|
خلك مني قريب
السلآم عليكم
هـذي اول روايتي حبيت اكتبها عندكم اتمنى القى تشجيع ، وبسس مآ اححب اطول عليككم البارت الاول >> مجرد مقدمه وتعريف بالشخصيات << اليوم بمسرح الـ.... تقآم مسرحية استفتاحيه لممسرح الكل استعد للمسرحيه وباليوم المحدد : ( بيت احمد ( ابو خالد ) ) انفتح الباب فجأه .. .. / شفيك شكلك تعبآن ؟؟ .. / اي والله اليوم الشغل كثير .. الا اشوفك راجعه من الجامعه بدري يا غلا ؟؟ غلا / ايه لان محاضراتي كانت شويه خالد / اهـآ .. قولي للخدامه تحط الغداء حدي جوعان غلا / هههه طيب بقوم قبل تموت من الجوع خلوني اعرفكم عليهم ابوخالد متوفي من سنتين بحادث هو و ام خالد خالد ( اكبر ولد و كذلك الوحيد عمره 23 مو متزوج شعره اسود و كثيف و جسمه يهبل ) غلا ( اكبر بنت عمرهـآ 19 بالجامعه مو متزوجه شعرها كستنائي يوصل لنص الظهر و متوسطة الطول ضعيفه حيل ) ( بيت فارس ( ابو محمد ) ) على الغداء .. محمد / يمه .. خلود وين ؟؟ ام محمد / فوق مقفله عليها الباب مو راضيه تفتحه محمد / اففف بعد شنو مسوي لها مشعلوه الحيوان ام محمد / عيب وانا امك تقول عن الرجال كذا محمد / يمه انتي ما تشوفينه شنو مسوي باختي ام محمد / يا ولدي عين من الله خير و بعدين نشوف حل نتعرف عليهم ابو محمد هـو اخو ابو خالد توفى قبل سنتين بعد وفاة اخوه بكم يوم ام محمد ( عمرها 40 سنه حبوبه و تحب عيالها و ما تعصب ) محمد ( عمره 23 سنه مو متزوج بسرعه يعصب جسمه حلو و طويل ) خلود ( عمرها 22 سنه متزوجه حلوه ححيل بسس دايم زعلانه و دايم تتهاوش مع زوجها ( راح نعرف ليش ) ) فهد ( عمره 19 يدرس بالجامعه مع بنت عمه غلا و يحب غلا بس هـي ما تعرف و حلو و هـو احلا العايله ) مهـا ( عمرها 15 تدرس ثالث متوسط بشرتها برونزيه شعرها واصل لكتوفها و لونه بني غامق ) ( بيت سالم ( ابو راشد ) ) بعد صلاة العصر الكل بالصاله ابو راشد / هـآ يا راشد شنو قلت على موضوع الزواج ؟؟ راشد / يبا انا قلت لك ما ابي اتزوج ام راشد / بس ما يصير يا ولدي راشد / يمه اعتقد انه سبق و قلت لكم زواج ما ابي .. وتنهد بضيق و قعد يقلب بالتلفزيون .. سمر / يمه خلاص خليه براحته ام راشد / خلاص بسكت الشكوى لله وفجأه تكلم عبد الرحمن اللي كان ما يدري عن اللي يصير حوالينه / اوووف هسرت مره ثانيه ضحكوا كلهم عليه لان كلهم كانوا يتكلمون بموضوع وهو كان يلعب بالبي اس بي و هو بوسطهم يعني هم بوادي و هو بوادي تكتف و قال / كل ما قلت شئ تضحكون ليش يعني قلت شئ غلط استمروا بالضحك و ما ردوا عليه نتعرف عليهم ابو راشد اخو ابو خالد و ابو محمد الله يرحمهم و هو اصغرهم عمره 48 ام راشد اخت ام محمد عمرها 46 طيوبه ححيل مثل اختها راشد ( عمره 24 رافض فكرة الزواج نهـآئي لانه يحب بنت عمه خلود و خلود تزوجت ما يقل عن عياله عمه حلاوه ) سمر ( عمرها 22 هذي اخر سنه لها بالجامعه متوسطة الطول بشرتها برونزيه شعرها لنص الظهر لونه كستنائي ) عبد الرحمن ( عمره 16 اول ثانوي تصرفاته طفوليه و ححلو ححيل ) بالاخير احب اعرفكم على زوج خلود مشعل ( عمره 23 راعي شقه و بنات يتيم الاب و الام دام يضرب خلود و يتهاوش وياها ) انتهـى البارت ادري كان اغلبه تعريف ع شخصيات الروايه .. توقعاتكم شنو راح يسوي محمد تجاه مشعل .. ؟ خلود و مشعل .. نهـاية الصراع اين سيكون ... ؟ راشد و قصة الزواج .. راح يتوزج او لا .. ؟ |
رد: خلك مني قريب
بمآ انكم ما تقدرون تحكمون من المقدمه
هـذا البارت الثاني البآرت الثآني جآني خبر من بعيد .. يخبرني ان حبي قريب .. طووط طوووط طوط ... / الو نعم منو معاي ... / معاك محمد فارس الـ.... ... / قايل اخو خلود و ساكت احسن محمد / مشعلوه للحيني محترمك اسكت احسن مشعل / ههههه محمد / اقوول اسسمعني كلمه وحده لا غير ط..... مشعل / خلاص انا الحين ادق عليها ********** وهـي تبكي و تحسس اثار الضربه رن التلفون خلود تتكلم بداخلها هذا شنو يبي داق اخاف بس يبي يراضيني عدلت صوته وردت ع التلفون ما يمديها قالت / الو .. قاطعها مشعل وقال / انتي ط...... وسد التلفون استانست خلود و نزلت لامها و اخوانها تقولهم و هي مستانسه لطالما انتظرت هالكلمه اتصلت ام محمد على اختها ام راشد ام محمد / بنتي خلود ..... ام راشد / احسن لها >> و فرحت لفرحة اختها ام محمد ************ سدت ام راشد التلفون و هي مستانسه استغرب راشد وسألها / يمه منو تكلمين ام راشد / كلمت ام محمد وقالت ان خلود .... استانس راشد و راح طيران لغرفة اخته سمر طق الباب و قال سموره حبيبتي بطلي الباب سمر فتحت الباب و استغربت ان اخوها كان حيل مستانس ما استانس كذا من قبل راشد من كثر الفرحه حضن اخته و هي قعدت تضحك قالت / شفيك راشد مو بالعاده مستانس ؟؟ راشد / سمر خلود تطلقت سمر فرحت لفرحة اخوها و هي الوحيده اللي كانت تدري انه يحب خلود قالها راشد / بهذي المناسبه انا عازمك على عشاء و قولي لعبد الرحمن يجي ويانا بالمره وطلع و هو مستانس ******** و مشعل طبعاً ما فرق معاه الامر طلقها او لا ******* بالليل راشد / يلا شوي بنروح نتعشى سمر / بليز راشد خل غلا تجي ويانا راشد / خلاص و بقول لخالد يجي بعد عبد الرحمن / ايه بعد خلوا فهد يجي راشد / لا والله اعزم العايله كلها احسن عبدالرحمن و سمر ضحكوا و قال عبدالرحمن / يستحسن ذلك راشد فكر شوي وقال / بما اني اخوكم الكبير و بما انكم تبون جميع العوايل باكر نروح للاستراحه و ننام 3 ايام عبدالرحمن/ يسس ضحكوا راشد و سمر على عبدالرحمن و الغوا العشاء و خلوه استراحه 3 ايام و بلغوا كل العوايل ************ |
رد: خلك مني قريب
اتمنى تكملين
اللي خايفه منه انا مشعل ماطلق خلود لانه بس قال طـ نادري شنو بيصير |
رد: خلك مني قريب
اقتباس:
هو طلقها بس كنوع من التشويق ما قلت من البدايه انه شنو قالها طيب بنزل البارت الثالث |
رد: خلك مني قريب
البآرت الثالث
قرروا العوايل انهم يمشون الساعه 9 الصبح جهـزوا الشناط ما عدا خلود لانها مطلقه و ما يصير تطلع و قعدت عندها امها الساعه 7:30 الصبح ام محمد / يلا يا بنيتي قومي مها / بليز ماي مام خليني انام ام محمد / بكيفك بس ان ما قمتي ما فيه روحه للاستراحه مها نقزت / ثواني و اكون جاهزه بنفس البين بس بغرفه ثانيه ام محمد / فهيدان قوم فهد / ليش ان شاء الله مصحيني بدري خلوني انام ام محمد / نسيت الاستراحه !! فهد / يووووه نسيت الحين قايم اما محمد فهو قعد من نفسه وقاموا كل العوايل من النوم بنفس الطريقه و ع الساعه 8 كانوا خالصين فطور البنات كانوا متفقين على نفس اللبس من الكبيره لين الصغيره اللي هـو نفنوف ابيض لتحت الركبه فيه شريطه سوده تنربط ع الخصر و ورده سوده و فكوا شعورهم و حطوا ع الشعر كلبسه على شكل فيونكه سوداء و طلعوا يهبلون اما الاولاد اتفقوا على نفس اللبس و هو بنطلون جينز اسود مع بلوزه برتقاليه و مسوين شعورهم سبايكي كان شكلهم واااو ع الساعه 9 المل طلع من البيت و وقفوا عن محطه لان البنات بيغرون اماكنهم خلونا نشوف السيارات سيارة خالد خالد بجانبه راشد محمد - عبدالرحمن - فهد سيارة ابو راشد ابو راشد بجانبه ام راشد سمر - غلا - مها بسيارة ابو رآشد ابو راشد ككآن يسوق السياره و ام رآشد تطآلع الطريق مها تاكل ككاو و شيبس غلا موصله على التلفون السماعات وقاعده تسمع اغاني اما سمر كانت تلعب بالتليفون بسيآرة خآلد خآلد يسوق و راشد يدليه الطريق بما ان خالد اول مره يروح الاستراحه و الاستراحه مالت ابو راشد عبد الرحمن يلعب بالبي اسب بي فهد كان يطقطق بالتلفون شوي و شوي يشوف غلا اللي كانت مندمجه بالاغاني محمد كان يطالع لهم شلون ان كل واحد مشغول و يسولف عليهم و اصلاً محد يمه و يم سوالفه ****** مهـآ / هـي انتوآ قآعده اسولف عليكم ام راشد قعدت تضحك عليها / ههههههه يآ بنت انتي تآكلين ولآ تسولفين مهـآ / الاثنين اضحكوا كل اللي بالسياره عليها و هـي سوت نفسها زعلانه و قعدت تطالع من النافذه سمر / هههه غلا شوفي مها تسوي نفسها زعلانه غلا لفت على مهـآ وقعدت تضحك / هههههه هـيلآ يآ رمانه الحلوه زعلانه منو يراضيهـا ضحكت كل السياره ما عدا مها مها / اووف عمي شوفهم يضحكون علي ابو راشد لف عليهم وقال / بسكم ضحك يآ بنات خلاص غلا و سمر وقفوا ضحك عشان ابو راشد ***** عبد الرحمن كان يطالع لسيارة ابو راشد و متضايق ان مها زعلانه محمد تنهد و قال / شباب سولفوا .. راشد / شوف عبد الرحمن و فهد يسولفون معاك محمد التفت على فهد شافه يلعب بالتلفون و التفت لعبد الرحمن شافه يطالع لسيارة ابو راشد و سرحان ضحك على عبد الرحمن وقال له / عبد الرحمن يا الطيب منو تحب ؟؟ عبد الرحمن / هـا انا شنو منو .. محمد ضحك وقال / اقووولك منو تحب .. و غمز له .. عبد الرحمن قال بداخله ( ااخخ احبهـآ يآ محمد احبهـآ احب اختك مها ) قال / هـا انا احب شكلك مضيع انا ويني ووين الحب محمد قال / هـين انت وينك ووين الحب انا اوريك ان ما عرفتها عبد الرحمن / ههههههه ****** واخيراً وصلوا ابطالنا للاستراحه الاستراحه كانت كبيره و حلوه اول ما تدخل من البوابه على اليسار فيه مساحه كبيره فيها ملعب كرة قدم و كرة سله و الباقي مساحه فاضيه على اليمين فيه مساحه كبيره فيهـا خيل و غرفه كبيره فيهـآ مسبح داخل غرفة المسبح فيه حمام ( وانتوا بكرامه ) و كنبات عشان اللي مآ يبون يتسبحون اما المساحه اللي قدام ففيها بيت كبير فيه دورين الدور الاول صاله كبيره للحريم و صاله كبيره للرجال و مطبخ الدور الثاني فيه 5 غرف نوم كل غرفه فيها سريرين ***** راشد / بما اني اكبر الشباب انا راح اوزعكم على الغرف محمد / اطربنا يا استاذ راشد / ابوي و امي الموقرين بغرفه خالد / هـذا لا جدال فيه راشد / انا و خويلد بغرفه خالد / خويلد بعينك بس مو مشكله انا معاك راشد / محمد مع فهد يبقى عبد الرحمن خلوه على جنب ننتقل للبنات سمر انتي تنامين مع غلا بغرفه تتبقى مها تنام بنفس الغرفه اللي فيها عبد الرحمن عبد الرحمن استانس ان مها معاه بنفس الغرفه لانه يبي يقولها انه يحبها / خلاص تم راشد قال / نسمع اراء البنات ******* البنات كانوا واقفين ويسمعونهم مها تخصرت وقالت / ليشش ان شاء الله انا و عبد الرحمن بغرفه ما ابي ويآه اصصير مع البنات احسسن سمر / خلآص مهاوي تعالي عندنا و جيب الفراش معاك مها / اوك ******* عبد الرحمن تخصر / لا والله وانا انام مثل الجرب بروحي راشد / خلااااااص مها تنام مع سمر و عبد الرحمن ينام مع محمد و فهد يروح ينام مع غلا خالد / لااا لاا لا خلاص لقيت الحل ابو راشد مع ام راشد محمد مع راشد عبد الرحمن مع فهد انا وغلا سمر و مها فهد / ايه كذا احسن ***** كل وآحد رآح لغرفة عشآن يرتب ابو راشد نزل تحت و ام راشد راحت تسوي الغداء و عشان كذا سمر اللي رتبت اغراضهم محمد و راشد فتحوا الكبت و قعدوا يحذفون بالملابس لانهم ما يعرفون يرتبون و لما خلصوا صكروا الكبت وقفلوه عشان ما تطيح الملابس فهد و عبد الرحمن طول مآ هم يرتبون هـواش بهـواش خالد وغلا .. غلا كانت ترتب الملابس و خالد ينظف الغرفه >> الله من النظافه سمر و مها .. مها اللي كانت ترتب بما ان سمر بغرفة ابو راشد وام راشد ***** انتهت ام راشد من الغداء وراحت فوق عشان تنادي العيال وصلت لغرفة راشد و محمد و كانوا مسوين ازعاج سمعت من تحت الباب / يلا يا محمد اضغط باب الكبت معاي عشان يصكر محمد / وانت بعد اضغط حيل فتحت ام راشد الباب و هم اخترعوا و بعدوا عن باب الكبت و انفتح الكبت وانكبت كل الملابس راشد و محمد قعدوا يطالعون بعض ام راشد / شنو مسوين انت وياه و هـذا وانتوا الكبار راشد / يمه هو اللي اخترع الفكره محمد / لا لا هو اللي قالي نسوي كذا ام راشد / بسكم كأنكم جهال انزلوا تحت على الغداء و بعدين رتبوا الملابس و طلعت ام راشد راحت لغرفة عبد الرحمن و فهد و سمعت اصوات مزعجه فهد / و ليه ما لقيت بلوزتي الصفراء اكيد مها الحيوانه ما حطتها لي عبد الرحمن / و وجع لا تقول عنها حيوانه الحين منو يجهز شنطتك انت ولا هي فهد / انا بس هي نذله ليش ما ذكرتني عبد الرحمن / اقوول لا تقول نذله .. وقعد عبد الرحمن ينبش بشنطة فهد و لقى البلوزه الصفراء مدها لفهد وقال / اتفضل يآاستاذ هـذي هـي فتحت ام راشد الباب و قالت / بسكم هواش انزلوا تحت على الغداء و طلعت برا و راحت لغرفة غلا و خالد و سمعت خالد يقول / و اخيراً خلصت تنظيف غلا ابتسمت وقالت / وانا بعد خلصت ترتيب خالد قال / بما اننا خلصنا يلا يا غلاوي خلينا ننزل نتغدا ابتسمت ام راشد من وراء الباب و فجأه انفتح الباب خالد / خالتي .. ؟ غلا / خالتي خلص الغداء ولا تبيني اساعدك .. ؟ ام راشد / لا خلص الغداء انزلوا تغدوا خالد / الله اككل ححدي جوعان غلا / من عرفتك وانت بس جوعان و ضحكت ام راشد عليهم راحت لغرفة مها و سمر وسمعت صوت موسيقى فتحت الباب لقت مها مشغله موسيقى وترقص وبنفس الوقت ترتب ام راشد / هيه انتي يا بنت مها صكرت الموسيقى و استغربت من وجود خالتها و قالت / خاله .. من متى وانتي هني ؟؟ ام راشد / توني جيت انزلي تحت على الغداء .. الا صدق وين سمر ؟؟ مها / ترتب غرفتك انتي و عمي ام راشد صكرت الباب اتجهت ام راشد لغرفتها فتحت الباب وقالت / سمر خلصتي ترتيب ولا بعد سمر / لا يمه خلصت ام راشد / اجل انزلي على الغداء الله يوفقك سمر / ان شاء الله يمه ******* بعد دقائق تواجد الجميع على سفرة الغداء ترتيبهم كان : ابو راشد - ام راشد - مها - سمر - غلا - خالد - راشد - محمد - عبدالرحمن - فهد وكان الكل يآكل بصمت مآ عدا اثنين !! عبد الرحمن كان يتكلم بصوت غير مسموع / اااخ احبهـا والله احبهـآ كلت قلبي وانا صغير على الحب فهد سمعه وقال / صدتك يا الطيب منو تحب هـا اعترف عبد الرحمن قال / اقولك بس بشرط تقول لي سر من اسرارك !! فهد قال / قول لي منو تحب وانا اقول لك منو احب عبد الرحمن / احب اختك مها والله احبها فهد / الحين ما لقيت تحب الا هذي الملقوفه عبد الرحمن / الزم حدودك و بعدين لا تضيع السالفه منو تحب اعترف فهد / اممممم احب غلا راشد شافهم يتساسرون وقال بصوت الكل يسمعه / انت وياه بشنو تسولفون عبد الرحمن / باشياء خاصه شنو دخلك فهد / اي والله ملقوف ابو راشد / بس انت وياه خلاص و سكت الكل و كملوا اكل ***** وبعد الغداء الكل راح يلعب ما عدا محمد و راشد !! رآحوا يرتبون ملابسهم من جديد محمد وراشد يتهاوشون و هم صاعدين السلم محمد / كل من افكارك لو اننا مرتبين من اول كان لعبنا معاهم راشد / اقول اكرمني بسكوتك و خلنا نرتب احسن لنا فتحوا باب الغرفه وقعدوا يرتبون بسرعه بسرعه خايفين لا يطوفهم شئ من الالعاب ****** ابو راشد / الحين ابي العبكم لعبه الجميع بكل فضول / ششششنو اللعبه ابو راشد / كل واحد من الشباب يختار وحده من البنات و يقول عنها شئ ممكن الكل ما يعرفها وبعدين البنات يختارون من الشباب الكل / يلآ نبدأ من عند خالد سمعوا صوت صراخ وركض من بعيد / لحظه لحظه احنا جينا >> كانوا راشد و محمد الكل / ههههه يلا تونا ما بدينا يلا يا خالد خالد / اختار غلا .. غلا بنت ما تعرف تعصب و بسرعه تسامح الكل ما عدا خالد وغلا / اوووه احلا احلا يا غلا .. الحين الدور عند راشد راشد / احم احم اختار اختي الموقره سمر سمر / اخلص بدون مقدمات راشد / زين زين خلاص .. سمر دايم تعصب مثل ما انتوا شايفين الحين سمر / هـه يعني قايل شئ جديد اخلص انثبر الكل / يلا الدور عند محمد محمد / اختار اخر العنقود مهاوي مها / احم احم >> و عدلت جلستها محمد / مها تحب تلعب و لو تطبق السماء على الارض ما تقعد الكل ما عدا عبد الرحمن / ههههه يلا دور فهد فهد / امممم ااا اختار غلا عبد الرحمن غمز لفهد و فهد قعد يضحك فهد / غلا بنت حبوبه و طيبه و قلبها ابيض الكل / يلا دور عبد الرحمن عبد الرحمن / اختار مها .. مها على كثر شقاوتها تهبل ابو راشد / الحين خلص دور الشباب .. يلا يا البنات الكل / يلا سمر سمر / بما اني ما اقدر اتكلم عن اخوي الموقر راشد اختار عبدالرحمن .. عبد الرحمن شخص غآمض مآ يحب يتكلم كثير الكل / يلا دور غلا غلا / بما انا كلكم تعرفون اخوي خالد زين اختار محمد ولو اني ما اعرفه حيل .. محمد احسه ما خذ الامور بسهاله وبسس الكل / يلا يا مها مها / احم احم بما ان غلا اختارت اخوي محمد انا اختار فهد .. فهد شخص مثالي عنده وقت الجد جد و المزح مزح ابو راشد / يلا عاد خلاص خلصنا اللعبه |
رد: خلك مني قريب
البآرت الرآبع
مآ قلت لاحدن سوآ امي يآ بعد عيني و شلون خليتني لعيونك انطقهـآ **** بعد صلاة العشاء كانوا الشباب مع ابو راشد و ام راشد بمجلس الرجال قاعدين يسولفون اما البنات كانوا بصالة الحريم مشغلين المسجل و قاعدين يرقصون وفجأة بمجلس الرجال وقف راشد وقال / هـدوء لو سمحتم هدوء الرجاء التزام الصمت لبضعت دقائق .. يوم سكتوا .. بما انني صاحب فكرة القدوم الى الاستراحه اسمح للشباب الذهاب للمسبح من دون البنات قعدوا الشباب اللي يصفق و اللي يصفر راشد / هـدوء من فضلكم اللي يبي يتسبح من الشباب يروح يجهز له ملابس و يتجه للمسبح من دون علم البنات الشباب ما تشوف الا غبرتهم ركضوا فوق عشان يجهزون الملابس و بعدها مشوا شوي شوي باتجاه المسبح ***** امآ عند بطلات روآيتنآ كانوا ما يدرون عن شئ مندمجين بالرقص مها / اشم ريحة خيانه عظماء سمر / هههه اي خيانه عظماء اي خرابيط مها / الشباب قاعدين يسوون شئ من دونا غلا / يام الحاسه السادسه انتي مها / كيفكم انا بروح اشوفهم رآححت مهـا لمجلس الرجال و كانت تركض طول الممر واول مآ وصلت فتحت الباب بسرعه و ما لقتهم و صكرت الباب ورجعت للبنات ركض مها وهي تاخذ نفس / اه اه قلتلكم الشباب مو بالمجلس اه اه سمر شهقت / هـئ >> شهقه .. خونه انا اوريهم طلعوا برا وقرروا انهم يتوزعون سمر قالت / انا بروح للملعب و انتي يا غلا روحي للخيل و انتي يا مها روحي للمسبح غلا و مها / اوووكك وتوزعوا و سمر كانت خايفه وتمشي شوي شوي عشان اذا شافتهم تخرعهم اما غلا كانت تمشي و تغني اما الاخيره مها كانت تركض ****** عند الشباب محمد / شباب شباب اسمع صوت ركض هـدوء عشان محد يكشفنا وطلعوا الشباب من المسبح عشان ما يطلع صوت الماي خالد / انا بندس بالحمام راشد / وانا وياك خالد / اقول اظلف وين تدخل وياي محمد / انا عن نفسي بصير ورا الباب عبد الرحمن / شباب ورانا ما نسوي مقلب باللي جاينا الشباب كلهم / ايه عبد الرحمن / اسمعوا الخطه .. راشد و خالد يدخلون بالحمام واول مآ يدخل الشخص تفتحون وتصكون الباب بشويش خالد و راشد / مفهوم عبد الرحمن / وانت يا محمد توقف ورا الباب و بعد ما تنتهي مهمة خالد و راشد تمد رجلك عشان يطيح الشخص محمد / اوك فهمت عبد الرحمن / و بعد ما يقوم الشخص انا احذفه بحمام السباحه الكل / ههههه الله يعينه و الكل اندس بمكانه واول مآ دخلت مها باب الحمام بدا يفتح و يصكر مها / شباب انتو هني ؟؟ و فجأه وهي تتقدم انمدت رجل و مها طاحت على وجهها ما يمديها تقوم الا اللي يطيحها بحوض السباحه الكل ما عدا مها / ههههههه عبد الرحمن / مهااا .. !! ( وتمنى انه ما قال المقلب ) مها / لآ خيآلها مها طلعت من الحوض وصاحت / بنااااات بناااات الشباب / وليهه ما استانسنا مها / احسسن ليه ما تعلمونا قبل .. بنآت تعآلوا بسرعه ***** عند سمر ^ كأن هذا صوت مها لا لا مو صج الا والله صوت مها ^ وراحت تركض باتجاه المسبح عند مها و غلا نفس الشئ لما وصلوا المسبح سمر / واخيراً لقيناكم ليش ما تعلمون ؟؟ غلا / اي والله ليش ما تقولون ؟؟ فهد / آسفين حقكم علينا مها / اي هـذا الرجال مو انتم .. مها تذكرت المقلب .. اقول شباب منو اللي كان يفتح ويصكر باب الحمام محمد ضحك بمكر واشر على خالد و راشد قالت مها / انتوا عقابكم تنظفون كل الاماكن عشان ايديكم تتكسر وتتبونون تعيدون الحركه .. و منوا اللي مد رجله وطحت ؟؟ راشد / محمد مها / اهـا .. انت يا محمد تفر الملعب كله 5 مرات عشان تتكسر رجولك .. و منو اللي طيحني بالمسبح عبد الرحمن / انا مها / طيب الاعتراف بالحق فضيله .. بما انك اعترفت راح اخفف عليك العقاب راح اخليك واقف تحت الدش ربع ساعه بماي بارد عبد الرحمن / الشكوى لله مها / واكيد انت يا فهد صاحب الفكره فهد / لا لا مو انا هذا عبد الرحمن مها طالعت عبد الرحمن وقالت / خلاص اجل بدال الربع ساعه نص ساعه .. وانت يا فهد بما انك ما شاركت معاهم راح نخليك تلعب معانا كرة قدم فهد / هـيا .. >> وككان مستانس ع الاخر والكل بدا بتنفيذ العقاب ورآححوآ البنآت مع فهد للملعب سمر / شوفوا انا مع مها و غلا مع فهد زين فهد ككان مستانس / اوكك سمر / يلا مهاوي خلينا نتدرب فهد / واحنا بعد نبي نتدرب وطبعاً مها قطت العبايه والملفع بما انه اخوها عادي و سمر وغلا لبسوا بناطيل مع بلايز للركبه مع الملفع و قعد الفريقيين يتدربون عند فهد و غلا فهد / امممم غلا غلا / هـلا فهد / انااا اح.... وسسكت .. غلا / انت شنو فهد / لا خلاص ولا شئ عند سمر و مها سمر / مها تدربي زين مها / وانتي بعد ***** عند خالد و راشد راشد / وليه تعبت خالد / اي والله شنو هـالعقاب عند محمد محمد / ااااه رجولي تكسرت هانت باقي دورتين عند عبد الرحمن عبد الرحمن / ااااي ثلجت هـانت باقي 10 دقايق واخخيرا خلصوا الشباب من العقابات وتجمعوا عن الخيل محمد انسدح ع الارض وقال / انا اوريهـا مهآ الحيوانه راشد/ اختك هـذي وينها ابي اذبحها خالد / لا تنسون تاخذوني معاكم عبد الرحمن / انا عن نفسي ما راح اجي معاكم راحوا كل الشباب عند البنات وفهد عشان يهاوشون مها ما عدا عبد الرحمن ما راح ***** مها وهي تفتر / الله علي يا ناس قوووووول سمر / مهاااوي ككفكك فهد / لا تستانسون كثير احنا فايزين 2 - 1 غلا / هههههه فزنا عليكم فهد بقلبه " يا لبى الضحكه يا ناس " راشد يتكلم بصوت عالي من بعيد / مهاا تعالي ابيك محمد / ايه انتي حبيتي اصلاً خالد وهو يضحك / ههه انتي عمري تعالي مها بصوت واطي تكلم غلا وسمر وفهد وتقول / شكله بعد هالمدح بحصل لي زفه فهد / لا لا تخافين كلنا معاك سمر / صادق فهد كلنا معاك غلا / الى الامام سر ولفوا باتجاه الشباب وسووا قطار و مشوا مشيت العسكر ترتيبهم بالقطار فهد - مها - غلا - سمر يوم وصلوا للشباب صاروا صف جمب بعض فهد - مها - غلا - سمر راشد / احم احم يا حيوانه يا مها منو سمح لك تعاقبينا مها تخصرت / انا سمحت لنفسي غلا / دقايق بجيب شغله وبجيكم .. وراحت محمد / اقوول مها تعالي شوي مها / ما ابي خالد / اخوك الكبير يقول لك تعالي انتي ما تفهـمـ... وفجأه صكتوا لانهم سمعوا صوت طراااااااخ غلا / ااااه ااااه خالد يضحك بمكر / لا يكون هذي احد مقالبكم راشد بنفس الضحكه / يمكن ليش لا فهد / حرام عليكم مو مقلب وراحوا سمر ومها وفهد باتجاه غلا فهد رفع راس غلا عن الارض وقال لها / غلا شنو فيك .. ؟ غلا وهي تبكي / ااااه رجلي رجلي ااااه تعورني التفت لرجلها لقاها ملتويه فهد وهو يطالع لمها / بسرعه جيبي عباتها مها راحت بسرعه تجيب عبات غلا فهد طالع لسمر / وانت البسي عباتك عشان تروحين معاي انتي و مها سمر هزت براسها بالايجاب وراحت تركض *** اما محمد و خالد وراشد كانوا يعتقدون ان هذا مقلب و ما هتموا لهم وراحوا داخل اما عبد الرحمن ما درا عن شئ لانه كان راكب الخيل **** فهد / اسمعي سمر انا ما اقدر اشيلها لاني مو اخوها انتي شيلها سمر وهي تبكي / ان شاء الله فهد راح يركض وجاب مفتاح السياره وشغلها ومها فكت الباب الخلفي وسمر سدحت غلا على الكرسي وقعدت جنبها و مها قعدت قدام عند اخوها فهد وهـذا اللي قدرت انزله لككم توقعآتكم .. شنو اللي راح يصير لغلا .. فهد راح يعترف لغلا بحبه لها ولا للان .. الشباب ولما يفقدون وجود فهد والبنات راح يعرفون انه مو مقلب او لا .. ابو راشد و ام راشد هـل من جديد .. !! خلود المصير الى اين .. !! |
| الساعة الآن 06:24 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية