بتقولى تعبت من حبى وشكلك بتتغيرى
وعنى بتبعدى وفى غيرى بتفكرى
وتعبت من كلامى ليكى ودلعى فيكى
وانتى اصلا مش بتقدرى

بس ارجوك اسمعنى
انا بــ ح ــــبك صدقنى
بس انا بدلع عليك
عارفه انى كتير بزعلك
وشايف انى تقلانه عليك

بس انا بجد بحبك ومستحيل اتغير
ازاى ممكن فى غيرك يوم افكر؟؟

انا بنسى معاك كل احزانى
بتخفف عنى كل الالامى
بحس انى ملكت العالم وانت قدامى

انت بتشك انى مبحبكش
وانى عمرى ماحستكش

ده انا بعشق التراب الى انت بتمشى عليه
عاشقه بجد كل حاجه فيك
كفايه بس حنيه صوتك ونظره عنيك

بس والله بحب ادلع عليك
ده انا بنسى الدنيا وابص لصورتك واتوه فى عنيك

نفسى اكمل حياتى بين ايديك
معاك هحلم واحقق كل احلامى
جوا حضنك بس هكمل باقى حياتى

ناويه اداوى انا قلبك
واخدك فى حضنى واضمك

ده انا عن عيون الناس هخبيك
وناويه اعملك كل الى يرضيك

تعالى نحلم ابقى انا وانت فى بيتنا
نحلم هنسمى ايه ولادنا؟؟؟

ياريتهم يطلعو حبيبى ليك
واحبهم نص حبى فيك
ده انت هتبقى احن من الدنيا عليهم
وانا هاخدهم فى حضنى واحميهم

متزعلش من دلعى عليك
بجد مش قصدى اتقل عليك

خليك جنبى ومتبعدش
مقدرش اعيش لومكلمتكش

ارجوك حبيبى متسبنيش
بس متزعلش وعنى متبعدش

ده انا حبيبتك ومن حقى ادلع عليك

بـــــــــــــــــ ح ــــــــــــــبك