|
رد: شيهانه على كف صقار
يا صباح الورد على طيوبه ومتابعاتها
نجلاء ومعاندها لفهد تبي تكون له ند والله محد عاسفك غيرشين الحلايا على قولتك المشكله انه على على حق بكل انتقاداته لك لكن انتي ها الراس اليابس يا يلين يا ينكسر اتوقع يتطور الوضع بينهم لكن الكل بيكون ضده نجلاء ومع فهد وسم والحياه الورديه الي تبينها بانت ملامحها هذا الي تلقفتي وبغيتيه خبزآ خبزتيه يا وسم ... ومع هذا قدرت تكسر كلام راجح بتحديه لها يوم يبي يأدبها عطته اشاره لاعاد يكرراسطوانة أأدبك بتركك عند اهلك وانها ما يمشي معها التهديد بها الطريقة اتوقع بيمسك طريق ثاني بمعاملته لها ماضيه مع بشرى كان بينهم ملكه وش السالفة او وش صار بالملكة وخلى راجح يوصل الموضوع لطلاق وشكل فترة الملكه كانت طويله بينهم والدليل خاتم التذكار ماهو دبلة العلاقه وصلت للهدايا سبب الطلاق الخفي يتعلق بمشاريع لراجح كان لبشرى او اهلها يد فيها او ان راجح اكتشف شي بشخصية بشرى نفسها كره انه يكمل حياته معها او كانت بشرى رافضه تبعد عن اهلها بكثرة اسفار راجح لأاشغاله راجح تجاهله لكلام وسم عن بشرى وراه شي كبيرالي حتى ما علق عليه بشرى قطع وجه الله لايبشرتس بالخير الرجال طلق وانتهى رحتي تلحقين وسم البزر تحملينها السلام لراجح الي لو كانت تفهم ما نقلت ماشاء الله السلام له الوقاحه الي كلمت وسم بها دليل انها بتكون مصاد ر ماهو مصدرازعاج لحياة راجح وسم .., شرف والشيهانه كل شي تغفره الحرمه لرجل الا زواجه عليها<<وجهة نظرتحتمل الخطأاو الصواب شيهانه حتى ولو حاول شرف يحاصرها من كل الجهات مستحيل بترضى عليه عقب سواته اذا بترجع شيهانه له وحده من ثنتين اما انه شي يتعلق بواحد من عيالهم وشي كبير او تنطنط شرف كل شوي لشيهانه بكل مكان بيكون عقبه حمل يكسر فيه شيهانه وترجع له عودة خالد لأحداث بيترتب عليها مشاكل تزلزل بيت شرف وبيكون دخوله لحياتهم عن طريق نوروخصوص اسمه الي مايجهله شرف سواء شغل نور في بيت عقاب او بيت شرف نفسه الله يطمن قلبك طيوبه يوم شرف ما قتل فوز مبدددددعه شيهانه اتمنى ما ننحرم من ها الابداع الاسبوعي روايه تستحق الانتظارواحداث متجدده وغير متوقعه.., |
رد: شيهانه على كف صقار
دايم مبدعه والبارت جميل واكثر من روعه
نجي للبارت اكثر شخصية حزنتني في ذي البارت هي وسم حسيتها صغيره على المشاكل اللي قاعده تواجهها لكن كله من عمايل يدش لو كنتي بنيه عاقل مافكرتي في الزواج وانتي في عمرش ذي واتوقع ان راجح طلق بشرى بسبب جرئتها وقلة سحاها فهد والنجلاء ضحكتني النجلاء في ذي البارت صدق ان بعض النسوان ماتعرف لها مادام ماتحبينه يانجيل ليش الغيرة ذي اللي على غير سنع عاد مالقيتي الا حليمة خخخخخخخخخخ بس عرف لك فهيدان مع انه قهرني باانه ينتظرها تغض البصر على قولته وهو يخز وقدامها بعد خالد ياقلبي على ذي الولد يحزني واجد وهذا ضحية تاليه من ضحايا النذل شرف شيهانه هاذي اللي بتموتني ناقصة عمر اللحين انتي مو تكرهينه وموطايقته انزين ليش تقلقين عليه وتنتظرين اخباره بعد تركيه يابنت الحلال وطلبي الطلاق وتزوجي من هو اصغر منه واحسن يعني بإختصار حريه وقهريه طيوبه تكفين لا تردين شرف لشيهانه ابدا ابدا <<فيس مايقبل ابد مسامحة شيهان حق شرف طيوبه عندي طلب صغير وهو انش اذا قدرتي يالغالية طولي البارت او نزلي في الاسبوع اكثر من بارت <<فيس طماع ينط عليش مستحي يواجهش |
رد: شيهانه على كف صقار
ام الوليد.. مرحباا ملياااار..تدرين توني تذكرت اني ماقلت رايي بالتذكار بشكلل خاص.. قلت ان بشرى كذااابه بكل اللي قالته لوسم .ومافيه هدايا بينها وبين راجح.. حتى لو انصدم بلقاء بشرى في وسم..سبب الطلاق اتوقع بشرى.. ويمكن بشرى قالت هالكلام لانها عرفت شخصية وسم وسالت عنها وعرفت انها صغيره واصغر منها وهالشي خلاها تنقهر من الحره. واصلا بتعرف شخصية وسم ..يعني بشرى ماجت للحفله الا وهي عارفه كل شي عن بشرى عمرها وطباعها وشخصيتها.. واللي يسأل مايتوهشي..
|
رد: شيهانه على كف صقار
اقتباس:
لا بشرى اتوقع بيكون لها دخول قوي بالرواية ومستحيل حضورها الا بعزيمه وخصوص ان الحفله ماهو العرس نقول الناس واجد ومحد عارف من جا مين ماجا الحفلة الناس محدودين ومعروفين بشرى جات بدعوى لكن من من ام راجح الي اتوقع مانست حركة ابوه انه هددها بزواجه من بنت شرف والا خواته لهم علاقه في بشرى ومازالت مستمره بعد الطلاق بشرى كانت بتواجه وسم وجه لوجه علشان تصب الكلام بأذنها وتزلزل حياتها مع راجح واتوقع انها يوم العرس حاولت لكن ماقدرت وسفر راجح لجنوب آخر المواجهه بينهن وكررتها بالحفلة واضح بشرى قويه وسيعة وجه ماهمها احد والطلاق كانت مجبره عليه يعني راجح هو الي عايفها وبسبب قوي ولو كانت هي عايفته وطالبه الطلاق مانطت تقل جنيه بحلق ها البزروسم تبي تربك حياتهابحكم صغر سن وسم وتولعها مشاكل من بداية حياتهم لكن راجح ماهو ذاك الهين الي بيفوتها لها والخاتم التذكار كان هديه منه لبشرى بوقت كان راجح يبيها والا ما لعبت على ها الوتر |
رد: شيهانه على كف صقار
اقتباس:
لاا طيووف حبيبة ماما.. لا انا ماقلت ان ظهورها شوي وبتروح.. بس الصدق مااتوقع يكون لها وجود فعلي بالقصه.. يعني كل شووي نشوفها وكل شوي لها سالفه..بس اكيييد انه بيكون لها طاري باوقات كثير بالقصه.. بتطلع لنا فتره وبتختفي.. بس تدرين عاد ما اتوووقع ان ام راجح تكون حقود بالشكل هذا وبتجلس لوسم على الدقه انتقام من زوجها لانه هدد الام انه يخطبها.. شكل ام راجح عقلها اكبر من كذا.. هي مجروحه من زوجها بس ما اتوقع حاقده على وسم.. وبالنسبه لبشرى وحضورها فاتوقع هي اللي طلبت انها تروح معهم من باب ان الامور عاديه وموضوعها خلص مع راجح فقالت اعزموني وبجي معكم للحفله.. وهم يمكن انحرجووا وقالوا خلاص تعالي .. والله اعتقد انها مستعده تسوي كذا لانها قليلة ادب وماتستحي على وجها وماعندها مشكله تقط وجها على الناس حتى بدون عزيمه لكن اللي لفت انتباهي عقب هو توتر رااجح ... يعني وش ممكن يوتر واحد مثل راجح راسم حياته بالمسطره والقلم.. ؟؟ . . |
| الساعة الآن 02:33 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية