|
رد: يا صلاله خبرينا عن قلوباً تهتوينا
يسلم لي الفاهم العاقل بنو رأسك أحبه خخخخ هذا الكلام الصح الخطأ مشترك بين الأهل وبين باسل بس يوم ان صار الي صار بدريه الخبله ك ان عاشت حياتها والا طلبه الطلاق من زمان ولا تقولون تحبه ان كان تحبه ماتسوي هالسواه هذي سوات مجانين و مافي احد يحاول الانتحار الا ضعيف شخصيه مسلوب الإراده
و ان كان حب هل الحب مثل الثوب نخلعه أأو زال مع المرض مثلا اقنعوني بس انها كانت. تحبه وسوت الي سوته عشان حب الا حماقه من حماقات النساء وطلبها لطلاق يأكد ان حبها لباسل حب بزران وحب تملك دلوعة أمها هو ماهو مجبور يعيش مع إنسانه نفسها الي هي أغلى ماتملك تبي ترسلها النار قبلها خخخخخ وبعدين رموسه في اعتقادك شخص مثل باسل بيظهر اهتمامه بعليا قدامها أو بتدري انه تشرى لعليا شي هي خبله مع سبق الإصرار والترصد مافيها كلام وتصدقين هي المفروض يشحنها بصندوق ويكتب عليه ممنوع الاقتراب كائن غريب الأطوار لايسمح بالقتراب قابل للانتحار هخهخهخه |
رد: يا صلاله خبرينا عن قلوباً تهتوينا
اقتباس:
بدررررريه غلطااااانه على تصرفهااا على قد شعررر رااااسها ...بس خلاااص ندمت وعرفت غلطها وهذا الشي كلفهاا غاالي واكيد بدريه ما راح تشووف باسل يتقضى ...كفايه حنا درينا عنه وانقهررررت ....بس اكيييييييد حاااااسه بمشاااعر زوجهااا ....مافي حزوجه ماتحس بزووجهاا اذا ابتعد بمشااااعره عنه ....لان باسل ممكن يتحكم بتصرفااته قداام بدريه ....للكن الاكيد انه نظرللته ومشاااعره تجاه علياء تفضحه لانه شي غصباا عنه ... بس انا انقد عليه انه في ليله زواجهه من بدريه كان وقف في وجهه جده ...خلااص انت اجبرتني اني اتزوج عليااء ...لكن ما تجبرني اني املك عليها في نفس يوم زواجي من بدريه ....كان اخرهااا سنه ولا شهر ولا حتى اسبوووع ...عشاان ماتقعد يووم زواجهه حسسسره في قلبها ... بعدين انتم مكفااكم انها طلبت الطلااق واتطلقت ...يعني انسحبت بهدوووء ....وتقوولون عليهااا نااكره للجمييييل وللعشره ....يعني لو تمسكت في باسل بتخلووونها في حااالهاا ...اكييييييد لاء ....بتقووولون ما عندها كرااامه تجري ورى رجاال عايفهاا ....صحيح انكم حريم ما يعجبكم العجب ههههههههههه نوااار تكفين رجعي بدريه لذمت باسل ...خليني اشووووف كيف بيسوون في زوااج عليااااء ....ام جماال وبنوو وترااانيم هههههههههههههاااااااااي <<<<<ضحكه شريييره خخخخخ |
رد: يا صلاله خبرينا عن قلوباً تهتوينا
رموسه عت تفسي لو تمسكت بدريه بباسل وماطلبت الطلاق بقول عنها عاقل ورضت باللي كتب الله لها خاصه إنها عرفت إنه رجال ماتخلى عنها بأزمتها رغم اللي سوته وضحى كثير على شانها وشاريها وماكل رجال يسوي اللي سواه باسل مع بدريه واللي مثله ما ينتخلى عنه مادام شاري ما أبيع هو ما إرتكب جريمه بزواجه ماتغتفر وماهو اللي سعى للزواج بعليا لكن كان مجبور من القوى الغاشمه الجد لكن رموسه مادام باعت ومابان بعينها اللي سواه حتى هو بيبيعها أما رجعه بدريه لباسل ولا في الأحلام باسل طلق وخلاص شكلين مابيحكي ههههه |
رد: يا صلاله خبرينا عن قلوباً تهتوينا
اقتباس:
ابشري بالحلوى السلطانية الزيييينه، ولو انه جاينا رمضان مو حلو نكثر من السكريات ويش رأيك تنتظري لما العيد ^ ^ لااا ماشي معازف ...بنخليه دي جي اسلامي احسن هههه شايفه كيف تغير الرجال.... الله يعطيك العاااااافيه تراااانيم، تحلى الصفحات بتواجدك اكثر... وذكرتيني بزارا اللي قاطعتنا عسى غيابها على خير يااارب لها وحشه كبييره.. |
رد: يا صلاله خبرينا عن قلوباً تهتوينا
اقتباس:
حياك الله يا أم الوليد.. اقول يا شلة نجوووله اهجدو ترى الثورات واعمال العنف والتخريب غير معترف فيها على ارض الخليج ...خلونا نعيش بأمااان واطمئنان ^ ^ اسمعي يالغلا احنا بالخليج دايم نقول ما بعد العداوه إلا المحبه.. لكن هذا مو مجرد كلام عادي او مثل، بالعكس هالجمله معترف فيها في علم النفس والسبب أنه دائماً يقال أن الفاصل بين الكراهية والمحبة خيط رفيع.. والأكيد أن هذا الحديث ممكن بشكل قاطع يتحول للعكس..بمعنى أن المحبه بعد مرور عدة سنوات من الممكن أنها تقل بنسبة كبيره للبعض..ومن الممكن انها تتحول إلى كراهيه، بالتحديد في حال عدم وجود عوامل تنميها ..او تبادل مشترك لو جينا للمنظور الشرعي بدريه عشقت باسل لدرجة كبيره جداً وصلت بها لفقدان العقل والدين في محاولتها لقتل نفسها ، احنا مسلمين أمورنا الحياتيه مهما كبرت او صغرت لا بد نرجع فيها الى رأي الشرع... الامام الشافعى يقول : (كلما تعلق قلبك بشخص اذاقك الله مُرَّ التعلق بغيره لتعلم ان الله يغار على قلب تعلق بغيره فيصدك عن ذاك ليردك اليه ) لا مجال للمقارنه بين المحبة الطاهره اللي تسللت الى قلب عليا، وما بين العشق اللي اوصل بدريه للخطأ وبالتأكيد احنا ما راح نعظم فعلتها على انها دليل محبه لابد باسل ياخذه بعين الإعتبار... لأننا مسلمين ولأن قصة روميو وجولييت عمرها ما صارت دليل رومانسيه بالنسبه لنا... اما بالنسبة لباسل (هااااه لاحد يقول دفاع وانحياز ^ ^ بس لازم الحق يقال......باسل ما شاف من بدريه الا اقتراف خطيئة ومرض وضعف والضعف عمره ما يبني محبه بين اثنين.... وأشكرك على تواصلك يالغاليه .. |
رد: يا صلاله خبرينا عن قلوباً تهتوينا
نوااار قلبتي علينااا
الشكوى لله للمره الالف انا مؤيده لقرار بدريه بالانفصال علشانها هي تعيش حياة كريمه محترمه مع شخص ثاني وواضح ان باسل ماحبها ماهو علشان ضعفها لو يحبها اعتبره عشق وله (اتكلم بعيد عن الاحكام الاسلاميه) وفيه رجال زوجاتهم طردوا امهاتهم من بيوتهم والعشق زااد مانقص زوجات ملسونات مهملات قاطعات رحم و و و وازواجهم يحبونهم الا يشرقون بغلاهم ....اااايه متى بس متى المشكله بالاساس ان باسل اخذ بدريه رد لجميل عمه عالجها انتهت مهمته حياته الحقيقيه بتبدأ مع علياء وووبس |
رد: يا صلاله خبرينا عن قلوباً تهتوينا
اقتباس:
هذا الكلااام الصح :peace::55: |
رد: يا صلاله خبرينا عن قلوباً تهتوينا
رموسه ياجعل شيبانك للجنه وين الزوجه الي تفهم زوجها وتحس فيه بدريه ماعشات معه هجرته من ليلة زواجهم وعاشت مع نفسها وفي خزعبلات وشبح عليا وووووووووووبس ماعشات مع باسل زوج ولا فهمته ولا عرفته ولاحتى عيونه شافتها مثل عليا خخخخخخخخخ
هي لوعاشت معه ما خسرت حياتها ولو عرفت باسل بتعرف انه ماراح يظلمها وفي قاعده في الحياة على قد ماتعطين مثله تجازين وش أعطت وش كان جزأها |
رد: يا صلاله خبرينا عن قلوباً تهتوينا
شوفوو لو داافعوون من هيناااا لبكرررره
البااااسل هذااا ما دخل مزاااااجي ابداااا .... وبصرااااحه خلينا انكووون واقعييين ..... الرجل في حاله التعدد .....في الحياااه الواقعيه ولا في قصه وروااايه هو اللي كسباااااان يعني فضل بدرريه هو اللي كسبااان فضل علياااااء هو اللي كمان كسباان محد راح يخسر غييير بدريه ولا علياااء ....على حسب هو ميين أختاااار ماا أقوووول غييير الله يرحم حالنا حنا الحريم الضعووووف وجزاانا الجنه أن شااء الله |
رد: يا صلاله خبرينا عن قلوباً تهتوينا
اقتباس:
من الأصل باسل ما حب بدريه ابد وعلياء يمكن لها ذكرى عنده من صغرتهاا والدليل اول ماخلصت الثانوي وسجلت جامعه جا ء لها يعني عمرهاا 18---19 وبدريه ليه ما فكرت تزرع كليه قبل كانت راضيه بس وجود علياء عطااها دافع لكن واضح ان ياسل ماهو لمها معهاا بالجسد لكن القلب والروح عند علياء وجلس يمن عليها انه ترك الوظيفه و و طيب هذاك بتترك صلاله بكبرها ارض جدانك واصلك وجذورك علشان علياء ااايه على هوى القلب تمشي الاقدام |
رد: يا صلاله خبرينا عن قلوباً تهتوينا
من الي يقول احنا مانقدر نقدر خخخخخ
رموس حجت ان المره ضعيفه ولت في زمن جدتي وجدتك أما الحين المره تقدر تسوي المستحيل كم قابلتي في حياتك من رجال مايتعشرون من قشارة أخلاقه بس قدرة الحرمه تسنعه وتهذب اخلقه ويحبها ولاتنسين المرأه في كثير من فقول التاريخ تلقين لها بصمتها والتأثير الأكبر في الحروب أم أو زوجه لها رأيها وحكمتها نجول اقصري الشر يامره هو ضحى عشان الكل وش طلع له من حياه لا زوجه ولا عيال ومشى على شورهم وهذي النتيجه الحين يمشي حياته مثل مايبي هو لاهو حرام ولا عيب ولا عليه ملامه وجدته بياخذها معه ماهو باسل الي يترك جدته في كبرها |
رد: يا صلاله خبرينا عن قلوباً تهتوينا
الذين يشاهدون محتوى الموضوع الآن : 27 ( الأعضاء 8 والزوار 19)
نجلاء الريم, ريم السعودية, يوم ممطر اخر, اسمريا, hoouur, عبق فرح, المقناص, غرس الألم لو سمحتوااا. نبي منكم الفزعه تشوفون انه حمي الوطيس في الروايه عطونا وجهة نظركم تستحق بدريه هالهجوم باسل ماعليه اي ملامه علياء تتفوق على بدريه بعقلها او العكس شاااركونا قبل ماتنتهي الروايه |
رد: يا صلاله خبرينا عن قلوباً تهتوينا
السلام عليكم .نجلاء سوف ارد عليك اولا بخصوص بدرية لازلت اقول انها مظلومة ولاتستحق الهجوم وطلبها للطلاق مكره أخاك لابطل وتصرفها في منتهى النبل افهموها يا ناس وحدة تحس ان زوجها لايحبها ومجبر على البقاء عليها تحت ذمته فمن هي المرأة التي تجد زوج محب وتفرط فيه بملء ارادتها ارى ان بدرية بعد ما لاحظت حب باسل لعليا قررت الانسحاب حفظا لماء وجهها وطلبت هي الطلاق حفظا لكرامتها لاغير ثم اني اراهن ان باسل مبسوط من قرار بدرية ليرتبط بمن احب والقلب وما يهوى وما فعلته بدرية رمية من غير رامي ولا الومه فهو كان وفي الى اخر لحظة وأدى واجبه ولكن انا اتكلم عن النواياوبالنسبة لعليا لاتتفوق على بدرية بالعقل هي ايضا تسيرها عاطفتها ولم تتحمل ذهاب باسل مع بدرية للعلاج وشعرت بالغيرة وكانت هي المسيرة لها في جميع تصرفاتها ولا الومها لان الظروف التي وجدت نفسها فيها مجبرة عليها وليست بارادتها
|
رد: يا صلاله خبرينا عن قلوباً تهتوينا
السلام علكم ورحمه الله وبركاته
يعطيكم العافية يا احلى صبايا على النقاش الرائع أولآ بدرية شخصية ضعيفة وأنانية جدآ من الأول محكمتش عقلها يعنى لما أتزوج باسل عليا كانت لسة طفلةومكنتش تعرف أصلآ ومكانش ليها أى مكان فى حياة باسل فلو كانت بتفكر صح كانت بنت حياتها مع باسل وأنجبت أطفال وعاشت حياة طبيعة جدآ وبعدين لما عليا تظهر كان من الممكن جدآأن باسل يطلقها علشان يحافظ على بيتة وعياله لكنها أستسلمت بسهولة واغضبت ربها وهدمت حياتها من البداية وعليا ليس لهايد فى ذلك وطلبها للطلاق كان علشان تحافظ على ىنفسها لأنها ليس لديها أى قوة أو تحمل لتنافس عليا أو تغير منها وهى تشوف أعجاب وحب فى عيون باسل لعليا وباسل وقف بجانبها فى مرضها ولو هو أنانى كان بحث عن زوجته الثانية وعاش حياته معها لكن لأخر لحظة كان بجانها لذا ليس له أى ملامة وفى الحياة الواقيعة ليس هناك رجل يحتمل أن تكون زوجته مريضة أو مكتئة فما بالك بخمس سنوات ركض وراء الأطباء والمستشفيات عليا تحكمها عواطفها ومتسرعة فى حكمها لكنها تحب باسل وعندما طلبت الطلاق كانت تؤذى نفسهاقبل أن تؤذى باسل فهى على أعتقاد أن باسل يهتم ببدرية اكثر منها فحاولت الأبتعاد وتركه لبدرية رغم هذا يحطم قلبها سلمت يمناكى نوواره وأنتظر البارت القادم بشوق دمتى بكل خير |
رد: يا صلاله خبرينا عن قلوباً تهتوينا
اقتباس:
وعليكم السلام ورحمة الله وبركاته ربنا يسعد ايامك سوزورا.. أشكرك يا غاليه على مشاركتك الراائعه مثلك ... تسلم رووووحك ... |
رد: يا صلاله خبرينا عن قلوباً تهتوينا
(( الجـــــزء / الــــرابـــع والعشــــرين )) أيها الجبل "الأخضر" . . . . . . : يا جبل " الكور" وجبل "شمس". . . : ويا جبال "ظفار" الشمّاء . . . . التي تتناسل في أحشائها النمور : أيتها الجبال العُمانية .. .. .. .. : توائم الأحقاب وقرّة عين الأزليّة منذ أزمان وأزمان ونحن نصعد إليك لكننا لا نصل ! لكننا لا نصل ! لكننا لا نصل ! .. .. .. .. .. .. .. .. ( ســــيف الــــرحـــبي ) تمتمت بضيق : ( ذلحين حد يترك أجواء الخريف بصلاله ، ويجي لمسقط لمقابل الحر والرطوبه..!) رد بنرفزة : ( يا كثر إزعاجك ، اسكتي خليني اركز فشغلي...) ثم اردف : ( روحي ذاكري، تعلمي، اقضي وقتك بشي يساعدك على اجتياز التوفل بدل هالإزعاج ) رديت بتعالي : ( ما يحتاج ....لأني متأكده وضامنه نجاحي ) وبعدها اضفت باعتراف: ( اصلاً ما يصير طول وقتي اذاكر ..راح انفجر..!! يكفي طول الصبح وانا مقابله الكتب والنت..) نزل الأوراق اللي بيده على الطاوله بضيق ورجع لجهاز اللاب توب وقال : ( عــليا ..تراني مو فاضي ولا رايق لك ) وانت متى روقت هذي الأيام ...! باضطراب من هالحال السائد طلعت من الصاله... وتوجهت لغرفتي .... .. إلى اليوم وباسل زعلان مني .....حتى بعد مرور قرابة اسبوع ، الضيق باين في ملامحه... وبنظراته دايم صاد عني ، وكلامه معي قليل ........ يعني لازم يحسسني بغلطي من خلال هالصد ...! غادرنا صلاله قبل عدة ايام وجينا لمسقط ... في جو من عدم الارتياح والمعارضه من جدتي ..واعمامي ....لكنهم علناً ابدوا تفهمهم ... جدتي رفضت اقتراح باسل بالسفر معنا بعد عودتها للبيت .. وفضلت البقاء بصحبة عمي عبدالله وخالتي .. اللي اعطوا انفسهم اجازه مفتوحه .. بدون أي التزام بالعمل .. الى أجل غير معلوم ..!! بعد استقرارنا في بيت عمي عبدالله بالخوير، بدأ باسل دوامه الرسمي من أول الصباح ويرجع آخر الظهر.. وطوال هذي الفتره ..اقضيها بروحي..ما بين تصفح الانترنت الى قراءة أي شي تطاله يدي...! وبعد عودت باسل من عمله .. نادراً ما يتكلم معي الا في حال انا بديت الحوار......! في بعض الأوقات صدوده يقطع قلبي لشظايا ، لكن في اوقات أخرى احط له العذر انه بعده مجروح من كلامي... ليش ...هو الحريم بس اللي عندهم مشاعر ، ويتضايقون ويزعلون ...؟؟! كذلك اللي مصبرني الضغوطات الممارسة عليه من ادارة المستشفى .. بسبب السنوات اللي توقف خلالهن عن مزاولة عمله .... ما بين تعب وارهاق من الدوام يرجع المساء للبحوث..وللكتب... وأحياناً إذا ما له خاطر يطلع ..المسكين يضطر لطبخ العشاء لي وله....! تجولت في غرفتي كطقس من الطقوس اليوميه ..بدون أي هدف...! طلعت من الغرفة مروراً بالصاله .... لكن لما لمحني باسل صرخ من مكانه : ( ياااربي ....ما كملتي خمس دقايق من رحتي....)! اوووف ويش هالمزاج النحس اللي صايبه ...! رديت بقهر : ( تطمن ما جايه اجلس هنيه .....رايحه المطبخ اطبخ..!) قال بضحكة قهر : ( والله اللي يسمع كلمة اطبخ يصدق ....وآخرتها نصفى على شاهي وقهوه وحلويات جاهزه ..!) رديت عليه : ( عادي انا دوري المغرب اسوي شاهي وقهوه ..وانت دورك تسوي العشاء) قال بقهر : ( دوري ودورك...! عزالله فلحنا.....روحي روحي سوي اللي تبا تسويه وخليني اركز في شغلي) صديت عنه بقهر ...انا ما كلمته من الأساس ..كنت مارّه بدربي..لكن هو اللي تسبب فيني وعصب نفسه من لاشيء، ومن بعدها طردني ..!!!!! مزاج باسل صاير لا يطااااق......! سألته وانا احط صينية القهوة على سطح الطاولة : ( الليله بنطلع ...؟؟؟) قال وهو يترك اللاب توب من يده : ( لا...مشغول ..وتعبان ما اقدر اسوق في زحمة الصيف وفي هالحر ..) قلت له بتذكر وانا امد له فنجان القهوة : ( طيب .. في كثير من اغراض المطبخ مخلصه ...وانت قايل بنروح اليوم السوبرماركت..!) قال بتذكر : ( اوووه صحيح ...خلاص لما بروح اصلي بمر السوبرماركت ..) لا يمكن تفوتني فرصة الطلعه ...انا احسب واعد على هذي الفرصة وبالأخير تفلت مني ...! لا وألف لا .. قلت برفض : ( أنا بروح معك...بس خلاااص مليت من هالخنقة ...من لما جينا مسقط ما طلعت ..؟؟) رد بلامبالاه أعرف أنها تعني لا ولكن بطريقة غير مباشره : ( يصير خير...) مافي إلا حل واحد، سحبت العباية وحقيبتي وحطيتهن فالصاله عشان قبل لا يروح يصلي ، يشوفهن قدام عيونه واكسر خاطره ...ويقتنع بذهابي معه ...! شفته يحرك رأسه بعدم رضا...ومن بعدها ابتسم ابتسامه خفيفه... رفرف لها قلبي...واخيراً ، ما بغينا نشوفها ........! بالسوبرماركت همست له : ( نبا على العشاء باستا بالدجاج مع الفطر...) قال بهدوء : ( انزين اخذي مكوناتها ....) مكوناتها...! وانا ويش عرفني بمكوناتها...!!! جاوبته بتردد : ( ما اذكرهن ...بس بشوف من النت ) قال بأمر : ( لا تطلعي جوالك قدام العالم ..ما احب هالحركات ) بديت اتذكر مذاقها ، و قلت بتذكر : ( اكيد باستا اول شي ، ودجاج ومشروم واكيد جبن..وحاجه بيضاء مدري اما كريمه ولا صلصه جاهزه ولا ويش بالضبط...ومدري اذا شي ناقص بعد...) قال بقهر : ( وهذي من بيطبخها ان شاء الله ...؟؟؟؟ ..) ثم اردف : ( اخذي مقاديرك وخلصينا ...وسويها بروحك لما بنوصل البيت ...اما انا بآخذ لي أحلى مندي من المطعم ) قلت باستنكار : ( مندي...! واحنا ويش متغدين العصر ؟؟!!! ...) ... قربنا ننتهي من تسوقنا لشراء حاجيات البيت ...من مؤونه للفطور والعشاء ...اما الغداء في الغالب يجيبه باسل وهو جاي من الدوام .. وقف باسل جنب الثلاجات يختار المشروبات وانا ابعد عنه بخطوات قليله واقفه جنب عربة التسوق .... ( دكتور باسل....ههه...ويش الحظ الحلو اللي خلانا نلتقي فيك ....) سرت القشعريرة بكامل جسمي...وأنا اسمع الصوت الأنثوي الناعم يرحب ويضحك وما باقي الا يتغزل بالدكتـــــــور باســـــل...! تجمدت في مكاني اراقب العرض اللي يقدمنه البنتين اللي قدامي...! باسل التفت لهم باستغراب في وجهه لكنه ما نطق... قالت الثانية اللي جنبها بنفس نوعية الصوت : ( آآه أكيد ما عرفتنا ...أنا حنان ...وهذي كلثم ..ممرضات ....ومعك في نفس القسم دكتور...) ثم اختمت حديثها بضحكه ..... لو افكر لمليون سنة ما راح احصل لها سبب...!!!! وتوالت أحاديثهن الغزليه: ( ماشاء الله عليك دكتور باسل باين عليك انك مجتهد ومخلص في عملك من اول حضورك ...) ولعبت صاحبتها بالكلمات حتى تصنع جمله بنفس المعنى ..... وانا واقفه اتابع بصمت خارجي...وايدي ماسكه العربه بكل قهر... اما دااخلي فهو اعصار من نار ......وكلي رغبة بتفتيت هالمخلوقتين اللي قدامي...! نفسي افهم ويش الفايدة من الشيلات اللي يلبسنهن ...؟ اذا كانت مقدمة الشعر والخصل الأماميه كلها ظاهره.... اما ما تبقى من الشيلة فهو معرض للإنزلاق بين الثانيه والأخرى لأنه موضوع بآخر الرأس..!!!! أما الوجه.....فحدث ولا حرج من الماكياج ...وعطورهن جريييمه ...!! ( ساكن هنيه دكتور ...بالخوير...؟) لااااا ....وصلت فيهن يسألن عن مكان سكنه ...؟؟ ويش هالوقاحه ....؟؟؟ ويش هالجراءة هذي ...؟؟ الأمور وصلت لحد لا يمكن السكوت عنه .....!!! قلت من بين اسناني وانا بمكاني : ( ان شاء الله ساكن بجزر الواق واق انتي وهي ويش لكن فيه ......؟؟ هااه ما تخبرني عن هالعروض الرخيصه التافهه ويش المغزى منها ....) قالت وحده منهن بانفعال : ( وانتي من .......وويش لك من دخل ...؟؟) قلت لها وانا اقترب ..: ( انا زوجة الدكتور باسل....لكن انتي وهي من...؟ وبأي صفه تتمادن بالكلام مع رجل غريب عنكن) قالت صديقتها بدفاع : ( عادي احنا ما تمادينا ...لأنه تجمعنا بالدكتور باسل زمالة عمل ..فجينا نسلم بما اننا زملاء واصدقاء ) رديت عليها باستهزاء : ( اووووه ويش هالتطورات اول مره اعرف انه الصداقات الافلاطونيه صارت تطبق معنا اسمحيلي ما كنت اعرف هالشي من قبل.....!!! ) هنا استيقظ باسل من سباته...وقبل لا يشتد الموضوع اكثر .. قال وايده على ذراعي..... : ( هيا عليا .........خلينا نمشي....) من طلعنا من السوبرماركت الى ان وصلنا للسياره وانا في حالة جهاد مع أعصابي مع كل دقيقه تمر احاول أكتم غضبي ، وأهدي أعصابي .. .. .. ولكن من دون فــائده...! الغيرة أتلفت أعصابي ، وبكل دقيقه تجي يصبح حالي أسوء من سابقتها... بالأخير الغيرة افلتت لساني وقلت : ( باسل ....ليش ما تعزم حنان وكلثم..مسكينات ودهن بصداقه افلاطونيه ..! وعاد شكلهن حصلنك انت الشخص الوحيد اللي عاطنهن وجه في المستشفى .. عشان كذا ما صدقن يشوفنك بالسوبرماركت .....) لا رد....!! اردفت بقهر : ( بصراحه مع هذاك الماكياج وهذيك الخصل المصبوغه ....... شكلهن شي....) لا رد.....!! اضفت بضحكه قهر : ( عاد ما يحتاج اقولك ...انت من صدمتك فقدت القدره على النطق...اسحرنك بالأصوات الناعمه والكلام الحلو ...) لا رد....! صمته صار يجلب المرض لروحي....! وجهت له سؤال : ( وانت صدق ما تعرف اسمائهن وما تذكرهن...؟ ولا اصطناع يعني انك مسوي نفسك ثقيل) لا رد....!!!!!!!! بكل قهر ضربت بقبضة يدي بقوة في مقعد السيارة ... قلت له بغضب : ( أنا أسألك ليش ما تجاوب ...؟؟؟) قال ببرود : ( ششششش مابا اسمع ولا كلمه !) حارمني من أي كلمة تطمئن روحي... ...! بس خلاص يا باسل ...كاافي زعل ...ما اقدر اتحمل اكثر من كذا.... رأسي بدا يثقل .....و صوت الطنين المزعج يعلى بأذني ....انفاسي بدت تتقارب والرجفه تنشط مع كل لحظه..... هديت نفسي...وحاولت آخذ نفس عميق... مابا أحداث الليله المشؤومه اللي طلبت فيها الطلاق تتكرر.... انخفاض بضغط الدم....اسقطني بين يدين باسل كالميته .... عجز عن ايقاظي...واسرع بي الى المستشفى ....قبل لا يفتك بي انخفاض الضغط.. ومع العلاج و المحلول المغذي رجع لي الوعي بشكل تدريجي..... ما زلت اذكر غضب الطبيب المناوب ..وجداله مع باسل ....وارجاعه سبب انخفاض ضغط دمي للظروف النفسية السيئة ..وفي الحقيقه هو ما كذب... ... وصلنا البيت ...فكيت غشوتي ...وحررت الشيله ...وبديت آخذ انفاس عميقه مهدئه .... مابا اسقط ...ولا ابا اروح للمستشفى...يالله تصبرني ..... اخذت حقيبتي...ورجعت حملت كيسين بيدي..وباسل احضر الباقي وراي... وقفت بالقرب من طاولة المطبخ...حاولت ارفع الأكياس واحطهم فوقها. ..لكن ايديني ما طاوعوني بالارتفاع ... شهيق عميق....ثم زفير بواسطه الانف وراح اعدي.... صوت ارتطام الأكياس بالأرضيه.......كان راح يلحقه صوت سقوطي... لو ما حمتني ايدين باسل من السقوط على الأرض بسبب تخاذل رجليني... بعدته عني لأني ما ازال بوعيي وان كانوا رجليني ضعاف.... قلت له : ( بعـــد عني ....ابا أجلس .....) ما رد ..ولا ابتعد ....ايده ارتفعت لوجهي ..ونظره تركز على عيوني .. حتى يتأكد من زوغان عيوني المصاحب للإغماء لكني بعدت وجهي بأكمله عن قبضته.. لما شاف عنادي ...ثنى ايديه حول جسمي و رفعني ... قلت له بضعف وتنفس مضطرب : ( باسل لا تضايقني...اتركني... ..) قال بهدوء : ( اهدي اهدي ......ما عليك باس......) مددني على الكنب...وجمع المخدات تحت رجليني....وراح... وين راح وتركني ....ناديته بجزع ......... بس ما رد بعد لحظات حسيت بمنشفه رطبه تستقر اعلى جبيني ... ( انا هنيه ...ما رحت بعيد...اهدي واخذي نفس عميق...وحاولي تسترخي..) قلت باضطراب : ( مافيني شي....) قال وهو ياخذ معصم يدي في يده ويتأكد من النبض: ( اذا لسانك يبا يكذب...عيونك ونبض وحواسك كلهن صادقات..) رديت بارتجاف : ( لا توديني المستشفى مابا اروح...ابر المحلول المغذي لما الحين مشوهات يدي..) رجع ايده لوجهي وتأكد من عيوني ...وبعدها مدد كفه على وجهي..وقال : ( لا تضايقي نفسك عشان شي ما يسوى يا عليا... ضغط الدم مو زين يكون مختل وانتي بعدك صغيره ...اذا ما تحكمتي فيه من ذلحين راح يصير ملازم لك طول العمر ) قلت بإتهام وشفاه مرتجفه : ( كله منك انت......) قال بعد ما اخذ نفس عميق : ( بويش ضايقتك انا ...الممرضات اللي بالسوبرماركت اول مره اشوفهن، وان كانن يشتغلن بنفس القسم اللي انا فيه ..فهذا ما يعني شي، وكلامهن التافه حول الصداقه ما يعنيلي شي..وبروحك شفتيني ما رديت عليهن...) غمضت عيوني للحظات...وبعدها من دون تفكير سألته بشكل مفاجئ : ( باسل انت كرهتني....ما قدرت تسامحني على اللي قلته ...لحد اليوم بعدك متضايق مني ...انا مو قادره اتحمل هالحال ...تعبت من الضيق اللي ملازمك ... ) نهض من جنبي وقال بجديه : ( الأسبوع الماضي تضمّن أحداث وجدالات وقرارات كثيره يا عليا ، وهذي كلها لا بد تترك أثرها على أي شخص بموقعي.....) ثم أردف : ( صحيح اني متضايق من كلامك ، لكن هذا ما يعني الكلمه القاسيه اللي استخدمتيها بحديثك .. تطمني يا عليا عمر الكراهيه ما كانت الكلمه الصحيحه اللي توصف اللي احمله لك...العكس تماماً....) انهى حديثه ..واتجه للمطبخ.... مثل من يفكر بحل لغز ..كذا كانت حواسي في حالة استيقاظ .. ما بين تذكر كلمات باسل في البدايه .......ومن ثم تنتقل الى مرحلة تحليلها... ومن بعدها تحط الرحال لتستقر بين حنايا القلب...! عكس الكراهيه لا يمكن ان يكون الا المحبه......اسعدت قلبي حتى ولو بكلمات بسيطه.. لأن أفعالك دائماً تثبت الكثير....لكن لا مفر من النطق يا باسل....لأن لقلوب النساء ابصار واسماع ما تكل و لا تهـــدأ إلا عند اسناد القول بالفعل والفعل بالقول.. .. .. ! شكرت باسل بعد ما اخذت منه وعاء الشوربه اللي تحوي كمية مضاعفة من الملح لتعيد التوازن لضغط دمي.... قال وهو يجلس : ( اوووف نسينا كتب الطبخ ...كنت ناوي آخذهن قبل لا ننتهي من تسوقنا ) سألت وانا اعرف الجواب : ( لمن تاخذهن ...؟؟) رد بجديه : ( وهذا سؤال ..؟؟ لك انتي اكيد...لا يكون تبيني انا اللي اخدمك...صدق الحريم ماحد يعطيهن وجه..!) قلت باستياء : ( لا مو كذا ...لكن قدّم على عامله ..لأني ما اعرف اطبخ ..!) قال : ( وين تجلس الشغاله..الطابق اللي فوق حق ابويه ...ومستحيل اجيبها بقسمنا تضايقنا بوجودها ...) ثم اردف : ( اما انتي مصيرك راح تتعلمي الطبخ ...والكتب ما تقصر ...اما من تحملي .. يصير خير بعدها ) لدرء التوتر والحرج قلت : ( باسل تقدر باكر الصباح توديني السيب...؟؟) رد باستغراب : ( السيب..؟؟؟؟ ويش يوديك للسيب...؟؟؟) رديت بهدوء : ( مفكره آخذ عامله بالأجره من مكتب ..هنيه موجود رقمهم بالجريده...واخليها تساعدني في تنظيف الشقه ..ومن بعدها احصر الأشياء المهمه ..واتخلص من الباقي...) واضفت بحزن : ( حال الشقه كان مأسآوي .....) سكت لفتره طويله ....وسلط نظراته لوجهي.... ثم قال باستفسار متردد : ( من بعد وفاتهم ...ما قد احد دخلها ...ظلت لسنين مهجورة صحيح ...لحد هذيك الليله اللي امسيتي فيها..؟؟) رديت بإختصار : ( صحيح....) قال بهدوء : ( هروب من الأحزان...؟؟؟) حطيت وعاء الشوربه في الطاوله وقلت بنرفزه : ( ويش لزوم هالكلام ذلحين ...) قال بإصرار : ( تذكريهم ...ولا نسيتيهم ....؟؟) قلت بصرخه : ( باسل خلاص...) رفعت ايديني لأذني وقلت باتهام : (اصلاً انت ما ترتاح الا لما تشوف دموعي ....) واضفت بوجع وانا ابعد يده الممتده لي: ( بروحي تعبانه ...وانت تزيدني ..) سحب جسدي بأكمله له..وارخى رأسي على صدره.... وكفه تتحرك بلطف على ظهري وقال : ( لا ..انا ما ارتاح لما أشوف دموعك..لكن الهروب من الواقع، والهروب من الذكريات،وهروبك من المواجهه خطأ.. وهذي الصفه ما احب انها تكون فيك يا عليا... لازم تتعلمي الاعتدال لا التسرع ولا الهروب راح يزرع بداخلك الراحه النفسيه ...) مشاعري ما اختارتك عبث يا باسل .. .. قلبي ما خانّي لما ضمّك بين حناياه... وصلني صوته المتذمر : ( وضاع علي المندي......كله بسبب حنان وكلثم ..!) وانا ضاعت علي الباستا .. ما عاد لي خاطر فيها لحظه...لحظه ... باسل قال حنان وكلثم ..طارت عيوني ....!! نهضت بعنف من بين ذراعيه وقلت له من بين أسناني : ( وحافظ أسمائهن بــــعد ...) ما رد سوى بضحكه تردد دويها بأركان الصاله ..... .... لليوم الثالث على التوالي نتوجه من الخوير إلى السيب ، ونقطع المسافه الطويله والمرهقه بين المنطقتين.... في رحلة ذهاب واياب يوميه ..... فتح باسل باب الشقة ودخل .. ومن بعده دخلت انا والعامله اللي تساعدني في تنظيف الشقه ...وفرز محتوياتها ...من أشياء تذكاريه رؤية البعض منها جلب ذكريات حلوه لقلبي. ... تأكد باسل مثل كل يوم من كل جزء بالشقه حتى دورات المياه ..خوفاً من انه احد يكون بالمكان...! وقبل لا يطلع اعطاني جمله من التوصيات اليوميه .... جوالك خليه جنبك...لا تجهدي نفسك فوق طاقتك... اذا حسيتي بأي تعب اتصلي فيني مباشره ... انتبهي للعامله ولا تثقي فيها واجد...ولا تفتحي الباب لأحد.. واخيراً طلع مثل كل يوم ...وملامح عدم الارتياح على محياه وان كان كاتمها.. كنت بغرفتي القديمه ...منهمكه في جمع بقايا من أشيائي وذكرياتي لما كنت طفله .... وفجأه أيقظتني صوت طرقات باب الشقه... رجعت لساعتي اتأكد من الوقت باستغراب .... الساعه ما جات ثنتين ...وباسل بالعاده يتأخر ما يوصل بهالوقت.... لما سمعت صوت فتح الباب رميت اللي بيدي ...ونهضت بفزع .....طلعت من الغرفه باتجاه الصاله وكلي غضب من هالمساعده اللي معي .. سبق ونبهتها وباسل بعد بأنها مو مخوله تفتح الباب لأي احد... باسل قبل لا يوصل يتصل وانا بنفسي افتح له الباب.... وقفت بمنتصف الصاله بتجمد لما شفت مهند واقف قدام الباب.... الرعب افقدني أي قدره على النطق والحركه ...حتى تنفسي وقف.. ( مين انته .....روح ...آووت ) بعد ما فتحتي له الباب صار روح آوت .... ( عليا وين رحتي وتركتيني ....) قالها مهند بصوت ضعيف صوته..شكله ...اضطرابه...عوامل غير مطمئنه...زادت الرعب في قلبي... حالة مهند العقليه بالسابق كانت متأرجحه.....لكنها اليوم مو مستقره ابداً بحسب هيئته العامه.... قضت العامله على بقايا الاطمئنان من قلبي لما وجهت حديثها لي : ( مدام اتصل في زوج مال انته ...هذا نفر حرامي ....) انتفض مهند من جملتها وقال بعنف : ( مو تقول هذي ...مو قصدها بزوجش ...) ثم اردف بحده : ( عليا انتي تزوجتي شخص غيري) وقتها عرفت أن الجنون اللي ما قد اظهره مهند قدامي في السابق ... راح يظهر اليوم بأكمله .... ................... |
رد: يا صلاله خبرينا عن قلوباً تهتوينا
يالهوي. مهند. من. جديد. لايدخل. باسل. وهو. عنده. ثمن. يضن. به. ضن. السواء.
هو. مايعرفه. من. قبل. ومايعرف. انه. مريض |
رد: يا صلاله خبرينا عن قلوباً تهتوينا
لا لا لالا لالا لالا لالا لا لالالالالالالالا بنتحر أنا على قفلاتك نواره
يمه قفله أليمه وش جاب مهند الحقير والشغاله الهبله ليه تفتح الباب جعل يده الكسر نواره الله يصلحك ليش تخربين علينا البنت متى تستانس وتفرح بحياته أن شاء الله باسل ينقذ مايمكن إنقاذه أو أهل المعتوه يلحقون عليا طبعن الشغاله ما فيها خير بتحط رجلها وتهرب |
رد: يا صلاله خبرينا عن قلوباً تهتوينا
لا بنون حرام عليك وش يظن به لالا لا وكلا باسل ياعرف عليا. انها. تحبه وتموت بدباديبه بتفكر بالتعبان الصعلوك مهندوه
باسل رجل حكيم ولا تنسين ان قلبه ناغزه وماهو مطمن لتركها فبيعجل برجعه |
رد: يا صلاله خبرينا عن قلوباً تهتوينا
البارت روووووووووووووووعهدربنا يستر ممكن لو باسل جه متاخر هيظن بيها سئ بس بعد كده ممكن يتحسنوا مع بعض
منتظراكي |
رد: يا صلاله خبرينا عن قلوباً تهتوينا
السلام عليكم ورحمه الله
نوواره بارت مذهل ورااائع ومميز للغاية أخيرآ أبتدوا باسل وعليا يعشوا حياة طيعية نوعآ مآ المشاكسات بينهم ممتعة كالعادة وغيرة عليا وحبها المفضوح دائمآ مهند وجنونه ربنا يستر ويوصل باسل ف الوقت المناسب لا أعتقد أن باسل سيظن فيها ظن سئ فأخلاقها ليس عليها غبار هو ربما سيفقد عقله من الغيرة والخوف عليعا وربما هذا الموقف سيسقط الحواجز بينهما والتعقيد فى علاقتهما سلمت يمناك غاليتى وأنتظر البارت القادم على أحر من الجمر ودمتى بألف خير وعافية |
رد: يا صلاله خبرينا عن قلوباً تهتوينا
الله عليك نواره قفلاتك دايما اليمه يتري ويش بيظن باسل بعليا ومهند هل بيعرف انه مجنون وبيتقبل الوضع أو بيظن بالسوالله يعديهاعلي خيرشكرابنت عمان الله يحفظهاوديارالمسلمين
|
رد: يا صلاله خبرينا عن قلوباً تهتوينا
السلااام علييكم
نواااري احد مسلطك على عليااااا ؟؟>>اهئ اهئ من بدايه القصه وانتي ماسكتهاا توجع حراام عليك البنت يتيمه ..مو كاافي حتى زواااج زي الخلق ماحطيتي لهاا وبعد تبين تبلينها بهالخبل مهندوووه ..ياربييييييه ألحين من يقنع باسل انها مافتحت له الباب .. ؟؟ اما لو يجي باسل ومهند ماسك يد علياااا >> يامااااااااامي الهجه ههههههههه تكفين نوااري باين ان مهند متأزمه حالته يمكن شارب شي او ان حالته النفسيه في الحظيظ ياليت يطيح مغمى عليه قبل يوصل باسل ..والا اقولك الشغاله خليها تضربه على نفوووخه وتريحنا منه مع اني مو راجيه شي من وراها اما لو تهج الشغاله ..فقولوا على علياا السلاام .. وبعد على نوااري السلاام لأني بجي لمسقط ومعي الاثيوبي ههههههههههههه نواااري ..ياربييييييييه انتي مو هانيك الا تموتين علياا ..وتجلطينااا ..حراام بعدها صغيره وعندها ضغط وش هالاجراام اللي فيك بطلي تشوفي افلااام مرعبه دخيلك ..خخخخ بانتظااارك ..وبنحترق من ناارك .. كان مالحقتي علينااا .. |
رد: يا صلاله خبرينا عن قلوباً تهتوينا
مرحبا بش نوارتنا
اول شي مبروك على التثبيت مع انها جت متأخرة واجد بس عذرينا غناتي نجي حق روايتش الاكثر من رائعه عليا هاي البنت متخبطه ومتسرعه لحد التهور وضعيفة شخصيه وهذا طبعا ناتج عن ظروفها ليش أنها تربت يتيمه وفقدت الحنان والحب الاسري فصار عندها فراغ عاطفي لدرجة خلاها تحب باسل مع انه كان متزوج وحبها له مع ظروفها نتج شخصية ضعيفه وسلبيه وسلبيتها خلتها تصير في مواقف سخيفه واكبر مثال موقف طلاق بدريه اتمنى ان باسل يشلها من سلبيتها ومن تخبطها باسل حزنت واجد عليه من اللي سوته بدريه فيه لكن في النهايه اهو اللي وصل نفسه لذي المرحله سكوته من البدايه وعدم مقدرته على وضع حد حق جده بانه مالحد حق يتحكم ويتدخل في حياته اهو اللي خلاه كذا بس اتوقع انه اهو من البدايه ماحب بدريه بمعنى الحب الحقيقي عشان كذا صار عنده عادي انهم ازوجونه اي وحده لكن حبه حق عليا اتوقع انه حب حقيقي وصادق بدريه اتوقع اللي خلاها تطلب الطلاق اهو اول شي ان المره تعرف اذا كان رجلها يحب غيرها اولا وبدريه اعرفت انه باسل حب عليا وان حبها له كان مراهقه والسبب الثاني انه في ناس تحب تنسى الفترات الصعبه من حياتهم ويحبون يغيرونها ويشلون كل الاشياء اللي تذكرهم بهاي الفترات فعشان كذا بدريه حبت تغير حياتها وتغير كل مايتعلق بحياتها السابقه بمافيهم باسل خاصه انها عرفت انه ماحبها نواره روايتش واسلوبش روعه خلاني احس اني عايشه في داخل كل شخصيه لدرجة اني حسيت ان الشخصيات حقيقية عايشه ويانا اتمنى لش التقدم عزيزتي |
السلام عليكم
اولا ماشالله. اعجبتني القصه والفكره والاسلوب واللهجه وكل شي ثانيا اثريتي حبي وشغفي بتعلم اللهجات. حبيت. اللهجه مع اني متأكده انس مخففه منها كثير عشان توضحين لنا وتكون سلسه اكثر وشاكره لس هذا الفضل بالنسبه للشخصيات. باسل حبيت فيه شهامته وغيرته وإلتزامه ببنت عمه بدريه وعلاجها. لو ولو انه تزوج وشاف حياته محد بلايمه لان هذا تصرف طبيعي. لاي رجال كان ودي يكون في مواقف اكثر بينه وبين بدريه. ولو بالذاكره. عشان نعرف طبيعة علاقتهم. اكيد ان باسل. لقى في عليا المنفذ الطبيعي لمشاعره المكبوته من سنين. تجاه. الحريم. وهذي جته وهو عارف انها حلاله. فطبيعي تتوجه لها مشاعره اللي اكيد مالقى صداها مع بدريه بدريه اكيد حست والانثى لو انها بتموت. بمنتهيه. تشتغل الحساسات عندها اذا. دخلت انثى ثانيه قلب زوجها. مو حياته لا قلبه وعقله. فهي من خروجها لبيت اهلها كانت مقرره ماترجع نهائي. وبعلاجها البدني والنفسي تأكدت من مشاعرها واحاسيسها ومن خلال. اكيد مراقبتها لباسل. انها مالها مكان في حياة باسل وانها كانت مجرد واجب وواجب ثقيل عليه وهو لازم يكافئ بانها تتركه لعليا |
رد: يا صلاله خبرينا عن قلوباً تهتوينا
اقتباس:
الله يعطيك العافيه يا الغاليه على مشاركتك .. |
رد: يا صلاله خبرينا عن قلوباً تهتوينا
اقتباس:
وإن شاء الله يكون توقعك صحيح ... خالص محبتي ومودتي لك على مشاركتك يا قلبي.. |
رد: يا صلاله خبرينا عن قلوباً تهتوينا
اقتباس:
|
رد: يا صلاله خبرينا عن قلوباً تهتوينا
اقتباس:
تسلمي يا قلبي... توقعاااتك رااااائعه ومنطقيه كثييير... ربنا يعطيك ألف عااافيه.. |
رد: يا صلاله خبرينا عن قلوباً تهتوينا
اقتباس:
الشكر موصول لك بنت الكويت الحبيبه ..اللهم آمييين ربي يحفظ بلادنا وبلادكم وسائر بلاد المسلمين من كل سوء |
رد: يا صلاله خبرينا عن قلوباً تهتوينا
يعطيكي الف عافية نوار انا بتوقع باسل رح ايخاف عليها بس مارح يشك فيها ياجماعه الشك شي كبير بيطعن بالتربية والشرف وما اظن باسل رجل غير عاقل لدرجه يشك في اخلاق عليا وتربتها
نوار يسلموا ايديكي يا عسل وربنا يوفقك اكيد مستنين البارت الجاي عنار يارب يكون قريب حني علينا |
رد: يا صلاله خبرينا عن قلوباً تهتوينا
اقتباس:
ايه ايه نجوووله موصتني ما اريح عليا ^ ^ دايم تقول عليا حبيبة قلب نوااار ....عشان كذا الاثيوبي ارسليه لها مو لي انا ...حرااام ما استاهل ...هههههه تسلمي على مشاركتك يا قلبي .. |
رد: يا صلاله خبرينا عن قلوباً تهتوينا
السلام عليكم
دخول سريع ليه يشك باسل !!!!!! بنت عمه وزوجته وعارف اخلاقها يمكن يزعل من تهورهاا من فتح الباب من غير مايعرفون من الي براا يتضايق من الي صار مو منها هي ما اتوقع له تبعات الا ان حب وعشق باسل بيوضح لها من ردة فعله بس عسى مايذبح الرجال انه جا عند محاارمه تسلمين نوااار |
رد: يا صلاله خبرينا عن قلوباً تهتوينا
اقتباس:
هلا وغلا بــ أميرتنا الله يبارك فيــش ..ما عليش لوم حبيبتي معذورة.. تحليلاتش ممتاااازه ، وبالفعل تثبت انش عشتي اجواء الروايه عدل...وهذا يسعدني كثير الله يعطيش ألف عافيه ..ويوفقش يالغلا.. |
رد: يا صلاله خبرينا عن قلوباً تهتوينا
اقتباس:
وعليكم السلااام والرحمه حياك الله كاتبتنا الراائعه "شبيهة أمي " توجهك جداً منطقي وصحيح في تحليل الشخصيات..راق لي كثيير أشكرك على حضورك وتنويرك لصفحات الروايه .. |
رد: يا صلاله خبرينا عن قلوباً تهتوينا
اقتباس:
تسلم روووحك .....كلامك جميل ورااائع جداً .... ان شاء الله ما راح اتأخر ..بالبارت الأخير.. |
رد: يا صلاله خبرينا عن قلوباً تهتوينا
اقتباس:
حياك الله يالغلا...تسلم روووحك .... صحيح...كونه يشك فهذا امر كبير.. انتي الأقرب بتوقعك نجوووله ( خلاص يالنوري لا ترسلي الاثيوبي لنجوله عفينا عنها ^ ^ |
رد: يا صلاله خبرينا عن قلوباً تهتوينا
اقتباس:
اي توقع ابي انه يذبح الرجال وينسجن على ذمة التحقيق اسبوع وتزعل علياء وتصيح بعدين يطلع ويعيشون في سبات ونبات ويخلفون صبيان وبنات معليش خلو بدريه تفرح شوي هم مع بعض وبيضلون مع بعض خلوا الضعيفه تستناس شوي الاثيوبي عندي برسله يعاون مهند ههه لا تصدقون الي فوق بدريه بتعيش حياتها بالعكس التجربه الي مرت فيها بتخلي تفكيرها اعمق وقرارتها واقعيه ونظرتها للحياة واقعيه مجروحه نعم مقهوره اكيد لكن صحتها رجعت شكلها تغير وابتعاد علياء وباسل عن محيطها افضل لها ولهم حتى يتعودون على الوضع الجديد |
رد: يا صلاله خبرينا عن قلوباً تهتوينا
(( الجــــزء الخـــامـــس والعــــشرين)) " الأخير" "بين الوجود والعَدم" خيط ضباب شفيف لا يكاد يُرى بين الحياة والموت بين المتعة والألم بين الفرح ونقيضه عليك أن تدفع جسدك المثْخن بقفزة صُنعت من هبوبِ عاصفةٍ إلى أغوار البحر وستأخذك أمواجه إلى ديارها الحنونة (( ابــــن عُمــان : ســـيف الـــرحبــي )) قال بتكرار : ( تزوجتي شخص ثاني غيري يا عليا ) من ثم اضاف بحده : ( يعني انتي خاينه.....يعني انتي ما تهتمي فيني...وانتي كذابه ) ثم صرخ بجنون : (انتي كذابه وخاينه يا عليا ...) وقال بصوت كأنه يأكد لنفسه صحة هالكلام : ( ايوه انتي كذابه وخاينه ..انا ما بخليش ترتاحي لأنش ما تستاهلي ..لأنش كذبتي علي) القيت نظره على مهند ...ملابسه غير متناسقه...شعره وهيئته غير مرتبه بالمره...ايدينه في حركه مستمره.. مع صرخاته وكلامه وتوهمه كلها امور اكدت لي ان حالته النفسيه تدهورت بصورة اكبر من السابق... بشفقه وبألم فكرت ليش اهله ما يهتموا فيه..ليش مخلنّه ضايع بهالحال وهو احوج ما يكون للعلاج والمداراه... بلطف حاولت اهدي اعصابه واجنب نفسي الخطر : ( بس انا ما كذبت عليك يا مهند....انا سافرت لأهلي ...وحصلتهم قدهم عاقدين علي انا و ولد عمي) قال بغضب : ( لا تكذبي ..انا اعرفش خاينه ..واي شي راح تقوليه كذب ..واصلاً انا ما اصدقش الحين ) لازم اواصل حديثي معه...احاول اهدي جنونه، ومن جهه ثانيه من اجل ان الوقت يمر حتى موعد وصول باسل واتمنى انه ما يتأخر اليوم .... قلت بمحاولة جذب شفقته : ( والله ما اكذب ..هذا اللي صار ..) سأل بصوت اقل حده عن سابقه : ( يعني انتي مو موافقه ...؟؟) وقبل لا افكر بجواب قال بنبره طفوليه : ( تعالي معي البيت وانا بنقذش منهم..وبخلي ابويه يبعدهم عنش) القيت نظره على مساعدتي ، كانت واقفه قدام الباب ..مستعده للهروب لو صار أي طارئ لكن نظراتها تقول انها ما زالت متردده ومستغربه وهي تسمع الحوار....!! تقدُم خطوات مهند باتجاهي ايقظت حواسي ..وجددت الاضطراب اللي هدأت وتيرته قبل لحظات ... تلقائياً رجعت للورى ...بخوف وخطوات متردده... لما طال صمتي بالنسبه لمهند .. قال بإختبار وهو يتقدم نحوي : ( اذا صادقه تعالي معي ...بناخذ تاكسي ..وبنروح بيت اهلي بالعامرات ..) دقات قلبي بدت تتسارع قلت بارتجاف : ( طيب ابروح معك بس انتظر شوي ..ذلحين انا مشغوله ) قال بصراخ : ( تحسبيني مجنون .....انا مو مجنون ...تسمعيني انا مو مجنون ...تبين زوجش اللي وصلش يرجع وياخذش معه ..انا شفته امس لما جا اخذش ....وانا فاهمش الحين تبين تخدعيني من جديد..ما يكفي اللي سويتيه ) عند هاللحظه ومع هالصراخ الحاد اللي يشق سكون المكان لقوته وحدته ...العامله اطلقت رجلينها للريح وهربت ....... مهند اسرع بخطواته لجهتي ... قلت بصراخ : ( مهند لا تقرب...مهند لا....) صرختي قطعت كلامي لما شفته ناوي يقترب اكثر .... رجعت خطوة للوراء ومن بعدها التفت رجليني وبديت اركض نحو غرفتي اللي كنت قبل دقايق جالسه بمأمن فيها ... اسرعت بإتجاهها ...دخلت وسحبت الباب واغلقته بعنف وبقوه وانا اعد كل ثانيه ...خوفاً من وصول يد مهند للباب.. لحسن الحظ ان الباب مزود بمزلاج لقفله ...لأن المفاتيح كلها كانت في الصاله ...... بيدي المرتجفه احكمت اغلاق المزلاج ..واستمعت لضربات مهند بعد ثواني قليله فقط من قفلي للباب... قبل لا استرد هدوئي..واخفف من وتيرة تنفسي العالي .. لجأت لجوالي اللي كان جنبي تماشياً مع توصيات باسل... بأصابعي المرتجفه ضغطت على شاشة الجوال في بحث عن رقم باسل ..وما ان وصلت اصابعي لرقمه ..حتى اجريت اتصال له.... اول ما رفعت الجوال لأذني وصلني صوت باسل .. مثل من كان حاس بالخطر سأل قبل حتى لا يسلم : ( عليا ..خير ..صاير شي...؟؟) بصوت مرتجف رديت عليه : ( باسل...مهند هنيه...مهند بالشقه ..وهو مجنون ..هي فتحت له الباب قبل لا اقول لها ..وذلحين راحت وتركتني ...) كنت في ردي له اقاوم الارتجافه اللي تحاول تشل لساني عن النطق.. وفي ذات الوقت كنت ابا اوصل اكبر قدر من المعلومات لباسل .... لكني حسيت بالعجز لما قال باسل بحده : ( من مهند ومن اللي راح ...ويش تقولي انتي ..) رديت عليه بصراخ يماثل صراخه : ( باسل تـــعال ذلــحين ) وفصلت المكالمه..ما اقدر انطق اكثر من كذا، ضربات مهند وركلاته على الباب ما وقفت وصراخه وجنونه ما قد توقف لدقيقه... جلست بجانب بوكسات الاغراض، والجزع ملازمني.... لكن أعصابي المنفعله حرضت هرمون الأدرينالين على افرازه في دمي...حتى بث استجابه شامله بحواسي ..وخلاني متيقظه اكثر.... .... بعد فتره سمعت اصوات عاليه لضربات ..تلاها صراخ مهند .... لكن صوت التهديد والوعيد اللي ينطق به باسل كان اقوى......... لاااااا تو الأمور تتضح لي.. نهضت من مكاني ..توجهت للباب وفتحت المزلاج بحركه سريعه .... باسل راح يضرب مهند .. راح يذبحه ...باسل ما يعرف ان مهند مريض نفسي... وقفت قدام باب الغرفة وانا اشوف مهند ملقي على الأرض وباسل بكل عنف يوجه له ضربات.. اقتربت اكثر وصرخت في باسل : ( باسل اتركه ..اتركه ..راح تذبحه ...حرام عليك ..تراه مو بعقله ..) لكنه حتى ما التفت لجهتي ..وواصل هجومه على مهند ... راح يذبحه ..وكل الأمور ما راح تكون في صالح باسل... لأن مهند عنده عذره وهو انه مريض نفسي... وبالأخير باسل راح يتلبس قضيه في غنى عنها وبسببي انا ... اقتربت منه ناديته ..لكنه ما استجاب لي ...ايديني امتدت لكتفه ..حتى يحس فيني بديت اسحب ذراعه ...وفي لحظه التقت عيوني بالعيون الناريه المتقده صرخ : ( روحي داخل بســـــرعه ) قلت له بصراخ : ( اتركه من يدك ...انت تبا تذبحه ..تراه مجنون مو صاحي ..مريض نفسي ..مرفوع عنه القلم افهمني ..لو يصير له شي انت راح تكون الغلطان ...) اضفت بصراخ : ( مهند كان هو واهله ساكنين جنب بيتنا السابق بالعامرات ..) اكملت بإنهاك : ( حرام لا تضربه اكثر ...لأنه مو بوعيه ...) ..... بعد ظهر طويل...ومناقشات طويلة ما بين رجال الأمن وباسل ووالد مهند .. انتهت الأمور بمصالحه ..قبل لا توصل للإدعاء العام وتصير قضيه .... والمضحك في الموضوع ان باسل بعد ما ضرب مهند المسكين يرجع يتأكد من جروح مهند ويتفحصها خوفً من وجود كسور.. وبالأخير وصّى والد مهند بالاهتمام بالجروح والضربات ووصف له العلاج المناسب من الصيدليه.. واكيد اعطاه محاضرة عن ضرورة الاهتمام بصحة ولدهم النفسية ، وضرورة اخذه للعلاج..وما خلت النصيحه من بعض التهديدات ..! على نهاية العصر القيت نظرة وداع أخيره على الشقه ....قراري الأخير حسسني بالراحه وهو اني ابيع الشقه المسجله بإسمي ..واستغل المبلغ في صدقه جاريه عن اهلي ..لأني ما عدت بحاجه للتواجد فيها من جديد... ... رجعت رأسي على مقعد السياره...وتنفست بعمق ، الأمان بعد الصدام هذا حالي.....! قرائتي لأذكاري..وتحصّني بالمعوذات وآية الكرسي هذا الصباح أمور رافقتها في سرائي ورافقتني في الضراء.... لو حياتنا كلها كانت كذا بهذي الصورة ...نصدق الله في توكلنا واستعانتنا به... نصبر في الشدائد ..وفي داخلنا متيقنين بأن الله معنا ..ومآلنا الى خير..لأصبحنا بألف خير... ( بويش سرحانه ...؟؟؟) وصلني سؤال باسل المستغرب لصمتي ... جاوبته بهدوء : ( في اللي احبه ..!!) ضحكت بداخلي وانا اشوف ابتسامته بعرض وجهه وهو يقول : ( اوووه هذا غزل..شكراًً....) قلت له بضحكه : ( بس انا ما اقصدك انت ..على ويش تشكرني ..؟؟!) نظراته اتركت الطريق والتفت لي وقال بغضب : ( اذا ما تقصديني انا ... من تقصدي غيري يعني ..؟) جاوبته بصدق : ( باللي احبه اكثر منك ...ربي...!) هز رأسه ..وقال بابتسامه : ( انا اشهد انك لعبتي بأعصابي يا عليا ..) قلت له بتأكد : ( من شدة توغلي فيها ..؟؟؟) ريح قلبي لما قال بصدق : ( لا تسألي السؤال وانتي ضامنه الإجابه ..) بعد ما عدينا مسافات سألته باستغراب ..وانا اشوفه يسلك طريق مختلف عن طريق البيت : ( هذا مو طريق البيت ..؟؟؟ وين بنروح ..) رفع حاجبه وقال : ( مكان تحبيه ...لكن غريبه انك مو ذاكره الطريق...!!) حاولت اتذكر هذا الطريق......لوين يوصل.....مكان انا احبه..!! بابتسامه كامله صرخت بفرحه : ( شاطئ العذيبه ..) رد بابتسامه : ( زين انك تذكرتي ..حسبالي فقدتي ذاكرتك ..) رديت بلؤم : ( هو بصراحه ..بسببك انت كل شي جايز يصير ..!) انتظرت صرخة غضبه ..لكن ماشي...!! تفحصته بنظراتي المستغربه .....حصلته يبتسم وكأني قايله فيه معلقه من المديح..!! ..... باسل كان ينزل غدانا المتأخر من السياره...نزلت باتجاه الشاطئ وقابلتني الرياح اللطيفه بشوق....تنفست بعمق من الهواء البحري النقي... رفعت رأسي لجهة الغرب...منظر الشمس وهي تغرب فائق الجمال.. .. حسيت بحركه جنبي ..والتفت لباسل الواقف ونظراته متجه لنفس منظر الغروب.. سألت بهدوء : ( منظر خيالي صح...؟!!) حرك رأسه بإيجاب .... تميل الشمسُ تدريجياً ، حتى تختفي خلف الغابة، تستلُ أشعتها الصفراء، من جذوع الأشجار المتعانقة ، ومن الأوراق والجذور، لتترك سلالة الليل وأطفاله ، تحتل الأمكنة والحيوات... تأخذ زادها من ذكريات النهار وتسافر في غروبها الأزلي... (ســيف الرحــبي) ......... صحت باضطراب : ( خااااالتي ..الحقي علي ..) جات وملامحها مرعوبه : ( ويش صار...؟؟ ) قلت لها برعب : ( شوفي الماكياج ..قلت لك من البدايه ما يناسبني هالنوع .. ) ثم اردفت بنبرة مشابهه للبكاء : ( شكلي صاير شبح مو عروسه ..والله ان باسل يتمسخر علي ) خالتي امسكت ضحكتها وقالت : ( مو مهم باسل ..اهم شي تكوني مواكبة للموضه بعيون الحريم ) قلت لها بقهر : ( لا والله ...انتي ما تعرفي باسل ...لو شافني حاطه ماكياج بلون قوي شوي قال ويش هالرعب، لو يشوفني الليله ويش راح يقول ..!!) خالتي اطلقت ضحكتها ..ثم قالت : ( ما راح يقول شي..كل عروسه بعيون عريسها احلى شي ..) قلت بتهديد : ( هالخبيرة لا حد يناديها في المصابحه ( الصباحيه ) بروحي بحط ماكياجي ، يكفي هاللعب اللي لعبته في وجهي الليله ...) قالت بابتسامه : ( اللي تبيه بيصير .....يالله مزون وبنات عمك كل العرايس جاهزين ينتظروك انتي حتى تبدأ الزفه ...) اخذت نفس عميق ...رائحة الماكياج سببت لي غثيان.. وآخر شي ابيه يصير هو اني اقضي ليلة عرسي استفرغ... يكفي غثيان الصباح اللي ما يفارقني ..!! القيت نظره على نفسي قدام الجامه ، قلبت وجهي يمين شمال .. يمكن تبان شوي من ملامحي المغطاه تحت اطنان الماكياج ... لكن ماشي فايده ..! بالقاعه العائليه للأفراح انضميت لبقية العرايس ... بنات عمي احمد كانوا هاديين.. اما مزون البسمه شاقه وجهها ...! عمتي هاجر المسكينه تعبت وهي كل شوي تجي وتقول لها : ( مزون ارجوك لا تفضحينا قدام العالم ..حسسيني انك مستحيه ..لو ما تقدري اصطنعي..!) ردت عليها بضحكه : ( لا والله ليش اخفي فرحتي ...بعدين يا امي خلااص الشؤون التربويه يعطونك اعفاء عن مهامك لأني قدني صرت عروسه ..وانتو مو مسؤولين عني خلاص..) عمتي هزت رأسها بيأس ورددت : ( الله يعينه ..الله يقويه ..الله يصبره ) سألتها مزون باستغراب : ( منهو يا امي هذا اللي الله يصبره ويقويه ويعينه ) ردت عليها بقهر : ( عزام من غيره ...المسكين ..الله يعينه على ما ابتلاه ) ردت عليها مزون بضحكه: ( عادي عادي ..مقبوله يا امي..ترى من اليوم صرنا صاحبات لأن كلنا متزوجات يعني نشترك بنقطه عشان نبني صداقتنا عليها... ) ضربتها هنادي بكوعها : ( ويش دخل يا غبيه ...هذي امك ..) ردت عليها بتعالي : ( انتي ويش يدريك ..نسيتي ويش يقولوا بالمركز ..أمك لو صارت عجوز لازم تصاحبيها ) شهقت عمتي هاجر وقالت : ( ذلحين أنا عجوز ..صدق انك ما تستحي ..) قربت وحده من الحريم تبارك قالت مزون بتدارك للوضع: ( الله يبارك فيك يا امي الله يبارك فيك ...) ثم اردفت بضحكه قدام الحرمه : ( هذي الوالده المسكينه من فرحتها بي ..تدور دورتين وترجع تبارك لي..!!) كان من بين الحضور زوجة عمي محمد وزوجات عيالهم ..واختها ..الكل كان حاضر حتى بدريه.. حضورها فاجئني...لكنها سلمت علي بصورة طبيعيه جداً ..وباركت لي متمنيه لي حياة سعيده.. ... بالأخير بعد انتهاء مراسيم الزفاف...اتجهنا للبيت انا و باسل ...وجدتي كانت بصحبة عمي عبدالله وخالتي... اتجهنا لجناحنا المستقل بالطابق الثالث بعد ما تم تجديد أثاثه وديكوره بالكامل... خلعت عبايتي وشيلتي بتعب وارهاق من هاليوم الطويل والموتر... صعقتني صرخة باسل : ( بسم الله الرحمن الرحيم ...من انتي ...) كنت ما بين حالتين اما اني اضحك بشكل غير مسيطر عليه ..ولا اعصب من موقفه في ليلة زفافنا..! كتمت ضحكتي ووقفت في مكاني وايديني بخصري ووجهت له نظرات حاده.. عدّل موقفه بكلام أسوء من صرخته : ( الحين الحريم شافنك وانتي بهالشكل ..!!!) ثم اردف : ( يعني مو لشي...لكن حرمة باسل يعني....) قبل لا يزيد قلت له من بين اسناني : ( هذا اجمل غزل ممكن تسمعه أي عروسه بليلة زفافها ..!) طنّش وقال بتعجب : ( متأكده ان هذا اللي بوجهك ماكياج ..؟؟ ويروح عادي ..ولا راح يبقى لأيام..!) انتفخت شراييني بغضب من استهزاءه تركته هو وسؤاله بلا رد.. توجهت للدرج ..وسحبت ملابسي .... قال بتدارك : ( اوووه زعلت عروستي بليلة العرس ...ويش يراضيها علينا ذلحين ) قلت له بتمتمه : ( عرووس اللي يسمع يصدق...! ) ثم اردفت بتذكر وقلت له من بين اسناني : ( احنا مو متفقين نكتم سالفة الحمل لحد ما ينتهي العرس ....؟؟!) رد: ( ايوه صحيح ...) قلت له بقهر : ( وخالتي بالله كيف عرفت...لما بغيت اتعثر بسبب الفستان صرخت وقالت لي انتبهي لعمرك انتي حامل ...؟؟) قال بتمثيل بريء: ( انا ما خبرت حد إلا أبويه و أمي غاليه !) قلت بغضب : ( احنا مو متفقين اني انا اللي اخبر جدتي ويش هالخيانه ) ثم اردفت بتهديد: ( بنشوف من اللي يخبرك بشي مره ثانيه ) قال بضحكه : ( اما هذي عجيبة تبا تخبي حملك على دكتور ) رديت عليه : ( دكتور على الفاضي..لو فيك خير عطيتني حل لتعب الحمل والغثيان ..) ضحك ثم قال : ( انا وعيالي مالنا حل كلنا متعبين ..مالك إلا الصبر يا عليا..) النهـــــــــايــة. |
رد: يا صلاله خبرينا عن قلوباً تهتوينا
إلى قلوب رافقتني طوال مسيرة كتابتي للرواية سطراً بسطر...ترافقاً مع كل جزء .. تعجز كلماتي أن تفيها حقها ولكن لها الأحقيه بأن أشملها بدعوة أخوية صادقه.. إلى أنوار قلبي : شبيهة القمر " النوري" ، ترااانيم الصبا، فيتامين سي " أم جمال" ، زارا، halazona إلى اخوات مشرفات فاضلات تواصلن معي في صفحات الروايه وخارجها ..استمددت منهن دعم غير محدود لهن خالص محبتي وشكري: أم البنين، نجلاء الريم ، تفاحة فواحه إلى صاحبات تلك السطور الحماسية الرائعه التي دائماً لها تأثير مفعم على نفسي وزادتني شغفاً وتمسكاً بالرواية : همس الخجل ، بدون اسم كول ، سلام لعيونك ، السلطانه ،أم ديمه، أميره بذوقي، شبيه الريح،أنسام جبليه، عذراً يا قلب، نوناا، سوزورا، طيف الأحباب، الطير المجروح ، ارادة الحياة، الوردة الذهبيه، الغلا غير ممكن ينمحي، عبق الرياحين، عمر همس الدموع، أم معاذ وزان اشكركن جميعاً ....وأقدم اعتذاري لأي اسم فاتني ذكره ..... والحمدلله الذي تمم هذه الرواية على خير، وأسأل الله أن يكون للهدف الذي من أجله كتبت روايتي صدىً متقبل في سماء سلطنتي الحبيبه.... اسأل الله أن تكون روايتي دعوة للعودة إلى طريق الهداية والحق و إلى شرع الله.. والى التمسك بأخلاق المسلمين .... وكل تمنياتي بالتوفيق لهذا الصرح الليلاسي الأدبي الراقي ..الذي كان دائماً وابداً منبراً للتفاعل الأدبي للقضايا الإجتماعيه ، والإسلاميه ...في عالمنا العربي ككل .. وسلام الله عليكم جميعاً. Noaaar |
رد: يا صلاله خبرينا عن قلوباً تهتوينا
مبروووك النهايه نواره. واتمنى اشوف هالمعرف بروايه ثانيه
كان نفسي عرفت مشاعر باسل تجاه بدريه. وبداية تحركها تجاه علياء مبرووووووك حملها والاستقرار ماضحكني الا صرخته من هول المكياج خعخهخه قلوب تنبض من السعوديه الى عمان ف عز الكلام سكت الكلام |
رد: يا صلاله خبرينا عن قلوباً تهتوينا
الف مبرووك النهايه
شكراًعلى الوقت الممتع اللي قضيناه معك بالروايه حبينا الشخصيات الموجوده فيها و تفاعلنا مهعم كونا احزاب حزب عليا وحزب بدريه واتفقنا على جمال الروايه وروعتها حبينا صلاله وعشنا اجواءها اتمنى مايكون هذا آخر عهدنا فيك اتمنى نلتقي برائعه اخرى لك نستمتع بها ونعيشها شكراً من آعماق قلبي |
رد: يا صلاله خبرينا عن قلوباً تهتوينا
القصه جميله اوي:55:
وخصوصا اني اول مره اقراء روايه عمانيه ومضمون القصه كمان جديد منتظره روايتك الجديده:55: في امان الله |
رد: يا صلاله خبرينا عن قلوباً تهتوينا
الف مبرووك النهايه
شكراًعلى الوقت الممتع اللي قضيناه معك بالروايه حبينا الشخصيات الموجوده فيها و تفاعلنا مهعم كونا احزاب حزب عليا وحزب بدريه واتفقنا على جمال الروايه وروعتها حبينا صلاله وعشنا اجواءها اتمنى مايكون هذا آخر عهدنا فيك اتمنى نلتقي برائعه اخرى لك نستمتع بها ونعيشها شكراً من آعماق قلبي |
رد: يا صلاله خبرينا عن قلوباً تهتوينا
نسيت الف مبروك:peace:
|
رد: يا صلاله خبرينا عن قلوباً تهتوينا
نهاية جميله وقصه راقيه مبارك تمام الروايه واكييد بإنتظار جديدس
|
رد: يا صلاله خبرينا عن قلوباً تهتوينا
وانتهت روايتنا الجميله ونطوت بخيرها وشرها هذا حال كل شي في الدنيا له بدايه ونهايه
<< أف بلا فلسفه خليها على جنب وكلام منمق نواااااااااااااااااااااااااااااره الشكر أولاً لك أنت الي التزمتي معاً واعطيتينا أكثر من حقنا والشكر لك بالزواج الجماعي والشكر لك أنا تطمنا على مستقبل بنتنا عليا وعقبال كل بنات ليلاس بعد رمضان نبي عيديه كبيره بس بس بس روايه جديدة تصويييييييييييييييييييييييييييييييت |
رد: يا صلاله خبرينا عن قلوباً تهتوينا
السلام عليكم ورحمة الله مساء الخير
نواره الف مبروك على وصولك لبر الامان ...وعسى يارب نشوفك بروايه رائعه مثل هذا...لانك من الاقلام الرائعه وللي كتابتها تشد الواحد واخيرا باسل وعليا استقرت امورهم والف مبروك الحمال .. واخيرا باسل عرف الاستقرار العائلي وقدر اهو وعليا يتخطون كل الصعوبات الي واجهتهم وعقبال البكاري... اما مزون ضحكتني الصراحه هالبنت بايعتها ولاا عليها من احد نواره الله يجزاك الجنان وجعل كل حرف كتبتيه شاهدا لك عند رب العالمين.. وانا مع رنومه نبي عيديه رائعه منك |
رد: يا صلاله خبرينا عن قلوباً تهتوينا
الف مبرووك اكتماااال الروااايه
امتعتينا فيها وغيشتينا اجواء السلطنه وخصووصاا صلااله باسل وعلياء استقررت اوضاااعهم .....ومبرووك الحمل وبالنسبه لتعب الحمل والغثيااان ......صدقيني يا عليااء ماله حل ...لاني اعااني الحين منه ....الله يتمم علو خييير بس عندي انتقااااد صغيررررررررررون مرررررررره .... قووه البااارتاات الاولى ...في الحديث بين الابطاال والوصف مومثل اخرر باارتات .....يعني النهااايه مومثل قوه البدااايه يعني كاان نفسي تقولينا عن شعوور باسل ....تدرين انه خلصت الرواايه وهو ما اعترف بحبه لمحلها بس ما قال لها كمان بدريه .....شعوورهاا وبداايه تركهاا للماضي ...وتفكيرهاا في مستقبلهاا لكن هذا ما يمنع اني اتمنى مع البنات انه يكووووون في رواايه جديده لك ان شاء الله |
رد: يا صلاله خبرينا عن قلوباً تهتوينا
الف مبروووووك االنهاية السعيدة ونشكرك على الرواية الممتعه والتزامك حتى النهاية وانشاءالله تكون في رواية ثانية تسعدينا وتمتعينا فيها سلامي لعمان واهلها
|
رد: يا صلاله خبرينا عن قلوباً تهتوينا
السلام. عليكم.
مبروك. اكتمال. الروايه. نواره وجزاك الله. خير. على الابداع. والالتزام. وعلى. الصبر. كثر. الهرج. والنقاشات. شطحنا. بعيد. وجبنا. العيد. جبنا. قضايا. التعدد. واخيرا. انقسمنا. الى. اقسام. ومابقى الا الانقلاب. واثيوبي. النوري. بعد. استعنا. به. بالفزعات. بس. تونسنا. وضحكنا. الله. يوسع. صدرك. بطاعته. نجي. للروايه. اعجبن. تصرف. عليا. مع. المريض. مهند. وتصرف. باسل. كان. متوقع. الضرب. توقعنا. يذبحه. باسل. وتعليق. بعض. البنات. بانه. ماتكلم. عن. مشاعره. اقول. الواقع. رجالنا. يتكلمون. عن. مشاعرم. وحبهم. وباسل. ذكر. بالبارتات. الثلاث. الاخيره. عن. علاقته ببدريه. وتكلم. عن. الحب. بانه. ماحبه. قبل. الزواج وبعد الزواج. مالحقنا. هي. حاولت الانتحار وهم. ابتلشو. به. اجتمع. مرض. زوجته. وبنت عمه وزوجه. ثانيه. مجانا. يعني. تعرفه. على. الجنس. الناعم. كان. ببدريه. وكانت. مريضه. منهاره وعليا. بعافيته وعناده. منشغله. تعليق. على. الطاير. اذا. فيه. اخطاء. استرو. على. ماوجهتو. |
رد: يا صلاله خبرينا عن قلوباً تهتوينا
الســــــــــــلام عليكم ورحمة الله وبركاته صبـــاحكم راحة بال وطمئنينه صبــاحكم سعاده وفرح سلمت لنا أنامل تخط الإبداع ,, مبروووك اكتمال الروايه . ما أخذت من إلا يومين وانا اقــراه فعــــلا استمتعت بـ قرائته والعنووون يجذب ماشاءالله ,, كان ودي اعلق معكم بس ماوصلت إلا والبارت الاخير نزل __ بــاسل ما كان ودي انه طلق بدريه << ادري يمكن تذبحونن >> لان لو ماتزوج عليا كان ما طلقه انا مع الزوجه الاولى مهما كااان واللي يقههر انه اخذ بنت عمه تخيلوا نفسكم بمكانه بيووم ملكته يتزوج زوجها زوجه ثانيه ومنهي بنت عمه ,, لو هي مو من اقاربه يمكن اهون صح ان عليا ماتدري بس ولو بدريه :: صح انه هي اللي طلبت الطلاق بس ماتمنيته ابد , ماقول إلا الله يرزقك الرجل اللي اطيب من باسل <<:ekS05142: . . المهم :: عليا وباسل : الحمدلله استقرت اوضاعهم بدريه : صح انه جت للزواج وعادي عنده بس تمنيت انك قلتي وش صار عليه ي خيتي تحمليين بس والله كاسرة خاطري بدريه وعلشان كذا جلست اهاوش على باسل يعطييك العافيه على التزامك بالمواعيد وصبرك علينا وربي يجعله من موازين حسناتك و ربــي يسعدك ويوفقك ي صاحبة الابــــدااع وبنتظــــــار عديتنا وان شاءالله تكوون روايه جديده منك . |
رد: يا صلاله خبرينا عن قلوباً تهتوينا
سلام عليكم نهاية حلوة وجميلة كاجمال الانامل التي أبدعتها ,نوار نتمنى منك المزيد من هذا الابداع
|
رد: يا صلاله خبرينا عن قلوباً تهتوينا
الله يعطيك العافيه ولايحرمنامن اناملك الذهبيه وألف مبروك علي ختام الروايه الاكثر من رائعه ونتمني ان لايحرمناالله من ومن كتاباتك السلسة الخفيفه علي القلب ودمتي اختي العزيزه
|
رد: يا صلاله خبرينا عن قلوباً تهتوينا
نواااااار تسلم يديك الحلوه على هيك روايه من جد أحس الكلمات تخوني وماتوفي الروايه حقها بالجمال من جد روايه خوقاقيه ومن زمان ماقريت رواية بجمالها وجمال الوصف فيها حسيت اني وحده منهم من كثر ماعيشتينا جوهم تمنيت اني ألبس الفستان الظفاري عجبني وصفه وتمنيت اشوف السواحل الجميله الي فيها
عطيتيناصوره مشرقه لاهل عمان المعروفين بطيبتهم حبيت كل شخص بهذي الروايه الا بدريه ماادري ليه عجزت اتقبلها مع انها المظلومه وكان موقفهايكسر الخاطر يوم ملكتها بس ماحبيتها أبد ونكرانها لمعروف باسل ماكسر قلبي غير هالباسل الي ضاع عمره بين المستشفيات وتقبل زوجه مريضه وبالاخير تجحده اعجبني في روايتك وصفك للستر وكيف انه عزه للمرأه وعمره ماكان تطور وعصريه عيب روايتك الوحيد هذا ان كان فيها عيب انها قصيره تمنيت انها أطول من كذا لاني يوم خلصت نزلت دموعي حسيت اني فقدت أحد من أهلي استمري ياالغاليه واتمنى اتمنى من كل قلبي نشوفك قريب بروايه بجمال روايتك هذي درب السعاده دربك ياكاتبتنا: :55::55:55: |
رد: يا صلاله خبرينا عن قلوباً تهتوينا
نواااارة شكراً من القلب .. رواية ممتعة بحق مشوقة وسلسله أهنئ نفسي لقرائتي هذا القلم النازف السيال الف مبروووك نهاية الرواية ننتظرك في القريب العاجل في رواية جديدة مع عبق الأصالة في عمان لن أقول وداعا فتاة عمان لنا معك موعد إن شاءالله برواية’ أخرى .. كل عام وانت بصحة وسلامة ومبارك علينا شهر الصوم دمت بحفظ الرحمن .. |
رد: يا صلاله خبرينا عن قلوباً تهتوينا
بسم الله وش هالخط العريض ليش مافي تعديل <<فيس يبكي ..
|
رد: يا صلاله خبرينا عن قلوباً تهتوينا
السلااااااااااااااااااام علييييييكم
وخلصت القصه ؟؟؟ :( بقدر فرحتي بالنهايه السعيده اللي كنت اتمناهاا بقدر حزني على فرااق ابطال قصتناا اهئ اهئ نوااااااااااااااااااااااااااااري تعجز الكلماات وربي عن رص الحروف اماام حرفك يامبددددعه .. امنيه ان لا تكون هذه المولوده يتيمه نوااري ..واملناا ان نرى لك قصص اخرى فكاتبه بمثل منهجيتك حراام ان يدفن حرفهاا .. فيس يقول طالبك يالغاليه لا تتركيناا وان شاءالله نحن بانتظااار كرمك العمااني بقصه اخرى >>قولي تم :) نوااااااااااري .. أحبــــــــــــــ في الله ــــــــــــــــــــــــك .. |
رد: يا صلاله خبرينا عن قلوباً تهتوينا
اقتباس:
|
رد: يا صلاله خبرينا عن قلوباً تهتوينا
السلاااام عليكم
نوااااره اكره الوداع خصوصاا مع روايه حبيناها وعشناااا احداثها لو ان اخر بارتين الله يهديك كنا نبي معدل الرومانسيه شوي يرتفع بس ردتي فيني معليه عزيزه وغاليه نوااار ههه امزح نوار بس انا للحين راضيه اسوي التعديلات المطلوبه وتكون حصريه لبنات المقلط نوااار انا متأمله بعد فتره نلقاك داخله بروايه جديده لناااا |
رد: يا صلاله خبرينا عن قلوباً تهتوينا
السلام عليكم ...
بين حناييا الذاكره يانوآآره .. بخوور ظفاري ولبآن عريق الطريق الى ولاية سدح ومربآآط .. روعة شاطي المغيسيل .. جبال رواسي بغطآء عشبي .. اموآج ضاحكه .. مغامرات بمذاق الموز وجوز الهند والبوبايآآ .. جو ماطر وسماء ملبده بالغيوم .. نساء بلباس ظفاري آنيق .. شعب هاديء محب للخير والأصآله .. وطن العز والكرم ... و..!! باعوض نزق لعب باعصابنا وترك اثآر على جلودنا خخخخخخخخ ظننت بانها ستكون نهايه ذكرياتي ومعلوماتي المحدوده عن صلآله لكنني اليوم غارقه بحب السلطنه واهلهآ >>خصوصا اللي اسمهم بااسل ههههههههههه كانت اوقات مشووقه التي قضيناها بمتابعه احرفك الماسيه روايه نادره واسلوب جذاب ومختلف .. سلمت يمناك عزيزتي وبانتظار جديدك :: شكرآ على هالروايه .... احبك بحق |
رد: يا صلاله خبرينا عن قلوباً تهتوينا
مبروك عليش هالرواية الحلوه مع انني تمنيت انه يكون فيه تفاصيل اكثر واعمق في حياة باسل وعلياء لكن الرواية كانت جميلة واكثر من مرضيه اتمنى يكون فيه ابداع اخر لكاتبه مبدعه مثلش
|
رد: يا صلاله خبرينا عن قلوباً تهتوينا
السلام عليكم ورحمة الله وبركاته
مرحبا نوارة ...... مراحب بمواهب السلطنة ..... لست اول موهبة اقرأ لها من السلطنة ...... وماشاء الله كلكن مواهب فطرية ومشاريع لاديبات مستقبلية واعدة ..... لكن اكملي الطريق ولا تركني الى الركن وتختفي مثل الاخريات ...( ولعل مانعهن خير .....) رايت فيك التزامك برقي الكلمة ..... والقدرة باستخدام اللغة ( سواء العربية او اللهجة المحلية ..) اسلوبك سلس فيه الحوار صاحب الدور الاساسي في الرواية .... مع تيار الوعي ( المناجاة الذاتية بين البطل ونفسه او البطله ونفسها .... وتبرير افعالهم وردود افعالهم ...) يوجد وصف للشخصيات وملامح وجههم وردود افعالهم والطبيعة بشكل مميز ....... طرحت للنقاش مجتمع ملتزم في مقابله مجتمع منتفتح والاختلاف بينهم ........ دعمت الاسرة الممتدة ومدى احتياج المجتمع العربي لها الان اكثر من الاول ..... لانها اساس الاخلاقيات والمبادئ والالتزام مهما كانت الظروف وخاصة الاصالة العربية ...... سلمت يداك .... ومنتظرين جديدك ...... ولا تطولين علينا .... نحن بالقرب ......... |
رد: يا صلاله خبرينا عن قلوباً تهتوينا
السلاآم عليكم ..
مبرووكة علينا هالرواية الراائعة .. !! مريت كذا مرة على اسم الرواية و أعجبني .. حسيت لااازم أعرف شو هي صلالة و شو القصة .. !! في شي بالعنوان جذبني كتييير .. كنتي لا زلت تكتبي فيها ... و أنا مشكلتي أحب القراءة المتكااملة .. و صعب أتابع شي !! بحس حالي بضيع و بنسى كل التفاصيل اللي لازم أحتفظ فيها ^^ لكن أول ما عرفت إنك انتهيتي منها و انتقلت الرواية للروايات المكتملة .. نزلتها .. الحمدلله !! ^^ قرأتها .. و مرة وحدة .. ماا قدرت أقوم عنها إلا للصلاة .. !! الموضوع كان فعلاً شيّق !! ^^ استمتعت كتيير و انا أقرأ لحرفك ... رغم اللهجة صعبة شوي علي لكن إنتي سهلتيها كتييير .. او القصة و المجتمع اللي تكلمتي عنه رغم إن كثييير من اللي ما يعرفونه ما يحبون الوضع .. لكن أنا صح مو خليجية ولا لي من أهل الخليج .. لكن أحب طريقة العايلة القديمة ^^ فعلاً عائلة بكل معنى .. عرضتي شخصيات الأبطال بسلاسة .. و ما كان فيها اي تشويش او صعوبة .. بالعكس ^^ :) ربي يوفقك .. و تكتبي أكتر و أكتر .. و الله يبارك لك بنعمة الكتاابة ^^ لا تنقطعي عننا و إن شاء الرحمن بنقرأ لك من جديد ... ^^ عوااافي يا رب .. كل عام و إنتي بخييير :) |
رد: يا صلاله خبرينا عن قلوباً تهتوينا
روايه جممممممممممميله يعطيك العافيه ❤❤~
|
رد: يا صلاله خبرينا عن قلوباً تهتوينا
السلام عليكم ورحمه الله
صلاله وما أدراك ما صلاله جنه الله في الاررض روايه جدا رائعه وبدايه أيضا جدا موفقه قريتها كامله في يوم ونصف فالأحداث مشوقه جدا أختي أتمنى من أن يقودك قلمك لكتابه المزيد من الابداعات سلمت يمناك |
رد: يا صلاله خبرينا عن قلوباً تهتوينا
عزيزتى الكاتبة القصة رائعة وفد عالجت كثير من الفضايامعاة فد احببت النهاية ولم اتوفعا لاننى توقعت ان هايفضال متزوج بدرية وعليا اوهاتموت بدرية بعد متحمل وتعييش معاة عليا اتمنى للك التوفيق كاكاتبة
|
رد: يا صلاله خبرينا عن قلوباً تهتوينا
رواية رائعة ولقد فاجئتينا بقوة هذه الرواية فنادرا مانجد كاتبات عمانيات يكتبن بإستثناء طبعا : الكاتبة المميزة كاتبة رواية ( احرف مطمورة بين طيات الورق ) اتمنى ان لاتتوقفي عن هكذا ابداع وتتدهشينا برواية جديدة وسأكون من اول المتابعين ..
دمتِ بود غاليتي مرت من هنا : ارخص الغالي عشاني |
رد: يا صلاله خبرينا عن قلوباً تهتوينا
ماشاءالله تبارك الرحمن ..
سلمت يدك نوارر رواية رائعه فوق المقاييس سلسة وجميلة وممتعه وعاطفية والاهم غموضها اللذي لايتكهن به .... عند قرائتي للاجزاء احس بخفت رووح وجاذبية و بسرد ملامس لشغفي وهذا الشيء غائب في روايات هالايام بحيث وللاسف اعرض عن قرائتها ... نحن بحاجة الى كاتبات بمثل إبداعك ... ونتمنى ان لاتحرمينا من طلتك .. أدام الله ابداعك الوهاج .... |
رد: يا صلاله خبرينا عن قلوباً تهتوينا
[IMG]:welcome_pills3:[/IMG]
|
رد: يا صلاله خبرينا عن قلوباً تهتوينا
السلام عليكم بجد انا مبهور بشخصياتك وروعتهم لكى منى كل التقدير.
https://encrypted-tbn2.gstatic.com/i...9XB6ZDPD2Nzft- |
رد: يا صلاله خبرينا عن قلوباً تهتوينا
ما شاء الله من اروع واجمل الروايات
اللي قرأتها قمة التميز والابداع تسلم ايدك حبيبتي ووفقك الله وفي انتظار المزيد من ابداعاتك |
رد: يا صلاله خبرينا عن قلوباً تهتوينا
السلام عليكم ورحمة الله وبركاته نواااار المبدعه ،، بصراحه روايتك قمة فـ الإبداع .. وإنتي قمة فـ التألق بـ إبداعك و روعة شخصياتك وأفكارك وانسجام كلماتك وانسيابية أسلوبك اللي يخلينا نعيش الأحداث لحظه بلحظه .. فـ البداية شدني عنوان الرواية وبدأت أقرأ الأجزاء الأولى لوين ما انقطعتي فتره ،، وكنت اتابع الموقع باستمرار بانتظار التكملة .. وعاد أنا انقطعت فتره عن الموقع ورجعت هالأسبوع واستانست لما شفت إنه الرواية اكتملت وقرأتها من البدايه خلال ثلاثة أيام تقريبا من الحمااااااس والتشوووق لهاا .. وبجد انتظاري ما راح سدى ،، لأني استمتعت بقراءتها .. من أرووع الروايات اللي قرأتهم .. وقلت ما أرد الا بعد ما أقرأها كامل .. عليا ،، بطلة القصة الأولى .. مواقفها كانت جدا جميله بس مسكينه من مصيبه لمصيبه و ف الأخير نالت كل خير .. مواقف باسل معاها خلاها تحبه وتعشقه ،، موقفها من خالتها وعمها بعد ما رجعوا صلاله فرّحني كثير .. باسل ،، رجل بمعنى الكلمة بغيرته ودفاعه عن دينه وعاداته القومية والدينية ف نفس الوقت ،، بوقفاته مع بدريه بمرضها ،، بتحمله لعليا وتصرفاتها اللي تخلي الواحد يطلع من طوره أحيانا ويحبها ويحترمها ف أحيانا ثانية .. بدريه ،، انسانه مريضه نفسيا قبل لا تكون مريضه جسديا .. بصراحه قهرتني ،، عديمة إنسانيه وناكرة جميل باسل اللي صبر عشانها وترك عمله ... نوااار ،، كاتبة طموحة و مبدعة ،، سطرت أناملها إبداع أعجز عن وصفه ،، أعجبني أسلوبك فـ الكتابة وسردك للأحداث ،، أتمنى لك الترفيق غاليتي وبإنتظار كل جديدك بإذن الله .. والله يحفظك ويزيدك إبداع وتميز ... واااصلي يااا مبدعه ... تقبلي مروووري ،،، تحياتي لكـ ،، أم ديمه ... |
رد: يا صلاله خبرينا عن قلوباً تهتوينا
حبيت عمان واهلها بعد ذي الروايه عشقة صلاله بعد ما عرفت انهم ناس متماسكه بعاداتها وتقاليدها ودينها وحجابهم اشكرك على سردك للروايه عجبتني كثير
|
رد: يا صلاله خبرينا عن قلوباً تهتوينا
يسلموووووووووووو رواية رائعة جدا ^_^
|
رد: يا صلاله خبرينا عن قلوباً تهتوينا
رواية رائعه من جد
واتمنى اشوف لك روايات ثانيه باذن ربي هالروايه شوقتني لمعرفة المزيد عن السلطنه الجميله تقبلي خالص ودي واحترامي |
رد: يا صلاله خبرينا عن قلوباً تهتوينا
ألف شكر للكاتبة على التحفة الروائية الرااااااااائعه
رواية إستمتعت واااااااااجد في قرائتها حبيت إنها تتحدث عن الحشمة و العفاف و الستر فعلا المرأة جوهرة ما يستاهل أي أحد غريب ينظر إليها لازم تصان عن أعين الغرباء كسرت خاطري عليا حييييييل بالذات لما سافر باسل أني إشتقت له بعد وياها بارتين مختفي فيهن لما باسل قال لأبوه ماشي بحياتي يا ابويه يستاهل اني اندم عليه ، بنات عمي ومثل ما تشوف من مشكله الى ثانيه...ومن عثره الى اخرى ... الشيب غزا راسي يا ابويه وانا الولد ما عندي ، اشوف ربعي عيالهم طولهم اما انا فحياتي ما تُعرف هل هي حياة متزوج ولا حياة عزابي رحمته كسر خاطري فعلا يستاهل السعاده و قلب عليا عرف يختار من يحب أتمنى أقرأ روايات أخرى لك كاتبتنا العزيزة ألف شكر لك |
رد: يا صلاله خبرينا عن قلوباً تهتوينا
رواية ممتعة شكرا جزيلا كاتبتنا العزيزة و موفقة دائما
|
رد: يا صلاله خبرينا عن قلوباً تهتوينا
:55::55::55:أهنيك على هذي الرواية الرائعة وأقول لبطلي الرواية:lol::lol::toot::toot: على حبكم الجميل
|
| الساعة الآن 02:24 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية