|
شادن وسيف
بسم الله الرحمن الرحيم
انااا جييييييت ومعي شي جديد ان شالله يعجبكم للمعلوميه قصه قصيره ومافي موعد محدد بس انتم اكيييد عارفيني ان شالله ماأتأخر عليكم القصه حصريه لمنتدى ليلاس:liilas: بس موجوده بمدونتي وحسابي بالانستغرام يالله توكلنا على الله البدايه الجزء الاول حلم والا علم جلست بغرفتي وقلبي احسه بيطلع من ظلوعي وش ذا اللي شفته بسم الله الرحمن الرحيم قفلت عيونها بتسترخي ورجعت فتحتهم بسرعه : شادن : شادن وينتس يا بنت :طيب يمه هالحين جايه وتوجهت شادن لامها اليوم دورية الجارات عند امي وتبيني اكيييد اساعدها نزلت لامي وانا بالمطبخ اجهز الشاهي دخل علي اخوي محمد معصصب وحذف علي كتابي ودفتري وقال وش جابهن بالمجلس قلت بارتباك: معليش نسيتهن هناك اليوم وانااذاكر قال وهو يضرس علي: كم مرره قايل لا تدخلين المجلس ولا تحطين لس فيه اغراااض مره بكله مره خاتم ومره دفتر ترااا هذا اخررر انذار امشي وألقط وراس قلت وانا ابلع ريقي طيب طيب ان شالله وبقلبي اقول الحمد لله ما درا عن اللي صار والله لا يذبحني جت امي تستعجل الشاهي وطلع محمد بعد ماعطاني نظره اخيراطلعو الضيوف وابي اذاكر جلست بغرفتي وفتحت الكتاب وتجي ملامح ذاك الشي بخيالي بعد ما قهويت الجارات قلت لامي: انا ابي اذاكر واذا بغيتي شي ناديني رحت للمجلس اضمن مكان للهدوء وبسمع امي اذا نادتني جلست وبديت اذاكر رياضيات فتحت الدفتر وبدأت انغمس بجو الدراسه وكنت مررركزه فجأه اسمع صوت فتح باب البيت وقرقعة المفاتيح وصوت اخوي محمديكلم بالجوال وهو يدخل من الممر الى داخل البيت واختفى صوته رجعت نظري لاوراقي وكتابي وبسررعه لميتهم بهرب من المجلس قبل لا يدري ان دخلته وارفع عيوني للباب وتوني بقووووم الا وشوووووف ذاك الرجال اللي طول وعرض اضخم انسان شفته في حياتي ووجهه مختفي من الشعر اللي فيه ولابس الشماغ بالطريقه الحمدانيه وفوق ذا كله نازل شعرره الاجعد على متونه ومشمر اكمام ثوبه البني المخطط الي فوق الكعب بشوي واقف ومتنح فيني ما اذكر الا اني بغرفتي وصاكه الباب علي ومتغطيه بالبطانيه احاول اهدي نفسي من اللي صار شلون هربت من قدامه ما اذكرر بعدها بمده بسيطة اشوف امي وابوي واخوي محمد يتناقشون بموضوع ويوم دخلت عليهم سكتو وامي باين الزعل بوجهها وابوي ملامحه جاده ومحمد يتبسم لي ويرفع بحواجبه بعدين قام واخذ جواله وطلع وانا مثل الاطرش بالزفه قامت امي زعلانه وااضح مايبي لها كلام وقالت لابوي: انا بكلم اختي هالحين قال ابوي: والله ماتكلمينها وان كلمتيها بطلاقتس قالت امي بزعل.:تسذا ياابو محمد وانا دموعي تحجرت بعيوني ماعمر امي وابوي زعلو من بعض ولا ارتفعت اصواتهم على بعض وش اللي صااير قال ابوي : الناس بكره جايين واختس وولدها لهم سنين ماتحركو هالحين تبينهم يجوون وقام لغرفته وقال: نامو بكره عندنا ضيوف على العشا جلست امي بالصاله تمسح دموعها وجلست عندها. :يمه وش فيكم ليش متزاعليين قالت امي:بكره جاينس خطاب ياااااويلس توافقين والله لا ازعل عليس تلخبطت وتلعثمت بدرري هالطاري انا ابي اخلص دراستي قلت لامي بعد ماحبيت راسها :بس هذا اللي مزعلس ابشري ماني موافقه من الحيين ومسكت خدودها بدلع:بس ماتزعلش ياقمييل انا عارفه وش اللي مزعل امي امي وخالتي متفقات بيزوجوني ولد خالتي وانا ماااا ادانيه بس ماعمري تكلمت مسويه نفسي ما ادري عن شي الله يستر لا تقوم الحرب العالميه في بيتنا واكون انا السبب يتبع |
رد: شادن وسيف
الجزء الثاني
امتلى مجلسنا من الرجال شيوخ قبايل ووجهاء اجتمعو اخواني وحريمهم وخواتي ورجالهم. العزومه كانت كبييره ماطلعت انا وامي وخواتي من المطبخ دخل علينا ابوي ناداني انا واميوجلسنا بغرفتهم قال ابوي يمه شادناليوم انخطبتي لولد شيخ قبيلة فلان وانا تممت لهم شهقت متفاجأه وامي قامت على حيلها وقالت :انا ماني موافقه وبنتي مثلي قال ابوي بعصبية:صه محد طلب رايسولاتكلمت انا مابعد قولي قول بنتي ماتطلع من شوري قالت امي بعصبيه : ماهم مننا ولاهم من اهلنا شلون تطلع بنتك للاجناب !؟؟! زعلت امي وطلعت وتركتني لحالي مع ابوي حضن كتفي بحنيه وقالي :ياوليدي لا تفشلين ابوتس وان شالله انه ولد حلال انا اشهد انه رجال يكفي انه يعرف للمراجل منهو صغير سكت مدري وش اقول ابوي موافق ويبييه قام ابوي على حيله وقال: الله يوفقس يا وليدي وطلع وانا جلست مبلمه لاشعور ولا احساس ولا شي وامي طول الليل رابطه راسها مصدعهوجالسه زعلانه في الصاله وابوي بعد ما طلعو الناس دخل ينام بغرفته ولا كأنه صار شي ولا عطى امي وجه 🍃صباح اليوم الثاني دخلت علينا خالتي وهي تبكي شرهااانه على امي :كذا يا ام حمد تروح مني شادنوانا خاطبتها لناصر قالت امي تعذر: والله ياوخيتي دخلو علينا بالجاهه وماقدر ابو حمد يردهم حتى انهم ملكو البارح انا واقفه اتسمع على الكلام وانصعقت يوم سمعت امي تقول انهم ملكو البارح يعني البارح ملكتي دمعت عيوني مقهوره من هالزواج وش هالمصيبه !!!! ما ابي اتزوج ماااابي طلعت بوجه امي وخالتي وصرخت بصوت باكي: ماابي اتزوج مابي ماااابي وطلعت اركظ لغرفتي 🌸 تأثرت باللي صار نفسيتي مررره تعبانه واثر هالشي على درجاتي انا اللي دايم درجاتي كامله اوصل لهذا المستوى امي كل يوم تحلف علي بالاكل نفسيتي مره تعبانه من هالموضوع 🍃 مر اسبوعين على الملكه كان يوم اربعاء و تجمعن خواتي كالعاده عندنا دق تلفون البيت وردت امي بعدالسلام تغير وجه امي. :هلا ونعم بك :اي بكره ان شالله:الله يحييكم. :طيب مع السلامه وقفلت امي التلفون. وناظرت بي وقالت. :هذي ام سيف تقول بكره بتجي هي وبناتها وحريم عيالها بيشوفون شادن وبيتعرفون علينا قلت باستغراب :من ذي يمه ؟؟ وليش بالله تعرف علي شمعنى انا؟؟ ردت امي بنرفزه :هذي ام زوجس سيف شرقت بالعصير اللي كنت اشربه وبغت تطلع روحي من اللي سمعته وانهار واقعد اصيح وخواتي يهدن فيني وامي ساكته ماهو معجبها حالي قلت بنواح : يمااه تكفين فكيني من هالسالفه مااابي اتزوج ابي اكمل دراستيوبعدين ياناس انا ثالث ثانوي لازم اجيب مجموع ذنبي برقبتكم قالت امي: انتي شفتي ابوتس وش سوا انا مابيدي شي ما بيدي شي قلت بقهر : الله ياخذه وارتاح منه يتبع |
رد: شادن وسيف
الجزء الثالث
من بعد انهياري وبكاي قدام امي وخواتي بعد ما عرفت ان اهل سيف بيزورونا نمت وما قمت الا اليوم الثاني قمت على ازعاج بنات خواتي الصغار دخلت امي علي وفتحت النور بعد ماطفت المكيف وجلست بجنبي : يالله يا حبيبتي قومي تجهزي الناس على وصوول سكت شوي وبعدها استسلمت للامر الواقع وقمت ساعة زمن وكنت مستعدة حاولن خواتي فيني ألبس شي فرايحي ومزهزه لكن رفضت لبست لبس عادي تنوره قصيره سماوي لنص الساق مع قميص ابيض وشعري رفعته ذيل حصان مع كحل اسود وروج وردي واكسسوارفضي عباره عن سلسلة ناعمه عليها حرف S . . . . . مسكت يد امي وحبيتها وبضحكةإحراج:ها يا ام سيف عسى اعجبتس العروس ام سيف بملامح جاده : تبي الصراحه هبط قلبي من كلمة امي قلت: اكيييد يمه قالت امي: والله البنيه قليله وقصيره مامن زول بس الشهاده لله انها جميله وش عيون وش بياض وش سنع ماشالله غير اهلها ماشالله وامها يازينها ويازيين استقبالها ضحكت امي من ملامح وجهي ومن تنهيدةالراحه اللي طلعت مني : مبرووووك يا ولدي عسى الله يوفقك تنفست براحه وقلت : هههههههه قليله اجل !!!! تبينها طول وعرض مثلنا هذي بس صفه فينا يمه عشان الهيبه ماترووح ابد ضحكت امي:ياربي يسعدك ياسيف تراني ما اتفقت معهم على شي بس وانا امك البنيه امها تقول انها بتكمل دراستها وهذا شرطهم الوحيد قلت :طيب تكمل ان شالله ... يالله يمه تبين شي انا ماشي للدوام ..... فاتحه كتابي اراجع اختبار الشهر بس مرررره مافي بالي الا زيارة اهل سيف البارح وصلو الضيوف عائله كبييره ماشا الله ام سيف وجداته وخواته سبع وحريم اخوانه خمس كان شي ملفت للنظر حجم العائله فيهم طول وجباره بس ام سيف كانت اطول الموجودات حسيتنا جنبها صغار وانا بالذات حسيت نفسي قزمه دنقت تسلم علي وانا حاولت ارفع نفسي عشان اطول شوي جلست شوي وكنت احس كل الانظار موجهه لي انا الان في تقييم واختبار يا بعجبهم يا لا ..... وياااارب لا مع ان الناس باين عليهم مررره طيبيين وحبوبيين ام سيف كانت فاكهة المجلس حبوبه وفيها خفة نفس وخفة دم الباقي باين عليهم مستحييين شوي غمزت لي امي وفهمت قصدها قمت ورحت للمطبخ سويت لي كوب شاهي. وطلعت غرفتي ابي. اذاكر وما ادري وش صار بعدي ومتى راحو الناس ...... صليت الفجر واستعديت للمدرسه وامي راحت مع ابوي عند اختي وجلست انتظر الباص جت الساعه7،30والباص ما جا محمد قبل شوي طالع يمديني ادق عليه يرجع ويوديني للمدرسه اتصلت عليه :محمد رد :هلا قلت :الباص ماجا ممكن ترجع وتاخذني للمدرسه رد محمد :طيب غيبي اليوم مو لازم تروحين شهقت وقلت :لااااا ما اقدر علي اختبار وضروري اروح قال: بس انا توني حطيت سيارتي بالورشه قلت وصوتي تغير بالبكي :محمد تكفى والله غير تنخسف درجاتي لو مارحت للاختبار لانها مستحيل تعيده لي زفر محمد بضيق وقال. طيبب طيب جاي خليس جاهزه وقفل الخط بوجهي وقفت بعباتي انتظر وصول محمد. وفعلا كانت دقااايق ومحمد عند الباب وطلعت مستعجله وفتحت الباب والا السياره ماهي سيارة محمد انفتح الشباك اللي جنب السواق و محمد يقولي يالله اركبي ورا فتحت الباب بهدوء وركبت بصمت وصكيت الباب بشويش الا اللي مع محمد يقول :بصوته الضخم سكري الباب زين ارتبكت وارتبشت وفتحت الباب وصكيييته باقوى ماعطاني ربي التفت علي محمد وطير عيونه فيني وقال :بشووويش بغى يطلع الباب بيدس. قال السواق:حلالها يابن الحلال ضحك محمد واناغصت بهدومي متفشله من كثر الاحراج أظلمت الدنيا بعيوني ماعاد اشوف ولا حسيت الا بمحمد يفتح لي الباب ويقولي: يالله وصلنا للمدرسه نزلت اركظ من السياره ولا شعرت بنفسي الا وانا اجلس براحه بالكرسي ولا انتبهت ان اللي كان يسوق هو سيف ما دريت الا يوم محمد يعلمني بعد ما قام من الغداء خساارة ما شفته عريس الغفله يالله احسن عشان ما يشغلني عن دراستي ورجعت اركز بكتابي بعد بكره عندي اختبار وضروري اجيب الدرجه الكاملة ....... مرت الايام وانشغلت في بناء بيتي بالارض اللي عطانيها ابوي وبزحمة الدوام والعمار فقدت جلستي مع محمد والشباب رفعت جوالي واتصلت على محمد مقفل جواله ورجعت اتصل بعدها كم مرره لازال مقفل دورت رقم بيت اهله واتصلت انرفعت السماعه :السلام عليكم : وعليكم السلام عرفت انها شادن لاني اعرف صوت عمتي ام حمد قلت :محمد موجود قالت لا محمد ماهو فيه سألتها ابي اتأكد : انتي شادن؟؟؟ قالت باستغراب : ميين ؟؟ قلت وانا ابتسم : انا سيف سكتت وعم الصمت قلت :ان دق التلفوون ياليت ما تردين انتي ردت بعصبيه : نعم !!! وش دخلك انت ؟؟؟ قلت وبديت اتنرفز: انا اللي لي دخل ترا هذا امر موطلب طوووط طوووط قفلت الخط بوجهي طيب يا شادن أعلمس شلون تقفلينه بوجهي ____________________ تنررررفزت منه السخيف هذا اللي باقي والله مين هو ميييين؟؟!!! والله لاعلم ابوي يوقفه عند حده طول اليوم معصبه وخرب مزااجي نزلت تحت للمطبخ ابي اسوي لي كووب نسكافيه يمكن اعدل مزااجي طلع بوجهي ابوي قالي جهزي لي القهوه وجيبيها للمقلط ابي اتقهوى انا وانتي قلت : ابشر من عيوني الثنتين وجهزت القهوه وحطيت فنجالين مع صحين رطب لان امي لها يومين عند اختي الكبيره ودخلت المقلط والقى ابوي جالس وبجنبه هذاك الشي الضخم وهربت من المكان وابوي يناديني : شويدن تعالي هذا سيف =( |
رد: شادن وسيف
الجزء الرابع
من البدايه خلوني ابدأ من ذاك اليوم اللي رحت مع محمد لبيت اهله وانشغل هو بمكالمته واشر لي ادخل المجلس دخلت المجلس ومتوقع انه فاضي لكن من دخلت المجلس هاجمتني ريحة عطر مع هوا المكيف البارد وبنت مثل الغزال الصغير تجمع كتبها ودفاترها وقفت ابي اغض بصري ابي اطلع ماقدرت رفعت نظرها وشافتي حذفت كل اللي بيدها وهربت من المجلس وانا اشوف تعوذت بالله من الشيطان الرجيم تقدمت واخذت كتابها الاسم :شادن الصف:ثالث ثانوي علمي ورفعت الكتاب وشميته كأنها معطرته والا يتهيأ لي نهرت نفسي وجمعت اشيائها بمكان واحد وجلست بمكان بعيد ولا كأني شفت شي في نفس الليله رحت وانا مصمم اني اكلم امي تخطبها لي لقيت جدتي ام ابوي وجلست معها قالت لي :هاياسيف ما ودك تملك على بنت عمك بدور قلت :ياجده انا كم مره قايل لتس ان بدور مثل اختي حتى هي اسألوها بتقولكم نفس الكلام انا ما ابيها وهي ماتبيني ليش تغصبونا على بعض زعلت جدتي قمت حبيت راسها واستأذنت وتوجهت لغرفة امي وابوي وجلست معاهم. وعلمتهم ان جدتي مابتتركتي ولا تعتقني لين اخطب وهم عارفين رأيي ورأي بدور بس جدتي رافضه وتبينا لبعض ابوي وافق واستانس وامي نفس الشي قلت لهم بس البنت من قبيله ثانيه اخت صديقي محمد واخاف مايزوجوني قال ابوي خلها لي هالسالفه انت بس بلغ محمد يشوف لنا يوم نزور اهله وان شالله ما تطلع منهم الا وانت مملك واذا تبيه عرس بعد قلت وابتسامتي شاقه وجهي :لا بس ملكه وكلمت محمد ورحنا وابوي ماعلمني انه بيجيب معه الجاهه وانه بيحرجهم بوجيه الحاضرين كنت متوتر وخايف يرفضني ابوها مع انه يعرفني من زمان وادري انه يحبني بس عشان ماني من قبيلتهم لكن بيضها ابوي بجاهته اللي هو جايب وافق ابوحمد بس ربط التمام بموافقة الشادن دخل وانا بديت اتصبب عرق وبدا يبان بوجهي القلق مابيها تروح من يدي ابيها لي ومن نصيبي مبروك يا سيف البنت موافقه قمزت من دون شعور وحبيت راس عمي ابوحمد وحبيت راس ابوي واوفى ابوي بوعده لي وملكت بنفس الليله واول ما وصلت للبيت صليت ركعتين شكر لله صارت لي والحمد لله خواتي وامي وجدتي ام امي مررره اعجبتهم الشادن وفرحانين لي بس جدتي ام ابوي كل ما شافت وجهي قالت والله طيرت بدور من يدك يالخبل واخذت العصلا وتقول بصوت كله تهكم: شادن!!!! اسم ماحلاه ربي ابتسم واقول بقلبي ماتدرين ياجده هالعصلا وش سوت بحفيدس وفي يوم المكالمه بيني وبين الشادن انا مسيطر على مشاعري واحساسي مع انها دايم في بالي صورتها وهي تجمع كتبها رقيقه منتهى النعومه مع شعر حرير احمر وعيون سود ووساع بس يوم ردت على التلفون وربطت الصوت بالصوره ما قدرت تخيلتها ترد على غيري بالتلفون وينفتن بصوتها الناعم طلبت منها ماترد بعد كذا وماتقبلت كلامي طيب وش اسوي والله احترقت بس من الفكره شلون لو صارت فعلا !!! صاربيننا شد وجذب وقفلت الخط بوجهي :طيب وتهددتها بقلبي بس بعدها بثواني ضحكت مع اني المفروض ازعل بس ما زعل منها لو وش سوت ويقدر الله انه بنفس الليله يصير على محمد حادث سياره ويتصل علي يبيني ابلغ ابوه انه بالمستشفى منوم مايبي ابوه ينفجع او سمع من احد ثاني واتصل على ابو حمد وقلت له انا بالطريق ابيك بموضوع ووصلت وقلطني ابو حمد بالمقلط ومافي ثواني والشادن تدخل علينا ومن شافتني هربت والصينيه تقرقع بيدها من الترمس والفناجيل وعمي يتبوسم: تعالي ياشويدن هذا سيف كنت متاكد انها مابترجع ثاني دقايق ودقت الباب والصينيه تندف علينا قام عمي واخذ القهوه وانا اخذتها منه وصبيت لعمي فنجال وقلت ياعم تو محمد مكلمني يقول صار عليه حادث بسيط وتغيرت ملامح عمي : وش؟؟؟؟؟ قلت بسرعه: طيب طيب لا تخاف والله بس هو منومينه الليله بالمستشفى يتطمنون عليه خايف من النزيف الداخلي والا. هو طيب طلعت بعمي ابو حمد للمستشفى. ورحنا لمحمد اللي كان متعور ومكسر. بس ماحب يفجع عمي ولا يفجعني عمي من شافه كذا هبط عنده السكر واضطرو ينومونه هو الثاني بعد ما تعب عمي وغصبته انه يتنوم شرط علي اروح البيت واخذ الشادن اوديها لبيت اختها شلت همها وعمي ماحب يكلمها عشان مايفجعها ومحمد نام من المسكنات وش السواة اخذت جوال محمد وكتبت لها رساله :تجهزي نص ساعه واجي اخذس تنامين عند امي انا وابوي مانقدر نرجع الليله للبيت وضغطت ارسال وقفلت الجوال وحطيته جنب محمد وطلعت وتوجهت لبيت عمي مزاجي اليوم اطين من الطين منصدمه ومتفاجئه هذا هو اللي بيكون زوجي هذا !!!! والله ولا باسوأ كوابيسي تخيلت يكون زوجي شين دايم عندي تصور ان يشبه ابوي يكون مثل زول ابوي سمح وجهه ماعمري تمنيت او فكرت يكون جميل الملامح بس مايكوووون بهذا الشين اخذتني رسالة محمد لتفكير ثاني وهواجس ثانيه مسكت الجوال وادق على محمد مايرد مقفل جواله وابوي بعد واخاف ادق على امي اشغلها ياربي وش اللي صار ابوي دخل علي قبل لا يروح وقالي :انا طالع مع سيف اذا اتصلت امتس قولي لهاابوي نايم ومحمد خبصني برسالته رحت جهزت شنطة كتبي وشنطة يدي وجلست انتظر محمد ودق باب البيت وانقبض قلبي ابوي واخواني معهم المفتاح من بيدق هالوقت واناظر مع فتحه بالباب الا هذا سيف واقف قال :شادن اذا انتي جاهزه يالله اوصلس لبيت اختس يتبع |
رد: شادن وسيف
الجزء الخامس
ناظرت مع فتحه بالباب شفت سيف واقف قال :شادن اذا انتي جاهزه يالله اوصلس لبيت اختس بلعت ريقي وقلت بصوت يرتجف لييه وين محمد؟؟ قرب سيف اكثر للباب وكأنه يكلمه :محمد مشغول ماقدر يجي هبط قلبي وبدت دموعي تتجمع وبخوف سألته :طيب ابوي وينه؟؟ راح معك ليه مارجع ؟! انفتح باب جيرانهم وطلع جارهم الشايب الملقوف على قولة محمد قلت لشادن بهمس افتحي الباب جاركم ابو سعود شافني واقف وبيستغرب من وقفتي كذا رفعت عيوني لفوووق وبقلبي اقول :اوووف مررره مو وقتك يا ابو سعود وبتردد فتحت الباب واتخبيت وراه وكأني اتحامى فيه من سيف سمعتها تفتح قفل الباب ودخلت وبدت طبول قلبي تدق وسحبت الباب ابي اقفله بس شادن مثبته الباب ومتخبيه وراه قلت وانا احاول اصفي صوتي الخشن: اذاجاهزه يالله عشان نروح قالت بصوت يرتجف :بس ماقلت لي ويين ابوي ومحمد؟؟ سكت والله مدري وش اقولها وطال سكوتي وانا مثبت نظرتي بالارض وطلعت من ورا الباب متغطيه وعباتها على راسها وبدا يعلى صوت بكاها :قلي وش صار لهم؟؟وووينهم؟؟؟ قربت اكثر لها وانا ارد الباب لين قفلته :اهدي اهدي والله ماصار شي بس مايقدرون يجون الليله صرخت :طيب ليييه؟؟وش سويت فيهم؟؟ نزلت عيوني لها لانها واقفه مقابلي بالتمام وهي رفعت عيونها باتهام وتحدي قلت :نعم !!!! وش وشسويت بهم اكلتهم والا ذبحتهم !!!! قلت لس مايقدرون يجون وابوتس موصيني اوديتس لعمتي في بيت اختس صدقتي كان بها ما صدقتي براحتس قالت بانفعال :كذاب وماني رايحه معك واخذت جوالها واتصلت واتصلت واتصلت واتصلت وكل مرره النتيجه ان الجوال المطلوب مغلق نرجو اعادة الاتصال في وقتٍ لاحق ...... وقفت بملل قلت لها :مطوله؟طنشتني وراحت لداخل ووقفت على باب المدخل وقالت بحقد:اطلع برى واقفل الباب وراك ماني رايحه معك لاي مكان وقفلت الباب بقوه والله قويه ياشادن ماتوقعت هالقوه منس يالنتفه بس على مين والله لا أأدبس وقفت عند باب المدخل وقلت: شادن اقسم بالله العظيم لو ما تطلعين الان وتمشين معي لا يصير شي ماهو طيب انا الا الدلع مايمشي عندي قالت بتحدي :اللي ما تطوله بيدك اوصله برجولك واطلع قبل لا اتصل على الشرطه قلت: بغضب انتي اللي جبتيه لنفستس وبكل قوتي دفيت الباب وانفتح صرخت لانها ماتوقعت تصرفي وقربت منها وكتمت صوتها خفت فعلا تفضحنا وطارت عيونها مسكينه حسيتها بتموت من الرعب قلت:بفكتس بس والله ثم والله لو تطلعين صوت ان موتس على يدي وفكيتها وابعدت وعشان ما تفكر كثير صرخت فيها : يالله امشي قدامي وبخطوات مهزوزه وبكا مكتوم طلعت قدامي ووصلنا للسيارة فتحت لها الباب الخلفي ودخلت وقفلت الباب بهدوء اغلي من داخل هذا شعوري الان يتهددني وبعدها يهجم علي وبقووة مسحت دموعي وكتمت شهقاتي ما ابي ابان قدامه ضعيفه بس والله ما اخلييها تمر بسلام دخلت سي دي للشيخ ماهر المعيقلي ابي اهدأ وابيها بعد هي تتطمن بعد ما مسكت الطريق السريع تذكرت اني ما ادل بيت اختها قصرت صوت القران :شادن ماردت علي :شاادن تعوذت من الشيطان وقلت بكل هدوء: انا اسف انتي اللي اضطريتيني اكسر الباب وحقس علي واطلبي الرضاوه اللي تبين ماردت بعد علي وقفت السياره على جنب وألتفت لها. :اسمعي يابنت الحلال تدلين بيت اختس لاني ما ادله واكييد لفت انتباهها لانها ألتفتت علي وقالت:اي ادله وبالنسبه لاعتذارك ماقبلته وماراح اعديها لك مشيت وطنشتها ولا كأنها كلمتني وصارت تقول لي وين الاتجاهات وانا امشي حسب ماتقول الى ان وصلنا لبيت اختها وقبل ماتنزل قالت : على فكرة تراني ما ابيييك وان كان عندك ذرة كرامه تطلقني ونزلت وصكت الباب بعنف انتظرتها تدخل ومشيت وانا اغللللي من الزعل من عافنا عفناه ولو كان غالي يتبع انتظرو ان شالله الجزء السادس قريبا يالله مثل ما عودتوني الله الله بالتقيييم والتعليقات |
رد: شادن وسيف
هذي الروايه روعه على انها قصيرة تسلم ايدك ام رنوا
حبيبتي شادن وسيف سيف قسى كثير على شادن المفروض علمها عن اهلها مااتوقع يطلقها |
رد: شادن وسيف
مرحبتين اسفرت وانورت واستهلت وامطرت ام رنوا
سيف بيتراجع عن قرار بعد كلام راح يسمعه من جارهم الملقوف شادن لسانها يبيله قص النتفه |
رد: شادن وسيف
ماشاء الله ام رنو روايه مع قصرها لكن تكفي عن عشر من اللي انشوفها الان .....
يااختي انتي دايما بناتك في الروايات عوباات على العموم ما اظن انه سيف يطلق شادن يعطيك العافيه ... |
رد: شادن وسيف
السلام عليكم كالعادة ام رنا قصة جميلة ودمها خفيف احداثها تدور في الزمن الحاضر على غير العادة ،نأتى لابطال القصة يبدو ان شادن تهورت برد فعلها وكذلك يبدو ان سيف من النوع الذي تأتى كرامته في المرتبة الاولى فوق اي عاطفة يحملها لشادن واظنه سوف يطلقها او انه يبقيها على ذمته احتراما لاخيها الذي هو صديقه ويعاملها بجفاء ننتظر البارت القادم بكل شوق
|
رد: شادن وسيف
السلام عليكم
ياصلاااة النبي ياصلاااة النبي ايه القمااال ده كله انا كنت فين ياولااد ام رنوووو هاتي راستس احبه يابنت النااس لنا زمن عن هالقصص اللي ترد الروووح مدري احد داعي علينا والا عين وصابتنا ماصرنا نلاقي قصه تفتح النفس الا قلييل ام رنووو هالشادن يبي لها قص لسااان خلااص الرجاال قال كلمه قولي ان شاءالله مو تجلسين تجادلين لا وزادت الطين بله يوم قالت طلقني .. انا لو من سيف اعجل بالزوواج علشاان تعرف ان الله حق >> فيس عصصصصب ام رنووو تسلم الايااادي يابعد حيي دايم الزين مايجيب الا الزين بانتظاااااارك |
رد: شادن وسيف
اقتباس:
اقتباس:
اقتباس:
اقتباس:
اقتباس:
:liilas: |
رد: شادن وسيف
الجزء السادس
وصلت عند محمد وجلست عنده بالغرفه والاخ نايم مادرا بحرتي وحرقتي من اخته وارجع اتذكرصوتها وهي تصرخ علي: ما ابييك قمت وتوضيت وصليت ابي اهدا وافكرر زين بعدماسلمت هديت وصار تفكيري صافي بعذرها خافت مني وانا بعد جلف ما اعرف وما قدرت اهديها ولا اعلمها وش صار على ابوها واخوها كان قلت لها مصيرها تعرف الا هالفيلم البايخ وقعدت ألوم نفسي من فتحو لي الباب دخلت وانا اصيح يوم شفت امي وانهار واطيح عند رجولها تكفييين يمه فكيني منه امي طار عقلها :شادن وش فيه؟؟ وش اللي جابس بهالوقت؟؟ ومن هو اللي افكتس منه؟؟ وانا ازيدد من بكاي جتني طاقه بكاء عجيبه فرغتها كلها وامي واختي يترجوني اعلمهم :طيب من اللي جابس هنا؟؟ نطقت وقلت :سيف . سيف هواللي جابني هنا غصب عني فزت امي واقفه على حيلها : وشهووو !!!!! وش جابه لس؟؟؟؟ وليه يجيبس هنا ؟؟ وين ابوتس ؟؟وين محمد ؟؟؟ رديت وانا اشاهم :مدري يمه مدري كملت ببكى:جتني رساله من محمد يقولي فيها جهزي نفسس اوديس عند امي وبدل لايجي محمد جاء سيف ورفض يعلمني وين محمد وابوي امي بإلحاح وخوف :وابوتس وينه رديت:راح مع سيف مشوار ومارجع امي:ياربي سترك ولطفك وش اللي صار ومسكت امي جوالها ودقت على ابوي ومحمد ومثلي مالقت نتيجه ودقت على حمد مع انه ماهو بنفس البلد معانا. رد حمد وسلمت امي عليه وطلبت منه رقم سيف مع استغرابه عطا امي الرقم ودقت عليه ورد عليها من اول رنه امي:السلام عليكم يا ولدي سيف كأنه متوقع المكالمه :وعليكم السلام امي :معك ام حمد سيف:هلا والله بعمتي شلونس ياهلا وغلا امي:هلابك ياولدي الحمد لله وشلونك انت سيف :وشلون الاهل امي:الحمد للهطيبين اسمع ياولدي ابوحمد مقفل جواله ومحمد بعد عندك علم وينهم؟؟ سيف بتردد ياعمه : قولي لا اله الا الله امي بخوف بان بوجهها :لا اله الله والف من ذكره. سيف :محمدانصدمت سيارته وانشعرت رجله والمستشفى نوموه الليله عندهم يتطمنون عليه امي بصدمه : وشو !!! انت تقوله صادق سيف: والله انه طيب بس رضوض خفيفه امي لازالت مشككه :عساه سلم وماتأذى سيف :والله ياعمه طيب وانا بكرره اجي واخذس تشوفينه امي : اللهم لك الحمد وبدت تدمع عيون امي : الله يسلمك ياولدي ماتقصر طيب ابوه وينه هنا توهق سيف بس لازم يتكلم : عمي نايم هالحين اخذ دوا السكر امي: ياربي لطفك اكييد تعب وشلونه هالحين امنتك بالله وشلونه سيف: والله كلهم بخير هذاني عند محمد بغرفته واول مايصحى اخليه يكلمس امي:طيب ياولدي سامحني ازعجتك وجزاك الله خير سيف :افى ياعمه انا ولدس وحاضر لس باي وقت تردد سيف للحظات بعدها قال:كيف شادن تركتها وهي تصيح وانا والله اسف ياعمه فجعتها وخوفتها بس ماحبيت اني ابلغها باللي صار وشكلي ياعمه خربت الدعوه تبسمت امي وناظرتني:مشكور يا ولدي وماقصرت وهي تراها مدلعه حبتين الله يعينك عليها نطيت عند امي وانا رافضه كلامها عني وانهت امي المكالمه قلت لها: وش صار وين ابوي وين محمد? وعلمتني امي كل السالفه بس بعد مايعطيه الحق ان يتصرف معي كذا الجلف مر الاسبوع وانا يومياًعند محمد وقت الزياره اجي قبل الناس واروح اخر الناس ابي اشوف شادن ابي اعتذر لها بس ولا مره جت بعدين سألت محمدقلت :ليه ماجت تزورك ضحك محمد علي وقال :زوجتك دافوره واختباراتها قربت وامي مانعتها من الطلعه عشان اختي نفاس عندنا سيف:طيب بكره خروجك اكيد لو جيتكم مابتسمحون لي اشوفها محمد بلؤم :اي ماعندنا هالحركات مرتك ماتشوفها الا بيوم العرس. سيف:حرام عليكم ضروري والله جبت العيد معها وابي اصفي الجو محمد برفض يرفع حواجبه :انسى يأسني الله يسامحه وبان في ملامحي الضيق قالي محمد:انت من جدك ودك تشوفها ؟؟ نطيت وجلست على السرير بجنبه : اي تكفى يالخوي قال وهو يتفحص. ثوبي البني وشماغي المهردم ووجهي وشالني وحطني بنظراته بعدين قال. :وعسى بتقابل اختي بذا المنظر ياخي ترتب شوي. وألبس ثوب ابيض بكبكات وشماغك نشييه شوي وخفف شنبك وحدده وألبس لك جزمه بدل الزبيريه ترتب شوي خلي اختي تشوفك باحلى صوره بعزة نفس وزعل قمت وانا اقول:ياخي الرجال مخبر ماهوبمنظر واظنك عارفني ضحك علي وقال : ادري والله انك بتقول كذا بس ترا اختي ماتعرفك ولك معها موقف بايخ وشبهه مغصوبه عليك لا تزعل مني انا لازم اقولك كذا ياخي البنات يحبن الزين ويلفتهن الشكل واللبس وانت مرره مهمل نفسك حتى يوم جيتو تخطبون ماحسيتك متغير علي خشتك هي خشتك ولبسك هو لبسك ادري زدتها عليك بس والله لو ما ابيك لاختي وشاريك كان ماقلت لك شي. ماسكه خصله من شعرها وتلفها وتبرمها ورايحه في التفكير وتكلم نفسسها بصوت مسموع :مااافي فايده مافييي فايده امي اول معارضه لزواجي وكنت ابيها تساعدني افك عمري الحين امي تقول قصايد بسيف وهو يوميا متواجد عند محمد مفرغ نفسه ويعرض خدمات وابوي مايشوف بالدنيا مثل سيف يا ربي حتى دراستي اشغلتني عنها ياذالأدمي وارجع اناظر بكتابي ابي اركززز دخلت البيت وألقى جدتي تنتظرني بعد ماسلمت عليها قالت اهلك مشو للعمره وانا ابيك توديني تبسمت لها :ابشري بس بكره ان شالله لي كم يوم مانمت زين قالت :خلاص بكره الفجر نمشي وقمت رايح لغرفتي محتااج فعلا انام وارتاح بس غمضت عيني وارجع اتذكر وجه شادن وخوفها مني وتصنعها القوه وصراخها علي كل ليله تمنعني من النوم والليله زادها محمد علي يقولي مغصوبه طيب انا مابغيتها بالغصب ابيها برضاها اخذت جوالي وكتبت فيه رساله لمحمد وبعدها نمت محمد تكفى ضروري اشوف شادن بكره ان شالله مسافر عطني امل اتصبر به لين ارجع وفورا جاني الرد : تروح وترجع بالسلامه بعد الاختبارات ابشر يصير خير |
رد: شادن وسيف
رائعة جدا يمكن بزبط نفسه فيتغير شكله عندما يزورها فتشعربشىء نحوه
|
رد: شادن وسيف
واااااااااااااااااااااااااااااااااااااااااااااااااااااااو ام رنا تاني وقريت ست فصول مره واحده يا سلام
ههههههههههه تعرفي اني عليا بحث س لقيت الاعلان مقدرتش اقاوم ههههههه رغم ان القصه صغيره والفصول صغنونه خالص الا اني فرحان بيهم اوي واسكتي بيقي خليها في سرك اتابعلك قصيتين في فتره واحده ولولوولولوولولولوولوللوي هههههههه وزغروطه اهي عشان متقوليش حرماكي من حاجه بجد حبيت اوي شادن وسيف يخراشي عليه زي العسل ههههههههههههه لاول مره مكنش كارها البطل يمكن اختفيت في القصة الاول بس تابتعها كلها اكيد رووووووووووووووعه والاحداث حلوة بجد والقصه بجد بسيطة وحلوة في انتظار السابع يا قلبي بالتوفيق يا رب |
رد: شادن وسيف
سيف تعلم الذرابه ولا تخرع البنت لاقابلتها
شادن الله يعينك انتبهي لمذاكرتك اوكي انت ثالث ثانوي يبيلك نسبه قويه للجامعه ام رنوا يعطيك الف عافيه ماقصرتي بإنتظار الجزء السابع على نار |
رد: شادن وسيف
تسلم الايادي ام رنو.
شادن يكن تغير رايها بعد المقابله مع سيف بس سيف تلحح شوي وضبط عمرك شادن عن الدلع الزايد عطي سيف فرصه |
رد: شادن وسيف
اقتباس:
وبعدين ما الواد مؤدب اهو هو عمل حاجه يا ناس سيبه الواد في حاله هههههههههههه |
رد: شادن وسيف
سوسو ماتسيبي شادن حبيبتي في حالها
سيف كل هالجلافه وماعمل حاجه لو قال لها عن اخوها وابوها كان اخف ولا في واحد في فترة الخطوبه يقول لخطيبته لا تردين على التلفون وبعدين يدخل البيت ويغصبها سوسو خلي سيف يخف على بنتنا لأقوم الحرب عليه وانت بكيفك ام رنوا يعطيك الف عافيه |
رد: شادن وسيف
سبحان الله يضع سره باضعف خلقه
بدون شك شادن (القليله ) ملكت قلب (الوحش ) ومع ان الانطباع الاول اللي تركه شكله الضخم له تاثير سلبي وجعلها تشعر بنفور منه بس اكيد هالانطباع ممكن يتصحح بطريقه مآآ لا تفكر ياسيف طويلا ولا تبحث عن مخرج ينقذك من الموقف المحرج مع شادن بسبب قلة لباقتك واسلوبك القاسي اتوقع امامك طريقتين ... اما انك تتجنبها يعني تستمر بالقطيعه حتى ليله الزواج وهالحل شكله ماايناسب حالتك الخاقه مع صوت شادن وهي تصرخ طالبه الطلاق خخخخخ .. لو متغزله او مسمعتك معسول الكلام وش بيصير فيك هع او انك ترتب بينكم لقاء عاجل تحاول تحسن انطباعاتها وتغير نظرتها لك وهالشي بيتطلب مواقف رومنسيه >>> فيس يمووت بالرومنسيه عااد بنتفرج ع الوحش يحاول يتقن دور الرومنسي بذاك الوقت وانفعالات شادن<< ياااسلام ع الشطحه القوويه واللي يقهر بهالجزء الاهل مطممنين ان بنتهم تذاكر ومهيئين لها كل الاسبااب وهي الله خير ذهنهاا مشغوول ولا هي يم المذاكره خير شر واللي قهرني اكثر سيف .. يعني تعرف تررز بالمستشفيات ولاتعرف تشووف لك منفذ منا والا مناك يااخي رقم جوالها ع الاقل او حساابها بالتويتر خخخخخخخ ومن جد اخوها عجبني يوم يقوول لسيااف تكشخ وغير لبسك اتوقع سيف ماايحب يكون الا على طبيعته وحتى لو عمل بنصيحه محمد مارح يطول وبيرجع بسرعه لشكله الاصلي موقف الجده ماارتحت له احسهاا تخطط لحاجه مو حلووه ..!! وبس ام رنوو اسمحي لي ع التقصير بالردود لكن كوني متيقنه اني متابعه لكل مشاركاتك الله ويااج |
رد: شادن وسيف
السلام عليكم كاتبنا المميزه روايه روعه قليله عليها والله يعطيكي العافيه وأتوقع ان شادن اذا تزوجة سيف بتملك قلب الجده بتخليها في صفها ودمتي
|
رد: شادن وسيف
اقتباس:
هههههههههههههههههههههههههههه ايوه صح احنا نعلقه خميس وجمعه وهو يوم السبت هيكون حلو وكيوت ههههه وبعدين البت صوتها خلاه في عالم تاني الواد معذور برضوا بس اوعي تنسي ده معذبة الابطال الاولى يا بنتي ههههههه حتى لو بحبه عادي هعلقه برضوا |
رد: شادن وسيف
اقتباس:
|
رد: شادن وسيف
اقتباس:
انتي الوحيده اللي سحرها سيف خخخخخخ |
رد: شادن وسيف
اقتباس:
|
رد: شادن وسيف
اقتباس:
تواجدس دوم يسعدني شموخه |
رد: شادن وسيف
اقتباس:
وترفع معنوياتي وتفتح لي افاق جديده او خطوط بالتفكيرباحداث اكثر للقصه :friends: ما غلطت ابدا اذا استشرتس وخليتس الناقده لكل فصل جديد ما اعدم طلتس يارب ووقفتس بجنبي دوم حبيبتي زيزي |
رد: شادن وسيف
اقتباس:
قبل الجده هل بتواصل شادن رفضها واصرارها على الانفصال نورتي القصه وسعيده جدا بتواجدس |
رد: شادن وسيف
الجزء السابع
مر شهرين على الاحداث والليله معزومين عند اهل شادن على تمايم ولد اختها وتخرج شادن اخذت امي وخواتي معي جدتي من رجعنا من العمره زعلانه علي وراحت لبيت عمي طول الطريق لمكه وهي تحاول تقنعني اترك شادن واخذ بدور او اي وحده من بنات عماني او عماتي وربطت رضاها علي بهذا الطلب رفضت حتى النقاش بالموضوع وبس وصلتها لمكه وحطيتها بعهدة ابوي اعتمرت ورجعت لحالي يومياً اروح لمحمد ازوره بحكم انه مايقدر يطلع ومن اسبوع خففو له الجبس وصار يقدر يتحرك كنت انتظر اي اشاره منه لي عشان اكلم شادن طنشني تماماً ولا كأنه وعدني وبعدها خففت روحاتي واتصالاتي حسيت نفسي ثقيل لين جا اتصال قبل خمس ايام ابوحمد يعزمنا على مناسبه عندهم ماكان عندي علم بشي وش المناسبه بس قبلها بليله لقيت رساله من محمد. بكره انسب وقت تصلح اللي خربته حفلة تخرج شادن وانت ومفهوميتك رحت لاختي اللي بثاني جامعه وانا مستحي واحك راسي ومتردد اسألها والا لا وسألتها :لو ابي اهدي شادن وش افضل شي وياليتني ما سألتها ماخلت من الاقتراحات شي بس قبل لا اهرب منها قالت لي نفس كلام محمد عادته علي بس بطريقه ألطف من محمد عن المظهر العام والشكل الحلو طيب انا ماني حلو ولا ابي اكون كذا بس وش يمنع فعلا اني اترتب للان احسب نفسي ذاك المراهق اللي يلبس اي شي وكيف ماكان امرنا لله نشوف اثر هالشي على شادن :::::::::::::::::::::::::::::::::::: اليوم فاجأوني اهلي بحفلة التخرج كل كلامهم الفتره اللي فاتت عن تمايم ولد اختي واليوم اختي وشوشتني ان اهلي بيفاجأوني بحفلة تخرج عزومه كبيره الكل معزوم واكيد اهل سيف من ضمنهم لبست فستان شانيل موف بتنورة مكسره مع جاكيت دانتيل ثقيل نفس اللون مع مكياج خفيف وروج توتي وشعر غجري واكسسواررقيق وصندل ناعم عالي اليوم حاسه نفسي مثل الاميرات امي كل ماشافتني رمت لي بوسه بالهوا وذكرت الله دخلت خالتي ام ناصر ومن شافتني وهي تذكر الله :ماشالله ياذكر الله وضمتني قوووه. وهمست بأذني: ياخساره اللي منتي نصيب ناصر "تصلبت بحضنها ماحبيت كلمتها على اني مارضيت بسيف للان وما احس بإنتماء له او حب او اية شعور طيب الا اني كشيت من كلام خالتي " :خالتي خلاص هالكلام مامنه فايده الله يرزق ناصر باللي احسن مني خالتي برفعة حاجب :يعني خلاص مقتنعه بسيف !!؟؟ قلت متفاجأه من كلام خالتي : اكيد خالتي اختيار ابوي لي وليه ما اقتنع فيه واكون راضيه "جاني احساس ان في كلام واصل لخالتي اكيد ان امي بحسن نيه تسولف لخالتي عني " دق جوالي بيدي وانقذني من تحقيق خالتي ورحت للمدخل اكلم محمد :هلا محمد محمد:اهل سيف واقفين عند الباب ومقفل افتحي لهم :طيب هالحين وقفت ثواني قدام المرايه اتطمن على شكلي اكيد بكون تحت المجهر واخذت نفس عميق وابتسامه وفتحت لهم الباب :ياهلا والله حياكم الله واقبلت امي وخواتي وحريم اخواني وخففو عني المهمه ماقصرو بصراحه هدايا وشكلاته وورد خجلت منهم حطيتها مع اغراضي وباقي الهدايا ورحت اباشرالضيوف واقهويهم مع خواتي ::::::::::::::::: : من انت ؟؟ سيف:محمد بلا ثقل دم محمد يلف ويدور :وين خويي سيف ويضحك تصدق ماعرفتك سيف:وليه ان شالله ماعرفتني ؟؟ محمد :لابس ثوب ابيض لازم نحتفل بهذي المناسبه سيف : اسكت فضحت بي الرجال يناظرونا امش خلني اسلم على عمي محمد بلؤم :تبي تسلم على عمك اول والا مرتك اول وقفت وعطيته نظره تحرق:لا تلعب بي يامحمد اكيد عمي وتوجهت لعمي اسلم عليه ومن ضمن اللي سلمت عليهم وعرفني عليه محمد ناصر ولد خالته طول الوقت وهو يناظرني باحتقار مدري هو كذا نظراته طبيعيه والا انا متوهم بعد العشا سألت محمد عنه وعن نظراته قالي :ههههه ذا الانسان يكره الكل ويحتقر الكل بس انت بزياده قلت له :ليه وشمعنى؟؟ قال:عشان شادن كانت مسماه له وانت اخذتها قلت بغيض:اجل خله يولع ويحترررق خربت مزاجي وانت وولد خالتك ورفعت جوالي ابي اتصل باهلي خلاص بنمشي ماعند محمد سنع قال محمد: ابتصل بشادن ابي اخذ اجرك واجمعك فيها واتصل بشادن :شدونه حبيبتي ابي ببسي بارد تكفين ابي اجي للمقلط واكيد رفعتي لي من الكيكه مثل ما وصيتس طيب دقيقه وانا جاي وألتفت لي وقال انا بدخل وانت ادخل وراي بعد دقيقتين بالضبط قفلت من محمد واخذت له صحن الكيك والببسي ورحت للمقلط وجا محمد :بالله اقفلي الباب اللي بيننا وبين الصاله ابجلس هنا بررواق اخاف احد يدرعم من حريم اخوانس ورحت اقفل الباب ورجعت اجلس بجنب محمد ونزلت الصندل العالي ابي اريح رجولي ودق الباب الخارجي وانفتح ودخل سيف وانا اتخبيت بجنب محمد غطيت وجهي بكتفه وقرصته بجنبه لانه حطني بذا الموقف الخايس وبصوته الجهوري : السلام عليكم رد محمد وهو يحاول يبتعد عني ويتألم:وعليكم السلام وألتفت علي. ؛ليييه تقرصيين. اوتش وفك نفسه مني وقام وانا انكمشت ابي اي شي يخفيني سيف بهمس لمحمد :احرجتها محمد :ابوي يناديني دقايق وراجع لكم وطلع النذل وخلانا لحالي معاه محرررجه مدري وش اسوي بالضبط جلس مقابلي:مبارك التخرج رفعت نظري له قلت بخجل:الله يبارك فيك ونزلت نظرتي حسيت في شي متغير قال بدون مقدمات وبصوت هادي وجاز :حبيت اشوفس واعتذر لس عن اللي سويته عذري الوحيد اني ماحبيت افجعس على الوالد ومحمد طريقتي خطأ واسلوبي جلف سامحيني حسيت بغصه من كلامه ونشف ريقي كنت ناويه انطق واعيد عليه طلب الانفصال عزة نفسي وابليس وسوسوا لي بذا الشي بس كلامه محى هالوسوسه وحبيت اعتذاره وقف وقرب مني وانا لا شعوريا وقفت حسيت اني قزمه ماشالله فارع الطول ليتني مانزلت الصندل قالي بصوت رخيم: سامحتيني؟؟ ورفعت عيوني فعلا متغير يمكن تخفيف عوارضه وتشخيصته شعره الطويل اختفى ملامحه صارت غير عادها علي مع ابتسامه خفيفه : هاه شدون سامحتيني ؟؟ حاولت اتكلم ما اسعفتني الحروف ماقدرت انطق هزيت راسي بنعم اتسعت ابتسامته حط بيدي كيس صغير تيفاني : شكرا والف مبروك التخرج حبيبتي وطلع قراءه ممتعه لكم وردود حلوه لي تم الإرسال بواسطة iPhone بإستخدام Tapatalk |
رد: شادن وسيف
اخيرا خليتي سيف ذوق حبيت طريقته بس ياترى شنو الهديه
ومبروك شدونه التخرج حبيت البارت يعطيك الف عافيه ام رنوا |
رد: شادن وسيف
بارت كتير حلو
|
رد: شادن وسيف رئعه دوما
:8_4_134::55:حلو. وجميل وتسلم اليدين
|
رد: شادن وسيف
تسلم ايدينش علي البارت الحلو
سيف زين تلحلحت يا شيخ وصاير ذرب محمد حلو الحركة شادن زين مسكتي لسانش شنو الهدية ياتري بتعقب شادن😍 |
رد: شادن وسيف
ههههههه صراحه تطور كبير في الشكل والرومنسيه وهذا اللي بيخليها تفكر فيه اكثر وتعجب فيه بعد الهديه طبعا والله يعطيك العافيه ياالغاليه
|
رد: شادن وسيف
شكرا للجميع.
الجزء الثامن جلست بتراخي بعد ماطلع سيف عيني على الباب وعيني على كيس الهديه وانفتح الباب فجأه ورجع سيف وابتسامه عريضه تلون وجهه مع ملامح رعب ترتسم بوجهي :شدون ترا ماعندي صبر زواجنا ان شالله بعد شهرين جهزي نفسس ورمى لي بوسه بالهوا وانسحب سحب من محمد اخوي :اوووه تنفست براحه وانفتح الباب مره ثانيه بس هالمره محمد يضحك ويجاهد ظربات سيف :محمد وعينه على الهديه :اشوف وش جاب لس الدب سيفوه وجته ضربه بظهره :اي يا دلخ عورتني قلت لمحمد :خلاص روووح بعدين بعدين وطلعت من المقلط قصدي هربت خفت انه يرجع ____________ بس وصلت عند عمي قلت له :عمي ابي موعد العرس بعد شهرين يعني على عيد الفطر رد لي بالموافقه _________ صارت الايام تركض من ارسل سيف المهر وانا يوميا انزل السوق والاحق تسجيلي بالجامعه وفي يوم من الايام رجعت انا واختي من السوق واستقبلتني امي ووجهها عابس وهمست لي:جدة سيف هنا وخالتس بعد لا تدخلين ابد قرصني قلبي وش فيه وش اللي جايب جدته وقفت اتسمع وش يقولون. مافيني صبر لين يروحون : بنتنا عندنا وولدكم عندكم وتراكم انتو اللي فرقتو بينها وبين ولدي : لا يانظر عيني والله بنيتكم اللي الله اعلم وش هي مسويه لين علقت ولدي سيف بها والا سيف من اول بس يهذري ببنت عمه البدور " شهقت وش هالكلام وش هالتهم الباطله ذي ارتفع صوت امي :حدتس والله لو مانتي في بيتي ان مالتس حشيمه جايتنا في بيتنا وتلسنين علينا بنتي ولدكم اللي سعى وخطبها لا شافها ولا شافته بس اللي جاب ولدتس على وجهه سيرة شرفهاوشرف اهلها انتفضت عجوز السووو: هين والله ماتتم هالزواجه وانا بنت ابوي واللي خلق هالشيبات ومسكت شعرها: ماتفرحون بولدي لبنتكم خالتي ردت: باللي مايحفظكم. انتي وولدتس وقبيلتس كلها وطلعت العجوز وانا واقفه ودموعي متحجره بعيوني دفتني وطلعت من باب البيت وهي ترغي وتزيد وتوعد بطلاقي من سيف طلعت خالتي وضمتني: لا يايمه لا يانظر عيني. ازوجتس سيد سيده ناصر بس ينتظر منتس اشاره تفلت منهاوصرخت بها : خالتي وخري عني وخررري وش تقولين انتي وش تقولين. وبعدين وش جاب هالعجوز وش اللي صار ودخلت على امي متنكده مثلي شوف عينها بنتها بتطلق وهي بالملكه :يمه انا زواجي بعد شهر ليه كل هذا يصير وشتبي عجوز ابليس مني وليه تقول عني كذا امي تمسح دموعها:والله يابنتي مدري دخلت علينا انا وخالتس وهي تحلف وتقسم ايمان ان زواجكم مايتم والباقي سمعتيه واختي زادت النار حطب ________ طبعا مافي مثل الاخبار الشينه بسرعة الانتقال والوصول جدتي الله يسامحها خربت علي حياتي ولعت بالبيت حريقه. وماخلت كلام شين ماقالته ماصدقت فيها ولا باهلها ويارب هي بعد ماتصدق فيني واليوم اتصل علي عمي ابو حمد وطلبني عنده رحت وانا خجلان مالي وجه وعلى قد ماكنت متأمل اني احاوط الموضوع واهديه الا ان كل شي انهار بكلمته :ياولدي الباب اللي يجيك منه الريح سده واستريح والظاهر ان زواجكم مابيجيب الا المشاكل فمثل ما دخلنا بالمعروف اتمنى نخرج بالمعروف قراءة ممتعة لكم وردود حلوه لي |
رد: شادن وسيف
السلااام علييييكم
وخروااااا عني وينها عجوز ابليس هاللي ماتخااف الله اتركوووووني عليييييييهاااا >> فيس معصصصصصصصب الحين هالعجوز رجل بالدنيا ورجل بالقبر وفيهاا حيييل تنااافخ وجععع حسبي الله عليهااا كانها نكدت علينا وعلى كناري الحب خنت حيلي ماأمدانا نفرح وتوني افكر وش ألبس في عرس شدوني الا تحوسناا الله يحوسها من عجوووز .. ام رنووو وش هالشغل قولي انه حلم وشادن بتقوم منه >> فيس مو مصددددق اللي صار وبعدين خالة شادن وش تبي من الحياة ألحين البنت متملكه وجالسه تقول لها ناصر وما ناصر قهرررتني حسيتها تبيها من الله وجتها ياحيااااتي ياشدووونه رحمتهاا سيفووه كانك رجااال وشاري البنت لايهمك كلام الحساااد وتزوج وساافر وخل الحطب ياكل في بعضه ام رنوو .. تسلم الاياادي بس تكفين لاتتأخرين علينا >> فيس تحممممس |
رد: شادن وسيف
يك يك يالله ياربي اني داخلتن عليك من الفال الشين.
ام رنو انتي وراتس هجدتي المسلمين الجده وش قوم قيامتها بعدين انا واقفه جنب محمد وفاتحتنزكشرتي ابي اعرف وش الهديه الا معاصير الجده والخاله. مطيرتيني ليني عند باب المنتدى اتوقع محمد يتدخل ويصلح بينهم ام رنو لاحرمنا هالقلم وهالتواجد قلوب تنبض لتس وللقرآ الجميلين |
رد: شادن وسيف
ام رنوا شنو اللي صار توني داخله بشوف الهديه الا الغبرا جدته مخربه الدنيا
الله ياخذها ويفك شرها عن شدون وسيف |
رد: شادن وسيف
السلام عليكم
أنا أحس إن البدور تبي سيف عشان كذا الجدة تبيهم لبعض وسيف على باله بدور ما تبيه بس في ناس يفكرون عصفور في اليد خير من 1000 على الشجرة و أكيد الجدو مو من كيفها تتصرف في ناس يحشون راسها ننتظرك |
رد: شادن وسيف
شو هل الجدة خربت الدني كيف سيتصرف سيف المسكين بطلب عمه
|
رد: شادن وسيف
تسلم الايادي ام رنواااا
وش ذا ليش كذا صار حرام عليش عجوز قريح عجوز النار حسبي عليش خالت الفلس انتي وولدش جعل مامن ناصر سيف تكفى ياولد لاتطلق نخيت شادن وش ذا الحظ التعيس😢 بس اتوقع مراح يطلق بيجيب جاهيه لاهلها😢 |
رد: شادن وسيف
فديت قلبك وروحك وكللك حبيبتي انآآ ام رنوو وربي لايحرمني منك ولا كلامك العسل
نجي للبارت اللي يرفع الضغط والسكر والكستروول وكل ابوو شي ماالحقناا نفرح بالجزء اللي طاف الا نكدت عليناا الجده والخاله ياامال النكد للثنتين وربي لا يتمم اللي يبوونه مجتمعين ع الشر وقسم اني حااسه ان الجدده مووب ساكته الا لين تخربهاا امحق من جدة سيف اظن الكره الان بملعبك .. لا ترضخ لرغبات جدتك ولا تجاريها بتدمير حبك شادن عموما ياااشدون لاتشيلين هم الله لايضيع لك تعب << قصدي تعبك بالدواره والفرفره بالاسواق خخخخخ اتوقع شادن بترفض وبدافع عن حبها الوليد لسيف يمكن يصدر منها تصرف غريب او ضد عاداتنا وتقاليدنا >> بس كلووه يهوون لعيوون سيف والله صعب نكوون مجهزين ومستعدين نفسيا ومعنويا لمناسبه وتتنكنسل بالحظات الاخيره شي يقهر من جد ويطلع الانساان من طووره الخاله طبعا مالها حق تتدخل بهالسالفه بس لانهاا تبي تفركش زواجه شادن ولقتهاا فرصه مااتتعوض والد شدون احسه يبي يرفع الاحراج عن سيف وييسهل عليه ينسحب بدون ماايتفشل ام رنوو ليش مااتزوجين بدور لنااصر وتفكيناا من الاثنين خخخخخ او تزووجين الجده للجار هذاك الملقووف مااغيره مدري شسمهه خليهاا تنسى سيف وتنشغل وتشيله من راسهاا >>ههههههه فيس الشطحاات كووووني مبتهجه حبيبتي ..بانتظارك ومتابعتك دووم |
رد: شادن وسيف
مشكوره وتسلم يدينك أم رنو كل رواية تبهرني أكثر من الي قبلها
أحس قلمك ماشاء الله تبارك الله فيه سحر غصب يجذب الواحد ويعيشه بعالم ثاني مافيه الا ابطال الرواية الله يخليك لعين ترجيك بالنسبه لشادن اتوقع ان بدور بعد ماتدري عن سوايا الجده تجي وتكلمها وتقنعها انها ماتبي سيف ويمكن يكون جايها خاطب وتوافق عليه ونفتك من هالسالفه بعدين عاد يكون الباقي على الجده تراضي شادن واهلها الله يستر أم رنو أنا اتابعك بالاستغرام بس ماادري وش المشكله مااقدر احط لك لايكات ولا ارد عليك حتى من حرصي والله جربت من حساب ولدي ونفس المشكله ماادري السبب مني ولا من حسابك مع اني غيرت الجهاز ولا فاد مع ان باقي الحسابات ماعندي فيها مشكله ياليت والله اذا تقدرين تفيديني أو أي أحد عنده خبره يفيدني بالحل لأن والله أقل مايقدم الواحد لابداعك اللايك |
رد: شادن وسيف
السلام عليكم ورحمة الله وبركاته
حيالله جميع القراء اللي زيننو قصتي المتواضعه بأحلى ردود شبيهة القمر وعذرا ياقلب وتفاحة فواحة وشرقاوية عسل fadi azar وشموخ السلاطيين وانثى السواد واحلى بسمه مشكوريين على ردودكم وتفاعلكم مع القصه واعتذر منكم شديد الاعتذار على التأخير والجزءالتاسع نازل بإذن الله بعد دقايق :liilas: |
رد: شادن وسيف
الجزء التاسع
انت تريد وانا اريد والله يفعل مايريد في يوم وعلى غير ميعاد تقابلت معها في عرس جلست جنبي يمكنها ناسيتني وماتعرفت علي بس انا عرفتها على طول والله لو خططت للي ابيه ماتم مثل اللي تو صار جت وحده من الجماعه ملقوفه وتحب كثر الكلام وسلمت علي وسألتني عن الحال والاهل وسألتني عن شادن: هو صدق ان شادن خاطبها سيف ولد الشيخ :قلت اي صدق قالت :وش جابهم لكم وينكم ووينهم قلت؛ الله اللي قسم ودخلو عليهم بجاهه وخربو على ولدي ناصر قالت لي :اماهي مخطوبتن لولدتس ناصر!!! ورفعت صوتي ابي العجوز جدته تسمع :هذاك من اول ناصر لشادن وشادن لناصر كسرو قلب وليدي بليل مابه ضو جا هالسيف وخرب على ولدي بعد ما راحت الحرمه ألتفتت علي الجده :اسمعي يا ام ناصر ادري انتس تسمعييني بكلامتس هذا بس خذي العلم مني انا بنتكم ذي ماحبيتها ولا ابيها لولدي ولدي من عقبها متغيرن علي من اول مايثني لي كلمه واليوم زعلي مايهمه وانتي تبينها لولدس وانا ابيه لبنت عمه و خلاص كلن يحفر من عنده لين يتفرقون قلت لها :بنت اختي ما اخرب عليها مهما صار وابعدي عني يامره. قالت :بكره ان شالله وانا عندهم وتجيس العلوم لو ان كنتي تبينها لولدس تعالي ومن اصبحنا وانا في بيت اختي وبعدها يوم جت العجوز ماقدرت الا اني اكون موجوده وارادد العجوز ولا كأني لي علم بجيتها والله اعلم ان امنيتي بتحقق وبترجع شادن وتكون من نصيب ناصر ______________________ لازلت انا وعمي ابو حمد في جلستنا اللي انهاها عمي بجملته الباب اللي يجيك منه الريح سده واستريح في ذيك اللحظه دخل علينا ابوي وعمي وزوج عمتي السلام عليكم وردينا السلام. همس لي ابوي ارتاح انا جاي وبحل الموضوع دخل ابوي بالموضوع مباشرة :اسمع يا ابو حمد حنا ناسٍ شارين نسبكم وقربكم واما اللي صار هذي امي ويحز بخاطري سواتها لكنها والله غلطانه ولا ارضى لبنتنا شادن اللي صار والحق لكم وهذولي اخواني يشهدون وماعليك باللي صار كله بس نبي نبعد عن هرج الحريم وتتصافى النفوس عمي لانت ملامحه :الله يجزاك خير يا ابو سيف وجيتكم على راسي وتردد بالكلام قام عمي وقال: بالنسبه لكلام امي امسحه بوجيهنا امي من حريم اول الولد ماياخذ الا بنت عمه وبنت عمته اللي هي تبيها لسيف اليوم ملكتها على ولدي ومابيشهد على ملكتها الا انت وسيف ان شالله ابتسم عمي ابوحمد:ماشالله الله يبارك لهم نطيت عند عمي ابو حمد:طاح الحطب ياعمي وحبيت راسه طالبك ياعم ماتكسر قلبي تبسم وقال :خير خير قلت له وانا ملهوووف: تكفى ياعم قال:طاح الحطب وامورنا على ماهي قلت له وانا قلبي يرقع من الفرحه :يعني العرس بوقته ياعم؟؟ هز راسه بالموافقه حبيت راسه وحبيت راس ابوي وعماني وقفت حايس مدري وش اسوي من فرحتي ______________________ ياغافل لك الله كذا ياجده كذا ترخصيني وتهينيني وترميني لواحد مايبيني لذا الدرجه !!! ورجعت اكمل سيف من زمان وهو يقول مابي بدور بدور اختي وانا والله ياجده ما اشوفه الا اخوي الجده :ياوليدي انا سافطتن لس الخير مايشيلس الا ولد عمس ما يصونس الا سيف تنرفزت وبحده ولاول مره: شوفي ياجده هذا انا اقسم بالله لو كان اخر انسان ما اخذته ياجده وجلست عندها وبتردد. :ياجده انتي بتخربين علي كيف تبيني اخذ سيف وولد عمتي مكلم امه تخطبني التفتت علي وبنظرة استفهام :من بندر ؟؟ قلت :اي بندر يبيني وانا موافقه انتي خربتي علينا وسيف حبيب ومايستاهل اللي انتي سويتيه فيه هالحين علميني شلون بتخلينه يرضا عليس؟؟ من اول ياجده انتي نور عيونه بس الحين زعلتيه والله يستر شلون بترضينه دمعت عيون جدتي واكيد انها دموع الخجل من نفسها اولاً ومن اللي سوته بحق سيف وشادن قلت لها : جده لازم يتصلح اللي صار البنت مالها ذنب لازم تعتذرين يا جده والاعتراف بالخطا فضيله ولا هو بمصغرس لا تأسفتي بالعكس بتكبرين بعيون الكل واولهم سيف _____________ بغرفتي ومسكره الباب وحواليني اكياس وشنط جهازي ومنسدحه بسريري وفاتحه هدية سيف خاتم بقلبين متعانقين ألبسه و ارجعه للعلبه وارجع اتذكر ملامحه وصوته. وتبدا دموع تنزل حاره مقهووره من اللي صار الحين يوم بدا قلبي يحس به ويحس ان في مشاعر حلوه تجي هالعجوز وتخرب علينا كلمة ابوي للحين ترن باذني :اذا هذا اوله ينعاف تاليه. وامي تحاول تهدي فيه بس مافي فايده ابوي حكم وهذاهو مع سيف بينهي الامر ضاقت بي الدنيا يوم تصورت الفراق والنهايه وهي توها ما ابتدت تعوذت من الشيطان الرجيم قمت وتوضيت وصليت ابي ربي يمسح عن قلبي همومه غفت عيني وانا بهم مايعلم به الا رب العالمين وصحيت على صوت محمد يصحيني :شادن ومد لي جواله وباااقة ورد كبيييره من الورد الاحمر وطلع وانا جلست مفجوعه من الجوال اللي مده والورد اللي بحضني وحطيت الجوال على اذني قلت بتردد:ألو جاني صوته :هلا وغلا بالشادن هلاوالله باحلى ألو سمعتها تبسمت وانا قلبي حزين قال:حبيبتي تسمعيني؟؟ هزيت راسي كأنه يشوفني سيف:قلبي ردي علي والله ان مالي دخل باللي سوته جدتي فاجأتنا كلنا مدري وش اللي جاها شادن تسمعيني؟؟ بالله عليس ريحيني ردي علي رديت عليه :معك تنفس براحه وابتسمت عيونه : شادن حبيبتي انا اسف لكل شي صار وامسحيها بوجهي وترا امورنا تمام يعني ان شالله زواجنا موعده مثل ماهو والله ياشادن الدنيا ماهي سايعتني من الفرحه وودي لو انتس جنبي تشوفيني شوي وارقص ضحكت بخفوت وسمعني : اه ياقلبي ياربي صبررني ويمر هالشهر على خيير .... شادن رديت بسرعه :نعم رد:الله ينعم عليس خلصتي شغلس وتجهزتي قلت بحيا:اممم تقريباً قال بضحكه : تقريباً!! اكييد خلصتي اللي بالسوق بقي شوي لباقي البنات انتي كذا حلوه لا تتوقعين ان اللي بالسوق بيجملس ويحليس بعيني انتي بنظري اجمل ماخلق ربي والله لو وش مالبستي ما ابي اقول خيشه عشان ماتزعلين بس ترا احب البساطه والذوق الناعم استحيت منه ومن كلامه ماعرفت وش ارد عليه ألتفت لباقة الورد وسحبت الكرت اللي معلق بها وكان مكتوب فيها (( حبيبة عمري الشادن ))) قالي يوم طال سكوتي : يالله حبيبتي انا بس حبيت اتطمن عليس واطمنس ملتقانا ان شالله بعد شهر يالله تصبحين على خير قلت بسرعه :لحظه سيف قال بسرعه ولهفه:هلا قلت له :شكراً :على ايش ياقلبي قلت :كل شي حبيبي وقفلت الجوال بسرعه وقعدت اضحك اضحك ووقفت قدام المرايه. احس وجهي ولع واناظر نفسي ورجعت اضحك على جرأتي معه رجع دق الجوال مررره ثانيه. سيف يتصل بك وفتحت الباب ورحت لغرفة محمد وهو يرن بيدي وشبه حذفته على محمد وطلعت اركض لغرفتي قراءه ممتعه لكم وردود حلوه لي |
رد: شادن وسيف
جزء رائع من كاتبة رائعة الله يبارك فيك
أرسلت من SM-N9005 الخاص بي باستخدام تاباتوك |
رد: شادن وسيف
واخيرا تصلح الوضع
الجده غلطانه بس الحمد لله ان بدور خاطبها واحد وفتكينا من الجده والخاله سيف شكل هديتك حلوه خاتم فيه قلبين يلا بإنتظار يوم العرس يعطيك الف عافيه ام رنوا |
رد: شادن وسيف
تسلم الايادي على الجزء اللي يبرد القلب
زانت علومش على الصلح الجده اركدي مافيه شي بالغصب كنتي بتخربين على العرب على الفاضي في انتظار الزواج😘 |
رد: شادن وسيف
تصالحو والجدة فهمت ان بدور ايضا تعتبره متل اخوها
|
رد: شادن وسيف
اقتباس:
اقتباس:
اقتباس:
اقتباس:
ألف شكر لكم يا احلى متابعييييين :liilas: |
رد: شادن وسيف
الجزء العاشر
اراد الله ان ألتقي فيها. حبيبة جدتها اللي بسبها ثارت الجده ونغصت علي فرحتي بدور تقابلنا في الجامعه اقبلت علي بطولها الفارع ووجها الجميل سلمت :السلام عليكم :عليكم السلام :انتي شادن رديت :اي انا وناظرتها مستغربه ملامحها ماهي غريبه علي مدت يدها تصافحني وقالت :انا بدور بنت عم سيف تبسمت بمجامله وقلت :اهلاً قالت عندي كلام لتس واتمنى تتفهمين اللي بقوله قلت لها وقلبي مقبوض من جيتها وكلامها:خيير ان شالله قالت بعد ما جلسنا مقابل بعض :انا مرسوله لتس من جدتي ً فزييت واقفه واحساسي جا بمحله :قلت وانا ارفع اغراضي ابي انهي الكلام :اسفه ماني مستعده اسمع اي شي من طرفها وبعدين وش تبيين انتي واياها. خلااص اتركوني بحالي ولدكم اللي جاني وخطبني وانا وافقت وزواجنا بعد اسبوع قامت واشرفت علي بطولها وقالت بابتسامه لطيفه :اهدي ياقلبي اهدي والله جدتي ندمانه وتبي تعتذر منتس بس مالها وجه وخايفه تصدينها انصعقت من اللي قالته وتفاجأت خالفت توقعي ماعلقت على كلامها مسكت يدي وجلستني معها :الحين بدق عليها وانتي اسمعيها بنفسس قلت بحررج :لاااا لا لا تتصلين بس هي ما اهتمت لكلامي واتصلت :آلو جده كيف اصبحتي زين الحمد لله جده شادن مرت سيف بجنبي خذي كلميها ومدت لي الجوال اخذت الجوال بترددوحطيته على اذني بصوتها الواهن :آلوو شادن قلت بخوف:نعم قالت:شلونتس يا وليدي رديت وانا للحين مو مطمنه لها :بخير قالت بعد ماتهدج صوتها :سامحيني يا بنتي وقولي لسيف يسامحني لكم اللي يرضيكم قلت لها وانا اناظر في بدور:الله يسامحس وناولته لبدور قالت بدورلجدتها :شفتي ياجده مثل ماقلت لس سكتت شوي ورجعت تقول :طيب يالله مع السلامه تبسمت لي وقالت :الله يجزاس خير والله ما انسى لس هذا ابدا ياقلبي وفتحت شنطتها وناولتني كرت زواج بأسمي حرم سيف السيده شادن وقالت :اتمنى تشرفيني بزواجي بعد زواجكم بشهر تبسمت وقلت لها: ان شالله. ومبروك مقدما وافترقنا وكان هذا اللقاء اول بدايه علاقة راقيه ومميزه بيني وبين بدور _____________ اليوم الموعود يوم اللقاء يوم بكون مع حبيبتي وان شالله للابد في غرفتي واحط اللمسات الاخيره في شنطتي اللي بروح فيها للفندق نقلت كل اغراضي لبيتي وبقيت بس اغراض ليلة الزواج دقات على الباب...... فتحته والا هذي جدتي صحيح اني قبلت اعتذارها بس في شي بقلبي انكسر من ناحيتها تبسمت لها :هلا ياجده غرقت عيونها بالدمع وهي تمد علي ظرف وقالت :مبروك يا ولدي والله يوفقك ويرزقك بالذريه الصالحه هذي يابوي هديتي لك وافتح الظرف وألقى رزمة فلوس ضخمه كلها خمسميات وعهدن علي يا ابوي ما اضايقك لا انت ولا مرتك بشي بس لا تحرمني شوفتك وسوالفك مثل من اول. ضميتها وحبيت واسها :مشكوره ياجده وكلفتي على عمرس. وابشري باللي يرضيس من ناحيتي تركتها وقلت معتذر: معليش ياجده والله متأخر المفروض اني من ساعه عند الحلاق وسكرت الشنطه وطلعت مستعجل وصوت جدتي وراي بالدعاوي لي بالتوفيق والسعاده ___________ وفي زحمة الاستعداد وفي داخل المشغل الكل يركض حواليني والمطلوب مني استرخي وحده تشتغل في يدي والثانيه بشعري وبنت اختي تسولف علي وانا عقلي وقلبي كله في هدية سيف اللي وصلت اليوم جوال ايفون 5s اول مافتحت وألقى رسايل منه في الواتس اب "يسعد عيونٍ تناظر رسالتي "صباح الحب حبيبتي "هذا ايفون برقم جديد هديه بسيطه الى ان نلتقي الليله ان شالله " اليوم هذا من اوله ابي اكون معس " كوني لي "كوني معي من الصباح واسعديني يا قلب سيف " اذا موافقه ارسلي بدون تردد ارسلت �� "صباح الخير ياقلبي وبسرعه جااني الرد "صورته وهو حاط يده على قلبه وكتب "يارب تصبر قلبي كتبت وانا اضحك "شكرا على الهديه الحلوه وحطيت فيس مستحي وفيس عيونه قلوب رد:ماهي احلى منس وحط فيس قلب "شدوونه ابي صوره تصبرني لين اللقا " الصبر زين الاصل بيكون قدامك الليله " الله يصبرني "لو اتصل بتردين علي؟؟ "لااا ما اقدر خواتي حواليني وامي كل شوي تجي عندي رد علي "طيب ارجع اقول يامصبر الموعودد واستمرت الرسايل بيننا طول اليوم ________________ ليلة خميس طرز بها نور القمر شط البحر نصف الشهر والليل من فرحه عريس ليلة خميييس وبكل هييبه واناقه بكل شوق يسابق الشوق بخطواته ويصافح اللهفه ببسماته عريس ويزفونه بكل بهاء لعروسته لحبيبته للشادن وانفتحت الابواب وتعالت الزغاريد وارتفعت الدعوات بالبركه حياك ياعريس تفضل مبهره تشع بالبهاء والنقاء مثل حبة اللؤلؤ زهره نديه بفستانها الابيض وبطرحتها القصيره بإبتسامتها البريئه ونظرتها الخجوله ابتسم لها وبادلته الابتسام تناول يدها وسلم عليها خده بخدها وهمس لها :واخييراً وجلست تبدد ارتباكها وجلس جنبها ويدها في يده وابتسامتهم مرسومه بصفاء بحب ونظراتهم لبعض فيها وعد بالسعاده والحب المصفى وبارك الله لهما وعليهما وجمع بينهما بخير. تمت بحمد الله قراءه ممتعه. لكن وردود ممتعه لي |
رد: شادن وسيف
رائعة جدا واخيرا تم الزواج بين شادن وسيف وتصافت القلوب
|
رد: شادن وسيف
نهايه رائعه واخيرا تم الزواج واكيد كنت حاضره في قاعة الزواج كنت لابسه الفستان الاسود
اكيد شفتوني وهل يخفى القمر بس حبيت بدور وتصرفها يعطيك الف عافيه ام رنوا وبإنتظار رائعه اخرى من روائعك |
رد: شادن وسيف
يالله انا الا عيوني قلوب ماهوب سيف هههههه
مبروووك النهايه ام رنو ولا حرمنا الله هذا التواجد الدائم ياتراثنا الاصيل. بنعطيك هاللقب قلوووب تنبض لكل من مرهنا |
رد: شادن وسيف
كللوليييييييييييييييييييييييييييييييييييش
واخييييييييييييييراا تزوجوا >>فيس حاط يده على قلبه ههههه ام رنوو الف مبروووووووووووك زواج ابطالنا والف مبرووووك انتهاء قصتناا ويااارب نشوفك قريب وبقصه بهالجمااال |
رد: شادن وسيف
هلا وغلا الف الف مبروك الروايه الجميله والخفيفه على القلب مثل صاحبتها
معليش ماشفت الروايه الا من يومين تقريبا وقريتها وحبيتها رائعه ماشاء الله عليك وعلى ابداعك تعجبني دائما رواياتك ممتعه وتدخل القلب من اول كلمه اقراءها اهنيك علي النهايه الجميله وباذن الله بنتظار القادم على خير |
رد: شادن وسيف
جميله ومميزه تسلم الايادي
ووفقك الله |
رد: شادن وسيف
تسلم الايادى يا عسل
روايه ممتعة |
| الساعة الآن 04:31 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية