|
رواية رجيتك ياهم لاعاد تزيد اوجاعي/ بقلمي
ـآلسلآم عليـڪَم ورحمـة الله وبرڪَآتــہٌ .. أخبـآرڪَم ..؟ أتمنى تڪَونوا بصحـه وسلآمــہ .. هذي * أول روآيـہ لي * وأتمنى تعجبكـم .. والاقيـے تفآعل منكم فيهـ‘ـآ ، ڪَتبتها وڪَليـے أمل أن تحوز على رضآڪَم =) .. البارت الاول قبل ثلاث اسابيع فتحت عيني بصعوبه .. وانا احس بالم براسي .. ناظرت السقف و التفتت يمين ويسار مستغرب المكان .. المكان ابيض في ابيض وين انا .. نزلت نظري ليدي لقيتها مربوطه = الحمدلله على سلامتك التفتت يساري لمصدر الصوت وانا مفجوع .. كان في رجال واقف عند الباب لابس بالطو ابيض = كيفك ، تحس بألم من ذا سالته وانا مستغرب أنا = من انت ؟ = انا الدكتور خالد دكتور !! سكت شوي بعدين قال الدكتور خالد = لاتخاف أنت في المستشفى أنا بإستغراب = وش جابني هنا ؟!! الدكتورخالد = صارلك حادث صارلي حادث أنا ومازلت مستغرب =حادث!! الدكتور خالد= ايه، وكنت في غيبوبه و اليوم صحيت منها انا بالم بسبب راس = دكتور راسي يعورني الدكتور خالد = انت تعرضت لضربه قويه براسك ، بعطيك مسكن ، (وسكت شوي ، بعدين كمل ) انا مراعي حالتك انك توك قايم من غيبوبه بس لازم هذي الاجرائات فعطني لو سمحت رقم احد من اقاربك ابلغه عنك وعطني اسمك لانه مالقينا اي اثبات معاك أسمي انا ، شنو اسمي ، اآآآي راسي ، حطيت يدي على راسي من الالم اللي عصر راسي الدكتور خالد = شنو فيك ؟ انا = راسي يعورني مدري شنو اسمي مدري الدكتور خالد = خلاص ارتاح الحين لا تحاول تفكر باي شي اهدأ اعطاني مسكن وطلب ممرضتين يكونوا عندي وخرج ... حسيت بتعب بعد ما خف الصداع ونمت ********************* صحيت وانا احس ان الصداع راح ... سمعت صوت جنبي لقيت الممرضه اللي جنبي تكلم الممرضه الثانيه الممرضه = هذا في قوم لازم اقول لدوكتور وخرجت .. التفتت للممرضه الثانيه لقيتها تناظرني وساكته ... لفيت وجهي عنها وطالعت الباب... شوي ودخل علي دكتور ... ماكان الدكتور خالد ... كان دكتور ثاني الدكتور = السلام عليكم ، انا الدكتور ريان انا = وعليكم السلام الدكتور ريان = اخبارك الحين ؟ انا = الحمد لله الدكتور ريان = تحس باي الم في راسك ؟ انا = لا الدكتور ريان = طيب ، انت لازم تعرف وضعك بس ابيك تكون هادي ومتقبل وضعك وعليك تعرف انه هذا ابتلى وعليك تكون صابر حسيت بخوف من كلامه ... هزيت راسي بمعنى كمل الدكتور ريان = انت لما صارلك الحادث تعرضت لضربه في راسك وهذي الضربه كانت قويه لدرجة انها أثرت في منطقة في الدماغ سببت لك فقدان في الذاكرة لاتخاف يبيلك راحه وانشاء الله ترجع لك الذاكره انا فاقد ذاكرتي يعني ما اذكر شي ... ناظرت الدكتور ونا احس ان الدنيا سودة قدامي ... حاولت اتذكر ... ما قدرت اتذكر شي ... حسيت ان الم راسي رجعلي انا = آآآآي راآآسي الدكتور ريان = هدي نفسك بتتذكر ان شاء الله اشر على الممرضتين يعطوني مسكن ، وما حسيت إلا الابره في يدي وشوي شوي هدا الم راسي و غبت عن الوعي ********************** صحيت وانا مو داري كم من الوقت نمت حسيت حلقي نااااشف عطشاااان ... شفت فوق الطاوله ماء ... حاولت اقوم ... اعتدلت على السرير جالس ... نزلت رجلي اليمين ...و اول ما حطيت رجلي اليسار على الارض ووقفت طحت على السرير مره ثانيه من شدة الالم اللي حسيت فيه برجلي اليسار = وين يروه انت ؟َ التفتت لمصدر الصوت كانت ممرضه واقفه عند الباب .... الحمد لله جات بوقتها أنا = عطيني كاسة ماء الممرضه = انت مافي قوم قول انا يجيب ، اوك انا بضيق = طيب ، روحي جيبي جابت الماء شربت منه ورجعت انسدحت بمساعدة الممرضه عشان ما احرك رجلي اليسار سالت الممرضه كم لي هنا قالت لي شهر شوي ودخل الدكتور ريان الدكتور ريان = السلام عليكم أنا = وعليكم السلام الدكتور ريان = كيفك يا وسكت ... صح انا مالي اسم ... مالي اهل يسالون عني ؟ ... سمعت الدكتور يقول الدكتور ريان = عبد الله اش رايك بالاسم هذا انا بهمس = لي شهر ماحد سال عني شكل الاسم هذا بيطول معي الدكتور ريان ومازال مبتسم = خلك متفائل بتسترجع ذاكرتك قريب ان شاء الله انا = ان شاء الله الدكتور ريان =انت ماشاء الله صحتك الحمد لله ،ابي اقولك شى وكمل بدون مايستنى رد الدكتور ريان = انت لازم تخرج من المستشفى اخرج ! وين اروح مالي مكان ماني متذكر وين كنت اسكن أنا بدهشه = بس وين اروح وانت عارف حالتي الدكتور ريان = انا مقدر حالتك بس في ناس محتاجين الاسره انا بحزن = بس انا الدكتور ريان مقاطعني = عارف ، نحنا بلغنا في الشرطه وان شاء الله بنلاقي اهلك لو خرجت من هنا وين اروح ماعندي مكان حتى فلوس مامعي ، حسيت نفسي ضاآآآيق =في شنو سرحان ؟ رفعت راسي للدكتور اناظره ونزلت راسي انا بضيق = في حالي الدكتور ريان = اصبر واحتسب سكت بعدين قال = وش رايك تسكن عندي هذي الفتره لما يفرجها الله وتتذكر ولا تلاقي اهلك استحيت بصراحه حسيته متعاطف معي بس مالي مكان اروح له انا بإحراج = بس الدكتور ريان = لا بس ولا شي ، انت مالك مكان تروح له أصلا ، وانا دكتورك المتابع لحالتك ولما تسكن عندي بكون متابع لحالتك تمام سكتت مدري شنو اقوله الدكتور ريان = خلاص بكره الصبح بسوي أوراق خروجك وناظر ساعته بعدين كمل الدكتور ريان = عليك تنام الحين ، تصبح على خير وخرج ، حطيت راسي ابي اناام بس ما قدرت وطول ذيك الليله وانا افكر في حالي و وضعي ******************** في الصبح مر علي الدكتور ريان وجاب لي كيسه فيها ملابس ... استحيت بيسكني عنده وبيصرف علي كمان أم الاحراج ... جلست ساعه احاول البس بسبب يدي المربوطه ما اقدر احركها ورجلي ... عرفت ان رجلي تعورني بسبب الخياطه اللي فيها بعدها مر علي الدكتور ريان واخذني ورحنا لسياره ... مشينا وانا افكر بحالي اللي انا فيه و الدكتور ريان ساكت... وقفنا عند اشاره التفت لي وقال الدكتور ريان = عندي لك شي وفتح الدرج اللي قدامي وطلع صوره وناولها لي انا بإستغراب = وش ذي ؟ الدكتور ريان = صوره انا = عارف انها صوره بس ليه عطيتني اياها الدكتور ريان = ناظرها ناظرتها صورة بنت صغيره في حديقه انا =من هذي ؟ الدكتور ريان = هذا السؤال موجه لك ، ماتتذكر من هذي ؟؟ رجعت اناظر الصوره مره ثانيه احاول اذكر بس ماااقدرت اذكر رفعت راسي له انا = لا ما اتذكر الدكتور ريان بتنهيده = هذي الصوره لقيناها معاك في يدك مسكين الدكتور ريان شكله كان متوقع اني اذكر فتحت الاشاره ومشينا جلست أفكر من تكون هذي البنت ... قطع تفكيري صوت الدكتور ريان الدكتور ريان = على فكره البنت تشبهك كثير رجعت اناظر الصوره ، مدري ليه حسيت انها ممكن تكون بنتي ... معقوله !! أنا متزوج وهذي بنتي ... كيف بيكون حالها بدوني اكيد مفتقدتني... يوووه كني رحت بتفكيري لبعيد مستحيل اكون متزوج = ليه مستحيل تكون متزوج ؟ رفعت نظري للدكتور ريان كان موجه نظره لطريق ومبتسم شكلي كنت أفكر بصوت عالي أنا = مدري الدكتور ريان = على العموم خل الصوره معاك وهذا نحنا وصلنا فتح لنا الحارس باب الحديقه ... ماشاء الله الحديقه مره في قمة الابداع ... الورود من يمين ويسار المدخل و في نافوره كبيره وسط الحديقه يبان من شكلها انها صممت من قبل امهر المصممين ... وقف السياره في موقف السيارات .... نزلنا ومشينا لما وصلنا باب الفله او بالاصح القصر فتحت الخدامه الباب Hello Mr.Ryan =الخدامه Hi Merina =دكتور ريان جات خدامه ثانيه واخذت الاغراض مني... جلست في المجلس بعد مارحب فيني الدكتور ريان وراح بعدها لداخل ... جلست اناظر في ديكور المجلس ماشاء الله ديكور مره راقي ... بعد خمس دقايق قضيتها في الانتظار ... دخل الدكتور ريان ومعاه رجال يبان من شكله انه في الستين من عمره الرجال = السلام عليكم انا = وعليكم السلام الدكتور ريان = عبد لله هذا الوالد قمت وحبيت راسه ابو الدكتور ريان = تسلم ياولدي ، كيفك ؟ انا = الحمد لله ابو ريان بعد ما جلس جنبي = اصبر ياولدي واحتسب هذا ابتلاء من الله ، والله إذا احب عبد ابتلاه ، الله يصبرك ويصبر اهلك اكيد تلاقيهم يدورونك انا = ان شاء الله ابو ريان قام فقمت معاه احترام ابو ريان = تأخرت على شغلي لازم اروح ، ما أوصيك اعتبر نفسك في بيتك انا بإحراج = ان شاء الله ، مشكور ما تقصر ابو ريان = يلا مع السلامه انا = مع السلامه خرج ابو ريان الدكتور ريان = تعال بوديك غرفتك ترتاح وداني للغرفه اللي في الملحق كانت الغرفه في قمة الفخامه جلست على السرير على طول لان رجلي ما تتحمل أوقف اكثر الدكتور ريان = اخليك ترتاح الحين وجاء بيخرج أنا = دكتور ريان لف لي وقال الدكتور ريان وهو مكشر = لاتقول لي دكتور خلينا بدون رسميات قولي ريان انا = بس مـ الدكتور ريان مقاطعني = لابس ولا شي من اليوم ورايح اسمي ريان وبس انا = طيب ، مشكور ريان على كل شي ريان = ايه كذا احسن ، لا شكر على واجب وخرج انسدحت ، اخخخ احرااااااج بس ماعندي حل ثاني ... جلست افكر لمتى بجلس عندهم ... إلى ما اتذكر ولا اهلي يحصولوني لازم اشتغل اصرف على نفسي ...وما حسيت بالوقت وانا افكر سمعت صوت اذان الظهر من بعيد ، قمت ابي اصلي ، فتحت الباب ابي اخرج ...هذا الباب يأدي الى الحديقة لقيت ريان واقف ريان = جيت بصحيك لصلاه انا = انا مانمت اصلا ريان = طيب يلا لاتفوتنا الصلاه رحنا المسجد وصلينا في الصف الاول ... ماشاء الله صوت الامام يخليك غصب تخشع ... جيت بخرج من المسجد = عبد الله التفتت لريان انا = نعم ريان = صبر بعرفك على محمد انا = محمد !! من محمد؟ ريان = ولد عمي شوي جاء الشاب اللي كان يأمنا الشاب = السلام عليكم ريان = وعليكم السلام الشاب = كيف الحال ، اليوم مو خميس ليه مارحت الدوام؟ ريان = رحت بس استاذنت الشاب = اها ريان وهو مأشر علي = محمد هذا عبدالله اللي قتلك عنه محمد!! هذا ولد عمه ريان = عبد الله هذا محمد محمد وهو يمد يده لي = تشرفنا صافحته انا= اشرف لي بعد ماخذنا الاحوال من بعض خرجنا من المسجد ونحنا داخلين حديقة البيت وقفت سياره سوداء في مواقف السيارات وخرج منها شاب لابس نظارات شمسيه ، شافنا ونحنا داخلين بالسياره فوقف يستنى ننزل ، نزلنا وتوجه لنا وقال ( الدكتور ريان هنا هذا امر عجيب )Dr.Ryan here this is amazing = الشاب ريان = الناس تسلم بالاول السلام عليكم (اوه ، انا اسف )Oh , I’m sorry الشاب = ريان = وعليكم السلام (لم تخبرني لما اتيت مبكرا)Did not you tell me lcame early = الشاب ريان = استأذنت (اها ، من هذا ؟)Aha , of this ? = الشاب ريان = هذا عبد الله اللي بيسكن عندنا ذا الشاب ما يعرف يتكلم عربي ... باين من شكله انه سعودي ... ليه ما يتكلم عربي مرحبا عبد الله = الشاب انا = هلا والله الشاب ( يعرف عن نفسه ) = انا راكان اخو ريان انا = تشرفت ريان بعصبيه = راكان ، مابتترك عنك حركاتك (ماذا ؟)What ? = راكان ريان = امس قاطع لي اشارتين ؟ Yesterday, I have delayed urgent for the universityراكان = ( بالامس كنت مستعجل لقد تاخرت عن الجامعه ) ريان = وليه ما تصحى من بدري Oh, Ryan I am tired,good byeراكان = وراح ريان = لاحول ولاقوة إلا بالله ، هذا الولد مستحيل يعقل هههه شكله مطلع روحهم دخلنا البيت جلست في المجلس وراح ريان يقولهم يحطو الغدا شوي دخلت علي بنت صغيره ووقفت قدامي البنت=من انت انا = انا عبد الله البنت = ليه جيت بيت جدو سكتت مدري شنو اقولها البنت = انت صديق خالو ريان انا = ايه ، مين انتي ؟ البنت = انا جوري خالد محمد ال…. ماشاء الله عليها عطتني اسمها الكامل جوري = خالو راكان يقول انتي مو حلوه ، انا حلوه صح انا = ايوه جوري = خالو راكان مايعرف شي انا = كم عمرك جوري وهي تاشر باصابعها = 5سنوات دخل ثلاث بزارين جوري = تعالو بعرفكم على عمو عبد الله جاو الصغار جنبها جوري وهي تاشر على واحد متمسك فيها = هذا فارس اخوي واشرت على ولدين يتشابهون = وهذولا جاد و جواد توائم اولاد خالو راشد يتشابهو صح اشرتلها براسي بمعنى نعم جوري = تعرف كيف نفرق بينهم اشرت على خد واحد منهم كان فيه جرح كبير على طول خده = هذا جاد مره وهو يلعب بسكين جاء يركض وطاح عليها جاد كان يناظرني بتفحص دخل علينا ريان وجلس جنبي = اكيد جننوك ووجه نظره للاطفال = انتم يلا داخل خرجوا الاطفال يتراكضون ، جابو الخدم الغدا و تغدينا **************************** بعد المغرب وانا في غرفتي وماسك صوره احاول اذكر من هذي البنت اندق الباب انا = ادخل دخل ريان = السلام عليكم انا = وعليكم السلام جاء وجلس جنبي على السرير ريان = ابيك تيجي معاي انا = وين ريان = لمكان الحادث يمكن تتذكر شيء انا = تتوقع يفيد ريان = نجرب ، يلا استناك في السياره وخرج ، لبست وخرجت ، ركبت السياره وقفنا عند اشاره ريان = هنا مكان الحادث جلست اناظر يمين يسار احاول اذكر شي بس ما تذكرت ، فقمنا نفرفر في الشوارع نتمشى وقفنا عند مسجد ونزلنا نصلي العشاء بعدها رحنا مطعم وتعشينا رجعنا البيت من كثر التعب حطيت راسي ونمت |
رد: رواية رجيتك ياهم لاعاد تزيد اوجاعي/ بقلمي
انتظر الردود
|
رد: رواية رجيتك ياهم لاعاد تزيد اوجاعي/ بقلمي
كملي اختي الاسلوب حلو بس الى الان كثير من الاشياء مجهوله ننتظر البارتات الجايه تكشف لنا من هو عبد الله واين عائلته وريان واخوانه
|
رد: رواية رجيتك ياهم لاعاد تزيد اوجاعي/ بقلمي
ياهلا ومرحبا فيك بليلاس الغالي مجمع الابداع والاحبه
انشالله تلقين الي يرضيك و تصلين بروايتك لبر الأمان .... قوانين القسم ( شروط انتسابك ككاتب + قانون القصص المكتمله والمهمله + الردود المخالفه ) |
رد: رواية رجيتك ياهم لاعاد تزيد اوجاعي/ بقلمي
السلام عليكم و رحمة الله و بركاته
مساء الخير و الانوار و مغفره من رب العالمين حياج ربي في ليلاس و وفي وحي الاعضاء كاتبة ان شاء الله تكون من النخبه كل المطلوب استمرارج في رقي الطرح و عذوبة الاسلوب و الاهم الالتزام بدايه جميله و قويه يا شموخ ¡ حلو الغموض اللي بديتي في الروايه اعطاها روح و تشويق عبدالله و فقدان الذاكره امر وارد و خصوصا بعد الضربه على راسه يمكن مع الوقت يتذكر بس يبي رابط قوي بحياته السابقه عشان تكون هي المفتاح و الصوره هي المفتاح ¡ يمكن وجود الصوره من غير مؤثرات ماراح تفيد بس مع وجود الجوري بنت اخت ريان و سوالفها يمكن يربط بين صاحبه الصوره و الجوري و ترجع شوي ذاكرته ¡¡ ريان ¡ تصرفه يدل على الشهامه بس استغرب ليش هو من بد الدكاتره اللي عرض عليه انه يسكن عنده و ليش اهله وافقوا بهالسهوله هذي الا اذا كان لهم يد او علاقه في عبدالله و اقرب توقع انه يكون راكان هو اللي سبب الحادث بطفاقته لعبدالله و كتكفير عن الذنب خلوا عبدالله يسكن عندهم بدل لا يتبهدل مو عارف وين يروح ¿¡ السؤال الأهم اهل عبدالله وين ما فقدوا ولدهم ¿ اذا كان من نفس المنطقه و غاب كم يوم ضروري راح يبلغون عند المراكز و المستشفيات الا اذا كان مو من المنطقه و مسافر لها و غيابه عن اهله هالوقت شيء اعتيادي ¿¡ بانتظار القادم و انكشاف الاسرار سلمتي يارب ............ |
رد: رواية رجيتك ياهم لاعاد تزيد اوجاعي/ بقلمي
مشوقه
مشوقه آآآآآآآممم عبد الله وش بيصير له بعدين وريان وركان والعايله وش بتسووي في عبد الله وهل عبد الله يكون صج متزوج وعنده بنت ويمكن يعجب في بنت من اخوات ريان يمكن بالانتظارر |
رد: رواية رجيتك ياهم لاعاد تزيد اوجاعي/ بقلمي
البارت الثاني بعد اسبوعين صباح الخميس 9:00 على الافطار كان موجود ابو ريان وريان وراكان ... كان الافطار متنوع فيه من كل الاصناف ... اخذت لي قطعة خبز وانا القي نظري عليهم ... ابو ريان كان يتناول فطوره بهدوء وهو يناظرالجريده ... وراكان كان يناظرجواله اللي كان يرن بنغمة الرسائل وهو يبتسم مع كل رساله ... شكله تجيه نكت مع ذا الصبح ... التفتت لريان اللي كان جنبي كان يناظر لي وهو مبتسم وقرب مني وهمس ريان بهمس = هم دايم كذا على الفطور لاتستغرب ورجع ياكل ، لفيت اناظرهم مره ثانيه ، كل واحد في عالمه نزلت نظري لصحني ، وانا افكر .. هل اهلي افتقدوني .. انا لي اكثر من اسبوع مفقود .. اكيد بحسوا بغيابي .. يكمن يدورا علي .. بس ليه الى الان ما خبروا الشرطه عني .. وسرحت في حالي ..وماوعيت الى على يد تاشر قدام وجهي .. لفيت لصاحبها اللي كان ريان ريان = في شنو تفكر؟ انا = ولاشي ريان وهو ياشر على صحني بعيونه = طيب كمل فطورك هزيت راسي بمعنى طيب .. واكمت فطوري بهدوء ************************************************** ******************* بعد الفطور جلست اسولف انا وابو ريان عن مواضيع مختلفه ... وريان وراكان راحو مدري وين ... بعدها قمت بروح الغرفه عشان اتغسل و اروح لصلاة الظهر... دخلت الغرفه ليقتها مرتبه شكله الخدامه جات ورتبتها ... دخلت الحمام وتروشت .. خرجت من الحمام و المنشفه فوق راسي انشف فيها شعري و افكر .. يوم السبت بدور لي وظيفه لازم اتوظف ... مو حلو اجلس كذا اكل وشرب ومسكن ببلاش .. ريان واهله مو ملزومين بي = ياهووو وين سارح ؟ اشفيك اليوم كله سرحان رفعت راسي ... كان ريان جالس فوق السرير ويناظرني ... جلست جنبه على السرير انا = ريان لمتى بجلس فاقد ذاكرتي ؟ ريان بتنهيده= لما الله يفرجها انت اصبر انا = انا لازم اشتغل ريان = ليه ؟ انا = لمتى بجلس استنى هالذاكره ترجع ، بدورلي وظيفه استفيد منها ريان = طيب كيف بتتوظف وانت ما عندك هويه ؟ صح !! كيف نسيت على اي اساس بتوظف لا هويه ولا شهاده انا = لاحول ولا قوة إلا بالله ريان وهو يربت على كتفي = انت خلك متفائل هذا اهم شي لصحتك والله بيفرجها انا = ان شاء الله ريان = طيب خلني اربط لك يدك وقام اخذ الربطه اللي كانت فوق التسريحه ورجع جلس جنبي و ربطها لي .. بعد ما خلص ريان = كذا تمام انا = ايه ، مشكور ريان وهو يقوم = يلا انا رايح لما ياذن بكون استناك في السياره عشان نروح المسجد ولما وصل عند الباب رجع لف علي ريان = اووه نسيتني ليه جيت عندك، كنت بقولك عمي وعياله جايين العصر هزيت راسي بمعنى طيب .. خرج .. انسدحت انتظر الاذان .. لما اذن توضيت و غيرت ملابسي وخرجت .. لقيت ريان ينتظرني في السياره توجهت له وركبت السياره .. ورحنا للمسجد العصر انا وابو ريان وريان كنا نشرب الشاي في الحديقه شوي انفتح باب الحديقه ودخلت سياره عائليه بيضاء ووقفت في مواقف السيارات ونزلت منها حرمتين ودخلن داخل ونزل رجال كبير بس يبين انه اصغر من ابو ريان وجاء لعندنا الرجال = السلام عليكم نحنا = وعليكم السلام سلم على ابو ريان بعدين جاء ريان وحب راس الرجال .. قمت وحبيت على راس الرجال مثل ريان وجلسنا .. كان ابو ريان والرجال ياخذون الاحوال من بعض بعدين قال ابو ريان = ابو محمد هذا عبد الله اللي قتلك عنه ابو محمد وهو يلف علي = هلا والله عبد الله اخبارك ؟ انا = الحمد لله ،اخبارك انت ياعم ؟ ابو محمد = الحمد الله ، اصبر ياولدي كله شي باجره وانا ابوك انا = ان شاء الله والتفت على ابو ريان وجلسوا يسولفون عن الاسهم و البورصات ، وانا وريان نتسمع لهم قرب ريان من اذني وهمس لي = هاشيابه مايملون من سوالف الاسهم و البورصات ضحكت عليه شكله دايم يتكلمو فيها ريان وهو يتحلطم = وبعدين وينهم ذولا ؟ انا = من ؟ ريان = محمد واحمد ، دايم يجو بس اليوم مدري عنهم ليه ماجاو يستهبل ذا وش عرفني فيهم عشان يسال ... طنشته و قمت ريان = وين ؟ انا = بغير ملابسي وبرجع رحت الغرفه وغيرت الثوب ولبست بنطلون وقميص بازرار من قدام عشان يكون سهل في فسخه بسبب يدي ... الله يوفقه ريان ما قصر معي جايب لي ثياب و بدل ... رجعت الحديقه مالقيت احد فيها شكلهم دخلو المجلس ... جيت بدخل بس لمحت احد في وسط الحديقه عند النافور واقف .. دققت النظر هذا محمد ولد عمهم ... كان يكلم تلفون ... دخلت المجلس وجيت بجلس جنب ريان وانصدمت ... ها كيف !! توني شايفه برا كيف جاء هنا ريان = وش فيك مفجوع انتبهت لنفسي انا = ولا شي (ولفيت ل محمد ) هلا محمد وسلمت عليه انا = محمد انت قبل شوي كنت برا محمد = لا ، ليه ؟ انا = توني شايفك برا ريان = محمد من لما جاء وهو جنبي ، بسم الله لايكون شايف جني انا = بسم الله الرحمن الرحيم ريان = ايه ما قلت لك ترى بيتنا مسكون ، فانتبه فقع محمد ضحك ، استغربت وش فيه ذا ، ضربه ريان بيده اعوذ بالله من الشيطان الرجيم ريان = بعض الاحيان بالليل اسمع في غرفتي طق مو بصاحي واغاني زاد محمد بضحك ... بسم الله وش فيه ذا.. الناس تتعوذ من الجن مو تضحك ... الحمد لله و الشكر ... فجأه سمعت صوت من خلفي = السلام عليكم التفتت وانصدمت ، رجعت لفيت لمحمد وريان لقيتهم فاقعين ضحك رجعت لفيت لشاب كان طبق الاصل عن محمد الشاب = وش فيكم كنكم شايفين مهرج ، ترى رد السلام واجب انا = وعليكم السلام محمد وريان ما قدروا يردوا السلام من كثر الضحك جلس جنبي وقال= الحمد لله ، وش فيكم تضحكون ، قولولي خلوني اضحك معاكم ريان وهو يمسك ضحكته = هذا الله يسلمك عبد الله لما ... وقاله السالفة الشاب = اها ( و لف لي وقال ) انت ما تعرفني ، انا احمد توأم محمد انا = هلا والله ريان موجه كلامه لمحمد = كان صورته عشان يشوف شكله وهو مفجوع ودخل مره ثانيه في نوبة الضحك.. بعد ما وقف عن الضحك انا برفعت حاجب = خلصت هز راسه بمعنى ايه وهو ماسك الضحكه لفيت على احمد = ولد عمكم هذا دايم كذا احمد = ايه ولسه ما شفت شي ريان يقاطعه = احمدوه لاتشوه صورتي احمد مكمل = مزاجي بقوه ،ايام مو طايق احد وايام كله يضحك بدون سبب محمد = ايه شكله عنده حاله نفسيه ريان = محمد انت معي ولا ضدي محمد = اكيد مع اخوي ريان بدهشه = شنو ، شكلك مطبق المثل انا واخوي على ولد عمي محمد = بدون شك ريان = خااااااين و جلسنا انا واحمد نضحك على مناقرات ريان ومحمد ... باين ان احمد اهدا من محمد اذن المغرب قمنا كلنا للمسجد وصلينا و اللي كان يأمنا هو محمد بعد الصلاه ونحنا راجعين بسياره مع ان المسجد مو بعيد بس ريان اصر نركب سياره عشان رجلي رغم اني احس اقدر امشي عليها فتره طويله .. بس ايش تسوي لو كنت تمشي مع دكتورك ريان = احمد بكره التفحيط الساعه كم احمد = ست المغرب انا مستغرب = تفحيط!! ريان = ايه ماقلت لك ، احمد نجم التفحيط كل جمعه الشباب يلتمو في مكان معين يشوفوا تفحيطه ، وازيدك من الشعر بيت مسمينه كاسبر لفيت لاحمد = عن جد احمد = ايه ، بكره تعال مع ريان وشوف بنفسك انا = ان شاء الله احمد = ريان وين اخوك مختفي ريان = مدري احمد = بتصل عليه اشوفه طلع جواله من جيبه واتصل احمد = السلام عليكم ... وينك يابو شباب مختفي ....وين... اها طيب... مع السلامه وقفل جواله احمد = يقول كان عنده مشوار مهم والحين هو في البيت وصلنا البيت .. نزلنا من السياره و دخلنا المجلس لقينا راكان جالس ، جلسنا معاه ومضى الوقت في السوالف بعد العشا راح الكل و بقيت انا وريان وبوريان بوريان = اجل انااستأذن بروح انام ريان = بدري يوبا اقعد معنا بوريان = وين بدري الله يهديك الساعه 12 وانا مني راعي سهر مثلكم ياشباب ريان = هههه على راحتك تصبح على خير وقام حب على راسه وانا سويت مثله بعد ماراح بوريان انا = وين اختفى راكان ريان= راح مع احمد يجهزو السياره لبكره انا= اها بديت احس بنوم بس مستحي اقوم واترك ريان لوحده .. وفجأه حسيت بيد على كتفي لفيت وجهي لريان ريان ويده على كتفي = عبدالله فيك شي انا= لا ليش ؟!! ريان=لي ساعة اناديك ماترد تعبان فيك شي انا = لا لا مافيني شي بس سرحت شوي ريان = والله باين ان فيك نوم شكل ماحد راعي سهر غيري انا = لا لا وين النوم بدري عليه ريان = ههههه اقول لاترقع باين انك تبغى تنام قم قم يابوشباب وانا اقوم = اجل انا استأذن تصبح على خير ريان = وانت من اهله ماصدقت وصلت الغرفه رميت نفسي على السرير ونمت ************************************************** *************** في مكان اخر الرياض ريم * مر شهر واسبوعين ويومين على وفاة شهد الله يرحمها ... من لما خبرت ابوها عن وفاتها وهو مقفل تلفونه ... حتى العزاء ماحضره .... وهذي المره المليون اللي احاول اتصل عليه = ان الرقم الذي تتصل به خارج نطاق التغطيه اوووف قفلت الاتصال ورميت الجوال على السرير ورميت نفسي وراه على السرير.. دائما فواز مايهتم في بنته بس ما توقعت انه توصل فيه انه ما يحضر عزاء بنته الوحيده .. مسكينه ياشهد لا ام ولا اب رغم ان ابوك عايش بس عمره ما حسسك بوجوده .. قاومتي مرضك رغم صغر سنك .. بس في النهايه غلبك .. الله يرحمك سمعت احد يدق الباب انا = تفضل دخلت الخدامه الخدامه = بابا ياسر تحت انا = قولي له شوي وجاية الخدامة = اوك خرجت وقفلت الباب.. عمي ياسر هو الوحيد اللي يسال عني .. ابوي لاهي مع سفراته .. وامي مع خرجاتها هي وصاحباتها .. وفواز من لما ماتت زوجته وهو مسافر الشرقيه .. وانا دايم اجلس مع شهد في البيت .. بس بعد موت شهد صرت لوحدي وعمي ياسر كل يوم يجي يزورني .. بدلت و نزلت تحت .. رحت للمطبخ وطلبت من الخدامة تسوي عصير و تجيبه للمجلس .. دخلت المجلس عند عمي و سلمت عليه وبعد ما اخذنا الاخبار من بعض عمي ياسر = ها كلمتي فواز ، كل ما اتصل عليه يقول مغلق انا = لا ، حتى انا اتصل يقول مغلق عمي ياسر = لاحول ولا قوة الا بالله ، الله يهديك يافواز عزاء بنتك ولا حضرته ما كنت مهتم فيها في حياتها على الاقل تتهتم بعد موتها وتحضر عزاها انا = عمي انا خايفه ان فواز صار له شي ، لما خبرته عن وفاة شهد على طول قفل اخاف انه صار شي له ومنعه انه يجي عمي ياسر = لا تخافين اكيد لاهي مع ربعه ولا همه في احد ، خساره فيه شهد حرمها منه وهو حي ( ووقف) يلا انا رايح ، لو رد عليك فواز قوليله يتصل علي انا = اوك ، بس عمي ما بتتعشى معاي عمي ياسر = لا مره ثانيه ان شاء الله ، انا اليوم معزوم عند واحد من الربع انا = طيب على الاقل اشرب العصير الحين الخدامه بتجيبه عمي ياسر = لا مستعجل ، يلا مع السلامه رحت مع عمي للباب وودعته .. طلعت لغرفتي وحاولت اتصل بفواز بس مافي فايده .. مسكت لابتوبي ودخلت المنتدى اللي اشرف عليه .. هو تسليتي الوحيده ************************************************** **************** الخبر عبد الله * صباح الجمعه 10:00 ونحنا على الفطور سالني ابو ريان ابو ريان = سمعت انك تبي تتوظف لفيت وجهي لريان لانه هو الوحيد اللي قلت له.. لقيته يناظر صحنه ومبتسم رجعت لفيت لعمي ابو ريان انا = ايه ودي بس انت عارف الوضع لا هويه ولا اثبات ماحد بيوظفني ابو ريان = خلاص وش رايك تتوظف عندي بشركه انا مو مصدق = كيف ابو ريان = نحنا نحتاج موظف في الشركه انا = بس ياعمي انا ما عندي اي اثبات ولا شهاده وخبره ابو ريان = انا مراعي ظروفك لاجل كذا بتغاضا على هذا الموضوع و بخلي واحد يعلمك الشغل انا = مشكور يا عمي ما تقصر ابو ريان = ما يحتاج تشكرني انت مثل اولادي ، خلاص من بكره تيجي معاي الشركه ويبدأ دوامك (وكمل بمزح ) لو تأخرة بكره بينخصم من راتبك انا ما احب اللعب في الشغل انا = ان شاء الله بعدها خرجنا ورحنا لصلاة الجمعه المغرب الساعه 5:30 في العزيزيه الجماهير كانت مجتمعه تنتظر احمد (كاسبر ) يجي يفحط .. كنت واقف مع ريان .. محمد رفض يجي لانه بنظره ان اللي يسويه احمد غلط .. وراكان مع احمد معزز له ( لكل مفحط معزز يكون مساعد في كل شي ) على الساعه 6 تماما جاء احمد بسياره كامري عنابيه وكان جنبه راكان .. بدا التفحيط وتعالت اصوات التصفير و التشجيع .. كان احمد مبدع جدا يسوي حركات خطيره .. وقفت سيارة احمد جنبنا انا وريان .. ونزل منها احمد وراكان وهم متلثمين بغترهم.. قرب منا واحد من اللي كانو واقفين يناظرون وكان متلثم المتلثم = احلى ياكاسبر، وش ذي عكسيه و حركات من زمان ما سويتها احمد = اليوم غير عشان عبد الله (وهو ياشر علي ) ضيف اليوم (لف علي ) تركب انا = لا اشوف من بعيد احسن بصراحه خفت .. عليه حركات وسرعه جنونيه احمد = كيفك (لف على راكان ) يلا خلنا ناخذ شوط اخير ركبوا السياره وكملوا تفحيط .. خلص التفحيط وبدا الناس تتفرق .. كانت سيارت احمد بعيده عنا.. رحنا انا وريان لعنده.. كان الشاب المتلثم متكأ على دريشة السياره من جهة السائق ويكلم احمد احمد = عزوز الاطارات تبي تغير كلها اوك الشاب المتلثم عزوز = طيب في شي ثاني احمد = لا بس عزوز = خلاص بمر عليك بكره باخذ السياره اوديها الورشه احمد = اتفقنا ركب عزوز سيارته وراح .. نزل احمد من سيارته احمد = وش رايك عبد الله انا = عليك حركات جنونيه احمد = اعشق الجنون ريان = يالمجنون خفف السرعه كم مره اقولك احمد = لا تخاف انا كاسبر بعدين مابصير الا المكتوب يلا عن اذنكم مع السلامه تبادل هو راكان الاماكن ومشو .. ركبنا انا وريان السياره ومشينا ************************************************** **************** +++ فتح عيونه ببطىء التفت يمين ويسار .. يحاول يستوعب هو وين .. جلس يناظر المكان باستغراب .. المكان كان بنسبه له غريب بس يحس انه يعرفه .. سمع صوت احد عنده بالغرفة .. التفت يمين شاف حرمه بس ما قدر يميز ملامحها .. حس انه يعرفها زين .. وده يقوم يحضنها مشتاق لها. .. بس كان يحس بخوف داخله مايعرف سببه سألها بتردد = مين انتي ؟ ردت عليه = ليش ضيعت الامانة...ليش ضيعت الامانة ...ليش ضيعت الامانة ...ليش ضيعت الامانة +++ قمت من النوم مفجوع .. انفاسي تعلى وتهبط وكاني جاري لاميال .. بسم الله حلم غريب .. التفتت لجهة الساعه الي جنبي على الكومدينه .. كانت الساعه 3:30 الفجر قمت من الفراش متوجه للحمام .. غسلت وجهي وانا احاول اطرد الحلم من راسي .. سمعت صوت الاذان .. توضيت وخرجت متوجه للمسجد ************************************************** ******************* السبت في المكتب اليوم اول يوم لي في الدوام .. قاعد انا وفهد زميلي في المكتب .. على الكمبيوتر يعلمني طريقة العمل على الساعه 12 انتهى دوامي الصباحي خرجت من الشركه وركبت تكسي .. وتوجهت لاحدى المطاعم اتغدى .. ابو ريان امس بعد ما رجعت من التفحيط عطاني راتبي مقدم بسبب ظروفي .. رحت وشتريت كم بدله للعمل واشريت جوال من الجوالات القديمه ( ابو كشاف ) ماعندي فلوس للعب ناوي اجمع كم فلس عشان استاجر بيت مو حلوه اطول عندهم .. سجلت فيه رقم ريان وابوه بس .. وانا اتغدا دق علي ريان انا = الو ريان = السلام عليكم انا = وعليكم السلام ريان = اخبارك ؟ انا = تمام ريان = اخبارك مع الشغل عجبك ؟ انا = ايه ،الحمد لله فهد ما قصر علمني كل شي ريان = وينك الحين لان اكيد انتهى الدوام الصباحي انا = في المطعم اتغدا ريان = اها ، بس حبيت اسال عنك انا = مشكور ريان = مع السلامه انا = مع السلامه بعد ما خلصت الغداء توجهت للبيت ارتاح لان الساعة 3:00 العصر تبدأ الفتره المسائية .. ولازال عقلي مشغول في الحلم الغريب ************************************************** ******************* * متعب وصاني عمي ابو محمد اجيب اوراق تخص الشركه من بيته لانه نساها .. وقفت جنب السياره استنى الخدامه تجيب الاوراق .. رفعت راسي لفوق اتامل القصر .. لمحت بنت واقفه على بلكونه وتناظر فيني .. نزلت نظري بسرعه اكيد هاذي هي .. شكلها مره بتورطني مع عمي ابو محمد .. جابت الخدامه الاوراق .. ركبت السياره خارج من هذا القصر .. انا لازم الاقي حل مع هذي البنت .. كيف بكون موقفي لو ابو محمد عرف بتصرفات بنته .. لاحول ولا قوة الا بالله .. الله يهديها ويبعدها عني ..عطيت ابو محمد اوراقه وتوجهت لمكتبي وانا افكر كيف اتصرف مع هذي المراهقه الظهر 12:00 انتهت الفتره الصباحيه .. وتوجهت للبيت ارتاح .. دخلت البيت وسمعت اصوات اخواتي وضحى = يابنت هاتي اللي اخذتيه جازي = حلي عني ما اخذت شي منك وضحى = ياسرووق هاتي لا اعلم عليك تعوبي دخلت الصاله على كلمتها الاخيره انا = تعوبي في عينك اصغر عيالك انا ، رجال طول و عرض وتقوليلي تعوبي وضحى = اخيرا جيت تعااال شوف اختك السرووق سارقة اغراض من غرفتي جازي = لاااا والله ما سرقت حاجه لا تصدقها وضحى = اجل ايش كنتي تسوين في غرفتي جازي = مالك شغل وضحى = ايه لانك سارقه ، يلا طلعي بسرعه جازي = ماني مطلعتن شي ، لاني ما اخذت شي وضحى بصوت عالي = كذاااابة ياسرووق ، طلعي يلاااااا وهجمت على جازي ..وبدأت المعركة عديت بداخلي من الواحد للعشرة عشان ما اعصب .. بس ما قدرت انا واحد دمي حار انا بصراخ = بس انتي وهي ، ما كانكم شايفيني تتهاوشون قدامي كانكن ورعان وقفو هواش وكل وحده بعدت عن الثانيه وضحى = بس انا بعصبيه = ولا كلمه ياوضحى هذي اختس الكبيره لازم تحترمينها مو تتضاربي وياها ، انتي ماعندك احترام لاحد ، لو شفتس مره ثانيه ياوضوح تضربي اختس ما تلومي الا نفسس هبالس هذا خليه فاااهمه (هزت راسها بمعنى ايه ) يلااا كل وحده على غرفتها ، ولا اسمع حس وحده راحت كل وحده على غرفتها .. جلست وانا راسي مصدع .. هواشاتهم ما توقف .. يخلين الواحد غصب يعصب دخلت امي علي الصاله .. وجلست جنبي امي = ما يخلين احد يرتاح ، كل يوم هواش ، مدري متى يعقلن انا = الله يهديهن ، مصيرهن يعقلن ويتركن خبالهن ، خليس منهن ولا تاخذين همهن امي = آآآمين ، ياولدي كان وجهك كذا ، تعبان انا = مصدع شوي ، باخذلي بندول بيتحسن امي = طيب تبيني انشبلك الغدا انا = لا بروح انام الحين ولما اصحى بتغدا (وقفت ) يلا عن اذنس .. وخلي وضحى تجيبلي البندول حبيت راسها وتوجهت غرفتي .. وانا اسمعها تدعيلي .. دخلت غرفتي وانسدحت على السرير بدون ما اغير .. غمضت عيوني .. افكر في بنت ابو محمد ..متى تعقل وتبطل حركات مراهقين .. اندق الباب انا = تفضل دخلت وضحى ومعاها كاسة الماء و البندول .. حطت الماء و البندول على الكوميدينه اللي جنبي وتوجهت لباب بتخرج انا = وضوح تعالي رفعت راسها لي مستغربه ..جلست واشرتلها على مكان جنبي .. جات وجلست جنبي وهي ساكته .. اكيد زعلانه مني بعد ما هاوشتها انا = زعلانه هزت راسها بمعني ايه انا = اسف ، انتي اللي حديتيني اني اصارخ عليك ، هذي اختك الكبيره مفروض مهما صار بينك انتي وهي ماتضربيها ولا ترفعي صوتك عليها صح ؟ وضحى = بس هي دخلت غرفتي وجلست تنبش باغراضي انا = حتى ولو تفاهمي معاها مو تضربيها كانها اصغر عيالك ، لا عاد تعيديها مفهوم وضحى = ان شاء الله انا = الحين قوليلي ليه ما رحتي اليوم المدرسه ؟ وضحى = متفقين انا وصاحباتي نغيب اليوم مافي دراسه اليوم اغلب المدرسات عليهم دوره تدريبيه ما راح ناخذ شيء انا = اها ، طيب يلا روحي اعتذري من اختك وضحى = طيب وخرجت .. اخذت حبت البندول وشربت بعدها المويا .. وقمت اغير بعدها .. انسدحت على السرير اخذ لي قيلوله ********************************* جامعة الدمام الظهر الساعة 1:00 راكان * خلصت المحاضرة وتوجهت للكفترية .. اول ما دخلت لفت انتباهي صوت صراخ .. لفيت لمصدر الصوت لقيت شلتي مجتمعه على احدى الطاولات وهي سبب الازعاج .. شكلهم سحبوا على محضراتهم .. توجهت لهم وانا مبتسم انتبهو لي وانا اقرب منهم مازن = وصل مخقق البنات انا بابتسامه = Hi everybody (اهلا جميعا ) خالد = هلا والله حياك اقلط انا = Thanks ( رميت كتبي على الطاوله وجلست ) خالد = رويكن كم مره اقولك خل عنك العنقليزي تراه كـ انا مقاطعه = خالد Do not start your lecture (لا تبدأ محاظرتك ) تعالت اصوات ضحك الشباب لان هذا السيناريوا دايم يتكرر كل ما جلسنا انا وخالد .. خالد ما يحب الانجليزي لانه تعقد منه لما كان في الثانويه خالد = مدامك عارف وش بقول لاعاد تتكلم عنقليزي انا = اوك ولا يهمك بترك العنقليزي على قولتك بس انت سكر حنجرتك الذهبيه ولا عاد تغرد منصور موجه الكلام لي = خلصت محاضراتك انا = ايه وانتم اكيد ساحبين مازن = ايه ، انا ومنصور عندنا محاضرة لدكتور فيصل مالنا خلق لها فسحبنا عليها انا = احسن لكم ، هذا الانسان دمه ثقيل ما ادانيه ابدا خالد = يعني لو مالكم خلق للمحاضره تقوموا تسحبوا عليها لفينا كلنا له بنص عين انا = مين اللي دايم يسحب على المحاضرات ويخلينا نسحب زيه خالد بضحكه = عشان مرتين صرتوا تقولو دايم ، بعدين انا اختربت منكم ولا كنت وش حليلي مازن = ايه باين ارتفع صوت نغمة جوالي (اغنيه اجنبيه ) .. مديت رجلي عشان اطلعه من جيب البنطلون .. ناظرت الشاشه ( شذى يتصل بك ) انا = اوف هذي النشبه وش تبي خالد = اكيد هذي وحده من خوياتك انا = ايه منصور = مين انا = شذى منصور بضحكه = هههه اجل الله يعينك اشرتلهم بيدي يسكتوا ورديت انا = هلا قلبي شذى = هلا حبيبي ، اخبارك انا = اذا قلبي بخير انا بخير شذى = لا قلبك بخير من لما سمع صوتك انا بهيام = يسلملي قلبي ضحك خالد بصوت عالي .. نطوا مازن ومنصور يسكروا فمه بيداتهم وهم ماسكين الضحكه لفيت وجهي عنهم شذى = ايش هذا الصوت ، احد عندك انا = ايه ، انا في الجامعه شذى = اوه لايكون اخرتك عن محضراتك انا = اسحب عليها عشان قلبي ، كم شذى عندي انا شذى بدلع = وحده انا = وما مجنني غير هذي الوحده شذى = طيب لو طلبت منك شذى قلبك طلب تنفذه انا = اكيد هي تامر مو تطلب قرب من اذني منصور وهمس منصور بهمس = ياعيني (بعدين غمز ) بعدته بيدي انا = ها امري شذى = ابي صوره لك انا = ولا يهمك دقايق وهي عندك شذى = اوك انا الحين عندي محاظره باي حبيبي انا = بايات ياروحي قفلت منها وناولت منصور الجوال انا = صورني مازن = ليه انا = طلبت صوره منصور = مو توك راسل لها قبل يومين صوره انا = ايه بس تبي صوره ثانيه ( واعتدلت في جلستي ) صورني كاني مو داري خالد = يا حبيبي ما يزبطها الا ساهر لفيت عليه انا = انت اسكت بس ورجعت اعتدلت انا = يلا منصور صور اخذ لي منصور صوره منصور وهو يمد لي الجوال = ها وش رايك اخذت منه الجوال اشوف الصوره .. طلعت حلوه انا = ايه تمام ( واعطيت الجوال لمازن ) ولا ايش رايك مازن اخذ مازن الجوال وهو يبتسم مازن = حرام عليك ركون تبي البنت تذوب انا = وهذا المطلوب اخذت الجوال منه وارسلت الصوره وبعدين فتحت على صندوق الوارد ادور رساله لقيت رساله امس راسلها لسوسن .. ارسلتها لشذى خالد بجديه = راكان متى ناوي تبطل حركاتك انا = مو ناوي ابد لا تحاول هذي تسليتي اللي مستحيل اتركها (وقفت وشلت كتبي من الطاولة و لفيت على الشباب) يلا شباب انا استاذن وقف معي منصور منصور = حتى انا ماشي مع السلامة حركت يدي مودع خالد و مازن .. ومشينا انا ومنصور للباركنق .. وقفني منصور منصور = راكان كلام خالد صح لازم توقف هــ انا مقاطعه ورافع يدي بمعنى اسكت = منصور بليز اسكت لا تبدأ لي محاضرات خالد هذي لعبتي وانا حر فيها منصور = كيفك ، بس تذكر انت عندك خوات مشيت وتركته وقفت عند سيارتي وطلعت المفتاح من جيبي وفتحت السياره .. حسيت احد وراي لفيت .. كان منصور واقف وهو مبتسم .. وش فيه انا = whats app (ما الامر) منصور = ولاشي بس جيت اودعك انا = اها ، ما تترك حركاتك منصور = لا ، بعدين اشوفك جبت سيارتك انا = ايه جبتها امس من الورشه ، ريان شكله بيحرم يخليني استخدم سيارته منصور = ليه انا بضحكه = تخيل يوم الثلاثاء ، ما صحيت بدري وكان بتفوتني محاضرت الدكتور نايف منصور = كنت بتروح وطي انا = ايه ، فما كان قدامي الا اقطع الاشارات منصور = الله يعين اخوك على جنونك ضحكت وفتحت السياره وركبت ورميت كتبي في الخلف لفيت على منصور انا = see you later منصور وهو يهز راسه باسف = مع السلامه سكرت الباب وحركت السياره مغادر الجامعه ************************************ في مكان اخر من الجامعه * إلياس سحبت على المحاضرة الاخيرة مالي خلق لها وتوجهت للباركنق .. لما قربت من سيارتي رفعت نظارتي الشمسية فوق راسي بدهشه .. ايش هذا من كسرها ! كان قزاز السيارة من جهة السائق مكسور .. التفتت ادور اذا كان في احد شاف اللي كسرها .... ما كان في احد في الباركنق .. درت حول السيارة اشوف اذا كان في شيء غير القزاز مكسور .. ما كان في شيء .. كل شيء سليم رجعت لمكان القزاز المكسور فتحت الباب .. ابي اشوف اذا كان في شيء انسرق مع ان السيارة ما كان فيها شيء يستحق السرقة .. انتبهت ان في صندوق صغير محطوط فوق مقعد السائق .. من وين جاء .. رميت كتبي على المقعد اللي جنب السائق وشلت الصندوق باستغراب وفتحته .. رصاصه ! لقيت فيها رصاصه .. شلتها وقلبتها بيدي بخوف مين ممكن حطها رجعت الرصاصة في الصندوق وانتبهت ان فيه ورقه .. اخذتها وفتحتها بترقب كان مكتوب فيها اربع كلمات بس .. خفت اكيد هذا هم ما في غيرهم .. .. رجعت الورقة داخل الصندوق وسكرته.. ابعدت القزاز المنتثر على المقعد ودخلت السيارة وانا افكر .. لازم اخبر فواز يحذر .. رصاصه يعني وصلت للقتل .. حطيت الصندوق في الدرج وطلعت جوالي بتصل عليه اشوفه رجع ولا لا .. .. رغم ان لي شهر واسبوعين وانا اتصل عليه وهو مقفل جواله .. اخر مره شفته قالي انه بيروح الرياض بيشوف بنته .. فتحت قائمة الاسماء ادور على رقمه .. وصلت الى ( اخو دنيا ) هذا الانسان اعزه كثير وقف معي وقت ما ابوي تخلى عني .. ضغطت على الزر الاخضر ورفعت الجوال لاذني انتظر رد = ان الرقم الذي تريد الاتصال به مغلق قفلت الجوال وانا مستغرب .. ايش فيه مقفل جواله كل ذي المدة لا يكون صار شيء لبنته .. الله يستر .. رجعت الجوال في جيبي وحركت السيارة خارج من الباركنق .. متوجه لشقته بشوف يمكن رجع .. وصلت لمواقف السيارات حق العمارة .. سيارته ماهي موجوده شكله لسه ما رجع .. خرجت من المواقف وتوجهت للبيت ************************************************** ******************* في المستشفى ريان * قفلت من عبدالله .. وتنهدت حالته صعبه لا ذاكره ولا اهل يوقفوا معاه .. الله يعينه يبي له وقت عشان يستعيد ذاكرته.. رجعت بذاكرتي ليوم الحادث اول يوم اشوفه فيه +++ خرجت من البيت مستعجل لاني تاخرت على دوامي .. وصلت عند الاشارة ووقفت لأنها كانت حمرا .. اوووف على كذا بتاخر اكثر .. لفيت على جهة الشباك اللي جنبي و اللي كان يطل على الشارع الثاني .. وانا مدكي عليه اناظر الناس .. لفت انتباهي سيارة التكسي اللي وقفت بسرعة .. وخرج منها شاب مستعجل .. هه شكل الناس متاخره زيي .. قطع الشاب الشارع وهو يركض .. مجنون الاشارة الثانية مفتوحه .. وهو في نص الشارع مو منتبه لسيارة اللي جايه .. تعالى صوت البوري للسياره القادمه .. التفت الشاب لها اخيرا ولكن بعد فوات الاوان .. صدمة فيه السياره .. ارتفع الشاب من قوة الصدمة وثم سقط على الارض مره ثانيه .. فتحت باب السياره وخرجت منها اركض لشاب .. وصلت عنده لقيته غارق في دمه .. خرج صاحب السياره اللي صدم الشاب .. وعلى وجهه علامات الخوف .. وجاء يبي يحرك الشاب انا = لااااا ، لا تحركه ابتعد الرجال وهو يناظر فيني بخوف .. كملت اوضح له انا = لازم مايتحرك يمكن يكون عنده كسور وانت لما تحركه تزيد الامر سوء نزلت على الارض عند الشاب ومسكت يده اتفقد نبضه .. لازال حي لفيت على الناس المتجمهره حولنا وصرخت انا بصراخ = احد يتصل بالاسعاف بسرعه الرجال حي اتصلو بالاسعاف .. وصل الاسعاف بعد ربع ساعه واخذوه للمستشفى اللي انا اشتغل فيها لانها الاقرب +++ دخل في غيبوبه وصرت دايم اسال عنه .. خاصه بعد ما عرفت ان ما لقوا اي اثبات معاه ولا جاء احد يسال عنه .. تعاطفت معاه كثير .. وبعد مرور اسبوع صحى من الغيبوبه وحولوه لقسمي .. لانه طلع فاقد الذاكره بسبب الضربه القويه اللي تلقاها في راسه .. سمعت انه لازم يطلع لان المستشفى تحتاج الاسره للمرضى الاخرين .. حسيت ان من واجبي اساعده وخاصه اني دكتوره .. فتصلت اخبر ابوي اني بجيب مريضي للبيت .. ما عارض بلعكس شجع الفكرة.. خبرت عبدالله (هذا الاسم انا اخترته له) انه يسكن عندي .. ما قدر يرفض لأنه ما عنده خيار ثاني .. صحيت من سرحاني على صوت الممرضة السعودية هناء تدخل الغرفة الممرضه هناء = دكتور ادخل المريض انا = ايه دخليه انتهى البارت |
رد: رواية رجيتك ياهم لاعاد تزيد اوجاعي/ بقلمي
رررررررررووعه
بدات ملامح الروايه تتضح آآآم عبد الله(فواز) متزوج ومن توفت زوجته هجر بنته شهد ولمن عرف ان بنته ماتت ماتحمل وطلع من سياره التاكسي وصدمته السياره والحلم اللي شافه كانت زوجته تقوول له انه ضيع الاماااانه متعب مين اهوو؟؟هل فيه صله قرابه بينه وبين ابو ريان والا بس يشتغل عنده ومين المراهقه اللي تناظره جازي ووضحى فله خخخخخ ماحبيت تصرفات المفحط احمد الله يكافينا ششر التفحيط راااكان ماراح يتهنى اذا كانت حياته طييش بهالشكل الياس <<<مين اهووو اللي يعرف فواز ريما اكسرت خاطري اخت فواز وبالانتظــــــــــــــــــــــــآآآر |
رد: رواية رجيتك ياهم لاعاد تزيد اوجاعي/ بقلمي
البارت الثالث العصر الساعة 3:15 * عبد الله بعد ماصليت العصر في المسجد .. ركبت تكسي وتوجهت لشركه .. دخلت الشركة و توجهت للمكتب دقيت الباب ودخلت انا = السلام عليكم فهد وسالم = وعليكم السلام سالم وهو يناظر الساعه اللي في يده = متاخر ربع ساعه وانا اتوجه لمكتبي واجلس = راحت علي نومه فهد بضحكه = من بدايتها انا = وش اسوي امس ما نمت عدل فهد وهو يقوم من مكتبه ويتوجه لي ويجلس في الكرسي اللي جنبي = الله يعينك ، يلا خلينا نكمل فهد وسالم يعرفوا وضعي .. ابو ريان خبرهم بقصتي انا = اوك الساعه 8:00 مساءا انتهى الدوام خرجت من الشركة .. و توجهت لشارع العام عشان اركب تكسي واتوجه لبيت ابو ريان .. في اثناء ما انا انتظر دق تلفوني .. طلعته من جيبي و ناظرة الشاشة ( ريان يتصل بك ) .. رديت انا = الو ريان = السلام عليكم انا = وعليكم السلام ريان = وينك ، خرجت ؟ انا = ايه ، الحين انا انتظر تكسي ريان = لا ، انا بمرك انا = مافي داعي تتعب نفسك ريان = اصلا انا قريب مافي تعب ولا شي ، لا تتحرك جايلك انا = طيب ريان = يلا مع السلامه انا = مع السلامه قفلت منه .. وجلست اناظر الشارع العام كيف مزدحم .. وقفت قدامي سيارة تكسي .. اشرت لها تروح .. شوي ووقفت سيارة ريان قدامي .. توجهت لها وفتحت باب وركبت انا = السلام عليكم ريان = وعليكم السلام سكرت الباب .. وحرك ريان السياره ريان = كيف كان يومك انا = تمام ريان = ان شاء الله عجبك الشغل انا = ايه ، الحمد لله سهل ريان = أي شي ما تفهمه في الشغل خبر فهد وهو بيساعدك انا = ان شاء الله ارتفع صوت جوال في السياره .. ما كان صوت جوالي .. لفيت لريان .. طلع ريان جواله من جيبه .. ناظر الشاشه وابتسم .. بعدين رد ريان = هلا والله بام راشد ... اخبارك ... ها امريني ... الحين !! .. طيب وراكان وين ؟ ... اوك خلاص شوي وواصل ... مع السلامه قفل تلفونه وتنهد .. ولف علي ريان = البنات ما تخلص مشاويرهم ورجع لف مره ثانيه لطريق .. ضحكت عليه .. شكل اخواته يبون مشوار .. جلست افكر .. ياترى انا عندي خوات ؟ .. كم عددهم ؟.. حاولت اتذكر شي .. بس مافي فايده .. حسيت بضيق .. لمتى ؟ .. لمتى وانا كذا .. مليت من حالي .. لازم اتذكر .. صعب الواحد يعيش بدون ذاكره .. بدون هويه .... بدون اهل .. مايعرف هو مين .. خلاص تعبت ..رجعت راسي على ورى وغمضت عيوني .. تذكرت الحلم .. مين هذيك احس اني اعرفها .. ملامحها ما كانت واضحه .. الامانه !! عن أي امانه كانت تتكلم .. خلاص احس بنفجر لو ما تذكرت .. طلعت من الدوامه اللي انا فيها على صوت ريان ريان = عبدالله وشفيك لفيت له انا = ريان ، تعبت من حالي ريان = كم مره اقول لك اصبر ، اعرف ان فقدان الذاكره امر صعب ، بس مابيدك الا الصبر ، والنفسيه ياعبدالله اهم شي ، خلك متفائل تنهدت ولفيت للجهه الثانيه اناظر الشارع .. حاولت اتناسى وضعي .. خليني افكر في شي ثاني .. لفيت لريان انا = ريان تكلم عن نفسك ريان ( بابتسامه وهو يلف علي ) = ليه انا= ابي اتعرف عليك اكثر ، ما اعرف الى انك دكتوري ، حتى عمرك ما اعرفه ريان = اوك ، امممم اول شي اسمي ريان محمد سالم الـ ... ، عمري 33 ، ثاني واحد بين اخواني انا باستغراب = ثاني واحد ؟ ريان = ايه ، راشد الله يرحمه اكبر مني انا = توني ادري ريان = عنده عيال ، اظن تتذكرهم جاد و جواد انا = ايه ريان = مات قبل يوم من ولادتهم حزنت على راشد مات قبل ما يشوف عياله انا = الله يرحمه مرت دقيقتين ونحنا ساكتين ، بعدها قطع الصمت صوت ريان اللي كان هادي خالي منه المرح على غير العاده ريان = خليني اكملك حسيته تاثر ، هزيت راسي بمعنى طيب ريان = انا دكتور اعصاب زي ما انت عارف ، اشتغل في مستشفى الـ.... ، مطلق وعندي ولد عمره سنه مطلق وعنده ولد !! .. بس ما حبيت اعلق انصدمت ريان مكمل = تعرف اني ما عمري شفت شكله ما قدرت امنع فضولي .. فسالته انا باستغراب = كيف ؟ ريان بحزن = امه هربت فيه قبل ما اشوفه (حسيت انه محتاج يفضفض فسكتت اسمع له ) قبل ست سنين سافرت لامريكا عشان اكمل دراستي ، تعرفت هناك على وحده سعوديه عايشه طول عمرها في امريكا ومعاها الجنسيه الامريكيه ، حبيتها وقررت اتزوجها ، فخبرت اهلي اني ابي اتزوجها ، ماعارضوا سافروا معاي لامريكا وتزوجتها ، ولما خلصت دراستي ورجعت السعوديه جت معي ، بس ما قدرت تتاقلم هنا ، لان طول حياتها وهي عايشه في امريكا ، فقالت لي يا اما اروح معاها لامريكا ونعيش هناك ولا اطلقها ، انا ما اقدر اعيش في امريكا واترك امي وابوي هنا ، وخاصه بعد وفاة راشد ، حاولت معاها انها تنسى الفكره وتنسى اني اطلقها لاني ما اقدر استغني عنها ، بس هي اصرت على قرارها فما كان قدامي الا اني اطلقها ، طلقتها بعد يومين اكتشفنا انها حامل ، قلت لها تبقى هنا الى ما تخلص العدة ، كان عندي امل انها ترجع لي، وافقت بعد اصرار ،و لما وصلت الشهر الثامن ، خبرتها يا اما ترجع لي ولا باخذ الطفل اول ما تولد وتحلم تشوفه ، بس هي اختارت انها تسافر، و فيوم من الايام وانا راجع من شغلي دخلت البيت ما كان في احد ، جن جنوني وين ممكن تروح ، ولما جيت بخرج من الشقه لقيت على الباب ورقه ، كانت الورقه منها كاتبه فيها انها رجعت امريكا عند اهلها ، وما تقدر تستغني عن ولدها عشان كذا هربت ، فسافرت لامريكا عشان ارجعها ، بس لسوء الحظ طلعت غيرت هي واهلها الولايه ، رجعت السعوديه متحطم وبعد شهر اتصلت علي تخبرني انها جابت ولد وسمته عبد الله ، وبعدها قطعت الاتصال بيني وبينها حاولت ارجع اتصل عليها بس يقول لي مغلق ، تخيل الى الان وانا كل يوم احاول اتصل عليها على امل انها ترد بس بدون فايده (سكت بعدين كمل ) تعرف ايش نفسي فيه ياعبد الله ، نفسي اشوف ولدي اشوف كيف شكله يشبه مين انا ولا امه ، نفسي اضمه واسمعه يقول بابا ، نفسي اشوفه يكبر قدام عيني ، مدري هي أي قلب تملك ، كيف تحرم اب من ولده ، انا لما قلتلها اني باخذه ، ما كنت بسويها ، كنت بس اهددها ، ولا مستحيل احرم طفل من امه ، بس هي حرمتني منه انصدمت كل ذا صار له ومع كذا اللي يشوفه يقول ما عنده هموم انا = بصراحه مدري ايش اقولك ، بس اللي اقدر اقوله الله يعينك ، ويرجعلك ولدك ريان بتنهيده = تصدق اني ما عمري اشتكيت لاحد ، بس مدري له قاعد اشتكي لك انا = ريان متى ما حبيت تفضفض انا موجود ، يمكن صح انا غريب عنك بس مستعد اسمع لك ريان = انت منت ناقص اللي فيك يكفيك انا = بس ما يخالف اسمع لك ، انت يا ريان اعتبرك اخو وقفتك معي ما انساها ريان = ما سويت إلا واجبي ، والحين وصلنا يلا انزل يوووو ما حسيت اننا وصلنا .. فتحت الباب و نزلت .. ووقفت انتظر ريان ينزل .. بس ريان ما نزل .. رجعت فتحت الباب وطليت براسي انا = موب نازل ؟ ريان وهو ينزل جواله من اذنه ويحطه جنبه = لا ، بودي اخواتي مشوار انا = اها ، طيب مع السلامه ريان = مع السلامه سكرت الباب وتوجهت للملحق ************************************************************ ******** * لارا محتاجه بعض الاغراض للجامعه .. بس مين بيوديني .. اوووف لو يجيبوا لنا سواق كانت انحلت مشاكلنا .. بس ريان الله يهديه رافض فكرت السواق .. ولا بالعقل قصر وش كبره ومافيه سواق .. اووووف ..خرجت من الغرفه متوجهه لغرفة راكان مافي حل الا اني اطلب من الاخ المدلل راكان يوديني .. دقيت الباب اكثر من مره .. بس ماكان في رد .. و مستحيل افتح الباب بدون اذن .. لان راكان محرم دخول الغرفه على أي احد .. حتى الخدامه ما تدخل تنظفها .. بعض الاحيان احس انه مخبي شي فيها .. ومايبي احد يكشفه عشان كذا محرم علينا دخولها .. طلعت جوالي من جيب بنطلوني البرمودا ..و فتحت قائمة الاسماء .. وصلت الى اسم ( الاخ المدلل) لو درى راكان اني مسميته كذا بجوالي كان ذبحني .. ضغطت الزر الاخضر .. رفعته لاذني انتظر رد انفتح الخط بس ما كان في رد انا = الو = انا = راكان = انا = الو راكان تقفل الخط .. بسم الله وش فيه .. اتصلت مره ثانيه بس قفل بدون ما يرد.. يو وش سالفته رجعت جوالي في جيبي .. اوووف مين بيوديني الحين .. نزلت تحت .. ودخلت الصاله .. لقيت امي جالسه تكلم تلفون .. جلست جنبها امي = اشوف راي البنت وابوها ورد لك خبر ... يوصل ... مع السلامه قفلت امي التلفون وهي تبتسم .. لفت علي امي = ايش فيك انا = ولا شي ، بس محتاجه بعض الاغراض من الجامعه وكنت ابي راكان يوديني بس شكله مو موجود امي = ايه طلع من المغرب انا = طيب الحين مين بيوديني امي = خلي ريان يوديك لما يجي انا = بس اكيد بيقول تعبان امي = ما عليك ، خليه علي ورفعت التلفون اللي جنبها .. واتصلت امي = هلا فيك .. الحمد الله .. ابيك تودي لارا السوق تبي اغراض .. ايه .. خرج من المغرب .. مع السلامه قفلت التلفون .. ولفت علي امي = يلا روحي تجهزي الحين بيجي و يوديك قمت حبيت على راسها انا = تسلميلي يا احلا ام وجيت بخرج بس تذكرت .. و لفيت على امي انا = امي مين كنتي تكلمين قبل امي بابتسامه = ام يوسف انا = ايش كانت تبي امي = تخطبك لولدها يوسف انا = امي اظن تعرفي ردي ، فاتصلي فيها وخبريها امي = يابنتي فكري هذي المره ، الرجال مايتعوض انا = امي نحنا انتهينا من هذا الموضوع ، زواج وماراح اتزوج خرجت من الصاله وتوجهت لغرفتي وانا امنع نفسي من البكا .. حسبي الله عليكم .. فتحت الكوميدينه وطلعت صورته .. جلست اناظر الصوره .. وصورته وهو واقف في ذاك المكان لازالت في بالي .. مدري متى بتخلص من صورتك يامروان .. قلبي الا الان معلق فيك .. لازم اتخلص من صورتك عشان انساك .. جيت بقطع صورته بس ما قدرت .. هذا مروان مستحيل اقدر اقطعها .. رجعت رميتها في الدرج باهمال وسكرته .. خرجت متوجهه لغرفت يارا .. بشوفها اذا تبي تيجي معاي .. رغم انها اكيد بترفض مدام اني انا بطلع .. بس لو اعرف هي ليه تكرهني .. ما اذكر اني سويت لها شي .. لما كنا صغار ما كانت تعاملني كذا .. كنا احلى توائم رغم اختلاف الشكل .. اسرارنا عند بعض .. نتقاسم مشاكلنا وهمومنا .. بس لما كبرنا تغيرت .. تغيرت كثير .. صرت بنسبه لها عدوتها مو اختها .. وقفت قدام بابها بتردد ..ادق ولا لا .. تشجعت ودقيت الباب .. استنيت تقولي تفضلي بس ما ردت .. دقيت مره ثانيه .. بس نفس الشي ما كان في رد .. فتحت الباب وطليت براسي .. الغرفه كانت فاضيه .. تقدمت لداخل الغرفه .. سمعت صوت المويا في الحمام .. اكيد انها تتروش .. توجهت لسريرها و جلست عليه انتظرها وانا اهز رجلي بتوتر .. خايفه من الاصطدام معاها .. لانها دايم تحاول تجرحني .. تعرف اني حساسه وبسرعه اتاثر .. سمعت صوت جوالي يرن بـ ( اغنية سكر عيون ) .. وقفت وطلعته من جيبي .. بس استغربت لما ما كان في اتصال .. الصوت لازال موجود .. لفيت لجهت السرير .. شفت جوال يارا يضوي .. هه حتى في الاذواق نتشابه .. طلعت تحب هذي الاغنيه زيي.. جلست على السرير واخذت جوالها .. ناظرت الشاشه ( خلود يتصل بك ) .. استغربت من خلود انا اعرف صاحباتها مافي وحده اسمها خلود .. قفل الاتصال .. رجعت الجوال مكانه .. انتبهت لدفتر احمر مغلف ومزين بطريقه حلوه .. ما استغربت من طريقة تزينه .. فيارا عندها ذوق رائع في تنسيق و التزيين .. اخذته وقلبته بيدي بتردد .. افتحه ؟ بس اخاف تزعل .. باين عليه انه غالي كثير عندها ولا ما كانت زينته .. انتبهت لوجود حرف m على الغلاف مزخرف بطريقه حلوه .. جيت بفتح الدفتر الفضول قتلني .. بس استوقفتني صرخه = لا تفتحيه رفعت راسي بفجعه ..كانت يارا واقفه بروب الحمام وشعرها الاسود الطويل المبلول منتثر حولها .. تقدمت لي بسرعه .. وخطفت الدفتر من يدي يارا وهي تاشر بيدها لجهت الباب = انتي مين سمح لك تدخلي غرفتي ، يلا براااا انا = يا يارا مقاطعتني = ولا كلمه اخرجي الحين غرفتي ماتدخلينها فااااهمه قمت و توجهت للباب بهدوء .. نعم فانا لا استطيع الرد عليها .. انفذ ما تطلبه بنصياع .. يمكن البعض يقول عني ضعيفة شخصيه .. ولكن لا .. انا مو ضعيفه .. بس معاها مدري ايش يصير لي .. احس اني ما اقدر اعارضها او اواجها .. يمكن لاني تعودت .. ونحنا الصغار هي تؤمر وانا انفذ .. خرجت من الغرفه وسكرت الباب .. دخلت غرفتي وجلست على الكرسي التسريحه وانا بذات الهدوء .. ناظرت نفسي في المرايه .. لمتى بضل كذا .. لازم اقوى .. لازم اواجها .. مشكلتي اني حساسه و انجرح منها بسرعه .. حتى على ابسط الاشياء .. بعض الاحيان احس بذنب اتجاها .. لدرجت اشك في نفسي .. يمكن سويت لها شي ونسيت عشان كذا تكرهني .. حسيت بدموعي تتلألأ في عيني .. تنذر بنزول .. هي من بين العالم اللي ما استحمل جفاها .. كيف لا وهي تؤامي .. ابتسمت لنفسي في المرايه .. هذي طريقتي لما اكون زعلانه ولا ببكي .. ابتسم في المرايه الا ان ترجع نفسيتي تمام انا اكلم نفسي = بالله هذا الوجه احد يقدر يزعله بعد فتره .. حسيت اني استعدت روحي المرحه .. قمت اجهز نفسي .. اكيد ريان على وصول .. اخترت لي لبس .. بنطلون جنز ازرق على بلوزه ورديه علاقي .. لبسته ولبست عبايتي .. اخذت شنطتي وجوالي .. وانا انزل الدرج دق جوالي ناظرته ( الاخ الحنون ) هذا ريان .. رديت انا = هلا وغلا باخوي العزيز ريان = ايه تمصلحي انا = لا حرام عليك انا دايم كذا ريان = ايه يصير خير ، اخرجي انا تحت انا = اوك سلام سكرت منه .. ودخلت الصاله لقيت امي جالسه تتصفح مجله .. توجهت لها وحبيت راسها انا = ماما انا رايحه امي = ريان جا انا = ايه اتصل قال انه برا يستنى ، تبين شي ؟ امي = لا سلامتك ، بس لا تطولي في السوق وتتعبي اخوك تراه التعب اللي فيه يكفيه انا = اوك رحت للمرايا اللي عند الباب وصلحت نقابي .. خرجت وتوجهت لسيارة ريان .. فتحت الباب وركبت انا = السلام عليكم ريان = وعليكم السلام انا = اخبارك ؟ ريان = الحمد لله حرك ريان السياره خارج من حديقة القصر ريان = وين تبين الحين ؟ انا = وديني اولا مكتبة جرير ريان = طيب ************************************************************ ********* في احدى الكوفيهات * احمد وانا جالس مع الشباب كان منصور ومازن وخالد وراكان يسولفون لوحدهم .. وانا وعبد العزيز نتكلم عن تجهيز السياره لتفحيط .. دق جوالي اللي كان في جيبي .. طلعته وناظرته ( سمر يتصل بك ) سرحت في الاسم .. اموت في ذا الاسم .. كم احب اشوفه ينور شاشة جوالي = ياهو من متصل فيك مخلي ابتسامتك من الاذن للاذن رفعت راسي على تعليق عبد العزيز .. وانتبهت لنفسي كنت ابتسم بدون ما احس .. قفلت الاتصال انا = الاهل بروح اكلم برا ما اقدر اكلم و الشباب موجودين .. قمت وانتبهوا الشباب لي منصور = ويين يابو الشباب بدري اشرت على الجوال اللي بيدي انا = بكلم وراجع مازن = اوك لا تطول نبيك بسالفه انا = اوك خرجت من الكوفي وركبت سيارتي .. اتصلت عليها .. بس ما ردت .. اتصلت مره ثانيه وردت سمر = الو انا = واحلا الو سمعتها في حياتي سمر = كيفك ؟ انا = تمام ، انتي اخبارك ؟ سمر = انا بخير ، انت وينك الحين ؟ انا = في الكوفي جالس مع الشباب سمر = ياحظك اكيد مستانس انا = ايه ، انتي ايش تسوين سمر = ولا شي ، طفش انا = طيب ذاكري ، انتي اخر سنه لازم تجتهدي سمر = بس الدراسه ملل انا = هذي مستقبل ، و سمر مقاطعتني= اووووه احمد ، انا ما اتصلت عشان تجلس تنصحني ، الدراسه و الدراسه انا = ههههه اشفيك سمر = انا اتصلت طفشااانه ، تقوم تزيد طفشي انا = افا سمر طفشانه وانا موجود ، ايش تبين وانا حاضر سمر = سولف انا = في ؟ سمر = أي شي انا بتفكير = امممم سمر = كيف كان تفحيط امس انا = التفحيط كان غير شكل ، امس كان في ضيف شرف سمر = مين ؟ انا = واحد من مرضى ولد عمي ساكن عنده سمر = ليه ولد عمك يسكن مرضاه عنده ؟ انا = لا هذا وضعه غير ، فاقد ذاكرته ومافي احد سائل عنه عشان كذا جابه عنده في البيت ، بعدين تعالي انتي ما تتركين اللقافه عنك كل شي تبين تعرفينه سمر= ههههه ، تعرف اني فضوليه انا = واحلى فضوليه (سكتت بعدين كملت ) سمر سمر = هلا كنت بتهور وبعترفلها بحبي .. بس تراجعت .. مابيها تتعلق .. انا الا الان ما صرحتها سمر = ايش فيك انا = ولا شي سمر = اوك احمد انا لازم اقفل اخاف اخوي يحس انا = طيب ، اكلمك بكره سمر = اوك ، سلام انا = مع السلامه قفلت منها .. وانا احس بسعاده .. احس بدقائق القليله اللي اكلمها فيه .. سعاده ما توصف .. هذي البنت عفويه مره .. وهذا اللي يعجبني فيها .. انا ما عمري كلمت بنت غريبه .. بس مدري ليه هذي البنت شدتني من اول مره كلمتها فيها .. تذكرت اول مره كلمتها قبل ست شهور .. اتصلت علي بالغلط الساعه وحده باليل وانا نايم .. على بالها اني اخوها .. كانت تبكي تقول امها تعبانه .. خبرتها انها غلطانه وانا مو الشخص المطلوب .. قفلت منها وانا نفسي اضل معاها .. مدري شنو صارلي .. حتى النوم طار مني .. ما قدرت اغلب رغبتي في الاتصال فيها .. وعلى الفجر اتصلت فيها .. بس ما ردت .. صرت كل يوم اتصل فيها .. بس ما كانت ترد .. وبعد اسبوع ردت .. سالتني من انا .. خبرتها اني الشخص اللي غلطت و اتصلت عليه .. و اتصلت ابي اطمن على امها .. لان بالي انشغل عليهم .. قالت لي ان امها ماتت .. وطلبت مني ما عاد اتصل ..بس ما قدرت .. بعد اسبوعين رجعت اتصل عليها .. ردت خبرتها اني ابي اكلمها .. فقفلت الخط في وجهي .. وبعد يومين رجعت اتصلت عليها .. مصر الا اعرف هي مين .. لاني جد حبيتها .. يمكن تستغربوا كيف .. بس هذا اللي حسيته .. في صوتها شي يجذبني .. ردت علي .. قلت لها اني انا بتكلم وهي تسمع .. مابي منها اي شي .. يكفيني انها تسمعني .. ترددت بس وافقت في النهايه .. صرت اكلمها واخبرها بكل شي عني .. واقول لها كل شي يصير لي .. وهي تسمع بس .. بعد فتره صارت تعلق على كلامي.. ولما حسيتها تتجاوب معي .. سالتها عن اسمها قالت لي اسمها الاول .. وبعد فتره هي خبرتني عن حياتها .. خبرتني انها تدرس اخر سنه في الثانويه ومن عائلة فقيره تعيش مع اخوها لان ابوها وامها متوفيين .. وهي البنت الوحيده بين ثلاث اولاد .. كلهم اصغر منها ماعدا اخوها خالد اكبر منها باربع سنوات .. ادمنت على مكالمتها .. صرت مايمر يوم الا اكلمها فيه .. انا جاد ابي هذي العلاقه تستمر وتتوج بزواج مو زي راكان اكلم لتسليه .. بس خايف من اهلي يرفضوا .. وخاصه انها من عائلة فقيره .. يمكن ابوي يوافق لانه ما يهتم بالمستويات الاجتماعيه .. بس امي هي اللي يمكن تعارض لانها تهتم في هذي الامور.. وانا مستحيل اتزوج من غير رضى ابوي وامي .. عشان كذا ما خبرتها ابد بمشاعري ولا بقراري اني اتزوجها .. مابيها تتعلق .. خرجت من السياره راجع للكوفي .. دخلت الكوفي و توجهت لطاولتنا .. جلست على كرسيي خالد = هلا والله باحمد ، اخيرا شرفت انا بابتسامه = هلا فيك خالد = يو وش فيك ، وش ذي الابتسامه ، لهدرجه المكالمه غيرت نفسيتك انا = ايه ، المهم (ولفيت لمازن) ايش الموضوع اللي كنت تبيني فيه مازن وهو يتعدل على كرسيه = اسمع ************************************************************ ***** في احدى الفلل * جيهان اوووف قفلت الروايه اللي اقراها .. ملل ايش اسوي .. رميت الدبدوب اللي كان بحضني و قمت من على السرير .. توجهت لتسريحه و ناظرت نفسي في المرايه .. كنت لابسه برمودا جنز مع بلوزه بنفسجيه .. عدلت بلوزتي اللي اعتفست بسبب سدحتي على السرير .. درت حول نفسي .. اممم قمر بس ناقصني شي .. فكيت ربطت شعري وانتثر شعري الاشقر الناعم حولي ..دايم احب اصبغ شعري اشقر و البس عدسات زرق هذا اللوك يناسبني خاصه ان بشرتي بيضه .. الحين صرت اوك .. لازم اكون دايم كشخه ما احب اكون مبهذله زي خواتي .. ارسلت لصورتي في المرايه بوسه .. وتوجهت للباب بخرج بس تذكرت جوالي .. رجعت لعند سريري واخذت جوالي اللي كان معلق فيه ميداليه بحرف G .. خرجت من الغرفه ونزلت الدرج .. وانا على اخر الدرج .. كنت بطيح على وجهي .. بسبب الاعصار اللي مر من جنبي وضرب فيني .. بس تمسكت في اخر لحضه .. اوووه الحمد الله .. اشوى ما طحت .. اعتدلت واقفه .... بسم الله وش فيها انجنت .. كملت نزول الدرج ودخلت الصاله .. اللي كانت في قمت الفوضى و الازعاج .. توجهت لجنان اللي كانت جالسه على الارض قدام التلفزيون .. ووقفت قدامها انا = انتي مجنونه كنتي بطيحيني جنان = سوري ما انتبهت لك ، يلا بعدي ابي اشوف المباراه ناظرت .. كانت لابسه بنطلون جنز على بوزه واسعه رياضيه حق نادي برشلونه جنان = ما تسمعي اقولك بعدي وانا أاشر باصبعي عليها = بالله هذا منظر بنت جنان = لا ولد عندك مانع انا = ايه اكيد منظر و لد ولا بالله بنت تلبس كذا جنان = جيهان بتبعدي ولا كيف انا = واذا ما ابتعدت ايش بتسوي جنان = لاتخليني اقوم وامسكك من كشتك ذي اللي فرحانه فيها ابتعدت .. هذي مجنونه تسويها .. ناظرت الصاله .. مستحيل اجلس فيها .. اللي يشوفها يقول صارت فيها معركه .. خرجت منها ورحت المطبخ .. لقيت جولان جالسه تسولف مع الخدامه على طاولة المطبخ انا = مرفوعه روحي رتبي الصاله مرفوعه = طيب وقامت رايحه ترتب .. خرجت من المطبخ وتوجهت للحوش .. الجو كان روعه .. خرجت السماعات من جيبي وجلست على الكرسي اللي موجود في الحوش .. شبكت السمعات في الجوال وحطيتها في اذني .. شغلت اغنية ( لو يوم احد ) وغمضت عيوني واسترخيت على الكرسي وانسجمت مع الاغنيه .. وكل ما تخلص اغنيه تشتغل اغنيه ثانيه .. و ما حسيت الا باحد يسحب السمعات بعنف من اذني .. فتحت عيوني بخرعه .. بسم الله .. كانت جنان وقفه قدامي جنان = لي ساعه اناديك اخذت منها السمعات .. واعتدلت في جلستي انا = خير اخت جنان ايش تبين جنان = ابوي يبيك انا = ليه ايش فيه جنان = مدري انا= طيب هو وين جنان = في المجلس وتوجت لداخل البيت .. حطيت السمعات والجوال في جيبي .. رحت المجلس .. لقيت ابوي وامي واخواني الاثنين سالم و سامي مجتمعين .. خير ايش ذا الاجتماع انا = السلام عليكم كلهم = وعليكم السلام ابوي = تعالي يا بنتي هنا ( واشرلي على مكان جنبه ) توجهت له وجلست جنبه وانا مستغربه ابوي = انتي يابنتي كبرتي وصرتي زي القمر ، و البنت مصيرها تتزوج ، وانتي جاء نصيبك ، عساف ولد عمك سالم تقدم لك اهووووو هذيلا ما يفهمون ، مستحيل اتزوج من هذي العائله انا = بابا انا لسه صغيره امي = انتي عمرك 21 سنه وين صغيره ، اللي زيك قدها في بيت زوجها وعندها بزران انا = بس انا مابي الحين اتزوج ، وبعدين جولان اكبر مني ، خله ياخذها ابوي = بس هم خطبوك انتي انا = انا مابيه تدخل سالم = ليه ما تبيه ، عساف رجال و النعم فيه ، وبعدين هذا مو اول واحد من اهلك يخطبك وترفضينه ، تبين تفشلينا عند الناس لفيت على ابوي هو اللي بينقذني ، اعرفه حنون ومستحيل يغصبني انا بدموع = بابا انا ما ابيه ابوي = بس انا مقاطعته = يعني بتغصبني ، لاني انا مستحيل اوافق عليه ابوي وهو يضمني = مستحيل اغصبك ، اذا ما تبيه خلاص بكلمهم وبقولهم مالكم نصيب عندنا ابتسمت بوسط دموعي ، وبست ابوي على خده انا = تسلملي يا احلى اب في الدنيا سامي بعصبيه = ايش ذا الكلام يبه ، مو بكيفها ، ايش تبي الناس تقول ردت ولد عمها ابوي = بنتي ما تنجبر على شي مدام راسي يشم الهوا قام سالم وهو معصب وخرج من المجلس امي = الله يهديك يا عمر ، انت مدلعها ، ولا ايش فيه ولد عمها ابوي = ياسلمى اللي عندي قلته ( ولف علي ) يلا روحي لغرفتك قمت وخرجت من المجلس .. مسحت دموعي بمنديل كان في جيبي .. ياحلوك ياجيهان .. ممثله بارعه بسرعه انقذتي نفسك بدموعك .. بعدين هذا العساف ايش يحسب نفسه عشان يخطبني .. انا اللي ابي اتزوجه واحد فوق .. ولد وزير ولا ولد تاجر .. مو واحد حافي منتف .. اساسا مستحيل اخذ واحد من عائلتنا .. كلهم منتفين .. جيت بطلع الدرج .. بس استوقفني صوت جولان .. لفيت عليها كانت واقفه عند باب الصاله انا = شنو تبين ؟ اتوجهت لي و وقفت قدامي جولان = ايش كانو يبون منك ؟ انا بسخريه = هه يبغون يقلون لي على عريس الغفله جولان بستغراب= عريس الغفله ؟!! انا = ايه ، عساف ولد عمي سالم (واكملت بغرور ) تخيلي انا جهان اخذ واحد مثله جولان = وش فيه عساف كامل والكامل الله ، اخلاق ودين ، وفوقه موظف وراتبه حلو انا = انتي شفتي شكله ولا ستايله ، وبعدين قولتيها بنفسك موظف جولان = وايش فيه الموظف انا = ياحببتي انا اخذ ولد وزير ولا ولد تاجر مو حتت موظف ولفيت وطلعت الدرج بغرور.. دخلت غرفتي .. و جلست على السرير .. لازم ازبط اموري .. رفعت جوالي واتصلت على يارا .. هذي يارا مصاحبتها بس لانها بنت تاجر معروف انتهى البارت |
رد: رواية رجيتك ياهم لاعاد تزيد اوجاعي/ بقلمي
السلام عليكم
اخباركم ياعضاء منتدى ليلاس كل كاتبه تحتاج لدعم .. وانتم بردكم على روايتي تدعموني وتشجعوني اكتب البارت اللي بعده فاتمنا من كل من قراء روايتي يرد حتى لو كان بنقد فانا اتقبل النقد بصدر رحب وشكرا |
رد: رواية رجيتك ياهم لاعاد تزيد اوجاعي/ بقلمي
السلام عيكم .. احتاج دعمكم ياعضاء ليلاس لاستكمال الروايه .. هل اكمل تنزيلها او لا |
رد: رواية رجيتك ياهم لاعاد تزيد اوجاعي/ بقلمي
متابعة للقصه واشوف نهايه قصه جهان واخت يارا نسيت اسمها
الردود مثل كتابه القصه الهام ومزاج القصه جميلة وواعدة ان اكملتيها بنفس مستواها ستكون من قصص النت الخليجية المميزه ضعي اسئله اطلبي عدد ردود معينه لتنزيل البارت |
رد: رواية رجيتك ياهم لاعاد تزيد اوجاعي/ بقلمي
السلام عليكم بارت قصير وخفيف اتمنى يحوز على اعجابكم البارت الرابع * رهف مسكت جوالي الايفون ..دخلت الباسورد وفتحت الاستيديو .. انتقلت بين الصور بسرعه .. الى ان و صلت لصوره .. جلست اتاملها واتنقل بينها .. صوره وهو معصب ويكلم بالجوال .. صوره وهو يضحك مع اخوي محمد .. صوره وهو يتامل .. هذي الصوره اخر صوره التقطها له .. التقطها اليوم لما جاء ياخذ الاوراق .. ااااه احبه .. هذا الانسان مدري متى وكيف حبيته .. بس اللي اعرفه اني احبه .. يمكن اهلي لهم دور في حبي له .. في كل مكان اسمع مدح له .. متعب مافي زيه .. متعب تحمل المسؤولية وهو صغير .. متعب رجال و النعم فيه .. متعب ومتعب ومتعب .. الى ان تعلق قلبي فيه .. و انحفر اسمه في قلبي .. حتى النوم ما اقدر انام قبل ما اشوف صورته .. لو يحس فيني بس .. يارا قالت لي طريقه .. يمكن يحس بعدها .. رغم اني اشك انه يعرف بحبي ومتجاهلني .. بس خايفه انفذها .. خايفه اخواني يعرفوا .. فتحت درج المكتب وطلعت دفتر و ورقه كنت مجهزتها من زمان .. هذي الورقه معطره ومزينه بقلوب حمراء .. تنفع لرساله مثل اللي برسلها .. اخذت قلم احمر من المقلمه اللي فوق المكتب ..اممم ايش اكتب .. محتاره .. غمضت عيوني افكر .. رسمت صورته في مخيلتي .. وتخيلت اني واقفه قدامه .. اكلمه .. اشرح له مشاعري .. واطلع كل شي يخفيه قلبي له .. فتحت عيني .. ومسكت الدفتر .. افرغ سيل الكلمات و العبارات اللي تجمعت في ذهني .. بعد ما خلصت .. جلست اتامل اللي كتبته .. ما بقى شي في قلبي ما كتبته .. مسكت الورقه ونقلت الكلام المكتوب في الدفتر لها .. بخط متقن و مرتب .. وبعد ما انتهيت .. سفطها وحطيتها في ظرف مرتب .. ودزيتها في الدرج بين كتبي .. اخاف احد يقراها .. رغم ان محد يدخل غرفتي غير الخدامه .. لان انا ما عندي اخوات .. وامي ما تدخل غرفتي .. و الخدامه مستحيل تفتح دروجي ..بس مع كذا خايفه .. و الحرص واجب .. قمت من على الكرسي و توجهت لبلكونة غرفتي ..فتحتها و وقفت في طرف البلكونه .. اناظر مكان ماكان واقف الصبح .. كان واقف بكل هيبه .. تجبر اللي قدامه يهابه .. رجل بدوي بحت .. هذا ما يميزه .. حسيت رغبتي في الوصول اليه تزداد .. بعطيه الرسالهعشان يناظر لي .. انا ما يهمني الفرق المادي بينا .. انا أؤمن بان الحب و الزواج ما يوقف قدامه المستويات الماديه .. والاماكن الاجتماعيه .. بس كيف اوصلها له .. هذا اللي ما فكرت فيه .. بكره لما اروح الجامعه بسال يارا .. هي عندها افكار .. حسيت بنسمة هوا طيرت شعري .. حطيت شعري اللي جاء على وجهي خلف اذني .. ولفيت على طرق باب الغرفه .. اكيد هذي الخدامه .. دخلت الغرفه وسكرت باب البلكونه بعدي .. توجهت للباب و فتحته .. كانت الخدامه واقفه بلبسها المحتشم .. محمد ملزم على امي تخلي الخدامه تلبس حجاب و جلابيه واسعه باكمام طويله انا = ايش فيه الخدامه = ماما يبي انته تحت انا = اوك ، نازله نزلت مع الخدامه .. وتوجهت لصاله .. لقيت امي ومحمد جالسين جنب بعض.. توجهت لامي وحبيت راسها و جلست في المكان الضيق بين امي ومحمد محمد = الحين الصاله وش كبرها ما لقيتي الى هنا انا = ايه ابي جنب ماماتي محمد وهو يحاول يقومني = انا جالس قبلك يلا قومي داحشتني انا بعناد = نوووو محمد = بتقومين انا =محمد ، لاتدفني امي = عيال بس عاد بزران انتو ، بعدين رهف اخوك جا قبلك محمد = ايه قوليلها انا = ماما انا بنتك الوحيده يعني مفروض الدلع لي ، مو لعيالك محمد وهو يبعد = خلاص كسرتي خاطري ببعد انا = ايه الحمد الله بعدت ( ولفيت على امي ) ايش تبين مني ، الخدامه قالت تبيني امي= ايه ، الخدامه قالت انك مارحتي الجامعه ، ليه ؟ انا = ايه بطني كانت تعورني امي وهي تمسح على راسي = وكيف الحين ؟ انا = اخذت لي بندول والحمد لله احسن محمد بمحارشه = صدقتيها يمه ، تراها تتدلع ، على ابسط شي تقول آآآي انا = من حقي اتدلع ، البنت الوحيده محمد = غثيتينا البنت الوحيده ، البنت الوحيده ، اللي يسمعك يقول البنت الوحيده في العالم ، وخير يعني لو كنتي الوحيده انا بدلع = يعني تدلعوني وحطيت راسي على كتف امي .. في هذه الاثناء دق جوالي اللي كان بيدي .. ناظرته ( ياسمين يتصل بك ) هذي صاحبتي .. بعدت راسي ووقفت ولفيت على امي انا = ماما تبين شي ، انا طالعه غرفتي بكلم صاحبتي ياسمين امي = لا الله معك ، وسلمي عليها انا = اوك خرجت من الصاله و رديت انا = الو ************************************************** ************* ولاية كاليفورنيا ـ لوس انجلس طراد* جالس اتأمل الناس وانا على طاوله في احدى المقاهي القريبه من الشقه .. اشرب قهوتي المعتاده .. الحين الساعه سبعه الصبح .. الناس بدات تملا الشوارع .. رغم ان اليوم اجازه .. سمعت صوت الجرس المعلق على الباب .. يخبر بقدوم زائر .. ما اهتميت لان زوار هذا المقهى كثير .. شوي وسمعت صوت خلفي = توقعت الاقيك هنا لفيت لمصدر الصوت .. كان زياد صديقي انا = هلا زياد جلس في الكرسي المقابل لي زياد = كيفك اليوم انا = الحمد الله زياد = خوفتني عليك امس .. حتى الشباب خافوا .. حسبوك بتودع انا = لا تخاف مو صاير الى المكتوب زياد = صح هو موصاير الا المكتوب ، بس انت مهمل بصحتك ، اجل تنسى دواك ، يعني لو ما اذكرك ماراح تتذكر انا = سوري ماما زياد ، اوعدك ما عاد انساه زياد = تتمسخر لاني مهتم بصحتك انا = لا ، بس حرصك زايد زياد = لاني اخاف عليك انا = مشكور هذا زياد اعز اصدقائي .. كان معاي في كل مراحل دراستي .. من الابتدائيه الى الان .. حتى لما اخترت اجي هنا وادرس هندسه معماريه .. جاء معاي .. زياد احسن شي صار لي في حياتي ، وهو اللي مصبرني على الغربه انا = تعرف يا زياد انت نعمه زياد بغرور = ايه اعرف ، ماقلت شي جديد ، بعدين ترى انت محظوظ على فكره ، الكل يبي صداقتي ، فاحمد ربك اني مصاحبك انا = اقول لا يكثر بس (اخذت اخر رشفه من القهوه و قمت ) يلا خلينا نتمشى حطيت فلوس فوق الطاوله .. قيمة القهوه .. وطلعنا من المقهى .. وقفنا في الشارع انا = وين نروح زياد = مدري انت اللي قلت خلانا نتمشى انا بتفكير = اممم ايش رايك نروح دزني لاند زياد = شنو دزني انا = ايه اشفيها زياد = تعرف بعض الاحيان اشك في عمرك ، اقول مستحيل هذا يكون عمره 25 ، احسك بعض الاحيان تقلب طفل انا = ليه ، عشان قلت نروح دزني ، ياخي تعجبني زياد وهو يهز راسه = طفوله متاخره انا بضحكه = ياخي فلها وعش حياتك زياد = اذا بصير بزر لا مشكور مابي افلها زياد شخصيته جديه شوي .. هو صح يستهبل وكذا بس بعقل و بحدود مو زيي وانا أأشر لتكسي يوقف = صدقني هناك تنسى نفسك وقف التكسي وركبنا .. زياد قدام وانا ورا .. قلت له يروح دزني لاند .. وتوجه له .. وصلنا ونزلنا من التكسي .. و وقفنا قدام البوابه زياد وهو يناظر اللوحه المعلقه = متاكد انك تبي تدخل هنا انا = ايه زياد = انا مو داخل انا = زياد عن الملاغه ، يلا ادخل زياد = انا ما ادخل لهذي المهزله انا = أي مهزله يابوي ، ادخل بس ومسكت يده ادخله غصب ************************************************** ******************* في مكتبة جرير ريان* جالس اقلب في الكتب الطبيه .. لان لارا يبي لها وقت على ما تخلص .. وبدل ما اضيع وقت انتظرها .. استفيد واشوف لي كم كتاب .. اخذت لي كم كتاب بيفيدوني .. توجهت للقسم اللي فيه لارا .. دورت عليها مالقيتها .. وين راحت .. طلعت جوالي واتصلت عليها لارا= الو انا = وين رحتي ، جالس ادورك لارا = سوري ريان ، شفتك طولت قلت اروح اخذ لي كم روايه بوليسيه تعرف احب الروايات انا = طيب ، لاتتحركي جايلك قفلت منها .. وتنهدت بطفش .. هذا جزات اللي يطلع حريم .. هذولا الحريم ما يقدرون يقرون في مكان واحد .. كأن لو قعدوا في مكان واحد بيصير لهم شي .. توجهت لقسم الروايات .. لقيتها تدور بين الكتب .. تقدمت لها ووقفت جنبها انا = ها خلصتي لارا وهي تاخذ روايه وتقرأ اسمها = ايه ( لفت علي ومدت الكتاب اللي كان معاها لي ) وش رايك باين انها حلوه صح اخذت الروايه وقريت اسمها ( رجل بلا وجه ) هزيت راسي بمعنى ايه انا = حلوه اخذت الروايه مني وحطتها فوق الكتب اللي في يدها .. ناظرت الكتب اللي معاها .. ثلاث كتب وكتاب الروايه .. مديت يدي لها انا = عطيني اشيلهم لارا وهي تمد لي اياهم = فديتك عندك ذوق مو زي اخوك اخذت الكتب منها .. وحطيتها فوق كتبي وانا اضحك .. توجهت للمحاسبه وحاسبت على الكتب .. خرجنا من المكتبه متوجهين للسياره انا = وين الحين لارا = السوبرماركت انا برفعت حاجب = اظن اغراض الجامعه ما يجيبونها من السوبرماركت لارا بضحكه = محتاجه تموين خلص اللي في غرفتي ، و الاغراض الثانيه حق الجامعه بجيبها في يوم ثاني ، لان يبي لها وقت ، وانت تعبان انا = طيب ركبنا السياره ورميت الكيسه في المرتبه الثانيه .. حركت السياره متوجه لسوبرماركت لارا = ريان عندي سؤال انا = شنو لارا = انت ليه معارض فكرة السواق ، بالله عليك عايلة محمد الـ ... وماعندهم سواق ، حتى صاحباتي مستغربين انتي لارا محمد الـ ... وتركبين باص ريان = وايش فيها ، احسن من انك تركبين لوحدك مع السايق لارا = طيب ممكن الخادمة تركب معي ريان = ولما ترجع بتكون لوحدها معاه ، انا لما منعت انهم يجيبوا سواق لأني خايف عليكم ، سمعت كثير قصص لسواقين ، فليه ندخل رجال غريب لحياتنا ، انا وراكان مستعدين نوديكم مكان ما تبون لارا = طيب ، ليه ما نجيب سواق وحرمته ، كذا بيكون احسن انا = لارا ، صدقيني كذا حياتنا افضل انا ما ابي اقول لها سبب رفضي .. انا رافض بسبب اللي سمعته من صديقي ايام ما كنا في الثانويه .. قصه لبنت جارهم سمعها لما كانت امه تحكيها لخالته .. كانت البنت تروح لعملها مع السائق وزوجته .. واهلها متطمنين لوجود زوجة السائق معه .. وفي احدى الايام بدل ما يودوها لعملها .. اخذوها لاحدى المباني المهجوره .. ليقضوا على شرفها .. انتقام من صاحب البيت .. تركوها في ذاك المكان وهربوا .. وبعد ايام وجدوها اهلها بس كانت قد فارقت الحياه .. عشان كذا انا حالف ما اجيب سواق وصلنا لسوبرماركت .. وقفت سيارتي في المواقف المخصصه .. ونزلنا من السياره وتوجهنا لداخل .. اول ما دخلنا اخذت لارا عربه وتوجهت لقسم الحلويات .. وانا وراها انتظر تخلص .. دق تلفوني .. طلعته من جيب .. ناظرته ( البيت يتصل بك ) اكيد هذي امي .. رديت انا = هلا والله امي = هلا فيك ، وين انتو ؟ خلصتوا ؟ انا = نحنا في السوبرماركت ، تشتري اللي تبيه وجايين امي = لايكون تعبتك انا = لا ، خلصت امورها بسرعه امي = اها زين ،ترى ننتظركم ، فلا تطولوا انا = طيب امي = مع السلامه انا = مع السلامه قفلت منها .. ورجعت الجوال لجيبي .. ابوي يحب نكون متواجدين كلنا وقت الاكل .. انتبهت ان لارا مو موجوده ..اكيد انها في الجهه الثانيه .. تحركت للجهه الثانيه .. و فتحت عيوني بصدمه .. شنو تسوي هذي المجنونه .. كل هذا بتاكله .. كانت عربتها مليئه بانواع الحلويات .. لدرجت اني شكيت انها اخذت من كل الانواع الموجوده .. تقدمت لها وسحبت العربه منها انا = كل هذا بتاكليه لارا باستغراب = ايه ، ايش فيها وانا ارجع بعض العلب للرف = مجنونه ، كل ذي شكولاتة ، تبين يجيك السكر لارا ببرائه = بس انا احبه هذي البنت تستهبل ولا ايش سالفتها انا = واذا تحبيها يعني تمرضي نفسك ، شليلك نوع ، نوعين مو كل الانواع لارا بزعل = اوووه طيب ( وهي تاشر ) خل ذا ، وذا ، وذا ، وذا ، و انا بقاطعه = نوعين بس لارا = خلاص اترك اممممم ، التوكس و السنكرز خليت علبت توكس وسنكرز ورجعت الباقي ومشيت بالعربة لارا بتحلطم = لو خليت السوبرماركت لما اروح مع راكان كان افضل سمعتها بس تجاهلتها .. ولما جيت بلف للقسم الثاني .. تذكرت .. لفيت على لارا انا = يارا ماتبي شي لارا = مدري انا = اتصلي اساليها لارا وهي تناظر الرفوف = لا احسن انت تتصل عليها ما استغربت من رفضها .. بالاصح متوقع اجابتها .. بس قلت اجرب .. هذولا التوائم مدري ايش سالفتهن .. كل وحده تتهرب من الثانيه .. انا لازم اعرف ايش سالفتهن .. لما كانو صغار ما كانو كذا انا = وليه ما تبي تكلميها لارا بارتباك = مين قال اني ما ابي اكلمها بس ماعندي رصيد طلعت جوالي واتصلت عليها .. مشغول .. رجعت الجوال في جيبي انا = مشغول ، خلاص هي ايش تحب لارا بتفكير = اممم اللي اذكره انها تحب زيي انا = اجل خذي لها زيك رجعت لارا لمكان الحلويات واخذت علبة توكس و سنكرز .. وحطتهم في العربه انا = ها شنو بعد لارا = ابي اسكريم و ببسي و بسكويت و انا بمقاطعه = خلاص روحي بسرعه وجيبي اللي تبينه وجيبي ليارا معك ، انا بنتظرك عند الكاشير لارا = طيب انا = لا تتاخري عشر دقايق بس لارا = اوك اخذت العربه وراحت .. وانا توجهت لعند الكاشير ووقفت .. طلعت جوالي اقلب فيه .. اضيع وقت .. شوي وحسيت باحد يمسك رجلي من تحت .. بعدت نظري من الجوال لرجلي .. كان في طفل صغير عمره تقريبا سنه .. سنه ونص .. رفعت راسي ولفيت يمين و يسار .. ادور اهله .. بس الكل في حاله .. مافي احد يدور .. اعتدلت في وقفتي .. وحطيت جوالي في جيبي .. و وطيت وحملته .. ناظرته.. شكله ضايع .. ابتسمت له = بابا تصنمت عند هذي الكلمه .. كم تمنيت اسمعها .. بس مو منه .. من عبدالله ولدي .. بسته على خده .. رجع هو وباسني على خدي .. ياحليله .. شكله ضايع .. مشيت ادور على اهله .. وكل ما شفت احد سالته اذا يعرف الولد .. بس بدون فايده .. بعد فتره وانا ادور حسيت بثقل على كتفي .. لفيت عليه لقيته نام .. ايش اسوي الحين ************************************************** ************* * لارا واقفه عند الثلاجات ابي اخذ اسكريم .. باخذ لي كون زون .. بس اخذه بتوفي ولا بالفراوله .. محتاره .. نفسي اخذهم الاثنين .. بس خايفه من ريان لايسوي لي زي الشوكولاتة .. اممم باخذ بالتوفي احلى .. ويارا باخذ لها بالشوكولاتة .. هي تحب الاسكريم بالشوكولاتة .. بعد ما اخذت الاسكريمات توجهت لمكان كراتين الببسي .. اخذت كرتونين .. لي و ليارا ..وانا احطهم في العربه ..سمعت صوت مستحيل انساه .. صوت يدخل قلبي قبل مايدخل اذني = بدور اسمع الكلام لا تخليني ارجعك البيت لفيت لمصدر الصوت بترقب.. هو .. ايه هو .. واقف بهيئته المعروفه .. بشموخه المعتاد .. تفصلني عنه خمسة امتار .. رؤيتي له الان مباشره .. ايقظت مشاعر حاربت لشهور للقضاء عليها .. مشاعر اكنها له من صغري .. لااا مابيها ترجع مره ثانيه .. لانه يصعب علي دفنها .. خائن .. علي اذكر نفسي بهذا الشي .. عشان اقضي على هذي المشاعر و ادفنها .. لفيت ودفيت العربه .. ابي ابتعد عن هذا المكان .. بس اللي جمدني وخلاني اوقف بصدمه .. هو كلام الولد = بابا ابي ببسي بابا !! .. يعني هذا الولد ولده .. مستحيل .. كيف ؟ .. هذي ثاني صدمه اتلقاها منك يامروان .. طلعت متزوج .. متزوج قبل ما تخطبني .. ليه .. ليه يامروان تعذبني .. ايش سويت لك .. هذا جزاي لاني حبيتك .. حبيتك من كل قلبي .. كنت بنسبه لي .. صديق طفوله .. حب مراهقه .. زوج مستقبل .. حسيت بدموع تتجمع في عيني ..لااااا .. مابي ابكي .. مو فهذا المكان .. مو قدامه .. وعشانه .. لازم اقوى ..عشان اتخطى مرحلة حبه ..سمعت صوته مره ثانيه .. بس هذي المره ليريح قلبي مروان = كم مره اقول لك انا مو بابا ، انا ولد خالك بدور= بس انت دايم توديني الروضه ، توديني الالعاب .. تجيب لي حلاوه ، يعني انت صرت بابا حسيت براحه تسكن قلبي .. يعني مو ولده .. يعني مو متزوج .. ااه الحمد لله .. بس لحظه .. انا ليه مهتمه .. انا مالي علاقه فيه .. فليه حسيت براحه لما ما طلع ولده .. كرهت الراحه اللي اجتاحت قلبي وكرهت نفسي .. لمتى بضل اسيرة حبه .. برغم من اني اعرف انه خائن .. غمضت عيوني اتذكر ذاك اليوم .. اليوم المشؤوم .. اليوم اللي تلقيت فيه صفعتين من اعز الناس لي .. تذكرت صورته في ذاك المكان .. وانا اردد بداخلي . خائن .. فتحت عيوني بعد ما حسيت ببدا ذبول تلك المشاعر اللي اشعلها هذا اللقاء .. مشيت بعربتي مبتعده .. وانا اذكر نفسي بان مالي علاقه فيه ************************************************** ************* * احمد انا بسخريه = هه يحسب اني محتاج فلوس ، مايدري انا ولد منو مازن = بس خمسه الف مو شوي انا = بنسبه لي ما تهمني الفلوس ، انا ما احتاجها مازن = يعني ما بتنفذ طلبه انا = مدري مازن = طلبتك نفذه ، هذا ولد جيرانا عزيز علي وانت عارف ليه ، وهو طلبني انا = خلاص عشانك منصور = خذ المقابل ، حتى لو انت تشوفه قليل ومنت محتاجه ، عشان ما يشك في هويتك ، يقول ليه ما اخذ شي عزوز = ايه منصور على حق انا = اوك مازن = اجل بكره بعد المغرب انا = تم خالد = شباب ، وش رايكم يوم الخميس الجاي نخيم عزوز = فكره حلوه يابو وليد منصور بحماس = ايه والله من زمان عن البر راكان وهو يرفع يده باعتذار = انا مو معكم منصور بصدمه = افااا ، ليه راكان = عندي اشغال خالد بسخريه= الله يابزنس مان ، وش من اشغال عندك ، اقص ايدي لو ما كان مواعد وحده راكان وهو يلف عليه = مالك خص ( ولف علينا ) اعذروني شباب منصور بزعل = لا ياركان ، ماينفع ، نبي نكون كلنا ، خرجت البر ما تتفوت راكان = خيرها في غيرها ، مره ثانيه ان شاء الله مازن = بنفتقدك ، عاد مين اللي بطربنا و بيغني لنا خالد = انا انا = من زين صوتك خالد = هاي حدك عاد انا = هذا الحق ، تقول غراب ينعق خالد بعصبيه زائفه = ما الغراب الا راسك ، اجل تغريدي تقول عنه نعي انا بضحكه = لاااا ، لايكون زعلت يابو وليد ، كل شي الا زعلك وصوتك تقول بلبل يغرد عزوز = عاش المرقع ************************************************** ************* * ريان حسيت بثقل على كتفي .. لفيت عليه لقيته نام .. ايش اسوي الحين .. ابتلشت فيه.. رفعت راسه من على كتفي عشان اصحيه .. ناظرت وجهه .. يالله هذا الولد يملك ملامح جميله .. باين عليه لما يكبر بيطلع وسيم .. ما قدرت امنع نفس من اني ابوسه على خده .. اااه لو اللي بين يداتي الحين عبد الله .. ماكن تركته ولو لثانيه .. مو زي اهل هذا الولد .. مدري كيف ضيعوه .. بعض الاهالي مهملين .. لما يروحوا اماكن عامه .. ينشغلوا عن اطفالهم .. بديت اهزه على الخفيف عشان يصحى .. فتح عين على الخفيف ورجع غمضها .. يالله شكل الولد حده فيه نوم .. رجعت اهزه بس على اقوى .. فتح عيونه ببطأ .. ناظر فيني لثواني .. يستوعب هو ين .. ليفتح بعدها فمه بصياح .. وانا احول اهديه = ليه يابابا ، ليه الصياح الطفل بصياح = ماااااامااااااا لااااااا وش اسوي الحين .. من وين اجيب امه .. والله وابتلشت ياريان .. وش يسكته ذا الحين انا = الحين بنروح عند ماما ومشيت ادور اهله .. والكل يناظر فيني .. مستغرب صياح الولد .. اللي يشوفني يقول خاطفه .. مرت خمس دقايق ونحنا ندور .. يالله راسي بنفجر من صياحه .. خاصه ان صوته عند اذني .. مريت من قسم الحلويات .. وخطرت في بالي فكره اكيد بيسكت .. وقفت قدام مجموعة حلويات انا = تبي حلاوى وانا احاول اخليه يبعد يدينه عن عيونه ويشوف الحلويات = شوف حلاوه ، تبي ناظر الحلويات وهو ما زال يبكي .. مديت يدي لرف واخذت حلاوى وحطيتها في يده .. بدا يوقف عن البكا .. ويتامل الحلاوى اللي في يده .. مد لي الحلاوى بشهقه بسبب البكا الطفل = هواوا انا = ايه ااااه اخيرا سكت .. توجهت للكاشير .. بحاسب على الحلاوى .. وبنتظر هناك .. حاسبت عليها .. وتوجهت عند الباب .. نزلته على الارض .. وفتحت له الحلاوى .. جلس ياكلها بهدوء وهو يناظر الناس .. ناظرت الساعه مرت حول الثلث ساعه .. معقوله اهله الى الان ما افتقدوه .. شوي وشفت لارا جايه بالعربيه .. مسكت يده اللي مو ملطخه بالحلاوه .. ومشيت معه متوجهين لها .. وقفت عندها انا = امسكيه على بال ما احاسب لارا باستغراب = من هذا الولد ؟ انا = بعدين اقولك فكيت يده ومسكت العربه .. وتوجهت بالعربه للكاشير .. وانا اسمع تعليقها لارا = يالله يجنن حاسبت على الاغراض .. ومشيت وانا افكر .. و الحين شنو .. كيف نروح ونتركه .. شكلي بتركه عند السكيورتي اللي واقف عند الباب .. هذا فضل حل .. وقفت عند لارا و الولد .. كانت لارا منحنيه عليه .. تمسح الشكولاتة عن فمه و يده بمنديل .. ولما حست بوجودي اعتدلت واقفه .. ولفت علي وهي تعدل شنطتها اللي فيدها لارا = من هذا الولد ؟ انا = مدري لارا باستغراب = كيف يعني ؟ انا = ضايع لارا وهي تلف عليه = ياحرام ، كيف ضيعوه انا = يلا امشي لارا = وين ؟ انا = للبيت لارا = والولد كيف ، نتركه !! انا = بنحطه عند السكيورتي ، تأخرنا لازم نرجع ، واهله شكلهم مو موجودين هنا تركت العربه .. وتوجهت للولد وحملته لارا برجا = لا ريان حرام ، تكفى خلنا نستنى ، ربع ساعه لو ما جاو نتركه ناظرت الساعه اللي في يدي .. كانت تشير لـ 9:45 .. لو جلسنا ننتظر بنتأخر عليهم انا = لا ، امك اتصلت قالت ينتظرونا ، بنتاخر عليهم لو جلسنا اكثر ومشيت للسكيورتي اللي جالس عند الباب .. وقبل ما اوصل له .. استوقفني صوت احد ينادي خلفي = عبد الله ليرد عليه الولد اللي بين يداتي .. وهو ينظر لورا = ماماااا انتهى البارت |
رد: رواية رجيتك ياهم لاعاد تزيد اوجاعي/ بقلمي
السلام عليكم اخباركم يا اعضاء ليلاس ان شاء الله تكونوا بخير اعتذر عن تنزيل البارت الاسبوع هذا ان شاء الله بنزله الاربعاء الجاي واذا خلصته قبل نزلته انتظروني :flowers2: |
رد: رواية رجيتك ياهم لاعاد تزيد اوجاعي/ بقلمي
السلام عليكم اخباركم :smile: .. الليله ان شاء الله بينزل البارت فاترقبوا .. يلا ابي اشوف حماسكم |
رد: رواية رجيتك ياهم لاعاد تزيد اوجاعي/ بقلمي
هلا بالحامل والمحمول بالانتظار وش اخر متعب وبقية الابطال
|
رد: رواية رجيتك ياهم لاعاد تزيد اوجاعي/ بقلمي
السلام عليكم..
كيفك شموخي ..اعجبتني روايتك حيل.. متابعه لك باذن الرحمن ..حتى لو ماشفتيني مرتزه هون.. معرف اكتب تعليقات وكدا... بس قلبي الصغنون يقول الولد ابنو لريان .. وتؤام يارا ..نسيت اسمهاهههه...مخبيه سر .. اتوقع انها حبت مروان كمان ولما خطب اختها كرهتها.... والدفتر ..كانت كاتبه فيه عنه ^_^ بانتظار البارت الجديد..يحفظك ربي كتبت توقعااات !! فيس مصدوم .... يبيلي مكافئه..حبه كتكات سايح مثلا يانا ... |
رد: رواية رجيتك ياهم لاعاد تزيد اوجاعي/ بقلمي
البارت الخامس مشيت للسكيورتي اللي جالس عند البوابه .. وقبل ما اوصل له .. استوقفني صوت احد ينادي خلفي = عبد الله ليرد عليه الولد اللي بين يداتي .. وهو ينظر لورا = ماماااا لفيت لمصدر الصوت .. كانت في حرمه واقفه قريب منا.. كتوفها ترتفع وتنزل بشكل ملحوظ بسبب سرعة انفاسها.. دليل على انها كانت تركض .. تلبس اقل ما يقال عنها عبايه .. تظهر اكثر من ما تستر .. ضيقه ومزينه ملفته للنظر.. تلف على راسها طرحه صغيره .. ليظهر جزء من شعرها الاشقر .. بعدت نظري عنها .. وانا استغفر .. للاسف اصبح اغلب الحريم يلبسوا هذي العبايات اللي تحتاج عباية ثانيه تسترها .. حسيت بلارا تتقدم لي وتوقف قدامي لارا = عطني اياه بعطيه امه وانا اعطيها اياه = تاكدي بالاول انها امه لارا وهي تاخذه = اكيد وتوجهت لها .. وانا اخذت العربه وتوجهت للبوابه انتظرها .. يالله هذا الولد اشعل بداخلي شوق لولدي .. كلمته لازالت ترن باذني .. حسستني بمشاعر ما عمري حسيتها .. مشاعر الابوه اللي ماذقتها .. الله يسامحك يا اسيل ما اقدر ادعي عليك .. حرمتيني من قطعه مني .. حرمتيني من اول طفل لي .. الله يسامحك هذا اللي اقدر اقوله .. بعد فتره حسيت بوقوف احد جنبي .. لفيت كانت لارا واقفه جنبي انا = ها طلعت امه لارا = ايه ورتني بطاقة العايله ، و في صور عندها له انا = الحمد لله دفيت العربة وتوجهت للسياره .. وقفت عند الشنطه وفتحتها ..حطيت فيها الاغراض .. وبعد ما خلصت سكرتها و بعدت العربه عن الطريق وركبت السياره .. حركتها خارج من المواقف .. وقبل ما اخرج لمحت عبدالله وامه واقفين عند احدى السيارات انا بحب = تعرفي ذا الولد حبيته ، مدري ليه . ( وانا بداخلي عارف السبب ) لفيت عليها .. لقيتها تناظر الشباك وساكته .. شكلها سرحانه .. حطيت يدي على كتفها عشان تنتبه لي .. انتبهت ولفت لارا = ايش فيه وانا ارجع اناظر الطريق = انتي اللي ايش فيك سرحانه ، في شنو تفكري لارا وهي ترجع تناظر الشباك = ما افكر في شي تذكرت موضوعها هي ويارا انا = طيب ممكن اعرف ايش المشكلة اللي بينك انتي واختك لفت علي = أي وحده انا = يارا لارا بربكه = مافي شي بينا انا = كيف ما بينكم شي ، وانتو مو زي اول ، كنتو دايم مع بعض ما تنشاف وحده بدون الثانيه ، بس الحين تغيرتوا لارا = هذاك زمان لما كنا صغار ، الحين كبرنا وكل وحده لها اهتماماتها وشخصيتها وانا احاول اخليها تعترف = طيب ليه لما اكلم وحده عن الثانيه واسالها عن اختها ولا اقول لها كلميها تتضايق وتعتذر لارا بهروب = انت تتوهم ، صدقني مافي شي بينا انا = يالارا انا ريان ما تمشي علي ، وعلى العموم هذا شي يخصكم وذا حابه اتدخل واحله انا موجود ، بس ابي اقول لك شي ترا انتم الثنتين روح البيت ، فلا تخلون أي شي يخرب علاقتكم ، مافي شي افضل من علاقة التوائم روح وحده في جسدين (ولفيت اناظرها) ازاحت عيونها بسرعه ولفت للجهه الثانيه .. دموع اظن اني شفت في عيونها دموع .. لا ما اظن الا متأكد .. لارا هذي حساسه .. بسرعه تتأثر .. ماتعرفي يا لارا بحركتك هذي اثبتي ان في شي جد .. وانا اللي بعرفه ************************************************** ************* لوس انجلوس - دزني لاند * طراد واقف في طابور لعبة منزل الاشباح .. انتظر دوري.. وساحب معاي زياد اللي كان مو راضي .. متكتف وكل دقيقه يتأفف .. و موعاجبه المكان .. اصلا اشك ان بيعجبه شي هنا .. جاء دورنا ..تقدمنا و دخلنا لغرفه مغلقه .. تسكر الباب خلفنا .. ونزلت الغرفة لتحت .. وبعد ثواني وصلنا.. كانت قدامنا سلسلة عربات .. تقدمنا لها وركبنا في عربه وحده .. بدأت اللعبه وسط الأثاث القديم والإضاءة الخافتة .. والصور اللي على الجدران اللي تبدوا مثل الأشباح .. والمؤثرات الصوتية والضوئية التي تخليك تتخيل ظهور أشباح تطير فوق راسك وحولك بعدين تختفي ..وطول اللعبه و الناس تصارخ وانا اضحك عليهم .. ما احس في داعي لصراخ .. بس بديت اصرخ بعد ما شفت ان زياد مطلع جواله ويطقطق فيه ولاهو حولنا .. فحبيت ازعجه .. ناظر فيني بطرف عينه وهو رافع حاجب واحد .. ورجع يناظر الجوال .. هذي نظرته سكتتني على طول .. بحكم معرفتي الطويله فيه .. اعرف ان بعد هذي النظره بيجي شي مو صاحي لو ما وقفت عن ازعاجه .. خلصت اللعبه وخرجنا .. ونحنا نمشي سألته رغم اني عارف الجواب انا = ها كيف شفت اللعبه زياد = سخيفه ، و الاسخف انت يومك جايبنا لهذي السخافه ضحكت بدون ما اعلق .. توجهنا لــ ( Adventure land ) ارض المغامرات .. اول ما تدخل تشوف النخيل و البناء الشرقي .. المستوحا من حكاية (الف ليله وليله ) و ( مغامرات علاء الدين ) ..تحس جد انك في زمانهم.. بعدها تدخل إلى اجواء افريقيا .. بالفلكلور الأفريقي والملابس المزركشة .. وفي مجموعه من الفنانين الافارقه يرقصون رقصات افريقية مشهوره .. ويدقون على الطبول ويغنون اغانيهم الراقصة .. عجبني رقصهم .. فوقفت اشوفهم .. مدري ليه حسيت ابي ارقص زيهم .. لفيت على زياد انا = وش رايك ، ما ودك ترقص زيهم زياد = ليه انجنيت ، ترى الحمد لله لسه بعقلي (ومشى ) امش لا تنجن زيهم لحقته .. ذا زياد ما شكله بيعجبه شي .. مشينا إلى ان وصلنا لجسر خشبي معلق .. وتحته بحيره عميقه .. وقفت مصدوم .. لازم نعبر هذا .. مستحيل اعبره .. انا بصراحه اخاف من الاماكن المرتفعة .. سمعت صرخت زياد الحماسيه زياد بصراخ = yes (ولف علي ) هذا اللي كنت انتظره (مسك يدي يسحبني) يلا ورنا شجاعتك واعبر ، هذا الحماس مو اللي دخلتنا اياه (وبسخريه ) منزل الاشباح (فك يدي وهو ياشر بيده الثانيه ) يلا تفضل اعبر ناظرت الجسر كيف مرتفع و يتحرك لما تعبر الناس فيه .. خفت و لفيت عليه انا = زياد تصدق انا برجع ، احس تعبت ( ولفيت برجع ) زياد وهو يمسك يدي = ما في رجعه ، انت اللي جبتنا هنا تحمل ودفني الى ان وصلت بداية الجسر .. وهو وراي .. شكله مافي امل ارجع .. مصر على العبور .. يبي ينتقم مني .. والله ولقيت لك فرصه تنتقم يازياد .. غمضت عيوني .. عشان ما اناظر تحتي .. ومشيت اول خطوتين بحذر .. حسيت الجسر يتحرك .. فتحت عيوني بفجعه .. وانا احاول اوازن نفسي .. اخاف اطيح رغم اني متمسك .. لفيت اناظر زياد .. لقيته يضحك زياد بضحكه = امش ياخواف لفيت اكمل طريقي .. وانا اذكر نفسي اني انا اللي جبته لنفسي ولا ماكان بيلاقي فرصة يتمسخر فيها علي .. ولما وصلت لنص الجسر .. تحرك مره ثانيه بقوه بشكل مفتعل .. لفيت عليه انا = لاتحركة ياحمار زياد وهو رافع جواله بجهتي = طفشتني تمشي ببطأ كان تحتك بيض خايف يتكسر انا بعصبية = ياخي كيفي (ولفيت اكمل الطريق ) اااه الحمد لله اخيرا وصلت .. هذا الجسر مو مغامره هذا رعب.. وزياد مالت عليه .. مستانس .. طول اليوم ماد البوز ومو عاجبه شي .. ولما وصلنا هنا شق حلقه .. اكيد بيفرح .. وكيف ما يفرح وهو لقى شي ينتقم مني فيه .. سمعته يناديني .. طنشته وكملت امشي .. مو ناقص إلا اسمع تعليقاته السخيفه .. بعد مسافة كانت قدامنا عربه .. ركبنا فيها عشان نوصل المعبد .. العربه كانت تطلع وتنزل بطريقة مفاجئة .. و الاحجار تتساقط تحتك.. المنظر يخليك تحط يدك على قلبك من كثر الخوف .. جات في بالي فكره .. انتقم فيها من زياد .. حطيت يدي على قلبي .. وعفست ملامحي بالم .. وصرت اطلع انات متالمه .. لف علي زياد بخوف = طراد وش فيك ؟ ما كلمته وانا اغمض عيوني بالم كاذب زياد وهو يهزني بخفه = طراد وش فيك ؟ قلبك يعورك؟ مو انت اخذت دواك ؟ هزيت راسي بايه بدون ما اتكلم زياد بحيره = اجل ليه يعورك ، حاول ترتخي وتنفس ببطأ (خلاني ارتاح على المسند اللي وراي ) وجلس يتاملني بخوف .. اول مره الاحظ خوفه علي .. دايما كنت لما اتالم يكون جنبي .. بس ما عمري انتبهت له كيف يكون .. لاني وقتها جد اتالم وما احس باحد .. اااه يازياد .. كل هذا الخوف عشاني اتالم .. حسيت بمدى نذالتي .. كيف جات لي الفكره اسوي كذا .. ندمت على حركتي اللي ما كان لها داعي .. وما قدرت اقول له اني اكذب عليه .. اعتدلت في جلستي زياد وهو يحاول يرجعني = خلك ، ارتاح انا = لا احس الالم خف ، مافي داعي للخوف وضحكت على شكله .. ابيه يطمن انا بضحكة = وش في شكلك كذا ، اللي يشوفك يقول حبيب خايف على حبيبته زياد وهو يكش علي = مالت عليك ، انت وجه احد ياخاف عليه ، انت اصلا قط بسبعة ارواح ( ولف يناظر قدام ) ههه ياحليلك يازياد .. ولفيت اناظر المكان .. كان في سفينة قراصنه واقفه .. باشرعتها المعروفه .. جنبها تكوين صخري ضخم لجمجمة إنسان .. مشى فينا المركب على مياه هاديه ودخلنا مغارة القراصنه .. داخل المغاره كان في تماثيل لقراصنه وهم في المعارك .. التماثيل كانت تشبه الحقيقه .. ومن خلفها المؤثرات الصوتية والسمعية والبصرية عالية التأثير .. اللي تخليك تعيش الجو .. خلصت المغامره بعدما توقف المركب في المكان المخصص له .. نزلنا ولف علي زياد زياد بدقه = ها كيف شفت المغامره عجبتك انا = اقول امش خلنا نطلع ضحك زياد ومشى .. ونحنا متوجهين بنخرج من دزني .. شفت محلات هدايا على الطريق .. وقفت انا = زياد صبر بدخل هنا وقف زياد ولف علي زياد = وين وانا أأشر له = هناك ( ومشيت للمحل ) دخلت وصرت اتمشى داخل المحل .. اشوف ايش يناسب وضحى وجازي .. ابي اخذ لهم هدايا ذكرى من هنا.. بس المشكله ما اعرف شنو اخذ .. وقفت عند تعليقات بشخصيات دزني اخذت ثنتين .. وانا امشي لعند المحاسب .. شفت دبدوب ابيض متوسط الحجم .. جاء في بالي صورتها .. هي تحب الدباديب .. اتذكر كيف كانت كل ما خرجت السوق رجعت بدبدوب .. و اللي يضحك كان لكل دبدوب اسم .. مهوسة دباديب .. اااه اشتقت لها .. خمس سنين ما شفتها .. جيت باخذ لها الدبدوب .. بس وقفت .. باي صفه بعطيها اياه .. الحين كبرت مو زي اول اقدر اخذ راحتي معاها .. هي لاهي باختي ولا في صلة دم بينا .. بس انا احبها.. من وهي صغيره احبها ..حتى ولو هذا ما يعطيني الحق اني اهديها من بين اخواتها ايش بيقولو عني .. خلاص هانت ياطراد .. بقى لك هذا الكورس وتتخرج .. بعدها اخطبها وريح قلبك .. توجهت للمحاسب و حاسبت على التعليقات وخرجت .. شفت زياد واقف ومحطي يداته في جيوبه ويناظر الناس .. توجهت له ووقف جنبه .. حس بوجودي ولف زياد = ها خلصت انا = ايه ، ليه ما دخلت ، ما تبي شي ؟ زياد = لا ، يلا امش ************************************************** ********* الخبر الاحد صباحا 7:30 * متعب حسيت باحد يهزني بقوه .. لفيت للجهه الثانية بأنزعاج .. بس لازال الشخص يحاول يقومني .. لفيت عليه بعصبيه وانا اسحب المخده من تحت راسي وارميه فيها انا بعصبية = بس عاد ابي انوم جازي وهي تبعد المخده عنها = هذا جزاتي ، جايه اصحيك لا تتأخر على شغلك وانا احاول اجلس = ليه كم الساعه جازي وهي خارجه = سبعه ونص نزل من على السرير بسرعه = شنووو؟!! ، وتوك تصحيني دخلت الحمام (وانتو بكرامه ) وتروشت على السريع وخرجت .. لبست ملابس العمل و صليت .. وبعدها اخذت مفاتيحي وجوالي من فوق الكوميدينة .. وخرجت من الغرفة وعلى طول على الباب .. وقبل ما افتحه استوقفني صوت امي امي = متعب يمه بتروح لفيت وتوجهت لها وحبيت راسها = ايه امي = طيب افطر قبل ما تروح انا = بفطر في الشركة ، الحين مافي وقت امي = براحتك انا = تامرين على شي يالغالية امي = لا ، سلامتك توجهت للباب وفتحته .. سمعت امي تقول امي = لاتسرع وانا اخرج = ان شاء الله نزلت الدرج بعجلة .. وركبت السيارة اللي كانت واقفة قدام باب العمارة .. ولعتها وخليتها تحمى .. يالله الحين بتاخذ وقت على بال ما تحمى .. ناظرت الساعة 7:40 .. اول مره اتاخر .... حطيت يدي على حافت الشباك اتسند .. واصابعي احركها على ذقني .. و اناظر بيت خالتي اللي جنب العماره اللي ساكن فيها .. انا تعمدت نسكن في هذي العماره .. عشان البنات لو احتاجوا شي وانا مو موجود .. بيت خالتهم يكون جنبهم .. شفت سيارة السواق حقهم توقف قدام الفله .. دق قلبي بعنف لما شفت الشخص اللي نزل من البيت بكل شموخ وغرور وركب السيارة .. حطيت يدي على قلبي .. هذا المجنون يدق لها .. وهو عارف بانها رافضته .. سندت راسي وانا اتنهد .. ليه حبيتها هي من بد كل البنات .. هه من سوء حظي .. حبيت وحده مغروره .. حركت السيارة مبتعد .. وانا مقهور على نفسي .. وعلى حبي اللي انرفض ************************************************** ********* في الجامعة 10:05 * إلياس انا وصديقي مهند متوجهين لكفترية الجامعة .. ونحنا نتناقش في المحاظرة اللي خارجين تونا منها .. واول ما دخلنا الكفتريه .. شد انتباهنا صوت الصراخ العالي .. انتقلت عيونا تلقائية في المكان تدور على مصدر الازعاج ..شفنا تجمهر كبير في نص الكفتريه .. لفيت على مهند انا = وش السالفه مهند = والله مدري ، امش خلنا نشوف مشينا لمكان التجمهر .. انا بحكم طولي قدرت اشوف .. بعكس مهند قصير القامة .. في وسط التجمهر كان في اثنين يتهاوشون بالكلام .. بس لحظة مو كان هذا المغرور راكان ..ايه والله هو .. ولد التاجر المعروف .. حسيت بمهند يحط يده على كتفي ويحاول يرفع نفسه مهند = إلياس وش السالفه لفيت عليه = هوشة ، واحد منهم راكان مهند باستغراب = من راكان انا = راكان الـ...... مهند = اما ، وخر ابي اشوف ، مدام فيها ولد التاجر اجل باين هوشة كبيرة وانا ابعد = المشكلة فيك مو في المكان ، انت اطو وانقطعت كلمتي ، لما سمعت الصرخة المتالمه .. بعدت مهند ورجعت مكاني اللي كنت واقف فيه ابي اشوف فتحت عيوني بصدمة .. من المنظر اللي شفته .. راكان كان موطي راسة بالم وهو حاط يده على كتفة اللي تنزف دم .. و الشاب الثاني كان ماسك سكين تقطر دم في يده .. وهو متصنم .. وفاتح عيونه وفمة بصدمة .. ألتم اصدقاء راكان عليه بخوف .. بعكس الثاني اللي تقدمو بعض الشباب وسحبو منه السكينة .. احمد ولد عم راكان ما قدر يسكت و تقدم بسرعة لشاب .. ووجه لكمة لوجهه بغفلة من الكل ..رجع الشاب للورا بسبب قوة اللكمة .. وما امداه يتوازن .. حتى سقط على الارض وفوقة احمد يوجه له عدة لكمات في وجهه بدون رحمة .. حاول بعض الشباب ابعدهم عن بعض .. بس احمد كان زي الوحش اللي انقض على فريسته .. في هذي الاثناء جاء الامن وبعدوهم عن بعض .. واخذو راكان واصدقائه و الشاب اللي طعنه وفرقوا التجمهر .. توجهت انا ومهند لاحدى الطاولات وجلسنا عليها مهند وهو يرمي كتبه على الطاولة بطفش = ما قدرت اشوف شي انا بضحكة = انت بصراحة لازم تلاقي حل لقصرك مهند = اقول انطم بس، فرحان انت وجهك بطولك هذا ، تقول نخله انا = قول ماشاء الله ، لاتصكني بعين مهند = ماني بقايل ، بعدين تعال قول لي شنو صار في الهوشه ، اشوف في دم في المكان انا = ايه هذا الدم (وقلت له السالفة ) مهند = اوف سكين مره وحده ، من وين جايبها انا = شكله مجهز نفسة للهوشة من قبل مهند = بصراحة احس ان راكان هو الغلطان انا = حتى انا ، راكان هذا شايف نفسة مهند = بس تعرف ، الولد هذا جنى على نفسة انا باستغراب = ليه مهند = على بالك عايلة الـ .... بتسكت على اللي صار لولدها صح .. الله يعينة بيبهذلوه .. هذا مو اي واحد .. هذا راكان الـ..... دق جوالي فهذي الاثناء بنغمة رسالة ونفس الشي مهند دق جوالة.. اخذت جوالي من فوق الطاوله وفتحته .. كانت رسالة بلوتوث .. قبلت و بعد دقايق وصل لي مقطع فيديو .. فتحته باستغراب .. كان مقطع الهوشة.. شكل احد صوره وارسلة ..رفعت راسي لمهند انا = وصلتك رسالة بلوتوث مهند وهو يناظر الفيديو = ايه ، هوشة راكان وانا اقفل جوالي وارجعة على الطاولة = ناس فاضية بدل لاتفرقهم عن بعض ، تجلس تصور ولفيت اناظر مجموعة الشباب اللي دخلو الكفترية .. بشكل ملفت بسبب كثرتهم .. وش جابهم هنا .. شكل في هوشة ثانية بتقوم هنا.. تقدموا لجهتنا.. وانا وقفت ولميت كتبي اللي فوق الطاولة .. واخذت جوالي وحطيته في جيبي.. وصلوا ووقفو جنبي .. تجاهلتهم وانا اكلم مهند انا = مهند انا رايح مهند باستغراب وهو يناظرهم= وين انا = عندي محاظرة مهند وهو يناظر ساعته = لسة باقي نص ساعة انا = اعرف سمعت صوتة الهازء = اذا حظرة الملائكة ذهبت الشياطين طنشتة ومشيت .. بس وقفت لما وقف واحد منهم قدامي .. يمنعني من العبور .. لفيت للي وراي .. لاني اعرف ذيلا مو متحركين إلا بامره سالته رغم اني عارف شنو يبي = وش تبي ؟ وهو يجلس مكاني على الكرسي = انت عارف انا = اذا قصدك على موضوع فيصل ، فاحلم اني اتنازل رائد وهو يدق باصبعه على الطاوله= متأكد من كلامك انا بثقة = ايه رائد وهو يقوم = اجل كيفك تحمل اللي بيجي لك منا انا برفعة حاجب = شكلكم ناويين تلحقون ولد عمكم في السجن ضحك وتوجه لي و همس في اذني فتحت عيوني بصدمة ولفيت علية ومسكته من ياقت قميصة = والله ان لمست شعرة منها يارائد لاقطعك فاهم ، بزر لاتدخلها في مشاكلنا رائد وهو يبعد يدي = انت اللي بتدخلها ومشى هو وقطيعه الكلاب .. ارتميت على الكرسي بتهالك .. وفكرة انهم يقربون منها تذبحني .. إلا هي لايقربون منها .. اصلا انا مستحمل العيشة اللي انا فيها عشانها .. واذا صار لها شي انا بنجن .. شكلي بتنازل عشان ما يقربون منها .. لانهم يسونها الكلاب .. هذيلا ناس نجسين ما يخافون الله .. سمعت صوت مهند يكلمني مهند = إلياس من هذيلا ؟ جاوبت وانا اناظر الناس بشرود = ناس ما تخاف الله ************************************************** ******** لارا * الدكتوره تشرح وانا مو حولها ابد .. اشخبط في الدفتر اللي قدامي .. وفكري عند الشخص اللي شفته امس .. صحيت من افكاري على انتهاء المحاظرة .. وقفت ولميت كتبي وخرجت من القاعة .. وانا امشي في الساحة طلعت جوالي من شنطتي .. واتصلت على لمى صاحبتي .. بعد دقتين ردت لمى = هلا لولي انا = هلا لمو ، وينك فيه لمى = انا توني طالعة من محاظرتي انا = اجل نتقابل في الكفتريه لمى = اوك قفلت منها ورجعت الجوال في الشنطة.. حسيت احد يحط يداته على عيوني .. ضحكت .. هذي هي مافي غيرها .. ماتترك حركتها ابد مسكت يداتها اللي على عيوني .. وبعدتها انا = رهف اعرف انها انتي سمعت ضحكتها من وراي ..وتقدمت ووقفت قدامي رهف = كيف الحلو انا = تمام ، انتي اللي كيفك ؟ رهف = انا عالي العال انا باهتمام = عسى ما شر ليه امس غايبه ؟ رهف = كنت تعبانه انا = سلامتك حببتي ماتشوفي شر رهف = الشر مايجيك (سحبت يد وهي تقول ) يلا تعالي نجلس وانا امشي معاها = بس لمو تنتظرني وقفت ولفت علي = وين ؟ انا = في الكفترية رجعت تمشي وهي تسحبني = اوك نروح هناك انا بضحكة = طيب فكي يدي ، ليه ماسكتها فكت يدي = عشان ما تروحي من هنا ولا من هنا انا = وليه بروح رهف = مدري عنك كل ما اجلس معك تقومي ، بسلم على هذي ، وبشوف اخبار هاذي ، اووو من زمان عن هذي ، وهذي وهذي ، لدرجة بعض الاحيان اشك انك تعرفي كل اللي في الجامعة ضحكت عليها = خلاص وعد ما اتحرك اليوم رهف = نشوف توجهت انا ويها للكفتريه .. دخلنا وجلسنا .. شوي وجات لمى .. سلمنا على بعض .. وجلسنا نسولف .. بعد فتره وانا اتكلم معى لمى في موضوع .. همست لي رهف اللي كانت جنبي رهف بهمس = لارا شوفي هناك ( وهي تاشر لي بعيونها ) ناظرت مكان ما تأشر .. شفت احقر مخلوقة قابلتها في حياتي .. تناظر فيني .. حسيت بكل كره العالم تجمع فيني .. على كثر ما كنت احبها واعزها على كثر ما كرهتها الحين .. بعدت عيوني عنها .. من كثر الغيض اللي حسيته .. ما قدرت اتحمل اشوفها .. كنت اعزها واعتبرها اخت لي .. لدرجة امشي وراها وانا مغمضة عيوني .. و ما كنت اتوقع بيجي يوم وازعل منها .. غدرت فيني وحاولت تبيع شرفي .. عشان شنو عشان فلوس ووسخ دنيا .. لفت لمى وراها تناظر مكان ماكنا نناظر .. ورجعت لفت علينا لمى = لولي ممكن سؤال انا بدون نفس لان مزاجي انقلب من هذي الحقيره = تفضلي لمى = ايش صار بينك انتي وفاتن عشان صرتي تكرهيها انا بقرف وعصبية = لاتذكري اسمها ، ترى اسمها يجيب لي القرف لمى باعتذار = سوري لولي ماكان قصدي ،ماكنت اعرف انك تكرهيها لذي الدرجه ، خلاص انسي الكل يعرف اني صرت اكرها .. بس ما احد يعرف ليه قمت واخذت شنطتي = بنات خلونا نطلع لان المكان مره صار مقرف ومو قادره اتحمل رهف = اوك قامو واخذو اغراضهم .. ومشينا طالعين ..ولما مريت من جنب الطاولة اللي جالسة عليها .. رميت عليها نظرة استحقار وقرف .. وطلعت ************************************************** ********* في مكان اخر .....* سمعت صوت الجوال يرن جنبي .. مديت يدي بكسل واخذته من فوق الكومدينة .. ناظرت الشاشة بعين ناعسه .. بس لما شفت الاسم ( الراس الكبير يتصل بك ) نطيت واعتدلت جالس وكل النوم طار من عيوني .. رديت = الو الطرف الثاني = السلام عليكم انا = وعليكم السلام بأمر = عندك اسبوع واحد بس وتجيبه هو والفيديو انا بحذر = بس انت عارف هو مختفي من شهر قاطعني = ماعلي ، اسبوع وانت ملاقيه فااهم ، هذي غلطتك يا..... فتحملها ، ولا بتتحمل العواقب وحدك وقفل الخط .. ناظرت الشاشة .. مكالمة ما تجاوزت الدقيقة .. زي عادته .. يأمر ويقفل ..رجعت الجوال على الكومدينة ..و قمت من السرير وسحبت القميص اللي كان فوقة .. لبسته وسكرت ازراره .. فواز وين ممكن راح .. لنا ثلاث اسابيع انا و الشباب ندوره .. حتى شقته تركها .. بس اكيد صديقة يعرف وين .. وانا اللي بروح له هذي المره بنفسي وبساله .. وين بتروح مني يافواز بلاقيك و بدمر حياتك مثل ما دمرت حياتي وخليتها تتركني .. حركت شعري الطويل نوع ما باستمتاع وانا اتخيل كيف بتكون نهايته انتهى البارت |
رد: رواية رجيتك ياهم لاعاد تزيد اوجاعي/ بقلمي
البارت السادس الظهر 12:30 * احمد انا الحين في التوقيف بسبب الهوشة اللي صارت .. وراكان وذاك الكلب في المستشفى .. اااه كان نفسي اهشم له جمجمته .. كيف يتجرأ ويأذي واحد من عيال الـ.... .. انا بصراحة ما اعرف ايش السالفه اللي بينهم .. بس اللي اعرفه اني لما جيت وشفته يطعن راكان في كتفه .. ما قدرت امسك اعصابي وهجمت عليه .. رغم ان في محاولات لابعادي عنه .. إلا ان ما في احد قدر يبعدني غير الامن .. شوي وجاء العسكري وناداني .. توجهت انا وياه لمكتب الظابط .. دخلت بعد ما اذن لي بالدخول ..و لما دخلت لقيت ابوي جالس بكل هيبه على الكرسي اللي امام مكتب الظابط .. وقدامه في الكرسي الثاني رجال كبير في السن .. ناظر فيني الظابط شوي بعدين لف على ابوي الظابط = خلاص تقدر تطلعة ، بس قبلها لازم يوقع على هذا التعهد (واشر على ورقة قدامه) تقدمت له ووقعت .. و بعدها خرجنا.. واول ما حطيت رجلي برا المركز سمعت تهزيء ابوي لي ابوي بعصبية = انا اخر عمري ادخل مراكز الشرطة ، وعشان شنو ، عشان اطلع ولدي اللي بغى يذبح الولد ، اصلا انا كنت بتركك عشان تتعلم ، بس المشكلة اني مابي الناس تقول ولد الـ .... تركوه اهلة في السجن ، وتصير سيرتنا على كل لسان انا بتبرير= اجل يبه تبيني اشوف ولد عمي ينطعن واسكت ابوي وهو لازال معصب = وانت عارف شنو مهبب ولد عمك ؟ انا بصراحه = لا ابوي = اجل انطم وركب السياره و سكر الباب بقوه .. لفيت للجهه الثانيه عشان اركب .. وسمعت جوالي يرن .. طلعته من جيبي وركبت .. ناظرت الشاشة (منصور يتصل بك ) رديت = الو منصور = السلام عليكم انا = وعليكم السلام منصور = ها خرجت ؟ وانا اناظر ابوي اللي يسوق = ايه ، توني منصور = الحمد لله انا باهتمام = كيف راكان ؟ منصور يحاول يطمني = لا تخاف بخير ، الجرح ما كان عميق و خيطوه له ، و هوالحين مع مازن يوصله البيت انا براحه = الحمد لله منصور = ايه صح ، ترى سيارتك انت وراكان وديناها لبيوتكم و المفاتيح عند الحراس انا بامتنان = مشكورين شباب تعبناكم معانا منصور = مابينا شكرا ، يلا مع السلامة انا = مع السلامة رجعت جوالي في جيبي ولفيت على ابوي اللي قال = الكلب في أي مستشفى ، عشان نروح له انا= خلاص مافي داعي ،الشباب رجعوه البيت سكت ابوي وما تكلم .. كان ودي اساله شنو سالفة راكان مع الولد.. بس فضلت اسكت واعرف السالفه من راكان نفسه .. وصلنا البيت .. واول ما دخلت استقبلتني امي اللي كانت جالسة في الصاله تنتظرنا امي وهي تتقدم لي وتوقف قدامي = ها كيفك ؟ لا يكون سوى لك شي انا = لا ، ما سوى شي امي وهي تناظر فيني بتفحص = متاكد ما فيك شي انا بتأكيد= ايه ما فيني إلا العافيه ، بعدين ترى انا اللي مكفخه مو هو اللي مكفخني دخل ابوي على كلمتي وبعصبيه قال = ياريته هو اللي مكفخك ، على الاقل اطلعك من المستشفى ولا اطلعك من المغفر ، فضحتني لا بارك الله فيك امي بعصبيه = شنووو ، تبي ولدي ينضرب يامبارك ابوي وهو يتوجه لدرج = ايه ، يمكن بعدها يعقل ويخلي عنه الطيش ، هذي المره الله ستر وماذبح الولد وطلع متوجه لغرفته.. لفت علي امي وقالت = خلك منه ، اهم شي انك بخير ، يلا اطلع وبدل على بال ما اقول لهم يحطو لك الغدا انا = لا مابي شي ، تعبان وابي انام امي بحنيه = خلاص اجل اطلع ارتاح حبيت راسها . وطلعت الدرج متوجه لغرفتي .. دخلتها وعلى طول رميت نفسي على السرير .. وطلعت جوالي اللي رن من جيب بنطلوني .. ناظرت الشاشة (راكان يتصل بك ) رديت .. وقبل ما اتكلم سمعت صوته المندفع اللي خلاني اضطر ابعد السماعه عن اذني شوي = تسلممممم ، تسلم والله ياولد عمي ، لو انت قدامي الحين كان حبيت خشمك على اللي سويته رجعت السماعه على اذني وانا اضحك = ماسوينا إلى الواجب راكان بكره = هه خله ولد الـ**** يستاهل ، اجل انا يطعني انا = لااا مدامك تسب ، اجل انت بخير راكان = ايه بخير ، وكيف لا ، وانا اعرف انك لاعن خيره ضحكت بعدين سالته = هو شنو بينك انت وياه ؟ راكان بعدم مبالاه= يقول اني اكلم اخته انا = وانت صدق تكلمها ؟ راكان = I don’t know هو اصلا ما ذكر اسمها ، كله كان يسب ويلعن انا = تعرف ما اظن انه يفتري ، لان انت عندك لسته كامله بنات راكان = حتى ولو ، انا ماطقيتها على يدها وقلت لها كلميني ، هي كلمتني بارادتها ، بعدين مو مشكلتي لو ما عرفوا يربون بنتهم انا = طيب اش بتسوي الحين ، بتتنازل ؟!! راكان = yes انا بصدمه = ليه ؟ راكان = مابي ابوي يدري بسبب الهوشة ، لان لو كبرالموضوع بيعرف السبب الحقيقي ، وانا ناوي اكذب انا = ريح بالك ولا تكذب ، لانه بيعرف بكل الاحوال راكان باستغراب =? How انا = ابوي عارف بالسالفه ، فاكيد بيقوله راكان بضجر = do not say ، ايش بفكني منهم الحين انا = مدري دبر نفسك ، انت اللي جبته لنفسك راكان = شوف يالخاين ، تتركني وانا في امس الحاجه لك انا = انا تركتك لان السالفه ما تترقع ، يعني اسمع التهزيء و المحاضرات اللي بتيجيك وانت ساكت ، ويلا تراني تعبان ابي اناااام ،فسكر لاسكر انا في وجهك راكان = اوك احمد بردها لك ، بيجي اليوم اللي تحتاجني فيه ، وبتخلى عنك زي ما تخليت عني ، good bye انا بضحكه = مع السلامه قفلت منه .. وقمت اغير ملابسي .. بعدها رجعت انسدحت ونمت المغرب 6:15 قاعد افحط في احدى الحواري.. وسط تجمهر كبير نوعا ما .. وجنبي عبد العزيز .. بعد ما انتهيت وقفت سيارتي الدودج التشارجر الخاصة بتفحيط جنب الشاب اللي كان واقف قريب من مازن .. نزلت منها وتوجهت له وسلمت عليه بحراره .. اللي يشوفنا يقول اصدقاء مقربين .. وهذا المطلوب .. لان الاتفاق كان اني اسلم عليه وسط اهله وجيرانه على اني صديقة.. بدأ يعرفني على اولاد عمه واقاربه.. وبعدها ودعته.. وركبت سيارتي وانطلقت خارج من الحاره .. بعد فتره من الصمت تكلمت انا = عزوز لف علي = هلا انا = ايش صار على موضوع ابو ماجد ؟ عزوز = ابو ماجد !! اييه خلاص عطيته حقه انا باستغراب = كيف ؟ عزوز = تسلفت انا بزعل = افا ، وليه لما قلت لك انا بعطيك رفضت عزوز = لاني اعرفك بترفض ارجعها انا = اسمع مره ثانيه ياويلك لو تسلفت من احد ، انا موجود لو بتتسلف اتسلف مني عزوز وهو يرجع يناظر الشباك .. وبتصريفه قال = ان شاء الله انا = وكيف وضعك الحين ، يكفيك راتب التقاعد حق ابوك ؟ عزوز = يعني ، ما يغطي كل شي ، انت عارف دحوم يحتاج ادويه ، غير ايجار البيت اللي ارتفع و مصاريف اخواني ، وبيني وبينك انا ودي اترك الدراسه واشتغل لفيت عليه بصدمه = شنووو ، مجنون انت ، خلاص ماباقي لك إلا سنه وتتخرج عزوز وهو يلف علي = وهذا اللي تقوله الولده ، عشان كذا حلفت علي ما اتركها ، ولا كنت تاركها من زمان رجعت اناظر الطريق = وهذا الصح ، اصبر سنه والله بيفرجها ودي اعطيه الخمسه الف اللي عطاني اياها جار مازن .. بس عارف عبد العزيز ما راح ياخذها .. ياما حاولنا انا و الشباب نساعده ماديا بس هو رافض .. مايبي احد يتصدق عليه على قولته ************************************************** ******************* * جيهان جالسة في غرفتي احط لي مناكير .. واسمع صوت صراخ وازعاج تحت .. اكيد هذي جنان و وضحى بنت خالتي .. هن اللي مسويات هذي الصجه .. هذيلا الثنتين اشك انهن بنات .. عليهن اصوات اعوذ بالله .. تقول رجال .. ما عمري سمعتهن يتكلمن بنعومه .. بعد ما خلصت وتاكدت ان المناكير جفت .. توجهت لدولاب اختار لي لبس .. طلعت فستان قصير وردي .. و جزمه ( وانتو بكرامه ) فضيه .. لبستهم وتوجهت لتسريحه .. حطيت لي كحل ازرق بحري .. وروج وردي ناعم .. وجيت بحط بلشر .. بس شفت ما في داعي له.. مسكت شعري وانا افكر ايش اسوي فيه .. ارفعه ولا اتركه مفتوح .. امممم اتركه مفتوح احسن .. خليته منسدل على اكتافي .. وحطيت له فيونكه على جنب .. و بعد ما تأكدت اني صرت اوكِ .. توجهت للباب وخرجت نازله لتحت .. واول مادخلت الصاله سمعت ترحيب خالتي لي .. توجهت لها وسلمت عليها وجلست جنبها خالتي وهي تكلم امي = ما شاء الله ياسلمى بنتك تجنن ، رغم اني اشوفها كل يومين ، إلا انها كل يوم تحلو اكثر من اليوم اللي قبله امي بدقه = بس الجمال مو كل شي يافاطمه، الاهم الاخلاق و التواضع خالتي = وبنتك ما شاء الله عليها، فيها كل شي الجمال و الاخلاق (ولفت علي وابتسمت .. رديت لها الابتسامه ) امي لسه زعلانه على سالفة عساف .. كلها يومين وبترضى .. هم بس خايفين من كلام الناس .. و انا ما يهمني كلام احد .. اللي يهمني اني اخذ واحد يعيشني بغنى .. بالمستوى اللي استحقه .. اجل هذا الجمال يضيع على واحد منتف .. صدق ناس ما تفهم .. سمعت امي تقول لي = جيهان ، قولي للخدامه تجيب القهوه وانا اقوم = اوكِ توجهت للمطبخ .. وقلت للخدامه تودي القهوه لامي .. وبعدها رحت عند البنات في الصالة الثانيه .. دخلت وسلمت على جازي اللي كانت تسولف مع جولان وانا اجلس = وين وضحى وجنان ؟ جولان = تو طلعو الحوش انا باستغراب = وش عندهم جولان = مدري ، سعود ناداهم وطلعو له انا = اها ( ولفيت على جازي ، اللي من لما دخلت وهي ترمي علي نظرات ) اخبارك جازي ؟ جازي بختصار = الحمد لله تمام ( ولفت على جولان تسولف معاها ) فهمت حركتها .. يعني مابي اكلمك .. جد بزر .. كله عشاني رفضت اخوها .. بطقاق فيها .. مديت يدي واخذت الريمونت من فوق الطاوله .. وشغلت التلفزيون .. وبدلت في القنوات .. ابي اتابع لي شي .. لقيت فلم في ام بي سي 4 .. جلست اتابعه و انسجمت معاه بسرعه .. وما حسيت بالوقت إلى لما انتهى .. ناظرت حولي و استغربت .. الصاله فاضيه .. وين راحو .. إلى هذي الدرجه انسجمت ..و ما حسيت فيهم لما قامو .. بس بصراحه الفلم كان حلو .. طفيت التلفزيون وقمت .. توجهت للمطبخ .. وطلبت من الخدامه تجيب لي حلى وقهوه لغرفتي .. وطلعت الدرج متوجهه للغرفه .. دخلتها وسكرت الباب وانا اسمع جوالي يرن .. توجهت له واخذته .. ناظرت الشاشه .. رقم غريب .. مارديت عليه ..ورجعته مكانه .. توجهت لسريري وجلست عليه .. واخذت الدبدوب اللي كان مرمي فوقه وحطيته في حضني .. وانا افكر في الكلام اللي قالته يارا لي عن اخوها ريان .. مطلق وعنده ولد .. ورافض يتزوج .. يعني مافي امل ..اممم شكلي بغير لراكان .. بس المشكله انه صغير و .. قطع علي افكاري صوت دق الباب انا = تفضل دخلت الخدامة ومعاها صينية الحلى و القهوه .. حطتها على الطاوله اللي في نص الغرفه وطلعت .. بعدت الدبدوب من حضني وقمت متوجها للمسجل .. ولعته و توجهت للكنبه .. جلست عليها وبديت اكل بهدوء على صوت ام كلثوم اللي انتشر في انحاء الغرفه .. انا من عشاق ام كلثوم .. احب اسمع اغانيها .. انسجمت مع الاغنيه .. ورحت بفكري لعنده .. ولما حسيت على نفسي .. نفضت راسي من هذي الافكار وانا اكلم نفسي .. جيهان .. لتخلين قلبك يحكمك .. حكمي عقلك.. ايش بتستفيدين من الحب .. خليك في اللي انتي تسعين له .. وطلعيه من قلبك .. اشغلت نفسي بالاكل عشان اتناساه .. ولما جيت بشرب القهوه.. انفتح الباب بقوه ..و من الخرعه انكبت القهوه علي .. فزيت واقفه من الحراره اللي حسيتها .. وحطيت الفنجان على الطاوله .. ولفيت بعصبيه على الشخص اللي فتح الباب بهذي الهمجيه انا بعصبيه = وجع ، كذا الناس تفتح الباب بدون اذن جنان وهي تتقدم لي = سوري ، كنت ابي اخوفك ، بس مادريت انه بصير كذا مشيت لدولاب وانا اقول = انتي متى بتعقلي ، وتتركين خبالك ، شوفي كيف توسخت ملابسي ولفيت اوريها (عاجبك كذا ) جنان = خلاص قولنا لك سوري رجعت لفيت لدولاب وفتحته وانا اقول = ايش بستفيد من السوري حقك وانتي عدمتي لي فستاني ، بليز جنان مره ثانيه فكري قبل ما تسوين شي وطلعت لي لبس ثاني .. بنطلون سكيني ازرق و بلوزه حمرا .. وتوجهت للحمام (وانتو بكرامه ) عشان اغير .. بعد ما غيرت وخرجت .. فتحت عيوني بصدمه .. شنووو هذا.. غرفتي صارت ملجأ .. جنان ووضحى كانو جالسين على الكنبه اللي بنص الغرفه ياكلون الحلى حقي .. وسعود جالس فوق سريري وماسك جوالي يحاول يفتحه .. تنرفزت و ما قدرت امسك اعصابي انا بصراخ = براااا (كلهم لفوا علي بخوف .. كملت بس بصوت اهدأ ) ولا احد يبقى في الغرفه يلااا (واشرت باصبعي لجهت الباب ) سعود وهو يرمي الجوال على السرير = بسم الله طيحتي قلبي (ولف على جنان ووضحى ) اول مره اسمعها تصارخ كذا وضحى وهي ترجع تاكل ولا كأنها سمعت شي = حتى انا جنان قامت وتوجهت للباب طالعه = انا طالعه بكرامتي ، تشاو(وخرجت) ناظرت في الاثنين الباقيين .. إللى ولا كاني تكلمت .. وضحى تاكل وسعود رجع يلعب بالجوال .. تقدمت للمسجل وطفيته .. وتوجهت لوضحى وسحبت الصحن منها .. ومشيت لسعود واخذت الجوال منه .. انا = اظن اني قلت برا ، ما تفهمون مسك سعود الدبدوب اللي كان جنبه ورماه على وضحى وهو يقول = ما تسمعي تقول لك برا ما قدرت وضحى تتجنب الدبدوب .. وضرب في وجها .. وبعدها طاح على الارض .. هنا سعود انسدح على السرير من كثر الضحك ..وقفت وضحى متنرفزه وهي تاخذ الدبدوب من الارض .. وترميه بأتجاهه.. بس لاني كنت واقفه جنبه.. وهي فاشله في الرمي .. الدبدوب ضرب في الصحن اللي فيدي ..و طاح على الارض متوسخ ببقايا الحلى اللي كان بصحن .. انا هنا جن جنوني .. إلا هذا الدبدوب .. هذي هدية طراد لي .. تخلصت من كل الدباديب اللي عندي .. إلا هذا .. ما قدرت اتخلص منه .. رفعت راسي لهم بعصبيه .. وتوني بهزئهم .. إلا اشوفهم يركضون للباب ويخرجون ************************************************** ******************* إلياس * جالس بين كتبي في غرفتي اللي في الحوش ادرس .. من ثلاث سنوات وانا ساكن فيها لاني ممنوع من دخول البيت .. كله من الشعشبونه مرة ابوي .. هي اللي خلت ابوي يسكني هنا كاني سواق .. طفشت وسكرت الكتب .. بكره عندي اختبار وانا مالي خلق له .. رفعت جوالي اللي كان جنبي .. واتصلت على اخو دنيا .. بس طلع مغلق .. اوووف لمتى بيضل جوالك مغلق يافواز .. جد بديت اقلق .. رميت الجوال و قمت من السرير .. توجهت لدولاب واخذت بكت السجاره و الولاعه .. ومشيت خارج من الغرفة للحوش عشان ادخن .. وقفت في نص الحوش وولعت السجاره .. حطيتها بفمي وانا استنشقها بتلذذ .. وبعدها ابعتها وانا انفث الدخان بهدوء .. اعدت هذي الحركه اكثر من مره باستمتاع .. وبعد ما انتهيت رميتها على الارض ودست عليها بجزمتي .. وانا اسمع اذان العشاء اللي اعتلى صوته في المكان .. رددت خلفه وبعد ما انتهى .. توجهت لغرفتي ورميت بكت السجاره و الولاعه على السرير ودخلت الحمام ( وانتو بكرامة ) اتوضى .. خرجت ولبست ثوبي اللي كان مرمي على الكنبه باهمال .. وخرجت من البيت متوجه للمسجد بسيارتي .. صليت مع الجماعة وبعدها اخذت المصحف اللي دايم اقرأ فيه في المسجد .. وقريت صفحتين زي دائما .. وبعد ما خلصت رجعته في مكانه وخرجت متوجه للبيت .. وصلت ونزلت من السياره.. واول ما دخلت الحوش شفتها تركض لجهتي وهي تناديني = إلياس ، إلياااس وقفت قدامي وهي تتنفس بسرعة بسبب الركض انا = ايش فيك؟ ليلاس وهي تمد لي ورقة وفلوس = خذ وانا اخذهم بأستغراب = شنو هذا ؟!! ليلاس = ماما قالت عطـ قاطعتها بعصبية = كم مرة اقولك لاتناديها ماما خافت ورجعت خطوى لورا وهي تقول = لاتعصب علي ، انا اسفه استغفر الله .. وش ذنبها ذي البزر عشان اعصب عليها .. نزلت لمستواها وحضنتها انا بأعتذار = اسف لولي ماكان قصدي اعصب عليك ، بس انتي تعرفي انا ما احبك تنادينها ماما ، هي مو امك ليلاس = اعرف ، ماما ماتت حضنتها اكثر = ايه ، الله يرحمها ابتعدت عني وهي تاشرعلى يدي = ايش مكتوب ؟ ناظرت مكان ما تاشر .. كانت الورقه فيدي .. صح نسيت .. خليني اشوف ايش تبي .. فتحتها .. ولقيت مكتوب فيها اغراض للبيت .. اوووف ماتخلص طلباتها هذي .. نفسي اطنشها .. بس اعرف اكيد بتشتكي لابوي .. وانا مو ناقص مشاكل .. احسن شي اجيب اللي تبي وافتك .. ناظرت في ليلاس اللي كانت تناظر فيني بهدوء .. وابتسمت لها وانا اقول = لولي تيجين معي ليلاس باستغراب = وين اعتدل واقف = البقاله ليلاس بحماس = ايه مديت يدي لها = يلا مسكت يدي وهي فرحانه .. خرجنا وتوجهنا للبقاله مشي لانها قريبه .. اشتريت اللي مكتوب في الورقة .. وحاسبت عليه ولما جيت بطلع تذكرت .. ما خليتها تشتري شي .. لفيت عليها .. ولقيتها تطالع الشبسات .. ناديتها انا = لولي (لفت علي ) ليه واقفه وهي تتقدم لي وتمسك يدي = ولا شي هذي البنت كتومه .. لو تبي شي مستحيل تتكلم .. وهذا الشي اللي ما يعجبني فيها .. يمكن طريقة مرة ابوي في تربيتها هي اللي خلتها كذا .. مانعتها من كل شي تتمناه أي طفله في سنها انا بمحاولة انها تطلب = طيب انتي ما تبين شي ؟ هزت راسها بنفي ..لا حول ولا قوة إلا بالله .. نزلت لمستواها انا = لولي لو تبين شي روحي خذيه ، على حسابي انا ليلاس بتردد = يعني اخذ أي شي عادي ؟ انا بابتسامه = ايه ، يلا بسرعه روحي فكت يدها من يدي وركضت لداخل البقاله .. اعتدلت واقف وانا اتحسب على مرة ابوي اللي خلتها كذا .. مشيت لداخل البقاله وانا انتظرها تخلص .. شوي وجات وهي معاها حبة اسكريم ومدته لي وانا اخذه = بس هذا ؟ ليلاس = ايه توجهت للمحاسب .. ولما مريت من عند الشبسات اخذت لها اثنين .. حاسبت عليهم وطلعت وانا ماسك يدها .. ولما قربنا من البيت فكت يدي وركضت .. صارخت عليها .. خفت تقطع الشارع وحدها انا بصراخ = ليلاااااااس استني لفت لي وهي تركض .. وصوت ضحكها مالي المكان .. ولما وصلت لنهاية الرصيف وقفت .. وهي تاشر بيدها لي .. اوووه الحمد لله بغت توقف لي قلبي.. بس حسيت بالخوف رجع يدب في اوصالي .. وانا اشوف ثلاثة متلثمين نزلوا من السياره اللي وراها ووقفو جنبها .. هي لما لاحظت وقوفهم جنبها .. خافت و تقدمت لي .. بس وقفها واحد منهم وهو يمسكها من كتفها .. مشيت بسرعه لعندهم..بس قبل ما اوصل لها .. اعترض واحد منهم طريقي وهو يقول = كيفك يا (وسكت شوي يفكر بعدين قال ) إلياس صح ؟!! انا باستغراب = من انت ؟ هو = صاحب الرصاصة صاحب الرصاصه !!.. اجل هذا انا بخوف = ايش تبي ؟ هو = اللي ابيه فواز ، وينه ؟ انا = مدري ( وجيت بمشي وبعديه ، بس مد يده قدامي يمنعني ) هو = لا لا لا وين رايح ، لسه ما خلصنا كلامنا وانا اناظر عيونه الغريبه = شنو بعد هو = اكيد وصلت له الرساله ، صح ؟ انا = انت ما تفهم اقولك ما اعرف وينه ، كيف اوصل له الرسالة حط يده على كتفي وقرب فمه من اذني وهو يقول = إلياس لاتختبر صبري ، قول لي مكانه بدون مشاكل ، اعرف انك تعرف مكانه وانا ابعد يده عن كتفي وبأصرار قلت = لا ما اعرف ، وحتى لو اعرف ما راح اخبرك فـ وانقطعت كلمتي لما حسيت بلكمة على وجهي .. خلتني ارجع خطوه على ورى .. فكيت الاكياس من يدي ومسك وجهي بالم .. وكورت يدي الثانية ورفعتها بتجاه وجهه ابي ارد له اللكمه .. بس هو كان اسرع مني .. ومسك يدي قبل ما توصل وجهه.. وبيده الثانيه وجه لبطني ضربه .. خلتني احس اني برجع كل شي في معدتي .. طحت على ركبي وانا ماسك بطني من شدة الالم .. الحقير محطي في يده حديد .. حسيت فيه وهو ينزل لمستواي .. ويمسك شعري ويشده على فوق عشان يخليني اناظره هو = بتتكلم ولا ( ولف على اللي وراه واشر له براسه ) ناظرت خلفه بخوف ..و هوى قلبي للقاع وانا اشوف الشخص الثالث ينحني ويرفع البنطلون عن رجله ويطلع سكين مربوطه فيها ..و يتقدم لليلاس اللي كانت تنتفض بخوف بين يدات الشخص اللي ماسكها ومسكر فمها بيده.. ولما وصل لها حط السكينه على رقبتها .. لاااا .. إلا هي لاحد يلمسها .. نقلت عيوني في المكان .. على امل الاقي احد يساعدني .. بس لسوء الحظ .. حارتنا فاضيه في مثل هذا الوقت .. نادر ما تلاقي من يمشي فيها .. حتى السيارات ما تعبر من هنا كثير .. فكرت اصرخ اطلب المساعده.. بس اخاف يؤذونها .. وانا مستحيل اخاطر بحياتها .. ما قدامي إلا اترجاه انا برجا = تكفى لاتأذيها ، أنا قدامك سوي فيني اللي تبي ، بس هي لا تقربون منها وهو يفك شعري = اوعدك لو خبرتني مكانه ، ماحد بيلمس شعره منها انا بسرعه = فواز مو هنا ، فواز برياض رجع يمسك شعري بعصبية = لاتكذب علي انا بخوف = والله برياض ، اخر مره قابلته قال بيروح الرياض وإلا الان ما رجع فك شعري واعتدل واقف وهو يقول = بتركك الحين بس صدقني ان طلعت تكذب ، وفواز هنا في الخبر بتخسر حياتك ولف بيمشي .. بس رجع لف علي وهو يقول = وين شقته الجديد ؟ خبرته بمكان الشقة الجديده اللي سكن فيها هروبا منهم .. بعدها مشى لسيارته وهو يأمرهم انهم يتركونها ..واول ما فكوها ركضت لجهتي وارتمت بحضني وهي تبكي .. ضميتها وانا احمد ربي انهم ما اذوها.. مدري ايش كان بصير لي لو لمسوها .. هي كل حياتي .. بس لحظه !!.. فواز .. ايش بصير عليه .. انا غدرت فيه .. وخبرتهم بمكانه .. اااه .. جد انا حقير .. كيف سويت كذا .. بس ما كان قدامي إلا اني اعترف ولا بيأذونها .... اسف فواز.. ما كان قدامي حل ثاني .. ناظرت ليلاس اللي متمسكه فيني .. ودافنه وجها في صدري بخوف .. كيف اخليها تنسى اللي شافته .. صعب على طفله ما تجاوزة السابعه من عمرها تعيش لحظة الخوف هذي .. بعد ما هدت بعدتها عني وانا اقول = لولي حببتي خلاص راحو ، لا تخافي ناظرت حولها بخوف تتأكد .. ولما ما شافت احد .. ارتخت ملامحها براحه.. وقفت وخليتها توقف معاي .. وشلت الاكياس من الارض .. وتوجهت للبيت وانا ماسك يدها ..ولما وصلنا انحنيت عليها وعطيتها الاكياس.. وانا اقول لها = لولي اللي شفتيه لاتقولين لاحد عنه وانسيه ، زين هزت راسه بالموافقة انا = يلا شاطره دخلي هذا ( وانا ااشر على الاكياس اللي فيدها) لداخل هزت راسها مره ثانيه بانصياع و توجهت للبيت بهدوء.. وانا توجهت لغرفتي وانا افكر كيف بحذر فواز اللي مقفل جواله ************************************************** ************ |
رد: رواية رجيتك ياهم لاعاد تزيد اوجاعي/ بقلمي
راكان* جالس في الصاله بطلب من ابوي .. اتصل فيني وقال انتظره .. وهو لسه ما جاء من شغله .. باين عليه معصب .. الله يستر شكل عمي خبره .. يالله ماني مستعد اسمع محاضرات .. كله منه هو واخته .. جابو لي المشاكل الله ياخذهم .. بس هين مو انا اللي اسكت .. بردها .. بس بطريقه ثانيه .. هو صح الطعنه ماكانت قويه .. بس حتى مو راكان اللي يصير له كذا .. رفعت راسي لدرج لما سمعت صوت احد يغني .. كانت يارا تنزل بهدوء وهي مو منتبهه لاحد .. شكلها طربانه .. ناديتها = يارا انتبهت لي ووقفت عن الغنا انا = Come here تقدمت لي وهي تقول = نعم انا = where’s mam ? يارا وهي تلف رايحه = مدري انا = Haaa where are you going ? ( واخذت المخده حق الكنبه اللي جالس عليها ورميتها فيها ) لما اكلمك توقفي إلى ما اخلص كلامي ، Do you understand ? لفت علي وهي تقول = انت سالت وانا جاوبت ، في شي ثاني ؟!! انا = ايه روحي ناديها يارا بصوت عالي = ميرينا ، ميريناااا جاءت الخدامه بسرعه وهي تقول =yes,ms.yara يارا = نادي السيده ، السيد راكان يريدها الخدامه =ok (وراحت) يارا وهي تمشي رايحه للباب = خلاص ميرينا بتناديها انا =where are you going ? وقفت وهي تقول = المسبح انا باستغراب = Now?!! يارا = ايه وخرجت .. ذي البنت عليها تصرفات غريبه .. اجل المسبح الحين بالليل .. بجد غريبه ..بس ما اهتميت كثير .. و خاصه لما شفت امي جايه لي انا بترحيب = هلا والله مامي ، تو مانور المكان ، تفضلي ( وانا ااشر لها على الكنبه اللي جنبي ) جلست وهي تقول باهتمام = ها راكان وش فيك راسل ميرينا ، في شي يعورك ؟ كتفك يعورك ؟!! انا = لا امي = اجل !! انا = ابوي اتصل وقال انتظره ، شكله يبي يهزئني ، وانا ابيك تكوني موجوده عشان تساعديني امي وهي تتسند باريحيه على الكنبه = طيب، بس انت اوعدني اولا انك ما عاد ترجع لخرابيطك انا بكذب = وعد ماعاد ارجع لذي الخرابيط على قولتك بس ساعديني امي = اجل تطمن مو قايل لك شي ارتحت .. مدام امي بتدخل بالسالفه ..اجل انا بطلع منها بسلام .. بعد ربع ساعه .. انفتح الباب ودخل ابوي .. وهو يلقي علينا السلام .. ردينا عليه بهدوء .. تقدم لنا ووقف قريب مني .. وناظر فيني بطرف عينه .. بعدين ناظر في امي وهو يقول ابوي = ناداك عشان توقفي مع ها امي وهي تتعدل على الكنبه = أي ناداني الله يهديك يامحمد ، انا اصلا جالسه هنا قبله ابوي بعدم اقتناع = ايه يصير خير ( ولف علي وهو يقول ) الحقني على المكتب وانا ابلع ريقي واناظر امي ابيها تتدخل = ان شاء الله ؟!! امي فهمت علي وعلى طول قالت = ليه ، وش تبي منه ابوي = ابيه في موضوع امي = اذا على سالفة اليوم ، ترا ابوي بمقاطعه = انا عارف كل شي ، فمافي داعي تقولين شي (ولف علي )وانت يلا الحقني ( وطلع الدرج متوجه لمكتبه ) وقفت ولحقته وانا العن واسب فيه هو واخته داخلي .. دخلت المكتب وانا اسمعه يقول لي = سكر الباب وراك سكرت الباب وتوجهت للكنبه المقابل لمكتبه .. وجلست عليها وانا اهيأ نفسي لسماع التهزيء .. مدامه جابني للمكتب اجل ناوي على تهزيئه محترمه .. بعد عشر دقائق خرجت وانا معصب .. والله لاوريكم يا عيال ال**** .. اجل انا انصفع عشانكم توجهت لغرفتي واخذت الجوال اللي كان فوق الطاوله. واتصلت على وائل .. بس ما رد .. اوووف اكيد يكلم وحده من خوياته .. رجعت اتصلت عليه مره ثانيه و رد وائل = هلااا والله راكان انا = هلا فيك ، اسمعني وائل ابيك بخدمه ************************************************** ******************* ابو راشد * استغفر الله .. كيف صفعته .. بس هو استفزني .. مو حاس بذنبه ابد .. مستهتر يحسب اعراض الناس لعبه .. يا خوفي يغلط مثل غلطتي .. يا اني ندماااان .. لو بامكاني ارجع الوقت ما كان سويت اللي سويته .. دمرت عائله بسبب طيشي .. رجعت بذاكرتي ل 40 سنه ورا +++ انا = افتحي الباب هي بخوف = ايش جايبك هذا الوقت انا برومنسيه = جاي ابي اشوفك هي = مو الحين يامحمد لاحد يمر ويشوفك ايش بيقول بعدت راسي عن الباب وناظرت الطريق الرملي .. اتأكد اذا في احد يشوفني .. بس كان فاضي .. الكل راح يحضر العرس اللي في القريه .. رجعت راسي قريب من الباب .. وانا اقولها = فتحي ، هذي فرصتي اشوفك يامنيره منيره = مو الحين تكفى بعد انا = انا بكره مسافر ، فابي اشوفك قبل ما اسافر ، دقيقه بس مو مطول هي بتردد = دقيقه وحده بس انا بتأكيد = ايه دقيقة وحده فتحت جزء بسيط وهي تقول بخجل = ها شوفني بسرعه ، وروح طليت براسي .. وفتحت عيوني باعجاب .. وانا اشوف الملاك اللي قدامي .. مستحيل تكون هذي اخته.. والله وطلع عندك اخت تطيح الطير من السما ياعقاب .. بس والله ما اضيع هذي الفرصه من يدي.. دفيت الباب و دخلت .. تراجعت هي للورى وبخوف قالت = محمد تكفى اطلع ، لا يجون اهلي سكرت الباب المتهالك خلفي وانا اقول = لا تخافين ما حد جاي ، كلهم في العرس (وتقدمت خطوه ) تراجعت هي للورى اكثر وضرب ظهرها في الجدار وهي تقول = خلاص شفتني يلا اطلع انا = لا لا لا مستحيل اطلع قبل ما اسوي اللي براسي هي بخوف = ايش اللي تبي تسويه ؟ لايكون (بكت ) تكفى لا تقرب مني انا بابتسامة حقاره = كيف وانا اشوف ها الملاك قدامي (وتقدمت لها كثر) منيره بصراخ وبكى = محمد تكفى بعد والله لايذبحوني اهلي ، محمد تكفى لا لا لاااا +++ صحيت من هذي الذكرى وانا استغفر .. استغفرك اللهم واتوب إليك .. استغفرك اللهم واتوب إليك ..استغفرك اللهم واتوب إليك ************************************************** ************* عبد الله* توني راجع من الشغل بتكسي .. و الحين بدخل الغرفه اللي ساكن فيها .. دخلتها وتوجهت لدولاب طلعت لي ملابس .. وعلى طول على الحمام (وانتو بكرامه ) اخذ لي دش ينشطني .. بعد ربع ساعه خرجت وانا احس بنشاط .. توجهت لسرير وجلست عليه وانا انشف شعري .. بعد ما خلصت حطيت المنشفة على اكتافي .. ومديت يدي تحت المخده .. وطلعت الصوره .. تأملتها زي كل يوم .. بس بدون فايده .. اووووف .. رجعتها تحت المخده .. وانا ادعي .. اللهم الهمني الصبر .. انسدحت على السرير .. انتظر العشا .. وما حسيت بنفسي وغفيت .. سمعت صوت ريان يناديني ريان وهو يهزني = عبدالله ، عبد الله قوم عشا فتحت عيوني اناظره ، ولما استوعبت اعتدلت جالس وانا اقول = يووو غفيت ريان وهو يبتعد = شكلك تعبان وانا اقوم من السرير بكسل = ايه ريان بضحكه = باين عليك مدلل مو حق شغل ضحكت .. وتوجهت معه للملحق .. تعشينا وبعدها جلسنا نسولف شوي ابو ريان يكلم ريان = عمك اتصل علي اليوم وقال يوم الجمعه عنده عزومة حق سلامة ابو ماهر ، ابيك انت وراكان تكونوا موجودين ريان = ان شاء الله ( ولف على راكان ) سامع راكان اللي كان يطقطق بجواله = ايه جلس ابو ريان يناظره فتره بعدين لف علي ابو ريان = حتى انت ياعبدالله لازم تيجي ، انت الحين تعتبر من اهل البيت انا = ان شاء الله عمي قام ابو ريان وهو يقول = يلا تصبحون على خير كلنا باصوات متفرقه = وانت من اهله خرج .. وتبعه راكان .. وما بقى في الملحق غيري انا وريان ريان يكلمني = عبد الله لا تنسى بكره موعدك عند دكتور العظام انا= يوووو تصدق نسيت ، زين والله ذكرتني ريان = ايه لاتنسى ، عشان يفك الربطه انا = ان شاء الله قام ريان وهو يقول = يلا انا بروح انام قمت معه = حتى انا ريان = اجل تصبح على خير انا = وانت من اهله وتوجه كل واحد منا لغرفته .. يوم الخميس بعد ما فطرنا .. توجه كل واحد لمشاغله .. وانا رحت لغرفتي .. مو عارف شنو اسوي جلست على سريري ومسكت الجوال العب فيه .. هه مافي إلا لعبة الثعبان .. بس يلا على الاقل تمضي الوقت .. جلست العب فيها إلا ما طفشت و قفلتها .. انسدحت على السرير .. و ناظرت السقف بتفكير.. لي الحين شهر ونص وانا كذا لا اهل ولا هويه .. معقوله انا يتيم عشان كذا ماحد سال عني .. بس الصوره اللي معاي تنفي هذا التوقع .. اممم اجل يمكن انا مو من هنا .. من دوله ثانيه وجااي هنا اشتغل.. يمكن ليه لا .. وجلست احط احتمالات وقصص .. لربما تصدف واجيب قصتي الحقيقيه .. اخر شي زهقت وقمت .. لو جلست اكثر بنجن .. فخليني اطلع للحديقة اتمشى احسن لي .. طلعت وانا احط يدي فوق عيوني احجب ضوء الشمس اللي ضرب فيها ..و بعد فتره اعتادة عيوني على الوضع .. ابعدت يدي وانا اتامل الحديقة باعجاب .. بس لفت انتباهي مجموعة ورد صفرا في احدى الزوايا .. غريبه الحديقة كلها ورود حمرا ولا بيضا .. ليه هذي غير .. قربت منها بفضول .. وكل ما اقتربت اكثر يتضح لي الشكل اللي مكونته .. كانت مكونه قلب اصفر .. وحوله ورود حمرا من نوع ثاني .. بس كان شكلها راائع و ملفت .. انحنيت ابي اقطف وحده منهم ..واول ما التفت يدي حولها.. ابعدتها .. حرام شكلها حلو .. واذا اخذت وحده بيخترب المنظر .. فخليها احسن ..اعتدلت واقف وانا اسمع صوت ضحك اطفال خلفي.. التفتت لمصدر الصوت .. وشفت التوائم عيال راشد الله يرحمه جايين يركضون لجهتي ومعاهم مسدسات.. وقبل ما يوصلون لي طاح واحد منهم .. تقدمت بسرعه له وانا اسمي عليه .. اعتدل جالس وهو يان بالم .. سالته بخوف انا بخوف = في شي يعورك ؟ رفع راسه لي يناظرني باستغراب .. بعدين اشر على ركبته وهو يقول = احح ، تعورني رفعت بنطلونه الشورت عن رجله .. ابي اشوف اذا انجرحت ركبته .. بس كانت سليمه مافيها شي انا = مافي شي وهو يرجع بنطلونه على ركبته = إلا فيه ، بس انت اصلا ماتعرف شي ضحكت بعدين سالته = طيب انت ليه كنت تركض؟ صاحب الندبه اللي كان واقف جنبي = عمه تلاحقنا انا باستغراب = ليه ؟ الثاني اللي تعور وهو يرفع مسدس الماء اللي جنبه ، وبنظرات شر = رشيناها بهذا وهي نايمه (وحرك حواجبه ) ضحكت عليه .. وانحنيت عليه وبست خده .. باين عليهم شياطين .. الله يعين اهلهم عليهم .. في هذي الاثناء سمعت احد يقترب منا.. فرفعت راسي تلقائيا لشخص المتقدم لنا .. لانصدم بصوت شهقته انتهى البارت |
رد: رواية رجيتك ياهم لاعاد تزيد اوجاعي/ بقلمي
:55::55::55::55::55::55::55:
منتظرين جديدك على احر من الجمر |
رد: رواية رجيتك ياهم لاعاد تزيد اوجاعي/ بقلمي
تغلق إلى حين عودة الكاتبة
|
| الساعة الآن 05:24 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية