سامحوني
 

اسفه جدا وسامحوني
بس ابي انسان غير اهلي احكي له
هي مو خاطره
من قبل ثمن سنوات
قدم لهذه الدنيا
طفل صغير
كل القلوب تفتحت لمحبته
شي غريب يشد الغريب والقريب
تحسه طفل ملائكي
يالله اشلون جميل
امه كانت متعلقه فيه كثير
هو ابن خالتي
تمضي الاعوام
وتصير احداث
والولد دائما مع امه
نمزح معاها
يا خاله حرام عليك
خلي الولد يلعب مع اقرانه
كيف تبيه يصير رجال
تقول ماقدر ماحب يفارقني ولا دقيقه
اجل انت الجانيه عليه
بكره لما يكبر بيصير معقد
مايحب اللعب مع الاولاد
وقبل سنتين لما راح رياض الاطفال
كل يوم كانت تروح معه
معلمته قالت لازم تعلميه انه يفترق عنك
بكره يروح المدرسه ايش تسوي
اقنعتها اشوي
لكن ظلت في البيت واذا راحت للاهل
ماتفارقه وكم علقو عليها وهي مايهمها
مادري ويش اقول موضوع مو منسق
لكن احس انكم اصحابي
وهي خالتي الغاليه يمكن شعور داخلي
مادري
البارحه كانت تزور امها
وخلت الاولاد مع اختهم الكبيره
وهونايم اندلعت النار في غرفة نوم الطفل
نزل اخوه الصغير يقول نار
احتارت الاخت ذهبت اليه مسرعه
حاولت الدخول لم تستطع
هرعو الجيران لانقاذهم
وطلبو الاسعاف
يالله ماني قادره اكمل
حروق من الدرجه الثالثه
على طول العنايه المركزه
استنشاق الدخان والحروق الاملت جسمه
الساعه ست بتوقيت السعوديه الفجر
مات ااااااااااااااااااااااااااااااااااااه
كلا م امه كنت حاسه انه ماهو مكتوب لي
مابي حتى دقيقه افارقه

سامحوني انت اصدقائي ويمكن مو من حقي
اثقل عليكم

جزاك الله خير اخت نونو كنت ناوي احاول احذف الموضوع بس لما شفت كلامتك

مشكوره جدا

إنا لله وإنا إليه راجعون...

الله يرحمه .. ويصبر أمه على مابتلاها ..

وبعدين ماأعرف أيش أقولك حبيبتي نونو قالت كل شيء إحنا مثل خواتك إذا حسيتي في شيء مضيق صدرك ومكدرك مالك غيرنا بعد ربي ..