|
رد: يا صلاله خبرينا // عن قلوباً 'تهتوينا'
(الجزء الأول )) الطريق إلى الجامعة اللي بالعاده يكون طويل وممل،هذا اليوم مر بسرعه فاجئتني... وارجع السبب للشعور الغامض اللي مسيطر علي خلال هذي الأيام ... قبل لا انزل من السيارة ...وقفت اسمع السؤال اللي يتكرر كثير من خالتي: (عليا مو فيك ..يا بنت ذا الأيام ترى حالتك مو عاجبتني ابداً..تعاني من مشاكل..حد مضايقش ..قولي..بس لا تظلي ساكته كذاك..) جذبت نفس قوي..ورسمت ابتسامه على وجهي استعدادً للأجابة عن هالسؤال اللي بات يزعجني كثير..لسبب اني اجهل هالإحساس الغريب اللي يلفني..وبروحي مو عارفة الجواب: ( الله يهديش يا خالتي...كم مره وانا اقولش ما فيني شيء فعلاً..تبيني احلف بعد.ترى جاهزة..بس مدري حاجة كذا في نفسي مدري شعور او احساس سيء)....! ثم اردفت بضحكة (او يمكن تغير الجو اثر على المود بشكل عام وخربه)..! ابتسمت خالتي بخفة..وعلامات عدم التصديق واضحة على ملامحها: ( يالله يالله انزلي..لا تتأخري على محاضرتك..ولا راح يطردك الدكتور..وخليني اروح لدوامي انا بعد) العباءة الضيقة ..والشيلة المطعمه بالفصوص الراقية ..والوجه الحسن المكشوف ..كانت اسباب كافية لتركز النظرات علي وانا اشق طريقي باتجاه كلية الطب..وسط الزحام.. من الطلبة والطالبات..والأساتذة ...مما جعلني اجفل من الشعور بالضيق ..الشعور بأني اعيش في خطر ،او خطأ انا سببه. ..راجعت افكاري ( صحيح ان خالتي اللي مفصله عبايتي ....بس كان بإمكاني اقول لا..هالعباية ..هالشيلة ..مو مناسبين ...)..!! ثم تراجعت في تفكيري (انا وييييين ...بويش جالسه اهتم و افكر..حالتي المزاجية اليوم من سيئة الى اسوء..)..! على الرغم من ان الطلاب والطالبات في سنتهم الأولى لدراسة الطب..وما زالوا في بداية الفصل ...إلا ان الكل كان متململ في مقعده ..يعني مو انا لوحدي ..ملانه من المحاضرة ... هذا افضل تبرير للوضع ...!!! حتى اشعر بقليل من السلام في داخلي قلت ...(اكيد الخلل من الدكتور)..!! على آخر محاضرة تنفست بسلام...وارخيت رأسي وغمضت عيوني بخفة وظهر امامي ذاك الوجه..انتفضت بقوه..وانا اتذكر ذيك النظرات القاتلة اللي رمقني بها..ليش كذا..؟؟ ومن كان هذاك الشخص ..وليش اسود وجهه لما سمع اسمي...وحسيت انه انهان قدام الدكتور اللي كنت رايحة اقدم له البحث...مو معقوله من هذاك اليوم وانا انتفض لما اذكره..ويمكن يكون هو سبب تعكر مزاجي...مستحيل يكون الأمر طبيعي وعادي..... رن جوالي..وعرفت انه خالتي تنتظرني... ( هلااا باللي تكذب و تقول معاها حصص تدريس وراح تتأخر..وبالأخير جات حتى قبل لا اروح الكافتيريا....شوفي ترى هالحين بنمر كوفي شوب ...اممم خاطري بموكا وتشيز كيك يعدل المزاج...هاه شو رايش..) (رأيي انه نروح البيت مالي خلق اي شي..غير النوم) صوت خالتي مو طبيعي ابداً..ابداً...القيت عليها نظره بس نظارتها الشمسية الكبيرة مغطية عيونها..بس وجهها محمر بقوه..رديت نظري ..والقيت ملفي فالمقعد الخلفي..بس تفاجأت بأوراق البحث اللي لازم تقدمه خالتي اليوم لمكتب الإدراة بالجامعة موجوده...مستحيل..! سألتها باستغراب( خالتي انتي اليوم ما مداومه....هذا البحث اللي مطلوب من اساتذة الجامعة موجود )! حسيت بصدمتها..بس جاوبت..( اووووه نسيته...مو مشكلة باكر راح اوديه) قلت: ( خالتي).. بس قاطعتني..وقالت ( عليا اذا ممكن اسكتي عني ..ما عرفت اسوق)! الصمت كان سائد ...وصلنا البيت ...وقفت بنصف الصالة وانا اسمع خالتي تقول للشغالة لا تناديني على الغدا ما ابي شي..وبعدها راحت جناحها وقفلته بهدوء..!! رميت حقيبتي بالكنب...وفتحت عبايتي وشيلتي وتمددت ...تفكيري متعب..وخالتي اليوم زادتني..من لما كان عمري 12سنة ما يوم شفت خالتي تتصرف كذاك.. اذان الظهر ..ايقظني من موجة التفكير..بس ما وقفت هالموجه ....!!! لحتى ظهرت خالتي بعد المغرب بوجه اقل ما يقال عنه مرعب..!...ازال من قلبي كل بقايا الإطمئنان اللي كنت امني بها نفسي..! نادت الشغالة وقالت لها تجهز القهوه..لأن راح يجونا ضيوف..ناظرتها وانا بقمة الإستغراب ..! الى ان التفتت لي وقالت بصوت مخنوق( عليا بيجونا ناس بعد اذان العشاء خليش جاهزة) وقبل لا أسأل من اللي راح يجينا قالت( لا تلبسي قمصان او جنز..البسي دراعة ساتره ..) واغلقت الباب وراها... وانا في حالة ذهول..في حالة ثانية كنت راح اضحك..لأن خالتي فري واول مره تلزمني بلبس معين .....لااااا وبعد ساتر...!!! صليت العشاء ..ولبست دراعة سوداء بشك خفيف وحطيت شيلتي برقبتي..ورحت الصالة وانا اشوف القهوة والشاي وتوابعهم بالطاولة الزجاجية بالصالة..وريحة البخور ..تعم المكان.. رن الجرس وزادت معاه دقات قلبي...وزاد الفضووول ..! راحت فاطمة شغالتنا تفتح الباب..بس خالتي وقفتها ..وراحت بنفسها تفتح الباب..وهي لا بسه عبايتها...! كيييف...!!!! لا بسه عباية...وانا لا...!راح اجن من التفكييير...!! سمعت اصوات تقترب من مدخل الصالة ... رفعت راسي ..... دوار خفيف ..توقف لأنفاسي ....ترافق مع الصدمة اللي جمدت كل عضلة بجسمي...!! |
رد: يا صلاله خبرينا // عن قلوباً 'تهتوينا'
ياهلا ومرحبا فيك *بنت السلطنه الحبيبه بليلاس الغالي مجمع الابداع والاحبه
انشالله تلقين الي يرضيك و تصلين بروايتك لبر الأمان .... قوانين القسم ( شروط انتسابك ككاتب + قانون القصص المكتمله والمهمله + الردود المخالفه ) |
رد: يا صلاله خبرينا // عن قلوباً 'تهتوينا'
السلااام عليكم
هلابك اختي بمنتدااك وان شاءالله توصلين بروايتك لبر الامااان حبيت القصه حسيتهاا خفيفه ومافيها تعقييد ولا اشخااص وااااجد >> فيس مايحب كثره الاشخااص بالروايه رحمت هالعلياا وين اهلهاا ؟؟ معقوله عندها اهل وهي ماتعرف عنهم شي ؟؟ اتوقع الشخص اللي زارهم هو نفسه الشخص اللي من عرف اسمها اسود وجهه اممم احتمال انه اخوهاا ؟؟ والاكيد انه ولد عمهاا الله يستر لايكون بياخذهاا بس علشاان تترك مجال الطب نوااااري حياااك للمره الالف وان شاءالله راح تشوفين اللي يسرك من المتابعين بس دخيلك احنا نرضى بالواقعيه بكل شي الا بالنهااااااياات .. نبي نهايه سعيده بساتين من الجوري لقلبك .. |
رد: يا صلاله خبرينا // عن قلوباً 'تهتوينا'
السلام عليكم. اختي ياهلا. بك. معنا. شدن العنوان. ومن. شفت. النوري. راده. على. القصه. طيران. دخلت.
ننتضر. من. الضيف. اتوقع. انه. قريبه. ولد. عمه. ومن. الاسم. عرفه. بانتضارك. |
رد: يا صلاله خبرينا // عن قلوباً 'تهتوينا'
.
السلام عليكم يامرحبا با أهل السلطنه ويارب نتسلطن باالوحي معك »فيس بوحتنا أبو ورود دخلت من العنوان بصراحه حبيت أقرا لقلم من مجتمعكم =) القليل منا يعرف عادات أهل السلطنه أتكلم عني شخصياً يعني عادتكم مجتمعكم الجميل لهجتكم الحلوه نبي نشوفها منتظرين متعه من قلمك خاصة أنه قليل كتاب من السلطنه .. أعجبني جلد الذات في البطله وانها تحس بتعذيب الضمير عشان لبسها ويمكن الي تضايقت منه بطل يقرب لها ولا أعجبه لبسها وحب يلم بنت عمه من الخرابيط لانها تعتبر من شعر وجه مثل ماتوقعت النوري وام البنين.. والنوري حبيبتي ماتبي الابطال الكثير =) بس أقولك زيدي عدد الابطال باالعكس هذا يوضح تمكن الكاتبه ويعطي بعد للقصه ويبعدها عن الحصر والملل في شخصتين او اربع ... رتبي أفكارك واستعيني با الله وبيوفقك أن شاء الله ويامية هلا فيك بينا... |
رد: يا صلاله خبرينا // عن قلوباً 'تهتوينا'
اهلين وسهلين..
حياكي الله بليلاس .. اممم العنوان عن صلاله أرض الأصالة..أكثر ماجذبني لان معظم أخواتي الكاتبات يكتفون بالمنتديات المحلية..وبتمنى تلقين مايرضيك هنا..ويلقون متابعيك مايرضيهم.. نجي للروايه... لا امتلك موهبة التعليق الحمدلله.. ولاني احس ان تعليقي يفقدني الحماس للرواية حين احلل واناقش .. فعذرا سأكون من خلف الستار... عليا .. يازين الاسم زيناااه.. سبحان الله ..كل منا بداخله بذرة خير عقولتهم تلبس هذيك العباة ومتضايقه وعارفه انه هالسبب هو سبب ضيقها بس تتجاهله وتدور شماعه لضيقها.. اتوقع الشخص اللي جا من طرف اعمامها..لان خالتها لبست عباتها..وهي اكتفت بلبس ساتر.. كون خالتها الزمتها بهاللبس ..استشف انهم محافظين .. ووبما ان "صلاله" هي العنوان .. استشف انهم منها ..وان عليا بتنتقل هناك.. ...توضيح لباقي الاعضاء كلية الطب موجودة بجامعة السلطان بمسقط ^_^ اتخيل شكل عليا بالثوب الظفاري ههههه دامها متعودة عالجنزات وكدا..فيس كذب الكذبة وصدقها.... اظن يكفي اللي كاتبته للحين ...^_^ حفظكي المولى.. بخور من بيتي لبيتك هههه |
رد: يا صلاله خبرينا // عن قلوباً 'تهتوينا'
اقتباس:
اشكرك جزيل الشكر على الإهتمام..واقدر تواجدك هنا.. |
رد: يا صلاله خبرينا // عن قلوباً 'تهتوينا'
اقتباس:
مرحبا بك /يا شبيهة القمر..تسلميلي على تواجدك الطيب.. ما شاء الله عليك ..احسك ابحرتي في الرواية منذ البداية.. لا تخافي باقي افراد العائلة راح يظهروا في الأجزاء الجاية بإذن الله..:tongue: بس مب كثيرين لدرجة اللخبطة.. واما عن وجود علاقة او قرابة بين عليا وبين الشخص اللي شافته في الجامعة .. فهذا راح يبان في الجزء الثاني اللي اشرف وااايد بمتابعتك له يالغلا.. يحييك ربي دوووم..:hR604426: |
رد: يا صلاله خبرينا // عن قلوباً 'تهتوينا'
اقتباس:
حياك الله أختي ام البنين..احيي تواجدك هنا وسأفخر بمتابعتك لي على الدواام.. قريبة بتوقعاتك...وراح نتأكد قريب من هالشي.. |
رد: يا صلاله خبرينا // عن قلوباً 'تهتوينا'
اقتباس:
هلابك زوود يالغلا.. الروايات في حال سلوكها في مدارج الكتابة الصحيحة بإمكانها ان تكون خير ممثل للمجتمع... ورأيك صحيح في ندرة وجود الروايات العمانية اللي تصف المجتمع العماني (( المحافظ ))..لذلك كان هالمقوم هو الشعلة الأساسية اللي حثتني للبدء في كتابة روايتي ..والله يتممها على خير.. بالنسبة للهجه في الرواية فهي عااامة من كافة ربوع السلطنة من الجنوب والغرب والشرق تعمدت الدمج في اللهجه ..وبعض المفردات الصعبة راح اوفر الكلمات المعروفة المرادفة لها.. مشكوورة يالغلا ....ولا تحرمينا من تواجدك .... |
رد: يا صلاله خبرينا // عن قلوباً 'تهتوينا'
اقتباس:
الله يحييك ويبقيك.. ما شاء الله عليك .. كفيتِ ووفيتِ في التعليق.. ومسار تعليقك في الجهه الصحيحة.. كوني متأكدة انك راح تكوني فالبال ..واتشرف بمتابعتك حتى لو كنت خلف الكواليس.. بخور بس هههه ما يكفيني ...ما ارضى إلا بالحلوى .. :biggrin: |
رد: يا صلاله خبرينا // عن قلوباً 'تهتوينا'
(( الجزء الثاني )) اللي اشوفه مو صحيح ..صار يتخيل لي هالشخص في كل مكان..حتى بالبيت..!! لكن هذا هو اكيد..هذا هو المرعب اللي شفته قبل ايام بالجامعة..!! ويش يسوي جاي هنيه ومن الرجال اللي معه...يا الله ..ويش اللي يصير...!! احساس بداخلي يحثني على الهرب ..بس وين اهرب ..والناس شافوني..ومن الأساس رجليني ما عاد اقدر احركهم...!! ( تفضلوا ...تفضلوا ...) صوت خالتي وصلني..وهي تحث هالغرباء المرعبين على الدخول..!! يالله صاروا قريبين مني ...بس انا ما اقدر اتحرك...ابا ارجع غرفتي واقفل الباب ..بس ما اقدر ...ابا اصرخ ...بس ما اقدر...كني مجمده فمكاني..!!! ( زاد فضلك..يا اسماء )هالصوت مشابه وااايد لصوت ابويه.....! صحيح ان ابويه ميت من سنين بس بعدني ما زلت قادره اذكر صوته.... رفعت راسي ..وفاجئني وجه الغريب قدام وجهي...تجمد كل ما فيني وانا اشوف وجه ابويه...لاااااا كييف...؟؟؟ ابويه ميت ..انا احلم...ويش قاعد يصير فيني...الميت ما يعيش..! ...يمكن انا فيني شي مب طبيعي ...يمكن جنيت..يمكن انا ميته ...صحيح انا ما قاعده اتنفس ...حاولت اتنفس كذا مره بس من دون فايده...عيوني احس فيها مفتوحة بذهول وشبيه ابويه جالس يتكلم ..بس انا ما اسمع اي كلمه يقولها...حتى خالتي قربت وهي تتكلم.... والمرعب واقف في بداية الصالة...شفته يتقدم ويقول شيء ...بس انا ما اسمع ...غمضت عيوني ووقتها اول صوت سمعته كان صوت سقوط على الأرض تلاه صوت تكسر زجاج على الرخام... غمضت عيوني اكثر ...وما عاد حسيت بشي... شهقت لما حسيت بالماي البارد على وجهي...وفتحت عيوني وتضايقت لما شفت الأمور ما زالت على حالها ووجه شبيه ابويه قرب مني اكثر عن قبل..!!! لحد ما اكتشفت السبب..اني ممده على الأرض ..وراسي على رجله ..!! غمضت عيوني وفتحتها واحسه قرب مني..وهو يناديني بتوتر : (يا بنت ..انتي بخير ..؟؟) جاء صوت خشن من بعيد : ( تطمن يا عمي هي بخير ..هذي مجرد صدمة خفيفة..ما عليها باس ان شاء الله )!! تميت اتأمل وجهه من قريب ..هذا ابويه؟!!! ..انا متأكده انه هو .. يا الله ويش كثر مشتاقة له.....مديت يدي اتلمس وجهه ..وقلت بصوت باكي.. : ( ابويه..انته هنيه ..انته حي...انا ..انا مشتاقة لك وايد) غصة ألم مرت على وجهه...ومن ثم سمعت صوت خالتي المرهق وهي تقول : ( عليا حبيبتي انتي بخير..حاسه بشي...)ثم اردفت بسرعة...(حبيبتي لا تخافي هذولا اهل ابوك وهذا عمك اخو ابوك ) عمي....!! هذا هو سر الشبه ..! اخو ابويه ...حسيت بجسمي ينتفض لكن قمت بسرعه ورفعت راسي الممدد بحضن المسمى عمي.. حاولت اقوم ...وسمعت صوت حاد من الخلف يقول :( انتبهي لا يأذيك الزجاج المتكسر...)ثم اضاف بأمر..(وعدلي شيلتك وغطي وجهك)..!! بعدت عن الزجاج ورحت جهة خالتي جلست على الكنب ..وعدلت شيلتي بس ما غطيت وجهي...! ما زال جسمي يرتجف من الصدمة ...وعدم التصديق....أهل ابويه ويش اللي جايبنهم بعد هالسنوات...وليش هالجمود اللي فنظراتهم...أحس كأنهم جايين يخوضوا معركه ...!! جاء الصوت من جهة الغريب المرعب ..اللي بعدني ما عرفت ويش صلة القرابة اللي تجمعني به يمكن عمي ....!!بس لا ..هو قال غطي وجهك...!!! ( انتي ما تعرفي الدين ولا الأخلاق ...ليش ما تغطي وجهك..انا ولد عمك ..ولا خالتك ما عرفت تربيك زين) قالها اللي يكون ولد عمي بصوت خشن حاد ضربة قوية لمفاهيم اللباقة في الزيارة والحديث..وفي الواقع صوته الخشن زاد الرعب في قلبي اكثر واكثر ...ويش هذا الإنسان الغريب ...معقوله في حد يخوف كذا...هذا لو يروح يجاهد انا متأكده أن راح يكون اجره عظيم عند الله ...يمكن حتى ما يحتاج سلاح..نظره وحده ومعاها زجره بصوته الحاد وجيوش العدو راح تنسحب بانهزام...!!! (ما معقوله...وقاحة مثل كذا ما شفت انا....جالسة تناظرين فيه بلا حيا...الله يرحمك يا عمي سلطان....هذي نتيجة اللي يتزوج من خارج جماعته) هه الوقاحة على من تطلق في هالحالة...!!يمكن هالبني آدم فاهم الأمور بالخطأ...خلني اكسب فيه اجر واعلمه...رفعت عيني وحاولت انطق ..بس لما جات عيني فالعيون النارية ..فضلت الإنسحاب..ونسيت مبادرتي تماماً ..!!! خالتي نطقت أخيراً... ( دكتور باسل ما كذا الحوار...لو سمحت.. خلنا نتحاور بهدوء.. وبدون كلام جارح) دكتور وش دكتوره هالكتله النارية يكون دكتور...هه وفي أي مجال...لا يكون طب بشري بس..الله يستر...!!! نطق اللي يقال انه عمي( للأسف يا أسماء انتي ما خليتي للحوار مكان...اللي سويتيه ما يتصدق وانتي اول من نبذ الحوار..ولا تنسي الأحداث اللي صارت قبل سنين) شفت التوتر والضعف مالي وجه خالتي .. معقوله خالتي اللي دايم معروفه بقوتها ... في هاللحظة خايفة من هالأشخاص...طيب لييييش..؟؟ جاوبته خالتي بانفعال( مو تبيني اسوي يا بو خالد...هذي بنت اختي بحسبة بنتي ..واختي قبل الحادث موصتني عليها...وانا ادري انه اهلك ما متقبلينها لأنه والدتها مو من قبيلتكم ...وادري بالعادات والتشدد اللي معكم بالجنوب..فكيف تبيني ارتاح وانا اعرف انه بنت اختي ما مرتاحة) نطق الدكتور باسل( اظن يا استاذة اسماء ان دراستك بأستراليا رسخت كثير من المعتقدات الخاطئة فعقليتك..ولا من متى الدين والأخلاق الإسلامية صار يطلق عليها تشدد) ويش هالحرب الكلامية اللي جالسة تدور هنا...!!!وكيف هالأشخاص لهم معرفة بخالتي ... وعن ويش يتكلموا ...بصراحة ..انا ما صرت فاهمه شي...!! قال ابو خالد يعني عمي.!!! ( شوفي يا أسماء..احنا مقدرين اهتمامك ببنت اخينا..ورعايتك لها طوال السنين اللي مضت...لكن موضوع هروبك واختفائك مع البنت..هذا تحدي لا يمكن نسامح عليه...بالإضافة للتحدي الواضح لنا من خلال الإنفتاح الواضح اللي مربيه فيه البنت..والطامة الكبرى انك مدخلتها جامعة السلطان قابوس جامعة مختلطة ...ولا بعد كلية الطب...هذا شيء لا يمكن نتقبله) اضاف الدكتور باسل بصوته المرعب( تصور يا عمي الموقف اللي انحطيت فيه لما اسمع بنت عمي تسرد اسمها بالكامل قدام الدكتور أسعد وقدامي...والقهر أن الدكتور يقولي بعد ما راحت ما شاء الله العائلة كلها أطباء أولاد وبنات...فهذاك الوقت حسيت راسي انحط بالقاع)..! رجفة واضحة سيطرت علي في هذي اللحظة....! معقوله في ناس باقي يفكروا بهالمنطق..! يعني الحين انا اصير علامة سيئة بالنسبة لهم..! شفت خالتي تجذب نفس قوي..بس للأسف ما ساعدها في تهدئة أعصابها...لأنه الرجفة ما زالت تسري فيها...!! والتوتر والضيق والخوف ...اتضحوا لما تكلمت : ( ويش المطلوب يا بوخالد...ويش قصدكم انته ودكتور باسل من هالكلام...ترى أنا مو مرتاحة لكم ابداً ..بعد هالمقدمة..).. حاول المرعب يتكلم..بس عمه اشار له بأن يسكت حتى يتكلم بنفسه : ( انتي فاهمتنا زين يا أسماء..اللي ما صار قبل سبع سنين وهربتي منه...راح يصير غدوه ( باكر )ولو على قطع اعناقنا..شرفنا واسمنا شيء غالي...وبنت اخونا احنا المسؤولين عنها ...والبنت من بكره راح ترجع معنا لبلادها للبلاد اللي تربى فيها ابوها...وراح تنسى هالجامعه والطب..حالها من حال قريناتها من بنات العائلة) وقفت خالتي بعنف ..وصرخت بشدة توضح فقدانها لأعصابها : ( لا تمني نفسك يا بوخالد...لا انت ولا اهلك يقدرو يوقفوا في حياة عليا ...عليا بنتي..وهي اللي اجتهدت واختارت مجال الطب..وراح تواصل غصبن عن الكل ...وراح استخدم كل الوسائل حتى اضمن هالشيء ..وحتى لو ألجأ للقانون...تسمعني....محد راح يوقف بوجه عليا ..وهذا انا احذرك...) الكل وقف بعد هالكلام اللاذع اللي انطقت به خالتي...وبنفس القوة وبصوت اشد قال الدكتور باسل : ( كلامك وتهديدك يا أستاذة مردود عليك...انتي اللي جالسة في طريق البنت ...وانتي اللي حرمتيها من أهلها من عمامها ومن يدتها اللي ميته على شوفت بنت المرحوم...وانتي اللي جالسة تفرضي عليها قناعات ما تناسبها ....ابا أسألك وجاوبيني بصدق يا أسماء ..جالك يوم وخبرتي البنت عن اهلها بظفار ...وانهم يبونها تعيش معهم )..؟؟؟ثم اضاف باستهزاء (ولولا هروبك الجبان كان البنت بحضن اهلها بالجنوب..طوال هالسنين..)ثم اضاف بحده (ولا مثل ما اتوقع ماليه راسها من الكذبات عنا ....هاه جاوبي جالك يوم وخيرتيها بين العيش معك لوحدك او انها تعيش وسط جماعة واهل في مجتمع صالح ...وبيئة طبيعية ..ما تماثل هالواقع اللي معيشتنها فيه ..هاه جاوبي ياللي تتكلمي عن القناعات ...؟) خالتي لاذت بالصمت....تمنيت اني اصرخ ...واوقول لها ..لا تصمتي..قولي اي عذر..برري..بس اترجاش لا تصمتي..لا تخلي كلامهم صح..واصير انا المخدوعة طول هالسنين..بان اهلي ما يبوني ..ولا حاولوا مره يتواصلوا معي... لكن الصمت اللي زرع في قلبي احساس جديد ومؤلم..احساس القهر..والانخداع من شخص قريب ..شخص يمتلك قلبي ..وافديه بروحي...هالصمت هو اللي حل....رفعت عيني بتساؤل لعيون خالتي..بس اشاحت نظرها عني.. رغم الصمت...إلا أني حسيت بأن الكل فهم الموقف ..نظرات خالتي اللي ابتعدت عن عيوني ..الانكسار اللي متأكده انه بان في ملامحي ...اكد للجميع بأني كنت مغيبة عن الواقع والحقيقة وعايشة طوال هالسنين بوهم....! بعد دقائق ...نطق العم المسمى ابوخالد : ( احنا رايحين يا اسماء ..الوقت متأخر ...وباكر العصر راح نمر على البنت...وحذاري تحاولي تسوي أي حركة من هنا ولا هناك ...اقصد انك تحاولي تلعبي بفكرة اللجوء للقانون ...لااا هذا انا احذرك مو من مصلحتك ..ترى حضانة البنت من لما كان عمرها12 سنة معنا...والأوراق المزيفة اللي استخدمتيهن لتسهيل سفرك لأستراليا مع بنت اخويه راح نستخدمهن ضدك...فلا تقضي على بقية احترام نكنه لك لأنك خالة بنت اخونا بتصرفات راح تنقلب ضدك...هيا يا باسل خلنا نروح ..الوقت متأخر...) |
رد: يا صلاله خبرينا // عن قلوباً 'تهتوينا'
(( الجزء الثالث )) نزلت راسي في حضني..وكلي رغبة بالبكاء..ابا ابكي ..لكن ما عندي رغبة اني ابكي فالحضن اللي لمني طوال السنوات الماضية....لمجرد تفكيري بهالطريقة ..حسيت اني ناكرة للمعروف..خالتي اللي رعتني ..لمتني...احيتني من جديد بعد فقداني لأمي وابوية...ودفعتني لتحصيل اعلى الدرجات بدراستي...طوال السنين اللي كانت تحضر فييها الماجستير ومن بعدها سنين عملها فأستراليا كانت ترجع مهدوده ..بس ما تبين تعبها ..ترجع وتهتم بي وبأمور البيت والمطبخ..!بس ليش....ليش تخفي عني مسألة حساسة مثل كذا...ليش كانت تبين لي انه اهل ابوية ما يبوني...ليش.....؟؟؟ رفعت راسي ..على صوت خالتي..اللي كانت جالسة فالكنب المقابل ( لأني عاقر يا عليا ...ما اقدر انجب...انتي ووظيفتي كل حياتي...ما ابا اتزوج وانا اعرف اني ما راح انجب..وراح ادخل في مشاكل ما لها حصر....بس مع وجودك انتي بنتي ..وانا اقدر اعطيك واوفر لك كل شيء تبينه ...وما اقدر افرط فيك ..لذلك اضطريت ازور أوراق تثبت انه حضانتك لي...وهربت مثل ما قال عمك ابو خالد...لأنه الحضانة كانت لهم....هربت لأني ما اقدر اخليك..) ويش اقول ...احس بالنيران تشتعل بداخلي....ويش ينقال في مثل هالموقف....جريان دموع خالتي ما وقف...ابا اخفف عنها....بس كيف ...ما اقدر اعطيها شيء...ولا اني اوعدها بشيء... لأني اعرف ان الأمور متعقدة بشكل خطير...بسبب ولوجها في المسائل القانونية...اللي زادتها تعقيد... تكلمت خالتي من جديد...والدموع ما زالت تنحدر من وجنتيها المحمرات بشدة تأثرها ( لكن....) .....بعدها ضحكت بأسى وقهر .. : ( كنت اعرف انه هاليوم راح يجي ..كنت انتظره من لما رجعنا للسلطنة...كنت دايم متأكده انهم راح يجو ويطالبوا فيك.........كنت متأكده...) .. ثم دخلت في دوامة بكاء عنيفة ..وركضت باتجاه جناحها وقفلت الباب ..قبل حتى لا ترف عيني.... ( آآآه ) تنهيدة عميقة طلعت مني...ويش كان هاليوم الغريب...ليت احداثه كلها حلم ... بس انا ادري انه مو حلم.....هذا إحساسي اللي كان يراودني خلال الفترة الماضية...وتذكرت للحظة الدكتور باسل وعيونه الغريبة بلونها الناري...لو انه بنت كنت راح اقول اكيد انها لابسه عدسات ..بس لا انا متأكده انه عيونه طبيعية لأن هاللون متوافق مع حدة صوته...وبشرته السمراء وضخامة جسمه ..كتلة من الرعب...! صحيت على صوت العاملة ...فاطمة وهي تسألني ( اليا يبي اشا الهين)... اي عشا...الأكل آخر حاجة ممكن تجي على بالي...بس ما يمنع كوب شاي يروق اعصابي..بس وييين الشاي ..!!!انا اليوم كسرت دلة الشاي والقهوة بطيحتي...!! ما بقى إلا آثار الزجاج..!! خلني اقوم اسويلي كوب شاي بنفسي... قلت لها ( لا ..مابا شيء يا فاطمة ..انتي روحي تعشي ..ونامي ..) صباح اليوم الثاني ..نهضت للمره الثانية لأني بعد ما صليت الفجر رجعت انام ..البارحة ما نمت إلا قبل الفجر بشوي...عالساعة سبع كنت افكر محتارة اداوم اليوم ولا ....؟ بروح أسأل خالتي.. رحت الصالة بس محد فيها..رحت المطبخ ..اخذت كوبين نسكافية بإيدي..ودقيت باب جناح خالتي ..انفتح الباب ..وكان وجه خالتي مرهق لأبعد حدود...صبحت عليها وعطيتها قبلة صباحية على الخد..واعطيتها كوب النسكافية..ابتسمت وخذت الكوب ورجعت على صالة جناحها...عرفت انها ما راح تداوم لأنها لابسه بيجامتها...جلست فسريرها ..وانا بالكنب المقابل.. قلت لها وانا ابتسم ( كنت اتمنى هالإجازة..بس في ظروف غير هالظروف ..نطلع فالأسواق او عالبحر ونفلها..بس للأسف هالإجازة ما ترقى للمعايير اللي فبالي) ضحكت خالتي بخفة ..وقالت بشرود( راح تملي من الإجازات حبيبتي راح تملي..) انتابني الذعر لأخمص قدمي( وش قصدش يا خالتي ) حطت عينها بعيني...ثم قالت ( ما احيدش تفهمي متأخر...انتي تعرفي ويش اقصد) حطيت كوب النسكافية بالتسريحة..والتفت لها من جديد( لا يمكن ..خالتي...انا مستحيل اقدر..انا....) قبل لا اكمل كلامي قالت ( اسمعيني يا عليا .. انا كنت واعية لنظرات الألم اللي حسيتيها لما قالوا عمك وولد عمك عن رغبة عائلة ابوك في ضمهم لك....مثل ما كنت واعية دايماً لشعورك بالنقص تجاه لمة العائلات... وانا متأكدة انش راح تتأقلمي مع عاداتهم بسرعة... عالية ترى ما يخفى علي نظراتش للبنات اللي متغشيين.. وانزعاجش من الإختلاط وكذا ... حتى لو ما تتكلمي.. او حتى لو ما تشوفي احد من معارفنا كذاك .. انا متأكدة بأنه هذي حاجة فطرية او يمكن تكون جينية فيك) صدمة بعد صدمة.... هذا كان كلام خالتي....لوين تبا توصل... ايش تبا تقول بالضبط... قلت باختناق( يعني كيف ...انا ما فاهمه...؟) قالت بحدة مو متعودة عليها وبلهجة عامية تامة ..توضح فقدانها لأعصابها ( يعني جهزي شنطش... واغراضش... واهلش راح يجو مثل ما قالوا العصر.. فخليش جاهزة).. قلت برجفة ( وانتي) ردت علي بحدة مماثلة لسابقتها ( انا راح اظل هنيه اكيد فبيتي...واروح لشغلي )! قلت لها واحس الدموع تشق طريقها لوجنتيه..( تبينا نتفارق ببساطة..بعد كل هالسنين ..بعد ما تعلقت فيك...تبيني اروح لناس ما اعرف عنهم شيء...مستحيل اللي تقوليه يا خالتي مستحيل) قالت بفقدان اعصاب ومن دون اكتراث لدموعي ( يعني مو تبيني اسوي هاه ..تبيني اتبهذل بالمحاكم ...ولا تبيني اعفن بالسجون..واخسرش واخسر وظيفتي..ايش راح استفيد انا بعدين ..) قلت وانا اشهق( هم بس يخوفوك يا خالتي ...ولا مستحيل ..مستحيل يلجأو للإدعاء العام والمحاكم...) حسيت بالصدر اللي لطالما لمني ..حاضني بقوة ..كنت احس بدموع خالتي تغسل شعري ...واحس باهتزاز صدرها ...آه لا يمكن افارق هالحضن ..وهالإنسانة اللي تشكل كل شيء بحياتي..انا ما اقدر اعيش من دونها ...ما اقدر... مرت دقايق واحنا على هالحال ...احس كأن خالتي تتودع مني...! اعوذ بالله ويش هالكلام .. بس اللي قالته عقب اكد لي صحة هالشيء... خالتي مسحت دموعها ..وقالت بحده..غريبة عنها ( خلاص يا عليا ..الأمور خارج نطاق السيطرة ..وحتى نكمل حياتنا بشكل صحيح..لازم نرضخ ونستسلم وكل وحده فينا تواصل حياتها..انا راح ارجع استراليا اكمل الدكتوراة ..واذا حصلت بعثة حكومية ابا اروح امريكا..واحقق حلمي ..وانتي راح ترجعي مع اهلك وتكملي حياتك...لكن بقائنا مع بعض يشكل عائق...امامنا) مسحت دموعي ..واخذت نفس قوي ...الحمدلله ان العقلانية احدى طباعي .. والا لكانت الهستره هي الرائد في هالموقف ...سألتها بهدوء( تسافري لوحدك ...) بعد صمت خفيف اجابت ( اكيد)..ثم اردفت ..( لا تزيدي فالكلام انا عارفة وين تبا توصلي) عيونا تشابكت في نظره غريبة...ثم هزت خالتي رآسها وقالت : ( الوقت يمر بسرعة ..روحي قولي لفاطمة تساعدك في تجهيز الشنط ..وانا راح اجهز اوراقك القانونية ...واتوقع انه راح تسافروا بطريق البر..لأنه عمك ما شال جواز السفر ) على مائدة الغدا ..القبولي ( الكبسة ) ما لها طعم ..! حتى مع وجود المقبلات المحببه لي ...بس قدرت ابلع بعد ثاني ملعقة ..شربت كوب الماي...واسندت ظهري على الكرسي...... وفاجئنا جرس الباب.. سقطت عيني بعين خالتي ..الحزن العميق واضح ..بس كانت تقاوم ..انها متأكدة انها كذاك هذي خالتي ..وانا فاهمتها...راحت فاطمة تفتح الباب ورجعت تقول ( هزا رجال يقول وين اليا) اغمضت عيوني بألم ..وشفت الساعة ما تعدت الوحدة والنصف..كيف جو الحين ..وهم قايلين انهم راح يجوا العصر .. خالتي فثواني لبست عبايتها وشيلتها وشلت شنطة كبيرة وقالت لفاطمة تشيل الثانية وقالت : ( عليا البسي عبايتك وشيلتك ..وحطي شيلة احتياط ...يعني ..في حال قال عمك تغشي غطي بها وجهك..يلله حبيبتي لا تأخريهم مو حلوه يظلوا واقفين برع ) ثم طلعت باتجاه الباب الخارجي ما راح ابكي ...ليش ابكي..هذا اللي ربي كاتبنه ....بس احس نار بجوفي نار فقلبي نار..رحت بسرعة دورة المياة رشيت ماي بارد على وجهي ..وتوضيت تحسباً لصلاة العصر ..طالما انه السفر عبر البر ..خليني اكون متوضية احسن...لبست عبايتي الكتف وشيلتي تحجبت فيها وباقي شيلاتي فالشنط ويش اسوي الحين ...بويش بتغشى .....الله يستر...!! طلعت والرجفة تزيد مع كل خطوة اخطوها ..صكيت باب غرفتي وتعديت الصالة حسيت اني راح اختنق طلعت باسرع ما يمكن من البيت سرت باتجاه الباب الخارجي وشفت عمي بوخالد عيونه بالأرض وخالتي قدامه جالسة تكلمه ..ابتسم بخفة لما شافني جاية بس نظرة عدم رضا سريعة مرت بعينه ..اكيد ان عبايتي وعدم تستري هو السبب...!! ( وهذي عليا جات ) قالت خالتي بابتسامه ما وصلت ابد لعيونها وقال عمي ( مرحبا يا عليا ... نتظرك بالسيارة لا تتأخري علينا) وبعدها راح قالت خالتي بصوت محمل بالشجون ..لكنه محافظ على هدوءه :(عليا حبيبتي ..طمنيني عنك اول بأول ..ردي على اتصالاتي..وايميلاتي ..دايماً حبيبتي..وبكل زيارة لك لمسقط مري علي..وانا بعد اذا ما سافرت اكمل دراستي ..اكيد اني راح اصيف بصلالة عندكم..عاد اكيد انك راح تكوني محظوظة بتواجدك فقلب الخريف..) ما قدرت استحمل كلامها ..حسيته تحول هذيان محمل بمشاعر جياشة عانقتها بقوة ..وانا ودي اتم كذا للأبد ..لكن ...الفراق طبيعة في الحياة لا بد منها... قالت باختناق ( اوعديني ) قلت لها ( اوعدك يالغالية اوعدك..انتي خالتي وامي وكل حياتي ..وانا ملزومه ابرك ..واوصلك ..ومهما ابتعد عنك هالجسد ..تأكدي انك ساكنة هنا بوسط قلبي ..) ثم اردفت بسرعه ( الظاهر اني تأخرت ..استودعك الله ..ونلتقي على خير) ..طلعت ..وانا احس حلقي مخنوق ..ما اقدر حتى ابلع ريقي...والإرتجاف ما فارقني..باب السيارة الخلفي مفتوح جزئياً..فتحته بالكامل...وجلست ...ثم قفلت الباب وانا احس اني فاقدة كل شعور |
رد: يا صلاله خبرينا // عن قلوباً 'تهتوينا'
السلام. عليكم.
الان. بدت. القصه. سفر. عليا. وكيف. استقبال. اهله. وتقبله. لحياته. الجديده الخاله. وقصة العقم. هل. هي. صحيحه. بغيت. اعرف. لك. يوم. محدد. بتنزيل. الاجزاء. |
رد: يا صلاله خبرينا // عن قلوباً 'تهتوينا'
اقتباس:
هلا وغلا ومرحبا فيكِ أختي أم البنين .. اشكر لك متابعتك لي فاضلة.. لو تلاحظين الأجزاء الأولى تعمدت وضعها بصورة يومية والقصد من ذلك وضع القارئ في الصورة ..بما أن الأجزاء الأولى توضح غالباً الشخصيات ..والاتجاه في الرواية .. ولكن في الوقت اللي راح تبدء فيه الأحداث "بالإشتعال" راح اضع فارق زمني بين كل جزء والآخر.. اطيب الأمنيات لك يا غالية..:0041: |
رد: يا صلاله خبرينا // عن قلوباً 'تهتوينا'
فصل روعة بدانا ندخل بالقصة اكثر منتظرين المزيد
|
رد: يا صلاله خبرينا // عن قلوباً 'تهتوينا'
السلام عليكم
ياحي الله نواااره وظفار وعمان وأهلها بدايه موفقه ان شاء الله بس حنا الي نبي الحلوى العمانيه منك ماهو من نزف جروحي ههههه عليا عاشت التفتح والتحرر في استراليا ومسقط كيف راح ترجع وتعيش حياه ما تعرفها ولا جربتها في عاالم المرعب واهله يمكن حنينها لابوها و وجود جدتها راح يساعدها في التجاوب معهم بس لو يبعد عنها المرعب على قولتها بتعيش مرتاحه أشك ان العايله كلها مثله بيكونون فلم مرعب وكوابيس في حياتها الجديدة ومسألة حجابها وتغطيت وجهها بتتجاوب معهم وتغطي طالما هي منتقده نفسها وما كانت مرتاحه ولا مقتنعه بوضعها ودراستها هي مو مستوعبه أنهم بيجبرونها تتركها ويمكن تجلس في البيت ومافي دراسه من اصله ويقولون لها بعد انت بسن زواج و السؤال الي يطرح نفسه خالتها كيف عرفت انها عقيم هل كانت متزوجه وتطلقت ؟؟؟ يمكن هذا المبرر الي خلها تهرب فيها من أهل أبوها خايفه تفقد البنت الي تعتبرها بنتها ارجع للمرعب باسل هل بيتم وياهم بظفار وإلا بيرجع مسقط طالما انه دكتور والله وطلعت اسمراني وبعيون ملونها هذا وعليا أغمى عليها و مرعوبه تمقلت بعيونك وعرفت زينك من شينك صدق حريم مايفوتهم شي هخهخهخه ننتظرك |
رد: يا صلاله خبرينا // عن قلوباً 'تهتوينا'
السلام عليكم مبرو الرواية حبيتي نور في نقطة مزعجة بالنسبة لي وهو غنك ربطتي دراسة الطب بتحرر اللا أخلاقي يعني حطيتي لبسها الغير محتشم في مصاف إنها تدرس في كلية الطب حبي لو إنك مريضة تحبي إللي تعالجك رجل ولا إمراة ؟؟ لو إنك بتولدين تحبين تولدك طبيبة مسلمة وهي تسمي وتهلي ولا طبيبة كافرة تنظر إلى خصوصياتك ؟؟ إن مهنة الطب أسمى مهنة في العالم فكيف تربطينها بشيء لا اخلاقي كون البطلة عالية فتاة متبرجة وسافرة متحررة...... بالنسبة للإختلاط كل مكان في إختلاط والانسان المحترم يفرض نفسه أين ما ذهب هي قاصدة الحرم الجامعي للعلم ولم تذهب لوكر فساد والعياذ بلله حتى تضعينها كانها ارتكبت شيء من الكبائر و ضلال لو مثلا إنك قارية رواية انفاس قطر كانت عندها بطلة اسمها مزون درسة طيران ومع هذا حافظت على دينها وأخلاقها رغم معارضة اهلها......وهذا طيران ليس مثل الطب...... الصراحة لو إنك بالتكملين الرواية على إن عالية مخطأة كونها اختارت دراسة الطب فأنتي مخطأة تماما إلا إذا كنتي تحبين يعالجك طبيب وما عندك مانع فهذا شيء يرجع لك فغيرك لا يفضل ذلك حتى لو إضطر أخت زوجي تعاني من مشكلة الدوالي والذين يعالجون هذا المرض أطباء عظام إلى اليوم لم تجد طبيبة متخصصة في طب العظام ولا تريد أن يكشف الطبيب سيقهانها وأفخاذها فهذا محرج ومخزي بالنسبة لها الله يعينها..... المهم أختي أرجو أن تتقبلي نقدي بصدر رحب دمتي بود |
رد: يا صلاله خبرينا // عن قلوباً 'تهتوينا'
هلا. اختي. لإمار. اضن الأخت. ماكان قصده. مهنة الطب. هي. تكلمت عن. عائلة. عاليه. بانه. ماترضى. لبناته. الدخول. بأقسام. مختلطه
مثل. مجتمعي. وكثير. وتكلمت. . تهاونه بالحجاب وإحساسه. بانه. غلط. لكن. اعتادت. عليه. لانه. فعلا. مختلط. ويكثر. فيه الفساد. اما. يفرض. احترامه. فالمفروض. هالشي. مع. انه. لازم. بعض. التجاوزات. هذا. رايي. وبس |
رد: يا صلاله خبرينا // عن قلوباً 'تهتوينا'
اقتباس:
|
رد: يا صلاله خبرينا // عن قلوباً 'تهتوينا'
اقتباس:
وعليكم السلام والرحمه.. هههه ما طلبتي شي...غالية وتستاهلي الذ انواع الحلوى العمانية بس مب الحين..خليها بعد انتهاء الرواية ..;) .... تلخيصك للأحداث ممتاز ...والنقاط اللي ذكرتيها حول مسألة الحجاب الكامل ..واكمال دراسة الطب ...راح تتضح بشكل مباشر في الجزء اللي راح انزله اليوم ان شاء المولى ... مسألة عقم الخالة ..وكيفية معرفتها عن هذا الموضوع لم اغفل عنها بل هي ...من الخبايا التي ستظهر في الأجزاء المقبلة بحول الله../ .. تواجدك منعش يا طيبة ..فلا تحرمينا منه |
رد: يا صلاله خبرينا // عن قلوباً 'تهتوينا'
اقتباس:
اسعد الله اوقاتك اختي لامارا.. ما اوردتيه يا كريمة ..انا لا اعتبره نقداً لأني اراه اقرب إلى نقص في معرفة واقعنا .... في الرواية انا لا اضع افكاري الشخصية ولو كنت كذلك لنثرت الأحلام الوردية بين جنبات ليلاس ..وابحرت في الخيال بلا حدود...... إلا اني انقل حقيقة واقع اجتماعي لا يقوم بامتهان مهنة بعينها ( كالطب مثلاً ..او غيرها على حدٍ سواء) ..ولكن يعاني نقصاً في التوفيق بين معتقداته وبين واقع يفرض عليه ايدلوجيات لا تناسبه ...( كالإختلاط الإلزامي//ومنع الحجاب الكامل) لذلك فإن تبعات هذا الصدام ..كان لها تأثير في تشكيل افكار ( مجتمعية ) وصدى اجتماعي ..وليست افكار شخصية بتاتاً... اشكرك جزيل الشكر على تواجدك العطر...واتمنى ان اراك دائماً بالقرب من هنا...اطيب الأماني لكِ |
رد: يا صلاله خبرينا // عن قلوباً 'تهتوينا'
اقتباس:
لوجهة نظري ...ولك كل الود لشخصك الكريم.. |
رد: يا صلاله خبرينا // عن قلوباً 'تهتوينا'
اقتباس:
اسمحيلي اختي بالرد عليك.. انا معك بموقفك اولا وعندي بعض التحفظات عالروايه...كوني من صلاله^_^ الواقع انه 96% من سكان محافظتنا يفتخرون بالمرأة التي ترتقي اعلى المناصب ..اعلى تعليم..بل تقام مسيرات واحتفالات احتفالا بها عند بعض العائلات ..العائلات التي تتحدث عنهم نوارة هم فئة قليله.. نقطه اخرى لن ازخرف مجتمعي ولاغيره.. لكن عبائة الكتف لقبل سنوات قليله كنا لا نعرف غيرها كفتيات وعبائة الرأس لا تلبسها الا عائلات معينه او كبار الشخص.. كنا نلبس الكتف نعم ولكن ساده او نقش خفيف..واسعه غير شفافه .. والحمدلله الذي اظهر لنا الباطل وبين لنا الحق.. أسأل الرحمن ان يثبتنا وأن يعيننا على توعية باقي الاخوات من خلال الحملات المقامة بالاسواق وبالمنتديات... ولكن لما العجله مازلنا بالبدايه وأتمنى ان نمنح نواره الفرصه للتوضيح ربما هناك مغزى من كل هذا سيتضح باخر الروايه... اخواتي عذرا عتطفلي او ان ازعجتكن.. هذه رواية بها من الحقيقه والخيال .. وكل مجتمع به سلبيات وايجابيات.. نسأل الرحمن ان يهدينا جميعا وان يصلح شأننا حفظكن الرحمن |
رد: يا صلاله خبرينا // عن قلوباً 'تهتوينا'
نوار اختي الكريمه..
اختي لامار معها حق بالاعتراض .. واتمنى ان يكون هناك مغزى من ذكرك تحفظ هذه العوائل اتجاه الطب.. عندي استفسار اذا الرواية تم نشرها محليا وبالمحافظة خاصة^_^ لانه سيكون اعتراض ابناء وفتيات المحافظة اقوى من اعتراض خيتي لمار..واظنك فهمتي قصدي.. اتمنى ان تراعي بروايتك انك تكتبين عن مجتمعي وهو مجتمع معروف بخصوصيته..سواء كانت سلبية ام ايجابية... ويظهر لي بعد قراءة هذه البارتات وقد اكون مخطئة ولكنك لستي ظفارية^_^ لم ارد ان اكتب كل هذا باول رد لي ..و عذرا قوانين المنتدى لاتسمح لي ارسال رسالة عالخاص.. ولكن بعد اعتراض اختي فوق.. ماقدرت اسكت ^_^ اتمنى ان لاتزعجك صراحتي...وانفعالي .. |
رد: يا صلاله خبرينا // عن قلوباً 'تهتوينا'
اقتباس:
لا حبيبتي انا على معرفة تامة بواقع مجتمعنا المحترم محترم وين ما يروح ..وإذا سمحتي خل يكون كلامك ألطف من كذا ماله داعي هذا الاسلوب الجاف أنا ما نقدت شخصك الكريم بس فكرة إنك تضعين مهنة الطب بهذه الصورة السلبية شيء غير مقبول وشرحك ما أقنعني ولم تردي أصلا على سؤالي لو كل ولي أمر رفض بنته إنها تدرس طب بحجة الاختلاط فما راح يصير في طبيبات في المجتمع الإسلامي والغريبة إن هذي الفئات لما أهلها يحتاجون علاج يصرون على أن الطبيبة تكون إمرأة قمة التناقض الإختلاط بحد ذاته لا يسبب الفساد في الأساس التربية السليمة والرفاق الصالحين سبب الاستقامة أما إذا كانت نقص في التربية ووجود أصدقاء السوء هنا يحدث الخلل وعليك العلم لو إن بنت في نفسها فساد فإنك لو تضعينها في غرفة وتقفلي عليها راح تجيب لنفسها الفساد بأي طريقة شخصيا درست في جامعة مختلطة وكان لي زميلات من الجالية العمانية يقيمون في سكن البنات لا أرى ان المشكلة في الاختلاط... المشكلة في الفرد نفسه يقول الله في كتابه الكريم بسم الله الرحمن الرحيم وَنَفْسٍ وَمَا سَوَّاهَا*فَأَلْهَمَهَا فُجُورَهَا وَتَقْوَاهَا*قَدْ أَفْلَحَ مَنْ زَكَّاهَا*وَقَدْ خَابَ مَنْ دَسَّاهَا﴾ صدق الله العظيم راح اكون متواجد بغذن الله في روايتك نشوف وش راح يكون مصير عالية من بنت متفوقة دراسيا إلى...... الله أعلم... |
رد: يا صلاله خبرينا // عن قلوباً 'تهتوينا'
لامارا مسالة دخول الطب بذات في مجتمعنا متحفظ حولها مهما كانو متشددين أو متحررين تظل نظرتهم للمرأة وحده و أنه من الجرأه تقتحم عالم في نظرهم مملكه لرجل وصعب على المرأه في نفس الوقت ولا يؤمنون بقدرات المرأه حتى
في لي صديقه ابوها متشدد ومن اهل العيب والمنقود وفي مسألة الزواج ولا تأخذ من غير القبيله ومع كذا سمح لها تسافر لوحدها ألمانيا وتدرس الطب هذا قمة التناقض في نظري والي على النقيض محدثتك رفض أبوي أسافر مع أخوي ادرس الطب بالخارج وحتى داخل المملكه رفض والعيله يوم درت قالو زوجها وخلها تنشغل أحسن من الدلع والفضاوه وهم نفسهم العيله يوم دخلت علوم شرعيه هاجمتني وقالت خسارة العلمي الي درستيه يعني ياطب يا تخسفن عمرك وهم نفسهم لو يوجعك سنك طلبو دكتوره وهم نفسهم الي قلبو المشفى وعلى رأس مديرها وسو استدعى لدكتوره في انصاص الليل عشان مايسوي لها عمليه دكتور إحنا ضمن مجتمع مازال يحكمه العادات والتقاليد مهما حاولنا ننفصل عنها وان تحررنا في أشياء او تغير نمط حياتنا مردنا لها وتظل من التشريعات الي تحكمنا شيئنا أم ابينا بس الكاتبه ماقصدة انه كل من دخلت الطب متحرره أو بلا اخلاق وبينت تحرره من ناحية حجابها فقط أدري هذرت كثير بس أتمنى ماكون ثقلت وياليت تطووووووووووولين البارت شوي احس توي ادخل جوي يطلع لي الإعلان الي تحت واعرف انه خلص البارت ....... وبعدين ويش فيكم علينا كل وحده تقلب المواجع وتطري أنفاس قطر الله يحنن قلبها علينا ولا تخيب ظننا فيها وترد بسرعه ليوم الخميس وسلامتكم وسوري على الأطاله .......... |
رد: يا صلاله خبرينا // عن قلوباً 'تهتوينا'
السلام عليكم ورحمة الله وبركاته
اخت لامار واخت نزف جروحي ياريت تعطون الكاتبه فرصه توضيح وجهة نظرهاا لحد الان مافيه تجريح للمجتمع العماني مجرد تصرفات شخصيه لأنسانه تعاني من تأنيب الضمير ورفض الواقع ولا يوجد مجتمع مثالي بالكامل والعكس صحيح نعطي كاتبتنا نوار فرصه اكثر ودائما الروايه تتوضح فكرتها واتجاهاتها بعد مالا يقل عن ست او سبع اجزاءً لاامار ياحلوه وش فيك اول مره اشوفك منفعله حتى اني شكيت انك عمانيه من صلااله بعد ووجهة نظر الاخت ترانيم صحيحه وللاسف لدينا ازدواجية معايير مفرطه اصبرووووا وشكراا للجميع على النقاش |
رد: يا صلاله خبرينا // عن قلوباً 'تهتوينا'
اختي الفاضلة نزف جروحي..اشكرك جزيل الشكر على طيب الحضور الدائم..واثرائك للمناقشات ...ولكن يا فاضلة نحن لسنا بصدد القيام بفتح حوار حول أمور جدلية...
ولسنا كذلك في طور الخوض لمعرفة ما ان كنت شمالية او جنوبية او غربية.. فإن كان يهمك الأمر ..او يهم غيرك فأنا عمانية اذاً انا غربية وشرقية وجنوبية وشمالية... قبل ان ابدء روايتي كنت في مناقشة مع البعض ..والكل صرح لي بالخط العريض ..بأنني لن انجو من هذه التعليقات ..سواء اكانت روايتي تتحدث عن الواقع الجنوبي ام غيره...بل لا بد من اجد اشخاص يقولون ( نحن من منطقة كذا ..ولا توجد هذه العادات لدينا ) لمجرد ان الشخص لا يخضع لنفس العادات فهو قادر على تمرير اي رواية تتحدث عن المجتمع المنفتح ..ولكن يحرم الروايات التي تتحدث عن المجتمعات المحافظة ...فلما هذا التحيز...!! ويا عزيزة لو انك فقط قرأت ما كتبت في الصفحة الأولى وردي على الأخت ( ضمني بين الأهداب ) لوجدتي ما يؤيد حديثي...بأني روايتي مختلفة فهي حول المجتمع العماني المحافظ.. لذلك ان كنتي تمتلكين دليلاً قطعياً بعدم وجود عائلات من الطراز المحافظ المماثل لما اوردته في الرواية فلتمديني بهذا الدليل القطعي ...والا ..فأسألك وغيركِ احترام صفحتي هنا ..والانتقال الى منتدى الحوارات والمناقشات لطرح افكارك ...واهلاً وسهلاً بك اختً تتقبل مفاهيم الغير ..وتحترمها ..كما تحترم ما تعتقده هي من مفاهيم.. // اشكركن اخواتي ترانيم الصبا / و نجلاء الريم..على مداخلاتكن..ولكن مني خالص الود.. |
رد: يا صلاله خبرينا // عن قلوباً 'تهتوينا'
(( الجزء الرابع )) وقفنا نصلي العصر باحد المساجد ...ودخلت انا مصلى النساء ...وتحركنا من جديد ..وما زال الصمت هو السائد.. مع مرور الوقت بدت الشمس تغيب...وصار لون السما احمر...الغروب ..ما يعني النهاية طالما وراه شروق من جديد ..وكذا حياتنا بعد ...تغرب غروب الزامي في مرحلة معينة عشان انها تشرق بمرحلة جديدة...... بعد دقايق سمعت صوت حديث حولي.. ..رفعت عيوني لا شعورياً ورجعت لورى لما شفت المرعب هنا ...اوووووف انا كيف نسيت وجود هالإنسان..وكيف راح اتحمله طوال الطريق الطويل المؤدي من مسقط إلى صلالة .. صوت حديثهم وصل إلى مسامعي ..وانا اسمع عمي يسأل المسمى باسل عن اسمي..!!!يقول نساه ..رغم ان خالتي نطقته قدامه قبل لا يطلع .. بس باسل قاله بهدوء (اسمها عليا).. التفت عمي تجاهي..وقال ( عليا راح نوقف نصلي ذلحين ..جمعي صلاة المغرب مع العشاء ..زين ؟؟) جاوبته بهدوء ( زين )....تكلم المرعب وقال ( اذا ما تعرفي تكلمي راح نعلمك ..) رغم قهري قلت له بهدوء..( جزاك الله خير..بروحي اعرف ..ما يحتاج) هه شكله انقهر مني ..ويش يفكرني هالإنسان ..رجع للسواقه ..وبعد فتره انعطف بالسيارة تجاه المسجد ..وقبل لا ينزل قال ( لحظة خليني اتأكد من مصلى النساء اذا حد فيه ولا ..لا تنزلي من السيارة )ونزل عمي وراه .. لا والله ..هذولا ويش مفكريني ..الظلام يزداد بقوه ...وما اشوف اي اثر للإنارة هنيه فالمنطقة مظلمة لأبعد حد ..وانا فيني اللي مكفيني اليوم ..والرعب لاعب فيني لعب..ويبوني اتم فالسيارة لوحدي..في احلامهم ..!! باسل المرعب اهون من غيره ..! نزلت بسرعة ..والظلام لفني من كل صوب ..وين راحوا دخلوا من هذيك الجهة هالمسجد الصغير بابه من الجهه الثانية ..!!يعني لازم ادور نصف دوره في هالظلام....حاولت امشي بهدوء بس ما قدرت ركضت ومن دون شعور كنت احس دموعي تهطل وتشوش علي الرؤيا ...وفي هذي اللحظة جات في بالي كل القصص المرعبة اللي اقراها فالنت واسمع البنات يقولونها فالجامعه عن الجن والسحره .....زادت وتيرة ركضي ...لحد ما اصطدمت بحائط بشري ......!! وقتها افلتت كل صرخات الرعب الحبيسة ..ولما حسيت بإيد حديدية تجذبني نطقت بالشهادتين في داخلي وحسيت اني ميتة ميتة اليوم..كنت انسحب ورجليني متخاذلات وصرخاتي وشهقاتي ما وقفت من الرعب اللي حاسته ..لحد ما وصل النور لعيوني..بس ما زالت دموعي مشوشة الرؤيا علي...ابتعدت اليد الحديدية عني شفت عمي قدامي واكمامه مرفوعة عشان الوضوء ..واقف و يشوفني بذهول.....ثم نطق بسرعة (ويش صار..ويش صار ...ليش تبكي وتصرخي ) ما قدرت ارد من خوفي واستمريت ابكي بشهقات عميقة ..وجسمي كله ينتفض .. عمي جلس على ركبه جنبي وهو ينظر لأعلى وسمعت صوت باسل الضاحك وهو يقول ( هالجبانة قايل لها لا تنزل ..وسوت فيها شجاعة زمانها ونزلت ..وبعدين لما غاصت فالظلام خافت ..وما عرفت باب المسجد ....ولما قربت انا ظنتني حرامي او جني يمكن ) وختم كلامه بضحكة عالية ...ابكتني بزيادة ...من شعوري بالوحدة والخوف ..والظاهر انه عمي حس بضعفي ..قرب وسمى علي واخذني بحضنة وهو يردد( بسم الله عليك..بسم الله عليك...لا تخافي يا عليا لا تخافي..محد هنيه والمكان آمن وخالي شوفي حتى الآدمي ما فيه ) تكلم باسل بصوت يميل للجديه ( بس بصراحة يا عمي ما حد يعرف ..يمكن ما فيه ناس غيرنا ..بس يمكن في حد من غير الآدميين ..حد من الجن ولا هالنوعية ) آآآه راح اموت ..حسبي الله على شيطانه ....ويش هالإنسان ..الحين ما اقدر اتحرك شبر لوحدي.. سمعت ضحكة عمي الخفيفة من جنبي ..وقام وقومني معه وقال ( خلاص يا باسل ....ادخل توضى ..خلونا نصلي ونتوكل ).. دخل باسل يتوضأ ..وانا واقفة جنب عمي ..وكل ثانية اتلفت لصوب ..ما زلت مرعووبة.. طلع باسل وقال عمي ادخلي توضي ..راودني شعور بالإحراج ..يمكن من وجود باسل..او هو وعمي ككل..!!ما اعرف ..بس انا مو متعودة على وجود رجال بحياتنا من لما كنا انا وخالتي ..لأنه اهل امي وخالتي متوفين من زمان ..وباقي قرايبهم مو ساكنين بمسقط ..فهالموقف بالنسبة لي محرج الى حد ما.. قلت لعمي بحرج خفيف ( لا ..عادي..انا متوضية ) نظرة متبادلة من الطرفين ...بعدها ..قال باسل (انا بروح اجري مكالمة وبجي بعدين)... طلع وقال عمي بأمر ( ادخلي توضي )...اممم حسيت انهم كشفوا انحراجي ..معليه ..معليه ..خلني ادخل واتوضأ قبل لا يرجع باسل ... .. بعد مرور ساعات ..! وقفنا نعبي السيارة بنزين ..ثم لف باسل باتجاه احد المطاعم اللي تضم جناح عائلي ...نزل باسل وتكلم مع العاملين ثم اشر لعمي ... قال عمي ( هيا يا عليا ..نزلنا )....نزلت رغم انه كان ودي اقول مابا عشا ..بس اخاف ابقى فالسيارة لوحدي... طاولة وحدة وحولها كراسي ..!من اول ما شفت الوضع كذاك قلت في نفسي ...مستحيل..! شفت باسل واقف وبإيده لوازم العشاء..وعمي جلس فالكرسي..وهو يناديني ( عليا ..ليش واقفة تعالي جلسي) طاحت عيني بعيون باسل النارية ..مستحيل اقدر اجلس فطاولة وحدة معاه ..قلت ( لا عمي ..بس ما لي نفس ..مو جوعانه ) قال باسل بحده ( خلي عنك هالحركات ..الطريق طويل والليل طويل ..بتتعبي اذا ما تعشيتي ..واحنا ما راح نوقف لحد ما نوصل ) ثم اردف..( اونك خجلانة مني ..! انتي لو تعرفي الخجل ما طلعتي قدام الناس يشوفوك ووجهك سافر ..ولابسه هالعباية اللي ما اعرف ويش الفايدة منها ..حتى انك يمكن تكوني استر بدونها ...؟!) اذا كانت شهيتي 5 بالمية فأنا متأكدة انها هالحين صارت صفررر..!! قلت بضعف انثوي بحت ( مابا عشا ...ما ودي ..ما ودي...وبرجع للسيارة) ما يهم حتى لو خايفة بروح لوحدي بس مابا اظل هنيه ... زجره حاده من باسل ( بـــنــت)... وقفت رجليني عن الحركة ..ثم اردف( خليني اشوفك طالعة لوحدك ..يا ويلك مني..اجلسي تعشي جنب عمي ..وانا من الأساس طالع مستحيل اقعد مقابلك) جلست جنب عمي وجسمي كله يرتجف ...هالمخلوق صوته مريع يوصل لمفاصل العظام ويسبب رجفة ....مفهوم الخوف يتفسر بصوت باسل...!!! رجعنا للسيارة وللطريق الطويل اللي ما ينتهي..الحمدلله انه عمي كان متفهم وما غصبني على العشا ..لأني ما قدرت ابلع نهائياً...صوت التلاوة المهدئة للنفوس للقارئ محمد ايوب لها اثر كبير في بث الطمأنينة للقلب..ريحتني ..وحسيت جسمي كله استرخى ..وحتى عمي الظاهر انه ارتاح لأن صوت شخيره وصلني.. ويش هالصوت المزعج اللي ما زال يرن...يمكن صوت جوالي ..ما اقدر اقوم ..بس الشخص اللي ناداني رأيه كان عكسي...( عليا ...عليا ...قومي ردي على جوالك ..) مديت يدي اتأكد من ثبات شيلتي ..الحمدلله ثابتة ..مثبتنها بتعليقة محكمة..! رجع يقول ( جوالك يرن ..ما سكت )... اووووه ويش هالإنسان ما يعرف يسكت ...انا من وين اجيب جوالي الحين .. قلت بصوت فيه النوم ( وينه..جوالي) قال بضجر ( يمكن بشنطة يدك صوته مكتوم...ردي وخلصينا..عمي نايم لا يقوم ) فتحت شنطتي وطلعت الجوال ..وكل النوم راح من عيوني لما شفت رقم خالتي اسماء.. بلهفة رديت عليها( مرحبا خالتي..) قالت بصوت ضعيف من البكاء ( هلا عليا ..هلا حبيبتي..كيف حالك...اعذريني اذا ازعجتكم باتصالي ..بس ما قدرت انام ابا اطمئن عليك بالأول) رديت عليها بصوت مخنوق ( الحمدلله انا طيبة..وانتي تتصلي متى ما تبي..لا ازعاج ولا شيء..اخبارك انتي) ضحكت بخفه ( مو بخير ..مشتاقة لك من الحين يا الغلا..وين واصلين)؟ تغاضيت عن كلامها الأول لأني اضعف من الرد عليها ( انا غفيت ..ما ادري وين واصلين ...) ( صار لكم فوق العشر ساعات ...خلاص اتوقع انكم دخلتوا في الأراضي الجنوبية توصلوا بالسلامة حبيبتي ..المهم ..ارسليلي رسالة اول ما توصلوا مو تنسي..) (اكيد يا خالتي ..ما راح انسى بإذن الله ) قالت خالتي ( فأمان الله وحفظه ) قلت لها ( فأمان الرحمن ..يالغالية ) وطفيت جوالي..ورديته فالشنطة..واعتدلت فجلستي..احس النوم طار من عيوني... سمعت عمي يتحنحن ...وشفته يعدل جلسته قلت له ( آسفه ..الظاهر اني صحيتك من نومك ) قال بهدوء( خلاص اخذت كفايتي من النوم...عليا شوفي غرشة الماي اذا جنبك صبيلي كوب ماي ..خليني آخذ حبوب الضغط ..نسيت ما اخذتهم بعد العشاء ..) مديت يدي اسفل المقعد اللي عن يساري وسحبت الكيس ..وطلعت غرشة الماي والأكواب.. .. بعد ما شرب عمي..واخذ دواه..سأل باسل ( باسل تبا ماي ) رد عليه ( لا بس ابا كوب شاهي كرك ..شوفي الدله هناك يا عليا ) اممممم شاي كرك..ما اقدر اقاومه ..وخصوصاً مع هالجو البارد نسبياً..بس من وين جابه ..؟؟؟ اهاا اكيد انه جايب دله فاضية وخلى عامل المقهى اللي كان مجاور للمطعم يملاها له.. فكره حلوه..! استمتعت بكوب الكرك بصراحة كان طعمه خيال..بعد فترة ..عدل عمي جلسته بحيث صار مواجه لي..وقال بهدوء ( عليا ..ترى حريمنا وبناتنا كلهم يتغشون ...وانا ما اباك تكوني اقل منهم ..ما اباك تكوني رخيصة بعيون رجال العايلة او غيرهم والكل يشوفك..وبذات الوقت انتي غالية بنت غالي ..ابا ربي يكون راضي عنك..ويهمني انك تكوني محافظة على دينك...انتي صغيرة ..تو عمرك 19 او 20 ..وان شاء الله ان ربي يهديك ويتوب عليك عن ما مضى..) ما عندي رد ...كيف اجاوبه ..حججي باطله وواهيه ...وانا في قرارة نفسي مواكبة للفطرة الإسلامية ...واعرف ان التغشي من مصلحتي انا وحدي..وتركي له ..راح يضرني لحالي اكثر من اي شخص... بعد صمت لحظات قلت وانا احول اختصر حديثي ..(جزاك الله خير )ولأول مره قلت ( يا عمي.)...(انا ما عندي مشكلة ..لطالما تمنيت اني اتغشى..بس هالحين..ما عندي غطا..انا ما جايبه ..رغم انه خالتي قالت شيلي معك شيلة ثانية ..بس كانت الشنط بعيدة عني ).. قال عمي بوجه منشرح وبعيون مبتسمه ( قال تعالى { وكان أبوهما صالحا }......قلت لك يا باسل..من اول ما شفت البنت وانا احاس انها تحمل بداخلها صلاح..عسى ربي يبارك فيك يا بنتي...) ثم فتح درج السيارة الأمامي وطلع كيس وسلمني اياه..!! من دون تفكير ..عرفت ....انه جايب غشوة...قال عمي ( هذا باسل اليوم الصبح نزل السوق وشرى غشوة وتوابعها..) تفاجأت بصراحة...ما توقعت كذا ..بس كان لازم اعرف انهم مستحيل يتقبلوا تواجدي بين العائلة وانا بهذاك الحال....ما عليه دام انا بداخلي موافقه على تغطية وجهي ..ما همني شي ..بس ابا ربي يرضى عني ...ابا ااحس بالراحة اللي لطالما تاقت لها نفسي... فتحت الكيس بهدوء..طلعت اول حاجة وصلت لها يدي وكانت شيلة سوداء سااده..! ولا نقشة ولا فص ولا كريستال...امممم طيب ويش بعد...ويش موجود في فانوسك السحري يا باسل...!!! عباية ..!!!!!!!!...انا معي عباية ..ما يحتاج ..بس كيف هذي شكلها مختلف...اهاااا عباية راس ساتره سوداء قاتمة بقماش سميك..بس احسها كبيرة وثقيلة ...!!! فتحتها اكثر..وعرفت سر حجمها ..العباية نفيييسه وااااااااايد...وطبعاً سااااده ولا نقشه ولا علامه ....!!! شفت الغشوة ...برقع وفوقه طبقتين من القماش الخفيف...شكله غريب..بس اتمنى اني اعرف البسه صح...قلبته في يدي...وعرفت ان لبسه ما صعب ..بس لازم احدد جهة اللبس واضبط مكان فتحة العيون ..ثم اسدل فوقها الطبقتين ..حتى تغطي عيوني... ..احس بفرحه غريبة بداخلي ..احس بنور ايماني بدا يظهر فقلبي..ما اقدر اصبر ..ابا البس هالعباية والغشوة الحين الحين....قلت بصوت يشوبة ...التوتر..( عمي ..!! ممكن توقفوا شوي ابا .احم....ابا البس ال....) الحمدلله انه عمي متفهم ..قاطعني قبل لا اكمل وقال ( باسل ..انعطف لهذاك الصوب ..وانزل خذلك دورتين تحرك فيهم دورتك الدموية ) سمعت ضحكة خفيفة وبعدها قال باسل ( اووهووو يا عمي..صاير تلقي نصايح طبية ..لا يكون انته الطبيب هنيه).. واخيراً نزل باسل...تأكدت انه ابتعد ..والظلام كفيل بالتغطية ...شفت عمي مسترخي فمقعده ..ومغمض عيونه ...بحركة سريعة لبست العباية الجديدة فوق عبايتي الأولى ..!! ما اقدر اخلعها ...والحمدلله ان الجو بارد..بحركة سريعة ..نزلت راسي لتحت وفكيت الشيلة الأولى ....ولبست الجديدة واخذت الغشوة من الجهة المناسبة ....وصرت مغطاه بالكامل ...لا مو بالكامل ..يديني ..ورجليني ما زالوا ظاهرين ....!!راح اعالج هالمشكلة مستقبلاً...لكن اليوم خلني اعيش هالأحاسيس الجديدة ...الإحساس بالقوة ..وبهاله من الحماية...والنور.. تحفني... احساس رائع... تردد صوت عمي ( ما شاء الله ..يا عليا ..الله يستر عليك في الدنيا وفي الآخره ..ويرحم والديك..تعالي قربي مني ) ..بحركة سريعة قبل راسي من فوق الشيلة ..!! حركته نزلت دمعة فرح من عيني..الحمدلله ..الحمدلله اللي من علي بنعمة الستر ..وفضلني عن كثير من خلقه ..جات في بالي خالتي ..ويش راح تقول لما تشوفني ..؟؟!! تمنيت ان ربي يهديها ..وتحس بالإحساس اللي انا تو حاستنه ..بس كيف راح تقدر ..وهي موظفة حكومية ..راح تمنع اكيد من لبس الغشوة ..كذا النظام في عمان للأسف..!! بعد دقايق لما رجع باسل ...ما التفت صوبي كالعاده..بس بعد ما قاد السيارة .. قال بهدوء ( مبروك تمام الستر)... تمنيت لو انه ساكت ..ما اقدر ارتاح او استقبل اي كلام من هالشخص.. قلت على مضض ( مشكور)..! قال بسرعة ..وهو ما زال مركز على القيادة ( بالنسبة للجامعة ..) ما اتحمل اسمع اي اوامر او حتى اقتراحات من هالباسل بالتحديد..!!! ويش دخله من الأساس ...هالموضوع من اساسه يرجع لي انا وبس.. ومهما بلغ احترامي له او لعمي ..او حتى خالتي او اي شخص غيرهم من المستحيل انه يكون لهم الإمكانية اللي تخولهم في التحكم بشؤوني اللي انا لوحدي اصنع لها القرارات ... فكان لازم ارد عليه قبل لا يكمل كلامه بجواب يمحي اي فكرة خضوع تتمحور في باله.... |
رد: يا صلاله خبرينا // عن قلوباً 'تهتوينا'
البارت عجيب حبيت انها مقتنعه انها تلتزم في لبس الحجاب الكامل الخالي من الزينه
قمت اضحك على خوفها وهي في الظلام حبيت طيبة قلب عمها شكرا نواره |
رد: يا صلاله خبرينا // عن قلوباً 'تهتوينا'
السلام عليكم..
يااالبيييه يا اهل عمااااااااااااان ياامرحبااا بقووم خلوووووي فديت روحهااا الحلوى العمانيه هي والله.. مرحباا نواره منوره ليلااااس .. وتاكدي انتس راح تستمتعين معنا هنا.. وشوووفي كيف تو القصه بدت وكيف الاكشن بدا بالردود..ههههههههههههه معليه اهم شي ان القصه تكون نابعه من المجمتع العماني واللي طيعا مايفرق كثير عن مجتمعنا كله.. يعني نفس الطباع ونفس العادات ونفس الافكار يعني شووفي كيف الحين الناس تطورت بالتكنلوجيا وتطورت بالعلم لكن للحين للاسف تلقين ناس كثيره لها نفس فكر باسل وعمه... لكن اللي قهرني صدق هو خضوع عليا لهم بالشكل هذا.. وكانها لعبة شطرنج يحركونها الناس على كيفهم اولها بيد خالتها والحين بيد عمها وولد عمها وهي وين شخصيتها؟؟؟ حسيتها ضعيفه مره حتى لو كانت في داخلها تبي عايله كبيره تجتمع فيها بس بعد مدري كيف راحت معهم كذا بدون شروط على اعتبار انها متفتحه اكثر من غيرها من بنات المجتمع اللي هي عايشه فيه. حتى مامر في بالها تعليمها وجامعتها ..مدري كيف راحت معهم كذا ببساطه وهي عارفه وش ناوووين يسوون فيها وبانهم بيفصلونها من الطب ؟؟؟ لو هي شارطه انها تروح كم يوم وترجع تكمل تعليمها على التزامها بالحجاب وكل شي بيكون اهون من انها تروح باستسلام كذا؟؟؟ هالشي كان لازم تفكر فيه قب ماتتتحرك من ديرتها ظفار.. مو توها تفكر بعد ماوصلوا للمنطقه..؟؟ لكن ان شاء الله تلقي من يساعدها ويوقف بوجه اي احد يحاتول يفرض رايه عليها وهالاحد اتوقع يكون جدتها؟؟ يمكن تكون جدتها قوويه شخصيه وتوقف مع بنت ولدها.. ؟؟ مع ان البنت شكلها بتحب الجده وتستانس عندها وتهون عن الجامعه او يقنعونها بانها تتركها وتوافق عشان تعيش بينهم.. الخاله اسماء.. رحمتها .. صح اللي سوته غلط بس تنرحم..وحيده يااقلبي .. امممممممممم والله ياا انااا عندي لها خطه ماتخوورش الميه.. لو عم عليا مو متزوج يتزوج اسماا كان ياا سلااام.. مدري ليش متوقعه ان ماعنده عيال.. والدليل انه جاي مع باسل ولد اخوه.. مدري ليش هالتوقع جا في بالي بس ياليته صدق يتزوجها ويسترها بعد مثل ماستر بنت اخوه..>>>فيس دخل جوووو بقصته..ههههههههه باسل: على كل مواصفاتك هذيك وهذا اسمك احس ماتركب>>فيس يضحك عليك..هع المهمالحين هذي عليا عندك حطها بعيونك لانك بتتزوجها>>فيس قرر خلاااااص صدق والله لااتجلس تناظر فيني كذا انت بتتزوج عليا واتوووقع اتوووقع ان زواجك منها بيكون بطلب من جدك بتترجاك تتزوجها واعتقد انك بتسافر انت وعليا برا وبتسمح لها تكمل تعليمها هناك.. وانتي عليا اول ماتنزلين في بيت العايله متوقعه انتس بتلقين ناس ماراح ترحب في وجودتس بينهم وهالنماس بالتحديد بنت عم؟؟ بتكون حاطه عينها على باسل وبتخاف عليه من وجودتس بينهم وخصوصا انتس اكثر تطور وحضاره منهم؟؟ نواااره بانتظار البارت الجاي اذا الله بكل شووق فلا تتركين انتظارنا يطوووول |
رد: يا صلاله خبرينا // عن قلوباً 'تهتوينا'
ماما زارا اهم شي ماحطيتي عينك على باسل وصادرتيه خخخخ هذا يعني أننا بخير هخهخهخه
والله انك يا باسل منت قليل شر الحين تروع المسكينه ليش خذ الله هالصوابر والكرعان ومن زين الخشه يضحك ويثقل العيار عليها في نظري خضوعها لخالتها قبل نابع من محبه لخالتها وماتبي تخالف رأيها وخضوعها لاعمها في لبس الحجاب لانها ماكنت مقتنعه بحجابها وبعدين لا تنسين المرعب قدامها بالله تبينها تفتح فمها والله انها تصير مثل النعامة وهي ماتدل الدرب خخخخخ وبعدين ايش عرفك زوزو هي تمقلت بالرجال و وقعت في الحب من اول نظره ومازالت تحت سحر النظره خخخخخ ويزين البنت العاقل الي تعرف ان العناد ماهو جايب نتيجه ماهو تكون عوبه وتاليتها تكفخ ورفس ننتظرك |
رد: يا صلاله خبرينا // عن قلوباً 'تهتوينا'
السلام عليكم ورحمه الله وبركاته
عزيزاتي القارئات للاسف قلبتو القصه لنقاش في غير محله حول موضوع جدلي يعاني منه اغلبيه ساحقه في الخليج ككل واولهم مجتمغي الخاص الكاتبه من خلال السياق. لم تتعرض لمنهنه الطب ولكن هذا رئي الكثير. من العائلات الخليجيه فلا يحق لنا كمجتمع متعلم متفهم ان ننفي وجود هذه الفكره من عقول البعض واللاسف كان رئي البعض فيه شي من عدم التزام اساسيات الحوار الجاد والنقاش الهادف وعليه قرار نهائي غير قابل للنقاش اذا اعيد فتح هذا الموضوع في هذا المتصفح سنضطر غير اسفين على منع العضو من الرد على القصه واي نقاش في هذا الموضوع يوجد قسم الحوار الجاد للخوض فيه ولكم جزيل الشكر مقدما |
رد: يا صلاله خبرينا // عن قلوباً 'تهتوينا'
القصه رائعه والاحلي عادات اهل السلطنه.عسي ربي يحفظهاوديارالمسلمين وبالنسبه للعادات والتقاليدكثير من الدول صارت فيها شئ غيراساسي بس بعض الدول شئ رئيسي وحي هذي الروح بأهل السلطنه بالنسبه للقصه رووعه وعليامشالله مسالمه بس بتاخذحقها من باسل لردعن الجامعه واستمري فالك التوفيق
|
رد: يا صلاله خبرينا // عن قلوباً 'تهتوينا'
اقتباس:
|
رد: يا صلاله خبرينا // عن قلوباً 'تهتوينا'
اقتباس:
.. لبى قلبك الطيب انتي..تسلمي يالغلااا على حضورك المشرق .. الرضا اللي كان يحتوي عليا ..شبيه بالاستسلام للقدر..مع خضوع لرغبة الفضول ...ولشخصيتها المتعقله دور كبير بالموضوع ... لكن السؤال ... هل ستظل هذه العقلانية هي السائدة مستقبلاً ام لا ..؟؟!' /// ضحكت على التصريفة اللي حطيتيها للخالة اسماء ..بس لا تخافي يالغلا ..الخاله اسماء معها سر مجهول بالنسبة لعليا..راح تكتشفه مستقبلاً.. /// باسل ..وفكرة وجود بنت عم متيمه به ...مو سيئة الفكرة ... بس راح نتابع الجزء القادم اللي راح تتضح فيه صحة هالكلام من عدمه.. // الغالية زارا ..اتمنى ان تعطري روايتي دائماً بتواجدك الرااائع لا عدمناه |
رد: يا صلاله خبرينا // عن قلوباً 'تهتوينا'
اقتباس:
اشكرك على تواجدك وتعليقك...كوني بالقرب دااائماً لكِ خالص المحبة |
رد: يا صلاله خبرينا // عن قلوباً 'تهتوينا'
اقتباس:
.. الأخت الكريمة : نوف بنت نايف اشكرك على تواجدك..ورأيك الصائب..والقرار المناسب ..لك فائق الإحترام.. |
رد: يا صلاله خبرينا // عن قلوباً 'تهتوينا'
اقتباس:
تواجدك يحمل روح هادئة ومميزة ..أتمنى ان نحظى بها دوماً.. |
رد: يا صلاله خبرينا // عن قلوباً 'تهتوينا'
صباح / مساء الاصالة ..
اختي نوارة .. رواية جديدة كلياً بالنسبة لي .. فهذه اول مرة اقرا رواية عمانية .. و تفاجأت بكثيييير اشياء .. باسل / الله يكفينا الشر وش هالرعب .. كلماته و استحقاره لعليا .. نابعة من غيرة و فطرة سوية .. بس عاد مو بهالتجريح .. الله يعين عليا المسيكينة .. عليا / العائلة و اللمة اللي انحرمت منها .. بتلقاها .. بس المشكلة هل بترتاح فيها .. اعجبني انها محبة لحجابها .. وان ضميرها صاحي .. لان بذرة الخير تنمو مع الافعال و الاعمال الصالحة وهي باين انها تتمنى الالتزام منذ البداية .. جدتها .. عمامها .. وبنات عمامها .. و البيئة المحافظة .. هل بتقدر تتأقلم عليها و هي اللي تعودت على الانفتاح كما يراه البعض في " حجابها " .. متحمسة لها و لحياتها القادمة و للعقبات الي اكيد بتواجهها .. ............................................................ ......................................................... نوارة غاليتي .. ضميني من قافلة متابعك .. جزاك الله كل خير عن امتاعنا ببذخ كلماتك .. ننتظرك بكل شوق و لهفة .. captive dark |
رد: يا صلاله خبرينا // عن قلوباً 'تهتوينا'
اقتباس:
.... بعض الردود تأبى إلا أن تشغل حيزاً في القلب تماماً كما جاء ردك يا كريمة.. انا متأكده بأن تحليلك الرائع ما هو إلا دليل يدل على قارئة متمكنة ... لذلك مرحباً بك كمتابعة للرواية وأكثر.. وحياك الباري دائماً وابداً.. |
رد: يا صلاله خبرينا // عن قلوباً 'تهتوينا'
((الجزء الخامس )) (( انتظرني يالجنوب.. تاق قلبي..وصاب ظني.. اني تايه من زمان...ومالي مأوى...غير حضنك..))! جسمي مااا عاد احس فيه ..خدر عاام ..الآن احنا فالجنوب ..في صلالة بالتحديد.. العمران في صلالة راقي ..وافضل بوايد مما كنت اتخيل... حركة السير بالشوارع هادية جداً ..والسبب معروف لأنا بمنتصف الليل .. عيوني تفتح وتقفل والنوم داخلني بقوة..ما اقدر اركز كثير..بس احس بالسيارة وانعطافاتها الكثيرة ..اللي سببت لي غثيان ..لأني ما متعودة على السياحة الداخلية..ولا على ركوب السيارة لسااااعااات..رجعت راسي للخلف وارخيته ...واغلقت عيوني ...وتنفست بعمق ..شهيق ..زفير..شهيق ..زفير...تذكرت باسل اللي متأكده من انه يعيش حالة صدمة الحين ..كان يتوقع اني راح احط له شور في حياتي....منشان يجي ويفرض رأيه علي..!! ليش ..؟؟! هو ولد عم لا جاء ولا راح ..وما تعارفنا الا من هاليومين..!! فكرتي ورأيي عنه انه انسان محب للتسلط بس مو علي أنا...انا حره وبنفسي اقرر ويش اللي اريده واللي ما اريده..تحصيلي العلمي طوال ذيك السنوات مستحيل ارضى انه يروح هدر.. ولكن ما يمنع اني أأجل هالسنة الدراسية ..منشان اكون اقرب من اهلي اكثر..وعموماً راح ارتب اموري بمساعدة من خالتي ....خلال الأيام المقبلة ....انتهى تفكيري ..لما توقفت السيارة اخييييييييييراً....!!. قال عمي ( الحمدلله اللي وصّلنا بالسلامة ..الحمدلله على السلامة يا عليا ..ويا مرحبا بك بوسط هلك ) وصلنا اذاً ......طار النوم ...طار الغثيان ..رجع الخوف والتوتر..من المجهول ..من الناس اللي راح اعيش معهم ..خلال الفترة المقبلة... قال باسل ( عمي بوخالد ..بتبات ( بتمسي ) هنيه ..ولا تباني اوصلك بيتك ) قال عمي ( ابا انزل اسلم على الوالدة ..ادري بها مستحيل تغمض جفونها..وهي تعرف انه احنا جايين) نزلت من السيارة وكل مفاصلي تشتكي من الجلوس اللي اتعبها..!! بديت اتنفس بقوة ..وعدلت الغشوة ..رفعت طبقة خفيفة من الغشوة وبقيت وحده فوق عيوني ..حتى اقدر اشوف زين ..لأني ما متعوده على تغطية وجهي وعيوني..اول ما بديت امشي ..كنت متأكده ان منظري مضحك بشكل فظييع..لأن العباية بحرررر..طويلة حيل ..!!! ما ادري ليش عندي احساس انه باسل ماخذ هالعباية على قياسة العملاق..!! لما بدت تتضح الصورة اكثر...وجهت نظراتي على المنزل الفخم ..الواسع ..بلونه الأبيض وجذبتني الأضواء المنعكسه بدفئ على السياج اللي محاوط اشجار خضراء كبيرة من الجانبين....و مع التدرج المذهل للبلكونات من الطابق الثاني والثالث والنوافذ والأبواب الفرنسية الزجاجية ..كان المكان قطعة من الخياااال ..تصميم مبهر..متقن لأبعد حد..حسيت المنزل اسطوري ..!! على الرغم من انه ما يزيد عن ثلاث طوابق ..ومساحاته مو كبيرة لدرجة ...كان متوسط لكن التصميم فعلاً حلوووو... ذبحني الفضول من حبي للهندسة المعمارية والديكور....وتسائلت اذا كان هذا شكله بهالروعة من الخارج ..فكيف من الداخل...!! بديت امشي ورى عمي بالضبط ..اتبع كل خطواته بتوتر...!! دخل من الباب الزجاجي الواسع ودخلت وراه بخطوات مستقيمة ....لحد ما صرنا بوسط الصالة الواسعة ... الفخامة الشرقية كانت تغلب على المنطقة..بسجادها الفاخر..والألوان الذهبية ..الممزوجة بخفة مع اللون الأبيض والعودي ... حاولت اشغل نفسي بالنظر للوحات المعلقة ...اللي تحمل مناظر تراثية قديمة ..مطلية من جوانبها بلون الذهب ..لكن من دون فاايدة فرغم ذلك ..التوتر كان يشدني..والهدوء الغالب على المنزل كان غريب ويزيد الجو توتر.....! اظن ان الكل نايم ..!!لكن من اعني انا بالكل ...؟؟؟!!! من موجود هنيه..ومن اللي عايش ..!انا ما اعرف اي معلومه عن هلي للأسف...!! صوت حاني لحرمة عوده ( كبيرة ) فالعمر كسر الصمت : ( حيا الله ...حيا الله من ضوى علينا..حي ذا الشوف) قبلها عمي بوخالد فوق راسها وهو مبتسم ( الله يحييك يا امي..رغم اني عارف ان هالسلام ما مخصوص لي انا الليلة ) ابتسمت في وجهه ..ثم التفتت ناحيتي..بنظره كلها فرح ، ألم , شوق , مزيج مختلط من المشاعر..لحظات صمت مرت وما حسيت إلا وانا مسجونة بين يدين والدة ابويه ..بأحضان جدتي ...جدتي رددت في نفسي....بين يوم وليله اكتشفت انه معي جده...!! لا حرف ولا كلمة ولا ادنى صوت ...باستثناء صوت بكاء يصدر من جدتي بين الفترة والأخرى ....اما انا ....في قلبي ودي اقول لها اشياء كثيييرة ..! لكن لما جيت انطق ...ما ساعدني اي حرف بالظهور...!! الى ان قال عمي بوخالد( لا إله إلا الله ...يكفيك الدمع اللي سكبتيه طوال هالسنين يا امي ..اليوم افرحي ..هذي بنت المرحوم بين يديك..) بعد دقايق ..خففت جدتي من احتضانها لي ...معقول انها تحبني ..وصار لها سنين وهي تتمنى تلمني بحضنها ....وانا ما اعرف عنها شي...والله لو اني اعرف كان جيت وركعت تحت رجلها من سنين ..ولا احرم نفسي واحرمها من المشاعر اللي تجمعنا كحفيدة وجدتها... بعد لحظات حسيت بيد ترفع غشوتي وتكشف عن وجهي ...مرت لحظات وجدتي تتأملني بصمت ..كنها تبا تخزن ملامحي بقلبها ...لما يحس الإنسان بأن في شخص يحبه ويغليه ..وينظر له بشوق ومن دون ما يشبع من شوفته ..يتولد بداخله شعور بأن العالم موشح بالبياض ..ينسى في هذيك اللحظة كل ألم وكل عثره سبق ومر فيها بحياته ..... طاحت عيني بعين جدتي ..شفت آثار تقدم العمر..وتعب الحياة ..والدموع ..ما قدرت تخفي ملامح الجمال الواضحة في جدتي ..اسمرارها العذب...انفها العربي المستقيم ...وسع عيونها..بلونهن الناري......... لحظة ..لحظة .....نفس اللون..!!!!! لون عيون جدتي ناري ..مماثل لعيون باسل..!! آآآخ راح احسد هالباسل على حظه بالعيون الشبيهه بعيون جدتي ..!!! ليتني طلعت اشبه جدتي ويصير لون عيوني مثل هاللون...!!! قبلتين على خدي صحتني..ودفعتني لأرد لجدتي قبلة احترام فوق راسها .. قالت جدتي بصوت تتخلله مشاعر الإشتياق( السلومة يا بنتي ) رديت بحسن نية ( وعليكم السلام ) ..بس صوت ضحكتين متباعدتين اصدموني ..!! بسرعة دوّرت ( بحثت ) عن مصدرهن الأولى ضحكة عمي اكيد..ولفيت راسي بعجلة نحو الباب وشفت باسل يتراجع وهو يضحك ..الظاهر انه انتبه اني ما لابسه الغشوة وراح ..!.. بس ويش السالفة ..على ويش هذولا يضحكوا..؟؟!!! بعد ما تنبه عمي لنظراتي الثاقبة المحتارة ..والمتنرفزة بالتأكيد ..قال ( احم ..يا عليا ترى لازمك دورة في لهجتنا..يدتك تعني لك الحمدلله على السلامة )..! فاااح صدري من الغضب ..رغم اني ابتسمت في وجه عمي ..لا يكون ابا اصير انا مصدر استهزاء لهم....!!!! عقدت النية من باكر وانا راح اتعلم هاللهجة ..ما ابا حد يضحك علي...!! قالت جدتي (كيف حالك يا بنتي ...ويش مسويه بهالزمن..ويش علومك ..انتي طيبة ) رديت عليها ( الحمدلله ما اشكي من باس ..احوالي طيبة ..كيف حالك انتي ) قالت بصوت صادق ( فرحانة بشوفتك يا امي ..) قال عمي بوخالد بتعب ( انا بروح بيتي..تعبان حدي..روحي يا امي ارتاحي.اكيد انك ما راجده من ايبارح ( البارحة)..وانا قبل اروح بوصل عليا لغرفتها..)ثم التفت لي ( يلله يا عليا..شنطك نزلهن باسل ..والشغالات بيجيبنهن لغرفتك) اخذت غشوتي ..وشنطة يدي ..والتفت لجدتي اللي نظراتها ما فارقتني ..! قلت لها ( جدتي تصبحي على خير ) ردت بابتسامة فرح ( وانتي من اهل الخير يا امي ) تكملة الجزء الخامس راح انزله غداً ان احيانا المولى ..التكمله تحوي مفاجأة تختص بباسل ..وسر غامض ارعب عليا نلتقي على خير |
رد: يا صلاله خبرينا // عن قلوباً 'تهتوينا'
السلام عليكم ورحمة الله وبركاته
ياحيالله أهل السلطنة وأهلا وسهلا بنوار عمان رواية شدتنا بجمال حرفها ورقي طرحهاا وان شاء الله تستمر معنا للنهاية علياااا استسلامها لعمها وولد عمها ماهو ضعف قد ماهو ذكاء وحاجه للعائلة بنت طول عمرها وحيدة أمها وأبوها إلي مانعرف عنهم شي وبعدين كانت وحيده مع خالتها فأكيد تبي تعيش حياة الأهل والأعمام والعمات وبنات وعيال العم والعمات تدرين نواره أول مره ادري إن أهل عمان يتغطون أو يتغشون على قولتك شكرااا على المعلومة الخالة أحس فيه حلقه مفقودة بحياتها ممكن تكون هالحلقه لها علاقة بأهل علياء باااسل يارب يخوف وزود خوف هالضعيفه في البر وبالليل ليت يطلع عليك جني صدق قدامها علشان تعرف تضحك بس عسى ماهو متزوج تخرب توقعاتنااا لااا بس شكل علياء بتطيح بدابديبك ياحمش أنت أول رجال يهتم فيها لو بطريقه متعسفة بس حست إن فيه احد مهتم ويبي يحافظ عليهااا ننتظرك نواارة السلطنة بكل الشوق والود |
رد: يا صلاله خبرينا // عن قلوباً 'تهتوينا'
السلام عليكم
ياحي الله بنت سلطنة عمان بينا اول مره ادخل روايه عمانيه واكتشفت شي جديد هو التزام عوايل با السلطنه بالحجاب الكامل ماهو مثل ماهو مصور لنا الاعلام وهذي ميزة الروايات الراقيه تبين للقراء العادات والتقاليد والصح والخطأ بمنظور وبيئات مختلفه بدايه موفقه جدآآآآ ومشوقه الاسلوب سلس وبسيط ويدخل القلب بسرعه بدون تعقيد عليا البنت اليتيمه الي حياتها انقسمت الي قسمين القسم الاول كان في بيت منفتح ومتهاون بالحجاب وليس الاخلاق الاخلاق خط احمر اتوقع في قلب كل مسلم هي المشكله فقط بكشف الوجه واللبس والاختلاط وهذي سياسة البلد بغض النظر عن العادات والتقاليد سامحين للاختلاط بجميع المجالات كماهو حال معظم الدول العربيه والاسلامية لكن تظل اسر محافظة واسر متشدده كماهو وضع عليا وعايلة ابوها الي رافضين الاختلاط جمله وتفصيلآ واول الرفض رفضهم لدخوا بنتهم لكلية الطب وهذي وجهة نظرهم في عوائل محافظة لكن تشجع بناتها على دخول ها المجال انا ثلاث من اخواني دراستهم في ها المجال ومنفتحين ولما يسمعون بنت من الجماعة داخله طب عادي ويقولون ماشاء الله الله يوفقها ولما جينا نزوجهم رفضوا يتزوجون دكتورات اوي موظفات بنك وكانوا واعدين وحده من خواتي لوقدرت تجيب نسبة عاليه تدخل طب اختي اجتهدت ونسبتها كانت 99% ولما جا الجد رفض رفض قاطع اخوي الكبير الي هوبها المجال و مسؤل كبير بمستشفى واقنعها تدخل انجليزي وكان يقول ترى الطب وقسم الانجليزي زي بعض اذا تبين الدراسة ماراح يختلف شي عليك مهنة الطب المهنه الي اشوف انها المظلومة عندنا اكيد اذا اختك او بنتك مريضه ماراح ترضى الا دكتوره تعالجها لكن الاغلبيه مايرضون بناتهم يدخلون ها المجال مهنة الطب صارت الشهادات تشترى من الخارج جميع التخصصات التمريض فتحت المعاهد وكل فاشل بدراسته اهم شي قسم علمي وناجح متخرج من مدرسه اهليه بنسبه عاليه يدخل معهد او كليه اهليه صحيه ويتخرج والنتيجه اخطاء طبيه لاحصر لها حظ عليا الطالبة المجتهده ان اهلها ماهم راضين بدخولها ها المجال والي الآن ماعرفنا وجهت نظرها هي ولد عمه وعمها عرفوا مكانها وفاجئوها هي وخالتها واخذوها بالضغط على الخاله اسماء با التبليغ عن تزويرها وعليا انشل تفكيرها تمشي احس بدون وعي ماراح تستوعب الي سوته الا بعد ماتوصل لأاهل ابوها اتوقع بيكون في اجبار من الاسره لزواج عليا منهم واتوقع باسل اخ وحيد لبنات والا ما كان عنده خبره واشترى العبايه والغشوه بنفسه والعم اتوقع ما عنده عيال شباب اذا فيه بيكونون اصغر من عليا بواجد احتمال يكون له بنات وفي منهم كانت مرشحه لزواج من باسل عاد بيبدى الاكشن داخل الاسره<<شطحه طيوفيه الخاله اسماء سكوتها الله يستر منه لاتكون بتدبر هروب لها ولعليا خارج البلاد مشكوره نجلاء الريم الي خبرتني عن الروايه مبدعه نواره لكن لي طلب صغير ياريت يكون في مصطلحات من اللهجه العمانية نبغى نستفيد ننتظر القادم بشوق |
رد: يا صلاله خبرينا // عن قلوباً 'تهتوينا'
اقتباس:
بس لايكون متزوج وحده من جهة امه فبيجبرونه يتزوج عليالأنه لوكانت من بنات ابو خالد مستحيل بيحط حرمه على بنته عاد تحط رجلها وتنحاش قبل العرس بمساعدة خالتها وزوجة باسل ننتظر بارت بكرا ونشوف المفاجئه مبدعه نوار وبارت راااائع |
رد: يا صلاله خبرينا // عن قلوباً 'تهتوينا'
تااابع (( الجزء الخامس)) ويش هالإزعاج ..والفوضى ..توني راجده..وما اقدر اتحرك..رفعت الوساده ( المخدة) وغطيت بها وجهي وضغطتها على اذني من دون فائده ....!!!!الضجيج ما وقف ولا ناوي يوقف..!! تحركت وانا اتأمل المكان ..بعقل فوضوي..!!وين مكان الباب..!! ما اذكر ..! تبعت الصوت وحصلت الباب..!!!! كانت عيني وحده مفتوحة والثانية مقفلة ...ورغم محاولاتي ما قدرت افتحها..!!! فتحت الباب ....وحصلت وجه العاملة المبتسم قدامي..! ويش الحل ؟؟؟!! مع هذي الإبتسامة الحلوة ..! ورغم التعب ..!! ما يقدر الشخص الا يقابل صاحبها بمثلها ..حتى ولو بعين وحده مفتوحة...!!!! ( هزا يور باجز ..!! ومدام كبير يقول صهي انته اشان صلي السُبه) هزيت لها راسي..ثم قلت لها ( شكراً) وفتحت لها الباب بالكامل...منشان تدخل الشنط ..ما فيني اشيل الشنط بروحي ..تعبااانة.. صليت الصبح...وبعدها كلمت خالتي بالجوال..ما كفتني الرسالة اللي ارسلتها لها لما وصلنا ..حسيت لازم اكلمها حتى تطمئن اكثر......ورجعت اغوص في نوم عمييق... صحيت للمره الثانية ..وحالي افضل بكثيير من قبل..لأني عوضت بالنوم .... دورت جوالي..ابا اشوف الساعة ....حصلت الساعة تسع ونصف...في العاده استيقظ ابكر من كذا ..بس التعب خدرني اليوم...رحت اشوف شنطي وحصلت العاملة المسكينة..مرتبة ملابسي واغراضي ..الله يجزاها الخير...سوت فيني معروف...وقفت اتأمل الغرفة المتوسطة الحجم ..هذي غرفتي من الحين..! احسها كلاسيكية بزياده ..سرير خشبي باللون الأبيض ستائر مخمل مع شيفون مزيج من اللون الأبيض والأخضر الفاتح ..تسريحة بيضاء..والأريكه بعد.....صبغة الغرفة بيضاء مع تحديد من المنتصف باللون الذهبي..ذوق غريب شوي..لكن كان مناسب وحلو.. خلال النصف الساعة ..رتبت نفسي..والحمام الساخن مدني بالإسترخاء اللي محتاجتنه ..وراعيت انه ملابسي تكون ساتره ..اقتربت من الستاير شدني الضوء..وفتحتها..قبضت انفاسي من روعة المنظر اللي امامي..باب زجاجي واسع وعاكس منظر خضرة اشجار النارجيل الجميلة وانحنائاتها اللطيفة...بالإضافة لأشجار الفيفاي ( البابايا) المحمله بالثمر اللذيذ...وغيرها من المزروعات الراااائعة اللي تمد اصحابها بثمارها اللذيذة على مدار العام...وتمتاز بها الأراضي الجنوبيه... حسيت بالحياة من المنظر الأخضر الجميل ..فتحت الباب الزجاجي ..وجاتني نسمة هواء باارده منعشه رغم ان الشمس شارقة ...لكن الجو معتدل وحلو ..مختلف عن اجواء مسقط كثير.. سمعت اصوات الطيور اللي اعطت المكان الصورة المثالية .. وفجأة ....!! لااااا ....!!!! انسحب كل الشعور الجميل....!!! باسل مسترخي في احدى الكراسي جنب الأشجار ..؟؟!! هذا ويش يسوي هنيه ..!!! ليش ما يروح بيتهم حاله من حال عمي..!! الحين كيف ابا انزل..وانا اعرف ان هالإنسان موجود بالبيت ..!! اذا شافني نازله لتحت راح يقول انتي ما فيك حيا ليش نازلة وانا موجود..!!! رجعت للورى وصكيت الباب بسرعة ..قبل لا يوقف ويشوفني ..وجلست في الأريكة الطويلة ... !! مرت الدقايق وانا على هالحال ..لحد ما ضقت من الملل.. مضت فترة....وسمعت طرقات على الباب ..! اخيراً حد عبرني في هالبيت ..!!! نفس العاملة مع نفس الإبتسامه ( ماما في انتزري انته تهت ..) جاوبتها بسرعة ( طيب لا تروحي..بلبس عبايتي وبجي ..لا تروحي هاه ) رحت لبست العبايه ..ولفيت الشيلة ..وغطيت وجهي بالغشوة..ونزلت..والعاملة قدامي..!! جدتي كانت بصالة مختلفة ..الوانها قاتمة كثير غير عن اللي شفتها البارحة هذي اصغر شوي ..ومغلقة ..مو مفتوحة .. ( صباح الخير) قلتها بابتسامه خفيفة ( حي هالشوف..صباح النور يا بنية ..ارمي الغطا ..باسل راح لشغله من سويعه ( من شوي ) ..ذلحين جربي تريقي ..انا قايمة من الغبشة ( الفجر )بس ما تريقت احرسك ( انتظرك ) ) قلت في نفسي بدينا..!! مع هالمفردات الغريبة ..!!! امممم مو مشكلة ابا اتعود عليهن حطيت الغشوة في الكنب.. ( السموحة يا جدتي ..بس خذاني الرجاد ..كنت تعبانة وايد ) القيت نظرة على صينية الفطور اللي موضوعه على الأرض.. مشي نسكافية ..!!!ولا كابتشينو ..!!! ولا حليب بالككاو..ولا عصير برتقال...!! سكبت لي جدتي كوب حليب..واضافت له ملعقتين عسل وخلطته بسرعة وحطته قدامي.. اممممممم ساعتها نسيت النسكافية واخواتها..من لذة مذاق الحليب الطاازج المحلى بالعسل.. واصلت فطوري.. مع جدتي بهدوء.. وهي كل شوي تحط شي بصحني ..وانا ما اقدر اردها.. لحد ما قفلت خلااااااص.... قلت ( الله يديم النعمه ..خلاص يا جدتي اكتفيت..) رفعت عيونها لي..!مدري عتب ولا ما فهمتني.!!!! قلت بسرعة ( والله شبعت يا جدتي ..ما اقدر آكل زياده )..! قالت بزعل ( شوفي جسمك كيف ضعفانة ..ليش ما تاكلي زين ) قلت لها بابتسامه ( بالعكس..جسمي مناسب كذا ..وبعدين يا جدتي ما يمدحوا السمنه في هالزمن ) قالت بجديه ( هاللي طالعين ذلحين ما يفهموا شي..كنهار ( زمان ) ود ( متى ما ) كان الواحد ضعيف قالوا هذا مارود ( مريض )...) كت ..كت..ابا اقطع هالمحادثة ..ما يصير كذا لازم حد يفهمني المرادف لهالكلمات..! لحد ما احفظهن..!!! لكن استمر الحوار مع جدتي ومع محاولاتي للتركيز على سياق الحديث .. قدرت اجاري جدتي ..واماشيها في كلامها الممتع ..اللي ينم عن شخصية حكيمة..وواعية ..وكلامها جداً معقول ولا يمل منه.....احس كني اعرفها من زمان ...!! لما قربت تنقضي فترة الضحى سمعت صوت باسل ينادي من برع ( امي غالية ..ادخل ولا معك حد) قالت له ( هنكس ..هنكس ..( هناك _هناك) روح الصالة الثانية ..تيلا ( بعدين ) بجيك ) هذا ساكن هنيه .؟؟!!!!! استغليت الفرصة من شان اسألها ( هو ساكن هنيه ..)؟؟!! قالت ( باسل ..ايوه ساكن هنيه هو وحرمته في ثالث طابق..بس له دربه وانا بكلمه ما يجي صوب صالة النسوان ..من شان تاخذي راحتك..وما تبتلشي بالغشوة نهارك كله ) غريييبه !! ما تخيلت ان باسل متزوج..!! احس اني انصدمت واايد...بس ليش ... اووووف ويش هالشعور المزعج اللي جاني ....اصلاً هو شكلة بالثلاثين يعني اكيد انه متزوج ..ويمكن عنده عيال بعد ..!! الظهر بعد الغدا....قالت جدتي ( يا امي خذي راحتك فالبيت باسل ماشي غارف ( المزرعة ) وقتيت( يمكن ) يرجع عقب المغرب..وانا بقيل الحين ) طلعت اتمشى فالصاله الواسعة..! والهدوء يعم المكان ...!! من اول يوم وانا حاسه بالملل..!! طلعت فالمزرعة ....وشفت الأشجار من قريب ...وتفحصت انواع كثيرة من المزروعات .. بس للأسف ما شفت اي نوع من الزهور..!! لأني من عشاق الزهور ما ارضاني هالشي ابداً ...حاولت امسح المنطقة ...بس ما شي..!! كانت في ارض فاضية وشكلها جااهزة للزراعة حطيتها فبالي ....وابتسمت لما تخيلت اني املاها بتشكيلات من الزهور ...اكيد راح تطلع رووووعه..... بعد لحظات كلمت خالتي ..ووصفت لها روعة المكان..وعبرت لها عن ارتياحي حتى تطمئن..! رجعت الطابق الثاني اللي موجوده فيه غرفتي ..صليت العصر ..رجعت الطابق الأول وتميت استكشف المكان إلى ان ملييييت!!! تصميم هالمنزل غريب..!! رحت للصالة الكبيرة وشفت السلم الثاني بالبيت..اكيد هذا درب باسل اللي تقصده جدتي ..هذا هو الدرب اللي يوصل للطابق الثالث لجناح باسل وحرمته ..!! بس غرييييبه وين حرمته..! ما شفتها ..ولا جات تسلم ..ولا حتى تغدت معنا..!! يمكن انها مو موجوده بالبيت ...!! اوانها مسافرة ...!!! مدري ليش جاني فضول اصعد هالدرج الحلزوني...!! صعدت الدرجات ..لحد ما وصلت المنتصف ...تضايقت من فضولي!!!!!.... وقررت الرجوع ...بس قبل لا اتحرك من مكاني... سمعت صوت صراااااااخ ........ملأ جسمي بالقشعريرة..!!! |
رد: يا صلاله خبرينا // عن قلوباً 'تهتوينا'
اقتباس:
.. يحييك الله اختي الغااالية نجلاء الريم .. اشيد بنظرتك الثااقبة للأحداث.. ... وتحليلك القويم للشخصيات الموجوده بالرواية.. .. وبكل صدق ..لي الشرف بمتابعتك الرااقية للروايه |
رد: يا صلاله خبرينا // عن قلوباً 'تهتوينا'
اقتباس:
استمتعت بقراءة كل جزئية بمشاركتك الشاملة ... الإعلام العربي مهما بلغ من التقدم..يظل ينقل الصورة المناسبة له ..ويغض الطرف عما لا يعجبه..! .. عمان دوله خليجية...لذلك لابد من وجود تشابه في الالتزام او في العادات بينها وبين شقيقاتها من دول المجلس.. ولكن كما قلتِ..الإعلام مغيب لكثير من الحقائق.. .. عقبة دراسة الطب ..هي نتاج لقصور كان من الممكن تلافيه من قبل الجهات الحكومية ...نقص في تنظيم الأمور لمواكبتها لمجتمعاتنا..حتى يسهل تقبلها مجتمعياً.../// /// اللهجه في عمان وان اختلفت في النطق من منطقة لأخرى إلا انها تميل كثيراً للأسلوب الكتابي الذي اتبعته وهو استخدام الكلمات الفصيحة في معظم الأحيان ... وفي الأجزاء المقبلة حين سأتعمق اكثر لا بد ان تتنوع المصطلحات .. ..فكوني بالقرب داااائماً.. |
رد: يا صلاله خبرينا // عن قلوباً 'تهتوينا'
السلااام عليكم
اهليين نواار .. ياربيييه والله مااحد فيه فضول علياا كثري بالله وش هالصراااخ ؟؟؟ يمكن زوجة باسل انسانه مريضه ؟؟ وهو حاط لها طابق بعيد عن جدته علشاان ماتتعبهاا يعني يمكن مسحوره >> فيس تذكر ان السحر موجود بعمان ههههه والاكيد انه ماعندها عياال .. امممم يمكن مصاابه بحاله نفسيه ..او كذا >> فيس قرر انها مريضه خلاااص خخخخ تكفييين نواار نبي جزء بس علشاان هالقفله المميته لناا ههههه انا الى الان اتوقع ان بااسل راح يكون من نصيب علياا حتى لو متزوج .. >>لاحقين على هالسالفه المهم الحين وش راح يكون مصير هالعلياا ؟؟ مدري ليه حسيت بيتهم كأنه بيت الاشبااح من بعد هالصرخه هههههه والا اللهجه هههههه مت ضحك عليهاا وهي تحااول تفهم جدتهاا شو تقول ههههههههه نوااار .. جعل يديتس ماتمسهن الناار ياارب ..جزء ممتع بس زااد الفضووول عندناا .. نواااري ننتظرتس الليله والا راح تاخذين اثم بالكوابيس اللي بتجينا تالي الليل من كثر التفكير بسالفه هالصرخه خخخخخخخخ |
رد: يا صلاله خبرينا // عن قلوباً 'تهتوينا'
الله يعطيك العامنيه الاصيله بارت رووعه وقفله اليمه انا اضن انهافيهامرض الجنون زوجة باسل واتمني بارت قادم زاخربلاحداث ونعرف سرزوجة باسل ودام الله عز السلطنه ويحلوكلامهم وشكرا
|
رد: يا صلاله خبرينا // عن قلوباً 'تهتوينا'
اقتباس:
... هلا وغلا النووووري... هههههه اعجبني فضولك ...وتلقائية حديثك يا قلبي ... صدقيني المفروض الليلة مافي جزء..لكن لعيونك يالنوري..راح انزل الجزء السادس..بس ترى مو طويل ..مختصر لأنه تكملة لأحداث الجزء الماضي...اهم شي لا يجيني اثم الكوابيس هههههه قلت خلني انزل الجزء بسررررعه...ههههه ... تسلمي على تواجدك..ما ننحرم منك يااارب.. |
رد: يا صلاله خبرينا // عن قلوباً 'تهتوينا'
اقتباس:
يعافيك ربي يالغلا...الغموض ما زال يلف الأحداث..!! وفيما بعد الأجزاء الثلاثة القادمة راح تبدء أمور كثيرة بالإتضاح ...خليكِ بالقرب دائماً.. خالص الموده لكِ يا نقية.. |
رد: يا صلاله خبرينا // عن قلوباً 'تهتوينا'
(( الجزء السادس )) صوت صرااخ ..صرخات شخص يتعذب...صراخ مريع ...ثم تلاشى الصوت تدريجياً..جلست فمنتصف الدرج مذهوله من هالصراخ..هذا حقيقي ولا انا جالسة اتخيل بسبب الهدوء العام في المكان وصارت تتهيأ لي أصوات غير موجوده...! رجع لي الفضول من جديد..!!! واحترت انزل ولا اكمل مشواري..!! خلني اكمل وبس...! كملت خطواتي بهدوء وسمعي متجهز لالتقاط اي صوت ..!!... وصلت الجناح ...ووقفت فالأرضية الرخامية وانا محتااارة ..!!! شفت قدامي ثلاث ابواب فالجهات الثلاث.....وفي احد الزوايا كنب عصري وشاشة معلقة في الجدار... لكن ما في اي اثر يدل على وجود احد هنيه ....لذلك قررت العودة ... اكيد ما بروح افتح أبواب الغرف ..!!! بس كنت اتمنى احصل حد اسولف معه واطلع من هالملل...!!.استدرت..وقبل اكمل خطوتي..رجع صوت الصراخ من جديد....!!! وهالمره اشد يمكن لأني اقرب......كان ودي اهرب ..من هالصراخ اللي يدل على وجود شخص يتألم بالداخل......بس ما اقدر.....يمكن حد متعور...؟؟!!! يمكن حرمة باسل تتألم وهو ما موجود....تبعت مصدر الصوت ..بخطوات مرتجفة .. ودقيت باب الغرفة اللي تبين لي منها مصدر الصوت ..... بس ما جاني رد.........رجعت ادق الباب من جديد.....من دون فايده..ترددت افتح الباب ولا ..؟؟ هذا تعدي على الحرمات ..بس هالصراخ المستمر ما حط قدامي خيار ..سميت بالله وفتحت الباب ........وانصعقت.....!!! يا الله ........................!! من هذي......!!!! وجه شاااااحب... جسد هزييل... عيون غاااائره... المرض ترك بصمه ما ممكن انكارها رددت بسري ( الحمدلله الذي عافانا مما ابتلى به غيرنا ) جاني صوتها المبحوح وقالت بعدوانية ( ويش جالسه تسوي هنيه ...من سمح لك تدخلي..اطلعي برع ..اطلعي ) ابتلعت ريقي تجاه هذي العدوانية وقلت ( سمعت صوت صراخ ..انتي بخير..تبي شي ..اساعدك بشي) ردت بنبرة استهزائية ( ايوه انا بخير)..ثم اردفت بحده (اطلعي ..ولا عاد اشوفك مقربة من هالجناح ..ولا ما راح يحصلك خير ..سامعه ) ليش معصبة كذا هالحرمة ...!! انا جيت اطمئن عليها...حتى ما سألتني من اكون ..!! يمكن المرض متعبها ..ومالها مزاج تشوف اي حد...الله يشفيها ويعافيها.... اغلقت الباب ..ورجعت انزل من الدرج بهدوء...! رايحة اسلي نفسي..ورجعت متنكده اكثر..!! رحت غرفتي وفتحت جهاز الآيباد ..حاولت التقط شبكة ..بس ما حصلت..!! مافي شبكة بالبيت..!! ياربي ويش هالحظ...ويش هالبيت الغريب..ما كن فيه ناس عايشين..!! نزلت عند جدتي..في صالة النسوان...اول ما شافتني قالت ( زين انك جيتي يا امي..كنت ابا ارسل هالشغالة تناديك..جربي خلينا نتقهوى..ونسولف..) فررررصة لا تعوض للسؤال ( جدتي .....هي حرمة باسل ما تنزل وتجلس معك ) شفت وجه جدتي اختبص....وتغير لونه ....اطرقت ..وبعد صمت قليل قالت ( الله يكون بعونها ..ويرحمها برحمته )......ثم قالت بسرعة وقطعت علي كل الفرص حتى ما ارجع اسألها من جديد..! ( جربي...كلي من هالفيفاي ..مقطوف من الصبح ومبرد...)..! اممممم الفيفاي حلووو وطعمه سكري بزياده.. ( جدتي..خبريني عن باقي العايلة ..كم عم عندي...ومعهم بنات وعيال ولا لا ..ومن غيرهم من قربتي موجود بعد ..خبريني يا جدتي تراني ما اعرف شي)..!قلتها بصوت يحمل شي من الحسره...!! . . . . الوقت كان ممتع ...ويزداد متعة بحديث جدتي..اللي زادني شغف ..منشان اتعرف على افراد عايلتي بأكملها ..اكبر عمامي هو عمي محمد ابوخالد ...ويصير ابو زوجة باسل ...يعني حرمة باسل تصير بنت عمي..واخوانها الثلاثة اثنين منهم متزوجين والثالث خاطب ... وعمي احمد معه ثلاث بنات سارة وامل وهنادي واعمارهم قريبة من عمري... وعمتي هاجر معها خمسة اولاد اعمارهم متفاوته وبنت وحده وهي مزون ..اكبر مني بسنه.. وتشعب الحديث حتى وصلنا لشجرة نسب العايلة .....!! حسيت اني حضرت حصة في التاريخ ....!! بس الأكيد انها الأفضل في حياتي مع وجود جدتي ..ومن صفات جدتي الحلوة اللي لاحظتها فيها هي ميلها لإستخدام كلمات فصيحة ...حتى تكون اوضح بالنسبة لي...وان كانت تتعمد استخدام كلمات غريبة عني ..حتى اتعود عليهن.... وطبعاً ما يمنع وجود الكثير الكثير من العثرات في فهم بعض الجمل من قبلي..لكن حالي تحسن بواايد في غضون يوم واحد بس....!!! في غضون يوم واحد كذلك حسيت بالإنتماء لهالمجتمع ..وتعلق قلبي فيه..رغم اني كنت عايشة من دونه حتى فترة قريبة وما كان عندي إشكال واضح .......لكن اليوم أنا متأكدة تماماً ..من صعوبة عيشي خارج هالمجتمع.... في المساء و بعد تناول وجبة العشاء بصحبة جدتي...اصطحبتها لغرفتها القريبة من الصالة في الطابق الأرضي......واتجهت للدرج في طريقي للطابق الثاني ..حيث موقع غرفتي ... كنت احس بالتعب ..من كثر ما طفت على البيت اليوم ..وما كان ودي إلا حمام دافي واحط راسي وارجد....!! اول ما جيت اصعد الدرج .....وقفني صوت باسل المزمجر وهو يصرخ فيني برعب : ( ويش اللي مودنك للطابق الثالث من دون إذن..بأي حق تصعدي هناك .؟؟؟؟) في هاللحظة معي خيارين ...: الأول اني اغطي وجهي بطرف الشيلة ..واواجه باسل واخبره ( اعلمه ) بكل شي ..!! بدءاً من فضولي ....!!!! لحتى سماعي للصراخ ..إلى ..رغبتي في المساعدة ..!! اما خياري الثاني فكان .......اني احط رجلي بالدرج واركض من دون توقف إلا لما اقفل باب غرفتي واصير آمنه ..!! |
رد: يا صلاله خبرينا // عن قلوباً 'تهتوينا'
صباح الورد على نوار ومتابعاتها
مشكوووره على البارت الرائع مشغووووله لكن اجبرني البارت على الرد عليا والوضع الجديد وبدت تتضح اشياء داخل عايلة ابوها زوجة باسل وحالتها الصحية هل هو مرض نفسي والاسرة محجره عليهاوعازلتها ماتبغى احد يعرف بمرضها من باب الجهل ان الي يتعرض لأي مرض نفسي ويعرض على طبيب نفسي يعتبر مجنون سبب وصول زوجة باسل الي ها الوضع هل هي صدمه نفسيه مثلآ فقدت طفل تهرب الجده من سؤال عليا اكيد ماهو عبث او زوجة باسل تعرضت لخطأ طبي <<<<وحده مندبلة كبدها وتخاف من الاخطاء الطبية عنوان الرواية يا صلاله خبرينا والأحداث في صلااله ما ادري ليش يصور لي ان علاقه بتكون بين باسل وعليا ويمكن الوضع يوصل لزواج اعمامها بيضغطون عليهالكن عليا بتحاول تهرب في آخر الوقت وبتنجح بالهروب وماراح تنسى باسل وبتهتم با اخباره او زوجة باسل تتوفى او تنتحر وترجع عليا<<<شطحه طيوفيه تسلمين نوار وبا انتظار القادم بشوق |
رد: يا صلاله خبرينا // عن قلوباً 'تهتوينا'
السلااام عليكم
نواااار شكلتس متفقه مع النت عليناا كلكم تقطعووون عليناا حماسناا ياربييييييييييه كتبت رد طولي مرتين وطااااار اهئ اهئ >> فيس المبالغه ههههههه يعني مسلسل هالقفلات ماراح يخلص ههههه >> اممم اتوقع انها تواجه الوحش ويمكن تستشف شي بخصوص حاله زوجته .. وعلى طاري زوجه باسل انا اتوقع ان زوجه باسل مريضه قبل تتزوج .. والوحش سوى فيها ابضاااي وقال اتزوجها >>بحكم انه دكتور منها استر عليهاا لانها بنت عمي ومنها اسوي عليها تجاارب اما طابت والا ماتت >> ماعنده وقت خخخخ اقووول نوااري غريبه هالعائله ماعندها فضول تتعرف على بنتهم ؟؟>>فيس يقول اجل عليا طالعه على من فضوليه خخخخ يعني ماسمعنا ريحه عزيمه منا منااك تجمع العائله علشان يتعرفون على بنتهم الغائبه الحااضره .. بصرااحه انا اتوقع ان علياا مستحيل ترضى بهالعيشه .. بصرااحه عيشه تقصر العمر بيت خااالي مافيه الا هالعجووز والوحش اللي ماراح تسلم منه علياا .. اتوقع علياا راح تقنع جدتها انها تكمل دراستهاا ..اما هالعيشه مستحيل راح تتألقم عليهاا وهي عاشت كل عمرها بين روحات وجياات ودرااسه ومذااكره وحلم تبي توصل له ننتظر بكل شغف العائله الكريمه ورده فعلهم بوجود عليا بينهم .. نواااااري .. تكفييين نبي جزء يروي ضمانااا حيييل عطشانيين وحالتنا كسيفه وادري مانهون عليتس بانتظااااارك دوما وابدااا |
رد: يا صلاله خبرينا // عن قلوباً 'تهتوينا'
اقتباس:
الله يسعد اوقااتك... . . . . توقعاتك جديرة بالتأمل...وبالنسبة لتصورك الأخير حول علاقة مستقبلية ممكن تنشأ بين عليا وباسل ..واستنادك على عنوان الرواية..لفته حلوه منك .....و ممكن... ليش لا ...؟؟...امور كثيرة راح تتضح قرييييييباً فكوني هنا دائماً ..مع توقعاتك الرائعة .....لكِ خالص المحبة |
رد: يا صلاله خبرينا // عن قلوباً 'تهتوينا'
اقتباس:
يسعد ايامك يالنووووري .. ههههه النت اليوم مزعج الكل..!! حتى الشبكة معي واايد ضعيفة.. . . . . بإذن الله ... الجزء السابع ..والجزء الثامن ..( مكمن الأسرار ) راح يكشفن اسرار كثييرة ...راح تغير وتقلب مجريات الأحداث ... لقاء عليا مع بقية عائلتها قادم في الجزء القادم ..راح انزله هالمساء ان ربي شاء مع احداث مشوقة كثيييييير....ومعلومات حلووه..راح تعجبكم ان شاء الله .. ( ولا ننسى ان الجده ما ذكرت ابو باسل في مطلع حديثها عن عيالها..؟؟ليش يا ترى )؟؟ وترى القفلات يالنووووري هي زينة البارتات ...ما راح اقطعها ابداً هههه |
رد: يا صلاله خبرينا // عن قلوباً 'تهتوينا'
السلام عليكم نواار*
افا افا اجل باسل معرس *اوووه مع اني متوقعه بس *تفاجئت وماااودي هه حلوها عاد والحرمه مريضه وتصارخ وشرانيه يمكن هو الي مهبلها مازح عليها بمزحه المرعب وانجنت الوكاد ان مرضها نفسي *لو هي تعبانه جسديااا كان انهدت وانعوت بفراشها *ماهو صريخها يسمعه الي باخر صلاله. كني اعرفها مشوا مشوا المشكله ان مرت باسل بنت بو خالد الي هو عم عليااايعني بنت عمهاوبنت عمه يعني هو ممكن تتزوجه بس صعبه صح بنات ولا عادي وحده مصممه ان باسل لعلياء* طيب زوجة باسل من متى مريضه وشلون باسل معهااا ؟؟؟؟ الا باسل وش تخصصه *نواااره حرااام عليك *الفضول ذبحنااا مططي شوي بالبارت وطوليه خلينااا نستاانس ليش البخل هذ علياء الله يعينها ماعندها نت *ولا احد مع ان الجده حليوه وحبيبه الله يتمم عليها ماتنقلب بعدين بس الغريبه شكل الاخت عاجبها الوضع وبتستقر ناويه تزرع ورود يعني بتطول وين الطموح والدراسه !!!!! طيب الجده ماقلت بتحط عزيمه تجمع العيله يشوفون علياء وبعدين علياء تتزين وتضرب روحها بالحمر والخضر ويشوفها بااسل صدفه *ويتخسبق وماينام الليل بس حرام الضعيفه الي تصارخ *لازم البارت الجاي نواااره خاص بباسل وزوجته من طقطق لسلام عليكم طيب وين عيال العمه عساهم سنعين نختار واحد لعلياء* ننتظرك نوارة عمان بكل الود والحب* |
رد: يا صلاله خبرينا // عن قلوباً 'تهتوينا'
اقتباس:
يا مرحبااااا الف بـــ نجووووله ... هههههههه الحين تبيني اقول كل هذا.. اجل ما بقى شي فالرواية ههههههه ... الجمعه راح تكون في جزء اليوم مثل ما وضحت للنوري ... كنت راح اجمعها مع جزء الأمس واحطهن اليوم....... بس قلت احسن كذا...خلي الفضوول يشتغل معاكن...ههه تعذييييب.. .. الموده موصوله لك عزيزتي ..على وجودك العطر لا عدمناه يااارب.. |
رد: يا صلاله خبرينا // عن قلوباً 'تهتوينا'
السلااااااااااام عليكم.
مرحبااا مرحباا ملايين بنواره عمان.. حي الله بنت السلطنه.. احلى شي احبه بالكاتبتات انهم ينزلون اجزاء ورا بعض.. مو تخلينا ننتظر اسبوعين ثلاثه وحنا علىاعصابنا بعض المرات حتى لو القصه حلوه تفقد رونقها بسبب هالتباعد بالتنزيل>>ترى متعوب عليها رونقها..هخهخهخه المهم نوااره شوفي عااااد هالله الله بالالتزام لانوصيتس فيه .. التزمي بالتنزيل وابشري باللي بيلتزم بالقرايه والردود اللي تفرح قلبتس.. ولا اوصيتس بالاكشن العدل بس لاتقفلين قفلااات تحرق اعصابنا . بشويش شويش علينا ..ردي هذا بيكون على البارت الخامس والسادس .. لقاء عليا بجدتها حلووو.. اهم شي ان العجوز ماسوت حركات مسلسلات واغمى عليها. هالعجز ماينظمنن..هع وكلام الجده هههههههه..ياااهو فيه لفه موطبعيه.. مدري بصراحه لهجة الجده للحين متادوله حتى بين الشباب والا خاصه بكبار السن؟؟ بس رووعه اننا نتعرف على كلام اهل عمان ولو اني اعتقد ان هاللهجهه خاص بمنطقه صلاله .. اقتباس:
مع اني وااثقه انه حتى يمكن ماشافها كلش ولافتحها من علبتها بس مجرد خيالي هذا وسع صدري..ههههههه اتوقع ان باسل له هوى بالهندسه المعماريه وعليا بعد تحب الهندسه المعماريه فبيكون هالشي جامع بين الاثنين والبيت اتوقع اللي مصمممه باسل..لفاته ووالوانه شكله نفس مزاج باسل..هخخهخهخه نجي الحين لزوجه باسل..واللي هي بنفس الوقت بنت عمه وبنت عم عليا. وش مرضها؟ يعني لو كان مرض نفسي وفيه خطر على نفسها وعلى الغير فاعتقد اقل شي يسوونه انهم يقفلون الباب عليها ؟ الا اذا كان اكتئاب؟؟ .يمكنها متزوجه باسل غصب..الصراحه الرجال ينخاف منه رجال عصبي واسلوبه زفت والبنت هذي متزوجه غصب فجاها اكتئاب من وضعها هذا؟؟ عشان كذا ارجح انه يكون مرض عضوي واذا صال عليها الوجع وزاد ماتقدر الا انها تصرخ؟؟ بس يعني شكلها بعد فتّانه ما يمدي البنيه تجيها الا وهي رايحه تصب الخبر باذن باسل.. .الاكيد ان زوجة باسل عارفه ان عليا عندهم لانها ما استغربت وجودها بالبيت ولا استفسرت عن شخصيتها يعني عندها علم عنها.. ولو كانت حرمه طبيعيه فاول شي تسويه انها تتعرف على بنت عمها اللي لها سنين ماشافوها ..؟ مدري ليش خطر على بالي ان وضعها هذا بسبب موت ولد لها او بنت؟؟؟ زوجة باسل هذي برووحها قصه.. بس الاكيد اني ماحبيت وجودها فيان واره موتيها خلي باسل يتفرغ لعليا وعيون عليا ويتزوجها وخصوصا ان كل عيال عمانها اللي متزوج واللي خاطب يعني مافي هواحد شاغر عشان عليا ..هخهخهخه علياااا موقفتس مع باسل الاخير انا اشووور عليتس و اقووووووووول حطي رجلتس على الدرج وباسرع ماتقدرين ادخلي غرفتس وقفلي الباب ولاتطلعين الا عقب يومين..هع وعلى الله يكون هداا بعد.. ايه تعالي بتسوين حديقه زهور .؟؟ الله الله.. يااا اناااا حطيت لكم قصص بهالحديقه من قبل ماتاصل شتلاتها..هخهخهخه ايه صدق لاتضحكين علويه تراني اشوووف الحين بهالحديقه هوووشه بينتس وبين باسل.. ومثلها قصص حلوه>>فيس دخل جووووو خلاااص..هخهخهخه ام الوليد ..مشتاقين ياعسل. والله كنت افكر باسم الروايه قبل ما اقرأ كلامتس بس انا فكرت ان قلوب صلاله المقصود فيها باسل مو عليا لانها مو من صلاله بالتربيه ..ويمكن بعد قلب يحب خالتها اسما وجرحها وهالقلب يكون من صلاله؟؟.. مدري ليش خطر في بالي ان اسماء يمكن كان لها علاقه بابو باسل.. لااا تهاوشيني يا نوااره بس من قريت في ردتس علي ان اسما في حياتها سر ولما جدة عليا تكلمت عن عيالها كلهم الا ابو باسل ربطت بين الاثنين..؟؟ تسلم الايادي يابنت السلطنه وبانتظار البارت الجاي اذا الله احيانا فلا تتركين انتظارنا يطوووول. . ودي لك |
رد: يا صلاله خبرينا // عن قلوباً 'تهتوينا'
اقتباس:
حياالله زارا...لحسن الحظ اني من المتعقدين من الروايات اللي بأجزاء متباعدة فما حبيت اتبع هالنظام..لكن ما يعني من تباعد بين الأجزاء مستقبلاً... ..... هههههه لا توصي حريص ..ابا اجيب قفلات احسن من كذا مستقبلاً لعيونك هههههه;) ...... لهجة الجدة ظفارية ...بس هذي تدخيلات بسيطة للي حابين يتعرفون على مصطلحات مختلفة.. لأنه لهجة اهل المدن تختلف عن اهل الجبل ونفس الحالة مع لهجة اهل البادية... مع انه هذي المصطلحات ما صارت تنطق مثل الماضي..مثل ما عارفه اجيال اليوم لهجتهم متفتحة اكثر.. .... الله يسعدك كثر ما ضحكتيني ..ردك يوسع الصدر بصدق....لكن ماشاء الله عليكِ في موضوع قربتي منه كثييير..بصراحة فاجئني توقعك..لأنه الأمور تو ما واضحه كثير.. .... كل الود لقلبك النقي... |
رد: يا صلاله خبرينا // عن قلوباً 'تهتوينا'
(( الجزء السابع)) يقال الهروب نصف المرجلة ..وانا برأيي ( لمن أراد ان يؤخر اجله )...!!! آآآآه.... قلبي ما زال يضج بصخب ..تمددت في سريري بالعرض ..وما زلت اتنفس بقوة ..وجسمي يرتجف ....حمدت ربي على العمر الجديد اللي انكتب لي...!! طيب وصعدت للطابق الثالث يعني ويش اللي صار..!! هو ما كان موجود..!! ورحت اشوف حرمته ..!! واتسلى معاها ..!!! ثم راجعت نفسي..!! ......هو صحيح خطأ مني اروح من دون استئذان ..!! لكن ما اعتقد ان الموضوع يستاهل منه كل هالعنف والضجة ..!! يمكن عشان حرمته مريضة..! انزين انا ما سويت لها شيء..ومردِّي ابا اعرف انها مريضة..!! يمكن انا مفوته جزئية بالموضوع او في حاجه ما عارفتنها..!! وبعديييييين ....كل ما جيت ابا ارتاح جاء هالباسل وخرب علي..!!! في هذي الليلة ما قدرت انام بسهوله......كل مره افكر بموضوع ...!!! وقفت اراجع حديثي مع جدتي...وذكرها لعمتي واعمامي ..وعيالهم لحد ما وصلت لنقطة غريبة في الموضوع..باسل ولد عمي واهله ..!!! جدتي ما ذكرت عمي ابو باسل......!! ولا ذكرت ان باسل له اخوان ...ليش..؟؟ هي عددت اسماء الكل ..صحيح اني ما حفظت اسماء الذكور...بس ما زلت متأكده انها ما ذكرت باسل ولا ابوه....!!! مستحيل تكون نست . ..يمكن متوفي بس ليش ما تقول انه متوفي..شي غريب..!! اخذني التفكير...لحتى نمت....!!! .... وجه جدتي اليوم منور بزيااده والسبب معروف _اليوم راح يجو عمامي وعمتي وعيالهم... حتى انا من لما خبرتني جدتي هذا الصباح بأنهم جايين وانا حاسة بفرح وحماس كني طفلة..!! واكيد .... لابد من وجود القليل من التوتر..!! كنت واقفة قدام درج ملابسي ...ومشغولة بالإختيار ومحتاره ..اي فستان راح البس....؟!!! تفاجأت لما قالت لي الشغالة انه جدتي تباني الحين..!! هذا وقت مقيلها ..الظاهر انها اليوم ما نامت ....!!!! نزلت بسرعة ..وانا ماخذه راحتي بزياده فالتنقل من غرفتي للصالة ..ولغرفة جدتي ..لأنه هذا الدرب آآمن بالتأكيد من باسل .....!!! ( تعالي يا عيني..جربي )!! ......جدتي كانت واقفة وامامها كووومه من الملابس.....!!!! تساءلت ويش كل هالملابس الغريبة..!!!!!!!!!! تشوفتني ( ناظرتني ) جدتي بابتسامه حاانية ..ثم ارجعت نظرها للملابس المفروشة قدامها فسريرها الواسع..!!! وقالت ( يا عليا هذي ملابس النسوان ( الحريم ) اللي يلبسنها كنهار (زمان).....قبل لا تجي ملابس اليهود اللي تلبسنها اليوم.. ..الله يهديكن...) ثم اردفت ( بس في جلساتنا بيجن حريم وبينجدن ( ينتقدن) عليك و علينا ..ان شافن بناتنا لابسات هالخلاجين الردية ) حزنت نفسي على هابينيس و بينك شادو وكريستيان كول وسباركل اللي وصفتهم جدتي بهالوصف القااااتل...!!!!!!!!! ثم تنبهت ......!!!....يعني ويش بعد هالمقدمة ...!!!!! هه لا يكون بس تباني جدتي البس من هالملابس الغريبة ..!!!! قلت بقياس نبض ( ههه عاد ويش نسوي يا جدتي ..هذي الموضة ..وملابس الحين ..واحنا تعودنا عليهن) قالت جدتي باندفاع ( انتي حاسر ( مرحلة الانتقال من الطفولة الى الشباب) وما بيخلنك الحريم من الكلام ان شافنك لابسه هالخلاجين المقطعة ).. حاسر حاسر...رغم اني ما ادري ويش معنى هالكلمة ..بس وجه جدتي يقول بالحرف الواحد _ يمنع الجدل في هذا الموضوع_..وانا مابا ازعلها مني...وبعدين مابا اكون شاذة وسط البنات..!! وخليني اجرب نيو لوك ...!!!!!! طيب جدتي تلبس دراعات خفيفة ومن دون زينة ما تلبس مثل هالملابس..ويش معنا انا البسهن ..!!! ( ان شاء الله يا جدتي ما خلي حد يتكلم علي بشين..وابا البس اللي تختاريه لي انتي من بين هالثياب ) قالت ( هالثياب كلها لك ..انا مقدرة ( توقعت ) طولك كان اني ما دهدرت ( تخربطت) وموصية ام حمد ...تجيب ازين ما في السوق) وقفت اتأمل الملابس ......كل ثوب بلون مختلف والقماش مخملي موحد في جميع الملابس .. مسكت ثوب مخملي اسود ..بفتحة دائرية واسعة شوي محدده بفصوص فضية لامعه .. حسيته دخل مزاجي.....!! قلت ( جدتي ابا اقيس هالثوب هنيه عادي ..)!! ابتسمت ( زين يا امي ..مشي باس ) مافي غرفة تبديل ملابس ..اتجهت لدورة المياة ..ولبست الثوب وركضت على الجامه الواسعة ( المرآه ) اشوف شكلي بهالثوب ....!!! من هذي ...هه احس اني ما عرفت نفسي !!! الثوب منسدل لتحت الركبة بشبرين !!! ...قصير من الأمام ..وشوي من اسفل ساقي ظاهر ......اما من ورى فالثوب طوووووييل بذيل طوله ذراع تقريباً...! اذاً هذي هي الملابس التقليدية في الجنوب...سبق وشفتهن على القناة العمانية ..لأني بعد ما لبستهن اتضح لي شكلهن اكثر.... رحت باتجاه جدتي اللي كان بإيدها صندوق خشبي بنقوش يدوية تراثية .. لما شافتني قالت ( تبارك الرحمن ..ما شاء الله عليك يا امي..والله انك ذلحين ازين من ذكس ( هذاك ) اللبس اللي كان عليك ) ( جربي خليني اقفل على الخلخال برجولك ( اساور القدمين )) نزلت في الأرض وبإيدها خلخال ذهبي سميك بنقوش على سطحه مع سلاسل رفيعة مدوره.. ثم رجعت للصندوق وطلعت منه بنجري ( نوع من الأساور العمانية التقليدية) عريض بفصوص حمراء..وقفلته على معصم يدي اليمنى.... وقالت ( نزلي الشغاب ( الحلق ) اللي لابستنه يا عليا ) باذعان نزلت حلق لازوردي اللي لابستنه ..ولبست الشغاب الذهبي الثقيل اللي اعطتني اياه جدتي .. ( خذي لبسي هالمنثورة ( العقد) ما اشوف يا امي اقفلها ) مسكتها بيدي وانا اتأملها ..ما كانت من النوع التراثي الثقيل ..كانت خفيفة بفصوص مدري يمكن نوع من الاحجار ولا ويش هذا ..؟؟ واسفل كل حجر تمتد سلسلة وتستمر بتسلسل راااائع..!! ( جدتي هذا حجر ولا ويش ..؟شكله غريب علي )؟!! ( هذا خرز المرجان ..عجبك..؟؟) رفعت نظراتي لها ثم رجعت نظري للمنثورة منشان اقفلها وقلت ( كل هالحلي شكله غريب يا جدتي ..ما اشوف مثله فالأسواق ..) ثم تذكرت بسرعة ( صحيح في مثله بسوق مطرح (اشهر الأسواق التراثية العمانية في مسقط )...بس ما اذكر انه مطابق له ..) ( اكيد يا امي ..لنه ( لأنه) هذي هدايا من جدك ..وكان مفصلنهن مخصوص لي) رفعت نظري لها بسرعة ...عيل كيف تخليني البس هدايا جدي لها؟؟!! قلت لها بأسف ( عيل ما يصير يا جدتي البس هدايا جدي لك...مو حلوه ..!!! طيب ..البسيهم انتي )!! ردت بابتسامه هاديه ( البسيهم يا حبيبتي ..ما عليك مني ..انا مالي بالزينة عقب وفاة بو عبدالله) انتابني الأسى ..( بس يا ...) قاطعتني جدتي وهي تدخل خاتم واااسع في الإصبع الأوسط من يدي اليمين ( لا تعصيني يا عليا ...) ثم اردفت ( شوفي من ضعفك الخاتم ينزلق من اصبع يدك).. وقفت وانا اضحك على محاولات جدتي ..وهي كل مرة تحاول في خاتم ..لحد ما فقدت الأمل بالخواتم الذهبية ...... واستجاب لها خاتم من الفضة الثقيلة مزين بفصوص حمراء صغيرة... اذن العصر ....ورحت بسرعة الم ملابسي الظفارية الجديدة واحطهم بأكياسهم ..واخذت الشيلات الشفافة المصنوعة من الشبك الخفيف ..المزينه بنقوش لامعه خفيفة جداً.. ( احم ..جدتي انا بروح اصلي العصر وبتجهز وبنزل ..) قربت منها وقبلتها فوق راسها وقلت لها بصدق... ( يشهد الله يا جدتي اني بوجودي هنيه احس بفرحه وراحة وامان ما عمري حسيتهن كثر الحين الحمدلله اللي جمعني بك يا جدتي ..وقر عيني بشوفتك ) قالت جدتي بتأثر ( الله لا يحرمني من هالشوف ..الله لا يحرمني ) .. .... ثبتّ الشيلة بتعليقة كريستالية صغيرة من الأعلى فقط....ومن تحت خليتها مفتوحه من الجانبين تأكدت انه الشينيون الخفيف ثابت ...لأنه واضح بسبب شفافية الشيلة .... تأملت نفسي ..هذا احلى نيو لوك ممكن تحصل عليه البنت..!! ملابس عربية..مجوهرات عربية ..كحل عربي...!! ويش احلى من كذا.؟؟؟!!! الأمور جرت بهدوء وبرتابة...وبرسمية ...صالة النسوان منتصف العصر كانت مملوءة عن بكرة ابيها..! قابلت عمتي هاجر فيها شبه من جدتي شكلاً وطبعاً..!!..لكنها اكثر هدوء ..ذكرتني بعمي محمد ( بوخالد)..وبنتها مزون باين من عيونها انها مرحة ..بس كانت الجلسة تحتم علينا احنا البنات الجلوس بهدوء..والاستماع لسوالف الحريم الكبار باحترام...!! زوجة عمي محمد كانت متحفظة كثير في سلامها علي..مدري متعمده ..!! ولا هي طبيعتها كذا.. كانت عكس زوجها..!!! اما زوجة عمي احمد من النوع اللي يدخل القلب من اول نظره..!!..لها طبيعة مرحة وحركتها خفيفة...ومعها ثلاث بنات يشبهونها وايد فالطيبة ... الكل موجود ..لكن ام باسل مو موجوده ....وينها ....تذكرت لما قالت جدتي العصر ( انا مالي بالزينة عقب وفاة ابو عبدالله ) من عبدالله..يمكن عمي ابو باسل اسمه عبدالله..!! بعد المغرب نادتني جدتي وهي واقفة جنب باب الصالة ..رحت لها قالت ( تعالي يا عليا ..اعمامك بالصالة الثانية ..كان عندهم عرب ( رجال ) فالسبلة ( المجلس)..والحين راحوا ...تعالي تراهم طالبنّك يبو ( يريدوا ) يسلموا عليك ).. رحت بصحبة جدتي ..وانا احس بشوية احراج ..!! اليوم اول مره يشوفني عمي احمد وانا بهالحال..!! احس لو كنت لابسة عبايتي كان احسن ..!!!!! دخلت الصالة وانا اسير بعد جدتي ...حصلت عمي محمد واكيد الشخص الثاني كان عمي احمد.........احترت كيف اسلم عليهم..!!! وقفت بعيد شوي..!!! جدتي سلمت على عيالها ثم التفتت لي وقالت ( هذي بنت سلطان..يا احمد) تقدم وسلّم علي بالخشم ( السلام المعتاد في عمان )..وبعده كان عمي محمد سألوني عن احوالي...وعبّروا عن فرحهم لوجودي بينهم ...وعمي محمد كان يسألني بطيبه اكثر ..ويستفسر بقوه ...اتوقع السبب انه يحس بالمسؤوليه لأنه كان مصر على جيتي ( عودتي ) لصلاله .... وعمي احمد من النوع المبتسم ....وكان كثير يمازح جدتي ويرسم في وجهها ابتسامه هاديه .......سبحان الله كان شبيه بزوجته ...ومن نوع الممازح...عكس الهدوء اللي يلف عمي محمد..!! جاني فضول ذابح...!!وين عمي ابو باسل..!!!!؟؟لذلك سألت بتردد ( جدتي انتي ذكرتي جدي بكنية ابو عبدالله !! وينه عمي عبدالله..انا تعرفت على عمي محمد وعمي احمد..بس باقي.....) قاطعني صوت جدتي وهي تقول بجديه ( محد عندي ولد اسمه عبدالله..ولما قلت ابوعبدالله كنت غلطانه ) قلت باستغراب ( عيل كيف باسل يصير ولد عمي..وين ابوه........ميت )؟ نظر عمي محمد باتجاه جدتي ثم قال بهدوء (عمك عبدالله حي يا عليا..بس يشتغل بالخارج استاذ ادب انجليزي ولغويات في جامعة فينكس بأريزونا ) نظرت له جدتي بغضب ( محمد) قال لها بهدوء ( اهدي يا امي...عليا يا بنتي قفلي على الموضوع ..لا تنزعج يدتك) العيش من دون عايلة ممررررض....والعيش بوجودها يجيب الهم....محد مرتاح في هالعالم ..!! طلعوا اعمامي ...وعاذرتهم ( ودعتهم) ...ورجعنا انا وجدتي باتجاه الصالة الثانية وانظاري لأسفل اخاف اتعثر من طول الثوب من الخلف ..وبسبب الكعب العالي..!!!! استندت على حافة درج الصالة بيد وحده ..ورفعت رجلي اعدل لفة حذائي ...وجدتي سبقتني بخطوات.... وما افقت الا وانا مطروحة ارضاً بسبب جدار صدمني .....اعتدلت وجلست وحالي منعفس تماماً...رفعت يدي لراسي اتلمسه بعد الضربة العنيفة اللي جاته من هالجدار .!!!! تعليقتي المحببه انكسرت...وشيلتي انفتحت والشينيون اكيد انه اخترب...!! لكن من وين جا هالجدار..!!انا كنت واقفة بس ما تحركت .......!!!! .رفعت راسي وانا اتمنى ما يكون اللي ببالي صحيح ..!!ولأول مره اتمنى ان ذاكرتي تخوني لأنه هالجدار مو غريب علي ....سبق وصدمني ....معقولة جدار بشري ...رفعت عيني بتردد.. باسل واقف ومتكتف...وينظرلي .....اممممم بشفقة عشان طيحتي......!!!! لا ....لا .....ابداً...نظراته قااسية..كالعاااده..!!! اوووووف تذكرت هروبي منه امس بالليل .....لا يكون يبي يثأر مني هالحين ...يا الله وين جدتي..!!! قال بقسوة ونظراته مركزة علي ( تصدقي ولا مره وحده من بنات عمي ..اصطدمت فيني بهالشكل...) ثم اضاف ( تعرفي ليش..لأنهم محتشمات..الوحده منهم تراعي خطواتها ..وما تتنقل بيوم الكل مجتمع فيه وهي بهالحال) واشر علي ... واضاف ( ولا جايه تبي تعرضي حسنك وزينك قدام عيال عمك ...!! متأمله حد منهم يمر من هنيه ويشوفك .....) ثم اضاف بنبرة استهزاء ( اوووووه ولا جاية تمارسي احد هواياتك ....نسينا ان اهم هواياتك يا عليا هي ازعاج الناس والدخول لغرفهم من دون اذن...صح عليا...تبيني ابعد ذلحين عن الدرج عشان تصعدي جناحي انا وزوجتي من دون اذن ) كل هالحقد..والضيق ..والاستهزاء ليش..؟؟؟؟ليش يكرهني هالإنسان لهالدرجة... ترى هو السبب في جيتي هنيه ...لا يكون بس جايبني يسمعني هالإهانات كلما شاف ظلي..!! رديت عليه وقلبي يغلي ( انته انسان مريض..حقود ..متكبر..ومتسلط ..ما تعرف تنطق إلا بكلمات تأذي ( تؤذي ) غيرك...ويش مشكلتك معي هاه ...ويش مسويه لك منشان تعاملني بهالجلافة ...بقلة الإحترام هذي......ابا اسألك ..انته كيف حصّلت شهادة الطب وانت بهالقسوة) ضحك باستهزاء وقال ( شي طبيعي الطب يحتاج لإنسان قاسي..عشان ما يتأثر ويرق قلبه لكل حاله يشوفها..)..!!!! قلت له باستهزاء مماثل ( صدقني انته فاهم غلط ) قبل لا يرد صوت حاد وقفه ( باســـــل ).........!!! التفتنا نحو جدتي اللي قالت لباسل بغضب ( ويش جالس تسوي هنيه ) قال باسل من دون لا يهتم ( كنت نازل من قسمي وما انتبهت لها صدمتها وطاحت!!! ) ثم اضاف ( امي غاليه علمي عليا على سلومنا..خبريها ان بناتنا ما يظهرن بدون عبايا وغشوة يوم يكون البيت كله عرب ) سندتني جدتي حتى قمت !!والتفتت لباسل وقالت له بتهديد( باسل خلي عليا بحالها) قال باسل بغضب ( امي غالية ..انتي تعرفي ان عيال عمي يدخلوا ويطلعوا من هالصالة ..تبيهم يشوفوها...وهي بهالحال.... ما مبقيه من الزينه شي ما مسوتنه )...! قالت جدتي بهدوء ( انا اللي قلت لها تجي معي منشان تسلم على عمامها ) الحين مهتم بعيال عمي لا يشوفوني ..وهو مفتح عيونه فيني حتى شاف كل زينتي..!! وجدتي جالسه تسولف معه بدل ما تقوله يبعد....!!!! غزاني القهررررر....لفيت وجهي بالشيلة الشفافة جداً...!!وبالطبع اسفل ساقي كان ظاهر..!! هو من المؤكد اني كنت في وضع يضحك اللي ما يعرف يضحك..!!!! لكن ما معايه غير هالحل...!!!! عدلت حذائي سبب النحس وسرت بخطواتي لصالة النسوان ...!! آخر العشاء ...كنت احس بسعادة عميقة ....الشعور بالإنتماء شعور من الصعب وصفه بدقة..وعلى الرغم من الإرهاق اللي لفني لأني ما متعوده على الجمعات الكثيرة مثل كذا..وعاد جدتي عازمة كل القرايب ..والمعارف ..والجيران ....!!! بس كان هالتعب حلو..! بعد فتره ..بدن الحريم يقلّن( ينقصن ) ....شفت جدتي واقفة وجنبها زوجة عمي محمد ..صحيح انهم بعيدين عن سمعي الا اني كنت متأكده انهم يتنازعون ( يتجادلون ) ..!! كنت اشوف وجه جدتي في اوج غضبه ..وجه ما شفته خلال الأيام الماضية ...!! ويش السبب يا ترى..! انا من البداية حسيت انه هالحرمة متضايقة من شي..! بعد لحظات جات مزون وقالت بسرعة ( امي تقول روحن فوق منشان تتعرفن على بعض ..هيا خلينا نروح وامي بروحها بتخبّر بنات عمي احمد عشان يلحقونا..) ثم سحبت يدي قبل حتى لا ارد ؟!! وقالت ( امي تقول غرفتك فالطابق الثاني صح ؟) قلت بشرود ( ايوه صحيح...) كانت جلستنا ممتعه ..تعرفت على البنات اللي كلهم املكّات ( معقود عليهن) من بعد الثانوية وازواجهن من العايلة..! سألتهن باستغراب ( طيب واذا وحده خطبها شخص من برع العايلة ؟؟) قالت مزون بضحكة غرور ( يا عيوني كان قتلوه شباب العايلة ..ما تعرفين ..هم ما يفرطوا فينا..يقولوا قريباتنا وبنات عمنا ومتأكدين من ادبهن وخلقهن ..وما بنحصل احسن وازين منهن ) حسيت بمشاعر الفخر تغزوني..! عائلتي مميزة ..في هالزمان قليل من ينظر للأمور من هالمنظار..!! صحيح ممكن البعض ما يأيد هالأمور ويعتبرها نوع من القبلية ..إلا انها تستهويني ..لأني جربت الانفتاح وما عجبني......!!! ضربة على كتفي صحتني ( هيي وين وصلتي يالسرحانه ؟؟) ابتسمت في وجه هنادي الضاحك وقلت بخفة ( ههه معك ..بس جالسة افكر ..راح يكون حظي مثلكن في زواجي من احد شباب العائلة ولا ما بقيتن لبنت عمكن حد )..!! شفت الوجوه تبهت ...تختنق ....امامي.....!!!! .اقدر احلف انه في شي مو طبيعي ..في حاجة انا مضيعتنها..في امر مجهول بالنسبة لي...!! بعد لحظات نطقت سارة بنت عمي احمد واكبر المتواجدات ( هه عاد تخيلي تسمعك يدتي ..بتروحي فيها..) ضحكت مزون في محاولة لكسر الجمود اللي طغى على الأجواء ( ههه يدتي من الطراز القديم ..وحتى امهاتنا مثلها ..ممنوع علينا الكلام في هالمواضيع ..ولا بيعايرونا مباشرة بجملتهم المعهوده انتن ما تعرفن الحيا..انت بنات اليوم لسنتكن متبرية منكن ..انتن قالت امل بمقاطعة ( اوووف مزون وتكلمت ويش يسكتها الحين ..ارجوك سكتيها عليا انتي جديده هنيه وهي بتسمع منك ) ضحك الكل من كلام امل ..لكن الشك في صدري يزيد ..ودي أسأل ..استفسر..لكن ويش راح أقول ..انا تو ما مسكت طرف خيط يوصلني للموضوع المشكل علي..!! |
رد: يا صلاله خبرينا // عن قلوباً 'تهتوينا'
السلااام عليكم..
ياامرحبااا ومرحبتين وثلاث ببنت السلطنه.. حلوو اني توني اليوم اقرأ الخامس والسادس والحين القى الساااابع صدق شي يهبببل.. المهم نوااره تعالي الحين قولي لي وش التوقع اللي انا جبته.. ؟؟؟ رحت اقرأ ردي مره ثانيه لقيت كل الرد توقعات وما ادري وش اللي صاب فيها. >> فيس مسوي لنفسه مصيده الظاهر..هخهخه بس اهم شي باخذ نجمه..هع . عاد تدرين اكثر شي اعتقد اني صدته هو علاقه بين ابو باسل وخالة عليا اسماء .. تقريبا اعطي هالتوقع 80% .. ولو كان توقعي هذا صح بمعاملة باسل ل عليا بهالجفاء هذا لانه يعتبر ان عايلة امها السبب في انه خسر ابوه؟؟ يعني واضح التعصب اللي عندهم بالعايله لبعضهم بعض ويمكن ابو عليا لما تزوج ام عليا كسر شي كبييير بالعايله وهو ان الولد يتزوج بنت عمه.. ويمكن اصلا امه ماتت مقهوووره من اللي حصل لها اوانها تطلقت بسبب حب ابوه لاسماء..؟ اووه ماااي قاد الحين خطرت في بالي فكره ان باسل يكون ولد اسماااء..هخهخهخهخه الجده وش هالجفا اللي بقلبها على ولدها ابو باسل..؟؟؟؟ اتوقع انه هاجر برا خلاص ويمكن معه جنسيه امريكيه وترك عمان واهلها لان اهله حرموه من حبيبة قلبه اسماء>فيس خلاص مصمم ان ابو باسل حب اسماء؟ لكن اللي ودي اعرفه ليييييش هالرعب اللي نزل على البنات لما علقت عليا بوجود ولد عم ياخذها؟؟؟ هل فيه كلام سابق انهم بيزوجونها والبنات عارفات هالشي بس من اللي بياخذها؟؟ ماافيه الا بووويسم هو اللي ينفع للزواج حتى لو هو متزوج.. حرمته مريضه ومحتاج حرمه تهتم فيه.. واتوقع لو فيه زواج بان اول واحد بيطلب من باسل يتزوج هو عمه محمد وخصووصاا انه عارف وضع بنته؟؟ اوووف يانواره تدرين انتس ماحليتي شي للحين والامر للحين فيه غمووووض .. احس كل ماجبت توقع من هنا يطلع لي شي يوقفه من هناك..هخهخهخه بس ابي اعرف الحين حرمة باسل ليش ماتنزل معهم بعد ماراحوا الضيوف وصارت الجمعه عائليه؟؟ امها راحت تشوفها والا شلون؟؟ الهوشه اللي شافتها عليا بين حرمة عمها وجدتها اتوقع انها تتعلق بحرمة باسل؟؟ او ام خالد متضاايقه من تواجد عليا ببيت جدتها وتعتبر هالشي خطر على بنتها ومركزها كزوجه لباسل حتى لو كانت مو طبيعيه؟ نوااره جزء ممتع بجد .. اتمنى نشوف باقي الاحداث باقرب فرصه ومايمنع ان اقرب فرصه تكون بعد شوي..هخهخهخهخه لاتتاخرين علينا ياااعسل بانتظار باقي الاحداث بكل شوووق اذا الله احيانا .. دمتي بود |
رد: يا صلاله خبرينا // عن قلوباً 'تهتوينا'
يووووووووه وين ايقونه تعديل الرد..؟؟ رجعوها تكفوووووون..
المهم قلت بردي اللي فوق ان باسل ولد اسماء.. احتمال ضعيف.. بس الاحتمال اللي كبر الحين براسي ان ابو باسل كان متزوج اسمااء قبل زواجه من ام باسل. ولانها عاقر وماتجيب عيال طلبت الطلاق بس هي تحب ابو باسل وتموت عليه لكنها ماترضى يكون علي راسها حرمه ثانيه..وابو باسل تزوج ام الرجال هذا.. لكن ماقدر ينسى اسماء وكره المكان والديره كلها وهاجر لامريكا عشان ينسى كل شي يتعلق بقلبه .. لكن الحاصل ان اسماء بتجيه هناك قريبا وبنشوف يمكن يكون متزوج منها بالسر الحين ومحد يدري بسبب هالقبليه اللي اهله فيها للحين؟ وسلاامتكم..>>فيس يبتسم |
رد: يا صلاله خبرينا // عن قلوباً 'تهتوينا'
السلام عليكم
يسلمو نواااره يعطيك العافيه وبدأت حياة الأكشن مع الرعب باسل متشوقه للمزيد << ابن ادم طماع فهل من مزيد نواااره بليييييز كثري الجرعات وطوليها توي اتحمس يخلص البارت عندنا نهم ولا راح نشبع والوحي صاير به شح فارحمينا يرعاك الله عبدالله الولد المغيب والمنفي في العايله هل لانه سافر والا تزوج اجنبيه ايش سر حياته والله كلام زار جاز لي انه كان أخذ خالتها ولما كانت عقيم أجبروه يطلقها والله ابتلاهم ان زوجه باسل عقيم << خخخخخ يعيني على الذكاء نمشي على خطى ماما زار الله لا يخلينا منها وزوجة عمك محمد يعني افهميها الجواب باين من عنوانه غير مرحب فيك خايفه تاخذين الفتى الوسيم من بنتها وزوجة باسل أما مريضه نفسيا حشى لو هي أخذه هتلر نقول عقدها بس باسل شكله حنون وحبوب ونظرات عيونه واااااه من نظرات عيونه تفيض حب وشاعريه وكلها براءه و يحسسك انه انسان أليف وديع << خخخخ في الأحلام يصير كذا أو مريضه مرض عضوي وماتخلف وأتوقع انه عندها خبر انها عليا بتكون ضرتها فطردتها و الي يأكده توتر البنات وتغيرهم للموضوع لما سألتهم من بقي من العيال تأخذه والمؤكد الثاني الشيخ باسل لما هاوشها انها تمشي بدون غشوه وان عيال عمه بيشوفونها غيره أنهم يشوفون زوجة المستقبل هو فاتح عيونه فيها << وركزو على غييييييييييييييييره ويمكن سبب تهزئه وبغضه لعليا ان جدته فارضتها عليه ومجبرته يتزوجها وهو مايبي يتزوج على زوجته ويحبها والا ليه صابر عليها وهي مريضه ولا عندهم عيال ويش بيكون شعورك يا علوي لاعرفتي ان فتى المدينه اقصد مدينه الرعب من نصيبك !!!! ابدعتي نواره قلم أنيق راقي فرض علينا حبه واحترامه فهنيئا لنا وجودك بليلاس ننتظرك بكل ود |
رد: يا صلاله خبرينا // عن قلوباً 'تهتوينا'
اقتباس:
|
رد: يا صلاله خبرينا // عن قلوباً 'تهتوينا'
لا لا لا أما باسل كان أبو مره قويه أبله زوزو ماهو لايق عليه ولا حتى تدخل العقل أول فرحته بالعيال من عليا الله يهديك يا زوري حقوق حصريه بالمدام عليا لا تغلطين عليها
وانا أقول عقيم بعدين اعتزلت العالم وبدأت تمرض نفسيا والحين هي في الطريق الى الجنون بذات يوم ولد عمها وحبيبها يتزوج عليا تصير مجنونه رسمي << بسم الله الي مادري ليش حاقده عليها تقول عدوه وشايله على الحرمه هذا و انا ماشفتها إلا من عند الباب وهي حالتها تصعب على الكافر خخخخ لا استبعد انها خلفت تدرين ليش لان باسل ما تأثر الا اذا كان حنون وهذا سبب تغير شخصيته إلى المرعب ابو عيون ناريه على طارئ عيونه هي وش لونها ماعرفته اعرف انها وساع ولونها غريب وتطيح قلوب العذارى من اول نظره بدليل مازالت عليا زي المسحوره من شافته وهي سمعنا وطاعه له و لعمها و جدتها وهي نص الكلام ما تفهمه ولقراراتهم في حياتها أخذها من خالتها ودراستها والعبايه وحتى في اللبس وكمان الزواج منه وبعدين يختي أبيها عقيم عشان أسماء الي ظلموها وفرقوها عن عبدالله << دخلنا جو مع التوقعات وش رأيك ماما زار نسحب الروايه من نواره ونكمل تأليف نوري امزح لا تخافين روايتك لك مراح أخذها ولو العين ماتعلى على الحاجب<< ههههههههههههه بس التهديد مستمر بشرط لو ماشلتي زوجته المريضه بسويها والا جيبي ولد عم اللطف واخف صدره من الجدار الي ما يتحرك ولا يتزحزح حرام عليا راح يجيها ارتجاج من كثر الصدمات في باسل وبعدين يحليلها جدتها وهي تعطيها كل مجواهراتها ليش ماعطتها وحده من حفيداتها ليش خصت فيها عليا لها الدرجه تحبها اكثر عنهم وياعيني على حريم أول الي تزين لزوجها ويوم يموت تتركها وتزهد فيها أما حريم الحين الا من رحم ربي تزين وتكشخ لطعات والاعراس اخر همها زوجها << بعض الناس وصلكم الدرس عن الغشامه والتغيشم مايبيلها فهم |
رد: يا صلاله خبرينا // عن قلوباً 'تهتوينا'
اقتباس:
رد قبل اقرا البارت السابع من فرحتي برجعت امنا النتيه بغض النظر اذا كان توقع سبب الحاله الي عند زوجة باسل هو موت طفل لها اولا الا انه فعلن حالتين شفتها شخصيآ وحده حرمه كبيره بالعمر فاقده عقلها حتى يقولون صوتها ماكان زي ماسمعتها والسبب ولدهاشايلته على كتفها طاح منها بقدر وهي تطبخ ولاحول ولاقوة الابالله فقدت عقلها بعده والثانيةلا والله صغيره بالعمر عندها بنت ولد صغار اتوقع اعمارهم ثلاث واربع سنوات الصباح صحيو وهي نايمة دخلو جوا الفرن من داخل وطاح عليهم صحت امهم ودخلت المطبخ لقتهم متوفين الله يجعلهم شفعاء لها تركتهم طلعت تركض بقميص نوم لشارع من الروعه شافها واحد من الجيران مسكها ونادى زوجته ستروها ونادو زوجها والحمدلله ماتركوها اهلها ولا زوجها شيوخ ورقاه وطب نفسي لحد مارجعت طبيعيه شفتها بمناسبه كانت ولله الحمد وحامل وطبيعيه الله يجبرها ويجبركل مكسور لي عوده بعد قرأة البارت |
رد: يا صلاله خبرينا // عن قلوباً 'تهتوينا'
السلام. عليكم. نواره. والبنات. المتابعين
الاحداث. بدت. تتعقد. شوي. من 1. زوجة. باسل. وسبب. مرضه. اتوقع. مثل. البنات. مرض. نفسي. 2. عبدالله. وسبب. غضب. الجده. ممكن. بسبب. السفر. والعيش. براء. او. فيه. اسباب. قبل. السفر. ومتعلقه. باسماء 3.غضب. الجده. ونقاشه. مع زوجة ولده. السبب. ممكن. وجود عليا. او تشكي. ليش. تصعد. لبنته |
رد: يا صلاله خبرينا // عن قلوباً 'تهتوينا'
اقتباس:
اقتباس:
مرحباااااا فيك يا بعدي.. ... شوفي ترى النجمة تستحقيها وعن جداااااارة بعد.. . . . . . لكن على اي جزئية خليها سر ههههه. . .لأنه راح يتضح مع مرور الأيام.. ///// الغموض اللي حول مرض زوجة باسل...نظرات البنات الغريبة ..ضيق ام خالد حقد باسل.....حزن ابو خالد....تكتم الجده ...كل هالغموض راح يتضح في الجزء القاااادم بإذن الله وراح تاخذ الأحداث معه منحنى جديد...لكن ابو باسل ما زال بعيد عن المنطقة.... خليكِ بالقرب يا غاليه.. |
رد: يا صلاله خبرينا // عن قلوباً 'تهتوينا'
اقتباس:
... هلا ومررررررحب .....بـــ ترانيم...يسلمك ربي يالغلا ... ماشاء الله عليكِ قدرتك رااااائعة في ترجمة المشاعر هذا اللي اتضح لي من خلال تحليلك الرااائع والعميق لمواقف ام خالد وبنات عم عليا..وموقف باسل... .... لاااااا مافي ...الأجزاء مناسبين ...يمكن اقصرهم بعد مو اطولهم هههههههه ... الإحتراام والإبداع في مجاراة الأحداث .. هو ما تلقيته من اعضاء المنتدى ..فكان لابد ان الاقيه بالمثل.....كل الود والمحبة لكِ تراانيم الصبا.. |
رد: يا صلاله خبرينا // عن قلوباً 'تهتوينا'
اقتباس:
شي يزلزل القلب والعقل...الله يلطف بنا .. ويحفظ ذريتنا وذراري المسلمين... حياك الله يا طيف..وبمشاركتك.. |
رد: يا صلاله خبرينا // عن قلوباً 'تهتوينا'
اقتباس:
حيااااالله ام البنين .. وجودك ينور روايتي يالغالية .. اجابة استفساراتك مطابقة تماماً للجزء القااادم فيما عدا ابو باسل...اللي ما زال بعيد عن الأحداث .. كوني بالقرب... |
رد: يا صلاله خبرينا // عن قلوباً 'تهتوينا'
السلام عليكم هلا ووالله فديت أهل عمان ؛:/-
ولي أول مره أقرى روايه عماااااااانيه بحد أبداااااع خيتو ؛:/- وأسلووووووبك كمااان ولي شدني أسم روااااايتك بجد رهييييييييييبه؛:/- المهميم خيتو أسمحيلي أقولك في المره الجايه بجيب رشاش بفجر براااااااس هالبااااااسل وربي قاهرني من البدااايه هالأنسان مدري وش يبي في هالبنت ؛:/- والله قهررررررررررني وبقوووه ؛::- الأحدااااااث صارت بعين عليا صعبه والفضول الي أشتغل فيها ؛:/- تصدقين وربي تحمست أكثر وأكثر وودي أشوف وش قصدت. أبو باسل أنا أعتقد أنه سوى شئ بالعايله عشان تحقد عليه هالجده ؛:/- أما باسل وزوووجته مالهم علاج ؛:/- أبد وزوجته هذي أنا قلت خيتو بالمره الجايه بجيب معي رشااااااش بطفي حرتي فيهم ؛:/- فيس أعلن الهجووووم والله أنا من الحين مع عليا واقفه معها صفآ لصف وأنا شالله لو شنو راح تسوي معها معها ؛:/-- خيتو ماشالله عليك أبدااااع وحتى أسلوبك دخلني جووووو؛:/- ••• الله يحفظك يا قميله ودي وأحترامي •••^ وتقبلي مروري : همس الخجل |
رد: يا صلاله خبرينا // عن قلوباً 'تهتوينا'
اقتباس:
اختي همس الخجل ربي يسعد اوقاتك....اشكر لك متابعتك وتواجدك وحماسك للرواية يعنيلي الكثيير... بس تكفين بلاها سالفة الرشاش والعنف..هههه .... ويحفظك يااارب....كوني بالقرب.. |
رد: يا صلاله خبرينا // عن قلوباً 'تهتوينا'
((الجزء الثامن )) صباح الخميس نهضت متأخرة من النوم بسبب تعب الأمس..نهضت .بإحساس متضااااارب..!! ما بين ارتياح وخوف من المجهول .....!! قراري الأخير اني راح اتصل فخالتي ترتب لي آخذ هالأسبوعين اجازة ...!! ومن بعدها راح ارجع لمسقط من جديد..واكمل دراستي...هذا قراري الأخير....! لأني اكتشفت ان مشاعر الحماس اللي كانت تحثني بأني الغي هالسنة الدراسية تبددت مع مرور الأيام.....!!! رغم اني حبيت هالأرض لكني اكتشفت انها راح تاخذ مني كثر ما تعطيني...!!! تماماً مثل البشر.....يعطونا الأنس والمحبة ...ويستنزفوا من مشاعرنا وافكارنا الكثييير.... لكن الأكيد اني راح اجي هنيه في كل اجازة..وراح اقضي الصيف كله بالجنوب بإذن الله... تريقت ( افطرت ) لوحدي في الصالة ..الشغالة تقول ان جدتي يعورها ظهرها ورايحة العيادة بصحبة باسل تاخذ ابره مسكنه ..!! استغربت من امر ....ما عمري سمعت جدتي تقول ان باسل رايح لدوامه في المستشفى او العيادة ..!! اما رايح المصنع..ولا المزارع ...يعني لاهي بأشغال العائلة !!....معقوله يكون تارك العمل...؟؟!! اوانه في اجازه..؟!!! طفت على المزرعة ...... لكن شمس الصباح كانت قوية ..!! دخلت من طريق الصالة الرئيسية وشفت الدرج اللي يوصل للطابق الثالث ..وتذكرت حرمة باسل المسكينة .....!!!! حتى امس ما نزلت معنا ..من ويش تعاني..وليش ما يعالجونها ..وليش كذا منطوية على نفسها...مشاعر الشفقة حركت رجليني على الدرج.... المره الأولى كنت ابحث عن التسليه لنفسي..بس اليوم ابا اسليها ..اكيد انها ذابحنها الملل..!! لكن لو جا باسل وشافني ....راح يذبحني هالمره..!!! بس عااادي مو مشكلة خلني ابين له اني ما اهابه ....!!!! مشيت بخفة ..وطرقت الباب للمره الأولى ..الثانية ..وعلى الطرقة الثالثة وصلني صوتها المبحوح ( تفضل ) توكلت على الله ودخلت ..واغلقت الباب وراي ..شفت كرسي جنب السرير ..كن في حد متعود يجلس فيه ..جلست فيه بسرعة ..قبل لا تطردني.....!!!!! بعد ثواني انقلبت لجهتي.......وتحول البرود اللي في وجهها لنار مستعرة وقالت بحده ( انتي مره ثانية ...!! انا ما مخبرتنك لا تجي صوب هالغرفة ..انتي حجر ما تفهمي..انا طاردتنك ..ما فيك دم ترجعي وانتي مطروده ..انتي ما تحسي ) بصراحة آلمتني وايد قسوة كلامها ..وفي جزء مني يرغب في الذهاب من دون رجعه ..بس في جزء ثاني يقولي ما حد يآخذ على كلام انسانه مريضة ..يمكن تحس ان الناس يستهزءوا بحالتها ..بس انا لا .......ابا اسوي اي عمل يخفف عنها....!!! قلت لها بهدوء ( انا جيت ابا اجلس معك ..انتي لوحدك واكيد ملانه وانا حالي من حالك..فخلينا نتسلى ..ونسولف مع بعض ) قالت بعدائية ( انا لو ابا اسولف ..كان سولفت مع الناس كلهم الا انتي ..الا انتي تسمعي..والحين اطلعي برع ..وصدقيني ما راح يصير خير اذا ما سمعتي كلامي ) ويش انا مسوية لها..!!! ويش تقصد ..ما فهمت معنى كلامها ..يمكن عندها مرض نفسي..!! بس ما اظن ......لأنه بااين من ملامحها ان مرضها عضوي مو نفسي..!! رن جوالها بيدها ورجعت طفته ..ورفعت نظرها لي وقالت ( انتي ما مكفّتنك ( كافنك) حالتي اللي وصلت لها بسببك ..ويش جايبنك الطابق الثالث ..تمي في غرفتك فالطابق الثاني وفكيني من شرك ) لااااا الأمور جالسة تنحني لمنحنى ثاني ..هذي عارفة حتى موقع غرفتي ....!!! تغاضيت عن كلامها و قلت لها باختبار ( انتي تعرفي من انا )..؟ قالت باستهزاء ( اعرف ..صدقيني اعرفك يا عليا ...من سنين وانا اعرف انك انتي البلاء اللي دمر حياتي وبيتي ) ويش جالسة تخربط هذي..!!!!!!! قلت بتروي وانا قريب افقد صبري ( ليش تقولي كذا ..انا والله ما اعرفك ..ولا سويت لك شي..انا اصلاً لحد الأسبوع الماضي ما كنت اعرف اي شخص من عايلة ابوية ولا متخيلة اني راح اقابلهم واعيش معهم) سكتت لفترة طويلة ثم قالت بقرف ( صدقيني يا بنت امك لعبتيها صح ..كلكن لعبتنها صح ..والحين اطلعي من هنيه ) ضاق صدري..وقلت وانا احس اني بنجن بسبب هالإنسانة نطقت بلهجتي الأولية ( طلبتش فهميني..والله ثم والله اني ما فاهمه قصدش)... نظرت لي وقبل لا تتكلم قلت لها بسرعة ( ارجوش تكلمي ..الحين راح يرجعوا زوجش وجدتي..وبيعصبوا وايد اذا اكتشفوا اني كنت هنيه ..وضحيلي اكثر ..انا ما فاهمه) رفعت عيونها بضيق مختلط باستغراب ثم قالت ( انتي تعرفي من انا ) قلت لها بسرعة ( ايوه انتي بنت عمي محمد ...وزوجة ولد عمي باسل..) ثم ضحكت بخفة وقالت بقهر ( اهاا كملي......باقي اهم شي..)!! جاوبتها باستغراب وفضول ( اللي هو )؟؟؟ قالت وهي تسترخي في سريرها وترجع راسها للورى ( انّي طبينتك )..... طبينتك ...طبينتك ....طبينتك ...( الضره/ العديله ) هالكلمة ما دخلت سمعي... لا ...صارت كنها حجر يضرب راسي بقوووه....!!!!!!!! وقفت بعنف بسبب قهري وقلت لها ( مو صحيح كلامش مو صحيح ...انا مو متزوجة من الأساس والله صدقيني..اكيد حد خادعنك ..ضاحك عليك ...بس هالكلام والله مو صحيح) ضحكت بارهاق ثم قالت ( بعدهم ما قالولك ..ما خبروك ...محظوظه والله ...لأنهم على الأقل راعوك حتى تكبري وتتقبلي الخبر...اما انا محد راعاني منهم ..لا باسل اللي عشقته بجنون ..ولا يدي ولا يدتي ولا حتى ابويه ..محد منهم اهتم فيني وفمشاعري ) حالة تصدع ضربت عقلي ( انتي ويش تقولي ..انتي اكيد...) سكتت بسرعة لأني من قهري كنت راح اقول لها انتي مجنونة وهي بروحها حالتها ما تسر..!! قالت بهدوء ( ايوه يا عليا ..انا مجنونة ..مجنونه بباسل اللي كنت احبه من صغري وانتظرته طوال سنوات دراسته للطب ......ومن بعدها سنوات عمله في مستشفى الجامعة بمسقط .....واخيراً لما استقر بالجنوب ...وجينا نبا نفرح وحددنا موعد الزواج ....جيتي انتي ودمرتي كل شي ....قضيتي على حياتي...وحولتي سعادتي لتعاسه ...وانهيتي حياتنا انا وباسل) عقلي متجمد...ما اقدر استوعب ...فقط اللي اقدر اسويه اني استمع لهذيان انسانة مريضة ومتألمه ..جسدياً وروحياً....!!! مسحت دمعت اسى من عينها وكمّلت بصوت مهزوز ( ما زلت اذكر ليلة زواجي الكئيبة ...الليلة اللي انتظرتها طول عمري وكان من المفترض انها تكون سعيده....) خذت نفس واكملت ( اذكر لما جاني ابوية يبارك لي ويقول ان الملكة تمت ..ويلقي علي الفاجعة ) نظرت لعيني بثبات ( تدرين ويش كانت هالفاجعة يا عليا ؟؟) بصعوبة حركت رأسي بنفي ....!!! قالت بقهر وحقد وألم ( الفاجعه انه يدي الوصي عليك امر المملك يملك عليك انتي وباسل ..بعد ما ملك علي انا وباسل و في ليلة زواجي انا ) رجعت هزيت راسي بـــ لا ..لأني ما زلت ما مصدقة هالهذيان .......!!! مسحت دموعها وخذت نفس وكملت كلامها ( تعرفي ويش سويت من القهر اللي صابني .. تعرفي.......حاولت انتحر....اقتل نفسي...!!! كله بسببك...يوم عرسي كان راح يكون يوم وفاتي ) رجع عقلي في هاللحظة ...اهتز جسمي ورجعت للوراء من هول الكلام اللي اسمعه.....!! هذا خيال ..ولا حقيقه ..يمكن المرض مأثر فيها .؟؟؟؟؟!!! ( مو انتي تبا تعرفي هذا انا خبرتك بكل شي..حاولت انتحر بس ربي رحمني وما مت وطول هذيك السنين والى اليوم وانا اموت الف مره من الألم ..تدرين ليش لأني مصابة بفشل كلوي بسبب محاولتي للانتحار..) صوبت نظراتها الحاقدة لوجهي المصعوق ( والحين عرفتي ليش اكرهك ..عرفتي ليش مابا اشوف وجهك هنيه ....اكرهك ...وباسل بعد يكرهك ...بسببك ترك الطب والجراحة حلم حياته ...منشان يلحق على مواعيدي الثلاثه فالأسبوع الواحد لغسل الكلى....دمرتي حياتنا ..وحرمتينا من السعاده .....اطلعي ..واياني واياك اشوفك مقربة من الطابق الثالث ..صدقيني راح يكون لي تصرف ثاني معك ..لا يغرك تعبي ومرضي ..ترى روحي باقيه قويه ) انسحبت بذهول ...مصعوقة ...مرتجفة ...متألمه ....مجروحه ....ابا اكذب هالكلام ..لكن ما اقدر...لأنه للأسف كل احساس فيني مصدق هالكلام ....!!! توجهت لغرفتي وانا احس جسدي يتحرك بتخاذل ..مدري كيف وصلت غرفتي ..مدري كيف صعدت الدرج ...جات في بالي ومضات ...نظرات البنات امس لي لما ذكرنا الزواج......حقد باسل تجاهي...اصرارهم على رجوعي هنيه...نظرات زوجة عمي محمد الغاضبة...الحزن العميق اللي ساكن عيون عمي محمد...وبالوقت ذاته هالتني مواقف التغطية والانكار...جدتي اللي تتجنب ذكر زوجة باسل...باسل اللي ما يباني اصعد لجناحه واشوف زوجته ...مواقفة اثناء زيارته لنا ببيت خالتي...واثناء السفر..وهو يأمرني بتغطية وجهي......!!! يبا ينفي اي فكرة تربطه فيني...ما يباني..وانا بعد ما اباه..فوين الصعوبة ..وليش التعقيد...ويش ينتظروا ..ليش ما يحلوا هالإشكال بسهوله......طلاق وانتهينا....ولا يعيشونا في هذي المهزلة..!! ....... فجأة جمدت كل اعصابي لما تذكرتها.....!! تعرف ولا ..لا ........ما يهمني البقية وموقفهم مني.......اقدر ارد لهم الصاع صاعين لكن هي غير........اذا كانت تعرف..امور كثيرة راح تتغير ...امور كثيرة.....اذا كانت تعرف وساكته كل هالسنين .....؟؟؟!! اتجهت بسرعة لجوالي عشان اتصل فيها...... |
رد: يا صلاله خبرينا // عن قلوباً 'تهتوينا'
السلام عليكم ورحمة الله وبركاته أخيرا وصلت لكم ماشاء الله عليك نواره أسلوب سلس ممتع أعجبني توضيحك لبعض الجمل والمفردات العمانيه وحبيتها ألأمور تعقدت كثير في البارت الأخير باسل واضح إن شخصيته قويه كيف تقبل عن جده يملك له على عليا في ليلة ملكته على زوجته الاولى هل لأنه أساسا كان مجبر على الأولى وماحبها والا فيه سبب ثاني على ما اعتقد وهو اللي خلا أهلها يوافقون على ملكته الثانيه اظن تركه لعمله من أجل مراجعاتها لأجل إنه رجل يتحمل مسؤلياته وليس حبه فيها أما زواجه من عليا محيرني ليه الجد أصر عليه هل من أجل عاداتهم ولأنها مع خالتها فحب يضمن إنها ماتطلع برى العائله واضح إن باسل أول مره يشوف عليا لما قابلها في الكليه أظن إنه أعجب بعليا لكن مقهور من الوضع اللي إنحط فيه ومن دراستها وعدم تغطية وجهها خاصه إنه زوجها وذابحته الغيره اما عليا الله يعينها على الجاي أعتقد إنها تقصد عمتها لما كانت تتساءل هل هي تعرف بزواجها وأنا أظن إنها تعرف أو خبروها وهذا اللي خلاها تتركها تروح معهم إظن بعد اللي عرفته عليا ماراح تسكت وراح تتصادم مع جدتها وباسل وعمانها ويمكن خالتها وتنقلب شخصيتها من مسالمه ومطيعه للعكس وأول شيء راح تطلب الطلاق وتكملة دراستها وهالشيئين ماراح يوافقون عليها ومادامإنكشف أمر الزواج باسل ماراح يتركها في حالها وراح يمارس سلطته عليها كزوج تسلم يمينك نواره ومنتظرين جديدك المميز ياليت مايطول الإنتظار حابه أعرف مواعيد نزول البارتات يالغاليه متى |
رد: يا صلاله خبرينا // عن قلوباً 'تهتوينا'
السلام عليكم ورحمه الله وبركاته؛:/
البارات في قمة الرووووووعه من جد بدأت الأموور تتعقد عند عليا ؛:/- وكان أسلوبك بالروايه أكثر من الأروع ؛:/- ومشوق كمان ؛:/- وحدي متحمسه للبارت الجاي؛:/ أحس راح يصير أمور أكثر تعقيدآ؛:/- ماشالله عليك أبداع الله يحفظك وتقبلي مروري ؛:/ ودي وحترامي : همس الخجل |
رد: يا صلاله خبرينا // عن قلوباً 'تهتوينا'
صدمه صراحه توقعي كان صحيح بس المصيبة الزواج اللي عليا ماتدري فيه ودرت ياتري بتهرب لخالتها ولالعمها عبدالله في الخارج الوضع لايطاق لانها بدون قصد دمرت حياة بنت عمهاوباسل،يعطيك العافيه اسلوب روعه في الطرح القصصي والي الامام بنتظارالبارت الجاي وماذا سستسجدمن امور
|
رد: يا صلاله خبرينا // عن قلوباً 'تهتوينا'
اقتباس:
اختي الغالية "فيتامين سي" حياك الله ويا هلا فيك...يا الغلا لك اسلوب مميز ومثالي في قراءة الأحداث..متجه الى الصورة الصحيحة...اتمنى ان احظى بهذه القراءات دائماً..من خلال تواجدك هنا.. ... تسلم روحك..انا ما محدده توقيت معين لتنزيل الأجزاء لأن الوعد بتحديد يوم معين ..صعب بالنسبة لي وخارج عن ارادتي...!! .. على الهامش ( ما زالت مشاركاتي ما تسمح لي باستخدام البريد الخاص بالمنتدى...وبالنسبة لسؤالك يالغلا ..برأيي انه من الأفضل ان الرواية تكون تحت انظاري هنا بليلاس..حتى اقدر اتواصل مع الردود واصحابها ..بكل سهوله..)خالص الشكر والموده لك.. |
رد: يا صلاله خبرينا // عن قلوباً 'تهتوينا'
اقتباس:
حياك الله يا همس الخجل يسعدني واااايد تواجدك ..وتواصلك المفعم.. اقتباس:
"وحدي "..هذي الكلمة لنا.. شككتيني ..!! انتي سعوديه ولا عمانية..؟! هاااه اعترفي ..؟؟؟!!:smile: |
رد: يا صلاله خبرينا // عن قلوباً 'تهتوينا'
اقتباس:
... يعااافيك ربي...متابعتك وطيب تواصلك وتوقعاتك الصااائبة هي الأروووووووع ... يحفظك ربي دووووم.. |
رد: يا صلاله خبرينا // عن قلوباً 'تهتوينا'
مسائكم صباحكم خيرات الله يسعد قلبك نواره ويعطيك العافيه حروفك هادئه راقيه ابدعتي ابدعتي ابدعتي في سرد الحكايه
نواااره سؤال انت ويش تحسين بوه وأنت تكتبين الرائع الجميله روايتك وتصوغين الاحداث مافكرتي فينا كيف نفوق من الصدمه الحين البنيه عليا اللطيفة الوديعه متزوجه المرعب والله هذي الي ماجات علي بالي و تطلع متزوجه وخالصه هههههه الله لايبلانا الحين قاعده استرجع الاحداث وهي داخله عليه المكتب وتعرف بنفسها لدكتور ويشوف زوجته الي مايعرف من وين جات ولا البلى وطب و كاشفه وجهها لو متغشيه كان هانت بس العبايه. والشكل مايساعد وجاب عمه من اليوم الثاني و بهالسرعه إلا واحد له سلطه عليها ومرتفع ظغطه لا ويكلمها و تغطي انا ولد عمك تو عرفنا منت قادر تقاوم زينها ومقهور منها <<خخخخخ خلوني أعيش جو وابرر تصرفات المرعب وتخبط فيها عند المسجد وهي مفجوعه تحسبه جني عمى يعمي العدو ماعنده قلب ليش ماخذاها في حظنه وسمي عليها << مالت علي وليش انتظر منه وش أقول على خيالي هههههه نوااره أنا مو قادره استوعب إلى الحين... كيف المسكينه وهي مقابله بنت عمها وهي حاقده عليها ومعتبرتها هي الي هدمة بيتها وخربت فرحتها وهي السبب في مرضها بس بنت عمها مالها حق تسوي في عمرها كذا أبد وشو عشان رجال ولو تحبينه ومين المرعب<< خلاص الحين ماهو مرعب الله يسامح الي كان السبب وشوه سمعتك خخخخخ مايصير وحرام تنتحرين مع احترامي خبله وسلبيه وماعندها عقل كان عاشت حياتها وتهنت وعلقت باسل فيها أكثر اذا كان يحبها ولا تقدر تأخذه منها لو جنيه عاشقه وتلبسته بعد << خخخخ كني بديت هذره مالها داعي بس اكسرت خاطري ذبحوها بيوم عرسها لا تهنت و نكدو عليها الله ينكد عليهم عيشتهم كان خبو عليها ولا قالو لها<< خخخ وحده متحمسه لا تلومني خبلوها وامرضوها وش اسفادو لما عرفت وهم مافي قلوبهم رحمه شياب الله يخارجنا من عقولهم المخرفه أهلها هم من جنى عليها وهي كملت الناقص الحين من تضرر غيرك جات الضره وانت مريضه ولا خلفتي ولا أنت ند لها وبيروح رجلك لغيرك وانت مثل البيت الواقف تفرجين وضرتك وش زينهامثل بنات طعش الي بمقلطنا إلاصدق نوااره هي وش من زين وزول بس هي الي توصف باسل متى يوصفها باسل لنا <<هههههه كأني بديت أتعمق بالأحلام وينها عنك أمك الي حاقده على عليا وبغت تاكلها ماعلمتك وعقلتك ونصحتك لمستقبلك دام جات على ظهرك وش فادك خبالك الحين روحي موتي وكملي انتحارك أحسن بعد وتريحين غيرك ويجتمع شمل الحبايب وراهم اشوط لما يستقر وضعهم << خلاص قررت حبايب ولا اسمع معارضه لاهو تهنى في زواجه الأول بحرمه صاحيه ولا عليا عاشت حياتها مرتاحه بس تدرين اشك ان خالتها عندها خبر والله يستر من ردّة فعلها ويمكن ماتدري وتسافر لها وتقابل عمها عبدالله هناك ويتقابل الحبايب بعد طول انتظار خخخ << ماما زار شكراً على التوقعات الجميله ومنكم نستفيد تسلمين نوااره الله الله بالعلوم الزينه مانبي باسل يطب عليهم وهم يتكلمون والله انه لا يضربهم الثنتين يسويها ماعنده رحمه اذا هذا عمه وجده بس هو ليش ماهرب مع ابوه بدل تحكمهم في حياته تقل .... على شورهم يسوي الي يبون بس والله كبر في عيني رجال ماترك أهله ورضي بالي يبون وتحمل الي الحين ولا انفقعت مرارته ولا جاته جلطه بس لا يكون عنده الضغط والسكر وحنا ماندري ههههههه ننتظرك نوااره بكل شوووووق |
رد: يا صلاله خبرينا // عن قلوباً 'تهتوينا'
السلااام عليكم...
نووووراااااااااااااان.. وش هذاااااا؟؟؟ ابد ماتوقعت ان عليا متزوجه باااسل..>>فيس مصدووووم .. شوفي نوران خليتس معي الحين خطوه بخطوه.. عليا زوجه لباسل بنفس اليوم اللي تزوج فيه بنت عمه محمد.. وبامر من جده.. طيب السؤال اللي لازم الحين نعرف جوابه.. اذا الجد مزوجها من باسل فاكييييييييد انه عارف هي وين عايشه ووين مكانها والا كيف يتجرأ ويخطي هالخطوه الا وهو عارف مكانها ومكان خالتها؟؟ يعني لو كان مزوجهم وهو مايعرف مكانها بهووو خبل هالعود لانها كان ممكن تتزوج شخص ثاني بدون اهلها مايدرون عنها وتوكل الشيخ يكون وليها بحجه ان مالها ولي من الرجال؟؟ يعني ان الجد يزوجها لباسل كذا وبهذاك الوضع فهذا يدل على خبال الجد..بس اتوقع انه ماااا سوى كذا الا وهو عارف.. ويمكن بعد بلغ الخاله عشان تنتبه تزوجها لاحد ومخلينها عندها لسبب من الاسبااااب اللي للحين مانعرفه ولا بين لنا؟؟ يعني الجد مخلي عليا عند خالتها برضاه وبكيفه مو غصب عنه ويمكن يكون باتفاق مع اسماء..عشان فيه موضوع سري مانعرفه وتعرفه اسمااااء بس ويمكن الجده بعد. وباسل بما انه متزوجها برضاه وينه عنها كل هالسنين حتى لو انه مجبر عليها ومتزوجها المفروض انه يروح ويدور عليها لانها صارت تحت اسمه الحين ولازم يبدأ يمارس مهامه كزوج .. ليش توووه يروح يجيبها وينه عنها من اووول؟؟ ما اعتقد انه مايدري وينها فيه .. لاني واثقه ان الجد وعمه عارفين محلها وهو بعد بيعرف مكانها لكن ليش تاخر للحين .؟؟. اصلا هي يوم يتزوجها كم عمرها؟ يعني له كم سنه متزوجها.. ثلاث اربع خمس؟؟ اتوقع يوم يزوجونه لها عمرها يا خمس طعش او حتى اربع طعش؟؟ بس وينه عنها كل هالوقت.. بالنسبه لزوجة باسل الصدق انها حمااااااااااااره ومغفله وبقوووه بعد.. انسانه انهازاميه ومستسلمه وومالها أي شخصيه. والا فيه وحده عاقله تذبح نفسها عشان رجال .. وين ايمانها هذي؟؟؟ وبعدين عجزت افهم وش الرابط بين الانتحار والفشل الكلوي اللي جا زوجة باسل؟؟ الصراحه ان زوجة باسل ماتعاطفت معها ابدا الا حرتني وقهرتني اجل من تزوجت باسل وهي في حال مأساوي ليييه ان شاااء الله ؟.. ودي يطلقني ولا اجلس باعصااب تلفانه ومريضه سنين بسبب الضره.. بس هي غبيه لانهاماعرفت تتعايش مع وضعها اللي صارت فيه ولا كان فيه عندها أي شجاعه تتطلب الطلاق وترتاح نفسيا من وضعها المقرف .. لما طلعت لها عليا وقالت لها اقتباس:
وانهم تزوجن الولد والعم.بالاضافه الا نها يمكن تقصد بعد ان اسماااااء لها علم بموضع زواح عليا ويمكن حتى انها كانت عارفه قبل يحصل ويمكن فيه احتمال ثالث بس ضعيف ان اسمااااء اللي طلبت من الجد انه يزوج عليا لباسل؟؟ وبعدين طووووووووووول الوقت وحرمة باسل تحط اللوم باللي حصل لهااا على عليا وهالشي يخليني اتاكد انها ضعيفه وجالسه بس تحاول ترمي اللي هي فيه على غيرها.. والا علياا اصلا ماتدري عن شي ومالها ذنب باللي صار والا هي بعد ضحيه ويمكن اكثر من بنت هالعم لانها سنين مو عارفه عن وضعها . صح صعب ان الوحده بيوم زوجها تلقى زوجها متزوج بنفس الليله على بنت عمها بس هي انهارت تحت الصدمه ورفضت تشفى منها وتتعافى وكانها تحاول تخلي الكل يحس بالذنب باللي صار لها واولهم ابوها ..الخبل اللي رايح يقول لبنته بيوم زواجها عن زواج رجلها ببنت عمها اللي ماتعرفها ولا شافتها صراحه قهرني هالشايب الخبل.. اما عليا صراحه مصيبتها مصيبه اول شي انهم مزوجينها بدون ماتدري وكانها جماد ماله أي قيمه ولا له احساس ولا مشاعر.. والثاني مصيبتها لو كانت خالتها عارفه بهالموضوع وساكته والا بعد مشااركه فيه.. توقعي يقول ان الخاله عارفه بموضوع الزواااااج . بس هل هي عرفت من اوووله والا من شاف باسل عليا؟؟؟ نوران تساؤلات كثيره ياليت نلقى لها جواب في هالقصه الشيقه والممتعه.. وانا وااثقه ان الابداع بيستمر والاكشن بيكون على اعلى مستوى .. تسلم الايادي نووواره وبانتظار البارت الجاي اذا الله احياانا بكل شووق فياليت ماتتركين انتظارنا يطووول.. دمتي بــود |
رد: يا صلاله خبرينا // عن قلوباً 'تهتوينا'
اقتباس:
ههه ويش احس بوه اممم بالتشويق اكيد...لأن الصدمة تعني ان المتابعات مندمجات مع الأحداث بشكل راائع.. ... بالنسبة لتصرف حرمة باسل مثال لعدم تحكيم الدين والعقل في مجابهة الأمور...ومثل ما نشوف اللي اصابها اهون شي ممكن يحدث لها...وهو تقلبها في الألم طوال سنين..وبالنهايه..؟؟!!! .... افااا هالإتهام قوي..( تشويه سمعة باسل مره وحده)...هههه ما عليه كل شي يتصلح....!!لكن هل باسل ممكن يتغير..!؟؟؟ ... تسلمي تراانيم..وانا اسعد بتواصلك ..وتوقعاتك كثييير.. |
رد: يا صلاله خبرينا // عن قلوباً 'تهتوينا'
اقتباس:
زااااراااا ...!!!! يا بنت الحلال خفي علينا بهالتوقعات.....!! شوفي انا ما راح ارد على كل جزئية من مشاركتك بروحها..!! لأني متأكده لو رديت الأحداث كلها راح تنكشف...هههه ماشاء الله عليك ..تحليلاتك جداً واصلة لعمق الرواية.. بالنسبة لاستفسارك اللي بمقدمة الرد ( زواج عليا من باسل كان قبل هروب الخاله بابنة اختها) تسلمي انتي وردودك الشيقة..عسى ما ننحرم منك.. ( الجزء التاسع .....راح انزله اليوم بإذن الله) |
رد: يا صلاله خبرينا // عن قلوباً 'تهتوينا'
السلاااام عليييك
نواااااري احنا قلنا عليا لباسل بس ماتوقعناا انه ماخذها قبل تولد ههههههههههههه والله انها صددددددددددمه لعليا الله يكون بعون خالتهاا بتحط عليا جاااام غضبها عليهاا انا اتوقع ان الخاله بعد ماهربت بعلياا وماقدرت العائله تاخذها منها بسبب تزويرها للاوراق ..انهم يزوجونهاا علشاان يكسرون شوكه هالخاله ويجبرونها تعطيهم بنتهم بدون مشااكل .. والاكيد انهم وافقوا على جلستها مع خالتهاا بشرط يزوجونهاا لواحد من عيالهم .. وهي غصب عنها وافقت .. احس ان لأسماء واختها ام علياا قصه حب مع رجال هالعائله وام عليا فازت بحبهاا بس اسماء ماتهنت وطااح حظهاا لأنهم اكتشفوا انها عقيم واجبروا ولدهم يطلقهاا ..ويتزوج من غيرهاا ويمكن لهالسبب هو هاااجر خارج البلاااد والله هالقصه كل مالهاا وتتشربك ههههههههههههههه نواااري ياليت تطولين حبتين بالجزء مايمدينا نعيش الجوو الا وهو مخلص >> فيس متحمس للقاء علياا بجدتها والوحش ههههههههههه بس تدرين رحمت علياا وهي كانت تخطط تروح لخالتها وتكمل دراستهاا ياحياااااتي وينها ووين الدراسه داام طااحت بقفص الوحش ومااحد سمى عليهاا هههههههههههههههه نواااري تسلم الاياادي على هالابداااع المتواااصل ..بانتظاااااااارك بإذن الله |
رد: يا صلاله خبرينا // عن قلوباً 'تهتوينا'
اقتباس:
وعليكم السلاااام والرحمة.. هلا وغلا ..نورتييينا يالنوووري.. ربي يحفظكم على هالتوقعات ... خلاص ابا اشوف التوقعات ..ثم اغمض عيني واقول ما شفت شي ههههه هروباً من التعليق عليها.. ... تسلم روووحك ..ما راح اتأخر بإذن الله ..الجزء التاسع قاادم |
رد: يا صلاله خبرينا // عن قلوباً 'تهتوينا'
((الجزء التاسع )) اعذروني ما بقى وسط قلبي له عتاب كل العتب راح مع ضميره بلا جناح.. وانهـى فصول الحجّه في قلة اسباب طعني بالخافق وجرحي منه فواح.. قلبي صدق وقلبه بكل المعايير كذاب شف حالتي نافر وحاله طيب ومرتاح.. طعم الألم ما يُحتمل والوجد منصاب وتبي الحقيقة كل العنا فيني يا صاح.. (( الأبيات ..بقلمي))..!! اتصلت بسرعة فيها ....مهمها انخدعت من اللي حولي تظل هي غير ....خالتي غير عن الكل وهذا اللي راح اتأكد منه ذلحين.. وصلني صوتها المرحب: ( هلا وغلا حبيبتي ..زين انك تذكرتي انه معك خالة تتطمني عليها ..طمنيني عنش..؟؟) قلت بجدية: ( جاوبيني يا خالتي ..جواب واحد ..لا تبرري ولا تضيفي اي شي قولي ايوه او لا ) اخذت نفس ثم قلت بسرعة : (كنتي تعرفي عن موضوع زواجي من باسل ولا لا ..؟ ) ساد الصمت ...قلت في نفسي .....لااا ...الصمت مو دليل خير ابداً...!! رجعت اتكلم : ( خالتي ..؟؟ايوه ...ولا ...لا ..؟؟) ( عليا ..) ( لا يا خالتي ..مو هذا الجواب ..احلفك بالله يا خالتي ..كنتي تعرفي ولا لا ؟) بعد صمت قليل قالت.... ( ايوه ..لكن عليا....) ما انتظرت جوابها ..لأني رميت الجوال بقوة فالجدار لحد ما تناثر لشظايا على الأرض.. تكورت في سريري وعيوني تذرف حممها....ما اقدر اخفي آلامي ...لازم ابكي لحد ما اطلع كل الحزن من صدري....مخدوعة من خالتي ..من عمي محمد ....من جدتي ..كلهم يعرفون عن زواجي من باسل ولا حد منهم تكلم ...ليش طيب ..؟؟؟؟؟ انا مو صغيرة ....انا مو جاهله .. كيف قدرت خالتي تخفي عني موضوع حساس مثل كذا ... ما يكفي انها ابعدتني عن هلي...؟؟؟ وهل كانت راح تخبرني ولا تخليني على عماي طول عمري ..يا الله لو كان صاير لها شي وانا ما ادري عن زواجي ..وعشت حياتي وتزوجت ..اعوذبالله ...كيف صارت الأمور كذا ..اللي صار مصيبة واكثر...وكيف اخفت عني اوراقي القانونية لا بد ان في ورقة تحمل دليل زواجي ..!! احس اني ملخبطة ...لأني ما اعرف بهالأمور...!! ولا اهتميت لها في حياتي...!! بس ويش كانت النتيجة اني انخدعت...!!! اوراقي كانت دايماً تحت تصرف خالتي ...لأني كنت واثقة فيها ثقة عمياء ..كيف لا وهي خالتي..بمقام امي..... آآآه يا امي..امي ما كانت راح ترضى تسوي فيني كذا...ولا حد كان راح يقدر يقرب مني لو ان ابويه حي...استغلوا يتمي بشي ما يرضيني ..!! خالتي بدل ما تحميني..احس انها اذتني ..واذتني وااايد......خلوني لعبة تتنقل بين أياديهم من خالتي الى اهل ابويه.... حسيت لو اني استمر بالنحيب ..وهالتفكير السلبي اكثر..راح اضر نفسي...لكن ما اقدر قلبي منفطر....مرت لحظات طويلة وانا ابكي بطريقة عمري ما بكيت فيها....وبالأخير غفيت... سمعت دقات على الباب ..قمت و راسي كان ينبض من الألم قلت بتعب (من ) ردت ( ماما يبي انته) جاوبتها ( طيب ..ذلحين بجي) رجعت راسي بالمخده وانا اتذكر اللي صار من جديد....وتذكرت تمثيليات باسل التافهه ..!!.. تمثيليته اثناء سفرنا..وحادثة المطعم ...ويوم العزومه ( العزيمة ) كلها تمثيليات على اساس انه ما يحل لي ولا احل له ...طيب ليش ....يبا يعاقبني عن زواجه مني..واللي صار لزوجته..!! وتركه لعمله!! هو الريّال ( الرجل ) هو اللي كان يقدر يقول لا ...حتى لو جدي احرجه قدام الناس ..كان بامكانه يتصرف.....انا ويش ذنبي ..يبا يعاقبني بذنب مالي دخل فيه ....!! لكن عالعموم ..هذا الزواج ما راح يتم بعون الله ....اذا كان باسل ما يملك القدره على التصرف ..انا اللي راح اتصرف ......!!!! لكن في البداية خلينا نلعب يا باسل...انا اشهد انك اديت دورك في اللعب صح ...وباقي دوري انا الحين ..وبعدين انا اللي راح انهي هاللعبة ..! ...وبنشوف يا باسل....بنشوف من اللي راح يلعب على الثاني من هاليوم... غسلت وجهي بماي بااارد ..حطيت بودره خفيفة تخفي الإحمرار عن وجهي..وكحلت عيوني..وطلعت ..من اليوم لاني ( ماني ) لابسه غشوة..ولا عبايه ..في كل ارجاء البيت!! هه عن من اتغطى...!!! امام ربي انا مو آثمه ...لكن الحلو بالموضوع اني بنظر باسل انا بنت طالعة عن الشور...وازمة خانقة ...والأهم سبب يرفع الضغط بالنسبة له..!!!! طلعت و حصلت وحده من العاملات جايه تناديني ..تقول ان جدتي شافتني تأخرت ورسلتها .. سألتها ( وين باسل) قالت ( بابا باسل هناك ) واشرت على المزرعة اللي بالخارج .. قلت لها بسرعة ( طيب خلاص ) رحت اجري بسرعة وبخفة ..ودقات قلبي تسبقني ...ابا اوصل للطابق الثالث بسرعة قبل لا يجي باسل او حد يشوفني ...تعديت الصالة وركضت على الدرج ...فتحت باب الغرفة بسرعة فاجئت حرمة باسل قلت لها وانا حتى ما اعرف اسمها إلى الآن...!! : ( ارجوك ..طلبتك ..الحديث اللي دار بينا اليوم لا تبلغيه حد ..لا تخلي حد يعرف اني عرفت اني حرمة باسل ..زين ...وصدقيني هذا الشي من مصلحتك ).. قالت بارهاق ( ما لي دخل فيك ...ولا راح اقول شي..بس فكيني منك ..ولا تراويني وجهك) قلت لها بسرعة ( اعذريني على الإزعاج ..وان شاء الله ما راح ازعجك مره ثانية ) اتجهت بسرعة للصالة الثانية..وجلست جنب جدتي ..وقلبي ما زال ينبض بقوه ..خذيت نفس قوي ونظراتي تركزت على وجه جدتي.....!!! ما ودي اشيل فقلبي على حد..لكن يا ترى هل محبتها لي كانت تمثيل..؟؟! منشان تكسبني لصفها ...ومن بعدها تفرض علي امور وهي متأكده من موافقتي عليها..؟؟؟جدتي مو مثال للمرأة البسيطة...لا...جدتي قوية ...وانا متأكدة انه كثير من قرارات هالبيت تعود لها بالأول... التفكير والسرحان كان باين علي..مما اثار جدتي ..!! قالت : ( عليا ...تآنسي ( تحسي) شي ...تعبانه يا امي) انتبهت لها ( لا يا جدتي...الحمدلله ما اشكي من باس..الا كيفك انتي ..ظهرك عدّل ( صح) ) قالت بألم ( عايشه على الحبوب ..وان ما فادتني خذت ابر مسكنة..تخفف العوق ( الألم ) ) رديت عليها ( الله يعافيك يا جدتي )... ثم اردفت ( جدتي ..في موضوع مضايقَّني ..ومتَّعبني ..) قالت باهتمام ( ويش هو يا عليا ...قوليه ..) اجبتها بضيق ( جدتي باسل شافني مرات وايد بدون غشوة..وانا تعبت ما اقدر اطلع للصالة الثانية اذا بغيت اتمشى فالمزرعة الا وانا لابسه عبايتي وغشوتي..) ثم اضفت بفروغ صبر( منشان كذا ..مابا البس قدام باسل العباية والغشوة..) ثم اردفت بسرعة ( بس راح اخلي شيلتي براسي دايم) اطرقت جدتي للحظات وهي تفكر...ثم قالت بعد تفكير ( انزين طلعي من البوني ( الباب الخارجي من جهة المطبخ) ) قلت لها بزهق ( لا يا جدتي ..مابا اتغشى من باسل ..تعبت احنا بنفس البيت وانا اتغشى منه) قالت جدتي باستنكار ( وباقي عيال عمامك وعمتك ) اجبتها ( لا ..لا يا جدتي بس باسل ) ثم اضفت بمحاولة لإقناعها ( جدتي باسل انسان محترم ..!!!! وخلوق...!!! وما راح ينظر لي..وبعدين انا بصوب وهو فصوب ..يعني نتلاقى ( نلتقي) قليل ..........زين !!!) قالت بعد تفكير ( زين يا عليا..... لكن بس باسل .. اما غيره لا ) ما قدرت افرح بمقدرتي لاقناعها..!!! لأني مقهووورة من تكتمها عن الموضوع ..!!! ما تبا تقول هو زوجك فما في داعي تتغشي عنه ....لا ... هي حاولت تنكر هالشيء...!! عصر اليوم ...كان لازم اطلع السوق ..واشتري جوال جديد..وبعض الحاجيات ..ومنها فرصة اغير جو...!!!! لبست العباية والشيلة والغشوة ..وطبعاً عبايتي كانت الكتف الأولية ...لأني مستحيل اطلع بالعباية اللي مفصلنها باسل ..لأنها فشلللله من طولها ..ولا ابا اقدر اتحرك ....!! اتجهت لصالة جدتي سمعت اصوات معها .. ....يمكن جاراتها ....مالي بااارض ( خلق ) اقابلهن واسلم عليهن...!!! ناديت الشغالة ..وسألتها عن السواق ..اشرت لي على ملحق جنب السبلة ( المجلس)..على جنب البيت كانت الأشجار مغطية المنطقة...قلت لها تناديه... وصل السواق...بس ما ارتحت لفكرة الروحه معه...سألته عن موقع الأسواق والمحلات ..وصف لي بس ما فهمت من كلامه شي...طلبته مفتاح السيارة ...اعطاني المفتاح وكانت نظراته متفاجأة..!! صحيح انا ما احب السواقه كثير...وكنت اعتمد على خالتي ...لأني ما طلعت رخصة السياقة إلا من سنة.....لكن ما يعني اني ما اسوق بروحي وقت ما احتاج... فتح السواق البوابه الخارجية ...في الوقت اللي اغلقت فيه باب السيارة اللي كانت من نوع لكزس جيب..كنت اتمنى سيارة اصغر من كذا عشان ارتاح اكثر...بس مو مشكلة ... رفعت الطبقات الشفافة من الغشوة..وثبتت النظارة الشمسية ..لمزيد من التغطية وفي نفس الوقت عشان ما اعاني من صعوبة في الرؤية...وجهزت رخصة السياقة في حال احتجتها.. بعد فترة قصيرة بدت تتضح لي معالم المحلات والمراكز التجارية ...ما كانت بعيدة ابداً...في وقت قصير حاولت احدد مشترياتي فالمركز التجاري ..واستخدمت بطاقة الفيزا مالتي ( حقي) ... ومن ثم اتجهت لمحلات تفصيل العبايا اللي كانت قريبة ...منشان افصل عباية ساتره جديدة..وبقيااااسي..!!! الأسواق كااانت روعة ..حسيت ماشي فرق كبير بينها وبين اسواق مسقط...رغم اني ما لفيتها كلها....!! قبل يأذن المغرب رجعت..ارتحت لما شفت البوابة مفتوحة ......وقفت السيارة في مكانها السابق ..ونزلت مشترياتي ...بثقة قفلت الباب..!!! لأني سبق وشفت شخص واقف على مدخل البيت...! ومن دون تفكير ...كنت متأكده انه باسل...واحساسي يقول انه متضايق..!! لما قربت ..فكيت الغشوة ...وارخيت الشيلة ونزلت نظارتي...والأكياس بيدي..بس لما طاحت عيني بالعيون النارية .. جاتني اصوات ضعف بداخلي تأمرني اروح من جهة باب المطبخ..وادخل بسلام........ اول ما حركت راسي تجاه منطقة الهروب..... للأسف كان باسل راصد نظراتي وتحركاتي ..!! و فهم فكرت الهروووب.......لأنه تقدم بخطوات واسعة ....ناحيتي...! وصلني صوته الساخر ( الحمدلله على السلامة ....سيده عليا) ما رديت عليه ..واصلت طريقي..لأن نظراته ما كانت تبشر بالخير ابداااا.. قال بحده ( وقفي مكانك ) ثم اردف بسرعة ( من وين جايه ) قلت له بغضب مماثل لغضبه ( لا تصرخ فيني كذا .....ومن وين يعني بجي ..ما تشوف الأكياس بيدي..يعني اكيد اني جايه من السوق) قال بغضب هادر ( وبإذن من طالعه للسوق...لا تقولي جدتي لأن جدتي لا يمكن تسمح انك تطلعي بروحك للسوق) قلت له وانا احاول انهي الحوار( جدتي كان عندها حريم ......وطلعت من دون لا اقول لها عادي ويش فيها)؟؟؟!!! قال وعيونه النارية تتقد بغضب ( ويش فيها تقولي...طالعة تسوقي السيارة بروحك ..وواصلة الأسواق بروحك ..وتقولي ايش فيها ..ويش ظنك..انك ما زلتي عند خالتك...لاااا انتبهي..اول كنتي تعيشي من دون ما يكون ريال بالبيت.. ) ثم قال بتهديد ( اما الحين الوضع اختلف يا عليا..واختلف واااجد ) قلت له بتحدي وقلبي ينبض بقوه من صدى صوته وحدة نظراته ( تباني اتصل فعمي محمد ولا عمي احمد واقول هلا عمامي شوفوا تراني الحين طالعة السوق ..بس حبيت اتصل فيكم منشان اخبركم ؟؟!!) قال بهدير ( والريال اللي بالبيت ما عاجبنك ) قلت له بلامبالاه كااااذبة ( الريال اللي بالبيت حيالله ود عم (ولد عم ) ) قال بصوت مهدد بجديه ( والله يا عليا .. وهذا انا حلفت .. ان طلعتي من البيت بدون اذني مابا ارحمك .. ولا تظني حد بيحميك مني) ثم اردف بحده وقسوه ( فاهمــــه) يااارب يااارب ...ان دموعي ما تنزل ...بس لحظات لحد ما اوصل غرفتي وهناك ابكي على راحتي..!!!!..بس ما اقدر...صوته بعثر كل قوتي ..رميت كل اللي بيدي...ودموعي تهطل بقووه.. قلت له بانهيار وانا اشهق ( لا مو فاهمه ) ما حسيت إلا بيده الحديديه تقبض على ذراعي ..وايده الثانية تقبض ذقني وترفعه بقسوة لمواجهة عيونه النارية المتقده وقال بصوت بارد ينذر بالشر ( ويش قلتي .......؟؟؟؟عيدي كلامك ..ما سمعتك زين) ما قدرت انطق..!!! استمريت بالبكااء ...وهو ما زال على قبضتة القاسية يراقب دموعي ويسمع صوت شهقاتي... لحد ما صدع أذان المغرب..... ركز نظراته على عيوني بقوه وقال ( الله اكبر حق....انا ماشي ( رايح ) اصلي ذلحين...واللي صار مابا اشوفه متكرر.......لمصلحتك وحدك يا عليا ...لا تخليه يتكرر...) ثم لفني وانا بين ايديه واشر على الباب الخارجي وقال ( شايفة هذاك الباب ..لو يوم جربتي تتخطيه بدون اذن مني ..) رجع وجهي لناحيته وقال ( ترحمي على نفسك يا عليا ) وراح ...وتركني بجسد مرتجف...وروح متألمه ومقهورة... ////// التكمله الخاصة بالجزء التاسع ..راح الحقها بوقت لاحق ان شاء الله.. |
رد: يا صلاله خبرينا // عن قلوباً 'تهتوينا'
تااابع ((الجزء التاسع )) يا قلبي اغفر اذى الأحباب وسامح عن الزله بالهوني امسح وراعي كـــل الأسباب اسباب شوقً غمر كوني ((بقلمي...)) الجوال الجديد بإيدي والشريحة بداخله ...ورقم خالتي قدام عيوني متصلة تسع وثلاثين مره..! وكومة رسايلها ماليه الصندوق الوارد..! لكن ما قريت ولا رساله منهن....!!! اتصل فيها ولا ..؟؟ بعد ثواني وصلني صوتها ( عليا ) بهدوء رديت عليها ( السلام عليكم خالتي) قالت بهدوء مماثل ( وعليكم السلام.....هنت عليش يا عليا ..تخليني بهالحال) قلت لها (مثل ما هنت انا عليك ...استخبر ( اعرف ) من الغرب عن امور هامه فحياتي) ثم اردفت لها ( ليش...؟؟ليش يا خالتي ..؟؟ليش ما خبرتيني طول السنين الماضية ...او حتى لما جو عمي محمد وباسل..ليش ما تتكلمي .. ليش ما تقولي ان باسل مالك علي....هل بنظرك انا جاهله...مغفله ...غبية ...كيف قدرتي تتكتمي على موضوع حساس مثل كذا..وليش ) ردت بضعف ( الأمور خارجه عن مقدرتي...كان لازم تعرفي من باسل وجدتك...انا ما اقدر اقولش) قلت لها بقهر ( ليش ...اعطيني سبب واحد يا خالتي..سبب يخليني اعذرك ..مثل ما سبق وعذرتك عن تغييبي عن هلي خلال السنين الماضية) قالت بضعف ( تعايريني بشي كان من صالحش يا عليا) قلت لها بضيق وانا احس انها متكتمه حول السبب ( اي مصلحة يا خالتي اي مصلحة....) ثم اردفت بحده ( قوليلي يا خالتي ليش ما خبرتيني عن زواجي ..) بعد صمت طويل قالت ( باسل اتصل فيني في نفس اليوم الصبح وهددني منشان لا اقول لك) قلت لها باستنكار ( هددك بويش...ماحيدك ( ما اذكرك ) تتهددي يا خالتي..!! وبعدين من وين جاب باسل رقمك) ردت بصوت ضاايق( يعني من وين بيجيبه ...!! اكيد من احد زملائي بالعمل ) وتغافلت عن الجزء الأول من السؤال..! قلت لها ( ما رديتي يا خالتي ..؟؟بويش باسل يهددك ) قالت بسرعة ( انتي تعرفي عن سالفة تزوير الأوراق ..يعني ويش بيكون غيرها ) قلت لها بعدم تصديق ( اللي قالها عمي محمد ) ردت بدون تفكير ( ايوه هي ) ما قادره اصدق اي من كلامها للأسف...احس صوتها متغير...اعصابها منهاره..!! بس متأكده ان طبيعتها الكتوومه..ما راح تخليني آخذ اي معلومه منها... استغربت لما سمعت صوت ارتطام الأمواج سألتها باستغراب ( انتي رايحة البحر في هالوقت )!!! قالت خالتي ( انا مو في مسقط يا عليا...)!! قلت بتعجب ( عيل ويييين) قالت بتوتر ( انا فالشمال رحت مسندم عن طريق البحر .... بالعبّارة ....اخذت اجازة مفتوحه بدون راتب ...وقلت اسافر مسندم اغير جو ..)..!! رديت عليها ( ما تبا تخبريني بالصدق يا خالتي) قالت بعجز ( ماشي غريب بالموضوع..اخذت اجازة ..وقلت اغير جو) سألتها بهدوء ( لحد متى ) ردت بدون توضيح ( اجازة يمكن تكون طويلة شوي..يمكن اسافر للإمارات..ومن بعدها لأمريكا اكمل دراستي..) قلت بقهر ( يعني ما بترجعي مسقط ) قالت وهي تحاول تنهي الحوار ( ما اعتقد) ضاعت خططي باللجوء لخالتي...!!! قبل لا اودعها ..تذكرت وجود رقم باسل عندها وخفت لا تقوله عن معرفتي بزواجنا فقلت لها بسرعه ( خالتي ..ترى محد يعرف اني عرفت عن سالفة زواجي من باسل..فأرجوش لا تقولي لا لباسل ولا غيره ...) ثم اردفت بعدم ثقة ( طلبتش يا خالتي لا تخوني ثقتي فيك هالمره ) قالت بألم ( عيل كيف عرفتي) قلت لها ( مو مهم ..الأهم اني مابا حد يعرف) قالت ( عليا....ارجوش لا تحاولي تلعبي لعبة خطره ..صدقيني باسل ما يرحم ..فما انصحش ..) قبل لا تكمل قلت لها ( مثل ما قلت يا خالتي لاني جاهله ولا مغفلة ولا غبية )ثم اردفت ( انتبهي لنفسك بمسندم ...وخلينا على اتصال يومي ...في امان الله) قالت ( في امان الرحمن حبيبتي) اتكأت على الأريكه ...افكر بالرجوع لمسقط....ولا بخالتي وتصرفاتها الغريبة...ولا بطريقة تسهل طلاقي...ولا بجدتي ..ولا بويش...الأمور ما جالسه تفك...إلا كل يوم وهي تتعقد اكثر واكثر..رحمتك يااارب..!!! رجعت للجوال اشوف الساعة حصلتها عشر واربعين دقيقة ...راسي مصدع ومحتاجة دلة شاي مو كوب...بعد صعودي المغرب لغرفتي وانا ابكي ما نزلت ... حتى جدتي لما ارسلت العامله تناديني للعشاء قلت لها مالي نفس..!! اظن ان جدتي ما عندها خبر عن روحتي للسوق ..كذا احساسي..!! نزلت الدرج ... والظلام كان مالي المكان... حتى الطابق الأول ... تلمست الجدار وانا في طريقي للمطبخ ...لحد ما اتضح لي نور المطبخ...شغلت غلاية الماي . .. وقفت قدام الباب الزجاجي اشوف المنظر بالخارج.............هذا باسل....!!!!!!! كان جالس جلسة مهمومين ....!!!!! كذا حسيتها ..!! جالس على المدارج وبإيده اليمين سيجارة ..واصابع يده الشمال مغروسة في شعره الأسود الكثيف...الجو باارد هالليلة وهو لابس بيجامه ...!!بس شكله ما يحس بشي..!! بسررررعة انشغلت بعمل الشاهي وجهزت الدله ..واتجهت للثلاجة ابا آخذ علبة ماي ... ( ويش تسوي هنيه فهالوقت ) شيلتي ملفوفه حول رقبتي....!! يعني ما منها فايده...!!! لأني ما تخيلته ممكن يدخل بهالسرعة..! ما رديت على سؤاله ...!! بعد اللي سواه فيني اليوم ..ابا اذل نفسي ان رديت عليه ..!! اخذت الماي وانا احاول بقدر الإمكان ما الف ناحيته ..حطيته بالصينية جنب الدله والأكواب وعدلت خطواتي.... في طريقي للهرووووووب..!!! بسسسسسس ويش هذا......!!!!!! لااااااااااااا شهقت بعنف ولفيت ناحيته وقلت من دون شعور ( يالغبــــــــــي..ويش سويت) تكلم ولا كنه مسوي شي ( اوووه انتي صاحية ...توقعتك من اللي يمشون في نومهم..فقلت اصحيك بطريقة مضمونة ) قلت وانا ارجف ( تصب فيني ماي مثلج فهالبرد ) قال بدون اهتمام ( اي برد ..الشتاء دافي فصلاله ....ويش اللي مطلعنك وانتي بهالحال ..!! ) قلت له بعدم اهتمام مماثل( انا قلت لجدتي مابا اتغشى عنك...لانك محترم وما بتركز نظراتك علي) ثم اردفت ( وبعدين انت شايب ....فاعتبرني بحسبة بنتك ) يااااسلااااااااااام ...هذا اللي يبرد القلب....كذااا الأمور صح..!! التلونات اللي غزت وجه باسل تنشرى..!!! ودي اضحك بقوة لكن لو ضحكت بصراحة ما اضمن اني اكون حيه بعد ساعة..!!! بعد فتره طويلة قال بهدوء محمل بالكثير ( انتي يبالك اعادة تربية من جديد...وانا اللي بربيك يا عليا ...وبنشوف..) اخذت الصينية ومريت من قدامه في طريقي لغرفتي بقوة ظاهرية.....!!! صبح الجمعه صليت الضحى قريت سورة الكهف...نزلت وتريقت ( افطرت ) على السريع في المطبخ...وانا افكر ويش راح اسوي الحين..!!! ملل..!! تذكرت الأرض المجهزة للزراعة ...و ورودي اللي ابا ازرعها...امتليت بالحماااس ثم تذكرت الشتلات..!! كيف ابا اجيبهن ذلحين..!!!! مالي غير اوصي السواق....كلمت العامله اللي قدامي..شرحت لها بالعربي..ما فهمت..!!!!بالإنجليزي..ومن دون فائدة تذكر...!!!!.......وبالأخير لما زهقت قلت لها تنادي السواق...!! بعد معاناه ..!! وتحجج السواق بأن اليوم الجمعه والمشاتل مقفله ...راح يتأكد من شدة ازعاجي له..!! فرح قلبي وانا اسمع العاملة تقول بفرح ان السواق جاب شتلات ورود...!! الحين فهمت الموضوع صح..!!!!!! ومن فرحتها حسيت بأني مو لحالي اعاني من ازمة عدم وجود ورود بالبيت...!!!!! اوووف تو اتذكر ما عندي كاش كيف ابا احاسبه..!!! البارحة ما كان عندي وقت عشان اسحب...!!! والحل..!!!!!!!! رغم انه فشللله اطلب....بس مالي غير جدتي لحد ما اسحب....!!!! قلت للعامله ( لحظة ..قولي للسواق مافي روح عشان حساب ..زين ) قالت بلا مبالاه وهي تمر من قدامي ( خلي يروح ....مافي مشكلة... حساب نقص بعدين ..فلوس مال بيت ) ويش تقول هذي..!!!!!قصدها ميزانية البيت..!!!! بس اكيد هالشتلات غاليه...!! اوووف ويش هالورطه....!!! الشتلات كانت خليط مذهل من الورود والزهور بروائح زكيه زهور البسلم البري ( صفار) والياسمين ..والجلاديولس الأبيض ( البيظاح) والجهنمية بألوانها العذبة البنفسجية والزهرية والبيضاء...!! هالورود والزهور راح تعطي المكان اطلاله ملكية ..خصوصاً ان وضعية الأشجار خلاّبة بس ناقصها لمسة جمالية..راح تضيفها لها الورود..! العاملات انشغلوا بتحضير الغداء...يعني بروحي راح انقل الشتلات واباشر الزراعة..!! قبل لا اطلع تذكرت حاجة ورجعت اسأل العاملتين ( ويش بتسوّن ( تعملن ) غدا لليوم ؟؟؟) قالت وحده منهم ( منشب )....لااا ارجوكم الا المنشب ...!!! ما قدرت اتحمل طعم النارجيل مع العيش ( الأرز)... فقلت لها ( لا لا ....لا تسوي منشب ...سوي قبولي زين ؟؟؟) نظرت لي باستغراب ثم قالت ( زين )..!! حلو انها ما جادلت..!!! كمّلت شغلي لوحدي والشمس ابدعت بحرارتها..!! صدق لما قالوا شمس الشتاء خطيرة!! .... صوت خطب الجمعه تجي من كل صوب من المساجد المجاورة ...شعور حلو ومميز...يعطي ليوم الجمعة انفرادية بالتأكيد.... على آخر صلاتهم ..كنت اعرف ان الوقت تأخر ..وراح اضطر اكمل بقية الشتلات وقت العصر..! نظرت لنفسي ...كالعاده ..!! مثل ايام الزراعة في حديقة بيتنا الصغير بأستراليا..!! مزيج من الرمل المبتل مالي حذائي الغير مناسب للزراعة ..!!وايديني اللي من دون قفاز حالتهم اسوء ...وفي طريقي لإزالة قطرات العرق من جبيني لابد اني اضفت لمسات من الطين والتراب مع قميصي الفاتح المتسخ.......شكلي كان كااااااااااارثة....!!!! نقلت الشتلات اللي تو ما زرعتهم تحت ظل شجرة الغيضيت ( تين الجميز-التين البري) اللي كان ثمرها اخضر..بعده ما نضج....رصيتهم جنب بعض...عشان يحتموا من الشمس.... وقبل لا اقوم حسيت بيد تشد قميصي من الخلف....لحد ما وقفتني على رجلي بالقوة..!!!! |
رد: يا صلاله خبرينا // عن قلوباً 'تهتوينا'
فصل رائع نوار
الآن بدأت شخصية عليا بالوضوح لديها روح التحدي والمجازفه انا متعاطفه جداً مع باسل عجبتني عليا لما قالت انا مثل بنتك قفله شريره على أحر من الجمر لتكملة المواجهه عرفنا ان القبولي هو الكبسه ماهو المنشب بإنتظارك ياجميله. |
رد: يا صلاله خبرينا // عن قلوباً 'تهتوينا'
وااااااااااو الأحدااااااااث بالمره روووعه غلاتي
الحين أتضح لي أشياء بالشخصيااااااات ؛:/ ً وتحدي عليا لبااااااسل ؛:/- ما ظنتي يخليها ؛:/- بروحها ؛:-- ما شالله عليك مبدعه يا نواااااره ؛:/- دخلتيني جو بالأحداااث ؛:/-وقهري من باسل؛:/- بس أعتقد بالنهايه باسل بيكون لعليا ؛:/- يالله أنتظر الأحداث الجايه بحر من الجمر يالغلا ؛:/- >>> وفيس حده متحمسسس ؛:/- تقبلي مرور متابعتك دوم : همس الحجل :؛:/- |
رد: يا صلاله خبرينا // عن قلوباً 'تهتوينا'
السلام عليكم ورحمة الله وبركاته بارت راااائع كما عودتنا نوار تسلم يمينك أسماء واضح تعرف شخصية باسل زين من كلامها عندي إحساس إن حصل لها موقف مع باسل خلاها تعرف قوته وتهديده لها ماهو فقط بالأوراق مثل ماقالت لعليا أكيد شيء ثاني عليا والله ماهي سهله أعجبتني الطريقه اللي إتبعتها مع باسل تقهر فيه وهو ماهو قادر يتكلم على باله ما تعرف بزواجه منها أحسن شيء سوته عليا ماوضحت لهم معرفتها بزواجها من باسل لأن لو عرف باسل إنها عرفت الله يعينها على اللي بيجيها منه هو يتأمر وهو مايعرف بمعرفتها عاد لوعرف من بيرده عن ممارسة سلطته عليها ويمكن حقوقه كزوج اللي شد عليا من قميصها باسل أكيد مقهور منها لأنها في الحديقه والغيره ذابحته خايف أحد يشوفها باسل حلو شكلك وإنت مقهور من كلام عليا وماتقدر توضح لها عندي إحساس إنك تحب عليا من وهي صغيره لكن فيه سبب خلاك تتزوج بنت عمك ويمكن إنت شارط توافق على ملكتك الأولى إذا ملكوا لك على عليا في نفس اليوم لأنك خايف تضيع من يدك والا وش يخلي جدك يملك لك على الثنتين في نفس الوقت ومكالمتك لأسماء وتهديدها حتى ماتخبر عليا لأنك كنت منتظر الوقت المناسب اللي تخبرها فيه بنفسك أو الوقت اللي تتخلص من زواجك الأول اللي إنفرض عليك باسل خف شويه على عليا وغنت كل شويه راز فيسك وتتلكك لها حتى تشوف وتتكلم معها بأي حجه والله إنك رايح فيها أجل مافوقك من التمقل في وجهها غير صوت الأذان نوار يعطيك العافيه ومنتظرين الأكشن الجاي بين عليا وباسل بفارغ الصبر |
رد: يا صلاله خبرينا // عن قلوباً 'تهتوينا'
يسلمو علي البارتين
تحمست بس اتوقع الخاله علمت بعد المكالمة باسل او العم وبعد طريقتها في عدم الحرص علي الحجاب والتستر امام باسل بخلية يشك ام ما كان يتاكد انها علي علم بالموضوع خصوصا انه طلب اذنة قبل الخروج وليس اذن الجدة عندي طلب لو انهيتي البارت ياليت تختمينه بكلمة انتهى او الي اللقاء جالسه فترة احتري بارت ينزل |
رد: يا صلاله خبرينا // عن قلوباً 'تهتوينا'
قفله حلوه اللي جرملابسها هو زوج الغفله باسل مافيه غيره واضن مع الشد والجذب سوف تقنع نفسها بعدخالتها وتخليها عنهاان مالها الاجدتها واظنها بتروضه امايطلقهاوامايفصح عن زواجهم اللي هوباسل ومشكوره نواره علي البارتين
|
رد: يا صلاله خبرينا // عن قلوباً 'تهتوينا'
السلام عليكم
إبداااع وتميييز و جمااال كم أنت باذخه نوااره راقيه شعر وأرقى فناً وأدباً زادك الله جمالاً ورقي... وزدتي علينا بسيل من الجرعات خخخخخ مالك مفر نواره من مطالبنا فالشعب يريد المزييييد عليا سيري وعين الله ترعاك وحنا معاك خهخهخه و الوحده لو ماشغلت مكر و دهاء النساء وش تبي بنفسها << يعني تروح تصف جنب زوجة باسل الخبله وتنتحر أما تكشفين وجهك عليه وتثيرين غضبه على الطالعه والنازله بيزد حقده عليك وانك تضربين على وتر حساس وتدقين بكلام والله كله كوم (( وأنت شايب و أنا بحسبة بينتك )) ههههههه موتني ضحك جعلك على القوه يا عليا والله الأخت خذت راحتها تغير الأكل على كيفها و أحس الاكل خاص ةمن عاداتهم بيوم الجمعه أواهو طالب الأكله وأتوقع باسل شدها من ثوبها لأنها غيرت الأكل ولما سأل قالو لها ست الحسن والدلال خخخخ لا وأخذه راحتها تزرع وتحرث من غير شور أحد والله ان عليا دخلت نفسها بش ماهي قده بس الخوف من باسل يفهمها أو يشك أنها عارفه أو يسوي حركات نص كم ويحرجها بكم لمسه بكم كلمه وقتها ويش بيتسوي بنت ابوها والله انها فتحت لنفسها قبرها المفروض تفكر من الحين لمين تلجأ وين تروح خالتها واضح انها مخبيه شي ماهو هين بس ليش خبت عنها زواجها مهما كان السبب مايحق لها الله يستر لايكون بعد مخبين شي ثاني عليها نوااره تسلمين ويعطيك العافيه و بانتظارك |
رد: يا صلاله خبرينا // عن قلوباً 'تهتوينا'
السلام عليكم...
الله الله الله عليتس ياانواااره.. اجل ماتقدرين تردين على توقعاتي.. اجل ابشرتس وبااااقي بجعبتي الكثييييييييييييير منهااا.توقعاات نااريه.. قد تكون صااائبه وقد تكون خااائبه ...هخهخهخه اقولتس نوااره اول شي ابي اعرف وشوو المنشب؟؟؟ اشتهيته من اسمه.. صدق اني نشبه >>فيس مشفوووح..هخهخهخه اتوقع ان المنشب هذا غداااء الجمعه ويمكن يكون تقليد عائلي ولااازم ولاابد يكون على السفره يوم الجمعه.. ويمكن يمكن يمكن يكون يووم الجمعه هو اليوم الوحيد اللي تنزل فيه حرمة باسل وتشارك العايله غداهم وهي تحب المنشب ويسوونه مخصوووص عشانها.. وجت عليا بغفله وقررت تغير هالتقليد الغذااائي للعايله .. يعني باول يومين لها قلبت المنيو حق الجمعه وغيرته.. وهذا اللي ماسكها من قميصها يمكن يكون باسل ويمكن تكون حرمة باسل شخصياااااااا نزلت وعرفت انها غيرت الغداء من المنشب للقبولي وقررت توطا ببطن عليا .. اسماااء : اكثر شخصيه غامضه هو انتي... الغموض مايحتاج متعلق بابو باسل.. بس ابي اعرف هو صدق باسل وش ماسك عليتس ياا اسووم.؟؟. اتووووقع اتوووقع ان السالفه فيها اختس ام عليا وابوها .. شلون مدري عاد.؟؟ يعني يمكن متهمينتس انتس ذبحتيهم؟؟ الا صدق هم كيف ماتوا اهل عليا؟؟ او يمكن انهم متهمينتس بعلاقه مع ابو علياا وهربتي فيها خايفه عليها من هالاهل؟؟ والاحتماااااااااااال عااد اللي مدري شلووون طرا على بالي انتس تكونين ام علياااا مو خالتها؟؟ وهالتوقع اعتقد انه بعيد جدااااا عن الحقيقه.. الا لوو كنتي متزوجه ابو عليا وحبتي ابو باسل؟؟ >>فيس بدا يخرررف..هههههه ماقلت لتسياانواره ان التوقعات اليوووم ناااريه..هع ايه السفره لمسندم اعتقد بيصير فيها شي.. ياا بتقابلين احد تعرفينه هنااااك ..او انتس بتغرقين بهالعباره؟؟؟ علياا: احسن شي سووويته انتس قررتي اخفاء علمتس بامر الزواج.. اولها باسل ماااايستخدم حقه كزوج بالاوامر بالطلعه والدخله وثانيها انتي تكون خيوط اللعبه كلهاااا بيدتس..وتجلسين تلعبين بباسل يمين وشمال وهو ياااغافلين لكم الله.. واوولها انا مثل بنتك..ههههههههههه.. لقد اصبتيه بمقتل ياافتااااااة والرجال مصدووووم ..هخهخهخه علياااااااااا تدرين الحين وش فكرت فيه..؟؟ ان حرمة باسل تحتاج نقل كليه وهنا مافيه احد بيناسب لها الا انتي؟؟؟ أأأأأأأأأأأأأأأأأأأأأههههههههههئئئئئئئ..>>فيس يشهق...يااااااااااااخوووفـــــــــــي انهم اصلاااا ماجابوتس الحين الا لانهم يبغون كليتس لهااااااااااااااااااااااااا؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟ يووه يوووووه يوووووووووووووووهــــــــــــــ .. والله يمكن صدق انهم ماجاابوتس بهالوقت الا عشان تتبرعين لها بالكليه وهنا تقدر تعيش حياتها مره ثااانيه بشطل طبيعي..؟ وخصوووصاا انها طبعا ماتقدر تحمل وتجيب عيال وهي بهالوضع هذا؟؟؟؟؟ الجــده: مدري انتي حبوووبه بجد والا مثل ماقالت عليا ايمكن تمثيلين الحـــب؟؟ انا افكر انتس مخططه لكل شي.. شوفي اذا انتم ماحبيتوا ام عليااا ما اتوقع تحبون علياا وخصووووصاا ان حرمة باسل بنت الولد اللي انتي تحبينه مريضه.. يمكن فكره انهم يجيبون عليا وانكم تاخذون كليتها لو صح هالتوقع تكون فكرتس انتي ياا العجوز..بس حرمة باسل هاللي للحين مانعرف اسمها واتوووقع ان اسمهااا على اسم جدتها وتعتبر غاااليه كثييير على جدتها ماتدري عن هالخطه وكبت العلوم كلهاا باول حوار دار بينها وبين عليا؟؟ نوااره تسلم الايااادي يااعسل..و واذا الله احيانا بنكون ابانتظار باقي الاحداااث على احر من الجمـــر عشان اعرف وش اللي صح واللي خطا من التوقعات الناريه.. وعسى ماتكون كلها فشششنكككككــ..هخهخهخه دمـتي بــود |
رد: يا صلاله خبرينا // عن قلوباً 'تهتوينا'
ايه نسيت اقووول ان الحديقه هاللي تعدل فيها .. اخاف انها مكان محظووور استخدامه... يمكن له قصه وسالفه. ومايبون اي شي يذكرهم فيها. والا مو عجزانين انهم يحطون حديقه وورد .. بس الخوف انهم الحين يستقعدون للبنت ويرفعون ضغطها.. والا يمكن يمكن الورد يسوووي حسااسيه لاحد من اهل البيت سواء الجده اوووو حرمة باسل فممنوع انهم يزرعونه..
بس ان شاااء الله انهم مايقولون لعليا شي عن الحديقه ويتركونها تزرع وتحصد فيها بدون ماينكدون عليها وخصوووصاا ان لي توقعات حلووه وروومانسيه بهالحديقه..هخهخهخه |
رد: يا صلاله خبرينا // عن قلوباً 'تهتوينا'
السلاام عليكم زااارا يابنت اهبطي قسم فريتي راااسيً
والظااهر ان نوااار بدت تتأثر بتس وقامت تتبع خطووواتك ......متعوب هليهاا زوير نفس توقعتس ان عليااا بنت اسماء واضافتها لاختهااا لسببب وشووو والمشكله اننا نتوقع ان لها علاقه بابو باسل طيب باااسل زوجها مستحيل يكون اخوهااا نواااااااره عجلي علينااا حستي مرريرنااا حوسً وظبية الشرقيه ولا عليك امر دوري وابحثي وفتشي عن لقب زييييين دورتس يختي ومن جد فرحنا زاارا فيك هالاياااام خيور خيور طلاتك علينااا واجد وننتظر نوااار |
رد: يا صلاله خبرينا // عن قلوباً 'تهتوينا'
اقتباس:
نجوووول والله حتى انا فريت راااس روحي..هخهخهخه هي مهيب اخت باااسل..هي بنت عمه بس الام يمكن تكون اسمااااء وصارت تحب ابو باسل ؟؟ مدري شلون بس هالتوقع شكله فشششننننك الله يفرحتس ياقلبي بالغوالي .. ابد انا ما اقصر من افضى على طووول اجي هنا وش اللقب اللي تبيني افتش عنه؟؟؟؟ تدرين اذا شفت اسم ظبية الشرقيه هنا استغرب ..بس زارا هناك عاادي مررره.. |
رد: يا صلاله خبرينا // عن قلوباً 'تهتوينا'
السلام عليكم
ظبية يا خطيرة عليا بنت عمه صح ومو بنت اسما بس اسماء زوجة ابو باسل صح عليج وهي حاليا مع ابو باسل وشوفي شخصية باسل عكس شخصية ابوه المنفتحة بالعكس هو متشدد بزيادة كردة فعل لما فعل ابوه وحتى يعوض جدته ابنها الي فقدته يعني باسل صور الابن وفق عادات العائلة بس صورة مو حقيقية يعني باسل داخله رافض العادات الشديدة بس محمل نفسه مسؤلية ما فعل والده تحياتي للكاتبة وجميع متابعيها قصة مميزة ومتابعين مميزين |
رد: يا صلاله خبرينا // عن قلوباً 'تهتوينا'
اقتباس:
يااامرحباااااااااااااااااااا مليااااار ومايسدن.. هلا ومليار غلااا مشتااقين ياااااعسل.. ايه مو اناقلت انها بنت عمه حتى لو انها بنت اسماااا..فهي بنت العم بالنسبه لباسل.. وبالنسبه لانه محمل نفسه مسؤلية اللي سواه ابووه فهذا صحيح ميه بالميه.. بس ابي اعرف انتي وين مختفيه ياا ابلاا ترى انتي من الناس اللي لهم تاثير كبير بالردود ولهم وجهات نظر خاصه فيهم تعطي الروايات شكل ولوون ثاني.. امتعينا بهالحظور مره ثانيه>>يامعلم الناس علم نفسك..هخهخهخه |
رد: يا صلاله خبرينا // عن قلوباً 'تهتوينا'
أول شيء أحب أشكرك نوار لأنك رجعتي لنا قراء مميزين نستمتع بردودهم وتواجدهم بالمتصفح دليل على تميزك يالغاليه منوره إرادة الحياه إشتقنا لردودك يالغاليه وغن شاء الله نشوفها على طول بنتي زارا اخاف اقول ماما تزعلين تقولين كبرتيني لأني أنفع أمك جدتك المهم منوره المتصفح وردودك المميزه تعطي نكهه خاصه للروايه لكن تعالي طيرتي عقلي بتوقعاتك اللي مدري من فين جايبتها أنا مثلك جاء على بالي إن عليا بنت أسماء لكن تراجعت عن الفكره خاصه لو أسماء كانت أو مازالت متزوجه ابوباسل أما التوقع اللي ماني مقتنعه به إنهم أحضروا عليا حتى تعطي كليتها زوجة باسل ما أدري مادخل راسي أو يمكن لأنه مايمشي مع توقعي إن باسل يحب عليا من زمان وهي صغيره اما غضب باسل وشده لعليا جايز تصدق توقعاتك لكن أنا أظن إنه غيره عليها ولأنها في الحديقه وما أظن إنها متغطيه |
رد: يا صلاله خبرينا // عن قلوباً 'تهتوينا'
اقتباس:
منور بوجودتس يااعسل.. ههههههههههه مو انا بعد طيرت عقل نفسي بنفسي..وقلت ان توقعاتي ناريه اليوم وبمكن تصيب ويمكن تخيب.. ومن الردود شكلها خايبه وبااقي بس رااي البق بووووس نواره..هخهخهخه شووفي يا حبيبتي انا هالتوقع بعد مو مقتنعه فيه 100% بس.لو حصل فانا اقول ان اسماء كانت متزوجه ابو عليا.. وابو باسل كان متزوج ام باسل وجابت له باسل.. وبعديــــن ابو عليا مات واسماء حبها ابو باسل وتزوجها يمكن عشان بنت اخوووه.. ويمكن لانه حب عقلها وفكرها مقارنه بام باسل اللي اتوقع انها قريبه لهم وطبعا يجري عليها نفس اللي يجري على بنات العايله من تعليم محدود او حصار فكري مايقبلون ان بناتهم يتعدونه..واسماااء حبته بجد لانه فكريا مناسب لها..اكثر من ابو عليا.. وعشان كذا يمكن زوجة باسل قالت لعليا انتم لعبتوها صح يوم تكلمت هي ويا عليا..؟؟ اما توقع انهم يبون كلية لزوجة باسل ..فعاد هالتوقع ارشحه اكثر من توقعي ان اسماء ام عليا.. يعني شووفي كم لها حرمة باسل تعبانه وتعالج يمكن ثلاث سنوات؟؟ مدري انا قريت كذا والا هالشي مر في بالي وانا اقرأ ان لها اكثر من ثلاث سنوات.. المهم بعد ثلاث سنوات بدون شفااء من الغسيل اكيد انها تحتاج نقل كليه.. وهنا يمكن ماخطر في بالهم الا عليا من الاقارب.. توها صغيره وبصحه وعافيه .. وهي المرشح الافضل لعملية النقل. لو كانوا كشفوا على اخوانها وبنات عمها كمتبرعين بس مافيه احد نفع منهم... واصلا يمكن هم عارفين انها تتوافق 100% للعمليه من خلال كشوفات لها وهي صغيره او حتى وهي كبيره.. ويمكن هالشي مخطط له من الثلاثه الجده والعم وباسل.. بس هم اللي مخططين لهالشي بدون مايعرفون الباقي.. عشان كذا عليا كانت تقول ان الجده يمكن تمثل عليها الحب لانها تبي البنت تحبها وعقب لو تطلبها اي شي بتنفذه لها.. وبــــــس سلاامتس يااعسل.. |
رد: يا صلاله خبرينا // عن قلوباً 'تهتوينا'
السلاااام عليييكم
صبااح الامطااار والتوقعااات اللي قلبت ام راس اللي ماينقلب راسه ههههههههه ابلا اراده هلا والله وغلااا نور المتصفح يالغاليه مااااااااااااااااااااااماااااااااااااتي ..تكفيييييين احذفي توقعتس اللي مايخطر على البال اجل جايبين هالضعيفه علشان ياخذون كليتهاااااااا ؟؟؟؟؟؟؟؟؟؟؟>> فيس مطير عيونه والله لو انهم لاقينها في الشارع ..الحين بنت عمهم وبنت الغالي على قولتهم واخرتهاا جايبينها علشان كليه ؟؟ ابداااا هالتوقع ماله اساس >> نوااار لايكون هالشي ببالتس ترى كلنا بصف علياا ونسويها حرب لو هالشي صاااااار وبعدين ضااااااااقت مايناسب لها الا كلية علياا ؟؟ وين امها وابوها واخوانهاا !!!!! المهم هالتوقع حطي عليه اكس .. اما ان علياا بنت اسمااء ؟؟؟ فهالشي مايخالف وينبلع مو مثل اللي قبل >>هههههه احس مربط الفرس عند هالاسماء .. بس اتوقع انها لازورت اوراق ولا شي ..بس كانت مجرد كذبه علشان تبرر لعليا سبب هروبها وابتعادها عن اهلهاا .. بس فيه شي ثاااااااني ماسكه باسل عليهاا .. يمكن انها متزوجه من ابو باسل بالسر .. او يمكن ماسك عليها شي بخصوص شغلهاا .. والله هالباسل حسيت مااحد يعرف له الا اسووووم .. خخخخ وعلى طاري سالفه زواج عليا من باسل اكييييييد زوجة باسل بتخبره ان عليا جات لها فوووق وعلمتهاا بكل شي .. نوااااااري .. تسلم الاياادي ياقلبي .. بانتظااار الاكشن بين الوحش والجميله هههههه |
رد: يا صلاله خبرينا // عن قلوباً 'تهتوينا'
اقتباس:
بحضورك الطيب ..الراقي.. من الممكن ان يكون تعاطفك مع باسل في محله .... المنشب هو القبولي او اقرب للبرياني لكنه يطبخ مع وجود حليب جوز الهند ...كــ مكون اساسي..! وانا في انتظار حضورك الدائم.. |
رد: يا صلاله خبرينا // عن قلوباً 'تهتوينا'
اقتباس:
واهلاً فيك...يا همس الخجل .. وانتي صادقة..اكيد باسل ما راح يترك عليا بروحها..راح يظهر لها بكل مكان.. وانا اسعد بمرورك ومتابعتك اكثررررر.. |
رد: يا صلاله خبرينا // عن قلوباً 'تهتوينا'
اقتباس:
.. تسلمي يالغالية..فيتامين سي مثل ما سبق وقلت انا متأكده انك من متقنين لغة المشااعر ...لأني اقدر الاحظ ميولك وروعة تحليلك لمشاعر كل شخصية.. .. الله يعاااافيك ويحفظك .. يالغلا.. |
رد: يا صلاله خبرينا // عن قلوباً 'تهتوينا'
السلااام النوووري اول مره نتفق على شي. الزوووري انهبلت الظاهر امس نايمه على فيلم
فيه اكشن قووي وين ياخذون كليتها وهم حللوا لها تطابق ولا ما تطابق ومستحيل الجده ترضى الي خلاهم يتحركون ويجيبونها مقابلة الطب ومع مين مع الغضنفر باسل نواااااااارة تعالي اهنيك ان رواايتك جذبت اسمااااا كبيره بنسميهاا رواية عودة الطيور المهاااجره. االزوووري الي عسى ماتسكن بصلااااااالة قدام بيتهم حتا شكل الفله حافظتها ....ابلا ارادة. الي اشتقنا لها كثير واسماء كبيره تابعتها علياااء ياخوفي هاللعبه الي تلعبينها اول من بيتضرر منها انتي اجل انا مثل بنتك ههه بتعجزين وهو يتنكس كنه ولد البااارحه المهم المنشب مابيه مدام فيه جوز هند بس القبولي. قابلين فيه. يعني عليااا ماغلطت بهالنقطه هي راعية البيت وتطبخ الي تبي اسمااااا واه من اسمااا وشو سرهااا هي اكيد لها علاقه باهل عليااا كزوجه. كحبيبه وطلب زواج انرفض من اهل هلياا وعارضوه. بس شلون عرفت انها عقيم !!! مااالنا الا الصبر ننتظرك نوااارة |
رد: يا صلاله خبرينا // عن قلوباً 'تهتوينا'
هلا بالغوالي كلهم من صغيرهم لكبيرهم ماما زار ولا عليك منهم هذي الحواس الخارقة ماهو كل البشر تمتلكها هخهخه
وبعدين توقعك الخطير الجميل أنهم جايبنها عشان كليتها ممكن ليش لا بس خذي تعديل بسيط يناسب لنا وفيه رومانسية خخخخ ان عليا هي تطلب تتبرع بكليتها لها لانها بتلوم نفسها وانه من الأسباب الي خلت حالت بنت عمها تسوء بس باسل يرفض ويخاف عليها وش رأيك ماما زار |
رد: يا صلاله خبرينا // عن قلوباً 'تهتوينا'
اقتباس:
دقة ملاحظتك اعجبتني كثيير...اللي هي حول امكانية شك باسل انه عليا تعرف عن زواجهم ... ..... //// الجزء اللي منزلته كان الجزء التاسع..لكني حطيته على قسمين ..وبعد القسم الأول اردفت فيه عبارة اني راح اكمله لاحقاً .. لكن طالما ما في تحت الجزء يتبع ..يعني ان الجزء انتهى..وان شاء الله اعمل على ملاحظتك ..بختم الجزء بعبارة توضيحيه.. كوني بالقرب داائماً .. |
رد: يا صلاله خبرينا // عن قلوباً 'تهتوينا'
اقتباس:
يمكن يسيروا على نهج المقوله اللي تقول ما بعد العداوه إلا.......؟!!! العفو يالغلا...لا عدمنا من تواجدك.. |
رد: يا صلاله خبرينا // عن قلوباً 'تهتوينا'
اقتباس:
لباااا قلبك الطيب تراانيم..صدقيني يالغلا الابدااع والتمييز..هو ما لمسته منكن ومن ردودكن الطيبة المشجعه..اللي بالفعل زادتني تمسك بالرواية.. وحب للتواجد بهذه الأوساط المليئة بالقلوب الشفافة النقية.. الله يبارك في الجمييع ..وعسى ما ننحرم من احد... //// (والله انها فتحت لنفسها قبرها) توقفت عند جملتك هذي......واحييك عليها تماااماً ..!! /// تسلم رووحك ترااانيم..ويعافيك ربي ويبقيك.. |
رد: يا صلاله خبرينا // عن قلوباً 'تهتوينا'
اقتباس:
اقتباس:
هلا وغلا ومرحبااا بكبيرة المحللات ..ايه والله وانا صادقة ماشاء الله عليكِ دااايم مواكبة ومستغرقة بالأحداث.. طال عمرك المنشب مثل ما قلت لمزوون قبولي او كبسة لكن يضاف للرز حليب جوز الهند ..وما يضاف له اللحم او الدجاج اثناء طبخة..يعني يكون رز لوحده..وفي العادة يقدم مع طبق من السمك المشوي على جنب... مو بالضبط..لكن الأكيد انه راح يصير تاتش بسبب هالمنشب بين عليا وباسل وخصوصاً انه هو اللي طالب عمله في هذاك اليوم على غير العاده..!! بالنسبة لنقل الكلية انا اقول عينً ما ذكرت الله صاابتك وهي تشوف توقعاتك هههه عااد كله ولا عليا ..محد راح يرضى بهالموضوع واولهم السيد....!!؟؟ حديقة عليا راح تبان خباياها بالجزء القادم ان شاء الله..وصدمة باسل بالأرض اللي مهيأة لزراعة الأشجار..قد تم احتلالها من قبل عليا..!!! خالص المحبة والموده لك زارا.. |
رد: يا صلاله خبرينا // عن قلوباً 'تهتوينا'
اقتباس:
في بعض الأمور.... ..// الله يحييك ارادة الحياة.. |
رد: يا صلاله خبرينا // عن قلوباً 'تهتوينا'
اقتباس:
يا هلاااااا وغلااا بالنووووري.. الحمدلله على الأمطار اللي ربي انعم بها علينا وعليكم.. .... ههههه لا تكفووون لا حد يعلن الحرب علي ..انا مالي دخل حولوا هالحرب على زارا هي اللي قالت بتوقع نقل الكلى ( فيس خيااااانه) .. ما زالت الأمور في غموض بين اسماء وباسل..( وابو باسل يمكن..؟!!!) .. هههه الوحش مره وحده....افااا راح فيها بااسل.. .. تسلم رووحك يالغالية....ربي يحفظك.. |
رد: يا صلاله خبرينا // عن قلوباً 'تهتوينا'
اقتباس:
لي الشرف والله بأن الرواية تصل لذائقة اهل منتديات ليلاس...وان شاء الله تكون على حسن ظنكم حتى النهاااية... الخالة قد حذرت عليا عن خطورة لعبتها...! لكن عليا مستمره...بوعي او من دون وعي...والضرر لا مفر منه.. هههه ما عليك ترى المنشب لذيذ ..والبرياني بجوز الهند حلووو..جربيه انتي بس.. .. ربي يسعدك يالغلاااا.. |
رد: يا صلاله خبرينا // عن قلوباً 'تهتوينا'
((الجزء العـــاشــر )) [[ كلـــما ]] بــــان الفــــرق . . . ! "بيــن سُــــعدي ،، و القــــلـــق " ~~ اختنـــق~~ . . . [ واليـــأس رد ] & الشفق.....للشاعر سالم المعشني & يد باسل ما زالت قابضة على قميصي من فوق... القى علي نظرة سريعة ثم هز راسه بغضب وعدم رضا....!!!! من دون كلام ..واصل سحبي من قميصي باسلوب مستهتر..!!! اغضبني ...!!! صرخت فيه ( هيييي وقّف ....انت بأي ...) قبل لا اكمل اطبق يده على فمي....!!!! كان يسحبني باتجاه الباب الخلفي...!!! اللي يوصل للبيت عن طريق المطبخ ..!! ويده الكبيرة اللي يمكن بحجم وجهي ما زالت مكممه فمي ..!! ومافي اي فرصة للمقاومة بالتأكيد...!!! ما في اي وجه للمقارنة بين حجمي وحجم باسل .!! بس القهر اللي فيني ..خلق محاوله دفاعيه..فرجعت يدي بسرعة للخلف وارتطمت بقوة على صدره...!!! قال ( لا توسخي ثوبي بالطين)..!!!! بسسسسسس ..!! هذا اللي صنعته ضربتي...!! وصلنا للمطبخ ...امام نظرات العاملات المذهولات من المنظر الغريب..!!! حسيت وجهي طاح قدامهم ..عقب هالموقف ما راح يحترموني...!!!! وكله بسبب باسل..!! حاولت اتكلم بس يده ما زالت كاتمه علي ..!!! واخيراً تذكرت السلاح الحاد اللي داخل فمي ...!!! اسناني..!!!! فتحت فمي وبكل قوة اطبقت باسناني على يده المليانه بالعطر الثمين....!! وابتسمت وانا اسمع تذمره وبعد ايده بسرعه قال بغضب ( سيري قدامي ) رديت عليه بعناد ( مابا اسير مكان غير غرفتي ...وعلى فكره تراك مو محترم ..... وابا اشتكي عند جدتي من اسلوبك معي ...! انا قلت اني بحسبة بنتك.... لكن عاد ما قلت انته ابويه الحقيقي منشان تسحبني بهالطريقة )..!!! بقهر سحب يدي بقوة خارج المطبخ ...صرخت فيه ( اترك يدي ...ويش هالوقاحة ..اترك يدي تراها عورتني من قبضتك) وقف لما اصطدمنا بجدتي المنبهره بالموقف واللي كان معها كل الحق عشان تنبهر....!!! قلت بسرعة ( جدتي شوفي باسل ..ساحبني بقوة من المزرعة لهنيه بقلة احترام..كلميه) قالت بصدمة ( باسل ..!!!) رد بهدوء مفاجئ (امي غاليه ..انا جاي من المسيد ( المسجد) ومعي واحد من ربعي وهذي واصلة عند شجرة الغيضيت (التين البري) جنب السبلة وهي بهالحاله اللي تشوفيها..!! نظرت جدتي باتجاهي بعدم رضا ..!!انحرجت ووايد من هالنظرة..!! قلت بدفاع ( وانا ويش دراني ( عرفني ) ...الريال من المفترض انه يتكلم قبل يدخل حد بيته) رغم الألم ..إلا اني حسيت بالانتصار لما زادت قبضة باسل على يدي..وهذا دليل على ان الخطأ منه..!!! قالت جدتي بانصاف ( عليا صادقة يا باسل..بعد ايدك عنها ..ومره ثانية ود حد جاي عندك تفطن ( تذكر) تخبّرنا )..!!! ثم اردفت بسرعة ..( من ..من ربعك ( اصدقائك ) هنيه ) رد عليها ( هذا سعيد ..من زمان وانا اقوله تعال..قال بجي بس سويلي منشب مع سمك مشوي) انصدمت فمكاني...!!!!!!!!!! لااااااا ويش هالحظ....يااارب ان العاملات ما سمعن كلامي..!! قالت جدتي باستنكار ( منشب وسمك.....كان مسوين له قبولي لحم ( كبسة ) احسن ) رد عليها ( ويش اسوي به هذي طلبته روحه ) الهروب ..فكره اكثر من رائعة في مثل هذي المواقف..وبالتحديد المواقف اللي من الصعب اختراع حجج قوية لمجابهتها...الهروب خيار لا مناص منه .......!!!!! لكـــن صوت العامله جلب الحسرة العظمى إلى قلبي..!!!!!!! ويش مسويه انا ...ويش هالحظ اللي عندي..!!!! ( ماما صغير قول سوي قبولي مافي سوي منشب) واكملت حديثها بالإشارة إلي كجانية ..!!! قال باسل بحده ( ويـــــــش......عليـــــــــا ) لذت بالصمت ...!!! يعني ويش اقول..!!!! قالت جدتي ( استهدي بالله يا ابويه ...ما استوى شي..) رجعت اليد الحديدية تضغط على ذراعي بقوة وهو يلفني لجهته ( انتي بأي صفة تلغي كلامي ..وتمشّي اللي انتي تبيه ..هااه ) ثم التفت للعامله ( وانتي كيف تسمعي كلامها ..وانا جايب سمك طازج وموصنك تسوي منشب مع سمك مشوي) ثم هز يدي بعنف ( تكلمي ) فكرة انك تعصّب في وجه انسان معصّب ..!!! ومن الأساس تكون انته الغلطان صعبه جداً ..!! لذلك افضل شي لتعديل الأمور وتهدئتها .........تغييرها ..!!!!! قلت بأسى مصطنع ( اوووه باسل شوف دشداشتك البيضاء ( ثوبك ) توسخت بالطين ..خليني ابعد عنك ) فكرة ما كانت عبقرية ..!!! لكنها ابعدت باسل عني..!! واقتنصت الفرصة للهروووب الى الطابق الثاني باتجاه غرفتي..!!! بعد الانتعاش والنظافة كان للذة قبولي اللحم متعه خاصة ..!! هه يمكن لأني ناضلت في سبيل الحصول عليه بدل المنشب..!!! بعد الغدا تمددت فالكنب..وشفت جوال جدتي.. قلت لها ( جدتي ممكن آخذ جوالك ابا اخزن ارقام عمامي وبناتهم) قالت ( ما يخالف يا امي) خزنت ارقام الجميع ..وكان رقم باسل في مقدمة الأرقام بأحرف اضافية..حتى يكون اسرع بالنسبة لجدتي للوصول له...احترت اخزنه معي ولا...؟؟؟ بس من يعرف يمكن احتاجله باحد الأيام..خلني اخزنه معي...!! جدتي رجعت لغرفتها تقيل...وانا انتظرت اسمع صوت باسل يرجع ..عشان اكون متأكدة ان ربيعه راح.......واروح اكمل زراعتي ....... بس ماشي فايده..ماله حس ( صوت ) ابد..يعني ما زال عند ربيعه..!!!مالي الا انام عشان اصحى العصر بنشاط..!!! العصر نزلت تقهويت بصحبة جدتي باستعجال و روحت اكمل شغلي بالمزرعة.. على باب مخرج الصالة حصلت باسل واقف يشوفني باستغراب ( وين ماشية )؟؟ رديت عليه بعجله وانا اتعداه ( رايحة اكمل زراعة الورود) وصلني صوته المستغرب ( اي ورود ؟؟؟) اوووه مو فاضية له ..ومالي بارض ارد عليه وادخل في متاهات معه!! جبت الشتلات من جنب شجرة الغيضيت ونقلتهن لحديقتي الصغيرة اللي سويتها ..وبديت اكمل شغلي..!!!! وصلني صوته المقهور ( انتـــي ) ثم سكت وبعدها قال ( اعوذبالله من الشيطان الرجيم) قلت له بقهر ( ويش شايفني قدامك لين تتعوذ هاه..ويش سويت لك هالمره عشان تعصب انت اللي هالكني فكل مكان لاحقني..ومزعجني) قال بنرفزة ( لو انك حالك حال العالم كان بسكت عنك...لكن روحك تدوري عن الشر) قلت بصدق ( الحين ويش مضايقنك فالموضوع..المزرعة كلها اشجار كبيرة..ومزروعات وثمار.بس ناقصنها حديقة ورود ..وانا حصلت هالمنطقة فاضية وقلت استغلها..) ثم اردفت بتذكر ( آآه صح ..متضايق منشان ما حاسبت السواق لما جاب الشتلات..ترى ما كان عندي كاش ..نسيت عن اسحب بارحة ....بس لما ابا اسحب بعطيه عشان يرجعهم لميزانية البيت وانتهينا.....والحين خليني اكمل شغلي..ترى اذان المغرب ما يتوانى ( يتأخر ) ) صرخة غضب وقفتني لا شعورياً ( عـــــليـــا) ثم اردف و هو يتنفس بغضب وااضح ( والله يا عليا ان ما تعدلتي ما ارحمك...ترى اعصابي على الحافة ) استغربت كل هالضيق وقلت باستغراب صادق ( الحين انا ويش مسوية ) قال بقهر ( انتي تبي تجننيني..!!! الحين بالله انا جاي هنيه عشان شتلات ورد حتى ما اعرف شي عنهن.....انتي كيف تفكري..!!!!) الهدوء والعقلانية من طباعي اللي تساعدني على فهم من حولي والتصرف بحكمة وذكاء..!!! لكن البلاهه هذي لم تكن احدى طباعي ابداً..!!! الا ان وجود باسل اظهر هالصفة..!!ليش ..؟؟ وكيف..؟؟! هذا اللي ما زلت لا اعرفه..؟؟؟! لما طال صمتي..!! رفع يده واشار لحديقتي الصغيرة..!! وقال ( هالمنطقة محروثة ومجهزة لزراعة اشجار الموز....مو عشان ورودك) بسسس..كل هالضجة..عشان كذاا..؟؟!!! قلت له ببرود ( الحين حاشر العالم ..!! عشان اشجار موز...!!) ثم اردفت بتذكر ( لا وبعد موجوده من قبل.. .) اشرت على السياج اللي على جهة اليسار وقلت ( موجوده في هذاك الصوب )..!!! انهيت جملتي لما حسيت شي ثقيل وناعم يتسلق جسمي لأعلى ...سرت القشعريرة في جسمي بأكمله ...نزلت نظري لهالشي الغريب...!!! لأفجع بثعبان ناعم ملتف اعلى ذراعي وراسه بجنب عنقي..!!! وصلني صوت باسل البارد ( لا تتحركي ) لكنه كان يطلب مني المستحيل ...اكبر عقدي اثناء وجودي في استراليا كانت الثعابين..كانت ما تفارق خيالي لا في يقظتي ولا في نومي ... لكن الآن ثعبان حول ذراعي وقريب من عنقي وما اتحرك ..كان فرط من الخياااال.... اول ما فقت من صدمة المنظر تحركت بعنف وصراخي عم المنطقة ( داااااااااااااب ) حركت ذراعي بعنف وقوة عشان يسقط بس ماشي..!!!! كان مثبت نفسه بالتفافه حول ذراعي حاولت اركض وابعده عني بس يد باسل منعتني وهو يصرخ ( لا تتحركي ..لا تتحركي) صرخت بدموع وعنف ( خليني ..اااه ....لدغني ..اااااه يا امي ..باسل بعده..بعده عني بسرعه ..شلّه ( شيله ) عني ..لدغني ..بسرعة ) شفته من بين دموعي يمسك راس الداب ويضغط عليه من فوق ومن تحت بأصابعه وبيده الثانية بدا يفك التفافته من حول ذراعي .. والخدر والخوف مو الألم ...غطوا جفوني حتى ما حسيت بشي الا برودة الجو....ثم تلاشى كل شي من حولي.... اول صوت وصلني واثبت لي اني ما زلت في عالم الأحياء..!!! كان صوت جدتي المصدوم..!! ( باسل ويش فيها عليا ...ويش صار ) صوت باسل لما وصلني كان قريب ..قريب واايد قال بصوت مطمئن لجدتي ( ماصار شي يا امي ..بس حصلنا داب الوادي الصغير ..وروعها)!! الوضع ما كان مريح بالنسبة لي بس الغريب اني ما كنت احس بأي الم.؟؟؟!!!وين الم اللدغه..!!!؟؟ فتحت عيني ..وتحركت بسرعة منصدمة اول ما شفت الداب بيد باسل ...!!! في نفس اليد اللي كانت حاملتني..!!!!وراس الداب كان قريييب من وجهي..!!! تحركت بعنف وضيق من وجودي بين يدين باسل ..وبسبب وجود الداب قلت له بصرخة ( نزلني..نزلني ..وبعد الداب عن وجهي) قال بضيق ( اصبري لا تطيحي..ولا تخلي هالصغير الحلو يهرب مني)..!!!! الحين الداااااب صار صغير وحلو ...!!!!!! لااااا هذا مو صاحي.. قلت بقهر ودموعي تنزل( انته مو صاحي..نزلني الحين....نزلني اقولك ) مددني في الكنب بهدوء....مو راحة لي ...لااا بس عشان الداب يكون ثابت في يده وما يهرب..!! ما قدرت اقاوم البكاء من القهر اللي يصير قدامي..!!! جلست جدتي جنبي وقالت ( تعالي يا امي ..سلمتِ ..سلمتِ ) مالي بارض اتذكر ويش ينقال ردً على اللي يقول سلمت... بس واصلت تغطيت وجهي بحضن جدتي الدافي وكملت البكا بهدوء...مدري ليش ابكي ..؟؟ بسبب الداب اللي ما لدغني حتى..!! ولا بسبب هاليوم اللي من اوله بادي بمشاكل ....!!؟!!! حضن جدتي كان غيييير..لأنه مرييح كثييييير..... بعث في قلبي الراحة...وكنت فحاجته...وجدتي مقدره وحاسه فيني... بعد ما جفت دموعي رفعت جدتي وجهي وقبلتني اعلى جبيني وقالت ( سلمتِ يا امي ) اخذت نفس عميق ورديت عليها ( سلم من قال) رفعت عيني وتفاجئت من رؤية باسل هنيه ..!!! طول هالوقت وهو ما راح..؟؟!! والداااااب ما زال في ايده ..!!!!! قال بابتسامه ( كيف اللدغة عسى ما تعورك واجد ) يستهزئ فيني ..ما رديت عليه..!!! قال بسرعة ( شوفي وتعلمي هذا الداب توه صغير ..داب وادي..يمكن جاي مع شي من المزروعات وما انتبهنا له..لكن هالداب مسكين ما يلدغ ..) ثم قال وهو يقربه مني ( شوفيه وحفظي شكله ).!!!!! قلت بصرخة ( مابا اشوف شي ..بعده من هنيه ..جدتي قولي له يشلّه) قالت جدتي ( باسل ..لا تروعها ..قتله برع وارميه ) قال باسل بقهر متعمد لي ( لاااا ليش اقتله ..بحطه فحديقة الورود ..اصلاً هو جاي مخصوص يشوفها .. ويستمتع بالورود... ) قلت له بقهر ( والله انك تقتله ..وهذا انا قد حلفت ) ضحكته الصاخبة ضجت في الصالة وهو في طريقة للخروج ..لصلاة المغرب.. بعد العشاء ..اتصلت عمتي هاجر وكلمت جدتي..ثم طلبت تكلمني ظلينا نسولف لفتره ..وبعدها سمعت صوت مزون وهي تحاول تاخذ الجوال من امها و تقول لأمها اعطيني اياها ابا اكلمها.. اول كلمتني... قالت مزون بنرفزة ( اخيراً تنازلت امي وعطتني الجوال..!!كيفك عليا ..شخبارك يا بنت الحلال نسينا ما خذنا رقم جوالك ..لا انا ولا بنات عمي احمد..! عطيني اياه الحين ..خليني اكلمك على راحتي ..طول الليل..!!! وبعد ما اخذ كل علومك ..بخليك ترتاحي ..وبعدها برسله لبنات عمي احمد.. عاد الله يعينك عليهم ..!!! ثلاث ...بس برأيي تخصصي حق كل وحده يوم ...ويش رايك ...؟؟) وييييش هالإعصار ..!!!!! قلت بضحكة ( الحين تبيني ارد على سلامك ..ولا اعطيك رقمي..ولا ارد على كلامك )؟؟! قالت بتذكر ( اوووه صح .. السلام عليكم..بس عادي لا تردي الحين ..احسن تردي بعد ما اتصل فيك من جوالي ..هيا هيا ..اعطيني رقمك..) الله يعين راسي على الازعاج اللي راح يجيني الليله..!!!!! قلت لها بابتسامه ( ما يحتاج..رقمك موجود معي ..اخذته من جوال جدتي وابا اتصل فيك بروحي) قالت بسرعة ( زين ..زين ..لا تتأخري ..وابا اخبرك عن مفاجأه راااح تعجبك واااجد..يله باي) وصلتني دمدمة عمتي مزون( انا كم مره قايلة لك لا تقولي باي ..قولي فامان الله قولي كلامً زين) ورجعت قالت لي ( الله يعينك عليها يا عليا..!! ترى مزون ما فيها من العقل ذره..)!! تكلمت معي شوي ثم قالت ( عليا باكر العصر بنروح السوق ..خليك جاهزة حبيبتي بنمر عليك ) مررت الفكرة في بالي..فرصة حلوه ..وبالمره اجيب عباتي ..واتمنى انها جهزت لأني وعدت الخياط بضعف المبلغ ..عشان يجهزها بسرعة..!!! قلت لها ( يصير خير ان شاء الله ) قالت ( تمام ..اذاً..نلتقي باكر اذا ربي شاء ..يلله اخليك الحين..فامان الله) ... بعد العصر كنت لابسه العباية والشيلة برقبتي ..وبايدي الغشوة ..وحقيبة يدي..!! .وانتظر عمتي ... غمضت عيوني لما تذكرت ان مزون بعد بتكون موجوده..!!! احس راسي متصدع من امس لحد الحين ..فيها هبل مو طبيعي..!! او يمكن انا مو متعوده عليه..!!! دخلت الصالة ....جدتي تعرف اني راح اطلع السوق مع عمتي هاجر..لكن لمحت في وجهها نظرة غريبة..!!! لمحه من الاستنكار..........!! جاء في بالي باسل..!!! هه اكيد ان جدتي ودها اني اروح استأذن منه..!! لكن ما محصله الصيغة المناسبة.!!! .............ما علينا !! قريب راح تنتهي هالمهزله.. قلت لها وانا طالعة ( جدتي اذا ذكرتي شي تبيه من السوق ..اتصلي فجوالي..بروح انتظرهم عند المدخل) ..وطلعت.. فرصة ازور ورودي...من امس بعد ذاك الداب ما شفتهم..!! حصلت المكان مرتب ..واخر الشتلات مرتبات صح..!!وموصولات بنظام السقي ..!!!!! معقووله باسل ..!!! حديقتي الجديدة كاانت رووووعه ...وريحة البلسم البري منعشة كثييير.. تميت ( ظليت) اتفقد الورود... (عليا......؟؟؟؟؟ وين رايحة ؟؟؟؟؟ !!!!) التفتّت ناحيته ...بصراحه غزاني الخوف...هو يعتبر زوجي يعني لازم اسمع كلامه صح..؟؟!! واستأذن منه..؟؟؟!! بس لاااا انا مو ملزومه اسمع كلامه لأنه ما يستحق..ومجرد معرفة ما يباني اعرف عن صلته بي ...فكيف يأمر وينهى .....؟!! وكيف ينتظر مني الطاعة ..؟؟!!!! رديت بلامبالاه ومزاجي اليوم في الحضيض( رايحة السوق مع عمتي هاجر) قال باستغراب ( عمتي هاجر..!!! ومن بيوديهم..؟؟؟ وانتي بإذن من طالعة) رديت عليه بنرفزة ( وانا ويش دراني ..؟؟هي اتصلت بارحة وقالت بنمر عليك وقلت لها تم وخلاص..اما سالفة بإذن من طالعة..) حطيت عيني بعينه ..ونزلتها بسرعة ..لأني مستحيل اكمل كلامي لو ظليت كذا النظر بعيونه يقلب حالي..!!!! اكملت بتوتر( انا مو محتاجه لاذن من حد..فقط حطيت خبر عند جدتي منشان لا تفتقدني وبس)!! قال بروقان ( اهاا ... يعني كلامي هذاك اليوم ما هامّنك ؟؟ ) طلعت من السياج من دون لا ارد عليه ..وجلست فاحد الكراسي جنب البلكونة قريب من المدخل..! طلع باسل واختفى من قدامي ... مدري وين راح....!! بعد مرور دقايق...دخلت عمتي هاجر ..وسلمت علي وقالت ( عليا حبيبتي ...روحي السيارة..انا بسلم على امي وبجي) عدلت الشيلة والغشوة..وانا اسير..وصدمت شخص اكييد محد غير باسل..!!! قلت لا شعورياً ( بسم الله ..من وين طلعت انته) مسك يدي بس بخفة هالمره وملامح وجهه مجهولة بالنسبة لي ..!!تو ما ضبطت الغشوة صح..ما اقدر اشوف زين ..بس وصلني صوته المحافظ على اعصابه ( دخلي داخل..وانسي الروحه مع عمتي هاجر ) !!!!!! انا متأكده ان ضغط دمي مرتفع بدرجة ممكن تهدد حياتي .!! قبل لا ارد عليه وصلني صوت عمتي هاجر ( عليا ..!!!ما رحتي..) ثم ضعف صوتها وقالت بتوتر ( ااه ..هلا ..باسل انت هنيه) سلم عليها وايده ما زالت قابضة على ايدي..!!!! قال بهدوء( هلا عمتي..رايحين السوق )؟؟ ردت عليه ( ايوه ..وخاطفين ( مارين ) على عليا ..عشان تروح معنا) قال لها ( مع مروان )؟؟ ردت بتوتر ( ايوه ..مروان معهم اجازه من الكلية التقنية عشان يذاكروا لاختباراتهم الجاية واقتنصنا الفرصة ..قلنا له يوصلنا ) قال بهدوء ولا كني موجوده ( اهاا..طيب روحوا ربي يحفظكم ..بس عليا ما بتروح ..)!!! قالت عمتي بضيق ( وليش...؟؟؟؟؟؟ .خلي البنت تطلع ..يمكن محتاجه شي من السوق ..) رد عليها وهو ينهي الحوار ( روحوا يا عمتي ..ولا بتتأخروا ..وعليا اذا محتاجه شي بنفسي بوديها ) بقهر سحبت الغشوة بايدي اليسار اللي كنت حامله بها حقيبتي...وشفت عمتي تغادر..!!!! حتى ما سألتني عن رأيي ..!!!!! بس كيف تسألني وهي تعرف ان هالمتسلط يكون زوجي الخفي..!!!!!هه الزوج الخفي..ينفع يكون عنوان لرواية ..!!!!! ما قدرت احجب دموع القهر من عيني...ورغم اللي صار ايدي اليمين كانت محبوسة وسط ايده...... قلت له بصراخ ودموعي تجري ( من سمح لك تتحكم بروحتي وبجيتي..انت ما لك دخل في حياتي ..مو انت ياللي تقرر عني ..وبالأصل من انت ..هاااه قولي من انت عشان تتحكم فيني كذا ..والله انك حقير..و ما عمري تخيلت ان الانسان ممكن يوصل لهالمرحلة من ...) يبتسم....!!!!! بااسل يبتسم ..!!!وانا في حالة غليان ...!!!! مستمتع بشوفتي وانا بهالحال لاااااا خلااااااص ما عندي اي قدره للكبت .. بكل قهر رجعة حقيبتي للورى ومن ثم هويت بها على صدره القااسي..مره وثنتين وثلاث في حالة قريبة من الانهيار..ودموعي ما زالت تهطل بقوة.. لحد ما وصلني صوته الحاد ( بس خلاااااص.... ..انتي مو صاحيه ..) جمع يدي اليسرى مع يدي اليمنى في قبضة وحده ..وايده الثانية رفع بها ذقني وقال ( ايش فيك ..بس خلاااص ..اهـــدي ....حشاا ..كل هالقهر عشان ما خليتك تروحي للسوق.. تبي تروحي ..الحين بوديك بنفسي..بس لا يمكن اسمح انك تروحي مع مروان ولد عمتي..فاهمه) قلت بتعب ونرفزة من قربي منه ( لا مو عشان السوق ..عشان انت مالك دخل في حياتي..فااهم خلني فحالي تسمع ..) ثم اردفت بندم وانهيار ( اصلاً جيتي لهنيه كانت كارثة من صنيعك انته ..كنت متهنيه مع خالتي..) واصلت شهقاتي ..لما ذكرت خالتي ..مشتاقه لها..ومشتاقه لحياتي معها..ودي انهي هالحاله اللي صرت عايشتنها ..بس خلاص تعبت من هاللعبه .....ما اقدر اتحمل..ولا قدرت افهم الوضع ...واحس اني قريب ما راح افهم نفسي..ولا تفكيري..!!! نظرات باسل مصوبة على وجهي الباكي..وما زال على نفس وضعيته السابقة في قربه مني قلت له بضعف( بعد عني ..بعد ) واردفت وعيني الباكية بعينه ( انت ما تخاف الله..ترى اللي تسويه ما يجوز...كيف تسمح لنفسك بلمسي وانا محرمه عليك )ثم اردفت بقهر ( ولا بس فالح تأمر غيرك ..وانت بروحك ما تعرف الدين) رفعة الحاجب..!!! غالباً تدل على تكذيب الشخص......!!! بمعنى اخر كأن الشخص يقول لك بس من دون صوت "العب على غيري" قلبي ساااح ..!!!! معقوله باسل يعرف اني اعرف عن زواجنا .. رحمتك ياااارب ..! هذا اللي ما اقدر استحمله ...الله يستر... بعدت عنه بالقوة ..لأنه هو سمح لي ... ومسحت دموعي وقلت ( حالتي هنيه لا تحتمل الوضع ما ينطاق...خلاص..انا برجع مسقط.. برجع عند خالتي) قبل لا ابعد وصلني صوت ضحكته ... التفتت له باستغراب قال ( اي خاله...؟؟؟ انتي تعرفي وين خالتك) حسيت قلبي طاح عند رجولي...!! رديت بخوف وقلبي ينبض بقوه ( خالتي ماخذه اجازة مفتوحه ..ورايحه مسندم) نظرلي باستغراب..وفتح فمه حسيته يبا يقول شي..بس رجع سكت ثم قال بهدوء( روحي عند جدتي..انا بروح اصلي..واول ما ارجع خليك جاهزة بنروح السوق)..وراح قلت له بعناد وهو طالع ( اي سوق..مابا اروح مكان معك ..تسمع) طرقات على الباب صحتني من نومي...رفعت جوالي شفت الساعة ست ونصف الصبح...!!!! اذا نهضت من الحين ويش راح اجلس اسوي..!! رجعت نمت ... بعد لحظات قمت مفزوعة ..!! ويش صاير فالعالم كنت احس اني راح اقتل اللي واقف على الباب ويطرق بهالشكل المزعج..!! قمت بسرعة وضيق وفتحت الباب ( نــــعـــم..) رجعت على الوراء لما شفت باسل واقف بجسمه العريض قدام الباب..!! قلت بدون استيعاب ( باسل)! قال ( ايوه باسل..رسلت الشغالة ودقت الباب لين ملت..حسبتك ميته مو راجده) في اغلب الأحيان ...من الممكن انه الشخص يستحمل هالنرفزة ظهر..عصر..اي وقت آخر لكن الصبح..!!!لا والف لا..!!!!! رفعت عيني وتوني مو فاهمه سبب وجوده وشفته لابس دشداشة سوداء..وكمه.! يارب..!!! وانا....لابسه بيجامه نوم.....اول ما اتضحت لي الصورة ..!! بسرعة سحبت الباب عشان اقفله ..!!! بس يد باسل كانت بالمرصاد قال ( شوفي تراني مشغول هالصباح..وامي غالية معها موعد بمستشفى السلطان قابوس وما اقدر اروح معها...روحي غيري هالملابس اللي لابستنها..وانزلي افطري..وخليك جاهزة) ثم ترك الباب وبعد لحظه رجع بسرعة..وقال ( لا اشوفك لابسه عباية الكتف اللي لابستنها امس) قلت له ( والله ما عندي غيرها...عبايتك اللي شارنها تكفي لعشر حريم من طولها..!! ... والعباية الجديدة اللي مفصلتنها والمفروض اجيبها بارحه من السوق ...ما جبتها بسببك) ابتسم بخفه وهز راسه ثم قال ( انتي ما تبا تنسي هالسوق من بارحة لَين( لحد) اليوم..!! الله يعينا عليك ) قهرني كلامه ..!!! صرت انا كني هالكتنه ومزعجتنه ..!!!! حضّرت في بالي كلام طويل وعريض..من نصيب هالباسل..!!!!! بس لما جيت ابا اتكلم كتم صوتي بيده.. قال بسرعة وهو يبتسم اكثر ( يا بنت الحلال خلي حركتك سريعه وروحي هاتي الفاتورة مالت العباية وخلصينا ) بالفعل انا بحاجة لعباية ساترة ..تتناسب مع لبسي للغشوة..بالإضافة الى اني ما حبيت اشوف عباية الكتف السابقة وزينتها وهي منسدله على جسمي..!!! رحت اطلع الفاتورة من شنطتي اللي كانت بالتسريحة..طلعت ورقة وكتبت فيها الرقم السري لبطاقة السحب..وطلعت البطاقة والفاتوره ..ورفعت راسي قدام الجامه !! وانا اقول ليش باسل يبتسم وايد اليوم ..!!!! شعري كان في حالة فوضى..!! كأني طالعه تو من اعصار...!!!!!!واكيد انه يضحك على منظري..ويش هالحظ ما يشوفني إلا وانا في اسوء حالاتي..اما كنت ازرع ولا ابكي وكملتها اليوم .!!! وصلني صوته المتملل( وينك يا عليا) سحبت شيلة من كرسي التسريحة وحطيتها على السريع فوق راسي وطلعت له.. خذ الفاتورة والبطاقة والورقة تأكد من الفاتورة ..ثم فاجئني برميه للبطاقة والورقة وسحب يدي وقربني منه وقال ( لو تتكرر هالحركة ..ما بيصير لك خير يا حلوه ..تمام) وطلع ....وتركني بحيره....وقلة فهم لنفسي..او له ..ما ادري..ما قدرت اقول الا ياارب نجيني..! |
رد: يا صلاله خبرينا // عن قلوباً 'تهتوينا'
يعطيك العافيه نواره شد جذب الله يعين عليا علي باسل بس هل يتري حب علياويغيرعليها من ولد عمتها بنتظارالبارت القادم
|
رد: يا صلاله خبرينا // عن قلوباً 'تهتوينا'
السلام عليكم ورحمة الله وبركاته بارت قمه في الرووووووووووووعه تسلم يمينك نوار أبصم بالعشره إن باسل غرقان لشوشته في حب عليا وأظن مثل ماذكرت من زمان وهي صغيره الرجال ماهو شبعان تمقل فيها ويلتمس الأعذار حتى يشوفها ويكلمها ويتلصق فيها ماناقص غير يحط كمرات في كل البيت حتى ماتغيب عن عينه وين ماتروح ماما زارا بعد البارت هذا ابعدت تماما توقع أخذ كلية عليا ولو إنك بكلامك الأخير فربتي تقنعيني به من كلام عليا حسيت إن باسل على علم بمعرفتها إنها زوجته ويمكن عرف من زوجته الثانيه إنها خبرتها لكن حب يجاريها في لعبتها بمزاجه عليا رغم غضبها من باسل بدأت تميل له بدون ماتحس أسماء اظن باسل عرف لمن راحت يمكن عند ابوه رد مستعجل ولو قدرت لي عوده منتظرينك نوار بفارغ الصبر لا تطولين علينا |
رد: يا صلاله خبرينا // عن قلوباً 'تهتوينا'
السلام عليكم. نوار. والبقيه. من السرب المهاجر. للاخوات هنا.
تشربكت. القصه. بس. لازلنا. حول. باسل. ومحاولة. تقييده. لعلياء وعلياء. ومقاومته. للرجل. المفروض عليه. الاحداث. القادمه. من. زوجته الاولى ومرضه للجده. ووابنه. الغائب. ابو عليا. كيف كانت. علاقته. بامه ومتى توفو ولي. تعليق. على ام. جمال. وانه. غارق من شوشته. الي. عرفناه من بداية القصه. انه. ماعرفه الا من الاسم. وصدفه. اذا. ركزت. رجعت. ارد |
رد: يا صلاله خبرينا // عن قلوباً 'تهتوينا'
السلاااام عليييييييكم
وااااااااااااااااااااو ياحلاااة الاكشن يانااااس هههههه يجننن هالجزء يا نوااره بين هالثناائي شوفي نوااري من تصرفاات باسل اتضح لنا انه عرف من زوجته الاولى ان عليا عرفت بزواجها من باسل تكفيين نوااري خلي علياا تحترق شوي بلاااش تعرف ان باسل عاارف انها زوجته >>فيس نذل خخخخخ ياحبيلك ياعلياا لما تقهريه وتقولي انك بحسبه بنته هههههه احس شياطينه تتناااقز ههههههه احس اخبار هالاسماء تنصب بإذن بااسل اول بأول .. كان بيقول شي بس تراجع ياترى هل اسماء كانت تكذب على علياا يوم خبرتها انها مسافره ؟؟؟ والله هالاسماء احسها سر القصه ههههه نواااري تسلم الاياادي يالغلااا .. بانتظاار علياا وبااسل والكثييير من الاكشنااات ..هههههه |
رد: يا صلاله خبرينا // عن قلوباً 'تهتوينا'
اقتباس:
... وعساااكِ دوووم عالقووة لمتابعة البارتات القادمة.. .. ربي يحفظك.. |
رد: يا صلاله خبرينا // عن قلوباً 'تهتوينا'
السلام عليكم.
هههههههههههه ..اجل تحليلاتي صاارت فشنك.؟؟والله اني تعبت فيها. وانااا زامره وكاشخه بتوقعي حق الكليه.. وطلع فشنك..هههههههه بس بالله عليتس ياانواره مكان توووقع ينفع بالافلام العالميه.توووقع صرااحه دخل مزااجي بقوووه والاحلى اني سوويت فيه ذبذبه عند الحريم..هههههههه وبعدين لاتكونين خوافه ولاتخافين من انلوري وحربها .. ترى لو تبين تاخذين التوقع وتسووينه عادي اخذيه ماراح انط واقول حقوق الطبع محفوظه اهم شي اخذ نجوم والنوري حبيبة قلب الزوري ماراح تعلن حرب لانها بنت باااره بس بتنصدم شوووي وعقب بتبارك لي صدق توقعاتي..هخهعخهخهخه والحين نجي لهذا الجزء.اللي اشوف فيه باسل غير يضحك ومتغير مره ..مدري حسيت انه مبدل مهوب باسلنا الاقشر ابو وجه مكشر .. صاير حبوب.. مدري لانه اكتشف انها عرفت بزواجهم والا لانه قررا انه يتعامل معها بود عشان تحبه..؟؟ هو عرف انه صار عندها خبر بزواجهم بس شلون عرف ؟؟ اللي تقريبا متاكده منه ان زوجته بنت عمه مالها دخل ابد بالسالفه لانها لو قالت له بهي عارفه انها بتخسره لصالح عليا يعني ما اتوقع انها غبيه لهالدرجه.. ..فاحتمال انها اللي قالت له عن علم عليا بالزواج ما ارجحه ولا 1% حتى.. كيف عرف؟؟ احتمال انه عرف من اسماء ..مع انها وصتها ماتقول لها ؟بس يمكن اسماء حسبتها بشكل ثاني وتبيه ينتبه اكثر على عليا.. ويمكن انه سمع عليا تكلم خالتها وتوصيها لاتقول؟؟ الا في حالة انه سمعها تكلم زوجته شخصيا وهي تطلب منها ماتبلغه بهالموضوع؟؟؟ يعني بالاخير مافيه احد وصل له الكلام بس هو سمع . عليااا..ههههههههههههه معليه اسمحي لي مت ضحك وباسل يسحب فيتس قدام الشغالات ورااحت الهيبه يااعلوووي...لكن الروعه صدق هو صدمته اللي صدمتيه لها.. اولها الغداء اللي انقلب قبولي.. والثانيه الحديقه اللي راحت للورد والموز راح على القرود..هخهخهخه ايه رقم باسل اللي خزنتيه هذا بيكون له قصه بينكم يمكن يصير فيه مكالمات لكن ابد مو رومانسيه كلها تاديب وهوشه.. او رسااايل فيها مناكشه بينكم..بس الرقم بيكون له قصه.. الللي خوفني صدق سالفه الداااب..يممممممممممممه شكلتس ياعليااااا بتلاقين مواقف كثيره مع الديبان .. لكن بيكون التصرف الجاس معها اكثر حكمه واتزان .. باااسل.. يااغيووووووووور .. لاتقول موغيران الا انت غيران .. لكن غيرتك طبيعيه يعني مو نابعه من حب وشعور بالحب..لا غيرتك لان عليا زوجه مو حبيبه.. والحين هالتعامل المختلف مع عليااا بيوصل لزوجتك.. زوجتك اتوقع انها ماراح تكون بهالانغلاق والوحده بوجود عليا عندكم..اتوقع انها بتصير تنزل تحت وتجلس بين اهلها وبتحط تحركات وتصرفات عليا تحت المجهر.. وبتشوف كيف باسل يتصرف بوجود عليا.. مع اني اتووقع انها بعد بتخلي لها جاسوس ينقل لها أي تصرف او لقاء بين عليا وباسل وهالجاسوس بيكون وحده من الشغالات؟؟ والحين انت بتروح تجيب العبايه لعليا.. لكن عندي توقع يقول ان فيه هديه ثانيه ممكن تضيفها معها .. امممم سعيد هذا اللي كانت ياا باسل بتسوي له منشب.. اتوقع انه شاف عليااا ويمكن يمكن يجيك بكره خطّاب لها..ههههههه طليت والله هالشي يصير نبي نشوف وش بيصير لك هذيك الساعه تسلم الايادي نواااره وبانتظار البارت الجاي اذا الله احيانا بكل شوووق فلا تتركين انتظارنا يطووول. . |
رد: يا صلاله خبرينا // عن قلوباً 'تهتوينا'
اقتباس:
صدقيني يالغاليه ..تواجدك ارووع و ارووع.. وانا استمتع كثيير..بمشاركتك...وبتواجدك.. // لكن حتى اذا كان باسل مهتم بعليا...هل راح يوضح هالإهتمام والميول لها..؟؟؟!! اقتباس:
... يحفظك الله يالغلا.. |
رد: يا صلاله خبرينا // عن قلوباً 'تهتوينا'
اقتباس:
حياكِ الله اختي الغالية ام البنين تساؤلاتك منطقية كثييير...وقرييب تتضح هذي الأمور.. .. تعليقك الأخير في محله..باسل ما التقى في عليا الا فالجامعه.. .. يحفظك ربي ويسعدك يالغلا.. |
رد: يا صلاله خبرينا // عن قلوباً 'تهتوينا'
اقتباس:
.. ما هو بأحلى منك ومن تواجدك الطيب يالنوري.. هههه عسى دوم هالآكششن ... ..نقطتك صحيحة حول معرفة باسل بأخبار الخاله اسماء...لكن هل كانت تكذب على عليا بأنها ما زالت في مسندم اولا..؟!!! هذا اللي راح يبان في البارتات القادمه.. لا تحرمينا من مشاركاتك الحلوه يالنوري.. ربي يحفظك... |
رد: يا صلاله خبرينا // عن قلوباً 'تهتوينا'
اقتباس:
لا تكفييين بلاها سالفة التبرع هههه ترى من جد البنات بيقوموا علينا.... اقتباس:
توقعاتك يا زارا دايماً تعطي كل بارت حقه...ولها تأثير على صفحات الروايه ككل.. الله يعطيك العافيه.. |
رد: يا صلاله خبرينا // عن قلوباً 'تهتوينا'
(( الجزء الحادي عشر)) (غائمٌ رأسي هذا الصباح .... أحسبه رؤوساً كثيرة ... بعدد المارّة والنجوم ... تتدافع فيه الأفكار بالمناكب ... كجنائز يحملها الرجال ... إلى مأواها الأخير....) "للشاعر والكاتب: ســـيف الــرحبي " اجواء المستشفيات تمرض الصاحي ( المعافى)...مدري كيف كنت راح استحمل عمل الطب.... يمكن لأني كنت دايم اقنع نفسي ان التعود على الأمور يجعل من المستحيل عااادي..!! جدتي تدل الأقسام اكثر مني..اكيد لأنها متعوده على المواعيد هنا..تفاجأت بصراحه ما توقعت ان جدتي تعاني من انسداد الشرايين ..! صحيح ان علاج انسداد الشرايين صار ممكن وسهل جداً مقارنةً بالماضي....لكن الأكيد ان اهمال المريض عن طريق رفضة للقسطرة هو اللي يجعل الأمر خطير ...وهذا اللي فهمته من الطبيب العماني اللي يشرح المسألة لجدتي الرافضة للإستماع له ..ولمحاولاته لتحديد موعد لعملية القسطرة..! ومن ثم توجه لي ..بمحاوله منه حتى اقنع الوالده بحسب كلامه ...!! رديت عليه بهدوء طلباً لإيقاف الثرثرة ( ان شاء الله خير) جدتي لاذت بالصمت ..المعارض لكلامي اللي كان مشابه للوعد..!! لكن ليش...؟؟! ليش رافضة القسطره ..اكيد في سبب مقنع لهالرفض..! الموعد انتهى...لكن السيد باسل بعده ما شرّف..!!! الانتظار كان ممل بشكل كبيير ( هذي مو حالة ..متى بيوصل باسل..مليت من الانتظار) قالت جدتي بدفاع ( مسكين يراكض ورى حرمته هالمريضة) اكييد معها جلسة غسيل ..الله يلطف بها وبمرضى المسلمين قلت باستغراب ( باسل هنيه مع حرمته !!!) ثم اردفت بسرعة ( عيل ليش ما جات معنا ؟؟! الحين جابنا ..وبعدها جاب حرمته ..!!وبعدين بيرجعها ثم بيرجعنا احنا )..ثم اردفت بقهر ( عيل يباله ( يبيله) ساعتين ولا ثلاث لحد ما يجينا) جدتي استغلت الجلسة بالتسبيح وذكر الله ..وانا بعد..وبعد لحظات تذكرت جدتي وعملية القسطرة سألتها( جدتي..ليش ما تبا تسوي القسطره...انتي ماشاء الله عليك فاهمه وواعيه واكيد انك تعرفي انه ما يجوز للمسلم التساهل في صحته ... فليش ما تبي تتعالجي) ردت من دون وعي منها ( يا امي ..ما اقدر اسويها وهو بعيد عن عيني..اخاف اموت قبل لا اشوفه) انصهر قلبي لحديثها.....الأم..وقلبها...!!.تكوينات ما تعرف الكره حتى لو نطقت بها الالسن..! اكيد انها تقصد عمي الغايب...والأكيد انها ردت من دون وعي منها..!!!! قلت لها ( وليش كل هالتعقيد يا جدتي..خليه يجي ..اكيد ان اللي فقلبه مثل اللي فقلبك وازود) وصلني صوت شهقت جدتي اللي اخترقت قلبي..واسقطت الدمع من عيني سحبت يدها ودخلتها من تحت غشوتي وقبلتها باحترام صادق... ( سألتك بالله يا جدتي ..لا تبكي....انتي متألمه لأنه بعيد..خليه يجي..فرحي قلبك وقلبه برجوعه ) قالت بحزن ( يا عليا ..) ثم تنهدت..واردفت ( يا عليا هالحال قد صار عليه سنين ..مو مستوي هالنهار) سألتها وانا متأكده اني ماراح القى الجواب( ويش هو..ويش اللي صاير يا جدتي قوليلي..انا مو غريبة عنكم..انا بنتكم) قالت بألم ( يا امي خليني انسى..ما نبا نفطن ذكس الحال) قلت لها بهدوء ( ولا بتنسيه يا جدتي .. الا ان صلحتيه...ما يجوز اللي تسووه ما يجوز هالزعل ما يرضي الله يا جدتي ..) قالت ( اتركيه عنك يا عليا ..والله انه ما يستحق مدافعك (دفاعك ) عنه ) قلت لها بقهر ( ليش..ياجدتي ..ويش هو مسوي لي..) سكتت جدتي ...يعني ويش بالله انتظر جواب..اكيد ما راح تجاوب..!!! صدقت توقعاتي...!؟؟ ساعتين بعد الساعة والنصف الأوليات واحنا ننتظر في الاستراحه عودت السيد باسل..!!!!! .. لما ركبت السيارة ورى طبعاً..لأن جدتي قدام ..من شعوري بالقهر قفلت باب السيارة باقوى ما عندي...يعني ويش فيها لو قايل للسايق يجيبنا ...؟؟!! ويش الفايدة من وجوده..!! وصلني صوته المتذمر ( شوي شوي على باب السيارة ) ما تعبت نفسي بالرد عليه ..!!! رجع قال وهو يسوق ( هي ياللي ورى ويش فيك ..لا يكون احتجتي لتدخل جراحي باللسان ولا شي من هالقبيل) اوووففف الحين من اللي بادي يتسبب فالثاني..!!!سكتت رغم اني ودي اقول كل ما في قاموس الشتائم في وجه باسل..!!! بس الحقران احياناً مفعوله اكبر .!!! رجع يسأل جدتي الهادية ( امي ويش فيها هالبنت..لا تكوني نسيتي عليا فالمستشفى وجبتي وحده ثانيه بدالها) ردت عليه جدتي ( باسل خلي البنية في حالها..يكفيها متحمله جلسة الاستراحه طول النهار) بس هالمخلوق ما سكت ..!!! قال بصوت مستهزئ ( لا يكون دايخة وتعبانه ..بوقف عند هذيك اللفه ..وبتفقدها ) جدتي صدقته.!!!! وبسرعة التفتت لي قلت له بقهررررر( الحين من اللي يدور على الشر انا ولا انته... والله ان ما سكتت راح يكون لي تصرف ثاني معاك) ضحكته العاليه توزعت في ارجاء السيارة رفع عيونه للجامه اللي قدامه وقال ( اما عاد..حيرتيني ..ويش هالتصرف اللي راح تتصرفيه معي.. لا يكون تبا تذبحيني..) ثم اردف بضحكه ( شوفي ترى اقولك من الحين جدتك ما راح تتنازل عن القصاص كل شي ولا باسل ) والتفت لجدتي ( صح يا امي ) قالت جدتي بصوت ضاحك ( باسل خلي عليا فحالها.. مو كل نهار ابا اقولك.. وسكتوا واذكروا الله عن هالصدعة ( الازعاج ) ) ..... مفاجأة مزون قرّبت ... وبكره الخميس ... بس ما اسمع لها وجود علني وفعلي على ارض الواقع..!! عصر الأربعاء بعد ما ضقت من الانتظار..كان لازم اسأل جدتي واشوف..يا خوفي مزون تغرد بأحلامها وانا اللي فرحانه وانتظر..!!! قلت بتردد( جدتي ..مزون قايله لي اننا راح نطلع هذا الخميس...كشته ..! صحيح) قالت جدتي باشراق ( صح يا عليا..باسل من هذكس الأسبوع متفق مع عمك احمد وهاشم زوج عمتك عشان نروح للوديان والجبال) قلت بلهفه ( والبحر) قالت جدتي ..( البحر ما فيه شيً زين..)!!! قلت برجاء( يا الله جدتي قولي لباسل يودينا شاطئ المغسيل..والشواطي اللي جنبه دايم اسمع عنهن) ثم اردفت بسرعة ( بس لا تقولي عليا قالت )!! ( امي غاليه ما تعرف تكذب.... وبعدين ليش ما تبيها تقول) ويش جايبنه هالصالة !! ........قلت باستغراب ( ويش جايبنك هالصالة..!! روح الصالة الثانية..ولا قسمك فالطابق الثالث)!! جلس يتقهوى ..!! ولا كن احد كلمه.!! ثم بعد لحظات قال( ما ينفع نروح باكر البحر..البحر يباله يوم كامل نلف فيه الشواطي كلهن يوم ثاني ان ربي شاء) تغاضيت عن هالمواضيع ..وتذكرت مرض جدتي..هذي الفرصة المناسبة وحتى ان عصبت جدتي ..بس هالموضوع لصالحها.. رفعت عيوني لباسل عشان اكلمه...بس فاجئتني نظراته الثابته على وجهي..وزلزلت كياني..!! شبه متأكده ..!! ان الإحمرار غطى على ملامحي..!!! نسيت سالفتي....! وقررت اطلع من هالمكان..!!! نادتني جدتي منشان اتقهوى..بس اعتذرت منها.. دخلت غرفتي ..وايدي على قلبي..وكالعاده مالي الا اقول ..يارب نجيني...!!!! طرق الباب على الساعه ست ونصف مزعج الا انه يبقى امر من الممكن تمريره..!!! لكن طرق الباب الساعة اربع ونصف امر مستحيييييل...! ما قدرت افتح الباب..!! الوقت ما زال جداً مبكر..!! سألت من ورى الباب ( من ) سمعت العامله ( بابا باسل قول صحي عشان رحله) اي كشته ..والدنيا ظلاااام ..!!! حشااا كنا مهاجرين مو رايحين كشته... فتحت الباب بقهر وقلت لها ( قولي حق بابا باسل انته مجنووون!!! محد يروح كشته من الفجر..!!! ) شفتها تنظر لي باستغراب..قلت لها بضيق (مجنون..!!! يعني ...Nut,,,, ,,,crazy,,,fool) ( الناس يبدو يومهم بالكلام الطيب ..اللي يشرح الصدر..ويبعث التفاؤل في نفسية الشخص ونفسية غيره ..وانتي يا عليا تبدي يومك بالشتايم) ثم اردف ( الله يهديك) لا مو مره ثانيه ..!!! وانا بحالة فوضويه ....!!! بس بصراحه احرجني كلامه ما كنت فيوم من الأيام بهالصورة..لو خالتي هنا كان القت على مسامعي موسوعه عن آداب المحادثة..!!! لكن في الأيام الأخيره اعصابي ما صارت تتحمل اي شيء...!! اعتذرت بهدوء للعامله ..!! ثم اعتذرت بهدوء لباسل..من دون ما التفت له.. ( آسفه...تعبانه وما اكتفيت من النوم..) ثم اردفت بضيق ( الوقت مبكر عشان الطلعة ..ذلحين مصلين الصبح..) قال بجديه ( بلا كسل يالله قومي..لحد ما تتجهزي..راح تحصلي الساعة واصلة سبع) ثم نزل من الدرج..!!! انقهررت..يعني بنروح الساعة سبع ..!! وهو منهضني من ذلحين..!!! حاولت ارجع انام ..بس ماشي راح كل الرجاد من عيني..!!! لبست جاكيت طويل من الصوف الناعم فوق البيجامه..وخذيت شيلتي ونزلت.. فتحت الباب وشفت جدتي فارشة ( باسطه ) سجادتها ..وبإيدها مصحف وتقرأ قرآن.. صكيت الباب..وطلعت للمزرعة ..اغمضت عيوني من روعة المنظر....!! رغم الظلام الخفيف ..الا ان المنظر خيالي....حركة اشجار النارجيل...الشاهقة.. والأشجار الغنية بالإخضرار.......والروائح العطرية من زهور الأشجار... مع برودة الجو الخفيفة ......كانت شي اشبه بالحلم الجمييل..... اخذت نفس عميق مملوء بالطبيعة ..!!! ...وارتسمت ابتسامه صادقة على وجهي وبصوت خافت حمدت الله على كل شيء....! رغم الصعوبات اللي دايم اواجهها..توجد جوانب اخرى في حياتي تستحق اني اشكر الله عليها....!! لمحه من الضيق انتابتني..لما تذكرت اني كذلك امر بأزمات في حياتي. لكن مزاجي السعيد يرفض اي ذكرى حزينة.....فقط ابا اعيش هاللحظه الإيجابية بلا حدود.!!.. ( معجبة فالمزرعة ) اقترنت حواجبي باستغراب ..!! من متى وباسل واقف جنبي..!!! وكأنه فهمني من دون لا اتكلم ..لأنه قال بابتسامه ( من اول تغميضة..للإبتسامه ..لحركة شفايفك وانتي تحمدي الله..الى تكشيرتك ..)!! هل انا شفافة لهالدرجة....؟!!..لكن.... احس اني لا يمكن بيوم اقدر اخفي اي شعور او تصرف عن باسل...لأنه فاهمني ...فاهمني وكأننا عايشين مع بعض من طفولتي..!! بهدوء...فتحت السياج اللي جنبي ناحية ورودي ..وتفاجأت لما شفت بتلات الجلاديولس البيضاء ذابلة بشكل مؤلم...........وين الخطأ..؟؟!! وسط تفكيري..وصلني صوت باسل ( الجلاديولس او اللي نسميها احنا محلياً البيظاح هي زهرة الخريف..عشان كذا راح تزهر في موسم الخريف) استغربت من معرفته بالزهور سألته ( تعرف وايد عن الزهور) قال ( مو واجد...معرفتي اكثر حول الأنواع اللي تزهر في موسم الخريف) قلت ( ليش ما زرعت ورود هنيه بمزرعة البيت ..) قال بلامبالاه ( مو فاضي للورود ) الأجواء تتفتح ..وبدا الظلام يزول شوي ..شوي..وبدت الملامح الجماليه للمكان تتضح اكثر واكثر.... قال باسل ( حظك حلو اليوم الجو راح يكون غايم ..بحسب النشرة الجوية) ويش معنى انا ..!!! كلنا راح نروح للرحله..!! سألته باستغراب ( ويش معنى انا اللي حظي حلو..؟؟!! ترى كلنا رايحين) قال بابتسامه وعيونه النارية في عيوني ( لأن كشتة اليوم على شرفك انتي)!! ثم راح داخل...!!!! وانا مو مستوعبه ..كل يوم يمر ..وفهمي يفشل اكثر واكثر في مواكبة الأحداث..!!!!! احترت ويش البس ..!! اكيد ما راح البس الملابس الظفارية.!!! ابتسمت وانا اتخيل نفسي لابسه ثوب ظفاري ونظرات البنات عليه..!! كيف راح تسكت مزون من الضحك والتعليق ..!!! مالي الا ملابس المهمات الصعبة بلوزة باكمام وتنورة سكيني طويلة وبوت مناسب ... تجهزت واخذت جوالي وحقيبة يدي وانا انزل من الدرج جاني احباط وانا اشوف الساعة توها ما جات ست..!!!!!!! افطرت ..واتصلت اطمئن على خالتي...وبالأخير تمددت بكنب الصالة ومن الملل نمت...!! ( والله اني ما امزح ..جيك الماي راح اصبه فيك ) فتحت عيوني على آخر منظر ممكن يجي في بالي..!!!! باسل واقف فوق راسي وبيده جيك ماي..!!!!والأدهى والأمر كان تهديده..!!! بلا شعور قفزت لحد ما وصلت قدام الباب...انا ما صدقت اختار هالملابس..وبالأخير يصب فيهن الماي..لاااا!!!!! والله صار مني فايده في هالبيت وهي رسم البسمات على وجوه العاملات..!!! تنرفزت لما شفتهن يضحكن علي..!!! ورجعت نظراتي على باسل اللي ما لابس دشداشة عمانية اليوم..!! كان متأنق بلبس الرحلات وكان مبتسم وقال ( زين ما كسرتي رجولك وضيعتي علينا رحلتنا) ثم اردف ( ياالله روحي السيارة جدتي قد سبقتنا متحمسه اكثر عنا(مننا) كلنا) طلعوا العاملات ولما وصلت الباب شفت باسل ماسك بيده نظارته الشمسية وتذكرت نظارتي قلت بسرعة ( لحظة لحظة بجيب نظارتي نسيتها ..) رحت اركض ثم اردفت وانا بالدرج ( ما راح أتأخر ..الحين بجي ) الكل راكب الا باسل جا وقفل باب البيت من بعدي..تقدمت عشان اركب..لكن..!!! نعم نعم ..!!! لا يكون يبوني اركب ورى آخر شي..!!! مع الأغراض !! التفتت باستفسار مصحوب بغضب لباسل ( وين اركب..!!!!!!) قال بدون مبالاه ( خلصينا واركبي وين ما تبي) طرقت على دريشة ( نافذة ) السيارة بالمقاعد الثانية ..كانت جدتي جالسه بالوسط وعن يمينها وشمالها العاملتين ..!! فتحت لي العامله الدريشة قلت لجدتي ( جدتي ليش راكبة هنيه ..مو زين لظهرك ..وبتتعبي وانتي بهالحال..اركبي قدام ازين واريح لك ) قالت ( لا يا امي ما اتحمل اركب قدام فالكشتات ) قلت بعدم فهم ( يعني ويش..) قال باسل بضحكة ( جدتي تخوفها الطرق..وتحتمي بجلسة الوسط)!! لا والله ..!! يعني تجي فوق راسي انا..!! قلت بقهر لوحده من العاملات ( روحي انتي قدام وانا بجلس مكان انتي زين ) قال باسل ( هذا اللي ناقص..تركبي الشغالة وهي سافرة جنبي) ثم اردف بأمر ( اركبي قدام وخلصينا بسرعة ..الجماعة قد سبقونا وسروا) اتجهت لورى مكان الأغراض قال باسل بضجر ( هي انتي تحسبينا فشوارع مسقط..!!..الطرق هنيه حلزونية ومرتفعة..ونصعد جبال) ثم اضاف ( ما راح تحسي الا بهالأغراض طايحة فوق راسك ) امري لله ..!! ما بايدي شي..ركبت بعدم رضا.. وبديت اعدل الغشوة واضبطها ...... بعد ما عدلت غشوتي.... قال باسل ( توكلنا على الله )...بدت جدتي تردد دعاء السفر..!! يعني المكان صدق بعيد..!!! مباشرةً دعيت دعاء السفر..ودعاء الخروج تحركت السيارة ..وبعد عدة دقايق انعطف باسل بالسيارة لجهة سيارتين واقفات خارج الشارع... نزل دريشته وشفت عمي احمد ينزل من سيارته لجهته ( السلام عليكم ..) تصافحوا هو وباسل ثم قال ( صبحك الله بالخير يا امي..كيف صحتك عساك طيبة ) بعد ما ردت عليه جدتي....توجه لي بالسؤال ( هاه عليا كيفك....جاهزة للكشته..ترى بناتنا من بارحه ما سكتوا ) قلت له بابتسامه ( الحمدلله ..وهم صادقين ويش احلى من الكشتات والطبيعة) الهواء اللطيف اللي كان يدخل من الدريشة كان منعش مع الجو المغيم..مع الحان صافية خالية من الموسيقى لفنون تقليديه جنوبية ..تخرج من مشغل الصوت بالسيارة فن " النانا" المصحوب بترانيم من اللغة المهرية .. ......بعد فتره قال باسل ( ثبتي عليك حزام الأمان يا عليا ) ثبته ...وبعد وقت ..بدت تتضح لي سلسلة جبال ظفار والشواطي اللي على الجانب المحاذي لها!! مباشرة التفتت لباسل قال بابتسامه وهو مركز على السواقه ( على ما طلبتي)! فرحة عميييقة تسللت لقلبي..!!! كانت المتعة في الاستمتاع برؤية الشواطئ من بعيد ....مع انحناءات السيارة بدت تتضح اكثر معالم الشواطئ قال باسل ( وهذا المغسيل...) انعطف اقرب واتضح البحر اللي محتضنته الجبال بحب..! رن جوال باسل ( هلا .....لا لا بس بننزل شوي...ايوه ..ويش رايك شرق ولا غرب ..اهاا تمام ) نزل باسل وقال ( يالله عليا ..تعالي شوفي المنظر من قريب ..) ثم قال ( امي بتنزلي ولا ) رفضت جدتي..نزلت انا ..ونزلت جوالي..خلني اقتنص كم صورة دام ما جبت معي الكاميرا.. نزلنا عند السياج اللي كان يمكنا من رؤية البحر بصورة اقرب...كان في ناس غيرنا متواجدين بالمنطقة قريب من السياج الفاصل...والبعض مرتاح تحت المظلات المتفرقة بالمكان... القيت نظرة على العاملات ..مستمتعات برؤية البحر من بعيد.. كان ودي ننزل تحت سألت باسل ( نقدر ننزل اكثر) قال ( اكيد..تعالي ..اتبعيني) المنطقة منظمة ..ومسيجة..ومع اتباعنا للسياج نزلنا اقرب اكثر للنتوءات الصخرية اللي تضرب فيها امواج البحر لترسل الرذاذ البارد للشخص القريب.. التقطت كمً صورة للمنطقة الجميلة... بعد ما انطلقنا من جديد....بدينا نتجه لغرب المغسيل ...وكنت مركزة على لافتات التعريف بالمناطق... اتوقع اننا تعدينا من عشرة الى 15 كيلو متر..!! ويمكن اكثر...!! اشغلتني احدى المناظر عن رؤية لافتة المنطقة ..!! سألت باسل ( هذي ويش من المناطق ) قال بتوضيح ( قريب بنوصل شعت..نيابه في رخيوت ) سألت جدتي ( باسل تشوفهم عمامك قريب ولا ..) رد عليها ( هذولا هم قدامنا يا امي ) بدينا ندخل في الجد..كانت الشوارع متعرجة كثير لأننا ببساطة مرتفعين في الشوراع الممهده بالجبال..!! انا اشهد ان جدتي صادقة يوم انها خايفة.. لكن بصراحة المتعة اكبر..!! لما شفت المنحدرات الخطيرة في شعت رفعت رجليني للكرسي ... وتمسكت بقوة بجوانب المقعد... قال باسل ( شايفة هالجبال في موسم الخريف ما تشبه لشكلها الحين ابداً...لأنها تمتلي كلها بالإخضرار...) سألته بخوف لما شفته يوقف ( بننزل هنيه ) ضحك وقال ( لا المنحدرات اللي هنيه صعبه شوي..بس بلقي نظرة وبرجع) نزل باسل...بس ما قدرت اقاوم فضولي..!!! خذيت جوالي ولحقته ..!!! لما قربت منه صرخة رعب انطلقت مني تلقائياً المنحدر افضل خيار لمن اراد الخلود في جهنم..!!! لأنه مضمون بأعلى النسب للانتحار..!! انتبه باسل وقال بعصبيه ( ويش جايبنك ..ما قلت انزلي ..قلت بشوف المكان وبرجع ) انتبهت للسيجارة بايده ..!!!! يعني ما حصل غير هالمكان يدخن فيه.!!! تناسيت خوفي..ومن بعيد التقطت صور للمكان الجميل والخطير في نفس الوقت.. رمى باسل سيجارته بعد ما انتهى منها على الصخور ..!! وقال ( يالله اركبي ..ولا بنتأخر على الجماعة ) طلعنا من شعت...واتجهنا للحوطه ..في نفس الولاية.. كانت المسافات اللي تفصل بينهن كبيرة ..الا انها ممتعه لأنها بين الجبال...الجبال في الحوطة كانت الأكبر...مناظر الأشجار وهي فاقدة نضارتها في الجبال السابقة ..كان مزعج..الا انه في جبال الحوطة.. كانت ما تزال بعض الأشجار محتفظة بنضارتها اللي تضفي للجبال لمحة جمالية... بعد ما يقارب العشرة كيلو او اكثر ..بدينا ننزل..وبدا شاطئ الحوطه يتضح لنا اكثر... سبحان ربي اللي صور المكان بابهى حله... اتخذنا منطقتين متباعدات ..النساء في جهة والرجال في جهه... ولما جهزت القهوة..مع الحلويات العربية....والحلوى العمانية الصفراء ( المزعفره) والسوداء المفضلة عندي...!! كنت متأكده ان الكل راح يلتفت للحلوى ..! لأنه مذاقها الطيب مع القهوة بنكهة الهيل والزعفران وماي الورد الجبلي..كانت في غاية اللذة والأجواء كفيلة بفتح الشهية ...... بعد صلاة الظهر..تكفلوا الرجال بعمل المظبي العماني( شوي اللحم في صخور صغيرة بحجم الكف) ...وعمتي هاجر وزوجة عمي احمد انشغلوا بالسلطات ..واقتنصنا الوقت نتمشى فالمنطقة.. ما قدرنا نخلع العبايا ..لأنه كنا نقدر نشوف السيارات اللي فوق فالجبال ..وما كانت بعيده ... من الصبح وانا منتبهه انه لا عمي محمد لا وزوجته ولا عياله معنا ...!! سألت مزون لأني ادري انها من النوع اللي ممكن يجيب لا شعورياً ( مزون ..ليش عمي محمد وحرمته وعياله ما جو معانا) ردت بسرعة( لأنه بدرية حرمة باسل معهم. ..وزوجة عمي محمد ما تحب تطلع معنا دايم ) بدينا نتسلق احد الجبال من جهة ما كانت متصلة بالشارع ...رفعنا العبايا..وفكينا الغشوات توقفنا نلتقط صور للمنطقة بكل مرحله ..وكانت سارة تحمل في يدها كاميرا حديثة من كانون فكانت تلتقط الصور من زوايا اقرب بفضل التقريب اللي تتيحه لها الكاميرا.. استمتعنا بالمنظر والجو..وسط ضحكاتنا العالية من المواقف اللي كانت تسردهن لنا مزون...ومن سوء التفاهم اللي بينها هي وهنادي.... بعد اكثر من ساعة واحنا نصعد وننتقل من مكان لآخر ..حان وقت الرجوع..!!! نزلنا من قمة الجبل الاخير..... وتبادلنا نظرات غريبة الى ان سألت انا ( بنات .... احنا من اي جهه جايين )؟؟؟؟ بعد الصمت والنظرات الزايغة..!!! عرفت اننا تهنا بوسط هالجبال.......!!!!!!!! صرخت مزون ( يا ويلي ..والله ان امي قد تذبحني)..!!! صرخت فيها هنادي( يالمجنونة ابوك اللي راح يذبحك هالمره مو امك..!! هذا مو هبل فبيتكم احنا ضايعين بين الجبال) قالت امل ( بس خلاص سكتن..!!! خلّنا نمشي شوي ..ولما بنشوف الأماكن بنذكر الطريق يلله) لمدة ربع ساعة واحنا ندور في نفس المكان ...!! الى ان ذبحنا الخوف والعطش..!!! كنت اسمع البنات يتناقشوا حول طريقة لايجاد فرصة للرجوع...! وفجأة تنبهت لوجود رقم باسل...!! من اول ما تهنا وانا ما افكر الا في باسل..!! كل الحلول عنده...وكل شي صعب عند باسل يهون..!!! ليش... معقولة ان باسل صار مركز الأمان عندي.... رفعت جوالي...بس للأسف الشبكة كانت شبه معدووومه.. قلت للبنات وسط جدلهن ( بنات بنصعد فوق ..اذا حصلنا ارسال بتصل فباسل وبخبره باللي صار ) نظراً لأنه مافي حل ثاني..!! الكل رضا بهالحل على مضض...!! اتصلت المره الأولى بس ما رد...المره الثانيه وبعد ما رد ..!! رسلت له رساله على السريع توضح اني عليا فرد علي ضروري انتظرت فتره حتى وصول تقرير الاستلام..وقبل لا ارجع اتصل اتصل باسل بروحه..!!!!! قلت بتردد ( باسل) ما جاني صوت باسل..جاني زئير باسل..!!! ( انتن وين....صار لنا ساعة ما بقينا مكان ما دورنا فيه عنكن ...وين انتن............) بعدت الجوال عن اذني ..وانا اشوف البنات مبتسمات بخفه..!!! بعد ما هدا الصوت رجعت الجوال لاذني قلت له بهدوء ( اسمع ..احنا سرنا للجبل القريب..وصعدناه..وبعدها انتقلنا للي بعده..الى ان تهنا وما قدرنا نحدد موقعنا ) قال بغضب ( من الاستهتار اللي فيكن..بس ما علينا بعدين بنكمل كلامنا..الحين صعدن الجبل حتى تكونن واضحات ..ولا تقفلي الجوال..خليك معي زين..) بعد دقايق متعبه..قال ( خلاص خلاص نزلن حددت مكانكن..قفلي الجوال..ونزلن بخفه لا تتعثرن ترى الصخور حاده وخطيره ) لما قربنا نوصل ..التفتت للبنات وقلت بتوتر ( باسل هنيه قريب..يلله تغشن ) حاولن يكتمن ضحكاتهن بس ما قدرن ..لحد ما ظهرت اصوات ضحكهن قلت بنفرفزة ( ما قلت خطأ ..وبعدين ويش هالضحك ..تراه قريب الحين بيوصل بيسمعكن) قالت مزون وهي تمسح دموع نزلت من عينها من شدة الضحك ( يا بنت الحلال احنا مخطوبااات..فما لنا في زوجك اللي ما فيه شي من الزين ) نظرت لها بألم ( الحين صار زوجي ...يوم العزومه محد منكن تكلم ) مزون حست بغلطتها ..وبنات عمي احمد أوجعهن الموقف ككل..!! قالت سارة ( والله يا عليا مو بايدنا ..هلنا بيعصبوا لو تكلمنا) قلت في خاطري..الكل مو بايده هالموضوع..عيل بايد من..؟؟!! وصلنا صوت باسل ( هيا سيروا يا مستهترات ..وآخر التيهات ان شاء الله لأن كل وحده ابوها مجهز لها محاضرة معتبره بتحرم من بعدها تتخطى المكان) قالت مزون بخفة ( الحمدلله انه ابويه مو امي..!!) ضحكنا بخفة ..ثم اردفت هنادي ( ما حد بينجي الا انتي يا عليا..!! ) باسل سمعها لأنه رد بكلام اكد لي بشكل قاطع معرفته بأني عارفة عن زواجنا ( ما بتنجي من العقاب دام اني موجود) واصلنا المسير ..فوق الصخور وانا احس ان مشاعري انتكست..وين فرحة الصبح ووين حالي الحين..!! عدلت غشوتي وانا امشي...البنات كانوا كلهم متغشيات من قبل لا يجي باسل... وانا اضبط الغشوة وافكاري بعيييييد ..ما حسيت الا بسقوطي وارتطام عظم جنبي الأيمن باحد النتوءات الصخرية ...التفت باسل بسرعة وقرب ناحيتي ( ويش صار) قلت وانا اقوم بمساعدة يده الممدوده ( ماشي..بس تعثرت ) قال بضيق ( وين عيونك ..ما تشوفي..تعورتي ولا ) قلت له بنرفزة ( لا تعصب ..ومالك دخل تعورت ولا لا ) قال بعصبية ويده ماسكة يدي( عليا ...بروحي واصل حدي من سالفتكن..فلا تضايقيني اكثر) قلت له بضيق ودموعي مهدده بالنزول ( يعني ويش اسوي لك..انت اللي تعصب من كل شي تهنا ضعنا ..وبعدين ما صار شي..كل الناس ممكن يتيهوا ..خلاص) ثم قلت بصوت مهزوز وانا اشوف البنات اختفوا ..!! من متى راحوا..!!! ( اترك يدي ..لا تعورني ) قال بهدوء ( تعورتي من الطيحة..اذتك الصخور تراها حاده ) قلت بصوت مرتجف ( لا ..بس شوي ضربت عظم جنبي اليمين بس ما تعور ) سكت شوي ثم قال ( انزين خلاص ..خلينا نرجع ..المظبي بيبرد ) قلت له وانا ودي انه يروح عشان ابكي براحتي احس مشاعري مزحومه ( روح انته ..بعدل غشوتي وبرجع ) قال وهو ينظر لوجهي ( اتركك ..عشان تبكي بروحك ) قلت له بنرفزة ( لااااا ) قال بابتسامه ( لا تروحي تبكي قدام الجماعة ترى بيقولوا باسل بكاها زين) قلت له وضعفي تحول لقهر ( ومن هالباسل اللي يقدر يبكيني..!!! تراك وايد شايف نفسك يا مغرور) قال بابتسامه اكبر ( اووه خلاص دام الدموع غيرت رأيها ..خلينا نرجع ) المظبي..وما ادراك ما المظبي...!!! لذة تفوقت على سائر انواع طرق طبخ اللحم..! وحتى الشوا التقليدي اللي نعمله في مسقط ..ما مثل المظبي... على آخر العصر تمددنا بتعب ..وثقل...واحنا نتنفس الهواء الجاف النقي المشبع بالصوديوم.. في اجواء هادية الا من ارتطام الأمواج بالصخور.... |
رد: يا صلاله خبرينا // عن قلوباً 'تهتوينا'
:55::55::55::55::55:
|
رد: يا صلاله خبرينا // عن قلوباً 'تهتوينا'
وااااااااااااااااو نوري رووووووعه الأحداااااث ؛:/-
ما شالله عليك بقمة الخيال يالغلا ؛:/- عليا : وربي كاسره خاطري حييييييييييل ؛:/- أما باسل : أحسه يبي يتقرب لعليا كثير صدق تصرفاته أحيانا تقهرني وبقووه ؛:/- بس بهالبارت حسيت خووفه ع عليا وااااااضح النوري يالغلا أبدعتي والله يوفقك ؛:/- يالله حدي حدي حدي متحمسه للبارت الجاي بقوووه وبأحوالهم من الجمر ؛:/- من جديد يالغلا أسلوبك رائع ؛:/- تقبلي مرور متابعتك : همس الخجل |
رد: يا صلاله خبرينا // عن قلوباً 'تهتوينا'
السلام عليكم ورحمة الله وبركاته ماشاء الله عليك نوار بارت رائع وأعجبني طوله ولو إني أطمع تطولينه شوي باسل أكيد بدريه رفضت تروح مع عليا المستشفى وهذا اللي خلاه ماياخذهن مع بعض مازلت عند رأيي باسل صحيح يمكن ماشاف عليا لما كبرت لكن أكيد محتفض بذكريات طفوله معها بدليل إنه عارف شخصيتها وقدر يغير حاتها من البكاء لشيء آخر باسل أكيدعارف بمعرفة عليا بزواجها منه لكن مستمتع بالعب معها وهو يجاريها وما أظن يبين لها ويصارحها إلا لوفيه شيء قوي نرفزه وطلعه من طوره مثل خطبة عليا اوموقف يستثير غيرته ويزيده إستفزاز عليا باسل رايح فيها ماقدرت تطول ماشفت عليا وأرسلت الخدامه تدق عليها وماصبرت لحقتها ماردك أظن ماتدق بابها انت إلا لأنك خايف ماتفتح لك أشوف الإبتسامه ماتفارقك وطلبات عليا سارت أوامر عليا عاد هالمره تأكدنا من حبها لباسل وغيرتها عليه أول بزعلها منه في المستشفى لأنه أخذ بدريه لوحدها وتركهم والثاني من لما قالت للبنات اللي معها يتغطون عن باسل لكن هي لحدالآن تقاوم أو تحارب هالحب وماهي معترفه به مزون الله يعين اللي بياخذها من النوع اللي ماتعرف تكتم سر لسانها يزل بالكلام وماتصحى على نفسها إلا وهي جايبه العيد اللي مثلها ماينعطى سر تسلم يمينك نوار ووصف للكشته مشوق منتظرينك لاتطولين الغيبه |
رد: يا صلاله خبرينا // عن قلوباً 'تهتوينا'
بارت رائع بوصف الطبيعه العمانيه والجووالخضره والسواحل والمواج وصف ولااروع نواروبالنسبه لباسل بدي قلبه يلين لعليا وهي بعد وبنتظارالبارت لا طولي عليناوشكرا
|
رد: يا صلاله خبرينا // عن قلوباً 'تهتوينا'
ماشاء الله نوااار فصل رائع شخصية باسل جدا جميله يجمع بين القسوه والحنان
مشاعره واضحه وبدأت تخونه لم يحتمل صمت عليا عند الرجوع من المستشفى يتلذذ بإثارة أعصابها ليستمتع بوجودها المحبب وردودها اللاذعه ويسعى لتحقيق امنياتها............. أما عليا فقد تقبلت وجوده في حياتها لا بل أنها بدأت تغار عليه لكن ماالأذى الذي تسبب به والد باسل لعليا وهل له دور في يتم عليا وهرب خالتها بها باإنتظارك نوااااار . |
رد: يا صلاله خبرينا // عن قلوباً 'تهتوينا'
السلام عليكم..
مرحبااا نوااره.. تدرين اني صرت احب باسل>> فيس مستانس.. يهبل اليوم ورومانسي وحبووووب.. لكن الخوف يقلب علينا بكره قلبه شييينه مرره.. اممممم شوفي نواره قرب باسل لهالدرجه من علياااا واستمتاعه بوجودها يخليني متاكده انه مايحب بنت عمه بدريه ولا حتى لو شوي ..هو يرحمها ايه ويعطف عليها ايه.. بس حب !! ابدا ما يكن لها أي مشاعر حب نهائي الا يمكن اصلا حتى علاقه طبيعيه بين اثنين متزوجين مابينهم لانه يحسها اخته اولااا وثانيا شكل هالبدريه مغثه وتنكد على الواحد ويمكن من تشوف باسل تجلس تبكبك وتندب حظها اللي خلاها زوجه لواحد تزوج عليها بنفس الليله؟؟ غير مرضها يمكن هي تخليه يحس انه مسؤول عنه وكل ماشافته اوحت له بهالاحساس وهو يبي احد يطلعه من احساس الذنب والضيقه اللي عايشه مع بدريه النكديه.. يعني وضعها اول ماجات عليا وهي بروحها بالغرفه وحالتها وتعبها واللي اغلبه نفسي مو بس عضوي يخليني اقول انها هي السبب فيه وفي انها ماخلت باسل يكون قريب منها ولاحاولت اصلا انها تقربه بقد ماحاولت انها تحسسه بالذنب باللي صار لها .. ويمكن حبها له مو حب بقدر ماهو تملك واحساس انه ملك لها ومافيه احد له حق انه يشاركها فيه حتى لو زوجه ثانيه .؟؟ يعني الصدق انا مقدره وضعها كزوجه لكن دابله كبدي شخصيه سلبيه تبي تحمل الكل مسئولية اللي صار لها وهي تبكي على حالها وماحاولت تغير من وضعها لو شووووي.. باسل ...شوف في مسألة تدخينك انا واثقه انك مادخنت الا قريب.. يعني يمكن يمكن تدخينك ارتبط بوقت زواجك من بنت عمك بدريه والمشاكل اللي صارت معه؟؟ وانت ماتدخن قدام جدتك..اولها حفاظ على مشاعرها واحترام لها.. وثانيها انك ماتبيها تكدر منك ويمكن انه مايدخن من عيالها الا ابوك فانت كذا بتذكرها بابوك اللي تحاول انها تنساهـ... الا على طاري ابوك عندي توقع انه مسوي مصيبه كبييييره عشان كذا جدتك مو قادره تسامحه.. واتوقع ان لها دخل بموت جدك اللي هو ابوه؟؟ يمكن جدك عرف انه متزوج اسما وطلبه انه يطلقها وهو رفض فجدك مات مجلوط من ابوك وعشان كذا جدتك مو قادره تسامحه؟؟ لكن كلامها لعليا هذا .خلاني اقووول ان ابوك له يد بوفاة ابوعليا وامها .. وسبب بعد عليا عن اهلها ..يمكن هو اللي هرّب عليا مع اسماااء وهو اللي سهل لهم السفر للخارج كل هالسنوات اللي راحت..؟؟ اقتباس:
عليا:: اووووهووو يااعليااااا والله وانتي تورين باسل الجزء الشين والافشر منتس الرجال شكله طاح بغرامتس ويحقق طلباتس اجل لو انتي معطيته وجه وتضحكين بوجهه شوي وش كان سوى؟؟ كان يمكن طلق بدريه وجاتس يركض يطالب في الزواج رسميا..هع تدرين هالصور اللي تصورينها بالرحله اتوقع ان باسل له فيها وجود.. يعني ماراح اتفاجأ بكره اذا لقينا حضرتس متسدحه على السرير وتطالعين بصور الرحله والا انتي مصوره لباسل كم صوووور وجالسه تمقلين بخشته وعيونه بدون ماتنزلين عيونتس .وبتقولين يمه حتى بالصور عيونه لها هيييبه..هخهخهخه مزوون: اتوقع بعد اللي شفته اليوم وكلامتس لعليا وكشف سر زواجها من باسل اللي هي اصلا عارفته .انتس انتي اللي بتقولين لها عن سبب القطيعه اللي بين ابو باسل وامه؟ اوان عليا بيكون عندها فضول كبير بهالمسأله وبتحاول تنصب لتس فخ عشان تكلمين وانتي بتطيحين بالفخ وبتقولين الاولي والتالي وعقب بتقولين اوووبس انا شو قلت؟؟هخهخهخه بس اهم شي تقولين السبب عشان ترتاح عليا ونرتاح حنا قبلها.>فيس الجمهور الملقوف اللي داخلين مع العرب هنا..هع نواااره والله حسيت اني معاهم بهالمناطق الحلوه.. دائما يمدحون عمان باذن الله ان خذت باسل بجي هالمناطق واحذف بدريه وعليا من هالمرتفعات ..>>فيس اجرمي..هخهخهخه تسلم الايادي نوااره وبانتظار البارت الجاي اذا الله احيانا واللي اتوووقع نشوف فيه بدريه بصوره اكبر . دمتـــي بود نواااره.. . |
رد: يا صلاله خبرينا // عن قلوباً 'تهتوينا'
اقتباس:
|
رد: يا صلاله خبرينا // عن قلوباً 'تهتوينا'
اقتباس:
تســــلمي يا قلبي على ردودك المشجعه ...ومتابعتك الأرووووع ما ننحرم منك يااااااارب...يحفظك الله ويوفقك.. |
رد: يا صلاله خبرينا // عن قلوباً 'تهتوينا'
اقتباس:
يااامرحبا ألف...بـــ ام جمــال... تسلمي يا الغلا وتسلم حـــروفك النــاطقة والمثاليه في وصف الأحداث وفنّك الرااقي في حديث المشـــاعر...سواء لوصف مشاعر عليــا أو بــاسل.... /// تقبلي خالص المحبه والاحتراام.. |
رد: يا صلاله خبرينا // عن قلوباً 'تهتوينا'
اقتباس:
..... ويبارك فيــك على ردك الطـــيب ولا يحرمنا منك... كل الأماني السعيدة ..لك.. |
رد: يا صلاله خبرينا // عن قلوباً 'تهتوينا'
اقتباس:
.. تحليلك اعجبني كثييييير... رأيك ووجهة نظرك في الطريق الصحيح.. .. عساك عالقوة دوووم يااارب.. خالص المحبة لك يالغلااا.. |
رد: يا صلاله خبرينا // عن قلوباً 'تهتوينا'
السلام عليكم ابداع ياقلبي :55: بس اناعندي طلب يريت تحطي بعض المعلومات والعادات في السلطنه
|
رد: يا صلاله خبرينا // عن قلوباً 'تهتوينا'
اقتباس:
مرحبتين بـــ الغاالــية زارا.. هههه اخاف بكره ترجعوا تكرهونه مع البارت القادم..؟؟!! /// مشاعر باسل ما زالت غااامضة حتى بالنسبة لعليا..والسبب يرجع لعدم وجود اي حوار حقيقي حول موضوع الزواج بين باسل وعليا... /// بدرية ما زالت في حالة مرض ..ومرضها المتقدم يمنع اي تواجد حقيقي لها حالياً.....لكن من يدري مستقبلاً..؟؟!!! /// ابو بااااسل قريييب جداً يكون له توااجد...بعد بارتين او ثلاث.. ومن بعده راح تتضح امور كثييرة... /// تحذفي عليا من مرتفعات صلاله ......!!!!!!!! افاااا عليك ياا زارا ههههه اجرااام حقيقي// وكويس ما تحذفيني معهم بعد :biggrin: // تسلمي يااا قلبي...ربي يحفظك يالغلااا |
رد: يا صلاله خبرينا // عن قلوباً 'تهتوينا'
اقتباس:
ان شاء الله ..وانا بعد احاول ادخل بعض المعلومات والعادات من عماان.. ......حياااااك الله دوووم.. |
رد: يا صلاله خبرينا // عن قلوباً 'تهتوينا'
السلام عليكم
روايه جميله جدا بديت فيها يوم الجمعه اعجبتني فكره اقرا لمحتمع ثاني غير بس تضل العادات متشابهه في اغلب المناطق باسل ::: مشاعره غير معروفه لحد اللحين من يحب من زوجاته وصراحه صعب مره ان يكون الجارات بنات عم ومن متى تقريبا تزوج باسل من بنت عمه يعني غريبه لحد اللحين ماعنده اطفال اسماء استفهامات لحد اللحين اكيد مخبيه سر وكبير عليا ي حياتي مره ارحمها ومره تقهرني بسلبيتها بس الله يكون في عونها وينجيها عل قولتها وبسس وسؤال بالاخير متى يكون البارت أي يوم ؟ هل لك موعد معين لتنزيل البارت |
رد: يا صلاله خبرينا // عن قلوباً 'تهتوينا'
اقتباس:
وانتي الأجمل ياا كريمه... اسعد وافخر بمتاابعتك..فكوني هنا دائماً.. " ما زلت لا اعتمد توقيت محدد لتنزيل الأجزاء " |
رد: يا صلاله خبرينا // عن قلوباً 'تهتوينا'
((الجزء الثاني عشر)) ((((يا لأيامي ووحدتي اقولها صراحة،،،، من غير مواربة ولا كناية..!!! لان هذه الاسوار والكوابيس العاتية .... ستنجز، لا شك سهامها الضاربة في أعماقي..!!! ولأن كلب الطفولة ....... كف عن النباح....!! خلف تلك السهوب اللامعة من الحلفاء...)))) "المحطات موقد الغياب لـــ سيف الرحبي" رجعنا بعد المغرب وكان الكل داايخ من التعب...بعد حمام سااخن كنت احس بتعب والم غريب في جنبي اليمين ..تذكرت سقوطي على الصخور..كنت احس بالألم في تزايد مع كل دقيقة...بس حاولت ما اركز كثير حتى يتلاشى... بعد صلاة العشاء نزلت عند جدتي وباسل في الصالة..كنت اسمعه يقول ( لا يا امي غالية ..قالت ما تبا ترجع البيت دام عليا هنيه..وامها الله يهديها مشجعتنها) وسمعت صوت جدتي المتذمر ( تبانا نطرد بنت سلطان من بيتنا..حشا علينا ..بنت سلطان صارلنا سنين مشتهين شوفتها بيننا....وكان بنت محمد ما عاجبنها تجلس عند امها..ولا كان تبا تجلس هنيه قسمها لها ....ومحدً مقصر فيها) رد باسل بضيق ( يا امي انا هنيه موجود اهتم بعلاجها ومواعيدها و حالها كل يوم يزداد سوء.....وحتى كليتها ما صارت تستقبل الغسيل في الآونه الأخيره عشان كذا محتاجة عنايه اكثر) قالت جدتي بهدوء ( الله يشفيها..يا ابويه انت ما مقصر ..ولام الله من يلومك.. بس اذا جات منها خليها..يمكن مشتاقة لأهلها....ومحمد وعياله ما بيقصروا والمستشفى جنبهم) لما هدأ الحوار...فتحت الباب وحاولت ان ملامحي تكون عاديه..واتوقع انها كذا لأني تعبانه من الرحلة ومن الألم وعيوني مسكره..فما اعتقد انه باسل راح يقرأ ملامحي هالمره..!! قلت لجدتي ( جدتي انا برجد..لا حد يصحيني مابا عشا ..ثقلت على الغدا) اعترضت جدتي لكني كنت متألمه كثير ..وما اقدر اوقف كثير..اعتذرت وطلعت.. وصلت غرفتي بعد مجهود ..كنت احس ببرد قوي بسبب الألم..شغلت التدفئة المركزية وقفلت الستاير ..وطفيت كل الضو......وتغطيت زين..ونمت......... صحيت بعد ما حلمت اني اتقلب من الألم...جلست في سريري وسط الظلام لكن فاجئني الألم الشديد بأنه واقع مو حلم..!! رغم الدفا اللي من المفترض يكون موجود بالغرفة ..كنت احس بالبرد في داخلي وانتفض ما اعرف من الألم اللي بجنبي ولا الجو حقيقي بااارد... فتحت ضوء الأبجورة اللي جنب سريري...واحترت ويش اسوي لهالألم منشان يخف مالي غير المسكن هو اللي راح يخفف ألم الضربة... تأكدت من الساعة حصلتها تو جايه ثنتين...سحبت اقرب شيلة لي وكانت بيجامتي ثوب طويل وساتر..نزلت والألم ذابحني...توجهت للمطبخ ..بديت ابحث عن صيدليه بس ماشي بالمطبخ..بديت افتح الأدراج بعشوائية..بس ما حصلت شي.. رحت لغرفة جدتي واحترت ادخل ولا..اخاف ترتاع..( تخاف).!!! بس الألم اللي كان يزداد ما ترك لي اي فرصة.... فتحت الباب وناديت جدتي بخفة وسألتها عن دوا مسكن.. وشفت ملامح الهلع ماليه وجهها قاومت الألم وابتسمت..! قلت لها ( لا تخافي يا جدتي..بس صخرة ضربت عظم جنبي ..وشوي عورتني الحين ..) نهضت من سريرها وقالت ( خلي باسل يتأكد..بعض الضربات خطره ( خطيرة) ) قلت لها بنفي ( يتأكد من ويش يا جدتي ..كلها عثرة بسيطه..وتتعالج بالمسكن لين تخف) قالت ( الضربة ما يعالجها المسكن..بسوي لك دوا شعبي ) تعباااانه و ودي ابكي واصرخ من فظاعة الألم ..ولا اقدر ادخل في جدال قلت بنرفزة ( يا جدتي ما فيني شي ..بس ابا دوا مسكن ..وبروح انام ) ( ويش صاير ) عزالله كملت...رحمتك ياااارب...ما اقدر اتحمل هالحال وهالألم .... سردت جدتي الأحداث ...ثم فتح باسل الضوء ....كنت متأكده ان ملامح الألم بااينة بوضوح في وجهي... قال بهدوء( نفس طيحتك اللي طحتيها على الصخور..ولا غيرها) قلت له ( ايوه هي نفسها ..تراها ما تسوى..بس ابا اي نوع مسكن وانتهينا) قال وما زال بهدوءه ( لا ما انتهينا ..اذا كانت الطيحة بسيطة ما بتسوي كل هالألم ) قلت بانكار ( ماشي الم قوي ..بس خفيف) قال ( لا تنكري يا عليا..ترى الألم باين بعيونك وانا دكتور متعود على نظرة التألم بعيون المريض) الغثيان والبرد وكتلة الألم كانوا في ذروتهم..!!!! التفت له بغضب ( يا اخي عندك مسكن فكني واعطيني ..ما عندك خليني اروح ارجد) قال ( اوصفي لي الألم ...) هذا وين وانا وين........خلاص ما اقدر ..لازم اروح غرفتي شعوري بالغثيان تزايد.. والألم يزيد بسبب وقوفي.. تركت الغرفة ..وصعدت لغرفتي...وقفلت باب الغرفة وتوجهت لدورة المياه.. بعد ما هدت نوبة الغثيان..ارتحت شوي..لكن الألم ما زال موجود.. رشيت وجهي بالماي..وطلعت بعد ما سمعت طرقات على باب غرفتي فتحت الباب وكنت شبه متأكده انه باسل قال ( خذي هالمسكن ..واذا ما فاد خبريني ..رقمك موجود معي..وباب غرفتك لا تقفليه) ما اقدر اجاوب..ولا اقدر اوقف على رجليني والألم ماليني...خذيت المسكن بإيد مرتجفة قال باسل باستغراب ( فاتحه على التدفئة في هالجو الدافي)!! هزيت راسي من دون كلام ..وحمدت الله على انه فهم و راح ..اخذت الدوا المسكن وحاولت انام...كنت اغفو شوي ...وبعد لحظات استيقظ والألم في ازدياد.. مرت الساعات وانا بنفس الحال من الألم..اما المسكن ما كان له اي تأثير فعلي..!! نوبات الغثيان ما خلتني الا بعد ما سببت لي دوار..ورجفة بكامل جسمي.. .. اذن الفجر.....توضيت وصليت وجسمي منكمش من هول الألم..... وبالأخير تمددت على السجادة لأني ما قدرت اوصل للسرير من الألم .. ونمت لكن كوابيس الألم ما تركتني... بعد ما اتضح لي النور من الستارة ...حاولت اقوم ..وانا احس ان قوتي بدت تخور والدوار يهددني بالسقوط...بس قبل لا اوصل سريري سمعت طرق الباب.. كانت فرصتي الأخيرة ..لطلب المساعده..ولا راح اموت بمكاني من شدة الألم.. كنت اسير وعيوني بدت تزيغ ..وجسمي يرتجف بقوة...وقفت لما ضرب جسمي بالباب... فتحته ...ونزلت مباشرة في الأرضية الرخامية بوضعية الجلوس.... ما كنت اقدر اشوف من اللي كان على الباب.. بديت اصرخ من الألم الفظيع واردد ( بموت ..بموت من الألم ) حسيت بيدين باسل حولي تحاول ترفعني وسمعت صوته المنصدم ( بسم الله عليك..عليا ويش صار لك ..الألم باقي ما راح) رديت وانا ابكي ( لا ما راح... ..باسل ....بموت من الألم..والله بموت ....جنبي يعورني وايد) قال ( خلاص اهدي ..اهدي ذلحين....وحددي مكان الألم بالضبط ..مجرد سقوط ما يسوي كذا) قلت بضعف ( هنيه ) وانا أأشر على جنبي جهة اليمين.... حط يده وضغط بهدوء وقال ( ..زين من البداية بدأ من هنيه ولا بالأول كان بالوسط) قلت له والألم يضرب جنبي بقوة وانفاسي بدت تتقطع ( ما اعرف..كله ..بس يمكن هنيه يعور وايد..ما اقدر....ما اقدر اتنفس....) بدت الرؤية تضعف عندي..حتى ملامح باسل ما كنت قادرة اشوفها بوضوح.... بس ما زلت قادره على سماع الأصوات والاحساس بمن حولي... حسيت بيد باسل تضرب جانب وجهي بخفه وهو يقول ( لا تنامي الحين..مو زين..خليك معي...ما راح نتأخر الحين بوديك المستشفى) سندني على الجدار جنب الباب....وبعد لحظات حسيت بدفا العباية يلفني.... والشيلة فوق راسي......ومن بعدها رفعني بين يديه ....في مواجهة دفاه..اللي كنت محتاجتنه ..واللي كان يخفف الرجفة والبرد من جسمي.. فالمستشفى كنت اسمع جدال باسل مع الدكتور العربي باللغة الانجليزية وكنت افهم بوضوح كلامهم...كان باسل يستعجل الدكتور ويقوله بأن الزايده راح تنفجر ..فلازم عمليه فوراً....!!والدكتور يتعذر بأن مناوبته انتهت وان الدكتور المناوب على وصول....!! انتابني الهلع...اي زايده..واي عمليه ..حاولت اجلس في السرير بعد ما كنت ممدده بس ما قدرت ...رجعت غصت في الظلام من جديد.. بعد فتره كنت اسمع صوت الممرضة العمانية وهي تسأل باسل ( دكتور باسل ويش صلة قرابتك بالمريضة ) رد عليها ( زوجها..جيبي الأوراق بسرعة خليني اوقعها عشان العملية ) حاولت اقاوم هالألم المبرح اللي ما زال يسيطر علي وقلت بارهاق ( باسل.....ليش العملية ) كان يتكلم ..لكن الصوت كان متداخل مع بعض..فما قدرت افهم اي شيء.. استيقاظي الثاني كان على صوت الممرضات وحركتهن جنبي....لكن ما قدرت افتح عيوني..بعد فتره بصعوبة قدرت افتح عيوني الخدره... وانا اسمع اناتي وتمتماتي تخرج من دون شعور..... دارت عيوني في محاجرها على ارجاء الغرفة الشديدة البياض بصورة تجيب الكآبة..!!! حتى سقطت في العيون النارية اللي بها نظرة غريبة غير مفهومه.. ثبتت عيوني بعيون باسل ..ثم رجعت اغمض من جديد..والشعور بالخدر يغريني للعودة للنوم من جديد..بس صوت باسل ما كان رأيه كذا ( عليا ..تسمعيني..افتحي عيونك... ..) ثم رجع من جديد.. ( هيا ..يا كسوله قومي ..افتحي عيونك..) الازعاج المتكرر خلاني افتح عيوني من جديد.. لمقابلة وجه باسل المبتسم ( الحمدلله على سلامتك..بويش حاسه الحين) كان الألم مازال بجنبي لكن بصورة اخف بكثير عن قبل..واحس بحرقة في حلقي....لكن فهمي ما زال مشوش.....قلت ببحه ( ابا ماي) سكب كوب ماي ..وجلس جنبي وبايده كوب الماي..استغربت ..!! حاولت ارفع يدي..جسمي...راسي.....بس الخدر كان عام.. غمضت عيوني واستسلمت ليد باسل وهي ترفع راسي بخفة ويده الثانية وهو يقرب كوب الماي من فمي..قال ( اشربي بخفة..ايوه ..بس خلاص كذا كفايه) لما ابتعد سألته بتعب وهذيان ( ويش صار...ليش احس بخدر ) قال بهدوء وهو يرجع يجلس بالكرسي القريب من سريري.. ( ما صار لك الا العافية ..الألم اللي كنتي تحسي فيه ..ما كان بسبب الطيحه كان الزايده..وسوو لك عمليه واستأصلوا الزايده ...) وقع هالكلام علي كان قوي جداً...اول عمليه جراحية اخضع لها .. والألم اللي حسيته ..كان ممكن اني اموت بسببه..... حسيت بشفايفي ترتجف ..بس كنت تعبانه وما اقدر ابكي...والخدر ما زال ماليني... حسيت بيد باسل وهو يدخل شعري داخل الشيله ..وكفه تمسح على راسي من فوق الشيلة... وعلى جبيني بخفه.. وجسمي وشفايفي ما زالت ترتجف..ثم قال.. ( لا تبكي..لا تبكي يا عليا....اهم شي انتي بخير ذلحين...والعملية ناجحة ) وقتها ما قدرت اسيطر على دموعي الساخنة اللي بدت تشق طريقها لوجنتي وترافقت مع تنهداتي وشهقاتي ...بكيت بألم...! وصلني صوته ( خلااااص يا بنت ..ليش البكاء الحين..انتي بخير ..انتي بخير وهذا المهم) بس ما قدرت احس اني مخنوقه ..ومشتاقة لخالتي واباها جنبي الحين كان بكائي يزيد ..باسل ترك كرسية وجلس بجنبي وجمعني بخفه بين يديه بحيث كان وجهي ملتصق بكتفه اليسار ويده ملتفه حولي... وبكفه الثانية بدا يمسح على ظهري صعوداً ونزولاً بطريقة كانت تزيد دموعي..الا انها مريحه... كانت تنهداتي ما تزال ..ودموعي ما وقفت ... قلت له بين شهقاتي ووجهي ما زال بكتفه (باسل..وين خالتي...ابا خالتي..) رد بهدوء ( الحين انتي ارتاحي..ونامي..وبعدين يصير خير) قلت ببكاء وهذيان ( لا ....لا ...الحين...ابا خالتي...ابا خالتي...) يده لامست ذقني ..ورفع وجهي من كتفه وحط عينه بعيني بنظره دافيه ومطمئنة وقال ( ابا اقول لها.....بس انتي ارتاحي الحين..انتي بعدك تعبانه ..والمخدر ما راح..) قلت له بتعب ودموعي تجري ( خليها تجي...باسل...) مسح دموعي بيده...وقال ( اللي تبيه بيصير..بس اهدي الحين ونامي ..اتفقنا ) رجعت وجهي لكتفه بارهاق......وبدت عيوني تغمض من جديد..... استيقظت بعد فتره على اصوات بالغرفة ...وشفت عمامي موجودين.... تقدم عمي محمد ناحيتي وسلم علي ..وتحمد لي بالسلامه وبعده عمي احمد.. بعدها قال عمي احمد( الجماعة بالبيت يريدوا يجو يسلموا عليك..بس قوانين الزيارة ما تسمح بزيارة المريض ولا البنات كانن .........) ما كنت قادره اسمع بقية كلامهم لأن الخدر ما زال محتويني...وغمضت عيوني لفتره ولما نهضت محد كان بالغرفة غيري....! مباشرةً امتلى قلبي بالخوف...حاولت اهدي نفسي بس شعوري من الاساس مليء بالتوتر والخوف وعدم الاتزان....لما جلست .. الالم بجنبي ما كنت اشعر فيه مثل اول.. وشفت ابرة التغذية فوق كف يدي.. لكنها ما كانت موصوله بانبوب التغذية... اتجهت انظاري لجهة الباب ... وبديت انزل بس الدوار ما زال موجود.. وصلت لحد الباب واتكأت بتعب عليه.. وصلتني اصوات محادثه..حاولت اركز من اللي موجود ..اتضح لي صوت عمي محمد.. وبعد فتره صوت باسل حاولت اقرب اكثر لما سمعت اسمي بالمحادثه خفقات قلبي في تزايد من الحوار المنطرح مابين عمي محمد وباسل كانت الأصوات تجيني بضعف.. ( ما راضية ترجع ..لكن مو مشكلة دام السفر قريب خليها عندنا) ثم صوت باسل ( اخاف انها تتعب فجأة وانا مو موجود قربها يا عمي) قال عمي محمد ( وانا واخوانها وين رحنا يا باسل..اول ما تتعب بنسعفها للمستشفى.. والمستشفى اقرب لنا ..)ثم اردف (متى قلت لعليا عن زواجكم..سمعت احمد يقول انها عرفت ) حسيت في هاللحظة كل انفاسي توقفت ..نسيت تعبي..راح الخدر..! صارت كل حواسي متيقظة لسماع رد باسل.. رد عليه باسل ( ما قلت لها بنفسي.....خالتها نقضت اتفاقها معي..وبالتالي جاها ما تستحق من جهتي... اما انا قدرت اخمن معرفت عليا عن زواجنا من اول لحظة شفتها فيها وكنت متأكد من معرفتها.. والمواقف اللي صارت بعدين اكدت لي هالشي) وصلني رد عمي محمد المستغرب ( وليش ما تجلس معها..وتفهمها الأمور من البداية، ليش ما تبدا حياة جديدة معها كزوجة لك...يكفيك الحياة الصعبة والتعب اللي عايشنه كل هالسنين )! رد عليه باسل بضيق ( ويش اقول لها يا عمي...اقول لها ان جدي طلب المملك يملكني عليها قدام الناس حتى ما اقدر اعارض..!!! اقول لها انها انفرضت علي بحياتي...! ولا اقول لها انا زوجك غصباً عنك وانسي كل احلامك ودراستك لأني مسلم وغيور و لا يمكن اسمح لزوجتي بالسفور..!! ولا اقول لها بسببك....) قال له عمي (لا تكمل ..!!! ) ثم قال( كل اللي قلته ما ينفع كحوار مع زوجتك وبنت عمك اليتيمة..تبا تجرحها يا باسل ما يكفيها اللي شافته فحياتها..ما يكفي يتمها انت تشوفها ...تشوف نظرة الحزن اللي ساكنة عيونها...ما تحس انه من ألمها لفقدان اهلها ما تسولف عنهم لا يمكن تواصل الكلام معك لو ذكرت احد من اهلها ...ان ما رحمتها يا باسل وانت الريال العاقل من راح يرحمها غيرك.....) رد عليه باسل بسرعة( الله يهديك يا عمي..انا ما قلت هالكلام الا قدامك ..ولا عليا لا يمكن اتكلم معها بهالطريقة....لا يمكن اجرحها بسالفة زواجي منها ) رد عليه عمي ( زين...لكن يا باسل تذكر اني وعمك احمد وجدتك ما راح نسكت لو حاولت تأذي بنية سلطان ) قال له باسل ( يا عمي انا باسل....انا مو ابويه...لا تظن اني مثله ) مرض فوق مرض..!! الا ان الجرح اللي فقلبي اقوى من اللي فجنبي....!! كنت اعرف انه ما يبيني...لكن مجرد الاستماع لاعترافه يقتلني.. ليش ما يباني...حتى ما قدر يجامل قدام عمي...متمسك فيني بشفقه ... انا عاله عليه....!! لما جيت ابا ارجع سريري ما قدرت اوقف..وبعد محاولات ودموعي مشوشة علي الرؤية قدرت اوصل لقرب السرير واستندت عليه..بس ما قدرت اصعد..ارخيت راسي فيه وانا ابكي من الكلام اللي قهرني وآلمني...ليش ما يباني..ويش ينقصني لدرجة انه ما قدر يجامل قدام عمي محمد... انفتح الباب ..وسمعت خطواته السريعة قريبه مني وصلني صوته المتفاجئ ( عليا.!.! ويش اللي قومك من السرير..) ثم اردف لما اتضحت له شهقاتي( ليش تبكي ..حاسه بألم ...تكلمي يا بنت ..) لما مد يده يحاول يرفعني للسرير من جديد..دفعت يده ورجعت امسح دموعي وقلت له وانا اتألم ( مابا اتم هنيه....ابرجع البيت ..ما حبيت المكان..مو مرتاحه..) رجعت ايدينه تحاوطني في محاوله لارجاعي للسرير وهو يقول ( اي بيت الله يهديك...انتي تو قايمه من البنج..وعمليتك ما صار لها الا كمً ساعة) بعدت ايده بعنف وقلت له ( مو على كيفك ..والله اني ما اجلس هنيه ساعه.. واذا ما وديتني البيت بتصل فحد من عمامي يجي ياخذني..) ثم اردفت من بين شهقاتي ( والله ما اتم هنيه) ملامح الضيق ماليه وجه باسل وهو يسوق..بسبب الملاحظات اللي ازعجوه بها الطاقم الطبي لما جاء يوقع على خروجي تحت مسؤوليته..بس انا احس اني ما راح ارتاح الا في غرفتي....كنت احس بتعب متزايد....رجعت راسي للوراء وكنت منتبهه لنظرات باسل بين الفتره والثانية...وحديثه الخفيف حتى يتأكد اني واعيه... لما عبرنا البوابة ووقفت السيارة.. بديت اعدل جلستي..حتى اقدر انزل بنفسي.. لكن باسل ما ترك لي فرصة ..دار حول السيارة ووصل لجهتي وفتح الباب... ومد يده يساعدني على النزول...قلت له بنرفزة ( بروحي قادره انزل) قال بهدوء ( بس شوي....لأن السيارة مرتفعه ) بعد ما ساعدني بالنزول..سندني بايديه في طريقنا للدخول الى البيت.. قبل لا ندخل كانت جدتي بعيونها المحمره وملامحها الباكية قدام الباب وصلني نحيبها المحمل بكلام حول امكانية فقداني مثل ما سبق و فقدت اهلي... ..والم سنين......وموت وخوف....ما كنت متأكده ان الكلام هو اللي كان كئيب.....ولا حالتي اللي زادته جرعه من الكآبه...!! .. غمضت عيوني بألم وتعب...لما قربت جدتي ومسكت وجهي بين ايديها وهي تنتحب وتقبل جبيني ووجنتي....ما كنت قادره اتحمل اي شي...بس ابا اروح غرفتي وانام... باسل تقدم وبدا يهدي جدتي..ويطمنها بأني بخير...وانه موجود وما راح يتركني.. وعوده سببت لي الغثيان اكيد انه راح يقول كذا قدامها ..لكن اللي فقلبه شي مختلف اللي في قلبه ما يتعدى الشفقة ..والاحساس بالمسؤولية من منطلقات انسانية بحت...! تنهبت لما حسيت بضربه خفيفة على خدي..وسمعت صوت باسل ( عليا ..ويش فيك...؟؟قادره تسمعيني ..) قلت بارهاق ( ابا اروح غرفتي) صرخت جدتي برفض..وكذلك باسل...لأن غرفتي في الطابق الثاني..وفي غرف فاضية في الطابق الأول.......لكن اليوم رغم التعب الا ان مزاجي العاصف ما يرضى ....الا لما يصير اللي في بالي... تذمرت بتعب لما رفعني باسل بين ايديه من دون ما يترك لي مجال للصعود بنفسي.. وصلني صوته (انتي اليوم حالتك حاله مع هالعناد ..ويش صاير لك هااه) لما تمددت على سريري حسيت براحه اكثر..فرق شاسع بين التواجد في سرير المستشفى البارد وبين سرير البيت الدافي... تذكرت فجأه اني ما صليت الظهر...ورغم اني كنت بالخارج بس ما قدرت احدد ويش الوقت قلت لباسل وعيوني نصف مغلقة ( كم الساعة ....انا ما صليت الظهر..؟؟) قال بهدوء ( ما بعد اذن الظهر..الساعة تو 11 ...انتي اللي كنتي مستعجله على طلعتك من المستشفى) تفاجأت ما توقعت ان كل اللي صار والألم اللي حسيته ما كمل 24ساعة..!!! وانا اقول ليش الخدر ماليني...!! كنت ابا اقوم اخلع العباية..والبس لبس قطني خفيف بس ما قدرت... رجعت راسي بالمخده ونمت....... فتحت عيوني بتعب لما حسيت بحركه جنبي ...وشفت باسل يفك الشيلة ..حاولت ارفع يدي ..بس ما قدرت ...ورجعت انام من جديد نهضت على ايد باسل تمسح جبيني بخفه...وصوته وهو يناديني..كان باسل جالس جنبي بالسرير... قال بهدوء ( كيف حالك الحين...حاسه بألم..) اخذت وقت وانا استذكر الأحداث....لحد ما استوعبت...لما جيت ابا اجلس قال بسرعة ( شوي شوي..حركتك هذي بتتعبك ترى )ثم قال (خذي هالقميص القطني والبسيه...تقدري تقومي تتوضي ولا انادي الشغاله تساعدك..) اقترنت حواجبي باستغراب ..وسألت ببحه وتعب ( انت ليش جالسه هنيه...؟؟ومن سمح لك تفتح درج ملابسي )..؟؟ قال بهدوء ( خلي عنك هالسوالف ..واذا تقدري قومي توضي وبدلي ملابسك عشان اعطيك مسكن..لأن الألم بيزداد اذا ما خذتي المسكنات...)ثم اردف (انادي الشغالة..).؟؟ قلت له بهدوء ( لا ما يحتاج ..بس انت اطلع من هنيه) ..وبديت اتحرك بخفه ورجعت القميص القطني...واخذت ثوب قطني طويل واسع باكمام طويله.. لما طلعت ما كنت مستقيمه بوقوفي..لأن الألم كان يزعجني شوي... بعد ما نشفت وجهي...حطيت الفوطة على كرسي التسريحة وشفت باسل ما زال موجود بالغرفة..!!!! ومستند على سريري وايده مغطيه وجهه..!!! سحبت ساعتي من التسريحة وشفت الساعة 2 ...جوالي مطفي من امس ولا اذكر وين حطيته سحبت شيلة الصلاة وصليت الظهر...لما خلصت كنت مجهده...ومنقهره من وجود باسل بالغرفة رغم الأمان اللي احسه من وجوده واللي متناقض تماماً مع الواقع ..بس كان لازم يطلع من غرفتي..وينهي تمثيلياته ... قلت له ( باسل ..اطلع من غرفتي..وحط المسكنات بالطاولة ...بروحي اعرف اخذ دوايه ) سحب يده من وجهه ..شكله كان نايم ..!!! قال ( عليا لا تزعجيني..!! ما بتحملك دوم)!! رديت عليه بعضب ( انت اللي تزعجني ويش مجلسنك في غرفتي ..اطلع ما لك دخل وما لك حق تجلس فيها وانا ما سامحه لك..اطلع الحين ..اطلع ) قام من السرير..وقال ( تعالي ارتاحي بسريرك..انتي عمليتك راح تفتح اذا ضليتي بهالحال.. وراح نضطر نرجع للمستشفى ..وبعدها شوفي من يطلعك..)!! قبل لا اتكلم ..سحب يدي بخفه ..وجلسني بالسرير..وجلس جنبي ..واعطاني اقراص المسكنات..! ركزت نظراتي على عيونه ...لكن ما مديت يدي اخذ منه الأقراص..! ثم بعد صمت خفيف..قلت له ( انا قايله لك اطلع من هنيه ...وترى اقدر اقرأ يعني اعرف اخذ الأقراص )!! وصلني صوته اللي يدل على نفاذ صبره ( علــــــيـــا) هزتني صرخته....بس ما زلت ما قادره اتحمل وجوده..رفعت عيني بعيونه النارية بتحدي بس تخدرت كل مشاعر الضيق..بشعور غريب عني اول مره احسه في حياتي ... لدرجة اني ما حسيت الا بيد باسل وهي ترفع كوب الماي قريب من فمي..!! متى حط الأقراص..!!!!! قال بأمر ( اشربي)... بعدت ايده بعنف......بروحي قادره امسك كوب الماي.. قال بقوة وبحده ( عليــــا عن العناد..اشربي من يدي) هو ما يعرف ان صوته مؤذي...ما يعرف ان حدته ما تتناسب مع اي انثى..كالعاده صوته جمع الدموع بعيني..بس كنت مقاومه ..مابا ابكي ..رغم ارتجافتي..شربت الماي من يده لكن شرقت بسبب شهقه مكتومه .. بعد باسل الكوب وقال بضيق ( لا اله الا الله ..الحين ويش يبكي فالموضوع ..ويش هالحاله ما تقدري تتحملي ليش تعاندي من البدايه ..) وانا ابكي بصوت مكتوم رجعت اتمدد ....ووجهي متغطي بالمخده.. وصلني صوته المنزعج ( انا قايل ان هالعمليه مصيرها الفشل..عدلي تمددك ..تمددي على ظهرك ) ثم ما انتظر ..قلبني على ظهري..وايدي مغطيه وجهي والدموع اللي مالتنه..! بعد ايدي عن وجهي..وانا احارب ايده..بس ما قدرت ... قال ( يا بنت الحلال والله بتتعبي من البكاء..بس خلاص اهدي...انا اسحب كل شي قلته.. رغم اني ما قلت الا اللي فيه مصلحتك...بس انتي اهدي الحين ووقفي هالبكا.. ..) العصر صحيت على صوت عمتي هاجر...وزوجة عمي احمد..وزوجة عمي محمد اللي استغربت تواجدها..لكني قدرته كثير..وبالطبع البنات كلهم جنبي فالسرير.. الكل كان يلومني على خروجي المبكر من المستشفى..! لكن بالنسبة لي مرتاحه بالبيت اكثر....! وصلني صوت مزون الخافت وهي تقول ( لو انا بدالك يا علووويه كان تميت شهر فالمستشفى )!! قلت لها باستغراب ( ليش )..!! بس استغربت لما شفت وجهها محمر..!!! خجلانه ..!! غرييبه ويش اللي فالدنيا يسكت ويخجل مزون.!!! قالت هنادي بضحكة ( يا حلوه ترى سمعت ابويه يقول ان عزام مسافر مسقط معه مؤتمر هالشهر ) قالت ساره بضحكة عاليه ( يعني كنتي راح تعفني فالمستشفى من دون ما تشوفي ظله ) ضحكت وانا تو افهم ان عزام خطيب مزون..! سألت البنات ( عزام ولد من ..من عمامي..؟؟) قالت هنادي بتأثر ( هالعزام يصير ولد اخو عمي هاشم زوج عمتي..يعني ولد عم مزون بس احنا كلنا نقول ولد عمنا كذا متعودين.....خريج كلية الصيدلة...واهله متوفيين.. والأمر من كذا..!! انه يصير خطيب هالمجنونة ) بعدت عن البنات لما شفت بوادر حرب قايمة بين مزون وهنادي كالعادة..!! بس ما استمرت هالحرب بعد صرخة عمتي وزوجة عمي عليهن ..!! سألت باستغراب وانا اشوف مزون وهنادي كل وحده مستلمه علبه من الككاو الفاخر ( الحين انتن جايبات هالككاو ..عشان ترجعن تقضن عليه ..؟!) قالت مزون بضحكة ( يا بنت الحلال خلينا نساعدك فيه....انتي احمدي ربك ان خلاك الدكتور باسل تشربي كوب حليب..!!) ثم اردفت وهي تهز راسها ومنغمسه في اكل الككاو ( عاد كله كوم ..وباسل وحصل من يتسلط عليه كوم ثاني..!! )!! قلت في قرارة نفسي....انتي صادقة يا مزون.....!!! ما حسيت لما جات الفرصة بعد صلاة العشاء حتى انام براحة دون استيقاظ.. عدلت فراشي..وطفيت الأضواء...ونمت ...... لما استيقظت على الضوء القوي قفلت عيوني بضيق...ولما فتحتهم مره ثانية عشان اشوف باسل واقف جنب سريري....وبايده حقيبة ..!!!رحمتك ياارب ( اصحي بس شوي.اتأكد من ضغط دمك ..والنبض...واشيك على العمليه وبعطيك علاجك ..ثم نامي ...).. حركت راسي بعدم فهم..!! رغم اني فهمت النصف من كلامه .!! لكن يشيك على العملية يعني ويش..؟؟؟!! من دون ما ينتظر رد جلس جنبي فالسرير وفتح حقيبته الطبيه واخرج منها السماعة وصوبها باتجاه نبضات قلبي ....!! رجعت راسي لأدنى درجه في المخده وانا احاول ابعد من هالوضع المحرج الغريب... بعد لحظات رفع كتفي ولفه على جنب وحط السماعة اعلي ظهري..! تنفست الصعداء لكن مو لفترة طويله..رجع وطلع جهاز قياس الضغط..! ومن بعدها رجع عينه لشنطته وقال ( ارفعي الثوب خليني اشوف مكان العمليه اذا محتاج تغيير اللصقه اليوم ولا باكر الصبح )!! قلت له بغضب من بين اسناني ( في احــــلامــك) قال ببرود ( بشوف العملية غصباً عنك...ولو انك في المستشفى كان راح يصير لك نفس الشي ) رديت عليه بنرفزه ( في المستشفى غير...!! ) ثم اردفت ( عادي كنت راح اسمح لهم منشان انهم ..مو انت..) ثم اكملت ونظراتي تجاهه( لذلك تحلم تطبق طبك فيني لأني ما اسمح لك ...والحين اطلع من غرفتي لأني وصلت حدي منك..ولا ابا اشوفك) شفت العيون النارية تستعر بغضب لكنه سيطر عليه بسرعه وقال بهدوء ( ما راح استغرب عصبيتك...لأن ضغط دمك مو معتدل..والأكيد انك تحسي بألم..) ثم سكت...وقال ( تراني تعبان وابا انام ..وانتي بعد تعبانه خليني اخلص شغلي واعطيك مسكن ....بيخفف عنك الألم ....وبتنامي بسهولة...) سحبت الفراش حولي وقلت له ( ما يحتاج مسكن ولا منوم ولا غيار للعمليه) وغطيت وجهي ثم اردفت من تحت اللحاف ( لا تنسى وانت طالع قفل الضوء)! استغربت السكون والهدوء اللي دام لحظات..!!! ومن بعدها سمعت صوت كأن باسل يدخل اغراضه فحقيبته الطبيه ..!! الحمدلله انه ما لزّم علي كالعاده....!! وكنت اقنع نفسي بأن الألم اللي حاستنه مصيره بيزول لما بنام..!!! استغربت لما حسيت بالبروده في ذراع يدي اللي كان خارج الفراش..ومثبتنه فوق راسي..!!!!!!ويش هذا.....؟؟!! قبل لا اسحب الفراشي بايدي الثانيه صرخت لما حسيت بالألم في ذراعي..!!! سحبت الفراش بسرعة وشفت الابره مغروزة في يدي ومن دون استيعاب راقبت باسل وهو يسحبها من يدي.!!!! قلت له بصدمة ( انت كيف تسمح لنفسك....كيف قدرت تحقني من دون علمي.. من الاساس انا ما محتاجتنها ..) قال ببرود ولا كنه مسوي شي( مورفين بيخفف الألم اللي تنكري وجوده قدامي..وبيسهل نومك حتى اقدر اتأكد من عمليتك من دون ازعاج)!!! رجعت راسي للوراء وانا احس عيوني ثقلت وقلت ( يا ويلك ..يا ويلك لو تلمسني بدون اذني يا باسل...ترى والله اني ........) وكان اخر عهدي باليقظة...!!!! |
رد: يا صلاله خبرينا // عن قلوباً 'تهتوينا'
السلام عليكم..
مرحبااااااااا ملاايين بالحامل والمحمول.. الجزء هذا اتوقع ان الكثير من الاعضاء بيعتقدون انه واضح ..لكن انا اشووفه انه مليان غموض.. في اشياااء بين السطووور تحتاج فهم وجايه بالكلام عنها بالرد امممممم تدرين ماودي ان عليااا سمعت الحوار اللي دار بين عمها محمد وباسل.. اولا لانها وهي شاكه انها عارفه وتلعب عليه مو مثل انها وااثقه انه عارف ولاتقدر تمثل عليه لان بيكون تمثيلها مافيه مصداقيه لنفسها.. لكن الحوار هذا بالذات هو اللي فيه الغموض اللي اقصده في بدايه الرد. اجل بدريه زعلاااانه..مالومها ولكن بحركتها هذي بتترك الجمل بما حمل لعليا.. باسل.. الحين اناواااثقه انه كذاب يعني هو يمكن تزوج عليا باجبار من جده لكن الحين جده ميت وبامكانه انه يتركها بس هو مايبي هالشي واعتقد ان السبب مو لانها بنت عمه ولكن لانها بنت اخت اسمااا اللي حرمة ابوه وحبيبته.. ويمكن بزواجه من عليا حتى لو كان مو راضي عن ابوه ولا عن زواجه من اسما بس بتظل عليا بنت الحرمه اللي حبها ابوه وحارب الدنيا واهله عشانها.. يعني عليا بتكون رابط بين الابو والولد حتى لو كان رابط خفي عن عليا بس باسل متمسك فيها لانها رابط بينه وبين ابوه عن طريق خالتها اسما..>>فيسي التحليلي.. الجده مسكينه.. معليش جدتي غاليه سامحيني والله اني كنت متهمتس اتهام يشيب العين..بس السموحه يا الحنونه>>فيس مغطي وجه من هووول سوووء ظنه..هخهخهخهخه عليااا سلااامات سلااامات ماتشوفين شر.. والله اول ماشفتس تلوووين من جنبتس قلت الحرمه الضربه اثرت على كليتها ثم هالرجال باسل بينشب بحرمتين كلهم تعبانات بالكلي..هخهخهخه لا عاد الحمد الله انها جت سليمه مافكرت صراحه انها الزايده ..خفت من نزيف داخلي.. وبعدين وش هالخبال اللي انتي فيه ..تروح حياتس هدر عشان سمعتي باسل يقول انه مغصوب عليتس ..ليش زعلانه انتي من اوول اكيد عارفه هالشي يعني بالله واحد متزوج بليله ثنتين .. وحده يعرفها وحده ماعرمه شافها وانغصب عليها قدام خلق الله اكيد بيكون ماله فيها..بس انتي اللي مزعلتس مو لانه معترف انه مغصوب عليتس لاااا انتي زعلانه لانتس متضايقه ان هذا شعوره حتى بعد ما عرفتس وجيتي عندهم ..تبغينه يحبتس ويحب الارض اللي انتي تمشين عليها مثل ما انتي ميته عليه الحين ومو قادره تعترفين بهالشي حتى لنفستس. والحين مع وجود بدريه في بيت ابوها اعتقد انتس لازم تاخذين راحتس وتسيطرين على الرجال.. ايه على طاري بدريه شكل حالتها مره صعبه هذا اولا.. ثانيا وش سالفة السفره اللي بيسافرها باسل.. وعمه محمد يقول خليها عندي اقتباس:
العم محمد.. اول شي انا احتررمك بقوووه لانك مانسيت بنت اخوك اليتيمه واللي هي بنفس الوقت تصير ضرة بنتك وجارتها..ومع هذا خفت الله فيها.. وثاني شي ابي اعرف وش حل هاللغز اقتباس:
اسمااء: على ان مالتس ظهور هنا بالاجزاء لكن حضوورتس قوووي بالاحداث ..انتي مهببه شي مخلي الدنيا كلها تقلب عليتس بس ماافيه معلوم ايش هذا مشكله>>فيس قلبتي لسانه من كثر الغموض..هخهخهخه الاتفاق اللي خرقتيه وخلى باسل يجي ياخذ عليا ؟؟ اتوقع انتس تبعدين عن ابوه؟ وانتي اختفيتي فتره ورجعتي لابو باسل وهو عشان يبين لتس انه صادق في تهديده جا وخذ عليا من بيتس وقدام عيونتس وانتي ماقدرتي تسووين شي..؟ وابو باسل وش الشي اللي مخلي حتى ولده ينقم عليه.. اقتباس:
تسلم الايادي نواره.. استمتعت جدا بالجزء هذا .. كحالي كل مره.. بانتظار البارت الجاي بكل شوووق فلا تتركين انتظارنا يطووول ياعسل.. دمــتـــي بـــود |
رد: يا صلاله خبرينا // عن قلوباً 'تهتوينا'
قالها باسل والا اقو لها بسببك؟؟ سبب من ؟؟ عليا والا العم محمد؟؟؟؟؟
هلا. بزار. ياحبيلك. فعلا. نفس. الشي. هالبارت. كله. غموض. بس. ابجاوب ويمكن. صح. واكمل. على لسان. باسل بسببك. زوجتي. مصابه. بالفشل. الكلوي. وانا. تعبان. معه. بالعلاج. اما. ابو. باسل. اتوقع. ان. احد اسباب. موت. ابو عليا. وتهريبه. مع. خالته. فيه. عضوه. توقعت. هالشي. قبلي. وفعلا. مقنع. |
رد: يا صلاله خبرينا // عن قلوباً 'تهتوينا'
السلام عليكم ورحمة الله وبركاته نوار وش هالبارت اللي لخبط كل توقعاتي بكلام باسل مع عمه ومرض عليا ولو عن عندي قناعات متمسكه بها للحين محمد ياليت فيه مثله كثيركان الدنيا بخير رغم الأذى اللي حصل لبنته من ورى زواج عليا ماحقد عليها ولا ظلمها وحملها ذنب مالها يد فيه بالعكس خاف الله فيها ويوصي باسل عليها باسل أول شيء أظن الكلام اللي قلته من ورى قلبك وإنت تحب عليا لكن ماتبغى تبين لأحد وإنت قلتها لايمكن تجرح عليا بزواجك منها يعني خايبف على زعلها لو عرفت إنها إنفرضت عليك وماأحد أخذ رأيها وزوجوها غصب عنها يمكن إنفرضت عليك لكن حبيتها وما أظنك تفرط فيها باسل يظن إن أسماء هي اللي خبرت عليا وعاقبها إظن هوالسبب في سفرها لكن على أي أساس ظن إنها هي اللي خبرت عليا معقوله بدريه هي اللي أوهمته بهذا الشيء حتى تنتقم من الثنتين ولأنها خافت إن علياء تخبره لما قال أو أقول لها إنت السبب أظن يقصد إن عليا هي السبب في الفشل اللي عند بدريه السفر اللي يتكلمون عنه هوسفر لعلاج بدريه او زرع كلى لها عليا والله إني كنت شاكه إن اللي فيك ماهومن طيحتك ومن ألأعراض شكيت إنها الزايده وش الجنان اللي بك بتموتين وساكته على نفسك لاتشيلين في خاطرك كلام باسل مع عمه كان اول والأول تحول زعلك لأنك تحبينه واللي فهمتيه إنه مغصوب عليك ما أظن تستمرين في لعبك معه وإنت عارفه إنه كاشفك وبعدين تعالي إحمدي ربك اللي بيكشف عليك زوجك ماهوواحد غريب وش إستفدتي من عنادك هالحين بيكشف عليك وبيتمقل فيك على كيفه بعد مانومك اكيد خايف لو بيجبرك بالقوه تضرر عمليتك تسلم يمينك نوار منتظرينك بفارغ الصبر |
رد: يا صلاله خبرينا // عن قلوباً 'تهتوينا'
مسكينا عليا اللي جاهاموشويه بس ماشالله باسل طلع حنون معاها وأظن أن زوجته ماعادراح ترجع له وأظن أن المرض بيشدعليهاوبتموت وعلياصدمهاكلامه انهامفروضه عليه بس هي بعد اللي سواه معاها بدأت تميل له وشكرانوار
|
رد: يا صلاله خبرينا // عن قلوباً 'تهتوينا'
السلام علييكم
هلا نوااار جزء اليوم احسه قرب باسل من عليا كثييير .. وكلامه لعمه احسه بس علشاان مايزعل عمه عليه او ياخذ بخاطره لانه بيعيش حياته وممكن ينسى بدريه ..يعني قال هالكلااام علشان مشاعر عمه ومثل ماقالوا البنات من وراء قلبه اتوقع اللي سوى العمليه لعلياا هو بااسل ..والدليل انه الدكتور المناوب رفض يسويهاا .. رحمت علياا زود على اليتم جاها يتم مشاااعر .. يعني هي بالبدايه رضت بعادات اهلها ان البنت ماتطلع من العائله واقنعت نفسهاا ان باسل مو سيئ ومن تواجده الداائم معهاا تعلقت فيه خااصه انها تحس بالاماان لوجوده بحكم انها فاقده احساس الابو فهي شاافت بباسل الاب والزوج والاخ .. ويمكن حست من غيرته عليهاا انه يحبهاا .. فمانلومها في صدمتهاا من كلام باسل لعمه .. >>رحمتهاا والله باااسل اتوقع سفره يمكن شغل ..ويمكن علشاان ابوه ..او شي يخص اسمااء .. نواااري تسلم الاياادي ياقلبي جزء يجنننننن بانتظااار بااسل والمتمرده علياا ..والاكيد ان باسل راح يكشف سبب عنادهاا .. وعندي احساس في القريب العاجل ان علياا راح ترجع تعيش مع خالتهاا فترة نقااهه .. لحد مايجيها باسل حاافي القدميين ههههههه |
رد: يا صلاله خبرينا // عن قلوباً 'تهتوينا'
اقتباس:
اقتباس:
نواره علمينا باسل يشتغل الحين دكتور وبالمستشفى والا شلون؟؟ لان لو هو فعلا يشتغل بالمستشفى فاكيد انه هواللي مسوي العمليه .. مثل ماقالت النوري حبيبة قلب الزوري.. |
رد: يا صلاله خبرينا // عن قلوباً 'تهتوينا'
اقتباس:
مرحبا بك ألف يا زارا صاادقه يا زارا هالبارت وضح جانب ..واخفى جوانب أخرى.. سماع عليا للمحادثه كان من حسن حظها وتوقيته مناسب للأحداث اللي راح تصير في الباارت القاادم واللي تمثل نقله نوعيه ..حيث العوده المفاجأه _ المؤقته.. الى مسقط.. الفيس التحليلي عجيييب كالعااده .......//سفر العلاج..في الأجزاء القادمه راح يتضح ( ولا اقول لها بسببك....) مثل ما قالت الغاليه ام البنين باسل كان بطريقه لذكر مرض زوجته الأولى ..وعمه محمد كان فاهمه لذلك قطع الحديث قبل لا يقوله... ظهوور اسمااء قرييب في الجزء الرابع عشر من ضمن العوده لمسقط حيث راح يكون لها تواجد ويبان سبب اختفاءها..!! تحليلك لمشاعر ابو باسل مطااابقه تمااماً .....///تسلم روووحك يا زارا ..وانا بعد استمتع بتواصلكم ..وتوقعاتكم...ربي يحفظك ويسلم الجميع.. |
رد: يا صلاله خبرينا // عن قلوباً 'تهتوينا'
السلام عليكم
اهلين نوراا مبدعه دوم الله يعطيك العافيه امتعتينا كثير بهذا البارت بدت الاحداث تشتد والأكشنات تقوى بين جوز و لوز هخهخهخه نجي لألثنائي المزعج الي كل منهم راسه ايبس من الثاني عليا وعنادها في مرضها مايبي لها نقاش كل شي نتهاون فيه إلا الصحه والعافية الله لايحرمنا منها وباسل الي لأول مره يتكلم عن نفسه وحزنه على حاله وحال زوجاته عليا مؤلم ان تسمعين رفض زوجك لك وانه انجبر على أخذك وان كان ماتبينه خادش لكبريائه مهما كان وان كانت ركزو على كانت أي فعل ماضي رافضه هذا الزواج وبتنهيه بس ماانتبهت انه موقادر يقولها انه زوجها وهو عارف انها عارفه وتمثل عليه لانه مو قادر على مواجهتها رغم رفضه لدراستها الطب وهي سافره مادري وش كانت ردّة فعله لما تغطت وتمسكت بحجابها وحتي واهي رايحه السوق لوحدها يمكن غيرت نظرته لها بعد ماكان كره لطبعها باسل بسببها تدمر زواجه وبسببها ترك الطب كمهنه لكن كان يتابع من بعيد ومتواصل مع زملائه ولا ليش شافته في مسقط بالجامعة والممرضات هنا عارفينه يعني هو سوى العملية لها وبسببها بيرجع لمزوالة المهنه من جديد بس كون انها تدلع وماتبيه يقعد عندها ولا تبيه يكشف عليها وفي نفس الوقت تحس بالأمان هذا وش تفسيره أخت عليا وش سوى في خالة عليا من عقوبه ليكون قطع رزق الحرمه وفصلها من عملها وإلا ارسل ابوه عليها ينكد عليها عيشتها احس انه اجبرها على شي قوي اهيه ماتبيه الله يصبرنا على هالأسماء ونعرف وش تحت رأسها من دواهي هي وعبدالله نوااره في انتظار إبداعك |
رد: يا صلاله خبرينا // عن قلوباً 'تهتوينا'
اقتباس:
وحتى توقعاتك بالمسار الصح... الله يعطيك العـــــاااافيه.. |
رد: يا صلاله خبرينا // عن قلوباً 'تهتوينا'
اقتباس:
حياالله بالغاليه ام جمال.. وبااقي بعد بارتات..راح تقلب الأحداث من جديد..! قراءاتك..وان ما زالت غير متضحه لنا ..او بمعنى آخر ما لها ظهور علني.....لكنها تبقى "متعمقه" و "ممكنه" لأنها تتحدث عن مشاعر داااخليه للشخصياات.... قد تظهر مع مرور الوقت.....او تموت مع مرور الأيام..! احييك..واحيي حضورك المتألق كعاادته..خالص المحبه لك.. |
رد: يا صلاله خبرينا // عن قلوباً 'تهتوينا'
اقتباس:
توقعااتك قطعت اشوااط ..ما زلنا في بعد عنها... لكن آخر توقع اللي عن عليا ..يحمل كثيير من الصحه... الله يحفظك ..ويوفقك..يالغلاا.. |
رد: يا صلاله خبرينا // عن قلوباً 'تهتوينا'
اقتباس:
يا هلاااا والله..بالنوووري.. صحيح هالجزء بدأ يرسم كثييير من التقااارب الحسي ما بين عليا وباسل.. وان كانت مشاعر عليا تميل للوضوح..تضل مشااعر باسل بها لمحه من الغمووض.. مثل ما سبق وقلنا..باسل تاارك للعمل الطبي خلال السنوات الأخيره ولو اقدم على العمل ....راح يعرض نفسه لمخاطر قانونيه.. عليا قريييب راح تعيش فترة نقاهه بس مع من..؟؟ خصوصاً ان الخاله ما ينعرف لها داار.؟!! تسلم روووحك ...الله يسعد قلبببك.. |
رد: يا صلاله خبرينا // عن قلوباً 'تهتوينا'
اقتباس:
|
رد: يا صلاله خبرينا // عن قلوباً 'تهتوينا'
اقتباس:
مرحبتييين ترااانيم...الله يعاافيك يا حلوها جوز ولوز ههههه لها لحن حلووو الموااجهه بالضبط مثل ما ذكرتي اثنينهم حاسينها صعبه وان كان مصيرها بتّم حتى لو طال الوقت..! باسل ما زال متواصل مع زملائه ..ومحب لعمله..لكن الظروف هي اللي اجبرته على تركه.. وش سوى في الخاله..؟؟؟ الاجابه من ضمن السطور الأخيره في ردك .. يحفظك ربي ويسلمك.. |
رد: يا صلاله خبرينا // عن قلوباً 'تهتوينا'
حبيبتي مبدعه كتير جد الفصل رائع وبلشنا نفهم الامور مشاعر عليا لهلا واضحه وممكن نفهمها بس باسل ما عم نقدر نحدد شو مشاعره الحقيقيه مو الكلام الي بيحكي لعمه والكل
كتير عجبني ذكرك للاماكن والعادات ما احلاها الله يديم عليكم الصحه والاستقرار تسلم ايديكي ويعطيكي العافيه يا قمر |
رد: يا صلاله خبرينا // عن قلوباً 'تهتوينا'
اقتباس:
|
رد: يا صلاله خبرينا // عن قلوباً 'تهتوينا'
اقتباس:
آميييين ياااارب...وينعم بالاستقرار على ساائر بلاد المسلمين.. سعيده جداً بمشاااركتك ...خالص الموده لكِ... |
رد: يا صلاله خبرينا // عن قلوباً 'تهتوينا'
اقتباس:
تسلم رووحك يالطيبه..واشكرك على الحضور.. الجزء الثالث عشر راح انزله مع بداية الأسبوع القادم ان شاء الله.. |
رد: يا صلاله خبرينا // عن قلوباً 'تهتوينا'
اقتباس:
بإذن الله ف انتظااااااااااارك ،، |
رد: يا صلاله خبرينا // عن قلوباً 'تهتوينا'
السلام عليكم ورحمة الله وبركاته
محتاره ماذا ابداء فيه ردي الاول في هذه الرواية فائقة الجمال رائعه جدا كلماتك راقي جدا طرحك جميل ودافئ احساسك انتي تمثل كاتبه جريئه لانه باول تجربه لكي تطرحي قضيه شائكه جدا ولكن ونحن النساء نهولها ونقاتل حتى نقضي عليها الي هي التعدد في وضع بدرية وباسل وعليا اجد نفسي محتاره كثيرا في صف من اكون جميعهم ضحايا لخطاء ابو باسل وليس الجد اتى تزويج الجد لعلياء من باسل عقاب لابو باسل وجعل الابن يكفر عن خطاء الولد انا وضعت احتمالين اتمنى ان يصيب احدهما الاحتمال الاول انه ابو باسل بعد زواجه من ام باسل وانجاب باسل احتمال انه طلق او توفت ام باسل ولانه يدرس في مسقط تعرف على اسماء وتزوج منها وبعد توطد علاقته تعرف اخيه ابو عليا على اختها وتزوجها وكان عبدالله السبب في عصيان ابو عليا لابوه وعدم زواجه من اهل ابوه وبسبب المسافه التي يقطعها ابو عليا بين مسقط والجنوب ادت لحدوث حادث وموت ابو عليا وامها فلذالك اجبر الجد باسل ان يتزوج عليا حتى يتحمل مسؤولية خطاء والده ولان باسل غالي عند ابوه قام الجد بضربه بالصميم فكان ردت فعل عبدالله انه ساعد اسماء بالهروب من الجد وارسالها لاستراليا وهو لا زال متزوج من اسماء الاحتمال الثاني بعد وفاة ابو عليا وام عليا الي كان السبب بالتعارف بينهما عبدالله واسماء ولان اسماء بعد معرفتها بانها عقيم ابتعدت عن عبداللهساعدها عبدالله بان تحتفظ بعلياء وسهل لها الهرب وبعد معرفة الجد بما فعله عبدالله اراد اجباره وربط عليا بباسل حتى تكون زوجة ولده وان يعيدها من جديد لهم ولكن حبه لاسماء وتاثره من عقمها وشفقته عليها كان احب اليه من ولده لكذا مضى بتزويج ولده من عليا وبعدها فضل الغياب والسفر بعيدا عنهم جميعا لكذا باسل يشعر بالمسؤولية اتجاه عليا لانه هي ضحية انانية والده واسماء الي خلاني اتوقع كذا هو باين انهم عائله مترابطه ومتكاتفه مراح تدخل اي شئ يخرق صفهم ويزعزع الوئام بينهم والجد لم يربطها عبث بباسل وفي ليلة زواجه من بدرية الا من اجل ان يجعل عبدالله يدفع الثمن وكان القرار في لحظة غضب من الجد اتوقع في نفس ايامها سافرة اسماء بعليا او انه في نفس اليوم قام عبدالله باخذ عليا اثناء انشغال الكل بمراسيم الزواج ولكذا عاقبه الجد في ولده الوحيد ... باسل عاش مع بدريه مشاعر المراهقه حتى الحب الي يكنه لها مجرد حب تعود لانه مسميه له من هو صغير وخلاص انربطوا مع بعض لو كان زواجهم عادي وعاشوا مشاعر اي زوجين لكان حبه لبدرية تطور ونضج وزاد ولكن محاولتها للانتحار واصابتها باقصور في الكلى ادى الى تحول مشاعر حب مراهقه الى مشاعر شفقه والمسؤولية عن مرضها وهي لا تزال تسخط على وضعها ولم تقف معه وهذا باين من هربها وعيشها مع اهلها مع انه وضعها صعب وتحتاج لطبيب بجوارها ولكن مشاعرهم وئدت في مهدها ومازالان يمثلان حبهما ولكن هي يدفعها له العرفان بالجميل وتخليه عن مهنته من اجلها وهو يدفعه المسؤولية وتانيب الضمير ولكن الحب ضاع من هما لازم امر جديد يحي هذا الحب ولكن مع وجود عليا ارى ذالك صعب ظهور عليا في حياة باسل وبشخصيتها القوية هذه وبحركاتها التي استفزته جعلته يرجع باسل الرجل ويعامل انثى تثير فيه مشاعر الغضب والاعجاب والقوة والحمايه ويرى انثى تحتاجه حاجه روحيه اكثر منها عشان علاج او غيره فعليا رجعت باسل الذي انطواء على نفسه وكبر سنين حتى يحل مكان والده ويقوم بدوره باكمل وجه من ناحية الاهتمام بالمزارع والاراضي وكذالك بوالدة والده فهو كان مكان عبدالله ومع عليا يرجع باسل يتحرر من قيود عبدالله ويعيش بافكاره وطباعه عليا انتي تركيبه عصيه على الفهم ما زلت اجهل ردات فعلك هل سوف تمضي بالزواج او انك تفضلي الطلاق من بعد سماعك لكلام باسل الي فهمته من باسل وعمه انه ما زال لم يبداء حياه زوجيه حقيقية بعد ارى انها فرصه ثمينه لك من اجل انجاح زواجك بدريه هي من تخلت عنه بكامل ارادتها بابتعادها عنه وترك له كامل الحرية ببداء حياة اخرى مع انثى بمنظورها كامله وهي تشعر بالنقص ومشاعرك الي بدت تظهر اتجاه باسل عادية جدا فطرة الله بكل الاناث عند ارتباطها برجل تبدا مشاعرها تتطور باتجاهه غصب عنها اعذريني اذا ما تفلسفت وطولت الرد ما اعرف ارد احب القرقرة كثير |
رد: يا صلاله خبرينا // عن قلوباً 'تهتوينا'
اقتباس:
حيــاك الله ومرحــبا فيك اختي الكريمه " اشتاق اليك" الــرقي حــاضر ايضــاً في كلماتك يا غالــيه.. //// اما توقعاتك فخليني احذر البناات ( ترى جااتكم مناافسه قويه) ما شاء الله هذي اول مشاركه ..وتوقعاتك بهالقوه...شيء راائع احتمالك الأول يحمل جاانب من الصحه..وكذلك احتمالك الثاني.. لكن من دون تحديد حتى لا تصيع الأحداث ..تستحقي كثيير من النجماات..! // تواجدك راائع بتوقعاتك القويه..فكوني بالقرب داائماً.. لكِ خالص المحبه..والموده.. |
رد: يا صلاله خبرينا // عن قلوباً 'تهتوينا'
اقتباس:
يااااحلوات اي رد مافيه مناقشه لحدث او شخصيه من شخصيات الروايه بينحذف الروايه غنية بالاحداث والشخصيات المركبه تستحق تعليقات وردود ومناقشات غنيه شكرااااا |
رد: يا صلاله خبرينا // عن قلوباً 'تهتوينا'
((الجزء الثالث عشر)) لأول مره يطلع هذا الصباح بسفنه الجانحة في الضباب روح نسيم يطوّق جسدي والعذوبة تلفح أعماقي بمطرٍ قديم..... ((أستطيع الآن أن أتبينك وسط حشودي وعزلتي،،،،)) " سيـــف الــرحبي" ..... الهواء البارد كان يتسلل لجسمي بالكامل...حاولت اسحب الفراش اكثر.. لكن الهواء كان يوصلني.......وصوت غريب متداخل مع رائحة ..محببه عندي ..!! فتحت عيني ونظراتي اتجهت لباب البلكونه المفتوح قفزت لا شعورياً وصحت بفرحة : ( مطر) ! وصلت البلكونه باتجاه الريح البارده المحمله بقطرات المطر المنعشة ... كان باسل مستند على الباب الزجاجي ونظراته المستنكره تجاهي..! اكيد لأني قفزت من سريري....لكن ما يهم لا باسل ولا استنكاره..! الجو كان مظلم ..ومن الصعب تحديد الوقت ..وانا ما صليت الفجر..! وصلني صوته الهادئ : ( كيف صحتك اليوم ) قلت بصدق : ( الحمدلله ..ما احس بتعب..) رجع نظراته باتجاه المطر اللي يهطل بقوه وله صوت مميز مختلط بالرياح اللي تستثير الأشجار والاخضرار الداكن اللي طلا الأشجار..وكان واضح رغم الظلام... قال بعد لحظات: ( الساعة خمس...من فتره مأذن ..قومي صلي) بعد الصلاة ..غيرت ثوب النوم لفستان صباحي طويل من الصوف الناعم .. لأن الأجواء تميل للبروده.... وقفت اسرح شعري قدام جامة دورة المياه ..وانا اتذكر نظرات باسل هالصباح... والحزن المرتسم على عيونه ... رغم هدوءه الظاهر الا ان حالته الحقيقية كانت معاكسة تماماً ... انسان غامض او متناقض هذا هو باسل..من الصعب فهمه وفهم تفكيره !! ثم بعد استغراق في التفكير ..حسيت اني اصبحت بصوره ما ..مشابهه له متناقضه ......!! في لحظة اقتنع اني لا يمكن احس بالأمان اللي فاقدتنه طول حياتي الا مع باسل........ وفي لحظات اخرى احس ان باسل اكبر عدو لي في حياتي..!!!! بتنهيده مثقله ...... طلعت واحساس من الانتعاش يغمرني.....!! المرأه بشكل عام .......لا يمكن انها تشعر بزهو العالم من حولها الا اذا كانت بقمة تأنقها ....! غزاني الجوع لما شفت صينية الفطور على التسريحه....وشفت العاملات واقفات..! ما راحن الا لما تحمدن لي بالسلامه ...شعور طيب...ان التواصل الحسي بين سكان البيت الواحد ممتد مهما كانت الأبعاد بين الأشخاص...! بعد ما راحن العاملات ..اتجهت للصينية وجلست على الكرسي وانا ابحث باستغراب عن كوب القهوه اللي اشمه بس ما اشوفه ..!!!! التفتت للورى لما سمعت حركه حولي..!!!!! هذا ويش عنده قاعد هنيه ..!!! بس كله كوم ولما شفت الدخان المتصاعد من الكوب اللي بيده كوم ثاني..!! قهوتي كانت في يده..!! قلت له بقهر : ( جلستك بارحه فغرفتي وهضمناها......الابره اللي غافلتني وعطيتني اياها قلت لمصلحتي وبكيفي سامحتك و صرفت النظر عن المسأله ...../ لكن جلستك هالصباح في غرفتي بتملك تقول الغرفة غرفتك..!!! وفوق كل هذا سارق كوب قهوتي)!! ثم اردفت: ( رجعه...ما اسمح لك تاخذه...بروحي اباه ومشتاقه القهوه..ما اقدر افطر من دونها) بحركة مستهزئة رفع كوب القهوة وشرب منه ثم قال : ( هااااه .... ...تبيه الحين..؟؟) من دون شعور تحركت ايدي تبحث عن ان اي اداه موجوده بالتسريحه التفتت للمشط الطويل اللي بيدي وبكل قهر وقوه رميته بتجاه باسل ضرب المشط بقوه في كتفه..ثم سقط في الأرض....!! رفعه باسل من الأرض وبحركه سريعه تقدم ناحيتي..!!!! حسيت قلبي راح يتوقف لما شفت باسل يتقدم ناحيتي...ابتلعت ريقي بخوف..!!! غمضت عيوني لما شفت يده مرفوعه ...لما فتحت عيوني شفته حط المشط بهدوء ...على احد رفوف التسريحه..!! وقبل لا يطلع قال : (هالتصرفات الصبيانيه مابا اشوفها مره ثانيه... .)! ثم رفع حواجبه وقال ( صحيح اني كنت متزوج طفله...لكن اللي اعرفه ان الطفله الحين كبرت).... طلع بعد ما القى علي جملته اللي افقدتني شهيتي للفطور...من المفترض انه ما يلقي بجمله عرضيه فجائية لما يجي يتكلم عن امر مهم مثل زواجنا.!! خذيت كوب الحليب الدافي ووقفت قدام باب البلكونه المغلق وحبات المطر مرتسمه بفن على جنباته....! كآبة باسل هذا الصباح كانت بسببي...بسبب زواجنا..بسبب تواجدي بالبيت.. كان يحاول يكتم لكنه ما قدر......! واكيد انه ما يملك القدره في قول اي كلام قوي ممكن يأذيني.. ما يقدر يعبر عن مشاعره..ولا يقوى على الاعتراف...لأنه واعد الكل بهالشي..! ... الحوار اللي دار بالأمس بين عمي محمد وبين باسل كان ينساق بتسلسل لذاكرتي ... معقوله ان حرمة باسل ما قالت له..!! بس ليش يتهم خالتي بانها هي اللي قايله.....وليش قال بنبره غامضة جاها ما تستحق..!!! حسيت بالصداع من تشابك الأمور......احس في امور انا مو فاهمتنها....وخلااص كافي مفآجآت ........تعب حالي من هالة الغموض اللي محاوطتني.....ويش اللي بيكون مخفي عني بعد كل هذا.....!!! خالتي..!!! من يوم الرحله ما كلمتها.....!!! جوالي كان مقفل ....والأكيد انها ما تعرف عن اللي صاير لي.....!! بضيق بحثت عن جوالي وحطيته بالشاحن ....وانا انتظر ..وافكر ... هل باسل اتصل بها وقال لها عن عمليتي..!؟؟ وطلب منها تجي ؟؟! بس لو كان قايل لها ..كانت بتجي مباشرة...او انها بتطلب تكلمني وتتطمئن علي...؟ لكن تختفي كذا...لا ....هذا مو من عوايد خالتي.....لا يكون صاير لها شي..؟؟!! ارتعبت لما بدت الوساوس تااخذني لبعيد ....وانا انتظر جوالي يشحن حتى اقدر افتحه واكلم خالتي..... لا يمكن الوصول للرقم المطلوب..!!!! طول النهار وهالجمله تتكرر على اسماعي..!! وينها ..!!؟؟؟ عقلي ما قادر يفكر صح...؟؟؟؟ رااااااح اجن...!! خالتي لا ترد على خط حياك ولا خط النورس ...مو من عوايدها ابد..؟؟ معقوله انها سافرت ..الامارات..؟!! ...او امريكا...او رجعت لاستراليا....؟؟؟ لكن خالتي لا يمكن تسافر وهي ما قالت لي...! حسيت دمي يفوور ...كيف ابا اعرف انها بخير...يااااارب..!! مالي غير اتصل فالبداله واخذ ارقام الفنادق اللي بمسندم واتأكد منهم....!! بعد ساعه كنت مقهوره من قلة التجاوب اللي حصلته.... كانوا متكتمين...كثييير... وانا احس اني مقيده.....وقلبي يحترق...! مر يومي بصورة كئيبة وكل الصور السيئة تجي في بالي......اتعوذ من ابليس اللي يزيد الأمور تهويل......وادعي الله ان يسلم ...ثم ارجع انتكس من جديد...!! قبل لا تنام جدتي نزلت الدرج بخفه..والألم كان مختفي من اول اليوم.... سألتها عن باسل...بس لسوء الحظ باسل مسافر الشرقيه معه عمل في ولاية صور .... ما قدرت انام طول الليل....كنت اراقب البوابة من بلكونة غرفتي عشان اشوف سيارة باسل في حال رجع...... لكن مستحيل ان باسل يرجع الليله وهو رايح الشرقيه اكيد انه راح يبات هناك.. من اول الصباح نزلت تحت عشان اسأل جدتي عن موعد رجوعه لكنها القت علي الجواب اللي ما كنت اتمناه..!! ان باسل ما راح يرجع لا الليله ولا بكره....!!!! لما جيت ابا اتصل فيه تذكرت كلامه لما قال ( وجاها ما تستحق).... تكررت كلماته فبالي بتكرار مؤلم مرييييييع.......امتليت بالخوف ..!!! يقدر باسل يأذي خالتي...........ولا ويش قصده بهالكلام..!!!! لما عدّت ساعات الصباح الأولى كنت مكتفيه بالأحدااث...ومن دون ادنى تحكيم للعقل حركتني مشاعري.....ورحت لبست العباية والشيلة والغشوة واخذت حقيبة يدي.. اتجهت للسواق .....طلبته مفاتيح السيارة بس رفض..!!! اكيد ان باسل مهددنه..!! زين انها جات منه ..لأني ما ادل ( اعرف ) مكاتب حجز الطيران قلت له ( زين ..وديني اقرب مكتب مال طيران ) اقرب حجز للطيران الداخلي كان صلاله_ مسقط قرب الساعة سبع مساءً رجعت اجهز شنطة عمليه فيها الضروريات فقط وملابس خفيفه... لأن عمليتي ما تسمح لي اشيل شي ثقيل... الاجراءات كانت سهله لأن المطار داخلي والرحله ما تأخرت كثير...مدتها حوالي ساعة وعشرين دقيقه.... بعد الهبوط الى اراضي العاصمه مسقط.....تأكدت من حجوزات الطيران الموجوده على امل احصل رحله قريبه الى مسندم.....لكن اقرب رحله من مسقط الى مطار خصب مركز محافظة مسندم اليوم الثاني الساعة 12...!! الوقت متأخر ..والطريق من السيب حيث ارضية المطار..انتقالاً الى العامرات لبيت خالتي .. طويل جداً.......لكن ويش اسوي..!! وقفت سيارة اجره ..ودخلت شنطتي..وقلت للسايق يتجه للعامرات... لما تحرك سايق السيارة ...كانت انظاري تتجه لشوارع السيب وبناياتها... هنا بالسيب معظم ذكرياتي....هنا كنت عايشة مع اهلي...هنا الشقة اللي ما دخلتها طول السنين الماضية موجوده في هالمنطقة....تساءلت في صمت ويش حالتها الحين؟؟ بعد هالسنين........؟؟!! مفاتيح الشقة ما فارقتني...لكني ما يوم امتلكت القوة او المقدره لدخولها من جديد...! ..... لما وقف السايق فالرصيف المقابل للبيت في العامرات...ماتت احلامي بوجود خالتي في البيت.... لأن الظلام عاااام ...يعني بعدها ما رجعت من مسندم..!!! طلعت المفاتيح من حقيبة يدي ...وانتقيت مفتاح البيت لكن ..!!! حاولت افتح الباب بس الباب ما يفتح ..!! فتحت مصباح جوالي وتأكدت من المفاتيح ..انا متأكده منهن بدليل ميداليتي ...!! بعد دقائق من المحاولة ..ضربت الباب بقهر ..ليش ما راضي يفتح ..يمكن خالتي غيرت قفل الباب...بس كيف تغيره وهي تعرف اني امتلك نسخة من المفاتيح وفي اي وقت راح اجي واحاول ادخل..ولا انها فاقدة الأمل في جيتي...!!! قفزت برعب لما جاني صوت من الخلف (من انتي .؟؟؟؟ ويش عندش واقفة هنيه ..) استدرت وشفت رجال مو غريب..؟؟! هذا جارنا اللي اشترينا منه البيت ؟؟! قلت له ( بو مهند ..هذا انا عليا ..خالتي اسماء غيرت قفل الباب ..ولا قادرة ادخل) شفته مستغرب ..لأنه ما متعود على شوفتي بالغشوة وبهالعباية..ثم قال ( وليش تدخلي...ترى خالتش اسماء باعت البيت علي ) حسيت بصدمه ..رجعت للورى وانا مو مصدقة قلت له بتكذيب ( مستحيل...متى باعته ؟؟؟ هي ما قالت لي) وصلني صوت كريه لشخص كريه بسببه كنت اطلب من خالتي نعاود لاستراليا .! ( ابويه ..من هاذي ..مو عندها..مو باغيه..) رد عليه ابوه ( هذي عليا يا مهند ..بنت اخت اسماء اللي كانت ساكنه هنيه ) قال بصوت كريه ( عليا ..مو حالش.....ما معقوله ..ويش اللي قلب حالش كذاك ..مو تبي بهالغطا على وجهش كنش من عجايز زمان... ) طنشت كلام مهند ....لأن اللي كان يسمعني من كلام فالسابق اسوء من كذا بوااايد..!! وقد سبق وخطبتني امه من خالتي اكثر من مره ..وما كنت احب اطلع لوحدي بسببه ..!! وبسبب ازعاجه لي برسايله وهداياه..!! حتى خالتي بالبداية كانت تضحك من افعاله....لكنها بالأخير صارت تخاف..لما شافته جاد و متعلق فيني بزياده...!! سألت ابو مهند ( انت صادق ان خالتي باعت البيت ) قال مهند بتطفل ( ايوه باعتُه ..انتي ما تعرفي خالتش ما خبرتش..شايف يا ابويه انا خبرتكم انته وامي ان عليا لا يمكن تسمح ببيع البيت لأنها تحبه وتحب جيرانها ..صحيح عليا) اعوذبالله من ابليس...ويش هالقرف اللي ابلشت ( حطيت ) نفسي فيه ... لا سيارة ولا بيت في هالليل...ولا بقدر احصل سيارة اجره في هالوقت ... ويش السواة ياربي..!!! اروح احجز في فندق..!! بس ما اطيق الفنادق...والله العالم احصل حجز ولا لا..؟؟!!! ويش الورطة اللي حطيت نفسي فيها..!!!! جيتي خطأ والحين اكتشفه...اتبعت مشاعري وما فكرت بعقل..! ابو مهند انسان قريب من الخمسين وكان محترم طوال فترة مجيرتنا له بعد تفكير ....قلت له (بو مهند تقدر توصلني للسيب الحين ) قال بسرعة ولا اهتم بالمسافه الطويله.. ( ولا يهمش يا عليا ..بجيب سيارتي وبجي) قلت له قبل لا يروح ( خلي ام مهند تجي معك ..لأني مشتاقه لها ) صديت بقهر لما شفت مهند واقف ما راح ...ويتأملني..ثم قال ( شيلي الغشوة يا عليا ..مشتاق اشوفش)!! قلت له بحده ( مهند اسكت ولا ارجع بيتكم...ترى دوريات الشرطة في كل مكان متوزعه وانا جايه لهنيه شايفتنها واقفه مع اول السكه )!! قال بهيام ( والله صدق انا مشتاق لش ولشوفت وجهش..) ثم اردف : ( تصدقين مرضت لما رحتي...وكل يوم كنت اوقف انتظرش وأسأل خالتش عنش بس اللي كان يخفف عني شوفتش فأحلامي..) مهند كان عمره سته وعشرين سنه عاطل عن العمل و انسان اتكالي وفيه بلاده غير طبيعيه ....!! كان ممكن اني اقول له اني متزوجه ..لكن بصراحه ما اضمن اي عمل مجنون ممكن يقوم به..لأني مو متأكده من سلامته العقليه ..!!!! ارتحت لما شفت اهل مهند بالسيارة ..اكيد ام مهند راح تجي لأنها لا يمكن تخلي ابو مهند يطلع بروحه..كانت تغار عليه واايد..وهذا لمصلحتي اليوم.. رفعت شنطتي وحقيبة يدي بتعب واتجهت صوب السيارة الواقفة بالشارع ... لما قربت نزلت ام مهند وسلمت علي .....وشفت مهند فتح الباب بالجهه الثانية وجلس!! وينتظرني اجلس جنبه...لا حول ولا قوة الا بالله ..الله يعدي هالليله على خير!!! امه لما شافته عصبت ثم قالت له : (مهند انزل ...كان بتروح معنا تعال قدام عند ابوك لا تجلس ورى)!! والنعم!!! وانا اللي حسبتها بتقوله ارجع البيت..!!! بالطريق قال مهند بكراهه ( عليا مو احسن لش لو تباتي معنا بالبيت..) هه هذا اللي ناقص بس..!!!! قلت بهدوء احتراماً لأهله..! ( لا ما عليه ..برتاح فشقتي ) قال وهو ملتف بالكامل لجهتي ( وبتقدري تنامي لوحدش...؟؟ اذا تبي بنام قدام الباب عشان اذا احتجتي حاجه اكون جنبش) قال ابوه بغضب ( مهنــــد ..لو ما تسكت ما يصير لك خير) بعد فتره طوييله ..رفعت راسي بألم اكثر من سبع سنين ما جيت لهالمكان..ولا توقعت اني راح ارجع له....لكن .....للأقدار كلمه اخرى ..! شكرت ابو مهند و زوجته على عناء توصيلي.. وصلني صوت مهند ( عليا رقمي عندش اتصلي فيني اذا احتجتي لشي ..زين ) عشان افتك منه قلت ( زين..زين ) مسكين ما يدري ان رقمه اقطعه مليون قطعه لما كان يسجله في ورقه مع كل هدية ورساله..! دخلت للعمارة السكنية الراقية ....وبإيد مرتجفه ادرت المصعد للطابق الثالث.... بنفس الميداليه اللي ما تفارقني سحبت منها مفتاح وفتحت الباب ..دخلت بخوف وألم ...الظلام عاام بالشقة ...!!!! اعتمدت على مصباح الجوال...فتحت الأضواء بس الكهربه طافيه تماماً من الشقة .... اتجهت للمطبخ وانا اعيد قراءة اذكاري من جديد.. واقرأ المعوذات بصوت عالي...... كل شي بمكانه .....ما كأنه مرت سنين محد دخل هالشقه..! بحثت عن شموع بين الأدراج اللي مغلفنها غزل العنكبوت والغبار ... واخذت معها ولاعه ......وزعت الشموع عند طاولة المدخل..والطاولة اللي بمنتصف الصالة .... وطاولة الطعام اللي بين الصالة والمطبخ...لحد ما بهى المكان وخفت حدت الظلام... رجعت المطبخ وفتحت صنبور الماي كان له صوت مزعج .....لكن ما نزلت منه ولا قطره ..لأن الأنابيب كانت متسدده ..!!!! قفزت برعب لما سمعت صوت...ودقات قلبي في تسااارع.....والصوت كان مستمررر... لحد ما تنبهت ان مصدر الصوت هو جوالي .....طلعته بسرعه........هذا باسل متصل ..!!! حسيت بحنين غريب...وجزء مني يتمنى لو انه كان هنا جنبي...حتى تزول رهبتي من المكان في حال تواجده...... لكن اللي انا متأكده منه ....ان توفير الأمان لي آخر امر ممكن يفكر فيه باسل حالياً لأنه اكيد ان غضبه وااصل للقمه.....فقررت اطنش اتصاله... عقلي اليوم مشوش لأبعد حدود ..احس اني اتصرف من دون وعي ولا مسؤوليه......تعبانه ..لا اكل ولا نوم ..متألمه ولا حتى جبت المسكنات معي...! رن جوالي من جديد..واعرف انه ما راح يتوقف الا لما ارد عليه .. استقبلت المكالمه من دون لا انطق... وصلني صوته ( عليــا ..عليـــا... انتي معي تسمعيني ) صحيح اني حسياً منتهية ....لكني اقدر احلف ان صوته فيه هلع ، خوف ، اهتمام..! لكن الاهتمام من باسل لايمكن يكون الا من اجل شي واحد وهو الظهور كالرجل الحامي امام افراد العايلة...!! قلت له بغضب وقهر..... ( وين خالتي يا باسل) رد بحده وغضب مماثل : ( وينك انتي بالأول ..؟؟؟ وين رحتي..بعدك بمسقط ولا طلعتي للشمال ) قلت له ببرود : ( ما لك دخل يا باسل ..وين ما اكون ..اكون ...! جاوبني وين خالتي ) غمضت عيني لما سمعته يقول بغضب ومن دون وزن للكلام : ( انتي تعرفي ان جدتي بسببك تعبت ...مرضت ..نقلها عمي أحمد للمستشفى ..من خوفها عليك ..مسافرة وانتي تو طالعة من عمليه ..ولا عطيتينا خبر ..ومسافرة من دون محرم ..لا دين ولا اخلاق ..كأنك من بنات الشوارع .. لا خوف من الله ولا عندك حس ولا تقدير باللي حولك) ثم قال بتهديد ( قولي انتي وينك...ترى ابا اعرف في كلا الحالتين ..فالأفضل تنطقي بروحك) بهدوء قفلت جوالي بالكامل...!! خذيت شيله من شنطتي وفرشتها على الأرض وجلست..وانا منصدمه من نفسي ويش سويت انا...اصابعي منغرزة بقوة بوسط شعري تجذبه بقهر وندم وجنون... ..ويش هالجنون اللي خلاني اقدم على السفر... حبي لخالتي ..وخوفي من فقدانها مثل ما فقدت اهلي سلب عقلي ..ولا انا ما زلت تحت تأثير تخدير عمليتي..!!! دموع القهر والألم والندم ساحت بحرها ونارها فوق خدي.... مرت فتره...وانا ازداد تعب وخوف ورعب من المكان والوحده والظلام والألم مكان العمليه يألمني بس ما اقدر اسوي شي.....رفعت العباية ..وفستاني وانصدمت لما شفت الدم في احد اطراف اللصقة اللي فوق العملية...! احساس الانسان بالعجز وعدم القدرة على تغيير الأمور من حوله هو اكبر دليل على انه في بداية مشوارة ما فكر بعقل ..لكن سيطرت عليه مشااعرة..وبالتالي مشاعرة هي اللي خانته ووقفت في طريقة لما يحاول يصحح الموقف...!! وهذا اللي حصل معي..ما حكمت عقلي من البداية ...وبالتالي الحين ما قادرة احرك اي شي من حولي...! لمدة ساعات ظليت جالسه وراسي بين رجلي وايدي محاوطة جسدي بخوف .. لحد ما سمعت طرقات عنيييفه على الباب....................... |
رد: يا صلاله خبرينا // عن قلوباً 'تهتوينا'
السلام عليكم ورحمة الله وبركاته بارت راااائع نوار تسلم يمينك يالغاليه مشكلة عليا وباسل كل واحد منهم يفهم الثاني غلط ويفسر كلامه وتصرفاته على كيفه عليا فسرت كلام باسل مع عمه في المستشفى إنه مايبغاها ومغصوب عليها وهو راحيفسر سفرها وهروبها إنه بسبب كلامه اللي قاله لها قبل مايسافر لأنها ماتبغاها وكارهته وأتوقع إن اللي يدق الباب هو باسل أكيد جاء لبيت خالة علياء أول لأنه متأكد إن عليا بتجي للبيت لأنها ماتعرف عن بيع خالتها له وقابل أبو مهند وسأله عنها وخبره بمكانها الله يعين عليا على اللي بيجيها من باسل بسبب تهورها وسفرها وماراح يرحمها من غضبه إلا وضعها الصحي لكن ما أظن يترك الأمر يعدي بدون عقاب لأنها سافرت لوحدها وتسببت في تعب جدتها هو صحيح في بداية مكالمته كان خايف عليها لكن لماتطمن عليها أنفجر غضبه عيشته في خوف عليها خاصه سفرها وهي مريضه والله يكون في عونها لو باسل قبل مهند وتهور مهند وخطبها منه لما لما يعرف إنه ولد عمها أو تهور في كلامه لو عرف إنه زوجها وبين حبه لها رد مستعجل لكن قلت خليني أرد قبل ما أنسى اللي جاء في بالي منتظرينك نوار لايطول الإنتظار |
رد: يا صلاله خبرينا // عن قلوباً 'تهتوينا'
مساء الخير ... تسلم أياديك ع البارت ،، حلووو كثير ... مسكينه عليا والله ،، حياتها كلها صدمات ف صدمات ... اتوقع انه بعد مكالمتها لباسل راح يحجز وسافر لمسقط وراح لبيت عليا وخالتها اللي ف العامرات ومن ابو مهند عرف انها ف شقتها ف السيب واللي يطرق الباب طرقات عنيفه يكون باسل ،،،، بالتوفيق حبيبتي ،، تحياتي لك ،، أم ديمه .. |
رد: يا صلاله خبرينا // عن قلوباً 'تهتوينا'
ياخوفي ان هاللي جاي مهند الخبل
لي عوده اذا الله احيانا بالرد .. بارت اعتقد انه بدايه لاكشن منتظر بين عليا وباسل وبيصير اللعب الحين على المكشوف يوم صرّح باسل بانه عارف بعلمها بزواجهم.. |
رد: يا صلاله خبرينا // عن قلوباً 'تهتوينا'
اقتباس:
لا لا ماما زارا هالطرقات العنيفه على الباب أعرفها دقات باسل مثل ماعرف دقات وحده من خواتي على الباب هذا باسل معميه الغضب والغيره خاصه لو قابل الخبل مهند وعطاه علومه والهوى هواه يكسر الباب ويدخل لها ويمكن من خوفه عليها لأنها ماترد لأنه متأكد إنها هنا واخيف ساير لها شيء مدري عن عليا وش مهببه وقايله بعد ما أعطاها الأبره وخلاه سرحان ويفكر في البلكونه وبين عليه الهم يمكن كانت تردد وهي ماهي بوعيها إنها تكرهه والخبله لما فاقت وصحية فسرت همه على كيفها لكن أنا معك أكيد الأكشن بيبدأ بينهم ومثل ماقلتي اللعب على المكشوف بالنسبه لزواجهم لكن عواطفهم ماراح يبين كل واحد منهم مشاعره الحقيقيه إما لأنهم ماهم معترفين بها حتى لنفسهم أو لخوف كل منهمإنه مايلاقي صدى لها عند الآخر |
رد: يا صلاله خبرينا // عن قلوباً 'تهتوينا'
حرام عليك نواره حنا تونا تنفسنا وقلنا هانت وبدأت عليا تقبل وجود باسل وتحس بالأمان وان حال عليا و مرضها بيقرب بينهم
ويجد علم جديد وتهج المخبوله وهي ما كلمت يومين على حالها راحه جد مطفوقه ولا برأسها عقل لا كلمة جدتها ولا استأذنت ولا حتى واجهة باسل بمعرفتها ولا سألته وش سو في خالتها سفرها مراح يعديه لها باسل بدون عقاب بس الحين أكيد هو الي يدق الباب وبحكم انها تنزف راح يسكت عنها ولا يعاقبها يالله وش قد انت غبيه بس رب صدفه خير من ألف ميعاد الحين بتقضين فترة علاجك ونقاهتك بمسقط ومع باسل هخهخه ولوحدكم بدون جدتكم وعلى قولت باسل بتشوفين الحين من بيطلعك من المشفى عاد ها نواره لا تنسين مهند وأهله أتمنى يزورونها هههه ياربي قاعدة أتخيل ردّة فعل باسل ومهند يتميلح قدامها ماما زار ما أتوقع مهند جاي انصاص الليالي بهذي الطريقه ويتهجم على الباب هذي الأيادي معروفه والدق للمرعب خخخخخ زمان ماقلت المرعب والله انك فتحتي على نفسك باب يا عليا خلي خالتك تولي هي وجهها ماوراها إلاالمصايب ليش ما فكرت تزورك قبل تسافر او تقولك عن بيع البيت على الاقل ويه كرهة الخاله الله يعينها علي دام كرهتها هخهخهخه بتجيها دعاوي هجهجهجه |
رد: يا صلاله خبرينا // عن قلوباً 'تهتوينا'
أنا أحس إنه باسل ما متعلق ف زوجته بدريه كثير واهتمامه بها كواجب زوجي وعطف وشفقه لا أكثر ولا أقل وبظهور عليا ف حياته بشكل مباشر وكونها زوجتها أحس إنه بدأ يميل لها وأتوقع مثل ما قالت الأخت زارا راح يبدأ اللعب ع المكشوف من بعد الموقف اللي صار ،،، |
رد: يا صلاله خبرينا // عن قلوباً 'تهتوينا'
السلام عليكم نوار
الرواية جد ابداع واتوقع الي يدق الباب ابو باسل او خالتها ارجو ماتطولين علينا بالبارت الجاي مع تحياتي |
رد: يا صلاله خبرينا // عن قلوباً 'تهتوينا'
مبدعه نوار واتمنى لش دوام الابداع
من بعد الفجر وانا اقراء روايتش واجد حبيتها حسيت ان اللي في بدريه مو جنون بس كنت محتاره وش اللي فيها وحزنتني صراحه وبنفس الوقت حزنت على عليا لان الغلط هني مو من عليا ولا من بدريه ولاكله من باسل رغم انه عليه حق انه ماصار رجال ووقف بوجه جده وقال له اني ماابغى اتزوج عليا هو بسلبيته ذي ظلمها وظلم نفسه ويا بدريه لكن الغلط هني من الجد وياكرهي حق الكبار اذا لزقوا الصغار ويا بعض بس اظن ان جد عليا كان خايف لا تسوي عليا مثل ابيها وتتزوج من خارج العايله بس نوار الله يهداش خرعتيني في موقف الثعبان لما طلع حق عليا قعدت احوس في غرفتي وانفظها محسوبتش خوافه مع مرتبة الشرف :lol: اما بالنسبه حق عبدالله اتوقع يانه تزوج اجنبيه او انه تزوج وحده من جماعته وعذبها بعدين طلقها وهذا اللي خلى امه زعلانه عليه نوار روايتش جميله مثلش بس حبيبتي متى موعد البارت ؟؟ |
رد: يا صلاله خبرينا // عن قلوباً 'تهتوينا'
اقتباس:
..... الله يسعد اوقاتك يا ام جمال بالضبط مثل ما ذكرتي....حتى ان كانت الملامح في بعض الأحيان تفصح عن ما بداخل الأشخاص.... الا ان التصرفات المفاجأة قد تقضي على المعرفة..... وتخلق حالة عدم فهم لهالتصرفات ...من الممكن ان تترجم عند الآخرين بمعنى مختلف.. متميزه كعااادتك ام جمال.....و / اجد متعه في قراءة ترجمتك المشاعريه... الخاااصه بك انتِ.... يحفظك ربي يالغلاااا.. |
رد: يا صلاله خبرينا // عن قلوباً 'تهتوينا'
اقتباس:
على قلبك يا أم ديمه.. تسلمي يالغاليه... باسل لما اتصل كان ما زال في الشرقيه.... ومافي طيران مباشر من الشرقيه للجنوب.....مثل ما نعرف... //// الله يحييك يا ام ديمه ..وتواجدك بالقرب يعنيلي الكثييير.. ربي يحفظك ويسعدك يالغاليه.. |
رد: يا صلاله خبرينا // عن قلوباً 'تهتوينا'
اقتباس:
صحيح ما انتبهت لهالنقطه ،، انزين ممكن بعد ما عرف ما كلمها طلع من الشرقيه لمسقط عن طريق البر >>> خخخخخ بعدني مصره انه هو اللي يطرق الباب ههههههههه .... مجرد احتمال عزيزتي ... مشكووووووووووه ... |
رد: يا صلاله خبرينا // عن قلوباً 'تهتوينا'
أقصد بعد ما كلمها **
السمووحه ع الغلطه المطبعيه .. دمتم بوود |
رد: يا صلاله خبرينا // عن قلوباً 'تهتوينا'
لا نواره يعني في احتمال يكون مهند السامج لو طلع هو بيترتب عليها مشكله عويصه مالها اول من تالي واقري على روحك ياعليا السلام
بس لحظه تذكرت ولد عمتها خطيب مزون ماذكر اسمه يمكن باسل ارسله عاد بالله مالي نجمه على هالتوقع الجميل ياني الحبيب باسل خايف عليها وعرف من صوتها انها تعبانه وخايفه هههههههه لا تحطميني هالمره نواره ولاتفجعيني لأنه مستحيل ماتخيل انه يكون مهند |
رد: يا صلاله خبرينا // عن قلوباً 'تهتوينا'
هلا. بالمملوحات. وووين. وصلتو. انا. كنت. باصمه. انه. باسل. لانه. مسافر. ممكن. بطريق. العوده
بس. اذا. مو. باسل. فاكيد. انه. بعد ماشغلت. الشموع. احد الجيران. عارف. ان. البيت. مهجور. طق. الباب. يستفسر مستبعده. انه. مهند اما. ترانيم. توقعين. باسل. وغيرته. يرسل. ولد. عمته. لمه. !!!!! نواره. لاتطولين. علينا. |
رد: يا صلاله خبرينا // عن قلوباً 'تهتوينا'
اقتباس:
أم بنو لضرور أحكام وماعتقد باسل بيترك الخبله وهي مريضه عشان غيره بلعكس بيرسل ولد عمته وهو أساسا طبيب و في شي أهم من غيرته ماعتقد باسل متحجر لها درجه ويمكن ارسل معها ممرضه بس تدرين احتمال الجيران يبون يعرفون من داخل البيت تدرين استبعد بعد مهند ليش لان صاحب الفضيحه بيجي يتسحب وينط مع الشباك ماهو يدق الباب عيني عينك |
رد: يا صلاله خبرينا // عن قلوباً 'تهتوينا'
اقتباس:
ذلحين صرنا بين خمس توقعات لهالزائر...! باسل، مهند ، الخاله ، الجيران، خطيب مزون...؟؟! بانتظااارك......وحياااك الله دووم زارا.. |
رد: يا صلاله خبرينا عن قلوباً تهتوينا
اقتباس:
اقتباس:
حياك الله تراانيم سعييده بتواجدك ..وقراءة توقعاتك.. ما عليك ..ان شاء الله ما راح افجعك .... ترى لفظ المرعب كنسلته عشانك انتي لكن شوفي ذلحين انتي حنيتي له ...ههههه النجمه لك لو اقترحتي شخص واحد....! لكن بالله انتي جبتي كل الشخصيات هههههه باسل ثم مهند ثم عزام..! يحفظك ربي تراانيم .....خالص المحبه والموده لك يالغاليه.. |
رد: يا صلاله خبرينا // عن قلوباً 'تهتوينا'
اقتباس:
تسلمي يالغلاااا...على التواجد والتوقع.. يحييك الله.. |
رد: يا صلاله خبرينا // عن قلوباً 'تهتوينا'
اقتباس:
... وانا اشهد انش صادقه...لو وين ما وصلنا..تبقى تدخلات الكبار في شؤون زواج عيالهم من العادات اللي ما تمتحي..باسل وبدريه وعليا كلهم ضحايا لموقف الجد...! اطمئني طال عمرش كلنا يجينا اللي جاش لما تنطري الثعابين قدامنا..هههههه الثعابين فوبيا وآمنت انه مالها حل.... البارتات انزلهم بشكل عفوي..ما احب اتقيد بموعد محدد.. اتمنى اشوفش دوم بالقرب..وحياش الله.. |
رد: يا صلاله خبرينا // عن قلوباً 'تهتوينا'
اقتباس:
خلاص يالغاليه.. دامك باصمه انه باسل..خليك على توقعك... ممكن يكون صحيح من يدري..!!؟؟!!! ما راح اطول هالمره بإذن الله..قريباً راح انزل البارت الرابع عشر.. |
رد: يا صلاله خبرينا عن قلوباً تهتوينا
بما انه جلست لوحدها كم ساعه وهي ع جلستها يعني معناته باسل هو الي يخبط ع الباب لانوا اكيد جاء بالسياره اذا مافيه طياره ومستحيل يطلب من احد يروحلها ماتوقع يلحق يعنفها ع تصرفها لانها حتكون في وضع مزري من الالم النفسي والجسدي
|
رد: يا صلاله خبرينا عن قلوباً تهتوينا
نواره يبنت فريتي راسي جاني فضول اعرف وقريت ردودك توهتيني اكثر
ابي اعرف من هالهمجي خخخ الي يخبط على الباب يعني سيم سيم تؤم المرعب باسل نواره انت أدرى بالحريم يعني يكفرون العشير ولعانات فعديها لما أقول المرعب هخهخهخه ياربي لا تجعلنا منهم الحين بما انك تقولين مافي طيران من الشرقية على الجنوب هو ليش يروح الجنوب عليا ما هي بمسقط ومسقط ماهي بالشمال يعني من صور بالسيارة يمداه ياصل طبعاً مصفي الطبلون وطاير والا انا غلطانه ترى زايرتها ويمكن بينهم 200 كيلو متر ان ماهي اقل او اكثر نسيت << فيس يغمز لك يابي نجمه غصب طيب وبعدين خلاص تنازلت عن باقي الاحتمالات لأني متأملا لحظات صفاء بين الإثنين مابقول رومانسية لانها باقي بعيده على شوارب المرعب وبنقعد نردد يالليل ماطولك لما يصير ففي انتظارك بكل شوق |
رد: يا صلاله خبرينا عن قلوباً تهتوينا
السلام عليكم
نوااار تسلم يمين خطت هالابداع نجي لعلياء استغربت تهورها وسفرها مع انها واجهت وبشجاعه وتعقل مواقف ببداية اصطدامها بباسل تهد جبال معرفتها بعمها وباسل. سفرها المفاجئ لاهل ابوها. مقابلتها لبدريه. معرفتها انها زوجة باسل كل موقف يخليها تهرب ولأبعد مكان ليه الضعف الحين. اتوقع خافت من الحب. بدت تتعلق بباسل وشايفه ظروفه وهي زواجه وزوجته الثانيه....الكلام الي سمعته يقوله لعمه ... اقسى مايهز الانثى الشعور بالأهانه والامر من شخص بدأ يشغل قلبك وعقلك احتاجت علياا خالتها لسببين تبعد عن باسل علشان ترتب افكارها. وتحتاج خالتها تعبي الفراغات المحيره في حياتها والانثى تكون اضعف اذا كانت مريضه علياء متخبطه ومتخبطه جدااا ما هي قادره تتحكم بمشاعرها متذبذبه بين المفروض يصير وبين الي صار مفروض عليهاا يمكن الشعور الداخلي والباطني لها يبي يختبر باسل وجدتها اذا اختفت من عندهم اتوقع ان الي جاا لعلياء ابو مهند بعد ما تصل عليه باسل شلون حصل الرقم من الخاله بما انها باعت له البيت فا اكيد بينهم اتصالات وشكرااا الف مره نواره على روايتك الراقيه بطرحها ننتظرك بكل الشوق والود .... |
رد: يا صلاله خبرينا عن قلوباً تهتوينا
اقتباس:
... اعجبني توقعك الراائع.. ... وسعيده كثيير ...بتوااجدك.. |
رد: يا صلاله خبرينا عن قلوباً تهتوينا
اقتباس:
.... وانا اشهد انك تستحقي النجمه ..... لا تقولي على اي فقره ..هههه خلاص كل شي واضح ماشاء الله عليكِ حساباتك صحيحه...متألقه كثييير في توقعاتك تراانيم ... خااالص المحبه لقلبك... |
رد: يا صلاله خبرينا عن قلوباً تهتوينا
اقتباس:
... الغاليه نجلاء الريم حياك الله ألف...وتسلم روحك على المتابعه الدائمه.. ... تماماً مثل ما تطرقتي يالغلا... الأنثى بدون تدخلات المشاعر ونبضات القلب..! كتله من القوة..والتعقل...والاتزان...ولكن ما ان تعترضها اجسام غريبه حتى يهتز كيانها...وتسلب منها الكثير من قوتها ..ليحل محلها الضعف..والتصرفات الغير مسؤوله.......وهذا حال عليا... ... الشكر موصول لكِ يا غاليه على مشاركتك الجميله.. يحفظك ربي.. |
رد: يا صلاله خبرينا عن قلوباً تهتوينا
((الجزء الرابـــع عشر )) [\] ..... صوتك في الأثير ..... [\] ... _هو ما تبقى لي _ ....من أبديّة عابرة ]__] "مثل سفينة جانحةٍ / / بين جبال من جليد" ' سيــف الرحــبي ' تنبهت على صوت الطرقات العنيفة ..بخوف ارتجفت في مكاني ..؟؟ من اللي جاي الحين...؟؟!! من اللي يعرف اساساً اني موجوده هنيه ..؟؟ معقوله مهند رجع.؟؟؟؟ ولا حد من السكارى ..!!!! بدت دموعي تنزل من جديد بخوف شديد وايدي على فمي حتى ما تخرج صرخاتي.. الباب كان يطرق بقوة.....اما انا كنت احس اني راح اموت فمكاني .. خووف شديد ووحده ...ابتهلت وتضرعت لله ان يحفظني من كل مكروه... .. وفجأة...............! وصلني صوت مألوف : ( عليـــا ..عليـــا ..ارجوك افتحي الباب اذا تسمعيني.......هذا انا باسل ) ارتجفت بخووف ....ما كنت مصدقه .......باسل هنيه .......؟؟ كيف عرف اني بهالشقه... ...مستحيل ..!! اكيد يتخيل لي...!! لو باسل ..كيف وصل وما في طيران من صلاله الى مسقط بهالليله...!! وباسل كان رايح الشرقيه..!! لكن كيف...!!! يمكن ما رجع صلاله....مباشرة اتجه من صور الى مسقط..! رجع يطرق الباب من جديد.........: ( عليا افتحي الباب ..افتحي ) صوت باسل يتكرر من جديد.....! وقفت قدام الباب وقلت برعب ودموع : ( باسل ) بس ما سمعني لأنه ما رد .........وقتها خفت انه يكون صدق باسل ..وراح..! لااااااا ..رجعت ابكي بقووه لما تخيلته رااح...... ثم بصوت اعلى ناديته ........: ( باااااااسل ..... ..هذا انته ) قال بقوة........: ( ايوه يا عليا ..انا باسل ..افتحي افتحي الباب بسرعة ) توجهت لمقبض الباب بسرررعه....وفتحت الباب بخوف ودموعي تزيدني تشويش... صرخت برعب لما حسيت بايد صلبه تسحب ايدي لكن صوت باسل طمأني ...: ( هذا انا باسل ......لا تخافي ) التصقت فيه بتعب وبارهاق.... قلت ببكاء حاد...... ( باسل ...المكان مظلم ما اقدر ارجع ..ويخوف ..وخالتي ما ترد وباعت البيت ..وعمليتي تنزف ..بمووت انا باسل مقدر..كل شي خطأ ...كل شي خطأ ...ما قدرت استوعب ولا افهم اي شي من حولي......) جمعني بين ايديه مقابل صدره الصلب الدافي...وهمس باذني كلمات مطمأنه ملت قلبي بالطمأنينه.....وخففت من خوفي......لكنها ما ازالت تعبي والمي...!! حاوطني بيده ودخلنا الشقه .....وطفى الشموع ...وشال الشنط ..سحب مفاتيحي وقفل الشقة وطلعنا بصمت تخلله صوت شهقاتي بين فترة واخرى.. فالمصعد كان كل ثقلي مرتكز على باسل......بارهاق جسدي ونفسي... بصمت اتجهنا للرصيف.....واتجه بي باسل الى سيارة واقفة وقبل لا نوصل.. همس لي ..... ( انا ما جاي بسيارتي....هذي سيارة خالد ولد عمي محمد خليكِ هادية ..وحاولي تسيطري على شهقاتك..خلاص الأمور كلها تمام وانتي بأمان) هزيت راسي بموافقة وانا اخذ نفس عميق ولا اعرف وين رايحين...! الصمت كان سائد طول الطريق واحنا نمر وسط شوارع مسقط اللي ما تنام.. والوقت كان اول الفجر..... لما طال الطريق قواي كانت خايرة........ اكثر من 36 ساعه ما نايمه... وذابحني العطش والدوار هالكني...اسندت راسي على المقعد ونمت ... لما نهضت على صوت باسل الخافت الضجر..: ( يا بنت الحلال قومي ) لما حاولت انزل من السيارة كان الدوار يعصف بي بقوه....... استندت على باسل وبدينا نمشي...بسبب تشوش رؤيتي بالبداية ما قدرت اعرف وين نازلين..! بيت ......شقه......فندق......مطار........!! لحد ما اتضح لي بيت متوسط...من طابقين..مشابه لتصاميم البيوت اللي على شوارع مسقط..! وقف باسل قدام الباب ......وطلع المفاتيح وفتح الباب..... اما انا جلست باعياء على الأرض...قلت بتعب: ( ما اقدر امشي زياده) رد ( خلاص وصلنا..بس ابا افتح باب البيت..) بيت..؟!!! بيت من هذا ...؟؟!! بس ما قادره اسأل....! رجع شال الشنطة بيد..ورفعني باليد الثانية..وقدرت اواصل خطواتي بتعب.. لما دخلنا الصالة ..في اول اريكه طويله قابلتني رميت نفسي بإعياء.... ولا معي اي قدرة او نيه .....على الحركه من جديد..!. انيت بتعب...لما حسيت بيد تحرك جسمي...... وما كنت اقدر احرك اي عضو من جسدي...حتى عيني ما اقدر افتحها.... ( اشربي كوب الحليب.....ولا ابا اضطر انقلك المستشفى) ما قدرت ارد عليه........رفع باسل كتفي وثبت راسي على صدره .. وحسيت بطرف الكوب على فمي.. ما قدرت الا افتح فمي امام اصراره.. انقرفت من السكر الكثير بالحليب قلت بتعب وغثيان ( فيه سكر وايد..ماباه..) قال ( معليش اشربي انتي ذلحين..السكر بينشطك شوي) فتحت عيني بتعب ..انحرجت وضقت من قربه مني .. قلت له بارهاق وهذيان ( وين خالتي .. هي ..ماتت...انته اذيتها ..ويش سويت لها ) حسيت بجسمه المحتضني يجمد...وتنفسه يوقف للحظات...! بعد فتره صمت قال ..........: ( انتي كيف تفكري .......خالتك بخير ......وهي اللي قالت لي وين ممكن احصلك ) قلت له بألم ودموعي تجري....... ( لا تكذب ......لا تكذب يا باسل.......خالتي ما ترد على اتصالاتي كيف انته اتصلت فيها وهي مقفله جوالاتها ) قال بهدوء ....... ( عليا..خالتك بخير..وهي ما ترد لأنها كانت مسافره..) قلت له بتعب....... ( واذا مسافره..!! ويش اللي يخليها تقفل جوالاتها.....وينها قول لي وينها) رجع قال...... ( مثل ما قلت لك ..خالتك مسافرة..ولما خبرتها عن عمليتك وتعبك..قالت انها راح ترجع قريب..فارتاحي الحين ونامي..وخالتك قريب تشوفينها..) حسيت بيده تمسح على ظهري بخفه..والارهاق كان كفيل بارجاعي للنوم من جديد.. لما استيقظت ..اخذت فتره وانا انظر للغرفة اللي نايمه فيها..!! لحد ما رجعت لي ذكريات البارحه مثل الخيال.....كان يوم فظييع للآخر.....! الجو في مسقط ابرد عن اجواء صلاله......بعدت الفراش ونهضت وانا اشوف ثوب النوم القطني اللي لابستنه بقهر...!! كيف يسمح لنفسه يتصرف بهالجراءة معي..! شفت الشمس من بين الستاير...صلاتي..!!! بسرعة تحركت وانا ابحث عن دورة المياه.. بعد الصلاة ....فتحت جوالي عشان اتصل فخالتي لكن تعذر الحصول من جديد..!! شفت الساعة وانصدمت ..!! عشر ونصف..!! باسل وين..؟؟؟ وليش ما صحاني..!؟! اخذت شيلتي وفتحت الباب ...وواجهتني الصاله....وباسل كان هناك متمدد بالكنب... ناااايم..!! ابتسمت اول مره اشوف باسل نايم بهالعمق....!! ليتني اقدر انتقم منه......واوقف فوق راسه بجيك مااي مثللج.....واسكبه فيه مثل ما سبق وسوى فيني..!! بس راح يكون تصرف صبياني وغير عقلاني..!! يكفي جنوني امس..!! تحركت بدون صوت في رحلة بحث عن المطبخ..!! الجوع كان مهاجمني بقوووه...! الخبز كان دافي..والحاجيات الأساسية متوفره في المطبخ....! شكله باسل راح السوبرماركت من الصبح....كنت مشتاقه للشاهي..وللقهوه..ولكل شي.!! جهزت كوب قهوه .....وانا استمتع بريحته وبطعمه......وبعدها اكملت فطوري.. باسل كان بعده نايم..!!! رجع نشاطي الحركي من جديد بعد الفطور..... وبديت اتجول فالبيت الساكن بملل ........ وانا افكر بالغموض اللي يلف خالتي ......! .مليت منه ومليت من الجهل اللي انا عايشتنه...ويش بين خالتي وباسل..بويش يهددها....!! طلعت من باب الصالة للبلكونه اللي قدام المدخل..ضمن حوش البيت..وجلست بسرحان وتفكير...!! بعد دقايق قليله سمعت صوت الباب الخارجي يفتح..وشفت اشخاص داخلين.. قمت بسرعة عشان ادخل ..لأني ما لابسه عبايتي وما ادري بالأساس هذا بيت من..؟!! لكن تجمدت في مكاني لما شفت خالتي....!! من هذا اللي معاها...........؟؟؟ من الريال اللي محاوطنها بيده......! خالتي..........!!! معقوله.........!! الأفكار السيئة كانت تدور في بالي..من الوضع الغريب....! نسيت العباية والغشوة..والشيلة اللي ما كانت مغطيه الا نصف شعري..!!! اقتربوا ..........وانا ما زلت واقفة بمكاني........ اتضحت لي ملامح مو غريبة لهالشخص........! سبق وشفته وانا صغيرة مع ابويه........سبق وجانا في الشقه.....! هذا عمي عبدالله واحد من اصدقاء ابويه......!! ويش اللي جابه عند خالتي اسماء..؟؟!... لما اقتربوا مني نزلت خالتي اسماء ايدينه من على كتفها ...... وقالت وعيونها تنطق بالشوق..: ( عليــــا ....حبيبتي.......) اقترنت حواجبي باستنكار ورفض ......! قلت لها قبل لا تقرب مني : ( خالتي.......! وين كنتي طول الفتره الماضيه......؟) اطرقت ثم قالت : ( كنت فالشرقيه....في صور...) رجعت أسألها من جديد..... : ( صور..!!...........من البدايه..؟؟ يعني انتي ابد ... ابداً ما رحتي للشمال...؟؟؟ ) هزت رأسها بنفي............!!! يعني....! كانت تكذب علي طوال الفتره الماضيه....! سألتها : ( من هذا..) وايدي ارتفعت للاشارة للشخص اللي واقف جنبها قالت بهدوء.......: ( هذا عمك عبدالله) قلت لها بتشويش ....: ( اعرف... انه عمي عبدالله ..صديق ابويه اللي كان يزورنا بالبيت زمان.. لكن ويش يسوي معك...) قالت وهي تتقدم نحوي....: ( لا ..عمك عبدالله اخو ابوك الله يرحمه...عمك عبدالله هو ابو باسل) نبضات قلبي كانت في تسارع ......والرجفه ماليه جسمي..... والشحوب اقدر الاحظه بايديني قلت لها : ( يعني كنتي تكذبي عليه .. لما قلتي زمان انه صديق ابويه...؟؟) ثم اردفت باستنكار ( وليش انتي معه..ليش كنتي قريبة منه..وانتي وينك ..ليش ما تردي على اتصالاتي بالأيام الماضية....وليش بعتي البيت بالعامرات وما عطيتيني خبر ) جات قربي...... ..لكني رجعت للورى ووقفت مسيرها باشارة من يدي....!! قالت بارتجافه..... ( عليا لا تسوي كذا..) رديت عليها بقهر واستفزاز......: ( اسوي ويش..؟؟؟؟... شايفتني اسير وريال غريب ضامني بين ايديه..) قالت بألم.......: ( عبدالله مو غريب...) ضحكت بقهر وقلت لها.....: ( ويش ..؟؟؟؟ اكتشفتي انه اخوك بين يوم وليله..) نطق اللي بجنبها بحده...: ( بــــنت ..عن الغلط ) قال خالتي بتوتر......: ( عبدالله خليها.........انا بقول لها......عليا ..) ابتلعت ريقها ثم قالت : ( عليا........ عبدالله يصير........ زوجي )!! رجعت راسي بقوه للجدار اللي خلفي.......وابتسامه ألم مرتسمه على شفاهي..! كل اللي قلته لها من البداية كان من اجل انها ما تنطق بهالجمله..!! لأن الأمور ......اتضحت لي من اول صورة لهم......!!!.. الشعور بالنبذ شعور مقهر لأبعد حدود.......تعيش مع ناس تحبهم.... يتدخلوا في كل صغيرة وكبيره في حياتك....لكن انت لا ..!! لا يمكن ان تاخذ موقعهم..... لا بمشاورة...ولا خبر....ولا اقتراح ..ولا تصرف....! حسيت بيدها على كتفي......نزلتها باشمئزاز سيطر علي بالكامل...! قالت بدموع والم .....ما كان لهم اي تأثير علي : (ما بتسلمي علي ..ما تبيني احضنك وسط صدري ...تبي تبعديني عنك) قلت لها بقرف : ( مالي حاجه في سلامك....وانتي اللي بديتي مسلسل الابعاد والابتعاد ) ثم اردفت وانا ابتعد عنها: ( ولا لي فيك حاجة من اليوم .....انسي انه لك بنت اخت..مثل ما انا من الآن محيت لك اي وجود بقلبي......) سمعت شهقتها الحارة .......ودمدمة عمي عبدالله الساخطة.....!!.. اتجهت للداخل........وارتطمت في باسل اللي كان واقف يتفرج على المشهد...!! مسك يدي قبل لا امر من جنبه....... ركز عيونه في ملامح وجهي الصارمة القاسية اللي تشابه مشاعري في هاللحظه.... ثم افلت يدي بهدوء.....!!. بسرعة جمعت اغراضي اللي ناثرنهن باسل جنب الشنطة... ولبست عبايتي وشيلتي ورفعت شنطة ملابسي بإيد ... وشنطة يدي وغشوتي بايد ثانيه واتجهت للخارج..... صوت نحيب خالتي كان مالي الصالة .....والمسمى زوجها حاضنها بين ايديه يخفف عنها.. تعديت الصالة بسرعه......باتجاه الباب الخارج قبل لا تديرني ايد باسل ..!! نطق بغضب ( وين رايحه..) قلت له من بين اسناني ( نزل ايدك ..وابعد عن طريقي)! قال بحده ( علـــيا ..لا تحديني على الشر ) قلت له بابتسامه تحدي ( اللي هو ..؟؟؟) شفته يضم ايده بقهر...قلت له (ودك تضربني باسل...تبا تضربني ..ما عندي مانع ..اضرب) ثم اكملت باستفزاز وتحدي ( عاد انته تعرف ويش عقوبة ضرب الزوجة في عمان صح..! مشتهي تعفن فالسجن سنين..؟؟!!) ثم اردفت بابتسامه ( او.....تعرف أحلى مافي الموضوع ..اني راح احصل الطلاق خلال ايام بسيطه...!!! لذلك ماشي احب على قلبي ذلحين من انك تضربني يا باسل..) |
رد: يا صلاله خبرينا عن قلوباً تهتوينا
مرحبا بش يانوارة عمان << اسمش الجديد شو رايش فيه
البارت اليوم حلو رغم انه قصير عليا مغناطيس مشاكل المصايب تجيها من كل صوب بجد الله يعينها وخالتها تقهر صراحه على الاقل خبري بنت اختش عن زواجش اكيد انها ماهيب رادتش عن الزواج بصراحه ذي الخاله من البدايه تصرفاتها مريبه ومبرراتها موب منطقيه اما عبدالله هذا اللي ماتوقعته ابد انه متزوج خالة عليا الحين كان عندي احساس انه راح يتزوجها لكن بعدين بعد ماتتحسن علاقة باسل ويا عليا موب الحين لكن تدرين اللي اكثر شيء عجبني هو قانون عمان ضد اللي يطق زوجته ويعنفها بصراحة قانون واجد حلو ياليت يطبق في كل دول الخليج بس ذي القانون يطبق في قطر <<فيس ناوي نية على زوج المستقبل ويبي يهدده بذي القانون |
رد: يا صلاله خبرينا عن قلوباً تهتوينا
هلا نواره تسلمين على الإبداع و انتظاري ماراح على الفاضي ونزل بارت
وطلع قيس الهمجي يبي ينقذ ليلى خخخخ كأني بديت أتخيل ههههه توك عرفتي ست عليا انك تهورتي وان عقلك لك عليه بس واضح ان لك ماكانه عند السيد المرعب بس بيت مين رحتو هل عش الزوجيه الجديد اقصد بيت باسل وحلو انه ما وبخه ولا عاتبه بس ساعدها وغير الجرح وبدل لها ملابسها نواره أحسك سحبتي الشريط بقوه ههههههههه ما خلتينا نشوف شي وإحراجا باسل عليا وصدمتها في خالتها وعمها في نفس الوقت قويه أقوى من صدمتها في زواجها من باسل صعب انسان تشوفينه في طفولتك ويقولون لك هذا صديق ابوك مهما كان السبب ليش التحفظ هذا و خالتك الي فرضت عليك نمط حياه معين وكانت هي المتحكمه في كل شؤونك تقصيك عنها وعن حياتها مابيها تشاورها و لا تستاذنها في أفعالها بس على الأقل تعطيها خبر ليش هذا التكتم والله مايكتم الا صاحب فضيحه خخخ تذكرت بدريه زوجة باسل يوم تقول لعبتوها صح أكيد انها خاطفه الرجال من مرته او بعد موت ام باسلالشايب جازتله أسماء او ماتت ام باسل قهر خخخخ بس لما عرفت بعقمها ابتعدت عن عبدالله وعاشت لوحدها بس هربت استراليا ولا حد تعرض لها يوم زوجو عليا من باسل ارجع وأقول ليش خبو زواجهم عن عليا يعني خايفين تسال عن اهل ابوها وتروح لهم وعشان كذا عبدالله الثور بعد عنهم وطاع اسماء في خبالها أجل تستأهل الي جاها من باسل هخهخهخ << عاد كأني ادري وش سوا فيها باسل وعمها ليش اخفى شخصيته دم يحب أسماء ولاصق فيها كذا ولا يرضى عليها بالكلمة مدري ويش يحسون به والله لو انا مكان عليا لا أعطيها كف قال خالتي وهذا الشايب الي ينقاله عمي عمت عين العدو بدل مايخذها بالأحضان يهاوش هو وخشته قال بنت قال بنت تبتك ............. خخخخ أي وبم أنهم بصور يعني باسل كان رايح يجيب اسماء عشان تشوف عليا وش خليت وش بقيت يا باسل كل ذا لخاطر عليا يعني افهم انك تدور راحتها والا افهم شي ثاني << يا أني أحلم يا أني أحلم هخهخهخه عليا ماقدرة تضبط انفعالها وجالسه تحارش باسل وهو بالقوة يحاول يسيطر على نفسه هو ماسكت الا لانه عارف ان معاها حق بس هو مايبها تطلع وهي تعبانه وبدون أذنه يعني رجعت ديمه لعادتها القديمة متى تفهم انها تحت شور رجال بدل ما تقوله طلعني من المكان او على الأقل رجعني عند جدتي خخخخ بس لا نبيهم لوحدهم نشوف كيف يتعملون مع بعض لأنهم لو رجعو عند جدتهم ماتخلي باسل ياخذ راحته بس والله حلو يعفن بالسجن والا تطلق الي يضربها زوجها نظام جديد والا من زمان نواره اول مره اسمع بهذا الشي بس فعلا احسه حل جذري لمشاكل العنف الأسري لان بعض الأزواج ما يضرب تأديب يضرب ويكسر عظام وبعضهم يسبب لها عاهه الله لا يبلانا نواره و ان كانت ناشز وعوبه وش يسوي فيها رجلها |
| الساعة الآن 08:31 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية