keep calm and drink coffee ( متجدد)
 

السلامُ عليكُم /
بمآ أنّنِي من نُخبة عآشقي القّهوة ، والكآفيين ..
اللّذي لا يُمكِن أن أستغنِي عنهُ يومًا واحد فأصبحح كالإدمآن
أو ب الأحرى كَ المخدّر ..

سأضع لكُم كل ليلة وقهَوتهآ ..
والسر ومآجرى فيها ، وطريقتهآ
لآنِي أتفنن في صنعُ قهوآت لربمّا
تكُون غريبَة نوعًا مآ !


عمُوما ..
سأضع لكمُ في البدآية صُور
وان تم الاستقرآر إلى صُلبِ الموضوع
سأضعُ لكم طريقة كل قهوة .. !




http://im38.gulfup.com/LwVip.jpg

- القهوة هذي في بيت خآلي مع بنت خآلي
سويتهآ اليوم ع الفطور المتأخر :e412:
وشسمهه كآن فطور رآيق وجميل .. وقمة في الإستهبآل
هذي صور أخرى للفطور ..


http://im39.gulfup.com/NuCWx.jpg

http://im36.gulfup.com/zhq3F.jpg

http://im33.gulfup.com/7YSYv.jpg

رد: keep calm and drink coffee ( متجدد)
 

/

هذي قهوة عربية
أذكر بيومهآ كنت اعفس بدرج الكومدينهه
وطلعت الكآم القديمهه الله يرحم ايامها ..

طبعا الكل يعرف طريقة القهوة العربية
وراح اوضح طريقتها حاليًا

http://im38.gulfup.com/RUV7Q.jpg

- اول شيء أسويه ب القهوة إختيآر نوعها ..
والمحل اللي اشتريهه منهآ لان مو كل محل
يجيب قهوة بنفس الجودة .. عمومًا أنا أختآر قهوة
العلآلي من محل العلآلي للقهوة يبيع جميع انواع القهوة
<< تفقد اعصابها فيهه :V8Q04529:

اول شيء انظف القهوة افكورس
ثم بعدهآ احمصها بحيث لونهآ يكون متحول للون البني ..
+ مع إضآفة قليل من " الكشنة "

<< تخيلوا كل يوم ازعج ماما بالمطبخ واقلب الدنيآ عشان كوب قهوة
قبل لا روح الجآمعة ><" !


1-نغلي تقريبا اربع اكواب ماء
2-نوطي النار وسط ونضع ملعقه كبيره مليانه من قهوة العلآلي " العربية " المحمصة
نتركها من عشر الي ربع ساعه تطبخ
3-نضع في الترمس او الدله الوسط ملعقه صغيره مليانه هيل مطحون مباشره افضل اطحني الهيل مع 3حبات مسمار
" افضل انو الهيل ينطحن بنفس اليوم اللي بسوي فيهه القهوة لان اذا طول تروح ريحته ونكهته "

ونضع ايضاملعقه صغيره مليانه خلطة القصيم للقهوه بصراحه هذه بعد من اسرار نجاح القهوه
>> راح اصوره ان شاء الله بس لان كامي الحين قاعدة تشحن ><"

4-نطفي النار عن القهوه نتركها تركد دقيقه ثم نصبها في الدلهه او الترمس
6-تترك خمس دقائق لتأخذ طعم الهيل ثم عليكم با العافيه
وتستوي القهوة العربية على اصولهآ ..

ان شاء الله اكون أفدتكم :)
+ استمتعتوا معي

رد: keep calm and drink coffee ( متجدد)
 

/

بهذي الصورة كآنت قبل شهر تقريبًا ..
كنت اذاكر وخلصت ومافيني نوم فجأة طق على
بالي قهوة وسويتها بسرعة .. وجهزت .. وكشته ع الأفلام ><" !
ليما عصبت الماما فديتها .. :biggrin:

http://im32.gulfup.com/zP7Or.jpg

لقطة ثآنية ..

http://im32.gulfup.com/EvPGV.jpg



هذي القهوة البيضآء
ماظن احد مايعرفها .. الكوفي ميت ..
لكن اللي استغربه انو في كثير مايعرفوها
او ب الأحرى يعرفوها بس مايعرفوا كيف استخدامها ..
فيظن البعض ان فقط نستخدم الكوفي ميت دون الكوفي او السكر
.. انا بجاوب انو هذي القهوة مو كابتشينو تحطي فيها سكر وخلصنا
هذي يبي لها شغلة شوي ..

لها طريقتين ..

بس ب الأول راح اوضح لكم الكوفي ميت ..

http://im37.gulfup.com/GWAHh.jpg

زي ماتشوفون كوفي ميت .. ونس كافيه ونحط في الكوب سكر ..
الطريقتين هي برغوة وبدون رغوة ..


برغوة ..

1 تحطي 3 ملاعق صغيرة سكر او حسب الرغبة
2 تحطي ملعقتين كبار كوفي ميت ..
3 تحطي ملعقة كبيرة ونص نس كافي ان كنتي تبيها سودة شوي
اذا تبيها بيضاء حطي ملعقتين صغيرة كوفي
4 صبي موية قليلة بحجم الملعقة الكبيرة فقط ..
5 نستخدم ملعقة الشاي الصغيرة ونخلط المكونات لمدة 10 دقائق نكون
نخلطها حتى يصير قوامها كريمي ويكون طعمها مثل التوفي تقريبا
<< اذا مانجح معك وصار قوامها سائل فالموية كثيرة لذلك راح تضطري تعيدي شغلك وتقللي من الموية

6 لما تشوفي ان القوام تماسكت صبي موية دافية وانتي تصبي الموية حركي المكونات بملعقة
بخفة مو بقوة حتى ماتنعدم الرغوة .. راح تطلع عندك الرغوة كثير ..



بدون رغوة

1 -تحطي 4 ملاعق سكر صغيرة او على حسب الرغب
2- 3 ملاعق كوفي ميت
3- ملعقة صغيرة ونص نس كافيه
4 صبي عليها الموية الدافية وراح تطلع لك بدون رغوة
<<عن نفسي انا ماحب الرغوة في الكوفي ميت انا احبها ب الكابتشينو
او الإسبريسو او الموكآتشينو


وب العافية ..

رد: keep calm and drink coffee ( متجدد)
 

/

هذي قهوة بالبندقُ
اذكر جتنا دعوة انا وبنات خالي
من الجامعة الى دهليز كوفي وراح يكون فيه
قسم خاص للبنات نتعلم فيها طريقة القهوة وكيف يسوونها
كان يوم مفتوح من الجامعة .. وتعلمت فيها كيف اسوي كورسان وسينابون
+ قهوة بالبندق وسويتها مع العاملات وكان جدا جدا جدا يوم ممتع

وهذي النتيجة

http://im41.gulfup.com/6A455.jpg

راح اشرح طريقه قهوة البندق لانها فعلا قهوة لذيذة ومن افضل انواع
القهوة اللي احبها ..

المقادير :

حليب بوني "مبخر" مو مركز
سكر عادي أو محلى
اكاو سنكويك كاكاو مر ..
جالكسي او نوتيلاحسب الرغبه ..
نسكافيه ..
بندق مطحون خاص بالقهوة << انا اشتريه من العلالي


الطريقة ..
1 تسخني الحليب وتخليه دافي بس مو يغلي
ثم تزيدي عليه موية تقريبا ربع الكوب ..

2 حطي المقادير مثلا 3 ملاعق نتويلا او جالكسي
سكر حسب الرغبة ..
كاكاو المر مثلا ملعقتين .. ونس كافيه حطي 4 ملاعق صغيرة ..
+ ملعقتين كبيرة بندق القهوة ..


3 اخلطي المكونات مع الحليب وتذوقيها
انتظريها شوي تدفى على النار مع الحليب ..
ثم صبيها في الكوب .. وبالعافية ..



في طريقة ثانية ..
بس ما انصح بها لان احس طريقة دهليز كوفي هي الانسب لجميع شاربي القهوة
عموما انصحكم تجربون القهوة لانها فعلا لذيذة مع السينابون ..




# نرجع للحدث هذاك اليوم
طلعنا من دهليز كوفي ورحنا للمطعم الإيطالي باالمجمع مع الدكتورة ..
وسولفنا مدري شلون تم اختيارنا مع بنات خالي لان فعلا كانت الجلسة شرحة
وتفتح النفس ..

راح احط لكم صور استهبالنا من السيارة لـ المجمع ..


هذا بالسيآرة قبل الوصول ..

http://im38.gulfup.com/53OiH.jpg

هنآ لما استقرينا ب المطعم الإيطآلي ..

http://im41.gulfup.com/H3hvt.jpg

<< ماتخلو كل عائلة سعودية من التقديحات
وين مانروح صورنا وكل من جآ قال ان لله مير انكم بنات وش يهجدكم خخخ ><"


http://im35.gulfup.com/8NhAd.jpg

<< شوي شوي بدآ يوصل الأكل والدكتور ياحليلها تسولف
وانا بقلبي اقول عسى دوم هالرواقة بكرة بنشوف الكشتة ب الجامعة ع الاصول
الظاهر بتورينا وجهها الثاني خخخ .. بالمناسبة كانت السلطة احلى شيء ذقته هي مع الباستا

http://im40.gulfup.com/sdO6L.jpg

<< 5 مدري 6 مدري 7 حبات << جمع حبتين
لليلاس .. واهم شيء الدكتورة مسوية حبتين معانا ><"


http://im35.gulfup.com/yvuOL.jpg

<< الباستا لا ننساها كانت لذيذة جدًا ..






وانتهينا
كان جدا يوم متعب ولكن اهم شيء فيه اني استمتعت بقهوة البندق
كانت هذي قهوة وهذي سالفتها سالفة بس جدا جدا رهيبة
واتمنى انكم ماتفوتون اي دعوة لكم من دهليز كوفي لان راح تحسون بمتعة

رد: keep calm and drink coffee ( متجدد)
 

http://im37.gulfup.com/2XXNi.jpg

قهوة قبل غروب الشمس كانت اليوم والتقطتها ع السريع ..
القهوة كوفي ميت شرحت طريقتها ..
المهم ان السالفة ومافيها .. ان كوبي انكسر :e412::e411: