طفولة مغتاله ....
 

السلام عليكم .....


بصراحه موقف مر فيني شخصياً موقف محزن لبراءة أُغتيلت بأبشع طريقة ...

من كم يوم طلعت الحديقة مع واحدة أعرفها سورية جت هي وولدها ع السعودية الأسبوع اللي راح فقلت ناخذهم يغيروا جو ..

وإحنا في الحديقة جالسين مرت طيارة فصرخوا أطفالي طيارة طيارة وصاروا يأشروا لها ..

بذات الوقت هذا الطفل يكلم أمه وهو ماتجاوز العشر سنوات ( ماما راح تقصف .؟؟!)

حسيت بقلبي وقف .. طلت علي أمه وقالت .. (عادي ترا إحنا بنشوف الطيارات ونتابعها لين تقصف ونصورها كمان عادي تعودنا !!!!!)

يمكن الموقف مايكون بذات الألم اللي نشوفه ع التلفزيون .. ويمكن مايحمل ذات الأثر اللي نشوفه بصور الأطفال المغتالين ..

لكن كلمة الطفل أثرت علي بقوة ... أثر هالحرب راح تمتد لنفسية هالأطفال اللي لسه هم على قيد الحياة ... أثرها من اللي شافوه وإلا من اللي مروا فيه ..

حكت لي هالمرأة قصص كثيرة مرت فيها قصص حزينة ومؤلمة لكن اللي لفت انتباهي هو طريقتها بالكلام .. كانت مبتسمة .. وحتى وهي تحكي لي ع القصف وكيف نزل البيت ع راسها وكيف جارهم شافته وهو راجع ع بيته ويده مقطوعه و و و قصص كثيرة كانت مبتسمة .. روحها كانت جميلة برغم المآسي ...

كتبت هالموضوع ماادري ليه بصراحه إش هو السبب بالضبط ماني عارفة يمكن رغبة باطنة مني إنه نتذكر هالأطفال واللي بيمروا فيه يوميا في معاناة لاتنتهي .. أو يمكن رغبة بالفضفضة لا أكثر

في كل الأحوال ألم وحزن حبيت أشارككم فيه واعذروني ع اللهجة العامية حسيت إنها أقرب لتوصيل الصوت ...


في النهاية الله يفرج على سوريا وأبناء سوريا .. الله ينصرهم ويرحم أمواتهم ..

الله يرزقهم جنة عرضها السماوات والأرض ..

دمتم بود

رد: طفولة مغتاله ....
 

الله يفرجها عليهم والله شي بقطع القلب

ولسه حكايات التعذيب داخل السجون اشد واقسى >>>>> حسبي الله ونعم الوكيل

والصمت الدائم ؟؟؟؟؟

يسلمو على الطرح

رد: طفولة مغتاله ....
 

هلا. اموره. اللهم. انصرهم. وشدد ازرهم. واعنهم. ولاتعن. عليهم. المسلمين. في سبات. !!!!!!!

بس. مانسيناهم. من دعواتنا. ومن. تقديم مانقدر. عليه.


والاطفال. فعلا. يبي. لهم. تائهيل. من جديد. بعد الحرب. الله. ارحم. بهم. منا.

رد: طفولة مغتاله ....
 

رد: طفولة مغتاله ....