|
رد: حظ ونصيب
السلام عليكم ورحمة الله وبركاته تسلم يمينك أم رنا عبد الاله وش هالحظ المايل تنطبق عليك أبيات الشاعر أدريس محمد إن حظّي كدقيقٍ فــوقَ شــــوكٍ نثروه ** ثم قالـوا لحفـاةٍ يـــوم ريــحٍ اجمعوه صَعُبَ الأمر عليهم قلت ياقوم اتركوه ** إن من أشقاه ربي كيف أنتم تسعدوه يوم تقرر تخطبها تنخطب قبلك وتفسخ الخطوبه وماتدري عنها إلا بعد ماتنخطب للمره الثانيه وين أمك وأختك ماقالوا لك إن خطوبتها إنفكت وهم عارفين رغبتك فيها ماهومعقول مايعرفون لكن وش السبب اللي خلاهم مايخبرونك العنود يابنت لاتستعجلين على الزواج بدري على الغلب أنا بعرف ليه توافقين وإنت ماعندك نيه للزواج إلا بعد سنتين قولي بكمل دراستي وبعدين أفكر في الزواج ما أدري موافقتك ترضيه لأبوك والا فقدان أمل في عبادي والا زغلل عيونك جماله أنتبهي ترى الرجال مخابر ماهم مناظر وحلات الثوب رقعته منه وفيه والقريب أولى من الغريب لكن الأكيد إن ذكريات الطفوله عالقه في عقلك لكن مستحيه تصرحين بها تعالي قربي مني وخبريني سرك في بير مازال عبدالاله له مكان في قلبك صح بدر عريس الغفله قلن البنات في المدينه اللي أنت عايش فيها والا ماأحد رضى يزوجك الله يستر إحساسي يقول إن وراك شيء وإن مالك رغبه في الزواج هذا وشرطها ناسبك ودك تفتك من حنة أهلك والله يستر ماتكون تحب غيرها والا متزوج والا وش اللي يخليك توافق على تأخير الزواج سنتين وإنت ماشفتها ولا تعلقت بها كان دورت غيرها أظن الحكايه فيها إن وإن مافيها بنحط فيها بصراحه ماني هاضمتك لأنك بتفرق بين عبود والعنود حتى اسماءهم ماشيه مع بعض ههههه ام رنا حني علينا وطولي البارت شوي أشوف ردي أطول من البارت وأنا أشوف الردود الثانيه مسوين رجيم مثلك مسويه رجيم للبارت منتظرينك أم رنا لاتتأخرين علينا أظن مع طول البارت تقدرين تنزلين يوميا بارت هههههههه |
رد: حظ ونصيب
الله يسعدك ام رنوااظاهران بدرلان يتمم زواجه بالعنودطبعاهذاحظهاواظن نصيبهاعندعبداله توقع فقط لاغيربنتظارك اختي ويعطيك العافيه
|
رد: حظ ونصيب
اقتباس:
اقتباس:
الرضا بالقدر والنصيب هو السعاده صورته هي اللي اشغلتالعنود مافكرت للحيين بالبعد عن اهلها |
رد: حظ ونصيب
اقتباس:
بالنسبه لخبر فسخ الخطبه يصيير لا صار في كتمان بين العوايل وذاتا امور الزواج والخطبه من باب استعينو على قضاء حوائجكم بالكتمان وقدر الله وما شاء فعل بالنسبه لبدر وخطبته من برى ديرته كثير تصيير وبين القرايب مو شرط ان العريس مالقى والا انه به بلاء لا عادي والاهم من ذا اناخته هي اللي مختاره العنود له يسعد قلبس فتونه ودي اطول بالاجزاء بس ما يجي للاسف ولا اقدر اخليه يومي اعذروني بس الوعد ان شالله اني ما اتأخر عليكم اقتباس:
هلا زونا ويسعد قلبس يا عسل ممكن يتم نصيبها مع بدر ما يندرى ودي وتقديري للجمييع |
رد: حظ ونصيب
السلام عليكم ورحمة الله وبركاته
-7- هي الحياه تمضي يوماً بيوم تختلف ايامنا فيوم سعيد ويوم حزين ويوم لاعنوان له يغرق بالتفاصيل فهو اقرب للامان يوم آمن غرقت بتفاصيل ايامي الجامعيه وصديقاتي اكبر همومي هي ماذا سأرتدي غدا وما سأفعل بشعري واية لون سألون به شفاهي. عدت من الجامعه لأجد والدتي تتحدث بالهاتف قبلت رأسها وذهبت لابدل ملابسي واصلي الظهر لحقت بي والدتي قالت :هذا ابوس اتصل يقول بكره جاي ان شالله فرحت :اشتقت له من اسبوع ماضميته حبيبي الله يجيب بكره بسرعه والله مرررررررره اشتقت له ضحكت امي من كلامي وقالت ؛الله يجيبه بالسلامه يالله تعالي تغدي معي قلت لها :ارتاحي يمه انا احط الغدا ________ ايامي تسير برتابه نفس الايام تتكرر اقترح احد اصحابي نذهب للعمره لكسر الروتين وتجديد النشاط وافقت وفرحت بالفكره غدا ان شاء الله ننطلق الى مكه اعلمت امي وابي بنيتي السفر الى مكه :زين ياعبادي رح وغير جو ولا تنسى ابي زمزم ومساويك :ابشري يا ام عبادي الا وش رايس اسحب على اخوياي وتروحين معي :والله ما اكره بس ابوك مايقدر وانا مااحب اخليه لحاله خلها مرتن ثانيه قلت لها مازحاً:خلييه فكي عنه شوي خلي ابوي يتنفس بس صاكتن عليه رد ابي :انت وش دخلك انا احب هالصكه خلها يازينها ويازين صكتها علي الله لا يخليني من نور البيت رفعت يدي مستسلما ً:صدق من قال ياداخلاً بين ولم اكمل المثل هربت قبل ان تصلني سبحة ابي التي حذفها علي وهو يقول: انا وامك بصله وقشرتها يا عبيّد هههههه. ذهبت الي غرفتي احاول انا انااام دون تسرح بي الافكار والهواجيس ________ ماصعب ان تصحو على كابوس ان تفتح عينيك وترى واقعاً أليماً وتسمع مالا يسرك وتتألم روحك وتتمنى ان تعود للنوم عله يتغير الواقع بعد ان تنام وتصحو من جديد فتحت عيناي على وجه غريب ويجلس في غرفتي نهضت بسرعه ورتبت شعري ونظرت مرةً اخرى هذه زوجة عمي ام فايز :عمه :بسم الله عليس واقتربت مني واحتضنتني بقوه واجهشت بالبكاء وانامذهوله ويدي بجواري لم استوعب حضنها ولا بكاؤها عقدت حاجبي:عمه بسم الله عليس وش فييه وانهارت تبكي اكثر وفي لحظه لمعت في خاطري فكره من شدة قبحهاوسوؤها دفعت زوجة عمي عني بقوه وانا اهز رأسي رافضةً الفكره وهي تأكد لي اسوأ واقبح افكاري:الله يرحمه وضعت يداي على اذني لا اريد ان اسمع :لاا لاااااااا بس بس اسكتي ما ابي اسمع وركظت خارج غرفتي اريد حضن امي واذ بي اتفاجأ بالكثيير من الناس والكثييير من السواد والكثيير من الدموع وجدت امي تجلس شبه منهاره تبكي بصمت بدمعٍ حار :يمه وش صار وين ابوي لييييه ذولي هنا حضنتني امي وبكينا سويا وهي تقول :إنا لله وإنا إليه راجعون إنا لله وإنا اليه راجعون ادعي له بالرحمه بالعنود ادعي له بالرحمه قراءه ممتعه لكم وردود حلوة لي |
| الساعة الآن 02:08 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية