|
رد: القضية السادسة من قضايا المجتمع ... تقديم .. أبو رقية
اقتباس:
أنا الي مفروض أشكركم والله على وجودكم الراقي وذوقكم وأحيي فيكم النظرة الواعية المثقفة الي افتقدتها أيامنا عند أغلب جيلنا :( فعلا هنا في شوية مشاكل كلها بسبب شخص حولت أسرة كاملة لمجموعة قضايا كل واحدة فيهم ممكن تكون سبب في نشأة المزيد من القضايا ضحيتها جيل كامل لبلد تاريخ حضارته الانسانية عدى ال سبع آلآف سنة ! جيجي .. نورتيني وربنا هنا .. مستنيكي في الآخر .. أكيد رأيك يهمني جدا ألف شكر |
رد: القضية السادسة من قضايا المجتمع ... تقديم .. أبو رقية
السلام عليكم ورحمة الله وبركاته
ازيك يا ابو رقية تسلم ايديك ربنا يرحمنا برحمته الواسعة واللهى قلبى اتقطع دى يابنى مشاكل كثير والعائلة مش طبيعية بصراحة عائلة عمرو دى كل اللى اقدر اقوله ربنا يسترها على عباده وعلى ولاياه منتظراة باقى الحكاية قصدى القضية ايا كان تسلم ايديك على اختيارك للحكاية واللهى مش عارفة اقول ايه منتتظاة الباقى على نااااار وليا تعليق ان شاء الله فى النهاية فى رعاية الرحمن |
رد: القضية السادسة من قضايا المجتمع ... تقديم .. أبو رقية
السلام عليكم ورحمة الله هرد باللهجه المصرية لاني حبيتها اكتر ما بحبها بعد قرايتي للقصة الحقيقة اتفاجأت لما عرفت انك بتكتب قصة و إجتماعية بصراحه وبدون مجامله برافو بجد جميلة اوي .. مش هتكلم عن المشكله الاجتماعية المطروحه لان المشاكل الاجتماعيه الي زي دي بتصادفنا كتير ومعروفه أسبابها ونتائجها وكويس انك طرحتها هنا للاستفاده والتذكير هركز اكتر على الأسلوب اللهجة المصريه خلا النص اكتر تلقائيه وبساطه وانك بتدي لكل شخصية لغتها الخاصة بيها يعني طريقة البواب في الكلام , الاب المتسلط . البنت اللعوب .. والتركيز على جوانب الشخصيه من الداخل اكتر من الخارج .. المنشيه .. والعجمي ومحرم بيك .. والكورنيش واللهجه الاسنكدراني اللذيذه خليتنا نحس بالمكان اكتر ونعيش فيه الابتسامه كانت مرسومه على وشي طول ما انا بقرا القصة مكنتش مركزة على المشكله او القضية قد ما كنت مركزة على الشخصيات وجوانبها والاسلوب واللغة الي استخدمتها عجبني انك بتوضح المشهد ومكانه وزمانه والشخصيات الموجوده فيه بلمحه سريعة ومن غير تطويل رأي الشخصي انك نجحت وبتفوق في كتابة القصة بأسلوب بسيط من غير ما تهمل الجوانب الفنية للقصة والعناصر الخاصه بيها واكيد جراب الفنان لسه فيه الكتير :55: في انتظار الجزء الثاني بالتوفيق |
رد: القضية السادسة من قضايا المجتمع ... تقديم .. أبو رقية
اقتباس:
يا أهلا يا أهلا كيفك حالك ايتها الأسيرة <<<< حلو الأميرة الأسيرة .. وراه حكاية ده ولا عادي كده وخلاص :) شكرا على كلامك الجميل الله يسلمك يا رب وفعلا زي ما قلتي عيله مش طبيعية .. ولو كانت زمان حالات نادرة .. ف دلوئتي بقت الأمثلة الي زيها بالهبل ودي بقت حاجة تخوف .. انتي مش تشوفي ده حواليكي النهاردة .. اخويا مدرس في ابتدائي .. مسك ولد بيبيع ترامادول لأصحابه في 3 ابتدائي !!!! وده للي مش عارفه مخدرات ومن النوع أ .. ادمان من بعد تالت او رابع مرة .. سيبك من ده كله ده ف 3 ابتدائي .. هار اسود .. فاضل ايه !!! بالمناسبة حضرتك منين من مصر :) ربنا يستر علينا زي ما قلتي .. والف شكر على وجودك تحياتي يا استاذه |
رد: القضية السادسة من قضايا المجتمع ... تقديم .. أبو رقية
اقتباس:
انما احنا كا بني آدمين عاديين صدقيني هنشوفها أقل كمان من العادي يمكن عشان أول تجربة بس أوعدك الجاية تظبط أكتر .. يعني ده لازم بعد التشجيع ده كله ان الواحد يتحدى نفسه كنت باقرا من فترة رواية لأحمد مراد اسمها الفيل الأزرق .. انصحك بيها يا ملاك والله هو عمل اربع روايات بس فيرتيجو الي اتعملت مسلسل بتاع هند صبري اول حاجة له .. و تراب الماس والفيل الأزرق وآخر رواية لسه نازله اسمها 1919 بس لسه مش لاقيها .. ده بقى فعلا الي بتقراله بياخدك لعالم تاني .. وبتقري المشهد يكاد يكون شايفه وسامعه فعلا ... الأمر الي بيخلى الواحد يحس انه لسه بدري اووووووي استمتعت بردك جدا نورتيني من الأرض للسما يارب دايما بخير .. ويارب دايما هنا :) تحاتي ملاك ليلاس |
| الساعة الآن 07:03 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية