ريما : ماشاء الله عيلة دفرة.. حتى عمانهم تخصصاتهم تفتح النفس قانون و طب و كيمياء..!! غازي : اذكري الله .. ريما : لا إله الا الله .. انا اؤمن بإن الدفرة وراثة.. يعني لو اني من عيلتهم تلقى نسبتي 100 ما تنقص.. ندى : مو لـ هالدرجة عاد.. و احنا مو كلنا دوافير.. بالعكس عندنا ناس فاشلة..!! غازي : وليد و مشيعل..!! يتفاخرون بالفشل الدراسي.. واحد دارس الثانوي ست سنين و واحد خمس سنين..!! و لا بعد ما تخرجوا غير لما ابوهم هددهم يفصلهم من المدارس و يشغلهم معاه..!! امال : المفروض سواها من زمان واضح انهم ماخذين الدراسة لعب..!! غازي : عاد هاللي مأخذين الدراسة لعب واحد دخل ادارة اعمال و واحد قانون..!! هم كذا اذا اشتهوا ينجحون نجحوا و اذا اشتهوا يبلطون كل سنة بـ سنتين بلطوا..!! همس : عشانهم كسلاااانين.. غازي : هههههههه ايه و الله كسلانيــــن.!! فديت اللي مخلصين دراسة..!! همس : عشان انام على كيفي.. و اشوف تلفزيون على كيفي..!! ريما تناظر ندى : طيب و اخوانكـ الكبار..؟! يعني قد احد منهم عاد سنة..!؟ ندى : لا.. اول من عاد مشعل اولى ثانوي.. ابوي حزتها زعل و هاوش و جات السنة الثانية هو و وليد مع بعض اولى.. و نجحوا بالقوة على الحافة.. و ينتقلون ثاني و يرسبون الإثنين و يبلطون فيها.. و ما راحو اختبروا دور ثاني قالوا بـ نعيد السنة.. و عادوها و نجحوا بالقوة و بعدها رسبوا بـ ثالث و وقتها ابوي هددهم و نجحوا بالسنة اللي بعدها..!! ريما : ههههههههههههههههههه واضح انهم مهابيل..!! ونـــاسة كذا اخوان مهملين و يصير اكشن بالبيت وقت النتايج..!! امال : ايه عشانهم على شاكلتكـ راقوا لكـ .. ما فكرتي ماشاء الله بالممتازين..!! ريما : بالعكس سوو تغيير ببيتهم اخوانهم دوافير هم غير عنهم و صاروا مميزين و هذا هم يوم اشتهوا الجامعة دخلوها..!! امال : اخوانكـ ماشاء الله كلهم يشتغلون..؟! ندى : ايه كلهم.. امال : الله يباركـ لهم بـ رزقهم.. (لفت تناظر غازي) لي فترة ابي اكلمكـ بـ موضوع..!! غازي : خير ان شاء الله..!! امال متوترة..!! دامه مـروق بـ تفاتحة بموضوع لينا : لينا..!! ناظر الطاولة..!! ما علّق.. حتى ريما دنقت!! امال تكمل اهم شيء ما عصّب : تكفى غازي مالها غيرنا.. ابي اشوفها لو ساعة..!! قولة يجيبها..!! انت سويت اللي براسكـ و خلاص..!! ما فات ندى تغير وجيههم ابداً.. ابتداء من غازي.. مروراً بـ ريما..!! و نبرة امال تترجاة..!! فعلاً لينا توأم ريما اللي ما قد شافتها من دخلت هالبيت..!! و لا انجاب طاريها..!! و مو من طبع ندى تلقف و تسأل عنها..!! دام ما احد قالها شيء هي ما تكلم..!! غازي وقف : انا بـ اروح اصلي الظهر بس ارجع القاكم جاهزين..!! امال : استغفر الله العظيم.. استغفر الله..!! همس : ماما وينها لينا طولت وهي مسافرة متى بـ ترجع..؟! امال : لمّا ابوكـ يحن قلبة عليها..!! "لمّا ابوكـ يحن قلبة عليها..!!" جملة صدمة ندى..!! معقولة متهاوش مع لينا بعد..؟! طيب ليش ماهي بالبيت..؟! معقولة طاردها..؟! اذا ضرب ريما ذاكـ الضرب كله و الكل سمع صراخها..!! طيب الضرب اهون بـ كثير من اه يطرد بنتة من البيت..!! وين راحت..؟! وين تعيش..!؟ لو عند عمها كان شافتها لا راحت هناكـ ..!! الرعب اللي كان من غازي و خف كثيــر الحين رجــع و بـ قوة لها خصوصاً مع خبرها اللي ما زالت مخبيتة لأنها ما لقت فرصة للحين..!! .. مقر العصابة .. تحديداً لينا تصارخ عليه وهي تبكي متغطية بـ لحافها : انقلع عن وجهي..!! ما ابي اشوف وجهكـ .. خلاص كل شيء تبيه اخذتة..!! ويش تبي زود..!! الله يـأخذني...!! اخذ نفس من العصر وهي نفسها حالتها ..!! من عرفت انها حامل..!! : لينا قومي خلينا نتفاهم..!! جلست نفضت اللحاف عن وجهها المتنفخ من الصياح : اتفاهم معاكـ على شيء واحد..!! تبي تطلعني الحين و توديني لـ بيتنا بـ اسمع لكـ ..!! عمر : بسم الله الرحمن الرحيم..! ويش ذا الشكل..!! لينا تصارخ : تستخف دمكـ حضرتكـ ..!! عمر : و بعدين معــاكـ .. تراني ساكت عنكـ لينا.. ما بيدي شيء اسويه الحين.. قلت لكـ قريب بـ اردكـ لأبوكـ ..!! لينا : بعد وشو..!! بعد ما خليتني احمل..!! انت ما تحس..!! شلون ترضى اصلاً يجي لكـ ولد امه محبوسة بـ هالمكان..!! انت ما قدرت تطلعني من هنا شلون بـ تأمن له حياة..!! ما بيدكـ شيء تسوية..!! انا بـ يدي.. انا بـ يدي .. انهبل عمر وهو يشوفها تضرب بطنها بيديها .. مسك يدينها ورفعها فوق : مجنـــــــونــــــة!! حرام عليكـ هاذي روح..!! لينا : انت اخر واحد يتكلم عن الحلال و الحرام.. اتركــــني انا ما ابي احمل .. انا ما ابيه.. ما ابيـــه..!! عمر الجالس وراها على ركبة ومثبت يدينها فوق.. وهي تحركـ رجولها و تحاول تفتح يدينها منه : ليــــنا لا تحديني اسوي شيء ما يرضيكـ قلت لكـ اوعدكـ اطلعكـ قريب.. اهـــدي..!!(صرخ عليها) ليــــنا..!! لينا ثبتت لكنها ما زالت تصيح : حرام عليكـ .!! انا ايش ذنبي..!! حتى لو بابا عدوكم انا ايش ذنبي... انت تقول تحميني منهم..!! شلون تحميني ..؟! شلون انت تحميني و انا الحين حامل..!! شلون بـ ترجعني لـ بابا ..!! ويش اقولة..!! ويش اخبره..! تقولي بـ يكسرون ظهر ابوكـ فيكـ .!.! انت اللي كسرت ظهر ابوي..!! انت.. عمر جلس و لفها عليه : و الله يا لينا اني لاوفي لكـ بـ وعودي قريب.. و الله بـ اردكـ لأبوكـ اعطيني يومين.. لو ما رديتكـ فيها بـ افتح لكـ الباب و روحي انتِ .. لينا : ما ابي اكون حامل.. ابيه ينزل..!! عمر : ما احد يعترض على عطايا ربه.. لينا انتِ ما تعرفيني انا قلت لكـ انا مين ويش وظيفتي و كل شيء عني.. بس انتِ مو راضية تصدقيني.. انا ماني راعي شر و الله ماني راعي شر..!! لينا : شلون ترضى يجي لكـ ولد هنا..؟! شلون ترضى..؟! عمر : ماني راضي.. قلت لك اعطيني يومين .. اوعديني ما تسوين بـ نفسكـ شيء .. اوعديني..!! لينا : اوعدكـ .. عمر : انا رايح الحين عندي شغلة.. ادعي لي ربي ييسر لي و يوفقني..!! لينا : يــــارب يوفقكـ و ييسر امركـ .. ابتسم توها من دقايق مولعة و الحين حاس فيها مكسورة و تدعي له من قلب..!! موجوع قلبة عليها .. مسك كفها و ضغط عليها : يمكن اطول.. انتِ كلي لكـ شيء و نامي.. بس لا تنسيني كل شوي ادعي لي..!! لينا : ان شاء الله.. وقف و طلع و سكر عليها الباب مثل كل مره..!! انسدحت على جنبها يدها اليمين تحت راسها و يدها اليسار تمسح على بطنها افرح و الا ازعل..!! افرح و الا ازعل..!! ويش يفرحني..!؟ عشان عمر ابوه..؟! و ازعل عشان انا ما عندي احد الا ابوه و بس..!! لا ام و لا اب و لا خوات.. و لا حتى دكتورة تتابع حملي.. مجرد غرفة محبوسة فيها و يمكن اولد فيها و يدعي علي ولدي اللي فكرت احمل و انا بـ هالمكان..!! (مسحت على بطنها) انا آسفة.. و الله العظيم ماهو بـ يدي.. لو بـ يدي.. كنت ما جيت هنا.. و كنت قابلت ابوكـ بـ مكان غير هذا.. كنت تزوجتة بـ رضاي و حبيتة بـ رضاي.. مو كل شيء غصباً عني.. حتى مشاعري.. مشاعري اللي اتجهت له وهو خاطفني من بين اهلي.. خانني.. حتى قلبي ما وقف معاي.. آســـفة..!!! .. العشا في بيت ابراهيم.. مجلس الرجال تحديداً.. عيال ابراهيم.. و غازي و رجالة.. كلهم طبيعيين.. عدا هو..!! فيه شيء غريب متغير عليهم..!! وليد..!! هـــادئ.!! ابو سعود : ما ادري ويش بلاه..!! ما غير على الدرايش ومرات يطلع فوق السطح..!! ما ارتاح حتى..!! غازي : هدي بالكـ .. لو فيه شيء كان حكى من زمان..!! وليد بـ هدوء : ابي اسألكم سؤال..!! و لا تفهمونة غلط..!! بس عشان اتطمن..!! سعود : ويش عندكـ .. قول اللي تبي..!! وليد ناظر ابوه و غازي : ابي اعرف..!! تعرفون بنات الصقر..؟! غازي بإستغراب : نعم..!! وليد : ابي اعرف..!! انتم تعرفون بنات الصقر..؟! عزام : سؤالكـ غريب..!! وليد : سؤالي لأبوي و غازي.!! تعرفونة من قبل..!؟ ابو سعود منصدم : لي انا..؟! وليد : لا تجنوني.!! يبه !! الصقر عنده ثلاث بنات.. ثنتين انقتلن.. و الصقر قالي انه شاكـ بأشخاص وبس يتأكد ما راح يرحم بناتة..!! غازي : و سؤالكـ يقول احنا قتلنا بناتة و الا لا..؟! صح..؟! وليد وقف : ابي اعرف اذا لكم علاقة..!! من قالي هالشيء وهو براسي.. اختيارهم لعيلتنا و بناتنا ماهو من الباب لـ الدريشة..!! ابو سعود : تبيني احلف لكـ عشان تصدق..؟! دامكـ ما بعد عرفتنا لسى انت جاهل فينا..!! وليد : يبه تكفى..!! ماني بزر.!! ابي جواب واضح..!! غازي : ما لنا علاقة بـمقتل بناتة تونا عرفنا منكـ ..!! وليد يدور بالمكان يبي يحل و يربط..!! وقف على الشباك : عندهم عملية تهريب هالإسبوع..!! و أي يوم تحديداً ما ادري..!! بس مأجلينها من ثلاث شهور لأن غازي مشدد على الحدود..!! و اكيد دارسين الشفتات و كل شيء ..!! و مو بعيد تكون بعز النهار او تالي الليل..!! (لف على غازي) لا تفكر تغير أي شيء او تزيد الوضع .. خلهم و راقب الوضع من بعيد عشان تمسكهم.. لأن كلهم مشاركين بالعملية.. و اولهم الصقر..!! غازي يناظر وليد!! تعلم .. بس جالس يلقي اوامر على كيفة..!! طنش اسلوبة بـ مزاجة و ما علق على كلامة..!! وليد طلع باكيت السجاير من جيب بنطلونة و فتحة قدامهم و سحب سيجارة و لأول مره يدخن قدام ابوه..!!! لكن ابو سعود ما علق..!! خالد مصدوم : انت تدخن..؟! وليد : ويش تشوفني جالس ارقص..؟! ياسر : انت صاحي..!؟ و لا بعد قدامنا و ابوي موجود..؟! من متى تدخن..؟! وليد ما جاوب.. اللي جاوب مشعل : من زمان..!! له سنتين.. سعود ناظر مشعل : سنتيــــن..!!! توكـ تحكي...!؟ مشعل : ويش تبيني اسوي يعني..!؟ ماهو بزر عارف مصلحة نفسة..!! ابو سعود : خـــلااااص.. نشوف ويش تاليتها دام اولها عدم احترام..!! (كان يقصد وليد اللي يدخن قدامة لكن وليد في عالم ثاني كله توتر).. عماد : ما تعلمنا كيف طلعت بنتي من هناكـ ..؟! وليد يولع السيجارة : مو مهم.. اهم شيء طلعتها.. و المهم انها كانت بـخير وما فيها الا العافية..!! عماد : شلون و هي بينهم و انت متنكر يعني مالكـ حق تلمسها..؟! كيف قدرت تخدعهم..؟! وليد : ما كانت عندي.. كانت عند بنت غازي كل الفترة اللي فاتت..!! غازي : عندها..؟! وليد : ايه..!! عيال ابراهيم طبعاً ما يعرفون ويش يقصدون..!! بس مبين الموضوع فيه ان.. و لا واحد فيهم سأل او تلقف..!! وليد جلس مقابلهم : انا قريب بـ اجيب الأوراق اللي دخلت عشانها هالمكان الوسخ.. و قريب بـ ينتهي كل شيء.. لكن هم ناس يوصلون للي يبونه حتى بأشنع الطرق..!! خطفهم لـ وعد ما جاء من فراغ.. كل شيء مدبرينة..!! المره الأولى كانت من صلاح بس الثانية.. من رجال الرئيس.. و الرئيس يعرف ابوي..!! و متقصدة..!! ابو سعود : نعــــم..!!! وليد : وعد ما ذكرت هالشيء بإفادتها رغم انها تعرفة..!! لما انحاشت من المزرعة ما كان بطولة من وعد..!! بـ طلب من ... (سكت يوم انتبة بـ ينطق اسم عمر) الصقر ..!! و الصقر تقصد يسمعها حكي ان السبب حقدهم على ابوي و بـ ينتقمون من ابوي فيها..!! و وعد ما قالت هالشيء.. ليش ما ادري.. وهم عرفوا ويش هي افادتها و ويش اللي سجلتة..!! اصلاً كان شيء بديهي شلون عصابة ذكية يخلون شغالة تفتح الباب لها و تتركة فاتح و تنحاش من غير لا احد يشوفها..؟! سعود : قصدكـ وعد تدري ان الرئيس عدو لأبوي وما قالت هالشيء..!! وليد : ايه..!! ما علينا.. مقصدهم مو بس وعد.. فيه اسم انطرى غيرها عندهم..!! رمى وليد سيجارتة على الطاولة من غير لا يطفيها و كلهم يناظرونة..!! بـ عيونهم تساؤل قلق..!! مين..؟! وليد ناظر ياسر : زوجتكـ ..!! ياسر اتسعت عيونة مصدوم!! صبـــا..!! : أيــــــش..! وهي ويش دخلها..؟! وليد ما يبي يقولة عشان عمر ممكن يقهرونة فيها : و وعد ويش دخلها..؟! كلها نفس الشيء..!! لو ما تخليها تدوام ازين ..!! ابو سعود يناظر وليد اللي يحل و يربط : البنت عندها اختبارات..!!؟ وليد يسحب سيجارة جديدة : الوقاية خير من العلاج..!! .. لا حول و لا قوة الا بالله.. لا أحلل نقل الرواية دون ذكر اسمي.. هاشتاق #رواية_لو_سألتي_الورد البارتات كل سبت بإذن الله.. ضحكة قهر.. http://up.graaam.com/img/23407876b74...eba11d9f14.pnghttp://up.graaam.com/img/c433481acf7...1de64fbad2.png |
رد: لو سألتي الورد وهو ما بين إيدك أقطعك بيقول لك عمري فداك الكاتبة / ضحكة قهر
عنوان جميل وشدني اليوم راح ابدا اقرا فيها
|
رد: لو سألتي الورد وهو ما بين إيدك أقطعك بيقول لك عمري فداك الكاتبة / ضحكة قهر
رواية أتعب وأنا أقول جميلة , بس ليتك تطولين البارت و تخلينه يومين بالاسبوع .
تعبنا واحنا ننتظر :( |
رد: لو سألتي الورد وهو ما بين إيدك أقطعك بيقول لك عمري فداك الكاتبة / ضحكة قهر
السلام عليكم ورحمهالله وبركاته
الرواية اكثر من رائعه وانا دايما اعلق عالبارتاتات مع الكاتبة عالاسك... بس حبيت امر واهديها هنا هالتصميم :) http://www.liilas.com/up/uploads/lii...4469576841.jpg |
شكرا جزيلا وبارك اللة لك
|
رد: لو سألتي الورد وهو ما بين إيدك أقطعك بيقول لك عمري فداك الكاتبة / ضحكة قهر
بسم الله الرحمن الرحيم..
السلام عليكم و رحمة الله و بركاتة.. ما عنديش مقدمة .. بس ابي انبه على حتة بسيطة.. احتمال تتغير مواعيد البارتات لـ يوم الأربعاء.. بس هالشيء مو اكيد بـ نخليه على السبت .. اذا بـ انزل بارت الأربعاء بـ اعلن لكم على الآسكـ .. عشان كذا ما ابي القى مليون سؤال يوم الأربعاء بليز كلامي واضح جداً.. عذراً ما رديت على تعليقاتكمhttp://forums.graaam.com/images/smil...am%20(123).gif..!! حيــاكم الله جميـــعاً.. قراءة ممتعة.. البارت السادس و الخمسون.. قل للوصل مل الجفى صد و عناد قل للبطى طعم اللقى يحترينا .. لـ وحشتك .. "ناصر العنزي".. جناح ياسر و صبا.. الصباح.. صحت راسها يعورها .. ضغطت شوي عليه.. : اوووف مو وقتة متى اروق عشان اذاكر..!! لفت للساعة و ناظرتها الساعة 7.. قامت تتوضأ و تصلي.. قرت اذكار المساء على اساس انها للحين بالليل..!! سحبت ملزمتها و دفترها و رمتها بالصالة.. انسدحت من جديد و رفعت الملزمة تناظرها..!! : ويش يخلص هالمادة تفاهة..!! : صحيتي..!! ما بغيتي..!! قامت جالسة و تنحنحت .. سحبت دفترها : كنت تعبانة من الإختبار اللي فات داومت سهرانة تقريباً.. ياسر ناظر الدفتر و القلم ما زال بيدها : كم الساعة..؟! كتبت على الدفتر "اتوقع صارت 7:30".. ياسر يشرب الكوفي بـ يده : فتحتي الستاير.؟! استغربت السؤال هزت راسها بـ لا.. ياسر شكلها ماهي مستوعبة انه الوقت الصبح : اهاا.. انتِ الحين بـ تذاكرين لـ مادة بكره..؟! صبا حزنت ما تنكر ان هالشيء مسبب لها ازمة طريقة التواصل العقيمة بينها و بينه "ايه المادة مليانة معلومات تلخبط".. ياسر بـ هدوء : صبا .. انتِ ما فتحتي الستاير ما تدرين ان الوقت صار الصبح.. صبا عقدت حواجبها تحاول تستوعب مستحيل تكون نامت من الظهر لين من البكرة الصبح من غير لا تصحى ابد..!! هزت راسها بـ بلاهة و نطقت بـ صوت خافت يمكن من خوفها لا يعصب عليها : نعم..!! ياسر : قومي صلي الفجر.. طافتكـ .. صبا قامت فتحت الستارة و الشباكـ انصدمت..!! مستحيل..!! توترت اختبار نهائي ضاع عليها..!! تعبها كل الترم راح..!! غرقت عيونها : لا مستحيـــل .. (لفت عليه) ليش ما صحيتني..!؟ انت تدري ان عندي اختبار.. كيف تخليني نايمة كل هالوقت..؟! ياسر : شفتكـ تعبانة قلت ترتاحين و بعدين انشغلت ما دريت انكـ ما ذاكرتي..!! صبا حطت يدها على خدودها متوترة : يااااربي ويش اسوي الحين..!؟ كيف بـ اجاوب..!! الإختبار ما باقي له الا اقل من ساعة.؟!؟ ويش اسوي..؟! ياسر : صلي الفجر.. صبا ضربت جبهتها : الصلاة.. صح نسيت انا ما صليت حتى العشا على بالي للحين المغرب..!! اختفت من قدامة بعد دقيقة وهي ضايعة ما بين الإختبار و الصلاة و المذاكرة..!! و التوتر في اعلى مراحلة.. طلعت بعد 15 دقيقة بالضبط وهي لابسة للجامعة جلست على الكنب هو هادي وهي ما تحملت الوضع و بكت.. ياسر : من جدكـ تبكين عشان اختبار..؟! صبا : ما ذاكرت..!! بـ احمل المادة ..!! تعبي كله بـ يروح الإختبار عليه 70 درجة يعني لو اموت ما جبت حتى مقبول..!! ياسر : بسم الله عليكـ لا تقولين كذا.. خلاص لا تداومين.. انا بـ اجيب لكـ عذر و تختبرين مع ذوات الأعذار..!! صبا : بس ... الأسئلة يمكن تكون غير..!! اصلاً انا ما اعرف ليش ما صحيت..!؟ ياسر يناظرها كيف تبكي حتى بكائها دلع..!! المشكلة ان قلبة معورة..!! صدق مايعة بس دموعها حسها مثل الشيء اللي انكوى بـ قلبة : انا عطيتكـ منوم..!! صبا حركت راسها : نعم..؟!! ياسر : ما ابيكـ تداومين اليوم..!! صبا مصدومة و دموعها ما زالت على وجهها : منوم..!! ياسر : صدقيني عشان مصلحتكـ .. لأني خايف عليكـ .. وقفت ما تحملت ماهي مصدقة .. فعلاً شيء مو طبيعي من الظهر تنام لين من البكره الصبح و ما تصحى و لا مره يطلع معطيها منوم..!! : مصلحتي.؟! مصلحتي انكـ تضيع تعبي..؟! خايف علي من اختباري..؟! من اني القى نتيجة الشيء اللي تعبت فيه أكثر من اربع شهور الترم كله..؟!.. اوكِ انا فاهمة انكـ ما تبيني و اعرف هالشيء .. و ادري ما تطيق تسمع صوتي و حرمتني من حقي حتى اني اتكلم و اسألكـ ليش.. طاوعتكـ و قلت ما يخالف بكره بـ يتغير و بيشوف انه جرحني بـ طلبة و بـ يتأسف لي.. صار لي اربع شهور الحكي بيني و بينكـ حبر و ورق.. ياليتكـ عاملت نفسكـ بالمثل و كنت تكتب لي مثل ما اكتب لكـ .. و فوق هذا تهدم مستقبلي ..؟! تهدم تعبي و تقول مصلحتكـ..؟! ياسر وقف : انتِ م فاهمة شيء.. انا احب على قلبي تختبرين و تجيبين درجة عالية و تنجحين بـ تفوق.. بس فيه اشياء انتِ ما تعرفينها..؟! صبا : صح ..!! فيه اشياء ما اعرفها.. ما اعرف ليش انت تزوجتني و انت مو طايقني..!؟ ما اعرف ليش جبرتني اوافق رغم انكـ ما تبيني..؟ (هزت راسها تستفسر) عمي جبركـ ..؟! ياسر : لا.. لو جبرني كنت فرحت بـ رفضكـ لي.. و استغليت الوضع.. بس مو ياسر اللي ينرفض يا صبا.. صبا : و لا صبا اللي تنهان و تنهدم حياتها يا ياسر.. انا طاوعتكـ عشاني اخاف منكـ بس عندي من يحميني منكـ و يأخذ حقي منكـ حتى لو انت ولد عمي.. ما يهمني.. فاهم.. ما يهمني.. انصدم.!! من وين طلع اللسان هذا..؟! هاذي الهادية اللي لا تهش و لا تنش..؟! : نعم..؟! صبا : لا تخاف ما راح يطولكـ حكي.. بقولهم اني انا السبب بالطلاق ما احد بـ يزعل منكـ و لا يحاكيكـ .. ياسر عقد حواجبة بـ قوة : طــلاق..!! صبا اتجهت للكنبة المرمية عليها عبايتها تلبسها : ايه طلاق.. انا ما تعودت احد يهيني.. صوتي اللي مو عاجبكـ بابا ما يحب يصحى الا على صوتي.. انا عمري ما انهنت حياتي كلها ما انهنت مثل ما انت اهنتني.. كل حياتي انا مدلعة و اميرة بـ بيت اهلي.. و من اخذتكـ و انا انحرمت من كل شيء.. حتى كلمة حلوة اسمعها.. مو حلوه على الأقل هدوء.. هدوء بس.. دايم معصب من تسمع صوتي تنجن.. ما انت مجبور تتحمل وحده ما انت طايقها.. ياسر يناظرها وهي معصبة اول مره يشوف الوجه الثاني..!! الحكي مصفصف.. وين اللي تتوتر دايم و خايفة و ترجف منه..؟! ما توقع الموضوع يوصل لـ هالشيء.. هو يبي يحميها.. ما يبيها تداوم عشانها.. وهي ما قصرت طلعت كل السلبيات ما ذكرت شيء زين شافتة معاه..؟! : و مين قال اني مو طايقكـ .. صبا تلبس نقابها و يدها ترجف يمكن خوف و يمكن قهر و يمكن ضياع..! : كل شيء يقول.. كل شيء.. انت ما تبغاني انا و انت عايشين هنا اغراب.. حسبة زملاء سكن.. بس.. حتى اخوان ما تجي علينا لأن بينهم تواصل.. اللي بيني و بينكـ تبين شيء..؟! محتاج شيء..؟! بس هذا الشيء اللي بيني و بينكـ ..؟! اربع شهور يا ياسر..!! اربع شهور تكفي لأنها توضح لي انكـ ما تبيني بس عجزت اعرف ويش اللي جبركـ علي..؟! تعدتة بـ تطلع .. نطق بـسرعة : وين بـ تروحين..؟! صبا : بـ اريحكـ مني .. بـ اخلي عمي يطلقني منكـ .. طلعت قبل لا يستوعب الجملة..!! لما استوعب انها ماهي موجودة طلع يجري وراها حتى يلقاها واقفة على الدرج.!! مترددة..!! يجزم انها خايفة..!! : صبا..!! صبا اول ما سمعت صوتة نزلت و كأنه اعطاها دفعة للأمام نقز يجري وراها .. ما حس بـ نفسة الا واقف وراها بالصالة و الكل موجود على رأسهم ابوه..!! عدا سعود طبعاً.. همس : تعالي معاي خليني افهمكـ ..!! صبا خافت..!! عمها ابراهيم هيبة..!! ما تتخيل انها تطلبة يطلقها من ياسر..!! همست : بـ تطلقني..؟! ياسر اخذ نفس وهو يشوفهم كلهم يناظرونهم مستغربين : لا.. ام احمد وقفت و اتجهت لهم : ويش فيكم ..؟! ياسر : ما فينا شيء يمه.. صبا : امبلى .. انا بـ اروح بيتنا..!! ابراهيم وقف يناظر ياسر بعدها ناظر صبا و وقف قدامها : انتِ تبكين..!؟ انفجرت صبا صياح..!! لكنها ما قدرت تحكي.. عن الطلاق و الحياة العقيمة اللي مع ياسر.. ام احمد : بسم الله عليكـ يمه ويش فيكـ ..؟! ياسر سحبها حتى يوقفها جنبة : زعلانة عشانها ما ذاكرت للإختبار بس..!! ابو سعود ناظر ياسر : بـــس..؟!! ياسر : ايه.. انا قلت لها بـ اجيب لها عذر عشان تختبر مع ذوات الأعذار بس هي خايفة تحمل المادة..!! ابو سعود : و لا يهمكـ يا عمي بـ اخليهم يختبرونكـ ومتى ما بغيتي ما راح تحملين المادة وعد مني..!! صبا : انا ابي اروح بيتنا.. عمي الله يخليكـ ابي اروح..!! ياسر سحبها : انا بـ اتفاهم معاها.. قبل لا ينتظر رد سحبها و دخلها اول غرفة قدامة كانت جنبهم..!! يعني لو يصارخون و يحتد هواشهم بـ يسمعون كله شيء اهلة..!! دخلها و سكر الباب و وقف عليه : ممكن تهدين و تخليني افهمكـ ليش ما خليتكـ تداومين..؟! صبا : لا مو ممكن.. و الله لو عمر هنا ما كان تجرأت علي..!! ياسر ابتسم ما تدري انه رجع البارح و انه كل الوقت يمكن قريب منهم : طيب.. تعرفين الناس اللي اخطفوا وعد..؟! (ناظرتة من غير لا ترد و ياسر يكمل كان يتمنى ما يخوفها بس هي اجبرتة) و اخطفوا بنتها بعد..؟! الحين ممكن يخطفونكـ انتِ بعد..؟! ما ردت لأنها ما استوعبت غير اول شيء.. الناس اللي اخطفوا و وعد و وخطفوا بنتها..!! النقطة اللي بعدها ما دخلت مخها للحين.. ياسر : من خوفي عليكـ ما ابيكـ تداومين ما ابي يصير لكـ شيء.. هنا أأمن لكـ .. ما اضمن ويش ممكن يسوون يمكن تجي عليهم يقتحمون الجامعة.. صبا : و خواتكـ ..؟! ليش انا..؟! كيف بـ يدخل هالعذر مخي..!! ياسر : هم يختارون اللي بـ يخطفونها و بـ يستفيدون من وراها شيء.. (تنهد) صبا انا ما اقدر اقولكـ كل شيء.. بس و الله لو ما احد نبهني و قالكـ انهم يبون يأذونكـ و الله ما حرمتكـ اختباركـ اليوم.. بس مضطر.. ما ابي يصير لكـ شيء.. ما ابيكـ تتأذين.. صبا نزلت نقابها : طيب ليش..؟! ليش..؟! انا ما سويت شيء.. و الله ما أذيت احد..!! ياسر : ادري..!! بس احيان الإنسان يتعاقب بـ ذنب غيره.. فيه ناس ما عندها ذمة و لا ضمير تأذي ناس ابرياء بس عشان يوصلون لأهدافهم..!! صبا : انت شلون عرفت..!؟ لا يكون تشتغل معاهم.؟! ابتسم بدال ما يعصب بدا يناقض نفسة : يعني لـ هالدرجة انا انسان طالح بـ نظركـ ..؟! ماني كامل ايه.. بس هذا ما يعني اني اقتل و استيح دم و اعراض خلق الله..!! صبا : طيب انا عندي ثلاث اختبارات الإسبوع الجاي وكلها مواد تخصص ..!! بـ تنومني بعد عشان ما اداوم..!؟ ياسر : انومكـ لا.. بس اذا حسيت ان الوضع ما هو امان لكـ ما راح تداومين من غير لا انومكـ و لا شيء.. انتِ صرتي تعرفين الموضوع الحين.. انا نومتكـ لأني ما ابي اقولكـ و اخوفكـ .. تشيلين هم اختبار ضاع عليكـ و لا تكونين خايفة..!! صبا : بس .. انت صدق خوفتني..!! ياسر : ما احد فيهم يقدر يعتب البوابة.. هنا أأمن لكـ من أي مكان ثاني.. صبا : ابي اكلم بابا يجي.. ياسر : عشان..!؟ صبا : عشان يحل الموضوع.. اوكـِ انت سويت هالشيء عشان تحميني و حتى بابا و فيصل يقدرون يحموني.. انت مو ملزوم فيني..!! ياسر حط يده على خصرة : مين ولي امركـ ..؟! صبا : بابا.. يـاسر بـحدة : صبـــا..!!! هذاكـ اول.. الحين انتِ مسؤولة مني.. فاهمة هالشيء و الا لا..؟! صبا : اوكِ تحمل ما يجيكـ .. شروطكـ اللي شرطتها علي اول الزواج ما راح انفذها.. ما راح اسمح لكـ تهيني..!! ياسر : اوكِ بـ نفتح صفحة جديدة من اليوم.. بننسى كل شيء صار و قلناة و بنبدأ كأننا متزوجين جدد..!! و سالفة زملاء السكن هاذي ان عدتيها ما تلومين الا نفسكـ فاهمة..!!؟! صبا تراجعت : توكـ تقول بـ ننسى كل شيء صار و قلناه ايش معنى هاذي مسكت عليها..؟! ياسر لف و حط يده على مسكة الباب بـ يفتحة : عشان احنا فعلاً بـ نبدأ صفحة جديدة.. البسي نقابكـ ابي افطر معاكـ .. طلع و تركها.. بلعت ريقها جلست على الكنب تستوعب..!! من صحت للحين مجموعة عواصف مرت فيها..!! نبدأ صفحة جديدة..!! بـرا.. جود : انا قايلة لكم.. البنت ذررربة و ياسر جـــلف اعوذ بالله ما تصلح له ابد.. المفروض ندور له وحده كذا طراز خاص..!! ابو سعود : انتِ ان ما لميتي لسانكـ عن اللي مالكـ فيه بـ يجيكـ اللي ما يرضيكـ .. جود تمد يدينها : اوكِ اوكِ ريلاااكس.. ريلاااكس.. شكلة مسحوب علي.. ما ادري مين اخذ مكاني..!! (تناظر بنت وعد) شكلهم بعض الناس..!! وعد : نعم..!! جود : و الله صدق من جات بنتكـ و انا مسحوب علي.. اكيد هي اخذت مكاني..!! ام احمد : الا من رداكـ و سواياكـ الرفلة..!! جود وقفت : وصلنا لـ هالنقطة اللي بـ يتشعب فيها الحديث و يوصل لـ نقطة اني بزر و ما اصلح للزواج.. اعرف و الله هالشيء لا تخافون ما راح افشلكم لأني مو متزوجة اصلاً.. الى اللقاء..!! ام احمد تناظرها وهي تنقز على الدرج : ما ادري على مين طالعة هالبنت بـ تجنني..؟! حاتم : عاد انا احسها مسوية جو لو بـ تتزوج صدق بـ نفقدها.. احمد : ليش ما تفطرين يا خالة..!! ام سعود : مالي فيه.. مو كن سعود تأخر..!! نطت شوق اللي جوالها قدام عيونها : الا تأخر..!! حتى اكلم بابا ما يرد علي..!! ابو سعود : استغفر الله.. يا عمي سعود ماهو صغير عشان تحاتونة..؟! لا خلص شغلة ان شاء الله بـ يجي..!! ميار : بس كنه طول صدق..!! ابو سعود : و بعدين..؟! (قطع كلامة على صوت الجرس) مشعل قوم شوف الباب.. مشعل وقف : ان شاء الله.. خالد يناظر ولده : ليش ما تأكل..؟! البارح ما تعشيت.. ابراهيم : اكلت.. خالد : ويش اكلت..؟! ابراهيم : جبنة و خبز.. خالد : خلص الحليب حقكـ .. ابراهيم ابعد الكوب عنه : ما ابيه برد.. رند : سوف اسلبة بسلعة بسلعة و يخلص..!! انا حلصت حقتي..!! مشعل : يبه هذا غازي يقول انه يبيكـ ..!! نطت شوق قبل لا ابو سعود حتى يقوم : بابا.. ابو سعود وقف : وين..؟! اجلسي.. شوق : بس .. ابي اسألة..!! ابو سعود : ناوية تطلعين برا..؟! اجلسي انا اكلمة.. شوق كانت على وشكـ ترجع لـ صياحها من جديد : عمــي.. تكفى..!! ابو سعود طنشها و طلع.. و مشعل لحق ابوه.. ام سعود تناظر شوق المتحطمة : اجلسي يا بنتي.. ان شاء الله مو صاير الا الخير.. ياسر تنحنح : صباح الخير للجميع.. وليد ابتسم : تو الناس..!! صباح النور..!! ياسر جلس من غير لا يعلق على استهزاء وليد.. : اجل ابوي وينه..؟! احمد : مع غازي برا.. ياسر ناظر وليد يستفسر : عشان..؟! وليد : ما ادري..؟! ابو سعود : الحمدلله يعني بخير هي و عيالها.؟! غازي : الحمدلله كل شيء تمام.. الحين بـ اقولكـ شيء ثاني..!! ابو سعود : خير ان شاء الله.. غازي : خير .. امر المؤمن كله خير.. سعود تصاوب وهو بـ خير الحمدلله ما فيه الا العافية..!! ابو سعود فزع : تصاوب..!! غازي : قلت لكـ بـخير طلع من غرفة العمليات وهو بالإفاقة الحين.. ما فيه شيء الحمدلله و الإصابة ماهي بـ مكان خطير.. ابو سعود : وينه بـ أي مستشفى..؟! غازي : ابراهيم اذا انت قلقت كل اللي بالبيت بـ يخافون.. ابو سعود : غازي لا تمتحني.. قولي بأي مستشفى..؟! غازي تنهد : مستشفى ........... ابو سعود ناظر مشعل : معاكـ مفتاح سيارتكـ ..؟! مشعل : دف الباب : بـ اروح اجيبة بـسرعة..!! نط مشعل يجري و قفز بينهم وهم يناظرونة سحب مفتاح سيارتة.. ما حس غير بـ ام سعود واقفة بـ وجهة : سعود فيه بلا ..؟! صح..؟! مشعل توهق..!! سكت شوي بعدها نطق وهو يتنفس بـسرعة : لا.. بس ابوي عنده شغلة مع غازي بـ يخلصها الحين ضروري..!! وقفوا العيال كلهم..!! كان واضح جداً ان مشعل يكذب..!! مشعل تهرب و طلع حتى يلحقونة اخوانة كلهم..!! غازي ناظرهم طالعين .. ناظر مشعل مقهور : انت بخور السوق..؟! على طول صبيتها بأذانهم ما امداكـ ..؟! مشعل : ما قلت شيء.. بس اتوقع فهموا ما يحتاج شرح للموضوع..!! خالد : ويش القصة..؟! مين اللي فيه شيء سعود و الا خالتي منيره..؟! غازي كتف يدينة : سعود.. و رجاءاً انثبروا ببيتكم ابوكم يكفي هو يروح و يشوفة و يطمنكم عليه.. اصلاً بالإفاقة الحين يعني روحتكم مالها داعي..!! احمد : شلون..؟! لا يكون اصابتة خطيرة..؟! غازي : لا .. ماهي خطيرة الحمدلله.. بس تكفون انا تعبان ومالي خلق اجاريكم.. ما ينفع تتركون البيت كلكم..!! وليد : بـ نروح نشوفة.. لازم نتطمن عليه.. غازي : هلا هلا.. انت بـ ذات ما تعتب الباب.. و انت ادرى ليش.. ما يحتاج اعلمكـ .. وليد : ما يهمني شيء.. اللي يهمني اشوف سعود.. غازي : وليد لا تعاندني.. عارف خطورة الموضوع شلون.. ممكن يكونون يراقبون المستشفى.. وليد عقد حواجبة بـ حدة : ليش ما القيتوا القبض عليهم..؟! غازي : الا الحمدلله.. بس الرئيس برا للحين.. وليد : و الرئيس ما يعرفني و لا قد شافني.. غازي : مو بعيد يكون شايف لكـ صورة .. عدا رجالة ممكن يكونون يعرفونكـ .. كلهم ناظروا سيارة عساف اللي تدخل من البوابة.. ابو سعود : الله يستر..!! نزل عساف بـ هيبة رغم التعب من بعد عمليتين اصيب في اولها سعود.. و انفتح الباب اللي وراء حتى تنزل خادمة ومعاها بنت صغيرة.!.! عرفها وليد..!! شلون ما يعرفها..!!؟! عساف تقدم : امانتكـ خذها.. البنت كانت تبكي اول ما شافت ايمن المنذر صرخت..!! و اتجهت له لكن هو كان اسرع و نزل الدرج من الدرج ما يبيها تكون بـ نص المكان بينه و بين اخوانة و غازي عساف ..!! مهما كان اسمها زوجة حتى لو هي بزر : ايمــــن..!! ايمن فاشل ..!! فاشل في تهدئة الأطفال..!! كيف يراضيها الحين..!! شلون يعاملها..؟! شهقت وهي تبكي : هم اخذوني..!! بابا قالي خليكـ بالسيارة مع الحرس لين ارجع..!! بس ما جاء هذولي(آشرت على عساف) جوو اخذوني..!! انا خـــايفة..!! ويش يقول..!! من وين يبدأ ..؟! بأي طريقة يتعامل معاها..؟! ماهو عارف..؟! و اللي زاد الوضع سوء وجود اهلة وراه..!! وده يبكي من القهر..!! ابتلش..! ليته قالهم ودوها دار ايتام و لا عاش بـ هاللحظة..!! هو اللي قالهم يجيبونها وهو اللي يتحمل نتيجة اقوالة و افعالة..!! نزل لـ مستواها و تنحنح حس صوتة راح من صعوبة الموقف : احم احم.. ابوكـ مو قالكـ اني انا بـ احميكـ ..؟! هزت راسها بـ طفولة .. ماهو مصدق ان عمرها 12 ..!! يمكن الصقر يكذب عليه.. ايمن يكمل : خلاص بـ تجلسين هنا .. عشان ما احد يقرب منكـ و بتجلس معاكـ خدامة .. هزت راسها بـ لا.. : لا انا معاي المربية حقتي..!! بس انا خايفة..!! ايمن.. : ما فيه شيء يخوف.. و المربية حقتكـ بـ تسافر.. انا جبت لكـ وحده جديدة..!!(اكيد ما راح يثق بأي احد له علاقة بالصقر.. بـ يطلعها من هنا على المطار على طول و يسفرها.. ما راح يخليها تبقى معاها).. : بس انا ما اعرفها..!! ما اعرف احد.. ابي بابا..!! بس بابا..!! ايمن بـ حدة : ســـحر..!! اسمعي الكلام.. مراقبين الموقف ما احد فيهم قدر يعلق.!! بزر..!! وليد متزوج بزر..!! حتى مو عارف كيف يتعامل معاها..!! غازي ناظر في ابراهيم.. : هونها و تهون بس تنتهي القضية كل شيء يرجع مثل قبل و ازين..!! ابتسم ابراهيم بدون نفس : تضحكـ علي و الا على نفسكـ ..!! غازي رد الإبتسامة : الإثنين..!! ابراهيم يناظر وليد مع بنت الصقر : تدري انه ما راح يتركها..!! غازي : ابصم بالعشرة..!! ابراهيم : ابصم بالعشرين.. بـ اروح اشوف سعود وهو يتحمل مسؤولية اللي سواه.. خالد : بـ اروح معاكـ يبه.. عساف : عمي اجلها للعصر.. سعود الحين بالإفاقة و دايخ خله يرتاح و ان شاء الله تجيه العصر و يكون مصحصح.. ابو سعود : لا .. لا تحاول تقنعني لازم اشوفة الحين.. احمد : حتى انا بـ اروح.. مشعل : طبعاً انا ما يحتاج تنتظروني اقول رايح رايح ان شاء الله.. عساف : و ياسر و حاتم اكيد بعد بـ يروحون.. ما ينفع كذا كلكم تطلعون من البيت..!! ابو سعود ناظر عيالة : كلكم بـ تجلسون.. انا بـ اروح مع عساف..!! مشعل انقهر : يـــبه..!! ابو سعود : كلامي واضح يا مشعل.. يالله ادخلوا.. خلوا الناس تحل مشاكلها..!!(كان يقصد وليد).. وقف وليد ولف على ابوه : ويش تقصد يبه ..؟! ابو سعود نزل الدرج وناظر بنت الصقر : اسأل نفسكـ ..!! سحر سحبت كف ايمن مثل ماهي تعرفة : هذا ابوكـ ..!؟ مو ابوكـ مات..؟! كيف يكون عند ابو اثنين..؟! عساف نزل الدرج ومن غير لا يلتفت على وليد عينة على سيارتة : فعلاً مشاكلكـ يبي له حل سريع..!! وليد ناظر سحر : تعالي.. مشى متجة للملحق و معاه سحر و وراهم المربية.. احمد : شكله شايل هم..؟! ابو سعود لف على غازي : ياليت تتفاهم مع بنتكـ .. ام سعود تقول لا نامت و لا اكلت.. بـ تخليها لين العصر كذا..؟! غازي : بـ أخذها معي للبيت.. ابو سعود : اللي يريحكـ .. طلع ابو سعود مع عساف.. و غازي ناظر الشباب واقفين : ايش فيكم..؟! ياسر : ايش صار على خالتي و عيالها..؟! غازي يطلع جوالة عشان يدق على بنتة : طلعناهم الحمدلله بخير.. و حطيناهم بـ مكان أمن.. احمد : ومتى بـ ينتهي كل ذا..؟! غازي : قريب .. ان شاء الله قريب.. بس انتبهوا لـ وليد.. لا يتهور و يسوي أي شيء.. يمكن يروح لـ سعود و هالشيء ماهو بـ صالحة.. حاولوا تمنعونة.. اعرفة اخر همة مصلحة نفسة.. احمد : لا تشيل هم ان شاء الله ما راح يتهور.. غازي : السلام عليكم.. بخير يا بابا.. اطلعي انا انتظركـ برا ابيكـ تروحين معاي.. يا بابا انا استأذنت لكـ من سعود ما راح يزعل .. هو بس يخلص شغلة بـ يكلمكـ ..!! .. طيب لا تتأخرين.. فمان الله.. .. مقر العصابة.. يدور بالمكان مثل المجنون : شلون قدروا عليهم..؟! هذا و الصقر معاهم..؟! عمر : المشكلة اننا مراقبين المكان و عارفين كل شيء.؟! : غازي كان معاكـ البارح..؟! عمر : ايه ببيت عمي.. : كله من رجالة الكلاب.. كله منهم..!! و لا بعد مأخذ لي منيره ..!! ابي اعرف ويش اللي دراه عنها..!؟ عمر : مو يمكن تكون قايلة لـ عمي..؟! ناظر عمر مستغرب : قايلة له..؟! و ليش ما عطاها اللي تبيه و شرى حياتها..؟! عمر ابتسم : عمي ابراهيم ماهو غبي هالكثر.. بـ يقول لها بـ بساطة انه ما يثق فيكـ انكـ بتحرر عيالها.. و اتفق معاها عشان ترجع و تعرف اخر مكان استقروا فيه عيالة عشان عمي يساعدها.. يتنفس بـسرعة من قهرة : تجيه عليه.. ابراهيم كل شيء يجي عليه شيطان.. عليه مخ يوزن بلد..!! بس ما راح اخليها تمر كذا.. راح اذبحها هي و عيالها و ارسلهم هدايا لـ بيتة..!! عمر : انت تعرف ان هالموضوع كله ما يهمني .. اللي يهمني استرجع الفلوس اللي عند عمي لأبوي عشان كذا ابي انتهي من كل شيء بسرعة..!! : بـ ترجع انت للدوام .. و بـ تعرف لي كل الأخبار هناكـ .. ابي اعرف السجن اللي حطوا فيه رجالي.. و ابيكـ تكون مع عمكـ سمح و تعرف ويش اخبار منيره منه.. و وين حاطينها هي و عيالها.. عمر : تأمر .. بس يبي لها وقت.. تعرف اخبار الشغل يعني لو رجعت بكره يبي لي اقل شيء اسبوع عشان ما يحسون اني من قبل اعرف كل شيء.. : خذ راحتكـ اهم شيء بدون اخطاء يكفي الصقر و باقي الرجال بالسجن ما ابيكـ انت بعد تدخلة.. عاد انت عقوبتكـ غير.. بـ تكون اضعاف مضاعفة بما انكـ عسكري.. عمر : و لا يهمكـ اقدر اوصل للي ابيه من غير لا يحسون.. ما راح يشكون فيني و اولهم عيال عماني.. : حلوو .. اجل عساكـ ع القوة.. عمر وقف : الله يقويكـ .. انا بـ اروح البيت.. تأمر على شيء..؟! : سلامتكـ .. عمر : الله يسلمكـ ..!! .. بيت غازي..!! وسط صدمة امال و بناتها و ندى من القصة اللي يقولها غازي.. و حقيقة اختفاء لينا كل الفترة اللي فاتت..!! امال عاقدة حواجبها : ماني مصدقة..!؟ بنتي مخطوفة كل هالوقت و انا ما ادري..؟! غازي بـ هدوء : معرفتكـ ما راح تغير بالموضوع شيء.. هذا هي رجعت الحمدلله..!! لينا : ماما خلاص.. و الله انا فرحت اللي بابا ما قالكم ما ابيكـ تخافين علي.. انا بخير و الله.. ريما تناظر ابوها منقهرة : و انت متى عرفت انها انخطفت و كل القصة اللي قالتها لكـ من قبل كذب..؟! غازي : يمكن بعد اللي صار بإسبوعين..!! ريما : و لما كنت اقولكـ ان لينا ما تسويها ما كنت تصدقني..!! غازي ناظرها : بابا انا قلت لكـ ادري اني ظلمتها و ظلمتكـ .. بـ ترجعين تزعلين مني..؟! ما راح تكمليني..؟! .. ريما : بس انت ما قلت لنا..! اصلاً كذبت علينا قلت انكـ زوجتها و كلمت القصة على كيفكـ .. انا كنت اخاف اجيب طاريها قدامكـ اخاف من ردة فعلكـ للموضوع.. رغم انها توأمي يعني .!! تقاسمني كل شيء.. بس ما قدرت اقولكـ .!! ما قدرت حتى اعبر عن اللي بداخلي..!! لينا : ريمــا خلاص.. بابا ما كان عنده حل ثاني.. لازم يكذب عليكم عشان ما تخافون علي..!! ريما وقفت : ما نخاف..!؟ تضحكين على نفسكـ و الا علينا..؟! حتى ماما قد حاولت فيه انه يكلم زوجكـ اللي ما ادري من وين اخترعتوا السالفة و يجيبكـ لنا.. حاولت فيه يرضى عليكـ .. و احنا متضايقين عشانكـ .. لينا : يعني انا اللي كنت مبسوطة..!.؟ اذا انتِ كنتِ بأمان .. انا كنت وسط عصابة..!! اذا انتِ عندكـ ماما و بابا و شوق و همس و عمي وجدتي انا ما عندي احد اعرفة.. ما عندي.. غازي : ريما اهدي .. اجلسي خلينا نحل الموضوع بـ هدوء.. ريما : انت طلعتنا من كل شيء.. كل حياتنا انت تتحكم فيها.. تعيشنا على الشيء اللي انت تبيه.. تخبي علينا اشياء المفروض احنا اول من يدري بها.. لينا : لا تخلطين المواضيع بـ بعض.. ويش كنتِ تبين بابا يقولكم..؟! ندى : لينا معاها حق.. ابوكـ ما خبّى الموضوع عنكم الا من خوفة عليكم.. لو بـ تدرون ان اختكم بـين عصابة هالشيء يمكن يحرمكم النوم.. احنا جربنا هالإحساس لما انخطفت وعد..!! و الله صعب.. الواحد ما وده عدوة يحس فيه كيف بـ حبيبة..!! ابوكـ كان يحميكم من احساس القهر ما وده تحسون فيه..!! مو بس قهر بـ يكون خوف و عجز و غبنة..!! جلست ريما بـ هدوء.. اقتنعت..!! ندى جربت هالإحساس ..!! كيف يكون لكـ اخت مخطوفة..!! شوق : ماما فيكـ شيء ..!! امال : لا .. بس ماني قادرة استوعب كل شيء صار للحين..!! غازي : لا تفكرين فيه.. هاذي لينا عندكـ و هذا هو المهم..!! لينا باست راسها : ماما آسفة و الله.. ما كان بيدي.. اجبروني اقولكم هالحكي.. و اشككم فيني..!! ماما لا تزعلين مني و الله انا احبكـ ..!! حضنتها امال : ماني زعلانة يا ماما بس خايفة عليكـ ..!! لينا : ما فيني شيء دامني عندكم انا بخير ما اشكي باس.. امال رفعت راسها : ايش سوو لكـ ..؟! لينا : و لا شيء.. و الله ما قدروا.. عمر حماني منهم.. و الله يا ماما حتى من بعد ما حبسني بالجناح ما شفت و لا واحد فيهم..! امال : الحمدلله.. حتى لو انه راعي شر الله يجزاة بالخير على اللي سواه معاكـ ..!! لينا ابتسمت عمر راعي شر..!! لايق ..!! صدق لايق عليه بس شهم.. وقفتة معاها كل الفترة اللي فاتت ما يسويها الا رجال من ظهر رجال.. امال ناظرت غازي : ويش بـ تسوي الحين..؟! بـ تخلية متزوجها..؟! صح هو ما قصر بس بعد ما يرضينا بنتنا تأخذ مجرم..!! نطت لينا مفزوعة قبل لا ابوها يرد : لا .. عمر مو مجرم ماما .. و الله .. مو مجرم..!! غازي : لينا .... (يحك دقنة و ناظرها بـ تمعن) صار شيء بينكـ و بينه..؟! انصدمت..!! اخر سؤال توقعت انه يتوجه لها هذا..!! ومن ابوها..!! الصدمة تصير ثنتين..!! حست انها توقفت حتى عن التنفس..!! بلعت ريقها حست انه ناشف : كـ كـ يف يعني..!؟ غازي ما فاتة تغيرها حتى نبرة صوتها تغيرت.. ما كان هو الوحيد اللي ينتظر الإجابة .. امال حاطة يدها على قلبها : ما اتوقع انكـ بزر مو فاهمة شيء.. سؤالي واضح..!! هزت راسها : لا.. لا بس كان يحميني..!! امال تنهدت بـ راحة : الحمدلله .. طاح قلبي..!! وقف غازي : انا بـ اروح ارتاح.. شوق وقفت : و سَعُود..!! غازي : ايش فيه..؟! شوق تترجاه : كلم احد معاه.. بابا اكيد تعرف مين معاه بالعملية الله يخليكـ .. غازي : اكلم احد معاه ويش اقولة..؟! بالله طمني على زوج بنتي ماهي راضية تنام..!؟ شوق : لا ..بس..!! غازي : لا بس و لا شيء.. اصلاً بالعمليات ما يروحون بالجوالات.. انتِ نامي و ارتاحي.. شوق : شلون..؟! طيب هو ما يدري اني طلعت من البيت..؟! غازي : انا قلت لأبوه اني بـأخذكـ معاي.. وهو موافق اذا رجع سعود البيت بـ يقولون له اني اخذتكـ .. جلست شوق قلقانة..!! و وقفت ريما قبل لا يطلع : بابا زعلت..؟! غازي : ايش رايكـ ..؟! ريما تقدمت منه و باست راسة و كتفة : آسفة..!! غازي : لا عاد تطرين لي هالموضوع ممكن..؟! اعتقد تصالحنا يعني المفروض ننسى.؟! و الا انتِ للحين بـ قلبكـ شيء علي..؟! ريما : لا والله .. بس انا خفت على لينا.. غازي : خلاص بابا انتهى هالموضوع.. افتحي كتابكـ و ذاكري.. ريما : طيب.. آسفة لا تزعل!! غازي قرص خدها : ماني زعلان.. بس ابي اريح تعبان.. طلعت غازي .. و كل وحده تفكر بـ همها.. لينا بـ عمر و الحمل و سؤال ابوها..؟! و شوق تفكيرها محصور بـ سعود و ويش ممكن يصير له و الشيطان ما يوسوس لها الا بالأشياء الشينة.. اما ريما على اساس عندها اختبارات بس مطنشة و كأن الموضوع ما يعنيها.. وقفت ندى : عن اذنكم.. امال : اذنكـ معاكـ .. ريما تناظرهم بعد ما طلعت ندى : و الحين..؟! امال : وشو..؟! ريما : ما تلاحظين بناتكـ سرحانات..؟! امال : ما تلاحظين انكـ مهملة دروسكـ .. ترى بـ اعلم ابوكـ .. ريما : ماما بليـــز انا مو بيبي تهدديني في بابا .. كبـــرت و الله.. امال : عاد ياليتة باين هالكبر.. لينا حضنت امها : ابي انام عندكـ تكفين..!! امال باست خدها : اكيد بـ تنامين عندي.. الله يحفظكـ .. ريما وقفت : طبعاً ما احد معطيني وجه لازم انخطف عشان اعرف اذا انا غالية و الا وقتها يمكن احد يزعل عشاني و يدور علي و يدعي لي بعد..!! امال : انت ما تعرفين تستحين على وجهكـ ذا حكي ينقال..؟! ريما : اوكِ با استحي بـ تعلمين بابا علي اوكِ بـ انحاش قبل لا ينزل غازي.. جناح ندى.. غازي حاط ذراعة على عيونة : ما توقعت تقنعين ريما بـ سهولة.. او يمكن توقعت ردة فعلها تكون غير.. ندى جالسة : بصراحة توقعتها تكسحني.. بس بنتكـ متغيرة متقبلتني شوي اهون من قبل.. غازي : نامي عندي شغل العصر.. ندى : طيب قبل ما انام.. بـ اقولكـ شيء.. غازي رفع ذراعة و ناظرها : اذا عشان موضوع لينا اجليه.. مالي خلق اتناقش بـ هالموضوع يكفي متعبني سبع شهور.. ابي انام نومة مرتاح فيها.. ندى : لا مو عشان هالموضوع.. تدري خلاص بـ وقت ثاني.. لف غازي على جنبة الأيمن : قولي اسمعكـ .. ندى : لا .. احسن وقت ثاني..؟! غازي : ندى قولي اللي عندكـ ما راح انام اذا ما عرفتة.. ندى : طيب..!! امممم.. غازي جلس لما حس انها مطولة : ايه و بعدين..؟! ندى ناظرت السرير : انا.. امممم .. غازي : وشووو اللي امممم..؟! قولي اللي عندكـ .. ندى : طيب اصبر.. مو تعصب علي كذا..؟! غازي بـ حدة خفيفة : ما عصبت بس ويش اللي اممممم .. مو انتِ عارفة ويش بـ تقولين.. يالله احكي اسمعكـ ..!! ندى : انا .. غازي : طيب انا اعرف هالنقطة انتِ .. وبعدها ويش..؟! ندى تأزمت : شفت واضح انكـ مو فايق خلاص خله لين تفوق.. غازي : ندى لا تستفزيني.. قولي اللي عندكـ .. ندى : انا .......حـ امل..!! ناظرها شوي بعدها ابتسم : تقولينة صادقة..؟! متأكدة و الا شاكة بس..؟! ندى من غير لا تناظرة : متأكدة..!! غازي وقف .. و سجد شكر رابع خبر يتلقاه يسعدة.. لينا و رجعتها .. القاء القبض على العصابة.. سلامة سعود.. حمل ندى..!! وقف ولف لها مبتسم : الحمدلله يارب.. كنتِ ناوية تأجلين بعد.. شايفتني محتاج شيء يونسني كنتِ تقولين لي تخليني انبسط.. جلس : شلون تأكدتي..؟! ندى : رحت مع امي و حللت.. من فترة..!! غازي عقد حواجبة : من فترة..!! يعني لكـ فترة عارفة وما قلتِ لي..؟! ندى : ما جات فرصة..!! غازي : بمشيها ندى عشاني مروق .. بس شيئين حطيهم بـ راسكـ عدل.. اولاً ما احب احد يخبي علي شيء و عذرة ما لقى فرصة انا ارجع البيت كل يوم ماني مبيت بالشغل.. ثاني شيء لا تطلعين مع أي احد من غير لا تستأذنين مني.. ما اذكر انكـ كلمتيني بـ تروحين مع امكـ لأي مكان.. ندى استغربت..!! توه كان مروق و الحين يحذر : انا ما غلطت رحت مع امي و اللي ودانا حاتم ما رحت مع السواق لحالي.. و بعدين صدق ما جات فرصة لو لقيت وقت اقولكـ كنت بـ اعلمكـ بس ما لقيت يمكن صار للموضوع اربع او خمس ايام يعني مو مدة طويلة..!! غازي : لا تقولين ما غلطتي ..!! طلعتي من غير شوري.. حتى لو مع امكـ و اخوكـ انا المسؤول عنكـ مو اخوكـ .. و هالشيء انا المفروض اروح معاكـ .. مو امكـ و لا اخوكـ .. ندى : غازي ايش فيكـ انت تبي تهاوش معاي..؟! غازي : لا و الله انا اللي بـ اتهاوش..!؟ انتِ ما انتِ شايفة نفسكـ غلطتي..؟! ندى : لو رحت مع السواق لحالي من غير لا اقولكـ اوكِ يحق لكـ تزعل و تهاوشني و تدق راسي.. بس انا طلعت مع امي و اللي ودانا حاتم.. انت وقتها اصلاً ما كنت فاضي مشغول بـ خطف بنت عماد و طلعت حتى بنتكـ مخطوفة يعني ما كنت فاضي لي اصلاً.. غازي : جربتي تكلميني و تقولين لي ابي اروح لـ دكتورة و قلت لكـ لا.؟! سكتت ندى..!! غازي : ليش ما تردين .. قد قايلكـ انا ما احب احد يسفهني او يرد علي بإيماءات .. قلتي لي و قلت لكـ ماني فاضي..!؟ ندى : لا.. غازي : يعني انا ما اهاوش من فراغ.. انتِ غلطتِ وما تبين تعترفين بـ غلطكـ .. ندى : طيب انا آسفة حقكـ علي ما عاد تتكرر.. لو بـ اموت من الوجع ما راح اقول لأحد غيركـ كذا تمام..؟! يدري انها زعلت بس هي غلطانة وماهي معترفة بعد : أي تمام.. .. العصر.. المستشفى.. عزام : احمد ربك نايمين عندكـ من الفجر.. سعود : يوووه الناس اللي تسوي الجميل و تمن فيه.. خلاص سفرق اجل لا تقعد عندي.. عزام : بـ اقعد لين اشوف احد من اخوانكـ جاء و اروح ما ابي اشوف شكلكـ شهر قدام.. سعود : هذولي الشباب موجودين ما يحتاج تقعد..!! عزام ابتسم يستهزء : ما اثق فيهم .!! عماد استغرب : نعــم..!! عزام : البارح قدام عيونكم يروح يسكر البوابة ما احد منعة و اخر شيء طول الوقت نأكل تهزيء من الفريق جابر.. نايف : و الله صدق شرشحنـــا .. حسيت اني ادرس بالمتوسط و اتهزئ بالطوابير..!! اندق الباب .. سعود : تفضل.. دخل مبتسم : السلام عليكم.. انصدموا عساف و سعود بـ وجوده..!! متى رجع..؟! عساف وقف : عمـــر..!! عمر يحضن عساف و يضحكـ : ليش يعني لـ هالدرجة نسيتني عشان تشككــ..؟! عساف ابتعد عنه : سلامة الأسفار متى رجعت..؟! عمر : اليوم الفجر.. (تقدم لـ سعود و سلم عليه) سلامــات ما تشوف شر ان شاء الله.. سعود : الله يسلمكـ .. ما بغيت ترجع اشتقنا لكـ مكانكـ مفقود.. عمر : ما تفقد غالي.. (اتجه عمر لـ الشباب و سلم عليهم بـ هدوء ما له علاقة فيهم من قبل لكنه يعرفهم الحين من الرئيس و حكيهم و صورهم اللي دايم يشوفها).. نايف يناظر عساف : ماشاء الله هذا اخوكـ ..؟! عساف : تقريباً.. ولد عمي سعد.. سعود : بعد ما تعرف نسل عيلتنا و بـ تأخذ عمتنا .. ما فيه بكره بـ نسوي لكـ مقابلة..!! نايف : هههههههههه مملكـ يعني وشو تبيني اطلقها.؟! حامض على بوزكـ .. عمر جلس على السرير : عمتنا..؟! مين..؟! عساف : يووه هاذي سوالف طويلة يبي لها سهرة.. اليوم ان شاء الله.. عمر : اوكِ ما عندي مانع.. متى ما حبيت.. الطق الخفيف على الباب قاطعهم.. دخل ابراهيم الصغير و وراه جده و ابوه و غازي.. سعود : هلا بـ ذيبان..!! سلم ابراهيم على عمة : سلامتكـ .. سعود : الله يسلمكـ .. سلم بعدها ابو سعود و غازي و خالد.. لكن الثلاثة ما سلموا على عمر.. و استغرب سعود.. سعود : غريبة امداكـ تشوفهم عشان تسلم عليهم.؟! عمر مستند بـ هدوء على السرير و عيونة تدور في المكان : افااا عليكـ .. قابلتهم كلهم.. عساف مستغرب من عمر : ايش فيكـ ..؟! عمر : و لا شيء.. (ناظر ابراهيم) هذا ولد مين..؟! خالد : لـ هالدرجة ماهو مبين مين ابوه..؟! عمر : انا رحت قبل سنة وما اخبر احد فيكم تزوج.. الا ان كان عمي بندر متزوج برا و راجع بـ مره هذا شيء ثاني.. تجي عليه..!! ابو سعود : هذا الحكي قبل سنة الحين ماشاء الله عندنا اربع متزوجين.. بدو يتلحلحون..!! عمر : ماشاء الله.. اللي اعرفة سعيدان..!! مين بعد..؟! خالد : و ياسر و فيصل و بندر.. عمر ابتسم : يعني صدق ولد عمي بندر..؟! خالد : لا.. ولدي.. عمر ميل راسة : نعم..؟!!! خالد : ولدي.. ما تشوفة جميل مثلي..؟! عمر : و انت متى تزوجت عشان يجيكـ ولد هالكبر ماشاء الله..؟! ابو سعود : تزوج برا من غير لا احد يعرف غير حميدان اللي يدسدس بلاويهم.. عمر يناظر خالد رفع حواجبة : من جدكـ .؟! متزوج يوم كنت رايح ابتعاث ومن غير لا تقول لأحد..؟! ليش ويش اللي حدكـ ..؟! خالد : عمر رجاءاً هالموضوع صار له فترة طويلة بـ تهاوش الحين.. عمر : لا يا شيخ..؟! على كيفكـ تغلط و تبي الكل يسكت عنكـ ..؟! خالد : اللي صار صار و انتهى الموضوع..!! لا تجلس تعيد بـ شيء انتهى..!! عمر منقهر من خالد : ما اشوفة انتهى و انت بحضنكـ ولد..!! ابراهيم : ابوي صادق.. جدي خلاص سامحة.. و الموضوع انتهى..!! عمر استغرب من الرد : انت كم عمركـ .!؟! ابراهيم : تسعة سنوات.. عمر هز راسة ما يبي يتهاوش مع خالد قدام ولده مبين انه فاهم : طيب..!! طيب..!! غازي يناظر رجالة : ما رحتوا بيوتكم و نمتوا..؟! عماد : ما رحنا بيوتنا بس كلنا نمنا هنا على الأرض .. نومة يحبها قلبكـ ..!! غازي : هههههههههه اللهم لا شماتة طيب كلكم مو مشكلة.. (آشر على عزام) انت ما رحت بيتكـ تشوف ولدكـ ..؟! عزام : لا ..!! شفتهم بينامون كلهم و تكاسلت و نمت معاهم و الناس ماهي مقدرة تضحيتي عشانهم..!! سعود : لا تقول انا ماني مقدر انت اللي تمن علينا بـ هالنومة.. انا قلت لكم ارجعوا بيوتكم ما يحتاج احد فيكم ينام و انتم عاندتوا...!! عمر انتبة لـ كاميرا مثبتة على الجدار التفت على سعود : متى بـ تطلع..؟! سعود : كلمت احمد يقول لـ الدكتور يطلعني و للحين ما رجع.. عمر وقف : اهــا.. طيب ما تشوف شر ان شاء الله.. سعود : وين تو الناس..؟! عمر : عندي شغلة بـ اقضيها.. تأمر على شيء..؟! سعود : سلامتكـ بس عاد لا تقطع.. !! عمر : ان شاء الله.. (ناظر عساف حتى يلحقة) يالله نسلم عليكم..!! : مع السلامة.. طلع عمر و طلع وراه عساف على طول.. عساف : ايش فيكـ ..؟! عمر : طلع سعود من الغرفة فيها كاميرا.. عساف استغرب : وشو..؟! عمر : اللي سمعتة.. طلعة من الغرفة و أي شيء قلتوه فيها غيروه من غير لا احد يحس بـ شيء.. عساف : الحين بـ اروح اطلب تغيير الغرفة.. عمر يناظر اخر الممر و شاف شخصين يتكلمون واضح انهم يراقبون بس مين..؟! غرفة سعود و الا هو..؟! : لا .. بـ تقابل احمد و تخليه يكلم الدكتور يكتب له خروج حتى لو رفض طلعوه على مسؤوليتكم.. اهم شيء ما يقعد هنا.. عساف انتبة لـ نظرات عمر : ايش فيكـ ..؟! عمر : لا تلتفت.. فيه احد يراقب.. عساف : يراقبنا..؟! عمر : ايه.. انا رايح ممكن يكونون يراقبوني لا تبين لهم انكـ انتبهت ممكن ما يكونون من العصابة.. وسوو اللي قلت لكـ عليه الحين.. مشى عمر حتى يستغرب عساف..!! عمر ويش عرفة عن العصابة..!! كيف وهو راجع اليوم..؟! مستحيل يعرف عن القضية..؟! ظل واقف لين شاف اثنين تخطوة لاحقين عمر.. دخل بسرعة و سحب سلاحة و جوالة و مفاتيح سيارتة.. همس بإذن رئيسة : فيه كاميرا بالغرفة طلعوا سعود من المستشفى على البيت.. على اساس الدكتور مسوي له خروج لا تسوون شوشرة و كأننا انتبهنا للكاميرا.. غازي مسكة : لحظة وين وين رايح..!؟ عساف : فيه اثنين يلحقون عمر.. بروح الحقهم..!! طلع عساف بسرعة .. ابو سعود : وين رايح..؟! غازي وقف : عنده شغل.. (لف على سعود) تجهز الدكتور كتب لكـ خروج.. بـ اروح اسوي الأوراق.. خالد : ارتاح انا اسويها..؟! غازي ابتسم : ما يهمكـ ماهي مأخذة من وقتي.. انا بـ اسوي الأوراق و بـ اطلع البيت عشان بـ ودي بنتي لـ بيت ابو سعود .. اقابلكم هناكـ ..!! كان واضح فيه ان بالموضوع..!! كانوا يناظرون بعض ما احد فيهم تكلم..!! فيه شيء غريب..!! غازي قابل احمد : هاه كتب له الدكتور خروج..؟! احمد : لا.. لازم نتطمن عليه لين بكره.. و بعدها يصير خير.. غازي : لازم يطلع اليوم و الحين بعد.. بـ اروح اطلعة على مسؤوليتي.. احمد : ما يصير يا ابو شوق.. الدكتور ادرى بـ حالتة.. غازي : انا ادرى باللي ما يدري فيه الدكتور.. غازي مشى و لحقة احمد يبي يقنعة يخلي سعود لين بكره على الأقل.. .. عمر بـ سيارتة و يشوف سيارتين تلحقة وحده فيها الرجالين اللي يراقبونة و الثانية لـ عساف..!! زاد بـ سرعتة و عكس الطريق اخذ طريق الرجعة تفاجأ بالسيارة اللي فيها الرجالين تطلع من فوق الرصيف و توقف بـ وجهة..!! نزلوا من السيارة و نزل هو و مجهز سلاحة بيدة اليسار داخل جيبة.. : عمر بن سعد..؟! عمر يشوف عساف داخل سيارتة يراقب الموقف : ايه مين انتم..؟! الرجال الأول : نبيكـ بـ موضوع..!! عمر : مو قبل ما اعرف انتم مين..؟! الرجال الثاني : بـ تعرف اذا جيت معانا..!! عمر : حتى البزارين ما يمشون مع ناس اغراب..(خرج سلاحة و مده عليهم) اعطيني هويتكـ انت و اياه.. ابتسم الرجال الأول : لا ما ينفع كذا.. (سحب سلاحة) اثنين ضد واحد..!! عمر : اعطيني هويتكـ قبل لا اطلق على واحد فيكم..؟! الرجال الثاني : انت مو فاهم.. احنا نبيكـ بـ خدمة..!! عمر : اعطيني هويتكـ قبل لا تطلب خدمات.. خرج الرجال الثاني بطاقتة اللي توضح مركزة و شغلة : ارتحت..؟! عمر نزل سلاحة .. مستغرب :fbi ..؟! الرجال اول نزل سلاحة بعد ما عمر نزل سلاحة : ايه.. و نحتاجكـ بـ خدمة..!! عمر : كان صعب تقولون لي مين انتم من غير لا تلاحقوني..!؟ الرجال الثاني : لنا فترة ندور عليكـ وما لقيناكـ بـ سهولة..!! عمر : طيب.. وين تبونا نحكي..؟! الرجال الأول : فيه محل كوفي قريب من هنا.. بس صرف ولد عمكـ ..!! عمر ابتسم : طيب.. اتجه لـ سيارة عساف .. نزل عساف القزاز وهو يشوف عمر متجه له : ايش القصة..؟! عمر : ما فيه قصة و لا شيء.. تقدر تروح.. عساف : تستهبل علي..؟! مين هذولي..؟! عمر : رجال اعرفهم .. انت روح و بـ نتقابل بالليل ان شاء الله.. عساف : و انت ناوي تروح معاهم..؟! عمر : عساف عندي شغل.. الله يرضى عليكـ عندي من الشغل ما يكفيني.. ماله داعي تقلق علي.. انا بـ اخلص شغلي معاهم و بعدها بـ اكلمكـ اوكِ..؟! عساف : ماني مرتاح..!! عمر : عساف ماني بزر.. اعرف احل مشاكلي.. عساف : شفت يعني بينكـ و بينهم مشكلة..!! هم اثنين و انت واحد..!! عمر : و بـــعدين..؟! اذا جاء العشا و انا ما جيت او دقيت علي و لا رديت او جوالي مقفل تصرف باللي تبيه.. تمام كذا..؟! عساف : ماشي يا عمر.. بعد صلاة العشا القاكـ بـ بيت عمي ابراهيم لو ما جيت بـ اقلب عليكـ المدينة بـيت بيت فاهم..؟! عمر اعتدل بـ وقفتة بعد ما كان مستند على سيارة عساف : ايه فاهم.. الحين حركـ يالله..!! .. بيت عامر.. العصر.. : وين كنتِ من الصبح للحين..؟! تفاجأت بـ ناصر واقف بـ وجهها و ينشدها : نعــم ..!! و انت ويش دخلكـ ..؟! ناصر : اقسم بالله ان ما قريتي الحين و اعترفتي وين كنتِ لا تطلعين من هالبيت و لا عاد لكـ رجعة..!! البتول عصبت : ما يخصكـ انت مو زوجي .. روح استعرض شخصيتكـ عند زوجتكـ .. ما لكـ دخل فيني.. ناصر : شوفي انا سكت عنكـ واجد.. و الله يا البتول اني ما راح اسكت زود.. بس يجي عماد بـ تشوفين شيء عمركـ ما شفتية.. البتول : وينه يا حظي تلقاه طايح بـ بيت ابراهيم ما يندرى لو انه مرجع الحية من زمان.. ناصر : كان زين.. على الأقل ما تطلع من الصبح لليل ما احد يدري وين كانت.. البتول : ما اسمح لكـ تشككـ بأخلاقي .. لم لسانكـ عني و الا اقسم بالله بـ اشكيكـ عندي عمي عامر.. ناصر : روحي تلقينة بـ مكتبة و لا تنسين تخبرينة انكـ من الصبح طالعة.. طنشتة البتول و طلعت.. ام ناصر : ويش بلاكـ عليها..؟! ناصر : يمه .. يمه الله يرضى عليكـ لا تسمعينها الحكي.. انتِ شايفة انها غلطانة .. مستغلة غياب عماد هايتة من وراه.. شوفي لبسها شوفي حكيها و لا شيء يدل انها تربت.. ام ناصر : خلاص مالكـ دخل فيها .. زوجها يعرف يهجدها لا تحشر نفسكـ بالمشاكل.. ناصر : عماد يعرف يهجدها بس هي من وراه وجه و من قدامة وجه.. و انا ما حشرت نفسي .. الناس بـ تنقد فينا كلنا .. ماهم قايلين ان هاذي مرت عماد و البلى بأهلها.. ام ناصر : تكفى يا ابوي الله يخليكـ لي .. انا بـ اكلم اخوكـ خلاص بس لا تحط دوبكـ من دوبها.. عبدالله مستند على الباب كان ساكت يسمع الحوار كله : لا يا خالة احنا بـ نكلمة.. خليها بينا و بينه.. .. بيت ابراهيم.. بعد العشا.. ام ناصر : بسم الله عليها.. ويش فيها يا وعد ما توكلينها.. البنية ما كبرت..!! عهود جالسة جنب خالتها اللي حاطة بنت عماد بـ حضنها من يوم جات : يمكن مجوعينها حرام عليكم ويـــه يا جعلني فدا لـ ذا الخشة..!! ام عبدالرحمن : طالعة على اميتها.. هنادي ابتسمت : يقولة بندر كنكـ تشوفين وعد وهي صغيرة نسخة منها.. وعد : عاد انا ما احسها تشبهني..!! احط خشتها جنب خشتي بالمراية ما احسها مثلي..؟! انهار : يمكن و انتِ صغيرة مالكـ صور و انتِ صغيرة..؟! وعد : ما ادري اذا فيه صور اكيد عند بابا..!! يبي لي اسألة.. : السلام عليكم.. وقفوا كلهم يسلمون .. : وعليكم السلام.. امال و ندى و همس.. ام عبدالرحمن : حياكم الله.. امال : الله يحييكـ يا خالة.. كيف حالكم..؟! ام عبدالرحمن : بخير يا وليدي الحمدلله ما نشكي باس.. انتِ ويش حالكـ ويش حال بناتكـ ..!؟ امال : بخير جعلكـ بخير يارب.. ام سعود : اجل شوق ما جات معاكم..؟! امال : الا جات و طلعت فوق.. قلقانة على سعود.. ام سعود : سعود بالمجلس.. ندى : جاء..؟! ليش ما كلمها طيب البنت ما نامت حتى..؟! ام سعود : متصاوب يا عوينتي.. شلع قلبي و يوم قلت له يروح مع واحد من اخوانة يجيب زوجتة قالي ان ابوها بـ يجيبها.. امال : عسى ما هي كايدة..!؟ ام سعود : الحمدلله.. ماهي بالحيل.. امال : الحمدلله على سلامتة.. ام سعود : الله يسلمكـ يارب.. (وقفت) انا بـ اقوم اشوفها و اطمنها.. نهى تكلم وعد : بسم الله عليه اخوكـ البنت من البارح ما نامت تنتظرة وهو جالس لي مع الرجال ..؟!! وعد : يمكن متوقع ان ابوها يعلمها مو ما تدري.. و اكيد اذا شاف ابوها دخل بـ يجي ينشد عنها.. ترى سعود حنين بس ما يبين..!! نهى : صح مره حنين..!! وعد : طافكـ اللي سووه ياسر و صبا الصباح اجل.. نهى : ليش ويش سوو..؟! وعد : يعني موقف كذا كان بايخ واضح ان بينهم تتش..!! نهى : تتش بس..!! ضحكتيني..!! اتحدى اذا اخوكـ الجلف تأقلم مع دلع صبا..!! وعد : ما ادري و الله اربع شهور و للحين ما تأقلم..؟! كان اقل شيء سمعنا اصواتهم يتهاوشون..؟! نهى : ياربي عاد ما توقع تطوف عليكـ يالهبلة..!! تلقينه مهددها عاد هي جبانة بس تشوفة ترتجف..!! مريم لفت على بناتها : خير على ويش المهامس..؟! وعد ابتسمت : ابد و لا شيء.. : يمــــه.. وعــــد..!! وعد وقفت : هذا سعود.. مريم : قولي له بـ اسلم عليه.. وعد : طيب .. (طلعت برا حتى تشوف الباب اللي يفصل المجلس و المقلط مردود.. قربت منه و وقفت وراه عشان ما تكشف على المجلس لو الباب مفتوح) هلا سعود.. سعود : وعد وين شوق..؟! وعد : فوق بـ جناحكم.. انتظر ماما بـ تسلم عليكـ و اطلع لها شكلها البنت تعبانة بسبتكـ ..!! سعود فتح الباب شوي : تعبانة..!؟ ليش ويش فيها..؟! وعد : من البارح شالع قلبها يقولون حتى نوم ما نامت حرام عليكـ كنت اتصلت عليها لما طلعت من العملية و قلت لها انكـ بخير و بـ تأخر بس.. مو تتركها لين الحين ما تنشد عنها..؟! سعود : و مين قالكـ اني ما نشدت عنها..!؟ شوفي لي الدرب بس.. مريم طلعت : وعد.. وعد : تعالي ماما ما فيه احد حولكـ .. طلعت مريم و بعدها امال اللي سكرت باب الغرفة وراها.. سلموا الثنتين على سعود و تحمدوا له بالسلامة.. سعود : الله يسلمكـ يا خالة.. مريم : لا تختبر غلاكـ عندنا عاد.. سعود ابتسم : الله يخليكـ .. اعذروني بـ اطلع اشوف شوق.. امال : البنات فوق مع جود ريما و لينا.. وعد : انا بـ اشوفهم بـ اقولهم ما ينزلون الدور الثاني.. طلع سعود و قدامة وعد و مريم و امال رجعوا الغرفة مع باقي الحريم.. سعود قابل امه طالعة من جناحة.. : زين جيت يا ابوي من قلت لها انكـ تصاوبت و هي تبكي ما قدرت عليها..؟! دخل سعود و وراه ام سعود و وعد.. انصدم لما شافها تشاهق و كأنها تحاول تتنفس..وجهها قالب على اسود من ضيق تنفسها.. نط عندها و مسكها بـ يده اليمين لأن اليسار معلقة بـ رقبتة بسبب الإصابة : شـــوق..!! جلس جنبها و هي بس شافت يده مثبتة غطت عيونها و تكمل صياح من البارح وهي تنتظر اخر شيء يطلع متصاوب و هي ما تدري..!! سعود : بسم الله عليكـ اهدي.. خلاص.. انا بـخير لا تخوفيني عليكـ ..!! طلعت ام سعود و وعد عشان يأخذون راحتهم.. سحب يدها من وجهها واضح انها مرهقة : شوق ليش تسوين كذا.. و الله تتعبيني.. بـ تخليني احس بـ تأنيب الضمير.. شوق : من البارح.. انت متصاوب و انا ما ادري.. كل ما قلت لأحد ما يعطيني وجه.. حتى لما جاء بابا الصباح عمي ابراهيم ما خلاني اشوفة.. اكيد بابا مبلغة و انا ما دريت.. ما احد قالي شيء كلهم ما يبوني اعرف..!! ما قدرت انام و انا ما تطمنت عليكـ .. سعود : آسف اللي اقلقتكـ .. و لا يهمكـ بـ اهاوشهم كلهم.. بس روقي.. شوق يدها على فمها وهي تشوفة بس الرباط اللي معلقة يده ما تدري وين الجرح لأنه لابس ثوب و الكن مغطي اليد كاملة : كيف .. كيف تصاوبت..!؟ سعود : بالشغل .. بس الحمدلله طلعت بـ فايدة و نجحنا بالعملية.. شوق : ما نبي هالشغل خلاص اللي يخليكـ اشتغل أي شيء ثاني..!! سعود مقرر ما عاد يقولها ان عنده عملية ابداً مثل ما كان يسوي غازي وما يعلم اهلة : انا احب شغلي.. بس اوعدكـ بـ احاسب اكثر عشانكـ .. شوق : لا الله يخليكـ و الله ما قدرت انام من البارح ما قدرت.. كيف لو بتروح كل يوم و الله بـ انجن.. سعود وقف وسحبها بيده اليمين : قومي معاي ابيكـ تتوضين و تصلين ركعتين عشان ترتاحين و بعدها تنامين.. وقفت دخلت تتوضأ وهو ينتظرها .. طلعت له و وجهها كله مبلل سحب علبة المناديل : تكفين لا تبكين.. سحبت من العلبة و مسحت وجهها.. لبست شرشف الصلاة حتى تصلي اول ما سجدت شهقت.. تبكي اول مره تعيش هالحالة تطول وهي خايفة و قلقانة وفوق هذا و ذاك ما احد راعاها لأنهم ما يبون يعلمونها.. سعود يناظرها ترتجف كل ما سجدت و صوت بكائها يوصلة.. خلصت صلاتها نزلت شرشفها و لفتة .. سعود وقف و رفع لها اللحاف : ابيكـ تنامين و ما تفكرين بـ شيء.. شوق : وين بـ تروح..؟! سعود : ماني رايح مكان قبل لا تنامين.. شوق جلست : يعني بـ تخليني لين انام و تروح مره ثانية..!؟ سعود : لا .. بـ انزل للمجلس الرجال كلهم هناكـ .. بس ابي اتطمن انكـ تمام.. شوق : اوعدني ما تطلع..!! سعود سحب الكاسة و اعطاها اياها : و الله ماني طالع قاعد.. ماني طالع لين صلاة الفجر بروح اصلي و ارجع تمام كذا..!! (هزت راسها) يالله قولي بسم الله.. همست : بسم الله.. شربت شوي و اعطتة الكاسة نزلها على الكومدينة .. انسدحت.. حط يده اليمين على راسها يقرأ عليها.. المجلس.. ابراهيم و عيالة عدا سعود.. و غازي و رجاله.. عماد يراسل عهود عشان تجيب بنتة و ما ترد على رسايلة .. اخر شيء ناظر الشباب : ويش رايكـم واحد ينقز يجيب بنتي..!؟ مشعل : ليش احنا نشتغل عندكـ انت وبنتكـ ..؟! عماد : ياخي بس جيبها .. لكـ الشرف اصلاً انكـ تشيلها.. مشعل وقف : اوووه صدق ان القردة بـعين ابوها غزال..!! عماد : طبعاً هذا ما ينطبق على بنتي.. عساف يطقطق بـ جوالة يتصل على عمر و عمر يرد عليه و يقولة الحين جاي و للحين حضرتة ما شرف.. غازي : ايش فيكـ ..؟! عساف : اكلم عمر و كل مره يصرفني.. يقولي جاي و ما جاء للحين.. غازي : ما عرفت مين اللي كان يلحقة..؟! عساف : لا .. رجع مشعل شايل بنت عماد : كم تدفع..؟! عماد : نعم..!؟ مشعل : كم تدفع و اعطيكـ اياها..؟! عماد : وشو ناوي تخطف بنتي و تطلب فدية بعد..؟! مشعل يعض خدها عشان يقهر عماد : كم عشان توصلكـ سليمة..!! عماد : لو تعضها مره ثانية لا اكسر لكـ ضروسكـ .. بعد تهدد تسوي لها شيء..!! مشعل يعضها مره ثانية : كلها على بعضها تفداني..!! عماد وقف و مشعل يجري و عماد لحقة قبل لا يطلع من المجلس لأنه رفس الباب و سكره : هاتها بعد تجري فيها..!! احد قايلكـ اني عايفها..!؟ مشعل : اول شيء اعطيني حق التوصيلة طيب.. حرام ما اطلع بشيء..!! عماد سحب بنتة من مشعل : اخذت حق التوصيلة و عضيتها مرتين حليت فيها.. يا ويلكـ ان كررتها يا مشيعل.. غازي : ايه تناقزوا كنكم بزارين..!! مشعل يجلس جنب وليد : اوووه حركات اب يدافع عن بنتة.. عماد يوقف بنتها ويشوفها مبوزة : شفت زعلتها.. حتى اسنانكـ عليها للحين.. عزام مسك كفها الصغيرة : ماشاء الله.. خلاص حجزتها لـ ولدي يزن..!! عماد ناظر فيه : نعم نعم..!! و مين قالكـ اني بـ اوافق..؟! عزام : يحصل لكـ ولدي اصلاً يأخذ بنتكـ الصياحة..؟! تحب يدكـ وجه و قفى.. خالد : لا تحاول بنتنا عندها عيال خوال و عمام ما تطلع منهم.. ابراهيم : ايه اصلاً انا ابيها..!! كلهم ناظروه مصدومين.. صرخوا عمانة يشجعونة.. و هو نفخ صدرة بإعتزاز.. ياسر : و الله رجّــــال..!! خالد : بس خطبنها خلاص.. لـ ولدي.. مشعل يضرب ابراهيم على ظهرة : كفووو.. حركـــات..!! نايف : ماشاء الله معلمة سوالف اكبر منه.. خالد : ماهي اكبر منه هو رجال.. يدري ان بناتنا ما يطلعون برا.. بناتنا لـ عيالنا.. عماد لف بنتة عشان تشوف الكل : هاه بابا موافقة..!؟ بس قولي لي مين تبين.. ما عليكـ من الأخ يشجع ولده و يحجر عليكـ ..!! لو تبين واحد امريكي عادي ما عندي مانع ما راح اقولكـ لا..!! عزام : الله يخلف عليكـ بس هذا اللي اقولة بنتكـ حجر عليها ولد خالها.. ابو سعود : و الله كلمة ولدي ما تصير ثنتين.. هاه تراني اقولكم البنت لإبراهيم لين تكبر وقتها نخطبها رسمي من ابوها و جدها ان الله كتب لنا عمر و نسمع رايها منها.. عماد : تم.. عساف : مو من جدكم.. توهم صغار ويش هالحكي..؟! ابو سعود : خلاص ولدنا خطبها.. و عماد تمم له.. عساف : عمي هو عمره تسع سنين وهي عمرها ثلاث شهور.. بدري حيــل على ذا الكلام..!! ابراهيم : عادي حتى لو عمري تسع سنين انا بـ اتزوجها اذا كبرت وما احد يتزوجها غيري..!! انا خطبتها قبل و ابوها وافق و جدي موافق..!! وليد ناظر عساف : رجاءاً لا تخرب على ولدنا خطبتة.. خله يفرح.. ياسر : كفوو مين يحصل له ابراهيم بن خالد بن ابراهيم و يرده..؟! عساف مد يده لـ عماد عشان يأخذ بنتها..!! بنت وعد.. : ما عليه منقود سمي الغالي بس عاد انا اقول هالحكي بدري عليه.. اصبروا لين يدخلون مراهقتهم على الأقل..!! ابو سعود : ما احد مزوجهم الحين.. قبل ما يصير عمرها 18 ما احنا مزوجينها وقتها ولدنا يكون عمره 27 و مكون نفسة و عنده وظيفة و ما يقصرة شيء.. عساف يناظرها نفس الملامح..!! لو يشوفها بالشارع ما حولها احد لا يأخذها و يوديها لها.. كل شيء فيها يدلل انها بنتها.. "ساعة حضنتة و الطفل على صدري مال.. شميت ريحتها على أطراف كمة.." حنيــــن لها.. راح النص من عدتها و باقي النص.. راح شهر و نص و باقي شهر و نص.. يمكن ما احد فيهم يحسب لـ عدتها مثله.. حتى هي.. جالس يعذب نفسة على ذنب حبها.!.! مد البنت لأبوها ما تحمل انها تكون قريبة من اكثر.. : شكلها نامت.. .. ريما : وجع لكم عندكم هالحديقة الزينة و حاكرينا داخل..؟! انتن صاحيات..؟! ميار : ما نطلع هنا كثير.. ريما : خلاص قولوا لأبوكم يسجلها بإسمي انتم مو وجه نعمة.. جود جلست على الفرشة : اقول انثبري انتِ بس كنكـ اول مره تشوفين مكان يشرح الصدر.. ريما : مقهورة يا ختي معترفة ان عندكم مكان زين و حابسينا بـ غرفكم كنها جحران..!! ميار : وش وش وش جحران.؟! ويش تطلع هاذي.؟! ريما لفت على لينا : فهمتيها صح..؟! لينا : طبعاً جحران جمع جحر.. و الجحر مكان الحيوانات و الحشرات..!! جود : يا حمارة انتِ و اياها احنا حيوانات..!! ريما : يا غبية جحر كناية عن صغر الغرف حقتكم يعني تشبية صح تشبية..؟!! لينا : حاست ابو اللغة العربية .. تكفين اسكتي خلاص انسوا سالفة الجحران.. علموني كيف مذاكرتكم و الدراسة..!! ريما : انا ما افتكـ من ابو شوق يقولي ليش ما تذاكرين عشان تجي بنتة تحكي عن الدراسة .. بلـــيز بـــليز سكروا سالفة الدراسة احكوا عن أي شيء ثاني.. دانه : اتوقع اذا بنسمع كلامكـ انتِ و توأمكـ بـ نقعد ساكتين ما راح نحكي.. ريما تربعت : لقيــــتها .. ليش ما تزوجوني ابوكم ..؟! جود و وعد و ميار بـ صوت واحد : نعــــم..!!! ريما : و الله صدق يعني انا بنوتة جميلة و حلوة و صغيرة و ذربة و سنعة و راعية بيت و كل الصفات السنعة فيني ليش ما تزوجوني ابوكم عنده مكان شاغر..!! وعد من وراها : احد قايلكـ عايفين بابا عشان نزوجكـ اياه..؟! ريما تناظر لينا و تأشر على وعد وراها رغم ان وعد جلست : افااا كأنها سبتني..؟! لينا : حيـــل مسحت فيكـ البلاط.. ريما لفت على وعد تهاوشها : انتِ هيــــه.. وعد : اشششش ترى مجلس الرجال قريب سوالفكم كلها عندهم.. ريما : بالله..!! احم .. لا ما احد يسمع بس انتِ موسوسة..!! لينا : بالله يعني دامكـ مخططة على ابوهم.. ناوية تقولين له حبيبي و الا يبه..؟! ريما : جدي..!! جدي انسب شيء..!! و الا ويش رايكـ ..؟! جود : يـــا حمار تراكـ جالسة تتكلمين عن ابراهيم بن مساعد و قدام بناتة.. انتِ يحصل لكـ اصلاً بابا ..؟! يوم سعدكـ اللي بابا بس ينطق اسمكـ كيف لو يفكر انه يخطبكـ ..!! ريما : لا و الله يوم سعده هو اللي ريما بنت غازي تنازل و توافق عليه..!! على فكرة قولوا له انا راضية بدون مهر.. و الا اقولكـ عادي نعطية احنا مهر مثل الهنود العروسة تعطي العريس.. دانه : ههههههههههه شكلكـ فصلتي..؟! ريما : صراحة صاحية من البارح يقالي اذاكر و كنت بـ انام و لما دريت ان الكل بـ يجي هنا ما قدرت قلبي ما طاوعني يستانسون لحالهم و انا اقعد اعد جدران البيت بالحلم لازم اجي معاهم.. ما علينا مو هذا موضوعنا .. خلاص طيب مو لازم تزوجوني ابوكم.. عندكم اخوان ماشاء الله زوجوني واحد فيهم.. ميار : عندنا خمس فاضين مين تبين..!؟ ريما : اعطوني اسم كل واحد و نبذة عنه..!! ميار : احمد دكتور.. ريما : اه هذا اللي طيب مره اطيب اخوانكم..؟! سها : يب هذا هو.. ريما : لا لا ما ابيه دكتور يعني يشوف حريم.. بكره يتزوج علي.. لا لا ابي واحد ثاني.. دانه : طيب خالد طيار.. ريما : هذا اللي تزوج اجنبية.. تف تف تف ماشاء الله عليه كسبها بعد الإبتعاث هياتة من ديرة لـ ديرة.. لا ما ابيه يشوف حريم اشكال و الوان بعد و كذا لا لا غيروا غيروا.. جود : عندكـ حاتم دكتور بعد..!! ريما : قلتيها دكتور يعني يشوف حريم .. و دامه دكتور يعني امتز مني و انا ما ابي اخذ واحد يقولون لي عيالي بعدين ابونا اشطر منكـ لا ابي واحد فاشل.. ميار : حلوووو وصلنا لـ مربط الفرس دامكـ تبين فاشل واحد من اثنين يا مشعل يا وليد.. واحد كار بالثانوي ست سنين و واحد خمس سنين.. وعد : على مزاجكـ عاد.. ريما : مين اللي نسبتة اعلى فيهم..؟! وعد : كلهن الإثنين زي بعض.. ريما : اووف كذا بـ احتار أي واحد فيهم اختار...؟!! جود : على اساس بـ نزوجكـ عاد بس نعطيكـ على جوكـ ..!! ريما : يا هنا عينة اللي بـ يأخذني مال و جمال و دلال و حسب و نسب مين يحصل له يناسب غازي بن محمد بن حمدان بـ بنتة ريما و يقول لا..!! من جدكـ انتِ.؟! اخوانكـ اصلاً لهم الشرف بس انطق اساميهم.. كيف لو افكر اني اوافق على واحد فيهم..!! خلاص ما ابي احد فيهم بس قولوا لأبوكم يتبناني.. ابي اعيش عندكم حديقتكم تفتح النفس و بيتكم اكشن كل يوم.. ما راح اطفش..!! لينا : من جدكـ يكفيها العلل اللي على قلبة بـ تكملينها عليه انتِ..؟! قامت ريما منقهرة : كلووو تراب.. تتمشى لحالها بالمكان لين وصلت للملحق اللي دايم مظلم.. بس هالمره كان فيه انارة بسيطة واضحة مع الشباكـ .. قربت من المكان بـشويش و سمعت اصوات لكنها كانت واطية لأنها برا و هم داخل و كانوا يتكلمون بـ هدوء.. تراجعت خطوتين.. مصدومة مين يكون بالملحق..! رجعت تجري للبنات .. : بنـــات.. بنــــات..!! وقفوا كلهم لما شافوها جاي تجري و تتنفس بسرعة : فيه احد.. و الله .. فيه احد..!! وعد : وين..؟! ريما : الملحق حقكم.. فيه احد.. انتم مسكنين احد فيه..؟! جود : لا طبعاً قافلينة اصلاً انتِ خبلة صرتي تشوفين اشياء ماهي موجودة.. ريما : و الله ما اكذب متأكدة حتى النور شغال.. تعــالوا شوفوا.. لينا : طبعاً انا ماني عايفة عمري.. يكفي اللي عشتة.. بدخل داخل.. وعد : ريما لا يكون مقلب و الله لاذبحكـ .. ريما : و الله مو مقلب.. ما انتِ مصدقة تعالي معاي.. دانه : انا بـ ادخل مع لينا.. مستحيل اروح.. ميار : و لا انا..!! جود : من جدكم خايفين..!؟ مين الغبي اللي بـ يدخل بيتنا مع كل هالحرس ..!؟ و لا بعد اصحاب سعود كلهم داخل يعني عندنا كم ضابط في البيت..!! ميار : اللي هو.. انا مستحيل اروح.. رجعت ميار جري للفيلا و وراه دانه و لينا..!! بقي وعد وجود و ريما..!! جود : ريما سمعتي ويش يقولون.. يمكن عندهم مخططات عشان نفضحهم..؟! ريما : لا .. تعالوا من بعيد بـ تشوفون ان فيه نور.. و اذا قربتوا بـ تسمعون حكيهم.. ما راح تميزونة بس واضح فيه ناس تحكي.. جود : طيب يمكن جن.!.!! وعد مشت قبلهم مقتنعة ان ريما وراها مقلب تسوية فيه.. ريما سحبت عصاية من الأرض .. : بنات احموا ظهري و احمي ظهركم..!! جود : ترى احنا نسلكـ لكـ عارفين ان وراكـ مقلب.. بإذن الله اني غير اهبدكـ بالعصا اللي معكـ ان كذبت..!! وصلوا الملحق حتى تتعلق عيونهم على الشباك.. ريما : شفتوا اني ما اكذب..!! وعد : يمكن طيب واحد من اخواني..؟! ريما تتقدمهم و تمشي ناحية الشباك وتهمس : تعالو.. بس بدون صوت..!! وصلوا الثلاث و جلسوا تحت الشباك يسمعون الحكي.. ما يميزون الأصوات واطية.. جود انرعبت : يا حمارة خلتينا نجي للموت بـ رجيلنا.. ليش ما علمنا بابا..؟! ريما : ما كنتم مصدقيني..!! وعد : بنات اعد الين ثلاث ما ابي اشوف الا غبرتكم.. احنا مو قد هذا كله..!! ريما : يالله نهجم عليهم..!؟ : هـــاي..!! قفزن الثلاث واقفات.. شافن بنت صغيرة و معاها حرمة.. صرخن : آآآآآآآآآآآآآآآآآآآآآآ.. انحاشن ثلاثتهن للفيلا.. وهو يصارخون.. و لا وحده من الثلاث كانت متغطية.. حتى ريما كانت بـ عبايتها و حاطة الطرحة على كتفها..!! ياسر وقف : هاذي مو اصوات البنات..!! طلعوا كلهم مع اصوات صراخهم.. حتى يتفاجئون فيهم يجرون و يصارخون..!! غازي ما انتبة الا بـ ريما متعلقة فيه.. لف على وراء حتى يخبيها عنهم..!! و وعد و جود وراء ابوهم و متمسكات فيه..!! غازي يكلم ريما : ايش فيه..!؟ ريما تأشر على الملحق ماهي مستوعبة اللي شافتة : و الله جنية.. و الله جنية.. فيه جنية..!! غازي مسك يدها و حضنها : اهــدي ما فيه جنية ويش هالحكي..!! وليد لف وراء ابوه و فتح الباب ناظر خواتة : ادخلن..!! جود : نقولكـ فيه حرمة و بنتها جنيات بـ بيتنا..!! اكيد البيت مسكون.. يمكن قبرهم تحت الملحق..!! وعد : انت مو مصدق.. و الله شفناها حرمة و بنتها.. وليد طلع سلاحة وهو يحاول يكبت اعصابة : هذا سلاح سعود الحين بـ نروح نشوف الملحق..!! جود : الجنية ما تموت بـ سلاح .. لا لا تروح و الله شفناها.. ابو سعود دفهن الثنتين و دخلهن : ويش هالحكي..؟! وعد : بابا و الله ما نكذب شفنا حرمة و بنتها.. ابو سعود : طيب.. مصدقكم.. و ما ابي احد يعرف عن اللي شفتوة..!! جود استغربت : يعني ويش..؟! انت شفتهم قبل..؟! ماهي جنية..؟! ابو سعود : لا ماهي جنية..!! وعد انصدمت : لا يكون زوجتكـ ..!؟ انت تزوجت..!؟ ابو سعود : لا.. ما تزوجت بس ادخلوا..!! جود : ويش درانا يمكن انت بس تقولنا كذا عشان ما نخاف و تروح هناكـ و بعدين تأخذكم هي و بنتها..؟! وليد : بلا هبال انتِ و اياها.. ابوي قالكمـ ما فيه شيء.. ادخلن بعدين حسابكن على صراخ اللي صرختنة و الرجال بالمجلس ما تستحن.. ان سمعت طاري للي شفتوه يا ويلكن فاهمــــات..؟! وعد : طيب احنا مو فاهمين شيء..؟! ابو سعود : ادخلوا و بعدين يصير خير يالله عشان تدخل بنت غازي معاكم.. لفن الثنتين و دخلن.. اما غازي يهدي بـ بنتة.. يلف طرحتها على راسها : ريمـــا ما فيه جنية .. يتهيأ لكـ يا بابا.. ريما : يعني انا يتهيأ لي و البنات..!؟! اصلاً حتى كلمتنا قالت لنا هاي..!! غازي تنهد شكل زواجة وليد بـ تنفضح عند اهلة بدري حيـــل.. : خلاص انا بـ اروح اشوف المكان عشان تطمنين.. ريما : خلاص خلنا نروح بيتنا.. ما نبي نقعد هنا.. غازي : طيب ادخلي عند البنات الحين بس اخلص نمشي اوكِ..!! ريما : طيب لا تطول..!! غازي غطا لها وجهها : طيب.. دخلها و بعدها التفت للشباب اللي نازلين تحت و صادين عنهم من لما شافوا البنات كلهم صدوا عنهم.. حتى عيال ابراهيم.. : هاه وليد..؟! وليد التفت : وشوو ..؟! غازي : بـ تروح تشوف جنيتكـ ويش مطلعها برا..؟! ابو سعود : شوف الحارس اللي حاطة على الباب وينه.. قلت ما انت مخليها تطلع..!! وليد : طيب و لا يهمكم.. انتم ناقشوا شغلكم بس و انا اروح اشوف شغلي..!! : ايش فيكم.؟! وليد ناظرة وهو متجة لـ الملحق : الناس يوم تجي تسلم مو تسأل..!! استغرب وجودهم برا : طيب السلام عليكم.. : وعليكم السلام.. عساف : تو الناس كان ما جيت..؟! عمر : انشغلت.. معاي ضيف.. عساف : مين واحد من اللي اليوم.؟! عمر : لا.. الفريق جابر.. غازي : ليش..؟! عمر : بـ نحط النقاط على الحروف ما ينفع ذا الوضع..!! ابو سعود : دخلة حيـــاه الله.. .. لا حول و لا قوة الا بالله.. لا أحلل نقل الرواية دون ذكر اسمي.. هاشتاق #رواية_لو_سألتي_الورد ضحكة قهر.. http://up.graaam.com/img/23407876b74...eba11d9f14.pnghttp://up.graaam.com/img/c433481acf7...1de64fbad2.png |
رد: لو سألتي الورد وهو ما بين إيدك أقطعك بيقول لك عمري فداك الكاتبة / ضحكة قهر
بسم الله الرحمن الرحيم..
السلام عليكم و رحمة الله و بركاتة.. يا حيا الله قرائي وه يا زين الزين انتم.. تصدقون و الا ما تصدقون..!! اليوم فرحتي غير.. وصلنا لـ 1000000 مشاهدة.. تعرفون هالرقم.. امنية بعيدة لـ كل كاتب.. رقم فخر لـ كل رواية.. لما تشوف العنوان و جنبها عدد المشاهدات المليوني شيء جميـــل احساس لا يمكن وصفة.. طبعاً هالإحساس ما جاء الا منكم.. و ما انولد الا بـ متابعتكم.. شكـراً لكـم فرداً فرداً وجود كل شخص فيكم فخر و شرف لي و لـ روايتي.. اسعدتوني كلكم.. و اللي يسعدني اكثر لما يجيني تعليق على الأسك من شخص استفاد من روايتي بـ شكل ايجابي و غير شيء بـ حياتة ما تخيلون سعادتي اذا قريت تعليق ايجابي بـ هالشكل.. احس اني قدمت شيء و وصلت لـ مرحلة افخر فيها اذا قدرت يكون لي تأثير على اشخاص لو شيء بسيط بس ايجابي و يذكروني فيه.. يالله احاسيس جميلة ما تنوصف.. ما اقولكم وجودكم سعادة.. و عشان المليونية انا قررت اكشف عن المجهول اللي انذكر مره وحده بس في الرواية شيء طبيعي ما تطبون فيه ما راح الومكم عادي.. لانكم ما تعرفون اساس القصة بينه و بين ابو سعود بس بـ تعرفونها بـ هالبارت.. اربطوا لي قلوبكم بـ اخرة خلوكم اقوياء.. وما ادري ويش اقول بعد شكلي بـ اعوض عن مقدمة البارت اللي طاف عشاني ما كتبت شيء..!! < لازم الـصق لكم .. عذراً اني ما رديت عليكم بس و الله قريتها كلها .. بس ما ادري ويش صاير فيني ما القى الوقت اللي ارد على اللي بالمنتدى..!! لازم احل المشكلة هاذي.. اخيـراً لا تنسوني من دعواتكم.. و حياكم الله.. قراءة ممتعة.. البارت السابع و الخمسون.. ودي آكذّب عيوني .. وأعذرَك بس عطني فرصة ألقى لك عذر ! لـ احمد المطيري.. بيت ابراهيم.. الملحق الخارجي.. وليد : انا ما قلت ما تطلعين برا..؟! زمت شفايفها : طيب احنا طفشانات هنا و شفت البنات و كنت بس بـ اسلم عليهم بس هم غبيات يصارخون..!! وليد لف على المربية : برا هالباب ما تطلعون.. كل شيء بـ يوصلكم لـ حدكم من راس مرفوع.. سحر : كيف يعني راس مرفوع..؟! وليد حس بـ غباءة يكلم مربية تحكي عربي مكسر و بزر بـ كلمات ما يفهمونها.. ناظر المربية من حديد بعد ما كان يناظر سحر : شوفي برا باب هنا ما يطلع.. برا خطر.. فيه ناس ما يعرفهم.. هزت المربية راسها .. لكن سحر مسكت كفة : طيب اجلس معانا مو انت بـ تحميني..!! انت وعدت بابا صح..؟! وليد : صح.. بس انا مشغول الحين.. سحر : كله زي بابا مشغول مشغول مشغول ..!! وشوف من البارح ما جاء.. اتصل عليه قوله يجي عشان نروح بيتنا انا طفشت هنا ما عندي و لا شيء ما فيه العاب ما فيه تلفزيون و لا شيء.. وليد : ابوكـ مسافر ما يقدر يجي الحين.. و اذا على الألعاب انتِ نامي الحين و اوعدكـ بكره الصبح اروح اجيب لكـ اللي تبينه.. سحر فلتت يده متحمسة : تجيب لي ايباد..!؟ وليد تنهد : طيب..!! الحين نامي.. اذا شوي رجعت وما شفتكـ نايمة ما فيه ايباد..!! سحر : طيب موافقة.. خلاص روح عند الباب عشان ما يجينا ناس شريرين..!! طلع وليد من غير لا يعلق ناس شريرين.!! مين..؟! ابوه و اخوانة و العالم اللي بالمجلس..!! لف على الحارس : من مكانكـ ما تحركـ اذا بـ تروح أي مكان تنادي واحد ثاني يحل مكانكـ لين ترجع فاهم..؟! : تامر طال عمركـ .. دخل المجلس ماله خلق زايدين ثلاث اشخاص عمر و الفريق جابر و سعود : السلام عليكم.. : وعليكم السلام.. جلس بالجهة الأمنية.. لأنهم منقسمين نصين غازي و رجالة بـ جهة و جابر و عمر بـ جهة .. و ابو سعود و عيالة مشاهدين بـ جهة..!! عمر : كنّا ننتظركـ تشرف.. وليد : قبل احنا كنت انتظركـ تشرف.. وين ابطيت..؟! عمر : شغل..!! عساف : مين اللي كان يلحقكـ العصر..؟! جابر لف على عمر : فيه احد مراقبكـ ..؟! عمر : Fbi .. جابر : ويش يبون منكـ ..؟! عمر : يبون الرئيس..!! عرفوا اني اشتغل جاسوس بالعصابة و جابوا ليش صور اول لقاء لي معاه بـ لندن.. كانوا مصورينة.. كل ما بغوا يمسكونة اختفى..!! جابر : ويش قلت لهم..؟! عمر : ان احنا نشتغل على قضية هو رئيسها و الله يقدرنا نمسكة و يأخذ جزاه.. عساف : و انت ويش عرفكـ بالرئيس..؟! ويش عرفكـ بالقضية ان كنّا احنا مسكناها قبل اقل من سنة بعد ما سافرت انت دورة..!!؟ عمر : سافرت ايه بس مو دورة شغل.. وقتها لما تعرفت على الرئيس بـ لندن.. غازي : نبي من البداية.. من الصفر.. جابر : انت تدري اني كنت ماسكـ القضية بالخفاء.. كان هالشيء لـ تموية العصابة.. عشان ما يتوقعون انهم ملاحقين من شخصين.. بعد انت ما مسكت القضية بـ فترة انا كان عندي اهتمام و كنت اتابع تفاصيلها.. اقترحت هالإقتراح اني اشتغل بالسر من غير ما يدري احد حتى انت.. حتى ما نثير الشكوكـ بأي طريقة كانت حولنا.. و اخترت عمر عشان يقوم بالمهمة.. كنا نحاول نخطط و ننفذ و بـ يوم جاتنا اخبارية ان الرئيس بـ لندن و مقر اقامتة بعد.. و رحنا هناكـ و قابلة عمر على اساس شغل لكن عمر قال للرئيس اسمة الصريح كنّا نبي نضللة يتعرف على عمر اول و اهدافة المزعومة اللي احنا نبي نفهمة اياها و نخلية يحاول يشغل عمر معاه بـ حكم وظيفتة هنا.. غازي : ويش هالأهداف اللي مرت عليه من غير لا يفكر فيها..؟! شلون اقتنع..!!؟ عمر من غير لا يلتفت لـ عمه : عمي ابراهيم.. هو الهدف..!! هو حاقد على عمي بـ شكل مو طبيعي .. و انا حاولت ادخلة من هالنقطة و افهمة ان عمي مأخذ فلوس لأبوي و اني ابي استرجعها منه.. نايف : مو غريب..!! ما راودة شكـ انكـ ممكن تكذب يعني بـ يتوقع ان ابو سعود و ابوكـ بينهم مشاكل..؟! عمر رفع حواجبة و ابتسم : ابوي و عمي على خلاف بـ وجهات النظر دايم.. و قد تهاوشوا كم مره.. و هو كان يدري انهم دايم يختلفون فـ ماراح يشكـ ان ممكن الموضوع يوصل لـ الفلوس.. خصوصاً ان كانت الهوشات هاذي من زمان..!! سعود استغرب : ابوي و عمي متهاوشين..؟! (ناظر ابوه) ويش هالحكي يبه..!؟ عمر : ليش ما قد حضرت هوشة لـ عمي و ابوي..!؟ هو نقار مو هوشة بس انهم دايم يختلفون.. بس انا كبرت الموضوع بالحكي و قلت شيء ما صار..!! جابر ناظر بـ سعود : هذا مو موضوعنا كله سيناريو عشان نوصل للي نبيه و وصلناه.. الحين لازم ننهي كل شيء بسرعة و بـحذر دامه الحين ضايع لأن رجالة ماهم معاه.. يمكن يتخبط و يغلط و نقدر نمسكة..!! غازي ناظر عمر : تعرف مكانة..؟! عمر : مقرهم الرئيسي ايه.. بس ما يقعد فيه.. يجي عشان يسوي اللي يبيه و يطلع.. ما يثق بأي شيء على طول ينقل من مكان لـ مكان.. عزام : معاكـ رقم جوالة تكلمة و نتبع المكالمة عشان نأخذ احداثيات المكان اللي يكلم منه..!!؟! عمر : لا.. قلت لكم حذر اذا بغى يكلمني .. يكلمني من أي مكان.. مرات يأخذ جوالات ناس يقابلهم بـالشارع يكلمني و يقفل.. وليد : تقول ما تعرف اسمة صح..؟! عمر : لا .. حذر بـ شكل ما تخيلونة.. وليد : عندكـ له صورة..؟! عمر : ايه عندي.. و دخلناها السستم ما تعرفنا عليه للحين.. وليد : طيب اعطيني اياها.. جابر سحب الملف و فتحة مد الصورة لـ وليد.. وليد ناظرة ثم وقف و اتجة لأبوه : تعرفة..؟! ابو سعود ناظر وليد ثم الصورة حتى ينصدم.!! سحب الصورة و يناظر بـ ملامحة نفسها هي نفسها ما تغيرت.. نفس الهيبة نفسها.. نفس الشخصية نفس الحدة..!! وليد : مين هو يبه..؟! ايش اسمة..!؟ ابو سعود مد الصورة بـ هدوء : ما ادري ويش اسمه بس شكلة ماهو غريب علي..!! وليد مسك الصورة : يبه ما يحقد عليكـ كذا من الباب لـ الدريشة اكيد فيه ان بالموضوع.. ابو سعود وقف يناظر وليد الواقف قدامة بـ حدة : وشو تبي تشككـ فيني يا وليد..؟! وليد : ما اشكـ فيكـ .. بس ليش يحقد عليكـ ..؟! ليش يبي يأذيكـ حتى لو بـ خواتي..؟! ليش هدفة يدمركـ ..؟! مو معقول كل هذا و انت ما تعرف غير شكلة.. ابو سعود : لا تعلمت تحترم ابوكـ تعال كلمني..!! طلع ابو سعود و وليد يناظر الباب.. ما احد علق فيه ان بالموضوع.. فعلاً ابو سعود كانت تعابير وجهة تقول انه يعرفة ليش انكر..؟!! جلس وليد و عيونة على الصورة.. غازي بـ هدوء : وليـــد..!! وليد لف الصورة و يناظر غازي : تعرفة..؟! غازي : لا.. لو اعرفة كنت قلت لكم من قبل و ما تعنينا كل هالعنا.. وليد وقف : مشعل اعطيني مفتاح سيارتكـ ..!! غازي وقف : وين رايح..؟! وليد : لـ بيت عمي سعد.. دامه يعرف عن المشاكل اللي بين ابوي و عمي يعني اكيد يعرفهم عن قرب.. غازي : تدري ان المفروض ما تطلع يا وليد.. و لا تعتب الباب.. عمر بـ ينشد ابوه لا قابلة.. وليد سحب المفتاح من يد مشعل : ما راح انتظرة لين يقابل ابوه.. ابي اعرف الحين.. طلع وليد من غير لا يهتم الصورة بـ يدة و لحقه مشعل.. غازي : راسة يابس ما يفهم الحكي.. عساف روح وراه ان قدرت ترده لا تقصر.. عساف وقف : تأمر.. خالد يهمس لـ ياسر جنبة : ليش ابوي تصرف بـ هالشكل..؟! ياسر : انا مثلكـ مستغرب.. حسيتة ارتبكـ ..!! خالد : قوم نشوفة.. (وقف خالد و بعده ياسر) عن اذنكم.. حاتم وقف و صب لهم قهوة و اضح ان نقاشهم وصل لـ نقطة توقف.. .. انهار : لا ليش..؟! وعد : بس اسأل.. انتِ كيفكـ مع الوظيفة الجديدة..؟! انهار : الحمدلله مشغلة وقتي عن الطفش و التفكير.. انتِ ويش ناوية تسوين..؟! وعد : ما بعد فكرت.. من هنا لين اخلص العدة بـ اكون مقررة ويش اسوي ان شاء الله.. مليت قعدة البيت.. انهار : ايه و الله تذبح ويش رايكـ نفكر بـ مشروع خاص..!؟ وعد ابتسمت : عادي ما عندي مانع بس شيء افلح فيه.. انهار بـ حماس : اوكِ نبحث و نشوف .. بـ اشاور خالي عامر هو يفهم بـ ذا المواضيع.. وعد وقفت : تعالي ابي اكلمكـ برا.. استغربت انهار.. قامت مع وعد .. جلست وعد بـ صالة العيلة اللي العادة يجلس الكل فيها.. جلست انهار وما حكت.. وعد : يمكن مستغربة ليش ناديتكـ .. بـ صراحة انا مستغربة منكـ .. انهار آشرت على نفسها : مني..!؟ ليش.؟! وعد : احسكـ تغيرتي.!؟ يعني قبل ما كنتِ طايقتني و لا حتى حاولتي تتقبليني.. بس بعد ما تركت البيت و طلبت الطلاق تغيرت معاملتكـ معاي..!! انهار حطت رجل على رجل : قصدكـ ان السبب عماد..؟! وعد : ما ادري.. بس فيه شيء غريب بالموضوع..!! انهار : وين الغرابة..؟! وعد : ليش ما تزوجتي عماد..؟! اذا انتِ تحبينة و متأكدة انه يحبكـ و مستعد يقدم لكـ كل شيء تبينه ليش تخليتي عنه و وافقتي على الشخص اللي تطلقتي منه الحين..؟! انهار : تبين الصدق و الا ولد عمه..؟! وعد : الصدق يعني اذا ودكـ تحكين.. اما اذا بـ تقولين شيء غير الصدق و احرجتكـ بالسؤال قولي لي مالكـ دخل و خلاص.. انهار ابتسمت : لا عادي.. انا من كنت صغيرة عشت بـ بيت خالي عامر.. اناديه خالي بس اشوفة ابوي.. ما يخلي ادنى شيء يضايقني.. ما يزعلني ابداً و اذا زعلت ما ينام الا هو مراضيني.. كنت بنتة و يمكن خلاني اغلاهن ما ابعدني ابداً.. عيالة اخواني.. الا اللي قلبي مال له.. كبرت و كنت اشوف عماد غير.. تخيلي اني مستحيل ما اشوفة في اليوم اذا ما شفتة اجلس سهرانة لين اشوفة سوا طالع من البيت او داخل أي شيء ان شاء الله بـ يتعدا من غرفة لـ غرفة اهم شيء املي عيني.. هذا ما يعني اني كنت ما اتغطى عن العيال خالي عامر خلاني اتغطى و انا عمري 10 سنوات .. بعدين صار أي شيء يسويه عماد حتى لو هو يشوفة اخو هانا كنت اشوفة غير ما كنت اعرف اني ممكن القى مكان بـ قلبة.. بـ اولى ثانوي.. رحت بيت ابوي لأن ابوي قال البنت كبرت و انت عندكـ عيال ما يصير تبقى بينهم و تعبت بـ بيت ابوي.. يعني ابوي جــاف جداً.. ما عنده شيء اسمه احن عليها يمكن زعلت اراضيها ادلعها لا.. عدا ان زوجتة ما كانت طايقتني.. صح ما تضايقني لأن ابوي على قساوتة مستحيل يرضى ان زوجتة تضرني بـ شيء.. وهي تخاف منه.. دخلت المستشفى و كلمت خالي غازي قلت له يأخذني اذا ابوي ما يبيني بـ بيت خالي عامر عشان عيالة بيت خالي غازي ما فيه عيال.. وقتها ما جاء بس خالي عماد كان معاه و تهاوش مع ابوي يحسب ان تعبي بسببهم هو و زوجتة مسوين لي شيء.. ابوي حقد على عماد و عماد طنش الموضوع و لا فكر يرجع لأبوي و يعتذر.. طبعاً ابوي رجعني البيت معاه و جلست فترة طويلة انا ببيتة ما اعرف الا هو و علاقتي معاه سطحية جداً.. اخواني بعد ما اعرفهم يعني اساميهم و اشكالهم.. بس مالي احتكاكـ معاهم ما اعرف ايش يحبون و ايش يكرهون.. لما عرف خالي عامر اني ما طبت جاء هو و خالي غازي و طلبوا ابوي اني اعيش عند خالي غازي.. و وافق بـ طلوع الروح بـ شرط اني اجيه من الأربعاء للجمعة.. و اجلس معاه.. و وافقوا..!! وعد تربعت متحمسة : طيب و بعدين..؟! انهار : عشت ما بين ثلاث بيوت خالي غازي و ابوي و كل يوم اروح بيت خالي عامر.. وعد : عشان تشوفين عماد..؟! انهار : ايه.. لما كنت بـ ثالث ثانوي وقت تخرجي ابوي فاتحني بـ خطبة عبدالملكـ لي.. يومها انصدمت و قلت له اني ماني موافقة و اخطيت بالحكي لين قلت له اصلاً خالي عامر يبني لـ عماد و انا موافقة..!! وعد : و طبعاً ابوكـ ما يطيق عماد..؟! انهار : بالضبط.. من بعد ما تمشكل معاه و هو كل ما قابلة سفل فيه ابوي.. حتى لو شافة بالغلط.. ابوي ما نساها له و لما عرف ان عماد يبيني قهره فيني..(دنقت تناظر الأرض) ما درى انه قهر بنتة بعد..!! وعد : طيب ليش ما دخلتي خوالك بالموضوع على اساس انتِ رافضة و تركتي موضوع خطبة عماد على جنب لين تنحل بينهم..؟! انهار : ما تعرفين ابوي اذا قال كلمة ما تصير ثنتين لو اموت قدامة اهم شيء كلمتة ما تنزل الأرض.. و لما عرفت انه مستحيل يزوجني لـ عماد فقدت الأمل فـ ما يهمني مين اتزوج.. سوا عبدالملك او غيره..!! وعد : طيب ليش قلتِ لـ عماد ان ابوكِ قالكـ على العريس و انتِ وافقتِ..؟! ليش ما بينتي لـ عماد انه اخطأ على ابوكـ و يدين لأبوكـ بـ إعتذار..؟! انهار : لأني لو بـ اقوله ما راح يروح و يعتذر بـ يروح يتهاوش معاه.. و ممكن يدخلون خوالي بالسالفة و تكبر.. و اصير انا السبب بالموضوع تخيلي لو اني اوقف مع خوالي ضد ابوي..!؟ حتى لو انه قاسي و ما رباني بس اسمه ابوي ما راح ارضى اني اشوف خوالي يبهذلونة..!! و الله بـ انقهر.. وعد : معاكـ حق هالشيء بـ يكسرة.. عاد كل شيء يهون و لا الضنا يشوف ابوه منكسر بـسببه.. هالشعور يذبح...!! انهار : وما بغيت اعيشة.. اعيش مع واحد ما ابيه بس على الأقل فيه حياة و لا احس اني اموت كل شوي لا ذكرت اني كسرت ابوي.. وعد : طيب ما عليش يعني بـ اتلقف زود.. انا ما احس تفكيركـ تافة .. انهار ابتسمت : سبب طلاقي..؟! وعد : ايه..!! يعني انا كنت موجودة يوم تهاوشتي مع عماد و كذا.. ما اتوقع هذا سببكـ ..!! انهار : عاد تصدقني خوالي من دلعهم لي صدق انصحوني و كذا بس مشى عليهم الوضع و اقتنعوا بالسبب رغم اني ما توقعت.. وعد : يمكن عشان ماما من قبلكـ صاروا يتوقعون أي شيء..!! انهار : شكله كذا.. وعد : طيب ليش تطلقتي..؟! انهار : لأن الحياة مع عبدالملكـ باردة..!! باردة لين ما تدخل امه بالموضوع اذا دخلت انقلب كل شيء.. تخيلي امه متحكمة بـ حياتنا .. لو بـ نطلع برا البيت تعرف.؟! يسمع كلامها بـ كل شيء كل شيء ما عنده شخصية الا علي..!! و ياليتها شخصية عدلة هواش و منافخ لين وصلت للضرب..!! وعد فتحت فمها : ضربكـ ..؟! انهار : ايه.. وعد : ويش سويتي..؟! انهار : و لا شيء..!! وعد : كيف يعني و لا شيء ..؟!! سكتي و ما اعترضتي..؟! عادي يضربكـ ..؟! انهار : امبلى يعني تهاوشت معاه لين قلت بس.. و زعلت و راضاني بعدها ضربني مره ثانية و قلت لأبوي و قالي مكان المره بيتها حتى لو زعلها تصبر عليه و انتِ عندكـ ولدين..!! وعد : طيب اذا صبرتي على الضرب وما حكيتي اجل ويش اللي خلاكـ تطلقين منه..؟! انهار : ما تحملتة زود لأن امه هي اللي كانت تملى راسة وهو يمشي وراء رايها و فوقها يضربني.. و طلبت الطلاق.. و رحت بيت عمي عامر و ابوي كلمني و قلت له اني ما براسي الا الطلاق و لو يردني عليه راح اشتكي لـ خوالي ما راح يسمحون له يهيني.. وعد : و اكيد طلع ابوكـ من الموضوع و بقيتي مع زوجكـ بـ هواش خصوصاً ان خوالكـ ما يدرون..!! انهار : ايه.. تخيلي اني اكلمه في البداية مره كان متمسكـ فيني و اعتذر لي و بعدها بـ فترة صار يستخدم اسلوب امه و ما هميتة و عادي يطلقني بس عيالي ما اخذهم معاي..!! وعد : و وافقتِ ..!؟ انهار : ايه.. ما كان قدامي حل الا اني اخبر خوالي و يكبر الموضوع و ندخل محاكم.. وعد : تدرين انكـ غبية لو مخبرتهم خوالكـ بـ يجيبون لكـ عيالكـ من غير محاكم.. واضح ان زوجكـ خرطي يمشي وراء امه و اذا كلمه خالي عامر بـ يوكله تراب من غير محاكم.. انهار : ما ادري يا وعد كنت مشوشة ما كنت اشوف هالحل .. ما عليه حسوفة دامه ماهو مسوي نفسة رجال الا علي ويش ابي فيه..!! وعد : طيب و عيالكـ ..؟! انهار : اروح اشوفهم كل اسبوع عند جدتهم .. تخيلي انها تبي تقهرني و تقولي انها خطبت له و بـ تزوجة.. وعد بـ قهر : لا يكون وضحتي لها انكـ مقهورة..؟! ترى اذبحكـ ..!! انهار : ليش انقهر عليه ..!! تدرين كثير يزوجون بناتهم لـ شباب حتى لو امهاتهم ما ينطاقون يقولون ليش بـ تعيشين مع الرجال و الا امه..؟! على اساس يهونون المشاكل اللي بـ تصير.. وعد عفست وجها : معاكـ حق تطلع الأم حية رقطاء و تدمر حياة ولدها.. اففف ضيقتي خلقي و الله.. انهار : عادي ماني متضايقة ما عليه حسوفة يا بنت.. هذا انا عايشة حياتي.. وعد : على قولتكـ يا كثر اللي ما عليهم حسوفة.. الطلاق احيان ارحم من حياة فاشلة بـ كل المقاييس.. انهار : مثل انتِ و عماد..؟! وعد : عليكـ نور.. انهار : على الأقل عماد عنده شخصية مو مثل عبدالملكـ وراء امه.. وعد : عاد من زين شخصيتة.. كيف زوجتة ..؟! انهار : هههههههههههه .. ابد تجيب المرض.. : ماشاء الله يالسوالف .. التفتن الثنتين لـ مريم.. اللي جلست جنب وعد : خير ان شاء الله عساكن بس مجتمعات على خير.. وعد : انا عني ما اعرف الا الخير الحمدلله ما ادري عن بنت اختكـ .. كاد هي بـ تخربني..!! انهار : يا حمارة الا انتِ راعية الشر كله.. مريم : ما يحتاج تعلميني فيها اعرفها..(ناظرت وعد) وين نهى..؟! وعد : ما ادري يمكن فوق..!! مريم : شكلها تعبانة وما تبي تقولي.. وعد : نهاوي..!! تجي عليها ما اخبر انها قد قالت انها تعبانة و الا تشكت.. عادي تمرض وما تقول لأحد بس احنا نكتشف و لا بعد تهاوش تقول ما فيها شيء..!! مريم : العرق واحد..!! انهار : ههههههههههههههه كسحتكـ ههههههههههههه..!! وعد تناظر انهار مقهورة : هد فم ان شاء الله.. زين الحين خلتيها تضحكـ علي..؟! مريم : انتِ اللي جبتية لـ نفسكـ مسوية نفسكـ وين و انتِ خرطي..!! وعد تلف الموضوع : و دامنا خرطي انا و نهاوي يعني نحتاج احد يرعانا نحزن .. يعني احنا ما نحب نقول لأحد و نبلشة احنا تعبانات و كذا.. و نستحي نتصل عليكـ تعالي و نخليكـ تعنين و ما يصير تنامين عندنا و اشياء معقدة ويش كثر..!! ويش رايكـ نحل الموضوع كله بدل كل هالمعمعة و انتِ تكونين معنا لأن احنا نحزن و حتى انا عندي بنت و ما اعرف لها لحالي لازم احد معاي..!! مريم وقفت : لو دريت ما جيت جلست معاكن.. انهار تناظر خالتها طلعت لفت على وعد : ويش تقصدين من الحكي كله ما فهمت شيء..؟! وعد : نبي ماما ترجع لـ بابا.. بس هي رافضة..!! انهار : اوووف من جدكـ ..؟! وعد : ايه ليش وين الإشكالية.؟! انهار : ما فيه اشكالية.. خلاص انا بـ اساندكم اجل.. بـ احن على راسها لين توافق ما عليكـ و لو تدري جدتي يمكن تهفها على راسها عشان توافق عاد ابوكم عندها غير..!! وعد : لا لا.. انتِ تكلمينها ايه.. لكن لا احد يعرف غيركـ .. جدتي خليها للأخير ما ابيها تعرف الحين.. .. عساف بـ حدة : كم ماشين يوم الاقيكم قبلي هنا..؟! ابو عمر : عساف اهدأ .. ايش فيكم يا عمي ..؟! اول مره تجوني هالوقت و بـ هالشكل..!! وليد : ابي انشدكـ و ابيكـ توعدني تقول لي كل شيء من غير لا تخبي علينا شيء..!! ابو عمر ناظر عساف الواقف و وليد و مشعل استغرب من كلام وليد : اجلس عساف.. جلس عساف يتنهد.. لف ابو عمر على وليد : قول اللي عندكـ .. وليد طلع الصورة : مين هذا..؟! ابو عمر ناظر الصورة تعرف عليه.. : ليش ..؟! من وين تعرفة..؟! وليد : عمي انا ابي اعرف مين هذا و ايش اللي بينه و بين ابوي..؟! ابو عمر : و ليش ما نشدت ابوكـ ..؟! وليد : يقول ما يعرفة..!! بالأصح هو ما يبي يعلمنا مين هو و لا ويش بينهم..؟! ابو عمر : ابوكـ يدري انكـ جاي تنشدني عنه..؟! وليد انقهر : لا ما يدري.. بـ تعلمني و الا لا..؟! ابو عمر شبكـ اصابعة بـ بعض : الموضوع قديم يا عمي.. له سنين.. و كلن راح بـ حال سبيلة.. وليد يناظر جوالة يطق بإسم سعود : طيب علمنا لو هو قديم.. نبي نعرف ويش القصة..؟! ابو عمر : رد على جوالكـ يمكن ابوكـ درى انكـ جايني تنشد عنه..!! وليد رد على الجوال : خيـــر..!! .. ايه .. ماني جاي لين اعرف الموضوع.. طيب .. خلاص الحين بـ اجي.. قفل الخط وهو متنرفز.. : ابوي يقول تعالوا..!! ابو عمر ابتسم : اذا تبي تعرف شيء انشد ابوكـ عنه مو احد ثاني.. وليد : ابي اعرف ليش تهربون من الموضوع..؟! ابو عمر : ما نتهرب .. روح لأبوكـ و هو بـ يعلمكـ .. وليد وقف : طيب بـ اشوف يعلمني و الا لا .. بس ما راح اسكت اذا ما عرفتة اليوم بـ اعرفة بكره.. .. غرفة جود.. ريما : طيب ويش بـ تسوين..!؟ جود تفتح الكتاب و تسكرة : و لا شيء.. اعلى ما بخيلها تركبة.. ريما : جودي البنت تهددكـ لها سنة و هي تلاحقكـ.. جود : لو تقدر تسوي لي شيء كانت سوتة من زمان.. ريما : ما ادري بس تخوف و الله يعني اتوقع لو وحده تسوي لي كذا و تهددني و الله لأعلم بابا و ما اداوم من غيره.. جود : هههههههههههه اما ما تداومين من غيره قوية..!! ريما : و الله صدق ليش عايفة عمري انا .. عاد الا احد يهددني و اسكت لا يا حبيبتي ما اداوم الا بـ حرس معاي..!! جود انسدحت : الموضوع مو مستاهل انتِ مو رايحة مكان خالي.. مدرسة فيها اقل شيء 300 طالبة غيركـ وين بـ تلقى الفرصة لأنها تسوي لكـ شيء.. ريما : و الله ما احد يضمن ويش يصير له .. يمكن تجيها الفرصة على طبق من ذهب.. جود من جد عاد لا تروحين لحالكـ خليكـ بين صحباتكـ مو تهورين..!! جود : طيب و لا يهمكـ عمتي.. ريما : هي ايش تبي منكـ .. يعني شايفة انكـ مو من النوع اللي تبيه و لا انتِ ملقيتها بال ليش حاطتكـ براسها..؟! جود : يقولون انها اللي تحطه بـ راسها تجيبة..!! و حطتني بـ راسها و ما قدرت علي.. تحسب اني مثلها مريضة.. و قد كلمتني كم مره و شرشحتها بين البنات خليتها ما تسوى ريال.. ريما : اثاريكـ انتِ ما قصرتي الشر .. اكيد بـ تحطكـ براسها..!! جود : ويش تبيني اسوي اذا هي جاية بين البنات تحسبني خويتها..؟! هذا اللي ناقص اعصي ربي عشانها..؟! ريما : المهم تنتبهين .. خلصتي المادة..؟! جود : يب يب.. شلون ما اخلصها و ابو سعود كل ما شافني قالي كتابكـ و كتابكـ ..!! ريما : اوووف الحال من بعضة الموضوع وصل لأمولة تهددني اعلم ابوكـ ..!! ياربي احس اني بزر اذا قالت لي كذا من جد اتخيل امي تقولة هاوش ريما تراها ما ذاكرت زين اليوم..!! بالله تخيلي هذا موضوع جلستهم..؟! انا لا تزوجت و جبت بنات ما راح اسوي فيهم كذا اما اهددهم بـ ابوهم ليش يخوفونا غصب..؟! جود : بل بل بل كل ذا تحلطم.. شوي شوي وصلتي لأنكـ تزوجتي و حملتي و ولدتي و عيالكـ كبروا بعد..؟! انتِ ويش عندكـ اليوم على طاري الزيجة هاه...؟! لا يكون انخطبتي و انا ما دريت ترى بـ اذبحكـ ..!! ريما : لا تخافين لو انخطبت بـ اتصل عليكـ و ابشركـ بعد.. حتى بـ اقولكـ اني موافقة خلاص و ما يحتاج نسوي عرس بعد اسبوع خطبة و ملكـة و نقضي ليش نأجل الموضوع..!! جود : هههههههههه مشفوحة اول كنت بـ افكر ازوجكـ مشعل الحين هونت اخاف عليه منكـ ..!! ريما تمسح رقبتها : احم ليش اخوكـ ناوي يخطب..؟! جود : لا ما قد جاب طاري خلي اللي اكبر منه يتزوجون عشان هو يفكر يتزوج..!! ريما ترفع حواجبها : آهـــا..!! .. في المكتب ابو سعود و وليد.. ابو سعود واقف وراء مكتبة و وليد قبالة : رايح تدور وراي..؟! وليد بـ هدوء : ما دورت وراكـ انت قلت ما تعرفة .. و رحت انشد عمي سعد يمكن يذكرة..!! ابو سعود : نافش ريشكـ علي..!؟ وليد : يبه الله يرضى عليكـ انا ما اخطيت ابي اعرف مين اللي متسبب لنا بـ كل هالمشاكل.. يبه نبي نرتاح.. ابي اعيش حياتي وليد بن ابراهيم.. يبه كل شيء محسوب علي حتى الحرف.. الموضوع ماهو علي و بس .. خواتي و صبا بنت عمي..!!.. و انت و احنا .. و الأهم من كل ذا الوطن يبه.. مو انت رضيت اشتغل هالشغلة عشان نقدم للوطن ارواحنا فدا له..؟! ابو سعود جلس : استغفر الله العظيم..!! وليد : يبه لما نكون نعرف اسمه الحقيقي مو مثل لما نعرف مجموعة اسماء مستعارة له.. ابو سعود وقف حتى يطلع من المكتب : منصور بن حمد.. ويش كثر الذكريات تجمعة بـ منصور.. ويش كثر الحنين لأخ ما لهم نفس الأب و لا نفس الأم.. بس حياة جمعتهم و علقتهم حتى يعيشونها مع بعض اخوان.. ": لا يا ابراهيم لا.. ابراهيم : ليش .. انا ماني عارف ويش مغيركـ علي..!! منصور رفع رجلة على الكنب : ما انت عارف..!! انت اكثر شخص كنت احسه روحي.. تخيل ان روحكـ تطعنكـ..!! ابراهيم فزع : بسم الله عليكـ ويش هالحكي.. علمني ويش مكدركـ .. منصور يناظر ابراهيم : كنت احسب لي ناس اخوان طلعوا عدوان.. ابراهيم : مين هم..؟! علمني و انا اخذ لكـ حقكـ منهم.. بس ترجع مثل قبل.. و تتركـ هالسم اللي تشربة.. حرام عليكـ عيالكـ و بناتكـ بـ حاجتكـ اذا انت انكسرت بـ تكسرهم..!! منصور انهاء الكأس بـيدة و نزلة على الطاولة : انا انكسرت و ما فيه اللي بـ يجبرني و عيالي هم يرعون انفسهم.. (بـ نبره حادة) و حقي انا بـ اخذه.." طلع وليد وراء ابوه بسرعة منصور بن حمد .. منصور بن حمد..!! اول مره يسمع هالإسم.. دخل وراء ابوه للمجلس.. : السلام عليكم.. : وعليكم السلام.. غازي ابتسم عرف ان وليد اثر على ابوه.. بـ ينتظر يعرف ويش السر..؟! جلس ابو سعود جنب عمر و وليد جلس جنب ابوه.. قبل ما يسأل أي احد عن الموضوع او يوجة أي تعليق بدا ابو سعود بالكلام.. : منصور بن حمد.. كان من افضل الأشخاص و ازينهم.. ما يفوت فرض بالمسجد.. كان رفيق لي.. تربيت معاه.. اخر مره تشاركت معاه بـ شيء زين .. لما شاركنا بـ حرب الخليج مع بعض.. بعد ما رجعنا سالمين الحمدلله.. بعدها بـ فترة انقلب حالة.. تغير حيل علي.. صرت ادور عليه ما القاه.. تعرف على ناس جدد.. وقتها انا و بن حمد كنّا متشاركين بـ شركة.. لكن الشركة بسبب اللي كان يسوية بعد ما كانت تصعد صارت تطيح بالأرض ومن سيء لأسوء.. و قررت انفصل عنه بـ شغل لـ حالي.. ما كان راضي بالبداية بس اخذ الموضوع عن تحدي بيني و بينه و فتح كل واحد فينا شركتة الخاصة.. و صار بيننا تنافس.. و بـ فترة اشتغل معاه اخوي سعد.. ظلينا فترة طويلة على ذا الحال.. و كنّا نتلاقى بس ماهو بالحيل مثل قبل.. بـ مجلس بين التجار .. عشاء مسوية فلان و الا علان.. بعدها عامر كان يكسب صفقات بعضها كان ممكن ترسى على بن حمد.. هو رجال ذكي و يعرف بـ ايش يدخل.. ما يدخل مشروع ماهو واثق من نجاحة 100% .. و هالشيء خلى بن حمد يتراجع و اشتغل مع ناس اللي تعرف عليهم وقت ما كنت متشاركـ معاه.. و ما فادة هالشيء بالعكس دمروة.. و افلست شركتة و اضطر يبيعها و شريتها منه انا و اخواني بـ مبلغ ما تستاهلة الشركة بـ وقتها لكن عشان العشرة اللي بيني و بينه.. من بعد ما شريت الشركة منه ما عاد سمعت له حس لين جاني عامر يخطب لـ عماد و قالي ان عنده اوراق من بن حمد و بعضها شيكات كانت بيننا و بين بن حمد بـ حكم الشغل.. هذا كل شيء بيني و بينه.. جابر : طيب انت ما ضريتة ليش يكن لكـ هالحقد كله..؟! ليش ما حقد على عامر عشان الصفقات اللي خسرها..!؟ ابو سعود : لأن بن حمد يشكـ اني انا اللي اوشيت لـ عامر بـ اسلوبة في الشغل و خسرتة فلوسة كلها.. عساف : و ليش ما حاولت تكلمة و توضح له ان ما يخصكـ الموضوع كله..؟! ابو سعود بـ آسى على رفيق الحياة : اوصل له..!! منصور ما تغير عشانه شكـ فيني.. حتى اخلاقة تغيرت.. و تصرفاتة..!! صار يشرب و يسكر..!! تدلى دروب الردى و ما رجع من بعدها.. وليد : ليش اول تهربت من انكـ تجاوب علينا..؟! ابو سعود يناظر بـ الفراغ من غير لا يحط عينة بـ أي احد فيهم : لأنه .. اخوي..!! ما كنت راح اصدق انه يسوي فيني هالشكل و يقهرني.. دبت الحمية بـ وليد حط يده على ظهر ابوه : ما عاش من يقهركـ و احنا حواليكـ و الله و الله لا اقهره ما اخليها له.. ابو سعود : لا .. انت ما تسوي له شيء.. الأمن يتفاهمون معاه.. انسوا اللي سواه فينا خلاص.. وليد : و ليش ننسى ..؟! ابو سعود بـ حدة : اقولكـ اخــــوي.!.! تفهم..؟! مشعل : و ليش هو ما قدّر الأخوة اللي بينكم .. و يبي يضركـ..!! ابو سعود وقف : قلت لكم اللي عندي.. ما ارضى ان واحد من عيالي يضر اخوي.. كلامي واضح.. (لف على غازي و جابر) خذوا راحتكم البيت بيتكم.. بـ اصلي لي ركعتين..!! طلع ابو سعود وعيالة مقهورين أي اخ اللي يبي يضرهم و ابوهم بعد يمنعهم من انهم يستردون حقهم..!! جابر : خلاص شباب احنا بـ نحل الموضوع بالمركز.. و ان شاء الله كل شيء بـ ينتهي قريب مع التحقيقات و الأدلة.. غازي : وليد رجاءاً لا تتهور.. حكم عقلكـ شوي.. خروجكـ من البيت ماهو بـ مصلحتكـ .. حتى لو الصقر بالسجن ما يعني تسرح و تمرح على كيفكـ .. وليد بـ هدوء : ان شاء الله..!! وقف غازي و جابر و وقفوا معاهم كلهم.. سعود بـسرعة : وين ما تعتبون الباب قبل لا تعشون.. غازي : قبل ما تحلف و الله اننا رايحين الحين عندنا شغل ويش كثرة.. احمد : افاا الشغل يتأجل و الله ان ابوي يزعل.. استريحوا و عينوا من الله خير.. جابر : انا ما احب الرسميات و الشغل ذا .. بيتكم صاير مقر .. كل ما جيناكم بـ تعشونا يعني..؟! ياسر : افااا ماهو من قيمتكم و الله .. جابر تقدم بـ يطلع : ابيكـ تقول لا ما احنا معشينكم تفزع لي مو تفزع مع اخوانكـ .. سعود : افاا طال عمركـ ما قد جيتنا و تطلع ما تعشى عندنا و الله عيب بـ حقنا..!! نايف : اووه يعني عادي احنا ما نتعشى دايم مبلطين عندكم..!! مشعل : اذا قعدوا رؤوساءكـ انت بـ تقعد ليش نتعب بإقناعكـ .. غازي مشى : مالنا فيه بـ اوصل اهلي البيت و بعدها بـ اروح المركز.. : مع السلامة.. طلعوا وراء بعضهم غازي جابر عساف نايف و عزام و عماد.. بقي عمر واقف على الباب.. اللي ناظر ياسر : بالله ناد لي صبا ابي اسلم عليها.. ياسر : تأمر.. وليد : تهقى بـ نستفيد من اسمه..؟! عمر : مو بس اسمه.. بـ نجرب كل شيء بـ يدنا اذا ما استفدنا عمي يعرف عنه اشياء واجد.. بـ يفيدنا.. سعود : بـ تضغط على ابوي..؟! عمر : هو عارف انه تغير يعني شيء طبيعي بـ يساعدنا اننا نلقي القبض على شخص يضر الوطن.. ياسر فتح الباب .. و دخلوا اخوانة عرفوا ان صبا جات.. صبا تفاجأت لما شافتة ياسر ما علمها بس سحبها من غير لا يقولها شيء.. صرخت : عــــمــــر.. عمر فتح يدينه لها وهو يضحكـ حضنها : يا عيون عمر.. صبا تبوس كتفة : يا حياتي متى جيت و الله ما دريت و الا كنت استقبلتكـ بالمطار.. ابتسم عمر : انا جيتكـ ماله داعي تعنين.. كذا صبوي تزوجين وما تنتظريني..!؟ و الا ما يهمكـ وجودي..!! صبا : لا و الله بس بابا قال انه ما يصير نتشرط احنا مو اهل العرس.. و انا ما حبيت اعنيكـ و الله اني فقدتكـ حيل.. عمر يبوس راسها : ما تفقدين غالي.. جعلني ما اذوق حزنكـ .. صبا تحضنة بقوة : وااااو صاير خـــقة من وين كل هالزين اعطيني شوي..!! عمر : يرفع نقابها : من هنا.. احد يكون عنده اخت مثلكـ و ما يأخذ منها شوية زين..!! ياسر المتفرج الصامت..!! صبا عندها روح مع اخوها.. بس هالروح مفقودة معاه و هو السبب.. هو اللي حطمها من اول ليلة..!! تنهد عازم على التغيير حتى لو دلوعة يبي يعيش معاها لأنه مستحيل يفكر يطلقها تظل بنت عمه الأفضل يتأقلم معاها ومع دلعها.. عمر : يــــاهووه وين وصلت..!! ياسر انتبة لـ عمر اللي يحركـ يده قدام عينة : هنا ما ابعدت.. عمر غمز له : صبا لاعبة بالحسبة.. قرصتة صبا و وجها حمر اختفت وراه و عمر يضحكـ : هههههههههههههه.. تعالي شلون تزوجتي انتِ..؟! ياسر : مثل كل البنات و الا ويش حاسب بعد..؟! عمر : ماني حاسب .. بس ياسر تراني ما كنت موجود وقت خطبتها و لا زواجها.. تكفى يا ولد عمي لا تقهرني فيها.. الشيء اللي بـ توجعها فيه بـ يوجعني.. ياسر : لا تشيل هم ان شاء الله صبا بـ عيوني.. انت بس انتبة لـ نفسكـ .. صبا لفت و تعلقت بـ رقبة عمر : ليش انت وين بـ تروح..؟! عمر : عندي شغل و بـ اروح اقضية.. انتبهي لـ نفسكـ و لـ ياسر.. صبا : احبكـ عمر..!! عمر ناظر ياسر : شكلها لكـ بس لازم تمر بـ نقطة تفتيش اللي هي انا.. صبا ابتعدت عنه بـ قهر : صاير قليل ادب..!! ياسر و عمر : ههههههههههههههههههههههه.. .. شقة منيره و عيالها تحت حراسة مشددة.. منيره : قوم يا ابوي و الله شكلكـ تعبان..!! نواف : لا يمه ما فيني بلى بس نعسان.. نايف : ما عليكـ يمه يتدلع بس.. منيره تمسح على شعرة : الحمدلله اللي ربي ردكم لي سالمين من غير لا نضر احد.. و الله قلبي كان ياكلني كل ساعة و انا بـ بيت ابراهيم.. مستأمني على بيتة و اطعنة بـ ظهرة و اضرة..!! نايف : الحمدلله الموضوع عدّا على خير .. منيره : بكره بـ اروح بـ اتعذّر منه.. نواف جلس : وشوو..؟! خلاص يمه عاد طلقتي منه و قضينا من هالموضوع.. منيره ابتسمت : لا تعصب ويش بلاكـ اشتطيت كل ذا غيره علي..!؟ نواف : اذا ما غرت عليكـ على مين اغار..؟! منيره : على عروستكـ .. نواف : يجيب الله مطر.. نايف : يمه على ويش بـ تعذرين من ابو سعود..؟! منيره : ضايقتة يا ابوي لين خليتة يطلقني.. ما طلقني من الباب لـ الدريشة.. انا طولت لساني كني بزر .. ادري ان اللي سويتة غلط بس كنت افكر انه يطلقني و ارجع لكم و اقول للي حرمني منكم انه طلقني يمكن يعتقنا.. نايف : حسبي الله و نعم الوكيل فيه.. منيره : لازم اتعذر منه (ناظرت نواف) لا تسوي فيها بـ تزعل بـ اروح معاكم نكلمة من عند الباب و نمشي.. لازم يا ابوي.. هو ما قصر معنا.. سكت نواف ماهو عاجبة..!! اما نايف : اللي يريحكـ يمه نروح لهم بكره و كلميه.. نواف : منور حركات كاني ماني ما عندنا .. هاه مو يعني تجددين اللقاء و الحب القديم اللي وهقنا..!! قرصتة منيره من عضدة : ما تستحي قليل الأدب.. كنت بزر ما عاد فيه شيء ينذكر حتى.. نواف : صح بـ دليل الخطبة المتهورة اللي سواها و اللي غيرت حياتنا سنة و قلبتنا فوق تحت.. منيره : قم عن وجهي توكـ ما انت تعبان..!! يالله اذلف عني.. نواف ابتسم : لا خلاص بـ اقولكـ شيء ثاني.. كيف بناتة ما عنده وحده تطيح الطير من السماء تخطبينها لي..؟! نايف بـ حدة : ما تستحي تحكي بـ اعراض الناس..؟! نواف : لا تتفلسف قلت خطبة بالحلال ما حكيت فيهم.. هاه يمه ويش رايكـ ..؟! منيره : رأي يقول اقوم اسوي عشاء ازين لنا كلنا.. ابو سعود : وين سها..؟! ام حاتم : بـ غرفتها اليوم ما اكلت شيء كل ما قلت لها اجيب لكـ شيء تأكلينة قالت ماني مشتهية..!! حتى ما عتبت الباب و طلعت..!! ابو سعود : فارس روح نادها حتى لو كانت نايمة صحها قولها ابوي يبغاكـ .. فارس وقف : طيب.. بس لا تأكلون العشا عني..!! مشعل : لا تخاف الخير واجد بس اذلف..!! ابو سعود ناظر ياسر : هاه عسى طاح الحطب..؟! ياسر استغرب : أي حطب..؟! ابو سعود : كنّا شفنا نيران مولعة من صباح الله خير..!! ياسر : ههههههههه انا ما شفت شيء..!! ابو سعود : ان شاء الله يكون زي ما تقول بس..!! ميـار دخلت : مساء الخير.. : مساء النور.. جلست وراء امها : كلمي ام صاحبتي تبيكـ ..!! ام سعود : من هي..؟! ميار : ام رغد.. ام سعود : الوو.. وعليكم السلام يا هلا.. بخير يا وخيتي .. ويش حالكم انتم.. الحمدلله اللي يديمة علينا و عليكم.. ايه يا وخيتي.. ايه ايه عرفتكـ حياكـ الله.. ايه.. و الله يا وخيتي اني العلم ماهو عندي لكن عطيني كم يوم انشد ابو سعود و اخوانها وما يصير خاطركـ الا طيب.. الله يكتب اللي فيه الخير.. و لا يهمكـ ان شاء الله ما نطول عليكم.. سلامتكـ .. مع السلامة.. من لما سمعوا جملة انشد ابو سعود و اخوانها يتضح ان الموضوع خطبة.. كلهم يناظرون ام سعود.. عشان يعرفون مين اللي خاطب.. مو مين اللي انخطبت.. دخولها المرتبكـ قطع عليهم الانسجام .. همست : السلام عليكم.. : وعليكم السلام.. اتجهت لأبوها من غير لا تناظر بـ احد غيره ما تحمل تشوف اخوانها خصوصاً ياسر و خالد.. باست راسة.. و انتبهت ان فيه احد وقف لها.. رفعت عيونها لـ سعود.. يناظرها من زمان ما شافها شيء طبيعي بـ يسلم عليها.. ترددت تتقدم و الا تتخبى عند ابوها.. سعود : ايش فيكـ ما ودكـ تسلمين علي..؟! تقولين لي الحمدلله على السلامة..!!؟ تقدمت سها له و باست راسة : سـ ـلامـ ـتكـ .. سعود : الله يسلمكـ .. ناظرت اخوانها كلهم واقفين..!! كانت تحاول ما تحط عينها بـ عينة حتى تتفاجأ انهم كلهم واقفين عشان يسلمون عليها.. اهون سلام حاتم و احمد.. و اصعب سلام ياسر و خالد.. خالد يضغط على يدها ما يقدر ينسى كل شيء و كنه ما صار.. سها كانت اقرب خواتة له يدلعها من قبل لا يسافر بعثة سها عنده غير.. لكنه باس راسها و باست راسة حتى تبكي.. حطت راسها على كتفة.. و حط يدة على ظهرها .. يعرف طيبتها.. أي احد يقدر يضحكـ عليها بـسهولة .. ابو سعود وقف و اخذها من حضن خالد ناظر ولده : قلت لها شيء..؟! خالد : لا .. ابو سعود : و الله يا خالد بـ ازعل منكـ لو تقولها كلمة تزعلها..!! خالد : ما قلت لها يبه.. خلاص بردت..!! ابو سعود رفع راس سها : ليش تبكين..؟! ما قلنا يكفي خلاص..؟! سها همست بـ وجع خلّى الزعل ينصهر و يتبخر من قلوبهم : بس.. انا .. فقدتهم..!! وليد : ما تفقدين غالي يالغالية..!! جلس ابو سعود و جلسها جنبة.. لكنها تخبت وراء كتفة.. تمسح دموعها.. مشعل : يبه..!! ابي اطلع مع عمي راكان..!! ابو سعود : تخبر انه الشيء ما يرضيني.. يكفي ان امس هايت لي و لا شاورتني..!! مشعل : انت اول رافض عشان وليد.. هذا هو وليد هنا.. ابو سعود : و الحين بعد رافض.. طلعة ما فيه.. كتف يدينة مشعل من غير لا يزيد بالحكي.. دام قال لا ما راح يغير رايه شيء..!! توقع مع رجعة وليد الموضوع بـ ينتهي..!! ابو سعود : و بعدين وين كتبكـ ..؟! ناوي تفشلني يا مشعل و تخيس بالجامعة مثل الثانوي..!؟ و تتبع لي كل سنة بـ سنة..؟! مشعل : اختباري الأحد متأخر يمديني اخلص المادة.. ابو سعود : لا يا شيخ.. بدل ما تقول و الله مختمها و يبي لي اراجعها بس تقول يمديني اخلصها..؟!!! و من زود الفلاحة قلت تبي قانون..!! ناوي تحطها لي كلها مقبول..!! اول مره مشعل يتحسس من هالحكي..!! اول مره يحز بـ خاطرة..!! يمكن عشان وليد دايم يشاركة البلادة نفسها و التهزيء نفسة و يخف وجعها عليه..!! و تمر و ينساها.. بس هالمره اكل التهزيء كله و وجود اخوانة و خواتة خلى الكلمة بـ كلمتين..!! و الوجع بـ وجعين..!! وقف : انا بـ اروح انام.. ام احمد : وين يا ابوي ما بعد تعشيت..!! مشعل : ماني مشتهي.. تصبحون على خير.. طلع بعد ما باس راس امه و خالاتة و اخرهم ابوه.. ام احمد تكلم ابو سعود : تراكـ تقسى عليه و تكسر بـ خاطرة.. ماهو بزر ترده عن الطلعة.. ماهو رايح مع احد غريب طالع مع عمه..!! ابو سعود : خليه يتركـ الهياتة من استراحة لـ استراحة و هايت مع ذا و ذاكـ خليه يقضب كتبة.. لو ما يجيب لي درجات زينة لا افصلة من الجامعة و اشغلة عندي خليه يسترجل احسن له.. ابو سعود معصب..!! او مزاجة متعكر بـ معنى اصح.. و طلعت الحرة بـ مشعل.. سعود يحول الموضوع و يغير الجو : مين كلمكـ يمه..؟! ام سعود : هاذي ام عصام تقول تبي ميار لـ ولدها..!! ابو سعود : مين ام عصام..؟! ام سعود : عصام اخو تركي الله يرحمة..!! سعود : يمه ان دقت قولي لها ما عندنا بنات للعرس..!! ميار حطت رجل على رجل : و ليش ان شاء الله..؟! سعود : ليش انتِ تبينه..؟! ميار : مو شرط ابيه بس ما يعني انكـ تقرر عني بـ هالشكل.. سعود : طيب انا ماني موافق.. و اخواني كلهم مو موافقين و ابوي مو موافق و امي بعد تبينه..!؟ ميار رفعت حواجبها : ما احد قال رايه غيركـ انت من وين حطيت ان كلهم مو موافقين..!؟ وليد : انا ماني موافق..!! ياسر : و انا رأي من رأيهم.. خالد : و انا اكيد ماني موافق..!! ميار ناظرت الإثنين اللي باقين احمد و حاتم : و انتم بعد صيروا زيهم و قولوا ما انتم موافين..؟! حاتم : ما اعرف الرجال عشان اعطي رأيي فيه.. احمد : و لا انا و احس بـدري على الحكم من الحين لازم تفكر و تستخير اول شيء و ننشد عنه و بعدين يصير خير..!! وعد : من جد هيبتوا بالبنت على طول ما احنا موافقين..!! ويش ذا الموضوع مو بسيط بـ هالشكل..!! ابو سعود يناظر سعود : انتم شايفين شيء على الرجال..؟! سعود : عليه لا.. بس .. بس (ما يبي يحكي بـ تركي و ويش هي حقيقتة و يكسر ميار) العيلة كلها ما نبيها..!! ام سعود : ليش يا وليدي انا شفت امه و الله تنحط على الجرح يبرا.. سعود : يمه ما نبيهم.. ما نبي نسبهم..!! ميار : سعود لا تخليني اخذ الموضوع عناد و اوافق و الله كذا تقهرني.. ويش اللي مو عاجبكـ فيه..!؟ وليد : من جدكـ عادي عندكـ تأخذين اخو الرجال اللي ترملتي منه...؟! ميار : لا مو عادي.. بس ما احب هذا الإسلوب.. انا مو بيبي عشان احد يتحكم فيني بـ هالشكل.. يعني الموضوع يخصني المفروض الرأي لي انا.. مو لكم..!! خالد : طيب خلاص.. انت فكري و قرري احنا بـ نطلع من الموضوع دامكـ ما تبين لنا رأي و ما نهمكـ ..!! سعود : ماهو بـ كيفكـ يا ميار.. لو تحبين السماء ما تأخذينة.. و لا تنشدين ليش..؟! لا تنشدين على شيء لا عرفتية ما راح يرضيكـ ما ابي ازعلكـ .. بس لو السبب بـ اقوله لأبوي و اخواني ما احد فيهم بـ يرضى انه يزوجكـ له.. ميار بـ هدوء : ويش اللي بـ يزعلني..؟! كل زعلي خلصتة على تركي.. ما عاد يفرق معاي.. اصلاً انا كنت افكر بـ موضوع العرس و لا طرى علي.. و قلت لـ رغد اني رافضة لكنها اصرت ان امها تكلم امي.. بس حط في بـالكـ اني ما احب احد يكلمني بـ هالطريقة دام عندكـ سبب يعني تقدر تحكية.. وليد : قالكـ ما يبي يزعلكـ .. خلاص ميار هالموضوع منتهي من قبل لا يبدأ اصلاً.. ميار هزت اكتافها بـ عدم اهتمام : عادي ما تفرق .. لأن كل الرجال اخواني من بعد تركي..!! صد سعود مقهور على كيفها الموضوع بس يخطبها واحد يقدّرها بـ يجبرها عليه.. امّا يخليها توقف حياتها على موت تركي..!! ما راح يسمح لها..! خالد ينادي ولده بـ صوت عالي : ابــــراهيــــم..!! رند : انا تناديه..!! خالد : طيب يالله روحي.. ابراهيم : جيت يبه.. خالد : وين قاعد ..؟! ابراهيم : على التلفزيون.. خالد : طيب غسل يدكـ الحين بـ نحط العشا..!! ابراهيم : ما ابي اكل.. خالد : و ليش ان شاء الله..؟! ام احمد : ويش بلاكـ ما تشتهي تأكل.. (لفت تناظر خالد) و الله ان ولدكـ به بلى..!! خالد لف : تعال.. قرب ابراهيم و وقف قبال ابوه.. خالد يمد يده يشمر اكمام ثوب ولده : علمني ويش اكلت..؟! ابراهيم : ما اكلت شيء .. ماني جوعان..!! خالد : يعني ما افطرت و لا تغديت و الحين ما تبي تعشا و تقولي ماني جوعان..؟! جلس ابراهيم مستسلم جنب ابوه و هو يشوف السفرة تنفرش قدامة .. خالد : ايش فيكـ ..؟! ابراهيم : عشان انت بـ تخليني اكل حتى لو ما ابي..!! رند : اسحن عسان تصيرين تبيرة.. ازا ما اكلتِ بعدين تصيرين سعيرة و انا اصير اتبر منت (لفت على عمها احمد) صح عمو احمد.؟!..!! احمد يقرص خدودها : صح يا روح عمو انتِ ..!! ام احمد : يا جعل عمري ما يخلص قبل ما اشوف عيال كل واحد فيكم بـ حضنة..!! احمد : بعد عمر طويل ان شاء الله.. ام احمد : خلني اخطب لكـ يا ابوي تكفى..!! احمد : مالي خاطر الحين.. ان بغيت اعرس بـ اقولكـ .. ام احمد ناظرت خالد : تكفى يا ابوي لا تردني خلني ازوجكـ ..!! خالد شال بنتة : هاه يمه هذولي عيالي الحمدلله.. زواج و الله عايفة من كل قلبي.. وعد : مالت عليكم من اخوان واحد يقول انا عندكم اخطبوا لي مو كذا كل واحد يعاف العرس.. كلهم التفتوا لها وهي تجري عشان تزحلق على الرخام و تصرخ : هــــــــاي..!! ياسر : الحمدلله و الشكر لو انكـ هبدتي الحين و تكسرتي ويش انتِ مستفيدة..!؟ جود تبوس راس ابوها : رجاءاً عدّا الموضوع على خير لا تفتح مشاريع مسكرة.. جلست على السفرة بـ حماس : اخيراً حطيتوا العشا جوعــانة حدي.. كله من ريما بس تخليني اقرقر و احرقت الأكل اللي اكلتة..!! ابو سعود : ويش اخبارها ريما..؟! امسكوا ضحكتهم الشباب.. جود لفت تناظر ابوها بـ عدم اهتمام : بخير ما عليها.. ابو سعود : عسى بس شادة حيلها بالمذاكرة..!!؟ جود : تقول بـ تجيب الأولى على الفصل..!! وهي نسبتها خايسة الترم الأول ما ادري كيف بـ تصير الأولى..!! وعد : يمكن حسب قائمتها هي تلقينها مجمعة البنات اللي نسبهن واطية و تحط نفسها الأولى عليهن..!! جود : ههههههههههههه تسويها فاااصلة البنت .. صايرة مجنونة..!! ابو سعود : هالبنت تدخل القلب..!! وعد استغربت : نعـــم..!! و انت من وين تعرفها عشان تدخل قلبكـ ..؟! جود : هاه تبينا نخطبها لكـ ابو سعود تجدد شبابكـ عادي ترى ما اتوقع عندها اشكالية..!! وليد : هههههههههههههههههههههههههههههه على اساس هي ما خطبت نفسها لأبوي للحين..!! جود تناظر وليد : ايش دراكم..!؟ ياسر : سوالفكن كلها عندنا.. و لا ابوها جالس يقول تراها تمزح الإختبارات مأثرة على مخها..!! وعد : هو صادق تمزح .. احيان أحس مخها مضيع..!! وليد يلعب بـ حواجبة : تبي واحد فاشل ما يكون امتز منها..؟!!.. عاد لو مو هذا كان هذا..!! سعود ضرب كفة بـ كف وليد بعد ما فهم قصدة لو مو متزوج بنت الصقر كان خطب بنت غازي : ههههههههههه .. يا عيني على الألغاز..!! ام احمد : و الله صادق ابو سعود البنت تدخل القلب.. ويش رايكـم اخطبها لـ واحد فيكم.. احمد : طبعاً انا لا.. ماهو عيب بالبنت بس لو بـ اتزوج بـ اخذ وحده رايقة هادية مو خبلة.. تبي لها واحد خبل مثلها.. خالد : و اكيد انا لا .. انا ابي وحده كبيره فاهمة تعرف تربي أأتمنها على عيالي مو وحده غير اجيب اللي أأتمنه عليها..!! ابو سعود : خليهم .. تضيع من يديهم.. و حاتم ما سمعنا رأيكـ غازي نسبة ينشرى بالذهب.. حاتم : لا يبه .. مالي خاطر فيها.. جود : مالت عليكم ثلاثتكم و الله البنت تجنن كذا يعني بريئة لطيفة جميلة طيبة كل شيء زين فيها... بس خبلة..!! يعني كلمة حق..!! وعد : بابا من جدكـ تبيها لأحمد و خالد..؟! ابو سعود : ايه ليش..؟! وعد : ما تحس ان فيه فرق بالعمر..؟! يعني مو عشر سنين اكثر من كذا..؟!! عدا ان خالد مطلق و عنده ولد و بنت و البنت عمرها 17 ما فيه أي تناسب بالموضوع..!! جلس ابو سعود على رأس السفرة حتى كلهم يقومون وراه و كل مين يجلس مكانة.. : بلا تناسب بلا خرابيط مالها داعي.. حكي الكتب هذا خليه على جنب.. جود : هذا مو حكي كتب.. هذا الواقع.. يعني احمد عمره 31 و هي عمرها 17 بينهم 14 سنة..!! و خالد بعد عمره 30 بينهم 13 سنة..!! و حاتم اقل بسنة يعني 12 سنة..!! ويش ذا النظام بس تعجبنا البنت نأخذها ما يهم الباقي..!! ابو سعود : اللي يسمعكن يقول رحنا خطبناها خلاص.؟! و على فكرة لو ان واحد من اخوانكـن بـ يتزوج بـ ارشحها هي مثل ما ارشح عبير.. ما احنا متخطينهن..!! يكفي سهاد راحت علينا..!! وعد : بابا ويش اللي راحت علينا..؟!! ويش ذا الحكي..؟! سعود طنش حكي وعد : ما راحت لـ غريب .. سلمان رجال ينشرى ما ينباع.. ابو سعود : الله يكتب لهم الخير.. وين دانه ما نزلت..؟! ام احمد : نايمة قالت لي اصحيها 12 بكره اختبارها.. ام سعود : ليش السبت ماهو اجازة..؟! سعود : لا الجامعات احيان يحطون اختباراتهم السبت.. ام سعود : الله لا يشقينا.. ويش ذا يبون يذبحون عيالنا بالإختبارات..؟!! ميار : من جد.. انا كل الإسبوع عندي اختبارات من الأحد لين الخميس..!! و الإسبوع الجاي كله الا الثلاثاء مره كثير شكلي بـ اجيب العيد هالترم..!! احمد : انتِ ثقلتي على نفسكـ بالمواد هالترم.. ما يصير تأخذينها عشان تفتكين و بس.. اهم شيء تجيبين درجات كويسة..!! اثنين كان وجودهم على السفرة ديزاين.. سها و ابراهيم ولد خالد.. ابو سعود : ليش ما تأكلين..!!؟ يالله بابا مدي يدكـ ..!! سعود مد الصحن لها : كثرت لكـ بشاميل دامكـ تحبينها بس خلصي الصحن كله.. اخذ ابو سعود الصحن وحطه قدامها.. جود تناظر سعود : انت ياليتكـ تحط لـ نفسكـ تراكـ بـ يد وحده..!! سعود : قولي انكـ غيرانة و تبيني احط لكـ بـ يدي..؟! جود : لا شكراً .. كثر خيركـ .. مير انا احزن ما كن عندي اختبارات ما احد معطيني وجه..!! (تكلم وعد) بالله ويش رايكـ ماهم مسفلين فيني..؟! وعد : واجد.. جود : يا عيني يا انا.. كــ ـ ـ قطعت كلامها متفاجأة من طيحة راس ابراهيم على طرف السفرة..!! خالد رفع راس ولده : بسم الله .. ابراهيم..!! احمد ضرب خدة بـ خفة و حس بـ حرارتة حط يده على جبهتة : مســخن..!! خالد حط يده عليه يتأكد : شلون ما حسيت فيه..!! ام احمد : و اشوفة ماهو مشتهي يأكل .. فيه فيفادول بالثلاجة اعطه منه.. خالد مد يده و سحب كاسة المويا صب بيدة شوي و مسح على وجهة .. فتح عيونة و غمضها من جديد .. خالد : ابراهيــم..!! حاتم : اعطة خافض حرارة و حط له كمادات.. خالد وقف و شالة.. حطة على الأرض .. : يـــاتي هاتي منشفة صغيرة و علبة فيها مويا بارد.. احمد : عاد مرضة شين الله وكيلكـ ما يدنى شيء..!! رند : ليس هو تبعان..!؟ احمد : شوي يا عمي بعدين يصير زين.. يالله كملي اكلكـ .. رند قامت : لا بـ اكل مع ابراهيم.. خالد : يا بابا تعشي مع عم احمد.. ابراهيم بـ ينام شوي و لا صحى بـ يأكل..!! : لا .. لا.. يمـــه.. لا... يبـــه .. يبـــــــــه.. خالد جلسة و سنده على صدره : انا هنا يا بابا جنبكـ .. : لاا .. يمه لا.. لا تحرقيني .. لا .. يمــــه .. يبــــــــــــه تعــــــــال.. يبـــــــــه..!! انقهر خالد.. كل يوم نفس الحالة و نفس الكوابيس.. امه ما تركت اثر زين بـ حياتة.. ضرب على خده يبي يصحيه من احلامة .. وهم كلهم يسمعون حكيه مستغربين..!! خالد : ابـــراهيــم..!! ابراهيم فزع لما شاف ابوه و بكى : يبه .. يبه وينكـ تأخرت.. امي حرقتني.. كانت بـ تحرق رند وما خليتها.. خالد حضنة يهديه : ما تأخرت .. يبه انا ما رحت مكان معاكـ .. اهدأ .. ابراهيم رفع الثوب عن ساقة حتى يتضح آثر حرق قديم من شهور : شوف شوف حرقتني و الله حرقتني..!! احمد جلس قدام ابراهيم وهو بـ حضن خالد : امكـ ماهي هنا احنا عندكـ يا عمي شوف انت احنا ببيت جدكـ ..!! ابراهيم : يبه .. لا تسافر.. لا تروح.. قول لـ جدي.. علمه احنا نبيكـ لا تروح.. امي تضربنا.. غفى ابراهيم من جديد.. وسط خوف رند وهي تشوفة يطري امهم و الضرب و الحرق اللي سببتة لأبراهيم.. و قهر خالد من تتيانا و الألم اللي سببتة لإثنين مالهم ذنب في شي.. احمد : وده دكتور.. ما ينفع كذا بـ تخليه كل يوم يتحلم فيها..!؟ خالد : بـ احجز له قريب ان شاء الله.. احمد : بس يتعافى من السخونة تودية.. انا بـ احجز له عند واحد من اخوياي.. ام احمد : وين بـ تودونة ..؟! احمد قام بعد ما كان معطي السفرة ظهرة و يكلم خالد : بـ نوديه دكتور نفسي.. امه ما قصرت عقدتة الله يحاسبها.. وعد آشرت له على رند : احمـــد..!! رند كانت واقفة و تناظر ابراهيم.. اتجهت لـ جدها : انت تحبنا..؟! ابو سعود :اكيد احبكم.. رند : لا تحلي ماما تزي .. بعدين بابا يروح الدوام.. وهي تدلبنا و تدول يا ويلتم حالد يعرف و احنا نحاف..!! احنا ما نبي نروح الشقة حدتنا .. بـ نجلس عند ماما ساره.. ابو سعود سحبها و جلسها بـ حضنة : ما راح تروحون .. بـ تقعدون عندنا.. ماما خلاص سافرت ما راح تجي مره ثانية.. جود : حسبي الله عليها سبع التحاسيب.. ويش هي من ام..؟! وعد : جود.. ما يصير هالحكي قدام بنتها..!! جود : قهر يا اختي تقولكـ حارقتة ليش ويش بـ يتحمل يومها تحرقة.. اصلاً ويش مسوي ويش الشيء اللي مستاهل تحرقة عشانة..!! ابو سعود : جود خلاص بابا.. سها : الحمدلله .. عن اذنكم.. .. : السلام عليكم.. : وعليكم السلام.. وقفن بناتة يسلمن عليه.. غازي : ويش هالصباح اللي اشوفكن صاحيات ماشاء الله و مروقات بعد..!! امال : بعض الناس تخبر عادتهم بالإختبارات ما ناموا..!! غازي : ليش ..؟! ما قلتِ لي انكـ خلصتِ المادة الساعة 11 ..؟! ريما : ايه بس لازم اراجع..؟! لينا : الله من الإهمال المفروض انكـ مخلصتة بإسبوع الإستعداد و البارح تراجعين..!! ريما تنرفزت : و لا حرف.. ما يخصكـ .. غازي بـ حزم : ريمــــا..!! ويش ذا الإسلوب..!! ندى ابتسمت : لا تعصب عليها .. هي متوترة عشان فترة اختبارات اصبر عليها بس تخلص الإختبارات بترجع مثل قبل و ازين.. ريما : هاه تعرفني ماشاء الله ما كني بنتكم من سنين ما تعرفوني.. امال : و الله ما احد يقبل بـ قلة الأدب .. المحترم محترم بـ كل الأوقات.. ريما : شكـراً اصلاً انتم تنتظرون علي الشارة عشان تهاوشوني.. غازي : طيب افطري عشان نمشي.. ريما : ما ابغى.. شربت كوفي من شوي.. غازي : ريما ما احب هالأسلوب.. كل سنة و كل ترم تكررين لي نفس الموال و بعدين..؟! ريما تلعب بـ كتابها : ما اشتهي اكل.. غازي : ايه اهملي كل السنة و ارهقي نفسكـ بالإختبارات مثل كل مره عشان تطيحين من طولكـ .. لينا : فتحوا لكـ نفسكـ على ذا الصبحية بـ هوشة جميلة تروقين فيها قبل الإختبار.. غازي : دام كلكم جالسين.. انا ابي اقولكم خبر حلو.. (ناظر ريما) عشان نفتح نفس الحلوة للإختبار.. (كلهم يناظرونة.. الا ندى منحرجة عارفة انه بـ يخبرهم بـ حملها.. غازي يكمل) ندى حامل.. امال ابتسمت : مبـروكـ ان شاء الله .. الله ييسر لكـ و تقومين بالسلامة.. ندى : الله يباركـ فيكـ .. طاري الحمل ذكرها بـ نفسها ابتسمت : مبروكـ ندوش.. ندى : الله يباركـ فيكـ حبيبتي.. قامت و سحبت كتابها و نقابها من غير لا تناظر بأي احد : مبروك.. طلعت قبل لا تسمع رد ندى.. ندى : الله يهديكـ ليش تقولها الحين..!! بـ تضايقها قبل اختبارها.. غازي وقف : انا بـ اتفاهم معاها.. تبون شيء..؟! : سلامتكـ .. غازي : الله يسلمكم .. مع السلامة.. : مع السلامة.. امال : عاد لازم تنتبهين لـ نفسكـ وما تتعبينها .. اذا ودكـ بـشيء علميني و انا اسويه لكـ .. ندى : ما تقصرين و الله.. بس ماني مسوية شيء مـــره شغل عادي ما يتعب..!! في سيارة غازي.. غازي : ما تبين تقولين شيء..!؟ ريما : ما عندي شيء اقولة.. غازي : ريما انا ابوكـ ماني غافل عنكـ .. راح اعرف ان كنتِ متضايقة من غير لا تحكين.. ريما : ما انكر اني تضايقت بس كان شيء طبيعي انت تزوجت عشان يجي لكـ ولد و ان شاء الله يجي لكـ الولد اللي تبيه و يغنيكـ عنّا..!! غازي عقد حواجبة و التفت لها : يغنيني عنكم..؟!! ليش ما تبيني انتِ..؟! ريما : مو مهم انا ابيكـ و الا لا.. لأنه ما راح يغير شيء بالموضوع.. وقف السيارة قبال باب المدرسة و مسك يدها قبل لا تنزل : خايفة لا اهتم فيه و اطنشكم.. عشان هو ولد و انتن بنات..؟! ما علقت دايم الولد اغلى من البنت و بـ يجي له ولد تمناه من قبل لا يتزوج .. ينادونه يا ابو محمد لكن ما جاه محمد اربع بنات و ما عقب للحين غيرهم.. اكيد غلاه بـ يكون اضعاف.. غازي : انا ما يهمني يجيني بنت و الا ولد.. صدقيني لو بـ يجيني بنت ما راح ازعل بالعكس بـ افرح فيها مثل ما فرحت فيكن.. انا عندي نعمة غيري فاقدها اللي عنده بس عيال و ما جرب يكون عنده بنت ما حس بـ طعم هالنعمة.. بـ يكون جرب حنان الأم و الأخت و الزوجة.. بس ما جرب حنان البنت.. و انا الحمدلله عندي بدال البنت اربع ربي منعم علي تتوقعين لو بـ يعطيني بنت خامسة بـ اقول لا ابي ولد..؟! لا يا ريما .. و تأكدي يا بابا سوا جاتني بنت و الا ولد ما احد بـ يأخذ مكانكـ من روحي.. حطت يدها وراء رقبتة و باست كتفة : الله لا يحرمني منكـ .. ابتسم .. بعدت عنه .. : و لا منكـ .. يالله انزلي لا تتأخرين.. لا تنسين تسمين و تقرين آية الكرسي و الفاتحة قبل لا تبدين تحلين.. ريما : ان شاء الله.. مع السلامة.. .. مدرسة جود.. فاتحة كتابها تراجع بعد الإختبار و تمشي مو منتبهة لأحد.. تفاجأت بـ بنت دفتها و دخلتها غرفة.. ناظرت فيها حتى تستوعب انها بـ غرفة الحاسب : خيــر..!! صوت خشن من وراها : الخيــر بـ وجهكـ ..!! التفت جود على صاحبة الصوت معاها بنتين يعني ثلاث مقابل وحده.. تنفست بـ هدوء رغم توترها : نعم ويش تبين انتِ بعد..؟! قربت منها حتى توقف بـ وجهها .. سعاد او سعد مثل ما تحب ينادونها : ويش ابي.. لي حساب معاكـ ابي اصفية.. و كل واحد يروح بـ حال سبيلة.. جود : ما بيني و بينكـ حسابات.. سعاد تلف حوالين جود و تحط يدها على كتف جود : نو نو نو مو كذا يا حلو انت.. ما يصير نغلط و ننسى.. جود تناظر البنت بعد ما طقت القفل طقتين تراجعت جود خطوتين : انا ما غلطت عليكـ انتِ اللي غلطتِ علي.. و احمدي ربكـ اللي ما اشتكيت عليكـ و وديتكـ بـ داهية ترى ماني عايزة عنها.. سعاد : طبعاً ما انتِ عايزة .. كلنا عارفين مين هو ابوكـ .. ابراهيم بن مساعد بن سالم.. كلنا عارفين.. يالله ناديه خليه يجي يطلعكـ من هنا.. بـ نشوف اسمه يسوي لكـ شيء و يفيدكـ .. جود صرخت تبي أي احد يمر يسمعها و يطلعها من بين مريضة نفسياً و خوياتها : آآآآآآآآآآآآآآآآآآآآآآآآآآآآآآآآآآآآآآآآآآآآآ .. دفتها سعاد على الكرسي و وقفت وراها سدت على فمها.. و مسكت كل وحده من البنات يد جود .. سحبت وحده فيهن اللزقة حتى تثبت يدها بـ مسكة الكرسي و ثبتت اليد الثانية حتى يمنعنونها من الحركة.. و رفعت سعاد يدها حتى تحط البنت اللزقة على فم جود.. ما تحملت جود كل ذا حتى تبكي..!! ندمت اللي ما سمعت كلام ريما و خواتها و علمت ابوها.. استهانت بالموضوع لين طاحت المصيبة على راسها و راس اهلها.. سعاد تلف الكرسي و تلف جود معاه : يوه نزلت دموع البيبي .. ليش كذا يا حبيبي كنتِ تسوين نفسكـ قوية وينها قوتكـ الحين..؟! وين اللي تحاميتي فيهم ما حموكـ مننا.. البنت : سعاد يالله عشان نطلع قبل لا يقفلون الباب.. سعاد سحبت المقص من على الطاولة و تلعب فيه قدام عيون جود : هاه جودي ويش رايكـ ..؟! من وين نبدا..؟! جود حركت راسها تبي تتكلم لكن سعاد طنشتها .. تبي تشفي غليلها بـ جود اللي استحقرتها قدام البنات .. مدت يدها على راس جود : اششش خليكـ عاقلة.. أي حركة بـ تسوينها بـ تضركـ ما تنفعكـ .. غمضت جود و تتمنى يغمى عليها.. وين هبوط السكر عنها..؟! مو هو صار رفيقها.. وينه عنها تبي يغمى عليها يمكن يخافون و يطلعون.. ما تبي تشوف ويش راح يسوون فيها..!! سمعت صوت المقص و طاح شيء بـ حضنها ناظرت شعرها.. و بكت.. شعرة شعرة شعرة كل مره ترمي سعاد بـ حضنها خصلة من شعرها .. حست بـ يد سعاد تحرك شعرها و كأنها تنفضة : الله.. كذا حلوو و الا شباب..؟! البنت ابتسمت : تصلح حلاق مضبوط.. سعاد : لفت الكرسي حتى تقابل وجه جود بعد ما لعبت بـ شعرها : هاه ويش رايكـ وين ننتقل..؟! جود تحركـ يدها لعل و عسى تفتح يدها تحرر نفسها من التعذيب من وحده مريضة تعذبها.. فتحت سعاد المقص على اكثر شيء و جرحت جود من خدها و شقت ياقة مريولها و جرحتها من كتفها الأيمن.. و جود تشهق وجع نفسي و جسدي.. مو متخيلة الوضع اللي هي فيه حالياً.. مو متخيلة اللي يصير لها.. البنت : يالله سعد خلنا نخلص و نطلع.. سعاد حط يدها اليسار على اعلى طرف الكرسي اللي جالسة عليه جود و المقص بـ يدها اليمين.. وطعنت جود بـ بطنها بـ كل قوتها .. اتسعت عيون جود ألم و وجع وصدمة.. صرخت من الوجع بس مالها صوت يطلع كتمت سعاد كل وجعها و كل صرخة تستنجد فيها أي احد يمر قريب من غرفة الحاسب.. سحبت سعاد المقص من جود و ابتسمت : كذا احنا تصافينا و ما صار لي عندكـ شيء و لا لكـ عندي شيء.. رمت سعاد المقص على وحده من البنات اللي معاها حتى ترمية بـ كيس و تحطه بـ شنطتها.. سعاد و هي تناظر جود و كأنها بـ تغيب عن الوعي قريب : لو عرفت يا جود ان احد عرف أي شيء ما تلومين الا نفسكـ هالمره مجموعة جروح المره الجاية بـ ارميكـ جثة.. طلعت سعاد و بعدها البنات و قفلوا الباب بعد ما طلعوا و ما كأن صار شيء.. و لا تركوا وراهم ادمية تنزف.. و لا اوجعوا احد جسدياً.. بـ يلحقون على الطلعة و لا من شاف و لا من دري.. و اليوم خميس ما احد بـ يدري عنها على الأقل لين ساعة قدام.. اذا ما كان لـ يوم الأحد.. .. أستغفر الله العظيم و أتوب إليه.. لا أحلل نقل الرواية دون ذكر اسمي.. هاشتاق #رواية_لو_سألتي_الورد ضحكة قهر.. http://up.graaam.com/img/23407876b74...eba11d9f14.pnghttp://up.graaam.com/img/c433481acf7...1de64fbad2.png |
رد: لو سألتي الورد وهو ما بين إيدك أقطعك بيقول لك عمري فداك الكاتبة / ضحكة قهر
متى تكملين ؟ ):
|
رد: لو سألتي الورد وهو ما بين إيدك أقطعك بيقول لك عمري فداك الكاتبة / ضحكة قهر
بسم الله الرحمن الرحيم.. السلام عليكم و رحمة الله و بركاتة.. مساء الأنوار.. يا حيا الله قُرائي الجميلين.. و غيرنا موعد البارت بعد الحدث اللي اخذ قلوبكم من بين ضلوعكم عشان جويدة.. احب اقولكم ان هالبارت بـ ياخذ الباقي منها اذا فيه باقي هههههههه .. بصراحة اعترف اني اجرمت في هالبارت.. ما عليش لازم تتقبلون الوضع مثل ما هو عليه.. الرواية لها مسار و بـ تمشي عليه مثل ما هو.. البارت المفروض ينزل امس حسب ما قلنا عن تغيير المواعيد بس ما خلصتة و بما انه انتهى الأربعاء و ما خلصتة كان المفروض انزلة السبت عشان المواعيد تكون ثابتة.. بس لأن اهل الآسك خاصة ما خلوني بـ حالي حرام عليكم ضغطتوا علي انا احزن.. احم احم.. نزلتة اليوم بما اني توني مخلصتة كله.. بس اللي ابي اوصلة اني ما ادري متى موعد البارت الجاي هل هو الأربعاء و الا السبت الجاي.. لازم تحملون التأخير بما ان هالبارت اخل بـ ميزان المواعيد.. و شسمة اربطوا لي قلوبكم ما احد قالكم تستثيرون قريحتي الشريرة و انتم تقولون لي البارت بارد..!! ما فيه احداث..! تحملوا ما يجيكم << عصبت ^_^..!! حياكم الله جميعاً ايها المليونين.. قراءة ممتعة.. البارت الثامن و الخمسون.. من شعور اني تمنّيتكـ و طلتكـ للغياب اللي مخلّيني أعاني.. كل ما مرّيتي فـ بالي سألتكـ كيف حال اللي خذا منّي مكاني ! لـ رجف.. بيت ابو سعود.. جناح صبا و ياسر.. ياسر : اعتقد قلت لكـ بـ نفتح صفحة جديدة.. لا تجلسين تذكرين اللي صار من قبل..!! صبا حطت رجل على رجل و بـ برود ما شافة ياسر من قبل : لا و الله انا ابي اعرف اصلاً ويش اللي خلاكـ تقرر تفتح صفحة جديدة.. يمكن عشان عمر رجع و ما تبيني اشكيكـ عند اهلي..!! لأنكـ تعرف ان عمر اشد واحد فيهم وما راح يرضى باللي تسوية فيني..!! يحاول يتمالكـ اعصابة.. ما عاد دلعها يثير عصبيتة اللي يثيرة الحين برودها و ما كأنه زوجها.. سقا الله ايام كانت قدامة راضية و مطيعة الحين ناوية تلعب في راسة بـ يصبر قد ما صبرت بـ يصبر ما راح يبخسها حقها : اولاً انا ما اخاف من احد لا من عمر و لا غيره كان هذا اللي تلمحين له و لسانكـ عجز لا ينطقها.. ثانياً انا صدق اخطيت و قلت لكـ اخطيت و لو ما حسيت بـ خطيتي بـ حقكـ ما كان حاولت اصلح الوضع بيني و بينكـ يعني عاجبكـ حالتنا كذا..!! تهربين مني..؟!! صبا تحركـ يدها المزينة .. حتى الإكسسورات تدلع على معصمها اساورها الناعمة.. خواتمها .. تبي تقهرة : انا ما اهرب منكـ و ليش اهرب اصلاً..!! ياسر : لا و الله من يوم قلت لك بـ نفتح صفحة جديدة ما عاد شفت الا غبرتكـ ..!! صبا : لأن انت اخطيت بـ حقي و يوم مليت قلت يالله نغير تعالي نفتح صفحة جديدة لا يا روحي انا مو دمية تلعب فيها على كيفكـ .. انا قدرتكـ يا ياسر عشانكـ ارتبطت فيني ما يهون علي اني اكسر لكـ كلمة و انا احس اني بـ اكسر نفسي لو بـ اعصيكـ لكن انت كنت تقهرني و تبكيني كم مره بكيتني..!! كم مره و لا اهتميت حتى شهر عسل زي العالم و الناس ما عشت معاكـ ..!! و الا ليش ابالغ و اقول شهر عسل ايام عدلة ما عشت معاكـ يا تصرخ علي ان حكيت يا تكتم صوتي و تخليني اكتب لكـ بـ ورقة.!! (وقفت حتى تسحب النوتة و تفتح اوراقها) اقرأ الحكي اللي فيه كله ابي و ابي و ابي ماهو حكي طبيعي بين أي زوجين.. حتى افكر ميه مره قبل لا اكتب لكـ احس اني ثقيلة عليكـ بس انت ما كنت تخلي لي مجال ما اقدر اطلب من بابا او فيصل اللي ابيه اخاف تعصب و اخاف احد يحس ان حياتنا سيئة.. ما كنت ابي احد يحس انكـ تقهرني عشان ما احد يحاكيكـ اخاف انزل و اجلس مع خواتكـ اخاف يعرفون ان علاقتنا زفت.. اخاف من كل شيء و انت مو هامكـ شيء غير انكـ ما تسمع صوتي اللي يعصب فيكـ ويش اللي تغير الحين .. فجأة نمت و صحيت لقيت مزاجكـ يبي يسمع صوتي..!! ياسر بـ هدوء : طيب انا حسيت بـ غلطتي و قلت ابي اغير الوضع و نبدأ من جديد يعني ما القى لي شيء بـ خاطركـ ..!! انا آسف..!! (ناظرتة مستغربة ما توقعت يعتذر بـ هالسهولة) و بـ احاول اعوضكـ عن كل شيء بس اعطيني فرصة اثبت لكـ .. صبا كتفت يدينها : و اذا رفضت ..!! ويش بـ تسوي ما راح تطلقني..!! بس يمكن تحطني تحت الكفر و تدعسني مثل ما سويت باللاب توب اللي جابه لي عمر..!! ياسر اخذ نفس : بـ اجيب لكـ غيره و على مزاجكـ اختاري اللي تبينة و ان تبين نفسه بـ ادبر لكـ واحد زيه رغم انه اصدار قديم يعني الشركة وقفت عن تصديرة.. لكن عشانكـ بس..!! صبا : اوافق بس بـ شرط..!! ما يعتبر هذا اني رضيت..!! بـ نجلس كذا لين احس اني رديت حقي منكـ .. (هزت اكتافها) اقصد زملاء سكن..!! شد له نفس لا يعصب و يخرب كل شيء اذا هو اللي طبق الـ 29 وحده مثل صبا تضحكـ عليه..!! و تمشية على شروطها..!! اصبر يا ياسر لا تعصب عليها عشان كل شيء يتعدل هي باقية معاكـ لأخر العمر وماهي عيشة هاللي تعيشونة.. لازم كل شيء يمشي بـ مجراه الطبيعي : انا ما بعد طلبتكـ شيء.. خلاص خلينا زملاء سكن مثل ما تبين.. بس انا بعد عندي شرط..!! ما عاد ابي هواش نبي نعيش بـ هدوء.. لو ضايقتكـ بـ شيء علميني.. صارحيني مو تقلبين خلقتكـ بـ وجهي..!! صبا بإستنكار : ليش انت ناوي تضايقني..!؟!!! غمض عيونة الصبر يارب الصبر بنت العم .. بنت العم.. بنت العم.. : قلت لو ضايقتكـ .. بالمقابل انا لو شفت شيء ما اعجبني منكـ راح اصارحكـ .. انا احب كل شيء واضح.. صبا : موافقة..!! و الحين ويش بـ تجيب لي لاب توب..؟! ياسر يتخطاها و يرمي شماغة اللي على كتفة و ينزل طاقيتة من راسة و العقال على الكومدينة : المغرب ان شاء الله بـ اجيب لكـ كاتلوج فيه جميع الشركات و اخر الإصدارات مع المواصفات و نقي اللي يناسب احتياجاتكـ ..!! الحين بـ انام و صحيني العصر.. .. العصر .. بيت ابو عمر.. تنهد : عساكـ بس تصلح خطاكـ ..!! عساف في جلسة اخوة مع عمر من سنة فقدها : مناديني على القهوة عشان تغثني..!؟ عمر : لا و الله انا اغثكـ..!! و اللي سويتة بـ نفسكـ و فيها ماهو مغثة..!! عساف بـ بـساطة : راحت بـ حال سبيلها..!! عمر رفع حواجبة : تضحكـ على نفسكـ و الا علي..!! بس انشد نفسكـ لا جاء طاريها ويش يصير فيكـ ..!! لاحظ على عمركـ لا شفت بنتها شلون تغدي..!! عساف سرح مع بنتها اللي تحمل نفس ملامحها و همس : بنتها..!! عمر بـ حدة : ايه بنتها.. انا ماني عارف شلون خليت عماد يأخذها.. وين كنت يوم لوو ذراع عمي فيها..؟! ليش ما حجرت عليها ما خليت احد فيهم يحكي ربع كلمة..!! عساف بـ خيبة : كنت خاطب اختها..!! وما دريت عن خطبتها غير بعد ما ملكت.. عمر : انا ماني عارف اذا الموضوع تعلق بـ قلبكـ و حياتكـ و سعادتكـ تصير غبي..!! عساف بـ حدة : عمـــر..!! عمر : بالطقاق لو تعصب ما تهمني.. ما قلت شيء غلط.. و انا صادق تصير غبي..!! مو منرفزني احد كثر عماد اللي تشتغلون معاه و هو قاهر بنتنا..!! عساف : الشغل شيء و حياتة مع وعد شيء ثاني..!! لا تحسب اني مبسوط بـ شوفتة بس اني احاول اوخر قهري منه على جنب.. عمر : بس ابي اعرف ليش ما دبغتوة انت و عيال عمي..!! المفروض تخلونة يتلفت وراه من خوفة.. حتى هي غبية..!! غبية ما قد شفت وحده اغبى منها الا وحده ..!! (طبعاً يقصد لينا..!!).. عساف : الحين مالكـ فيني انا الزواج شايلة من مخي انت ويش بـ تسوي..؟! عمر : شيله من هنا لين تخلص عدتها شهر و اسبوع حتى انا حاسب لها .. و بعدها غصباً عنكـ تخطبها و لو مو بـ كيفكـ بـ تنجبر يا عساف و لا هميتني.. ما راح اخليكـ تضيع حياتكـ و حياتها.. ما احد راح يعرف لها و يقدرها كثركـ صار معاها بنت تبي أي احد يأخذها و الله اني منقهر من اللي سواه عماد ودي كل ما شفتة اذبحة.. عساف : طيب ليش انت ما تزوجتها..؟! ما الثانية كانت لكـ ..!! و الأولى لي و انا انسحبت..!! عمر بإستنكار : من جدكـ ..!! اعرف انها بـ خاطركـ و اخذها..!! و الله ما عاد الا هي..!! انا ما اشوفها الا اخت .. هي و صبا عندي واحد.. تبيني اتزوجها..!! عز الله ان مخكـ ضرب..!! عساف : خلاص طيب لا تعصب علينا .. الموضوع انتهى هي شافت نصيبها و قضينا.. عمر : شافت نصيبها..!! هذا هي قاعدة بـ بيت عمي مطلقة تحسب لـ عدتها تقضي يوم وراء يوم و ومعاها بنت.. عساف بـ سكون : تهقى لو خطبتها بـ توافق علي..!! تسوي نفسكـ ما تعرفها..!! انا حر يا عمر.. وهي تبي لها واحد هي تقودة على كيفها و مزاجها.. و ماهي هاذي سجيتي و ما اقدر اغير من طبوعي و شخصيتي عشان ارضي قليبي و اذل نفسي.. حتى لو اني ابيها و ما ابي مره غيرها .. دام هي راسها يابس و تبي تقودني وراها ما تزوجتها يا عمر.. انا حر .. حر ..!! عمر : و ليش ما تكون تغيرت..!! ليش تفترض جوابها قبل لا تسأل سؤالكـ .!! فكرت بـ حال عمي ابراهيم..؟! فكرت بـ حال سعود و اخوانة.. أي رجال بالدنيا حتى لو عودة شديد ما يبي يكون له اخت مطلقة..!! كل ما شافها قدامة تحسر عليها.. فكر بـ كلامي يا عساف.. عشانكـ و عشانها و عشان بنتها و عمي و عيالة.. لا تنهي كل شيء قبل لا تبداه يا اخوي.. لا تعذب نفسكـ صار عمركـ 35 و انت بدون ولد.. و لا فكرت تعرس.. عساف تجاهل كل الكلام و ركز على الجملة الأخيرة : صار عمري 35 ليش كم عمركـ يا حظي اللي يسمعكـ يقول متزوج من طبيت العشرين و عندكـ 14 ولد كل سنة بـ ولد..!! عمر : هذا انا تزوجت.. صح انه زواج حسب الظروف بس اني ناوي اعلنة لـ الخليقة.. زوجتي حامل.. و انا ما ادري متى اكلم ابوها و اعلمة اني ابيها و انها حامل و اجيبها لـ بيتي قدام الله و خلقة.. عساف : تبي نصيحتي..!! (عمر ناظرة يستحثة يحكي) كلم عمي و جدي و عماني يروحون كلهم لـ بيت الفريق غازي و يطلبونها لكـ زوجة منها تكون مقدرة و غازي بـ يحس انكـ تبيها الموضوع ماهو خطبة بس يحكون له انهم يبون البنت لكـ و ما ظنتي ابو شوق بـ يرفض لكـ طلبكـ اسبوع و جيبها لـ بيتكـ .. بـ تكون قدرت البنت و ابوها.. .. المغرب.. بيت ابو سعود ..المكتب.. واقفة مترددة : بابا ابي اكلمكـ بـ موضوع.. ابو سعود و صورة تجمعة بـ منصور قديمــة فيه روح حلوة بينهم و مشاعر عفوية تجمعهم نزلها على المكتب : تعالي يا بابا.. هاتي الكرسي و تعالي جنبي.. سحبت الكرسي جنبة و جلست رفعت حواجبها : اوعدني ما تعصب..!! ابو سعود تنهد : يعني عارفة انكـ بـ تقولين شيء يزعلني يا وعد.. وعد : ما ادري يمكن ما يزعلكـ بس انت صاير عصبي هالأيام..!! ابو سعود : طيب قولي اللي عندكـ .. وعد مدت فمها : بابا يعني.. انا ما اعرف كيف كانت حياتكم من قبل.. مع ماما تحديداً.. (اخذ نفس ابو سعود .. حتى ترفع يدها وعد) بـــليز لا تعصب خليني اكمل.. ابو سعود رجع ظهرة على وراء و مستند على الكرسي و مكتف يدينة : كملي اسمعكـ .. وعد : اعرف ان ماما جننتكـ و اخطت بـ اشياء كثير حتى انها كانت تبي تموتني بـ بطنها.. اشياء كثير كانت تضايقني و كل ما ذكرتها اقول ليش انا سامحتها.. بس انت واحد من اللي حاكاني اكثر من مره و قالي تستاهل اعطيها فرصة و اعطي نفسي بعد.. بابا ما اخفي عليكـ اني اول مره احس ان عندي ام.. (ما كانت تناظر فيه و هي تحكي .. لكن هو كان يراقبها شلون تحكي) اعرف انه خالة نوال ما قصرت سوت شيء مو أي وحده ترضى فيه مين ترضى تربي بنات زوجها..؟! بس.. بس.. انا .. كنت..(رفعت يدينها حتى تنزلها و تضرب كفوفها بـ بعض بـ قلة حيلة) يعني .. ابو سعود مسك يدها يحثها على الكلام : قولي يا بابا ما راح اعصب عليكـ .. وعد هزت اكتافها : مو قصة تعصب.. بس انا كنت احس بـ فجوة كبيرة بيني و بينها.. كنت استغرب كثير كل مره تخلّى عني فيها اذا كان بيني و بينكـ خلاف تشيل يدها من الموضوع و ما كأني بنتها و تخاف علي.. كنت احسها تعاملني غير.. مو تكرهني بس .. ما فهمتني.. ولا مره دافعت عني عندكـ بعد ما عرفت اني مو بنتها فهمت سبب تصرفها ليش تختلف معاكـ عشان بنت مو بنتها يعني بـ تحس نفسها مالها كلمة علي و انت الوحيد اللي لكـ الحق.. ابو سعود : يا بابا هذا الشيطان يوسوس لكـ ما يبيكـ ترتاحين يبي يضايقكـ بشيء حتى لو ماله اساس من الصحة.. انتِ بـ عظمة لسانكـ قلتِ انها ما قصرت معاكن.. وعد : بس غيــر .. يعني هي كانت تعاملني غير عن ما ماما مريم تعاملني الحين.. يعني انا احس اني فعلاً بنتها ما اعرف بابا بس و الله غير.. تنهد ابو سعود عرف ويش تبي و ليش كل هالحكي تبي تضغط عليه عشان يتزوج مريم.. ناظر عيونها تلمع بـ دموعها و كأنها على شفا حفرة من البكا يالله قد ايش هي تغيرت..!! قد ايش انكسرت و ضعفت و هالشيء يحز بـ خاطرة حيــل.. وعد تترجاة حتى تكسر قلبة عليها : بابا الله يخليكـ لا تبعد ماما عني .. تكفى بابا تزوجها الله يخليكـ عشانّا .. اذا لنا خاطر عندكـ لا تردنا الله يخليكـ .. ابو سعود بـ هدوء : اوعدكـ اني بـ افكر بالموضوع و استخير.. عشانكـ انتِ و نهى بس.. لكن عندي شرط.. وعد بحماس و الضحكة شاقة وجهها : وشو..؟! ابو سعود : ما عاد ابي اشوف دموعكـ ما عاد ابي اشوف عيونكـ بالأرض ما عاد ابي احس الضعف بـ صوتكـ ما تعودت على هالشيء منكـ يا وعد.. مو انتِ تشبهيني..! و انا ما قد ضعفت و ابيكـ مثلي.. مثلي و ازين مني.. ما ابي احسكـ ضعيفة و لازم تعتمدين على احد يسير لكـ امور حياتكـ انتِ صرتِ ام.. عندكـ بنت تحتاجكـ قوية مو ضعيفة عشان تعرفين تربينها صح.. اذا انتِ ضعيفة ما راح تكونين مؤهلة لـ تربيتها عشانكـ و عشان بنتكـ و عشاني ابيكـ وعد اللي قبل.. وعد : طيـــب موافقة.. ابو سعود : و مثل ما قلت لكـ بـ استخير اذا ما ارتحت للموضوع بـ ننساة ما راح اجازف اوكِ.. وعد اختفت ابتسامتها و تحطمت : طيب..!! ابو سعود ابتسم : توكـ كنتِ ما احلاكـ ويش اللي قلبكـ ..!! وعد : احسكـ تدور أي شيء عشان ترفض.. تكفى بابا الله يخليكـ .. ابو سعود : قلت لكـ بـ افكر خلاص عاد وعودة خليني على راحتي مو تضغطين علي..!! وعد وقفت : اهم شيء فيه موافقة مبدئية شيء كويس..(ناظرت الصورة على المكتب) بابا مين هذا..!؟ ابو سعود يناظر الصورة : واحد من اخوياي.. وعد رفعت الصورة تناظر منصور شلون تنسى الملامح رغم الفرق بالسن وقت ما شافتة بالواقع و بين هالصورة لكن هي نفسها.. همست : اخويـاكـ ..!! ابو سعود : ايه.. وعد خافت : بابا شلون..؟! .. هذا .. انا شفتة.. شفتة و الله.. ابو سعود وقف : وين شفتية..؟! وعد تناظر الصورة من غير لا تجاوب على ابوها.. لين رجع من جديد سألها بـ حزم : وعــــد وين شفتية..؟! وعد : لما .. هربت من العصابة طلعت و شفت السيارات اللي تدخل المكان و خفت اكثر انحشت كنت امشي بس المنطقة كلها مزارع ما ادل فيها شيء.. هو جاء وراي نزل من السيارة ولما شفتة قرب مني استخدمت المسدس اللي اخذتة منهم بس ما اطلقت عليه ما عرفت له.. و رميتة عليه و انحشت لكنه مسكني لأني كنت تعبانة ومالي وقت من طلعت من المستشفى.. و قالي على بيت اروح له.. علمني على الحارة و تبعني بـ سيارتة لين دخلتها قالي هم بـ يساعدونكـ و اسألي عن واحد اسمه مشاري مساعد.. ما قالي انه عمي بس قالي اروح هناكـ.. و عمي مشاري لما شافني بالشارع قالي ادخل عنده في البيت كان يومها عندهم فطور و الكل مجتمع عندهم.. و بعدها انا شفت البطاقة و عرفت انه عمي.. ابو سعود : ويش اسوي فيكـ .. علميني ويش اسوي يا وعد.. الى متى ذا الإسلوب.. انا مخوفكـ في شيء عشان تخبين علي..؟! كل ما اقول عقلت تبينين لي اني غلطان.. ما جاكـ الفريق جابر و سألكـ و حقق معاكـ ليه ما تكلمتي..؟! وعد من غير لا تناظرة : هو قالي لا تعلمين احد انا ساعدتكـ عشان عمكـ سعد.. و الا ابوكـ ما يستاهل.. غمض عيونة ابو سعود بـ قهر منها و منه.. تبدل منصور شالوا شخص و حطوا مكانة ثاني.. و لا كنه هو اللي عرفة سنين طويلة و عاش معاه اكلوا من صحن واحد و شربوا من نفس الكاس و تشاركوا الهموم نفسها.. وعد تكمل : بابا هو يعرفكـ .. انا سمعت واحد يكلم الثاني بالجوال يقولة لا تخاف بـ تقهر ابو سعود بـ بنتة..!! مين هذا بابا..؟! مين اللي يبي يضركـ و يضرنا..؟! اذا انت تقول هذا من اخوياكـ ليش قالي ابوكـ ما يستاهل..!؟ شلون من اخوياكـ و يحكي فيكـ كذا..؟! ابو سعود يحول الموضوع : و ليش ما قلتِ هالحكي بالتحقيق..؟! ليش ما تكلمتِ..؟! وعد : خفت عليكـ .. خفت يحققون معاكـ او يتهمونكـ بشيء.. خفت منه و خفت عليكـ .. بابا الله يخليكـ احنا من غيركـ نضيع ابعد عنهم تكفى.. احنا نحتاجكـ للحين .. ما نعيش من غيركـ .. ابو سعود حط يده على كتفها : ما فيه شيء يخليكـ تقلقين علي.. انسي كل السالفة و اهتمي بـ بنتكـ و بس.. وعد : تكفى انتبة لـ نفسكـ عشانّا.. ابو سعود و يده على كتفها و يمشي معاها حتى يطلعون من المكتب : ان شاء الله و لا يهمكـ كم وعيد عندي عنيده و راسها يابس و لا تعرف مصلحة نفسها..!! وعد ابتسمت : وحده وما جابت كل هالصفات من بعيد.. انت اعترفت اني اشبهكـ حتى هالصفات اخذتها منكـ .. ابو سعود : لا عاد انا ما اسوي سواتكـ .. (ناظرهم الأغلبية موجودين عدا سها و جود) مساء الخير.. : مساء النور.. رند تأشر على وعد : خوزي بنتكـ بس تسيح يا رررربي منها..!! وعد فتحت فمها : نعم نعم..!! خالد : صادقة بنتي رجتنا بنتكـ بس تبكي.. رند : سح بابا سادق اوووف بزرة سعيرة..!! وعد تشيل بنتها من خالتها حنان و ساكتة بس مو من وقت طويل : اقول لمي لسانكـ عن بنتي لا اوريكـ شلون تحكين عليها.. ما عاد الا هي..!! ام سعود : و الله بنتكـ كنها تونس شيء صياحها حار.. وعد بـ اهتمام : و الله..!! يعني تعبانة..؟! نهى : ما لقيتي يا خالة غير وعيد توسوسين فيها.. لو فيها شيء ما كانت سكتت.. ابو سعود : ما جابتها من بعيد عاد ما لقيتي تورثينها الا صياحكـ ..؟! وعد جلست جنب نهى : ازين ابيها تأخذ كل شيء فيني و تصير مثلي بالضبط.. ابو سعود : ما اقول غير الله يعينكـ من الحين كان بـ تطلع مثلكـ .. وليد : هههههههههه و الله انكسحتي..!! وعد بـ قهر : بابا ويش ذا تخليه يتمسخر علي.. ابو سعود : على اساس من الزين اللي فيه خليه يهجد احسن.. وعد هالمره هي اللي ضحكت عشان تقهر وليد : هههههههههههه تستاهل.. ام احمد : جود ما نزلت عندكم..؟! احمد : لا يمه ما نزلت.. ام احمد استغربت : غريبة..!! غرفتها فاضية و مرتبة.. وماهي عادتها ترتب غرفتها..!! و الله زين كنها عقلت و صارت تهتم شوي.. دانه : يمكنها بالحمام توضأ .. شوي و تنزل اليوم خميس اكيد بـ تعوض عن كرف الإسبوع كله.. ام احمد : و الله ما ادري.. بـ اروح اشوفها ما اكلت شيء اليوم.. نهى تهمس لـ وعد : ويش صار معاكـ ..!؟ وعد ابتسمت : افا عليكـ انا وعيد.. بس و الله حسيت نفسي نذلة و انا احاول ابكي عنده..!! نهى بـ حماس : يعني ويش صار..؟! وعد : قالي بـ افكر و استخير بس احسه يدور أي شيء عشان يرفض.. نهى : ويش قلتِ له بالضبط..؟! وعد : حكي كثير نابع من عروق قلبي ما كذبت فيه صادقة بكل حرف قلتة.. بس اني حاولت ابكي نفسي عشان يتأثر بابا اكثر.. و هو لما شافني كذا قالي عشانكـ و عشان نهى بـ افكر.. نهى ابتسمت : حلوو الحين جاء دوري.. بس اخاف اضحكـ عنده..!! وعد : ايه اضحكي و خربي كل شيء ترى صدقيني بـ يذبحني و يذبحكـ و يعلقنا بـ نص البيت يخلينا عبرة لمن لا يعتبر.. ميار : على مين تأمرون..؟! نهى : يا شين اللقافة..!! خليكـ بـ حالكـ و لو تروحين تنامين و تريحين راسكـ ازين بعد لكـ اسبوع و انتِ من مادة لـ مادة متعبة نفسكـ .. ميار : ايه تحولين الموضوع .. إن كيدهن عظيم..!! ياسر يكلم صبا و يأشر لها على الجهاز : ما لقيتي الا ذا.؟! صبا : ايه عاجبني مواصفاتة راقت لي..!! ياسر : لا و الله مو مواصفاتة راقت لكـ عاجبكـ السعر.. تحسبين ان الفلوس تهمني.. صحصحي اقدر اجيب لكـ عشرة من ذا من غير لا تنهز ميزانيتي..!! صبا تناظر اللاب توب اللي سعرة مدون اسفل الصفحة 10000 : طيب مو انت تقول ما تهمكـ الفلوس و انت قلت بـ تجيب لي لاب توب رضاوة عن اللي كسرتة و انا اخترت هذا انت قلت لي نقي اللي تبينه..!! ياسر : قلت لكـ نقي اللي يناسب احتياجاتكـ ..!! و هذا فوق احتياجاتكـ ما يصير الواحد بس يالله ابي لاب توب اروح اخذ واحد غالي حتى لو ما اشغلة و انفض عنه الغبار هذا اسمه اسراف الإنسان مسؤول حتى عن فلوسة وين يصرفها..!! صبا بـ حدة خفيفة نشرت حديثهم الخاص لـ جو العيلة : طيب انا ابيه انا طول الوقت اشتغل على اللاب توب يعني ويش تحسب انت بس تعرف للاب توبات و انا دجاجة ما افهم..!! لا يا حبيبي حتى انا اعرف.. و ابي اركب عليه برامج تصميم..!! ياسر : كم برنامج تصميم تعرفين عشان تتفلسفين حضرتكـ ..!! هاه كم برنامج..!! صبا : كثير و ابي اتعلم زيادة بعد .. و انت ليش ما تبيني اشترية قول انكـ مستبخل علي ما تبي تدفع لي رضاوتي رغم انكـ وعدتني فيها..!! ابو سعود بـ حزم و عيونة عليهم : خيــر ويش فيكـم..؟! ياسر يحركـ راسة : ما فيه شيء يبه..!! صبا رغم انها خافت و ودها تخبى وراء ياسر من عمها لكن تشجعت عشان تغيض ياسر : الا عمي فيه.. ياسر وعدني يجيب لي لاب توب بعد ما كسر حقي و قالي نقي اللي تبينه و الحين مستبخل علي قيمتة ما يبي يجيب اللي اخترتة..!! ياسر لف لها و ناظرها بـ صدمة : نعـــم.!!! الحين تفهمين الحكي على كيفـكـ .. قلت لكـ اكبر من احتياجاتكـ اكبر منها..!! ابو سعود : يـــاسر.. و انت شلون كسرت لاب توبها..!! صبا هي اللي ردت : كان على الطاولة و حطة على الطرف و طاح..!! ياسر ابتسم ما توقع انها تغطي عليه.. رغم انه ما كان يهمه لو ابوه يدري انه كسر اللاب بـ ذيكـ الطريقة الشنيعة.. لأنها تستاهل ما احد قالها تحط صورها فيه.. ابو سعود : دام انت اللي كسرت حقها تجيب لها اللي بـ خاطرها.. ياسر : و انا ما قلت لا.. بس يبه مختارة واحد ما يناسبها سعرة 10000 تبي تحطها باللاب توب وهي ما راح تحلل قيمتة ماهو حرام..!! ابو سعود : خلاص نص القيمة علي.. صبا كان ودها ترقص حواجبها عشان تقهرة زود : الله يخليكـ لنا يا عمي ما يحتاج ياسر بـ يدفعها كاملة هو وعدني.. و وعد الحر دين عليه..!! ياسر اخذ نفس .. راح يرضيها و يرضي نفسة حتى هو بـ يشتغل عليه عناد فيها : طيب.. بـ اجيبه لكـ .. ماشي.. ندى تهمس لـ خواتها : غريبة صبا العادة ما ينسمع صوتها..!! نهى : من عاشر القوم يا حياتي.. و الا صبا مثل النسمة تمر و ما تحسين فيها.. بس ياسر اقشر..!! الله يستر لا تصير مثله كوبي بيست..!! ميار : مو كنّا بـ نزوجة وحده عربجية و زوجناه وحده ناعمة شكلة هو يعلمها على العربجة.. حلها ماشاء الله.. ام احمد نزلت مفزوعة : ماهي بـ غرفتها و لا هي بالدور كله و حتى شنطتها اللي معها اليوم ماهي بـالغرفة.. ابو سعود : يعني وين بـ تكون رايحة دانه دقي على جوالها اكيد معاها ما تمشي بدونه.. ام احمد جلست و رجولها ماهي شايلتها من الفجعة قلبها ينبأها ان بنتها مو بخير : جوالها بالغرفة.. انا ما شفتها اليوم العادة تجي تسلم علي بس قلت يمديها تعبانة طلعت تنام على طول.. ابو سعود : يمكن فيها شيء .. مشعل انت شفتها لما جبتها فيها شيء..؟! مشعل مستغرب : انا ما جبتها..!! ابو سعود بـ حدة : نعــــم..!! مشعل : رحت المدرسة و انتظرتها وما طلعت و لما نشدت الحارس قال كل البنات طلعوا فا توقعت ان واحد من اخواني جايها لأني تأخرت عليها اليوم ما طلعت من الإختبار بدري..!! ابو سعود ناظر عيالة ان كانت متصلة على احد فيهم بس و لا واحد تكلم : مين جابها فيكم..؟! سكــــــــــوت..!!! يزيد التوتر.. و ينبأ بـ اخبار سيئة.. ام احمد : يا غبني بنتي ما رجعت..!! وين هي غادية..!!؟! سعود بـ حدة : مو معقول ما جات ..!! وليد : معقولة جاية مع وحده من خوياتها..؟! ياسر : مستحيل تسويها تعرف ان هالشيء ممنوع.. (لف على خواتة) مين شافها اليوم فيكن بعد اختبارها..؟! ابو سعود وقف ما عاد يقدر يجلس : وين بـ تكون ذلفت يعني..!! اذا مالها حس و لا هي بـ غرفتها و لا احد شافها.. وين بـ تكون..؟! وليد طرا عليه مثل البرق.. ممكن ليش لا..؟! لا ما يكون الدور عليها هي من بد خواتة و بنات عمه.. : يبه.. معقولة يكون هو..؟! كلهم ناظروا بـ ابو سعود ما حكى.. ما جاوب ليش مو معقولة..؟! سوّاها بـ وعد من قبل ويش يرده ما يسويها بـ جود..!! ام احمد تناظر وليد مفجوعة : مين هو..؟! لا تقولي انها تعرف واحد..!؟ لا تقهرني..!! ابو سعود : شوق كلمي اختكـ اساليها ان كان كملت جود اليوم او شافتها..؟! شوق : ان شاء الله عمي.. سحبت جوالها من الطاولة قدامها حتى تكلم ريما.. ام احمد ناظرت عيالها : انتم تعرفون شيء عن اختكم و مخبينة عني..؟! ويش هي مسوية..!؟ من هو اللي تحكون عنه..!؟ احمد : ما احد يمه لا تشغلين بالكـ و تفكرين بـ اشياء غلط .. بـ اروح أشوف يمكن تكون طالعة بالحديقة.. انسحبوا وراء بعض اللي طلع فوق يدور عليها و اللي طلع برا احمد حاتم مشعل وليد وعد و نهى و ميار.. ام سعود : استهدي بالله يا خية ان شاء الله بـ يلقاها واحد من اخوانها.. وين بـ تروح يعني تلقينها جاية مع بنت غازي و كانت تعبانة و نامت.. ام احمد تمسح على افخاذها وكأنه تفرغ القلق اللي بـ داخلها : ويش يجيبها مع بنت غازي حتى ماهي بـ مدرستها..!! شوق تسكر جوالها : عمي تقول ما كلمتها على البارح دقت عليها لما رجعت من المدرسة وما ردت.. ابو سعود يفتر بالمكان ما يبي يصدق اكبر الإحتمالات حدوث.. طاحت بـ يد منصور..!! يالله يالله لو يكون منصور مسوي لها شيء.. و بـ يفجعة فيها..!! مسح على وجهة يبي يمسح الواقع اللي يعيشة.. طعنات منصور اللي كثرت.. اختفاء جود يبي يفتح عيونة و يشوفها قدامة..!! ما يتخيل يصير لها شيء يكفي وعد.. يكفي وحده.. يعرف ان بناتة نقاط ضعفة..!! يبي يستغلها عشان ينهية..!! ما راح يتحمل يصير لها شيء.. فيها السكر ممكن تدوخ..!! حس قلبة بـ يطلع من مكانة لما تذكر السكر..!! دخلوا من الباب الخلفي مع بعض بعد ما لفوا الحديقة كلها الشباب .. وجيهم تنبأ ما يحتاج احد ينشد..!! لكن السؤال حتى لو عارفين اجابتة نسألة عشان فيه امل انه يتغير شيء.. ابو سعود : ما لقيتوها..؟! احمد هز رأسة : لا.. وعد نزلت من الدرج : وماهي فوق و طلعنا حتى دور اخواني ماهي فيه.. ميار : و دخلنا جناح خالة سارة وماهي موجودة..!! ابو سعود : يعني ما جات.. من الصبح مختفية وما درينا عنها..!! ام احمد نزلت دموعها بنتها مالها حس و ما درت عنها..!! من الصبح اكيد صار لها شيء.. و الا وين بـ تروح..!! خالد : يمه تكفين لا تبكين و تفاولين عليها.. يمكن عند عماني..!! حتى الإحتمالات المستعبدة يقربونها لأنهم ما يبون يعيدون نفس الفقد و نفس القلق و الخوف اللي كان على وعد و الحين يحاولون يستبعدونة قد ما يقدرون عشان ما يعيشونة بـ جود.. سعود : انا بـ اروح اشوف ويش يطلع بـ يدي..!! طلع سعود قبل لا ينتظر احد فيهم.. او يسمع رأي احد.. يمكن الدوارة بالشوارع تحسسة انه سوا شيء مو قاعد و مكتف يدينة..!! ياسر يكلم خواتة : ما تعرفون ارقام صحباتها..؟! أي وحده فيهن.. دانه : عندي رقم وحده بس من زمان ما ادري لو مغيرتة..!! ياسر : جربي دقي ما انتِ خسرانة شيء.. نهى : تدق ويش تقولها..؟! بالله اختي عندكم..؟! ياسر : تسألها متى شافت جود اليوم.. ندى : و انت تشوفها زينة..؟! ياسر : لا اجل نقعد كذا حاطين يدينا على خدنا و ننتظر ويش يصير..!! (بـ حدة) دقي دانه.. دانه انرعبت من نبرتة : طيب.. مكتب غازي.. غازي عساف سعود.. عساف بـ صدمة : شلون يعني ما رجعت..!!؟ سعود بـ قهر : يعني ما رجعت البيت من طلعت الصبح..!! غازي : يعني منصور مسويها..!؟ سعود منقهر : و ليش ما يسويها اذا همه الأول انه يدمر ابوي و يقهرة ليش ما يسويها..؟! عساف يصر على أسنانة : الله يأخذة.. غازي : ليش ما تكون بالمدرسة للحين..؟! اختكـ مو معاها السكر..؟! ممكن تكون داخت و ما احد حس فيها.. سعود ميل راسة : ما احد حس فيها ..؟! (بـ حدة ما اخفاها) ليش وين عايشين ان شاء الله..؟! غازي يفكر بـ جميع الإحتمالات قبل لا يوصلون لـ منصور : خلونا نروح المدرسة ما احنا خسرانين شيء.. عساف تحركـ قبلهم الإثنين مقهور.. لو يطلع الرئيس هو اللي مسويها راح ينهي حياتة اليوم.. بـ يروح له بـ نص بيتة ويقتلة.. يكفي وعد يكفي وعد ما راح يسمح له يأذي جود بعد.. خلال ربع ساعة واقفين قبال بيت الحارس الملحق بمبنى المدرسة الحكومي.. : يا اخوي ما فيه بنات المدرسات المناوبات يطلعن البنات كلهن ما يخلن احد وهن ما طلعن غير قريب العصر من المدرسة عشان التصحيح.. غازي بـ حزم : ما يمنع تفتح المدرسة نشوفها هذا امر مو طلب.. اتجه الحارس لـ باب المدرسة خرج المفاتيح من جيبة يفتح الباب : يمكن بنتكم رايحة مع وحده من خوياتها دايم يسونها هالبنات.. عساف تنرفز : من غير هذرة.. صدقني لو تطلع اختي هنا لأقاضيكم واحد واحد.. فتح الباب الحارس مقتنع ان ما فيه احد بالمدرسة ويش بـ يقعد بنت من الصبح لين الليل فيها..؟! ويوم خميس .. نبرة عساف و لبسة و لبس غازي خلتة يستسلم للموضوع.. ان كان المكان مليان بالصيحة و الصجة و الحياة في اغنى مراحل عمرها الصباح فالنقيض تماماً بـ هالوقت موحــش لـ درجة تحسسهم ان الحارس على حق.. لكنهم كانوا يدخلون المبنى الدخلي بعد ما تخطوا الحوش الواسع.. سعود صــرخ : جــــــود.. جـــــــــــــــود..!! غازي : انا بـ الف هنا و انتم كل واحد يطلع دور.. يالله.. طلعوا الإثنين من الدرج بـ خطوات سريعة و ظل الحارس مع غازي.. سعود بقى في الدور الثاني و عساف طلع لـ الدور الثالث و المكان يردد صدى اصواتهم بـ إسمها.. جــــــــود.. جـــــــــود..!! بدون رد يجيبهم .. و لا صرخة تنبأهم عن مكانها.. بعد ما لف بـ نص الدور مسكـ عساف باب غرفة الحاسب حاول يفتحة مقفل.. تراجع مستبعد احد يكون موجود فيها لكن انتبة لـ صوت طلع من الغرفة .. ظل يناظر بالباب ثانتين سحب سلاحة تحسباً لأي طارئ و تراجع خطوتين حتى يرفس الباب بـ كل قوتة و ينفتح قدامة و يضرب بالجدار و يرتد عليه لكن شافها.. انصدم من المنظر اللي يشوفة صرخ ينادي حتى يلحقون على حياتها : ســــــــــــــعـــــــــــــود.. اقل من دقيقة حتى يستجيب سعود و يوقف على الباب فاتحة و يناظر اختة!!!! و بعده غازي و الحارس اللي شاف بنت بالمكان من غير لا ينتبة للباقي.. صد غازي عنها و عساف و الحارس.. سعود انصدم من شوفتها تنزف.. وجهها رقبتها مريولها مقطوع و الدم اكثره على بطنها.. رعب عاشتة من طلعت للإختبار يزيد و يتصاعد كل لحظة.. خوف .. و فقدان امل بإن احد يشوفها.. اول ما طلعت سعاد كانت متأملة ان وحده من المعلمات تشوفها..!! و مشعل اللي جاي يأخذها ما يرجع بدونها.. و امها اللي تعودت تسلم عليها كل ما رجعت من الإختبار تفقدها.. و ابوها اللي يطمن حتى على اكلها على اختباراتها يحس فيها.. و كل ما مرت دقيقة يزيد الخوف بإن ما راح يفقدها احد و تموت على هالكرسي و بـ هالمكان.. بدون ما يكون حولها احد.. مر الوقت عليها بطيء بين اغماءة و شبه صحوة.. بين الم و تعذيب.. بين دم و دموع .. بين حديث نفس و كتم صوت.. لين سمعت صوت مسكـة الباب و كأن احد بـ يفتحها جاء الفرج..جــاء..!! لكن ما تقدر تنبه على وجودها.. ما تقدر تحكي او تصرخ.. حتى الأنين مكتـــوم.. ما يبعد اكثر من دواخله.. حركت رجلها بـ ضعف و رمت نفسها عشان الكرسي يصدر صوت ارتطامة على الأرض.. ما فيه حل حتى لو زاد الوجع يظل هذا الحل الوحيد قدامها.. لحظتين حتى تسمع صوت كسر قفل الباب و تشوف شخص تعرفة.. هنا الأمن و الأمان.. دامها لمحت احد من عيلتها يعني نهاية الوجع قريبة.. غمضت عيونها و استسلمت.. اخر شيء سمعتة عساف ينادي اخوها سعود.. بعدها ما حست بـ أي شيء.. سعود مفجوع من اللي يشوفة جروحها و شعرها..!! رفع الكرسي و فتح اللزقات عن يديها شال اللزقة عن فمها و ربت على خدها الدم عليه متخثر : جووودي.. جووودي تكفين ردي علي.. لا تروحين يا خية.. جووود..!! لكن ما ردت وجهها شاحب جداً نزفت دم كثير ما عاد فيها حياة و نبضها ضعيف حيــل.. حضن راسها و كأن مخة موقف عن التفكير مو متخيل ان هاذي اختة الصغيرة.. مو متخيل ان جود تعاني هالمعاناة كلها لـ حالها : جووود..!! غازي بـ صوت عالي : يالله سعود لازم نوديها المستشفى.. عساف الدم يتصاعد بـ عروقة و كأنه بـ يتفجر من قهرة صرخ بالحارس : و رب الكعبة لأوريكـ انت و معلماتكـ اللي مناوبات.. شالها سعود بالرغم من اصابتة اللي لها اسبوع بين يديه اشبه بـ جثة هامدة بدون حِراكـ بعد ما دفن وجهها بـ صدرة حتى ما يشوفها احد طلع من بينهم و وراه عساف و غازي و الحارس.. غازي يكلم الحارس : ما ابي ابن امه يدخل المدرسة.. بـ يجونكـ حرس هم بـ يتكفلون بالموضوع كله.. الحارس متوتر وجود بنت بـ حالة جود مربوطة بـ كرسي و محبوسة بالمدرسة و يوم خميس اجازة اخر الإسبوع فيها مُسألة كبيرة كيف من بعد ما يزيدة عساف بـ تهديدة حتى يتفاقم التوتر بـ نفسة.. .. بيت ابو سعود.. حالتهم رديئة لأبعد حد.. ام احمد اللي ما وقفت دموعها و تدعي ان الله يحفظ بنتها.. ابو سعود حاس بـ طعنة في صدرة من منصور شلع قلبة من مكانة بـ جود.. البنات اللي يشاهدون الموقف بـ هدوء مفجوع.. ايه هدوء مفجوع ولا وحده فيهن بـ يدها شيء تسوية ولا وحده فيهن فاهمة شيء ومين الرجال اللي شاكين انه مسوي شيء لـ جود..؟! كيف جود تعرف رجال غريب..!؟ و ايش اللي صار لها حتى ما ترجع للبيت بعد الإختبار..!! خايفات عليها و هاديات ..!! و الشباب اللي كل مره يوقف احد على الشباكـ يناظر يمكن يستجد شيء.. يمكن تطري فكرة.. يمكن تكون بـ مكان ما احد شافها فيه.. توترهم يغلب كل تفكيرهم.. ابو سعود : وليد كلّم غازي.. قوله يدبر عنوان منصور.. ياسر : يبه لا .. ويش تبي تسوي تبي تروح له بـ رجليكـ ..!؟ ابو سعود بـ حدة : ايه .. اذا هو مأخذها يبي يقهرني فـ هو قهرني من سواتة بـ وعد مو من الحين وبس.. و اذا بـ يذبحني خله يذبحني اهون من هالوضع اللي نعيشة.. احمد : يبه تكفى هذا مو حل.. بـ نكلم غازي لكن مو انت تروح لـ منصور.. يروحون الأمن يفتشون بيتة يقبضون عليه أي شيء هاذي مهمتهم ماهي مهمتكـ .. ابو سعود : مهمتي دام بنتي معاه.. ام احمد زاد خوفها على بنتها من اللي تسمعة ..!! : مين هو ذا.. مين اللي بـ يقهركـ ..؟! مين هو اللي مأخذ بنتي مني..!؟ خالد جالس جنب امه الحكي زاد توتر امه لـ الذروة ما نفعها مو بس امه حتى وجيه خواتة تغيرت.. : يمه تكفين اهدي بـ يرتفع الضغط و السكر معكـ ان شاء الله يجي سعود و معاه خبر زين.. لا تفكرين بهالحكي.. ما راح يفيدكـ ما ينفعكـ .. وعد وقفت و هي تجر خطواتها : بابا .. هو نفسة.. اللي شفت.. صورتة بالمكتب..؟! ابو سعود ما رد.. حالتة كفيلة لأنها تجاوب على سؤالها.. نزلت دموعها بـ صدق هالمره و احساس الذنب يتصاعد عندها.. ليش ما حكت اول ما رجعت ما كان عماد انصاب و الا اختها انخطفت.. : كله مني .. انا السبب .. ما قلت لكم.. وليد مسكـها ولفها له يبي يهديها قبل لا يزيد الموضوع و يطلع عن السيطرة ان انهارت وحده بـ ينهارن كلهن وما هم حِمِل الحين يهدون احد يكفيهم تفكيرهم بـ جود و مكانها.. : عن منصور..!؟ ندري الأمن كلهم يدرون و يعرفونة انتِ مالكـ دخل.. وعد : انا عرفت انه يعرف بابا ما قلت لكم.. و الله خفت على بابا.. وليد : يدرون حتى الفريق جابر اللي حقق معاكـ يدري عن اللي سمعتية وما حكيتية بالتحقيق.. وعد : طيب يعني ايش الحين..!؟ خطفوها خلاص..؟! و الله ما بـ قلوبهم رحمة.. وليـــد بـ حدة.. صبرة نفذ ان كان فيه صبر اصلاً : وعــــــــــد خلاص عـــــاد يا قولي كلمة عدلة يا لا تحكين.. الواحد مو ناقص توتر عشان تزيدينه.. انتِ مالكـ ذنب بالموضوع.. مشعل اللي كان واقف على الشباك تقدم لهم : سعود جـــاء.. دخل سعود.. صــــدمـــــة شوفتة بـ هالحالة و الدم يملي ثوبة و وجهة الأسود و والوضع اللي يعيشونة صعب حتى يطري عليهم شيء.. او عقولهم تفكر و تحلل ليش هالدم و وين جرحة و كيف انجرح.. واقفين ما احد تجرأ يسأل و لا يستفسر ما يبون يتأكدون من شيء.. هو طلع عشان يسأل عن جود.. و رجع بـ هالحالة..!! شوق همــست و همسها وصل للكل لأن ما احد يحكي و الهدوء هو سيد موقفهم : سَـــعُود..!! سعود : لقيتها بالمدرسة..!! يطمنهم..!! و الا يقلقهم..!! ما يعرفون ويش هي حتى احاسيسهم يعني هالدم دمها مو دم سعود.. يطمنون عشانه لقاها و بالمدرسة..!! و الا يقلقون من حالة سعود اللي داخل فيها عليهم..!! ام احمد ضربت افخاذها مفزوعة : و غــــبنـــكـ يا ســــــــــاره..!! جلست على الأرض ما تحس حتى بـ إن لـ رجولها قوة تحملها.. جلس احمد وراها و يدية على اكتافها يساندها في وجيعتها.. لكن عيونة على سعود ينتظر يقولة أي شيء .. أي شيء..!! حتى ابو سعود ما يبي ينشد ويش الباقي و يعرف ويش فيها..؟!! لكن سعود كمل لهم حتى يبلغهم : لقيناها محبوسة بـ فصل و مربوطة.. و طاعنينها بـ بطنها..!! ما رمشت عيونهم عند اخر كلمتين طاعنينها بـ بطنها..!! حتى تنفسهم وقف.. ما يحسون بالهواء يدخل لـ صدورهم.. سعود : هي بالمستشفى الحين بـ غرفة العمليات..!! ان كانوا يراجعون اللي حكاه سعود من اولة فـ ما قال كلمة زينة الا انه لقاها.. عداه كله اوجعهم .. و افجعهم.. بـ غرفة العمليات..!! و مطعونة..!! ما احد فيهم حتى تحركـ لكن اصوات البنات هي اللي علت .. صياحهم..! صـدمة لهم الموضوع أكبر منهم.. ام احمد : يا غبني ويش بـ تحمل..!! بالعمليات و احنا ما درينا عنها.!.! بـ يذبحون بنتي..!! حسبي الله عليهم..!! احمد يحاول يتماسكـ عشان امه و خواتة : اهدي يمه.. هي محتاجة دعواتكـ الحين.. يمه تكفين لا تضعفين عشانها.. ان شاء الله بـ تطلع من العملية زينة .. وقتها بـ تكون محتاجتكـ يمها.. ابو سعود : أي مستشفى..؟! سعود : انا بـ اغير و اوديكـ .. ابو سعود بـ حدة : ماني منتظر لين تغير.. أي مستشفى..؟! سعود : مستشفى .............. .. طلع ابو سعود و وراه خالد و ياسر.. و سعود طلع جناحة.. ام احمد مسكت احمد من ذراعة و تعلقت فيه : تكفى وديني لها.. لا تشغل قليبي .. خليني يمها.. احمد وهو بـ خاطرة يروح بس ما يبي امه تروح و تتعب هناكـ ما راح تحمل جلسة برا غرف العمليات و تنتظر خبر ممكن يطول وصولة و يمكن يصير النقيض لـ اللي يتمنونة : يمه هم بـ يطمنونا عليه.. ام احمد : ما فيني صبر ابي اكون معها.. نهى : نبي نروح معاكم ما راح نقعد هنا.. وليد بـ حدة : ما احنا رايحين بـ ننثبر هنا..!! وعد بـ قهر على وليد : يقولون لكـ بـ غرفة العمليات تبينا نجلس هنا نتفرج بـ بعض..؟! وليد : ايه .. ليش ويش بـ يدكـ تسوين بـ تساعدينهم بالعملية يعني..؟! خليكـ مع بنتكـ .. وعد : ماهو بـ كيفكـ تحكم فينا بـ هالشكل.. سعود نازل يجري مع الدرج و يقفل ازارير ثوبة يمشي و يتكلم : وليد صادق ولا وحده فيكن بـ تروح و معاكم حاتم و احمد و وليد و مشعل لا استجد شيء بـ نبلغكم.. وصل الباب و طلع قبل لا يعترضن او يحكن حرف واحد.. ويش يبون يروحون كلهم للمستشفى ما احلاهم مرتصين عند غرفة العمليات..!! ندى ما تحملت تبكي حطت يدها على جبهتها : يارب لطفكـ و رحمتكـ .. ام حاتم : الله يقومها بالسلامة و يفرحنا بـ شوفتها ادعن لها هي محتاجة دعاكن.. لا تبكن..!! ميار جلست جنب امها : يـــارب..!!! .. بيت ابو عبدالرحمن.. جمعة للعيلة لكن ناقصين اغلبهم.. ابو عساف معاه زوجتة و ماجد و يزيد.. و ابو عمر ما معاه الا زوجتة.. و البقية عيال مساعد كلهم موجودين عدا ابراهيم.. بندر : نشوف عاد كيف نسبتكـ ..؟! أسيل منقهرة منه : قلتها انت نسبتكـ يعني شيء يخصني مالكـ دخل فيه اجيب عشرة و الا مية ما احد بـ يحاكيكـ .. بندر : لا ما ينفع انا معاي زمالة و اختي فاشلة بالثانوي..!! ما ارضاها.. أسيل : مو لازم ترضاها اهم شيء انا راضية.. ماجد : يبي مصلحتكـ يالخبلة.. و تشدين حيلكـ .. شكلكـ جايبة العيد.. أسيل : مصلحتي انا اعرفها ماني بزر عشان احد يخاف علي.. و العيد جايبتة لـ نفسي حتى ما طلبتكم تشاركوني فيه.. ام مشاري : ماشاء الله طوالة اللسان هي اللي فالحة فيها.. استحي على وجهكـ يا بنت.. تراهم اكبر منكـ .. أسيل : ما احد قالهم يناقروني دراستي تخصني ما طلبت منهم يتحملون من مسؤوليتي.. الله يخلي لي ميشو.. بندر : ايه و الله هو اللي مدلعكـ و ميبس راسكـ يا مال الماحي.. مشاري : ويش بلاكـ حولت علي.. ما كفاكـ نقاركـ مع أسيل..؟! أسيل تناظر بندر : شفت ان انت راس البلا اللي تبي تناقر أي احد يعني انت ساس المصايب كلها.. ما ادري ليش تدخل عصكـ بـ شيء ما يخصكـ اوووف يا ربي ويش انا اصلاً مستفيدة من الدراسة..!!! راكان يكلم بندر : افهمها يا غبي انت و اياه تبي تخرج عشان نايف يسوي الزواج و خلاص..!! أسيل وجهها حمر قهر و خجل : كل تراب يا حمار .. مين قالكـ ابي اتزوج الحين..!! راكان : عيني بـ عينكـ امس مشاري ما شاوركـ يخلون العرس بـ عيد الفطر..!!؟ أسيل : و ما وافقت .. انا حره ابي اكمل دراستي..!! ام عبدالرحمن : ويش دراستة يا بنيتي الزواج ازين لكـ البنت مالها الا بيت رجلها لا جاها نصيبها خلاص تيسر معاه وشولة تنطرين الرجال..!!! ابو عبدالرحمن بـ حزم : ويش ذا العلم يا مشاري و انا مالي رأي ينوخذ كل واحد فيكم يطق رأيه من راسة و لا ينشدني..!! مشاري : انت الخير و البركة يبه.. بس نايف قايلي اشاورها هي ما يبي احد يضغط عليها بـ شيء لأن قبل كانوا مقررين بعد ما تخلص جامعتها و الحين قدمة يبي يشوف رأيها قبل لا يكلمكـ .. ابو عبدالرحمن : الأصول يكلمني اول انا ابوها.. و انت صاير لي مرسال بينهم ما تستحي..!! ما عندكـ غيرة على اختكـ ..!! بندر يتملعن على مشاري : ابوي صادق ويش هالسواة اللي سويتها.. زينة صاير بينهم مرسال ويش بـ يقول عنّا الرجال ما صدقوا احد خطب بنتهم و دبسوها فيني..!! أسيل تناظر بندر مصدومة : يا حمــــار انت مالكـ دخل فيني..!! بندر : ما احد حمار هنا غيركـ يا الحمارة .. خبلة عاد ما صدقت على الله تنخطب هالبزر.. ما تعرف الصح من الغلط.. عيــــب عيــــب تحاكينة قبل عرسكم.. ما يصير ماهي من عاداتنا..!! أبو عمر : و الله ان أسيل صادقة محراكـ الشر انت.. ما تستحي ما تركت ذا الإسلوب..!! هنادي همست لـ بندر : تستاهل حرام عليكـ قهرتها..!! شوف وجهها احمر.. بندر يضحكـ و لا هامة : و انا صادق عيب اللي يسوونة بس لاقية مين يوقف معاها و يأيدها على غلطها .. مشاري : بنيـــدير..!! احسن لكـ ..!! ابو عبدالرحمن بـ حدة سكتتهم : اهجـــدوا كلكم.. خلونا نعرف نقول كلمتين سنعين..!! استغفر الله العظيم (ناظر مشاري) ويش قلت له انت..؟! مشاري : ما بعد رديت عليه يبه.. ابو عبدالرحمن : خلاص نسوي عرسها مع عرس سهاد بـ ليلة وحده.. ليش نأجلها..!! مشاري ناظر أسيل يبي يشوف رأيها لكنها ما اعترضت.. : اللي تأمر فيه يبه بـ أشوف نايف و هو يشوف سلمان بينهم معرفة يمكن اهل سلمان و الا اهل نايف مايبون احد معاهم ما يصير نحرج الناس.. ابو عبدالرحمن : خير ان شاء الله (ضرب عصاتة بالأرض) و انت متى ناوي تعرس..!؟ مشاري ابتسم : متى ما جاء حزتة.. ام مشاري : و متى تجي هالحزة.. هذا انت تشتغل بـ مكتبكـ الخاص و مع هالشركة ماهو ناقصكـ شيء يا ابوي خلني اخطب لكـ .. مشاري : ماهو الحين يمه لسى بدري..!! ابو عساف : أي بدري اللي قدكـ عيالهم بالمدرسة..!! و انت تقول بدري..!! مشاري : لا تبالغ يا اخوي.. تو الناس هذا عساف اكبر مني بـ تسع سنين و ما اعرس زوجوة عيالكم اكبر مني كلهم زوجوهم عندكم هالطاقم اللي جالسين.. يزيد : انا ماني بعيد عنكـ و اذا اخواني ما اعرسوا انا ماني معرس..!! ماجد : و انا لسى ما لقيت نصيبي .. وماني متزوج قبل عسييف.. ابو عساف : اجل عز الله ما اعرستوا كانكم بـ تنطرون عساف.. يا ابوي ويش ذا الحالة اللي قدكم معرسين و فاتحين بيوت.. الزواج ستر للمره و الرجال.. يزيد : عندكم عساف و احمد و حاتم و خالد و عمر كلهم كبار زوجوهم هم بعدين احنا.. ام عبدالرحمن : انا اشهد ان رووسكم يابسة كان الصخر يلين هي ما تلين.. ويش بلاكم منلبقين.. فيه رجّال عاقل اهلة يقولون له بـ نزوجكـ يقول لا.. الا ان كان بكم بلى ما احد يدري عنه..!! اشتطوا الشباب.. ماجد : يمه ويش هالحكي تشككين بـ رجولتنا..!! ويش ذا..؟! ابو عبدالرحمن : اعقـــب لا تنتر على جدتكـ ما قالت الا الحق.. و الا كل واحد فيكم بـ يعتب الثلاثين و يتنحش من طاري العرس.. الرجّال الصح يحنون على اهلهم من طبوا بالعشرين يزوجونهم و انتم قدكم بـ تخلصونها و كل ما قلنا نخطب لكم قلتوا لا.. وهي واحد من اثنين يا انكم ما انتم رجال و الا انكم مخبين سواد وجيهكم..!! ماجد وقف بـ حدة : يعني هالحكي لنا عشان قلنا ما نبي نعرس هالحين.. هذا عمي بندر ما اعرس الا وعمرة 37 ..!! ابو عساف : ومن زين سواة عمكـ بندر يوم تحتذي فيه.. و انثبر لا ترفع صوتكـ على ابوي..!! ماجد رمى حيلة على الكنبة من قهرة و كأنه يبي يكسرها و يفتت غضبة : يعني تشوفون الرجولة بـ الزواج يالله اجل اخطبوا لي الحين.. الحين.. و العرس بعد اسبوع..!! اتسعت عيون مشاري و راكان و بندر ويش ذا التفكير..!! اقهروة وهم يحكون عليه و يشككون فيه..!! قبل لا يتكلم المؤيدين.. حكى مشاري : لا يا عمي الموضوع مو لعبة عشان تخطب من غير لا تفكر و تستخير و تستشير.. و ويش اللي العرس بعد اسبوع صاحي انت..!؟ يزيد : ليش ما سمعتهم يا عمي ويش يحكون.. يعني عمر و عساف الإثنين اكبر منّا و لا احد قالهم هالحكي.. ابو عساف : يعني خايفين من عسييف..هذا اللي تبيت قولة لنا .. هذا هو جرب حظة و خطب و ما صار نصيب و عميـر توه راجع اصبر عليه فترة و غصباً عنهم كلهم ازوجهم قريب..!! يزيد : متى فكر يخطب عساف.. يوم صار عمره 34 يبه.. و انت تقول جرب حظة .. خلاص انا بعد بـ اجرب حظي بـ اخطب وحده اضمن انها ترفض عشان تقولون اني جربت حظي..!! ابو عساف بـ حدة : اعقــب و انا ولد ابوي.. ترد علي الحكي يا يزيد..!! ابو عمر يهدي الوضع و الجو : صلوا على النبي يا جماعة.. تفاوتت الأصوات بترديد الصلاة : اللهم صلي و سلم على نبينا محمد و آلة و صحبة أجمعين.. ابو عمر : الموضوع ما ينحل بـ هالشكل.. خذني جيتكـ .. هذا عرس ماهو لعبة.. ماجد يـعاند .. و ينطق بـقهر و يركز على كل حرف : انا ابي اخطب الحين.. أثير تكلم أسيل : ويش ذا الهبال..!! لـ هالدرجة العرس عندهم شربة ماء..!! أسيل : رجال ويش يهمة حتى لو تطلقوا الحكي ماهو عليه..!! ما راح يأثر عليه الموضوع.. هم كذا الرجال أنانين.. أثير : على طول حطيتي فيه طلاق..!! اعوذ بالله من فالكـ ..!! أسيل : شوفي هي ما راح توصل لـ طلاق بـ حالة وحدة اذا خلوه يأخذ من بنات ابراهيم عشان بنت عمه بـ تجلس معلقة فيه كل عمرها حتى لو ما كانوا طايقين بعض لأن عيب الولد يطلق بنت عمة..!! و اصبري بس ان ما قالوا يـأخذ وحده منهن ما اكون أسيل..!! ابو عساف يأكد لـ أسيل توقعها بـ حكية : عندكـ بنات عمكـ بدال الوحده ثلاث.. ميار و سها و جود..!! ماجد رغم انه حس اقحم نفسة بـ حياة جديدة بدايتها يبرهن على رجولتة لأهلة : سها.. ابو عساف ناظر يزيد : و انت..؟! يزيد : ما ابي اخطب.. ماني محتاج شهادة بـ رجولتي.. لا طن الزواج بـ راسي و تزوجت و جالي ولد تعرفون اني رجال مو لازم ابرهن لكم الحين..!! راكان ما قدر يتحمل الموقف و انفجر بينهم ضحكـ على المسرحية اللي يشوفها هزلية تنعرض قدامة : ههههههههههههههه اقسم بالله انتم عيلة توحفة وينكم من زمان بس..!! كلهم يناظرون فيه معصبين..!! راكان رفع يدة وهو ما زال يضحكـ عليهم : آسف بس صراحة الموقف يضحكـ ..!! ابو عبدالرحمن : ضحكت من سركـ بلى..!! خذ العلم اللي يأصلكـ و يتعداكـ هالإسبوع نروح نخطب رسمي للبنت اللي ما ادري من وين جايبها و تملكـ عليها و زواجكـ انت و ماجد بـ ليلة وحده..!! اختفت ضحكة راكان حتى يتكلم بـ اسلوب جدّي : لا عاد يا ابو عبدالرحمن.. ماني واحد من عيالكم تستفزونة بـ حكيكم لين توقعونة و تخلونه يسوي اللي تبونة..هذا واحد .. اثنين البنت بنت عيلة اصل و فصل ما ينقال عنها ما ادري من وين جايبها.. دامي انا ابيها غصباً عن الكل يحترمها من قبل لا تدخل لأني ما راح اسمح لأحد فيكم يحكي فيها ربع كلمة حتى لو كنت انت .. ماني جايبها من الشارع عشان تقلل من قدرها عندي.. ام مشاري بـ زعل : راكان ويش هالحكي.. عيب عليكـ .. راكان : لا ماهو عيب.. ابوي يقول عنها هالحكي لأنها ماهي بـ مستواة.. لكن هالشيء ما يهمني.. لأنها من نفس المستوى اللي عشت فيه كل سنين عمري.. و ما يهمني لو انها اقل بعد.. ابيها هي .. و اتزوجها متى ما بغيت ما احد له دخل فيني..!! مشاري : راكان تراكـ معلق البنت بـ خطبة ماهي رسمية حتى .. ما يصير .. انت كذا بـ نفسكـ تقلل من قدرها و قدر ابوها بين الناس.. ابوي صادق نروح اخر الإسبوع و نخطبها رسمي و تملكـ عليها.. و متى ما اعرست بـ كيفكـ .. و الله لو ابوها بـ يزوجها ما لنا حق نحكي و نعترض ماهي وحده من بنات عمنا عشان تحجر عليها و يكون لكـ حق اكبر من غيركـ .. راكان بـ تقرف يستفز فيه ابوه خاصة و اخوه عبدالرحمن : ايش أحجر و ما أحجر ويش ذا التفكير المتخلف..!! لا يكون ناوي تصير زيهم و تسمع حكيهم و تأثر فيهم..!! انا خطبتها و الكل يدري اني خطبتها و ما يهمني بالباقي (بإستنكار) امّا احجر عليها..!! لا اقدر اخذها من غير لا اسوي الحركات اللي ولت من سنين هاذي..!! بندر استاثر غضبة حكي راكان و هو يستهزء فيهم : هيـــه انت.. وين حاسب نفسكـ الحين تقول عنّا متخلفين عشان عاداتنا..!! و اللي يسوي شيء ضد دينة ما ينقال عنه تخلف..!! هذا انت جالس ترادد ابوي و تقل ادبكـ عليه يعني هذا ماشاء الله ماهو تخلف.. استح على وجهكـ قبل تعيب على خلق الله شوف عيوبكـ .. لوى ذراعة بندر بـ سهولة..!! و قدر يحرجة بـ تصرفاتة : ما يهمني حكيكـ .. اللي يهمني ان انا ما اسوي الا الشيء اللي ابيه ما احد يفرض رأية علي..!! قاطع حديثهم صوت عساف : السلام عليكم.. : وعليكم السلام.. تقدم حتى يبوس راس جده و جدتة و خالتة ثم ابوه و عمانة و امه.. ام عساف : ويش بلاكـ جاي بدري يا ابوي كنكـ قلت بـ تأخر لـ الفجر.. جلس عساف و هو يضغط على قبعتة بـ قهر بين يديه : موضوع اشغلني.. ابو عساف : ويش فيكـ انت وجهكـ اسود..؟! ويش مخبي من علم..!؟ عساف بـ هدوء : ابيكم تروحون بيت عمي ابراهيم.. ام عبدالرحمن حطت يدها على صدرها مفزوعة : ليش..!! عمكـ فيه شيء..؟! عساف : لا .. بس جود تعبانة شوي..!!< يضحكـ على نفسة..!! كل اللي شافة و شوي..!! ابو عمر : ويش فيها ..؟! يمكن السكر منخفض عندها..؟! وقف عساف : يمكن ..!! يبه ابيكـ انت و عمي تروحون معاي.. و البقية بـ يأخذونهم الشباب لـ بيت عمي ..!! ابو عساف : عساف الموضوع مو موضوع سكر و بس صح..!؟ قول ويش القصة..!! ابو عبدالرحمن : ويش فيها البنية ..!؟ لا يكون تعبها كايد..؟! عساف : بـ تروحون لـ بيت عمي و تعرفون كل شيء هناكـ .. يالله يبه..!! طلع عساف و وراه ابوه و سعد و حتى بندر و مشاري و راكان..!! عساف لما شافهم كلهم ما اعترض.. ركب سيارتة و ركب معاه ابوه و عمه سعد .. و بندر و مشاري و راكان بـ سيارة بندر.. عساف ما حكى شيء و لا وضح لهم.. لين شافوه يسلكـ طريق غير عن طريق ابراهيم.. ابو عساف : وين احنا رايحين..؟! عساف : المستشفى.. سعد : ليش يا عمي ما تفهمنا الموضوع..!! عساف : بـ تعرفون كل شيء لا وصلنا.. ابو عساف : بزارين منقلنا معاكـ من غير لا نعرف وين انت مودينا..؟! عساف : حاشاكم.. بس انا بغيتكم تكونون مع عمي اكثر من أي احد ثاني.. عشر دقايق حتى يوقف السيارة بالمواقف و وقف جنبة بندر .. نزلوا كلهم تقدمهم عساف و لف عليهم اخذ نفس : جود بـ غرفة العمليات.. بندر عقد حواجبة بـ قوة : ايـــش..!! عساف يتحرر من الهم بإنه هو من يخبرهم : ما رجعت من المدرسة اليوم و ما احد فقدها لين الليل و لما رحنا لقيناها هناكـ فيه مين مربطها و طاعنها.. لف و كمل طريقة..!! اما هم ظلوا واقفين يستوعبون..!! غرفة العمليات.!! ما رجعت من المدرسة..!! وما احد فقدها لين الليل..!! و مربطينها و طاعنينها..!! راكان يأشر على عساف اللي وصل البوابة و دخل المستشفى : هذا ويش قاعد يخربط..!!؟!! مشاري اول من تحركـ فيهم : اللي سمعتة.. بـ نفهم كل شيء من اخوانها.. عساف وقف على الرسبشين دقيقتين حتى ينتظرهم واضح ما استوعبوا.. حكية صدمهم.. لين شافهم داخلين وراة .. تحركـ وهم يمشون وراه لين قسم العمليات و قبل لا يدخلون القسم لفوا على استراحة الرجال.. حتى يشوفون ابراهيم جالس معاه غازي و سعود و خالد و ياسر و عمر..!! : السلام عليكم.. تردد اصواتهم محملة بـ خيبة آلم عميـــقة : وعليكم السلام.. ابو عساف : ويش اخبارها..؟! خالد : لسى ما خلصوا..!! ابو عمر جلس جنب ابراهيم : اصبر يا اخوي ان شاء الله ان حالتها ماهي كايدة..!! ابراهيم ما يتخيل يعيش حياتة من غيرها.. و يومة بدونها.. : من الصبح تنزف..!! فقدت دم واجد.. صار لها ساعتين معهم ما احد طلع يقولنا شيء..!! ابو عساف : اذكر الله يا اخوي .. هي تحت رحمتة.. ان شاء الله بـ يطلعون و يطمنونكـ عليها.. ابراهيم : ما فيني صبر.. حسبي الله فيه كانه بـ يقتلني فيها.. و الله ان دمة ما يكفيني على سواتة.. ابو عبدالرحمن : مين هو.؟! انت تعرف مين سوا فيها هالسواة..!؟ ابراهيم وقف و ينطق الإسم بـ حرقة : و مين غيره منصور..!! سعود وقف لما شاف ابوه بـ يمشي : يبه وين رايح..!؟ ابو سعود : تصفية حساب..!! غازي : ابراهيم لا تهور.. تبي تتركـ بنتكـ هنا و تروح.. اصلاً ما احد يعرف مكانه.. عمر وقف : ما اتوقع يا عمي يكون هو.. لو سوّاها بـ يكون عندي خبر.. هو وعدني ما يضر بناتكـ .. ابو سعود ما راح يثق بـ كلمة منصور اللي عطاها عمر.. و ممكن عمر قالها عشان يطمنة و يثنية عن اللي بيسوية : انا اعرف ادل مكانة..!! (ناظر عيالة) ولا واحد فيكم يلحقني..!! خالد يناظر ابوه يمشي بالممر مبعد عنهم التفت عليهم : بنخلية يروح له كذا..!! ياسر : طبعاً لا.. بـ نلحقة.!! ابو عمر : لا .. و لا واحد فيكم يتحركـ من مكانة.. ياسر : آسف عمي ما احنا عايفين ابوي..!! مشى ياسر و وقف قدامة غازي : ياسر رجاءاً يكفي تهور الوقت ما يسمح اصلاً بـ هالحركات.. انا بـ الحق ابوكم و ارده.. خالد : يالله ياسر..!! ابو عساف بـ صوت حاد : انتم ما تفهمون الحكي.. قالكم ابوكم لا تلحقونة.. ماهي بـ مصلحتكم .. خلوكم مع اختكم..!! عمر : مستحيل يطب فيه.. ما راح يحصلة.. سعود : ابوي ما يقول شيء ما هو واثق منه.. غازي : انا بـ اشوفة بس خلوكم هنا اختكم بـ حاجتكم.. مشى غازي التفت لما حس ان فيه شخص يمشي وراه .. عساف.. يالله قد ايش اقناع شباب هالعيلة يجيب الشيب لـ الراس..! طلعوا مع البوابة و شافوا السيارات موجودة.. غازي اتجه لـ الشارع العام بـ خطوات سريعة القى نظرة ما له أي اثر ابراهيم.. : معقولة ما لحقناه..!! عساف : يالله اكيد راح..!! الحين شلون بـ نعرف وينه..!؟! غازي طلع جوالة حتى يدق على المركز.. : هلا حمد.. ابي اعطيكـ رقم جوال و ابيكـ تشوف احداثياتة و تراقب لي اياه.. الرقم 000000000000 .. استعجل علي..!! فمان الله.. عساف : كان المفروض ما نخليه يروح.. غازي : الله يستر منه ابراهيم.. كبت بـ صدرة لين قال بس قبل ما يدري عن اسمه و اللي سواه في وعد.. و هالمره ما ظنتي بـ يسكت.. عساف : بـس على كلام عمر ان الرئيس ما له مكان معين و لا احد يقدر يطب فيه..!! غازي : اذا هو ما بغى..!! لكن اذا منصور وده يقابل ابراهيم ما يسهل عليه شوفتة..؟! و لا تنسى ابراهيم يعرف منصور قبل حتى لو الإنسان تغير تبقى فيه اشياء ثابتة.. ممكن ابراهيم يحاول يعرف مكانة و يوصل له.. (رفع جوالة يرد على حمد) هاه حمد.. شلون يعني..!؟ .. طيب خلكـ مراقب لي الرقم ممكن يشغلة بأي وقت.. اذا صدرت أي اشارة بلغني.. يعطيكـ العافية..!! عساف : ويش يقول..؟! غازي : عمكـ مقفل جوالة ما نقدر نأخذ له اشارة..!! عساف يمشي بإتجاة المستشفى : عمي مو هين عشان نمشي وراه بإشارات .. حتى هو داهية ما ينقدر عليه.. اكيد بـ يقفل جوالة عشان ما احد يعرف مكانه لا عياله و لا احنا.. بيت ابو سعود.. ام عبدالرحمن : استغفر الله العظيم.. يالله انكـ تلطف بها بنا.. ام احمد : كلمهم احمد توخروا..!! احمد : يمه اذا كان عندهم خبر بـ يتصلون علينا ما راح يخلونا.. هادين ما احد عنده شيء يقولة او له نفس يحكي.. و الإنتظار يوترهم.. ما عندهم أي شيء يسليهم.. غير بكاء بنت وعد اللي يكسر صمتهم.. ام عبدالرحمن : حرام عليكـ البنية يمديها جعانة عطيها رضعتها..!! وعد توقفها تبيها تسكت : يمه ما صار لها ساعة من شربتها..!! ما امداها جاعت..!! ام عبدالرحمن : يمديها ما اشبعتها تلقينكـ للحين تسوين لها نمرتين.. قومي قومي سوي لها.. ام حاتم : هاتيها عندي.. قامت وعد و عطتها ام حاتم و جلست جنبها ماهي عارفة كيف تتعامل معاها و هي خلقة متوترة عشان جود : مغيرة لها و مشبعتها ويش تبي زود..!! دخل من غير لا يهتم بـ وجود أي احد .. قدامة هدف و يبي يسعى لـ تحقيقة.. وقفوا كلهم لما دخل لكن هو تجاهلهم كلهم و اتجه لـ مكتبة.. فتح خزاين مسكرة تضم اشياء كثير جمعتة بـ منصور حتى صفقات انتهت خسرها او كسبها .. و ملفات و صكوكـ لـ كل شيء يجمعة فيه.. او كان يجمعة فيه و محتفظ فيه للحين.. اتجة لأخر خزنة و سحب سلاحة و حطه على الملفات و طلع.. اول ما دخل و شافوة كانوا منتظرين منه خبر .. لكن هم بالنسبة له غير مرئيين.. حاتم يناظر اخوانة : ويش القصة..؟! ابو عبدالرحمن يكلم احمد : قم الحق ابوكـ شوف ويش عنده من علم.. نهى : ماهو معقول ما معاه خبر يطمنا..!! طيب ليش جاي..؟! احمد يشوف ابوه داخل الصالة : يبه.. ويش الأخبار!؟! ابو سعود يدخل السلاح بـ جيبة قبل لا احد فيهم يشوفة : للحين بـ غرفة العمليات.. انا عندي شغل مهم بـ اروح اقضية.. (تقدم لأبوه و باس راسة ثم امه و باس كفها.. ناظر بناتة ندى نهى وعد ميار دانه و سها.. اول مره سها تشاركهم شيء بعد ما انقطعت كل الفترة اللي فاتت .. تنهد يبي يحميهن من كل شيء حتى لو الثمن روحة..).. حاتم : يبه فيكـ شيء..؟! ابو سعود : لا .. احمد تعال.. ابتعد من الجلسة لحقة احمد وهو مستغرب يمكن فيه خبر شين و ما يبي يقولة لهم.. بس من متى ابوه يتهرب من شيء.. ماهو ذا طبعة.. : خير يبه.. ابو سعود قرب من احمد وحط يده وراء رقبتة و همس بإذنة : يمكن ما ارجع من شغلي.. اوصيكـ انت و سعود و كل اخوانكـ بس لأنكم اكبرهم بـ خواتكم.. لا ينكسرون و لا يحتاجون لا ينقهرون و لا ينظلمون.. بـ تلقون وصيتي بالخزنة السوداء و رقمها عند ام سعود.. احمد مسكـ ابوه قبل لا يبعد مصدوم من حكي ابوه و اللي يقولة : وين رايح يبه..!؟ ابو سعود : قلت لكـ شغل.. فمان الله.. طلع ابو سعود و احمد مكانة مصدوم..!! وصية..!! لا ينكسرون لا يحتاجون لا ينقهرون و لا ينظلمون..!! و الله ما ينقدر عليها من غيره.. : ويش قالكـ ..؟! احمد بـ بلاهة لـ وليد : وصية..!! وليد يناظر الباب يتسكر : شفت السلاح اللي بـ جيبة..؟! احمد اتسعت عيونة : سلاح..؟! وليد طلع و لحقة احمد.. بـ يكونون بـ مصيبة و تصير ثنتين..!! عمرهم ما شافوا ابوهم بـ يده سلاح.. ليش بـ هالوقت بـ الذات..!! .. سيارة ابو سعود .. ما احد يحس بـ وجعة.. حتى لو هم معة يواسونة.. وجعة اكبر من مواساة.. و جرحة اكبر من غرز تلمة.. خوفة على بنتة و قهرة من صاحبة..!! مو بس بنت وحده.. سبع بنات اذا هو ما حماهم من شر منصور مين يحميهم..؟!.. يبي يريحهم و يعيشون بـ امن حتى لو صار قاتل..!! اهون اهون مية مره من انه بناتة كل مره وحده تتعرض حياتها للموت..!! ينقي اللي يبيها و يوجعة فيها.. ما راح يتحمل هالوضع.. ما راح يسكت له و رصاصة بين عيونة تنهي كل شيء.. ناظر الجوال الجديد بـ يدة و رقم جديد بدون اسم عشان ما احد يتبعة : هلا ابو سند.. ايه .. ايه عرفتة خلاص.. مشكور ما تقصر.. مع السلامة.. رمى الجوال على المرتبة.. وهو يفكر.. بـ حياة البنات قبل العيال.. كل واحد فيهم يقدر يشيل نفسة بس بناتة.. ندى و نهى تطمن عليهن مع رجال ينشد فيهم الظهر.. و دانه لـ ثامر.. لكن وعد و سها و ميار و .. و جود الله العالم تعيش و الا ... غمض عيونة بـ قهر و كل ما ذكرها يزيد تصميم و اصرار على إنهاء زوبعة من الإنتقام بِداها منصور.. انتقام اخ من اخوه..!! يالله ويش كثر صعبة ..!! ان كان انسان يأذي انسان اخر يحمل نفس المشاعر و الإنسانية .. كيف لما تزيد الروابط مع هالإنسان و يكون بينهم رابط اخوي.. اذا اخوه منصور يبي الإنتقام بسبب افكار زرعها الشيطان بـ راسة و ناس سيئة و يبي اوراق فـ هو سحب كل الأوراق اللي جمعتة فيه عشان يرميها بـ وجهة.. و يضحي بـ كل شيء.. كل شيء لكن ما يوصّل منصور لأنه يوجعة بـ روحة.. في بناتة ما راح يسمح له.. في سيارة وليد احمد جنبة متوتر : صاحي انت اصلاً هو ما يبي احد يلحقة.. وليد يشد على الطارة اطراف اصابيعة بيضاء : ما يهمني هو ويش يبي .. اهم شيء احنا ويش نبي.. تقولي وصاكـ .. دق على غازي الحين و علمة ان احنا لاحقين ابوي و شكلـه رايح لـ منصور.. احمد يصرخ على وليد وهو يحس بالجنون و يمرون بين السيارات بـ سرعة : هد السرعة لا نصير بـ مصايب مالها اول من تالي.. ابوي لو يشوفنا بـ يردنا البيت جثث انا و اياكـ .. وليد : خلني اركز.. دق على غازي بسرعة.. اكيد ابوي يبي يصفي حسابة مع منصور.. احمد يتصل على غازي وهو يدعي : الله يستر الله يستر .. الوو .. ابو شوق تكفى فزعتكـ .. ابوي جاء البيت و اخذ سلاحة و اوراق كنه رايح لـ منصور.. انا و وليد نلحقة الحين.. احنا على طريق ........... .. طيب طيب اذا وصلنا للمكان ابلغكـ .. فمان الله.. وليد وقف السيارة : وصلنا..!! احمد : متأكد..!؟ كنه ظلام المكان ما احد ساكن فيه..!! وليد : ايه متأكد ابوي دخل سيارتة داخل.. أحمد : ويش بـ نسوي الحين..!؟ وليد سحب سلاحة من رجلة سحب الأمان : ويش بـ نسوي يعني..!؟ ارسل لـ غازي و بلغة العنوان.. بـ ننتظرة لين يجيب معاه الفرق الخاصة بالمداهمات اكيد المكان مليان حرس..!! احمد بـ قلق : طيب ابوي معاه سلاح..!! (ضرب يده بـ فخذة يعبر عن توترة) يالله ويش ذا الحالة..!! .. بيت منصور بن حمد.. الحرس دخلوا مع ابراهيم .. : معاه سلاح طال عمركـ ..!! منصور و كأس الخمر بـ يدة ما شرب منها شيء من عرف ان ابراهيم ينشد عن مكانة يبي يكون مصحصح له لكن ما ينكر انه صبها عشان يغيض ابراهيم .. من غير لا يرفع راسة عن كأسة : خله معاه.. اطلعوا كلكم برا.. الحارس : بس طـال عـ ........ منصور قاطعة بـ حدة : قلت اطلعوا..!! خلى الجو الا من اخوان .. او كانوا اخوان يجمعهم حب.. صداقة.. إِثار.. مشاعر نبيلة.. لكن تحولت كلها لـ حقد انتقام و يمكن عتاب.. لكن عتاب بأساليب بعيدة عن معناه و طرقة اللطيفة..!! منصور رفع عيونة حتى يشوف ابراهيم من زمان ما شافة تغير كل شيء بعد ما كانوا يتشاوفون يومياً و اغلب وقتهم مع بعض صارت تمر السنين وما يشوفون بعض : ما بغيت تذكرنا يا ابو سعود.. ابو سعود بـ حدة : اذكركـ ..!! على ويش..؟! على ويش يا منصور..؟! منصور : استريح و عين من الله خير.. خلنا نعرف ويش مزعلكـ علينا عشان تدور وراي تبيني..!! ابو سعود صرخ فيه : و انت يهمكـ زعلي و رضاي..!! ويش اللي تبيه مني وعجزت لا تطلبني اياه.. وشو اللي جالس توجعني بأهلي عشانة..!! علمني الحين ويش هو عشان اعطيكـ اياه.. منصور رفع حواجبة من دخل ابراهيم وهو ما تحركـ ابد .. نفس الوضعية رجل على رجل و رافع رجله للأخير .. نزل الكاس على الطاولة بـ برود : ويش قلت..!! اوجعكـ بأهلكـ ..!! ابو سعود : ليش مستنكر يعني..!؟! منصور هز رأسة : اهااا اكيد بنتكـ علمتكـ .. بنتكـ وعد..!! ابو سعود : انكـ اللي دليتها على بيت اخوي مشاري..!! ايه علمتني.. و الحين خلصت من وعد حولت على جود..!! منصور : وشوو جود ..؟!! لا ترمي بلاويكـ علي يا ابراهيم.. ابو سعود رمى الأوراق على الطاولة حتى تنتثر صفقات قديمة مؤرخة بينها صور كثيــر تجمعهم : هذا كل شيء جمعني فيكـ عندي على الورق.. رغم انكـ حرقت بيتي يا منصور حرقت بيت اخوكـ .. لكن كل ورقة كان عندي منها نسخ مو نسخة وحده.. علمني ويش الأوراق اللي بغيت منيره تجيبها لكـ ..؟! ويش اللي بغيتة بالضبط و جالس توجعني بـ بناتي عشانه..!؟! منصور بـ حدة : بناتكـ ما قربتهن.. وعد ايه انا اللي دليتها على بيت مشاري.. رجالي جابوها و انا ارسلتها لـ هناكـ عشان ما تشوفها فترة و احرمكـ منها.. و بنتكـ خبلة راسها ما فيه مخ.. لكن جود هاللي تحكي عنها ما قربت منها..!! ابو سعود : ما قربت منها بس ارسلت احد من عندكـ يطعنها بـ مدرستها ..(بألم عميق من اعماق صدرة لـ وضعها الصحي) بنتي من الصبح لليل محبوسة بـ مدرستها و الحين بين يدين الدكاترة الله العالم ويش بـ تصير عليه حالتها.. مين غيركـ بـ يسويها يا منصور..!!؟!! منصور : قلت لكـ يا ابراهيم ما قربت من جود.. لو بـ اضركـ في احد من عيالكـ بـ اختار وعد.. تدري ليش عامر اختارها عشان يزوجها ولده ..؟! ماهو عشان امها اختة.. عشانكـ تعزويت فيها بـ مجلس رجال.. و لو بـ اقهركـ بـ اختارها هي واضح غلاها غير اخوانها..!! ابو سعود جلس تعزوى فيها.!.! يذكر .. يذكر قوتها و شدة شخصيتها و اعتمادها على نفسها حتى بـ مشاكلها هذا كله قبل لا تنخطف.. هالبنت يمكن هو ربّاها لـحالة من هي صغيرة و هي بـ حضنة يذكر لما اول يوم لها بدون امها و ما نامت حاولت فيها زوجتة نوال وما نامت كنها حاسة انها ماهي امها.. و ما ارتاحت الا بـ حضنة قرأ عليها لين استكانت.. يمكن هم يحسونها الأقرب له ما ينكر.. لأنه كان يحز بـ خاطرة ان مريم ولدتها و تركتها .. ما كان يبيها تحس بالنقص .. حتى اكثر من نهى.. لأن نهى جربت حضن امها سنتين اما وعد ما جربتة.. يذكر لما تعزوى فيها بعد قوة باسها و دخلت الطب من وراه.. حتى ما خافت منه.. رغم ان سواتها ما ارضتة لكن ما ينكر انه كان فخور فيها.. ": يقولون ان شركة بن حمد بـ تروح لـ عامر بن سلامة..!!؟ ابو سعود بـ حزم : افاا و انا ابو وعد و الله ما تروح لأحد غيري..!!" منصور يكمل : طفحت كل عيالكـ و اخوانكـ و ما تعزويت الا فيها هذا دليل غلاها.. لو اخترت اضركـ ما راح اختار غيرها اللي تعزويت فيها و انت تبي تأخذ شركتي..!! ابو سعود : لا تقول تأخذ انا شريتها منكـ بـ حق ماهو حقها.. ما بخستكـ بـ ريال واحد.. عطيتكـ قيمتها و فوقها حبة مسكـ .. منصور بـ سخرية : حقها..!! انت تعرف ويش كانت قيمة شركتي قبل لا تشتريها.. ابو سعود : و انت بـ نفسكـ دمرت نفسكـ نصحتكـ مره و اثنين و عشر و مية يا منصور.. و لا مره التفت لي و سمعت كلامي.. صديت عني و كني عدوكـ و خليتهم ينهشون فيكـ لين يرمونكـ .. ما سمعت المثل اللي يقول لا طاح الجمل كثرت سكاكينة..!! منصور بـ حدة مقهور : و انت واحد من السكاكين اللي انغرست بـ صدري.. حتى يوم طحت سابقتهم على الغانمة و شريت الشركة عشان تقهرني.. و خليتها شركة لـ عيلتكم كلها و شاركوكـ فيها اخوانكـ ..!! ابو سعود بـ صدمة رغم انه عارف ان منصور ما يظن فيه خير : اقهركـ .. كل السنين اللي بيني و بينكـ ما علمتكـ ويش هو ابراهيم ويش هي فعولة يا منصور..!! الشركة ايه شريتها و بنيتها من جديد من الصفر .. و تعبت فيها عشان ابني لها اسم .. الإسم اللي انت هدمتة و لا قدرت المكانة اللي الشركة فيها.. منصور : ما يخصكـ لو احرق فلوسي بالنار.. ابو سعود : و انت حرقت الشركة و انا بنيتها من جديد يعني ما يخصكـ ..!! ابتسم منصور : يخصني دامها بـ إسمي..!! ابو سعود انصدم : نعــم..!! منصور : تحسب اني ما دريت انكـ كتبت نصيبكـ منها بـ إسمي..!! ابو سعود وقف بـ عصبية : مين اللي يقولة..!! منصور : انا اقولة يا ابراهيم.. ليش كتبت نصيبكـ منها بـ إسمي رغم انكـ شريتها زي ما تقول..!! عشانكـ حسيت بـ عِظم خطيتكـ بـ حقي يومكـ طعنتني..!! ابو سعود : تخــسى..!! ما كتبتها بإسمكـ الا لأنكـ اخوي.. اخوي اللي ماهو من امي و ابوي.. كنت اعتبركـ اخ و سند و عزوة.. يوم شفتكـ طحت و الناس تسابق عشان تنهي الباقي منكـ ما هنت علي.. شريت الشركة و كتبت نصيبي منها بـ إسمكـ عشان باليوم اللي ترجع لـ صحوتكـ و تعتازني اقولكـ هاكـ حلالكـ و مالكـ.. عشان اليوم اللي يحتاجون فيه عيالكـ عقب عينيكـ اقول هذا ورثكم من ابوكم.. عيالكـ اللي انت لاهي عنهم انا فكرت فيهم عشانكـ .. ما قلت لكـ و لا شكيت لكـ و لا حتى علمتكـ عشان ما تحس اني اسوي لكـ جميل .. و شوف انت ويش رديت لي سواتي.. اخذت ميار من حضني و حطيتها عند ناس 21 سنة ما عرفت عنها شيء.. و يوم المره صحى ضميرها و قررت تعلمني عن بنتي ما علمتني انه انت اللي سويتها خافت منكـ ومن فعولكـ الشينة لا تلحق عيالها.. و لما انت شفت ان بنتي رجعت لي و ما عاد فيه شيء يضايقني كل ما قمت و قعدت قررت توجعني بـ وعد.. و ما كفاكـ كسرة النفس اللي ملازمتها و الحسرة اللي تغبني كل ما شفتها و شفت بـ حضنها ضنا انربطت فيه من غير زوج يسندها على تربيتة.. و ياليتكـ انتهيت.. بـ تأخذ مني جود الحين..!! ويش باقي يا منصور..!! ويش باقي ما اوجعتني فيه.. ويش هي الخطية اللي ارتكبتها فيه اخوتكـ عشان تنتقم مني مره وراء مره و بـ بناتي..!! ان كان تشوف مساعدتي لكـ طعون في صدركـ انا ويش اقول عن اللي تسوية فيني..!! ويش يتسمى اللي تسوية..!؟! منصور وقف : انت حديتني على قهركـ مثل ما قهرتني.. تعبي و شقاي انت اللي هدمتة..!! ابو سعود : انت اللي هدمت نفسكـ بـ نفسكـ يا منصور.. و يوم الناس لعبوا بـ راسكـ و شككوكـ فيني و خلوكـ تظن فيني ظن السوء ما انتقمت فيني الا في بناتي.. منصور : لأني لو هدمت شركتكـ و ساويتها بالأرض بـ توقف من جديد و لا كنه صار لكـ شيء من غير لا تعتاز احد.. لكن قهر الضنا مثل الوسم ما يروح.. ابو سعود سحب سلاحة من جيبة و وجهة لـ منصور : انت بـ عظمة لسانكـ اعترفت.. اعترفت بـ كل شيء سويتة فيني و ما احد يلومني على موتكـ .. انا ما ضريتكـ و الله شاهد علي لكن انت قهرتني في بناتي.. ميار و وعد و جود..!! منصور : قلت لكـ جود ما ادري عنها شيء .. دور مين اللي يبي يضركـ في بناتكـ غيري .. ماهو انا عدوكـ الوحيد.. لكـ من الأعداء ويش كثر.. عدوكـ ..!! عدوكـ ..!! وهو كل ما تكلم عنه قاله اخوي..!! حتى الأخوة اللي كان يحتفظ بـ كل تفاصيلها ابراهيم يشوفها منصور عداوة : ويش يضمني ما تكون انت اللي ارسلت لهم عشان يذبحونها..؟! منصور : قلت لكـ ما ارسلت احد عشان اذبحها .. و ماني خايف منكـ عشان اكذب عليكـ انت بـ مكاني يا ابراهيم.. و سلاحكـ ان صوبتة علي بـ نموت انا و إياكـ سوا.. (وقف منصور قبال ابو سعود بـ التمام ما يفصلهم الا خطوتين و فتح جاكيتة البني و ازارير بلوزتة الداخلية حتى يكشف عن جهاز مثبت على صدرة يصدر منه إشعاع احمر متجة لـ صدر ابراهيم) ما انصحكـ تتحركـ اذا تحركـت بـ تنفجر القنبلة فيني و فيكـ .. ابراهيم بـ صدمة : نعـــم..!! منصور بعدم اهتمام بأمانة الخالق "النفس" و الحفاظ عليها.. غارق حد الموت الروحي بـ ذنوبة و اعمالة و خطاياة : قنبلة حساسة جداً تتأثر بالحركة.. اذا تحركت راح نموت سوا..!! .. برا المكان المتواجد فيه منصور.. أحمد : ويش تبي بـ عمر..!؟! وليد : شغلة مهمة عساه يوصل قبل غازي..!! احمد يناظر سيارة جاية مقابلة لهم : ماهي ذي سيارتة..!! وليد نزل : الا .. خلكـ بالسيارة لين يجي غازي.. و لو بدو مداهمة لا تطلع.. أحمد : طيب علمني وين بـ تروح..؟! وليد سكر الباب و اتجة لـ سيارة عمر ركبها.. أحمد جالس ينتظر و يستغفر.. وليد ما يدري وين رايح.. و جود بـ غرفة العمليات ما يندرى عن حالتها.. و ابوه مع مجرم يبي ينتقم منه داخل..!! : اللهم يا حي يا قيوم بـ رحمتكـ أستغيث فأصلح لي شأني كله و لا تكلني الى نفسي طرفة عين..!! ناظر السيارات اللي تطوق المكان و عدد مهول من الرجال يفدون الوطن بـ ارواحهم .. رداً لـ جميل هذا الوطن و حفاظاً عليه و على أمنه و أمانه.. غازي : احمد وين وليــ ـ ـ ـ (قطع كلمتة و التفت مصدوم للبيت اللي صدر منه صوت انفجار).. .. سيارة عمر.. عمر : الحين اشغلتني تعال بسرعة بسرعة وين تبينا نروح..؟! وليد سلاحة بـ حضنة : على المقر.. عمر مستغرب : ليش..!؟ وليد : ابوي مع منصور .. و الفريق غازي بـ يداهم المكان و انا ابي اجيب كل الأوراق و الأدلة من المقر هاذي كانت مهمتي اللي دخلت عشانها و ابي انهيها.. عمر : تدري ان فيه حرس يعني لو بـ ندخل لازم نداهم حتى لو ما فيه منصور او الصقر و باقي الرجال.. وليد : لا .. بـ ندخل مثل قبل انت شريكهم .. و انا أيمن المنذر..!! عمر يحركـ سيارتة : يا خوفي بس ما نفلح..!! الفريق غازي يدري انكـ رايح للمقر..؟! وليد بـ هدوء : لا.. لا خلصت شغلي اعلمة..!! .. أستغفر الله العظيم و أتوب إليه.. لا أحلل نقل الرواية دون ذكر اسمي.. هاشتاق #رواية_لو_سألتي_الورد ضحكة قهر.. http://up.graaam.com/img/23407876b74...eba11d9f14.pnghttp://up.graaam.com/img/c433481acf7...1de64fbad2.png |
رد: لو سألتي الورد وهو ما بين إيدك أقطعك بيقول لك عمري فداك الكاتبة / ضحكة قهر
بسم الله الرحمن الرحيم..
السلام عليكم و رحمة الله و بركاتة.. واحشـــيني احس من زمـــان عنكم.. و جات الإجازة و حاستني..!! كنت ناوية اغير المواعيد و اثبتها على الأربعاء بس بعد لخبطة هالإسبوع آمنت ان السبت هو الأنسب لنا .. لذلكـ بـ نرجع المواعيد على السبت و نثبتها.. ودي احكي و احكي و احكي.. بس احس يعني تعرفون الحكي ضايع مني يمكن عشاني حاسة بـ قرب نهاية الرواية..!! البارت هذا تعبني..!! جود و ابوسعود و اخرهم وليد وعمر..!! يعني ما ادري بس ويش اقولكم.. خلوها للبارت احس بـ تحبونة و احس فيه ناس بـ تدرعم علي و تقولي البارت بارد.. حياكم الله بس تعالوا تقهوو كلكم عندي و اعلمكم كيف بارد.. ما عندي ديمقراطية.. كلش دكتاتورية^_^.. طيب الشيء اللي بـ اكتبة موجه لـ منتدى غرام.. كلنا نعرف بـ أهمية منتدى غرام في الروايات.. و مو اي رواية تثبت نفسها في هالمنتدى.. انا اوجة كلمة لإشراف القسم.. اللي ما كان له تواجد ابداً من اول روايتي و لـ حد هالبارت..!!! بالرغم من تواجدهم في روايات من بارت و بارتين..!! يعني انا ما احتاج كلمة اشادة..؟! طيب ما احتاج كلمة نقد..؟! اعتب عليهم صراحة.. الرواية قربت تنتهي و ما شرفوني بـ تواجدهم.. حتى سألتني اريج الجوري ع التويتر عن الموضوع انا مستغربة ما توقعت انه يكون ملاحظ انا الاحظة ايه لأني صاحبة الرواية لكن كون قارئة بعد تلاحظ هالشيء ما توقعت.. ما علينا اجازة سعيدة ان شاء الله للجميع.. و ادري اني مطولة عليكم بس لأني خرجت امس من البيت و اليوم اصلاً معزومة و ما رحت^_^ و احد اسبابي انتم عشان ما اخلف بـ وعدي لكم.. رغم ان فيه ناس للحين ما تثق فيني الله يسامحكم بس.. عذراً لكل الأشخاص اللي ما رديت عليهم مقتبسة ردودكم بس ما لقيت الوقت.. ما ادري ليش عندي ازمة ما الاقي وقت لـ تعليقات المنتدى.. لكن بإذن الله محلولة قريب.. حيـــاكم الله جميعاً.. قراءة ممتعة.. البارت التاسع و الخمسون.. كل ما حاولت اصارحك آتردد يختنق فيني كلامي قبل اقوله من عرفتك والهوى فيني يردد لا تحبّه وانت ما تقدر تطوله ! لـ رجف.. "عبدالقادر متعب" ابو عمر : الله يهدية راسة يابس.. ابو عساف : ماهو جديد عليه.. بس ويش اللي ذكرة بـ منصور.. حتى من زمان ما قابلة..!! و ليش يقول انه هو اللي رامي جود هالرمية..!؟! ابو عمر : و الله ما ادري يا اخوي.. بس الله يستر.. ابو عساف يناظر خالد و ياسر : انتم وينكم عن اختكم من الصبح لـ الليل وهي بـ مدرستها ما فقدتوها يعني.. ما احد فكر يجيبها من مدرستها..؟! خالد : على أساس مشعل يجيبها وهو تأخر عليها بإختبارة و لما راح للمدرسة قالوا له كل البنات طلعن ما احد فيه و كان يحسب انها متصلة على و احد فينا جايبها.. ياسر وقف بـسرعة : طلعوا..!! وقفوا كلهم ينتظرون الدكتور يحكي.. شال الكمامة عن فمة : الحمدلله نجحت العملية و سيطرنا على النزيف.. لكن لازم تكون في العناية المركزة تحت الملاحظة على الأقل 24 ساعة الجاية.. ممكن تكون دخلت في غيبوبة سكر..!! ياسر : كيف يعني ممكن..!! شلون ما تدرون ان كانت صاحية او لا..؟! الدكتور بـ هدوء : يا اخوي هي ما زالت تحت تأثير المخدر.. و نزفت دم واجد.. لازم نصبر و نشوف ويش ممكن يصير معاها.. خالد بـ حزم : ما نبي ابن امه يدخل عندها و ما انتم واثقين فيه يكفي اللي صار لها..!! الدكتور : دامها في العناية ما راح يدخل أي احد هالقسم.. و الزيارة محدده نص ساعة في اليوم.. و ان شاء الله ما راح يصير الا كل خير.. عليها العافية.. ابو عمر : الله يعافيكـ .. ابو عساف : دقوا على ابوكم قولوا له .. خلوه يرجع.. .. في بيت منصور.. قبل الإنفجار.. تصاعد توتر ابراهيم مو عشانة عشان يذكر بناتة وراه..!! ما ينكر انه جاء هالمكان بـ رجولة و يمكن يطلع من وراه قاتل.. لكن انه يموت بـ إنفجار و يكون اشلاء ما يلقون له جثة كاملة.. ويش بـ يكون حال ابوه و امه .. و فجيعة بناتة..!! تنهد ينفض كل التوتر.. نزل يدة و السلاح ما زال بـ كفة.. منصور مبتسم بـ تشفي : خفت..؟! ابراهيم : على نفسي لا.. منصور : بناتكـ عندهم اخوانهن.. عارف كيف تربي عيالكـ .. ابراهيم : كل راعٍ مسؤول عن رعيتة..!! منصور : ليش جيتني..!؟ تدري اني ابي انتقم منكـ ليش جيتني..؟! ابراهيم : عشان انتقم منكـ انا بعد.. ما يهمني يا منصور لو انتقامكـ مني بـ فلوسي بـ شركتي باللي تبي.. بس في بناتي لا .. انا ما ضريتكـ في شيء.. انت فتحت اذنكـ لـ ذا و ذاكـ تبعت حكي ناس يبون مضرتكـ اصلاً و مضرتي.. تغيرت علي واجد و انت تفتح اذنكـ لـ القيل و القال.. منصور : شوف عيني يا ابراهيم.. شوف عيني ما طاحت شركتي غير بعد ما طلعت شركتكـ و عشان تبعد عن عداوة عامر اوشيت له عني لين كسب صفقة وراء صفقة على حساب شركتي و طاحت و خسرت كل شيء مو بس كذا ركبتني الديون.. ابراهيم بـ قهر : و انت تصدقهم..!! تصدقهم اني ابي خسارتكـ .. انت تدري اني انا و عامر ما نتصافى .. ليش اخونكـ و اطعنكـ في ظهركـ على حسابة..!! هاذي اخرتها يا منصور..!! تصدقهم فيني..!! و كنكـ ما تعرفني و لا عشت معاي..؟! منصور : الا اعرفكـ و عشت معاكـ و اذكر تفاصيل التفاصيل يا ابراهيم.. كنت اشوفكـ روحي.. ما كان لي من الإخوان الا انت.. ما كنت اخاف من شيء دامكـ اخوي.. بس شوف ويش صار الحين.. كل شيء تغير..!! ابراهيم : انا ما خنتكـ و الله شاهد علي ما اوشيت لأحد عنكـ و لا حاولت اضركـ تدري ان نفسي ماهي دنية عشان اخسر اخوي على حساب كم ريال.. الفلوس تطير و تبقى الأخوة يا منصور.. مد منصور يده لـ جهاز القنبلة على صدرة و ضغط زر اختفى بعدها الإشعاع من صدر ابراهيم : اطلع يا ابراهيم.. ابراهيم ناظر نفسة و بعدها ناظر منصور : ويش بـ تسوي..؟! دخول مفاجئ لـ الحرس : طال عمركـ الشرطة برا..!! ابراهيم اتسعت عيونة قبل منصور.. ما ينكر ان منصور اذاه و يمكن هو يقنعة يسلم نفسة عشان يطهرها من ذنوبها بس يلقون القبض عليه..!! منصور ناظر ابراهيم بـ حدة : اطلع بـسرعة بناتكـ ينتظرونكـ .. و جود و الله ما اذيتها دور مين يبي يأذيكـ يا ابراهيم غيري.. روح لـ بنتكـ بـ غرفة العمليات.. ابراهيم : و انت..؟! منصور صرخ فيه : اطـــلع..!! ابراهيم يترجاه : تكفى سلم نفسكـ .. لا تقاومهم.. ويش باقي بالعمر يا منصور.. ويش باقي.. سلم نفسكـ و توب لـ ربكـ ..!! منصور : تدري كم نفس قتلت..؟! و كم روح دمرت..؟! و كم انسان فرقت..؟! ابراهيم : ان الله غفور رحيم.. منصور بـ يأس : اطلع ما ابيكـ تكون اخر روح اقتلها..!! ابراهيم : تكفى ان كان لـ عيالكـ خاطر عندكـ لا تسوي اللي بـ راسكـ سلم نفسكـ و توب لله .. اعط نفسكـ فرصة تصلي ركعتين و تستغفر ذنبكـ .. مهما عِظم ذنبكـ الله بـ يغفر لكـ ان كانت توبتكـ صادقة..!! منصور ناظر الحارس : طلعوووة..!! الحرس المتوترين من وجود الأمن برا اقتربوا من ابراهيم.. منصور : لا تقاومون الأمن.. سلموا انفسكم...!! ابراهيم : يسلمون انفسهم..؟! و انت ليش ما تسلم نفسكـ ...!؟ منصور : بنتكـ بالعملية لا تتركها.. لا يرجع اللي سوا فيها هالسواة و يحرمكـ منها.. و لا تحرم نفسكـ منها بـ قعدتكـ هنا..!! ابراهيم ادار ظهرة له بـ وجع عميق عليه.. فوق الخطايا اللي ارتكبها بـ يرتكب خطية اكبر.. "الإنتحار" : الله يسامحكـ .. تذكر ان ربي ممكن يسامحكـ على اللي سويتة ان تبت له ( قل ياعبادي الذين أسرفوا على أنفسهم لا تقنطوا من رحمة الله إن الله يغفر الذنوب جميعا إنه هو الغفور الرحيم ).. و ان سويت اللي بـ راسكـ انت عارف ويش عقوبة الإنتحار بالآخرة.. طلع ابراهيم و اول ما وصل الباب اندفع بـ قوة برا بـ تأثير القنبلة.. و ضرب راسة بـ حدة الباب.. الحرس كلهم مترامين على بعضهم..!! بإصابات.. ما بين اغماءة و استيعاب ان رئيسهم فجر نفسة..!! منصور بن حمد الإسم المهاب.. صنع لـ نفسة اسم من وراء تخريب الأرض و السعي في ضرر الوطن و ابناءة و بناتة .. صنع لـ نفسة هيبة هو يدري ان اخرها موت .. اما في عملية انتحارية.. او بـ يد الأمن مثل نهاية رجالة اللي بـ تصير قريب و قريب جداً.. سرحوا كثير و جاء الوقت اللي يتحاسبون على افعالهم.. للأرض رجال عيونهم ساهرة على امنة و امانة.. على راحة اهلة.. هم يـحمونة من كل من يحاول يضرة بـ ادنى طريقة و اكبرها.. حماة الوطن.. شكراً لكـم من القلب.. من قلب كل شخص يعيش فوق هالأرض.. ابراهيم وقف التفت لـ باب الغرفة اللي جمعتة بأخر لحظاتة مع منصور..!! من بعد فراق طويل قابلة حتى ينتهي لقائهم بـ موتة..!! وقف مصدوم تمنى انه يسمع كلامة و يتوب لـ ربه بعد اللي سواة.. تمنى انه ما يموت و هو معلق في رقبتة ذنوب ويش كثر..!! ما انتبة للأمن اللي ملوا المكان.. و عيونة معلقة على الباب.. اللي يتسابق الدخان الأسود عشان يخرج من غرفة انحبس فيها..!! انتهت حياة منصور..!! سعود حط يده على كتف ابوه قلق..!! : يبــــه..!! التفت على سعود من غير لا يعلق..!! نسى كل شيء..!! حتى بنتة اللي اخر ما يعرفة انها بين يدين الدكاترة بـ غرفة العمليات..!! صدمتة بـ موتة منصور بـ هالطريقة وقفت عقلة عن التفكير..!! اول مره.. اول مره يتمنى ابراهيم انه يبكي..!! بالرغم من اذية منصور له الا ان موتة اثر فيه .. بس لو فكر منصور و اللي مثلة قد ايش لهم ناس تحبهم و تخاف عليهم ما فكروا يطعنون قلوبهم بـ كل وحشية بـ افعالهم السيئة..!! لو فكروا بـ عقلانية في ام اب اخ زوجة ولد بنت صديق و كيف هم يأذونهم بـ تفكيرهم بـ اعمالهم اللي تضر دينهم و وطنهم كان فكروا بكل عمل قبل لا يسوونة.. سعود يناظر جروح ابوه و شكلة مبهدل من الدخان .. رغم انه كان ممنوع من المشاركة بـ العملية لأن ماله فترة طويلة منصاب لكنه ركب راسة عشان يتطمن على ابوه ما راح يصبر لين يعلمونة بـ شيء.. همس ابو سعود : منصور فجّر بـ نفسة..!! غازي : ويش كنت تنتظر منه يعني..!؟ ما سوا خير و ضر دينة و وطنة..!! ابو سعود كأنه يكلم نفسة : كنت ابيه يتوب و يرجع منصور اللي عرفتة.. حتى لو اقاموا عليه الحد.. اللي شفتة من شوي قلبة ميت..!! ما عنده روح تحس..!! ما هو منصور اللي عرفتة من سنين..!! انلعب بـ عقلة.. عساف : عمي انت تنزف لازم نروح المستشفى..!! تذكر جود..!! ناظر سعود : ويش صار على اختكـ ..؟! سعود : ما ادري يبه ما جبت جوالي خليتة بالمكتب.. طلع ابو سعود اهم شيء يتطمن عليها الحين حتى هو ملحوق عليه ما يهمة نفسة.. رغم ان الصداع يداهم راسة و بـ قوة من الهم و بعدها الضربة اللي تلقاها من دفع الإنفجار.. و الدم يسيل من طرف جبينة الأيسر و نازل على كتفة.. احمد بـ خوف : يبـــه..!! ابو سعود مد يده : ما فيني شيء.. اختكـ ويش صار عليها..!! احمد : طلعت من العمليات.. و حطوها بالعناية خلال 24 ساعة بـ يتضح كل شيء..!! ابو سعود بـ حدة : وشو اللي يتضح..؟! يعني ويش صار ما نجحت..؟! احمد : الا يبه الحمدلله .. بس هي مخدرة للحين ما فاقت و صار لها فترة طويلة تنزف ما يندرى لو دخلت غيبوبة سكر.. ابو سعود تعداه : وديني البيت.. ركب احمد مكان السايق و ابوه جنبة يتنهد و يستغفر.. احمد : يبه خلنا نشوف جرحكـ لازم نسوي لكـ اشعة.. ابو سعود : مانيب عازتها..(سحب علبة المناديل حتى يمسح الدم من وجهة) الحين امي بـ تقلق ان شافتني كذا..!! احمد : يبه يمكن تحتاج غرز.. ابو سعود : احمد اللي فيني مكفيني.. (عقد حواجبة) بعدين تعال انت ويش جابكـ هنا..؟! احمد بلع ريقة مبين راح يأكل تهزيئة الحين : لحقناكـ..!! ابو سعود : مين اللي لحقني..؟! احمد : انا و وليد..!! ابو سعود : شايفيني بزر تتبعوني..؟! احمد : حاشاكـ يبه بس وليد شاف السلاح اللي بـ جيبكـ و خفنا عليكـ ..!! ابو سعود بـ حدة : طيب انت و اياه انا اوريكم.. كان اقول الكلمة تدخل من اذن و تطلع من الثاني و لا تهتمون..!! سكت احمد ابوه مو بس معصب الا مولـــع..!! ما التفت حتى له عيونة مركزة على الطريق قدامة.. ابو سعود : و وينه اخوكـ الحين..!؟ احمد : راح مع عمر.. ابو سعود : وين راح..؟! احمد : ما قالي..!! ابو سعود : شلون تخليه يروح قدام عينكـ و لا تمنعة..؟! يعني ما جاء في بالكـ انه بـ يروح لمكان العصابة..!؟ احمد التفت مصدوم : نعم..!! ابو سعود : نعامة ترفسكـ ..!! احمد بـ هدوء : يبه الله يرضى لي عليكـ و انا ويش عرفني هو وين بـ يروح سألتة و ما علمني..!! ابو سعود : كان المفروض تعرف من يوم انه راح مع عمر.. وقف احمد السيارة قدام الباب و قرب لأبوة و باس راسة : و الله ما جاء في بالي.. تنهد ابو سعود و نزل .. نزل احمد اليوم بـ يكون حافل بـ عصبية ابوة ما راح يروقة الا ان صحت جود و تطمن عليها بـ عينة.. دخل ابو سعود و بعده احمد.. ما كانت حالتهم تسمح لأنهم يشوفون صدمات زود.. و دخولة بـ هالشكل عليهم انهى الباقي من صبرهم لأن ما جاهم أي خبر للآن يطمنهم على جود..!! اول من صرخت من بناتة سها : بـــابــا..!! شافها تجري له فتح لها يدينة حتى يحضنها و بعدها ميار و دانه.. ام عبدالرحمن يدها على صدرها : يا غبني ويش مسوي بـ عمركـ ..؟! يبي يبعدهن عشان يسلم على امه لكن الثلاث ماهن راضيات يتركنة : الحمدلله سليمة يمه.. ابو عبدالرحمن بـ حدة : انت شايف شكلكـ قبل لا تدخل علينا.. ابو سعود : و الله ما اشكي من باس الحمدلله .. ام احمد ماهي قادرة توقف.. ما استوعبت صدمة بنتها عشان يدخل زوجها بـ هالشكل : ويش صار على بنتي..!؟ ما خلصوا عمليتها للحين..!؟ احمد جلس جنب امه و باس راسة : الا يمه و الحمدلله العملية ناجحة.. ام احمد ماهي مصدقة : تقولة صادق و الا تطمني بس..؟! تكفى لا تفجعني لا تعطيني امل.. و الله اني ماني حاسبة عليها..!! احمد : استغفر الله يمه ويش هالحكي.. و الله ان العملية ناجحة بس خلال 24 ساعة الجاية بـ يراقبون حالتها عشان يتطمنون عليها.. ام احمد : وديني لها ان كنت صادق.. احمد : بكره يمه .. حطوها بالعناية و زيارتها نص ساعة العصرية.. ام احمد : ما راح اصبر لين بكره .. ماني تاركة بنتي لحالها هناكـ بعد اللي صار لها.. الحين توديني لها .. دانه جيبي عبايتي..!! دانه تبعد عن ابوها و تمسح دموعها و تنزل.. طلعت تجيب عباية امها.. حاتم : يبه خلني اضمد لكـ جرحكـ .. ابو سعود ابعد بناتة سها و ميار عنه : بـ اروح اغير.. طلع من بينهم من غير لا يجاوب على تساؤلاتهم.. ابو عبدالرحمن يناظر احمد : ابوكـ وين كان..؟! أحمد : ما ادري..!! اللي اعرفة انه معصب و بـ يوكلنا تراب..!! ابو عبدالرحمن بـ حدة : ويش انتم مسوين..!؟ أحمد تنهد : ما ادري..!! دخلت وعد و معاها رضعة بنتها استغربت اشكالهم : ايش فيكم..؟! ام عبدالرحمن تحول عليها و تحط حرتها من قلقها على ولدها فيها : انتِ كل هذا تسوين رضاعة لـ بنتكـ ذبحتيها بالجوع الله يكافيكـ كانكـ ما تنفعين ام..!! انصدمت وعد..!! حتى بنتها ساكتة و لا تبكي ويش له هالهجوم..!! نطقت بـ هدوء وهي تتجه لأم حاتم اللي شايلة فجر : شكراً يمه يجي منكـ اكثر..!! نهى تنرفزت ناظرت وعد : بابا جاء.. و جود طلعت من العملية.. وعد رغم انها منقهرة من جدتها بس الظرف اللي يعيشونة ما يسمح لها ترد عليها : جد..!! ويش صار طيب..!؟ نهى : خلال 24 ساعة بـ يحددون وضعها.. دخلت دانه و بـ يدها عباية امها : امي تكفين بـ اروح معاكـ .. مشعل بـ حدة : لا .. يكفي امي.. قالوا لكـ بالعناية ماهي حاسة فيكـ وشولة تروحين له نص الليل..؟! وعد بـ نفس حدتة : يعني وشو كل مره واحد فيكم بـ يتشرط علينا و يتحكم فينا..؟! قاطعهم صوتة الحــاد : خيــــر..!!! مزاجيتة ما تسمح له يسمع همس.. كيف وهو يسمعهم يتهاوشون : طالت و شمخت ماشاء الله شايفيني معطيكم وجه صرتوا تهاوشوا..!! تبادلوا النظرات بـ صدمة ..!! عصبيتة الإسبوع اللي فات مبين انها زادت اضعاف.. ابو سعود : ان سمعت واحد فيكم يحكي بـ صوت عالي و يتهاوش ما يلوم الا نفسة..!!.. ناظر الثلاثة اللي عندهم اختبارات مشعل ميار دانه : يالله اشوف على كتبكم.. خلص الخميس.. و الا ناوين تجيبون لي درجات تقص وجهي..!! دانه تجمدت بـ مكانها ما قد هاوشها او صرخ عليها او حتى عاتبها.. دايم بينها و بينه حواجز كبيرة لأنها بـ بساطة تخجل منه.. ما تعودت تخلي البساط احمدي معاه.. اما ميار ما كانت ابعد من دانه صار لها سنة معاهم و لا مره صرخ عليها بالعكس كانت تحس نفسها مدللة عنده لأنه فقدها من قبل.. و مشعل كان شبه متعود على التهزيء يعني لقى شيء اكبر من هالحكي بـ توقف على هالكلمتين.. هو اول من وقف مشى ناحيتة و باس راسة بعده ميار و اخرهم دانه اللي ما فاتتة دمعة علقت بـ رمش عينها.. شوق و صبا..!! كانت كل وحده فيهن تتمنى تختفي من الجلسة..!! صوتة مرعب بالنسبة لهن.. خصوصاً لـ صبا اللي تعرف حدة عمها ما قد جربتها بس يكفيها تسمعهم لما يتهاوشون دايم.. حست ان صوت تنفسها واضح لهم يعلن خوفها.. اول مره تتمنى ان ياسر موجود.. يمكن عشان اذا هاوشها عمها عن الإختبارات هو يرد عنها انه منعها.. ام عبدالرحمن : انت ويش بلاكـ راكبكـ ابليس..!! ابو سعود : ما فيني شيء يمه.. بس هم تمادوا واجد لأني معطيهم وجه كل واحد يطق شورة من راسة و لا يحسب لي حساب..!! لكن انا اوريهم ان ما مشيتهم على الصراط المستقيم..!! يالله ساره.. وقف أحمد .. التفت ابو سعود له : وين رايح..؟! أحمد : بـ اوصلكم..!! ابو سعود : ما طلبتكـ توصلنا .. ما بعد عجزت للحين.. قادر اربي من جديد فيكم.. طلع ابو سعود و وراه ام احمد.. و عيالة يناظرون بعض..!! نهى : الحمدلله يارب اني تزوجت..!! بـ انحاش قبل لا يرجع و يسفل فيني..!! ام عبدالرحمن : ياليتة يعلمكـ السنع يا قليلة الحيا.. هذا ابوكـ يالبازع..!! نهى رفعت حواجبها : ما قلت شيء بس هو معصب و انا ما اتحمل المزاجيات المتقلبة..!! و هواش و صراخ..!! ام عبدالرحمن : ياليتكـ عندي عشان اعلمكـ كيف ما قلتِ شيء..!! تعالي وينكـ ما حملتِ للحين..!؟ و كأن السؤال موجه لـ ثنتين معاها تزوجوا بـ نفس الليلة.. شوق و صبا..!! بلعت كل وحده ريقها.. اما نهى : فيصل ما يبي بيبي الحين..!! ام عبدالرحمن بـ حدة : وشووو.. انا اشهد انكم مضيعين السنع انتِ و اياه..!! بكره ربي يحاسبكم على تبطركم على النعمة و يحرمكم الضنا..!! نهى : شكراً على النصيحة.. بس هذا الشيء مو حرام.. لازم الوحده تأسس حياتها و تضمن انها تجيب عيال بـ جو يصلح لأنه يكون بيئة أسرية ناجحة مو بس يالله الوحده تحمل و قضينا مو مهم الأهل متفاهمين و الا بـ جهنم..!! حاتم ابتسم.. واضح ناويتها هوشة.. مبين عليها يمكن تفرغ توترها من جود بعد ما تطمنت عليها الحين تروق على جدتهم.. عاد نهى باردة و تتفلسف يعني جدتهم بـ تولع منها..!! ام عبدالرحمن حمقانة منها : انتِ بس اقربي مني و اعلمكـ شلون تنجحين و تصيرين ام..!! تعالي بس..!! ام حاتم : اهدي يا عمه نهى تمزح معاكـ ما تقصد.. الله ما كتب لها للحين.. الله يفرحنا بشوف ضناها هي و باقي البنات.. ام سعود بـ شفقة على شوفة حفيد من سعود : يالله يا كريم..!! ام عبدالرحمن تناظر ام حاتم و تأشر بـ عصاتها على نهى : ما تسمعينها ويش تحكي..!! و الله انها وكاد تبلع لها بلاوي..!! نهى بـ برود و لا هامها شيء : يمه هذا شيء خاص فيني انا و فيصل ما اسمح لأي احد يتدخل فيه..!! احمد بـ حدة لأنه يعرف ان جدتة ولعت من حكي نهى : نهـــى خلااااص..!! نهى : و انا عند ربي صادقة.. مين اللي بـ يربي احنا مو احد غيرنا و احنا ما نبي نجيب طفل الحين هذا شيء راجع لنا..!! ابو عبدالرحمن الصامت طول الجلسة : انا اشهد انكـ مضيعة السنع.. خلي يجي ابوك و الا فصيل ان ما ربوكـ ماني عايز لا اربيكـ من جديد..!! نهى تلعب بـ اظافرها و لا هامها شيء.. و ما كأن احد يكلمها.. لأنها مقتنعة ان ما احد له دخل في الموضوع حتى ابوها و امها او ابو فيصل و امه ما يخصهم الموضوع فـ كيف يكون لـ جدانها دخل بـ تأجيل حملها..!! ام عبدالرحمن لفت على الثنتين صبا و شوق جالسات جنب بعض : لا يكون انتن بعد تسون سواة هالغبرة..!! من المؤكد حتى لو وحده فيهن تأخذ حبوب منع حمل ما كانت راح تصرح فيها.. لأنهم شافوا ردة فعلها بـ خصوص الموضوع.. ثانياً لـ وجود حاتم و احمد اكيد الإحراج بـ يمنعهم.. ردن الثنتين مع بعض : لا.. شوق كملت : الله كريم.!! ام عبدالرحمن تطمنت : ايه زين.. نبي احفاد لـ عيالنا..!! نهى : ابوي عنده احفاد عيال خالد و بنت وعد..!! ام عبدالرحمن : بنت وعد حفيدة عامر..!! وعد مستغربة : نعـــم..!! و ليش يعني ماهي حفيدة بابا..!! ام عبدالرحمن : العيال و عيالهم هم اللي ينفعون و الا البنات الواحد يتعب و يربي و يسنع و فايدتهم هم و عيالهم لـ ازواجهم.. وعد : و الله يمه الواحد ما يدري ويش يصير له في دنياة.. يمكن البنت هي اللي تقوم في ابوها مو الولد اللي تسنعونة حتى لو انه على قل سنع..!! ام عبدالرحمن : انتِ و اختكـ قليلات الحيا كل وحده لسانها اطول منها.. ما تستحن على وجيهكن..!! وعد اتسعت عيونها : و انا ما قلت شيء غلط يمه.. كم بنت قامت في عيلتها كلها و تلقين الولد هايت بالشوارع يعق بـ اهلة.. ام عبدالرحمن : قمـــي انقلعي عن وجهي انتِ و اختكـ ما ابي اشوفكن.. رفعتن ضغطي حسبي الله عليكن..!! قامت نهى و ولحقتها وعد شايلة بنتها.. منقهرة ويش ذا المنطق.. ليش يشوفون ان البنت تنكر تربية اهلها و خيرها يكون لـ زوجها و اهلة..!! و الولد يشوفونة هو اللي بـ يقوم في اهلة و يغنيهم.. ليش ماهم عايشين بالدنيا و يسمعون كم ولد رمى امه اللي مالها احد بالدنيا غيرة تنام و تصحى على حسة بـ دار العجزة..!! كم ولد كسر ظهر ابوه بـ افعالة.. كم ولد ضرب اهلة و مد يده عليهم..!! ليش ينزهونهم عن اخطاءهم..!! ليش المجتمع ما يشوف فداحة افعالهم.. ليش ما يشوفون غير اخطاء المرأة و يكبرونها.. ليش مفترضين ان كل الرجال صالحين و كل النساء طالحين..!! ليش عيونهم ما تشوف واقع يعيشونة..!! اذانهم ما تسمع قصص يشيب لها الرأس..!! عقولهم ليش ما تستوعب و تنصف بـ ذمة و ضمير..!! .. نهى : جلست بالدور الثالث : نرفزتني..!! ندى اللي لحقتهن من وراها : جدتي و غصباً عنكـ تحترمينها..!! نهى : هي لا تدخل بـ حياتي و تطلعني من طوري عشان ما اقل ادبي..!! ندى : يعني معترفة ان اللي سويتية من شوي قلة ادب..!! انتِ شايفة كيف ابوي داخل علينا اكيد هي بـ تخاف عليه تلقينها متوترة عشانة و قلقانة عليه مهما كان هي مرة كبيرة و خايفة على ولدها و حفيدتها.. المفروض تتغاضين عنها مو تغيضينها..!!! وعد : شوفي انا معاكـ مره كبيرة و نتغاضى عنها بس ما توصل لأنها تحكي علينا هالشكل.. شفتيها كيف دعت علي..!! ندى : لا تتحسسين.. شوفيها ما سألتني عشان لو بـ احمل بـ يكون الولد لـ غازي على قولها ما راح تستفيد.. بس هذا تفكيرها مره كبيرة..!! سها دخلت : ويش فيها جده معصبة و بابا معصب..!! ندى : انا شكلي بـ اروح بـيتي ابي ارتاح..!! المشكلة غازي ما يرد..!! نهى : انا ارسلت لـ فيصل.. تبين نوصلكـ ..؟! ندى : من جدكـ ..!! تبينه ينحرني..!! سها : ليش..؟! ندى تصر على أسنانها : ما يبي اطلع غير معاه..!! احيان ينرفزني.. ابي اجي هنا اقولة اكلم مشعل يجيني يهاوشني..!! و الا يوم درى اني رحت مع امي و حاتم لـ الدكتورة بغى يموتني..!! وعد : غريبة.!! على انه جايب سواق لـ بيتة و يطلعون مع الخدامة..!! ايش معنى يعني..!! ندى : يا حليلكـ عنده عادي امال تروح مع الشغالة و السواق اما انا اروح معاه لا..!! نهى : معطيتة وجه وريه العين الحمراء.. حلوه هاذي يفرق بينكم..!! ندى : مو قصة يفرق..!! احسة يشوفني بزر و صغيرة.. و عشانه ما يخلي بناتة يطلعون بدون امهم ما يخليني حتى انا..!! نهى : ما قلت انكـ غبية حبيبتي الرجال لا تعطينهم وجه يركبون فوق راسكـ ..!! سها وقف : انا بـ اسوي لنا قهوة ما شربنا اليوم.. نهى : نصيحة لا تنزلين تحت.. لا تسفل فيكـ جدتي.. سها : مين قالكـ بـ اسويها هنا على ويش مسوين مطبخ..!! ندى : تسوين فينا خير اليوم ما تقويت و كني راسي بـ يصدع..!! سها : اهم شيء علوا اصواتكم عشان اسمع سوالفكم.. وعد تنزل بنتها على الأرض و تجلس جنبها : من بعد المطبخ هذا هو مفتوح و تسمعين كل شيء.. ندى : عيب تسمعين سوالف متزوجات و تخربين.. يالله بس مناكـ .. سها تركب الغلاية : الله و الخراب عاد ويش بـ تقولون..!! وعد ابتسمت وهمست لـ خواتها : كنها بـ ترجع سهاوي..!! ندى : ياليت يكفيها ما عانت.. نهى : هي اللي جابتة لـ نفسها.. هي اللي اخطت.. وعد : خلاص كلنا ندري انها اخطت و تعاقبت بس عاد الا متى تندفن بالحياة..!! يكفي انها محرومة من كل شيء جوال لاب توب و حتى شهادة..!! انا ما اعرف بابا من وين جايب هالقسوة عليها..!! نهى : هي حدتة على سواتة.. هي اخطت خطأ ممكن الواحد يحاول يتجاوزة بس بـ يبقى في خاطرة.. وعد : دامه اختار يتجاوزة يعني يتجاوز كله مو يعكر عليها حياتها و يحرمها من كل شيء.. ندى : اكيد ما راح يرضى ما يكون معاها شهادة.. حتى لو اخطت تظل بنتة و تهمة مصلحتها.. مثل ما انتِ دخلتِ الطب من وراء الكل و داومتي اسبوعين بالرغم انكـ زعلتية الا انه ما رضى عليكـ تكونين بـ دون شهادة..!! وعد : الله و الشهادة عاد اللي اخذتها.. انحرقت بـ بيتنا و ما كلفت على نفسي حتى اني اراجع الجامعة و اطلع غيرها ويش فايدتها و انا أحطها تحت مخدتي و انام عليها..!! ندى : انا اتكلم عن بابا .. خلي شهادتكـ و تخرجكـ على جنب..!! مستحيل يهدم مستقبل سها بـ يدة.. نهى : اما يوم دخلتِ الطب ذيكـ الأيام قلبتِ بيتنا كله فوق رووسنا..!! وعد ابتسمت : تصدقون كانت اكثر اسبوعين بـ حياتي متحمسة فيها متشفقة على كل معلومة اخذها كنت احس انه بـ يكون لي انجاز بـ هالمجال.. اسبوعين و بعدها بدا الكرف و ما اقدر ادرس من غير لا بابا يدري.. اولاً تأنيب الضمير.. ثانياً بـ يبان علي اني ما ادرس رياضيات مثل ما اخترعت السالفة.. و قررت اعترف و اكلت تبن..!! سها جلست على الأرض و حطت الصينية .. نهى : مسرع طبخت..؟! سها : عشان ما تفوتني سوالفكم .. ما عليكـ اهم شيء ريحة قهوة..!! ندى : مسوية لنا ماء اجل..!! سها سحبت الفناجيل من الصينية و تصب لـ خواتها ابتدأ من وعد على يمينها : بـ تعجبكم على ضمانتي.. بس انتم اشربوا و بـ تدعون لي.. نهى تجلس جنبهن على الأرض و تأخذ فنجالها من سها : احنا ما علينا ضرر لو تسممنا البلا بالحامل هاذي..!! ندى جلست جنبهن : ما راح يصير الا اللي ربي كاتبة.. سها : ايه يالله كملي سالفتكـ .. كيف بناتة متقبلات حملكـ ..؟! ندى : لينا عادي اما ريما ما احسها راضية.. ابوها علمها وهي طالعة للإختبار اليوم وجهها انقلب.. وعد : بكره بـ تقبل الموضوع .. يعني احنا لو بـ مكانها ما كنّا نرضى لو منيره تحمل اكيد ما كنّا راح نتقبل الموضوع الا بالأخير.. هي نفس الشيء.. و اصعب بعد.. لأن ابوهم متزوج الثانية مو الرابعة مثل بابا و اللي المفترض يكون احنا متبلدين من هالناحية.. ندى : فاهمتها و الله و عاذرتها خصوصاً هالحين فترة اختبارات و البنت هالكة نفسها و امها و ابوها يهاوشونها و لا نافع.. اول ما يجي ينشد عنها و يطلع يشوفها يتطمن خلصت مادتها و الا لا.. يقول دايم حالتها في الإختبارات قشرا لا تأكل و لا ترتاح.. نفسيتها تنعدم.. سها : عادي فيه بنات كثير كذا من توتر الإختبارات مو اول وحده بس عاد الناس مستويات.. : عن مين تحكون..؟! التفتوا على مشعل .. نهى : عن ريما بنت خالي.. تفتحت اذانة و جلس دام السالفة فيها ريما ليش ما يجلس : صبوا لي قهوة.. ايه ويش فيه ريما..؟! ندى : بس متوترة من الإختبارات.. مشعل : عادي كل الناس تتوتر.. وعد : طبعاً الا انت.. ماشاء الله فالها.. مشعل يسحب الفنجال من سها : لا تحكين بالمذاكرة .. يكفي ابوي ترى بـ حط الحرة فيكـ .. وعد : لا تحط الحرة فيني و انا ويش دخلني.. كم باقي لكـ اختبار..؟! مشعل : ثلاث.. المشكلة المواد زي الزفت.. كل ما اقول خلصت احس اني ماني فاهم شيء منهم..!! (نفخ الهواء من فمة بـ قهر لو يجيب معدل خايس ابوه بـ يفصلة ماهي بعيدة عليه).. ندى : انت شد حيلكـ وسو اللي عليكـ و ربي ماهو مضيع تعبكـ .. سها : لا تضيق خلقكـ ان شاء الله بـ تعدي..!! مشعل : ما ابي اعدي ابي اجيب معدل.. ابوي متوعد فيني لو ما اجيب معدل بـ يفصلني..!! تذكرت مستقبلها اللي انهدم على يد ابوها الكل لاهي بـ دراستة و يختبر او على الأقل متخرج و عنده شهادة بكالوريس الا هي انحرمت من حلمها في دراسة جامعية.. بسبب قلبها..!! اتباع قلبها و حب تعلقت فيه و تشعب في صدرها حرمها من حياة طبيعية لأي بنت بـ عمرها مدللة بين اهلها تحكي بـدون قيود ما تقلق من كلمة تنفهم غلط او فكرة تطرحها تفسر غير عن قصدها و دراسة تأخذ الكثير من وقتها.. و حتى ترفية انحرمت من التواصل الا مع اهلها اللي انهجرت منهم 3 شهور.. و كأنها ماهي بنتهم و لا في يوم عرفوها.. ندى تهونها على مشعل : انت لا تقلق الحين .. اذا توترت ما راح تحسن بإختباراتكـ .. و احسن ظنكـ بالله .. و تذكر انه مهما صار فـ الأمر خيرة لكـ بإذن الله.. .. المستشفى.. ياسر : يبه خلنا نتطمن عليكـ دامنا بالمستشفى.. جرحكـ بعده ينزف.. خلهم يسوون لكـ اشعة.. ابو سعود يمسح الدم اللي ينزف من جرحة بالمناديل : ياسر لا تزعجني.. و بعدين ويش مقعدكـ انت و اخوكـ يالله خذوا امكم و تيسروا..!! ام احمد بالرغم من انها شافت جود لكن هالشيء ما طمنها .. ممدة على سرير ابيض و وجهها خالي من أي حياة تدب فيه.. الأكسجين اللي يغطي فمها و انفها و لزقات الجروح اللي على وجهها تغطي اغلب ملامحها عنهم : ماني تاركة بنتي.. شفت كيف حالتها ما كنها من اهل الدنيا..!! ابو سعود : انا قاعد هنا ما راح اخليها.. ما راح اطلع من هنا الا فيها.. خالد : الله يرضى عليكـ يبه .. ما يندرى ويش بـ يترسى عليه حالتها.. انت تعبان انا بـ اقعد عندها عشان اضمن ما احد يجيها.. و انتم روحوا ارتاحوا..!! ابو سعود بـ حزم ينهي الموضوع : كلامي واضح ما ابي اعيدة كم مره.. تذكر انكـ ما تراددني بـ شيء حكيتة.. خذ اخوكـ و امكـ و يالله تيسروا..!! ياسر : يبه صاير شيء .. ما انت على بعضكـ ..!! ابو سعود : لا .. وقف خالد : يالله يمه.. تقدم ياسر لأبوه و باس راسة : لا تقلق يبه ان شاء الله انها بـخير.. جود صح صغيرة بس قوية ماشاء الله و ان شاء الله بـ تقوم و ترجع لنا..!! ابو سعود : الله كريم.. الله كريم.. تقدم له خالد و باس راسة : تأمر على شيء .. نجيبة لكـ قبل لا تروح..؟! ابو سعود : لا لو بغيت شيء رسلت احد يجيب لي..! : فمان الله.. ابو سعود : فمان الله.. ابتعدوا عنه و هو يناظر الكراسي قدامة وقف و اتجة لـ باب غرفتها في قسم العناية فتحة و دخل ما يهمة قوانين و لا راح يحط لأي احد اعتبار.. وقف جنب سريرها يتأملها.. يقولة ياسر قوية..!! وين القوة يا ياسر..؟! وينها ما اعطتة أي استجابة لأنها تحس فيه.. مسك يدها و جلس جنبها همس : قومي يا امي.. لا تكسريني.. يكفيني ما جاني.. يكفيني فجعتي بـ منصور.. صح انه ضرني بس و الله ما بغيت له الا انه يتوب.. يتوب عن كل ذنب ارتكبة.. ابيه يرجع اخوي اللي عرفتة يحاسب نفسة و يخاف من ربه.. رغم اني فقدت اخوي منصور من سنين مو اليوم.. اللي يوم هيئة منصور لكن ماهي روحة.. ماهو اخوي.. ما يدري ليش جالس يفضفض لها و هي عاجزة حتى عن الرد عليه.. عاجزة.. يمكن متأمل تحس بـ ضيقتة و تقوم عشانة.. دنق عليها حتى يبوس جبينها : قومي يا روح ابوكـ لا توجعينة.. قومي عشاني ما اتحمل افقدكـ و الله البيت ماهو زين بلاكـ .. فاقد حسكـ فيه.. ما اتخيل اعيش يومي بـ دونكـ .. بدون دلعكـ و ضحكتكـ و اهمالكـ و هيالكـ .. قومي ما بعد شبعت منكـ لا تبقين حسرة في حلقي ما اقدر ابلعها .. همس عند اذنها : لا تذبحين ابراهيم يا روحي.. لا تروحين و تخلينة.. كانت تسمع صوتة.. صوتة حــــزين نبرتة تخترق قلبها .. عند اخر كلمة نطقها فتحت عيونها ناظرت المكان اللي هي فيه..!! عاجزة عن تذكر اخر شيء صار لها .. بلعت ريقها حلقها ناشف..!! همست تنبهه : بـ ا بـ ا..!! رفع راسة من فوق راسها اتسعت عيونة وهو يشوفها مفتحة عيونها : يا روح ابوكـ .. جود : عـ ـطـ ـشـ ـا نـ ـة.. قبل لا تكمل حروفها فهم ويش تبي سحب علبة مويا على الطاولة الصغيرة جنب سريرها فتحها .. رفع راسها بـ يده اليمين و شربها شوي.. نزل راسها على المخدة .. غمضت عيونها : بابا وين احنا ..؟! ابو سعود نزل علبة المويا على الطاولة : بالمستشفى.. قولي لي يا امي مين سوا فيكـ كذا..؟! فتحت عيونها بـقوة و تسترجع اخر ما صار لها سعاد و البنات و شعرها اللي طاح بـ حضنها.. جلست بـ قوة حطت يدها على راسها سحبت الغطاء من راسها مررت يدها عليه تشده و الخصل تطيح من يدها على ان شعرها ماهو طويل تحت اكتافها أساساً بس الحين ملعوب فيه و مجربعتة لها سعاد بـ خصل قصيرة حيل .. ابو سعود مسك يدينها حس انها مصدومة : جووودي.. جود فلتت يدها من يده و مسكت شعرها من جديد : لااا .. لعبت فيني .. (شالت يدها اليسار حتى تحطها على بطنها ولامست الشاش المغطي جرحها تحت لبس المستشفى.. مسك يدينها الثنتين و حضنها بـقوة و هي تصارخ).. جود : لاااااااا .. يمــــــه.. يبــــــه.. ابو سعود : انا عندكـ يا بابا اهدي.. انا عندكـ.. جود ماهي حاسة الا بأخر وجع حست فيها.. الجروح اللي تركتها آثر دامي سعاد على جود و علمت عليها.. وجهها و رقبتها و طعنة في بطنها.. ابو سعود مد يده و ضغط الجرس عشان يستدعي الممرضات : اهدي يا روحـــي و الله ما احد بـ ينوشكـ ما راح اخليكـ .. جود اختفها صوتها ما صارت تصارخ.. لكنها تأن و بـ قوة تسترجع موقفها و كتمان سعاد لـ صوتها من الصبح لليل عشان ما تستنجد بـ احد و تبقى على البركة ان احد درى عنها و الا ما احد درى.. انينها خلى ابوها يوقف عن تهديئتها استغرب من شوي كانت تصارخ : آآآآآآآآآآآ.. دخول الممرضات .. الممرضة : ايس فيه ..؟ متى يصحى..؟ دخل الدكتور بـ سرعة ناظر ابو سعود : ممكن تتفضل برا.. ابو سعود رفع حاجبة..!! و طنش كلام الدكتور..!! يبيه يطلع و بنتة بـ هالحالة.. لو يحب السماء ما طلع و تركها.. ظلت عيونة عليها بعد ما سحبوها من حضنة و احقنوا المغذي الموصول بـ يدها بـ مهدئ حتى تضعف مقاومتها ويضعف انينها المكتوم.. جود همست : عـ ـسـ ـاف.. (رمشت عيونها و ضعف صوتها اكثر) سـ ـعـ ـود.. غطتها الممرضة و عدلت يدها.. الدكتور : ممكن نتكلم برا.. طلع الدكتور و وراه ابو سعود.. اخذ الدكتور نفس و لف على ابو سعود : تدري ان بنتكـ بالعناية المركزة يعني مو مسموح لأي احد يدخل عندها.. انا مقدّر انكم خايفين عليها.. بس هاذي مستشفى ماهي لعبة ما احد راح يقدر يدخل عندها.. ابو سعود : صح بـ دليل انا دخلت وما احد درى عني لو ما انا ضغطت على جرس الإستدعاء.. سالفة ان بنتي تقعد لـ حالها ما سويتها لو انكـ مقدّر مثل ما تقول ما جلست الحين تراددني.. لو بنتكـ هي اللي بـ المستشفى مطعونة و ما تدري مين اللي سوا فيها هالسواة ما ترددت لحظة بإنكـ تحبسها بـ عيونكـ مو بس تجلس عندها بـ غرفتها.. الدكتور : اذا كل واحد في العناية بـ يجلس عند مريضة هنا ما صارت عناية بـ تصير حراج.. يعني المرضى اللي هنا اهاليهم ما يبونهم.؟! ما هم خايفين عليهم من شيء..؟! ابو سعود : و الله فيه فرق بين اللي طايح هنا بـ مرض و الا حادث و الا و الا و بين بنتي اللي طاحت هنا بـ فعلة فاعل ما يندرى وين اراضية الحين.. و اذا هالشيء يضايقكـ سوو اللي تبيه حتى لو بـ تشكيني للإدارة تقدر تتفضل.. الدكتور غمض عيونة بـ قهر من اسلوب ابو سعود و فتحها : انا اكلمكـ بـ إحترام ابي اناقشكـ بالموضوع ما يحتاج اصعد الموضوع للإدارة.. انت رجال حسبة ابوي ماني قليل ادب عشان اشكيكـ انا بغيت اكلمكـ بالحسنى.. : يبـــه..!! التفتوا الإثنين لـ حاتم.. الدكتور ناظرة : دكتور حاتم..! حاتم ابتسم و صافحة : اهلاً دكتور عاصم.. الدكتور عاصم : كيف حالكـ .. من زمان ما شفتكـ ..!! حاتم : بخير الحمدلله .. انت طمني عنكـ ..!! الدكتور عاصم : بخير لولا هالشغل المتعب بس الحمدلله.. حاتم : انت المشرف على حالة اختي..؟! الدكتور عاصم عقد حواجبة اللي يتذكرة ان حاتم من دار رعاية..!! انتبة انه قال يبه.. ناظر ابو سعود بعدها ناظر حاتم : جود اختكـ ..؟! حاتم : ايه.. فيها شيء..؟! الدكتور : لا .. بس ابوكـ تعبان.. لو تخليه يرتاح.. ما ينفع اللي يسوية بـ نفسة..!! ابو سعود : ما شكيت لكـ الحال.. دخل ابو سعود الغرفة و لا كأنه يحاكي الدكتور عن دخولة لـ غرفة بنتة و جلوسة فيها.. تنهد وهو يشوفها نايمة قرب منها و شعرها مبعثر.. مسح على شعرها وده يشوفة مثل دايم طولة دايم مو مثل الحين.. سحب الغطاء و غطى شعرها ما يبي كل ما لمحة ينقهر عليها و باس جبينها.. ما كان وده يحط نقرة من نقر دكتور بـ عمر عيالة.. لكن ما راح يخلي بنتة لحالها وهو ما يعرف مين اللي سوا فيها كذا..!! حاتم : ما عليش عاصم.. بس ابوي متوتر بعد اللي صار لها و خايف عليها.. عاصم : و انا مقدّرة و الله و الا كنت استدعيت الأمن يطلعونة.. بس هالشيء ما راح ينفعة حتى هو بـ يتعب عليكم.. حاتم : دامه بـ يريحة ويش نسوي.. ما له الا اللي براسة.. كيفها هي الحين..!؟ عاصم : الحمدلله صحت.. رغم انها منهارة واضح انها تسترجع اللي صار لها.. حاتم : اكيد راح تمر بـ أزمة نفسية هالفترة ما راح يمر اللي صار لها مرور الكرام.. عاصم : هي بـ أي سنة تدرس..؟! حاتم جلس على الكرسي : ثالث ثانوي.. بقي لها اربع مواد و تتخرج.. عاصم جلس جنبة : واضح ابوكـ مره يحبها.. حاتم : هي اصغر خواتي.. تقدر تقول هي دلوعة البيت كله.. عاصم ناظر احد العمال : مـــحمـــد .. (اقترب محمد منه) روح جيب لنا اثنين قهوة.. محمد هز رأسة : ان ساء الله.. حاتم ابتسم : ما ابي اشغلكـ .. عاصم : من زمان عنكـ .. و اذا جاني استدعاء بـ اتركـ .. ما قلت لي.. شلون تغير حالكـ .. حاتم : قدرة الله.. الظلم ما يدوم.. عاصم : انت دورت عليهم..؟! حاتم : لا.. هم لقوني.. تخيل انهم غيروا مصيري بـ خطأ طبي..!! اعطوا ابوي جثة لـ طفل و قالوا له ولدكـ مات.. و ابوي صلى علي و دفني..!! و امي بكتني و انا فوق ارض الله.. و انرميت بـ دار ايتام.. 28 سنة.. عاصم : رحمة الله فوق كل شيء.. الحمدلله.. حاتم : الحمدلله.. رغم اني كل يوم اصحى اتأكد اني ماني بـ غرفتي بالدار و لا بـ سكن الشباب اللي من دخلت الطب معاهم.. اذا تأكدت اني بـ بيت اهلي افز و اسجد شكر لله.. بدل حالي من حال لـ حال.. عاصم : الحمدلله.. الله عوضكـ عن اللي عشتة.. حاتم : الحمدلله .. انت ويش صار معاكـ ما تزوجت..؟! عاصم : ههههههههههه اما انا تزوجت..؟! لا ياخي ما لقيت اللي تناسبني للحين.. على ان ابوي يبيني اخذ بنت عمي و انا كل مره أأجل مالي خاطر فيها.. و ينشدني ان لي خاطر بـ احد.. و انا ما في راسي بنت.. لو عندي بـ يهون عن موضوع بنت عمي عشان ما يظلمها و يظلمني.. حاتم : الله يرزقكـ و يرزقني.. محمد مد لهم الأكواب : تفضل دكتور.. سحب عاصم كاستة و سحب حاتم كاستة : شكراً.. عاصم : يعطيكـ العافية محمد.. (التفت على حاتم) طيب ويش اللي يحدكـ ما تزوج..؟! حاتم : متردد.. تخبرني اول كنت ابي لي بنت عندها اهل حسب و نسب.. عاصم : ايه يوم قلت لكـ تعال و اختي لكـ حليلة و ما رضيت.. حاتم انحرج : انا ما ابيكـ تحس اني استغل صحبتي لكـ .. كان ودي اروح لـ ناس و اخطب منهم و يدرون اني من دار رعاية و ما يرفضوني لـ هالسبب.. ما ابيكـ تظلم اختكـ و يمكن بعد اهلكـ ما يرضون.. عاصم : ما عندكـ سالفة احنا نشتري رجال و الله اني بـ اتطمن على اختي عندكـ اكثر من أي احد ثاني.. بس خلاص راحت عليكـ الله ما كتبها من نصيبكـ .. و الا حتى ابوي ما كان عنده مانع بالعكس كنت تعجبة و دايم ينشدني عنكـ و من فترة هاوشني يقولي روح انشد عن خويكـ ويش صار فيه.. حاتم : الله يخليه لكم و يطول بـ عمرة.. عاصم : آميـــن .. بس ان شاء الله انكـ بـ تعشى عندنا هالإسبوع (وقبل لا يعترض حاتم حلف عليه عاصم) و الله انكـ غير تجي بس لا تحلف.. ابوي وده يشوفكـ .. حاتم : انت شايف اختي كيف تعبانة و هالفترة اختبارات يعني ما احد فاضي.. عاصم : لا تجيب اعذار واهية.. و اختكـ بخير ان شاء الله ما عليها الا العافية.. بس تجاوز صدمتها من اللي صار بـ تشوفها مثل اول و ازين.. حاتم : عندها هبوط بالسكر.. يعني جروحها يبي لها عناية.. عاصم : انت دكتور و ما يحتاج تخاف.. هالموضوع ان شاء الله بسيط.. لا تحاول تحجج بـ اختكـ ان شاء الله انكـ بـ تعشى عندنا من غير شر.. حاتم : ان شاء الله .. بس حدد اليوم و ما يصير خاطركـ الا طيب.. عاصم : بكره ويش رايكـ ..؟! حاتم : تم.. عاصم يشرب من قهوتة : ما عندكـ اخوان تجيبهم معكـ نتعرف عليهم..؟! حاتم : ليش ما شفتهم اول مع جود..؟! عاصم : ايه صح صح نسيت..!! بس معاهم رجالين كبار.. حاتم : عماني.. عاصم ابتسم بـ سعادة على تغيير حال حاتم الجذري من شخص نبذة المجتمع لـ ذنب هو ما اقترفة .. لـ شخص له عيلة اصل و فصل و الله عوضة عن 28 سنة حرمان : الحمدلله.. حاتم ابتسم و ينزل كاستة بالكرسي اللي بينهم : ايش فيكـ ..؟! حاتم : مبسوط عشانكـ .. .. مقر العصابة.. بعد ما دخلوا بالإحتيال و عمر مغطي عيون ايمن المنذر.. مثل ما كان يجيبة الصقر و يطلعة من المقر.. صاروا بـ نص المكان.. عمر : مجنون انت..؟! وليد يفتش بـ جناح الصقر.. : انا متأكد ان فيه خزنة مخفية هنا فيها اوراق كثيرة.. عمر يناظر جوالة ما سكت ما بين غازي و جابر رؤوساة و لا رد على احد فيهم : تدري انهم بـ يذبحونا انا و انت ان طلعنا من هنا سالمين.. بـ يذبحنا الفريق حابر و الفريق غازي.. وليد : عمر تراكـ توترني..!! خلني اشوف شغلي.. عمر استند بـ ظهرة على الجدار : شوف شغلكـ صار لكـ ساعة و انت تلمس الجدار كنكـ تبركـ فيه استغفر الله.. وليد انرسمت على شفتة ابتسامة صغيرة اول ما لمح القطعة المختلفة بـ شكل بسيط عن باقي الجدار.. المغطى بالكامل بـ ورق.. و جزئية بسيطة الرسمة فيه تختلف عن الباقي ما يميزة الا احد مسوية و عارف مكانة او قد شافة .. و هو قد شاف الصقر فاتح خزنة هنا في الركن.. مد يده و ضغط الزر حتى تنتفح الخزنة بـ طول الجدار لكن عرضها نص متر و لا هي باينه أطرافها لأنها مخبئة مع الرسم.. و التقليم بـ طول الجدار يخفيها.. عمر وقف وراء وليد وهو يسحب الأوراق : مجنون هالصقر شلون خطرت عليه..؟! وليد : انتبة لا تمسكـ أي ورقة بدون قفازات كلها ادلة ممكن نلقى بصمات فيها لأي احد.. عمر : بزر انا عندكـ تعلمني..؟! وليد لف عليه و رجع يناظر الخزنة و يسحب الملفات منها : انبهكـ .. ذكر فإن الذكرى تنفع المؤمنين.. عمر لبس قفازاتة و شال الملفات و حطها بـ كرتون : اغبياء اول مره اشوف احد يحتفظ بأدلة ادانتة.. وليد يسحب كل السيديات : و كل شيء مصور بعد .. حتى اجتماعاتهم.. يعني ما يحتاج ندخل غرفة الرئيس لأن اكيد له من الأدلة الكثير هنا.. عمر : طيب ما فكرت شلون بـ نطلع مع هالكرتون..؟! وليد : بـ تروح تقرب السيارة و تشيل الكرتون و تحطة بالسيارة مرروا الموضوع خير و بركة ما مرروه مضطرين نطلق النار.. عمر : مجنون احنا اثنين وهم فوق عشرين.. وليد : سيارتكـ ماهي مضادة لـ الرصاص..؟! عمر : الا.. وليد سحب شنطة السيديات و حطها بـ بطنة تحسباً اذا ما قدروا يأخذون الملفات فـ السيديات كافية لإدانة كامل العصابة : اجل بس نركبها بـ نكون بـ امان.. عمر : مره امان.. خلهم يقفلون البوابة و بـ نموت انا و اياكـ .. خلنا نصبر لين يجي الدعم.. وليد طلع من الجناح : لا.. عمر يشد شعرة : انا غبي اللي جاي معاكـ .. على أخر عمي امشي وراء بزارين..!! وليد يسحب سلاحة و يجهزة للإطلاق بأي لحظة : يالله.. سحب عمر سلاحة و ركب كاتم الصوت و حطة على طرف بنطلونة .. شال الكرتون و طلع برا.. و هو حاط يده على قلبة..!! ناظر الحارس : حط الكرتون بـ سيارتي.. سحب الحارس الكرتون من عمر يعرف عمر و يعرف كلمتة و منصبة عند رئيسهم و حطة بـ سيارة عمر.. وليد واقف وراء و يده وراء ظهرة و ماسكـ سلاحة.. و يتمتم : اللهم اني استودعتكـ روحي.. يارب ابي انهي هالعصابة اللي ضرت ديني و وطني و اهلي.. يارب ان العون منكـ .. يارب اعمي عيونهم عنّا.. عمر ناظر وليد و بينه و بينهم حارسين.. هاذي النقطة اللي ممكن تشككهم بـ نوايا عمر و أيمن المنذر.. ليش جابة توه و ليش بـ يطلع معاه ما امداهم..!! مشى وليد بعد ما خبى سلاحة بـظهرة وهو جاهز للإطلاق.. مر من بينهم بـ أكبر قدر من الثقة يحاول يرسمها على نفسة.. حتى لو كانوا اغبياء بـ يشكون فيهم.. رئيس الحرس : وين رايح .؟! ايمن : بـ اروح لـ غرفة الرياضة الخارجية.. اعتقد الصقر قايلكـ عن هالشيء.. رئيس الحرس : تفضل.. مشى ايمن بإتجاة الغرفة..و عمر ركب سيارتة.. بدأت المجازفة اول ما يبعد وليد عنهم راح يخلي السيارة بين وليد وبينهم و يخليه يركب.. خلاص هم انفضحوا ما راح يخلون ايمن المنذر يطلع.. و هم يعرفون ان الصقر بالحجز من بعد عملية التهريب الأخيرة.. ناظر جوالة هالمره عساف رد و حطه السبيكر .. : الوو.. عساف : و وجع ان شاء الله صار لنا قد ايش نتصل عليكم انت و الغبي الثاني وما تردون..؟! عمر قاطع سلسلة تهزيء عساف و صراخة : احنا بالمقر الحين.. انا اقدر اطلع بس ما اقدر اطلع ايمن بـسهولة .. راح نبدأ بإطلاق النار ما راح اطلع من غير وليد.. عساف اتسعت عيونة : اغبيـــاء .. علمني من وين جبت غباءكـ انت و اياه.. عمر : وليد يبي الأدلة اللي دخل عشانها.. ما يبي دخلتة تروح هباءً منثورا.. غازي سحب الجوال : هم عرفوا انه متنكر.. و الا للحين ايمن المنذر..؟! عمر : للحين ايمن و طلع لـ غرفة التدريب و انا من هناكـ بـ أخذة و أكيد بـ يشكون و بيصير بيننا تشابكـ .. غازي : كم واحد..؟! عمر : كثير يمكن عشرين..!! غازي اخذ نفس وده في هاللحظة الإثنين قدامة عمر و وليد و يصفق فيهم لين يطلع الحرة اللي فيه بسبتهم : خل ايمن و اطلع.. احنا بعدها بـ نداهم المكان و نطلع من هناكـ .. عمر غمض عيونة و فتحها : لا.. ما راح اترك وليد.. غازي : كذا أأمن لكـ و له.. احسن من لما تموتون الإثنين.. عمر : انا آسف .. ما راح اخلية و اطلع بدونه.. غازي : قلت لكـ احنا الحين نجهز الفرق بـ نطلع للمقر.. ما عاد باقي شيء على النهاية.. لا ترتكب شيء غلط يا عمر..؟! عمر : اجل بـ انتظركم لين تجون.. انتم تهاجمون من برا و احنا نهاجم من داخل.. غازي بـ حدة : احسن لكـ تراني حمقان عليكـ .. لو ما تطلع الحين ما راح ارحمكـ .. عمر طفا السيارة : بـ انتظركم.. قفل الخط بـ وجه غازي رغم انه يعرف ان حاجتة عند غازي مو عشان امن و لا حماية.. لينا.. لينا اللي ما فارقت بالة.. تنهد و نزل من السيارة.. رئيس الحرس : ايش فيكـ رجعت..؟! عمر : حاس بـ صداع شوي.. بـ اخذ بنادول و اريح و اطلع بعدها.. دخل عمر.. للمقر .. ارسل رسالة لـ جوال وليد يخبرة.. لازم يكون الإثنين بـ مكان واحد حتى يهاجمون مع بعض.. دخل جناحة الخاص بالمقر.. و فتح احد الأدراج و سحب منه امشطة رصاص .. رفع طرف بنطلونة البيج من رجلة اليمني و خبى ثلاث أمشطة بـ الشراب.. و رفع البنطلون من رجلة اليسرى و خبى في الشراب اثنين.. وقف بعد ما عدل بنطلونة.. و طلع من الجناح .. دخل رئيس الحرس مفزوع : عمــــر .. عمــــر.. الرئيس مات...!! عمر عقد حواجبة بـ قوة : وشو..!! الرئيس : كلمت حمدان الرئيس طلب يسلمون انفسهم بدون لا يقاومون.. و الحين الشرطة اكيد بـ طريقها لـ هنا.. ويش بـ نسوي.. عمر بـ ثقة : الرئيس طلبهم يسلمون انفسهم..!؟ و مات..؟! يعني حتى احنا بـ نسلم انفسنا.. خصوصاً ان حتى الصقر ماهو موجود.. رئيس الحرس : طبعاً لا .. انت بـ تقودنا .. بـ نقاومهم ما راح يقدرون يدخلون المكان من الباب الخلفي وهو ملغم.. و الباب الأمامي احنا بـ نحرسة.. عمر بـ حدة : ابسطها يحاصرونها كم يوم و راح نطيح بـ سهولة.. لما نسلم انفسنا بـدون مقاومة بـ تحسب لنا.. مو لما نقاومهم كل يوم.. رئيس الحرس : ما خرط مشطي هالحكي.. نقدر نذبحهم كلهم و نطلع بعدها من المكان.. و ندبر لنا مكان ثاني.. عمر صرخ عليه : شكلكـ ما تعرف مين تواجهة.. هذا امن مو لعبة.. و الا ما طلب الرئيس اننا نسلم انفسنا.. رئيس الحرس يسحب الأمان من سلاحة : ما طلبنا احنا.. طلب الرجال اللي معاه.. انت تعرف انه المكان هو الأساس و راح نحمية لأخر قطرة.. عمر كان في محاولة لإقناع رئيس الحرس حتى الباقي يرضخون معاه لكن واضح انه معند.. ما فيه الا انه يطلق النار عليه.. رفع عمر سلاحة لكن كان رئيس الحرس اسرع من عمر و اطلق رصاصة عليه.. بـ هاللحظة دخل وليد و ما اخذ كثير عشان يستوعب الموقف اطلق على رئيس الحرس بـ صدرة.. ثلاث رصاصات.. و قفل الباب .. اتجه لـ عمر : عمـــر.. عمر يتنفس بـ قوة اليوم اول مره ما يلبس سترتة : ما عليكـ انت اطلع.. الفريق غازي جاي بـ فرق المداهمة خلص نفسكـ الحين.. وليد : ما راح اطلع من غيركـ .. قوم معاي تبقى بـ جناحكـ و انا بـ اتصرف مع الحرس.. عمر يضغط على جرحة : مالكـ فيني.. لا تفجع عمي فيكـ يكفيه اختكـ .. روووح يا وليد.. وليد بـ قهر : و الله ما طلعت من غيركـ .. (رفع يد عمر اليمنى وهي ملطخة بـ دمة و حطها على كتفة يسندة) يالله عمر.. رفعوا الإثنين رؤوسهم على صوت نداء الأمن.. و طلبهم من الرجال اللي بـ المكان تسليم انفسهم بـ دون مقاومة.. خارج المكان.. عزام كان يتكلم : المكان محاصر و مالكم فرصة بـ الهروب او المقاومة.. تسليم انفسكم بدون أي خساير ينحسب لكم.. جابر يحك يدينه الثنتين بـ بعض بقوة : ما راح يسلمون انفسهم.. و عمر و وليد بينهم.. يقدرون يهددونا فيهم و يأخذونهم رهاين لين يطلعون...!! الفريق غازي : ما ظنتي ان عمر و وليد اغبياء هالكثر.. جابر : يدرون ان عمر رجل امن.. يمكن يستغلون هالنقطة بـكل بساطة.. الفريق غازي : ما راح يستغلونها لأنها ما تفيدهم لأنهم اللي يعرفونة عن عمر انه خاين للأمن.. لكن لو عرفوا هدفة الرئيسي وقتها ممكن يستغلونها لكن ما ا..... قطع كلامة من صوت اطلاق النار.. غازي يصر على اسنانة : اكيد انهم بـ أزمة.. حاوطوا المكان .. انتبهوا لـ عمر و وليد.. لا يفلت احد منهم.. نبيهم احياء.. ما قدرتوا لا تترددون في موتهم.. تقدم عساف للباب معاه نايف و عزام و عماد .. في مواقف صعبة كـ هذة النظرات تفهم و لا تحتاج لـ تفسيرات و شرح .. تقدم نايف بعد م خرج قنبلة يدوية و ابتعدوا جميع الرجال للخلف و فتح القنبلة و رماها على الباب.. لحظة حتى يدوي المكان بـ صوت الإنفجار.. صوت فزع قلوب المجرمين.. اللي تعودوا على هالصوت يقتلون فيه ارواح بريئة مالها ذنب.. لكن كانت اشارة البدء و الفطنة لـ رجال الأمن حتى يدخلون المكان بـسرعة رهيبة و يسيطرون على الحرس القريبين منهم قبل لا احد فيهم يستوعب اللي يصير لهم.. عساف تخبى وراء جدار قصير بعد ما حاول احد رجال العصابة اطلاق النار عليه.. صرخ : نـــايف.. نايف صرخ عليه لأن صوت اطلاق النار هو اللي منتشر صداه في المكان بأكملة : تقدم راح اغطي عليكـ بالنار.. و استمر نايف بإطلاق النار بـ عشوائية حتى يمنعهم من انهم يظهرون و عساف يتقرب منهم لـ نقطة يقدر يصوب فيها عليهم بـ سهولة .. وقف وراء شجرة.. و اطلق النار على احد رجال العصابة عن يسارة.. وليد واقف على شباكـ جناح عمر بعد ما فتحة و اطلق على الرجال اللي قريبين منه.. شاف ان احد الحرس انتبة له.. قبل ما كانوا ينتبهون لأنه مركب كاتم الصوت و يحسبون ان الإصابات تجية من الأمن.. قفل وليد الشباكـ اتجه لـ عمر : لازم نطلع من هنا واحد من الحرس انتبة لي.. عمر مغمض عيونة ما يشوف الا صورتها يحاول يركز لكن التعب اكبر منه.. الإصابة في جنبة الأيمن : اكيد بـ يفجرون المكان.. وليد شدة و وقفة بالقوة.. بالرغم من انه عمر اقوى بدنياً من وليد.. لكن الموقف اعطى وليد قوة اكبر من قوتة.. و سند عمر .. فتح باب الجناح و قابل احد الحرس و اطلق عليه.. وصلوا للباب.. عمر : ترى برا كله اطلاق نار يعني ممكن ما نعيش.. وليد : على اساس ان جلسنا هنا بـ نعيش.. بـ أدخلكـ سيارتكـ و انا اتفاهم مع اللي هنا.. عمر رفع يدة من على كتف وليد : انا اقدر اركب السيارة انت اهتم بـ شغلكـ .. طلع عمر وهو يضغط على النزيف و وليد يغطي علي بإطلاق النار.. فتح عمر باب السيارة من جهة الرديف و ركب.. سند راسة على المرتبة و صوت اطلاق النار هو اللي يغطي المكان.. لف وليد و ركب من جهة السايق.. عمر : ويش تسوي خلنا نخلص الشغل..؟! وليد : الفريق غازي و الفريق جابر هنا هم متولين الموضوع خلني الحق عليكـ قبل لا يخلص دمكـ .. حركـ وليد السيارة و طلع على ما يوصل المستشفى ساعة الا ربع.. لكن راح يختصر الوقت بـ السرعة.. عمر من غير لا يفتح عيونة : تبي تذبحنا انت.. وليد : ولا كلمة.. خلني اركز.. عمر : الله و التركيز عاد.. لا تفتكـ بـ ارواح خلق الله يمكن احد بـ يقطع الشارع و الا تصدم بـ سيارة اركد.. انا قادراتحمل.. وليد بـ حدة : قلت لكـ و لا كلمة.. في المقر.. من بعد دوي اطلاق النار بين العصابة و رجال الأمن.. عماد : لحقت عليه قبل لا يفجرنا.. حسبي الله عليهم.. الفريق جابر : لا تأمن شيء.. لازم نطلع و ندخل فرق تفكيكـ المتفجرات يفككون كل المتفجرات في المكان.. لأن حتى الحديقة ملغمة.. الفريق غازي : نايف و عماد اطلعوا و استدعوا سيارات الإسعاف لكل المصابين.. نايف و عماد : حاضر سيدي.. الفريق غازي : عساف و عزام تأكدوا لي من كل الأشخاص اذا كان احد عايش اسعفوه عشان يأخذ جزاة في المحكمة.. و طلعوا كل الجثث عشان الدفن.. عساف و عزام : حاضر سيدي.. الفريق جابر ناظر سعود : طبعاً انت على بيتكم.. ابتسم سعود يدري الإثنين حمقانين عليه.. بس حبة لـ وطنة دفعة لـ لمشاركة بـ إنهاء المهمة .. الرئيس و مات و رجالة بالسجن.. اخيراً يقدرون يتنفسون بـ راحة.. الفريق غازي : ما ابي اشوف شكلكـ انت و اخوكـ الحين عشان ما افتري فيكم.. سعود يناظر جوالة : هذا هو بـ انبهة.. الوو.. ايه.. طيب أي مستشفى انتم.. خلاص الحين جايين يا مجنون امداكـ توصل لـ هالمستشفى بـ ذا الوقت..؟! .. طـــيب..قفل الخط في وجهة وليد.. الفريق غازي يلعب بـ سلاحة و يحاول يكبت اعصابة من اللي سووه عمر و وليد : ويش المصيبة اللي وراء اخوكـ ..؟! سعود : عمر متصاوب و بـ يدخلونة العمليات لكنه رفض يبي يشوفكـ قبل.. الفريق غازي يمشي : بـ يجننوني احفاد مساعد..!! الفريق جابر : كيف اصابتة..؟! سعود : ما ادري وليد يقول حالتة ماش.. الله يستر.. الفريق جابر : انا بـ اشيكـ على الشغل هنا و الحقكم.. .. وليد في المستشفى : يا حمــار دمكـ خلص.. عمر ما فيه حيل يرد النزيف لخبط موازين جسمة و لخبط معطياتة الحيوية اللي في تناقص شديد.. وليد صرخ بالأطباء : ما عليكم خدروة ما فيه شدة يقاومكم.. الطبيب : طيب تفضل اطلع برا .. احنا راح نشوف شغلنا.. عمر كان يبي يشوف غازي قبل العملية عشان لينا.. يبي يعلمة ما يبي يحطها هي في الوجه.. يمكن يموت عمر في هاللحظة و انها تخبي حملها يضرها ما يفيدها.. صحيح انه علم ابوه فقط.. لكن الناس بـ تلحقها و هو ما يبي الكلمة تضرها.. حس بـ تخدر جسمه همس : لا .. ما ابي .. اسوي العملية.. الحين.. طلع وليد بعد ما شاف عمر متخدر بين يدين الأطباء.. فتح الباب الخارجي لـ غرفة العمليات و شاف سعود و غازي جايين بـسرعة.. غازي : وينه..؟! وليد : معاهم.. ما يقدر يكلمكـ الحين.. غازي : اهم شيء يطلع منها بخير.. الله يحفظة.. سعود : هاذي حركة تسويها انت و اياه..؟! غازي ناظر سعود : اصبر لا تهاوشة الحين.. خلهم الإثنين مع بعض يأكلون تهزيئة محترمة.. وليد جلس و ابتسم غصباً عنه : تهزيئة و محترمة..؟! كيف تجي هاذي شكلكـ حششت..!! جلس جنبة و ضربة بكل قوتة على ظهرة : احترم نفسكـ معي.. وليد صلب ظهرة : كسرتة لي.. ترى بـ انشل و بـ تقوم فيني حضرتكـ .. غازي بإستهزاء : لا عندكـ مره تقوم فيكـ .. وليد دنق.. بقي مصيبتة اللي ابتلش فيها..!! سحر بنت الصقر.. غازي : تدري ان كل شيء تقريباً انتهى.. و كل شيء بـ يندفن بـ يوم تنفيذ حكم المحكمة بعد ما ندعم ملفات القضايا بالأدلة.. وليد : على طاري الأدلة.. سحب علبة السيديات من بطنة : هاذي مجموعة من الأدلة و المجموعة الثانية بـ سيارة عمر واقفة برا..!! سعود وقف بـ حدة : حمار توكـ تحكي.. لو انسرقت السيارة و هي فيها ادلة لـ قضية مهمة..؟! وليد رمى العلبة على سعود و مفاتيح سيارة عمر : نسيت.. صد عن وليد وهو يفتح قبضة يدة و يسكرها بقوة يمنع نفسة لا يمردغ وليد بالأرض الحين.. استهتارة مستحيل يتركـة..!! كان يحس ان وليد تغير و صار يهتم.. و بـ حركتة هاذي وليد نسف احساسة..!! وليد هالمره ابتسم بإستهزاء على غازي بعد ما راح سعود : ويش بـ خاطركـ ..؟! غازي يعض شفايفة السفلية وده يقطعها : أحسن لكـ لا تستفزني.. وليد : عادي اذا غلطت علي بـ اخذ اختي من عندكـ .. و لا بعد حامل و نحرمكـ من ولدكـ .. (يرفع يدينة و يدعي) يالله يا كريم اني طالبكـ لـ غازي ولد يشبهني خلقاً و خُلقاً.. غازي : ان الله اذا احب عبداً ابتلاة.. اذا بـ يجيني ولد يشبهكـ فـ هو ابتلاء.. وليد : ههههههههههههههههههههه ادري من وراء قلبكـ .. غازي ابتسم : ويش قلبكـ ..؟! وليد : انا ما انقلبت بس احس هم كان على ظهري و طاح.. ابي اعيش حياتي.. تصدق اذا قلت لك احس حتى جلستي بين اهلي غريبة..!! لأني ما اكون معاهم تفكيري كله مشغول.. بـ العصابة و بـ بنت الصقر اللي هم على قلبي.. يوم كنت بـ اسفر مربيتها عمر قالي لا تسفرها خله لين يصدر الحكم على الصقر بعدها سفرها ما تضمن لو تتواصل معاه من برا و تعلمة بـ شيء.. الإحتياط واجب.. غازي : خلكـ من ذا.. ابي انت ويش ناوي.. طيب و صدر الحكم سوا هالفترة او تأخر شوي.. انت ويش ناوي عليه معاها..!؟ اهلكـ ما يدرون عنها.. و ابوكـ مو متقبلها.. وليد : ما ادري.. ما ودي اتركها و بـ نفس الوقت هي بزر..!! يعني طفلة.. بـ اجلس اربي فيها..؟! انا ما افهم بـ ذا الأمور.. اما ابوي هوين موضوعة عند امي.. امي اللي ما اعرف ويش بـ تكون ردة فعلها.. لو سحر كبيرة اضمن ان امي بـ تعصب علي عشاني تزوجت من وراها لكن سحر صغيرة بـ يكون فيه سبب ثاني تزعل علي عشانة وهو اني ظلمت بزر.. و انا ما في بالي الزواج الحين..!! غازي : طيب البنت صغيرة.. ابعد مربيتها عنها لين يصدر الحكم و بعدها سفرها حط المربية بـأي مكان.. و اقنع ابوكـ ان زوجتكـ تدخل البيت بـ تكون قدام عيونكم و اهلكـ بـ يربونها لين تكبر البنت و تمم زواجكـ عليها..!! وليد : اتمم زواجي..!!(ضرب فخذة بـ قهر و كأنه اول مره يتلقّى الخبر) استغفر الله العظيم.. غازي : وليـــد ما انت ملزوم فيها.. صح زوجتكـ بس يمكن الصقر لو يعرف مين انت الحين يخليكـ تطلقها.. وليد : طيب و الحل..!! غازي : اسأل ابوكـ بـ تلقى عنده الجواب.. هو يفيدكـ ماهو انا.. .. بيت ابو سعود.. صبا قلقانة : يعني هم نفسهم اللي هددوكـ سوو في جود كذا..؟! ياسر منسدح على ظهرة و يضغط على عيونة : ما فيه غيرهم..!! صبا : طيب هم قالوا لكـ عني بعدين هجموا على جود..!! ياسر تنهد ما يبي يشرح لها كل شيء بالتفصيل : ايه.. صبا : طيب انا خايفة..!! ياسر : انتِ في بيتنا ما احد بـ يقدر يسوي لكـ شيء.. لو بـ يسوون لكـ شيء فـ اكيد بـ يكون برا.. و الدليل وعد مرتين انخطفت من مستشفى و جود تعرضوا لها بـ مدرستها.. لو يقدرون يدخلون البيت كان دخلوا هنا من زمان.. صبا : حتى لو .. ما راح اقدر انام.. ليش ما تعرض التهديدات على سعود و سعود يمسكهم..!! ياسر فتح عيونة يسميها براءة و الا غباء..؟!!! لف على جنبة و مكتف يدينة : ويش رايكـ تنامين لأني مصدع و بكره بـ اروح المستشفى.. صبا بـ فزع : لا و الله ما تروح و تخليني.. مجنونة انا اقعد كذا اكيد اخوانكـ كلهم بـ يطلعون.. و البيت يخلى و بعدين يدخلون..!! ياسر : صبا يرحم والديكـ فكي عني.. ويش ذا المخ اللي عندكـ ..!! صبا رفعت حواجبها : لا و الله يعني مو مخليني اروح عند اهلي و مو قاعد معاي بالبيت لو خطفوني انا ويش اسوي.؟! ياسر : ما احد بـ يقرب منكـ طيب.. قاعد عندكـ ماني رايح مكان.. ارتحتِ..؟! مدت شفايفها و رمشت عيونها بـ دلع : اممم اوكِ موافقة.. اخذ نفس : طيب خليني انام لا تصيرين بزر.. صبا : لا و الله الحين صرت بزر..؟! ليش متزوجني اصلاً دامني بزر..!؟ ياسر جلس يحاول يطول بالة قد ما يقدر : طيب حلو اعترفتي انكـ زوجتي.. مو زملاء سكن..!! وقفت صبا بـ حدة : رجاءاً الزم حدودكـ ياسر هذا كان اتفاقنا من الأول.. ياسر : ويش الشيء اللي سويتة و تجاوزت فيه حدود الزمالة..؟! صبا توترت : حكيكـ بالموضوع .. ياسر : انتِ اللي حكيتي ماهو انا.. بس تأكدي يا صبا ان صبري ماهو مطول.. صبا : لا و الله .. ايش معنى انا صبرت على تعقيدكـ و نفسيتكـ اللي ما تطلع الا علي..؟! ياسر : انتِ احلم مني.. انا ماني هالكثر صبور.. و انا غلطت بـدون قصد.. لكن انتِ الحين جالسة تسوين نفس خطأي ما اعتبرتي مني ابد.. و تغلطين بـقصد.. صبا : على كيفكـ حطيت اني صبورة اكثر منكـ .. عادي مو لازم تحمل.. اذا حسيت طفح الكيل فيكـ طلقني.. ياسر : شيلي سالفة الطلاق من راسكـ لأنكـ لو تحبين السماء ما طلقتكـ لو تجلسين معلقة يا صبا ما طلقتكـ (صرخ فيها بـقهر) ويش تبين الناس تحكي فينا.. طلق بنت عمة..!! لو ما فيها بلى كان حافظ عليها.. الحكي علي و عليكـ يالغبية..!! صبا ارتعشت شفايفها تعلن عن بكاء قريب من صراخ ياسر عليها : ما يهموني الناس .. انا يهمني راحتي و انت مو مرتاح معي ما اقدر افرض نفسي عليكـ ..!! ياسر : استغفركـ ربي و اتوب اليكـ .. يا بنت العم انا معترف اني اخطيت بـحقكـ و وعدتكـ افتح صفحة جديدة معاكـ و نعيش من اول نقطة من الصفر.. انا كانت مشكلتي بـ نعومة صوتكـ بس الحين تعودت عليها.. غير كذا كنت البي لكـ كل طلباتكـ و لا يهمكـ و حاضر و ان شاء الله.. صبا : لـ هالدرجة صوتي بالنسبة لكـ نشاز..!؟ انت حرمتني اكون عروس طبيعية و افرح بـ ليلة عمري مثل أي عروس.. هزأتني على فستاني بـ أول ليلة تصدق اني كنت احسب انكـ تغار علي عشان كذا ما تبي تشوفني بـ ذاك الموديل قدام احد غيركـ .. ياسر وقف و قرب منها .. مسح دمعة نزلت على خدها حتى تجرح قلبة هو .. ايه قلبة..!! هو نفسة ما يعرف كيف.. هو تجاوز مرحلة تقبلها هو يبيها الحين.. : و مين قالكـ اني ما قلتة من غيرتي..!! انقهرت منكـ انتِ حلالي انا ما ابيكـ تلبسين شيء يفصل جسمكـ برا جناحنا.. اذا تحسبيني ما اغار فا أنا احترق من غيرتي.. حتى كفكـ اللي تطلعينها تقهرني.. ما ابي احد يلمح شيء منكـ .. بـ الهداوة يا ياسر علي .. حبة حبة..!! تغار علي.. و الغيرة تجي بعد الحب..؟!! و الا عادي واحد ما يحب يغار..؟! انا صرت غبية ما اعرف شيء..!! يغار..!! ياسر همس : صبــاي..!! ادري اني غلطت و الله عارف غلطتي.. و قلت لكـ آسف و اعيدها لكـ آسف.. عطيني فرصة عشاني و عشانكـ .. صبا : أنا آسفة.. ابتسم ياسر : لا تأسفين ما غلطتِ انا اللي غلطت.. ابيكـ تنسين كل شيء.. و نبدأ من الصفر (عقد حواجبة متخوف من ردها)..موافقة..!؟ صبا هزت رأسها.. و زادت ابتسامة ياسر.. ما يكذب ان قال بريئة.. كان متوقع تطول بـ سالفة زملاء سكن و تستقوي عليه لكنه اعطاها جوها بالبداية و يحاول يصبر عليها و على القوة اللي متلبستها لين يشوف اخرها معاه.. بالأخير هي زوجتة اذا طولت حيل يعني ما تبيه وما راح يجبرها تعيش معاه.. .. جناح سعود.. داخل متأخر يدعي انها نايمة.. و هو متأكد انه اللي بـ يصير النقيض.. سلم بـ هدوء : السلام عليكم.. فزت : سَــعود.. تقدمت له و هي على شفا حفرة من الصياح .. : وين كنت طولت ادق عليكـ جوالكـ مقفل..؟! سعود : كنت مع الشباب نراجع شوية اوراق..!! شوق : شلون طلعت بـ بدلتكـ ..؟! انت مو لحقت عمي بـ ثوبكـ بعد ما غيرتة..؟! سعود : رجعت و اخذت بدلتي.. شوق : يعني كان عندكـ عملية..؟! شلون تروح وما تعلمني..!؟ سعود : الله يرضى لي عليكـ شوفيني بخير قدامكـ و ما فيني الا العافية.. و شلون ما اعلمكـ انتِ رهيفة يا شوق و انا ما ابي اقلقكـ و الله اخاف يصير لكـ شيء و انا يمكن اطول بـ شغلي.. تخليني اقلق حتى و انا مع الشباب ما اركز بـ شغلي.. شوق بكت : و الله مو بيدي.. كذا تخوفني زود.. و تخليني اوسوس .. و ما ارتاح كل ما شفتكـ طلعت من البيت.. سعود جلس على الأريكة و مسكها من معصمها : تعالي اجلسي.. انا ما ابيكـ تخافين علي من شغلي.. لأن لو اللي كاتب لي شيء بـ يصير لي لو اني قدام عيونكـ هنيا.. لا تفترضين ان شغلي كله شر و بـ اموت من وراه.. الناس تموت على فراشها و من مرض ومن حادث.. المفترض ان كلامة يريحها او يهون عليها خوفها من شغلة لكنه زادها صياح.. : طيب مو بيدي.. و الله مو بـيدي ما اخاف عليكـ ..!! سعود : و انا ابيكـ تخافين علي بس بالمعقول.. يعني امي ما تخاف علي..؟! ابوي ما يخاف علي..؟! اخواني و خواتي..!؟ بس ما يسوون سواتكـ يا شوق.. شوق : طيب انا يبي لي فترة اتعود.. سعود : المفروض انكـ متعودة يا شوق ابوكـ بـ هالوظيفة من قبلي.. شوق : بس بابا ما يعلمنا.. ما كنت ادري.. سعود : و انا ما اقدر اطلع من غير لا ابلغ ابوي و امي.. ما احد يضمن عمره.. شوق : طيب انت بـ إجازة ليش تشاركـ ..!؟ سعود ابتسم من راحة نفسة : عشاني ماسكـ القضية هاذي من شهور و اليوم بـ فضل الله انتهينا منها يالله لكـ الحمد.. شوق ابتسمت بـ فرحة : و الله .. الحمدلله يارب الحمدلله.. سعود : ما انتِ مفطرتني..!؟ تراني جوعان.. شوق وقفت : يخسي الجوع .. عشر دقايق و احضر لكـ الأكل .. على ما تبدل ملابسكـ.. سعود ابتسم : ابي كيكـ .. شوق ابتسمت : سَــعود..!! سعود : عيونة ههههههههههههههههه.. شوق : بـ اقولكـ شيء بعدين.. سعود : لا تعالي قولي لي الحين .. لأني ابي كيكـ مصر عليه.. شوق جلست مسكت اذنها تشدها : صار لنا كم متزوجين..؟! سعود : اكثر من اربع شهور.. ليش..؟! شوق اخذت نفس و تمسح بقايا دموعها : عشان.. ابي.. آآآآ .. سعود لاحظ توترها : تبين ايش.؟! شوق : ابي اروح.. دكتورة.. سعود : ليش حاسة بـ وجع..!؟ اوديكـ المستشفى..؟! شوق : لا سَعود .. ابي دكتورة نساء ما تحس اني تأخرت بالحمل..!! سعود استغرب : نعم!!! تأخرتي..!؟ لا طبعاً ما احس.. شيلي هالفكرة من راسكـ .. تونا قايلين بسم الله.. شوق : ليش..؟! و الله الحريم يحملون احيان من اول شهر.. سعود : و احيان يأخذون كم سنة.. هاذي كتبة من ربي.. شوق : طيب الحريم يراجعون عند دكتورات يشوفون سبب التأخير مو يقعدون كذا.. سعود : وين التأخير اللي تحكين فيه..!؟ هاذي مرت ياسر ما حملت و هاذي نهى ما حملت و هاذي مرت عمي بندر ما حملت كلكم كنتم بـ عرايس نفس الليلة..!! شوق : نهى هي مأجلة الفكرة جدة فاطمة هاوشتنا اليوم على حساب ذا السالفة.. سعود : قولي ان فيه احد محاكيكـ .. ما عليكـ من حكي امي فاطمة.. هي مره كبيرة.. لا تأخذين بـ خاطركـ منها.. شوق : لا و الله سعود مو عشانها انا من اول افكر بالموضوع .. الله يخليكـ خليني اروح اجرب حظي.. سعود : لا انتهى هالموضوع يا شوق.. قبل لا نكمل سنتين لا تحاكيني بـ ذا الموضوع ابد.. شوق : و ان حملت خلال هالسنتين..؟! سعود : حياه الله .. لكن مسألة تروحين تراجعين عند دكتورة شيليها من راسكـ فاهمتني..!!! .. أستغفر الله العظيم و أتوب إليه.. لا أحلل نقل الرواية دون ذكر اسمي.. هاشتاق #رواية_لو_سألتي_الورد ضحكة قهر.. http://up.graaam.com/img/23407876b74...eba11d9f14.pnghttp://up.graaam.com/img/c433481acf7...1de64fbad2.png |
رد: لو سألتي الورد وهو ما بين إيدك أقطعك بيقول لك عمري فداك الكاتبة / ضحكة قهر
بسم الله الرحمن الرحيم..
السلام عليكم و رحمة الله و بركاتة.. سوري سوري سوري على التأخير في البارت.. دايم الإجازات تحوسني حوس ماهو طبيعي.. و ينقلب وقتي كله .. يوم الجمعة بالليل قلت لأخواتي بـ انام حتى اصحى الفجر و اكتب البارت و انجزة ماني كاتبة منه الا 9 صفحات .. و طاح فيني الكسل بعد ما صحيت الفجر و رجعت نمت 10 الصبح و كل ما صحيت اصلي ابي اتنشط و انجزة لين قريب المغرب نفضت الكسل و اخذت شور و صحصحت و صدمتكم بـ تأخير الموعد.. ادري و الله يمكن تشوفون مالي عذر بس هذا اللي طلع بـ يدي.. و ان شاء الله ان البارت يعوضكم عن التأخير.. من المغرب للحين و انا ما تركت اللاب توب احاول أخلصة بـ أسرع وقت ممكن.. أبي أعلق على نقطة يمكن جاتني استفسارات كثير فيها .. الأعمار.. انا لما اكتب لكم مثلاً ندى على اعتاب 28 ما اقصد ان عمرها 28 بالضبط.. ممكن يكون عمرها 27 و 10 شهور.. ما راح اكتب لكم بالتفصيل الممل عمر كل واحد بـ شهورة .. لأني لما امشي شوي قدام و انتقل بالأحداث هالشيء بـ يلخبطني و يلخبطكم.. لأني اكيد اعمارهم بـ تزيد.. انا ما يهمني انكم تحفظون اعمارهم يهمني انكم تعرفون مين اكبر مين من مين و رغم ان هاذي حتى ما تسبب اشكالية في سير الأحداث الا ان كان لي هدف من وراها مثلاً زواج البنت اكبر من الولد و كذا .. عشان كذا خلوا لي سالفة الأعمار على جنب .. عيال ابو سعود الأكبر سعود ثم احمد خالد ياسر و حاتم كل واحد من ام ثم ندى نهى وعد مشعل وليد دانه و ميار و سها و جود و اخرهم فارس.. اغلب عيال ابو سعود اللي من سارة بينهم حولة بطن ما ادري حملة بطن ما ادري شيلة بطن نسيت ويش يسمونه ^_^.. بس يعني الوحده تولد و يمر نفاسها شهر تقريباً و تكون حامل و رجاءاً لا اشوف وحده مدرعمة تقولي ما فيه حرمة كذا ^_^.. سوري لـ كل الأشخاص اللي ما رديت عليهم سوا بالمنتدى او الآسك او التويتر.. مره انضغطت بـ وقتي و ما امداني .. اللي سألتني كم صفحة بالوورد اكتب .. من 40 الى 48 صفحة على حسب تحديد القفلة و الأحداث و هالأشياء هي اللي تحكم.. أخر شيء الله يحفظ بلادنا من كل شر..اللهم اننا استودعناكـ السعودية و أهلها .. مليكها و شعبها.. أرضها و سماءها.. اللهم من اراد بلادنا بـ سوء فـ رد كيدة في نحرة و أشغلة في نفسة.. "ياليتني عسكري في ساح ميدان لـ أكوي عروق الغدر من جذرها ما عاقني طبعي و لاهوب نقصان "بنتٍ" تحبك يالوطن من صغرها .." منقولة.. حيـاكم الله جميعاً و قراءة ممتعة.. البارت الستون.. بعيوني الدمع يا حزن الوداع العريق واللي جفتني وراحت ! همّها روحها وشلون ابتجاهل الذكرى ونفس الطريق اللي خذاني لها ودّاني جروحها ! لـ عبدالقادر متعب "رجف".. بيت غازي.. ندى : خفت منكـ تعصب.. قلت انتظركـ لين تجي.. غازي رمى مفاتيحة على الطاولة : عليكـ تفكير.. يا طخة يا اكسر مخة.. حل وسط ما عندكـ .. ندى : يعني ترضى ارجع مع نهى و فيصل..؟! غازي : لا طبعاً.. لانهم بـ يتعنون لين هنا على حسابكـ .. لكن فرضاً بيتهم قريب من هنا ما عندي مانع تجين معاهم.. ندى : طيب انت مو مخليني ارجع مع السواق و الشغالة..!! غازي : بعد لا.. ندى ضربت رجلها بالأرض منقهرة منه من البارح و هي منرزعة بـ بيت اهلها على حساب شغلة لا هي اللي نامت عندهم و لا هي اللي رجعت بيتها من بدري و ريحت : ليش تحسسني اني بزر..؟!! غازي جلس بـ هدوء و مروق و كيف ما يروق بعد ما صارت العصابة بـ يديهم و القضية قربت تنتهي و يصدر حكم رجال منصور و اولهم الصقر : ما حسستكـ .. اذا انتِ تحسين بـ هالشيء شيء راجع لكـ .. ندى بـ إستهزاء : لا صح ما حسستني اني بزر ابداً.. مكبر قدري ما شاء الله.. غازي : ويش مزعلكـ الحين..؟! ندى : انت عارف ويش مزعلني و تتجاهلة.. غازي : قلت لكـ كان عندي شغل ماني فاضي يا ندى.. ندى تعض شفايفها السفلية بـقوة لو فيه شيء قريب من يدها كان رمتة عليه من قهرها ..!! بدت تفقد عقلها مع الحمل : صح من دقيت عليكـ 12 لين الفجر ما لقيت وقت ترد على اتصالاتي..!! حرام مره مشغول..!! غازي مد لسانة لزاوية فمة و فرد يدينة على الكنب و رفع رجلة اليمنى ع اليسرى : ليش تشكين بـ شغلي..؟! ندى لما حست بـ نبرتة و كأنه ماسكـ نفسة لا يعصب عليها : ايش تقصد..؟! غازي : انتِ اللي ايش تقصدين من وراء حكيكـ ..؟! كنكـ مكذبتني..!! ندى : ما كذبتكـ بس انت.. انت مو راحمني.. غازي نزل رجلة و سند يدينة على فخذة.. و يصر على أسنانة : ليش مكفخكـ صبح و مساء..!! ندى : ما تبيني اروح مع اخواني و لا تبيني اروح مع السواق و انت تتأخر علي.. وقف غازي و تقدم لها حتى تتراجع و قبل ما تبعد اكثر مسكـها من معصمها دب الرعب بـ عروقها تمنت انها ما تذمرت و لا قالت شيء بس هي منقهرة منه تتصل عليه طول الليل و لا يرد عليها و مشعل قالها اوصلكـ بس ما تبي ترجع معاه و يعصب عليها غازي : روحة مع السواق تنسينها و اخوانكـ ما أبيهم يتعنون عشانكـ انتِ ملزومة مني مو منهم طلعت من وجيهم و صرتي في وجهي.. و اتأخر عليكـ هذا شغلي ما اقدر اتحكم فيه و يجي على مزاجي.. حاولت تسحب يدها من يده لكنه شاد عليها بـ قوة نطقت بـ تردد : طيب انا مقدّرة شغلكـ .. قاطعها بـ حدة : لا ما انتِ مقدّرة لو مقدّرة كان رعيتي اني جاي تعبان و ما فتحتي معاي موضوع انتِ عارفة رأيي فيه.. بس تبين تضايقيني..!! قاطعتهم صوت لينا : احم احم..!! التفت على بنتة.. بعد ما تركـ يد ندى : هلا.. لينا ابتسمت بـ خبث : قلت انبهكم اخاف تهورون..!! ندى تراجعت وراء بـ إحراج .. غازي قرب لها : لا و الله ما تستحين على وجهكـ تقولين هالحكي لأبوكـ ..؟! لينا : ويش قلت غلط.. صدق اخاف تهاوشون قدامنا عيب كبار و يتهاوشون..!! اذا انت فهمت شيء ثاني كيفكـ ..!! غازي جلس و جلست جنبه لينا : ويش مسهركـ ..؟! و الا نايمة بدري..؟! لينا : لا ما بعد نمت جايني ارق.. من جيت هنا ماني عارفة انام عدل..!! غازي يهز رأسة : من جيتي هنا..!! ويش اللي مأرقكـ عندنا و الا تعودتي على شيء فقدتية عندنا..؟! لينا توترت من حكي ابوها و كأنه حاس بـ شيء : لا بس هناكـ لأن ما عندي احد و لا شيء يسليني كنت انام غصب لكن هنا ما ادري ماني قادرة اطول بالنومة.. غازي يأيدها : اهـــا.. ريما نايمة..؟! ندى : عن اذنكم.. غازي بـ حزم و هو يناظرها معطيتة ظهرها بـ تطلع : افطري قبل لا تنامين.!! ندى التفت عليه : مو مشتهية.. غازي : عادي اغصبي نفسكـ ماهي قضية.. كلي عشان اللي بـ بطنكـ .. كان ودها تضربة من جد هالمره .. متنرفزة هذا همة اللي في بـطنها طنشتة و طلعت.. ما طافتة حركتها انها عناد و بس..!! التفت على لينا : قلتِ لي ريما وين..؟! لينا مبتسمة : ما قلت لكـ وين انت نشدتني نايمة و ما وهلتني ارد..!! غازي ابتسم : طيب الحين ردي.. لينا تنهدت : بالمطبخ تسوي لها قهوة..!! غازي : نامت..!؟ لينا : طلعت من عندها الساعة اربعة قالت بتنام.. و لما طلعت من غرفتي بعد ما صليت لقيتها بالمطبخ تقول ما نامت بـ تكمل مادتها.. غازي : يبي لي اشيل كتبها عنها.. ما تفهم كلامي.. لينا : يعني يا بابا لو شلت كتبها بـ تنام او ترتاح..!؟ بالعكس بـ توترها وما راح تريحها.. غازي : ويش اسوي معها.. جننتني.. لينا : هانت اخر ترم و تعدي ان شاء الله.. : صبــاحوو.. قربت منه تبوس راسة و باست خد لينا.. غازي : صباح النور.. جلست على الطاولة مرهقة ويش عندكم تحشون بـ مين..!؟ لينا : انا يوم دخلت عندكـ ما كنت تسوين قهوة عربية..؟! ريما تشرب من كوبها : ايه.. لينا : و ذا اللي بـ يدكـ وشو..؟! ريما تهز رأسها لليمين و تناظر لينا بـ طرف عين : ممكن ما تدخلين..!!!! غازي يناظر كوب القهوة السوداء بيدها اسبريسو .. سحب منها الكوب بـ قوة : تبين تقضين على عمركـ انتِ..؟! ريما : بـــابـــا..!!! غازي : و لا كلمة .. لو اشوف هالقهوة مره ثانية بـ يدكـ ما تلومين الا نفسكـ يا ريما.. ريما : بابا رجــاءاً .. قاطعها غازي بـ حدة : انتِ ليش صايرة ما تسمعين الكلام..؟! يالله اشوف على غرفتكـ و نامي لو اطلع بـ أي وقت و ما القاكـ نايمة يا ويلكـ .. ريما : من شوي صحيت.. ما فيني نوم.. امال : ايش فيكم ..؟! غازي نزل الكوب على الطاولة : امال لا تخلينها على راحتها.. مسوية لها نوعين قهوة و تشرب من ذا و من ذا تبي ترفع ضغطها و ضغطي معاها.. امال بـ يـأس : و الله تكلمت معها لين انبح صوتي و لا تفهم الحكي.. ويش تبيني أسوي فيها..!؟ ريما : يا جماعة انتم معقدين الموضوع انا ما فيني نوم و ابي اذاكر و ابي شيء يروقني بس عشاني اخذت لي غفوة و قافلة اخلاقي.. غازي : روحي كملي غفوتكـ لـ الظهر و بعدها تفتح اخلاقكـ .. ريما : ما فيني نوم مو غصب..!! غازي : و انا ما ابيكـ تشربين قهوة.. فاهمتني..؟!! ريما بـ قهر من ابوها : اجل و الله لأروح بيت عمي عامر.. غازي رفع حواجبة : جربي روحي عشان احش رجولكـ .. ريما تناظر لينا و تحط حرتها فيها : كله منكـ انتِ اللي قلتي له.. و فطنتية على شيء غافل عنه.. غازي : خيـــر ان شاء الله بقي تضربينها قدامي..!! ريما : مالها دخل فيني.. ما يخصها ان شاء الله اذبح نفسي قدامها.. غازي : لا و الله حلوه هاذي مالها دخل فيكـ ..!! اختكـ يعني غصباً عنكـ تحترمينها.. انتِ اصلاً ما انتِ محترمتني انا و امكـ جالسين..!! ريما احسن لكـ عدلي من اسلوبكـ .. ريما : اعدل من اسلوبي..!! ما انت جالس تضايقني و تبيني ارضى شلون هاذي تجي..؟! غازي : ترضين غصباً عنكـ اللي يسمع حكيكـ يقول من زين اللي تسوينه بـ عمركـ .. روحي شوفي شكلكـ بالمراية و تعرفين انتِ على صح و الا غلط.. ريما شدت شفايفها السفلية لـ جوه بـ قهر : انا ابي اجيب نسبة.. غازي : اللي يبي يجيب نسبة من اول السنة يشد حيلة عشان يرتاح بـ هالوقت.. مو تهيتين لي كل السنة و اخرها تذبحين نفسكـ بـ نفسكـ .. امال بـ هدوء : يا ماما اللي تسوينة بـ نفسكـ غلط.. هذا مو اجتهاد .. انتِ تهلكين نفسكـ و يمكن ما تجاوبين صح لأنكـ مرهقة و تعبانة.. لازم ترتاحين.. مو كذا لا تنامين عدل و لا تأكلين عدل.. ما احد بـ يطيح بالأخير الا انتِ..!! و لاكـ مهملة صحتكـ و دراستكـ .. ريما وقفت متنرفزة : طيب شكراً على اهتمامكم.. طلعت ريما .. و غازي ناظر امال : انتبهي لها.. ماني فاضي لها هاليومين.. امال : و الله كلمتها بس ما تسمع كلامي.. صايرة عنيدة..!! غازي نفخ الهواء من فمة : ما احسب اخلص من شغلي عشان تجي هي و تكمل الناقص..!! لينا : بابا هانت كلها اربع ايام هالإسبوع و ان شاء الله تعدي على خير.. غازي تنهد .. امال : شكلـكـ تعبان..؟! غازي : واجد.. الحمدلله على كل حال.. امال : اكيد بـ تتعب من من العصر و انت بالمكتب.. هلكت نفسكـ .. غازي : ما خلصت شغل بدري.. و رحت اتطمن على واحد من رجالي تصاوب.. و قبلها كنت مع ابو سعود.. بنتة الصغيرة بالمستشفى.. امال عقدت حواجبها : مين جود..؟! غازي : ايه.. امال : يمكن مهملة نفسها عاد هي عندها هبوط بالسكر.. غازي : لا مو كذا الموضوع.. وحده اعتدت عليها بالمدرسة و طعنتها.. اتسعت عيونهن من الصدمة..!! غازي يكمل : من الصبح ما احد فقد البنت غير المغرب و يوم لقيناها كانت نازفة واجد و مغمى عليها.. لينا : و كيفها الحين..!؟ غازي : الحمدلله سوو لها عملية و سيطروا على النزيف و سعود يقولي صحت بعد العملية.. امال : طيب ايش السبب اللي يخلي البنت تطعنها..؟! معقولة متهاوشة معاها..؟! غازي : ما احد يدري.. و لا ندري من هي البنت للحين.. ما قالت هي شيء للحين.. بـ نعرف منها ان شاء الله.. امال : لازم نروح لها اليوم المستشفى نتحمد لهم بالسلامة.. غازي : يمكن يطلعونها من هنا لين المغرب بـ فرج ربي.. (تنهد وهو بـ يختبر بنتة بـ هالخبر و يناظرها بـ طرف عينة) هذا غير عمر.. الله يقومة بالسلامة..!! صلبت ظهرها و كأنها تجمدت عيونها ما ترمش نفسها ما يدخل لـ صدرها و يطلع قلبها هو الوحيد اللي تسارع بـ دقاتة.. تنتظر ابوها يكمل لكن غازي سكت.. حست هالشيء تعذيب لها.. ريقها ناشف ماهي قادرة تسألة ماهي خايفة من ابوها كثر ماهي خايفة على عمر بعد كلمة ابوها الله يقومة بالسلامة .. امال هي من اخذت الدور عنها : عمر هو نفسة ولد سعد..!؟ غازي : ايه.. امال : ليه ويش فيه..!؟ غازي يناظر بنتة جنبة : تصاوب بـ عملية البارح.. تصاوب..!! تصاوب.!! يبي يتركها و يروح..؟! يبيها تعاني لحالها ..؟! ما يكفي سبع شهور تعاني لحالها من كل شيء فقدان ام و اب و اخت و عزوة و سند..!! هو .. بس اللي كان قدامها .. امانها و سندها و .. زوجها.. قالها احفظي وعدكـ لي.. و هي ما حكت تنتظرة يجي وهو يبدأ و ينقذها.. ما تدري عن ردة فعل اهلها.. يمكن ابوها و امها يلومونها على هالشيء لأنه بدون رضاها.. بس اكيد ما راح يرضون.. و بـ تقلقهم كانت متأملة ان عمر يطمن قلوبهم قبل لا هي تفزعها.. لكن هذا هو تصاوب..!! راح يضحي بـ روحة نسى ان له روح تنتظرة.. له ضنى بين حشاها وعدتة انها تحافظ عليه عشانة.. همس غازي وهو يشوف دموعها تنزل و عيونها تناظر بـ مكان واحد من صدمتها : ليـــنا..!! لينا بلعت ريقها انبح صوتها من جفاف حلقها : كيفة..؟! غازي : عمليتة نجحت بس ما صحى للحين.. ممكن يكون دخل بـ غيبوبة..!! لأن الرصاصة بالجنب و تأثرت فيها الكلية و انعطبت.. صدمة..!! ما استوعبت انه تصاوب عشان ممكن تستوعب انه تألم..!! ويش هالوجع اللي اخترق قلبها..!! حست بـ يدينها ترتخي و يصيبها تنمل بـ اطرافها.. ناظرت ابوها و رموشها مبللة بـ دموعها حتى صورتة ضبابية بـ عيونها حطت راسها على كتفة تبكي و تمسكت بـ ثوبة بضعف : أنا .. حـا.. مل..!! صلب جسدة وهو بتلقى الخبر منها بـ وقت مثل هذا..!؟! كل ما قال هانت تطلع له مشكلة من تحت الأرض.. حامل..!! سألها و كذبت عليه.. كان يبي يتطمن عليها لكنها كذبت رغم ان الشيطان ظل يوسوس له لكن ما بغى يضغط عليها .. سبع شهور معاه الغبي بـ يعرف ليش صدقها..!! تمنى لو ضغط عليها.. ما فكرت لو عمر يروح فيها شلون بـ تثبت ابوة ولدها.!؟ ما تدري ان الحكي بـ يلحقها هي و ابوها و امها و خواتها..؟! امال ما كانت اخف صدمة من غازي اللي عجز حتى انه يحضن بنتة و يطبطب عليها.. عجز يأمنها من كل شيء.. يمكن خايفة حتى منه هو..!! ريما ماسكة ثوبة و تشده : و الله .. عمر .. يبيه.. هو وعدني يرجعني لكـ اذا حافظت على اللي في بطني.. و الله ما بغيتة بس .. بس .. انا ابي عمر هو قالي خبي الموضوع لين احله .. انت زوجتني له .. ابي عمــــر..!!! تمنى ان عمر قدامة و يمردغة.. عمر يتوقع انهم يخبون الموضوع عليهم شيء في مصلحتهم..؟! على الأقل ما يصب في مصلحة بنتة هو.. وين مصلحتها بإنها تخبي الموضوع..؟! قلبت حالة.. كان جاي مبسوط بإنجازة و عكرت عليه بنتة بـ هالخبر.. لو بس الناس تدري انه زوجها كان فرح لها .. كـ أي اب بـ يصير عنده حفيد من بنتة.. رفع عيونة فوق على صوت جرس الباب.. عاجز انه يتجاوز الصدمة.. و المشكلة اللي لقى نفسة بـ وسطها..!! مين يعاتب..؟! هي و الا عمر..؟! و الا نفسة..!؟ ما أخذوها الا عشانة هو ابوها..!! ابعدها عنه و وقف خرج بـ يشوف مين على الباب .. و كأنها ما حكت له شيء..!! لينا نزلت راسها على رجلها تبكي.. مثل ما ابوها عاجز عن تجاوز الموضوع وهو يشوفة يتشكل قدامة هي عاجزة عن توقع أي ردة فعل أو توقع ايش ممكن يصير لها .. عمر بالمشفى و هي حامل و زواجهم ما احد يدري عنه الا كم شخص.. ايش ممكن تكون ردة فعلهم لـ هالموضوع..؟! ويش ممكن يصير لـ عمر و ايش بـ تواجهة من مشاكل لو عمر صار له شيء ما راح تصمد لـ حالها اذا وقف الكل ضدها.. امال وقفت و جلست جنبها مسحت على ظهر لينا حتى تستجيب لها و ترمي نفسها بـ حضنها.. امال : لا تبكين يا ماما .. لينا : خايفة ماما .. لا تخلين عني تكفين..!! لا تخليني بـ روحي.. و الله خايفة.. امال تمسح على شعرها : ماني مخليتكـ رغم انكـ اخطيتي اللي خبيتي علينا .. هذا هو عمر ما يندرى ويش حالتة ان شاء الله اهله ما يضحكـ عليهم ابليس ان صار له شيء.. في المجلس انصدم لما فتح الباب بالشخص اللي زايرة في بيتة و بـ هالوقت خصوصاً.. ما كان عند غازي أي شيء يقولة.. ما زال في مرحلة ما استوعب فيها شيء حتى يتفاجأ بـ وجود ابو عمر في بيتة.. ابو عمر : ادري اني جيتكـ بـ وقت ماهو مناسب لكن عمر يوم صحى و ما لقاكـ اصر علي اجي يمكـ .. انا يا ابو شوق ما ادري ويش بنيتكـ قايلة لكـ .. لكن اللي انت تدري به ان بنيتكـ زوجة ولدي.. صح ان ظروف زواجهم ماهي طبيعية و الله اني ما رضيت لها مثلها مثل بنتي.. لكن هذا ماهو حل الموضوع.. لو ما طاح ولدي هالطيحة كنّا ناوين نجيكـ مثل هاليوم مع ابوي و اخواني و نطلب بنتكـ لـ ولدي و يتمون حياتهم .. انت غالي عندنا يا ابو شوق و نسبكـ ينشرى و لو اني بـ ازوج ولدي ما كنت بـ القى له ازين من بناتكـ .. غازي : تدري انها حامل..؟! ولدكـ طلب منها تخبي الموضوع.. ما ادري ويش هي اسبابة و لا اقدر اقولكـ اني ما انقهرت.. لو ما اعرف شهامتة و انه حفظ بنتي سبع شهور و الا و الله اني ما صبرت للحين و سمعت كلامكـ .. كنت اخذت حق بنتي منه لو هو طريح فراش.. سعد : ادري .. قالي عشان لو صار له شيء يكون عندي علم من قبل.. عمر ماهو خسيس يا غازي.. بس انت ادرى باللي كان فيه.. لو بنتكـ ما حملت ما قدر يرجعها لكـ .. قالي ان رئيسهم ما خلاه يرجعها الا يوم درى انها حامل عشان يقهركـ بس و الله ماهو هذا قصدي ولدي.. و فعولة تدلل على طيب نفسة و خاطرة.. ما اقولكـ مالكـ حق تزعل.. بس اسمع من عمر اول لا تظلمة.. غازي : ماهو من مصلحة بنتي اظلمة.. بـ اسمع منه لكن ماهو هالحين.. ماني فاضي له هالوقت..!! عرف سعد ان غازي بـ يعاقب ولده و بنتة..!! اخذ نفس .. : خلنا نعلن الملكة و نسوي لنا عشاء و بعد ما يقوم عمر بالسلامة نسوي لهم عرس كبير.. غازي : ماني ضد اننا نعلن و هالحين و اليوم قبل بكره.. لكن بنعلن و بـ تبقى بنتي عندي فترة.. سعد : يا ابو شوق استهدي بالله انت تبي تقهر ولدي و بنتكـ ..؟! غازي هز كتفة اليمين بـ بساطة : ابي أأدبهم.. ابتسم سعد : ان شاء الله بـ أجيكـ اليوم مع ابوي و اخواني .. و عمر ولدكـ مثل ما لينا بنتكـ .. غازي : حياكم الله.. بـ نسوي عقد جديد يا ابو عمر.. ماني معترف باللي صار من قبل.. سعد : و لا يهمكـ بـ نجيب المملكـ معانا.. غازي : تدري انهم لازم يسوون تحاليل من جديد.. سعد : عمر ما بعد طلع من المستشفى .. نسحب من دمة هناكـ .. بس بنتكـ .. غازي : انا اوديها لـ بنكـ الدم بعد شوي.. سعد : على بركة الله ان شاء الله العصر اطلع النتايج.. بيت ابو سعود.. خرج ياسر من الغرفة متفاجأ صبا جالسة و ترتب الفطور على الطاولة في جلستهم.. : صباح الخير.. صبا ابتسمت مستحية : صباح النور.. ابتسم لإبتسامتها.. شلون صار يتأثر فيها بـ هالشكل..!! ما يبي يفكر بالتغيير اللي يمر فيه.. ما ينكر انه هو ما كان يطمح لأكثر من تقبل عشانه و عشانها .. ما توقع يوصل لـ مرحلة انه يبيها زوجة.. صبا بـ صوت مبحوح و ترجع شعرها وراء اذنها : ممكن ما تناظرني كذا.. تقدم لـ الجلسة و جلس : ليش ارتكبت جريمة..؟! صبا : بليـــز ياسر.. و الله تحرجني..!! ياسر يناظر الأكل و يناظرها : انتِ مسويتة و الا طالبتة من الخدامات تحت..؟! صبا جلست قريب منه على نفس الكنبة : انا مسويتة ليش طايحة من عينكـ ..؟! ياسر : حاشاكـ بس ما توقعت تعرفين تطبخين.. صبا تحطمت..!! : ترى كله بيض و فطور ماهو اختراع الذرة..!!! ياسر : ههههههههههههه ايش فيكـ عصبتي.. يعني صدق احس مو لايق عليكـ تمسكين شيء و تطبخين و تحوسين في المطبخ..!! صبا : ليش ماني بنت..؟! ياسر : بنت و نص.. لكن فيه بنات يليق عليهم الكرف.. و فيه بنات تخاف عليها لا تجرح نفسها من شوكة مو سكين.. و طبعاً انتِ من الصنف الثاني.. صبا عفست وجهها لمت شعرها كله و سحبت الربطة اللي على الطاولة و لمتة كله انقهرت متكشخة له و متسنعة و اخر شيء يبداها بـ تحطيم : ويش اللي يخليكـ تنفي نظريتكـ هاذي عني..؟! ياسر سحب الخبز : اني لا اكلت ما امرض من اكلكـ ..!! حمرت عيونها و هي تشد على شفايفها السفلية من قهرها .. لف عليها و هو راسم ابتسامة على وجهة من شكلها واضح ودها تفجر فيه : ايش فيكـ زعلتي..؟! صبا : ترى اذا هذا مزح .. فـ مزحكـ ثقيل..!!! ياسر مد يده لـ شعرها و سحب الربطة و رماها على الكنب و انتثر شعرها : كذا احلى.. صبا من قهرها : ما تستاهل .. هات الربطة.. ياسر رفع حاجبة الأيمن : فيه زوجة تقول لـ زوجها ما تستاهل..؟! صبا : ما احد قالكـ تحقّر مني.. ياسر : و ليش فهمتيها انه تحقير..!؟ ليش ما فهمتيها ان من غلتكـ عندي ما ابيكـ تدخلين المطبخ اخاف عليكـ لا تنجرحين من أي شيء.. مستعد اجيب لكـ شغالة و ثنتين و ثلاث خص نص لكـ بس ما تدخلين المطبخ..!! تدفق الدم لـ وجهها بـ قوة من الإحراج.. : خليتني احس اني اقل من البنات.. ياسر ابتسم : لا تفهمين كلامي على كيفكـ .. صبا : توكـ تقول خايف تمرض من اكلي..!؟ ياسر : و هذا انا بـ اكل .. حتى لو بـ تمرضيني عادي.. صبا : ماني راضية كذا..!؟ ياسر : اجل ويش يرضيكـ يا سنيورتي..؟! صبا : بـ اسوي كبسة و بـ تأكلها كلها..!! ياسر بغت عيونة تطلع.. : قد طبختي رز..!؟ صبا ابتسمت بـ براءة : لا بـ اجرب فيكـ ..!! ياسر سحب كاسة الشاهي : شكلي متنوم بالمستشفى اليوم متسمم..!! صبا : يــــاســــر...!! ترى ازعل..!! ياسر : طيب ويش تبيني أسوي .. خلاص انسي الكبسة و خلينا على هالبيض دامكـ انتِ مسويتة.. صبا : لا .. ابي اسوي كبسة مره.. ترى اعرف بـ طلع الوصفة من النت..!! ياسر ضرب جبهتة : من النت بعد.!! (رفع عيونة فوق) يالله اني مستودعكـ روحي.. بسم الله.. حط اللقمة بـ فمة يـأكلها.. .. بيت عامر.. ناصر مقهور : اذا ما انت قادر عليها تضفها وليني امرها..!! عماد وقف معصب : لا يا شيخ شايفني خرمة عندكـ ما اقدر على اهل بيتي..!! مالكـ دخل بالموضوع انا مخلي لها الحبل على الغالب.. عبدالله : إهدا يا عماد .. انت ما تدري زوجتكـ ويش تسوي من وراكـ .. زوجتكـ تطلع من الصبح وراكـ ما ترجع لين المغرب ..!! تشوف انها زينة..؟! عماد : مالكم دخل فيها .. دام انا سامح لها.. ناصر : اتحدى ان كنت تدري اصلاً عنها .. ما احنا جاهلين فيكـ عشان نقول ان طلعاتها عادي عندكـ .. قاطعهم صوتة الحاد : خيـــر ويش عندكم اصواتكم واصلة الشارع..؟! وقفوا كلهم.. عبدالله : ما فيه شيء يبه.. لا تشغل بالكـ .. عامر جلس : ماني بزر تضحكـ علي بأي شيء و اسكت.. ويش عندكم تهاوشون..!! ناصر جلس : عشان زوجة عماد.. عاجبتكـ سواتها يبه..!؟ عامر : ويش تبيني اقول دامه ضيع الدانه من يده..!! عماد بـ قهر : ايه انتم هذا اللي تلفون و تدورون عليه بنت ابراهيم..!! عامر بـ حزم : اعقب لا ترفع صوتكـ علي.. لو براسكـ عقل يفهم مثل باقي الناس تروح ترجعها الليلة قبل بكره.. و تستسمح من ابوها.. لكن ويش اقول كان اللي بـ راسكـ تنكة ماهو عقل.. عماد : يعني انت بس تبي تقهرني..!؟ انت اللي حديتني على هالزيجة و جبرتني عليها و ما بغيت عصيانكـ و الا ما كنت طعت شوركـ و انت تدري اني رجال و اقدر اقوم بـ نفسي و اطلع من هالبيت لكني ما بغيت اغضبكـ .. لكني ما طقت البنية ما ابيها وجهها فال شر علي.. مريم تسند امها من بعد ما سمعوا الصراخ طلعوا .. : و الله ان بنتي ماهي وجه شر مير انت اللي ما تعرف قدر الشيء الا ان ضيعتة و ما تبي تطلع نفسكـ الغلطان.. ام عامر : انت ويش بلاكـ تصارخ على ابوكـ ما تختشي هذا اللي رباكـ عليه..؟! هذا اللي درست و تعلمتة..؟! يا الشايب تراكـ ما انت صغير و جاهل بـ دينكـ .!! عماد : يمــه !! انتم اللي تقهروني.. ما غضبتكم بنتكم ما طقتها ماني مجبور اعيش معاها غصباً عني.. ام عامر جلست و ضربت بـ عصاتها الأرض : بلاه من رداكـ انت ما تستحي تنقد بنت عمتكـ .. ابوكـ قدّركـ و زوجكـ وحده و الله ان خطّابها ويش كثرهم و صارت من نصيبكـ لكن ويش اقول..!؟ طبخن طبختية يالرفلة كليه.. عماد : لا عاد من زينها هالبنت عاد.. ويش الشيء الزين اللي شفتة من يوم تزوجتها..؟! بـ أول يوم ملكت عليها انخطفت..!! و جلست محجوزة تحت رقابة فترة لو رجال غيري كان طلقها من زمان.. و اسلوبها زي الزفت مخها تنكـ تفسر اللي تبيه على مشتهاها ما وراء انها ظنت بـ أبوها و اخوانها ظن السوء..!! و فوق هذا وهذاكـ انخطفت مره ثانية و بالمرتين بـ رضاها تنخطف من مستشفى قدام الناس ما تساعد نفسها .. ما قدرت لا اب و لا اخ و لا ام و لا زوج و اختفت شهر و زود بـ بيت ناس ما تعرفهم..!! و ترجع لي و تقولي انا حامل..!! و تصاوبت و اسلوب البزران ما يترفعون عنه.. و تولد و تنخطف بنتي من المستشفى بسبب اهمالها .. علموني ويش الشيء الزين اللي شفتة من وراها..؟! ويش الشيء اللي اذكرها فيه و اقول اي و الله ماني لاقية عند غيرها..!؟ مريم : انت كذا تطير .. و التطير حرام .. حطيت ان بنتي فال شر عليكـ و تطيرت منها .. ليش ما تكون انت فال شر عليها .. ان انت تضررت مره هي تضررت مية مره.. تقول يوم ملكت عليها انخطفت مين تضرر مو هي..؟! تقول ما قدّرت ام و اب و اخ ليش مو انت اللي زرعت بـ راسها ان ما احد يبيها.. خالكـ استئمنكـ عليها و احنا كنّا نقول الحمدلله معها زوجها ما يقصر معاها احسن من لما تكون لحالها طلعت انت تلعب بـ راسها و قاهرها متوقع ان وعد ما قالت لي ويش قلت لها انت..!؟ و ويش عبيت راسها فيه يا عماد .. الأمانة اللي استئمناكـ عليها ما حفظت عليها انت.. اهدرتها و قهرتها .. و ياليتكـ عرفت قدرها و قيمتها رجعتها لكـ عشان تضيمها زود .. و حكيت فيها شيء لو ان وحده من خواتكـ زوجها شككـ فيها كنت صوبت بـ نص راسة لكنكـ رضيتة على بنتي.. و فوقها تقول ان بنتكـ انخطفت بإهمالها .. انخطفت بسببكـ انت.. انت ابوها و عدوهم ماهي بنتي.. كل شيء صار لكـ تحمل وعد خطيتة و الخطية راكبتكـ من ساسكـ لـ راسكـ لكنكـ تبي تبري نفسكـ من الخطأ .. رضيت و الا انرضيت وعد دانه انت خسرتها .. و ان ما عرفت اليوم و مغمض عيونكـ عن اللي حواليكـ بـكره بـ تفتحها غصب و تشوف الفرق وين كنت و وين صرت.. عماد حس ان عمتة زعلت لكن هم اللي عصبوا فيه وهم ينقدون البتول و يمدحون بـ طليقتة : طيب انا ما ابيها .. و هي ما تبيني .. ما ننفع لـ بعض.. الموضوع هذا سكروة.. و بيتي انا حر فيه ما احد فيكم له دخل.. ام عامر : ما بغينا الا مصلحتكـ و مصلحة الضعيفة بنيتكـ ويش ذنبها يومها تربى بـ بيت جدها لأمها ما كن عندها اب يقدر يضفها هي و اميتها و يربي بنيتة تحت جناحة.. يا وليدي رجعها عشان بنيتكـ تكون تحت نظركـ .. عماد ينهي النقاش : لا .. لا .. لا .. و الله لو اني بنتي يمسها شيء اني لأخذها منها ما همتني بـ شيء أمها .. طلع عماد من بينهم.. عامر ناظر عيالة : انتم ويش خلاكم تفتحون معاه الموضوع..!؟ ناصر : يعني يبه شايف ان الغلط راكبنا..؟! و الله انه راكب ولدكـ من ساسة لـ راسة.. ساكت عن غلط زوجتة و مهيتها .. الناس بـ تلحقنا كلنا بالمنقود ماهم قايلين فلانة بـنت فلان بـ بيقولون حريم بيت عامر هايتين من مكان لـ مكان.. ام عامر : خلاص خلوه على هواة.. ماهو بزر عقلة بـ راسة.. (التفتت على ولدها يمينها) دق لي على اخوكـ شوف لي وينه ما شفتة اليوم.. عامر : يمه الله يرضى عليكـ غازي ماهو بزر تحاتينة.. ما جات حروتة لـ الحين.. المغرب بـ يجيكـ .. مريم تجلس : الله يرزقنا نص حب هالغازي.. ام عامر : شالع قليبي هالولد ماهو مريحني.. ما ارتاح لين شفتة قدامي.. : دررب دررب.. مريم تناظر الباب اللي انفتح شوي : تعال ما فيه احد غريب.. يوسف من عند الباب : السلام عليكم.. : وعليكم السلام.. يوسف يدور بـ نظرة على الموجودين : حياكـ يا عم ما به احد غريب.. مريم : لو انكـ طارية مليون يمه.. غازي : السلام عليكم.. : وعليكم السلام.. باس راس امه و كفها و وراه يوسف.. و سلم على اخوه و باس راسة و قربوا منه ناصر و عبدالله و سلموا عليه.. تراجع و سلم على مريم و جلس جنبها.. ام عامر : توني انشد عنكـ وينكـ غايب عني..؟! البارح ما شفتكـ .. غازي : كلمتكـ يمه و قلت لكـ ما يمديني اجيكـ .. السموحة يالغالية بس كان عندي شغل واجد البارح لين الفجر.. ويش اخباركـ يالغالية.. ام عامر : يالله لكـ الحمد بخير ما اشكي باس.. غازي يمسح بـ يده على فخذة : الحمدلله.. (القى نظرة عليهم واضح ان فيهم شيء) خير فيكم بلى.؟! عامر : لا الحمدلله.. كيف بناتكـ ما عادن ينشافن..!! غازي تنهد : بخير الحمدلله.. ام عامر : ليش ما جبتهن معكـ اعوذ بالله قطعنا مره وحده.. غازي : تخبرين يمه ريما مع اختباراتها لاهية.. و لينا و الله ما ادري ويش مشغلها..!! مريم : على ذاكـ اليوم اللي جاتنا فيه و تهاوشت مع مرة عماد و بعدها ما شفناها.. ويش عندها هالبنية منقلبة..!! غازي : مير اني جيت بـ اخبركم.. ان ملكتها اليوم بعد صلاة العشا في بيتي.. ابيكـ تكون حاضر يا اخوي.. !!!!!! مو هو زوجها لـ واحد ما يدري من هو ..؟! شلون يملكـ لها الحين..؟! .. مريم اللي كانت اطرش بالزفة : ملكتها..!؟ ويش دعوة يا حافظ ما كننا اهلها ما تبلغنا غير يوم ملكتها..!؟ غازي : الموضوع صار فجأة.. و هذا انا قلت اخبركم.. ام عامر : يالله لا تطيح علينا السماء ..!! هو انت صاحي..؟! غازي : ايه يمه صاحي.. عامر : و الله ان شكلكـ ما يقول انكـ صاحي.. و الا انت كنت تقول لنا علم ماهو صحيح..!؟ غازي : ما كذبت عليكم في شيء.. كل الموضوع اننا بـ نجدد عقد الزواج.. عامر : تجددة..؟! بدل ما تطلقها منه تجددة..؟! لا بالله انكـ مضيع عقلكـ .!! غازي : انتم مو فاهمين شيء.. ام عامر : ما تفهمنا ويش ناوي تغبر..!؟ غازي : ماني ناوي اغبر يمه .. انا مو قلت لكم اني زوجتها.. زوجتها لـ ولد سعد بن مساعد بن سالم بالطريقة اللي تخبرونها .. و اليوم جاني سعد و طلبها مني و بـ يجون هو و ابوه و اخوانة يطلبونها مني بعد العشا و يملكون من جديد.. ام عامر فكت لثمتها و لفتها من جديد : مساعد بن سالم ما غيره..!؟ غازي : ايه يمه.. عامر : وشلون هالعلم صار..!؟ غازي : رحمة من ربي.. عمر كان مشاركـ بـ العملية الأمنية بـ شكل سري و لما جابوا بنتي هو اللي طلب يتزوجها.. الموضوع شوي مشربكـ بس الحمدلله انها كانت معاه و ما احد ناشها غيره.. مريم ..!!!! عملية امنية..!! و سري..!! جابو بنتي..!! و عامر يقوله طلقها منه..!! و تجديد عقد..!! فضلت السكوت و تفهم السالفة من امها بدل ما تخرب النقاش وهم كلهم فاهمين الموضوع الا هي..!! ام عامر : الحمدلله .. الحمدلله .. تصدق يا وليدي شكر لله اللي الله حفظها لنا.. غازي : ان شاء الله يمه.. لا تنسى ابيكـ تفضي نفسكـ اليوم ضروري.. عامر : و لا يهمكـ .. ما فيه شيء ابدّى من ملكة بنتي.. غازي : زين .. (ناظر عيال اخوة) ما يحتاج أأكد عليكم..؟!! عبدالله : و لا يهمكـ يا عم.. مريم : حريمهم بـ يجون..؟! غازي : ما ظنتي .. زين ان ظلوا لـ العشاء .. عامر : افاا لا بالله ماهو بـ كيفهم ان يجلسون و يتعشون عندنا ما يطلعون من بيتنا ما ضيفناهم.. غازي : انا عامل حسابي يكون بدري .. بس عشان وضع عمر و ابراهيم يمكن ما يقعدون و يملكون و يمشون.. ام عامر : ليش ويش فيهم عمر و ابراهيم ويش يحدهم ما يقعدون و احنا معطينهم بنيتنا..!؟ غازي : عمر متصاوب البارح.. بـ يطلع من المستشفى لـ بيتي.. عامر : افاا يا ذا العلم.. وليش ما وخرتوها الملكة.. غازي : مصر الا ان يجدد العقد اليوم.. و يعلن الزواج الإسبوع الجاي.. قلت له تملكـ بالمستشفى و عيّا و قلت له بـ بيتكم و عيّا ويش اسوي فيه كان راسة يابس و ابوه ماهو راده..؟! ام عامر : ويش عنده مشتط كذيا..!! يوسف ابتسم بإستهزاء : شكل بنت العم لعبت بـ حسبتة..!! غازي ابتسم : ما تستحي انت.. يوسف : و انا صادق ما تشوف انها غريبة متصاوب البارح و يصر انه يملكـ اليوم و انت مقدم له خدمة على كفوف الراحة و هو رافض الا يتعنّا لها..!؟ تكفى يا عم طلبتكـ لا تخليه يشوفها احقرة لين العرس..!! غازي : ههههههههههههه (غمز له) لا توصي..!! وينكـ عن مكتبي..؟! يوسف : و الله اني قايم بـ واجبي بـس انت مشغول عني .. تنكر اني كم مره اجيكـ و تقولي روح ماني محتاجكـ اليوم..؟! غازي : ما انكر بس ما صدقت على الله ما عدت اشوف الا غبرتكـ .؟! يوسف : انت نسيت ان عندي اختبارات.. حتى ما نشدتني ويش مسوي..!؟ غازي : ايه ويش مسوي عاد..؟! بشرني عساكـ جايب العيد..!؟ يوسف : بس عيد الفطر .. يمكن اجيب عيد الأضحى بالأسبوع الثاني.. غازي : كويس عشان افصلكـ و ادخلكـ العسكرية..!! ام عامر : ياليتكـ تسويها لـ ذاكـ الهايت .. ما ينشاف و ان شفناه و قلنا له وينكـ شب فينا اللهم يا كافي صاير نار ما ينتحاكى..!! غازي : هذاكـ علومة عندي.. بس يصبر علي لين اتفضى له.. خله يجلس على هياتة و انا اوريكم فيه ان ما سنعتة.. يوسف : عمي تكفى كلم ابوي يشتري لي سيارة متحلف ان ما يشتري لي لين تقولة انت..!! غازي ابتسم : تستاهل.. اول جيب المعدل الزين و تبشر فيها من عندي.. يوسف تحطم ..!! : اجل ماني شايفها فلوسكـ بـ تقعد عندكـ .. غازي : شد حيلكـ و جيب معدل تمام و تبشر فيها ما تغلى عليكـ .. ام عامر : ويش حال حريمكـ ..؟! غازي : بخير يمه ما عليهن .. مريم : ما هن مسيرات علينا اليوم..!؟ غازي : و الله على أساس بـ يروحن لـ بيت ابراهيم بس بعد الملكة يمكن ندى تروح لحالها.. ام عامر : خلهن يجن يمنا بعد ما يتعشون الرجال.. غازي : انتِ يمه تعالي يمي.. بـ اودي ندى تطمن على اختها قبل الملكة و ارجع.. مريم : اختها مين..؟! غازي : الصغيرة.. امس فقدوها المغرب و لقيناها بالمدرسة وحده طاعنتها.. ام عامر : و حرّي .. طاعنتها..؟! غازي تنهد : ايه.. الحمدلله عمليتها نجحت و الضحى جاني المكتب يقول يمكن يطلعونها.. عامر : ما عرفتوا من اللي مسوي فيها هالسواة..؟! غازي : لا..!! البنت ما حكت شيء.. ابوها كل ما نشدها انهارت.. ناصر : مو يمكن نفس الرجال اللي اخذوا اختها و لينا..؟! غازي : لا.. لأن كلهم عندنا .. و اللي طعنتها بنت بالمدرسة وقت الدوام و حبستها بـ غرفة الحاسب عشانها عارفة ما احد يستخدمها بالإختبارات النهائية.. اختبارات الحاسب قبل ما تبدأ الإختبارات النهائية.. مريم : طيب كيف البنت الحين..!؟ غازي : البارح كانت بالعناية.. و اليوم قالي سعود طلعوها و انها احسن الحمدلله بس نفسيتها تعبانة.. مريم : من عذرها و الله.. دخلت و نزلت نظارتها الشمسية و باقية بـ لثمتها اللي تغطي فمها و طرف انفها : السلام عليكم.. صدوا عنها الشباب.. عامر ناظرها من فوق لـ تحت : وعليكم السلام.. البتول : كيفكـ عمي..؟! ناصر يعد بـ نفسة عشان ما ينفجر يحاول يكبت اعصابة .. عامر : بخير الحمدلله.. ام عامر تضيق عيونها : هو انتِ طالعة كذيا..؟! البتول تناظر نفسها : ليش ويش فيها..؟! ام عامر : يالله انكـ لا تسخطنا.. هاذي عباية و الا فستان..؟! البتول كانت راح تتريق على ام عامر بس انتبهت ان عيالها الإثنين موجودين : عن اذنكـ يا خالة.. ام عامر تضرب بـ عصاتها الأرض بـ قوة : يا مثبت العقل و الدين .. و يقول مالكم شغل في بيتي.. ماهو تاركها هايتة وراها ما كن وراها والي..!! غازي وقف : انا بـ اروح اقضي شغلي.. ام عامر : و انت هاذي حالتكـ كل ما جيتني ما مره تجلس معي و لا اذكر متى اخر مره اكلت معي على صحن واحد..!! ابتسم غازي تقدم لها و باس راسها : انتِ خابرة شغلي .. طيب تعالي عندي في بيتي.. عامر : لا تحاول امي ما تطلع من بيتي.. غازي : لا تصير حسود عاد.. يومين ماهي ضارتكـ .. تعالي اليوم بـ ملكة لينا و اجلسي عندي كم يوم.. ام عامر : و الله يا وليدي متعودة على فريشي ما فيني شدة اغير مكاني.. غازي : يومين ماهي ضارتكـ يمه.. ما كني ولدكـ الصغير قاعدة عند عامر و لا مره بيتي عندي وكنه ماهو بيتكـ .. بـ غرفة عماد يفتر بالغرفة كالمجنون..!!! حضرتها فعلاً طالعة من الصبح و الحين بـ يأذن المغرب و لا جات .. كذب على اخوانة و قالهم تستأذن منه..!! لكنها تستغفلة.. اتصالاتها المتكررة عليه عشان تعرف متى بـ يرجع البيت و ترجع قبلة..!! كان وده يكسر كل شيء قبالة بس ماهو بـ مصلحتة لأن اهله بـ يسمعون الصوت و يعرفون انه معصب..!! ضرب يده بالجدار.. دخلت مطمنة راجعة بدري اليوم قريب المغرب .. دايم ترجع بعد المغرب او العشا و هو ما يرجع قبل 10 او 9 بالليل ان بكّر بـ رجعتة.. ما انتبهت حتى لـ سيارتة الواقفة برا.. اول ما انفتح الباب التفت عليها حتى ينصدم بـ شكلها ..!! عباية مطرزة اقرب لـ فستان طالعة فيه..!! و اخرها مفتوح و باين بنطلونها الجينز الضيق..!! و لثمتها و عيونها بـ مكياج..!! ؟؟!! همست : عمــاد..!! عماد : وين كنتِ..؟! حولت الموضوع بـ ربكة : متى رجعت..؟! عماد يصر على أسنانة : وين كنتِ..؟! البتول تلعثمت : بـ بيت اهلي.. عماد يقرب منها بـ خطوات بـطيئة : متأكدة..!؟! البتول : ليش يعني وين بـ اكون بـ هالحزة..؟! عماد مد يده و فتح ازارير عبايتها العلوية حتى تنفتح العباية كلها و كشف عن البدي الضيق اللي لابستة و ما هي لابسة فوقة أي شيء يسترها..!! : ويش ذا اللبس..؟! البتول : رايحة بيت اهلي ويش تبيني البس..؟! عماد يأشر عليها من فوق لـ تحت : جالسة عند ابوكـ و اخوانكـ بـ هالشكل..؟! البتول : عادي متعودة عليهم..!! عماد رفع حواجبة : متعودة..!! و متعودة تورين الناس لبسكـ في الشارع.؟! و تخلين اللي يسوى و ما يسوى يشوف جسمكـ ..؟! البتول اخذت موضع الدفاع : ليش شايفني طالعة عريانة..!؟ عماد : و الله ما ظنتي ابعدتي..؟! يعني اللي لابستة هذا ساتركـ ..؟! و عبايتكـ المفتوحة و تمشين فيها كذا ستر..!؟ البتول بـ صراخ : عبايتي انفتحت لما نزلت من السيارة.. عماد : يعني اخواني شافوكـ بـ هالشكل..!؟ ليش اخواني محارمكـ ..؟! البتول تكمل بـ نفس الإسلوب و ترفع صوتها : و الله عاد اخوانكـ اللي عيونهم زايغة كانهم شافوا عبايتي مفتوحة و ناظروني..!! ما عندهم غارية على مرة اخوهم..!! لف يدينة وراء ظهرة عشان ما يضربها الحين بـ يصبر : حتى لو اخواني ماهم فيه و لا شافوكـ .. لو بس ابوي.. و طلعتي عنده بـ هالشكل ما يرضيني..!! البتول تتخطاة مرتبكة خايفة من عصبيتة : على أساس انا اهمكـ عشان افكر يرضيكـ و ما يرضيكـ ..!! عماد لف و يدينة ما زالت وراه : يعني معترفة انكـ تعمدتي تعصيني..!! البتول : قلت لكـ العباية انفتحت لما نزلت من السيارة .. اذا انت بـ تسويها سالفة ترى ماني فايقة لكـ .. عماد : متى طلعتي..!؟ البتول : الساعة 11 .. تغديت عندي اهلي و هذا انا جيت.. عماد طلع جوالة يطقطق فيه : و ليش رجعتي الحين ليه ما جلستي شوي معاهم.. تو الليل ما بعد اقبل علينا..!! البتول تناظرة يطقطق بـ جوالة .. طنشت سؤالة وهي تشوفة يكلم .. عماد : السلام عليكم.. كيف حالكـ يا خالة.. بخير الحمد لله .. بغيت انشدكـ عن جوال البتول مضيعتة قلت يمديها ناسيتة عندكم ما سمعتية دق..!؟ .. انصدمت وهي تشوفة يكذب عشان يتأكد ان كانت صادقة و الا تكذب..!! رجفت اطرافها .. ما عرفت ويش تسوي الحين بـ يكشف كذبها بـ كل بساطة .. عماد : لا ان شاء الله اهم شيء ما يكون فيه شيء مهم .. يالله مع السلامة..!! قفل جوالة و رماها على الكنبة البعيدة من غير لا يهتم و تقدم لها .. و هي تراجعت لين لصقت بالجدار : امكـ تقول انكـ ما جيتيهم اليوم..!! وين كنتِ..؟!؟ البتول : مالكـ دخل..!! عماد شد شعرها وهي تمسكـ يدينة تخفف ضغطة عليها.. اعصابة ثايرة وهي يذكر نقد اخوانة و حكيهم انها هايتة..!! و الحين تكذب عليه.. : اقسم بالله يالبتول لو ما حكيتي وين كنتِ اني لأرميكـ في بيت اهلكـ المره اللي ماهي متربية ما تلزمني..!! البتول تصارخ عليه : ايه هذا اللي تبيه .. تبي تطلقني عشان ترجع لـ زوجتكـ الله يأخذها هي و بنتها.. تبي تقهرني..!! انصدم تدعي على بنتة..!! بنتة اللي عمرها ثلاث شهور و كم اسبوع..!! شد شعرها بقوة و هي تصارخ : ما لقيتي تدعين غير على بنتي..!! ويش سوت لكـ عشان تدعين عليها..!؟ البتول تبكي : اتركني الله يكسر يدينكـ .. اتركني..!! عماد تركها بـقوة حتى تتقدم كم خطوة مبعده عنه : غيرتكـ من وعد تخليكـ تدعين علي بنتي..؟! و الله ان سمعت طاريها على لسانكـ بالشينة ما تلومين الا نفسكـ .. البتول : كل ذا عشانها ..؟! عشانها بنتها .. ما تفكر انت ويش سويت لي..؟! انا تزوجتكـ و كني متزوجة جدار.. وقتكـ كله ماهو لي.. مقسمة بين شغلكـ و طليقتكـ .. تقولي انكـ رايح تشوف بنتكـ و تحسبني غبية ما اعرف انكـ تشوفها.. مو بعيد تكون مرجعها و انا احسب انكـ لي لحالي..!! عماد : مليون مره قلت لكـ طلعي وعد من راسكـ .. انا طلقتها و قضينا من ذا الموضوع .. و انا لما اروح هناكـ اروح عشان بنتي و بس.. لساتها صغيرة و الطلعة من بيت جدها ماهو امان لها .. لا كبرت اقدر اجيبها و اوديها لكن الحين لا لساتها صغيرة .. لكن مخكـ الصغير مخليكـ تحطين راسكـ بـ راسة وحده انا مطلقها من زمان .. و هذا كله ما يغفر لكـ سواياكـ .. (رفع صوتة الحاد عليها) تطلعين من بعد ما اطلع و ما ترجعين الا بالليل قبل لا اجي.. مستغفلتني و كني مدمغ عندكـ تضحكين علي على اساس ما طلعتي من البيت.. و انتِ هايتة من مكان لـ مكان.. البتول : مالكـ حق تحاسبني و انت تاركني.. ما يحق لكـ تحبسني و كني نعجة عندكـ .. عماد آشر على نفسة : مالي حق..!! من اليوم اللي رضيتي فيه تزوجني لو اني ما ادري عنكـ شيء انتِ ملزومة تحفظيني بـ غيابي مثل حضوري.. مو قدامي ملاكـ و من وراي شيطان..!! البتول : ما ابيكـ .. طلقني ما ابيكـ .. الله يأخذني انا اللي وافقت على واحد معقد قلبة مرمي بالشارع كل من مشى داس عليه..!! اولهم بنت عمتكـ انهار ثم الحقتها بنت عمتكـ وعد..!! انصدم من كلامها..!! تدعي على بنتة..!! و الحين تهينة في عمق مشاعرة.. ويش الجريمة اللي ارتكبها يوم خلّى حبة على الملا.. ويش الذنب اللي تعلق فيه لما ما خبّى مشاعرة عشان يستغلون حبة اللي ما لقى اللي يوفي له و يهينونة فيه.. الحين عرف ليش مجتمعنا يخبون حبهم بـ قلوبهم.. عشان ما ينحطون بـ نفس مكانة و يعتبرون الحب اهانة..!! الحب خوف..!! الحب ضعف..!! الحين عرف ليش ما احد فيهم يعترف للكل انه يحب فلانة .. لأن ما احد فيهم بـ يقدر قدسية هالمشاعر بـ قلوبهم.. ما احد بـ يحس بـ حساسية الموضوع بالنسبة لهم.. ما أحد بيقدر انه يحب او كان يحب و بـ يدوسون عليه و ينتهكون كرامتة.. كانت عيونها معلقة عليه بعد ما نطقت جملتها و هي تشوف عيونة مصلبة بالفراغ.. و كأنها داست على عمق أعمق من رجولتة.. عماد : لو ارجع صلاة العشا و القى شيء لكـ هنا تأكدي ان اهلكـ بـ يصلون عليكـ الفجر.. أنتِ طالق.. ضربت خدودها بـ نحيب من فجيعتها عماد طلقها..!! يمشي قدامها بـ يطلع مو بس من جناح جمع حياة باردة بينهم بـ يطلع من حياتها كلها.. تمسكـت بـ ذراعة قبل لا يطلع تترجاه : انا آسفة و الله آسفة خلاص ما راح اطلع بـ اقعد بالجناح احبسني هنا بس لا تطلقني.. عماد نفض يده بـقوة و طاحت : ما تلزميني.. طبع الباب وراه بـ قوة يرسل لها تحذير من وراه.. انكمشت على نفسها ماهي متخيلة انها صارت مطلقة..!! مطلقة من عماد اللي تعلقت فيه من هي صغيرة رغم انها كانت تدري بـ حبة لأنهار اللي كان ما يستحي منه و يجهر فيه.. يمكن عشانها كانت تحس انه ما بـ يوم بـ يكون لها و كل ممنوع مرغوب تعلّق قلبها فيه و اشقاها.. ردت خطّاب جوها عشانة.. و لما خطبها الثانية وافقت بدون تفكير او استخارة.. جاها حبيبها اللي انتظرتة و تخيلت معاه حياة وردية مثل أي بنت تنتظر شخص من زمان و يخطبها.. كيف لو كان هالشخص قربة شبة مستحيل..!؟ لأنه كان يحب و تزوجت اللي يحبها و كان رافض الزواج و بعدها فجأة تزوج..!! تعرف ان هي مالها أي مكان في حياتة.. لكنه جاء و خطبها و وافقت..!! وافقت وهي تدري ان عنده مره.. بس عشان قلبها و عشانه ما ردتة.. صار لهم ثلاث شهور و طلقها.. وقفت لفت طرحتها على راسها و تلثمت سكرت اول ازارير عبايتها و طلعت من جناحها ما فيه الا خالتها توقف معاها.. هي املها الوحيد.. المستشفى.. جود تبكي : ما ابي اجلس هنا طلعني.. ابو سعود : يا أمي ابي اتطمن عليكـ .. الدكتور ما كتب لكـ خروج للحين.. جود تضرب فخذها : ابي اطلع .. ابي اروح بيتنا.. مسك يدينها و ضمها لـ صدرة : لا تبكين يا روحي.. خلاص بـ اكلمة يطلعكـ بس اهدي.. وليد : يبه ما يصير خلّها لين تحسن حالتها.. لفت على وليد تصرخ عليه : ما ابي اقعد ما ابي..!! مسك يدينها و ظهرها على صدرة : خلاص لا تبكين.. انا قلت لكـ بـ اكلم الدكتور بـس اهدي.. ام احمد : استغفر الله ماهي حالة هاذي من صحيتي و انتِ تبكين.. ما يصير اللي تسوينة بـ نفسكـ .. ابو سعود : خلاص خلوها.. انا بـ اروح اشوف الدكتور يكتب لها خروج.. جود تشهق : ناده هنا لا تروح.. لا تخليني.. ابو سعود احتار معاها..!! : طيب .. وليد قوم ناد لنا الدكتور.. وليد : يبـــه..!! ابو سعود بـ حدة : وحطبة.. لا قلت لكـ شيء لا تجلس تراددني.. وليد وقف : ان شاء الله.. طلع وهو متنرفز للحين حضرتها ما حكت مين اللي مسوي فيها هالسواة.. و ابوه جالس يجاريها.. و هو منقهر وده يقلب الموضوع تحقيق.. جلس يحوس بالممرات ما يدري وين ممر الدكتور.. لين نزل للـرسبشن بالدور الأرضي.. شاف عمة و عمر طالعين.. ابتسم بإستهزاء : هاه يا عريس..!! عمر التفت عليه : ترى فيني شدة اكفخكـ .. وليد : ما ظنتي.. لأنكـ لو قربت مني ملكتكـ الجديدة بـ تصير هنيا زين ما كانت بالعناية.. عمر : احسن لكـ اتقي شري.. تراها قافلة معي.. وليد : عساها من ابو المدام..؟! ههههههههههههههههههههههههههههههههههههه.. عمر : كل تبن .. يالله يبه نمشي.. ابو عمر : ويش اخبار اختكـ ..!؟ وليد عفس وجهة : رايح ادور الدكتور بـ يطلعها ابوي..!! عمر : ما قالت لكم مين..!؟ وليد : للحين .. (يحول الموضوع) الا وين بـ تعشى يا عريس بـ بيت ابو المدام و الا هنا..!! عمر : انت شكلـكـ حالف اني اسفل فيكـ الليلة.. ما ابي اخرب كشختي على خشتكـ بس خلني اصطلب ان ما وريتكـ شلون تتريق علي..!! لف عمر و اعطاه ظهرة .. وليد يتكلم بـ صوت عالي ومو مهتم انهم بـ مستشفى : من هنا لين تصطلب تكون بـردت مالها طعم.. لف وليد و لا كأنه يحاول يستفز عمر.. اللي اساساً متنرفز.. عمر : يارب ان الصبر و المعونة منكـ .. ابو عمر : ايش بلاكـ انت..!؟ عمر : ما فيني شيء.. ابو عمر : علي هالحكي..!؟ عمر يفتح باب السيارة : ويش بـ يكون فيني..؟! ابو عمر ركب مكان السايق : يمكن زعلان عشان غازي هاوشكـ و عطاكـ كلمتين بالعظم..!! عمر يناظر الشباكـ : مقدّر موقفة يبه.. من حقة يزعل.. بس هو لو يحط نفسة بـ مكاني و يعرف اني ما سويت كل شيء الا عشان بنتة ما شرط علي شرطة..!! ابو عمر شغل السيارة : و هذا اللي منرفزكـ شرط غازي..!؟ (ابتسم وهو يحول الموضوع لـ جهة ثانية) ما تقدر تصبر عنها..؟! عمر : تشوفها زينة يزوجني اياها وما يعطيني اياها..!؟ زينة يعني..؟! ابو عمر : من حقة يزعل.. كان المفروض تفهمة بـ اول يوم جبت فيه بنتة.. و علمتة السالفة كلها من طقطق لـ سلام عليكم.. عمر : ما امداني يبه.. انا عندي شغل قد شعر راسي .. ليش هو ما يقدّر اللي انا فيه..!؟ ابو عمر : خلها فترة و روح له.. يمكن يكون طاح الحطب.. عمر : يعني تهقى بـ يعطيني اياها قبل لا تولد..!؟ ابو عمر : قلت لكـ خلها فترة و نخلي عمكـ يتوسط لكـ عنده.. حتى عمكـ ماهو فاضي لنا هالحين.. و غازي عقلة ماشاء الله يوزن بلد هو بس يبي يأدبكـ على سواتكـ .. هذا هو زوجكـ البنية و الناس كلها بـ تدري ان زواجكم الإسبوع الجاي.. عمر متنرفز : زواج من غير عروسة..!! عرس رجاجيل ويش الفايدة بـ اتعب و اسلم و اروح لبيتي لـحالي..!! ابو عمر : عمر لا تضيق خلقي.. انت اخطيت و تحمل نتيجة خطاكـ .. عمر يناظر ابوه : انتم تشوفوني مخطي و انا ما اشوف هالخطأ .. بس ما احد فكر يحط نفسة مكاني.. يبه ما كان بـ يخليها الرئيس تطلع.. ما رضى الا يوم درى انها حامل يبي يقهر ابوها فيها.. ما ابي اخليه يحس اني دنيء و خسيس و قهرتة بـ بنتة بغيت اخذها لـ بيتي بعدين اعلمهم انها حامل.. ما ادري ويش خلاها تقول لأبوها.. ابو عمر : و ليش ما تفكر من وجهة نظر غازي..؟! يمكن يحس انكـ انت ملزم نفسكـ بـ بنتة عشانها حامل.. و تبي تأخذها و انجبرت عليها .. و شرطة بس عشان يتأكد انكـ تبيها من طيب خاطركـ .. عمر : ما ادري يبه.. اللي ادري به انه لو طول علي و نفذ شرطة بـ اروح اخطفها من بيتة.. ابو عمر اتسعت ابتسامتة : شكلها هي اللي خطفت قلبكـ من بين ضلوعكـ ..!! عمر صد بـ وجهة : يبـــه..!! .. بيت ابو سعود.. جمعة حريم ابو سعود و امه و اختة لطيفة.. ام سعود : سعود قال بـ يحضر الملكة و يرجع.. ام عبدالرحمن : زين ما اختار عمر .. غازي ماشاء الله مربي بناتة عدل.. ام حاتم : الله يوفقهم.. بس مو كنهم مستعجلين بالعرس الإسبوع الجاي.. ام عبدالرحمن : وشولة يتوخرون فيه..؟! .. وين البنيات اليوم ما شفتهن.. حتى ندى جات و رقت فوق ..؟! ام سعود ابتسمت : شكلهن خايفات من ابوهن لا يجي بـأي وقت و يهاوشهن.. هالأيام ابو سعود بس معصب.. ام عبدالرحمن : و الله ان هن اللي يعصبن فيه و يخلنه يهاوشهن.. ام سعود بـ هدوء عشان ما تعصب عمتها : الله يصلحهن.. لطيفه : ليش ويش مسويات بناتة..؟! ام عبدالرحمن : و الله انهن قاهرتني.. بس يجي ابوهن لا افطنة عليهن.. ما يختشن.. ما عاد في وجيهن سحا..!! انفتح الباب.. دخل ابو سعود و معة جود و وراه ام احمد و وليد.. : السلام عليكم.. وقفوا كلهم عدا ام عبدالرحمن.. باس راسها ابو سعود : ويش حالكـ يا اميه.. بعدها جود اللي دنقت بـ صعوبة عشان الجرح باست راس جدتها و وقفت.. لطيفة تسلم على اخوها و تبوس راسة : الحمدلله على سلامة بنيتكـ يا اخوي.. ابو سعود يبوس راسها : الله يسلمكـ .. بعدها جود سلمت على خالاتها و وراها وليد اللي باس راس كل وحده فيهن.. وليد يناظر جود : تبين أطلعكـ فوق..!؟ جود : لا .. بـ أقعد مع بابا.. جلس ابو سعود و جلست جود جنبة.. يده على كتفها .. واضح انها خايفة.. ام عبدالرحمن : خلها تقعد معانا وشولة ناشبن في حلقها..؟! وليد جلس مقابل جدتة : على امركـ يالغالية.. بس قلت يمكن تبي ترتاح تأخذ شور أي شيء.. ام حاتم وقفت و سحبت الثلاجة و الفناجيل و وقف وليد و اخذ منها الثلاجة : عنكـ يا خالة.. استريحي.. ام حاتم ابتسمت : الله يرضى عليكـ .. جلس يمين ابوه على الأرض و صب له فنجال : تقهوى.. ابو سعود يأخذ الفنجال : تسلم.. لطيفه : ما انت رايح ملكة عمر..؟! ابو سعود : لا .. اروح له بكره نتطمن عليه و نباركـ له مره وحده.. (يناظر حريمة) العيال راحو..!؟ ام حاتم : ايه كلهم راحوا الا مشعل.. ابو سعود يمد فنجالة على وليد : ليش إن شاء الله من زود المذاكرة..؟! وليد اخذ الفنجال و عيونة على الفنجال و يصب لأبوه : قالي ان عنده اختبارات صعبة هالإسبوع و بـ يشد حيلة.. ابو سعود يأخذ الفنجال من وليد : ايه مبينة ماشاء الله الفلاحة.. ام احمد : و الله انه ماهو مقصر.. و شاد حيلة و كل ما دخلت عليه وهو كتابة بـ يدة.. ابو سعود : ما ضيعة غير الدلع.. هو و غيره.. وليد بـ ثقة : الحمدلله يبه و الله ما احنا ضايعين.. عارفين ربنا و ديننا و حدودنا.. احنا نعمة مع غيرنا.. ابو سعود : ويش قايلكـ بالمستشفى..؟! (تحول صوتة لـ الحدة) ما قلت لكـ لا تراددني..!؟ وليد من غير لا يناظر ابوه : ان شاء الله.. ابو سعود : تراني ما نسيت لكـ اللي سويتة امس .. شوف نتايج فعولكـ ولد عمكـ تصاوب..!! كنكـ بزر مخة صغير ما يفكر..!! رايح للنار بـ رجلية ما يدري عن خطورتها.. و الله لو غازي ماهو ناوي عليكـ انت و اياه و الا كنت أدبتك على فعلتكـ هاذي..!! ام احمد فزعت من حكي زوجها : وين رحت يا ابوي..!؟ ويش مسوي انت..!؟ وليد ناظر امه : ما سويت شيء يمه.. (وقف) عن اذنكم.. طلع قبل لا يسمع ردهم .. تمنى انه طلع من اول ما دخل البيت.. ليش يجلس حتى يسمع تهديدات..!! ام عبدالرحمن : ويش له وليد بـ عمر..؟! ابو سعود : شغل يمه شغل.. (لف على اختة يحول الموضوع) ويش اخبار عيالكـ ..؟! لطيفه ابتسمت : بخير ينشدون عنكـ و الله مها كانت بتجي معاي بس اني قلت لها يمكن ما تكون فيه.. ابو سعود : من زمان عنها ما كن عندها خوال تسلم عليهم.. جيبيها معاكـ المره الجاية.. لطيفه : ولا يهمكـ ان شاء الله بـ اجيبها.. و على طاري عيالي انا بغيتكـ بـ موضوع ادري انه ماهو حزتة بس دام عمر مملكـ الليلة مع هالظروف ما يمنع افاتحكـ بالموضوع.. ابو سعود رفع يده من كتف جود : امري يا خية.. لا تنتظرين و تقولين ماهو حزتة اطلبي اللي تبينه متى ما بغيتي.. لطيفه : ادري بكـ ما تقصر.. ثامر يا عوينتي توظف وهذا اول شهر له .. و يبي يحدد عرسة اخر شهر ثمانية.. ابو سعود : دانه بنتكـ يا لطيفه .. فصلوا و احنا نلبس.. لطيفه ابتسمت : الله يرضى لي عليكـ .. و الله بـ يفرح بهالخبر.. خلاص بـ نشوف لنا حجز و نشاوركم ان كان مناسب لكم.. ابو سعود : من غير لا تنشدين لو تبونه الإسبوع الجاي انا موافق.. احجزوا و بلغونا.. ما تنكر جود رغم تعبها الا انها تنرفزت..!! الإسبوع الجاي..؟! و احجزوا و بلغونا طيب يمكن ما يناسبهم..؟! ناظرت امها واضح مو عاجبها لكنها ساكتة.. دام ابو سعود حكى ما احد بيرد عليه الكلمة و يثني شورة.. ابو سعود : اجل وين البنات ما شفت احد منهن..؟! ام عبدالرحمن : مندعسات فوق .. و الله يا بناتكـ يبي لكـ تربيهن من جديد..!.؟ ابو سعود لف على امه : مين..؟! ام عبدالرحمن بـ حدة : وعيد و اختها.. ما يستحن على وجيهن هالثنتين..!! ابو سعود : ويش ضايقنكـ فيه..!! ام عبدالرحمن بـ حدة : هاذيكـ تبلع حبوب ما تبي لها ولد و الله اني بغيت اهد لها فمها بـ عصاتي.. يراددني ثنتينهن و يطولن لسانهن علي قليلات الحيا.. ابو سعود : افــااا متى صار هالحكي..!؟ ام عبدالرحمن : البارح.. ذيكـ اتصلت على رجلها و ذلفت و هاذي اندعست بـ غرفتها و ما عاد شفتها من وراها عرفت خزوتها.. ابو سعود وقف : ولا يهمكـ انا اتفاهم معاهن لا تضايقين خلقكـ .. باس راس امه و مشى بإتجاة المصعد.. في الدور الثالث.. وليد : ماشاء الله مجتعين..؟! مشعل : توني نازل.. انت جاي من الملكة..!؟ وليد : لا .. كنت بالمستشفى .. جود طلعت.. ميار : بابا جاء و الا راح الملكة..!؟ وليد : تحت..!! ما خلص كلمتة الا الثلاثة انحاشوا .. مشعل طلع فوق و دانه و ميار كل وحده لـ غرفتها.. وليد و وعد و ندى و سها انفجروا ضحكـ عليهم .. وعد تبوس يدها وجه و قفى : الحمدلله و الشكر.. وليد : هههههههههههه اقسم توحف ويش عندهم انحاشوا..؟! سها : امس وكلهم تهزيئة و تهديد.. وليد يمد رجولة : عادي انا توني ماكل تهزيئة طازة.. (ناظر ندى) ليش ما حضرتي ملكة بنت زوجكـ ..؟! ندى : هي عشاء رجال بس.. يعني مو ملكة كبيرة و حريم و كذا.. سها : غريبة فجأة عمر يخطب لينا..؟! مو بس يخطب يملكـ بعد..!! وعد : فعلاً غريبة وحتى وهو توه له اسبوع من جاء من السفر..!! وليد : لا تشغلين نفسكـ انتِ و اياها بـ غيركن.. (يمد يدينة) عطيني بنتكـ .. وعد حطت يدها على بنتها بـ حضنها : لا تكفى ما حسبت انها تنام.. و الله جننتني..!! وليد : بس ابي ابوسها.. ماني مزعجها.. وعد : لا لا صحت بوسها زي ما تبي.. الحين خلها تهجد عني.. : ماشاء الله ويش هالجمعة..؟! وقفوا كلهم وعد بعد ما نزلت بنتها على الأرض .. و حتى وليد وباسوا راسة.. ابو سعود يناظر وليد : طلعت فوق عشان تجلس هنا..؟! وليد : شفتهن مجتمعات قلت اتونس معاهن شوي..!! ابو سعود جلس على الكنب و ناظر وعد اللي جالسة على الأرض جنب بنتها و تغطيها بـ مفرش صغير : ويش انتِ قايلة لأمي..؟! وعد رفعت نظرها له : ويش قلت..؟! ابو سعود : انا انشدكـ مو انتِ اللي تنشديني..!؟ ويش قايلة لها و مزعلتها..؟! وعد : ما قلت لها شيء يزعلها..!؟ ابو سعود : يعني امي تلفق عليكـ ..؟! امي ما خرفت يا وعد..!! مطولة لسانكـ عليها انتِ و اختكـ ..؟! وعد : بابا و الله... ابو سعود قاطعها بـ حدة : لا تحلفين يا وعد.. لا تحلفين طفح الكيل منكـ ..!! وليد تنرفز : يبه طيب اسمع منها..!! ابو سعود صرخ على وليد : و لا كلمة انت دام النفس طيبة عليكـ ..!! وعد ناظرت وليد الواقف يمينها و بعدها التفتت على ابوها : طيب انت اسمعني.. و الله ما قلت لها شيء غلط.. هي كانت تحكي عن الأحفاد.. و قالت ان بنتي ماهي حفيدتكـ .. البنت و حفيدتها ما تفيد اهلها بشيء.. و انا قلت لها مو شرط فيه بنات كثير يقومون بـ أهاليهم و عيال عاقين فيهم ليش تعمم ان كل العيال و عيالهم صالحين و كل البنات و عيالهم طالحين..!! ابو سعود : و هي صادقة..!! جرحها..!! بعد ما كانت تناظرة دنقت..!! و هي صادقة يعني بنتها ما تعني له شيء..!!! ابو سعود يكمل : الى متى بـ اقدركـ و تزعليني..!؟ امي لو تقولكـ ارمي نفسكـ بالنار ما تهمسين لها حتى الهمس بـ ليش..؟! تنفذين .. اما تجلسين تطولين لسانكـ عليها ليش ويش حاسبة ان شاء الله..!؟ وعد شتت نظرها وهي تكلمة و تحركـ يدينها بـ عشوائية : ما حسبت شيء انا ما غلطت يا بابا.. الحكي اللي قلته حتى ما ينعد مرادد بس هي ماهي طايقتني..!! ابو سعود : حتى لو تسمعين لها و تنكتمين.. ما تراددينها بـ شيء حتى نظركـ ما ترفعينة لها..!! وعد ناظرتة : يعني هاذي ضريبة الطلاق..؟! ابو سعود : نعم..!! وعد : جدتي كارهتني من تطلقت.. ما تحن علي الا وقت ما تحس اني انكسرت.. من رجعت بنتي و هي تسفل فيني.. و انت بـ حكيكـ هذا تأيدها على كلامها .. ما يعني اني تطلقت بـ اكل تبن و اسكت عن كل من يحكي علي..!! ابو سعود بـ حدة : قومي اصفقيني ازين.. ما بقى الا تعلميني يا وعيد..!! و الله ما كذبت امي هذا انتِ جالسة ترادديني و تحطين راسكـ بـ راسي.. بس لأني معطيكـ وجه و مقدركـ تمديتي علي.. نسيتي من هو ابوكـ ..؟! ما ردت .. بنتها ردت عنها لما صحت و صاحت من صوت جدها.. وعد وقفت و شالت بنتها .. باست راسة : ما نسيت من هو ابوي.. لكن انت شكلكـ بـ تنسى ويش عاشت بنتكـ و وقفتكـ ضدها بـ تكون اول من يكسرها بعد ما جبرها.. مشت لـ غرفتها .. ما علق على كلامها.. فعلاً عيالة تمادوا.. كل مين ماشي على هواه.. تنهد وهو يستغفر بـ داخلة.. .. بيت سعد .. صبا : لا تحاول ماني راضية عنكـ ..!! عمر ابتسم : يا دلوعة لا تسوينها مصيبة.. ما صار شيء .. صبا : لا ما صار .. اصلاً انا زعلانة منكـ و من ياسر .. قهرني رايح الملكة و ما علمني..!! ابو عمر : تعالي من زمان ما جيتينا..!! صبا قامت و باست راسة و جلست جنبة : يا روحي انت خلاص كل يوم بـ أجيكم.. فيصل : لا تنغر يبه ترى الكلمة ماهي لكـ .. تشوفكـ ياسر..!! انقهرت منه مسكت الخدادية و رمتها عليه : قليل ادب..!! عمر ماسكـ ضحكتة على احراجها و يناظر فيصل : ليش تكلم عليها يا فيصل.!!؟ عيب عليكـ ..! صبا : قليل ادب ما كنه متزوج.. ما تستحي لو اني احكي على نهى ترضى..؟! فيصل : هههههه روحي قولي لها اللي تبين.. منكـ ما تستحي لو تطقين عندها.. صبا : كلكم قليلين ادب.. ابو عمر : بسكم عنها.. ام عمر حطت الصينية على الطاولة : هاه يا امي ما فيه شيء بالطريق تفرحينا..!؟ صبا حطت الخدادية على وجهها.. ودها تختفي من الجلسة .. عمر و فيصل : ههههههههههههههههههههههههههههههههه.. صبا تصارخ من وراء الخدادية : قليلين ادب لا تضحكون..!! ام عمر تناظر عيالها : ويش فيكم..؟! عمر : من جدكـ يمه تنشدين هاذي..؟! اتوقع لو تحمل ما تعلمنا و يمكن ما تجينا عشان ما نشوفها حامل يقالها مستحية.. صبا تحلطم ماهي قادرة تحكم بإحراجها : بابا شوفهم..!! ابو عمر : ويش تبيني اسوي فيهم..!؟ صبا نزلت الخدادية : ترى و الله اروح و ما عاد اجيكم..!! فيصل : تبينها من الله عشان ما تتركين ياسر..!! وقفت صبا : و الله لا اروح .. سحبت شنطتها و سحبها منها عمر قبل لا تأخذ جوالها و تتصل على ياسر : من جدكـ نمزح معاكـ .. ويش فيكـ ما تحملين شيء.. فيصل : شكلة من دلع ياسر لها صايرة حتى الكلام ما تحملة ههههههههههههه .. سحبت شنطتها من عمر بـقوة ورمتها على فيصل : طيب ان جيتكم مره ثانية قابلوني.. سحبت جوالها اللي طاح من الشنطة.. ابو عمر : كبري عقلكـ عنهم انهبلوا هالإثنين هذا مودع من رجع من برا .. و هالثاني من ملكـ امس و عمة حارمة شوفة زوجتة وهو يقط خيط و خيط.. فيصل : مشكور يبه ما تقصر.. عمر : جزاكـ الله خير .. هذا جزا اللي يشكي لكـ همة..!! صبا تلعب بـ حواجبها تقهر عمر : يا حرام ما شفتها..!! يمكنها شينة و توهق فيها..!! عمر ابتسم على براءتها..!! حافظها لو يبونة يرسمها رسمها : افااا ترضينها على اخيكـ الوسيم يتزوج وحده شينة..؟! صبا جلست : مين قال انكـ وسيم ..!؟ حرام البنت ابتلشت في بشاعتكـ ..!! عمر : طيب يا حمارة هذا الحكي لي..؟! صبا : تستاهل .. ما احد قالكـ تحكي علي..!! عمر : احسن لكـ لمي لسانكـ عني ترى اقولكـ كم كلمة اضمن بعدها سنة ما تجينا صدق.. صبا زعلت : تبيها من الله ما اجيكم.. طيب يا عمر ما عاد اني بـ جاية.. ياسر الحين يجي و افكـكـ مني..!! عمر : لا تحاولين تلعبين هالوتر ما عاد يأثر فيني.. ابو عمر يتريق على ولده : أي صار عندكـ اوتار ثانية تأثر فيكـ.. مكشوفة لـ ناس ثانين..!! عمر ابتسم يدري ان ابوه يقصد لينا : ما اقول اني غبي شكيت لكـ همي.. فيصل : ههههههههههههههه و الله شكل ابوي ماسكـ علي شيء ذالكـ فيه.. عمر : الغباء انا اللي معلمة.. يقولون تقرب من ابوكـ و صير صديقة..!! انا اقولكـ ابعده و خله ابوكـ و بس..!! صبا تناظر جوالها و رسالة ياسر ترد على رسالتها "أنا عند الباب يا روحي..!!" حمر وجهها بس عشان قرت هالكلمة..!! ويش هالسرعة اللي عنده توها راسلة له يرد عليها انها عند الباب..!! وقفت حتى تسحب عبايتها و اخوانها ما طافهم تغير وجهها.. ام عمر : وين يا امي ما شبعنا منكـ.. ما قد جيتينا و طولتي عندنا..؟! صبا : ياسر عند الباب.. عمر يلعب بـ حواجبة يرد لها حركتها : و الوجة الأحمر من ياسر.؟!! ويش قالكـ خلاكـ تصيرين طماطم خلينا نتعلم تراني غشيم و على باب الله.. لفت و اعطتهم ظهرها .. و عمر و فيصل يضحكون بـ صوت عالي حتى يزيدون احراجها.. ابو عمر : صايرين خبثاء.. ويش عندكم ناشبين لها.. صبا لفت طرحتها .. و اتجهت لأبوها و باست راسة و يده.. و باست راس امها و يدها .. و ناظرت اخوانها : ما تستاهلون اسلم عليكم.. مشت و طنشتهم.. فيصل : قولي انكـ مستعجلة على شوفة ياسر مشتاقة له حتى ما تبين تسلمين علينا عشان ما نأخركـ ..!! عمر : بـ ارسل لـ ياسر اعلمة انكـ مشتاقة له عشان المره ثانية تحرمين تطنشينا..!! ماسكة الباب و تناظرهم منقهرة..!! تتخيل عمر راسل لـ ياسر يقولة انها مشتاقة له..؟! يسويها عمر ..!! راح تبكي منهم ..!! ليش كلهم كذا ما يراعونها..؟! ياسر من جهة و هالإثنين يحرجونها من جهة..!! حتى عمر الرزين منهبل عليها..!! : مع السلامة.. نزلت نقابها و فتحت الباب و طلعت.. : مع السلامة.. ابو عمر يناظر عيالة : خفوا عليها تراها ماهي ولد مثلكم.. تمزحون معاها كذا.. عمر : قلتها يبه نمزح عادي.. ابو عمر : لا ماهو عادي.. و الله تسويها و تطول عنّا ما تجينا اذا بـ تستقعدون لها.. كل واحد عنده مره يروح لها يحرجها زي ما يبي و يتركـ بنتي على جنب..!! عمر : انا مسكين لو اني اقدر اروح ما ترددت.. بس عاد الشكوى لله.. ابو عمر : تستاهل اول كنت بـ اوقف معاكـ الحين ماني واقف ما احد قالكـ تحرج اختكـ .. عمر : يبه تراني ولدكـ الكبير.. ام عمر : انت ويش فيكـ يا ابوي كنكـ انهبلت.. و الله متغير من رجعت من هالسفرة و انا حاسة ان بكـ بلى..!! فيصل : انا بـ اروح اسهر مع الشباب.. تأمرون على شيء..؟! ابو عمر : لا تطول.. و جوالكـ حطه بـ مكان فيه ارسال.. فيصل : يمكن المنطقة كلها ما يكون فيها ارسال.. ام عمر : اجل لا تروح لها .. تكفى يا ابوي لا تخلي قلبي يغلي على نار.. فيصل : يمه ماني رايح لـ حالي بـ اشوف الشباب .. و يمكن اسهر للفجر و ارجع.. انتِ نامي و لا تنتظريني.. انتبهي بس لـ ولدكـ التعيبان.. عمر بـ حزم : لا تحول الموضوع علي.. امي صادقة منطقة ما فيها ارسال لا تروح لها.. ويش تبي تروح لـ ديار خالية لو انقطع فيكـم الدرب لأي سبب مين بـ يدري عنكم.. فيصل : يا هالفال الشين.. الله يرضى عليكـ ماله داعي تشلع قلوبهم على شيء ماهو مستاهل ماني طالع لحالي.. ابو عمر : فيصل لا تستهين بالموضوع.. يوم خربت سيارتكـ انت و ماجد من بكرة عرسكـ للحين ما راحت.. تخبر زوجتكـ ويش صار فيها..!! فيصل : يبه الله يرضى لي عليكـ انتم مكبرين الموضوع.. الواحد ما يصير يتشائم و يتطير يتوكل على ربه هو الحافظ .. لو ربي كاتب يصير لي شيء بـ يصير لو اني بـ وسطكم.. عمر : الأخذ بالأسباب يا فيصل لو انكـ بيننا بـ يكون عندنا علم و نتصرف بس لو انكـ بـ ديرة مقطوعة مين بـ يدري عنكـ .. فيصل : استغفر الله العظيم .. حتى انت صفيت معاهم.. ام عمر : لا تغضبني .. تكفى يا فيصل.. فيصل : ان شاء الله يمه .. و لا يهمكـ بـ اقعد هنيا حواليكم ماني مبعد.. .. بيت ابو عساف.. سهاد ترتجف : خايفة و الله.. عساف : يا بنت الحلال ماهو مأكلكـ .. سهاد : قولة ما ابي اشوفة خلاص.. عساف مسكها من عضدها : حلوه ما تبين تشوفينة انا ناديتة عشانكـ و عشانة.. شيء من حقكـ و حقة.. سهاد مسكتة : الله يخليكـ و الله بـ اطيح عساف ماني قادرة اوقف على رجولي.. عساف تنهد : هاذي كلها وساوس بـس تخطين اول خطوة بالمجلس و تجلسين بـ ركازة بـ تروح .. رجال زيه زي غيره ما يخوف.. شدها و فتح الباب قبل لا ترفض.. دخل وهو ماسكة و هي لفت وقفت وراه ماهي قادرة تطلع عساف ماسكها.. اما سلمان متوتر .. استغرب من طلب عساف الصباح انه يسير عليهم اليوم لحالة و قالة يكشخ قالها وهو يضحكـ .. ولما جاهم بعد المغرب تفاجأ بـ عساف يقولة يبيه يشوف اختة و اختة تشوفة.. ما ينكر كان وده بـ هالشيء بس استحى يطلبة من عساف.. وقف.. سحبها عساف من وراه بـ يدة اليسار و وقفها جنبة سكر الباب بـ يده اليمين.. مشى و هي تمشى معاه لا شعورياً.. : استريح يا سلمان.. جلس سلمان وهو يحركـ رقبتة عشان يعدل شماغة.. جلس عساف و جلس سهاد يمينة..!! ناظر عساف سهاد شعرها مغطي وجهها ما رفعت عيونها من الأرض.. ابتسم سلمان من نظرة عساف.. عساف ناظرة : شوف الشعر بس الباقي مستخبي.. عاد انت و حظكـ يا تشوفة قبل ما تخلص الجلسة يا ما تلحق عليه لين العرس.. سلمان : شخباركـ سهاد.. ما ردت..!! ما فيه صوت.. ما تحس انها قادرة تنطق..!! يقولون ان الصوت يخرج من اهتزاز الأحبال الصوتية.. هي عاجزة عن اخراج صوتها.. عساف : سهاد ارفعي راسكـ .. خليه يشوفكـ .. كانت بـ توقف لو ما عساف شد عليها و حضنها همس بإذنها : بنت الرجال ما شاف شيء منكـ غير زولكـ .. يوم قلت لكـ على الشوفة كنتِ موافقة ويش اللي قلبكـ كذا..؟! كذا صارت مكشوفة له اكثر لأن وجهها جهتة بس شعرها مغطي وجهها .. مد عساف يدة اليسار و رفع شعرها عن وجهها .. همست بإحراج : عــســـاف..!! عساف ابتسم وهو يناظر سلمان : كويس سمعت صوتها ما كنت متوقع.. سلمان كان راح يطلق ضحكة لكنه ماسكـ نفسة اذا البنت مستحية كذا كيف لو ضحكـ ..!! عساف يناظر سلمان يبيه يتجرأ اكثر : هاه ويش رايكـ بـ عروستنا عاد هي حيوية.. يبي لها فترة عشان تعود عليكـ .. سلمان ابتسم : حيوية بـ زيادة.. متى تبونا نسوي العرس..؟! عساف يغمز لـ سلمان : ويش رايكـ بعد اسبوعين..!؟ سلمان : ما ينفع نبدرة اكثر..؟! عيونها اتسعت مع حكي عساف اسبوعين..!! و الصدمة زادت مع طلب سلمان .. رفعت عيونها تناظر الإثنين بـ صدمة.!! واضح انها ما انتبهت .. يبصم بالعشرة لو يسألها عن ملامح سلمان ما عرفتها.. سلمان اتسعت إبتسامة : شكلي بـ اخلية بكره الزواج..!! استوعبت انها تناظرة تخبت وراء عساف بـ سرعة و هي ودها تصفق نفسها و الإثنين يضحكون عليها.. دايم الرجال كذا ما يراعون خجل النساء و يقلبونة طقطقة..!! .. لا إله إلا أنت سبحانكـ إني كنت من الظالمين.. لا أحلل نقل الرواية دون ذكر اسمي.. هاشتاق #رواية_لو_سألتي_الورد ضحكة قهر.. http://up.graaam.com/img/23407876b74...eba11d9f14.pnghttp://up.graaam.com/img/c433481acf7...1de64fbad2.png |
رد: لو سألتي الورد وهو ما بين إيدك أقطعك بيقول لك عمري فداك الكاتبة / ضحكة قهر
بسم الله الرحمن الرحيم..
السلام عليكم و رحمة الله و بركاتة.. سوري سوري سوري على التأخير في البارت.. دايم الإجازات تحوسني حوس ماهو طبيعي.. و ينقلب وقتي كله .. يوم الجمعة بالليل قلت لأخواتي بـ انام حتى اصحى الفجر و اكتب البارت و انجزة ماني كاتبة منه الا 9 صفحات .. و طاح فيني الكسل بعد ما صحيت الفجر و رجعت نمت 10 الصبح و كل ما صحيت اصلي ابي اتنشط و انجزة لين قريب المغرب نفضت الكسل و اخذت شور و صحصحت و صدمتكم بـ تأخير الموعد.. ادري و الله يمكن تشوفون مالي عذر بس هذا اللي طلع بـ يدي.. و ان شاء الله ان البارت يعوضكم عن التأخير.. من المغرب للحين و انا ما تركت اللاب توب احاول أخلصة بـ أسرع وقت ممكن.. أبي أعلق على نقطة يمكن جاتني استفسارات كثير فيها .. الأعمار.. انا لما اكتب لكم مثلاً ندى على اعتاب 28 ما اقصد ان عمرها 28 بالضبط.. ممكن يكون عمرها 27 و 10 شهور.. ما راح اكتب لكم بالتفصيل الممل عمر كل واحد بـ شهورة .. لأني لما امشي شوي قدام و انتقل بالأحداث هالشيء بـ يلخبطني و يلخبطكم.. لأني اكيد اعمارهم بـ تزيد.. انا ما يهمني انكم تحفظون اعمارهم يهمني انكم تعرفون مين اكبر مين من مين و رغم ان هاذي حتى ما تسبب اشكالية في سير الأحداث الا ان كان لي هدف من وراها مثلاً زواج البنت اكبر من الولد و كذا .. عشان كذا خلوا لي سالفة الأعمار على جنب .. عيال ابو سعود الأكبر سعود ثم احمد خالد ياسر و حاتم كل واحد من ام ثم ندى نهى وعد مشعل وليد دانه و ميار و سها و جود و اخرهم فارس.. اغلب عيال ابو سعود اللي من سارة بينهم حولة بطن ما ادري حملة بطن ما ادري شيلة بطن نسيت ويش يسمونه ^_^.. بس يعني الوحده تولد و يمر نفاسها شهر تقريباً و تكون حامل و رجاءاً لا اشوف وحده مدرعمة تقولي ما فيه حرمة كذا ^_^.. سوري لـ كل الأشخاص اللي ما رديت عليهم سوا بالمنتدى او الآسك او التويتر.. مره انضغطت بـ وقتي و ما امداني .. اللي سألتني كم صفحة بالوورد اكتب .. من 40 الى 48 صفحة على حسب تحديد القفلة و الأحداث و هالأشياء هي اللي تحكم.. أخر شيء الله يحفظ بلادنا من كل شر..اللهم اننا استودعناكـ السعودية و أهلها .. مليكها و شعبها.. أرضها و سماءها.. اللهم من اراد بلادنا بـ سوء فـ رد كيدة في نحرة و أشغلة في نفسة.. "ياليتني عسكري في ساح ميدان لـ أكوي عروق الغدر من جذرها ما عاقني طبعي و لاهوب نقصان "بنتٍ" تحبك يالوطن من صغرها .." منقولة.. حيـاكم الله جميعاً و قراءة ممتعة.. البارت الستون.. بعيوني الدمع يا حزن الوداع العريق واللي جفتني وراحت ! همّها روحها وشلون ابتجاهل الذكرى ونفس الطريق اللي خذاني لها ودّاني جروحها ! لـ عبدالقادر متعب "رجف".. بيت غازي.. ندى : خفت منكـ تعصب.. قلت انتظركـ لين تجي.. غازي رمى مفاتيحة على الطاولة : عليكـ تفكير.. يا طخة يا اكسر مخة.. حل وسط ما عندكـ .. ندى : يعني ترضى ارجع مع نهى و فيصل..؟! غازي : لا طبعاً.. لانهم بـ يتعنون لين هنا على حسابكـ .. لكن فرضاً بيتهم قريب من هنا ما عندي مانع تجين معاهم.. ندى : طيب انت مو مخليني ارجع مع السواق و الشغالة..!! غازي : بعد لا.. ندى ضربت رجلها بالأرض منقهرة منه من البارح و هي منرزعة بـ بيت اهلها على حساب شغلة لا هي اللي نامت عندهم و لا هي اللي رجعت بيتها من بدري و ريحت : ليش تحسسني اني بزر..؟!! غازي جلس بـ هدوء و مروق و كيف ما يروق بعد ما صارت العصابة بـ يديهم و القضية قربت تنتهي و يصدر حكم رجال منصور و اولهم الصقر : ما حسستكـ .. اذا انتِ تحسين بـ هالشيء شيء راجع لكـ .. ندى بـ إستهزاء : لا صح ما حسستني اني بزر ابداً.. مكبر قدري ما شاء الله.. غازي : ويش مزعلكـ الحين..؟! ندى : انت عارف ويش مزعلني و تتجاهلة.. غازي : قلت لكـ كان عندي شغل ماني فاضي يا ندى.. ندى تعض شفايفها السفلية بـقوة لو فيه شيء قريب من يدها كان رمتة عليه من قهرها ..!! بدت تفقد عقلها مع الحمل : صح من دقيت عليكـ 12 لين الفجر ما لقيت وقت ترد على اتصالاتي..!! حرام مره مشغول..!! غازي مد لسانة لزاوية فمة و فرد يدينة على الكنب و رفع رجلة اليمنى ع اليسرى : ليش تشكين بـ شغلي..؟! ندى لما حست بـ نبرتة و كأنه ماسكـ نفسة لا يعصب عليها : ايش تقصد..؟! غازي : انتِ اللي ايش تقصدين من وراء حكيكـ ..؟! كنكـ مكذبتني..!! ندى : ما كذبتكـ بس انت.. انت مو راحمني.. غازي نزل رجلة و سند يدينة على فخذة.. و يصر على أسنانة : ليش مكفخكـ صبح و مساء..!! ندى : ما تبيني اروح مع اخواني و لا تبيني اروح مع السواق و انت تتأخر علي.. وقف غازي و تقدم لها حتى تتراجع و قبل ما تبعد اكثر مسكـها من معصمها دب الرعب بـ عروقها تمنت انها ما تذمرت و لا قالت شيء بس هي منقهرة منه تتصل عليه طول الليل و لا يرد عليها و مشعل قالها اوصلكـ بس ما تبي ترجع معاه و يعصب عليها غازي : روحة مع السواق تنسينها و اخوانكـ ما أبيهم يتعنون عشانكـ انتِ ملزومة مني مو منهم طلعت من وجيهم و صرتي في وجهي.. و اتأخر عليكـ هذا شغلي ما اقدر اتحكم فيه و يجي على مزاجي.. حاولت تسحب يدها من يده لكنه شاد عليها بـ قوة نطقت بـ تردد : طيب انا مقدّرة شغلكـ .. قاطعها بـ حدة : لا ما انتِ مقدّرة لو مقدّرة كان رعيتي اني جاي تعبان و ما فتحتي معاي موضوع انتِ عارفة رأيي فيه.. بس تبين تضايقيني..!! قاطعتهم صوت لينا : احم احم..!! التفت على بنتة.. بعد ما تركـ يد ندى : هلا.. لينا ابتسمت بـ خبث : قلت انبهكم اخاف تهورون..!! ندى تراجعت وراء بـ إحراج .. غازي قرب لها : لا و الله ما تستحين على وجهكـ تقولين هالحكي لأبوكـ ..؟! لينا : ويش قلت غلط.. صدق اخاف تهاوشون قدامنا عيب كبار و يتهاوشون..!! اذا انت فهمت شيء ثاني كيفكـ ..!! غازي جلس و جلست جنبه لينا : ويش مسهركـ ..؟! و الا نايمة بدري..؟! لينا : لا ما بعد نمت جايني ارق.. من جيت هنا ماني عارفة انام عدل..!! غازي يهز رأسة : من جيتي هنا..!! ويش اللي مأرقكـ عندنا و الا تعودتي على شيء فقدتية عندنا..؟! لينا توترت من حكي ابوها و كأنه حاس بـ شيء : لا بس هناكـ لأن ما عندي احد و لا شيء يسليني كنت انام غصب لكن هنا ما ادري ماني قادرة اطول بالنومة.. غازي يأيدها : اهـــا.. ريما نايمة..؟! ندى : عن اذنكم.. غازي بـ حزم و هو يناظرها معطيتة ظهرها بـ تطلع : افطري قبل لا تنامين.!! ندى التفت عليه : مو مشتهية.. غازي : عادي اغصبي نفسكـ ماهي قضية.. كلي عشان اللي بـ بطنكـ .. كان ودها تضربة من جد هالمره .. متنرفزة هذا همة اللي في بـطنها طنشتة و طلعت.. ما طافتة حركتها انها عناد و بس..!! التفت على لينا : قلتِ لي ريما وين..؟! لينا مبتسمة : ما قلت لكـ وين انت نشدتني نايمة و ما وهلتني ارد..!! غازي ابتسم : طيب الحين ردي.. لينا تنهدت : بالمطبخ تسوي لها قهوة..!! غازي : نامت..!؟ لينا : طلعت من عندها الساعة اربعة قالت بتنام.. و لما طلعت من غرفتي بعد ما صليت لقيتها بالمطبخ تقول ما نامت بـ تكمل مادتها.. غازي : يبي لي اشيل كتبها عنها.. ما تفهم كلامي.. لينا : يعني يا بابا لو شلت كتبها بـ تنام او ترتاح..!؟ بالعكس بـ توترها وما راح تريحها.. غازي : ويش اسوي معها.. جننتني.. لينا : هانت اخر ترم و تعدي ان شاء الله.. : صبــاحوو.. قربت منه تبوس راسة و باست خد لينا.. غازي : صباح النور.. جلست على الطاولة مرهقة ويش عندكم تحشون بـ مين..!؟ لينا : انا يوم دخلت عندكـ ما كنت تسوين قهوة عربية..؟! ريما تشرب من كوبها : ايه.. لينا : و ذا اللي بـ يدكـ وشو..؟! ريما تهز رأسها لليمين و تناظر لينا بـ طرف عين : ممكن ما تدخلين..!!!! غازي يناظر كوب القهوة السوداء بيدها اسبريسو .. سحب منها الكوب بـ قوة : تبين تقضين على عمركـ انتِ..؟! ريما : بـــابـــا..!!! غازي : و لا كلمة .. لو اشوف هالقهوة مره ثانية بـ يدكـ ما تلومين الا نفسكـ يا ريما.. ريما : بابا رجــاءاً .. قاطعها غازي بـ حدة : انتِ ليش صايرة ما تسمعين الكلام..؟! يالله اشوف على غرفتكـ و نامي لو اطلع بـ أي وقت و ما القاكـ نايمة يا ويلكـ .. ريما : من شوي صحيت.. ما فيني نوم.. امال : ايش فيكم ..؟! غازي نزل الكوب على الطاولة : امال لا تخلينها على راحتها.. مسوية لها نوعين قهوة و تشرب من ذا و من ذا تبي ترفع ضغطها و ضغطي معاها.. امال بـ يـأس : و الله تكلمت معها لين انبح صوتي و لا تفهم الحكي.. ويش تبيني أسوي فيها..!؟ ريما : يا جماعة انتم معقدين الموضوع انا ما فيني نوم و ابي اذاكر و ابي شيء يروقني بس عشاني اخذت لي غفوة و قافلة اخلاقي.. غازي : روحي كملي غفوتكـ لـ الظهر و بعدها تفتح اخلاقكـ .. ريما : ما فيني نوم مو غصب..!! غازي : و انا ما ابيكـ تشربين قهوة.. فاهمتني..؟!! ريما بـ قهر من ابوها : اجل و الله لأروح بيت عمي عامر.. غازي رفع حواجبة : جربي روحي عشان احش رجولكـ .. ريما تناظر لينا و تحط حرتها فيها : كله منكـ انتِ اللي قلتي له.. و فطنتية على شيء غافل عنه.. غازي : خيـــر ان شاء الله بقي تضربينها قدامي..!! ريما : مالها دخل فيني.. ما يخصها ان شاء الله اذبح نفسي قدامها.. غازي : لا و الله حلوه هاذي مالها دخل فيكـ ..!! اختكـ يعني غصباً عنكـ تحترمينها.. انتِ اصلاً ما انتِ محترمتني انا و امكـ جالسين..!! ريما احسن لكـ عدلي من اسلوبكـ .. ريما : اعدل من اسلوبي..!! ما انت جالس تضايقني و تبيني ارضى شلون هاذي تجي..؟! غازي : ترضين غصباً عنكـ اللي يسمع حكيكـ يقول من زين اللي تسوينه بـ عمركـ .. روحي شوفي شكلكـ بالمراية و تعرفين انتِ على صح و الا غلط.. ريما شدت شفايفها السفلية لـ جوه بـ قهر : انا ابي اجيب نسبة.. غازي : اللي يبي يجيب نسبة من اول السنة يشد حيلة عشان يرتاح بـ هالوقت.. مو تهيتين لي كل السنة و اخرها تذبحين نفسكـ بـ نفسكـ .. امال بـ هدوء : يا ماما اللي تسوينة بـ نفسكـ غلط.. هذا مو اجتهاد .. انتِ تهلكين نفسكـ و يمكن ما تجاوبين صح لأنكـ مرهقة و تعبانة.. لازم ترتاحين.. مو كذا لا تنامين عدل و لا تأكلين عدل.. ما احد بـ يطيح بالأخير الا انتِ..!! و لاكـ مهملة صحتكـ و دراستكـ .. ريما وقفت متنرفزة : طيب شكراً على اهتمامكم.. طلعت ريما .. و غازي ناظر امال : انتبهي لها.. ماني فاضي لها هاليومين.. امال : و الله كلمتها بس ما تسمع كلامي.. صايرة عنيدة..!! غازي نفخ الهواء من فمة : ما احسب اخلص من شغلي عشان تجي هي و تكمل الناقص..!! لينا : بابا هانت كلها اربع ايام هالإسبوع و ان شاء الله تعدي على خير.. غازي تنهد .. امال : شكلـكـ تعبان..؟! غازي : واجد.. الحمدلله على كل حال.. امال : اكيد بـ تتعب من من العصر و انت بالمكتب.. هلكت نفسكـ .. غازي : ما خلصت شغل بدري.. و رحت اتطمن على واحد من رجالي تصاوب.. و قبلها كنت مع ابو سعود.. بنتة الصغيرة بالمستشفى.. امال عقدت حواجبها : مين جود..؟! غازي : ايه.. امال : يمكن مهملة نفسها عاد هي عندها هبوط بالسكر.. غازي : لا مو كذا الموضوع.. وحده اعتدت عليها بالمدرسة و طعنتها.. اتسعت عيونهن من الصدمة..!! غازي يكمل : من الصبح ما احد فقد البنت غير المغرب و يوم لقيناها كانت نازفة واجد و مغمى عليها.. لينا : و كيفها الحين..!؟ غازي : الحمدلله سوو لها عملية و سيطروا على النزيف و سعود يقولي صحت بعد العملية.. امال : طيب ايش السبب اللي يخلي البنت تطعنها..؟! معقولة متهاوشة معاها..؟! غازي : ما احد يدري.. و لا ندري من هي البنت للحين.. ما قالت هي شيء للحين.. بـ نعرف منها ان شاء الله.. امال : لازم نروح لها اليوم المستشفى نتحمد لهم بالسلامة.. غازي : يمكن يطلعونها من هنا لين المغرب بـ فرج ربي.. (تنهد وهو بـ يختبر بنتة بـ هالخبر و يناظرها بـ طرف عينة) هذا غير عمر.. الله يقومة بالسلامة..!! صلبت ظهرها و كأنها تجمدت عيونها ما ترمش نفسها ما يدخل لـ صدرها و يطلع قلبها هو الوحيد اللي تسارع بـ دقاتة.. تنتظر ابوها يكمل لكن غازي سكت.. حست هالشيء تعذيب لها.. ريقها ناشف ماهي قادرة تسألة ماهي خايفة من ابوها كثر ماهي خايفة على عمر بعد كلمة ابوها الله يقومة بالسلامة .. امال هي من اخذت الدور عنها : عمر هو نفسة ولد سعد..!؟ غازي : ايه.. امال : ليه ويش فيه..!؟ غازي يناظر بنتة جنبة : تصاوب بـ عملية البارح.. تصاوب..!! تصاوب.!! يبي يتركها و يروح..؟! يبيها تعاني لحالها ..؟! ما يكفي سبع شهور تعاني لحالها من كل شيء فقدان ام و اب و اخت و عزوة و سند..!! هو .. بس اللي كان قدامها .. امانها و سندها و .. زوجها.. قالها احفظي وعدكـ لي.. و هي ما حكت تنتظرة يجي وهو يبدأ و ينقذها.. ما تدري عن ردة فعل اهلها.. يمكن ابوها و امها يلومونها على هالشيء لأنه بدون رضاها.. بس اكيد ما راح يرضون.. و بـ تقلقهم كانت متأملة ان عمر يطمن قلوبهم قبل لا هي تفزعها.. لكن هذا هو تصاوب..!! راح يضحي بـ روحة نسى ان له روح تنتظرة.. له ضنى بين حشاها وعدتة انها تحافظ عليه عشانة.. همس غازي وهو يشوف دموعها تنزل و عيونها تناظر بـ مكان واحد من صدمتها : ليـــنا..!! لينا بلعت ريقها انبح صوتها من جفاف حلقها : كيفة..؟! غازي : عمليتة نجحت بس ما صحى للحين.. ممكن يكون دخل بـ غيبوبة..!! لأن الرصاصة بالجنب و تأثرت فيها الكلية و انعطبت.. صدمة..!! ما استوعبت انه تصاوب عشان ممكن تستوعب انه تألم..!! ويش هالوجع اللي اخترق قلبها..!! حست بـ يدينها ترتخي و يصيبها تنمل بـ اطرافها.. ناظرت ابوها و رموشها مبللة بـ دموعها حتى صورتة ضبابية بـ عيونها حطت راسها على كتفة تبكي و تمسكت بـ ثوبة بضعف : أنا .. حـا.. مل..!! صلب جسدة وهو بتلقى الخبر منها بـ وقت مثل هذا..!؟! كل ما قال هانت تطلع له مشكلة من تحت الأرض.. حامل..!! سألها و كذبت عليه.. كان يبي يتطمن عليها لكنها كذبت رغم ان الشيطان ظل يوسوس له لكن ما بغى يضغط عليها .. سبع شهور معاه الغبي بـ يعرف ليش صدقها..!! تمنى لو ضغط عليها.. ما فكرت لو عمر يروح فيها شلون بـ تثبت ابوة ولدها.!؟ ما تدري ان الحكي بـ يلحقها هي و ابوها و امها و خواتها..؟! امال ما كانت اخف صدمة من غازي اللي عجز حتى انه يحضن بنتة و يطبطب عليها.. عجز يأمنها من كل شيء.. يمكن خايفة حتى منه هو..!! ريما ماسكة ثوبة و تشده : و الله .. عمر .. يبيه.. هو وعدني يرجعني لكـ اذا حافظت على اللي في بطني.. و الله ما بغيتة بس .. بس .. انا ابي عمر هو قالي خبي الموضوع لين احله .. انت زوجتني له .. ابي عمــــر..!!! تمنى ان عمر قدامة و يمردغة.. عمر يتوقع انهم يخبون الموضوع عليهم شيء في مصلحتهم..؟! على الأقل ما يصب في مصلحة بنتة هو.. وين مصلحتها بإنها تخبي الموضوع..؟! قلبت حالة.. كان جاي مبسوط بإنجازة و عكرت عليه بنتة بـ هالخبر.. لو بس الناس تدري انه زوجها كان فرح لها .. كـ أي اب بـ يصير عنده حفيد من بنتة.. رفع عيونة فوق على صوت جرس الباب.. عاجز انه يتجاوز الصدمة.. و المشكلة اللي لقى نفسة بـ وسطها..!! مين يعاتب..؟! هي و الا عمر..؟! و الا نفسة..!؟ ما أخذوها الا عشانة هو ابوها..!! ابعدها عنه و وقف خرج بـ يشوف مين على الباب .. و كأنها ما حكت له شيء..!! لينا نزلت راسها على رجلها تبكي.. مثل ما ابوها عاجز عن تجاوز الموضوع وهو يشوفة يتشكل قدامة هي عاجزة عن توقع أي ردة فعل أو توقع ايش ممكن يصير لها .. عمر بالمشفى و هي حامل و زواجهم ما احد يدري عنه الا كم شخص.. ايش ممكن تكون ردة فعلهم لـ هالموضوع..؟! ويش ممكن يصير لـ عمر و ايش بـ تواجهة من مشاكل لو عمر صار له شيء ما راح تصمد لـ حالها اذا وقف الكل ضدها.. امال وقفت و جلست جنبها مسحت على ظهر لينا حتى تستجيب لها و ترمي نفسها بـ حضنها.. امال : لا تبكين يا ماما .. لينا : خايفة ماما .. لا تخلين عني تكفين..!! لا تخليني بـ روحي.. و الله خايفة.. امال تمسح على شعرها : ماني مخليتكـ رغم انكـ اخطيتي اللي خبيتي علينا .. هذا هو عمر ما يندرى ويش حالتة ان شاء الله اهله ما يضحكـ عليهم ابليس ان صار له شيء.. في المجلس انصدم لما فتح الباب بالشخص اللي زايرة في بيتة و بـ هالوقت خصوصاً.. ما كان عند غازي أي شيء يقولة.. ما زال في مرحلة ما استوعب فيها شيء حتى يتفاجأ بـ وجود ابو عمر في بيتة.. ابو عمر : ادري اني جيتكـ بـ وقت ماهو مناسب لكن عمر يوم صحى و ما لقاكـ اصر علي اجي يمكـ .. انا يا ابو شوق ما ادري ويش بنيتكـ قايلة لكـ .. لكن اللي انت تدري به ان بنيتكـ زوجة ولدي.. صح ان ظروف زواجهم ماهي طبيعية و الله اني ما رضيت لها مثلها مثل بنتي.. لكن هذا ماهو حل الموضوع.. لو ما طاح ولدي هالطيحة كنّا ناوين نجيكـ مثل هاليوم مع ابوي و اخواني و نطلب بنتكـ لـ ولدي و يتمون حياتهم .. انت غالي عندنا يا ابو شوق و نسبكـ ينشرى و لو اني بـ ازوج ولدي ما كنت بـ القى له ازين من بناتكـ .. غازي : تدري انها حامل..؟! ولدكـ طلب منها تخبي الموضوع.. ما ادري ويش هي اسبابة و لا اقدر اقولكـ اني ما انقهرت.. لو ما اعرف شهامتة و انه حفظ بنتي سبع شهور و الا و الله اني ما صبرت للحين و سمعت كلامكـ .. كنت اخذت حق بنتي منه لو هو طريح فراش.. سعد : ادري .. قالي عشان لو صار له شيء يكون عندي علم من قبل.. عمر ماهو خسيس يا غازي.. بس انت ادرى باللي كان فيه.. لو بنتكـ ما حملت ما قدر يرجعها لكـ .. قالي ان رئيسهم ما خلاه يرجعها الا يوم درى انها حامل عشان يقهركـ بس و الله ماهو هذا قصدي ولدي.. و فعولة تدلل على طيب نفسة و خاطرة.. ما اقولكـ مالكـ حق تزعل.. بس اسمع من عمر اول لا تظلمة.. غازي : ماهو من مصلحة بنتي اظلمة.. بـ اسمع منه لكن ماهو هالحين.. ماني فاضي له هالوقت..!! عرف سعد ان غازي بـ يعاقب ولده و بنتة..!! اخذ نفس .. : خلنا نعلن الملكة و نسوي لنا عشاء و بعد ما يقوم عمر بالسلامة نسوي لهم عرس كبير.. غازي : ماني ضد اننا نعلن و هالحين و اليوم قبل بكره.. لكن بنعلن و بـ تبقى بنتي عندي فترة.. سعد : يا ابو شوق استهدي بالله انت تبي تقهر ولدي و بنتكـ ..؟! غازي هز كتفة اليمين بـ بساطة : ابي أأدبهم.. ابتسم سعد : ان شاء الله بـ أجيكـ اليوم مع ابوي و اخواني .. و عمر ولدكـ مثل ما لينا بنتكـ .. غازي : حياكم الله.. بـ نسوي عقد جديد يا ابو عمر.. ماني معترف باللي صار من قبل.. سعد : و لا يهمكـ بـ نجيب المملكـ معانا.. غازي : تدري انهم لازم يسوون تحاليل من جديد.. سعد : عمر ما بعد طلع من المستشفى .. نسحب من دمة هناكـ .. بس بنتكـ .. غازي : انا اوديها لـ بنكـ الدم بعد شوي.. سعد : على بركة الله ان شاء الله العصر اطلع النتايج.. بيت ابو سعود.. خرج ياسر من الغرفة متفاجأ صبا جالسة و ترتب الفطور على الطاولة في جلستهم.. : صباح الخير.. صبا ابتسمت مستحية : صباح النور.. ابتسم لإبتسامتها.. شلون صار يتأثر فيها بـ هالشكل..!! ما يبي يفكر بالتغيير اللي يمر فيه.. ما ينكر انه هو ما كان يطمح لأكثر من تقبل عشانه و عشانها .. ما توقع يوصل لـ مرحلة انه يبيها زوجة.. صبا بـ صوت مبحوح و ترجع شعرها وراء اذنها : ممكن ما تناظرني كذا.. تقدم لـ الجلسة و جلس : ليش ارتكبت جريمة..؟! صبا : بليـــز ياسر.. و الله تحرجني..!! ياسر يناظر الأكل و يناظرها : انتِ مسويتة و الا طالبتة من الخدامات تحت..؟! صبا جلست قريب منه على نفس الكنبة : انا مسويتة ليش طايحة من عينكـ ..؟! ياسر : حاشاكـ بس ما توقعت تعرفين تطبخين.. صبا تحطمت..!! : ترى كله بيض و فطور ماهو اختراع الذرة..!!! ياسر : ههههههههههههه ايش فيكـ عصبتي.. يعني صدق احس مو لايق عليكـ تمسكين شيء و تطبخين و تحوسين في المطبخ..!! صبا : ليش ماني بنت..؟! ياسر : بنت و نص.. لكن فيه بنات يليق عليهم الكرف.. و فيه بنات تخاف عليها لا تجرح نفسها من شوكة مو سكين.. و طبعاً انتِ من الصنف الثاني.. صبا عفست وجهها لمت شعرها كله و سحبت الربطة اللي على الطاولة و لمتة كله انقهرت متكشخة له و متسنعة و اخر شيء يبداها بـ تحطيم : ويش اللي يخليكـ تنفي نظريتكـ هاذي عني..؟! ياسر سحب الخبز : اني لا اكلت ما امرض من اكلكـ ..!! حمرت عيونها و هي تشد على شفايفها السفلية من قهرها .. لف عليها و هو راسم ابتسامة على وجهة من شكلها واضح ودها تفجر فيه : ايش فيكـ زعلتي..؟! صبا : ترى اذا هذا مزح .. فـ مزحكـ ثقيل..!!! ياسر مد يده لـ شعرها و سحب الربطة و رماها على الكنب و انتثر شعرها : كذا احلى.. صبا من قهرها : ما تستاهل .. هات الربطة.. ياسر رفع حاجبة الأيمن : فيه زوجة تقول لـ زوجها ما تستاهل..؟! صبا : ما احد قالكـ تحقّر مني.. ياسر : و ليش فهمتيها انه تحقير..!؟ ليش ما فهمتيها ان من غلتكـ عندي ما ابيكـ تدخلين المطبخ اخاف عليكـ لا تنجرحين من أي شيء.. مستعد اجيب لكـ شغالة و ثنتين و ثلاث خص نص لكـ بس ما تدخلين المطبخ..!! تدفق الدم لـ وجهها بـ قوة من الإحراج.. : خليتني احس اني اقل من البنات.. ياسر ابتسم : لا تفهمين كلامي على كيفكـ .. صبا : توكـ تقول خايف تمرض من اكلي..!؟ ياسر : و هذا انا بـ اكل .. حتى لو بـ تمرضيني عادي.. صبا : ماني راضية كذا..!؟ ياسر : اجل ويش يرضيكـ يا سنيورتي..؟! صبا : بـ اسوي كبسة و بـ تأكلها كلها..!! ياسر بغت عيونة تطلع.. : قد طبختي رز..!؟ صبا ابتسمت بـ براءة : لا بـ اجرب فيكـ ..!! ياسر سحب كاسة الشاهي : شكلي متنوم بالمستشفى اليوم متسمم..!! صبا : يــــاســــر...!! ترى ازعل..!! ياسر : طيب ويش تبيني أسوي .. خلاص انسي الكبسة و خلينا على هالبيض دامكـ انتِ مسويتة.. صبا : لا .. ابي اسوي كبسة مره.. ترى اعرف بـ طلع الوصفة من النت..!! ياسر ضرب جبهتة : من النت بعد.!! (رفع عيونة فوق) يالله اني مستودعكـ روحي.. بسم الله.. حط اللقمة بـ فمة يـأكلها.. .. بيت عامر.. ناصر مقهور : اذا ما انت قادر عليها تضفها وليني امرها..!! عماد وقف معصب : لا يا شيخ شايفني خرمة عندكـ ما اقدر على اهل بيتي..!! مالكـ دخل بالموضوع انا مخلي لها الحبل على الغالب.. عبدالله : إهدا يا عماد .. انت ما تدري زوجتكـ ويش تسوي من وراكـ .. زوجتكـ تطلع من الصبح وراكـ ما ترجع لين المغرب ..!! تشوف انها زينة..؟! عماد : مالكم دخل فيها .. دام انا سامح لها.. ناصر : اتحدى ان كنت تدري اصلاً عنها .. ما احنا جاهلين فيكـ عشان نقول ان طلعاتها عادي عندكـ .. قاطعهم صوتة الحاد : خيـــر ويش عندكم اصواتكم واصلة الشارع..؟! وقفوا كلهم.. عبدالله : ما فيه شيء يبه.. لا تشغل بالكـ .. عامر جلس : ماني بزر تضحكـ علي بأي شيء و اسكت.. ويش عندكم تهاوشون..!! ناصر جلس : عشان زوجة عماد.. عاجبتكـ سواتها يبه..!؟ عامر : ويش تبيني اقول دامه ضيع الدانه من يده..!! عماد بـ قهر : ايه انتم هذا اللي تلفون و تدورون عليه بنت ابراهيم..!! عامر بـ حزم : اعقب لا ترفع صوتكـ علي.. لو براسكـ عقل يفهم مثل باقي الناس تروح ترجعها الليلة قبل بكره.. و تستسمح من ابوها.. لكن ويش اقول كان اللي بـ راسكـ تنكة ماهو عقل.. عماد : يعني انت بس تبي تقهرني..!؟ انت اللي حديتني على هالزيجة و جبرتني عليها و ما بغيت عصيانكـ و الا ما كنت طعت شوركـ و انت تدري اني رجال و اقدر اقوم بـ نفسي و اطلع من هالبيت لكني ما بغيت اغضبكـ .. لكني ما طقت البنية ما ابيها وجهها فال شر علي.. مريم تسند امها من بعد ما سمعوا الصراخ طلعوا .. : و الله ان بنتي ماهي وجه شر مير انت اللي ما تعرف قدر الشيء الا ان ضيعتة و ما تبي تطلع نفسكـ الغلطان.. ام عامر : انت ويش بلاكـ تصارخ على ابوكـ ما تختشي هذا اللي رباكـ عليه..؟! هذا اللي درست و تعلمتة..؟! يا الشايب تراكـ ما انت صغير و جاهل بـ دينكـ .!! عماد : يمــه !! انتم اللي تقهروني.. ما غضبتكم بنتكم ما طقتها ماني مجبور اعيش معاها غصباً عني.. ام عامر جلست و ضربت بـ عصاتها الأرض : بلاه من رداكـ انت ما تستحي تنقد بنت عمتكـ .. ابوكـ قدّركـ و زوجكـ وحده و الله ان خطّابها ويش كثرهم و صارت من نصيبكـ لكن ويش اقول..!؟ طبخن طبختية يالرفلة كليه.. عماد : لا عاد من زينها هالبنت عاد.. ويش الشيء الزين اللي شفتة من يوم تزوجتها..؟! بـ أول يوم ملكت عليها انخطفت..!! و جلست محجوزة تحت رقابة فترة لو رجال غيري كان طلقها من زمان.. و اسلوبها زي الزفت مخها تنكـ تفسر اللي تبيه على مشتهاها ما وراء انها ظنت بـ أبوها و اخوانها ظن السوء..!! و فوق هذا وهذاكـ انخطفت مره ثانية و بالمرتين بـ رضاها تنخطف من مستشفى قدام الناس ما تساعد نفسها .. ما قدرت لا اب و لا اخ و لا ام و لا زوج و اختفت شهر و زود بـ بيت ناس ما تعرفهم..!! و ترجع لي و تقولي انا حامل..!! و تصاوبت و اسلوب البزران ما يترفعون عنه.. و تولد و تنخطف بنتي من المستشفى بسبب اهمالها .. علموني ويش الشيء الزين اللي شفتة من وراها..؟! ويش الشيء اللي اذكرها فيه و اقول اي و الله ماني لاقية عند غيرها..!؟ مريم : انت كذا تطير .. و التطير حرام .. حطيت ان بنتي فال شر عليكـ و تطيرت منها .. ليش ما تكون انت فال شر عليها .. ان انت تضررت مره هي تضررت مية مره.. تقول يوم ملكت عليها انخطفت مين تضرر مو هي..؟! تقول ما قدّرت ام و اب و اخ ليش مو انت اللي زرعت بـ راسها ان ما احد يبيها.. خالكـ استئمنكـ عليها و احنا كنّا نقول الحمدلله معها زوجها ما يقصر معاها احسن من لما تكون لحالها طلعت انت تلعب بـ راسها و قاهرها متوقع ان وعد ما قالت لي ويش قلت لها انت..!؟ و ويش عبيت راسها فيه يا عماد .. الأمانة اللي استئمناكـ عليها ما حفظت عليها انت.. اهدرتها و قهرتها .. و ياليتكـ عرفت قدرها و قيمتها رجعتها لكـ عشان تضيمها زود .. و حكيت فيها شيء لو ان وحده من خواتكـ زوجها شككـ فيها كنت صوبت بـ نص راسة لكنكـ رضيتة على بنتي.. و فوقها تقول ان بنتكـ انخطفت بإهمالها .. انخطفت بسببكـ انت.. انت ابوها و عدوهم ماهي بنتي.. كل شيء صار لكـ تحمل وعد خطيتة و الخطية راكبتكـ من ساسكـ لـ راسكـ لكنكـ تبي تبري نفسكـ من الخطأ .. رضيت و الا انرضيت وعد دانه انت خسرتها .. و ان ما عرفت اليوم و مغمض عيونكـ عن اللي حواليكـ بـكره بـ تفتحها غصب و تشوف الفرق وين كنت و وين صرت.. عماد حس ان عمتة زعلت لكن هم اللي عصبوا فيه وهم ينقدون البتول و يمدحون بـ طليقتة : طيب انا ما ابيها .. و هي ما تبيني .. ما ننفع لـ بعض.. الموضوع هذا سكروة.. و بيتي انا حر فيه ما احد فيكم له دخل.. ام عامر : ما بغينا الا مصلحتكـ و مصلحة الضعيفة بنيتكـ ويش ذنبها يومها تربى بـ بيت جدها لأمها ما كن عندها اب يقدر يضفها هي و اميتها و يربي بنيتة تحت جناحة.. يا وليدي رجعها عشان بنيتكـ تكون تحت نظركـ .. عماد ينهي النقاش : لا .. لا .. لا .. و الله لو اني بنتي يمسها شيء اني لأخذها منها ما همتني بـ شيء أمها .. طلع عماد من بينهم.. عامر ناظر عيالة : انتم ويش خلاكم تفتحون معاه الموضوع..!؟ ناصر : يعني يبه شايف ان الغلط راكبنا..؟! و الله انه راكب ولدكـ من ساسة لـ راسة.. ساكت عن غلط زوجتة و مهيتها .. الناس بـ تلحقنا كلنا بالمنقود ماهم قايلين فلانة بـنت فلان بـ بيقولون حريم بيت عامر هايتين من مكان لـ مكان.. ام عامر : خلاص خلوه على هواة.. ماهو بزر عقلة بـ راسة.. (التفتت على ولدها يمينها) دق لي على اخوكـ شوف لي وينه ما شفتة اليوم.. عامر : يمه الله يرضى عليكـ غازي ماهو بزر تحاتينة.. ما جات حروتة لـ الحين.. المغرب بـ يجيكـ .. مريم تجلس : الله يرزقنا نص حب هالغازي.. ام عامر : شالع قليبي هالولد ماهو مريحني.. ما ارتاح لين شفتة قدامي.. : دررب دررب.. مريم تناظر الباب اللي انفتح شوي : تعال ما فيه احد غريب.. يوسف من عند الباب : السلام عليكم.. : وعليكم السلام.. يوسف يدور بـ نظرة على الموجودين : حياكـ يا عم ما به احد غريب.. مريم : لو انكـ طارية مليون يمه.. غازي : السلام عليكم.. : وعليكم السلام.. باس راس امه و كفها و وراه يوسف.. و سلم على اخوه و باس راسة و قربوا منه ناصر و عبدالله و سلموا عليه.. تراجع و سلم على مريم و جلس جنبها.. ام عامر : توني انشد عنكـ وينكـ غايب عني..؟! البارح ما شفتكـ .. غازي : كلمتكـ يمه و قلت لكـ ما يمديني اجيكـ .. السموحة يالغالية بس كان عندي شغل واجد البارح لين الفجر.. ويش اخباركـ يالغالية.. ام عامر : يالله لكـ الحمد بخير ما اشكي باس.. غازي يمسح بـ يده على فخذة : الحمدلله.. (القى نظرة عليهم واضح ان فيهم شيء) خير فيكم بلى.؟! عامر : لا الحمدلله.. كيف بناتكـ ما عادن ينشافن..!! غازي تنهد : بخير الحمدلله.. ام عامر : ليش ما جبتهن معكـ اعوذ بالله قطعنا مره وحده.. غازي : تخبرين يمه ريما مع اختباراتها لاهية.. و لينا و الله ما ادري ويش مشغلها..!! مريم : على ذاكـ اليوم اللي جاتنا فيه و تهاوشت مع مرة عماد و بعدها ما شفناها.. ويش عندها هالبنية منقلبة..!! غازي : مير اني جيت بـ اخبركم.. ان ملكتها اليوم بعد صلاة العشا في بيتي.. ابيكـ تكون حاضر يا اخوي.. !!!!!! مو هو زوجها لـ واحد ما يدري من هو ..؟! شلون يملكـ لها الحين..؟! .. مريم اللي كانت اطرش بالزفة : ملكتها..!؟ ويش دعوة يا حافظ ما كننا اهلها ما تبلغنا غير يوم ملكتها..!؟ غازي : الموضوع صار فجأة.. و هذا انا قلت اخبركم.. ام عامر : يالله لا تطيح علينا السماء ..!! هو انت صاحي..؟! غازي : ايه يمه صاحي.. عامر : و الله ان شكلكـ ما يقول انكـ صاحي.. و الا انت كنت تقول لنا علم ماهو صحيح..!؟ غازي : ما كذبت عليكم في شيء.. كل الموضوع اننا بـ نجدد عقد الزواج.. عامر : تجددة..؟! بدل ما تطلقها منه تجددة..؟! لا بالله انكـ مضيع عقلكـ .!! غازي : انتم مو فاهمين شيء.. ام عامر : ما تفهمنا ويش ناوي تغبر..!؟ غازي : ماني ناوي اغبر يمه .. انا مو قلت لكم اني زوجتها.. زوجتها لـ ولد سعد بن مساعد بن سالم بالطريقة اللي تخبرونها .. و اليوم جاني سعد و طلبها مني و بـ يجون هو و ابوه و اخوانة يطلبونها مني بعد العشا و يملكون من جديد.. ام عامر فكت لثمتها و لفتها من جديد : مساعد بن سالم ما غيره..!؟ غازي : ايه يمه.. عامر : وشلون هالعلم صار..!؟ غازي : رحمة من ربي.. عمر كان مشاركـ بـ العملية الأمنية بـ شكل سري و لما جابوا بنتي هو اللي طلب يتزوجها.. الموضوع شوي مشربكـ بس الحمدلله انها كانت معاه و ما احد ناشها غيره.. مريم ..!!!! عملية امنية..!! و سري..!! جابو بنتي..!! و عامر يقوله طلقها منه..!! و تجديد عقد..!! فضلت السكوت و تفهم السالفة من امها بدل ما تخرب النقاش وهم كلهم فاهمين الموضوع الا هي..!! ام عامر : الحمدلله .. الحمدلله .. تصدق يا وليدي شكر لله اللي الله حفظها لنا.. غازي : ان شاء الله يمه.. لا تنسى ابيكـ تفضي نفسكـ اليوم ضروري.. عامر : و لا يهمكـ .. ما فيه شيء ابدّى من ملكة بنتي.. غازي : زين .. (ناظر عيال اخوة) ما يحتاج أأكد عليكم..؟!! عبدالله : و لا يهمكـ يا عم.. مريم : حريمهم بـ يجون..؟! غازي : ما ظنتي .. زين ان ظلوا لـ العشاء .. عامر : افاا لا بالله ماهو بـ كيفهم ان يجلسون و يتعشون عندنا ما يطلعون من بيتنا ما ضيفناهم.. غازي : انا عامل حسابي يكون بدري .. بس عشان وضع عمر و ابراهيم يمكن ما يقعدون و يملكون و يمشون.. ام عامر : ليش ويش فيهم عمر و ابراهيم ويش يحدهم ما يقعدون و احنا معطينهم بنيتنا..!؟ غازي : عمر متصاوب البارح.. بـ يطلع من المستشفى لـ بيتي.. عامر : افاا يا ذا العلم.. وليش ما وخرتوها الملكة.. غازي : مصر الا ان يجدد العقد اليوم.. و يعلن الزواج الإسبوع الجاي.. قلت له تملكـ بالمستشفى و عيّا و قلت له بـ بيتكم و عيّا ويش اسوي فيه كان راسة يابس و ابوه ماهو راده..؟! ام عامر : ويش عنده مشتط كذيا..!! يوسف ابتسم بإستهزاء : شكل بنت العم لعبت بـ حسبتة..!! غازي ابتسم : ما تستحي انت.. يوسف : و انا صادق ما تشوف انها غريبة متصاوب البارح و يصر انه يملكـ اليوم و انت مقدم له خدمة على كفوف الراحة و هو رافض الا يتعنّا لها..!؟ تكفى يا عم طلبتكـ لا تخليه يشوفها احقرة لين العرس..!! غازي : ههههههههههههه (غمز له) لا توصي..!! وينكـ عن مكتبي..؟! يوسف : و الله اني قايم بـ واجبي بـس انت مشغول عني .. تنكر اني كم مره اجيكـ و تقولي روح ماني محتاجكـ اليوم..؟! غازي : ما انكر بس ما صدقت على الله ما عدت اشوف الا غبرتكـ .؟! يوسف : انت نسيت ان عندي اختبارات.. حتى ما نشدتني ويش مسوي..!؟ غازي : ايه ويش مسوي عاد..؟! بشرني عساكـ جايب العيد..!؟ يوسف : بس عيد الفطر .. يمكن اجيب عيد الأضحى بالأسبوع الثاني.. غازي : كويس عشان افصلكـ و ادخلكـ العسكرية..!! ام عامر : ياليتكـ تسويها لـ ذاكـ الهايت .. ما ينشاف و ان شفناه و قلنا له وينكـ شب فينا اللهم يا كافي صاير نار ما ينتحاكى..!! غازي : هذاكـ علومة عندي.. بس يصبر علي لين اتفضى له.. خله يجلس على هياتة و انا اوريكم فيه ان ما سنعتة.. يوسف : عمي تكفى كلم ابوي يشتري لي سيارة متحلف ان ما يشتري لي لين تقولة انت..!! غازي ابتسم : تستاهل.. اول جيب المعدل الزين و تبشر فيها من عندي.. يوسف تحطم ..!! : اجل ماني شايفها فلوسكـ بـ تقعد عندكـ .. غازي : شد حيلكـ و جيب معدل تمام و تبشر فيها ما تغلى عليكـ .. ام عامر : ويش حال حريمكـ ..؟! غازي : بخير يمه ما عليهن .. مريم : ما هن مسيرات علينا اليوم..!؟ غازي : و الله على أساس بـ يروحن لـ بيت ابراهيم بس بعد الملكة يمكن ندى تروح لحالها.. ام عامر : خلهن يجن يمنا بعد ما يتعشون الرجال.. غازي : انتِ يمه تعالي يمي.. بـ اودي ندى تطمن على اختها قبل الملكة و ارجع.. مريم : اختها مين..؟! غازي : الصغيرة.. امس فقدوها المغرب و لقيناها بالمدرسة وحده طاعنتها.. ام عامر : و حرّي .. طاعنتها..؟! غازي تنهد : ايه.. الحمدلله عمليتها نجحت و الضحى جاني المكتب يقول يمكن يطلعونها.. عامر : ما عرفتوا من اللي مسوي فيها هالسواة..؟! غازي : لا..!! البنت ما حكت شيء.. ابوها كل ما نشدها انهارت.. ناصر : مو يمكن نفس الرجال اللي اخذوا اختها و لينا..؟! غازي : لا.. لأن كلهم عندنا .. و اللي طعنتها بنت بالمدرسة وقت الدوام و حبستها بـ غرفة الحاسب عشانها عارفة ما احد يستخدمها بالإختبارات النهائية.. اختبارات الحاسب قبل ما تبدأ الإختبارات النهائية.. مريم : طيب كيف البنت الحين..!؟ غازي : البارح كانت بالعناية.. و اليوم قالي سعود طلعوها و انها احسن الحمدلله بس نفسيتها تعبانة.. مريم : من عذرها و الله.. دخلت و نزلت نظارتها الشمسية و باقية بـ لثمتها اللي تغطي فمها و طرف انفها : السلام عليكم.. صدوا عنها الشباب.. عامر ناظرها من فوق لـ تحت : وعليكم السلام.. البتول : كيفكـ عمي..؟! ناصر يعد بـ نفسة عشان ما ينفجر يحاول يكبت اعصابة .. عامر : بخير الحمدلله.. ام عامر تضيق عيونها : هو انتِ طالعة كذيا..؟! البتول تناظر نفسها : ليش ويش فيها..؟! ام عامر : يالله انكـ لا تسخطنا.. هاذي عباية و الا فستان..؟! البتول كانت راح تتريق على ام عامر بس انتبهت ان عيالها الإثنين موجودين : عن اذنكـ يا خالة.. ام عامر تضرب بـ عصاتها الأرض بـ قوة : يا مثبت العقل و الدين .. و يقول مالكم شغل في بيتي.. ماهو تاركها هايتة وراها ما كن وراها والي..!! غازي وقف : انا بـ اروح اقضي شغلي.. ام عامر : و انت هاذي حالتكـ كل ما جيتني ما مره تجلس معي و لا اذكر متى اخر مره اكلت معي على صحن واحد..!! ابتسم غازي تقدم لها و باس راسها : انتِ خابرة شغلي .. طيب تعالي عندي في بيتي.. عامر : لا تحاول امي ما تطلع من بيتي.. غازي : لا تصير حسود عاد.. يومين ماهي ضارتكـ .. تعالي اليوم بـ ملكة لينا و اجلسي عندي كم يوم.. ام عامر : و الله يا وليدي متعودة على فريشي ما فيني شدة اغير مكاني.. غازي : يومين ماهي ضارتكـ يمه.. ما كني ولدكـ الصغير قاعدة عند عامر و لا مره بيتي عندي وكنه ماهو بيتكـ .. بـ غرفة عماد يفتر بالغرفة كالمجنون..!!! حضرتها فعلاً طالعة من الصبح و الحين بـ يأذن المغرب و لا جات .. كذب على اخوانة و قالهم تستأذن منه..!! لكنها تستغفلة.. اتصالاتها المتكررة عليه عشان تعرف متى بـ يرجع البيت و ترجع قبلة..!! كان وده يكسر كل شيء قبالة بس ماهو بـ مصلحتة لأن اهله بـ يسمعون الصوت و يعرفون انه معصب..!! ضرب يده بالجدار.. دخلت مطمنة راجعة بدري اليوم قريب المغرب .. دايم ترجع بعد المغرب او العشا و هو ما يرجع قبل 10 او 9 بالليل ان بكّر بـ رجعتة.. ما انتبهت حتى لـ سيارتة الواقفة برا.. اول ما انفتح الباب التفت عليها حتى ينصدم بـ شكلها ..!! عباية مطرزة اقرب لـ فستان طالعة فيه..!! و اخرها مفتوح و باين بنطلونها الجينز الضيق..!! و لثمتها و عيونها بـ مكياج..!! ؟؟!! همست : عمــاد..!! عماد : وين كنتِ..؟! حولت الموضوع بـ ربكة : متى رجعت..؟! عماد يصر على أسنانة : وين كنتِ..؟! البتول تلعثمت : بـ بيت اهلي.. عماد يقرب منها بـ خطوات بـطيئة : متأكدة..!؟! البتول : ليش يعني وين بـ اكون بـ هالحزة..؟! عماد مد يده و فتح ازارير عبايتها العلوية حتى تنفتح العباية كلها و كشف عن البدي الضيق اللي لابستة و ما هي لابسة فوقة أي شيء يسترها..!! : ويش ذا اللبس..؟! البتول : رايحة بيت اهلي ويش تبيني البس..؟! عماد يأشر عليها من فوق لـ تحت : جالسة عند ابوكـ و اخوانكـ بـ هالشكل..؟! البتول : عادي متعودة عليهم..!! عماد رفع حواجبة : متعودة..!! و متعودة تورين الناس لبسكـ في الشارع.؟! و تخلين اللي يسوى و ما يسوى يشوف جسمكـ ..؟! البتول اخذت موضع الدفاع : ليش شايفني طالعة عريانة..!؟ عماد : و الله ما ظنتي ابعدتي..؟! يعني اللي لابستة هذا ساتركـ ..؟! و عبايتكـ المفتوحة و تمشين فيها كذا ستر..!؟ البتول بـ صراخ : عبايتي انفتحت لما نزلت من السيارة.. عماد : يعني اخواني شافوكـ بـ هالشكل..!؟ ليش اخواني محارمكـ ..؟! البتول تكمل بـ نفس الإسلوب و ترفع صوتها : و الله عاد اخوانكـ اللي عيونهم زايغة كانهم شافوا عبايتي مفتوحة و ناظروني..!! ما عندهم غارية على مرة اخوهم..!! لف يدينة وراء ظهرة عشان ما يضربها الحين بـ يصبر : حتى لو اخواني ماهم فيه و لا شافوكـ .. لو بس ابوي.. و طلعتي عنده بـ هالشكل ما يرضيني..!! البتول تتخطاة مرتبكة خايفة من عصبيتة : على أساس انا اهمكـ عشان افكر يرضيكـ و ما يرضيكـ ..!! عماد لف و يدينة ما زالت وراه : يعني معترفة انكـ تعمدتي تعصيني..!! البتول : قلت لكـ العباية انفتحت لما نزلت من السيارة .. اذا انت بـ تسويها سالفة ترى ماني فايقة لكـ .. عماد : متى طلعتي..!؟ البتول : الساعة 11 .. تغديت عندي اهلي و هذا انا جيت.. عماد طلع جوالة يطقطق فيه : و ليش رجعتي الحين ليه ما جلستي شوي معاهم.. تو الليل ما بعد اقبل علينا..!! البتول تناظرة يطقطق بـ جوالة .. طنشت سؤالة وهي تشوفة يكلم .. عماد : السلام عليكم.. كيف حالكـ يا خالة.. بخير الحمد لله .. بغيت انشدكـ عن جوال البتول مضيعتة قلت يمديها ناسيتة عندكم ما سمعتية دق..!؟ .. انصدمت وهي تشوفة يكذب عشان يتأكد ان كانت صادقة و الا تكذب..!! رجفت اطرافها .. ما عرفت ويش تسوي الحين بـ يكشف كذبها بـ كل بساطة .. عماد : لا ان شاء الله اهم شيء ما يكون فيه شيء مهم .. يالله مع السلامة..!! قفل جوالة و رماها على الكنبة البعيدة من غير لا يهتم و تقدم لها .. و هي تراجعت لين لصقت بالجدار : امكـ تقول انكـ ما جيتيهم اليوم..!! وين كنتِ..؟!؟ البتول : مالكـ دخل..!! عماد شد شعرها وهي تمسكـ يدينة تخفف ضغطة عليها.. اعصابة ثايرة وهي يذكر نقد اخوانة و حكيهم انها هايتة..!! و الحين تكذب عليه.. : اقسم بالله يالبتول لو ما حكيتي وين كنتِ اني لأرميكـ في بيت اهلكـ المره اللي ماهي متربية ما تلزمني..!! البتول تصارخ عليه : ايه هذا اللي تبيه .. تبي تطلقني عشان ترجع لـ زوجتكـ الله يأخذها هي و بنتها.. تبي تقهرني..!! انصدم تدعي على بنتة..!! بنتة اللي عمرها ثلاث شهور و كم اسبوع..!! شد شعرها بقوة و هي تصارخ : ما لقيتي تدعين غير على بنتي..!! ويش سوت لكـ عشان تدعين عليها..!؟ البتول تبكي : اتركني الله يكسر يدينكـ .. اتركني..!! عماد تركها بـقوة حتى تتقدم كم خطوة مبعده عنه : غيرتكـ من وعد تخليكـ تدعين علي بنتي..؟! و الله ان سمعت طاريها على لسانكـ بالشينة ما تلومين الا نفسكـ .. البتول : كل ذا عشانها ..؟! عشانها بنتها .. ما تفكر انت ويش سويت لي..؟! انا تزوجتكـ و كني متزوجة جدار.. وقتكـ كله ماهو لي.. مقسمة بين شغلكـ و طليقتكـ .. تقولي انكـ رايح تشوف بنتكـ و تحسبني غبية ما اعرف انكـ تشوفها.. مو بعيد تكون مرجعها و انا احسب انكـ لي لحالي..!! عماد : مليون مره قلت لكـ طلعي وعد من راسكـ .. انا طلقتها و قضينا من ذا الموضوع .. و انا لما اروح هناكـ اروح عشان بنتي و بس.. لساتها صغيرة و الطلعة من بيت جدها ماهو امان لها .. لا كبرت اقدر اجيبها و اوديها لكن الحين لا لساتها صغيرة .. لكن مخكـ الصغير مخليكـ تحطين راسكـ بـ راسة وحده انا مطلقها من زمان .. و هذا كله ما يغفر لكـ سواياكـ .. (رفع صوتة الحاد عليها) تطلعين من بعد ما اطلع و ما ترجعين الا بالليل قبل لا اجي.. مستغفلتني و كني مدمغ عندكـ تضحكين علي على اساس ما طلعتي من البيت.. و انتِ هايتة من مكان لـ مكان.. البتول : مالكـ حق تحاسبني و انت تاركني.. ما يحق لكـ تحبسني و كني نعجة عندكـ .. عماد آشر على نفسة : مالي حق..!! من اليوم اللي رضيتي فيه تزوجني لو اني ما ادري عنكـ شيء انتِ ملزومة تحفظيني بـ غيابي مثل حضوري.. مو قدامي ملاكـ و من وراي شيطان..!! البتول : ما ابيكـ .. طلقني ما ابيكـ .. الله يأخذني انا اللي وافقت على واحد معقد قلبة مرمي بالشارع كل من مشى داس عليه..!! اولهم بنت عمتكـ انهار ثم الحقتها بنت عمتكـ وعد..!! انصدم من كلامها..!! تدعي على بنتة..!! و الحين تهينة في عمق مشاعرة.. ويش الجريمة اللي ارتكبها يوم خلّى حبة على الملا.. ويش الذنب اللي تعلق فيه لما ما خبّى مشاعرة عشان يستغلون حبة اللي ما لقى اللي يوفي له و يهينونة فيه.. الحين عرف ليش مجتمعنا يخبون حبهم بـ قلوبهم.. عشان ما ينحطون بـ نفس مكانة و يعتبرون الحب اهانة..!! الحب خوف..!! الحب ضعف..!! الحين عرف ليش ما احد فيهم يعترف للكل انه يحب فلانة .. لأن ما احد فيهم بـ يقدر قدسية هالمشاعر بـ قلوبهم.. ما احد بـ يحس بـ حساسية الموضوع بالنسبة لهم.. ما أحد بيقدر انه يحب او كان يحب و بـ يدوسون عليه و ينتهكون كرامتة.. كانت عيونها معلقة عليه بعد ما نطقت جملتها و هي تشوف عيونة مصلبة بالفراغ.. و كأنها داست على عمق أعمق من رجولتة.. عماد : لو ارجع صلاة العشا و القى شيء لكـ هنا تأكدي ان اهلكـ بـ يصلون عليكـ الفجر.. أنتِ طالق.. ضربت خدودها بـ نحيب من فجيعتها عماد طلقها..!! يمشي قدامها بـ يطلع مو بس من جناح جمع حياة باردة بينهم بـ يطلع من حياتها كلها.. تمسكـت بـ ذراعة قبل لا يطلع تترجاه : انا آسفة و الله آسفة خلاص ما راح اطلع بـ اقعد بالجناح احبسني هنا بس لا تطلقني.. عماد نفض يده بـقوة و طاحت : ما تلزميني.. طبع الباب وراه بـ قوة يرسل لها تحذير من وراه.. انكمشت على نفسها ماهي متخيلة انها صارت مطلقة..!! مطلقة من عماد اللي تعلقت فيه من هي صغيرة رغم انها كانت تدري بـ حبة لأنهار اللي كان ما يستحي منه و يجهر فيه.. يمكن عشانها كانت تحس انه ما بـ يوم بـ يكون لها و كل ممنوع مرغوب تعلّق قلبها فيه و اشقاها.. ردت خطّاب جوها عشانة.. و لما خطبها الثانية وافقت بدون تفكير او استخارة.. جاها حبيبها اللي انتظرتة و تخيلت معاه حياة وردية مثل أي بنت تنتظر شخص من زمان و يخطبها.. كيف لو كان هالشخص قربة شبة مستحيل..!؟ لأنه كان يحب و تزوجت اللي يحبها و كان رافض الزواج و بعدها فجأة تزوج..!! تعرف ان هي مالها أي مكان في حياتة.. لكنه جاء و خطبها و وافقت..!! وافقت وهي تدري ان عنده مره.. بس عشان قلبها و عشانه ما ردتة.. صار لهم ثلاث شهور و طلقها.. وقفت لفت طرحتها على راسها و تلثمت سكرت اول ازارير عبايتها و طلعت من جناحها ما فيه الا خالتها توقف معاها.. هي املها الوحيد.. المستشفى.. جود تبكي : ما ابي اجلس هنا طلعني.. ابو سعود : يا أمي ابي اتطمن عليكـ .. الدكتور ما كتب لكـ خروج للحين.. جود تضرب فخذها : ابي اطلع .. ابي اروح بيتنا.. مسك يدينها و ضمها لـ صدرة : لا تبكين يا روحي.. خلاص بـ اكلمة يطلعكـ بس اهدي.. وليد : يبه ما يصير خلّها لين تحسن حالتها.. لفت على وليد تصرخ عليه : ما ابي اقعد ما ابي..!! مسك يدينها و ظهرها على صدرة : خلاص لا تبكين.. انا قلت لكـ بـ اكلم الدكتور بـس اهدي.. ام احمد : استغفر الله ماهي حالة هاذي من صحيتي و انتِ تبكين.. ما يصير اللي تسوينة بـ نفسكـ .. ابو سعود : خلاص خلوها.. انا بـ اروح اشوف الدكتور يكتب لها خروج.. جود تشهق : ناده هنا لا تروح.. لا تخليني.. ابو سعود احتار معاها..!! : طيب .. وليد قوم ناد لنا الدكتور.. وليد : يبـــه..!! ابو سعود بـ حدة : وحطبة.. لا قلت لكـ شيء لا تجلس تراددني.. وليد وقف : ان شاء الله.. طلع وهو متنرفز للحين حضرتها ما حكت مين اللي مسوي فيها هالسواة.. و ابوه جالس يجاريها.. و هو منقهر وده يقلب الموضوع تحقيق.. جلس يحوس بالممرات ما يدري وين ممر الدكتور.. لين نزل للـرسبشن بالدور الأرضي.. شاف عمة و عمر طالعين.. ابتسم بإستهزاء : هاه يا عريس..!! عمر التفت عليه : ترى فيني شدة اكفخكـ .. وليد : ما ظنتي.. لأنكـ لو قربت مني ملكتكـ الجديدة بـ تصير هنيا زين ما كانت بالعناية.. عمر : احسن لكـ اتقي شري.. تراها قافلة معي.. وليد : عساها من ابو المدام..؟! ههههههههههههههههههههههههههههههههههههه.. عمر : كل تبن .. يالله يبه نمشي.. ابو عمر : ويش اخبار اختكـ ..!؟ وليد عفس وجهة : رايح ادور الدكتور بـ يطلعها ابوي..!! عمر : ما قالت لكم مين..!؟ وليد : للحين .. (يحول الموضوع) الا وين بـ تعشى يا عريس بـ بيت ابو المدام و الا هنا..!! عمر : انت شكلـكـ حالف اني اسفل فيكـ الليلة.. ما ابي اخرب كشختي على خشتكـ بس خلني اصطلب ان ما وريتكـ شلون تتريق علي..!! لف عمر و اعطاه ظهرة .. وليد يتكلم بـ صوت عالي ومو مهتم انهم بـ مستشفى : من هنا لين تصطلب تكون بـردت مالها طعم.. لف وليد و لا كأنه يحاول يستفز عمر.. اللي اساساً متنرفز.. عمر : يارب ان الصبر و المعونة منكـ .. ابو عمر : ايش بلاكـ انت..!؟ عمر : ما فيني شيء.. ابو عمر : علي هالحكي..!؟ عمر يفتح باب السيارة : ويش بـ يكون فيني..؟! ابو عمر ركب مكان السايق : يمكن زعلان عشان غازي هاوشكـ و عطاكـ كلمتين بالعظم..!! عمر يناظر الشباكـ : مقدّر موقفة يبه.. من حقة يزعل.. بس هو لو يحط نفسة بـ مكاني و يعرف اني ما سويت كل شيء الا عشان بنتة ما شرط علي شرطة..!! ابو عمر شغل السيارة : و هذا اللي منرفزكـ شرط غازي..!؟ (ابتسم وهو يحول الموضوع لـ جهة ثانية) ما تقدر تصبر عنها..؟! عمر : تشوفها زينة يزوجني اياها وما يعطيني اياها..!؟ زينة يعني..؟! ابو عمر : من حقة يزعل.. كان المفروض تفهمة بـ اول يوم جبت فيه بنتة.. و علمتة السالفة كلها من طقطق لـ سلام عليكم.. عمر : ما امداني يبه.. انا عندي شغل قد شعر راسي .. ليش هو ما يقدّر اللي انا فيه..!؟ ابو عمر : خلها فترة و روح له.. يمكن يكون طاح الحطب.. عمر : يعني تهقى بـ يعطيني اياها قبل لا تولد..!؟ ابو عمر : قلت لكـ خلها فترة و نخلي عمكـ يتوسط لكـ عنده.. حتى عمكـ ماهو فاضي لنا هالحين.. و غازي عقلة ماشاء الله يوزن بلد هو بس يبي يأدبكـ على سواتكـ .. هذا هو زوجكـ البنية و الناس كلها بـ تدري ان زواجكم الإسبوع الجاي.. عمر متنرفز : زواج من غير عروسة..!! عرس رجاجيل ويش الفايدة بـ اتعب و اسلم و اروح لبيتي لـحالي..!! ابو عمر : عمر لا تضيق خلقي.. انت اخطيت و تحمل نتيجة خطاكـ .. عمر يناظر ابوه : انتم تشوفوني مخطي و انا ما اشوف هالخطأ .. بس ما احد فكر يحط نفسة مكاني.. يبه ما كان بـ يخليها الرئيس تطلع.. ما رضى الا يوم درى انها حامل يبي يقهر ابوها فيها.. ما ابي اخليه يحس اني دنيء و خسيس و قهرتة بـ بنتة بغيت اخذها لـ بيتي بعدين اعلمهم انها حامل.. ما ادري ويش خلاها تقول لأبوها.. ابو عمر : و ليش ما تفكر من وجهة نظر غازي..؟! يمكن يحس انكـ انت ملزم نفسكـ بـ بنتة عشانها حامل.. و تبي تأخذها و انجبرت عليها .. و شرطة بس عشان يتأكد انكـ تبيها من طيب خاطركـ .. عمر : ما ادري يبه.. اللي ادري به انه لو طول علي و نفذ شرطة بـ اروح اخطفها من بيتة.. ابو عمر اتسعت ابتسامتة : شكلها هي اللي خطفت قلبكـ من بين ضلوعكـ ..!! عمر صد بـ وجهة : يبـــه..!! .. بيت ابو سعود.. جمعة حريم ابو سعود و امه و اختة لطيفة.. ام سعود : سعود قال بـ يحضر الملكة و يرجع.. ام عبدالرحمن : زين ما اختار عمر .. غازي ماشاء الله مربي بناتة عدل.. ام حاتم : الله يوفقهم.. بس مو كنهم مستعجلين بالعرس الإسبوع الجاي.. ام عبدالرحمن : وشولة يتوخرون فيه..؟! .. وين البنيات اليوم ما شفتهن.. حتى ندى جات و رقت فوق ..؟! ام سعود ابتسمت : شكلهن خايفات من ابوهن لا يجي بـأي وقت و يهاوشهن.. هالأيام ابو سعود بس معصب.. ام عبدالرحمن : و الله ان هن اللي يعصبن فيه و يخلنه يهاوشهن.. ام سعود بـ هدوء عشان ما تعصب عمتها : الله يصلحهن.. لطيفه : ليش ويش مسويات بناتة..؟! ام عبدالرحمن : و الله انهن قاهرتني.. بس يجي ابوهن لا افطنة عليهن.. ما يختشن.. ما عاد في وجيهن سحا..!! انفتح الباب.. دخل ابو سعود و معة جود و وراه ام احمد و وليد.. : السلام عليكم.. وقفوا كلهم عدا ام عبدالرحمن.. باس راسها ابو سعود : ويش حالكـ يا اميه.. بعدها جود اللي دنقت بـ صعوبة عشان الجرح باست راس جدتها و وقفت.. لطيفة تسلم على اخوها و تبوس راسة : الحمدلله على سلامة بنيتكـ يا اخوي.. ابو سعود يبوس راسها : الله يسلمكـ .. بعدها جود سلمت على خالاتها و وراها وليد اللي باس راس كل وحده فيهن.. وليد يناظر جود : تبين أطلعكـ فوق..!؟ جود : لا .. بـ أقعد مع بابا.. جلس ابو سعود و جلست جود جنبة.. يده على كتفها .. واضح انها خايفة.. ام عبدالرحمن : خلها تقعد معانا وشولة ناشبن في حلقها..؟! وليد جلس مقابل جدتة : على امركـ يالغالية.. بس قلت يمكن تبي ترتاح تأخذ شور أي شيء.. ام حاتم وقفت و سحبت الثلاجة و الفناجيل و وقف وليد و اخذ منها الثلاجة : عنكـ يا خالة.. استريحي.. ام حاتم ابتسمت : الله يرضى عليكـ .. جلس يمين ابوه على الأرض و صب له فنجال : تقهوى.. ابو سعود يأخذ الفنجال : تسلم.. لطيفه : ما انت رايح ملكة عمر..؟! ابو سعود : لا .. اروح له بكره نتطمن عليه و نباركـ له مره وحده.. (يناظر حريمة) العيال راحو..!؟ ام حاتم : ايه كلهم راحوا الا مشعل.. ابو سعود يمد فنجالة على وليد : ليش إن شاء الله من زود المذاكرة..؟! وليد اخذ الفنجال و عيونة على الفنجال و يصب لأبوه : قالي ان عنده اختبارات صعبة هالإسبوع و بـ يشد حيلة.. ابو سعود يأخذ الفنجال من وليد : ايه مبينة ماشاء الله الفلاحة.. ام احمد : و الله انه ماهو مقصر.. و شاد حيلة و كل ما دخلت عليه وهو كتابة بـ يدة.. ابو سعود : ما ضيعة غير الدلع.. هو و غيره.. وليد بـ ثقة : الحمدلله يبه و الله ما احنا ضايعين.. عارفين ربنا و ديننا و حدودنا.. احنا نعمة مع غيرنا.. ابو سعود : ويش قايلكـ بالمستشفى..؟! (تحول صوتة لـ الحدة) ما قلت لكـ لا تراددني..!؟ وليد من غير لا يناظر ابوه : ان شاء الله.. ابو سعود : تراني ما نسيت لكـ اللي سويتة امس .. شوف نتايج فعولكـ ولد عمكـ تصاوب..!! كنكـ بزر مخة صغير ما يفكر..!! رايح للنار بـ رجلية ما يدري عن خطورتها.. و الله لو غازي ماهو ناوي عليكـ انت و اياه و الا كنت أدبتك على فعلتكـ هاذي..!! ام احمد فزعت من حكي زوجها : وين رحت يا ابوي..!؟ ويش مسوي انت..!؟ وليد ناظر امه : ما سويت شيء يمه.. (وقف) عن اذنكم.. طلع قبل لا يسمع ردهم .. تمنى انه طلع من اول ما دخل البيت.. ليش يجلس حتى يسمع تهديدات..!! ام عبدالرحمن : ويش له وليد بـ عمر..؟! ابو سعود : شغل يمه شغل.. (لف على اختة يحول الموضوع) ويش اخبار عيالكـ ..؟! لطيفه ابتسمت : بخير ينشدون عنكـ و الله مها كانت بتجي معاي بس اني قلت لها يمكن ما تكون فيه.. ابو سعود : من زمان عنها ما كن عندها خوال تسلم عليهم.. جيبيها معاكـ المره الجاية.. لطيفه : ولا يهمكـ ان شاء الله بـ اجيبها.. و على طاري عيالي انا بغيتكـ بـ موضوع ادري انه ماهو حزتة بس دام عمر مملكـ الليلة مع هالظروف ما يمنع افاتحكـ بالموضوع.. ابو سعود رفع يده من كتف جود : امري يا خية.. لا تنتظرين و تقولين ماهو حزتة اطلبي اللي تبينه متى ما بغيتي.. لطيفه : ادري بكـ ما تقصر.. ثامر يا عوينتي توظف وهذا اول شهر له .. و يبي يحدد عرسة اخر شهر ثمانية.. ابو سعود : دانه بنتكـ يا لطيفه .. فصلوا و احنا نلبس.. لطيفه ابتسمت : الله يرضى لي عليكـ .. و الله بـ يفرح بهالخبر.. خلاص بـ نشوف لنا حجز و نشاوركم ان كان مناسب لكم.. ابو سعود : من غير لا تنشدين لو تبونه الإسبوع الجاي انا موافق.. احجزوا و بلغونا.. ما تنكر جود رغم تعبها الا انها تنرفزت..!! الإسبوع الجاي..؟! و احجزوا و بلغونا طيب يمكن ما يناسبهم..؟! ناظرت امها واضح مو عاجبها لكنها ساكتة.. دام ابو سعود حكى ما احد بيرد عليه الكلمة و يثني شورة.. ابو سعود : اجل وين البنات ما شفت احد منهن..؟! ام عبدالرحمن : مندعسات فوق .. و الله يا بناتكـ يبي لكـ تربيهن من جديد..!.؟ ابو سعود لف على امه : مين..؟! ام عبدالرحمن بـ حدة : وعيد و اختها.. ما يستحن على وجيهن هالثنتين..!! ابو سعود : ويش ضايقنكـ فيه..!! ام عبدالرحمن بـ حدة : هاذيكـ تبلع حبوب ما تبي لها ولد و الله اني بغيت اهد لها فمها بـ عصاتي.. يراددني ثنتينهن و يطولن لسانهن علي قليلات الحيا.. ابو سعود : افــااا متى صار هالحكي..!؟ ام عبدالرحمن : البارح.. ذيكـ اتصلت على رجلها و ذلفت و هاذي اندعست بـ غرفتها و ما عاد شفتها من وراها عرفت خزوتها.. ابو سعود وقف : ولا يهمكـ انا اتفاهم معاهن لا تضايقين خلقكـ .. باس راس امه و مشى بإتجاة المصعد.. في الدور الثالث.. وليد : ماشاء الله مجتعين..؟! مشعل : توني نازل.. انت جاي من الملكة..!؟ وليد : لا .. كنت بالمستشفى .. جود طلعت.. ميار : بابا جاء و الا راح الملكة..!؟ وليد : تحت..!! ما خلص كلمتة الا الثلاثة انحاشوا .. مشعل طلع فوق و دانه و ميار كل وحده لـ غرفتها.. وليد و وعد و ندى و سها انفجروا ضحكـ عليهم .. وعد تبوس يدها وجه و قفى : الحمدلله و الشكر.. وليد : هههههههههههه اقسم توحف ويش عندهم انحاشوا..؟! سها : امس وكلهم تهزيئة و تهديد.. وليد يمد رجولة : عادي انا توني ماكل تهزيئة طازة.. (ناظر ندى) ليش ما حضرتي ملكة بنت زوجكـ ..؟! ندى : هي عشاء رجال بس.. يعني مو ملكة كبيرة و حريم و كذا.. سها : غريبة فجأة عمر يخطب لينا..؟! مو بس يخطب يملكـ بعد..!! وعد : فعلاً غريبة وحتى وهو توه له اسبوع من جاء من السفر..!! وليد : لا تشغلين نفسكـ انتِ و اياها بـ غيركن.. (يمد يدينة) عطيني بنتكـ .. وعد حطت يدها على بنتها بـ حضنها : لا تكفى ما حسبت انها تنام.. و الله جننتني..!! وليد : بس ابي ابوسها.. ماني مزعجها.. وعد : لا لا صحت بوسها زي ما تبي.. الحين خلها تهجد عني.. : ماشاء الله ويش هالجمعة..؟! وقفوا كلهم وعد بعد ما نزلت بنتها على الأرض .. و حتى وليد وباسوا راسة.. ابو سعود يناظر وليد : طلعت فوق عشان تجلس هنا..؟! وليد : شفتهن مجتمعات قلت اتونس معاهن شوي..!! ابو سعود جلس على الكنب و ناظر وعد اللي جالسة على الأرض جنب بنتها و تغطيها بـ مفرش صغير : ويش انتِ قايلة لأمي..؟! وعد رفعت نظرها له : ويش قلت..؟! ابو سعود : انا انشدكـ مو انتِ اللي تنشديني..!؟ ويش قايلة لها و مزعلتها..؟! وعد : ما قلت لها شيء يزعلها..!؟ ابو سعود : يعني امي تلفق عليكـ ..؟! امي ما خرفت يا وعد..!! مطولة لسانكـ عليها انتِ و اختكـ ..؟! وعد : بابا و الله... ابو سعود قاطعها بـ حدة : لا تحلفين يا وعد.. لا تحلفين طفح الكيل منكـ ..!! وليد تنرفز : يبه طيب اسمع منها..!! ابو سعود صرخ على وليد : و لا كلمة انت دام النفس طيبة عليكـ ..!! وعد ناظرت وليد الواقف يمينها و بعدها التفتت على ابوها : طيب انت اسمعني.. و الله ما قلت لها شيء غلط.. هي كانت تحكي عن الأحفاد.. و قالت ان بنتي ماهي حفيدتكـ .. البنت و حفيدتها ما تفيد اهلها بشيء.. و انا قلت لها مو شرط فيه بنات كثير يقومون بـ أهاليهم و عيال عاقين فيهم ليش تعمم ان كل العيال و عيالهم صالحين و كل البنات و عيالهم طالحين..!! ابو سعود : و هي صادقة..!! جرحها..!! بعد ما كانت تناظرة دنقت..!! و هي صادقة يعني بنتها ما تعني له شيء..!!! ابو سعود يكمل : الى متى بـ اقدركـ و تزعليني..!؟ امي لو تقولكـ ارمي نفسكـ بالنار ما تهمسين لها حتى الهمس بـ ليش..؟! تنفذين .. اما تجلسين تطولين لسانكـ عليها ليش ويش حاسبة ان شاء الله..!؟ وعد شتت نظرها وهي تكلمة و تحركـ يدينها بـ عشوائية : ما حسبت شيء انا ما غلطت يا بابا.. الحكي اللي قلته حتى ما ينعد مرادد بس هي ماهي طايقتني..!! ابو سعود : حتى لو تسمعين لها و تنكتمين.. ما تراددينها بـ شيء حتى نظركـ ما ترفعينة لها..!! وعد ناظرتة : يعني هاذي ضريبة الطلاق..؟! ابو سعود : نعم..!! وعد : جدتي كارهتني من تطلقت.. ما تحن علي الا وقت ما تحس اني انكسرت.. من رجعت بنتي و هي تسفل فيني.. و انت بـ حكيكـ هذا تأيدها على كلامها .. ما يعني اني تطلقت بـ اكل تبن و اسكت عن كل من يحكي علي..!! ابو سعود بـ حدة : قومي اصفقيني ازين.. ما بقى الا تعلميني يا وعيد..!! و الله ما كذبت امي هذا انتِ جالسة ترادديني و تحطين راسكـ بـ راسي.. بس لأني معطيكـ وجه و مقدركـ تمديتي علي.. نسيتي من هو ابوكـ ..؟! ما ردت .. بنتها ردت عنها لما صحت و صاحت من صوت جدها.. وعد وقفت و شالت بنتها .. باست راسة : ما نسيت من هو ابوي.. لكن انت شكلكـ بـ تنسى ويش عاشت بنتكـ و وقفتكـ ضدها بـ تكون اول من يكسرها بعد ما جبرها.. مشت لـ غرفتها .. ما علق على كلامها.. فعلاً عيالة تمادوا.. كل مين ماشي على هواه.. تنهد وهو يستغفر بـ داخلة.. .. بيت سعد .. صبا : لا تحاول ماني راضية عنكـ ..!! عمر ابتسم : يا دلوعة لا تسوينها مصيبة.. ما صار شيء .. صبا : لا ما صار .. اصلاً انا زعلانة منكـ و من ياسر .. قهرني رايح الملكة و ما علمني..!! ابو عمر : تعالي من زمان ما جيتينا..!! صبا قامت و باست راسة و جلست جنبة : يا روحي انت خلاص كل يوم بـ أجيكم.. فيصل : لا تنغر يبه ترى الكلمة ماهي لكـ .. تشوفكـ ياسر..!! انقهرت منه مسكت الخدادية و رمتها عليه : قليل ادب..!! عمر ماسكـ ضحكتة على احراجها و يناظر فيصل : ليش تكلم عليها يا فيصل.!!؟ عيب عليكـ ..! صبا : قليل ادب ما كنه متزوج.. ما تستحي لو اني احكي على نهى ترضى..؟! فيصل : هههههه روحي قولي لها اللي تبين.. منكـ ما تستحي لو تطقين عندها.. صبا : كلكم قليلين ادب.. ابو عمر : بسكم عنها.. ام عمر حطت الصينية على الطاولة : هاه يا امي ما فيه شيء بالطريق تفرحينا..!؟ صبا حطت الخدادية على وجهها.. ودها تختفي من الجلسة .. عمر و فيصل : ههههههههههههههههههههههههههههههههه.. صبا تصارخ من وراء الخدادية : قليلين ادب لا تضحكون..!! ام عمر تناظر عيالها : ويش فيكم..؟! عمر : من جدكـ يمه تنشدين هاذي..؟! اتوقع لو تحمل ما تعلمنا و يمكن ما تجينا عشان ما نشوفها حامل يقالها مستحية.. صبا تحلطم ماهي قادرة تحكم بإحراجها : بابا شوفهم..!! ابو عمر : ويش تبيني اسوي فيهم..!؟ صبا نزلت الخدادية : ترى و الله اروح و ما عاد اجيكم..!! فيصل : تبينها من الله عشان ما تتركين ياسر..!! وقفت صبا : و الله لا اروح .. سحبت شنطتها و سحبها منها عمر قبل لا تأخذ جوالها و تتصل على ياسر : من جدكـ نمزح معاكـ .. ويش فيكـ ما تحملين شيء.. فيصل : شكلة من دلع ياسر لها صايرة حتى الكلام ما تحملة ههههههههههههه .. سحبت شنطتها من عمر بـقوة ورمتها على فيصل : طيب ان جيتكم مره ثانية قابلوني.. سحبت جوالها اللي طاح من الشنطة.. ابو عمر : كبري عقلكـ عنهم انهبلوا هالإثنين هذا مودع من رجع من برا .. و هالثاني من ملكـ امس و عمة حارمة شوفة زوجتة وهو يقط خيط و خيط.. فيصل : مشكور يبه ما تقصر.. عمر : جزاكـ الله خير .. هذا جزا اللي يشكي لكـ همة..!! صبا تلعب بـ حواجبها تقهر عمر : يا حرام ما شفتها..!! يمكنها شينة و توهق فيها..!! عمر ابتسم على براءتها..!! حافظها لو يبونة يرسمها رسمها : افااا ترضينها على اخيكـ الوسيم يتزوج وحده شينة..؟! صبا جلست : مين قال انكـ وسيم ..!؟ حرام البنت ابتلشت في بشاعتكـ ..!! عمر : طيب يا حمارة هذا الحكي لي..؟! صبا : تستاهل .. ما احد قالكـ تحكي علي..!! عمر : احسن لكـ لمي لسانكـ عني ترى اقولكـ كم كلمة اضمن بعدها سنة ما تجينا صدق.. صبا زعلت : تبيها من الله ما اجيكم.. طيب يا عمر ما عاد اني بـ جاية.. ياسر الحين يجي و افكـكـ مني..!! عمر : لا تحاولين تلعبين هالوتر ما عاد يأثر فيني.. ابو عمر يتريق على ولده : أي صار عندكـ اوتار ثانية تأثر فيكـ.. مكشوفة لـ ناس ثانين..!! عمر ابتسم يدري ان ابوه يقصد لينا : ما اقول اني غبي شكيت لكـ همي.. فيصل : ههههههههههههههه و الله شكل ابوي ماسكـ علي شيء ذالكـ فيه.. عمر : الغباء انا اللي معلمة.. يقولون تقرب من ابوكـ و صير صديقة..!! انا اقولكـ ابعده و خله ابوكـ و بس..!! صبا تناظر جوالها و رسالة ياسر ترد على رسالتها "أنا عند الباب يا روحي..!!" حمر وجهها بس عشان قرت هالكلمة..!! ويش هالسرعة اللي عنده توها راسلة له يرد عليها انها عند الباب..!! وقفت حتى تسحب عبايتها و اخوانها ما طافهم تغير وجهها.. ام عمر : وين يا امي ما شبعنا منكـ.. ما قد جيتينا و طولتي عندنا..؟! صبا : ياسر عند الباب.. عمر يلعب بـ حواجبة يرد لها حركتها : و الوجة الأحمر من ياسر.؟!! ويش قالكـ خلاكـ تصيرين طماطم خلينا نتعلم تراني غشيم و على باب الله.. لفت و اعطتهم ظهرها .. و عمر و فيصل يضحكون بـ صوت عالي حتى يزيدون احراجها.. ابو عمر : صايرين خبثاء.. ويش عندكم ناشبين لها.. صبا لفت طرحتها .. و اتجهت لأبوها و باست راسة و يده.. و باست راس امها و يدها .. و ناظرت اخوانها : ما تستاهلون اسلم عليكم.. مشت و طنشتهم.. فيصل : قولي انكـ مستعجلة على شوفة ياسر مشتاقة له حتى ما تبين تسلمين علينا عشان ما نأخركـ ..!! عمر : بـ ارسل لـ ياسر اعلمة انكـ مشتاقة له عشان المره ثانية تحرمين تطنشينا..!! ماسكة الباب و تناظرهم منقهرة..!! تتخيل عمر راسل لـ ياسر يقولة انها مشتاقة له..؟! يسويها عمر ..!! راح تبكي منهم ..!! ليش كلهم كذا ما يراعونها..؟! ياسر من جهة و هالإثنين يحرجونها من جهة..!! حتى عمر الرزين منهبل عليها..!! : مع السلامة.. نزلت نقابها و فتحت الباب و طلعت.. : مع السلامة.. ابو عمر يناظر عيالة : خفوا عليها تراها ماهي ولد مثلكم.. تمزحون معاها كذا.. عمر : قلتها يبه نمزح عادي.. ابو عمر : لا ماهو عادي.. و الله تسويها و تطول عنّا ما تجينا اذا بـ تستقعدون لها.. كل واحد عنده مره يروح لها يحرجها زي ما يبي و يتركـ بنتي على جنب..!! عمر : انا مسكين لو اني اقدر اروح ما ترددت.. بس عاد الشكوى لله.. ابو عمر : تستاهل اول كنت بـ اوقف معاكـ الحين ماني واقف ما احد قالكـ تحرج اختكـ .. عمر : يبه تراني ولدكـ الكبير.. ام عمر : انت ويش فيكـ يا ابوي كنكـ انهبلت.. و الله متغير من رجعت من هالسفرة و انا حاسة ان بكـ بلى..!! فيصل : انا بـ اروح اسهر مع الشباب.. تأمرون على شيء..؟! ابو عمر : لا تطول.. و جوالكـ حطه بـ مكان فيه ارسال.. فيصل : يمكن المنطقة كلها ما يكون فيها ارسال.. ام عمر : اجل لا تروح لها .. تكفى يا ابوي لا تخلي قلبي يغلي على نار.. فيصل : يمه ماني رايح لـ حالي بـ اشوف الشباب .. و يمكن اسهر للفجر و ارجع.. انتِ نامي و لا تنتظريني.. انتبهي بس لـ ولدكـ التعيبان.. عمر بـ حزم : لا تحول الموضوع علي.. امي صادقة منطقة ما فيها ارسال لا تروح لها.. ويش تبي تروح لـ ديار خالية لو انقطع فيكـم الدرب لأي سبب مين بـ يدري عنكم.. فيصل : يا هالفال الشين.. الله يرضى عليكـ ماله داعي تشلع قلوبهم على شيء ماهو مستاهل ماني طالع لحالي.. ابو عمر : فيصل لا تستهين بالموضوع.. يوم خربت سيارتكـ انت و ماجد من بكرة عرسكـ للحين ما راحت.. تخبر زوجتكـ ويش صار فيها..!! فيصل : يبه الله يرضى لي عليكـ انتم مكبرين الموضوع.. الواحد ما يصير يتشائم و يتطير يتوكل على ربه هو الحافظ .. لو ربي كاتب يصير لي شيء بـ يصير لو اني بـ وسطكم.. عمر : الأخذ بالأسباب يا فيصل لو انكـ بيننا بـ يكون عندنا علم و نتصرف بس لو انكـ بـ ديرة مقطوعة مين بـ يدري عنكـ .. فيصل : استغفر الله العظيم .. حتى انت صفيت معاهم.. ام عمر : لا تغضبني .. تكفى يا فيصل.. فيصل : ان شاء الله يمه .. و لا يهمكـ بـ اقعد هنيا حواليكم ماني مبعد.. .. بيت ابو عساف.. سهاد ترتجف : خايفة و الله.. عساف : يا بنت الحلال ماهو مأكلكـ .. سهاد : قولة ما ابي اشوفة خلاص.. عساف مسكها من عضدها : حلوه ما تبين تشوفينة انا ناديتة عشانكـ و عشانة.. شيء من حقكـ و حقة.. سهاد مسكتة : الله يخليكـ و الله بـ اطيح عساف ماني قادرة اوقف على رجولي.. عساف تنهد : هاذي كلها وساوس بـس تخطين اول خطوة بالمجلس و تجلسين بـ ركازة بـ تروح .. رجال زيه زي غيره ما يخوف.. شدها و فتح الباب قبل لا ترفض.. دخل وهو ماسكة و هي لفت وقفت وراه ماهي قادرة تطلع عساف ماسكها.. اما سلمان متوتر .. استغرب من طلب عساف الصباح انه يسير عليهم اليوم لحالة و قالة يكشخ قالها وهو يضحكـ .. ولما جاهم بعد المغرب تفاجأ بـ عساف يقولة يبيه يشوف اختة و اختة تشوفة.. ما ينكر كان وده بـ هالشيء بس استحى يطلبة من عساف.. وقف.. سحبها عساف من وراه بـ يدة اليسار و وقفها جنبة سكر الباب بـ يده اليمين.. مشى و هي تمشى معاه لا شعورياً.. : استريح يا سلمان.. جلس سلمان وهو يحركـ رقبتة عشان يعدل شماغة.. جلس عساف و جلس سهاد يمينة..!! ناظر عساف سهاد شعرها مغطي وجهها ما رفعت عيونها من الأرض.. ابتسم سلمان من نظرة عساف.. عساف ناظرة : شوف الشعر بس الباقي مستخبي.. عاد انت و حظكـ يا تشوفة قبل ما تخلص الجلسة يا ما تلحق عليه لين العرس.. سلمان : شخباركـ سهاد.. ما ردت..!! ما فيه صوت.. ما تحس انها قادرة تنطق..!! يقولون ان الصوت يخرج من اهتزاز الأحبال الصوتية.. هي عاجزة عن اخراج صوتها.. عساف : سهاد ارفعي راسكـ .. خليه يشوفكـ .. كانت بـ توقف لو ما عساف شد عليها و حضنها همس بإذنها : بنت الرجال ما شاف شيء منكـ غير زولكـ .. يوم قلت لكـ على الشوفة كنتِ موافقة ويش اللي قلبكـ كذا..؟! كذا صارت مكشوفة له اكثر لأن وجهها جهتة بس شعرها مغطي وجهها .. مد عساف يدة اليسار و رفع شعرها عن وجهها .. همست بإحراج : عــســـاف..!! عساف ابتسم وهو يناظر سلمان : كويس سمعت صوتها ما كنت متوقع.. سلمان كان راح يطلق ضحكة لكنه ماسكـ نفسة اذا البنت مستحية كذا كيف لو ضحكـ ..!! عساف يناظر سلمان يبيه يتجرأ اكثر : هاه ويش رايكـ بـ عروستنا عاد هي حيوية.. يبي لها فترة عشان تعود عليكـ .. سلمان ابتسم : حيوية بـ زيادة.. متى تبونا نسوي العرس..؟! عساف يغمز لـ سلمان : ويش رايكـ بعد اسبوعين..!؟ سلمان : ما ينفع نبدرة اكثر..؟! عيونها اتسعت مع حكي عساف اسبوعين..!! و الصدمة زادت مع طلب سلمان .. رفعت عيونها تناظر الإثنين بـ صدمة.!! واضح انها ما انتبهت .. يبصم بالعشرة لو يسألها عن ملامح سلمان ما عرفتها.. سلمان اتسعت إبتسامة : شكلي بـ اخلية بكره الزواج..!! استوعبت انها تناظرة تخبت وراء عساف بـ سرعة و هي ودها تصفق نفسها و الإثنين يضحكون عليها.. دايم الرجال كذا ما يراعون خجل النساء و يقلبونة طقطقة..!! .. لا إله إلا أنت سبحانكـ إني كنت من الظالمين.. لا أحلل نقل الرواية دون ذكر اسمي.. هاشتاق #رواية_لو_سألتي_الورد ضحكة قهر.. http://up.graaam.com/img/23407876b74...eba11d9f14.pnghttp://up.graaam.com/img/c433481acf7...1de64fbad2.png |
رد: لو سألتي الورد وهو ما بين إيدك أقطعك بيقول لك عمري فداك الكاتبة / ضحكة قهر
سوري كررت لكم الفصل اللي فات
الحين بنزلكم الفصل الجديد |
رد: لو سألتي الورد وهو ما بين إيدك أقطعك بيقول لك عمري فداك الكاتبة / ضحكة قهر
بسم الله الرحمن الرحيم..
السلام عليكم و رحمة الله و بركاتة.. يا هلا فيكم .. يا اني مشتحنة لكم احس لي اكثر من اسبوع عنكم.. الإسبوع اللي فات مر طويل حيل.. و كـ عادة كل ويكـ اند لازم يتلخبط وقتي و ترتيبي.. بديت البارت اعتقد الإثنين او الثلاثاء و انشغلت و لما فتحت البارح تفاجأت انها بس خمس صفحات..!!! قلت مو مشكلة اهم عليه و بـ اخلصة كله.. و اكتب و اكتب و اتفاجأ انها بس 10 ..!! عرفت ان البارت بـ يعكر علي.. ما علينا المهم في الموضوع ان اللي بـ انزلة مو كل البارت لأني ما بعد خلصتة كله ^_^ بس النص منه.. بـ انزل لكم الفصل الأول منه.. و الفصل الثاني خلال هاليومين يمكن اذا خلصتة الليلة ينزل الصبح او بكره او بعده ما اعرف بـالضبط لكن خلال هاليومين بإذن الله بيكون الفصل الثاني بين اياديكم.. طيب بـ اتكلم على نقطة.. فارق الأعمار بين اللي متزوجين ^_^.. مو كل الرواية فيه فارق اعمار كبير بينهم لكن فعلاً الأغلبية.. سوا وعد مع عماد او عساف.. و شوق مع سعود.. و لينا و عمر ^_^.. و حتى وليد و سحر.. لكن بعد فيه ناس غير مثل نهى و فيصل او راكان و خطيبتة اللي ما طلعتها لكم للحين بس من عمر راكان اكيد بـ تعرفون ان خطيبتة ماهي صغيرة واجد عنه.. عموماً هاذي المعطيات.. لأن فرضاً عماد او عساف انا ابيهم بـ هالرتبة عميد.. اكيد ما راح احط لكم عميد عمرة 23 سنة..!! شيء ما يخش العقل متى امداه توظف و مر بالسلم العسكري كله.. اتمنى فهمتوا علي ^_^.. و الا ما كان صعب علي اغير بالأعمار لكني كنت ابيها بـ هالفترات.. ادري بـ تدرعمون علي و تقولون لي البارت بارد.. عودتكم على الأحداث الأكشينية.. ممكن تقرونة من ناحية اجتماعية لأنها هي اساس روايتي و قلت لكم من قبل القضية خط من الرواية مو كلها.. و انتظروا الفصل الثاني و علقوا لي على البارت كامل مع بعض عشان يكون متكامل قدامكم.. و اخر شيء .. حيا الله قرائي جميعاً.. قراءة ممتعة.. .. البارت الواحد و الستون.. الفصل الأول.. الشوق لو ماهو من القلب نابع مابي تجاملني .. ولا تحتويني تملا فراغات الاصابع ب اصابع وحاجة يساري مالها الا يميني لـ صدووود.. بيت عامر.. البارح صدمتهم البتول ان عماد طلقها و تمسكنت عندهم و عامر وعدها يوقف معها.. لكن عماد من طلعتة ما رجع.. عامر : و انت متى ما اشتهيت و طقت براسكـ طلقت..؟! ام ناصر : حرام عليكـ اللي تسوية.. بـ يرجع لكـ بـ خواتكـ و بنتكـ .. لا جاتكـ مطلقة تعرف شلون كسرت هالبنات.. ام عامر : يا وليدي ما يصير طلقت بنت عمتكـ و بنت خالتكـ ما احد بيظن فيكـ خير.. يا وليدي الدنيا سلف و دين.. هي البنية سواياها شينة.. بس ما نبيكـ تطلقها.. نبيكـ تضفها و تأدبها ما ظنتي صعبة عليكـ .. عامر بـ حدة : ترجعها يا عماد.. تفهمني.. ترجعها.. عماد مرهق من السهر و التفكير المتعب : آسف يبه .. خاطري عايفها.. عامر : تبي تعصيني يا عماد.. خليت البنت و خاطرها مكسور و ضاربها .. مستقوي عليها ..؟! ويش اللي ما عجبكـ فجأة فيها..؟! مو البارح نكلمكـ عنها نبيكـ تقضبها و تسنعها و ما رضيت عليها..؟! ناصر : ما تبي ترجعها هي رجع ام بنتكـ اجل..!! مريم كتفت يديها : لا.. وعد طلعوها من الحسبة.. ما بقي فيها شيء زود عشان يقضي عليه عماد..!! عماد وقف و ناظر عمتة : ان كنت عايف البتول مره فـ أنا عايف وعد مية مره.. ماني ميت عليها عشان اردها.. لو ابيها في بيتي ما راح يهمني احد حتى ابوها.. اقدر اجيبها غصباً عنها.. مريم عصبت : ماهو بـ كيفكـ يا عماد تكسرها .. ما قصرت فيها هذا انت رميتها بـ بيت ابوها مطلقة.. ليش حاسب ان الناس ما تعيش من غيركـ و انت متفضل على الكل.. و من بغيتة قربتة و من كرهتة ابعدتة.. عامر : مـــريم الله يرضى عليكـ .. ما انتِ كارهة الزين لـ بنتكـ .. مريم : ليش تشوف ان الزين ترجع لـ ولدكـ ..!! عامر : ان ما كان زين له و لها فـ هو زين لـ بنتهم.. لساتها صغيرة و الحين رابية بـ حضن امها .. بس تكبر شوي بـ تشتت بين ابوها و امها.. ناصر : عدا ان امها يمكن تتزوج.. لسى صغيرة و مو بعيد نسمع خبر زواجها بعد عدتها.. عماد هز كتفة : ما تهمني .. اللي يهمني بنتي.. عامر : دام بنتكـ تهمكـ رجعها و الا رجع البتول.. عماد : ما ابيهن الثنتين.. يبه مالي خاطر فيهن..!! (مسك أطراف جاكيتة بـ قوة يشدة) كارهن.. كاره جنس حواء كله.. عبدالله : عشانكـ للحين مقيد نفسكـ بـ قيد ما فكيتة من عمركـ رغم ان المفتاح بـ يدكـ .. عماد يصارخ : تراكم طفشتوني.. كرهتوني حياتي.. ما صار قلب و تعلّق.. صارت روح و تنهان.. عامر بـ حدة : لا تصارخ .. احترم وجودي.. عماد صوتة انبح : انا محترمكم لكن انتم مو محترميني.. حياتي ما احد له دخل فيها .. اذا سمعت منكم ربع كلمة عن وعد و الا البتول راح اتركـ البيت لكم..!! ام ناصر مسكتة من ذراعة : لا تكفى يا ابوي لا تتركـ البيت.. احنا ما نبي الا مصلحتكـ .. عامر : باليوم اللي تطلع من البيت وهاذي نيتكـ .. فـ بيتي يتعذركـ لأخر العمر يا عماد.. ماهو انت اللي تهددني.. كان انت ما سويت لأبوكـ حساب وهو اب واحد.. تبي ابوكـ يسوي لكـ حساب..!!! طلع عماد من بينهم اعصابة تلفانة..!! ما نام من البارح ما بين فرارة شوارع و جلسة بالمكتب.. ركب سيارتة و يلف بدون هدف.. هو كذا الحب يوقف الحياة..؟! هو العيب فيه و الا فيهن.؟! ثلاث..؟! اخرهن عايرتة و عافها.. وقف السيارة و سند راسة مسح على شعرة وده ينتف شعرة شعرة و يخرج كل هم عالق بـ راسة.. كتف يدينة و غمض عيونة.. يلوم نفسة اللي ما فهم تفكيرهم..؟! "تفكير المجتمع" ليته اتبع نظرتهم و خبى كل شيء بـ خاطرة على الأقل ان ما لقى مع من حب لقى ما يلقى من يتشمت فيه.. شيء بـ خاطرة و يـ ندفن بـ خاطرة.. مسح وجهة بيدينة الثنتين : حسبي الله و نعم الوكيل.. حسبي الله و نعم الوكيل.. شاف طيفها مبتسمة له و كأن صورتها عالقة بـ جفن عينة .. ابتسم لا شعورياً .. شوفتها بـ تهون عليه واجد.. شغل سيارتة يروح يـشوفها.. فجر.. دائماً البدايات من الفجر.. يمكن شوفة لـ بنتة تكون بداية جديدة.. .. بيت غازي.. في مكتبة.. جالس على الكنب ينتظر بنتة.. من غير لا يرفع نظرة عن الأوراق : ادخلي.. دخلت متوترة من بعد ما قالت له انها حامل ما كلمها.. تفاجأت بتجديد عقد زواجها من امها و لما جاب لها الدفتر توقع ما قال لها شيء.. حاسة انه زعلان منها.. قبل سنتين و نص وقفت في نفس المكان.. مذنبة..!! رفع عيونة لها و نزل النظارة : انا معودكـ تدخلين عندي كذا..؟! و الا نسيتي كيف تسلمين على ابوكـ ..؟! قربت منه و دنقت تبوس راسة.. و رفعت كفة باستها بعدها باست كتفة و ما رفعت راسها لأنها بكت.. حط يده وراء ظهرها و جلست و لفت يدها اليمين على رقبتة.. ما شالت راسها عن كتفة اليسار.. لينا : آسفة بابا و الله العظيم ما فكرت بـ هالطريقة.. و الله ما كان قصدي اسيء لكـ .. غازي : ادري يا بابا ان هذا مو تفكيركـ .. احيان الواحد من التوتر او الخوف يروح عن بالة اشياء ثانية.. عمر كان تفكيرة انه يبعدكـ من المكان و يأمن عليكـ .. و انتِ وافقتية و قررتوا قرار خاطيء .. لو اني اشكـ بـ نيتة يا لينا و الله ما خليتكـ على ذمتة دقيقة وحدة.. لكني واثق فيه شخص يضحي بـ نفسة عشان يحمي وطنة و يفديها بـ روحة وعلى عاتقة هم كبير و جيتكـ عنده زادت همة و حطكـ بـ عيونة (رفع راسها عن كتفة و حضن وجهها بين يدينة يمسح دموعها بـ إبهامة) وين بـ القى لكـ ازين منه..؟! لينا : انا ما ابيكـ تزعل مني.. و الله بـ اسوي كل اللي تبيه مني بس الله يخليكـ لا تتركني.. انت اماني.. ابتسم غازي : ما راح اتركـ انا ماني عايفكـ يا بابا.. (باس جبينها) عمر كلمني .. مسحت وجهها من اثار دموعها.. و تنحنحت.. غازي : اجلسي زين اول شيء هاذي ماهي جلسة زينة لكـ .. لفت بعد ما كانت جنبة و معاكستة و سندت ظهرها على الكنب ما ودها تسأل وش يبي..!! غازي رفع حواجبة : ما تبين تعرفين ويش يبي..؟! لينا : يعني اذا تبـي تقول لي..!! غازي ابتسم : لا تحاولين تلعبين علي.. نسيتي اني غازي بن حمدان..؟! لينا ابتسمت : ما نسيت.. الله يحفظكـ لنا.. غازي : طيب لا تحاولين تراوغين معاي.. لينا : بابا ما راوغت يعني اذا انت ودكـ تعلمني اكيد بـ تعلمني.. غازي : انا ابي اعرف انتِ تبين تعرفين و الا لا..؟! بـ اشوف مهتمة لأمرة..!؟ تمسح على اظافرها : يمكن.!.! ما اعرف يعني لو..؟! غازي : لو ايش..!؟ لينا : اني انجبرت..!؟ غازي : انجبرتي..!؟ المشاعر ما فيها اجبار يا لينا.؟! لينا : بس انا .. يعني ما كنت اشوف احد غيره.. هو كان يوفر لي كل شيء.. يعني يمكن لو انا بـ حياتي العادية ما شفتة و لا عرفتة.. ما اعرف بابا بس كان يعني..!! صح يحميني.. بس..!! غازي مد يده على كتفة يمكن تطمن.. حاس انها خايفة : قولي لي يا بابا.. لا تخافين من شيء.. سوا انا او عمر او غيرنا.. بـ احميكـ بـ روحي.. لينا : اغلب حياتي هناكـ هواش.. معاه طبعاً.. كان يقهرني و ادعي عليه من قهري.. و لما جاب لي بنت عماد.. دعيت عليهم الله يحرق قلوبهم وهو واحد منهم.. كنت احس اني لعبة بـ يدة.. اذا ما بغى يسمعني و الا يجاوب على اسئلتي عصب علي و انا اخاف منه.. مرات ما يهمني احس ان مالي احد ليش اخاف على روحي و ما احد يبي قرب هالروح..!! بس ..!! كنت احس بالأمان معه.. اذا اضطر يطلع يدب فيني الرعب لين يرجع اخاف احد من الرجال اللي شفتهم يدخل عندي..!! تنهد غازي : عصبيتة و هواشة لكـ كان شيء طبيعي .. هو متوتر اصلاً بـ وجودة هناكـ اكيد بـ يخاف على نفسة .. و انتِ كنت عبء زيادة عليه.. يعني زوجة بـ وسط ظروفة هاذيكـ تثقلين عليه شيء طبيعي يعصب عليكـ .. ما انتم بـ حياة عادية وجودكـ بـ حياتة يهون عليه.. لينا نقزت من مكانها لـ مجرد التفكير بـ هالإحساس : طيب اذا تزوجني عشانكـ ..!؟ يعني يمكن هو ما يبيني.. بس تورط معاي..!؟ غازي شد عليها : ليون بابا بدون انفعال.. عمر لو ما يبيكـ ما قرب منكـ .. صدقيني هو مهتم لأمركـ انا كنت بـ اعاقبكـ و اعاقبة.. بس هو كلمني اليوم.. و أكد لي انه ما فكر يقرب منكـ لو ما يبيكـ .. انا قبل لا يتصاوب كنت ناوي اروح له و اشكرة من جديد و اقوله ان اللي انربط بينكم بـ ينحل عشان ما احرجة و لا راح اسكت عن الموضوع و اعلق زواج حتى شروطة ماهي تامة.. ما كنت ادري انكـ حامل و مخبية علي.. لينا : و الله هو قالي.. هو قالي حافظي عليه لين ما احل الموضوع.. هو قالي يبيه..!! غازي : قلتِ لي يا بابا وهو قالي.. انا فاهم وجهة نظرة.. هو خايف عليكـ من الكل من العصابة و مننا.. يمكن توقع ان لو احد درى انكـ حامل و ما اشهروا زواجكم هالشيء بـ يضركـ سوا انا او عمكـ عامر او عيال عمكـ .. انا صح اني يوم دريت بـ حملكـ تضايقت.. و زعلت من عمر اللي طلبكـ تخبين علي.. بس لما سمعت من ابوه و منه حتى عيال عمة سعود و عساف توسطوا له عندي اليوم ما هان علي.. انا كنت شارط عليه ما يشوفكـ لين بعد نفاسكـ يملكـ و يعرس و تبقين عندي من غير لا احد يدري لا جانا احد قلنا انكـ مسيرة علينا و الا زوجكـ مسافر.. (ابتسم غازي) وهو وافق وقتها وده يصفقني من قهره.. ما دريت انه موافق كذا بس لين يضمن الملكة عشان يخلي الأوادم توسط له عندي.. لينا : ما راح اعصيكـ يا بابا بـ امشي على شوركـ .. ابتسم غازي : من وراء قلبكـ ادري.. شوفي عيونكـ كيف تلمع من حكينا عن عمر..!! اتسعت عيونها بـ صدمة : و الله..؟!! غازي : تحبينة..؟! تراجعت بـ ظهرها على وراء منصدمة من ابوها..!!! غازي مسكها من معصمة و شدها له : مستحية مني يعني..؟! اصلاً ما يحتاج تجاوبين بـ لسانكـ .. عيونكـ و نبض قلبكـ اللي احسة بـ يفجر عروقكـ من سرعتة تجاوبني.. ناظرت يد ابوها محاوط معصمها حست انها فعلاً غبية زي ما قال عمر..!! كان مستغرب شلون هي الغبية بنت غازي.. مفضوحة.. يمكن حتى عمر يدري..!! يمكن يدري هي كانت ضعيفة اخر فترة عنده.. يمكن حس ان له شيء بـ قلبها اذا ابوها لاحظ ليش عمر ما يلاحظ..؟! همست : أنا مفضوحة..؟! غازي : انتِ كتاب مفتوح.. مو مفضوحة.. سهل الواحد يتنبأ بـ ردود افعالكـ .. لينا عقدت حواجبها : يعني غبية..!! ما ابي اكون كذا.. غازي : ليش تشوفينها من هالمنظور..؟! الناس شخصيات.. فيه القوي و الغامض و الخبيث و البريء و الطيب.. و فيه من اللي يجمع كم صفة.. يعني ممكن تلقين واحد قدامكـ طيب و بريء و وراكـ اخبث منه ما فيه.. و فيه الضعيف و خبيث زي ما يقولون من تحت لـ تحت.. و فيه القوي بس يكون طيب.. و انتِ من النوع اللي يظهر قوتة لكنها هشة يا لينا اساسكـ ضعيفة و بريئة.. لينا شدت يدها : كأنكـ تسبني..؟! غازي : لا ما اسبكـ .. بابا ما ابغى احكي في اشياء ممكن تزعلكـ .. لكن اللي اعرفة و متأكد منه على الأقل بالنسبة لي انا.. انكـ ضعيفة و ممكن أي احد يقولكـ كلمتين و تمشين وراه.. و اعتقد انتِ عشتي هالشيء مرتين.. و شفتي الصالح و الطالح.. مشيتي وراء سامي و غلطتي نيتة كانت قشرا.. و مشيتي وراء عمر لكن عمر نيتة كانت طيبة.. يا بابا ما يصير الإنسان يكون ضعيف بـ هالشكل.. ما انكر اني اخاف عليكـن.. كل يوم اتخيل أشكالكن من بعدي..!! شوق و انتِ و ريما و همس.. اربع بنات من غير اخ.. و عم واحد.. لينا : جعل عمركـ طويل يا عمري.. احنا من غيركـ ما نسوى شيء..!! غازي : ما ادري ويش اللي جر ذا الحكي.. يالله قومي عشان تعشين لازم تأكلين عن اثنين.. لينا : بابا تكفى اهتم بـ نفسكـ عشانا..!! الله يخليكـ .. غازي وقف : الروح امانة يا بابا.. وقفت لينا من غير لا تناظر فيه : احم بابا ايش كان يبي عمر..؟! غازي ابتسم : ما طافكـ تنشدين..؟! (مشى يطلع من المكتب و هي تمشي وراه) قالي يبي يوديكـ دكتورة ما تدرين كم لكـ حامل.. و عشان يطمن عليكـ و على الجنين.. بس طبعاً انا رفضت تروحين معاه.. يبي يلوي ذراعي هالعمر.. راح تروحين بكره مع امكـ .. امال تنزل الصحن على طاولة الأكل : نروح وين..؟! غازي سحب الكرسي و جلس : تأخذينها دكتورة نساء.. عشان نطمن و تشوف كم لها حامل.. امال تناظر بنتها مستغربة : ما تدرين قد ايش لكـ ..؟! لينا سحبت الكرسي و جلست : لا.. امال : ويش ذا الغباء اللي فيكـ ..؟! غازي بـ هدوء : امال..!!! امال ناظرت غازي : ويش فيكـ خلاص متزوجة ماهي جاهلة..!! غازي : لا تحرجينها.. وين ريما..؟! امال تنهدت : وين بـ تكون..؟! بـ غرفتها اكيد تخبر بكره الأحد.. غازي : صايرة تكذب علي و هي مخلصة المواد.. تقولي ما خلصت عشان ما اهاوشها.. امال جلست : تعبت معاها.. الحكي يدخل من اذن و يطلع من الثاني.. و لا كني احكي..!! اول مسوية لها قهوة.. غازي : استغفر الله العظيم..!! و ندى وينها..؟! امال : قالت ما تبي تعشى حضرتة معي و طلع قبل لا تجون..!! يطقطق بالطاولة متنرفز..!! بنتة من جهة.. و ندى من جهة..!! امال : ايش فيكـ ..؟! غازي : ابداً و لا شيء.. ما قالت لكـ ليش ما تبي..!؟ امال : تقول ماهي مشتهية.. طبيعي مع الحمل احيان تقل شهيتها للأكل.. غازي : هالحكي ماهو عندي.. هي و الهانم هاذي (آشر على لينا) ابي اشوفهن على كل طاولة..!! لينا ابتسمت تهدي من عصبيتة : و انا ارفض أكل معاكـ يا جعلني فدوة لكـ .. غازي وقف و هو مبتسم : تمسيح الجوخ.!! ويش تبين..؟! لينا : ظنكـ شين فيني يعني ما اقولكـ حكي حلو الا اني ابي شيء..؟! غازي : ما ادري توني معاكـ ما طلبتي شيء.. خليني اشوفهن و ارجع لكـ .. طلع الدور الثاني .. جناحة.. لأن ريما اسهل لو ما رضت بـ يشيلها و يوكلها غصباً عنها.. دخل غرفة النوم.. مسكرة الإضاءة..!! يعني بـ تقعنة انها نايمة.. شغل الأنوار : ندى..!! غمضت عيونها وما ردت عليه.. رغم انها تعرف ماهو صعب عليه يعرف انها صاحية.. بس يراقب تنفسها بـ يعرف..!! قرب منها : قومي و كلميني..!! ندى رفعت اللحاف بـ قوة و جلست : آمر ايش بغيت..؟! ناظرها بـ حدة اسلوبها ما راق له..!! : خير ان شاء الله..؟! ندى غمضت عيونها و اخذت نفس.. غازي : ويش هالإسلوب يا هانم..؟! ندى : أي اسلوب..؟! ما اعتقد اني قصرت..!! انت الليلة اصلاً مو عندي .. و انا حضرت لكـ العشاء مع امال.. يعني ما اعتقد مسوية جريمة لو نمت..!! غازي : من متى تكلميني بـ حدة..؟! اخبركـ ترجفين من تسمعين صوتي..!!! ندى عقد حواجبها : يعني انت هذا اللي تبيه اني اخاف منكـ ..!؟ غازي : ما ابيكـ تخافين مني.. ابيكـ تصلين على النبي و تروقين.. تعوذي من ابليس هاللي راكبكـ من امس..!! ندى : اللهم صلي و سلم على نبينا محمد و آلة و صحبة أجمعين.. و اعوذ بالله من الشيطان الرجيم.. كذا تمام..؟! غازي : ايه.. يالله قومي عشان تعشين.. ندى : مو مشتهية..!! غازي : ندى الله يرضى عليكـ ما ابي اجبركـ على الأكل.. ما انتِ بزر ما تعرف مصلحة نفسها.. ندى : قصدكـ مصلحة اللي بـ بطنها.. و مين قال اني ماني بزر.. انت تعاملني كني بزر..!! غازي : اللهم طولكـ يا روح.. ويش سويت لكـ عشان احسسكـ انكـ بزر..؟! ندى : انت تعاملني كني وحده من بناتكـ .. انا ما احتاج يكون عندي اب.. عندي ابوي الله يخليه لي.. غازي هاذي مخها ضارب..!! مسح على شنبة بـ يده اليمين يراقبها تحكين بـ عصبية و انفعال.. ندى : انا محسنة الظن فيكـ و الا قلت ما انت واثق فيني..!! غازي : انا غبي اللي جاي ابي راحتكـ .. اللي متعني و جايكـ عشان تأكلين.. اخر شيء تخورينها بالحكي.. راجعي كلامكـ قبل لا تنطقينة يا ندى عندي.. ترى مو كل مره تسلم الجرة.. ندى وقفت بـ حدة : يعني تهددني..!؟ ناوي تمد يدكـ علي..؟! غازي وقف و بين الإثنين السرير زين اللي ماهي قريبة منه و الا سواها و ضربها فعلاً : انا قلت بـ امد يدي عليكـ ..؟! انت مستوعبة الحكي اللي تقولينة..!؟ ندى : ايه مستوعبة.. انت اللي مو مستوعب كيف تعاملني.. من دخلت بيتكـ و انا بالعة و ساكتة.. لكنكـ تبي تضايقني حتى بـ وقت راحتي..!! غازي منصدم : لـ هالدرجة انا ما انطاق..؟! كل ذا النفسية الزفت عشاني تأخرت عليكـ و ما جيتكـ الا الفجر..؟! ندى : انت مو مستوعب انكـ تغلط علي.. ترميني بـ بيت اهلي و ترجع لي متأخر اتصل عليكـ ما تلقى الوقت ترد علي فيه.. فرضاً كنت بالبيت لـ حالي و تعبانة بـ اموت و اتصل عليكـ و لا ترد ويش بـ سوي حزتها..!؟ غازي : لو اني خابركـ بالبيت لـ حالكـ ما كنت طنشتكـ و اعرف ان اتصالاتكـ لـ شيء مهم و ضروري.. ندى تشد على شفايفها السفلية عشان ما تبكي : يعني تعترف انكـ طنشت اتصالاتي..؟! غازي : لا.. كنت حاطة بالمكتب و انا كنت بـ غرفة الإجتماعات مع الشباب.. ندى : يعني بـ تضمن ان جوالكـ يكون معاكـ لو احتجتكـ ..؟! غازي يمشي من قدام السرير حتى يقرب منها : انتِ جالسة توسوسين .. الشيطان يلعب بـ راسكـ و يخليكـ تتوهمين اشياء و تتضايقين عليها و هي ما صارت.. ندى ضربت رجلها بالأرض بـ قهر ابوها يقولها الشيطان يلعب بـ راسكـ اذا قالت له أي شيء و هالحين غازي : انتم ليش تشوفوني كذا..؟! يعني اللي انت تسوية فيني مو غلط..!؟ غازي : وين الغلط في الموضوع..؟! اني اتأخر عليكـ طيب انتِ المفروض تراعين طبيعة شغلي و تعرفين ان وقتي ماهو ملكي.. ممكن يجيني أي طارئ يخليني اقعد 24 ساعة بالمكتب و ممكن زود.. ندى : طيب انت ليه ما تفكر فيني.. هالشيء يتعبني.. يعني انت فاهم شغلكـ ليش ما تخليني ارجع مع احد من اخواني لـ بيتي انا ما اقدر انام بـ بيت اهلي عشان اقول يمكن تدق الحين بعد شوي الحين بـعد شوي يروح الوقت و انت ما دقيت..!! غازي : طيب اذا هذا اللي مزعلكـ انا بـ احاول احل الموضوع.. اذا صار عندي شيء و تأخرت عليكـ بـ ادق عليكـ و اقولكـ تنامين بـ بيت اهلكـ كذا تمام يا روحي..؟! غثيان قوي يلعب فيها تراجعت وراء لين لصقت بالجدار : ممكن تبعد عني..!! غازي رفع حواجبها و هذا وهو يبي يرضيها : خير ان شاء الله هانم ندى .. ما تحسين دلعكـ اليوم مصخ..!؟ ندى استندت على الجدار و يدها على بطنها : بس ابعد عني خلاص ما ابي شيء.. انا قرفانة من نفسي..!! غازي بـ حدة : نـــــدى..!! تعدت من جنبة تجري و هي كاتمة نفسها و يدها على فمها.. حتى توقف على المغسلة و ترجع.. وقف قريب منها : ندى..!! انتِ متوحمة فيني..؟!! بكت ندى كانت بـ تجلس على الرخام من التعب مسكها غازي قبل لا توصل الأرض و يديها متعلقة بالمغسلة : تعالي.. اجلسي هنا.. ندى جلست على الكنب و جلس جنبها غازي : تعبانة.. ماني طايقة شيء.. تكفى ابي امي.. الله يخليكـ ابي اروح لها.. غازي : تبين اوديكـ المستشفى..؟! ندى : لا بس ابي اروح لأمي.. قامت تجري لـ المغسلة من جديد ترجع.. وقف : البسي عبايتكـ انتظركـ بالسيارة..!! نزل الدرج بـسرعة ناظرهن جالسات و ما اكلن كانن ينتظرنة ينزل مع ريما و ندى عشان يتعشون كلهم مع بعض : ليش ما تعشيتن..؟! لينا : ننتظركـ.. هاه نجحت المهمة.. غازي : ما شفت ريما .. و ندى تعبانة بـ اوديها لأهلها.. امال : و الله كن وجهها اصفر حتى قلت لها ترتاح و ما طاوعتني.. غازي : ما ادري ويش فيها..!! ليش ما علمتيني من قبل..!! امال : و الله ما طرى علي .. و انا حاولت فيها بس هي الله يهديها راسها يابس..!! غازي : خلاص تعشوا و شوفي ريما.. على ما اودي ندى.. .. بيت عبدالرحمن.. عساف : هاه يبه يناسبكـ ..؟! ماجد : ويش عنده وريناه العروس و انشفح..؟! عساف ابتسم : ما خليت كلمة ما قلتها له اليوم.. ههههههههههههه.. عبير : ما نبي كذا .. خله يصبر ويش عنده..؟! ابو عساف : ويش عذرنا..!؟ عبير : بنتنا و كيفنا..!! ابو عساف : لا ما هو كيفنا دامه خطب و عطيناه صارت له.. احنا اهل العروس اهل المعرس هم اللي يحددون كل شيء..!! عبير : و الله قهر..!! ما يمدينا نسوي شيء..!! عساف : ويش عندكـ ..!؟ اذا هم اللي وراهم تجهيز بيت ما اعترضوا .. انت تحلطمين عشان فستان..؟! عبير : طيب انا بـ افصل بالقوة طلعت لي موديل ارضاني.. ما راح القى لي خياطة تطلعة بـ شهر..؟!! يزيد : الفلوس تسوي كل شيء لو بـ يومين.. عبير التفت على ابوها : ترى بـ افقركـ مالي دخل.. ابو عساف ابتسم وهو يشد خدها : لكـ من الريال لـ المليون.. ما ظنتي قصرت..!! عساف : يبه من جدكـ ..؟! ويش ذا.. مخليها تدلع علينا..!! عبير تلعب بـ حواجبها : ابوي مدلعني الله يخليه لي.. انتم ويش عليكم ويش اللي حارق رزكم..؟! عساف بـ حدة ارعبت عبير : لمي لسانكـ عني لا اعلمكـ شلون تردين علي..؟! ان كان نسيتي شلون تحترمين اخوكـ الكبير ماني عايز لا اعلمكـ .!! ابو عساف ناظر ولده بـ حدة ما يبي يكسر كلمتة.. عبير مسكت كف ابوها : انا ما قليت احترامي.. طلبت من بابا فلوس وهو عطاني وين الغلط بالموضوع..!! عساف : راجعي ردودكـ علي و تعرفين وين الغلط.. ام عساف تنزل صينية الشاهي على الطاولة : ويش بلاكـ على اختكـ ..؟! عساف : ايه دلعوا فيها و خلوها تركب راسها.. احنا اخوانها و نقول ماشي لكن بكره تفضحنا مع الرجال ان تزوجت..!! ابو عساف : بنتي سنعة يا عساف .. عساف يناظر عبير ناوي على دلعها اللي مو عاجبة : ان شاء الله..!! بكره تزوج و ان كان هذا حكيها مع زوجها اني لا ادق راسها قبل لا يدق راسها هو.. عبير وقفت باست راس ابوها و يده و اتجهت لأمها : عن اذنكم..!! ام عساف : يمه لا توخرين بالمراجعة عشان تنامين.. عبير : طيب.. باست خد امها و طلعت.. ابو عساف بـ حزم : انت ويش بلاكـ عليها..!؟ عساف : يبه ما يعجبني الدلع .. الدلع يخرب الحال ما يصلحة.. ابو عساف بـ قوة : تشكـ بـ اختكـ يا عساف..؟! عساف : حشى لله.. بس يبه انت عودها كل شيء تبيه تلقاه.. بكره يخطبها واحد حالة اقل مننا ماهو شرط فقير بس حالة متوسطة و احنا نشري رجال شلون بـ تأقلم على حالة..؟! و الا ان شاء الله تزوجت واحد غني مين يضمن ان فلوسة بـ تقعد عنده لأخر عمرة و بـ يعيشها مثل ما انتم عيشها الحين.. ماجد : عساف معاه حق يبه.. انت مدلعها بـ زود.. تعطيها مجال حتى انها تزيد كل مره.. تقولها لكـ من الريال لـ المليون..!؟ على حساب فستان كم ساعة و ترمية..!؟ ابو عساف : اللي يسمعكـم يقول عطيتها الحين مليون..!؟ عساف : بس لو طلبتكـ ما انت رادها.. ماجد : حتى تفكيرها يبه بـ يكون بدون حدود عشانها عارفة ما لها حد بالصرف..!! ابو عساف : هذا و انا اقول لـ بناتي سند بعد عيني..!! تبون تحرمونهن و الله معطيكم..؟! عساف : افاا يبه هذا ظنكـ فينا..!؟ و الله لو تبي راتبي كله ما غلى عليها.. و الحكي اللي نقولة لـ مصلحتها يبه.. ما نبيها ضعيفة أي شيء تبيه تلقاه ابسطها الفلوس.. ليش ما تعطيها مصروف محدد و لو قضى قبل ما ينتهي الشهر ما تعطيها و هي تدبر نفسها..!؟ خلها تعتمد على نفسها صار عمرها 18 سنة ماهو بعيد يجينا عريس لها.. يزيد : عبير بـ ذات تصرف على قل سنع.. بس لـ مجرد شيء طخ بـ راسها و تبيه..!! ام عساف بـ حدة لـ عيالها : ايش بلاكم اتفقتوا على ابوكم..!؟ ابو عساف : خليهم الحين صرت ما اعرف اربي..!! عساف وقف و باس راس ابوه : الله يخليكـ لنا افهمنا يبه انت تدري ان الفلوس ما تهمنا.. احنا اللي يهمنا مصلحتها.. ابو عساف : بنتي حتى لو زوجتها واحد اقل منّا تعرف حدودها و ويش اللي لازم تسويه و تحافظ على بيتها ما راح تهدم بيتها عشان فلوس..!! عساف باس كتف ابوه.. ما يبي ابوه يزعل.. مقتنع ان دلع ابوه لـ عبير خاصةً غلط.. : الله يديمكـ فوق رووسنا.. انا بـ اروح اشوف سهاد و رايها بـ الموعد و ارجع لكم.. ابو عساف : لو انكـ تعز عبير مثل سهاد ما خليتها تطلع زعلانة انت و اخوانكـ ..!! عساف : و لا يهمكـ بـ راضيها كانها زعلت.. طلع عساف.. ابو عساف ناظر ماجد : هاه يا سيد تفلسف علينا.. بكره بـ نروح لـ بيت عمكـ نخطب لكـ سها.. ماجد يحكـ شعرة : ان شاء الله.. ام عساف : و بنتة توها طالعة من المستشفى..؟! ليش ما نأجلها لين بـعد الإختبارات..!! ابو عساف : لا بكره نروح لهم ان شاء الله و ان شاء الله ما يطولون علينا و يحط عرسة مع سلمان..!! ماجد سكت..!! جات على التعجيل بـ موعد العرس..؟! هي خربانة من الأول من اللحظة اللي قرر يعرس فيها بـ هالطريقة..!! الله ييسرها من عنده .. همس : استغفر الله العظيم.. دخل عساف غرفة عبير بعد ما طق الباب.. : مساء الخير.. ناظرتة عبير : مساء النور.. تقدم لها جالسة على سريرها بين مجموعة اوراق و كتب : كيف المذاكرة..!؟ عبير : الحمدلله.. عساف : زعلتِ عشان كلامي..!؟ عبير : ابوي هو اللي قايلكـ تكلمني..!؟ عساف : لا انا قلت له بـ امر على عبير.. يمكن ابوي فاهم اشياء غلط.. عبير : مثل..!؟ انه يدلعني..!؟ عساف : انتِ عارفة انكـ مدلعة عند ابوي و انا اقصد شيء ثاني.. عبير : ماني فاهمة عليكـ ..!! عساف جلس على الطرف : تعرفين انح كيي من خوفي عليكـ صح..؟! سكتت عبير.. عساف ناظرها فترة : تشكين بـ غلاتكـ عندي..؟! عبير : ابداً.. عساف : ما اكذب عليكـ اذا قلت لكـ احيان احسكـ بنتي..!! و الله يا عبير ما اخاف عليكـ من كل شر برا.. اخاف عليكـ حتى من دلع ابوي لكـ .. عبير : عساف انا مو بزر.. انت اخذت موضوع الفلوس بـ شكل جدّي .. انا اصلاً مستحيل افكر افصل فستان بـ مليون.. لأنه يعتبر اسراف على حساب كم ساعة بس و ارمية.. عساف ابتسم : حلوو.. لأني ما ابي الدلع يعودكـ على شيء و بعدين ما تقدرين تستغنين عنه.. اذا تعودتي على الصرف عمركـ ما راح تتركـ يا عبير.. عبير : طيب انا و الله احاول اسوي لي ميزانية و كذا بس كل مره اصرف فلوس زيادة.. ما عرفت اضبطها للحين.. عساف : اوكِ بس تخلص اختباراتكـ بـ اساعدكـ تسوين ميزانية.. و المصروف اللي نحدده هو اللي تأخذينة من ابوي بدون زيادة ريال واحد.. اذا نقصكـ شيء تعالي علميني و انا اشوف اذا يسوى اعطيكـ عليه و الا ما يسوى..!! ابتسمت عبير : اوكِ موافقة هذا اذا فضيت لي انت..!! عساف : بـ افضى لكـ كم عبورة عندي.. الحين بـ اكلمكـ بـ موضوع ثاني.. عبير : امرني يا روحي.. عساف : جعل عيني ما تبكيكـ .. انتِ اكيد قريبة من جود بـ حكم العمر و الدراسة.. ما قد حكتكـ عن احد بـ يضرها يهددها تهاوشت مع بنت..؟! مع ابله..!؟ عبير : لا .. دايم سوالفها عادية.. ما قد قالت لي انها تهاوشت مع احد.. عساف : ما عندكـ توقع مين اللي مسوي فيها كذا..؟! عبير : لا و الله عساف ما في بالي احد.. طيب ويش رايكـ تخلون بنات عمي يكلمون صحباتها يشوفون كيف صار اخر يوم و متى اخر مره قابلوها مع مين مشت..!! عساف : جبتيها و الله.. ذكية ما ينخاف عليكـ .. ابتسمت عبير : طالعة عليكـ .. .. بيت ابو سعود.. على طاولة الأكل ينتظرون حضورة.. وليد : تحمل عاد كلها اسبوع و تخلص اختباراتكـ ..!! مشعل بـ قهر : اللي يده بالماء مو مثل اللي يده بالنار.. وليد : و ليش ما تقول كلن على همة سرى احسن من النيران ذي حقتكـ .. مشعل : ايه و الله تفكيركـ بالبزر حقتكـ و انا افكر بـ معاملة ابوي لي..!! ياسر : من جدكـ ..؟! صبا تهمس لـ ياسر : ايه.. ياسر ابتسم : تخافين من ابوي..؟! صبا : ايش رايكـ يعني ما يخوف..!؟ كان وده يضحكـ بـ صوت عالي بس يدري بـ تزعل : طيب ابوي ما يأكل ماهو متوحش.. صبا : بس يعصب.. و انا اخاف من العصبيين..!!! سمعوا صوت خطواتة على الأرضية الرخامية حتى يسكتون كلهم.. مزاجيتة ما تتحمل شيء و لا واحد فيهم يبي يكون المتنفس لـ عصبيتة.. ابو سعود جلس على رأس الطاولة.. ناظر وليد : وصلت امي..!؟ وليد : ايه.. ابو سعود : عسى بس ما سقت سيارتكـ بـ طفاقة عظامها دوبها دوبها.. وليد : لا يبه ماشي عشرين..!! ابو سعود : تستخف دمكـ حضرتكـ ..!؟ وليد : لا طال عمركـ ما استخف دمي.. بس و الله اني ماشي دوبي دوبي و البيت ماهو من بعده هنيا عند خشمي.. ابو سعود : خلها تشكيكـ و شوف ويش اسوي فيكـ ..!! وليد : كلي فداكـ يا ابو سعود.. ابو سعود ناظرة شوي بعدها التفت : كني سمعت صوت نهى اليوم..!؟ ام حاتم : ايه جات و طلعت عند خواتها فوق.. ابو سعود : اهاا.. و وعد معها طبعاً..؟!! ما احد رد على سؤالة.. ابو سعود : ماشي هالثنتين.. ميار روحي ناديهن.. ميار وقفت : ان شاء الله.. طلعت تجري مع الدرج لـ الدور الثالث اهم شيء ما يهزأها..!! ابو سعود التفت لـ الصالة المقابلة لهم صالة جلستهم : جود تعالي تعشي..!! جود جالسة ومادة رجلها : مو مشتهية.. ابو سعود : ما ابي اعيد حكيي مرتين.. تعالي تعشي.. قامت جود و عدلت الطربوش على راسها حتى تخبي شعرها.. جلست على الطاولة.. : السلام عليكم.. التفت عليهن.. و ردوا السلام جميعاً.. : وعليكم السلام.. باست راسة نهى.. بعدها وعد.. ابو سعود لف على جنب يناظرهن الثنتين واقفات قدامة.. عارفات انهن غلطانات و الا كل وحده راحت مكانها و جلست : يعني لو ما ناديتكـن ما نزلتن للعشا..!؟ ميار جلست مكانها بلعت ريقها : يمه صاير يخوف..!! مشعل سمعها و غمز لها.. قمطت العافية يمكن ابوها سمعها.. نهى : مو مشتهية اكل.. قبل ما جيت اكلت..!! ابو سعود : قبل ما جيتي..!! (التفت على وعد) و انتِ..؟! وعد : مالي نفس.. ابو سعود : ايش قصدكـ انتِ و اياها بـ ذا الحركة..؟! نهى : أي حركة..؟! ابو سعود : انكن تعصني.. و الا ما انتِ شايفة نفسكـ غلطانة..؟! نهى : يعني حتى و انا متزوجة لازم التزم بـ ذا القانون..؟! ابو سعود : ليش الحين انتِ مو مسيرة علينا..!؟ نهى : الا.. ابو سعود : اجل تمشين على قوانين بيتنا.. دلع فيصل على جنب.. نهى تمشي لـ كرسي فاضي : ما دريت ان الموضوع كذا.. و الا كنت جلست من زمان.. ابو سعود ناظر وعد : وين بنتكـ ..؟! وعد : مع الشغالة.. ابو سعود : ما تبين تجلسين..!؟ صوت بنتها اللي ملى المكان قاطعهم .. لفت عليها.. الشغالة : ماما انا ما يقدر هي بس يبكي.. شالتها وعد : خلاص شكراً.. ام سعود : يا ويلي عنها البنية تزهدت..!! وليد : هي اللي جايبتة لـ نفسها كل ما شفتها و هي تبكي..!! وعد ما كانت تبي بنتها تنزل تحت و لـ هالسبب ما نزلت على العشاء و لما نادتهم اضطرت تتركها مع الشغالة.. ما تبي اهلها يتضايقون من وجود بنتها .. كلمة ابوها لها خلتها تحس ان بنتها ثقل عليهم.. خصوصاً انها تبكي و يبي لها طولة بال.. ام حاتم : هاتيها اعطيني اياها.. وعد : لا ماله داعي بـ اروح اسوي لها رضاعة.. ام حاتم : هاتيها عندي لين تسوين لها.. وعد اعطتها خالتها.. و خالتها تسمي عليها.. وطلعت وعد فوق عشان تسوي لها رضاعة..!! ام سعود : و الله كنها مقروصة.. ام حاتم : و الله غير طبع امها.. اذا ما لقلقتيها هنا و هنا ما تسكت.. ام احمد : و الله احس صياحها اليوم حار بـ زيادة.. ابو سعود : بسم الله.. كلهم بدوا يـغرفون الأكل يمكن خوف من ابو سعود لا يهاوش.. عدا جود و نهى اللي تطقطق بـ جوالها.. ابو سعود : ممدية على جوالكـ كلي.. تراكـ منسخطة..!! نهى ابتسمت : و الله لاحظت اني نحفانة..!؟ سعود استغرب : خير.!! لاحظت..؟! انتِ شايفة شكلكـ ..؟! شايفة ملابسكـ كيف عليكـ ..؟! نهى بـ فرحة : مسوية دايت.. ياسر : هاذي اللي بـ تجلطني.. بـ تختفي و هي تسوي دايت..!!! مجنونة انتِ..!؟ نهى : لا .. بس ابي اكون رشيقة..!! ياسر : انتِ تعديتي مرحلة الرشاقة و صلتِ لـ مرحلة النحافة الشديدة..!! نهى : لا يا شيخ باقي لي كم كيلو لسى.. ام احمد : وينها هالكم كيلو يا بنتي..؟! و الله انكـ روحتي حتى وجيهكـ انسخط.. سعود : اقول اتركي عنكـ التعنفق على النعمة و كلي.. قالت مسوية دايت..!! غيركـ ماهو لاقي اللقمة.. نطت وعد الدرج وهي تنقز سوت كل شيء بسرعة بسرعة.. مدت يدها بـ تشيل بنتها من حضن خالتها.. ام حاتم : خليها عندي هاتي رضاعتها.. وعد : لا تعشي انتِ و الله بـ تلهيكـ .. ام حاتم : مالكـ فيني انتِ تعشي بس.. وعد : و الله خالة بـ تعذبكـ ما راح تسكت بـ سهولة ان سكتت الحين بـ تبكي بعد دقيقة.. ام حاتم سحبت الرضاعة من وعد.. و فتحتها رفعت راس فجر بـ يدها اليسار شوي : بسم الله.. وعد واقفة تراقب بنتها.. رند : يالبي من هالبنت بس تبتي تبتي اوووف ازعاااز..!! خالد ابتسم : سقى الله بس.. خلينا حلوين و ما نتذمر ازين.. رند : و الله يا بابي لـــزة تـــثير.. وليد : و الله هي صادقة اول مره اتفق معاها في شيء.. رجة كثير..!! دخلت ندى.. انصدموا بـ جيتها هالوقت.. حتى شكلها ما كان طبيعي.. واضح انها كانت تبكي.. : السلام عليكم.. ابو سعود : خير ان شاء الله..؟! ندى ارتبكت.. حاولت تداري دموعها من ركبت السيارة و هي تحاول تسكت عشان ما يبان عليها تبكي.. ام حاتم : بسم الله عليكـ يمه ويش فيكـ ..؟! بطنها تقلب عليها من ريحة الأكل : ما فيني شيء.. بس كنت بـ اجيكم من بدري.. و ابو شوق ما كان ..... قطعت كلامها بإنها تجري جهة الحمامات.. ام حاتم وقفت و اعطت فجر لأمها : بـ اروح اشوفها.. ام حاتم راحت لـ الحمامات شافتها واقفة على المغسلة و تغسل وجهها : ندى.. ايش فيكـ ..؟! ندى و هي تضغط على نفسها ما تبكي : تعبانة يمه مو قادرة اتحمل.. ام حاتم تمسح خدها : يمكن وحامكـ بدا.. اكيد يا امي بـ تتعبين فترة لكنها تعدي.. ندى : قرفانة من نفسي.. مو طايقة شيء.. ام حاتم : بسم الله عليكـ تعالي نطلع غرفتكـ .. ندى تمشي مع امها لـ المصعد : لا تقولين لأبوي شيء.. ام حاتم : متهاوشة مع غازي..!؟ سكتت ندى .. ام حاتم دخلت المصعد : ما ودي اتدخل بـ مشاكلكـ بس اذا ودكـ تفضفضين بـ احاول اساعدكـ .. ندى : مو شيء مستاهل.. ام حاتم : لو ماهو مستاهل ما كان جيتينا هالحزة يا ندى.. انفتح المصعد و طلعت ندى قبل امها عشان ما تشوف شكلها وهي ترمي عليها الخبر : ابي اتطلق.. .. فــــــــاصل.. انتظروا الفصل الثاني من البارت.. استغفر الله العظيم و اتوب اليه.. لا أحلل نقل الرواية دون ذكر اسمي.. هاشتاق #رواية_لو_سألتي_الورد ضحكة قهر.. http://up.graaam.com/img/23407876b74...eba11d9f14.pnghttp://up.graaam.com/img/c433481acf7...1de64fbad2.png |
رد: لو سألتي الورد وهو ما بين إيدك أقطعك بيقول لك عمري فداك الكاتبة / ضحكة قهر
بسم الله الرحمن الرحيم.. السلام عليكم و رحمة الله و بركاتة.. ادري اني تأخرت بس احدث الصفحة و برضو مو شغال عندي تخبرون مشكلة المتصفح عندي.. ما علينا ابي اقولكم شيء مهم جداً.. اللي هو النقد انا ما عندي مانع اتقبل نقدكم لأنه يدفعني للأمام و استفيد منه و اتوقع انتم ملاحظين تطور الرواية من البداية للحين و هذا بـفضل الله ثم بـ فضل توجيهكم.. و على راسي كلكم.. لكن اتمنى تنتبهون للكلمات اللي بـ تقولونها.. يعني لا نقدتي انقدي بـ شكل واضح لأن لما تكتبين لي كلمتين و ما توضحين لي قصدكـ ممكن اظن فيكـ سوء و نختلف.. اذا انتِ قصدكـ تفيديني وضحي لي نقدكـ كامل حتى انا استفيد منكـ.. و شكـراً لكم جميعاً.. و اهم المهم ان البارت الجاي يوم الأحد او الإثنين بإذن الله.. اليوم الثلاثاء يعني ما راح تشتاقون لـ الرواية.. و بصراحة كنت بـ اقفل البارت قفلة اليمة.. بس ما هنتوا علي.. و قلت اعرض لكم الحدث كامل.. و نبدأ في البارت و اربطوا لي قلوبكم بـذات في الأخير.. و رجاءاً لا احد يدرعم و يقولي البارت قصير ادمجوه مع اللي قبل بـ تلقونة اطول من اللي دايم اكثر من 50 صفحة.. يعني مدلعتكم دلع خورافي.. قراءة ممتعة.. البارت الواحد و الستون.. الفصل الثاني.. ريّح اوهامك ولا يزعجك ، ويني ؟ صدري الموجوع ما عاده محلّك وانت ! ما انت بحاجتي ولا تبيني بس في قلبك مرض حبّ التملّـك لـ عبدالقادر متعب "رجف".. انفتح المصعد و طلعت ندى قبل امها عشان ما تشوف شكلها وهي ترمي عليها الخبر : ابي اتطلق.. ام حاتم ما طلعت من المصعد و تسكر الباب بينها و بين بنتها.. ما استوعبت الصدمة.. فتحت باب المصعد و شافتها تدخل غرفتها.. مشت بـ عصبية هاذي ويش حاسبة.. الطلاق لعبة..!؟ : تقولين ماهو مستاهل.. و تبين الطلاق..!!؟ ندى رمت عبايتها على الكنب : يمه انا تعبانة.. تعبانة من كل شيء.. ام حاتم : تعبانة ما تتركين بيتكـ .. ويش مسوي لكـ ضربكـ ..؟! اهانكـ ..؟! جلست بـ نص السرير : لا.. ام حاتم : اجل ليش تبين تطلقين..!؟ ندى : مــا احس انه يبيني زوجة..!! يمكن هو تسرع بـ قرارة..!! ام حاتم : نــــدى بلا هبــــال.. ندى : انا كبدي تقلب علي.. ممكن تخليني ارتاح.. انا احتاج ارتاح تكفين يمه.. ام حاتم جلست على السرير : ناوية تقعدين عندنا..؟! ندى : ليش ما تبوني يعني..!؟ ام حاتم غمضت عيونها : ويش بـ تقولين لأبوكـ .؟! الحين اذا نزلت و سألني ويش فيها ويش بـ اقوله..!؟ ندى حطت راسها على رجل امها : لا تنزلين خليكـ عندي.. تحت.. على طاولة الأكل.. نهى تهمس لـ وعد : خلينا نكلمة لـ حالنا..؟! وعد : لا.. انا ما راح اكلمة.. هو يعرف رغبتي.. و عقب كلامة لي البارح مستحيل اطلبة.. نهى : هيه لا تصيرين نفسية.. ابوكـ يعني شيء طبيعي بـ تطلبينة مالكـ غناة عنه.. وعد : انه يرجع ماما ما راح اطلبة.. و شيء لـ بنتي مستحيل اقولة.. جود : الحمدلله.. ام احمد : ما تعشيتي يا امي.. جود : شبعانة.. مشت ما حست غير بـ أبوها يمسكها ناظرتة.. ابو سعود : تعالي.. سحب كرسي ام حاتم و حطة جنبة و خلاها تجلس : شلون شبعانة و انتِ ما اكلتي شيء..؟! تبين تتعبين..!؟ جود : مو مشتهية و الله.. ابو سعود ضمها لـ صدرة : انتِ بس لو تعلميني مين مخوفكـ و حارمكـ الأمان حتى و انتِ بيننا.. مسكت ثوبة و بكت : ما احد..!! ابو سعود : شلون ما احد اجل مين مسوي فيكـ كذا..!؟ سعود : جود تستركـ عليها ما فيه لكـ مصلحة.. باقي لكـ اسبوع اختبارات انتِ حتى ما فكرتي ويش بـ تسوين فيه..!؟ جود ناظرت ابوها : ما ابي اداوم ما ابي اختبر و لا ادرس.. ابو سعود : طيب ما راح تداومين بس هالفترة لكن بعدين راح تقدمين اختباراتكـ الباقية مع ذوات الأعذار ما راح تخلين السنة كلها تروح كذا عليكـ .. أحمد : يا روحي ماهو بـ مصلحتكـ تخبين علينا.. خلي البنت تأخذ جزاها.. جود همست : و الله تذبحني.. هي هددتني ما احد يعرف.. ابو سعود : و الله ما اخليها تقرب منكـ .. ارميها بالسجن رمية كلاب.. علميني بس مين تكون.. جود وقفت : ابي انام..!!! ابو سعود : عطيني اسمها.. جود : ........... ابو سعود بـ حزم : جود لا تعانديني.. قولي لي اسمها.. جود صدت عنهم و طلعت.. اذا قدرت سعاد تطعنها و ما احد يدري عنها لين المغرب.. كان ممكن تقتلها بـ كل بساطة ذاك اليوم و بدل ما تكون الطعنة بـ بطنها تكون بـ قلبها و حزتها ما راح تعيش خصوصاً مع النزيف.. و كان ممكن تقطع عروق يدها و تشووه وجهها اكثر من كذا.. و كل ذا ما سوتة..!! الا عشان يكون عندها احتمال لـ جولة ثانية اذا جود ضرتها..!! حاتم : ما ينفع كذا تجبرونها تحكي.. اكيد البنت مخوفتها.. و انتم تزيدون رعبها بـ حكيكم.. طمنوها و أمنوها بعدها اطلبوها تقول لكم.. وليد : الى متى بـ نجلس نراعي في حضرتها..؟! ترى نتكلم عن مجرمة تمشي بين الناس.. من يوم ضرت جود بكره تضر غيرها.. حاتم : بس جود في مرحلة صدمة و خوف من اللي صار لها.. لازم تساعدها تطلع من صدمتها عشان تقدر تتكلم و تقول لكـ اللي تبيه.. ابو سعود ناظر بناتة : تعرفن شيء..؟! ناظرن بـ بعض..!! كل وحده طقتها الرجفة من الخوف.. نهى بـ برود : شيء مثل ايش..؟! ابو سعود : أي شيء.. لأني متعود تخبني علي.. لكن ما تخبن على بعض..!! بعد زواج ندى جود سألتني ان كنت بـ احميها لو هي احتاجتني.. و كنتن موجودات.. هاه يا وعد..؟!! وعد : انا اؤمن بالخصوصية.. دام جود ما بغت تحكي ما يحتاج احكي عنها و هي عندها لسان..!! تنرفز ابو سعود ضرب يده بالطاولة و اهتزت الصحون قبالة : يعني تعرفين..!؟ نهى تدافع عن اختها : ما يسوى تعصب بابا.. الموضوع ما يسوى.. اذا جود مو مهتمة تعلمكم تعصب على وعد ليش..؟! ابو سعود يصر على أسنانة : انتِ و لا كلمة فاهمة و إلا لا..!! نهى سكتت..!! لكن اكيد مو للأخير ما راح تسكت ان هاوش وعد على حساب غلط جود..!! ام احمد : يا بنتي اذا تعرفين مين اللي ضر اختكـ قولي لنا.. وعد : ما اعرف.. ما اعرف مين اللي مسوي فيها كذا.. ابو سعود : تكذبين يا وعد.. هي تسوي نفس سواياكـ و تسكت عن مضرتها.. مثل ما كان صلاح يحوم حواليكـ و تدرين انه بـ يضركـ استهنتي بالموضوع وما تكلمتي.. و الحين هي تسوي سواتكـ و ساكتة.. كله من تفكيركـ الزفت.. على أساس انكـ قدوتها..!! امحق قدوة..!! وعد تحركـ لسانها لـ زاوية فمها المفروض يكون عندها مناعة من التهزيء.. خلاص وصلت لـ مراحلة متقدمة المفروض تكون متبلدة.. ما راح تنكر ان تهزيء ابوها أثر فيها لكن عادي : ليش تقرنني بـ كل شيء سيء..!! انا ايش دخلني باللي صار لها.. ما قابلتها من طلعت من المستشفى و لا مره لـ حالي.. عشان ممكن تشكـ انها قالت لي شيء ما قالتة لكم..!! ابو سعود : و الخصوصية اللي تتكلمين عنها..!؟ تبين تلعبين على عقلي كني ولد امس..!؟! نهى : انت ما فهمت قصدها.. تقصد ان الموضوع يخص جود لو بغت تحكي لكم كان حكت.. وعد ايش دخلها عشان تقولها.. هي لو تبي تحكي كان حكت لـ شخص ينفعها وعد ما راح تنفعها بـ شيء..!! ابو سعود وقف ويدينة على الطاولة مستند عليها : انا ما قلت لكـ لا تحكين..؟! تبين تعانديني..!؟ نهى جالسة اذا ابوها متنرفز فـ هي مجرد تطرح رأيها بالموضوع و كأنها تتكلم بـ موضوع عادي : ما اعاندكـ انا أوضح لكـ شيء انت غافل عنه.. سعود : تراكـ تدخلين باللي مالكـ فيه..!! دام ما احد كلمكـ لا تتكلمين.. نهى بعد ما كانت مستندة على الكرسي قربت من الطاولة و هي تناظر سعود : لا و الله..!! يعني انا تدخلت باللي مالي فيه.. و انت..!؟ ما تدخلت الحين..!؟ اللي بيتة من قزاز لا يرمي الناس بـ حصى..!! ابو سعود بـ حدة : هـــــــدووووء... (رفع يدة يهدد نهى) احسن لكـ لا تحديني على شيء ما ابيه يا نهى.. اقسم بالله لو ما احترمتيني لا أربيكـ من جديد و اعلمكـ الإحترام.. ماني عايز عنكـ .. نهى : انا متربية و ما احتاج تنعاد تربيتي.. انت جالس تلوم وعد على شيء هي ما لها دخل فيه.. ان كان فيه احد تلومة فـ هو جود ماهو وعد.. ابو سعود طنش نهى لأنه لو تناقش معاها زيادة بـ يفجر فيها مستفزة لأبعد حد وهو يحاول يطول باله عليها: وعد ما ابي اعيد سؤالي اكثر من مره.. ويش الشيء اللي قايلتة لكـ جود و ما قالتة لنا..!! اعتقد سؤالي كذا واضح..!! وعد : قالت لي موضوع غير .. ما ادري ويش علاقتة بـاللي صار لها لكن لو هو نفسة كان جود حكت لكم.. ابو سعود : وش هو..؟! وعد عاقدة حواجبها : بابا مالي دخل .. كلمها هي الموضوع يخصها ما يخصني..!! ابو سعود يصارخ عليها : يخصني انا .. تكلمي احسن لكـ ..! ادري ان كلهن يقولن لكـ كل شيء على اساس المستشارة الحكيمة لهن..!! لو ركزن بـ عمايلكـ و سواتكـ و حالتكـ كان عرفن انكـ امحق مستشارة..!! و قبل لا ترد نهى اللي جاهزة لـ التدخل ضد أي احد يحكي عن وعد.. لـ سبب واحد.. ما نسوة و لا راح يتجاهلونة ان وضعها هي و اختها غير بـ هالبيت.. اذا اشتهى ابوهن يعصب عليهن ما احد بـ يردة.. لا ام موجودة تخفف و لا اخ شقيق يدافع.. ردت وعد : فيه بنت مضايقتها من اول السنة في المدرسة .. كانت ترسل لها رسايل بالجوال و حكي فاضي و جود ما كانت تعطيها وجه.. سعود : كل ذا وما حكيتي..!؟ انتِ من ويش مخلوقة..؟! ما ابي اقولكـ مصلحة اختكـ ما تهمكـ لكن اقولكـ حياة اختكـ ما تهمكـ ..!؟ وعد : و الله ما يحتاج أثبت لكـ هي تهمني و الا لا.. لو جود كانت تبي أحد يعرف عن ذا الموضوع كان قالت لكم مو بس احنا..!! ياسر : و احنا هاذي يدخل مين في إطارها ان شاء الله..!؟ مين غيركـ يدري..؟! نهى بـ برود : كلنا كنا ندري عن ذا الموضوع.. ندى و انا و دانه و ميار و سها.. ابو سعود لف و اعطاهم ظهرة يمسح على وجهة.. ليش ما يفهمن ان اللي يسونة غلط..؟! هن يأخذن السالفة عشان يعاندنة..!؟ ما يعرفن يفكرن بالموضوع من كل النواحي و يشوفن حجمة الحقيقي..!؟ هو يتعب عشان يحميهن و يتأكد ان شعرة منهن ما تنمس.. وهن يضرن انفسهن بـ انفسهن..!! لف عليهن : ويش تبوني اسوي فيكن..!؟ علموني بـأي عقاب اعاقبكن..؟! علموني بـأي طريقة تفهمن..؟! ماني منبهكن ما تخبن علي شيء..!؟ ما حذرتكن من قبل..!؟ و لا وحده رفعت عيونها بـ عيونة.. او بـررت و حكت.. الا نهى.. رفعت عيونها تناظرة : احنا ما خبينا عليكـ .. الموضوع ما يسوى.. لو البنت قادرة تسوي لها شيء كان سوت لها من اول السنة او لما جود شرشحتها قدام البنات.. و حتى جود ما تعطيها اكبر من حجمها طنشت الموضوع.. ابو سعود : نهى اسكتي عني دام النفس عليكـ طيبة.. نهى : ما غلطت.. انا ابين لكـ الموضوع قبل لا تظلمنا.. ابو سعود : لا ما غلطتي على ابوكـ اللي يسكتكـ و ترجعين تحكين.. اختكـ لسانها طويل ما تحتاجكـ تحكين عنها.. نهى : شفت انكـ بـ تحملها خطأ ماهو خطاها و هالشيء ما يرضيني.. سعود : انتِ جايتنا اليوم بدون عقلكـ ..!؟ تراكـ تجاوزين حدودكـ و ما انتِ بزر و لا جاهلة نقول ما تقصد.. نهى : انا ما كلمتكـ يا سعود.. من شوي تقولي لا تدخلين.. و انا الحين اقولكـ لا تدخل.. ابو سعود اتجه لـ نهى و سحبها من عضدها : قومي معاي.. وقفت نهى و وقفت وعد قبال ابوها : بابا خلاص تكفى.. و الله ما تعيدها.. و الله ما يسوى.. ابو سعود : تبين تستلمين الدور عنها..!؟ ويش ذا الإسلوب اللي طابت فيه..!؟ وعد : يمكن احنا نختلف بـ وجهات النظر بـ خصوص موضوع جود.. بس هذا ما يعني تحط الحرة بـ نهى..!! ابو سعود : و مين قالكـ اني بـ اكلمها على موضوع جود..؟! لأني لو بـ اكلم احد بـ ذا الموضوع فـ هو انتِ.. ماني غافل يا وعد عنكن.. ادري انكـ اقرب وحده لـ جود.. و بـعد شوي بـ تروحين تكلمينها و تجرين منها الحكي كله و تجين تبلغيني.. فاهمة و الا لا.. وعد : فاهمة بس اتركـ نهى..!! ابو سعود مشى و هو ماسكـ نهى اللي الموضوع عندها عادي.. اذا بـ يكلمها بـ موضوع انها تدافع عن وعد فـ تقلب الطاولة بـ سهولة و تحسسة بـ تأنيب الضمير.. مشعل : ما ودي اقول عليها السلام.. بس شكله هذا الواضح..!! ميار : يعني ودعت..!! سعود : خير ان شاء الله..؟! بعد بـ تدخلون انتم..؟! مشعل : لا تكفى انا ماني ملحق على الهواش و التهزيء و أنا ما تدخلت بـ غيري.. كيف لو اتدخل يمكن يمكن يمكن تصلون علي الفجر.. ام احمد وقفت : استغفر ربكـ ويش هالحكي..!؟ مشعل : و انا صادق ابوي مسفل فيني تسفيل ماهو صاحي.. ما كأني ولده كل ما شافني عطاني كلمتين.. سعود : عشانكـ تستاهلهم و الا ما تكلم عليك..(وقف) الحمدلله.. مشعل يتكلم بـ صوت عالي : هم كذا الإخوان الكبار ثقال دم.. وليد : اول مره تقول شيء اوافقكـ فيه.. ياخي ما ادري شلون تحسهم.. مسوين انفسهم احنا مثاليين وما نغلط و الغلط كله من الصغار.. و انت بس لو تنفضة تطلع البلاوي اللي مخبيها.. وعد شالت بنتها اللي كانت حاطتها على كرسي جنبها و اتجهت لـ الصالة.. بـ تنتظر نهى.. تدري بـ نهى باردة و ابوها عصبي ممكن يضربها..!؟! و ما تتوقع نهى تمرر الموضوع بـ سهولة.. ما يهمها الحكي و تأخذة بـ عدم اهتمام ايه.. لكن يضربها اكيد ما راح تسكت.. سعود جلس جنبها : عاجبكـ اللي صار..!؟ وعد : و انا ويش دخلني..!؟ سعود : لو انكـ حكيتي من الأول بـ أدب ما كان وصلنا لـ هالمرحلة..!؟ ليش ما نصحتي جود..؟! وعد : سعود ما ابي اتهاوش معاكـ .. كف اذاكـ عني.. سعود : روحي كلمي جود و سحبي الحكي منها مثل ما قالكـ ابوي.. و جيبي جوالها من غير لا تحس.. وعد : بـ انتظر نهى اول.. سعود : انصحكـ تروحين عشان تلقين شيء يوقف عصبية ابوي عليكـ .. نهى بـ تنرفز ابوي انتبهي لا تجي الحرة فيكـ .. اعتقد شايفة ابوي كيف معصب هالفترة و كلنا نحاول نتحاشاة و انتِ راح تنرفزينة لو طلع و شافكـ ما سويتي شيء.. يكفي انكن رفعتن ضغطة.. وقفت وعد و اخذت بنتها معاها لو قبل ابوها ما يحسسها ان بنتها عالة عليهم كان تركتها و قالت لـ سعود ينتبة لها او أي احد.. بس الحين ما راح تحمل احد مسؤولية بنتها.. طلعت لـ غرفة جود دقت الباب و دخلت قبل لا جود تأذن لها..الأنوار مطفاة.. وما فيه صوت بالغرفة.. جلست على السرير.. جودي..!! في مكتب ابو سعود.. ابو سعود : ناوية تستخدمين ذا الإسلوب معاي..!؟ نهى احسن لكـ انا ماسكـ نفسي عنكـ بالقوة.. نهى : انا ما قلت لكـ شيء غلط.. من حقي ادافع عن اختي دامها ما غلطت.. ابو سعود : ما غلطت..!؟ كل اللي صار و ما غلطت..؟! نهى : انت دايم تحمل وعد اخطاء ما هي اخطائها.. يعني جود اخطت تهاوش وعد عشانها كانت تدري وما قالت.. طيب جود قايلة لها لا تعلمين.. هاوش جود مو وعد.. ابو سعود : تبين تعلميني الحين شلون اربي..!؟ نهى : ما اعلمكـ بس انت تبي اول شخص و تحط حرتكـ فيه.. مثل البارح لما حطيت حرتكـ فيها.. ابو سعود : اشوفها تحكي لكـ كل شيء..!! كانت عايزة يعني لا تحكي لي عن المصايب اللي مسوينها من وراي..؟! نهى : انت تكرهها..؟! انصدم ابو سعود : نعم..!! نهى : ابي اعرف انت تكرهها و الا لا..!؟ ابو سعود بـ حدة : اطلعي برا.. نهى : ليش عصبت..؟! ابو سعود : نهــــى..!! اقسم بالله لو تدخلين هالفكرة بـ راس وعد يا ويلكـ فاهمة..!! نهى : طيب ليش تقولها ان بنتها ما تهمكـ..!؟ تدري انها ما صارت تبيكـ تشوفها عشان ما تتضايق من وجودها..!؟ ما نزلت على العشاء عشان بنتها صاحية و ما تقدر تخليها لحالها و هي تبكي بعد و ما تبي تنزل فيها و تضايقكـ ..!! و شوفها لما طلبتها خالة نوال ما كانت تبي تعطيها اياها عشانكـ حسستها ان بنتها ما تعنيكـ في شيء.. و جدة فاطمة انا اللي ضايقتها بالحكي وعد مالها دخل.. يمكن اكون تماديت بس هي تبي تدخل بـ حياتي الخاصة.. و انت رحت حطيت كل الحرة بـ وعد..!! ابو سعود قرب منها : و ليش ما اهتميتي بـ أمر جود مثل ما انتِ الحين تهتمين بـ أمر وعد..!؟ نهى : لأن عندها ام تدافع عنها عندكـ و عندها اخوان يوقفون معاها.. لكن احنا ما لنا..!! اذا انا ما وقفت معاها ما احد بـ يوقف معاها..!! ابو سعود حط يده على كتفها : ظنكـ اني بـ اظلمكن عشان امكن ماهي وحده من حريمي..!؟ و الا عشان ما عندكم اخ شقيق..؟! ظنكـ ان اخوانكـ ما راح يتدخلون اذا انا ضايقتكم و ينبهوني..!؟ نهى : مو شرط يكون ظلم .. يعني تهاوشنا.. و يمكن بـدون قصد او حتى نكون نستاهل.. الأم اكيد تخفف من حدة الأب.. انت اصلاً لاحظ.. اذا هاوشت مشعل و الا جود و الا سها شوف ان امهاتهم يدافعون عنهم.. و شوف قبل شوي لما هاوشت وعد ما احد دافع عنها.. ابو سعود : لا تصيرين حساسة..!! نهى : ماني حساسة .. انت راقب الوضع و شوف.. ابو سعود : يعني انتِ تشوفين ان وعد ما تستاهل احد يعصب عليها اللي سوتة ماهو غلط..!؟ اللي سوتنة كلكن ماهو غلط.. نهى : بس انت عصبت عليها هي لحالها و لما دريت ان كلنا ندري ما هاوشتنا مثل ما هاوشتها..!! و بعدين انت حكيكـ لها قاسي و كأنكـ تشمت فيها.. تراها بنتكـ اللي يمسها يمسكـ .. ابو سعود مصدوم من تفكير نهى لا يكون وعد تفكر بـ هالشكل..!! : اتشمت فيها..!؟! ليش ويش قلت لها..!؟ نهى : قلت لو احنا شفنا حالتها و سواتها كان ما استشرناها ..!! يعني عشانها مطلقة لازم تنطم و ما تحكي و هي الغلطانة بـ كل شيء..؟!! انت تخليني اعيد النظر مليون مره لو صار بيني خلاف انا و فيصل ما الجأ لكـ ..!! سحبها ابو سعود و طلع متنرفز من تفكيرها.. و متأكد ان اختها لها نفس التفكير.. وقف بالصالة : وين الباقين..!؟ ام سعود : اللي طلع يذاكر و اللي ينام.. ابو سعود : وليد روح نادهم كلهم حتى النايم صحية.. وليد وقف : ان شاء الله.. ابو سعود سحب نهى : اجلسي.. خلال عشر دقايق الكل كان متواجد.. مستغربين من اجتماع مفاجئ.. العادة القرارات تنطرح بـ جمعتهم ما أحد يناديهم بـ هالشكل.. وليد اللي مر على الجميع ابوي يبي الكل ضروري الحين.. ابو سعود : اكيد مستغربين ليش مناديكم كلكم و بـ هالوقت و انا عارف ان بعض الناس عندها اختبارات المفروض ما اشغلها.. بس قبل لا ابدا (ناظر في وعد) وين بنتكـ ..؟! وعد : نايمة.. ابو سعود : اكيد ما هي لحالها عند مين..!؟ وعد : ياتي معاها.. ابو سعود : و من متى تخلين بنتكـ مع الشغالة..!؟ وعد : عادي هي نايمة.. ابو سعود : مــاشي بعدين بـ نتكلم بـ ذا الموضوع.. الحين ابي انشدكـ يا سعود انت كبيرهم ابيكـ تقولها بـ صراحة ما راح ازعل.. انت تشوف اني افرق بين خواتكـ و اخوانكـ ..؟! سعود استغرب من السؤال : يبه ماني فاهم..؟! ابو سعود : ما يحتاج الموضوع شرح.. قولي انا افرق بينكم..؟! اغلي احد زود عن احد ثاني..!؟ سعود : لا.. ابو سعود : هاه يا احمد قد فرقت بينكم..؟! احمد : لا طال عمركـ .. ابو سعود : هاه مشعل..؟! مشعل سكت شوي .. كان متضايق من معاملة ابوه له.. ابو سعود ناظرة : يعني افرق بينكم..!! مشعل : لا.. ابو سعود : و ليش سكت..!؟ مشعل : ما سكت.. بس بـ تكلم بـ موضوع ثاني ماله علاقة.. ابو سعود : هاه يا ندى.؟! ندى : لا.. ابو سعود ناظر وعد و ابتسم وهو يدري انها بـ تجاوب مثلهم : هاه وعودة..!؟ وعد : لا.. ابو سعود التفت على يمينة : نهى..!؟ نهى : يمكن بدون قصد..!! كلهم ناظروها..!! ابو سعود ابتسم : قولي لهم الحكي اللي قلتيه بالمكتب.. نهى : اللي قلتة شيء بيني و بينكـ ليش تدخلهم بـ شيء يخصنا.. ابو سعود : ليش ادخلهم..!! ما انتِ تقولين اني اعاملكـ غير انتِ و اختكـ .. ما قلتِ ان ما احد فيهم يهمة امركن..؟! نهى : انا ما قلت كذا.. ابو سعود : ما قلتِ كذا بالحرف بس هذا معنى كلامكـ .. ما قلتِ لو ظلمت وحده فيكن ما احد راح يتدخل مالكم ام و لا اخ شقيق..!! نهى : انا جبت لكـ مثال حتى ما صار له وقت.. و بينت لكـ .. و عشاني حكيت لكـ ما فيه شيء يعطيكـ الحق انكـ تقول للكل الشيء اللي بـ خاطري..!! ابو سعود : لا تقلبين الموضوع على مزاجكـ فاهم اسلوبكـ يا نهى.. قلتي لي هاوشت وعد على طاولة الأكل و ما احد دافع عنها لأنها اصلاً غلطانة وما احد يدافع عن الغلط.. وعد وقفت : عن اذنكم.. ابو سعود : اجلسي.. ما بعد انهيت كلامي..!! وعد : بابا بليز.. مو كل مشكلة اكون ان اساسها.. ما يخصني لا تحطني بالنص بـ كل شيء و تحملني الذنب.. ابو سعود : ما ابي اعيد كلامي.. جلست وعد وهي متضايقة.. ابو سعود : انتِ تشوفين اني ظلمتكـ ..!؟ وعد : انت مو فاهم علي.. انت تشوف الموضوع من منظوركـ و انا اشوف الموضوع من منظوري.. انت تشوفني غلطت اللي كما قلت لكـ على موضوع يخص جود.. انا لو كنت حاسة ان البنت تهديداتها تنوخذ بالإعتبار كنت قلت لكـ .. بس ما جاء في بالي ان ممكن تسوي أي شيء لها.. و انت لما عرفت لمتني انا و هاوشتني انا عشاني اعرف و ما تكلمت.. طيب مو بس انا اللي اعرف كلهم يعرفون..!! لكنكـ دايم تحط الحره فيني اليوم و البارح بس احد يقولكـ أي مصيبة تلزقني فيها دايركت..!! اوكِ انا اعرف اني سيئة وماني صالحة بس مو لـ هالدرجة اللي كل شيء يصير اكون انا سببة..!! (وقفت ما تبي تبكي عندهم) انا تعبانة و ابي انام.. تقدمت له و باست راسة و طلعت ما ردها عشانة حس فيها.. حس انها مهمومة و متضايقة..!! تنهد.. و التفت لـ نهى.. : انا بـ ارضيكن.. و بـ سوي الشيء ولو اني ماني مقتنع فيه.. و بـ ارجع امكن.. عشان ما اسمع هالإسطوانة مره ثانية.. ما عندنا ما عندنا اخ و كأني بـ حياتكن عشان اظلمكن.. نهى : لا تفمهنا غلط.. ابو سعود : احاول يا نهى.. احاول اغض الطرف.. بس لا تعيدينها و تقلين ادبكـ عندي و لا قلت لكـ كلمة لا تردينها علي.. تراه ما يرضيني.. لا تدخلين افكار غلط بـ راس اختكـ .. اذا انتِ فعلاً تبينها حتى لو قالت لكـ شيء بـ راسها تحاولين تغيرينة و علميني نوريني قولي لي ترى الموضوع كذا و كذا لا تخلينها تتضايق على شيء ما يسوى.. نهى : ان شاء الله.. ابو سعود : و اخر ما قلتية بالمكتب بـ اعتبر نفسي ما سمعتة.. و لو اعرف ان بينكـ و بين فيصل شيء و انا اخر من يعلم وقتها بـ تشوفين شيء عمركـ ما شفتية.. سكتت نهى.... ابو سعود يكمل : و كلامكـ لأمي و اسلوبكـ معاها ما ابيه يتكرر.. لا قالت لكـ شيء قولي لها حاضر و ان شاء الله.. مو تقلين ادبكـ راعي ان تفكيرها غير عن تفكيركـ .. ما يحتاج تقولين لها شيء يضايقها ولو هي قالت لكـ شيء اكيد انه لـ مصلحتكـ .. نهى : حاضر.. ابو سعود التفت لـ البقية : انا عمري ما ربيتكم على اني افرق بينكم.. لو اني ابيكم تعيشون هالشيء كنت خليت كل واحد منكم في بيت ما جمعتكم بـ بيت واحد و كرست حياتي عشان اوحد قلوبكم و لا تهتمون ان كنتم من ام وحدة او لا.. يكفيكم انكم من اب واحد يبي يشوفكم على قلب واحد قدام عينة و بعدها.. سعود : بعد عمر طويل يبه.. ابو سعود : انتم بـ تخلوني اشيل هم كيف حالكم من بعدي..!! اذا انتم قدام عيني و تخبون علي و تجيبون المصايب لأنفسكم.. الله العالم كم مصيبة مخبينها علي..!؟ كم فكرة تدور بـ رووسكم و تظلموني فيها..!! خالد : الله يخليكـ لنا احنا مالنا غناة عنكـ.. و ان كان خواتي مخطيات هالمره ان شاء الله يكونن اعتبرن منها و ما تتكرر من جديد.. ابو سعود : قلت هالحكي بعد مصيبة وعد.. و هذا هن كررناها.. ما اعتبرن.. ما تعلمن من خطاها.. ان كانت الناس تعلم من خطاها و هن ما تعلمن.. ما ادري ويش بـ يعلمهن..!! ام سعود : استهدي بالله يا ابو سعود.. هن جاهلات ما هن معصومات من الخطأ.. ابو سعود : شافن الخطأ ويش سوا بـ وعد.. و هذا هي جود الحين ساكتة عن مصيبتها.. جود : خـايفة و الله.. ابو سعود : و انتِ بيننا..؟! اكيد بـ تخافين لأنها برا المكان اللي المفروض تكون فيه.. جود همست و هي على شفا حفرة من البكا : سـعاد.. (غطت وجهها بـ يدينها و بكت).. ام احمد حضنتها : لا تبكين يا عمري.. اهدي.. سعود : سعاد مين.. اعطيني اسمها كامل.. جود : سعـ ـاد محمد.. سعود : وحده قدرت عليكـ ..!؟ ما قدرتي تفكين نفسكـ منها..؟! جود : كان معاها بنتين بس ما اعرفهم.. سعود : و السبب..؟! ايش السبب اللي البنت سوت فيكـ كذا من وراه..؟! جود : عشان انا.. تهاوشت معاها.. ياسر : و ليش تهاوشتي..!؟ رايحة تدرسين و الا تهاوشين مع خلق الله.. صبا شدت كم ياسر عشان يسكت التفت لها.. وهي همست : حرام عليكـ .. جود : هي تشوفني بـ نظرة شينة..!! يعني.. هي قليلة ادب.. و تبيني مثلها..!! وليد : ويش اللي هي قليلة ادب و تبيكـ مثلها ..!! قولي كلام يخش الراس.. جود ناظرت خواتها بـ يأس ان اخوانها يفهمون مقصدها : قولوا لهم..!! نهى : سعاد هاذي بوية.. و تبي جود ليدي لها..!! واضحة..؟! خالد : لا .. ويش اللي بوية و ليدي..؟! نهى : بوية ما تعرف ويش يعني بوية..!؟ ياسر : بوية الجدارن.. صبا : يعني بنت مسترجلة.. ياسر ابتسم بإستهزاء : هه وشو..!! مسترجلة..!! يعني ويش تسوي مثلاً..!! نهى : هذا مو موضوعنا هم ويش يسوون.. كل بوية تدور لها على ليدي.. يعني مثل ما الرجال يدور له على مره.. اعتقد الموضوع كذا واضح جداً.. وليد مصدوم : تقصدين..!! انهم يكونون مع بعض مثل ما الرجال يتزوج المره..!! نهى : ايه.. مشعل : الحمدلله و الشكر يارب على نعمة العقل.. و هذولي مسلمات..!؟ ميار : ايه.. بس يعانون من مشاكل نفسية او عائلية خلتهم يتجهون لـ هالإتجاة.. مشعل : بالله..!! مشاكل نفسية..!! و ممكن تنورينا بـ بعض المشاكل اللي خلتهم يصيرون بـ هالشكل..؟! سها تشجعت تتكلم : يكون عندها اضطراب الهوية الجنسية يعني ما تدري هي بنت او ولد.. او تكون متربية بين مجموعة شباب وهي البنت الوحيدة و اهلها ما اهتموا انها صارت تهتم مثل اهتمامات اخوانها.. او تكون تعرضت لـ موقف بـ حياتها سبب لها صدمة و خلاها تلجأ لأنها تكون بوية عشان تحمي نفسها.. مشعل : كلام غريب..!! و الأغرب ان اهلهم يشوفونهم على هالحال و يسكتون..!! ميار : اكيد ان اهلهم ما يتوقعون ان مشكلتهم تتجاوز الإستايل و مخلين لهم الحرية.. لكن الموضوع اكبر من كذا بـ كثير.. خالد : الحين قلتن انها تسترجل و تدور لها على بنت..!! يعني هي تشوف نفسها رجال.. لأي مرحلة يوصل ذا الموضوع..!! نهى : لـ المرحلة اللي انت تسأل عنها و تفكر فيها.. خالد وقف بـ حدة : نعم..!!! (ناظر جود) سوت لكـ شيء..؟! هزت راسها بـ لا.. وهي ما ترفع عيونها من الأرض.. ياسر : اكيد..!؟ و الا تخبين علينا..!؟ جود : و الله لا.. ابو سعود دنق وهو يمسح على شعرة.. هاذي اخرتها وحده بوية مهددتها من اول السنة و هي ساكتة عنها..!! وقف متضايق : سعود حل الموضوع.. (و طلع قبل لا يسمع رده).. سعود التفت على خواتة : ضايقتنة.. تبنه ينام زعلان.. لو يصير له شيء ويش بـ تستفيدن..؟! تعرفون ان النوم على زعل ويش ممكن يسبب..؟! ام حاتم بـ هدوء : هذا و بـعض الناس للحين ما قالوا له مصيبتهم الجديدة..!! كلهم يناظرون ام حاتم.. خالد : أي مصيبة..!؟ ام حاتم تناظر ندى: خلوها تقولكم ويش عندها.. ندى : يمه تكفين.. ام حاتم : بـ تخبين لين متى..!؟ بكره و الا بعده..!؟ الموضوع ما راح يطوف على ابوكـ بالساهل.. وقفت : عن اذنكم.. سعود : اصبري.. قولي لنا ويش اللي تقصده خالتي..؟! ندى : سعود انا فعلاً مرهقة.. يكفيني اللي فيني و ابي ارتاح.. ياسر : ماشاء الله كلكن تعبانات و احنا شغلتنا نسهر على راحتكن.. و نعدل اخطائكن.. سعود : انا رايح المركز عشان احقق بـ موضوع سعاد و اشوف كل معلوماتها .. لكن تأكدي اني بـس ارجع ما راح اتركـ الموضوع.. ان كنا نقدر نحلة من غير لا أبوي يدري و يتضايق.. في غرفة وعد.. ابو سعود : ما نمتي..!؟ وعد : ما اقدر انام و هي صاحية.. ابو سعود جلس جنبها على السرير : متضايقة مني..!؟ وعد : شوي.. ابو سعود اخذ نفس : تشكين اني اكرهكـ ..!؟ وعد ناظرتة : ابداً.. مستحيل افكر بـ هالشيء.. ابو سعود مد يده و مسكها من عضدها حضنها و دقنة على راسها : يمكن احيان تشوفيني قاسي عليكـ بس انا اب يا وعد.. حطي نفسكـ مكاني و بتفهميني.. وعد : بابا و الله انا ما زعلت منكـ ما اقدر اطالبكـ بـ شيء فوق طاقتكـ .. ما انكر اني اتضايق لما تلومني على شيء انا مالي يد فيه.. بس انت ما تشوف الموضوع من ناحيتي.. ابو سعود : يعني يرضيكـ اللي صار لأختكـ ..!؟ انا اخمن هنا و هنا و هي ساكتة ما هي راضية تحكي من خوفها.. حتى نومة مثل الناس ما تنام.. كانت بـ تروح بـ غمضة عين بـ سبب هالموضوع.. ويش كان يضركن لو حكيتن لي..؟! وعد ابتعدت عن حضنة : بابا يعني احنا ما كنا متوقعين المشكلة تكبر هالكثر.. يعني مسألة ان بنت تتعرض لـ بنت مثل ما صار لـ جود مو شيء غريب.. يمكن نكون احنا بعد تعرضنا لـ هالموقف .. بس اغلب الأحيان الموضوع ما يوصل لـ هالمرحلة.. ابو سعود : و هذا هو وصل الموضوع لأنها تحاول تقتلها..!! (سحبها من جديد لـ حضنة) يا بابا مو كل موضوع يستهان فيه.. طيب تعرضتها لها مره و ثنتين و سكتوا بعدها ما ينسكت الموضوع عنه.. وعد : و الله بابا انا قلت لها تقولكـ بس هي كانت رافضة.. انا ما اقدر اقولكـ شيء عنها هي ما تبيه تقولة.. ابو سعود حط اصباعة على دقنها : حتى لو حياتها بـ خطر بـ تسكتين..!؟ تشوفين هذا صح..؟! وعد : لا.. اكيد ما راح اسكت.. بس ما توقعت و الله ما توقعت.. ابو سعود : خلينا من جود لأن سعود بـ يتولى الموضوع.. ابي انتِ الحين تشوفيني متثاقل بنتكـ ..؟! وعد دنقت و ما ردت.. هو أيد كلام جدتها.. ابو سعود : يعني صدق كلام نهى..؟! وعد : انت وافقت جدتي بـ كلامها.. على اني علمتكـ هي ويش قالت و انا ويش رديت عليها.. لكنكـ وقفت معاها.. و من شوي قلت لو اني حكيمة ما كانت هاذي حالتي..!! يعني مطلقة و معاها بنت..!! كنكـ تحملني ذنب طلاقي و انت تعرف ان عماد ماهو الشخص المناسب لي .. يعني كنت تبيني ابلع الضيم و اسكت..!! هذا هو اللي عودتني عليه..؟! ابو سعود : يا بابا انا قلت لكـ الحكي ذاكـ اليوم لأني معصب و متنرفز.. هالأيام تعبان و المفروض انتِ ما تأخذين كلامي بـ محمل الجد و انتِ تعرفين غلاة بنتكـ من غلاتكـ عندي.. الا ان كنتِ تشكين اني ما اغليكـ..!! وعد : امبلى.. امبلى بابا اعرف بس ما انت مجبور تحمل بنتي.. ابو سعود : ماني مجبور..!؟ فيه اب ما يتحمل بنتة..!؟ بنتكـ بنتي يا وعد.. ما ابيكـ تأخذين على كلمتي و تبعدينها عني و تحسين انها ثقل علي.. وعد ابتعدت عنه منقهرة : نهى قالت لكـ ..!؟ ابو سعود : تبي مصلحتكـ عشان ما تذبحكـ الهواجيس و تفكرين و تتضايقين من أشياء غلط يا وعد.. وعد : ما يحق لها.. ابو سعود : وعــ قطع كلمتة على صوت بنت وعد تكح و الرضاعة بـ فمها.. وعد نقزت ورفعتها و تضرب على ظهرها لأنها شرقت.. و فجر ما زالت تكح و وجهها اسود و شفايفها زرقاء و كأنها مخنوقة.. وعد مفجوعة صرخت : بـــابـــا.. ابو سعود اخذ البنت منها و قلبها على بطنها و هي على يده : بسم الله .. بسم الله.. روحي نادي احمد او حاتم.. نقزت تجري و هي تناديهم و هي على الدرج : حـــــــــاتم.. أحمــــــــــــد..!! حــــــــاتم.. أحمــــــــــــــد.. قابلوها على الدرج مفجوعين من صراخها.. احمد : ايش فيكـ ..! وعد تنتفض : تعال شوف بنتي.. بسرعة .. كانوا يركضون وراها من غير لا يفهمون..!! لكن الإحتمالات كثيرة.. طاحت من السرير او انكب عليها شيء حار.. او ممكن اتكون مغطيتها و احد دعس عليها من غير لا ينتبة.. دخلوا الغرفة و ابو سعود بـ يده البنت لكنها ساكنة بدون حركة.. عيونة عليها من غير لا تتحركـ.. وقفت وعد وراه : خلصت..!؟ كانت تقصد ان الشرقة راحت.. ابو سعود التفت لها.. و مد بنتها لأحمد.. احمد اخذها من ابوه وهو يناظرة .. احمد حط اصباعة على مكان نبضها في حلقها لكن ما كان يصدر أي حركة و لا يحس بأي نبض لها.. رفع نظرة احمد لأبوه ثم وعد .. وعد حركت راسها تستفسر من غير لا تحكي..!! ابو سعود حاوطها و ظهرها على صدرة : إنما الصبر عند المصيبة الأولى.. قولي إنا لله و إنا اليه راجعون.. وعد ما استوعبت شيء من حكي ابوها.. ظلت تناظر احمد تنتظر منه حكي.. هي نامت بنتها..!؟ اكيد نايمة.. مغمضة عيونها عشانها نايمة.. أحمد : البقا بـ حياتكـ .. ابو سعود أشر لأحمد يطلع فيها.. وعد حاولت تتفلت من ابوها لما شافتة بـ يطلع من الغرفة ومعاه بنتها : لا .. لا احمد هاتها.. احمـــد.. لا تكفون بنتي نايمة.. بنتي ما فيها شيء.. و الله ما فيها شيء.. ابو سعود ماسكها : بس يا امي اهدي.. اهدي.. وعد تصارخ : لاااااا.. احمــــــد.. بابا قوله يرجعها .. قوله يجيبها.. انت كنت معي.. كنت معي ما فيها شيء.. قولة ما فيها شيء.. طلعن البنات كلهن من الغرفة هذا اخر شيء يتحملون يشوفونة.. مو متخيلين ان طفلتهم خلال هالإسبوعين راحت.. و اقل من اسبوعين تعودوا فيها على وجودها بينهم.. تعودوا على صوتها بالمكان.. ابو سعود : وعــــد.. تكفين اهدي يا امي.. وعد تصرخ : ما شبعت منها للحين.. لسى ما كبرت.. ما صار لها كثير معي.. حرام تحرموني منها.. يكفي .. يكفي ثلاث شهور ما اعرفها.. تكفون لا تأخذونها مني الحين.. و الله ابيها.. و الله ابيــــها.. وليد طلع من الغرفة منصدم.!! ثلاث شهور كانت اختة منحرمة من بنتها وهو قريب منها.. و اسبوعين عاشتها بنتها قريب منها و تعودت عليها و راحت.. جلس على الكنب : الله يرحمها.. استغفر الله العظيم.. تمنى لو انها جابها لها من اول يوم حتى لو خاطر بـ حياتة.. او على الأقل ما رجعها و علق اختة فيها.. طلع جوالة من جيبة حتى يكلم سعود.. .. مكتب غازي.. عساف : خلال الكم ساعة بـ تجينا جميع المعلومات عنها و بـ نستدعيها لـ التحقيق.. و نعرف مين اللي كان معاها.. غازي : اللزقات اللي كانت ملفوفة على يدها شوفوا البصمات اللي عليها.. عساف : تأمر طال عمركـ.. عماد : اختكـ ما تعرف اسامي البنات..!؟ سعود يناظر جوالة : لا .. ما عليش طال عمركـ وليد.. غازي : رد عليه يمكن طاري عليه فكرة جهنمية.. سعود ابتسم : هلا.. (اختفت ابتسامتة من صوت وليد) خير.. (وقف) وليد لا تنرفزني قولي الحين ويش فيه..!؟ (ناظر عماد وهو مصدوم..) طـ طيب الحين جاي.. قفل الخط.. غازي : خير سعود ويش صاير..!؟ سعود : بـ روح اتأكد.. عن اذنكم.. عساف : عمي فيه شيء..!؟ سعود : لا.. عماد تعال معاي.. قام غازي و قام عساف معاه.. غازي تعدا سعود اللي بـ يطلع من المكتب : بـ تعلمنا ويش قالكـ وليد و احنا طالعين.. طلعوا الأربعة يترأسهم غازي و بعده عساف و عماد و سعود.. سعود يفكر معقولة يكون وليد مسوي فيه مقلب..!!؟!! ما راح يرحمة لو كان فعلاً مقلب.. اتصل على احمد.. طول حتى يجيه الرد : احمد وينكـ ..!؟ .. يعني صدق حكي وليد..!؟ (غمض عيونة) طيب احنا جايينكـ .. مع السلامة.. اول ما طلعوا من المبنى التفتوا على سعود حتى يسمعون منه.. سعود ناظر عماد : فجر.. البقا بـ حياتكـ .. عماد ما استوعب الخبر.. كلهم يناظرونة .. عماد ما استوعب معنى اللي قالة سعود.. ويش يعني البقا بـ حياتكـ ما فهم..؟! بـ بلاهة : نعم..!! غازي : اذكر الله يا عماد.. عماد : مستوعب يا عم..؟!! (بـ حدة ما يفكر بـ حكية) سمعتة ويش يقول..؟! غازي مسكة من يده و سحبة بـعيد عن سعود و عساف.. عساف يكلم سعود و هي الوحيدة المسيطرة على تفكيرة.!! هي درت.؟! مين قالها.؟! شلون حالها الحين.؟! : شلون..؟! سعود : ما ادري .. بـ اروح المستشفى اشوف.. عندي امل ان اخواني ما هم فاهمين شيء... عساف : اجل يالله ويش تنتظر.. غازي : بـ تعترض على الموت..!؟ عماد : ما قلت كذا.. بس ماني مستوعب.. تدري ويش يعني تموت..؟! هي بنت وحده ما عندي غيرها.. ما لحقت اعيش معاها.. غازي : تراكـ تقول كلام كبير تعترض فيه على قدركـ .. عماد جلس على الرصيف : استغفر الله و أتوب إليه استغفر الله و أتوب إليه.. ماني مصدق بنتي الصغيرة راحت.. يارب رحمتكـ .. يارب رحمتكـ هي مهونة علي واجد اشياء.. يارب رحمتكـ .. ابي اشوفها ابي اتأكد.. ما راح اخليهم يأخذونها بدون اشوفها.. غازي : يالله نروح المستشفى معاهم و هناكـ تشوفها.. بس تماسكـ يا عماد انت راعي الشدايد.. الله عطاكـ اياها و الله اخذها.. .. بيت غازي.. الصبح.. لينا : يعني خلاص دفنتوها..؟! غازي رمى شماغة : ايه.. الله يرحمها.. ما عليها خوف صغيرة ما امتلت ذنوب.. لينا جلست و هي تمسح دموعها .. ان قالت هي بنتها ما تكذب.. عاشت ثلاث شهور معاها اكثر من لما عاشت مع امها.. هي كانت ونيسها بـ وقت ما احد كان فيها معاها الا عمر.. غازي : ما ابي ريما تدري.. باقي لها ثلاث ايام.. لو تدري ما راح تختبر و انا ابيها تفتكـ من ذا الإختبارات.. امال تنهدت : بنتكـ ما راح تحس و هي حابسة نفسها بـ غرفتها ممكن تشكـ عشانكـ ما وديتها للإختبار اليوم.. غازي يناظر لينا اللي مدنقة و حاطة جبهتها على يدينها : لينا بابا معاي..؟! لينا رفعت راسها : ايه .. معاكـم.. غازي : يا بابا ما يصير تبكين هي طفلة ان شاء الله طبر بالجنة.. ما ينبكى عليها ينبكى على اللي مليان ذنوب ويش هي حالتة.. لينا : مو بيدي.. و الله مو قادرة.. كانت معاي.. و الله ثلاث شهور و هي عندي.. ما اقدر استوعب انها راحت.. غازي : اذا بـ تبكين كذا لا تروحين تعزينهم اليوم.. امال : يا حياتي هالبنت ما ادري من وين تلاقيها.. غازي : استغفري ربكـ لا يحمل نفساً الا وسعها.. اكيد انه خيره لها .. ماتت الحين بنتها على الأقل لها اسبوعين معاها اهون من لما تكون معاها سنين و بنين لها شخصيتها و اشياء تعودت عليها و تفاصيل امها ما تنساها حتى بعد ما تروح.. ما تدرين لو يتعبون في تربيتها و ما تكون صالحة و تتعب اهلها.. فكري انه خيرة لهم.. امال : الحمدلله على كل حال.. بس محزنتني وعد.. لينا : طيب بابا يعني غريب البنت ما فيها شيء..؟! غازي : شرقت يا بابا.. و هذا يومها.. ويش كثر اللي ينامون و ما يصحون.. امال : كيف ندى..؟! غازي عفس وجهه زيادة : ما ادري.. .. بيت ابو سعود .. غرفة وعد.. المغرب.. مريم تمسح على شعرها : بسكـ صياح يا ماما قطعتي نفسكـ ..!! وعد منسدحة على ظهرها و يديها على عيونها تضغط عليها : ما ابي نفسي .. خلاص ما ابيها.. بنتي قطعة مني و راحت.. احس ان كلي مت كلي.. مريم : اذكري الله يا بنتي.. وعد : لا اله إلا الله.. مريم : كلهم تحت و يبون يعزونكـ عمانكـ و خوالكـ .. وعد : ما ابي احد يعزيني.. ما ابي احد يقولي عظم الله اجركـ ..!!(انطلقت في موجة جديدة من بكاء ما وقف).. ما ابي اشوف احد.. مريم : طيب لا تعصبين.. خلاص بـ اقولهم.. بس انتِ اهدي.. وعد : البارح كانت تبكي واجد..!! تهقين كانت تبكي عشانها حاسة بـ تفقدني..!؟ تهقين تعودت علي..!؟ (مريم رفعت نظرها فوق حتى ما تبكي و بنتها تزيد حالتها هي من غير شيء ما وقفت صياح من الصبح .. وعد تكمل) انا ام شينة..!! دايم هي تبكي حتى لو كانت بحضني..!! ما اعرف لها.. ما فيه ام ما تعرف لـ بنتها غيري.. حتى انتِ تركتينا سنين بس رجعتي و انتِ تعرفين لنا.. انا فاشلة.. شرقت و انا عندها و الله كنت عندها و ما عرفت .. انا فاشلة..!! مريم مسحت وجه بنتها من دموعها : مين يقول هالحكي..!؟ انتِ بنت و الله زرع فيكـ الأمومة ما ينقصكـ عن غيركـ شيء.. بالعكس بنتكـ اكيد كانت تحس ان انتِ امها من ريحتكـ بـ تحس من حنانكـ و لمسة يدكـ من اهتمامـكـ و حتى نبرة صوتكـ .. حتى لو هي صغيرة بـ تعرف انكـ امها.. وعد صرخت و انبح صوتها : يــــاربي.. الطف فيــــني..!! .. أستغفر الله العظيم و أتوب إليه.. لا أحلل نقل الرواية دون ذكر إسمي.. البارت الجاي يوم الأحد او الإثنين بإذن الله.. هاشتاق #رواية_لو_سألتي_الورد ضحكة قهر.. http://up.graaam.com/img/23407876b74...eba11d9f14.png http://up.graaam.com/img/c433481acf7...1de64fbad2.png |
رد: لو سألتي الورد وهو ما بين إيدك أقطعك بيقول لك عمري فداك الكاتبة / ضحكة قهر
يسلمووووووووووووووو على نقل الرواية
بظن هيك انقطعت الخيوط للأبد بين عماد ووعد |
رد: لو سألتي الورد وهو ما بين إيدك أقطعك بيقول لك عمري فداك الكاتبة / ضحكة قهر
بسم الله الرحمن الرحيم.. السلام عليكم و رحمة الله و بركاتة.. مساء الخير على الجميع.. بداية آسفة لـ هذا التأخير انه اجلت البارت يومين من السبت لـ الإثنين.. لأنه خدمني تنزلين فصلين الإسبوع اللي فات بـتغير مواعيد البارتات اللي بـ تصير ان شاء الله كل اثنين و السبب انه الويكد اند دايم اكون مشغولة فـ افضل يكون بعده بـ يومين عشان يمديني اكتب و اخلص البارت.. ادري ازعجتكم بـ هالشيء بس ان شاء الله ما راح يتكرر من جديد.. ثانياً لـ كل الأسئلة اللي تجيني تسأل عن انه انا حاطة النهاية بـ راسي او لا.. ليش انتم مو حاسين انا الرواية بـدت تهدأ .. و الرواية وشو تصاعد بالأحداث لـ حد الحبكة بعدين تنازل في الأحداث لـ حد النهاية < ما يمديكم على الشرح.. بس اللي اقصدة انه اكيد بـ راسي نهاية و الا كان قفلت الرواية لين اخترع نهاية و اكتبها.. الأحداث قبل ارتبها بـ راسي صحيح فيه اشياء اتردد في كتابتها او تطري علي جديد اذا حسيت انها تخدمني أكيد بـ احطها في مسار احداثي.. ثالثاً لـ كل اللي عندهم امل بـ رجعة وعد لـ عماد رغم اني شرحت كل شيء و خليت ابو سعود يحلف و قلت لكم وجهة نظري بـ موضوعهم و انه هالشيء مستحيل و ما زلتوا محتفظين فيه .. ان شاء الله بـ هالبارت يموت هالأمل.. ^_^ .. لأني ما راح ارجع شخصية مثل وعد لـ شخص يهينها حتى لو بنتها عايشة .. رابعاً شكراً لكل الردود و سوري جداً اني ما قدرت ارد عليكم كلكم .. انغام و ام عمار ما نسيتكم ابد و طلتكم لها تميزها.. و ان شاء الله ترجعون لنا مثل قبل قبل لا تنتهي الرواية.. الشيء المهم الحين ننتبة انه مواعيد البارتات صارت كل اثنين ان شاء الله.. و عشاني تأخرت عليكم هالبارت طويل و حبيب و جميل و حبيتة حيل حيل.. قراءة ممتعة.. البارت الثاني و الستون.. ملامحنا معَ اللقيا ، قصايد حزني المحـتال جفاف الـوصل يتنهّد :عساها دايم الجيّه .! لـ صدووود.. بيت ابو سعود.. جلس عماد بعد ما سلم على اخر المعزين.. للحين تحت اطار الصدمة.. كل دقيقة على طرف لسانة يطلب من خوالها يجيبونها.. ماهو متخيل انه دفن بنتة الوحيدة و الصغيرة تحت الثرى.. يارب رحمتكـ .. ما ابي اضعف.. ما ابي اعترض على حكمكـ يارب رحمتكـ .. عامر مسك ذراع ولده : عماد يا ابوي شكلكـ تعبان.. عماد انتبه لأبوه : لا .. انا بـ اروح المركز.. عامر : تبي تهلكـ عمركـ .. لكـ كم يوم ما تنام زين.. ابراهيم : خله يا عامر يمكن ينسى فقدة.. خله يلهى بالشغل لا يلعب الشيطان بـ راسة.. عماد بـ قهر : شلون تشرق وهي ترضع..!؟ امها وينها عنها..؟! غازي بـ حدة : يومها يا عماد جات حزتها ما احد بـ يرد الموت لا امها و لا أي احد غيرها.. عماد يحط يده على راسة بـ عناد : ابي اعرف..!! سعود : ان شاء الله ناوي تحمل اختي مسؤولية موتها..؟! اذا انت فاقدها مره فـ هي فاقدتها مية مره.. عماد : ليش تهربون من سؤالي..؟! ما كانت تدري عنها صح..!؟ ماهي وجه مسؤولية..!! عساف بـ حدة : احترم نفسكـ تراكـ تسب بنتنا في بيتنا.. زعلكـ على موت بنتكـ ما يعطيكـ الحق انكـ تحمل بنتنا ذنب ما ارتكبتة.. كأنكـ تقول انها قتلتها.. ابو سعود بـ هدوء : انا بـ اعلمكـ عشان الشيطان اللي يوسوس لكـ ان سبب موت بنتكـ اهمال وعد.. وعد كانت عندها .. و انا كنت معاها.. و ماتت بين يديني لما امها راحت تنادي واحد من خوالها يشوفها.. حتى هي انصدمت ما هو بس انت.. عماد وقف : ان كان سبب موت بنتي اهمالها ما راح اسامحها.. غازي : انت منهبل مضيع عقلكـ روح ارتاح ازين.. طلع عماد و لا كأنه يحكي في بنت صاحب البيت و يتهمها..!! ما كفاة..؟! ما بعد شبع من اهاناتها ما بعد مل من توجيه اتهاماتة لها و انه يحمل كل شيء يصير بـ حياتة..!! كل شيء ما يرضية حطة على رقبتها و حملة اياه.. هي ضريبة زواجة انغصب عليها..؟! هي ضريبة مسؤولية تحملها بـ وقت ما عنده استعداد يتحمل شيء..!؟ عامر ناظر ابراهيم : ما عليش يا ابو سعود بس عماد فاقد بنتة ما بعد استوعب صدمتة.. ابراهيم : و الله ظني بنتي فقدت نفس ما فقد ولدكـ بس لأنه تعود يظلمها.. و الله ما يرضيني ان اقول هالحكي بس الأمر خيرة ان شاء الله على الأقل لـ بنتي.. و امر ولدكـ ما يهمني.. عامر اخذ نفس واضح ابراهيم حاقد على عماد و مو من شوي : بس امر بنتكـ يهمني.. و عماد لو اخطى عليها في شيء فـ أكيد معاه عذر يمكن من ضغوط يمر فيها او نفسيتة تعبانة.. سعود مستغرب : لو اخطى عليها..!!! يعني ما انت معترف ان عماد يخطي على وعد..!؟ كل اللي سواه و واقف معاه و تقول امرها يهمكـ ..!؟ لو يهمكـ ما وقفت مع ولدكـ اللي يكسر مجاديفها.. اخذتوها مننا من غير رضانا و ما صانها ولدكـ .. بعدها انت تزين له و تقول يمر بـ ضغوط ما فيه شيء بالدنيا يعطيه الحق يحمل اختي موت بنتها..!؟ عبدالله : ابوي ما يقصد يزين لـ عماد سواتة.. لكن يطلب منكم تلتمسون له العذر.. التمس لأخيكـ سبعين عذراً.. ياسر : ما عاد بيننا الشيء اللي يخلينا نلتمس لـ عماد اعذار.. كان بيننا البنية و الله يرحمها يعني ما عاد فيه شيء يجمع اختي فيه.. ابو عبدالرحمن دنق راسة و يناظر بـ عامر بـ نظرات لها مغزى : و هالحكي يا عامر ليش..!؟ تبي ولدكـ يرجع بنيتنا..؟! سعود وقف بـ حدة يحركـ يدة اللي كانت لاصقة بـ صدرة و فردها دليل على الرفض القاطع : لا و الله ما يكون.. لو يحب السماء ما ترجع له.. ابو عبدالرحمن : اركــــد و انا ولد ابوي تعترضني..!! سعود : ما اعترضكـ يبه بس الا هالشيء.. خلاص يكفي كل اللي صار ..لا يلدغ المؤمن من جحر مرتين.. و احنا انلدغنا كم مره.. غازي رفع حواجبة : سعـــــود..!!! سعود : و انا عند ربي صادق.. كم مره وعد رجعت له..!؟ راحت معاه بعد ما رجعت من بيت عمي مشاري.. يومين ..(رفع اصابع يدة اليمين السبابة و الوسطى) يومين بس و زعلها و جلست بـ بيتكـ يا عم كانت متأملة انكـ توقف معاها و هو يراضيها لكن ما احد وقف معاها.. و رجعت مع ابوي وهو طاعنها بـ شرفها.. ثم رجعت له بالمزرعة و ما كمل كم يوم الا و زعلها من جديد و طق على راسها مره..!! متى عماد قدّرها..؟! حتى انه يوم ولدت باردة مبردة يقول انه كان يعرف ان البنت بنتة و ما يحتاج يسوي التحاليل عشان يتأكد..!! خالد : مو بس كذا.. عماد اتهمها انها السبب بـ خطف بنتها.. و جاي هنا يتهاوش معاها..!؟ يوم ابوي وافق على طلبكم بالرغم انكم اخذتوها بدون رضاة ما قدرتوها و هي تقرب لكم.. عماد ما خلّى و لا بقى شيء ما سواة فيها.. حتى الضرب ضربها.. ناصر : يمكن اللي صار خيرة عشان الإثنين يراجعون تفكيرهم و يعرفون اخطائهم و وفاة بنتهم يقربهم لـ بعض ما يبعدهم.. و عماد طلق مرتة الثانية.. ياسر : و هذا يثبت لنا انه ماهو قد المسؤولية ما يخليه يكبر بـ عيونّا كان طق على راس اختي اللي مالها كم شهر معاه مره و طلق اختي و بعدها طلق الثانية وين الشيء اللي يخلينا نمدحة..؟!! يسمع كلامهم عنها..!! يدري ان عماد ما قدّرها بس ما توصل لأنه يضربها..!! ضربها..!؟ كيف بـ تتحمل قسوة يده..!؟ يالله يا وعد قد ايش بعدك متعب..!! قد ايش معاناتكـ متعبة.؟! ما اكذب لو اقول وجع قلبي الحين بـ سببكـ .. ايه بـسببكـ اكيد متوجعة و انا متوجع من وجعكـ .. لو اخذتكـ و حرمتكـ من دراستكـ اهون بـ كثير من اهانة عماد لـكـ ..!! اهون بـ كثير يا وعد.. ياليتكـ طعتيني ياليتني جبرتكـ .. ابو عمر : اجلس يا سعود.. اهدوا كلكم الموضوع ما ينحل بـ هالطريقة.. راكان كتف يدينة وهو يناظر..!! طبعاً هو واقف مع عيال ابراهيم.. ان وعد ما ترجع لـ عماد حتى لو باس تراب رجولها لأنه ما يستاهلها.. بس وجود ناس يهدون الموضوع مثل سعد او يحاولون يغيرون الأراء مثل ابوه يخليه يراقب الوضع.. بقي ابراهيم ينعرف رايه بالموضوع هو اللي راح يحسمة.. مشاري همس : ايش فيكـ ..؟! راكان : انتظر الدرة اللي بـ ينطقها اخوكـ ..!؟ تهقى يرضى ان بنتة ترجع..؟! مشاري : ما اتوقع.. و حتى لو هو موافق مبدئياً اكيد بـ يرد الشور لـ وعد و ما ظنتي توافق.. راكان : اخاف من تأثرها بـ موت بنتها توافق وقتها انا بـ اجرها من شوشتها و اخفيها عنهم.. مشاري : اذا وعد ما طلبت فزعتكـ لا تدخل.. راكان : و الله ما اشوف الخطأ و اسكت.. سمعتة كيف يحملها موت بنتها..؟! بالله هذا كفو يأخذها..؟! مشاري : ما يصير تلوم الرجال على الحكي اللي ينطقة بـ هالفترة هو متأثر من وفاة بنتة.. راكان : و متى الومة..؟! اذا حتى اخطائة اللي قبل ما الومة عليها يمر بـ ضغوط نفسية..؟! الى متى بـ نسكت لين ما يذبحها ..!؟ و الا تنتحر من قهرها و تروح بنتنا و حزتها يصير لنا الحق نحكي..؟! ابو عبدالرحمن بـ حدة يكلم عيال ابراهيم : و انتم هذا اللي تبونه اختكم تبقى عندكم مطلقة ..!؟ هو انتم انهبلتوا.. ابوكم ما عاد يمسكم..؟! عامر : ما ظنتي كارهين لـ بنتكـم ترجع لـ بيتها .. و ان ما شالها البيت تشيلها عيونّا.. عمر يهمس لـ عساف : ان ما تكلمت و انهيت هالمهزلة بـ اعطيكـ كف اول ما أقابلكـ لحالي.. عساف : ويش تبيني اقول..؟! مجنون انت ما يصير البنت مطلقة.. عمر : يا غبي ما احد قالكـ اخطب الحين ماهو وقت خطبة و احنا بثالث ايام العزاء و لو تدري بنت عمكـ بتنهبل و ترفض عناد.. لكن بين لهم ان مالهم امل فيها و سد عليهم الطريق.. عساف متردد قلبة يؤيد و بـ قوة و عقلة يرفض هي وعد تراها نفسها ما تغيرت : هذا شوركـ ..؟! عمر : ايه.. ترى بـ تندم قد شعر راسكـ سوها يا عساف.. عماد اصلاً ما يبيها ولو بـ يرجعها الحين بـ يقهرها و يقهرنا كلنا بـ يذلها عشانة يشوفها السبب في وفاة بنتة.. ما نبي نعطيهم مجال.. انت ولد عمها و اذا فيهم خير يحكون ربع كلمة.. ابراهيم : عيالي ما اخطوا في شيء يبه.. وعد ما ترجع لـ عماد لو يحط لها الشمس بـ يد و القمر بـ يد.. اللي ما قدّر اول ماهو مقدّر تالي.. ما قدّرها يوم بينهم بنت بـ يقدّرها يوم بنتهم راحت..؟! انا حلفت من قبل انها تحرم عليه.. تنحنح عساف يحس حلقة ناشف و الحروف يا دوب تطلع بـ يحكي فيها.. بـ يقولهم انها له.. يالله يا وعد.. كان المفروض هالشيء من زمان وهو اول رجال بـ حياتكـ ..: ما ظنتي بـ يقدّرها دامه ما عرف قدرها للحين و من شوي قدامنا كلنا حكى فيها لو يبيها كان قال هالحكي بدال اتهامة لها.. عموماً عشان ننهي هالموضوع بنت عمي انا باغيها.. و انتظر عدتها تخلص عشان اخطبها.. و ما ظنتي ان فيه احد اولى مني حتى ولدكم اللي ضيعها بعد ما كانت بين يديه.. ضغط على نفسة وهو يقول اخر كلمة.. كانت بين يديه.. كانت لـ واحد غيره.. عانت معاه.. انتظري يا وعد.. اصبري شوي بس شوي شهر و اجمع قلبي مع قلبكـ ويكون طريقنا واحد اعوضكـ و اعوض نفسي.. وده يضغط على صدرة كود يهدأ قلبة من دقاتة.. عيال ابو سعود ابتسموا وهم يناظرون عساف اللي انهى الموضوع و بعده ما احد قدر يتكلم.. او يناقش بـ موضوع اصلاً منتهي.. جلس سعود مرتاح.. راحة نفسية ما حسها من فترة طويلة.. ما ينكر انه من زمان يتمنى ان وعد تكون لـ عساف او عمر من لما جده حيرها لـ واحد منهم.. ما يبيها تطلع برا العيلة لكن يوم رفضت حاول يتقبل الموضوع و مع خطابها كان يتمنى لها الأفضل و كل مره ترفضهم.. و بعد كل ما مرت فيه الحين ترجع لـ عساف.. ما احد بـ يصونها و يقدّرها كثره.. غازي ضرب براسة مثل البرق..!! معقولة عساف كان يبي وعد..!؟ هي اللي يبيها وما حصلها..!؟ طيب ليش ما خطبها من قبل وهي محيرة له..؟! و الا مسوي هالشيء عشان ينهي الموضوع.. و يخلي رجعة وعد لـ عماد مستحيلة..!! عامر وقف : احنا نستأذن.. جعلها اخر الأحزان.. ابراهيم : و جعلها اخر أحزانكم.. وقفوا عيال عامر معاه الأربعة ناصر و عبدالله و محمد و يوسف.. عامر : نسلم عليكم.. : مع السلامة.. غازي : ما فيه امل نشوف وعد..!؟ ابراهيم : ما تبي تشوف احد ما يدخل عندها غير امها.. غازي : بس هالوضع ما ينفع..؟! ما راح تطلع من ازمتها بـ هالشكل..؟! مشاري : حاول فيها تنزل خلنا نعزيها.. ابراهيم : و الله يا مشاري ما تبي احد يعزيها.. هي ما تبي تقابل الناس كيف تبي تعزيها.. ماهي متقبلة الوضع.. ابو عساف : و ناوي تتركها بـ هالحالة..!؟ ابراهيم : اكيد لا .. بـ اسوي كل اللي بـ يدي عشان اطلعها من اللي هي فيه.. بس هالأيام ما فضيت و الناس داخلة و طالعة.. (ناظر غازي) ايش سويتوا بـ موضوع البنت اللي طعنت جود..!؟ غازي : عزام ماسكـ الموضوع و البنت عندنا لتحقيق للحين ما اعترفت مين اللي كان معاها و بصماتهم من اللزقة مجهولة لأنهم للحين ما طلعوا بطاقات احوال فـ هم مجهولين لنا.. عساف : غصباً عنها تعترف مين كان معاها .. ماهو بـ كيفها.. هاذي محاولة قتل ماهي لعبة.. غازي : ان شاء الله بـ تعترف بالنهاية هي بنت و اكيد بـ تتأثر اذا ما كانت من الأساس عندها حس اجرامي.. و بـ ضغوط اهلها اكيد الموضوع بـ يكون لصالحنا.. ابو عبدالرحمن : يا ابوي ويش لكـ تدخل البنات في الشرطة..!! ما يصير هذولي عرض و شرف..؟! ابو سعود : حق بنتي يبه.. كانت بـ تروح بـ شربة ماء..!! بنتي للحين تأن وهي نايمة و تفز تصارخ .. ما عندي استعداد اسكت عنهن.. .. بيت غازي.. ريما تكتب : ما ادري لكم كم يوم مختفين..!؟ لينا ما تبي تعلمها على اخر اختبار : ابد نروح و نجي و ما نقولكـ .. شكلكـ هلكانة..!! ريما : طااافية.. احس طاقتي خلصت..!! لينا : ليش انتِ باقي فيكـ طاقة..!؟ ريما حرام اللي تسوينة بـ نفسكـ ان لـ بدنكـ عليكـ حق.. ريما : ممكن تطلعين برا و تسكرين الباب انتِ جالسة تلهيني عن مذاكرتي هذا واحد.. اثنين انا ما حسبت اخلص من غازي و امال عشان تجيني انتِ.. لينا : ويش ذا الاخلاق الزفت..!! غازي و امال..!! اسمهم امي و ابوي..!! و الا المعلومات اللي تدرسينها ما هو مكتوب بـ وحدة من المواد عن بر الوالدين و احترامهم..؟! ريما : اقول اطلعي برا.. اطلعـــي قبل لا احط حرتي فيكـ ..!! لينا : ويش بـ تسوين بـ تضربيني..!! و الله لأعلم بابا و اخليه يأدبكـ من جديد خلقة ماهو عاجبه حالكـ ..! ريما : ماني خايفة مني تفهمين.. اطلعي برا قبل لا تطلع جنوني عليكـ ..!! لينا : تحسبين اني اضحكـ عليكـ و انا اقولكـ اعلم بابا ترى عادي اصير بزر و اعلمة.. و اقوله انكـ ما نمتي اليوم على صحيتكـ البارح ما ادري متى و لا كم ساعة نمتي..!! ريما نقزت من السرير : انا اعلمكـ الحين شلون.. و قبل لا توصلها انحاشت لينا لـ غرفتها و قفلت الباب ريما خبلة و ممكن تضربها و هي حامل خصوصاً ان ريما للحين ما تدري.. مسحت بـ يدها على بطنها.. مشتاقة لـ عمر..!! صار لها فوق اسبوع ما شافتة و ما تعرف عنه شيء غير اللي ابوها يقولة لها..!! ياليتها اخذت رقمة على الأقل تسمع صوتة.. العوض و لا الحريمة.. بس ممكن ابوها ما يوافق..!! و لا راح تسوي هالشيء من وراه خصوصاً انها تدري ان ابوها يحافظ على كرامتها بـ الشرط اللي شرطة على عمر.. و خايف عليها و يسوي كل شيء لـ مصلحتها.. صحت من سرحانها بـ عمر على صوت امها تدق الباب : لينا افتحي الباب.. فتحت الباب و باست راسها : هلا مامي.. امال : ايش عندكـ قافلة الباب..؟! لينا : ريما كانت تلحقني بـ تضربني و انحشت منها.. امال اتسعت عيونها : هاذي ماهي صاحية مخها خلاص ودع..!! لينا : من زمان و انتم مخلينها على راحتها.. مين جابكـ ..؟! امال : يعني مين ابوكـ .. تعالي بـ اسوي قهوة ما ابي اجلس لحالي ابوكـ حتى ما نزل.. لينا تمشي وراء امها : ندوش رجعت..!؟ امال : لا .. شكلها ما تبي ترجع..!! لينا منصدمة : من جدكـ ماما..!؟ يعني ويش بـ ينفصلون هي و بابا..!؟ امال : من جدي ايه.. لكن ينفصلون..!! تهقين ابوكـ بـ يرضى..!؟ البنت ما شفنا منها الا كل خير بس ابوكـ الله يهديه ماش.. لينا سحبت كرسي على الطاولة في وسط المطبخ و جلست : اول مره اشوف وحده ما تتمنى ان ضرتها تطلق..؟! امال : البنت ذربة و اخلاق ماشاء الله ما ضرتني بـ شيء و حامل ليش اتمنى لها تطلق..!؟ حب لأخيكـ ما تحب لـ نفسكـ .!! لينا ترفع حواجبها : حتى لو احس يكفي انها مشاركتكـ بـ زوجكـ .. لو عمر يفكر مجرد تفكير انه يتزوج علي لا اذبحة وهو نايم و ادخل السجن.. امال سحبت الثلاجة تفتحها : الحمدلله و الشكر ايه اقضي حياتكـ بالسجن عشان زوجكـ تزوج عليكـ مجنونة انتِ..؟! لينا : لا اجل اقعد بـ حسرتي و انا اشوفها معاه و الله ما اتحمل وحده تشاركني فيه..!! : كل ذا حب لـ عمير..!! التفتت على ابوها و وقفت تسلم عليه ترقع اللي قالتة : هلا بابا كيفكـ ..!! غازي مبتسم على احراجها : بخير الحمدلله.. توكـ لسانكـ ويش طولة و يوم جيت سكتي..!؟ امال : زين اللي ما سمعتها من اول كلامها تبي تذبح عمر اذا فكر يتزوج عليها و تدخل السجن بنتكـ بـ تصير مجرمة..!! غازي : هههههههههههههه و الله عمر شلع قلبكـ و رجعكـ لنا و نقول سليمة..!! لينا : بابا رجـــاءاً..!! غازي ابتسم : يعني مستحية مني .. بس من امكـ ما استحيتي..!! لينا تحول الموضوع : ترى ريما من البارح ما نامت..!! البنت عيونها تقطر دم من كثر ماهي حمراء..!! و اخلاقها كلمة قافلة قليلة و مرتاحة ان ما احد موجود معاها الأيام اللي راحت على قولتها ما افتكيت من امال و غازي تجيني انتِ..!! امال : لسانها متبري منها وهي صاحية كيف وهي فاقدة كذا..!؟ غازي : هانت باقي لها بكره بس..!! لكني بـ اصبر عليها لين الساعة وحده و بعدها اسحب كتابها و اخليها تنام غصب.. لينا : اتوقع تفقد عقلها و تسبكـ ما يهمها ترى ماهي واعية.. خلاص طيب انت تجمل معاها لين تخلص اختبارها بكره و بعدها هي بـ تنام من نفسها..؟! غازي : بـ اشوفها على ما تجهزون قهوتكم.. امال كلمتي ندى..!؟ امال التفت عليه : ايه .. تقول قافلة جوالها تعبانة..!! غازي غمض عيونة هالبنت تقهر..!! هالثلاث ايام يتصل عليها جوالها مقفل يبي يكلمها يهديها يعرف كيف حالها من بعد ما توفت بنت اختها.. يبي يتفاهم معاها و هي و لا هي يمه.. امال تكمل : غازي ترى شكلها تعبانة جد.. البنت وجهها اصفر و كل شوي ناطة الحمام ترجع.. ما قدرت تطول جالسة معنا.. غازي : و انا قلت ماهي تعبانة..!! لكن واضح مخها يابس زيها زي ابوها و اخوانها و عيال عمها كلهم العناد فيهم سمة.. لينا ابتسمت : احلى يا رايق.. لـ هالدرجة متعقد منهم..!؟ غازي يدري انها تستهزء فيه يعني هو ما يعاند : ايه متعقد منهم شكلهم وارثينة كلهم من ابراهيم.. ابو العناد كله.. امال : ما احس بناتة معانديات.. كاد وعد و نهى و جود الصغيرة الباقيات احسهن لينات يقتنعن بالحكي.. غازي : و ندى اولهم.. لينا انفجرت ضحكـ : ههههههههههههههههه و ضعكـ مزري يا بابا..!! غازي ناظرها : احسن لكـ ترى احط الحرة بـ عمر..!! لينا اختفت ابتسامتها : خلاص بـ انطم.. تمسكني مع اليد اللي تعورني..!! غازي ابتسم : تستاهلين.. خليني اشوف اختكـ .. طلع غازي لـ غرفة ريما .. فتح الباب الغرفة كلمة حوسة قليلة فيها اكواب القهوة بـ كل مكان..!! علب البيبسي على المكتب و التسريحة..!! التفت لـ السرير المعفوس عليه انواع الكتب و الباقي طايح على الأرض يبصم بالعشرة كل كتبها برا ان ما كان معاها كتب الترم الأول.. و اوارق و دفاتر و اقلام..!! و هذا كله مو غريب عليها..!! الغريب انها منسدحة معقولة نايمة بـ هالشكل.. قرب لها شكلها ماهو طبيعي البنت كل عرق فيها ينضح بالتعب.. بدت تراودة افكار انها ماهي نايمة خصوصاً ان كتابها مفتوح و القلم ما زال بـ يدها و نايمة على جنبها : ريما ..!! ريمــــا..!! (ضرب خدها بـ شويش) ريمــــا .. ريمـــــا..!! اتجه لـ الشماعة و سحب عبايتها و لفها فيها و شالها كان متوقع هالشيء اذا ظلت على هالحال بدون اكل يسمتها او راحة جسدية.. نزل الدرج بـ سرعة وقفوا لينا و امال اللي كانن جالسات بالصالة.. امال مفجوعة : ايش فيها..؟! غازي : مغمى عليها.. انا بـ اطمنكم.. طلع بسرعة قبل لا تعترضة وحده فيهن و تطلبة تروح معاهم.. لينا : ما تفهم هالبنت زين اللي صار فيها الحين..!؟ امال توترت : الله يهديها كل سنة ذا الحالة ما تعرف مصلحتها.. الله يستر الله يستر.. لينا : روقي ماما شوي بابا بـ يتصل يخبرنا.. .. المستشفى.. الدكتور : سوء التغذية و الإرهاق.. غازي كتف يدينة : كنت متوقع..!! الدكتور : هي تختبر..؟! غازي : ايه ثالث ثانوي.. و مرهقة نفسها بـالإختبارات.. لا تأكل و لا تنام.. بس تذاكر و تشرب قهوة او تشرب ببيسي..!! الدكتور ابتسم : كثير تجينا حالات نفس بنتكـ بـ هالفترة.. حتى اهتمام الأهل له دور.. اكيد بنتكـ بـ تقدر عليها اجبرها تأكل اكل صحي لازم تهتمون في صحتها.. غازي : بكره اخر يوم لها.. هانت.. اقدر اخذها الحين.. الدكتور : انا افضل تبقى عندنا يومين.. البنت تعبانة حيل و صحتها معدومة.. غازي تنهد : خلاص اعطها منوم خفيف لـ الفجر عشان الصبح بـ اوديها تختبر و ارجعها بعدين.. الدكتور : دام هذا يريحكـ و لا يهمكـ .. عليها العافية ان شاء الله.. غازي : الله يعافيكـ .. .. بيت ابو سعود.. الملحق الخارجي.. تلعب بـ فمها و هي قدامة : طيب انا شفت ناس عندكم كثير يدخلون و يطلعون.. وليد بـ ملل : عشان كان عندنا عزاء.. سحر : كيف عزاء..؟! وليد يناظرها : يعني بنت اختي توفت.. سحر : يا حرام يعني راحت عند ربي صح..؟! وليد : ايه.. سحر جلست : زي ماما و خواتي بابا قال انهم راحوا عند ربي..!! وليد : الله يرحمهم جميع.. سحر تردد وراه و عيونها بالأرض : الله يرحمهم..(رفعت نظرها له) متى بـ يجي بابا..؟!! وليد مل من كثر اسئلتها خلقة هو ماهو طايقها و الزم نفسة عشان الوعد اللي بينه و بين ابوها كيف بعد وفاة بنت اختة..!! وقف : ما ادري..!! انا بـ اروح و اخلي الشغالة تجيب لكـم الأكل.. سحر : دايم تروح دايم تروح و انا اقعد لحالي..!! وليد : معاكـ المربية.. سحر : بس انا طفشت..!! وليد : و انا جبت لكـ كل شيء تبينه حتى ايباد.. الهي نفسكـ لين افضى و احل مشاكلي اللي انتِ اساسها.. سحر : ما فهمت..؟! وليد : مو لازم اهم شيء انا فاهم.. يا ويلكـ ان طلعتِ برا فاهمة..!!؟؟! سحر هزت راسها وما هو عاجبها ان وليد يحبسها بـ الملحق صحيح ماهي فاهمة لكن انه يحرمها من الطلعة اكيد شيء ما يرضي طفلة مثلها و لا راح تقدر عواقب الطلعة من الملحق.. في الصالة.. ابو سعود : يعني ما اكلت شيء..!؟ ام سعود : لا ما طب فمها حتى امها ما قدرت عليها.. كل ما قربت الملعقة من فمها تذكر بنتها و تتركها.. ماهو هاين عليها.. ابو سعود : كلنا ماهو هاين علينا بس هذا امر الله.. ام سعود : و نعم بالله.. بس اصبر عليها شوي لا تجبرها.. ابو سعود : الى متى..؟! لين ما تروح من يدي..؟! خالد : يبه ويش رايكـ باللي صار بالمجلس..؟! ابو سعود : ويش رايي بعد..!؟ خالد : بـ كلام عساف..؟! ابو سعود : من هنا لين يجي حزة هالحكي يصير خير.. ياسر : اكيد يبه ما انت ناوي ترده..؟! ابو سعود : ويش رايكـ تجي تصكني كف و تعلمني..!؟ ياسر : حاشاكـ يبه قدركـ على الراس من فوق .. بس انت شايف كل شيء صار ما انت غافل عنه.. ابو سعود : وعد باقي لها شهر و تخلص عدتها من هنا لين ينتهي هالشهر ما ابي طاري لـ الموضوع ماهي بـ نفسية تسمح لكم تحكون معاها.. و ما يحتاج اقولكم ان دينكم ما يسمح بـ خطبة المطلقة بـ عدتها..!! يعني اللي دار مجرد حكي.. ام حاتم حطت يدها على صدرها : عساف يبي وعد..!؟ ابو سعود : ايه.. و سكروا على ذا الموضوع.. وين جود..!؟ ام احمد : بـ غرفتها.. البنات كلهن ما ادري ويش صار لهن هجدن ما عاد لهن حس.. ابو سعود تنهد : و مشعل وينه طلع من المجلس و بعدها ما شفتة..!؟ ام احمد : بغرفتة يقول مادتة صعبة يوم الخميس و اخر اختبار عنده.. ابو سعود : على الله يفلح بس.. لأنه لو ما فلح حرتي كلها بـ احطها فيه.. ام احمد : هو يسوي اللي عليه اذا ربي ما كتب له درجات زينة يعوضها ان شاء الله الترم الجاي لا تكسر بـ خاطر الولد.. ابو سعود : انا قلت اللي عندي لو درجاتة ما اعجبتني بـ يداوم معي بالشركة.. ام احمد : يعني كل اخوانة درسوا ما يبون .. هو تبي تحرمة من اللي يبيه.. ابو سعود : لأنه ما اختار شيء على قده .. و ما كان قد المسؤولية و تحمل نتيجة اختيارة خليه يتحمل نتيجة اهمالة.. ام احمد : و زواج دانه اكيد بـ تأجلة..!؟ ابو سعود : لا.. ليش نعيش بالحزن.. العزاء ثلاث ايام.. و ما ابي وعد تبقى بـ هالجو.. خليها تلهى حتى هي.. احمد : بس يبه ما يضر لو وخروه لـ شهر 10 على الأقل.. ابو سعود : و من هنا لين اخر ثمانية باقي شهر و زود ماله داعي نأجلة.. الواحد يبي يفرح ماهو يكبت نفسة بالحزن و يعيش فيه.. احمد : اللي يريحكـ .. ابو سعود ناظر نهى و ندى : شخبار البنات..؟! ندى و نهى : بخير الحمدلله.. ابو سعود : لكن ثلاث ايام تنامن هنا و تاركات بـيوتكن.. ما يصير هالشيء ما اعتقد رجالكم بـ يقصرون يودونكم و يجيبونكم ايام العزاء هم جايين جايين ماله داعي تتركونهم.. نهى طردة.!! : ان شاء الله.. ام حاتم : زين اللي فتحت الموضوع عشان تعرف بنتكـ ويش تبي..!! ابو سعود : مين..!؟ ندى اخذت نفس : انا.. دخل وليد : السلام عليكم.. : وعليكم السلام.. باس راس ابوه و امه و خالاتة و جلس جنب اخوانة.. ابو سعود يناظر ندى : خير ان شاء الله يا ندى.. ندى بللت شفايفها متوترة : انا ما ابي ارجع له..!! كلهم ناظروها ..!! ما ابي ارجع له..!! حتى اسم غازي ما نطقتة.. ابو سعود : السبب..!؟ ندى : ما ابيه.. سعود عاقد حواجبة : ويش ذا الهبال..!؟ حلوه هاذي ما تبينه..!! ندى : ماهو غصب اجبر نفسي على عيشة ما ابيها.. احمد : ندى ويش هالحكي كذا فجأة عاد..؟!! ياسر : الحين لما حملتي ما تبينه..؟! (صرخ فيها) مجنونة انتِ..؟! ابو سعود بـ هدوء : ويش هي العيشة اللي ما تبينها..!؟ ندى بـ تبكي ما تتحمل تواجهم مع بعض .. يكفيها ابوها لـ حاله : ماني طايقتة..!! وليد : ما انتِ طايقتة..!؟ خير ان شاء الله ويش مسوي لكـ ..!؟ ندى : ما اعجبتني العيشة هناكـ ما اتحملها.. سعود : لا و الله جالسين نلعب احنا..؟! تراكـ ما انتِ بزر عارفة ويش يعني زواج.. ابو سعود : اهدأ سعود.. خلينا نفهم منها.. ندى قولي لي شيء يقنعني.. ندى : بس و الله.. ما .. ابيه..!! ابو سعود : علميني بـ ويش زعلكـ ..!! خالد يناظر ابوه : يبه حتى لو مزعلها ما ظنتي فيه شيء يستاهل تطلق عشانة الا ان كان ضاربها و مسفل فيها..!؟ (التفت لـ ندى) ضربكـ ..؟! هزت راسها ندى بـ لها.. وهي تلعب بالمنديل بـ يدها تلهي نفسها بـ أي شيء عشان ما تبكي.. ابو سعود : ما هو معقول تطلبين الطلاق من فراغ.. الا ان كنت ما ربيتكـ و صرتي هبلة على أي شيء تزعلين و ما انتِ راعية مسؤولية هذا شيء ثاني.. وقفت ندى : عن اذنكم.. سعود : وين رايحة على كيفكـ تفتحين الموضوع و تروحين بـ نصة..!؟ حاتم : اتركها سعود يمكن فيه شيء بـ بالها بـ تفكر فيه و تراجع نفسها.. طلعت ندى بعد كلام حاتم.. سعود ناظر حاتم : مو توقف معاها على غلط.. حاتم : و انت لا توقف ضدها قبل لا تعرف ويش مكدرها منه يمكن فعلاً البنت ماهي طايقة العيشة معاه.. سعود : ماهي طايقة العيشة معاه كذا من غير سبب..!! شيء ما يخش الراس.. تراها حامل تبيها تولد عندنا يعني..!؟ حاتم : لا توقف معاه عشانه ابو زوجتكـ تراها اختكـ ..!! سعود : اسخف كلام سمعتة..!! حتى لو هي متزوجة واحد ثاني كنت بـ اسعى ان الطلاق ما يتم الا ان قهرها زوجها.. مثل ما عماد قهر وعد.. لكن على اسباب تافهة تحلم بـ الطلاق.. ابو سعود : و بعدين مع ذا الهواش..!؟! سعود بـ قهر : شايفها زينة يبه..!؟ وعد و تطلقت و ندى تبي الطلاق..!؟ و الله ما يبقى احد ما يحكي فينا..!! احمد : سعود لا تحكم على الموضوع من البداية ليش متسرع..!؟ خلنا نعرف اسبابها و بعدها احكم هي تستاهل تطلق عشانها و الا لا..!! سعود : ليش انت ترد في غازي شيء..؟! احمد : حاشى لله .. بس ترى ماهو من زمن بعيد احنا نعرف غازي.. من الوقت اللي اخذوا وعد و حجزوها لـ معلومات امنية يعني الموضوع ما كمل السنة للحين.. سعود : بس ابوي يعرفة من سنين.. ولو ماهو عاجبة فيه شيء ما كان عطاه من الأول.. احمد : وما هو شرط يكون العيب في غازي .. يمكن ندى ما تحملت تكون المره الثانية و تعيش بـ حياة غازي بـ هالشكل ترى الكلام في الشيء مو زي لما تعيشة.. اكيد الوضع صعب عليها..!! سعود : ابوي شاورها في الخطبة و لو ندى رفضتة ما تمم الخطبة لكنها رضت بالشور وهي عارفة انها الثانية ماهو شيء استجد عليها.. حاتم : يمكن حاولت تتأقلم مع الوضع وما فلحت.. ماهي مجبورة تعيش حياتها كلها بـ قلق و اكتئاب نفسي.. سعود : ايه انتم بس سمعوا خواتي هالرأي و كل وحده اوقفوا معاها على غلطها و خلونا علوكـ بحلوق خلق الله.. و الناس تحكي فينا بالطالع و النازل.. ابو سعود وقف و نطق بـ حزم : سعود يكفـــي.. انا بـ احل الموضوع.. اتجة ابو سعود لـ المصعد بـ يشوف بناتة .. كل وحده من صوب.. سعود ناظر خالتة : خالة انتِ تعرفين السبب..؟! ام حاتم : كل ما كلمتني قالت ماني طايقتة و ما ابيه..!! سعود يناظر حاتم و احمد : هاه هذا حكي ناس صاحية..!؟ ام حاتم : انا بـ اروح اشوفها يمكن ابوها عندها و نعرف ويش اللي براسها اصلاً.. الصالة الدور الثالث.. سها على التلفزيون.. ابو سعود : بس انتِ جالسة هنا..؟! سها التفت لأبوها و قصرت الصوت : الكل لاهي عني ما احد معطيني وجه.. ابو سعود جلس جنبها : افاا مين يقول هالحكي..!؟ سها : هذا الواقع.. ابو سعود : فيه شيء مضايقكـ ..؟! سها ناظرتة ايه واجد يا بابا.. الشوق هو اولها.. بـ يذبحني .. انعدام الثقة ثانيها : لا.. ابو سعود : متأكدة..!؟ سها : يعني شوي.. ابو سعود : طيب قولي لي ويش اللي مضايقكـ ..؟! سها مترددة : يعني بابا.. اخاف تزعل.!! ابو سعود : لا ما راح ازعل.. سها اخذت نفس : قلبي.. انت قلت اني راح انسى و اعيش بـس للحين ما قدرت.. احاول احاول بس و الله كل ما التفت احس ان تفكيري ما يروح الا له.. اخاف اقولكـ اشتقت له و تذبحني.!.! بس انت وعدتني توقف معاي وما تخليني.. بابا و الله قلبي يعورني.. ما فيه شيء يريحني.. حتى ما اعرف اخبارة..!؟ ما اعرف ويش صار فيه بعد ذاكـ اليوم..!! ما اعرف شيء عنه..!! ابو سعود يناظر دموعها اللي نزلت على اخر كلامها يحز بـ خاطرة تعلقها بـ شخص لا يمكن و لا واحد بالمية تكون من نصيبة : فترة و تنسينة يا بابا بس تحمليها لين يجيكـ نصيبكـ و ينسيكـ اياه.. سها بكت من ضيقتها ما احد حواليها يحس فيها : بس انا ما ابي غيره.. حتى انتم..!! انتم تعذبوني..!! و الله العظيم تعذبني تصرفاتكم..!! ابو سعود : احنا..؟! سها : ايه.. انت حرمتني دراستي و حرمتني لاب توبي و جوالي و كل شيء قطعتني من الكل.. حتى لما رجعت و قلت لي انكـ رضيت ما اعطيتني شيء و انا ما قدرت اطلبكـم.. (دنقت تناظر الأرض) اخاف ياسر و خالد يضربوني..!! كلكم تغيرتوا علي و الله.. خالد اللي كان اقرب اخواني ما عاد حتى يكلمني..!! طلع يبي يشوف وعد و جود و ندى .. تطلع سها في نص المعاناة و هو لاهي..!! يالله وين يقطع نفسة..!؟ ويش يرضيهن...؟! كيف يحل كل هالمشاكل اللي تحاوطهن..!! كيف يريح قلوبهن..؟! وقتها بس هو بـ يرتاح.. راحتة من راحتهن.. سها : انا صدق اخطيت بـ تصرفي بس هو جاء خطبني بالحلال و انتم عاقبتوني على قلبي اللي تعلق فيه و انا ما قدرت اغير قلبي.. زعلتوا مني و حرمتوني كل شيء و حتى لما رضيتوا ما رجعتوا لي مثل قبل.. انا بديت اشكـ حتى بـ نظرات اخواني احسهم مو واثقين فيني..!! بس متطمنين اني ما اطلع من البيت.. و لا اروح أي مكان.. علمني بابا ويش اسوي.!؟ قولي كيف اتصرف..!؟ ابو سعود : تعيشين يومكـ مثل ما هو و لا تفكرين فيه.. تفكيركـ فيه هو اللي متعبكـ .. انسيه فكري بـأي شيء ثاني.. ويش رايكـ تشتغلين معي..؟! سها عقدت حواجبها ومسحت دموعها : اشتغل معكـ ..؟! ابو سعود : ايه.. ما راح تداومين كل شيء بالبيت بـ اجيب لكـ ملفات و تكتبينها لي على الكومبيوتر في مكتبي.. (قالها في المكتب عشان ما يعطيها امل يجيب لها لاب توب جديد خاص فيها).. سها : طيب و اذا لخبطت شغلكـ ..!.؟! ابو سعود : بـ اكون معاكـ و اجرب شغلكـ فترة وما راح اعطيكـ اوراق صعبة عليكـ بنبدأ شوي شوي و اذا صعب عليكـ انشدي ياسر وهو يعلمكـ.. سها : طيب تعطيني راتب..!!؟! ابو سعود ابتسم : طيب و لا يهمكـ الراتب اللي تبينه تامرين فيها كم سهاوي عندي..!؟ سها ابتسمت لقت شيء تلهي نفسها فيه غير محاولة النوم و التلفزيون : وحده.. ابو سعود : نبدأ من بكره.. ما تذمرين و تقولين كثير و تعبت..!! سها : لا ما راح اقول اهم شيء اشتغل و اسوي شيء.!! ابو سعود وقف : طيب بـ اروح اشوف ندى.. و بكره موعدنا.. سها : ان شاء الله.. دخل ابو سعود غرفة ندى .. : السلام عليكم.. : وعليكم السلام.. ابو سعود ناظر ام حاتم : انتِ هنا..!؟ ام حاتم : من كنت تكلم سها و تذكرها بـ سوالف مالها داعي.. ابو سعود جلس على الكنب : ما نستها عشان اذكرها.. هي تعبانة من الوضع اللي تعيشة و انا ابي الهيها بـ شيء يشغل تفكيرها و يتعبها شوي عشان ما يكون عندها الوقت تفكر فيه.. ام حاتم : اللي يريحكـ بس ما ودي اعطيها مجال هالفترة و الموضوع ما صار لها مدة طويلة و هي لسى ما نستة.. ابو سعود : لا تخافين انا عارف ويش اسوي.. انا ابيكم تحنون عليها البنت حاسة اننا مجفينها.. حتى خالد ما يكلمها.. ام حاتم : تخبر خالد قد ايش انقهر على ذا الموضوع ماهو بـ السهولة بـ يرجع مثل ما كان صح بنتي بس حتى خالد ولدي ولو ماهي غالية عنده ما عتب عليها.. ابو سعود : اعرف هالشيء بس اذا كلنا لهينا عنها بـ يكون عندها الوقت الفاضي اللي يخلي تفكيرها يروح لـ طارق و ما تفكر الا فيه وما راح تنساة و انا ابيها تنساة كلش.. ابي احد يبقى معاها و يرشدها.. ام حاتم : حاتم من كم يوم كلمني نأخذها دكتور نفسي.. ندى انصدمت : مو لـ هالدرجة عاد..!! ام حاتم : يقول ما فيها شيء بـ يساعدها يطلع اللي بـ خاطرها و يسمع منها و يرشدها ممكن تسمع منه اكثر من لما تسمع منّا لأنه بـ يعرف كيف يتصرف معاها اكثر منّا و يمكن هي تتقبل كلامة اكثر لأنها بـ تشوف ان ماله مصلحة يبعدها عن طارق.. ابو سعود : بـ افكر بـ هالموضوع بعدين.. هاه يا ندى.. ما انتِ معلمتنا ويش فيكـ من الأساس ويش مضايقكـ من غازي..؟! ندى : كل شيء..!! ابو سعود : اشرحي لي.. كل شيء ما تفيديني.. ندى : يعاملني كني بزر كني وحده من بناتة ما يعاملني مثل امال..!! ابو سعود رفع حواجبة : كنكـ وحده من بناتة و انتِ حامل..!! انحرجت ندى : ................... ابو سعود : ممكن تقولين لي كلام يدخل راسي و اقتنع فيه و الا بـ ادق عليه الحين يجي يأخذكـ .. او بـ وصلكـ لـ بيته بـ نفسي.. ندى : بابا تكفى لا ترخصني..!! ابو سعود : لا ارخصكـ ..!! تشوفينة رخص..!؟ تبين تهدمين بيتكـ و اطاوعكـ ..؟! ندى : انت ما تشوف كل ما جيت هنا يتأخر علي ما يجي الا متأخر اخر مره ما جاء غير الفجر صرت و الله استحي وهو كل مره يتركني كل هالوقت..!! و ما اقدر انام هنا و انا اخاف يجي بـ أي وقت.. ابو سعود : و انتِ تدرين بـ وظيفتة يعني يوم يتأخر عليكـ يكون بـ بيتة و الا بالمركز..!؟ ندى : بالمركز..!! ابو سعود : ندى يا امي غازي رجال مشغول ما اقولكـ كامل اكيد فيه عيوب بس رجال شهم و ينشد الظهر فيكـ .. ابي اسألكـ سؤال و تجاوبيني بـ صراحة.. هزت راسها .. ابو سعود : يدري انكـ تبين الطلاق..؟! ندى سكتت شوي : لا.. ام حاتم : انتِ ما راح ترتاحين لين تخربين حياتكـ يا بنتي و الله بديت اشكـ فيكـ عين و الا بلى..!! ندى : ما فيني شيء انا بس مو متقبلة حياتي معاه.. ما يعاملني مثل امال.. ابسط الأشياء كل سوالفة يقولها لأمال انا ما اعرف ولا شيء الا ان كنت موجودة في الجلسة.. حتى لما انخطفت بنت وعد الله يرحمها علم امال وما علمني ما يبيني ادري بـ حجة اني ما اقلق يعني امال ما يهمها الموضوع ماهي منهم و فيهم..!؟ ابو سعود : و انتِ ليش تحطين زوجتة بالنص..!؟ لو يفرق بالمعاملة بينكم يحق لكـ تزعلين.. لا اكرمها و ذلكـ يحق لكـ تزعلين لو عطاها و تركـ يحق لكـ تزعلين و حتى السبب اللي قلتية يا امي قلتيها اذا انتِ موجودة بالجلسة يمكن انتِ حاكرة نفسكـ بـ غرفتكـ وهو جالس مع الكل بالصالة .. و معاه حق اللي ما علمكـ الرجال خايف عليكـ تقومين تستخدمينها حجة ضده..!! ندى : يعني شلون كلكم بـ توقفون معاه و تخلوني..!! انا ما اطيقة ما اطيق حتى اشوفة..!! ابو سعود بـ حده : نــــدى..!! تراكـ بـ تحديني على شيء ما يرضيني ويش صاير لكـ دايم انتش العاقلة اليوم منهبلة..!! .. راح يجي اكيد غازي ما راح يخليكـ هنا على طول ان تركـ هالأيام على راحتكـ ما راح يطول.. قامت ندى كثر الحكي عنه خلى كبدها تقلب عليها نقزت لـ الحمام ترجع اللي بـ بطنها.. ابو سعود : ايش فيها..؟! ام حاتم : شكلها متوحمة فيه.. ما تشوفها تسبة ما خلت شيء ما قالتة..!! ابو سعود : من جدكـ كل ذا من وحام..!؟ ام حاتم : هي شكلها متضايقة منه عشانه يتأخر عليها و ما يبيها ترجع مع اخوانها و لا ترجع مع السواق لحالها .. و جاء معاها الوحام و سفلت بالرجال.. ابو سعود : استغفر الله العظيم زعلانة عشان يتأخر عليها.. هي عارفة شغلة ما يتأخر عليها بإرادتة لا تطالبة فوق طاقتة.. ام حاتم : تكفى اذا جاكـ يكلمكـ قولة يخليها عندنا لين يخلص وحامها البنت حتى اكلها قل بدل ما تهتم بـ نفسها اهملتها.. عشان مصلحة اللي بـ بطنها.. ابو سعود : ماني طالب الرجال هالشيء بيتة ويش كبرة.. هو اكيد بـ يقدّر وضعها ما راح يجلس جنبها بالغصب و هو يدري ان وحامها فيه.. ندى تمسح وجهها بالمنشفة : بابا الله يخليكـ ما ابي ارجع له.. الله يسعدكـ اوقف معاي.. ابو سعود وقف قدامها و حط يده على كتفها : يا امي انا اسوي الشيء اللي بـ مصلحتكـ اذا ما طقتي حتى البيت و تعبتي انا بـ اجي اخذكـ و غازي ما راح يعترض.. لفت و رجعت للحمام من جديد ترجع اللي بـ بطنها ما تطيق حتى سيرتة الحكي فيه شيء يعذبها.. ابو سعود لف على ام حاتم : خليها تأكل زين ما بقى بـ بطنها شيء اذا من طارية يصير فيها كذا..؟! ام حاتم : افكر اوديها دكتورة بس لازم هو يدري لأنه يوم وديتها اول مره وما درى ما اعجبة.. ابو سعود : قلتيها ما درى.. لا تخلينها تسوي شيء من وراه.. ما تقدر تقولة انا اكلمة و اقوله لكن تعصية لا.. ام حاتم : طيب بـ اشوفها اذا وافقت بـ اقولكـ تكلمة.. ابو سعود : ماهو بـ كيفها ما توافق.. تروح غصباً عنها يمكن تعطيها شيء يوقف الغثيان.. ام حاتم : كأنكـ ما تدري عن هالسوالف ..!؟ تعرف ان الوحام يأخذ وقتة.. ابو سعود : و عيالكم بقوا فيني عقل.. بـ اشوف وعد و جود.. و بعدها بـ اكلم خالد يتقرب من سها.. طلع ابو سعود من غرفة ندى حتى يتجة لـ غرفة جود .. فتح الباب بعد ما طقة و دخل الأنوار ما عادت تسكرها كلها..!! قبل ما كانت تنام اذا فيه اضاءة خفيفة بـ يوم انقلب حالها..!! انينها يوصلة وهو واقف عند الباب.. يمكن تتحلم ان صوتها مكتوم مثل ما غطت فمها سعاد..!! اقترب منها و عدل اللحاف لكنها فزعت تصرخ لما حست بـ حركة حوليها.. جود : لاااااااااااااا.. ابو سعود جلس وراها و مسكها قبل لا تنقز جرحها لسى ما برى بشكل كامل باقي له وقت خصوصاً مع السكر : اهدي هذا انا.. جود شهقت و تنفسها المضطرب يشرح خوفها : بـا بـا..!! ابو سعود يمسح على راسها لأنها مغطية شعرها كله بـ ربطة حتى وهي نايمة لافتها على راسها : بسم الله عليكـ كنت ابي اغطيكـ لا تبردين.. جود لفت و دفنت وجهها في صدرة حضنة هو أأمن مكان لها بعيد عن كل شخص يحاول يأذيها.. بـ قول او فعل.. : لا تروح خلكـ عندي..!! و الله ما عاد ارتاح اذا جلست لحالي.. ابو سعود : لازم ترتاحين سعاد صارت بالسجن.. تحت التحقيق.. بـ تأخذ جزاها يا امي اوعدكـ ما اتركها تعدي.. ما راح اخلي احد يمس شعرة من راسكـ بس تطمني.. انتِ عندي في البيت ما احد يقدر يأذيكـ .. جود : انا عارفة بس ما اقدر و الله ما اعرف كيف ارجع مثل قبل.. ما طلبت من ماما تجي و تنام عندي.. ابي ارجع مثل قبل بس احس كأني صاحية ما اعرف كيف..؟!! ابو سعود : حاولي ترجعين تنامين شغلي قرآن عشان تطمنين.. جود عقدت حواجبها .. تترجاه : ما راح تقعد عندي..!! بس لين انام..!! ابو سعود : مو قلتِ بـ ترجعين مثل قبل..؟! اعتمدي على نفسكـ جودي.. ما احد راح يقرب لكـ و انتِ هنا.. جود : طيب.. بـ احاول لكن اذا ما نمت بـ أنام عندكم.. ابو سعود وقف : مدلعة.. جود : يحق لي.. و الا..؟!! ابو سعود يمشي بـ يطلع : و الا .. سحبت جوالها و شغلت القرآن و تركتة على الكومدينة و انسدحت.. عيونها على الجوال.. كان باقي لها اربع اختبارات و تتخرج من الثانوي و تقدم على الجامعة.. اربعة اختبارات أجلتها لإختبارات الدور الثاني اكيد يمكن تكون بعد اسبوع وكم يوم.. عشان تقديم الجامعات.. كان همها ما يتجاوز الإختبارات رغم مضايقات سعاد المستمرة.. و إني فكرت بـ شيء ثاني فـ هو تقديم الجامعة و التخصص اللي تعرف ان أبوها ما راح يرضى فيه..!! طب الأسنان مثل ما كانت تبي من زمان.. اخذت نفس و مدت يدها فتحت الربطة على راسها و جلست تناظر مراية التسريحة عاكسة صورتها .. شعرها الملعوب فيه.. خصل قصيرة و خصل طويلة و بين هاذي و هاذيكـ اطوال مختلفة.. نفضت شعرها بـ قوة و شدتة تبي تنتفة كله ما تخلي و لا شعرة.. شكلها كذا يقهرها يذكرها بالموقف اللي حطتها فيه سعاد على حافة الموت.. صرت على أسنانها من القهر و صرخت : آآآآآآآآآآآآآآآآآآآآ.. في غرفة وعد.. جالسة و فاردة لبسة لـ بنتها على السرير تراقبها..!! يمكن كل شيء صار مو صدق.. يمكن هي تتحلم و ما عاشت ثلاث ايام العزاء..!! ما شرقت قدامها و لا راحت روحها بين يدين جدها..!! تبي اللبسة تتحركـ ايه تتحركـ تعطيها امل ان بنتها لابستها.. هي اكثر لابسة لبستها في الإسبوعين اللي عشاتها عندها لأنها كانت الأنسب حجم لها و الباقي اكبر منها.. انسدحت و حطت راسها على اللبسة : على اني ما اخترت اتزوج ابوكـ .. و لا اخترت اعيش معاه زوجة.. و لا اخترت اتقبلة.. و حملت و انا ماني راضية.. لكن وجودكـ بـ حياتي هون علي اشياء واجد.. كان عندي استعداد اكافح في الحياة عشانكـ .. عشانكـ بس مو عشاني.. احارب كل شيء عشانكـ .. كنت حاطة امال كبيرة عليكـ .. كلها كنت و كان كنت و كان ما عاد فيه شيء من رحتي..!! حطت يدها على عيونها تبكي.. تكلم بنتها و كأنها كبيرة و تفهم عليها.. مسكـ يدينها و رفعها عن عيونها و حط يدة تحت اكتافها رفعها حتى تجلس بـ حضنة سمع كلامها .. يحس نفسة عاجز عن انه يخفف عنها حزنها : اذكري ربكـ ما يصير اللي تسوينه بـ نفسكـ ..!! وعد : اخاف محتاجتني..!! ابو سعود : راحت للي ارحم فيها منكـ .. راحت لـ ربها يا امي ما ينزعل على فراقها.. طفلة صغيرة ما ينبكى عليها لساتها نظيفة قلبها ابيض .. الله يجعلها شفيعة لكـ يوم القيامة.. وعد : ونعم بالله.. يمكن انساها..!؟ ابو سعود : ما احد ينسى ضناة.. انا ما نسيت عيالي اللي توفوا و هم صغار بس الحياة ما توقف.. لازم تعيشين حياتكـ اللي تسوينة بـ نفسكـ ماهو زين.. لا تأكلين و لا ترتاحين من ذا الدموع..؟!! تبين تعمين عيونكـ ..!؟ تبين تجنين على نفسكـ ..!؟ تبين تنتحرين..!؟ وعد : مو قادرة بابا و الله ماني مصدقة..!! انا ما كنت اعرف لها كنت اتضايق من بكاها بس الحين ابيها .. ابيها لو تبكي 24 ساعة .. ابيها.. ابو سعود : استغفر الله العظيم.. يا بنتي من اركان الإيمان.. الإيمان بالقضاء و القدر.. لا تعترضين على حكم ربكـ .. وعد : استغفر الله العظيم.. و الله مو قصدي اعترض.. بس قلبي يعورني.. يعورني حيل يا بابا.. ابو سعود : بسم الله عليكـ انتِ حابسة نفسكـ بـ غرفتكـ ما تطلعين لأحد و لا تخلين احد يكلمكـ غير امكـ .. ما يصير يا بنتي.. يالله قومي معاي ابيكـ تغسلين وجهكـ و تنزلين معاي تحت.. ما راح اجلس على سفرة ما انتِ فيها.. قامت وعد مستسلمة .. غسلت وجهها اكثر من مره تبي الهم و الحزن ينزل مع قطرات المويا .. سحبت المنشفة.. نشفت وجهها و طلعت لأبوها.. باس راسها و يده على كتفها.. : الله يرضى لي عليكـ لا تكدرين عمركـ..رمت المنشفة على السرير و طلعت معاه.. في الصالة.. خالد : انا كم مره اقولكـ كلام قليل ادب ما تقولين.. ماهو عيب..؟! رند ترمش عيونها بـ براءة : اممم تيب انت ما تسمع تلامي.. كله تلمهم هم و انا ما تحبني.. خالد : اذا تقولين كلام زي كذا اكيد ما راح احبكـ .. رند زعلت : حلاس انا آسفة.. خالد : ما راح اسامحكـ الا اذا تأكدت انكـ ما عاد تقولين كلام ماهو زين.. رند وقفت على الكنبة و باست خدة : حبيبي حلاص لا تزعل.. ام احمد : خلاص يا ابوي لا تكدّرها سامحها.. خالد : يمه كم مره تقول كلام ماهو زين و احذرها لكنها صايرة ما تسمع كلامي.. رند : و الله اسمع و اصير ساترة.. وليد يكتم ضحكتة : ساترة ههههههههههههه.. يارب لا تبلاني بس.. ابو سعود من وراه : و الله ظنتي لو مركز بـ تلقى الأردى عندكـ .. وليد عفس وجهة يقصد سحر..!! اخ على الأقل خالد بنتة.. اما انا ينقال عنها زوجة..!! ياسر : هلا بالزين ما بغينا نشوفكـ .. ابو سعود جلس و جلسها جنبة.. : ويش عندها بنتكـ متعلقة فيكـ ..!؟ خالد : تعتذر عن غلطها.. ابو سعود رفع حواجبة : و سامحتها..؟! خالد : اذا ما تكررها بـ اسامحها.. رند تبوس خدة من جديد : و الله و الله ما اتررها .. خالد : اوكِ بـ اسامحكـ .. يالله روحي عند ابراهيم و فارس.. رند نقزت : تيب.. خالد : انتبهي لا تطيحين يا بابا.. ابو سعود : اعتقد فيه ناس ثانين يبي لكـ تعيد النظر و تسامحهم فعلاً.. خالد : ما فهمت..!! ابو سعود : اقصد سها يا خالد.. ما علق خالد.. سها اقرب خواتة لـ قلبة و سواتها ما يقدر ينساها.. كسرت الثقة بينها و بينه.. ابو سعود : خالد سها محتاجة احد يرشدها.. هي حاز بـ خاطرها انكـ ما تكلمها.. اخطت و كلنا عارفين هالشيء بس الى متى بـ تعاقبها..!؟ خالد : يبه ما اقدر اتجاوز الموضوع بـ سهولة.. كان ممكن تختبرني بأي شيء ثاني.. لكن و الله كل ما ذكرت كلمتها وهي تقول انها تحبة احسها مثل الجمر يكويني.. ابو سعود : طيب انت راضي عن ذا الحالة..!؟ راضي ما تكلمها و لا تعطيها شوي من اهتمامكـ ..!؟ هالشيء بـ يفيدها..!؟ خالد : يبه و الله لو هي قايلة لي قبل.. ان الموضوع اهون عندي.. يبه هاذي ثقة و شرف ماهو لعبة.. صحيح اني ما راح اتقبل الموضوع و اقولكـ بـ ارضى اني ازوجها واحد مصري ماهو من ثوبنا.. بس و الله بالنسبة لي بـ يكون الوضع غير على الأقل ما خليتها تطلع كل يوم من الجامعة و تشوفة.. ابو سعود : طيب و اذا قلت لكـ عشاني.. خالد : عشانكـ بـ اقولكـ تم.. بـ احاول اسوي الشيء اللي اقدر عليه بس ماهو من قلبي.. ابو سعود : و انا ابيه من قلبكـ .. طيب حاول تكلمها اسمع منها لو شوي.. لا تعصب عليها خلها تكلمكـ عنه.. خالد : وما انقهر و لا ازعل.. ما اقدر يبه.. ابو سعود : استغفر الله العظيم.. .. في مكتب عساف.. من نطق كلامة في مجلس عمة وما يدور بـ راسة الا حياتة و حياتها.. تهور..!! او يمكن استعجل و احتاج وقت اكبر يفكر فيه..!! اجتماعة مع وعد تحت سقف واحد شيء يحتاج شهور و يمكن سنين عشان يفكر فيه بعد اقتناع عقلة انها ما تصلح له..!! عدا انها ممكن ترفضة بـ كل بساطة..!! او حتى عمه يرفض سكوتة بـ المجلس ما يعني موافقتة عليه.. خطبتة لـ ندى كانت غلطة..!! غلطة تأذى هو منها و هي و وعد و عمه و عيالة..!! وقف و اتجه لـ الشباك الزجاجي وراه يشد شعره على وراء : يالله.. ان المعونة و السعد منكـ .. : لـ هالدرجة الحكي فيها متعب.. التفت على عمر المبتسم و دخل من غير لا يطق الباب : انا ويش خلاني اسمع كلامكـ ..؟! عمر جلس على الكرسي قدام مكتب عساف : اللي بين ضلوعكـ .. ما تبي ترتاح انت..؟! عساف : ما اتوقع هي تغيرت..!! ما تعرف قد ايش تحب تعاند..!! و عمي.. عمي ما علّق على الموضوع.. حتى جدي و ابوي ما قالوا شيء.. و لا عيال عمي.. اكيد ما احد راضي اللي سويتة غلط.. عمر : خطبتكـ لها ماهي غلط.. خطبتكـ لـ ندى هي الغلط.. عمركـ 35 سنة .. ما انت صغير رايكـ بـ يدكـ ما احد يقدر يوقف بـ وجهكـ .. ان احد اعترضكـ تقدر تحجر عليها .. عساف ابتسم بإستهزاء : هه حتى لو عمي ابراهيم اللي كان واقف بـ وجهي..؟! عمر : عمي ما راح يوقف بـ وجهكـ من مصلحة بنتة تتزوج شخص هو يثق فيه.. و ما ظنتي انت ما انت بـ محل ثقة عنده .. صدقني عقب اللي صار لها ما راح يسلمها لأي احد.. و انت شفت وجيه عيال عمي يوم نطقت بـ درتكـ بالمجلس.. عساف يشتت نظراتة : ما انتبهت لـ شيء .. ما حسيت غير بـ قلبي اللي بـ يطلع من مكانة.. عمر : متى تبي تريح قلبكـ الشقيان..!؟ لا تقولي عقلي رافضها .. انت ما انت مرتاح حتى بـ حالتكـ ذي.. بالقوة رضيت تخطب ندى و لما تفركشت الخطبة كنكـ ما صدقت على الله و ما فكرت تخطب بـعدها لأنكـ ما تبي غيرها.. رمى حيلة على الكرسي : ما ابي غيرها ايه.. و ما ابيها ايه.. و ابيها بعد ايه.. عمر انا ما انقاد.. وعد لو تبي تسمع شوري و تكون تحت طاعتي من تخرجت من الثانوي كانت حليلتي.. بس هي ما تبي هالشيء هي تبي احد يطاوعها.. يمشي على مزاجها.. و انا هالشيء مو عندي.. عمر رفع حواجبة : يمكن تغير تفكيرها.. لازم تتوقع ان اللي دار لها بـ حياتها أثر على تفكيرها لو شوي.. عدا انه ما ينفع ذا الإسلوب.. انت تبي تشد و هي تشد بـ ينقطع الحبل بينكم.. ارخي لها الحبل شوي.. لا تعقدها بـ كل شيء.. الطب و ما عادت تقدر تدخلة..!! الدراسة برا ماني شايف فيها اشكالية لو تيسرت معاكـ و سافرت معاها برا و درست.. الوظيفة اشرط عليها بـ مكان مو مختلط.. لا تسكرها عليها من كل الأبواب و تبيها تكون سمحة معاكـ .. عساف ابتسم : من وين هالحكم..؟! عمر رد لها الإبتسامة: ابد قريت لي كم كتاب بالحياة الزوجية يمكن نستفيد خبركـ 34 سنة ما اعرف فيها غير الوظيفة و اهلي و طلعات البر و الشباب قلت اثقف نفسي شوي .. عساف : كل ذا عشان بنت غازي..!؟ بالمره اجل اقرأ عن التربية و خلكـ مثالي دام بـ يجيكـ ولد.. عمر : مين قالكـ رحت و اشتريت كتب عن التربية لازم اصير مثقف.. عساف : و الله ان عقلكـ ودع مع ذا العصابة اللي رحت لهم.. عمر : الله لا يعيدهم.. و انت ويش حاركـ ..؟! عساف : ابداً .. بس مو تقرأ على الفاضي و لا جاء وقت التطبيق تنحاش وما نشوف الا غبرتكـ .. خلكـ قد كلامكـ عاد.. عمر : اقول حل مشاكلكـ التناقض اللي فيكـ بعدين تكلم على غيركـ .. عساف : اوووف لا تذكرني بس.. عمر : انا اقول خلكـ قد كلمتكـ و لا قضت عدتها روح و اخطبها رسمي.. و بس تجيكـ الموافقة ملكـ عليها وماله داعي عرس.. عساف : واثق انها بـ توافق علي..!؟ عمر : ما ادري احساسي يقولي كذا.. عساف : و الله تغيرات صارت فيكـ الموضوع وصل لأنكـ تحس..!!! عمر وقف : الحق على اللي جاي يشوف ويش اخباركـ بعد اللي صار لكنكـ ما تستاهل.. بـ اروح اشوف ملفات التحقيقات و اشيكـ عليها.. نسلم عليكـ .. .. بعد مرور شهر.. اغلب الأوضاع كانت مستقرة.. لينا دخلت شهرها الثاني.. وعد انخرطت بالحياة من جديد في محاولة لـ النسيان.. ندى ما زالت في بيت اهلها و غازي ما اهتم للموضوع لأنه اتصل عليها في بداية الزعلة اللي يشوفها تافهة و لا ردت.. بيت ابو عبدالرحمن .. ابو عبدالرحمن : ما بغيت تقرر.. راكان : هذا انا قررت.. متى بـ تروحون..؟! ابو عبدالرحمن : قريب ان شاء الله.. راكان بـ حزم : بكره.. ابو عبدالرحمن : و انت الحين صار ما عندكـ صبر..!! من كم شهر نحن عليكـ ترضى نخطبها لكـ رسمي.. راكان : طيب انا ابيها بكره.. بكره نخطب رسمي و نسوي التحاليل و الإسبوع الجاي نملكـ .. مشاري : هي السالفة سلق بيض عندكـ .. تركد يا راكان.. راكان : انا مو خطبت وهم وافقوا..؟! وين صار سلق البيض..؟! و الله ما ادري وين اوديكم..!! ابو عساف : و الله احنا اللي ما ندري وين نوديكـ و لا ويش يرضيكـ .. انت ما تستحي..!؟ راكان : هوووه علينا قلتوا لي عيب معلق البنت و ما خطبتها رسمي هذا انا قلت لكم يالله نخطبها بكره و سمعت كلامكم .. هذا شوركم شلون صرت ما استحي ..؟! ابو عبدالرحمن استسلم عشان يرضية : خلاص .. نروح نخطبها لكـ بكره.. امرنا لله كانكـ اللي براسكـ تسوية.. بندر : الله لا يبلانا بس.. ما اقول غير هالكلمتين.. انا ما ادري شلون ابوي صابر عليكـ للحين.. لو انكـ ولدي كان من زمان دافنكـ و انت حي.. راكان : كني كلمتكم انتم..!! انا كلمت ابو عبدالرحمن انتم ويش دخلكم بيننا..؟! ابو عبدالرحمن : و ابو عبدالرحمن ما هو ابوكـ ..!؟ مستخسر لا تنادية يبه..!! ما سمعتها منكـ لو مره..!! سكت راكان.. مهما حاول يتجاوز و يتقبل الوضع لما يذكر انه كان يراقب ابوه من بعيد و يشوف اخوانة حواليه يحز بـ خاطرة.. يذكر كل حزة احتاج فيها اب صامد واقف معاهم و ما لقوه.. ابو عبدالرحمن : نروح بكره نخطب لكـ .. على الله نرضيكـ .. ابو عساف : ويش رايكـ يبه نروح لهم العصر و بعد المغرب نطلع المزرعة كم يوم.. بندر : الناس تسافر برا و انتم تقولون لي مزرعة.. انا بـ اخذ زوجتي و اسافر.. أسيل دخلت تجري بعد ما سمعت اخر كلام بندر : طبعاً ما تنسى اختكـ .. بندر : نعم..!! واحد و زوجتة ويش حاشركـ بيننا.. أسيل : لا و الله انا اولى من زوجتكـ انا اختكـ من 18 سنة و هي زوجتكـ من كم شهر غش و الله تسفرها و تتركني.. بندر : من جدكـ تحطين نفسكـ بـ مقارنة مع هنادي ..!! يالله انا لو بـ اخذكـ بـ اكون جاني على نفسي.. لا يا عمتي بـ اروح اروق مع زوجتي و ننبسط.. ام عبدالرحمن : وين تروح و انت تدري زواج ثامر بعد كم يوم.. ما يمديكـ تطب الديار البعيدة الا و جاء الزواج و عاد ترجع ما يمديكـم حتى تريحون.. بندر : يمه باقي عشر ايام على الزواج لسى بدري.. و دام هنادي مخلصة القش و متجهزة ما باقي شيء.. اسيل : حمار همكـ بس زوجتكـ و اختكـ ما تفكر فيها.. بندر : ما الحمار الا انتِ يا حمارة.. انا دوب متحمل نكدكـ هنا تبيني اسافر و اخذكـ انهبلت انا..؟! متى يفكنا منكـ نايف.. أسيل جلست جنب مشاري : عسى الله يغنيني عنكـ .. مشاري تكفى ابي اسافر..!! مشاري ابتسم : و لا يهمكـ نسافر ليش لا.. المكان اللي تبينه بعد زواج ثامر.. أسيل تلعب بـ حواجبها تقهر بندر : الله لا يحرمني منكـ كانكـ ما انت مخلي شيء بـ خاطري.. الله يرزقكـ من اوسع ابوابة .. اما بعض الناس انا ما اعرف كيف هنادي واثقة فيكـ .. شكلها ما تدري ان اللي ما فيه خير لأهله ما فيه خير لـ الناس.. بندر : و هنادي من اهلي و خيري للجميع و انتِ برا الحسبة طبعاً.. أسيل انقهرت منه : ترى ما ابي ادعي عليكـ زين ماسكة لساني للحين.. ابو عمر : خليكـ منه.. و قولي لنا محتاجة شيء.. ناقصتكـ فلوس..!؟ أسيل : لا شكراً.. (ابتسمت) بس اذا بـ تعطيني زيادة ما اقول لا.. ام مشاري : ليش مهركـ صرفتية كله عشان تطلبين زود..!؟ أسيل : انتم ليش تقطعون رزقي..!؟ اخوي يبي يعطيني انتم ليش تناظرون بـ حقي..؟!! ابو عمر : و لا يهمكـ ارسلي لي رقم حسابكـ احولكـ و اذا نقص عليكـ لا ترددين تطلبين.. مشاري : أنا اقول خلها عندكـ اذا نقص عليها مهرها يصير خير.. أسيل عقدت حواجبها : حتى انت صاف معاهم..!؟ مشاري : ماهو زين السرف .. ويش تبين بـ فلوس زيادة نايف ما قصر.. ابو عمر : لا تضايقونها انتم ويش فيكم عليها..!؟ بندر : ايه ما مدلعها غير اشكالكـ انت و اخوكـ (يقصد مشاري).. أسيل : انت مالكـ دخل لا طلبت منكـ وقتها يحق لكـ تحكي.. و بعدين انا ما طلبت هاذي عطية.. و حتى العطايا بـ تناشبوني عليها..!؟ ابو عبدالرحمن : اتركونا من ذا الحكي..(يأشر بـ عصاتة على ابو عساف) انت متى بـ تخطب لـ عيالكـ ..؟! ابو عساف : و الله ما ادري يبه.. ودي اجلها لين بعد العيد تعرف وعد من كم يوم مخلصة عدتها و بنتها لها شهر متوفية.. ما ظنتي هالشهر ابرى جروحها.. ابو عبدالرحمن : البنية راحت لـ ربها ما هي قاعدة تبكي عليها العمر كله.. و دام اخوكـ بـ يزوج دانه يعني ما عنده مانع بالموضوع.. كلم اخوكـ و بعدين نحدد العرس.. ابو عساف : اللي تشوفة يبه.. ام عبدالرحمن : هو عساف مصمل على وعد..!؟ ابو عساف : ايه يمه يبيها.. ام عبدالرحمن : بس البنية مطلقة.. و هو ما قد تزوج من قبل ليش ما يأخذ وحده هو اول بختها.. اذا ما وده يطلع من بنات عمه عنده جود.. ابو عمر : يمه ما يعيب وعد انها مطلقة.. ماهي هي اللي اختارت حياتها.. ام عبدالرحمن : لو انها صويحيه ما ضيعت بيتها.. الرجال بغى يردها كم مره بس عساف سدها عليه.. أسيل رفعت حواجبها : يعني من جدكـ خالة جود تناسب عساف..!؟ اذا عمراً وعد صغيرة عليه كيف بـ جود.. تبون تظلمونها..!؟ ام مشاري : أسيل لا تدخلين بـ مواضيع الكبار..!! أسيل : و الله ما احب اشوف الغلط و اسكت.. اذا بنتكم تنقدون فيها و تقولون عليها مطلقة.. و كنها عالة عليكم.. رغم ان كلكم تدرون ان عماد ما كان لها زوج مناسب و لا عاشت معاه حياة زينة مستخسرين ولدكم فيها..؟! الله و من الزين عاد بـ عساف اللي يخليه خسارة بـ وعد.. ابو عساف : مين يقول عساف خسارة في وعد..!؟.. ما احنا لاقين لـ عساف ازين من وعد.. أسيل حطت رجل على رجل : طبعاً ما راح تلقون ازين منها.. بندر : ملقوفة.. مدخلة عصكـ بـ شيء ما يخصكـ .. ام عبدالرحمن : تراني ساكتن عنكـ ما ابي ازعلكـ .. ويش عرفكـ انتِ بالدنيا.. مشاري : أسيل ما تقصد يا خالة.. ام عبدالرحمن تناظر ولدها عبدالرحمن : انا ذاكـ اليوم شايفة بنت مباركـ ماشاء زين و سنع كلن يمدح فيها و الحريم عيونهن عليها.. و الله اني بغيتها لـ عساف لايقة عليه.. راكان يصر على اسنانة ما يبي ينفجر صدق ان الكبار بالسن عندهم افكار عجيبة..!! اللي يسمع كلامها يقول تكره وعد و لا تبي لها الزين.. لكن اكيد هالشيء مو في بالها بس دام الولد اهم من البنت عندها و عساف ما قد تزوج و حتى لو كان مطلق لو افترضنا خالد اكيد بـ تدور له على وحده ما تزوجت من قبل.. ابو عساف : لا يمه عساف ما يبي الا وعد.. خليه يمه يتزوج و يرتاح دامه يبيها و وعد ما عليها قل لا زين و لا سنع و بنتنا منا وفينا.. ضربت عصاتها بالأرض : ولدكـ و انت حر فيه.. أسيل تهمس لـ مشاري : تدري لو اخوكـ وقف مع امه كنت راح اذبحة.. مشاري : غبية انتِ مستحيل يهين بـنت اخوة هي مثل بنتة.. و عساف مبين يبي وعد و الا ليش ما تزوج لـ الحين.. أسيل : لا تقنعني هاذي هي جدتها مسفلة فيها.. ازين ان شاء الله ما يشوف بالدنيا غيرها.. جعل عيونة للعمى عن كل الحريم الا هي.. مشاري ابتسم : استغفر الله ويش ذا الدعوة.. و بعدين خالتي فاطمه ما تقصد تسفل بـ وعد.. يعني هي ما تبي لها شخص زين..!؟ اكيد تبي لها شخص ينشرى ما ينباع.. أسيل : اجل ليش مستخسرة عساف فيها..؟! مشاري : تفكير الكبار غير.. وعد لو يخطبها واحد مو متزوج من قبل و من برا عيال العيلة اكيد هي اول المؤيدين.. لكن واحد من عيال العيلة اكيد تبي لـ ولدها الزين و وحده يكون هو اول بختها.. أسيل : و هذا يعني تحقير لا تفهمها شيء ثاني و تقولي تفكيرهم غير.. الا تفكيرهم ماهو في صالح المرأة المشكلة انت لاحظ مين تكلم مره و تبي الزين لـ الرجال.. ياربي ليش مجتمعنا كذا..؟! مشاري : تراكـ ناوية على نفسكـ الليلة تعرفين خالتي فاطمة اذا عصبت ما ترحم.. أسيل : مقهورة.. عساف طلبها هي ليش توقف بـ طريقهم..!؟ لو الموضوع قبل و عساف جاء طلب شورها و هي مجرد ابدت رايها اقولكـ ما كنت اعترض على رايها بس زي كذا مسفلة بالبنت عندنا ليش..؟! بندر : عن اذنكم.. راكان وقف : انا بعد عن اذنكم.. يمه ترى بـ اتأخر اليوم يمكن ما ارجع الا الفجر.. ابو عبدالرحمن : و انت ما تمل من هالسهر بالإستراحات..؟! راكان : ماني مقصر بـ شيء و ظنتي ما فيها شيء لو رجعت متى ما بغيت ماني مره احد يحكمني.. ابو عساف : ابوي يبي مصلحتكـ تغدي ما ندري وين و متى ما طاح اللي براسكـ رجعت.. راكان : استغفر الله العظيم رجاءاً لا تشيش الناس علي ماني ناقص.. ابو عساف : و انا ويش يخليني احكي غير مصلحتكـ .. مع مين بـ تروح..!؟ راكان : مع الشباب كلهم.. حتى مشيعل بـ يروح.. ابو عساف : تبي تفهمني ابراهيم بـ يخلي مشعل يسهر لـ الصبح..!؟ راكان : عبدالرحمن تكفى.. ماني بزر تفلسف على راسي.. اعرف مصلحة نفسي و ما يهمني ابراهيم يخلي ولده يسهر لـ الفجر و الا لا.. انا متى ما طاح اللي براسي رجعت.. ام مشاري : يا ابوي تكفى لا تسرع و تعجل.. بالهداوة.. مشاري : أي استراحة بـ تروحون..؟! راكان : استراحة سلوم.. مشاري : هاذي بـ منطقة ما فيها ارسال.. ليش تبعدون هالكثر.. راكان : هناكـ الجو اهدأ و اروق.. (رفع يده و انهى النقاش) و نسلم عليكم.. طلع قبل لا يسمع حتى ردهم على سلامة.. ام مشاري : الله يهديه هالولد ما ادري على مين طالع بـ ذا العناد.. بندر اللي ما زال واقف : و الله ما ادري يا خالة جربي فـتشي بـ عروقة يمكن توصلين لـ المصدر اللي مصدّر للكل هالعناد.. ابو عبدالرحمن : احد قالكـ اني غبي و لا افهم الحكي..!! بندر تقدم له و باس راسة : حاشاكـ .. يا زينكـ و يا زين تصديركـ .. الله يديمكـ عز و ذخر لنا.. .. بيت ابراهيم.. جناح ياسر.. ياسر الضحكة شاقة وجهة : من متى..!؟ صبا منحرجة : توه بالبداية.. ياسر رفع يدينة : الحمدلله.. هذا احلى خبر سمعتة بـعد دوام طويل.. احس التعب كله راح.. صبا : الله يعطيكـ العافية.. ياسر : الله يعافيكـ بـ اروح ابشر امي و ابوي.. صبا مسكتة قبل لا يقوم : لا تكفى و الله استحي اقابلهم.. ياسر مستغرب : ويش اللي تستحين تقابلينهم.. يعني وشو ما اعلمهم..!؟ صبا : امبلى بس .. مو الحين.. الحين بـ ننزل للعشاء و الله استحي خلها لا طلعت.. ياسر : ياربي يا ذا الحيا.. ما راح اقدر اسكت خليني اقولهم قبل لا تنزلين احسن من لما ابط القربة و انتِ موجودة.. هاه أي ارحم...!؟ صبا شالت يدها : خلاص بس ما راح انزل على العشاء.. يعني ما ابي اقابلهم.. ياسر : ماهو بـ كيفكـ حلوه هاذي ما تعشين..!! لا يا حبيبتي هالحكي ماهو عندي.. من اليوم و رايح فطور و غداء و عشاء.. مابي سالفة استحي وما اشتهي و مالي نفس.. نفسية ندى ذا الخبلة لا تقربين منها.. فاهمة..!! صبا رجعت راسها لـ وراء : ويش ذا الناس تقول كلمتين حلوين مو كذا تهديد..!! بعدين اذا ما اشتهيت مو غصب و الا تبيني ارجع اللي اكلتة.. ياسر رفع رجولة و تربع على الكنب : هذا الكلام ما يخش راسي.. اجبري نفسكـ على الأكل انتِ ما انتِ مشتهية ولدي اكيد مشتهي و جعان..!! صبا اتسعت عيونها : ولدكـ ..!! مسرع حسستني انه ويش كبره ترى لسى نتفة.. ياسر : احسن انا ابي صحتة زينة اما تجيبين لي واحد نتفة اشيلة بـ إصباع..!! لا .. اهتمي بـ اكلكـ و الا ليش انبهكـ انا اهتم فيه.. اهم شيء ولدي يطلع زين.. صبا : ما تحس ان كل كلامكـ عنه و ما قلت شيء عني..!! يعني حتى ما قلت لي مبروكـ ..!! و لا تقومين بالسلامة..!! ياسر : اووه نستني الفرحة.. و لا يهمكـ تقومين بالسلامة ان شاء الله صحتكـ مهمة اكيد عندي بالمقام الأول.. صبا : و الله شكلكـ بـ تسحب علي و همكـ ولدكـ و بس..!! ياسر : لا ام ولدي اهم من ولدي نفسة.. صبا : تأكل بـ عقلي حلاوة.. ياسر ابتسم : بـ اثبت لكـ كلامي و تشوفين.. (وقف) انا بـ انزل تحت لا تطولين.. صبا : ان شاء الله.. طلع ياسر حتى ينزل يبشر اهلة.. هو وصبا..!! و بينهم طفل.. الابتسامة ما فارقت وجهة.. سبحان مغير الأحوال.. من شخص ماهو طايق يسمع صوتها.. لـ فرحة صادقة بإنها حامل بـ طفلة الأول : السلام عليكم.. : وعليكم السلام.. باس راس ابوه و امه و خالاتة و جلس جنب امه.. وليد : ماشاء الله الكشرة شاقة الحلق..!! ياسر : اللهم لا حسد.. خير حاط عينكـ علي..!! وليد : من عشر دقايق كنت تسفل بالشغل و تعبان.. سعود : روقتة بنت العم.. ام احمد : ويش فيكم على اخوكم.. قولوا لا اله الا الله لا تصيبونة بـ شيء.. ياسر : ايه تكفين يمه اقري علي بعد اخاف اتشحط عندكم الحين من تأثير عيونهم.. سعود : لا إله الا الله محمد رسول الله.. عشان ما تحسسونا ان عيونا وحدة بـ وحدة.. ياسر : خلوكم من ذا الهرج .. يمه ما تبين تعرفين صدق ويش مفرحني..!! وليد : هه و الله اني عارف ما انت خالي.. و لا ناوي يسوي دراما علينا.. ام احمد : انت ما تعرف تسكت.. خل الولد يقول الكلمتين اللي واقفة بـ بلعومة.. وليد : كـــــــــاكـ ولد.. طيب بـ انطم.. بس يمه لا تحسسينة انه بزر بكره يتدلع علينا.. و يقلب خكري.. ياسر : تعقــب و انا ولد ابوي.. و الله ما ندري مين اللي وده يستبزر .. و بـ يقلب حياتة مع الأطفال.. ابو سعود يناظر وليد اللي عفس وجهة : هههههههههه سكتكـ تستاهل.. وليد : بـ انطم خلاص ما عاد بـ احكي.. ام احمد : ويش اللي تقلب حياتكـ مع الأطفال..!؟ ياسر : يمه ما عليكـ منه.. اسمعيني.. (قرب من اذنها وهمس لها).. ام احمد وقفت : تقولة صادق..!؟ ياسر : ليش هالأمور فيها مزح.. ام احمد : الحمدلله.. و الله ان فرحتي ما ابيعها لأحد.. هي وينها..!؟ ابو سعود شكـ بالموضوع : و احنا ما نستاهل احد يفرحنا بـ شيء..!! ام احمد بـ فرحة اول مره تحس فيها.. خالد و جاب لها عيالة كبار ما فرحت فيهم.. بداها بـ زعلة هالزواجة مو مثل ياسر اللي فرحت بـ عرسة و بـ حمل زوجتة : لا و الله تبشر.. صبا حامل.. ابو سعود ابتسم : مبروكـ يا ابوي.. ياسر وقف و باس راس ابوه : الله يباركـ فيكـ .. بعدها اخوانة كلهم يسلمون عليه و يباركون له..!! جود : و الله مسوين حفلة ماله داعي تسلمون.. يكفي قلتوا مبروكـ نقطة آخر السطر.. ليش السلام و الحوسة هاذيكـ كلها لسى قدامكم تسع شهور تنتظرون.. ويه مشوار صراحة.. خالد : فرحانين له و نباركـ له ويش الإشكالية..؟! جود : الإشكالية انكـ توقف و تسلم عليه و تحضنة و سالفة شوي و تبكون و تقبلونها دراما نكد..!! عزيزي ياسر ما عليش بس يعني فوق الصبر التسع شهور على ما يطلع ولدكـ ما ادري بنتكـ ان شاء الله بـعدها بـ تمر عليكـ ايام تقطع شعر راسكـ و تطرد صبا من الجناح تالي الليل من صياح البزر اللي انت فرحان الحين فيه .. ياسر : و الله ما احد نكد الا انتِ.. جود : و انا صادقة ترى كل الرجال كذا.. وين بنت عمي انصحها المفروض تحط شروط من زواجها رعاية الأطفال 50% عليها و 50% عليكـ .. انتم مالكم امان.. ابو سعود : يالله يا كريم روحي ما تروح قبل لا اشوف عيالكـ حواليكـ .. جود : جعل عمركـ طويل و عيني ما تبكيكـ .. بس عاد عيالي و حوالي هاذي مره قوية.. انا اجيب عيال..!! يمه صدمة.. (لفت على وعد جنبها) تخيلي ولد كذا صغير يقولي ماما..!! اووبس اتوقع انتحر..!! وعد : تشنج خيالي ما قدرت اوصل لـ مرحلة طفل يقولكـ ماما.. ام احمد : انتِ ما تستحين.. البنات من يجيبون لهم طاري الزواج استحن و قامن من مكانهن و انتِ لسانكـ مادتة ويش طولة بيننا لا تحترمين اب و لا اخ .!؟ جود : سوسو بليز هاذي دراما نوع ثاني.. ما لقيتي استحي الا من ابو سعود و عيالة.!.؟! من جدكـ .. انا ممكن استحي من نفسي بس ما استحي منهم.. وليد : ماهي غريبة عليكـ قلة الأدب.. منبعها انتِ.. جود : بالشراكة معاكـ اكيد مو لحالي.. بعض مما عندكم.. وليد : و الله صدق لسانكـ طولان و يبي له قص.. سقى الله بس قبل شهر كنتِ مثل القطو من الخرشة.. جود : كل تراب يا حمار.. عشان ماهو انت اللي كانوا بـ يذبحونكـ .. ابو سعود بـ حزم : و بعدين مع طوالة اللسان..!!! جود : قولة لا يكلمني اما يتكلم علي و اسكت لا هالشيء مستحيل اسوية.. ابو سعود : لا تقلين ادبكـ و هو ما يقل ادبة.. اما الإثنين ما تحترمون وجودي و لا وجود امكم او اللي اكبر منكم لا.. كتفت جود يدينها و سكتت .. و وليد سحب المخدة لـ حضنة و ما علّق.. ابو سعود : وين مشعل..؟! ام احمد : قالي ما يبي يتعشى بـ ينام.. ابو سعود : و ندى وينها..!؟ ام حاتم : بغرفتها.. هالبنت تعبانة.. حتى غازي ما نشد عنها لها شهر هنيا.. ابو سعود : اذا ما نشد اليوم بـ ينشد بكره.. اكيد يدري انها متوحمة فيه وما يبي يضايقها و الا ما جابها عندنا.. ام حاتم : بس ما يدري انها تبي الطلاق.. ابو سعود : و احنا ما نبي الطلاق.. خلي فترة وحامها تخلص وقتها بـ تصحى على نفسها و اللي تطلبة.. (ناظر بناتة ساكتات) والحلوات ويش عندهن ما سمعنا لهن حس..!؟ ميار : و لا شيء.. بس تعبنا من السوق.. رايحين جايين على الفساتين و باقي الأشياء.. جود تربعت و سحبت الخدادية لـ حضنها و رفعت يدها : بابا انا ..انا.. ابو سعود : وشو انتِ..؟! جود : عندي موضوع ابي اكلمكـ فيه شكلكـ مروق بعد خبرية ياسر و الحفيد الجديد الله يجعلة مباركـ و يصلحة..!! وليد : اول شيء رافعة يدكـ كنكـ تشاركين بـ فصل .. و لا تدعين لـ ولد ياسر اللي ما بعد جاء و من عشر دقايق مسفلة فيه و في ابوه..؟! جود تأشر على وليد و تناظر ابوها : هاه شفت هو يحارشني قوله لا يكلمني.. ابو سعود : استغفر الله العظيم.. جالس مع بزران انا..!! قولي اللي عندكـ اتحفيني.. جود : انت تدري ان التقديم ع الجامعة يفتح بكره ان شاء الله.. ابو سعود : ايه ادري.. جود : و الإنسان لازم يتبع طموحة و ميولة الشخصي و رغبتة.. ابو سعود يحكـ شنبة : طب ما فيه.. غيره..!؟ جود : ليش..؟! أنا ابي طب اسنان.. من زمان خاطري فيه .. هذا هي عمتي اثير تدرس طب ما احد وقف بـ وجهها..! ابو سعود : لا تقولين لي اثير .. لو اثير دريت عنها من قبل ما خليتها تكمل بالطب.. قبلكـ وعد طلبت و انتِ عارفة زين ويش هو رأيي.. طلعي لي هالتخصص من راسكـ فاهمتني..!! جود : لا .. انا ابيه.. ابو سعود : جووود لا تقلين ادبكـ علي.. و من غير رضاي ما راح تدخلينة.. جود : ما قليت ادبي.. انا اناقشكـ .. بعدين لو ما يهمني رضاكـ ما كان قلت لكـ كنت دخلت من وراكـ .. ابو سعود : و رب الكعبة يا جود و هذا هم ام و اخوانكـ شهود لو تدخلين الطب من وراي تحلمين بـالدراسة كل عمركـ .. جود : انا ما ابي من وراكـ يعني ويش بـ استفيد اذا ما انت راضي الله ما يوفقني.. بس بابا هذا طموحي.. ابو سعود : عندكـ كل التخصصات مفتوحة الا اثنين الطب و علم النفس.. قضينا من ذا الموضوع.. علم النفس من قبل اصلاً مو راضي عنه لكن اقتنع مع سها .. و بعد اللي صار مع سها ضمه مع الطب في قائمة الرفض.. جود : ما يصير كذا.. اخواني كل شيء يبونه يلقونة و احنا متعقدين كل شيء لا لا لا.. ابو سعود : انا ما قلت قضينا من الموضوع..!؟ جود : طيب ابي اعرف ليش تفرق بيننا.. ليش هم مسموح لهم كل شيء .. وعد همست لها : انكتمي ازين لكـ ترى ممكن الموضوع يكبر يكبر يكبر و يصير ما لا يحمد عقباة.. ابو سعود : هم عيال ما يعيبهم دخولهم الطب بـ شيء.. الرجال شايل عيبة.. مو مثل البنت مثل الثوب الأبيض أي شيء يدنسها.. جود : انتم تخلون الواحد يكره نفسة.. و حياتة.. ام احمد : استغفري ربكـ هذا ماهو حكي ناس عاقلة.. جود بـ قهر : انا ما تعبت بـ دراستي عشان احد يحرمني من اللي ابيه.. اذا ما دخلت طب اسنان ماني دارسة.. بـ اقعد بالبيت.. ابو سعود : اقعدي ما عندي مانع.. بس يجيكـ نصيبكـ تتيسرين معاه.. جود : وينه هالنصيب خلوه يجي عشان افتكـ .. سعود : تراكـ مصختيها و ابوي معطيكـ وجه .. الزمي حدودكـ .. جود : ما كلمتكـ مالكم دخل فيني.. انا ما طلبت حتى رايكم.. ياسر : لا عاد من جد قليتي ادبكـ بما فيه الكفاية.. ابو سعود : حرف واحد زيادة يا جود و قلة ادب بـ تندمين.. جود قامت و طلعت من جلستهم من غير لا تسلم عليهم حتى.. وليد : التاريخ يعيد نفسة.. المفروض تكون اعتبرت..!! الا ان لقت مين يشجعها..؟! ابو سعود ناظر وعد .. وهي ردت على طول : بابا و الله مالي دخل.. ابو سعود : ما قلت لكـ دخل.. بس ابيكـ تكلمينها.. وعد : كلمتها من قبل.. و قلت لها انكـ مستحيل توافق بس هي اصرت.. ابو سعود : كلميها مره ثانية.. وعد : طيب.. تأمر.. : السلام عليكم.. : وعليكم السلام.. سلمت على ابوها و امها و خالاتها.. ووقفت جوالها بـ يدها.. : ابو شوق برا..!! ابو سعود : ليه ما قلتِ له يدخل المجلس.. ندى : ما ادري..!! وقف ابو سعود : مخكـ شكلكـ تفقدينه مع وحامكـ .. ندى : ما ابي ارجع له.. تكفى بابا الله يخليكـ .. انا........... قطعت كلامها وهي تحط يدها اليمين على فمها و اليسار على بطنها تحاول تكبت نفسها.. لكنها ما قدرت و نقزت لـ الحمام..!! وليد : الحمدلله يارب اني ماني بنت .. اللهم لكـ الحمد ابوس يدي وجه وقفا.. ابو سعود ناظر حريمة و بناتة : ادخلوا داخل بـ ادخله هنا.. كلهم قاموا عدا ام حاتم و وعد.. و ابو سعود طلع لـ غازي واقف بالحديقة : هلا ابو شوق.. التفت غازي و سلم عليه .. توقعها تجي هي مو ابوها يطلع.. : شخباركـ .. ابو سعود : بخير الحمدلله.. حياكـ تفضل.. ابو شوق يدخل : آسف اللي جيت بـ وقت متأخر من غير ما اخبركـ .. ابو سعود : افا عليكـ بيتكـ و مكانكـ تفضل.. قاموا له الشباب كلهم يسلمون عليه.. بعدها هو سلم على ام حاتم.. و لما شاف وعد ابتسم : حيا الله القاطعة.. وعد باست راسة بعد ما دنق لها لأنها مستحيل توصل له الا ان نقزت فوق الكنب : الله يحييكـ .. غازي : كيف حالكـ ..!؟ وعد : بخير الحمدلله انشد عنكـ .. غازي : فـ هاذي كذبتي لو انكـ تنشديني عني كان اتصلتي علي على الأقل او ارسلتي لي رسالة..!! وعد : يمكن نشدت عنكـ بـ قلبي طيب..!! غازي يجلس قريب من ابو سعود : تعالي جنبي.. من زمان عنكـ و عن اختكـ .. و لا معبرين خوالكم ابد.. وعد جلست جنبة وحط يده على كتفها : مو قصة مو معبرين بس نهى لاهية و انا مالي خلق اطلع اروح و اجي.. بيتوتية.. غازي : طيب ما اطلبكـ تطلعين بس اتصلي سلمي ..!! ماهو مأخذ منكـ وقت.. وعد : سوري ان شاء الله ما تتكرر.. غازي : خواتكم وهم برا يواصلوني اكثر منكن اللي ما يبعدني عنكن غير حذفة حصاة.. ابو سعود : لا تثقل عليها عاد الا وعد.. ان شاء الله ما يصير خاطركـ الا طيب.. و ثنتينهن بـ يقومن بالواجب هي ونهى.. غازي سحب يده من كتف وعد : ان شاء الله.. الا وين ندى..!؟ ابو سعود : و الله ما ادري ويش اقولكـ بس ظني انكـ تدري انها متوحمة فيكـ ..!! غازي اخذ نفس : لـ هالدرجة عاد ما تقدر تشوفني حتى..؟! ابو سعود : جات قالت لي و حتى ما كملت كلامها .. و الله صحتها ماش.. الخوف يجيها جفاف من كثر ما ترجع ما تطيق لا تأكل و لا احد يحكي فيكـ ..!! غازي ابتسم ويش ذا الحالة موقف سخيف.. زوجتة تتوحم فيه..!! و لا جاي يبي يحل الموضوع اللي متضايقة عشانة.. وليد : يقولون ان المره توحم بـ زوجها من زود الغلا..!! غازي : لا تنابشني احسن لكـ .. ابو سعود : كان بـ ودي من زمان اكلمكـ .. ابيها تقعد لين تولد.. غازي حس وده ينفجر.. لين تولد..!! هذا ذنب عمر.. : لين تولد عاد..!؟ ما ظنتي هي اول مره توحم بـ زوجها ماني شايف الموضوع اشكالية هالكثر.. ماهي طايقتني طيب لها اللي ما يقرب جنب غرفتها هذا اللي انا جاي عشانه.. لكن تقولي تبقى عندكـ لين تولد.. بأي منطق ذا يا ابو سعود..!؟!! ابو سعود : ما طلبتكـ هالشيء الا اني عارف ان صحتها على قدها.. يا دوب متحملة نفسها وهي توها بـ أخر ثاني شهر لها.. ما ابي اضغط عليكـ و لا اطلبكـ شيء اصلاً من حقكـ و ادري ما قصرت اللي تركتها كل هالفترة.. ام حاتم : و الله يا ابو شوق انها تعبانة و اللقمة بالعزرة تأكلها.. و ماهو أي شيء يعجبها.. بس عشان غازي : و انا ما قلت لا.. لو احتاجت ممرضة بالبيت بـ اجيب لها وحده ترعاها و تهتم بـ صحتها.. لكن اللي يصير ماهو سنع.. ابي اكلمها.. ابو سعود : من حقكـ زوجتكـ .. وعد روحي شوفيها.. وعد وقفت : ان شاء الله.. غازي يناظر وعد اللي اقفت عنهم : كيف نفسيتها الحين..؟! ان شاء الله ازين..!؟ ابو سعود : الحمدلله .. صح انها احيان تذكرها و ينقلب مزاجها بس اهم شيء تاكل و تسولف و تضحكـ معروف انها ما راح تنساها لو مرت سنين.. غازي : الله يرحمها.. ابو سعود : كنت ابيكـ بـ موضوع من فترة.. انت و ابو عبدالله.. غازي : آمر.. ابو سعود : خلها بكره ان شاء الله بـ بيت عامر بعد المغرب.. منها اسلم على عمتي نوره.. غازي : مثل ما تحب.. طلعت من الممر على الصالة اذا الحكي فيها يجبرها على انها ترجع.. كيف شوفتة..!! غمضت عيونها مقررة ما تناظر فيه تشوف أي شيء الا هو.. همست : السلام عليكم.. : وعليكم السلام.. ابو سعود وقف و ناظر بـ عيالة حتى كلهم يقومون وراه .. دقيقة و خلى المكان الا منها و منه.. جلست بالجهة المقابلة له و عيونها بالأرض.. ريحة عطرة الفخم اخترق حويصلاتها الهوائية.. نست شيئين عطرة و صوتة كيف بـ تتقيهم..!! غازي : ما راح اعاتبكـ على شيء ماهو بـ يدكـ وهو انكـ متوحمة فيني.. لكن اني اتصل عليكـ و لا تردين..!! و لا تهتمين بالموضوع و لا تفكرين ترجعين تتصلين علي..!! تحاول تقاوم الغثيان : انا آسفة.. و اعرف ان اللي سويتة غلط بـ حقكـ .. لكن انا كنت احتاج فترة افكر فيها.. غازي : تفكرين بـ ايش يمكن اقدر افيدكـ ..!؟ ندى اخذت نفس عميق : بـ حياتنا.. غازي : ممكن ما تقولين لي انت تتأخر اخر و نفس الموال اللي دايم ترددينة..؟! ندى رفعت عيونها لـه : انت ليش مو مهتم بـ ذا الموضوع..!! انت تشوفة مو مهم بس انا مهم بالنسبة لي..!! غازي : استغفر الله العظيم طيب انا ما قلت لكـ اني اذا تأخرت بـ اتصل عليكـ و اخبركـ عشان ما تنتظريني.!؟! اعتقد كذا حليت الموضوع.. ندى : طيب امنت بالله و تأخرت علي و خبرتني.. ليش انا احس بـ فجوة بيني و بينكـ .. انت لما تكلمني كأني وحده من بناتكـ ما كأني زوجتكـ ..!! غازي يهز رأسة : كأنكـ بنتي..!! ندى : ايه.. انت ما تحسسني اني مثل امال عندكـ .. كل شيء يخصكـ هي تعرفة كل سوالفكـ حتى اسراركـ هي تعرفها.. لا واضح ان الوحام لاعب فيها..!! اتجهت لـ موضوع الغيرة..!! : من جدكـ ..؟! هذا حكي تقولينة لي..!؟ هي لها معاي تقريبا 20 سنة.. و انتِ لكـ معاي خمس شهور شيء طبيعي بـ تكون تعرف عني اشياء اكثر مما انتِ تعرفين.. لكـ حق تزعلين لو اعاملها غير معاملتكـ .. لو جبت لها و قصرت معكـ .. لكن كذا يا ندى..؟! ويش ذا التفكير..!؟ ندى دنقت رفعت خصلة من شعرها طاحت على وجهها : انا تعبانة.. مو متحملة شيء.. مو طايقة حتى نفسي.. كارهة كل شيء.. كل شيء.. غازي تقدم بـ جلستة و سند يديه على فخذة : و انا مقدّر هالشيء يا ندى و الا ما تركتكـ شهر.. بس انتِ بعد تشوفينها زينة بـ حقي تتركين بيتي اكثر من كذا.. اذا على الوحام اوعدكـ ما اقابلكـ كل الوقت و جناحكـ ما اقرب منه.. بس تجلسين عند اهلكـ لا.. ابوكـ يقولي يبيكـ تقعدين فترة حملكـ كلها هنا..!؟ انتِ طلبتية..!؟ ندى : طلبتة شيء اعظم.. غازي : الطلاق..!! ندى رفعت عيونة لها : هو قالكـ ..!؟ غازي : لا.. بس انا اعرف طبع ابراهيم مستحيل يرضى بـ هالشيء وما طلبني انكـ تقعدين عنده كل فترة حملكـ الا انه يداري على شيء ما يبيني اعرفة.. عدا ان تفكيركـ صاير محصور سهل اعرف انتِ ويش تفكرين فيه.. تقفيلة جوالكـ ..!! و عدم اهتمامكـ هالشهر كله.. و من دخلت ما لقيتكـ تستقبليني.. الوحام ماهو عذر لـ كل هذا.. قامت ندى وهي تضغط على بطنها .. ما قدرت تمشي لـ حد الحمام جلست على اقرب زبالة لها و ترجع فيها.. وقف غازي..!! وهو تراودة شكوكـ لأشياء كثير.. سحب علبة المناديل و مدها لها حاول قد ما يقدر يبعد عنها.. لكنها ما وقفت وهي ترجع و تكح و كأن روحها بـ تطلع مع كل كحة.. جلس جنبها : نــدى..!! بكت وما بين كحاتها تكلمة : ماني طايقة نفسي ودي اسقط الجنين.. انصدم من حكيها.. معقولة فيها شيء غير.. غير عن الوحام اللي مل وهو يسمع هالكلمة تتردد.. رفع راسة ونادى بـ صوت عالي : وعـــــد.. وعــــــد.. (ناظر ندى) بـ اخذكـ المستشفى.. ندى تسحب المناديل و تمسح فمها : ما يحتـــا.. و قطعت كلامها من جديد الغثيان قوي عليها.. تنهد مو بعيد يجيها جفاف اذا حالتها كذا على طول..!! وعد نزلت من الدرج : هلا خالي.. غازي : هاتي كاسة مويا.. وعد تمشي لـ الصالة : هاذي علب المويا قدامكم.. ويش فيكـ .. غازي يناظرها : ما انتبهت.. مدت له وعد العلبة و فتحها : سمي بالله.. ندى تتنفس بـ قوة : بسم الله.. شربت من القارورة اللي بيده ما بلعتها حتى ترجع من جديد في الزبالة.. غازي ناظر وعد : هي دايم كذا..؟! وعد : اللي اعرف انها دايم ترجع و كبدها تقلب عليها.. بس كذا او لا ما ادري..!؟ غازي : روحي جيبي عبايتها.. وعد : طيب.. طلعت من الدرج لـ الدور الثالث.. و كلهم جالسين بالصالة بالدور الثالث.. وليد : هاه كيف الوضع..!؟ وعد : سيء.. وليد : وشو سفل فيها..؟! وعد : لا .. بـ اروح اجيب عبايتها لا يعصب علي احس اعصابة فلتت.. ابو سعود : بـ يأخذها..؟! وعد : شكله بـ يوديها المستشفى..!! لأنه مستغرب من حالتها.. نزل ابو سعود ومعاه حاتم.. و وعد دخلت غرفة ندى حتى تسحب اقرب عباية لها و شيلة و نقاب و تنزل.. ميار : ياحياتي عليها ندى.. احسها مره تعبت كيف لو كبر بطنها و ثقلت..!! سعود : الله يعينها.. بس حالتها احسها بـ زيادة وعد ما كانت كذا..!! ام سعود : الوحام ماهو واحد يختلف من مره لـ مره ومن حمل لـ حمل.. مرات المره تتعب بـ حمل من اوله لأخرة و تحمل بـعدها و يكون سهالات سبحان الله.. تحت.. غازي : مستحيل يكون وضعها طبيعي..!! ابو سعود : يعني شلون..!؟ غازي مسكـ ابراهيم من ذراعة و ابتعد عنهم : انا شاكـ بـ شيء.. ابو سعود : اللي هو..؟! غازي : يكون فيها مرض روحي.. ابو سعود : ما فهمت عليكـ ..!! غازي : يعني عين او سحر او ..... ابو سعود يكمل لما شاف غازي سكت : مس..!! غازي هز راسة : هي ماهي طايقة نفسها و ودها تنزل الجنين.. الموضوع ما يقتصر على وحامها فيني زي ما تقول.. ابو سعود : تهقى كذا..؟! غازي : قلت لكـ مجرد شكـ .. ابو سعود : و الحل..!؟ غازي : بكره نأخذها لـ شيخ يقرأ عليها ان ما فادها ماهو ضارها.. ابو سعود يناظر ندى وقفت بـ مساعدة حاتم : اللي يريحكـ .. انت بـ تأخذها الحين..!؟ غازي : بـ اوديها المستشفى.. ابيهم يركبون لها مغذي و يعطونها فيتامينات.. ابو سعود : ماله داعي حاتم بـ يهتم بالموضوع هنا.. حاتم : ندوش انتِ معاي..؟! ندى : ابي اجلس .. حطني على الكنبة هناكـ .. حاتم يمشي وهي ثقلها عليه.. ما فيها طاقة حتى للمشي.. و وعد ضايعة تراقب ابوها و خالها و حاتم و ندى.. جلست ندى : اخ تعبت.. وعد وقفت جنبها و بيدها عباية ندى : من جدكـ توكـ بـ ثاني شهر.. لا وصلتي التاسع و حسيتي نفسكـ كورة منتفشة وثقيلة ويش بـ تقولين..!؟ ندى : حاتم ابعد عني ابي انسدح.. حاتم وقف بعد ما كان جالس جنبها.. وهي رفعت رجولها و انسدحت يمكن يخف الغثيان ما عاد باقي فيها شيء.. حطت يدها على عيونها : يالله.. وعد فردت العباية و لحفتها : يا حياتي اللي يشوف حالتكـ يتوب عن الحمل كله..!! انتِ غبية صراحة لو فكرتي تحملين مره ثانية.. ما حست وعد غير بـ احد يشد بلوزتها من وراء ناظرت خالها .. غازي : نصايحكـ احتفظي فيها لـ نفسكـ .. لا تخربين زوجتي بـ افكاركـ .. وعد : زوجتكـ اختي.. و اخاف عليها و على صحتها.. بابا خله يفكني.. ابو سعود سحب وعد من يد غازي : مالقيت الا هالعصفورة عاد تلعب فيها.. لو تهف عليها طارت..!! وعد ناظرت ابوها يمينها و خالها يسارها هي فعلاً عصفورة بينهم.اعلى راسها تحت كتف ابوها بشوي و اعلى من نص صدرة .. و غازي اطول من ابوها بـ كم سانتي.. يعني هي و لا شيء بينهم : تتريق علي و انا بنتكـ ..!! ابو سعود قرص خدها : لا تتمسكنين ماهو لايق.. غازي يناظر ندى وهي تغمض عيونها و ترجع تفتحها كأنها تقاوم النوم : حاتم ركب لها مغذي و خلها تنام بـ غرفتها هنا بـ تتعبها النومة ما تريحها.. .. بيت عامر.. ناصر : امي معاها حق الى متى بـ تقعد على هالحالة.. عماد : تراني ماني طايق نفسي.. ام عامر : يا وليدي لازم نوديكـ شيخ يقرأ عليكـ وكاد راكبكـ ابليس..!! مريم : لا تضغطون عليه.. قبل وجود بنتة مخفف عليه اشياء واجد.. يبي له فترة عشان يتقبل.. مو بـ سهولة نتأقلم على فقد شيء تعودنا عليه.. عبدالله : الى متى بـ يحزن ..!؟ شهر شهرين عشر.. حتى امها يمديها الحين تزوج.. عماد وقف : ما تهمني ان شاء الله كل ثلاث شهور تأخذ لها رجال ليلة و تطلق منه ما همتني.. اللي تهمني بنتي.. و بنتي ماتت بسبب اهمالها الله يسود عيشتها..!! طنشتة مريم و لا علقت عليه واضح عقلة ماهو براسة.. اذا لا دوام يدوام و لا طلعة من البيت يطلع.. يضرب راسة بـ هالجدران كود يفرغ القهر اللي فيه ازين له.. عماد وقف قبال طاولة جنب الباب عليها توحفة كبيرة : وعد اهملتها و البتول كانت تدعي عليها تقول الله يأخذها..!! راحت.. (رمى التوحفة بـ قفى يده) رااااحت.. راااااااحت.. عامر طلع من مكتبة على صراخ عماد.. كلهم واقفين يناظرونة بـ صدمة.. للحين ما تجاوز موت بنتة.. هم ليش ما يحسون فيه.. ليش ما يحسون بالغبنة في صدرة.. بالجمر اللي يحرقة خلية خلية.. بنتة الصغيرة تدعي عليها البتول.. كل ما حاول يصد وجهة شافها تبتسم له.. راحت و راح من يخفف عليه.. و وعد..!! يقولون شرقت بنتة..!! شلون تشرق وهي عندها..!؟ وين مخها ما تصرفت..!؟ ابوها اكيد بـ يدافع عنها عشان كذا قال انه كان معاها.. عشان ما احد يحملها موت بنتها.. جلس على ركبة و يهمس : الله لا يسامحكـ .. الله لا يسامحكـ كاني من عرفتكـ ما ارتحت.. عامر وقف وراء ولده و حط يده على كتفة : تعوذ من ابليس يا عماد.. هاذي ماهي حياة اللي تعيشها.. يا ولدي غيركـ ماتوا له كم ولد و بنت بـ ليلة وحده عاش معاهم سنين و صار لهم ذكريات في كل مكان يلتفت و يشوفهم.. ام ناصر تبكي من وجع ولدها : يا ابوي راحت للي ارحم منكـ فيها.. لا تضيق صدركـ الله بيرزقكـ بـ غيرها ان شاء الله.. عماد : ياليتني استوعبت و اخذتها من امها من زمان ماهي كفو .. ماهي كفوو.. دخلت مريم لـ غرفتها لو ظلت اكثر بـ تتهاوش مع عماد وهو بـ وضع اصلاً ما يسمح له.. يعني الهوشة ما راح تطلع بـ نتيجة بـ تكون ع الفاضي.. ام عامر تكلم عامر : يا وليدي جيب له ماء زمزم و الا ماء مقري فيه.. كود يتركد.. عامر يشد عضد عماد عشان يوقف : ان شاء الله يمه.. كانت واقفة على الدرجة تشهد انهيارة .. متوجع عماد من فرقى بنتة.. وهي قلبها متوجع من عيالها اللي محرومة من شوفتهم.. بسبب جدتهم اللي تتحكم بـ ابوهم كأنه دمية تلعب فيه.. ما قدامها الا حلها الوحيد.. خوالها هم اللي بـ يجيبون لها حقها من عبدالملكـ و امه.. .. في استراحة الشباب.. يوسف : ويش رايكم نطقها كم يوم برا.. خالد : و الله فكرة ما عندي مانع.. سعد : و لا انا اكيد.. راكان : انا عني بـ اخطب ماني فاضي لكم.. يوسف : اوووه حركات.. متى العزم.. راكان : تخيلوا ان خطبتي بكره و مقابل وجيهكم.. مشعل : و الله قوية اجل.. ما دريت عن هالخطبة و لا كني ولد اخـــ .. قطع كلمتة بـ صرخة.. راكان فز واقف : ايش فيـكـ .. كل الشباب واقفين.. خالد يناظر الحية ابتعدت عن رجل مشعل : حية.. حية يا شباب.. مشعل يضغط على رجلة بـ قوة من الألم.. و مغمض عيونة.. يوسف صرخ : اذبحها اذبحها.. رفع سعد صخرة كبيرة و رماها على راسها لحظتين و توقفت عن الحركة تماماً بعد ما قرصت مشعل.. راكان ربط شماغة على رجل مشعل متوتر مشعل طلع من غير شور ابوه.. و هاذي اول مره يسويها : تصبر .. بـ نروح المستشفى.. يالله شباب نشيلة.. .. الصبح.. مكتب غازي.. عزام : اعطتنا اسماء البنات اللي كانوا معاها و استدعيناهم لـ التحقيق اليوم.. الفريق غازي : ممتاز.. ايش صار على تحقيقات منى من البنات..!؟ اقصد بنات المدرسة قبل ما سألتكـ عن الموضوع.. عزام : منى قالت ان فيه اكثر من بنت شهدت ان سعاد على خلاف مع جود.. و قد مره جود شرشحت على قدام البنات.. يمكن هذا اللي خلاها تحقد بـ زود.. الفريق غازي : هي البنت كانت نيتها قشرا في جود من الأساس.. بنتي ريما معلمتني عن الموضوع.. و جود ما طاعتها و زادها انها تهاوشت معاها و يمكن هالشيء خلاها تفقد اعصابها.. بس بالأخير تعتبر جريمة.. سعود : اكيد و لازم كلهن يأخذن جزاهن.. الفريق غازي : لا تشيل هم سعود.. ان شاء الله كلهن بـ يتحاسبن ما راح نتهاون في الموضوع طالما فيه شكوى و اثبات للجريمة.. عزام: ان شاء الله بس يجون البنات راح نطابق بصماتهم مع الموجودة ع اللزقة و نثبت الجريمة.. الفريق : تمام بلغني بالتطورات عزام.. عزام : تأمر طال عمركـ .. قاطعهم صوت الطق على الباب .. غازي رفع راسة : تفضل.. دخل حمد و أدى التحية العسكرية.. : سيدي.. الفريق غازي : ايش عندكـ يا حمد.. حمد : من كم يوم و الصقر يطلب مقابلة وليد ابراهيم.. اعتلت الصدمة وجيههم.. الصقر يطلب وليد..!! سعود : شلون..!؟ الفريق غازي يناظر رجالة : لا يكون احد نطق عنده اسم وليد في التحقيقات..!؟ سعود : ابداً.. احنا متأكدين و تسجيلات التحقيقات كلها تثبت هالشيء.. الفريق غازي وقف ساند يدية على مكتبة الواسع : لو بيطلب يطلب ايمن المنذر.. ليش يطلب وليد..!! .. أستغفر الله العظيم و أتوب إليه.. لا أحلل نقل الرواية دون ذكر إسمي.. هاشتاق #رواية_لو_سألتي_الورد ضحكة قهر.. http://up.graaam.com/img/23407876b74...eba11d9f14.png http://up.graaam.com/img/c433481acf7...1de64fbad2.png |
رد: لو سألتي الورد وهو ما بين إيدك أقطعك بيقول لك عمري فداك الكاتبة / ضحكة قهر
بسم الله الرحمن الرحيم.. السلام عليكم و رحمة الله و بركاتة.. مساء الخير للي ممسين و صباح الخير للي مصبحين.. بداية عذراً ع التأخير بس لأنه مشكلة المتصفح ما زالت قائمة و الا انا كنت مخلصة البارت و اراجعة من 10 تقريباً.. لكن ما حالفني الحظ انزلة بكير.. لكل الناس اللي عندهم اختبارات بليز لا تنتظرون البارت و تتركون المذاكرة هاذي ازمة البارت يكون بـ نص الأسبوع لكن ما بيدي شيء .. البارت ملحقين عليه لكن الإختبار لا.. الله يوفقكم جميعاً و يرزقكم من واسع فضلة.. الجميلات نجمة الفلا و نقا الروح.. تناقشوا الثنتين بـ عمر عساف.. الثنتين قالن اجابات صحيحة وحده 34 و وحده 35 .. ليش لأن اللي قالت 34 ثبتت من بداية الرواية.. و اللي قالت 35 ثبت معاها لما عمر يقول لـ عساف عن عمره 35 .. مرت بالأحداث سنة.. قلت لكم لا تدققون على الأعمار بـ تضيعون.. خلوكم منها يا بعدي.. مواعيد البارت كل اثنين بإذن الله.. حياكم الله جميعاً .. قراءة ممتعة.. البارت الثالث و الستون.. ياللي فتحتي للحزن داخلك باب دخيل حزنك .. ممكن تفسرينه ؟ انتي حزينة مثلي لنفس الاسباب والّا على حزني وحالي حزينة ؟! لـ أحمد المطيري.. المستشفى.. الدكتور : كويس لحقتوا عليه بـ أخر لحظة و الا كان راح من يدينا.. احنا اعطيناة مصل مضاد و مضادات حيوية و ان شاء الله خير.. بس اكيد راح ترتفع حرارتة بالفترة الجاية.. راكان يحركـ يده بـ توتر : افهم من كلامكـ يا دكتور انه بـ يبقى عندكم..!؟ الدكتور : اكيد لازم يكون ع المضاد الحيوي.. يوسف : طيب يعني حالتة الحين كيف.. احنا حاولنا يعني ننقذة بس الطريق طويل شوي..!! الدكتور : للحين حالتة مستقرة لكن اكيد يتألم من اللدغة مهما كان هذا سم و دخل جسمة.. يوسف يناظر العيال : طيب و الحل..!؟ راكان : ويش عرفني انا كل ما افكر ان ابراهيم ما يدري انه طالع مخي يوقف..!! سعد : كلم مشاري.. راكان ناظر الدكتور : طيب ما ينفع نطلعة.. اخوانة دكاترة و اكيد بـ يكون عندهم خبرة بـ ذا الموضوع.. الدكتور : ما انصحكـم جسمة يحارب السم و اكيد هالشيء متعب له وهو جالس هنا كيف و انت بـ تطلعة لـ البيت..!؟ راكان : طيب نقدر نشوفة..!!؟ الدكتور : اكيد تفضلوا.. دخلوا الشباب الأربعة لـ غرفة مشعل.. مشعل لما شافهم جلس.. راكان : ما تشوف شر.. مشعل : الشر ما يجيكـ .. عقاب من ربي على اللي سويتة.. سعد : هونها و تهون بس تقابل ابوكـ و تبوس راسة و تستسمح منه كل شيء يروح.. مشعل : الدكتور يقول انه زين اللي لدغتني في رجلي ممكن لو مكان ثاني اموت.. خالد : تلقاه بس بـ يوسوس فيكـ .. مشعل : و ليش يوسوس فيني هو صادق لو جات في بطني و الا وجهي يمديني ما وصلت المستشفى و انا طالع من وراء اهلي و ادري انه ما يرضي ابوي..!! راكان : و الحل الحين..!؟ الدكتور يقول لازم تبقى هنا على مضادات الحيوية و ما ادري ويش حكي ويش كثرة.. مشعل اخذ نفس وهو يصر على اسنانة : الفجر بـ اتصل على احمد و قولة.. هو بـ يتصرف.. راكان : توجع..!؟ ليش ما يعطونكـ مُسكن..!؟ مشعل : ما ادري.. بـ احاول اتصبر.. .. بيت ابو سعود .. الفجر.. وليد يحوس بـ غرفة مشعل و لا لقاه.. أحمد على الباب : كنت تدري انه طالع..؟! وليد : لا.. ادق عليه جوالة مقفل..!! أحمد : و كذبت على ابوي تقولة ماخذ بنادول نايت و صحتة و ما رضى يصحى..!! وليد متنرفز : ويش تبيني اقولة..!! و الله مشعل ماهو بـ غرفتة..!؟ أحمد : الحين انت بـ تنزل له و تقوله انكـ تكذب.. وليد حط يده على خصرة : نعم!!! خير ان شاء الله ما سمعت..!؟ أحمد : نعامة ترفسكـ .. انت ما تستحي رجال طول بـ عرض تكذب على ابوي..!! وليد : أحمد لا تنرفزني.. يكفي مشيعل ما يرد.. خالد : خير ايش فيكـم..!؟ أحمد التفت لـ خالد بـ لبس الطيران : الأخ ابوي نشده عن وليد ليش ما نزل يصلي معنا و قالة انه نايف مأخذ بنادول نايت و ما رضي يصحى معاه.. و الأخ مشعل بالمستشفى.. خالد : خير ايش فيه..؟! وليد اقترب منهم .. أحمد : راكان يقول لدغتة حية البارح و نقلوة المستشفى.. وليد : و من اليوم تشوفني هنا احوس ما فكرت تقولي.!.! أحمد : لأن ماهو مهم انت تدري.. ابوي بس عاد شلون بـ نقولة ان مشعل ماهو هنا..!! وليد : قولة كل شيء خلاص عاد الفاس طاح بالراس.. أحمد : اجل قدامي انت قولة.. مشى وليد من بينهم فعلاً شيء مرعب انهم يقولون لأبوهم بس ما راح يتغير شيء لو ما درى الحين بـيدري بـعد شوي.. نزل الدور الأرضي بالمصعد معاه خالد و احمد.. خالد : وليد لا تفجع ابوي شوي شوي.. ماهو ناقص.. وليد : صباح الخير.. : صباح النور.. وليد : دايم مجمع بناتكـ حواليكـ و احنا مالنا نصيب.. ابو سعود : تعال اجلس في حضني ازين.. وليد هذا اكثر وقت ما يبي قرب ابوه فيه لأنه كذب عليه من شوي.. جلس على الكنب بعيد عنه.. وهو جالس على الأرض و وعد وميار و سها حوالية.. و ياسر يقهوية و جنبة سعود.. ام احمد تناظر خالد : عندكـ رحلة يا ابوي..!؟ خالد : ايه يمه ان شاء الله مو مطول المغرب بـ اكون هنا.. ام احمد : الله ييسر لكـ انتبة لـ نفسكـ و لا تنسى دعاء السفر.. خالد جلس جنب وليد : ان شاء الله.. وليد : يبه.. (ابو سعود التفت عليه يناظرة.. و وليد اخذ نفس) تراني كذبت عليكـ يوم نشدتني عن مشعل.. مشعل ماهو بـ غرفتة.. ابو سعود ميل راسة : نعم..!! ام احمد ويدها على صدرها : و غبني وين هو غادي..؟! وليد : ما ادري بالضبط وين راح لكن..المهم انه هو الحين.. بالمستشفى.. سعود عقد حواجبة : مستشفى..!! ليش..!؟! وليد : لدغتة حية.. اتسعت عيون ام احمد من الصدمة ماهي متخيلة ان ولدها طالع من البيت و توجع هالوجع وهي ما تدري.. لو كانوا يدرون انه طالع اهون لكن من وراهم..!! أحمد تداركـ الوضع بعد هبال وليد اللي ما يعرف يحكي شيء : ان شاء الله بسيطة يمه .. هو كلمني.. اسعفوه اخوياه.. ابو سعود رمى فنجالة اللي باقي فيه شوية قهوة على الأرض وهو يناظر عيالة : مين فيكم كان يدري انه طالع مع اخوياه..؟! ما احد فيه رد عليه.. ابو سعود صرخ فيهم : ما تكلمون..؟! وليد : ما كنّا ندري هو طلع على اساس بـ ينام.. و الفجر ما لقيتة بـ غرفتة.. ابو سعود وقف : حسابكـ على كذبكـ علي بـعدين بـ تشوف.. بـأي مستشفى..!؟ أحمد : مستشفى...... ام احمد وقفت مفزوعة : خذوني معكم ابي اشوفة و اتطمن عليه.. سعود وقف وباس خالتة : احنا بـ نطمنكـ عليه يا خالة.. بـ نخلية يكلمكـ بـ نشوف وضعة و نخبركـ .. ام احمد : لا .. لا قلبي ماهو متطمن.. لازم اشوفة.. ياسر : البسي عبايتكـ يمه.. بـ ظرف دقايق كل الشباب ما كانوا موجودين في البيت مع ابوهم و ام احمد.. دانه : يا حياتي مشغل اكيد متعور.. ام حاتم : لدغة حية ماهو شيء هين الله يستر عليه.. وين جود ما تبي تنزل تفطر..؟! وعد رفعت حواجبها : مسوية اضراب.. ام حاتم : اضراب عن الأكل..؟! وعد هزت رأسها بـ تأييد.. ام سعود : وشو اضرابة..؟! ام حاتم : يعني ما تبي تأكل..!! هاذي صاحية..!؟ لا يكون تسوي كذا عشان ابوها يوافق ع الطب..!؟ وعد تفرقع اصابعها السبابة و الوسطى : يب لقطيتها.. ام حاتم : خليها تقنع بس .. ابو سعود ما تنفع معاه ذا الحركات.. ميار : حتى لو فيها السكر.. و يدري انها ممكن تدخل غيبوبة.!؟ ام حاتم : ماهي صعبة عليه يغصبها على الأكل بأي طريقة كانت.. لو حلف عليها بـ تأكل غصباً عنها.. لو زعل منها بـ تأكل عشان ترضية.. ام سعود : الله يهديها ياليتها ما تضايقة هذا هو مشعل طالع من وراه و اكيد بـ يتضايق من سواتة و طاح مريض عشانة عصى ابوه.. تبي هي تكمل الناقص.. وعد : مو قصة تكميل الناقص بس جودي عندها امل ان بابا يوافق خصوصاً بعد ما عمي بندر تزوج هنادي و أثير تدرس طب.. يمكن لو هالشيئين ما صارت جود ما راح يكون عندها امل.. ام حاتم : كلميها قولي لها تعقل الجنون اللي براسها.. وعد : ما اقدر عليها عشان تكوش فيني .. بابا يتفاهم معاها ازين.. ام سعود ابتسمت : حتى انتِ ما انتِ مشتهية تحاكينها و الا قدرتي عليها.. وعد : خالتو بليز لا تحطوني بـ نص المشاكل ما حسبت افتكـ خلوني كذا مرتاحة بس ابي اتفرج عليكم..!! .. بيت غازي امال : معقولة..!؟ غازي : و ليش لا..!؟ يمكن فعلاً الأدمية فيها مرض روحي.. تعبها ماهو طبيعي.. امال : ما اتوقع.. يعني ممكن هي ماهي متقبلة الحمل نفسياً هالشيء صعب المرأة تتخيل انه بـ داخلها انسان و تتأقلم على هالشيء و ترعى نفسها عشان ترعاة.. هالشيء ممكن يكون هو السبب.. غازي : ممكن انا سألت و مدحوا لي شيخ على حدود المدينة بـ نروح له اليوم العصر.. لينا متعاطفة معاها : طيب اذا ظلت كذا ممكن يتأثر البيبي .. حرام يتعبون الإثنين.. غازي : اهم شيء صحتها الحين و الباقي ملحوق عليه.. ريما تمد لسانها لـ زاوية فمها : حتى لو كان ولد..!؟ غازي : حتى لو كان ولد.. ما قلتِ لي ويش بـ تقدمين تخصص..!؟ ريما سحبت الخدادية لـ حضنها بـ ملل : ما قررت احس ما براسي شيء..!! مالي ميول معين.. غازي : قرري قبل لا يروح عليكـ التقديم.. ريما : يصير ما ادرس..!!(تحكـ حواجبها بطرف اظافيرها من غير لا تناظر ابوها) خلاص مليت يعني 12 سنة دراسة دراسة ابي اريح ما احس لي نفس لـ الدوام و الحوسة و صحية الصباح.. و لا بعد اتجهز يعني تنورة و بلوزة و اكشخ مو مثل الثانوي لا لا ما ينفع مره مشوار.. امال : انتِ صاحية بـ تقعدين بالبيت ويش تسوين..!؟ ريما : اصبح و امسي عليكـم اتطمن على احوالكم و حياتكم وشلون هي قايلة.. غازي : بكره بس يمر شهر و تجربين قعدة البيت لا تجيني تقولين لي سجلني بأي تخصص.. تحملي نتيجة افعالكـ .. امال انصدمت : من جدكـ بـ تطاوعها..؟! تراها بزر ما تعرف مصلحة نفسها.. لينا مسكت ضحكتها و ريما تناظرها مقهورة : الحين انا بزر..!؟ غازي : ليش ويش حاسبة.؟! ريما : و الله..!! يعني لو يجيني عريس ما تزوجوني.؟! غازي يستهزء فيها : هه من جدكـ ..!! مين اصلاً بيجي و يخطب طفلة.!!! ريما عقدت حواجبها و تأشر على نفسها : الحين انا طفلة.!! وهاذي مو توأمي هذا هي متزوجة و حارمينها من طير شلوى..!! لينا : انا مو مثلكـ يا حبيبتي .. عمراً انا اكبر منكـ بـ دقايق عقلاً انا اكبر منكـ بـ سنين لا تقرنين نفسكـ فيني.!! ريما بـ قهر : تخســــين.. غازي : ريمـــا.. كم مره اكلمكـ عند طوالة اللسان..!! ريما : يـــا ســــلام.. هي تكلمت علي ليش ما هاوشتها..!؟ غازي وقف : استغفر الله العظيم.. ما ابي اسمع هالحكي مره ثانية فاهمة.. حتى البزر لا انهيتة عن الشيء ما يسوية و انت تعيدين و تزيدين.. سندت كوعها على طرف الكنبة : شكراً يجي منكـ اكثر.. غازي ابتسم : اللي يسمع حكيكـ يقول العرسان على الباب واقفين ينتظرون موافقتي..!! ريما : ايه طبعاً تمسخر على بنتكـ زوجت شوق و لينا و ريما بالطقاق خلها تقعد علة على كبدكـ .. غازي جلس و يناظر ريما : فيه شيء ما ادري عنه..!؟ ريما استغربت : شيء مثل ايش..؟! غازي : ما عمركـ جبتي لي طاري هالموضوع و تنرفزتي بـ هالشكل..!! مخبية شيء علينا..؟! ريما اعتدلت بـ جلستها : ماني فاهمة شيء زي ايش..!؟ يعني الناس بـ تخطبني مني..!؟ و الا منكم..!؟ غازي : يمكن سامعة طراطيش حكي..!! يعني بنت تبيكـ لأخوها .. قالت لكـ بيزورونا ..! شيء من هالقبيل..!! ريما : طبعاً لا.. بس انت تبي تسوي لي سالفة..!! غازي يضغط على شفايفة بـ يدة اليسار و متقدم بـ جلستة و ساند كوعة على فخذة : اممم .. فيه احد في راسكـ ..؟! توترت ريما : يعني انت تشكـ فيني..!؟ غازي : لا ما اشكـ فيكـ .. بس انا استفسر .. شايف ان انفعالكـ ماله مبرر..!! ريما : ما انفعلت انت تشوفني بزر و تحكون علي..!! بس .. يعني كل الموضوع انت فهمتني غلط..!! غازي وقف من جديد : اتمنى.. اذا فيه شيء بـ خاطركـ تعالي قوليه لي لا تغلطين.. يمكن اساعدكـ ..!! ريما : ما فيه شيء.. يعني انا مو فاهمة اصراركـ على الموضوع..!! غازي : ما ابيكـ تخطين .. اذا بـ خاطركـ مشاعر لأحد انا ماني معترض يا ريما.. بس انكـ تغلطين تكلمينة من وراي او تتصرفين أي تصرف غلط اكيد ما راح اسمح لكـ ..!! ريما حطت يدها على رقبتها : يعني اذا جيت قلت لكـ انا احب واحد ويش بـ تسوي..!؟ غازي : بـ انادية و ازوجكـ اياه.. طبعاً اذا يستاهلكـ ..!! ريما : لا اصلاً انا ما براسي احد بس كذا استفسر.. غازي : امال تراكـ شاهدة على هالكلام.. لو تغلط من وراي ما راح ارحمها.. ريما : صدق اني اخاف منكـ بعد اللي سويتة تيكـ المره.. بس اكيد خوفي من ربي اكبر.. ما راح اغضبة ثم اغضبكـ .. انا متربية الا ان كنت ما تثق بـ تربيتكـ لي..؟! غازي اتجه لها ما تنكر ان الرعب دب في قلبها لكنه انحنى و باس راسها .. و طلع من بعدها.. .. المستشفى.. ام احمد تمسح على راس مشعل : بسم الله عليكـ يا ابوي ويش منقزكـ من فراشكـ تالي الليول.. مشعل : الشيطان.. راكان تنحنح .. مشعل يناظرة : و الله اذا حاسب نفسكـ شيطان شيء راجع لكـ .. راكان بـ حدة : تعقـــب و انا ولد موضي.. مشعل : و النعم بـ موضي مو ولدها (ناظر وليد) وين ابوي..؟! وليد : ما ادري دخلنا المستشفى مع بعض و راحوا هو وسعود لـ دكتوركـ بس كنهم توخروا.. ياسر : شلون انلدغت انت..؟! وين كنتوا قاعدين..!؟ مشعل : بـ إستراحة سلوم ما حسيت الا بالوجع وقتها..(اخذ نفس لأن المسكنات ضعيفة نوعاً ما) بعدها حسيت اني بـ غير دنيا.. انفتح الباب حتى يدخل ابو سعود و وراه سعود.. : السلام عليكم.. مشعل سند كفة على السرير و رفع ظهرة بـ ينزل عشان يسلم على ابوه .. لكن ابوه قاطعة : لا تنزل.. قرب ابو سعود له و باس راسة مشعل و كتفة و كفة : انا آسف.. ابو سعود اللي كان حمقان عليه لكن بعد كلام الدكتور عن حالة مشعل اشتعلت نار ثانية بـ قلبة على ولدة غير انه طلع من وراه .. يده على كتف مشعل : اذا ما عدتها يا مشعل.. بـ أقبل اسفكـ .. مشعل من غير لا يناظر بـ أبوه : ما تتكرر ان شاء الله اوعدكـ .. سعود : سلامتكـ ما تشوف شر.. مشعل : الشر ما يجيكـ .. تراجع سعود .. اما ابو سعود سحب الكرسي و جلس جنب سرير مشعل.. ياسر وقف جنب سعود : ويش فيه وجهكـ مقلوب..؟! سعود : و لا شيء..!! ياسر : علينا..؟!!! الغبي يفهم ان فيه شيء.. وين كنتم انت و ابوي ذا الوقت كله .. احمد و حاتم جو و راحوا دواماتهم و انتم ما جيتوا.. سعود سحب ياسر و طلع برا.. ياسر تأكد انه في شيء ما يعرفونة.. ياسر : خير سعود ويش القصة.. غليت قلبي..!! سعود : مشعل.. ياسر : ايش فيه..!؟ سعود : احتمال.. يعني مو اكيد.. تكون.. ياسر بـ حدة : تكون شنو.. تكلم..!! سعود : رجلة تأثرت.. يعني شلل.. ياسر اتسعت عيونة من الصدمة : تمزح..!! (بحدة) قول انكـ تمزح..!! سعود رد عليه بـ نفس اسلوبة الحاد : شايف هالمواضيع فيها مزح..!! ما استغربت ابوي اللي كان منقهر عليه بالسيارة شلون سكت و سلم عليه عادي.. ياسر جلس على الكرسي : يالله ..يارب رحمتكـ .. شلون يعني ما يمشي على رجولة..! سعود : بـ عكازات.. الدكتور يقول مع العلاج الطبيعي ان شاء الله يكون فيه امل للـشفاء بس هذا يعتمد على نفسية المريض و حماسة للـعلاج.. ياسر : و برا..؟! سعود جلس جنبة : نفس الشيء ما تفرق.. اكيد ابوي بـ يجرب يرسل اوراقة لـ مراكز علاج طبيعي برا و نشوف .. قاطعهم صوت وليد : ويش فيكم..؟! التفتوا له الإثنين .. سعود : ولا شيء.. قول لـ راكان يروح يرتاح و انت اقعد عنده انا بـ اروح المركز لازم نتناوب عليه.. وليد : لا انا بـ اقعد عنده انتم متزوجين ما يصير تتركون حريمكم (يستهزء فيهم) يخافون بلاكم.. ياسر وقف : سامج.. وليد يناظر ياسر اللي يدخل غرفة مشعل : هذا من جده..؟! الله يعين بنت العم عليه.. انا لو مكانها طالب الطلاق من زمان.. اما اتزوج واحد نفسية بـ دقيقة يقلب مزاجة.. سعود وقف : ما تدري يمكن اللي عندكـ نفسيات.. عاد اكثر نفسية تتغير و تمر بـ تقلبات المراهقين.. وليد يضغط على شفايفة بـ اسنانة منقهر منهم يقولون بزر الحين تطور الموضوع صار مراهقة : ماني راد عليكـ .. لكن يارب تبلغني بـ ولد لـ سعود مطلع عيونة.. سعود ابتسم : دامني مرضي والديني ما همتني داعواتكـ .. الدنيا سلف و دين يا اخوي.. مثل ما تعامل اهلكـ عيالكـ بـ يعاملونكـ .. وليد اعطاه قفاة و دخل الغرفة وهو ما زال يكلمة : ماشاء الله محاضرات على الصبح.. سعود يسكر الباب : عاد ليتكـ تعتبر.. اذن طين و اذن عجين.. راكان يكلم ياسر : ماني رايح دخلت معاه بـ اطلع معاه.. ياسر يناظر ابوه : يبه تفاهم مع اخوكـ .. ماني قادر عليه.. راكان : قلت لكم ماني رايح.. بس العصر بـ اروح لـ مشواري و ارجع.. ما احد بـ ينام عنده غيري.. مشعل رجع راسة على المخدة و يده على جبهتة و يتنفس من فمة.. صوت تنفسة واضح لهم.. ام احمد حطت يدها على جبهتة : توجع..؟! مشعل : اقدر اتحملة مو مهم.. ام احمد ناظرت ياسر : ناد الدكتور قولة يجي يعطيه شيء يهدية لين متى بـ يتوجع.. وليد : توه قال أي..!! سوير مشتطة..!! ام احمد : ان ما لميت لسانكـ عني يا وليد لا احط حرة اخوكـ فيكـ .. راكان : من شوي معطينة مسكن.. ام احمد : هذا هو ما فاد معاه قولهم يغيرونة.. ياسر : يمه الله يهديكـ هذولي دكاترة و عارفين شغلهم احنا نعلمهم اياه.. ام احمد سحبت عباتها اللي طاحت على كتفها و رفعتها ترجعها على راسها : لا ما يعرفون شغلهم.. دق على احمد قوله يجي يشوف اخوه ما اثق بـ غيرة .. مشعل : يمه و الله اني بـخير هذا الألم يروح و يجي عادي.. ابو سعود : رجلكـ تعوركـ ..؟! مشعل : احس جسمي كله يعورني.. حتى راسي مصدع.. ام احمد تناظر ياسر متنرفزة منه : لو ما انت رايح تنادية انا اقوم انادية.. ياسر وقف : ويش اللي تنادينة يمه من جدكـ..!! وليد : ابو سعيدان هنا يمه نخاف عليكـ منه.. ام احمد تلفت تدور لها شيء تهف عيالها الإثنين فيه.. وليد نط عندها بسرعة و باس راسها : داخلن على الله ثم عليكـ .. جعلني فدا لـ مواطي رجليكـ السموحة يا الشيخة.. ام احمد سحبت يدها اللي ماسكها وليد : قم ناد الدكتور.. وليد وقف : و هاذي شغلتنا اليوم نخدم السيد مشعل.. (لف لـ راكان) ما قلت بـ تقعد عنده المفروض انت تشوف طلباتة .. يعني انت اللي تنادي الدكتور دامه محتاج مسكن..!! راكان حط رجل على رجل : و الله انا عمكـ من العيب تقومني و انت واقف كنكـ نخلة.. وليد : نخلة اللي تضرب راسكـ ان شاء الله .. كل هالطول و الرزة و اصير نخلة..!! ابو سعود بـ حدة : وليــــد ماني فايق لـ القرقرة الفاضية.. مكتب غازي.. حمد : من كم يوم و الصقر يطلب مقابلة وليد ابراهيم.. اعتلت الصدمة وجيههم.. الصقر يطلب وليد..!! سعود : شلون..!؟ الفريق غازي : لا يكون احد نطق عنده اسم وليد في التحقيقات..!؟ سعود : ابداً.. احنا متأكدين من هالشيء و تسجيلات التحقيقات كلها تثبت هالشيء.. الفريق غازي وقف ساند يدية على مكتبة الواسع : لو بيطلب يطلب ايمن المنذر.. ليش يطلب وليد..!! عزام : اكيد يدري.. و الا ويش عرفة..!! الفريق غازي رفع يديه على خصرة : و هذا سبب اصرارة على وليد يتزوج بنتة..!! لكن ليش..!؟ ليش سكت عن وليد.؟! و ليش اختارة هو بالذات..؟! ليش ما اختار عمر..!؟ سعود : هو و عمر ما كانوا على وفاق شلون تبيه يختارة.. الفريق غازي : طيب الرجال اللي معاه ما استغرب يزوج بنتة واحد مجرم دام هذا هو نفس مجالة..!! عزام : ما اتوقع اكيد بـ يخاف عليها.. و يبي لها واحد نظيف.. ما عنده سجل اجرامي.. يخاف يجرم بـ بنتة من وراه.. الفريق غازي : اليوم يقابلة وليد بـ غرفة التحقيقات و تكلبشون الصقر ما تدخلونة كذا..!! عزام : و لا يهمكـ تأمر.. .. خطبة راكان العصرية.. ابو حسام : و الله يا ابو عبدالرحمن ان نسبكم ينشرى ما ينباع.. و راكان ولدي ينشرى بالذهب.. و انا معطية من زمان البنية له حليلة.. ابو عبدالرحمن : ما تقصر يا ابو حسام الله يرفع قدركـ .. اجل ويش رايكـ ملكتهم الإسبوع الجاي.. يوم الخميس.. ابو حسام : تم انتم فصلوا و احنا نلبس.. ابو عبدالرحمن : خلاص بكره ان شاء الله يروحون يسوون هالتحاليل بهالمستشفى و ان شاء الله لا طلعت النتايج نبلغكم.. ابو حسام : ما تقصر.. راكان بـ هدوء : يا عمي انا من الحين ابلغكـ اني ابي العرس بـ عيد الفطر ان شاء الله.. كلهم التفتوا له ابوه و اخوانة ما جاب لهم طاري..!! هذا اللي يبيه بعد اقل شيء سنتين..!! ابو حسام : تامر انتم راعين العرس يا ولدي مالنا حق نتشرط.. راكان : اذا لمى عندها أي شروط انا حاضر..!! ابو حسام : ما تقصر يا ولدي.. انت و زوجتكـ تباصرون بـ حياتكم.. ابتسم راكان.. زوجتكـ .. ياه ويش كثر يتمنى يسمع هالكلمة.. من قبل لا يفكر يخلي امه تكلم امها و يخطبها و يوافقون عليه.. ما كان ناوي هالحين قبل لا يطلع ابوهم بـ حياتهم كان يبي يضمن الوظيفة و يكون حياة كريمة عشانها و عشانة.. لكن بعد ما ابوهم طلع تغيرت اشياء واجد.. و دامه هو تخرج هالسنة بـ يلقى له وظيفة قريب حتى لو بالواسطة.. .. الجمعة في بيت ابراهيم.. ام عبدالرحمن : هو ابو سعود وين هو رايح..؟! ام احمد : طلع مع غازي.. ندى تعبانة شوي و يبون يتطمنون عليها.. ام عبدالرحمن : ام حاتم رايحة معهم..!؟ ام احمد : ايه ما تقدر تتركـ بنتها.. يمديهم على حروة جية.. ام سعود : الله يوفقة رويكن و الله اني فرحت له يستاهل.. ام مشاري : امين.. ام سعود : عقبال لـ مشاري ان شاء الله.. ام مشاري : الله يسمع منكـ .. مير معند هالولد ما يبي الزواج الحين.. وعد : ما عليكـ يا خالة بـ شوية ضغوط تكتيكة بـ يهبد على وجهة.. فيه ناس اعرفهم اللي يستر عليهم ما كانوا بـ يتزوجون و اجلوا فكرة الزواج سنين و الحين يتمنون انهم تزوجوا من زمان.. عاد عمي مشاري قليبة رهيف يعني بـ سهولة يطيح.. ام عبدالرحمن : كفانا الله الشر هذا حكي ناس عاقلين..!؟ اشش يا ويلكـ ان سمعت صوتكـ انتِ.. وعد : ليش يمه بـ تكبتيني.. ما عندي احد احكي معاه الناس كلها هبت بالسوق.. ام سعود : ليش ما رحتي معاهم متى ناوية تشترين فستان..!؟ وعد : مالي خلق.. ام سعود : يا بنتي بـ تزنقين نفسكـ على آخر الوقت.. وعد : ما ابي اطلع من البيت ما احس لي نفس اشوف احد غريب و الف بالأسواق.. ام مشاري : لازم تروحين و تنفهين يا بنيتي ما يصير جالسة بالبيت لا رحتي و لا جيتي.. وعد : ويش بـ يتغير و لا شيء.. اذا انا نفسي متضايقة ما راح يفرق طلعت و الا جلست.. ام عبدالرحمن : ما مضايقكـ الا ابليس ادحرية.. وعد : اعوذ بالله من الشيطان الرجيم.. (تحول الموضوع) الا حتى اثير و اسيل رايحين مع خواتي الكل بـ جمعة وحدة..!؟ ام مشاري : ايه اسيل اليوم تقيس فستانها بروفة ما ادري ويش يسمونها.. ام احمد : و دانه بـ تطلع فستانها.. هقوتي حتى سهاد.. : يــــاولد.. ام عبدالرحمن : تعال يا ابوي ما به احدن غريب عنكـ .. ابو سعود : السلام عليكم.. : وعليكم السلام.. باس راس امه و خالتة.. و رجع جلس جنب امه بعد ما وعد باست راسة .. : ويش اخباركـ يمه.. ام عبدالرحمن : بخير يا ابوي .. ويش حال مشيعل..!! ابو سعود : الحمدلله.. ام مشاري : سلامتة ما يشوف شر .. ابو سعود : الشر ما يجيكـ.. ام عبدالرحمن : اجل وين مريتكـ و بنتكـ ..؟! ابو سعود : بـ بيت غازي.. ام عبدالرحمن : و بنيتكـ ويش بلاها ويش منه تعبانة..؟! ابو سعود : الحمل متعبها.. غازي كان شاكـ انه فيها مرض روحي و وديناها لـ الشيخ و قال ما بان معاه شيء.. تستمر على القراءة و ان شاء الله خير .. ام عبدالرحمن : زين الحمدلله.. بس خل بنيتكـ تركد و تقعد بـ بيت رجلها وشوله قاعدة عندكـ .. ابو سعود : و اذا ما ارتاحت هناكـ ..!! ماهو من مصلحتها و لا مصلحة اللي بـ بطنها تقعد بـ مكان ماهي مرتاحة فيه.. ام احمد : بس فترة الوحام بس تمر ان شاء الله بـ يتعدل كل شيء.. ابو سعود : ان شاء الله.. البنات كلهن طالعات..؟! ام عبدالرحمن : ايه (تأشر على وعد بـ عصاتها) غير ذا القردة..!! وعد عفست وجهها .. و ابو سعود ابتسم : ليش ويش مسوية لكـ ..؟! ام عبدالرحمن : و لا شيء .. مير هي مسوية بـ عمرها.. ما اشترت فستان لـ هالحين.. بكره لا انزنقت بالوقت تقولكـ بـ اروح السوق.. ابو سعود : عاد كن هالبنات بـ يخلصن ..!! بـ يجلسن لين اخر يوم قبل العرس يترددن على هالأسواق.. خليها على راحتها دام الناس رايحة رايحة تروح هي متى ما بغت.. ام مشاري : و الله صادق .. أسيل مخليتها سردادي مردادي على ذا الأسواق.. ما حسبت يكون معاها خمشة فلوس عشان تصرف هنا و هناكـ .. ابو سعود : دامها عروس خلوها على راحتها .. لا تنقصون عليها شيء.. (حاط يديه على فخذة) انا بـ اروح لـ بيت عامر بـ اصلي بـ المسجد اللي عندهم عشان ما اتأخر.. على ما يروحون اخواني لـ مشعل بـ اكون جيت ان شاء الله.. ام عبدالرحمن : معزم..؟!! ابو سعود : اذا الله راد.. (ناظر ام احمد) صبا رايحة مع البنات..؟! ام احمد : ايه.. ناقصها كم شغلة.. ابو سعود : صاحي ياسر يتركها كذا..!؟ هذلي بـ يفترن فيها اسواق المدينة.!! ام عبدالرحمن : ايه و الله انهن خبلات يسونها و لا يراعن ان في بطنها ضنى.. ابو سعود : دقي على ولدكـ قولي له يروح لـ مرتة و يجيبها .. هو يروح معاها السوق و تشتري اللي تبيه مو يخليها تفتر مع البنات..!! .. بيت عامر.. المغرب.. ام عامر : ما تجي تنشد عني لو بني شدة كنت جيتكـ لـ بيتك كل اسبوع اسلم عليكـ .. ابو سعود : لا و الله لكـ الحق يا عمة بس مير الدنيا مشغلتني.. ام عامر : الناس انشغلت ما عاد احد يواصل احد الا بالعزرة.. ابو سعود : حقكـ علي.. ان شاء الله بـ احاول ما اقطعكـ .. مير انا اليوم جايكم في موضوع.. ابو عبدالله : خير ان شاء الله.. ابو سعود : خير.. بإذن الله خير.. من فترة بناتي يحنن علي بـ موضوع و انا أأجلة.. مستصعب الطلب بس عشان خاطرهن و لا ودي اردهن.. خصوصاً اني حاسة بـ حاجتهن لـ هالطلب.. غازي : ويش هو هالطلب..؟! ابو سعود : يبني ارجع امهن.. انا ادري ان ام ريان تزوجت و عندها عيال و يمكن هم اولى من بناتي.. بس دام عدتها قضت و مالها نية بالرجعة لأبو ريان انا ابيها.. ابو عبدالله : تبيها عشان بناتكـ ..؟! ابو سعود : هم بناتها.. هنا انحرمن منها من هن صغار و القصة ما يحتاج اعيدها انتم خابرين تفاصيلها.. ودهم بـ أمهم تكون حواليهم.. غازي : بناتكـ كبار يا ابراهيم.. و مريم ماهي مقصرة تروح و تجي عليهن.. ابو سعود : ادري بـ هالشيء يا غازي .. بناتي كبرن بس حاجتهن لأمهن الحين كبرت.. هن كل عمرهن متربيات على ان ام حاتم امهن.. قريبة منهن حواليهن.. ويوم عرفن انها ماهي امهن تغيرن على الكل.. ابعدن حتى عن اخوانهن اخذن فترة ما ودهم يحتكون بـ احد غيري.. كله عشان امهن ماهي موجودة معهن و تأثرن بـ تغير الوضع عليهن.. و مع المشاكل اللي صارت حاجتهن لأمهن كبرت ما نقصت.. كبار ايه بس بـ حاجتها.. ام عامر : و الله يا وليدي ان انت رجالن تنشرى و ما تنباع.. بس الشور عند مريم و ما ظنتي بـ توافق.. ابو سعود بـ كل صراحة : انا حاسب حسابي.. اذا هي رفضت انا بـ اكون ارضيت بناتي و لبيت لهن طلبهن.. و جيت لـ حد عندكم و وضحت لكم الأسباب.. ابو عبدالله : و احنا بـ نبلغها اسبابكـ وهي تقرر.. غازي : طيب نهى متزوجة يعني ما يفرق معاها الموضوع حيل.. ابو سعود : يفرق انها لو احتاجت امها بـ الليل ما تقدر تجيها بأي وقت لازم يكون وقت زيارة مو مثل لما تكون بـ بيتي.. غازي تنهد : بيوت خوالهن مفتوحة لهن بـأي وقت.. ابو سعود : ادري و ما تقصرون.. بس هاذي رغبتهن.. غازي : طيب انا اخذ مريم عندي و خل وعد تعيش مع امها.. كذا حتى احراج نهى من وقت الزيارة ما راح يكون موجود.. ندى زوجتي و وعد عايشة مع امها عندي!! ابو سعود : مستحيل هالشيء يصير.. مستحيل اخلي بنتي تعيش بـ بيت خالها و انا عايش..!! ابو عبدالله يلعب بـ سبحتة و يلفها حول سبابتة : خلاص الشور عند مريم اللي تقررة احنا ما عندنا اعتراض عليه.. بعد ساعة في الصالة.. مريم منصدمة من خطبة ابراهيم لها : من جدكم..!! هذا انهبل..؟! عبدالله : لـ هالدرجة يبي يرضي بناتة..!! يتزوج عمتي عشانهن..!! عامر : اذا حس ان زواجة من مريم بـ يفيد بناتة و ما يضرة ليش ما يتزوج..؟! ام عامر : يا بنيتي انتِ ما انتِ صغيرة و الله اني كنت فاقدة الأمل بـ زيجتكـ .. يا بنيتي ابو سعود رجال عن مية رجال سند و عزوة.. مريم : عندي اخواني يمه ماهم مقصرين علي بـ شيء.. ماني ملزومة اتزوج.. انهار : الا ملزومة عشان بناتكـ .. حرام يا خالة هم يبونكـ .. اذا رفضتي يمكن يزعلن.. مريم : اذا ابوهن جاء خطبني عشان يرضيهن انا ماني مجبورة اوافق عشان ارضيهن.. انا امهن.. مو بنتهن..!! ناصر : غريب هالأبو سعود..!! ام عامر : ما الغريب الا الشيطان .. رجالن ما قاصرة شيء و جاي يخطب ..!! ناصر : بس عمتي..!! يعني اللي نعرفة ان ماضية هو و عمتي في الحضيض.. شلون يرجع يخطبها..!! مريم تضيق عيونها فيه : ويش تقصد..؟! ناصر ابتسم : اقصد ان اللي نعرفة كنتِ بزر و مشاكل معاه المفروض يحرمكـ على نفسة.. مريم : قليل ادب.. ما كني عمتكـ ..!! ناصر : ههههههههه و احلى عمة بعد.. ام ناصر : استخيري يا خية ما تدرين وين الخيرة فيه.. يمكن ربي كاتب لكـ هالشيء تجين من فرنسا و تطلقين عشان ترجعين لـ نصيبكـ الأولي.. مريم : استغفر الله العظيم.. كله من تحت راسهن.. ما هقيت بـ يقدرن على ابوهن..!! عهود : بناتكـ ..!؟ ليش انتِ كنتِ تدرين عن الخطبة ..؟! مريم : كنت ادري انه الفكرة بـ روسهن و هاوشتهن لكن ما يفهمن حطن الشيء براسهن يبن يمشني على كيفهن..!! غازي وقف : انا مع ام ناصر استخيري.. لو واحد غير ابو سعود كنت رفضت الموضوع .. بس ابو سعود رجال ما ينباع.. انا عني موافق حتى لو اسبابة ماهي مرضيتني.. ام عامر : ويش هو اللي ماهو مرضيكـ ..؟! غازي : لو جاي يخطبها عشانة هو يبيها بـ اكون راضي.. لكن هو خاطبها عشان بناتة بس.. ام عامر : المعنى واحد جاء و تعنى عشان يخطبها.. مريم : الله اكبر يالعنوة..!! حسستيني يمه جاي من اخر الدنيا هنيا بيتة حذفة حصاة.. ام عامر : ايه انتِ بس تمسخري على الرجال.. و الله يا مريم ان رديتية لا تعضين اصابعكـ ندم.. وقفت مريم : انا بـ اروح اتطمن على عيالي ازين.. .. دخل غازي لـ مكتبة و رجالة و عمر قبلة جالسين يتناقشون بأخر مستجدات التحقيق.. : يعطيكم العافية.. كلهم وقفوا .. : الله يعافيكـ .. غازي : ما عليش تأخرت عليكـ لكن ظرف عائلي أخرني شوي.. وين وليد..؟! سعود : راح لـ غرفة التحقيقات بـ يقابل الصقر.. غازي انصدم : ما قلت لا يدخل عنده قبل لا اجي..!! سعود : انت تدري ما ينقدر عليه.. طلع غازي و طلعوا وراه .. عماد عساف عزام نايف سعود وعمر.. في غرفة التحقيقات.. وليد جالس و رجل على رجل مرتاح.. دخلوا الصقر .. التقت عينة بـ عين وليد..!! وليد ابتسم بإستهزاء.. و الصقر رد له الإبتسامة .. تقدم الصقر لـ الطاولة و جلس على الكرسي المقابل لـ وليد و يدينة وراء ظهرة مكلبشة.. وقفوا غازي و رجالة وراء القزاز يسمعون لـ الحوار اللي بعده ما بدا.. وليد ميل راسة : سمعت انكـ طالبني..!! الصقر هز راسة : و اتوقع انكـ تعرف السبب..!! وليد رفع حواجبة : بنتكـ ..!! الصقر : عليكـ نور.. وليد : قبل لا تقول اللي عندكـ خلني اعرف متى عرفت اني وليد ابراهيم..؟! الصقر : بعد ما زوجتكـ بنتي.. تدري اني سأل عنكـ و لقيت مين يرد علي بإسمكـ واضح ان الأمن محتاطين لـ كل شيء.. بس اللي ما يخطر على بالكـ اني بحثت بـ بصمتكـ .. و اكتشفت انكـ وليد ابراهيم مساعد سالم .. 21 سنة .. اخ لـ وعد اللي اغضبت الأمن لما كسرت الإحتجاز اللي هي فيه و تعاقبت بالشغل عند غازي بسبب هالموضوع.. وليد يصفق : برااافووو برااافوو .. عارف كل شيء .. ما نقدر نخفي عنكم شيء.. يعني بـ تقول لنا انت مشيت الموضوع بـ مزاجكـ ..!! الصقر : لـ مصلحتي ايه.. انت تدري ان نهاية العصابة ان ما كانت اليوم بـ تكون بكره.. فالأفضل اني اشوف مصلحتي وين هي..!! وليد : و مصلحتكـ تكمن في بنتكـ اللي بقت لكـ بعد ما انقتلوا الثنتين و ما تدري مين قاتلهم..!! الصقر ابتسم بإستهزاء : توكـ تقول اني عارف كل شيء .. ماهي صعبة علي اعرف مين قتل بناتي..!! وليد : لا تقول تبيني اقتلة لكـ ..!! الصقر : لا .. لأنه ودع قبل لا انتقم منه.. كنت انتظر الفرصة المناسبة و شكلي تأخرت واجد.. وليد : و يا ترى اقدر اعرف مين هو..؟! الصقر : منصور.. اعتلت الصدمة وجه وليد..!! : الرئيس..!! الصقر : ايه.. الرئيس..(رفع حواجبة) و بكل بجاحة يعزيني فيهم.!.! يقتل القتيل و يمشي بـ جنازتة.. زين اللي مات بـ هالطريقة جعل اهلة ما يلقون له قطعة يدفنونها تحت التراب.. وليد دنق : استغفر الله العظيم.. شلون عرفت..؟! الصقر : عرفت واحد من اللي ادى المهمة معاه و استجوبتة و لما عرفت قتلتة بـ أرضة.. وليد : ممكن اعرف كيف عرفت هالواحد..؟! الصقر : من الفيديو اللي صورة منصور و ارسلة لي و بناتي عيونهم تزاوغ من الخوف وهو يقتلهم بـ دم بارد.. وليد همس : حسبي الله ونعم الوكيل.. الصقر : هذا مو موضوعي اللي طلبتكـ عشانه.. منصور و اخذ جزاة.. وليد بـ ثقة : و انت بـ تأخذ جزاكـ .. الصقر : ماني معترض .. اللي يهمني بنتي الحين.. سحر.. وليد : و انا ويش علي مناديني..!! الصقر : انا زوجتها لكـ ..!! وليد ابتسم بإستهزاء : انت زوجتها لأيمن المنذر .. و أيمن المنذر (ضرب كفوفة بـ بعض) بح.. ماله وجود..!! الصقر غمض عيونة و اخذ نفس : وليد لا تمتحني فيها.. هي بزر مالها ذنب في شيء.. وليد نزل رجولة .. و يصر على اسنانة : و اختي وعد ويش كان ذنبها يوم اخذتها..؟! ويش كان ذنبها يوم حرمتها من بنتها..!! ويش كان ذنبها يوم حطيتها على راس مخططاتكـ ..!؟ الصقر : المسامح كريم..!! وليد : وانا ماني مسامح.. بنتكـ ما تعنيني في شيء.. انا انتظر الحكم عليكـ عشان ارميها بـ دار ايتام.. الصقر انقهر : لا يا وليد.. الا انكـ ترميها بـ الدار.. ماهي ضارتكـ بـ شيء هي طفلة بـ تربيها على اللي انت تبيه.. وليد وقف وهو يغلي من القهر و يتكلم بـ أكبر قدر من البرود يقدر عليه : ان العرق دساس..!! مين داري يمكن بكره تطلع مثلكـ ..!! الصقر يضرب رجلة بالأرض من القهر : قلت لكـ بزر و بتربيها على اللي تبيه.. مالها احد غيركـ .. وليد شبكـ يدينة وراء ظهرة و يفتر بالغرفة : قصدكـ غيركـ انت.. و انت خذلتها.. رحت تتاجر بالمخدرات و الأسلحة و تقتل ذا و ذاكـ استبحت اعراض و ارواح خلق الله و ما فكرت لـو لحظة فيها.. هذا انت عارف ان مالها غيركـ و انت اللي رميتها ماهو انا.. الصقر يشد على اسنانة : انا عطيتكـ اياها.. ما رميتها.. وليد : و من غباءكـ اخترتني انا.. متوقع اني بـ اعز بنتكـ و ارزها و انت ما فكرت بـ لحظة لما تقهر اختي..!! بنت اختي ماتت.. و اختي روحها لا هي بالسماء و لا هي بالأرض انت اخذت بنتها من حضنها ثلاث شهور ما جلست معاها الا اسبوعين و توفت.. حرمتها من فرحة عينها.. قهرتها في تعبها.. ثم تجي بـ كل بجاحة توصيني على بنتكـ ..؟! تنقد الرئيس اللي يعزيكـ في بناتكـ وهو قاتلهم و انت ما باعدتة.. قهرت اختي و تبيني احفظ لكـ بنتكـ ..!! الصقر : طيب انت قلتها انا قهرت اختكـ خذ حقها مني.. بنتي مالها دخل..!! وليد يهز اكتافة بـ بساطة : انت قلتها بنتكـ يعني هذا هو اللي دخلها.. وراء القزاز يسمعون كل الحوار اللي يترأسة وليد.. غازي : مجنون..!! عماد بـ هدوء غريب عليه : جالس يستفز الصقر وهالشيء مو بـ مصلحتة.. عزام : انا اقول نتركة معه ممكن الصقر يدلي بـ معلومات عن جميع القضايا و تسجل كا اعترافات.. يعني ممكن وليد يضغط عليه عشان بنت الصقر.. غازي : لا .. لو قلت لـ وليد هالحكي بـ يكوش فينا شوفة معصب راقب حركات يدينة وراء ظهرة.. يخفيها عن الصقر عشان ما يحس الصقر ان وليد معصب.. عساف : من حقة.. انا كل ما شفتة ودي اقتلة.. الله يعجل بـ يوم المحكمة.. غازي التفت لـ عساف : انه رجل امن ما يعطية الحق يقتل انسان.. عساف ابتسم : لا تدقق ع الكلمة اكيد اني ما راح ارضى بس خاني التعبير.. عمر : ويش بقي اذا انكـ شايب و يخونكـ التعبير.!! ما تعرف تنتقي كلماتكـ ..!! عساف : الله اكبر يا الشباب.. ما بيني و بينكـ الا سنة.. عمر : عاد اللي يشوف الشيب اللي ترس راسكـ ما يعطيكـ حتى انكـ حولي.. داخل الغرفة .. وليد سند يدينة بـ قوة على الطاولة : تخسى ابوي ما يعاونكـ لو تحب السماء.. الصقر : لو قلت له ان بنتي صغيرة بـ يحميها.. وليد يستهزء فيه : على اساس انت حميت بنتة..!! تدري يا الصقر.. انا مستعجب من ثقتكـ ..!! قبل ما كنت استغرب اقول حاسب نفسة شيء و نافخ نفسة بـ مركز بين رجال عصابة.. لكن الثقة الحين و انت تطلبني عشان احمي بنتكـ و فوقها تقول انكـ بـ تكلم ابوي عشان توصية عليها..!! يعني احنا لا اعمامها و لا خوالها عشان نقول بنتنا و الدم اللي بيننا يدمح لأبوها زلتة معنا .. احنا ما نعرفكم و لا تعرفونا.. انت شفتني و اعجبتكـ و زوجتني بنتكـ البزر يالصقر.. بزر ما تجي طول رجلي.. و لما دريت اني مجرد جاسوس عليكم كان بإمكانكـ تذبحني و تقولهم ما احد بـ يقولكـ لا .. بس عشانكـ كنت ناوي على الرئيس و تدري عن عمر قريب من الرئيس و ممكن يقلب عليكـ او واحد من الرجال سوا زياد او صلاح او ناصر او سطام او جلال قلت استغل هالجاسوس و اخلي بنتي معاه أأمن لها و حتى لو مات الأمن اكيد عندهم خبر انه متزوجها و اهلها بعدها بـ يدرون و اكيد ما راح يتركون مرة ولدهم..!! (اصطلب بـ وقفتة وليد) هذا كان مخططكـ صح..؟! الصقر ابتسم : عليكـ نور.. هذا مخططي.. ابوكـ لما يدري انكـ تزوجت و مت في مهمة امنية اكيد يبي أي شيء يتعلق فيكـ .. و من ضمنهم زوجتكـ .. وليد : ما خطر لكـ ان ابوي ما يحط يده بـ يد مجرم..!! الصقر : بنتي بزر ماهي مجرمة عشان ابوكـ ما يـأخذها بالعكس بـ يقول يكسب اجر في يتيمة ام و اب لا عمام عندها و خوالها عايفينها و منها هي زوجة ولدي.. غازي فتح الباب : اطلع..!! وليد : باقي شوي.. غازي بـ حدة : انا امرتكـ تطلع..!! وليد مشى من جنب الصقر : موعدنا يوم المحكمة.. و راح اجيب بنتكـ تشوف اخر لحظات لكـ بالدنيا.. طلع وليد و الصقر التفت مصدوم.. يحس نفسة يغلي على نار..!! بنتة تشوفة..!! سحر صغيرة و الله صغيرة و بريئة كيف بـ تتحمل تشوفهم وهم يقيمون عليه الحد..!! طلع وليد متنرفز وهو وده يضرب كل شخص قدامة.. مشى جنب الشباب اللي واقفين يراقبون التحقيق و لا التفت عليهم.. غازي : هذا بـ يحط حرتة بـأي شيء قدامة.. سعود الحقة لا تخلية.. .. بيت ابراهيم.. ابو سعود : و الله اذا علي يا اخوي انا موافق و لا عندي مانع.. بس خلني اشاور بناتي و الله يكتب اللي فيه الخير.. ابو عساف حط يده على فخذة اخوة : خذ راحتكـ يا اخوي.. احمد يهمس لـ ياسر : كنها صارت..؟! ياسر : ويش هي..!؟ احمد : عمي عبدالرحمن يكلم ابوي.. شكلة يخطب لـ عساف.. ابتسم ياسر : ياليت.. بس عاد الخوف من اختكـ .. احمد : ايه عاد فكر انت و سعود تغصبونها على شيء.. يكفي عماد و اللي سواه.. ياسر : ما احد غاصبها بس نبي مصلحتها.. اكيد بـ ننصحها و على الله تنصح.. ام عبدالرحمن : بنياتكم ماكنهم توخروا..؟! ابو سعود : مشاري قال بـ يجيبهم.. يمديهن مدوخاتة.. قاطعتهم داخلة هي دايم تراقب الوضع من الشباك بالوقت اللي تمل من العابها لكن مقابلتهم رهبة : هــاي..!! الشباب دنقوا.. ابو سعود تنهد.. اليوم حافل بداية بـ مشعل مرور بـ ندى ثم خطبتة لـ مريم و خطبة عيال اخوة لـ بناتة و يمكن تكون ختامها هي هاذي كشف زواج وليد..!! صلب جسمها من صرختة التفت و عيونها غرقانة.. من رداة حظها ما امداها تتجرأ و تدخل عندهم حتى يطلع بـ وجهها ايمن..!! وليد يصرخ عليها : انتِ ويش مطلعكـ برا..؟! تراجعت وراء مصدومة اول مره يصرخ عليها..!! هي تعودت عليه يكون مع ابوها.. و ساكت ما يرفع صوتة عليها..!! سعود مسكة من ذراعة و رجعة قبل لا يدخل الغرفة : انت انهبلت تصرخ على بزر..!؟ وليد نفض يدة بـ قهر : مالكم دخل.. سعود يصر على أسنانة : مو عشانكـ مقهور من ابوها تحط الحرة فيها.. فكر بالمصيبة اللي انت فيها صدق.. البنت تطلع قدام الكل.. خالتي من ضمن الموجودين بالغرفة و جداني.. وليد تقدم و دخل ما هو بـ حمل يعمل حساب لأي أحد.. بادرتة سحر بـ خوف و هي تنطق : و الله انا طفشت لـ حالي ميمي نامت و انا خايفة.. وعد وقفت وراء وليد وجنبها سعود : مين هاذي..؟! وليد سحبها من يدها : تعالي.. كانت ورقة بـ يده من خفتها.. يمشي بـ سرعة مو مراعي حتى الفارق بـين خطواتة و خطواتها.. ام عبدالرحمن مصدومة : مين هي بنتة..؟! و وين اخذها ولدكـ ..!؟ سعود همس بإذن وعد : الحقي وليد لا يسوي شيء بالبنت.. وعد مستغربة : ويش يسوي..؟! سعود : يضربها يا غبية هو معصب عليها ما شفتية.. وعد : ويش عليه منها اصلاً.. يمكن البنت ضايعة و شافت بابنا مفتوح و دخلت..!! سعود : مخكـ صاير سميكـ الحقيه لـ الملحق الخارجي و لا تخلينة يضربها.. طلعت وعد و سعود يسلم : السلام عليكم.. : وعليكم السلام.. سلم على جدانة و عمانة.. و جلس تنحنح يحاول يهون الموضوع : اجل وين البنات ما اشوف احد..؟! ام مشاري : ما رجعوا من السوق لـ الحين.. ابو عبدالرحمن يناظر ولده : وراء ما تشوف ولدكـ هاللي اخذ البنية ما يصير..!! ابو سعود : و ليش ما يصير..؟! انتم مو فاهمين الموضوع.. ام احمد : أي موضوع الله يهداكـ اخذ البنية و معصب عليها كنه يعرفها..!! ابو سعود : قلتيها يعرفها.. زوجتة..!! ابو عبدالرحمن بـ حدة : وشــهو..!! ابو سعود بـ هدوء : زوجتة.. وليد مر بـ ظروف و تزوج هالبنت اللي شفتوها.. و كان ينتظر الوقت المناسب عشان يخبر الكل.. ام عبدالرحمن : و انت تمشي وراء عيالكـ مره خالد و مره هالوليد.. متزوج بزر .. بزر..!! قلوا عليه بنات حواء..!! ابو سعود : يمه .. يبه و الله العظيم ان وليد انجبر على هالزواجة.. وليد كان يشتغل مع الأمن.. ضابط سري.. و تزوج هالبنت ما قدر يرفض عشان ما ينكشف و لا تروح القضية اللي يشتغلون عليها.. و الحين الحمدلله الأمور انحلت و الرجال المطلوبين بالسجن.. ابو عساف مصدوم : يعني هالبنت .. بنت واحد من المطلوبين..!! ابو سعود بـ هدوء : ايه.. ابو عبدالرحمن وقف : انت ما عاد براسكـ عقل..!! و تاركها في بيتكـ ..!! ولدكـ هالهيس يتزوج وحده ماهي من ثوبنا وفوقها ابوها سمعتة تراب..!! ابو سعود : يبه قلت لكـ انجبر.. حاول يرفض بس ما احد طاوعة.. ماهو بـ يدة.. ابو عبدالرحمن يضرب بـ عصاتة المستند على رأسها بيدية الثنتين بالأرض : الحين .. الحين يطلقها.. ابو سعود وقف و باس راس ابوه : يبه تكفى خله على راحتة ماهو ناقص.. هو بعد ماهو باغيها بس ينتظر الحكم على ابوها.. البنية بزر حسبة يتيمة.. ابو عبدالرحمن بـ حدة : ماهو ناقص..!! ماهو ناقص.. هذا حكي تدافع فيه عنه.. مهيت عيالكـ يا ابراهيم و انا اللي كنت احسبكـ مقضبهم القاع.. ما علقت صدمة وراء صدمة وراء صدمة.. زواجة وليد من وراها..!! من بزر..!! من بنت لـ رجل مطلوب..!! بـ يقيمون عليه الحكم..!! و ضابط سري يشتغل بـ قضية أمنية.. شيء فوق طاقتها حتى تتحمله.. ما حست بـ جسدها يتراخى حتى مالت بـ تطيح .. صرخ خالد وهو يوقف يمسكها قبل لا تطيح : يمـــــه..!! التفتوا كلهم مصدومين.. احمد : اكيد ما تحملت الصدمة.. نشيلها لـ غرفتها..!! خالد بـسرعة : انا أشيلها.. طلع خالد و وراه احمد و ياسر.. ام عبدالرحمن بـ قهر تناظر ولدها : شفت زوجتكـ ويش صار فيها من وراء عيالكـ ..!؟ ابو سعود سكت .. ما احد راح يتفهم اسباب وليد لين يهدون.. الله يستر ما تروح فيها امه حزتها وليد ما راح يرحم البنية..!! : انا بـ اشوفها اذا ما صحت بـ نأخذها المستشفى.. وعد قابلت ابوها وهو طالع من الغرفة : هاااي..!! ابو سعود سحبها من ذراعها و طلع برا فيها .. وعد مبتسمة : ولدكـ السخيف يقول انه متزوج البزر اللي كانت هنا.. ابو سعود : تروحين تأخذينها و تخلينها عندكـ بالغرفة.. ما يحتاج تقعد بالملحق.. وعد : بابا لا تقول ان وليد صادق.. ابو سعود : صادق.. و يالله روحي جيبيها و اذا عاندكـ قولي له ابوي بـ يغضب عليكـ لـ يوم الدين.. وعد تناظر ابوها اللي تركها و طلع الدرج : بابا ويش ذا الحكي ما لقيت الا ذا الحكي انا اقولة..!! ابو سعود : روحي من غير هذرة.. دخل ابو سعود الغرفة.. : صحت.. عيالة ناظروة .. احمد : ايه الحمدلله.. طلعت ام احمد مبللة وجهها .. وقف خالد وباس راسها : تكفين يالغالية و الله ما شيء يسوى دموعكـ .. و الله انكـ فاهمة الموضوع غلط.. ام احمد : كنتم تدرون انه متزوج..؟! ما احد من الثلاثة رد عليها.. ما عندهم رد يشفي حرتها.. دخل وليد يتنفس بـ قوة بعد ما عرف من اللي تحت ان امه اغمى عليها جاء يجري.. : يمه .. طنشتة و جلست على السرير : الله لا يواخذكم بـ افعالكم فيني.. قهرتوني ويش انا مسوية لكم عشان تقهروني..!! ويش قصرت فيه عليكم..!؟ لو واحدكم يطلب عيوني ما غلت عليه.. اربي و اعلم و اكبر و اسنع و انتظر اليوم اللي يجيني واحدكم يقولي يمه اخطبي لي..!! تروحون تزوجون من وراي و تستخسرون فيني الفرحة..!! ابو سعود جلس جنبها : لا تلومينهم.. انتِ فاهمة الموضوع غلط.. وليد قرب لها و جلس عند رجولها على ركبة : يمه و الله العظيم انحديت.. و الله يمه ما هو بـ يدي.. و الله اني ما ابيع فرحتكـ و لا استخسرتها فيكـ بس يمه و الله اني انجبرت لو ما ملكت عليها كان انكشفت بين العصابة و يمكن قتلوني.. صدت عنه .. خالد انجبر و هو انجبر..!! باقي احمد و مشعل و فارس الصغير عشان تكمل معاها.. حتى ياسر اللي زوجتة ما تزوج برضاة.. وليد يناظر ابوه و يديه على ركب امه : يبه قولها تكفى يمكن تصدقكـ .. ابو سعود : ام احمد.. تعوذي من ابليس.. اسمعي من الولد القصة كلها.. لا تزعلين منه على شيء ما يسوى.. اهم حياتة و الا زواجتة اللي ما درينا عنها.. ام احمد : بس انت كنت تدري.. ابو سعود : ما دريت غير بعد ما تزوجها.. و لو انه جايني من قبل و خبرني بعد ما كنت بـ ارفض حياتة اهم عندي من أي شيء ثاني.. احمد : يمه وليد ضابط سري اشتغل بـ مهمة عشان يحمي الوطن .. افدى الوطن بـ روحة يمه.. يستاهل يمه انكـ ترضين عليه.. تكفين يالغالية و الله ان زعلكـ ما نتحملة.. وليد : ويش تأمرين فيه اطلقها .. بـ اطلقها و الله ما تزوجتها حباً فيها.. رضاكـ عندي اهم من أي شيء ثاني.. ام احمد : ما لقيت غير هالبزر.. وليد : هي بنتة الوحيدة و خايف عليها .. بناتة الثنتين انقتلوا و يبي احد يحميها.. و خلاني اتزوجها.. ام احمد : ويش اسوي وين اودي وجهي من الناس.. متزوج بنت واحد مطلوب..!؟ وليد : مو لازم يعرفون الناس.. ام احمد : حرام عليكـ و على ابوها.. صغيرة البنت صغيرة..!! ابو سعود يناظر وليد : من كبره هو عاد..!! من هنا لين ست سبع سنين البنت تكون عندنا مربينها على طبعنا و بعدها يتزوجها.. وليد بـ صدمة : اتزوجها..!! ابو سعود : ليش ناوي تتركها كذا..!! وليد تربع واسند ظهرة على الكومدينة : بس انا ما ابيها.. انتظر حكم ابوها و اوديها دار ايتام..!! ابو سعود عقد حواجبة بـ حدة : نعم..!! وليد : انا ماني متحملها لا شفتها شفت ابوها و اللي سواه فينا.. شلون احفظ له بنتة و هو قهرنا بـ اختي..!! ابو سعود بـ حزم : البنت ما يخصها بـ ابوها.. ابوها بـ يأخذ جزاة على الملا.. و الله يا وليد لو ادري انكـ ضايمها ما تلوم الا نفسكـ .. ام احمد : وين امها..؟! وليد : متوفية..!! ام احمد : ما عندها احد من اهلها لا خوال و لا عمام..؟! وليد : عمام لا ابوها وحيد اهلة اما خوال عندها و ما يبونها بينهم و بين ابوها عداوة.. عشان كذا قرر يزوجني اياها يبي يورطني فيها.. ابو سعود : وليــــد..!! وليد : و انا صادق.. شوف هاه فوق كل اللي سواه ابوها .. هذا هي طلعت قدامهم و امي زعلت مني و ماهي راضية علي.. و جداني ما راح اسلم منهم.. ابو سعود : امكـ بـ ترضى ان شاء الله و ابوي و امي خلهم علي.. انت قم بوس راس امكـ و يدها.. وقف وليد و باس راسها و يدها : تكفين و الله الحياة بـ زعلكـ ما ينقال عنها حياة.. ام احمد : ويش بـ اسوي الحين ..!! عندي شرط..!! ابو سعود بـ حزم يناظر وليد : اشرطي و بـ ينفذ و رجلة فوق راسة.. وليد : و انا اقدر ارفض.. امري .. ام احمد : تتركـ هالوظيفة.. ما ابيها لكـ .. وليد : انا اصلاً كنت بـ أقدم استقالتي بس انتظر ملف القضية يتسكر.. بس ينتهي الموضوع كله ما يصير خاطركـ الا طيب.. مكتب غازي.. غازي : انا طلبتكـ تجلس ابيكـ بـ موضوع يخصكـ و يخص بنتي..! عمر عدل جلستة مستغرب : لينا فيها شيء..؟! غازي : لا الحمدلله ما تشكي باس.. لكني قررت اعفيكـ من شرطي.. تقدر تأخذها متى ما بغيت.. عمر ابتسم : الحين..!! غازي ابتسم : طيب اعطها يومين تجهز نفسها على وشو الشفاحة..!!؟ عمر : انا اوديها تجهز نفسها عطني اياها بـ خلاقينها.. غازي : بـ انشدها لأني للحين ما نشدتها اذا رفضت بـ تصبر لين هي ترضى.. عمر : لا تكفى طلبتكـ ويش ترفض ما ترفض.. زوجتي و الناس كلها درت .. وشو له نأجل بعد..!! غازي : تدري ان البنت يهمها امر العرس.. يعني يوم العرس و يمكن لينا تصر عليه.. اذا هذا تفكيرها فالله يعينكـ تصبر لين تحجز لها قاعة و تسوي لها عرس.. عمر : ويش اللي نسوي عرس وهي حامل..!! ما تجي و الله ما تركب.. انا اخذها و اسوي لها عزيمة في بيتنا ما يحتاج نسوي عرس كبير و تعب نفسها.. غازي : ما راح اعطيكـ رأيي قبل لا اخذ رأيها.. اللي هي تبيه انا موافق عليه.. عمر : طيب خلني اكلمها اليوم.. و اشاورها.. غازي : انا اشاورها و اعلمكـ اركد شوي ويش بلاكـ منهبل.. عمر يتمتم بينه و بين نفسة بنتكـ اخذت عقلي غصب انهبل هبلتني معاها.. غازي : يضيق عيونة فيه : قلت شيء..؟! عمر : ابد سلامتكـ .. بس قولها اني مستعجل ما يهمني امر الزواج و لا الخرابيط اللي قبله.. يهمني تكون معاي في بيتي.. غازي وقف : قم يالله عطيتكـ وجه.. عمر وقف : ما راح ارد ع الطردة عشان خاطرها بس..!! غازي التفت له و ابتسم : يعني لو ما هي كنت دبغتني هنيا..!! عمر يهز رأسة : يعني تقريباً.. (ابتسم)بس ابو زوجتي اكيد ما ارضى عليه.. غازي : اطلع برا كذا بـ صريح العبارة.. عمر : ان شاء الله تامر.. ما نقدر نردكـ .. .. المستشفى.. آخر الليل.. الدكتور : لا تشيل هم ان شاء الله بـ تخف عنه السخونة.. راكان : صار له فترة يأن الى متى هالحالة..!! الدكتور : احنا نسوي اللي علينا نعطية مضادات حيوية و خافض للحرارة و مع الكمادات و ان شاء الله تخف حرارتة .. عموماً هي شيء طبيعي بـ حالتة.. مشعل : راكان.. راكان : هلا ويش بغيت..!! مشعل : ابي اروح بيتنا.. ما ابي اجلس هنا.. الدكتور : ما ينفع يا مشعل لازم تجلس و احنا نتابع حالتكـ .. مشعل يحاول يفتح عيونة جلس : ما ابي اجلس هنا .. خلاص ما فيني شيء.. راكان حط يده على كتف مشعل و سدحة : انت صاحي ما فيكـ شدة حتى شلون بـ تطلع لـ بيتكم..؟! مشعل : الحين ابي اطلع لو ما انت موديني بـ ادق على اخواني يجوني.. راكان يناظر الدكتور : ينفع يطلع..؟! الدكتور : انت شايف حالتة كيف ..!! راكان قرب من الدكتور وهمس بإذنة : اعطه منوم.. ابتسم الدكتور و خرج.. راكان يناظر مشعل : خلاص الحين الدكتور بـ يسجل لكـ خروج و نطلع..!! مشعل : طيب قرب السيارة ما فيني شدة امشي.. راكان : و لا يهمكـ على (حط سبابتة على آنفة) ذا الخشم كم مشيعل عندنا..!!.. دخل الدكتور و بيدة الأبرة .. غرزها بـ يد مشعل ما اعترض جسمة مهدود و لا فيه حيل يفكر او يسأل ليش هالأبرة..!! لحظات حتى غفى و نام.. راكان سحب اللحاف و رفعة حتى يغطي كتف مشعل : ما بغى ينام انا ما قد شفت حنة مثل حنة عيال ابراهيم..!! يالطيـــف..!!! .. بيت ابو عبدالرحمن اليوم الثاني.. عساف انصدم : خطبتها..!! ابو عساف يناظر ولده : انت صاحي مو قلت انكـ تبيها..!؟ عساف : قلت.. بس .. انا ما استعديت للحين.. ابو عساف : ويش تستعد له يا حظي..؟! عساف : عشان اخطبها.. ابو عساف التفت لـ زوجتة : عقلي ولدكـ انهبل..!! عساف : يبه افهمني.. يعني.. وعد توها مخلصة عدتها.. توها طالعة من هالتجربة انكـ تخطبها لي بـ هالسرعة اكيد ما راح توافق.. ماجد : فعلاً انا احسكم استعجلتوا المفروض تعطونها فرصة تشوف حياتها شوي مو تخطبون البنت على طول.. ابو عساف : اعقب انت و اياه بعد هالعمر تعلمونا بـ عيالنا.. عساف : يبه مو قصة تعليم بس الإحتياط واجب.. والله ما تعرفها راح ترفض توها خلصت من المشاكل.. ابو عساف بـ حدة : صار انت ناوي تعيشها بـ مشاكل..!! و الله يا عساف ان قهرتها لا اقهركـ .. عساف : يبه ما احد يقهر نفسة.. بس انت مو فاهم علي.. خلاص الله يكتب اللي فيه الخير.. ابو عساف يناظر ماجد : و انت بعد قولي سها توها طالعة من مشكلة..!! ماجد : لا يبه .. بس وعد غير و سها غير.. : ســـلام.. ابو عساف ابتسم لـ بناتة : يا هلا و غلا.. دخلن الثنتين و تركن اكياسهن بـ طرف الصالة و سلموا على ابوهم و امهم.. ام عساف : ويش ذا ما تركتن شيء بـالسوق ما جبتنة..؟! عبير تنزل الطرحة على كتفها بعد ما جلست جنب ابوها : عروس لازم نجيب لها كل شيء.. ندلعها.. عساف : القصة مو قصة مقاضي ضرورية.. الا لاعبات بالفلوس.. استغفرن ربكـن كل ليلة مشلعات للأسواق و ترجعن و الأكياس ملي يدينكـ يعني كل اللي شرتة بـ تستخدمة..!؟و تحلل فلوسة..!؟ عبير متمللة منه : اوووه عساف بليز لا تنكد علينا احنا خلقة جايين تعبانات نبي نأخذ شور و نروق و نتقهوى مو نسمع حكي و تهزيء..!! عساف : لا يا شيخة..!! صار لكن من العصر بالسوق و الحين الساعة 10 فريتن الدنيا و هاذي حالتكن كل ليلة تصرفن هنا و هنا.. ابي اسألكن سؤال جاوبني بـ صراحة..!! شفتوا عمال ويش كثر بـ دوارتكم طرى عليكم تصدقون عليهم بـ خمسة و الا بعشرة..!! ثنتينهن ما ردن..!! عساف يكمل : طبعاً لا.. تصرفين انتِ و اياها بكل مكان على اشياء تافهة ما فكرتن تصدقن حتى بـ ريال.. شيء ينفعكن بـ دنياكن و اخرتكن.. عبير : خلاص آسفين ان شاء الله بكره ما ننسى.. عساف بـ حزم : و انا ويش دخلني تأسفين لي..!! انتِ تغضبين ربكـ بـ هالسرف على نفسكـ بشيء ما فيه صالح لكـ و ياليت تصدقتي و فدتي نفسكـ عاد.. عبير : ياربي ويش اسوي معاكـ لا كذا مرضيكـ و لا كذا مرضيكـ..!! عساف وقف : تجيني قائمة بالأشياء الناقصة تسونها الليلة و انا بكره انزل معاكن تخلصنها و تقرن بالبيت مالكن طلعة.. عطيناكم وجه.. عبير تناظرة بعد ما طلع : معقد معقد معقد بشكل ماهو طبيعي.. انا صدق مستغربة شلون ربيتوه..!؟ الله يعين اللي بتأخذة.. ابو عساف : ترى خطبنا له..!! عبير التفت لأبوها بـ صدمة : عساف خطب..!! سهاد : شلون و احنا ما عندنا خبر حتى..!؟ ماجد : ليش المطلوب نجيكن نطلب بركاتكن يعني..!؟ ما عاد الا هي..!! عبير : لحظة مجيد خلكـ على جنب ابي افهم هاذي النقطة عساف خطب..!! مخي وقف..!! ام عساف : حتى ماجد خطب..!! عبير ترفع يدينها فوق : يا كبرها يا كبرها ..!! و احنا مو خواتهم..!! لو جايني عريس هم يدرون قبلي..!! لكن هم يخطبون انا حتى ما احد فكر يقولي..!! وين العدل..!! ابو عساف : الحين مو المفروض تدعين لهم بالتوفيق بدل الحلطمة هاذي..!! عدل مسكت كفة : قولوا انكم خطبتوا لـ يزيد و اصدموني زيادة.. و يمكن مؤيد بعد و اروح بـ سكتة قلبية.. ابو عساف نفض يدة بـ حدة : استغفر الله العظيم ويش هالحكي..؟! عبير باست راسة : آسفين طال عمركـ بس شلون اخواني يخطبون و احنا ما ندري..؟! يعني مو خواتهم .. سهاد : طيب مين هن البنات نعرفهم..؟! ماجد : عز المعرفة..!! عبير : مين..!؟ ماجد : انتم توقعوا..!! سهاد : جهة عماني و الا خوالي..!؟ ماجد رفع رجولة الثنتين على الكنب : عماني.. عبير : لا تقولون واحد منكم خطب مها..!! رجاءاً!!! ابو عساف ضربها على راسها بـ خفة : تاركة مخكـ بالسوق و جاية بلاه..!!؟ عبير : لا و الله ما تركتة مير عاد الا مهيان.. اللي فيكم خط مها يطلع فيها برا بيتنا.. يأخذها في بيت لحالها و الله ما احنا ناقصين ثقالة دم و مصالة كل يوم..!! عساف : انتِ ما تستحين على وجهكـ مسفلة بـ بنت الناس..؟! و ابوي جالس جنبكـ تراها بنت اختة.. استحي خلي عندكـ شوية دم..!! عبير بإحباط : يعني انت خطبتها..!! و الله قلبي ناغزني من خطبتكـ اللي من سنين ينتظرونها انت مثل اللي يصوم و يفطر على بصلة..!! عساف احتدت عيونة فيها : بصلة في عينكـ ان شاء الله .. هيه عبيران شكلكـ ضيعتي السلوم و الأدب.. عبير : ما ضيعت شيء بس الا مها.. ام عساف : اعوذ بالله منكن لا حقدتن حقدتني خلي قلبكـ ابيض ما يصير هالسواة.. ارتاحي ما احد خطب مها..!! عبير حطت يديها على صدرها بـ راحة : الحمدلله يارب كذا ارتحت .. انا من شفتها تغزل بـ ... قطعت كلامها سهاد : هيـــه انتِ خير ويش ناوية تحكين..؟! عبير : ياربي منكم .. احس ودكم تطلعون لساني و تقطعونة..!! خلوني اقول اللي بـ خاطري..!! خلاص ما علينا مين اللي خطبتوهم.. ما باقي الا (رفعت حواجبها) بنات عمي ابراهيم..!!! شد اذنها ابو عساف : ويش فيهن بنات ابراهيم.. عبير : ما فيهن بسم الله عليهن .. كل وحده تقول الزود عندي.. بس ماجد امشيها لكن عسيييف..!!!! و الله من داري علموني يالله.. عساف وقف : انا رايح المركز.. تكفون لا تعلمونها خلوها تحترق بـ نارها.. عبير : مالت عليكـ من اخ.. و انا كنت احسبكـ حنون و طيب.. الله يعينها عليكـ اذا وافقت ابصم بالعشرة امها داعية عليها.. ام عساف : ليش ويش ناقصة ولدي..!! بسم الله عليه رجال من ظهر رجال ينشد الظهر فيه.. ما كانت تتوقع يجيها مثله..!! ابو عساف : سلمى..!! ماله داعي هالحكي..!! البنت بنتنا.. ام عساف : و اذا ردت ولدنا..!! مثل ما ردتة اختها تيكـ المره بعد ما وافقوا و كسروا قلبة..!! عساف ابتسم : أي كسر يمه الله يهداكـ و الله اني مرتاح الموضوع ما تم ماهو نقصٍ بـ ندى لكني حسيت نفسي تسرعت.. ابو عساف : ايه ماهو نقص بـ ندى حباً في اختها..!! عساف : يبــــه..!! عبير بصدمة تأشر على عساف : انت تحب..!!! قول لا تكفى صدقوني بـ اتنوم بالمستشفى الليلة من وراكم.. قول لا .. ماجد : هههههههههههه طالعوا شكلها بس..!! عساف : أي حب و أي خرابيط..!! انتِ من جدكـ تسأليني هالسؤال..؟! ليش انتِ تتوقعين عندي قلب..!! عبير : طبعاً لا.. عساف : هاه بس خلاص شلون تسأليني بعد..؟! ام عساف : بسم الله عليكـ ويش هالحكي.. انتِ قمي لـ غرفتكـ لا رجع عقلكـ لكـ تعالي اجلسي معنا.. ابو عساف : و الله ما تقومينها.. هي حلاة الجلسة.. عساف : انتبهي لا يشق خشمكـ السقف.. يلا نسلم عليكم.. : مع السلامة.. عبير تناظر ابوها : تكفى علمني مين خطب بـ انقهر اذا ما عرفت.. ابو عساف : وعد.. عبير رجعت راسها لـ وراء بـ صدمة : وعد بنت عمي ابراهيم..!! ماجد : و احنا من سنة جدي ويش نقول مو خطبنا من بنات عمي..؟! سهاد : و هي موافقة.؟! ابو عساف : توه الموضوع صار البارح يمكن البنت ما بعد درت.. سهاد : ما توقعت عساف و وعد..!! يبه انت صادق يوم قلت حباً في اختها..؟! ابو عساف : سكروا هالموضوع .. هذا انتم عرفتوا اللي خطبها عساف.. ماجد : ما اشوف احد اهتم لـ عروستي..!! عبير : انت امممم هي يا ميار يا سها.. جود مستحيل (بإستهزاء) لأنها اختكـ الصغيرة يا حرام..!! ماجد : طبعاً اختي و ما احد يتزوج اختة.. ابو عساف : لو كانن سها و ميار مخطوبات مالكـ غير جود.. ما نتخطى عمكـ .. ماجد : الحمدلله انهن ماهن مخطوبات.. يبه انتم مو مصدقيني يعني.. و الله جود احسها اختي شلون افكر اني اخطبها او حتى تجي في بالي..؟! ابو عساف : بلاه من رداكـ هالتفكير اللي تفكر فيه.. البنت بنت عمكـ يعني حلال تزوجها ماهي من محارمكـ .. ماجد : يبه الشغلة نفسية .. جود اخبرها من هي بزر يعني حتى سها بس جود غير ما عمري حتى فكرت فيها غير اختي.. و لا حتى يطري علي.. .. بيت ابراهيم.. مجتمعين كلهم حتى مشعل الي خرج من المستشفى العصر .. عدا اثنين جود.. و سحر اللي صارت من اهل البيت.. احمد : كيفكـ الحين..!؟ مشعل : ازين بس .. ما ادري احس رجلي غريبة..!! احمد : كيف يعني غريبة..!! مشعل : ما ادري .. ما عليكـ اهم شيء ما تعورني..!! احمد ناظر اخوانة كلهم يعرفون عن حالة مشعل .. الا هو ما يدري للحين.. ابو سعود : دام كلكم مجتمعين انا بغيتكم في موضوع مهم.. (اشر لـ سها) تعالي جنبي.. انقبض قلبها بـ شدة من هالطلب.. لو طلبة قبل لا يقول الموضوع مهم.. ما كان خافت.. وقفت و هي شابكة يدينها تمشي بـ توتر لـ أبوها.. جلست و اخذت نفس عميق تحاول ترتاح و تسترخي.. ابو سعود يده على كتف سها : البارح كلمني عمكـ عبدالرحمن.. خطبكـ لـ ولدة ماجد.. غمضت عيونها بـ قوة لسى ما نست..!! لسى ما طلع من قلبها حب طارق..!! باقي يعيش بين شرايينها و الأوردة.. صورتة مثل الوسم بحجرات قلبها الأربعة ما لـ أحد غيره مكان فيه.. الشباب كلهم متحمسين يناظرون سها.. بـ توقعات مختلفة ما بين موافقتها و رفضها.. كانوا متوقعين ابوهم يحكي بـ خطبة عساف.. بس طلع ماجد.. ابو سعود : ابيكـ تفكرين على راحتكـ و تأخذين وقتكـ .. تفكرين بـ عقلكـ يا سها و تستخيرين.. همست : ما اقدر.. و الله .. انا .. (غطت فمها بـ اصابعها و من غير لا تناظر احد فيهم.. مشاعر محرمة تنطقها امامهم بعيدة عن الحلال ما تقدر تحط عينها بـ عين احد فيهم و تحكي لأنها غلط.. و بداياتها غلط) ما نسيتة.. خالد بـ حدة : بـ تنسينة غصباً عنكـ ماهو بـ كيفكـ .. ابو سعود : خـــالد..!! ياسر : يبه ما تسمعها ويش تقول..؟! اذا كلامها اللي قالتة لنا صادقة فيه شلون للحين ما نستة.. الرجال و رديناه ماهي اول بنت بالعالم تبي واحد و لا تأخذة و اخذت واحد غيره.. سها رفعت اكتافها و تناظر بـ ياسر و عيونها غرقانة دموع : بس هو جاء خطبني.. ياسر وقف : خطبكـ طل في عينكـ انتِ و اياه.. انا ادري ان ما فيه راسكـ مخ من سواتكـ هاذي ما فيه وحده بنت عالم و ناس متربية تراعي ربها ثم اهلها بالدخلة و الطلعة تطلع كل يوم عشان تشوف رجال غريب عنها..!! سها : طيب انا اخطيت و اعترفت بـ خطأي و استغفرت ربي.. بس .. بس انا ما ابي غيره..!! خالد : لا واضح عرفتي خطأكـ و اعترفتي فيه..!! ماشاء الله الله يحميكـ ..!! سعود : انتِ صاحية يوم تقرنين واحد ماهو من ثوبنا و لا واحد منّا حتى ما يشيل الجنسية السعودية.. بـ ماجد ولد عمنا..!؟ سها تحاول تتجرأ اكثر عشان تدافع عن الحب اللي يلفظ انفاسة الأخيرة تحت يدين اخوانها : بالنسبة لكم.. مو بالنسبة لي.. خالد : فوق شينة قواة عينة..!! ما قلتِ الحمدلله جاني نصيب زين ولد عمي يعزني اكثر من الغريب.. لكن اللي يغلط اول يغلط تالي يا سها.. غلطتي بـ سواتكـ و الحين تكملين على الغلط اللي قلتِ انكـ اعترفتي فيه.. (يناظر ابوه وهو مقهور ما صار له مدة طويلة ابوه يطلبة يسامحها و يرجع المياة لـ مجاريها) شفت يبه هاذي بنتكـ اللي تقول تابت وما تعيدها .. هي جنت على نفسها بـ سواتها احنا ما زعلنا من فراغ هي اللي قهرتنا و طعنتنا بـ ظهورنا .. اذا انت تقدر تنسى سواتها انا كل ما شفت واحد يشبة لـ طارق و الا بـ عمرة و الا حتى أي مصري احس النار تغلي بـ قلبي.. تقولي سامحها..!! هي فضلتة علينا و ما فكرت فينا ما رف جفنها و تذكرتنا طيب امنا بالله و ضميرها كان ميت ما تقول اعترفت بـ خطاها..!! ليش الحين ترفض ماجد و تقول انها تبي طارق بـ وسطنا و لا همها اب جالس و لا ام و لا اخوان..!! ياسر : ما قدّرت احد فينا و هي تخبر ان احنا ما احنا راضين على هالحكي.. جبتها و قلت سامحوها و لا تضايقونها بـ كلمة و ضيقتها من ضيقتي قلنا ماشي تامر بـ نحاول نصفي النفوس لكن شوفها هذا هي تكمل اللي بدتة.. هذا هي ما حطت لنا أي اعتبار.. خالد وقف : اذا رفضت ماجد تراني رافع يدي منها.. هي اللي باعتنا و باعت رضانا على حساب واحد ما تعرفة.. حتى لو تجيب لها طارق و تزوجه اياها مالي دخل.. طلع خالد وراه ياسر ثم وليد و سعود.. مشعل : و الله ودي حتى انا اقوم مير رجيلاتي تعورني.. جـــرح عميـــق في قلبها.. سببوه اقرب الناس لها.. ما بعد برى جرحهم الأول لها و طردتهم لـ طارق و ضربها.. حتى يتخلون عنها بكل قساوة.. اخوانها طلعوا وراء خالد يعني مؤيدين لـ كلامة.. بـ يتركونها لحالها..!! اخ و الا حبيب..!! حبيب و الا اخ..؟! مين اهم..؟! مين العز و مين السند..!؟ بـ حالة و بـ شخصيات اخوانها و معرفتها البسيطة بـ طارق حتى لو هي تحبة ما عاشرتة و لا تدري عن طبعة اخوانها اكيد هم السند.. لكن لو مع اخوان غير اخوانها كان ممكن يكون الحبيب سند.. غطت وجهها بـ يدينها حتى تنخرط في بكاء مؤلم.. ربت ابو سعود على ظهرها .. عيالة قسوا عليها حيــل.. يبي ينسيها كان يبي يقنعها بـ هدوء من غير هالضغط اللي سببوه خالد و ياسر لها.. و كملوها وليد و سعود و ختمها مشعل بـ تأييدة لإخوانة..!! وعد وقفت : عن اذنكم.. اتجهتلـ المصعد حتى تطلع لـ الدور الرابع.. طلعت و شافت غرفة خالد مفتوحة و اصوات اخوانها واضح مجتمعين.. ابتسمت ترقع : هـــاي..!! وليد : هـــاي..!! وعد ما زالت مبتسمة : يصير اقعد معاكم و الا بـ تطردوني..؟! وليد : على حسب الحكي اللي بـ تقولينة..!! وعد اختفت ابتسامتها : راضين عن اللي سويتوه..!؟ خالد : وعد الله يسعدكـ ماني ناقص..!! وعد : خالد المفروض انت اكثر واحد تعرف سها..!! تدري اللي سويتة فيها انت و اخوانكـ ما راح تنساة كل حياتها..!! انتم تحدونها توافق على ماجد.. مو تفكر تغصبونها توافق.. طيب لو استخارت و ما كان خيرة لها ما ارتاحت له.. ويش بـ تسوي..!؟ اذا رفضة يخليكم تتخلون عنها..!؟ ياسر : هي ما قالت كذا..!! قالت ما تبي احد الا هالطارق اللي الله يحاسبة على ضحكة عليها هو و امه.. وعد : لا تحط بـ ذمتكـ يا ياسر.. الناس هذولي مجتمعهم غير مجتمعنا عاداتهم غير عاداتنا عادي عندهم يحبون و يعيشون قصة حب .. بينما احنا هالشيء عندنا محرم و هالمشاعر مستهان فيها.. هم يتعاملون بـ طبعهم مو طبعنا.. و انت الحين تعاملهم بـ طبعنا مو طبعهم.. سعود : يعني افهم من كلامكـ انكـ عادي عندكـ سها تتزوج واحد مصري..؟! وعد جلست على السرير مقابلهم بينما هم كلهم على الجلسة و وليد على الأرض : بصراحة اذا رجال يخاف الله فيها و يقدرها ما اشوف الجنسية مشكلة.. الرسول عليه الصلاة و السلام قال فيما معنى الحديث" من جاءكم ترضون دينة و خلقة فـ زوجوة إلا تفعلوه تكن فتنة في الأرض و فساد كبير".. ما قال شوفوا جنسيتة و اصلة و فصلة و حكي ماله سنع.. وليد : انسة فيلسوفة ما فكرتي لو بعد كم سنة تهاوشوا ممكن يأخذ عيالها و يشلع فيهم لـ مصر و تقعد هي هنا تندب حظها يمين و شمال..؟! وعد : على اساس السعوديين معصومين عن هالحركات.. هاذي تروح و تجي عن الشخصية يا عيني الشخص اذا كان دنيء و بـ يقهر الأم بـ عيالها.. اجيب لكم مثال.. بنت عمة عماد متطلقة من واحد سعودي اباً عن جد.. و عندها منه ولدين.. و حارمها منهم قبل كان يسمح لها تجي عند امه و تشوفهم الحين منعها خير شر.. ياسر : مالنا بالناس احنا نختار اللي نشوفة صالح لأختنا ما نرميها حي الله رمية.. ماجد رجال ينشد الظهر فيه ولد عمها ما راح يقهرها بـ يعزها و يرزها و حتى لو تهاوشوها و عندهم عيال و وصل الموضوع لـ الطلاق ما راح يحرمها من عيالها.. وعد : انا ما ادري ليش تفترضون اشياء سلبية و تحطونها قدامكم..؟! ايش فيكم فكروا بـ شكل ايجابي شوي شوفوا الحياة حلوة حسستوني انكم متعقدين من الزواج..!! ضمنتوا ان طارق شخص سيء و بـ يقهرها و يتطلقون وهواش .. ليش ما افترضتوا انه يقدّرها تقدير اكبر من تقدير ماجد لها..!! ياسر : ما احد يقدّر كثر ولد العم.. الدم واحد و العرض واحد.. بعدين مين يدفع دية الدم..؟! وليد يناظر وعد : عيال العم..!! يعني لا طارق و لا غيره..!! وعد : انا غاسلة يدي منكم.. وصل الموضوع لـ الدية بعد..!! ابو سعود وقف على الباب يناظر عيالة فترة بعدها نطق : ...... وافقت..!! وعد : هاه شفتوا ما قلت لكم تجبرونها .. و الله حرام عليكم..!! ابو سعود : انا اعطيتها فرصة تفكر و تستخير.. بس انتم حديتوها على اقصاها.. و الله هذا انتم قدامي الأربعة.. لو عاد تقسون عليها هالقسوة يا ويلكم.. و انتم ما غيركم مسؤولين عنها لا بدت تجهز انتم اللي بـ تودونها و تجيبونها لو تطلب من برا غصباً عنكم تسفرونها فاهمين..!؟ خالد : عادي ما عندي مانع اهم شيء ما ترفض ماجد عشان طارق.. ابو سعود جلس جنب وعد : ما قدرتوا تكلمونها بـ هداوة اكثر بـ خاطر سمح..!! وفوقها قمتوا كلكم عنها و تركتوها..!! اقولكم هدوا البال عليها كلموها لا تحسسونها انكم ما نسيتوا اللي صار و زعلانين منها.. تجون اليوم و تنسون كل الحكي اللي قلتة لكم و كل واحد لسانة شبرين قدامي عليها..!! ياسر : يبه يعني انت تبيها ترفض ماجد عشان طارق..؟! ابو سعود : لا ما ابيها ترفضة انا ابيها تنسى طارق.. بس مو بالأسلوب اللي انتم سويتوه فيها..؟! سعود : ويش اللي تأمر فيه و احنا حاضرين.. ابو سعود : ما تنام اليوم مقهورة.. تسون أي شيء عشان ترضونها خذوها عشوها برا مشوها أي شيء اهم شيء عندي ما تنام و هي زعلانة..!! سعود : تأمر و لا يهمكـ .. وعد : طبعاً تأخذوني حتى انا.. ابي اشوف مراسيم طلب الرضا اللي تبون تسوونها..!! وليد : انتِ تنثبرين في البيت ما تعتبين الباب.. ما عاد الا الفيران نأخذهم معانا..!! وعد بـ صدمة : انا فار يا حمار..!! وليد : طبعاً فار و الفار اكبر منكـ روحي قيسي وزنكـ .. انا لو مكانكـ استحي على وجهي ما اطلع من غرفتي.. البسي ملابس كثيرة يمكن تبينين اكبر من كذا..!! وعد : سقى الله بس من كم شهر كنت عصاتين ملصقة بـ بعض .. الله يخلي غازي اللي نفخ هالعضلات.. ما ادري من وين مطلعها .. اتوقع انكـ ضارب ابر..!! صح..؟! وليد : ايوه بس لا تعلمين سوير هي خلقة من بعد سالفة امس و الخاطر به علي شوي..!! وعد ابتسمت : و الله لا اعلمها و اقولها شيء صار و شيء ما صار افتن عليكـ و اقهركـ و دور مين يفكــكـ منها.. وعد قامت مسكها ابو سعود : اجلسي ابيكـ بـ موضوع.. وعد : رجاءاً لا تدافع عن ولدكـ هو اللي بدا..!! ابو سعود : ليش ما رحتي مع البنات السوق..؟! خلصتي عدتكـ المفروض تطلعين و تروحين.. انتِ حتى بيت ابوي ما رحتي له..!! وعد : مالي خاطر اطلع.. وليد : يا فرحة فلان من الناس اذا جلستي زي كذا على طول.. ابو سعود يناظر وليد : شفت ان ما سكت هديت لكـ فمكـ ..!! وعد تناظر وليد ثم ابوها : ويش القصة..!؟ مين فلان..!؟ ابو سعود : خليكـ من حكي هالهيس.. انا ادري انكـ تعبانة و ما تبين تحكين.. اللي فقدتية ماهو شيء رخيص عشان الومكـ .. وعد : بابا خلاص انا نسيت..!! ابو سعود : لو نسيتي كان طلعتي من البيت و شفتي الناس.. وعد : مالي خاطر و الله .. ما اشتهيت اطلع من البيت و اشوف احد.. ابو سعود تنهد : طيب الى متى..!؟ ناوية تعيشين لي كل هالعمر بتحبسين لي نفسكـ بالبيت..؟! سعود : يبه قولها من غير مقدمات..!! وعد استغربت : ليه فيه شيء..!؟ وليد : ايه فيه.. ابو سعود : حق من يهفكـ انت و اخوكـ كفين يبرد الحرة..!! سعود : يبه..(ناظر وعد) اسمعي.. الإنسان تجيه فرص بـ حياتة و الذكي هو اللي يستغلها..!! وليد يناظر سعود : لا و الله على اساس انت تكلم بـدون مقدمات..!! (لف على وعد) من الأخير عساف خطبكـ ..!! انصدمت .. اخر شيء كانت تتوقعة.. لا ما كانت تتوقعة اصلاً و لا حتى جاء في بالها ان عساف يخطبها.. يمكن قبل.. قبل لا يفكر يخطب ندى طرى عليها و رفضت الكثير على امل انه ما يكون لـ غيرها.. لكن الحين و بعد ما خطب ندى قبلها و هي تزوجت و تطلقت يخطبها..!! ابو سعود : لا تستعجلين بـ ردكـ فكري بالموضوع بـ هدوء و استخيري.. وعد توترت : بس بابا..!! يعني ما يصلح..!! ما يصير.!! ياسر : ويش اللي ما يصير..!؟ وعد : انا مطلقة و عساف ما تزوج..!! ياسر تنرفز : وهو يبيكـ .. مطلقة و الا غيره يبيكـ .. ليش انتِ كنتِ ناوية تزوجين واحد مطلق وعنده عيال و الا ارمل و الا معدد..!؟ وعد : ما فكرت بالموضوع اصلاً بس..!! عساف..!! (دنقت و عظمة كفها على جبهتها و اطراف اصابعها على راسها.. ضربات قلبها تحس كل الموجودين يسمعونها..!! ما هي متخيلة نفسها مع عساف بعد كل شيء صار.. لو قبل هي ما كانت تشوف غيره.. بس الحين الوضع تغير).. ابو سعود حاوطها بـ يدها من كتفها : وعد..!! وقفت : خلوني على راحتي.. بليز لا تضغطون علي.. (التفتت لإخوانها) تراني ماني مثل سها..!! حطوا هالشيء في بالكم.. طلعت تحس نفسها تترنح صدمة الخبر بالنسبة لها.. صدمة قــوية عليها خطبة عساف لها.. عساف و وعد.. وعد و عساف..!!! رنت بإذنها أخر بيتين من القصيدة اللي كتبها لها.. مثل ما انحفرت بـ قلب ندى جرح.. انحفرت بـ قلب وعد فرح.. لو سألتي الورد وهو ما بين ايديكـ .. اقطعكـ بيقول لكـ عمري فداكـ .. لو رجع عمري ابرجع و ابتديكـ .. انتِ اجمل شيء عشتة يا وعد.. انتِ اجمل شيء عشتة يا وعد..!! .. أستغفر الله العظيم و أتوب إليه.. لا أحلل نقل الرواية دون ذكر اسمي.. مواعيد البارت كل اثنين بإذن الله.. هاشتاق #رواية_لو_سألتي_الورد ضحكة قهر.. http://up.graaam.com/img/23407876b74...eba11d9f14.pnghttp://up.graaam.com/img/c433481acf7...1de64fbad2.png |
رد: لو سألتي الورد وهو ما بين إيدك أقطعك بيقول لك عمري فداك الكاتبة / ضحكة قهر
بسم الله الرحمن الرحيم.. السلام عليكم و رحمة الله و بركاتة.. مساء الخير ع الجميع.. ما عندي حكاوي مثل كل مره.. لكن بـ انبهكم على شغلة ترى البارت مو قصير.. نفسة طولة قبل البارتين الأخيرة.. المهم اني استمتعت في البارت حبيتة.. خصوصاً في اللقاء المنتظر ^_^ اتوقع بـ تعرفونة ما يحتاج اقولكم بين مين و مين.. قراءة ممتعة.. .. أخيراً دعوة لـ بلاد المسلمين.. "اللهم الطف بـ سائر بلاد المسلمين.. اللهم احفظهم بحفظك واكلأهم برعايتك اللهم انصر هم و وحد كلمتهم .. وحكم فيهم شرعك واكفهم شر كل طاغية جبار ربِ انصر إخواننا وأهلنا و لا تنصر عليهم، ربِ ثبت أقدامهم وارحمهم ربِ رد كيد كل من أراد بهم السوء يا عزيز يا جبار اللهم تول سائر بلاد المسلمين برعايتك..اللهم احقن دمائهم ...اللهم ول عليهم خيارهم اللهم احقن دماءهم واحفظ أعراضهم و سلم ذراريهم و أموالهم نسألك اللهم أن تعصم دماء المسلمين وأموالهم وأن تجنبهم الفتن ما ظهر منها وما بطنوان تصرف عنهم شرارهم وجميع بلاد المسلمين. نسأل الله أن يجعل لإخواننا هناك من كل هم فرجا ومن كل ضيق ومخرجا ويحفظهم من الفتن ما ظهر منها وما بطن.. اللهمّ إنا نسألك السلامة لسائر بلاد المسلمين اللهمّ بدّل خوفهم أمنا اللّهمّ وولّ عليهم أخشاهم لربّهم وأتقاهم له اللهمّ ولّ عليهم من يحكّم فيهم شرعك اللهم احفظ المسلمين في سائر بلاد المسلمين واحقن دمائهم وآمنهم في أنفسهم وأموالهم وول عليهم خيارهم اللهم احفظ المسلمين سائر بلاد المسلمين من الفتن ما ظهر منها وما بطن اللهم اكفهم شر الأشرار وكيد الفجار وطوارق الليل والنهار إلا طارقا يطرق بخير يا رحمن.. اللهم عجل الفرج وأرح العباد والبلاد ممن خربوها وأذلوا أهلها اللهم ارزقهم الأمن والأمان والسلامة والإيمان اللهم اعصم دماء المسلمين و أعراضهم و أموالهم اللهم خذ الظالمين أخذ عزيز مقتدراللهم يا حي يا قيوم يا من بيده ملكوت كل شيء أنت تعلم ما حل بإخوان لنا ووأخوات لنا فيك فمن لتلك الأعراض ومن لتلك الدماء ومن لتلك الأرواح إلا أنت اللهم احفظهم بحفظك وأمن خوفهم وأبرم لهم أمر رشد يعز فيه أهل طاعتك ويذلفيه أهل معصيتك .. اللهم آمين والحمد لله رب العالمين " البارت الرابع و الستون.. يا أم العيون المنهكات الكحيلة الشعر منك يؤخذ ، وينكتب بك ماني أحبك حيل .. لأنك جميلة أنتي جميلة حيل .. لأني أحبك :smile: لـ حمد العيد.. بيت ابو سعود.. غرفة سها.. سعود جنبها على السرير و وليد مستند على الدولاب و خالد و ياسر على الباب واقفين.. سعود : تأكدي ان احنا ما نبي الا مصلحتكـ .. لو ندري ان ماجد ماهو كفو لكـ و الله لو يحط لنا الشمس بـ يد و القمر بـ يد ما عطيناه.. بس ولد عمنا ومن عمر نعرفة عارفين اخلاقة و دينة ما فيه شيء ينرد.. وليد تملل من حكي سعود : ابو سعود رقم اثنين.. انا تأكدت ابوي لما جابكـ ورثكـ اسلوبة بعد مو بس الشبة.. صراحة غش المفروض يقسمة بينا..!! سعود : ماهو وقتكـ ترى.. روح شوف نفسكـ ازين.. (غمز له).. وليد بـ حدة : شف لو تجيب لي طاريها مره ثانية ما تلوم الا نفسكـ ..!! هاه هذاني نبهتكـ قدامهم..!! سعود : ويش بـ تسوي بـ تكفخني..؟! وليد : تتخيل ما اقدر اسويها..!! لا ادخلكـ على زوجتكـ محمل..!! سعود وقف و شمر كم ثوبة : طيب تعال.. نشوف ويش عندكـ ..!! خالد بـ حدة : سعود من جدكـ تجارية هذا مضيع عقلة..!! وليد متحمس من زمان ما تضارب مع احد وقف متجهز : ايه مضيع عقلي.. تقابلوا الإثنين سعود مبتسم على جنب و وليد الضحكة ماهي مخليتة يصطلب.. سها وقفت على ركبها بـ نص السرير : لا بليز سعود وليد ويش ذا ..؟!! وليد تقدم بـ يضرب سعود بوكس لكن سعود صده و لف يد وليد وراء ظهرة : ترى اللي دربنا واحد..!! وليد : تقصد غازي.. بس نسيت ان الصقر زاد عليه.. (و رفس سعود على ركبتة و فلتة سعود).. سعود تراجع وراء خطوتين و بعدها باغت وليد اللي توه لف عشان يقابل سعود و ضربة سعود على بطنة ضربتين قوية خلت وليد يتراجع وهو منحني يديه على بطنة.. سها تبكي تبيهم يوقفون : الله يخليكـ سعود يكفي.. وليـــد..!! وليد تنرفز من ضربة سعود و هجم عليه بـ ضربة على الركبة بـ رجلة و ضربة على الكتف.. ياسر وقف بينهم يصرخ عليهم : انتم مجانين من متى احنا نتهاوش كذا..!! سعود : هو اللي يطول لسانة علي ناسي اني اكبر منه.. وليد : لا يا شيخ الحين صرت انا اطول لساني عليكـ عاد كنكـ انت محترمني..!! سها نطت من السرير و وقفت مع ياسر بينهم : الله يخليكـ سعود يكفي ما يصير تهاوشون..!! سعود : و الله ما اتركها له انا من زمان حمقان عليه على سالفة التدخين بالعها و ساكت هاذي هي جات على رجليها.. قرب سعود لـ وليد اللي كان مجهز يدية لـ الدفاع عن نفسة لكن سعود ضربة على جنبة بـ رجلة.. و لما وليد حط يدة على جنبة لا ارادياً سعود ضربة تحت صدرة.. بس ما كانت ضربة قوية.. سها نقزت تجري تنادي ابوها اول مره تشوف اخوانها يتهاوشون بـ هالشكل.. و ياسر و خالد كانوا يتفرجون ما نبهوا وليد و سعود لأن الإثنين يبي لهم تهزيئة محترمة من ابوهم.. سها تجري ع الدرج لـ الدور الأرضي و تصارخ تنادي ابوها : بـــــابـــــا..!! بـــــــابـــــا..!! وقف ابو سعود على صراخها .. ام حاتم : خير ايش فيكـ ..!؟ سها يدها على صدرها تأخذ نفس و نطقت بـ تقطع : ســ عــود .. و ولــيـ ـد يتـ ـهـا وشون.. ام سعود : وشوو..!! سها : و الله .. بابا.. يتـ ــضا ربــو ن.. ابو سعود طلع ماهو مصدق ..!! سعود و وليد..!! لو قالت وليد ومشعل تجي.. بس سعود..!! سها تمشي معاه بـسرعة : بابا الله يخليكـ استعجل الحين يذبحون بعضهم..!! حط رجلة في صالة الدور الثالث طالع من المصعد دقيقة كل العيلة مجتمعة في غرفة سها.. دخل ابو سعود على ضربة متبادلة بين سعود و وليد.. ام احمد مصدومة صدرها يهبط و ينزل من طلعتها السريعة لـ الدور الثالث : و غـــبني..!! تهاوشون..!! ابو سعود مدنق يهز راسة و مبتسم بإستهزاء..!! احمد يكلم خالد : انهبلوا..!؟ خالد : شكلهم..!! ياسر ابتعد حتى يوقف بـ جانب البقية.. حتى يكون سعود و وليد هم بؤرة المشهد.. وعد تكلم اخوانها مجتمعين كلهم عند الباب : ايش القصة..!؟ ياسر همس لها : تفرجي بس.. ابو سعود يصفق : برااافو ماشاء الله كفوو عيالي.. عداكم العيب.. الله يحميكم.. محتار ويش امدحكم فيه..!! (وقف جنب وليد و ضربة على ظهرة بـ قوة) كفوو و الله رجال..!! وليد متنرفز..!! لكن هذا ابوه مو سعود عشان يرد له الضربة.. ابو سعود وقف قدام سعود.. و ضربة على كتفة بـ قوة و كأنة يربت عليه : كفوو انا كذا مطمن مرتاح بعد موتي بـ تكونون ونعم الإخوة و السند لـ بعضكم..!! وليد يحاول يدافع عن نفسة و يبرر موقفة : يبـــه..!! ابو سعود بـ حدة : و حـــطبة..!! سكت وليد مكتف يدينة .. ابو سعود : انا ماني راسلكم تراضون اختكم..!؟ ويش اللي خلاكم تهاوشون..!؟ ما احد بـ الإثنين تكلم.. السبب تافة.. مجرد استفزاز وليد لـ سعود و سعود اللي كان ينتظر الشارة على وليد عشان التدخين.. خلى الإثنين يتهاوشون و يكبرون الموضوع..!! ابو سعود التفت لـ ياسر و خالد : بشروني عساكم معاهم..؟! خالد : لا.. ابو سعود : ليش ما فكيتوهم..!؟ ياسر يدري بـ يأكلون جزء من التهزيئة : ما قدرنا عليهم.. ابو سعود يهز رأسة بـ تأييد : ما قدرتوا حرام انتم صغار ما جيتوا طول رجلي وهم كل واحد جدار عندكم..!! ما تنلامون.. خالد : يبه هم ما هم بزارين حتى ما يحتاج احنا نفككـ بينهم.. ابو سعود : و شفتهم بزارين عندكـ ما وقفتهم ليش..!؟ يعني لو سها ما نادتني انتم بـ تفرجون عليهم لين واحدهم يذبح الثاني..!! ياسر : اخوان يبه ما راح يسوونها.. ابو سعود : الشيطان شاطر ما احد يأمن غضبة.. (لف على سعود و وليد اللي تبعدهم عن بعض خطوة فقط..) محتار ويش اعاقبكم فيه..!! اضربكم و انتم اطول مني..!! (وليد صد بـ وجهة يحاول يضبط اعصابة ويضغط بـ اصابعة على عضدة .. ابو سعود انتبة له) كنه ماهو عاجبكـ كلامي.. ودكـ تكفخني ..؟! وليد : حاشاكـ .. ابو سعود وقف قبالة و ضرب وليد على ذراعة بـ قوة حتى يفكـ وليد تكتيف يدينة و يطلقها حرة : لا اضربني ازين.. وليد منقهـــر : يبـــه..!! مشعل مستند على عكازة و يهمس لإخوانة : جنت على نفسها براقش..!! شوق تهمس بإذن ام سعود : تكفين يا خالة كلمية.. يهدي بالة شوي.. اكيد الهوشة ماهي مقصودة..!! ام سعود : يتضارب هو واخوه و تقولين ماهي مقصودة.. خلي ابو سعود يأدبهم.. شوق شوي و تبكي : تكفين يا خالة و الله ما يسوى الموضوع.. كلمتها الأخيرة كانت واضحة لـ الكل ما انتبهت ان صوتها تعدا وتيرة الهمس لـ خالتها.. سمعوها كلهم لأنهم ساكتين ينتظرون ابو سعود ويش بـ يقول.. التفت ابو سعود لـ شوق بـ حدة..!! : كيف..!! نظرتة كفيلة بـإنها تنزل دموعها.. كيف لما يكون الكلام لها.. و ممكن تأكل حرة ابو سعود بسبب الهوشة كلها هي.. سعود قرب لأبوه و باس راسة : يبه شوق ما تقصد.. ابو سعود ناظر سعود : كيف الموضوع ما يسوى.. و اخوان متهاوشين..!؟ اجل ويش يسوى..؟! سعود بـ هدوء : ما تقصد الهوشة.. تقصد ما يسوى الموضوع انت تعصب عشانة.. و هي صادقة يبه .. انا و وليد غلطنا ايه و ما احنا اول اخوان يتهاوشون.. المصارين بالبطن تهاوش.. ابو سعود : هالحكي ماهو عندي يا سعود.. علمني ويش اللي تهاوشتوا عنده.. سعود : يبه هي بدت بـ مزحة و كبرت.. ابو سعود : حكيكـ ما خرط مشطي .. جيب لي غيرها.. سعود : و الله يبه كانت مزحة و اخواني يشهدون.. ابو سعود : مزحة و اخوانكـ ما قدروا يفككون بينكم..!! مين يكذب علي فيكم..؟! وليد : سعود..!! سعود التفت لـ وليد بـ حدة : نعـــم..!! وليد بـ نفس حدة سعود : ايه انت تكذب..!! شيء واحد يتمناه سعود بـ هاللحظة ابوه ما يكون بـ هالمواجهة.. عشان يسفل بـ وليد و يطلع الحرة كلها فيه.. ابو سعود يضغط على شفايفة السفلية بأسنانة : الحين بـ نعرف مين يكذب فيكم علي (التفت لـ سها) تعالي..!! سها صكتها ام الركب.. : انا..!! ابو سعود : تعالي لا تخافين.. ما احد فيهم بـ يقرب لكـ .. سها : طيب اسأل خالد و ياسر كانوا فيه..!! ابو سعود : لا ابيكـ انتِ تعالي.. قربت بـ خطوات مترددة خوف من ابوها الغاضب.. و خوف من اخوانها وقفت و مد يده ابو سعود و حط يده على كتفها و وقفها جنبة مقابلة لـ سعود و وليد : قولي لي انتِ كل الموضوع من طقطق لـ سلام عليكم.. سها لفت حتى تقابلة .. و رفعت يدينها له تهدية : بابا .. الله.. يخليكـ .. ابو سعود مسك يدينها بـ يدة اليمين و نزلها : قلت لكـ لا تخافين و الله ما احد فيهم بـ يقولكـ كلمة.. سها : كانوا .. يمزحون.. حتى وليد كان يضحكـ .. ابو سعود : طيب على ويش..؟! سها : سعود قال لـ وليد شوف نفسكـ و وليد نبهة ما يقوله زي كذا مره ثانية و الا بيتهاوش معاه و سعود شجعة قالة قرب ورني اللي عندكـ و بعدها تهاوشوا.. وقالة.. سعود.. انه منقهر منه عشان التدخين..!! جود من الحماس صفرت .. انتبهت على نفسها و مشعل يسد نفسها و ابو سعود يناظرهم بعد ما قطع مشعل صوت جود.. تركها مشعل و مسكـ عكازة من جديد.. و جود تناظر أي شيء الا ابوها.. وعد بعد ما أبعد ابوهم نظرتة عنهم : مجنونة انتِ..!! جود تهمس لها : يقولكـ الموضوع وصل لـ التدخين و احنا يا غافلين لكم الله.. خسارة ليتهم تهاوشوا بـ غرفتي مو بـ غرفة سها كنت خليتهم يتكافخون ما ناديت ابوي الا بعد ما يخلصون عشان يبدأ الشوط الثاني و النهائي من الهوشة.. و اكون حاضرة من الأول .. مو مثل اختكـ الخبلة اللي خرت الأولي و التالي.. وعد : و بابا ليش ناداها عشان لا كذبت عليه خوف من اخواني بـ يعرف.. وليد مجنون واضح اعصابة تلفانة.. و بابا يضغط عليه..!! جود ناظرتها : نعم..!! وعد : المفروض يخليهم لين يهدون بعدين يناقشهم الحين كل واحد منفعل .. بالذات وليد مو متحكم بـ اعصابة مثل سعود.. اضمن لكـ لو سحر مكان شوق من شوي وليد ما تحركـ هذا اذا ما كفخها هو.. جود : ايه و الله هاذي بعد غير سالفة مرت اخوكـ هاذي يي لها قعدة مرتبة.. وعد : شلون بـ تقعدين معها و انتِ مضربة يا حرام يا قالكـ زعلانة.. جود : عطيتكـ وجه .. بـ اجيبها شوي و احقق معاها.. وعد : انكتمي لا يطوفنا شيء.. ابو سعود : الإثنين تسبقوني لـ المكتب الحين.. و قبل لا تحركون.. و الله .. ثم و الله لو احد فيكم يهاوش سها و الا يكلمها ما يلوم الا نفسة.. تحركـ وليد و بعده سعود اللي مسكـ شوق وطلع فيها لـ الصالة : روحي لـ الجناح.. شوق ما راددتة : طيب..!! ابو سعود يناظر عيالة الباقين : ايش فيكم..!؟ ودكم تهاوشون..!؟ الكل تحركـ بـ يطلع.. ابو سعود : انتم الإثنين .. (التفتوا كلهم.. لكن نظرة ابو سعود لـ خالد و ياسر) انا ماني قايل تطلعون سها و تونسونها..!؟ سها : ماله داعي بابا اصلاً انا نسيت.. وليد و سعود نسوني بـ الفيلم اللي سووه.. ابو سعود قرص خدودها : الله يرضى لي عليكـ .. ابتسمت سها تجاهد تظهر الرضا لـ الكل.. طلع ابو سعود طلع بعده ياسر و خالد.. ابو سعود وهو متجه لـ المصعد و من غير لا يخلي مجال لـ الرفض : جود ابي اشوفكـ على السفرة.. جود اتسعت عيونها لها كم يوم ما تجلس معاهم عشان يراضيها و يقتنع بالطب..!! وعد : تستاهلين هذا الأسلوب ما ينفع يا حياتي.. جود بـ قهر : كيفي انا اسوي اللي ابيه.. ياسر : انتِ الى متى بـ تجلسين بالرقعة اللي حاطتها على راسكـ ..!!؟! جود كتفت يدينها : لين يطول شعري.. ميار : معنية نفسكـ و كابتتها روحي مشغل و ضبطي شعركـ و قضينا.. جود : هذا شيء راجع لي.. و انا ما ابي اقص شعري..!! خالد جلس : الله أكبر.. اذكر كنتِ تحنين على ابوي تقصينة لو سانتي..!! ويش اللي تغير..!! جود : تفكيري تغير و انا حره بـ تفكيري.. ام احمد : خلونا ننزل تحت ما عاد باقي وقت على العشاء.. وعد : صراحة ودي عندي كاميرا مراقبة في مكتب بابا بـ هالحزة اشتري شوفة التهزيئة اللي بـ يأكلها سعود بـ نص عمري.. حاتم ابتسم : لا تشمتين الشماتة ماهي زينة.. وعد : مو قصة شماتة.. بس انتِ تعرف ايش معنى سعود يتهزأ من بابا..!! يالطيف ..!! ودي انها مسجلة بـ فيديو و كل شوي اعيدها و اتفرج عليها..!! (تصفق بـ حماس) وناسة.. ام حاتم : الله يديم علينا الروقان..!! ويش عندكـ ..!؟ وعد ابتسمت : ويش عندي..!! (خالد و ياسر ضحكوا وعد التفت عليهم) هيه انت و اياه هد فم ان شاء الله.. انتم مو حاسين بـ قيمة الحكي اللي اقولة.. ما يحس فيه الا شخص بابا وكلة تهزي لين شبع و سعود كان الساعد الأيمن لـ بابا وقتها بـ يحس بـ حكيي.. ام سعود : حرام عليكـ يا وعد و الله سعود يحبـكـ و يخاف عليكـ و يحاتيكـ .. وعد : و انا احبه يا خالة يعني اذا قلت كذا اكرهة..!؟ اكيد لا.. بس ياربي ما راح تحسون فيني خلوها بالقلب ازين.. في مكتب ابو سعود.. ابو سعود : انا بس ابي اعرف ويش اتصرف معاكم..!! و الله استحي حتى اني اهاوشكم.!.! ويش خليتوا لـ البزارين..!.! سعود : الله يرضى لي عليكـ و الله ان الموضوع ما يستاهل تعصب عشانة.. قلت لكـ هي مزحة و كبرت و زادت عن حدها نوعدكـ ما عاد تتكرر.. ابو سعود : عشاني بينكـم يا سعود ما تتكرر..! و بعد ما اموت ويش بـ يصير..!! غير ان وليد له حكي ثاني ما شافها مزحة..!! وليد : انا ماني طايق نفسي.. ممكن تأجل النقاش لـ وقت ثاني..!! ابو سعود : لا.. وليد يحكـ جبهتة بـ اصباعين يحاول يكبت انفعالة : انتم صار لكم فترة ما تحسبون تجيكم فترة عشان تقهروني فيها.. ما راعيتوني.. و انتم اللي تعرفون ويش اللي تحملتة..!! انا عشت بـ فترة صعبة تألمت فيها من جهتين.. عشان اختي و مهمتي و روحي اللي قدمتها فدا لأرضي.. و لما انتهيت و ما حسبت اني ابي اخلص من كل شيء ابتلشت بـ بنت الصقر و صرتوا على الطالعة و النازلة تدقوني بـ الحكي فيها.. هالشيء يستفزني.. تعرفون ويش معنى احمي بنت واحد قهر اختي..!! انا كل ما شفتها اشوف ابوها..!.. صرت مجبور اعيش معاها بـ نفس البيت..!! ما احد فيكم حس بالضغط اللي اعيشة..!! ثم تسألوني ليش صار الموضوع مو مزحة.. (وقف) أي احد بـ يجيب لي طاريها و بـ يحطها بـ رقبتي و يحملني مسؤوليتها بـ ادبغ فيه و اتهاوش معاه.. بس ابوها يقيمون عليه الحد بـ ارميها بـ دار ايتام.. ماني مسؤول عنها.. ابوها هو اللي تخلّى عنها و رماها علي و انا ماني ملزوم فيها.. ما ابي اشوفها و لا اسمع طاريها.. طلع وليد من مكتب ابوه و بعدها من البيت كله.. ابو سعود : الله يهديه راسة يابس البنت ويش ذنبها..!! يحملها ذنب ابوها وهي طفلة مالها حيل و لا قوة..!! سعود : اصبر عليه فترة يمكن اذا تقفل ملف القضية كامل و انتهت يروق.. هو ينتظر ينتهي كامل التحقيق و الحكم بـ فارغ الصبر.. ابو سعود : بـ تكلمة يا سعود.. ما ابي يكون بـ خواطركم شيء على بعض.. لا عشان بنت الصقر و لا غيرها.. سعود : تأمر اهم شيء رضاكـ .. ابو سعود : ما يضايقني الا اني اشوف قلوبكم ماهي على بعض..!! انت الكبير يا سعود عليكـ الحمل اكثر منهم.. ما ابي احس ان كل تعبي و تربيتي تروح هباء منثوراً.. تكفي يا ابوي لا تضايقني بـ هالسواة.. سعود وقف و جلس جنب ابوه بعد ما باس راسة : يبه و الله لو دريت ان وليد متحسس من هالموضوع ما ضايقتة و لا فتحت السيرة معاه.. كل الموضوع كان مزحة و هي حزت بـ خاطرة.. ابو سعود : الله يرضى عليكـ .. سعود : يبه لا تضيق من شوق تراها و الله ما تقصد.. ابو سعود : ادري يا سعود.. و هي ما حكت الا من خوفها عليكـ .. الله يبلغني شوفة عيالكم.. سعود : آميـن يارب.. .. بيت غازي.. : انا قلت اشاوركـ متى ما بغيتي يجي يأخذكـ .. لينا توترت .. صحيح انها تبي شوفتة.. لكن فجأة و قبل لا تتجهز نفسياً : ما ادري.!! امال : يا ماما مالها داعي قعدتكـ عندنا دام ابوكـ راضي على رجعتكـ لـ عمر.. بيتكـ و زوجكـ اولى فيكـ .. لينا : بس ماما .. يعني احس يبي لي وقت اجهز نفسي.. غازي : عمر يبيكـ بـ خلاقينكـ .. يا بابا انا لو علي و الله ما اطلعكـ من بيتي.. بس انتِ تزوجتي و صرتِ مسؤولة من عمر .. و انا يوم شرطت عليه تبقين عندي لين تولدين كنتِ بـ اتأكد انه مو جابر نفسة عليكـ .. و وافق على شرطي وهو مو راضي رغم اني بـ نفسي ما كنت ناويها التسع شهور كلها تبقينها عندي.. مثل ما قالت امكـ زوجكـ و بيتكـ اولى فيكـ .. لينا : بابا انا مو معترضة على اني اروح معاه.. بس خايفة.. غازي : ايش اللي مخوفكـ ..؟! لينا : كل شيء.. يعني الوضع تغير كلش كلش .. و انا حامل..!! احس نفسي مترددة.. غازي يـتأكد من رأيها : يعني اقولة يعطيكـ فرصة تستعدين..!! لينا : مو عارفة..!! غازي بـ حزم : ايش اللي ما انتِ عارفتة..!؟ انتِ تبين الروحة معاه هالحين و الا بـ تأجلينها لين تستعدين..؟! لينا هزت اكتافها : ما ادري..!! غازي وقف : انا بـ اروح اشوف ندى و انتِ قولي لأمكـ رأيكـ ابيه عندي الليلة ابي اعرف ويش اقول لـ الرجال لأنه ينتظر ردي عليه.. وده يجي الحين..!! ماهو صاحي.!! امال : هذا من جده..؟! غازي : و جد جده..!! عن اذنكم.. امال التفت لـ لينا بعد ما طلع غازي : ايش فيكـ ماما ويش مرددكـ ..؟! لينا : خايفة.!.! امال : من ايش..!؟ لينا : من كل شيء.. خايفة من عمر من اهلة من نفسي.. امال : صلي ركعتين لـ ربكـ و اخلصي نيتكـ لله.. و روحي مع زوجكـ دام ابوكـ سمح له يأخذكـ لا تكسرين بـ خاطر الرجال وهو متشفق على شوفتكـ .. لينا مستغربة..!! : متشفق على شوفتي..؟! امال : اكيد .. لا تصيرين غبية و ما انتِ حاسة ان عمر يبيكـ فعلاً لو مو مهتم لأمركـ ما سعى لأنه يحاول في ابوكـ يأخذكـ لـ بيتة.. كان فرح بـ شرط ابوكـ و انبسط فيه و نفذة و لا رجعكـ قبل لا تولدين.. افهمي انه هو يبيكـ عشانكـ .. لينا : يعني اروح معاه..!؟ امال : ايه.. روحي يا ماما لا تردينة.. الرجال ما قصر معانا لا تقصرين معاه.. لينا : طيب مو الليلة بكره..!! امال : اللي يريحكـ .. جناح ندى.. التفت لـ التلفزيون شغال على القرآن و الصوت عالي عشان تسمعة.. دف باب غرفة النوم اللي كان مفتوح اساساً ما كانت موجودة بالغرفة.. وقف شوي حتى يسمع صوت كحتها التفت لـ جهة الحمام شافها واقفة على المغسلة تغسل وجهها.. : السلام عليكم.. ناظرتة ندى بعد ما نشفت وجهها : وعليكم السلام.. غازي : كيفكـ الحين.. ندى رمت المنشفة على الكنبة : على حالي..!! غازي : ايش رايكـ نروح لـ دكتورة..!؟ ندى : ليش.!؟ انت ناوي تأخذني من مكان لـ مكان..!! مره شيخ و مره دكتورة..!؟ غازي اتجه لـ السرير و جلس عليه ما يبي يقرب منها و يضايقها : ما راح يضركـ .. ندى : لا ما فيني حيل.. غازي : على الأقل تعطيكـ فيتامينات جديدة تعوض النقص..!! ما يصير تجلسين على هالحالة..!! ندى : ليش تبي تمرضني غصب..!؟ غازي : على اساس انتِ مو مرضانة ..!؟ ندى صحصحي شوفي نفسكـ..!؟ ما فيه لقمة تبقى في بطنكـ الا طلعتيها..!؟ ندى : انا ما فيني اتهاوش معكـ .. غازي : الحين انا ابي اتهاوش معكـ ..!؟ علميني ويش اكلتي اليوم..!؟ ندى : ما ادري انا مو مستوعبة شيء ما اذكر.. غازي : طيب ما تبين تروحين مستشفى ايش رايكـ اجيب لكـ ممرضة في البيت تجلس معكـ لين تولدين..!! ندى : الله يخليكـ ما ابي احد يزن فوق راسي و يحن علي..!! غازي : انا معطيكـ وجه بـ زيادة المفروض ما اشاوركـ .. اجيبها من غير لا اقولكـ .. ندى : ماهو بـ كيفكـ تجبرني على شيء.. غازي : لا بـ كيفي دام انتِ ما تعرفين مصلحة نفسكـ و لا مصلحة اللي في بطنكـ .. اتقي الله فيه و في روحكـ ..!! ندى : انت مو مستوعب اني مو متقبلة هالحمل.. مو متقبلة ان يكون داخلي انسان.. تعرف شنو يعني هالشيء.. انا عمري ما فكرت بالموضوع و لا توقعتة بـ هالشكل .. مو متخيلة ان بطني بكره بـ تكبر و بيصير يتحركـ و احس فيه..!! ماني قادرة اتقبل الموضوع و الله مو قادرة..!! انا لو مو خايفة من ربي كنت نزلتة و ارتحت من هالعذاب..!! غازي : عذاب..!! استغفر الله العظيم.. انا بـ احجز لكـ عند دكتور نفسي من غير أي اعتراض بكره بـ نروح.. طلع قبل لا يسمع ردها.. ما بين شيخ و طبيب عادي و طبيب نفسي من مكان لـ مكان ينقلها .. هو يبيها ترتاح .. وهي ما تحس هاذي راحتها.. .. بيت ابو سعود.. رند : و الله بابا بنت سعيرة..! خالد : بابا ايوه اعرف البنت.. هاذي زوجة عم وليد.. رند شهقت : زوزة.!! (حطت يدها على خدها) يالبي.. و انا تيب.!! خالد مستغرب : و انتِ ويش..؟! رند فتحت عيونها : انا مو زوزة..!! ميار : مستعجلة على الشقا ليش يا خية..!؟ رند جلست بعد ما كانت واقفة جنب ابوها و ترفع رجلها و تنزلها : عمه دانه صارت علوسة يعني زوزة و البنت السعيرة زوزة و انا لا..!! ميار : خليكـ مثلي ازين .. ويش لكـ ما نبي نصير زوجة..!! بعدين الرجال وع مو زينين..!! رند : انا البس فستان علوسة تبيـــر..!! خالد : خلي تفكيركـ ما يتجاوز روضتكـ و دراستكـ ازين لكـ .. حلوه تصيرين عروسة.. رند : حلاس عسان انا اسير تبيرة..!! ابو سعود : بـ تعقدون البنية من صغرها..!! وعد : و الله من قلة الأدب..!! عيب يا بنتي عيب..!! الله اكبر.. الدنيا تغيرت..!! ام سعود : لا و الله يا بنيتي الدنيا ما تغيرت مير الناس تغيروا.. ميار : ترى وعد حسستيني انكـ مره كبيرة.. كنت انتظركـ تقولين زماننا البنات يستحون بس يجيبون لهم طاري العرس..!! وعد : هههههههه لا مو لـ درجة نستحي.. ياخية الوجية صارت مغسولة بـ مرق.. ابو سعود : و بما انها صارت مغسولة بـ مرق .. ما انتِ حاسة انكـ طولتي بالرد..!؟ انقلب وجهها بـ إحراج خفيف ما قدرت تسيطر عليه : يمكن..!! ابو سعود ابتسم : طيب.. ما انتِ قايلة لنا ويش قررتي..!؟ وعد : عندي شروط اذا هو وافق عليها سم الله و باركـ اذا رفض كلن يروح بـ حال سبيلة.. سعود : ويش هي شروطكـ ..؟! وعد هزت راسها : نو نو .. بـ اقولها له بـ نفسي.. سعود : نعـــم..!! ليش ايش شايفتنا قدامكـ حمير..!؟! وعد : و ليش مو من حقي اشوفة..!! فيه شيء اسمه نظرة شرعية عادي و الا انت تبي تخالف الدين..!! ابو سعود : طيب انا ما عندي مانع يا وعد.. الحين سعود اتصل عليه و قولة يجي..!! وعد نقزت مصدومة : الحين..؟! ابو سعود : ايه الحين.. مو يهمكـ تقولين شروطكـ له خلاص الحين بـ يكلمة سعود ويقولة يجينا..!! وعد : طيب اجلها كم يوم..!! انا ما تجهزت..!! ابو سعود : لا الحين ليش تجهزين له.. المفروض يشوفكـ بـ طبيعتكـ مو تكشخين له على غير سنع و بعدين كلها عشر دقايق.. و عشان بكره اقول لأخوي عن ردكـ انتِ و اختكـ .. ما احد مأخرني الا انتِ .. بلعت ريقها مو متخيلة تشوف عساف قبل لا تستعد نفسياً للمقابلة..!! ناظرت سعود اللي وقف و قام من الجلسة عشان يكلم الجوال.. ابو سعود : ام احمد انتبهي لـ البنت وليد ماهو ملقيها بال.. وهي حسبة يتيمة الخوف من ولدها لا يقهرها وهي ضعيفة.. ام احمد : الله يصلحة و يهديه ما رجع الا الفجر هلكان و حط راسة ما اخذ ساعتين الا قام و طلع من جديد.. ابو سعود : خليه هالفترة على كيفة.. مردة يطيح اللي براسة.. خالد : بكره موعد مشعل..!! ابو سعود : ايه.. الله يعين.. ام احمد : مو المفروض يمشي على رجلة هالحين..!! صار له كم يوم.. ابو سعود : الله كريم.. رجع سعود : يقول عشر دقايق بـ يكون عندنا هو في بيت جدي.. طلعت وعد تجري من بينهم عشر دقايق لازم تلقط انفاسها على الأقل و ترتب كلامها هي صح عندها شروط بس ما رتبت حكيها شلون بـ تقولة..!! من متى القلوب يترتب لها الحكي عشان تفهمة يا وعد..!! كل ما ينبع من القلب يوصل لـ القلب من غير شرح و لا ترجمة.. ام سعود : ويش بلاها استخفت..!! سعود : تستاهل.. حلوه ذي تقول شروطها له عينكـ كنت عينكـ و احنا جدارن عندها..!! اكيد بـ تغير رايها.. خالد : عادي ما فيها شيء يا سعود بـ يشوفها نظرة شرعية بـ تقولة اللي عندها و اذا عنده رد بـ يقولها اللي عنده تحت نظرنا.. سعود : عندها شروط احنا واسطة خير بينهم ما يحتاج تشوفة و يشوفها.. يعني هي ما تعرف شكلة وهو ما يعرف شكلها.. و الله لو تقولون لـ عساف يرسمها لـ يرسمها بـ تفاصيلها.. مالها يومين من تغطت.. ابو سعود : انت ايش فيكـ اشتطيت .. سعود جلس : ماهو عاجبني الموضوع.. ميار : و الله من تعقيدكـ ويش فيها ان شاء الله..!؟ دام عندها شيء بـ خاطرها خلها تقولة لا توقف بـ حلقها..!! سعود : خير ان شاء الله ست ميار ويش عليكـ انتِ..!؟ ميار : و انت ويش عليكـ بـ وعد.. بابا موافق يعني ما يخصكـ ..!! ام سعود : عيب يا بنت هذا اخوكـ الكبير..!! ميار : على عيني و راسي بس انا ما قلت شيء غلط.. يقولي ويش عليكـ وهو بعد ويش عليه..!! سعود : بـ اكبر عقلي عن الرد عليكـ .. حاتم يحول الموضوع : ترى انا اليوم معزوم على العشاء.. ابو سعود : معزوم عند مين..!؟ حاتم : عند عاصم.. من زمان مواعدة و ما صارت فرصة.. ابو سعود : لا تطول.. سعود وقف على صوت الجرس : هذا اكيد عساف.. طلع سعود .. ام حاتم : سها بـ مكتبكـ من الفجر.. ابو سعود : أدري... انا معطيها شغل كثير و طلبتها تخلصة بـ اسرع وقت يمديها.. ام سعود : كذا البنية بـ تتعب .. ابو سعود : لو ما اعطيتها شغل ما راح تلقى شيء تشغل نفسها فيه على الأقل لين يتم موضوع ماجد رسمي و يحددون عرسها وقتها بـ تلهى بـ جهازها.. خالد : بس يبه الكمبيوتر حقكـ شغال و فيه نت.. ابو سعود : لا تخاف ما راح تستخدمة .. لو غير سها كنت قلت لكـ تسويها.. بس سها بـ تخاف.. انا بـ اروح اشوف عساف استعجلوا وعد.. في المجلس.. عساف : غريبة عمي ليش يبيني..؟! سعود : بيجي الحين ابوي و يقولكـ .. عساف بلل شفايفة في قلبة خوف من انه يكون السبب اللي طلبة عمه عشانة رفضها : رفضت..؟! سعود ابتسم : خلكـ ثقل ويش فيكـ صاير خرطي..!! عساف : سعود ماني رايق لكـ .. لا تلعب بـ اعصابي علمني طيب هو يتعلق فيها..؟! سعود : ماني قايل .. ليش مستعجل.. (التفت لـ الباب اللي انفتح) هذا ابوي جاء.. ابو سعود : السلام عليكم.. : وعليكم السلام .. وقف عساف و سلم على عمة.. ابو سعود : حياكـ الله .. استريح.. عساف يجلس و يسحب شماغة من عند رقبتة لـ قدام : الله يحييكـ و يبقيكـ .. ويش احوالكـ .. ابو سعود بعد ما جلس : بخير الحمدلله.. كيف شغلكـ ..؟! عساف : الحمدلله الله ميسرها.. ابو سعود تنهد : اكيد مستغرب اني مناديكـ هالوقت.. عساف : تأمر يا عمي متى ما بغيت.. ابو سعود : انا يا عمي ما ودي ارد لكـ طلب.. من جيتني تبي ندى و انا ما عزيتها عنكـ .. معزتكـ مثل معزة عيالي عندي.. لكن كان رفضها له اسبابة.. غمض عيونة و فتحها خلاص بانت مواريها.. ليته خبرة على الجوال.. على الأقل ما يكبت انفعالاتة و بس يسكر يقدر يصرخ لو يسمعة كل العالم ما يهمة ما احد بـ يدري ان هذا عساف بن عبدالرحمن يصرخ من قهرة لـ رفض حبيبتة له..!! ايه حبيبتة.. متى كرهها..؟! و لا لحظة .. قلبة يبيها حتى بـ عيوبها يبيها.. بس عقلة هو اللي كان رافضها .. شد على يدة وده يطلع من المكان كله ليته ما سمع تشجيع عمر و اقناعة.. ويش يفيد الحين ..؟! ناظر عمه على اخر جملة نطقها.. ابو سعود : هي تبي تقولكـ شروطها بـ نفسها.. عساف ميل راسة مستغرب : شروط..؟!!! ابو سعود : ايه يا عساف.. يا عمي ما ودي تكون لـ غيركـ لا تشد معاها اذا شفت شروطها مو منطقية انا بـ اثنيها عنها .. بس لا تنفرها منكـ .. عساف بـ ثقة : عمي انا ما عندي مانع تشرط مثل ما تبي بس شيء يرضيني.. يعني ما تكون هي تعرف اني ما اوافق عليه و شارطتة عشان تعجزني..!! ابو سعود : و الله انا ما بعد عرفت شروطها .. نسمع منها و تالي نحكم.. بس تركد.. برا هي واقفة تأخذ نفس عميق و تزفرة قلبها طبول..!! متى اخر مره قابلتة من غير ما تغطى..!! سادس ابتدائي..!! مرت سنين طويلة حتى تتجرأ و تطلع قدامة بـدون عباية.. عساف يا وعد.. عســاف.. شلون بـ تدخل و تقابلة.. اسمة لـ حالة هيبة.. شدت على اسنانها و يدينها و تشنج جسمها وهي تحاول تخرج كل الرهبة اللي في قلبها من هالموقف.. : ايش فيكـ ..!؟ ناظرت سعود وهو مصدوم من شكلها .. فكت قبضت يدينها : و لا شيء..!! سعود مسكها من ذراعها و كلمها بـ همس : لا تكسرين بـ خواطرنا ترانا ننتظر الفرحة فيكـ .. ما فرحنا فيكـ من قبل.. دخل سعود و دخلت وراه.. وقف عساف بـ بطئ و عيونة عليها.. نبضاتة ترد على نبضاتها بـ نفس القوة.. توترة يـنافس توترها.. موقف ما كان يشوفة الا بـ خيالة مرات و مرات ينفضة عشان ما يتعلق فيه بـ خطبتها و تكون حليلتة.. نسى ان قلبة ما يعيش الا معاها.. تغيرت..!! حيـــل تغيرت عليه.. صح هي نفس الملامح لكن كبرت.. و استوطن الحزن كثير من تفاصيلها.. بإمكانة يلمس بـ اصباعة مسار دموعها ..!! يشوفة من جفنها لـ حد دقنها .. ما قدر يشيل عيونة عنها .. و يحفظ التفاصيل اللي كبرت عليه.. ما تمنى بـ هاللحظة شيء اكثر من انها تكون حليلتة ما احد معاهم.. اما هي ما قدرت تناظرة و لا تحط عينها بـ عينة.. مو خوف منة خوف من انها تبكي.. هيبة موقفهم اكبر من تحملها .. كانت تحبة و متأكدة من حبة لها...عاندتة و عاندها.. ضيعتة و ضيعها.. انجرحت منه وما داوها.. ما أبرى جرحها منه الا جروح عماد.. ما قدرت حتى تسلم عليه من بعيد.. ليتها ما طلبت تشوفة كانت رضت بإتصال من غير لا تشوف ملامحة و لا تحضر هيبتة.. كان قالت شروطها لأبوها و وصلها له من غير لا تحضر هالموقف.. ابو سعود : تعالي يا بابا.. سعود اللي كان ناوي يطلع بس تحمس لـ سببين اولها الموقف اللي شافه بينهم.. و ثانيها الفضول لـ شروط وعد اللي ما تبي تنطقها الا عند عساف.. جلست وعد يمين ابوها و جلس سعود جنبها.. و جلس عساف .. شال عيونة و هو يناظر الأرض ما وده يكلم احد و لا احد يكلمة.. وده في لحظة يختلي فيها مع نفسة و صورتها بس اللي انحفظت في اقصى اعماق قلبة.. طال سكوتها و لا استحثها على الكلام.. لين تنحنح ابو سعود.. رفع عساف راسة فهم مقصد عمة : حيا الله بنت العم.. ما قدرت تمنع نفسها من الإبتسامة بنت العم ما تغير اسلوبة ودها تضرب نفسها على غباءها كأنها لها سنين ما شافتة و حاطه براسها انه تغير عليها هو نفسة خابرتة من زمان.. رفعت عينها له فعلاً ما تغير هي نفس ملامحة عيونة العسلي الغامقة و حدتها.. حواجبها و كثافتها خشمة و رسمة شفايفة حتى عوارضة ما غيرها.. بس فيه شيء ما كان فيه قبل قبل قبل شيب بـ عوراضة..!! دنقت و نطقت بـ صوت واطي : الله يحييكـ يا ابن العم.. سعود : تبيها تقهويكـ تختبرها يعني.. ترى ما عندنا مانع حاضرين لـ الطيبين.. وعد التفتت لـ سعود ودها تطردة برا مو احراج بس وجودة خراب لـ موقفهم ما يسوي زي ابوه و يظل بـ موضع المتفرج.. عساف : ما تقصر بنت العم.. امري يالشيخة عمي قالي ان عندكـ شرط لي..!! وعد بـ صوت ثابت : شروط مو شرط.. عساف ابتسم و هو يعض على شفتة السفلية : اشرطي.. بس قبل لا تبدين ما ظنتي انكـ جاهلة فيني ويش اللي يرضيني و اللي ما يرضيني ان كانكـ تبين شيء انا ما ابيه من اولها تراني ماني راضي.. وعد تجاهلت اسلوبة هالمره ودها بـ كف بس مو لها له هو.. : انا صار لي سنتين من غير لا شغل و لا مشغلة ما استفدت من وقتي و ما ابي اضيع الجاي.. فيه فكرة مشروع في راسي ابي انفذة ممكن مو هالشهور الجاية بس قريب.. عساف : اذا مشروعكـ نسائي بحت ما عندي مانع.. اما اذا فيه رجال لا.. وعد : اولاً تطمن مشروعي نسائي.. ثانياً ان كنت تجهل فـ قبل المشروع ممكن ادور على عدد من الدواير الحكومية عشان التراخيص و اظني فيها رجال و الا بعد ممنوع..!! عساف : انا اخلص لكـ شغلكـ انتِ ما تروحين.. طبعاً عشان نحط النقاط على الحروف.. هذا الحكي ينطبق على الوظيفة بعد لو صرفتي نظر عن المشروع و حبيتي توظفين اختاري شيء ما يكون فيه اختلاط لأن غيره اكيد بـ يكون لا.. ناظرتة من غير لا تنزل عينها من عينة .. ماشي يا عساف بـ نشوف ويش بـ تسوي على باقي الشروط : طيب شرطي الثاني ما اظنكـ تجهل ان لي طموح اكمل دراستي .. و عشان ما تقول اني عسرتها ما راح اقولكـ ابتعاث خارجي.. لكن ممكن ادرس في أي مدينة بالمملكة متوفر فيها التخصص اللي ابيه.. ابتسم عساف يعني خلصنا من الوظيفة تجي الدراسة : و انا ما عندي مانع اذا تيسرت ظروفي حتى لو كان برا لكـ ما تبين.. بس انتِ خليها لـ ظروفنا .. الظروف هي اللي تحكمنا مو احنا نتحكم فيها.. وعد بـ قهر : لا طبعاً .. انا ابي منكـ وعد شرف و الا ويش بـ استفيد من اني اشرط عليكـ قبل نبدأ بأي شيء.. ابو سعود تدخل قبل لا هي تعصب و هو يعصب و يخرب كل شيء قبل لا يبتدي : وعـــد.. عساف معاه حق.. وهو ما رد لكـ طلبكـ قالكـ موافق و خليها لـ الظروف.. ما تدرين ويش يصير اصبري لين تجي حزتها و تكون الأمور كويسة و بـ يكون لكـ ما تبين اذا مو برا هنا.. وعد : بابا انا مو غبية.. تدري ان الجامعات عندنا تشرط اعمار للماجستير احيان ما تجاوز الـ 27 و حتى الإبتعاث له عمر معين و انا مو صغيرة و الأيام تمر بكره يروح علي كل شيء و انثبر بـ مكاني و حلمي يروح مني.. عساف بـ ثقة عشان ينهي الموضوع : اوديكـ على حسابي و اخليكـ تدرسين ما تبين .. بس مو معقول بـ تكون ظروفنا ما تسمح لنا و اشلع فيكـ برا..!! وعد : انا قلت لكـ ما عندي مانع لو هنا .. اقدم ابتعاث داخلي.. عساف بـ حزم : يعني اخليكـ بـ مدينة ثانية و اقعد انا هنا..؟! هذا حكي ..؟! سعود : وعد لا تعقدين الموضوع .. كلمتة لكـ وعد قالكـ لين تيسر الظروف و اوديكـ حتى لو برا.. و على حسابة بعد ويش تبين زود..!! غمضت عيونها و سكتت ما خلى لها مجال تأخذ كلمة .. من غير ما ينتركـ الموضوع سايب.. و فوقها ابوها و سعود صفوا معاه و ما صار معاها حق.. اخذت نفس : ما ابي عرس.. ملكة تكفي.. عساف : موافق.. ابو سعود يناظر وعد : هاه نقول كل شيء تمام.. وعد من غير لا تناظر احد فيهم : بقي اخر شيء .. وهو طلب اكثر من كونة شرط.. عساف وده يقولها انتِ ما تطلبين تأمرين بس ما تستاهل ما تنضمن ويش تطلب.. وعد مترددة لأنها تدري بـ فداحة ما تطلبة : انا.. ما ابي.. اجيب عيال..!! ظلوا لحظات يستوعبون طلبها..!! شلون تجرأت و قالتها..!؟ فيه مره صاحية تشرط على زوجها ما تجيب عيال..!؟ سعود بـ حدة : انتِ ضيعتي عقلكـ ..؟! عساف وقف : ماهو بـ كيفكـ يا وعد و لا هو بـ كيفي اذا ربي كتب لنا رزق بـ نأخذة.. و الله و هذا انا احذركـ قدام عمي و سعود لو انكـ منعتي هالشيء من وراي ما راح اسكت عنكـ .. و انتِ بـ تنازلين عن هالشرط مثل ما وافقت على باقي شروطكـ .. طلع عساف و طلع وراه سعود.. ابو سعود ما كان راضي عن شروطها لكنه يجاريها عشانها بس بـ اخر شرط خربتها : هذا حكي بنت عاقلة..!؟ توك تقولين ما انتِ صغيرة..!! وعد اهتز صوتها : بابا ما ابي افقد ضنا من جديد.. لساتني موجوعة ما تعودت.. حضنها ابو سعود : استهدي بالله هذا مو حكي.. وعد : و الله ما ابي اقهر عساف بس .. بس ماني قادرة ماتت قدام عيني.. عساف اللي ما بعد طلع و واقف مع سعود بعد ما تسكر باب المجلس.. ناظر سعود : للحين تبكي على بنتها..!؟ سعود : قدامنا لا.. عساف : بس من وراكم ايه..!! سعود : غصة بـ حلقها لا تقدر تطلعها و لا ترجعها.. ما تقدر تنسى بنتها.. عساف : حسبي الله و نعم الوكيل.. مو معقول بـعد اوافق على منطقها..!! سعود : لا توافق عشانكـ و عشانها لا جوها عيال بـ ينسونها.. او على الأقل تلهى معاهم.. عساف : الله كريم.. سلم لي على العيال.. سعود : خلكـ تعشى معانا..!! عساف : لا وعدت خواتي اتعشى معاهم.. مسوين حفلة ما ادري خرابيط البنات هاذي.. سعود : ههههههه لو انكـ عند خواتي كان قالن عنكـ شايب..!! عساف : فراغات.. .. بيت سعد.. المغرب اليوم الثاني.. عمر : تكفين يمه ابي كل شيء على سنقة عشرة.. ام عمر : ان شاء الله انت من الصبح حولتني الله يهديكـ ما تركد..!! عمر : ابيها تحس انها عروس.. ما ابي اكسر بـ خاطرها.. ام عمر : يا ابوي ما انت كاسر بـ خاطرها بالكلمة الزينة بـ ترضيها.. هذا انت ما قصرت رحت و شريت غرفة نوم جاهزة و ركبتها و سنعت الجناح من اولة لأخرة.. عساكـ بس جبت لها هدية..!؟ عمر : هدية..! ليش..؟! ام عمر : وشو اللي ليش صاحي.؟! كل رجال يهدي زوجتة في بداية حياتهم و دوم .. عمر : طيب ايش اجيب لها ما اعرف..!! خلينا نروح انا و انتِ السوق الحين..!! : هذا ما ركد من الصبح..!! ام عمر : كنه بزر ابو سنتين و جايبين له لعبة فرحان فيها..!! ابو عمر نزل من الدرج على حلطمة و طلبات عمر : ههههههههههههه و الله حمستني اشوف لينا اللي اكلت بـ عقلكـ حلاوة..!! عمر : ايه طبعاً تمسخروا علي ويش عليكم.. ما كني ولدكـم الكبير حتى ما انتم فرحانين فيني..!! ابو عمر : لا صيح ازين علينا..!! عمر : هذا بدل ما تنصحني و تنورني عشان ما اظلم البنية..!! ابو عمر : اللي يحب ما يظلم..!! عمر : أي حب يبه .. لا انتم فهمتوني غلط.. ام عمر : ايه صح فهمناكـ غلط.. عمر : يمه الله يخليكـ لا تضيعين الوقت يالله نروح السوق الحين و نقي لها شيء على ذوقكـ .. تكفين بـ اجيبها بعد العشا.. ام عمر : راسي انتفخ من حنتكـ انت مو ولدي اللي اعرفة تغيرت علي..!! يا ولد ايش فيكـ كنت ثقل و تكانة..!! ابو عمر : انا بـ اروح لـ بيت ابوي.. بـ تعشون معانا انت و زوجتكـ مو تسحبها قبل لا نتعرف عليها..!! حتى فيصل و نهى ماهم فيه و انا و امكـ شياب يعني بـ تأخذون راحتكم.. عمر : و الله اشتري جلستكـم بـ عمري.. ان شاء الله بـ تحبونها هي صح لسانها طويل حبتين بس يمكن اليوم تصير عاقلة..!! .. بيت عامر.. عامر : تدري ان وعد انخطبت..!! عماد جالس و رافع رجولة على الكنب و يدينة على بطنة : عليها بالعافية.. بس الله يعينة اللي بـ يأخذها بـ تنحسة لين بعد ما يطلقها..!! ام ناصر : استغفر ذنبكـ يا ابوي.. رب كلمة لا يلقي لها الرجل بالاً تلقي في بـ جهنم سبعين خريفاً.. عماد نزل رجلة : استغفر الله .. بس هذا اللي انا شفتة من وراها.. ناصر : ما تبي تعرف مين بـ يأخذها..؟! عماد : ما تهمني عشان يجيني فضول اعرف.. ناصر : عساف ولد عمها.. عماد صلب ظهرة و ضيق عيونة بـ ناصر : مين..؟! ناصر : توكـ تقول ما يهمكـ ..!! عماد وهو يذكر كلمة وليد له .. تحب وحده و تخطب اختها..!! : عساف ولد عبدالرحمن..؟! عامر : ايه نعم هو.. هو اللي وقف بـ وجهنا يوم كنا بـ نردها لكـ بعد العزاء و قال انه يبيها.. عماد : تردونها لي..!! ليش يبه..؟! انا ما طلبتكـ تردها لي.. الحين تفهم اني ميت عليها.. من زينها و من زين العيشة معاها.. مريم طلعت من الغرفة على تسفيل عماد بـ وعد اللي طال سكوتها عنه مراعاة لـ نفسيتة لكنه زودها : لا تخاف وعد ما درت عنكـ و لا عن هوى داركـ.. عماد : يكفي ان ابوها و اخوانها يدرون.. مريم جلست : انا ما ادري ليش تكره بنتي هالكثر..!! كنها قاتلة لكـ احد من اهلكـ ..!! عماد : وهي كذلكـ .. بنتي راحت قدام عينها بـ شرقة.. مريم : عماد لا تظلمها يكفي حرام عليكـ .. ما احد متضرر من تفكيركـ السيء الا انت.. ما فيه ام تقتل ضناها..!! عماد بـ قهر : شوفي كم صار لـ بنتي متوفية..!؟ شهر.. و هذا هي بـ تزوج ما اهتمت.. ام ناصر : حتى انت تزوج يا ابوي.. عماد : ما ابي اتزوج.. لو تنطبق السماء على الأرض ما تزوجت.. اكتفيت ما ابي اشوف زوجة بـ وجهي كل ما قمت و قعدت.. ناصر : انت يبي لكـ دكتور نفسي يعالج العقد اللي بـ راسكـ ..!! عماد : كيفي .. هالشيء راجع لي.. ما احد يخصة فيني.. ام عامر : يا ابوي لا ترفس النعمة العيال عز و سند لا كبرت يقومون فيكـ.. عماد : يمكن اموت بـ شبابي ما احد داري عن يومة.. ام ناصر ضربت صدرها : بسم الله عليكـ ويش هالحكي.. تف من فمكـ .. عبدالله : و الله الظاهر ان ناصر صادق يبي لكـ دكتور نفسي يعالجكـ ..!! عماد : انتم لا تفتحون معاي سيرة الزواج و انا ما اطلع نفسيتي عليكم..!! محمد : ماعليش انت غبي.. اول مره اشوف رجال يتعقد من الحريم.. اعرف الحريم يتعقدن من الرجال.. شوف وعد يوم خلصت عدتها جاها واحد و وافقت عليه و بـ تزوج ما تعقدت من وراكـ بكره بـ يجيها عيال و تنسى كل شيء.. و البتول بـ عدتها بـس تخلص بـ تروح تدور على واحد غيركـ و تزوج و تنساكـ و انت اجلس بعقدكـ من سبتهن..!! عماد : لو ابي اتزوج بإمكاني اطق اربعة فوق بعضهن وما همني لا وعد و لا البتول.. بس انا كرهت جنس حواء.. محمد : يعني كلامي صح تعقدت بـ سبتهن ..اثبت لهن العكس يا غبي.. خلهن يعرفن ان فرقاهن عيد عندكـ .. ام عامر بـ حدة : انت ويش تغبر ويش تقول..!! ما تستحي على وجهكـ ..!! مريم : ما عاد فيكم احد يحترم وجودي تسبون في بـنتي قدامي و لا يهمكم..! لا لي قدر و لا قيمة..!! محمد : ما سبيتها يا عمة هذا الواقع.. عامر بـ حدة : انطم لا ترد على عمتكـ .. انت مضيع عقلكـ ..!؟ محمد مو مهتم : هذا جزاي بـ اطلع ولدكم من عقدة..!؟ عامر : حكيكـ اللي زي وجهكـ لا تنطقة عندنا.. ان ما عندكـ حكي رجال ما تعيب فيه على خلق الله و تنقدهم لم لسانكـ بـ حلقكـ و لا تسمعني صوتكـ ..!! محمد : ان شاء الله على امركـ .. انا طالع..؟! عامر : وين رايح..!؟ محمد : بـ اطلع مع الشباب.. عامر : لأخر الليل كالعادة..!! ما تحس اني معطيكـ وجه..!! محمد : يبه اجازة الناس كلها تطلع.. عامر : على اساس ايام الدوام كنت ترجع بدري.. صلاة العشا و انت بـ فراشكـ ..!! اخوكـ وينه..؟! محمد : أي واحد فيهم..!؟ عامر : يوسف..!! محمد : ما ادري عنه..!! عامر : ماشي انت و اخوكـ يبي لكـم تربية من جديد.. التفت لـ الباب على صوت الجرس و رجع يناظر ولده : قوم شوف مين..!! محمد وقف : ان شاء الله.. فتح الباب : هلا عمي.. دخلت ام ناصر بما انها الوحيدة الموجودة ماهي محرم لـ غازي.. غازي : هلا فيكـ .. محمد : حياكـ ما فيه احد غريب.. دخل غازي : السلام عليكم.. : وعليكم السلام.. ام عامر : ياهلا .. غازي باس راسها و يدها : ويش اخباركـ يمه..!! ام عامر : بخير انشد عنكـ .. غازي : الله يخليكـ لنا.. سلم على اخوه بعدها العيال هم قربوا له و سلموا عليه.. جلس عامر و بعده غازي و العيال.. عامر : ويش حالكـ ..؟! غازي : بخير جعلكـ سالم.. ام عامر : وين بناتكـ ما جبتهن لازم ادعيهن عشان اشوفهن..!؟ غازي : و الله يمه لينا بـ تروح لـ بيتها الليلة و ريما مشقلبة حياتها تنام متى ما بغت و صحت متى ما بغت..!! ما تبي احد يعكر عليها على اساس بـ تفكر بـ التخصص..!! عبدالله : عاد ويش قررت..!؟ غازي : للحين خمني يقفل التسجيل وهي ما نطقت الدرة اللي عندها..!! اجل وين بناتكم..!؟ ام عامر : فوق جات هنادي ما وهلناها تقعد معنا و نأخذ اخبارها الا سحبنها معاهن.. غازي : زين اللي هي هنا من زمان ما شفتها من تزوجت ما اذكر اني قابلتها.. نستنا البنت.. (التفت لـ مريم جنبة) و شخباركـ و اخبار عيالكـ .. مريم : بخير الحمدلله.. غازي يفرد يده على ظهر الكنب : ريان و خواتة كيف حالهم..!؟ مريم : ما عليهم.. غازي : ما ودكـ تجيبينهم..!؟ مريم : لو بـ كيفي ما خليتهم وراي.. لكن هم يبون القعدة و ابوهم مطاوعهم..!! غازي : و انتِ امهم .. يعني زينة هم هناكـ و انتِ هنيا..؟! مريم : ويش اسوي فيهم.. اللي قاهرني احسهم ضايعين.. غازي : البارح اتصل فيني ريان..!! وهو ما قد ذكرني بإتصال..!! مريم : غريبة..!!ليش..؟! غازي : يقولي ما يبيكـ تزوجين..!! مريم : من علمتهم وهم كل شوي يتصلون فيني و يحنون على راسي و انا اصلاً خطبة ابراهيم كلها ما دخلت مزاجي.. بس نهى و وعد من جهة و هم من جهة..!! ام عامر : بلاكـ مخدية انتِ اللي جبتية لـ عمركـ ..!! مريم : يمه اللي صار صار و انتهى.. انا ما ابي اطلع من السعودية و عيالي ما يبون يتركون فرنسا.. عامر : و ابراهيم ويش بـ نقولة..!؟ مريم : ماني موافقة يا عامر انا بلغتكم من قبل.. بناتي احبهم و بـ عيوني احطهم لكني اتزوج ابراهيم عشان ارضيهن..!! طيب و ريان و رؤى و رنيم..!! ريان بغى ينجلط لما علمتة..!! عماد : استغلي الموضوع لـ صالحكـ .. قولي لهم ما تبوني اتزوج تجون السعودية..!! ماله داعي يقعدون هناكـ حتى لو ابوهم معهم.. دراسة هنا يدرسون.. عندنا جامعات و مدارس الحمدلله.. عامر : انت ويش قلت لـ ريان..!؟ غازي : قلت له امكـ شورها بـ يدها و اذا علي انا موافق.. انهى هو الموضوع و سكر الخط زعلان.. عامر : خلاص بلغ ابو سعود ان ماله عندنا نصيب.. مريم : بس عيالي لا يدرون اني رفضت بـ اسوي مثل ما قال عماد بـ اجيبهم بـ هالطريقة.. غازي : لا تقهرينهم .. خصوصاً ريان ماهو بزر الموضوع اكيد ماهو عاجبة.. مريم : هم قهروني بـ قعدتهم هناكـ .. ما بيني وبينهم الا اتصالات..!! : السلام عليكم.. وقف غازي : وعليكم السلام .. يا هلا بالقاطقة.. هنادي تبوس راسة : آسفة و الله حقكـ علي.. غازي : كيف حالكـ .. هنادي : بخير الحمدلله .. انت كيف حالكـ و كيف البنات..!؟ غازي : الحمدلله بخير.. ام عامر تناظر هنادي لابسة عبايتها و شنطتها بـ يدها : كنكـ رايحة يمه..؟! هنادي : ايه يمه بندر الحين بـرا.. غازي : تو الناس..؟! هنادي : و الله وعدت بنات ابراهيم اجيهم اليوم عندهم حنا.. و مجتمعين هناكـ كلهم.. ام عامر : و انتِ ما تعرفين تجين يمنا و تقرين عندنا شوي.. كل ما جيتي طايرة.. هنادي : ان شاء الله يمه بـ احاول.. مريم : اذا قابلتي نهى خليها تكلمني.. هنادي : طيب.. ان شاء الله ما انسى.. تأمرون على شيء.. ام عامر : سلامتكـ يا بنيتي بس سلمي على ام عبدالرحمن.. هنادي : يوصل ان شاء الله.. مع السلامة.. طلعت هنادي.. غازي : انهار وينها..!؟ ام عامر : تلاقيها فوق مع عهيد.. غازي : غريبة قايلها اني بـ اجي المغرب.. عامر : ليش ايش تبي فيها..؟! انهار : السلام عليكم.. : وعليكم السلام.. انهار بعد ما سلمت على غازي : انا طلبت خالي غازي لأني ابيكم بـ موضوع.. عامر مستغرب : موضوع ايش..!؟ انهار : لحالنا ممكن..!! عامر وقف : اللي يريحكـ .. تعالوا المكتب.. قام غازي مع انهار بعد عامر.. ام عامر تناظر مريم : ويش عندها بنية اختكـ ..!؟ مريم : ما ادري يمه ما قالت لي شيء.. ام عامر : بعد هالبنية يتيمة ام و ابوها تاركها و ضيعت بيتها و عيالها.. الله يهديها و يصلح حالها.. مريم : يمه انهار ماهي صغيرة عقلها بـ راسها تعرف خلاصها.. ام عامر : هذا انتِ اكبر منها و مخدية.. وشولة انتظركـ تنصحينها و انتِ ما نصحتي نفسكـ .. اقوم اشوفها ويش عندها ازين لي.. محمد : يمه لو تبيكـ تعرفين كان قالت لكـ بس البنت تبي ابوي عمي..!! ام عامر تستند على عصاتها حتى توقف بـ صعوبة مع كبر السن و الم الركب : مايخصكـ يا قليل الحيا ذي بنيتي.. مشت ام عامر لـ مكتب ولدها يبعد عن الصالة خطوات بـسيطة فتحت الباب من غير لا تطقة.. عامر : هلا يمه ويش فيكـ ليش معنية نفسكـ .. ام عامر دفت الباب بـ عصاتها : ابي اشوف هالبنية ويش عندها من علم.. غازي وقف و مسكـ يدها يسندها : تعالي ما بعد حكت انهار.. جلست ام عامر : لا اله الا الله .. عامر يناظر انهار : تكلمي يا خالي ويش عندكـ ..!؟ انهار مترددة خايفة من ردة فعلهم.. صحيح اللي بـ تحكي لهم ماضي تبيهم يغيرون نتيجتة بس تخاف من هواشهم.. تعرف انها غالية عندهم مثل عيالهم و ما راح يرضون عليها بالإهانة و هي ما لجأت لهم لما احتاجتهم و بلعتها و سكتت.. : بس ما تعصبون علي..!! ام عامر بـ حدة : ويش انتِ مغبرة..!؟ غازي : يمه اصبري خلينا نسمع اللي عندها.. تكلمي.. انهار : انا كذبت عليكم بـ سبب طلاقي من عبدالملك.. ام عامر ما فهمت : وشهو..؟! عامر بـ هدوء : اشرحي لنا من البداية.. انهار : انا ما كنت مرتاحة معاه.. امه كانت منغصة علينا عيشتنا.. تدّخل بـ حياتنا .. هو كان يسمع كلامها بـ كل شيء .. حتى لو قالت له لا توديها مكان ما يوديني.. امه توديه و تجيبة.. و لما كنت اتناقش معاه ما يسمعني.. و وصل الموضوع لأنه يضربني..!! عامر مصدوم : ضربكـ ..؟! انهار : رحت لأبوي و ردني عليه .. بلعتها و سكت لكنه عادها و انا ما عدت اتحمل عيشتي معاه.. و جيت عندكم عشان اتطلق.. عامر وينهم من كل ذا ما يدرون عنه..؟! : و كذبتي علينا..!؟ ليش ..!؟ انهار : ما ابي تهاوشون معاه.. مو مستاهل .. لكن هذا كله ما يهمني راح.. انا كنت اشوف عيالي عند امه .. بس الحين حرمني منهم ما يخليني اشوفهم..!! ام عامر : استغفر الله العظيم.. هاذي سواة بنت عاقلة..!؟ ليش ما حكيتي من الأول كان خوالكـ علموه حددوة و كسروا له يده اللي مدها عليكـ كان ما وراكـ ابو يرد الضيم عنكـ ..!! انهار : يمه ما يهمني كله خلاص شيء انتهي و انا افتكيت منه بس ابي عيالي صار لي شهر ما شفتهم.. غازي ما كان اقل قهر من عامر الإثنين ما يعتبرونها الا بنتهم.. و بنتهم انضامت وهم ما يدرون..!! : همشتينا من الأول يا انهار.. لو انكـ معلمتنا و الله ما تجاوز حدودة معاكـ لا هو و لا امه و عرف ان وراكـ رجال..!! ويش تبيني اقولكـ الحين و اهاوشكـ فيه..!؟ انهار بكت : استاهل و الله العظيم استاهل انا اللي قللت من نفسي.. بس تكفى يا خالي لا تخليه يقهرني بـ عيالي.. ام عامر شدت انهار اللي تجلس يسارها على كنبة لـ حالها .. اقتربت انهار و جلست جنب جدتها حتى تبكي في حضنها : يـــمه.. ام عامر : خوالكـ بـ يأخذون لكـ حقكـ منه ما تنقهرين وهم وراكـ .. ويش اللي حدكـ تسكتين عنه..!؟ انهار : ما ادري يمه .. انا مستغربة من نفسي..!! عامر : و الله لا اوريه و ادفعة ثمن كل دمعة نزلت منكـ .. ليش عياله لـ حالة..!؟ انهار رفعت راسها من حضن جدتها : خالي ما ابيكم تهاوشون معاه ما راح يقدر حتى يواجهكم.. ابي بس عيالي.. من حقي اشوفهم و اتطمن عليهم.. غازي حط يدها على راسها يمسح على شعرها : لا تخافين بـ نجيب لكـ حقكـ منه.. و بـ تأخذين عيالكـ بأمر من المحكمة و يعيشون عندكـ الحضانة لكـ عيالكـ لساتهم صغار.. انهار مو مصدقة : صدق بـ يعيشون عندي..!؟ غازي : صدق يا خالي.. انهار : الله لا يحرمني منكم.. ام عامر : بـ ترفع شكوى عليه..!؟ غازي : ايه.. بـ نوكل مشاري يقوم بالموضوع كله.. ام عامر : مين هو مشاري..؟! غازي : ايش فيكـ يمه ولد مساعد.. محامي ماشاء الله .. ام عامر : زين يا وليدي بس لا يطول فيها.. غازي : لازم تأخذ وقتها يمه المحكمة ماهي لنا لحالنا و لا عندهم مشكلتنا بس.. لازم نصبر.. عامر : انهار انتِ عارفة اننا احنا ما عديناكـ الا بنت من بناتنا و لا فرقنا بينكـ و بين عيالنا.. انهار : ادري.. عامر : عبدالملكـ خطبكـ و وافقتي عليه بـ رضاكـ .!؟ سكتت انهار.. ما توقعت خالها يسألها عن هالموضوع عن حياتها مع عبدالملك أي.. بس من البداية من نقطة الصفر الخطبة..!! غازي : ليش ما تردين..!؟ انهار هزت اكتافها : مو مهم.. عامر : لا مهم نعرف علميني..؟! انهار : ابوي وافق عليه.. عامر : يعني جبركـ ..!؟ ليش قلتِ لنا انكـ تبينه و موافقة عليه و احنا اللي كنا نحاول فيكـ عشانكـ و عشان عماد..!؟ انهار : خالي.. عماد غلط على ابوي.. و ابوي لما عرف ان عماد بـ يخطبني يبي يقهرة.. و اجبرني على عبدالملك.. و انا ما اقدر اقولكم و اخليكم تهاوشون معاه.. ما يرضيني يا خالي يظل ابوي حتى لو قهرني..!! ام عامر : حسبي الله و نعم الوكيل.. ويش هالأب اللي يقهر بنيتة..!! ماهو صاحي.. عاجبكـ هاللي صار هذا انتِ انقهرتي و قهرتي عماد و تزوجتي و جبتي ولدين و تطلقتي.. عامر : هذا هو ما نشد عنكـ من جيتي عندنا ما تبين زوجكـ ..!! انهار : طيب ويش بيدي اسوي..!؟ اقهره..!؟ مستحيل..!! يقهرني و لا اقهره..!! غازي : عامر خلاص لا تشد عليها.. عامر منقهر : عاجبكـ يعني..؟! غازي : ماهو عاجبني بس هي صادقة تبيها تشكي ابوها عندنا و نقوم انا و انت نسفل فيه.. ما راح ترضاها على ابوها حتى لو ما يدري عنها.. سكت عامر رغم قهرة على عماد انحرم من حب حياتة اللي ما خجل منه وهو يعلنة للكل.. و على بنتة انهار اللي انقهرت و انظلمت من شخص المفروض يكون اقرب انسان لها.. بيت ابو سعود.. غرفة وعد.. متحطمات بعد ما عرفوا بـ رفض امهن.. نهى : ما كنت متوقعة..!! وعد : و ربي حطمتني.. يعني عشانا على الأقل..! نهى : و الله العظيم لو مو امي اني لا اسحب عليها و اكشت فيها.. وعد : اوووففف مو معقول ذا الوضع.. ما اشوفها غير اذا زارتنا..!! دخلت غرفة وعد تجري و سحبت رجلها على الأخير حتى تزحلق : بنات لا يطوفكم مين عندنا..!! وعد : مين..!؟ ميار بققت عيونها : منيره.. وقفت وعد على ركبها : نعم..!! ايش تبي..؟! ميار : طلبت تقابل بابا.. نقزت نهى وراها وعد و بعدهم ميار.. منيره في المجلس مع ابو سعود و عيالها معاها.. نايف : يا عم الوالدة كانت تبي تجيكـ من فترة طويلة مير ظروفنا ما سمحت اضطرينا نسافر فترة و البارح رجعنا و اصرت تشوفكـ و جيناكم الليلة على غفلة السموحة منكـ .. ابو سعود : حياكم الله بأي وقت.. منيره بين عيالها الإثنين : انا ما بغيت الا استسمح منكـ يا ابو سعود.. اللي صار مني غصباً عني عيالي كانوا بـ حال الله العالم فيها.. ابو سعود : عندي علم يا ام نايف و انا من خاطري ما شلت عليكـ و الله يسامحكـ .. نايف : جزاكـ الله خير ما قصرتوا معنا.. ابو سعود : واجبي يا ولدي انتم كنتم مظلومين انحطيتوا في نص مشكلة مالكم ذنب فيها.. الله يسامح اللي كان السبب ويحللة .. نواف بـ قهر : الله لا يسامحة..!! ابو سعود : لا يا ولدي.. لا تشيل بـ خاطركـ عليه.. هو اخطأ ايه بس الميت ما تجوز عليه الا الرحمة.. نواف من حرقة قلبة : الله لا يرحمة.. منيره بـ حزم خافت : نـــواف..!! نواف : يمه ما نسيت اللي سواه فينا.. تبيني بـ هالبساطة ادعي له بالرحمة.. ابو سعود : لا تدعي له بس لا تدعي عليه.. ما احد انطعن منه كثري.. و ما قدرت ازعل منه.. نواف : يمكن انت شفت منه وجه سنع و تعرفة.. اما احنا ما شفنا منه الا القهر.. ابو سعود تنهد ما يقدر يجبر نواف يسامحة : الله يرحمة.. نايف : يا عم احنا ما جينا الا عشان نصفي الخواطر و كل مين يروح بـ طريقة.. ابو سعود : الخواطر ما فيها شيء احنا اهل.. في الصالة نهى و وعد اكثر ثنتين منقهرات..!! نهى : وهي ويش دخلها تجي بيتنا ابوي و طلقها..!؟ سعود : استغفر الله انتِ ويش مضايقكـ بالموضوع..!؟ نهى منقهرة : حلوه هاذي ويش مضايقني.. لا يكون جاية تبيه يردها.. و الله لا اموت بـ حرتي..!! خالد : ليش..!؟ اذا ابوي يبيها ما راح تقدرين تردينة.. و بعدين هذا هو خطب امكم عشانكم و رفضتة..!! نهى : بس ما يردها .. ام سعود : يا بنتي ويش هالحكي.. اصلاً بالعقل هي بـ تجي و تقول لأبوكـ رجعني حتى ماهي بـ عدتها يعني زواجة من جديد و معاها عيالها..!؟ ام حاتم : اركدي بس لا تولعين على ولا شيء.. روحي نقشي يدينك ازين يمدي جاء دورك.. وعد : انا ما بعد بلعت رفض ماما عشان القى بابا يرجع مناير.. : خير ايش فيكم..؟! ام سعود : و لا شيء.. ابو سعود التفت لـ نهى و وعد جنب بعض : ايش فيكـن واقفات..!؟ نهى : و لا شيء.. ايش عندها منيره..!؟ ابو سعود : فيه شيء اسمه احترام.. مره اكبر منكـ المفروض تنادينها خالتي..!! نهى : اوكِ خالتي منيره ويش عندها..!؟ ابو سعود يتجة لـ مكانة الدائم في طرف الجلسة : و انتِ ايش عليكـ ..!! وعد : بـ ترجعها..!؟ ابو سعود بـ حدة : انتم ويش شايفيني عندكم..؟! وعد : بابا ما قلت شيء غلط.. بس سألت لو بـ ترجعها..؟! ابو سعود : و انتِ ايش عليكـ ..؟! امكـ ما صار لها كم ساعة من رفضت بـ هالسرعة ادور حرمة غيرها..!! الحمدلله ما علي قاصر و لاني بعازة حريم زيادة.. و امكـ ما خطبتها الا عشانكن و بس..!! جاية الحين تحاسبيني و تنشديني عن شيء مو من حقكـ ..!؟ نهى : صح مو من حقنا.. احنا ويش علينا..!! (طلعت ..كل خططها هي و وعد راحت ادراج الرياح.. مع رفضهم امهم و كملتها جية منيره بـ هالوقت..!!).. وعد : بابا مو قصدنا نحاسبكـ .. بــس..!! ميار : تغارين عليه.. واضح.. ويش بقيتي لـ عساف اجل..؟! وعد : احسن لكـ لا تكلميني.. ابو سعود : خوش و الله تضاربوا ازين.. احنا حولنا بيتنا صار حراج.. سكتن الثنتين.. من غير زيادة او محاولة تبرير.. ابو سعود : وين مشعل..!؟ ام احمد : بـ غرفتة ما نزل اليوم من رجعتوا من الموعد.. هو ويش قاله الدكتور..!! ابو سعود وقف : ما قالة شيء.. انا بـ اقولة.. طلع ابو سعود و طلعوا سعود و خالد و احمد وراه.. ما راح يظل مشعل جاهل بـ هالموضوع ..وهو اليوم بـ موعدة متنرفز يبي يرمي العكاز و يمشي بـدونة لكنه ما قدر.. ميار : فيه ان بالموضوع..؟! وعد : صايرة ملقوفة انتِ.. ميار : اجازة لازم اشغل نفسي بـ احد.. وعد : الله يرسل لكـ شخص يشغلكـ فيه و تكسبين من وراه اجر.. ارتحتِ كذا..!! ميار تلعب بـ حواجبها : مثل عسييف.. ابي واحد طقماً ورقماً مثلة.. وعد : انقلعي هو واحد ما فيه مثلة حقي بـ روحي..!! ميار : هههههههههههههه و ما الحب الا للحبيب الأولي الله الله .. و طلع الخمير و الفطير اللي عندكـ .. وعد : سفرقي بـ اروح اشوف شقيقتي متغيرة من بعد ما كانت باردة بعد ما تزوجت فيصل تغيرت .. شقلبها علينا الله يهديه.. ام سعود : هديها يا بنتي تلقينها متضايقة عشان امكـ و ابوكـ .. وعد : انا بعد متضايقة بس ما بيدي شيء.. بابا سوا اللي عليه و ماما ما تبيه.. اصلاً انا من قبل كنت قنعانة ما اتوقع خالي عامر بـ يوافق يزوج بابا بعد كل شيء صار..!! ام احمد وقفت : انا بروح اشوف دانه يمكن معتازة شيء.. وعد تحط يدها على خشمها و تقلب عيونها : ريحة الحنا و المحلبية صررريعة.. تدوخ من قوتها.. ام حاتم : انت خليها بعرسك تحنين ازين.. وعد : هذا اللي ناقص مين يحني الحين غيركم ياربي لك الحمد.. تخيلي عاد كل ما رفعت يدي اشم ريحتة.. ميار : حتى انا ما احبه بس تحمست كلهم مع دانه بينقشون لازم انقش.. في غرفة مشعل.. مشعل : يبه فيه شيء.!؟ ابو سعود : لا.. بس كنت بـ اتطمن عليكـ كنكـ تضايقت اليوم بعد الموعد..!! مشعل : يبه ماني بزر واضح فيه شيء انت و اخواني جايين..!! العادة لو بغيت شيء تطلبني..!! ابو سعود : الدكتور اليوم قالي شغلة.. مشعل بـ إنفعال : كنت حاس ان فيه شيء.. لما جيت سكتوا و قلت لي ما فيه شيء.. ابو سعود : استهدي بالله.. الحمدلله الموضوع مو كبير مره و كل شيء ينحل.. مشعل : وشهو الموضوع..!؟ ابو سعود تنهد : رجلكـ تأثرت شوي باللي صار لكـ .. يبي لها علاج طبيعي..!! مشعل : ما فهمت..!! كيف تأثرت شوي..!! احمد : يعني بـ تأخذ فترة ما تمشي عليها ..تحتاج علاج بـ تستمر عليه و يرجع كل شيء طبيعي..!! مشعل : ليش ما تقول اني ما اقدر امشي عليها..!؟ ما تبون تقولون لي كذا.. خالد : قلنا لكـ اللي قالة الدكتور لنا..!! مشعل : و ليش ما خليتوني اسمعة بـ نفسي..!! ماني بزر عندكم..!! ابو سعود : مشعـــل..!! مشعل على شفا حفرة من الإنهيار : ما تبي تقول ان رجلي انشلت..!! تزين لي المصيبة تقولي بالعلاج يرجع كل شي..!! (بـ حدة ) ما فيه شيء يرجع مثل ما كان .. سعود : الا كل شيء يرجع مثل ما كان لو ما فيه طب و مالها علاج كنا علمناكـ و لا اعطيناكـ امل..!! مشعل : ما ابي امل.. اطلعوا و خلوني .. ما ابي شيء..!! ابو سعود : اذكر الله ما يصير اللي تسوية.. مشعل بـ حرقة : انا كنت حاس من قبل.. غلطت ايه و طلعت من وراكـ بس يبه انت قهرتني..!! انت عاملتني كني بزر..!! ابو سعود : مشعل الله يخليكـ لي انا ما منعتكـ الا من خوفي عليكـ .. مشعل و دمعة يجاهد ما تخرج لـ الملأ : كل شيء الحين راح كل شيء.. دراستي و حياتي حتى البنت اللي ابيها ما راح ترضى بـ واحد يمشي على عكازات..!! كــــل شيء راح.. ابو سعود لما حس بـ ضعفة ناظر عيالة : اطلعوا .. خلونا لـ حالنا.. طلعوا سعود و خالد و أحمد .. بنت و يبيها مشعل..!! موضوع اول مره يسمعونة..!! سكر احمد الباب وراه .. ابو سعود ربت على كتف مشعل : يا ابوي و الله الدكتور طمنا فيه امل.. ما راح اخليكـ بـ ارسل اوراقكـ لـ مركز برا.. مشعل : ما ابي اتعالج .. ما ابي شيء بس خلوني لحالي.. ابكي على حياتي..!! ابو سعود تنهد : فيه غيركـ حالتهم اردى يا مشعل .. الحمدلله حالتكـ ماهي سيئة هالكثر.. فيه بنت بـ خاطركـ ..!! مين هي علمني..!! مشعل : ويش الفايدة..!! خلها بالقلب تجرح و لا تطلع لـ برا و تفضح..!! ابو سعود : بـ تخبيها علي.. و الله اخطبها لكـ و اجيب لكـ موافقتها.. مشعل غصة في حلقة عالقة : ما ابيها يبه.. خلاص كلمة و قلتها..!! .. أستغفر الله العظيم و أتوب إليه.. لا أحلل نقل الرواية دون ذكر اسمي.. مواعيد البارت كل اثنين بإذن الله.. هاشتاق #رواية_لو_سألتي_الورد ضحكة قهر.. http://up.graaam.com/img/23407876b74...eba11d9f14.pnghttp://up.graaam.com/img/c433481acf7...1de64fbad2.png |
رد: لو سألتي الورد وهو ما بين إيدك أقطعك بيقول لك عمري فداك الكاتبة / ضحكة قهر
بسم الله الرحمن الرحيم.. السلام عليكم و رحمة الله و بركاتة.. مساء الخيرات.. بارت بدري هالمره..!! هههههههههه سبحان الله ربي يسرها رغم اني مو فاضية هالوقت بس لأجل عين تكرم مدينة.. الحبايب اللي منصدمين من تأثر مشعل بالموضوع و ليش ما يحمد ربه.. هاذي اول صدمتة شيء طبيعي يكون له ردة فعل.. تقبل الموضوع يمر بـ مراحل اولها الصدمة بعدها الإستيعاب.... الخ.. بـ راسي كم شغلة بس نسيتها .. ما علينا قراءة ممتعة للبارت.. أخيراً دعوة لـ بلاد المسلمين.. "اللهم الطف بـ سائر بلاد المسلمين.. اللهم احفظهم بحفظك واكلأهم برعايتك اللهم انصر هم و وحد كلمتهم .. وحكم فيهم شرعك واكفهم شر كل طاغية جبار ربِ انصر إخواننا وأهلنا و لا تنصر عليهم، ربِ ثبت أقدامهم وارحمهم ربِ رد كيد كل من أراد بهم السوء يا عزيز يا جبار اللهم تول سائر بلاد المسلمين برعايتك..اللهم احقن دمائهم ...اللهم ول عليهم خيارهم اللهم احقن دماءهم واحفظ أعراضهم و سلم ذراريهم و أموالهم نسألك اللهم أن تعصم دماء المسلمين وأموالهم وأن تجنبهم الفتن ما ظهر منها وما بطنوان تصرف عنهم شرارهم وجميع بلاد المسلمين. نسأل الله أن يجعل لإخواننا هناك من كل هم فرجا ومن كل ضيق ومخرجا ويحفظهم من الفتن ما ظهر منها وما بطن.. اللهمّ إنا نسألك السلامة لسائر بلاد المسلمين اللهمّ بدّل خوفهم أمنا اللّهمّ وولّ عليهم أخشاهم لربّهم وأتقاهم له اللهمّ ولّ عليهم من يحكّم فيهم شرعك اللهم احفظ المسلمين في سائر بلاد المسلمين واحقن دمائهم وآمنهم في أنفسهم وأموالهم وول عليهم خيارهم اللهم احفظ المسلمين سائر بلاد المسلمين من الفتن ما ظهر منها وما بطن اللهم اكفهم شر الأشرار وكيد الفجار وطوارق الليل والنهار إلا طارقا يطرق بخير يا رحمن.. اللهم عجل الفرج وأرح العباد والبلاد ممن خربوها وأذلوا أهلها اللهم ارزقهم الأمن والأمان والسلامة والإيمان اللهم اعصم دماء المسلمين و أعراضهم و أموالهم اللهم خذ الظالمين أخذ عزيز مقتدراللهم يا حي يا قيوم يا من بيده ملكوت كل شيء أنت تعلم ما حل بإخوان لنا ووأخوات لنا فيك فمن لتلك الأعراض ومن لتلك الدماء ومن لتلك الأرواح إلا أنت اللهم احفظهم بحفظك وأمن خوفهم وأبرم لهم أمر رشد يعز فيه أهل طاعتك ويذلفيه أهل معصيتك .. اللهم آمين والحمد لله رب العالمين " البارت الخامس و الستون.. فارقت .. يوم أني تمنيتك وشذنب عين بدمعها غرقا ؟ علمتني ( حبك ) وحبيتك يا ليتك معلمني الفرقاااا !! لـ حمد العيد.. بيت ابو سعود.. غرفة مشعل .. ابو سعود : يعني ما انت معلمني..!!؟ مشعل : يبه كلمة و طلعت ما عملت حسابها .. تكفى لا تضايقني اللي فيني مكفيني..!! تنهد ابو سعود و بعدها وقف : ابي اشوفكـ على العشا.. مشعل من غير لا يناظرة : مالي نفس..!! ابو سعود : مشعل يا ابوي لا تكبرها .. الموضوع ان شاء الله بـ ينحل..!! مشعل : يبه تكفى خليني لـ حالي ماني طايق نفسي.!.! طلع ابو سعود.. سكر باب غرفة مشعل حتى يوقفون عيالة الثلاثة.. : خيـــر..!! أحمد : بس بـ نتطمن.. ابو سعود : يبي له فترة يتقبل الوضع..!! بكره روح لـ دكتوره و شوف التقارير قوله يخلصها بـ أسرع وقت.. أحمد : ان شاء الله.. سعود : يبه ويش قصة البنت اللي يبيها..!؟ ابو سعود : ما قالي..!! سعود : ما فيه الا بنت عمي عبدالرحمن.. ابو سعود رفع حاجبة : عبيــر..!! خالد : يبه اجل اخطبها له.. يعني عشان تنفتح نفسة لـ العلاج..!! و من هنا لين يتخرجون ان شاء الله يكون كل شيء رجع طبيعي .. أحمد : من جدكـ انت..!؟ اقل شيء بـ نقول ثلاث سنين.. خالد : عادي .. اهم شيء هو يتقبل الموضوع و يتحمس لـ العلاج.. عشان يتطمن انها ما تروح لـ غيره.. أحمد : انا اقول ما فيه داعي لـ التسرع ما تدرون لو ماهي عبير..!! سعود مستغرب : مين فيه غيرها..؟! أحمد : ليش عبير البنت الوحيدة بالدنيا..!! انت ايش فيكـ شغل مخكـ .. مشعل ما قد جاب طاري لـ الموضوع لو هي عبير ليش ما تكلم من زمان ليش ما بان عليه ليش ما لمح..!؟ اقل شيء بـ يقول لأبوي يلمح لـ عمي ان مشعل يبيها بعد ما اختها الكبيرة انخطبت عشان ما يعطيها لأحد..!! خالد : معاكـ حق..!! ابو سعود يمشي مطنشهم : لا تحللون و لا شيء مشعل بس يجلس كم يوم و يهدأ و يطيح اللي براسة.. .. بيت سعد.. الضحكة ما فارقت محياة من اول ما ركب السيارة قاصد بيت ابوها عشان يجيبها لـ بيتة لين ما دخل على اهلة معاها بـ هاللحظة : حياكـ الله يا عروسة..!! انحرجت بالسيارة حياها و بعدها ما حكى ابد.. لكن ابتسامتة ما اختفت و هالشيء ما طمنها بالعكس زاد ارتباكها.. : يا هلا حياكـ الله.. عمر : نزلي نقابكـ ما فيه احد غريب هذا ابوي.. نزلت نقابها و تقدمت عن عمر اللي يمشي وراها.. سلمت على ابو عمر بإحراج.. ابو عمر : يا هلا ببنيتنا.. لينا بعد ما باست راسة و كفة .. بلعت ريقها عشان يبان صوتها طبيعي من الغباء تكون خايفة عاشت مع عمر 7 شهور يعني المفروض عارفتة ليش هي خايفة الحين..!! : هلا فيكـ عمي.. ام عمر تسلم عليها : نورتي بيتنا.. عمر : انا اشهد..!! لينا مبتسمة بـ إحراج : منور بـ أهلة.. ابو عمر ناظر عمر و غمز له خق الولد على طول.. عمر انفرط في ضحكة فقدها مع بعادها.. لينا تناظرة مستغربة..!! ام عمر مسكت لينا من معصمها اليسار تبي تجلسها جنبها : ما عليكـ يمه منه هذا فصل علينا اليوم.. عمر سحب لينا من امه : وين يمه مأخذتها..!! عندكـ زوجكـ تمسكـي فيه و لا تتركينة.. اما زوجتي لا.. ام عمر بـ فاجعة ما همة اللي سواه يسحبها مو مهتم : انت صاحي البنية حامل.. بـ بطنها ضنى و انت تسحبها..!! عمر تراجع بـ لينا حتى يجلسها يمينة و يجلس جنبها : لا تحولين الموضوع يمه.. بعدين لا تخافين على ولدي انا قايل لها امسكـ امكـ لا تضيعها بعدين وين ندوركـ ..!! لينا عقدت حواجبها بـ حدة من تعليق عمر..!! ناظرتة مستغربة..!! عمر : ايش فيكـ ..؟! لينا مسكت اذنها اليمين : ابداً ولا شيء..!! ابو عمر : كيف حالكـ يا بنتي..!! لينا : بخير جعلكـ بخير يا عمي.. عمر و طقم ضروسة ما اختفى : ان شاء الله دوم.!! ابو عمر يناظر ولده : انت ناشب لها بقي ترد عنها..!! عمر : يبه ويش فيكـم علي اليوم .. ما انتم مراعيني.. ترى بـ اسحب عليكم ما نتعشى معاكم اخذها و انحاش فيها..!! ام عمر : ما عاد الا هي مستبخل علينا الجلسة مع بنيتنا..! لينا : مين قال بـ انحاش معاكـ ..!؟ انت اكلت شيء اليوم..!؟ عمر : لا.. ليه..!؟ لينا : طيب شربت شيء أثر على مخكـ ..!! عمر ضربها على راسها من وراء : استحي على وجهكـ هذا حكي تقولينة لـ زوجكـ بـ اول ليلة..؟! لينا و تبخر كل الإحراج من ابو عمر و امه اعتبرتهم مو موجودين و استرجعت تيكـ الأيام اللي هي و اياه لـ حالهم ترد عليه مثل ما تبي ما تخاف من ولا شيء حتى مشاعر بـ قلبها مستخبية : استحي على وجهي..!! و انت..؟! عمر : انا وشو..!؟ لينا : ما تستحي تمد يدكـ علي..!! عمر بإبتسامة : الله اكبر نسينا ما كلينا ..!! هاه ليون..؟! (مد يده لـ ساقة) تبيني اذكركـ .؟! لينا عرفت انه يقصد الرصاصة اللي صاوبتة فيها اول يوم التقت فيه : والله انت اللي جبتة لـ نفسكـ ..!! عمر : طيب و انتِ جبتية لـ نفسكـ يا ويلكـ ان قلتِ لي هالحكي مره ثانية شايفتني فاقد عقلي..!! لينا بـ قلق بسيط من تغيره الكبيـــر عليها..!! خلال شهر ..!! مصدومة فعلاً من حالتة و كيف كان يعاملها و الكلمة بالقوة تطلع منه و الحين حتى الضحكة ما فارقتة و يمزح..!! : عمر لا تستخف دمكـ علي..!! عمر : هههههههههههههه هذا جزاي ابي اونسكـ ..!! لينا : ما راح تونسني انت كذا تخوفني منكـ ..!! اختفت ضحكتة لما حس فعلاً من ملامحها انها خايفة : من جدكـ .. لينا انا امزح معكـ ..!! لينا : ما تعودت على مزحكـ ذا..!! عمر : اللي عشناه قبل شيء و اللي بـ نعيشة الحين شيء ثاني لا تحطين اللي صار من قبل قدام عيونكـ و تقيسين كل شيء عليه.. انا قبل ظروفي غير متوتر من شغلي و مهمتي و انتِ معاي..!! الحين كل هالحمل طاح عن ظهري.. تبيني اجلس مكتوم مثل قبل..؟! هذا اللي يرضي حضرتكـ ..!؟ ما علقت لينا هي ما حطت في بالها تغيير لـ شخصية عمر اللي تعودت عليها و دخل قلبها رغم كل مساوئة.. وقف عمر و اتجه لـ الطاولة بالوسط دنق حتى يصب له عصير وقف و الكاسة بـ يدة صرخ : سالي حطي العشاء الحين.. ماله داعي نسهر دام الناس بـ تحاسبنا على الضحكة..!! ام عمر يدها على خدها و تربت على خدها بـ خفة بـ اطراف اصابعها تبي ولدها ينتبة لها .. البنت انكسحت هذا اللي ما يبي يكسر بـ خاطرها..!! لينا ما رفعت عينها عن رجلها .. تمنت انها ما جات معاه قبل لا تعرف انه تغير على الأقل..!! هو ما تغير .. يمكن هذا هو اصلاً بس انا ما اعرفة قبل..!! ليتني اعرف المكان اللي بيحطني فيه عشان أسحب على عشاة و اخليه يتعشى لحالة..!! عمر التفت حتى تجي عينة بـ عين ابوه.. وهو يأشر له على لينا.. من اول يوم بدوها خلافات و على شيء مو مستاهل..!! و قدام اهلة بعد يعني هالإثنين ما راح يهمهم أي شيء و لا يعملون حساب لأحد.. جلس عمر على الكنبة معاها بس هالمره بينهم فراغ مو مثل قبل جالس جنبها.. ابو عمر يحول مزاج الجلسة : كلمت عمكـ ابراهيم..!؟ عمر استغرب : ليش..؟! ابو عمر : عشان مشعل..!! عمر : ليش ..!! ويش فيه مشعل..!؟ ابو عمر : من ذاكـ اليوم الدكتور قايل لأبو سعود ان رجل مشعل تأثرت بـ لدغة الحية..!! ام عمر عقدت حواجبها : شلون تأثرت..؟! ابو عمر : ما يقدر يمشي عليها ما يحس فيها..!! عمر : افـــا ...!! ويش السواة..؟! ابو عمر : ما راح يمشي غير بـ عكاز.. و لازم له علاج طبيعي..!! ام عمر : وهو ويش حالة.. يمدي نفسة ماش..!! ابو عمر : ما يدري.. اخبر ابوه ما علمة للحين.. ام عمر : يا عوينتي توه بـ عز شبابة.. عمر : هذا المكتوب يمه.. الحمدلله دام فيه علاج فـ حالتة زينة.. الواحد يتعبر باللي له سنين طريحين فراش على التنفس الصناعي.. و اللي بهم امراض ماهي زينة يا دافع البلا.. ابو عمر : الله يحفظنا و يحمينا.. تفكر شلون تطلع من الجلسة و تفتكـ من الإحراج و الكبتة اللي انحطت فيها من اولها.. حضرتة جالس مع اهلة و لا هامة شيء و يسولف و لا هو مهتم فـ الأدمية اللي اول مره تشوف هالناس و لا فكر يدخلها بالمود معاهم.. و ياليته قريب تهمس له تطلع.. مبعد عنها..!! سالي : بابا عساء كله زاهز.. وقفوا كلهم الا هي.. ابو عمر : يا الله يا بنتي حياكـ .. وقفت مسكت ذراع عمر عشان ما يروح.. ابو عمر و ام عمر طلعوا و تركوهم.. عمر : ايش فيكـ ..؟! خايفة..؟! لينا : ليش تسوي فيني كذا من اول يوم..!؟ يعني زينة كذا تكسحني قدام اهلكـ ..!؟ قبل ما احد معانا ما كان يهمني ويش تقول و الا بـ شنو تجرحني .. بس الحين ما يصير عمر..!! عمر : الحين انا جرحتكـ يا لينا..!؟ طيب انتِ تشوفين الحكي اللي قلتية لي زين بـ حقي..؟! لينا : طيب انا ما عملت حساب انكـ تتغير علي..!! عمر انا ما اعرفكـ من قبل ما اعرف الا عمر اللي عاشرتة سبع شهور اكيد بـ أستنكر اني اشوفكـ على طبع غير اللي تعودت عليه..!! عمر : بس ما تقللين من قدري.. قولي انت اليوم صاير تمزح واجد.. أي كلمة هينة.. مو شارب شيء..!! و مخوفكـ بعد..!! على اني انا ما سويت شيء ماهو طبيعي..!! لينا : بالنسبة لي ماهو طبيعي .. انت ليش ما انت راضي تفهم اني حسيت بـ شعور غريب و الله خفت عليكـ يكون فيكـ شي.. كان وده يسفل فيها هالمره بس كلمة بردت خاطرة خفت عليكـ ..!! ابتسم : طيب ويش يرضيكـ ..!؟ لينا : مو تقلب علي مثل قبل شوي .. اعطيني فرصة اتعود عليكـ ..!! عمر : حاضرين لـ الطيبين كم لينا عندنا .. وحده و وتتغلى علينا..!! ابتسمت : بكاش ما تغليت .. بس طلبتكـ وقت.. عمر سحبها من معصمها : تعالي ابوي و امي ينتظرونا و لكـ مو فرصة و لا وقت بسيط لكـ العمر كله خذي راحتكـ ان ما تعودتي اليوم بكره بـ تعودين..!! لينا : عمر تكفى لا تحرجني قدامهم..!! عمر : ما احرجتكـ بس انتِ حاطة حواجز ويش كبر قدامكـ اشطحيها و تشوفين كل شيء عادي.. لينا : لا و الله انا ما قد قعدت معاهم ما اعرفهم اكيد بـ استحي منهم..!! عمر : هههههههه كل اللي قلتية اول و تستحين..!! اجل لو لسانكـ يطلع بـ طولة الطبيعي ويش تسوين..؟! لينا : ايش قصدكـ ..؟! عمر : ابداً بس ذكرت السبع الشهور..!! دخلوا لـ غرفة الطعام.. و ابو عمر و امه جالسين يتعشون.. عمر : اوف الشياب بـ يخلصون العشا عنا.. لينا : بالعافية عليهم.. ام عمر : الله يعافيكـ يا بنتي.. سحب عمر الكرسي حتى تجلس لينا بعدها جلس جنبها يمين ابوه.. عمر : فيصل مطول برا..!؟ ام عمر : كالعادة ما يرجع قبل 2 الله يهديه اهاوش فيه و لا يفهم..!! عمر : ماهي زينة يتركـ زوجتة و يسهر برا كل شوي على قل سنع مره بالإسبوع تكفي.. اما هو هايت يقالة كل ليلة برا..!! ابو عمر : خله يبي يشم هواء السعودية عدل عطشان ما ارتوى للحين.. عمر : يبه ..!! انت مخلية على راحتة ماهو اسلوب ذا.. بكره تشكية البنت ما يحق لنا نفتح فيوهنا بـ كلمة..!! ام عمر : اسكت البارح تهاوشوا و اليوم قبل لا يودي نهى تهاوشوا..!! ما ادري ويش بلاهم كنها عين و صكتهم..!! ابو عمر : لا عين و لا شيء الإثنين روسهم يابسة خليهم يدقون في بـعضهم..!! ام عمر نزلت ملعقتها بالصحن : الله يستر بس لا يتهاوشون هوشة عودة ما تصافى نفوسهم من بعدها..!! ابو عمر متطمن : ارتاحي حتى لو تهاوشوا بـ يرجعون و كنه شيء ما صار.. فيصل ما يتركـ نهى و نهى ما تتركـ فيصل.. عمر : ههههههههههه ليش ما تقول فيصل يحبها و هي تحبة..!! ابو عمر ابتسم : ايه يحبها ما ظنتي انكـ جاهل..!! اقول تسنع بس و حط لـ زوجتكـ عشاء جالس و لسانكـ وش طولة..!! عمر سحب صحن لينا الفاضي : انتم مسفلين فيني و الله .. بعدين انا ابيها تعود و هي تحط لـ نفسها.. لينا سحبت صحنها منه بـ حدة : انا احط لـ نفسي عادي.. عمر ضيق عيونة فيها : هلا بالأخــو..!! لينا رفعت حاجبها الأيمن : نعم..!! عمر : فيه بنت ناعمة تسحب الصحن بـ هالشكل..!؟ كنكـ واحد من اخوياي..!! تمنت تضربة بالصحن على راسة .. طنشت كلامة من غير لا ترد عليه حطت لها سلطة و بدت تأكل.. ما شال عيونة عنها ينتظر ردها ما تعود عليها تسكت..!! ام عمر : يا بنتي حطي لكـ من النعمة لا تستحين ما عليكـ من عمير مضيع عقلة اليوم ان شاء الله لا صحى بكره يرجع لـ ركادتة.. لينا : تكفيني السلطة يا خالة و الله مو مشتهية بس عشان خواطركم انتِ و عمي.!! ام عمر : الله يرضى عليكـ يا بنتي ما يصير هالأكل اللي تأكلينة انتِ بـ بطنكـ ضنا.. عمر استوعب : صح انتِ حامل.. و تأكلين بس سلطة و يعني مو مشتهية..!! لينا : بدري ع الإستيعاب ..!! عادي لا جعت بـ اكل.. ابو عمر : اتركوها على راحتها.. عمر همس لـ لينا من غير لا يلتفت عليها : بس هالمره عشان ابوي.. المره الجاية ابلعكـ الأكل غصب..!! لينا رفعت صوتها تعاندة : حاضر يالأخو..!! عمر التفت لها رافع حواجبة : نعم..!! لينا بـ براءة : انت قلت لي ..!! ام عمر تهاوش ولدها : اركد انت عنّا خلنا نسولف مع البنية..!! لينا مسكت ضحكتها على شكل عمر ما تبي تطلقها و يعصب عليها فعلاً.. ام عمر : تدرين يا بنتي بكره زواج دانه.. لينا : ايه خالتي.. بس.. انا مو رايحة.. عمر اللي واقف لها على الحبة في كل شيء كنه ما صدق تكون معاه : و ليش ان شاء الله..!؟ لينا : ما حسبت حساب هالشيء يعني اني اروح ما احب الزواجات أصلاً.. عمر : فيه شيء اسمه واجب نحبه و الا ما نحبة نسوية.. هذا زواج بنت عمي و ولد عمتي يعني من باب التقدير لي تروحين..!! لينا : عمر لا تربط هذا بـ هذا .. انا ما حسبت حسابي اني اروح حتى ما شريت فستان.. عمر : عادي نروح الصبح نشتري.. و على فكرة بعد يومين زواج سهاد بنت عمي.. ام عمر : انت ويش بلاكـ ششت على البنية ما ركدت من يوم ما جبتها.. لينا وقفت : عادي خالتي.. سفرة دايمة.. ابو عمر بإبتسامة : بالعافية.. لينا : الله يعافيكـ وين المغاسل..؟! عمر : اول ما تطلعين ع يدكـ اليسار.. لينا : شكـراً.. طلعت حتى يناظر سعد بـ ولدة : انت صاحي..؟! حولت البنية كل دقيقة تعاملها بـ شكل.. حتى هي توترت..!! ما يصير يا ابوي تركد شوي البنت تعودت عليكـ قبل بـ شكل معين الحين تقلب عليها مية طبع بالساعة.. ما يصير.. عمر : يبه تكفى انا اعرف كيف اتعامل مع لينا ..بس انتم اتركونا ع راحتنا.. ابو عمر : حط في بالكـ فرق العمر بينكـ و بينها البنت صغيرة يا عمر.. انت جيتني و كيد حطيت الفاس بالراس و البنت حامل لو انكـ طالب مشورتي من قبل ما نصحتكـ .. عمر : يبه لا يغركـ اللي صار كله ترى لينا عقلها كبير و يوزن بلد ماشاء الله .. و انا لو ماني متأكد اني ابيها و الله ما ارتبطت فيها .. انت اصبر كم يوم و بـ تشوفنا حبايب سمن على عسل.. ابو عمر : و انا ويش ابي غير راحتكم.. اهتم فيها البنت حامل يعني اذا نفست عليكـ ماهو تعصب عليها الحمل يأثر على نفسيتها تحملها.. عمر وقف بعد سيل من النصايح الأبوية : ان شاء الله يبه.. انا ماني بزر و خابر هذا كلة ماني غشيم.. زواج دانه.. نهى متنرفزة : اقسم بالله لو هالعمة ما تعدل لا اخربها معاها ما راح يهمني شيء..!.! ميار : ايه عشان ابو سعود يسفل فينا..!! اهجدي بس.. جود وقفت على المراية تنفض شعرها القصير ابوها اجبرها تقصة : بنات كن شعري قصير مره..؟! وعد : هذا همكـ .. انا قايلة لطوف ماهي معديتها على خير ما تتركـ حركاتها.. سها : اصبروا شوي يمكن الأدمية ما طاح اللي براسها و تبي ترقص..!! وعد : ترقص..!! و احنا مكلمين الدقاقة تشغل الزفة و دانه واقفة تنتظر الشريط يشتغل و هاذي حضرتها يعني للحين ترقص توها اللي جاء في راسها بسم الله عليها..!! جود : انتم خليكم من ذا بالله راقبوا مها.. شوفوا كيف تعابير وجهها وهي ترقص..!! وعد : لا يقالها متأثرة ياليت الدقاقة تغني اغنية حزينة يمكن تصيح.. جود دقتها مع وعد وهم يضحكون : ههههههههههههه.. جود : عاد يسيح مكياجها اللي متكلفة فيه يا حرام اخوها الوحيد و عرسة و تخرج كشختها يمكن يجيها انهيار عصبي.. وعد : الله لا يبلانا بس.. نهى انتبهي البخور لا يطيح عليكـ ..!! نهى : بـ اعد الين عشرة ان ما شغلت شريط الزفة لا اقلب الزواج فوق راسهم..!! سها : اقول تركدي انتِ مخكـ ضارب اصلاً.. نهى ناظرتها بـ حدة.. و سها بلعت العافية لا تفضحهم نهى اللي نفسيتها على طريف..!! جود : الحين ليش انا ارمي الورد..!؟ وعد : احنا بس نبدأ ما علينا من هالحلطمة.. قاطعهم صوت الطقاقة : حياكم الله يا حبايب على العشاء.. نهى نزلت المبخرة على الأرض و طلعت تجري من القاعة بإتجاة قاعة العشاء.. شافت العاملة تفتح الباب.. سكرتة بـ قوة و قفلتة بالمفتاح..صرخت فيها : مين قالكـ تفتحينة..!؟ العاملة : امي عريس يقول يفتح.. نهى : اذا جاتكـ ام العريس قولي لها ضيعتي المفتاح و انا بـ اعطيكـ على هالخدمة مكافأة.. رجعت نهى و معاها مفتاح صالة العشاء قابلت المعازيم طالعين من القاعة.. اتجهت لـ خواتها المصدومين..!! : وين جوالي..!؟ وعد تمد لها الجوال : ايش سويتي..!؟ نهى تلعب بالمفتاح قدام عيون خواتها و تطقطق بـ جوالها : و الله ما اخليها تكسر بـ خاطر اختي لو تموت قدام عيني هي اللي فشلت نفسها بـ معازيمها.. هلا وليد.. لكـ و الا لـ الذيب..؟! كفو اخوي ما تقصر.. نبيكـ تكلم ثامر يدخل ضروري من غرفة العروسة .. ضروري ضروري.. اوكـ ثانكس.. وعد ابتسمت : بـ تخلينة ينزف معاها..! مجنونة..!! نهى : غصباً عنه انا لطيف هاذي واقفة بـ بلعومي و ابي احد احط حرتي فيه بعد ما فيصل قهرني.. يالله روحوا البسوا عبايتكم وقولوا لـ الدقاقة تقول لـ الناس.. انا بـ اروح اجمع لي كم عاملة يوقفون مع دانه بـ زفتها .. وعد روحي علميها وقولي لها تطلب من ثامر و تقنعة ما فيه شيء يرقع اللي سوتة عمتكم الا ان ثامر يدخل معاها.. وعد : هوا.. افا عليكـ .. جود : يا سعدي و يا هناي كلوووووويش اليوم متصفقين من ابو سعود متصفقين ما فيها حكي.. هذا ان ما طردنا برا البيت و تبرا منا لـ يوم الدين.. نهى تلف عنها بـ تجمع لها كم عاملة معاهم البخور و الورد دام ثامر بـ يدخل بـ يوقفن البنات بعيد : عادي اخذكم معاي.. في غرفة دانه ..بـ تبكي من قهرها ما تقدر تعترض او تسوي شيء.. على اساس تنزف بعدين العشاء مو كذا ينادون على العشاء وهي تنتظر ساعة طلتها ... دانه : وعد خلاص ما ابي.. يكفي و الله تفشلت.. طاح وجهي.. وعد تلبس عبايتها : ايه هذا اللي ناقصنا ما تبين.. نهى ردت لكـ حقكـ .. دندنة لا تسكتين عن أي احد يدوس لكـ على طرف.. لا تخلين الناس تستضعفكـ و تركـب على راسكـ .. لطوف لو تدري انكـ بـ تقلبين الدنيا فوق راسها ما سوت هالحركة فيكـ .. دانه دمعتها نزلت : بس انا ما سويت لها شيء .. و الله ما ضريتها.. هي اللي خطبتني لـ ولدها.. وعد : ما تدرين لو هي اصلاً ما تبيكـ .. خلي بينكم حدود لا تمشين وراها كنكـ نعجة يقودونها.. انا ما كلمتكـ من قبل لأن لو بابا يعرف اني قايلة لكـ هالحكي بـ يدوس على راسي.. (جلست جنب دانه مسحت دمعتها بـ منديل بـ خفة عشان ما تحوس مكياجها) لا تبكين الحين بـ يدخل ثامر و بـ تقولين له ينزف معاكـ الناس ما راح تفهم ان لطوف ما تبيكـ بـ تقول ان عشان العريس بـ يدخل خرجت الناس من القاعة.. دخلت ام احمد : ليش ما طلعتوها..!؟ وعد : شفتي عمتي لطيفه نادت ع العشاء.. ام احمد : الله يسامحها.. وعد بـ حدة : الله لا يسامحها.. اللي يقهر الناس متعمد و يكسر بـ خواطرهم الله لا يسامحة.. وقفت وعد على صوت الباب ينطق : هذا اكيد ثامر.. خالة افتحي له انا بـ اطلع.. دانه كلمية خمس دقايق بـ تطلعون لـ الزفة.. وقفات بـ عبايتهن بـعيد يشهدن زفة اختهن اللي خربتها ام العريس.. عمتهن.. وجود ثامر مع دانه و امه ما تدري و لا عملت حساب لـ هالشيء بـ يردن فيه الصاع لـ عمتهن.. سها : بنات تكفون انا خايفة و الله.. ميار : عاد انا منبسطة تصدقون اول يوم اسمع حكيكم عن عمتي لطيفه احسكم تبالغون بس اليوم شفت بـ عيني .. حركتها عدم.. نهى : من قرادة حظها اني معصبة اليوم .. جات فيها.. جود وقفت معاهن : لا يطوفكم عمتي لطيفه تعذر لـ الحريم ان العاملات ضيعن مفتاح العشاء.. و الله وجهها احمر من العصبية و القهر.. سها : يمـــه و الله مرعوبة.. اقسم بالله لو بابا يدري لا نروح احنا الخمسة بـ خرايطها.. نهى : خايفة اطلعي منها اذا ابوي درى قولوا له نهى هي اللي سوت كل شيء.. وعد : انا ماني خايفة .. ليتة يدري عشان يعرف اختة كيف كسرت بـ خاطر بنتة.. جود : انا بعد ماني خايفة خلوني بـ نص الموضوع ما يهمني.. ميار : ههههههههههههه انا بعد ابي اعيش المغامرة.. ندى وقفت مع خواتها : غريبة ما اخبر ثامر بـ ينزف..؟! وعد : و لا احنا.. بس استجدت اشياء خلتة ينزف.. ندى : ياليت يخلصون بـسرعة ابي اروح البيت طفشت و الناس ما غير تبحلق بـ عيونها..!! وعد : نهى لا تنسين تعطين العاملة المفتاح و خليها تقول انها لقتة طايح.. نهى : ماني خايفة من شيء سويتة خليها تشكي لأبوي فوق شينة قواة عينة.. جود رفعت يدها تسكت خواتها : اسمعوا الطاولة اللي ورانا.. : لا لا انتِ ملخبطة هو عنده بنتين من مريم و بنتين و ولد من نوال.. : و الله بس ما ادري.. هو باقي عنده بنات ما جوزهن..!! : ايه ايه عنده بنت ام سعود اللي انخطفت من سنين و هاكـ الزمان رجعت لأهلها .. و عنده شقيقة العروس اليوم.. و بنت نوال الثانية قالوا انخطبت لـ ولد عمها.. : هالحين اللي لابسة احمر اول ماهي اللي تركها ولد خالها...!؟ : الا هي وعد بنت مريم اللي من كم شهر انخطفت.. حطت يدها على راسها : يا غبني الله يستر على بناتنا.. ما تركها ولد خالها من قل ما شاف..!! : لا عاد يقولون ان ابوها مكلم ولد عبدالرحمن الكبير يتزوجها حتى يستر عليها و عليهم..!! ابتسمت وعد من وراء نقابها بإستهزاء.. ماهن اول ثنتين تسمع حكيهن عنها الليلة.. تنوع الحكي و البهارات .. وصل الموضوع لأنهم يشككون حتى هم فيها .. باقي ينصبون لها منصة و يحاكمونها على شيء ما سوتة.. ندى انصدمت اول مره تسمع ان ابوها مكلم عساف.!! : ايش القصة..!؟ نهى : أي قصة..!؟ ندى : الحرمة تقول ان ابوي مكلم عساف عشان وعد..! جود : و ضروري يكون كلام المره صح هاذي بقي تحطنا على الطاولة و تأكل فينا بـ شوكة و سكين بلا في شكلها.. جعلها تلقاة في عيالها.. وعد و نظرها على ندى : بابا ما كلم عساف.. عساف هو اللي خطبني.. ندى منصدمة : نــعـــم..!! وعد بـ هدوء : اللي سمعتية.. ندى تناظر وعد بـ حدة : متى هالحكي..؟! انا وين عن هالموضوع..!؟ وعد : هالحكي من اسبوع .. و وينكـ انتِ اصلاً لاهية بـ نفسكـ بعدين الموضوع يخصني يا ندى.. ندى مو مستوعبة : يخـــصكـ ..!! الحين صار يخـــصكـ ..!! نهى : اقول خلصوا الزفة و الناس صخة لا تفضحونا.. انا بـ اروح اعطي العاملة المفتاح لا تفضحونا عشان ما اسفل فيكم هنا.. طلعت ندى من القاعة متنرفزة.. عساف خطب وعد..!! ليش ما خطبها من قبل دامه يبيها..!! ليش الحين..!؟ ليش بعد ما كسر بـ خاطر ندى..!! جود تناظر وعد : شكلكـ و الله العالم انكـ ناوية على عمركـ الليلة.. وعد : عشاني علمتها..!! مردها تدري اذا مو اليوم بكره.. ميار : بس وعد انتِ تدرين ان نفسيتها ماش شلون تضايقينها بـ هالشكل.. وعد : و ليش تتضايق هي اللي ردت عساف من خاطرها يعني المفروض يكون انتهى من حياتها.. سها : ناظروا ناظروا عمتي لطيفه تسلم على دانه.. جود : تقهر هالدانه متى بـ تعلم شوفوا كيف باست راسها تنرفز يبي لها احد يعلمها.. لو انا مكانها كنت نزلت الكعب و ضربتها فيه على راسها.. حموات اخر زمن..!! ميار : الله يعين ام زوجكـ المستقبلية .. اقول دام خلصت الزفة خلونا نقعد و نتقهوى من جد ابي قهوة لين ما يروحون الناس و نتيسر لـ بيوتنا.. .. بيت سعد.. : هذا انتِ رحت العرس وما نقص منكـ شيء .. قدرتيني و قدرتي اهلي.. لينا طلعت من غرفة الملابس : و انا يوم اني قلت ماني رايحة يعني قصدي ان مالكـ قدر عندي انت و اهلكـ .!! اكيد لا عمر اهلكـ اهلي.. و على راسي.. عمر : طيب يهمني توجبين اهلي يا لينا.. لينا : و انا ما قلت لكـ لا .. عادي لو كنت بـ اروح لهم من بكرة العرس و باركت لهم .. رغم انه يعتبر الحق لي .. اسم اني عروسة و هم المفروض يجوني يباركون لي.. و الا انت تشوف غير كذا..!؟ عمر ابتسم : و احلى عروسة .. انا اضمن انكـ منافسة بـنت عمي اليوم.. لينا جلست على السرير جنبة : ما تحس انكـ تعرف بنات عمكـ ماشاء الله ..!! عمر : يعني ما اعرفهن..!! حافظهن مثل كيف يدي..!! (مد يده فاردها لها).. ضربت كفة بـ قهر : استح على وجهكـ ترى ما ارضى مو بكيفكـ تقول كذا..!! كأني مو زوجتكـ كذا تقلل من قدري..!! عمر : اوف تراني جالس امدحكـ دايم العروس احلى وحده بالعرس ما احد يضاهيها بجمالها و انا قلت انكـ عروس اليوم..!! لينا : صح اذكر لما كانت عندنا بنت عماد الله يرحمها كنت تناظرها و شدوغكـ فاكها على اكبر مقاس عندكـ و تقول تشبة امها..!! ليش امها تحل لكـ و الا تحل لكـ ..!؟ عمر : هههههههههههه قولي انكـ غيرانة و افهم.. من جدكـ تغارين من بنات عمي..؟! ترى مالهن يومين من تغطن عنّا.. ترى الفرق بيني و بين دانه يمكن 12 سنة يعني يوم جات انا كنت واعي و عارف ماني بزر ما اعرفها..!! لينا : و وعد..!؟ عمر : بين وعد و دانه سنة ما ادري اقل.. لا يغركـ .. ترى دانه المفروض انها متخرجة الحين بس عمي ما دخلها بدري.. لينا تصر على اسنانها : ماشاء الله حافظ تاريخ بنات عمكـ ..!؟ عمر بـ ضحكة : مين تبين بعد.. سها و جود..!! لينا تربعت : ايه بعد اتحفني.. خلني اسمع منكـ .. عمر : سهاوي حليلة هادية لا تهش و لا تنش احسها احيان تذكرني بـ صبا بس صبا ازود منها بـ حكم ان سها مرات تضرب اذا تعاونت مع خواتها المجانين لكن اذا هددتها تسمع الحكي.. اما جود هاذي من جد من جد ما اكذب اذا قلت بنتي.. و هالشيء مو بس انا حتى عيال عمي.. لينا اللي أصغر من جود بـ سنة .. طلعت جود بنتة..!! : جود بنتكـ ..؟! و انا ويش اطلع..!؟ عمر : زوجتي يا عيني.. اسمعيني لا تتحسسين من اني اطري بنات عمي يعني انتِ فتحتي السالفة و انا زودتها .. بس اني اقولكـ انكـ تنافسين دانه و تتضايقين منها ترى ما يسوى حتى تلوين وجهكـ عني.. دايم ما اطريهم الا نادراً شيء عابر يعني شيء طبيعي بس انتِ متحسسة حتى انكـ ما نسيتي لما قلت ان بنت وعد تشبه لها.. لينا بـ حدة : يعني تشوف انه عادي تطريهم قدامي لا تقول خواتكـ ماهم خواتكـ ما عندكـ اخت الا صبا.. عمر : انا بس ابي اعرف ليش ما تكبرين عقلكـ بالعكس انا ابي اكون صريح قدامكـ و اللي بـ خاطري اقولة انتِ زوجتي يعني نصي الثاني ما يحتاج احسب حساب الحكي قبل لا اقولة المفروض تكونين قريبة من قلبي و عارفة حسن نيتي.. لينا : طيب انا زوجتكـ مو المفروض تقدر هالشيء شوي.. عمر : لينا ترى كل الحكي اللي قلتة تريقة ما يستاهل تطولين الموضوع وهو قصير.. أصلاً ما يستاهل نحكي فيه.. لينا : صح ما يستاهل انت تقرر كل شيء و على هواكـ احنا نمشي.. سحبت اللحاف و انسدحت رمت راسها على المخدة بـ قوة.. عمر رفع يده : هيـــه تبين يجيكـ ارتجاج بالمخ..؟! لينا : ما يخصكـ ..!! عمر : لا و الله مين بيروح فيكـ من دكتور لـ دكتور غيري.. لينا : الله يحفظ لي غازي بن حمدان.. عزي و تاج راسي.. عمر مبتسم من جد مجنونة هالبنت.. : و انا مالي دعوة..!؟ من البارح حادة سكاكينكـ علي.. لينا : انت اللي تدور على السكاكين و مطلعها .. لو انكـ مراعيني كنت راعيتكـ بس تستاهل ما يجيكـ..!! عمر : ماشاء الله عليكـ لسانكـ وش طولة عندي.. ما تستحين.. تبيني اعلمكـ شلون تحترمين زوجكـ ..!! لينا : عمر بليز و الله تعبانة ابي ارتاح.. خلاص اجل هواشكـ لـ الليل.. عمر : بالليل بـ نروح نشتري فستان لـ حضرة جنابكـ ما لحقنا نشتري اثنين امس الصبح.. لينا : طيب على امركـ بس تكفى ابي ارتاح الحين ظهري يوجعني.. عمر فزع : تبيني اوديكـ المستشفى..؟! لينا : لا ما يحتاج.. بس عشان الفرة طول اليوم.. لا نمت بـ اصير زينة.. .. جناح فيصل و نهى.. فيصل : و انتِ فرحانة باللي سويتية.. نهى انسدحت معطيتة ظهرها : اكيد .. اهم شيء اختي ما انكسرت فرحتها.. فيصل : بس تطاولتي على عمتكـ و خربتي فرحتها بـ ولدها.. نهى : هي اللي خربت فرحتها بـ نفسها مو انا .. هي اللي ما قدرت البنت اللي اختارتها عروسة لـ ولدها.. على فكرة ترى انت السبب اني سويت كل ذا..!! فيصل انصدم : انا ..؟! ليش هو انا اللي قايلكـ ..؟! نهى التفت عليه : لا .. بس انت اللي عصبت فيني و حطيت الحرة فيها.. فيصل : عصبت فيكـ ..!! انتِ ترى مو بس جالسة تسوين رجيم لـ جسمكـ لـ عقلكـ بعد.. نهى جلست : نعم..!! فيصل : لا ترفعين صوتكـ عندي.. روحي شوفي شكلكـ لو وحده بـ مكانكـ تشوف نفسها بـ هالجسم كان اهتم بـ صحتها شوي.. انتِ ما ترحمين نفسكـ اللي تسوينة ينعد انتحار على بطيء..!! نهى : انت السبب حتى بـ هذا انت السبب.. اصلاً انت السبب في كل شيء.. فيصل : ايه حمليني اخطاءكـ حتى البزران ما يسوون هالحركة.. عقلكـ في راسكـ وتعرفين خلاصكـ .. نهى : شوف انا ماني رايقة لكـ خلني انام لا اطلع جنوني عليكـ .. فيصل : تصدقين خفت.. ارحميني .. نفسيتكـ صايرة زفت.. لا تحسبين اني بـ اسكت عن ذا الوضع.. ماني عمي عشان اصبر عليكـ .. صحصحي يا نهى.. استوعبي مين اللي قدامكـ .. طلع من الجناح و تركها.. اما هي عدلت مخدتها و تلحفت حتى تنام.. .. بيت ابو عبدالرحمن.. المغرب.. لطيفه و دمعتها على خدها : فشلوني قصوا وجهي قدام الله و خلقة.. خلوني بـ نص هدومي..!! ابو سعود ماهو مستوعب كمية الجراءة في بناتة ..!! لـ هالدرجة بايعات كل شيء و لا يقدرن احد و ما يحسبن حساب حتى له هو..!! ام مشاري : استهدي بالله يا ام ثامر يمكن انتِ فاهمة غلط البنات وش لهن بـ المفتاح حتى يأخذنة..؟! لطيفه : العاملة قالت لي.. انهن اخذات منها المفتاح حتى اعطنها فلوس.. ابو عبدالرحمن : من هي اللي اخذت المفتاح منها..!؟ لطيفه : نهى.. مشاري : غريب و العاملة ويش عرفها بـ إسم نهى..!؟ لطيفه : ما تعرف اسمها لكنها ورتني اياها.. هي اللي اخذت المفتاح و قفلت باب العشاء.. ام عبدالرحمن : الحين يجن ابوهن يسنعهن..!! لطيفه : بعد ايش يمه .. بعد ما فشلوني بـ معازيمي.. وين اودي وجهي..!! أثير تهمس لـ أسيل : يمه منها كنها مظلومة..!! ما جابت طاري للي هي سوتة..!! أسيل : الله لا يبلانا بس .. ما احد غيرها اللي خرب عرس ولدها هي اللي فشلت نفسها بـ نفسها.. أثير : المشكلة الحين يجن البنات و شوفي بس ويش بـ يصير.. أسيل : ويش ورانا احنا نتفرج بعدها نروح لـ سهاد نطقطق عليها نكمل السهرة هناكـ .. ام عبدالرحمن تسمع اصوات البنات من الصالة : هاه هاذي اصواتهن.. عساف يكلم سعود : لا تكون وعيد رئيستهن..!؟ سعود : مستحيل ما تكون مشاركة بالموضوع.. الحين بـ نعرف ان كان هن سون هالسواة و الا لا.. ماني مصدق ان خواتي يطلعن ابوي بـ هالمنظر الشين..!! : السلام عليكم.. الجو كان غريب عليهم العادة يدخلون و السوالف تكون بـ صوت عالي بس كذا و كأنهم ينتظرون دخلتهم و يترقبونهم..!! نظرة لـ وجه عمتهم كفيلة تنبأهم باللي بـ يصير.. ترأستهم وعد بما انها الكبيرة وبعدها ميار ثم سها و اخرهم جود.. سلموا بـ هدوء مثل هدوء الجو اللي قلب عليهم.. حتى وصلوا عند لطيفه و كل وحده فيهن باست راسها و ابتعدت .. مشيهن وراء بـعض بـ هالإنتظام و كأنهن في طابور اول دليل يثبت انهن عارفات بالخطأ اللي سونه.. سها همست قبل لا تجلس : جاكـ الموت يا تاركـ الصلاة.. ميار: لو دريت ان ذا الإحساس اللي بـ يجيني ما شاركـت معاكـم بالمهمة الإنتحارية.. جلسن اربعتهن على كنبة وحده.. لطيفه وقفت : انا بـ امشي.. ابو سعود وقف : اجلسي تكفين ياخيه ما راح يصير الا اللي يرضيكـ .. لطيفه تمسح دموعها بـ شيلتها : بـ اروح لـ بيتي راسي مصدع.. ام عبدالرحمن : يا بنيتي اقعدي ارتاحي خلينا نشوف الموضوع.. لطيفه : مالي قعدة يمه.. ثامر بـ يجي هو و زوجتة.. ابو سعود : خالد وصل عمتكـ .. خالد وقف : ان شاء الله.. لطيفه باست راس امها و ابوها و خالتها : يالله نسلم عليكم.. و طلعت وراها خالد.. ابو سعود التفت على بناتة : ايش مسويات البارح..؟! جود : البارح امممم رقصنا و انبسطنا.. ابو سعود بـ حدة : جــــود..!! انا ليش انشدكـ .. الكبيرة عندنا تعلمنا هاه يا وعد..!! وعد : ممكن تروق و تستريح عشان نتفاهم..!! ابو سعود : وعد لا تستفزيني.. وعد : ما راح استفزكـ انت ارتاح عشان اعرف اقولكـ اللي عندي.. ابو عساف : معقولة يا عمي تسون هالسواة..!؟ ويش بـ يقولون عنا الناس..!؟ جود : الله ما يرضى بالظلم لا تظلمونا يا عمي قبل لا تعرفون كل شيء.. ابو سعود جلس : قولي اللي عندكـ ويش اللي انظلمتوا فيه..!! سعود : يبه الله يرضى عليكـ اهدأ بـ يرتفع ضغطكـ .. ابو سعود : الحين بـ اعرف منهن شلون تجرأن و سون هالسواة بـ عمتهن..!! مالي تقدير و لا احترام عندكن..!؟ شفتني معطيكن وجه و متساهل معاكن تبن تقللن من قدري.. لا سها و لا ميار اللي كانوا بـ نص السالفة البارح تقدر ترد قدام عصبية ابوهم.. وعد : طيب انت سمعت من عمتي لطيفه بس ما سمعت منا.. هي البارح كسرت بـ خاطر اختنا.. لما قلت لكم ان عمتي لطيفه ما خطبت دانه من فراغ سكتوني.. البارح اول اثبات لـ كلامي.. شافتنا نجهز لـ الزفة و سألينها من قبل متى بـ تحطين العشاء عشان نعرف متى نبدأ الزفة يعني تدري ان دانه بـ تنزف و كلمنا الدقاقة تشغل الشريط و هي كلمتها بعدنا ما خلتها تشغلة تركتها تكمل و تغني و عمتي لطيفه مسكت المنصة رقص لين راح الوقت بعدها نادت على العشاء و دانه واقفة تنتظر يشتغل الشريط عشان تطلع.. بكت من قهرها كله من حركة عمتي فيها.. ام عبدالرحمن : يمكن نستها.. جود : و الله العظيم ما نست حركتها مقصودة.. ما فكرت تمسكـ المنصة غير يوم كلمنا الدقاقة.. ابو عمر : يا عمي التمسن العذر الموضوع ما يسوى.. الواحد وقت ما يكون عنده هم عرس ينشغل و يضيع.. حركتكن فيها فشلتها قدام الناس..!! ما يصير.. ميار تجرأت مع خواتها و دفاعهم : هي اللي فشلت نفسها هي اللي كسرت بـ خاطر دانه.. و الله يا عمي تمشي هي و تتمخطر تبي تقهرنا يعني اذا هي عمتنا و كبيرة تسوي كذا وما احد يحكي فيها اجل تنقدونا على اللي سويناه ليش..؟! سعود التفت على اختة : ميـــار..!! جود : انا ما اقدر اشوف اختي تنضام و ما ارد الضيم عنها.. انت مو تقول خلوكم على قلب واحد.. طيب هي اختكـ ايه بس قهرت اختنا كسرت فرحتها دمعتها بـ نص عينها حتى ما كانت تبي تنزف.. تبي تهاوشنا عشانها هاوشنا و لو تبي احنا نروح الحين و نتعذر منها بس لا تبريها من الغلط و تحملنا اياه كله.. ابو سعود : بعد ايش بـ تعذرن بعد ما قصيتن وجهها قدام معازيمها..؟! أسيل : هي اللي جابتة لـ نفسها ترى بناتكـ صادقات بكل شيء قالنه و لطوف هي اللي مزودة حكي شيء صار و شيء ما صار.. سها : انتم ما تصدقونا اذا قلنا لكم شيء عنها.. تلومونا احنا ترى هي بعد غلطت هي فوق اللي سوتة في دانه قامت تسلم عليها بـ زفتها عشان ما احد ينقدها و يقول ما تبي مرت ولدها..!! ام عبدالرحمن : ويش اللي ما تبي مرت ولدها انتن ما عاد بروسكن عقل يفكر.. حق مين يكسر هالعصاة على ظهوركن يا قليلات الحيا.. ما يخصكن عمتكن ويش تسوي بـ عرس ولدها هي حره النوب نوبها ماهو نوبكن.. بدال لا توقفن معاها و تخلنها ما تعتاز شيء تطلعنها مقصرة..!! سعود : يمه الله يرضى عليكـ الموضوع بدته عمتي لطيفه صح خواتي غلطانات بس هم ما يصير تحملونهن الغلط كله لو هن اللي بدر منهن اول شيء انا اول من يوقف ضدهن.. بس على كلامهن هن مأخذات منها كلمة و الزفة ما ظنتي شيء ينسي عشان نقول سهت خصوصا ان خواتي مكلمات الدقاقة عشان تشغلها.. ام عبدالرحمن : تحامي لهن على خطاهن..!؟ عساف : سعود معاه حق يمه.. عمتي لطيفه تلقينها من زعلها زودتها حبتين عليهن.. الحين البنات يروحن لنا و يرضنها بـ بوسة راسة و لا كن شيء صار.. الناس ما تدري الا ان مفتاح صالة العشاء ضاع ماهو لازم يعرفون بـ كل شيء .. ام عبدالرحمن : ايه ايه سمعهن انت و ولد عمكـ .. ما تستحون توقفون معاهن وهن قهرن عمتهن..!! عساف : يمه حصل خير.. اللي سوتة عمتي لطيفه غلط وهن صدق زودنها بس ردة فعل لـ سواتها..!! ما يصير بعد تستضعف البنت و تكسر بـ خاطرها يوم عرسها.. ابو سعود وقف : ما راح اعديها لكن.. قدامي.. سعود : يبه انا اخذهن.. ابو سعود : لا.. انا بـ أروح ارضيها.. طلعن البنات بعد ابوهن المهم في الموضوع انهن ردن حركة لطيفه بـ وقتها لو سكتن و بقت حسرة بـ قلوبهم هن و اختهن.. أسيل : الله يرزقني بـ خوات مثلهن وناسة كذا..!! مشاري : طبعاً لـ الشطانة..!! أسيل : ماهي شطانة بس انا لو احد يدق فيني هالخبلة أثير ما راح تحكي.. اما يكون عندي اختي تدافع عني كذا .. انتم لو شفتوا دانه لما انزفت ودمعتها بـ عينها رغم ان ثامر معاها وقتها بـ حسون بـ قيمة اللي سونه البنات.. أثير : ما احد خبل غيركـ تدورين الشر اللهم يا كافي.. ام مشاري : الله يصلح الحال يا بنتي ما يصير الواحد يوقف لأخوة على كل شيء بعدين عمتهن لها تقديرها و احترامها.. أسيل : وهي ليش ما احترمت اخوها..!! و الله انهن صادقات تبي تكسر بـ دانه و تمشيها على هواها و هي ما راح تحكي.. هن عارفات لها اللي يشوفها اول يوم تحكي لكم ما يقول هي السبب بـ كل شيء .. أثير : شوفي صدق اللي سوتة غلط بس خلاص الواحد يطنش.. شفتي لو خلوا صالة العشاء مفتوحة و زفن اختهن مع زوجها اهون.. مو كذا يأخذن المفتاح و يزفن اختهن مع زوجها و ثامر يدخل و امه ما تدري عن هالزفة ضربتين بالراس توجع.. أسيل : لا لا ما ينفع كذا احس ما بردوا حرتهم يا يصكونها صكة ماهي صاحية يا يهجدون مره وحده.. انتم متخيلين كيف الواحد ينام و بقلبة حسرة و قهر على شيء.. جعلكم ما تجربونة..!! ابو عبدالرحمن رفع راسة لها وهو ما حكى طول السالفة يعرف سوالف بنتة رغم ان رد حفيداتة كان اقوى لـ عمتهن .. لكن كلمة اسيل خلتة يحكي : ليش انتِ مجربتة..!! ويش شفتي من الدنيا..!! أسيل تسند يدها اليمين على المركى و تشبكها بـ يدها اليسار : ليت احد غيركـ نشدني.. و الله يبه المفروض انت تعرف الحسرة اللي بقت 18 سنة في صدري من وعيت و انا من غير اب.. على الأقل لما كنت صغيرة ما افهم شيء بس ابي ابوي مثلي مثل باقي البنات اللي بـ عمري بس يوم كبرت عرفت ويش هي القصة صارت حسرة فيه صدري انت تنام بين عيالكـ اللي تبيهم و لكـ عيال يبون شوفتكـ و اهتمامكـ مو شيء زود..!! ام مشاري : أســـــــيل.. قضينا من هالموضوع.. أسيل : و انا قلت اني رضيت بس ما يعني هالشيء اني نسيت.. ابوي سألني ويش الحسرة اللي كانت بصدري مستصغرني و انا جاوبتة.. ام مشاري : و دامكـ رضيتي ما يصير الحين ترجعين تفتحين السيرة.. ابو عبدالرحمن : خليها يا موضي هي اهون من اخوها اللي ما تكرم على نفسة و قالي يبه لو مره..!! أثير تكلم أسيل بـ حدة خافتة بينهم : لازم يعني تكدرينة ما تراعين انه رجال كبير.. عاد هو ما يشوف غيركم كل ما جلس نشد عنكم انت و راكان هذاكـ من دوامة لأخوياة لـ النوم ما قد جلس معاه بـ ود و محبة .. و انتِ اذا ما خربتي جلستكـ معاه ما ترتاحين.. رجال كبير لو يرتفع معاه الضغط و الا سكر من زعلة و الله بتندمين انتِ و راكان على سواتكم.. أسيل : هو سألني و انا جاوبت ما قلت شيء غلط.. أثير : صح مره ما قلتِ وهو يبي يراضيكم بأي شيء و كل ما قلتوا له نبي قال سم و حاضر سوو لهم اللي يبونه.. حرام عليكم و انتم تكسرون بـ خاطرة كل ما جاتكم الفرصة.. ابو عبدالرحمن يكلم ولده عبدالرحمن : متى بـ تسوي زواج عيالكـ ..؟! ابو عساف : و الله ما ادري يبه هم يشوفون متى يناسبهم.. عساف : انا ما ابي اسوي عرس .. ملكة .. و افكر اخليها يوم العيد بالليل.. ام عبدالرحمن : ليش يا ولدي نبي نفرح فيكـ ..! عساف : الفرحة بالقلب ما له داعي نسوي عرس .. ملكة تكفي .. < ما يبي يقولهم انه شرط وعد عشان ما احد يكلمها او يلومها.. ابو عبدالرحمن : اجل عرس ماجد مع عرس راكان بعد العيد بإسبوع.. ابو عساف : اللي تشوفة يبه.. بس نشاور ابراهيم.. بيت لطيفه.. لطيفه : جيتكـ على راسي يا اخوي .. ابو سعود : الله يرضى لي عليكـ .. مها وينها ما شفتها..!! لطيفه : من شوي صحيتها الحين تنزل.. مها دخلت غرفة الضيوف : مساء الخير.. ابو سعود ابتسم : يا هلا بـ حبيبة خالها..!! جود تكلم خواتها : ياليت ابوي يغليني نص مها..!! ميار ضربتها بـ كوعها وقفن يسلمن عليها.. مها : عادي لا توقفون البارح مقابلتكم.. سلمت على البنات.. و وقفت مقابلتهم : ما عليش بعدوا لي بـ اجلس جنب خالي حبيبي..!! قامت جود من جنب ابوها لـ الجهة الثانية جنب سها : حبكـ المرض يا شيخة.. ابو سعود : حيا الله مهاوي عين السيح.. مهاوي اعطت البنات ظهرها و مطنشتهم : الله يحييكـ .. يعني ما نشوفكـ ما تجينا..!! ابو سعود : يحق لكم .. بس عاد انتِ ما جيتيني ابد الا كم مره.. زوري خالكـ طيب.. مهاوي : و لا يهمكـ بـ اجيكـ كل اسبوع لين تمل مني و ترميني.. ابو سعود باس راسها و هي باست كتفة : ما ينمل منكـ سعد عينة مين بـ يأخذكـ .. لطيفه : الله ما كتب لها نصيب يا اخوي.. ابو سعود : لا تقولين كذا مهاوي ذهبة الله ما كتبها من نصيب احمد و الا كانت من زمان منورة بيتنا..!! وعد : بـ افتري فيها.. ميار : انتِ بس اسمعي طريقة نطقها للحروف بابا شلون راضي يسمع لها و الراء عندها حاجة ثانية.. سها : لا يقول سعد عينه مين بـ يأخذكـ .. ما يدري انها من فترة تغزل بـ عسييف قدام خواتة.. وعد : هذا مو ذوق عساف يا عيني.. لو تحب يده ما فكر فيها.. لا عساف و لا اخواني يطيقون يسمعون صوتها و هي تميعة بينهم.. ما تصطلب حتى بـ حكيها.. شوفي صبا صوتها ناعم و دلوع بس الأذن تتقبلة صوت انثوي.. هاذي تتصنع الدلع و النعومة.. لطيفه : ما تدري يا أخوي لو النفوس تغيرت.. مها : ماما لا تحرجيني..!! ابو سعود : عادي يا خالي.. انتِ موافقة على احمد..!؟ لطيفه : يمكن احمد صرف نظر عن الموضوع.. ابو سعود : نخليه يعيد النظر .. انتِ قولي لي موافقة.؟! يا خالي لا تترددين.. لطيفه : هي منحرجة منكـ و منه عشان من قبل ما وافقت.. ابو سعود : ما فيه داعي للإحراج.. كثير ناس يردون الخاطب و بعدها يوافقون.. مها : خالي ما ادري و الله انا بالبداية كنت مترددة و رفضت بعدين يعني حسيت بـ تأنيب الضمير احمد رجال ما ينعاب.. طيب و خلوق.. أي بنت تتمناه.. وعد : بـ تجيني سكتة قلبية.. يارب لا تتمم هالزواجة ما ابي اخوي ينكسر بـ خاطرة جعلها الماحي..!! جود بـ صوت عالي : طيب احنا كلنا نعرف انكـ تبين واحد ثاني بـ خاطركـ ويش اللي يحدكـ ترجعين توافقين على أحمد و انتِ مترددة ع قولتكـ و مو بس كذا رفضتية..!! مها التفت لـ جود منصدمة .. تأشر على نفسها : انا..!! جود تتجاهل نظرات ابوها اللي جالس جنب مها : لا انا.. نسيتي حكيكـ ..!؟ ترى احنا ساترين عليكـ بس انكـ الحين تسوين نفسكـ ندمانة اللي رديتي احمد و انكـ تبينه..!! و انتِ بـ خاطركـ واحد ثاني.. ما يصير كذا تغشين اخوي..!! وعد : جود معاها حق.. و الا عشان قنعتي من اللي كنتِ حاطة عينكـ عليه..!! مها وقفت : انتم تهينوني و تشككون فيني..!! لطيفه بـ حدة : انتن جايات تراضني و الا تزعلون بنتي..!! ابو سعود مد يده لأختة : عليكـ الله ما تحكين دواهن عندي..!! لطيفه : خلاص يا اخوي الزواجة اللي هاذي اولها ينعاف تاليها.. مها : ما ابي اتزوج اصلاً .. عن اذنكم.. جود همست : احسن تفكين جنس ادم من شركـ .. حمارة.. ابو سعود وقف : يالله.. قامن لفن طرحاتهن ما كأنهن سون أي شيء.. رغم بـ يجيهم تهزيء ماله اول من تالي بداية بـ المشكلة اللي سووها البارح و كملوها الحين.. ابو سعود باس راس لطيفه : خلاص امسحيها في وجهي.. انا بـ اجيها و اراضيها.. لا تضيقين خلقكـ و لا هي تضايق خلقها بناتي من سواتهن امس وهن ماهن بـ عقولهن..!! لطيفه : ماني زعلانة منكـ يا اخوي.. بس بناتكـ ما عاد يحشمني.. و انا عمتهن الكبيرة.. ابو سعود : حقكـ علي انا .. ما أدبتهن.. جود من بعد رفض ابوها لـ الطب وهي مودعة فـ أي شيء بـ تسوية ممكن حتى لو ما كان ابوها رافض بس حركاتها الحين تشفي شيء من غليلها.. مشت تتمخطر و لا همها شيء.. طلعت حتى يلحقونها خواتها.. سها : انتن ويش بلاكن حركة البارح و بالقوة طافت لما وقفوا معانا سعود و عساف الحين ويش بـ تسوون..!؟ جود : انا بـ كل الأحوال متهزئة متهزئة خليها تجي على شيء يسوى.. و بصراحة هي اللي جابتة لـ نفسها.. ميار : انا ما اعرف شلون ما استحت منا فوق شينة قواة عينة متكلمة عن عساف قدامنا و الحين تقول احمد رجال ما فيه مثلة طيب و خلوق.. يا حمارة ما كنتِ راسمة على عساف وهو شراني الحين راق لكـ الخلوق.. وعد : احم احم.. ميار : ههههههههههه نسينا فيه دفاع عن عساف.. يعني انا صادقة انتم قلتوا ان عساف شراني و احمد ويش زينة حليل.. وعد : انا عادي مستعدة اتقبل الهواش .. اولاً متعودة .. ثانياً عشان استعد لـ عساف هاذي دروس من ارض الواقع.. ثالثاً بـ كل الأحوال بـ تجيني تهزيئة و مها ما قصرت زادتها مو انا اللي زدتها..!! ابو سعود من وراهن : و بعدين معاكن ما عاد فيه احترام لي..؟! جود : يعني انت تشوف اللي سوتة هي احترام.. ليش تستغفلنا و تستغل طيبة اخوي..!! ابو سعود : انتِ و اختكـ لو تجن تكلمني في شيء ما تلومن الا انفسكن.. ماني راضي عليكن.. لف و ركب سيارتة.. ركبت وعد جنبة و جود و سها و ميار وراء.. وعد : بابا الله يخليكـ ويش اللي ما انت راضي علينا..!! ابو سعود : لا تكلميني وعيد ما عاد لي احترام حتى و انا قاعد معاكم .. ما عدتوا تحسبون لي حساب.. ماني عايز لا اضربكن على سواتكن بس اقول حريم كبار اضربهن..!! لو بـ اضرب كنت ضربت اخوانكم يوم تهاوشوا..!! سكتن كلهن.. مزاجة ما يتحمل نقاش زيادة.. واضح انه معصب و ماسكـ نفسة عنهن.. تنهد .. لو احد قالة من سنة انه بـ يغير معاملتة مع عيالة بـ هالشكل ما صدقة.. ماهو عايز لا يربيهم من جديد بس كل مره تصير مشكلة و تحنن قلبة عليهم.. ما يقدر يقسى.. حس انه فعلاً كبر ماهو بـ شدتة مثل قبل.. المشاكل اللي جاتة وراء بعض هدت حيلة.. و الحين عنده وليد اللي مو متقبل زوجتة و اغلب وقتة هارب برا البيت حتى البنت تنام مع بنت خالد و مشعل و نفسيتة السيئة..!! .. يوم زواج سلمان و سهاد.. سلمان : من شفتكـ و انتِ ما رحتِ عن بالي شاركتيني كل يومي حتى في دوامي.. اخوكـ عساف صار يتريق علي.. ما صرت اعرف اشتغل مثل اول.. سهاد ما تعرف ايش تقول له..!! : تسلم.. سلمان رفع حواجبة : من جدكـ كذا يردون على ذا الحكي..!؟ ويش ذا الحيا اللي عندكـ .. فايض عندكـ وزعية ما نبيه.. ما ردت .. ما عندها شيء تقولة و حتى الجرأة ممحية خصوصاً انها لسى ما تعودت عليه.. سلمان : سهاد.. قالي عساف انكـ حياوية وشفتكـ يوم جيتكـ بس عاد مو هالكثر خلاص صرتي زوجتي المفروض ما تستحين مني.. سهاد تنحنحت : ما ..عليش يبي .. لي فترة اتعود.. سلمان : الله يعيني بـ اصبر لين تسولفين علي من نفسكـ .. شكلي اليوم انا بس اللي بـ اصدع راسكـ بالحكي.. سهاد : عادي.. خذ .. راحتكـ .. سلمان يحاول يدخلها جو معاها يبي يسمع منها حكي : طيب ويش تبين تعرفين عني.. دامكـ على ذا الحيا اكيد ما نشدتي عساف بـ تستحين منه.. اسألي.. سهاد : ما استحي من عساف.. هو مثل ابوي.. الله يحفظ ابوي بس بعد عساف حتى لو هو.. شديد شوي بس قلبة طيب.. ابتسم اخيراً حكت كم كلمة على بعض : شديد شوي..!! الا الرعب بـ حالة.. تعلميني فيه.. سهاد : ترى ما ارضى على اخوي..!! سلمان : لا والله من شوي اسحب منكـ حكي حتى ما انتِ قادرة تردين علي حكي.. و الحين لسانكـ طلع يوم حكينا عن اخوكـ ..!! انحرجت يعني لسانها طال..!! من اول ليلة خربتها..!! سلمان : طيب باقي اخوانكـ ماجد و يزيد.!! سهاد ما تناظرة عيونها بالأرض : ماجد عادي يعني له سبع سنين برا السعودية ماله فترة طويلة من رجع مو مثل علاقتنا بـ عساف.. و حتى يزيد بعد غير عن عساف.. يزيد دايم لاهي مع ربعة اذا ما كلمنا ابوي او عساف يقولة يودينا او يجيب لنا شيء نبيه هو ما ينشدنا.. سلمان ابتسم : اخاف بكره تشكيني عند ابوكـ و عساف .. سهاد تضغط على اصابع يدينها و تفركها : ايش دعوة..!! سلمان : ما ادري اذا تشكين اخوكـ بكره تشكيني.. (رفعت نظرها له وهو ابتسم) ايش فيكـ امزح معكـ بـ نشوف هالوجه الصبوح تسولفين و انتِ مدنقة ليش..!؟ .. بيت ابراهيم.. ام احمد : يا ابوي ماهي حالة هاذي.. ما طلعت مكان حتى المسجد ما عدت تروح..!! مشعل : ما ابي اطلع.. ام احمد : يابني ما يصير فيه ناس حالتهم اردى منكـ و يحمدون الله على حالهم و عايشين حياتهم.. و انت من عرفت عن رجلكـ انلبقت مره وحده.. مشعل : يمه ادري.. ادري.. انا ماني مقهور على رجلي.. انا مقهور اللي كذبتوا علي .. مقهور ان عندي وحده دخلت مزاجي الحين افكر فيها و اتحسر.. مقهور حتى دراستي كرفت كرفت و جبت معدل زين عشان ابوي ما يفصلني و بالأخير هذا انا ما اقدر اكمل.. ام احمد : بسم الله عليكـ من الحسرة فيني و لا فيكـ .. مشعل دنق حتى يبوس كف امه : لا تدعين على نفسكـ تكفين.. ام احمد : يا ابوي و الله ان ابوكـ ما علمني غير بعد ما علمكـ و اخوانكـ يقولون ان حالتكـ ان شاء الله هوينة يبي لها بس تمارين وما ادري ويش.. و الدراسة انت ما انت عاجز يا ابوي تقدر تدرس و تخرج.. و البنت اللي تبيها انت بس علمنا من هي و الله نخطبها لكـ .. و اذا ردتكـ ويش تبي فيها كانها بـ محنتكـ ما رضت فيكـ .. ويش لكـ عازة فيها بـ عافيتكـ .. مشعل : يعني انتِ تبيني اتزوج وحده و ابلشها فيني..!! يمه .. انا اقدر اقوم بـ نفسي ما احتاج وحده تقوم فيني.. انتِ ما انتِ فاهمة علي.. البنت دخلت راسي قبل خايف انه يصير شيء بس متطمن شوي ولد ابراهيم ما ينرد و ما يعيبني شيء.. بس البنت عندها عيال عم ما راح يخلون بنت عمهم تروح لـ واحد بـ رجل وحده..!! ام احمد : استغفر ربكـ يا ابوي و الله ماهي حالة ويش شايف من هالبنت عشان تأخذ عقلكـ ..!! مشعل : ما اخذت عقلي .. انا ابي افكر بـ نفسي و بس.. : خليه يمه .. هو حاسب نفسة كان بالسماء و طاح بـ قاع الأرض.. ام احمد التفتت لـ وليد : و انت بعد ما تفهمني وين تهيت كل ليلة..؟! انت ما تخاف ربكـ فيني و في ابوكـ و بالبنية اللي بـ رقبتكـ ..!! وليد : انا متضايق احتاج اني ارفه عن نفسي.. ابوي وما ردني و انا كل ما ابي اطلع اقولكـ .. و البنت خلوها وكلوها و شربوها و اتركوها بالغرفة.. ما عليكم منها..!! ام احمد : حرام عليكـ اتقِ ربكـ البنت شعرة طلعت من وجه ابوها و صارت في وجهكـ .. ليش رضيت فيها يومكـ راميها هالرمية..!! وليد : يمه الله يرضى عليكـ خلوها طيب انا اتفاهم معاه.. بـ اروح اشوف زوجتي البزر .. و ارجع لكـ خلكـ جاهز بـ نطلع نتمشى.. مشعل : ماني طالع.. وليد : ماهو بـ كيفكـ بـ نروح مقهى مع الشباب اخلص علي بس.. ام احمد حطت يدها على كتف مشعل : تكفى يا ابوي روح غير جو.. انت بعد زواج دانه ما طلعت.. حتى زواج بنت عمكـ ما رحت له..!! مشعل : و متى كان زواج دانه من كم يوم يمه ما صار له واجد.. وليد : اخلص بس يمكن بعد بكره رمضان.. عشر دقايق و راجع لكـ .. طلع وليد .. ام احمد : كان لي غلاة في قلبكـ غير تروح مع اخيكـ .. مشعل : يمه مالي خاطر ماهو بالغصيبة.. ام احمد : يعني مالي خاطر عندكـ ..!!(وقفت) زين كثر الله خيركـ .. مشعل : لا تزعلين.. ام احمد : لو ما تبي زعلي كان طعتني.. مشعل : طيب .. بـ اطلع معاه.. ام احمد ابتسمت : اجل اطلع لكـ ثوبكـ .. مكتب ابو سعود.. جود : يعني يصير كذا لكـ كم يوم ما تحاكينا..!! وعد : بابا بـــليز انت تشوف اننا اخطينا بس و الله اننا ما قلنا شيء ما صار .. مها فعلاً ما تبي احمد حرام تظلمة معاها.. ابو سعود : ماهو انتن بعد ما الشيب خط بـ راسي تعلمني الصح من الغلط.. جود : و الله صادق بس احنا نقولكـ الشيء اللي ما تعرفة.. ابو سعود : انتِ جايه تطلبين رضاي و انتِ اصلاً عاصيتني.. مطنشة حكيي ما اشوفكـ على السفرة جالسة و لا تجين تنشدين عني.. كل ذا عشان الطب اللي انتِ عارفة اني ما ابيه..!! جود : خلاص و الله بـ انسى الطب بس تكفى ابي رضاكـ .. و الله ما اتحمل يوم زيادة تكون زعلان مني.. وعد : بابا بليز ترضى يدخل رمضان و انت مو راضي علينا..!! لهن ساعة فوق راسة كل وحده من جهة تبوس راسة و تطلب رضاة.. دخل احمد : السلام عليكم.. : وعليكم السلام.. الثنتين تحطمن دخلة احمد يعني تغير الموضوع.. جود تحلطم : مو وقتكـ ترى مره داخل غلط.. ابو سعود : لا روحي اصفقية..!! هاذي اللي تبي رضاي..؟! جود : طيب انا صار لي من المغرب هنا تكفى بابا و الله مو قادرة حتى انام عدل و انت تقول ما انت راضي علينا..!! احمد : سامحهن هالمره يبه.. عرفن غلطهن.. ابو سعود : عساف و سعود توسطوا لهم بعد سواتهم بـ عرس دانه رغم اني ماني راضي ما مشى ساعة الا و هن مسفلات في مها قدام عيني ما احترمني .. وعد : بابا و الله احاول اتقبلها بس ما قدرت .. انت تشوف سواتها زينة.. ابو سعود : خلاص وعد.. (ناظر احمد) امكـ كلمتكـ ..؟! احمد جلس على كرسي قدام المكتب : ايه.. و الله يبه ما ودي اردكـ بس انا صرفت نظر عنها كلش.. ابو سعود : يمكن البنت ما اخذت وقتها بالتفكير.. احمد : يبه تذكر يومهم طولوا علينا ما ردوا ماهو معقول كل ذاكـ الوقت ما كفاها.. انا ماني غريب عنهم عشان اقول انهم يأخذون وقتهم ينشدون عني و يعرفوني عدل.. ابو سعود : يعني ..!! احمد : الموضوع انتهى من وقتها و انا شلتها من راسي.. ابو سعود : انا كنت ابي ارضي عمتكـ اذا ما عندكـ مانع و نروح نخطبها مره ثانية.. جود ماسكة ضحكتها من الفرحة لا تفجرها عند ابوها و ما يرضى .. ابو سعود التفت يناظرها : فرحانة هاه..؟! جود : ههههههههههههههههههههههه .. و الله يا بابا ما قدرت امسكـ نفسي.. يحق لي انبسط و استانس.. ابو سعود : طيب يا جود.. جود باست راسة : خلاص الله يخليكـ تكفى..!! احمد : يبه عشان خاطري هالمره .. ابو سعود : هن يغلطن و انتم توسطون لهم..!! احمد يناظر خواتة كأنهن حرس على راس ابوه : لا ما عاد تتكرر ان شاء الله .. بيعقلن.. وعد : تكفى بابا الله يسعدكـ .. ابو سعود : امري لله.. بس هذا انا انبهكم لو تكررونها مره ثانية ما راح ارضى بـ سهولة مثل ذا المره.. جود : الله يديمكـ عز و ذخر فوق رووسنا يا ابراهيم يا ابن مساعد و فاطمه.. الله يطول بـ عمركـ و يحفظكـ.. ابو سعود : بـــس يكفي .. جود : عشان تعرف انكـ غالي عندنا.. ابو سعود : مره غالي الله يهديكم بس.. (التفت على وعد) عساف قرر يسوي الملكة يوم العيد بالليل.. وعد انصدمت : وشو..!! ابو سعود : ما فيه داعي لـ التأجيل و انتِ ما تبين العرس.. الملكة تكفي معاكـ شهر رمضان تقضين فيه اللي تبينه.. وعد : بابا ما يصير رمضان عبادة مو سوق.. ابو سعود : اشتري الشيء المهم بعد العرس تكملين اللي ناقصكـ .. وعد : مالي دخل قولة يأجل.. بعد يوم العيد ليش فايقة له انا..!! ابو سعود : استغفركـ ربي.. اقوله يأجل ليش..؟! ويش عذري.. عشان خلاقين..!! وعد بابا ما يصير الرجال شرطتي عليه شروط و يش كثر و انتِ اللي شرطتي ما تبين عرس و قالكـ تم.. الحين احنا نقولة لا أجل ما نبي هالموعد وهي كلها ملكة..!! وعد : ملكة بـ حسبة زواج ليش يعني بـ يخليني عندكم..؟! احمد : وعد مو من جدكـ انتِ دايم تطلبين من النت خلاص اطلبي هالمره و اشتري من هنا يمديكـ تنجزين.. وعد : طبعاً من اولها بـ توقفون معاه و تخلوني.. ما كني بنتكم..!! ابو سعود : انتِ بنتنا وهو ولدنا.. و الله يا خوفي تسحبين علينا مثل اختكـ ما عادت تنشاف الا بـ وقت المشاكل.. وعد : انا غير...!! ابو سعود : صح غير .. اشطن منها.. وعد : بـــابـــا..!! جود رفعت اصباعها : ماعليش عندي مشاركة..!! (ابو سعود رفع حواجبة يناظرها..!! هي تكمل) عساف بـ كامل قواة العقلية لما اختار اول يوم بالعيد.. ارجعوا انشدوة صدقوني ماهو واعي لـ نفسة..!! و الا فيه واحد صاحي الصبح كله قايم قاعد و يعيد ع الناس و يروح يسوي ملكتة بالليل متى ان شاء الله بـ نتجهز للعرس متى بـ نام بعد العيد..!؟ متى بـ نفوق و نروق و ننبسط..!! ابو سعود : انتِ لا تدخلين.. (التفت على وعد) ما راح اقولة اجلة و انتِ ما عندكـ عذر يقنعني قبل لا يقنعة.. (ناظر احمد يكلمة عشان ما يخلي لـ بناتة مجال للنقاش) و انت ما تحس انكـ مزودها ..!؟ أحمد : في ايش..؟! ابو سعود : في ايش بعد في الزواج..؟! أحمد : يبه و الله ما في بالي الحين خلني لين يطخ بـ راسي و حزتها بـ اقولكـ .. دخلت ندى : السلام عليكم.. : وعليكم السلام.. سلمت على ابوها باست راسة و كفة : كيف حالكـ.. وعد ابتعدت شوي على وراء تدري ندى ما راح تعدي سالفة عساف على خير اقلها نقاش بالموضوع .. ندى : بخير الحمدلله.. احمد : كيف الحمل معكـ ..؟! ندى : يعني..!! ابو شوق مو مقصر..!! ابو سعود ابتسم : كويس.. رغم ان وجهكـ ماهو عاجبني.. ما تأكلين..!؟ ندى : امبلى.. وعد : عن اذنكم.. ندى التفت لـ وعد : لحظة.. ابيكـ (ناظرت ابوها) عن اذنكـ .. ابو سعود : اذنكـ معكـ لا ترهقين نفسكـ .. ندى : ان شاء الله.. طلعت وعد بعدها ندى.. و جود الحقتهم لأن فيه هوشة بـ تصير وهي تبي تحضرها من اولها.. و فعلاً ابتدت في غرفة وعد.. ندى : وافقتِ..!؟ وعد جالسة على السرير رجل على رجل : ايش تتوقعين..! ندى : عادي ما راح اتوقع منكـ شيء لأن ما اتنبأ باللي تبينه انتِ تسوين عكس الشيء الطبيعي و اللي المفروض يصير.. وعد : و اللي المفروض يصير اني ارد عساف.؟! ندى : طبعاً.. وعد : و الله وحده بـ حالتي ما تهنت في زواجتها الأول و طلعت منها بـ لقب مطلقة يجيها رجال عزابي هي اول بختة كلن يتمناه ليش ترده..!؟ ندى : تردينة عشانه ترك من قبل و خطبني..!! وعد : و انتِ رديتيه.. وين الإشكالية..!؟ ندى عصبت : يعني عادي ما عندكـ كرامة..!؟ وعد : حسب وجهة نظركـ ما عندي .. حسب وجهة نظري انا بـ كرامتي.. ندى : انتِ وقحة و قليلة ادب.. وعد : بعض مما عندكم.. ندى صرخت : لا تجننيني لما تبينه ليش ما قلتِ من الأول ليش ترضين يخطبني.. وعد : تراكـ تعصبين على ولا شيء.. انتِ الحين ما يحق لكـ حتى تحكين فيه.. مو عشاني.. عشان ابو اللي في بطنكـ .. انا يا ندى من قلتِ بـ ترفضين عساف قلت لكـ اذا عشاني فـ انتِ غبية اللي بيني و بينه انتهى.. و انا كنت صادقة انتهى من حزة اللي خطبكـ و انتِ وافقتي.. الخطبة هاذي مشروع جديد هو خطبني و انا وافقت بـ شروطي.. بـ كيفي و مزاجي.. ندى : لا انتِ وافقتِ عشانكـ تعرفين انه يبيكـ و يحبكـ و ما في قلبكـ وحده غيره.. و انا كان بـ يحطني مكانكـ بس اسد له فراغ.. وعد : ما يخصني هالشيء ان كان فيه احد تحاسبينة حاسبي نفسكـ .. انتِ كنتِ تعرفين بـ مشاعرة تجاهي و وافقتِ.. و بعدها تلوميني انا.. و الحين تخطين بـ طريقة ثانية.. تخطين على خالي اللي مقدركـ .. ندى : لا تتكلمين عن غازي لأن حياتي ما تخصكـ يا وعد.. وعد : و حياتي هم ما تخصكـ .. ندى : انتِ اللي جالسة تدوسين على نفسكـ و كرامتكـ و حياتكـ لما رضيتي تتزوجينة بعد ما تركـ و خطبني.. انا ما يضرني الموضوع تزوجت و شفت حياتي.. وعد : طيب صح انا ادوس على نفسي كيفي هذا شيء راجع لي ما احد قالكـ شاركي معاي.. ندى : انا الغبية اللي جالسة انصحكـ .. وعد : لا تضحكين على نفسكـ انتِ ما تنصحيني.. انتِ فقدتي عقلكـ من حملتي.. لو انكـ واعية ما كان اصلاً جيتي تناقشيني بـ ذا الموضوع و انتِ على ذمة غازي.. طلعت ندى من جنب جود الواقفة على الباب متفرجة.. جود : فيه شيء انا مو فاهمتة..؟! وعد : ويش اللي مو فاهمتة.. جود : فعلاً يعني خطبة عساف لـ ندى ممكن تخليكـ ترفضينة الحين.. ايش اللي خلاكـ توافقين..؟! وعد : ابي اعيش ابي ارتاح.. انتم مو حاسين بـ كمية الألم اللي في صدري و الوجع من سنة للـحين.. انا ضعفت ضعفت عماد كسر مجاديفي كلها احتاج احد يقويني من جديد يسندني و ما احد يقدر يوقف جنبي ويعوضني كل شيء الا عساف.. ايه نعم انجرحت من خطبتة لـ ندى بـس جروح عماد لي كانت اكبر.. لو اني متزوجة عساف من زمان ما كان ذقت اللي ذقتة مع عماد .. كنت اعترض على تحجر عساف انه ما يبيني ادرس او اختار وظيفة بـ راحتي.. و كنت رافضة هالمبدأ بس زواجي من عماد خلاني اشوف النعمة اللي رفستها.. على الأقل عساف يبيني و الشيء اللي بـ يضرني فيه بـ يضر نفسة قبلي.. لكن عماد كان يجرح فيني و لا يهتم.. جود : اقنعتيني.. صدق عساف عسر بس يعني فيه شوية طيبة يكفي وقف معانا بـ سالفتنا مع عمتي لطيفه.. وعد : خليكـ من الطيبة .. هو عز لأي بنت.. أي وحده تكون تحت جناحة ما تنكسر و لا تنضام.. يمكن يتهاوش معاها يختلف بس يقدر الضعف .. المرأة مهما كانت قوية هي اضعف من الرجال خصوصاً في مجتمعنا .. بحكم نظرة المجتمع .. و كمان بعض الأشياء اللي المرأة ما تقدر تسويها الا مع رجال.. جود : طيب .. ندوش من زمان و انتِ و اياها مو على قلب واحد.. ليش.؟! وعد : يعني نكره بعض..؟! انا عني ما اكرهها.. جود : مو شرط تكرهون بعض .. بس دايم تهاوشون.. داااايم بس الفترة الأخيرة هاجدين و الا من قبل انتِ و اياها ما تتواطنون بـ عيشة الله.. وعد : ما ادري.. دايم هي حاطة نقرها من نقري ويش اسوي لها.. و انا ما احب اسكت.. من دق الباب سمع الجواب.. .. بيت لطيفه.. لطيفه : وهي ليش ما تنزل من بدري على يديها نقش الحنا..؟! ثامر : يمه الحين بـ تنزل.. لطيفه : تبي تفشلني بـ ضيوفي مثل سواة خواتها.. اسمعني يا ثامر هذا انا نبهتكـ زوجتكـ ان ما قضيتها القاع و علمتها تبعد عن خواتها بـ تركب فوق راسكـ مو بس هي خواتها معاها .. بـ تمشي كلمتها عليكـ.. ثامر : يمه ماني بزر اقدر احكم زوجتي.. لطيفه : بـ تكون بزر اذا طاوعتها على كل كلمة تقولها .. اسمع الكلام العدل.. امسكـ رجلها عن بيت خالكـ لا تخليها تروح لهم كل شوي.. ثامر : يمه من يوم تزوجنا ما راحت لهم و لا مره حتى انها اليوم قالت لي و انا قلت لها بـ يجونا عماتي لازم تكونين فيه.. اما بيت خالي ما اقدر امنعها عنه.. لطيفه : لا تمنعها كلش عشان خالكـ ما يشكـ لكن يوم بالإسبوع توديها تسلم على امها و ابوها ساعة تكفيها ماله داعي تجلس مع خواتها عقارب يملن راسها عليكـ .. تراهن ملسونات و يأكلن الواحد بـ قشورة.. و الله لا يقلبنها عليكـ و يخلنها اخت لإبليس.. ثامر : استغفر الله العظيم يمه الله يرضى عليكـ هذا مو حكي ويش تحلفين.. و اخت لإبليس ما يصير.. لطيفه : ايه اجلس كذا و اسمع لها و بكره تجيني تصايح من وراها.. قولها تنزل طولت على ضيوفنا.. ثامر : ان شاء الله .. نزلت لطيفه تحت و دخل ثامر جناحة.. شاف دانه واقفة على المراية.. : يالله دانه طولتي.. دانه : طيب بس ما ادري احس شكلي فيه شيء غلط.!! احس ناسية شيء مو عارفة وشو هو..؟! قرب ثامر و وقف جنب المراية : الكمال لله .. كاملة ماشاء الله عليكـ .. انحرجت : شكراً.. ثامر : عفواً.. دانه : ثامر عماتكـ بـ يتعشون..!؟ ثامر : اكيد.. ليش.؟! دانه : بس كنت افكر اذا مو مطولين اروح لأهلي ازورهم.. ثامر و كلام امه يدور في راسة : اجليها الروحة ما يصير تتركين البيت و جاينا ضيوف صح عماتي بس اكيد جاين يسلمون عليكـ بعد.. هذا بيتكـ .. دانه : طيب.. اللي تشوفة.. .. مكتب غازي.. عساف : نبي نستدعي صلاح لـ التحقيق من جديد.. : السلام عليكم.. التفتوا على عماد.. لكن عماد نظرتة مثبتة على عساف مع ابتسامة.. : وعليكم السلام.. تقدم عماد : طلبتني طال عمركـ .. الفريق غازي : ايه نعم انت قلت بـ تكمل تحقيق مع صلاح و عساف بعد يبي يحقق معاه فـ ادخلوا مع بعض.. عماد يناظر عساف : ما يحتاج عساف يكفي.. الا مبروكـ الخطبة.. عساها بس هي اللي كانت بـ خاطركـ ..!! .. أستغفر الله العظيم و أتوب إليه.. لا أحلل نقل الرواية دون ذكر اسمي.. مواعيد البارت كل اثنين بإذن الله.. هاشتاق #رواية_لو_سألتي_الورد ضحكة قهر.. http://up.graaam.com/img/23407876b74...eba11d9f14.pnghttp://up.graaam.com/img/c433481acf7...1de64fbad2.png |
رد: لو سألتي الورد وهو ما بين إيدك أقطعك بيقول لك عمري فداك الكاتبة / ضحكة قهر
بسم الله الرحمن الرحيم... السلام عليكم و رحمة الله و بركاتة.. احس اليوم عندي حكي كثير كثير بس بعيد عن الرواية.. بس نبدأ بـ نقطتين بالرواية اول شيء.. بالنسبة لـ وردية الخد بإذن الله راح ارد على تعليقكـ لكن ما فضيت للحين لكن احب اقولكـ صدقيني انا ما زعلت من تعليقكـ انا لو بـ ازعل من النقد ما كنت كتبت رواية مستحيل يكون فيه رواية كل قرائها راضين عنها و نظرتهم وحده .. يعني مو معقول بـ القى قرائي اللي فوق المليون لهم نفس نظرتي و نفس تفكيري و يوافقوني بكل شيء.. فـ اختلاف الرأي ما يسبب زعل و لو كنت ازعل من هالشيء صدقيني ما نشرت لي رواية.. كنت احتفظت فيها بـ ملفاتي دام أني ما راح اتقبل اراء غيري.. النقطة الثانية مواعيد البارتات و الإختبارات!! ما ادري متى بـ يكون البارت الجاي بحكم اختبارات الجامعيين..!! يمكن يكون الأربعاء او الخميس.. ما يصير ما انزل بارتات و البطالية امثالي ويش ذنبهم..!! لازم نراعي الجميع.. راح ابلغكم بالموعد ع الأسكـ ان شاء الله.. الموضوع الثاني اللي ودي اكلمكم فيه .. هو طلب مو موضوع .. اطلب منكم دعوات.. دعوة لـ رجال الأمن على الحدود يسهرون على حماية البلد الله يحفظهم و يسدد رميهم.. دعوة لـ جميع الشهداء في رمي الحوثيين على نجران الله يرحمهم و يصبر اهاليهم و يلهمهم الصبر و السلوان.. دعوة لـ بلدنا الله يحفظها و يحميها من كل شر اللهم من اراد بلادنا بـ سوء فـ رد كيده في نحرة.. و أشغلة بـ نفسة.. دعوة لـ بلاد المسلمين اجمعين سوريا العراق ليبيا فلسطين الله ينصرهم و يوحدهم على كلمة الحق .. الله يرحم شهدائهم و ينصرهم على أعدائهم .. دعوة لـ كل المساجين المظلومين.. حميدان التركي.. خالد الدوسري.. و غيرهم الكثير.. الله يعجل بالفرج .. الله يفكـ اسرهم و يجمع شملهم مع اسرهم.. ما عليش الكلام مو مرتب بس شيء في خاطري و حبيت اقوله لكم.. دعوة لأخيكـ في ظهر الغيب بإذن الله مستجابة.. اخيـراً حياكم الله جميعاً... و قراءة ممتعة.. البارت السادس و الستون.. لمحت " عينك " وانا بين ارتباك وحنين واقفيت كن اللي تحتي بحْر ماهو ثرى مشيت وانتي ورى ظهري وقلبي حزين ياليت لي " عين " لاقفّيت تنظر ورى ! لـ ماجد بن مقبل.. مكتب غازي.. عساف : نبي نستدعي صلاح لـ التحقيق من جديد.. : السلام عليكم.. التفتوا على عماد.. لكن عماد نظرتة مثبتة على عساف مع ابتسامة.. : وعليكم السلام.. تقدم عماد : طلبتني طال عمركـ .. الفريق غازي : ايه نعم انت قلت بـ تكمل تحقيق مع صلاح و عساف بعد يبي يحقق معاه فـ ادخلوا مع بعض.. عماد يناظر عساف : ما يحتاج عساف يكفي..(ابتسم بإستهزاء) الا مبروكـ الخطبة.. عساها بس هي اللي كانت بـ خاطركـ ..!! غازي يناظر عماد بـ حدة.. و عماد مطنش ما زال على الإستهزاء بـ عساف..!! عساف من غير لا يناظرة و يده اليمين على المكتب يلوح بالقلم على الأوراق المبعثرة في الملف : الله يباركـ فيكـ .. عقبالكـ ..!! عماد : ما قصرت بنت عمكـ كرهتني بـ جنس حواء عقبالكـ انت تكره الحريم..!! عساف التفت يناظرة بـ حدة عينة قاتلة قاتلة .. بأي حق يسمح لـ نفسة يحكي عنها بعد كل شيء سواه فيها..!! : و الله هقوتي انت اللي شطحت و خطبت وحده اكبر من مقامكـ ما عرفت تعامل معها.. يعني البلا فيكـ مو فيها.. عماد بقق عيونة : نعم..!! عساف وقف : اللي سمعتة.. و ان سمعتكـ تحكي فيها يا عماد لا ادفنكـ بـ ارضكـ و لا يهمني احد.. هذا انا حذرتكـ ماني مثل عيال عمي بلعوها و سكتوا وعد صارت لي ما يحق لكـ حتى تذكر انها كانت حليلة لكـ بـ يوم.. عماد : تصدق خفت شوفني ارتجف من خوفي..!! بس صراحة شيء محيرني يعني.. ليش ما قلت لي ان لكـ خاطر فيها كنت طلقتها و خليت نحسها لكـ ..!! تقدم عساف حتى يمسكـ عماد المبتسم بإستهزاء على عساف لفة حتى يوقفة ظهرة على مكتب الفريق غازي المتفرج على الموقف قدامة عماد منهبل لو هو صاحي ما كلم عساف عنها بـ هالشكل .. عساف : تراني ما اهدد على الفاضي..!! اصلاً انا ويش ارجي من واحد مثلكـ ..!! اسم رجال و فعولهم ما يدل دربها..!! اتسعت عيون عماد بـ عصبية و ابعد يدين عساف من على صدرة بـ حدة : رجال قبل لا اعرفكـ انت و اياها..!! انت الرجال اللي كنت تحكي عن زوجتي قدامي..!! عساف : ما قلت فيها شيء ينقص منها.. لكن انت كسرت المره اللي تحت جناحكـ ظلمتها و بهتها.. لو انكـ رجال قدها ما استضعفتها ما بنيت في راسها افكار عن اهلها ويش كنت مستفيد يوم تكرها في اهلها.. تدري لو وهي توافقني اقسم بالله يا عماد لا ارفع عليكـ قضية و ارميكـ بالسجن..!! غازي وقف بينهم : و لا كلمة زيادة زودتوها انتم الإثنين .. احمدوا ربكم ان كل شيء صار في مكتبي ما فضحتونا قدام الناس..!! يا حيف على الرجال اللي تهاوشون عشان مره..!! اتسعت عيون عساف : يا حيف..!! تقلل من قدرها و انت خالها..!! تبي توقف معاه بعد كل اللي سواه فيها.. هو ماله حق حتى يحط عيونة بـ عيونّا .. بنت عمي دانه هو ما صانها .. ان كان انتم ما تعرفونها و الا عارفين قيمتها .. ما يحتاج أجادلكم في شيء انتم اصلاً ما عرفتوه و لا عرفتوا قيمتة.!! غازي بـ حدة : اصفقني احسن..!! عساف بلل شفايفة : ان كانت وعد هي المره اللي بـ نتهاوش عشانها مستعد اوصلها لـ المذابح مو بس هواش..!! عشان تقول عنّا يا حيف.. هالحكي يـنقال له هو .. يعني الحكي اللي قاله لي حكي اوادم صاحية..!؟ اللي سواه فيها و يقولة عنها حكي واحد بـ راسة عقل..!؟! عماد جلس على المكتب وراه : و الله انا احكي على حسب الفترة اللي عشتها معاها..!! عساف : و انا ما طلبت منكـ حكي.. و صدقني ان العيب فيكـ مو فيها.. هذا انت طلقت زوجتكـ الثانية اللي اخذتها عشان تقهر بنت عمي..!! يعني لا ذي و لا ذي معقولة الثنتين غلطانات و انت معصوم من الغلط..!! راجع نفسكـ قبل لا تبهتها.. عماد : شكراً على النصيحة.. بكره بـ تقول عماد قال..!! عساف : حتى لو ما اتفقت معاها ما راح افرط فيها لأني انا عارف انا مين مأخذ.. انت خطبتها عشان أبوكـ يقهر عمي ما انتبهت ان ابوكـ اهداكـ نعمة بإنتقامة.. انت من يوم ضيعتها و قلت انها هي ذبحت بنتها و انا غاسل يدي منكـ ما براسكـ عقل و كل شيء سويتة يدلل على هالشيء راجع نفسكـ لو ساعة و بـ تعرف انكـ ظلمت نفسكـ قبل لا تظلم أي أحد ثاني..!! عماد بـ برود و لا كأنه اثار غيرة عساف الواضحة من نبرة صوتة و حدة نظرتة : ما الومكـ واضح ان قليبكـ عندها .. مردكـ تعرف انكـ غلطان و ترجع لـ صوابكـ بـ تعاشرها و تعرف انها ما تنطاق..!! عساف : لا جيتكـ اشكي الحال صفقني.. و الا اقولكـ حط سلاحكـ بين عيوني و انا محللكـ .. اتجه عساف لـ ملفة رتب اوراقة : انا نازل لـ التحقيق.. عن اذنكـ .. أدى التحية العسكرية لـ رئيسة و طلع.. الفريق غازي ناظر عماد : استخفيت..!؟ عماد : ما بقت في راسي عقل.. غازي : خلاص لا تحقق مع صلاح عساف يكمل التحقيق ما يحتاج وجودكـ .. عماد لف له : لا بـ انزل.. عناداً فيه.. طلع عماد مو مهتم.. غازي غمض عيونة ما يخلص من مشاكل بيتة حتى تجيه مشاكل بين عساف و عماد .. سعود اهدأ من عساف حتى لو عماد انتقد وعد على شيء يمشي الوضع و لا يهتم مو عشانة عاجز عن الرد لكن لانه يدري ان عماد راكبة الغلط ليش يناقش شخص ما راح يستوعب الحكي..!! و اختة تطلقت و جاء لها نصيب يبيها من زمان و راغب فيها..!! (تنهد) حتى تطري عليه ندى اللي زادت حالتها سوء بعد زواج اختها..!! و عصبيتها زايدة..!! طلع من مكتبة حتى ينزل لـ غرفة التحقيقات ان ما صارت مذابحة بين عماد و عساف يعتبر انجاز .. فتح الباب حتى يدخل.. وقفوا الإثنين و ادوا التحية العسكرية.. : استريحوا.. صلاح ابتسم : لا موظفين محترمين ماشاء الله.. عماد : محترمين قبل لا نعرف خشتكـ .. صلاح : واضح.. ايش المقصد من التحقيق الحين انا قلت كل اللي عندي..!! عساف : لا ما قلت كل اللي عندكـ كثير نقاط تعديتها و لا ادليت بـ إعترافاتكـ بـ خصوصها.. انت تدري يا صلاح بـ كل الأحوال انت محكوم عليكـ لأن الأدلة كلها تدينكـ حتى ان اخوياكـ كلهم اعترفوا بـ كل التهم اللي عليهم و على رأسهم الصقر و عندنا أكثر من تسجيل تظهر فيه معاهم تخططون لـ عملياتكم التخريبية و عدة اوراق تحمل توقيعاتكم و خططوكم و هالشيء احنا متأكدين منه يعني مسألة انكـ ما تجاوب على أسئلتنا شيء ما يفيدكـ بـ شيء انتم بـ ينزل حكمكم جميع مع بعض و بـ يتنفذ قدام الملأ.. صلاح : ما فهمت كل هالمقدمة ويش سببها..؟! ويش الأسئلة اللي بـ تسألها.. عساف : من الصفر.. نبدأ .. لما القينا القبض عليكـ انا و العقيد سعود بسبب اقتحامكـ لـ بيت ابراهيم بـن مساعد و تهديد بإختطاف بنتة و استخدمت السلاح و ارعبتهم كان شغلكـ هذا كله خارج العصابة و عشانكـ متأكد ان ابراهيم بن مساعد احد اهداف الرئيس و ضررة ما راح يخلي الرئيس يقضي على حياتكـ اخذت راحتكـ .. و هددتها اكثر من مره حتى ترد على اتصالاتكـ و رسايلكـ.. صلاح : حلوو حتى لو كان ابراهيم بن مساعد ماهو احد اهداف الرئيس انا كان قصدي اضر سعود مالي في ابراهيم شيء.. الا انه ابو سعود.. عساف : شلون اقتحمت البيت تحت الحراسة .. ابتسم صلاح بإستهزاء..: ما قد سمعت بالتزوير..؟! عقد حواجبة عساف بـ حدة : تزوير..!؟ صلاح : زورت بطاقة ياسر و عرضتها على الحارس على اساس اني من اهل البيت و دخلت البيت من باب المطبخ و الخدامة هي اللي دلتني على غرفة وعد وقت مع العيلة السعيدة مشغولة بـ زواج ابوهم ..!! لو بيد عساف كان غرس القلم بكل خلية من جسم صلاح بداها بـ عينة اللي شافت شيء مو من حقة..!! الفريق غازي : ما فكرت انه ياسر يكونون الحرس متأكدين ان ياسر داخل البيت.. صلاح : الحرس ما كانوا ثابتين اللي يوقفون على الباب كل مره واحد يوقف فـ ما هم عارفين مين اللي دخل و مين اللي قعد و اذا عرضت بـطاقة مدنية وقرأ الإسم هو يعرف ان ياسر واحد من عيال ابراهيم و قرأ هالإسم بـ يدخلني اكيد ما راح يجي في باله اني بـ أزور اسم واحد من رجال البيت عيني عينكـ و ادخلة وهم فيهم..!! عماد : و الخدامة شلون تعاملت معاها..؟! صلاح : كل شيء بالسلاح يجي.. دلتني على الغرفة و هددتها و دلعتها بـ ريالين .. عساف : ليش وقتها كنت تضغط على عمي عشان يزوجكـ اياها..!! صلاح مبتسم بإستهزاء : متعة..!! وقف عساف بـ قوة و الكرسي اللي جالس عليه طاح وراه .. مسكـ صلاح من رقبتة يخنقة بـ قوة و يصر على أسنانة : عيد اللي قلتة..!! وقف غازي و سحب عساف : مجنون انت .. كلها كم يوم و يتحاكم.. تبي تبلي نفسكـ بـ مجرم..!! عساف ادار ظهرة ينفس غضبة..!! شلون يتحمل يحكون فيها..!؟ يحس النار تكوية من قلبة و تمشي مع عروقة في كل جسمة و ترجع تتجدد مع كل حرف و كل ما ذكر هم ويش يقولون عنها..!! ضرب الجدار بـ قوة بـ قبضة يدة ما حس بالألم اللي داهم عظام كفة من شدة الضربة ألم قلبة أقوى.. كل ما احد نطق فيها يشوفها قدامة و كأنها تطلبة يدافع عنها..!! هي صارت له من عرضة و شرفة ما راح يسمح لهم يحكون فيها التفت : اشهر يده اليسرى بـ تهديد اقسم بالله يا صلاح لو ما تكلمت بإحترام لأطلع الحرة كلها فيكـ و استخدم معاكـ اساليب ما تليق الا بـ ناس منحطين امثالكـ ..!! صلاح وجهة احمر من خنق عساف له.. بايعها هالعساف كان باقي لـ صلاح ع الموت شعرة و لا اهتم..!! ويش دخلة..!! اذا عماد زوجها و جالس كل ذا عشان بنت عمة..!! ناظر عماد : ماشاء الله الدنيا انقلبت زوجتكـ انت جالس مو هامكـ الحكي وهو يدافع عنها..!! غازي ضرب بـ يدية الثنتين على الطاولة و عينة مثبتة على صلاح : ما يخصكـ جاوب على الأسئلة اللي نطرحها عليكـ من غير لا تزيد و لا تنقص..!! عساف جلس مكانة : بـ مساعدة مين طلعت من السجن..!؟ صلاح : ناصر.. اللي كان يشتغل معاكـ و انت يا غافلين لكم الله..!! عساف اخذ نفس يحاول يضبط اعصابة على انسان ما يستاهل..!! : ليش كنتم تشتغلون في مجموعتين وحدها يترأسها جلال و وحده سطام..!؟ صلاح : نوهمكم اننا مجموعتين.. و ان فشلنا بـ عملية ناوينها هنا ننجح بـ العملية الثانية..!! من طبيعة شغلنا اذا بـغينا نسوي عملية نطرح اكثر من شغلة يكون لنا عملية اساسية و الباقي توابع لـ التشتيت و نستفيد من وراها.. عماد : ليش لما أخذت بنت ابراهيم و شافها سطام و بلغتوها بـ التفجير حبستوها بعدها بالسيارة لما جاكم عزام و قلتوا له انكم اهديتوها له.. ليش تكبدت عنا خطفها اجل..؟! صلاح : خطفتها بـ أمر من سطام كانت هاذي مهمتي و ما بلغني ويش الهدف الا لما جبتها.. و زياد كانت عنده مهمة ثانية.. عساف يقاطعة : قتل الدكتور اللي كان يشرف على حالتة و كل عيلتة..؟! صلاح : حلوو حافظين الدرس..!! عساف : بعدها..!؟ صلاح : احنا كنا ندري ان عزام له علاقات مع الأمن.. بس ما كنا نعرف انه رجل امن و يشتغل على القضية.. و بـ كذا قررنا نعطية وعد.. عشان وعد توصل لكم المعلومات اللي حفظناها اياها تقولها لكم.. عماد : تفجير مجمع الزمرد و مجمع الصالح.. صلاح : عليكـ نور و هاذي التوابع لـ هدفنا .. و الا عمليتنا الأساسية تكون بالدرة.. بعد ما يجيكم التبليغ من وعد و تشوفون ان المجمعين واحد خالي و الثاني متفجرات عادية ممكن تشكون إن الموضوع مجرد بلبلة بعدها راح يجيكم تبليغ من طرفنا عن مجمع الدرة و اللي راح تروحون له و تشكون ان الموضوع مثلة مثل المجمعين اللي قبلة و يكون الموضوع ما هو على محمل الجد وقتها تكون مهمة تركي بن سيف او راشد خويكم بإنه يفجر المبنى و أنتم فيه هاذي كانت خطتنا الأساسية.. لكن وعد عرفت بـ طريقة ما ان الدرة هو المجمع اللي مستهدفينة و بلغتكم فيه.. و هذا سبب اخذنا لها بالمستشفى..!! الفريق غازي اخذ نفس : اغبياء ..!! احنا نأخذ كل شيء و كل حرف و كل كلمة على محمل الجد لأن بـ أرقابنا ارواح معلقة و أمن ناس و بلد..!! حتى لو جانا ألف بلاغ .. عساف : و بعدها..!؟ تركي ليش ما نفذ مهمتة...!؟ صلاح : لأنة خاين لنا .. عماد هز رأسة : خاين..!! صلاح : فجأة تغير تعاملة و صار ما يفيدنا بـ اللي حطيناه بينكم عشانة.. صار يعطينا معلومات ما تفيدنا بـ شيء و حتى مهمتة ما تممها.. عساف : و قررتوا تقتلونة بـ المستشفى...!! صلاح ابتسم : نريحة من عنى مرضة..!! أي قلب يحمل هذا الشخص..!! يتكلم عن شخص ميت ..!! وين حرمة الميت..!؟ يتكلم عن القتل و كأنه شيء عادي..؟! و الخيانة و العمليات و كأنها شربة ماء..!؟ أي ضمير يملكة..!؟ أي ضمير..!؟ عساف : ما انت ندمان على شيء..!؟ صلاح : لا.. عساف : زوجة تركي كنتم تدرون انها بنت لإبراهيم بن مساعد..؟! صلاح : تقدر تسأل هالسؤال لـ الصقر هو يجاوبكـ .. وقت ما صارت هالسالفة انا ما كنت موجود.. لكن الصقر من زمان يعرف الرئيس.. عماد : ايش رايكـ بـ قتل بنات الصقر..!؟ صلاح : اسألة هو تسألني ليش .؟! ويش علي منهن..!؟ عماد : ما تعرف مين قتلهن..؟! صلاح : لا.. عماد : متأكد..!! صلاح : اعتقد اعطيتكم معلومات فوق توقعكم.. لاحظوا اني ماني مستفيد شيء مثل ما قلتوا الأدلة مثبتة ضدي بس عشان (ابتسم) اشبع فضولكم و لا نموت من غير لا تعرفون اجابات اسئلتكم..!! عساف : الله يهد ضروسكـ ..!! الفريق غازي وقف : خله يوقع على اقوالة.. .. بيت غازي.. ريما منصدمة : متأكدة..؟! لينا : يب عمي كان يكلم عمر حزني يا حرام .. تخيلي عمر راح له و اعطاه تهزيئة..!! ريما : ليش..؟! لينا : يقول ليش يضعف كذا..!! قهرني قهرني احس هذا الرجال ما اعرفة..!! ماني فاهمة كيف يتصرف..!! وفوق ذا فرحان باللي سواه.. انا بديت اخاف على ولدي منه..!! ريما تحاول ما تظهر الإهتمام : يعني ما راح يمشي..؟! لينا : الا ان شاء الله بس يبي له شوية علاج طبيعي و يرجع ان شاء الله كل شيء مثل ما كان بس هو مو متقبل الوضع.. دنقت ريما تضغط على جبهتها بـ أطراف اصابعها ..!! لينا : ايش فيكـ ..؟! ريما تمنع نفسها من التفكير في مشعل : ابداً.. الا ما قلتِ لي كيف عمانكـ معاكـ ..!؟ لينا : يجننون .. احسهم كتاكيت.. و الله احيان اشكـ انهم توهم متزوجين.. تخيلي سألت عمر هم متزوجين عن حب بغى يصكني كف ماشي الف..!! ريما رفعت حاجبها : ليش..!؟ لينا : يقول ما عاد الا هي ما عندنا حب قبل الزواج عيب..!! الحب يجي بعد الزواج.. شوفي امي و ابوي .. شوفي الخبلة صبا بس جيبي لها طاري ياسر تدبغ على وجهها وهي قبل تسميه المتوحش..!! ريما : هههههههههههههههههه من جدها ..!! لينا : ما ادري عن عمير ما عدت اعرف صدقة من كذبة ..!! بس يمزح..!! تخيلي ما كان يعرف حتى يحكي كلمة هينة الحين صار ما يعرف يحكي كلمة جد..!! انقلب 360 درجة.. ريما : عادي يا بنت فرحان فيكـ ..!! لينا متحطمة : انتِ ما عرفتية قبل كم مره اتهاوش معاه خلال هالكم يوم اللي جلستها معاه.. شفتي لو يعاملني معاملة وحده و يريحني اقولكـ تمام عارفة شلونا تعامل معاه.. مرات يعصب على أشياء تافهة يشوفها هو مهمة..!! ريما : مثل شنو..!؟ لينا : تخيلي عصب علي عشاني ماني رايحة عرس بنت عمة..!! يقول لازم تقدرين اهلي.. كبر الموضوع على شيء تافة..!! ريما : يوووه نفسية اجل..!! ما ينفع كذا انا أبي اتزوج واحد فري حتى اهلة ما يجيب لي طاريهم يخليني على راحتي اذا تكلمت عنهم بـ كيفي..!! لينا : مالكـ امل بـ تعنسين و تجلسين هنا بـ الصالة تعدين جدران بيت غازي بن حمدان.. هم كذا الرجال اهم شيء عندهم اهلهم..!! ريما : بالله يعني تنصحيني ما اتزوج..؟! لينا : الا تزوجي بس عاد واحد حليل مو نفسية .. اهم شيء ديمقراطي لأن عمر يفتقدها..!! : السلام عليكم.. وقفن كلهن على صوتة.. تقدمن له حتى يبوسون راسة.. غازي : حيا الله من جانا .. رحت مع عمر و نسيتينا..؟! لينا : افا عليكـ انا بنت غازي ما ينسيني اهلي لا عمر و لا عشر من اشكالة..!! غازي : هههههههههه اسمعكـ و انا داخل تسفلين بالرجال..!! لينا : يقهر يا بابا مستفــــز..!! ريما : انصحكـ ما تكلم عن عمر من جاتنا و هي ما تحكي غير فيه افتح لها سالفة ثانية ترجع تحط فيها عمر بس تبي تحكي فيه.. لينا تناظر ريما : لا و الله .. اجل ان شاء الله نشوفكـ قريب تحكين عن حبيب القلب..!! غازي ناظر ريما مستغرب : أي حبيب قلب..!؟ ريما ارتبكت : لا حبيب قلب و لا غيره هي تلفق علي.. لينا : اقصد انها تتزوج و يصير حبيب قلبها زوجها..!! غازي ناظر لينا رافع حاجبة.. بعدها التفت على ريما .. اللي بادرت بالدفاع من نظرة ابوها محملة بالشكـ : و الله ما قلت لها شيء حتى هي قالت هالكلمة كذا.. يعني انت بـ تجلس تشكـ فيني على كل كلمة و كل حرف..!؟ غازي : طيب انا ما قلت لكـ شيء ليش انفعلتي هذا يعني انكـ مخبية شيء..؟! ريما : انت بس تبي تغلطني..!! تدور علي الكلمة عشان تمسكها..!؟ لينا : بابا و الله ما كان فيه شيء انا بس قلتها كذا.. يعني من باب التفاؤل انها تتزوج و تجي تغثنا بالحكي عن زوجها..!! طلعت ريما متنرفزة .. معقولة ابوها حاس انها تهتم لأمر مشعل..؟! او يمكن يدري و يحاول يحميها من غلط قبل لا توقع فيه.. بس هي مستحيل مستحيل تكلمة او تغضب ربها بـ أي فعل يصدر منها .. و الموضوع ما يزيد عن اهتمام.. مو شيء زود..!! اهتمام!!!!!! غازي جلس : كيف عمر..!؟ لينا : الحمدلله.. غازي : امكـ وينها..؟! لينا : مع ندوش.. غازي : الله يعين.. بـ تظلين واقفة..!؟ و الا ما تبين تجلسين معاي..!؟ لينا جلست .. مبتسمة : و مين يعاف جلستكـ .. غازي : مين داري يمكن تكبرتي علينا بعد عمير..!! لينا : افا عليكـ .. ويش فيكـ علينا الليلة..!؟ غازي : ابد بس تعبان من الشغل.. امي تنشد عنكن..!؟ ما طرا لكن تروحن لها..؟! لينا : الا ان شاء الله نروح.. غازي : متى..!؟ لينا : ما ادري.. غازي : بكره.. بكره المغرب ابي اشوفكن عندها انتِ و خواتكـ بلغيهن هالشيء.. كل ما رحت لها قالت لي بناتكـ ما يجني.. ما اشوفهن ما يسلمن علي.. ترى هي اللي لها الحق و الا تبنها تجيكن كل وحده في بيتها تنشد عنكن..!؟ لينا : طيب انا ما اقدر اقولكـ اوكِ قبل لا عمر يدري..!! غازي : استغفر الله لو نص ساعة تسلمين و تروحين.. ولو قلتِ له ما ظنتي بـ يرفض.. بيت ابو سعود.. غرفة رند و سحر!! رند رفعت حواجبها : يالبي منكـ انتِ ما تعرفين تلعبين..!! سحر جلست متربعة على الأرض : ما اعرف لها هاذي .. بس اطيح فيها..!! رند : انا اعلف.. اعتيني الإيباد.. سحر مدتة لها : اشوف كيف تلعبين..!! : ويش تسوون..؟! سحر رفعت نظرها لـ ميار : نلعب..!! ميار ناظرتها حزينة عليها.. بزر و زوجها ابوها و باعها..!! جلست معاهن : سحر انتِ وين ابوكـ ..!؟ سحر : مسافر..!! ميار : اهاا.. طيب عندكـ خوات..؟! سحر : كانوا عندي و راحوا عند الله.. الله يرحمهم.. ميار : الله يرحمهم.. داهمهم دخول جود تجري حتى تتزحلق جالس على الأرض جنب سحر و بحماس تسألها : ايش اسم ابوكـ ..؟! سحر : صقر.. جود تسند ذراعها على فخذها : اهاا سحر صقر .. سحر صقر.. ايش يشتغل..؟! سحر : اعمال حرة ..!! جود تلوي فمها : الله اكبر انتِ يالبزر تعرفين اعمال حرة..!! سحر : هو قالي.. و أصلاً انا مو بزر..!! انا كبيرة و صرت حرمة متزوجة بابا قالي..!! جود تبتسم بدون لا تبين اسنانها و تهمس : لا متزوجة ماشاء الله الا مدبسة..!! سحر : ايش..؟! جود : ابداً.. طيب انتِ وين تدرسين..!؟ سحر : بالمدرسة..!؟ جود تحطمت : احلفي بس خليني اصدقكـ ..؟! سحر بـ براءة : و الله انا ادرس بالمدرسة.. بس ما اخذت الشهادة أيمن يقول بعدين بعدين بعدين لين صاروا بإجازة.!! جود تضرب كفوفها بـ بعض : ايمن طبعاً وليدان.. انا أموت و اعرف ويش اللي خلاه يتزوج..؟! ميار : بالله لا متي شلون بـ تعرفين يا غبية..!؟ جود : ما أحد غبي غيركـ .. اقصدكـ اني ادفع حياتي بس عشان اعرف السبب..!! سحر تحركـ يدها قريب من راسها و تناظر جود : انتِ مجنونة..!؟ جود حطت يدها على خصرها : نعــــم..!! وقفت سحر : انتِ مجنووووونة.. نقزت سحر تجري اول ما شافت جود قامت .. و ميار تضحكـ على شكل جود المصدومة..!! نزلن حتى تبدأ سحر بإقتحام جلسة العيلة و تعلقت بـ وليد الواقف و مسكت كفة و هي تضحـكـ .. جود تلاحق انفاسها واقفة قدام وليد : ذابحتها ذابحتها..!! قبل لا يعرف ويش القصة و لا هو يبي يعرف اساساً تمنى كف من يده يبدأ بـ خذ سحر و ينتهي بـ خد جود..!! ام احمد : بسم الله الرحمن الرحيم.. انتِ ويش فيكـ انهبلتي..!؟ سحر : ايوه هي انجنت.. (شدت كف وليد) ايمن شوفها تبي تضربني..!! جود : اضربكـ و بس الا اقطعكـ بـ ضروسي.!! ابو سعود وهو يراقب وليد تنفسة تعابير وجهة و حركة يدينة كلها تدلل على عصبيتة اللي يكبتها داخلة و هذا شيء تعلمة من اللي صار لها درس ما ينساة : جـــود ويش هالحكي..؟! البنت صغيرة.. جود : أي صغيرة الا شيطانة .. و الله لا اضربها مالي دخل..!! ميار وقفت : ههههههههههه للحين ما اخذتي حقكـ ..!! أم سعود : افااا انتِ تشجعينها..!؟ ميار : لا و الله ما اشجع مجانين .. جود حولت على ميار تمشي بـ بطيء تبي تمسكها : انا مجنونة..؟! ميار تراجعت : هي قالت انتِ مجنونة انا ويش دخلني..!؟ جود شدت شعر ميار اللي بـ تنحاش منها : تعالي تعالي اجل انتِ ويش دخلكـ ..!؟ ابو سعود وقف و سحب ميار من جود : انتِ مأكلة شيء مأثر على مخكـ ..!؟ جود : ما أحد قالها تسبني و تطاوع ذا البزر.. أبو سعود : و لما انتِ عارفة انها بزر تحطين راسكـ بـ راسها ليش..!؟ جود حطت اصباعها على راسها : كيفي.. ما احد قالها تطول لسانها علي..!؟ ابو سعود : يعني وقفتكـ و حكيكـ هذا لي ماهو طوالة لسان علي..؟! جود : قهرتني انا اكلمها بـ أدب و هي تسبني.. و تقنعونا انها بزر .. (التفتت على وليد) انا بـ اعرف انت ويش مزوجكـ اياها لا يكونون ضاحكين عليكـ بـ عمرها.. و الا يمكن انتم تقزرونها علينا..!! وليد سحب كفة من يد سحر : ما يخصكـ الموضوع .. و خليها في حالها لا تتكلمين معاها خير شر..!! سحر : صح خليني في حالي اصلاً انتِ جيتي تحكين معي..؟! ميار تحك شعرها : حمارة عورتيني..!! جود : احمدي ربكـ فكـكـ ابوكـ مني و الا مردغتكـ هنيا..!! ابو سعود : خير خير ويش ذا الإسلوب الجديد..!؟ ويش اللي ابوكـ.!! ماني ابوكـ بعد..!؟ وعد : حولتي ولد..!؟ جود : ازين بعد على الأقل القى حقوقي.. ابو سعود مسكها و حط يده على فمها : بس بس ما تبلعين لسانكـ حكي على قلة سنع..؟! وليد جلس : و الله من الدلع .. جود شالت يد ابوها من على فمها : نعم نعم..!! انا مدلعة..؟! لا يا حبة عيني اجل ويش اقول عنكـ كانكـ جايب لنا بنت ما ندري قرعة ابوها من وين وما احد قالكـ شيء.. الله اكبر يا خالد يوم جات زوجتة شوي و يتبرون منه..!! ايش معنى انت..!! ام احمد : انتِ علامكـ اليوم صاير في عقلكـ شيء..؟! حاتم : تعالي اهجدي عندي موضوع ابي افتحة و خربتي علي بـ درعمتكـ ..!! جود : و الله ..؟! الموضوع حماس و الا خرطي ..!! يعني يسوى اتركهم يسبوني و اسكت..؟! حاتم : ان شاء الله يسوى.. بس تعالي.. تعدت جود و جلست .. و لا كأنها مسوية شيء.. جلس ابو سعود.. وليد : خلاص روحي غرفتكـ ..؟! سحر : طفش..!! وليد : احسن بعد ويش يجلسكـ معانا..؟! ام احمد : انت ويش فيكـ على البنية اتقِ الله فيها.. ما ترحمها ضعفها..!! وليد : يمــــه..!! ام احمد : وصمـــه .. يومكـ ما انت قد الأمانة ليش تحملها..!! وقف وليد حط يده على كتف سحر يبيها تمشي : قدامي.. وقفت ام احمد حتى تأخذ البنت من ولدها : و الله ما تأخذها .. خاف ربكـ يا شيخ.. وليد : يمه الله يخليكـ خليني على راحتي.. أي شيء اسويه ماهو عاجبكم..!! انتم صادقين انا ابلشت نفسي خلاص خلوني انا اتصرف مع هالبلشة..!! ابو سعود : اسمع الكلام اللي يجمد على الشارب.. من اليوم و رايح مالكـ دخل في البنت و لا تحاكيها..!! بـ تبقى مع امكـ هي اللي تهتم فيها انت ما تتدخل.. اثنين .. ما تقرب منها لا بالزين و لا بالشين لين تكبر البنت و تعرف مصلحة نفسها وقتها هي اللي بـ تقرر ويش حالها ماهو أنت..!! وليد : نعم..!! ويش اللي مالي دخل وهي اللي تقرر ..؟! ابو سعود : اللي سمعتة يا وليد.. وليد : اصلاً هذا اللي يبيه ابوها انكـ تحفظ له بنتة .. وهو ويش سوا تبيني اذكركـ .. ابو سعود مقاطع لـ كلام وليد : اعرف ويش سوا .. قلته انت بـ عظمة لسانكـ ابوها مو هي.. لا تأخذها بـ ذنب ماهو ذنبها.. البنت لساتها صغيرة احنا نربيها على ما نبي ما تحاكم بـ ذنوب الكبار..!! وليد : يعني تبي تكسر كلامي..!! ابو سعود بـ حدة : لا انت اكسر كلامي..!؟ وليد : طيب انا رفعت يدي من الموضوع و انتم تباصرون كيفكم.. طلع وليد متنرفز..!! وسط استغراب سحر.. و صمت الباقين..!! ماهي فاهمة شيء الا ان الحكي عنها و عن ابوها..!! أي ذنب اللي يتكلمون عنه..؟! ام احمد : خلاص يا بنتي روحي عند رند.. سحر : هو ايمن ما يبغاني..!؟ ام احمد سكتت..!! سحر : بابا قال ان هو تزوجني يعني انا صرت حرمة..!! ام احمد : ما عليكـ يا بنتي انتِ لسى صغيرة بس تكبرين تعرفين كل شيء.. جود الجالسة جنب وعد : يا من شرا له من حلالة علة..!! وعد ضربتها بـ كوعها على جنبها : ما يكفي سواة اخوكـ تكملينها انتِ..!؟ ما بقلوبكم رحمة..!! جود : طيب خلاص بـ أنطم.. طلعت سحر.. تنهدت ام احمد : هالولد بـ يكسر البنية و هي مالها غيرنا..!! ابو سعود : ما راح يتدخل فيها اذا قالكـ شيء طنشية.. خلية يضرب راسة بالجدار..!! ام حاتم : هو اكيد فيه شيء حادة على هالزواجة .. راعوة حتى هو شكل نفسيتة على طريف صاير حريقة.. ام احمد : الله كريم.. (ناظرت ياسر) انت وين زوجتكـ ...؟! ياسر متحطم : نايمة..!! صايرة خيشة نوم..!! وعد : ويش فيكـ تقولها بـدون نفس..!! ياسر : ماهي حالة اطلع الصبح نايمة ارجع الظهر نايمة اصحى المغرب نايمة طول الوقت نايمة..!! أبو سعود : لا يكون البنية فيها شيء و انت ما انت داري عنها..؟! ياسر : لا كم مره اصحيها و ترجع تنام..!! جود : من الحمل.. شفت هاذي البدايات لا تستعجل على رزقكـ الخير جايكـ بالطريق ان شاء الله.. وعد : خليكـ من ذا .. انتِ ملاحظة كيف يتكلم متحطم و زعلان..!؟ كأن دعواتنا ربي استجابها..!! جود رفعت يدينها : اللهم لكـ الحمد و الشكر .. الله ما ردنا خايبين..!! ياسر : بلا قلة ادب انتِ و اياها..!! شايفني كبركم تطقطقون علي..!! جود : طار الثقل يا عمي طار خلاص وين اللي يقول أي حب و أي خرابيط..!! ما فيه شيء اسمه حب..!! وعد : هههههههههههههههاي كفكـ يا شيخة..!! ضربوا كفوفهم في بعض يطقطقون على ياسر اللي يناظرهم و مبتسم..!! ما يصدق ان مشاعره بـ تحول رهيب تجاهها .. حتى هالحكي قدام اهلة ما اثار غضبة.. لو ان الأفكار هي نفسها ظلت في راسة و لا ساعد نفسة بإنه يتقبلها كانت حياتة للحين سيئة و مو مستقر ابداً..!! شوق و حكيهم عن صبا و بداية حملها تهيض في داخلها مشاعر حزينة لا ارادياً وقفت : عن اذنكم..!! ام سعود : وين يا بنتي شوي بـ نحط العشاء..!! شوق : مو مشتهية خالة .. عليكم بالعافية.. ام سعود : الله يعافيكـ .. طلعت شوق .. ناظرت جود في حاتم : وشو الموضوع اللي كنت بـ تحكي فيه..!! تراني ما نسيت.. حاتم ابتسم : مو انتم كل مره واحد يأكل الجو عني..!! و انا حليل ما اعرف اتهاوش..!! جود : بسم الله على قلبكـ لا ما تعرف..!! انا اعرفكـ اصلاً و اعرف نوعيتكـ شغلكم من تحت لـ تحت..!! قول بس اللي عندكـ و اعترف بأخطائكـ كلنا نخطي عادي.!! ابو سعود : احمدي ربكـ اللي ما انتِ عندي..!! جـــود ترى بديت اشكـ ان براسكـ شيء..!! ميار : المفروض تكون تأكدت خلاص و الا هاذي انسانة طبيعية..!! جود : هيـــه ترى ما راح اعمل حساب لأحد بـ أدبغ فيكـ و امسح وجهكـ بالقاع.. ابو سعود : قومي الله .. قومي ادبغيها وريني ويش بـ تسوين..!؟ ميار مبتسمة تقهر جود..!! جود تناظرها بـ طرف عين تهددها..!! ابو سعود : قومي تعالي جنبي هنا.. (آشر على المكان يسارة) قومي.. جود : بابا ويش ذا تحسسني اني جالسة في فصل مو بيتنا.. انا اجلس بالمكان اللي يريحني..!؟ ابو سعود : يعني جنبي ما ترتاحين..!؟ جود : انا ما قلت كذا.. انت ويش فيكـ علي اليوم..؟! ابو سعود : انتِ اللي ويش فيكـ اليوم..!؟ ابقي على ذا الحالة كم ساعة و بنصبح بالمستشفى نكشف على مخكـ ..!! وعد : اوبس الحالة مستعصية حتى ما عندهم وقت يصبرون عليكـ كم يوم.. يمكن يودونكـ على شهار دايركت.. جود ضربت وعد على راسها من وراء : لا تتريقين علي..!! وعد رفعت راسها مبتسمة : هيـــــه تراني ماني مثل مياروة..!! و الا سحر تنحاش منكـ صحصحي شوفي مين تكلمين..!! جود : بسم الله خفت..!! صدق احذروا شر من اقترب من الأرض..!! وعد ترمش بـ عيونها.. ابو سعود : وبـــعدين..!؟ ما راح نقول كلمتين على بعض..؟! وعد : سكتها .. هي اللي قلبت الجلسة فوق تحت..!! جود : خلاص بـ أسكت بس يالله اتحفنا باللي عندكـ ..!! حاتم أخذ نفس : بـ صراحة و بدون مقدمات أنا ناوي اتزوج..!! جود تغطرف : كلللللللللللوووويش يا فرحتكـ يا نوال..!! أم حاتم بـ فرحة عميقة : صدق يا ابوي..!! حاتم : ايه ان ربي كتب..!! أم حاتم: و لا يهمكـ ان شاء الله ندور لكـ عروس .... قاطعها حاتم : لحظة يمه .. انا ابي وحده معينة..!! جود : ايوه كذا طلع المستخبي..!! وعد تغمز له : دكتورة معكـ ..؟! يمكن فيه حركات حب و احنا ما ندري.!! حاتم : ابوي ما سكتكن انتن الثنتين..؟! وعد : طبعاً عشان لامسنا الجرح و الا ما سكتنا..!! يب اعترف يالله ابي اعيش هاذي اللحظة اللي واحد من اخواني يعترف انه يحب وحده .. جود : الله اكبر .. الله اكبر.. انا بـ اسجد سجود شكر لله وقت اللي تعترف ان شاء الله .. بـ أعرف ان في قلوبكم مشاعر يا معشر الرجال..!! أبو سعود لف لـ الثنتين : انا ويش قلت..!؟ امداه حكيي يدخل من أذن و يطلع من الثاني..؟! سكتن الثنتين..!! ابو سعود التفت على حاتم : و مين هالبنت اللي بـ خاطركـ ..؟! حاتم : حقيقة انا ابي منكم تفكرون قبل لا تعطوني رايكم يعني لا تحكمون على الموضوع من بدري..!! سعود : و انت بـ تجلس تعزر فينا على ما تنطق الدرة..؟! حاتم : نجود صالح الـ ...... ام حاتم : مين تطلع يا ابوي قولنا من هي بنتة ويش عرفكـ لها .. حاتم بـ هدوء : بنت صالح .. اهلها متوفين و عايشة بالدار..!! ام حاتم بـ صدمة : نعم..!! حاتم : يمه قبل لا تعطيني رايكـ شوفي البنت و تعرف عليها و على اخلاقها تالي احكمي..!! ياسر : اذا كان امها و ابوها متوفين وين عمامها و خوالها..؟! حاتم : ما عندها الا عم واحد الرياض و تاركها و عم برا السعودية و لا فكر يرجع لها..!! تركوها بالدار و لا سألوا عنها لا خوال و لا عمام..!! ابو سعود : اذكر تقولي انكـ تبي تتزوج وحده عندها اهل ويش اللي تغير..؟! حاتم : كل شيء تغير يبه.. كل شيء .. انا قبل ما عندي احد لما بـ انوي الزواج بـ يجي في بالي اسد النقص اللي احس فيه عشان لو ربي كتب لي عيال يكون لهم سند في الدنيا.. بس الحين كل شيء تغير.. يعني الحمدلله انا حالتي تغيرت.. ام حاتم : تقوم تأخذ لي بنت من الدار..؟! حاتم : وين الإشكالية..؟! ابو سعود : الإشكالية ان هالشيء ما يصير.. تبي تأخذ وحده ما ندري قرعة ابوها من وين..؟! حاتم : ما يهمني ابوها و لا عيلتها كلهم.. سعود : انت تبي تأخذ السالفة عناد..؟! حاتم : أي عناد..!؟ الموضوع يخصني.. يعني اعاند نفسي.؟! سعود : تعاندنا كلنا .. ابو سعود : حط عقلكـ في راسكـ يا حاتم.. حاتم : عقلي في راسي يبه.. ان كان انتم همكم اشياء مجتمع بناها فيكم و غرسها انا ما يهمني غير ديني..!! البنت ما سمعت عنها الا كل خير .. كل مشرفات الدار يمدحون فيها.. ام حاتم : لا بالله مضيع عقلكـ الليلة..!! و انت ويش عرفكـ بالمشرفات..؟! حاتم : واحد من المشرفين اختة و زوجتة يشتغلون بالدار.. كانوا دايم يكلمونة عنها..!! خالد : وهو يصب الحكي في اذنكـ ..!! انت صاحي..؟! حاتم : استغفركـ ربي انا ماني عارف اعتراضكم على وشو بالضبط..؟! ابو سعود : اعتراضنا على البنت اللي مختارها.. لا تعرفها و لا تعرف اهلها غير بالإسم و لا اخلاقها و جاينا تقول تبيها..!؟ حاتم : اللي يسمعكم يقول اني قلت لكم اخطبوها لي هالحين.. يبه انا قلت لأمي تروح تشوفها و تعرف عليها ويش المانع.. ابو سعود : المانع انكـ تشيل هالبنت من راسكـ تبي تزوج على راسي بكره اخطب لكـ شيخة البنات بس نسب يشرف.. حاتم : يبه لا تظلم نفسكـ .. انت ويش دراكـ عن البنت و اهلها يمديهم احسن مننا عند الله.. على طول حطيتهم نسب ما يشرف..!؟ سعود : لا تفهم الموضوع على طريقتكـ .. ابوي يقصد وحده من ثوبنا.. منا و فينا..!! وعد : صراحة طريقة اقناعكم ما تخش الراس.. المعطيات تقول.. خالد تزوج وحده اجنبية لا نعرفها و لا تعرفنا.. و نفس المعطيات تقول ان وليد تزوج وحده ما نعرفها مثل ما قلتوا شوي عن نجود ما ندري قرعة ابوها من وين و رضيتوا و هي بزر و مستعدين تربونها و تكبرونها له..!!.. و نفس المعطيات تقول عمي راكان بـ يتزوج وحده انتم اساساً مو راضين عنها لكن جدي ساكت عشانه يبي رضاة.. تجون الحين على هالضعيف تبون تحرمونة من اللي يبيها.. عاد هو قالكم تعرفوا على البنية اول ما جابها و سكنها عندكم من غير لا يقولكم..!! ياسر مستهزيء في وعد : ليتكـ ما حكيتي ياخيه .. سكوتكـ احلى شيء فيكـ ..!! وعد : انتم كذا كلمة الحق ما تبون تسمعونها.. انتم تتبعون ناس جاهلين اول ما يعرفون من الدين غير الصلاة و الصيام حطوا قواعد من رووسهم و مشوا عليها غرسوها في جيل بعد جيل من صغرهم شفت لا قالوا التعليم في الصغر كالنقش على الحجر هذا هم بنوا في عيالهم من صغرهم تفاهات و اشياء تخالف الدين احياناً و صاروا يتمسكون فيها اكثر من أي شيء ثاني.. عندكم تقدمون العادات و التقاليد و العيب على الحرام و الجائز.. سعود : انتِ ما مليتي و انتِ تحكين فينا .. ما شبعتي ما طاح اللي بـ راسكـ ..؟! وعد : لا و الله ما طاح عندي امل يكون فيه ما ابغى اقول تغيير بس تأثير.. لو بسيط مصيرة يكبر و ان كان هالجيل تربى على عادات جيل وراء جيل ما راح يتمسكـ الا بـ دينة و ينبذ كل عاداتكم البطالة..!! ياسر : ما فيه وحده صاحية تقول عن العادات بطالة..!! جود : انا صراحة مع وخيتي.. و الله صادقة بطالة و بطالة و بطالة.. تقدر تبرر لي السبب ويش الإختلاف بين خالد و وليد وراكان و حاتم..؟! ياسر : خالد اساساً كان الموضوع مخبى و الا كنّا رافضينة.. و وليد الظروف اجبرتة على هالزواجة و ما يحتاج نقولكم ويش الظروف يكفي حاتم يعرف ويش هي.. اما راكان فـ البنت خاطبها من زمان صحيح جدي ماهو راضي عن هالزواجة بس يبي رضاة و جدي ما فيه شدة يجفى عليه.. و حاتم أعتقد ان البنت متربية في دار رعاية يعني ما احد يدري عن تربيتها..!! وعد : تكفى بس لا تضحكني.. يعني البنت اللي متربية عند اهلها تعرفون تربيتها..!؟ ياما بنات بـ عيلتهم اسم عندهم اب و ام و داجات في الشوارع .. ياما بنات بين اهليهم تربيتهم تراب.. و على فكرة مو شرط يكون البلى في التربية حتى الشخصية لها دور.. اجيب لكم مثال انتم عشتوه بـ أنفسكم سها يوم تعرفت على طارق ما كان عندها اب و ام..!؟ ما ربوها..!؟ خالد : لا تفتحين مواضيع مالها داعي..!! وعد : هذا الشاهد يا خالد في الموضوع .. احيان الأهل يكونون تعبوا و ربوا و سنعوا بس بالأخير عيالهم يخطون .. ما تدرون لو نجود تريتها احسن مننا كلنا.. ليش تستحقرون انها في دار رعاية هي ويش ذنبها ان اهلها توفوا..!؟ ويش ذنب ان عمانها اللي المفروض يتحملون امانة في اعانقهم نبذوها..؟! مثل ما تشوفون سحر الحين طفلة و مستعدين تقبلونها المفروض تتقبلون نجود بعد..!! ياسر : انتِ تعرفين البنت عشان تحكين بـ هالشكل..؟! وعد : لا ما اعرفها بس انا اوضح لكم مدى تفككـ المعتقدات اللي تمشون عليها.. في حالات ترضون و بـ حالات ترفضون و اسبابكم..!! غريبة عجيبة..!! ابو سعود : انتِ ما تملين من ذا الحكي..!؟ ما تملين..!؟ وعد : بابا اقنعني .. دخل الموضوع بـ راسي و انا اقتنع بـ حكيكـم و ما افتح فمي بـ كلمة..!؟ جود : اسمع مني بكره احنا نروح لـ هاذي الدار و نشوف البنت و اذا اعجبتنا نخطبها ما عليكـ بس..!! ابو سعود بـ حدة : استغفركـ ربي و اتوب اليكـ ..!! جود حطت يدها على فمها : اوكِ اوكِ بـ أنطم.. أحمد : انا اقول دام هو له خاطر فيها .. البنت يتيمة حالها ما تباعد حالة سحر ان ما كانت اهون يعني بـ حكم وضع ابو سحر..!! و حاتم قال لـ خالتي تشوفها اذا البنت راقت لكم اخلاقها و تربيتها ليش نرده..!؟ سعود : طبعاً اصلاً انت ما تعرف ما توقف معاهن..!! طاوعهن بس و بتخلونا علكـ بـ حلوق خلق الله..!! وعد : ابشركـ احنا علكـ و خالصين ..! الناس ما يملي عينها غير التراب..!! ما يصير بعد الواحد يقدم حكي الناس على راحتة..!! حاتم : يبه انا ما يهمني حكي الناس .. و لا يهمني ويش بـ يقولون عني.. البنت عندها اهل و لو ماهي راعية دين و اخلاق ما كان مدحوها اللي حولها..!! سكت ابو سعود..!! وعد تغمز لـ حاتم..!! ام حاتم : و اذا ما اعجبتني بـ تتركها..!؟ حاتم : اعطيني السبب و لكـ علي ما افتح الموضوع من جديد.. ام حاتم : اذا وافق ابوكـ نروح نشوف هالبنت..!! جود تأشر على ابوها : موافق..؟! صح مبين من عيونكـ اصلاً موافق.. (التفتت لـ حاتم) خلاص مبروكـ حاتم..!! ابو سعود : صدقيني اني عند حكيي .. اجلسي على ذا الإسلوب و اوديكـ اكشف عليكـ ..!! ما يندرى ويش صار في مخكـ ..!! حاتم : فيه موضوع ثاني ابي اكلمكم فيه..!! جود : حلوو انت اليوم عاجبني يعني احس اكثر شيء يونسنا مواضيع العرس.. قول ويش عندكـ فيه بنت ثانية في بالكـ ناوي تأخذها الثانية صح..؟! انا عارفة اصلاً مبين من عيونكـ انكـ تشبة ابوي بـ تزوج ستة و ثنتنين تطلقهن..!! حاتم عقد حواجبة : ستة استغفر الله هذا بأي شرع..؟! جود : غبي انت على ويش دكتور يعني تزوج و تطلق .. نفس ابو سعود ماشاء الله بقي يكوش على حريم السعودية كلهن..!! لا الطامة اللي ما اصدقها ان بنات توهن في عمر الزهور خاقات عليه..!! يعني واحد كبر أبوك ويش تبين فيه جعلكـ البلا..!! ابو سعود : طايح من عينكـ .؟! جود : لا طبعاً اذا انت طحت من عيني جعلني الموت .. ما غيركـ بالدنيا رجال يملى عيوني اذا انت طايح اجل مين اللي مرتفع في عيني..!! ابو سعود : استغفر الله فيه وحده صاحية تدعي على نفسها بالموت..!؟ جود : طيب اسمعني.. كم مره وحده من خوياتي تقولي زوجيني ابوكـ و ابوكـ خقـــة حسسوني انكـ كل يوم تجي تأخذني من المدرسة و يتمقلون فيكـ لا صراحة انا بديت اخاف عليكـ ..!! سعود : و الله يبي لكـ قص لسان .. انتِ ما تعرفين تبلعين الحكي الناقص ذا..؟! جود : ياربي اجل لو اني مادحة فيكـ ويش بـ تسوي .. المدح لأبوي لـ إبراهيم بن مساعد بن سالم انت اسمكـ سعود ويش دخلكـ ..!؟ يا حاشر نفسة بين البصلة و قشرتها..؟!! وعد : ما يطولكـ منها الا ريحتها..!! جود تمد لسانها له تقهره..!! حاتم : اششش انتِ خليني اقول اللي عندي و الله صدق بديت اشكـ ان راسكـ فيه شيء اليوم..؟! جود : طيب انتم اللي تهيضوني على الحكي يالله قول نسمع لـ سعادتكـ ..!! حاتم : تذكرين الدكتور اللي عالجكـ ..!؟ جود : هذاكـ النفسية اللي وجهة كله نظارات..!! حاتم التفت لأبوه : هو خويي من سنين .. عيلة معروفة ماشاء الله و مو ناقصهم شيء..!! وعد ابتسمت بإستهزاء : الحين انت من اول نساحل لكـ عشان نجود تجي تخرب على نفسكـ بـ ذا الحكي..!! حاتم : وعيـــد .. المهم يبه.. صراحة هو كلمني اكون له وسيط عندكـ ..!! جود ترفع اصباعها ..!! : الوسيط و الا الشرق الأوسط ..!!! أم احمد : بنت انتِ ما تتوبين..!؟ ابو سعود : وسيط في ايش..؟! حاتم : يبي القرب منكـ .. خطب جود.. جود انفرطت في الضحكـ : هههههههههههههههههههههههههههههههههههه .. تكفى عيد ما سمعت..!! ابو سعود وقف ومسكـها من بلوزتها على كتفها يوقفها : قومي ما ابي اشوف شكلكـ لا ارتكب فيكـ جريمة..!! جود : ههههههههه و الله خلاص أصلاً انا صاحبة الشان كيف تطردني..!! ابو سعود : ليش هو انا خبل عشان احط شوركـ بـيدكـ و ذي حالتكـ بكره يرميكـ بـ مستشفى الأمراض العقلية..!! قومي ما ابي اشوفكـ يالله.!.! جود وقفت : اوكِ لا تعصب.. بس تراني موافقة اذا شفتة من غير نظارات يمكن يعجبني..!! ابو سعود يصر على أسنانة : جووووود..!! جود : اوكِ اوكِ خلاص بـ اسوي نفسي اني ما دريت للحين و انت عاد تعال علمني بعدين اني انخطبت..!! مد يده بـ يضربها على ظهرها لكنها انحاشت لما شافتة رافع يده.. ابو سعود : منهبلة هالبنت ويش صاير لها الليلة..؟!! أحمد : روق يبه ماهو اول مره تنهبل.. تجيها هالحالات..!! جلس ابو سعود : استغفر الله العظيم..!! خالد : ما قلت لنا ويش تعرف عن هالدكتور..!؟ حاتم : عصام.. عمرة 29 ماشاء الله كان متوفق دكتور باطنة.. و اخلاقة عالية هو اخوانة و ابوه.. و تفكيرة منفتح مو معقد.. وعد : حلو هاذي النقطة حلوة بس منفتح لأي درجة..!؟ اخاف يطلع معقد اساساً..!! حاتم : لـ درجة انه كان يعرف اني من الدار و قالي اتزوج اختة بس انا رفضت وقتها ما ابي اسبب له احراج .. يعني احسة عشاني صديقة يبي يعطيني اختة .. كان تفكيري اني لا رحت خطبت يوافقون علي حتى مع ظروفي.. و عصام ما كان يهمة انا من وين..!! ميار : كفوو و الله.. ياسر : انتم من جدكم..!؟ اختكم منهبلة شايفين ويش سوت و هي عندنا و الله لو يدري الرجال ما نشوف الا غبرتة..!! هاذي يبي لها واحد يمشيها على الصراط المستقيم لا يمين و لا يسار..!! بكره تفضخنا مع الرجال..!! ام احمد بنبرة عتب لـ ياسر : حرام عليكـ اخيتكـ هاذي تبي الرجال يستقوي عليها..!! ياسر : يمه مو يستقوي بس يفرض سيطرتة عليها.. هاذي ترى ما ينرد لها الشور.. لو هي عقلها براسها ما سوت كل ذا الفيلم.. حاتم : عصام رجال شقردي و شخصية ماهي ضعيفة مثل ما تتوقع.!! لكنه حليم و طويل بال .. بـ صراحة انا اشوفة مناسب لها.. الا ان كان ما يعجبكم هذا شيء ثاني..!! ابو سعود : اذا انت ضامن الرجال فـ هذا جانب لكن يا ابوي الحكي عن جود انا اخاف انها صغيرة للحين على هالزيجة..!! سعود : من ناحية العمر فـ هي ماهي صغيرة.. مرة عمر اصغر منها.. لكن من ناحية عقل فـ هي اذا اشتهت تطلع سنعة و اذا ما اشتهت رند احسن منها..!! ام سعود : انتم ويش فيكم على اخيتكم..!! سعود : يمه هذا زواج ماهو لعبة.. بكره يردها علينا يقول بنتكم ما تلزمني ربوها من جديد..!! خالد : لا تبالغ.. انت بـ عظمة لسانكـ قلت انها اذا اشتهت تطلع سنعة.. و اكيد انها بـ تحس بالمسؤولية و تهتم .. الا ان شافت نفسها ماهي كفوو لـ الزواج.. سعود : طبعاً انتم لازم توقفون معاهن على الخطأ و الا ما ترتاحون..!! خالد : و الله ما عرفت لكـ انت تبيها تتزوج و الا لا..؟! سعود : ابيها تتزوج ويش ابي فيها تقعد عندنا دام نصيبها جاها..!؟ بس يبي لها تحس بالمسؤولية شوي..!! خالد : اجل ويش الخطأ اللي نوافقها عليه..!؟ سعود : توكـ تقول ان شافت نفسها ماهي كفو لـ الزواج يعني عادي ترفض رجال زين ما ينرد ..!! خالد : ايه عادي لأنه ماهو من نصيبها..!! انا اوافقكـ بـ أي شيء الا انكـ تغصبها بالزواج..!! سعود : ايش معنى سها اعترضت على رفضها لـماجد ..؟! خالد و هذا الموضوع يستفزة : لأن سها بـ ترفض ماجد عشان طارق..!! ماهو لـ سبب مقنع.. البلى مو فيه ماجد .. البلى في تفكيرها المنحصر في طارق و بس.. لكن جود لما بـ ترفض عصام اكيد الأسباب بـ تختلف..!! ابو سعود : خل اللي في راس جويد يطيح و وقتها يصير خير ان شاء الله.. ام حاتم : على طاري سها حاسة ان فيها شيء متغير..!! ما ادري ويش فيها البنت..!! ابو سعود : كيف يعني..؟! ام حاتم : و الله ما ادري بس من بعد خطبة ماجد و هي منلبقة يا بغرفتها يا بـ مكتبكـ تشتغل قبل تجلس مع خواتها معانا الحين مره وحده..!! حاتم : لا تضغطون عليها اخواني ما قصروا .. هي انجبرت على هالخطبة و يبي لها فترة تتقبل الموضوع.. انتم حتى العرس خليتوه بعد العيد .. المفروض تنسى طارق اول شيء بعدها تدخل في حياة جديدة مع ماجد.. لكن اللي انتم تسوونه غلط.. في حقها و حق حياتها..!! وعد : ودي ابوس راسكـ صبح و مسا احمد ربي اللي عندي اخ زيكـ ياخي تجنن انت!! ابو سعود طنش حكي وعد : ما فيها الا العافية بكره تجهز لـ عمرها مع هالهانم و تلهى.. بيت عبدالرحمن.. ابو عساف بإبتسامة : حيا الله من جانا.. سهاد : الله يحييكـ يبه.. ابو عساف : ما بغينا نشوفكـ ..؟! سهاد انحرجت..!! عبير : لا تفرحين ترى عادي عدم وجودكـ ازين من وجودكـ ..!! سهاد : ياربي يالغيرة .. عبير : على ويش اغار يا ربي لكـ الحمد..!! عساف : سلمان ليش ما نزل..؟! سهاد ابتسمت : قال بـ يروح لـ واحد من اخوياة في المستشفى بـ يطمن عليه و يرجع.. عبير ضمت يدينها و رفعتها بـ حالمية : شوفوا عيونها تطلع منها قلوب..!! عساف ضربها على راسها : انتِ ما تستحين..!؟ عبير : لا ما استحي عادي.. ما عاد الا هي استحي من ابوي و اخواني..!! عساف : وجهكـ مغسول بـ مرق و فرحانة بـعد..!! عبير : ما أقول عير الله يعينكـ يا وعد يا بنت عمي على ما ابتلاكـ ..!! عساف : على طاري وعد .. انا لقيت لي شقة.. ام عساف مستغربة : ليش انت ناوي تطلع ..؟! عساف : ايه.. أي اسكن لحالي..!! ام عساف : و ليش ان شاء الله..؟! عساف : بس يمه ابي اخذ راحتي.. و بعدين شقتي ماهي بعيدة من هنا.. ابو عساف : يا ولدي جناحكـ كبير ماشاء الله ما عازة تستاجر لكـ شقة..!! عساف : لا يبه ابي اخذ شقة.. ام عساف : ايش معنى لما خطبت ندى ما قلت تبي تطلع فيها برا..؟! عساف تنهد : يمه ندى صفحة و انطوت الله يوفقها مع ابو شوق.. ام عساف : و وعيد ويش زايد فيها عشان تأخذها و تشلع فيها برا..؟! عساف : يمه الله يرضى عليكـ ماله داعي هالكلام بكره بـ يوصلها و تزعل..!! ام عساف : ايه طبعاً تخاف على زعلها و امكـ بالطقاق.!! عساف : مالي غناة عنكـ بس يمه انتِ تحكين في البنت و كنها هي اللي قالت لي و ركبت راسي .. انتِ ترضينها الحين ام سلمان تضايق سهاد و تحكي عليها..!؟ سكتت ام عساف..!! مو عاجبها الوضع من قبل لا يتزوجها وهو ناوي يتركهم..!! عساف : رضاكـ عندي اهم من أي شيء ثاني و لو ما يرضيكـ اني اطلع من البيت ماني طالع بس مردي بـ اطلع يمه ماهو معقولة بكره يجوني عيال و أضيق عليهم .. و يكفي ماجد و زوجتة يعيشون هنا.. ام عساف شبكت يديها الثنتين على بطنها : بـ راحتكـ .. عساف : براحتي و انتِ ما انتِ راضية..!؟ ابو عساف : يا ابوي انت دايم بـ هالشغل ما يصير تتركـ البنت لحالها في شقة..!؟ عساف : الشقة قريبة من المركز بينهم شارعين.. و انا مأمن عليها ما يحتاج.. هاه يمه ويش قلتِ بـ تأثثينها لي..؟! ام عساف : ان شاء الله.. عساف : الله يخليكـ لنا.. ام عساف : بكره اخوانكـ يسوون سواتكـ و يتركونا..!! ماجد : عني مبلط عندكم ما راح اطلع الا اذا بـ اسافر.. ابو عساف : ايه سافر ويش وراكـ ما كفاكـ الماجستير اللي ابلشتنا فيه..!؟ ماجد : باقي الدكتوراة يبه.. من هنا لين اصمل يصير خير..!! عبير : ما علينا ترى صدق ما باقي وقت على زواجتكم.. يبي لي فستانين..!! عساف : و ليش فستانين..!؟ عبير : عشان زواجكـ و زواجة..!؟ عساف : ما يحتاج زواجي فستان البسي لبسة العيد كله عائلي..!! عبير ضيقت عيونها فيه : شوف رجاءاً لا تخرب فرحتي البس اللي ابي و اشتري اللي ابي.. ياربي ناشب لي و هذا وهو زواجكـ البسي لبسة العيد لا احد يسمعكـ بس.. و الا لا تكون تبي وعد بعد تلبس لكـ لبسة العيد..!؟ تجي عليكـ ترى..؟! عساف هز اكتافة : تلبس اللي تبيه عادي ..!! عبير : انا لازم ادعي لها من كل قلبي و اتصدق عنها الصدقة تدفع البلا و انت بلا عليها..!! ام عساف : انتِ ما تستحين تقولين لأخوكـ هالحكي.. هو اللي مبتلي فيها..؟! عساف وقف : يمه لا انا مبتلي فيها و لا هي مبتلية فيني.. الله يخليكـ لي تقبليها اخبركـ تحبينها ويش اللي تغير..؟! اذا تفكرين عشانها مطلقة هالشيء ما يهمني.. ما يهمني و لا يأثر فيني.. انا ابيها هي و ما يهمني أي شيء ثاني..!! .. بيت ابو عبدالرحمن.. راكان : اقول اهجد احمد ربكـ مطلعكـ من بيتكم.. مشعل و عكازة جنبة : مطلعني من بيتنا و جايبني بيتكم يعني مره فرقت..!! راكان : انت اللي رافض تروح الإستراحة..!! مشعل : كرهتها.. ابو عبدالرحمن : رويكن..!! راكان التفت عليه : سم.. ابو عبد الرحمن : سم الله عدوكـ .. جهزت اغراض عرسكـ ..!؟ راكان : لسى باقي اشياء واجدة.. ابو عبدالرحمن : انا عطيت مشاري التكاليف ان نقص عليكـ شيء علمني.. راكان : ان شاء الله.. أسيل : اقول شباب ويش رايكم كذا نطلع نفرفر..!! بندر : توكـ ما انتِ راجعة من السوق و إلا السالفة هياتة و بس..؟! أسيل ناظرتة : اصلاً انا كلمتكـ كنت اكلم مشيعل و راكان ويش دخلكـ ..؟! بندر : حلوه ويش دخلني ما عاد الا هي .. بقي ترجعين لنا تالي الليل.. انتِ صاحية..!! أسيل : و يقولون بنات اخوانكـ ان تفكيركـ راقي و متفهم..!! يجون يشوفون وجهكـ الحقيقي خدعوا بنت عامر فيكـ ..!! هنادي الجالسة بـ كامل حجابها جنب بندر : حرام عليكـ مو لـ ذا الدرجة..!! أسيل ابتسمت بإنتصار : يعني انخدعتي.. صح شوي بس انخدعتي..!! هنادي : لا .. بندر : هاتوا لها كيس تلقط وجهها من الأرض.. دوري خشمكـ تحت الكنب .. أسيل : ما تضحكـ .. اصلاً هي انعدت منكـ صارت مثلكـ .. و الا اول ويش زينها تهبل..!! بندر : اوكِ اذا بـ تصيحين خذي راحتكـ عادي..!! وقفت اسيل : انقلع من زينكـ انت و زوجتكـ ..طلعت و هي تتحلطم و بندر يضحكـ عليها.. هنادي همست لها : حرام عليكـ تضايقها.. كسحت البنية.. هالفترة لازم تراعيها لا تنسى ان زواجها بعد شهر يعني هي أكيد متوترة..!! بندر : ما عليكـ انا انسيها التوتر اقهرها تروح و تحلطم و تفكر فيني بس.. بدل لا تفكر في نايف لاحقة عليه.. هنادي : عليكـ تفكير ما ادري شلون.. تراها صغيرة.. بندر : شوفي ان ما نزلت شوي و لا كن صار شيء قولي بندر ما قال.. هنادي : حتى لو انت تستغل هالنقطة بس هي تبقى في خاطرها حتى لو جات و حكت معاكـ و ما كن فيه شيء ما تدري عن اللي في خاطرها.. بندر : نفس حكي مشاريوة.. انتم بس معطينها وجه.. هنادي : اللي يسمعكـ يقول ما تغليها..؟! بندر : الا اغليها و نص و لو تطلب روحي ما غلت عليها .. خليها تعود اذا بـ تزعل من مزح بـكره يتهاو شمعاها نايف تجينا شايلة شلايلها انا اعطيها دروس على التحمل..!! هنادي : ماشاء الله على دروسكـ .. الله لا يحطني وحده من طلابكـ بس..!! بندر : كذا يا هنيده طيب يصير خير.. هنادي ابتسمت من وراء النقاب : انا ادري عنكـ و عن تفكيركـ .. مشعل وقف : انا استأذن.. بندر : وين تو الناس تعشى معنا..!! مشعل متساند على عكازة : لا عمي تعبان و ودي انام.. ام عبدالرحمن : يا وليدي نام عندنا الليلة..!! مشعل ابتسم : ماهو من بعد بيتنا.. راكان رفع رجولة على الكنب : صراحة ما فحالي اوصلكـ ..! مشعل ناظرة : ما طلبتكـ اصلاً بـ اتمشى.. بندر وقف : لا و الله ما تمشي تبي تعور حسبالكـ مشية العكاز هينة.. مشعل : عادي يا عمي بيتنا هنيا ما احد قالكـ بـ امشي مية كيلو.. بندر : امش اقول بس ما عاد الا هي تروح على رجيلكـ و احنا هنيا .. مشعل : نسلم عليكم.. .. ياسر : قومي ويش ذا النوم ما تملين..!؟ صبا : بليز ياسر خليني احس لي سنة ما نمت..!! ياسر : سنة.!! و انتِ كل الوقت نايمة.. قومي و الا و الله لا اجيب مويا و اصبها عليكـ .. صبا جلست و ضمت اللحاف : تكفى ياسر الله يخليكـ و الله نعسانة..!! ياسر : الحين ياتي تجيب لكـ قهوة ثقيلة تشربينها و تصحصحين..!! صبا : طيب انا ابي انام ما ابي اصحصح..!! ياسر : ما فيه بـ تقومين يعني بـ تقومين يالله ودي اتمشى.. صبا متحطمة النوم بـ عيونها : تتمشى وين..؟! ياسر : نروح مطعم.. صبا : لا الله يسعدكـ الله يخليكـ و الله نعسانة ما فيني تكفى ياسر.. ياسر : انا ابي اطلعكـ من الغرفة هي اللي جايبة لكـ النوم.. (بحدة) يالله.. صبا خافت .. رفعت اللحاف : طيب نجلس بالصالة بس ما نطلع.. ياسر : ماهو بـ كيفكـ بـ نطلع نتعشى برا يعني بـ نطلع.. رمت اللحاف بـ قوة و مشت تاركتة جالس على السرير من وقت ما حملت و هي كل مالها تزيد مدة نومها..!! طلعت له بعد ربع ساعة تنشف وجهها .. ياسر : صليتي العشا..؟! صبا : ايه.. ياسر : طيب يالله البسي.. و رجاءاً من غير اعتراض..!! صبا : ما اعترضت .. مين يقدر عليكـ ..!؟! ياسر ابتسم : ما احد.. يالله شهلي الله يرضى عليكـ لا تسحبين شوي شوي..!! صبا : ياسر بليز قلبي الله يخليكـ .. ياسر : الله يخليكـ لي انا ابيكـ تنشطين شوي ما يصير ذا الخمول اللي انتِ فيه..!! استسلمت مو من طبعها تصمل على رايها قدام أي احد.. كيف لما يكون هالشخص راسة يابس مثل ياسر..!! .. بيت سعد.. لينا : يعني قلت اخبركـ اخاف تقولي ليش ما قلتِ لي..!! و تفتح لي سالفة..؟! عمر : و ليش اعترض على زيارة لـ جدتكـ او اهلكـ من واجبكـ تروحين مو بس انتِ حتى انا المفروض اوصلهم.. لينا : و الله يا عمر انا ما عدت اعرف كيف تتصرف معي صرت اخاف من أي شيء قبل لا اسويه.!! عمر : لا تبالغين.. اتصرف عادي زي أي انسان.. لينا : مره كل دقيقة بـ شكل .. مرات تخليني اشكـ ان فيكـ انفصام..!! عمر : قلت لكـ لا تحطين حياتنا قبل قدام عيونكـ و ما تتجاوزينها .. انسي اللي صار من قبل.. لينا : طيب حتى اهلكـ ملاحظين تغيركـ ..!؟ يعني مو بس انا يا عمر..!! عمر : اهلي يمزحون.. و بعدين اهلي يشوفون اهتمامي فيكـ و مستغربينة ما كانوا متوقعين ان يـ أسوي كذا.. لينا : مره صدقتكـ يا شيخ .. عمر رفع حاجبة : ما بقي الا تكذبيني..!! لينا : ما اكذبكـ طيب بـ أسالكـ ويش صار على الرجال اللي كنت تشتغل معاهم..؟! عمر : ليش ..؟! لينا : بس ودي اعرف ويش صار على المجرمين..!؟ عمر : للحين تحت التحقيق وتتسجل الإعترافات الأدلة موجودة يعني الحكم ما راح يأخذ حتى يوم واحد و يتنفذ فيهم.. لينا : حسبي الله ونعم الوكيل فيهم..!! ويش استفادوا من هالسواة يعني ما عندهم اهل ام و اب و زوجات و عيال..!؟ ليش يخذلونهم كذا..؟! عمر : الشيطان لاعب عليهم.. لينا : الله يحاسبهم.. عمر : كيف علاقتكـ مع نهى..!؟ لينا : عادي..!! ليش..؟! عمر : بس اسأل بـ اشوف متفاهمين و الا حركات السلايف هاذي..!! لينا : و انت شاغل نفسكـ بـ سوالف الحريم ليش..!؟ (حولت نبرتها للإستهزاء و تحركـ اعلى جسمها بـ تمايل يمين و يسار) و الا عشانها بنت عمكـ اللي تخبرها من هي بزر و كل تاريخها عندكـ ..؟! عمر : ايه اجلسي كذا لولحي بـ راسكـ لين تدوخين انتِ خبلة.؟! لينا : شفت انكـ تحول الموضوع..؟! عمر : لا احول الموضوع و لا شيء .. لينا : طيب لا تنشد عن بنات عمكـ مره ثانية فاهم..!! عمر : انا غبي اللي نشدت عشان اتطمن على علاقاتكـ ..!! لينا بـ حدة : ماني بزر اعرف كيف اتعامل مع الناس ما احتاجكـ تطمن على علاقتي مثل ما تقول نهى بنت خالي و مو اول مره اشوفها و اجلس معاها عشان تنشد عنها..!! عمر انسدح و تلحف : افهمي كل شيء بالمقلوب بـ راحتكـ .. لينا رفعت اللحاف بـ قوة عنه : ماهو بـ كيفكـ تفتح الموضوع و تتركـة معلق.. عمر انا ما احب هالتهميش..!! عمر : الحين صرت اهمشكـ توني ماني سأل عنكـ ...؟! و انتِ حولتي الموضوع على كيفكـ ..!؟ لينا رمت اللحاف عليه : طيب يا عمر اجلس عاملني بـ هالإسلوب و جيب طاري بنات عمكـ كل شوي و شوف ان سكت لكـ مره ثانية..!! عمر : ماشاء الله الإسلوب يجنن استحي على وجهكـ انا زوجكـ ..!! لينا : لما انت تستحي على وجهكـ و تقدر اني زوجتكـ و ما تجيب طاري بنات ما يحلون لكـ قدامي و لا من وراي لأن هاذي خيانة يا عمر تفهم شنو يعني خيانة وقتها انا اقدر انكـ زوجي..!! عمر : ليش كل هالعصبية و الإنفعال لينا انا قد قلت لكـ بنات عمي مثل خواتي .. انتِ متحسسة منهن على قل سنع.. لينا : انت ما تحس لو ان عندكـ ذرة احساس ما كان تجلس تدافع عن نفسكـ بـ هالطريقة.. و الله يا عمر لو انا بـ احكي عن عيال عمي على الطالعة و النازلة ما راح يرضيكـ ..!! عمر : انتِ فاهمة الموضوع غلط.. لو حكيتيني سالفة عنهم او سألتكـ عنهم و جاوبتيني ما راح اقلب الموضوع مثل ما انتِ تسوين الحين.. لينا : طيب اوكِ انا عقلي صغير و ما افهم .. ممكن ما تجيب لي طاريهم مره ثانية ترى راح تكرهني فيهم..!! عمر مسكـ كفها و ابتسم يهدي الإنفعال المتفجر على حساب موضوع عادي : حقكـ علي اوكِ .. ممكن ما عاد اشوف هالعصبية مره ثانية اذا ماهو عشاني و لا عشانكـ عشان اللي في بطنكـ بس تهاوشين ..!! لينا من غير لا تناظرة : انت اللي تخليني اعصب راعي اللي في بطني.. .. بيت غازي.. امال : عجزت فيها .. اكلها مره قليل و ان غصبتها رجعت كل اللي في بطنها..!! غازي تنهد : ويش اسوي معاها..!؟ ما ودي اعطيها الأدوية اللي صرفها الدكتور و هي حامل..!! امال : مو هو قالكـ خلها تكلم حريم حوامل و تسمع منهم .. بس دور على ناس تساعدها على تقبل الموضوع ما تقلبه..!! غازي : و انا ويش عرفني بـ حريم حوامل.. ما اعرف غير لينا و هاذي يبي لها تهيئة اصلاً هالبنت يبي لها احد يعلمها.. امال : لا لينا ما تنفع لينا اصغر من ندى و أول مره تجرب الحمل.. ممكن وعد بـ حكم انها مرت بـ هالتجربة قبل .. بس اخاف نفتح على جروح..!! غازي : لا وعد لا .. ما عندكـ وحده من خوياتكـ تكلمينها او بناتهن .. ما ابي ندى حتى تحس ان احنا جايبين الحريم عشان يكلمنها و يقنعنها ابيها تقبل الموضوع من نفسها.. امال : الا اعرف كم وحده .. يبي لي اعزمهن في البيت بس يمكن ندى ما تنزل..!! غازي : انتِ اعزميهن و بعدها يصير خير.. او لا تعزمينهن كلهن مع بعض.. اعزمي وحده و بعد فترة اعزمي الثانية اذا خليتيهن مع بعض بـ تعرف انه الموضوع مدبر.. امال : و لا يهمكـ مثل ما تبي.. .. أستغفر الله العظيم و أتوب إليه.. لا أحلل نقل الرواية دون ذكر اسمي.. هاشتاق #رواية_لو_سألتي_الورد ضحكة قهر.. http://up.graaam.com/img/23407876b74...eba11d9f14.pnghttp://up.graaam.com/img/c433481acf7...1de64fbad2.png |
رد: لو سألتي الورد وهو ما بين إيدك أقطعك بيقول لك عمري فداك الكاتبة / ضحكة قهر
بسم الله الرحمن الرحيم.. السلام عليكم و رحمة الله و بركاتة.. ما عندي مقدمة.. لكن احب اخبركم انه 80% ان البارت الجاي هو الأخير البارت الثامن و الستون.. و ننهى رواية لو سألتي الورد و هو ما بين ايديكـ.. لا تشيلون هم ما راح تنتهي بـ زواج عساف و وعد شيلو هالفكرة من رووسكم ما راح اسويها.. دعواتي لكم بالتوفيق جميعاً عاطلين و اللي يدرسون.. أخيراً دعوة لـ بلاد المسلمين.. "اللهم الطف بـ سائر بلاد المسلمين.. اللهم احفظهم بحفظك واكلأهم برعايتك اللهم انصر هم و وحد كلمتهم .. وحكم فيهم شرعك واكفهم شر كل طاغية جبار ربِ انصر إخواننا وأهلنا و لا تنصر عليهم، ربِ ثبت أقدامهم وارحمهم ربِ رد كيد كل من أراد بهم السوء يا عزيز يا جبار اللهم تول سائر بلاد المسلمين برعايتك..اللهم احقن دمائهم ...اللهم ول عليهم خيارهم اللهم احقن دماءهم واحفظ أعراضهم و سلم ذراريهم و أموالهم نسألك اللهم أن تعصم دماء المسلمين وأموالهم وأن تجنبهم الفتن ما ظهر منها وما بطنوان تصرف عنهم شرارهم وجميع بلاد المسلمين. نسأل الله أن يجعل لإخواننا هناك من كل هم فرجا ومن كل ضيق ومخرجا ويحفظهم من الفتن ما ظهر منها وما بطن.. اللهمّ إنا نسألك السلامة لسائر بلاد المسلمين اللهمّ بدّل خوفهم أمنا اللّهمّ وولّ عليهم أخشاهم لربّهم وأتقاهم له اللهمّ ولّ عليهم من يحكّم فيهم شرعك اللهم احفظ المسلمين في سائر بلاد المسلمين واحقن دمائهم وآمنهم في أنفسهم وأموالهم وول عليهم خيارهم اللهم احفظ المسلمين سائر بلاد المسلمين من الفتن ما ظهر منها وما بطن اللهم اكفهم شر الأشرار وكيد الفجار وطوارق الليل والنهار إلا طارقا يطرق بخير يا رحمن.. اللهم عجل الفرج وأرح العباد والبلاد ممن خربوها وأذلوا أهلها اللهم ارزقهم الأمن والأمان والسلامة والإيمان اللهم اعصم دماء المسلمين و أعراضهم و أموالهم اللهم خذ الظالمين أخذ عزيز مقتدراللهم يا حي يا قيوم يا من بيده ملكوت كل شيء أنت تعلم ما حل بإخوان لنا ووأخوات لنا فيك فمن لتلك الأعراض ومن لتلك الدماء ومن لتلك الأرواح إلا أنت اللهم احفظهم بحفظك وأمن خوفهم وأبرم لهم أمر رشد يعز فيه أهل طاعتك ويذلفيه أهل معصيتك .. اللهم آمين والحمد لله رب العالمين " قراءة ممتعة.. البارت السابع و الستون.. ما كنت راضي .. أبتعد: عنّكـ رغم إنّك بـ تفرح , و أنا بشقى ! بـ تقول : روحكـ .. طالعة منكـ ؟ من الفرح ماهي .. من الفرقى.. لـ عبادي الزهراني.. غرفة التحقيقات.. الفريق غازي : يعني كل شيء مدبر من الرئيس..!؟ الصقر : اكيد.. اصلاً خطبة تركي لـ ميار كانت بـ طلب من الرئيس..!! سعود : طبعاً عشان يستغلها بـ الوقت اللي يحتاجها فيه ضد ابوي..؟! الصقر : اكيد .. الرئيس يحسب حساب كل خطوة.. المره اللي اخذت اختكـ من امكـ كلمت الرئيس اكثر من مره مأنبها ضميرها عشان كذا قرر يزوجها تركي عشان لو المره تكلمت يقدر يأخذها تركي بـ الخفاء لكن ابوكـ سبق الرئيس و اخذ بنتة و بقى تركي متخفي بـ اسم راشد.. عماد : ما فهمت..!! الصقر: تركي تعرف على عماد اول شيء و بعدها على غازي.. عساف ضرب يده على الطاولة بـ قوة : اسمه الفريق اول غازي.. و العميد عماد احترم نفسكـ .. الصقر ناظر عساف و اخذ نفس : تركي تعرف على الفريق اول و العميد.. بعدها بـ مدة ملكـ على بنت ابراهيم بـ طلب من الرئيس عشان يحسب حساب لو المره غدرت فيه يخلي تركي يأخذ ميار ان ما كان قبل ابو سعود لا يلقاها بـ يكون بعد ما يأخذها بـ حكم ان ميار زوجتة شرعاً.. بعد ما ملكـ تركي بـ شهر سافر عشان اهله يلهون بـ مسألة اختفائة و يكون رايح بـ اسم تركي.. و يرجع بـ اسم راشد و يكمل اللي بداه.. الفريق غازي : طيب بعد هذا ويش اللي صار..؟! الصقر : كان راشد عضو فعال بـ جماعتنا.. و يورد لنا الأخبار اول بـ أول.. لكن فترة و بعدها صار يرسل لنا اشياء عادية.. و مرات يتخلف عن الإجتماعات.. كنا نطلبة يتنصت على اجتماعاتكم بـ أجهزة لكنه كان يختار اجتماعات مو اللي نبيها و اللي كانت تعقد سرية بين اربع افراد في بدايتكم.. و اعتقد انكم شفتوها بالفيديوهات اللي اخذها وليد.. غازي : غيره..!؟ الصقر : قلت فايدتنا منه او انعدمت .. في تفجير المجمعات كان مطلوب منه يفجر المجمع و انتم فيه بعد ما عرفنا ان وعد خبرتكم انه هو هدفنا الرئيسي.. عساف تنرفز .. سند ظهرة على الكرسي و كتف يدينة ما يبي يفقد اعصابة و يخنقة لين يفقدة روحة.. عماد ناظر عساف وجه الأحمر يدلل على انفعالة المكبوت.. ما هو اقل منه.. ان كانت وعد هي الحين لـ عساف .. وقت هالأحداث اللي يحكيها صقر كانت زوجتة على ذمتة.. الصقر يكمل : لكن راشد كان يتلاعب بـ تحكم القنبلة لين فككوها فريق تفكيكـ القنابل.. سعود : ويش استفدت..!؟ من كل ذا اللي سويتة ويش استفدت..؟! ما علق الصقر بعد ما كان يناظر سعود ناظر الطاولة بـ تركيز.. سعود : خسرت كل شيء..!! خنت دينكـ و وطنكـ ..الحقت الضرر في بناتكـ و راحت ارواحهم.. خذلت اصغر بناتكـ .. اذا هي صغيرة الحين و لا تدري بـكره بـحث بسيط بـ يعلمها ويش حقيقة ابوها.. كل الأخبار و الجرايد بـ تنشر تنفيذ الحكم عليكـ ..!! ابي اعرف ويش اللي سعيت وراه..!؟ و لا شيء راح تأخذ معاكـ غير اعمالكـ .. و لا شيء حتى الفلوس اللي مالي ارصدتكـ فيها ما راح تأخذها و بنتكـ طبعاً ما راح تأخذ منها شيء راح يتم مصادرتها كلها لأنها اموال حرام.. من مخدرات و تفجير و سرقات و نصب و احتيال.. يعني حتى شيء لـ بنتكـ تستند عليه و يكون لها ما فكرت فيه.. الصقر بـ وقاحة : الا خليت لها من تستند عليه.. (يمل رأسة و عينة بـ عين سعود) اخوكـ ..!! سعود ابتسم بإستهزاء : هه اجل ما عرفت وليد ابد.. لو تحب السماء ما كان سند لـ بنتكـ .. انت اللي خذلتها و انت بـ تحمل النتيجة .. بنتكـ بـ تصفى في دار ايتام.. لو كنت الطف من كذا معانا و ما سويت كل هالمصايب و لحقت الضرر حتى بـ خواتي كنا ممكن حفظنا لكـ بنتكـ .. الصقر : انا اللي طلعت اختكـ من الفلة .. صحيح عمر هو اللي طلبني بس لو ما وافقت و ما خليت الشغالة و مهدتها لها الطريق عشان تنحاش كان صارت فيها علوم.. عساف بـ حدة : تخسى و تعقب.. الفريق غازي بـ حزم : عساف اهدأ .. خلينا نتكلم بـ قتل بناتكـ .. الصقر : ويش الفايدة..؟! الرئيس و مات.. الفريق غازي : انت كنت تعرفة قبل لا يقتل بناتكـ .. ايش اللي يخليه يغدر فيكـ هالغدرة و ينتقم منكـ بـ هالشكل..؟! الصقر : مرينا بـ فترة خسرنا فيها كثير و الرئيس يظن ان انا وراء هالخسارات لأنه اكتشف ان عندي حسابات مصرفية برا فيها فلوس رغم انها كانت من قبل العمليات لكنه واضح انه فهم انه الحسابات بعد خسارة العمليات و ما لقى اكثر من بناتي عشان يرد حرتة.. الرئيس اذا صرت عدوة ما يفكر ينتقم منكـ الا بـ أكثر شيء يعني لكـ .. و ما ظنتي فيه شيء اغلى من الضنى.. عماد : ليش ما رفعت قضية عشان نلاحق قاتل بناتكـ ..؟! الصقر رفع حاجبة : ما احد يروح لـ سجانة بـ رجلية.. عماد : اه صح .. ليش تشتكي تروح انت تسوي لـ نفسكـ مركز و محكمة و تصدر القرار لـ حالكـ و تنتقم من قاتل بناتكـ .. الصقر : عاد انتم سبقتوني عليه ما لكـ حق تحاسبني على شيء ما فيه أي دليل اني سويتة..؟! عماد ابتسم : و الرجال اللي كانوا معاه ..؟! بـ عظمة لسانكـ اعترفت انكـ قتلت واحد فيهم.. و الا ماهو روح..!؟ وقف غازي : وقعوة على اقوالة و الحقوني المكتب.. طلع الفريق غازي .. اتجه لـ المصعد بكره بـ ترسل جميع التحقيقات و الأدلة لـ محكمة و بـ يصدرون القرار اكيد الموضوع مو مطول و بـ يتنفذ الحكم فيهم قبل رمضان.. انفتح الباب حتى يناظر عزام و نايف .. التفت الإثنين له و ادوا التحية العسكرية.. الفريق غازي : خير ان شاء الله.. عزام : كنت انتظركـ عشان اسلمكـ تحقيق البنات.. الفريق غازي : اعترفن..؟! عزام : اكيد .. كانن خايفات على الأقل ما عندن مثل سعاد اللي أخذت وقتها عشان تعطينا اسامي اللي معاها.. الفريق غازي : ارسل الأوراق بالأدلة لـ المحكمة.. هاذي محاولة اغتيال.. عزام : تأمر.. نايف : عاد عندي فضول اعرف ويش دافعهن..؟! عزام : سعاد حاقدة على البنت و قررت تأدبها على قولتها ما توقعت ان الموضوع يوصل لـ هالدرجة.. الفريق غازي : سعود قال انها مهددة اختة لو تكلمت بـ ترجع لها من جديد .. البنت واضح تعاني من علة نفسية.. نايف : على كذا اكيد بـ يكون لها علاج نفسي.. الفريق غازي : اكيد راح تخضع لـ جلسات نفسية بالسجن.. نايف : الله يهديهن.. تصرف ماهو مسئول كان بـ يفقد البنت حياتها و الحين هن دفعن ثمن تصرفهن.. .. بيت ابو عمر.. فيصل : ما انتِ حاسة انكـ مزودتها..؟! نهى : فيصل ماني فايقة لكـ ..!! تبي تتهاوش روح تصاكع مع الجدران..!! فيصل : هذا رد تردين فيه علي..؟! ويش حاسبة يا نهى.؟! ما اقدر اعيش من غيركـ ..!؟ نهى غمضت عيونها : ممكن تطلع صدق يا فيصل ما ابي اتهاوش معاكـ ..؟! فيصل : يعني الحين انا سبب الهواش.!؟ ماهو انتِ..؟! أنتِ جالسة تغلطين علي و على نفسكـ .. نهى : اوووهوووه علينا..!! تدري انت اقعد انا بـ اطلع.. قامت من السرير سحبت عبايتها .. فيصل : لو طلعتِ من الغرفة انا اقولكـ اطلعي من البيت كله يا نهى.. التفت له نهى رافعة حواجبها : نعم..!!! فيصل من غير لا يلتفت عليها و هي واقفة وراه عند الشماعة ماسكة عبايتها : انا ما عندي استعداد اعيش هالحياة معاكـ بـ ذا الإسلوب..؟! صلبت حتى يديها زلقت منها عبايتها ما حاولت تمسكها..!! جملتة تتردد في اذنها ما عندي استعداد اعيش هالحياة معاكـ بـ ذا الإسلوب...!!!! ما عندي استعداد..!! التفت يناظرها .. وجهها الشاحب جسمها الهزيل حتى شعرها صار باهت و تساقط بـ شكل كبير كأنها تحولت من انسانة في قمة الحياة ما تهتم لأي شيء و لا تخلي أي موضوع يعكر عليها جوها الى شبح..!! يبصم بـ العشرة حالتها ماهي طبيعية.. هوسها المجنون بـ الدايت ما يقودة الا لـ نتيجة وحده.. مرض فقدان الشهية.. يبي يضغط عليها من ناحيتة عشان تتراجع.. اذا هي حياتها ما تهمها هو تهمه.. نهى : هه ما عندكـ استعداد..؟!!! اصلاً انا كنت متأكدة انكـ ما جيت عشاني.. خلصت دراسة و عشان ماجد بـ يرجع اضطريت ترجع ما عندكـ عذر تبقى هناكـ .. و الكلمة اللي عطيتها عمكـ لازم تتمها.. لقيت من اغناكـ بس عشان ابوي ما يزعل..!! و الحين ما عندكـ استعداد تعيش معاي..!! تتوقع اني بـ ابكي عليكـ يا فيصل..؟! بـ ازعل و اقولكـ لا لاتتركني.. من عافني عفتة يا ولد عمي.. تبي تكمل جميلكـ اللي تحملتني و توصلني بـيت ابوي و الا اكلم واحد من اخواني..!؟ فيصل : انتِ متى بـ تكبرين مخكـ المحدود و تستوعبين حكي مثل الناس العاقلة..!؟ نهى تلبس عبايتها : ما راح استوعبة عقلي صغير ما رقى لـ مستوى كبر عقلكـ ..!! سحبت شنطة و رمت لها ملابس ما تدري حتى ويش هي ما تشوف شيء غير سواد..!! انتظار ..! خذلان..!! خيانة..!! كره..!! حب ضايع..!! سكرت شنطتها تحت انظارة خروجها ماهو حل لـ مشكلتهم .. : نهى ممكن تجلسين نتفاهم..!! نهى : لا .. (التفت تناظرة) وشو خفت ان ابوي و اخواني يزعلون..!؟ لا تخاف انا بـ اقولهم ما عدت اطيق حياتي معاكـ .. ما راح اقولهم ان انت ما عندكـ استعداد تحمل العيشة معاي..!! ما راح اقولهم ان انت عايفني.. تأكد اني كنت متوقعة هاليوم يجي حاسبة حسابي .. من قبل لا ترجع من السفر و انا حاسبة حساب هاليوم.. عادي معذور يا ولد عمي.. كنت طايش و ربطت نفسكـ فيني.. انا محللتكـ .. سحبت شنطتها بعد ما نزلت النقاب على وجهها و تعدت من جنبة.. كل شيء يكبر فيها.. حزن روحها .. دمعة عيونها.. خذلان قلبها.. حتى رجفة جسدها.. نزلت و هي تسحب شنطتها.. وقفوا على صوت الشنطة اللي رمتها نهى عشان تطيح على الدرج من غير اهتمام.. نزلت و فيصل واقف أعلى الدرج يناظرها .. وده فعلاً يسحبها بس مو لـ بيت ابوها مثل ماهي تبي لـ المستشفى.. ام عمر يديها على صدرها .. واقفة اسفل الدرج قريب من نهى : بسم الله ويش فيكم..؟! نهى تناظر فيصل بـ برود : بـ توصلني و الا اروح..؟! نزل فيصل : ماني موصلكـ يا نهى ما راح تطلعين..!! نهى : ماهو بـ كيفكـ .. لا صار و خذيت الشور منكـ وقتها قولي رايكـ ..!! ابو عمر : خير ان شاء الله ايش فيكم..؟! لينا تهمس لـ عمر : شكلها حامية هالمرة..!! عمر : شكلهم خربوها و اعلنوها على الهواء مباشرة صوت و صورة .. دايم ما نسمع غير اصواتهم..!! لينا : من جدكـ لما قلت انهم يحبون بعض..؟! عمر ابتسم : و الله هذا اللي انا اخبره .. فيصل يصارخ عليها : انتِ فاقدة عقلكـ ما تتواخذين على حكيكـ ..!! ابو عمر بـ حدة : فيـــصل..!! (اخذ نفس وهو يشوف الإثنين كل واحد فيهم راكب راسة و هالشيء مو جديد الجديد ان نهى معاها شنطتها..!!) يا ابوي ما يصير اللي تسوونة .. ما هو عند اول الدرب بـ يصير فيكم كذا.. انتم حتى ما كملتوا السنة متزوجين.. ام عمر : و الله كنتوا حبايب ويش اللي قلبكم على بعض..!؟ فيصل : ويش اللي قلبنا يمه..؟! هي .. هي اللي قلبتنا .. ما تهتم حتى بـ نفسها .. اهملت كل شيء بما فيهم انا.. كلكم عارفين انها من سيء لأسوء بس ما احد يفكر يقولها هالشيء بـ وجهها.. شوفوا وجهها عظامها طلعت..!! نهى تصر على اسنانها ما تبي تبين له انه اثار اعصابها : بسم الله عليكـ مغرقني بإهتمامكـ .. كل يوم هايت برا ما تلحق تجي ترتاح حتى تطلع من جديد لـ الدوام ترجع تنام ثم تطلع..!! وين الوقت اللي لي..!؟ و الا انا زوجة بالإسم..!! لا صح نسيت انا العهد اللي تورطت فيه و قطعتة على نفسكـ عند ابوي..!! سحبت جوالها من جيب بنطلونها و سكرت عبايتها من جديد حتى شنطة نست تأخذ : انا ابريكـ من عهدكـ .. ابو عمر : ويش هالحكي يا بنتي.. اهدي ما يصير اللي تقولونة لا انتِ و لا هو..!! ما انتم بزارين الواحد يعلمكم شلون تعيشون حياتكم..؟! فيصل سحب الجوال من يدها بـ غفلة و هي تناظر عمها .. : انا قلت ما راح تطلعين..!! نهى : ماهو بـ كيفكـ و الله يا فيصل لا اطلع و اعلى ما بخيلكـ اركبة..!! فكت الباب حتى تطلع حتى شنطتها تركتها من غير لا تهتم بـ أي شيء.. أي تصرف من فيصل فـ وقت هذا حساس بـ النسبة لها يدفعها لـ الجنون.. سبع سنين انتظار يكافئها بـ خذلان بـاقي العمر..!! طلع ابو عمر و وراه عمر.. عمر : نهى انتِ صاحية تبين تطلعين للشارع..!؟ ابو عمر مسكـها قبل لا تنزل اخر الدرج : خلاص يا عمي انا اوصلكـ وين ما بغيتي..!! عمر : يبه انت ارتاح انا اوصلها مع لينا.. (فتح باب بيتهم) لينا تعالي.. ابو عمر : يا عمي المشاكل ما تنحل بـ هالطريقة.. لا تحلونها هالحين انتِ معصبة وهو معصب ما راح تطلعون بـ نتيجة.. لا روقتي بـ تفكرين بالموضوع عدل .. فيصل ما يبي الا مصلحتكـ .. هو خايف على صحتكـ يا بنتي.. لينا واقفة جنب عمر.. نهى ناظرت عمها ما تبي دموعها حتى تظهر على عيونها : ولدكـ عايفني يا عمي.. الموضوع مو انه خايف على صحتي.. ولدكـ ماهو طايق العيشة معاي.. ما راح اتمسكـ بـ واحد من الأول عايفني.. لو بغاني و لا لقى من اغناه عني ما قعد سبع سنين برا.. مشت ضايعة.. ياليتة وصلها اقل شيء..!! او خلى واحد من اخوانها يجيها.. شتـــت روحها يا فيصل عاجزة تجمعها..!! ركبت سيارة عمر و ركبت لينا قدام و بعدهم عمر اللي كلم ابوه عشان ما يخلي فيصل يطلع يبي يهزئ فيه لين يشبع.. اجل لاقي مين يغنية.. ليش يعلق البنت فيه..!! عمر تمتم : استغفر الله العظيم.. نهى : ابي اروح بيت امي..!! عمر غمض عيونة : بيت خالكـ عامر..؟! نهى : ايه.. عمر : ما يصير يا بنت العم.. نهى : امي عايشة في بيت مستقل عنهم نفس بيتهم بس فلة صغيرة وراء عشان اخواني بـ يجون.. كانت تحاول تتكلم طبيعي ما تبيهم يحسون انها مجرووووحة..!! عمر : دامكـ طالعة زعلانة الأولى تروحين بيت عمي .. نهى : اولاً ماني زعلانة.. ثانياً انا بـ اروح لأمي بعدين اكلم واحد من اخواني يجيني .. كانت تكذب ما عندها نية تقول لأحد فيهم رغم ان الموضوع ما راح يطول و يدرون ابوها و اخوانها اقصى حد بـ يكون بكره المغرب.. هذا ان كانت محظوظة.. عمر : اذا كذا اوكِ.. .. بيت عامر.. عامر : عاد ما بغينا نشوفكم..!! لو درينا كنا زوجنا امكم من زمان.!! ريان : رجاءاً لا احد يفتح لي هالموضوع..!! يوسف : اروح ملح ع اللي يغارون ع الماما..!! ريان : بـ اقوم ادفنكـ هنا..!! يوسف : تصدق خفت منكـ يـــاي.. بـ اروح جنب الأونكل.. قام يوسف جلس جنب عمه غازي.. غازي : عاد الا يوسف يا ريان.. ما نرضى عليه.. رنيم : و الله ترى ما عندكم غير واحد ولد اخت يعني المفروض هو غير.. حتى احنا كلنا يعني من زمان ما شفناكم..!! ناصر من غير لا يناظرهن الثنتنين متحجبات فقط.!! و هالشيء مستفزة : ماشاء الله كبرتوا..!! رنيم : لا لساتنا بـزارين..!! ناصر : المره الجاية اللي تجون فيها ياليت تغطون وجيهكم انتم بالسعودية مو بـ فرنسا..!! رنيم تنحنحت : احم .. اعتقد هالشيء راجع لنا .. دام بابا راضي و شافنا و احنا طالعين و لا قال لنا شيء يعني كيفنا..!! غازي : ناصر ما نبي هواش.. بـ يتغطن .. لأن هالموضوع ما يرجع لـ البابا يا رنيم.. اعتقد لو احنا نبيكن تتغطن ما راح تعصين خوالكـ ..؟! رنيم : خالي بليز احنا ما جينا هنا عشان احد يتحكم فينا.. احنا لنا حريتنا.. غازي : الحجاب ماهو حرية دين عبادة.. ام عامر : انتم ويش بلاكم انقلبتوا خلوكم حليلين مثل اول..!! رؤى : مامي متى بـ نشوف خواتي..!! متحممممسة لهن مـــرا.!! محمد يغمز لـ يوسف على لهجة رؤى .. و يوسف ابتسم .. عماد بـ حدة يناظر محمد و يوسف : "ويل لـكل همزة لمزة" ..!! رؤى مستغربة : نعم..!! محمد : استغفر الله العظيم.. ماشاء الله كاميرات مراقبة تراقب حتى الرمشة..!! رؤى : مامي.. مريم : يمكن بـــ (قطعت كلامها على صوت جوالها ناظرت بـ الشاشة اسم لينا.!! رفعت جوالها مستغربة من الإتصال) هلا لينا.. وعليكم السلام.. الحمدلله بخير انتِ كيفكـ .. بيتي..!! فيكـ شيء..!؟ .. طيب الحين جاية.. لا يا ماما الحين بـ اجيكـ .. مع السلامة.. وقفت .. غازي : خير ايش فيها ..؟! مريم : تقول انها عند بيتي.. غازي : ما قالت لكـ ويش فيها..؟! مريم لفت طرحتها بس لأنها راح تطلع لـ الحديقة اللي تجمعها فلتها اللي كانت من قبل متصلة مع بيت عامر و قرر يسكنها فيها دام عيالها بـ يعيشون معاها : لا تبيني اجي الحين.. غازي وقف طلع قبلها .. لا يكون متهاوشة مع عمر..!! لو ما فيها شيء ليش ما جات بيت عامر..؟! ليش تصر على عمتها تجي بيتها..!؟ الوساوس تلعب بـ راسة.. شاف عمر التفت لأختة : ارجعي عمر معاها..!! مريم : خلاص بـ ادخل مع الباب الخلفي.. رجعت حتى تلف حول فلة عامر و تدخل من الجهة الثانية.. غازي كمل طريقة : السلام عليكم.. اعتدل عمر اللي ساند ظهرة على السيارة : وعليكم السلام.. غازي : خير ايش فيكم..؟! عمر : ما فيه الا الخير .. بس جايبين نهى و تبي امها.. غازي : طيحتوا قلبي الله يهديكم.. لينا تقدمت له حتى تبوس راسة و يده : كيفكـ بابا.. غازي : بخير الحمدلله..(عينة على نهى الجالسة على الدرج) ايش فيها..!؟ لينا هزت اكتافها : ما ادري..!! ابتسم غازي : ما تدرين..!؟ يعني جايبينها انتم و ما تدرين..!؟ عمر : خلاف بسيط ان شاء الله تنحل..!! عمر التفت لـ الباب اللي انفتح .. نهى وقفت و دخلت.. عمر : اجل احنا نستأذن بـ نمشي.. غازي : تو الناس .. اجلسوا تعشوا معنا.. عمر : خيرها بـ غيرها.. لينا بـ حماس : جو بنات عمتي..!؟ غازي : ايه.. لينا التفت لـ عمر تترجاه : عمر بليز ابي اشوفهم..!! عمر فتح باب السيارة : على اساس جايين نوصل نهى ..!! لينا : الله يخليكـ ما شفتهم من سنين.. بس اسلم عليهم..!! غازي ابتسم : انا ارجعها لكـ .. عمر : لا و الله ما يكون .. تجلس متى ما ملت تدق علي انا اجيها.. لينا اخذت نفس عميق : شكراً.. عمر : اهم شيء ما تطولين عشان ادويتكـ .. لينا بإحباط قبل شوي قال متى ما ملت و الحين لا تطولين..!! : طيب..!! داخل بيت مريم.. مريم : يا ماما ماني فاهمة شيء.. اهدي لا تبكين..!! نهى تسحب ياقة عبايتها ودها تشقها نصين : مخنوقة .. مخنوقة بـ اموت..!! مريم : بسم الله عـليكـ لا تقولين كذا.. خليني افهم ويش فيكـ .. ما كان رد نهى الا مالت على جنب حتى يطيح راسها على رجل امها مغمى عليها..!! مريم تربت على خدها بـ خفة : نهى.. نهـــــى.. نهــــى..!! نزلت راسها على الكنب بـ ربكة فتحت الباب حتى تنادي اخوها : غااااازي..!! غازي الواقف مع لينا و عمر .. ناظر الباب .. مريم بـ صوت عالي متوترة : نهى اغمى عليها..!! لينا حطت يدها على فمها و شهقت تناظر عمر..!! تحركـ غازي بـسرعة دخل فاتح الباب حتى يشوفها على الكنبة مكان ما تناظر اختة.. قرب لها حط يده تحت راسها التفت لأختة : مريم البسي عبايتكـ .. اتجه هو للمطبخ سحب كاسة مويا على ما اختة تلبس عبايتها .. اتجه لـ الصالة بعد ما ملى الكاسة صبه في يدها و يمسح على وجهها.. لينا : ما صحت..!؟ غازي : لا.. (التفت لـ لينا) فيصل وينه..؟! لينا : اخبره بالبيت..!! مريم تربط نقابها : انا لبست..!؟ غازي لف الطرحة على راس نهى.. لينا : عمر ينتظركم برا.. غازي يمشي و يكلم لينا : روحي بيت عامر.. و ما يحتاج ترعبينهم ما له داعي يدرون ان نهى هنا.. لينا : طيب و اذا سألوا عن عمتي مريم..!؟ عمر فتح الباب الخلفي و ركب قدام غازي يدخل نهى ركبت جنبها مريم حتى ينزل غازي راس نهى اللي كان رافعة على رجل اختة : تصرفي لينا قولي لهم أي شيء.. لينا : طيب طمنوني الله يخليكم.. غازي يلف حوالين السيارة حتى يركب جنب عمر : ان شاء الله .. يالله قدامي على بيت عمكـ .. تحركـ لينا وهي ودها تروح معاهم.. لكن ابوها و عمر ما حتى اعطت نفسها فرصة لـ المحاولة ليش تحاول و هي عارفة ان جوابهم الرفض خصوصاً مع وجود عمتها يعني هي مالها داعي.. .. بيت ابو سعود.. وعد : من جدكـ و الا تمزحين..!؟ جود : لا طبعاً ما امزح .. انا لو بـ اوافق بـ اتزوج نظارات مو رجال..!! وعد : بلا سخافة كبري مخكـ .. الرجال ما يعيبة شيء حاتم يمدحة ويقول انه متفتح و رجال راكد و ما عليه.. و بعدين الرجال شافكـ (غمزت لها) يمكن تام في هواكـ ..!! جود : من جدكـ انا احس ما يليق اخذ دكتور..!! وعد : و ليش لا..!؟ جود : و الله جبتيها اوافق عشان يخليني ادخل الطب..!! وعد باست يدها وجه و قفا : الحمدلله و الشكر على العافية.. يعني بـ توافقين عشان هالشيء ما يهم لو هو اشين رجال اخلاق بالعالم..!؟ جود : ابي طب اسنان..!! وعد : ما الوم بابا يوم يبي يفكر قبل لا يقولكـ تراه حاس انكـ صغيرة على الزواج.. يعني بـزر.. جود : عادي انا بزر.. بكره بـ تشوفيني العب مع رند و سحير.. وعد وقفت : الله يخلف عليكـ .. جود : روحي غرفتكـ بس كملي طلبياتكـ لعل توصل قبل العيد لا توهقين بـ عرسكـ .. بعدين تطلع وع عند عساف الكشخة..!! وعد : الحين صار عساف كشخة..!! اخبركـ تسبين فيه..!؟ جود : اسب فيه تفكير و اخلاق ايه .. بس وسامتة ما يختلف عليها اثنين يا عمري انتِ..!! وعد تعطيها ظهرها : الله يكفينا شر عيون خلقة.. جود بـ صوت عالي : يا حمارة يعني انا بـ اعطيكـ عين..!! الله و من زينة هالعساف.. وحش مو رجال..!! يا حليل ابو نظارات عنده اصلاً ازين نظاراتة كبيرة عشان لا زعلني اعطية بوكس على عينة و اكسر نظارتة و اعمي عيونة..!! وعد اللي واقفة برا تسمع حكي جود : انتِ مكانكـ الطب النفسي بعد اللي سوتة سعاد فيكـ يا انكـ بـ تنهبلين و تصيرين مجرمة يا انكـ بتصيرين خبلة من جديد.. نزلت وعد لـ الدور الأول كل الكلام بـ توصية من ابوها و اخوانها عشان يعرفون رأي جود قبل لا يكلمونها جد.. البنت فاصلة هالأيام.. ابو سعود شافها نازلة .. : هاه يا بابا..!؟ وعد : ما طلع منها لا بـ حق و لا باطل.. ما عرفت هي ويش رايها..!! ابو سعود : يعني ما استفدت من حكيكـ معاها..!! وعد : بابا لا تحطني بالنص انت طلبتني اكلمها و ما قصرت .. من جد من جد انا بديت اشكـ انها تأخذ شيء من ورانا .. الأدمية فاقدة عقلها..!! ام احمد : بسم الله على بنتي.. شلون يعني تأخذ شيء..!! ميار ضربت خدها بـ صدمة : مخدرات يمكن حشيش..!! سعود ضربها على راسها : استحي على وجهكـ .. ميار تحكـ رأسها مكان الضربة : احح .. طيب مزاجها عالي فوق السحاب..!! أبو سعود : و الله شكل مو بس هي اللي مزاجها عالي حتى انتِ منقلبة..!! بلعت ريقها : لا و الله ما اخذت شيء اصلاً من وين بـ اجيبه ما اعرف احد.. ياسر : يعني وشو الحين يا وعد ما راح تحاولين معاها مره ثانية..!؟ وعد : بـ احاول بس مو الحين.. لأن مخها ضارب اول شيء قالت ما تبيه بعدين قالت بـ توافق عشان الطب.. هي مأخذة الموضوع بإستهزاء.. يمكن عشان انتم ما كلمتوها ما حسستوها بـ جدية الموضوع.. ابو سعود : خليها يومين و بعدها اكلمها لا تجيبين لها طاري انتِ.. : السلام عليكم.. : وعليكم السلام.. باست راس عمها و حريم عمها حتى تجلس جنب ياسر اللي ابتسم اول ما شافها.. انجاز صاحية و نازلة فيه تغيير.. ابو سعود : وينكـ يا عمي ما نشوفكـ ..؟! انحرجت ويش تقول مشغولة وهي نايمة..!! : آسفة بس صايرة انام كثير.. وعد جلست جنب ابوها : اذا فيها راحة ولدنا عادي نامي لين تولدين..!! ياسر : هيـــه انتِ يا قولي كلمة زينة يا اسكتي خلي نصايحكـ لكـ ..! صبا : حرام عليكـ ما قالت شيء..!! ياسر التفت لـ صبا : ويش عندكـ نازلة عارف مو لله.. صبا همست : مشتهية بيبسي طاقة عليه.. ياسر بـ صدمة و صوت عالي فضح فيه صبا : وشوو..!! بيبسي..!؟ صبا ناظرتهم بإحراج.. بعدها ناظرت ياسر : ايه بيبسي.. اول مره تسمع فيه..!؟ وعد : هذا اللي يسمونة وحام يا اخي العزيز جيب لها بيبسي لا يطلع ولدكـ فيه شامة اعلان لـ شركة ببيسي مدى الحياة من غير فوايد.. ياسر بـ حدة خفيفة : لا طبعاً .. قلت الأشياء عليكـ يعني.. اشربي حليب..!! صبا تحطمت : ما ابي حليب ابي بيبسي..!! وليد يهمس لـ مشعل : مين اللي تحسه يبالغ اخوكـ و الا زوجتة..؟! مشعل : اخوكـ نفسية ويش فيها اذا شربت بيبسي المره توحم..!! وليد : ما تعرف بـ شغلات الإهتمام بالمرأة الحامل ..!! مشعل : يا شيخ.. بـ أي كتاب قاري هالجملة..؟! وليد : شفتها في برنامج.. البيبسي مضر لـ الصحة لـ الناس العادية كيف لـ الحامل..!! ام احمد : يا وليدي ويش فيكـ على مريتكـ.. ياسر : يمه ما تسمعينها ويش تقول..!؟ ميار : بلاش تعقيد عادي تبيه جيب لها خلها تشربة..!! ياسر : لا.. لا.. لا.. اذا تبين عصير الحين اقول لـ ياتي تجيب لكـ عصير فرش..!! صبا : ما ابغى عصير ابي بيبسي.. ابو سعود : يـــاسر جيب لها اللي تبيه مره ما راح يضر ان شاء الله..!! ياسر : مره وحده عشان ابوي بس..!! صبا ابتسمت من وراء النقاب و همست له : قول لـ ولدكـ مو لي هو مخليني اشتهي البيبسي.. ياسر : خلاص اجيب لكـ شوي..!! صبا : لاااااا!!! ميار : انا اجيب لكـ من عندنا ثلاجتنا مليانة متى ما بغيتي تعالي خذي ما عليكـ من هذا..!! ياسر يناظر ميار : لو ادري انها شاربه ربع علبة بس راح اقص لسانكـ ذا اللي يلعلع..!! .. المستشفى.. مصطفين ثلاثتهم يسمعون لـ الدكتور الخارج من غرفة نهى.. الدكتور : حقيقة معاها فقر دم حاد من سوء التغذية..!! عمر : طيب ويش العلاج الحين..!؟ الدكتور : مبدئياً راح تبقى عندنا المريضة صحتها متدهورة تحتاج عناية سريرية.. غازي منصدم : شلون متدهورة و عناية سريرية ما كان فيها شيء..!؟ الدكتور متوقع ان غازي ابو نهى : الا فيها بنتكـ حتى وزنها اقل من الطبيعي لـ طولها و عمرها.. البنت طولها 165 و وزنها 45 .. المعدل الطبيعي لـ طولها المفروض ما بين 68 و 55 .. بنتكم ناقصة 10 كيلو عن الحد الأدنى لـ الطبيعي.. مريم : هي لها فترة مهووسة بالرجيمات.. الدكتور : و يمكن هالشيء افقدها شهيتها للأكل.. يعني يكون عندها مرض فقدان الشهية .. و هذا يحتاج علاج نفسي طبعاً.. مريم : طيب هي ترفض الأكل .. جميع انواعة احياناً ما ترضى غير بـ شيء قليل من السلطة!! الدكتور : انا راح اعرضها على طبيب نفسي بـكره ان شاء الله يمر عليها.. و مع الأدوية اللي نعطيها بـ نحاول نعوض النقص بـ جسمها.. أكيد جزء كبير من هالموضوع راح يقع على عاتقكم لأنها راح تحتاج بيئة تعيدها لـ طبيعتها يعني لازم توقفون معاها لأنها ما راح تبقى على الأدوية كل عمرها لازم يكون عندها نظام غذائي و رياضي محدد.. و هالشيء راح يحددة لكم الطبيب النفسي مع اخصائي التغذية بإذن الله.. غازي : مشكور دكتور يعطيكـ العافية.. الدكتور : الله يعافيكـ واجبي..!! مريم تناظر اخوها : انا بـ اجلس عندها ما راح اخليها.. غازي : و عيالكـ اللي مالهم الا كم ساعة جايين..!؟ انا اقول تروحين معاي و انا اكلم سعود يجيب شوق و الا وعد عندها.. مريم : لا مستحيل اتركها.. سمعت الدكتور يقول يبي لها عناية سريرية.. شلون تبيني اتركها..؟! ابتعد عمر عنهم وده يكون بـ البيت في هاللحظة و يسفل بـ فيصل .. اجل عناية سريرية..!؟ وين عيونة عنها..!! رفع جوالة : الوو.. وينكـ ..؟! نص ساعة بالكثير و اكون بالبيت ابي اشوفكـ قدامي.. لا يا شيخ لا اتدخل بـ حياتكـ كلامي واضح يا فيصل ابي اشوفكـ منرزع قدامي.. ما ادري بس بـ أي وجه تبي تقابل عمي و عيالة.. ما يخصكـ .. اذلف عن وجهي..!! قفل الخط التفت لـ غازي : قررت تقعد..!؟ غازي : ما ينقدر عليها.. لا تلوم اخوكـ نهى راسها يابس و يمكن هو ما عرف كيف يلين راسها.. عمر يمشي مع غازي : و الله يا عمي المره اللي ما تجيبها الكلمة الزينة رجلها يجيبها بالقوة.. ماهو عايز لا يجبرها على الأكل.. ما يخليها توصل لـ هالحالة.. .. بيت ابو عبدالرحمن .. اليوم اللي بعده.. ابو سعود : انت من جدكـ تحكي..!؟ ابو عمر : ايه.. ابو سعود مستغرب : ليش ما قالت لي..؟! عمر : على اساس بـ اوصلها لـ بيتكـ بس هي طلبت بيت امها و قالت بـعدين بتكلم واحد من اخوانها يجيها.. صار اغمى عليها هناكـ و نقلناها المستشفى.. ابو سعود شد على شفايفة بـقهر : و فيصل وينه..؟! ابو عمر : هايت من البارح..! حتى جوالة مقفل..!! سعود : كان يبلغنا اقل شيء.. من البارح هي بالمستشفى و احنا يا غافلين لكم الله..!! ياسر : حتى انكم تودونها لـ بيت امها مالكم حق .. انتم اخذتوها من بيت ابوي مو بيت امها..!! ابو سعود ناظر عيالة بـ حدة..!! لو احد بـ ينلام بـ يكون فيصل مو عمر و ابوه.. ابو عمر بـ هدوء : ما عليه يا عمي البنت متصايقة و باغية امها ما فيها شيء لا راحت لها.. خالد : دامها طالعة زعلانة الأولى تكون في بيت ابوي .. و احنا بعدها نوصلها لأمها.. عمر مو ملزوم حتى يوصلها .. اللي اخذها فيصل مو عمر..!! ابو عبدالرحمن : البنية ويش حالها الحين..!؟ ابو عمر : انا كنت عندها الصبح بخير ما عليها لكن.. ابو سعود : لكن ويش..!؟ ابو عمر : بنتكـ من فترة متغيرة الأكل عايفتة ما تحط شيء بـ فمها و هذا هو السبب اللي متهاوشين عشانه.. فيصل منقهر انها مهملة نفسها.. و هي الله يهديها ميبسة راسها.. صايرة جلد على عظم.. عمر : الدكتور يقول عندها مرض فقدان الشهية.. وزنها اقل من الحد الأدنى لـ الطبيعي بـ 10 كيلو.. ابو سعود وقف : انا بـ اروح لها .. نتفاهم ع الباقي بعدين.. ابو عمر : ترى امها عندها.. ابو سعود : خير ان شاء الله.. ام عبدالرحمن : يا وليدي اصبر شوي خلنا نسوي لها لقمة زينة تسمتها تأخذها معاكـ .. حاتم : المستشفى فيه اكل يمه.. ام عبدالرحمن : يه يه الله يكرم النعمة ذاكـ تسميه اكل لو تحطه لـ القطاوة ما اكلتة..!! حاتم ابتسم : اكل صحي.. ام عبدالرحمن : لا و الله ما يعرف الصحي.. الصحي اللي يسمت البني ادم مو نفسة حتى ما تقبل عليه.. هاه يـ ابوي ويش قلت..؟! ابو سعود : بـ اشوفها الحين يمه .. اذا هي ما تبي تأكل ما يحتاج تتعبين نفسكـ .. (التفت على أخوه) ما قلت لي بأي مستشفى..!؟ أبو عمر : مستشفى ........... ابو سعود : نسلم عليكم.. طلع ابو سعود حتى يلحقونة عيالة الأربعة سعود خالد ياسر و حاتم.. ابو عبدالرحمن : دق على ولدكـ شوف وين هو ذالف..!! ابو عمر : ما راح يرجع لين يطيح اللي بـ راسة.. الله يهديه.. عمر : ودي ادبغ فيه لين اخليه يحب القاع..!! ام عبدالرحمن : و الله بنية عمكـ ما هي قليلة شر.. راسها يابس.. الولد خايف عليها و هي راسها لو الصخر يلين راسها ما يلين.. طالعة على امها.. عمر : اجل وين عماتي..!؟ ام مشاري : أثير مع راكان و أسيل مع مشاري.. كل وحده رايحة سوق.. عمر : ويش عندهن ليش ما راحن مع بعض..!؟ ام مشاري : أسيل تقضى لـ عمرها مأخذها بنات ابراهيم وعد و سها.. و أثير رايحة مع راكان تختار له غرفة نوم.. عمر : اهااا الله يتمم لهم على خير ان شاء الله..!! ام مشاري : آميـــن.. و الله ما اصدق انه اسيل بـ تروح و تخليني.. احسها صغيرة للحين.. ابو عمر : و الله استعجلتوا عليها لو خليتوا نايف يصبر سنتين بعد.. عمر : يبه.. ويش اللي يصبر بعد..!؟ الرجال خاطب من سنين و هي بـ عمر زواج ماهي بزر..!! ابو عبدالرحمن : ماهي بزر .. البزر مرة وليد هاذيكـ حق من يقضبني اياه.. عمر : يبه ظروفة حدتة.. و بعدين اسم زوجة لـ كبرت يصير خير ان شاء الله.. ابو عبدالرحمن : ماهو ذا اللي مسكتني.. لو ادري انه ماهو سنع و إلا كنت دبغت فيه و تبريت منه..!! .. المستشفى..!! ابو سعود : و أنا اخر من يدري..!؟ نهى : مو كذا القصة..!! انا لو جيت عندكم بـ تفتحون لي تحقيق .. انا ما عندي استعداد احكي في الموضوع..!! ابو سعود : طيب نحط فيصل على جنب .. اهمالكـ لـ نفسكـ شفتي ويش جاب لكـ ..!؟ صدت نهى..!! من غير لا ترد سمعت كم تهزيئة من الصبح لـ الحين..!! امها و عمها و خالها و الحين ابوها..!! حاتم : نهى الدكتور مشخص اللي عندكـ رفضكـ لـ الأكل ما يعني الا ان عندكـ مرض فقدان الشهية.. نهى : ماني مرضانة بـ شيء.. ترى من كثر ما تكلموني بـ ارجع..!! سعود : لا و الله..!! ما انتِ مرضانة.. و الله شكل بـكـ ضلال..!! ابو سعود ناظر ولده : تهقى..؟! سعود : هاذي اعراضة يبه..!! انت ادرى مني..!! حاتم : ويش الضلال ذا..!؟ خالد ابتسم : هو هذا مرض فقدان الشهية بس عند البدو .. حاتم : طيب الدكتور كذا قال اسم المرض..!! يعني ويش الجديد..!؟ خالد : الجديد ان ماله علاج الا الكي..!! نهى بـ حدة : و الله ما تكويت لو ايش..!! ابو سعود : استغفر الله .. ما يستاهل الموضوع تحلفين عشانه اذا هو علاجكـ بـ نكويكـ يا نهى..!! حاتم : يبه ويش اللي تكويها..؟!! انتم على أي اساس حكمتوا..!؟ سعود : الكي علاج يا حاتم.. حاتم : لكنه اخر العلاج مو اوله .. توها ما صار لها يوم حتى قلتوا نكويها..!؟ نهى : ما راح اتكوى .. مستحيــــل..!! كل الموضوع ان انا ابي انحف.!! ابو سعود : فوق ذا النحف..!؟ انتِ صاحية.. الدكتور يقول تعانين من فقر دم حاد.. تبين تذبحين نفسكـ و تذبحيني.!؟ نهى : بليـــز انا ما ابي اتهاوش مع احد.. ما ابي احد يناقشني .. انا ما فيني شيء.. و ابي اطلع الحين من المستشـــ ... قاطعها الطق على الباب .. وقف ياسر حتى يفتح الباب : هلا احمد.. دخل احمد : السلام عليكم.. : وعليكم السلام.. تقدم حتى يبوس راس ابوه ثم نهى : سلامتكـ .. ما تشوفين شر.. نهى : اخوانكـ و ابوكـ بـ يجيبون لي الشر..!! ياسر : هذا جزانا خايفين عليكـ ..؟! انتِ شكلكـ مو بس تسوين رجيم لـ جسمكـ حتى عقلكـ ..!! نهى : كيـــفي .. حلووو عني عاد..!! احمد : روقي يا بنت.. ايش معصب فيكـ ..!! نهى : ابي اطلع.. احمد : بدري يا نهى.. توني كنت مع الدكتور سالم وضعكـ الصحي في تدهور بـسبب قلة اكلكـ .. لو استمريتي على هالمنوال مو بعيد يجيكـ تليف بالكبد.. لا تستهنين بـ موضوع الدايت اللي تسوينة.. وزنكـ اقل من الطبيعي.. و انتِ ما زلتي تبين تنحفين..!! شايفة هالشيء عادي..!؟ حاتم : انتِ عندكـ انيميا حادة يا نهى مو شيء عادي.. نهى : انا بخير ما فيني شيء.. انتم بس تحبون تبالغون.. ابو سعود رفع يده لـ عيالة يسكتهم : خلاص لا تكلمونها الحين.. سعود دق على مشاري قولة ينزل وعد هنا.. نهى : ليش..؟! ابو سعود : عشان تنام عندكـ .. خلي امكـ تقعد في بيتها.. نهى : اوكِ موافقة.. ياسر : كنتِ ما تبين تقعدين..!؟ على طول وافقتي الحين..!؟ نهى دام وعد يعني عادي ما راح تحن على راسها مثل امها بالأكل.. : انتم مصرين اني اقعد.. و الا انا ابي الطلعة بس انتم تتفلسفون فوق راسي انيميا و ظلال و ما ادري شنو..!! .. بيت غازي.. خلود : بالعكس يعني حسيت بـ شعور حلو.. اصلاً احس خلاص ما باقي فيني صبر.. ندى : لـ هالدرجة ..!! و ما انتِ خايفة من أي شيء..!؟ خلود : ابداً انا متوكلة على ربي هو بـ يحفظني و يحفظ جنيني.. ما تخيلين قد ايش فرحت .. انا صار لي خمس سنين متزوجة و الله ما رزقني من بداية زواجنا .. على اني رحت دكاترة و اخذت منشطات بس ما الله كتب لي الا هالحين.. ام خلود : ويش احلى من الضنى.. الوحدة فينا بس تعرف إنها حامل تحمس متى تولد و تشيل ضناها بـ يديها تربية و ترعاه.. يكون لها عزوة في كبرها.. امال : الله يسهل عليكـ يارب و تولدين بـ السلامة.. خلود : آمين يارب.. ندى وقفت : عن اذنكم.. ام خلود : اذنكـ معاكـ .. طلعت ندى .. امال ناظرت خلود : مشكورة خلود.. ادري انكـ بـ شهوركـ الأخيرة و ما قصرتي لبيتي دعوتي.. خلود : لا تشكريني حبيبتي ما سويت شيء.. ان شاء الله اكون ساعدتها لو شوي.. ام خلود : ماشاء الله عليكـ يا امال هذا و هي ضرتكـ تهتمين لها كنها اختكـ .. امال : ياختي الواحد ويش مأخذ من الدنيا غيره عملة الصالح.. و البنت ما شاء الله عليها اخلاق و متربية.. غرفة ندى.. واقفة قدام المراية يدها على بطنها.. في بداية الثالث .. باقي لها ست شهور.. أخذت نفس.. ست شهور و تصير ام.. صحيح حل كل بنت يكون عندها اطفال و تكون اسرة و هي ما تختلف عنهم.. لكن شعور داخلها مو متقبل يكون داخلها طفل.. : اعوذ بالله من الشيطان .. اعوذ بالله من الشيطان.. اتجه للـ المغسلة حتى تتوضأ و تصلي ركعتين.. .. بيت ابو سعود.. جالسين قدام التلفزيون .. يسمعون لـ الخبر.. قال تعالى ..) إنما جزاء الذين يحاربون الله ورسوله ويسعون في الأرض فسادا أن يقتلوا أو يصلبوا أو تقطع أيديهم وأرجلهم من خلاف أو ينفوا من الأرض ذلك لهم خزي في الدنيا ولهم في الآخرة عذاب عظيم ( قد اقدم المدعو.. صقر بن ..... و المدعو سطام بن ......... و المدعو جلال بن ........ و المدعو صلاح بن........ و المدعو زياد بن ........... و المدعو ناصر بن............. بـ عدد من الأعمال الإرهابية وترويع الأمنين.. و تمكنت بـ فضل من الله سلطات الأمن من إلقاء القبض على المجنين و تنفيد الحكم الصادر بـ حقهم فقد حكمت المحكمة القتل تعزيراً على الجانين .. سكر وليد التلفزيون.. : وين سحر..؟! ابو سعود : ويش تبي فيها..!؟ وليد : يبه.. اعتقد احنا متفقين.. ابو سعود : لا ما احنا متفقين .. ابوها و لقى جزاه.. تبي تحملها ذنوب ابوها..؟! وليد : ما ابيها.. ابو سعود : و انا قلت لكـ مالكـ دخل فيها انا بـ اتحمل امرها.. لا تدخل لا بـ صغيرة و لا كبيرة تخصها.. وليد حط رجل على رجل : كيفكم.. ابو سعود طنشة : كيف نهى..؟! ام حاتم : ما عليها حاولت فيها تجي معنا و رفضت و عاد ذيكـ ما صدقت على الله بلطت .. ابو سعود : كلمتني ما بقى كلمة ما قالتها كله عشان تنام عند امها.. جود : طبعاً هن ينخمدن عند امهن و يسرحن و يمرحن اخوانهن جايين من فرنسا و بـ يتفرجون بالمعالم في المدينة و يهيتون معاهم و انا منثبرة هنيا..!! ابو سعود : تبين تهيتين..؟! جود : يدكـ على يدي و حط فيها مفتاح السيارة .. اذا رجعت لكـ قبل الفجر لا تقول ذي جود بنتي..!! ابو سعود : هههههههه اذا رجعتي لي قبل سنة مو قبل الفجر.. ما ينقدر عليكـ .. جود : طبعاً .. ليش الواحد يطلع ضعيف و ينوكل عشاه.. اخبر وحده الله يستر عليها من ضعفها لها ثمان ايام عن اهلها و لا قدرت تحكي..!! ابو سعود : لا تدخلين عصكـ بـ شيء ما يخصكـ .. اللي سويتية يكفي..!! جود تربعت : لا من جد.. بس هالمره بابا عاملني اني انسانة كبيرة عاقلة فاهمة واعية راشدة راكدة و مسؤولة عن نفسها انت مقتنع بـ زواجة دانه..؟! ابو سعود : ليش انتِ متوقعة اني بـ ارمي بنتي و السلام..!؟ جود : لا .. بس مرات الشخص يعني يظن خير بـ شخص و يطلع خرطي.. طيب سؤال ثاني.. انت تشوف ان دانه ما جاتنا و لا مره من تزوجت امر طبيعي..؟! ابو سعود : ايه انا كلمتها امس ما فيها الا العافية..!؟ جود ابتسمت : تقنعني و الا تقنع نفسكـ ..!؟ انت تدري ان دانه مستحيل تقولكـ شيء و لا تشكي.. لو ما شفتها و جريت الحكي من فمها ما حكت.. ام احمد : انت ويش بلاكـ تنبشين المشاكل..!؟ جود : بس منرفزيني مستهنين بالموضوع .. تضحكون على انفسكم ترى ما تضحكون علي.. سعود : ترى ثامر مو مثل ما انتِ مفكرة.. جود : لو مو مثل ماني مفكرة كان شفنا دانه عندنا لو نص ساعة.. لكن ويش اقول.. (ضربت كفوفها في بعض و تلوي فمها) اللي يعيش ياما يشوف..!!! وليد : ويش دخل ذا بـ ذا..؟! جود : بس جاء على بالي.. ابو سعود : طيب بما انكـ واعية و راشدة ركزي معاي.. جود : امر يا حبيب قلبي.. ابو سعود ابتسم : بكاشة .. اسمعيني.. الموضوع ماهو خافيكـ و قد سمعتي حاتم حكى فيه. جود تلعب بـ حواجبها : ابو نظارات..!! و راسل لي وعد تكلمني..!! ابو سعود : يعني مسوية مره كاشفتني.. جود : و انا اختصر عليكـ الطريق و اقولكـ اني موافقة..!! جلسوا يناظرون بعض منصدمين..!! ارتكزت نظراتهم عليها وهي مو مهتمة.. ام أحمد تأشر على بنتها مصدومة من طريقة ردها : كذا.. هذا شكل وحدة تقول انها موافقة على اللي خاطبها..!! ابو سعود : عشان الطب..؟! تراني رافض يا جود..!! جود : اولاً مو عشان الطب .. انا صرفت نظر عنه عشانكـ و الا صراحة ما زالت نفسي فيه.. ثانياً صح اني خبلة بس اعرف مصلحتي.. ما راح اضحي بـ حياتي كلها عشان شيء.. يعني ما راح اقبل في عصام و اتزوج و اقحم نفسي بـ شيء كله عشان ادرس انا مو غبية الأهم فـ المهم.. بعدين هو صح نظاراتة كبار مطلعتة شين بـس و لا يهمكم افصل له نظارات جديدة .. < قالت جملتها الأخيرة بـ إبتسامة.. ابو سعود بـ قل حيلة البنت ماهي مأخذة الموضوع بـ جدية السطرين الأولى يقول هاذي راكدة و خربتها بالأخير : ويش تبيني اسوي معاكـ ..!؟ جود : خلاص وافقت ويش تبون بعد..!؟ بـ ترفضونة ..!؟ عاد كني تعلقت فيه..!! ابو سعود سحب الخدادية جنبة و رماها عليها و هي تضحكـ .. ابو سعود بـ حدة : شفتي لو ما تكلمتي زي العالم و الناس بـ اندمكـ عليها يا جود.. جود : هههههههههههه ياربي الواحد ما يمزح معاكـم .. ابو سعود : انا نشدتكـ و انا جاد و انتِ قلتِ رايكـ .. (التفت لـ حاتم) بلغ خويكـ اننا موافقين ننتظر اهله.. جود سكتت شوي و عيونها على الطاولة : الله يباركـ فيكم.. سعود : خير..!؟ جود تناظرهم : ما اشوفكم باركتوا لي.. قلت يمكن باركتوا بـ قلوبكم فـ ارد عليكم..!! ابو سعود : اطلعي ما ابي اشوفكـ قدامي.. جود وقفت : بكره تقول وينكـ يا صغيرتي ما عدتي تسيرين علينا.. كيفكـ .. وليد : صغيرتي و تسيرين..!! انا ابصم بالعشرة انكـ مو بـ وعيكـ ..!! ابو سعود : انتِ ويش ساير لكـ ..؟! جود فعلاً بـديتي تقلقيني..!! انتِ تأخذين شيء..!؟ جود : شيء زي شنو..؟! ابو سعود : أي شيء.. يأثر على عقلكـ ..!! جود غمزت له : حشيش..!! ابو سعود : اعد لين اثنين لو اشوفكـ قدامي ترحمي على نفسكـ .. (رفع اصباعة و قبل لا يبدأ يعد انحاشت).. ناظر ابو سعود في احمد : ما خلصت اوراق مشعل..؟! احمد : لا يبه باقي .. ابو سعود : ابي بعد زواج راكان نسافر.. أحمد : ان شاء الله يبه تكون الأوراق كلها مخلصة لا تشيل هم.. ام احمد : مير هو ما يبي يروح.. ابو سعود : مو بكيفة.. بـ يروح غصباً عنه.. ام حاتم : يعني بـ تركبة الطيارة غصب.. ما يصير ماهو بزر تشيلة..!! ابو سعود : فيه طرق كثيرة غير اني اشيلة و هو اطول مني.. ام احمد : بالهون عليه.. هو خاطرة دوبه دوبه.. ابو سعود : هم مهملين لأنفسهم نهى من جهة و ندى من جهة و مشعل من جهة و طبعاً الرأس الكبير جويد.. سعود : صراحة يبه ظلمت نفسكـ الراس الكبير وعيد.. و الا فيه ادمية صاحية عندها ثقب بـ القلب و تسكت و لا تعلم احد.!! صدق مرت سنة على القسطرة بس كل شوي تطري علي شلون بلعتها و سكتت..!! ابو سعود : عاد وعيد بإنها تخبي علينا ماهو شيء جديد عليها الله يهديها.. وليد : انا بـ اروح اشوف مشيعل ودي نطلع مقهى.. ابو سعود : ايه بس هيت بالشوارع و لا تهتم.. تراكـ بـ تقدم من جديد ع الجامعة.. فاهم.. وقف وليد : ان شاء الله لا تخاف ماني مبلط بالبيت.. طلع حتى ام احمد تناظر زوجها : تكفى كلمه يخف على البنية.. هي بس تجيب طاريه وهو مو طايقها..!! ابو سعود : كلمتة اكثر من مره.. خلي اللي براسة يطيح و بعدها يصير خير توه اليوم اقامو الحد على ابوها.. ما حله ينسى شيء.. ام احمد : طيب البنية ويش ذنبها.. حتى انا لا فكرت في ابوها ودي ارميها برا بيتي.. بس هي ويش ذنبها نعاقبها بـ ابوها البنت يتيمة مالها احد الا الله ثم هو.. سعود : اصبري عليه فترة يا خالة .. بـ تلقينه انحل و رجع مثل اول.. ابو سعود : انت .. امكـ قالت لكـ شيء عن زوجتكـ ..!؟ ام سعود : لا ما قلت له..!! سعود استغرب : شوق..!! ليش ايش فيها..؟! ام سعود : من الصبح و هي لافتها حالة غريبة..!! ما قد شفتها كذا.. سعود : حالة وشو يمه توني نازل من عندها ما فيها الا العافية..!! ام سعود : بس تأكل.. سعود : الله يهديكـ يمه خبصتي قلبي..!! ام سعود : انت اسمعني ..نزلت الساعة 10 و قالت انها جعانة و دخلت سوت فطور.. بعدها بـ ساعة نزلت معاها كوفي ما ادري ويش قلعتة.. و بعدين تغدت معانا .. و العصر حطت فطاير و المغرب قهوة حلى و اكلت توست..!! يعني هذا طبيعي.. يا وليدي ما عليه تأكل بس الخوف لا يجيها خلاف و تتعب البنية هي تخبص بالأكل وماهي ذي عادتها.. قبل شوي تواعدن هي وجود و ميار يشترن عشاء من برا..!! ابو سعود : انت مضايقها بـ شيء و تحط حرتها بالأكل..!! ام سعود بـ شفقة على فرحة بـ حمل شوق : و الا يمديها حامل .. سعود : لا يمه .. الله كريم.. سعود التفت وراه حتى يشوفها طالعة من المصعد : هذا هي جات.. شوق ابتسمت من وراء النقاب : مساء الخير.. : مساء النور.. باست راس ابو سعود .. ابو سعود : ويش فيكـ ما عدتي تجلسين معنا مثل اول..!! شوق : ما عليش ملخبط نومي شوي.. (التفتت لـ سعود) جاء طلبنا من المطعم.. سعود وقف : حسبتوني..؟! شوق : ما قلت لنا.. سعود يمشي بـ يطلع : خلاص اكل معاكـ .. شوق : انا جوعانة!!! سعود التفت لها : طيب.. ماني مأكل من عندكـ ..حسبتو بنت خالد اكيد مستحيل تطلبون من غير لا تحسبونها.. شوق : اكيد.. سعود : اكل معاها.. خلاص اطلعي انا اجيب الأكل.. شوق : اوكِ .. عن اذنكم.. ام سعود بعد ما طلعت شوق : يا ويلي من هالولد اقوله زوجتكـ ماهي طبيعية يعاونها و الله غير تمرض.. احمد : ان شاء الله ماهو صاير الا العافية.. بـ غرفة ميار.. ميار : رجاءاً من غير حوسة.. و الا اقولكن.. انتن روحن كلن بـ غرفتكن.. سحر : ماني.. انتِ غرفتكـ حلوة نأكل هنا حتى احنا كبيرات.. مو بس جود.. جود تحكـ حاجبها بـ طرف اظافرها : يعني انتِ تقارنين نفسكـ فيني..!! سحر : ايه..!! جود تأشر على نفسها : يعني انا و انتِ زي بعض..؟! سحر بـ غرور : لا انا احسن ..!! جود تشد على شفايفها بـ أسنانها : انا اشهد اني بـ اقطعكـ اليوم و اعشي القطاوة من لحمكـ ..!! سحر بـ ثقة : انا لحمي مر .!! جود اتسعت عيونها : شنو شنو شنو..!! انتِ عارفة شنو يعني لحمكـ مر..!! (رفعت يدينها ) يا خية يا خية تعال يا قلب اختكـ شوف البنية اللي مدخلها علينا ويش تقول..!! سحر : ايه بابا علمني..!! جود : عشتوو.. طيب خليني اذوق لحمكـ و اقيمه هو مر و الا لا..!! سحر مدت يدها بـ براءة حتى تعضها جود بـ قوة و هي تصارخ.. جود رمت يد سحر بـ قوة : تستاهلين قال لحمي مر..!!! قامت سحر تبكي.. و طلعت.. شوق : حرام عليكـ تراكـ حاطة دوبكـ من دوبها.. ما يصير البنت بزر..!! جود : انتم شهود هي عطتني يدها .. و انا ما قصرت ما احد قالها تعطيني يدها.. ميار : الا انتِ قلتِ ابشري بالتكفيخ من ابو سعود.. جود : ابو سعود .. حاطتة بـ جيبي هنيا.. (حطت يدها على جيبها الصغيرة اعلها صدرها) ضامنتة اما يهاوشني على حساب هاذي..!! اوبس.. ميار : من جد من جد من جد عقلكـ ودع .. دخل سعود و نزل اكياس العشا : انتِ ويش مسوية لـ سحر..!؟ جود ترمش بـ عيونها : و لا شيء..!! رند وقف : تزابة .. هي عدتها بـ دوة حلتها تبتي..!! جود تناظر رند بـ طرف عين : ترى ابوكـ مو فيه مسافر يعني اقتحم غرفتكـ تالي الليل و اكلكـ ما احد داري عنكـ يدورون جثتكـ ما يلاقونها لأنها في بطني..!! رند تخصرت : اسلاً بتنكـ صعيرة ما تشيلني انا تبيرة..!! جود : اقطعكـ اشلاء اشلاء افرمكـ و تشيلكـ بطني.. رند : لا ما تدرين .. صح عمو سعودي..!! سعود جلس على ركبها و ضمها .. باس خدها : صح يا روح عمو.. ( ناظر جود ) و انتِ حسابكـ مو عندي .. عند ابوي.. و لو تقربين من رند يا ويلكـ .. رند : سعمتي..!!! عمو سعود فيه حتى لو بابا سافل..!! جود : من جد ابوكـ سافل اللي جاب وحده مثلكـ .. انطقي سمعتكـ زين اول شيء..!! رند : و الله تدول لـ بابا بروو.. طلعت من الغرفة بـ تعلم جدها.. سعود : جود.. كل ذا عشان الطب..!؟ ويش صاير لكـ ..؟! جود : لا بس طفشانة لا سافرت و لا شيء احط الحرة فيكم ويش وراي..!! سعود : خلاص اسفركـ بعد رمضان وعد مني.. بس اعقلي..!! جود ابتسمت : قول و الله..!! ميار : و انا ..!! هذا و انا شقيقتكـ يعني لازم انجن عشان تسفرني..!؟ جود : نسفركـ!! كنكـ شغالة .. بعدين هيه انتِ يعني انا انجنيت..!؟ ميار : هذا الواضح.!! جود : هذا الواضح ..!! طيب انا اوريكـ .. سعود : جود و الله انا عند كلمتي.. ترى من جد احس مخكـ ضرب و تحتاجين نقاهة.. (ناظر ميار و قبل لا تتكلم ) لا تخافين بـ اخذكـ ماني مخليكـ .. ميار ابتسمت : الله لا يحرمنا .. جود : طبعاً مو بالسعودية برا .. هاه ترى ما ينضحكـ علي و الا بـ انهبل زيادة.. سعود : تم.. جود : و انا اختار الدولة.!! سعود : و لا يهمكـ بس اعقلي ارجعي مثل اول راضين بس مو ذا الهبال اللي انتِ فيه..!! اقتحمت رند الغرفة .. رافعة عيونها و تتفاخر : دومي تلمي بابا بروو..!! جود تأشر عليها و تناظر سعود : تلومني اذا ضربتها..!! سعود : كبري عقلكـ .. يا جود الله يرضى عليكـ .. بعدين البنت ما سوت شيء على نظرة بـ تسوين كذا..!! جود : عيونها الرمادية تزيد القهر عندي تخليني اغلي.. شكلي بـ ارفض عصام .. بـ اروح اخذ واحد من ديرتهم عشان يجوني عيال عيونهم رمادية و احنطهم و احطهم بـ قزاز و اتمقل فيهم..!! رند : دومي يالله .. انتِ بس قرقر يالبي منت ما تستتين..!! جود قامت : انا اوريكـ كيف ما اسكت.. انحاشت رند حتى تلحقها جود.. جلس سعود مع شوق و ميار : ما تبون تعشوني معاكم..؟! شوق : امبلى حياكـ .. كان يراقبها اول شيء لاحظة حجم الوجبة .. قد اشترى لها بس دايم تطلب الصغير و هالمره ماهي مقصرة ماشاء الله طالبة الكبير.. : شوق ويش اخر شيء اكلتي اليوم..!؟ ميار : لا تسأل اليوم كل ما شفتها و هي تأكل صدقني شهر و ما تدخل مع الباب.. شوق : ما لكـ دخل.. حاسدتني على توست و جبنة.؟! سعود : و متى كانت هالتوست..!! شوق : يمكن صلاة العشا..!! سعود تنهد : طيب خلصي وجبتكـ .. فيه شيء بـ خاطركـ تأكلينة..!؟ شوق غمضت عين و البرجر بـ يدها : اممم ودي بـ كنافة..!! معقولة تكون حامل..!! بس حتى اللي تسوية ماهو طبيعي..!! ما يعني انها حامل بـ تأكل بـ هالطريقة..!! تحت .. سحر عند ام احمد تبكي.. و رند جنب جدها تقهر جود .. و جود واقفة مذنبة.. ابو سعود : من جدكـ ..؟! ضاربتها..!؟ ما تحسين انكـ مزودتها و انا ساكت عنكـ ..؟! لحقتي هاليتيمة عشان ما وراها احد..؟! رند : حتى انا عسان بابا مسافل تبي تتالني..!! هي تدول احتت في بتني..!!(حطت يدها على بطنها) هنا.. جود تهمس .. يارب صبرني يارب صبرني .. ابو سعود : تعبت و انا اهاوشكـ .. تعبت يا جود لو انكـ بزر كان فهمتي من زمان.. رند : اسلاً هي مزنونة..!! جود اتسعت عيونها.. احمد : لا يا عمي ما يصير نقل ادبنا على الكبير.. بابا بـ يزعل منكـ حتى انكـ قلتِ كلام غلط.. رند : اسلاً بابا مسافل ما يدري..!! جود : انت الحين تحملني الغلط كله و ساكت عنهن.!! ابو سعود : لا و الله لكـ عين بـعد تحكين..؟! تبيني اهاوش الصغيرات و اتركـ الكبيرة العاقلة..!! جود : انا بنتكـ مو هن..!! ابو سعود : حتى هن بناتي .. رند حفيدتي و سحر مرة ولدي يعني بنتي..!! جود : طيب خلاص انا ولا شيء عندكـ .. ابو سعود : جوووود..!! جود : طيب اوكِ فهمت ما راح اضرب وحده فيهن بس لا اشوفهن يجلسن بـ مكان انا فيه ما اضمن نفسي..!! ابو سعود : ويش رايكـ تعطيني كف بعد..!؟ ما انتِ ضامنة نفسكـ يمكن تمدين يدكـ علي..!! ام احمد تمسح على شعر سحر : انهبلتي يوم تعضينها اسنانكـ مورت على يدها.. جود : هي بشرتها حساسة و الا انا دوبي لمستها.. سحر : اصلاً هي ما تحبني.. خلاص انا بـ اروح بيتنا .. قولي لأيمن يوديني هناكـ ما اقعد هنا.. جود : لا حزنتيني يا شيخة شوفي دموعي نزلت.. ابو سعود وقف وشدها من شعرها قبل تنحاش : توني متكلم ما امداكـ تنسين كلامي.. من عذر البنية.. بدل ما تفتحين لها قلبكـ و تحببينها فينا تكرهينها في البيت كله .. استوعبي يا جود سحر بنتنا .. مالها غيرنا .. خلي البزرنة حقتكـ و كبري مخكـ .. شوفي .. عشان اريحكـ لو تجيني شكوى وحده زيادة يا جود و الله لا اخليكـ تشتغلين و اكرفكـ اعلمكـ شلون تكونين بـ إجازة و تجنيني..!! جود تحطمت : هاذي اجازتي .. ابو سعود تركـ شعرها القصير : اجازتكـ تجننيني فيها..!؟ ما يهجدكـ الا الكرف شايفها وقتكـ كله فاضي قمتِ تضايقين خلق الله.. جود : طيب هن قولهن لا يكلمني.. ما يصير الناس تضايقني و انا اسكت..!! ابو سعود رجع جلس : انا نبهتكـ و انتِ حره.. عاد داخلين على رمضان و بـ تكرفين كنكـ مداومة .. جود : لا خلاص بـ اتأدب.. ابو سعود : نشوف يا جود.. لفت و هي منقهرة.. اما تشتغل بالإجازة.. ابو سعود قبل لا تطلع : ما قلتِ لي ويش اخترتِ تخصص..!؟ جود : بـ انثبر عندكـ بالبيت.. ابو سعود بدون اهتمام : كيفكـ .. بس لو تسوين لي حركات كاني ماني بـ اشغلكـ .. جود : شكراً على انكـ تمسكني مع يدي اللي توجعني.. ما قصرت يا ابو سعود.. لفت و كملت طريقها.. ام احمد : خلاص يا امي روحوا تعشوا.. ابو سعود : يالله سحر.. سحر : طيب هي ما تضربني.!؟ ابو سعود : لا ما راح تضربكـ .. بس خلوكم عاقلين عشان ما تعصب عليكم.. نقزت رند : تيب.. طلعن الثنتين.. ابو سعود : هاذي النتفة بنت خالد ماهي قليلة شر .. بسم الله عليها.. احمد : ايه ماشاء الله.. عكس اخوها هذاكـ يشوف و يسكت هاذي فتانة.. لسان يلعلع.. ابو سعود : انا بـ اشوف مشعل بـ اكلمة شوي.. غرفة ميار.. سعود : خلصتي..!؟ شوق : ايه.. سعود : الحين ياتي تجيب الكنافة.. ميار : ايه بس زرطها لين تنفقع..!! جود : و الله يا هالولد ماهو خالي.. اجل وجبه وراها كنافة على طول.. سعود : ما يخصكـ ..(ناظر ياتي تدخل معاها صينية) وهاذي ياتي جابت الكنافة.. نزلتها على الأرض سحبها و حطها قدام شوق.. سحب بطاطس من رند و يأكل.. بـ يشوف اخرتها.. ما قدر يصبر بعد ما اكلت قطعتين وقف حتى يسحبها : قومي معاي.. شوق : وين..!؟ سعود : قومي..!! قامت شوق مستغربة .. سحبها سعود للحمام وقفها قدامة يبيها تفتح فمها ما راح يقولها بـ صريح العبارة حتى ما ترفض : ويش اللي كنتِ تسوينة.. شوق مستغربة : ايش ســــ .. قاطعها سعود اللي دخل اصباعة في فمها حتى ترجع ما اكلت اتسعت عيونها من الصدمة و قبل لا تحاول تبعد او تطلع يد سعود من فمها كتفها سعود بـ يده اليسار .. سحب اصباعة حتى تنثني و ترجع بالمغسلة.. فتح سعود المويا غسلت وجهها و ما ان رفعت راسها تبي تكلمه حتى سعود دخل اصباعة من جديد يبيها ترجع كل ما اكلتة اليوم.. سحب اصباعة من فمها و فكت يدها اليمنى من يده و انحنت ترجع.. ابتعدت عنه قبل لا ترفع راسها : لا .. يكفي سعود.. سعود : لازم ترجعين اللي اكلتية.. انتِ مو متعودة على ذا التخبيص.. شوق : خلاص .. ما راح اعيدها تكفى.. سعود : ميــــار اعطيني مويا.. شوق : تكفى سعود.. سعود : بس مره و خلاص.. دفت ميار الباب اللي كان فاتح و مدت الكاسة لـ سعود.. سعود شد شوق من يدها اليسرى اللي ما زالت بـ يده : هيا اشربي.. شوق : طيب اوعدني ما تغافلني.. سعود : طيب.. شربت من الكاسة شوي حتى تقلب عليها كبدها اللي ما تحملت حتى المويا سحبت يدها من سعود و انحنت على المغسلة حتى ترجع.. ميار تناظر سعود : ما انت صاحي.. صادقة جود اللي قالت ما انت خالي..!! سعود : احسن من لما تمرض.. بكره تجيها بشمة من اللي اكلتة.. شوق غسلت وجهها اكثر من مره .. و طلعت من غير لا تكلمة لبست عبايتها و لفت الطرحة و طلعت من الغرفة كلها .. جود تناظر سعود : الحمدلله ربي اخذ لي حقي.. اليوم بإذن الله بـ تنام برا الجناح.. سعود غمز لها : افاا عليكـ هاذي هقوتكـ بـ اخوكـ ..!! جود تحطمت : رجال اللهم يا كافي.. سعود : شايفة شيطان..!! جود : تقريباً.. سعود يمشي طالع من الغرفة : اقول فكري بالدكتور عصام ازين لكـ .. غرفة مشعل.. ابو سعود : و انا ما ابيكـ تجلس تسمع اللي ابي اقوله.. و واحد و ولده ويش حاشركـ بينهم..!؟ وليد : حتى انا ولدكـ شلون احشر نفسي..!؟ ابو سعود : وليدان زودتها..!! مشعل : خله يبه عادي.. قولي ويش عندكـ .. وليد غمز له : تبي تعرف مين هي اللي شالعة قلبة..!! ابو سعود : يعني تقول لأخوكـ و انا صار لي كم يوم اساحلكـ ما قلت لي..!! مشعل : و الله ما قلت له .. بس هو جالس فوق راسي بالشني.. وليد : عندي يا ابو سعود.. انا و انت نتعاون عليه .. لكـ علي ما يجي نص رمضان الا و مرتة حامل..!! مشعل : احد يتزوج بـ رمضان..!! و لا بعد حامل..!! وليد : جيب لي دليل يحرم الزواج بـ رمضان.. اصلاً احنا بس بـ نملكـ لكم العرس بالعيد مع عساف.. ابو سعود : اعدتكـ جود..!؟ ممكن تسكت تخليني اقول الكلمتين اللي عندي و الا اطلع برا.. وليد : اوكِ خلاص با اسكت.. بس لا تقارني بـ بنتكـ السحلية.. ابو سعود : اللهم طولكـ يا روح.. وليــــداااان..!! مشعل : ما عليكـ منه يبه هو انعدى من جود مبين.. ابو سعود : ابي اسألك سؤال واحد و ابي اعرف جوابة.. وليد : مين هي بنتة..؟! هذا هو السؤال..!! ابو سعود غمض عيونة.... وليد حط يده على فمة ماسكـ ضحكتة .. مشعل ابتسم .. ابو سعود : وليد ترى ذا التهديد الاخير كلمة زيادة ما تعيد الا ضروسكـ بالأرض.. وليد : لا عاد كلش و لا جمالي.. ابو سعود : جاوبني مشعل.. ما ابيكـ تفكر غلط.. مشعل : يبه عندها عيال عم.. مين اللي بـ يتركـ بنت عمه لـ واحد بـ رجل وحده..!؟ ابو سعود : انت ازين من غيركـ بـ كثير.. و لـ رجلكـ علاج بـعد العيد ان شاء الله نسافر و تبدأ علاج طبيعي.. مشعل : ماني مسافر.. انا بـ اكمل حياتي هنا.. ابو سعود : خل موضوع العلاج على جنب .. انا ابي اعرف البنت ولكـ علي اذا شفتها ماهي مناسبة او ممكن اهلها يردونكـ ما اخطبها لكـ .. وليد : انا مع ابوي يا مشعل .. ما فيه مانع انكـ تجرب.. مشعل : ما عندي استعداد.. ابو سعود : انت علمني و خل الباقي علي.. هي عبير بنت عمكـ ..؟! مشعل : لا يبه .. ماهي عبير.. وليد ميل راسة و عينة على مشعل : بنت غازي..!؟ صد مشعل و لا تكلمت .. سكوتة كفيل بالإجابة.. ابو سعود ناظر مشعل ثم وليد : ويش دراكـ ..؟! وليد ابتسم : ذكاء يا حبيبي ذكاااء.. ابو سعود : الله يجازيني على صبري.. وليد : ههههههههههههههه امين.. ابو سعود وقف : خلاص تكتموا عن الموضوع لين الله ييسرها.. مشعل : يبه تكفى .. البنت اصلاً صغيرة.. و عندها عيال عم اثنين.. و هذا غير ولد عمتها.. ابو سعود : و انت ما تنقص عنهم كلهم شيء.. بس لو جبت لكـ الموافقة يا مشعل غصباً عنكـ تتعالج.. مشعل : بس هنا مو برا.. ابو سعود : نشوف .. .. بيت مريم.. مريم : و بعدين مع ذا الأكل ..!؟ نهى : شبعت.. شبعت .. شبعت.. كلمة من اربع حروف ما اعرف ليش عاجزين لا تفهمونها..!! مريم : لا تقلين ادبكـ انا امكـ ماني وحده خواتكـ ..!! نهى : طيب آسفة بس عاد تكفين يمه شبعت.. من طلعت و انتِ توكلين فيني.. وعيد وينها..؟! مريم : بـ تطلع مع ريان و البنات.. نهى : طبعاً جاية هنا بعيد عن ابوي عشان تروح و تجي.. ما كنها لازم تقضي.. مريم : ما عليكـ منها .. خليكـ في حالكـ كلمتي فيصل..!؟ نهى : قفلت جوالي اصلاً.. ما ابي اكلم احد.. مريم : الى متى..؟! نهى : لين ما اتعافى عشان يكون عندي قوة لـ لمواجهة.. مريم رفعت حواجبها : ليه داخلة حرب..؟! نهى : تقريباً.. ابوي و اخواني و جداني.. مريم : و انا ما اطريتيني ..؟! نهى : ما اتوقع بـ ترفضين.. لأن هاذي حريتي..؟! مريم بإستغراب : ما فهمت ويش هي حريتكـ بالضبط..!! نهى بـ عدم اهتمام ظاهري : بـ اتطلق..!! .. أستغفر الله العظيم و أتوب إليه.. لا أحلل نقل الرواية دون ذكر اسمي.. هاشتاق #رواية_لو_سألتي_الورد ضحكة قهر.. http://up.graaam.com/img/23407876b74...eba11d9f14.pnghttp://up.graaam.com/img/c433481acf7...1de64fbad2.png |
رد: لو سألتي الورد وهو ما بين إيدك أقطعك بيقول لك عمري فداك الكاتبة / ضحكة قهر
بسم الله الرحمن الرحيم.. السلام عليكم و رحمة الله و بركاتة.. سوري سوري سوري اضعاف مضاعفة .. ادري طولت و مالي وجه.. اصلاً انا خلاص حرمت اوعدكم بـ وقت محدد .. دايم مفشلة نفسي .!! قلت اخر بارت و ما طلع اخر بارت .. انا كان بـ نيتي انزل بارت 100 صفحة وهو يكون اخر بارت.. يعني بارتين و نص و ممكن زيادة بعد.. لكن للأسف ما امداني رغم اني بادية في الكتابة من بدري.. وقلت لكم الخميس و صار الجمعة و قلت ساعة الا ربع صارت ساعة و نص..!! ما عليش.. نبدأ بإنكم فهمتوا حكيي غلط في مقدمة البارت اللي فات.. انا كنت اقصد.. اني ما راح اقفل الرواية على زواجهم عساف و وعد بـ اخلي فيه احداث بعد زواجهم .. مو اني ما راح ازوجهم خير شر.. ما يصحش.. يكفي تعبوا.. اليوم البارت اطول من دايم.. كتبت كتبت عشان يطلع من عيونكم.. ارقع التأخير.. و شسمة بـ صراحة افكر اقفل الرواية عشان اخذ راحتي في كتابة البارت الأخير .. و هذا الشيء مو اكيد.. ^_^.. بليز لا تزعلون.. بس ابي اخذ راحتي في الكتابة.. لأنه اخر بارت.. موفقين يارب في اختباراتكم و اجازاتكم.. بس دعواتكم لا تنسوني منها ^_^الله يسعدكم.. اخيراً دعوة لإخواننا المسلمين.. "اللهم الطف بـ سائر بلاد المسلمين.. اللهم احفظهم بحفظك واكلأهم برعايتك اللهم انصر هم و وحد كلمتهم .. وحكم فيهم شرعك واكفهم شر كل طاغية جبار ربِ انصر إخواننا وأهلنا و لا تنصر عليهم، ربِ ثبت أقدامهم وارحمهم ربِ رد كيد كل من أراد بهم السوء يا عزيز يا جبار اللهم تول سائر بلاد المسلمين برعايتك..اللهم احقن دمائهم ...اللهم ول عليهم خيارهم اللهم احقن دماءهم واحفظ أعراضهم و سلم ذراريهم و أموالهم نسألك اللهم أن تعصم دماء المسلمين وأموالهم وأن تجنبهم الفتن ما ظهر منها وما بطنوان تصرف عنهم شرارهم وجميع بلاد المسلمين. نسأل الله أن يجعل لإخواننا هناك من كل هم فرجا ومن كل ضيق ومخرجا ويحفظهم من الفتن ما ظهر منها وما بطن.. اللهمّ إنا نسألك السلامة لسائر بلاد المسلمين اللهمّ بدّل خوفهم أمنا اللّهمّ وولّ عليهم أخشاهم لربّهم وأتقاهم له اللهمّ ولّ عليهم من يحكّم فيهم شرعك اللهم احفظ المسلمين في سائر بلاد المسلمين واحقن دمائهم وآمنهم في أنفسهم وأموالهم وول عليهم خيارهم اللهم احفظ المسلمين سائر بلاد المسلمين من الفتن ما ظهر منها وما بطن اللهم اكفهم شر الأشرار وكيد الفجار وطوارق الليل والنهار إلا طارقا يطرق بخير يا رحمن.. اللهم عجل الفرج وأرح العباد والبلاد ممن خربوها وأذلوا أهلها اللهم ارزقهم الأمن والأمان والسلامة والإيمان اللهم اعصم دماء المسلمين و أعراضهم و أموالهم اللهم خذ الظالمين أخذ عزيز مقتدراللهم يا حي يا قيوم يا من بيده ملكوت كل شيء أنت تعلم ما حل بإخوان لنا ووأخوات لنا فيك فمن لتلك الأعراض ومن لتلك الدماء ومن لتلك الأرواح إلا أنت اللهم احفظهم بحفظك وأمن خوفهم وأبرم لهم أمر رشد يعز فيه أهل طاعتك ويذلفيه أهل معصيتك .. اللهم آمين والحمد لله رب العالمين" قراءة ممتعة.. البارت الثامن و الستون.. ما الومني لا كتبتكـ , و انكسر بيتي جمالكـ الصعب عذري , بيني و بينكـ ! حتى المرايا تضيق أن شافتكـ جيتي تخاف ما تعكسكـ , و تطيح من عينكـ ! لـ راشد النفيعي.. بيت غازي.. غرفة ريما.. ريما : انت ليش مصر على ذا الموضوع..!؟ غازي مو حمل لـ طعنة جديدة من وحده من بناتة : عشانكـ و عشاني و عشان امكـ و خواتكـ .. ريما : بابا تراكـ تحسسني بـ احساس يذبحني.. كأنكـ مو واثق فيني..؟! غازي : بابا القصة مو قصة ثقة.. انا ما ابي اسكر الطرق بـ وجهكـ و اخليكـ تتجهين لـ شيء غلط عواقبة بـ تكون سيئة علي و عليكـ .. بابا و الله ما عندي مانع تصارحيني بـ مشاعركـ بـ اسمع لكـ على الأقل..!! ريما : و تنادية و تقولة تزوج بنتي..!! و ترخصني له..!؟ غازي : يعني هذا اللي رادكـ ما تصارحيني عشانه..!؟ و لا يهمكـ ما راح انادية و لا ازوجكـ اياه اذا هو ما خطبكـ .. بس ما ابيكـ تخافين مني..!! ريما : صدقني بابا مو خايفة منكـ .. و لا راح اسوي شيء يقلل منكـ و مني.. انا اصلاً مو متأكدة من شيء و لا اعرف ويش بـ خاطري.. يعني لسى بـدري عشان اقولكـ ان فيه مشاعر بـ قلبي لـ شخص معين.. و دام انت عطيتني الأمان و اقدر اقولكـ شيء بـ نفسي اكيد بـ تكون اول شخص اشاركـة بـ مشاعري.. غازي ابتسم : الله يخليكـ لي.. صح انكـ مهبولة بس ماشاء الله نازل عليكـ عقل ما ادري من وين..؟! ريما ابتسمت : بركاتكـ .. ترى انت احسن و ازين و احلى أب في الدنيا ما توقعت في اب يقول لـ بنتة حكي مثل حكيكـ ..!! غازي : ما يهمني غيري يهمني انا و بنتي .. ما ابيكـ تخافين مني و الخوف يخليكـ تسوين شيء غلط من وراي.. انا عطيتكـ الأمان يا ريما لأن هالشيء بينفعنا ما يضرنا .. كوني اسمعكـ تحكين لي مشاعركـ لـ شخص وهي ماهي بـ يدكـ و تفضفضين لي بـ اكون راضي.. و لا اقهركـ و اطنشكـ و اكبتكـ و اخوفكـ مني و اخرها تغلطين من وراي.. وقفت على ركبها و تعلقت بـ رقبتة : الله يخليكـ لنا و لا يحرمنا منكـ .. غازي مد يده وراء ظهرها: آميـــن.. انتظر الوقت اللي تقولين لي مشاعركـ .. جلست : لا تنتظر بابا انا قلت لكـ ما فيه شيء.. يعني مجرد اهتمام بسيط.. جلس غازي وهو مبتسم غازي و يهز راسة : اهتمام..!! طيب ما تبين تعلميني منه اللي فاز بـ جزء من اهتمامكـ البسيط.. ريما : انت تبي تجرني بالحكي..!! غازي : لا .. بس صدق متحمس اعرف مين هذا اللي مهتمة فيه..!! ريما : يعني عادي عندكـ ..!؟ غازي : عادي عندي تحبين لأنه ماهو بـ يدكـ هالشيء.. بس مو عادي عندي تغلطين و تكلمينة او تتواصلين معاه بـأي طريقة كانت لأن هالشيء بـ يدكـ يا ريما بـ تعصين ربكـ ثم تعصيني..!! ريما : صدقني ما راح اسويها انا اعرف حدودي.. اخاف من ربي ثم اخاف منكـ و حتى هو صح خبل بس اتوقع لو بـ اسويها بـ يذبحني..!! غازي كتف يدينة : اقدر اخمن..؟! ريما : ادري بـ تقول يوسف او محمد..؟! غازي ابتسم : ليش لا..؟! ريما : لا مو واحد فيهم..!! غازي : من اخوان صحباتكـ ..؟! ريما : نوعاً ما .. بس يعني انت تعرفة..!! غازي رفع حواجبة مستغرب اخو لـ صاحبة لها و يعرفة..!! : اعرفة.!.! (يحول السؤال عشان يجرها بالحكي من غير لا تحس) طيب ليش خايفة منه .. يعني ايش اللي يعرفكـ انه رجال ما يرضى يكلم بنات..!! رغم انه خبل مثل ما قلتِ.!! ريما : مو خبل خبل .. يعني هو نوعاً ما مستهتر .. و من كلام خواتة يعني صدق داج بس فيه اشياء معقد عندها.. غازي خواتة!! اول نقطة يعني مو اخت وحده اللي تعرفها ريما : هذا عنده انفصام..!! ريما : ههههههههه حرام عليكـ لا .. غازي ابتسم : حرام علي.!! كل ذا عشانه..؟! واضح انكـ تعرفين شيء كثير عنه.. كم عمره..!؟ ريما : اتوقع 22 سنة.. غازي : يعني متخرج..؟! متوظف..؟! ريما : لا يدرس للحين رايح سنه ثاني جامعة..!! غازي .. كم معلومة تعطية تلميح لإسم محدد ..عمره 22 سنة.. يدرس سنة ثاني.. و خواتة يتكلمون عنه.. خبل و معقد!! "مشعل" بقي شيء واحد يأكد : ايش يدرس..!؟ ريما من غير لا تنتبة : قانون.. ابتسم غازي : مشعل..!! اتسعت عيونها بـ صدمة .. وهي تسمع ابوها : كل اللي قلتية ينطبق عليه عمره تخصصة خبل اللي مضيع عمره بالدراسة و اكيد اللي متكلمين عنه خواتة اللي علاقتكـ فيهم قوية..!! ما علقت .. ناظرت يدينها شابكتها بـ حضنها .. غازي يبي يطمنها عشان ما تخاف منه : مشعل رجال .. صح اني اخذ عليه مسألة الإستهتار ست سنين بالثانوي بس هذا ما كان ضعف في قدراتة كان مو مهتم .. بس بما انه اختار تخصص صعب مثل القانون يعني دليل على انه ناوي يهتم و يغير العادة الشينة اللي فيه.. ريما تترجاه : بابا لا ترخصني..!! غازي : مستحيل يا بابا .. انتِ غالية عندي شلون ارخصكـ ..!! لو عليه ما يزوجها هالسنوات هاذي .. و يأجلها لـ فترة على الأقل لـ بعد تخرجها من الجامعة.. زوج شوق بـ رضاة و بعدها لينا كانت البدايات من غير رضاة باقي له ريما و همس صغيرة.. ما وده يزوجها الحين بس اذا جاء لها نصيب و تبيه ما يقدر يرده عشان رغبتة بإنها تبقى عنده.. الله كريم.. .. السوق.. ميار : يعني جاية مع اخوانكـ ..!! نسيتينا..!؟ وعد : و اسحب عليكم بعد.. جايين من فرنسا كل يوم هياتة و سهر لـ الصبح.. ميار : حمارة و الله لا اعلم بابا..!! وعد : و الله يا ميار لاشرب من دمكـ .. اصلاً عادي ماما تدري إننا نروح نسهر..!! رؤى بإستهزاء : مره تدري..!! وعد : ما يخصكـ .. اقول يالله خلونا نخلص .. ابي اكمل نومتي.. سها : بنات انا بـ اروح الحمامات.. وعد : طيب انتظري اروح معاكـ .. سها ارتبكت : لا عادي اروح لـ حالي..!! ميار : يمكن ما تلقينا هنا.. جايين عشان نتقهوى مو نتقضى.!! سها : اعطيني جوالكـ عشان ادق عليكم اذا ما انتم هنا.. مدت ميار جوالها بـ حسن نية لـ سها : سي يو.. ابتعدت سها مرتبكة.. البنات : سي يو.. رنيم : الحين هيه مو قلتِ عندكـ ست خوات..؟! ما شفت غير هالثنتين و نهاوي..!؟ وعد : يعني لازم كلهن يسجلن حضور في سجلكـ المعرفي..!؟ رنيم : عشانكـ اكبر مني بس ماني كاسحتكـ بـ احترمكـ .. ميار : ما عليكـ منها .. يب احنا سبعة بنات .. ندوش مرة خالكـ غازي و نهى اختكـ طبعاً بعدها هالقشرا وعيد ثم انا و دانه .. دانه متزوجة ولد عمتي و بعدها سهاوي اللي من شوي و اخرنا جود اللي ما جات عشان اليوم الصبح كانت صاحية راحت تحلل.. رؤى : ماشاء الله الله يحفظكم.. وعد : آمين يارب .. رنيم : ترى رؤى ما تقصدكـ حاشرة نفسكـ ..!! وعد رفعت حواجبها : توكـ تقولين بـ تحترميني بما اني اكبر منكـ .. رنيم : ما اقدر اطول محترمتكـ .. انتِ تحديني اسفل فيكـ ..!! وعد : لا تحطين راسكـ بـ راسي بـ تندمين رنوم.. نصيحة من اختكـ الكبيرة.. رنيم : تصدقين خفت.. يا ماما .. وعد : طيب مردي اوريكـ قدراتي العجيبة اللي تضاهي قدراتكـ بالتسفيل.. رنيم : قبل لا توريني صدق كنتِ متهاوشة مع عهود بنت خالي عامر قبل لا تتزوجين عماد..؟! وعد : الحمدلله انتِ جبتِ الدليل بـ نفسكـ .. رؤى وقفت : اذا بـ تجلسين على ذا النقار ما راح نخلص.. يالله تكفون.. عند سها .. ابتعدت عن خواتها حتى تدخل مطعم .. عيونها دارت بالمكان لين شافت مين تبي .. اسرعت بـ خطواتها لها .. احتضنتها بـ قوة .. و دموعها تنزل من وراء نقابها : دكتورة..!! نهال : اشتئت لكـ يا بنتي..!! ازيكـ.. عاملة ايه..!! ابتعدت سها عن حضنها : ماني بـ خير.. بـ يذبحوني.. اهلي بـ يذبحوني.. نهال فزعت : الشر برا و بعيد .. ما تئوليش كدا يا بنتي .. دي ازمة و تعدي .. اهلكـ ح يعرفوا ان مشاعركـ و مشاعر ابني طارق صادئة .. ما فيش حد بـ يئدر يوئف بـ وقه الحُب.. سها : انا قلت لكـ من قبل اهلي مستحيل يوافقون.. بابا و اخواني يهمهم الناس و كلامهم اكثر مني.. نهال : لا يا بنتي ما فيش اب بـ يهتم لناس اكتر من ابنه و بنتة.. سها : احنا غير .. دكتورة انتِ ما تعرفين إن ولد عمي خطبني .. نهال اتسعت عيونها : بـ تئولي ايه..!!! و الله لو عرف طارق ح يموت من ئهرُه..!! شهقت سها تبكي وجع خوف و الم و قهر.. خوف من ابوها و اخوانها و قهر منهم اللي فضلوا عاداتهم على بنتهم و وجع و الم على طارق و على قلبها.. نهال تربت على كتفها و تجلسها : ما تعيطي يا بنتي .. ده مش حل للمشكلة ابداً.. سها : ويش اسوي طيب.!.! الموضوع و حسموه هم .. حرموني كل شيء كل شيء حتى جوالي و لاب توبي و دراستي كل شيء.. نهال : انا ما بعرفش اهلكـ ازاي بـ يفكروا..!؟ ازاي بـ يعملوا بـ بنتهم كدا..؟! سها تمسح دموعها من وراء النقاب : تربوا كذا.. صار شيء عادي عندهم.. نهال : من اللي قايبكـ هنا..؟! سها : جيت مع اخواتي.. نهال : بـ تئدري تكلمي ابوكـ او حد من اخواتكـ اريب منكـ ..!؟ سها : ما احد صار قريب مني.. خواتي البنات مستحيل يغيرون شيء.. و اخواني ما راح يغيرون رايهم.. نهال : كُنت بـ تكلميني عن اخوكـِ خالد مش ئلتي انه هو اريب منكـ ..!! سها بـ خيبة : كان .. بعد ما عرفوا اني احب طارق تغيروا علي.. نهال : يالله .. لازم يكون فيه حل للمشكلة .. ما ينفعش تتحرموا من بعض بسبب حاقات تافهة .. ولد عمكـ ده اللي متئدم لكـ انتِ بتحبية..!؟ او بـ ئلبكـ حتة مشاعر لِه..!! سها : لا .. قلبي لـ طارق مو أي احد ثاني.. داهمها الصوت الرجولي اول مره تسمعة من قريب .. رغم انه كان جنب امه لما تكلمها دايم و تسمع صوتة من بعيد بس هالمره من قريب .. قريب حيل و الحكي موجهة لها مباشرة .. : يبئى نهرب مع بعض..!! التفتت مصدومة وجودة يعني ربكة مشاعر .. حنين موجع .. كبر اشتياق .. ما كان منتظر منها رد وهو يهيم في عيونها الباينه من نقابها .. عيونها اللي يحفظ أدق تفاصيلها .. نظرة البراءة الطيبة الحنان.. عيونها هي السبب في عشقة لها.. كان قريب و يسمع حكيها منصت بإتقان حتى تتسلل كل تنهيدة و كل شهقة لـ قلبه و توجعة.. وقفت مرتبكة : طـ طــ ـا ..ر ق.. طارق : ايوه طارق يا سها .. انا مستحيل اسكت عن الظُلم ده .. انا احئ فيكـ من ابن عمكـ .. انا بـ اعرف عنكـ حاقات كتيرة هو ما بيعرفهاش .. بـ عرف أي لون بـ تحبي و أي أكل بـ تأكلي و أي وئت بـ تنامي و امتى بـ تصحي.. لا تضعفي و تستلمي احنا بـ نعيش مره وحده و بنحب مره وحده .. ما تخليش قبروت ابوكـ و اخواتكـ يتحكم في حياتكـ .. نهال : ما تضغطش عليها يا طارق .. طارق : سيبيني يا ماما .. سيبيني اعلمها انا اد ايه بـ حبها .. و أد ايه ممكن اضحي عشانها .. انا ما يهمنيش عاداتهم و لا يهمني حد من اهلها .. يهمني البها و بس.. ده هي بـ تعزبني و تعزب نفسها (التفت لـ سها) انتِ بـ تئدري تنسيني يا سها..!؟ علميني بـ تئدري تعيشي مع راقل تاني غيري..!؟ سها ما يفهم ان الموضوع اكبر منها..!! حبها له.. تمردها و مقابلتها لـ دكتورتها من وراء اهلها .. صح فيها تمرد.. بس ما فيها القوة اللي تخليها توقف قدام اهلها بـ رفضها لـ هالزواج حد النهاية.. طارق خايف إنها تقول اقدر اعيش مع غيركـ : ليه ما بترُدي علي يا حبيبتي..!! حبيبتي.!.! لامست اوتار قلبها .. هزت راسها بـ لا.. ما تقدر.. طارق يترجاها : يبئى لازم تدافعي عن ئلبكـ و ئلبي اللي معاكـ .. لا تئتليني يا سها.. ضعفكـ بـ يدبحني .. سها : ما بـيدي شيء اقدر اسويه.. طارق : الا بـ يدكـ .. نهرب مع بعض.. سها فزعت كانت راح تصرخ بالمطعم و تفضحهم : مستحيل.. ماقدر اروح معاكـ .. و الله بابا بـ يجيبني من تحت الأرض .. طارق : بـ اكون متقوزكـ وئتها و ما بيئدرش يعمل حاقة الا انُه يرضى بـ دي القوازة.. سها : شلون اتزوج و ما عندي ولي امر..!؟ طارق : ح نتقوز في مصر.. سها بـ خيبة قلبها اللي يفز مع كل حل يقولة طارق او كل امل يعطيه اياه : تعرف انه اهلي ممكن يمنعوني اطلع من السعودية.. عدا انه انا ما اقدر اطعن بابا بـ هالشكل.. هو رضى عني انا بـ اكون قاسية و طعنتة بـ قلبة اذا سويت هالشيء و هربت معاكـ ..!؟!! بعدين حرام .. ما يصير ..!! طارق : و اللي ابوكي بـ يعملوه حلال..!! بـ تئولي ما تئدري تطعنية و انتِ بـ تدافعي عن حبكـ عن البكـ و اختياركـ اللي هو سلبُه منكـ .. ليه ما يكون هو اللي عايز يطعنكـ في البكـ بـ يحرمنكـ من الشخص اللي بـ تحبيه..!! صوت حاد قاطعهم : ســـها..!! التفتتت مرعوبة .. ينتمي هالصوت لـ سلالة عيلتها .. وعد و معاها ميار.. صد طارق .. و نهال تناظر البنتين الواقفات وراء سها.. وعد تصر على اسنانها : امشي قدامي..!! ضامة يدينها لـ صدرها من خوفها .. طارق قاطعها قبل لا تتحركـ : ئبل ما تمشي ئولي لي ايه هو ئراركـ ..!!؟! سها رمشت : ما راح انساكـ .. راح اسوي المستحيل عشان اكون معاكـ بالحلال.. ابتسم طارق متأمل من أملها : و انا خطبتي ليكـ مفتوحة .. و ح اخطبكـ مره و اتنين و تلاتة لـ حد ما يعرفوا كلهم اد ايه انا بـ حبكـ .. ان كان الصحراء الجرادء ينبت فيها ورود فـ الإعصار قادر على انتشالها من جذورها.. حبهم اللي انولد بـ بيئة ترفض الحب اساساً وهو بين ابنائها و بناتها .. كيف لما يكون حب بين بنتها و شاب مو من قبيلتهم و لا بيئتهم.؟! مين الأقوى حبهم..!؟ و الا عاداتهم المغروسة بـ قسوة في اهلها..!؟ مشت سها تعدت خواتها من غير لا تبرر او تقولهم عن شيء.. وعد تناظر المره الجالسة واضح انها هي امه .. : لا تشجعينها على الغلط.. لو هي بنتكـ ما رضيتي لها بالأذى.. كان خليتها تقنع بـ حالها و تمشي معاه لأنه مستحيل يتغير.. نهال : دي حياتهم وهم حرين فيها.. وعد : هذا عندكـ بس عند بابا شيء ثاني.. انا لو كنت راضية قبل.. الآن بـ ارفض مليون مره .. لأن مو مصلحتها ان انتِ تشجعينها على الغلط.. و لا تخلينها تقابل ولدكـ وهو ما يحل لها .. سها لو سوت شيء هي اللي بـ تأذى و مو بعيد الأذى يلحقكـ انتِ و ولدكـ .. طارق : انتِ اختها المفروض توئفي معاها مش ضدها .. وعد طنشتة و مشت .. مو عشان ما تقدر ترد عليه .. عشان وقفتها معاه غلط.. بقي الخطوة اللي بعدها .. و اللي بـ تعتمد على نتايج هالمقابلة مع سها..!! وقفت قدام سها : انتِ شلون تسوين هالحركة.؟! سها : هالشيء يخصني يا وعد مالكـ دخل فيه..!! وعد : الا لي دخل.. مو هنا بـ نتحاسب في البيت يا سها.. يصير خير.. .. بيت عامر.. ام ناصر : هاه يا ابوي ويش قلت..؟! عماد : يمه انتِ عارفة ويش بـ اقول قبل لا تنشديني..!! تروحين تنشدين عن بنت و تدقدسين عنها هي مخطوبة و الا لا..؟! مين قالكـ اني بـ أتزوج.. عامر بـ حدة : رد على امكـ بـ ادب يا قليل الأدب.. عماد : و انا ويش قلت يبه..!؟ عامر : انشد نفسكـ .. وراء شفقتها تقولها ذا الحكي.. انت ما تستحي..!؟ عماد : طيب انا آسف .. و زواج اقنعوا ماني متزوج.. عامر : هذا لا صار بـ كيفكـ .. لا أحد يسمعكـ بس و انت متعقد من الحريم و عايف الجيزة..!! بـ تصير علكـ بـ حلوق خلق الله.. عماد : يبه تكفى.. عامر قاطعة بـ حزم : عمـــاد انت اللي تكفى.. عندكـ ثلاث حلول مالهم رابع.. عماد تنهد : ويش هي..!؟ عامر بـ ثبات حتى يبين له جدية الموضوع : يا اما ترجع البتول.. او تتزوج اللي تقول عليها امكـ .. (سكت عامر).. عماد يكمل عن ابوه : او اجلس عزابي كل عمري.. انا موافق على ذا يبه.. عامر يطنش كلام عماد : او تتزوج انهار.. انتفض عماد بـ حدة وقف من هول الصدمة : وشو..!! عامر : اللي سمعتة.. عماد : لو تحط على رقبتي السيف يبه ما تزوجتها.. هي اللي باعتني اول و من باعني بعتة و لا التفت عليه.. عامر بـ حزم : لا تتهور اسمع اللي عندي.. عماد : ما راح اتزوجها لو تنطبق السماء على الأرض.. (التفت على امه) خلاص يمه اخطبي لي ذي اللي تقولين عنها .. اما انهار و الله لو تحب رجلي ما اخذتها.. عامر : تخسى و تعقب ويش اللي يحدها على انها تنذل لكـ .. تهبى يا عماد.. عماد : حطها على قلبكـ يبه ما يهمني.. بس ما تربطني فيها .. يكفي ربطتني في وعد و ما جنيت من وراها خير.. عامر : وعد شيء و انهار شيء ثاني.. و انت ضيعت وعد من يدكـ بـ سواتكـ الشينة.. و هالحين بـ تضيع انهار.. عماد : انهار هي اللي ضيعتني .. مو انا اللي ضيعتها.. عن اذنكم.. طلع عماد وهو متنرفز.. معقولة نسى ابوه كل التعب و الألم اللي حس فيه وقت خطبتها..!! ملكتها .!! يوم زواجها..!! شلون يطلبة بـ هالسهولة يتزوجها..؟! شلون ينسى كل شيء و يرضى فيها بعد ما تركتة و باعتة..!! عشان مين..؟! و فوقها سبب طلاقها التافة مثل تفاهتها .. سبب طلاقها اللي اكد له بعد ما باعت قلب رجال يضحي بـ عمرة عشانها انها تافهة.. ما تستاهل الحب اللي حبها اياه.. ناصر : يبه من جدكـ اللي قلتة لـ عماد..؟! عامر يلعب بـ سبحتة : ليش شايفني جالس اطقطق عليه.!؟ ناصر : قلت يمكن تبي تحدة على الموافقة لأنكـ تدري قد ايش هو عانى من بعدها..!؟ عامر : لو بـ احده بـ احلف عليه يا ناصر .. ما راح يغضبني حزتها .. لكني كنت ابيه يفكر بالموضوع.. ويش المانع من انه يتزوجها طالما هو عاف الحريم بعدها .. شفتة ويش سوا مع وعد و ويش سوا مع البتول ما راح يرضية الا هي.. ناصر : وعد ابلعها رغم انكـ انت اللي جبرتة على هالزواجة.. لكن البتول هي اللي جابتة لـ نفسها لا تحمّل عماد الخطية يبه.. عامر : ما ابي احكي في الماضي يا ناصر.. عبدالله : كلنا ندري ان عماد قفل قلبة بعد اللي شافة من انهار .. يبه خذلتة كان يشرق بإسمها فجأة تنخطب و تتزوج واحد غيره و هو اللي يحسب الأيام عشان تكون حليلتة..!! بكل بجاحة تقولة انها انخطبت و موافقة..!! عامر : انجبرت.. ابوها حدها على اقصاها .. اضطرت تكذب علينا كلنا عشان ابوها .. و تزوجت عبدالملكـ ماهو بـ رضاها.. غصباً عنها.. و هو ما قدرّها ضربها و اهانها و اخذ عيالها منها.. العيال يناظرون ابوهم مستغربين اشياء اول مره يسمعونها.. ضربها و اهانها و اخذ عيالها منها..!! وين اللي يغار عليها و خانقها و معقدها و ملت منه..!! ام ناصر : ويش هالحكي اول مره نسمعة..!! عامر : هذا الصدق.. و الحين عمكم رافع قضية عليه عشان تأخذ حضانة عيالها.. محمد : يبه تقوله صادق ..!؟ ضربها..!؟ عامر : ايه .. ومو مره وحده ..كم مره .. يمشي وراء امه اللي تكيد لها.. محمد بـ عصبية : و احنا ويننا عنها..!؟ وينها ما قالت لنا نوكلة التراب هو و امه.. عامر : ماشاء الله رجال اللي بـ تضرب لي مره..!! .. حكينا مع ولدها و أنا و عمكم بـ نتولى امره .. و نكسر عينة.. و بنتنا ماهي بـ عازة اخوكم.. عشان يتزوجها بـكره يجيها نصيب ازين منه.. لكن بغيت لـ قلبة يستكين يمها.. مكتب غازي.. غازي : بس ما كأن موعد الجلسة بعيد..!؟ مشاري : عادة مثل هالقضايا تطول.. لكن لا تشيل هم .. عيالها صغار و بإذن الله هم لها.. الحضانة لها خصوصاً انها ما تزوجت بعد ابوهم.. غازي : انا ابي عيالها لها حتى لو تزوجت.. تدري انا لازم اقابلة عبدالملكـ بـ اشوف اذا قدرت انهي الموضوع قريب.. مشاري : على حد كلامكـ اللي نقلتة عنها انه بدون شخصية.. يمشي وراء رأي امه.. لو ترسل احد من حريمكم يكلم امه .. تشوفون ويش عندها ويش طلباتها.. غازي : قصدكـ ارسل انهار لهم..!؟ لا مستحيل.. مشاري : لا مو هي.. ارسل ام عامر الله يطول بعمرها.. مره كبيرة و تعرف تحكي.. اذا ارسلتها هي ممكن تهينها.. غازي : بـ اشوف امي .. ما استغرب انها ما تروح لهم.. هي انقهرت على اللي سووه في بنتها.. اذا ما رضت مضطر اشوف عبدالملكـ .. مشاري : عموماً انا بـ ارتب كل الأوراق و اجهزها احتياط.. لو ما سلكـ الموضوع نكون مستعدين لـ الجلسة.. غازي : مشكور يا مشاري ما قصرت.. مشاري : افا عليكـ ما سويت شيء.. .. بيت ابو سعود.. غرفة سها.. وعد : لا يا حياتي ماهو بـ كيفكـ بابا من قبل مكلمني و موصيني.. تدرين شنو يعني تقابلينة..!؟ انتِ اصلاً شلون تجرأتي..!؟ تقولين عرفتي غلطتكـ لما كنتِ تقابلينة برا الجامعة..!! تروحين ترتكبين فداحة اكبر.. سها : حتى انتِ صرتي مثلهم..؟! تبون تحكمون علي بالإعدام هذا اللي يريحكم اني اعيش بينكم جسد بلا روح..!؟ (صرخت) روحي مغادرتني مغادرتني..!! وعد : لا تقولين صرت مثلهم .. انتِ عصيتي ربكـ قبل كل شيء .. ثم عصيتي ابوكـ اللي وثق فيكـ مو بس مكالمات مع امه وصلتيها لأنكـ تقابلينة..!! و خنتي ماجد اللي قرر يكون بينكم ميثاق غليظ .. سها : انا اصلاً رحت اقابل دكتورة نهال.. ما كنت ابي اشوفة .. و ابوكـ و اخوانكـ هم اللي حدوني اعصيهم.. و ماجد انا ما ابيه ما ابيه..!! ميار تناظر وعد تنتفض من عصبيتها .. و سها على شفا حفرة من الإنهيار .. الثلاثة مسكرين الباب و يتناقشون ما يبون النقاش و موضوعة يوصل تحت وقتها ممكن يصير مالا يحمد عقباة.. تنهدت ميار : الحين صاروا ابوكـ و اخوانكـ يا سها..!! مين الرجال اللي يخليكـ تبيعين اهلكـ عشانه..!! لـ هالدرجة ضامنة يبقى معكـ وفي للأخير..!؟ طيب ضامنة حياتكـ اللي ما يروح عمركـ و ابوكـ و امكـ غضبانين عليكـ ..!؟ طيب ضامنة عمره هو اللي بـ يعيش لكـ ..؟! سها جلست : انا ميتة ميتة بـ كل الأحوال .. تروح روحي و لا ابقى جسد ميت بـ هالدنيا .. تقولين لي خنتي ماجد.. و اني اكون معاه جسد بـدون قلب ماهي خيانة..!.؟ وعد : على الأقل ماهي بـ يدكـ .. مجبورة .. اما تخونينة بـ رضاكـ ..!! انا متعجبة منكـ كيف تسوين كل ذا..؟! و أي عهد قطعتية على نفسكـ و تبين توفين له..؟! سها : عهد اني ارفض هالزواجة .. انا ما ابيه .. ما يبون يزوجوني طارق لا يزوجوني بس ما اتزوج ماجد..!! هاذي اول خطوة لـ سها في الرفض .. ترفض ماجد بأي حجة كانت .. بعدها تحاول تنفذ الخطوة اللي بعدها و هي اقناعهم بـ طارق و تعلقها فيه.. ظناً منها بـ تفلح.. وعد : هه .. انا متأكدة انكـ ما انتِ صاحية.. ما قنعتي للحين..!! روحي عساكـ ع القوة .. قولي لـ بابا ان قلبكـ للحين مليان بـ حب طارق.. قامت سها و طلعت.. ميار تناظر وعد : بـ تقولين لـ بابا انها شافتة اليوم..!؟ وعد : مو انا اللي بـ اقوله .. هي بـ نفسها راح تقوله.. ما تعرفين سها .. اذا خافت تخر الأولي و التالي.. اتسعت عيون ميار : من جدكـ ..!! يعني نودعها..!؟ وعد : خلينا نشوف بس اربطي قلبكـ بـ يحوشنا طشار انا و انتِ بـ يحلون فينا بالأخير.. ميار عقدت حواجبها : لا تقولين..!! وعد : هي اللي غدرت فينا .. مو برضانا راحت .. خلينا نشوف ويش بـ تسوي الهانم.. تحت .. اطرافها ترجف.. و جسمها برد.. الحروف عالقة شفاتها الكلمات تشتت في مخها .. ضيعت من وين تبدأ و ويش بـ تقول.. مو ابوها لـ حاله قدامها .. اخوانها كلهم موجودين.!! تدري انها بـ تجني على نفسها بـ رفضها لـ ماجد .. لكن بـ تجني على قلبها بـ موافقتها على هالزواجة.. لازم تدافع عن حبها مثل ما قال طارق.. ما فيه شيء يوقف بـ وجه الحب.. تجاهلت عادات عاشت وسطها اكبر من أي شيء ثاني.. الحب في عاداتهم حطوه في منطقة محضورة ينقال لها "العيب".. ابو سعود مسكـ كفها انصدم بـ برودتها .. مد يده لـ جبهتها : انتِ تعبانة..!؟!! سها همست : حيـــل..!! جلسن وعد و ميار جنب بعض.. و كأنهن مذنبات.. ابو سعود حضنها : بسم الله عليكـ .. اكيد جلستِ ع وجه المكيف و بردتي.. سها هزت راسها بـ لا : قلبي .. بردان.. استغرب ابو سعود .. لكن مو غبي عشان ما يستوعب مين تقصد..!! تجاهل و كأنه ما فهم .. خصوصاً مع عيون عيالة بـ تطلع من محاجرها : بكره بـ يجيه الدفا.. سها : ما .. يجتمعون..!! ابو سعود عقد حواجبة : مين..؟! سها : ماجد .. و .. قلبي..!! ابو سعود ابعدها عن حضنة .. عيونة في عيونها يشوف نظرة الإنكسار.. ابوها و يحس فيها : لسى الموضوع بـ أوله ما عشتي مع ماجد للحين حتى تحكمين..!! سها : ما اقدر.. و الله مو .. قادرة اتقبلة .. ما ابيه .. ما ابي اتزوجة.. ياسر بـ حدة : بس انتِ وافقتي و احنا قلنا لعمي .. الموضوع صار رسمي .. فاهمة ويش معنى هالشيء..!! سها : ايه .. و افهم انكم.. حرمتوني حق .. اختياري.. انا مو راضية.. انتم.. جبرتوني..!! خالد بـ قهر منها : لأنكـ ما تعرفين مصلحة نفسكـ احنا نقرر عنكـ ..!! سها : انا مو .. بزر تأخذون.. قرارتها عنها .. انا مو بنتكـ حتى .. تتحكم فيني.. انتم جبرتوني على الموافقة.. خالد ينهي الموضوع : وافقتي و انتهينا.. سها : لا .. ما بعد انتهينا .. لسى ما بدينا اصلاً .. عشان ننتهي .. انا ما ابيه .. و لا ابي .. حياتي معاه.. خالد وقف عينة في عينها اللي تهتز من خوفها .. متلبسة شجاعة ماهي بـ محلها : تبين حياتكـ مع طارق..!؟ سها : ايه .. حياتي .. مع .. طارق.. صد ابو سعود عنها .. ما تابت..!! هي استأمنت عشان ترجع تتمرد من جديد..!؟ ليش ما اعتبرت..؟! خالد : مع اللي حبكـ و حبيتية من نظرة.!! واثقة انه بـ يحميكـ يعزكـ و يرزكـ ..!! سها : ايه بـ يحميني .. لأنه يحبني.. العز و الرزة ..اللي تهمكـ و تشوفها ماهي .. عنده .. انا اشوف عنده اغلى من .. هالتفاهات اللي أنت تشوفها..!! اثارت غضبة منها و حقدة على طارق بـ كلامها تعتبر حمايتة لها تفاهات..!! سحبها من معصمها وقفت بدون أي مقاومة : انا تافة يا سها..!! انــــــــــا تافــــة..!! سعود وقف جنبهم : انتِ ما تبتي..!؟ ويش اللي قلبكـ كذا..!!.؟! سها : قلبني اني متأكدة .. ان زواجي.. على هواكم.. يذبحني.. ما عندكم أي .. شيء يقنعني .. ان طارق م.. يصلح لي.. هو ما يصلح .. لـ تخلفكم..!! سعود : صرنا متخلفين بعد..!؟ ابو سعود وقف : متخلفين يا سها..!! يعني انتِ عاقلة اللي بـ تأخذين واحد ماهو من ثوبنا..!؟ تبين عيالكـ يتشحططون .؟! سها : الثوب.. اللي انت.. تتكلم عنه .. انا ما ابيه..!! متبرية منه..!! صــــدمة..!! متبرية منه..!! يعني متبرية منهم..!؟ ويش اللي استجد عشان يقلبها من قمة هدوئها لـ انها تتبرأ منهم..!! و عشان طارق..!؟ ويش مسوي فيها..!؟ ابتعد ابو سعود عنها عشان ما يضربها .. اتجه لـ ميار و وعد : ويش صار بالسوق..!؟ الثنتين ارتعبن.. ما توقعن هالسؤال ابداً.. ميار ترمش بـ سرعة تناظر بـ ابوها واقف قدامهن.. ابو سعود : ما ابي اعيد سؤالي مره ثانية..!! وعد تناظر سها : بـ تقولين لهم..؟! و الا انا اقول.!؟ سها : قلت لكـ .. مالكـ دخل .. فيني..!! وعد : طيب جاوبي على السؤال انتِ..!! ابو سعود مسكـ وعد بـ قوة و وقفها : انا نشدتكـ انتِ مو هي..؟! وعد : على اساس راحت الحمامات لكن بعدين .. شفناها بالمطعم مع دكتورتها.. ابو سعود وده يضرب فيهن ثلاثتهن من قهرة.. ثلاثتهن و لا يرحمهن : طارق كان هناكـ ..!؟ وعد سكتت .. الموضوع صعب تفتن على اختها..!! بس ويش الحيلة اذا هالأخت هي اللي فضحت نفسها..!! سكوت وعد إجابة بـ نعم على سؤال ابوها .. رفع يده حتى يعطيها كف على وجهها .. الكف اللي صدم وعد و ما لحقت ميار تستوعب الكف اللي على خد اختها حتى يجيها مثله بعد ما شدها ابوها يوقفها .. عيونها دمعت على طول ما تحملت.. ابو سعود يناظر وعد : وثقت فيكـ يا كبيرة .. تركتهن معاكـ و بأمانتكـ .. على اساس انتِ اكبرهن و اعقلهن..!! وعد بـ هدوء تتجاهل ضيقتها من ضرب ابوها : هي اللي غدرتني .. قلت لها تنتظرني اروح معاها و رفضت.. ابو سعود : مو المفروض تشكين بـ رفضها..!؟ تخلينها تهيت لـ حالها و تقابلة..؟! وليد : يبه وعد و ميار مالهن دخل.. اذا فيه احد يتعاقب فـ هي سها مو هن..!؟ ابو سعود صرخ على وليد : ما تعلمني شلون اربي بناتي يا وليد..! وليد : ما اعلمكـ حاشاكـ بس يبه ما يصير تحملهن خطاها..!! ابو سعود طنش وليد : يعني لو راحت معاه ما تدرن..!! ما فكرتن لو جيتن و قلتن لي انها ماهي معاكن..!! ميار تبكي : بس احنا مالنا دخل.. هي مو صغيرة عشان احنا نكون مسؤولات عنها..!! ابو سعود : الا صغيرة و نص.. و الا هذا كلام وحده راشدة..؟!؟! ميار : يعني هي اللي غلطت ما ضربتها و ضربتنا احنا..!! ابو سعود : لو هي تفهم كان ما فتحت الموضوع من جديد.. و انتن فوق شوفتكن لها غطيتن عليها جيتن و جلستن و لا كنها سوت غلط..؟!! ميار اتجهت لأمها .. حتى تستقبلها ام سعود في حضنها تخفف عنها.. اما وعد.. هاذي ضريبة الطلاق..!! طلاق امها و ابوها..!! وعد : انا ما اخطيت يا بابا انت ما قلت لي خليكـ مثل ظلها .. اصلاً انا استأذنت منكـ بـ اروح مع خواتي انت اللي قلت لي خذي سها و ميار معاكـ عشان تقضون مره وحده.. ابو سعود كتف يدينه : وشو انا الغلطان..؟! وعد : اللي انا متأكدة منه انه انا ما غلطت.. يعني يا تعاقبني على اخطائي يا على اخطاء غيري..؟! طنشها حتى يتجه لـ سها : كلمة وحده .. طلعة من البيت ما تطلعين لو واحد من اخوانكـ مو معاكـ .. رحمة مني يا سها اللي سمحت لكـ .. انتِ ما تنعطين وجه .. ما قدرتي اني صفحت عنكـ و كلمت اخوانكـ عشانكـ .. سها تمردها هالمره كبير سمحوا لها تحكي و هي ما قصرت بإثارة اعصابهم : صفحت..!! الصفح كلمة كبيرة .. انت مجرد تغاضيت.. لو انكـ .. صفحت عني.. كان رديت لي حريتي.. ثقتكـ .. جوالي .. دراستي .. حياتي كلها اللي اخذتها مني.. ابو سعود : لأنكـ ما تستاهلينها.. ما انتِ كفو تحافظين عليها.. تبين ترفضين ماجد.. ارفضية و روحي دوري لكـ احد يزوجكـ طارق .. بس حطي قدام عيونكـ بالوقت اللي توقعين فيه على عقد زواجكـ تأكدي انه هو صكـ وفاتكـ عندنا..!! (بـ حدة) اذلفي عن وجهي..!! سها : تبي تعاقبني.. عشاني حبيت ..!! هالشيء مو بيدي .. بـتكون ظلمت نفسكـ قبل لا تظلمني.. تبي تعاقبني ..عشان ..ادافع عن قلبي..!! انا بعيش مره وحده ..و لما تزوجني .. ماجد غصباً عني .. انت تذبحني..!! ما يحل لكـ.. بـدين ربي تجبرني عليه.. اهون علي .. اعنس كل .. عمري .. و لا أعيش .. مع واحد.. و انا قلبي.. مع ثاني.. خالد : انتِ غبية و ينضحكـ عليكـ بسهولة.. كل من قالكـ شيء مشيتي وراه.. قابلتية وكبر راسكـ على اهلكـ.. وشجعكـ تعصين ربكـ ثم اهلكـ ..!! شلون تثقين بـشخص يخليكـ تتجاوزين حدود دينكـ و تربيتكـ و اخلاقكـ ..!! سها : هاذي نظرتكـ انت.. انا رحت اقابل.. دكتورة نهال.. لكن طارق جاء .. لما عرف انكـم.. بتزوجوني لـماجد..!! انا ما ابي ماجد.. ما ابيه..انتم تظلموني و تظلمونه..!! أبو سعود : طلعة من البيت مالكـ خير شر انتِ مو كفوو .. أغراضكـ بـتكملها أمكـ عنكـ .. و أنتِ بـتتزوجين ماجد رضيتي و الا انرضيتي..!! انا عطيتكـ الوقت اللي تفكرين فيه و رجعتي قلتِ لي موافقة.. ما تقصين وجهي عند اخوي عشان طارق.. لو أنتِ بنت عاقلة ما فضلتي طارق على ماجد..!! لو لكـ سبب يقنعني كان لي وجه.. اما كذا لو تحبين السماء يا سها ما نلتي ما تبين.. سها : مثل ما يكون.. زواجي من طارق.. صكـ وفاتي .. عندكم.. فـ زواجي من ماجد.. صكـ وفاتي من الحياة.. كلها.. طلعت سها .. بعد ما صفصفت الحكي و نفثتة قدام ابوها و اخوانها .. جددت المواجع و قلبتها .. ما استردت الثقة من بعد خطبة طارق لها و صراخها بالحب ..!! حتى تنفي الأمل بإسترجاعها بتاتاً.. قلبها مجـــــروح .. بكل الحالتين هي حياة مجردة مسلوبة من كل شيء أشبه بالموت .. خالد : شفت يبه ما صدقتني قلت انها عقلت.. هذا هي طلعت تشوفه من ورانا..! ابو سعود يناظر خالد: تبيني اذبحها..!؟ خالد : ما قلت اذبحها .. بس لا تسمح لها توطي رووسنا..!! اليوم طلعت تشوفة بـمطعم بكره تشوفة بـشقة..!! حاتم بـهدوء عكس عصبية خالد و ياسر المكبوتة : لا تبالغ.. كل ممنوع مرغوب.. تتوقع اذا حبستها بـتجلس كل عمركـ حابسها و بـهالشكل تحميها ما تتوصل معاه..!؟ غلط لأن مردكـ تفتح لها الباب و تقولها اطلعي.. و حزتها هو اللي بـيكون في بالها لأنه مسيطر على تفكيرها.. قالت لكـ تحبة.. و طريقتكـ هاذي ما تحرق الحب في قلبها.. بالعكس من مصلحة طارق مو مصلحتها و لا مصلحتكم..!! مشعل : غريبة ما تبيه حتى انت..؟! حاتم : مو ما ابيه .. انا ما عندي مانع في هالزواجة طالما انه رجال سنع.. لكن انا اشوفكم انتم مستحيل تتقبلون الموضوع و تحاولون تنهونة بشكل غلط.. الجرح لا سكرتة من غير لا تعقمة و تعالجة بـيلتهب و ما يبرى .. هذا نفسة نفس اللي تسوونه معاها.. اول شيء لازم تحرقون حب طارق من قلبها .. ياسر : تكفى ايش كلام المثاليات ذا و الكتب.. عندكـ شيء نسويه قوله على بلاطة..!! حاتم : السؤال قبل لا أقولكم الحل.. انتم مستعدين له..!؟ ابو سعود جلس : قول اللي عندكـ يا حاتم..نشوف ويش الحل و تالي نعرف مستعدين و الا لا.. جلس حاتم مقابل لأبوه .. و اخوانة جلسوا في جهة ابوهم سعود و خالد و ياسر.. حاتم : تسمعوني للأخير و لا تقاطعوني..! ادري ما يرضي غروركم.. لكنكم مجبروين تسوونه عشان بنتكم تقدر تعيش حياتها و تفتح قلبها لـ ماجد.. سعود : الله يرضى عليكـ بدون حرق اعصاب..!! حاتم : سها ما تعرف الكثير عن طارق.. تعلقت فيه من حكي امه عنه.. و شافتة من بعيد.. و عشان تحرقون حبه من قلبها لازم يكون فيه اشياء تنوخذ عليه.. ما فيه انسان كامل.. ياسر : سواته هاذي تكفي.. وعد بـهدوء رغم قهرها من ابوها : طارق قال لـسها تنحاش معاه..!! اتوقع هاذي تنفع.. تجاهلت عيون ابوها و اخوانها اللي بـتطلع من محاجرها من الصدمة..!! خالد : و انتِ ساكتة و لا قلتِ لنا.!! وعد : لأن سها رفضت قالت له انا اخاف من الله ثم من بابا..!! ياسر متنرفز : لا فيها الخير و البركة ما شاء الله..!! حاتم ناظر ياسر : ركز معاي..!! اول شيء بـنسأل عن طارق عدل.. بعدها بـنحاول نستغل نقاط سلبية فيه و نعظمها و نكبرها في راس سها من غير ما نجيب طاري ماجد لأنها بـتشوف اننا نسفل بـطارق عشان نحببها في ماجد.. بـنخلي ماجد هي تعرف عليه بعد الزواج و تحبه بـراحتها اما إذا بقى طارق في قلبها بـالشكل الملائكي اللي هي راسمته في رأسها من حكي أمه عنه عمرها ما راح تتقبل ماجد و أي مشكلة لو بسيطة بـتكبرها و تذكرها بـطارق و طيبته و الأشياء الحلوة اللي في رأسها عنه حتى لو هي ماهي فيه اساساً لأنها انحرمت منه.. ما كرهته.. ياسر رافع راسة و يمرر يده على رقبته وهو يناظر حاتم : تدري ان اللي تقولة اسمه غيبة.. كأننا نأكل لحمة ميت.. ان كان الشيء فيه اغتبناه و ان ما كان فيه بهتناه.. حاتم : هذا حل نفسي .. الضرورات تبيح المحضورات.. عندكـ حل ثاني تفضل..!! ياسر : نطنشها بكره ماجد ينسيها اياه..!! حاتم : ظامن ان هالحل ينفع..!؟ ياسر : ايه.. سها كلمة توديها و كلمة تجيبها.. طارق ما أعطاها شيء عشان تحبه.. بس بيقوي راسها علينا.. ماجد بكره يقدّرها و يحترمها و ينسيها طارق ..!! حاتم : و إذا ما فاد..!! خالد : الا بيفيد.. مردها تنساه ما راح يبقى كل عمرها في خاطرها.!.! ام حاتم : هاذي هي وعد ما نست عساف رغم انها تزوجت عماد..!! انصدمت وعد..!! ناظرت ام حاتم : انا..!! ام حاتم : ايه انتِ .. ليش مستغربة.. ما كنتِ تقابلينة من ورانا و تحبينة..!! ابتسمت شكلها اليوم بـتتسفل بالأرض رجعت حليمة لـعادتها القديمة : اولاً انا غير و سها غير.. ثانياً انا ما قابلت عساف الا كم مره و في البيت.. ثالثاً عساف مستحيل يشجعني على شيء غلط و طارق شجع سها على شيء غلط.. رابعاً انا جربت حظي مع عماد هو اللي ما بغاني و الا انا كان عندي استعداد اعيش معاه كل حياتي طالما هو يحترمني.. كل انسان يقدر يعيش من غير حب.. بس ما يقدر يعيش من غير احترام.. ام حاتم : شفتكـ غلطتِ و الكل سكت عنكـ و ما حاسبوكـ و لما جاء خطبكـ كلهم وافقوا من غير ما احد يعاتبة على خطبتة لـ ندى قبل..!! وعد ما تبي ترفع صوتها على خالتها اللي ربتها يعني امها : على شنو يحاسبوني..!؟ على اني كلمت ولد عمي في بيت كلنا مجتمعين فيه..!! اذا انا اخطيت بـهالشيء مثل ما تشوفين ياخالة (شددت على كلمة خالة لأنها انقهرت تدافع عن بناتها الثنتين سها و ندى و تركت وعد في وجه المدفع) فـ انتم اللي كنتم تخلونا نجلس مع بعض في جلسة وحده .. عادي عيال عم..!! مثل ما خليتونا نستهين بـهالموضوع.. اذا احد اخطأ فـهو انتم.. مو احنا..!! ابو سعود رغم ان كلام ام حاتم ما اعجبة لكن رد وعد ما اعجبة بعد : وعـــد..!! وعد : انا غلطانة الحين..!! صح..!! انت فكر فيها يا بابا..مو انتم اللي تخلونا نقعد في مجلس واحد..!! عادي عندكـ لو اكلم عساف قدامكـ و اخواني كلهم موجودين عيال عم ما فيها شيء.. بـينما بعيد خطوتين عنكم صار عندكم حرام..!! طيب انتم ما تشوفون ان جلستنا اساساً حرام معاهم..!! مشعل : عيال عمكـ يعني مثل اخوانكـ ..!! وعد : ماهم اخواني.. لو تشوفون هالشيء.. ما تزوج ياسر صبا.. و لا عساف خطبني.. او ماجد خطب سها .. حدث العاقل بما يعقل.. فيه احد يتزوج اختة..!! بالرغم من هذا كله لا احد خطب من برا رديتوه بناتنا لعيالنا .. يعني نيتكم الزواج شلون صاروا اخوان..!! ما تفهمني..!! سعود يحركـ يده بـحركة دائرية : ويش بـتوصلين له اخلصي.. ابتسمت وعد : ابد بس حبيت اشرح لكم قد ايش العادات اللي تمسكون فيها متناقضة..!! ابو سعود : هذا مو موضوعنا الحين..!! وعد : و انا ما حولت الموضوع .. شفت خالتي تلومني على اشياء و كأنها تبيني انا اتحمل خطية سها.. ام حاتم : انا ما قلت لكـ تحمليها.. لكن بما انكـ تتفلسفين و على اساس فاهمة ما تشوفين من الظلم سها تتعاقب و أنتِ تنفذين..!! وعد تناظر أبوها .. سعود هو اللي جاوب : و أنتِ يا خالة تقارنين عساف بـطارق..!! تشوفين فيه وجه مقارنة..!! زواجه عساف من وعد اقرب للأكيدة ولد عم منا و فينا ما يعيبه شيء من قبل جدي كان محيرها له.. أما طارق مستحيل يتزوج سها لا نعرفه و لا يعرفنا.. حتى ما هو سعودي..!! و هذا كله ما هو موضوعنا إحنا نبي نحل المشكلة مو نفتح علينا مشاكل.. وعد وقفت : بابا ابي اروح عند ماما.. ابو سعود : لا .. وعد صرت على أسنانها : ليش..؟! ابو سعود : ما اثق فيكـ بعد اللي سويتيه الليلة..!! شتت نظرها عنه.. ما تثق فيني..!! سها تغلط و انا اتعاقب ثم يقولون نفذتي منها..!! دارت ظهرها و طلعت.. بـ تتفاهم مع سها لـ حالها.. سعود : ميار خلاص بسكـ صياح.. تنهد ابو سعود.. سها تتجاوز حدودها.. هي اصلاً بـفترة عقاب و تمردت.. ويش يسوي يضربها..!! يذبحها..!! ماهو مخلص من هالمشاكل كل مره وحده فيهم..!! وقف .. سعود : يبه ايش فيكـ ..؟! ابو سعود : و لا شيء.. بـأنام لا احد يزعجني.. سعود : مو عوايدكـ تنام هالحزة.. تونس شيء..!! ابو سعود : ما فيني إلا القهر.. اختفى قبل لا يردون هم فيهم من القهر مثله .. اول ما اختفاء عن انظارهم.. ام سعود : قومي ميار خليني اشوفة.. ابتعدت ميار عن حضن امها.. سعود : يمه خليه لحاله شوي.. ام سعود : انت ما شفت وجه كيف تغير يوم عرف انها قابلت طارق.. الله يهديها الله يهديها.. خالد : عطاها وجه ما تستاهله .. تجاوز عن غلطها و الفضيحة اللي بـ تسببها لنا و ياليتها قدرته.. غرفة سها.. وعد : انا صدق مو عارفة كيف تفكرين..!! سها : كنتِ مأيدة زواجي من طارق ايش اللي تغير..!؟ وعد : أيدكـ اذا بابا ما يغضب عليكـ و اخواني ما يقاطعونكـ .. اهلكـ هم اللي بيبقون لكـ لو فرضاً بابا شخص سيء و يضربنا و يسبنا و معيشنا عيشة قشرا اقولكـ روحي مع طارق و فكي نفسكـ من هالعذاب.. بس يا سها احنا الحمدلله بابا مغنينا طلباتنا ملباه حتى لو رفض لنا شيء هو يشوفة مو بمصلحتنا ما يرفض من فراغ.. انا ابي اسألك سؤال و جاوبيني بـصراحة.. ايش الشيء اللي سويتة تحسين انكـ بـ سواتكـ له رديتي لـبابا شيء من الجميل اللي له عليكـ ..!! سها : لا تسأليني سؤال انتِ تعرفين ان ماله عندي جواب.. و بعدين لا تدخلين بابا بـ طارق.. نفس السؤال بسألكـ اياه جاوبيني انتِ ويش سويتي لـبابا..!؟ انتِ عذبتية كم مره عصيتيه .. كم مره نومتية متضايق بـسببتكـ حتى لما انخطفتي ما ارتاح منكـ جاتة جلطة بسبتكـ ..!! وعد رفعت حواجبة مستغربة من الرد : ما ارتاح مني..!! ملاحظة انكـ قاعدة تقولين حكي كبير بـحقي..!! سها : مثل ما انتِ قاعدة تقولين بـحقي و حق طارق ..!! تتفلسفين على راسي بـحق بابا و انتِ اكثر وحده المفروض تنطم..!! وعد وقفت : صح المفروض انطم.. ايش دخلني فيكـ و في حياتكـ .. بالطقاق انا غبية اللي جيتكـ بغيت مصلحتكـ لو انكـ مبققة عيونكـ كان كرهتي طارق اللي يشجعكـ تعصين أبوكـ يالملاكـ اللي ما اخطتي ابد.. مجرد قلب نبض و نادى و تبين تلبين له.. الأولى تهتمين بـ قلب ابوكـ اول مو قلب طارق جنتكـ بـ بر أبوكـ مو بـزواجكـ من طارق.. اصلاً انا غلطانة اللي اكلم وحده إمعة كلمة توديها و كلمة تجيبها.. ما عندها شخصية تمشي وراء اللي يقولون لها.. ما يهمها شيء.. انتِ لو في راسكـ عقل كان رتبتي حياتكـ اول بـعدين تكلمتي.. الأهم تقنعين بابا ترجعين تدرسين لكن تفكيركـ التافه ما تعدا منطقة قلبكـ .. دراستكـ هي اللي باقية لكـ مو طارق و لا غيره.. هدمتي مستقبلكـ عشان حب.. سها عيونها المدمعة معلقة بـ وعد اللي تتفجر من عصبيتها عليها و تسمع لـسيل من الإستهزاء و الإستحقار.. شيء ما جاء في اهتمامها .. طارق هو اول اهتمامتها ما اهتمت في انها كيف ترجع تدرس كثر كيف تتزوج طارق..!! وعد تكمل متنرفزة الحرة جات بـ سها و خليها تحملها كلها : على فكرة انا ما غلطت بـحق طارق.. لكني نبهتكـ طارق يشجعكـ على الغلط حتى لو هو يشوفة صح هو ما عاش بـهالمجتمع اللي أنتِ منه.. هو خطبكـ بـ رضا أهلة مو من وراهم.. المفروض يقدّر ان اهلكـ رافضين هالزواجة و يبتعد عنكـ عشان ما يتعبكـ هذا لو هو فعلاً يحبكـ .. يعني انتِ بـتكونين سعيدة معاه بالوقت اللي تتزوجين غصباً عن الكل منه و الكل يقطع علاقتة فيكـ ..!! فكرتِ لو انكـ حملتي مين بيباركـ لكـ ..!؟ مين بيكون معاكـ بـولادتكـ ..!؟ مين بيقوم بـنفاسكـ .. هو و أهله .. و اهلكـ بيظل مكانهم مفقود في حياتكـ كل عمركـ .. سها صرخت توقفها : بـــــس بــــس يكفي .. اطلعي برا..!! وعد بقهر : من زين الجلسة حتى اكمل معاكـ ..!! طلعت وعد و صفقت الباب وراها بـقوة.. حتى تشوف ميار و جود على الباب..!! : خير..!! جود : اصواتكم طالعة قلنا نجي نشوف ويش عندكن.. شكل السالفة حامية..!! ميار : هي تغلط و انا انضرب عشانها.. قسماً انقهرت انا عمر ما احد ضربني حتى لو اخطيت كيف و انا ما اخطيت .. لو ضربها اهون عندي .. لكنه ما ضربها..!! بيت سعد.. على طاولة السحور.. ابو عمر : متى بـتتفاهم مع نهى..!؟ فيصل : لما يطيح اللي براسها..!! ابو عمر : اليوم اول يوم رمضان يا فيصل.. فيصل : ويش تبيني اسوي يبه..!؟ خلها تعالج من تفكيرها الغبي..!! عمر رمى الملعقة على بالصحن : ما انت قادر ترضيها بكلمتين.. هي غلطانة بس انت بعد غلطان.. الدكتور قال لازم تساعدونها نفسياً و انت ما همكـ و لا حتى كلمتها..!! رسالة يا جامد انشدها عن حالها..!! فيصل : ما احتاج نصايحكـ يا عمر.. انا حر بـحياتي..!! ام عمر : يا وليدي اخوكـ يبي مصلحتكـ .. هو صادق البنت حتى قاعدة عند امها.. فيصل : امها مو احد غريب..!! عمر : ان شاء الله لا رحت لها بـ تدخل كذا من الباب لـ الدريشة..!! ترى عمي و عيالة زعلانين عليكـ .. حطها قدام عيونكـ .. فيصل عقد حواجبة : زعلانين..!! ابو عمر : ايه زعلانين.. اخذت البنت من بيت ابوها ما كلفت على نفسكـ توصلها و سحبت جوالها منها.. تحسب ان روحتها مع عمر و لينا لـبيت امها زينة بـحق ابوها..!؟ فيصل سند ظهرة على الكرسي وده يكسرة : استغفر الله العظيم.. انت تبون تحملوني الخطأ غصب.. انا اصلاً ماني راضي عن طلعتها لكني ما كنت ابي اكسر كلمتكـ قدامها و الا ما كان عندي مانع سحبتها و قفلت عليها الغرفة هي خلقة اصلاً ما فيها قوة حتى تدافع عن نفسها من اهمالها لصحتها..!! عمر : غبي.. ما انت عارف تتصرف .. حبسكـ لها بـغرفتها بيخليها تعاند زيادة.. ويش عذركـ لا اشتكت لأبوها..!! فيصل أعصابة تلفانه..!! : ممكن تسكرون على الموضوع.. تحسبون اللي صار مرضيني..!! كل ما شافني احد فيكم لامني.. زوجتكـ زوجتكـ زوجتكـ .. يكفي عاد..!! قام فيصل بـعصبية .. يتوقعون ان بعدها هين عنده..!! لكنها تمادت بإهمال صحتها.. هالشيء اثر عليه حتى هو.. اذا كل ما انحطت سفرة تجلس اما ديكور قدامه او تتعذر انها شبعانة و توها اكلت..!! ام عمر تناظر عمر : يكفي لا تشد عليه.. ترى هو بعد ماهو هاين عليه..!! عمر : الله من الدلع.. لو مو هاين عليه ما تركها تطلع من المستشفى لـ بيت امها..!! كان جابها هنا هو راعاها ما تركها.. لينا ترفع النقاب عن وجهها : بس ما يصير كذا تضغطون عليه.. يمكن الإثنين محتاجين يبعدون عن بعض فترة.. خله يشتاق لها و تشتاق له.. عمر ابتسم : لا تفكرين بـهالشيء ابداً بحياتنا لأني ما راح اخليكـ تبعدين..!! انصدمت من رده قليل ادب يقولها بالفم المليان قدام اهله .. صدت عنه من غير لا ترد.. .. بيت لطيفه.. لطيفه : تركتها تروح عند اهلها..!؟ انت ما تسمع نصايحي..!! ثامر : الله يرضى لي عليكـ يمه.. انا اعرف كيف ادير حياتي.. لا تشيلين هم.. دانه ما راح تغير علي.. مها تلوي فمها : شكلها اكلت بـعقلكـ حلاوة..!! ثامر : ايه اكلت بعقلي حلاوة.. انتم ايش فيكم.. ان كانوا بنات خالي صدق قليلات ادب مثل ما تقولون ما يعني دانه مثلهم.. لها معاي عشر ايام .. ما شفت منها شيء ضايقني.. لطيفه : و انت تتوقع اني بـ اخطب لكـ وحده تضايقكـ ليش عايفتكـ انا .. انا اعرف دانه ذهبة.. لكن البلى خواتها يغيرينها و يملن راسها عليكـ .. ثامر : قلتيها ذهبة و الذهب ما يتغير.. و خواتها لو يأثرن عليها كان غيرنها من سنين مو الحين يمه.. لطيفه : كيفكـ انا نبهتكـ بكره تجيني تشكوى.. ثامر : ما راح اشكي منها انا متأكد من هالشيء.. مها : نشوف يا ثامر.. ما علينا ودي نروح مره نفطر عند خوالي.. رغم انهم ما يطيقوني بس خوالي الكبار هم اللي يحبوني.. ثامر : مين تقصدين.!؟ مها : كلهم أثير و أسيل و راكان و حتى خالي مشاري احسه يجاملني..!! ثامر : ليش انتِ مضايقتهم في شيء..!؟ مها : لا طبعاً ويش بيني و بينهم غير السوالف.. بس هم كذا نفسيات.. يكفيكـ تعرف ان راكان و أسيل ما وقفوا دق في جدي على الطالعة و النازلة.. لطيفه : لو يعرف ابوي يردهم مكان ما جو.. ما يستاهلون العيشة اللي عايشينها.. ثامر : ويش ذا الحكي يمه.. عياله شلون يتركهم.. يكفي انه اخطأ بحقهم.. و الحين عرف خطاه .. لطيفه : هم اللي رافسين النعمة.. المفروض يحبون يديهم وجه وقفا اللي ابوي مسكنهم عنده. ثامر : يمه فكري فيهم.. اللي سواه جدي ماهو بـ هين.. تركهم سنين و بنين .. فجأة اعترف فيهم.. من حقهم يزعلون.. .. بيت غازي.. غازي : تبي الصدق صدمتني يا ابو سعود.. ابو سعود : خذ وقتكـ وراحتكـ بالتفكير.. شاور بنتكـ و امها من حقكم.. يمكن انا فاجئتكـ خصوصاً مع وضع مشعل الحين.. لكن كلمة و عهد علي اني صادق فيها لو اني ما ارضى لـ وحده بـ بناتي ازوجها لـ شخص مثل مشعل و الله ما طقيت بابكـ اخطب بنتكـ .. غازي : ادري يا ابو سعود.. و انا ما اقصد على وضع مشعل.. ادري انه شيء مؤقت و يبي له علاج.. ابو سعود : و انا ابي اشجعة على علاجة .. مشعل خاطرة بـ بنتكـ .. تبي الصدق هو ما يدري اني جاي اخطبها اليوم.. حتى انا ما ابيكـ تعتبرها خطبة.. خله مجرد حكي بيني و بينكـ .. و ان صار و عطيتونا بـ نجي نخطبها رسمي.. غازي : جيتكـ يا ابو سعود هاذي خطبة رسمية.. و الله ما تعنى مره ثانية.. لكن عطني الوقت اللي اشاور فيه ريما و امها و يصير خير ان شاء الله.. ابو سعود : خذ راحتكـ .. غازي : طيب خليني على بينه.. ان ريما وافقت.. بـ يكون زواجهم هالحين..!؟ ابو سعود : ان شاء الله ما راح نختلف على هالشيء.. حالياً ابي مشعل يتطمن ان البنت له.. ابيه يملكـ عليها.. كود ينفتح نفسة لـ العلاج و هو نفسيتة ماش ماهو متقبل شيء.. لكن الزواج ما حكيت فيه ابد.. غازي : انا رأيي من رأي بنتي.. ابو سعود : و احنا ما راح نختلف معاكم.. اهم شيء البنت تكون من نصيبنا.. غازي : الله يكتب اللي فيه الخير.. خرج ابو سعود بعد نص ساعة.. حتى يدخل غازي متعجب.. معقولة مشعل يبي ريما و هي تبيه..!! اذا ريما ما تواصلت معاه ما تعلق فيها الا انه شايفها لو بالغلط.. تذكر ذاكـ اليوم اللي صرخوا فيه البنات بعد ما شافوا مرة وليد ابتسم.. : خير ان شاء الله فرحنا معكـ .. جلس غازي بعيد عن ندى اللي توحم فيه : ان شاء الله كلنا نفرح قريب.. ندى : ما قلت لأبوي يتسحر عندنا..؟! غازي : حاولت فيه و رفض.. اذا ما تسطروا عيالة قدامة ما يفتح شهيتة شيء..!! امال : الله يخليه لهم و يحفظهم له.. غازي : آمين.. ريما : بابا ابي فلوس..!! غازي : ليش..!؟ ريما : الفستان اللي شريتة ما اعجبني و مدة التبديل راحت.. غازي : ما قستية قبل و رضيتي فيه..!؟ ريما : امبلى.. بس لينا شرت واحد ازين منه.. هذا و يوم وريته جود خلتة كنه خرقة مسح بلاط الحوش.. غازي : ماهو موهقنا غير ذا الجود.. حسبي الله على ابليسها.. امال : بلا دلع بالمحل طقيتي عنده الا تشترينة الحين عفتية.!! ريما : طيب عفتة.. و الله كرهتة ما ابي البسة.. امال : هذا اسمه اسراف.. حرام عليكـ .. ريما : بـ اتصدق فيه.. امال : لا و الله عايفتة و تصدقين فيه.. ريما : مامي بلـــــيز يرضيكـ (ناظرت ابوها تستعطفة) بابا ما البس فستان حلو بـ زواج بنت عمتي.!! غازي : لا ما يرضيني.. ريما : اجل اعطيني الفلوس و الا ماني حاضرة زواج وعد.. ندى : بـ تزعل عليكـ وعد.. ريما تناظر ابوها : هاه شفت تزعل .. الله يخليكـ ابي اشتري الفستان الأسود اللي شفتة اخر مره.. امال : وريه ابوكـ اول شيء.. اذا رضى اشتريه.. غازي يناظر امال : ليش ايش فيه الفستان.!.؟ امال : عاري و صاري..!! ريما : ماما شفتي هالكلمتين هي اللي تخليه يرفض.. الفستان مو عريان.. امال : اوكِ خليه يروح معاكـ و يشوفة بـ نفسه.. غازي يتكلم قبل لا ريما تترجاه : اني اروح السوق هالشيء شيليه من راسكـ ما جبت سواق عشان ارواح ادوج بالأسواق.. صورية لي و انا اقرر.. ريما : طيب.. بس اعط نفسكـ وقت تفكر مو على طول تقول لا.. غازي : ههههههههه يعني عارفة اني بـ ارفض.. خلينا من الفستان.. ابي اكلمكـ بـ موضوع.. ريما : امرني.. غازي : ابيكـ تفتحين مخكـ عدل و ما تفهمين شيء غلط.. و قبل لا ابدأ ابيكـ تتأكدين اني ما سويت أي شيء و لا قلت أي كلمة او لمحت حتى.. انقبض قلب ريما : بابا خوفتني عن شنو تتكلم.. غازي : ابو سعود كان عندي.. و خطبكـ لـ ولده مشعل..!! اتسعت عيون ريما بـ صدمة..!! اسبوع يمكن مر على اعترافها لأبوها بإهتمامها في مشعل.. حتى يفاجئها بـ أمر الخطبة.. ما كانت ريما الوحيدة المتفاجئة امها.. و ندى اللي ما تدري عن امر الخطبة كله.. غازي يكمل : فكري بـ عقلكـ بعيد عن قلبكـ .. لأن الزواج مشروع حياة و عمر.. امال : غريبة.!! ولده ماهو رجله متعورة..!! غازي : تعويرة بسيطة تروح مع العلاج الطبيعي.. امال : لكن خطبتة لـها الحين ماهي غريبة.؟! غازي : لا .. الولد خاطرة يخطب .. ما فيها شيء.. قامت ريما من غير لا تنطق أي شيء.. و لا تناظر احد فيهم.. صدمها ابوها بـ هالخبر.. امال : و انت ويش رايكـ ..!؟ غازي : انا عني اشوفة رجال ما عليه كلام.. صح اني كنت اخذ عليه استهتارة بـ موضوع الدراسة بس كان طيش مراهقة و راح.. امال : و أخوكـ ابو عبد الله ..؟! غازي : ما ظنتي بـ يمانع.. اذا قصدكـ عشان عياله .. فالإثنين لو لهم خاطر في البنت كان تكلموا من زمان .. بعدين رأي ريما هو المهم.. دخلت الشغالة معاها صينية حتى تمدها لـ ندى : تفدل ماما.. ندى اخذتها و نزلتها على الطاولة : شكراً.. ابتسم غازي .. حلو تطلب اكل بـ نفسها و تأكل .. يعني فيه تطور كبير بـ وضعها : كيف الحمل..؟! ندى : ازين.. يعني احس تعودت.. امال : الله يقومكـ بالسلامة.. ندى : آمين.. امال : يبي لكـ بعد ما تعرفين جنس الطفل.. قضي له.. قبل لا تثقلين.. ندى : ما في بالي اني اعرفة.. ابي اخليها بعدين مره وحده.. غازي : ازين .. اللي يجي من الله حياه الله.. بس اهم شيء تنتبهين لـ صحتكـ .. ندى : هذا انا احاول.. (سكتت شوي بعدها نطقت) ممكن تغير عطركـ ..!! وده يقطع شعرة.. عمره ما انقهر كثر ما ندى الحين تسوي فيه .. ندى تبرر موقفها : ريحتة قوية.. غازي بـ إستهزاء على نفسة : ان شاء الله ما عاد راح احط عطور ابد.. متى يخلص ذا الوحام بس..!! ندى : ايش فيكـ عصبت علي..!! مو بيدي الموضوع.. غازي : ليش انا قلت بـ يدكـ .. بس صدق ابي اعرف متى ينتهي وحامكـ و نفتكـ من ذا الوضع..!! ندى : ما ادري.. الدكتورة ما قالت لي وقت قالت لي بـ يختلف من مره لـ مره.. وقف غازي : انا بـ اشوف ريما شوي.. طلع غازي امال ابتسمت : شكلكـ بـ تكرهينة إنكـ تحملين مره ثانية..!! ندى : و الله مو بيدي عشان يلومني.. امال : ما يلومكـ بس اول مره يجرب هالشيء.. و انصدم بـ صعوبة الموقف.. ندى : اذا صعب عليه مره فـ فهو صعب علي اضعافة.. غرفة ريما.. ريما : يعني انت ما قلت لهم شيء..؟! طيب ايش معنى الحين..!؟ غازي ما يبي يقولها ان مشعل يفكر فيها يبيها تفكر بعيد عن هالشيء ما يبي يدفعها للموافقة قبل لا تفكر بـ عقلها : ما تثقين فيني..!؟ قلت لكـ اني مستحيل ارخص فيكـ و الله يا بابا ما جبت له طاري و لا قد كلمتة او لمحت له.. و الا مكذبتني..!؟ ريما : اكيد لا .. مستحيل اكذبكـ بس انا مستغربة ليش الحين بـ الذات..!؟ غازي : هذا شيء تافة تفكرين فيه.. فكري بـ مشعل كـ شخص.. يناسبكـ و الا ما يناسبكـ .. ريما : انت فاجئتني.. غازي : انا صراحة تفاجئت مثلكـ لما كلمني ابو سعود.. لكن ابيكـ تأخذين وقتكـ بالتفكير و تستخيرين و تدعين الله يكتب لكـ اللي فيه الخير.. ريما : ان شاء الله.. طيب.. انت ما قلت لي رأيكـ ..؟! غازي : مثل ما قلت لكـ من قبل مشعل رجال ما عليه كلام الا استهتارة بالدراسة و قلت لكـ اكيد انه تركـ هالشيء خصوصاً انه اختار القانون.. ريما : طيب بابا انا يعني احس اشياء كثيرة تداهم تفكيري.. غازي : زي ايش..!؟ ريما : كل شيء.. هو يدرس للحين.. متى مقرر يتزوج وين بـ يسكني اشياء كثير في خاطري..!! غازي ابتسم هالشيء طمنه انها تفكر بـ عقلها و بـ تقرر بعد تفكير اكيد ما راح تتجاهل اهتمامها لكن كونها تفكر لـ قدام هالشيء ارتاح له : انا سألت ابو سعود و قالي ان شاء الله ما راح نختلف على موضوع الزواج.. اذا انتِ عندكـ مانع و بـ تشرطين تأكدي اني معاكـ بـ شرط يكون شرطكـ منطقي ما نعسر على الرجال.. اما وين بـ يسكنكـ ما ظنتي هذا يشكل مشكلة عنده لأن اكيد ابو سعود ما راح يبعد عيالة عنه.. هو يرمم بيتة القديم اللي انحرق الحين.. و يبني جنبة عمارة.. فهمت منه انها متصلة في بيتة يعني تقدرين تقولين جناح جديد في البيت وهي لعيالة كل اثنين بـ دور.. اربع ادوار.. يعني اكيد مشعل بـ يسكن هناكـ .. ريما : لـ هالدرجة يحبهم..!؟ غازي : هههههههههههه ليش فيه اب ما يحب عيالة..!؟ ريما : لما يحكوني البنات عن ابوهم احسه مره معقد .. يعني بابا يخاف عليه بـشكل جنوني.. و هالشيء مو لايق عليه.. غازي : وبناتة يحبونة بشكل جنوني و الا..؟! ريما : اكيد.. غازي : كل اب يخاف على عيالة.. سوا كان قريب منهم او ابتعد لأي سبب كان.. ما فيه شيء اغلى بالدنيا من الضنا.. و ما راح تحسين بـ قيمة كلامي الا ان صرتي ام.. الله يبلغني ذا اليوم.. ريما : ما ادري انا احسه هو غير.. يبي يشوفهم قدامهم على كل سفرة.. اتوقع لو بـ كيفة يأخذهم معاه دوامة..!! غازي : لا تحللين على كيفكـ .. ابو سعود مجمع عيالة في بيت واحد عشان يكونون على قلب واحد.. لأنهم ماهم من ام وحده.. رغم ان حتى الأشقاء يختلفون.. لكن ابو سعود زرع فيهم من صغرهم انهم سند لـبعض شوفيهم ان صار عندهم شيء ما احد فيهم يقول ماهو شقيقي كلهم ينتفضون كنهم روح وحده ماشاء الله تباركـ الله.. ريما : ماشاء الله .. عليه تفكير.. رغم ان عم عامر معيش عيالة بعد في بيت واحد بس ما احسه مثل عم ابراهيم.. غازي : عامر متهاون حبتين.. الله يهديه.. اما ابراهيم يقدم عيالة على كل شيء.. تركنا مشعل و جلسنا نسولف عن ابوه.. .. بيت سعد.. عساف تنرفز : مناديني على الفطور عشان تطقطق علي..!؟ عمر : ههههههههه بالهون يا عمي ويش بلاكـ شبيت.. عساف : الله يعدي هالفطور على خير بس.. لا اخليكـ تعيّد بالمستشفى هالسنة.. عمر : هذا كله عشان سألتكـ كيف النفسية..!؟ عساف : كيف تبيها تكون.. عمر : لا صدق علمني ويش احساسكـ .. ما حبيت قبل زواجي و الا كنت عرفت احساسكـ الحين.. عساف : بـ تأخذني مصخرة..!! عمر : ياخي ويش بلاكـ نارن شابة.. ما صدقت اخوانكـ يوم قالوا تهاد ذبان وجهكـ ..!! عساف سحب فنجالة من الأرض : ليش اخواني شاكين لكـ عني..!؟ عمر : تصدق عمركـ الحين تحسب انكـ محط اهتمامنا.. عساف صدق احكي.. انت بـ خاطركـ شيء.. حسيت انكـ تسرعت.. عصبيتكـ يا اخوي ماهي بـ محلها.. عساف : ويش تنتظر مني..!؟ انتظر اليوم اللي تصير فيه حليلتي المفروض قبل لا توصل الـ 18 تكون زوجتي.. احسب الأيام و الساعات لـ يوم العيد .. تدري اني كنت افكر اخطبها يوم كان عمرها 16 و هي رفضت..!! عمر انصدم : 16 ..!! انت صاحي..!؟ بزر للحين..!! عساف : و الله ماهي بزر.. شلعت قلبي بنت العم يا اخوكـ .. ابتسم عمر : تبي الصدق ما احسها تليق الا لكـ و لا انت تليق الا عليها.. رغم ان بينكم فارق بالعمر .. لكن ما اشوفها الا لكـ .. عساف : الله يجمعني بها .. الله يجمعني بها.. عمر : اربط قلبكـ ويش بلاكـ انشفحت مره وحده.. انت بعد لو انكـ راكد كان قدرت تلعب على عقلها بنت 16 تفر مخها و توافق كان يمدي عيالكـ طولكـ .. عساف : هههههههههههه على اساس انت جاهل فيها..!! دراستها عندها اهم من قلبها..!! زي ما تقول.. عمر : و الله الدراسة مهمة.. لينا طالعة لي بـ سالفة جديدة.. تفكر ما تكمل دراستها.. قهرتني.. عساف : ليش تنقهر ازين لها ولكـ ..!؟ عمر : دراستها تفيدها ما تضرها.. و تفيد عيالنا بعد.. تخيل انت يجيها ولدها يبيها تشرح له ما تعرف.. عساف : اقول بلا تعقيد انت.. اذا هي ما تبي لا تجبرها.. عمر : من جدكـ اخليها حتى بدون شهادة ثانوي.. و الله ما يكون.. غصباً عنها تدرس.. لو اصير دادا لـ البزر.. عساف : هههههههههههه شر البلية ما يضحكـ .. صدق يا اخوي ما احد مرتاح.. اللي عندكـ تبيها تدرس و هي ما تبي.. و اللي عندي شرطها تكمل دراستها و سقف طموحها ما يرضية هنا الا برا.. عمر : عاد لا تكسر بـ كلمتكـ هاه تراكـ وعدتها.. عساف : افاا و انا ولد ابوي.. و الله لا اخليها تدرس لين يطيح اللي براسها.. لين تختنق من الكتب و تقنع.. عمر : الله يتمم لكـ على خير.. هالعيد ان شاء الله بـ يكون غير و بإذن ربي انكـ تفرحني بـ عيد الأضحى بـ يجيكـ عمر صغيرون مثلي..!! عساف ابتسم : امين افرحكـ بس مو عمر ماني عايف ولدي حتى اسميه عليكـ .. .. بيت ابو سعود.. مكتبة.. وعد : ملاحظ انكـ ما كلمتني بعد اللي صار..!؟ رمضان بـ يخلص و انت حتى ما نشدت عني..!! ابو سعود : زعلان منكـ يا وعد.. وعد : زعلان مني..!! طيب ميار اخطت معي .. البارح كنت تكلمها عادي و لا كأنه شيء صار.. يعني عشان هي امها عندكـ تخليكـ تحن عليها و انا ما احد يهتم لأمري.. ابو سعود التفت لها جالسة قريب منه على الكنب : تهقين عشان كذا رضيت..!؟ انتِ شايفة نفسكـ مثل ميار..!؟ وعد انا رضيت الثنتين يطلعن معاكـ انتِ اكبرهن.. لو ميار اكبر منكـ كنت لمتها هي اكثر.. وعد : طيب الى متى بـ تلومني..!؟ ابو سعود : استغفر الله العظيم.. وعد : حاسة اني فاقدة نفسي.. انا ما اقدر اعيش و انت مو راضي عني.. انت تلومني و خالة نوال تلومني.. فوق هذا سها سمعتني كلام قهرني.. ابو سعود : ايش قالت لكـ ..!؟ وعد : مو مهم.. انا ابي رضاكـ تكفى بابا لا تردني.. و الله تعذبني و انا اصوم كل يوم و ادعي اصلي بس اذكر انكـ مو راضي عنكـ احس عروق بـ تطق.. و الله لو اني انا مشجعتها على الغلط بـ اقولكـ استاهل.. و لو اني شكيت انها بـ تقابل احد ما كنت خليتها لحالها.. بس اني احسنت الظن فيها و تعاقبت على حسن ظني.. مد يده لـ كتفها قربت منه حتى تدفن نفسها في حضنة.. : انا كنت زعلان من اللي سوتة سها و تضايقت و حطيت الحرة فيكن.. ادري غلطان بس يا بابا انا جالس احاول احل الموضوع و انسيها انصدمت من اللي صار و انا واثق بإنها معاكـ ما راح تخلينها تغلط.. وعد : انا آسفة.. ابو سعود : مو خطاكـ يا بابا خطاي انا اللي وثقت فيها هي و سمحت لها تطلع قبل لا اتأكد انها مستحيل تغلط.. (ناظر بـ وعد اللي راسها على كتفة) ايش قالت لكـ..!؟ وعد : لا تهتم.. ماني متضايقة منها.. لأني حتى انا رديت عليها من وقتها.. ابو سعود : طيب علميني ويش اللي صار.. وعد : انا كنت اكلمها عن طارق و انه يشجعها تغلط و تتركـ اهلها و قد ايش انت تعبت معانا.. هي قالت لي انتِ اخر وحده تتكلمين عن بابا نسيتي قد ايش عصبتي فيه و قد ايش زعلتية و كم مره نومتية متضايق..!! حتى لما انخطفتي ما ارتاح منكـ ..!! ابو سعود بـ خيبة وهو يسمع ان بناتة تهاوشن و يجرحن في بعض : و انتِ ويش قلتِ لها.. وعد رفعت راسها : كل اللي بـ خاطري بصراحة بابا شرشحتها.. لين صرخت علي و طردتني من الغرفة.. ابو سعود : راضية..!؟ وعد : بابا لو هي ما قالت لي هالحكي و جرحتني و الله ما كنت قلت لها شيء اساساً هو فيها.. و قبلها كانت خالة نوال تحرضكـ علي.. و هالشيء قهرني بـ زيادة و حطيت حرتي فيها.. ابو سعود : خالتكـ نوال هي اللي ربتكـ يا وعد لا تبخسينها.. وعد : بابا اوكِ ربتني و انا قد قلت لكـ اني عمري ما حسيتها امي.. انت شفت بـ نفسكـ تعاملني غير عن بناتها.. هالشيء مو بيدها ما احد يحب أي شخص اكثر من عيالة.. بس انا انقهرت تحرضكـ علي ليش..!؟ يعني هي تشوف سها مو غلطانة باللي تسويه..!؟ ابو سعود : الا سها غلطانة و كلنا ندري بـ هالشيء بس يمكن هي حز بـ خاطرها اللي العيال كلهم ضدها.. الا حاتم.. و حاتم ولدها.. اكيد بـ تأثر بـ رايه.. وعد : و هالشيء ما يبرر لها محاولتها تقحمني بالموضوع بـ أي شكل..!! ابو سعود : ممكن تروقين.. لا تتنرفزين عرسكـ ما باقي عليه شيء.. هدي اعصابكـ .. وعد : اذا انت راضي عني انا بـ اروق.. .. بيت عامر.. غازي : اليوم رحت له في بيتة و لا لقيتة.. بغيت افطر فيه و هو يتهرب مننا..!! عامر : مرده يجينا بيديه و رجليه.. غازي : و الى متى بـ تصبر قلبها ناطف على عيالها.. عامر : ويش تبينا نسوي نسفكـ بـ دمة..!! (يناظر الدرج) هذا هي جات سكر على الموضوع.. انهار : مساء الخير.. : مساء النور.. سلمت على خوالها و جلست جنب جدتها : كيفكـ خالي.. غازي : بخير بـ شوفتكـ .. انهار : جعله دوم يارب.. عامر : ليش ما رحتي السوق مع مريم.؟! انهار : تبي تروح تجيب فستان وعد و توديه بيت ابوها ويش يوديني هناكـ .. ام عامر : هالوعيد هي نايمة و امها رايحة جايه على السوق.. عامر : دام مروى و رنيم متونسات معاها خليهم يمه بـ راحتهم.. عهود : ماشاء الله عندهم زواج وراء زواج.. الله يعينهم بس.. ام عبدالله : حتى احنا بـ يصير عندنا زواج لو توافقين على سالم..!! عهود تحطمت : سالم.. حرام عليكـ يمه تبين تدفنين شبابي ..!! ام عامر : و الله ما غير سوات يدينكـ انتِ و ابوكـ اللي بـ تدفنون شبابكـ .. يا وليدي البنيات اللي بـ عمركـ عندهم عيال و انتِ كل ما جانا واحد رديتية.. عهود : يمه هذا زواج مو لعبة كيف تبوني اوافق عشان ارضيكم و بكره أتوهق.. عندكم انهار وافقت عشان ترضي ابوها و هذا هي اكلت تبن.. ناصر : بـــنت..!! استحي على وجهكـ .. عهود : لا تفهموني غلط.. بس صدق صدق.. سالم ما فيه شيء زين عشان اوافق عليه.. ما اتخيلة زوجي.. حرام فرق بيني و بينه 16 سنة.!! غازي : انا ما اشوف الفارق مشكلة يا عمي.. اذا انتِ متقبلة الرجال و هو ما خطبكـ الا عارف عمركـ .. عندكـ لينا و عمر بينهم فرق كبير .. حتى شوق و سعود .. عهود : اصلاً انا نقدت هالشيء.. انا لو بـ اتزوج ابي واحد اكبر مني بـ خمس سنين ان كثرت.. ام عبدالله : يالعيارة ليش ما وافقتِ على عبدالرحمن..!! عهود : شكلي بـ اروح افطر شوط ثاني و لا اسمع ذا الحكي.. عامر : لا تضايقونها خلوها عندي.. ماني مزوجها.. ابتسم غازي : من جدكـ ما ودكـ تشوف عيالها هالشيطانية..!! يوسف : ويش اللي يحمس يا عمي.. بـ تجيب شياطين صغار..!! عهود : كذا يا عمي تمسخرني..!! غازي : خلي عنكـ .. (التفت لأخوه و امه) جاني خاطب لـ ريما.. ام عامر : ماشاء الله تباركـ الله ذا العلم السنع.. ابو عبدالله ناظر يوسف و محمد بعدها ناظر اخوه : مين هو...!؟ غازي : مشعل ولد ابراهيم.. عبدالله : تقولة صادق يا عمي..!! غازي : ادري بـ تقول رجله.. لكن هالشيء ما يعيبة.. لا عندي و لا عند ريما.. و موضوع رجلة شيء مؤقت بـ يتجاوزة بالعلاج.. عامر: و الله كان بـ خاطري تكون لـ واحد من هالدبش.. بناتكـ كلهن راحن علينا.. محمد : يبه ويش لنا.. انا ما اشوفها الا اختي.. رابي معاها اتزوج اختي.!.! شلون تجي هاذي.. يوسف يرمش بـ عيونة : بصراحة حتى انا .. و مشعل و الله رجال شقردي.. ما عنده خوات اتزوج منهم..!!؟ ام عامر : الا عنده .. عنده ثنتين ماشاء الله .. ميار و جود.. شد حيلكـ عشان نخطب لكـ .. غازي : جود انخطبت.. ما باقي عنده الا ميار.. ام عامر : ما شاء الله .. ما شاء الله و الله يا ابراهيم ان نسبة ينشرى بالذهب.. عامر ناظر اخوه : عطيتهم..!؟ غازي : لا للحين.. بس ان شاء الله ان قابلتة بـكره بـ أبلغة .. بس انت ويش رايكـ ..؟! عامر : دامكـ موافق انا موافق.. غازي : و انتِ يمه ويش رايكـ ..!؟ ام عامر : الله يتمم لهم على خير و يباركـ لهم.. عطهم يا ولدي نسبهم ما ينباع.. غازي : الله يتمم على خير.. ام عامر : الا ما قلت لنا يا وليدي من هو اللي خطب جود..!؟ غازي : واحد ينقال له عصام بن خلف.. دكتور بـ مستشفى ........ محمد وقف : عن اذنكم.. بـ اروح مع اخوياي.. غازي : ابيكـ بـ سالفة لـحالنا..!! بلع العافية محمد.. يوسف مسكـ ضحكتة .. اما عامر ناظر اخوه : ليش ويش مسوي..!؟ غازي وقف : شيء بيني و بينه.. انا بـ اكلم محمد برا و بعدها بـ امشي.. تأمرين على شيء يمه..؟! ام عامر : سلامتكـ يا ابوي.. باس راسها غازي و راس اخوه.. و طلع حتى يلحقة محمد.. يوسف بـضحكة : شكلها صارت صارت.. ام عامر : ويش هي اللي صارت..!؟ يوسف : القاء القبض.. عبدالله : ليش ويش هو مسوي..!؟ يوسف : هاه..!! ما ادري عنه.. (التفت لـ عهود يحول الموضوع) الا صدق ما غرتي الحين ما ودكـ تزوجين و تفكينا من شركـ ..!؟ عهود : اغار من مين..!؟ يوسف : من ريما .. تزوجي يا بنت ازين لكـ ... عهود : و انت ويش عليكـ احد طالبكـ تصرف علي..!؟ في الحديقة.. غازي : انا من زمان ابي اكلمكـ .. و كل مره اقول بـ يعقل.. اصبر يا غازي.. و عشاني مشغول بـالدوام اجلت هالموضوع.. بس الحين شغلي هادي.. و متفرغ لكـ .. محمد : ماني فاهم عن ويش تتكلم..!! غازي : الا فاهم و تستغبي علي يا محمد.. ابي اعرف انت راضي عن اللي تسوية..!؟ حتى بـ رمضان يا محمد..!! الشياطين تخمد و انت ما خمدت..!! محمد ما يبي يقول شيء و يطلع عمه قصدة شيء ثاني و يتوهق : عمي تكفى بـدون الغاز .. انا صدق ما ادري ويش تقصد..!؟ غازي : عن مكالمات البنات.. ما تخاف ربكـ في رمضان شهر العبادة تعصية..!! اذا ما خفت من ربكـ .. بـ تخاف على خواتكـ ..!؟ ماني قايلكـ الدنيا دوارة يا محمد بكره يرجع لكـ اللي تسوية في بنات خلق الله في خواتكـ و بناتكـ .. لأن هالشيء اكيد ما يهمكـ دام مخافة الله ما اهتزت في نفسكـ .. محمد فزع : عمي و الله ما سويت شيء زود عن مكالمات ما قد طلعت حتى مع وحده فيهن..!! غازي : استهنت انت بالمكالمات بكره تستهين بالطلعة بعده تنام معها.. محمد : مستحيل اسوي هالشيء..!! غازي : و انا كنت اظن مستحيل تكلم بناتكـ لكنكـ تكلم يا محمد.. تدري لو بكره بغيت تخطب الله يعاقبكـ و تخطب بنت تطلع تكلم شباب..!؟ بكره يجونكـ بنات ترضى يكلمون او انهم يتزوجون شباب يكلمون بنات..؟! محمد : انا بس مأخذ الموضوع تسلية ماهو اكثر.. غازي : و هالتسلية تغرقكـ بالذنوب و تجركـ لأمور اكبر.. تكذب على البنات..!! يعني تكسب اثم.. تقطع على نفسكـ وعود بالزواج و ما توفيها و تكسب اثم.. وفوقها تكلم بنت ما تحل لكـ و تكسب اثم.. يا عمي الدنيا سلف و دين.. اليوم انت تكلم بنات الناس بكره يكلمون بناتكـ .. لا ترخص نفسكـ و عرضكـ .. كتف محمد يدينة.. بـ خجل من عمة ما توقع ان عمه ممكن يدري عن هالموضوع.. غازي : انا ما ابي زود عن مصلحتكـ .. ما ابيكـ تلهد نفسكـ بـ نفسكـ .. احنا بـ شهر الصوم استغل ما بقى منه و توب لـ ربكـ .. اذا انت ودكـ تكلم اعصم نفسكـ بالزواج.. و انا اكلم لكـ ابوكـ نخطب لكـ .. محمد : لا ما ابي اتزوج الحين.. غازي : فكر بالموضوع عدل.. لا تقرر الحين.. روح يا عمي توضأ و صل لكـ ركعتين اطلب من الله يغفر لكـ ذنوبكـ .. اشياء واجد تقدر تسلي نفسكـ فيها غير انكـ تكلم بنات .. يوم العيد.. ليلة زواج عساف و وعد.. الشيخ : اين ولي امر العروس.. ابو سعود دخل وبعده غازي و مشعل : موجود يا شيخ.. الشيخ : بطاقات الشهود.. عماد وقف حتى يخرج بطاقتة و يحطها على الطاولة و عيونة بـ عيون عساف : انا حاب اشهد اذا ما عندكـ مانع.. موقفة كان صدمة لهم لكن هو ما اهتم.. عساف : ابد ما عندي مانع.. كان عساف مكلم الشهود وهم غازي و عمر.. عمر رجع بطاقتة .. و تركـ المجال لـ عماد.. ياسر : حركتة مقصودة .. لو ما هم في بـيتنا لا قلبت هالفرح لـ ترح.. خالد : هو يبي يستفزنا يبي يبين انا انه بايع.. ومو مهتم.. على اساس احنا اهتمينا..!! هذا هي اختنا بـ تزوج وهو بـ يشهد على عقدها لو ما يهمه امرها ما كان تعنى و جاء و طلب انه يشهد.. ياسر : حسبي الله.. تم العقد بعد توقيع عماد على عقد زواج طليقتة بـ كل برود.. الشيخ : مبروكـ يا ابني.. باركـ الله لكما و باركـ عليكما و جمع بينكما بـخير.. عساف ابتسم : الله يباركـ فيكـ .. توالت المباركات على عساف جده ابوه عمامة و عيال عمامة و الحضور.. بعدها ابو سعود : ما عليكـ ام يا شيخنا.. نبيكـ تملكـ لنا على معاريس ثانين.. الشيخ : ابشر يا اخي.. اين العريس.. مشعل وقف متساند على عكازة .. ابتعد عساف و جلس مشعل جنب الشيخ.. الشيخ : و اين ابو العروس..؟! غازي : موجود يا طويل العمر.. الشيخ فتح دفترة : على بركة الله... سعود يكلم اخوانة : متى قرروا يملكون لـ مشعل..؟! ياسر : علمي علمكـ ..!! أحمد : خله ينبسط.. ويش عليكم.. سعود : و احنا قلنا لا.. قلنا ما ندري.. خالد : اول مشعل كلم ابوي و بعدها ابوي كلم غازي.. ماهو هين مشيعل.. سكتوا الشباب على صوت الشيخ : مبروكـ يا ابني باركـ الله لكما و باركـ عليكما و جمع بينكم بـخير.. شقت الضحكة وجه مشعل فقدها من بعد امر رجلة : الله يباركـ فيكـ .. في غرفة وعد.. مصدومة و هي تسمع ابوها بالجوال يقولها انه ملكـ مشعل عليها..!! : بابا تمزح معاي صح..!؟.. شلون لا .. ليش ما قلت لي طيب.. خلاص بـ اروح بيتنا.. ما ابي اقعد في بيتهم.. بابا بليـــز مو دلع بس صدق منحرجة.. ناظرت ريما في جود اللي تغطرف و اطلق ضحكة بالأخير.. ريما : شفت بـ يطقطقون علي.. (انقهرت من رد ابوها اللي ماهو فاضي لها يوديها البيت) بـ اسوي نفسي ميتة .. مع السلامة.. جود : مبروكـ يا مرة اخي..!! ريما : شفتِ ان ما سكتي عني لا امردغكـ هنا.. جود تناظر خواتها : تخيلوا مشعل ملكـ عليها و هذا رد وحده لـ اخت زوجها بالله هذا رد مؤدب..!! نهى : لا صراحة المفروض تحترمنا عيب عليكـ .. كلمي مشعل بس خليه يأدبها.. ريما : بليـــز بنات خلاص اسكتوا عني.. دانه : يا حياتي .. تجنين و انتِ مستحية.. لينا : لو سمحتوا راعوا شعور اختي.. طقطقوا على اختكم.. اللي ما وقفت و هي تهز رجلها.. جود : لا صراحة انا ماني عايفة عمري و اناقتي و فخامتي .. وعد رمقتها بـ نظرة عشان تسكت.. تأخذ نفس و تزفرة بـعد لحظتين.. تحاول بإنها تسترخي.. نهى : نص التوتر هذا..!؟ مريم دخلت : يالله يا ماما بـ تطلعين تسلمين و بعدها تروحين مع زوجكـ .. نهى : أي تروح بدري..!! مريم : عساف طلبها.. ويش نقوله لا ما احنا مخلينها تروح معاكـ .. رنيم : مجنون هذا..!!؟ ما لحق يملكـ .. ما استحى على وجهة.. طيب يصبر لين يتعشون الخلق.. رؤى : و انتم ايش عليكم خلوا الناس بـ راحتها.. زوجتة و يبيها كيفة.. زوجتة.. ترددت بإذنها .. صارت له و صار لها.. ياه.. قد ايش هاليوم كان ما يزورها الا بالأحلام.. الحلم اللي انقتل ليلة خطبة عساف لـ ندى.. وقتها عرفت انه بـ يصير حرام عليها.. صحيح هي اللي دفعتة لإنه يفكر بـ غيرها بـسبب اختلاف التفكير بينها و بينه لكن ما كانت متوقعة يختار اختها.. يمكن ظنت انه بـيتنازل عشانه يحبها و يوافق على طلباتها او نقول قناعاتها.. لكن بعد اللي مرت فيه .. ايقنت انها اخطت لو رضت بـ عساف ما كان تزوجت عماد و اهانها كان بقت بـ كرامتها نفضت الأفكار من راسها لو تفتح عمل الشيطان .. بـ تنسى كل شيء صار من قبل.. بـ تبدأ حياة جديدة.. هي ملكته وهو ملكها.. وقفت حتى تمشي مع امها.. اول مره هي تشوف نفسها عروس.. صحيح مو بـ قصر و لا حفلة كبيرة.. لكن بـ قلب احب و روح جديدة.. حست بـ يد امها تضغط على كفها تطمنها.. لكنها ماهي خايفة من عساف.. و لا حياة معاه.. اللي تحسة الحين مجرد توتر طبيعي لأي عروس اول مره تتزوج.. ايه اول مره.. زواجها من عماد لاغيتة من حياتها و لا كأنها عاشت معاه ابد.. ام عساف : ماشاء الله تباركـ الله .. الله يحفظكـ و يحميكـ .. باست وعد راسها و كفها .. و بعدها سلمت على جداتها الثنتين وسط ذكر الله و الصلاة على النبي لـ شوفتها.. ام عامر : مبروكـ يا بنتي الله يوفقكـ .. وعد : الله يباركـ فيكـ .. ام عبدالرحمن : اقري عليها يا مريم .. مريم : لا تشيلين هم يا خاله قريت عليها .. الله يحفظها.. سلمت على الكل وسط اكبر هدوء تحاول تدفعة في نفسها.. سهاد وقفت جنب مريم : خالة عساف كلمني يقول طلعوها.. مريم : ان شاء الله.. بس يركد هو شوي.. وترنا الله يهديه.. (التفتت لـ نهى) روحي جيبي عبايتها.. نهى : طيب.. جود وقفت جنب وعد وهمست بإذنها : الله يعينكـ ابشركـ انا من اليوم معتبرتكـ سجينة.. وعد : ما فيني ارد عليكـ بس شوفي بابا ابي اسلم عليه قبل.. جود : على اساس بـ تروحين و لا عاد نشوفكـ .. بيتكـ ماهو بعيد شارعين.. نهى مدت العباية : يمه.. اخذت جود المسكة من وعد حتى تلبس عبايتها.. مريم : ماما اذا احتجتي أي شيء كلميني اوكِ.. وعد تلف طرحتها : طيب.. برا.. عساف يضرب رجلة بالأرض.. ينتظرها.. لا و يتفلسفون على راسة اختنا و خلها تعشا لا تأخذها الحين.. بـ يحرمهم منها شهر قدام على ذا الموقف السخيف و طقطقتهم السامجة.. وليد : صراحة هذا اليوم ما ينطوف.. ابد ابد.. ودي ارجع اعيشة من جديد.. خالد : هههههههههه انكـ تمسخر عساف وهو ساكت هذا بـحد ذاتة متعة.. وليد : بـ تصير كل يوم.. نمسخرة ويش ورانا اذا زعل اخذنا اختنا منه.. مشعل : و الله بـ نجننة في عيشتة كان كل شوي ناشبين في حلقة.. عساف : خلوني بس اشوفكم قريب من بيتي لا اثور فيكم.. سعود : اجل ما احنا جايبين اختنا .. ما عليش ما احنا عايفينها نبيها.. مشعل يناظر عساف : صراحة بقي شوي و تصير ما تسوى ريال.. عساف : ماني عايز لا اسفل فيكم الحين و اصارخ عليكم.. بس محتفظ بـ احبالي الصوتية ما ابي اهدرها عليكم.. وليد : طبعاً وشولة تصارخ تبي ينبح صوتكـ و تفجع اختي.. عساف كتف يدينة وده يرمي البشت بـ طول يده : اللهم طولكـ يا روح.. انفتح الباب حتى يطلع ابو سعود.. ماسكة يده وعد.. لا شعورياً ابتسموا اخوانها.. هذا يوم زواجها و هذا هو اللي دروا عنه و فكروا معاها و ابدوا رأيهم لهم و شجعوها هذا يوم فرحها و فرحهم فيها.. اول من تقدم لها سعود حتى يبوس راسها : مبروكـ يا روحي.. وعد : الله يباركـ فيكـ .. بعده وليد اللي سحب المسكة من يدها : شكراً على الهدية يا احلى اخت.. وعد : وليد بلا سماجة.. طنشها و ابتعد بـ مسكتها .. و اخوانها يسلمون عليها .. و اخرهم ابراهيم ولد خالد كاشخ على سنقة عشرة : مبروكـ يا عمة.. وعد ابتسمت : الله يباركـ فيكـ .. ابو سعود ناظر عساف .. اقترب منها باس راسها : مبروكـ .. كان وده يقول كلمة غير.. بس بـ يحتفظ بـ كل الحكي وقت ما يكونون لـ حالهم.. وعد : الله يباركـ فيكـ .. وليد : بـ اوصلكم.. عساف : لا شكراً .. مستغنين عن خدماتكـ .. خالد : افااا مستغني عنا.. بـ نوصل اختنا.. عساف : ايه هي البداية كذا لا وصلتونا ممكن تميرضون علي ويش دراني لا اسلم لي تبقون هنا.. وليد : اعوذ بالله.. ما يبينا نزور اختي..!! عساف : حسستوني اول مره تعرفون بـ اخوتكم.. مركزين على ذا الكلمة بس.. (التفت لـ عمة) صدقني عمي لو عيالكـ يلحقوني يمكن تصلي عليهم الفجر.. ابو سعود : مالي دخل انت تفاهم معاهم.. سعود : خذ زوجتكـ و روحوا ما احنا لاحقينكم لا تخاف.. عساف : ما اثق فيكم طب فيكم حبها فجأة.. وعد كانت صنم ما قالت أي شيء و عساف يناقر اخوانها.. ساعة من النقار بينهم و هم يستفزونة لين اخذها و طنشهم.. ربع ساعة بالضبط.. حتى يسكر باب الشقة بعد دخوله.. مشاعر تنبع بـ داخلة و تتفجر.. حنين .. اشتياق.. وله .. و يمكن عتاب.. نزلت عبايتها من غير لا تلتفت له.. تقدم لها رمى بشتة على الكنبة جنبها.. وقف وراها حط يده على كتفها حتى تلتفت له.. : ناظريني.. ابي املي عيوني بـ شوفتكـ ضميان حيل يا وعد.. رفعت عيونها له همست : عـساف.. عساف : يا روح عساف.. وعد : أنا آسفة.. عساف : لا تعتذرين.. ما غلطتِ اللي صار حكمة من ربي.. ما نقص من غلاكـ الا زادة.. شتت نظرها عنه .. متوتـــرة.. عساف حط يده على دقنها حتى تناظرة : ممكن تشيلين هالخبايص اللي على وجهكـ .. وعد : ليش .. مو حلو.؟! عساف : الا قمر.. بس ابي اشوفكـ بدونها.. اعشق ملامحكـ بـ طبيعتها.. انحرجت منه.. : طيب ممكن تبعد شوي.. ابتعد خطوة : ياليت ما تطولين.. عشان نصلي قبل لا يجي العشاء.. وعد : اوكِ.. عساف اشر على على الغرفة حتى تبتعد عنه و عيونة عليها.. ماهو مصدق .. و كأنه حلم او شيء من ضرب الخيال.. سكرت الباب اول ما دخلت.. حطت يدها على قلبها غمضت عيونها : بـشويش لا تدق بـ قوة بـ تفضحني.. .. بيت ابو عبدالرحمن.. أسيل : تعب من جد تعب خلاص ابي ارتاح.. راكان : ليش ما نمتي الظهر..!! أسيل : تحسبون نومي بـ مخباتي اطلعة متى ما بغيت.. وراي ملكة شلون انام لا مو ملكة الا زواج..!! راكان : ماشاء الله عسييف الضحكة شاقة حلقة هو و مشعل.. ام مشاري : الله يهنيهم و يكتب لهم الخير.. ام عبدالرحمن : العقبة عند راكان و أسيل ان شاء الله.. ام مشاري : ان شاء الله.. مشاري وينه..!؟ راكان : اخبره طلع من مجلس ابراهيم على اساس يجيب ابوي البيت.. و ما رجع هناكـ يا اما انه نام او طلع.. ابوي.. كلمة مرت على لسانة بدون شعور.. ما حس بـ نفسة لما نطقها.. : ما بغيت اسمعها منكـ .. التفت راكان : ويش هي..!! ابو عبدالرحمن الجالس على الأرض : اعترفت اني ابوكـ .. راكان تنهد.. تقدم له و باس راسة.. من طيب خاطرة.. اول مره يسويها.. : ما نكرت ابوتكـ لي.. لو نكرتها و الله ما عشت معاكـ في بيتكـ و لا اكلت معكـ في صحن واحد.. ابو عبدالرحمن : قولها لي خلني اسمعها منكـ شفقان عليها يا راكان.. جلس راكان جنبة هذا الأب اخطأ.. لكنه يحاول يصلح اخطائة حتى على حساب نفسة.. يعطي و ينتظر مجرد كلمة و طيب خاطر من ولدة باس راسة من جديد : الله يطول بـعمركـ يبه.. نطت اسيل حتى تجلس جنب ابوها باست راسة : صدق يبه احنا تضايقنا منكـ .. بس كل شي سويتة لنا الحين عوضتنا فيه .. حبكـ لنا يكفينا .. يبه احنا نبي رضاكـ مثل أي عيال يبون رضى ابوهم.. صح ان احنا قلوبنا قاسية .. ابو عبدالرحمن : ماهي قاسية يا بنتي.. انا اللي قلبي قاسي.. الله يغفر لي و يسامحني.. راكان : لا تضيق خاطركـ .. احنا ما عاتبنكـ الا من زود غلاكـ عندنا.. ابو عبدالرحمن : الله يطول بـ عمري لين اشوف عيال كل واحد فيكم.. .. بيت ابو سعود.. دخلت غرفة نهى : نمتي..!؟ نهى : لا.. سها : ابي اسولف معاكـ .. نهى جلست بعد ما كانت منسدحة : تعالي.. لعل و عسى يداهمني النوم و اخمد بدل التفكير.. تقدمت حتى تجلس على السرير : تدرين ان انا و وعد متهاوشات..؟! نهى بـ صدمة : نعم..!! سها : حاسة اني جالسة اخسر بـ كل الأحوال..!! نهى : ما فهمت ممكن تحكين بـدون الغاز..!؟ سها : انا جالسة احاول افوز بـ طارق و بـ اهلي .. لكن هالشيء مستحيل.. و هذا انا جالسة كذا لاني كاسبة اهلي و لاني كاسبة طارق.. نهى : سها جاوبيني بـ صدق.. عادي عندكـ تتزوجين بدون ابوي و خالتي و اخواني ما يرضون..!؟ سها : اكيد لا .. انا ابي اقنعهم فيه.. نهى : زواجكـ باقي له اسبوع يا سها.. اسبوع.. لا تضيعينة.. الإنسان ما يعيش الا مره وحده.. ليش يعيش حياته بـ كدر و حزن طالما يقدر يعيش بـ فرح.. لا تقولين انا مو متقبلة رجال غير طارق.. طارق ما عطاكـ شيء يا سها .. و اهلكـ عطوكـ كل شيء و لو طلبتي ارواحهم ما غلت عليكـ .. لا تجحدين النعمة.. ماجد رجال ما ينعاب ولو فيه عيب واحد حتى لو هو ولد عمي قلت لكـ ارفضية لا توهقين عمركـ .. سها : بس ما احبه احس اني راح اظلمة.. نهى : و مين قالكـ ان الحب شرط لـ الزواج..!؟ شوفي انا تزوجت فيصل و انا احبه لكنه عافني بعد سبع سنين و انا انتظرة.. شوفي عساف بالأول ارخص وعد وهي ارخصتة و كيف هي و اياه تعبوا و سبحان الله ربي كتب لهم يرجعون.. مو شرط انه يحبكـ يعني ما يضايقكـ .. شوفي ماشاء الله عمي بندر وهنادي.. عندكـ ندى و خالي غازي رغم انها الثانية الا انها تمدح فيه و حتى معاملتة لها و كأنها الأولى.. شوفي دندنة الله يوفقها مع ثامر حنين عليها رغم انّا كنّا متخوفين من عمتي لطيفة بس ابوي كان يعرف ثامر و مستحيل يسلم بنتة له بس عشانه ولد اختة و هو ماهو رجال زين.. صدقيني يا سها لو ماجد رجال فيه عيب و ما يصلح لكـ ابوي ما يعطية انتِ اغلى عنده من أي احد ثاني و مصلحتكـ تهمة.. زواجكـ من طارق ما يقتصر على عادات وتقاليد صح هذا رفض ابوي و اخواني بس اكيد مع هالشيء هم يفكرون لـ قدام طارق غريب في ديرتنا مقيم عيالكـ هم عيالة مالهم حقوق مثل لما ابوهم سعودي.. نفس الشيء لو انعكست الحالة السعودي يبي يتزوج مصرية و يعيش في مصر ماله حقوق مثل المصري.. فتحي قلبكـ يا سها لا تسكرينة.. اعتبري طارق حب مراهقة لأنه فعلاً اندفاعكـ له و الجنون اللي سويتة بـ خروجكـ كل يوم تشوفينة وهو يشوفكـ هالشيء غلط.. الحب الحقيقي مو كذا.. انتِ بـ تنسينة ادعي له الله يوفقة مع مره تقدرة و تحترمة و انتِ الله يوفقكـ مع ماجد.. اغسلي قلبكـ و شرعي بيبانة قدامكـ حياة لا تسودينها قبل لا تبدأ.. .. شقة عساف.. وعد : بس و الله شبعت.. عساف : أي شبعتي اكل طيور ذا مو اوادم.. وعد : عساف.. لا تطقطق علي.. عساف : اخ يا زين اسمي من فمكـ.. صدت عنه و وجهها احمر : ممكن ما تحرجني..!! عساف : ههههههههههه ما اصدق انتِ تستحين مني..!! وعد : ليش وجهي مغسول بـ مرق..!! عساف : انا ما قلت كذا.. بس كنت متوقع انكـ متعودة علي تستحين مني ليش..!! وعد : حتى لو.. بـ استحي شيء طبيعي.. عساف بـ إبتسامة ساحرة : أحبكـ ..!! تراجعت بـ ظهرها لـوراء بـصدمة.. اخر كلمة توقعت انها تسمعها هي هاذي على الأقل مو الليلة.. لكن عساف الليلة غير مقرر ما يضيع ليله وحده بدون لا يبين لها حب متغلغل في اعماق روحة.. هي سكنت قلبه و روحة و عقلة.. عساف يكمل متجاهل دهشتها : احاول اذكر متى اول مره حبيتكـ ما يطري علي غير لما طلبت من عمي اشيلكـ .. كنتِ بلفتكـ يا وعد عمركـ ايام.. من ذاكـ اليوم و لـ ذا اليوم استحليتي قلبي بـ كل اركانة.. ما احد اشغل تفكيري غيركـ .. تقتحميني حتى بـ عز شغلي.. ما اكذب لو قلت اني احس فيكـ لو انكـ تعبتي او تضايقتي.. دنقت و الدمعة عالقة بـ عينها .. مد يدها حتى يشد شعرها لـ وراء اذنها : ايش فيكـ..؟! زعلتي..؟! وعد : لا ما زعلت.. كنت ارفض الخطاب انتظركـ .. ادري اني هبلة و غبية ضيعتكـ من يديني بـ نفسي.. قبل لا تكمل مد يده على فمها يسكتها : اشششش ما ابي اسمع هالحكي.. ما ابيكـ تحكي بـ شيء مضى .. اهم شيء انكـ عندي الحين.. لي انا.. وعد همست بدون قيود .. او قلبها اللي حكى مو لسانها : اشتقت لكـ .. .. أستغفر الله العظيم و أتوب إليه.. لا أحلل نقل الرواية دون ذكر اسمي.. هاشتاق #رواية_لو_سألتي_الورد ضحكة قهر.. http://up.graaam.com/img/23407876b74...eba11d9f14.pnghttp://up.graaam.com/img/c433481acf7...1de64fbad2.png |
رد: لو سألتي الورد وهو ما بين إيدك أقطعك بيقول لك عمري فداك الكاتبة / ضحكة قهر
بسم الله الرحمن الرحيم..
السلام عليكم و رحمة الله و بركاتة.. من بعد طول غياب غير محسوب مني رجعت لكم بـ اخر بارتين من روايتي.. بـ اجل المقدمة لين بكره عشان اقولكم كل اللي بـ خاطري.. بس ابي اعتذر عن التأخير.. و عن كل شخص وجه لي كلمة و ما رديت عليه.. عن كل سؤال جاني بالأسكـ و كل زعل سببتة لكم من تأخيري.. سامحوني و الله ما يسوى تشيلون علي بـ سبب رواية.. بالنهاية احنا اخوان و قلوبنا ان شاء الله على بعض.. و الدنيا عيد.. فيه كم رد بإذن الله بـ احاول ارد عليهم.. ان شاء الله قبل البارت الجاي ان قدرت.. الله يسعدكم و يخليكم.. و يكتب لكم الخير و يرزقكم من واسع فضلة.. يوم العيد بإذن الله اخر بارت.. بس اكيد مو الصباح.. قراءة ممتعة.. البارت التاسع و الستون.. قالت لي : آسف ! … قلت : وش غيرها ؟! قالت : [ احبك ] … قلت : طاح الحطب !! لـ حسن الوافي.. مكتب الفريق غازي.. الفريق غازي : انا بغيتكـ تأخذ وقتكـ و تفكر قبل لا تستعجل..!! وليد : و انا مفكر من قبل لا اجيب طاري هالموضوع.. الفريق جابر : يا ابني لا تتسرع خذ وقت زيادة.. وليد : انا فكرت يا سيادة الفريق مره و اثنين و عشر انا ما راح اتخاذل عن خدمة وطني و لو احتجتوني في شيء مانيب مقصر .. لكني انا حالياً ابي اكمل دراستي عدا ما اخفيكم ان امي ماهي راضية.. الفريق غازي : اذا عشان امكـ احنا نكلم ابوكـ يكلمها.. اهم شيء رغبتكـ يا وليد.. وليد : رغبتي اكمل دراستي حالياً.. الفريق جابر : انت ما كنت داخل ادارة اعمال..!؟ وليد : سحبت ملفي راح ادرس قانون.. ناوي اقدم على هيئة التحقيق و الإدعاء العام.. الفريق غازي : و الله ما ودي افرط فيكـ و لا اردكـ ..!! وليد : انا فكرت بالموضوع و ماني متراجع عن الإستقالة حالياً انا ابي اكمل دراستي على الأقل اكون فاهم مجالي بـ شكل اكبر و متعلم.. ابي اصير محقق.. الفريق جابر : مالنا فيكـ حيلة.. دامكـ مقرر من قبل لا تجي و مصمل على قراركـ اللي يريحكـ الله يوفقكـ انت خدمت دينكـ و وطنكـ بـ تضحيتكـ .. وليد : و راح اخدمهم لأخر يوم في عمري.. الفريق جابر : الله يطرح فيكـ البركة.. و أي شيء تعتازة احنا بـ رسم الخدمة.. وليد : ما تقصرون.. عموماً انا جاني القبول و ان شاء الله الله ييسرها من عنده.. الفريق غازي يوقع على استقالة وليد : الله يوفقكـ.. .. بيت ابو سعود .. جناح سعود.. : السلام عليكم.. ناظرتة شوق مرتبكة : وعليكم السلام.. تقدم سعود بـ بطىء : ايش سويتي اليوم.!؟ شوق شدت شعرها لـ ورى اذنها : ابداً نزلت عند البنات و خالاتي شوي و طلعت.. سعود جلس : اهــا.. ويش اكلتِ بعد الغداء..!؟ شوق بلعت ريقها : ليش..!؟ تبي تتبع اسلوبكـ معاي..!؟ سعود : إذا حسيت انكـ بالغتي ايه.. علميني الحين ويش اكلتِ..!؟ شوق بـ حدة خفيفة : ما اكلت شيء.. سعود ابتسم : متأكدة..!! شوق : وشو بـ تكذبني..؟! سعود : لا .. بس ناظري بلوزتكـ .. (دنقت شوق تناظر لبسها حتى تشوف التشوكليت بصمة كذبتها) ودي اروح اسلم على عمتي نوره ما عيدت عليها .. ابيكـ تروحين معاي عشان بـعدين بـأخذكـ مشوار.. شوق : مشوار وين..!؟ سعود : لو ابي اقولكـ وين كنت قلت لكـ من غير لا تنشديني.. يالله البسي بـ انتظركـ تحت لا تطولين.. جمعتهم في الصالة.. جود : اول كنت اقول دندنة انظلمت مع ثامر و خطفها منّا و لا نشوفها .. طلعت المخطوفة وعيد حتى اتصال مستبخلة فيه مالت عليها.. ميار : لا إله الا الله .. اذكري ربكـ لا تصكين البنت بـعين تخربين عليهم.. جود : ماني قايله .. جعلها تحمل و تتوحم فيه عشان تجي عندنا.. ام سعود : حتى انتِ تتزوجين ان شاء الله و تختفين ما نشوفكـ غير بالإسبوع و الإسبوعين..!! جود : لا طبعاً مستحيل اسوي الحركات هاذي.. انا ما اكشت فيكـم عشان رجّال.. بعدين ازين عشان يشتاق لي.. اما اقعد في خشتة اربعة و عشرين ساعة عز الله شهر و يطق على راسي مره.. وليد : اكيد بـ يطق على راسكـ مو بـ شهر الا بإسبوع يا قليلة الحيا .. هذا حكي وحده مخطوبة..!! جود : مليون مره قلت لكم انا ما اعرف امثل عليكم اني مستحية.. من مين استحي.. عساه منكـ .. ما عاد الا هي.. وليد : يعني انا عادي.. و ابوي..!؟ جود : وه بس طير شلوى يا حبني له.. ما استحي منه.. ويش فايدة ان البنت تستحي من اهلها اذا استحيت يعني فيه حواجز و انا احب اشطح هالحواجز.. وليد : الله يخلف على عقلكـ اللي لو ابيعة بـ ريال ما احد شراه.... (سكت وليد متردد) امي وينها..!؟ جود : مع زوجتكـ المصونة.. سمعت انها تعبانة..!! رفع حواجبة : نعم..!! ليش ويش فيها..!؟ ابو سعود : ما يخصكـ ويش فيها..!! استغرب وليد : ويش اللي ما يخصني يبه..!! ابو سعود : مو انت قلت مالكـ دخل فيها و انا توليت امرها.. اجل ما يخصكـ .. وليد بـ حدة خفيفة : انا اللي متزوجها يبه يعني انا ولي امرها.. ابو سعود رفع يده : الله بالخير توكـ تذكر انكـ ولي امرها..!! من هنا لين تكبر البنت يا وليد ما تدخل بـ امورها لا صغيرها و لا كبيرها.. لا كبرت حزتها يصير خير.. وليد : يبه شكلكـ نسيت اني انا اللي جايبها.. ابو سعود : انت اللي نسيت انكـ رفعت يدكـ منها.. كلمتكـ يا وليد كم مره و انت ما اهتميت.. وليد متنرفز : استغفر الله العظيم.. يبه تراكـ تحدني افكر بـ شيء غلط.. ابو سعود ابتسم : وشو اللي تفكر فيه.. خلني اعرف مستوى تفكيركـ ..!! احمد : انت ويش اللي حاركـ الحين.. مو ما تبي تدّخل في البنت ايش معنى الحين فقدتها..!! (ابتسم احمد) الا ان كان استجدت اشياء..!! وليد بـ حدة : لا يروح فكركـ بعيد .. كل الموضوع اني فقدت امي و نشدت قالت لي تعبانة من باب الفضول بس.. ترى هالإسلوب اللي تعاملوني فيه ما يعجبني.. مشعل : اقول انت موضوعكـ منتهي ابوي بـ يصبر لين البنت تكبر و يزوجكـ اياها ..ما علينا .. يبه متى بـ تسوي زواجي..!؟ ابو سعود يستهزء : نعم..!! زواجكـ ..!! مشعل : ايه .. زواجي و الا وشو..!! ابو سعود : قبل لا توقف على حيلكـ ما راح ازوجكـ .. انا وعدتكـ اجيب لكـ الموافقة يا مشعل و ظنتي ما قصرت حتى ملكة ملكت البنت لكـ ماهي لـ غيركـ دوركـ الحين تردها لي و ترمي هالعكاز..!! مشعل متحطم : ان شاء الله بـ أنتظر لين امشي على رجولي..!! فرضاً طولت .؟! ابو سعود : خذ راحتكـ كل ما طولت كل ما تأخر زواجكـ .. خلكـ شقردي و شد حيلكـ عشان تزوج.. مشعل تحطم : ما كان هذا اتفاقنا..!! ابو سعود : انا ما خطبت لكـ الا عشان اشجعكـ على العلاج.. بغيتكـ تطمن ان البنت لكـ و تشد حيلكـ و تمشي على رجلكـ امركـ بسيط و انت ما تبي تتعب نفسكـ .. سعود دخل الصالة : ابوي صادق.. الرجال ما عطانا بنتة الا انه خابر امر رجلكـ بسيط و بـ تعالج .. تقوم انت تأخذ بنتة و تبقى بـ علتكـ .. ما فكرت شلون بـ تشتغل.. كيف بـ تكون محامي و انت بـ عكاز قادر انكـ ترمية.. لو امركـ يا مشعل ما له طب نقول ما يخالف حاول و ما قدر.. لكن انت حتى محاولة ما حاولت.. مشعل : سلام من قول ربٍ رحيم.. انت من وين طلعت..!!؟! وقتكـ غلط.. سعود : ما همكـ الحكي اللي حكيتة همكـ من وين طلعت.. من الأرض..!! ابو سعود : الحكي اللي عندي قلته يا مشعل لا تفتح لي الموضوع مره ثانية و بـ يدكـ عكازكـ .. مشعل يرمي العكاز وراء الكنب التفت لأبوه وهو يبتسم : زوجني..!! عكازي مو بيدي.. احمد : سبحان مغير الأحوال قبل لا تخطب هالضحكة ما شفناها لـ هالدرجة قلبكـ باعكـ ..!! مشعل يحول الموضوع : اخبركـ انت اول واحد فينا خطب و ما تيسرت و من بعدها ما فكرت بالزواج خير ويش عندكـ ..؟! وليد : كنكـ سارونه الفرع الرجالي.. ويش عليكـ تزوج و الا ما تزوج.. جعله يعنس.. مشعل : يالبى هالطاري جعلي فدا لـ مواطي رجليها.. جود : و الله شكل الحكي لـ بنت غازي مو لـ سوسو.. مشعل يناظر جود : لا هاذي حكي ثاني..!! جود صفرت بـ حماس : قولي تكفى عشان اقولها.. اصير بينكم مرسال غرام.. مشعل : ما احتاج مراسيل.. لو بـ اقولها شيء كنت قلت لها بـ نفسي ما احتاج خدماتكـ و حتى لو احتجت مرسال ما راح اختاركـ ماني بايع نفسي.. ابو سعود بـ حدة : و الله يا مشعل يا ويلكـ تكلمها من وراء ابوها.. لا ترخص البنية.. مشعل : يبه ماني غبي هالكثر.. و بعدين هي صارت زوجتي.. يعني عادي.. ابو سعود : لا مو عادي.. لا اضويتها في بيتكـ وقتها كلمها مثل ما تبي.. مشعل : ما ادري وين اقطع نفسي انت مو راضي تزوجني.. ابو سعود : شرطي قلتة لكـ ومانيب عايدة.. فتح مخكـ عشان تزوج.. مشعل : ان شاء الله.. بس اذا اخذت اكثر من شهرين تزوجني.. طنشة ابو سعود.. ام سعود ناظرت شوق الواقفة جنب سعود : شكلكم طالعين.. سعود يفتح شماغة و ينسفها من جديد : ايه بـ اروح اسلم على عمتي نوره.. جود : خلص العيد يا حظي و الناس بـ ترجع لـ الدوامات و انت للحين تعيّد..!!..!! سعود : بالنسبة لكـ خلص.. جود : ترى ما نسيت السفرة.. وعد الحر دين عليه.. سعود : و انا ما قلت لا.. بس بـ اشوف لي شغلة و عليها يعتمد تسافرين و الا لا.. جود اشتطت : لا تقول بـ تشوف عصام و الله لا اذبحكـ يا سعود..!! سعود يمشي : عقلكـ مودع يالخبلة.. مع السلامة.. ام سعود : فمان الكريم.. استودعتكم الله.. جود متخصرة : ويش يقصد هاه..؟! يعني الحين بـ يستأذن من عصام و الله بـ انقهر..!! ابو سعود : جود ما تبين تقولين لي شيء..!؟ فتحت عيونها و كل الطواري الشينة عصفت في عقلها رفعت يدها من خصرها حتى تحطها بحضنها : شيء .!!! مثل ويش.!؟ ابو سعود : شيء مخبيتة علي..!! جود : شوف بليز قول لي ويش هو هالشيء عشان اقولكـ سويتة و الا لا.. اخاف اقولكـ شيء سويتة يطلع مو هو اللي تقصدة و اصير جايبة العيد..!! وليد : هههههههههه فاضحة نفسها..!! جود : لا انا واضحة على بلاطة اعطيها.. ابو سعود : طيب يا ام البلاط.. ويش دخلتِ تخصص بالجامعة..!! جود عبست : على بالي عندكـ سالفة.. مشعل سحب الخدادية و رماها عليها : احترمي نفسكـ .. جود مسكت الخدادية اللي ضربت في راسها : اييي وجع.. انت ويش عليكـ .. مشعل : فيه وحده تقول لأبوها على بالي عندكـ سالفة.. ابو سعود : هاذي ما تحاسب على لسانها متبري منها.. اخلصي و قولي لي..!! : السلام عليكم.. : وعليكم السلام.. فارس اول من باس راس ابوه بعده خالد و ولده و رند اخرهم.. رند : يالبي انتِ تويلة.. ابو سعود : هههههههههه انتِ اللي نتيفة.. ميار : يا حرام تعاني غير تنقز على الكنب عشان تسلم.. خالد جلس : ما جابتها من بعيد.. العمة وعد.. جلس ابراهيم جنب ابوه.. بـ هدوء عكس شطانة رند و فارس اللي يتكلمون بـ حماس عن الألعاب و الحديقة.. رند : و الله يبه لعبة تبيـــرة قد السماء.. ابو سعود : هههههههه قد السماء مره وحده..!! فارس : لا يبه تكذب عليكـ .. ما تعرف هالبزر.. رند : و الله تعلف انا.. (تعايرة) ادول انت بتيتي في اللعبة و بابا نزلتي انتِ بزل.. فارس : كذابة.. ما بكيت.. رند : و الله انتِ تتذبين انا ما اتذب صح بابا مو فالس بتى باللعبة.. ابو سعود شد خشمها : انتِ صادقة و هو صادق.. لا تسوين لنا سوالف.. و نقار بزارين شبعانين من جويد.. رند : زويد!! افف حتى هاذي بزل.. خالد : كم مره اقولكـ ما تقولين اف..!؟ انتِ ليش ما تسمعين كلامي..!؟ رند رفعت حواجبها : انا اسمع التلام.. بس هي اوف منها ما تسمع التلام.. مشعل : صدقني خل بنتكـ تسب بـ ذا و ذاكـ ان ما قضى عليها فارس بـ تقضي عليها جود.. و قول مشعل ما قال.. خالد : حديقة مره ثانية ما فيه.. لين اسلوبكـ الزفت ذا يتعدل..!! رند : بابا حتى انتِ تدولين زفت..!! يعني انتِ تدولين تلام مو زين..!! ابو سعود ابتسم.. يبيها ما تقول كلام شين و هو يقول اخس منه..!! سكت خالد ما عنده رد عليها .. و اخوانة يضحكون عليه.. مشعل : حجرت لكـ البزر.. احمد : كم مره قلت لكـ تنبه بس انت ما تسمع كلامي.. خالد : يبي لها تربية من جديد.. ام سعود : حرام عليكـ يا خالد البنت صادقة ما قالت شيء غلط.. لا تنهرها عن شيء انت تسوية.. ابو سعود يلعب بـ شعر رند : خلونا نغير الموضوع الأذان مفتحة ردارات ماشاء الله.. ويش عندهم ابراهيم ساكن..؟! ما انبسطت بالحديقة..؟! ابراهيم : لا.. انا رجال مانيب بزر عشان تودوني العاب..!! وليد : كفووو ما تصلح لكـ الا مجالس الرجال.. جود : يا عزتي للي سرقتوا طفولتة منه.. عشان وشو عاد..؟؟ مرجلتكم ..!!! وليد : تلايطي بس انتِ.. ما عاد الا انتِ تحكين بالمرجلة..!! ويش عرفكـ اصلاً..!؟ جود : ما راح انزل مستوى تفكيري لـ مستوى تفكيركـ و اقولكـ ويش عرفني بـ سخفاتكم حرمتوا الطفل من انه يعيش حياته.. خالد : تراكـ داخلة غلط انا اخذتة الحديقة بس هو رفض يلعب.. جود : لأنكـ انت اللي زرعت فيه هالشيء.. هو طفل من حقة يعيش حياته مثل أي طفل ثاني بـ عمرة مو تعاملونة رجال من الحين.. ماهو عايل بيت و لا هو متحمل مسؤولية من صغرة عشان نقول هاذي ظروفة عنده اب و جد و عمام يوقفون وراه لين يكبر و يشتد عودة.. مو يحرمونة حياته..!! ابراهيم : انا ما ابي.. ما احد حرمني من شيء اصلاً ابوي حاول فيني بس انا ماني صغير عشان العب بـ العاب البزارين.. ابو سعود : رجال يا ابوي ما عليكـ من عمتكـ هاذي مخرفة تقط خيط و خيط..!! جود اتسعت عيونها بـ صدمة : لا يكون تقصدني.؟! ابو سعود : و فيه احد ملقوف هنا كثركـ ..!؟ في كل شيء حاشرة نفسكـ ..؟! وليد يطقطق عليها .. بـ ضحكة : كــــاكـ لقطي وجهكـ بس.. من جد ملقوفة..!! ابو سعود : هي اكثر وحده بس انت وراها على طول.. بالمركز الثاني.. جود : هههههههههههههههه تعال لقط وجهكـ معاي.. وليد : جعلكـ سالم يا ابو سعود.. و انتِ هيه الحرمة هي اللي تنظف البيت مو انا لقطي وجهكـ و وجهي معاكـ بس لا تقربعين ملامحي..!! جود : هه هه هه مره ظريف يا شيخ تكفى لا عاد تخفف دمكـ علي اخاف يوقف قلبي من كثر الضحكـ ..!! ابو سعود بـ حدة : و بـــعدين..!!! رند : اصلاً تلهم بس يتهاوسون ماهم ساطرين..!! خالد : بسم الله على الناس الشاطرين.. يا جعلني ما اذوق حزنكـ .. رند بـ براءة : آميـــــن.. ام حاتم : اقول يا ابو سعود.. دامكـ موافق على البنت اللي مختارها حاتم ودي اروح اشوفها.. ابو سعود : ما عندي مانع عشان نكلم عمها و نخطبها.. حاتم : لا اصبر يبه ابي امي تكلمها اول ابي اعرف رايها من غير ما يتدخل عمها بالموضوع.. يكفي مشرفة الدار تدري حتى لو احتاجن نصيحة او شيء تلقى مين يفيدها.. ابو سعود : بس يا ابوي ما يصير نكلم البنت المفروض نطق الباب مو الدريشة..!! حاتم : و احنا بـ نطق الباب امي تكلم المشرفات و تكلمها هي بعد.. و عمها للأخير.. ما ابي احد يجبرها علي.. ابو سعود : اللي يريحكـ .. خلاص تروح امكـ بكره و تشوف البنية.. .. بيت ابو عمر .. غرفة فيصل.. : ماني مشتهي.. ام عمر : ويش اللي ما انت مشتهي.. لفكـ بلى مريتكـ .. ما يصير يا ابوي اللي تسوية.. فيصل : يمه تكفين خليني افكر بـ حياتي.. ام عمر : ويش تفكر فيه..!؟ ليش انت ناوي تطلقها..؟! اتعدل فيصل بـ قوة : لا .. لو تحب السماء ما طلقتها.. ما صبرت عليها كل هالسنين عشان اطلقها الحين.. ام عمر : طيب ليش ما تروح تراضيها.. البنية صار لها فوق الشهر عند اهلها.. لا يغركـ سكوت عمكـ عنكـ لا تظن ان حال بنتة عاجبة..!! فيصل : يعني انا اللي عاجبني هالحالة اللي عايشها.. اول عيد المفروض تكون معاي هاذي طقت و راحت بيت ابوها..!! ام عمر : استغفر الله العظيم.. يا ابوي انتم صرتوا بس تهاوشون.. هي هاللي تسوية بـ نفسها مأثر عليها و الحمدلله الحين متحسنة شوي.. لازم توقف معاها هاذي مريتكـ حتى لو اهلها معاها وقفتكـ انت معاها غير.. فيصل : دقيت عليها اكثر من مره ما ترد علي.. تسفهني .. ام عمر : روح لها.. حتى عيد ما عيدت عليها.. ما يصير انا اعلمكـ ويش تسوي عشان ترضي مرتكـ .. فيصل : اروح و اردها و ترجع لي مثل قبل تهمل اكلها لين تصير جلد على عظم.. خليها لين تسترد عافيتها.. ام عمر : ابوكـ ماهو مرضية اللي تسوية.. جدكـ مكلمة اول امس.. لا انت مرتاح و لا هي مرتاحة.. فيصل : يمه الله يرضى عليكـ فهميهم ما ابي احد يتدخل بـ حياتي.. انا حر فيها.. ام عمر : حياتكـ تشارككـ فيها مره لها اهل سند لها.. ماهي لكـ لحالكـ .. فيصل : اللي يسمعكـ يمه يقول اني ارخصتها..!! انا اللي طاردها من البيت..!! ام عمر : يا ابوي انت ما حاولت حتى انكـ توريهم بإنكـ شاري الحياة معاها.. ما نشدت عنها.. انت حتى بيت جدكـ ما تروح عشان ما ينشدونكـ عن الموضوع.. و لا تقابل عيال عمكـ .. يا ابوي بـ سواتكـ هاذي انت تقولهم انكـ المخطي.. فيصل : استغفر الله العظيم.. انتِ تدرين ليش انا تهاوشت معاها.. لو ما تهمني و الله ما التفت لها خليتها تموت بالبطيء و افتكيت منها.. انا تهاوشت معاها من خوفي عليها.. بس هي مخها تنكـ تنكـ خليها تحس بـ غلطها لا شافت اني ساحب عليها.. اصلاً بـ اسافر لي كم يوم اغير جو.. ام عمر : يا ابوي لا تزيد الطين بله.. البنت الشيطان موسوس في راسها بـ تتركها و تسافر و الله ان يزر عقلها و الا انت تشكـ انها تبيكـ ..!؟ فيصل : ما اشكـ .. بس ابيها تأدب يمه.. خليها تحس بالغلط اللي هي مسويتة.. ابيها تفكر انها هي اللي دخلت الفكرة بـ راسي.. ام عمر : انا حذرتكـ يا فصيل لا ابوكـ بـ يرضى و لا عمر و لا جدكـ وعمكـ .. الا ترخص في بنت عمكـ .. فيصل : ما ارخصتها يمه.. ابيها تحس بـ الحياة صح.. ام عمر وقفت : على هواكـ .. طلعت من غرفتة و سكرت الباب وراها.. : لا حول و لا قوة الا بالله.. : الغالية ويش عندها متضايقة.. التفتت له و ابتسمت : هلا ابوي.. باس راسها : هلا فيكـ ما قلتِ لي ويش مكدر خاطركـ ..؟! ام عمر : و مين غير اخوكـ الله يهدية.. حالته قشرا.. عمر جلس : ما عليكـ منه عقلة بـ راسة و يعرف خلاصة.. ام عمر : وصلت زوجتكـ ما كنها متوخرة..!؟ عمر : ويش اسوي راحت علي نومة.. ام عمر : فقعت قلبها من كثر ما تصحيكـ .. عمر ابتسم : ويش اسوي ما احد قالها تتفق مع البنات يسهرون.. لي كم يوم ما نمت عدل.. و حطيت راسي و ما حسيت.. ام عمر : ايه ارفع ضغطها وهي حامل.. عمر : عاد هاذي متعتي ههههههههههههه .. بس ماهي لحالها متأخرة لما طلعت الا عساف توه داخل.. ام عمر : حتى وعد معاهم.. هم بـ بيت مين مجتمعين..؟! عمر : في بيت ام ريان.. ليش ..!؟ ام عمر : ما هقيتها من عساف يخلي وعد تروح هناكـ ..!؟ بيتها ملحق في بيت عامر.. عمر : قصدكـ عشان عماد.. يمه كل شيء انتهى.. و عساف ما راح يحرم وعد من امها و جدتها و خالها و بناتة و اخوانها عشان عماد اللي كانت زواجة وعد منه غلطة.. .. بيت مريم.. ريما تقز وعد : الخدود موووردة كنكـ حاطة بلاشر.. وعد : قل اعوذ برب الفلق.. اذكري الله.. ريما : لا اله الا الله.. بس علميني ويش السر هاه يمكن استفيد منه بالمستقبل.. عهود : ويش ذا الشفاحة اللي فيكـ كل ذا حب في مشيعل.!! ريما انحرجت : كلي تراب.. مريم : ما بغينا نشوف ذا الخدود تحمر دايم اللسان ويش طولة.. ريما : ترى بـ ادق على بابا و بـ اطق منكـم.. و الله كذا تسفلون في بنتة.. رنيم : من حلاة هالبنت عاد.. اقول اختكـ بس هاذي الخبلة راحت تكلم زوجها انها تقعد و للحين ما رجعت.. كل ذا مكالمة فقرت الرجال.. شوق : مالكـ دخل يا قليلة الأدب.. رنيم : شكراً.. انا غبية اللي اقنعتكـ تسهرين و الا انتِ مو وجه سهرات انتِ تسع باليل شاربة طاسة اللبن و منخمدة... لينا : اوووف انتِ تعرفين ويش معنى طاسة و منخمدة..!؟ رنيم رفعت حاجبها الأيمن : احد قالكـ اني جاية من المريخ..!؟ ريما : ما عليكـ منهم وافق سعيدان والا ما وافق..؟! شوق : يب .. رغم اني خربت على نفسي مشوار عيّا لا يعلمني وش هو..؟! رنيم : اوبس يعني مفاجاءت متزوجين و حركات.. (ضربت ريما على فخذها) تعلمي فتحي اذانكـ و عيونكـ ستة على ستة.. مو تطلعين مخدية..(تأشر على وعد) هاذي وجهها منور (تأشر على شوق) و هاذي لاعبة بـ عقل الرجال مسوي لها مفاجأت!! ريما تمسح مكان الضربة : مالت عليكـ يا قليلة الأدب.. مو عشانكـ كنتِ برا تجين هنا تفسخين الحيا حلاة البنت بـ حياها.. قاطعهم بـ ضحكة وهو ينزل اكياس الحلى و الفطاير على الأرض : الحمدلله اللي الله طول بـ عمري و سمعت هالحكي من ريما..!! ريما وقفت : يجي منكـ اكثر.. احتضنها و همس بإذنها : الله يعافي مشعل اللي مغيركـ تغيير ايجابي.. لينا فتحت يده : ترى هي بـ وجهكـ اربعة و عشرين ساعة حاضنها حتى هنا..!! باس غازي راسها.. : غيره الله يكفينا شرها.. تركـ بناتة الثنتين حتى يسلم على الباقين.. مريم : ويش جايب معاكـ مكلف على عمركـ .. غازي جلس : لا كلافة و لا شيء ما فيه شيء من قدركم.. متى بدت سهرتكم طافني شيء واجد..!؟ رؤى : تونا قايلين بسم الله.. رنيم : طبعاً مو بعض الناس نايمين في العسل غير احنا صحيناها..!! وعد : ويش اسوي لكـ ما نمت الا المغرب..!! رنيم : المفروض ما تنامين تجهزين و تجين ويش عاد باقي..!! وعد : عاد نومي تلخبط مو بـ يدي.. رنيم : طبعاً مو بـ يدكـ البركة بـ عسييف..!! غازي يناظر وعد مبتسم : عاد صراحة ما توقعتكـ تجين ابد.. حتى عساف ما ينشاف..!! انحرجت وعد.. رنيم : شوفي انتِ انشديها ويش مسوية و ساحرة الرجال عشان تطبقين بـ أخوها على طول.!.!! ريما تناظر ابوها : شوفها تخربني..!!! رنيم فتحت عيونها : يا حمارة ابي مصلحتكـ ..!! غازي : لا تسمعين كلامها خليها تحكي و ان كان فيها خير تطبقه لا تزوجت.. رنيم : خلاص جيب لي عريس و شوف اذا مو قبل يوم عرسي خليتها يدور بـ الشوارع و يشهق بإسمي..!! غازي : سوري ماني عايف معارفي و البشرية عشان ادور لكـ على عريس..!! رنيم : شفتي مامي اخوكـ صف مع بنتة و تركني..!! طبعاً عشاني ماني انهار..!! انهار : هذا و انا ساكتة و لا قلت حرف عشان ما تحارشيني..!! ما تعرفين تبلعين لسانكـ اللي كنه راديو..!! غازي : وين نهى..؟! مريم : نايمة..!! غازي تنهد : نايمة و الا تنيوم..؟! مريم : ويش اسوي فيها عجزت معها كل ما فتحت معاها الموضوع سكرتة.. ما تقولي انا ما جيت من بيت ابوي الا عشان ارتاح عندكـ و انتِ بـ تضايقيني..!؟ تخليني اسكت..!! غازي : لا تسكتين عنها بـ تهدم بيتها.. لا تضغطين عليها ايه بس مو تسكتين عنها.. هنادي : عمي ما يصير احد يتدخل بينهم و يضغط عليها.. و خصوصاً ان نهى صحتها للحين ماهي قوية على قدها و نفسيتها لازم تتحسن عشان نساعدها بـ تجاوز وهمها مو نزيدها..؟! غازي : احنا للحين ما تدخلنا دام ابوها فيه هو مسؤول عنها بس ما يصير تقول انها جاية منحاشة من هناكـ عشان ما احد يكلمها.. وشو بـ تعلق حياتها..؟! مريم : لا.. تبي الطلاق..!! وعد انصدمت : نعم..!! غازي : هاذي صاحية..!؟ في راسها مخ..؟! رنيم تهمس لـ ريما : جايين نسهر عشان ننبسط و الا عشان نتكدر..؟! ريما : احمدي ربكـ ما فيه الا مشكلة نهى و الا كان مروا عليهم بالدور و قلبوها سهرة افتح قلبكـ ..!! وعد : مستحيل نهى تطلب الطلاق من فيصل..؟! مريم : تهاوشت معاها و راحت بيت ابوها و لا جاتني غير امس ما تبي احد يكلمها ما ودي اتهاوش معاها من جديد و تركب راسها.. غازي : و فيصل ويش رايه..!؟ مريم : ما ادري ..!! بس هو بعد ما نشد عنها.. غازي : بنتكـ طالعة من البيت من غير موافقتة المفروض ترجع له مثل ما طلعت مو تنتظره يبوس اياديها..!! مريم : غازي الله يهداكـ مافيها شيء لو جاء و حاول يكلمها و بين انه شاريها.. البنت من قدامكم شيء و من وراكم شيء لا يغركـ انها تجلس معاكم و تسولف.. غازي : من خوفي عليها يا مريم.. لا تندب حظها.. لو انكـ موافقة على ابراهيم ما سوت هالسواة كل مره تروح لـ بيت عشان ترتاح..!! رنيم : هالموضوع انتهى يا خالي.. ماما ما تطلقت من بابا عشان ترجع لـ زوجها الأول..!! غازي : انتهى بس له عواقب يا رنيم.. شفتي اللي تسويه نهى الحين هروب من مشكلتها ما تبي تواجهها و اتخذت اول حل قدامها خدمها وهو طلاق امها و ابوها.. الطلاق ماهو شيء سهل خصوصاً لا كان في البيت اطفال.. ممكن ما يخرب ايه لكن الا ما يأثر بـ أي طريقة كانت.. رنيم : يعني وشو اللي تنظلم ما تطلق..؟! غازي : ما قلت كذا.. الطلاق ابغض الحلال و الظلم حرام.. ما احد يصبر على الظلم.. بس فيصل يبي نهى خاطبها من المتوسط وهي له.. هي من بِد بنات عيلتهم اختارها.. و رفضت تروح معاه بعثتة زوجة لما تخرجت هي من الثانوي وراء ذلكـ صبر سبع سنين حتى يرجع لها بـ شهادة و الحين تتركـ بيتها و حتى سنة ما تموا في بيتهم..!؟ هذا تشوفينة ظلم..!؟ وعد : ما تدري عن اسرار البيوت يا خالي.. يمكن فيصل مطلع عين نهى او نهى مطلعة عينة و بعد كل هالسنين ما ارتاحوا لـ بعض و ما قدروا يكونون تحت سقف واحد.. غازي : كان ما سكتت و لا هو سكت.. اللي معاه حق كان حكى.. لكن هي تجي هنا و هو ما ينشاف.. وعد : خالي بليز.. ما يصير تضغطون عليها.. هالشيء مو هين عليها حتى هي.. غازي : و رايكـ يا وعد عادي تتطلق..؟! وعد : طبعاً لا.. لكن هذا مو اسلوب بابا و اخواني من جهة و جداني ثم هنا ماما و انت تضغطون عليها كلكم مردها تنفجر..!! غازي : انا ما قد كلمتها بالموضوع يا وعد ولا مره عشان تقولين اني اضغط عليها.. لكن دامها ناوية الطلاق اكيد ما راح اسكت.. وعد : خالي بليـــز خل هالمهمة لـ بابا و اخواني.. خل يكون عندها شخص ثاني تلجأ له لا ضاقت فيها الدنيا.. بكره تطيح بـ مشكلة بـ تعرف ان الكل بـ يوقف ضدها.. ترى نهى ماهي بزر و ممكن تركب راسها عناد و تهدم حياتها عناد بالكل..!! غازي : هذا دليل انها بزر.. من واجبنا اننا ننصحها و نوعيها اقل شيء.. وعد : قلتها ننصحها و نوعيها مو نضغط عليها و نخليها تسوي اللي احنا نبيه حتى لو على حساب نفسها.. مريم : انا بـ اطلع اشوفها اذا ما نامت بـ أقنعها تنزل تعشى معانا.. غازي : لزمي عليها مريم لا يصير قلبكـ رهيف.!! ابتسمت مريم و مشت.. وعد رفعت حواجبها : كأنكـ تعبي راسها علينا..؟! غازي ابتسم : حشى انا اعبي راسها..!؟ تراكـ ظلمتيني..!! وعد : شوف عيني مو حكي الناس.. ريما : احم احم.. ترى عنده ثلاث بنات هنيا ممكن ينسفونكـ عن وجه الدنيا بـ لحظة.. وعد بـضحكة : صراحة ما كان ودي يعني اقولكـ هالشيء بس انتِ اللي حديتيني سمعت ان مشعل بـ يحدد العرس قريب..!! ريما فتحت فمها اتسعت عيونها و هي تناظر وعد مصدومة.. و وعد تضحكـ عليها..!! رنيم ضربتها على راسها : سكري فمكـ اللي كنه بلاعة.. خلاص قولي لأخوكـ ما عندنا مانع اذا يبيها بكره يأخذها بـ خلاقينها.. فشلتنا.. ريما وقفت : بابا شوفهم..!! غازي : يعني لو مشعل بـ يحدد موعد بـ يخلي وعد تقولكـ ..!؟ و الا بـ يقولي انا..!؟ ناظرت ريما وعد .. غازي : ايش فيكـ يضحكن عليكـ كنكـ مخفة مو هذا خبري فيكـ ..!! ريما : قولهم ما يجيبون طاري هالموضوع.. خلاص عاد ماني اول وحده تنخطب..!! هنادي : ايش فيكـ زعلتِ يمزحون معاكـ .. عهود : الله و اكبر نسينا ما كلينا ريوم..؟! ريما : اللي فات فات.. و الحكي بالماضي نقصان بالعقل.!! انهار : الحين صار نقصان بالعقل..!! و الا من قبل تطقطقين على الكل ما احد سلم من لسانكـ ..!! جلست جنب ابوها و حضنت عضده خبت راسها وراه و تمتم : الله يقطع ابليسكـ يا مشعل خليتهم يفشلوني..!! في غرفة نهى.. مريم : يعني..!؟ نهى : من شوي اكلت كل شوي بـ تخليني ابلع بـ انفقع و ما عاد اطلع من الباب..!! مريم تنهدت : طيب لا تأكلين بس انزلي اجلسي معانا.. نهى : ماما بليز انا ما ابي اشوف احد.. تكفين خليني على راحتي..!! مريم : ويش هي راحتكـ يا نهى...!؟ تطلقين من فيصل..؟! تهقين شيء سهل انكـ تطلقين..!؟ نهى : لا مو سهل ادري.. بس عاجبكـ اني معلقة ما كلف على نفسة يراضيني..!! مريم : لا تبخسينة.. الرجال اتصل عليكـ كم مره و انتِ ما تردين عليه..!؟ نهى : ليه مشكلتنا تنحل بإتصال..!؟ مريم : انتِ ما فتحتِ له المجال لا تحكمين عليه و انتِ ما عطيتية الفرصة يا نهى..!! نهى حطت يديها على راسها تضغطة بـ أصابعها : تكفين لا تحاكيني فيه.. خليني بـ راحتي.. جلست جنبها مريم و يدها على كتف نهى : ايش فيكـ ..؟! شكلكـ مو طبيعي..؟! نهى : ما فيني شيء.. روحي عندهم ما ابي احد يجي..!! مريم : وعد تحت ما تبين تكلمينها.؟! نهى : لا ما ابي تضايق نفسها خليها لاهية بـ حياتها.. مريم : طيب علميني ايش فيكـ ..!؟ اذا ما تبين تقولين لي و لا لـ وعد و لا ابوكـ لـ مين بـ تحكين..!؟ نهى : ماما انا مو بزر لازم تحكي لأهلها كل شيء .. انا صرت انسانة مسؤولة عن نفسها.. مريم : و انا ما قلت لكـ لا يا نهى.. بس علميني انا ماني مرتاحة عشانكـ .. نهى : ارتاحي .. ما راح يصير شيء اقصاها طلاق مو موت..!! دخلت وعد : السلام عليكم.. : وعليكم السلام.. وعد : كيفكـ ..؟! نهى : عايشة..!! مريم : ويش هالحكي تبي تذبحيني انتِ..؟! نهى : ............... وعد : عساف تحت.. بس كنت بـ اتطمن عليكـ.. مريم : تو الناس يا ماما..!؟ وعد : عساف بالقوة وافق.. قالي اذا ما لقيت احد اتونس معاه ما راح اخليكـ تسهرين.. مريم : الله من العيارة اللي فيه..!! ما لقى احد و الا ما يبيكـ تبعدين..!! ابتسمت وعد : مامي..!! مريم : الله يهني سعيد بـ سعيدة.. وعد : امين.. ان زين بـ اجلس مع نهاوي دقيقتين لحالنا..!! مريم رفعت حواجبها : ليش فيه شيء مخبينه عني..!؟ وعد : لا.. بس حابة اجلس معاها لحالي.. مريم ناظرت نهى و وقفت : لو دريت ان عندكـ حكي كان يماني بـ اقص لسانكـ .. وعد : لا تخافين ما عندي شيء.. طلعت مريم و سكرت الباب وراها.. وعد كتفت يديها : الى متى..؟! نهى..!!!! وعد : ما طلعتِ من البيت بسبة شكوكـِ اللي لعبت بـ راسكـ و ما تخليكـ تفكرين الا ان فيصل عنده مره ثانية بـ حياته..!! انتِ من قبل لا تعرسين و انتِ تحكين بـ ذا الموضوع و كأنكـ قاطعة الشكـ باليقين بـ زواج فيصل..!! ايش الشيء اللي يخليكـ تصدقين انه مو متزوج..!؟ نهى : تبين تحمليني الغلط مثلهم..!؟ وعد : ليش انتِ شايفة نفسكـ ما غلطتِ..؟! نهى : كل الرجال طينة وحده.. شوفي ابوي تزوج بدل الوحده خمس.. و طلق ثنتين.. شوفي خوالي الإثنين عامر عنده اربع و غازي عنده ثنتين شوفي جدي مأخذ ثنتين وحده ما اعترف فيها الا بعد سنين عياله صاروا طولة.. شوفي خالد طق له مره برا كان يدري انها مسألة وقت و يفترقون و خبى عياله علينا سنين و الحين عادي يطق له مره جديدة.. شوفي عساف.. قبلكـ خطب ندى يعني عادي عنده استعداد يضحي بـ قلبه.!! كلهم طينة وحده ما يختلفون عن بعضهم..!! وعد : ليش ما شفتي باقي الرجال.. عمي عبدالرحمن و عمي سعد و عمي بندر..!! ليش ما شفتي سعود و ياسر .. و على قولتكـ عساف خطب ندى و على استعداد يضحي مو بقلبة يا نهى بـ راحتة.. يتزوج بس عشان يرضي اهله مو عشان هو يستقر و يرتاح..!! عساف يحبني و هالشيء اشوفة بـ عيونة قبل لا يحكي لسانة.. احس بـ قلبه و روحة.. صح صار لي ثلاث ايام معاه.. بس احس كأني من سنين زوجتة.. عموماً مو حياتي مع عساف هي نقاشنا... فيصل يا نهى يحبكـ لا تضيعينة من يديكـ .. نهى قد قلت لكـ من قبل لو بـ حياته مره كان اعترف فيها اول ما رجع كان حل وثاقة منكـ ما ربطة.. نهى فتحي مخكـ انتِ تغارين عليه مواقف بسيطة منه تأثر فيكـ .. النظرة اللي ما عطاكـ اياها اول ما رجع من لهفتكـ عليه صرتي تحسين انه ما عرفكـ تغيرتي عليه و هالشيء خلاكـ تغوصين في الدايت لين تصيرين جلد على عظم.. و للحين تشوفين نفسكـ سمينة.. تحسبيني مصدقة انكـ تأكلين طبيعي..؟! ادري انكـ عايشة على المكملات الغذائية و الأكل بس تدارين عنهم و ما احد يشوفكـ ترجعين اللي تأكلينة.. انا ما اعرف كيف يطوف على ماما هالشيء او بالأصح بابا ان قلت ماما ما صار لها سنين تعرفكـ لكن بابا مو جاهل فيكـ .. نهى : ما يخصكـ وعد روحي بيتكـ و لا تدخلين فيني..!! وعد : ايش بـ توصلين له نهى..!؟ تنحفين..!؟ انا ابصم انكـ انحف مني.. نهى اللي فيكـ علة نفسية لازم تساعدين نفسكـ عشان تتجاوزينها.. نهى : هوووه علينا.. مين مسلطكـ علي مين اللي قايلكـ تجين تحاكيني..!؟ وعد : ما احد.. مستغربة من ضعفكـ ..؟!! عمركـ ما كنتِ كذا..!! فيصل ما غلط بـ حقكـ انتِ اللي غلطتي بـ حق نفسكـ و حملتية هو الغلط.. نهى حبيبتي الإنسان يشري الشخص اللي يحبة و فيصل كلنا ندري انه يحبكـ .. انتِ في بالكـ ما عرفكـ عشان انكـ سمنتي عن قبل كم كيلو رحتي اهتميتي بالدايت او بالأصح اتبعتية غلط لين انعدمت بشرتكـ و صحتكـ تدرين ان هالشيء ممكن يعطب لكـ اعضاء جسمكـ الكبد القلب و غيره و غيره لأنكـ ما تعطين جسمكـ حقة و كفايتة.. اللي تسوينه انتحار.. لكنكـ تشوفينه بـ منظور ازين انكـ تبين تكونين رشيقة.. ترضين انكـ تنتحرين..!؟ نهى : اطلعي برا.. وعد : نعم..!! نهى رفعت عيونها : اطلعي برا.. و كلام بـ هالموضوع لا تكلميني..!! وعد : ليش عشان وضحت لكـ ويش منه تعانين اساساً.. فتحي مخكـ قبل لا تضيعين فيصل من يدكـ و تندبين حظكـ كل عمركـ .. فتحي مخكـ قبل لا تخسرين صحتكـ و شبابكـ.. كل يوم تضيعينة من حياتكـ انتِ مسؤولة عنه.. انتِ اللي جالسة تحولين عافيتكـ لـ مرض.. نهى صرخت : اطلعي يا وعد ما ابي اشوف شكلكـ .. .. يوم العرس .. نايف و اسيل.. ماجد و سها.. راكان و لمى.. اثير رافعة يدينها : يالله شهيق.... زفير... شهيـق... زفيـــر..!! اسيل : جالسة تطبقين دروس الطب علي انقطع نفسي بـسبتكـ خليني اتنفس على كيفي..!! أثير : الحق علي ابي اهديكـ الحين يدخل نايف.. أسيل : و اذا دخل بالطقاق خابرتة من هو بزر..!! وعد : الله و اكبر لا تطيح علينا السماء و الله هو اللي خابركـ من انتِ بزر..!! أسيل : تعالي صدق اختكـ النحيسة ما جات..!؟ وعد ترمش بـ عيونها : لا.. أسيل : وشولة تسبلين بـ عيونكـ كنكـ اشارة.. و ليش ان شاء الله ما جات..!؟ وعد : تعبانة.. بابا دق عليها و هاوشها و لزم عليها تجي عاد ما ادري تكمل سحبتها و الا تجي.. أسيل : يا حسافة اني حضرت عرسها لو تعيدة ما حضرت حمارة..!!! أثير : عصبيتكـ تخرب مكياجكـ خليكـ راكدة لا تفجعين نايف..!! أسيل : على اساس نويف ماهو خابرني .. ابد حافظني ما يحتاج.. تصدقون ودي اسوي له مسح ذاكرة ما اخليه يذكر شيء سويتة من قبل متفشلـــة من نفسي..!! وعد و اثير : هههههههههههههههه .. وعد : ما احد قالكـ تصيرين بزر.. أسيل : لا صدق بنات انا اعرفة نذل و الله غير يذلني بـ كل شيء سويتة ويش اقوله..!؟ اثير : عادي قولي له لو سمحت هالموضوع يضايقني احكي فيه..!! رفعت حواجبها اسيل : نعم..!! انا تبيني اقوله لو سمحت .!.! عشان ما يبقى تريقة ما يقولها علي..!! من جدكـ انا اصير مؤدبة كذا..!؟ اخاف يشكـ اني اسيل..!؟ اثير : هيه انتِ تراكـ صرتِ مره حركات البزارين اللي سويتيها من سنين انسيها.. نايف ماهو مشاري و لا راكان و لا مساعد.. فتحي مخكـ زوجكـ غير عن اهلكـ .. مو تخلينه يحس ان عقلكـ صغير ما راح يثق فيكـ بـ أي شيء بعدها.. خلي عقلكـ كبير و كلامكـ مدوزن..!! أسيل : اللي تقولينه صعب.. اخاف يحسب اني امثل عليه..!! وعد : انا غاسلة يدي منكـ الشيء اللي بـ ينقذكـ يكون نايف نفس طينتكـ و الا عز الله اصبحتي بـ بيت مساعد و احنا نولول عليكـ بابا وعمي ذابحينكـ ما فيها حكي..!! أسيل : الحين هذا حكي تقولينه لـ وحده لابسة فستان عرسها.؟! انتِ ويش عاجب عساف فيكـ ..؟! من زينكـ عاد مع ذا الأحمر اللي لابستة..!! ترمش وعد : و الله من الغيرة اللي فيكـ بسم الله علي.. .. غرفة سها.. ابو سعود : هالله هالله بـ ماجد.. لا تخلين الماضي يعكر عليكـ حياتكـ .. سعود بـ نبرة تحذيرية لـ سها : سها بـ تفتح مخها يبه ما راح تسوي شيء يوطي رووسنا بالتراب..!! ما كانت تناظر احد فيهم العبرة واقفة بـ حلقها ماهي قادرة تبلعها و تجاملهم.. يباركون لها بـ حياة جديدة بالنسبة لها ممات.. تحاول تقنع نفسها.. انها لازم تبدأ من جديد و تفتح قلبها.. حاولت ما تبكي اليوم كله و ما تقلب فرحها لـ ترح .. حتى اخوانها مو كلهم دخلوا مشعل معذور لكن ياسر و خالد..!! ابو سعود : الحب ماهو كل شيء بالحياة.. الإحترام اهم.. بالوقت اللي يضيمكـ فيه ولد عمكـ تعالي لي شكاية و انا انصفكـ منه.. لكن لا تخلينه يجيني شكاي.!! لا تقصين وجهي يا سها.. لا تخلين الكلمة توقف في حلقي ما اقدر على نطقها.. أحمد : يبه لا تزيدها .. سها تعرف مصلحة نفسها .. الحب ماهو مهم عشان تقوم حياتهم.. اهم شيء تحترمة و تقوم بـ واجبة و ماجد ما راح يقصر بـ حقها.. سعود : كل شيء تسوينة تذكري انه بـ ينولنا نتاجة.. ان سويتي الفعايل الزينة و الا الشينة.. حاتم : اعتقد يكفي لا تضغطون عليها زيادة.. هي في موقف يوتر خلقة.. ما يحتاج انتم تزيدون عليها.. كلمتوها بما فيه الكفاية..!! وليد : ياليتة ينفع..!! جلست سها بعد ما كانت واقفة تسمع لـ نصايحهم و تنبيهاتهم..!! : ان شاء الله.. .. عبير : انتِ لموش اللي شالعة قلب عمنا الصغينون..!!! لمى انحرجت..!! ميار : انتِ ما تعرفين تبلعين لسانكـ قولي و اخيراً تعرفنا عليكـ لازم تحرجينها من اول مره تقابلينها..!! عبير : ياختي كنت متحمسة اشوفها قلت لأبوي بنروح لهم نسير عليها نتعرف على مرة عمنا و طبعاً عساف رفض يقول وشوله تدخلون بيوت الناس..!! ميار : ياربي من اخوكـ المعقد هذا.. الله يعين اختي عليه..!! عبير : خليها مبسوطة فيه ازين شيء سواه تزوج و طلع من البيت خليه يقرد اختكـ يكفي انا متحملتة 18 سنة جاء دور اختكـ .. جود : الا بسم الله على اختي من اخوكـ اللي اخذها و لا مره شفناها.. عبير : عاد كنّا احنا اللي شفناه.. حتى اختكم اخذت اخوي الله يكثر خيرها عساها تحافظ عليه.. عشان ما يوطوط عندنا ابلشني ..!! سهاد : انتن ما تستحن على وجيهكن بقن تنشرن الغسيل قدام البنت..!! جود : ازين عشان تعرف على عيلتنا قبل لا تدخلها.. الله يعينكـ عاد علينا بـ نبلط عندكم لين نتعرف عليكـ .. سهاد : و ليش ما بلطتوا عند هنادي لما تزوج عمي بندر..!؟ جود : لا هنادي نعرفها من قبل.. هاذي وجه جديد..!! ندى بـ حدة : ما اسمها هاذي اسمها عمتي لمى..!! حطت جود يديها على راسها : يا كبرها .. يا كبرها عمتي..!! ويش دعوة ركون ما اقولة عم بـ اقول لـ زوجتة..!! ندى : عشانكـ قليلة ادب.. لو انكـ محترمة ما قليتي ادبكـ ..!! جود : انتِ غازي ما اثر عليكـ ليش..!؟ الى متى هالمثالية..!! ندى : ما راح ارد عليكـ ..!! سماح اخت لمى : الحين انتم خوات كلكم..!؟ جود : لا .. سهاد و عبير بنات عمي.. ما عليكم اختكم لا تعرفت علينا و فككتنا من بعضنا تعلمكم .. سماح : ماشاء الله عليكم.. احنا ما كنا نعرف الا اثير و اسيل.. : هــــاي..!! الله يا بختكـ يا خالو كل هالجمال زوجتكـ ..!! عبير تناظر جود بـ طرف عين.. و بادلتها نظرة الإستهزاء على مها اللي اقتحمت الغرفة.. مها : مبروكـ يا عمري.. لمى : الله يباركـ فيكـ .. مها : وي تجنين ماشاء الله ودي اكلكـ ..!! جود كتفت يدينها : يديني تحكني ودي افردها هنا.. ندى : و الله لو تقلين ادبكـ و تكملين اللي سويتية بـ زواج دانه و تفضحينا هنا بعد لا افتن عليكـ عند ابوي و اخليه يطلع الخمير و الفطير عليكـ ..!! جود : و مين قالكـ لو بـ اسوي شيء بـ اسوية قدامكـ انتِ اعترفتي انكـ فتانة ما يحتاج تعلميني..!! سهاد : اذكروا الله يا بنات الحين البنت تسمعنا و تنفجع .. مها : ماشاء الله كلكم قطعة وحده تشبهون بعض..!! ريماس : لا عاد مو لـ هالدرجة.. بالعكس احس اننا ما نتشابة.. مها : و الله ما اعرفكم من بعض الا عروستنا تبعاً سبيشل..!! ميار : انا بـ اروح ارقص.. مها : وين توني ما جلست معاكم عاد واحشيني مرا.. جود : تبينا نبلط عند الأدمية عيب الحين يدخلون ابوها و اخوانها.. مها : اوكِ نروح عند سهاوي.. ميار : عندها بابا و اخواني..!! عبير : بنروح نشوف الناس ما سلمنا عليهم عيب..!! طلعن البنات وراء بعض الا مها وسط استغراب الإسلوب من لمى و خواتها..!! .. في الصالة.. ام سعود : وينكـ يا ميار عجزت ادور عليكـ .. ميار : كنت عند لمى ليش يمه بغيتي شيء..!! ام سعود : ايه يمه بغيتكـ تسلمين على ام صالح..!! ميار بإستنكار : وشوو اللي اسلم عليها يمه.. كأنكـ تعرضيني..!! ام سعود : يا امي عشاني طلبتكـ تسلمين عليها.. المره اعرفها من سنين و نشدتني عنكـ ..!! ميار : آسفة مامي ماني مسلمة على احد.. لو تبي تعرفني تشوفني من بعيد لـ بعيد.. و ياليت تشيلين فكرة انكـ تعرضيني على كل من هب و دب يمكن احد ينصكـ بـ راسة و يتزوجني.. انا من بعد تركي الله يرحمة شلت الفكرة من راسي نهائياً.. مشت ميار من غير لا تعطي امها فرصة انها ترد عليها.. تنهدت ام سعود.. ندى : ما عليه يا خالة لا تضيقين خلقكـ ان كتب لها ربي نصيب بـ تأخذة.. ام سعود : ما بغيت الا مصلحتها.. خايفة عليها تونس بالوحدة لا تزوجت جود.. جود تناظر الطاولة الأخيرة : هاذي ماهي نهى..!! ندى التفتت : الا هي..!! جود تقدمت لـ الطاولة : خير ان شاء الله ناوية تفضحينا انتِ..؟! نهى : افضحكم بـ شنو.؟! جود : ما كنه زواج اختكـ جالسة اخر طاولة..!!! رنيم : ابشركـ كانت جالسة لحالها كنها جنية غير احنا جينا جلسنا معاها..!!! جود : يقطع ابليسكـ طحتي من عيني كل ذا عشان فصيل يا عل ما فصيل و لا طيب فال..!! نهى : لا تدعين عليه..!! ناظرن بعض خواتها.. رنيم : الله اكبر زعلانة منه و ما تبين احد يتكلم عليه..!! على اساس غلطان بـ حقكـ ..!! نهى : بـ حقي مو حقكم.. ما يخصكم.. و ما ابي احد يحاكيني..!! دانه : السلام عليكم.. نهاوي بابا عند سها و يبيكـ ..!! قامت نهى.. جود جلست جنب رنيم : انتم ويش توكلونها..!؟ رنيم : ليش..؟! جود : ياختي ما عرفت الأدمية نهى ما تبي احد يسب بـ فصيل..!! ايش دعوة العادة قالب ثلج لو امسح بـ خشتة البلاط..!! دانه : يا بنت الحلال ريحي ملايكتكـ اربع و عشرين ساعة لوك لوك .. اركدي.. استغفري ربكـ بقي تحشين بـ عمركـ ..!! جود : لو سمحت تقلعي هناكـ صفي مع حماتكـ المايعة.. دانه : استغفر الله بس.. غرفة سها.. وعد : قلت لكـ بابا البارح كلمتها و طردتني برا..!! ابو سعود : شلون يعني..!؟ تبينا نسكت عنها..!؟ ما قلتِ لي اصبر عليها شوي خلها تروق من حالها و تفكر بـ حياتها.. هذا انا سمعت كلامكـ ..!! وعد : يعني لو كلمتها وهي توها زعلانة بـ تسمعكـ ..!! ابو سعود : ابيها ترجع البيت.. وعد : طيب بابا انا ويش دخلني..!! بس تحطوني بالنص..!! قلت لي كلميها و ماما كلمتني و ما قصرت.. حتى انها سفلت فيني..!! ابو سعود : انا ما ناديتكـ عشان نهى خلينا منها الحين يبي لها جلسة هالبنت.. ناديتكـ عشان سها..!! هزت وعد اكتافها : شنو.!؟ ابو سعود : انتِ الكبيرة يا وعد كبري عقلكـ ..!! وعد : انا الكبيرة بس هي اللي غلطت علي.. ابو سعود : طيب عشاني..!! وعد : ليش ما كلمتها يوم عرسي ..!! ليش ما قلت لها تراضيني وقتها كان انسب من هالوقت و هالمكان على الأقل كنا في بيتنا.!؟ ابو سعود : راح عن بالي يومها و من اعرستي ما شفناكـ .. مالي خاطر عندكـ ..!؟ وعد : اذا انت مالكـ خاطر مين له خاطر.. بس تراها ماهي من قلبي.. بـ يكون تأدية واجب عشانكـ مو اكثر..!! ابو سعود : اجل لا تراضينها ما ابيها من وراء خاطركـ .. : السلام عليكم.. اقتربت من ابوها حتى تبوس راسة و بعدها سلمت على وعد.. ابو سعود : كيف حالكـ ..!؟ نهى : طيبة طاب حالكـ .. ابو سعود : على بلاطة يا نهى بدون اخذ و عطا ابيكـ ترجعين البيت مع خواتكـ .. نهى : بس انا مرتاحة عند امي.. ابو سعود : ليش ما انتِ مرتاحة عندي..؟! نهى تناظر وعد : انتِ قايلة له شيء..!؟ وعد : لا طبعاً..!! ابو سعود : ناظريني هنا.. قلتِ لي بـ اروح يومين عند امي قلت لكـ ما يخالف.. لأني شايف انكـ متضايقة بغيتكـ تفضفضين لها كود تشور عليكـ بـ شور زين و تصلحين هالحال المايل.. لكني ما شفت فايدة من روحتكـ عندها.. نهى : بابا بليـــز ما ابي احد يضغط علي.. انا افكر في حياتي ما ابي احد يتدخل.. ابو سعود : مو بـ كيفكـ ما احد يتدخل فيكـ .. انتِ تبين تروحين عند امكـ عشان ما احد يحاكيكـ خير شر.. و امكـ ويش يهمها لو تطلقتي..!! ما هي تطلقت مرتين..!! وعد رفعت حواجبها : بابا كأنكـ تسب ماما..!! ابو سعود : ما جبت شيء من راسي هذا الواقع.. وعد : لا تشمت عندكـ بنات..!! ابو سعود بقق عيونة فيها : افصخي كعبكـ و اهبديني فيه..!! وعد : حاشاكـ .. بس انت غلطت بـ حقها حتى لو ماما تطلقت مرتين ما يعني انه عادي عندها بنتها تطلق وما راح تهتم لـ حياتها..!! مشت وعد بعد كلامها .. ابو سعود التفت لـ نهى : ابي اشوفكـ بالبيت فاهمتني و الا.. .. بعد الفجر .. الفندق.. جناح ماجد و سها.. ماجد : ما امداني اقولكـ شيء بالعرس اختبصت.. مبروكـ.. ما ردت عليه و هي تفركـ يدها.. ما تجرأت ترفع نظرها تخاف تناظرة طارق مو ماجد.. حتى الصوت يداهمها صوت طارق وهي مع ماجد.. اخذت نفس تحاول تغير اتجاه تفكيرها ما راح ينولها شيء غير التعب.. ماجد يناظرها حتى رجلها تهزها لا إرادي : ماله داعي تتوترين هالكثر.. ايش فيكـ سها..!؟ سها وقفت : عن اذنكـ .. استغرب ماجد.. لكنها مشت للحمام.. دنقت على المغسلة غسلت وجهها اكثر من مره..: مو صدق.. مو صدق..!! مو صدق..!! رفعت راسها تناظر وجهها بالمراية تشوف طارق في خيالها.. حركت راسها اكثر من مره.. ابوي.. امي.. خالد.. ياسر.. حاتم.. سعود.. احمد.. وليد.. مشعل..ابوي.. امي.. ابوي.. امي.. تردد اساميهم حتى يقتحمون بالها و تنفض كل فكرة سيئة تخطر في بالها.. ما يصير ما يصير.. حرام.. حرام افكر.. كان يسمع كلامها كله لحقها لما استغرب قومتها.. و ما سكرت الباب وراها.. انصدم من حكيها..!! لكنه ماهو فاهم تكلمها نفسها و تناديهم ليش..!؟ مد يده حتى يفتح الباب.. ناظرها و ناظرتة.. ماجد : فيكـ شيء..!؟ هزت رأسها بـ لا.. سحبت المنشفة تنشف وجهها.. ماجد : انا مضايقكـ بـ شيء..!؟ سها : لا.. ماجد : اذا خايفة بـ اكلم واحد من العيال يشوف اذا امكـ صاحية تكلمينها..!! سها طلعت متنرفزة و تعدتة.. ردت عليه بـ حدة : لا.. ماجد عقد حواجبة بـ قوة اخذ نفس بـ يطول باله عليها : كنت ابيكـ تكلمينها يمكن ترتاحين..!! لأن شكلكـ ما انتِ على بعضكـ و هذا مو خبري فيكـ ..!! سها : ليش و انت ويش تخبر عني..!؟ انصدم من سؤالها : نعم..!! التفتت عليه : انت تقول خبري فيكـ .. انا بـ اعرف ويش تخبر عني..!؟ ماجد : يعني اللي اخبره انكـ حبوبة و هادية و عاقلة.. سها ابتسمت بإستهزاء : ما احد علمكـ اني انجينت..!! ماجد بـ حدة : خيــر..!! سها : ايه انجنيت حرام ابتلشت بـ وحده مجنونة.. الله يعينكـ .. دارت بـ ظهرها و مشت.. ما حست غير بـ اصابع ماجد تنغرس بـ عضدها و يلفها عليه بـ اقوى ما عنده : احد جابركـ علي..!؟ سها : لا .. انا وافقت بـ رضاي وحده مجنونة و جاتها فرصة مثلكـ ليش تطوفها..!! ماجد بقق عيونة فيها : ويش ذا الإسلوب..!؟ سها : عادي.. ما على المجنون حرج..!! ماجد صرخ بـ وجهها : ســــها.. كلمة وحده قولي لي اذا احد جابركـ علي لا تحرمين علي لـ يوم الدين.. جاتها على طبق من ذهب.. لكنها خافت تقولة ايه.. خافت يفضحها عند ابوها و اخوانها و الثالثة ثابتها بـ يذبحونها على سواتها ما راح يصبرون.. و الا يدري ماجد عن علتها يمكن هو يذبحها..!! : لا.. ماجد : شوفي.. بـ امشي لكـ اللي قلتيه و سويتيه يا سها الليلة بـ مزاجي.. لكن تتكرر مره ثانية ما راح اضمن لكـ ردة فعلي.. احترمي وجودي عشان احترم وجودكـ ..!! سها : ما فهمت انا اصلاً ما كلمتكـ انت اللي لحقتني..!! ماجد كتف يدينه : لا و الله..!! هذا جزاي اللي بغيت اتطمن عليكـ ..!! سها : ما طلبتكـ تطمن علي.. خلني في حالي.. ماجد : اسمعيني عدل يا بنت العم.. اني عايش سنين برا ما يعني ان الحال المايل يعجبني.. كود انتِ جابرينكـ توافقين هالشيء ما يرضيني.. بـ اخليكـ معي فترة انتِ بنت عمي و اللي يمسكـ يمسني.. و بـ اقولهم ما اتفقنا بـ شرط ان خلال هالفترة تحاولين تتقبلين الوضع اللي استجد عليكـ ان ما تقبلتيني كـ زوج الوجه من الوجه ابيض.. انا بـ اتحمل اللوم منهم عنكـ .. هاه ويش قلتِ..!؟ سها : ................. ماجد : اعتقد اني مسوي فوق المطلوب مني.. و بـ خاطر سمح للحين اعاملكـ لكن تأكدي يـ سها حركاتكـ هاذي ما تعجبني حتى لو هم جابرينكـ علي و انظلمتي ما فيه شيء يعطيكـ الأحقية انكـ تقلين ادبكـ عندي.. من اول ليلة في حياتنا خربتيها.. سها : ما احد اجبرني عليكـ .. انا وافقت بـ رضاي..!! ماجد : وافقتِ برضاكـ اجل ليش تحكين بـ هالشكل..!؟ سها بللت شفايفها : انا بس تعبانة.. ماجد رفع حواجبة وهو متأكد انها تكذب عليه : طيب روحي نامي.. معاكـ وقت لـ الظهر.. .. المغرب .. جناح نايف و اسيل.. نايف : كل ذا نوم يا خيشة قومي..!! أسيل : اول شيء نادني عدل بعدين اقوم..!! نايف ابتسم : يعني صاحية.. ما بقى كلمة غزل ما قلتها كلها راحت هباءاً منثورا و لما بديت اقلب المود صحيتي و تهددين بعد..!! أسيل مغطية راسها باللحاف : نايف بليز ممكن تطلع برا..!! نايف استغرب : و ليش ان شاء الله..!! أسيل : ما ابيكـ تشوف شكلي و انا توني صاحية من النوم..!! اطلق ضحكتة نايف : ههههههههههههههه لا تخافين عامل حسابي انكـ بـ تفجعيني بس لا يكون الموضوع فوق الخيال..!! قامت جالسة بـ قوة تحمر عيونها فيه و قبل لا تنطق نايف يمثل عليها مفجوع من شكلها حط يده على صدرة : سلام من قولٍ رب رحيم.. ويش ذا الخشة..!! مررت يديها على شعرها تهدي ارسالتها الطايرة : احسن لكـ لا تعصب فيني..!! نايف مبتسم : يعني ويش بـ تسوين..!؟ أسيل قامت : الله العالم.. نايف : لا مبين انكـ عروس وجهكـ احمر يقالكـ مستحية مني.. أسيل تحطمت : احسن لكـ و الله لا اغسل وجهي بـ مرق و اخليكـ تندم على ذا الحكي..!! نايف : ليش انتِ تشوفين طوالة اللسان هاذي حيا..؟! أسيل : هذا اقوى شيء عندي.. نايف : لا عز الله كدينا خير.. أسيل تخصرت : اشوف مو عاجبكـ ..؟! نايف وقف يمشي بـ بطئ تجاهها : لا مو عاجبني..!! ويش ناوية تفقشين راسي مره ثانية..؟! نزلت يدها و حمر وجهها : نايف خلاص..!! نايف : بـ صراحة انا ادور على بيت في صحراء كلها رمل عشان ما تقدرين تفقشيني بـ شيء.. اخاف على نفسي..!! أسيل : نــــــايف..!! نايف : وشوو يا عين نايف..!؟ أسيل لفت عنه : قليل ادب..!! انحاشت قبل لا يمسكها قفلت الباب وراها.. نايف : طيب يا اسيل انا اوريكـ عند طوالة اللسان ذي متوعدكـ من كنتِ بزر ان ما قصيت لسانكـ اصبري الأيام طوال بيننا ان شاء الله.. .. بيت عامر.. ام ناصر : العرب ردوا علينا بالموافقة بقي تروحون انت و ابوكـ و عمكـ تخطبونها..!! عماد : ان شاء الله خير.. ام ناصر : ايه ان شاء الله خير.. انا عطيت ابوكـ العلم و قال بكره نروح يمهم..!! عماد منصدم : ويش اللي بكره ..!! هو سلق بيض يمكن انا مشغول.!؟ ام عامر : تفضي نفسكـ كلها ساعتين.. عماد : يمه.. ام عامر بـ حدة : و صمة.. اسمع العلم اللي يجمد على شاربكـ .. البنت بـ تروحون بكره و تخطبونها من ابوها و بس تسوون هالبلوة التحاليل تملكـ عليها و بعد شهر زواجكـ ..!! عماد : الله يرضى عليكـ يا ام عامر ويش اللي بعد شهر زواجي..!؟ ام ناصر : يوم اخذت القلعة البتول ما كنت تشوف نفسكـ مستعجل و الا بس عشان تكيد بنتينا..؟! عماد : الله يستر على المسلمين.. خلاص كلن راح بـ حال سبيلة.. الا على طاري العرس عهيد بـ ترد اللي متقدم لها بعد..!؟ ام ناصر : و انت ويش عليكـ منها.؟! عماد : حلوه يمه ويش علي منها..!؟ ما كنها مسختها.؟! ام ناصر : عميد مالكـ دخل بـ اختكـ ابوكـ و مخليها على راحتها..؟! عماد : نخليها على راحتها بس تقنعني بـ أسبابها تقولي ليش ما تبيه و انا اوقف معاها بس كل ما جاء لها واحد ردتة عن دلع لا ادق خشمها.. ام عامر : و الله حالها ماهو عاجبني هالبنية اللي بعمرها معرسات و عندهن كوكش عيال و هي للحين يا منخمدة يا متبطحة بـ هالصالة يا طالعة مع بنات عمتها.. لو ابوها يلد عليها و يعلمها السنع ماهو ازين لها..!! عماد : الا و الله ازين.. و الا ما تعرفون السنع الا عندي..!! ام عامر : ابكي يا وليدي بـ حضن امكـ ويش عاد بقي يومكـ تشكى..!! ابتسم عماد : افااا يا ذا العلم .. على طاري التشكي..!! ايش صارق بـ قضية بنت العمة..!؟ ام عامر : ويش عندكـ تنشد.!؟ عماد : فضول لا اكثر.. لا يروح بالكـ بـعيد.. ام عامر : كاسرة خاطري هالبنت.. عمكـ يقول ان مشاري يقول متأمل يكسب القضية من اول جلسة.. ام ناصر : بس يا عمه ماهو معقول البنت بـ تجلس كل عمرها ماهي معرسة توها صغيرة و الحياة قدامها.. ام عامر : هي بس تطمن بـ شوفتها عيالها الحين و لاجاها نصيب فيه خير حزتها يحلها الحلّال.. ام ناصر : الله ييسرها .. الا ابوي عماد.. عماد : لبية يمه.. ام ناصر : ودكـ تشوف عروستكـ عشان اكلم امها و يكون عندهم علم..!؟ عماد : ما يهمني شكلها يمه لو هي اشين بنت بالعالم كله يهمني تجي على هواي و مزاجي.. ام ناصر : و الله البنية حليلة نسمة .. عماد : انا بـ اشوف عهيد .. لو بـ اسمع كلامكـ عن البنت يمه بـ تطلعينها ملاكـ و بـ انصدم يوم عرسي.. عن اذنكم.. طلع عماد من جلسة بين امه و جدتة.. ام ناصر : و الله اني خايفة يعيفها..!! ام عامر : الثالثة ان شاء الله ثابتة.. توكلي على ربكـ التوفيق من عنده.. ام ناصر : ودي اشوف عيالة يا عمه .. ما تهنيت في بنتة.. ام عامر : راحت لـ ربها ارحم فيها من ابيها و اميتها.. لا تذكرينها عند ولدكـ ما حسبنا انه يهجع.. ام ناصر : ماني مطريتها عنده.. غرفة عهود.. عهود : من متى يا عماد تنشدني ليش ما تبين فلان و علان..!؟ عماد : من اليوم.. عهود انا كنت ساكت لأني واثق بـ رايكـ و واثق بـ راي ابوي اللي مخليكـ على كيفكـ و ناصر و عبدالله ساكتين عشان ابوي.. من واجبي كـ اخ اني انصحكـ لا شفتكـ اخطيتي.. و انتِ مره عاقلة واعية مسؤولة عن رايكـ و قراركـ ما اقولكـ اني بـ اشدكـ من شعركـ و اجبركـ عليه.. بس قدمي لي اسبابكـ و اناقشكـ فيها يمكن انتِ تشوفين على الرجال شيء ماهو بـ محلة..!؟ يمكن احد موصلكـ علمٍ شين عنه..!؟ عهود : عماد ما ارتحت له.. و الله ما قدرت صابتني ضيقة لما صليت استخارة و صليت اكثر من مره ما استسغتة.. عماد : انتِ تعرفين علوم الرجال كلها..!؟ اسمه كامل عمرة مستواه شغلة دينة اخلاقة تعاملة..!؟ اكيد ابوي نشد عنه و عطاكـ العلم..!! عهود : من قبل لا ينشد هو قالي اسمه و ويش يشتغل فكرت بالموضوع و كنت محتارة بس لما صليت استخارة انقبض قلبي.. عماد : شلون تفكرين بـ رجال ما تعرفين الا اسمه و شغلة..!؟ هذا منطق يا عهود..!؟ عهود : كان شيء مبدائي و من اولها ما ارتحت.. عماد : طيب و اللي قبلة..!؟ حتى عمي غازي كلمكـ انه رجال زين..!! عهود : بس عمره فوق الأربعين..!! يرضيكـ اتزوج واحد بيني وبينه 14 سنة..!! عماد : ما اشوفها اشكالية.. طالما هو يناسبكـ راح تغضين الطرف عن عمره.. عهود : عماد انا عندي قناعات.. ما ابي اتزوج واحد بيني و بينه فارق كبير ابي واحد ان كثرت مره و زودتها خمس ست سنين .. عماد : تشوفينها زينة كل ما جاكـ واحد رديتية..؟! احنا ما راح نوافق على رجال أي كلام ابوي كان ما يقولكـ عن واحد متقدم لكـ الا وهو متأكد منه الحين صار يقولكـ عادي لأنه متأكد بـ ترفضين.. انا خايف فيكـ شيء ثاني ما ودكـ تقولينه لنا..!؟ اذا عندكـ شيء يلدكـ عن العرس علمينا و احنا اهلكـ معاكـ مو ضدكـ .. عهود : ترى تفكيركـ مره شطح.. صدقني ما فيه شيء بس ما حسيت انه جاني رجال يناسبني هاذي حياة و عمر يا عماد ما يصير اوافق على أي شخص لـ مجرد اني اتزوج .. لازم اكون مقتنعة فيه و عارفة عيوبة قبل مزاياة.. عماد : و الله بس اني خايف عليكـ ما ودي انكـ تندمين عقب كم سنة.. عهود : اندم و انا عندكم معززة مكرمة و لا اعيش في بيت رجال ماني مرتاحة.. عماد : و الله اللي اشوفة ان لو كل بنت دققت على عيوب اللي متقدم لها و تشرطت ما احد تزوج.. لازم تغضين الطرف شوي.. شوفي خواتي فاتن مثلاً كانت جبانة و خوافة ما تمشي خطوة من غير امي وافقت على اللي متقدم لها وهو شغلة برا و اضطرت تسافر معاه ما قالت ماني موافقة عشان كذا .. و غدير تغاضت عن زوجها وهو يدخن.. فيه اشياء صح ما تقدرين تغاضين عنها مثل صلاتة دينة اخلاقة تعاملة وظيفتة سكنة بس مثل ما تقولين انتِ عمرة و خرابيط ما ادري من وين تجيبينها و مكبرتها لـ درجة ترفضين الرجال ماني شايف فيها صالح لكـ ..!! عهود : حتى لو قلت لكـ اني ما ارتحت له..!؟ عماد : انا ما اتكلم عن اللي هي متقدم لكـ دامكـ استخرتي و ما ارتحتي انا معاكـ ارفضي ما وراء الإستخارة شيء.. لكني اشور عليكـ على الموضوع كله يا عهود عشان لا استجد علم تفكرين عدل .. عهود : ان شاء الله.. ان ربي كتب لي رزق بـ أخذة. بيت ابو سعود.. حاتم واقف مبتسم بـ يده شنطتة : الحمدلله يبه.. ما توقعت يردون بـ هالسرعة.. ابو سعود : زين الحمدلله متى تبينا نكلم عمها..!؟ حاتم : نكلمة و نحدد معاه موعد.. ابو سعود : زين بس انشدني ان كان الوقت يناسبني ما يكون عندي شيء يربطني.. حاتم : ان شاء الله.. يالله انا رايح المشفى تبون شيء..!؟ ابو سعود : سلامتكـ .. ام حاتم : انتبة لـ الدرب يا ابوي.. حاتم : ان شاء الله.. (باس راس ابوه و امه) مع السلامة.. : مع السلامة.. ابو سعود : دامكم مجتمعين.. اجل خليني اقولكم يمكن نطلع المزرعة كلنا جميع.. جود : اكيد تمزح ابو سعود صح..؟! ابو سعود : شايفتني قدكـ امزح معاكـ ..!! جود : احد يروح مزرعة بـ هالحر..؟! ام احمد : الله يجيرنا من نار جهنم.. الحر هناكـ مو هنا.. اغتنمي وقتكـ باللي لكـ صالح فيه مو اكل و مرعى و قلة صنعه.. جود : مالي دخل ما احد يروح مزارع بـ هالحر.. خلاص طيب عندي فكرة..!! سعود : اتحفينا..!! جود : نروح ينبع نأخذ شالية..!! سعود : اكفخها هاذي..؟! المزرعة ما تبينها عشان حر يعني على البحر براد..!؟ رطوبة يا غبية..!! جود : على الأقل منظر يبهج الخاطر مو مزرعة لو تجيبون لي فحم رسمتها على جدرانكم..!! ابو سعود : بلا خثردة زايدة.. بـ نروح المزرعة يومين يعني بـ نروح المزرعة خلي عنكـ العنفقة.. ميار : بابا و الله صدق البحر احلى.. الله يخليكـ اهم شيء الجمعة و بدل ما تكون بالمزرعة بـ شالية.. ابو سعود : استغفر الله العظيم.. وليد : يبه لا تعطيهن وجه.. ماعليكـ منهن.. جود : انت مالكـ دخل.. وليد رمى فنجالة عليها لكنه ما ضرب فيها.. : ردي بـ ادب يا حمارة..!! جود : ما الحمار الا انت.. احنا نكلم ابوي انت ويش حاشركـ بيننا..؟! وليد : حلوه هاذي ويش حاشرني ناسية اني اكبر منكـ ..!! ابو سعود كتف يدينة يناظر وليد و جود : و الله اشوفكـ حتى انت ناسي ان فيه من اكبر منكم اثنينكم جالس معاكم..!! وليد : هي اللي قلة ادبها.. ابو سعود : اثنينكم قليلين ادب.. ولا عاد اشوفكـ ترمي عليها شيء حط هالشيء بـ راسكـ يا وليد.. وليد رفع حواجبة : حملتني الخطأ كله يبه..!! ابو سعود : رميتكـ لـ الفنجال عليها صح..!؟ وليد : انت كم مره تضربنا بالفنجالين ما صار شيء..!! ابو سعود : اولاً هي بنت.. ثانياً معاها السكر لو صكها الفنجال و انجرحت ما راح يبرى بـ سهولة مثل لما يكون الجرح بـ جبهتكـ اللي يبي لها تشطيب..!! جود اللي كانت مبسوطة على تهزيء وليد عند اخر كلمة طلقت ضحكتها و لا اهتمت : ههههههههههههههههههههههه قوية و الله.. ابو سعود يناظر جود بـ إستهزاء : اعجبتكـ ..؟! جود تحاول تسكر شفايفها بدون لا تضحكـ او تبتسم... لكنها ما قدرت انه ما يبين عليها..!! ابو سعود : قومي حبي راسة..!! جود بإستنكار : وشووو..!!! ابو سعود بـ نبرة حازمة : قومي تعذري منه على طوالة لسانكـ و حبي راسة.. (بـ حدة) فـــــزي..!! جود : و الله غش.. انت اللي طقطقت عليه مو انا.. ابو سعود : انتِ اللي قليتي ادبكـ على اللي اكبر منكـ .. قومي يا جود.. ما أبي اعيد و ازيد في كلامي.. قامت جود وهي مقهورة قربت من وليد اللي وقف.. باست راسة.. ابو سعود : تعذري منه.. جود : آسفة.. باس وليد راسها.. : مقبول آسفكـ بس لا عاد تعودينها و تطولين لسانكـ .. ابو سعود ضرب وليد على ذراعة بـ قفى يده : و انت بعد لا تعيدها.. جلس وليد و رجعت جود مكانها .. ميار : هاه بابا ويش قلت..!؟ ابو سعود : اقول نخليها لا برد الجو شوي نروح لـ البحر الحين نروح المزرعة و يصير خير بالأيام الجاية.. ميار : الله يخليكـ بابا بس هالمره الله يسعدكـ انت جرب كلم عمامي اذا رفضوا خلاص.. ام سعود : لا تخليها بـ خواطرهن.. دام نفسهن بـ بالبحر.. ام احمد : و بناتنا التعبانات ويش نسوي فيهن..!؟ درب طويل عليهن.!! صبا : كلها ساعتين خالتي مو تعب.. حتى انا نفسي نروح البحر..!! ياسر : يمكن انا ماني موافق..!؟ صبا : ليش.!؟ ياسر : يمكن مرتبط بـ شغل..!! صبا : خلاص تقضي شغلكـ و تلحقنا و انا اروح معاهم عادي عمي محرم..!! ياسر بإستهزاء : لا و الله..!! كذا بـ كل سهولة..!! صبا : اللي يسمعكـ يقول عمي وافق الحين و شنطنا بالسيارة..!! ابو سعود : عاد العلم اللي يجمد على الشارب ان رحنا صبا اول وحده تركب بالسيارة.. صبا ابتسمت من وراء النقاب : الله يسلمكـ و يخليكـ يا عمي..!! ياسر : يبه توه امي تقول تعب عليهن.. ابو سعود : ما انت مأخذها بـ سيارة مقربعة حط لها جلسة بالسيارة تمدد على راحتها..!! صبا ترمش بـ عيونها مبسوطة .. ياسر متنرفز : عدال لا ينط لكـ عرق من الفرحة..!! صبا : ههههههههههههه انا قلت لكـ انت اللي رفضت تبي تخليني اقعد هنا و تبقى بـ خاطري..!! ياسر : لا ما اخليها بـ خاطركـ لا ولدتي اوديكـ المكان اللي تبينه.. صبا : انا خاطري بـ هاذي.. كلهم بـ يروحون جمعة و تبيني اقعد اعد الجدران و انت بالدوام.. و ربي اخاف..!! ياسر : اوديكـ عند ندى.. و الا يمكن عمر ما يروحون و تبقين عندهم.. صبا : مالي دخل حتى لو كلهم ما راحوا احنا بـ نروح.. هفت نفسي على ريحة البحر..!! ميار : هههههههههه قلبيتها وحام.. الحين يخاف لا يطلع على الولد شامة بحر..!! ابو سعود وقف : بـ اشوف ابوي اول .. اذا ما فيه شده على الدرب ما راح نروح البحر نشوف بعد كم يوم.. جود : شكـراً لأنكـ تكسر مجاديفنا.. ابو سعود : فزي نادي لـي نهى قولي لها ابيها بالمكتب.. ناظروا الشباب في بعض.. اكيد موضوع فيصل.. جود : ان شاء الله.. سعود : يبه احد كلمكـ ..!؟ ابو سعود : لا .. بـ اسمع منها..!! مشى ابو سعود.. ياسر ناظر سعود : بـ تروح..؟! سعود : اكيد.. ما صارت لها شهر و زود تاركة بيتها.. قام سعود تبعة ياسر ثم وليد.. ميار تحك راسها بعد ما راحو اخوانها : اخواني واثقين ان بابا يبيهم حاضرين عشان يدرعمون هالشكل هو ما نادى احد فيهم..!؟ ام سعود : ليش يعني بـ يطردهم.. اخوانها و خايفين على مصلحتها من حقهم يعرفون ويش مكدر خاطر اختهم..!! ميار : طيب هي بعد من حقها تقعد من بابا لـ حالها يمكن هي تستحي تحكي قدامهم..!؟ يعني ابوها غير و اخوها غير.. ام حاتم : لا غير و لا شيء.. العيال متعودين يكونون دايم مع ابوهم.. بـ كل شيء.. ماهو غريب يجلسون معاه و يعرفون مشكلة نهى.. بعد هي زودتها لا حكت و لا ردت بيت رجلها..!! شوق : بس احس لما يكون الأب مع بنتة من غير تدخل من احد افضل.. وجود اخوانها يمكن يسبب حواجز.. ام احمد : ماهي توها تعرفهم تربت معاهم ماهم غريبين عنها ما حاكوها الا من خوفهم عليها.. المكتب.. ابو سعود : انا سكت لأنكـ كنتِ تعبانة و ما ابي اضغط عليكـ و تنلبقين عن الأكل .. بس يـا امي السالفة مصخت.. لا انتِ حكيتي و لا فيصل حكى.. ما قابلتة الا كم مره بـ مكان و وقت ما يسمح يا عيد يا عرس.. نهى بـ برود و ما تناظر احد فيهم عينها على الطاولة بـ وسطهم : ما عندي حكي زود عن اني ابي الطلاق..!! سعود : وشوو!! انبهلتِ انتِ..؟! ابو سعود : لحظة سعود.. ليش الطلاق..!؟ نهى : ما ابي اعيش معاه..!! ابو سعود : وهو العرس لعبة جربتية و لا عجبكـ قررتِ تطلقين..!؟ نهى مدت لسانها لـ زاوية فمها : انا ما قلت كذا.. بس انا مو مجبورة اعيش مع واحد ما يبيني عشان احد.. الزم ما علي راحتي.. ياسر : شلون يعني فيصل ما يبيكـ ..!؟ نهى : لو يبيني ما تركني فوق الشهر و لا فكر يحاول يصلح اللي صار بيننا..!!! ياسر : مو يمكن انتِ غلطانة..!؟ نهى : و ليش ما يكون هو الغلطان..!؟ يعني انت تشوف انه يخليني اطلع من البيت مع عمر و زوجتة هم يوصلوني عادي..!؟ ياسر : ماهو عادي بس اللي عرفناه من عمي ان فيصل ما كان يبيكـ تطلعين بس عمي لما شافكـ معصبة هو اللي سمح لكـ ..!! نهى : انا مو مجبورة ابرر لكم كل شيء.. لأن حياتي تخصني ما تخص احد ثاني.. ابو سعود : ماهو بـ كيفكـ يا نهى.. يا تقنعيني يا اردكـ لـ بيتة بـ نفسي.. نهى رفعت حواجبها : تبي ترخصني..!؟ ابو سعود : ما ارخصتكـ لكنكـ عصيتي زوجكـ يا نهى و طلعتِ من غير شورة انتِ اللي راكبكـ الغلط.. لو هو مقصر بـ حقكـ المفروض تتفاهمين معاه بالحسنى مو شلتي شلايلكـ و رحتي لـ بيت امكـ .. نهى : هو اللي قال انه مو طايقني تبيني اجلس على قلبه..!! انت اللي عطيتة عهد من سنين و سمحت له يفرض راية علي من كنا بزران.. و انت اللي دخلت فكرة ان زواجنا من بعض امر ما فيه شكـ .. انت اللي قطعت له عهد انه يرجع بعد سنين و يلقاني مثل ما اني انتظرة على الأطلال ما بقى احد ما يدري اني له لـ درجة ما احد فكر يتقدم لي.. العهد اللي من سبع سنين هو نفسة اللي ابتلش فيه و لقى نفسة مجبور يوفية بعد ما رجع.. ما فكرت تسألة انت بعد ما رجع ان كان باقي على العهد او لا ما فكرت تفسح له الدرب ان كان فيه خيار بـ حياته يقدر يختارة.. خليت كل شيء يمشي مثل ما خططتوا و احنا بزارن ما جاء في بالكم ان البزارن كبروا و تغيرت طموحاتهم و افكارهم..!! ابو سعود : تبيني انشده هو انت باقي تبيها وابوه مكلمني نتمم الموضوع و جابوا المهر..!؟ نهى : يمكن هو حس نفسة مجبور يتمم العهد اللي طلبكـ ..!! كان لازم تسألة عشاني.. عشان ما ترخصني.. سعود : احنا ما ارخصناكـ يا نهى.. نهى بـ حدة : الا ارخصتوني و نص.. راح شلع سبع سنين و لا فكر فيني عشانه عارف انكم ما راح تكسرون كلمتة عشان شنو عشانه ولد عم.. راح عمري و انا انتظرة و هو هناكـ يمشي مع كل مين هب و دب..!! وليد : الحين سؤال .. فيصل مخاوي له وحده من برا..!؟ نهى : و انا ايش دراني..!؟ وليد : كلامكـ يقول انه مو بس مخاوي الا متزوج و عنده عيال.. هذا اللي مزعلكـ ..!؟ انتِ شايفة عليه شيء..!؟ نهى : يعني لو قلت لكـ انه متزوج بـ تخليه يطلقني..!؟ وليد : لا طبعاً.. انتِ بنت عمه ما راح يرخصكـ عشان وحده غريبة.. ولو هو متزوج و يبيها هو ما ارتبكـ شيء حرام بس انه خبى علينا لو انه معلمنا من قبل و احنا نقرر يا نتمم الزواج و الا بس دام تزوجتوا ما يستاهل الموضوع الطلاق..!! وقفت نهى : لا ما يستاهل.. عادي يمردغ كرامتي بـ التراب بعد كل هالوقت و يخلي الكل يحكي فيني عقب ما انتظرتة طلع متزوج من قبلها..!! سعود : هذا خطاكـ انتِ اللي رفضتِ تروحين معاه.. نهى : صح كلها اخطائي هو و انتم معصومين من الأخطاء.. كل شيء تسوونة و تقولونه هو الصح.. غيركم دايم على غلط.. مشت من بينهم وقفتها يد ابوها : وين رايحة ما خلصت اللي عندي.. نهى : ويش باقي يبه .. باقي تشدني من شوشتي و ترميني تحت رجولة..!! هذا اللي تبيه..؟! تبي تذلني..!؟ ليش عشانه ولد اخوكـ ..!؟ طيب انا بنتكـ ..!!! ابو سعود : الحين انا قلت بـ ارميكـ عند رجولة.!؟ ماني مرخصكـ يا نهى و الا كنت رديتكـ من ليلتها لـ بيتة.. فتحي لي مخكـ .. اللي تقولينه ماهو منطقي.. انتِ حكيكـ ماهو مدوزن.. تقولين الرجال خاطبكـ من سنين و ما نشدناة لما رجع و كلمني ابوه و جابوا المهر كان عنده خيارات ثانية يمكن هو تورط معاكـ.. و تقولين ان فيه مره ثانية بـ حياته و ما عندكـ شيء تستندين عليه..!! قولي لي حكي يخرط مشطي يا نهى.. نهى تحاول ما تبكي : هو اللي قالي ان طلعتِ من الغرفة اطلعي من البيت كله..! يعني طردني.. و هو اللي قالي ما عنده استعداد يعيش معاي.. هو السبب بـ كل شيء..!! ابو سعود : يمكن كان معصب من شيء و قال هالحكي.. يا بابا ما يعني انه غلط عليكـ .. كان عرفتِ ويش وراه اول بعدين زعلتِ.. يمكن متضايق من قبل لا يتهاوش معاكـ ..!؟ نهى : و انا بـ اعيش على مزاجة متى ما عصب سفل فيني و متى ما راق رفعني لا سماء..!! ابو سعود حط يده على كتفها : هذا انتِ قلتيها اذا راق رفعكـ لـ السماء.. يا امي المره السنعة هي اللي تعرف تعامل مع رجلها صح.. ان ما قدرت تهديه و هو معصب تتركة لين يطخ اللي براسة ما تحاول تزيد عصبيتة و يحط الحرة فيها..!! نهى : يعني عادي عندكـ اللي سواه فيني.. انا قلت له اذا ما انتم وصلني بـ اكلم احد من اخواني لا وصلني و لا خلاني اتصل.. ابو سعود : ما كان يبيكـ تطلعين من بيتة.. صح ما ارضاني اللي سواه فيصل بس حتى اللي سويتية انتِ مو مرضيني.. المفروض كنتِ تسمعين كلمتة تنتظرين لين يهدأ و تحاكينة تصلحين اللي بينكم ما قدرتِ تصلحينة كلميني انا اجيكـ لـ حدكـ .. اما على طول تلمين قشكـ و تطلعين ثم تقولين لي ابي الطلاق..!! لا هالشيء ما يرضيني.. تراجعت نهى : انا ابي اروح عند امي.. ابو سعود : لا.. طلعة من بيتي مالكـ الا لـ بيت فيصل غيره ما عندي.. و جهزي شنطتكـ بكره من صلاة الفجر بـ نطلع.. باست راسة و دارت بـ ظهرها و طلعت.. ياسر : يبه ما يصير هالوضع الناس بـ تأكل وجيهنا..!! سعود : مسألة ان خالتي مريم تطلقت و وعد تطلقت و الحين نهى..!! الموضوع ما راح يمر بـ سهولة.. ابو سعود : ما راح تطلق .. بس فصيل يبي لي اقعد معاه.. ما اشوفة خير شر.. .. بيت ابو عبدالرحمن.. ام مشاري مسحت دمعتها : و الله قلبي ناطف عليها.. مشاري : يمه الله يهديكـ اللي يسمعكـ يقول رايحة اخر الدنيا.. تبيني اوديكـ لها..!! ام مشاري : لا ويش يقول عني رجلها.. ام عبدالرحمن : اركدي يا خيه ما كلمتيها و قالت لكـ ما بها خلاف.. وشوله تبكين..!! ام مشاري : ما ادري ياوخيتي احسها شالعة قلبي معاها.. بندر : عاد صدق صدق فاقدها الشينة.. ما توقعت لها مكان هالكبر.. كنت متوقع بـ ارتاح منها.. هنادي : هذا و هي توها مالها 24 ساعة.. من كثر ما تحارشها ما عاد لكـ قلب اذا ما طفشتها ما ترتاح.. أثير : طيب نقول لـ نايف يجيبها..!؟ ام عبدالرحمن : ويش بلاكم انتم.. اتركوا البنية تشوف بيتها.. ما هولتوها.. لو تحمل ويش تسوون..!؟ ام مشاري : يا عزتي عنها و الله صغيرة استعجلنا عليها.. بندر : اما اسيل حامل..!! لو اشوف معاها عشر عيال ما اصدق انهم عيالها اكيد سارقتهم.. مشعل : هههههههههه و الله هالعمة مسوية ازمة.. لو درينا ان عرسها بـ يسوي كذا فيكم كان شرطنا على نايف يسكنون معاكم.. ابو عبدالرحمن : ادعي لها يا ام مشاري الله يوفقها و يتمم لها ماهي صغيرة اللي قدها معاهم عيال.. مشعل : اللي انسحب عليه صدق ركيين.. لا حس و لا خبر.. ام مشاري : كلمني و الله قلب امه.. الله يوفقهم و يهنيهم جميع.. و يرزق من هو عازب للحين.. بندر : ترى خالتي تقصدكـ ما ودكـ تلحلح..؟! مشاري سحب ملف من على الطاولة : بدري علينا.. عندي كم قضية و لازم اشد حيلي و اكسبها ابي اثبت وجودي بالمجال و اركز مكاني.. ابو عبدالرحمن : عرسكـ ما راح يخليكـ تهمل شغلكـ .. مشاري : حالياً ما افكر فيه.. لا طن براسي حزتها يصير خير..(وقف) انا رايح اقضي لي مشوار.. بندر ابتسم : بـ تنحاش..!! ما تعرف لو ما تنحاش برا السعودية بـ يتحول الموضوع من خلنا ندور لكـ على عروس لـ متى بترجع..!! ابو عبدالرحمن : خل علومكـ لكـ .. اتركة عنكـ لا تلعب في حسبتة.. مشاري ابتسم : ويش دعوة يبه مانيب بزر.. ماني عايف اهلي عشان اتركهم و اروح لحالي.. قاطعهم صوتها منحرجة : السلام عليكم..!! التفتوا لها مبتسمين.. ابو عبدالرحمن : يا هلا يا هلا بـ الطش و الرش.. ام مشاري : يا هلا بـ امي.. اقتربت حتى تسلم عليها هي اول وحده و باست راسها و يدها.. اتجهت لأبوها و باست يده و راسة.. ابو عبدالرحمن : زينة يا امي..!؟ اسيل مبتسمة ماهي متخيلة انها صارت تزور اهلها : الحمدلله.. بعدها دارت عليهم كلهم تسلم عليهم.. مشعل : زين اللي جيتي بقي شوي و يولولون عليكـ نايف خطف بنيتنا..!! اسيل جلست جنب امها : بالله فقدوني..!؟ ام مشاري : جعل عيني ما تبكيكـ .. اسيل : يا عمري يمه يومي قبل يومكـ .. مشاري : نايف ما نزل معاكـ ..!؟ اسيل : لا.. قال بيروح مشوار و يرجع مو مطول.. مشاري : يالله اجل حتى انا طالع تامرون على شيء..!! اسيل : وين رايح توني جيت..!! مشاري ابتسم : و الله موعد ضروري و الا كنت بلطت عندكـ .. بس اجلسوا تعشوا عندنا و ان شاء الله اني بـ الحق اقعد معاكـ .. ام مشاري : انتبه لـ الدرب يمه و لا تسرع.. مشاري : ان شاء الله.. مشعل : اجل وصلني على دربكـ .. بندر : بدري تو جات عين السيح خلنا نطقطق عليها..؟! مشعل ابتسم : ابوي بـ يهاوش لو تأخرت.. ام عبدالرحمن : اقول يا مشعل ويش رايكـ نفتح لكـ الغرفة اللي تحت و تقعد عندنا.. وشولة رايح و جاي.. وقف مشعل على عكازة : بـ افكر بالموضوع يمه.. بندر : عشان ابراهيم يزر عقلة..!! اذا ما صبح و امسى عليهم يصير فيه شيء..!! ام عبدالرحمن : بسم الله على ولدي لا تفاول على اخوكـ بالشينة.. بندر : و انا صادق يمه ترى ولدكـ مبالغ في اهتمامة بـ عيالة.. بكرة لا صار له شيء يضيعون من وراه.. ام عبدالرحمن : تف من فمكـ ويش بلاكـ الليلة على اخوكـ .. مشاري : يالله مشعل.. نسلم عليكم.. طلع مشعل يتساند على عكازة وراء عمة.. بندر : يمه ما قلت شيء غلط.. ام عبدالرحمن : اسكت بس اسكت عني ما عندكـ حكي زين لا تسمعني صوتكـ .. بندر : تعلق عيالة فيه غلط يمه.. كل امورهم هو يشرف عليها حتى اكلهم و شربهم.. ابو عبدالرحمن : بندر اقصر الحكي عني.. اسيل : ياربي يا حبكـ لـ ضيقة الخلق.. يعني عشان ماني فيه ما لقيت احد تهاوش معاه قررت تهاوش مع امكـ و ابوكـ ..!! استح على وجهكـ ..!! بندر ابتسم : لا راجعة رجعة قوية..!! هيـــه الله بالخير.. لمي لسانكـ لا اقصة من عرقة..!! اسيل : خفت يا شيخ منكـ تصدق.. اثير : تكفون عاد لا تبدونها.. خلونا مبسوطين بـ تقلبونها خناقة.. ام عبدالرحمن : لا ما يعرفون اذا ما سندروا رووسنا ما يرتاحون.. البنت تزوجت كبرت.. و انت رجال طول بـ عرض جالس تناقر اختكـ ..!! بندر : يعني اناقر اثير عادي بس اسيل لا عشانها متزوجة..!! دنقت اثير بـ خيبة .. ام عبدالرحمن : ودي اشوفكـ عاقل ليلة وحده من غير شر.. ابو عبدالرحمن : و الله كنكـ ما كبرت للحين البزر اللي على خبري بـ كل شغلة يحشر نفسة خربت حتى على اخوانكـ .. بندر : هههههههههههه عاد يبه انت اكثر واحد مستفيد.. اخبار اخواني كلها عندكـ .. هنادي : ليش كنت فتان..!؟ بندر : مع مرتبة الشرف.. شوي و يعطوني المخابرات رتبة الله وكيلكـ .. و يا اكلت علقات منهم.. اسيل : اثريه عرق من الصغر فيكـ يعني مستحيل تغير..!! بندر : افاا اصلي مية ميه ما يتغير بس طبعاً ما افتن كبرنا عليها.. اسيل تكلم هنادي : اقول بس انتبهي لـ رجلكـ شكله ناشر غسيلكـم على الخلق و اللي ما يشتري يتفرج..!! بندر : انتِ بـ ارجعكـ الليلة لـ نايف طرما .. ليش جاية ان شاء الله..؟! اسيل : كيفي بيت ابوي اجي متى ما بغيت..!! اثير وقفت : بـ اروح اجيب الحلى و اجدد القهوة.. هنادي وقفت : بـ اروح معاكـ .. بندر : انا شكلي بـ اطلع في بيت لحالي اريح لي اذا انتِ بـ تنطين لنا كل شوي اول كنت متأمل لا تزوجتي نرتاح منكـ طلع ما فيه امل اذا جايتنا من بكره زواجكـ ما وهلتينا حتى نحس انكـ مو موجودة..!! اسيل : اطلع ازين وشولة مضيق عليهم.. عشان نزوج مشاري و نحطة بـ جناحكـ بعد قلبي اخوي فديت عينة.. بندر يستهزئ فيها : يعني انتِ الحين تقهريني..!؟ اسيل : وش اقهركـ ما تهمني عشان اقهركـ ..!! بالمطبخ.. هنادي : تبيني احط من شنو..!؟ اثير واقفة على الغاز تنتظر المويا تغلي : من كل شيء.. بس لا تكثرين ما ودي خالتي و امي و ابوي يكثرون بالحلى اخاف عليهم.. هنادي : معاكـ حق.. طيب نقسمة بـ صحون ازين و نحط لهم اللي يناسبهم.. ويش رايكـ ...!؟ اثير التفتت لها : اللي يريحكـ هنوده هذا بيتكـ سوي اللي تشوفينة مناسب.. هنادي : الله يسعدكـ .. (سكتت شوي) اثير فيه شيء مضايقكـ ..؟! اثير : لا .. ليش..!؟ هنادي : اثير انا مثل اختكـ .. اذا ودكـ تقولين لي شيء لا ترددين..!؟ اثير ابتسمت : ما فيه شيء.. يمكن عشاني كنت مشتاقة لـ اسولة ما توقعتها تجينا اليوم الله يسعد قلبها.. لا تشغلين بالكـ .. .. السوق.. وعد : تكفى عساف الله يخليكـ ..!! عساف : انا قايلكـ ما احب هالأسواق على اساس جايين نأخذ لنا عشاء و نطلع.. وعد : بليـــز و الله بس اسأل اذا عندهم الغرض اللي ابيه.. عساف : ماني معطيكـ مهر تقضين اللي تبينه..!؟ تركت يده : امبلى و جيت كم مره للمحل و ما لقيتة يمكن جابوه هالمره على حظي الله يخليكـ.. يعني مو معقولة ما تحب تدخل و لا محل خير شر طيب انا شلون اتقضى للعيد مثلاً او أي مناسبة الا ان كان رحت مع خواتي..!! عساف ابتسم : روحة مع غيري ما فيه يا روحي.. لا جات الحزة اللي تحتاجين فيها السوق يصير خير.. يالله خلينا نشوف هالغرض اللي تبينه.. و على الله نلقاه عشان ما ترجعيني مره ثانية على حسابة.. مشت وعد و يدها بـ يدة اول ما انتبه لـ المحل اللي بتدخل فيه وعد شد يدها و وقفها .. عساف ابتسم اخر عمرة هو يدخل محل مكياج..!!! : وعد من جدكـ تبيني ادخل ذا المحل..!؟ وعد : ايه.. ليش ويش فيها..!؟ عساف : وعد الله يرضى عليكـ اذا هالغرض ماهو ضروري بلاها.. وعد : يعني وصلنا للباب.. طيب خلاص انا ادخل و انتظرني هنا ما راح اطول بس اسأل العامل.. عساف : لا و الله..!! و انا اوقف هنا و انتِ تكلمينة..!؟ وعد : بليزا ذا بتعصب بـ اعيفة.. عساف مشى حتى تمشي معاه و يدخلون المحل : ماني معصب.. تقدم احد البائعين في المحل بإبتسامة : اهلين.. عساف : السلام عليكم.. العامل : وعليكم السلام.. تفضلوا.. حياكم.. اذا حابين نفرجكم شيء محدد او نعرض لكم افضل ما عندنا.. عساف : وشو اللي تبينه..!؟ وعد همست له : فاونديشين سنيورة 101 ..(وهمي) عساف عفس وجهة : وشو..!! وعد : فاونديشين.. عساف : ويش اللي قلعيشن ذا..!؟ العامل اللي لقط حكي وعد و بلقافة تكلم : فاونديشين يعني كريم اساس.. عساف تنرفز : طيب طلع لنا ذا القلعة..!! ابتعد العامل.. عساف يناظر وعد بـ عصبية مكبوتة : كان صعب تقولين لي كريم اساس..!! وعد : نسيت يعني انا متعودة اقول فاونديشين راح عن بالي.. عساف : هذا هو سمع صوتكـ و انا قايلكـ لكـ لا تحكين يا وعد.. وعد : ما صار شيء عساف لا تكبرها.. بليز الله يخليكـ ما عاد اعيدها.. بس رووق..!! اخذ عساف نفس : استغفر الله العظيم.. تقدم العامل : حابة تجربين يا مدام.. عساف بـ حدة : لا.. اعطينا علبتين منه.. العامل تراجع بعد حدة عساف و اتجه للإستاند سحب علبتين.. وعد : ليش علبتين..؟! عساف : ما تقولين خاطركـ فيه و جيتي كم مره عشانة خلاص خذي اثنين مره وحده.. وعد : الله لا يحرمني منكـ .. ابتسم.. تقدم لـ المحاسب.. حاسبهم و سحب الكيس و طلع.. وعد : روقت.!؟ عساف : انا مروق بس الله يرضى عليكـ الشيء اللي تعرفين انه يضايقني لا تسوينه يا وعد.. وعد : اللي صار بدون قصد لو دريت انه يسمعني كنت كلمتكـ بعيد عنه.. خلاص عاد افردها.. عساف : فاردها.. خلينا ندخل ذا المحل يمكن تشوفين شيء يعجبكـ مره وحده تشترين لـ عيد الأضحى.. دخلت وعد معاه حتى تدور عينها على الملابس : عساف من جدكـ لـ عيد الأضحى يالله العافية..!؟ عساف : ليش ويش فيها..!؟ وعد : احيان احسكـ تبالغ..!؟ عساف : يمكن تشوفين شيء يعجبكـ طيب و يصلح لـ العيد و نفتكـ عشان ما تقولين لي بـ اروح السوق.. وعد : ما توقعتكـ تكره السوق هالكثر..!! عساف : ليش فيه رجال صاحي يحب السوق..!؟ وعد : شوفهم مليانين برا و من غير عوايل يعني جايين عشان ينبسطون عادي.. عساف : ينبسطون يروحون البر هواء زين و براحة ماهو بالأسواق غير المناكر استغفر الله.. وعد : شوف هالجاكيت.. احسه حلو.. عساف : اذا بـ تلبسينة بـ نأخذة اما تأخذينة و ترزعينة بالدولاب خليه يقعد عندهم حرام الإسراف..؟! وعد : لو ما اعرفكـ اقول مستبخل علي.. عساف : و انا عند ربي صادق انتِ لو تبينه صدق ما قلتِ احسه حلو.. اعرف حركات البنات لا اعجبهم الشيء ما قالت مثلكـ احسه حلو كنها بس تبي تخم و السلام.. كان تسدحت عند القطعة.. وعد ابتسمت : يمه منكـ يعني انا عاجبني.. و ما اقولكـ ما راح البسة و لا اقولكـ راح احلل فلوسة.. عساف : اجل ماله داعي.. واضح مالكـ خلق تشترين.. وعد : بليز عساف الله يخليكـ .. عساف بـ قل حيلة ما يقدر يرفض لها طلب هو يقدر عليه : أي لون و أي مقاس تبين..!؟ وعد : ابي الأبيض.. و مقاس مديم..!! عساف يناظر البايع : عطنا من هالجاكيت اللي وراكـ لون ابيض و مقاس مديم..!! لف البايع و طلع جاكيت مده لـ عساف : ليش مقاس مديم يا اخوي اذا لـ المدام سمول ينفع..!! سحبة عساف بـ قهر و رماه بـ وجهة حمر عيونة فيه و بـ عصبية : خل بضاعتكـ عندكـ ما تلزمنا احمد ربكـ اللي ماسكـ نفسي و لا قلعت لكـ عيونكـ .. طلع و ماسكـ وعد بـ قوة تمشي وراه بـ سرعة يغار عليها بـ فضاعة.. ما يتخيل ان فيه ناس بـ هالشكل هو لا شاف زول مره نزل عينة للأرض و هذا قازها لين مطلع مقاسها..!!! ما وقفهم الا باب السيارة فتح الباب لـ وعد اللي دخلت بـ هدوء عكس عصبية عساف اللي سكر الباب بـ قوة.. و اتجه لـ باب السايق و ركب.. رمى الكيس اللي بيده وراء.. شغل السيارة و حركها من غير لا يتكلم.. وعد : ترى الموضوع ما يسوى تعصب عشانه.. هو قل ادبه ايه بس ما يعني انكـ تقلب خلقتكـ و تنرفز..!! عساف : لا ما ينرفز قزكـ قز حتى مقاسكـ عرفة انا نفسي ما سألتكـ ليش تبين مديم وهو حضرتة ما قصر..!! وعد : يعني هو يغلط و تقلب خلقتكـ في وجهي انا..؟! ما رد عساف.. وعد : عساف الله يخليكـ طول بالكـ شوي أي شيء يستفز اعصابكـ ما تتحمل شيء..!! الموقف اللي صار ممكن يصير اردى منه ما تدري مو كل الناس محترمين.. الناس ماهم على شاكلتكـ و طبايعكـ.. لازم يكون عندكـ مرونة بالتعامل شوي مو كل شيء يا ابيض يا اسود..!! عساف : بعد 35 سنة تقولين لي لازم يكون عندكـ مرونة..!؟ تسمين اني ارضى بالغلط مرونة..!؟ ويش خانتي رجال يمكـ و انا اشوفة ما نزل عينة عنكـ ..!؟ يحمد ربة اللي ما نومتة بالعناية الليلة.. وعد : كل ذا غيرة..!؟ عساف وقف على الإشارة و التفت لها : ايه اغار يا وعد.. و ما ارضى عين تشوفكـ غير عيني.. و لا احد يعرف خصوصياتكـ غيري.. و لا احد يسمع صوتكـ الا اذني.. لو بـ كيفي ما اطلعكـ من بيتي خير شر.. وعد تحطمت : اجل شلون بـ تخليني ادرس برا..؟! عساف : حزتها يحلها الحلال.. يمكن اداوم معاكـ ..!! وعد : و كل يوم بـ تكفخ واحد..!؟ عشان يسجنونكـ و اضيع انا..!! صدق عساف حتى لو احنا هنا و تهاوشت مع هذا العامل مثلاً و جات الشرطة ويش بـ يصير..!؟ عساف : اكيد بـ نروح التوقيف.. وعد : و انا..!؟ عساف : وشو..!؟ ناوية تخاشريني بالتوقيف..!؟ ما عاد الا هي..!؟ وعد : اهون عليكـ تتركني و تهاوش مع الخلق.. يعني زين هالموقف صار هنا و صراحة يعني صدق حسيت حركتكـ مالها داعي لما ترمي الجاكيت بـ وجهة بس الحين اقول الحمدلله اللي وقفت على كذا.. تعلمني بعد تروح السجن و انا اقعد اندب حظي..!! عساف : بـ ادق على واحد من العيال يجيكـ ..!! وعد : و الله و كذا الموضوع انحل..!! عادي صح انت بالسجن و انا ببيت اهلي..!! عساف يحركـ السيارة : ويش بـ توصلين له.. وعد : ادري انه ما يرضيكـ الغلط بس احيان لازم نتغاضى عن الأغلاط عشان ما تتفاقم لما تهاوش مع احد عشانكـ تغار علي فكر قبل لو كبر الموضوع و صار لكـ شيء انا ويش بـ يصير فيني.. مو اهم تبقى معاي اهم من انكـ تغار علي بـ هالشكل و تسبب مشاكل..!! عساف بـ حدة : ما اقدر اقولكـ ان هالشيء عادي عندي.. انا ماني طرطور معاكـ يا وعد عشان اسمعة يتكلم و اسكت.. وعد : انت عصبت حتى على العامل اللي في محل المكياج.. رغم انه ما سوا شيء.. عساف : في ذاكـ المحل انتِ اللي اخطيتي يا وعد.. و بعدين حتى هو ما يحق له يتنصت علينا دامه شاف انكـ ما تحكين المفروض يبعد مو يفتح اذانة..!! وعد : اوكِ ممكن ما تعصب زود.. ناظرها و رجع ناظر الطريق.. وعد : ترى ادري انكـ لا عصبت ما ترحم.. و ما ودي موضوع مثل هذا يقلب مزاجكـ و يكدركـ احنا طلعنا عشان ننبسط و نستانس و نتعشى.. عساف وقف السيارة بـ مواقف العمارة : العشا عليكـ الليلة.. اليوم اللي بعده.. مكتب عساف.. اول يوم دوام له.. متعب : ايش فيكـ سيادة العميد..!! عساف : ابي اجازة.. جالس احاول اقنع نفسي اداوم بس ماني قادر..!! ابتسم متعب : ما اصدق انت تبي اجازة..!! عساف : خربت صح..!؟ شكلي تعودت على الكسل.. متعب : ههههههههههه واجد خربت.. عساف : حتى انا حاس.. بس صدق مالي خلق اداوم و لا بعد عندي استلام بالليل.. متعب : ما خبرتكـ اخذت اجازة طويلة خذ اجازة و انبسط ليش تخرب شهر العسل .. العقيد سعود مو مقصر.. عساف : قريب ان شاء الله يصير العميد سعود.. بس كن الشغل يسري بدمي.. ان كنت في بيتي الا ما اتنشد ما احب يكون شغلي بـ حاجتي و انا بـ اجازة مبسط.. الا صدق انت ليش ما تزوجت..!؟ متعب : مقتدي فيكـ قبل لا اشيب ماني معرس.. عساف : يعني الحين انا شايب هين يا متيعب.. كنت بـ ازوجكـ بس ما تستاهل.. متعب : ههههههههههه مالي بالعرس و حنة الحريم.. عساف : هو شوف من ناحية الحريم حنة.. فـ هن حنة لكن ما نقدر نستغني عنهن.. ام اخت عمة خالة زوجة جدات.. هن حلاة الحياة.. متعب : الله اكبر ويش صاير بالدنيا .. كل ذا العرس مغيرة فيكـ .. انفر مخكـ ..!؟ عساف : ههههههههه من زمان و هذا رأيي و لو حصل لي من زمان اعرست بس الله ما كتب.. يمكن من طقيت 26.. ويش عاد باقي.. متعب : الله يبلغنا شوفة عيالكـ .. عساف : آميـــن.. (وقف) انا شكلي بـ اقدم اجازة جديدة عند الفريق غازي.. و بـ اخليها على ماهي ان رضى كان بها و ان ما رضى ويش حيلتنا عاد.. متعب وقف : واضح انكـ متردد.. يا حبكـ للشغل.. عساف يطلع من المكتب وراه متعب : انا بـ اروح البيت تأمر على شيء..!! متعب : سلامتكـ طال عمركـ .. عساف : بلاها ذي طال عمركـ اللي احسها تنقال بـ شكل تقليدي بدون أي معنى.. تحبني صدق ادعي لي من وراي .. بلاها هالرسميات.. متعب ابتسم : و الله نحبكـ عاد لا يكون تشككـ بـ غلاكـ .. طلع سعود من مكتبة : الله يالدنيا عميدنا مداوم..!! عساف : على اساس ما تدري.؟! يعني ما وصلتكـ العلوم..!! سعود يسلم عليه خد بـ خد : الا وصلتني بس مشغول شوي.. متعب يستأذن منهم : عن اذنكم.. عساف : اذنكـ معاكـ .. فكر بس بالعرس و انا عوينكـ .. متعب ابتسم : مانبي نخرب.. خلنا حليلين لا نقدم اجازات مع بعض و يروح فيها المركز..!! عساف بـ ضحكة : طيب يا متيعب مصر اليوم تخليني ادبغ فيكـ .. متعب : السموحة بس عاد هذا الصدق.. سعود بعد ما راح رايد : شكلكـ طالع..؟! عساف : و الله ما قدرت البد بـ مكاني ثلاث ساعات على بعض.. بـ اروح للفريق غازي و بعدها للبيت.. سعود ابتسم : كيف وعد..!؟ عساف : ما عليها الحمدلله.. سعود : جعله دوم.. تكفى يا عساف ادري اني زودتها بس و الله انها شاغلة عقلي.. عساف : وعد بـ عيوني يا سعود.. سعود تنهد .. عساف : ويش بلاكـ ما تثق فيني..؟! سعود : اثق فيكـ و اثق فيها .. بس انت تدري انت نارن شابة و هي ما تمسكـ لسانها كل شيء تحكي فيه و تنقده.. اذا ما قالت رايها ما ترتاح.. عساف : ادري بـ سوالفها المجتمع و الناس و العادات اخبر هالعلوم شبعان منها.. سعود : طول بالكـ عليها.. عساف : انت ويش بلاكـ ما حسبت تشوفني كنكـ عجيز..!؟ (حرك راسة يمين يناظر سعود بـ تفحص) وشو وعد قايلة لكـ حكي..!؟ شاكية مني في شيء..!؟ سعود : لا و الله ما نقدتكـ في شيء.. بس مثل ما قلت لكـ شاغلة عقلي.. و من تزوجتها ما جبتها لنا خير شر.. عساف : قولي جيبها مو تجلس توصي كنكـ عجيز على فراشها.. ان شاء الله بـ اجيبها لكم الليلة عشان يرتاح خاطركـ .. سعود : الله يسلم خاطركـ .. ماهو تزعل علينا عاد.. وعد غالية.. عساف : انا اشهد انها غالية.. و ليش ازعل بس طمن قلبكـ المشتعل ذا.. ما يحتاج توصيني عليها.. سعود : و الله اني واثق فيكـ يا عساف و الا ما عطيناكـ اياها.. عاد يمكن كل ذا عشان مشتاقين لها.. عساف : خلاص ان شاء الله نسير عليكم الليلة.. .. المستشفى.. شوق : من جدكـ سعود..!؟ سعود : شايفتنا بالمستشفى ننتظر دورنا يعني امزح معاكـ .. شوق توترت : غريبة ويش غير رأيكـ ..!؟ سعود : للحين انا عند كلمتي انا ما عندي مانع متى ما ربي رزقنا بـ عيال حياهم الله الحين بعد سنة سنتين ما فيه مشكلة.. بس صراحة بعد لهفتكـ على الأكل امي شككتني انكـ حامل.. شوق : حامل..!! سعود : يمكن.. و يمكن حالة نفسية لأنكـ متوترة عشان هالموضوع.. و مهما كان السبب هذا احنا جايين عشان ترتاحين يا شوق.. دامكـ مصرة تجين لـ دكتورة هذا انا جبتكـ و اهم شيء تتركين البلعة اللي تسوينها.. ما ابيكـ تمرضين مو كل ليلة بـ أجبركـ ترجعين اللي اكلتية.. الممرضة : شوق غازي.. سعود وقف : يالله قومي ادخلي.. شوق وقفت : ما انت داخل معاي..!؟ سعود : ويش يدخلني عيادة نسائية.!؟ شوق الله يرضى عليكـ اصطلبي الموضوع ما يخوف الدكتورة بـ تشوف شغلها و بـ تطلبكـ تحاليل و نقضي انا موصيهم عليكـ .. شوق : طيب كان خليتيني اجيب ماما معاي اخاف و الله سعود.. سعود : ما فيه شيء يخوف.. شوفي كيف الباب عليه الحريم ما يصير اتعدا من بينهم.. يالله الله يرضى عليكـ انا منتظركـ هنا اذا ما قدرتِ تصملين لـ حالكـ اطلعي ناديني.. شوق : طيب.. ادعي لي.. سعود : الله يحفظكـ و يكتب لنا اللي فيه خير.. شوق : آمـــين.. ادارت ظهرها حتى تتجه لـ الممرضة و تدخل معاها عند الدكتورة.. و بقى سعود ينتظرها.. ما يكذب انه متلهف يكون عنده ولد لكنه ماهو مستعجل لـ درجة يكون هالموضوع هاجس بالنسبة له مثل ماهو هاجس لـ شوق.. خصوصاً انها تدرس للحين.. و بـ تنضغط لكن حتى حمل صبا اثر عليها بـ شكل سلبي.. اهم شيء تتطمن ان ما عندها شيء يمنعها من الحمل وقتها بـ يرتاح بالها.. .. بيت ابو عساف.. ابو عساف : يا حيا الله من جانا ما بغينا نشوفكم..!! وعد : الله يحييكـ يا عمي.. ام عساف : اعوذ بالله من تزوجت نسيتنا ما تطل علينا الا كل لليلة شوي كن احد لاحقكـ و تسري هذا و انت بإجازة..!! عساف ابتسم : ان شاء الله نطولها المرات الجاية.. وعد ما فاتها ان مرة عمها تنغزها لكنها طنشت و ما اهتمت.. ام عساف : اليوم عشاكم عندنا.. عساف : لا الله يطول لي بـ عمركـ انا اليوم مستلم و وعد بـ تعشى بـ بيت عمي انا وعدت سعود اجيبها لهم الليلة.. ام عساف : ويش دعوة يا حافظ.. كلم واحد من اخوياكـ يكمل الشغل عنكـ و وعد لاحقة على اهلها.. تسير عليهم بكرة.. عساف : يمه اليوم لازم استلم صار لي اسبوعين بإجازة.. ام عساف : اجل وعد تقعد عندنا و لا خلصت شغلكـ رجعت لها..!! وعد ابتسمت : ما عليه يا عمه الجايات اكثر ان شاء الله مره نجيكم انا و عساف و نتعشى عندكم... بس و الله لي عن بابا و اخواني اسبوعين.. ما شفتهم.. حتى انهم زعلانين علي بس قلت دام عساف بـ يجي يمكم اجي معه اسلم عليكم.. ابو عساف : مرخوصة يا عمي.. و حياكم بـأي وقت البيت بيتكم..!! قاطعهم صوت عبير : هـــاي..!! عساف : وعليكم السلام..!! عبير تسلم على وعد اللي وقفت لها : ياربي .. السلام عليكم و رحمة الله و بركاتة.. كذا زين.!؟ عساف يسلم عليها و تبوس راسه عبير : لا .. ويش الفايدة ان كنت بـ اذكركـ بـ سلامكـ ..!! عبير : لا كذا مرضيكـ و لا كذا مرضيكـ ويش اسوي فيكـ ..!؟ عساف : انثبري بـس و عطيني علوم القبول..!! عبير : لا اله الا الله مين قالكـ ان النتايج طلعت..!؟ عساف : مثبت ماني اهبل.. يالله علميني.!! عبير : رياضيات مثل ما تفضلت حضرتكـ .. عساف : زين .. لكـ هدية على ذا القبول الزين.. عبير : اتمناها نقدية افضل عشان ما تجيب شيء و ما يعجبني ذوقكـ ..!! عساف : و الله ما تستاهلين.. وعد : غريب داخلة رياضيات..!! عبير : مثلكـ خابر الطب شيء محرم عندنا..!! وعد : اهااا طيب على أي اساس اخترتي رياضيات..؟! عبير : عساف قال ادخلي رياضيات و دخلت..!! يعني مثل ما طاوعتي شور عمي بـ تخصصكـ ..!!! وعد ابتسمت : لا عاد انا غير و انتِ غير.. ام عساف : اكيد غير انتِ عصيتي ابوكـ و لا اهتميتي لـ شورة..!! و بنتي ما تسوي هالسواة..!! عساف كتف يدينة .. مستحيل يكلم امه قدام وعد.. لكن باقي هاللي جنبة ما تنضمن ردة فعلها.. وعد بـ هدوء : كنت على خطأ و الحمدلله بابا سامحني عليها.. عرفت غلطتِ و انتهى الموضوع.. ام عساف : الله يسامحكـ خليتينا علكـ بحلوق الناس..!! عساف : يمه الله يرضى لي عليكـ .. ام عساف : ما قلت شيء غلط.. هذا الصدق انت وقتها بغيت تذبحها هاللي رازها يمكـ..!! ابو عساف : اقصري الموضوع يا سلمى انتهى من وقتة.. همست وعد لـ عساف : ممكن نمشي..!! عساف ما يبي يزعلها و لا يزعل امه.. لكن هالموضوع ما ينفع.. امه زودتها و هالشيء ما يرضيه ليش نفتح ملفات تقفلت و شطبنا عليها..!! : انتظري شوي..!! عبير تغير الموضوع : عسافي مو تنسى هديتي بـ ارسلكـ رقم حسابي..!! عساف كان على وشكـ يرد علها لولا دخول سهاد المفاجئ و هي تبكي..!!وقف مفزوع بعدها ابوه و عبير و وعد.. ام عساف : بسم الله عليكـ ويش بلاكـ .. سهاد تدفن نفسها في حضنها و تبكي ما تبي ترفع راسها.. ابو عساف : خير ان شاء الله .. سهاد ويش فيكـ يا امي..!! سهاد : ...... ابو عساف : سلمان فيه شيء.!؟ مزعلكـ في شيء..؟! هزت راسها بـ لا من غير لا ترد بـ صوتها او ترفع راسها.. عساف تنرفز ماهي راضية تفهمهم ويش فيها بعد دخلتها بـ هالشكل.. : سهــــاد.. ارفعي راسكـ و كلمينا.. سهاد شدت على امها عشان ما تتركها.. ام عساف تناظر ولدها : لا تعصب عليها ويش بلاكـ ما تشوفها تبكي.. عساف : يمه ابي افهم ويش فيها مو داخلة بـ هالشكل علينا.!! سهاد همست بـ اذن امها : ابي اكلمكـ لحالنا.. ام عساف : ان شاء الله يا امي.. قومي معاي.. عساف يناظر سهاد وقفت و معاها امه : مو لما نفهم ويش صاير..؟! ابو عساف : اركد البنت تبي امها ويش حاشركـ ..!؟ عساف بعد ما طلعت امه مع سهاد : ويش اللي حاشرني يبه.. ما تدخل تبكي الا ان فيها بلى ..!! مستحيل يكون سلمان مخطي عليها..!! و الله لو تطلع علومها كلها دلع بنات و زعلانة منه على الفاضي لا اسفل فيها..!! وعد : عساف الله يهداكـ على طول حطيتهم متهاوشين.. يمكن البنت متضايقة من شيء ثاني.. ما تدري.. عساف : متضايقة تجي بالهداوة و تكلمنا ماهو تبكي كذا و تفجعنا..!! الله يستر ما يكون سلمان صاير له شيء..!! عبير : لو صاير له شيء كانت قالت ما طلبت امي لحالها..!! وعد مسكت عساف من عضدة : اجلس الله يهديكـ لا تشتط و تحلل و تفسر و تضيق خاطركـ و انت ما تعرف السالفة.. في غرفة سهاد قبل لا تعرس : انتِ تقولينة صادقة..!؟ سهاد : ايه.. توني جاية..!! ام عساف ابتسمت : و هذا اللي يبكيكـ ..؟! بدال لا تفرحين انكـ حامل تفجعينا..!! سهاد : مصدومة يمه مصدومة ما توقعت ما صار لي متزوجة شهر و شوي..!! ما كنت منتظرة اني احمل الحين.!؟ ام عساف : ليش تبلعين لكـ شيء..؟! سهاد : لا.. ام عساف : اجل وشو اللي ما كنت منتظرة.. يا امي طالما انكـ معرسة و ما تبلعين لكـ شيء و لا يردكـ شيء عن الحمل ان الله كتبة بـ يصير.. سهاد : بس انا ما احس اني مستعدة..!! ام عساف : معاكـ تسع شهور استعدي فيها على مهلكـ .. خليني بس اروح اطمن ابوكـ و اخوكـ لا يدرعم على الرجال يحسبة مسوي لكـ شيء.. سهاد : يمه خليكـ معي تكفين.. ام عساف : بـ ارجع لكـ انتِ توضي و صلي لكـ ركعتين شكر لله .. ما تخلصين الا انا يمكـ .. سهاد : ان شاء الله بس لا تطولين.. ما ودي اقابل ابوي و اخواني الحين و الله مستحية.. قامت ام عساف : خليكـ هنا بس هاه لا تسوين شيء غير اللي قلت لكـ مو تطري عليكـ شغلات عشانكـ حامل.. سهاد : طيب.. في غرفة الضيوف عساف مشتط كل شيء و لا ان اخته تنضام ما يتوقعها من سلمان ابد بس خايف تخيب توقعاتة ما راح يخلي فيه عظمة صالحة فيه لو اكتشف ان هو سبب دموعها : مو كنهم طولوا..!! ابو عساف : ما صار لهم ربع ساعة..!! عساف : ربع ساعة يعني لو فيه مشكلة كان حلوها.. عبير تناظر وعد : ما اقول غير الله يعينكـ عليه.. وعد : عساف الله يخليكـ و الله ضغطكـ ارتفع.. تركد شوي.. عساف : انا راكد .. بس خايف تكون منضامة و انا ما ادري عنها.. ويش بـ اسوي بـ نفسي ويش خانتي اخ لها..!؟ ام عساف : ويش بلاكـ صوتكـ واصل وين.. عساف وقف : ويش فيها يمه ويش قالت لكـ ..!؟ ابو عساف : لو البنية تبيكـ تدري كان قالت قدامكـ .. عساف : شلون يعني ما ادري تبوني اغلي على نار و الله لا اكلم سلمان و اطلع العلم من عنده.. ام عساف : كان زين تكلمة و تبرر له سوات اختكـ الله يصلحها.. يمديه فهمها غلط.. عساف : ليش ويش سوت..!؟ ام عساف : صياحها ذا كله عشانها عرفت انها حامل..!! عساف بـ صدمة : وشوو..!! ابو عساف : ماشاء الله.. ماشاء الله.. عساف : وينها التبن حتى شغلي متأخر عليه افجعتني اخر شيء تقولين لي حامل..!! ام عساف : ويش بلاكـ انت.. بدال ما تفرح لأختكـ عصبت عليها.. تراكـ خال عيالها.. عساف : خال عيالها و نص .. بس ما تفجعنا بـ هالشكل.. حامل تفرحنا معاها مو تدخل علينا تبكي..!! وعد : عادي البنت مصدومة من الموضوع شوي ما فيها اشكالية..ان عبرت عن صدمتها بأي شكل.. عساف : لا و الله عبرت عن صدمتها.. زينة الحين حركتها يمديها افجعت الرجال ما راح يفهم الا انها ما تبي منه عيال..!! وعد : ما راح يفهم هالشيء تلاقية حتى هو انصدم من وقع الخبر.. ماله داعي تكبر الموضوع كلمه اذا كان بـ خاطرة شيء قولة ان سهاد مصدومة شوي و الموضوع مو مثل ما في بالكـ و هي بعدين بـ تطيب خاطرة.. ابو عساف : هه و الله ان زوجتكـ اعقل منكـ .. عساف : انا رايح الحين و راح اكلم سلمان بس بنتكم ان ما سفلت فيها ما اكون عساف.. عبير : رجاءاً انا للحين مو مستوعبة اني بـ اصير خالة خلني استوعب و افرح و تولد بعدين سفل فيها نبي اللي في بطنها.. لو ما تقابلها لين تولد ازين عشان الولد ما يطلع عليكـ بأي شكل من الأشكال.. ام عساف : يا بختة ان طلع على خالة .. (تناظر ولدها) الله يبلغني شوفة عيالكـ يا ابوي و افرح فيهم.. عساف : آمين.. يالله وعد البسي يا دوب انزلكـ في بيت عمي و الحق على الشغل.. وعد : ان شاء الله.. عساف : تأمر على شيء يبه..!؟ ابو عساف : سلامتكـ بس تركد شوي و خف من ذا العصبية لا تفجع بنت عمكـ .. عساف ابتسم بعد ما باس راس ابوه : على اساس هي ماهي خابرتني.. هاه يمه تبين شيء..!؟ ام عساف : سلامتكـ يمه انتبه لـ نفسكـ و لا تقطعنا.. وعد اتجهت لـ عمها باست راسه و يده : تأمر على شيء يا عمي..!؟ ابو عساف : ركدي زوجكـ يمكن تسوين اللي انا ما قدرت اسوية.. ابتسمت وعد : و الله هو راكد بس عاد عنده مواضيع خط احمر ان قرب احد منها يولع علينا.. عساف : تراني اسمعكـ ..!! وعد اتجهت لـ ام عساف و باست راسها : تأمرين على شيء يا عمه..؟! ام عساف : سلامتكـ .. اودعتكم الله.. الله يحفظكم.. عبير : عساف مو تنسى هديتي تراكـ وعدتني.. عساف : ماني ناسي.. يالله نسلم عليكم.. .. بيت ابو سعود.. مشعل : مليت من الجلسات.. ابو سعود : تونا قايلين بسم الله.. مشعل : يبه تعب ماهي هينة.. ابو سعود : ليش كنت متوقع انكـ تمشي بـ سهولة.. لازم تتعب عشان ترجع مثل ما كنت.. مشعل تنهد : استغفر الله العظيم.. ام احمد : تحمل يا ابوي البداية صعبة بس ان شاء الله تكون سهالات بعدين.. مشعل : ترى جدتي عرضت علي عرض ما ينطوف.. شكلي بـ اسمع كلامها دام كل من شافني قالي شد حيلكـ .. ابو سعود : انكـ تعيش في بيت ابوي..!! مشعل تحطم : مين قالكـ ..!؟ ابو سعود : امي قالت لي.. شيل الفكرة من راسكـ .. مشعل : ويش فيها يبه..!؟ ابو سعود : فيها ونص.. ما عاد الا هي.. انثبر بس ابيكـ قدام عيني مو تنحاش.. جالس معاهم يغلي وده ينشد عنها بس يعرف ان ما فهموه غلط بـ يطقطقون عليه ما راح يمر الموضوع بـ سلام.. اصوات تداهم عقلة انشد عنها تراها امانة بـ رقبتكـ مسؤول عنها يوم القيامة.. و صوت يقولة انت رفعت يدكـ منها و صارت بـ وجه ابوكـ انت مالكـ دخل..!! راح حتى للغرفة اللي تنام فيها مع رند وما لقاها هناكـ رند اللي رجعت تنام مع ابوها فاجئتة انها تنام عند امه..!! شلون يعرف ويش بلاها من غير لا احد يقلبة مسخرة..!! ما فيه الا يكلم امه لحالها.. حاتم : غريبة وليدان ويش عندكـ تقلي على نار..!؟ وليد رفع حواجبة : ليش انا حتى ما حكيت عشان تقول اني اقلي..!؟ ابو سعود : ما يحتاج تحكي من جلست و انت بس تفح بـ وجيهنا و ما ركدت و انت جالس.. وليد : ويش عندكم بـ تقلبون محللين نفسيات..!؟ ابو سعود : بـ خاطركـ شيء قولة ليش تحاول تكبتة..؟! وليد : ما بخاطري شيء .. (بـ نرفزة خفيفة عشان ابوه ما يقدر يعصب عليه) يعني عشان فحيت صار عندي شيء..!! ابو سعود يستهزء فيه : ويش رايكـ تهبدني ..!؟ (بـ حدة) تكلم عدل معاي..!! وليد : ان شاء الله.. لكني ما قلت شيء يبه انا ما عندي شيء لو عندي شيء كنت بقيتة عندكم.. ابو سعود : على راحتكـ ..!! نوال كلمتِ سها اليوم..!؟ ام حاتم : لا و الله ما كلمتها.. دقيت عليها جوالها مقفل.. مشعل : ما سوت سوات اسيل و جات من البكرة ما عندها ذيكـ وقت و هاذي حتى اتصال مستبخلة فيه.. حتى وعيد اللي من تزوجت و لا مره دخلت بيتنا انتم متخيلين هالشيء..!؟ انا مصدوم خواتي مسرع باعنّا..؟! وليد يناظر الباب اللي انفتح : لو انكـ طاري مليون كان استفدنا على الأقل.. وعد : السلام عليكم.. : وعليكم السلام.. سلمت على ابوها و خالاتها ثم اخوانها.. وليد : ما بغيتِ تشرفينا حضرتكـ ما يحتاج ما عندكـ اخوان تسلمين عليهم.. وعد : بكاش من يومين مكلمتكـ .. مشعل : تراه يكذب عليكـ لو اني معطية مليون مقابل يتبرأ منكـ كان سواها..!! وليد : لو تعطيني الفين ريال الله وكيلكـ لا اتبرا منها ومن اللي جابوها..!! ما حس وليد انه جاب العيد بـ كلامة.. وعد جلست جنب ابوها : ويش انتظر منكـ عاد اذا تبريت من ابوكـ على حساب الفين ريال بـ انتظركـ تقوم فيني..!! الله يغنيني عنكـ ..!! وليد استوعب اللي قاله.. قام بـسرعة و باس راس ابوه.. : مزحة و الله.. وعد : كذاب و مشلوعة عينكـ لو انكـ مخليها على المليون اهون لكن انت ارخصتني و ارخصت ابوكـ ..!! وليد : انكتمي يا محراكـ الشر.. يبه و الله طلعت بـدون قصد..!! وعد : ويش عاد باقي اذا الرجال طول بـ عرض ما يتحاسبون على شين قول و فعايلهم..!! وليد : لو ما جيتي ازين.. كنّا مرتاحين بلاكـ .. ابو سعود يناظر وليد : ويش تبيني اقولكـ ..!؟ تهاوش معاها و تسبها قدامي و تقولي السموحة مزحة..!! وليد يبوس يد ابوه و راسة و كتفة : يبه تكفى لا تكبر الموضوع.. ابو سعود انت تدري فيني احيان لساني يتبرأ مني.. وعد : ما ادري ويش عندكـ اليوم بـ تبرأ من الكل بقي تبرأ من نفسكـ و يصير ما عليكـ حرج..!! وليد يطنشها : ابو سعود عاد ما نقوى على زعلكـ .. افردها الله يفردها بـ وجهكـ .. و يفرحكـ دنيا و اخرة.. مشعل : هههههههههههه ادعي لي معاكـ واضح دعوتكـ طالعة من قلبكـ ..!! خالد : تستاهل عشان تحسب حساب الكلمة قبل لا تنطقها.. ياسر : ويش عاد باقي بـ عمركـ و انت تحكي حكي مثل وجهكـ ..!؟ وليد يسحب وعد و يقومها و يجلس هو جنب ابوه : يبه تكفى لا تشمت فيني العذال.. يا كلمة ارجعي مكانكـ .. وعد : لا و الله مو بكيفكـ مكاني..!؟ وليد : يبه..!! وعد : قوم وليدان ما احد قالكـ تقول كلام ما انت قده.. وليد يبوس راس ابوه من جديد و ابو سعود مطنشة : تكفى جعلني فدا لمواطي رجليكـ .. يا بعد روحي يبه بـ تزعل صدق من مزحة.. انت تدري ان هالنتفة هاذي ما ابيعها بـ كنوز الدنيا شلون عاد انت .. انت الغالي لو طلبت روحي ما غلت عليكـ .. وعد تمد لسانها : بدينا بالسلق عاد انت ما ينقدر عليكـ يمه منكـ شغال تمسيح جوخ.. وليد يأشر بـ حواجبة على ابوه يبي وعد تقول كلمة عدلة بدل ما هي تزيد الطين بله.. وعد بـ عناد : اول شيء قوم من مكاني و تالي افكر اكلم بروو.. وليد يمسكـ نفسة ما يسبها مروقة عليه حضرتها : ماني متحركـ من هنا بـ الصق اليوم لأبو سعود لين يقولي مسموح..!! حاتم يناظر اخوانة : انقلب حالة 180 درجة.. ياسر : لا تخاف عليه الحين ابو يقولة مسموح وليد عاد شاطر بـ مساحلة ابوي.. ما يتقن شيء كثر ما يراضي ابوي ان زعل.. حاتم : ههههههههههه ما توقعتة كذا.. ياسر : تراه هاجد الحين و الا قبل لا يدخل الأمن كان معروف بـ ذا الحركات لا بغى شيء من ابوي.. اذا ابوي ما يسمح لنا نسهر برا يسمح له.. ويش تبي زود.. ابو سعود : ماشي يا وليد لكن لو سمعت منكـ هالحكي مره ثانية لو مزح ما راح ارضى.. وليد يبوس راسة و كتفة : الله يديمكـ عز و ذخر لنا يا ابو سعود جعلني ما اذوق حزنكـ .. وعد : خلاص عاد قوم بـ اجلس جنب بابا.. وليد : ليش يعني عشان عساف مو هنا و الا لصقتي فيه..!؟ وعد : ما يخصكـ قليل ادب..!! يلعب بـ حواجبة : اسبوعين يالظالمة نساكـ ايانا فيها..!! وعد جلست : ما احد ينسيني اياكم بس عشان تشتاقون لي.. الا وين ميار و جود و نهى..!؟ ام سعود : ميار و جويد من شوي صحيتهن يصلن و يمديهن رجعن نامن.. اما نهى من جات هنا ما طلعت من غرفتها..!! وعد رفعت حواجبها من غير لا تعلق.. مشعل : خير ويش عندكـ حواجبكـ شوي و تلصق بـ قمة راسكـ .. وعد : ويش عندي يعني..!! كنا متفقات نجي اليوم شكلي جاية بدري..!! خالد : لا و الله اللي يسمعكـ يقول جالسة لحالكـ ما احنا عاجبينكـ .؟! وعد : ما قلت كذا بس صدق غريبة لا ندى و لا دانه..!! ابو سعود : و سها.؟! ما كلمتيها..؟! وعد : لا.. اصلاً احنا حكينا بـ قروب ما ادري اذا بـ تجي او لا ما قالت شيء..!! و حتى كنت في بيت عمي من شوي و ما شفتها.. ام حاتم : يمديهم ما هم مسيرين عليهم اليوم.. وعد : ماله داعي يسيرون من ثاني يوم طلعوا من الفندق و اسكنوا في بيت عمي.. ام حاتم : غريبة..!! على اساس بـ يقعدون اسبوع..!! وعد : ما ادري.. عادي من زين الفنادق.. وليد : اقول ماشاء الله عندكم قروب لكن..!؟ وعد : طبعاً .. لازم يكون فيه قروب خص نص لنا.. ابو سعود : دخلوني فيه.. وعد شرقت : كح كح وشو..؟! ابو سعود : ابي اكون في ذا القروب حقكم.. و الا ما تبوني..!؟ وعد : ويش دعوة مو بس قروب الا ندخلكـ بالنت كله.. ان شاء الله اقول لـ جويد تضيفكـ هي مديرة القروب.. مشعل يلعب بـ حواجبة وهو مبتسم خرب على خواتة : راحت عليكم ابراج مراقبة حتى بالقروب.. داهمهم صوت جود المعترضة : ما عليش ابو سعود طلبكـ مرفوض هذا قروب خاص فينا و بـ مشاكلنا البناتية.. ممنوع دخول ابراج مراقبة او جنس الرجال كلش كلش.. ام احمد : الناس تسلم مو تدخل تحلطم..!! جود : لا عشان اقنع ابو سعود من اولها.. اتجهت له هي و ميار حتى يبوسون راسة و بعدها على امهاتهم و خالاتهم.. ابو سعود : و الله شكلي كبرت اجل صرت برج مراقبة مالي لزمة.. جلست جود جنب وعد ثانية رجلها اليسار تحتها : اذا انت مالكـ لزمة اجل مين له لزمة.. بس صدق بابا هذا قروب خاص عادي ادخلكـ بس مردنا نسوي قروب غيره.. صح احنا بناتكـ بس يعني فيه اشياء ما نقدر نقولها لكـ .. ابو سعود : وشو الشيء اللي ما تقدرين تقولينة لي الا ان كان شيء غلط..!! جود : شفت انت نظرتكـ سلبية.. بس القروب مجرد فضفضة فرضاً لو وعد متهاوشة مع عساف و ما تبي احد يدري بس مقهورة و ودها تفضفض لو قالت لأحد فيكم المشكلة بـ تعتبر كبرت بس احنا نسمع و ننطم..!! وعد : و ما لقيتي تضربين مثل الا علي انا و عساف..!؟ انا عن نفسي ما عندي شيء اخبية.. ابو سعود : انتِ بالذات ادري ان هالقروب ما يأثر فيكـ لو عندكـ شيء بـ تخبينة ما راح تعلمين خواتكـ كلهن بـ تضمنين اللي ما تحكي لي شيء .. اعرف حركاتكـ .. وعد : اوبس حسستني انكـ متعقد مني.. قاطعهم دخول سعود و شوق : السلام عليكم.. : وعليكم السلام.. شوق : عن اذنكم.. ناظرها سعود و هي طالعة خايبة.. طمنتها الدكتورة ان ما فيها أي علة تمنعها من انها تحمل لكن هو اعطاها امل تكون حامل من شكـ امه.. سعود تقدم من بعد ما طلعت شوق : الشمس من وين طالعة وعودة عندنا..!؟ وعد : من الشرق يا عيني.. واحشيني قلت اسير عليكم.. سعود : كذابة لو ماني قايل لـ عساف يجيبكـ ما كنا شفناكـ .. وينه ما جاء معاكـ ..!؟ وعد بدون نفس : راح الدوام..!! سعود : ويش فيكـ تقولينها و انتِ قالبة وجهكـ ..!؟ وعد : بس كذا.. وليد : يا حمارة ما انتِ جاية عشانا عشان عساف مداوم.. و لا بعد هذا و سعود طالبكـ ..!! .. بيت ابو عساف.. جناح ماجد.. ماجد يطقطق على الايباد : ما تبيني اوديكـ لأهلكـ ..!؟ سها : لا ..؟! ماجد التفت لها يناظرها يبصم بالعشرة زواجتهم فيها ان.. تسوي الشيء اللي يقولها عليه و بس ما طلبت تروح لأهلها او أي شيء ثاني.. و لا تسولف معاه..!! سها : ايش فيكـ ..!؟ ماجد : ابداً.. بس عساف كان هنا و قال ان بيودي وعد بيت عمي متفقات انكن تجتمعن و استغربت انكـ ما قلتِ لي..!! سها بـ حدة : انا ما اتفقت مع احد.. ماجد بـ حدة مشابهة لـ حدتها لكنها بـ طيبعتة اقوى منها : لا تنترين بـ وجهي..!! ليش ما تبين تروحين بيت عمي..!؟ سها : انا ما قلت اني ما ابي اروح.. قلت لكـ اني ما اتفقت مع احد.. خفت اقولكـ و ترفض و لما صحيت حسيت راسي مصدع مالي خلق اروح هناكـ و قررت ما اقولكـ .. ماجد : الى متى مقررة تكذبين علي..!؟ سها : و ليش اكذب عليكـ ...!؟ ماجد : عشان تدارين على شيء مخبيتة علي.. انا ما احب اعيش و كني مغفل..!! ابي كل شيء بيننا يكون صريح ما يكون بيننا حواجز لا تبانين لي و لا ابان لكـ ..!! سها : عمركـ ما بينت لي انكـ تبيني.. على اننا كم مره نتقابل في بيت جدي..!! ما عمري حسيت انكـ تبي تتزوجني..!! ماجد : و هذا اللي مزعلكـ ..!؟ اذا قصدكـ على حركات النص كم و اكلمكـ و تكلميني من قبل العرس هذا الشيء ماهو عندي.. انا رجال صريح بغيتكـ و خطبتكـ ما ظنتي اجرمت.. سها : اخوكـ عساف بعد ما عنده حركات نص كم لكن على الأقل وعد كانت متأكدة من حبه لها.. ما اختارت حياة على عماها.. ماجد : ويش دخل عساف و وعد بـ حياتنا..!! هم لهم حياتهم و احنا لنا حياتنا.. اذا قصدكـ على الحب الحب يجي مع العشرة الطيبة.. ما اقولكـ يا سها اني ما راح احبكـ .. انتِ اللي تقدرين تحببيني فيكـ او تنفريني منكـ .. انا صار لي اسبوع معاكـ احاول ابين الحياة لكـ تغيرت معاي لكن انتِ حتى ردة فعل زي العالم و الناس ما عندكـ اذا ما نشدتكـ ويش رايكـ ما تبدين رايكـ و اذا قلت لكـ سولفي قلتِ لي ما عندي سوالف و ما تسوين الشيء الا اللي اقولكـ عليه..!! حتى لما الغيت حجز الفندق من بكرة عرسنا ما اعترضت و لا نشدتيني ليش..!؟ رغم ان اهلي كلهم انشدوني و انتِ صاحبة الشان ما كلفتِ على عمركـ ..!! سها : انا مو من طبعي اتشرط و ارادد و اخالف احد.. انت صاحب الشور الكلمة اولاً و اخيراً لكـ يعني رأيي ما يفيد..!! ماجد : ماني متحجر عشان اعتبركـ نعجة و امشيكـ على رأيي انا خايف ربي فيكـ ما ابي اظلمكـ معاي .. الحياة الزوجية شراكة.. شراكة يا سها مو معقول كل شيء انا اللي بـ اقولة لكـ و انتِ تنفذين طلباتي..!! سها : ما فهمت انت ويش تبي مني الحين.. كل ذا عشان ما طلبتكـ اروح بيت اهلي..!؟ طيب يمكن صدق انا ما ابي اروح هناكـ ..!! المفروض هذا الشيء ما يعنيكـ علاقتي بـ اهلي تخصني انا ما تخصكـ ..!! ماجد رمى الأيباد بـ قهر جنبة و ناظرها بـ قوة : وشو..!؟!! سها وقفت و هي تشد بلوزتها البييضاء : اللي سمعتة.. علاقتي بـ اهلي ما تخصكـ اللي يخصكـ اني اقوم بـ واجباتكـ كاملة غير كذا ما يعنيكـ ..!؟ ماجد وقف : هالوضع ما يمشي عندي.. و الله يا سها ان ما علمتيني مين اللي اجبركـ علي لا اروح لـ بيت عمي الحين و اردكـ عليه..!! سها : قلت لي انا ولد عمكـ و اللي يمسكـ يمسني..!! يعني ترجعني بيت اهلي بعد اسبوع من زواجي ما راح يخلي الناس تنقدني..!!؟! ماجد : انا قلت لكـ فترة نقضيها مع بعض و تحاولين تقبليني فيها كا زوج لكن ماني شايف أي تقبل منكـ.. اللي تسوية مثل ما قلتِ تأدية واجب مو اكثر..!! معاكـ عشر دقايق تلبسين عبايتكـ اوديكـ بيت عمي.. ما يلزمني زوجة بس جسد و روحها ماهي معاي.. طلع ماجد تاركها بـ مصيبة حلت على راسها..!! بـ يذبحونها قبل لا تقولهم شيء .. جايتهم بعد اسبوع مطرودة من بيتها.. جلست يديها على راسها.. خالد و ياسر اول من طرى عليها..!! هالمره هي ما اذنبت اعطت ماجد كل شيء.. الا قلبها ما قدرت تفتحة له.. ما قدرت الا انها تسمع كلامة و ما تعصية في شيء .. بكت و هي تخسر كل شيء قدام عيونها.. عايشة بالإسم و بالأساس ميتة.. مين يوقف معاها هالمرة..!! مين بـ يسندها..!؟ مين بـ يهون عليها..؟! ظلت جالسة و دموعها تنزل بدون أي احساس الا بالخوف..!! الخوف اللي يحسسها انها ما زالت باقية على الدنيا.. دخل ماجد شافها جالسة و تبكي.. كسر قلبه منظرها بس ماهو عارف ويش اللي مسوي فيها الشيء مستحيل تكون كذا بـ حياتها الطبيعية..!! عدا ان كلامها عن علاقتها بـ اهلها يدلل له ان فيه مشكلة مكرهتها فيهم..!! .. أستغفر الله العظيم و أتوب إليه.. لا أحلل نقل الرواية دون ذكر اسمي.. هاشتاق #رواية_لو_سألتي_الورد ضحكة قهر.. http://up.graaam.com/img/23407876b74...eba11d9f14.png http://up.graaam.com/img/c433481acf7...1de64fbad2.png |
رد: لو سألتي الورد وهو ما بين إيدك أقطعك بيقول لك عمري فداك الكاتبة / ضحكة قهر
بسم الله الرحمن الرحيم..
السلام عليكم و رحمة الله و بركاتة.. كل عام و انتم بخير يارب و الله يجعل ايامكم كلها سعادة و هنا.. ما ابي اكتب مقدمة بـ اخليها للخاتمة.. اتمنى ان هالبارت يكون بـ محلة و لم كل الأحداث.. البارت طووووويل اطول من اللي قبله.. البارت السبعون..و الأخير.. جيتي بعد مسّ العطش ذابل الورد وخذتي من أجداث الحنايا ربيعي خلاص متنازل عن أحلامي الجرد مابي أحبك ... ودي ارجع طبيعي لـ خالد عايش.. طلع ماجد تاركها بـ مصيبة حلت على راسها..!! بـ يذبحونها قبل لا تقولهم شيء .. جايتهم بعد اسبوع مطرودة من بيتها.. جلست يديها على راسها.. خالد و ياسر اول من طرى عليها..!! هالمره هي ما اذنبت اعطت ماجد كل شيء.. الا قلبها ما قدرت تفتحة له.. ما قدرت الا انها تسمع كلامة و ما تعصية في شيء .. بكت و هي تخسر كل شيء قدام عيونها.. عايشة بالإسم و بالأساس ميتة.. مين يوقف معاها هالمرة..!! مين بـ يسندها..!؟ مين بـ يهون عليها..؟! ظلت جالسة و دموعها تنزل بدون أي احساس الا بالخوف..!! الخوف اللي يحسسها انها ما زالت باقية على الدنيا.. دخل ماجد شافها جالسة و تبكي.. كسر قلبه منظرها بس ماهو عارف ويش اللي مسوي فيها الشيء مستحيل تكون كذا بـ حياتها الطبيعية..!! عدا ان كلامها عن علاقتها بـ اهلها يدلل له ان فيه مشكلة مكرهتها فيهم..!! رفعت راسها لما شمت ريحة عطرة وقفت : الله يخليكـ ما ابي اروح.. لا ترخصني يا ولد عمي.. لا ترميني بالنار.. و الله بابا و اخواني يذبحوني.. ويش اقولهم طردتني من بيتي..!! ماجد : انا عطيتكـ و عطيت نفسي فرصة لكن انتِ رفستيها..!! ما ينجبر قلب على قلب يا بنت عمي.. اذا العيال و عمي جابرينكـ و الله انا اتحمل عنكـ كل شيء بس انتِ ما انتِ معلمتيني بالصدق..!! سها : و الله العظيم ان بابا اعطاني الوقت اني افكر و قلت له اني موافقة و استخرت و ارتحت .. بس انا هبلة!! مالي رأي.!! ما اعرف كيف اتصرف..!! ماجد حزنتة و هي تسب نفسها قرب منها : لا تقولين كذا عن نفسكـ .. سها اللي يهمني اني ماني مفروض عليكـ .. ويهمني بعد تفتحين قلبكـ و روحكـ لي.. لا تحبيني بس تقبليني.. انتِ شريكة حياتي مو معقول ما تبادليني نفس الإهتمام و الإحترام.. اذا انتِ جامدة بـ هالشكل بكره بـ يجونّا عيال شلون بـ تربينهم..!؟ انتِ حتى كلمتين على بعض عدلة ما قلتِ لي .. ما تصفصفين الحكي الا ان حديتي سكاكينكـ علي..!! سها : انا آسفة.. اوعدكـ ما اعيدها.. بس لا توديني بيت اهلي.. بليز ماجد.. الله يخليكـ .. ماجد : توعديني تحاولين تتقبليني و تغيرين من هالإسلوب اللي معيشتني فيه..!؟ هزت راسها .. ماجد : ابيها اسمعها منكـ مو تهزين راسكـ .. سها : اوعدكـ .. بس طول بالكـ علي.. ماجد : انا بالي طويل الا عند الغلط ما اتحمل.. سها : لا ان ..شاء.. الله.. ما اغلط.. ماجد : روحي اغسلي وجهكـ ما ابي اشوفكـ تبكين.. سها تمسح دموعها : طيب.. مسكها ماجد قبل لا تمشي : ايش رايكـ نتعشى برا.. سها ابتسمت : ما عندي مانع..!! ابتسم لإبتسامتها بداية خير : اوكِ اجل تجهزي.. سها : ان شاء الله.. .. بيت عامر.. ابو عبدالله : و الله جماعة فيهم الخير و البركة.. ان شاء الله بس تثبت هالزيجة ما تفضحنا..!! عماد : اللي ربكـ كاتبة بـ يصير.. غازي : و نعم بالله.. بس لازم نأخذ بالأسباب.. اركد هالمرة.. ام عامر : متى حددتوا العرس..!؟ ناصر : الأخ عيّا عن العرس يقول ملكة و عشاء بسيط بـعد شهر..!! عهود : انت ليش تبي تكدرنا.؟! عماد : عشان لا طلقتها يكون بدون خساير واجدة..!! ابو عبدالله : لا يالحمار.. مرخص البنية حتى عرس مثل العالم ما انت مسوي لها مو من طيب نيتكـ بعد ناوي الطلاق..!! ترضاه تتسوى بـ خواتكـ ..!؟ عماد : يبه مزحة.. ان شاء الله هالمره صامل عليها اهم شيء عندي ما تكون قشرا.. ام عامر : لا و الله ماهي قشرا الا حليلة البنت.. و نشدنا عنها واجد كله عشان هالخاطر.. عماد : الله يسلم لي خواطركم.. انا جربت اختيار ابوي و طلقت و جربت اختياري و طلقت ان شاء الله اختياركـ يمه انتِ و ام ناصر وحده بـ وحده.. ام عامر : الله يكتب لكم الخير اهم شيء انت يا وليدي خل خاطركـ سمح لا تخوف البنية منكـ ترى ماضيكـ اقشر عندها تدري انكـ مطلق ثنتين و كلهن يقربن لكـ وكاد انها تخاف منـكـ .. محمد : عمي بغيتكـ بـ موضوع.. غازي : تأمر.. ابو عبدالله استغرب مو عادة محمد..!! : خير ويش عندكـ ..؟! ويش مهبب..!؟ محمد : ماني مهبب شيء يبه.. غازي : عندي يا عامر.. عبدالله : و الله هذا اللي ضيع اخواني الدبش.. ان واحد اشتط الثاني خلاهم يوقفون بـ صده..!! غازي : قول كلمة زينة .. الولد ما قال شيء للحين قال يبيني بـ موضوع على طول حطيتوه مخطي..؟! ابو عبدالله : ما هو قصة طلعناة مخطي بس ماهو بالعادة..!؟ اكيد فيه مصيبة..!! غازي : استغفر الله العظيم.. (وقف) قوم يا عمي قوم.. قام محمد و طلع بعد عمه.. ناصر : الله يستر بس لازم نجهز انفسنا لـ مصايبهم.. الناس تكبر و تعقل و هذولي العكس يكبرون و ينهبلون.. ام عامر : ويش بلاكم على الولد.!؟ ما قال شيء بغى عمه بـ كلمة راس..!! بالحديقة.. غازي : ايش فيكـ متردد يا عمي ..!؟ محمد : مستحي منكـ .. غازي : لا تستحي.. انا اعرفكـ يا محمد و اعرف اخلاقكـ عدل.. صح انكـ اخطيت باللي سويتة بس ان تبت لـ ربكـ الله ان شاء الله بـ يغفر لكـ .. محمد : من يومها ما عاد كلمت و لا رحت للأسواق.. الله يتوب علي.. غازي : اجل ايش فيكـ ..!؟ محمد : ابيكـ تكلم ابوي ابي اتزوج.. غازي ابتسم : ويش فيكـ تقولها متردد و مستحي ما طلبت الا حقكـ .. محمد : متوقع ابوي يرفض.. و الا كنت كلمتة بـ نفسي.. غازي : ما راح يرفض خله علي.. اهم شيء فيه احد في بالكـ ..؟! محمد : لا.. غازي : و لا وحده من البنات اللي تكلمهم..؟! محمد : كنت يا عمي.. و بعدين كلهن كان يعرفن ان السالفة تسلية ماهو اكثر.. ما وعدت وحده اني اتزوجها.. غازي : طيب لا تشتط علي حبه حبه.. انا بـ اكلم ابوكـ و بـ اخليه يكلم امكـ تنشدكـ ان عندكـ مواصفات معينة في بالكـ .. و تالي نشوف ويش يطلع معاهم ويش يناسبكـ و ويش ما يناسبكـ .. محمد : ان شاء الله.. انا بـ اروح لأخوياي شوي.. غازي : الحين انا بـ اكلمة و ابيكـ تكون معاي.. لاحق على اخوياكـ .. محمد : انا ابيكـ تكلمة و ماني موجود.. غازي : ليش الموضوع يخصني و الا يخصكـ ..؟! محمد خلكـ رجال سنع لكـ كلمة في محلها.. اللي تسويه ماهو عيب عشان توسطني عند ابوكـ و تنحاش منه.؟! محمد : ادري ماهو عيب.. بس.. غازي مسكة من يده يسحبة معاه بيدخل البيت : تعال بس خلنا نشوف امي ويش عندها.. بـ مين تشور عليكـ ..؟! غازي : يـــا ولد.. عامر : حياكـ ما به احد يمكـ .. دخل غازي و بعده محمد.. يوسف بعد ما شاف محمد اللي يده بـ يد عمه : اوبس سرقت الأونكل مني..!؟ غازي يجلس : احد قايلكـ اني بـإسمكـ ..؟! يوسف : بـ ألقط وجهي من بدري.. بس ويش عنده مخقق قلوب العذارى.!؟ غازي : ويش رايكـ تبلع لسانكـ .!؟ ابو عبدالله : عطني العلم يا غازي.. ادري انه مسوي شيء ما يبيني اعرفة..!؟ ناصر : ان شاء الله بـ تأكل تبن يا محمد هالمره ما تفلت منها..؟! غازي : استغفر الله العظيم.. انا قلت لكم سوا شيء..!؟ بلعتوا الرجال.!؟ اسكتوا لين اخلص الحكي اللي عندي.. (التفت لأخوه) ابو عبدالله.. ابو عبدالله : امرني.. غازي : ما يأمر عليكـ عدو و لا ظالم.. محمد يبي يتزوج.. كلهم ناظروا بعض بـ صدمة هذا اخر التوقعات ..!!! محمد و يتزوج..!؟ عماد : توه بزر..؟! غازي : شواربة خاطة بـ وجهه ماهو بزر عمره 22 سنة.. عماد : ايه توه هالسنة تخرج حتى وظيفة ما عنده..!! عمي ويش هالحكي هو كل من بغى العرس قال يالله مشينا..!؟ غازي : ابوكـ يوظفة عنده لين يلقى وظيفة و الا يتعلم من ابوكـ و يشتغل معاه ماهي صعبة ذي..؟! عبدالله : غريبة ويش الطاري.. عرس مره وحده..؟! ام عامر : و الله ذا العلم الزين يا ولدي ما عليكـ من اوخيينكـ .. ابو عبدالله يناظر محمد : تبي تتزوج.!؟ من جدكـ و الا جالس تتمسخر علي انت و عمكـ ..؟! محمد : ما اتمسخر و لا شيء.. ماني اول واحد يعرس بعد ما يتخرج من الجامعة..!! ابو عبدالله : ايه ما انت اول واحد بس انت اغربهم من متى تهتم بالعرس..!؟ محيميد تراه لأخر العمر ماهو لعبة الموضوع اعراض ناس هاذي.. محمد : ادري يبه مانيب جاهل.. ابو عبدالله : لا اله الله سبحان مغير الأحوال..!؟ ناصر : و سواد وجهكـ ..!؟ غازي : نويـــصر.. هالموضوع انتهى.. ناصر : متى انتهى يا عمي..!؟ تضمنة..؟! غازي : ايه اضمنة.. معدنة اصيل يعرف دينة اللي صار غلطة و هذا هو بـ يصححها..!! ابو عبدالله : أي غلطة.!؟ و أي سواد وجه..!؟ غازي : خلكـ من ذا الله يخليكـ لي انت موافق على انه يعرس..؟! ابو عبدالله : دامه مصمل انا ما عندي مانع بس يسوي لي حركات و الله لأوكلة تراب مو بعدين يهون عن البنت و الا يسود وجيهنا.. محمد : انا مصمل.. و متربي و اعرف ديني عدل و اخاف ربي يبه.. ام عامر : انتم ويش بلاكم عليه ماهو من صغرة عشان ما تهاوشونة ما يعرس..!! ابو عبدالله : يمه انا ما اهاوشة ابيه يتأكد من الموضوع اول يرجع يفكر و يستخير و ان ما غير رأيه يبشر.. محمد : يبه انا ما تكلمت الا اني متأكد و الا ما كنت قلت لكم بـ اعرس..!! ابو عبدالله : عندكـ وحده بـ خاطركـ و خايف لا تطير عليكـ ..؟! محمد : لا و الله ما في بالي احد.. اصلاً بـ اكلم امي تدور لي.. ابو عبدالله : من هنا لين تلقى لكـ امكـ على بنية فكر مره و اثنين و عشر يا ابوي ما ابيكـ تستهين بالموضوع تراه ماهو بـ هين.. محمد : ان شاء الله.. .. بيت ابو سعود.. وليد : يمه وشو انا بزر تطقطقين علي..!! ويش فيكم ما احد معبرني..! ام احمد : نعبركـ بـ وشهو..!! وليد : ويش فيها كانت تعبانة من كم يوم..!؟ ام احمد : وشو له تنشد..!؟ وليد : عشان انا مسؤول عنها يمه .. امانة بـ رقبتي..!! ام احمد : لا انت حملتها ابوكـ .. مالكـ فيها يا وليد..!! وليد : ابوي منبه عليكـ ما تعلميني صح..!؟ ام احمد : لا.. وليد : كني جاهل فيكم يمه.. طيب و ان طلع فيها مرض و الا شيء تحتاج مستشفى تخلون يصير فيها شيء كله على حساب ما ادري..!! ام احمد : بعيد الشر عن البنت ويش بلاكـ تفاول عليها..!! وليد : ما ادري عنكم اجل ليش ما تبوني ادري..!؟ الا ان فيها شيء..!! ام احمد : لا ما فيها شيء..!! اركد يا وليد لا تصرقعني..!! وليد : يمه تكفين ويش اللي اركد.!! ما يهنى لي اقعد مستريح و ان شاكـ ان البنت فيها شيء مخبينة علي..!! ويش تنتظرون ما تقولون لي..!؟ ماهي زوجتي..!! ام احمد : توكـ تعرف يا وليدان..!! الله اكبر من متى صرت تهتم..!! ما بـ يوم نشدت عنها اكلت شربت نامت بكت..!! و البنت كله تنشد عنكـ ما تعرف احد هنا الا انت.. تراها زوجتكـ يعني مره تحت جناحكـ مالها ظهر بالدنيا الا انت لا تكسرها..!! وليد : علميني ويش فيها طيب.. انا مُصر اعرف ليش انتم ما تبوني اعرف..!! ام احمد : ويش تبيني اقولكـ ان البنية كبرت..!! ارتحت..!! وليد بـ عدم فهم : كبرت..!! فجأة كذا كبرت يمه انتِ مصرة تطقطقين علي..! ابو سعود من وراه : مالت على ذا التنكـ اللي براسكـ ..!! وليد التفت لأبوه : يبه انت قايل لأمي ما تقولي..!؟ ابو سعود : ايه.. ماله داعي تدري طالما انكـ ما تبي البنية.. وليد بـ عدم تفكير : الا ابيها .. علموني الحين ويش اللي ما تبوني اعرفة..!! ابو سعود يدري انه مو مهتم كل الموضوع بـ يشبع فضولة : علمتكـ امكـ ويش تبي زود بعد..!! وليد : يبه..!! ابو سعود : و حطبة.. ويش تبيني اقولكـ سوالف حريم يا مخدي قالت لكـ كبرت فتح ذا التنكة اللي براسكـ..!! وليد برد وجهة : اه.. طيب اشرحوا لي بـ شكل افضل..!! ابو سعود : ان ما انقلعت عن وجهي لا اصكـ كف يهد ضروسكـ ..!! وليد : طيب بـ اطلع روق يا ابو سعود.. ابو سعود : مين يتكلم توكـ بـ تقطع هنا عشان تعرف ويش فيها البنية..!! خير وليدان قلبكـ تحركـ ..!! وليد بـ إستحقار : على بزر..!! ابو سعود ابتسم : ما عادت بزر.. حط بـ بالكـ حتى لو قلت لي بـ تمم زواجكـ عليها بـ امنعكـ لين تم البنت 18 سنة يا وليد ما راح اغير حكيي.. وليد ابتسم : انا اقول تزهب نفسكـ يمكن اجي اقولكـ تخطب لي.. ابو سعود : اطلع برا.. اطلـــع.. طلع وليد وهو يضحكـ على ابوه.. .. جناح سعود.. سعود : شوق و الله الموضوع مو مزعلني .. انتِ ليش شايلة همه..!؟ شوق : ما اعرف سعود بس ما ادري ليش في بالي طول الوقت..!! سعود : الدكتورة مو نصحتكـ تتجاهلين الموضوع.. انتِ ما عندكـ أي شيء يمنعكـ من الحمل و بعد تونا حتى ما كملنا سنة للحين.. اذا لي خاطر عندكـ انسية.. شوق : ان شاء الله بـ احاول.. سعود : لازم تنسينة اذا ربي كتب لنا رزق بـ نأخذة لا تستعجلين على رزقكـ .. شوق : يــــارب.. و الله سعود عشانكـ خاطري اجيب بيبي يحمل اسمكـ .. سعود : و انا مو مستعجل لو حسيت ان الموضوع طوّل كنت اخذتكـ و رحنا حللنا و اكتشفنا ان كان عندنا مشكلة .. لكن احنا بـ اول الدرب.. الله يرضى عليكـ ما ودي اشوفكـ متكدرة يكفي اللي سويتية كل الفترة اللي فاتت.. شوق : ان شاء الله.. ودي نسوي صدقة..!! سعود : تم بكره اذبح ذبيحة و اوزعها.. كم شوق عندنا.. شوق : الله لا يحرمني منكـ .. سعود : الله يخليكـ لي.. .. الفندق.. أسيل : تدري ان صار لنا فوق الإسبوع هنا..؟! نايف : طيب و اذا..!؟؟ (ابتسم) مليتي ودكـ تشوفين بيتكـ ..!؟ أسيل : مو قصدي.. بس خفت يأثر على ميزانيتكـ .!؟ نايف : عيب عليكـ استحي على وجهكـ الخير واجد الحمدلله .. و على طاري الميزانية انا ابيه يأثر الفندق هذا هدية من اخوياي و انا ناوي افقرهم..!! أسيل : هدية..!؟ نايف : ايه مهديني اقامة على حسابهم.. أسيل : نذل و الله.. طيب يومين اسبوع انت كم ناوي نقعد هنا..؟! نايف : شهر شهرين.؟! ما احد قالهم يخلون الإقامة مفتوحة..!! و بعدين استحي على وجهكـ تقولين لـ زوجكـ نذل..؟! أسيل : لأنكـ صدق نذل.. اذا كان حبيبكـ عسل لا تلحسة كله.. و انت ما حسبت.. انا كنت خايفة عليكـ و انت طلعت تتملعن على الخلق.. نايف سحب العصير من الطاولة : تخافين علي من شنو..!؟ أسيل : و لا شيء..!! ما تستاهل.. نايف : نعم..!! الحين انتِ ما تعرفين تقصرين حسكـ و تحترمين اللي قدامكـ و لا تطولين لسانكـ .. استحي يا بنت صار لكـ معاي 9 ايام بالضبط حتى ما كملنا العشر و لسانكـ عندي ويش طولة..!؟ أسيل : لا و الله..؟!!! نايف بـ حدة تمثيلية نزل الكاسة على الطاولة و تناثر شوي من العصير عليها : أسيــــل.. ايش حسبالكـ يعني..!؟ شايفتني رخمة عندكـ تقلين ادبكـ..!؟ و الا حاسبة انكـ تحطيني خاتم بـ إصباعكـ ست أسيل..؟! أسيل استغربت من انقلاب مزاجة بـ هالسرعة كل اللي كانت تقولة مزح مو اكثر وهو يعرف هالشيء : نايف ايش فيكـ ..؟! نايف بـ حدة اكبر عشان يرعبها : ايش فيني.!؟ سلامتكـ ..!؟ ابد بس زوجتي تطول لسانها علي.. و تقول لي حكي ما فيه مره عاقلة محترمة متربية تقولة لـ زوجها.. و لا بعد هم بـ شهر العسل اللي قلبيتة حضرتكـ لـ شهر بصل..!! أسيل بـ حدة خفيفة ما قدرت تزودها عشان ما تبكي : انا متربية من قبل لا اعرفكـ ما اسمح لكـ تتكلم علي بـ هالشكل.. انت ما عودتني تزعل اذا مزحت معاكـ .. نايف : لازم اعودكـ على الصراخ و الطراقات عشان تتعلمين حدودكـ ..؟! أسيل على طرف من انها تبكي : نايف انت مو جايبني من الشارع عشان تصارخ علي..!! قولي هالشيء ما يرضيني و لا تمزحين بـ هالشكل بـ ادب مو بـ هالصراخ و ما راح اسويه.. نايف مستمر رغم انه يدري فيها حتى صوتها تغير : ويش الفايدة اذا بـ اعلمكـ و انتِ على اساس مره عاقلة تعرفين الصح من الغلط.. روحي انشدي الحريم عادي اقول لـ زوجي نذل و احنا تونا بـ اول عرسنا ..!؟ لا تقولين مزح و ما مزح انتِ للحين ما تعرفين شخصيتي المفروض الشيء اللي تشكـين انه ممكن يزعلني ما تقولينة.. وقفت أسيل : و الله..!؟ ما دريت غلطنا على حضرة جنابكـ .. آسفين اخطينا على حضرتكـ و عشيناكـ انصدمت بـ واقعنا ما نقدر و لا نفهم ويش الصح و ويش الغلط.. انفجر نايف بالضحكـ على شكلها وهي تحاول ما تبكي رغم ان خشمها احمر و رموشها تبللت من دموعها المحبوسة بـ عيونها.. اول ما شافتة قلب السالفة ضحكـ صرخت عليه و هي تبكي : يا حمار يا كلب الله يأخذكـ .. و الله ما اسامحكـ تلعب فيني بـ هالشكل.. نايف : هدي هدي يا بنت الناس.. انتِ قلتِ ما عودتني.. يعني عارفتني سوسو ويش فيكـ زعلتِ..!؟ أسيل : كل تراب.. درات بـ ظهرها و دخلت غرفة نومهم تبكي من قهرها منه.. مقلبة السخيف اللي مسوية فيها ما راح ترضى بـ سهولة بـ تجيب اجله الحمار.. دخل نايف : ويش دعوة اسول .. تبكين بعد..!؟ و الله ما يسوى كل السالفة مزح.. أسيل : و انا ما ابيكـ تمزح معي.. نايف ابتسم : ما عودتيني..!! انتِ عارفة دمي ثقيل.. أسيل : ما تخففة علي .. مو بكيفكـ تتكلم علي بـ هالشكل.. انا الحين بـ إمكاني اكلم اكبر اخواني و يجيني لـ حد عندي و اشكيكـ له.. نايف جلس قدامها و كتف يدينة : ويش بـ تقولين له كان يمزح معاي و زعلت..!؟ أسيل : بـ اقولة اني قلت ماني متربية و لاني عاقلة و لا اعرف الصح من الغلط.. نايف : اوكِ بس قبل قوليله السالفة من اولها.. ان احنا كنا نمزح بعدين انتِ زعلتِ و هددتيني في اخوانكـ .. و رفعت صوتي عليه.. أسيل : و انا ما ابيكـ تمزح معي.. نايف حط اصباعة على خشمة : على ذا الخشم.. صدت اسيل عنه.. نايف : امسحي دموعكـ هذا واحد.. اثنين اذا انتِ ما تبين المزح خلاص خلينا من البداية نحط لنا قوانين واحد اثنين ثلاثة..!! التفتت له بـ حدة : لا و الله شايفني واحد من اللي يشتغلون عندكـ قوانين..!؟ نايف : لا كذا عاجبكـ و لا كذا عاجبكـ ست اسيل.؟! علميني ويش تبين بالضبط..؟! أسيل : ابي اروح عند اهلي.. نايف : نعم..!! أسيل : واضح انكـ مليت مني.. خلني افككـ من خلقتي..!! نايف بـ حدة : استغفركـ ربي و اتوب اليكـ .. أسيل لا تجنيني ما صار شيء حتى تزعلين.. أسيل بلعت ريقها من صوتة : لا صح ما صار بس انكـ اهنتني و خليتني ابكي.. غير كذا ما صار ابد.. نايف : طيب آسف غلطنا على حضرة جنابكـ سنيورة اسيل.. ويش تأمرين فيه رضاوة انا حاضر و لكـ علي بعد اكتب لكـ تعهد خطي ما امزح معكـ مره ثانية.. أسيل : من جد تكتب لي تعهد.!؟ نايف وده يصفقها : ايه.. أسيل وده ترقص بـ تمسكها عليه لأخر عمرها : طيب يالله اكتبها لي.. نايف : يعني ما همتكـ الرضاوة و لا اني قلت لكـ آسف يا سنيورة همكـ التعهد..!؟ أسيل : طبعاً مو بـ كيفكـ لما امزح معاكـ تسوي نفسكـ معصب علي لين تخليني ابكي.. ليش دموعي رخيصة عندكـ ..؟! نايف : و الله العظيم ماهي رخيصة و انتِ تدرين بـ هالشيء.. أسيل انا مانيب جاهل بـ حركاتكـ عارفكـ كنكـ خبز يديني.. أسيل : شفت ما انت قد الحكي اللي تقولة.. نايف : اني اكتب لكـ تعهد..!؟ ان شاء الله لا حجت البقرة على قرونها.. أسيل ضربتها على عضدة : نذل نذل نذل.. نايف ابتسم : ادري .. ويش اسوي احب اشوفكـ مبوزة و معصبة.. بس عاد مو هالكثر.. و بعدين لا تكررين حركة تهدديني بـ اخوانكـ تراها ما تمشي معي.. أسيل : ما هددتكـ بس انت قهرتني.. نايف : بسم الله على خاطركـ.. .. ينبع.. سيارة غازي.. غازي : ريوم بلا حركات نص كم.. ترى عيني على مشيعل.. ريما : بابا .. ليش ويش شايفني فاسخة الحيا..! غازي : اعرف حركات البنات يقوون عزومكـ و يشجعنكـ على الغلط.. ريما : شكراً يجي منكـ اكثر.. اصلاً انت ما ترتاح اذا ما سفلت فيني.. غازي يناظرها من المراية : يعني زعلتِ الحين.. ريما : ايه.. امال : و وجعية.. ابوكـ صادق.. ريما حطي عقلكـ بـ راسكـ لا تخلين الرجال يشوفكـ مرخصة نفسكـ .. ريما : شفت غازي خليتها تسبني و انت اكثر واحد تدري اني ما راح اسوي شيء ما يرضيكم.. انا لو بـ اقابلة قابلتة قدام عيونكم مو من وراكم.. غازي : احنا خايفين عليكـ و على مصلحتكـ .. كلنا في مكان واحد و لو ما حنيتي علي على ذا الروحة للبحر ما كنت جيت بس عشان خاطركـ .. فتحت الباب و نزلت من السيارة.. ندى : لا تضغطون على البنت تعاملونها كنها طفلة.. و هالشيء ما يرضيها.. على البحر سحب من العلبة و قلبها حتى تنكب .. صبا زعلت : يــــاسر..!! ياسر بـحزم : انا ماني منبهكـ ما تشربين بيبسي..!؟ صبا : نفسي فيه.. وشو يعني انت من جهة و ولدكـ من جهة ما يصير..!! ياسر : يا بنت الحلال ماهو زين لكـ ماهو زين.. صبا : ترى ما يصير لازم تتفق انت ولدكـ من الحين مو من قبل لا يجي لعوزتوني..!! ياسر رفع حواجبة : لا والله..!؟ صبا : اذا على كم علبة بيبسي تهاوشتوا بكره ويش بـ تسوون فيني..!؟ ياسر : جالسة تطقطقين علي حضرتكـ ..؟! صبا : هههههههههههه ما عندكـ حس الدعابة.. بس صدق صدق انت مستقعد لي.. ياسر حلها شوي ما يصير كذا..!! اقولكـ متوحمة عليه يعني شيء مو بـ يدي.. ياسر : و متوحمة عليه ترمين نفسكـ للهلاكـ .؟! شربتية مره مرتين عاد خلاص ماهي فتة..!! صبا تسبل بـ عيونها : بليـــز حبيبي عشاني..!! حركـ رقبتة ياسر يمين و يسار يطقها : مره وحده بس.. بعد كذا ما راح ارضى.. صبا : الله لا يحرمني منكـ .. ياسر : و لا منكـ ..!! صبا : اقولكـ شيء بس ما تزعل..!! ياسر : قولي.. صبا : زمان كنت اسميكـ متوحش.. كنت اخاف منكـ حيــل.. يعني انت و مجموعة كذا من عيال عماني ما احب اجلس وهم فيه اخاف اغلط و ينحروني.. ياسر كتف يدينة : مجموعة..!! مين غيري..!؟ صبا : عساف و سعود.. و عمر لو مو اخوي كنت حطيتة معاكم.. بس انت كنت بزيادة.. ما قد جاء في بالي ممكن تخطبني.. انصدمت لما بابا قالي انه ياسر خطبكـ تصدق بكيت يومها..!! ياسر ابتسم : لـ هالدرجة ما انبلع حتى..؟! صبا : امبلى تنبلع بس مو بـ ذيكـ الحزة من وقتها رفضت و بابا قالي بـ اعطيكـ وقت تفكرين و تشاورين نفسكـ ترى الرجال حتى لو كان شديد في بيته و مع زوجتة و عيالة غير.. يعني انتِ تبين لكـ واحد رخمة لا يهش و لا ينش ما ينشد فيه الظهر.. حكى لي كلام كثير يقنعني بـ الشخصية بـ شكل عام مع ذالكـ تركـ لي الخيار.. ياسر : و انا ما خليت لكـ خيارات..!! صبا : خفت تسويها و تحجر علي.. اوافق بـ رضاي اهون من اني اكون مجبورة.. ياسر : هههههههههههههههه ترقعين لـ نفسكـ ..!! صبا ضربتة من عضدة بكل قوتها اللي ما اثرت فيه مستمر يضحكـ عليها : ما اسمح لكـ تضحكـ علي.. شفتني قلبي رهيف ما اتحمل احد يصارخ بـ وجهي فرد عضلاتكـ علي..!! ياسر : ما احد قالكـ ما تقوين قلبكـ و توقفين بـ وجهي..!! صبا اتسعت عيونها بـ صدمة : من جدكـ تبيني اوقف بـ وجهكـ كذا و اراددكـ.. ياسر : ايه ليش..!؟ صبا : يمــــه ما اقدر..!! شلون..؟! ياسر : كذابة و مشلوعة عينكـ كل ما قلت لكـ شيء قلتِ لي لا يعني كذا ما ترادديني..!! صبا : اقصد قبل لما جبرتني اوافق لما اشوفكـ متوحش..!! ياسر : يعني الحين تغيرت النظرة..!؟ صبا : حيــــل..!! رغم انكـ لعوزتني اول عرسنا بس ما يخالف فدوة لكـ دموعي اللي نزلت..!! ياسر : الله يقدرني و اسعدكـ الباقي من عمري و اعوضكـ عن كل دمعة طاحت بـ سبتي.. صبا : يكفيني تكون معاي ياسر.. يكفيني احس بـ قلبكـ على قلبي.. يكفيني بـ حبكـ لي.. يكفيني اشوفكـ تبيني انت من طيب خاطر.. تمشي ريما مع جود.. ريما متنرفزة من حكي امها و ابوها : حسسوني اني امعة مع الخيل يا شقراء مالي راي و لا أي شخصية..!! جود : يمه اذا انتِ مالكـ شخصية مين له..!! ريما : يقولون لي البنات يشجعونكـ على الغلط.. منبطة كبدي..!! جود : نشجعكـ على مقابلة مشعل..!! عشان يتعشى فينا مشعل و يخليكـ اخر وحده يحلي فيكـ.. ريما : كلي تراب لا تخوفيني منه.. جود : لا يغركـ انه يعني حليل لا شقلب الخشة شقلبها.. ريما : انقلعي.. انا اهم شيء عندي انه مو ضابط..!! جود : غبية يدرس قانون تراه.. يعني يا اما يدخل محاماه او هيئة التحقيق..!! ريما : اجل بـ ارفض انا راح عن بالي هالشيء ما ابي واحد يكون مشغول كل الوقت مثل بابا.. جود ناظرتها بـ نص عين : لا صدقتكـ .. يالله روحي قولي لأبوكـ ما ابي مشعل.. بـ اتطلق منه .. نسيتي انكـ مملكة يا حظي..!! ريما هزت اكتافها : و اذا اهم شيء راحتي..!! جود : انتِ كذابة و ستين كذابة.. قلبكـ يرقع اصلاً من طارية تقولين لي بـ اقول لبابا ما ابيه..!! ريما : ما يخصكـ .. و بعدين انا كيفي في حياتي..!! شلون راح عن بالي شيء مهم مثل كذا..!؟ جود : انا ادري عنكـ .. عادي ترى ما احد مرتاح كل رجال لازم يشتغل و يكد و يشقى عشان يوفر حياة كريمة لـ عيلتة.. عندكـ بابا زمان كان مو فاضي بـ شكل كبير اخر كم سنة لما استقر شغلة صار يتفضى لنا.. سعود مثلاً نفس الشيء ياسر شغلة بعد ما يحكمة وقت محدد مرات تمر عليه ايام ما ينام الا قليل من كثر الضغط اللي عنده و احمد و حاتم دكاترة و تعرفين كيف دوام الدكاترة مناوبات يعني مثل عصام.. لازم يا ريوم يكون متوظف وظيفة اللي يقدر يوكل عيالة و يعيشهم عيشة زينة دام مؤهلاتهم تسمح لهم ليش يرفضون.. انا ادري انكـ تبين مشعل من كثر ما تنشديني عنه لكن اذا مشعل ما اشتغل في المحاماة او صار محقق ويش تبينه يشتغل..!؟ ريما : ما ادري.. ابي وظيفة يكون لها وقت محدد مو بأي وقت يتصلون عليه و تعال عندنا شغل.. جود : اقول طيري مناكـ انتم تزوجوا اول بعدين قولي ابي وقت.. ريما : مالت عليكـ الحق على اللي يفضفض لكـ .. جود : ما احد قالكـ اختاريني.. اقول بس علمتِ ابوكـ انكـ قدمتِ ع الجامعة..؟! ريما : لا للحين مسويتها مفاجأة.. اول يوم دوام راح اصدمة.. جود : يـــس لأن ما ابي اهلي يدرون الحين.. اتوقع بابا يصير فيه شيء لو درى.. ريما : ايش دعوة عاد..!؟ جود : هو اللي اصر اني ادخل علمي رغم اني بس كنت مترددة لكن هو شال الخيار الثاني.. و هو اللي اصر اني اشيل فكرة الطب من راسي.. اجيه الحين و انا داخلة رياض اطفال..!! ريما : عادي زي أي تخصص ثاني..!؟ جود : بس علمي و ترسى على رياض اطفال تحسينة حرام تعب و شقا و اخرتها رياض اطفال بس دامني تعبت بالثانوي ابي شيء يونس كذا اطقطق على البزارين.. ريما : انا خايفة منه صراحة.. تعرفين لو ما يحطوني بـ شعبتكـ و تشجعيني لأقول لـ بابا يحولني.. جود : تحولين شعبتكـ اسهل يا غبية.. و لا يهمكـ انا اضبط جداولنا اخليها فل.. بس عساهم يريحوني و ما يضطروني عاد اطلع مواهبي و قدراتي.. ريما : ما اقول غير الله يكفينا شركـ .. الا بنت عمكـ عبير مو هي بعد متخرجة ويش دخلت..؟! جود : رياضيات.. ريما : وييييه الله يعينها على الشقا.. ويش حادها عليه..!؟ جود : انا ادري عنها .. مادة سخيفة لأبعد حد.. هي اساساً كانت تبي طب مثلنا تحسين انه عرق بالعيلة بس طبعاً عساف رافض رفض قاطع.. ريما : ليش انتم يا بنات هالعيلة جايبات الشقا لأنفسكم انتم عارفين ان اهاليكم مستحيل يوافقون ع الطب ليش تبونه..؟! جود : ما سمعتِ انه كل ممنوع مرغوب..!؟ عشانه ممنوع ابد حبيناه باغيات الشقا و الهواش رووسنا يابسة يبي لها تكسير.. ريما جلست على البحر : من جد يبي لها مين يكسرها.. و الا انتم عارفين ان اهاليكم ما يبونها و الا غصب تعاندون.. انا احس لو كنت قنعانة من شيء ان بابا و ماما رافضينة ما انق على حسابة.. او اني كل مره اكلم واحد لحاله لأن الإثنين يشجعون بعض بالرفض حتى لو الموضوع فيه تفكير.. جود جلست جنبها : زي فستانكـ الغبي اللي غيريتية.. ريما : لا تذكريني للحين خاطري بالفستان الأسود كنت اصورة بـ شكل مو واضح عشان ما يبان لـ بابا انه عريان ارسل لي واضح انكـ تبين تستغفليني لا تبين فستان ثاني اشتري شيء يستركـ ما عندي مانع لكن هذا لو تجيبينه اردكـ للمحل مشي..!! جود : ههههههههه اما قوية تخيلي شكلكـ راجعة لـ السوق مشي..!! ريما : يسويها ولد نوره.. ما استغرب عليه شيء.. .. صلاة العشا.. عمر وقف السيارة : متأخرين شكلنا اخر الواصلين..؟! لينا : بركاتكـ ..!! اصحي فيكـ و لا انت مهتم نومكـ ثقيل ما كنت كذا.. كانت الذبانة تصحيكـ ..!؟ عمر : ما كنت مرتاح يوم كانت الذبانة تصحيني.. الحين الحمدلله مرتاح نايم بـ بيتي و عند زوجتي ويش ابي اكثر.. لينا : انت قليل ادب.. عمر : ههههههههه ويش قلت ..!؟ لينا : تدري ان عمتي قالت لي لا تتعبين قلبكـ و روحي معانا و بعدها بـ يتوب و ما يسوي فيكـ ذا الحركة..؟! عمر : أي حركة.؟! لينا : انكـ تطنشني و تسوي نفسكـ نايم بس عشان اعصب و اتنرفز..!؟ انا ما اعرف ليش تسوي كذا..!؟ عمر : مين قال اسوي نفسي .. النوم سلطان يا روحي ماهو بـ يدي..!! لينا : كذاب.. و ستين كذاب.. على اساس انا جاهلة فيكـ .. عمر انا اعرفكـ من شهور مو من امس و لا قبله.. ماني غبية.. عمر : حاشاكـ ما احد قال انكـ غبية.. الحين انتِ ليش معصبة.!؟ لينا : ماني معصبة.. بس ما ابيكـ تسوي هالحركة فيني.. انا احب التزم بالموعد اللي ينعطى لي .. قلت لي صحيني الساعة خمسة العصر قلت لكـ نص ساعة توكـ راجع من الصلاة ما يمديكـ تنام لكنكـ طنشتني بس عشان تلعب بـ اعصابي.. شوف الحين بـ يأذن العشا.. عمر : ان بعض الظن اثم.. تراكـ ظالمتني.. تفتح الباب لينا : يا حرام حزنتني.. ما راح انام الليل من تأنيب الضمير.. ممكن تقرب السيارة بعدين و تنزل شنطتي..؟! عمر : ممكن ليش لا..!؟ بس روقي ما يستاهل الموضوع عصبيتكـ .. لينا ضربت الباب بـ قوة استفزت عمر.. اللي طلع من السيارة بـ حدة : لينــــا..!! لينا التفتت : خيــر..!؟ عمر : الخير بـ وجهكـ .. انكـ معصبة من أي شيء سويتة ما يعطيكـ الحق تصرفين بـ هالشكل.. لينا : لا و الله..؟! و انت لكـ الحق تعصب فيني..؟! عمر : ما عصبت فيكـ انا فعلاً كنت نايم.. ويش اسوي لكـ ما نمت الا الظهر..!! لينا : اجل لا تعطيني موعد قولي متى ما صحيت مشينا مو اجهز نفسي و كل اغراضي و بالأخير تسحب علي و تنام انا مو على هواكـ عمر تأجل كل شيء على حساب نومكـ ..!! عمر : و انا ماني اصغر عيالكـ ترفعين صوتكـ علي..!! الزمي حدودكـ لينا لا تحديني على شيء ما يرضيني.. لينا : ويش بـ تسوي بـ تضربني.!؟!!! بـ تضربني عمر..!؟ عادي انت اصلاً تعرف انكـ اقوى مني.. سبع شهور عشتها معاي ماني خافية عنكـ .. سبع شهور حفظتني مثل كف يدكـ و صرت تستفزني على اتفة شيء و تلعب بـ اعصابي.. سبع شهور خدعتني انت فيها ماني عارفة لكـ كل مره تثبت لي اني انا ما عشت معاكـ من قبل.. ما اعرفكـ ما ربطني شيء فيكـ .. حتى قلبي اللي كان يحب عمر اللي عاش معاه سبع شهور الحين واقف قدامكـ محتار ما يدري ويش هو شعورة تجاهكـ ..!!! عمر : كل ذا الحكي عشاني تأخرت عليكـ ..!؟ لينا : ماهي اول مره عمر.. و لا هو اول موقف تسوية فيني.. من اول ما عشت معاكـ بـ بيت واحد و انا ما اعرفكـ بـ كل شيء تعصب فيني و تلعب بـ اعصابي تأخذ مشاعري بـ إستهزاء مرات تحكي في بنات عمكـ و مرات تستخف دمكـ علي بـ شكل يقهرني و مرات تسحب علي بـ أشياء واعدني فيها.. عمر : تراكـ مكبرة الموضوع.. لو اني مصبحكـ بـ طراق و ممسيكـ بـ مثله ويش بـ تقولين..!! لينا بـ حدة : تخســـى..!! عمر اتسعت عيونة : وشوو..!!! لينا لما شافت عيونة خافت : ماهو بـ كيفكـ ليش حاسب ما وراي والي يردكـ عن ضيمي و ظليمتي.. وراي غازي بـن حمدان يغطكـ بالبحر و يطلعكـ ناشف.. و الله يا عمر ما تطول يدكـ علي و انا بنت ابوي.. لو تفكر بس تمد يدكـ علي لا احرمكـ علي كل حياتي..!! مصدوم..!! قبل لا يستوعب أي شيء و يسفل فيها شافها مختفية من قدامة..!! لينا تقولة هالحكي..!؟ ما يصدق ان فيه انسان يتجرأ و يطول لسانة عليه..!؟ طلع جوالة يتصل فيها يبيها تطلع و يسفل فيها على كيف كيفة ويش هي متوقعة تخاف من ابوه..!؟ الأولى هي تخاف من طوالة لسانها.. لكنها ما ترد عليها و بعدها قفلتة..!!! : ماشي يالينا مردكـ لي و الله لا اوريكـ ..!! .. جلسة الحريم.. عبير : ياربي بـ تجيني ضيقة من سوالفهن انتفخ راسي.. جاين ننبسط و الا نسمع اخبار الحريم..!؟ جود : انا ادري عنهن.. بس صدق انا ودي اعرف يعني هو حشو فيني كذا يوم انخطبت..!؟ يعني قالوا ما دريتوا بنت ابراهيم الصغيرة انخطبت خطبها واحد دكتور.. هذاكـ اللي سوا لها العملية..!!! تهقون قالوا كذا..!؟ صبا : اكيد هم اصلاً يا حبهم لـ هاذي السوالف.. ما يملون منها.. ميار : يارب ما ودي انقدهم و اصير مثلهم بعدين لا تضحكـ على صايم و مصلي.. ما اتخيل نفسي كذا اجلس و جلستي ما غير تتبع لأخبار الحريم..!! ياربي ملل..!! دانه : طيب خلونا نطلع برا ويش حادنا نجلس معاهم..!؟ جود : انا اقولكـ ويش حادنا نجلس راقبي الوضع بس .. (وقفت جود) يالله بنات..!! ام عبدالرحمن : وين انتن غاديات..!؟ جود : بـ نتمشى برا.. ام عبدالرحمن : انتِ صاحية..!؟ وين تمشون الرجال قدامكم..!! جود : بـ نطلع من الباب اللي وراء.. ام عبدالرحمن : ناسية اننا بـ ديرة ماهي ديرتنا..!! انثبري مكانكـ ..؟! جود : أي ديرة ماهي ديرتنا يمه..!؟ حسستيني اننا جالسين بـ جزر المالديف..!؟ تراها ينبع يمه من محافظات المدينة تبعد 200 كيلو مو 10000 كيلو..!! ام عبدالرحمن : اقصري الحكي و انطقي مكانكـ .. جود : ما عليش يمه ويش ذا احنا جاين ننبسط مو ننحبس من بيت لـ بيت اكبر.. اجل ليش نطلب نجي البحر عشان تحبسونا و الله ماني جالسة..!! ام احمد : جـــود.. اسمعي الكلام و اجلسي.. جود : انا بـ استأذن من بابا و اذا قالي لا تطلعين وقتها بـ ارجع لـ المدينة مشي.. و لا انثبر كذا.. طلعت جود و ما اهتمت.. ام عبدالرحمن : بـ حق من يقضبني هالبنت لا اقطعها و ارمي لحمها للكلاب..!! : السلام عليكم.. : وعليكم السلام.. ام عبدالرحمن بـ حدة : لا هلا و لا مسهلا ما تقولين لي وين حضرتكـ لـ الحين اصبحنا و انتم ما الفيتوا..!؟ يدقون عليكم العيال و لا احد يرد فيكم لا انتِ و لا رجلكـ ..!؟ شيء واحد يشفع لها ما ترد عليها انها جدتها يعني بـ حسبة ام لو احد غيرها قايل لها الحكي كان سفلت فيه.. اتجهت لها تبوس راسها و يدها : ما عليه يمه كنت نايمة و حاطة جوالي صامت.. ام عبدالرحمن : و رجلكـ بعد يحط لـ جوالة كاتم.!؟ وعد : ايه.. ام عبدالرحمن : ويش خانة هالجوالات كود لا احد اتصل عليهم ما ردو عليه ليش يشترونها..!؟ وعد تسلم على البنات بعد الحريم : ويش عندها علي..!؟ نهى : اقلقتونا و احنا نتصل عليكم ما احد فيكم يرد..!! وعد : لو فينا شيء كان وصلكم العلم.. ام عساف : ويش حال عساف..!؟ وعد : بخير يا عمة الحمدلله.. ام عساف : الله يهديكم اشغلتونا خبرنا انكم بـ تجون بدري.. وعد : تنزل شنطتها : و الله ما ادري كاد عساف معطي احد موعد.. ام عبدالرحمن : لا صلاة و لا عبادة استغفر الله العظيم انتِ و رجلكـ ..!؟ وعد رفعت حواجبها : يمه ما نمت الا بعد ما صليت العشا.. اخبر عساف بـ المسجد.. صبا تكلم نهى و شوق اللي جنبها : يا حياتي يا وعد توهقت.. لو انا يقولون لي كذا اجلس اصيح و الله لا انادي ياسر يرد عليهم.. ضحكوا عليها الثنتين ... حتى نهى اللي ما احتكت بـ احد من فترة .. نهى : ما انتِ صاحية اتخيل ياسر جاي يرد عنكـ ..!! يمكن يولع فيهم عاد الا عين السيح ام ولي عهدة.. صبا بـ محبة : الله يخليه لي يارب و يطول لي بعمرة جعل يومي قبل يومة.. نهى : اكل بـ قلبكـ و عقلكـ حلاوة ياسر.. يا بنت اركدي لا تجرين وراه لا يغدر فيكـ .. صبا : رجاءاً لا تفاولين علينا بالشر .. حبيبي ما يغدر فيني.. لو بـ يغدر فيني كان غدر من زمان مو الحين.. نهى : ايه طبعاً خليتية يهبد على وجهة.. و الله ما انتِ سهلة.. جبتي راسة..!! شوق : ياما تحت السواهي دواهي.. صدق صدق مو لايق عليكـ احسكـ كذا كيوت.. نهى : هم الكيوت ذولي اللي ينخاف منهم.. شر اعوذ بالله منهم..!! وعد بـ حدة خفيفة : ما صار الا الخير يمه.. ام عبدالرحمن : ايه بس سكتيني يا بنت مريم.. وعد : يمه ما عرفت لكـ و الله .. يعني ويش تبيني اقولكـ ..!؟ ام عساف : اقصري حسكـ وعد هاذي جدتكـ ما يصير تراددينها..؟! ولعــت هي ناقصها جدتها عشان تكملها ام عساف اللي عمرها ما تدخلت بـ نقاش مثل كذا ابداً.. يعني عشان صارت مرة ولدها..!! تحاول تمسكـ اعصابها عشان ما تقل ادبها : انتم معصبين عشان تأخرنا و انا قلت لكم راحت علينا نومة ما صار الا الخير و فوق ذا انتم معصبين يعني ويش بـ يدي اسوية هالحين..!؟ ام عبدالرحمن : بـ يدكـ ما تطولين لسانكـ و الا متعودة على قلة الحيا.. ترى ولدنا ما يرضية زوجتة ترادد اللي اكبر منها..!! وقفت وعد : طيب جيبي عساف و هاوشية ليش تأخرتوا هو اللي يسوق ماهو انا..!! طلعت وعد قبل لا تكمل وحده فيهن هواشها..!! ام عبدالرحمن : طيب يا وعيد لسانكـ ذا ان ما كلمت ولدي يقصة لكـ ما اكون فطيم.. نهى : انا ماني عارفة ليش حطيتوا الحره فيها كنكم بـ تهاوشونها و السلام البنت ما لحقت تجلس الا كشتوا فيها..!؟ خير ان شاء الله عشانهم تأخروا ليش يعني طارت الدنيا..!؟ ام عبدالرحمن : انا بنت ابوي بنتة.. هالحكي تقولينه لي يا نهى..؟! نهى : ايه يمه.. لكـ و لـ عمتي سلمى.. قالت لكم راحت علينا نومة ويش تبونها تسوي عشان ترضيكم..!؟ اوكِ ما ردوا على اتصالاتنا و اقلقونا ما يعني انكم من دخلت و انتم تنقشعون عليها.. بدل ما تطمنون عليها تدورون عليها الشارة عشان تهاوشون معاها..!؟ لطيفه : انا اشهد ان ما فيكن حيا.. كان انتِ و اختكـ كل وحده لسانها اطول منها.. اختكـ مخطية و واقفة معاها على خطاها.. و تقللين احترامكـ لأمي و ام عساف.. نهى : ما قللت من احترام احد يا عمتي.. لا تصبين على النار بـنزين ترى ورب الكعبة اني بايعتها و لا يهمني احد.. ماني مثل وعد بلعتها و سكتت اللي يدوس علي لا ادوس عليه و اللي يخطي علي بـ كلمة اخطي عليه بـ عشر و اللي يطعني بـ نظرة اطعنة بـ سكين..!! ام عبدالرحمن : قمي عن وجهي و لا ابي اشوف خشتكـ قدامي.. قمــــي..!! طلعت نهى .. مها : ياربي كنا جالسين ما احلانا بس جات وعد خربت الجلسة..!! .. لفت انتباهة جالسة مع رند و همس تلعب على البحر..!! حس انه طعن نفسة بـ نفسة بـ وسط صدرة غرزها.. ماهو حمل انه يطول باله لـ درجة يشوف وحده ينقال عنها زوجتة جالسة تلعب مع بزارين على البحر و الرجال مو بعيد عنهم..!! اتجه لهم و هو يغرس رجولة بـ الرمل بـ قوة و يتناثر حتى جزمتة امتلت.. وقف و دعس على اللي يبنونة بالرمل..!! رند : ليــــس..!!! وليد سحب يد سحر بـ قوة ما اهتمت لـ صغر حجمها و لا انتبة لـ كفها اللي طقت بـ يده : لو اشوفكـ برا مع رند و همس بـ احش رجولكـ ..!؟ سحر غرقت عيونها من غير لا تحكي..!! وليد : انقلعي اجلسي مع البنات الكبار .. و تغطي المره الثانية ان شفتكـ بـدون غطاء لا اذبحكـ .. فاهمتني..!؟! سحر هزت راسها .. وليد نفض يدها بـ قوة : انقلعي ادخلي.. طاحت على الأرض مسكت كفها اليمين تضغط عليه و تبكي.. رند و همس يناظرون وليد وهم خايفين.. تحركت رند حتى يمسكها وليد من بلوزتها من ظهرها : لو ادري انكـ قايلة شيء لأي مخلوق راح اذبحكـ فاهمة..!؟ رند هزت راسها : تيب..!! وليد : يالله فزي سحر..!! قامت وهي تساند على كفها اليسار مشت لـ الشالية و وجهها ممتلي دموع.. الشخص اللي وثق ابوها فيه و امنه عليها هو اللي بكاها... هو اللي نزل دموعها و المها.. وليد : و انتِ و اياها لو اشوفكن عند الرجال كسرت عظامكن فاهمـــات..؟! همس بـ قواة عين رغم انها خايفة : مالكـ دخل و الله لو تضربني لا اعلم بابا يرميكـ بالسجن..!! وليد رفع حاجبة : نعم..!! همس : انا ما سويت شيء غلط بابا قالي العبي على البحر مع البنات و اذا ضربتني مثل سحر اعلمة و اقوله انكـ ولد مو زين..!! وليد : لا تكفين..!! خفت من ابوكـ لا تعلمينة.. (بحدة) هيـــه.. سفرقي انتِ و اياها بـسرعة لعب على البحر ما فيه..!! راحن يجرن همس و رند خايفات من وليد .. وليد يناظرهن يبعدن عنه : ما عاد الا هي بزارين يقضون على حياتي..!! راحت هيبتي..!! رجع وليد لـ جلسة الرجال .. ابو سعود : ويش عندكـ مع البنات..!؟ وليد : ابد قلت اسلم عليهم..!! ابو سعود : تطقطق علي..!؟ وليد : حاشاكـ .. بس قلت لهن يدخلن ويش عاد باقي من الليل عشان يقعدن برا..!؟ غازي : قدام عيونا خلهن ينبسطن..!؟ وليد : ينامن بدري ازين لهن بكره الصبح يلعبن..!! مشعل : طردت البنات الصغار و هذا هن الكبار طلعن..!! وليد هز كتفة اهم شيء عنده ان سحر ماهي معاهم : كيفهم..!! عمر وقف : عن اذنكم..!! عساف وقف معاه : خذني معكـ .. ابو عمر : لا توخرون شوي بـ نحط العشا.. عمر : ان شاء الله.. غازي يهمس لـ ابراهيم : ادري اني خالها و انت الخير و البركة بس ما يصير البنت تبقى برا بيتها هالوقت كله من غير حتى لا ينعرف ويش مكدرهم من بعضهم..!؟ ابراهيم : نهى راكبة راسها.. انا جلست معاها بس فيصل للحين.. غازي : كلمه الحين.. روح انت و اياه و اعرف ويش بـ خاطرة على بنتكـ .. ابراهيم : ما احس انها وقتها .. اجلها لـ بكره ازين.. تونا جايين خلنا نعين من الله خير.. غازي : ما تدري لو يرجع المدينة.. لكـ فترة ما شفتة الى متى بـ تأجل الموضوع..!؟ ابراهيم : ماني مأجلة ولو بغيتة دقيت عليه و خليتة يجيني بـ مجلسي.. بس انا ودي يجي من خاطرة.. ما ودي نهى تحس اني مرخصها هي مأخذة بـ خاطرها انه ما اهتم من طلعت من بيتة..!! غازي : انت ما ارخصتها تبي تصلح بيتها.. و لا انت ناديته قابلتة و كلمتة و عرفت ويش بـ خاطرة.. و ماهو ضروري تقول لـ بنتكـ كل شيء.. مو لازم تدري ان انت اللي بديت بالحكي..!! لا تنسى ان بنتكـ طالعة من غير رضاة.. ابراهيم : نصبر لـ بكره و ان شاء الله خير.. عساف و عمر.. عساف : ويش بلاكـ وجهكـ ماهو طبيعي..!! عمر : عشان كذا نشبت لي اول ما قمت..!؟ عساف : ليش تبيني اشوفكـ متكدر و اجلس اتقهوى..!؟ عمر : ما فيني شيء..!! عساف : علينا عمير..؟! اذا بـ تخبي علي ويش عاد باقي..!؟ هذا و انا نافض الخمير و الفطير عندكـ ..!؟ عمر : عساف الله يرضى عليكـ ماني رايق..!؟ عساف : من رجعت زوجتكـ لكـ ما شفتكـ متكدر ابد الا ذا المره..!! متهاوش معاها..؟! عمر : مشكلتي صاير استفزازي .. ادري ان اسلوبي زفت بس يعجبني..!! حتى تعاملي تغيري مع الكل.. امي و ابوي مرات يقولون لي شاكين انهم غاسلين مخي.. و انا كل الموضوع اني كان على قلبي هم و انزاح احس اني مثل الصقر الحر..!! عساف : افاا انت طول عمركـ حر يا ولد العم.. عمر : جعلكـ سالم.. هالشيء زعلها مني..!! عودتها على حياة يوم كنت مع العصابة و هي معاي.. هي اللي قبلت فيني بـ وقتها و انا الحين مرتاح بين اهلي و ناسي و الحمدلله مرتاح ماعندي شيء مأرقني وهي ماهي متقبلتني..!! كانت تشوفني شخص و الحين واحد ثاني و هالشيء مسبب ازمة بيننا..!! عساف : انت تقول صاير استفزازي و معجبكـ واضح انكـ جايب العيد معاها.. عمير البنت حامل و حسب ما اعرف من معلوماتي البسيطة ان الحرمة تتغير لا حملت و تصير نفسيتها زبالة.. و لازم الرجال يراعيها.. عمر : يسمونها هرموناتها تتغير و تأثر على نفسيتها كذا صياغتها مو مثل الحكي اللي انت تقولة..!! عساف ابتسم : نسيت انكـ تقرأ كتب.. و انا ويش عرفني بـ سوالف الحريم.. يعني هو صدق تغير نفسيتها..!؟ عمر : الأغلبية.. و الطامة لا توحمت بـ زوجها .. بـ تمسح بـ وجهة البلاط..!! عساف : افاا و انا ولد ابوي..!! عمر : لا تعزوى بس ادعي ربي ان زوجتكـ ما تجيها ذا الحالة و الا بـ تتركـ لكـ البيت و تسري..!! عساف : هذا لا صار بـ كيفها..!! عمر بـ ضحكة : بـ كيفها و من فوق خشمكـ و ابشركـ يمكن ما تركب معاكـ السيارة و لا تطيق ريحتكـ ..!! عساف بـ صدمة هو اكثر انسان جاهل بـ سوالف الحريم : ويش ذا ليش طالع من زبالة انا..!؟ عمر : ههههههههههههه لو تشوف بس تعابير وجهكـ تفطس من الضحكـ الله يونسكـ يالشيخ..!! عساف : طبعاً الحين انفتحت نفسكـ لقيت من تتمسخر عليه.. الحين انت من جدكـ تحكي و الا تسلقها علي..!؟ عمر : انا ما اصدق ان فيه رجال عمره 35 سنة و ما يدري ان فيه حريم يتوحمون برجالهم و يكرهونهم لين تمر عاد فترة الوحام..!؟ عساف : و كم مدتها..؟! عمر : على هوى ما عرفت انها تختلف من مره لـ مره.. عساف من قلبه يدعي : جعلني ما اجربها.. عمر وهو يضحكـ على عساف : جعلكـ تجرب الثانية.. يقولون فيه حريم يتوحمون على رجالهم ودهم ما يفارقونهم ..!! عساف : هاذي زينة.. ما يحتاج تناسبني..!! عمر : ههههههههههههههههههههههه من جد غيرت نفسيتي.. لو اجيب سيرتكـ هاذي عند وليد و مشعل قسم بالله لا يخلونكـ مسخرة عشر سنين قدام..!! عساف : و الله ان درى احد بـ ذا الحكي لا اذبحكـ و اشرب من دمكـ .. عمر : الا ذا الأسئلة كلها ليش..!؟ ما ودكـ تبشرنا بـ شيء..؟! عساف : كان زين.. بس مثلكـ عارف تونا قايلينا بسم الله.. الله كريم.. الله كريم.. : السلام عليكم.. عمر ما التفت.. اما عساف ناظرها الإثنين ردوا السلام : وعليكم السلام.. عساف : خير عبير ويش فيكـ ..!؟ عبير : اممم بـ صراحة و على بلاطة جدتي و امي تهاوشوا مع وعد..!! عساف مستغرب ما امداهم..!! : وشو..!؟ عبير تنهدت : هاوشوها على حساب تأخيركم كننا جالسين بـ مدرسة!!.. اخر شيء وعد قامت و طلعت.. عساف : و ليش ما قالت لي..؟! عبير : ويش تقولكـ ترى جدتي و امكـ يهاوشوني..!؟ مو بالعقل عساف..!؟ عساف : و انتِ ليش تعلميني..!؟ عبير : لأني ادري جدتي لا شافتكـ بـ تكلمكـ و بـ تزودها بـ الحكي حبتين و انت دمكـ حار و بـ تسفل بالأدمية.. ترى وعد ما غلطت .. كانت تقولهم حصل خير و كذا بس جدتي مو مرضيها الا تطلعها غلطانة.. عساف : استغفر الله العظيم.. عبير : ابشركـ جات نهى و كملت الناقص و تكمل الهوشة عن وعد بعد ما طلعت.. يعني اتوقع يمكن تجمعكم جدتي الثلاثة انت و عمي ابراهيم و فيصل و تعطيكم موشح عشان تهزؤونهم.. عمر وهو يناظر البحر قدامة : و الله شكلكـ محراكـ الشر يا بنت العم..!! عبير : و الله انا جيت افيد اخوي قبل لا يفهم غلط عاد هو كبريت.. ما راح يوهل وعد تحكي له السالفة.. و اصلاً هم يحكون كل ذا عشانهم ما كانوا راضين عن زواجة عساف من وعد من البداية.. عساف بـ حدة : عبيــــر..!! عمر : ما خلصت انت من ذا السالفة..!؟ عساف : ما شكلي خلصت.. كني توني بديت..!! عمر ابتسم : و الله هذا الظاهر.!! عساف : ما عاد الا انا اسمع هواش حريم..!؟ ويش رايكـ اطنش الموضوع و اسحب على جميع الأطراف..!؟ عمر : اوقف مع الحق.. عساف : ادري انه مع وعد.. بس امي و جدتي.. مو معقول بـ ازعلهن و ارضي وعد..!! عمر : لا تزعلهن ثلاثتهن.. جدتي و عمتي الله يطول بـ أعمارهن رضن عن الزواجة كلمهن من غير وجود زوجتكـ لأنكـ لو كلمتهن قدامها ما راح يفهمنها صح..!؟ عساف : اكيد بـ يقولن ان اقوي شوكتها عليهن عاد هي خلقة ماهي ناقصة.. عبير : و الله يطلع منكـ يا ولد العم.. حركات..!؟ عساف ناظرها : خيــر..!! عبير : ويش فيكـ ترى عمر اخوي نفسكـ عادي امدحة مثل ما امدحكـ ..!! عساف : ان ما وريتيني عرض اكتافكـ لا اعلمكـ شلون اخوكـ ..!! عمر : و الله ما تسوي لها شيء و لا تكلمها هي صادقة.. ما لقيت الا بعير عاد تزعلها..!؟ عبير بـ حدة : بعير اللي يبركـ عليكـ ان شاء الله و لا تقوم.. يا قليل الأدب..!! عمر فطس من الضحكـ و عساف حمر عيونة بـ عبير اللي اول ما استوعبت نظرة عساف انحاشت.. عمر : ههههههههههههههه ماهي من جدها..!! عساف : بالله انكـ كذا تسوي بـ زوجتكـ ..!؟ من عذرها اذا زعلت مزحكـ دفش على البنات..!! عمر : سويت اردى .. عساف : الله يعينها عليكـ .. روح راضيها بس.. نهى و وعد جالسات برا لـ حالهن.. نهى : زعلانة مني..!؟ وعد : لا.. نهى : عشاني طردتكـ من الغرفة.!؟ وعد : لا نهاوي ماني زعلانة.. نهى : متضايقة عشان جدتي..!؟ وعد : الحين مو بس جدتي اللي تستقعد لي .. حتى عمتي سلمى.. ما كانت كذا قبل لا اتزوج عساف كانت حليلة معاي.. الحين بس تدقني بالحكي.. ذاكـ اليوم رحنا لهم ما قصرت و انا منطمة اول شيء قلت مرة كبيرة و لها تقدير و احترام و مستعدة اصبر عليها مره و اثنين و ثلاث عشان عمرها و عشانها مرة عمي و ام لـ عساف.. لكن ما اضمن عمري اسكت على طول ما تعودت احد يحكي علي و اسكت.. نهى : ماني زينة بالنصح و الا نصحتكـ .. قولي لأمي شوفي ويش تقولكـ ..!؟ وعد : ما ابي اقول لأحد اصلاً لو مو صاير هالموقف من شوي ما كنت قلت بعد.. يكفيني ان الموقف صار قدام عساف و شاف كيف امه تنظر لي.. نهى : وما تكلم..!؟ وعد : ويش تبينه يقول يهاوش امه وقدامي بعد..!؟ مستحيل..!؟ اصلاً انا ما ارضاها..!! الا جدتي كنها كانت معصبة من قبل لا ادخل ليش.؟! نهى : جود طلعت و هي تقولها لا تطلعين الرجال قدامكـ و من الحكي اللي ما يخلص.. عاد تعرفين حكي جدتي.. مرات تحسسني اننا ما تربينا..!! وعد : احسها معانا بـ زيادة..!! احيان احسها تستلطفهم كلهم اكثر مني بـ ذات انا.. مرات احسها فعلاً تكرهني.. و مرات اشوفه خوفها علي استغرب شلون تعاملني بـ هالشكل..!! نهى : انا عشان زعلت من فيصل صار ما تطيق مني الكلمة.. اما انتِ من زمان ذا الحركة فيها معاكـ عشان لسانكـ ويش طولة ما تتركين اللقافة..!! : ويش مسويات.!؟ التفتن الثنتين لأبوهن..!! وقفت وعد عشان تسلم عليه باست راسة و يده..!! ابو سعود : ما جاوبتوني..!؟ وعد : جدتي كلمتكـ ..!؟ ابو سعود : ايه.. ويش قايلة يا وعد انتِ و اختكـ ..!؟ وعد : ما قلت شيء غلط.. و رب الكعبة ما اخطيت عليهم.. ابو سعود : طيب ليش تشتكي منكـ ..!؟ وعد : يعني ما تعرفها هي دايم تكلمكـ عني و تشكى مني حتى لو هي على غلط..!! ابو سعود بـ حدة خفيفة : تراها امي يا وعد .. حكيكـ ما يرضيني..!! وعد : على عيني و راسي انت و اياها.. : احم احم.. التفت ابو سعود لـ عساف اللي تنحنح وراهم : هلا عساف..!! نهى استغلت الفرصة عشان تنحاش وعد ما اخطت بس هي زودتها بالحكي : عن اذنكم..!! تقدم عساف : ما عليه يا عمي خل الموضوع علي انا اتفاهم مع وعد.. وعد بـ حدة من قهرها : بعد شاكين لكـ ..!؟ ليش يعني ويش انا مسوية عشان يشكوني..!؟ ما قلت شيء غلط ما طولت لساني على احد و لا رفعت صوتي عليهم..!! ابو سعود : مبين ماشاء الله لأنكـ رافعة صوتكـ الحين عندي.. و تبين مني اصدقكـ ..!! وعد : آسفة بابا .. عساف : عمي وعد ما اخطت.. عبير علمتني بـ السالفة كلها قبل لا تتصل علي جدتي.. ابو سعود : ادري يا عساف ان امي ما تبي لكـ وعد.. تبي لكـ الزين..!؟ وعد انقهرت : بابا انت تقول عني هالحكي..!؟ ويش عاد باقي اذا انت تقلل من قدري..؟! ابو سعود مسكها من يدها قبل لا تمشي : ما اقلل من قدركـ خليني اخلص حكيي مع عساف.. وعد : ترى من جد بديت اكره نفسي مو معقول كل شيء اسوية تستقعدون لي و تنقدوني على كل شيء كل تصرف و كل كلمة و الله تعبت ما عاد اعرف ويش اللي تبون مني اسوية.!؟ عساف : اهدي.. عمي خلها تروح انا ابيكـ لحالنا..!! ما كان يبيها تسمع ان جدته و امه رافضين زواجة منها عشانها مطلقة من قبل.. ما يبيها تنجرح من شيء.. يبي يداري على خاطرها.. تركـ يدها ابو سعود.. عساف : لا تبعدين ابيكـ .. مشت وعد و عساف يناظر عمه : ادري ويش بـ تقول..!! ابو سعود : تراها ماهي رخيصة عندي.. و لو ماني واثق فيكـ و الله العظيم يا عساف ما عطيتكـ اياها كان خليتها عندي معززة مكرمة و لا احد يقولها حكي يكدرها.. ادري ان اللي تحكي امي و امكـ و ما اقولكـ زعلهن الثنتين و ارضي بنتي.. جنتكـ تحت رجل امكـ مو عند بنتي.. بس ما يرضيني ان بنتي تتضايق من شيء.. عساف : و لا انا يرضيني.. امي و جدتي انا اتفاهم معاهن.. عمي صدقني ان كرامتها ما ينقص منها شيء و هي عندي.. و الله اني ما ارضى عليها بـ ربع كلمة و اللي يجرحها يجرحني قبلها.. ابو سعود : مسألة ان امي مستقعدة لـ وعد هذا الشيء انا ملاحظة امي ما تبيها تغلط خير شر و وعد بس احد يقولها كلمتين قبت عليه.. عساف : الحين بـ تستقعد لها اكثر عشانها ماهي راضية عن زواجتها مني.. ابو سعود : ما راح يطيح بـ راس امي و امكـ الا ان وعد تحمل.. عساف : الله كريم يا عمي.. ابو سعود : اذا وعد مصملة على طلبها خلكـ عند رفضكـ اللي انا خابرة يا عساف.. لا تحرم نفسكـ و تحرمها من انه يكون عندكـم ولد.. عساف : عمي انت خابرني انا ما يرضيني هالشيء.. انا ابيها زوجة على سنة الله و رسولة بـ كل شيء اذا ما بغيتها ام لـ عيالي اجل ليش اخذها..!؟ ابو سعود : عمي انا ما اقصد هالشيء .. وعد ما نست بنتها و انا اخاف انكـ تطاوعها عشان ما تتعب زود و تذكر بنتها .. ترى وجود طفل ثاني هو اللي بـ ينسيها اياه.. عساف : عمي تكلمني و كني راضي بـ اللي قالتة و كن لنا سنين متزوجين و ما جانا ضنى.. الله ما كتب لنا للحين.. ابو سعود : انا بس انبهكـ .. ما ابيكـ تطاوعها على غلط.. و ما ابيكـ ترضى بـ احد يغلط عليها.. ابيكـ عز و ذخر لها.. عساف : لا تخاف عليها يا عمي و هي تحت جناحي.. ابو سعود : الله يريحكـ يا عساف.. انت روح كلم امي و امكـ و انا بـ اراضيها.. عساف : لا خلها انا اراضيها.. ابو سعود : انا بـ اكلمها الحين لأنها زعلت مني.. انت كلمهم و بـ اقولها تستناكـ هنا لين ترجع.. عساف : طيب.. رجع عساف لـ الشالية و ابو سعود اتجه لـ وعد اللي جالسة على كرسي قدام البحر : قبل لا تحكين انتِ تعرفين ان مو قصدي اقلل من قدركـ .. وعد : شلون اعرف و انا ادري ان كلكم تربيتوا تقللون من قدر المطلقة.. و كأنها انسانة ناقصة..!؟ يمكن عشاني بنتكـ ما ترضى علي و يزعلكـ عشاني.. لكن هالشيء ما يثبت لي انكـ تشوفني كاملة.. لأنكـ انت واحد من اللي نقدوا ماما و شفتها ان ماهي مؤهلة او ماهي محل ثقة عشانها تطلقت مرتين.. حتى جدتي قد انقدت ماما كم مره قدامكـ و لا مره نصحتها و قلت ترى عندنا بنات.. لـ الحد اليوم تناديني يا بنت مريم.. ليش يعني عشاني تطلقت صارت ما تعرف اني بنتها الا بـ هالشيء..!؟ مو انت اللي ربيتني..!؟ انا لـ حد سنة و شوي ما كنت ادري عنها..!؟ ابو سعود : بابا ادري ان امي دايم تهاوشكـ بس امي مرة كبيرة مو معقول انا بـ اكلمها و ازعلها عشان ارضيكـ .. هالشيء بعد ينطبق على عساف و امه ما راح يزعل جنتة عشان يرضيكـ ..!؟ وعد : بس عادي انت و عساف تسمعون الناس تهيني و تحكي فيني و تسكتون.. اذا اقرب الناس لكم ما قدرتوا تبينون لهم ان هالشيء ما يرضيكم .. شلون بـ تحموني من البعيدين..!؟ ابو سعود : عساف راح يكلم امي و امه .. انا ما ابيكـ تتضايقين وعد.. وعد : انا تضايقت و خلصت.. شبعت مني الضيقة.. بابا انا اعرف انكـ تحبني و تغليني بس ما اعرف ليش ما تفهم جدتي انه الشيء يجرحني.. انت الحين اللي صرت تعرف انها تستقعد لي و الا قبل كنت تهزأني و تهاوشني بس لأنها زادت حالتها مع خطبة عساف لي و زواجي منه.. صارت تهاوشني على اتفة الأسباب.. اليوم تهاوشني ليش تأخرتوا و اقلقتونا..!؟ و اهديها تقولي انت بس تبين تسكتيني..!؟ و زعلت لما قلت لها هاوشي عساف هو اللي يسوق.. ابو سعود : انتِ بعد صايرة حساسة..!! اسمعي منها و عدي لها لا توقفين لها على كل شيء.. اخبركـ كبريت و لا تسكتين على شيء.. وعد : بابا لا تحملني الغلط.. بليـــز.. ابو سعود : ما احملكـ الغلط.. راعي ان انتِ من جيل و هي من جيل بينكم اجيال يا وعد.. راعي انها حرمة كبيرة.. ما تبين تسكتين عشان خاطرها.. اسكتي عشان خاطري انا.. وعد : و مسألة الأجيال ما تجي الا علي يا بابا..!؟ بابا انت تلف و تدور ما تبي تقولي انها هي ما تبيني زوجة لـ عساف..!؟ انا اعرف هالشيء اعرف ان هي ما تبيني و ادري ان ام عساف ما تبيني.. بس هو يبيني و انا ابيه.. من حقي اعيش حياتي طالما اني ما اغضبت ربي و لا ارتكبت شيء حرام و لا عيب.. هم ما هم راضين عشان عساف ما قد تزوج و انا مطلقة يعني حاسبيني بايرة.. ابو سعود : استغفر الله العظيم ويش ذا الحكي..!؟ وعد : هذا الصدق انت تلف و تدور بالحكي عشان ما تقولي ترى هذا الواقع بس انتِ طولي بالكـ عليهم فترة و بس يقنعون عساف يتزوج عليكـ عشان يرضيهم و وقتها ترى عادي عساف ما سوا شيء حرام من حقة يتزوج وحده و ثنتين و اربع..!! هالمرة اللي رد عساف بعد ما سمع اخر حكيها : يحرم علي اعيش مع مره غيركـ .. انا ما عرفتهم من قبلكـ تبيني اعرفهم من بعدكـ ..!؟ ابتسم ابو سعود : ويش تبين زود عن ذا الحكي..!؟ عساف : وعد و الله الموضوع ما يسوى انكـ تزعلين عليه.. انا ابيكـ و شاريكـ و غير هالحكي ما يهمني.. دمعت عيونها ما تبي تبكي لكن عبرتها خنقتها غصباً عنها : و الله انا.. بس .. تضايقت شوي..!! عساف : بيعيني بالسوق.. وعد : اشتريكـ بالغالي.. ابو سعود ابتسم : اعتقد كذا تريحين نفسكـ .. بس طولي بالكـ بابا.. فترة و تعدي ان شاء الله.. وعد : بابا انا تعودت على نقد جدتي بس هي زايدة علي الوضع.. ابو سعود : انتِ بعد صايرة حساسة.. حاولي تمشين الموضوع.. وعد : عشان خاطركـ بس..و الا ما كان جيتها الا من فترة لـ فترة عشان ما اقطع صلة الرحم.. ابو سعود رفع حواجبة : يعني خاطري يروح لو مت يا وعد ما توصلين اهلي..!؟ وعد : يومي قبل يومكـ .. ما قصدت كذا.. ابو سعود وقف : بعيد الشر عنكـ .. ادري ويش قصدكـ لا تشيلين هم.. انا اتركم على راحتكم.. جلس عساف مكان عمه : ليش ما علمتيني..!؟ وعد : ويش اعلمكـ فيه..؟! عساف : وعد..!! كان قلتِ لي انهم كلموكـ ليش متأخرين.!؟ وعد : ترى انا عندي لسان و اعرف ارد عساف.. ابتسم عساف : اشوا على بالي لسانكـ اكل القطو من جات عبير تعلمني..!! وعد : قولها لا عاد تكرر ذا الحركة.. لو فيه شيء يستدعي اني اقولكـ راح اقولكـ عساف ما راح اخبي عليكـ.. عساف : ماني قايل لها خليها تعلمني.. وعد : انا اكلمها.. ممكن ما تخلي احد يتدخل بـ حياتنا.. عساف : و انا ما ابي احد يتدخل بـ حياتنا .. بس اللي سوته عبير ما يتسمى انها تدخلت.. لأنها كانت متأكدة ان امي و جدتي بـ يكلموني.. وعد : ما اصدق ان انت تبي تسمع هواش حريم..!! عساف : ما ابي اسمع .. بس ما يرضيني انكـ تتضايقين و انا جالس مبسوط و ماني داري عنكـ ..! اذا عشانكـ انا مستعد اختم سوالف الحريم من الألف لـ الياء..!! وعد : تراكـ تبالغ واجد.. لو اجلس فوق راسكـ و اقولكـ سالفتين من سوالف الحريم غير تهفني بـ قفى يدكـ .. عساف : طيب جربي سالفتين مو اكثر لأني ما اضمن نفسي بالثالثة..!! وعد : ههههههههههههه.. شفت اعرفكـ اكثر من نفسي..!! عساف : و انا اعرفكـ اكثر من نفسي.. (تنهد وهو يناظرها) فيه احد ما يعرف قلبه..؟! وعد : تراكـ تحرجني عساف يكفي قدام بابا.. عساف : ما احد حولنا.. وعد : لا و الله.. .. غرفة لينا.. شوق : ايش فيكـ ما انتِ طالعة ..!؟ البنات كلهم برا..؟! لينا : ما ابي اروح مكان.. شوق : ليون ايش فيكـ .!؟ لينا : و لا شيء بس تعبانة من الطريق..!؟ شوق : تبين نوديكـ المستشفى..!؟ لينا : شوق تكفين خليني لحالي اطلعي برا.. شوق رفعت حواجبها مستغربة..!؟ : على راحتكـ..!! طلعت من الغرفة حتى تسكر الباب : ريمـــا.. تعالي.. ريما اعطت الأغراض اللي بيدها جود : ايش فيكـ ..!؟ شوق : كلمتِ لينا..!؟ ريما : لا ليش..!؟ شوق : شكلها فيها شيء.. تقدرين تسحبين منها حكي و الا اكلم ماما..!؟ ريما : اممم.. و اذا متهاوشة مع عمر..؟! ويش اقولها..!؟ شوق : انتِ اعرفي ويش فيها بس.. لأن شكلها فعلاً تعبانة.. ريما : اوكِ.. يالله سفرقي احنا توأم ويش حاشركـ بيننا..؟! شوق : تقلعي بس الله يعيني عليكـ لا جيتي بيت عمي و صرتِ سلفتي.. بـ اكلم سعود يقول لـ مشعل يأخذ لكم بيت لحالكم انا ما حسبت افتكـ منكـ ..!! ريما تخصرت : خير ان شاء الله و ليش انتم ما تطلعون من البيت.!؟ شوق : لا انا احب عيلة عمي ابراهيم ماني تاركتهم..!؟ ريما : و انا احب ابراهيم بـ كبره.. تبيني اتركـ البيت عشانكـ ..!! هذا اللي ناقص من زين مقابل وجهكـ عاد..!! شوق : اوووه و الله لو بـ اجلس اتناقر معاكـ ما اخلص و انا مو من طبعي اسلوبكـ هذا .. اخلصي بس و شوفي لينا انا بـ انتظركـ هنا.. ريما فتحت الباب و سكرتة بـ قوة عشان تقهر شوق : ويش اخبار توأمي الجميل..!؟ لينا : ممكن تطلعين برا..!؟ ريما : افا ما تعديت حتى بلاطة وحده عشان تطرديني..!! (تقدمت لها و جلست على السرير) هاه ويش فيكـ العصفورة قالت لي انكـ زعلانة..؟! اعتدلت لينا جالسة وهي تضغط على نفسها : العصفورة اللي هي شوق..!؟ ريما : ما تليق صح..!؟ ليتني قلت نحلة تركب اكثر..!! لينا : اخلصي.. ريما : انا كنت بـ اجي انشدكـ و امشي ابراء لـ الذمة بس صدق صدق شكلكـ تعبانة..!! ايش فيكـ ..!؟ لا تقولين ما فيني شيء لأني ما راح اصدق انتِ من جيتوا ما جلستِ معنا الا مجاملة شوي و تعتذرتي انكـ بـ تمددين و ما طلعتِ بعد لو نمتِ يمديكـ شبعتي نوم.. لينا : من متى صايرة حنة بـ هالشكل..!؟ ريما : من زمان و قدراتي الخرافية ما تطلع الا عن غازي حبيب قلبي..!! بس الحين علميني واضح عليكـ التعب ويش فيكـ ..!؟ لينا اخذت نفس : فيكـ من يكتم السر.!؟ ريما : فيني افا عليكـ سركـ في بير اهم شيء ما يودرنا مثل اسراركـ الخايسة اللي قبل لأني وقتها ما راح اضمن لكـ ان غازي ما يدري..!! لينا : ماني جالسة اتريق ريوم.. ريما : و لا انا اتريق .. اذا سركـ اصلاً ما ينكتم ما راح اكتمة لكـ .. و اذا سركـ عادي ابشري بـ عزكـ .. لينا : اجل انقلعي يالله ما عندي شيء.. فتحت الباب شوق : هاه ويش صار..!؟ ريما : متأكدة ان عندها شيء و كانت على طرف من انها تقولي بس دخولكـ خرب الموضوع..!! شوق : ايش عندكـ متحلمة فيني اليوم..!؟ احترميني انا اختكـ الكبيرة..! ريما : ويش دعوة بيننا و بينكـ سنة.. شوق : ملاقيف خربتوا علي جوي و الا كنت الدلوعة.. ريما : كذابة انتِ اللي ملقوفة كنكـ توأمنا الثالث.. شوق : لينا ايش فيكـ وجهكـ مو طبيعي..!! لينا : و لا شيء .. لو فيني شيء كنت قلت لكم.. الحين تكفون خلوني ابي احاول انام شوي.. شوق : ماني مرتاحة.. لينا بـ حدة : قلت لكـ لو فيني شيء كنت علمتكم.. ريما : تراها تكذب ابصم بالعشرة ان فيها شيء.. لينا قامت حتى تدخل الحمام و تتركهم.. شوق : و الحل..!؟ ريما : نقول لـ مامي.. و بعدين هي ادرى مننا احنا ويش عرفنا..!؟ شوق : طيب روحي ناديها.. ريما : و ليه ما تروحين انتِ..!؟ شوق : ريمــــا صايرة مليقة..!! فزي ناديها.. ريما تطلع جوالها و تدق على امها : عشان اكسر كلامكـ ماني قايمة.. الوو مامي.. محتاجينكـ ضروري بـ غرفتنا.. لا تطولين الحين الحين.. باي..!! شوق : الله يعين مشعل عليكـ ..!! ريما تشد اذنها : ايش اخبار جلساتة..؟! شوق تملعن عليها : ما ادري..!! ريما : شووق بليـــز..!؟ شوق : ليش مستعجلة على العرس..!؟ ريما : ماني مستعجلة بس ابي اعرف..!! شوق : اسألي جود.. ريما : بـ تمسخرني ان سألتها و يمكن تعلمة بعد.. و خلقة بابا و ماما منبهين علي مليون تنبيه ينبع مشوارها ساعتين بـ مليونين تنبيه و نصيحة و تحذير و قصص مالها اول من تالي عن ناس كانوا بالملكة و تركوا بـعض.. شوق : يبون مصلحتكـ يالخبلة.. طلعت لينا : انتم للحين هنا..!؟ ريما : يب و ما راح نطلع بدونكـ نبيكـ تنبسطين.. مو جاية حاكرة نفسكـ كان قعدتي في بيتكـ وشو له العنوة..!! لينا : بـ أتمدد شوي و بـ الحقكم.. .. الفجر.. ابو عبدالرحمن : يالله صباح خير.. البنات ويش مطلعهن هالوقت..!؟ ابو عمر : ما نامن سهرانات.. ابو عبدالرحمن : عساهن قاعدات كل الليل برا لحالهن..!؟ ابو عمر : العيال يمهم يبه ماهم بعيد عنهم.. ابو عبدالرحمن : ويش بلاهن اصواتهن طالعة..!؟ ابو عمر يمشي مع ابوه لـ جلسة العيال : تلاقيهن يتناقرن.. ابو عبدالرحمن : دق لي على راكان شوفه متى بـ يجي..!؟ ابو عمر : ان شاء الله يبه تأمر.. ابو عبدالرحمن : و خل واحد من العيال اخويا نايف يشوفهم ان كانهم بـ يجون و الالا ..؟!! ابو عمر : ان شاء الله.. ابو عبدالرحمن و ابو عمر : صبحكم الله بالخير.. : صباح النور.. ابو عمر : استريح يبه.. ابو عبدالرحمن يجلس : لا اله الا الله.. اصبحنا و اصبح الملك لله.. ابو عساف : شلون اصبحت يبه..!؟ ابو عبدالرحمن : يالله لكـ الحمد.. ابو عمر : مشاري ارسل لـ نايف انشده كانهم بـ يجون..؟! مشاري : ان شاء الله.. مشعل : عشان العمة الصغيرة طبعاً.. خلوها تعيش حياتها ويش بلاكم ناشبين لها..!؟ ابو عساف : بنيتنا بـ ننشد عنها كانهم بـ يلحقونا و الا لا.. ويش بلاكـ علينا..!؟ ابو عبدالرحمن : و انت ولدكـ ما قالكـ بـ يجون الفجر..؟! ابو عساف : تلقاهم يبه ماشين الفجر يعني يمكن على سبع , ثمان يكونون هنا ان شاء الله.. ابو سعود تذكر سها اللي سحبت عليهم من تزوجت و كأنها تعاقبهم ما يلومها على زيارة لأن وعد اخذت اكثر بس كانت كل يوم تكلمة و احيان باليوم مرتين اما سها حتى جوالها قفلتة.. ياسر يكلم جوالة : لا يعني لا.. كلامي واضح.. (وقف و ابتعد عنهم) يعني موسطينكـ عندي..!؟ مين قالكـ بـ اخليكـ تركبين..!؟عايفكـ انا.!؟ .. (ابتسم انها انحرجت و لا ردت عليه) قولي لهم ياسر رافض.. حتى لو كلهم راحوا ما ابيكـ تروحين.. يكفي جيتنا هنا.. ابو عبدالرحمن : ويش عنده ولدكـ معصب..!؟ ابو سعود : و الله ما ادري يبه.. ابو عبدالرحمن : هالحين كلكم سهرانين ما نمتوا..!؟ غازي : ايه و الله حتى انا الشايب اسهروني معاهم..!! عمر : بعدكـ شباب يا عمي تو الناس.. غازي : أي شباب الله يرحم والديكـ.. وليد : حلو الإعتراف بالحق..!! غازي : نعم..!! وليد : انت قلت انكـ شايب و انا اقول كويس معترف اخاف بعد ما انت معترف..!! غازي : ويش عندكـ تناقرني..!؟ وليد : ابد ودي اسدد دين قديم بيني و بينكـ ياما لعوزتني جات على كلمتين بـ توقف لي بالبلعوم..!! غازي : الله يكفيني شركـ .. الا صدق قبل لا انسى ابو عبدالله موصيني اعزمكم جميع على ملكة عماد و عرسة ان شاء الله.. ابو عبدالرحمن : جعله مباركـ ان شاء الله..!! غازي : الله يباركـ فيكـ .. وليد يهمس لأخوانة اللي جنبة مشعل و خالد و حاتم : حليلاة من يروح و يعفس له عرسة و يطلع نافش ريشة بس ماني نذل لـ هالدرجة..!! خالد : قصدكـ حليلاة من ينومة بالمستشفى يوم عرسة.. كذا نكون ختمنا النذالة.. مشعل : كلها حلال عليه انا معاكم.. حاتم : الله يكفيني شركم الحمدلله اني اخوكم عشان ما تملعنون علي.. خلاص اللي بيننا و بينه انحل ماله داعي هالحكي.. خالد : ياخي احس انها مثل النار تكوي صدري.. الله يعوضها بـ عساف.. حاتم : ايه حلو كذا ادعي لها بالخير .. اللي بـ تسويه بـ عماد بـ يضرها حتى هي ما يفيدها.. بـ تبينون انكم منقهرين من زواجة عماد .. وهو بايعنا و اللي يبيعنا نبيعة.. وليد : يخسى نبية.. عساف يسواه و يسوى طوايفة.. خله يقعد بس.. حاتم : اجل خلاص ماله داعي هالحكي.. ماهو فايدكم بـ ريال.. عند البنات.. نهى ما بين عالم البنات و الخيال تايهة عشر دقايق معاهم و الباقي سرحانة.. لينا ماهي احسن حالاً منها لكنها تحاول تنسجم مع البنات بـ شكل اكبر من نهى و لا تفكر باخر ما صار بينها و بين عمر.. ريما : الحين من جدها اختكم طالعة بـ هالحزة..؟! جود : لو حصل لكـ مشعل يطلعك هالحزة ما قلتِ لا.. كان كملتِ لبسكـ بالسيارة.. ريما بـ قهر حمدت ربها انها متغطية عشان ما يطقطون عليها : كلي تراب احسن لكـ جود..!! جود ترقص حواجبها و تضحكـ : يعني ويش بـ تسوين..!؟ ريما : و الله لا ادفن وجهكـ بالتراب و اروشكـ بالبحر..!! جود : كان فيكـ خير سويها.. و انا بنت ابراهيم لأعاملكـ بالمثل.. عاد انتِ اللي بـ تنفضحين.. هذولي كلهم حمولتكـ بس شخص واحد ابوكـ .. اما انا كل ذولي اهلي متعودين على خبالي و عصام مو فيه.. يا انها بتتخلد في التاريخ يا ريما..!! ندى : طنشيها يا ريما هاذي خبلها عقلها ما ينشرى بـ ريال..!! عبير : و الله قوية جود صراحة ما ادري شلون طرى عليكـ تسكتينها..!؟ جود : انا جود بنت ابراهيم ما يخفى علي شيء..!! عبير : عدال لا يشق خشمكـ السماء.. و اذا جود بنت ابراهيم..!! جود : شكلكـ تبيني احول عليكـ ..!! ندى : ممكن انتِ تهجدين عنّا شوي .. ترى صدعتي بـ رووسنا..!! لينا : من جد جود الله يرضى عليكـ شوية هدوء بس.. نهى قامت : عن اذنكم.. شوق : وين تو الناس.. بـ نحط الفطور هنا.. نهى : مو مشتهية.. بـ اروح انام.. مشت نهى .. و اول من انتبه لها فيصل حتى يقوم وراها.. ناظروا الشباب بعضهم بعدها ناظروا ابوهم اللي تجاهل الوضع.. دخلت الشالية حتى يكون وراها و يسحبها و يدفها على الجدار.. هي صرخت و غطى فمها على طول : اششش.. لا تصارخين.. رفع يده.. نهى بإستهزاء : صباح الخير..!! فيصل : صباح النور.. نهى : خير..!! فيصل : الخير بـ وجهكـ ... ما مليتِ من هالوضع..!؟ نهى : مليت..!! أي وضع بالضبط ماني فاهمة ويش تقصد.!؟ فيصل : انتِ في بيت و انا في بيت..!! نهى : انت اللي طردتني فيصل..!! فيصل : انتِ اللي عصيتيني يا نهى.. ما طردتكـ انا منعتكـ تطلعين من الغرفة و انتِ تجاهلتِ كلامي ما بعد خرفت عشان انسى ويش قلت لكـ ..!! نهى : ليش ما سألت عني كل هالفترة.!؟ عاجبكـ اني بعيدة مرتاح اني ما احن عليكـ مثل ما تقول و لا مكرهتكـ بـ عيشتكـ ..!! فيصل : على اساس ما شفتِ اتصالاتي و سفهتيني..!! نهى : شلون تخليني اطلع مع اخوكـ و زوجتة من البيت..!؟ فيصل : انتِ اللي طلعتِ من غير رضاي انا ما وافقت انكـ تطلعين.. نهى : كم وحده تعرف قبلي..!؟ فيصل : اربعة..!! تفاجأت نهى من صراحتة.. او وقاحتة : و كذا تقولها في وجهي يا فيصل.!؟ ما همكـ شيء.!؟ فيصل : في وشو اهتم.!؟ فيكـ ..!؟ و اللي تبي رجلها يهتم فيها تعصية و ما تثق فيه و تتركـ بيتة.؟! نهى : انت وقح و حقيــر.. الله يأخذني و يريحني منكـ .. الله يأخذني..!! قاطعهم صوت ابراهيم الحاد : فيـــــصل..!! التفت فيصل لـ عمة و شاف ابوه معاه.. نهى : طلقني.. طلقني ما ابيكـ .. انا اكرهكـ ما ابيكـ .. عايفتكـ ..!! فيصل : ما راح اطلق يا نهى.. انا ابيكـ و ما بعد عفتكـ على كل حركاتكـ اللي ما تعجبني متحملكـ ..!! رجال غيري كان شرى راحة راسة و طق على زوجتة بدل الوحدة ثلاث.. لكني ما ابي الثلاث يا نهى.. ابيكـ انتِ و انتِ اللي ما انتِ راضية تثقين فيني.. الأربعة اللي قلت لكـ عنهم امي و صبا و جدتي و عمتي لطيفه.. لكن تفكيركـ منحصر بـ شيء واحد.. مو بعيد بكره يجيكـ يعلم يبي يخرب حياتنا و تصدقينة لأنكـ ما تثقين فيني ابد.. انا ما قصرت معاكـ في شيء.. يمكن اخطيت لما اسهر برا البيت بس ولا مره كلمتيني انه الشيء مضايقكـ و الا ما كنت سويتة.. بالرغم من هذا انتِ كنتِ تضايقيني بـ أشياء واجد.. واجد.. و اكلمكـ و اذن طين و اذن عجين.. كلامي ترمينة وراء ظهركـ.. ابو عمر : فيصل يا ابوي مو كذا تفاهمون ماهي حالة هاذي..!! فيصل : و شلون..!؟ علمني يبه انا ماني عارف وشلون اعاملها..!؟ نورني..!! ابو سعود : خلها تعلمكـ ويش مضايقها منكـ.. بس قبل لا تقولكـ هذا مو مكان تناقشون فيه..!! دف فيصل باب اقرب غرفة و سحب نهى اللي مشت وراه بإنصياع.. : ويش مضايقكـ مني..!؟ و قبل لا تقولين أي شيء تأكدي ان عندكـ دليل.. عشان تقنعين نفسكـ قبل لا تقنعين ابوي و عمي..!! دخل ابو عمر وراه ابو سعود اللي سكر الباب.. لو ما قالها انه يبيها و شاريها كان ردت عليه بـ شيء صار و شيء ما صار لكن كلامة ضيعها..!! حست انه نذل عرف نقطة ضعفها.. شتت روحها زود عن ما شتتها قبل و يبيها تتكلم الحين..!! حملها الغلط و وقف يتفرج..!! نهى : تبي تبين لهم انكـ ما اخطيت في حقي ابد..؟! تبي تطلعني انا الغلطانة يا فيصل..!؟ فيصل : مو ابي اطلعكـ .. انا اقولها لكـ بـ صريح العبارة قدامكـ و قدامهم انتِ الغلطانة يا نهى.. انتِ اللي اهملتِ نفسكـ و اهملتيني.. انتِ اللي ظليتي تشكين اني متعرف على بنات و الا ويشم صبرني سبع سنين.. انتِ اللي تشوفين اني متجاهلكـ و قللت من قيمتكـ .. لو فكرتِ بـ ذا كله انا من حقي اتزوج طالما انكـ رفضتِ تسافرين معاي.. لكني خليتها في صدري و ظليت حافظ عهدي و انتِ اللي تشككين فيني..!! ابو عمر : صلوا على النبي يا جماعة.. ما يصير اللي تسوونه انت و اياها..!! الحكي اللي تقولونة ما يحل المشكلة بـ يزيدها..!! فيصل : اللهم صلي و سلم على نبينا محمد .. يبه كل ما قالت لي شيء و بينت لها هي ويش غلطت فيه لفت على موضوع ثاني.. ما تعترف انها غلطانة..!! نهى : و ليش انت ما تعترف بـ غلطكـ ..!؟ فيصل : ويش الغلط اللي سويتة..!؟ ما قلتِ لي ويش هو عشان اعترف فيه ان كان صدق غلطت..!؟ نهى : انت السبب بـ كل شيء انت حديتني على كل هذا و تالي تحملني الخطأ ماني على مزاجكـ يا فيصل وين ما اشتهيت وجهتني.. كل شيء عشانكـ و على حسابكـ انا سويتة.. لكنكـ ما تستاهل.. ما تستاهل حتى ربع دقيقة من وقت افكر فيكـ ..!! فيصل فتح يدينة يناظر ابوه و عمه : و تلوموني ليش ما كلمتها كل هالمدة..!! لأنها ما تعتبر شفت يبه قويت شوكتها و خليتها تطلع من بيتي.. شوف ويش تحكي.. سبب واحد مقنع ما عندها..!! فوق كل ذا انتم تشوفوني غلطان اللي تاركها.. و انا ليش تركتها عشان تشوف نفسها لـ وين وصلت.. تشوف صحتها اللي تدهورت تشوف اهتماماتها اللي انحصرت بـ موضوع الدايت.. كل شيء اهملتة.. نفسيتها تدمرت ويش تبون زود..!؟ عشان تقتنعون ان مخها مضروب..!! ابو سعود : فيـــصل.. غلطانة ايه بس ما يعني انكـ تهينها.. نهى : ما غلطت .. ما غلطت انت واقف معاه عشانه ولد اخوكـ ..!! ناسي اني بنتكـ ..!! ابو عمر : ويش ذا الحكي يا عمي .. و من متى ترفعين صوتكـ على ابوكـ ..!! فيصل : الحمدلله قدامكم كل شيء بان.. نهى : على كيفكـ تطلعني مجنونة..!! فيصل : اذا ظليتِ تهملين نفسكـ الا مجنونة و ستين مجنونة لأن العاقل يعرف ان روحة امانة.. ما يهملها و يحافظ عليها ما يسوي سواتكـ ..!! ابو سعود وده يصفق الإثنين نهى اللي ماهي راضية تعترف بـ أخطائها و فيصل اللي يستفزها لأبعد مدى و مو مهتم.. بـ حدة : لو ما سكت انت و اياه لامردغكم بالعقال.. فضحتونا حسبي الله عليكم ويش عاد باقي..!؟ فيصل : الباقي اني ابي اخذها معاي.. نهى : ماهو بـ كيفكـ ..!! ماني نعجة تمشيها وراكـ..!! فيصل : حاشاكـ .. انا ابي اسافر و ابي اخذكـ معاي.. و الا بـ تكررين نفسكـ خطاكـ من قبل سبع سنين..؟! نهى ترددت لما اطرى السفر تخليه يروح لحاله..!! ابو سعود : فيصل ويش ذا الحكي..!؟ الحين انتم هنا و احنا عندكم بـ تذابحون تبيها تسافر معاكـ ..!؟ نهى : انا موافقة.!! ابتسم فيصل اللي استفزها و زودها لين توافق لو قالها اول ما شافها ابيكـ تسافرين معاي ما رضت.. وهي كل السفرة عشانها يبي يوديها طبيب نفسي برا و منها يغيرون جو عشان تتعدل نفسيتها.. ابو سعود : و ان شاء الله احنا جدران عندكم متى ما اشتهيتوا تزاعلتوا و متى ما طقت برووسكم تراضيتوا..!؟ نهى : انا ما رضيت بس بـ اسافر معاه..!! (تناظر فيصل) و الله لا اطلع قرون براسكـ ..!؟! فيصل بـ برود : ان قدرتِ لا تقصرين.. يالله روحي لمي اغراضكـ طيارتنا الظهر عشان يمدينا ننزل على المدينة و بعدها تأخذين اغراضكـ المهمة..!! ابو عمر : لا بالله انهبلتوا..!! انا ماني عارف اتعامل معاكم..!! طلعت نهى و تركت ابوها و عمها بالغرفة يناقشون فيصل.. فيصل : ادري ان الموضوع مو منطقي من وجهة نظركم بس الى متى بـ اصبر عنها..!؟ انا حجزت لها عند دكتور اعرفة متخصص بـ هالنوعية من الأمراض النفسية.. و منها نتمشى و تغير نفسيتها.. ابو سعود : و ليش ما قلت لنا بالبداية..؟! فيصل : لأنكم بـ تعلمونها و تقولون لها و ترفض لكن كذا انا اجبرتها توافق و تمشي معاي.. ابو عمر : الله يصلحكم و يهديكم..!! ابو سعود : طيب يمكن ماني راضي يا فيصل..!؟ فيصل : زوجتي يا عمي ما منعتني و هي خطيبة اني املكـ عليها و اخذها تمنعني الحين.!؟ ابو سعود : و الله ودي أأدبكـ و أدبها بـ كفوف لين يبرد اللي بـ خاطري..!! فيصل ابتسم : نفـداكـ .. تأمرون على شيء من كندا..!؟ ابو عمر : سلامة راسكـ .. لا تنسى تسلم على امكـ و جدتكـ و اختكـ .. فيصل : ان شاء الله.. .. عند ام احمد.. ام احمد : و الله ما عرفت يا بنتي ليش تبكين..؟! رند : يمه .. تلى وليد الدبا دلبها..!! ام احمد : افااا .. حاط دوبه من دوبها هين يا وليد .. (تمسح على شعر سحر المنسدحة ع السرير) ما عليه يا بنتي اوريكـ فيه.. سحر جلست و عيونها مفقعة من الصياح مسكت يدها اليمين : يدي تعورني.. انا بـ اروح عند بابا قولي له يكلم بابا بـ اروح عنده ما ابي اقعد هنا.. ما احد يحبني اصلاً انا مو بنتكم انا بنت بابا..!! ام احمد : حسبي الله على عدوكـ يا وليد .. ما عليه يا امي وريني يدكـ .. سحر : تعووورني.. و الله اقول لـ بابا يضربة مثل ما ضربني..!! ام احمد مسكت معصمها و لاحظت تغير مكان المفصل : انا بـ اكلم وليد نروح المستشفى نشوف يدكـ ...!! سحر : لا .. لا وليد لا.. ما ابيه.. ما ابيه ابي بابا.. ابي بابا يجي..!! ام احمد توهقت سحر للـحين ما تدري عن ابوها.. اخذت جوالها حتى تكلم ابو سعود.. رند : حلاس لا تبتين انا تدول لأبوي تدلبه.. هو حايس.!! سحر : بابا قال انا صرت زوجة!! و هو يضربني..!!! و بابا سافر و خلاني ما احبهم كلهم..!! ام احمد لبست عبايتها : يالله يا بنتي نروح المستشفى.. سحر : مو وليد مو وليد..!! ام احمد : لا مو مع وليد مع عمكـ ابو سعود.. عند الباب.. ابو سعود : كل تراب و اسكت عني.. وليد : يبه.. ابو سعود : و حطبة.. انت متى بـ تربى..!؟ اعلم فيكـ و كل شيء اقولة يدخل من اذن و يطلع من الثاني.. لو اني اعلم حيوان كان فهم علي.. كم مره قلت لكـ لا تقرب من البنت و لا تنوشها..!؟ وليد : و عادي تلعب مع البزران برا..!؟ ابو سعود : و هي بزر يا وليد.. وليد : ما هي بزر خلاص كبرت..!! ابو سعود : لا تنفخ بـ وجهي لا اعدل لكـ خرايط وجهكـ يا قليل الأدب.. استضعفتها..!؟ خلني بس اعرف ويش انت مسوي لها.. وليد : ما سويت لها شيء .. بس هي ما تحمل..!! ابو سعود : و يومكـ عارف انها ما تحمل تكسرها و تبكيها تحسب ان ما وراها من يرد الضيم عنها الأب متوفي و باق يالأهل عايفين.. و الله انكـ مو كفو مو كفو اسمعني لو ادري بس انكـ ماشي من جنبها بس متعدي لأوريكـ نجوم الليل بـ عز الظهر يا وليد.. البنت مسؤوليتي انا ان كانكـ مستضعفها و الله لأخليكـ تحسب حساب النظرة قبل لا ترميها عليها..!! .. سيارة عساف.. : ماجد ينشد عن الشالية.. وعد : جايين بدري شكلهم ماشين قبل الفجر.. عساف : او انه مسرع.. ماهي بعيدة عليه.. تبين شيء من هنا..!؟ وعد : ودي بـ كوفي.. عساف : صار اعتبرية عندكـ .. كم وعد عندي..!! وعد بـ دلع : وحده.. عساف ابتسم : عن بنات حواء كلهن.. وعد : تصدق ان قلت لكـ ما توقعت تقولي كلام كذا..!! يعني انا قبل كنت ابيكـ تخطبني و نتزوج بس و لا مره تخيلت ان حكيكـ كذا.. عساف : شكلكـ تخيليتها صراخ و نياح و طقاق..!! لـ هالدرجة ما احس..!! وعد : امبلى تحس.. بس كنت اشوف ان تعبيركـ عن مشاعركـ يختلف انا و لا مره شكيت بـ مشاعركـ تجاهي رغم ان كل لقاءتنا هواش (ما تبي تقولة لما خطبت ندى ما شكيت فيكـ) لكن و لا مره شكيت فيكـ .. عساف : عاد كنكـ كنتِ تسمعين كلامي على طول.. تسلكين لي فترة ثم الاقيكـ مسويتة من جديد.. وعد : انت تهاوشني على اشياء حتى ما تطري علي و انا كنت بـ مرحلة مراهقة يعني بـ اقلب السالفة عناد و بس.. يا مناكير يا عباية يا نقاب.. عساف : يالله ايام عدت و انتِ عقلتي.!! وعد : و انت هجدت..!! عساف : ههههههههههههه يعني عشان قلت عقلتي الا لازم تردينها ما تعرفين تسكتين..!؟ وعد : لا ما اقدر.. احسها ناشبة بـ حلقي.. عساف : طيب هجدت انا من تأثير العقل اللي عندكـ صرت ما تسوين شيء يستفزني..!! وعد تبي تنرفزة : ترى عشان ديني ما يصير اطلع زينتي لأحد مو من محارمي.. عساف : كفوو تحسبين بـ اقولكـ لا خليه عشاني..!! لا طبعاً اذا ما همكـ الدين ما راح اهمكـ انا.. يهمني ما تسوين الشيء عشان تخافين من ربكـ مو مني يا وعد.. (التفت عساف) هاذي سيارة ماجد.. غريبة ما معاه احد..!! وقف ماجد جهة عساف و نزل حتى يسلم على اخوه و نزل عساف : السلام عليكم.. عساف : وعليكم السلام.. الحمدلله على السلامة.. ماجد : الله يسلمكـ .. كيف الجو..!؟ عساف : ما يحتاج.. وين زوجتكـ ..!؟ ماجد : نزلتها بالشالية.. بغيتكـ بـ موضوع.. عساف : امرني..!! ماجد : ما يأمر عليكـ عدو و لا ظالم.. وعد معاكـ ..!؟ عساف : ايه.. ماجد : ابي اكلمها بـ حضوركـ .. عساف مستغرب : ماجد ايش فيكـ ..!؟ ماجد : ابي اسألها بس عشان اتطمن سؤال واحد يا عساف.. عساف فتح باب سيارتة : وعد ماجد يبي يكلمكـ ..!! استغربت..!! معقولة سها فيها شيء..!! نزلت من السيارة بـ هدوء .. ويش مهببة سها..! ماجد من غير لا يلتفت لها : السلام عليكم يا بنت العم.. وعد بـ هدوء : وعليكم السلام.. سلامة الأسفار.. ماجد : الله يسلمكـ .. بغيت انشدكـ يا بنت العم و عليكـ الله انكـ ما تخبينها علي.. ما جيتكـ انشدكـ الا اني متأكد ما راح تخبين علي و لا تقولين لي شيء كذب.. احلفكـ بالله.. وعد تبلهت ما عرفت ويش تسوي او ويش تقول..!! مصيبة و طاحت على راسها..!! عساف : ماجد ويش فيكـ اقلقتني..!! ماجد : ايش قلتِ يا بنت عمي..!! وعد : ان .. شاء الله.. ماجد : سها جابرينها علي..!! عساف انقهر توتر و اخر شيء يطلع ذا السؤال التافه : انت صاحي..!! ودي اصككـ مخمس ارجعكـ فيه للمدينة.. ماجد : ما رديتي يا بنت عمي..!! عساف : ترد ويش تقول..!! ماني مصدق ان انت ذا تفكيركـ .. هذا اللي متفهم و دارس برا.. توكم قايلين بسم الله البنت ما تعودت عليكـ رحت حطيتها مجبورة..!! ماجد : كانها ماهي مجبورة ليش ما ردت وعد..!؟ وعد : انت حلفتني اقولكـ الصدق.. و الصدق و الله ان بابا اعطها فرصة تفكر و قالت انها موافقة.. تنهدت ماجد بـ راحة هالشيء هم على صدرة اذا الموضوع على عدم تعود فـ هذا يهون عن انها تكون مجبورة عليه.. : مشكورة يا بنت العم.. اتمنى هالشيء ما يطلع ما ابي احد يدري اني نشدتكـ .. وعد : ان شاء الله.. رجعت وعد لـ السيارة.. حتى عساف يهزئ ماجد بـ راحتة.. عساف : طاب خاطركـ انت ويش فيكـ ..!؟ ماجد : ما فيني شيء.. عساف : ماجد ماني بزر تلعب علي.. ماجد : كنت خايف ان عمي غاصبها بس.. عساف : و ليش كنت خايف من هالشيء..!؟ متهاوشين..!؟ ماجد : لا و الله.. بس ما ادري ويش فيها ما اخبرها كذا.. عساف عقد حواجبة : تخبرها.. ليش ويش اللي ما تخبره.!؟ ماجد : و لا شيء .. انا راجع الشالية.. عساف : ماهو بـ كيفكـ تفتح السالفة و تمشي كذيا.. اسمعني علم ياصلكـ و يتعداكـ ان ظلمت البنية ما تلوم الا نفسكـ .. ماجد : انا جالس احاول ما اظلمها و لا اظلم نفسي يا عساف.. ما ادري انا اللي موسوس و الا البنت فيها بلى صدق.. عساف : بلى وشو..!؟ ماجد : خلنا نرجع الشالية و تالي اقولكـ .. انا ما سلمت على احد دوبي نزلت سها في الباب الخلفي عشان مستعجل بـ اكلمكـ .. عساف : طيب نشوف بعدين ويش عندكـ .. .. الشالية.. ام حاتم : يعني كيف..؟! سها : ويش اللي كيف عادي امي ما فيها شيء ان ما زرتكم ما كنت فاضية.. ام حاتم : ماني مرتاحة .. ما لقيتي وقت تزورينا ماشي بـ اعديها ما لقيتي وقت تفتحين جوالكـ و تشوفين اتصالاتنا و تطمنينا عليكـ .؟! سها : اطمنكم على وشو..!! ان عايشة بدون قلب..!! هالشيء انتم عارفينة من قبل ما يحتاج اعيد و ازيد فيه..!! ام حاتم : يا امي لا تهدمين بيتكـ بـ يدكـ بـ تندمين قد شعر راسكـ .. بـ تعصين ربكـ ثم ابوكـ و امكـ و اخوانكـ .. سها : هذا انا احاول اتقبل قد ما اقدر.. احاول اعطي و اخذ و ابين اني مبسوطة و فرحانة و اني اسعد انسانة بالدنيا.. انا صرت اكره نفسي و انا جالسة مع ماجد.. احس اني خاينة و سافلة.. مو قادرة اقوله شيء و مجبورة اعطية كل شيء.. هو ماله ذنب.. انا اللي وافقت انا الغبية و متخلفة..!! ام حاتم : استهدي بالله .. الجئي لـ ربكـ ادعيه يغسل قلبكـ من هالرجال اللي بينكـ و بينه و لا شيء يا بنتي.. و لا شيء ما سوا لكـ أي شيء.. سها : بس يحبني.. ام حاتم : يا امي الحب مو كل شيء بالحياة.. ويش كثر الناس اللي يحبون و لا تزوجوا.. ما هدموا حياتهم عاشوا مع غيرهم و خلفوا و انبسطوا لا توقفين حياتكـ .. سها : هاذي ماهي حياة يا ماما.. انا انهدمت حياتي من رفض بابا و اخواني طارق.. ام حاتم : ما احد غيركـ بـ يهدم حياتكـ .. ترى ماجد لاهو ابوكـ و لا هو اخوكـ صبره عليكـ ماهو مثل صبرهم.. انتبهي يا بنتي من اللي تسوينة.. سها : ان شاء الله.. بـ احاول قد ما اقدر انسى ان لي قلب.. ام حاتم وقفت : قومي اجلسي مع الحريم و البنات لا احد يشكـ ان فيكـ شيء.. سها : طيب شوي و بـ الحقكـ .. .. على البحر.. البنات يمشون.. شوق : لا عاد حرام عليكـ سَعود مو كذا..!! جود : لا ابداً مو كذا.. الا جلف و ما عنده مشاعر بإختصار ماهو بني آدم.. شوق : انا ما اعرف ليش تشوفونة قاسي و الله طيب.. و قلبه رهيف.. جود : عشانه حمار, معاكـ بس يمكن بني آدم.. شوق : و الله لو تسمعين كلامة عنكم و قلقة عليكم ما تقولين عنه هالحكي.. يشيل همكم و يحاتيكم احيان احسه يعاملكم كنكم بناتة مو خواتة.. حتى انا الا شوي و اغار منكم.. جود تمثل الصدمة..!! : مين هذا..! سعود..!؟ اللي تكلمين عنه شخص انا ما اعرفة.. لينا : حرام عليكـ جود يمكن هو ما يعرف يعبر عن مشاعرة و شديد شوي ما يحب الغلط.. جود : ما يعرف يعبر عن مشاعرة..!! هذا تنقال عن الأدمي سعود بعيد عن الآدمية..!! : ليش ان شاء الله..!! صدت لينا من سمعت صوتة.. جود و رافعة حواجبها : و انت ويش عليكـ ..!؟ عمر : هين ان ما علمتة عشان يجهز لكـ شيء يخرب عليكـ عرسكـ.. انتِ الطيبة ما تنفع معاكـ كود الواحد ما مردغ وجهكـ بالتراب ما تشوفينة آدمي..!! جود : انا جود بنت ابراهيم من يرميني بـ كلمة ارمية بـ رصاصة..!! عمر بإستهزاء : صح بـ دليل انكـ انحبستي بالمدرسة و صار اللي انتِ اكثر وحده عارفتة.. ما شفت منكـ رصاص..!! جود بـ قهر : كل تراب.. هذا هم بالسجن.. عمر بـ حدة : تراب في فمكـ يا قليلة الأدب هذا الحكي لي..!! جود : و الله لأقول لأبوي انكـ تنكد علي و تقولي كلام يزعلني.. تشوف يا عمير.!.! مشت جود مقهورة و تبعتها شوق.. حتى تبقى لينا مكتفة يدينها.. عمر : عساكـ مروقة..!! لينا : انت ويش متوقع..!؟ عمر : كل خير.. كل خير.. لينا : راضي عن اللي سويتة..!؟ يعني ماني فاهمة انت تبي تستفزني يا عمر و الا ويش تبي توصلة..!؟ عمر : و ليش فهمتيها كذا..!؟ مليون مره قلت لكـ بنات عمي خواتي .. خواتي.. خواتي.. لينا : اوكِ و عيال عمي اخواني بـ اشوف تحمل الوضع يا عمر و الا لا.. عمر : لينا لا تستفزيني.. يكفي اللي قلتية لي البارح تراني ساكت بـ مزاجي عن الموضوع.. و الا كنت وريتكـ شيء ما شفتية.. انا عمر بن سعد طوال الشوارب ما قالوا لي تخسى.. تجين انتِ تقولين لي هالحكي.. و ياليتة على سنع ياليتني ضايمكـ و ظالمكـ كنت اقول اني استاهل.. لكني ما استاهل قلة الإحترام ذي منكـ .. لينا : يعني انت ما تقلل من احترامي باللي تسوية..!؟ عمر : ويش اللي سويتة..!؟ هاه..؟! حكيت في بنات عمي.. قد قلت لكـ خواتي.. تأخرت بـ نومتي طيب و اذا ما انقلبت الدنيا فوق رووسنا.. تراها طلعة تمشية نوسع صدورنا مو نقلبها نكد و نضيقها علينا..!! لينا : يعني انا اللي قلبتها صح..!؟ عمر : انتِ راجعي نفسكـ و شوفي مين قلبها.. طول الطريق قالبة خشتكـ في وجهي.. و ختمتيها بـ قلة احترام لي.. نمتِ و لا فكرتِ حتى تشوفيني متضايق بـ سبتكـ و الا لا .. ما اهتميتِ و انا من البارح ما نمت..!! لينا : لا تحملني الخطأ كله يا عمر.. لا تظلمني.. انت تسوي الشيء اللي تعرف انه يضايقني.. هالشيء يقهرني.. (بكت حتى ينبح صوتها) شفت نفسكـ كيف تحكي مع جود من شوي.!! ماهي اختكـ ماهي اختكـ ماهي اختكـ لا تقولي بنات عمي خواتي.. ماهن خواتكـ .. انا ما اقولكـ لا تسلم عليها من بعيد بس ما تدق معاها الميانة بـ هالشكل و انا واقفة كني ديكور ما حطيت لـ مشاعري أي اعتبار و انت تدري انه الشيء يضايقني.. طيب انا ما اهمكـ ولدكـ بعد ما يهمكـ ..!؟ عمر مسكها من يدها : تعالي معاي.. مشت معاه مستسلمة.. حتى هي ما نمت و الكلمة اللي ضنها نامت بعد ما قالتها بالعكس سببت لها ارق و حرمتها النوم مثله.. فتح باب السيارة حتى تركب معاه.. ركب مكان السايق و حركـ السيارة.. سحب علبة المناديل و اعطاها : هدي ليون ما يسوى الموضوع دموعكـ و الله.. مين قال ما تهميني.. ما يهمني الولد كثر ما تهميني انتِ.. انتِ الأساس.. قلبتيها صياح..!؟ لينا : انت ضايقتني.. انت حديتني اقولكـ حكي ما يرضيني.. و الله اني تضايقت قبلكـ .. ما تهنيت ودي ارجع المدينة ما ابي هالروحة اللي تخلينا نتضايق بـ هالشكل.. عمر مسكـ يدها و ابتسم : انا آسف .. حقكـ علي.. لينا : و أنا آسفة.. عمر : و ما احنا راجعين المدينة.. بـ احجز لنا فندق هنا نبعد عنهم كل الوقت و انتِ مع الحريم ما قعدت معاكـ .. لينا : اللي تشوفة.. لا تزعل مني عمر.. عمر : ماني زعلان بس لا تعيدينها لينا و الله لو ان قدركـ ماهو كبير عندي ما دمحت لكـ كلمتكـ بس ويش اسوي غالية علي ما اقدر عليكـ .. .. جلسة الرجال.. ابو سعود : ان شاء الله قريب نحدد العرس.. راكان : ماشاء الله و انا اخر من يدري ما كني واحد منكم..!! ابو عبدالرحمن : ما احد قالكـ اتركـ البيت و اقعد بالفندق كل ذا.. راكان : ان شاء الله بعد من نرجع من السفرة نجي نسكن عندكم.. خالد : وين حجزت..!؟ راكان : تركيا.. خالد : حلوو.. لو كلنا نقط معاكـ ننكد عليكـ هناكـ .. راكان : عشان اتبرى منكم و لا عاد اعرفكم.. منحاش منكم انا.. وليد : و الله لا تخليني اسويها عناد و اروح و استقعد لكـ وين ما رحت وراكـ ..!! يزيد : ههههههههه قدام انا خويكـ .. مشعل : لا تنسوني ودي انكد عليه.. ابو عبدالرحمن بـ حزم : و الله ان عتبت انت و اياه الحدود لا احش رجولكم لا رجع عمكم هيتوا وين ما بغيتوا.. راكان يرقص حواجبة و يضحكـ عليهم.. وليد : ويش عليه دلوع البابا.. روح انبسط مو مشكلة بـ انبسط عليكـ بالأيام الجاية.. مشاري يكلم غازي : الحمدلله .. ان شاء الله كل الأمور تمام.. و القاضي يحكم لـ صالحنا.. غازي : الله يسمع منكـ .. ما راح ارتاح لين اشوف عيالها معاها.. مشاري : ان شاء الله قريب.. غازي : تعبناكـ معانا يا ابو مساعد ما قصرت.. مشاري : افا عليكـ لا تقول كذا حق و واجب.. ماجد : السلام عليكم.. : وعليكم السلام.. وقفوا العيال حتى يسلمون عليه بعد ما سلم على جده و ابوه و عمانة... ابو عساف : سلامة الأسفار.. ماجد يجلس : الله يسلمكـ يبه.. ابو عساف : وراكم ابطيتوا علينا.. ماجد : كان عندي شغلة البارح و الوقت تأخر ما ابي نسري تالي الليل.. ابو عبدالرحمن : زين سويت.. ابو سعود : ويش حال خويتكـ .!؟ ماجد : بخير الحمدلله ما عليها.. ابو عبدالرحمن : سعد ولدكـ وين هو غادي..!! ابو عمر : راح لـ فندق.. ابو عبدالرحمن : وشهو..!! من ضيق المكان عشان يروح فندق.!.! ابو عمر : عادي يبه ماهو مبعد يطل علينا.. ابو عبدالرحمن : قليل الأدب ذا ما يختشي.. هو يروح فندق و ذاكـ يأخذ مرتة و يهيت بالشوارع.. هذولي اللي ما يبون العرس..!! و فصيل ما قصر اخذ مرتة و طق درب المدينة..!! ابو عمر ابتسم : خلهم على راحتهم يبه.. كلهم معاريس توهم..!! ابو عبدالرحمن : انا اشهد ان ما به سنع.. وليد يشيش جده : معاكـ حق يبه.. و الا الواحد لا بغاهم ما لقاهم..!! ابو سعود : وليــدان لو حصلكـ ما قصرت خلكـ ساكت ازين لكـ دام النفس عليكـ طيبة بعد سواتكـ البارح..!! ابو عبدالرحمن : تسكتة..!! عشانه قال الصدق..!! لا و الله ما تسكتة و انا موجود..!! وليد ماسكـ ضحكتة : ابوي صادق ما بهم سنع و الا وشوله يجون كانهم ما يبون الجلسة معنا كان ما طقوا دربهم شلالهم فوق انهم متوخرين علينا..!! ابو سعود يهدد ولده من غير لا ابوه يحس و وليد يضحكـ ..!! وليد : يبه مساعد تراني بـ حماكـ كان كلمة الحق ما يبوني اقولها..!! ابو عبدالرحمن : ما تنضام و انت وراي.. ابراهيم.. ابو سعود : سم يبه.. ابو عبدالرحمن : و الله ان دريت انكـ مزعلة ان زعلي عليكـ يكون اكبر.. ابو سعود : يبه الله يهديكـ ويش ذا الحكي انت ما تعرف حركات وليد..!! وليد : ما سويت شيء كل اللي قلتة جدي خابرة..!! ابو عبدالرحمن : وهو صادق مانيب غشيم.. لا تزعلة يا ابراهيم هذاني حذرتكـ ..!! ابو سعود : ان شاء الله .. (همس لـ غازي جنبة) تكفى غير تهبدة لي لصق وجهة بـ قاع الأرض.. حمقان عليه من سواتة مع زوجتة..!! غازي ابتسم : ويش ورى احتمى بـ عمي مساعد.. ويش مدخلة بالسالفة ما ادري.!! ابو سعود : تنكيد الله يكفينا شره بس.. غازي : ويش مسوي معاها..!؟ ابو سعود : ماهو طايقها..!! يمكن العمر هو اللي مخليه كارهها بـ زيادة.. صحيح ان اللي سواه ابوها ما ينساه بس البنية ما لها ذنب.. و المشكلة انه هو ينقهر اذا شافها مع البزران..!! و هي بزر.. بزر للحين و البارح شاد يدها لين انفكت.. غازي : و الله ما اقدر اوقف معاه و لا اقدر الومة.. صدق الوضع صعب.. بس ان شاء الله فترة و تعدي بـس يتقبل وجودها و البنت مردها تكبر.. عند عساف و وعد.. عند عساف : انتبهي لـ نفسكـ و اذا صار أي شيء كلميني وعد لا تخليني غافل..!! وعد : مو صاير الا الخير .. انسى اللي صار و انبسط.. تأمرني على شيء..!! عساف : احفظي لي قلبي بين ضلوعكـ ..!! وعد ابتسمت : تدري لو تغير علي بعد كم سنة لا اذبحكـ يا عساف..!! عساف : وعدي لكـ يا وعد ما اتغير عليكـ احفظي قلبي و انا لكـ كل عمري..!! وعد : جعلني ما اذوق حزنكـ .. عساف : بعيد الشر عنكـ يومي قبل يومكـ .. وعد : ما اتخيل حياتي من غيركـ .. عساف : بـ اموت لو تخيلتها بـ دونكـ .. انا ما اعرف كيف كنت عايش من قبل..!! وعد : بسم الله عليكـ .. لا تقول كذا.. عساف فتح باب السيارة من غير ما يشيل عيونة عنها : و انا صادق ما اعرف كيف عشت من غيركـ .. الحمدلله الحمدلله حتى يبلغ الحمد منتهاه.. وعد : الحمدلله.. عساف : هذا ماجد بـ اكلمة اذا احتجتي أي شيء كلميني طيب..!! وعد : دامكـ يمي انا مو محتاجة شيء عساف.. عساف ابتسم : الله يخليكـ لي.. وقف ماجد متوتر معقولة كل اللي يتزوجون بداية حياتهم كذا..!؟ مستحيل ..!! الا ما يكون فيها شيء مخبيتة عليه.. وشو؟؟!! كيف يعرف..!؟ : اتحفني ويش عندكـ ..؟! التفت ماجد لـ عساف : و الله ما ادري يا عساف..!! يمكن بس انا موسوس..!! عساف : ويش موسوس فيه..!؟ ماجد : ان سها ما تبيني..!! حاسها مجبورة علي.. ما تسولف ما تسوي شيء من نفسها ما تضحكـ احسها جسد معاي بـدون روح..!! فوق هذا ولا مره جابت لي طاري تبي تروح بيت عمي و لما قلت لها تقول ماهي رايحة.. و لا مره كلمت احد فيهم لا امها و لاا ابوها و لا خواتها.. تذكر يوم قلت البنات مجتمعين بـ بيت عمي لما قلتها ليش ما تروحون عصبت و زعلت ..!! كل شيء يقولي انها مجبورة علي.. عساف : شوف انا احس انكـ تبالغ الموضوع.. هي بداية كل حياة تكون صعبة.. انت شخص متعود على نمط معين حياتكـ لكـ لحالكـ فجأة لازم تشاركها مع آدمية ثانية نفس الشيء ينطبق عليها.. و البنات مو مثلنا يبي لهم فترة يتعودون مو على طول تبي تكون حافظها و حافظتكـ كن لكم عشرين سنة متزوجين.. اما مسألة بيت عمي يمكن هي وقتها متوترة من شيء و انت فهمتها غلط.. مستحيل ما تكون تكلم اهلها.. مو منطقي يا ماجد.. ماجد : و الله ماني عارف.. بس لو ظل الوضع على كذا ما راح اقدر اصبر.. عساف بـ حدة : ويش يعني..!؟ ماجد : يعني وشو اعيش مع دُمية متحركة..!! اقولها بدون روح..!! عساف : لا تخليني افرمكـ هنيا.. بنت العم تفهم ويش يعني بنت العم..!! ما يكون يجي في بالكـ تطلقها..!! ماجد : و اذا ما تبيني اقولها الا غصباً عنكـ اقعدي معاي..!! عساف : خل عنكـ السوالف ذي.. اجمد و خلكـ رجال.. اياني و اياكـ يا ماجد تفكر بالموضوع مجرد تفكير.. ماجد : عساف .. لو الموضوع تعود انا مستعد اصبر عليها فترة طويلة.. بس انا اخاف انها مجبورة علي و قلبها رافضني.. شلون تبيني اعيش مع وحده ما تبيني..!! عساف : لا و الله و من متى احنا نفكر بـ قلوبنا..!؟ ماجد : هذا انت فكرت و اخذت اللي بغاها قلبكـ رغم ان جدتي و امي رافضين..!! عساف : لا تحط حياتي مضرب مثل يا ماجد.. انا غير و ظروفي غير.. صدقني لو تزوجت وعد قبل و وصلنا مشاكلنا لـ الشيطان الرجيم ما طلقتها.. لو اخذ فوقها ثلاث.. ما اطلقها.. بنت عمي اللي يمسها يمسني.. اللي يجرحها يجرحني.. زينة يقولون ما عافها ولد عمها الا ان ما فيها خير..!! لا تخلي الأوادم تحكي فيها من وراكـ يا ماجد.. لا تكسر عمكـ و عيالة و كل عيلتنا.. ماجد : من سمع حكيكـ قال رميت عليها اليمين.. انا بغيت اتشكوى لكـ مو زود بـ تندمني عليها كل عمري.. عساف : انا ابي مصلحتكـ و مصلحة بنت عمي.. و انبهكـ عن الغلط قبل لا تسوية.. بعد مرور اربع سنوات.. ابو سعود دخل الصالة : كنها اصوات البنات.. جايات اليوم..؟! ام حاتم : ايه كلهن هنا.. ابو سعود يناظر ولد ندى : و اشوف البيت منور اثر الشقردي هنا..!؟ ياسر شايل ولده : لا تحاول يبه الشقردي ولدي..!! ابو سعود : خل ولدكـ الصياح على جنب مدلع..!! (يناظر ولد ندى يمشي بإتجاهه ويشيلة) هذا ولد الفريق.. حيا الله الشيخ عامر.. وليد : ترى غش يبه و الله ما يصير..!! باقي انا عزابي شوي و يجلسوني مع فراس و مؤيد..!! ابو سعود : تستاهل.. ما احد قالكـ تلعوز البنية.. قبل لا تكمل 18 تحلم فيها.. وليد : يعني بـ اصبر سنتين و الله مشوار .. خلاص طيب بـ اتزوج وحده ثانية..!! ابو سعود : تهبى و انا ولد ابوي خل عينكـ بـ كتابكـ و خلص دراستكـ ازين لكـ .. وليد : طيب خلها على 17 ويش فيها كثير بنات يتزوجون و اعمارهم زي كذا ما تفرق 17 و 18..!؟ ابو سعود : وليدان اقصر عني الحكي و لا تزعجني.. اللي سويته فيها ماهو قليل.. كلمتي ماني مثنينها قبل ثلاث سنين لو تحب السماء ما تممت زواجكـ عليها..!! وليد : الله يجازيني على صبري.. كان كلهم تزوجوا و انا قعدت..!! ميار من وراه : كذاب انا قاعدة معاكـ ..!! سعود : الله جابكـ تعالي تعالي.. ميار : لا حول و لا قوة الا بالله .. بس ما ودي اطول على خواتي بـ ودي رضاعة ريتال..!! سعود : وديها و تعالي حضري الحين يا ميار تراني انتظركـ ..!! ميار : طيب ان شاء الله.. انحاشت منه.. لأنها عارفة ويش بـ يكلمها فيه..!! ام سعود : لا تشد عليها يا ابوي..! سعود : الى متى..!؟ انتم علموني الى متى وهي ما ترفض الا عشان تركي..!؟ و الله ما ودي ادعي عليه عشان ما تسمعني.. بس ويش اقول حسبي و الله و نعم الوكيل..!! دخلت و سكرت الباب بـ أقوى ما عندها نفسها بـ راس خشمها : السلام عليكم.. : وعليكم السلام.. وليد : لا هلا و لا مسهلا مدام كرشة..!! جود تبوس راس ابوها بعدها تناظر بـ وليد : احسن لكـ تراها واصلة معي لـ الشيطان الرجيم..!! وليدان..!! وليد يمثل انه خايف : يمه يمه خلاص توبة..!! و ليش متى جيتينا و انتِ مروقة..!! اللهم يا كافي راكبكـ ابليس.!! سعود : تكفى اتركها لا تولد علينا..!! خالد : لا عاد انت و اياه مو توهقونا.. جود : يبه شوووفهم..!! ابو سعود سحبها حتى تجلس جنبة : ما عليكـ منهم.. كلهم ميتين على ذا الولد اللي مو راضي يطلع..!! جود : ياليت متعلق وبس طفشني..!! ما صارت..!! ام سعود : هانت يا بنتي خلاص ما عاد الا خير..!! جود : مليت..!! خالد : ياليتني بس مصوركـ اول حملكـ .!.! لما كنتِ مستحية منّا كان احتفظت فيها ذكرى كل حياتي لأنها ما تنعاد.. اما ذا الشكل الخايس العياذ بالله منه..!! وليد : خسارة و الله و تو تطري عليكـ ذا الفكرة يا حضرة الكابتن..!! خالد : توه توه بعد ذا الوجه الأقشر..!! اذا احنا كذا اجل ويش حال عصام..!! الله يعينه على ما بلاه..!! ابو سعود : خالد وليد و بعدين معاكم ويش ناوين عليها فيه..!؟ وليد : خلها يبه عساها تولد..!! و تفكنا من ذا الدبة.. ام احمد : انتم ويش بلاكم على اختكم بدال لا تراعونها قاعدين لها.. حرام عليكم هي دوبها متحملة نفسها..!! جود وقفت : انا اروح عند خواتي ازين.. مشعل و ريما متى بـ يرجعون..!؟ ياسر : بعد يومين .. الا مـتأكدة انكـ ما انتِ حامل بـ توأم..!؟ جود فزعت : بسم الله علي.. ويش توأمة انت صاحي..!؟ ابو سعود : لا يا امي لا توأم و لا شيء ذا ويش عرفة اصلاً..!! جود : و اذا توأم..!؟ ابو سعود يبي يضرب ياسر على وجهة البنت ماهي ناقصة عشان يخوفها زود : لا مو توأم حتى روحي اسألي وعد.. مو هي مجربة..!؟ جود : من جد بـ أروح اشوف هي بـ ويش حست..!! سعود : نادي ميار معاكـ ..!! ابو سعود يناظر عيالة بعد ما طلعت جود : انتم و بعدين معاكم ما ترتاحون اذا ما رفعتوا ضغطها..!؟ ماهي ناقصة هي يكفيها السكر.. وليد : عشان ما تنسى هالأيام ابد يبه.. ابو سعود : و حطبة .. انتم شايفين كيف هي تعبانة..! حكيكم يزيدها و يوسوس فيها..!! خالد : حصل خير يبه.. ان شاء الله ما تتكرر..!! ابو سعود : دايم هاذي سواتكم ما تعتبرون..!! وليد : غصب ننسى شكلها مثير لـ الطقطقة غصب يخليكـ تتريق عليها.. انا حتى لو ما نسيت بـ اتناسى بس عشان اتريق عليها.. ابو سعود : تعلمني بـعد ان السالفة عناد..!!! وليد ابتسم : زوجني و وعد مني انسى موضوعها.!.! ابو سعود : اولاً تحلم ازوجكـ الحين.. ثانياً ما اثق فيكـ اصلاً.. وليد اختفت ابتسامتة : افااا يا ابو سعود كذا تحطم ابنكـ الصغير..!! ابو سعود : أي صغير و انت اطول مني لا اله الا الله.. ميار دخلت ميار متمللة .. كتفت يدينها و هي تناظر سعود : هلا امر ويش بغيت..!! سعود : تعالي اجلسي بـ اتفاهم معاكـ ..!! ميار : سعود اعرف ويش بـ تكلمني فيه.. و انا انهيت الموضوع و قلت لأمي ترد عليهم ان ما فيه نصيب..!! سعود : و ليش ما فيه نصيب.!؟ نصيبكـ شخص ميت يا ميار..!؟ ميار : الله يرحمة.. ايه نصيبي تركي..!! سعود : هذا كلام وحده صاحية.!؟ انتِ عارفة انكـ جالسة تضيعين سنين من عمركـ ..!! ام سعود : يا بنتي فكري بـ عقلكـ اتركي قليبكـ على جنب.. فكري بـ عقلكـ شوفي البنات كلهن تزوجن و عيلن حتى اللي اصغر منكـ ماشاء الله و انتِ للحين على طمام المرحوم.. ياسر : ما فكرتِ الى متى بـ تجلسين كذا..!؟ ميار : انا ماني جالسة كذا لي حياتي الخاصة اشتغل و اصرف على نفسي ما طلبت منكم ريال واحد..!! وليد : لا و الله و انتِ حسبالكـ همنا مصروفكـ ..!؟ من متى الفلوس تهمنا.!؟ لو تهمنا الفلوس كنّا قعدناكـ و اخذنا راتبكـ يا هبلة..!! ابو سعود أخذ وضع المتفرج بـ يشوف كيف الحوار بينهم.. و على ويش بـ يرسى..!! ميار : انا مو عارفة ليش مصرين اني اتزوج و انا ما ابي..!! ام سعود : الزواج سنة الحياة و جاكـ رجال كلن يمدح فيه ماشاء الله صيتة يسبقة.. ميار : ويش يشتغل..!؟ ياسر : عنده شغلة الخاص بـ الxxxxات.. مستقل حتى عن ابوه.. يعني متحمل مسؤولية نفسة.. ميار : افكر..!! سعود : فكرتِ واجد يا ميار تأخرنا على الرجال صار لنا شهر نساحلكـ فيكـ .. يعني وشو بـ تحرمين امي من انها تشوفكـ عروس..!؟ بـ تحرمينها تفرح فيكـ و انتِ بنتها الوحيدة..! ميار رفعت حواجبها : هذا انت حرمتها لها سنين تحن عليكـ تزوج ما حن قلبكـ غير بعد ما كلمكـ رئيسكـ ..!! سعود : استغفر الله العظيم.. خليكـ مني .. اهم شيء انتِ طيب.. كم يوم بـ تفكرين بـ الرجال..!؟ زود عن ما اخذتِ..!؟ خالد : ميار لا تفضحينا بالرجال.. معاكـ لين بكرة تقولين لنا رايكـ .. فكري و استخيري و علمينا ويش هو رايكـ ..!! ياسر : لحظة انتِ لكـ شهر تفكرين.. و اكيد استخرتي ويش كانت النتيجة..!؟ ميار : بـ صراحة يعني ارتحت بس هذا مو السبب .. انا ما ابي الزواج كله.. ياسر : اجل قضينا ميار هالموضوع مفروغ منه.. خالتي الحين تكلم ام الرجال و تبلغة موافقتنا عشان يجون يخطبون رسمي.. ميار : لا اصبر .. انا مستوعبة اتزوج .. ما ابي الا تركي..!! ابو سعود بـ هدوء : و تركي الله يرحمة.. يكفي يا ميار مخليكـ على راحتكـ على اساس تفكرين صح.. و ما ودي اجبركـ على شيء .. لكن اسلوبكـ ذا ما يرضيني.. لو ان عندكـ سبب مقنع انا اول من يسندكـ بس كلامكـ ماهو منطقي.. اللي تسوينة ماهو خير لـ نفسكـ و لا حتى بـ يفيد تركي..!! ميار : هو خطبني من تخرجت من الثانوي.. تعودت على فكرة اني اتزوج منه ما قد فكرت بـ رجال ثاني غيره.. ابو سعود وقف و اتجه لها وقف قدامها : صار له ثلاث سنين متوفي.. و من قبلها ثلاث سنين مختفي.. ست سنين يا ميار ما حلكـ تنسينة..!؟ سعود وقف جنب ابوه : ميار انا ما ابي اضايقكـ و لا اقولكـ شيء يقلب موازينكـ ..!! ابو سعود بـ حدة : سعـــــود!! سعود : يبه هذا الصدق ليش تهدم حياتها عــ ....!! ابو سعود قاطعة بـ حدة : كلمة وحده زيادة ما ابي.. فاهمني..!! ميار : تقصد عشان واحد ميت..؟! عادي انا لي قلب واحد يبي انسان واحد ما يتغير مالي عشر قلوب عشان كل مره استخدم واحد و ارميه و الا امسح ما فيه.. ابو سعود : بابا انسي تركي.. خلاص يكفي الى متى بـ تظلين تفكرين فيه و توقفين حياتكـ عليه.!؟ ميار : حياتي ماهي واقفة هذا انا تخرجت و توظفت.. سعود : عاطفياً واقفة..!! ميار رفعت حواجبة : الله اكبر انت تعرف عاطفياً ما اصدق..!؟ سعود بـ قهر : ويش شايفتني صخر..!! ميار احنا ما نتريق جالسين نتكلم بـ شكل جدي.. انتِ زودتيها و لا انتِ حاسة..!! ميار : سعود حياتي هاذي اذا انا مو متقبلة اتزوج هذا شيء يخصني.. اوكِ انتم اهلي تنصحوني باللي تشوفونة مناسب بس ما تجبروني عليه..!! انا مو بزر و لاني جاهلة انا عمري 25 سنة يعني اعرف افكر.. سعود : لو تعرفين تفكرين ما كان رفضتي العرسان واحد وراء الثاني عشان تركي..!! ميار : هاذي وجهة نظركـ و انا لي وجهة نظري..!! سعود : هالموضوع ما فيه وجهات نظر هاذي سنة الحياة و أساسها.. ميار : و اذا انا مو متقبلة الموضوع لازم اجبر نفسي.!؟ هالشيء ما يخليني اكسب اثم بـ نفسي و بـ الرجال اللي وافقت عليه..!؟ ما راح اكون حملتها وزر انا ماني قده..!؟ سعود : انتِ حتى ما جربتي الموضوع يا ميار.. انتِ تشوفين نفسكـ تكونين زوجة.. بـس لـ شخص ميت.. لكنه غيره لا.. هذا الشيء اللي مو متقبلتة.. القصة مو انكـ تخافين تحملين نفسكـ اثم و ما تقدرين تقومين في بيت و مسؤولية لو هذا سببكـ كان من خطبكـ تركي رفضتية..!! ميار : لأن تركي كان يحبني يعني لو اخطيت بـ يدمح لي..!! سعود : يحبكـ ..!! هذا تفكيركـ يا ميار..!! ابو سعود : ميار يا امي هاللي في بالكـ غلط.. ماهو عشانه يحبكـ بـ يسكت عنكـ لو افترضنا انكـ اخطيتي.. الرجال لما يتزوج مره يشوف نفسة مسؤول عنها ما يرضى احد يضرها كيف تبينه هو يضرها..!؟ الموضوع مو متعلق بـ الحب .. الموضوع دين و تربية و اخلاق.. انا ما راح ازوجكـ أي شخص و انا ما ادري عنه و ما اثق فيه.. سعود : كل الناس يتزوجون زواج تقليدي ما فيه بنت تقول عشاني ما احبه و لا يحبني يمكن ما يدمح لي زلاتي.. لأن مجرد الخطبة و الملكة بـ يكون فيه ارتباط بين مشاعركم لو بالإسم حتى لو ما شفتية يعني الحين الرجال بيستقعد لـ مرتة على كل شيء عشانه ما يحبها..!؟ حاتم : هدو اللعب يا جماعة.. مو كذا راح تقتنع ان تفكيرها غلط انتم و هي تتخذون اسلوب الهجوم ما ينفع هالوضع.. بالتفاهم و الهدوء كل مين بـ يوصل فكرتة و بالأخير احد الطرفين بـ يقدر يقنع الثاني..!! سعود : يعني انت عاجبكـ اللي تسوية راضي عنه.!؟ حاتم : حقيقة لا.. بس ضد هالأسلوب ما راح تقدر تجبرها ترضى بـ رايكـ لكن تقدر تقنعها فيه.. سعود : و انا ما جبرتها يا حاتم هذا انا اوضح لها كل شيء هي فاهمتة على كيفها و مزاجها..!! حاتم : اسلوبكـ غلط هذا هو اللي يخليها تتمسكـ بـ رايها و تعاندكـ ..!! سعود : و الله ما احد مخربهن الا انت و ذا الكلام اللي حافظة من الكتب.. حاتم : ههههههههه الله يعين البنات اللي بـ يكونون بناتكـ .. ابو سعود : ميار ابيكـ تفكرين بـ عقلكـ و ترجعين تردين لي خبر.. الرجال اعرفة و اعرف اهلة من سنين .. ان شاء الله ماهو ضايمكـ يا امي.. طيعني هالمرة لا تردين نصيحتي.. صلي استخارة من جديد.. ميار بإستسلام : طيب.. بس توعدني ما تجبرني على شيء..!! ابو سعود : و توعديني ما يكون سبب رفضكـ تركي..!! يكون عندكـ سبب مقنع غير و انا موافق.. ميار : طيب.. عند البنات.. جود : انذل من اخواني عمري ما شفت.. نهى : و الله انتِ ملقيتهم وجه.. عصام يهدي فيكـ و تجين شايشة..!! جود : على طاري الوجه انتِ متى ناوية تتركين الموانع..!؟ نهى : اسكتِ فيصل بدا يحن علي بـ ذا الموضوع و انا احس مالي خلق..!! وعد : اجل ما عندكـ سالفة يا بنت ويش باقي طبيتي بالثلاثين و غردتي فيها متى ناوية تحملين..!؟ نهى : و الله ما ادري تعرفون ان الموضوع سهل و انا من فترة طويلة اخذ موانع يعني لازم الحين اخذ منشطات.. و ماني فايقة صراحة..!! ندى : و متى ناوية تفوقين.!؟ لا صار عمركـ اربعين.!؟ نهى : ما ادري متى يمكن مره اصحى من النوم الاقي نفسي ابي اصير ام..!! ندى : ليش هي الشغلة على كيفكـ ..!؟ نهى : مو على كيفي بس بـ افكر بالموضوع اشوف..!! لأن عمتي بعد كلمتنا انا و فيصل ما صارت عاد لنا اربع سنين و ما حنينا للأطفال..!! مو ازعاج.؟! وعد : ازعاج ايه ازعاج و بـ قوة اصلاً بـ تنسين انكـ انسانة لكـ وقتكـ الخاص فيكـ .. بـ يصيرون هم اهتمامكـ كله.. صح انه شيء متعب بـس تعبة جميل..!! نهى : يعني مو شيء صعب و انتِ عندكـ توأم..!؟ وعد : امبلى تعب بس شغل البيت على الشغالة انتِ لكـ التربية.. اكذب عليكـ اذا قلت اني ما احس اني اخفق بعض الأحيان في كثير من المواضيع خصوصاً ان عساف ما يعجبة اسلوبي مع العيال يقولي ادلعهم و اطلعهم خكاري..!! من جد شيء صعب بس تحدي بس يكبرون بـيكون لكـ حصاد ما زرعتي بعد الصلاح من ربي.. جود : انتِ اصلاً اللي متعبكـ عساف و الا الموضوع يسلكـ.. وعد : لو تشوفون ويش يسوي لما يشوف عبدالرحمن يده بـ فمة مرات يمسكـ نفسة لا يضربة.. انصدمت و انا اشوفة ماسكـ نفسة.. ما حسيت الموضوع يوصل لـ هالدرجة..!! جود : احمدي ربكـ اللي ما هبدة و لصقة بالجدار.. و اذا يمص اصباعة ويش فيها توه ما وصل ثلاث سنين..!! وعد : ايه بس تركوا الرضاعات من زمان و عبدالرحمن من هو نتفة و هو فيه ذا الحركة و عساف منقهر.. دانه : عادي يكبر و ينساها.. لا تدققون عليه.. سها : بس بـ تأثر على الفكـ و الأسنان ما يصير يتجاهلون الموضوع يعالجون بس مو بإسلوب عساف..!! وعد : و عساف ما عنده يمه ارحميني و يشوفني مدلعتهم بالرغم من ذلكـ هو اكثر واحد مدلع ملاذ بـ شكل فضيع البنت صايرة فضيعة حتى بـ تعاملها مع اخوانها و عساف ما يشوف اخطائها.. يعني عندي كم مشكلة فوق راسي لكن بالرغم من ذلكـ الأمومة شيء حلو دام ربي منعم عليكـ بـ صحة و ما عندكـ شيء يمنعكـ من الحمل ليش تمنعين نفسكـ ..!!! جود : صراحة وعد انتِ مشاكلكـ مو في الأمومة ربي عساف من جديد تنحل كل مشاكلكـ ينرفز..!! سها : مين يتكلم انتِ اولدي بالأول بعدين اعرف مشاكل التربية ما وصلتِ لـ هالمرحلة للحين..!! جود : لا يا حبيبتي ما راح اوصل انا متفقة مع عصام انا علي الحمل و الولادة وهو علي يربي..!! وعد : ههههههههههههههههه يا مجنونة حتى هو شايل همكـ بـ هالحمل يعني غاشتة انتِ مو مخليتية بـ راحتة كل شوي تشكوين ظهري بطني رجلي..!! جود : و الله ما تخيلت الوضع صعب.. و ما احد قاله يصير دكتور و يتزوجني.. اسكتوا من كم يوم سويت له فيلم وهو دكتور خليته ما يعرف شيء .. ندى : و الله انكـ ما تستحين انتِ ويش مسوية لـ الرجال..!! جود : ابد الله يسلمكم جننتة الليل كله ما خليتة ينام و انا كل شوي انقزة احس اني بـ اولد..!! لين اخر شيء قمت اصيح و اقوله دق على امي دق على ابوي و اخواني ما خليت احد احتاس ما ادري شلون لبسني عبايتي.. رحنا المستشفى و طلع ما فيه طلق مغص عادي.. رجعني البيت و راح الدوام وهو متنرفز..!! دانه : حرام عليكـ لعوزتية..!! جود : و انا ويش عرفني..!! نهى : و الله شكلكـ مسوية فيه هالحركة دلع و عناد.. جود : حمارة ان شاء الله تجربين المغص اللي جربتة البارح عشان تعرفين شلون دلع و عناد بغيت اموت احس سكاكين في بطني..!! نهى : لا شكلي بـ اكنسل ما ابي احمل.. سحر : ليش مو هم يقولون ان كل بنت ام بالفطرة يعني يكون عندها غريزة الأمومة..!! نهى : بس هم و الهم يخليني اكنسل.. سحر : لا عاد صدق انا متحمسة أشوف عيالكـ شفت عيالهم كلهم ماشاء الله بقي انتِ.. نهى : كذابة..!! هالبنت عيني عينكـ ..!! جويد للحين ما ولدت.. و شوق توها بـ ثاني شهر يعني على ما تشوفين عيالها باقي لكـ سبع شهور.. سحر : يا ربي لا تدققين على الكلمة.. ان شاء الله نشوف عيالها الله يتمم لهم على خير و يقومهم بالسلامة.. وعد : و عقبال ما نشوف عيالكـ انتِ و وليد ياااااارب.. سحر انحرجت : وعـــد..!! لا تحولين الموضوع..!! ميار : بكاشة يعنني مستحية و هي شالعة قلب الرجال .. كل ما شاف ابوي صرقعة بـ اسوي زواجي.. بـ اسوي زواجي.. و الله شكلكـ حتى انتِ مستعجلة..!!(ترقص حواجبها) هاه سسحسر..!! سحر بـ الرغم من احراجها تغير الموضوع ما احد فاضحها كثر وليد من كثر ما يحن على العرس : ويش سسحسر ذي من وين جبتيها..!؟ ميار : يعني سحر و حسرة بـ قلب اخوي..!! ندى : بسم الله عليه لا ان شاء الله بـ يتزوجون و الله يكرمهم بـ عيال و بنات.. سحر : الا وين شوق و صبا..!؟ نهى : شوق بـ بيت اهلها .. و صبا اضمن لكـ انها نايمة ولدها مطفشها قالب لها يومها.. سحر : ايه كم مره اقابلها تقول مو مخليني انام سهرانة.. جود : هي خبلة معطية ياسر وجه.. على اساس عنده دوام و ما تبي تزعجة تطلع فيه برا لا يا حبيبتي مو هو يرتاح و هي تكرف.. دانه : و انتِ ويش دخلكـ بالناس..!! هم مرتاحين ويش عليكـ ..؟! سها : حرام عليكـ لا تظلمين بختكـ حتى ياسر مو مقصر شوفيه مأخذه عنها عشان ما يزعجها الله يهديه مره صياح ما كن عمره فوق الثلاث سنين.. .. خالد : انا قلت ابي اقولكم قبل أي احد ثاني.. حتى قبل امي و ابوي.. رند : يعني انت تبي تجيب لنا ام..!؟ خالد : ايه.. ابراهيم : ما هي ام يبه.. مرة اب.. خالد : ابراهيم ايش فيكـ ما تثق فيني يعني..!؟ ابراهيم : الا.. بس انت طلقت امي و من يومها ما شفناها.. و لا مره يبه.. و لا مره و الحين تقول بـ تتزوج.. يمكن بعدين ما نشوفكـ حتى انت..!! خالد : اتوقع هالكلام من رند بس مو منكـ .. انا مستحيل اتركم ماني عايفكم يا بابا.. المره اللي ما ترضى فيكم انا ما ارضى فيها.. ابراهيم : احنا بـ نقعد عند جدي ابراهيم و امي ساره ما احنا رايحين مكان.. خالد : يعني بـ نبدأ نختلف من الحين..!؟ ابراهيم : ما نختلف بس ما ابي نعيش معاكـ و نخرب عليكـ ..!! خالد بـ حدة : ويش اللي تخرب علي..!؟ ابراهيم لا تطلع لي بـ حكي ما ادري من وين جايبة.. رند : طيب بابا ابراهيم متزوج ثلاث صح..!! يعني عادي بابا يتزوج و يصير عندنا.. خالد : هذا هي قالت لكـ ابوي متزوج كم وحده.. و لا مره حسيت ان ابوي ما يبيني و الا يفرق بيني و بين اخواني.. كلنا كنّا ما نحس الا ان امنا وحده مثل ما ابونا واحد.. يا ابراهيم لو انا حاس اني بـ اظلمكم و الا ان هالزواج ما فيه مصلحة لي و لكم و الله ما كان اعرست.. رند : طيب تجيب لنا اخوان كثير..!؟ خالد ابتسم النقيض بين الإثنين حمد ربه ان رند ماهي كبيرة و الا بـتطلع غيرة البنات على ابائهن.. و امه و ابوه ما خلوا و لا بقوا كل ما شافوه يبون يزوجونة.. : ان شاء الله اذا ربي كتب نجيب لكـ اخوان.. رند : بس بنات.. نبي نصير بنات كثيرين.. خالد : ههههههههه طيب على امركـ ست الحسن و الدلال.. و الحين يالله روحي عند عماتكـ ابي ابراهيم شوي.. رند : طيب.. بس ترى ما حليت الواجب ما عرفت له.. خالد : طيب يا بابا بـ اشوفة لكـ بعد شوي خذي شنطتكـ معاكـ .. رند : حاضر.. طلعت رند حتى يناظر خالد بـ ولده : ما تبي تقولي ليش ما تبيني اتزوج..؟! ابراهيم : اخاف تتركنا احنا ما عندنا ام اخاف نصير ما عندنا اب.. خالد : هذا اللي تتوقعة مني..!؟ ابراهيم : امي تركتنا لما شافت رجال ثاني.. و انت تتركنا لا شفت مرة ثانية..!! خالد تنهد : طيب ويش اللي يطمنكـ اني ما راح اخليكـ انت و اختكـ ..!! ابراهيم : لا تتزوج.. لين اصير كبير و اشتغل بعدين تزوج.. عشان لا تركتنا اقدر اصرف على اختي..!! خالد : استغفر الله.. شكلكـ ما تثق في ابوكـ يا ابراهيم.. انا بـ اخلي الموضوع معلق على موافقتكـ انا بـ اصرف نظر عن الموضوع هالفترة .. و متى ما حسيت اني ما راح اخليكم عشان مره ثانية قولي يبه تزوج.. .. بيت عامر.. عماد : الحين بس جات بنت محمد انسحب على عيالنا..!؟ ويش ذا الظلم..!؟ عامر : لا يكون تغار..!! عماد : ما عاد الا محمد التعبان و بنتة..!! محمد : الحين سب محمد و بنتة خلها تكبر ان شاء الله غير تجيني انت و ولدكـ تحفون ازوجه اياها بس حامض على بوزكم..!! عماد ابتسم : طيب نشوف يا محيمد.. و غصباً عنكـ لأخذها لـ ولدي..!! محمد : لا صار بـ كيفكـ وقتها خذها.. ام عامر : يارب ستركـ ما امداكم تهاوشون..!! عماد : هو اللي جاء و خرب جونا و الا مرتاحين منه هالإسبوعين ويش جابه..!! ام عامر : ما بقي غير تطرد اخوكـ افا و انا ام عامر..!! عماد : لا عاد تكفين يمه لا تعزوين.. كل السالفة مزح.. يوسف : باقي انا اكمل نص ديني..!! ام عامر : انت كمل النص اللي بيدكـ الحين.. استغفر ربكـ الصلاة ما تصليها بـ وقتها ان ما احد وقف فوق راسكـ ما صحيت..!! يوسف يناظر محمد اللي يضحكـ عليه : خير مطوعنا نسينا ما كلينا..!؟ لا انشر ماضيكـ اخلي المدام تنومكـ برا البيت الليلة..!! ام عامر : اعقـــب.!! محمد : ان الله غفور رحيم.. اهم شيء التوبة الصادقة..!! يوسف : سبحان مغير الأحوال و الله لو احد جايني و قالي ان محمد بـ يصير مطوع و ما عنده حركات كان يماني ما صدقت..!! ام عامر : الله يباركـ فيه.. مو مثلكـ يالردي..!! يوسف : خير نواره ويش عندكـ علي اليوم..!! ام عامر : نوارة جعلها تصكـ في عينكـ و ما عاد تشوف النور يا قليل الحياء.. يوسف : بسم الله علي يمه ويش ذا الدعاوي..!! خلاص بـ انطم الا عيوني عاد.. ام عامر : يا زينكـ ساكت .. قال بـ يكمل نص دينة..!! يوسف : ما اتفقنا على الإستهزاء يمه.!! تبيني اسكت لا تتريقين علي.!! ناصر : و الله ان امي صادقة.. انت متى بـتشوف دربكـ ..!! يوسف : اللي يسمعكم يقول كافر ما اصلي..!! ام عامر : تصلي مير الله اعلم فيها.. الصلاة عماد دينكـ.. لا جيت انجطلت و حطيت راسكـ و شخيركـ يسمعة القاصي قبل الداني و متى ما صحيت طقيت ما فاتكـ .. مالكـ عذر ابد.. عندكـ هالبلوة حقكـ توقتة و تقوم.. عندكـ امكـ تصحيكـ لكن ما من فود.. قليبكـ ميت.. لو هو خابر ان مرده حفيرة يندفن فيها و وراه حساب و عقاب كان قام لـ الصلاة من غير ما احد يصحيكـ..!! يوسف : ان شاء الله يمه اني احافظ على صلاتي بـ وقتها و الله اني لا قربت الصلاة ما انام بس لا نمت نومي ثقيل.. عماد يناظر ولده بعد ما نزلتة امه اول ما دخلت صالة جمعتهم : جاء الذيب هلا هلا.. منال : السلام عليكم.. : وعليكم السلام.. يخطي ولد عماد حتى يرمي نفسة بـ حضن ابوه..!! جلست منال جنب عماد.. يوسف : هذا ذيب..!! انت بس ناظر مشيتة كنها مشية كنغر يناقز دوبة يطب الأرض..!! عماد يناظر يوسف : ذيب غصباً عنكـ من ظهر ذيب.. اسمع بس صوتة..! هيـــبة من هو نتفة..!! يوسف : صوتة!! يا حظي على صوتة اللي اخاف لا اسمع قبل لا انام عشان ما اتحلم فيه.. قال هيبة هذا لو اضغط عليه بـ اصبعي الصغير دفنتة بـ قاع الأرض و وصلتة لـ نواة الكرة الأرضية.. قال صوتة هيبة..!! الله وكيلكـ صوت النياق طرب عند صوتة..!! محمد : ما بقيت و لا خليت بالولد حرام عليكـ لو يفهم كان تعقد.. عماد : ان ما سنعت ظهركـ بالعقال يا يوسف تصبر علي.. لا اندمكـ على حكيكـ مين انت عشان تطاول على ولدي..!! يوسف : الله اكبر مين انا مره وحده..!! يا حمار ترى ما وصل السنتين للحين تنكرت لي من الحين..!! عماد : ما الحمار الا انت.. و الله ان ودي تزوج عشان اشوف الشيف اللي بيحقدون عليكـ لأنكـ ابوهم..!! يوسف : لا الحمدلله واثق بـ عيالي اللي ما جبتهم للحين بـ يطلعون مزايين على ابوهم.. عماد : مزايين حمير لأن ابوهم بـ كبره حمار.. ام عامر : سمعونا انت و اياه ما مليتوا من هالهواش.. عماد يكلم منال : كأنه مسخن..؟! منال : ايه حسيت عليه.. و اعطيتة خافض حرارة بس رجعة..!! عماد : ليش ما علمتيني اوديه المستشفى..!! منال : ماهي كايدة الحمدلله شوي و بـ يخف ان شاء الله.. ان ما نزلت نوديه.. عماد يكلم ولده : تعبان بابا و الا حصان..!؟ يوسف بـ إستهزاء : ماشاء الله حديقة حيوانات بسرعة تحولون اخبركم ذيابة قبل دقيقتين صرتوا حصان!! عماد نزل ولده بـ يضرب يوسف اللي انحاش من البيت كله وهو يضحكـ .. .. بيت ابو سعود.. ابو سعود : الحمدلله على السلامة.. مشعل : الله يسلمكـ يبه.. ام احمد : وراكم ابطيتوا..؟! مشعل : اعجبنا الجو هناكـ قلنا نمددها.. ام احمد : عليكم بالعافية.. ابو سعود : ويش عندها بنيتنا ما سمعنا صوتها..؟! كيف حالكـ يا بنتي..؟! ريما بإحراج ثاني مره تقابلة ما تعودت عليه : بخير يا عمي جعلكـ تسلم.. مشعل : الا بقشة بنتكم ما انفقعت للحين..!؟ ام احمد : لا و الله الله يسهل عليها.. مشغلتني اكلت شهرها كله.. ام سعود : ما هو غريب لا تنسين هذا اول بطن لها.. نجود : السلام عليكم.. : وعليكم السلام.. نجود تسلم على ريما : الحمدلله على سلامتكم.. ريما : الله يسلمكـ .. ام حاتم : وين بنتكـ ..؟! نجود : نايمة يمه.. ام حاتم : كان نزلتيها اخاف تبكي و ما احد يحس عليها و الله غير تنفجع.. نجود : لا ما عليها خلاف ان شاء الله تركت الشغالة عندها تنتبة لها.. ابو سعود : حاتم طلع..؟! نجود : ايه.. قال بـ يروح بيت ابوي مساعد الشباب مجتمعين هناكـ ..!! مشعل : ماشاء الله و ما احد عزمني فيهم..!! ابو سعود : انت فز سلم على امي و ابوي.. و الا تنتظر عزيمة..!! مشعل : لا ويش دعوة .. بـ نروح لهم ان شاء الله.. دام الشباب هناكـ بـ اروح اسلم عليهم كلهم.. ريما همست لـ مشعل : مو تروح و تخليني لحالي هنا تكفى.. مشعل : ليش بـ يأكلونكـ يعني..!؟ ريما : لا.. بس مشعل تكفى ما تعودت للحين.. مو تخليني..!! مشعل : اهلي يعني ان ما تعودتي اليوم بـ تعودين بكره.. كأنكـ اول مره تشوفينهم..!! ريما : شعولي بليز تعودت اجيهم ضيفة و خواتكـ يكونون فيه الحين ما احد فيه و الله استحي.. مشعل : امي فيه و مرة حاتم فيه.. ريما : طيب على الأقل وصلني جناحنا و بعدين روح مو تخليني كذا حتى ما اعرف شيء بالمكان.. مشعل : بـ اقول لـ نجود توصلكـ ..!! ريما زعلت : مشـــعل..!! مشعل بإستسلام : امري لله قومي.. وقف مشعل و وقفت ريما.. ام احمد : وين يا بنتي و الا بـ تروحين معاه لـ بيت عمي..!؟ مشعل : لا يمه اخذ ريما لهم بكره ان شاء الله .. بـ اوديها جناحنا تريح..!! ام احمد : على راحتكم يمه.. ريما : عن اذنكم.. طلع مشعل حتى تطلع وراه ريما لـ مجموعة الأدوار اللي الحقها ابو سعود بـ بيتة القديم بعد الترميم و سكن عيالة كل اثنين بـ دور حتى ما يبعدون عنه.. نجود : غريبة ما احد من البنات جاء..!! ام حاتم : ما هي غريبة احيان يغطسن مع بعضهن ما ينشافن.. نجود : خسارة ودي بـ جمعتهن.. المره اللي فاتت راحت علي..!! ام سعود : الجايات ان شاء الله.. الا يا ابو سعود.. ميار ما كلمتكـ ..!؟ ابو سعود : لا.. ليش عندها شيء غير عن اللي خابرة..!؟ ام سعود : البارح جاتني و قالت لي انها يمكن توافق و قلت لها تكلمكـ .. ما ادري ويش فيها ذا البنية ماهي راضية تصمل على رايها.. ابو سعود : بـ تصمل هالمره ان شاء الله.. الرجال ما ينطوف ينشرى ما ينباع.. .. بيت غازي.. ندى : ابي انام ما خلوني انام اليوم..!! غازي : اتركيهم عند امال و ريحي شوي..!! ندى : لا طبعاً .. مستحيل اسويها الإنسان دوبه يتحمل عياله اقوم ارمي عيالي عليها..!! غازي : ايش فيكـ ما راح تقول شيء اطلبيها اذا ما عندها شيء بـ توافق ما راح تقولكـ لا.. ندى : لا .. ماني اول وحده عيالها يطفشونها و يسندرون راسها.. غازي : كيفكـ سوي اللي يريحكـ.. ندى : تدري ان مشعل و ريما وصلوا..!؟ غازي : ايه.. كلمتني ريما.. انا طالع تأمرين على شيء..! ندى : سلامتكـ ..!! غازي : بس ..! ندى : وشو..!! غازي : تصدقين من تزوجنا و لا مره بالغلط حتى قلتِ لي كلمة حلوة..!! ندى حكت شعرها بـ إحراج..!! غازي يكمل : شكلكـ ما انتبهتي ابد!! شوفي انا اعرف انه بدون قصد.. لأنكـ لو متقصدة كنت لاحظت عليكـ بـ تصرفات ثانية.. لكن ما لاحظت الا ذا الشيء.. مرات اشكـ ان جدتكـ هي اللي مربيتكـ ..!! ندى ضحكت : ههههههههههه لـ هالدرجة..!! غازي : و الله صدق حركات عجايز.. فيكـ ذا الأشياء.. ندى : و الله ما حسيت .. غازي : يمكن عشانكـ الثانية..!! بس انا احاول اني ما اقصر بـ حقكـ ابد و اعدل بـينكم..!! ندى : و الله اعرف انكـ مو مقصر مكفي و موفي و عمركـ ما حسستني اني زوجة ثانية بـ حياتكـ .. بس و الله استحي..!! ما احس هالحكي يوفيكـ حقكـ .. يهمني اني اقدّركـ و احترمكـ و احفظ بيتكـ بـ بـ غيابكـ قبل حضوركـ.. غازي ابتسم : و هذا يكفيني يا ندى.. انا اشهد انكـ تربية رجال.. ندى : الله يسلمكـ .. لا تنسى الأغراض اللي وصيتكـ لـ محمد.. غازي : ان شاء الله .. ارسلي لي اياها مسج عشان ما انساها.. و قبلها كلها حطي اسم هاللعبة اللي يبيها عامر لا يجنني.. ندى : ان شاء الله تأمر.. بيت نايف.. نايف : هلا بـ عين السيح.. أسيل : طبعاً كل بـ عقلي حلاوة.. نايف : و الله ما ادري ويش اسوي معاكـ مدحتكـ زعلتِ سبيتكـ زعلتِ ..!! وين اوديكـ مع ذا النفسية الخايسة مع الحمل..!! أسيل : احس اني ندمت ياليتني اجلته لين بعد ما اتخرج..!! نايف : يا هوه ترى كل اللي باقي لكـ ثلاث مواد هالترم.. أسيل : افففف كله من غبائي من كثر ما حذفت مواد الناس بـ تخلص بـدري و انا مأخذة الدنيا على راحتي..!! نايف : الإعتراف بالحق فضيلة..!! أسيل رفعت حواجبها : وشوو..!! نايف : اقول الإعتراف بالحق فضيلة اعترفتي انكـ غبية..!! أسيل : احسن لكـ نيوف ترى اتركـ لكـ البيت و اسري.. عاد اهلي يبوني بس انام عندهم لو نص ليلة..!! نايف : الله اكبر ترى حتى اهلي يبوني انام عندهم لو نص ساعة..!! أسيل : نايف بلا سماجة..!! تراني حامل و انت تعصب فيني..!! نايف : اوووف اخطينا على سيادتكم طلعنا نعصب بإثنين مو واحد.. آسفين طال عمرك.. أسيل : تصدق احس مشتهية مرقوق..!! على اني ما قد سوته امي و اكلتة بس الحين هافة نفسي عليه..!! نايف ضرب جبهتة بـ كفة : تكفين ما خلصنا من ذا الوحام..!! مره مرقوق و مره بـ نص الليل فطاير تركية..!! و مرة بـ عز الظهر شاهي زنجبيل..!! انتِ صاحية..!! أسيل : ارفع صوتكـ بعد الا ارفعة.. تراكـ تأثر على الجنين بعدين يكرهكـ .. ما يحسكـ ابوه اذا من الحين ما تنفذ طلباتة..!! نايف : يا شيخة ارحمينا ويش هالجنين اللي يفهم وهو ابو ثلاث شهور..!! أسيل : كلهم يقولون ان الصراخ ما يصير لازم يكون هدوء عشان البيبي ..!! نايف : من جدكـ و الا تسلقينها علي..!! أسيل : و الله.. نايف : لا عاد الا الجنين.. طيب من وين نجيب لكـ مرقوق و الحين نص الليل..!! أسيل : ما ادري..!! تعرف تسوية..!! نايف يناظرها بنص عين : احد قايل لكـ اني اشتغل طباخ من قبل..؟! أسيل : لا ما احد قالي بس صدق مره نفسي فيه مشتهيتة تكفى نايف ..!! نايف : مالكـ الا تصبرين لـ بكره.. اكلم امي و الا امكـ ترسل لنا سفرة فيها عشر صحون كلها مرقوق و تأكلين لين يطلع مع خشمكـ حل ثاني ما عندي.. الحين غيري الموضوع عشان ما تفكرين فيه و تنسينة.. يالله ويش رايكـ ويش نسمية.!!! أسيل : مره غيرت الموضوع!! اذا ولد على اسم ابوي..!! نايف : خير ان شاء الله خبري الرجال يسمي على ابوه اول شيء...!! أسيل : طيب بس اوعدني ان كان جانا ولد ثاني نسميه مساعد خاطري اسمي على ابوي بعد عمري.. نايف : خلاص ان ربي كتب هالحمل ولد فـهو مساعد.. و نعم السماية.. .. بيت ابو عبدالرحمن.. ابو عبدالرحمن : هاه ويش قلت..!؟ مشاري : اللي تشوفونة يبه.. مانيب رادكم.. ابو عبدالرحمن : خلاص ان شاء الله نخطب لكـ انت و احمد.. حتى ذا ما ادري متى ناوي يتلحلح.. مشاري : ان شاء الله بـ يوافق هالمرة.. ابو عبدالرحمن : قلت لأختكـ عن اللي جايها..!؟ مشاري : ايه يبه.. عطها فرصة تفكر و ان شاء الله خير.. ابو عبدالرحمن : نشدتوا عن الرجال انت و اخوانكـ ..!؟ مشاري : ايه انا رحت نشدت عنه بحارتة كلن يمدحة .. و راكان راح لـ شغلة و كلن يذكرة بالزين ماشاء الله.. ام عبدالرحمن : بندر يا ابوي انتبه لـ ولدكـ لا يطيح الصينية عليه.. بندر : لا يمه ما راح تطيح انا عنده.. ام مشاري : لا تأمن البزر.. ما تعيد الا الصينية بالأرض.. بندر : لا ما عليكم ولدي عاقل صح يا بابا..!! راكان يستهزء فيه : صح يا بابا..!! لا بالله بـ يطلع يصف مع البنات.. بندر : و انت ويش عليكـ ولدي و الا ولدكـ ..!؟ راكان : بسم الله على ولدي.. بندر : لا تطريه تكفى.. عمره ثلاث شهور و للحين ملامحة ما بانت..!! راكان : حصل لكـ انت.. تحمد ربكـ اللي انت عم لـ واحد بـ جمال ولدي.. بندر : صدق ان القرد بـ عين ابوه غزال.. راكان : و الله ما القرد الا انت و ولدكـ ..!! مشاري : ما تملون من النقار انت و اياه.. صدعتوا بـ ابوي..!! ابو عبدالرحمن : خلهم هالبزارين ما عاد باقي الا يلعبون مع عيالهم.. .. ماجد و سها.. سها ابتسمت بـ حب : و الله مجودي انحرقت..!! ماجد : و طلبتي من مطعم.. كان خليتينا نأكل المحروق يكفي انه من يدكـ ..!! سها : لا ويش دعوة الخير واجد الحمدلله.. ماجد : بس خاطري اعرف ويش اللي مخليه يحترق..!؟ سها : حطيتة و رحت احمم ريتال و نسيتة ما استوعبت الا وهو اسود..!! ماجد : فداكـ انت و الشيخة.. الله يسعد قلبكـ اللي ما خليتينا للجوع.. سها : الله يخليكـ يارب.. ايش سويت بـ امور البعثة..!؟ ماجد : ان شاء الله قريب.. حتى يمكن عساف يسافر معنا بـ يشوف الوضع قبل لا يخلي وعد تقدم.. سها : الله يهنيهم.. بس ذا ما يأخذ وقت..!؟ اذا بـ يشوف الوضع اول..!؟ ماجد : بـ تروح على حسابهم و هو يبي يشوف حي مناسب و بيت و كيف الوضع و الجيران ما راح يـأخذ عيالة هناكـ على طول.. سها : يا قلبي يا وعد من زمان خاطرها تدرس.. ماجد : خلينا منهم .. قلبكـ لـ وعد..!! و ماجد ماله مكان.!؟ سها ابتسمت بإحراج : المكان كله لـ ماجد.. الطماع.. .. عمر و لينا.. عمر : احبكـ .. كل ما ذكرت اللي مرينا فيه احسه من الخيال.. ما اصدق كيف صرتِ زوجتي.. كيف تعرفت عليكـ و صرتِ من نصيبي.. لينا : عاد انا احياناً اتمنى اني تعرفت عليكـ بـ غير ذاكـ المكان .. بـ روحكـ الحره بـ دون قيود و لا هموم.. عمر : على انكـ جننتيني هناكـ و اول ما اخذتكـ لكن ويش اسوي القلب ما يقوى على فرقاكـ .. لينا : يا عمري يا عمر.. انت عارف اسبابي.. عمر : ادري كنتِ تعرفيني مع العصابة و ما قد شفتيني مع اهلي.. خلينا من ذا النكد.. و علميني متى بـ تجيبين لي بنت..! لينا : اذا ربي كتب لنا اوكِ.. عمر : لينا من جدي اتكلم.. خلاص سعد كبر الله يحفظة نبي لنا بنت حلوه.. لينا : يمكن تطلع شينة طيب..!! عمر : لا انا اثق فيكـ يكفي ان انتِ امها بـ تطلع احلى بـنت بالعالم.. لينا ابتسمت : تنفخ فيني.. ليه ما نأجل الموضوع بعد شوف فيصل و زوجتة مأجلين الموضوع مريحين رووسهم.. سعد يكفينا الحين لين يدخل المدرسة بعدين نجيب لنا بيبي.. عمر : لا طبعاً شيلي هالفكرة من راسكـ انا اعرف سوالف ذا الحريم كل وحده تعبي راس الثانية.. انا ابي بنت لا شفت بنت عساف اغار منه الله يحفظها.. لينا : بسم الله عليها.. انا بـ اتركـ المانع و اذا الله كتب لنا رزق بـ نأخذة.. مو تقولي نراجع و أخذ منشطات لا.. عمر : انتِ اتركيها و تالي يصير خير.. .. عماد و منال.. منال : مشكور حبيبي كلفت على نفسكـ .. عماد : افا عليكـ الغالي يرخص لكـ .. منال : الله يسعدكـ عماد مثل ما تسعدني.. عماد : اميـــن.. سعادتي معاكـ يا منال.. منال اختيار امه و جدتة زواجة الثالث اللي صاب و ما خاب بالنسبة له.. زوجة مطيعة هادية حبوبة و حيوية.. مواصفات تروق لـ عماد تقبلها تعود عليها ثم حبها.. اول مره يحس نفسة متزوج.. منال : ترى غازي اليوم جنني.. عماد : طالع على سميه اذا ما جننا ما يرتاح.. منال ابتسمت : عاد لو غلاه مو زايد عندكـ ما كان سميت ولدكـ عليه.. عماد : يستاهل ابو عامر.. ويش مسوي اليوم غازي..!؟ منال : يمسكـ بالأغراض و يرميها على الجدار أي شيء يجي بـ يده يرميه..!! عماد : اهم شيء انتبهي له من الحار.. و الباقي يفداه.. منال : تراكـ مدلعة وهو توه صغير.. عماد : ليش فيه اب ما يدلع عيالة.. جعلني افدا ذا الوجه يا الشيخة.. منال ابتسمت : تلعب على عقلي.. عماد : توه صغير لهيه اذا شفتي شيء بـ يده فترة و ينساها.. لا تشيلين هم.. .. شقة عساف.. عساف : حاس انها ضاقت علينا .. و شفت كم فيلا اعجبتني.. قلت اخلي القرار لكـ تنقين وحده عشان نشتريها.. وعد : الله يوسع عليكـ يا قلبي.. صدق احس الشقة ضيقة علينا كنت بـ اكلمكـ تأخذ لنا شقة اكبر و فيها غرف اكثر.. تعرف العيال يبي لهم كم غرفة.. عساف : نأخذ لنا فيلا جديدة ازين نتوسع دام الله معطينا ليش نضيق على انفسنا.. و عشان بعد اهيضكـ تتركين المانع..!! وعد اتسعت عيونها : وشو..!! عساف : يكفي وعد صار لكـ ثلاث سنوات.. وعد : عساف بـليز الا هالشيء لا تفكر فيه حالياً ما اقدر .. و الله ما اقدر يكفيني توائمكـ .. تبي تجنني..!! عساف : خاطري بـ بنت صغيرة.. وعد : بنتكـ ما بعد كبرت.. لساتها صغيرة.. عساف : لا ابي مقاس اصغر ابي كذا نتفة.. وعد : لا الله يخليكـ عساف .. مو معقول طلبكـ انا متفقة معاكـ قبل خمس سنوات ما راح اتركها.. و الله عيالكـ تعبوني.. عساف : شوفي عشر سنوات كذا جيبي لي كل سنة بزر و بعدها وقفي ترتاحين عشان نربيهم مع بعض..!! وعد : عشر سنوات يالظالم !! مع هالتوأم الثلاث يعني 13 شايفني ارنب..!! عساف : ههههههههههههه مشكلتكـ ابي عندي عيال واجد.. الا ان كان تبيني اتزوج.!! وعد : لفت على المراية : بـ راحتكـ ..!! عساف : يعني عادي..؟! وعد : عادي .. بس قبل عشان ما اكون خدعتكـ تأكد اني ليلة زواجكـ بـ اذبحكـ و اشرب الناس من دمكـ ..!! عساف : لا بالله ماني عايف نفسي للحين..!! (وقف حتى يتجه لها وقف وراها) قلتها لكـ من قبل ما عرفت الحريم من قبلكـ .. و يحرمون علي من بعدكـ .. وجودكـ جنبي يكفيني عن جنس حواء يا روحي.. انتِ اللي تحسسيني اني انسان عندي مشاعر ما تحولت لـ صخر.. قلبي اللي ينبض كل ما لمح زولكـ .. روحي اللي ترفرف كل ما حل طاريكـ .. عقلي اللي يفرح كل ما فكر فيكـ .. قد قلتها لكـ من قبل.. لو رجع عمري بـ ارجع و ابتديكـ .. انتِ اجمل شيء عشتة يا وعد.. قلتها و انا ما عشت معاكـ زوج يا وعد.. كيف الحين..!! ما فيه أي حكي يوفي مشاعري لكـ .. وعد دمعت عيونها : ما ادري متى بـ ترحمني من هالحكي يا عساف.. كل ما قلت لي هالحكي احس قلبي يوجعني.. احس اني ضيعت على نفسي فرصة اني اعيش معاكـ من سنين.. عساف : المكتوب ما منه هروب.. هذا اللي الله كاتبة.. ما تدرين يمكن هو اللي حسسنا صدق بـ قيمتنا لـ بعض.. هو اللي خلانا نقدم تنازلات من افكارنا عشان قلوبنا.. وعد وقفت حتى تلتفت له : اكيد ان الأمر خيرة لنا.. تدري انكـ دايم انت اللي تحكي و ما قد خليتني احكي و اقولكـ شيء في صدري..!! ابتسم عساف : ما ابي اتعبكـ.. يهمني يا وعد انكـ تعرفين قد ايش اكن لكـ من مشاعر مرتبطة فيكـ انتِ و بس.. احبكـ و احب كل شيء يتعلق فيكـ.. حتى عيالي يمكن ما احبهم عشانهم عيالي احبهم عشانهم عيالكـ انتِ.. انفتح الباب بـ قوة و نطت من على الكرسي بعد ما حطتة حتى تفتح الباب .. عساف : ذكرنا القط جانا ينط..!! وتين : بابا بروو ضلبني بـدوة عولني..!! عساف : افاا يبي له تكسير راس هالبروو.!! وعد : و الله ما تضربة عساف يكفي قويتها عليهم.. و الله بـ اطق لو تضربة عشانها تلقاها هي مجننتة..!! عساف شال بنتة : بـ نروح نشوف ويش مسوي برو و ويش مسوية اميرتنا..!! وعد طلعت وراهم متنرفزة تعرف عساف بـ يوقف مع وتين لأنها بنت.. عساف نزل بنتة : تعال ابراهيم..!! قام ابراهيم بعد ما كان جالس مع اخوه و وقف قدام ابوه.. عساف : ويش مسوي لـ وتين..!! ابراهيم : ضربتها..!! عساف : ليش..!؟ ابراهيم : رمت علي ززمة (حط يده على راسة) من هنا من راسي..!!..!! عساف انتبة لـ الدم سحب ولده : تعال اشوف.. وعد بـ عصبية : قايلة لكـ هي تخطي و انت تجسّرها.. شوف ويش سوت فيه..!! عساف : اعطيني مناديل بسيطة ان شاء الله.. سحبت وعد العلبة حتى تعطيها عساف اللي يضغط على مكان الجرح : طيب يا وتين.. راح تتعاقبين على سواتكـ .. وتين : ماني.. الوح عند ابوي (تقصد ابو عساف).. و بابا برو.. وعد كتفت يدينها : ماهو بـ كيفكـ .. غلطكـ تتعاقبين عليه هالشيء ما يتكرر.. وتين : و الله ادول لـ بابا برو.. انتِ تهاوسيني..!! وعد : قولي له .. بس قولي له قبل انكـ قليلة ادب و لسانكـ طويل و ضربتِ ابراهيم بالجزمة..!! عساف غمز لـ وعد عشان تخف على بنتة : يالله روحي غرفتكـ .. دارت ظهرها بـ دلع ومشت و لا هي مهتمة بـ الموضوع ابداً.. وعد : دلعكـ لها هو اللي مجسرها مو بس انت شفتها كيف تحتمي بـ بابا و عمي.. لأنها واثقة ان ما احد بـ يعاقبها على شيء تقل ادبها على الكل .. هذا كله و لسى ما دخلت الروضة و لا المدرسة .. ما يصير هالوضع.. يا عساف.. ما يصير اذا هي طفلة كذا لا صارت مراهقة مين بـ يقدر عليها و يوجهها و تسمع كلامة اذا هي ضربت الكل بـ عرض الجدار من الحين..!! عساف يكلم ولد : ابراهيم امسكـ المنديل لا تتركة.. بعدين اشوفة لكـ اذا ما وقف نروح المستشفى .. طيب بابا..!؟ هز ابراهيم راسة .. عساف : يالله روح مع اخوكـ .. (لف عساف على وعد اول ما ابتعد ولدهم) انتِ مكبرة الموضوع يا وعد.. مو مستاهل هالعصبية..!! وعد : لا ابداً مو مستاهل.. بابا و عمي انا ح اكلمهم و اقولهم ما يتدخلون في تربيتنا لها ما يصير هالشيء.. اما انت يا عساف لازم تعاملها مثل ما تعامل ابراهيم و عبدالرحمن حرام عليكـ محسسهم انهم ولا شيء عندكـ لو واحد فيهم اللي مسوي هالسواة فيها كان ضربتة و خليتة ينام يبكي..!! عساف : لا تكلمين ابوي و عمي خليهم على جنب.. انتِ روقي بس لو الله يفكنا من هالعصبية اللي فيكـ كان احنا بـخير.. وعد : صح انا عصبية وبس هاذي المشكلة بالموضوع.. الطفل مثل العجين انت تشكلة على ما تبي.. فترة و يستوي العجين بعدها ما تقدر تغيرة.. لكن تقدر تشوهة.. عساف من جد لازم تكلم استشاري اسري.. لأنكـ مو معقول بـ تفرقتكـ بين بنتكـ و عيالكـ .. عساف : قلتيها بنتكـ و عيالكـ هي بنت تبي تدلع و حنان و حب مو مثل العيال ان ما شديت عليهم طلعوا رخوم..!! وعد : حرام عليكـ عمرة ثلاث سنوات ويش الشدة اللي بـ يتحملها منكـ ..!! عساف ابتسم : خربوا علينا جونا و لا بعد خلوكـ تعصبين.. روقي يا حبي روقي و كل شيء تبينه بـ يصير .. كم وعد عندي.!! هي وحده بس و تتغلى علينا بعد.. وعد : ما تغليت.. بس من جد هالموضوع يستفزني.. عساف : تبيني اروح استشاري رحت على خشمي.. اهم شيء ما تعقدين ذا النونة افرديها.. على فكرة غيرت رايي ما ابي بزارين هونت.. ويش الفايدة اذا بـ يقلبونكـ علي و ينكدون علي..!! ابتسمت وعد : ازين.. عشان من نفسكـ تهون.. .. تمت بحمد الله.. 2/10/1436 18/7/2015 02:16 صباحاً.. الخـــاتمـــة.. امنية لـ طالما تمنيتها .. و حلم كان صعب تحقيقة لكن ابداً مو مستحيل.. الحمدلله و بـ فضل من ربي ثم تشجيعكم تم الإنتهاء من لو سألتي الورد وهو ما بين ايديكـ .. يمكن كثير ما راق لهم طول الرواية و يمكن كثير ما يرضيهم هالنهاية و يشوفونها مبكرة .. لكن اكيد ما راح ارضي الجميع و ان شاء الله تكون النهاية بـ محلها ما تخسر الرواية من نقاطها.. و ما بغيت اعرض كل الثنائيات في الرواية عشان ما يصير ملل لكن حاولت اعرض النهاية بـشكل غير ان شاء الله اكون وفيتها حقها و ما اخطيت فيها.. ما بغيت اكتب لكم فلان و فلان صار لهم كذا و فلان و فلان صار لهم كذا لأن هالشيء يملل و ما يخليكم تعيشون الجو معاي و مع ابطالي.. حاولت اعرض لكم الأغلبية و الأهم.. و ان شاء الله يكون كل شيء تمام.. هالتجربة اضافت لي الكثير الكثير الكثير و استفدت منها و كسبت اشياء واجد من وراها.. دعاوي شكر و مدح و تشجيع و تعليم بعد.. في بداية روايتي ما كنت متوقعة اخذ هالوقت كله في كتابة الرواية.. و لا كنت متوقعة بـ انتهي من الرواية بـ عدد مشاهدات اكثر من مليون و ست مية الف.. هذا بـ حد ذاتة تشجيع كبير منكم .. بـ الرغم من تقصيري لكني كنت احاول ارتقي بـ مستوى الرواية لـ ذائقتكم و اكيد اني ما وصلتها لـ مرحلة الكمال و لا قربت منها لكني اتمنى انها لاقت شيء من الإعجاب في ارواحكم.. ما تتخيلون قد ايش استفدت منكم و من حكيكم و تعليقاتكم و نقدكم الله يسعدكم و يرزقكم من واسع فضلة يارب.. اشكر كل شخص كتب كلمة في رواية مدح او نقد شكراً لكم من اعماق قلبي.. شكراً لكل شخص نبهني عن اشياء غفلت عنها و نصحني.. شكراً لكل من نشر روايتي شكراً لكل من حكى عن روايتي و اخذت جانب من حديثة.. اشياء واجد بـ خاطري اقولها لكم لكن مهما حكيت ما اقدر اختصر سنة و نص عشتها معاكم بـ كم سطر.. و لا اقدر اعبر عن كل شيء صار خلالها.. اخيــراً.. شكراً لكل شخص ساندني في روايتي و اخص اكثر الناس اللي ما تركوني من اول روايتي الى اخرها.. لأنهم كانوا معاي خطوة بـ خطوة.. و اشكركم جميعاً اللي اعطيتوني من وقتكم.. ان شاء الله ان ربي راد و كررت التجربة في اعادة كتابة رواية و نشرها ح ابلغكم على الآسك او التويتر.. بـ تضلون معاي لأني تعودت عليكم و على صداقتكم و ارواحكم الجميلة.. ما استغني عنكم ابداً.. انتم مصدر الإلهام و التشجيع و الإبداع شكــراً شكـــراً شكـــراً.. أستغفر الله العظيم و أتوب إليه.. سبحانكـ اللهم و بحمدكـ أشهد ان لا إله الا انت أستغفركـ و اتوب إليكـ .. لا أحلل نقل الرواية دون ذكر اسمي.. هاشتاق #رواية_لو_سألتي_الورد استودعكم الله.. ضحكة قهر.. http://up.graaam.com/img/23407876b74...eba11d9f14.pnghttp://up.graaam.com/img/c433481acf7...1de64fbad2.png |
رد: لو سألتي الورد وهو ما بين إيدك أقطعك بيقول لك عمري فداك الكاتبة / ضحكة قهر
قمة الابداع والروعه والتميز
روايه جميله جدا وممتعه جدا تسلم ايدك حبيبتي ووفقك الله |
| الساعة الآن 03:17 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية