منتديات ليلاس - انا مشكلتي اني لا عشقت اعشق بدون شعور

انا مشكلتي اني لا عشقت اعشق بدون شعور

هآهي مولودتي الاولى قد وصلت
وسأضعها بين ايديكم
.
.
.
امم حآبة أقول شي هذي روايتي الاولى بقلمي
انا اول مرة أكتب وانزل بالنت
فـ حابة اشوف منكم تشجيع ونقد ما يكون جارح
لاني مبتدئة واتقبل النقد عشان تنجح روايتي
.
.
.
لا تحكمون عليها من أول بارت
رح تجي قصص كثير الحزين والفرح وكل شي
الحين ما رح انزل كل الابطال ببارت واحد لانهم شوي كثآر
رح انزلهم شوي شوي عشان لا تتلخبطو

.
.
.
ورايتي تدور أحداثها بالرياض

^
البارت الاول
جآلسة في غرفة وسيعه بأثاث بسيط وهادي وغير مكلف..
جالسة على مكتب متوسط الحجم بدون تكلفة ايضا..
وقدامها جهاز الاب تـوب و3 أجهزة جوالات..
وثمنية البومات صور..
مسحت عيونها وهي تضعط ازارير الاب توب
ثواني حتى يرن إحدى الجوالات وترد:ألووو
_____________
هلا هلا إيوآ معاكي الخطابة ام احمد
_____________
تفضلي...
____________
اها
_____
اها
_____
اوكية على خير وكيف المواصفات الي تبينها
__________________________
اممم بشوف لك وردي اتصلي علي بعد بكرة ورح اعطيك جواب
______________
مع السلامه

قفلت الجوال وحطتة على الطاولة وهي تكمل شغل على جهاز الاب توب
ما مرت اقل من عشر دقايق حتى يرن جوال آآخر
××××
××××
دخل غرفتة وهو رآيق على الآخر رمى نفسة على السرير وهي يطالع السقف ويرمش بعيونة بحب
زم شفايفه الصغيرة وهو يضحك على صوتها وهي تقول بدلع عفوي وببكا (تخيل طحت قدام الناس
ورجلي بغت تنكسر وشكلي خرب الحين وين اودي وجهي من الناس فشلـــههه)

أخذ نفس وهو يسمع صوت الباب إلي خرب علية:ميــــــن
من وراالباب :أنـــــــا
وقف وتقدم للباب وفتحة وهو يطالعها:نعم ؟
شبكت اصابعها في بعض:أقول باسل ءء..(وبفشلة وهي تسلك لعمرها)تصدق نسيت
باسل:أجل إذآ تذكرتي تعالي
وجا بيصك الباب إلآ تمسك فية بسرعه:لحظة لحظة...وشفيك مستعجل وش عندك؟
باسل:شوفي أنتي وحدهـ فاضية ما عندك شي انا واحد مشغول تقلعي عن وجهي لا يجيك شي ينسيك حليب امك
بفشلة وهي هآمة تخرج:زيــن زيــن لا تعصب وانا قلت مالي غير باسل يسليني بس شكلك منت بكفو
وهربت قبل يلحقهآآ

وقفت بنص الصالة الي بدورالعلوي وهي تدور على أحد يسليها
(بشوف مجوود)
دقت الباب وهي تطقطق بطقطقة مزعجة
حركت شفايفها بملل وهو طول ما فتح
رجعت وسوت نفس الحركة
فتح الباب ورجع جلس على المكتب الي بركن من غرفتة
دخلت وقالت بمرح:شتسوي يا أخوي العزيز
ماجد وهو لابس نظارة طبية وقدامة جهاز الاب توب رفع عينة لها وابتسم وهي يشوفها واقفة قدامة ببجامتها الوردية بأكمام طويلة ولامة شعرها على فوق ونازلة خصل على وجهها:أقرا رواية تبين تقرأينها
ضحكت بهبال وهي تجلس على الكرسي المقابل لة:أنـــا ليان أقرا رواية هههههههه صراحة ضحكتني وانا ما فيني ضحك
نزل النظارة عن عيونة وهو يقول:ليش؟؟بالعكس انا افضل الروايات خصوصا الفصحى
ليان:شوف يا خوي انا وحدة ما أحب اشياء كذا كلها قصص لا تودي ولا تجيب وما تعنيني بشي

ماجد يرجع يلبس الننظآرة:طيب الحين وش تبين جاية؟
ليان:والله طفشت لحالي
ماجد بتفكير:اممم أجل شفتي الباب ....إطلعي منة مثل ما دخلتي لاني مو ملاهي تتسلين فيها
ليان وقفت :وأنتم ماعندكم غير الطرد....أوووووف
خرجت من الغرفة وصحكت الباب بقووة مفزعة

هز ماجد راسه بأسى على ليان الي عمرها ما رح تعقل..
خرجت من عنده ووقفت جمب غرفتين لاصقة ببعض وبحيرة:أروح لـ لانا ولا ليال
(ليال وعععععععع اروح لهالسكرانه لا لا اروح أحسن لـ لانا فديت قلبها اختي)
تقدمت لغرفة لانا وبدون ما تدق الباب دخلت
شافتها جالسة وسط الغرفة والملابس على الارض وحايسة
ليان وهي واقفة عند الباب وماسكة المقبض:لانا وش تسويــن؟
لانا تلف عليها وببتسامة:محتارة والله...اليوم خالتي ام جابر عازمتنا على عشا بمناسبة تخرج ولدها ضاري ومحتارة مدري وش البس
ليان ميلت فمها وجلست على السرير بلونة السكري بحيث تكون لانا مقابلة لها:وانتي ليش بتروحين
لانا:أمي تبيني امشي معاها وانتي تعرفيني أحب العازيم وكذآ
ليان تحط رجل على رجل:بس إنتي تعرفين صديقات امي كلة يتكلمون عن الفلوس والماركات
لانا:وانا وش عليّ منهم المهم انبسط
ليان:على قولتك
لانا:وش رايك تجين والله يعجبوونك
ليان:لالا والي يعافيك ما حب بروح لشوق أحسن تسليني وتفهمني وافهمها
لانا:طيب تعالي ساعديني ما بقى شي ويأذن المغرب
ليان جلست عندها وهي ترفع فستان موفي داخل علية أبيض:وش رايك
لانا:لا لا هذا لبستة بعزيمة ام ناصر
ليان وهي تدور رفعت تنورة لفوق الركبة على جاكيت رسمي :طيب هذا
لانا:إية هذا حلو ....طيب سوي لي مكياج
ليان:المغرب أذن نروح نصلي ونرجع نكمل
لانا وهي توقف:أوكييههه

في غرفة باسل وهو يكلم في الجوال:هلا هلا
__________
الساعة كم بتروحون
______
طيب اوكيه ثواني وجاآآي لكم
______
مع السلامه

××××
××××
الرياض
بعد صلاة المغرب...
تمشي في غرفتها بتوتر وهي رايحة جاية رايحة جاية
تقدمت لجوالها ورفعتة وهي تدور في الاسماء على رقم
وصلت للرقم مر وقت وهي تتأمل الأسم وعيونها تايهة فية
ظغطت على إتصال وحطت الجوال على إذنها تنتظر الرد
جاها صوتها الجهوري
:الووو ...ميــن معآآي
ببحة صوتها وخوفها وتوترهآ:السلام عليكم...مو هذا جوال الخطابة أم احمد
ام احمد:وصلتي
بلعت ريقهآ:انا قبل اسبوع كلمتك وعطيتك المواصفات الي ابيها فـ وش صاار
ام احمد وهي تدوربين الاسماء الي في ملف خارجي :لحظة ي بنتي

مرت عشر دقايق حتى تنتشلها ام احمد من تفكيرها وهي تقول:انتي معاي
ببحة وخوف وعيونها تدمع:إيـــوآآ تفضلي اسمعك
ام احمد:لقيت لك واحد...على نفس مواصفاتك إلي طلبتيها...وهو طالب نفس موصفاتك...
:طيب كم تبين؟؟
ام أحمد:تجيني على العنوان الي برسلة لك رسالة....ومعاك $$$$$ ريال وهو كمان بيجي عشان تشوفون بعض وتتفقون...تمام
:... مشكورة...مع السلامه
ام احمد:مع السلامة

حطت الجوال على الكنبة الي بغرفتها وهي تمسح دموعها..
اقدمت على خطوه تجهل عواقبها بس هذا الشي الي لازم تسوية..

رن الجوال برسالة فتحتها وهي تشوف العنوان ...ما كان بعيد كثيرعن بيتها

^^^
أنتهى
لا تحرموني من ردودكم وتفاعلكم وتعليقاتكم
محبتكم
سندس#