منتديات ليلاس

منتديات ليلاس (https://www.liilas.com/vb3/)
-   القصص القصيرة من وحي قلم الأعضاء , قصص من وحي قلم الأعضاء (https://www.liilas.com/vb3/f484/)
-   -   أمل لابد منه !! (https://www.liilas.com/vb3/t183735.html)

amr sayed 10-01-13 09:07 PM

أمل لابد منه !!
 

" أمل لابد منه !! "
**************
1
أقف فى وسط عتمة كون،أضحك بصوت عالي،لا يردده الصدى،صوت موسيقى ذات ضجيج يضغط على كل شئ،يقتل الضحك فى لحظة واحدة،لا أتبع أثرى،من أنا،أكان هذا الضحك هباء،لا أقبل على الغد أظل فى حالة التوهان وأرى الكون مظلم من حولى،والموسيقى لم تكن هادئة لذلك
لم تزل تقتل الضحك !!

2
فى يوم ألتقيت بها ولا أعرف لماذا شعرت من بعدها ببعض التحسن،ولكن الله خلقنى لا أفهم البساطه،لذلك حين أبتسمت ورأيت الكون لأول مرة قابل للحياة،أعتذرت وتركتها رغم أنها الوحيدة التى أعطتنى بعض الأهتمام !!

3
أتذكرها دوما فى وسط عتمة الكون التى أسكنها،لذلك قررت أن ألتقى بها فأرتديت أفضل ثيابى وأحضرت بعض الزهور من الحديقة القريبة وذهبت إليها !!

4
طرقت على الباب وأنتظرت أن سمعت صوتها الملائكي
- أتفضل
فدخلت فأبتسمت كما رأيتها أول،مرة صورة ربيعية للحياة وبعد أن قدمت لها الورد بنصف أبتسامه، سألتها
- ممكن تفهمينى أزى عندك كانسر وعندك كل الأمل ده ؟!
- لأن ربنا خلق الأنسان عشان الأمل عشان يشوف هيبقه عنده أمل وثقة فيه أد أيه ،ممكن تضحك بقه
- لأ مش هضحك
- ليه
- خايف
- من أيه ؟!
- من العلاج والموت
-عارف من ساعة ما جيت المستشفى وع طول بشوفك حزين ومهموم وسرحان !!
-عشان مش بشوف فى المرض غير العتمة،قبل ما اتعب كنت من الاوائل فى مدرستى وعندى صحاب بخرج معاهم واتفسح،دلوقتى انا مجرد مريض بتخاف الناس تتعامل معاه كل ما يعرفوا هو عنده أيه،غير أن الانسان ده وارد يموت فى اى جلسة علاج ،تفتكرى ديه حاجة تستحق الأمل
- جبتلى ورد ليه يامحمود ؟!
-أنا أسف
- متتأسفش ياتبطل نبرة الحزن ،ياتاخد الورد ومش عاوزه اشوفك تانى وانا فى المستشفى !!

5
يتركها ويرحل بحركة عصبية إلى غرفته،وفى الليلة التاليه يسمع صوت أنينها من أثر جلسة علاج قد أخذتها نهارا،يذهب إليها تبتسم له أبتسامه مليئة بالأعياء وبصوت حنون
- أنا أسف !!
بصوت واهن
- عارف يامحمود أنا مش زعلانه منك لكن زعلانه عشان أنت مش مؤمن بالأمل،ربنا بيحرمنا ساعات من حاجات عشان ندور عليها نتعب عشان نلقيها ويمكن ربنا حرمنى من صحتى شويه بس عشان اقابلك !!
- ممكن متتكلميش كتير عشان انتى محتاجة تستريحى
بصوت واهن مرة أخرى
- لا انا محتاجة اتكلم واقولك ان ممكن نصك التانى اللى شق عتمة كونك يسيبك فى اى وقت ودة مش معناه أنك تستسلم !!
بصوت ملئ بالشجن
- بعد الشر عليكى !!
- الموت مش شر الموت ساعات بيبقه أمل بيبقة طاقه تخليك تكمل،مش اللى بيحب حد بيبقة عاوز يبان قصاده فى أحسن صورة خلاص أعتبر الموت بيديك فرصة عشان تحسن صورتك ولما نقابل بعض كل يوم بليل تحكيلى أنت أجتهدت أد أيه عشان أشوفك فى أحسن صورة وبعد المو
تبكى من الألم المفاجئ ينزعج ويخاف عليها بصوت واهن جدا
- أندهلى الدكتور !!
يذهب ويعود مسرعا بصحبة الدكتور ولكن لكل أجل كتاب !!

6
تعود عتمة الكون،ما أصعب أن تعرف معنى الحياة ثم يغيب كل شئ،كنهار لم يدوم إلا دقائق،ثم يخيم الليل طويلاً،ما الوقت أن كان نفس أحساس الألم يتكرر دون أنقطاع هل أتبع إلم وهمى أم أستسلم لينتهى كل شئ وأقابلها مرة أخرى فى الخلود،هل هناك خلود يتيح إلى فرصة أخرى فى رؤية أبتسامة تشع حياة،حتى لو كان هناك خلود هى تريد أن ترانى فى أفضل صورة ومن المؤكد أنها لا ترضى بشخص قد هزمه اليأس حتى أصبح هو واليأس متشابهان ،هل سأراها مرة أخرى أم أن عتمة الكون هى المعنى الأزلى لحياتى البائسة ؟!

7
يخرج من المستشفى بعد أن أتم شفائه يشترى بعض الورد ينظر إلى السماء كم هى مشرقة اليوم ويخاطب نفسه وتعلو وجهه أبتسامة هادئة

"حبيبتى أمل صباح الخير أهو خفيت ياحبيبتى عشان عاوز أقابلك،انا فكرت ومقدرتش أختار أنى أستسلم،وجمعت الورد اللى بتحبيه من الجنينه، وحشتنى ضحكتك بس مش عاوز أقابلك غير لما أتعب فى مشوار حياتى وأوصلك،أستنينى ومتوريش ضحكتك للملايكه فى السما عشان بغير، وأدعيلى زى ما بدعيلك "

أكمل حياته وصار الكون بلا عتمة فحياته لها الأن هدف وحبيبته تنتظر فلماذا لا يفعل الأفضل،ويضع فى الأعتبار أمل لابد منه كي يصل إلى النهايه بسلام ! !


الساعة الآن 04:24 AM.

Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية