|
سعوديات على عتبات الشهره ....
السلام عليكم .... أول مرة أتواجد في قسم الحوار الجاد .. والعذر من الجميع ... حواري ونقاشي مخصص للسعوديين من الجنسين .. سعوديات على عتبات الشهره .... نرى كثيرا .. سعودية تظهر على شاشة التلفاز .. تتمايل راقصة مع أنغام موسيقية وكلمات عشق خارجة من شفتيها .. أو أخرى .. تظهر في مسلسل أقل ما يقال عنه .. لا أخلاقي ... برنامج يجمعها مع زوجها ليظهر المشاكل اليومية في أسبوع .. وفي الحقيقة هو يظهر أكثر بكثير من ذلك ... أو سعودية ترتحل إلى الهند لتصبح عارضة أزياء و من بعدها >>ممثلة هوليوودية << والذي هو حلمها وحلم والدها من قبلها .. وأخرى أصبحت بالفعل عارضة سعودية تتنقل بين عدد من الدول ..... تظهر أخريات على القناة اليوتيوببيه .. في برامج متنوعه ... منها الهادف .. ومنها الساخر .. ومنها مايجعل السعوديين يسخرون منها حتى تصبح شهرتها بثمن (غبائها ) .. أخريات يقفن على عتبات الشارع في منتصف الليل لنقل خبر حصري لقناة إخبارية .. وكأنه لاوجود لرجال ليظهروا في مثل هذه الساعه ونقل تلك الأخبار بأنفسهم ؟؟ وآآآآخر صرعاتهم .... برنامج الكييك ... الذي أخرج من داخل المجتمع السعودي .. مانسميه .. (بالمصائب) .. في الحقيقة ... كل ماذكرته .. على سبيل الحصر ... ففي هذا الزمن كثرت السعوديات اللواتي يبحثن عن الشهره بطريقة أو بأخرى .... رغبتي اليوم بأن أعرف أو بمعنى أحرى .. نظرح باب النقاش لمعرفة الأسباب في هذه الظواهر .... جميعنا نذكر أمر تلك المطربة السعودية ... منذ عدد لابأس به من السنوات حيث كان شقيقها متوعداً بها بالقتل .. حتى اضطرها الأمر لهروب من السعودية .. منذ متى يوافق الأباء على ظهور بناتهم بهذا الشكل ...؟؟ ومنذ متى يرضى المجتمع ويتقبل فتيات يرقصن ويقدمن حركات (استهبال ) ... أريد أن أعلم هل التغير في المجتمع ..في العادات والقيم أم أن التغير في الأشخاص مما حدا بالعادات والقيم ان تتغير ؟؟ هل أصبح الآباء اليوم غير أباء البارحه ؟؟ أم أن أبناء اليوم غير أبناء الأمس ؟؟ باب النقاش مفتوح للجميع ... أتمنى من كل قلبي أن لا يضايقكم النقاش أو الحوار لأن الأمر ليس مجرد نزوة بل انتقل ليصبح ظاهره كبيرة .... |
رد: سعوديات على عتبات الشهره ....
اموره للاسف التغير من الجانبين جانب الاهل وخصوصا الرجال اللي كثير انعدمت عندهم الغيره واصبحوا ديوثا
يرى بناته وحريمه يخرجون من دون حجاب لا ياكلم ولا حتى يعاقبهم وشيئا ف شيء اصبحت مغنية او عارضه او ممثله والبعض من الاهل هو من يؤيد بناته ويشجعها لما انعدمت الغيره من اكل الحرام احد الاسباب وربما مشاهدت البرامج الهابطه بكثره ادت الى تغيير مفاهيم بعض الاهالي اذا الوالد من الاول متشدد مع بناته على اللبس الشرعي والخروج مايخرجون الا بإذنه لان هو ولي امرها الى ان تتزوج ويسلمها الى رجلها لأن الرجل مسؤول وهذا لايلغي مسؤولية الام في النصح والتربيه والعقاب لو استحق الامر وخصوصا لو تعلق الامر في ترك الحجاب ثم الغناء او الرقص او عرض الازياء او التمثيل ااسف لحال بناتنا السعوديات الذين تأثروا كثيرا بالغرب اموره اعذريني يمكن طولت في الحديث ومع زمن الناس ترى المنكر ولا تنكره يسبب زياده في هالمصايب اللي تحدث باسم الشهره هذا واستغفر الله لي ولكم |
رد: سعوديات على عتبات الشهره ....
يوجد سببين لا ثالث لهما:
1-الكبت الزائد عن الحد اللي يمارس ضد السعوديين بوجه عام و اللي سبب مشاكل كثيره 2-الإنبهار بالغرب بشده و غياب الوعي الديني |
رد: سعوديات على عتبات الشهره ....
اقتباس:
السلام عليكم شكرًا أموره على الطرح وان شاء الله بنقاش الموضوع بالتفصيل أخ احمد ماهو الكبت الممارس ضدنا!!!!! كتبت عن ها لموضوع قبل اشهر برجع أنسخه واسوي له لصق أموره بعد إذنك كاتب الموضوع : نجلاء الريم المنتدى : مدونتي رد: وًمآزُلوآ يقٌطنونّ هنٌآك! ...~~~ ..مًلتفُونَ حولً مَخيلٌتٍي قاعدة اشوف برنامج بقناةعربية لكن التمويل اجنبي يتكلمون عن المرأء السعودية وكيف اثبتت نفسها بيوم المرأه العالمي 8مارس رغم لاحظوا رغم ماتعانيه من الضوابط والقيود وجايبين كم صوره لعضوات مجلس الشورى وجالسه تدير الحوار سعودية لا اسمها ولا لكنتها ولا شكلها يدل على انها سعودية بنسبة واحد بالميه تمنيت لو فيه اتصال مباشر بس هم اجبن من المواجهة وعارفين انهم يدسون السم بالدسم ومعها كم وحد تطالب بحقوق المرأه السعودية((الي عجزت انا اعرفها )) برامج كامله عن السعوديات تطالب بالتحرر بالقيادة بالاختلاط نومها سفرها شغلها لبسها بيتها والله حسيت اني ملكه من كثر هاالاهتمام فيني هيلاري كلينتون فازعتن لناا مدري من معلمها وخلت شؤون امريكاا الكونجرس مختبصين الله يسلمهم بس على هالنخوه والشهامه قنوات........مالهم هم الا انا وخوياتي السعوديات وجايبين كم وحده يقال انهم سعوديات يناقشون معهم وبرامج في القنوات ....... حتا السنعه اوبررا اشغلناها زود على شغلها سواقتناا اهم من البنغلاديشيه والسرلنكية الي ماتلقا اكل لعيالها وتتغرب سنين نقابنااا يتعبناا اكثر من الهنديه الي بس بس يحرقونها حتا موت لو ما دفعت المهر كامل لزوجهاااا الرواتب عندنا متساويه بالتسبه للجنسين بريطانيا الرجل اعلى ولو نفس الوظبفه المرأه الي في بيتها معززه مكرمه يسمونها عاطله ابي اشوف فرق بيني وبين اي عربيه او اجنبيه ماالقيت الي ينادوون بحقوق المرأه السعوديه الدول المجاوره والعربيه والاسلاميه بعد تحرر المرأه صارت دوله صنااعيه؟؟؟؟؟؟من دول العالم الاول؟؟؟؟طيب ممعليش العالم الثاني قلت نسبة الطلاق نسبة الفسااد ؟؟؟؟ اختفت جرائم الاغتصاب والخطف انتهت مشاكل المرأه الا زاد الطلاق والخيانات والفساد والجرائم والعياذ بالله انا مستغربه يدافعون عني وانا ما احس اني مظلومه ولا ناقصني شي ابد حقوقي الاساسيه موجوده واكثر بعد الحمدلله مرتااحه كبنت وكاأخت وكزوجه وكاأم ماناقصني شي اتصرف بحدود الدين والشرع والعقل وما أحد يعارضني فعلااا حسيت اني محسوده ......... والثاني كاتب الموضوع : نجلاء الريم المنتدى : مدونتي رد: وًمآزُلوآ يقٌطنونّ هنٌآك! ...~~~ ..مًلتفُونَ حولً مَخيلٌتٍي مدري ليه ادور الي يعورني ويضايقني من جد نفس القناة النتنه مستضيفه شخصيه. هي ناشطه لحقوق المرأأأه السعوديه. ياهالسعوديه الي العالم كله ماينام الليل من همها وهي شبعانه رقاد وراحه ..... وعندي استعداد لأي مناااقشه المهم هالسيده السعوديه ولا احد يزعل نهاية اسمها واضح انها من خارج الجزيره العربيه بكاملها. لا احد يتهمني بالعنصريه لا يمكن لشخص ان ينسلخ من جذوره وتراثه وحضارته ومعتقداته حتى لو عاش في مكان ماااااا هنا مربط الفرس شوفوا نقاشها واتهامتها سؤال تطرحه بكل عصبيه ومطالبه بشده ان يعاد النظر في ........... لماذا يخشى السعوديين الانضمام الى اتفاقية سيداو وتمجيد بهالاتفاقيه وانها وانها وان المملكه من الدول القليلة الي لم تنضم جتى الأن وذكرت كم دوله من وسط افريقيا تأكيد على اهمية تلك الاتفاقيه !!!!!! صراحه انا سمعت بهالاتفاقيه بطريقه عارضه وماشدتني لكن يوم شفت الأخت متحمسه وانها تحفظ حق المرأه. وتعيد هيكلتها ومصالحها حسيت اني دوله صناعيه ماني امرأه سعوديه. سعوديه سعوديه المهم بحثت عن هالاتفاقيه عنوانهٕا. اتفاقية القضاء على جميع ٔاشكال التمييز ضد المرٔاةا العنوان عادي لكن !!!!!!!!!!! اول صدمه هي. ان امريكا رفضت توقيعهااا واعظم المصائب من حق المرأه العمل بال***** لتعيل نفسها حسبي الله ونعم الوكيل حسبي الله ونعم الوكيل قلتهااا وانا انتفض من الغضب من الاشمئزاز وبنود كثيرره يعني توقيع هالاتفاقيه معناه مع السلامه للشرف والفضيله اهلا للفساد والدمار بنود مجمله بالمساواة وعدم التمييز ولكن الخافي اعظم وطالعه وعلى الملأ تطالبين بهالاتفاقيه وتسألين ليه يخافون من توقيع هالاتفاقيه ان بليتم فاستتروا دعوه للسفور والفساد مزينه بالحريه والمساواة للاسف بدت معاول هدم مجتمعنا بايد اشباه السعوديين. ولا احد يزعل من هالصفه كثير يبغون التحرر ومن حولنا يمارسون اهوائهم بعيد عن مملكتنا الحبيبه ذكرت فيلم سعودي قصير فاز بالمركز الاول تخيلوا تفوقنا على مصر الي عمر السينما فيها 100 سنه وعلى تركيا وعلى وعلى والقصه سخيفه ومؤتمر صحفي للمخرجه وحضور ومناقشه وقصة الفيلم. ماتصلح ولا حكايه للاطفال قبل النوم ورقم مفجع لانتاجه قسمت المبلغ لقيته يوفر مسكن ومعيشه لحوالي 100 اسره لمدة ثلاث سنوات انا ماني رجعيه ولا متشدده لكن اعيش اسر بكرامه اهم من فيلم يتكلم عن بنت تبي سيكل !!!!!!!!!! وشركه المانيه ساهمت بالتمويل مع شركه سعوديه واستعراضات ومخرجه انا كسعوديه ارفض انها تمثلني جمله وتفصيل قلت لكم مشغلين العالم وشاغلينهم وحنا ماااندري ياربي والله اني راضيه بوضعي ولك الحمد والشكر يارب ما اشوف اي سيده من جنسيه ثانيه متفوقه علي ابد او حاصله على حقوق زياده ما انكر ان فيه حالات اضطهاد وتجبر وتعنت لكن طلعو لي مجتمع مثالي خالي من التصرفات الهمجيه متاااكده بعد هالهذره ان كثير بيتهموني بالعنصريه بالفوقيه بالنرجسيه لكن متأكده من شي واااحد ان حاصله على حقوقي الشرعيه والمنطقيه كاااااامله وبس |
رد: سعوديات على عتبات الشهره ....
اقتباس:
اللهم اهد الجميع الى ما يحبه ويرضاه |
رد: سعوديات على عتبات الشهره ....
اقتباس:
هلا تفاحتي ... أول شيء ياعمري هنا النقاش مفتوح .. هو صلا من إسمها نقاش يعني لا تعتذري ع الإطاله ,,,, أحب آخذ وجهات النظر المتعددة ... رأيك صادق .. وواقعي ... الأمر هنا واللي أستغربه ... ليش الرجال ماعاد يغار على أهله وعرضه ....؟؟ ليش يقبل يمشي بالسوق مع أخته أو مع زوجته بشبه حجاب ؟؟؟ بدون غطاء حتى ؟ والله الذي لا إله غيره .. نزلت مرة جدة ... ونزلت السوق وخليت عيالي مع زوجي عبايتي من ذي العبايات الواسعه والنقاب والحشمة أمشي مع روحي .. المهم دخلت وححده السوق لابسه من هذا اللباس اللي يجي بنطلون موصول مع الفانيلة يعني قطعه كامله كم لين تحت الركبه بشبر ونص ... ولابسه حجاب أبيض .. طبعا اللباس كحلي .. أنا عاد تنحت ... ع الآآآآآآآآآآآآخر ماني متعوده على هالمناظر ووين عندنا في السعودية لو برا أبلعها ... هنا الأجانب بنفسهم يلبسوا عبايات لما ينزلوا الأسواق وهي طالعه كذا ؟؟؟؟ أنا معك .. المسلسلات الهابطه والأشياء هذه أحد الأسباب أيضا ... في مسلسل أظن هوامير الصحراء .. اللي فيه البنات سكرتيرات وماادري أيش وهم ماشاء الله كانهم في حفله ... ولا عبايه ولا شيء ... سفووووووووور كامل ... الحمدلله ماتابعته لكن شفت مشاهد كانت كافية بالنسبة لي ... طبعا حيتأثروا بها المسلسلات لكن أستغرب وزي ماقلتي وين الأهل عن هالشيء ؟؟؟ وينهم لما يشوفوا بنتهم بهذا الشكل ؟؟ كنت وأنا بالثانوي ... عندي قناعه ودايم أقولها لزميلاتي .. (احمدروا ربكم عندنا أهل يخافوا علينا ) سبحان الله مااقتنعت فيها بقدر قناعتي الآن رغم إن أبوي كان دايم يمنعني أروح لصاحباتي وزميلاتي .. والوجيده اللي سمح لي أزورها بعد عناء أبوها رئيس الهيئة عندنا ,, ويعرف عمي معرفة شخصية وفوق هذا كله .. هي زارتني أول ... الحين أنا اللي طولت عليك ..... بس زي ماقلت هذا باب حوار ونقاش ... |
رد: سعوديات على عتبات الشهره ....
اقتباس:
أنا ضدك تماما في هذا الشيء ... أول شيء المجتمع السعودي ماعاد يعاني الكبت .. اللي عايش فيه يعرف هذا الشيء تماما .. يمكن الإنبهار أحد الأسباب ... |
رد: سعوديات على عتبات الشهره ....
اقتباس:
حياك الله .. بالرغم من عدم مشاركتك .. ومن إن المووضوع مخصص للسعوديين .. أسعدني تواجدك جدا ... منور والله |
رد: سعوديات على عتبات الشهره ....
نجول تعليقك يبي له مدونة هههههههههه راجعه بعد العشاء ...
|
رد: سعوديات على عتبات الشهره ....
اقولك موقف اموره وانا واهلي في المطار استقبل اختي وبنتها مع زوجها استغربت وانصدمت يوم شفت بنات من عمري مع اخوهم بالجنز وبلايز نصف كم وبدون لا عباية ولا حجاب وهم سعوديين واللي يقهر اخوهم كبير مو صغير ماعندك غاريه على خواتك ترضى يمشون كذا
وللأسف بعض الناس ماخذ الحجاب مو على انه فرض وواجب اسلامي لحماية البنت مااخذ على الدوله وتشوفون بعض العوائل اذا اخرجوا جارج المملكه يفصخون الحجاب وكأن الحجاب مفروض بس بالمملكه اموره اكل المال الحرام يعدم الغيره لدى الرجل ومشاهدة الافلام الهابطه احد الاسباب اكل المطاعم وخصوصا لو كان اللحم مشبوه سواء في ذبحه او حليته يأثر واكبر مثال في مطعم مشهور اكتشفوا انه لحومه لحم كلاب واغلقوه راح ارجع اتناقش معاكم في الموضوع بس القى انه عندي رد |
رد: سعوديات على عتبات الشهره ....
عجبني الموضوع كطرح رغم انه مخصص لسعوديين
الا انه غصة في حلق كل مسلم يغار على شعبه متابعة بصمت |
رد: سعوديات على عتبات الشهره ....
السلام عليكم عذرا ولو اني لست سعودية ولكني اريد ان اشارك فيه ,المرأة السعودية مثال للحشمة في مظهرها وتمسكها بالحجاب يكفي انك حينما تخرج للشارع لاتتصطدم بمنظر يخدش الحياء ويثير الغرائز متمثل في امرأة مرتدية جينز لاصق يبين تفاصيل جسمها وشعرها مغطى او مظهرة خصلات منه ومحسوبة من المحجبات او اخرى سافرة وبكل بجاحة تتجول في الشارع والادهى من هذا كله التغابي والجهل والانكار لتعاليم الله وفروضه حينما تناقشهم يقولون لك ان الايمان بالقلب او حينما اقتنع اتحجب او ان هذه الدولة مجبرين على الحجاب ناسيين ان هذا امرالله قبل ان يكون امر من عباده وحتى لو كان امر مدني يا ليث كل الدول تأمر به لتنقص التحرشات والمعاكسات ولمساعدة الشباب على غض البصر ,في احدى الدول العربية في شهر رمضان الكريم فتيات يتجولن في الشارع بشورتات والبسة خادشة للحياء لاحسيب ولا رقيب دون مراعاة لحرمة الشهر الكريم والادهى من ذلك حينما يتعرضن للتحرش تقلب الدنيا ولاتقعد وتتبنى قضيتهم منظمة حقوق الانسان بدعوى الحرية ناسيين ان عند تعاليم ديننا الاسلامي تقف حدود الحرية ,اريد ان اقول للمرأة السعودية انت مثار حسد من كل امرأة مسلمة غيورة على دينها لوجودك في مجتمع يفرض عليك المظهر الاسلامي ولاتصدقي الخزعبلات التي تنادي بالتحرر وانك مكبوتة بالعكس انت معززة مكرمة بعيدة عن الاختلاط بعيدة عن الذنوب ,من سنوات ماضية لم نسمع ان هناك مطربة سعودية او مذيعةسافرة اوعارضة ماعدا المطرودات من السعودية كم يحزنني هذا الكم في السنوات القريبة من ظهور لها في هذه المجالات واجد ان هذا بسبب أيدي خفية تريد تحطيم الصورة الجميلة المتمسكة بدينها للمرأة السعودية في بلد رسول الله صلى الله عليه وسلم وهذه الايدي حجتها الحرية المطلقة والعولمة الى غيرها من ترهات
|
رد: سعوديات على عتبات الشهره ....
اقتباس:
أول شيء أعتذر ع التأخير لغيابي في الفترة الأخيرة ...... كلامك نجول قريته في مدونتك بوقته ... وعجبت فعلا من هالشيء ... أنا مع اللي يقول إن المرأة ماخذة حقوقها وبزيادة .... بمعنى آخر ضد قيادة المرأة للسيارة ,.,, لأني أشوف أضرارها أكبر من منافعها .. وكمان أشوف إنها فكر غربي هجم علينا مع التفتح اللي صار بالعالم .. وفعلا المرأة السعودية أصبحت تشغل العالم بأكمله .. طبعا لأن أساس المجتمع الإسلامي هو المرأة وتربيتها .... متى مااهتز الأساس اهتز المجتمع بأكمله ... مايحصل في السعودية اليوم يدعونا فعلا للتوقف وتأمل حالنا للحظات .. لنجد فعلاً إنه إحنا ابتعدنا كثير عن ديننا وناهيك عن عاداتنا وتقاليدنا ... بالإضافة للهجوم الخارجي على أبنائنا ... يمكن الهجوم ماهو واضح وصريح لكن وجود القنوات الفضائية الهااائلة جدا واللي أغلبها زي مانشوف بعيده عن الدين تدعونا للتساؤل من وراء إطلاق هذه القنوات ؟؟ برأيي المتواضع السعوديين من الجنسين متعرضين لهجوم خارجي .. وزي ماأِشرتي نجول الكل يُظهر إن المجتمع مظلوم وإن السعودية ضايع حقها ... مشكورة غاليتي ع المشاركة الراااائعه ...ألف شكر لكِ |
رد: سعوديات على عتبات الشهره ....
اقتباس:
سبحان الله تفاحتي ... علشان كذا اللي يسلم على كَبر تحسي إسلامه أفضل من اللي ماخذ الدين الإسلامي شيء عادي وروتين من هو صغير .. لأن الأول أخذه باقتناع بينما الثاني أخذه كعادة وتقليد ... ماتت الغيرة من يوم صاروا شبابنا يشاهدوا المراقص والقنوات اللي تعرض الفجور وغيرها مما يميت القلب ... صار عندهم عادي البنت تطلع السوق والأماكن الأخرى كاشفة وعارية .... تصدقي عاد .. أنا نعودت ألبس حذاء عالي على عباية طويلة أخوي اللي أصغر مني كل ماطلعت معه السوق وهو ماتجاوز العشرين سنة ولا متشدد في أمور الدين يزعل علي لما ألبسه ..... الله يحفظ بناتنا وأبناءنا من كل مكروه بانتظارك ^^ |
رد: سعوديات على عتبات الشهره ....
اقتباس:
حياك الله غاليتي ..... إي والله صادقة غصة في قلب كل مسلم غيور... مشكورة ع المشاركة ... |
رد: سعوديات على عتبات الشهره ....
اقتباس:
كلام قيم ... وأكثر من راااائع .. فعلاً كل ذي نعمة محسود ... أبحث عن كلام أزيده على كلامك .... لا أجد بصراحه ماأستطيع إضافته ... أنا حين طرحت الموضوع لم يكن القصد أن أقول بأن المجتمع السعودي بهذا الشكل لا والله لكن أحببت أن أوجه النظر لشريحه من المجتمع تستحق التأمل والمشاهدة والبحث عن الأسباب التي قادتها لهذا الإتجاه ..... شكرا من القلب لمشاركتك الجميلة ..... |
رد: سعوديات على عتبات الشهره ....
بعض منهم ليست سعودية هذي ما ينشره عليه
بعدين اللي قهرني برنامج الكيكككك صحح انو 36 بسس يوضح لك الشخص صاحب الكيكه أو المقطع طرحك جميل شكرًا لك |
| الساعة الآن 04:23 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية