..



الطوبه التسعون ..


احلام من عمرنا طارت مطير الحمام
بس ابتسمنا ولا ضقنا ولا به حرج

واحلام جتنا قبل نحلم او حتى ننام
مثل اذي راح للنجمه بلا درج

من جرب الحرب يفرح في دقيقه سلام
ومن جرب الضيق يفرح في دقيقه فرج


.
.
.


ووصلت رييم ..
وشيخه معها .. وابو سعود .. واستقبلوها بالبيت احسن استقبال ..
وكل حريم عمامها وعمتها موجودين ..
جلست بتعب جنب جدتها ..
وبنتها مع جدتها ..
الجده : يالله انك تحيي الريم وبنيتها ..
ريم بعيون دامعه .. : صيته يمه..
الجده بفرخه وفخر ... : ويالله انك تحيي الريم وصيته بنتهاا ..
ويازين ما سميتوو ... عسى لها الصيت والمقام الرفييع .. ويجيب لها ربي ابوها وسميتها بالسلامه ..
الكل أمن لهم ..

سما جلست بجنبهاا بتضحكها بصوت قصير : صييته .. صيييته يالظالمه .. كان ما حملتي .. كان جبتي ولد يا بني آدميه .!!
ريم ضحكت : هههههههه ومن لي اغلى من فيصل عشان ما اسمي بأسم امه ..!!
سما : مخرفنك يا حظي مالت عليك .. كان مسميتها ملقعه ازين ..
ريم : ههههه لو قايل والله بسمي ..
سما تدفها : مااالت عليك يام ملعقه ..

ابو سعوود : هاااه هاااه المره الجرح ..
سما وهي تقووم : تستاهل .. اجل نصبر .. وتسع شهور واخرتها تسمي صيته ..!! والله لو بحلف ان خالتي ام فيصل ماهي راضيه ..
وام خالتي ام فيصل ماهي راضيه بصيته اساسا .. مير شكواهم للي يقواهم هالرجال ..

الجده تضربها بعصاها .. : اهبي هبيتي يأم لسان .. ماحدن يسلم من لسانك اعوذ بالله احششمي الخلق الاوادم الناس الجالسه ..

سما قامت وهي تحك رجلها وقالت : احلفي احلفي بالله رويم انك راضيه ..
ريم من قلب : اي والله راضيه ومن قلب .. لان ان ما سمى هو بأمه .. ما بسمي انا بأبوي ..
سما بجنوون : مااايصللح .. مايصلح يالخبله ..
اجل انتي ريم .. وهي صيته .. شلون يا عرب تلبق شلللون ..

الجده : هي تزين اسمها .. وعساها تطلع ربع سميتهاا ..
سما : ايه ما اقول بخالتي شي وش تشتهي بس تطلع هالنمله مثلهاا .. بس عذرا الاسممم .. حرام حرررام تتعقد البنت ..

ابوها : هههههه اجل وش تبين يسمونهاا .. هالاسامي الجدد اللي كأنها اسماء هالسسترات عندنا ..

الجده تحبها : والله مالها الا اسمها ياعل ما ينقطعع نسلهاا ...

عقب ما كانت مبتسمه ندى .. كشت وتلاشت ضحكتها وانسحبت بهدووء منهم ..
وامها تناظر فيهاا .. والكل سكت .. شيقولون .. ما بيدهم حيله وكثير بينذكر هالشي قدامها ..
ما قطع افكارهم الا دعوات الجده لهاا .. يخليلها ولدها ويعوضهاا ..









بالمستشفى عند لياا ودعوهم .. وطلعو للمطار راجعين للسعوديه ..
وافترقوا مع خالد وزينه من المطار لأختلاف الوجهات ..
خالد لابوه بعدها للسعوديه ..
اما فيصل وامه للسعوديه دايركت ..




وابتدت الاجواء تنزحم ..
مابين النس الرايحين والجايين يزورون ريم ..
وما بين اللي يتجهزون لملكه منصوور ..
وما بين ترتيبات البيت ووضع ريم فيه ..



الساعه تسع بالليل ..
دخلت ريم لغرفتها من تعب اليوم كله ..
ودخلو البنات وراها وحده وحده ..
وكل وحده تقول انا بنام اليوم عندك ..

جلست شيخه عالسرير جنب ريم .. وخذت صيته منها بتغير لها ملابسها وتجهزها للنوم ..
وريم تناظر فيها وبحركاتها .. بيضاااء .. وكل شي فيها حجمه صغير .. يدينها رجلينها حتى ملامحهاا .. شعرها كثييف ومتلزق ببعضه ..
انتبهت له ريم .. ولمسته ..
وبأهتمام : خلي نسبحها شيخه .. شعرها مو نظيف ..!!
شيخه لفت عليها : ياقلبي مو الصبح سبحناها .. هذا هو لازم الشعر يصير كذا من كثر ما تلمسونه .. اقولكم اتركوه لا يزيت ويتلزق ..

ريم : لا لا وع .. شكلها ما بيطلع زين ..
شيخه طارت عيونها : ريييم ..!! بتسبحينها كل ما تلزق ..
ريم بأحتجاج .. : وبتخلينها كذاا يجي ابوها ويشوفها كذااا ..!!

شيخه: هههههه الله المستعان .. ابوها ما يجي الا بكرا هالحزه .. كم مره بتحممينها .. بعدين لا تشيلين هم .. لين يجي ابوها نخليها عرووسه ..
قومي .. قومي بس انتي دبري عمرك طهري جرحك وغطيه وتعالي عشان تنامين ..
سما بحماس جالسه عند راس البنت .. وتلمس براسها مو مصدقه .. وتتكلم بهدوء .. : يا سبحان الله .. البنت غيير ..
ندى ضحكت وقربت : يا حلاتها الله يخليها لهم ..
رنا جلست على الارض ومتركيه عالسرير .. : ياقلبي يا صغرها متى بتكبر.. شوفي جلدها متفشش ..
شيخه دخلت يدها تحت ظهر البنت وشالتهاا .. وهم يصرخون من صغرها ويلعبون فيهاا ..
وكل وحده تقول بمسكها شوي ..


الجده دخلت : وي وي وي .. حسبي الله عليكن يالمبزره لا تفككن البنت تتملع عليناا .. نزليها هه اشووف
نزلتها شيخه وهي تضحك : وهو اول مره اشيل بزران جديده ..
الجده وهي تجلس لا والله ما منك خووف.. الخوف من هالبربس هذوي وهاللي يدها ولسانها متبري منهاا ..

سما وقفت وهي فوق السرير وتحاكي جدتها وهي تخانق ..
هالبربس وهاللي متبري لسانها ويدهاا .. شكلكم ما بتخلون بزرانكم الا عندي مير وجهكم علييي ..

الجده ضربتها بعصاها من مصفط رجلها .. : اقول هه انثبري اجلسي لا تطيحين علينا وعلى البنت ..

ندى بضحك : هههههههههههه جدتي مستانسه بالبنت اكثر من ريم والله ..
الجده بطرد : هه يالله كلكم اذلفو اطلعوو ..
ندى ركضت وانسدحت عالكنب .. : لا والله ماني بنام اليوم عندها ..
سما لفت : اقول اقول .. اذلفي لتريك ووخري عن مكاني انا بنام هناا ..
قامت رنا وجلست على الجدار قالت : جييبو لي فراش انا بناام هنا مالكم عذر مالي رجال ..
الجده رمت مهاد صيته عليهاا : هه هذا اللي باقي قومي قممام يقم اثر العدو اذلفي لرجلك مالك نومتن عندناا ..
سما : خخخخخخخ اطردتهن تستاهلن والله ..

الجده بدعوه : يالله ياربي انك تفكنا منها الليله قبل باكر برجالن يآخذها بقلعه وادرين عنا ..
شيخه : هههههههههههههههههه لا والله يمه .. ياخذها بس معنا بالديره .. مالنا غناه عنها ..
الجده : هوو بس يجي ويفكناا ..
سما : ههههههههههه يجي واسكنه معنا ما مني خلاص
وقضت ليلتهن .. مابين مناقر وسواليف ..
والبنات كلهن على رايهن نامن وبالاماكن اللي اختارن ,,




باستراليا ..
من بعد ما بلغ ابوه بقراره وبرجعته تمنى له التوفيق بأي ديره كان ..
وهذا هو بيطلع ..


وقفت زينه على جنب مع مرت ابو زوجها .. وبعيون دامعه تتكلم..
: يمكن غلطت عليك .. ويمكن غلبتك معي كثير ..
بس انا ما كان لي ام تعلمني .. عايشه حياتي ما جا ببالي بيوم اكون زوجه .. وبين يوم وليله صرت .. ماعرفت اتعامل معه .. ولا كان شكلي يهيى .. غير الظروف اللي كنت فيها ..
ورزقني ربي فيك .. وتعلمت منك بيوم ويومين الشي اللي المفروض اتعلمه بسنين .. اولها علاقتي فيه وشكلي ..
شكري لك ما يوفي .. انا مديونه لك بعمري كله لانك عرفتي وعلمتيني شلون امشي طريقي له مو عنه ..

ابتسمت لها .. : انا ما سويت شي .. اكتفي بدعوه منك من كل قلبك بظهر الغيب .. ويخلي لي زوجي وبناتي .. وتذكري انه انا موجوده متى ما احتجتي لي ..

سلمت عليها وباستها .. وعلى خالها .. وودعتهم
مشت مع خالد .. وقلبها يوجعها .. وخوفها مزلزلها داخليا .. ومضعفها حيييل ..








وفي مطار دبي ..
يناظر بجواله .. وبالصور اللي ترسلها شيخه ..
ويوريها امه .. : شوففي يمه ..
امه تاخذ الجوالعه وتبوسه .. كلت قلبها البنت وللحين ما شافتها ولا لمستهاا .. وقلبها بنفس الوقت عند بنتها اللي تركتها مع زوجهاا ..

امه بدعوه خالصه : الله يقر عينك بشوفتها ولمسه خدودهاا ..
فييصل : اللهم اميييين .. وهو يناظر بالساعه .. 12 ساعه بينهم وبين الرحله ..!!
والحمد لله لقى حجز عن طريق دبي ولا كان مضطر يجلس يوم كامل عشان تطلع دايركت للسعوديه ..


وعند ام حازم .. ما تفضى دقيقه وحده .. تجهيزاتها على قددم وساق ..
لبنتها ولبيتها وللملكه ومعازيمها .. خصوصا انها صارت كلها مره وحده ..








و عصر المنطقه الشرقيه ..
دخل البيت .. وسلم على امه من غير لا تبدي له اي تلمييح ..
صعد لغرفته طاالب الراحه ومستأذن من امه ..


دخل الغرفه .. الريحه مو الريحه .. والمكان مو نفسه المكان اللي تركه ..
ما ينكر ان امه مهتمه .. والروايح اللي تحططها يعرفها ويميزهاا ..
بس هالريحه .. والاجواء مو اجواء امه ..


الضوء الخافت .. تقدم شوي .. برز له سرير بنته .. وخييّل له احد فيه ..
كان يحسب نفسه يتخيل .. او ما يبي يمني روحه بشي وده اياه وما يحصل له ..
بس سمع الصوت وراه ..
طلعت له من غرفه الملابس .. : انت جيييت ..!
لف عليها .. وبقلبه الا هذي هي .. لا اتخيل ولا هو حلمم ..
بس متغيرره .. متغييره حييل ..

لابسه فستان قطني ناعم وقصيير للبيت .. كحلي مشجر بأبيض ..
عليها شحاطاتها وشعرها مرفوع بأهمال شوي ..
وجهها ممسووح من اي شي .. وفتحه صدرها كبيره شوي مبينه نحرها بالكامل ..
ومن قرب بان له انها كانت ترتب وتنظف ..
تراجعت على ورا بسسرعه لا لا لا تقرب .. مو متجهزه ولا تحممت كنت ارتب وفخمانه وحرانه لا تـ.......
ما اعطاها فرصه تتكلم وهو يضمها مسكتهاا .. بالوضع اللي هي فيه .. بالشكل بالريحه اللي تفوح منهاا ..
عطرها بس الفرق انه مختلط بريحتها هي .. كانت منحرجه منه .. وتبي تبعده .. بس هو مستلذ ويضمها ويرصها اكثثرر ..
كان يتنهد / طولتي علي كثيييير يا عبيير ..!!
طولتي ...

عبير كانت بتقاوم بتفك شوي .. بس هو يزيد ضم ..
: هذا انا جييت .. بس حست ام ام الدنيا الله يهديك فكني شوووي ..
نناصر بشوق مو قادر يفك ويهمس قريب من اذنها : مابي لا عطور ولا ريحه شركات الكل يحطها ..
اابي هذا الشي .. هذا اللي انا اشمه اللحيييين ..
انحرجت وسكنت بين يديه .. وهو يغرقها بكلماته وحروفه محرجها ليتهنى فيهااا ..




وبالليل ..
كلهم مجتمعين عند الجده .. ومن شوي طلعو منهم حريم ..
ريم بمكانها جالسه ومعها بنتها ..
والجده تكلم شيخه اللي ترفع باقي الفناجيل / يا يمه انتم حاسبين وشايلين لهم عشااء ..
شيخه اي يمه .. واصلا هم جيتهم حول الفجر ما ظن بعد يآكلونه ..
ريم بأنتظار حارق .. : يفطرون يمه ما يتعشون ..
الجده : الله يجيبهم بالسلامه ..
اقفت شيخه عنهم للمطبخ ..
ودخل منصور بروحتهاا .. وبسرعه للبنت بدون ما يسلم يلعب فيها .. يفككها يفصخ كل اللي عليها .. يشيل مهادها ويلعب بكل هالتفاصيل الصغيره ..
والجده ماهمها ولا خانقت وقلبها اللي يتكلم ..
: يا شيب قلبي عليك يا بنيتي كان حظك قليل .. ولله ما يستاهلك ولا رجال ..
التفت منصور لها وهو يتنهد ..
وبتشفي : ولله لا اطلع روحه عليهاا ..
الجده : يا خيبه ظني فيه .. والله ما ودي احاكيها اشوف شفيها من خوفي على خاطرها ماهو زعلن عليه ..
ريم بحسره : ياقلبي عليهاا ..
منصور .. ببرد قلوبكم بس اصبروو ليي ..


انقطعت سالفتهم بدخله ندى تخانقهم .. وخرو وخرو عن مره ولدي ..
وتقول لخالها منصور : تعال خالي خلي نخلي لهم نظره شرعيه .. وهي تحط يوسف عندها .. وبنتها جنبها حاطتها ومفككتها ..
الجده : اي والله هذا الفساد بعينه وعلمه ..
منصور : هههههههههههههههه
سما : وانتي كل بنتن تقولين مره ولدي ..
ندى بضحك : هههههههههههههه اي بزوجه اربع .. الاولى حور والثانيه صيته والثالثه الله اعلم ..
منصور : هههههههههههههه لا لا بنتنا ماعليها مره لو تموتين انتي وولدك هذا اللي باقي .. ومن تطلع حور هذي ..
سما بنت صديقتهاا ..
ندى : هههههههههههه عاد اللي يهواه قلبه وليدي يخليها والباقي يعرس ويطلق هههههه ..
الجده : خووش رباااه ..
ريم بضحكه : هههههه اشوى اللي علمتيني اجل مبيته النيه ..
سما : لا وش يدريك يمكن هي راعيه القلب ..
الجده : هه اقطعوو واخسوو .. وقومن حطن العشاء .. وانت لا تتاخر بيجون يتعشون اللحين ..





وحطوا السفره ..
وبدا الاكل يتوافد شوي شوي .. اولها الفاكه والسلطات ؟. ومن ثم اقبلت شيخه بالرز وطغت ريحته عالمكان ..

نزلت الجده من الكنبه عالارض .. وقالت لندى نادي خالتك وانت قم ادعهم من داخل اخوانك وخالك ..
بس سحب عليها وهو يقول : بيشمووون الاكل يمه الله وكيلك ويجوون ..
سما بضحك : بساس ولا كلااب همم ههههههههههههههههههههه
الجده بشهقه وضربه عصاا : ايا اللي ما تستحييين ..
الكل : ههههههههههههههههههههههههههههه

قامت ريم لغرفتها اللي تحت .. وجلست على سريرها تنتظر اكلها ..
ورنا معها وندى دخلت وراهاا ..
وسما وشيخه برا ..
والجده والعيال والرجال يتعشوون ..


خالهم : هاه عساك بس جاهز ..
منصور بضحكه : اي والله جاهز .. بس باقي شبكتها ما شريتها ..
خاله: وهي جاتك مني لك هديه ...
طير عيونه : لا والله يا خالي . ما نعوف هداياك بس اني مآجلها انتظ الست شيخه تفضى لي ونروح نآخذها .. خبرك عندنا خبره مداهمات ماهي مجوهرات ..
الخال : ولو انك تنتظر شيخه .. بعد انا بهديك ..
ابو سعود .. : كان اخذت احدن غير شيخه .. شيخه ما تلحق عليكم ..
منصور بتعزيز .. : ولله ما جابتها امها يا خيي اللي تسد مكان الشيخه .. ولاهو قصور بالباقين ..
ابو سعود : سبحان من حط هالقبول والاحسان فيهاا ..
الجده : الله يعوضها عوض الصابرين يا حيي يا قيووم ..




وعند ريم ..
نزلت ملعقتها .. ونزلت الجوال من اذنها بعد ..
: ياربي جواله مقفل من المغرب غريبه .. ليش ..!
ندى : يمكن مخلص شحنه ..
ريم بتطمين لنفسها : يمكن تصدقيين .. اوريه البنت وقالي يالله سلام .. استغربت بس واضح انشغل ..
سما وهي تآكل حكاكه : اجل هي صادقه.. هذا ما غيير الشحن ..



وفجأه صرخ صوووت الرجال براا .. الشي اللي زلزل الخوف داخلهمم .. ارتخت مفاصلهم .. وبهتت وجيه البنات وكل وجده منهن على شكلها متنحيين ..
لحد ما بدت تتعالى الضحكات .. واصوات الترحيباات ..
والدعووات ..
قممزت سما فاتحه الباب تشووف
وصرخت مو مستوعبه : خالتي صيييته ..

البنات تقامزو للباب نسو الشراشف ونسو العيال ..
وقامو من عشاهم يسلموون ..
رجعوا يركضون يآخذون شراشفهم .. ومن الازعاج بدت صيته الصغيره تصييح ..
تناظرها ريم .. وتناظرهم يتراكضون ..
تيبست .. لا قدرت تقووم .. ولا تعبر بأي شي ..
سوا انها سحبت بنتها لصدرهاا والشاال طاح من بين يدينها نصه متعلق معها والنص الثاني عالسرير ..
تناظر فيها تحس قلبها يدق بقووه .. تترقب دخلته .. بس شكلهمم ناسينها بفرحتهم ..
بتقووم تحس متخده ما تقدر ..
تهز بلا اراديه تسكت البنت رغم ضعف بكاهاا ..
لحد ما حست بريحته تقرب لهاا .. تنتشر حولها .. وصوت خطواته وظله قررب لهاا ..
لمست اطراف دلعتهاا .. ناظرت ببنتهاا .. رفعت راسها بدخلته عليهااا ..


عيونه كانت تشووف وجهه مبهوت اصفر .. شعر اسود مرفوع لفووق ..
قميص نفاس واسع .. وشي صغير بين يدينهاا ..
وقفت بتعب وخدر .. كانت خايفه تطيح ..
وشيخه وقفت جنبه تتأمل هالمنظر ..

كان بعيونها شي غير .. ما كانت تشوفه بهيئته اللي هو فيهاا ..
ماكانت تشوف جينز واقف وبلوزه بيج ..
كانت تشووف رووح انفااس هدوء وحنان كله اكتساها جميييع ..
حتى فرحته غيير ..
حتى حضوره غيير ..
تعبيره غييير .. حست توها ولدت

مسكت بنتها شيخه حستها بدت ترتجف ..
وهو اقبل عليها ضمها لصدره بقوووه ارتجفت هي بصوت بكاهاا محاوطته بذراعينها حو خصره .. تبكي فرحه وشووق ووله لقربه وحضوره ..
كانت تبكي بصوت واضح وتمسك فيه بقوووه .. وهو كن شاد عليها اكثر ..
كان يتحسس ظهرهاا .. ويهمس بأذنها .. يلمس شعرهاا ..
رفع وجهها وهي عبرتها للحين تتناثر منهاا ..
هناها سلامتها .. ونطق : بالحمد لله على سلامه روحي .. مبروك ما جانا .. ولدتي وسلمتي ..

انحرجت شيخه من وقوفها .. ولما قررت تنسحب .. ما قدرت تخلي البنت ما يدرون عنهاا ..
تنحنحت وقالت : هاك اياهاا .. بعد شوي فيصل عن ريم .. ولف بيآخذ بنته من شيخه .. عيونه كانت قزازو تلمع ..
اي احساس يحسه هو تجاه هالنقطه الصغيره ..
اي حب يكنه لهاا يالله .. يارب ما اجمل عطاياك ..
ما ان استقرت بيديه .. وقرب بيبوووسها ويلمس خدودهاا ..
حتى ارتخت رييم جنبه .. ومسكت بذراعه واثقلته جارته ناحيتهاا ..
التفت وبوخووف حاول يمسكهاا .. نزل مع نرلتهااا وخوفه صقع اقصى قلبه ..
شهق شيخه .. خذت البنت منه .. وهو التفت شايلها من الارض ..
طبطب على خدهاا .. ضمها : ريييم .. رييم حبيبيي ..
نزلت شيخخه البنت عالسرير .. وهو سدحها عليه بعد ..
كانت تبكي الصغييره ..
وهو قلبه يرجف عليهاا ..
مسحت شيخه وجهها بالماء..
تنبهت فيهمم .. بس كانت تبكي ..
وتهذي بأسمه .. فيصل انت جييت ..
مسح وجهاا .. : جيت يا قلبي .. جيت .. هدي شويي .. روقي .
التقت عالماء اللي بالصينيه وتناوله بيشربهاا ..
وضحكت شيخه : ههههههههه يا غيوره كل هذا عشان خذا صيته ..
ضحك فيصل ..
وقومها شوي وشربها اياااه ..
بعدته .. حاولت تتعدل ..


.....: السلاام عليكممم ..
بدريه بخووف : اهييييي وشبه ..

التفت فيصل وضحك : هههههه ما فيها شي .. خوفنها بدخلتنا الظاهر ..
شيخه : اي ولله والله طاحت رجليني من الخوف مادري وش هالصوت .. الكوب بالمطبخ انكسر طاح مني ..
صيته قربت لهاا .. : هلا يممه .. هلا حبيبه قلبي .. الف الحمد لله على سلامتك .. الف مبروك ما جبتي ..
باستها ريم بعد ما تعدلت .. : الله يسلمك .. الحمد لله على سلامتكم ..
بدريه : اسكتو بس لا تدري امي .. والله مو زين النفساء تتخرع ..
فيصل عدلها وجلس جنبهاا .. : فرحناها ما خرعناهاا ..
صيته تطبطب عليه : والله قلت لك خل نقول لهم ما يصلح ريم تخاف ..

بدريه : المهم الحمد لله على سلامتكم ..
شالت الصينيه شيخه .. وعدلت رييم .. وغطتهاا وجلس جنبها فيصل .. وناولتهم الصغيره ..
وجلست ام فيصل جنبهمم .. وهاتك يا احضان وتبويس .. وهي ريم من جد توها تحس بولادتها بقربهمم .. حستهم بجد هذا هم عايلتهاا ..
وهذا الجزء اللي يخصها حضر .. وشاركها فرحتها اللي تو ابتدت ..

جابت شيخه عشاهم عند رييم ... وجات الجده عندهمممم ..
ووكلموو لياا .. ووروها البنت وبلغوها بوصولهمم ..
قضت ليلتهم عاجزين يطلعوون منها .. طلع فيصل يتحمم ويغير ملابسه بس عجز يصبر فوق ونزل يشوفها ..
والبنات يترابتوون .. ويعلمون الجده : هاااه ترى فصيل بينام عند روييم ..

الجده : استحو على وجيهم حيك بنات ما تستحن اعنبو حي العدوو قدروو ..
ندى بتهديد : لا لا لا .. لا تآخذيننا بالخناق ولله ما ينام تحت .. وين نذلف حناا .. وبعدين ورا يوم تركي جااء بيآخذ قييييلوووووله عندي وهي تمط بالكلمه .. قومتي الدنيا ولا جلستيها.. وفصيل ينام نومه كامله ..

الجده : نديييوه ووجع . وش مجلسك اصلا عندنا هها قومي اذلفي لرجلك لا بارك الله فيك ..
سماا تعاندهاا : تذلف ولا ما تذلف .. ان ذلفت هي .. ما ذلفت انا بعد حيي وميتي يا جديده .. الوكاد بتقومين تطلعينه ..

الجده عيونها طايره : هذا انتي سموووه .. والله ما عرفتك بهالهذر ..
رنا مبتسمه على هالحوار جلست ورفعت رجلينها للكنب ..: حرام توه جاي من سفر اتركووه ..
ما حست الا بفركه جدتها لها من فخذهاا .. / وانتي رنووه .. اذلفي لرجلك ورا مهيتته اللهم يا كافي حريمن على الفاضي بس محسوبات على رجالكم بلاااا ..
رنا بأستسلام : هههههه لا جاا اروح له ماهوو فييه ..


وانتهت ليلتهم من يجلس ومن يروح .. ولآهدين الجده لهده ..وبالاخير كلهم ناموو عندها بغرفتها .. بما ان فيصل ما رضي يطلع من ريم ..