منتديات ليلاس - حبك خطيئة لاتغتفر/بقلمي

مبدعة عشوقه بارت جميل جداً ويعطيك العافيه اسلوبك مميز وراقي ولا يهمك ي ياأبلة عشوقه بصير طالبة نجيبه واشارك واستنتج واحلل بس أن شاء الله
تحليلاتي تقارب الصحه

ماتوقعت بتنكشف الأسرار بهذي السرعة ومن بدايتها كذا مع أول ظهور للعم أحمد أنا كنت شاكه بس قلت عن التوقعات الخنفشاريه يارنوم وخليك عاقلة

حازم غيرته عليها وتجنبه لها يوم تدعرم و تدخل عليه الغرفة وحرجه منها>> ادري بتقولون كل الاخوان كذا
اهو نفسه ماهو عارف ليش يسوي الي يسويه لان او كانت أخته حقيقة ماعش هذي الحيره او الشك يدخل قلبه >> فهمتو علي

انت عطيتنا تلميحات بس الاخيره منها كانت مؤكدات أنه الأمانة الضايعة
التلميح الاول منك كان يوم قال معتز او احد التوأم أشك أنه أخونا لان عيال فهد كلهم فاشلين وهو بينهم مجتهد الجينات الوراثيه والذكاء ورثها من أبوه عكس عيال فهد الي الغباء والبلاده والاستهتار يجري بدمهم >> بتقولون معتز مشتهد بقولكم تربية حازم وهيونه اثمرت فيه

والشبه الي لاحظه معتز بينهم وأخرها الجرح الي بصدره وغير كذا بنية جسمه الي تختلف عنهم

الي اتوقعه انه صاحب الأمانة بعد ما مات ولده عرف ان أحمد اهو الدكتور المشرف على حالة ولده فلما سمع الحكاية من الممرضات حب ينتقم منه وخطف الولد او انه بدله بولد ثاني وأخذ حازم عشان يحرق قلب أبوه عليه وطبعاً عطاها لفهد بمقابل مادي وهو يدري بالمشاكل الي بينهم وحنا نعرف طمع فهد >> ما سألتوني ليش قلت بدله عشان ما يتأمل ان ولده بيعيش وانه مات بعد العملية لانه لوخطفه بيعرف انه انتقام
و بعد ستة عشر سنه صحى ضميره
المشكله انه ماتثبت من اتهام الممرضات الي أتوقع أنها ثرثره وتخمين لانه صادف ولد الدكتور كان مريض فشربكو الحكاية ظلم

ايش بتكون ردة فعل حازم اهو كان يتمنى يترك البيت من المشاكل بس الي مصبره هيونه

نجي لشيخة هيونه وش بتكون ردة فعلها لما تعرف الحقيقة ما استبعد تستخف او تدخل غيبوبه اهيه معتمده على حازم و متعلقه فيه
وممكن ترتكب جريمة قتل في فهد كل شي جايز منها وها الموقف بيكون القشه الي تقسم ظهرها

اما موقفه مع زاهد صح فيه تجاوز لحدود الأدب معاها بس يستاهل قليل المروه
خوف اخوانها منها وثرثرتهم قدام عمهم اثارت فضوله بتعرف عليها وبتخليه يكثر الزيارات

أختي سمرو عشوقه وضحت انه سبب الي صار لبشوره والموقف الي تعرضت له بسبب الاختلاط وهذي البدايه الله يكفينا شر الاختلاط
وثانين من قال لك انها ماعلقت على موقف السرقه الي حللوها لنفسهم بحجة انهم فقراء
ثالثا موقف محمد وسولاف القصة في بدايتها صحيح تزوجته مثل ماخططت بس هل محمد متقبلها وعاشو قصة حب وهيام
لا محتقرها وهذي الحقيقة لي الكل يعرفها ومستحيل يأمن لها في يوم والشك بيكون دائم بينهم اليوم كان بيضربها بس دخول مروان منعه لكن ماينضمن بكره يكسر راسها

الي مستغربتها اختفى فهد هل يدور على صيده جديدة والا طاح بشر أعماله ومكسر بالمستشفى والا بالسجن
هل سافر وماله رجعه والخوف مسيطر عليه لأنه عارف ان الي سواه بيدخله السجن
ممكن مايعرف أن الأمانة حازم ولد أخوه أحمد لا استبعد هذا الشي لان الشبة واضح بدليل كان خايف من خروجه من البيت يوم منعه من الروحه للجامعة

تسلمين عشوقه وماننحرم من ابداعك و تواجدك في انتظارك بكل شوق و ود