رد: قيودٌ بلا أغلال عانقت القدر
اقتباس:
شكرًا لك ، سيف دايم تصرفاته تجي عكس مشاعره واللي بداخله ، وياكثر ما يكابر ومكابرته هي اللي تأذي ديما يسلملي هالمرور () |
رد: قيودٌ بلا أغلال عانقت القدر
اقتباس:
وصباحِك يا الغالية () مع غزل الواحد غصب عنه يصير دكتور نفسي :P هههههههههههههههه ما نستبعد وعاد على حسب ما أسمع الوحام على الزوج دليل إن الزوجة تحبه والله أعلم ، يا فرحتك ويا خيبتك يا سيف في نفس اللحظة :biggrin: أدهم كانت جلسته مع الإمام مفتاح التخلص من ذنوبه وأولها إبراء ذمته بالحقيقة المخفية لسنين الله يكتبنا من اللذين قُبلت أعمالهم في سبيله العفو لروحك () |
رد: قيودٌ بلا أغلال عانقت القدر
حقيقة الين تؤلم جدا من ام فاسدة لايهمها الي تلبية رغاباتها النجسة كيف ستتقبل الين حقيقة مولدها
|
رد: قيودٌ بلا أغلال عانقت القدر
مساء الخير.. كيد يا كيد.. ابدعتي ابدعتي ابدعتي..
قعدت مبلمة قدام الشاشة يوم قريت انتهى.. وفيسي كذا😟 .. بعلق على أهم جزئية في البارت.. إلين😢 إلين😢 إلين😢 يا الله..! فيه ناس حقيرة لهالدرجة.. تألمت حيل.. ماني قادرة اعلق.. كل ماجيت احط لهم وصف القاهم تعدوه بمراحل..! أم إلين.. حقيرة، واطية.. مو معقولة حركتها.. حسبي الله عليها.. قهرتني..هذي شيطان أكيد.. أما أدهم فهو حقير .. يا الله😢 قلت لك ماعرفت اوصفهم.. يعني ام إلين حملت فيها بزواج باطل.. و أدهم كان يبيها بقرب محرم.. ما ادري انسانيتهم وين..! عجزت اوصفهم.. صراحة اول مره اقرأ لحالة زي كذا.. سواء بالواقع او النت.. وضع إلين يبكي والله.. كيف عاد لو كان ابوها احمد اللي نعرفه ماغيره..! حسبي الله عليهم😢 لو بحكي من اليوم لبكرا مارح اقول نص اللي ببالي.. المشكلة عيت الكلمات تطلع.. بالمختصر.. لسى مبهوته.. ما اقول غير الله يعينك يا إلين.. عبدالله.. الله لا يذوقنا قهر الرجال.. مصيبة تعرفين انو احد كان يبي بنتك ببيته وبقرب محرم.. أدهم قهرني وهو يحكي عن حبه ويقول محترق فيها.. عساك تترمد يا شيخ ماهو بس تحترق..! أما سهى حكاية ثانية.. خلته يشوفها وهي عارفه انه حرام.. المفروض تقفل عليه بغرفته لين وقت جا ابو الين.. اما تخليه يشوفها..! لو انها بنفس الموقف ماكان رضت انو احد يشوفها وماهو محرم.. اصلًا كل شيء الحين طاح على راس عبدالله وهو اللي بينقل لإلين السالفة.. الله يعينه .. و أدهم من الحين يلحس كوعه اذا طال إلين مره ثانية وخليه يحترق ويموت من قهره.. الله يبلاه ما اهتم الا بنفسه.. حقير.. .. بدر.. بسم الله .. انفجر بأرجوان.. مع انو المفروض يعرف انو لكل فعل ردة فعل .. ومثل ما حبس اخته رح تتمرد وتطلع بدون علمه.. في النهاية هي بعز شبابها وتبي تعيش حياتها.. أرجوان.. "اعمل خيرًا، شرًا تلقى".. عاد وقت يتتبع بدر الإتصال ويكتشف انه من بيت يوسف.. مو بعيده يتهم يوسف ترا.. ويمكن يتفاهمون .. ما يندرى.. غادة.. الله يستر عليها.. هذي آخرة التمرد.. يعني اخوها ما حبسها وخايف عليها الا لسبب.. عسى بس تعدي على خير.. يوسف.. وين يروح من الصباح لليل..! يعني دامه متقاعد وراتبه يكفيه ما اتوقع يشتغل.. او يمكن عشان يشغل وقت فراغه.. بس ماهو لدرجة يترك بناته لحالهم الوقت ذا كله..! .. ديما.. اي والله الظاهر رح ينفجرون قريب.. بس انا اشوف انو جا وقت اللي تطلع فيه حرتها منه.. هو قد له 3 سنوات ينفجر فيها وهي متحملته.. اللي قهرني يوم يقولها انه كلم ابو بثين ويبيها تنفعل.. منك لله يا شيخ.. تحرق قلبها وتبي تنفعل وكله عشان ترضي حضرتك.. يعلك من هالحال و أردى.. اتمنى تكرهه صدق.. وخليه يصوم منها ويفطر على بصلته اللي لابقه له.. .. سعد .. يا ترى له دور كبير في الرواية والا..! أنا اتوقع انو له دور بتغيير الأحداث.. يمكن يرضخ لسالم وطقته و من جهة يتفاعل مع الأمن اول ما تجيه الفرصة.. يعني اكيد انو الأمن عندهم خبر عن هالعصابة ويمكن حتى قد زرعوا فيها ناس منهم.. .. إلين.. اتوقع منها القوة المرة ذي.. مع انو اي شخص مارح يتحمل انو يكون اهله زي كذا.. بس اتمنى تكون قوية لما تواجهه حقيقة امها و أدهم.. هي قد تحملت صدمة انو عبدالله وهالة اهلها بالرضاعة.. ومثل ما يقولون .. الصدمة اللي تكسرك تقويك... .. غزل.. هي الحين مطنشة ابوها وعايشة لنفسها.. بس قريب رح ينفذ صبر أحمد ويخرب عليها كل شيء.. سلطان.. يالبى المراعي بس.. بس وش هالزيجة اللي الكل حابس انفاسه لين تخلص ويبون الفكة .. .. فواز.. عظيم حبه.. طيب الحين هو انصفق على راسه وحب جيهان.. مافيه امل ينصفق مره ثانية ويحب جنان؟؟ عجبني موقفه من جيهان بس هي ماتمشي بالكلام ذا.. اذا ما انغصبت والا ماترتاح.. يعني وش فيها لا اكلت اذا كانت امه اللي طبخت..؟ رح تسممها مثلًا..! البنت ذي كريهة.. وتعترف بعد انو اخلاقها زفت.. مير الله يجزيك على صبرك يا فواز.. جيهان.. "ما أقوى حبّه الذي لا يجيء حبي لهُ نصفه، كم هي بخيلةٌ مشاعري! كم هي عصيّةٌ عن هذا العُمقِ الذي يسكُن في مشاعرك." اقول طيري انتي ومشاعرك بس.. .. "يتمنى بكل الشرِّ في قلبه أن يذهبَ إليهِ ويقتله ، أن يشوّه ملامحَ وجههِ لتفريطهِ في تلك الفراشـةِ الناعمـة . . هتف بحقدٍ ووحشيـة : أحمد ، أحمد الأميـر" معقولة هو نفسه أحمد اللي نعرفه..! والا مجرد تشابه أسماء.. لأنو أحمد اللي نعرفه اقل شيء كان قتل أم إلين.. بس برضوا اتوقع انو إلين وغزل أخوات.. نفس السمار وكذا.. ادري مو شرط يكونوا اخوات عشان السمار بس توقع يعني🙇🏻 .. دمتي بخير💕 |
رد: قيودٌ بلا أغلال عانقت القدر
اقتباس:
اقتباس:
اقتباس:
اقتباس:
اقتباس:
الاقتباس مو راضي يترتب حسب ترتيب تعليقاتكم فمشّوها المنتدى مضروب هاليومين .. المهم ، أول شيء شكرًا لتواجدكم الجميل وتعليقاتكم الباذخة وتحليلكم الفطين ، بديت أصير مكشوفة في بعض الأحداث يعني منتبهة إن البعض منكم يذكر - توقع - ويكون التوقع صحيح 100٪ ، خفّوا شوي :( ما أحب أكون مكشوفة كذا ياخي حتى لو جبتوا التوقع من باب الدعابة أو الطقطقة على الأبطال، مشكلتكم تطقطون بذكاء هههههههههههههههههههه نجي لحب فواز وجيهان ، في البداية أنا مؤمنة إن الحب اللي بظروف فواز وجيهان يكون قوي جدًا جدًا واحتمال كبير يدوم ويكبر :" أي ظروف أقصد؟! فواز يحب جيهان حب قديم ماهو من سنة او ثنتين او ثلاث! ذكرنا إن حبه لها من أيام المراهقة ووقتها طبيعي تكون صغيرة " الفرق بينهم 7 سنين " صح الحب بفترة المراهقة ما نأخذ فيه بجدية وهالفترة المشاعر والعواطف تكون مهتزّة وغير ثابتة وممكن تنقاد لأي شخص لكن حب فواز مضى معه لين ما وصل لهالسن - 29 - يعني كم سنة! كثير كثير وبما أني ما ذكرت من أي عمر حبها بالضبط فنقدر نقول من عشر سنين! كان عمره وقتها 19 سنة، أو من 11 سنة؟ كان عمره وقتها 18! أو من 12 سنة؟ كان عمره وقتها 17 سنة! والخ! ما يهم بأي عمر بالضبط بس هي حبه الأول من كان مراهق ولو قلنا مثلًا توه مراهق ما كنا بنآخذ حبه لها على محمل الجد لكن بما أنه كبر وكبر حبه معاه هنا موضِع الإختلاف. ظروف حبه ببساطة كان العمر بينهم، بنت عمه، وكانوا مع بعض دايم في الطفولة، لدرجة انها مثل ما ذكرنا رافضة تتغطّى عنه لأنها ما حبت تتغطى عن فواز تحديدًا بس هو اللي خلاها تتغطّى وكان عمرها وقتها 16 سنة على ما أذكر :"" فهِنا نقدر نقول حبه لها ما يحتاج ظروف حالية عشان نقول شلون حبها؟ وما ننسى إنها بفترة مراهقتها على قولتها كانت - بشعة - يعني ما نقول حَبها عشانها جميلة، ولا نقول شيء عن أخلاقها لأن أخلاقها ما شانت بالمعنى الفعلي إلا بعد كل اللي صـار بحياتها من الاعتداء والاتهام وزواجها وموت امها ووووووو إلخ. نقدو نقول " احتمال يكرهها بسبب أخلاقها الشينة حاليًا " بس ما نقول " وش حب فيها لا أخلاق ولا جمال وووو إلخ! " ، خلونا من الأخلاق وليش حبها ونحط احتمال انه ينفر منها حاليًا لكنّ الحب جاء بظروف مختلفة وبعيدة عن الحين. ولما نجي للعقوق ، فعلًا هي عاقّة بأبوها أول شيء واللي يكون عاق بواحد من والديه ما فيه خير، وفواز ما نقدر نقول عنه عاق لأنه بس " ماحب يخرب صفو هذيك اللحظة فما ذكرها "، وعشان ننصفه هو طبيعي ماراح يجلس يذكر اسم امه بهذيك اللحظة تحديدًا! خصوصًا إنه ما مر فترة طويلة على اللي صار ومن الغبـاء اننا نرجع نكرر موضوع لشخص وهالموضوع ما طفَت ناره للحين، بيجي من باب الاستفزاز وهنا فواز بيكون غلطان أكيد وبيفتح باب يسمح لها تغلط مرة ثانية وطبيعي العواقب تكون غير حميدة ما أدافع عنه أكيد، لكنّي حريصة للأبد على ذكر الأبطال بشكل البار بأمه وأبوه مثل شاهين وفواز وغيرهم وجيهان حالة شاذة وطبيعي بتكون مكروهة لعقوقها، يمكن ما وصّلت الصورة الكافية لفوّاز وخذلتْ الوصف شوي لكني من البداية حابة أصوره بصورة البار وواضح وقتها صارت ثغرة مني وخلّته بهالشكل! ولما نجي لتعليق الجميلة نوح الهجير ، أنا أكثر انسانة تمقت مسألة إن البنت تعامل أمها أو أبوها بشكل قاسي عشانهم بس غلطوا في حقها أو جرحوا مشاعرها مرة وثنتين ، مهما كان، فضائل الأم والأب مستحيل تنمحي بسبب سلبية وحدة، جيهان بدل ما تخسر امها بس خسرت الاثنين لحماقتها! أيه أنا معك في إن اللي صار قوي عليها وامها راحت بسبب ابوها - كما تظن - ولو أنا بمكانها يمكن أنهار ويمكن ألوم أبوي ويمكن ويمكن! لكن هي تعدّت حدودها لدرجة إنها صرخت في وجهه! غلطها ما ينغفر، طبيعي ما نلوم نفسيتها واحنا محنا مثاليين لكن الأب والأم خط أحمر، نوصل للدناءة لِمـا فوق الألف لكن وقت ما تمس دناءتنا الأم والأب هنا نكون تخطينا مسألة دنيوية ووصلنا لدينية! .. اكيد طبعًا راح يُسمى عقوق! الرسول أمر ببر الوالدين والإحسان لهم حتى وهم كفّار فما بالك بحالة جيهان ويوسف اللي يسمي بناته " أميراتي "!! طبيعي جدًا مالها حق باللي تسويه! هم غلطانين بصمتهم ويوسف نحمّله خطأ كبير مع أرجوان لكن هي تحمل خطأ أكبر وفادح فادح جدًا .. - أخذتني الحماسة شوي :P عاد مسألة العقوق تستفزني لا تلوموني :biggrin: في النهاية حابة أقول ترى أنا ما أنحاز لشخصية عن الأخرى ومستحيل يكون فيه انحياز مني لشخصية عن الثانية ، أكيد أنا أكثر إنسانة ممكن تعذر أبطالي وجيهان أنا أكثر وحدة حاسة بكسرها لكنّي وقت صورتها بهالطريقة ذكرتها بطبيعية تامة كونها انسانة ماهي مثالية ووقعت في غلط كبير يا كثر ما نسمع عنه بدون أي سبب! وهنا جبت سبب ما يسمح لها لكنّه خلّاها ضعيفة من هالناحية وعلى هالأثر كانت ردّة فعلها بهالطريقة. + للعضوة أبها القميلة ، حاولت أقتبس تعليقك مع الجميلات بس عيّا :( المنتدى واضح مشتط مني مدري شسويت فيه :( لكن عمومًا أحمد وسلمان مالهم علاقة شخصية بإبراهيم، وذكرت لكم سبب الحقد، + قبل سالفة السكرتير إبراهيم طلب من سعد يدخل مكتب سلطان ويدوّر فيه عن أوراق شخصية لسلطان مو لشيء سوى إنه حاب ينتقم منه بطريقة ما، وجاءته الطريقة على طبق من ذهب () شكلكم نسيتوا هالموقف بعد :( ربي يسعدك يا جميلة ويرزقك أضعاف دعواتك :$$$ " يسلملي هالتواجد الجميل منكم عسى الله ما يحرمني () " |
الساعة الآن 08:42 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية