منتديات ليلاس - ليله مابين ايجازها.. والتفاصيل

السلام عليكم
وصباحكم شاعري

هالليله أحسآس السهر.. مربط الخيل=

..........................ونا براسي شي .. خله على الله
شي من أجله.. عاذر البن والهيل =
........................ماهو ضرم شاهي.. وفنجال دله
مع الهيام.. وقبل مايسري الليل =
......................هالشي أعقده.. في خفوقي وحله
في وجه هالليله.. فنون وتماثيل =
..................... وفي عينها.. غدر, ومقام , وجبله
تناثرت بين السهر.. والمواويل =
...................... بين الحياه.. وبين خل (ن) وخله
ليله مابين ايجازها.. والتفاصيل=
....................... شي يلم الهم .. مدري ,يفله
آفاق جرح.. ومغريات وعراقيل=
......................... وليل توسد ظلمته.. كل عله
من العطش ماتحتدمله مخاييل =
........................ومن الهوى مايخجل النفس شله
أحيان الاقيلي.. ورى الصمت تعليل =
.......................واحيان ملقالي.. ورى الصمت عله
ياللي خذيتي.. من عيوني قناديل =
....................... الموت واحد.. ويش ,دقه وجله
مرت ثواني غيبتك.. مابها حيل =
........................والكون ماله.. غير هالوجد حله
أدورك بعد التعب.. والبهاذيل=
........................ومشي مسافاتك.. مليله ومله
من يرفع احجاج الأمل .. للمقابيل=
.....................من يكتب .. الحزن العظيم ابسجله
من يشعل الشمعه .. ومن يلعن الليل=
.....................من يمسح اغيابك ..ويجلس محله
كافي غياب .. الوقت ماهو تساهيل=
.........................كنه يدور.. صوب مغليك زله
على فراقك ..مات زرع ومحاصيل =
......................ونتي ولا سقتي .. سحاب الموله
لاتكآبرين.. وخلي دموعك تسيل=
...........................وتّذوب.. الكحل العزيز وتذله
اذا خسرتي .. دمعتينك بمنديل=
....................وش قولة اللي .. خاسر العمر كله

الشآعر/ نآيف زويّد.