|
حلى الهيرشي
السلام عليكم ورحمه الله وبركاته صباحكم / مساكم ورد زمان ع القسم..ادري تولهتو ع مواضيعيه الجميله << فيس الثقه العمياء.. عاد هالمرة رديت لكم بتخبيص يديد في عالم السويت خخخ طبعا سويت سرريع كالعاده وما ياخذ وقت.. الفته ف ورطه من الورطات المستمرة << فيس يتنهد وكالعاده ما صورت المقادير لانيه ماعرف جيف طعمه.. يلا بسم الله.. المقادير,, بسكويت جاي.. حليب بالكاكاو.. دريم ويب.. قشطة.. حبوب الهيرشي "دموع الهيرشي" .. كريمة خفق.. وهيرشي سائل .. والطريقة كالتالي.. طبعا الصور شوي..لانيه شرات ما قلت لكم قبل ماعرف جيف الطعم<< نويصر.. اول شي الطبقه الاولى.. نكسر البسكوت ونصب عليه حليب الكاكاو ونخلطه لين يستوي شرات الصورة .. بيكون شرات العجينه.. ونحطه كطبقه اولى فالكاس.. الحينه الطبقه الثاني.. نخلط المقادير الباجيه لي هي .. القشطه.. الدريم ويب.. الهيرشي.. وكريمه الخفق فالخلاط.. ونصبها ع الطبقه الاولى.. وتراارااا خلصناا.. بيكون شكلها جي..ونزينها بالهيرشي السائل.. جفتو اسهل عن جي<< فيس الراحه والسهوله.. ابي بعض الناس يعرفون اعمارهم يطبقونها ويطرشون لي الصور.. ماضن شي شي اسهل عنها .. بعد لا تدققون وايد ع الصوور .. زين لحقت اصورها :) وهني وعافيه |
رد: حلى الهيرشي
شكلها خطيره وطعمها اتوقع الذ عن الشكل
ماشاء الله عليج بوحه سنعه يابنت |
رد: حلى الهيرشي
كتير شكلها حلو ولذيذ
وسهله كتير تسلم ايدك حبيبتي |
رد: حلى الهيرشي
خخخخخ تعرفين أحب أي حلى بالكاسات ^^
يعطيك العافيه بووحه وصفه سهله ولذييذه كالعاده < فيس واثق بشغلك بأنتظار جديدك.. |
رد: حلى الهيرشي
♪♪♪ ذوبااااااااااااااااااااااااااااااااااااان يابحبح .. ♪♪♪ |
| الساعة الآن 01:18 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية