|
انا وقلبي بين ايديك
السلام عليكم ورحمة الله وبركاته
هذه روايتي الاولى اترك اجزئها المتواضعه بين ايديكم الامينه,ولاتبخلو علينا بالردود....بقلم اختكم (هناي الفيصل) هذه الروايه..*من نسج الخيال*..ماعدا مافيها من حب..فهو موجود..في كل مكان ( انا وقلبي بين ايديك ) ! * البارت الاول * كانت جالسه تقرا كتاب من كتبها المفضله وكان الجو جدا هادى لكن خررب كل ذا الهدو اللي عايشته صراخ امها .... مها مها ووجع ؟ مها :هلا هلا يمه وش فيك تصارخين ؟ امها سعاد : تعالي ياحيوانه انا مو قايله لك ابغا ارجع والقي العشاء جاهز * بصراخ * مها : لا يمه الهنوف قالت لي انكم بتجيبون معاكم عشاء ؟ وتاشر عليها صح يالهنوف صح ؟ الهنوف : اصص اصص يالنصابه ماقلت شي لا تحطين غلطتك علي مها : اءءءه لا يمه وربي هي دقت علي وقالت ,, سعاد مسكتها مع شعرها : انتي ماتفهمين كل مره تكذبين وتحطين غلطاتك على اختك .. الهنوف ضحكت من طرف فمها , شافتها مها وانقهرت ماتبطل حركاتها فكت يد امها وراحت لغرفتها تبكي . ^ اعرفك على الشخصيات ام ياسر : اسمها سعاد عمرها 43 انسانه متسلطه وهمها الفلووس وبس وتحب المظاهر ومتصنعه كثير توفي ابو ياسر وصارت هي اللي تعتني بعيالها غصب عنها ياسر : عمره 25الولد الوحيد عند امه وابوه اللي ماهمه الا نفسه ومغازلجي درجه اولى ووسيم جدا يحب اخته مها كثيرر ويكره ضعفها عند امه ولا يرفض لها طلب . الهنوف : عمرها 20 البنت الدلوعه اللي ماتحب تسوي شي وتكره اختها مها كثير لانها احلى منها * والكل لما تروح للمكان ولا المدرسه يطلع في مها ومنعجب بجمالها * حلوه بس مو زي جمال مها مربربه شوي وشعرها طويل واسود وتحب الكشخه والمظاهر . واخيرا مها : انسانه قمه بالجممال جميله جداا عيونها واسعه ولونها اخضر فاتح وجسمها متناسق ورشيقه بيضاء بكشل * يعني البنت ماينوصف جمالها . عمرها 18 سنه طيبه وطيبتها اللي مخليه الناس يستغلونها تحب اخوها لانه هو الوحيد اللي يفهمها .. _________. بعييد في حي راقي وبالتحديد قصر الفهد ام فيصل : نوره انسانه طيبه وتحب عيالها كثير عمرها 64 فيصل : الابن الاكبر عمره 27 جسمه رياضي وشعره كثيف وناعم عيونه جذابه جميل جدا وكل البنات خاقين عليه انسان قد كلمته وكلمته تمشي -عصبي - صارم - والكل يخاف منه لما يعصب ماسك شركه ابوه بعد وفاته . يوسف : عمره 24انسان حنون ومرح ويحب يضحك بس مايحب يشتغل مصروفه يجيه لعنده مع اخوه بالشركه لكن ساحب على الشغل * جميل وله غمازه رهف : عمرها 20 مخطوبه شعرها طويل وحنطيه شوي جميله وخجوله وهاديه كثير تحب خطيبها خالد كثير وهو يحبها. ريم : عمرها 18 مرررحه وتحب الوناسه جميله وشعرها قاصته بوي والكل بالبيت يحبها وذا جتمعت مع يوسف يملون البيت بازعاجهم فيصل وهو يبوس راس امه : ام فيصل : هلا بوليدي وينك من اليوم انتظرك فيصل ببتسامه تسحر اسف يالغاليه كنت في الشركه اليوم كان عندنا شغل كثير ام فيصل : العمر يخلص والشغل مايخلص يالوليدي ماعاد نشوفك ياكافي فيصل : ببتسامه وش نسوي عاد لازم الشغل يايمه ام فيصل بتردد :وودي اكلمك بموضوع فيصل وكانه عارف ايش بتقوله : يمه اذا الموضوع الزواج انا قلت لك مافكر الحين ام فيصل : والله ياوليدي احترت وحيرتني معك والله ياوليدي مافي مثل الجوهره بنت عمك مزيونه وسنعه فيصل : ههههه يمه خلاص الله يخليك لي انا مابي الجوهره ولا غيرها ام فيصل : بس يبوي الجوهره مايعيبها شي ليه ماتبيها في وحده في بالك تبها ؟ فيصل : يمه الجوهر زي اختي ولو فكرت التزوج ماني ماخذها شيليها من بالك دخلت ريم برجتها : هلا بفصول وينك ياخوي ماعاد تنشاف فيصل : هههههه تعالي تعالي يم لسان اشتقتلك ريم جت وباست راسه : تشتاقلك العافيه ياخوي اممم عندي طلب صغنن فيصل : اها وانا اقول وش فيها ترحب فيني كذا طلب يالله قولي وش عندك ياستي ريم : انا امس قللت لاخوك المحترم يوسف ودني لمكتبه جرير بس سحب علي وراح يرضيك ياخوي ؟ فيصل بحنيه على خواته صار لهم كل شي بعد ابوهم لما توفى : ابشري من ذا العين للعين متى تبين ريم : الحين . فيصل : يالله قومي البسي وقولي ل رهف اذا تبي تروح ولالا ريم راحت تركض وباست راسه : شكرررا . وراحت تلبس _______. الهنوف : يمه اقدر اروح لحالي مايحتاج تروح معي ذي افف سعاد : لا ي حبيبتي مافي روحه لحالك فاهمه مها وهي نازله من الدرج . سعاد : انتي هيه تعالي هنا : مها سمي يمه : سم الله بدنك قومي البسي عبايتك وتعالي مع الهنوف بتروح للمكتبه بسررعه مها بضيق : طيب ____ فيصل بالسياره : هاه ليه رهف ماجت معك ريم : نايمه قالت ماتبي تجي فيصل : طيب يالله مشينا وصلو للمكتبه وفيصل يمشي مع ريم وهي تستشيره وهو يبدي رايه برف الثاني كانت واقفه الهنوف افف وخري هناك خليني امشي مها : امي قالت امشي معاها لا تخليها .. قلت لك وخري ماني طايره انا مها وخرت وراحت تمشي لحالها : افف منها ذي ماتحترمني يارربي لمتى على هالحال * كانت تتكلم بصوت بنسمع * ياربي انا وش سويت بحياتي ماحست الا صدمت بشي : اءءء اسفه اختي مو قصدي نزلت ترفع الكتاب . ريم بمرح : لا عادي حبيبتي ماصار شي وخذت الكتاب منها مها رفعت عيونها وشافت ريم وجنبها فيصل نزلت بسرعه عيونها فيصل اخر همه البنات لكن مايخفا انه اعجب بعيونها لان هو الشي الوحيد اللي طالع منها فيصل : خلاص اختي مو مشكله تقدرين تروحين مها : على طولت مشيت يالله ياحظها بزوجهاا شكله يحبها وقعدت تطالعهم من بعيد _________. ريم : شكرا فيصل فيصل : العفو كم ريم عندنا احنا دق جوالها : الو .. هلا هلا بالجوهر وين الناس ياقمر اشتقنا لك هاه رجعتو من سويسرا .. اها الحمدالله على السلامه ريم : ايه انا مع فيصل رحنا للمكتبه وتو طالعين منها الجوهره : امم مع فيصل طيب تعالي الحين ابيك جايبه لكم هدايه بليزز ريم : اسفه ياقلبي مقدر بوقت ثاني الجوهره : اسالي فيصل يمكن يوافق تعالو وتعشو ريم : دقيقه , فيصل الجوهره تبيني اجيها الحين بتوصلني فيصل : وهو يطالع الطريق لا قولي لها بوقت ثاني الجوهره : دق قلبها لما سمعت صوته ريم : الجوهره يابنت معي وينك ؟ الجوهره : هلا ايه خلاص بكره اجيكم ريم : يالله بااااي ______. دخلو البيت . لقو سعاد قاعده : هاه الهنوف شريتي اللي تبين الهنوف : ايه يمه وهي ماده بوزها بس مها نشبت لي ماعاد ابيها تروح معي وقعدت تتحلطم سعاد بطفش قامت ورحت لغرفتها . الهنوف دق جوالها وهي صاعده الدرج هلالالا صبا وش اخبارك ههههههههههههه ايه ايه وراحت لغرفتها مها قعدت على الكنب وتنهدت : ياربي لمتى على هالحال حطيت يدينها على خدها طرا على بالها ولا اللي مافارق خيالها حبيبها وفارس احلامها اللي تنتظره وليد اه ياوليد وينك فيه ودمعت عيونها معقوله نساني ونسى وعده رجعت فيها الذاكر للي ورا * وليد : شاف مها مره وحده وجن عقله فيها من اول نظره وححاول يوصل لها او يكلمها ويقولها اللي في قلبها وهو يصير ولد عمها ومره من المرات مها كانت طالعه بالحوش وكانت تصيح بمراره من امها كالعاده مسمعتها كلام يسم البدن : ياربي ساعدني ماتحمل امي ليه تكرهني ليه اهي اهي كان دخل صدفه شافها وليد : مها ؟ لفت ظهرها وكانت منحرجه لانها بدون حجاب . اه لو سمحت بعد بدخل انا بدون جلال وليد تلخبط لما سمع صوتها : مها ؟ وليد بخوف وش فيك تبكين صاير فيك شي . مها حست بصوته حنيه هي فاقدتها نست نفسها لفت عليه واخطلت عيونهم ببعض . مها بعيون دامعه صاحت امي تكرهني كل يوم تسمعني كلام يجرح ليه ماتحبني زي الهنوف وياسر انا ماكاني بنتها ابي ابوي ليته حي ماحد يحبني وقعدت تصيح . وليد يحب مها كثير ويموت عليهاا طلب من ابوه يخطبها له لكن رفض ! لسبب مايدري ليش وهذا اللي قاهررره وليد بحنيه الدنيا ماتحمل يشوف ضعفها ودموعها ضمها لصدره مها تجمدت مكانها حست بشعور لا يوصف حست بالحنان قعدت تصيح بحضنه لين هدت وحست بنفسها بخجل وخرت : اسفه . وليد : هههه ليه وخرتي تدرين ان هذا احلى شعور بالدنيا انك جنبي يامها قعد يطالعها وهي منحرجه كثير مسك كتفها ورفعت راسها وليد : اسمعيني يامها انتي تدرين اني احبك ومابي الا انتي انا راح اتزوجك وذا وعد مني بس انتي انتظريني راح اروح سنه بس للندن ادرس واجي اخطبك. وابتسم . احساسها لا يوصف واخيرا يامها بيتعدل حظك ببتزوجين الانسان اللي تحبينه اه ياربي ماصدق . مها بصوت يرتجف وبحب : انتبه بنفسك وانا .. قطع عليها صوت سعاد ونظرات هنوف الحاقد اللي كلها غيرهه : برافو برافو ماتوقعتها منك ياوليد واقف معها بدون غطا لا حياء ولا مستحا مها بخوف : يمه انا .. وليد بصوته الفخم وبكبريا : انا الغلطان اللي ماخليته تمشي مالها ذنب هي ولو سمحتي لا اسمع انك قايله لها شي سعاد بحقد تتمنى وليد للهنوف لكن هو مايبيها وهي تعرف ان وليد يحب مها ومها تحبه وعشان كذا تحاول تبعدهم عشان يصفا الجو لبنتها . الهنوف بغيره واضحه : ادخلي يالله اشوف حسبي الله عليك ياللي ماتستحين ركضت مها لداخل ... سعاد : اسمعني ياوليد لاشوفك تدور حول البنت ولا والله لا تشوف شي مايعجبك فاهم هي مو لك ولا راح تصير لك . وليد ببتسامه : والله سوي اللي يعجبك كلامك ذا مايمشي على وببرود طالعها يالله باي وطلع . رجعت فيها الذكريات وابتسمت : احبك ياوليد ومسكت سلساله اللي اهداها اياه مستحيل تنزل هالسلسال منها الصباح الساعه 9 .. دق دق على غرفت مها : مين افتحي مها : فتحت الباب هلا يمه دخلت سعاد اسمعي يابنت اليوم بيجونا خطاب انا مدري ليه يبونك واختك كل الجمال والدلع ولا حد دق بابها ماعليه خليني افتك منك على الاقل . الحين روحي تجهزي فاهمه مها بصدمه من هجوم امها : يمه من اللي بيخطبوني سعاد : بصراخ جيراننا ام سعد يالله اشواف ترا بيجون العصر قومي سوي حلا ولا أي شي وطلعت مها : قعدت على سريرها وبصياح اه ياربي مابيه هذا راعي البنات وش يبي مني وقعدت تصيح _________. ام فيصل : هههههههههههه يقطع سواليفك يايوسف ماتجوز من طبعك رهف : هههههههههههه وربي خبل وبعدين وش صار عليه يوسف : مسكين اكل كم ضربه ععلى عينه من ابوه والحين ماشي وضعه ريم : الا تعال هو فهد ماغيره الدب هههههههههههه خبل ذا من يومه يوسف من طرف عين : من وين تعرفينه انتي ريم احمر وجهاا : لا وش فيك نسيت لما كانا بالسوق شفناه هناك يوسف : ايه ايه ماغيره دخل فيصل كعادته وهو كاشخ لابس ثوب ابيض معطيه جاذبيه اكثر: ماشاء الله جعله دوم هالضحكات ريم ورهف اسكتو يوسف على وين فصيلان فيصل : ناظر له ورفع حاجب كم مره قايل لك لا تقول فصصيلان يوسف : خلاص فصفص ههههههه فيصل : رما عليه المخده ولف على امه تبين شي يالغاليه طالع لشركه وراجع العصر لان وراي سفره ام فيصل : وين بتسافر ؟ فيصل : رايح عندي شغل بالندن باقضيهم وارد مع اذان العصر ام فيصل يعني لازم يبوي بتسافر اليوم ؟ وكم يوم بتضل هناك فيصل وهو يبوس راس امه قال يالغاليه كل يومين وراد ام فيصل : ترد بالسلامه وانتبه لنفسك فيصل يالله يمه مع السلامه باس راسها وطلع _____. مها : مابيه يمه الله يخليك \ سعاد : اسمعيني زين بتروحين تقابيلن امه وانتي ساكته فاهمه مها :وهي تبكي يمه حرام عليك راعي بنات ذا ليه ترميني عليه سعاد : والله راعي بنات مو راعي ماهمني اهم شي عنده فلوس وبيعيشك دخل ياسر : يمه قالت ماتبي خلاص عاد مها راحت ركض وقفت جمبه ياسر الله يخليك مابيه لف عليها بحنيه وباس راسها ماراح يصير الا اللي تبينه سعاد بقهر : انت وش دخلك . الناس جو وش اقول لهم ياسر : تصرفي قولي أي شي قولي البنت ماتبي سعاد طالعت بقهر وطلعت شافت الهنوف واقفه : يمه ليه تسميعن كلامه مو بكيفه سعاد : انتي خليك بعيده عن المشاكل الهنوف : زين يمه وين ... مشت سعاد وخلتها الهنوف : اف ياربي طلعت ودخلت غرفت امها ياربي وين تليفوني خذته امي ولا رجعته لي وهي تدور طاح صندق ازرق من الدرج اللي فوق الهنوف : وش ذا اول مره اشوفه عند امي سعاد : دخلت غرفتها اءءه ركضت وخذت الصندق وبعصبيه انتي هيه من سمحلك تدخلين هنا الهنوف بخوف من عصبيت امها : يمم انا انا جايه اخذ تلفوني بس مالقيته سعاد : اطلعي ماعندي شي طلعت الهنوف وهي حيل مستغربه وش اللي بداخل الصندق وامي ماتبيني اشوفه ... |
رد: انا وقلبي بين ايديك
ياهلا ومرحبا فيك بليلاس الغالي مجمع الابداع والاحبه
انشالله تلقين الي يرضيك و تصلين بروايتك لبر الآمان قوانين القسم ( شروط انتسابك ككاتب + قانون القصص المكتمله والمهمله + الردود المخالفه ) |
رد: انا وقلبي بين ايديك
البارت الثاني
ياسر : هلا بالحبب لمى بزعل : هلا حبيبي انا زعلانه منك اتصل امس ماترد علي لييه ياسر : اسف ياقلبي كنت مشغوول . متى بشوفك اليوم ؟ لمى بدلع : اف من الشغل اللي ماخذك مني , مقدر اليوم حبيبي امي موجوده بالبيت ياسر : تصرفي لانها اخر مره بشوفك هالسنه لمى بخخوف : ليه هالكلام بتتركني ياسر : ههههههه لالا حبيبتي انا بسافر سنه ادرس برا وبكرا طيارتي لمى : اه بتسافررر ليه ماقلت لي ياسر : يووه لمى لا تقعدين تحققين اشوفك اليوم ولالا لمى : خلاص حبيبي نلتقى بالمطعم اللي دايم نروح له ياسر : ايه ذي حبيبتي اللي اعرفففها احببك ______. اليوم الثاني * ياسر سافر وودعوه * بالليل الساعه 1 الهنوف : ياربي انا مو مهدا لي بال الا اعرف وش فيه هالصندوق فتحت باب غرفتها بهدو كان ظلام والكل نايم دخلت على امها سعاد نومها ثقيل ولا تحس في شي الهنوف بخوف : عيونها على امها وعلى الدولاب كانت خايفه حيل تشوفها الهنوف : ياربي وينه . اخيراا طلعته بهدو وراحت ركض على غرفتهااا الهنوف فتحت الصندق استغربت ؟ اورق ايش ذي صارت تقرا وهي بكل كلمه تصدمها قرت كل الاوراق تقريبا سكرت الصندق وهي منصدمه . يالله ماكنت متوقعه هالشي . سعاد صحت راحت تشرب لها كوب ماي والهنوف كانت تمشي بذهوول ومعها الصندق . سعاد وهي فاتحه عيونها بغصبيه : الهنوووف الهنوف بخوف : يمهه ... سعاد :هذا ليه معك ؟ قريتي صح ... هنوف : ا ا يه وهي منزله راسها سعاد : هاه ارتحتي الحين انا مخبيه هالشي عشانك وعشان هي لا تعرفه والله لو عرفت لتاخذ فولسها اللي احنا عاشين عليها بعد الله وهي وصيت ابوك الوحيده . الهنوف : ووين امها ؟ ليه تركتهاااا مها وهي واقفه مو قصدهاا تتجسس لكن سمعت كل شي . مها : عن مين يتكلمون ؟ قربت تسمع الهنوف : قولي القصه لي حق اعررف انا سعاد : ابوك راح ل ايطاليا سنتين يدرس هناك بعد ماتزوجني وخلفكم كنتو صغار هه حب أنجيلا وتعلق فيها وتزوجها وحملت ب مها .. مها بحاله صدمه وكلمتها ترن بذنها . حملت بمها : ظلت واقفه بصدمه تسمع للاخير ودموعها تعلن نزولها بعد ماجابت مها جاء عندي هو وزوجته : اه ياحره قلبي جاء يقولي بعد ماحملت زوجته وولدت لما جاء عمر مها 3 سنوات جابها عندي وهو حاله مايسر انا مدري أنجيلا ماتت ولا طلقها لكن وهمني بفلوس الدنيا اذا سكنتها عندي وربيتها وهه شوفت عينك للحين عندي عشان الفلوس وبس الهنوف : اه يمه عشان كذا عمي صالح هو واللي متولي فلوس ابوي سعاد : انا لو بعد مامات ابوك اخذت الفلوس كلها كان لكن لا ابوك طلع داهيه معطي عمك الفلوس ومخليه هو اللي متوليها . لو طردت مها عمك بينفذ وصيت ابوك ولا ارح يعطينا فلس . الهنوف : اء يمه عرفت جمال مها ذا كله من وين جابته وليه كنتي بتزوجينها من ولد جيراننا سعد طيب؟ سعاد : ايه ابيها تتزوج خلاص مقدر استحمل وصيته اكثر من كذا لو تزوجت ماراح يقطع عمك علينا المصروف لكن عمك لما درا اني وافقت يخطبونها عصب علي هو واخوك ياسر مايبونها تتزوج مها بنهيار : لا كذب انا انا مو بنتها طيب امي وينها ليه الدنيا كل يوم تزود جروحي اهه ليه احس ان الدنيا تدوورر فيني مسكت راسسها ماحسو الا على صوت طيحه قويه على الرخام ماتحملت الهنوف : يممه بسم الله وراحو ركض لها سعاد : افف ذا وقتها اكيذ سمعت حسبي الله عليك من بنت روحي جيبي عبايتها اخلصصي بالمستشفى * الدكتور : انتو اهلها سعاد بقرف : أي دكتور وش فيها الدكتور : الصبيا متعرضا لصدمه عصبيه كبيره الهنوف : سمعتنا يمه حرام مسكينه بعد كل هالسنين تعرف انك مو امها قويه الصدمه سعاد : افف اسكتي تكفين مالي خلق بس اسمعي ياسر مسافر لا يدري عن شي فاهمه الهنوف يمه ياسر يدري عن السالفه انها مو بنتك سعاد : ايه . خلاص اسكتي راسي صدع ____ رهف : يمه , يممه ام فيصل : هلا يمه وش فيك صوتك واصل اخر الشارع رهف : عمي دق وقال انا جاي ابي امك بموضوع ا م فيصل : غريبه ان شاء الله خير بعد صلاه الظهر * مها صحت وحالتها النفسيه زفت وماتبي تشوف احد بس تبكي ... ام فيصل بجلالها : هلا يابو ثامر حياك البيت بيتك ابو ثامر : الله يحيك , اخبارك يام فيصل وقعد بالمجلس ام فيصل وهي تجلس : الحمدالله ياخوك الكل بخير طمنا عنك انت ابو ثامر : الحمدالله , محتاجين شي ولا شي لا يرد لسانك ياام فيصل ام فيصل : الله يعافيك مو قارصنا شي ابو ثامر : والله ياام فيصل اني جاي وابي افاتحك بمووضوع امانه في رقبتي هالوصيه ام فيصل بخوف : وش يابو ثامر ان شاء الله خير ؟ ابو ثامر : لا تخافين مافي شي هالموضوع وصيه برقبتي من المرحوم وانا لازم انفذ وصيته اذا ماعندك مانع , هو يخص فيصل قلت لازم اكلمك بالاول بعدين اقوله ام فيصل بضيق : والله اقلقتني قولي وش الوصيه وان شاء الله بيصير اللي موصي عليه ابو فيصل الله يرحمه ابو ثامر : اخوي وصاني قبل وفاته وقالي اسمع صديقي محمد ابو ياسر رفيق الدرب لما ولد بنته حجزت بنته لولدي فيصل . وهو وقال بنتي له . وانا بصرالحه اجلت الموضوع كثير خلاص تاخر فيصل عن الزواج لازم انفذ وصيته ولا وش رايك ام فصيل ودمعتها على خدها : الله يرحمك يابو فيصل ماقد كلمني بهالموضوع بس اعرف ابو ياسر ذا توام روحه ويحبه كثير وولدي فيصل والله اني اتمنى اليوم قبل بكرا ازوجه ابو ثامر : خلاص اجل انا بكلممه وهو ماراح يرفض لو درا انها وصيت ابوه ام فيصل : وابو ياسر على حد علمي توفي صح ولالا ابو ثامر : ايه وهو وصا اخوه بعد ان بنته لفيصل ولا يعطيها احد غيره هي ساكنه مع مرت ابوها ام فيصل : اجل امها ميته البنيه ابو ثامر : والله مدري ياخوك اللي اعرفه ان امها ايطاليه والبنت مزيونه طالعه لمها . ام فيصل : ان شاء الله الله يكتب اللي فيه خير . ______. بالمستشفى ., مها :بصراخ وخرررو عني اكرهكم كلكم وخررو ابغا ياسر وينك ياخوووي سعاد دخلت عيها : انتي هيه اص فضحتينا خلاص عاد من الصباح صراخ صراخ مها قاطعتها : انتي مافي قلبك رحمه اكرهك اناا وين امي ليه ماقلتي لي كله عشان فلووس ماني ماخذه شي مابي يفلوووس . انا حياتي خربت ماعمري ذقت الفررح كله منك اعتبرتك واحسبتك امي رغم ضربك وكرهك لي وقعدت تصييح وتصارخ مسكتها الممرضه خلاص خلاص جيبو الابره حطو لها ابره ونامممممت . _________, بعد مرور يومين مها هدت حالتها . ورفضت ترجع للبيت لين جاء عمها وخذ بخاطرها ووعدها انه راح يجيها كل يوم . وافقت وهي كسيره واليوم راح تطلع ام فيصل كانت واقفه وترحب بفيصل : ياهلا والله اخبارك اشتقفنا لك والله البيت بدونك ولا شي فيصل : ياهلا يمه والله وانا اشتقت لك يالغاليه يوسف : لاه لاه الله يسامحك يوم البيت بدون وله شي واحنا وين رحنا ولا هو الكل بالكل ريم : لنا الله ياخوك ذا حبيب قلب امه غلاته غير رهف باست راسه : الحمدالله على االسلامه فيصل بضحكته اللي تسحر: ههههههههه كلنا غلانا واحد ولا يمه ام فيصل : ايه والله يوليدي كلكم عندي واحد بس انت الكبيرر وتاج راسي وقعدو يشربون قهوه وشاي وسواليفهم ماليه البيت فيصل : رهووف خالد كلمني وقال يبي العرس بعد شهرين هاه موافقه ياعروس ؟ رهف باحراج وفرح بنفس الوقت : اللي تشوفه يوسف : شوي شوي لا تشققين ريم : ههههههههههههههههههههه ام فيصل : وهي تضحك هاو خلو البنت بحاله __________. مها صحت وحست راسها ثقيل اه ياربي قامت من السرير واتجهت للحمام دخلت تحت الماء الباررد علا وعسى يبرد على قلببها شوي , بعد ساعه كامله طلعت ولبست بجامه حرير قصيره وتسطحت على سريرها . دخلت عليها الهنوف : هيه انتي قومي الفطور اليوم دلعناك مخلينك براحتك وبعدين لا تسوين تمثليه علينا انا الحزينه المكسورره قاطعتها مها .. مها : مابي شي اطلعي وسكري الباب وراك ممكن الهنوف : والله واشوف طلع لك لسان مها وهي تقوم بتعب : ايه طلع لي تبين تشوفينه ؟ الهنوف بستحقار : هه كل ذا عشان اكتشفتي امي ماهو امك الحقيقيه لهدرجه متحسفه عليها مها برجفه ودموعها تنزل: انا كاره ضعفي وكرهكم لي اللي اشوفه بعيونكم خليتوني خدامه هنا وانا مالي ذنب وامك اللي اعتبرتها امي ولا ارد لها طلب بالاخير تقول انا مسكنتك هنا عشان فلوووسي الهنوف شافت امها جايه : لا تصارخين واحترمي نفسك فاهمه سعاد : وش فيه ؟ الهنوف : اللي ماتستحي قاعده تصارخ بوجهي وتتمنن علي بفلوسها سعاد تقدمت لها ومسكت شعرها : احترمي نفسك فاهمه وذا البيت بيتي ولو بغيت رميتك زي الكلب برا مها بصراخ : اءء اتركيني مابي اشوفكم اطلعو رمتها على السرير بقوتها وطلعو .. مها قعدت تصيح بمراررررره وتعب . وينك ياوليد تجي تطلعني من ذا البيت ونامت بدموعهها . ____. الصباح اقعد يمه افطر ليه مستعجل فيصل : ماعليه يمه افطر هناك دق جواله : هلا عمي .. ايه رايح الحين لشركه .. انشاء الله خير نلتقى هناك .. يالله مع السلامه ام فيصل : من ذا يمه فيصل : عمي ابو ثامر قال يبيي بموضوع وباس راسها يالله يمه ام فيصل : ببتسامه مافهمها فيصل فمان الله ... ريم وهي قاعده : يمه صراحه ولدك ذا فيضل غامض وعصبي ونادر يضحك الله يعين اللي بتاخذه ام فيصل : اسكتي بس يازينه الا يابختها فيييه . * انتهاء البارت * |
رد: انا وقلبي بين ايديك
البارت الثالث
عند فيصل بالشركه فيصل ملتهي بشغله : طق طق , فيصل : تفظل وعينه على الوراق اللي بيده ابو ثامر : السلام عليكم فيصل وقف : هلا عمي وعليكم السلام , حياك عمي زارتنا البركه ابو ثامر :الله يحييك اخبارك واخبار الشغل وياك فيصل : الحمدالله كل شي ماشي تمام ابو ثامر : الحمدالله على كل شي فيصل وهو ماسك التليفون : وش تشرب ياعمي ؟ ابو ثامر : نشرب قهوه فيصل : حاضر , الو هشام ثنين كوب قهوه , فيصل بعد ماسكر : امر عمي وش الموضوع اللي تبيني فيه ؟ ابو ثامر : والله ياعمك الموضوع ذا صاير اجله من سنين وهو وصيت الوالد رحمت الله عليه فيصل : عدل جلسته : وصيت الولد ؟ مالي علم بهالوصيه ابو ثامر : ابوك وصاني فيها لما جاء يموت وانا جاي اقولك وببري ذمتي وانت اكيد بتنفذ وصيت ابوك صح ولا فيصل : شغلت بالي ياعم وش الوصيه ؟ واللي موصيه فيه ابوي بيتم : قاله عمه الوصيه كلها فيصل : مها بنت ابو ياسر . انا معرف هالعائله الا اعرفه ان ابوها مات وهو صديق ابوي ابو ثامر : ايه مات والبنت امها ايطاليه . وشبه امها هاه وش قلت اكلم عمها عشان نروح نخطب فيصل بتردد : بس ياعم وشلون انا مابي اتزوج ولا افكر وابوي الله يصلحه كييف يعطي الرجل خبر ويحجزها لي دون ماادرري ابو ثامر : كنت صغير وقتها . والله يافيصل انا جيت قلت لك الوصيه اذا تبيها وتبي تنفذ وصيت ابوك الغالي دق علي وانا راح اكلم عمها . فيصل : وراسه بدا يعوره : طيب عمي افكر وارد لك وطلع ابو ثامر وظل فيصل لحاله فييصل : يارب شلون ابوي يسوي كذا والله يايبه مابي ارفض وصيتك الوحيده بس... لازم استشير امي لعل وعسى تلقى لي حل _______. العصر دخل فيصل البيت لقى امه قاعده : السلام عليكم ام فيصل : هلا يبه تغديت ولا فيصل وباين عليه التعب والتفكير : لا يمه مابي ابي اكلمك بموضوع ام فيصل وهي عارفه ايش بيقول : عمك قالك عن وصيت ابوك فيصل وهو يحاول يتمالك اعصابه : حتى انتي يمه تعرفين ولا قلتي لي ام فيصل : لا ياوليدي والله عمك قالي الموضوع قبل يومين وقال هو بيفاتحك فيه فيصل : يمه انا حيران اكيد عم البنت ينتظرني اجي اخذها وانا مابي اتزوج الحين ام فيصل بعصبيه: وليه يافيصل خلاص انتي قربت تصك الثلاثين ولا تبي تتزوج عشاني ياوليدي وعشان وصيت ابوك وافق عليها وخلنا نروح نخطببها فيصل وهو ماعنده حل ثاني لان هذي وصيته ابوه وهو لازم ينفذها : خلاص يمه راح اكلم عمي وصعد غرفته _____ ريم وهي تنط من مكانها : صدق ييممه ام فيصل بفرح : ايه عمك بيروح اليوم يكلم عمها رهف : وااو صدق يمه امها ايطاليه ياربي اكيييد جميله يوسف دخل : وه وش فيك مبسوطين كذا ريم : واخييرا اخوك بيتززوج واي وناسسه يوسف وهو مبلوم : صدق ومن ذي توني ادرري رهف : ههههههه ايه واخيرا بنفرح فيه ريم : الله يعينها بس ان شاء الله تعرف له _________.. * عند فيصل فيصل : شلون ياعمي الملكه بكره انا ماستعديت ابو ثامر : ليه وش عندك ؟ لا تكبر الموضوع خلاص انا عطيت الرجال كلمه فيصل بعصبيه : كيف ياعمي اخذتها غصب عني وفوق كذا حدتو الملكه بعد ابو ثامر : هد يافيصل وش عندك انت بكرا تكشخ ونروح لهم . فيصل تنهد : خلاص عمي صار ____. في بيت ابو ياسر * الهنوف :هلا عمي صالح امي مو موجوده صالح : مو مشكله انا ابي مها موجوده ؟ الهنوف : ايه تفضل جت مها لعامه بعد ماسلمت عليه وقعد يسال عن اخبارها صالح : وش فيك يابنتي كذا زعلان خلاص اللي صار صار مها : لا ياعمي بس تعبانه شوي صالح تنهد : مها بنتي انا جاي ابيك بموضوع بعد ماقال لها عمها كل السالفه ... مها بصدمه لا انا مستحيل اخذ غير وليد لا ياعمي قول انها مو وصيت ابوي مابييييه وليد واعدني بيجي وقال انتظره شلونا خليه واتزوج صالح : مها وش فيك ؟ مها صحت من سرحانها ودموعه بدت تنزل وبترجي : لا ياعمي ارجوك ماابي اتزوجه صالح وهو مستغرب : ليه يامها الرجال جاي بيخطبك بكره والرجال مابيعيبه شي .. قطع عليهم صوت سعاد بعد ماسمعتهم طبعا بقهر : من ولده هاذا ؟ صالح : فيصل الفهد صاحب من اغنى الشركات بالرياض اكيد ماعندك مانع يام ياسر . سعاد بقهر الدنيا كله : اسمعني زين البيت بيتي سووا الملكه ببيتك مو انت عمها خلها عندك وراحت مها نزلت راسها منحرجه من اسلوب سعاد ودموعها على خدهاااا صالح : كيف كنتي متحملتها انسانه انانيه الله يرحمك ياخوي بس , الملكه ببيتي وانتي روحي جيبي اغراضك . مالك قعده هنا مها : بس عمي .. قاطعها : مها بنتي انا اعرف انها ماتعاملك زين لكن خلاص بكره راح تكونين على ذمت رجال جيبي اغراضك وتعالي . راحت مها ركض لغرفتها وصكت الباب : وقعدت تصيح اءءه ياربي ليه انا حظي كذا مابيه مابي الا وليد احلم فيه ليل نهار هو وعدني انه بيجي ليه صاحت صاحت لين راسها صدع وتعبت من كثر الصياح تذكرت عمها وقامت اخذت شنطتها ترتب اغراضها ___. الهنوف : اهي اهي يمه شفتي كيف حظها خطبها اغنى واحد بالرياض زين وانا حتى وليد يحبهها سعاد بحزن : خلاص ياهنوف ارحمي حالك من اليوم وانتي تبكين ووليد ذا راح يكون لك احمدي ربك هي انقلعت بتقعد بكد هالرجال المسكين بس ماعليه امسحي دموعك وجيبي جوالك الهنوف / وهي تمسح دموعها ليه يمه ؟ سعاد :جيبيه وتعالي يالله ______؟؟ بيت ابو عبدالله *صالح * وجدان بنت عم مهاا وجدان قربت من مها وقعدت معاها على سرير وجدان : مها حبيبتي والله فرحت لك ياعمري بتتزوجين قبلنا من قدك هههههه مها بعصبيه: من قالك اني ابيه بدت تبكي حطت يدنها على عيونها مغصوبه وربي مغصوبه حتى ابوك ماعطاني فرصه اقرر قال لرجال تعال اليوم ووافق عني . وجدان بحزن على حالها : مها حبيبتي خلاص هدي نفسك .. عطتها منديل تمسح دموعها وجدان بتردد : مها ابوي قال روحو السوق اشترو فستان لان الملكه بتكون المغرب \ مها : لا والله يخسي اقابله ماراح يشوفني انا وافقت عليه عشان ابوي اشوفه يحلم بعد وجدان : بس .. مها : وجدان الله يخليك اللي فيني مكفيني __. الهنوف : ههههههههه يمه صدق انك داهيه سعاد : افا عليك يالله ملي الرقم عندك 055..... الهنوف : رد رد ... الو الهنوف بدلع: اهلين اخبارك .. تمام من معي ؟ الهنوف : انا الهنوف بنت عمك ياوليد وليد بستغراب وش تبي : هلا الهنوف وش بغيتي الهنوف : اءء وليد والله ماكنت بقولك لكن انت غالي عندي ومارضا ان احد يلعب عليك بالمختصر مها ملكتها اليوم .؟ وليد بصدمه : ايششش وش تققولين انتي ؟؟؟؟ الهنوف : ايه ياوليد خاطبها واحد غني حيل وهي ماصدقت خبر على طول وافقت . وليد ونار تلسعه وبصراخ : مها مو معقوله تسويها .. هي تحبني وقالت انها بتنتظرني قاطتعته الهنوف : أي حب أي خاربيط هي ماتحبك اصحى على حالك همها القلوس وبس والحين هي طايره من الفررح لو فيه احد يحبك هو انا ياوليد وبحززن خليتني ورحت لها وهي ماتستاهل وليد وهو مو حاس بنفسه وببرود الدنيا : ابي رقمها يالهنوف ممكن الهنوف بعصبيه : وش تبي فيها ببترجاها ماتاخذه لهدرجه ماعندك كرامه وليد : هه انتي قلتي انها فرحانه انا بس بهنيها بزواجها . شلون قدرت تلعببب علي الهنوف حست من كلامه انه استحقرها : طيب ابشر راح ارسله لك وقفلت ارسلت الهنوف عليه رقم مها .. ________.. * عند مها ) مها : عمي الله يخليك مابي اشوفه صالح : لاحول لله مها وش فيك انتي عنيده كذا اذا قال الرجال ابي اشوفها وش اقول له ماتبي تشوفك ؟ مها ودموعها بدت تنزل : ايه مابيه ولا اببي له شوووف صالح بنفاذ صبر : اسمعي يامها مابي اعصصب عليك لكن اذا قال ابي اشوفها تنزلين فاهمه حتى لو ببجامتك طلع وصفق الباب وراه مها قعدت على الارض وبدت تبكي ليه ياعمي مو راضي تفهمني مابييييييييه .. قلبي ماحب الا وليد ولا ابي غيره .. دخلت وجداان : مهها حبيبتي بسم الله عليك قومي ياقلبي هدي نفسك . ______. ام عبدالله : حرام عليك البنت يتيمه ليه تقسى عليها ابو عبدالله : هي عنيده مدري طالعه لمين تخيلي ماتبي تقابله لو وحده غيرها بتكون طايره فرح لان فيصل بياخذها مدري ليه ماتبيه .. بس اسمعي يامره الحين تروحين لها وخذي بخاطرها يمكن توافق وتلبس ام عبدالله : خلاص ان شاء الله مايصير الا اللي يسر _____.. الهنوف : يمه بتروحين للملكه سعاد : هه هم عزمونا حتى هي مافكرت حتى تتصل صدق قليله خاتمه الهوف وهي تطقطق على جوالها: احسن الله لا يردهااا ______, مها بعد ماهدت : وجدان لازم اعزم الهنوف وامها وجدان : من جدك لا ي ختي لا تعزمينهم هم ماتصلو ولا فكرو يباركون لك على الاقل , صراحه ذي الهنوف ماطيقها شايفه نفسهاا مدري كيف متحملتها مها : بس حتى ولو الهنوف اختي وامي ... قصدي خالتي سعاد ماتهون على العشره اللي بينا وجدان : ابوي عيا خلاص انسيهم طق طق : وجدان : ادخل ام عبدالله دخلت : ممكن ادخل ... وجدان : هههه تعالي ماما .. قعدت جنب مها ومسكت يدينها : مها يمه اليوم ملكتك خلاص انسي الماضي يابنتي اليوم راح تكوني على ذمه رجال .. عشان خاطري اذا لي خاطر عندك البسي وسرحي شعرك انتي مزيونه ومو قاصرك شي ماشاء الله ومتاكده فيصل بيجن عليك مها وهي منزله راسها وهي قاعده تحترق من الداخل : خالتي انا من زمان وانا اعتبرك زي امي بس .. ام عبدالله ضمتها لصدرها ومسحت على راسها : مها حبيبتي لا ترديني ابيك تكونين احلى وحده اليوم مها تتكلم بقلبها : حرمتوني من وليد وقررتو عني وملكتي اليوم غصب عني انتو حديتوني على اللي بسويه رفعدت راسها : طيب ماعندي فستان .. وجدان : هاذي خليها علي عندي فساتين حلوووه تعالي واختاري مها : طيب عن اذنك خالتي .. ام عبدالله وهي تبوسها أي مها ابيك كذا .. ___________.. ريم : يمه تكفين بروح معاك الله يخليك ام فيصل : ريومتي فيصل قال لا خلاص يمه باخذ رهف لانها الكبيره وانتي بخليك تاثثين غرفتهم هاه وش رايك ريم بزعل : طيب يمه فيصل دخل عليهم وهو كاشخ : السلام عليكم هاه يمه خلصتي ريم : هالله الله وش هالكشخه يافيصل والله بتنهبل عليك البنت فيصل اكتفى بانه يبتسم ... رهف وهي تلبس عبايتها : يالله يمه خلصت ريم وهي تنط عليها : رهيييف قولي لي كيف شكلهها احفظيها عشان توصفينها لي رهف : ههههههههه طيب طيب .. مر من جنبهم فيصل وسمعهم طنشهم ومششى ام فيصل : يالله ريومه انتبهي لنفسك وطلعوو ... انتهى البارت .. ( هناي الفيصل ) .. |
| الساعة الآن 02:55 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية