منتديات ليلاس - ابغى حل سريع

وعليكم السلام ورحمة الله وبركآتة ..
مرحبا فيك حبيبتي ..

انتي تتعبين نفسياً من كثر تفكيرك فيها وخوفك من آلامها ..
والشيء هذا هو الي يأثر على اعصابك .. ريــــــلآآكس
خليك هاديه يــ الغلآ هذا شيء طبيعي وتقلصاتها وآلامها طبيعية
لكن إذا زآدت عن حدها انصحك تروحي تكشفي عند دكتورة لأن فيه امراض تسبب آلام شديدة اثناء الدورة مثل إنقلاب الأرحام أو ميلان الأرحام أو الفِقرة وسهل علاجها بإذن الله ولها مسببات مثل :
الجوع الشديد او التخمة الزائدة
الأكلات اللزجة مثل الملوخية ، الباميا ،البصل الأخضر ، الشمام ، البطيخ
الحوامض وخآآآصه الليمون .. عادي تأكلي برتقال لكن حبه وحده باليوم وبعد الشبع
الأيسكريم او المشي حافيه على السيراميك او الرخام البآرد
المشروبآت الغازية ..
هذي الأشيـــاء ابتعدي عنها تماماً
خلصنا من الناحية الطبية نروح للنفسيه والي هي سبب كل التوتر والعصبية الي عندك
تقولين اول ماتنزل تروحين للسرير تنتظرين الألم ...؟؟؟!!!
ياقلبي مايصير الي قاعده تسويه هونيها وتهون ولاتكبرين الموضوع حطي ببالك انها اجازة لك تدلعين نفسك فيها
الواجبات الشرعية مرفوعه عنك واجازة من زوجك ..
أول شيء واهم شيء شكلك ونظافتك الشخصية
ابقولك طريقة ابغاك تسويها والله والله بتشوفين الفرق ..
اول ماتنزل روحي استحمي بماء دافئ يهدي اعصابك ويرخي عضلات البطن وفيه ناس يقولون الحمام مو كويس .. انا سأله دكتورة تقول عادي جداً بس اهم شيء يكون دووش ومايكون يومياً ..
بعدين دلعي جسمك آخر دلع استخدمي كريمات الجسم الي رائحتها فواكه منعشة مثل كريمات زهور الريف او بودي شوب .. لحظه لاتقولين تعبانه وقرفانه مو طايقه نفسي أعرف كلنا مجربين نفسك الشعور انا احكي لك من تجربه شخصيه .. وبعدها البسي بيجامة نعومه اهم شيء تكون قطنية وماسكه على جسمك عشان مايدخلك هواء
واختميها بعطر هادي صدقيني لما تشوفين نفسك نظيفة ومرتبه ونعومه تنعكس على نفسيتك وتحسين بالرآحه والهدوء
بعدها سوي لك مشروب دافئ .. نعناع أو مشروب القرفه وطريقته تغلين مويه وتضيفين له ملعقة قرفه وملعقة كمون وملعقة زنجبيل واسكبيه بكوب وحطي سكر قد ماترغبين صرآحه مره حلوو ومفيــد
وروحي اشغلي نفسك بشيء اجلسي عند التلفزيون او الاب توب او جوالك أي شيء تحبينه سويه ولو كنتي تعانين من آلام البطن والتقلصآت .. حاولي قد ماتقدرين ماتستسلمين للألم صدقيني مع الوقت بتنسينه ويخف عليك
اجلسي بإسترخاء واعملي مسآج لبطنك واستخدمي كماده دافيه أسفل البطن
وقت الدورة فرصه لك حطي ميك أب خفيف ومنآكير ورتبي شعرك واهتمي فيه خليك جذآبة
بكل الأوقآت .. خلي زوجك يعد الأيام والساعات عد حتى يحظى فيك لاتنفرينه منك او تكرهينه نفسك خليك انثى بكل معنى الكلمة .. دايم ريحتك حلوه ومرتبه
انا ما اقول خليك رآآيقه طول الوقت لا هالشيء مو بيدك لكن رقيقه خليه يحس فيك وبألمك بدلع خليه يضمك لصدره لأن ريحة الزوج تخفف من تقلصات الدورة الشهرية هذه معلومة طبية من دكتورة موثوقه ، اجلسي عند زوجك واحكي له بهدوء ورقه ودلع انك بمرحله مو طبيعية ولازم يطول باله شوي عليك قولي له محتاجه صبرك واهتمامك خليك رآقيه ولبقه
وبتشوفي كيف الأوضاع بتتحسن وزوجك ماشاء الله فآهم والدليل انه يقول انا مقدر وضعك ..
اهم شيء تغذي كويس واشربي مشروبات دافيه ولاتمشين حافيه
واحتسبي الأجر من الله واحمدي ربك لأن ربي خلقك انثى وحط لك قدر وقيمة
وعلى كثر ماتعانين من الدورة تذكري انها نعمة وغيرك محروم منها ..
واتمنى تقرأين وتتثقفين أكثر عنها حتى تفيدي نفسك وتشوفي وضعك كيف
الله يعينك ويصبرك ويسعدك ويسخر لك زوجك

ويآرب اكون قدمت لك شيء وأفدتك ..