|
الثقافة والتعليم
الثقافة والتعليم يعتقد الكثيرون أن الشخص المتعلم يكون بالضرورة مثقف .. وأن الشخص الذي لم ينال حظا وافرا من التعليم هو شخص جاهل ... أو بالمعني الدقيق لا يملك نصيبا من الثقافة العامة ... ولكن هل هذا صحيح ؟؟ هل الثقافة مقتصرة علي التعليم .. وهل الثقافة أهم أم التعليم ؟؟ إن التعليم هو المقياس الذي يحدد أهمية أي شخص .. في بلد كــ مصر يعتبر غير المتعلم .. أو الحاصل علي مؤهل ضعيف شخص غير معترف به .. فلا يمكنه أن يحصل علي وظيفة محترمة .. أو دخل جيد أو أن يوفر لأطفاله حياة كريمة ... من وجهة نظري التعليم ليس الوسيلة الوحيدة لتكون مثقفا ... يمكنك أن تكون ذا تعليم متواضع بينما ثقافتك ورأيك يفوقان ذوي المؤهلات العالية .. يمكنك أن تكون غير متعلم ولكن مهاراتك تفوق الكثير من المتعلمين ... ولكن من الذي سيقتنع بهذا ... !! ولكن لنأخذ مثالا من مصر ... عباس محمود العقاد .. ولد العقاد في أسوان في 29 شوال 1306 هـ - 28 يونيو 1889 وتخرج من المدرسة الإبتدائية سنة 1903. أسس بالتعاون مع إبراهيم المازني وعبد الرحمن شكري "مدرسة الديوان"، وكانت هذه المدرسة من أنصار التجديد في الشعر والخروج به عن القالب التقليدي العتيق. عمل العقاد بمصنع للحرير في مدينة دمياط، وعمل بالسكك الحديدية لأنه لم ينل من التعليم حظا وافرا حيث حصل على الشهادة الإبتدائية فقط، لكنه في الوقت نفسه كان مولعا بالقراءة في مختلف المجالات، وقد أنفق معظم نقوده على شراء الكتب. التحق بعمل كتابي بمحافظة قنا، ثم نقل إلى محافظة الشرقية مل العقاد العمل الروتيني، فعمل بمصلحة البرق، ولكنه لم يعمر فيها كسابقتها، فاتجه إلى العمل بالصحافة مستعينا بثقافته وسعة إطلاعه، فاشترك مع محمد فريد وجدي في إصدار صحيفة الدستور لم يتوقف إنتاجه الأدبي أبدا، رغم ما مر به من ظروف قاسية؛ حيث كان يكتب المقالات ويرسلها إلى مجلة فصول، كما كان يترجم لها بعض الموضوعات. منحه الرئيس المصري جمال عبد الناصر جائزة الدولة التقديرية في الآداب غير أنه رفض تسلمها، كما رفض الدكتوراة الفخرية من جامعة القاهرة. اشتهر بمعاركه الفكرية مع الدكتور زكي مبارك والأديب الفذ مصطفى صادق الرافعي والدكتور العراقي مصطفى جواد والدكتورة عائشة عبد الرحمن بنت الشاطئ .. هذه بإختصار السيرة الذاتية للعقاد .. الذي بالرغم من حصوله علي الشهادة الإبتدائية فقط كان أديبا،واسع،الإطلاع،راجح الرأي، ولم يتهمه أحد يوما بأنه لم يكن مثقفا ... ولكن ستجد من يقول بأن هذا كان منذ قرن علي الأقل .. وبأن المفاهيم تغيرت الآن وأصبحت الثقافة لا تتأتي سوي بالتعليم ... أقول لهم بأنني لن أعلق ولكني سأترك لكم هذا المقال الذي يصف وبدقة علاقة الثقافة بالتعليم في مصر ولتخبروني بعدها هل الثقافة مرتبطة بالتعليم أم لا ؟؟ ************ المقال .. بعد هذا الصيف الدامى، بدأت مظاهر العودة للمدرسة كأن شيئا لم يكن. برهن التعليم فى مصر على أنه أقوى من الرصاص والدبابات والمولوتوف والخرطوش وجيوش البلطجية. لكنه كذلك برهن على أنه لن يتغير أبدا حتى والشوارع مشتعلة والمظاهرات ملتهبة، والرصاص يتطاير كالذباب فى الهواء، كنت ترى الفتيات المراهقات يتواثبن فى الطرقات من هذا الدرس الخصوصى إلى ذاك. لقد بدأ المدرسون الخصوصيون قبل بداية العام كالعادة ليزداد عدد الحصص التى تتساقط من جيب الأب المثقوب يا للنشاط السكانى القائم على التعليم!.. سيارات الأجرة والميكروباصات تهرع هنا وهناك بركابها الصغار. الأسر تبتاع ثياب المدارس والحقائب والكراريس والأقلام. الأفران منهمكة فى خبز (الفينو) المستعمل فى الشطائر. حتى بائعى الدوم والحرنكش دفعوا عرباتهم الثقيلة ليقفوا أمام هذه المدرسة أو تلك. كل هذا الصخب.. ككل عام نفس الصخب.. وككل عام بلا جدوى منه الدروس الخصوصية تحقق نتائج باهرة فعلا.. مجموع الثانوية العامة يؤكد هذا، وفى الكليات نجد أن تقدير (امتياز) هو التقدير الشعبى تقريبا، لكنك تكتشف بعد هذا أن الطلبة لا يعرفون شيئا على الأرجح ولا يفكرون بطريقة علمية على الإطلاق. مهمة التعليم فى مصر هى اجتياز الامتحان بلا أخطاء، لكن ليس من هدفه التثقيف أو التعلم. على مستوى اللغة قرأت هذه التعليقات لعدة معلقين فى صفحة واحدة من النت: «الطراب (التراب)- الفوضا – اذا بوليتم فاستترو – لاكن – موقارانات – انتا – هشام انديل - يالا العار (ياللعار) - الرااءيس - ميثال التضحية - تشبس بالقيم – خوزاعبالات - دول ليهم يد فى مزبحة رفاح وربنا يستورها لان كده واضحت الروئيه». اللغة العربية كائن مهدد بالانقراض أو انقرض، ويجب أن تحميه منظمة اليونسكو وتضعه فى محمية. أما على مستوى التفكير العلمى فرواج علاج التهاب الكبد سى بالحمام خير دليل. برغم هذا لابد أن هؤلاء حاصلون على 98% أو أكثر فى الثانوية العامة منذ أعوام كنت أقدم محاضرة فى الكلية عن الديدان الاسطوانية النسيجية، فأعددت الموضوع بعناية فائقة، وهذا من منطلق أن الطبيب لابد أن يكون لدى تخرجه قد سمع عن ديدان (أونكوسيركا) و(لوا لوا) ومرض الفيل.. مجرد سماع على الأقل. فى بداية المحاضرة سألنى الطلبة: «هل هذا موضوع مهم فى الامتحانات؟». قلت صادقا: «لا.. لكنه مهم لك كطبيب». بدأ التسرب خلسة من قاعة المحاضرات حتى فوجئت بأننى أخاطب عشرين طالبا يبدو على معظمهم أنهم جالسون لأن هنا أرخص من الكافتيريا. كيف أجرؤ على تضييع وقتهم فى موضوع علمى تثقيفى لن يرد فى الامتحان غالبا؟ الملخصات.. مذاكرة النقاط (1 – 2 – 3).. المجموعات.. المذكرات..الوقوف لساعات جوار آلة تصوير المستندات عند ميدو حيث البنت عزة (اللونة). هذا هو واقع التعليم فى مصر، وأتحدى أن يكون أى طالب فى أى كلية قد أمسك بكتاب منذ عشر سنوات على الأقل إذن لماذا نفتح المدارس والكليات ونبدد كل هذه الأموال الطائلة، ولماذا يحدث هذا النزف المزمن فى الاقتصاد؟.. التخبط واضح فى القرارات المتتالية.. الثانوية العامة عامان.. الثانوية العامة عام واحد.. لكن لا تفرحوا لأننا سنعود إلى نظام عامين العام القادم !.. الابتدائية شهادة.. لا.. أول شهادة ستكون الإعدادية.. وهكذا. ما هى المعجزة التى تستطيع إصلاح التعليم فى مصر؟ من يقدر على ذلك؟. لو قامت الدولة بواجبها فماذا عن البيت المصرى الذى لا يستطيع الحياة دون دروس خصوصية؟. ماذا عن أولياء الأمور الشرسين المنتشين بالعصبية القبلية، والذين لا يسمحون بأى امتحان حقيقى لأولادهم، ففى المدينة يتم الغش بالبلاك بيرى، وفى الريف يتم الغش بالميكروفون الواقف تحت اللجنة .. ************ هؤلاء هم الطلبة المتعلمين .. المفترض أنهم مثقفون .. فهل التعليم أهم أم الثقافة ... ولا أجد أى تعليق بالطبع أحضروا خبراء أجانب يقيمون الموقف ويبدءون من جديد.. فمن الواضح أننا فشلنا فى التعليم كأى شىء آخر .. وإذا فشلنا في التعليم فهل يعني هذا أننا غير مثقفين ؟؟!! هل ثقافتنا تقتصر علي ما نتلقاه في المدارس .. هل يمكننا أن نكون مثقفين دون تعليم ؟؟!! وهل الثقافة أهم أم أن نكون متعلمين وحاصلين علي مؤهلات عليا دون أن يكون بالضرورة ثقافة عامة ؟؟ شاركوني برأيكم ... خوآآطر إنسآآنة |
رد: الثقافة والتعليم
السلام عليكم ورحمة الله وبركاته
اختى خواطر موضوعك فى غاية الاهمية والروعة اقولك خواطر ليس بالضرورة ان تكون متعلما لتكون مثقفا انا تقابلت فى حياتى مع اشخاص لم يتعلموا ولكنهم فى غاية الثقافة للاسف التعليم فى بلادنا اى مصر سيئا للغاية يعتمد على الكمية فقط انا تقابلت مع اطفال مدارس بعد الامتحان وسالتهم عن دراستهم اتضح بعد ذلك انهم نسوا دراستهم هذا للاسف التعليم هنا انا من راييى الشخصى لماذا لا نكون متعلمين ومثقفين فى نفس ذات الوقت وهذا يتم فى حالة واحدة ان تعلم نفسك وتبحث وترى وتقرا كثيرا حتى تكون مثقف وترى الكثير من خلال قراتك وشكرا اختى اختى على طرح هذا الموضوع واتمنى انى اكون ضيفة خفيفة عليكم وتكونوا تقبلتم كلامى موفقة اختى فى حفظ الرحمن |
رد: الثقافة والتعليم
وعليكم السلام ورحمة الله وبركاته منورررة الموضوع اختي .... معاكي حق الوضع في مصر صعب جدا .. دلوقتي معظم الجيل الجديد طالع مش عارف حاجة خالص ... دلوقتي الطلبة بيحفظوا المناهج ويرحوا يحطوها في الامتحانات وخلاص .. تيجي تشوفي هو استفاد ايه .. ولا حاجة .. دا غير الفكرة الخاطئة اللي معظم الناس متبنيها ان المتعلم ومعاه شهادة عالية احسن من اللي معاه مؤهل متوسط او مش معاه مؤهل .. وعلي قدر مؤهلك يتم إحترامك !! تسلمي أختي علي رأيك الرائع .. لا تحرمينا من أراءك :) |
رد: الثقافة والتعليم
ما شاء الله غاليتى موضوعك جميل ومهم جدا
فعلا مش لازم نربط بين الثقافة والتعليم لان مش كل متعلم مثقف احسنتى الاختيار حبيبتى |
رد: الثقافة والتعليم
التعليم يعتبر اجباري لفتره معينه بينما الثقافه اختياري
انتي ذكرتي مثال على بلدك ولكن يمكن اغلب بلداننا اصبح التعليم فيها فقط وسيله لحياة افضل وهذا مو غلط اكيد لانه ممكن يكون وسيلة وثقافه للشخص نفسه مو بس بمصر هالحاله فيه ناس اعتادت على الدروس الخصوصية مثل الطعام والشراب لابنائها شكراا على الموضوع وان شاء الله نشوف تفاعل اكبر واوسع |
رد: الثقافة والتعليم
اقتباس:
يسلموووو يا غالية ... ميرسي علي رأيك الرائع .. ده من ذوقك :) |
رد: الثقافة والتعليم
اقتباس:
هلا أختي .. منورررة الموضوع بأراءك الرووعة :) أيوه ده الوضع في دول كتير بس أنا خصصت مصر لأني منها و لأن ده واقع أنا عايشة فيه ... يعني دلوقتي ممكن تلاقي بنت شياكة وشكل ومنظر ومؤهل عالي .. وتيجي تناقشيها تلاقي ثقافتها محصورة بس في اللبس والموضة والأزياء .. يعني حتي الضروريات اللي مفروض تبقي عارفاها عن دينها وعن حياتها مافيش خالص ... الصراحة إحنا في وضع مرعب وربنا يهدي الجميع ... |
رد: الثقافة والتعليم
احسنتى اختيار موضوعك فاطمة ..جزاك الله خيرا
فعلا موضوع يستحق المناقشة والوقوف على بعض النقاط الهامة فيه فى رأيى ان التعليم مهم والتقافة اهم ...فالثقافة اعم واشمل من التعليم وليس على المرء ان يكون متعلما ..اقصد التعليم الااكاديمى ..ليقال عنه محترم ومؤهل لكن عليه ان يتثقف ..فما فائدة التعليم دون ان نقطف ثمارا من كل مناهل المعرفة فى الكون فكل يوم نحن نتعلم شئ جديدا ..لايقتصر التعليم على المستوى الاكاديمى فقط فهناك اشخاص .وكما ذكرت العقاد ..لم يحصلوا على ذلك المستوى من التعليم ..ولكنهم علموا انفسهم فى مدرسة الحياه ونهلوا منها والوضع عام فى جميع البلدان ..تفشى الدروس الخصوصيه ..واهمال دور المدرسه والتركيز على الحفظ والحشو والتكرار دون الفهم والابداع ..وقد واجهتنى كثيرا من تلك المشاكل نطرا لطبيعة عملى كمدرسة فى بدء مشوارها ..دائما ما احبطوا امالى ..عندما اساعد الطلاب على الابتكار او تغير النمط المتداول فى المدارس ..لانه لا يوجد استجابه لا من الطلاب ولا الادارة حتى قضيه اللغه هى بحد ذاتها فقدان للهويه ..وكثيرا ما تستعمل هذه اللغة المعاصرة وخاصه على شبكات التواصل الاجتماعى ..كالفيسبوك ..ولا احد يبالى بذالك اشكرك فاطمة على موضوعك الهام ..وطرحك اياه بهذه الطريقة المبسطة |
رد: الثقافة والتعليم
اقتباس:
هلا أستاذة ... منورررة الموضوع .. وبصراحة رأيك روووعــــة ... فعلا الوضع زي ما أنتي بتقولي كده ... دلوقتي الطلبة اتعودوا علي النمط ده من التعليم .. وصعب تغيريهم .. هما طلعوا لقوا أهلهم كده واتعودوا من صغرهم علي كده ... بس مؤخرا الموضوع بقي أصعب لأن يمكن قبل التلفزيون والنت ما ينتشروا باطريقة دي .. كانت الناس بتسلي وقتها بالقراءة والإطلاع .. دلوقتي بقي التلفزيون بأفلامه ومسلسلاته العديمة الفكرة والمحتوي بقت هيا اللي بتكون ثقافة الناس دلوقتي ... دلوقتي عندك طلبة في الثانوي الإملاء عندهم ضعيف جدا في العربي فما بالك بالإنجليزي اللي بقي اللغة العالمية دلوقتي .. بس من الأول إزاي الطلبة دي وصلت للمرحلة دي من التعليم وهيا مافيش خالص كده ... إحنا فشلنا في التعليم من الأول عشان كده صعب تلاقي ثقافة .. والمثقفين الموجودين ممكن تلاقي كتيير فيهم مش متعلمين تعليم عالي ... بس مع كده بيطلعوا كتيير وأراءهم موزونة وحكيمة.. أصل إيه فايدة تعليم إذا كان الشخص مش هيستخدموا في تثقيف نفسه ؟؟؟ شكرا لمرورك وأراءك الحكيمة .. لا تحرمينا نصائحك :) |
رد: الثقافة والتعليم
أهلا بيكى خواطر وبموضوعك الشائك والمؤسف فى آن واحد ... ليه ... لأنه فى مصر حليا لا تعليم ولا ثقافة ، بغض النظر عن ارتباطهم من عدمه ..
تعليقا على كلامك .. لا طبعا مش بالضرورة انه يكون المتعلم مثقف .. ولا اللى مش متعلم هو أقل مكانة من المتعلم .. بتفكرينى بموقف ليا فى أولى ثانوى .. كنت بتناقش مع معلمة ومع زملائى فى الفصل ، وكنت معترضه على حالنا فى التعليم وانى حاسة انه اللى بندرسه مالوش أى لازمة ، المناهج متدنية فى المستوى وكمان مجبرة انى ادرس مواد ربما لا تفيدنى فى تخصصى ابدا ولا اميل لها بالمرة .. المهم طلعت برأي عبقرى وقتها انى شايفه انه كفاية علينا نتعلم القراءة والكتابة ونتقنهم وبعد كده عندنا المكتبات والانترنت كل واحد يتعلم اللى هو عايزه دون اجبار ... هههههههههه رغم انه موقف غير معقول لكنى مازلت مصرة عليه فعلا ... عدم الاجبار انى ادرس كل المواد وكأنى هتخصص كل التخصصات فى وقت واحد ... لازم يكون دراسة كل واحد على حسب ميوله .. اعتقد لو حصل كده هيكون فيه فرق .. لأنه اساسا ناس كتير من اللى مش بيكملوا تعليمهم او بيتعثروا فى التعليم ده مش بسبب قلة ذكاء منهم .. لكن بسبب عدم ميلهم لمواد معينة وده بينعكس عليهم فى المجموع النهائى فتطلع المحصلة امام الكل انه فاشل ، فى حين انه فعليا مش كده .. لكن لو درس المواد اللى بيحبها اكيد هيبدع فيها وتكون النتيجة النهائية افضل بكتير .. ده طبعا بفرض كمان انه المناهج تتغير من جذورها وتكون افضل مماهى عليه حاليا .. للأسف مشكلة التعليم كمان انه بيربط بين دخول الكليات ومجموعك العام فى الثانوية .. يعنى لو بيربط بين كل كلية وبين مجموع المواد المرتبطة بيها فى التخصص كان الوضع يبقى مقبول .. لكن الربط بين الكليات وبين المجموع العام أدى لمشكلة كبيرة وهى انه اى حد بيدخل أى كلية وخلاص رغم انه لا يحبها ولا مؤهل ليها . وبالتالى يتخرج من الكليات دى طلبة فاشلين فى حياتهم العملية .. الثقافة هى انه الانسان يكون مطلع على كل ماحوله وينهل من بحور المعلومات فى كل التخصصات وليس فى تخصصه فقط .. وده مالوش علاقة بالتعليم نهائيا خصوصا التعليم الجامعى لأنه بيخدمك فى مجال تخصصك فقط ( وحتى دى فاشل فيها ). أما عن نظرة مجتمعنا المؤسفة لمن هم اقل فى المستوى التعليمى ... فلا تقلقى حبيبتى لأن نظرة مجتمعنا مختلة فى حاجات تانية كتير مش دى بس .. يكفى مثالا على التدنى الفكرى الواضح عندنا فى المجتمع .. اذكر انه أيام الاستفتاء على التعديلات الدستورية أيام المجلس العسكرى ، طلعت أصوات عجيبة كده بتنادى ان المثقف يكون ليه صوتين مش صوت واحد !!!!!!! على أى اساس هؤلاء بيعتبروا نفسهم مثقفين أنا مش عارفه ؟ وعلى أى اساس هنحكم مين هو المثقف ومين مش مثقف برضه مش عارفه ، واللى اعتقده انهم يقصدوا بالمثقف هو اللى مستواه التعليمى عالى بس حبوا يقولوها كده بيبهرونا بالكلمة بس .. فى نظرى ليس أدل على تدنى المستوى العقلى والفكرى والقدرة على الحكم عندنا من هذا الموقف اللى صدر من ناس بيعتبرهم المجتمع مثقفين .. وبرضه مش عارفه على أى أساس !! آسفه خواطر حاسة نفسى شطحت فى الكلام .. تقبلى مرورى |
رد: الثقافة والتعليم
مرحبا خواااطر عارفة من صغري و انا كنت بستغرب من العقاد بالذات . . يعني ازاي شخص ممكن يكون مثقف و معاه ابتدائية لكن لما كبرت و بدأت اقابل ناس ابتديت افهم الفرق كويس مثلا و الله مرة قابلت بائع خضار بيقرا لدان براون و لما سألته تعليمك ايه قاللي انا طالع من تانية اعدادي بس من يومها مفارقتش الكتاب و ببيع الخضار و بجيب بجزء من المكسب كتب تانية كل معلومة بتديكي جزء من ثقافة بتؤهلك تثقفي نفسك بانواع تانية من الملعومات و فيه دكاترة و اساتذة كثتير ميعرفوش حاجة غير شغلهم و النطسية اللي فيه موضوعك رائع خواطر ماشاء الله عليكي و طرح مهم جدا تحياتي اختي :) |
رد: الثقافة والتعليم
اقتباس:
هلا بيك يالغالي العقاد بالذات من أول ما أخدنا قصته في الإبتدائي وأنا مستغربة .. إزاي عنده كل الثقافة والمعرفة دي ... يعني أسلوب العقاد مميز جدا .. تفوق بيه علي كتاب كتيير متعلمين ومثقفين وهو معاه شهادة إبتدائية بس !!... بس دلوقتي معظم المتعلمين أو الحاصلين علي شهادات فاكرين إن هما خلاص طالما أخدوا الشهادة يبقوا هما كده أخدوا كفايتهم من الثقافة ... أنا نشأت في بيت وسائل الترفيه كانت محدودة شوية ووالدتي ماكنتش بترضي تطلعني برا البيت .. عشان أسلي وقتي بدأت أقرأ كل حاجة أشوفها ... قرأت قصص مالهاش عدد لكتاب أجانب وعرب .. وكتب دينية .. وكتب علمية .. أي حاجة كنت بشوفها كنت بقرأها.. ولما كنت أجي أتناقش مع المدراسين في المدرسة وألاقيهم مش عارفين حاجات أنا بعتبرها من البديهيات كنت بستغرب .. إزاي هما في السن ده ومتاح لهم الإطلاع ومع كده مش بيهتموا بالقراءة أو إنهم يزودوا ثقافتهم ... بس معظم الناس بتقولك إن الوقت اللي هيضيعوا في القراءة أو كده أشوف فيه أكل عيشي أحسن ... !! شكرا لمرورك ... يسلمووو أخي :) |
رد: الثقافة والتعليم
اقتباس:
معاك حق أخي ... فعلا في ناس كتير كده .. ربنا يهديهم .. |
رد: الثقافة والتعليم
اقتباس:
يسلموو ... فعلا معاك حق يا أخي :) |
رد: الثقافة والتعليم
اقتباس:
بس إن واحد ما كملش إعدادية وبيبيع خضار ويقرأ لدان براون .. ده يدل لإنه إنسان مكافح جدا .. يعني قصصه مش رخيصة وفي نفس الوقت معقدة كلها عبارة عن ألغاز .. بس يلا لسه في أمل .. طالما لسه في ناس بتحاول تثقف نفسها بأي طريقة كده ... الصراحة الراجل ده نموذج مدهش !! |
رد: الثقافة والتعليم
السلام عليكم و رحمة الله و بركاته
بارك الله فيك أختى الغالية على موضوعك المهم جداً أتفق معاك فى كل كلمة قولتيها و برضوا لأنى مصرية عارفة الواقع كويس تصدقى أن فى أولياء أمور بيشتغلوا فوق طاقتهم علشان يقدروا يدوا أولادهم و أنا حضرت حوار لأم و أب من أسرة متوسطة الوالدين متعلمين جيران ليا أكبر بنتهم كانت مخلصة أعدادية و بيتناقشوا - بمعنى أصح بيتخنقوا - يدخلوها أيه الأم شايفة علشان هى بنت و مسيرها للجواز يبقى علي أيه المصاريف تدخل أى دبلوم و خلاص الأب ثار و رفض رفض قاطع و قال على جثتى لو أضطريت أشتغل شغلانه و أتنين و تلاته لازم أدخلها الجامعة فرحت جداً برد فعله و قلت و الله كويس أن موظف بسيط زيه ودى طريقة تفكيره و لسه كنت عايزه أبدى أعجابى بموقفه لاقيته بيبرر للأم و يقولها علشان لما بنتنا تكون متخرجة من الجامعة يجلها عريس كويس و نقدر نتشرط عليه ؟!!!!!! و المشكلة مش بس فى التعليم الحكومى لا كمان فى طلبه فى التعليم الخاص مش بيعرفوا يكتبوا يعنى المشكلة فى الاسرة اللى مش فاضية تتابع وتذاكر و توجه و كل حاجة بقت حلها بالفلوس و برضوا نتج عن موضوع الدروس عدم احترام الطالب لمدرسه طالما هو بيدفع فلوس للمدرس أسفه حسه أنى بعدت عن الموضوع أكيد الثقافة أهم كتير من التعليم و مش بس ثقافة العقل (الثقافة المعلوماتيه) لا أكتر ما نفتقدته فى هذا العصر الثقافة الأخلاقية سلمت يداك أختى خواطر موضوع مهم جداً و يستاهل أعلى تقيم |
رد: الثقافة والتعليم
لست أدرى عجبنى رأيك جداً عن الموضوع و عن تجربة شخصية حب أقولك أنا خرجيت كلية زراعة
و بعد ما تخرجت من الكلية بسنة أشتغلت فى مجال تخصصى بمزرعة تابعة لوزارة الزراعة بالرغم من أنى درست أربع سنوات كل سنة 12 مادة تصدقى أن اللى أستفدته من العامل عمره 62 سنه و لأنه بيحب الشغل بعد ما تقاعد بيجى كل يوم العمل و قبل المواعيد الرسمية و يكاد يكون مش بيروح بيته أكتر من اللى تعلمته فى درستى كلها و لا أى لزمة لشهادت إلا الحصول مسمى وظيفى و كمان درجة وظيفيه أعلى |
رد: الثقافة والتعليم
اقتباس:
وعليكم السلام ورحمة الله وبركاته أهلا وسهلا بيكي منورررة الموضوع اختي ... بما إنك مصرية فأنتي أكيد عارفة الوضع عامل إزاي ... دلوقتي التعليم بالنسبة للجميع وسيلة عشان تاخد مكانة بين الناس .. أو عشان وظيفة كويسة بدخل كويس ,, من الأخر التعليم بقي فشخرة وتكبر علي الناس بس مش أكتر ... وانتي بنفسك شوفتي .. عايز يدخل بنته كلي مش عشان تطلع متعلمة أو مثقفة لأ عشان يتشرط علي العريس ... !! وفعلا الطلبة بقت مش تحترم المدرسين لأن الطالب بيبقي في دماغه إن هو دافع فلوس وان الاستاذ محتاج له أكتر من ما هو محتاج له ... وموضوع الواسطة بردو خلي الوضع أسوأ .. يعني تلاقي طال ثانوي ومش بيعرف يكتب عربي صح .. ده وصل للمرحلة الثانوية ازاي اصلا ؟!! الثقافة فعلا أهم من التعليم .. بس للأسف إحنا التعليم عندنا في الحضيض .. والثقافة في إنحدار !!! وربنا يهدي الجميع .. ويصلح حال البلد :) |
رد: الثقافة والتعليم
اقتباس:
أديكي شوفتي بنفسك إن المهارات المكتسبة مش لازم تيجي بالتعليم .. مش لازم عشان أنا مش متعلم يبقي أنا خلاص مافيش مني فايدة ... الناس مفاهيمها اتغيرت .. الأول كانت الثقافة ليها احترام والناس تحترم المثقف حتي لو مش متعلم او مش معاه شهادة .. دلوقتي الإحترام بيتم علي حساب المهنة أو المؤهل .. لو مش معاك مؤهل ينظروا ليك نظرة إحتقار ..!! ربنا يستر علي البلد .. ويعدي الموضوع ده لي خير ... والناس ترجع زي زماان :( |
رد: الثقافة والتعليم
الثقافة والتعليم ....
شيئين مختلفين ..فليس كل مثقف متعلم ... وليس كل متعلم مثقف الشهادات العليا .. فترفع مستوى العلمي للإنسان بجانب واحد في الحياة وهو جانب تخصصه ولكن لا تعطيه خبرة في مجالات أخرى ... وبالنسبة للثقافة .. كتير ناس ما امتلكوا شهادات ولكن امتلكوا خبرة وفراسة في أمور الحياة وكذلك تجاربهم انعشت ثقافتهم زمان ما كان في جامعات ولا مدارس ولكن على مر العصور القديمة ظهرت شخصيات خلدت في التاريخ بعقليتها الفذة و خبرتها .. بمعنى أخر الجامعات والمدارس وحتى النت وغيره هي وسائل سهلت للأنسان الحصول على العلم والثقافة ولكنها ليست المصدر بل هي وسيلة ولو اجتمع في الإنسان الثقافة والعلم .. فذلك نور على نور يعطيكي العافية |
رد: الثقافة والتعليم
اقتباس:
هلا بيكي ذكريات .. نورتي الموضوع ... معاكِ حق .. يوجد فرق كبير بي التعليم والثقافة .. وهما ليسا مرتبطان ببعضهما مثلما يعتقد الجميع .. ولكن الناس في هذه الأيام تولي التعليم القدر الأكبر من الأهمية .. و تضع الثقافة في مرتبة أدني مع إن الشخص تفيده الثقافة أكثر من التعليم ... فالتعليم يؤهلك في تخصص واحد فقط .. بينما الثقافة تؤهلك في شتي مناحي الحياة ... ولكن من يقنع الناس بهذا ؟!! شكرا علي رأيك الرائع أختي ... يسلموووو :) |
رد: الثقافة والتعليم
:0041:مرحبا حبيبتى موضوعك مهم جدا لكم نرى الآن متعلمين بلا ثقافه ولم تعد القراءه تشكل لهم اهميه فاطفالنا اليوم برغم ذكائهم الا انهم اتجهو للحفظ ولم يعوداو يعتمدو على عقولهم لااعلم هل السبب فى مناهجنا الدراسيه السيئه ام فى ماذا؟
|
رد: الثقافة والتعليم
اقتباس:
إن الموضوع مهم ... إن المناهج الدراسية اليوم تعتمد إعتمادا تاما علي الحفظ .. وهذا جزء من المشكلة وليس المشكلة ذاتها ... من الذي جعل التعليم وسيلة للحصول علي وظيفة فقط وليس لاكتساب معارف ؟!! إنه نحن .. نحن من يجب ان نتغير قبل أن نلقي باللوم علي بعضنا البعض ... يسلملي مرورك الرائع اختي :) |
| الساعة الآن 04:04 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية