منتديات ليلاس - وش عذرك ..؟! حمد البريدي

( وش عذرك )

لا غــبت عني وأنا مشتـــاق وش عذركـــ
يوم أنت حـــالف بربك .... ما تخلينـــي !!
نذر على رقبتـي .... ونـــذرا مهـو نـــذرك
إنك مااا حســـيت في شوقي ولا فينـــي
مســافة الشوق ..... لـ المشتاق تختصرك
وتــوزعك في حشــاي .... وفي شرايني
غطــت ثلوجــك طبوعك واختفــى جــمرك
ماااا عــادك اللي ليا من غبت .. يدعيني
أفكـــر أختبــرك .... وأخــاف لـ أختبــرك
أخـــاف باقي غلاك .... يطــيح من عيني
تعال بين الضـــلوع العــوج .. شف قدرك
قصــر من الحب ..... يبنــى لك ويبنينــي
ما ودي أقــول في بعــدك .... غريب أمرك
ودي لو أسمع صدا (.. يـا من يراعيني.. )
أعتبـــرك الــروح .... ولا شتبغي أعتبـــرك
ماااا دمــت يا أغلى الخــلايق مني وفيني
أنا أكثـــر إنســـان .... قدرّ قلبــك وطهرك
وأنت أكثـــر إنســـان فاهمنــي ومغنينــي
مأســـور بالحب .... لكن أفتـــخر بأســرك
كبلـــت قلبــي ...قبــل لا تكبــل ايـــدينــي
فالليلـــــه المظلمــه ..... يكفـي سنا بـدرك
وفالليلـــه البـــارده ..... قربـــك يــدفينــي
قدلي وأنا أحـــاولك .. وآقف علــى نهــرك
أرويتنـــي مـــره ..... وناظــرك تـروينــي
لقـــاك وحكـــاك والجـــو أن خذا عطـــرك
ثـــلاثــة أشيـــاء ..... تقتلنـــي وتحيينـٓي
خذني من الناس وادخلني وسط صدرك
لا تخلـــي البعـد ياتي بينـــك ..... وبيني
تقـــول لي يـا فـــديت عيونــــك وشعـــرك
وقصــــايدي فيك ..... ذكرااهـا مشقيني
مانــي بهتم .. ( كم عمري , وكم عمرك )
عطنــي سنينـك وانا بهدي لك .. سنيني
كـم لي وأنا أحتاج لك وأشتاق وأنتظرك
وأتــذكـــر آخـــر لقـــا وايديك بايـــديني
يا كبر تقديرك بقلبـــي ... وكبــر أجـرك
لا جيتنــي بالوصــال وشافتـــك عينـــي