|
نبضه / ظاهرة نفور الطلاب من المدارس
السلام عليكم ورحمة الله وبركاتة شكرااا لحبيباتي ♥ام البنين ..... ♥بسمة شوق... على إستضافتهم لي بالنبضة ...... الظاهرة المطروحة للمناقشة في النبضة الأولى........ ظاهرة خطيرة استشرت في ابنائنا وتكاد تفتك بمستقبلهم ظاهرة نفور الابناء من المدارس والصور السابقة اكبر دليل منتدانا الغالي يضم جميع مراحل الفئات العمرية من ام لطالب اوطالبة لأخت كبرى لطلاب وأخيراا لطالب وطالبة اريد ا فضلاااا لا أمرااا من الجميع مناقشة الموضوع وبجدية ♥ اسباب النفور من المدارس ♥ اسباب متعلقة بالطلاب ♥ اسباب متعلقة بالمدارس ♥ المناهج ♥ طرق واساليب التعليم ♥ دور البيت والاهل ♥ الثورة التكنولوجية ♥ ومقارنة طلاب الدول العربية بغيرهم وشكراااا |
رد: ظاهرة نفور الطلاب من المدارس
بسم الله الرحمن الرحيم
والله ما عرف نجول من وين ابداﺀ ولا ني اكاديميه او لي تخصص وممكن افيد من هالناحيه ولكن كلامي ببنيه علي خبرتي البسيطه وتجارب اللي حولي وبلخص رئيي في عده نقاط اساسيه اولا الجيل للاسف ماعد عنده الوعي الكافي باهميه التعلم والشهاده. وحياته للاسف اغلبها فراغ وهياته وقلت الاسباب اللي تدفعهم للطموح ثانيا القدوه الحسنه للاسف صار اغلب متعلمينا يحفي ويتنتف على مايلاقي وظيفه محترمه وياليتها بتخصصه اللي ذبح عمره سنين يدرسه والادهى والامر انه. لو ماعنده واسطه يكاد ينعدم امله بوظيفه تخدم تخصصه ذا غير ان اغلب الوظائف الشركات والمؤسسات الخاصه تكتفي بالعماله من الخارج. لسبب مادي بحت ماله علاقه لا بالخبره ولا بالتخصصات ثالثا وهو من اهم الاشياﺀ ضعف الرقابه بالمدارس ودور التعليم والقسوه الغير مبررره اللي تجعل المراهق ينفر من التعليم ويامن انه في الاغلب ما حد يحاسبه لا بالبيت ولا بالمدرسه .... رابعا المدرس اللي صار في الاغلب انسان فارغ الا من رحم الله يسب ويلعن كنه في حراج مو في صرح تعليمي له اهميته ويحصر دوره تعليميا ويحذف التربوي وكانه مايعنيه ..... والاسباب واجد والمسببات اكثر واكثر وانتظر رئي البقيه وياذن الله لو تحمست برجع ..... عوافي للكل على النقاش الهادف |
رد: ظاهرة نفور الطلاب من المدارس
يعطيكن العافيه موضوع قيم ومهم للطرح وعسى ينفع فيه
♥ اسباب النفور من المدارس اسباب كثيره ولا نقدر نحصيه بكلام لان بعضه نفسي بس نرجع للاسباب الي معروفه ومنه وخاصه للصغار عدم تعودهم انهم يتفرقون عن اهلهم لمدة تقريبا من 6 الى 7 ساعات وخاصه اطفال الصفوف الاوليه واسباب اقول عنه دلع وخاصه بعض البنوتات الصغار وبعضه خوف الكبار يخوفونهم من المدرسه واسباب للكبار شوي تقلب المزاج مايحبون الروتين كل يوم حصص مكدسه دراسه مايدخلون ترفيه بين الحصص غير حصة الرياضه الي مضيعين اسم رياضه فيها للاسف واسباب ترجع للمراهقه بعضهم ماحب احد يحكمه ويعطيه اوامر ♥ اسباب متعلقة بالطلاب نفس ماقلت بس بضيف سبب وهو للاسف انحراف بعض الطلاب مايلقى حريته ويسوي الي يبي الا بهروبه من المدرسه علشان يعطي اهله انه متواجد بالمدرسه ♥ اسباب متعلقة بالمدارس كثيره الاسباب الي متعلقه بالمدارس والمدرسين سوا العيال او البنات الروتين والعنجهيه بالتعامل والتسلط يعني بضرب لك مثال للعنجهيه مدرسه تقول لبنتي انا مدرسه وتاشر على نفسه بصبعه بتعالي تشبهيني فيكن انتن يالطالبات وتمشي صباعه عليهن كانه تنش ذبان عن وجهه والامثله كثيره سواء مدرسين ولا مدرسات غير امور كثيره والله تفشل اننا نقوله عن مدرسين ولا مدرسات اجيال ولا مدرس ماينادي الطالب ياحيوان يابن الكلب وين بيجيبون الخير ♥ المناهج المناهج حدث ولا حرج ولا لغتي الجميله ولغتي الخالده الله يهديهم هم وهالمقررات الي ابلشونا فيه ♥ طرق واساليب التعليم الطرق والاساليب ماهنا احد يطبقهن صح مانبي نظلم بس ينعدون على الاصابع الي فاهمين التدريس وطرقه صحيح ♥ دور البيت والاهل البيت مكمل للمدرسه يعني خلاص دخلته مدرسه كل شي عليهم لا البيت الركيزه الاساسيه وحنا كاأهل يجب علينا بالبيت نهون على الطالب والطالبه اذا جاء يشكي مانوقف معه ضد المدرس والمدرسه لا ندور عذر وخاصه للمدرسات بسبب ظغوط العمل والبيت واذا حسيت ان الطالب والطالبه مل من روتين المدرسه ونفسه يغيب ولا يحضر لا تمنعينه بالعكس اخليه يغيب بس مابين له انه شي عادي لا بس علشان ترتاح وتروح ثاني يوم وانت مشتاق للمدرسه ♥ الثورة التكنولوجية والله مانحط اللوم على التكنولوجيا من قبل لا يصير فيه تكنولجيا كانت فيه هروب من المدرسه وخاصه بين الشباب صدق الحين التكنولجيا وصلت لاطفال الروضه والتمهيدي بس مانحمله كل المسئوليه لان حنا الي جبنا التكنولجيا ماجت من نفسه غصب علينا ♥ ومقارنة طلاب الدول العربية بغيرهم والله انا عن نفسي يوم اسئل الدول العربيه اتركي دول الخليج ومعاناتهم بالدراسه انهم كل شي يشرونه بفلوس ورغم قلة الفلوس او الماده معهم بس يحاولون يوصلون لمراحل متقدمه من التعليم يعني حنا الحمدلله الدراسه مجاني الكتب مجانيه والمواصلات مجانيه ومع كذا يالله يكملون دراستهم طولت عليكم تحياتي اريج الجوري |
رد: ظاهرة نفور الطلاب من المدارس
السلام عليكم
يسلمووووووووووا نجوله على الموضوع الهام والطرح المميز المشكلة خطيرة جدا وقديمة للغاية ويجب الاهتمام بها ومعالجتها بصفة دائمة زي ما قلتي الطلبة في كل بيت وكلنا يهمنا مستقبل أخواتنا أو أبناءنا أو أقاربنا والمشكلة مش ثابته ولها أنواع وبيختلف سببها مع كل شخص معظم الطلبة ما بيحبوا المدرسة ويتمنوا لو ما يروحوا نهائيا لكن لما يبدأ نظام الهرب من المدرسة زي ما شفنا بالصور وافتعال الأسباب للتغيب من المدرسة والكذب على الأهل هنا تكون مشكلة حقيقية ويجب معرفة أسبابها والتخلص منها من جذورها اقتباس:
شكرااااااااااا نجوله على الموضوع المميز عارفة أطلت الكلام أوووي انا ماشية بسرعة قبل ما تطردوني |
رد: ظاهرة نفور الطلاب من المدارس
قلوب تنبض للقائمين على الموضوع
ونجول البنات ماقصرو بالتعليق لكن بذكر نقطه الرفاهيه الزائده عند عيالنا اطلب تجد كل شي متوفر لهم قبل كنا نتحمس عشان ننجح ونجيب تقدير ممتاز عشان النجاحه وهدية النجاح لكن هالوقت طلباتهم مجابه خلاص مافي محفزات وشي مشجع ودافع عشان يذاكرون وسلامتكم ف عز الكلام سكت الكلام |
| الساعة الآن 10:54 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية