|
رد: القضية السادسة من قضايا المجتمع ... تقديم .. أبو رقية
طيب دلوئتي بقى في حاجة
انا قربت أخلص كتابة ع الورق وبصراحة اختصرت كتير أوي .. عشان مفروض انها تبقى قصيرة .. مش عارف بقى احكيلكو الي حصل عباسي كده واكتبها على رواقه ولا ايه طيب .. مش عارف اذا كنت هالحق اخلص كتابتها أصلا ع الوورد ولا لأ ممكن وانا في الشغل بلاقى وقت فاضي كتير ومش عارف ليه باكتب وامسح كتير اكتر من أول مرة .. منه لله أحمد مراد .. مش طبيعي .. انا استمتعت بكل حرف قريته من غير مبالغه في الفيل الأزرق .. وعقدني .. الموضوع طلع فعلا مش سهل مش عارف أصلا كمان بيلاقو وقت فين يكتبو ده كله .. وبعدين بيكتبوا ع الكيبوورد على طول ولا ع الورق الأول زي ما باعمل تخيلت أد ايه كاتبات المنتدى هنا بتتعب اوي في الي بتعمله قولولي احكيلكم ايه الي حصل وخلاص كده ولا ايه @-@ |
رد: القضية السادسة من قضايا المجتمع ... تقديم .. أبو رقية
اقتباس:
انت شوقتني اوي اني اقرا رواية الفيل الازرق لأحمد مراد هقراها ان شاء الله المفروض قرايتك للروايه دي تفيدك اكتر في الكتابة مش تعقدك .. القراية الكتيرة هي نص موهبة الكاتب .. طبعا مش عايزينك تكملها عباسي كده :) .. اكتبها زي ما كتبت الجزء الاول برواقة وبالطريقه الي تعجبك اهم حاجه النتيجة .. البدايات بتكون متعبة شويه بس بعدين بيبقى الموضوع تلقائي وممتع |
رد: القضية السادسة من قضايا المجتمع ... تقديم .. أبو رقية
اقتباس:
هههههههههه لا اختيارى لاسمى قدامه حكاية مش كدة وخلاص ما علينا لا حول ولا قوة الا بالله عيل فى ابتدائى ؟؟؟ على رايك فاضل ايه واللهى حال البلد والناس مش طبيعية خالص ده الناس بقت مش كويسة مع بعض مع اننا شعب طيب وبسيط بس مش عارفة جرالنا ايه ربنا يستر من اللى جاى انا من القاهرة والف شكر ليك وتحياتى |
رد: القضية السادسة من قضايا المجتمع ... تقديم .. أبو رقية
اقتباس:
حلو خبر حلو انك قربت تخلصها بس ليه تختصر احنا عيزين نستمتع بالحرف خذ راحتك ووقتك يمكن من هنا للجمعة تخلص معاك انت فقط ثق اننا نثق في قلمك وفي طرحك ومش مهم تكون قصيرة بقدر ما توصل للزبدة في القضية من ناحية كاتبات المنتدى بيتعبوا فخليها على الله بس لان فعلا علينا ضغط جامد بس في المقابل في متعة غير اعتيادية وانت بتتخيل شئ وبتكتبه وتتعمق فيه بتوصل رسالة وحكاية وتجربة بطريقة الاسهل تشرب للقراء بنستمتع جدا بكل حرف نكتبه دون ان نرجوا شئ سواء تلك الممتعة في الكتابة والتعبير والطرح وعلى فكرة التجربة الاولى تكون امتع التجارب وايضا بعدها ستستمتع بالامر لغاية التكرار والتكرار فالمتعة ستكون قد وصلت عندك لغاية الادمان منتظرينك ابو ادم ورقية خذ وقتك اهم شئ لا تحرم متابعين القضايا هذا الجمعة من البقية التي كلنا شوق لها يا ترى نسمة حتعمل ايه ؟؟؟؟ |
رد: القضية السادسة من قضايا المجتمع ... تقديم .. أبو رقية
اقتباس:
ملاك ازيك أحمد مراد .. ده عبقري لسه مخلص الفيل الأزرق .. الي اتمنيتها ما تخلصش :( وبدات تراب الماس .. قوية جدا برضو ان شاء الله النهاردة اخلص باقيتها .. مش عباسي :) شكرا .. ست الكل |
| الساعة الآن 01:56 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية