|
الآ ليت الزمان يعود
http://up.liilas.com/uploads/liilas_13069408502.png
السلام عليكم و رحمة الله و بركاته احن للماضي واحب استرجاعه ميزه او عيب سموه اللي تحبون لكني عاشقه لما مضى بكل ما فيه من اماكن وشخوص بسيطه هي كلماتي واسلوبي اعتمد فيه على العفويه يمكن تكون روايتي لا جديد فيها يمكن تكون تقليديه لكن اتمنى اميزها بأسلوبي وفي النهايه انتم الحكم .. .. .. الا ليت الزمن يرجع الجزء الثاني http://www.liilas.com/vb3/t180662-4.html الجزء الثالث http://www.liilas.com/vb3/t180662-14.html الجزء الرابع http://www.liilas.com/vb3/t180662-19.html الجزء الخامس http://www.liilas.com/vb3/t180662-25.html الجزء السادس http://www.liilas.com/vb3/t180662-27.html الجزء السابع http://www.liilas.com/vb3/t180662-28.html الجزء الثامن http://www.liilas.com/vb3/t180662-31.html الجزء التاسع http://www.liilas.com/vb3/t180662-33.html الجزء العاشر http://www.liilas.com/vb3/t180662-38.html الجزء الحادي عشر http://www.liilas.com/vb3/t180662-41.html الجزء الثاني عشر http://www.liilas.com/vb3/t180662-43.html الجزء الثالث عشر http://www.liilas.com/vb3/t180662-45.html الجزء الرابع عشر + الخامس عشر والأخير http://www.liilas.com/vb3/t180662-49.html http://www.liilas.com/vb3/t180662-50.html ولـ تحميل الرواية كاملة / ملفات الوورد والتكست العادية من هنا ~> http://www.liilas.com/vb3/t98514-22.html#post3285064 ملفات الهواتف الذكية من هنا ~> http://www.liilas.com/vb3/t173966-16.html#post3285067 ما نرفضه بالماضي ونمقته تدور الدنيا وبيكون من احب الاشياء ونتمنى لو كانت نظرتنا بالماضي له نفس النظره شبيهة أمي |
1 في مدرسه ثانويه للبنات في مبنى حكومي جديد رن الجرس معلن عن بداية الحصه الخامسه دخلت الوكيله بهدوووؤ وسمت ووقار : يالله يا معلمات كل وحده على حصتها لو سمحتن وخرجت بهدوؤء مثل ما دخلت قامن المعلمات للحصص وبقي معلمتين ودخلت الثالثه معلمه عليا معلمة اللغه العربيه :السلام عليكم من عليها القهوه اليوم راسي ييتصدع من الوجع امينه:علي وابشري هالحين اصب لتس وقامت وصبت بكوب ورقي : تفضلي ...سلامتس وش فيتس مصدعه عليا: ابد ما نمت زين البارح والليله عند ابوي عشا وبكرره زواج عليان لاتنسووون انا بكره ماني جايه انتن عارفات حوستي الله يمضي بكره على خيير فايزه: اييييه وش صار على فستانس اخبرس تقولين ماطلع من الخياط عليا وكأنهاا تنبهت.:تصدقييين اظاهر انه هو اللي خلاني ما انام من كثر ماقهرني الخياط عساه ينشك بإبرره على قد ماقهرني يومه يماطلني وهو عارف اني مستعجله امينه : لا تدعين قولي حسبي الله وكفى عليا: الا والله حسبي الله عليه هو واللي في بالي فايزه لوت شفايفها :بس بس كفايه تتحسبين عليه عليا و هالموضوع يثير عندها عرق الجنان : الا بدعي وادعي واحمدي ربس ما ابتليتي نفس بلوتي ردت فايزه : انتي اللي احمدي ربس منتي مثل حالتي خلوني ساكته لا اتنكد وانكد عليكن ودمعت عيونها واختنقت بغصه ومراره وقامت تتوضا وتصلي الضحى وتدعي ربي يفرج همها امينه بلوم لعليا : افى عليا انتي عارفه ان فايزه وضعها متعبها ومتعب نفسيتها المفروض ما نكشتيها عليا حست بالندم فايزه صديقتها الحبيبه وانها ماقدرت وضعهاواحساسها ********************* الساعه 4 العصر يابوي ترى كل شي جاهز بس عليان ماجاب الذبايح ابو علي : اكيد على وصول بس الله الله بالعشا الزين مثل ما عودتينا يا عيني عليا بإبتسامه : من عيوني يا عيوني انت ابو عليان : امتس واعيه عليا : أي يا بوي توني عطيتها علاجها وفتحت لها اذاعة القران ابو عليان :طيب يا عيني هاتي لي الشاهي حقي عندها مشتهي اسولف معها لي عنها من الصبح عليا : هالحين يجيك احلى شاهي دقايق "جلست بجنبها بعد ما حبيت راسها تأملت حالها وتتبعت عيوني اثار الزمن وخطوط المرض والتعب سبع سنوات وهي على هذا الحال ممده على سريرها ما يتحرك فيها الا عيونها دليل انها واعيه معانا يدها بيدي وعيوني تلتمع بدمعها :ايييه يا شيخه الله يعظم لتس الاجر يا روح الروح تلالت دمعتها بعيونها ورفعت نظرها لفووق قلت أأيدها: صحيح الحمد لله ...الحمد لله ودخلت علينا نوارة بيتنا عليا قلت: ياعلني ما افقد زولس يا عيني نزلت الشاهي وجلست على طرف سرير امها مقابله ابوها :ابوي ممكن طلب صغييير : ابشري عليا :ابي نسرين تنام عندنا الليله ابو عليان : حك دقنه امممم والله يا بنتي ان تنام عندس غصبن عنها وعن ابوها ولا يهمس انا اكلم ابوها الليله لا جو للعشا سمعو صوت سياره داخله الحوش وقفت عليا وناظرت من الشباك ابوي هذا عليان توه وصل انا رايحه اخذ منه الاغراض ******************** بعد المغرب. :عليا همممم جت خالتي منيره بسرعه بسسسرعه تبغاس قامت عليا وغسلت يدها وتوجهت للصاله وشافت منيره كاشخه بتايير اسود ضييييق مفصل جسمها المتناسق وعقد ذهب جديد وكعب اسود دقيق ناظرت بـ عليا: عسى بتستقبلين الناس بهالشكل عليا ببرود : لا طبعاً بس توني افضى وانتي ونسرين توكن تهزن طولكن وتجن ولا وحده فكرت تجي بدري تساعدني نسرين بإحراج :والله ابوي رفض وقال لارحت تروحين وش اسوي يعني منيره: لا تقعدين تحلطمين هذانا جينا وش تبين نسوي عليا : ما ابي شي شكراً خلصت كل شي بس بطلع ألبس واتجهز لإستقبال الناس ********************** جالس ويشيش وعيونه على التلفزيون يتفرج شريط مصارعه جلست بعيد عنه وقالت بتردد تكرر محاولتها اليائسه : ابو ساري اتجهز للعشا الليله رد بتذمر ونرفزه :اووووهو بس يا مرره فكيينا قلت لا دمعت عيونها: بس ابو عليان طلبك وانت وافقت حذف لي الشيشه من يده :اقول تبين تقلعين من وجهي والا انتي خابره وش بيجييس طلعت من دون اي كلام عارفته مصارع مايفكر الابيده مستحيل يستخدم عقله ولا كأنه انسان متعلم ومدير مدرسه محترم ضحكت من كل قلبي " هه قال محترم قال مفارقه هو وخشته المعفنه المروح الله لا يسامحك كان من يوم اخذتك وانا في مرار وعذاب. الله يسامحس يا يمه ويرحمس ************** اذن العشاء و تجمعوا قدام باب مسجد الحاره ابو عليان وازواج بناته ابو عبدالله وابو عادل مع عليان وعبدالله وعادل وابو ساري وبعض الجيران :ابوعليان بعد الصلاه انتظركم جميع في مجلسنا لا يتأخر منكم احد الصغير والكبير وناظر بابو ساري وشدد بالكلام :ام ياسر تجيبها الليله يا بن آخي خلها تفرح وتشوف الناس ابو ساري بضحكه باهته : تجي ان شالله تكلمني وكأني انا اللي امنعها عنكم!!! هي اللي ماتحب الطلعات ولا الجمعات ذبحتني الله يهديها ابو عليان يهز راسه يمشي له كلامه مع انه عارف حالهم ************** دخل عليان غرفته بيغير اتفاجأ بالشغاله سوليسترا بغرفته صرخ عليها: يا زفته كم مرره قايل لس ماتدخلين هنا وفتح الباب: وقال براااااا شالت سلة الغسيل وطلعت بهدوؤء تعوذ من الشيطان وقفل الباب وغير ونزل بسرعه يوقف مع ابووه ***************** دخل عليها وهو محترق من الغيض مايقدر يقول لابو عليان لا :يا هييه وينس وقفت باول الصاله وهي صاده عنه : نعم قال بنرفزه : نعامه ترفس وجهس وافتك منتس بالضبط عشر دقايق ابي تجهزين وتلبسين احسن ماعندس بنروح للعشا من دون اية كلمه كأنها طفله صغيرره تبدلت دموعها من الحزن والقهر لدموع الفررح واخييرا من سنتين ماخلاها زوجها الظالم تزور احد او تستقبل احد جهزت في دقايق في النهايه مابتنزل عباتها وهي طالعه من غرفتها شافت نفسها بالمرايه "كبرتي يا أم ياسر والهم كبرتس زياده الله يحنن قلبك علي يا ياسر الله يحنن قلبك ونزلت دمعتها غبن وقهر وشوق وحنين له *************** اخر اللمسات على سفرة الرجال واقف معاها عليان ونسرين :عليان اعجلي يا عليا ابوي لا يعصب علينا عليا : خلاص كل شي تمام نسرين: خالي علوي وش انت مسوي بنفسك كأنك محلووو عليان بغرور مصطنع : محلوو!!!! انا حلو من يوم خلقني ربي بس انتي اللي ما تشوفين ولفها مع اكتافها ودفها برى المقلط :يالله برى بسرعه بنقلط الرجال ************ تعالت الاصوات في الصاله " دخلت الصاله واشوف منيره اختي تسلم على حرمه وضامتها وتصيح قربت وانا مستغربه منهي ذي رفعت راسها وانصعقت ما توقعتها تجي من سنتين ما شفناها حبيبتي خالتي وركظت لها اضمها واسلم عليها جارتنا ام احمد جت تتهادى بمشيتها حرمه كبيره وثقيله بثوبها الروز الاحمر المنقط وطرحتها السودا القطن لكنها تجمع حنان الكون كله :علامتسن تبتسن اذكرن ربتسن (ربكن ) وكملت وصلة الضم والسلام على خالتي قمرا مسحت قمرا انفها بطرحتها وقالت بصوت باكي : ابي اشوف اختي اخذتها ومن اقبلت للغرفه وزاد صوت بكاها وقفتها قبل لا تدخل عند امي :خالتي تكفين امسكي نفسس امي تتأثر وتتعب كثير ووقفتها قدام المغسله : غسلي وجهس واهدي شوي نفذت خالتي وتنفست بعمق وهفت على وجهها غصب عني رجعت احضنها بقووه وهمست لها : والله نور بيتنا يا خالتي وردت لي الضمه باقوى منها : يا بعد عيني ياحبيبتي انتي "دخلت على اختي ام عليان اختي الكبيره الغاليه اخر من بقى من ريحة اهلي واحس اني اطير ما امشي لين جلست على سريرها وشلتها في حضني وضميتها وكأني متوقعه من شوقي لها انها بترد لي الضمه :ياحيبتي ياحبيبتي ونسيت وصات عليا لي اني اتمالك نفسي ولا انهار قدام اختي :يا ريحة اهلي انتي يا بعد هالدنيا يا علني ما اذووق حر فرقاس ياختي مسكتني عليا واخذت امها من بين ايدي ورجعت سدحتها على السرير بحنان ورتبت الغطا فوقها وقالت بإبتسامه : يمه شايفه خالتي قمرا جت تفرح معانا بعليان ومسحت دموع امها: يمه اكييد هذي دموع الفرحه من قدس يأم العريس ورفعت كف امها وباسته بحب ورحمه "سكت بحلقي غصه كبر هالكون واحساس مر علقم على عيني ياختي اقطعس والا اغيب عنس ساعه الله لا يسامحك يا خلف الله يريحني منك ******** قبل بليله في جده ياسر قم بسرعه ولد عمك يبيك جلس ياسر وقال :اصلا ما نمت وتوجه للتلفون : هلا والله يا ابو عبد الله بندر :هلا بك وينك يا رجال لي كم يوم و انا ادورك واتصل على بيتك ما ألقى رد ياسر بإحراج :والله يا بندر كنت بالشرقيه عندي دوره لمدة اسبوع والبارح وصلت بندر : اقولك عمي ابو عليان كل يوم وهو يتصل عليك بعد ياسر اعتدل بجلسته :خيير صاير شي بندر : ابد بس زواج عليان بعد بكره ويبيك تجي واعتقد انك غبت بما فيه الكفايه وتارك وراك امور مهمه لابد تجي وتشوفها ياسر بضيق : ان شالله خير بس والله مضغوط ما اقدر اجي اشوف اقرب فرصه واجي ان شالله بندر بإلحاح : ضروري يا ياسر ياسر بضيق : قلنا ان شالله يالله يالغالي تعبان بريح ووراي بكره دوام وقفل السماعه بعصبيه ناظره سلطان وسكت لانه لو تكلم الان قامت الحرب العالميه الثالثه ********* انتهى العشا وراحو الناس وما انتهت مشاغل عليا لبست عباتها منيره وقالت لعليا : بكرره الكوافيره اجيبها معي الظهر نامي واشبعي نووم ورانا بكرره الف شغله ابتسمت نسرين وقالت : ههههه تبين خالتي عليا تنام ووراها شغل مستحيل قالت منيره : وش عندها سوليسترا تسوي كل شي ردت عليا وهي تلم فناجيل الشاهي : أي ماشالله سوليسترا الرجل الالي حقنا اللي ما يتعب من تقوم الى تنام وهي تكرف حرام لازم اساعدها شوفيها منهد حيلها المسكينه قالت منيره لنسرين : تراهنين انها بتقول لسوليسترا روحي نامي وهي بتكمل الشغل عنها ردت نسرين : ما يحتاج اراهن ياخالتي لانها قالت وخلصت وانا بتسحبني معاها نكمل شغل الاميره سوليسترا :ياولد دخل عادل بعد ما تنحنح ركظت نسرين تتخبى في المطبخ عن ولد خالتها وولد عمها :يمه يالله اخواني بالسياره بس باقي انتي والتفت لخالته عليا ودنق يسلم عليها بود واحترام :هلا بخالتي عليا الحلوه ضمته عليا بحب: هلا حبيبي وضربته بقبضتها : انت ياولد كل ما اشوفك القاك طولان اكثر بس وقف وين ناوي توصل عادل بضحكه خفيفه : ناوي اوصل للقمر منيره : ابوك راح عادل : لا واقف مع عمي بندر تغطت : يالله بكره لا تنسون الظهر مو اجي القاكم نايمين وطلعت وباقي عادل :خالتي لا تنسين مشوارنا بكره الصبح ضروري عليا : لا ما نسيت الساعه 10 انتظرك ************* في بيت ثاني بنفس الليله :يمه الله يخليس لي والله اني عارفه بس ما اقدر ما اقدر ام فهد بدموع وحره :طيب ان كان قلبس يرضى عيال اختس تربيهم وحده غريبه طلعت وتركت فايزه بهم كبر الجبال تذكرت اختها لولو الله يرحمها مضى على وفاتها سنه وعيال اختها عندهم في البيت وزوج اختها يوميا يزورهم قبل شهرين تكلم مع امها انه يدور له عروس وهي اولى انه يتزوجها حتى ما يدخل مرة اب على عياله وان خالتهم احن عليهم من الغريبه رفضت في البدايه ولازالت رافضه زوج اختي هو اللي مربيني من وانا صغيره كنت اعده اخوي الكبير كيف اتزوجه هو اصلا كيف فكر انه يتزوجني انا كــــــيف **************** سلطان : طيب انت متضايق ليه على فكره انت السبب تارك حياتك ملخبطه هناك ياخي رح لمره وحده وخلص امورك ولا عاد ترجع لهم ابد ياسر يغطي راسه باللحاف : سلطان ياخي انت ما تمل من هالسيره رجعه للديره ذيك ولأهلها ما انا براجع سلطان : طيب بعطيك الشور وانا والله ناصح لك قم توضأ وصل ركعتين استخاره وشف وش ربي يختار لك ياسر من تحت اللحاف اقول : اطلع وصك الباب وراك بنام وراي دوام طلع سلطان بعد ما ارضى ضميره بنصيحه لصديق عمره نفض اللحاف ياسر وجلس ومسك راسه بيدينه وشد شعره يالله ياربي ان تريحني من هالهم اللي لي سنين وانا شايله ******* في غرفة عليا عليا تدرين ابوي من كلم البارح عليا: من ؟؟ نسرين : هذاك عليا بنرفزه: وجعة جدي له وللي يجيب طاريه نسرين: عليا لازم تسمعين وش قاله ابوي عليا لوت بوزها اقوى شي :ما ابي اعرف نسرين: الا لازم تعرفين عليا : هاااه وش قولي لا تموتين ماقلتي نسرين : قاله ابوي غبت بما فيه الكفايه وراك امور مهمه لازم تجي تشوفها رفعت راسها بحده والكلام شد انتباها وحفز حماسها: اي وش رد عليه ذاك الغبي نسرين هزت كتافها بمدري :بس اشوف ابوي انبسط عليا: عاد الي يشوف حماس ابوتس بيقول اني موافقه نسرين :خاله تكفين وافقي عليا : نسرين حبيبتي ذا الموضوع ما احب اعيد وازيد فيه انتي عارفه رأي فيه وان عدتيه علي مرره ثانيه تراني بزعل واتضايق نسرين نطت تحب راس خالتها : لااااا تكفين الا الجنونه بتاعت الزعل مش عاوزينها تبان ضحكت عليا : ماشاء الله عليها سعديه اثرت فيس ههههه نسرين : تدرين بنت اللذينا تركت فراغ يوم راحت مصر عليا : ماتدرين متى ترجع نسرين : مدري ابوي ماقال شي بس اكييد مو اكثر من اسبوعين عليا نامي ورانا بكره يوم طويل ************* :اف اوووووووف متى تخلصين قطعت الخيط باسنانها وعطته الثوب :هاك جهز ثوبك اللي كل ما زعلت قطعت ازاريره رد بوقاحه :انتي السبب عارفتني ما احب احد يساألني وين انا رايح والا منين جاي وطلع من غرفتها الصغيره دون ان يشكرها او يقدرها لو بنظره خرج من البيت وبيغيب عنه اسبوع او اكثر كالعاده دون ان يتفقدها او يطمن عليها ولا رجع يكون باسوء حال مخمور فاقد لعقله ولدينه هذا حال ام احمد ولدها الوحيد ********* ياسر جالس في سريره ويفكر بعمق "مخنووق وضايق سلطان نكش موضووع كريه كنت اتناساه لمتى وانت تعاقبها !! لازم تروح وتشوفها هز راسه بالرفض طيب كلمها حرام عليك مهما سوت ما تستحق ان تحرمها صوتك طول هالسنين تحسبني مبسوط وانا هاجرها. ترى زعلي على قدر شرهتي اعوذ بالله من الشيطان الرجيم انا احسن حل اسويه اقوم اصلي ركعتين استخيير ويارب ارتاح من هالهاجس الي ما خلاني انام ******** اخر الليل دخل عليان البيت وهووو منهد حيله وحالته حاله محتاج ترويشه عاجله ونومه مريحه وراه بكره اهم يوم في حياته دخل الصاله عادةً بيتهم ذا الوقت فااضي اخته عليا اكييد نايمه ناظر ساعة الصاله لقاها 2 ونص راح لغرفته وفتح الباب وتفاجأ بالبنت اللي في غرفته وقف ثواني غير مستوعب قربت منه وهي تحط شعرها الاسود الفاحم على كتفها بدلال وبهمس :أليان (عليان ) بقلبه تعوذ من الشيطان وبصوت مكتوم : ا نا كم مررره قايل لا تدخلين غرفتي برى يالله يا حيوانه وقف برى الغرفه وهو ينتظرها تطلع صدمة عمرها ما توقعت انه بيصدها اذا تزينت وسلمته نفسها ناظرت فيه بعيون غايمه من الدموع I love you: مسكها بتقزز من شعرها ودفها برى الغرفه وصك الباب وهي مصدومه من ردة فعله طلعت تركظ لغرفتها استغفر عليان وتروش وبعدها راح لعليا بغرفتها دق الباب عليها طلعت عليا وشرشفها للصلاه على راسها هلا عليان عليان :شوفي لي حل مع الخدامه ما ابيها تقرب غرفتي سمعتي لاتدخل عليا : وش فيه يا خوي عليان : تعوذ من الشيطان بس كذا ما ابيها تدخل حايسه اغراضي الله ياخذها عليا : فاقد شي عليان : لا خلاص بدخل انام يالله تصبحين على خيير نزلت بعدها للمطبخ وجهزت صينيه وحطت فيها الاكل المهروس والادويه وتوجهت لغرفة امها شافتها نايمه صحتها بهدوء ومحبه يمه يماااه حبيبتي جبت لس علاجس قومي يا كل دنياي فتحت ام عليان عيونها الذابله ومحاجرها الغايره عدلت مناير وضع امها ووجلستها بشكل مريح وبدت تأكل امها وتسولف عليها :يمه بقولس شي نسرين قالته لي تقول ان ابو عبد الاله اتصل على هذاك وقاله لازم تجي تنهي امورك المعلقه نزلت الملعقه ومسحت فم امها بنعومه وابتسمت لعيون امها الغرقانه دموع :يمه حبيبتي تصدقين احيانا اقول عساه للموت واحيانا اقول ليته يجي ويريح ويرتاح وينهي هالوضع البايخ يمه بالله عليس عاجبس وضعي و عمري اللي راح احياناً اقول حلو الوضع اللي انا فيه اني عندكم واني معاكم واهم شي اني قريبه منس يمه واحياناً اقول لا هذا وضع ما ينسكت عليه انابوضع صعب معلقه وبيد من !! بيد الخايس اللي هاجر امه وتاركها تعاني من هجره يمه ذا الانسان مريض ياحرام يا خالتي قمرا والله تحزن وين تلقاها من زوجها الشرس اللي كنه ملاكم ويبقس فيها حارمنا منها والا من ولدها اللي ما يسأل عنها ارحمها كثيير وينه ما يجي يعز امه ويكون لها سند ويوقف بوجه ابو ساري سكتت شوي ورجعت تكمل عليا : يمه حبيبتي لا تزعلين مني تكفين اعرف ما ترضين عليه ولد اختس بس انتي الوحيده يمه اللي اقدر اقولها كل اللي بخاطري باست راس امها وقامت يالله يمه حبيتي بقوم انام ******** قراءه ممتعه لكم وردود حلوه لي |
2 مضى الزمن ولابد ترجعه الذكرى شباب مثل الورد فيهم رجوله وصلاح و خوف من الله بندر وبدر وولد عمهم ياسر بندر وبدر موظفين بندر بالجيش وبدر بالحرس اما ياسر فهو توه تخرج من الثانوي وحلم حياته يدرس الجامعه في جمعه عائليه يوميه اجتمعو الاعمام وتكلم ابو بندر :يا خوي ان شاء الله الخميس الجاي بنتمم اتفاقنا و نملك لعيالي بندر وبدر على بناتك حصه ومنيره تهللت اسارير ابو عليان : هذي الساعه المباركه ومتى تبي العرس ياخوي ابو بندر : بعده باسبوعين واستمرو في كلامهم ولا كأنهم قررو مصير عيالهم من دون مايشاورونهم او ياخذون رايهم بندر تقبل الموضوع عادي وابتسم برضا اما بدر ما حب اسلوب ابووه بفرض رايه بهذي الطريقه على الاقل ما يفاجأهم فرضاً انا ماعندي نيه اتزوج الحين وسكت على مضض وتمم كلام ابوه اللي كان جالس ويتأملهم ياسر بعد ماقامو الكبار وانفض المجلس فكها ضحك ههههههه ياحليلكم بتعرسون ههههههههههههه اكيييد انت يا بندر الدب بتاخذ حصه لانها الكبيره وانت يالساكت بتاخذ منيره ههههه صراحه ما اشوفكم ابد لايقين لبعض فرق شاسع انت بتاكلك منيره بلسانها وانت بتاكل حصه بلسانك بدر فز واقف واخذ شماغه ونسفه فوق متنه وطلع بعد ما عطى ياسر ظربه على راسه اما بندر ناظر بياسر : وقال ضحكت انت اليوم علينا تذكر انا بنضحك عليك ياا يسوور ويالله قم رح لامك بقفل المجلس واروح انام توجه ياسر لبيت عمه ابو عليان وبنفس الوقت بيت خالته شيخه اكييد امه عند جدته سحب السلك وفتح الباب ودخل داخل البيت للصاله لقى حصه تدهن رجول جدته بالفازلين سلم على جدته وسأل عن امه : وين امي؟ ردت ألقف خلق الله عنده عليا : راحت تنام وانت هنا مزعجنا فز بسرعه بيظربها بس هي اسرع دخلت غرفة امها وصكت الباب بقوه بوجهه سدت جدته اذنها وقالت : ياربي سترك انت وهالبنت كبريت وقاز اهبوو عليكم ما تهجدون لا بليل ولا بنهار قال :بغيض جده انتي شفتيها ما قلت شي وهي اللي بس مناشبتني ضحكت حصه : هههههه بصراحه منظركم يفطس ضحك قام ياسر وتمسخر بضحكة حصه .:ههههه مايضحك يالله جده انا بروح لأمي طلعت راسها عليا : ذلف الجده : عليا عويذ الله من شرس وش لس وللولد ما تستحين بس مقاشرته ردت وعلى فمها ابتسامة رضا : جده هو اللي مناشبني وكل ماشفاني ظربني والا اذاني فقلت آأذيه قبل ما يأذيني ********* بعده بيوم بلغ ابو عليان ام عليان تتجهز وتبلغ بناتها بالخطبه وبدت ام عليان التحضيرات حصه قعدت تبكي لما بلغتها امها : يماه ابي اكمل دراستي ام عليان بإبتسامه : نشرط عليه تكملينها وانتي في بيته لا تخافين عمرها ١٨سنه وتدرس في معهد المعلمات باقي لها سنه اما منيره كانت وضع ثاني عمرها ١٦كانت ما تحب المدرسه وتحب الزين وتهتم لشكلها كثير وتميل كثير لبدر وكانت تتمنى تتزوجه وربي حقق لها امنيتها لما بلغتها امها بغت تحب راس امها على البشاره الحلوه بس اضطرت تمثل الثقل والتمنع مثل حصه بس ما قدرت تحس نفسها مفضوحه فلتت منها ضحكه وقرصتها امها برجلها : يا مهنى جاك ماتمنى وضحكت ام عليان على ردة فعل بنتها تفاجأت منيره ان امها كاشفتها ام عليان : انتبهي لا يوقف قلبس من الفرحه فزت منيره هاربه من احراج امها لها . . . . دخل عليان يماه جدتي وينها شيخه :اكييد عند خالتك قمرا عليان ابوي يقول ناديها ولد خالتها جاي ويبي يقابلها :طيب اصبر وتوجهت لشباك بالصاله يفتح على صالة ام ياسر :ياقمرا ردت بسرعه : هلا شيخه شيخه : امي وينها قمرا : هذي هنا تسمعس شيخه : ولد خالتس جا عند ابو عليان وطالبس بيسلم عليس الجده : وقامت وهي مستغربه زيارته في هذا الوقت ***** دخلت المجلس واستقبلوها عيال اختها واحفادها وسلمو على راسها وسلمت على ولد خالتها خلف ابو ساري دارت السلامات المعتاده وبعدها تكلم ابو ساري انه بيخطب قمرا وانه مايجوز تقعد بعد ابو ياسر الله يرحمه من غير رجال يستر عليها وانه اولى بها من الغريب وهو مطلق زوجته ويبي من تراعيه وعياله سكتت الجده وسكتو من بالمجلس بس نطق ياسر وبكل عصبيه :تخسى ما تاخذ امي و انا حي مسكه عمه ابو بندر : بس يا ولد قدر الرجاجيل واحترم المجلس نفض اكتافه من يدين عمه ووقف عند باب المجلس :والله ما ياخذها ولا يحلم بها وطلع ولحقه بدر ابو ياسر : انا عارف ومقدر مشاعره والله ما تقولون له شي وهو بقلبه " والله ان اخذ امك وانت تشوف يالبزر تكلمت الجده : يصير خيرر وقامت وهي مضفيه غطاها وعصاها بيدها اليمين : لاصار عندنا رد كلموك العيال وطلعت عنهم ************* راح ركظ لبيته ولقى عليا بوجهه لقى من يفرغ فيه غضبه وصفقها كف وشد شعرها بقوه : انقلعي عن وجهي لاعاد اشوفس بالشارع طبعا عليا صاحت بعالي الصوت وماخلت من السبات والشتايم ما سبته فيها شافت بدر واشتكت ياسر وهي تصيح :شف ياسر ظربني وقطع شعري بدر حنون جدا ماقدر على دموعها : معليش علوي امسحيها بوجهي وناظر فيها : ليه حافيه و ين نعولس انحرجت عليا ونزلت راسها وصارت تلعب بالتراب برجلها : اخر مره المره الجايه ألبس نعول . . . . دخل مثل الثور الهايج يمااه يماااااه ردت قمرا : هلا ابوي هلا حبيبي : يماه ابيس هالحين توعديني قمرا : بأيش :ما تزوجين عقب ابوي تبسمت قمرا : وقالت بــــس ابشر اوعدك ما اخذ عقب ابوك الله يرحمه اصلا ما يحتاج انا اوعدك لاني ما عندي اية نيه للزواج بعد ابوك الله يرحمه وفتحت ذرعانها تبي تضمه وهو اقبل يضمها : تكفين يمه لا تقهريني قمرا وهي تشد عليه اكثر : ماعشت ولا كنت ان قهرتك يا قلبي *********** :يماه ابي اروح معس ام عليان : لا اجلسي خلي منيره تروشس شوفيها تستناس وتجهزي بنروح للعشا في بيت عمس عليا على وشك البكاء : لا بروح معس الله يخليس يمه تطلع حصه وعباتها طايره وراها :اقعدي شلون بتروحين والحنا على شعرس عليا بحده وطولة لسان : مالس دخل انتي انا اكلم امي وتمسك عباةامها وتترجى اكثر : تكفيين يمه الله يخليس برووح وبدت تبكي دخل ياسر وشاف البغيضه عليا وهي تترجى خالته تبي تروح معاهم قال : خاله اذا هذي تبي تروح دورو احد غيري يوديكم للسوق قالت ام عليان : لا مهي رايحه ويالله ادخلي داخل وطلعت ولحقتها حصه من باب البيت وكانت بتلحقهم عليا بس وقف لها ياسر بجسمه على الباب : انقلعي داخل هجمت عليه وهي تصيح وشاتته بقووه على ساقه : وخر ياكلب ابي اروح مع امي تعوور بس كابر ومابين ألمه ومسكها مع شعرها وغاصت يده بالحنا قرف منها ودفها بقووه وهو متقرف قلت ادخلي داخل وده يكفخها شوفتها ترفع ضغطه راح للمغسله بطرف الحوش وغسل يده وطلع يوديهم للسوق ********** بعد صلاة العشا تجمعو في بيت ابو بندر وكان عشا عادي كل اربعا يسويه يجمع فيه العايله بس الليله ما كانت ابدا عاديه الليله كانت ملكة العيال بالاتفاق بين ابو بندر وابو عليان وكالعاده ما بلغو احد الشيخ جالس وطلب هوية بندر وبدر وتمم لهم الملكه وسط تفاجأهم وابتسامة الشيبان واكييد ياسر بعد كان مبتسم نغز بدر وقاله مبروك عليك منيره بدر بنفسيه : قسم بالله لو ماتنكتم لا وريك شغلك سكت ياسر وهو كاتم ضحكته من شكل بدر فجأه تكلم ابو بندر :اقوول يا ابو عليان ما تعطينا بعد عليا رد عليه ابو عليان : تأمر يا بو بندر لمن؟؟؟؟؟ قال ابو بندر : لياسر خله يفرح مع عيال عمه وبعدها وجه الكلام للشيخ : يا شيخ املك له واشر على ياسر على اختهن الصغيره طلب الشيخ من ياسر اثباته ومثل المنوم مغناطيسي نفذ وعطاه وتمم الشيخ له الملكه صحى على صوت عمه يقول : بالمبارك يا ابو عليان الليله ماشا الله زوجت بناتك كلهن عقبال ما تفرح بعليان باركو له من بالمجلس وقلطهم ابو بندر على العشا وياسر مصدووم ومومصدق ماصار حاس انه بكابوس ""وش ملكته وش زواجه هالحين وبهذا الوقت بالذات ارفض ارفض ولا عندي اية استعداد وذاتا علياا وطبعاً استلمووه عيال عمه تريقه وضحك بس هو سكتهم بنرفزه وطلع وخلاهم ************ ابتدت التحضيرات الفعليه للزواج وياسر لازال مصدوم وبدر مكتم ومجبور وبندر مشاعره مشاعر عريس ممللك ينتظر ليلة الزواج ************ الجده صافنه وتفكر بعمق في عرض ابو ساري فعلا بنتها صغيره توها ومحتاجه لرجال ولازم تجيب لها عيال وبنات غير ياسر بكره ياسر يتزوج ويلهى في حياته وهي تقعد بعده لازم أقنعها بخطبة ابو ساري وقامت رايحه لبيت بنتها وهي طالعه تعلقت فيها عليا :جده ابي اجي معس الجده تعالي يابنيتي دخلت الجده على بنتها قمرا وقالت لها ضبطي لنا براد شاهي ابي اشرب معس فنجال قمرا سوت الشاهي وجلست عند امها وطبعا عليا بينهن قالت الجده تصرف عليا : قومي يا عليا العبي هناك وهناك عند عليا يعني بغرفة ياسر !!!! بعد جلسه ماستمرت دقايق طلعت الجده من بيت بنتها قمرا وتركت وراها قمرا منهاره من البكا وعليا بغرفة ياسر دخلت قمرا غرفتها منهاره بعد حلف امها عليها انها توافق على ابو ساري وشرطت رضاها بموافقتها ولا عطت قمرا فرصه تتكلم فرضت رأيها فرض دخل البيت ولقى امه بغرفتها نايمه وراح ينام وراه شغل الصباح دخل الغرفه لقاها منكوشه فوق تحت ومافيها شي في مكانه وطبعا مستحيل يكون احد ثاني غير عليا والله لأربيس يا عليا رتب السرير ونام وهو يخطط كيف يعاقبها ****** اصبح الصبح على قمرا وهي ما غمض لها جفن لبست عباتها وراحت لامها ولقتها تفطر بالصاله ومشغله الراديو الجده : ياساتر وش بلاتس يا قمرا ميتن لتس ميت !!!! نزلت لرجول امها وحبت عليها : يمااه يرحم والدينس اعفيني من السالفه كلها تكفين يا يمه الجده :ياخبله والله اني ابي صالحس وانا خلاص بلغت ابو عليان يبلغ الرجال انتس موافقه انهارت قمرا تبكي : يمه انا ما وافقت حرام عليس تغصبيني الجده : بكره لا صار عندس عيال وبنات بتدعين لي قمرا : يمه ياسر مابيرضى الجده عصبت :رضه ا ن شا الله انتي امه وانتي اللي تمشينه ماهو هو اللي يمشي رايه عليس وخلصنا شيخه واقفه عند باب المطبخ وتسمع الحوار بس عارفه امها لا يمكن تلين اذا صممت على شي وهي اليوم مصممه ************* ياسر راح يقضي اشغاله وشاف ابو ساري بطريقه وتميلح يسلم على ياسر ويستظرف سحب عليه ومشى تاركه بعد ما صرفه انسدت نفسه ورجع للبيت متعكر المزاج بس وصل لبيتهم تذكر غرفته وراح لبيت خالته يدور شينة الحلايا بس مالقاها رايحه مع خواتها عند الخياطه سلم على جدته وفاتحته بموضوع زواج امه قال بغيض مكتوم : جده الله يرضى عليس انا قلت رأي قبل كذا ماني موافق مااااااني موافق وطلع وصفق باب الحوش وهو طالع ******** العصر طلع مخنووق امه ما طلعت من غرفتها ودخل عليها لقاها رابطه راسها ومطفيه النور واشرت له اطلع ما اقدر اتكلم مصدعه وقف قدام باب البيت ويتابع السيارات سمع صوت عليا بالحووش راح لبيت خالته ودخل عليها :تعالي هنا يا حيوانه وقفت بكل ثقه ومتخصره : انت الحيوان مسكها مع شعرها :ليه يوم تخربين غرفتي ليييه وصفقها كف طبعا عشانها مذنبه ما بكت ظربها مرره ثانيه وهي ياجبل ما يهزك ريح تنرفز يبي يبكيها كفخها لين بكاها وتركها بعد ما خلى خدودها حمرررر عليا شافت ابوها داخل : وركظت له ابويا شف ياسر ظربني كفوف ناظر ابو عليان نظرة عتاب : افى يا ياسر ليه كذا يا ولدي انحرج ياسر : يا عمي امس داخله غرفتي وقالبتها فوق تحت متعمده تخرب ابو عليان : ولو يا ولدي اجل لصارت في بيتك وش بتسوي فيها ماتحملها والحين هي بزر الله يصلحكم الله يصلحكم ياسر طلع وزااد كررهه لها اكثر الي حطته بموقف المذنب. قدام عمه ابو عليان قبل ليلة الزواج بلغت الجده قمرا ان زواجها بكره وانها بتروح لبيت ابو ساري سألت امها : وياسر ؟؟ الجده بكره يدري ومصيره يرضى قمرا : يماه والله ان يجن الولد ويهج الجده: لا بيزعله يومين وبعدها بينسى . . . . . ليلة الزواج كانت مختلفه باختلاف مشاعر العرسان والعرايس الزواج كان في بيت ابو بندر في حوشهم الواسع وفي ساحة المسجد بنو بيت شعر كبيير للرجال واضااءو ماحوله بعقود اللمبات وتجمعو الحبايب من اقارب وجماعه واصدقاء وجيران كانت ليله صيفيه جميله و مزينه بعقود الانوار والمكان ممتلي بالحريم الكبار والشابات والصغار الكل. يجي. ويجيب. عياله واللي مايجيب. عياله. ينزعل منه وينشره عليه وكان المسجل بعالي الصوت ونوره مبارك تغني انا البارحه مامسيت والمسلمين رقود حسبي على من كان هذا من اسبابه الوحيده اللي كانت بحالتها الطبيعيه عليا بفستانها السكري المنفوش مع حلقها اللولي على شكل دمعه وشعرها اللولبي الطويل وعيونهاالمختفيه من الكحل اللي اصرت على امها انها تحطه مع انه شوه ملامحها الا انها تحس انها اجمل من الاميرات اتعس انسانه كانت قمرا تحس انها منقاده للموت تمت الملكه العصر وبدون علم ياسر وامها حلفت عليهاما تعلمه الى ان تكون في بيت ابو ساري جدته بتعلمه وكان هذا القرار هو سبب بعد ياسر عن امه ١٨ سنه قراءه ممتعه لكم وردود حلوه لي |
رد: آلا ليت الزمن يرجع
السلام عليكم ورحمة الله وبركاته
اسعد الله اوقاتكم بالرضا وراحة البال حابه اقول كم كلمه اولا بخصوص اعمار ياسر وعليا ياسر كان عمره 18 وغاب 18 سنه عليا عمرها 10 سنوات ومر عليها 18 سنه وما بينهم ملكه فقط ثانيا موعد نزول الجزء بإذن الله جزء اسبوعيا وبيكون غالبا في اجازة نهاية الاسبوع واذا بتأخر عليكم اكيد بترك خبر انتم جربتوني قبل كذا وعارفين ان شاء الله اني ملتزمه ومنتظمه بس لا يخلو الامر من الطوارئ والان اتركم مع الجزء الثالث 3 وسيع يا هالكون وسيع بس ما قدرت تاسع ضيقتي و همي الكبير يارب يارب ليله كامله اتقلب من التفكير عيني غفت لحظه بس هاللحظه اشبعت عيني من النوم فزيت وانا اسمع اذان الفجر قمت اتوضا ودخلت صحيت سلطان للصلاه وبعدها ودعته :انا بعد الصلاه بمشي رايح لاهلي وانهي اموري كلها سلطان ابتسم بكسل :وعلامك تقولها كذا كأنك رايح للموت الله يوفقك في مسعاك ويكتب لك الخير وسلم على قمرا !!! عطيته بوقس خفيف على معدته : الشرهه مو عليك على اللي يعلمك اسم امه ضحك سلطان : يعني انا ماعلمتك وش اسم امي احمد ربك اسم امك حلو مو مثل اسم امي الله يرحمها يالله اتكل على الله ياسر : دعواتك ********** ها حبيبي شرايك عادل : ما يحتاج خطيره انتي ذوقس منتهى الجمال اخذها عادل وتأملها اكثر بصراحه حلوه بس اكييد غاليه عليا : ما يغلى على اخوي شي هذا الغالي عادل : تراني اغار ياخالتي عليا : انت غالي بس لا تزوجت ابشر بالهديه اما الحين معصي دفعت عليا ثمن الهديه ورجعوو للبيت وكان مشوار ما اخذ ساعه عادل : خالتي لا تنسين افطري من الفطور اللي مرسلته امي ترى عارفس ما بتاكلين لين نرجع من العرس نزلت عليا من سيارة عادل ولقت بندر واقف قدام البيت سترت عيونها اكثر ودخلت يدها بأكمام العباه بندر وهو يتفحص بوقاحه زول عليا: صبحها بالخير عليا : صباح النور ودخلت بسرعه وما عطته فرصه يكثر كلام بندر يسأل عادل : وين كنتو عادل : ابد يا عمي اخذتها للسوق وخذت كم غرض من ابو ريالين : يالله يا عمي بكمل نوم عشان اصحصح على صلاة الظهر ونزل من السياره وتوجه لبيت جده ************************** :نسرين نسرينو حبيبتي صحصحي معي يا قلبي شوفي خالتس منيره مرسله فطور ملكي تعالي نفطر تحت عند امي نسرين بكسل وهي ترتب شعرها الناعم : ابشري هالحين انزلي وانا اجي وراس نزلت عليا عند امها وفرشت سفره خفيفه وعليها القهوه والشاي والحليب والقرصان بالسمن والتمر وفول وتميس وقفت على راس السرير : وبإ بتسامه حلوه : صباح الخير يمه شلونس يا حبيبتي ورتبت شعر امها : يمه ابي اوريس هديتس لعليان : وراحت فتحت الكيس وطلعت العلبه المخمليه السودا وعيون امها تتابعها بإهتمام وطلعت العقد الفخم فص ازرق كحلي وداير ما يدور حوله فصوص الماس بشكل بيضاوي مطعم بالذهب الابيض وحلق وخاتم وإسواره بنفس التصميم : ها يمه عسى اعجبس ذوقي ترا ابوي عطاني فلوس وقالي اشتري هديه لعليان امس حالفه من سنين وهي بعافيتها ان تهدي عروسة عليان تلالت دمعه ثمينه بعيون شيخه : ضمتها عليا بحب مبرووك يأم العريس دخلت نسرين : السلام عليكم واقبلت تسلم على جدتها :شلونس يا جده ماشاء الله الوجه منور وورفعت يد جدتها وباستها بحب شافت هدية عليان : ماشاء الله وش هالزين روعه اكيد ذوقس عليا :أي ذوقي يالله رتبيها بالعلبه وتعالي خلينا نفطر من فطور منيره وجلسن يفطرن ويونسن امهن بحسهن وسوالفهن دخل ابو عليان : وسلم وجلس يشرب شاي ها يا بنتي عسى كل شي جاهز قبل لا تكلم دخل عليان وهو منتفخ من النوم وبصوت نعسان :صباح الخير حب راس ابوه وتوجه لسرير امه وانسدح جنبها وضمها بين ايدينه بحبه وضمه وشمه عميقه تنفس : يمه اخذت جرعة الصباح عساني ما انحرم منس يا يمه طبعا هذا حال عليان يوميا مع امه لازم هالسلام الصباحي وممكن يمتد لساعات عليا غمزت لنسرين عشان تسحب كيس الهديه وبخفه سحبت الكيس وحطته بين ثنايا الكنبه الصغيره بجنب سرير جدتها *************** ماشي بالسياره وكل احداث الماضي تلف وتدور قدام عيني احداث لايمكن انساها لا يمكن انسى صوت جدتي وهي تصدمني بالخبر : امك في بيت ابو ساري مبارك ياو لدي امك اعرست قالتها ببرود وكأن الموضوع يستحق التهنئه ما درت انها ذبحتني طلعت مثل المجنون اركظ للسياره رايح لبيت الخسيس ابو ساري خلف اشوفه الناس تبارك له وهو فاتح خشته ومبسوط وصلت بيته وانا ألهث كانت الساعه وحده بالليل دقيت الباب باقوى ما عطاني ربي : افتح يا كلب افتح افتح والله لاذبحك بعد دقايق فتح الباب وهو ماسكه وكان ب سروال وفانيله =) وطاقيه مخرمه تبين صلعته وبإبتسامه صفرا : ياسر هلا تبي شي؟؟ : دفيته بقووه ودخلت للبيت وقعدت انادي امي : يمااااااه يماااه لحقني مثل الثور الهايج ومسكني من ياقة الثوب وهزني ولصقني بالجدار : خير خيير تدخل كذا يا عين امك مالك ام عندي يالله برى بصراخ وقهر : يمااه .... طلع امي يا حيوان والله لاذبحك يمااااه وسمعت صوت امي بغرفه مقفل عليها الحقير : ياسر يا حبيبي والله غصبن عني والله غصبن عني وقفت عند الباب حاولت افتحه بس سحبني وبكل دناءه وجلافه طردني برى البيت وصك الباب في وجهي وانا كل قهر العالم يتوقد بصدري دقيت الباب الا رجفته رجف بس محد عبرني : افتح افتح الباب افتحه يا حقير مسحت دموعي مقهور مقهور مقهــــــــــــور ركبت سيارتي ودعست بنزين ودي ابعد عن هالمكان ولكن صار اللي ماقدرت اتفاداه صدمت بسياره ثواني بعد الاصطدام تمنيت اني مت فيه بس اسمع الناس تتكلم الحق الحقو وانفتح باب السياره وسحبوني برى السياره واشوف الدنيا تلف وتدور فيني بس شفتهم يطلعون الناس من السياره الثانيه وصوت بكاء اطفال . . . . . . اذكر بعدها وعيت في المستشفى وراسي يعورني وعمي ابو بندر وابو عليان جالسين : الحمد لله على سلامتك قال ابو بندر :ربك سلم الحمد لله انا : وش صار عمي ابو بندر : ماصار الا كل الخير حادث بسيط صدمت سيارة واحد من الحاره انا : مااات " كنت خايف يكون مات واورط قال عمي : لا الحمد لله طيب بس بنته الصغيره انكسرت يدها ويالله قم خلاص الدكتور قال اذا قمت خلاص ناخذك طلعنا وانا نفسيتي بالحضيض امي تزوجت والخسيس زوجها طردني واهانني ولا خلاني اشوفها وبعدها كمل علي هالحادث والبنت اللي تعورت بسببي وقفنا بالممر وسأل عمي : ها يا ابو حمد شلون الريم ؟ ابو حمد وهو يوجه انظاره لياسر : طيبه الحمد لله تكلمت و انا خجلان وفيه نفضه : سامحني يا عم ما قصدت ابو حمد : مسامح يا ولدي والحمد لله ماهي اعظم بس ياولدي العمر ماهو لعبه وانت كنت مسرع طاطيت راسي خجل وبعدها طلعت برى المستشفى وطلعو وراي اعمامي وهم يتعذرون لابو حمد اللي تنازل عني وسامحني بمحضر المرور ************ ريمو يالله يا قلبي تعالي اجلسي يمه حبيبتي تكفين لا تروحين اخلص ونروح سويه ام حمد : حبيبتي خالتس موجوده معس اما انا لازم اروح للصالة الافراح و استقبل الناس وبتمتمه وهمس قرت اية الكرسي على بنتها ونفثت عليها ووصت اختها وراحت للصاله الكوافيرا: شو يا عروس نبلش نشتغل ريمو: تفضلي بعد وقت من التزيين والشغل في الشعر الخاله ماشاء الله تبارك الرحمن يا بخت عليان وكللللللللللللوللللييييش وضمة بنت اختها وقرت عليها اية الكرسي واتمت اللمسات الاخيره وتوجهت للقاعه بتبدأ حياتها مع زوجها هناك ************ منيره تعالي بالله خذي هالاغراض معاكم ونسرين روحي مع خالتس وانا ا ن شا الله اعطي امي ادويتها واجيكم اول ما توصل الممرضه منيره : عليا لا تنسين اقري على نفسس ترا الليله بتجلطين عجز الجماعه تجلطين الله يعيييننا عليهن بنردهن كلهن عليا بضحكه : هههههه لا انا ابي ام زوجي تكون شابه صغيره ماهي عجوز عشان كذا الليله ردي كل عجوز تسأل عني ويالله امشن تأخرتن نسرين اقري على نفسس يا قلبي تهبلين بالوردي ماشاء الله نسرين : ابشري خالتي ***************** حلقت وضبطت اموري ورجعت للبيت بزفه من عادل وعبد الله واصدقائي معي بسيارتهم وبعدها راحو يودون منيره والبنات دخلت عند امي و عليا عندها وقعدت اذكر الله : ماشا الله يا عليا انتي العروس الليله عليا تتأمل عليان وهي تدور حوالينه : ا ش اش اش يا عم وعريسنا يابدر بادي دامت لياليك السرور مبارك يا اخوي الله يتمم فرحكم امي كانت نايمه حبيت راسها وطلعت : انا رايح اتجهز عليا بصوت عالي : علياااان تروش بالحمام حقي غرفتك جاهزه ومبخره ومقفله مفتاحها معي واغراضك على سريري جاهزه رجع وحب راسها : ويلوموني بغلاس الله يسعدس يا عليا ويخليس لنا *************** وصلت العصر واخذت لي غرفه في فندق بسيط على طرف الديره اقرب ماله استراحه في محطه نمت ساعتين وبعدها غيرت ثوبي و نزلت للسياره وتوجهت لبيت الخسيس خلف انا لازم اشوف امي غصبن عنه يكفي منعني عنها مرتين والله لا اهين كرامته ان تجرأ ومنعني مره ثانيه ماشي ومتعجب الدنيا كيف تغيرت وكل اللي خابره بهالديره تطور وتبدل ما دلني على الحاره الا قربها من المسجد الكبير ولقيت تغيير كبيير بالحاره وسالت عنه ودلوني على البيت طلع نفسه ما تغير على حاله صغير ومشطب وصبغته رايحه وبابه مصدي دقيت الباب محد رد سألت عن بيت عمي ابو عليان دلوني عليه نفس موقعه اول بس عدل في تصميمه وبنائه صار دورين وداير مايدور حوش ودقيت الباب ومحد رد رجعت دقيت الباب والجرس بعد فتره ردت حرمه : مين ياسر : ابو عليان موجود عليا بإستغراب : ماهو فيه العرس بصالة الافراح هناك بتلقاه وضرب ياسر على راسه تذكر ان الليله زواج عليان رجع قال:/ معليش أي صاله ؟ ردت عليا وهي مستغربه كثير " هذا وش فيه وردت : مافي غيرها صالة الافراح رد وقال : طيب شكرا وركب سيارته ورجع يسأل في الحاره كيف يوصل لصالة الافراح *********** بعدها بدقايق وصلت الممرضه واستلمت مهمة رعاية ام عليان من عليا بغيابها واخذت باقي اغراضها ولبست عباتها وطلعت لعادل اللي كان منتظرها بسيارته اللي جاب فيها الممرضه ************** جاهزه وانتظر بس يجي علة القلب يوديني للعرس اذن المغرب وصلو الناس وانا اتحرقص ودي اكون مع بنات اختي واستقبل المعازيم الله لا يربحك يا خلف دخل البيت وهو نفسه براس خشمه يالله مشينا وخليها حلق بإذنس الساعه تسع ونص بنادي عليس تطلعين سكت ما قلت شي هو يبيني اترجاه اقعد عشان يذلني بس يخسى هو لو على كيفه ما خلاني احضر العرس وصلت الصاله وتغيرت نفسيتي ومزاجي : رحبت وهليت وضحكت واستانست ووحتى الرقص رقصت وقفت مع بنات اختي وشفت ربعي وجماعتي وعلى الساعه تسع سمعت صوته الشين ينادي بالمكرفون : بيت ابو ساري ناظرت الساعه واستغربت جاي بدري نص ساعه يبي ينكد علي بأي طريقه الله ينكد عليك وشوشت منيره انها تعذر لي من الناس اني تعبت وطلعت وبعد ما همست لعليا : يا قرادة حظ ولدي وياشين حظه اللي تارك الزين ومهمله حبت راسي وقالت بضحكه : خالتي دخيلس انا فرحانه لا تعكرين مزاجي ضحكت وغمزت لها : ابشري ي الله يا حبيبتي اطلع لا يهجم علينا هالثور وطلعت له ولقيت معصب الا بينحرق من كثر العصبيه سكت وحقرته قال : توس تطلعين لي اكثر من عشر دقايق يا تبن واقف وحرك بالسياره : ليه ما تردين هااااه ولطمها بقوه على وجهها **************** وصلت لصالة الافراح وانا متردد ادخل بس بدر انهى ترددي اقبل علي بفرحه : يا هلا ياهلا والله يالغايب ونادى عادل واقبل عليه شاب صغير وقاله نادي جدك بسرعه اقبل عمي وبنظرة عيونه استغراب من شافني بنظره سريعه وشديدة التركيز عرف من اللي واقف قباله : عتب شرهه فرح كل التعابير تحتار بوجه ابو عليان لكن تغلب الفرح وضمه وسلم عليه بحراره يا هلا ياهلا واخيرا يا ياسر اخيرا يا ولدي واخذ بيدي وما خلاني الا وهو معرف الناس علي وسلمت على العريس عليان الدب يا سبحان الله كبر وتغيير كثير " يعني انا اللي ما كبرت !! بدت تتفكك عقد حواجبي من الفرحه اللي شفتها بعيون اهلي لين طاحت عيني بعين خلف بس عمي ابو عليان مسكني وهمس :هدي هدي يا ولدي ناداه عمي واقبل علينا مثل الطاووس المنتف : انا متأكد انه عرفني بس سوا نفسه منكرني وما تعرف علي بس عمي انهى تمثيليته البايخه : ياسر يا خلف وبكل خباثه مثل الفرحه : يا هلاااااااااا ومد يده بس انا لا يمكن اسلم عليه وصديت عنه قدام الناس انتفخ وزعل وطلع وهوو مولع ناااار من الفشيله والزعل ************ واخيرا رجع الحين ممكن اقول عندي امل شفته جالس لحاله بعد ما دخل عليان وعمي وابو حمد عشان يزفون العريس والرجال قلطو على العشا رحبت فيه مره ثانيه وقلت له :هاا جاي تنهي امورك والا تتممها قال بكل جديه : اكيييد انهيها عايش بها المهزله 18 سنه صار لابد انهيها بصراحه طمني كلامه واخيييرا بيطلقها ******************* في صاله الافراح قسم النساء نظام مسرح والكوشه مرتفعه وعلى شكل دائري و كرسيين كبار مذهبه بقطيفه حمرا تتوسط الكوشه ام احمد جالسه بكرسي وتصفق بحماس للبنيات وحاشره نسرين بجنبها منيره تشرف وبشكل كامل على الضيافه واكييد السلام ما يخلص عليا واقفه مع زميلاتها وتطلبهن يرقصن قالت امينه انا برقص مصري بس اخاف ربعس ينقدون علي ضحكت عليا : لا بالعكس يحبون الهز ياالله عسى شريطس معس امينه بضحكه غير بريئه : هههه اكييييييد معي وراحت عليا للاستريو الكبير وحطت شريط امينه وكانت اغنية ترقص وجت امينه وهي رابطه خصرها بمنديل وتترقص بطرب كامل وولعت الحماس في البنيات وعلى تصفيق وحماس عليا وفايزه ومنيره ونسرين وهي صارت تزيد دلال وشقاوه وسحبت عليا معاها وتمايلت عليا برشاقه ورقه بس ما طولت وخلت امييينه تكمل لحالها نادتها ام حمد: عليا حبيبتي اخوس بيدخل ويبيكن معاه طيب هالحين انادي منيره ورفعت طرف فستانها وركظت برقه لمنيره وعلمتها توجهت منيره ونسرين للغرفه المخصصه للعروسه ولابسات عباياتهن عشان ابو العروسه واخوها موجودين وقف عليان برى الغرفه وسلمن البنات عليه سأل منيره : وين عليا ناظرت وراها ماشافتها قالت هي جايه يالله ادخل عند عروستك عليان: لا اصبري خل تجي عليا ابو عليان وابو حمد داخل الغرفه مرتزين ينتظرون العريس يدخل والريم غايصه بفستانها من الخجل عليان بهمس وعقدة حواجب: وين عليا نادوووها بسرعه ما راح ادخل لين تجي وام حمد : يا ولدي جايه جايه بس انت ادخل منيره :عليا اكييد ضاعت عباتها كله من هالغبرا سوليسترا فاتحه خشتها تسولف مع الشغالات وضيعت عباة عليا عليان مرتبك وملخبط المشاعر همس لمنيره :ابي عليا تجي بسرعه هي اللي بتزفني منيره : وانا ما انفع يا دب هههههه عليان بضحكه وروقااان : ما ينفعش يا روحي محدش ينوب عن عليااا :انااا جييت عليان تنفس بارتياح : واخيرا وينس ترا كنت بنزف من دونس عليا وهي تضمه : ما تقدر يا عليان اصلا انا محلفتك من حنا وصغاررر نسرين : اقوول العرووس تنتظرك يا حلوو علياا دست بيد اخوها الكيس : وهمست هذي هديتي امي وتقولك مبارك ومسكته من يده ودخلته الغرفه عند العروووس ما تبيه يتأثر من حركة الهديه ******************** اختلطت اصوات المباركه والتهاني واخو العروس الصغيير يصور العرسان اجواء كلها فرح ومشاعر جميله طلعو الشيبان و قدر عليان يكتشف ملامح الريم ماشافها قبل وهذ ي اول مررررره لمح العيون الوساع الناعسه وغرق فيها بس العواذل حوالينه مسك يد الريم بلهفه خجوله تنحنح وقال :بنمشي ياعمه ام حمد بحفظ الله ولا اوصيك يا ولدي ترى الريم امانه عندك هذي بنتي الوحيده ولبستها امهاا عبايتها والريم تعلقت بامها تصيح خوف وخجل وفراقها امها ***************** انتهى العرس بزفة العريس للعروس قلطت منيره المعازيم على العشا وابتدأ مشوار الازعاج ومناداة الرجال لعوايلهم بيت فلان اطلعوو بسرعه بيت فلان ابوكم يقول يالله ومافي بزر ما جرب المكيرفون . . . . . عادل متفق مع خالته يجي اخذها بدري عشان امها ومنيره بتشرف على جمع اغراضهم ومعاميلهم اللي جابوها معاهم للصاله وبصراحه هذي اصعب مهمه *************** توجهت لبيت خلف وكلي شوق لأمي احس الشوق تفجر من دخلت هاالديره يا قسوة قلبي كل هالسنين وقفت عند باب بيته وانعاد الموقف بس هالمرره انا هاااادي جدا ولايمكن يستفزني خلف دقيت الباب دقيت كم مره وكنت بمشي لولا سمعت صوت امي : ميين ؟ قلت بلهفه : يماااه افتحي انا ياسر ****** قراءه ممتعه لكم وردود حلوه لي |
رد: آلا ليت الزمن يرجع
4 بعد زواج امي بفتره كنت زعلان وشرهان على امي كثيير بس مسكتني خالتي :اسمع يا ياسر انا عارفه انك زعلان وعارفه انك مقهور بس ترا امك انجبرت بذا الزواج امي الله يسامحها خيرتها بين رضاها اذا وافقت وغضبها اذا رفضت سكت ما عرفت وش اقول زاد قهري من جدتي خالتي: ياسر حبيبي كان لي قدر عندك ومعزه هالحين تروح لأمك اكيييد ولهانه عليك حبيت راس خالتي وقلت لها : مدري اشوف وطلعت منها رحت ل سلطان زميلي في الثانويه ومتفقين ندرس سويه ومقدمين اوراقنا على جامعة الملك عبد العزيز سلطان : ياسر ان شاء الله الاربعاء بمشي على جده تخاويني والا بتلحقني بعدين ياسر : انا بمشي معاك سلطان : طيب احجز انا حجزت اليوم الصبح ياسر : طيب بعدها رحت لامي في بيت الخسيس ودقيت الباب وردت امي من ورى الباب بلهفه : ياسر ياحبيبي ابو ساري مقفل الباب ما اقدر افتح لك رح للبيت انا العصر اجي لبيتنا حطيت راسي على الباب وانا مقهور ودي بشوفة امي : يمه تنهدت قمرا بقهر: يا قلبي رح وانا اليوم اجيك بالبيت قلت: يمه تكفين انا انتظرس العصر لا تاخرين علي مر العصر وجا الليل وامي ماجت نمت من الضيقه تخيل تنتظر وتتأمل وفي الاخير ما يصير شي وراح وقتك وطار املك من بكره رحت لها مره ثانيه ووعدتني تجي اليوم وانا من لهفتي على امي صدقت ورحت وتكرر موقف البارح وصلت حد الانفجار كل ما مر الوقت زاد حقدي على خلف كله من جدتي الله يسامحها رحت عند ها يمكن تلقى لي حل زعلت علي وقالت وهي تهز عصاها : لا تروح لها والا ذنبك على جنبك هي بتجيك سامع عصبت وتنرفزت من كلام جدتي: متى ياجده لها الحين كم وهي ماجتنا الجده : ياولدي ما اقدر اجبر الرجال هو حر بزوجته بغيت اشق هدومي من كلام جدتي :جده كل هذا بسبتس خربتي حياتنا انا وامي الجده بعصبيه: اقطع واخس يا قليل الادب وتقلع عن وجهي لا اشوفك :ما انتي بشايفتني بس هذا خلف انا اللي بربيه والله لا طلع كل ذا من عيونه وطلعت من عندها معصب سيطر الشيطان على في ذيك اللحظه ورحت لبيته وكان للحين ما وصل سيارته ماهي فيه انتظرته وانتظرته وانتظرته وابليس ينفخ في نار قهري وكرهي له وصل بعد مده وقبل لا ينزل من السياره هجمت وكسرت قزاز سيارته وكسرت مرايتها وهوو يشوف فتح الباب بيمسكني وبكل ما عطاني ربي من قوه هويت على راسه بالحديده اللي معي من شفت دمه سال وعيونه جحظت والناس التمت علي وامسكوني تسارعت الاحداث ولقيت نفسي بالشرطه وعمي ابو بندر وجهه اسود وابو عليان يهدي فيه ويكلم الشرطي : يا ابن الحلال مشكله عائليه والرجال مسامحه مثل ولده وهذا تنازله ومد ورقه على الشرطي الشرطي ناظرني بقوه وقال : احمد ربك ان الرجال تنازل عنك والا كان بتقعد عندنا بصراحه ما صدقت انه تنازل ******* رجعنا بسيارة عمي ابو عليان وطول الطريق وانا اسمع هواش عمي ابو بندر لي بس وقفنا عند البيت نزلت بسرعه و تركتهم ما احد حاس بناري امي تزوجت بدون رضاي وغصب عنها وزوجها النذل حابسها و مقفل عليها لا شفناها ولا شافتنا لا احد يلوومني ولو يستمر على ذا الوضع لأضربه مره ثانيه ويمكن اذبحه بعد نمت على هذي الفكره وما صحيت الا على صوت امي تصحيني : ياسر فتحت عيوني ما صدق ان امي واقفه عند سريري قمت حضنتها : يمه وقعدت اصيح وهي مثلي متنكده بكا عيونها وارمه كانت بعباتها سحبت نفسها من حضني وقالت : ياسر قم معي قلت : وين يمه وانتبهت لعمي ابو بندر وابو عليان موجودين قالت بتردد : تعتذر لعمك ابو ساري قمت من سريري وانتفضت عروقي قهر : نعم !!!!! اعتذر له والله لو ايش ما اعتذرت عمي ابو بندر بحده : بتعتذر وانت الغلطان والرجال ماقصر سامحك ومن حقه عليك تعتذر له بنرفزه ووقاحة مراهق : يبلط البحر اول والله ما اعتذرله قمرا: اول مررره تصرخ فيه مسكته بقووه من ذراعه : بتعتذر له غصبا عليك "ما اصدق : يمه لييييه ؟؟؟ هذا الانسان لا يمكن اعتذر له كنت محتد ورافع صوتي صفقتني كف : بتعتذر له والحيين ودفتني بقووه : يالله قدامي هالحين ان ما اعتذرت بيشتكي عليك عمانك اجبرووه يسامحك وهو شرط انك تعتذر وانا كفلتك عنده " انصعقت انا امي تضربني!! صرخت بقهر وانا ماسك جيب ثوبي ابشقه : لييييييييه يماااااه لييييييه ودمعت عيوني مقهوور طلعت من البيت انا امي تضربني !!!! وعشان من !!!! ومن وقتها وانا حاقد زعلان شرهان كثير مشاعر بقلبي *************** الليله لو وش تسوي امي لو تذبحني ما قدر الا اقولها تمونين و اشتقت لس وابي العفو يا يمه ابي الرضا ردت امي : من ؟ ياسر : انا ياسر افتحي يمه قمرا بصوت باكي : من ؟ ياااسر اويلااه ولدي وصارت تهز الباب بقووه ياسر حبيبي ياسر بلهفه كبيره : يمه افتحي الباب ردت وهي تهز الباب بقهر : مقفل الباب قفله وذلف رجفت الباب وركلته برجولي : ولدي ياناس ولدي يااسر ياياسر افتح لامك افتح لهاا ياسر انهبل من بكا امه ورجفها للباب حاول يدف الباب بقوه يمكن يفتح معاه بس الباب متين قمرا مستمره ببكاها ومحاولة فتحها للباب ياسر حاول يفتح الباب بس ما قدر اخر شي قرب سيارته وطلع فوقها ونط للجدار العالي ونزل لامه اللي كانت بحاله هستيريه : يماه يمااه انا هنا خلاص قمرا من شافته ضمته قووه وببكا مرير : ولدي ولدي حيبيبي اااه ياسر لا تخليني يا حبيبي لا تخليني ياسر : يمه انا جيت والله ما اتخلى عنس يا يمه حبيبتي وضمها اكثر دخل ابو ساري وهو محتضن امه ابو ساري بصوت حاد : ماشاء الله هاجم على بيتي مثلك مثل الحرامي كنت ابرد عليه واعرفه قدره له عين يتكلم بس امي تمسكت فيني بقووه: يمه ياسسر يماه لا لالالا واغمى عليها بين ايديني طار عقلي : يمااه ردي علي حاول يفوقها ما فاقت ابو ساري واقف يتفرج ولا كأن اللي اغمى عليها زوجته او تهمه شالها ياسر بين يديه وصرخ با بو ساري: اذلف من وجهي وركظ للسياره وابو ساري يشووف اخذت امي للمستشفى وطول الطريق اتتحسس وجهها واصرخ اناديها يماه تكفين وصلت للطوارئ واستلموها مني وانا معاهم سألوني ايش الحاله قلت مدري اغمى عليها اركظ معاهم لغرفة الطوارئ الممرضه تتفحصها نبضها وضغطها والدكتور يتابع : ما تخاف ما تخاف ضغطا منخفض كتيير تأملت وجه امي من سنيين ما شفتس يا حبيبه لفت نظري كدمه على خدها نزولا لشفتها والدكتور بعد لاحظها وتفحصها اكثر لقي كدمه ثانيه برقبتها وبظرة اتهام ونبره : شو هاد هي مضروبه تنحت ثواني :/ قلت بإستنكار مدري انا ولدها واليوم جيت ومن شافتني صار اللي صار بس توني انتبه الدكتور : واضح اثار الاصابع على الوجه طبعا انا كنت اغلي كيف خلف الكلب يمد يده على امي الدكتور :معافايه هلأ بدها تنام وترتاح للصبح وانت فيك تجي الصبح تتطمن عليها طلعت من المستشفى وبدوون تفكيير توجهت لبيت عمي ابو عليان ********* وصلت من زواج عليان وطيران عند امي ولقيتها واعيه سلمت عليها : مبروك يا يمه عليان مثل القمر ربي يبارك له وعروسته بعد تهبل :يمه حبيبتي اليووم جت خالتي قمرا وجت فلانه وجابت فلانه وقضت الوقت وهي تسولف لامها عن العرس وكأنها بتعوض امها عدم حضورها نامت امي على سوالف عرس عليان وانا قمت جوعانه دق باب البيت وابوي قام يشوف من من بيجي هالوقت اكيد العيال جايبين الاغراض من صالة الافراح تركت ابوي رد على العيال وتوجهت للمطبخ حسيت بقرصة الجوع جلست بالمطبخ ساندويشة جبن وعلبة بيبسي على مهلي اكل واتذكر تفاصيل العرس مدري كم جلست بس حسيت اني ضايقه من فستاني البنفسجي سحبت ذيل فستاني وطفيت لمبة المطبخ وتوجهت للدرج بطلع لغرفتي بس شفت لمبات المجلس مفتوحه من الشباك المطل على الحوش رحت اطفيها ابوي يزعل لا قام الفجر ولقى الاضاءه مفتوحه تمخترت بمشيتي وفستاني يتباهى علي تعرفون كيف الواحد يعجب بنفسه ويخاف يحسدها من كثر ما الفستان مضبوط هالخياط بدع بالفستان بستاهل كل ريال وكل هوشه جته مني دخلت المجلس ومديت يدي وطفيت اللمبات بس تنحت ثواني في واحد جالس بصدر المجلس هربت اركظ يا فشيلتي ياااااااويلي من هذا ؟؟؟؟؟؟؟؟ واصقع في ابوي عند مدخل الصاله قالي : وش فيس قلت هاااه مافي شي قال وهو مبتسم : رحتي للمجلس نزلت راسي وامتلت عيوني من الاحراج قال ابوي : ههه الحمد لله ما احد غريب وراح وخلاني وانا انتافض من احراجي من ابوي ركظت لغرفتي ووغيرت واندسيت بسريري وش يقصد ابوي ما احد غريب من يكون ؟؟؟ ********** جالس بمجلس عمي ابو عليان استئذن مني دقايق بعد ما علمته عن امي واللي صار معاها قلت له ياعمي امي مالها رجعه لخلف وابيك تدخل بالموضوع انا اخاف ابتلي فيه قال عمي : يصير خير الحين نام ومن اصبح افلح قلت له انا ماخذ غرفه في فندق باخر الديره حلف علي ماروح والا انام عنده ما قدرت ارفض بصراحه منتهي وطافي من التعب غاب عمي دقايق بعدها جالس والا تدخل علي حوريه جميلة الجميلات زولها وطولها ياويلي على عنقها ولابسه بنفسجي بعد مظهر بياضها بشكل مغري وطفت اضاءة المجلس وقفت بالظلام ثواني وبعدها هربت وانا صنمت ما تحركت الا بدخلة عمي ابو عليان وفتح اللمبه : وقال يا كافي علامك ؟ كان في وجهه ابتسامه جلس جنبي ومد علي مفتاح تنحنحت وحاولت اكون طبيعي: وش هالمفتح يا عمي ابو عليان : مفتاح بيتك انا جددت فيه امك كانت تبيك لارجعت تلقاه جاهز لك "تشتت فكري معقوله اللي دخلت علي عليا ؟؟ قالي عمي : ياسر سمعتني قلت : هااه أي ياعم جزاك الله خير تثاوب عمي وقام قال هالحين بجيب لك فراش وتنام وبكره نشوف وش بنسوي رااح ورجع لي بمرتبه اسفنج ومخده ولحاف ووراح ينام وانا ابتدا عندي السهر غمضت عيني والا ام فستان بنفسجي قدامي عقلي رافض انها عليا معقووول هزيت راسي هذيك تصير مثل كذا لا لاالالالااااااا ***************** رجعت هلكانه للبيت بس حابه اجلس مع بدر جلسه حلووه احب يشوفني وذاتا انه طلع قبل لا يشوفني للعرس دخلت غرفتنا لقيته نايم بصراحه زعلت وقلبي انكسر توقعته متلهف يشوفني الليله دايم اتذكر ليلة زواجنا واتحسر واحاول اعوضها اذا حضرت زواج كنت مقبله على احلى ايام عمري والدنيا بعيني لونها بمبي مثل مايقولون امنية حياتي تحققت واخذت حبيب القلب بدر اذكر ان حصه الله يرحمها تنكدت يومها خايفه تصيح وامي وجدتي يهدن فيها اما انا احس اني طايره من الفرحه بس اتخيل ان بدر مثلي فرحان وانه بس يتمنى الوقت يمضي بسرعه عشان يكون معي بس صدمة حياتي كانت ذيك الليله زفوه عندي بالغرفه وكنت جدا مستحيه من ابوي وعمي ومرة عمي الله يرحمها وامي دخلت شوي عندي وطلعت بسرعه بعد ما طلعو وبدر مثل ما دخل منزل راسه كأنه يفكر وساكت كنت جالسه على السرير وقفت خجلانه مدري وش اسوي صمت مافي غير الصمت جلس هو على السرير ونزل بشته بعده فرش سجادته وصلى ركعتين ونزل ثوبه ولبس ثوب البيت وانسدح على السريروغطى عيونه بذراعه ولا كأني موجوده واقفه على حالي انتظر منه أي كلمه انتظر منه يعبرني بس فعلا وقتها حسيت انه مو شايفني او حاس بوجودي دموعي بدت تتجمع الصدمه كبيره على قلبي ماهو كذا ماهو بالصوره ذي تخيلت بتكون ليلتنا بكاي صار شهقات من اقصى قلبي المجروح ما قدرت الا اني اطلعع برى الغرفه وادخل الحمام وابكي وابكي انكسار قلبي وعيت على بوسه رقيقه :هلا توس جايه ناظرته بالمرايه وانا انزل الحلق : أي قبل شوي رجع على السرير : تعالي بحضني قلت دقيقه بس امسح مكياجي قال بصوت ناعس : لا تعالي مثل ما انتي عرووووس انتي اليووم عروس لفي كذا اشووف دوووري خليني املي عيني من جمالس ضحكت من كل قلبي خبيييث يا بدر تعرف لي وتعرف كيف تراضيني ******** تناظرني وبعدها تنزل عينها وانا ودي اقولها يرحم امس ترا بتهبلين فيني بس مسوي نفسي ثقيل قلت لها : الريم مصدع احس راسي كبر بيتكم تبسمت وهمست : سلامة راسك معي بنادول اعطيك قلت لها : أي تكفين قامت تمشي مثل الغزال الريم اسم على مسمى فتحت شنطة يدها وناولتني علبة البنادول تناولت يدها وسحبتها جنبي وانتثر شعرها الليلي على متني قلت لها بهمس : شكرا يا الريم وحاوطتها بيديني ************** الساعه 8 صباحا واقفه بالمطبخ بعد ما ناولت ابوي الفطور مع القهوه والشاهي جاني ابوي صحاني الساعه 7 ياربي تغفر لنا كلنا فاتتنا صلاة الفجر وعلمني ان ياسر جا البارح وانه موجود عنده بالمجلس وقف مخي عن التفكير بالاصح انا وقفت مخي ما يستاهل اني افكر فيه غير انه ما عندي وقت اضيعه عليه رحت لامي وفطرتها ومشطت شعرها القصير وجلست جنبها مافيني اتحرك مسترخيه على الاخير اسمع اذاعة القران بجنب امي فجأه صحيت ووعييت ان اللي دخلت عليه البارح هو ياسر وصفقت وجهي بكفيني يااااااااااااااافشيله يااااالله وش بيقول هالحين اف منه اف اف ******** دخل ابوي علينا واحس وجهي قلب احمر متفشله من ابوي وانه عرف اني دخلت وشفته وشافني قالي ابوي :عليا يا عيني قمت وقلت : هلا يا بوي ابوي : خالتس قمرا بالمستشفى وبروح مع ياسر نشوف وش صار معاها فزعت : يووه شفيها خالتي قال : تدلل شافت ولدها واغمى عليها قلت بصدق : طبيعي يابوي والله ما تنلام كم له وهو هاجرها ما يخاف ربي قال ابوي : يا بنتي ماهو وقت لووم وخلينا من هالكلام الغدا اليوم متكفل فيه بدر انتي ارتاحي وانا بروح مع ياسر لبس ابوي شماغه وطلع ************ اتصلت على منيره ما ترد على نسرين رد علي بندر : السلام عليكم بندر: وعليكم السلااااام والرحمه والاكرااااام قلت : وين نسرين رد باسلوبه الكريه : نايمه وكمل :مبروك ما سويتو لعليان قلت بجديه : الله يبارك فيك قال : عقبال ما نفرح بس قلت : يالله مع السلامه اذا صحت نسرين خلها تجي بسرعه وقفلت السماعه وما عطيته مجال يرد ويستظرف بندر انهبل من سنتين وهو ماهو طبيعي طول عمري اعد بندر اخوي الكبير واحترمه واقدره بس من شافني مره يوم زواج صديقتي امينه مريت نسرين وباخذها معي تحضر العرس ونزلت عباتي عشان سعديه تشوف فستاني ومكياجي سعديه : الله الله ايه الجمال ده كلو فيييينك يا عريسها تعال واخطفها وريحنا منها ضحكت على كلام سعديه العسل : مش حيجي يا حبيبتي اصل هو هربان ومش عايز يرجع سيبنا من سيرتو المنيله ضحكت سعديه وقالت : ربنا يفتح عليكي د انتي بأيتي لب لب بتحكي مصري كويس اوي اوي دخل علينا الصاله انا تخبيت ورا سعديه وهو تعذر وطلع بس بعدها تغير معي صار وقح بنظراته ويحاول يستظرف اذا كلمت على نسرين صرت اتحاشا أي تواصل او احتكاك عشان ذا الوضع تعبني وازم نفسيتي **************** توجهنا للمستشفى ودخلت عند امي لقيتها نايمه نزلت احب يدينها وراسها سامحيني يمه يدي تتلمس كدمتها اللي في وجهها فتحت عيونها بشويش وبصوت متقطع هامس : ياسر ودمعت عيونها ياسر حبيبي انت هنا والا انا اتحلم ضميت يدها و ابوس خدها وراسها : يمه حبيبتي انا هنا جنبس قمرا: ياربي لك الحمد احسبني اتحلم مثل دايم ياربي لك الحمد دخل الدكتور امي بوهن رفعت الشرشف على وجهها ما تبي الدكتور يشوفها قال الدكتور : صباح الخير كيفك يا ست قمرا امي بوهن : الحمد لله الدكتور لازال لضغط منخفض كتير من شان هيك بدك تضلي عنا كام يوم لحد ما يتعدل وناظر ياسر ما تخافش الست الوالده بدها تشووف غلاها كتب في الملف تقريره الصباحي وطلع وسحب ياسر معاه اخ ياسر : انا من مسؤليتي ابلغك انو لازم تتسجل حالة اعتدا بالضرب على الست الوالده ابو عليان وقف معهم : قال ياسر وهو حريص على سيرة وسمعة امه : ما يحتاج حنا بنتصرف بدون تبليغ وارجو انك تتفهم انه حاجه عائليه تفهم الدكتور واستأذن وتركهم يكمل جولته الصباحيه ابو عليان برضا من موقف ياسر : خير ما سويت وابو ساري انا بتصدى له اول جدتك واقفتن لنا ما تبينا نتدخل وبعدها هو عزل امك عنا ولا سألنها عن حالها تحمدت ربها وسكتت ياسر :يا عم الحين اهم شي امي ما ترجع له مهما كان ابو عليان : يصير خير ياولدي انا الحين بروح وانت شف امك وحالها ووين بيحطونها وبعدها تجيب اغرضك وتجي للغدا ********* : احلفي :ماني حالفه يعني اكذب عليس مثلا منيره بضحكه : وكيف شكله الشين تغير كبر وش صار فيه عليا وهي تزيت شعرها عقب السبراي مثبت الشعر :تبين الصدق مناير ماكأنه هو كش عليه واااحد ثاني تماما كنه حجازي لابس غتره بيضا وعوارضه خفيفه منيييره طاحت ضحك على السرير : كل هذا شفتيه بلحظه ههههههه عليا تفشلت : بلا بياخه هذا اللي شفته تبيني اكذب يعني اقووول روحي تحت على ما اتروش وانزل اكيييد عليان والريم على ووصول ****** يمه بموت من خجلي ماسك يدي ودخلنا بيت اهله استقبلتنا اخته منيره بحفاوه وبنت اخته نسرين بعدها سحبني على غرفة عمتي ام عليان ترك يدي وتوجه لسرير امه يا قلبي عليهم والله اني حزنت على عليان وامه هو صار مثل الطفل يبوس بامه ويتودد لها ويضمها : يماااه اشتقت لس ومد يده لي وانا قربت وحبيت راسها شلونس يا عمه مسكينه والله دخلت علينا نسرين بالقهوه وجلسنا في غرفة عمتي وجت عليا وزانت الجلسه اكثر بعدها تركني عليان رايح للرجل بعد ما همس بأذني : يا حلوس ذبحتيني انا صرت حمرا من كثر الخجل تفشلت من خواته وبنت اخته ************ اتفقت انا ومناير نروح نزور خالتي قمرا بالمستشفى ونسرين تجلس مع امي اذن العصر اخذنا عبد الله وعادل الثنين يتكلمون عن ياسر وكيف انه كان ماخذ المجلس بسوالفه واسلوبه وانا اقول بقلبي : مالت الا مالت منيره تسألهم وتستفسر : ما قال وش بيسوي انا هنا مغصني بطني : " وش بيسوي بعد اللي لازم يسويه من زمان خله يطلقني ويذلف وصلنا للمستشفى وتوجهنا لغرفة خالتي اللي فرحت فينا كثيير وخاصة انا بس تمسك يدي وتبوسها وانا ارد لها البوسه تفاجأت بوجهها انا ومنيره بس ما علقنا مسكينه فيها اللي مكفيها فتحت شنطتي وطلعت المشط ورتبت شعرها وربطته لها بجديله ونزلت نقابي وسحبت منديلي ولفيته على وجهها بترتيب وهي تتشكر وممتنه : أي والله ياعليا استريني يا بنتي الله يسترس الدكتور شبع من شوفة وجهي قالت منيره الليله يا خالتي ارسل لس غيارات مع عادل يالله عليا العيال اكيد نزلو للسياره انفتح الباب فجأه ودخل ياسر بسرعه تخبيت ورا منيره ورفعت نقابي اتغطى فيه فلتت مني كلمة : عمى بعينك ما تعرف تدق الباب قرصتني منييره بقوووه : وقالت هلا ياسر هو تفاجأ بالحريم عند امه ما توقع فيه احد لان وقت الزياره انتهي نزل نظره بعد مالمح عليا بشعرها المرفوع وبشرتها الصافيه من أي تجميل وسمعها تقول عمى بعينك ما تعرف تدق اباب قال : السموحه ما دريت ان احد عندس يمه منيره هلا ياسر / قال بتردد هلا بك قالت قمرا:هذي بنت خالتك منيره ام عادل رحب بها وهي ما قصرت بالسلام والسؤال عن الحال قمرا قالت لياسر : سلم على عليا يا ياسر رفع نظره للي ورا منيره اهلين عليا شلونس عليا بجمود ورسميه : الحمد لله دفت منيره من ظهرها يالله بنمشي يا خالتي ونزلت حبت راس خالتها ومرت من قدام ياسر طالعه من الغرفه ولحقتها منيره ياسر : يمه دقيقه طلع معاهن ياسر : لحظه ام عادل من جايبكم منيره : عادل وعبد الله طيب بوصلكم لتحت ومشى قبلهن ومنيره تنغز عليا وبهمس: ماشا الله تهنيين يا عليا شباب وطول وبسبابتها على خدها : ومزيووووون عليا بكره : وع الحمد لله والشكر وتكفين ترا كبدي حايمه لاتزيدينها علي منيره بضحكه : اقول اص بس وامشي لا تحلطمين . . ماشي ومبتسم سامع همسهن وحشهن فيه وصلهن لتحت وتأكد انهن بالسياره وطلع لامه قراءه ممتعه لكم وردود حلوه لي |
رد: آلا ليت الزمان يعود
بسم الله الرحمن الرحيم
السلام عليكم ورحمة الله وبركاته اولا حابه اعيادكم مره ثانيه كل عام وانتم بخير وامن وامان ثانيا اعتذر منكم على التأخير والانقطاع بس اكيد لا عرفتو عذري بتعذروني سافرت احضر زواج بنت اختي الحبيبه الله يوفقها ويسعدها ويكتب لها التوفيق ما ابي اطول عليكم تفضلو الجزء 5 دخل عليها وهي نايمه مغتاظ منها ومن ولدها :قومي يالله بلا تمثيل فتحت عيونها مفزوعه منه ومن صوته وقالت بحده:ماني قايمه واطلع لا يشوفك ياسر ثم تصير مشاكل مسكها من كتفها وسحبها بملابسها وانفلت المغذي اللي بيدها ودمها سال وهي صامده واثقه ان ربي بياخذ لها حقها منه والله جاب لها الظهر اللي بيحميها منه دفته بيدينها مع صدره وقالت بقووه : قلت لك اطلع برا خلاص خلاااص انتهينا سنيين وانت مستعبدني واليوم ربي عتقني برجوع ولدي لا بارك الله فيك وعيشةً عشتها وياك يتنفس بقووه من الغضب وعيونه جاحظه عدم تصديق : اقطعي واخسي ألبسي عباتس وامشي معي و هجم عليها بياخذها معه ومسكها مع شعرها بيجبرها :والله تقاويتي علي يا قمرا وجا حبيب قلبس جا اللي قفلتي القلب عليه دخل عليهم ياسر وسمع اخر كلام خلف : ايه جييت وخر يدك عساها للكسر قمرا شافت ياسر تلاشت كل قواها واغمى عليها وطاحت مثل الخرقه ركظ لها ياسر واكييد الجبان خلف هرب تجمعن الممرضات وبدو بإنعاش قمرا اللي هبط عند الضغط والسكر . . . . طول الليل وهو معاها وعت عليه قبل الفجر : ياسر حبيبي وقرب منها وحطت كفها على خده : ابوي انت انا طيبه كانت نظراته لها قلق خوف مسك كفها وباسه قمرا ودموعها تسيل : ياسر انا اخاف عليك من خلف اوعدني اوعدني ما توسخ يدك فيه بهدوووء وثقه : لا تقلقين يمه ارتاحي انا ياسر غييير ياسر زمان ربتني الدنيا وخلف له من يأدبه انتي نامي هالحين قمرا : ابي اقووم اصلي اللي فاتني ياسر ساعد امه وتطمن عليها وطلع منها بعد ما حلفت عليه يروح يرتاح بعد ساعه خلالها قدم بلاغ عن خلف وتهجمه على امه واتجه لابوعليان :انا ياعمي بعد ما شفت حال امي ما اقدر ابد احشمه انا بلغت الشرطه ابو عليان حاس بغضب ياسر فما حب يناقشه الان يعدىن ويتناقشو ن ويحاولون ينهون هذاالاشكال باقل شوشره :طيب يا ولدي وامك شلونها الحين ياسر يمسح وجهه بإرهاق :والله ياعم تحس تعبها نفسي من شافته انتكست والدكتور بعد اليوم قالي ان السكر انخفض انا افضل حل اقعد معاها لين تطلع انا خليتها دقايق ورجعت لقيتها هي و الخسيس وهو بعدها هرب مثل الفار ابو عليان : استرح الحين امك اكيد نايمه وانا باخذ لها عليا اخليها تجلس معاها لين ترتاح ياسر محتاج للراحه فعلا واقتراح ابو عليان ناسبه جدا : طيب يا عمي بس بالله قل لها لا تزحزح من عندها اخاف بعد يعيدها والحين انا استأذن بروح للبيت انام ***** " اليوم السبت وعادة السبت يكون يوم ثقيل دراسيا جدول مليان وبنات مقفلات مخهن عقب اجازة نهاية الاسبوع وللحين تعب زواج عليان بعظامي رجعت للبيت ما اشوف منتهيه ابي انام غيرت ورحت لامي لقيت العرسان جالسين عندها ناظرني عليان وقال : غدينا امي حبيت راس امي وبعدها انسدحت جنبها ورفعت يدي للريم : مرحبا يا عروستنا الريم : مراحب اجيب لس غداس هنا تتغدين عليا : طيب بس استعجلي تكفيين لاني حاسه اني بنام على نفسي معليش ريومه انتي خلاص صرتي من اهل البيت تعينيين وتعاونيين الريم بإبتسامه حلووه : دقايق واحلى غدا عندس . . . . غفت عيني وبحضن امي الدافي دقايق الا ابوي هزني بهدوء عليا ....عليـــــــــــــا قومي يا عيني بصوت كسلان ناعس : هلا ابوي وجلست ويالله افتح عيوني بعد نص ساعه بنروح لخالتس قمرا بترافقين معاها فتحت عين والثانيه مقفله من النعاس : ابويه طيب خلها بعد ساعه اكون نمت شوي قالي ابوي : بعد نص ساعه وبالطريق اقولس السالفه قمت بتثاقل احس يالله ارفع رجولي عن الارض ورحت للمطبخ وسويت لي قهوة تركي تصحصحني شوي واخذت فنجالي معي وطلعت لغرفتي وشربت قهوتي و تروشت ابي انفض النوم عني كأني صحييت شوي لبست قميص بارد مشطت شعري أي كلام وربطته عشان ما يضايقني اخذت معي كتابين يسلوني لو زهقت ودخل علي عليان : عليا أبوي تحت ينتظرس لبست عباتي ونزلت لابوي وركبنا السياره وعلمني ابوي عن خالتي وزوجها واللي صار معاها غصبن عني تنرفزت " يعني ياسر نايم وانا مانمت وصلت لخالتي ولقيتها منسدحه على جنبها الايمن وتسبح فرحت فيني مرره ************ عليان تصدق شغالتكم ذي ماهي طبيعيه عليان بإهتمام وتوتر: لييه وش قالت لس؟ الريم : ما قالت شي بس تخطف من الشغل ابي اغرف لعليا خطفت الصحن مني احس انها ودها تضربني بالصحن عليان :انتبهي منها تراها ماهي صاحيه الله يكفينا شرها الريم :اميين بس احس انك متخوف منها كثير عليان : انا ماكان ودي اتكلم بس شكلي لابد انبهس منها هي كم مره حاولت تتحرش فيني بس الحمد لله من فضل ربي علي اني اصدها المشكله اني دايم جاف معاها وتعاملي معاها في اضيق الحدود الريم منذهله من كلام عليان : طيب ليه سكت عنها ليه ما قلت لعمي والا لعليا عليان : اممم انتي شايفه حال عليا كل شي فوق راسها وهذي تساعدها وكان وقت تجهيزاتنا للزواج خفت يزيد الضغط على عليا وهي مسكينه تحب كل شي كامل وتمام ا لريم :طيب هذي مالها قعده بعد كذا لازم تسفرونها عليان بإبتسامه رضا : غيرانه علي تبسمت الريم : تلومني بالله اكيييد اغار عليك يا قلبي و الله يستر منها هالوسخه عليان بحب : الله يخليس لي يا روحي وابشري خلال اسبوع ان شالله اسفرها ********** عادل تعال يا ابوي خذ هالحافظه وديها لبيت جدك :يمه انا مواعد عبد الله واخاف اتأخر منيره بصرامه : عادل انا قلت وانت تنفذ يالله امش قدامي ولبست عباتها بتروح معاه واخذت بنتها الصغيره حصه معاها نزل امه وتوجه لبيت عمه دخل للمجلس بدون لا يتنحنح كانت نسرين ترتب المجلس قال بأسف بعد ماصد عنها :اووه اسف نسيرين نسرين مثل الصارووخ مرت من جنبه طالعه شافها عبد الله وكفخها على راسها : ليييييه رايحه للمجلس دفته بقوه : وجع عورتني وبعدين انت اللي قايل لي نظفيه راح عبد الله عند عادل كفخه عادل على راسه : ليييييه تظرب نسرين كم مره اقولك ما تمد يدك عليها عبد الله : يااخي اختي اصفقها متى ما بغيت عادل : اسمع عبد الله والله لو ادري انك ضاربها لا وريك شغلك لا تمد يدك على نسرين سمعت عبد الله: طيب فلقتنا يا شيخ يالله بنتأخر على الشباب وطلعو متجهين لملعب الحاره في مباره مهمه *********** واقفه تسمع حوار عادل وعبدالله و مبتسمه وممتنه لعادل اهتمامه تحب هالاهتمام وتنتظره منه من هي صغيره تحس ان تعامل عادل واهتمامه غيرررر بس مافسرته غير اهتمام اخ بأخته تنهدت من اعماق القلب ورجعت تكمل تنظيف المجلس بإبتسامه ******* ايووه ألوووه فينك يا بندر ما تصلتش عليا بألك اسبوعين بندر : مشغول يا سعديه وهذاني الحين اتصلت كيف الست الحجه ؟ سعديه بفرحه: كويسه الحمد لله الاسبوع اللي فات خرجت من المستشفى بندر : الحمد لله على سلامتها سعديه : بندر انا اخويا حجز لي على الاسبوع القاي يوم الخميس متنساش بندر : طيب على خير توصلين بالسلامه سعديه : مش عايز حاقه اقيبهالك بندر : شكرا وسلمي على الحجه واخوانك سعديه : لا اله الا الله بندر :محمد رسول الله قفل التلفون وسعديه لا زالت تمسك فيها بحب :يا لهوووي على تألك يا بندر يا لهوووي يا لهوي على رنة صوتك اخوها الصغيرر حازم من خلفها :تي رررارراااااااا هو انتي يابت بتحبيه سعديه بإبتسامه خجوله : امااال ايه بحبه او ي مش جوزي ************* قمت على صلاه المغرب ورحت بعد الصلاه لامي دقيت الباب ومحد رد علي فتحت الباب بهدووء لقيت امي جالسه بسريرها وفي سواد على الكرسي بجنبها امي تبسمت لي وحطت يدها على فمها : اشششششششش واشرت على الكرسي وهمست : اششش عليا نايمه همست لامي وا نا مبتسم : خوش مرافقه ردت امي بهمس: مسكينه لها ساعه بالضبط سويت نفسي نايمه عشان تنام من جتني وهي تقاوم النعاس تبسمت لملامح امي المبتسمه ناظرت عليا متغطيه بالكامل بالسواد وممتكومه بطريقه تضحك على الكرسي قلت لامي : ذي شلون نايمه صحيها خليني اوديها قمرا : طيب اطلع اخاف تنفزع لا شافتك فجأه قعدت عليا بعد ما سمعت صوت رجال بالغرفه وبدت تستر نفسها كأنها خايفه تكون منكشفه ثواني استوعبت من هو وبسرعه قامت وتوجهت للحمام "ضحكت على حركاتها وامي تنهرني قلت لامي : انا انتظر برى نادتني امي قبل لا اطلع : ياسروش سويت عساك مسكت وصاتي وما تهاوشت مع خلف تبسمت لامي وقلت : افى يمه وعدتس انا انا بس بأدبه من دون ما اوصخ يدي فيه انا بلغت الشرطه وهم مسكوه و بينهون السالفه لا تخافين يمه ابيس ترتاحين تماما ولا تفكرين نهائيا بذا الشخص وطلعت من الغرفه قمرا : عليا يا عليا تعالي ياسر طلع ماهو فيه بحذر انفتح الباب وطلعت عليا وبصوت ناعس : خالتي انا بطلع اتصل على ابوي يجي يا خذني خلاص جا ياسر يجلس معتس قمرا بزعل : عليا والله ما تطلعين اصلا هذا هو التلفون جنبي بس ما ابيس تتعبين ابو عليان عليا : بكلم عليان اجل قمرا : ولا حتى عليان هذا ياسر هنا يوديس طارت عيون عليا بحده : لا خلاص شكرا انتظر ابوي يجي مثل ما وعدني ضحكت قمرا بخفه: هههه علامس خفتي تراه في النهايه خطيبس ومملك عليس عليا : خالتي تراس غاليه عندي وما ابي تزعلين مني تكفين خلاص ما احب اتكلم في هذا الموضوع قمرا : وانتي بعد غاليه عندي تكفين لا تنهين حلم يا ما تمنيته تغطت عليا تداري دموعها وجلست بكرسي طرف الغرفه وعم الصمت القاتل محد بيفهمني انا ما اطيقه ما أطيقه والجميع يبوون يتممون اتفاق ما دريت عنه ولا وافقت عليه . . . . كان عمري 16 سنه جالسه اذاكر وامي وابوي يسولفون قمت اجيب دفتري من المكتب حقي واسمع ابوي يقول لامي انه ندمان على ملكة عليا وياسر اول ما كنت متأكده من اللي سمعته بعدها بفتره اسمع نفس الكلام امي تقوله لخواتي حصه ومنيره سألت امي وش السالفه وما توقعت ان امي بتعطيني الصراحه قالت لي انتي وياسر متزوجين قعدت اضحك اضحك لين دمعت وتحولت ضحكاتي بكاء وصرخت : ياسر الكلب اللي ياما ظربني بسبب ومن دون سبب شلووون من دون علمي توافقوون شلوون بأي حق وانا ويني ليه ما حد بلغني اخر من يعلم انا!! وجتني بعدها كآبه وامتنعت عن الكلام فتره بس ابوي بحنانه هو وامي قدرو يرجعوووني للوضع الطبيعي بس ياويله يا سواد ليله اللي ييجيب اسمه عندي ******** فايزه مخنوقه احس اني اختنق مافي هوا وامي تخنقني وملامحها جاااده وابوي واقف بعيد عني بس نظرته كأنه راضي ابي اتنفس ابي ارتاح فجأه دخلت علي اختي فوزه الله يرحمها ومن دون كلام فكت يدين امي من رقبتي وسحبتني من يدي وهي تبتسم لي ابتسامه هاديه وحطت كفي بكف زوجها وهو تمسك فيني بقوه بسم الله الرحمن الرحيم بسم الله الرحمن الرحيم تتنفس بفزع وصدرها يهبط ويرتفع بخووووف نفثت عن يساري ثلاث وقمت توضيت وصليت الوتر ودعيت من كل قلبي ياااااارب يااارب انت اعلم بحاجتي وانت اعلم بالخير لي يااارب تهيديني للقرار السليم ياااارب تنهي لي حيرتي شهقت بدعواتي ودموعي احرقت اجفاني ****** خاله علامس من البارح ما شفناس تظاهرت بالنوم زعلانه من نفسي كيف سمحت له يستفزني كيييف وتذكرت فايزه بعد وزادت ضيقتي اليوم جت ونفسيتها جدا تعبانه وقالت لي عن قرارها نسرين لازالت بغرفتي و جلست على سريري عليا علووووش قووومي طفشانه وجايه استانس معس من تحت اللحاف قلت لها خلاص جهزي القهوه وناديني اكون انتعشت شوي بعد ربع ساعه انتعشت من ترويشه سريعه اشتقت لامي حبيبتي لبست بلوزه ورديه منقطه باسود مع تنوره سودا ورفعت شعري بشكل عفوي نزلت وبالي مع فايزه اكييد انها بلغت امها بقرارها دخلت ومثل عاااادتي توجهت لثلاجة غرفة امي الصغيره ابي اخذ ادويتها وكان بالغرفه ابوي وعليان واحد ثالث بس منزل راسه بس استوعبت منهو هربت من الغرفه وقمت اناقز من الفشيله طلع وراي عليان قلت له بعصبيه : لييييه ما نبهتي؟؟؟ لييييه ماحد علمني ان عند امي احد غريب ؟ عليان بهمس:كنت بعلمس ب ابوي قالي لا زوجها مافيها شي عليا بغضب : ماهو زوجي ماااااهو زوجي سمعت وتوجهت للمطبخ وانا متنرفزه عل الاخيير ونسرين سكتت خافت مني قلت لها شين الحلايا عند امي سكتت بعد قلت لها: كنت تدرين وماعلمتيني نسرين:دريت ياخالتي بس جدي قالي اقعدي بالمطبخ ولا تطلعين بالصاله رجال وانحبست وماقدرت اوصل لس قعدت افكر ابوي الله يسامحه يبيني ارضى بالامر الواقع معناه قريب بيقولي روحي معاه لبيته انكتم نفسي من التفكير وهالنقطه ذي بالذات ******** يالله ياعم اسمح لي ونزلت لخالتي وحبيت راسها وهربت من الغرفه ابي اطلع ابي محد يشوووف دمعتي هذي خالتي اللي كلها صحه وشباب يصير فيها كل ذا يارب يامحي العظام وهي رميم ان ترد عافية خالتي لها يارب ياارب وتغافلتني دمعه ركبت سيارتي متوجه للمستشفى امي مستعجله تبي تطلع منها وانا بعد ابي اجلس مع امي في بيتنا مثل اول ناظرت في المرايه اشوف اللي وراي وتذكرت عليا البارح امي حلفت عليها واصرت اني اوصلها ويالله وافقت قلت خليني اسلم عليها مسوي نفسي راعي واجب بس هي سفهتني وما ردت علي بصراحه انقهرت منها مشيت قبلها في الممرات ودخلت المصعد بس هي رفضت تدخل بدون عقل او تفكير سحبتها من يدها اللي مو باين منها اطراف اصابعها وقفل الباب بسرعه شهقت: يا كلب شيل يدك عني وظربتني بشنطتها على كتفي عورتني حديدة الشنطه سحبت منها الشنطه بقووه وقلت بهدووء شديد وانا ضاغط على ظروسي : طول عمرس ويدس طويله هالمره بس بعديها مره ثانيه ما اضمن لس وش بيصير عليا ونظراتها بتخترق نظراته : مامن مره ثانيه سمعت وابيك تطلقني وخلنا ننتهي من هالمهزله فتح المصعد وطلعت من دون كلام وهي تلحقني واضح جدا انها بتنفجر من الزعل من مشيتها مشيت لين وصلت سيارتي وفتحتها ودخلت وهي فتحت الباب الخلفي وجلست وصفقت الباب بقوه تغاضيت عنها مشيت وانا احاول اكوون هادي ناظرت في المرايه شفتها وشفت عيونها جميله جدا مكحوله من ربي صف رمشها سبحان اللي خلقها عدلت بجلستي وتنحنحت : غطي عيونس لا عاد تفتحين نقابس لكل من هب ودب عليا ألتفت للشباك وطنشتني ولا كأني اكلمها قلت بنرفزه : سامعتني ردت بعصبيه : سق وانت ساكت ومالك دخل ضحكت ابي انرفزها : محد له دخل الا انا زوجس ولا قلت شي يتنفذ سامعه يالله اشوف غطي عيونس سفهتني للمره الثانيه وقفت السياره بقووه خلتها تظرب في المقعد اللي امامها قالت : وجع ان شالله انتبه التفت عليها وحطيت عيني بعينها : تغطي لا انزل اغطيس بنفسي استمرت بالتطنيش فتحت الباب بنزل وعليا بسرعه غطت عيونها خافت يتجرأ ويسويها رجعت لمقعدي وانا اضحك : صدق من قال ناس ما تجي الا بالعين الحمرا اسمع حلطمه منها قلت : هااه وش تقولين عليا : امش وانت منخرس ترا طولتها وهي قصيره وصلني للبيت بسرعه مدري وش جاني ضحكت : هالحين انتي قد هذا الكلام انا ينقالي انخرس ردت عليا بحده :وينقال لك اعظم بس انا محترمه نفسي ورجاء ما ابي اتكلم ياسر بتهكم : واضح محترمه نفسس وسكت واحس الطريق طال اول ما نزلنا قابلنا عمي ابو عليان وهي نزلت مثل الصاروخ قلت له امي حلفت عليها اني ارجعها للبيت تبسم عمي : جزاك الله خير وما جبت الا حلالك استأذنت من عمي ورجعت لامي *********** جالسه تستمع لإذاعة القران وعيونها على وشك تسكر بس سمعت باب البيت يتسكر بقوه دخل احمد بقووه ومعصب : يمه ابي فلوس قالت له وين هالغيبه لك الحين اسبوع رد بحده وهو يتنافض: سمعتيني يا غبيه ابي فلوووس فلووس تدحرجت دمعتها ورجعت جلست تسمع الراديو وقالت مافي فلوس راح للمطبخ تسمع صوت قربعه رجع بعد دقايق ومعاه الزراديه واقبل عليها ومسك يده بعنف يحاول يقص اسوارتها اللي ماسكه على يدها وهي تسحب يدها وهو مثبتها بين ركبه :حرام عليك فكني ولا تاخذها اخر شي قعد لي من ذهبي كله خربطته على مزاجك صرخ فيها وشد يدها اكثر وقص الاسواره بعنف واخذها وهرب برى البيت وترك امه تبكي قهر وقل حيله ********************* دخلت امي علي : وينتس اليوم ما قعدتي معنا فايزه تجلس وتسحب معها اللحاف وتتغطى فيه : يمه انا موافقه خلاص ابتسمت امها وبنفس الوقت دمعت عينها : وربي اللي خلقني ما تندمين يا بنتي دام ارضيتيني ربي بيرضييتس وضمت فاييزه وتركتها بعد ما حست بحرارتها وذبولها :ياربي سترك علامس يا بنتي مصخنه فايزه : يمه برداانه زيديني لحاف وابي اناااااام ام فايزه خافت على بنتها لاااا قومي قوومي اوديس للمستشفى وبصعوبه بالغه وبعد عدة محاولات قدرت تقومها وتلبسها عباتها اخذهم ابو فايز وكانت تعاني من حمى شديده حطو لها مغذي ومسكن وخافض للحراره ورحعو للبيت وقبل لا تطلع غرفتها : يمه يبه انا موافقه على سند بس بشرط ما ابي أي حفله ولا حتى عزيمه وطلعت غرفتها وتركت اهلها مبسوطين بقرارها ************* قراءه ممتعه لكم وردود حلوه لي |
رد: آلا ليت الزمان يعود
6
في مركز الشرطه القديم ذا البوابات الزرقاء الباهته والبناء المتواضع في غرفة الضابط المسؤول ياسر وابو عليان يتحاورون مع الظابط ياسر : هذا اخر كلام عندي طال عمرك يطلق ولا ندفع له ولا شي انت تدري انه دافع مهر ٥ الاف !! ومسكنها طول هالسنين بخرابه غير سوء المعامله بعد فوق شينه يبي ثمن طلاقه لها!!! يهبى والله ات يطلق وهو مل يشوف الدرب تدخل ابو عليان : ان كانه بيطلع باسرع وقت ومايبي قضيته توصل للمحكمه يطلق بهدوء والا القاضي بيحكم بطلاقها وهو الخسران في الحالتين ان كانه يبينا نسحب البلاغ ضده يطلق وهذا اخر كلام الظابط : انا ببلغه واكيد انه بيشتري سمعته لانه هو اللي دخلني واسطه بينكم ياسر اهم شي ما ابي اشوف وجهه الضابط يصير خير واتجه لمكان ابو ساري بعد ساعه من المفاوضات اللي كا ن ياسر فيها هو المتحكم طلق خلف قمرا ياسر مستغرب : هالرجال كل يوم اكتشف اني ما ظلمته وانه اسوء مما تخيلت ******* اليوم ابوي مسوي عشا بسلامة خالتي قمرا اخيرا السلامه سلامتين تطلقت من خلف وطلعتها من المستشفى العشا خاص بعايلتنا خالتي طالعه من امس وهي مرابطه عند امي وطبعا الشيخ ياسر دائما متواجد نزلت بعد صلاة الصبح ابي اشوف امي وادويتها لقيت خالتي صاحيه وجالسه جنب امي تسولف عليها امي مبسوطه بوجود خالتي احس وجهها مرتاح وبعيونها الفرح :صباح الخير خالتي خالتي قمرا تلف شرشف الصلاه زين عليها وبصوت ناعس وإبتسامه من القلب : هلا صبحس الله بالرضا والسرور عطيت امي علاجها وقلت لها :يمه دقايق والفطور جاهز قالت خالتي بنبره كلها فرح و راحه :لا تعبين نفسس يا قلبي بس سوي فطور امس ياسر حبيبي قلت له مشتهيه فول وعدس وتميس بالسمن لي سنين مشتاقه لكل شي حلو تبسمت لخالتي ورحمتها بصراحه :هههه يا كثر ما بتعوضين اللي فاتس احس انس كنتي مدفونه قمرا ضحكت من قلبها : ههه أي بالله مدفونه وحبيبي ياسر اطلعني الله يخليه لي ويجمعكم على الخير اصفر وجهي وانطفت بسمتي وانسحبت من الغرفه وطلعت للمطبخ ورجعت لامي بفطورها وجبت القهوه والشاهي والحليب لخالتي وفطرت امي وخالتي تقهوت واستأذن ابوي علينا وجلست اقهويهم وخالتي تدعي لابوي وياسر اللي انهو موضوعها جا عليان وسلم علينا وتوجه لامي واخذ جرعته الصباحيه همست له : وين الريم رد علي: نايمه تعبانه بالله تفقديها عليا : وش فيها سلامتها عليان : ابد الظاهر تعب حريم عليا قلب وجهها اشارة مرور من الاحراج تركت عليان يقهوي ابوي وخالتي ورحت لريم ولقيتها نايمه استحيت وطلعت بس قبل لا اطلع نادتني الريم : عليا انا صاحيه بس مافيني اتحرك ممغوصه طيب خليس مرتاحه بجيب لس حليب بالقرفه اشربيه ونامي ريم : مشكوره ما تقصرين نزلت للمطبخ وشرشفي علي خفت ياسر ماخذ راحته بالبيت بسرعه سويت الحليب وطلعته للريم ورجعت تحت لقيت عليان وياسر بالمطبخ يحوسوون ناديت عليان بعد ما دقيت الباب طلع لي عند باب المطبخ وبهمس قلت له : ممكن تطلع انت واياه انا وسوليسترا نحط الفطور عليان بحماس : لا وبنظره لسوليسترا طلعي هذي وجه البومه وانا وولد الخاله بنفطركم اليوم حتى مواعين الفطور ياسر متبرع يغسلها ياسر بضحكه من القلب : افى انت اللي متبرع لحالك بس ولا يهمك انا بسولف عليك وانت تغسل المواعين راحت عليا وسفهته بنص كلامه ودخل عليان للمطبخ كتم ياسر وعليان قال بيغير الموضوع ناظر عليان بسوليسترا : اطلعي برى خلاص حنا بنحط الفطور طلعت برى وهي تتبسم قال عليان بمزاج رايق : يا انا علي شاهي ماصار ثقيل ودبس من كثر حلاه ياسر : تكفى فكنا من شاهيك كبدي وابيها طلع ابريق اصفر ومساكته سودا وغطاه اسود هذا الابريق للي يحبون الشاهي ويشربونه بمزاااااج بس انتبه لا تذوب مساكته ثم تلطع اصابعك تكره حياتك ضحكو وكملو تجهيز الفطور رصو صحون الفطور في صينيه خشب كبيره وسخن عليان السمنه في ركوة قهوه صغيره وشال الصينيه متجهين لغرفة ام عليان وافطرو سويه ام ياسر متغطيه بشرشف الصلاه وتاكل معاهم حنت كثييير للجمعات الحلوه ابو عليان نادى بصوت عالي : يا عليا ياااعليا تعالي جت عليا ووقفت عند الباب : هلا ابوي ابو عليان تعالي يا عيني افطري معانا عليا ردت بإحترام : معليش يا ابوي اليووم صايمه وطلعت وخلتهم يكملون فطورهم *********** تفضل يا عمي ابو فايزه يقلب الظرف بين يديه : وش هذا يا سند سند : هذا يا عمي مهر فايزه وهذا هديه عمتي ومد ظرف ثاني فيه 20 الف ريال ومد مفتاح سياره وهذا مفتاح ددسن هايلكس جديد ياعمي هديتك ابوفايزه ما عرف يعبر : ليه يا ولدي ليه الكلفه سند : فايزه تستاهل وماهي اقل من بنات الجماعه ابو فايزه يمسح دموعه : الله يرحم من عقبك يا ولدي سند : يناسبكم يا عمي نملك بكره دام مافيه حفلة زواج ونروح لبيتنا ابو فايزه : ايه يا ولدي يناسب دخلت ام فايزه ومعاها بنت سند الصغيره منال ثلاث سنوات وسلم عليها سند واخذ منها منال الصغيره وانشغل بلعب منال وابوفايزه بلغ امها بالموعد ام فايزه تهدج صوتها : الله يبارك لكم ياولدي ويجمع بينكم على الخير فايزه لمن عرفت سكتت ما علقت امها: وش فيس ليه ساكته فايزه بهدوء غريب : وش تبيني اقول يمه عادي مايفرق اليوم بكره بعد بكره كله واحد امها : تراه عطا ابوس مهرس 80 الف ريال فايزه : ماله داعي كلف على نفسه قامت فايزه بقوم ارتب ملابس العيال وشناطهم امها : لا خليهم جهزي بس اغراضس انتي العيال بيقعدون معنا اسبوع بعد فايزه تحاول تتحكم بصوتها : يمه لو سمحتي عيال فوزه قبلي ان ما راحو معي بكره لا يمكن ارو ح انا وهذا اخر كلام عندي اصلا كل هالزواج عشانهم ام فايزه : طيب طيب ياستر ما تنقربين لا عصبتي *********** ياااه وحشتوني أد الدنيا ازيك يا نسرين وازي قدتك وقدك وخالتك الأمر عليا نسرين بابتسامه : الحمد لله نورتي البيت يا سوسو والله انتي اللي اشتقنا لس سعديه : وخالك عليان اتجوز وازاي فرحو كان حلوو؟ نسرين : ايوه تزوج الحمد لله والحين ساكن مع جداني ببيتهم دخل عليهم عبد الله وسلم على زوجة ابوه سعديه : ازيك ياعبادي وازي امتحاناتك عبد الله : الحمد لله بخير فتحت شنطتها ووزعت هدايا على نسرين وعبد الله وفتحت كيس وطلعت منه حلاوه ديه عسليه دوقوها وادعولي ودي بسبوسه كمان من اللي بيحبها ألبك ( قلبك) وناظرت في بندر :اما انت يا سيدي هديتك لما نبقى وحدينا نسرين وعبد الله بإبتسامه تبادلو نظره وضحكه يحاولون يسيطرون عليها ماقدرو يسيطرون فكوها ضحك هههههههههه نسرين : لا مافيش لوحدينا مثل ما عطيتينا هدايانا قدام ابوي تعطينه هديته قدامنا سعديه بخجل وغمزه لنسرين : يا بت ما ينفعش هو لو ينفع عملتها قدامكو بس دي هديه للمتجوزين بندر بإبتسامه : بس بلا لقافه يا نسرين وناظر بسعديه :يالله فوق وريني هديتي ضحكت سعديه : ههههه حاضر يا حبيبي دلوقتي شالت شنطتها واتجهت لغرفتها مع زوجها ******** بعد العشا وفي نهاية اليوم ابوي جاني في غرفتي الصغيره دق الباب ودخل : هلا ابوي آمرني حبيبي ابو عليان : ابد يا عيني بس جيت اتطمن عليس ما اعجبني مزاجس اليوم تبسمت عليا : يا بعد قلبي ما فيني الا العافيه بس مرهقه يمكن والا المزاج الحمد لله دام انت وامي بخير فانا بالف نعمه من الله الله يديمكم لي قام ابو عليا : طيب يا حبيبتي نامي ورانا بكره جمعه قبل لا يطلع ابو عليان تجرأت عليا وقالت : ابوي طلبتك ابو عليان : عطيتس وانا ابو عليان عليا : كفو ابو عليان واخذت يد ابوها وحبتها وقالت بتصميم ابي اتطلق من ياسر ابو عليان احتدت نظرته وسكت : انا عطيتس واحسب الموضوع عندي بس ذا الموضوع بيد ياسر قربت عليا وبرجا : يا بوي تكفى ما ابيه ابو عليان حضنها وعليا انهارت باكيه : تكفى واللي يرحم والديك ما اطيقه فكني منه الله يفكك من نار جهنم ابو عليان : طيب عطيني سبب ليه عليا : اهم سبب ما وافقت عليه ماهو اختياري ابو عليان : بس اختياري انا لس حتى هو حنا اخترناس له وهو مااعترض سكتت عليا ابو عليان عموما: هو ما قال شي للحين وان تكلم بقوله عن رغبتس رفع وجهها له : ها عسى رضيتي علي عليا بإمتنان لابوها : انا اللي اطلب الرضا يا بوي وما قصرت ابوعليان : نامي هالحين وخلي امور بكره لبكره وطلع وخلاها تنفست عليا براحه اخيرا علمت ابوي برغبتي ********** عليان العصر ودا الريم لبيت امها ودخل ينام بعد العشا وكان تعبان مرهق قراء اذكاره وانسدح بينام حضن مخدة الريم وشمها بعمق انفتح الباب واصدر صرير خفيف و تفاجأ بسوليسترا تدخل عليه انتفض مثل المصعووق بس كانت تمتم بشي ماعرف وشهو وكانت ماسكه شي تنغز فيه دبابيس ومستمره بالتمتمه وقف على حيله وقال بسم الله الذي لا يضر مع اسمه شي في الارض ولا في السماء اعوذ بكلمات الله التامات من شر ماخلق قل اعوذ برب الفلق قل اعوذ برب الفلق وصار يقرا المعوذات بصوت عالي واية الكرسي وسوليسترا صارت مثل المجنونه تنتفض تصرخ بصوت عالي لا لا ااااااااا وحذفت اللي في يدها وهربت برى الغرفه طبعا سمعوها الجميع ابو عليان وعليا وخالتهم قمرا طلع عليان من الغرفه وهو يتنافض من رهبة الموقف عيون الجميع تتسائل عن اللي صاير عليان بخوف :ساحره الخدامه ساااحره داخله علي بتسحرني شهقه من عليا وتعوذ من ابو عليان ابو عليان : الخاسيه اللي يكفينا شرها قمرا : اعوذ بالله اعوذ بالله منها ومن سحرها الجميع ردد بيقين اية الكرسي حصن حصين من الله عليان :ادخلن الغرف يالله عليا خالتي واقفلو عليكم الباب دخلن ونفذن الامر دخل ابو عليان وعليان غرفه الشغاله وهم متسلحين بالاذكار غرفه صغيره بسريرها المعدني ودولابها الخشبي كانت واقفه سوليسترا بمنظر مخزي وبعيون تستشيط غضب وبهمهما وبصراخ تردد كلمات وكأنه تهدد قرب منها عليان ولطمها وسحبها بقوه ولا اهتم لها تزبد وترغي وسحبها لين باب الحوش تصار تتلوى وابو عليان يردد الايات والاذكار حمايه له ولاهل بيته وركبوها السياره وسط صراخها وقلة حياها صار تمزق بملابسها وتشد شعرها واتجهو لمركز الشرطه وقدمو بلاغ فيها ساحره عليا بعد ما شافتهم طلعو بر ى البيت فتحت المسجل فيه رقيه بسورة البقره ولازالت فيها رهبة الموقف نزلت تحت لامها وخالتها ضمتها خالتها وصارت تسمي على عليا اللي ما كانت تتصور ابدا انها في حياتها بتشوف ساحره وبتمر بموقف مثل كذا في هالاثناء ياسر سامع الاصوات طلع من بيته لقي سيارة عليان ماهي فيه وباب البيت مشرع دخل وهو تفكيره عند امه خاف تعبت والا صار لخالته شي دخل وتجه لباب الصاله ودق الباب :ياولد يا هل البيت ولا انتظر دخل ودق باب غرفة خالته طلعت له امه وصكت الباب وراها ياسر : يمه وشفيه صاير عليكم شي قمرا: الحمد لله بفضل ربي حمانا شغالتهم طلعت ساحره وقالت لياسر كل اللي صار ياسر وكيف خالتي قمرا : يا حبيبتي ما درت بشي الحمد لله وسكت وده يسأل عن عليا حست امه به :وعليا طيبه صحيح انها مفزوعه بس الحمد لله هذي هي عند امها انحرج ياسر حس انه مكشوف عند امه طيب يمه انا بجلس بالمجلس انتظر عمي وعليان وطلع *************** اصبح الصبح وكان عليان وابوه توهم يدخلون البيت تلقاهم ياسر ها عسى افتكيتو منها عليان مافيه يتكلم للحين عظامه تتنافض سجد سجود شكر على ارض الحوش البارده : الحمد لله الحمد لله ابو عليان : بنت الحرام ذبحت نفسها بغرفة الحجز ياسر انصعق : انتحرت هز ابو عليان راسه بتعب ياسر : موتت الكلب الاجرب الحمد لله اللي حفظكم طلع ابو عليان بيلحق ينام قبل صلاة الجمعه وعليان مافيه يتكلم اشر لياسر بالسلام ودخل عند امه فرش تحت سريرها ونام وقمرا وعليا ولا كلمنه طلعت عليا لغرفتها ووخالتها معها انسدحت عليا وبجنبها خالتها جافاها النوم ماهي قادره وقمرا حاسه فيها :عليا : هلا خالتي قمرا: انا عندي كلام كثيير بس بختصر لس يا بنتي ياسر وانتي تكفين . . . . بدت تتغير ملامح عليا اعتراض قمرا كملت : تكفين لا ترديني يا بنتي تكفين انا عارفه انس عايفته ويمكن تكرهينه بس يا بنتي انتي تكرهين ياسر اللي زمان تكرهين اللي كان يضربس وينكافس عليا امتلت عيونها دموع : يا خالتي ماهو اختياري ماهو بموافقتي وانتي المفروض اول وحده ترفضين هذا الارتباط انتي جربتي الغصب وجربتي نتيجته قمرا سكتت ثواني : انا يا بنتي رافضه فكرة زواجي كلها ما كان اعتراضي على ابو ساري انا اعتراضي على الزواج نفسه اما انتي ا ن شا الله بتتزوجين واعتراضس على ياسر زمان والله انه تغير ماهو ياسر الاول حتى انتي يا عليا تغيرتي تقدرين تنكرين؟ سكتت عليا وما يجاوب عنها الا دموعها قمرا: عليا حبيبتي عطي نفسس فرصه وعطي ولدي فرصه تخيليه واحد غريب وتوه متقدم وانتي بتفكرين وتستخيرين اوعديني يا قلبي عليا : طيب ياخالتي هو كلمس وطلبس تكلميني قمرا تفاجأت من سؤال عليا : بصراحه لا عليا : طيب يمكن بعد هو مايبيني ليه تجبرونا على بعض صدقيني ياخالتي الكره شعور متبادل بيننا قمرا :حنا وش اتفقنا يا عليا انتي بتعطين نفسس فرصه وتعيدين التفكير في الموضوع وانا بكلم ياسر وهو ما يرد لي طلب عليا بصرخه خفيفه : لاااا لا تكفين ياخالتي حلفتس بالله ما تنبهينه ولا تسالينه وانا اوعدس اني افكر واستخير تبسمت قمرا : طيب ابشري حبيبتي ما بكلمه وما تدرين يمكن هو يجي يكلمني قريب والحين خلينا ننام عليا : المهم انتي ما تكلمينه ابد ********* وقعت فايزه على عقد النكاح وانهارت تبكي حاولت امها تهديها : بالمبارك والله يجمع بينكم على خير ويرزقكم الذريه الصالحه ويجزاس خير الجزا يوم كفلتي عيال اختس الله يرحمها ركظت فايزه لغرفتها من اعلنت عن موافقتها وهي تحاول تكون متماسكه ضغطت كثيير على اعصابها والان وقت الانهيار شهقات متواصله مرااره جفاف حاسه انها مو قادره تسحب انفاسها دخلو عليها عيال اختها الثلاثه لابسين ومترتبين ولدين وبنت منال وماجد وفراس عشر سنوات و8سنوات ماجد يضخم صوته : خالتي ابوي يقول اذا جاهزه اطلعي فراس نظراته وتعابيره نظرات التايه محتار : خالتي انتي بتجين معنا للبيت فايزه حاولت تكون طبيعيه مسحت دموعها ومسحت على راسه : أي ياحبيبي بكون معاكم في البيت ابتسم بتردد : ابوي يقول انكم تزوجتم فايزه بغصه ك أي يا حبيبي لبست عباتها واخذت شنطة يدها وطلعت مع اولاد اختها وسلمت على امها وابوها اخذها ابوها من يدها ووصلها لعند سند الواقف في حوش البيت نزلت راسها فايزه كارهه نفسها وكارهه سند وكارهه موقفها هالحين غرقت دموعها غطا وجهها ابو فايزه برجا لسند : فايزه امانه بين ايدينك عطيتك الغاليه حطها بين عيونك سند موقفه بعد صعب اجبر نفسه على هالزواجه يبي عياله معاه ويبي زوجه ما تضر عياله ومافي افضل من خالتهم بجمود : بنتك يا عمي على راسي وفي الحفظ والصون ماجد شايل منال وفارس واقفين ويتابعون الحوار بين جدهم وابوهم اخذ سند منال من ماجد : يالله يا عمي اسمح لنا بنروح لبيتنا ابو فايزه لازال ماسك يد فايزه : حا فظكم ربي ومشى معاها لين وصلها لباب السياره جت بتركب في الخلف بس ابوها فتح لها الباب الاول بجنب سند ركبت مع عيال اختها وزوج اختها منال تفلتت من حضن ابوها تبي حضن خالتها فايزه مسكها سند وفايزه تلقفتها وتلامست ايدينهم بعفويه واخذت منال وكشت ولصقت في باب السياره وسند حرك السياره متوجهين لبيتهم ************ قراءه ممتعه لكم وردود حلوه |
رد: آلا ليت الزمان يعود
السلام عليكم ورحمة الله وبركاته
صبحكم الله بالخيرات والبركات وجعل الله عامنا هذا عام نصره للاسلام والمسلمين اللهم عليك بأعدائك اعداء الدين فإنهم لا يعجزونك اللهم احصهم عددا واقتلهم بددا ولا تغادر منهم احد اللهم انهم لا يعجزونك فأرنا فيهم عجائب قدرتك انت الناصر فلا ناصر لهم سواك اللهم انصر اهلنا في سوريا وفلسطين والعراق وفي جميع بلاد المسلمين اللهم انصرهم نصرا مؤزرا . . . . . لا تلهيكم سطوري عن الصلاه 7 فيلا صغيره من دور ارضي وحديقه صغيره مبنيه من حجر الرياض وقف سند امام الفيلا ونزل من السياره ونزل الشنط سند "فتحت الباب ودخلت والعيال وراي وفايزه تتبعنا وهي شايله منال قلت لها تفضلي البيت بيتس دخلت بهدووء قلت : بطلع اجيب الشنط من الحوش وطلعت واخذت وقتي كله ابيها ما تتضايق من وجودي دخلت البيت ومعي شنط الاولاد نزلتها بغرفتهم طلعت للصاله لقيتها واقفه ولازالت شايله منوله وبعباتها وغطاها قلت لها :خذي راحتس بصوت مخنوق ردت علي: شكرا وتوجهت مع العيال لغرفتهم وانا طلعت بر البيت طلعت رحت للدكان باول الحاره اخذت خبز وبعض الاغراض ورجعت للبيت بس رجلي ما طاوعتني انزل قعدت بالسياره ******* بيت اختي كل شي فيه جديد ومتغير مأثث البيت اثاث جديد بس احس ان ريحتها فيه روحها موجوده لمساتها انفاسها حتى تهيأ لي اني اسمع صوتها تعوذت من الشيطان و نزلت عباتي وخليت طرحتي علي تحجبت زين حتى منابت الشعر ما بانت كنت لابسه تنوره سودا واسعه وقميص اسود واسع باكمام طويله جلست مع عيال فوزه الله يرحمها في غرفتهم الصغيره دولاب كبير مع سريرين خشب غرفتهم جديده باكياسها المراتب فتحت الدولاب لقيت اللحف الجديده بديت احضر سراير الصغار وماجد يساعدني و منوله فراس يلعبها بدت تبكي وتصيح منول : ننااا ننااا جوعانه تبي رضاعتها شلتها واخذت شنطتها اللي فيها الحليب ناديت ماجد: تعال حبيبي امسك اختك خليني اسوي لها رضاعه توجهت للمطبخ ونفسي ضاق مطبخ فوزه هو هو ما تغير بدواليبه الخشبيه وارضيته البيضا : الله يرحمس يا فوزه سويت الرضاعه لمنول واخذتها من ماجد ورجعنا لغرفة اخوانها جاني فراس وضمني بقوه وبنظرة برائه وطفوله : انا احبس يا خالتي اكثر شي دمعت عيني من مشاعره الصادقه الاطفال لا يمكن يجامل او يزيف مشاعره : وانا بعد احبك يا حبيبي و يله يا بطل غير بيجاما و تعال تنام :ماجد يا قلبي قبل لا تنام غيرر ملابسك شفها طلعتها لك من الشنطه ماجد : طيب وهو نايم اصلا بعد مانامو العيال كلن بسريره احترت وين انام انا ومنوله فرشت بالارض لحاف خفيف ونومت منوله ودفيتها زين بدى الجو يبرد وغيرت ملابسي بقميص واسع طلعت شرشف صلاتي وتلحفت فيه ونمت ******** مضى الوقت وانا قاعد بالسياره دخلت الصاله وهدووء شديد في البيت شكلها نامت هي والعيال طفيت الانوار وجلست في الصاله مافيني ادخل غرفتي تمددت على الجلسه الارضيه قمت افكر بفايزه وحالنا سويه انا اكيد انها مو من خاطرها وافقت عالزواج مني مثل ما أنا مو من خاطري هالزواج بس عيالي هم اهم شي اشتقت لوجودهم حولي ذاتا منوله شبيهة امها غطيت عيوني بذراعي ونمت حول ساعتين ووعيت على بكا منول في غرفة العيال قمت ودقيت الباب وفتحت الباب تفاجأت فيني فايزه مسكينه بسرعه اخذت شرشفها ولفت فيها شعرها اخذت منول ومن دون ما اناظر فايزه :منول منولل ها بابا ليه ليه تبكين منوله بابا منوله زاد بكاها وما تجاوبت معي قالت فايزه : دقيقه بسوي لها رضاعه الحين وطلعت رايحه للمطبخ لحقتها للصاله وانا شايل منال حتى ما تصحي اخوانها استمرت منول بالبكا وما مسكت الرضاعه ابد تصيح بشكل متواصل قالت فايزه :يمكن مسخنه او اذنها تعورها قلت :يمكن ولمست جبينها ما كان عليها حراره غابت فايزه دقايق في غرفة العيال ورجعت جايبه خافض ومسكن للحراره :ممكن تمسكها لي بعطيها هالعلاج يمكن ترتاح حضنت منول في حجري وانا جالس وجلست فايزه مقابلي وصبت كميه من العلاج في ملعقه صغيره وشربتها منول واخذتها مني وشالتها قالت وهي متوجهه للغرفه : هالحين ان شالله بتسكت وتنام دخلت وراها الغرفه قمت اناظرها وهي تهد هد منوله وبنتي تصيح عيونها حمر وشفايفها ورمت من البكا وفايزه تطبطب عليها بحنيه : بس ماما بس حبيبتي شفت فراش فايزه بين سرير ماجد وفراس سألتها :ليه نمتي هنا؟ وكملت : فيه غرفه لمنال تعالي شوفيها وما انتظرتها طلعت برى الغرفه وتوجهت لغرفة منال فتحت الانوار والتفت لقيتها واقفه وراي : تفضلي هذي غرفة منال كانت غرفه صغيره مأثثه لشخص كبير سرير ودولاب وتسريحه باللون الابيض والموكيت باللون العشبي المنقط باللون البني قلت : المفرش واللحاف بالدولاب و أي شي تحتاجونه انتي والعيال قولي لي وانا اجيبه وان شاءلله كلها كم يوم والشغاله بتكون فيه ناظرت منال بين ايدينها نايمه تبسمت بتعب : حبيبة ابوها نامت يالله اخليكم ترتاحون وطلعت وتركتهم وتوجهت لغرفتي ******** بس طلع من الغرفه نزلت للارض ومنول بحضني جلست ابكي واصيح يالله تصبرني يالله تصبرني والله من اصعب اللحظات علي مدني بالقوه ياربي اول ليله وكذا صعوبتها ****** رحت لبيت انسباي ولقيت عمي ابو حمد وحمد وعلمتهم بسالفة الشغاله واللي صار معنا تفاعلو معي وتحمدو لي بالسلامه حمد : الحمدلله اللي الريم كانت هنا والا سوت لك فيلم هندي اصبر بالله خليني انا اعلمها دخلت عليهم الريم كاشخه اخر شي لابسه فستان بني ناعم وفاكه شعرها ومنزله غرتها بطريقه حلوه وداعجه العيون كحل عربي والروج احمر عليان شتت نظراته مايبي يناظرها حاس ان حمد يراقبهم و استحى من عمه تقدمت الريم لين وصلت عند عليان وقام لها صافحته خجلانه من ابوها واخوها عيونها على كل شي الا عليان وحمد الخبيث يراقبها جلست بين ابوها وعليان قال حمد وابتسامه تشفي بالريم : قولي لعليان الحمد لله على السلامه رفعت الريم نظراتها خايفه على عليان وبلهفه وخوف : وش فيك !!!! ناظرت بحمد وسألت :وشفيه ؟ انحرج عليان وحمرت خدوده وبدى يتصبب عرق حمد واصل كلامه : ربي نجاه خدامتهم دخلت عليه الغرفه بتسحره شهقت الريم بخوف على عليان : وش صدق عليان ؟؟ صار عليك شي ؟؟ قربت منه من دون وعي وهي تتحسس كتوفه وصدره عليان محرج وده يحضنها يطمنها بس خجلان : الحمد لله الريم ترا ما صار شي الحمد لله ربي حفظنا صارت الريم تبكي من كل قلبها خايفه عليه يكون تضرر او تأثر :بسم الله عليك بسم الله عليك حمد يتفرج وما قدر يسكت وبضحكه : هههههه اقول خذ مرتك للبيت يالله وتوكلو على الله ابو حمد : هههه بس يا حمد الله يقطع شرك ما تجوز من سوالفك الريم تفشلت من ابوها واخوها طلعت وهي حمرا من خجلها قبل لا تطلع عليان يعدل صوته : انتظرس بالسياره ورااح عند حمد وقال : ياخي احرجتنا راعي اننا تونا معاريس حمد فكها ضحك : هههههههه الله يهنيكم يا خوي طلعت برى للسياره وبعدها لحقتني الريم واول ما دخلت السياره اخذت يدها وبستها بقووه : والله اني طيب يا قلبي لا تخافين شفتي فضل الاذكار الريم بصوت باكي : الحمد لله على سلامك يا قلبي شبكت ايدها بايدي و قلت لها : شرايس نطلع نقعد في مكان لحالنا قالت : طيب حبيبي :خلاص ناخذ عصير وسندويشات ونروح للبر قالت : طيب واخذنا عصير وسندويشات ورحنا للبر فرشنا فرشتنا الصغيره وجلسنا تحت ضو القمر وتكلمنا وحكينا عن كل شي وفي كل شي كل يوم يزيد اعجابي بالريم الله لا يغير علينا **************** جالس مع امي :يمه اسمحي لي بكره ماشي على جده انا الحين تارك وراي الشغل ومارضو يعطوني اجازه اضبط اموري وارجع لس يمه دمعت عينها وحاولت تداريها : لا تبطي علي انا ما اطيق بعدك ذاتا بعد مارجعت لي مسحت دموعها وحضنتها بذراعي : يمه شرايس تجين معي قمرا : لا رح انت الله يسهلك وش يوديني عن الحجز ضحك ياسر : ايش بهم الحجز ياأمي قمرا :بسلامتهم بس ما اعرف لكلامهم ياسر : احلى كلام والله بس تتعودين عليه يالله تعالي معي بتنبسطين عليهم قمرا: لا يا حبيبي خلني هنيا عند اختي وعيالها وانت ارجع بسرعه مو تروح وتقول عدو لي تبسمت اطمنها :لا تخافين يا غاليه بإذن الله راجع قمرا : ومتى بتمشي ان شالله ياسر : بكره الفجر ان شالله الليله بودع عمي ابو عليان والعيال بيجتمعون عند عمي بمجلسه وقام : اصلاً يمديهم هناك الحين يالله اجيس الصبح ان شالله اسلم عليس وتنحنح وطلع ******** جالسين في مجلس ابو عليان ينتظرون ابو عليان والشباب عليان وياسر جالسين تحت الشباك وفاتحينه حتى تدخل نسايم الليل البارده قال بندر لبدر : اقولك ما تدري اذا ياسر بيطلق عليا بدر بضيق : وانت للحين هالفكره معشعشه بعقلك يا خي استح الحرمه بذمة رجال وهالرجال ولد عمك بندر :ياخي ابيها من شفتها وهي في بالي بدر متقزز من تفكير بندر: اخص عليك والله يا بندر ان ماشلت هالفكره من راسك وتعوذت من الشيطان ما تلوم الا نفسك بندر فقد اعصابه وبدى ينسى هو وين وصوته يعلى : احبها يا خي افهم احب عليا ومن تتطلق من ياسر باخذها عليا لي وانا لها بدر : ياخي انت اللي افهم اللي قاعد تسويه ما يجوووز مايجوز و اسكت لاحد يسمع اسكت خسك الله وخاف الله انت في بيت ابوها وقمت ابطلع خنقني بندر بتفكيره وبرى المجلس لقيت يا سر برى واقف قلت بإرتباك كأني انا المذنب : هلا ياسر حياك اقلط تبسم وقال الله يحيك ناظرت وجهه اشوف فيه لو سمع شي من الكلام الخطير الي قاله بندر بس ما شفت عليه أي تعبير ممكن يقول انه سمع ودخلنا عند بندر اللي رحب ببرود بياسر ودارت سوالف عاديه عاااديه جدا لين حضر عمي وبعده عليان واجتمعو العيال عادل وعبد الله لعبنا بلوت وتعشينا من يدين ام عادل وعلى الساعه 11 بلغنا انه مسافر بكره راجع لجده واعتذر منا لانه لازم يروح ينام بدري سلمنا عليه ما ندري نقابله والا بيمشي قبل الصلاه وانتهت هالليله بعد ما حاسني بندر بكلامه وخوفي من ياسر سمعه *********** من سنين وعليا ما تشكل لي ولا شي مجرد بنت ملقوفه مزعجه تدبست بزواجها وحنا صغار اكثر ذكرياتي معها ظرب وسب مدري ليه ماكنت احبها الاكيد اني نسيتها تماما بمجرد ما طلعت زعلان من الديره رجوعي هنا كان بسبب انهاء وضع امي المهين لها جيت بس ابي ارجع امي وارجع اكون ولدها البار ما فكرت للحظه بعليا واني مطالب بإتمام زواجنا لاني ناسيها ناسي انها زوجتي عمي ابو عليان ما جاب لي نهائيا أي سيره عن هذا الموضوع وامي كانت تلمح بس لها كم يوم سكتت تماما بكل صراحه انصدمت من عليا اول مره شفتها تغيرت كثير وتبسمت تغيرت واحلوت بس لازالت هي عليا ام لسان سليط والظاهر لولا العيب كانت بعد يدها طويله بالظرب ضحكت تذكرت يوم تخبطني بشنطتها وحنا بالمصعد ههههههه ما في فايده عليا هي عليا بس والله ما تفرح فيها يا بندر عليا زوجتي وانا ما اتنازل بسهوله *********** ازيك يا بت يا عليا وازاي الست الحجه عليا بفرحه لشوفة سعديه : اهلا اهلا يا بت يا سعديه دا انتي نورتي الحته سعديه بضحكه : هههههه منوره بيكي يا ألبي (قلبي ) ومدت لعليا صحن دائري مغطى بتغليف ورق مشرب بالدهن ومربوط بفيونكه بلاستيكه : تفضلي بسبوسه مصريه من اللي بيحبها ألبك عليا : اللــه تسلم يدس وكثر الله خيرس دخلت الريم وهي تتسائل من هذي بنظراتها عليا : تعالي الريم شوفي اطيب قلب سعديه زوجة بندر ولد عمي وسلفة منيره قامت سعديه وضمت الريم : اهلا اهلا بعروستنا الكتكوته ماشاء الله ماشاء الله ايه القمال ده كلوه كاان منظر يضحك الريم نحيفه قصيره او مربوعة الطول بعكس سعديه اللي كانت طويله جدا وعريضه لكن مو سمينه متناسقه سبحان الله جميله جدا بشره بيضا وعيون عسليه جدا وشعر اشقر غامق اجعد لكنها تتفنن في استشواره ولفه بطريقه انيقه دائما انيقه ببساطه كانت لابسه تنوره جينز سودا مع قميص ابيض حرير مزينته بوشاح حرير ملون بالوان الطيف وتلبس معاه حلق ذهب صغير بفص لولي حبتها الريم جدا الجلسه مع سعديه ممتعه قالت لها الريم : سعديه ممكن اعرف كيف تزوجتي ابو عبد الله ضحكت سعديه بانبساط : ههههه اتقوزته زي ماكل الناس بتتقوز منيره بضحكه وهي داخله عليهم بصينية القهوه وصحون البسبوسه المصريه : هههههه قولي يختي لازم هالمقدمات سعديه : امال ايه دي حكايتنا حكايه ياستي هي الحكايه ابتدت من تقريبا خمس سنين اصل انا كنت بشتغل ممرضه في المستشفى وفي يوم كنت هلكانه من التعب وكان نهاية الدوام كنت في قسم الطوارئ انتظر الوقت يمشي دخل علينا واحد طويل واهبل وهوو بيجري وشايل ابنه في ايده كان ابنه بينزف دم كتيير اوي قلت لو : هاتو هنا وانا بأشر على السرير ايه مالو وباشرت اسعافه وقفت النزف وانا بشتغل ابنه كان بيسرخ شخط لي وقال : بشويش عالواد ضحكت الريم وعليا ونسرين ومنيره قالت ايييوه اكييد حبيتيه من شخطته ضحكت سعديه :حبك برص احب فيه ايه حد يحب حد بيشخظ فيه لسه ما حبيتهوش وقتيها وكملت حكايتها :رفعت ايدي وقلت له لو سمحت سيبني اعمل شغلي ابنك طبيعي حيسرخ ويتألم ورجعت اكمل خياطة الجرح عبادي سررخ قاامد وابووه سي بندر ما تحملش قام ومسك ايدي عاوز يمنعني اديته نظره : ايه اللي عملتو ده ازاي تمسك ايدي هو يا عيني ماكانش واخذ بالو من اللي عملو سحب ايدو وقال لي : ما تعوريش الواد قمت رديت عليه : ما تجي تكمل احسن يا حضرة ممكن تسيبني اعمل شغلي كملت خياطة الجرح والواد يا عيني بيعيط وابوه ماقدرش يستحمل وقال ما ابي حرمه تعالج ولدي ابي دكتور وكانت تقلد صوت بندر ولهجته فكن البنيات ضحك عليها خلصت شغلي وضمدت الجرح وهو لسه بيدور على دكتور راجل يكمل شغلي بس اييييه ربي خد حقي منو دخل علينا الطبيب را جيف الهندي وتكلمت معاه وهو طمن سي بندر اني احسن ممرضه وان خياطة الجرح ممتازه انتهى شغلي وخرجت مع اخويا ونسيته تماما بعد يومين رجع مراجعه مع ابنو عبادي ولما شافنيي تبسم واعتذر وقتها اخويا كان موجود ولما شافو جه جنبي وسألني فيه ايه يا سعديه قلت له الموضوع وتعرف عليه بندر و تصاحبو وبعديها بفتره طلب بندر ايدي من اخويا وانا كنت رافضه خالص ما تخيلتش اني اتجوز سعودي بس تقولي ايه القسمه والنصيب يختي ************* صليت الفجر وطلعت انا وعمي ابو عليان قلت له يا عم ا ن شا الله لا رجعت ابي اتمم موضوع زواجي انا وعليا تبسم عمي وقال : يصير خير الحين انت روح وارجع لنا بالسلامه وانا بكلم البنت وارد لك الخبر طلعت من عند عمي وسلمت على امي وهمست لها : يمه توسطي لي عند بنت اختس لا رجعت ابي اتزوج *************** قراءه ممتعه لكم وردود وتقيييم حلو لي |
رد: آلا ليت الزمان يعود
السلام عليكم
لا تلهيكم حروفي عن الصلاه وتذكير بصيام يوم عاشورا يا أحبه 8 كنت سهران وضايق صدري تذكرت ان بدر زعلان مني بس والله ماهو بكيفي انا من شفتها وانا متغير حتى انا ناقد على نفسي هذي اختي الصغيره المفروض اني ما افكر فيها وهي على ذمة ياسر اعوذ بالله من ابليس اللي زينها بعيني صورها حصه قدامي كأنها اختها الله يرحمها من ذيك الليله وانا اتصيدها ودي بشوفتها من توفت حصه الله يرحمها وانا اتمنى اتحلم فيها والا يجيني طيفها او اتخيلها بس ماش كل مالها وطيوفها تختفي وملامحها تصير ضبابيه وشفت عليا بذيك الليله والله بغى يوقف قلبي احسبنها حصه وانها ما ماتت مسحت وجهي وتجددت الذكرى الاليمه تذكرت ليلة الحادث اللي توفت فيه حصه وتعبت فيه عمتي الله يشفيها كنا راجعين من العمره اخذت حصه وعمتي وانتهينا من عمرتنا و اخذنا عشا ووقفنا بطرف جبل من جبال مكه بجنب الطريق بين مكه والطايف وتعشينا وسولفنا كانت جلستنا كلها ضحك بعد العمره حسيت بصفاء وراحه نفسيه وحصه بعد كانت تقول :احس اني خفيفه وان تعب العمره تعب حلو يا عسى ربي يتقبلها وعمتي ام عليان مسكينه كانت مرره تعبانه من رجولها جلست اهمز رجولها وهي مستحيه مني قلت لها : يا عمه تراني ولدس تستحين من ولدس جلسنا ساعه بمكاننا مسترخين ونشرب شاهي اللي سويناه بمعاميلنا اللي ما تنزل من سيارتي كنت جالس مقابل حصه وعمتي هن معطيات الطريق ظهورهن وانا عيني على سيارتنا وفجأه قدر الله تنحرف شاحنه كبيره ويفقد السيطره عليها السواق بثواني ثواني كنت اصرخ بحصه وعمتي واسحبهن معي ابيهن يتفادن الشاحنه اللي بسرعه كبيره تتجه لنا وبعدها ما اذكر الا اني فقت بالمستشفى قمت وانا ثاير ابي اشو ف حصه اخر عهدي فيها يوم اسحبها معي قعدت انادي انادي بس محد رد علي شوي دخل علي واحد بثوب وشماغ وقالي :اخ بندر قلت له : نعم انا بند ر وبرجا حار : تكفى ياخوك صار علي حادث وزوجتي معي وامها وش صار فيهم تكفى ابي اشوفهم سكت وعيونه تتهرب من عيوني تنحنح وحاول يستجمع نفسه وقال : وحده من الحريم اللي معك توفت الله يرحمها والثانيه بالعنايه هالحين تحت رحمة ربي قلت وانا متشنج وودي اقوم بس رجولي توني انتبه لها مجبسه : تكفى منهي اللي بالعنايه قالي : يا خوي والله مدري عندك احد اناديه لك قلت له: ايه لازم ابلغ اخوي قالي : خلاص عطني رقمه وانا اكلمه وفعلا صار وبعدها نمت وانا ادعي ان حصه هي اللي بالعنايه ياربي لا تفجعني فيها قمت من النوم على صوت همس عندي فتحت عيوني وشفت بدر وعمي ابو عليان بدر متلطم بشماغه وعمي وجهه منصفق قرب مني عمي ومن شفته همست بصوت مبحوح :عمي بشرني عن حصه سكت عمي ودمعن عيونه واحمر وجهه وبدت شفايفه تهتز يحاول يتماسك بس ما قدر نزلي وحضني بقوه وقال وهو يبكي : الله يرحمها يا بوك الله يرحمها وتمسكت بعمي ماني مصدق اهز راسي رافض رافض اني اصدق راحت الحبيبه راحت رااااااحت حصه **************** في غرفتي جالسه اذاكر لماجد وفراس يلاعب منوله فارشين الكتب بالارض ماجد مركز معي اشرح له مسألة رياضيات سمعنا جرس البيت راح ماجد يفتح الباب وقفت بالصاله اشوف من جاينا وانا شايله منوله دخلت امي علينا وشايله اكياس واكياس هدايا والعاب للعيال استقبلتها وسلمت علي جلسنا في لصاله امي تسأل وش اخباركم وانا ارد عليها الحمد لله امي : أي وبعد وش اخباركم قلت لها: يمه طيبين لا تفكرين وتحاتين ناظرتني امي بتأمل كنت لافه شعري الطويل كعكه وغرتي مثبتتها بمشابك ولابسه قميص طويل سماوي فاتح بأكمام طويله قالت بهمس: كيف سند معاس عقدت جبيني وقلت لها : سند معي ؟؟ شقصدس يمه ؟؟ تكفين يمه خلينا بحالنا الرجال ما قصر وانا اكثر من كذا رجاءً لا احد يطلب . بغيتيني مع عيال فوزه هذاني معاهم وفي بيتهم وبس بــــــــــــــس يمه اعرف امي اذا ما عجبها الكلام وهالحين اكييييد ما عجبها ابد امي نادت العيال ووزعت عليهم حلويات والعاب تصدد عني ادري اني زعلتها وانها تغالب دموعها بس والله هذي مقدرتي ما اقدر اضغط على نفسي اكثر رحت جبت القهوه وجلست مع امي بحاول اخذ بخاطر امي وما اطلعها من عندي زعلانه ************ بدا الجد وبدت الفوضى الشيخ ياسر كلم ابوي يبيني اتزوجه يبي عروسته اللي انجبر ياخذها وهو صغير واكيد انه مجبور بياخذني عشان ما يكسر خاطر امه وابوي بس انا ويني من قراره ابوي جاني مبسوط مع انه يحاول يدس عني فرحته بس انا اعرفك يا ابوي من عويناتك قلت له انا بفكر بس محد يجبرني عليه وتذكر يابوي اني طلبتك تطلقني منه بس انت موت السالفه وقتها وانا برجع احييها يا بوي مااا ابيه ما ابيه تغيرت ملامح ابوي عصب بس تعوذ من الشيطان ونزل شماغه وحرك طاقيته لورا وصار يمسد راسه :شوفي يا عليا لا تتسرعين استخيري وخذي وقتس هو الحين سافر والله اعلم متى يجي قلت بقهر وبحده :قصدك هج هذا وجهي ان رجع مره ثانيه بيغيب سنين وانتو بتسامحونه مثل اول مره ابوي ساكت مارد علي عرفت بوجهه الزعل قام وخلاني وانا جلست اصيح اول مره ارفع صوتي على ابوي بس والله مقهوره التزمت غرفتي باقي اليوم بس ما اقدر اترك كل شي وانسحب امي هي الزم ما علي بعد ما صليت العشا نزلت عند امي ولقيت عندها ام احمد وخالتي ومنيره دخلت وبوزي عشره شبر مالي خلق اتكلم او اسمع أي صوت يالله سلمت عليهم و حبيت راس امي وتفقدتها وتفقدت حاجتها وجلست مثل التمثال عند رجول امي حاولت منيره تستفرد فيني : ياساتر ليه هالبوز يختي استحي على وجهس وجاملي خالتس وام احمد ما فيني والله اتكلم وارد عليها غير اني حاسه بغصة قهر وخوف انا ابي امي ما ابي اتركها كل هالسنين وهو مختفي وغايب وكنت بيني وبين نفسي اقول واسأل لو رجع ياسر وش بتسوين ؟؟ كنت ارد على نفسي بدون تفكير اكيد اني بطلب الطلاق انا لايمكن اتزوج واحد مثل ياسر واليوم سألت نفسي وش بتسوين اختلفت اجابتي لنفسي ترددت وهذا اول تغييير انا من كلمتني خالتي وخلتني استخير وانا تعبانه انا كارهه ياسر كارهته ما ابيه بنفس الوقت ابوي يبيه وخالتي ماودي اكسر فرحتها ورجاها لي وانا في جزء مني مرتاح او نقول بديت افكر جديا بإتمام الزواج بس ارجع واقول لا خليه يولي امي اولى فيني اصلاً انا رفضي اغلبه عشان ما ابي اترك امي وهو الله يرزقه اللي تسعده انا ما ابيه ما ابييه ********************* تقابلت انا وسلطان بالليل انا من العصر ادور على شقه عشان اجهزها اسكن فيها انا وعليا جبت عشا من برى وتعشيت انا وسلطان وسألني : ما شفت ولا شقه تعجبك رديت عليه : لا بصراحه ابي شي قريب من العمل واللي لقيته كله بعيد سلطان : طيب جاك رد من عمك تنهدت : بصراحه ما سألته ولا ابي اسأله انا سويت هالخطوه لانها متوقعه مني امي وعمي واكيد هي بعد كانو ينتظرون مني هالشي وبكذا اكون سويت اللي على سلطان حط عيونه بعيون ياسر : طيب افرض انها رفضت وما تبي تكمل وتمم كلام مضى عليه 18 سنه قلت بعدم اهتمام مصطنع : عادي مع السلامه والقلب داعي لها شف يا سلطان انا متزوج متزوج ان شالله ان كانت بنت عمي خير على خير ما حصل بيننا نصيب يامكثر البنات في البيوت سكت عني سلطان وانا قعدت اقلب كلامي بيني وبين نفسي لقيت نفسي رافض فكرة الطلاق نهائيا مستحيل يا عليا ان شالله إنا لبعض و ياليت ما تعقدين امورنا **************************** اسبوع مضى دخلت للبيت وتراكظو علي الاولاد ضميتهم بحب يا حلو بيتي فيكم يا عيالي احييتوه بعد ما ماتت فيه الحياه عقب امكم الله يرحمها قال ماجد : جدي وجدتي عندنا تبسمت و قلت : الله يحييهم دخلت للصاله لقيت عمي وعمتي جالسين ومنوله بحضن جدها سلمت عليهم وجلست بعد السلام والسؤال عن الاحوال سكتنا شوي عمي نادى فايزه بس ما ردت عليه رجع ناداها مره ثانيه طلعت لنا من المطبخ وعيونها حمرا باين انها باكيه مو بس باكيه الا متنكده من البكا قالت بصوت مكتوم: نعم يبه قال ابو فهد : تعالي اجلسي وشوفي زوجس كان يبي شي قلت و انا اخذ منول لحضني : تعالي اجلسي ما ابي شي قامت عمتي بتقهويني لكن فايزه اخذت منها الدله وصبت لي فنجال ومدته لي وضلت لثواني ماده يدها مدري وش اوصف احساسي غصب عني عيني تغض بصرها غصب عني ما اقدر اشوفها احس انها لازالت اخت زوجتي المحرمه علي اخذت الفنجال منها بعد ما قالت عمتي : تقهو ابو ماجد شربته كله مره وحده حار يلطع حسيته حرق لساني وغطيته بكفي وقلت : بس هي جالسه جنب امها وانا جنب عمي عمي وعمتي حاولو يدخلوني جوهم وسوالفهم عمتي همست بإذن فايزه شي وقامت فايزه عمتي وعمي كملو كلامهم ومنوله نايمه بحضني قمت ووديتها على سريرها ومريت المطبخ الا فايزه تجهز العشا قلت لها وبعد ما سمعت نشيجها : وش صاير فايزه في شي نزلت راسها : لا مافي شي لا تهتم قلت لها : طيب ليه الدموع امنتس بالله يا اختي لا تبكين انا قلت لها هالكلام ارتفع صوت نشيجها وصار بكا وغطت وجهها بيدينها مدري وش صار بس ما قدرت اقعد اكثر واسمعها تبكي طلعت للصاله وجلست جنب عمي وناديت ماجد همست له: رح لخاله ساعدها قالت عمتي : ابو ماجد قلت لها هلا يا عمه قالت : عساك مرتاح مع فايزه تبسمت لعمتي وقلت : الحمد لله قالت برجا وعين دامعه : الله يعافيك ويخليك لعيالك استحملها ترا ها المدلـله قلت : تعلميني يا عمه على يدي وشوف عيني ولا يهمس من ناحيتي ارقدي وامني فايزه فوق راسي وما اطلع من جزاها دخلت علينا ومدت السفره ونزلت العشا وجلست معانا بس ما مدت يدها ابد ماسكه لها خبزه وتنتف فيها اسمع عمتي تقولها : ليه ما تاكلين ردت بهمس لعمتي : ما ابي قال عمي : كلي يافايزه احسها بتنفجر قطعه خبزه صغيره جدا واكلتها وقامت : الحمدلله شبعت واتجهت لغرفة منوله ناداها عمي وبحده : فايزه رجعت وهي تحاول ما تبكي تقاوم لين قالها عمي : انتي وش فيس هااه قالبه وجهس علينا وعلى زوجس ترا ان ما تعدلتي لا تشوفين شين ما شفتيه ابد قلت بهدوء: عمي انا ما اشتكيت وفايزه ماسوت شي خلها براحتها اكيد ماهي جوعانه صاحت منال وهي في غرفتها قلت لها : روحي شوفيها ودخلت فايزه وانا احب راس عمي واقوله : اهدا يا عمي اهدا ولا تلومها ترا حالتها ووضعها صعب عليها انا وانارجال صعب علي هالوضع خلوها لا احد يكلمها وربي بيصلح الحال قال عمي: انا متفشلن منك يا سند قلت : لا تفشل ولا شي بالعكس ارفع راسك ياعم ربيت واحسنت التربيه والله فايزه تنشرى بالغالي والنفيس وانا الحظيظ يوم وافقت تاخذني بس ارجوك ياعمي خلوها وتراني مرتاح وهي بعد سكت عمي وقال : يا ولد ي دامكم متراضين ما نقدر نقول شي وقام وقال يالله يأم فهد تصبحون على خير *************** رحت لابوي ابي استسمح منه واعتذر وبنفس الوقت ابلغه عن قراري حبيت راس ابوي : تكفى يا ابوي سامحني واعذرني ساكت ابوي مارد علي بس بعيونه عتب علي قلت وانا ابكي يا ابوي والله ما اتحمل نظرتك تكفى سامحني قعدت اشاهم واحس بكاي قطع قلبي أليم ان يكون ابوك زعلان منك وحتى عتب ما يعاتبك ولا يشره عليك قال ابوي بعد ما رحم حالي : انتي ظنس انا ارخصتس يا عليا ابد والله ياسر انا اضمنه ماهو الرجال اللي يتفوت بس انتي مالس الا اللي براسس ناظرني وقال بحزم هالحين تعطيني اخر كلام قلت بصوت مكتوم عارفه انه بيزيد زعله مني : سامحني يا بوي ما ابيه ما قدر اوافق قام وهو عاقد جبينه نفض شماغه ولبسه وقال : يصير خير قمت عند امي وانا اكتم بكاي عنها بس ما قدرت انفجرت ورميت نفسي بحضن امي :يمه يماااااه حسيت احد يمسح على ظهري رفعت نفسي لمن شفت خالتي قمرا : بسم الله عليس يا قلبي وش فيس بكيت وهي تحضني حضنتها بقوه وهي تسمي وتقرا علي : اهدي يا قلبي اهدي يا حبيبتي كل شي بهالدنيا يهون وهمست: بس بكا شوفي خوفتي امس ناظرت على امي وعيونها علي وتبكي مسحت دموعي بقووه وقلت لامي وانا احب يدينها يمه تكفين الا دموعسس تكفييييين انا اتدلع عليس مافيني شي وحاولت اهدا عشان اريح امي حبيبتي ************* تو انهيت مكالمتي مع عمي ابو عليان بلغني فيها برفض عليا عمي يالله نطقها حسيته متفشل مني طمنته وقلت انا اصلا متوقع انها بترفض بس اسمح لي ياعمي انا ابي اسمع رفضها لي بنفسي واسبابها عمي ما استوعب بسرعه طلبي : هااه شلون تبي تكلمها بالتلفون يعني ؟!؟!؟ قلت :لا ياعمي انا ان شاء الله خلال اسبوع بحاول اجي واذا جيت ابيها تقولي اسبابها انا يا عمي شاري بنت عمي وما افرط فيها ابد أنبسط عمي من جوابي : على خير يا ولدي والله يصلح الحال قلت لعمي : ياعمي لا تقول شي لاني مدري عن جيتي هي اكيده او لا انهيت المكالمه مع عمي وانا اقول بنفسي اجل رفضتي يا عليا هين يابنت العم نشوف كلام مين بيمشي قراءه ممتعه لكم وردود حلوه لي |
رد: آلا ليت الزمان يعود
السلام عليكم يا حبايب
ادري تأخرت عليكم بس والله مامر علي جزء بصعوبته اتمنى ان يعجبكم بس اول ابيكم تقرون مشاعر بندر ترجمت احاسيسه الرائعه اراده ابدعتي ماشاء الله تبارك الرحمن ذاك المساء لم يكن كأي مساء وتلك الذكرى بقيت تطاردني هل قُدِّر لي أن أُحرَم رؤية طيفها ولو حلماً لأراها متجسدة أمامي على هيئة بشر بحثت عنك طويلاً في وجوه الخلق مجتمعه لكنني لم أجدك حينما رحلوا أطيافك رحلت قبل أن تودعني كأنني لم أعشْ يوماً كما فعلوا فقدتك فجأةً عليك وا لهفي هل ما يقولون حقٌّ أم أنا وجلُ لكم تمنيت حلماً منك يحملني على جناحيه كي يحيا بي الأمل رأيتك لحظةً لم تكوني أنتِ فكيف خُيل لي أنه أنت تلك الصغيرة كبرت رأيتها لمحة دون قصد مني فتعلق قلبي بها هل كان ذاك عقاباً أم أملاً عشت أبحث عنه طويلاً ولم أصل إليه الأكيد أنها ليست أنت ولن تكون فكيف سأتخلص من هذا التعلق رحماك ربي كيف وصل بي الأمر هكذا!!!!!!!! 9 نفسيتي تعبانه امي حبيبتي ما تناظر فيني لها كم يوم ما تبي تناظرني ولا تتقبل حتى مساعدتي لها من ذاك اليوم اللي دخلت عليها وابوي يتكلم معها : والله يا وضحى اني تعبت من هالموضوع بنتس عنيده تبيني اطلقها من ياسر تشجعت ودخلت عليهم وحبيت راس ابوي وراس امي ابوي قام و طلع من الغرفه وماعبرني ولا بكلمه وامي عرفت من نظرتها عدم رضاها علي وبقلبي : اه يا يمه لو تدرين ان رفضي كله عشانس ما ابي اتركس تتلتهين عقبي اخاف كلن يلهى بحياته والا يغفلون عنس جلست جنبها بعطيها غداها رفضت تفتح فمها بكيت : يمه تكفين لا تكونين بعد ضدي وانهرت اصيح وحضنت امي بقوه ابيها تحس فيني دخلت الريم : يووه ووش فيس عليا رفعت نفسي عن امي وقلت للريم: تكفين غدي امي انا تعبانه " ما قلت لها ان امي رافضه تاكل من يدي ولا ان امي ما تناظرني وهربت برى الغرفه ابكي من زعل امي علي ******** يمه انا ا ن شاء الله جايكم بعد اسبوع وبقعد بس 3 ايام وابي تجهزون لعليا قمرا بذهول : بس البنت رفضتك وشلون تبينا نجهزها ياسر : يمه خليها ترفض من هنا لمية سنه قدام انا طلاق ماني مطلق جت معي بالرضا الله يحيها والا الغصب يمدحونه قمرا بإستهجان : لا يمه الامور ما تصير غصيبه ياسر يقطع كلام امه : يمه لا تخافين ماهو غصب بس انتي عارفه عليا كل شي تسويه عناد معي قمرا بدعوه صادقه : الله يصلح حالكم انا اخاف بس تزعل عمك ابو عليان ياسر : من ناحية عمي ابو عليان تطمني هو معي قمرا : اجل الله يوفقكم يالله حبيبي مع السلامه اذن العشا بقوم اصلي ياسر : لحظه يمه قمرا : هلا ياسر ياسر :انتي بعد يمه جهزي حالس بتجين معي لجده تكدر خاطر قمرا وقالت بكدر : أي يصير خير ******** عليان جالس مع عليا :سمعت انتس طالبه الطلاق تدرين عاد يا عليا اني عتبان عليس وبالحيل بعد قالت عليا وهي عارفه وش بيقول : ليه يا عليان عتبان علي عليان : رفضتي تتممين الموضوع ولا حتى سألتيني او شاورتيني عليا: تكفى عليان اللي فيني مكفيني كافيني اللي فيني محد حاس فيني من حقي ارفضه ومن حقي اعافه هو عافني 18سنه عليان : هدي وانا اخوس صح كلامس من حقس ترفضينه لو منتم مملكين لس حق ترفضين لو ماكل الناس عارفه انكم متزوجين وهم الان متوقعين نعزمهم على زواجكم مو نعلن عن طلاقكم الحين اسمحي لي بهذي الكلمه اكيد بيقولون عافها ولد عمها اكيد ان فيها بلا عليا دمعت عيونها بقهر : ماعلي من احد ابدا سمعتو وطلعت من المقلط اللي جمعها بعليان *********** صباح مدرسي بارد تتخله غيوم داكنه تبشر بأمطار الخير رياح خفيفه تحمل معها ريحة الحيا فايزه صاحيه من صلاة الفجر واشرفت على تجهيز الفطور لسند والصغار ماجد وفارس اما منوله الصغيره فكانت نايمه مشطت لماجد شعره : ها حبيبي يالله نراجع النشيد ماجد : خالتي اخاف اني اغلط فايزه :لا ياحبيبي يالله انت امس حفظتها تمام بدا ماجد يسمع باسته على راسه : ماشا الله عليك هذاك حافظ فارس جالس معاهم بس نايم على الكرسي طلع سند من غرفته لابس ومستعد للدوام :صباح الخير ردت بهمس وماجد راح وحضن ابوه وجلس يفطر بصمت قالت بخجل بعد محاولات : احم اقول ابو ماجد ممكن توديني للمدرسه سند من دون ما يرفع نظره : ابشري اذا جاهزه مشينا باغتها بعدها مباشره : افطرتي ؟ هزت راسها بلا قال وهو يناظرها : ها افطرتي قالت : لا شربت بس شاهي قال سند : لا تعالي على الاقل شابوره قالت فايزه وهي تغطي فمها : لا مشكور ما اقدر احط أي اكل بفمي الصباح تقلب معدتي علي طول اليوم وراحت تلبس عبايتها وتوصي الخادمه اللي لها كم يوم واصله ******** في غرفة المعلمات امنه وفايزه وعليا بعتب من امنه : ليه يا خبله رفضتي على ماسمعت عنه انه فيه خير وانه بوظيفه زينه عليا بزهق من الموضوع : ومع هالشي ما ابيه فايزه عارفه ليش رافضه عليا : لا تتعبين نفسس امنه هي ماتبي تتزوج ياسر ولا غيره هي تبي تجلس عند امها امنه : صدق عليا؟!؟! امتس في من يراعيها ابوتس اول واحد بيراعيها واختس منيره وعليان وزوجته اجل مسويه امتس حجه بلا دلع بس والله لااقول لمنيره واشيشها عليس راح عمرتس ألحقي عليه ياغبيه وجيبي لتس عيال لا تسوين سوات ابلا مزنه شوفيها لا ولد ولاتلد والرجال هج يدور العيال كثر اللوم علي وكثر العتاب من الكل وانا زهقت من هالسالفه ابو عليان في نقاش مع عليا :تقدرين تعيبين ياسر في دينه او خلقه هزت راسها عليا بصمت بلا قال :اجل ما لتس حجه ترفضينه انا ادرى بمصلحتس منيره بعد حوار مطول مع امنه بالتلفون توجهت لعليا في بيت اهلها وبدت معاها بهجوم :قسم بالله انس مدلعه شوفي ان تطلقتي منه مالس عن بندر شهقت عليا من كل قلبها :وع وع الله لا يقوله ردت منيره بكره لبندر : شوفيه مثل الكلب يتصيدس وانتي عارفه عقليات ربعنا ماللمطلقه جلسه الا يزوجونها وشفتي مأساة خالتي قمرا مع ابو ساري تنهدت عليا " طفشت طفشت من هالسيره والله ملييييت منيره سكتت عارفه الحين لايمكن تسمع منها طلعت وخلتها *********** ليل الخميس وصل ياسر في وقت متأخر من بعد صلاة العشا راح لبيته نزل اغراضه طلع مع باب بيتهم بيتوجه لبيت عمه وشاف منظر فجر الدم براسه قبلها بدقايق ام احمد كانت سهرانه مع قمرا عند ام عليان وخلاص بتروح لبيتها وهي طالعه مع باب الصاله ظربت رجلها بالباب وتعورت جدا لدرجة اصبعها انجرح وانكشط الجلد ركظت لها عليا :بسم الله عليس يا خاله ونزلت تشوف الجرح جلست ام احمد المسكينه و بعدها ضمدت لها اصبعها قالت قمرا: خليس هنا يا ام احمد شوفي منتي قادره تمشين قالت ام احمد وهي تتألم :لا يا وخيتي بروح بيتي ما اقدر اخاف يرجع احمد ويفقدني قالت قمرا لعليا: امرنا لله خلاص وصليها ياعليا لبست عليا عبايتها وطرحتها وبطرف الطرحه الخفيف غطت وجهها بما انه ليل وماحد بين البيتين المتلاصقين وصلت ام احمد وفتحت لها البيت البسيط اللي هو عباره عن حوش اسمنتي داير مايدور احواض زرع وعلب وتنك مزروع ووبيت بسيط عباره عن اربع غرف بمدخل كبير باب ألمونيوم فضي بطرف زجاجي يفتح على الصاله دخلتها لغرفتها وجابت لها مويه وتطمنت عليها :تبين شي يا خاله ام احمد : الله يرضى عليس ويوفقس يا بنيتي تبسمت عليا على الدعوه الحلوه وطلعت كان احمد توه واصل وسكران طينه يوم دخل مع الباب وشاف عليا وبلسان ثقيل :اووووه وين وين ياحلو كانت عليا للآن ماغطت وجهها بما انها في حوش ام احمد تفاجأت فيه انرعبت من طلعته فجأه بوجهها كان مرره قريب غطت وجهها بطرف العباه وقالت بصوت يرجف : وخر قال وهو مبتسم ويهز راسه : وإن ما وخرت وش بتسوين ما توقعت رده ابدا وعرفت انه اكيد ماهو بوعيه فاجأها مسك يدها وجرها له هي شهقت ودفته بقوه : يا حيوان بدى يفقد احمد اعصابه : من الحيوان وعطاها كف فاجأها فيه صرخت عليا بسرعه فكرت تهرب منه ما تضمن ردة فعله الجايه وبسرعه فتحت الباب خطت خطوه برى للشارع سحبها من يدها بقوه بيرجعها للبيت وهو متمسك فيها بقوه وحشيه صرخت فكيني يا كلب فكني رفعت عينهاوطاحت بعين ياسر اللي هجم على احمد بقوووه يا خسيس ياحقير ووجه له ظربه رمته في الارض وعليا معاه عليا من خوفها قامت بسرعه سحبها ياسر بقووه ناحيته ودفها على البيت انقلعي للبيت يالله وركز انتباهه لأحمد بشراسه بدون رحمه مسكه من ياقة ثوبه وسحبه لداخل حوشه وصك الباب بقوه ورصه على الجدار بعنف : شلون تحط يدك عليها ياحقير وعطاه بوقس على فمه ادماه : كيف تسمح لنفسك تتعدى على محارم جييرانك يا رمه قال احمد بلسان ثقيل : هي اللي جتني وهي اللي رمت حالها بين ايدي لكمه بقوه افقده وعيه و تر كه مرمي في حوشهم تفو عليك يا رمه تفوو على اشكالك وبهيجان راح لبيت عمه . . . . . . عليا مسكينه بعد ما وصلت لبيتهم وانهارت بالصاله ماتقدر تمشي خلاص وعبايتها مغبره ووجهها وارم من كف احمد ودموعها تحرق خدودها مسوده من غبار الشارع شافتها خالتها :ياويلي وش فيس بسم الله عليس عليا بدت تبكي بصوت عالي مرعوبه من اللحظات اللي مرت فيها قبل شوي ما تخيلت في اسوأ كوابيسها انها ممكن تتعرض لموقف مثل هذا وزاد عليها ان ياسر هو اللي انقذها من هالمصيبه : اااااه ياخالتي. تكفين ألحقي على ياسر يتضارب مع احمد قمرا انفجعت وشو ؟؟ يا ويلي ولدي وطلعت من دون عباه بس طرحتها عليها الا ياسر في وجهها وضمها بقووه هي تتلمسه :وش صار وش فيك تنفس بقوهووجه احمروعروقه نافره : ابي اعرف هالحين وش اللي موديها لبيت هالسكران في هالحزه قالت قمرا :راحت توصل ام احمد تعورت عندنا وانا قلت لها توصلها يبي يهدا مو قادر منظرها وهي احمد يجرها لبيته يزيد بعصبيته وغيضه اعوذ بالله من الشيطان الرجيم وراح للمغسله وتوضأ عشان يهدا قمرا راحت تجيب له مويه تبيه يهدا جا ابو عليان ياسر متى جيت رد ياسر وهو يتنفس بهدوء يحاول يهدي نفسه :من شوي ياعم ي واقبل على عمه وحب راسه نزل عليان وشافهم وتوجهو للمقلط قمرا دخلت داخل وطمنت عليا وانتبهت لخد عليا الوارم :وش صار يا حبيبتي علمتها عليا وهي ترجف لازالت تعيش الموقف قالت لها قمرا اطلعي تروشي وانا اجيب لس كمادة بارده عندي خبره بالكفوف ما يبرد حرها الا الثلج جالسين بالمقلط وابو عليان ملاحظ على ياسر انه متوتر وعلى باله عشان موضوع عليا ما درى عن الموقف اللي صار وياسر سكت ماله داعي يحرق دم عمه ابو عليان: ياسر انا والله معاك وابيك زوج لبنتي وقادر على اني اغصبها بس ابي لا بدت حياتكم ما تبدى بالغصب وكسرة النفس سكت ياسر شوي وقال : ولا انا ارضى اني اخذها مغصوبه انا بس ودي اتكلم معها واعرف اسبابها يمكن اني اقدر اطمنها او اقنعها ابو عليان ناظر بعليان وقاله :رح ناد اختك قلها ابوي يبيتس ********* :بندر عاوزه اكلمك بندر منهمك يقرأ الجريده وكاسة الشاي بجنبه : هممم سعديه : هممم ايه؟؟ بؤلك(اقولك ) عايزه اكلمك عندي موضوع مهم بندر رفع راسه وتبسم : قولي يالله وش عندس سعديه جلست بجنبه ومسكت يده وشبكتها بأصابعها : بندورتي اقولك ولا تزعلش بندر : قولي ماراح ازعل كان رايق جدا سعديه : عايزه اروح اتعالج بندر تغيرت ملامحه : رحتي لكم دكتور يا سعديه؟؟ وكلهم قالو ما عندس مشكله سعديه برجاء: بس انا عايزه اروح عند الست اللي بتعالج ام فالح بندر بصرامه : لا حريم لا وطب شعبي لا سعديه دمعت عيونها : طب ليه ؟؟ حس بيا ربنا يخليك عايزه اكون ام بندر بغضب : وانا قلت لس لا تكونين ام !!!! الخرافات هذي ما صدقها ضررها اكبر من نفعها سعديه بدموع وصراخ : طيب سيبني اجرب هو احنا خسرانين ايه بندر قام بيطلع من الغرفه بس قال : الموضوع هذا منتهي ولا عاد تفتحينه مره ثانيه وطلع وصفق الباب وراه وسعديه انهارت على السرير تبكي : عاوزه اكون ام يانااس ده ابسط حقوقي ********** نزلت عليا وتوجهت للمقلط وبالها كله عند ابوها اللي اكيد عرف بتهجم احمد عليها ما توقعت ولو لثانيه ان ياسر موجود مع ابوها نزلت بجلابية البيت البسيطه متماوجة الالوان بتطريزه خفيفه عند الصدر والاكمام ماسكه من الصدر والخصر وواسعه من تحت بقصة نص كلوش والشعر مفتوح ومبلول بعد الترويشه ومنشفتها فوق راسها تحاول تخفي خدها عن ابوها دخلت للمقلط وهي تقول : سم يابوي بغيتني وتفاجأت بوجود ياسر اللي جالس ويناظرها وما على وجهه تعابير ارتدت راجعه بس ابوها نادها : تعالي يا عليا وقفت برى وهي تتمنى تنشق الارض وتبلعها جاها ابوها وسحبها من يدها ودخلها وجلسها بجنبه مقابل ياسر تمسكت بمنشفتها اكثر وكأنها حجاب قال ابوها : الحين ابيكم تجلسون مع بعض وتتفاهمون وناظر بعليا وبهمس حنون : عطي نفسس فرصه وامس خليها خارج حساباتس طلع وخلاهم مع بعض نزلت راسها اكثر ما تبي تشوفه ومنحرجه منه ياسر بهدوء : شلونس عليا عليا بإحراج :الحمد لله ياسر : انا اقصد بعد اللي صار قبل شوي عليا دمعت عيونها تحس رجفة عظامها اللي تشاغلت عنها بطلب ابوها رجعت لها وقالت : من فضل ربي انك جيت بالوقت المناسب الله يجزاك بالخير ياسر : الحمدلله ربي ارسلني بهاللحظه والا دخلتي في مشكله كبيره سكتت عليا ما عندها شي تقوله قال ياسر : اظن انتي عارفه وش ابي منس هزت عليا راسها بلا قال ياسر :ابي اعرف اسباب رفضس لي قالت بوضوح : انا وانت ما ننفع لبعض انا اكرهك من سنين وانت نفس الشي ومن زمان وانا اوعد نفسي اني لازم اقولها لك كرهتني حياتي وحنا صغار وعيفتني الدنيا وحنا كبار ما ابيك واظن هالسبب يكفيك ""لامت نفسها بداخلها كيف قالت هالكلام قالتها بنبره قويه بس رجعت تعزز لنفسها دام هدفها امها ورعايتها خلتها تكمل:ما اظن انك ترضى تاخذ وحده ماتبيك ياسر تبسم ابتسامه صفرا وقال : انتي على ايش شايفه نفسس ان كنتي بتحاسبيني على زمان انتي اول من يتحاسب وان كنتي بتحاسبيني على زواجنا وحنا صغار ماهو انا اللي تحاسبيني حاسبي عمي اللي رضى اما الحين مالس خيار بنت عمي وطلاقس عيب بحقي عقب هالسنين قبل ما يكون عيب بحقس سامعتني و انا ما اشوف اسبابس كافيه دلع بنات ومع الايام بتنسينه ماتت غيض منه ومن ثقته بنفسه بس فاجأها يوم فتح باب المقلط نادى : يا عمي جا ابو عليان ونظراته كلها استفسار يبي يعرف وش صار ووش تقرر بس ياسر قال :بعد اذنك ياعم وغمز بخفيه لعمه :ابي اشوف خالتي ابي اسلم عليها قال ابو عليان وكل علامات الترقب على وجهه : حياك ياولدي روحي يا عليا شوفي امس صاحيه والا لا وطلعت عليا بسرعه لغرفة امها وهي تغلي من الغيض ما تعرف وش يدبر ووش قصده من اللي قاله واللي بيسويه بس احساسها يقول انه ماهو ناوي خيررر دخلت غرفة امها لقت قمرا عندها تسمع اذاعة القران وكانت امها صاحيه بس من شافتها صدت بعيونها عن عليا قالت بمراره وعذاب : يمه ياسر بيدخل عندس تغطت قمرا بشرشفها ودخل ابو عليان وياسر نزل ياسر لخالته وسلم عليها بود وإبتسامته الحلوه وجلس على طرف السرير وجهه لخالته وظهره لعليا وعمه وامه وقال : باركي لنا يا خالتي بعد يومين دخلتي انا وعليا قراءه ممتعه لكم وردود حلوه لي حابه اقول لمتابعين الانستغرام في قصه قصيره مصوره حسابي هناكa2zaz اتمنى تشرفوني هناك |
رد: آلا ليت الزمان يعود
السلام عليكم ورحمة الله وبركاته
يسعد الله اوقاتكم حبايبي يسعدني ادعوكم لحفلة زفاف عليا وياسر وبحضوركم يتم لنا الفرح والسرور وذلك في تمام الساعه السابعه والنصف مساء |
رد: آلا ليت الزمان يعود
السلام عليكم ورحمة الله وبركاته
كل الشكر لكم يامن قرأتم حروفي وكل الامتنان لكم يامن سطرتم اروع الردود للاسف ضيق الوقت يمنعني من الرد لكن والله سعيده جدا جدا بها اسعدكم الله دنيا واخره مثل ما تسعدوني بردودكم 10 قمت من النوم وبالي خالي من اية تفكير يمكن هذا الهدوء اللي قبل العاصفه مع ان العاصفه مرت بي من يومين يوم قال وابتسامه تملى وجهه :باركي لنا يا خالتي دخلتي انا وعليا بعد يومين حسيت انه صفقني بأقوى كف في وجهي ماقدرت حتى اتنفس لين خالتي قمرا ضمتني بقوووه وهي تقول : مبروك حبيبتي دموعي تحجرت في عيوني ياكبرها غصتي حسيت بطنين ماعدت اسمع شي اشوفهم صحيح بس مفصوله تماما عن عالمهم مدري كيف وصلت غرفتي اخر شي اذكره نظرته لي نظره لئيمه هلت علي الاقتراحات والخدمات كلهم يقولون مافي وقت ولازم اجهز بأسرع وقت بس كنت جااامده مع الكل لين شفت عيون امي امي يا ناس مبســــــــــوطه والله من زمان ما شفتها تبتسم ياربي ان كان هالشي بيوريني ابتسامة امي لآانساق فيه ولو به موتي جلست معها وقلت وانا مبهوره باللي اشوفه : يمه انتي فرحانه لي صح يمه والله ما اكسر فرحتس رضاس يمه عندي بالدنيا ومافيها ******* :بقولك ايه يا منيره انتي مش حتطلبي مني اية مساعده انا عارفاكي بصي انا بعز عليا والله كأنها اختي الصغيره وعاوزه اخدمها فقولي من الاخر ايه اللي عاوزاني اساعدك فيه الوقت ديق ومش حتلحقي منيره بإمتنان : والله ما تقصرين يا سعديه شوفي انا امس رحت انا وخالتي واخذت لها اهم الاشياء بس باقي الفستان في محل يمدحونه خذي نسرين وخذي اكبرمن مقاسها برقم انا اثق بذوقس سعديه : انتي تأمر ياجميل وانا في ديك الساعه لما اخدمكو دنتو اهلي وحبايبي ********** :لا صدقيني والله ا ن شافته لترميه في وجهس انا اعرف خالتي لايمكن تلبس هالموديل سعديه وبمكر : ههههههه ومن قالك اني حخليها تشوفو دا هيا حتدبس بيه وحتلبسه غصبن عن عينها دا انا سعديه والاجر على الله نسرين : انا قلت لس لا تقولين ما علمتس بترميه في وجهس سعديه وهي تبتسم : انتي اطلعي منها وهي تعمر مالكيش صالح اتفقنا نسرين بضحكه : اتفقنا سعديه :بصي يا بت يا نسرين اوعي تجيبي سيره قدامها انا عاوزه اصدمها يوووه يقطعني وهي تحط يدها على فمها وبضحكه افاجأها ********* يا شين السوق لارحتي تركظين ورجعتي تركظين والمشكله للحين وراي كم مشوار قمرا: ههههه هالحين بتقنعيني انس ما انتي مبسوطه بهالدوجه بالسوق منيره : ههههه الا والله مبسوطه مافي احلى من زحمة تجهيز عروسه قمرا : العروسه عساها قاست اللي شريتيه لها منيره : لا طبعا يا خالتي انا احطه عندها وهي تقول زين خليه اشوفه بعدين والاكياس مثل ما احطها مثل ما القاها ولا ناظرت فيها الا يا خالتي ياسر ما قالس وش صار بينهم وشلون وافقت عقب ماكانت رافضه قمرا : الا سألته وما قال الا ان الله هداها ************* التجهيز كان من الكل تخيلو زواج في يومين يالله يمدي ومن فضل ربي لقوا القاعه غير محجوزه وتولى ابو عليان وعليان عزيمة الناس للزواج ******* ادري اني لعبتها بخبث وادري انها لا يمكن تقول غير اللي قلته سويت اللي ابيه ارضيت امي بزواجي وارضيت عمي بإكمال اللي بداه بس زعلتها هي غصبتها وحطيتها قدام الامر الواقع وادري انها لا يمكن بتعديها بالساهل بس وش بتسوي مثلا بتزعل لها يومين وبترضى من اصبح الصبح رحت البنك وسحبت مهرها وسلمته عمي وكلمت سلطان ابيه يحظر زواجي هذا اخوي اللي ما جابته امي ************* اليوم زواج صديقتي وابي احضره لو سمحت سند : طيب مافي مشكله فايزه بتردد : ابي اروح عند امي ومن هناك ابي اروح للعرس سند : بتشترين لها هديه قبل ما تروحين فايزه : لا بعطيها فلوس وهي تشتري اللي تبي سند : اذا تبين رأيي انا اقول اشتري لها هديه الفلوس بتصرفها وبتنساها مع الايام اما الهديه كل ما تشوفها بتتذكرس فيها فايزه : صحيح بس الزواج بالليل ومايمديني اشتري شي سند بعد ماناظر في الساعه : تبين اوديس محلات الذهب قبل لا تروحين عند اهلس ناظرها ينتظر منها جواب فايزه كانت محرجه منه ما عندها رد عرف انها محرجه منه قال :يالله قومي هالحين ألبسي عباتس تنحت فايزه ضحك سند : يالله ترى هالعرض لمدة عشر دقايق بسرعه تحركت فايزه ولبست عباتها وطلعت له بالصاله قالت انا جاهزه ******** رحت لبندر لازم اشو ف ردة فعله من بعد ماسمع عن زواج ياسر وعليا وما تخيلته بتكون هذي ردة فعله شفته واقف مع عليان وياسر مع العمال يعلقون لمبات العرس ووعقود الاناره لخيمة الرجال واشوفه يضحك ويعلق على ياسر وبقلبي اقول الله يستر منك يابندر ***************** مرتاح الحمد لله احس اني فرحان لهم وفرحان لنفسي اني بترك هالهم اللي عقدني لي كم ليله اترجى ربي وادعيه ان الله يصرف عني هاجس عليا والتفكير فيها من كلام بدر لي قبل كم يوم وانا الضيق خانقني بس ربي مسح على قلبي الراحه اللي احس فيها عقب كل مره ادعي ان الله يصرف عني التفكير بعليا وهذا يزيدني اصرار اني فعلا ما افكر فيها وادعي لها بالتوفيق *************** صحيح امي ماتقدر تقوم معاي وتفرح فيني مثل كل ام لكن انا بخليها تشوفني وانا اتجهز واتزين قدامها كل شي بيكون لامي وتحت نظرها وبخلي اللي مايتسمى ياخذني من غرفتها وافرحها فيني زي ما تتمنى دايم البارح جت ام احمد السودانيه ونقشت ايديني وجت بتنقش رجولي رفضت قلت خلاص يديني تكفي منيره ماخلت كلمه ما قالتها انتي عروس ولازم من هالكلام بس ما علي منها نسرين معي من بعد الغدا قالت : خالتي وش فيس ساكته مرررره ما توقعتس بتستسلمين كذا وانتي لس سنين تتوعدين وتهددين قلت لها بعد ما عطيتها نظره : انا عشان امي بس ماشيه بهالمهزله انحرجت مني وحبت راسي قالت طيب :شفتي فستانس قلت لها : لا قالت : علووي لازم تقيسينه يمكن ضيق يمكن واسع قلت لها بقرف : بلبسه لو هو خيشه واسعه فكيني بالله تبسمت نسرين دخلت الريم وقالت جت الكوافيرا وين تبينها تجلس عليا : هاتيها هنا عند امي شوي اتصلت على البيت فايزه وقالت بتمرني وفعلا خمس دقايق وهي عندي ياحياتي جايه تبارك وتقدم هديتها قبل لا تمشي قالت لي : حاولي تتقبلينه عشان تعيشين قلت لها :يا فايزه انتي قدرتي تتقبلين سند ؟؟ ردت علي بأسى : انا غير وضعي غير وضعس وتراني احاول المهم يا قلبي حاولي والله يوفقس ويسعدس وطلعت من عندي رجعت اكمل التجهيييز و جا وقت لبس الفستان وكان صاعقه لي وماكان عندي الامنيره خالتي والريم ونسرين في القاعه :منيره انتي من صدقس جايبه لي هالمسخره وتبيني ألبسه ضحكت منيره من كل قلبها : هههههه محد قالس ما تشوفينه قلت بعصبيه بس بصوت واطي عشان امي : دبريني هالحين هذا شلون بلبسه ببرود قالت منيره :عااادي فكي ازاريره والبسيه قلت لها وانا ودي اخنقها :بالله ! كذا ينلبس طيب واذا بفصخه من بيفك الازارير ؟؟ قالت منيره بخباثه وإبتسامه عريضه : يعني مين بالله ؟؟ ويالله بسرعه البسي ودفتني قلت لها متأكده ان هذا انتي اللي شريتيه ؟؟ مستحيل يكون ذوقس !! ضحكت منيره وقالت : ههههه عرفت ان سعديه بتجيب شي حلو بس تفاجأت بظهره وحمالاته شهقت وتفاجأه : منييره يا دبى والله لااردها لس انتي وسعديه وطلعت دموعي قهر شلت الفستان المصيبه ورحت البسه الحمد لله ان الطرحه ثقيله وطويله والا لو ايش ما اطلع بذا المنظر بس هو للحقيقه فستان جدا حلو ابيض من قطعتين الصدر بحمالات رفيعه جدا ومشغول كريستال كثيف ويبدا يخف الى الخصر والظهر شفاف وكله ازار صغيره والتنوره ذيل سمكه وبكريستال كثيف بالاطراف ناديت منيره تقفل الازرار بعدها اول شي سويته رحت سلمت على امي وخليتها تشوفني دمعت عيونها ادري بها فرحانه لي قلت لها وانا ارجف: يمه الله خليس بلاها الدموع الحين اخرب كل شي واقعد اصيح والا اقول يمه تراني بهون وانا ابتسم لها دخلت منيره جايبه المبخره : كللووولييييش ماشاء الله تبارك الله روعه يا عليا تهبلييين تعالي اوقفي هنا خليني اعطرس وابخرس امسكي الطرحه فوق خليني ابخر شعرس قلت لها :خلاص خنقتيني خلاص يكفي قالت لي منيره : اقول عليا اجيب لس سندويشه صغيره انتي ما اكلتي شي كشرت وقلت : لاا لا ما ابي بس ابي مويه ذبحني العطش منيره : ابشري وبجيب لس شي تاكلينه غصب قلت :لااااا ما اقدر معدتي احسها مقفله بعد ساعه دخلت علينا خالتي قمراا وعليان :ماشاء الله تبارك الله الف الف الف مبارك يا حبيبتي وضمتني وصارت تقرا علي كنت بحاجه للقراء ه ابي قلبي يتطمن عليان عند امي ماسك يدها ويغني لها ويلو يام العروسه الله يتمم هناكي منيره لبست عباتها وخالتي تغطت وانا تجمدت اطرافي عرفت ان ياسر بيدخل هالحين كنت باهرب واطلع من الغرفه بس جمدت قلبي فرحة امي وابوي تستاهل هالتضحيه وهالديكور شوي دخل ابوي وفز له قلبي كاشخ ببشته البني وشماغه وعقاله اللي ما يلبسه الا نادرا واليوم لبسه عشاني فرحان فيني بعـــــــــــــــــد قلبي يا بوي ناظرني وتبسم وقال : : تفضل : سلم برسميه وانا رديت بقلبي لو ماهو واجب ما رديت ابوي اقبل علي وتعلقت فيه ابي اتطمن بحضنه قلت له بهمس : راضي علي يابوي قالي بنفس الهمس : كل الرضا يا عيني حبيت يده وراسه قلت له : يا ابوي هذا راس مالي تبسم برضا وقال : الله يوفقس يا حبيبتي ووقف جنبي ياسرسلم على امي وحب راسها وايدينها والتفت لي وتوجه لي وانا من بعد ما سلمت على ابوي جلست وحطيت رجل على رجل وقعدت اهز رجلي بتوتر اثر الكلام غير والواقع غييير قالت خالتي: يالله يا ياسر سلم على عروستك واقبل علي ماقمت من مكاني ولا طرى لي بس عدلت جلستي صافحني وجذبني بيدي ووقفت له قال : مبروك يا بنت عمي قلت وانا اضغط على الحروف :الله يبارك بك جلس وانا جلست ابوي قام يعطي ياسر من الوصايا وهو يقول :عليا بعيوني لا توصي ياعم وصها هي علي والتفت يشوف ردة فعلي قالت خالتي: لا والله انت اللي نوصيك عليا ما تطلع منها العيبه ابدا ضحك وقال :كذا يمه ترا انا ولدس قالت خالتي : كلكم عيالي قال :مشينا ووقف وطلع برى الغرفه هو وابوي وعليان وانا توجهت لامي وحضنتها بقوووه وقلت يمااااه ما ابي ارووووح معاااه وانهرت ابكي على صدر امي ************* بعد ما شريت الهديه لعليا وصلني سند للبيت ورحت وصلت هدية عليا وهناك يقالي بانصح عليا ورجعت لي النصيحه حاولي تعيشين وتتقبلين سند ناظرت نفسي بالمرايه وهزيت راسي الفكره مرفوضه تماما كملت لف شعري بالفير وتزينت وتمكيجت ولبست فستاني العودي ورحت للزواج مع ابوي انبسطت كثير غيرت جو بصراحه بعدالعشا سمعت ابوي ينادي على اسم عيلتنا ووادعت صديقاتي ولبست عباتي وطلعت وقعدت ادور ابوي وينه بس ما دريت ان ابوي راح وخلاني وارسل لي سند وقف جنبي وقال: غطي عيونس غطيت عيوني ومسك يدي ومشى رايح للسياره ركبت معاه ومشينا شفته متوجه لبيته قلت له : وديني لبيت اهلي قال : رايحين للبيت قلت له: خلينا نروح نجيب العيال قال: نايمين بكره عمي بيجيبهم ********** كنت جالس بالصاله اتفرج على التلفزيون ودق تلفون البيت الا عمي يقولي: روح جيب فايزه وروحو لبيتكم والعيال نامو بكره اجيبهم لك رحت للقاعه وناديت وطلعت عرفتها من زولها شفتها تدور بعيونها الكحيله يا سبحان ربي وقفت جنبها وقلت غطي عيونس وتغطت ومشينا للسياره قالت لي : وديني بيت اهلي قلت لها: رايحين لبيتنا قالت : والعيال قلت لها: بكره عمي بيجيبهم اول ما وصلنا نزلت بسرعه وتوجهت بعباتها للغرفه وصكت الباب عليها لحقتها للغرفه دقيت الباب فتحت لي وهي منزويه ورى باب الغرفه بس بان لي وجهها قالت بربكه : خير ابو ماجد تبي شي قلت : في شي لازم اوضحه لس دفيت الباب ودخلت وليتني ما دخلت وليتني ما لحقتها ماشاء الله جميله جدا كلها على بعض ومع فستانها العودي وشعرها بسواده زادها سحر قلت وانا ابعد ناظري عنها : اسمعي يافايزه اتمنى اذا كنتي برى ما تكشفين عيونس وذاتا لاكنتي متزينه قالت بإحراج : ابشر وقفت مثل المراهق ما عندي شي بس ما ودي اطلع قالت وهي منكمشه من الحيا تبي شي ثاني ابوماجد قمت اتأمل بشوف فيها فوزه الله يرحمها لكن ما شفت الا فايزه فايزه وبس قلت : لا شكرا وجيت بطلع بس رجعت لها وقلت : الا على فكره انتي قريتي على نفسس اليوم قبل لا تروحين قالت : أي الحمد لله قريت بقلبي اية الكرسي وقربت منها ونفثت عليها وطلعت *************** انا بالله وش اسوي الحين لي ساعه واقف بالصاله مع عليان وعمي رجع للمعازيم جت منيره تتعذر : معليش يا سر هالحين تطلع لك عليا بس تلبس عباتها عذرتها اكيد الحين مسويه مناحاه تبكي من يومها وهي بكايه بس بنت اللذينا صايره قمر طلعت لي لابسه عباتها ومتغطيه رحب بها عليان : هلا والله بنوارة بيتنا اللي من غيرها بيظلم وحضنها قمت سحبتها من حضنه وهي بعنف نفضت يدي تغاضيت عن هالشي ما ابي اعكر مزاجي قلت :يالله اسمحو لنا مشيت وهي وراي ركبنا السياره ماتكلمت مشيت واخذت لفه بالحاره ورجعت لبيتياللي هو اصلا ملاصق لبيت عمي من الخلف قلت لها : يا حيالله عليا ماردت علي الله يعييين على المزاج الخربان عارفها لا يمكن يكون هذا حيا نزلت وفتحت لها الباب ونزلت ودخلت البيت ودخلنا الحوش اللي مضوي بعقود أنوار العرس وقفتها وقلت : نورتي بيتي يا بنت عمي وما زالت ملتزمه الصمت بس هالمره سبقتني لداخل البيت وتوجهت للصاله وقالت : انا تعبانه وابي انام الله يعافيك بلا ازعاج قلت بمسخره: حاضر عمتي دخلت غرفة النوم وانا وراها نزلت بهدوء شديد عباتها وتفاجأت باللي لابسته وش ذا !!!!!! ************ خالتي قمرا تترجاني ومنيره تتوعدني وانا معنده لا يمكن اطلع واروح معاه بهذا الفستان قلت تبوني اروح معاه فكو ازارير الثوب واغير واروح معه بعد محاولات باءت بالفشل رضخو للي ابيه وفكت منيره الازارير مع كم قرصه في ظهري ويديني مقهوره مني وركظ دخلت الحمام وتروشت وومسحت الخرابيط كلها ولبست قميصي وطلعت لهم وشعري يرشح مويه لقيتهم مجهزين لي فستان حق سهره طنشته وقلت هاتو عباتي هاوشتني منيره لين انبح صوتها وخالتي اكتفت بترديد: لا حول ولا قوة الا بالله جابت عباتي منيره بعد ما يأست مني وطلعت له ورحت معاه توقعت اني اروح معاه فندق بس الحمد لله وداني لبيت خالتي ودخلت لغرفة النوم بعد ما سفهته مرتين والثالثه جبتها على بلاطه ما ابي ازعااج لحقني للغرفه وانا قلبي يرقع مدري وش ردة فعله على كلامي وسواتي بس طز فيه ما يمشي كلامه علي وانا بنت ابوي بس ما قدرت اتحمل ردة فعله هههههههههههههه فكيتها ضحك جا بيمسكني هربت منه على الحمام وقفلت وانا اضحك اضحك يكلمني من ورى الباب : يا مجنونه يا خبله اطلعي برى الحمام صرت اهز راسي بلا كأنه يشوفني اخر شي قلب الضحك بكى ومن كثر البكى لاعت كبدي وهو ما وقف دق على الباب اخر شي صار يسمع استفراغي :عليا خلاص افتحي وش صار معدتي فاضيه ومعدتي مصره تقلب علي وقفت ورجولي تتراجف ورحت فتحت الباب ياسر وقف بطريقي قلت بضعف : الله يرحم والدينك وخر من وجهي قسم بالله ماني طايقتك وخر عني وانا رحت للسرير ورميت نفسي عليه وسحبت اللحاف وتغطيت كلي ابي ما اشوف شي ابي انااام يمكن انسى انا وين ومع مين ************ بعد ما رجعت من العرس ودخلت الغرفه لحقتني سعديه وهي تنزل عباتها وكانت في منتهى الاناقه والجمال في فستان اسود وفضي رحبت فيها بحب و انا ناوي اغير كل شي في حياتي للافضل :هلا باللي لفاني ياهلا به عدد دقات قلبي في غيابه قلتها بحب لسوسو قالت بإبتسامه : ياوحش مخصماك ماتكلمنيش قلت : افى وحش ومخاصمتني لا سوسو وغنيت لها لك حق تزعل ولك حق نرضيك ما اقوى زعل حبيب قلبي وعيني قالت وهي تنام وتعطيني ظهرها :كلام في كلام قلت لها وانا اعرف ارضيها : انتي جربيني وشوفي قالت بأسى لأنها متأكده من رده : انت عارف كويس ايه اللي انا عاوزه وحموت لو ما عملتوش قلت لها : قولي و انا اقول لس شبيكي لبيكي اللي تبينه بين ا يديكي قالت : وهي تلف وتمسح دموعها : عاوزه اروح لأم فالح قلت وانا ابتسم واجلس جنبها : تتوقعين ام فالح تستقبل احد هالوقت وانا اناظر الساعه قالت بعدم فهم : لا طبعا قلت اجل الصباح رباح نروح سوا لام فالح نطت وقفت على ركبها مقابلي وقال بجد يا بندر انت ما تهزرش معاي صح قلت لها وانا اضحك : لا ما بهزرش معاكي ههههه قالت بفرح: ربنا يخليك ليا و ما يحرمنيش منك قلت وانا صادق : ولا منس سوسو ******** يالله وش هالليله الطويله صاحي من بدري وانكرف ابو جدي تجهيز سريع لغرفة النوم وعرس واستقبال وروحه وجيه وعريس فوق هذا كله اصعقتني عليا بحركتها مرره ما تخيلت انها ساخطه وغير متقبله للقرار اللي صدمتها فيه الا يوم شفتها بقميصها مدري وش شافت في وجهي لانها قامت تضحك تضحك حسيتها انهبلت جيت بمسكها اسمي عليها هربت مني دخلت الحمام وقفلت على نفسها صارت تضحك اكثر شوي قلب ضحكها صياح والله خفت عليها بالحمام وانا برى اطلبها تطلع بس مافي فايده نزلت بشت الندامه وحذفته على السرير واستمريت اناديها وهي ماترد انهبلت يوم سمعتها تستفرغ ياويلي وش فيها ذي وش جاها صرت اطق الباب بقوه وانا اترجاها تفتح لي يالله بعد دقايق فتحت لي وانا وقفت بوجهها ابي اساعدها ابي اتطمن اكثر من اني اساعدها قالت لي بصوت يرتجف : الله يرحم والدينك وخر من وجهي قسم بالله ماني طايقتك وراحت على السرير وتغطت وانا مثل ما انا واقف رحت للمطبخ جبت لها ما ء وحطيته جنبها على الكومدينا وطلعت للصاله منهد حيلي من كل شي وذي جت كملت علي قراءه ممتعه لكم وردود حلوه لي واسمحولي مضغوطه هالايام بوقف لفتره ولكن ان شاء الله راجعه لكم |
رد: آلا ليت الزمان يعود
السلام عليكم ورحمة الله وبركاته
عدت اليكم بعد انقطاع بسيط شكرا لكل من سأل عني وواهتم لغيابي كالعاده المبدعه اراده اتحفتنا برائعه من حروفها تصف فيها حال عليا لست أدري كيف احتملت ذاك الألم لست أدري كيف خرجت من ذاك النفق الذي أحسست أنه يطبق على أضلعي ينتزعني من روحي يخنقـــــني حتى لا أكاد أتنفس هل كان مقدراً لي أن أعيش لكي أكون الضحية أم أنه مقدر لي أن أعيش لكي أعاني الألم في سبيل نظرة رضا في عيون من أحب نحمل في دواخلنا أحلاماً وآمالاً بغدٍ مشرق فنفاجأ بأنها مجرد أحلام لا تغادر دواخلنا لا تلمني يا صديقي إن رأيت العقل مني قد ذهب فالقهر أحياناً يقذفنا إلى الجنون في لحظة نخالها هي خلاصنا من ذلك الألم ضحكاتي ودموعي ليست إلا نزف قلبي من جراحٍ كمنت في داخلي عمراً ما كنت أعلم كيف أبعدها دون أن أجرح من أحب أو يجرحني من أحب اراده والان استلمو الجزء الجديد 11 مسحت دموعي فرحانه لهم وودعتهم ورجعت عند اخيتي الله يشفيها بعد ما ياسر تعب وهو يطلبني اروح معاهم لجده وعليا تترجا فيني لين حلفت ما اروح معاهم بس وعدتهم اجيهم ياعزي عنس ياعليا طلعت وهي توصيني على امها ودموعها وهي تحضن ابوها وتعلقت بعليان حسيت بغربتها بس ان شالله ياسر يراعيها و عارفه ومتأكده انه بيتعب معها كثيير للحين البنت شايله بقلبها عليه واكبر دليل اللي سواتها بفستانها ليلة العرس هههههه يستاهل مايجيه انا بصف عليا ان كانها بتأدبه جلست مع ياسر قبل سفرهم بليله وحلفته ووصيته بعليا قلت له: اصبر وخلي بالك معاها طويييل واعدني خير وطمني عساه يصدق ********* تعرفت على اهل ياسر يوم زواجه عمه وعيال عمه واتفقنا اني ارجع بسيارته لجده وهو وزوجته بيسافر بالطياره واليوم الظهر سافر وجيت لعمه المغرب ابي اخذ السياره وحلف علي عمه بالعشا يوم جيت اخذ سيارة ياسر وافقت بس على شرط يكون عشا بيت مايتكلفون قلطني بالمجلس ودخل داخل جوعاااان واحب طبخ البيت من زمان عنه من توفت امي الله يرحمها وانا وياسر مقضينها اكل عزابيه جلست اقلب السبحه بين اصابعي واتأمل مجلسهم الكبير واتحلم بالعشوه اللي اكيد لذيذه انتبهت على البنت اللي دخلت ومعاها كيس فتحته وقامت ترص المباخر بالدولاب الكبير حاطه شرشفها على كتوفها بس ماشفت منها الا ظهرها وشعرها اللي مرفوع بكعكه مرخيه من نعومة الشعر غضيت بصري وتنحنحت انبهها ألتفتت لي وهي تقول :وجع عبد الله وماكملت كلامها حذفت اللي بيدها وهربت قعدت اضحك على شكلها مسكينه انفزعت ******* اتصل جدي يبيني اجيه عنده ضيف خالي عليان بعيد وجيت بسرعه وانا ادخل شفت نسرين تركظ بسرعه وتدخل للبيت استغربت ودخلت المجلس لقيت سلطان صديق ياسر ورحبت فيه وسلمت عليه لفت نظري الكيس اللي مرمي في الارض والدولاب المفتوح والمباخر اللي ما اكتمل رصها قال سلطان بإحراج : الاهل دخلو مايدرون ان فيه احد "هبط قلبي يعني نسرين دخلت المجلس وشافها سلطان قلت: حصل خير وانا ودي انها قدامي وافك رقبتها جا جدي وهو شايل القهوه واخذتها منه وقمت اقهوي وانا بالي باللي شافها سلطان شلون يعني جدي ماعلمهم ان عنده رجال حسيت بصداع من القهر ********* ايه يابت مالك وشك مخطوف رديت بنشفان ريق : هااه ولا شي ودخلت المطبخ اشرب مي ورجعت للصاله سألتني خالتي منيره : الا وش فيس ؟ تعبانه !؟صاير شي ؟ قلت بسرعه ابيهم يسكتون عني : لا والله مافيني شي اخذت كاسة شاهي وجلست في الزاويه مع خالتي منيره وسوسو وخالتي قمرا وريم راحت لبيت اهلها بصراحه بيت جدي خالي من بعد عليا الله يسعدها خالتي راحت وهي متنكده اول مره اشوفها كذا قفلت اخر شنطه معها ناوليني مناديل : وصدت عني ومسحت عيونها قلت :ياعلوي خلاص غارت عيونس من الصياح قالت نسرين امانه امي عندس امانه تكفين كل يوم مريها قلت :والله حفظت الدرس كل يوووم ان شالله اجيها بس خلاص وقفي دموع سمعت خالي عليان ينادي قمت له وسويت الشاي زي ماطلب وعرفت ان الدب اللي عند جدي بالمجلس هو صديق ياسر سلطان " يهب ياعيونه الدب بعد ماتمقل وشبع تنحنح وجع رجعت جلست مع الحريم قالت سعديه بفطنه : هو انتي يابت لما روحتي المجلس شفتي حد ؟؟ قلت بربكه : ايه كان في واحد بالمجلس حذفت اللي بيدي وهربت منيره: منهو رديت: خالي عليان يقول صديق ياسر ****** وصلنا ابوي للمطار يالله ما اصعب الوداع تقطع قلبي على ابوي وهو يمسح دموعه وهو يوصي ياسرعلي دخلنا لصالة الانتظار جلسنا ننتظر الطياره وسرحت بحالي ووضعي مع ياسر صباحية العرس لقيت ياسر نايم جنبي بثوبه قمت بسرعه صليت ولبست عباتي بروح لبيتنا ابي اشوف امي جيت بفتح باب البيت لقيته مقفول بالمفتاح رجفت الباب برجلي رجعت لغرفة النوم ادور المفتاح مالقيت شي اكيد انه بجيب ثوبه تذكرت الشباك اللي بيننا وبين بيت خالتي اللي يفتح على الصاله طلعت للصاله كان فيه دولاب كبير فيه تلفزيون كبير حاولت ادفه بس مرره ثقيل ويأست من الشباك الشباك اللي معه تذكرت يوم يحشر ياسر نفسه فيه ويدخل للصاله ويظربني اذكر يومها عضيته بقوه وما فكيته لين جدتي قرصتني بفخذي عشان افكه هههههه اذكر جدتي بعدها راضتني برضاوه طيبه 500 ريال لاني قعدت مزاعلتها وما اكلمها وهو امه قالت ان رجله ورمت من عضتي له يستاهل اجل يضربني ويبيني اسكت له انا عليا على سن ورمح ولا يمكن اترك حقي رحت لغرفة النوم وقعدت اتحرك واصك الباب بقوه وافتح الدولاب ابي ازعجه ابيه يقوم بس مافي فايده نايم بعمق ناديته : هيه انت قم قم يالله تحرك بس ما صحي يوووه وش هالورطه رحت للباب ودقيته بشكل مزعج ومتواصل قووم قوووم قووووووووم قوووووووووووووووم صرخ بإنزعاج :يوووووووه بس بسس وقفي عن الازعاج وجلس وانا وقفت قباله بعباتي وغطاي مرفوع فوق راسي قال وهو يتمغط : خييير وش فيس ليه لابسه عباتس قلت قم افتح لي الباب بروح اشوف امي عقد حواجبه : أي باب قلت له: باب الشارع قم يالله قال وهو عاقد حواجبه وكأنه يتذكر :ما قفلته قام متوجه للحوش وانصعق من ضوء الشمس وغطى عيونه بيده وتوجه للباب وانفتح معاه بكل سهوله :ماكان مقفل قالها بلوم انصدمت توه كان مقفل شلون كذا قال : ماهو مقفل بس انتي ودس تزعجيني سفهته ونزلت غطاي ابطلع مسكني من يدي وقال : على وين ان شالله قلت له بعجله وتعصيب : على بيتنا فكني قال وهو ينزل راسه عن ضو الشمس : ادخلي هالحين اجهز ونروح مع بعض قلت له : لاا انا اروح وانت بكيفك متى ما جيت قال : لا وسحبني معاه للصاله وبعدها لغرفة النوم قلت له ابي اروح قال : طيب اصبري دقايق ماني مطول جالسه بعباتي انتظره بالصاله واهز رجلي بتوتر ابي اطيير لامي الساعه 11 وهذا على مهله طلع لي وهو متكشخ على الاخر شماغه الاحمر وثوبه الابيض بكبكاته السودا وجزمته اللامعه حسيت انه جديد في جديد ينطق اناقه لبس نظارته الشمسيه وطلع قبلي وركبنا سيارته رايحين للبيتنا اللي في الجهه الثانيه ******** بعد ما تغدينا عند عمي رجعت للبيت بعد ما ناداها عليان وقالت لي ابي اجلس مع امي تركتها ما ألومها ابدا عليا من حنا صغار وهي متعلقه بأمها وين ما تلقى خالتي بتكون عليا اكيد معاها رجعت للبيت وانا نعساان انتظرت صلاة العصر صليت بالمسجد ورجعت نمت صحيت العشا وراسي كنه طبل توجهت لبيت عمي بالثوب ماطقت ألبس أي شي لوهي طاقيه جلست بالمقلط مع امي وما شفت عليا قالت امي : اشرب شاهي يمكن تصحصح قلت : يمه مصدع نومه زي السم اعوذ بالله سكتنا شوي وانا منسدح على رجل امي وهي تمسد شعري قلت : شلونها خالتي اليوم قالت امي :الحمد لله طيبه قلت : ابي اسلم عليها قالت امي : اخبر عليا نايمه عندها اصبر اشوف لك الدرب دقيقه وامي جايه تقول تعال دخلت معاها الا عمي وعليان وعليا واقفه بطرف الغرفه بتصلي دخلت سلمت وجلست على سرير خالتي اسأل عن احوالها وهي ترد علي برمشة عيونها عيني على عليا وهي تصلي احاول اتجنب مناظرها بس عيني تخونني كل شوي همس لي عليان بشويش: ارحم نفسك لارحتو بيتكم تمقلها قلت لها وانا امد فنجالي: صب صب وانت ساكت ضحك علي عليان وانا عدلت جلستي عشان ما اناظرها خلصت صلاه وجلست عند عمي محتضنه ذراعه جلست بمقابلي وما شاركت ابدا بالكلام والضحك اللي صار قال عمي : جهزو نفسكم بكره رحلتكم وانا بوديكم قلت :ان شالله التفت عمي لعليا وبإبتسامه : جاهزه اغراضس يا عيني هزت راسها موافقه قمت واقف : يالله ياعمي اسمح لنا بنروح ننام وناظرت عليا : يالله ألبسي عباتس قالت : بنام هنا قال عمي : قومي يا عليا يالله مع زوجس قامت ونظرتها كلها غل لو النظرات تقتل كان قتلتني نظرتها رجعنا للبيت قلت لها : بكره رحلتنا ان شالله الساعه 11 الضحى لازم نكون هناك ماردت علي قلت لها : وش سويتي في الدوام قالت: اخذت اجازه قلت : لازم تقدمين طلب نقل قالت : يصير خير دخلت الغرفه وصفقت الباب وراها بغيت اقوم أأدبها حركه بايخه منها وش انا قايلها جلست وجبت الجرايد المكومه من يوم جيت وقعدت اقراها سطر سطر ما ابي ادخل عندها ونتهاوش ****** ايوه يا خالتي اوم فالح في امل يعني قالت ام فالح بهدوء مريح : يابنتي الامل دايم بربي وانتي بإذن الله ما عندس الاشي بسيط مع العلاجات بتحملين اذا كتب ربي سعديه تناظر منيره :طيب يا خالتي قد ايه حياخد العلاج ام فالح تعدل برقعها القطن وتقوم تاخذ من دولاب جنبها اكياس صغيره : بإذن الله يا بنتي شهرين واذا مالله كتب حمل تعالي مره ثانيه وناولت سعديه الاكياس قامت منيره يالله يام فالح بنمشي هالحين قالت سعديه : بكام دي الادويه قالت ام فالح : عطيني اللي يقسمه ربي ناولتها سعديه مبلغ وطلعت مع منيره قالت سعديه : ياربي يجعل في ايدها الشفا منيره :يارب يارب يفرح قلبس سعديه ************** من يومين وانا في جده مع ياسر جاامده جدا معاه واعاند بكل شي على ان ياسر وبكل صراحه انسان محترم توقعت بيعاندني بيقهرني بيستمر في نرفزته لي لكنه كسر كل توقعاتي بالمقابل انا اللي طلعت سخيفه لحد قلة الادب احاول انرفزه اطلعه من طوره وهو ما يرد او بالاصح يعاملني مثل معاملة طفل مدلع تصبر عليييه وفي الاخير تنفجر بوجهه واليوم انفجر في وجهي معزومين عند ناس اصحابه ورفضت اني اروح قال بعد العشا تكونين جاهزه وماراح اكثر كلام وجا بعد العشا وانا منسدحه بالسرير وأقرا لي مجله ومسويه قناع لشعري فيه بيض وزيت زيتون عشان اخليه ييأس من روحتي فتح الباب بقوه فجعني قال بعصبيه : ليه ما تجهزتي رديت وانا اتصفح المجله ببرود المجله اللي حفظتهامن كثر ما قلبتها :قلت لك ماني رايحه قرب مني ومسكني من عضدي ووقفني بقوه :معاس بالضبط عشر دقايق قلت بقهر :ما ابي اروووح يا اخي انت ما تفهم صرخ علي وقال : انتي اللي ماتفهمين يالله وراح للشنطه حقتي الي ما فرغتها وطلع فستان مشجر بدرجات البنفسج شاريته لي منيره وطبعا ما قسته ولا جربته ماااهو ذوقي يعني وحذفه بوجهي : البسي يالله قلت له " شعري حاطه فيه بيض رد علي بقرف : وليه حاطته يعني عشان ما تروحين بس ماهي علي هالحركات بتروحين بزفرتس وزنخ البيض قلت بإستسلام : طيب اصبر عطني ساعه اكون جهزت قال وهو قافله معاه : نص ساعه وتروحين معي بالشكل اللي انتي فيه فركت شعري بالشامبو كم مرره ابي ريحة البيض تروح اخر شي طلعت وحطيت لي فحم خليني ابخره يمكن تخف الريحه لبست تايير اسوود ونشفت شعري بهوا الاسشوار وربطته ذيل حصان بعد ما بخرته بعوده بخيييت عطر بكثافه ما ابي اشم اية ريحه شينه تمكيجت ببساطه ماحب اكثر دخل علي وهو متنرفز على الاخر ما خلصتي وقف وعيونه تتفحصني خفف من حدة صوته وقال :يالله امشي تأخرنا وطلع كشرررت مااا ودي يشوفني كذا وبعد هو مدري وش يبي هو ونظراته اف بس ************ اه يا قلبي ذي ناويه تجلطني وش هالزين بس ما ودك تتكلم والا تعصب تخرب زينها كله طلعنا من البيت سحبت نفس واخترقتني ريحتها : انتي ليه متعطره كذا قالت وش فيك لا تصارخ قلت لها : انكتمي اخر مرره تطلعين متعطره ريحتها تجنن عارف اني بنجلط الليله منها كل شي فيها يجلط وصلنا بيت ابو وليد قلت لها : هذا بيت مديري في العمل ابو وليد نزلنا ودخلتها من ممر مدخل الحريم وانا رحت للرجال وكان ابو وليد الله يجزاه خير متكلف جدا احسه ابوي من كثر فرحته فيني ********** دخلت واستقبلتني ام وليد يا هلا ياهلا بعروستنا اتفضلي يا مرحبا بك السلام عليكم وكشفت غطاي وطاحت عباتي على كتوفي ام وليد : ماشا الله ماشاءالله ربي يحرسك خجلت منها وهي تتفحصني قالت لي : اتفضلي من هنا يا حبيبتي مشيت وراها وعباتي تسحب وراي وارفعها وتطيح حست فيها كأـني اول مره ألبسها بس عرفت وش عيبها عباتي جديده وطويللللله الله يسامحس يامنيره دخلت مجلس ام وليد والا المجلس صاااك حريم وبدت السلامات اثقل مهمه لا صرتي ما تعرفين احد منهم كلللللهم جالسين بدون عباياتهم وانا بجلس بعباتي ما تعودت انزل عباتي عند الناس ووقفت قدامي ام وليد : اديني عبايتك تبسمت بحرج : لا خليها قالت ام وليد : وي اش خليها هاتي عبايتك يالله انتي عروسه مدري شلون نزلتها واكيد بان في وجهي اني مش متقبله رتبت شعري بحرج وجلست عن يميني عجوزه نحيفه و لابسه فستان كرته كحلي واطرافها ابيض ومنديلها الابيض على راسها وسبحتها في يدها وخاتمها الفيروز يزين اصابعها النحيله قالت لي: مبروك يا عروسه منو المال ومنك العيال قلت لها بحيا طاغي مدري وش جاني: الله يبارك فيس قالت اللي عن يساري وكانت بعد حرمه كبيره بس مليانه :ايمتى كان فرحكم قلت لها قبل اسبوع تقريبا ضحكت بإستضراف : وي لسى دوبك جديده ههههههههههه مدري وش ارد عليها تبسمت من غير نفس دخلت المجلس وحده كنها القمر وكانت لابسه قصيييييير وكعب عالي وشعرها مرتب بشكل كأنها طالعه من مجله جت عندي وقالت : اكيد انتي عليا ياسر موصي عليكي وقفت لها وبوستها وقلت بجفاف : اي انا عليا من معي ؟؟ قالت برقه ودلع طبيعي : انا بشرى اخت ابو وليد قلت : اهلا تشرفنا كانت الجلسه ثقيله على قلبي حسيت نفسي غريبه تمنيت اني في بيت اهلي وبين اهلي واحبابي مع انهم رحبو فيني واسرفو في كرمهم لي بس نااس غيررر وانا غيير بعد العشا اغلب الحريم راحو بقي ام ابو وليد اللي هي ام كرته كحلي وبنتها بشرى طبعا جت جلست جنبي وقالت : انتي مدرسه صح قلت لها: أي مدرسه قالت انا لسى بدرس في الجامعه وبدت تسولف : اخويا ابو وليد بيحب ياسر كثيير ومعجب فيه قلت بقلبي : وانتي بعد شكلس معجبه فيه ضحكت وقالت بهمس :الكل في هادا البيت بيحبو ياسر طارت عيوني من جراائتها ضحكت من كل قلبها على نظرتي وقالت وهي تحاول تسكت : سامحيني يا عليا بس نظرتك وملامحك بتقتل كل كدا بتغيري عليه حاولت اكون مؤدبه وحليمه عشان ما اقووم اصفقها قالت وهي تمسح دموعها وبهمس : بس انا لا الله يعينك على دموو التقييل اخذت ثواني استوعب هي وش تقول بعدين انا فكييييت ضحك عجزت اسكت اخيييييييييرا لقيت احد مثلي يشوف ياسر وثقل دمه *********** ريمو علامس بس نايمه قالت وهي يالله تفتح عيونها : مدري بس ما اقدر افتح عيوني نعسااانه عليان :طيب ازحفي ابي انام حتى انا ريم : والله مافيني روح نام بمكاني عليان : ما اعرف انام الا بمكاني ريم وهي يالله تسحب نفسها واخذت مخدة عليان وعطته مخدتها ضحك عليان ياحراميه عطيني مخدتي تمسكت بقوه بالمخده وهي تشمها لاا خليها ياخي فيها ريحه تهبل عليان :طيب بس لا عاد تقولين ياخي ناظر بريم لقاها نايمه وبعمق عدل المخده ونام من زواج عليا والعيال عند امي رافضه تجيبهم ويوم راح سند يجيبهم حلف ابوي مايطلعون من البيت الا بعد اسبوع اتصلت على امي : يمه ليه ليه ابوي يحلف انتو عارفين اني هنا في بيت فوزه عشانهم مو معقول والله اللي سويتوه امي بهواش : بلا خرابيط انتي هالحين في بيتس ومع رجلتس وفوزه الله يرحمها انسيها لا تخلينها عذر وسبب لخراب بيتس قلت بقهر : يمه سند اشتكى والا انا اشتكيت قالت امي : ياافضحي وانتي تبين الرجال يشكي قلت وانا ابكي : يمه تكفيييين انسوني انا وسند شيلونا من بالكم قالت امي بزعل : انساتس انسى بنتي قطعه من قلبي والله يا فايزه ان همتتس ماينومني الليل قلت : يمه سامحيني بس ترا انتي مشغله حالتس والا انا بخيير بس اعتقووني اعتقوووني ********** من ليلة الزواج وهي تصدد عني وانا بعد ما ودي اشوفها وما اقدر امنع نفسي ما اعجب وزادها عمي بحركة العيال ما تجي الامور كذا ياعمي اسمح لي تصرفك غلط في وقت غلط قررت اريح اعصابي واريح فايزه بعد جهزت عزبة البر وطلعت مع واحد من اخواي بعد ما بلغت عمي عشان يروح ياخذ فايزه عنده بالبيت لمن ارجع *********** قراءه ممتعه لكم وردود حلوه لي ولكل من يختبر بالتوفيق يااارب |
رد: آلا ليت الزمان يعود
السلام عليكم ورحمة الله وبركاته
12 ما قدرت اغيب هي ليله اللي غبتها بالبر اشتقت لعيالي وفايزه طول الوقت بين عيوني تعذرت من خويي ورجعنا دخلت البيت ابي انام واذا قمت اروح اجيبهم دخلت الصاله استقبلني ماجد وفارس وقامو ينتطوطون فرحانين برجعتي : ابوي جا ابوي جا ضميتهم لصدري ابي ادخلهم داخل قلبي من كثر ما اشتقت لهم رفعت راسي واشوف فايزه شايله منوله قمت لها : شلونس فايزه ومديت يدي لمنوله اللي طارت لحضني فايزه : الحمد لله بخير قلت :ما رحتي لبيت عمي ؟ سحبت خصله لورى اذنها وقالت : لا ابوي جاب العيال امس ونمنا هنا قلت : ممكن تجهزين القهوه ونتقهوى مع بعض ابي اتكلم معاتس قالت بهمس : طيب ان شالله دقايق "مدري وش اللي خلاني اقول كذا وش ابقول وش ابحكي معها *********** ركبنا السياره راجعين من بيت ابو وليد سألني ياسر: كيف لقيتي الناس ؟ قلت : عادييين ناس مثل أي ناس ياسر : استانستي يعني والا لا قلت ابيه يسكت : ايه استانست ياسر : اكيد شفتي الخاله زكيه قلت : اكيد ألتفت علي وقال متنرفز : انتي وش فيس هااه ابي اعرف خياسة النفس اللي انتي فيها على ايش؟؟!! قلت : وش انا قايله وتهدج صوتي فيني صيحه اجل انا يصرخ فيني من دون سبب قلت : ماهو عشان ابوي واخوي بعيد بتستفرد فيني وتتقاوى علي وتحسب اني بسكت لك التفت على الطريق وزفر بقوه : اعوذ بالله من الشيطان الرجيم وكملنا الطريق ساكتين نزلني للبيت وطلع "بقلبي قلت احسن فارق انت و وجهك نزلت عباتي وحذفتها بطول يدي طولها قهرني وفشلني الله يستر منس يا منيره انتي ومشترياتس العجيبه قلت خليني اشوف وش انتي شاريه لي فتحت الشنط وقعدت اقيس واجرد اللي اعجبني واللي نص ونص والي ما عجبني قليل بس الله ياهي مكثره من لبس المصاخه هههههه قعدت اتأمل وش هي شاريه كلها ما عجبتني الا قميص طويل وردي وعليه روب اسود دنتيل بسيط ونااااعم مدري وش اللي ظربني براسي وخلاني ألبسه وقفت قدام المرايه اتأمل شكلي فكيت شعري وضبطت كحل عيوني وزدت من روجي لبست صندلي وقعدت اتمشى قدام المرايه قلت لنفسي بصوت عالي : امممم ماهو شين هالقميص رد علي ياسر : الا ياحلوه هالقميص شهقت من كل قلبي بغى يوقف نفسي *************** قاهرتني عليا هالحين انا وش قلت لها عشان تزعل انا طلعت من بيت ابو وليد رايق وكنت ناوي اخذ فيها لفه على البحر بس هي نرفزتني بأسلوب ردها علي تعوذت من ابليس وسكت ما ابي نغلط في بعض ومن وصلتها للبيت طلعت قعدت الف بالسياره مالي وجهه ضايقني جدا اسلوب عليا رافضه تنسى لي جهالة زمان تتعامل معي بحده وقوه ماهو عجز مني اني اسكتها لكني ارحمها لو بررد لها الصاع صاعين واقل عقلي وارد عليها بالمثل كان ذبحتها من اول يوم الله يلهمني الصبر ويلهمني القووه امسك اعصابي لا تنفجر في وجهس يا عليا ناظرت بالساعه ما احب اتركها لحالها بالليل عبيت بنزين ورجعت فتحت البيت ودخلت مالها حس جلست بالصاله ما ابي احتك فيها بس اسمع صوت بالغرفه رحت اطل اشوف وش تسوي آه ياقلبي وش هي لابسه وش هالزين اللي هي فيه وقفت مذهول معقول بتحن علي وتبينا نبدا حياتنا سويه واقفه قدام المرايه تتأمل زينها وانا تذبحني بحركاتها : امممم ماهو شين هالقميص رديت بإبتسامه ونظره متفحصه : الا ياحلوه هالقميص شهقت المسكينه حسيت ان قلبها بيوقف قربت منها ويدي ورى ظهرها ويد ماسكه كفها:بسم الله عليس انا ياسر دفتني من صدري : بسم الله الرحمن الرحيم بس انا مثبتها بين ايدي قلت بهمس : خليس هنا عليا تشنجت وابعدت وقالت بربكه : لا كنت اقيس الملابس قلت وعيوني بعيونها وانا اقرب منها : عليا انا اسف اسف على كل شي مسكت يدها بحنيه :انا متأكد ان اسفي هذا مايرضيس من نظرة عيونس اللي تحكي اللي بخاطرس قالت بشراسه : اسف على ايش والا ايش يا ولد عمي اسف انك تركتني معلقه سنين والا اسف على غصبك لي وحطك لي قدام الامر الواقع ماهو مقبول ماهو مقبول يا ياسر ودفتني بشراسه وطلعت وخلتني ******* فايزه ابي اتكلم معتس بكل راحه من دون ما تكشين مني ابي لا ناظرتس تبادليني النظره انتي زوجتي حلالي " دمعت عيوني واحس بالغصه تسد حلقي مقدر والله ياسند ما اقدر كمل سند: فوزه الله يرحمها وصدقيني ما انا بناسي طيب عشرتها ام عيالي سكت يتعبر ناظرت عيونه المليانه دموع قلت بصوت مخنوق : اصبر علي ماهو بهالسهوله سند: وانا ما ابي منس الا انتس تحاولين تتقبليني مسك يدها يأكد كلامه وهي أجبرت نفسها ما تسحب يدها ************** انت وش بلا ك بس تدور وش عندك نط وجلس جنبي : يمه منيره : عادل قل وش عندك عادل: يمه بتكلم بس لا تكسحيني تكفيين منيره : ابشر قل يالله اسمعك عادل : ابي تخطبون لي منيره بإبتسامه عريضه : وشو عادل بإبتسامة حرج :ابي تخطبون لي نسرين منيره ولازالت مبتسمه : وش معنى نسرين ؟؟ وبعدين انت للحين تدرس وصغار كلكم على الزواج عادل : بس خطبه يمه اخاف تنخطب لغيري ظربته منيره على يده بخفه : ياللي ما تستحي من متى وانت تفكر بالبنيه عادل بضحكه وشوية خجل : يمااااه ..... هااا وش قلتي منيره بتفكير : وش قلت بعد قلت لك يا حبيبي انت للحين تدرس ادخل الجامعه ااول عشان اخطب لك عادل تغيرت ملامحه وهبط حماسه بسماعه كلام امه : يمه طيب علمي ابوي خليه يحط خبر عند عمي منيره : يصير خير اقوله بس مدري بعد وش يقول ابوك ويالله قم رح للمسجد الحق الصلاه ********** دخلنا البيت وعلياان راح ركظ لغرفة امه يا قلبي فرحان بيبشرها بحملي دخلت وراه الغرفه فزت فيني خاله قمرا : ياعله سعيد ومبارك مبروك يا الريم الله يتمه على خيرر رحت حبيت راس عمتي ام عليان هالحرمه تعور قلبي ما تعبر الا بعيونها احس عيونها تنطق فرحه وحسره بنفس الوقت يالله لو بتتكلم وش بتقول وش بتعبر عن فرحتها بتبكي والا بتزغرد والا بتضحك والا كلهن مهما تخيلت وش بتكون ردة فعلها ما يمكن اتخيل الله يشفيس يا عمتي الله يشفيس جلست جنب عليان بلا شعور مني انتبهت على إبتسامة خالتي قمرا قمت من على سريرعمتي وجلست جنب الخاله قمرا همست لي بمزحه : شكلس متوحمه عليه ضحكت بفشيله وحطيت يدي على فمي اداري فشلتي :هههه شكلي والله يا خاله ههههه تدرين ووش ودي اسوي قمرا: بهمسه باسمه : وش ودس تسوين الريم بهمس شديد: ودي اسحب شماغه اشم فيه ليين انااام قمرا بضحكه : ههههه الله يزيد المحبه بس انتي عكس الحريم يالريم دايم اسمع ان الحريم يكرهن ازواجهن وقت الوحم وانت عكسهن الريم بخجل احمرت منه خدودها : ودي بس اتنشقه واشم ريحته يااااازينه هو وريحته الله يخليه لي ضحكت قمرا بصوت عالي ماقدرت تتماسك اكثر : ههههههههههه امين يا قلبي امييين عليان يناظرهم : خير الله يجعله خير هالضحكه ارتبكت الريم خجل وردت قمرا : ابد يا حبيبي تذكرت لي سالفه ************* وش اخبارس يالعروس عليا : عاادي مافي اخبار فايزه : ياكذابه مومعقول اكيد قايمه حروب بينكم عليا : ههههه لا والله هي مره بس دحرنا الشيطان فايزه : اكيد هو اللي ادحره مو انتي ابد ضحكت عليا : عفيه عليس عارفتني طيب وانتي وش صار معس فايزه : يختي مدري وش اقول قبل كم يوم جلسنا وقالت لعليا كل شي عليا : الله يعينس مدري وش اقول بس فعلا لازم تتقبلينه فايزه : بضحكه : ههههه طيب يا ناصحه انصحي نفسس والحين يالله منوله تبي تنام تمسين على همسة حب عليا: هههههه أي بالاحلام فايزه : انتي بس خففي على نفسس القيود وعطيه فرصه يمكن تلقين فيه جانب يعجبس عليا : متأكده ما في اي جانب بيعجبني وخلاص روحي لمنوله فايزه : يالله ابي اسمع اخبار طيبه المره الجايه عليا : وانتي بعد انتهت المكالمه وكل طرف يتفكر بالكلام اللي انقال بس من ينفذ من؟؟؟؟ ************** راجع مطنقر من سيارتي طفت فجأه واضطريت اوديها للصناعيه ورجعت مع تاكسي فظخ راسي وهو يقرق علي وصلت وانا ارشح عرق اليوم الرطوبه عاليه وخنقه مافي نسمة هوا دخلت البيت توجهت للمجلس اللي فراشي فيه اخذت منشفتي وتوجهت للحمام الصغير فتحت المويه ابي المويه تمشي عشان تنزل لي المويه البارده بس مانزلت ولا تقطه الحمام مافيه مويه وانا ابي تروش فكرت اروح لحمام غرفة النوم وفعلا توجهت للغرفه لقيت الباب مقفل دقيت الباب بقووه بعدها بثواني انفتح الباب. كل مرره اشوفها تبهرني اكثر للان ما أ صدق ان ذيك المنكوشه اللي زمان.واقفه قبالي عيوني جالت بكل تفاصيلها وماحرمت نفسي ابد هي مثل الاطفال واقفه ومتخصره وشعرها متناثر حول وجهها :نعم تبي شي خشنت صوتي : ليش قافله الغرفه يعني بتمنعيني يعني حسيتها مثل اللي صحت ووعت وانتبهت لنفسها لانه واضح جدا انها نايمه تماماً قالت : لا كذا قفلته عادي ما انتبهت : طيب سوي لي عشا جوعاان بسرعه عليا طيب ان شالله قلت لها وانا اتوجه للحمام بتروش وان طلعت والعشا مو جاهز بسود عيشتس قالت : نعم وشو تسود عيشتي ليش إن شالله هذا وانا قلت طيب وان شالله والا لازم تهاوش وتلقا لك فرصه وتغلط علي اكيييد ابو طبيع مايجوز من .... قربت منها انا مبتسم وسكتها غصباً عنها وخرت عنها و حبيتها على خدها بسرعه : امزح امزح يا بنت الحلال ما ينمزح معس حطت يدها على شفايفها مذهوله مني تركتها ودخلت للحمام وانا فيني ابتسامه. انتعشت بالترويشه وطلعت وانا متأكد بلقاها في حال ثاني فعلا صدقت هقوتي ما تناظرني ابد حطت لي العشا وراحت للغرفه تعشيت وانا مبتسم للحين يا عليا ما جاس شي انتي مايجي معاس الا كذا من هنا ورايح ********** في جلسه صباحيه بين الام زكيه والبنت بشرى : زوجة ياسر عسل حبيتها يا ماما تكفي هرجتها الام بتحسر : صحيح بس والله يا بنتي ياسر يااما تمنيته ليكي بشرى تضحك: الحمد لله انو أتجوز وريح وارتاح ما اتقل دمو عكس صاحبو داك التخين ابتسمت الام: سلطان عسل بس مسكين تخين تخيين ربي يخفف عنووو بشرى بإبتسامه كبييره : امييين يالله يا ست الحبايب اسيبك دحينا اتجهز للجامعه الام: ربي يوفقك ياحبييبتي ويسعدك ويرزقك بإبن الحلال بشرى بهمس : آميييين ياااااه يا رب يكون سلطان من نصيبي كل ما افتكر ايام زمان كانو ساكنين في العماره معانا قبل ما يبيع اخوي العماره افتكر كنت دايم امر الحجه في طريقي من المدرسه واشتري لو الحُمر هههههه افتكر اول مره شافني فيها وانا اشتري من عند الحجه سألني : وش ذا اللي في يدتس قلتلو : هادا حُمر قال : يعني وش ؟ فكيت الكيس الصغير واخذت كم حبة حُمر ونزلتها في يدو اكلها كلها مره وحده من دون ما يقشرها صرخت فيه :لا لا مو كدا تتاكل يا فهيم طلعها من فمو قرفان : وع وش ذا قشور قشرتلو حبة حُمر واديته تتاكل كدا وتخرج النواه الصغيره بعد كدا صار كل ما يشوفني يطلب حُمر وهو كمان كان دائما يجب لي معاه حاجات حلوه شكلاته عصيرات بس ياخساره اتنقلنا لبيتنا الجديد وتغطيت عنو ومن زمان ما شفتو نفسي اشوفو زي زمان سلطان اطيب قلب ********* في جلسه صباحيه ثانيه اجتمعن في غرفة ام عليان قمرا وام احمد ومنيره وسعديه والريم على فطور من يد الريم قالت منيره : خالتي انتي ما رضعتي اختي حصه مع ياسر ؟؟ قالت قمرا الا وابطيت ارضعها كان نفسي اول حمل لي تكون بنيه بس الله رزقني بياسر قالت سعديه : على كده ولاد حصه ربنا يرحمها يبقو ولاد اخت ابنك وهو يبقى خالهم قالت منيره :هههههه يعني محرم لنسرين حلووووو قالت الريم : وليش ساكتين كل هالسنين قالت قمرا بحررة جوف : اللي كنت فيه ينسي الواحد اسمه مو رضاعه الحمد لله تنذكر ما تنعاد يارب ************* :اجهزو بنروح ناخذ عمره : واااااااي شكرا شكرا شكرا يا بوي ضحك بندر : كل ذي فرحه نسرين : اشتقت لخالتي عليا اكييد بنمرهم سعديه بقصد: اه ياحبيبي عاوزه تشوف خالها وخالتها عقد حواجبه بندر بإستفهام : خالتها وعرفناها بس منهو خالها ؟ سعديه بضحكه : ياسر يبقى خال ولادك عبد الله : لا ماهو خالي زوج خالتي سعديه : هو انا ما قلتلكووش مش خالتي قمرا مرضعه حصه ربنا يرحمها مع ابنها ياسر بندر تذكر : أي والله صحيح ياسر اخو حصه الله يغفر لها شلوون نسيت هالشي نسرين : شلووون يعني عسى تبوني اكشف عليه مستحييييييل ضحكو عليها وعلى موقفها من الخبر سعديه :يا بت ياعبيطه ياسر ده يبقى خالك بلاش حركات نص كم نسرين : نص كم كم طويل ما اكشف يعني ما اكشف بندر :اذا تقابلنا يصير خيير انا طالع الحين بشوف السياره سعديه : بالسلامه يا حبيبي *********** سلطان من شاف نسرين وهو يشاور نفسه ملييت من العزوبيه اول ياسر يسليني ونتعاون على الوحده والعزوبيه بس الحين صفيت لحالي ياسر انشغل بحياته وان كان ما ينساني يمرني يوميا بغيت انجن انسى وانادي ياسر اتخيله للحين موجود اليوم انا لازم اكلمه اشوف منهي ذي اللي شفتها في بيت عمه بتوكل على الله واخطب منهم ********** قراءه ممتعه لكم وردود حلوه لي |
رد: آلا ليت الزمان يعود
السلام عليكم ورحمة الله وبركاته
حيالله الجميع اعذروني على التأخيير 13 انهيت اتصالي بياسر وقمت استعد للسفر مع بندر وعياله فرصه اخذ عمره وامر ياسر وعليا واتطمن على احوالهم اول شي قمت لاختي و قلت لها : اسمحي لي ياختي بغيب عنس يومين اعتمر واتطمن على العيال ياسر وعليا وراجعه ان شالله وبإذن الله باخذ لس عمره ياختي واجيب لس معي من زمزم دخل عليان وسلم علي واحتضن امه وقال : اجل ياخاله رايحه مع بندر ان شالله قلت : ان شالله يا ولدي يومين بالكثير وراجعه عليان : خذي راحتس ياخاله الريم موجوده ومنيره قريبه تطل علينا انتي روحي وادعي لنا ياخالتي :ابشر يا حبيبي *********** : عليا بعد بكره ان شالله امي بتجي عليا بفرحه : صدق ياسر : ان شالله بتجي تاخذ عمره عليا : الله يحييها ياسر : بس انا كنت مخطط شي ثاني اخذت شاليه ابو وليد عشان نقضي فيه كم يوم انا وانتي قالت عليا : عادي تروح معانا خالتي قلت : بس امي بتجي مع بندر لوت فمها من سيرة بندر: هو اللي بيجيبها ؟ ناظرت فيها بتأمل : ايه عندس اعتراض؟! عليا رفعت كتوفها : واعترض ليه بكيفهم "بصراحه من دريت انه بيجي وانا ابليس اشتغل يوسوس لي اكيييد جاي بيشوف وبيعرف اخبارنا بيتبع حبيبة القلب من طرى لي كلامه لبدر يوم يعترف بوقاحه بحبه لعليا حسيت الدم يغلي بعروقي والله من الجراءه يا بندر والوقاحه قلت لعليا بحده قومي سو ي لي شاهي ناظرتني مستغربه حدتي وما تحركت قلت لهابصراخ : يللله قومي وش تنتظرين قامت وهي تقول وتحب يدها وتحطها على جبهتها : الحمد لله والشكر سكنهم مساكنهم يالله طيب كيف اروح وامي بتوصل بعد بكره شلون يدلون الشاليه اممممم أي اكيد مالي غيرك يا سلطان هو اللي بيجيب لي امي رحت للمطبخ وشفت عليا واقفه قدام الفرن تنتظر المويه تغلي قربت منها وضميتها بقوووه وكأني اثبت لنفسي انه من حقي ومن حقي اضمها متى مابي واحب ******************* بسم الله الرحمن الرحيم وش بلاه هالرجال ماهو بطبيعي اليوم من عرف ان امه جايه وهو في حاله غير طبيعيه فجعني وانا واقفه بالمطبخ بضمته لي بدون ما احس بدخلته علي حاولت اتملص منه بس ماش مثبتني ظهري لاصق بصدره وراسه مثبته على كتفي دقايق وهو على هالوضع خطف انفاسي بانفاسه الدافيه ارخى من ضمته لي ولفني اواجهه غرقت بحياي ماعرف وش يجيني لا صار قريب مني كذا ينربط لساني رفعت عيوني له وتعلقت بعيونه اول مرره انتبه لعيونه ورموشه آآآه ياقلبي ياهي تحكي نظراته مرررره خجلت من نظراته تنحنح بخشونه قال : بروح لسلطان ارجع القاس تجهزتي بنروح اليوم للشاليه طلع وتركني اووووه توني تذكرت وتنفست ما اقولكم خطف انفاسي ******************** جاهزين بنمشي وركبنا السياره وعفشنا مربط فوق جمسنا ادور حوالين السياره اتفقدها و ننتظر ام ياسر تطلع عشان بنمشي ناداني بدر واخذني على جنب متردد بس قالها بوجهي صريحه : بندر ليه رايح للحجاز ناظرته مافهمت سؤاله ومتعجب قلت : ابي اعتمر حط عيونه بعيوني : بس يا بندر قلت : وش عندك يا بدر يعني وش بيخليني اتعنى غير العمرة قال بدر: يعني عليا مالها دخل عقدت حواجبي غضب : بدر بنت عمي الله يستر عليها محيت كل اثر لها بقلبي اصلا ماكان لها شي كانت وساوس ابليس والله يخلي لي ام محمد( سعديه ) يناديها احياناا ام محمد بدر شد على كتفي : كفو ياخوي كفو يالله تسهلوو وحافظكم ربي وطوى عنكم الارض سلمت على بدر وانا اغلي زعلان زعلان يشهد الله علي ماجت عليا في بالي من قبل زواجها بياسر اشمأزيت من حالي زمان وتحمدت ربي الله من علي بان هداني ومسح على قلبي ركبت السياره لقيت سعديه راكبه قدام قلت لعبد الله اللي جالس في المرتبه الاخيره : ورااك راجع قال وهو يعدل المخدات تحته : بنااام يبه وراانا خط شطوله ضحكت عليه قلت: ترا بنص الخط بتجي تكمل عني والتفت لسعديه : يا حيا الله بنت الشيخ سيد ضحكت سوسو : يحيك ويبقيك يا خوياا قلت بضحكه : بطليهااا اخويا ذي قولي حبيبي عمري الا اخوياااا انا مش اخوكي ياست سعديه بنقابها الواسع وحواجبها الظاهره منه : حاضر ياسيدي دانتا تأمر امر ناظرت بنسرين : الشيخه نسرين علومس يمه نطت لاصقه بمقعد ابوها: الله يخليك يبه والله الشيخه نسرين مبسوطه بالمره وتنتظر بس الوصول انفتح الباب وركبت قمرا السياره بجنب نسرين : السلام عليكم ابو عبد الله بندر: هلا هلا والله بام ياسر تو ما تباركت السياره قمرا الله يبارك بك وبعيالك ومالك وصحتك يا ابو عبد الله ويخلي لك هالسكره سعديه : تعيشي يختي قلت : جااهزييين يالله بنمشي : ناظر في سعديه : هاتي القهوه والشاهي قدام عشان تقهووويني في الطريق قالت نسرين :لا معليش ابوي هذي مهمتي ارتاحووو قالت سعديه : يعني حتكوني المضيفه بتاعت الرحله ديه ههههههه نسرين : حلم حياتي اكون مضيفه قالت سعديه : هيا وظيفه حلوه بس متعبه عندك استعداد تخدمي على كل المسافرين قالت نسرين بحماس : طبعا قالت سعديه : طيب لو حد منهم داخ وألبت معدته وعملها ورجع حتمسحي لو وسخاته قرفت نسرين : وااااع لاا ما ابي ما ابي انا ابي بس اسافر واشوف الدنيا عبد الله : اقول اسكتي بس قال مضيفه قال مدرسه ويخب عليس وظربها على راسها بشويش صرخت نسرين بدلع : يباااه شف السخيف عبدالله ناظر بندر بحزم لعبدالله : اصحك تمد يدك علييها هذي الشيخه نسرين وخلااص خلوني اسوق بتركييز وانطلقووو في طريقهم ********** لابس ومتشخص بروح لياسر ابي اكلمه عن موضوعي ابيه يسعى لي في خطبتي ناظرت نفسي في المرايه ما رضيت عن نفسي ابد الفتره اللي فاتت زاد وزني بشكل كبير شكلي مايشجع ابد اخاف مايرضون والسبب وزني دب مثلي بيخطب عصفوره مثل ذيك طبيعي ما يوافقون هبطت عزيمتي وحسيت بنكد فضيع وترددت اني اكلم ياسر بس ياسر فاجأني بجيته لعندي فتحت له الباب : اكشخ اكشخ وين طالع ومتكشخ كذا سلطون : سلطون في عينك كنت بطلع وبطلت ياسر : لا يكون انا السبب عادي ترا بس جاي اقولك كلمتين وماشي قلت : لا مو انت السبب هات وش عندك ياسر: اليوم بطلع انا واهلي لشاليه ابو وليد وبكره او بعده امي جايه مع ولد عمي بندر ابيك تجيبهم للشاليه رقم البيت عندهم بيتصلون فيك : طيب ابشر نزلت شماغي وجلست بإحبااط بان بملامحي قلت لياسر : ياسر لو عندك اخت وخطبت منك تزوجني ناظرني ياسر بضحكه : اكييييد وازوج مندوبك بعد وش عندك نويت يالدب هو قال دب وزاااد احباطي احبااااط قلت له : هي نيه مترردد فيها بس شكلي ببطل منها ياسر جلس جنبي وقال : افى ليه وش اللي مخليك متردد قلت : وانا ااناظر بجسمي دب من بيقبل يزوج بنته دب قالي ياسر : انحف رح تعالج شف لك حل في وزنك مشكلتك يا سلطان انك مهمل نفسك لابد تتعالج انت حالتك ماهي صعبه صدقني قلت بإحباط : ياسر انت عارف اني ياما حاولت ياسر أي حاولت بس ما تواصل حدك اسبوع اسبوعين وتبرد همتك بس الحين لازم يكون عند اصرار اكبر يالله قلي من كنت ناوي تخطب اكيييييييد بشرى قلت بعدم فهم : من بشرى ؟؟؟ ضحك ياسر : بشرى اخت ابو وليد قلت له بنفي وتأكيد: لااااا هذولي لا يمكن يزوجوني انا بالذات قال ياسر ؟ وليه بالله قلت : انت عارف هم حضر وانا بدوي هم نحااااف وانا دب قال ياسر : ما عتقد هالنظره عند ابو وليد اصلا ياما لمح تنكر والا لا قلت : قصدك ياما لمح لك كان متأمل تخطب منه اخته ياسر : ما اظن لانه كان عارف اني خاطب ومملك الله اعلم انه كان يلمح لك انت قلت: لااا ما ابي اغامر وانكسح انا بخطب منك انتم ابي اخطب اخت مرتك عقد حواجبه ياسر: زوجتي اصغر خواتها حكيت راسي :اجل من هي اللي شفتها في مجلسهم طارت عيون ياسر : انت شايفن احد هناك قلت بخجل : أي يوم رحت اخذ سيارتك دخلت علي وحده ياسر ظرب راسه : يالخبل لا يكون زوجة عليان وقعد يضحك وانا اضحك معه بس مو من قلبي طلعت متزووجه وانا يوم نويت واخترت اخترت متزوجه ************* اخذت العيال وطلعنا للبر واتفقت مع عمي نتلاقى هناك من العصر ذبحنا ذبيحتنا وتكفلت بالشوي وفايزه معي تساعدني وعمي وعمتي جالسين خلفنا والعيال يلعبون عندهم نويت هالطلعه كسر لروتين وتغيير عن اجواء البيت واصريت ان فايزه تساعدني بس بيني وبين نفسي هاتي لي يا فايزه امسكي يافايزه كنت اابي اكتشفها وابيها تكتشفني ابي تخف الحواجزما بيننا كنت اسولف مع عمي وعمتي كانت سوالفنا كلها عن قصص البر والمقالب بين الشباب كنت اهف على الشوي واقلب فيه وفايزه جنبي تجهز الدفعه الثانيه من الشوي قلت لها : ابعدي شوي لا تنكتمين من الدخان قالت بهدوء : لا عادي ما يجيني انت اللي مقابله وانخنقت تعلقت عيوني فيها ببلوزتها البنيه الماسكه عليها ونحرها الابيض وشعرها المرفوع بجمال قالي عمي وهوو يضحك : ياولد انحرقت العيشه التفت للشوي اللي تفحمت اطرافه رفعته بسرعه بيدي ونسيت انه حااار احرق اصابعي وطااار من يدي بعد مانفظته من الحراره ضحك عمي علي : انتبه ياولدي انتبه ترانا نبي عشانا انحرجت منه ومن فايزه اللي قامت جابت لي ماء بارد من الترمس البرتقالي >< : حط يدك هنا يبرد عليك الحرق شكرتهااا وحطيت يدي ابيها تبردد ************ بسم الله عليك قلتها يوم انحرقت يده حسيت ابوي احرجه وهوو احرجني بنظراته فيني عارفه وحاسه بتغيره ناحيتي وعدته اني اتقبله واتقبل حياتي معاه جالسه مقابله وسرحت فيه وفي حياتي معاه نبهتني يد سند على يدي رفعت عيني فيه تبسم لي واجبرت نفسي على الابتسامه مد يده بقطعة شوي بيأكلني اياها مديت يدي باخذها رفض وقربها من فمي قالت امي : كلي من يد زوجتس فتحت فمي بحيا واكلتها من يده قال فراس : وانا انا ابي تاكلني يبه قال ماجد :لا انا ابوي بيأكلني صار يأكلهم وانا قمت اوسع لهم وتحججت بمنوله اللي اخذتها من يد الشغاله ************ وصلنا للشاليه العصر اللي كان راقي جدا واحلى مافيه خصوصيته على البحر له شاطي خاص فيه تفقد ت المكان مررررره حلوووو وارتاحت نفسي فيه واقفة برى على الرمل الدافي للحين عباتي علي : تقدرين تاخذين راحتس هنا عليا البحر لنا ومحد بيضايقنا تبسمت وقلت : ماشالله مكان حلووو قال بإبتسامه عريضه : والله انتي احلى سكت وتقدمت للبحر لين الموج غرق رجولي نزلت عباتي وحذفتها على اقرب كرسي غاب ياسر داخل الشاليه وانا غبت في تأملي للبحر يضرب الموج بنعومه وكأنه يترجاني ادخل اكثر رفعت تنورتي لنص سيقاني وتجرأت شوي لين وصلت المويه لنص ساقي وتبللت اطراف التنوره اكثر : هااا عليا عجبس البحر ودخلتي التفت عليه وصديت بسرعه كان مغير بشورت سباحه اسود حسيت فيه ورااي بالتمام قال تعرفين تسبحين هزيت راسي بلا قال : طيب شرايس اعلمس السباحه التفت له وهزيت راسي بلا كم مره قال وهو يضحك: الا يالله لازم تسبحين وشالني بسرعه ودخل فيني للبحر وانا اصرخ : لاالاا ياسر لااا تكفى لا مابي وهو ميت من الضحك علي : يالله ياجبانه ونزلني للبحر وانا تعلقت برقبته : تكفى ياسر تكفى لا تخليني حاول يفك يدي عنه وانا متمسكه فيه لدرجة رفعت سيقاني على خصره وايدين متشابكه ورى رقبته ضحك من كل قلبه : فكيني خنقتيني صرخت برعب :لا ياسر واللي يعافيك واللي يخليك لا تتركني ركز عيونه بعيوني وحضني بنعومه وقرب مني اكثر ********* :يااااااوويلس من الله يا عليا حارمتني هالحلا دفتني بقوه وتركتها نزلت في المويه وبدت تتخبط وكأنها بتغرق مسكتها بسرعه وصرخت فيها ابيها توقف تخبيط وربشه بالمويه :علياااا وقفي على رجولس هنا موغريق ماصدقتني عليااا ناظري شوفيني واقف ومديت لها يدي :هناك الغريق ورى الكساره هنا امااان وقفت على رجولها واستوعبت انها بأمان وتتنفس بقووووه منظرها وسط البحر بجمالها كأنها حوريه شعرها الطويل كحلها الملخبط روجها اللي مسحته بلوزتها اللي لصقت فيها كلها شكلت لي فتنه خبطتني على كتفي : حرام عليك بغى يوقف قلبي قلت بلهفه وحب: بسم الله على قلبس رمشت وصدت عني بحيا : لا عاد تسوي فيني كذا ضحكت عليها غطست اسبح صارت تلعب بالمويه وهي واقفه وانا سبحت حوالينها ما ابعدت سمعنا اذان المغرب طلعنا وغيرنا وصلينا كنت اتنافض من الجوع لقيت عليا مجهزه خفايف مع الشاهي اخذت الصينيه وجلسنا برى على الشاطئ قلت ابي اسولف معاها ونكسر الحواجز :عليا وش تدرسين قالت : يعني ماتعرف قلت لها : لا والله مدري قالت: لغه عربيه قلت لها :ليش اخترتي هالتخصص قالت : احبه واستمتع فيه قلت : لها اجل انتي عكسي ما احب العربي وكان مسبب لي مشكله ودخلت علمي عشان افتك منه قالت : زمان اذكرك شاطر دايم من الاوائل تبسمت بإستغراب : الحمد لله تذكرين شي عني زين ضحكت بنعومه : ههههه هالشي الوحيد الزين فيك رفعت حاجبي موعاجبني الكلام ضحكت بقووه ووحاولت تكتم ضحكتها : هههههه زماان لاتزعل زمان مع اني للحين ماعرفت وش زينك من شينك هالحين قلت بجديه بعد ما جلست بجنبها : بالله شفتي مني شين هالايام اللي قضيناها مع بعض قالت وهي تتحاشا تناظر بعيوني ويدها تلعب في ظفيرتها : بصراحه لا ضحكت قلت لها: طيب ناظريني وقوليها لي قالت بصوت مخنوق حيا : وش اقول مسكت وجهها باطراف اصابعي ولفيته لي : ناظريني عليا بالغصب ر فعت نظرها لي غيبتني بنظرتها وغيبتها بحبي لها ووعدي لها بحياه ما تشوف فيها مني الا السعاده قراءه ممتعه لكم وردود حلوه لي |
رد: آلا ليت الزمان يعود
السلام عليكم ورحمةالله وبركاته
يسعد مساكم الليله ختام رواية آلا ليت الزمان يعود بإذن الله بيكون على جزئين الجزء ال14 وال15 اسعدوني بردودكم ودعواتكم استودعتكم الله الذي لاتضيع ودائعه 14 في بيت الله وامام الكعبه خلف الطائفين وامام الراكعين في هدووء الليل الساحر واجواء الحرم الروحانيه استكانو في خشوع خلف مقام ابراهيم. كلن له حاجات واماني يطلبه من الواحد الاحد توجهت افئدتهم نحوه بالرجاء والطلب فمن يرزقنا سواه لا احد لا احد التفت لبندر :سي بندر ربنا يخليك سيبنا هنا كمان يومين اصل بيت الله ما يتشبعش منو بندر: عز الله ماينشبع من بيت الله حنا تمينا يومين في مكه وبنقضي يومين في جده وبعدهالازم نرجع انا وراي دوامي والعيال مدارسهم بعد تنتظرهم يكفي غياب نسرين: يا ابوي تكفى لا تجيب لي طاري المدرسه قطع طاري فاجأوني بالرجعه ولا تعلموني ابدا ************* يا رب ان تشفيها وتشفي كل مريض وتبدل سقمهم صحه وعافيه ياربي ان تعيضهم بالحسنات وتكفر عنهم السيئات يارب توفق ولدي وترزقه بالذريه الصالحه يارب فرحني بعياله وعيال عياله يارب دعيت من كل قلبي لبندر اللي جابني اعتمر واطلب ربي دعيت لكل من جى في بالي ما ودي اطلع من الحرم يافيه من الراحه النفسيه والطمأنينه والله لولا اني مرتبطه بناس اروح معهم وان ولدي ينتظرني ما طلعت من الحرم ابد للاسف جا الوقت اللي نترك الحرم و لحقت بندر وعياله بنروح لجده نشوف ياسر ماسكه احرام عبدالله هو محرمي يازينه هو وعظيماته رحنا للفندق واخذنا عفشنا متوجهين لجده ********** تلاقينا مع صديق ياسر يوم شفته عرفته على طول هذا الدب اللي دخلت عليه في مجلس جدي سلم على ابوي ووقفو شوي يتكلمون وحنا فاطسين من الحر والرطوبه او ل ماركب ابوي السياره قلت له : تكفى ابوي وقف اشتري لنا ماء بااارد وعصيرات فطسنا من الحر قال ابوي : اصبري لا وصلنا اشربي اللي تبين الحين الرجال بيدلنا على مكانهم ولحقناه بسيارتنا ومشينا ومشيينا وطالت المسافه لين صرنا نشوف البحر على يسارنا وكتمتنا الرطوبه وريحتها قال عبد الله : يبه مطولين ثيابنا لصقت بنا قال بندر: مدري والله انا احسب المكان قريب اصبروو هذاهو يعطيني اشاره ودخلنامنطقة الشاليهات و ووقفنا قدام شاليه فخم نزلابوي ونزل عبد الله و تكلمو مع سلطان وصلنا قالها سلطان وتشكر منه ابوي وركبسيارته وراح وانا اناظره واقول الله يخفف عنا وعنه مسكين دب ******* ياسرر يالله قوووم في احد يدق الجرس مممم خليني شوي اناام دفيته بشويش يا سر اقولك الجرس يدق اسممع جلس وفرك عيونه بشويش وبصوت ضخم من النعاس :صباح الورد ياورد تبسمت بحيا وقلت :الجرس يدق اكيييد جات خالتي قام بسرعه ولبس ثوب البيت ضحك بلؤم :ربي رحمس بجية امي وطللع لمدخل الشاليه كانت الساعه 3 الظهر بنظرره سريعه شفت الصاله ورفعت اشياءنا المتناثره فيها ودخلت المطبخ وركبت القهووه سمعت اصواتهم بالمدخل ياسر : ياااولد دخل علي المطبخ وبحزم قال: روحي فووق بسرعه قلت له :القهووه قال بملامح جاده : فووق بسرعه لاتخليني اعصب مريت من قداامه وانا اخبط بالارض لا يمكن يخلي اسلووبه طلعت فوق بسرعه فيه غرفه ثانيه غير غرفتنا مع الصاله فتحت مكيفها مع مكييف الصاله عشان الاجوا ء حاره ووقفت على الدرج انتظرهم يطلعووون اول من طلع لي سعديه : ياهلا ياهلا والله تو ما نورت جده سعديه رفعت نقابها واخذت نفسها بقووه : منوره بيكي ياحبيبتي بس اصبري ياعلياااا عاوزه اخد نفسي ايه ده ايه ده دا جو بيخنق :خذي راحتس ونزلي عبايتس سعديه : ألحقيني بس بكباية ميه حموت من العطش قلتلها : ابشري نزلت تحت ووقفت الصاله اللي ما يفصلها عن الدرج الا امتداد بسيط في جدار الصاله لو كملت نزول اشوف اللي بالصاله واللي بالصاله يشوفني ناديت ياسر: يااسر بسرعةالضوء جااااااني ووجهه اسووود : وش اللي نزلس ؟ بندر بالصاله قلت له : الحرمه تبي مويه قال : طيب لاتحركين قلت بعصبيه: طيب غاب دقيقه ورجع بقارورة مويه مع كاسات بلاستيك ناولني ايااها وقال: لاعااااااد اشوفس نازله سمعتي ترا احش رجولس حش ناظرته بحاجب مرفوع وطلعت بعد ما قلت له : انا احرص منك على نفسي *********** رجعت للصاله وعيني بعين بندر بس بندر كاان عاادي ماحسيته متابعني يسولف مع امي استغربت منه اللي مخلي بنته جالسه معانا ما طلعت مثل زوجته قال بندر : ياسر اعرفك ببنت اختك حصه نسرين البنت كشت ولصقت في ابووها عقدت حواجبي وبعدها تبسمت : أي والله حصه اختي من الرضاعه ههههههههه وليه متغطيه عني قومي سلمي اشوف تمسكت بغطاها على رقبتها كأنها تتحامى فيه ضحك ابوها : يا بنت تراه خالس هز ت راسها بقوووه بلاا قالت امي وهي تضمها : خلوهااعلى راحتها رووحي فوق عند خالتس يا قلبي البنت ما صدقت طاارت لفووق قام عبد الله وقال انا بعد بسلم على خالتي قال بندر: انا باخذ المُدام وبرووح اقضي كم شغله وبالليل ارجع لهم و بنمشي بكره ان شالله قلت: العشا عندي خذ راحتك انت ومرتك بس لا يأذن العشا الا وانت عندي قال بندر: تعشى عندكم العافيه بكره ان شالله امركم والتفت لامي ماعليس امر ام ياسر ناديها لي انا انتظرها برى *********** خالتي حبيبتي اشتقنا لس مررررره ضميتها بقووووه ياني مشتاقه لهم مشتاقه لامي وابوي واختي واخوي مشتاقه لبيتنا وجاا عبدالله وضمني انا ونسرين خااااالتي ياقلبي :وش ابشرس فيه نسرين صارت محرم لياسر ههههه قلت: هاااه وش تخربط ضحكت نسرين وسعديه قالت : مش البت نسرين تبقى بنت اختكو انتي وقوزك مش مسدأه ازاي يفوت عليكو حاقه زي كده قال عبد الله : زوجس يا خالتي يصير بعد خالنا اخو امي الله يرحمها من الرضاع جدتي قمرا قالت انها رضعت امي مع خالي ياسر طلعت خالتي ونطيت عندها استقبلها ياقلبي ياخالتي وقعدت اصيح : شلونكم بالله شلون ا مي وابوي وش اخبارهم اشتقت مررره لهم وخالتي مبتسمه وهي تهدي فيني :كلهم طيبين يا حبيبتي والتفتت لسعديه وقالت : بندر يقولس انزلي له وانتم بتقعدون معي هنا وتقافزت عليا ونسرين مثل الاطفال وعبدالله يعدل في التلفزيون :الله عندكم قناة مصر ****** طلع بندر مع زوجته وطلعت فوق يا هلاوغلا باللي لفانا نورتيي والله يا ام ياسر قمرا: منور بكم ياقلبي جلست جنب عليا وهي ابعدت عني بزعل "بسم الله هذي شفيها التفت للبنت اللي وراها جالسه بحرج قلت بإبتسامه عريضه : ياهلا والله ببنت حصه نزلت راسها مستحيه ضحكت عليها توها صغيرها عبدالله متنح في التلفزيون اللي يوشوش وباين فيه خيااال فيلم مصري قديم وقال بحمااااس ياحظكم تطلع عندكم مصر ضحكت عليه :هههه بالله ما انعمت عيونك وش تشوف قال عبد الله : فيلم لفاتن حمامه قلت لعليا :وين قهوتس ؟؟ قامت بسرعه قالت :هالحين ونزلت تحت جلست انا وامي ونسرين وعبدالله ونسولف عن اخبارهم وعمرتهم وبعدها جت القهوه واستمرينا نسولف بعدها قمت اوري امي الشاليه والبحر وعليا انشغلت مع نسرين فرشنا قدام الشاليه بعد المغرب وكنت احس عليا تتحاشاني لين لقيتها لحالها بالمطبخ قلت : انتي وش فيس مبرطمه علي قالت : انت اللي شفيك ليش تكلمني كذا ؟!؟!؟! قلت:شلون يعني؟؟ قالت : اليوم عند الدرج انا تراني حريصه على نفسي قلت بجفاف : ايييه قايلس لا تنزلين والا لازم تشرفين وتشوفين من جانا ترااه الا بندر !! قالت بحده :وش تقصد ؟؟؟ قلت : مااقصد شي انتي عارفه ردت علي بحده اكبر : والله ما انت صاحي اولا ان كان عندك كلام والا أي شي قله بصراحه ثاني شي انا احرص منك على ستري وصدقني ماني شروف ولا فضوليه على قولتك وزي ما قلت تراه الا بندر ولد عمي وزوج اختي يعني ماله داعي اسلوبك ذا معي وطلعت وخلتني بالمطبخ فكرت بكلامهاهي ما نزلت الا لغرض بس ابليس لعب براسي لحقتها ******* |
رد: آلا ليت الزمان يعود
كنت بنص الدرج لحقني وبدت حركاته البايخه
مسكني من كتوفي ومشى ومشاني معاه للصاله اللي جالسه فيها خالتي وجلس وجلسني جنبه ومسك يدي بين ايديه قال:يمه بالله شفتي احلى من عليا ناظرته ناقده عليييه تو مسمم بدني بكلامه والحين يتغزل ضحكت امه ليييين. طلعت دموعها :هالحييين شفتها حلووووه !!!!الله يرحم ايام زمان يومكنت ما تطيق تناظرها ترك يدي كأنه ملسوع من كلام امه وانا برد وجهي ادري انه يكرهني وادري انه مو طايقني لييه العذاب ليييه زواجنا واتمامه غلطه شنيعه اخرتها برجع مطلقه حزنت على نفسي وحسيت العبره خنقتني قمت بسرعه ابي اهرب من قدامهم وطلعت للحديقه اللي خلف الشاليه بس حسيت اني لحالي سمحت لدموعي تنزل متقلب امس بمزاج واليوم بمزاج اناوهو مثل الزيت والمويه لا يمكن ننسجم ***** خالتي منقلب مزاجها واااضح وخالتي قمرا مصدعه ودخلت تنام ابوي ما جا جت الساعه عشر شكله ماهو جاي الليله رحت لخالتي عليا وجلست اسولف عليها قلت لها عن موقفي مع سلطان الدب وضحكت علي حسيتني غيرت جوها ******* كنت في الصاله اسمع كلام نسرين مع عليا ياحليلك يا سلطان اثر هالبزر لعبت في حسبتك لو اقوله انها طفله وش بيقول خليه على عماه وان شالله يخطب بشرى ويستقر بس يبي له شوية تشجيع تذكرت زعل عليا مني وكلام امي اللي جا بوقت غلط حسيت امي ما فشلتني لا فشلتها هي وآذت مشاعرها جاني شعور واحساس اني متضايق لزعلها جلست في الصاله انتظر تنتهي جلستها مع نسرين بس غفيت وراحت علي نومه ماحسيت الاوامي تصحيني الصبح قمت اناظر اشوف وين عليا مافي احد الباب القزاز مقفول طلعت فوق للغرفه لقيتها فاضيه وين راحت ذي ؟؟ تعوذت من الشيطان صليت ونزلت لامي ******** جالسه وفكري ضايق حاسه ان ياسر وعليا ماهم مرتاحين هم يحاولون ما يبينون شي بس من نومة ياسر بالصاله ونومة عليا عندي وعند نسرين واضح ومن امس اشوف خاطر عليا ماش لازم اشوف لهم حل هالاثنين لازم ووصل ياسر وهي بعز افكارها : اشرت له تعال اجلس هنيا بجنبي جلس ياسر ودخلت قمرا بالموضوع مباشره : بشرني عن احوالك انت وعليا عسا انسجمتو وتفاهمتو تنهد ياسر بقووه : اه يمه قبل امس بس اللي بدت الدنيا تحلى بعيني كان يوم من احلى ايام عمري آه يا يمه ترحمي على ولدس طحت ومحد سمى علي يايمه وبنت اختس ماهي ناويه ترحمني وامس صار بيننا سوء تفاهم وهي ماتساهلت معي للحين عليا تتعامل معي بنفس معاملتها لي وحنا صغار ظربه بظربه والبادي اظلم وانتي يمه زدتي الطين بله قمرا بندم : ياربي سترك اشوف تغيرت وجيهكم وانعفستوانا فاتحتن خشتي اتضحوك اثرني عفستكم معليش يا ولدي زي ما خربتها اصلحها ياسر : لا يمه تكفين خليني انا باسلوبي اراضيها ولا تقولين لها شي وغيرالموضوع :الايمه ماودس امشيس وافطرس فطور حجازي تبسمت قمرا : الا والله ابي اتمشى واشوف الدنيا خلاص ألبسي عباتس وانا اشوف عليا ونسرين وعبدالله *********** دخلت علي خالتي وهي لابسه عباتها تبين اجلس عندس قلت لا ياخالتي تسلمين بنام وانتو روحو انبسطو مع ياسر طلعت خالتي وسمعت صوت السياره تحركت الحين بدل ما يجي يعترف بخطأه ويعتذر لي دخل علي يبي مني اروح معاهم بس رفضت :قومي يالله بلا دلع غطيت وجهي باللحاف وقلت له: ما ابي اروح سحب اللحاف عن وجهي وقرب وبهمس غاضب : قومي امي برى تنتظرنا ونومتس برى الغرفه مرره مالها داعي قلتله :تعبانه والله تعبانه والغرفه ما ابي انام فيها وخلاص رووح لا يروح عليكم الوقت طلع وهو ينافخ وانا بعدهم قمت ورتبت المطبخ والصاله ورجعت انام تعبانه نفسيا وبدنيا ******** على الساعه 2 الظهر بعد الغدا كانت مررررره مطنشتني حتى نظرة ما عطتني بعد ما دخلت امي تقيل وعدت ساعه بعدها ما قدرت اصبر. طلعتلها على السقاله عليا ادخلي الله يهديس عن الشمس جالسه على الطرف وتناظر لبعييد ماعبرتني ولا كأني موجود جلست جنبها ونيتي اني اطيب خاطرها قلت لها: وانا اتذكر شكلها وهي صغيره تدرين عاد ابتكلم معاس بصراحه شديده انتي زمان بالنسبه لي شي كرييه بغييض كنت اذا شفتس اتنرفز ويدي تحكني اذا ما ظربتس وكفختس او تسببت في ظربس كنتي دايم عكس خواتس حصه الله يرحمها ومنيره ماعمريشفتس الا وانتي شعرس طاير كنه كشة ودايم حافيه وسويدا من اللعب بالشارع كأنس ولد كنتي شييينه وتاطين على كبدي من ثقل دمس و عمي ابو عليان كان مدلعس مررره تدرين عاد فرحتي متى؟؟ يوم انكد عليس يووووه عجيييب ذاك اليوم اللي اقهرس فيه مستغرق انا بذكرياتي وشعوري نحوها وهي صغيره ما انتبهت اني زدت الطين بله الا يوم شفتها قامت وهي تمسح دموعها فزيت واقف قلت لها :اصبري اكمل لس صرخت فيني وقالت : وش تكمل وش بتقول بعد يا اخي حرام عليك اذا انت كارهني مررره انا اكرهك ملاييين المرات ودفتني بقووه وراحت تركظ يالله وقفت منصعق من ردة فعلها صرختفيها طيب اصبري خليني اكمل اختفت داخل الشاليه زفرت بعصبيه حسيت ان مهمتي زادت صعوبه حسيت ا ني دمررتها واني لا يمكن اقعد معاها والااذيها بقصد او بدون قصد بس والله ماخلتني اكمل كلامي كان ودي اعبر لها عن ذهولي يوم شفتها اول مرره عقب سنييين والاعن اعجابي اللي كل مرره اشوفها فيها تغييرتي تغيييرتي كثيير عليا راح السماراللي من لواهيب الشموس والكشه المنكوشه صار مكانها شعر احمر حريرر والا الطول والا الزول كله كووم واحترامي وتقديري لها ما شفت مثلها في سنعها وبرها بامها ما عطتني فرصه ابد دخلت وراها لقييتها حاضنه نسرين بنت حصه الله يرحمها وتبكي ناظرتني نسرين بنظرهعتب وكأنها تقول يامجرم انت سبب بكاها في هاللحظه تنحنح بندر بيدخل توه واصل وانا تركت له باب الشاليه مفتوح قلت بعصبيه وغييره مجنونه : ورااك. خل الحر يم يتسترون ومافي احد يتغطى منه الا عليا قلت لنسرين طلعيها فوق ابوتس بيدخل يتبع ****** |
رد: آلا ليت الزمان يعود
15
حلفت على امي تجلس معنا اسبوع عارف امي بتحاول تهدي الاوضاع بيننا وعارف اكثر ان عليا بتصدني ولا بتعطيني فرصه اكلمها سافر بندر وعياله وحنا رجعنا لشقتنا وعليا ممتنعه تماما عن الكلام معي حتى ما تجاملني قدام امي ******* مستعجل بس لا احد يلومني بكل حركه تلفتني وبكل لمسه تعلقني بها اكثر راحت تغير لناصر وفارس وتنومهم وانا اخذت منوله الاعبها سبحان الله منوله تشبه لخالتها ما تشبه لي ولا امها الله يرحمها ههههههه صرت اشوف فايزه حتى بعيالي حبيتهاا قووه : يا بعد قلبي ياللي تشبه لخالتها بنتي لاهيه عني برضاعتها وخدرانه تبي تناام دخلت علينا فايز ه وانا منوم منوله بحضني اشرت لها تقرب جت بتردد همست : حبيبتي نامت خلاص خليها هنا قالت فايزه ببحه :طيب اجل انا بروح ا نام مسكت يدها وقلت :تعالي نامي معانا ارتجفت وارتبكت قالت: لا ابي اروح لغرفتي نزلت منوله بهدوء ووقفت مقابلها قلت: فايزه تعالي منوله بتنام بيننا هزت راسها بدو ن ما تناظرني مسكتها من عضودها وقلت : نامي هنا خلاص هذي غرفتنا ناظرتني بصدمه بربكه برفض دمعت عيونها وهزت راسها بقووه وقالت : لا تكفى لا مااقدر وتفلتت مني وهربت برى الغرفه تعوذت من الشيطان ورجعت انام بجنب بنتي بخيبه ************* متكومه على نفسي واحس شهقاتي شقت صدري شق بغرفتها وعلى سريرها لا يمكن لايمكن حاولت اتقبل واجاريه في حركاته ولمساته حتى في نظراته بس والله لهنا وما اقدر هو انسان ينحب والحياه معه سهله مافيها تعقيد بس اليوم حسيته فاته هالشي ************** مر يومين وكنت اقنع سلطان يتقدم لاخت ابو وليد قلتله فرصه امي فيه تخطبها لك قال بتردد:يا خي اخاف يرفضوني قلت ان رفضوك خيره لانه ماهو مقسوم لكم نصيب مع بعض قال سلطان :اجل خلاص توكل على الله ان بستخيرالليله وبكره ان شالله تروح امك تخطبها لي ضحكت عليه : هههههه امش ماعندك وقت اجل بكره قال: طفشت من مقابل الجدران أبي زوجه تونسني ***** جالس عادل جنب جده وابوه في مجلس عمه بندر تفاجأ بندربالخطبه : ياعمي توهم صغار عادل في الثانوي وبنتي بالمتوسط تبسم ابوعليان وقال وانا قايلك زوجهم هالحين عادل يبي نسرين وخطبها وبعد الجامعه ان شالله زواجهم قال بدر: وانا اخوك اكل مخي وهو يزن ابلشني عشان اكلمك الولد رايحن فيها ضحك بندر وقال : هههههه تم ان الله قال يتخرج ان شالله ونملكم لهم وبعد ما يخلص الجامعه العرس عادل قمز وحب راس عمه قال ابو عليان بجديه: اصبر واركد ياولد وناظر في بندر البنت شاورتها مانبي الماضي يتكرر والغلطه تنعاد بعيالكم اسمع يا بندر حلفت عليك ما تغصبها إن وافقت والا بلاها وعادل ربي يرزقه عادل تضايق من كلام جده : ياجدي انا ما ابيها غصب واسألوها وخذو رايها بس انما وافقت ماأنا ماخذن غيرها بندرتبسم : يصير خير يا ولدي والله يكتب اللي فيه الخير ************ يا بشرى احنا حنخرج مع اخوكي بحيرة القطار ( هذا المنتزه ازيل بالكامل كان منتزه جميل ) مع اخوكي هوا عازم ياسر وحرمتو وقلي عشان هو حيرسل سلطان حياخدنا انا وانتي بشرى ابعدت نظراتها عن امها خافت امها تشوف فرحتها اخيرا بتشوف سلطان من زمان ما شافته : طيب يا امي دحين والاميتا ؟؟ : ايووه يا حبيبتي دحين يادوب نجهز بسرعه راحت بشرى تلبس وفيه بعيونها لمعه وفرحه " قلبي حييطيير هههههه وناظرت في المرايه واخيييرا تحققت امنيتي يالله والله مو مصدقا حطت روج ورسمت عيونها ولمت شعرها ببساطه واناقه ومسكت العطر بتتعطر بس تراجعت خوف من الله *********** اليوم كلمني ابو الوليد وطلب مني امر الخاله زكيه اجيبها لانه هو من بدري راح يحجز مكان من زمان عن مشاوير الخاله زكيه انبسط على كلامها ودعاويها لي وصلت لبيت خاله زكيه ونزلت دقيت الجرس وطلعت لي الخاله ثريا ومعاها بشر ى حاولت اغض بصري على سترها وحشمتها زول بشرى ملفت للنظر ماشالله متى كبرت ومتى صارت كذا ركبو ورا : حياالله خالتي : الله يحييك ويبيقك كيف حالك ياولدي : الحمدلله ياخاله انتي بشريني عنتس : الحمدلله والعذر منك ياولدي بنتعبك معانا قلت: ابد اً لا تعب ولاشي بعدين انتم في طريقي وفي الخدمه ياخالتي "فكرت اسلم على بشرى بس خفت انفهم غلط وفضلت السكووت وصلنا واستقبلنا ابو الوليد اللي تشكر واخذ بيد امه ودخلوو داخل المنتزه اللي هو عباره عن اكشاك او كباين تطل على بحيره متصله بالبحر كانت الاجواء حلووه جلست انا وابو وليد وياسر في كابينه واالحريم في كابينه ******* اليوم الصباح سمعت خالتي تسأل ياسر هااه يا حبيبي وش صار بينك وبين عليا عسى راضيتها واخذت ما بخاطرها ياسر : لاوالله يمه مررره ماهي معطتني فرصه وانا ماابي اشد معاها ابي اجيها باللين هي بس لو خلتني اكمل كلامي يوم حنا بالشاليه كان حنا متصافين بس هي اعوذ بالله شبت وزعلت علي ضحكت قمرا : ههههه لا والله جابت راسك علووي ضحك ياسر بحرج وحك عارضه :جابت راسي من يوم شفتها اول مره وكل يوم تلعب بحسبة ولدس يايمه وزفر من قلب ايييييييه وهي مادرت عني سكت شوي وكمل : يمه من يقول ان عليا تلعب بقلبي وعقلي كذا !!!!!! يمه تكفيييين ادعي لي تحن علي والله تعباااان ونزل راسه في حجر امه "مدري وش اوصف احساسي بعد اللي سمعته معقووول ياسر يميل لي وطايحن عندي مثل ما يقول طيب ليه ما يقووول؟؟؟ لييييه جامد لييييييه ؟؟؟؟ انالك يا ياسر مسوي ثقيييل والله لا اوريك =) رحت غيرت لبسي وكشخت عل الاخرررر وتعطرت ودعجت عيوني ودخلت عليهم ومعي القهووه فز ياسر وااااقف ومثل المبهووت مشى لين حدي واخذ مني صينية القهوه جلست بجنب خالتي وهو جلس بجنبي وكان مررره مركز في التجديد الحاصل اللي ولا مرررره سويته الايووم كنا معزومين عند ابو وليد تنحنحت خالتي وتنبه لحاله اخذت منه الدله وصبيت لخالتي فنجال وناولتها اياه قالت خالتي : ماشالله تبارك الرحمن من زمان وانا ما اشووف اجمل منس وكان مناي يتم زواجسمن ولدي هالمفهي انحرج ياسر وضحكت : هههههه صبيتله فنجال وناولته همس بأذني : كل هالزين وحارمتني منه تبسمت بوجهه و همست له : انت السبب رد لي الابتسامه وقال : يمه شرايس تقعدين معانا على طول ضحكت خالتي :لااااا ما اصبر عن اوخيتي ضحكت عليه منقلب واحس نزل علي دلع ورقه كل ماشفت عينه علي زدت من عيار الدلع وهو خلاااص معلقه عيونه فيني بس ما راح ارضى لين اسمعها صريحه منك يا ياسر ******** |
رد: آلا ليت الزمان يعود
مجتمعين في منتزه بحيرة القطار
عقب جلستنا الصباح مع امي وملامح عليا في بالي اليووم عليا فيها شي متغيرر يااااااقلبي والله ان نظرتن منها تلعب في دقاته نغزني سلطان بخصري ألتفت عليه : وش فيه ضحك علي سلطاان ما انت معاانا ابد هههههههه وضحك معه ابو الوليد قال ابوالوليد: اقولك اش رايك تاخد عروستك وتعملوو لفه بالقوارب في البحيره هي دي حلاوة الايام دي قلت بحرج لاااماله داعي عصب ابو الوليد : امشي بس نادي حرمتك وروحو قبل ما يجي العشا هيييا دحين وقفت برى كبينة الحريم وناديت علياا طلعت لي : هلا ياسر : تعالي ابيس شوي طلعت لي واخذت يدها قالت : وين رايح قلت لها : تعالي بس ومشينا في ممرات المنتزه لين وقفنا عند اللي يأجرالقوارب تفاهمت معه واخذنا قارب عشان يمشي لازم ندفعه مثل السياكل اخذت يدها تعالي قالت بتردد : لاا ياسر اخاف قلت بإبتسامه: افااا تخافين ويسوري معس وركبت القارب اللي اهتز بس توازنت نزلتها معي وجلسنا كتفي بكتفها وبديت احرك القارب وهي تفاعلت معي وابتعدنا عن الناس لين وصلنا مكان في البحيره اضاءته خافته وقفت تجديف والتفت لها مع ان ما في مساحه للحركه قلت لها اكشفي مافياحد نزلت غطاها والتفتت لي وهي مبتسمه ما قدرت اقاوم ابتسامتها الحلوووووه ابعدتها عني ومسحت شفايفي وقلت " الحييين ابي ننهي أي مشاكل بيينا سكتت بس من نظرتها الحلووه عرفت موافقتها قلت : اول شي يا بنت عمي اخذت يدها وحبيتها بقوووه : اسف ااااااسف عن كل شي زعلتس فيه بقصد او بدون نزلت راسها وعينها :ثاني شي عندي اعتراف له كم يوم يقرقع بحلقي وانتي ماعطيتيني فرصه ذاك اليوم بالشاليه عطيتس فكره عن الماضي اللي انتي تحاكميني فيه للحين بس هالحين بعطيس فكره عن ياسر هالايام بكلمه وحده وباختصار اسرتيني يا عليا رفعت نظرتها لي ودمعتها تراقص : قلت بتأكيد : حبيبتي ماكنت اظن ان بكوووون اسير عندس وبتكونين انتي اللي ملكتي قلبي وعقلي عجززت اكمل احس مافي كلام يوصل اللي ابيه بس عيوننا صارت تترجم مابيننا مرررقارب قريب مننا واهتز قاربنا وتنبهنا من احلى لحظه بييننا مسكت يدها وسحبتها لحضني وقلت: لنا كلام الليله حبيبتي بس هذا شي سريع بس عشان ترضين علي تبسمت وقالت بحيا : من قا ل اني زعلانه طارت عيوني وفكيتها ضحكك : اجل وشالحرب النفسيه اللي لها كم يووم قالت : هههههه كنت ابي الاعبك بس قرصت خدها بخفه وقلت : لا تكفين مابي هالنوع من الملاعب مررره ما حبيته وبدينا نرجع بالقارب وايدينا متشابكه وقلوبنا متصافيه ******** تركني قدام الكبينه وتنفست براااحه كنت اظن نفسي قويه ومسويه حصانه من كلامه لقلبي كنت عارفه انه بيقولي كلام يراضيني فيه بس ولا في احلى احلامي واغربها تخيلت ان ياسر بيكون بهذي الرومنسيه والله خطف نبضاتي حسيت قلبي راحت منه نبضاته ولخبطها دخلت الكبينه وانا اهف على نفسي بغطاي وجيت جلست بجنب خالتي اللي ناظرتني وتبسمت وبعدها عيونها طارت قربت مني وقالت لي بهمس وهي تمد علي منديل : مسحي حمرتس الظاهر غطاس حاسها تنبهت وحطيت يدي على شفايفي اغطيهاا منحرجه وفيني ابتسامه ياااافشيلتي مسحت روجي وعدلته وانا اتحلف بياسر اللي سببلي هالاحراج ********** رجعت البيت عكس ما خرجت منو خرجت مبسوطه ورجعتلو منكده ام ياسر قالت انوسلطان حيخطب وانو كلمها تكلم ام العروسه اه يا قلبي والله مصدومه صدمة عمري دخلت امي عليا : بشرى حبيبتي وجلست بجنبي تعرفي المثل اللي يبقول مرايةالحب عميا قلت :ايووه يا امي ايش مناسبتو ؟؟ قالت امي :انابدي اعرف ايش تحبي فيه التفت على امي: ايش تقصدي يا امي قالت: لا تحسبي يا بنتي اني غافله عنك وعن اللي في قلبك من وانتي صغيره وانتي متعلقا بو نزلت راسي بخجل امي كاشفاني وعارفه اللي في قلبي وهو ولادرى عني وعن حبي لو قالت امي : انا كنت ساكته عشان كنتي صغيره وقلت بكره تكبر وتنسى بس خلاص يا حبيبتي ما ارضى لك تحبي وهم الراجل حيتجووز ولا فكر بك وانتي يا قلبي بترفضي العرسان وهو ولا داري انهرت ابكي : قلتيها يا ماما ولا داري عني بس خلاص يا ماما اوعدك اول عريس يخطبني راح اوفق عليه وافرح قلبك وامحي فيه سلطان طلعت امي وهي تدعي لي بالراحه بعد ما انهرت قدامها ابكي على حبي اللي من طرف واحد *********** قلبي يدق طبول جالسين في مجلس ابو الوليد وياسر فتح الموضوع معاه سكت للحظات حسيته خجلان من الرفض ولمت نفسي كثيير كيف جتني الجراءه وخطبت كتكوته مثل بشرى بس تبسم ابو الوليد واثنى علي وقال تم ان وافقت البنت والله يكتب اللي فيه الخير مدري وش جاني حسيت بالمغص وحسيت اني ماسمعت قلت :هااااه لف علي ياسر وهو يكتم ضحكته يقولك ابو الوليد ماعندنا بنات للزواج انكتم نفسي وبغيت ازعل بس ابو الوليد تداركني وقال يا ياسر بلاش بكش وخلي سلطان في حالوو . . . في بيت ام بشرى قمرا متوسطه مجلسهم وعن يمينها الخاله زكيه وعليا عن يسارها وبشرى واقفه تضيفهم وتقهويهم وكالعاده كانت منتهى الاناقه والجمال قالت قمرا : شوفي يا ام الا وش اسمه ابو الوليد قالت الخاله ثريا اسموحمزه قمرا: عاشت الاسامي اسمعي يا ام حمزه انا اليوم جايه اخطب بشرى لولدي احتدت نظرت الام وبنتها وقالت :وي ياندامه ولدك عروستو جنبك قالت.قمرا وهي :تضحك لا ولدي الثاني سلطان والله اني اعزه مثل ياسر وهو يتييم وانا بمقام امه واكييد انتم عارفينه منهو صغير وهو جاركم تبسمت ام حمزه بفرحه وراحه وناظرت لبشرى اللي حمرت خجل وهربت برى الغرفه قالت: سلطان ولدي ومحبته من محبة اولادي وماراح نلاقي احسن منو لبنتنا بس لازم ناخد رايها |
رد: آلا ليت الزمان يعود
*************
منهكه نفسيا ورحت. لبيت اهلي ولمن رجع سند قلت لامي قولي له تعبانه ونايمه هاوشتني امي وحلفت ما اطلع له ماني قادره اناظره بوجهه رجعت لي امي وهاوشتني اكثر : لييه وش صاير بينس انتي وسند قلت:يمه ماصار شي بس والله تعبانه وابي اريح عندكم قالت امي: روحي ريحي في بيتس قلت: يمه تكفيييين والله متضايقه ان كانكم ماتبوني اجيكم وين تبوني اهج وقعدت ابكي واضح جدا ان نفسيتي مرررررره تعبانه طلعت امي من عندي وهي تدعي لي بالهدايه "يمه ادعي لي بالراحه بنتس تعبانه ثلاث ايام وسند يتردد على بيت اهلي وانا ارفض اشوفه غير المكالمات لين في يوم دخل علي ابوي وقال : سند ينتظرس بالمجلس قومي شوفي زوجس وطلع طبعا ابوي اصدر قراره ولابد انفذ قمت واناكارهه لميت شعري اي كلام. ولبست جلابيه عاديه ورحت له اسحب نفسي سحب دخلت عليه المجلس. ويوم شافني قام لي : السلام عليكم رد عليالسلام وقرب مني وسلم علي بالحضن :كذايافايزه تشغليني عليس ومسك وجهي بين ايديه وش فيس وش تشتكين نزلت عيوني وهي تدمعما عندي رد يرضييه تركني وجلس واشر لي جنبه عشان اجلس جنبه جلست بجنبه والتفت علي بالكامل :فايزه انتي زوجتي وان شالله ام عيالي مهماصار او بيصير بيننا انا لا يمكن اجبرس عليه سكتما رديت غصتي ياكبرها بحلقي قالي :ابي اسألس هو انتي احسن من بنات الرسول صلى عليه وسلم ناظرته بإستغراب وقلت : لا طبعا اللهم صل وسلم عليه قال: اكيد انتي تعرفين سبب تسمية عثمان بن عفان بذي النورين هزيت راسي موافقه قال: ليه قلت: عشانه تزوج ثنتين من بنات الرسول صلى الله عليه وسلم وحده اخذها بعد ما توفت الاولى صح والا لا قلت: اي صح قال: ياترى كانت بتمنع زوجها وتكون اختها هي السبب ؟؟؟ هزيت راسي بلا :فكري فيني انتي زوجتي وحلالي ومن حقنا على بعض نبدا حياتنا الزوجيه عطيتس الوقت الكافي وكنت اراعي نفسيتس هالمره انتي راعي نفسيتي انتظر جوابي ويوم مالقى مني رد قال وهو يقووم : الليله اقعدي هنا لكن بكرره بيجي اخذس وخلي العيال بس بكرره عند جدتهم وطلع وخلاني . . . . . ر جعت غرفتي وانا منهاره معه حق في كل كلمه قالها وانا لابد اضغط على نفسي سند زوجي وصرت ارددها بصوت مسموع ابي اقنع روحي ابي اقنع عقلي ****** خرجت امي من غرفتي والدنيا مو سايعتني من الفرحه حاسا انو قلبي حيوقف من فرحتي سجدت لله سجوود شكر ربي لك الحمد حققت لي امنية حياتي وخطبني سلطان اللي ياما تمنيتو يخطبني بعد ما يأست انو يطّلع فيا او يفكر لكن ربي كريم ياااااااااه انا بدي اغني بدي ارقص بدي كل العالم تفرح معايا ******** ايشبك كدا ماانت على بعضك : حل عني يرحم امك وابوك ياسر: ههههههههه بالله ليش قلقان خلاص ابو الوليد تقريبا عطاك الموافقه سلطان: والله خايف انكسح ياياسر. :عاااااد تدري امي تقول حتى الخاله زكيه موافقه ورحبت بالموضوع وقالت عنك كلام يفرح سلطان: يااااربي ياحبيبي لا تخيب رجاي ***** كان لابد اكون حازم معاها يحز خاطري اغصبها على شي لكن لمتى وهذا وضعنا اغراب في بيت واحد. جالس انتظرها تطلع لي امس عطيتها الفرصه تفكر بكلامي طلعت لي وركبت جنبي بالسياره سلمت بصوت هادي : وعليكم السلام. ومشيت طول الطريق وحنا ساكتين لين قالت وين بتاخذني يا سند؟؟ قلت لها اصبري وبتعرفين وقفت عن فيلا جديده بحي جديد نزلت وقلت لها انزلي فتحت الباب بالمفتاح ودخلنا كنت اراقب ردة فعلها ناظرتني بذهول وحسيتها عاجزه عن الكلام :بيت من هذاياسند وقفت بمقابلها ومسكت كفوفها ولثمت اطرافها بيتس يافايزه بيتنا تبللت رموشها بالدمع وقالت وهذاك البيت؟؟ قلت لها : انسي كل شي قبل هاليوم حياتنا بتبدا هنا ويارب تكون سعيده حسيت في بعيونها كلام بس تهربت مني اخذتها بيدها ودرت فيها البيت شوفي هذي غرفة العيال وهنا غرفة منوله وهنا المجالس وهذا المطبخ وهذي غرفتنا ترى فرشته على ذوقي واذا في شي ما عجبس اغيره قالت بإمتنان :شكرا سند كل شي ماشالله حلو قلت: لها بس كذا شكرا وتبسمت ناظرتني مستغربه : جزاك الله خير ضميتها بحب : توقعت تضميني تحبيني على هالمفاجأه حسيت فيها انكمشت وخرتها عني بشويش :فايزه سعادتي يوم اشوفس مبسوطه تبسمت بحزن : الله يسعدك يا سند ماقصرت وحبتني بخدي وابعدت عني بسرعه وانا اصبر نفسي بتعودين يافايزه بتعودين ************** في ساحات الحرم المكي الف مبارك سلطان الله يبارك بك وتكررت التهنئه من اللي حوالينه بارك الله لكما بارك عليكما وجمع بينكما في خير ابو الوليد يمسك سلطان الليله في حفله هي مختصره على الاهل وناظر بياسر خليك مع العريس سلطان يسلم على راس ابو الوليد : الله يبارك بك يا ابو الوليد ونلتقي الليله ان شالله وطلعو من الحرم وكلن توجه بسيارته لجده بعد ما تم عقد النكاح في الحرم كعادة اهل مكه واهل جده ********* ياسر بالله عطني رايك ألبس بشت والا لا ياسر مات ضحك على سلطان : الا ألبسه غطي كرشك حذفه سلطان بكرتون الجزمه الجديده :وجع يازفت صدق تحبط الواحد انقلع ياسر: هههههه ياخي امزح معك والله تصدق عاد انك نحفان تبسم سلطان بطيبه : صدق ياسر تحس اني نحفت ياسر وهو يتحسس كرشة سلطان : والله صغرانه كرشك ووخدودك راحت بس بقي شوي وتختفي كلك سلطان ويمسك ياسر بياقة ثوبه : ياخي لايمكنتكمل مدحك الا تهبط فيني ياسر بصوت مخنوق وضحكه : ههههه والله اني صادق ارحم عمرك بيختفي سلطان القديم وبنشوف سلطان الرشيق اخص يا بشرى والله ما انتي بهييينه اللي خليتي سلطان ينحف ضحك سلطان بحرج وضم ياسر بقووه : لا عاااد تجيب طاري الاهل ياويللك وضحكو الاثنين ياسر : على هالخشم ويالله بسرعه اخلص بودي امي وزوجتي للحريم وراجع لك انا حالف ازفك ********** ياااسرتكفى ابعد لا تخرب مكياجي مسكها بين ايديه وتأمل عيونها : بالله مو حرام عليس هالزين للناس وانا حارمتني منه حطت كفوفها على صدره وبدلع : يااااسر خلاص ترى استحي قربها اكثر وقال بلهفه :والله لو ماني مواعد سلطان ارجع له بسرعه وعض على شفايفه وبعيونه ابتسامه ونظرة عشق :اخبس بس الوعد لارجعنا وحبها بقووووه وقال يالله امي بالصاله تنتظرنا وطلع قبلها واخذ يد امه وطلع ولحقتهم عليا للسياره ******** بدت نبضاتها تتسارع من سمعت المطربه تقول تغطو يا حريم بيدخل العريس جالسه في الكوشه في فستانها الوردي كأنها ورده بكامل بهائها وجمالها امها واقفه بجنبها وناظرت بأمها بخوف وامه تطمنها : سمي بالرحمن يا حبيبتي ربي يحرسك بدر في تمامو دخل ابو الوليد ومعه سلطان تزفهم المطربه مع فرقتها بالطيران وسلطان وجهه احمر ويمسح وجهه بالمنديل ويمشي مع ابو الوليد لين وقفه بجنب بشرى اللي ما قدر يرفع نظره عنها بلع ريقه "هذا الجمال والكمال من نصيبي الله يرحمس يايمه اكييد راضيه عني بشري نزلت راسها بخجل قالت امها :مبروك يا حبيبي وسلم عليها سلطان: الله يبارك بك يا عمه وضمته ام حمزه واخيرا صرت ولدي يعلم الله انك غالي وزادت غلاوتك دحينا ضحك سلطان بحرج وحبها على راسها : الله يعلم ياعمه بمعزتكم واليوم زادات اكثر والبركه بـ بشرى والتفت لها ومسك يدها بجرأه وقرب اكثر لين لتلامست اكتافهم : مبارك يا بشرى بشرىترفع نظرها له وبإبتسامه خجوله : الله يبارك بك طلع علبه مخمليه وقال ي عمه هذي شبكة بشرى فتحتها ام بشرى وانذهلت من القلاده الالماسيه مع خاتمها ماشاءالله حلوووه ربي يسعد كم لبسها لعروستك وبإرتباكخفيف : بلبسها الخاتم ياعمه وانتي لبسيها العقد وتناول يد بشرى البارده ولبسها بيد ترتجف الخاتم :مبروك يا بشرى وامها لبستها القلاده وصورهم الوليد مع ابوه وجدته والحريم يتفرجون على العريس والعروسه وكأنه مسرحيه رومنسيه بس مباشره *********** بعدساعه جالسه هي وسلطان لوحدهم طلع من جيبه كيس صغير وحطه في يد بشرى تبسمت بخجل وقالت : ما نسيت الحمر قال وهو يتأملها بحب : ابدا قرب منها اكثر :بشرى تدرين عندي اعتراف صغير كنت خايف ترفضيني لمن اتقدمت ودعييييييت كثير عشان توافقين ليلة ما وصلتكم من المنتزه مدري وش صار لي حسيت اني عاشق اني مغرم شوفتس من بعد سنين وذاتا اخر عهدي فيس كنت بحجابس الاسود ولمن تغطيتي ماعدت شفتس بعدها ويوم وافقتي تدرين وش سويت ناظرته بحب وقالت: ايش قال سجدت سجود شكر انتي نعمه وعظيمه بالنسبه لي قالت بشرى بخجل شديد : سلطان : انت بالنسبه لي شي كبير منوانا صغيره كنت احب اتكلم معك واسمعك وانت تنكت كنت تحب تضحكني كنت احب اشوفك كل يوم وقالت بهمس كنت احبك من زمان سلطان وكأنه في حلم جميل ماصدق وش يسمع :ايش عيدي بالله ما سمعت زين بشرى بتموت من الحيا ما تعرف كيف تجرأت وقالت له : خلاص سلطان ضمها بحنيه وقال : لا موخلاص قوليها تفلتت منه ووقفت عند باب المجلس وقال قبل لا تطلع تصبح عل ى خير حبيبي وطلعت سلطان ليلته ماطلع الا وهو محدد موعدالزواج بعدشهر بالضبط ويحسه بعييد مرره ******* مرت الايام وتغيرت الاحوال وولد جيل وراح جيل مجتمعين في بيت ابو عليان وكل مظاهر الفرح مرسومه بالعيون قمرا وهي تبخر ابو عليان وهي تتبسم في خجل ابوعليان :طاب طيبس وعاش حبيبس دخلت الريم عاش عمي وفي حبيب غيرك ياعم نزلت قهووتها مع حلاها قال ابو عليان وهو يبتسم : وين الصغيرين ما صبحو علي اليوم قالت الريم وداهم ابوهم للحلاق والحين بيرجعون ان شالله قالت قمرا للريم وهي تعدل طرحتها : دقيتي على عليا تجي تقهوى قالت الريم أي وجت عليا بس بتجيب حلاها وتجي ودخلت عليا شايله صحون من الحلا ونزلتها وسلمت على ابوها وخالتها : صباح الظهر وينكم اليوم جيت الصبح ومالقيتكم وين رحتو قال ابو عليان : طلعت اجيب فطور واخذت خالتس معي ضحكت الريم وغمزت لعليا : ياعيني على الرومنسيه ضحكت عليا وانحرجت قمرا قالت قمرا تغير الموصوع وين بنتي يا عليا زفرت من قلبها : العوبا ما تبي البيت طول الوقت وهي بالشارع عيت تدخل وقف لها ياسر يلاعبها مبسوط على ام كشه ضحك ابو عليان: ياسبحان الله ماكأنس كنتي مثلها يالله تدخلين للبيت نسحبس من الشارع سحب ضحكت عليا بحرج : زما ن يابوي الشارع ما يخوف امان كلن عينه على عيال جيرانه ينتبه لهم اما الحين يا ابوي الدنيا تخوف قالت قمرا: خلي البنيه تفرح بالشارع هي يومين وترجعين تحبسينها بجده ما تشوفون الشمس ساكنين بعلب مو بيوت الشمس ماتدرون منين تطلع ياكافي دخلت علينا منيره تنافخ : اووووف يا عليا بنتس بغت تروووح قامت تركظ بخوف وكلهم وراها وصدمت بياسر وهو شايل بنته وبلهفه وخوف :حضنت بنتها وش فيه وش صار ناظرها ياسر مو فاهم بس شاف حبيبته بتنهار ضمها وهي ضامه بنتها: وش فيس انتي قالت منيره : يابن الحلال مرتك مهوله ماخلتني اكمل كلامي وفزت تحسبني اقولها وضحى بغت تروح وهي كملت من راسها وافترضت الشين قالت عليا وهي تحاول تهدا: احسب صار على بنتي حادث وانهارت تبكي ضحكت عليها منيره ياخبله كنت بقول بغت تروح مع بدر ونشبت له بس ياسر رفض قمرا تاخذ وضحى من عليا : ياسر شف مرتك هديها انفجعت على بنتها واختفو كلهم وبقي ياسر مع عليا وضمها بيهديها: باااس باااس حبيبتي اهدي ماصار شي ودخل فيها للمجلس تعلقت به عليا : والله خفت على وضحى مقدر اعيش بلاكم من توفت امي الله يرحمها وانا مدري وش صار لي خايفه افقد واحد منكم ياسر بثقل دم في غير محله : يعني لو مت بتحزنين عل.. عليا تحط يدها على شفايفه / بس لاتكمل حبيبي والله من دونك بتظلم دنياي ياسر يبوس يدها ويهمس لها بحب :حبيبتي والله وربي يطول بعمري واسعدس اكثر ومسح دموعها : خلاص ام دميعه دخلت عليهم قمرا وهي تحط بنتهم عندهم استلمم عوبتكم يااااربي لطفك صكت روسنا وابوس بيقيل قبل صلاة الظهر طلعت وتبادل ياسر وعليا النظره وفكوها ضحك قال ياسر امي مبسوطه مع عمي ردت عليا : حتى ابوي احسه مرتاح الله يديم عليهم ************** بكره ان شالله العشاء عندنا عادل جاالليله وعمي مسوي له عشا الليله وبكره عندنا ان شالله سعديه: حاضر ياسيدي دي البت نسرين لو عرفت انو عادل جه مارحتش لبيت جدها بندر : ههههه خليها ترووح بتلقاه قدامها وبيني وبينس الولد مستعجل وده ياخذها معه بس مدري والله يا سعديه احس بنتي صغيره على المسؤليه والغربه سعديه: صغيره ازاي دي بنت ام تمان طعشرسنه والا انت عاوز تصغر نفسك ضحك بندر : أي صغير للحين وابي اتزوج بعد احس نفسي مفتوحه على العرس سعديه كشت بوجهه : سدونفسك يا بعييد هههههههه داانت لسسسه قبل شهر كنت عيان وبتفرفر سييب القواز للشباب عادل وعبد الله وشالت ولدها الصغير فيصل وفيصل سيد الشباب كلوهم ضحك لها فيصل هههههياحبيبي انتا يا جمالووووه ياجمال دحكتك بندر: عااد ضحك لها فيصل بتنسى العالم كله سعديه وهي تضم ولدها : سيبني داهوووا الحييله ربنا يحفظو ويحميه بندر: امييين ********** حرام عليك فجعتني : وش اسوي مشتاااق لس نزلت راسها بحيا : عادل الحين جدي يجي ويشوفنا عادل :واذا !! اصلا انا قايله ابي اشوفس وهو اللي قالي انس هنا :كذاب وشهقت وحطت يدها على فمها عادل بزعل مصطنع : انا كذاب !! طيب يالله مع السلامه الشرهه علي جاي ادورس وحريص على شوفتس اصلا انتي دايم تحسسيني انس مغصوبه علي وما تحبيني نسرين مسكته بثوبه من ظهره وهو صاد عنها وما قالت شي وهو ضل على حاله تفلت منها يوم ماقالت شي :عادل قالتها بشبه صرخه خافته : لا تقول كذا انا ماقلت كذا تجمعت دموعها بعيونها واختنق صوتها قرب منها عادل ولمها من كتوفها : اششش ياقلبي ام دميعه على طول بكيتي وطلع من جيبه جهاز اسود خذي وحطه في يدها :هذا تلفون جوال عشان لابغيت اكلمس ناظرت الجهاز : هذا لي عادل بابتسامه : أي ياقلبي هديه مني لس بمناسبة دخولس الكليه ورقمي مسجل فيه يالله وراي شغل الليله ابي اشوفس لاتنسين والا تتهربين تبسمت بخجل حبها بقوووه وطلع من بيت جده **************** مرت السنين وانا مثل ما انا احاول اني اتقبل سند ماانكر اني اعزه وان غلاه مايوصله احد بس لازالت اختي فوزه الله يرحمها بيننا ا حاول اني ما اظهر مشاعري هذي له واحاول انه يكون عني راضي لكن المحبه من الله اماهو يااما اعترف لي بحبه وياما فضحته عيونه ادريبه وادري بمشاعره لكن ماهو بيدي رزقنا الله بولدين والحمد لله مع عيال فوزه اكتفيت بهم لكن هو يبي بنوته اخت لمنال اتمنى ان تتغير مشاعري ناحيته وانه يكون لي الزوج والحبيب ******** دايم اتذكر حالي انا وياسر كيف كنا مانطيق بعض كيف في احيان كنت ادعي عليه واكرررهه واكره من يجيب طاريه قدامي واشوف حالي الحين وحبي له كيف تلعب بي الهواجس لو غاب عني والا تأخر مااتحرج والا اخجل يوم اعترف اني احبه ومثل مايقولون مامحبه الا من بعد عداوه الله يخلي كل غالي لمغليه ويخلي لكم احبابكم تمت بحمد الله سبحانك اللهم وبحمدك اشهد ان لا إله الاالله استغفرك واتوب اليك قراءه ممتعه لكم ودعوات حلوه لي |
| الساعة الآن 12:21 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية