الفقدان
 

بسم الله الرحمن الرحيم
السلام عليكم ورحمة الله وبركاته

انا بجد محتاجه افضفض لانى كتير نفسيتى تعبت
لقد كانت اسرتى مثال للاسره السعيده لم تكن لدينا اى منغصات كنا اسره محبه بحق وكانت اسرتى سعيده جدا
لى اخا واحدا كان الاخ والصديق كان انسان ذا خلق عالى كله حيويه ونشاط كانت طموحاته اكبر من سنه بكثير
ولكنه استطاع بعزيمته ان يحقق الكثير منها متفائل جداااا وكان ايضا يملك ملامح فى غاية الجمال تجذب كل من يراها . وكانت امى تريد ان تزوجه كى تفرح به وباحفادها وبالفعل تمت خطوبته على بنت جيرننا مهما قلت لكم عن شعورنا بالفرح فى هذااا اليوم لن اصف ولو جزء بسيط منه ولكن ارادة الله فوق كل شىءمرض اخى بعدها بايام قليله واكتشفنا الفاجعه اخى مصاب بنوع نادر جدااامن الاوارام الخبيثه فى الرئه وبرغم علمنا بخطورة هذا المرض ولكننا لم نستوعب لااعرف هل كنا نكذب عليه ام على انفسنا كانت قلوبنا تبكى ونضحك فى وجهه ومع اول جرعة كيماوى بدأ اخى فى المعاناه الحقيقيه للمرض كنا نشعر ان الحياه تنسحب منه ببطء
ولم يستجيب جسده لاى نوع من الادوية التى ما كانت تفعل شىء غير انها تزيد من انتشار المرض وفقدنا اغلى انسان فى حياتنا بعد شهرين من المعاناه مع هذا المرض لكم كان سريعا وفتاكا وشهدت لحظة احتضاره
ما اصعبها من لحظه حتى بعد عامين من الزمان يصاحبنى هذا المشهد احساس غريب اجتاحنى لاول مره ارى شخص يموت وعندما اراه يكون اعز انسان على قلبى لهذه اللحظه لااستوعب فقدانه عندما اذهب فى زياره لبيت امى انظر الى الساعه فى انتظار قدومه من عمله ولقد اثر تعب نفسيتى على بيتى كثير
احيانا باحس ان روحى ماتت معه اعرف انى على خطا
صدقونى انا لست معترضه على قضاء الله وحكمته ولكنى احببت ان احكى شيئا من الاحزان الموجوده داخل نفسى كتابة هذه الكلمات صعبه جدااا

ادعو معى ان يغفر الله لاخى وموتانا وموتى المسلمين اجمعين ويجعل انشاء الله مثواهم الجنه

رد: الفقدان
 

الله يرحمه يارب ويجعل مثواه الجنه ويلهمكم الصبر والسلوان

ان لله وانا اليه راجعون

اختي يمكن اي كلام لايواسي مصابك لانه الانسان لما بصيبه مكروه او يفقد شخص غالي ماحد بحس فيه الا من عانى معاناته

الاخ لايعوض ولكن العوض من الله تعالى هو وحده القادر على ازالة الهم والغم بالدعاء والصبر


اللي راح مابيرجع الله يرحمهم ولكن اذا كنا بنحبهم وبدنا الهم المغفره وجنات اعلى باذن الله ما الك الا الدعاء

اختي بقولو اللي بشوف مصيبة الناس بتهون عليه مصيبته

في زمنا بنشوف شباب واطفال بموتو قتل وجوع وبرد ومناظر تقشعر لها الابدان

يمكن رحمة رب العالمين ان موته كان قبل مايتزوج ويترك وراءه اطفال صغار بعانون من يتم الاب

الله يصبركم يارب ويجعل مثواه الجنه

رد: الفقدان
 

شكرااا اختى براعم لكلماتك الطيبه فعلا اختى من يرى مصائب الناس تهون عليه مصيبته
الحمد لله على كل حال لكننى احببت ان ازيح هما كبيراا على صدرى وادعو الله ان يزيح هذا الهم عن قلبى انا وكل مهموم . وان يغفر له ولموتى المسلمين اجمعين .

رد: الفقدان
 

حبيبتى ... ربنا يغفر لأخيك ويرحمه ويجعل مثواه فى أعالى الجنان ، ويتقبله عنده من الشهداء يارب ..

ربنا يصبركم يا حبيبتى ويزيح عنكم الهم ويجعلها آخر الأحزان يارب ..


حبيبتى عارفه الكلام مش بيصبر ولا بيرجع المفقود ، لكن حاولى تتذكرى دايما الجانب الحلو ، وهو انه ربنا رحمه من عذاب ومعاناة المرض .. اكيد ربنا اختارله الافضل ، واكيد ان ماعند ربنا خير له من الدنيا .. حاولى تفتكرى كده دايما وقولى الحمد لله ... فكرى دايما فى مواقفكم الجميلة مع بعض ، عشان تبتسمى ، وكل ماتفتكريها صممى انك ماتحزنيش بالعكس تبتسمى وتدعيله بالمغفرة والرحمه .... أمك الله يعينها ويصبرها ، حاولى انك تكونى انتى مصدر البسمة وتهونى عليها مصابها ... ربنا يعينكم يارب ويهون عليكم ، كل ما يمر وقت اكتر هتبدأى تفوقى ان شاء الله وتكونى احسن ، بس لازم تحاولى مع نفسك وماتسيبيش نفسك للاحزان ... ان ماكانش عشانك انتى يبقى عشان اللى حواليكى واولهم أمك ..


تقبلى مرورى حبيبتى ..

رد: الفقدان
 

شكراااااحبيبتى لمرورك الكريم وكلماتك الرائعه انا كنت محتاجه اوى اطلع اللى جواياو بحاول على اقد ماقدر انى ابين لبابا وماما انى قويه حتى يوم وفاته كنت بادعى القوه من اجلهم لكن بداخلى كنت اضعف مخلوقه على وجه الارض الحمد لله على كل شىء ربنا يجعلنا من الصابرين المحتسبين بدعي له على اد الحب اللى ليه جوا قلبى ان ربنا يرحمه ويغفرله هو موتانا وموتى المسلمين اجمعين