|
الغنى غنى النفس .
بسم الله الرحمن الرحيم
صبآح الخير ,, وكل الخير ,, ,,,,, لبست عباتي وطلعت للحوش ألبس نقابي أبطلع للسوق , أختي وبنتي جآلسآت يلعبن .. تورطت بدآخلي أبغى مآتشوفني بنتي لأني عآرفه بتسوي منآحه وآنآ مآبي تطلع معآي .. قلت قبل مآتبدي .. سولي حبيبتي شتبين أجيبلك من السوق .!! وقفت وعبرتهآ الجآهزه كالعآده ومدت بوزهآ وقآلت , أبغى عروسه اللي معآهآ رضعه وأبغى كفر لأيبآدي وابغى شنطه للعيد ..!!! وبعد لارحتي دقي علي بقولك شي ..!! قلت بهدوء طيب أن شاءالله ولفيت على أختي ,, سندوس حبيبي شتبين أجيب لك ..!!! قالت بكل برآئه ,, آممممم أأمممم مدري مآبي شي .. طلعت بعد مآسمعت بوري السيآره ورحت ,, بعد مآ شريت مآأحتآجه من السووق دقيت على البيت ,, وردت أختي ,, نآدتلي بنتي وكلمتهآ ,, قلت لهآ , أسمعي مآلقيت عروسه ولا لقيت كفر بس جبت لك فستآن وشنطه .. سوت منآحه عآلميه وبدت الطلبآت تتكرر وتتوعدني يآويلي مآ أجيب لهآ بتزعل علي .. الله يادنيآآ !! طلبت أختي وسألتهآ للمره الثآنييه ,, _سندوسي وش تبين آجيب لك ..!! أي شي أطلبي .. للمعلوميه أختي وبنتي بنفس العمر مآبينهم الا اشهر قليله بس .. قآلت سندس ,, (( أمممم والله ووالله بارعه جد مآ أبي شي الحمدلله الحمدلله كل شي عندي مآ جآء ببالي شي أحتآجه)) ///////////////////////////////////////////////////////////////////////////////////////////////////// مآيستفآد من القصه ,, ومآ جلست أفكر فيه كثيرا ,, القنآعه اللي بالنفس اللي تنميهآ أمي من الصغر فيهآ كيف أغرسهآ ببنتي ..!! أختي اللي الأيبآد مو عندهآ والعروسه حقتهآ أنقطعت ومآعآد تركبت , ومع ذلك تحس أنه عندهآ كل مآل قآرون , وبنتي اللي كل شي أجيبه لهآ , والأيبآد والعرآيس تملأ الغرفه , ومع ذلك مآيملا عينهآ شي !! لو هي توهآ جآيه من الألعآب ومتشريه , عآدي تصدمني تقول مآوديتيني شي ..!! . ,,جد جد الدلع اللي بغير محله مآيفيدك بشي , ولا تتوقعون أني مدلعتهآ مره لحد أنهآ أكتسبت هالصفه , بالعكس شديده معهآ حبتين وأغلب اللي عندهآ من جدتهآ يعني مآ قد شريت لهآ شي زآيد عن اللزوم , أحيآن لمآ تحلو أخلاقهآ أكآفئهآ وأجآزيهآ وآقولهآ أنك عشآنك حلوه باخلاقك أشتريت لك كذا ,, أحآول أنمي فيهآ الأخلاق الحلوه ,, بس الطبع يغلب على التطبع ,, فيه كذآ مجتمعآت عيونهآ ضيقه , لو تظلين ترسمين الحلو بعينهآ مآيبين ,,!! وفيه مجتمعآت لو تحطيين القليل , يكون بعيونهآ كبير ,, مثل المتزوجآت بعضهم , تلاقيهآ عينهآ عزيزه , ممتلييه عز ونفسهآ عزيزه أي شي يرضيهآ ,, شي غني دآخلهآ تملكه مثل الكنز يجهله غيرهآ ..! وفيه بعضهم عينهآ ضيقه مهمآ يعطيهآ زوجهآ مآتشكر , تبي مثل فلانه جوآل , ومثل علانه طقم المآس ومثل علانتآنه سفره خآرجيه ,, وليتهآ لو تحقق اللي تبي تستآنس ,,!! لااااااا تبي بعد طلعه تسوقيه ترفيهيه وتبي وتبي وتبي وتبي .. وكذآ طبعهآ مو مغتنيه ,, نفسهآ ضيقه هذي حيآتهآ تعب بتعب .. والله جد فيه نآس يمكن تتفكرين فيهم , ليش بيتهم صغير وأثآثهم عآدي بس مستآنسين , واللي بيوتهم حلوه ومرفهين دووم يبوون المزييد ..!! ,, صدق من قال القنآعة كنز لايفنى .. هذآ مو مثل يقآل وبس ويمر مرور الكرآم .. لا مثل بهالزمن تحطه بين عيونك .. ) أبتسمي .. ) أبتسمي ,, ) أبتسمي .. أبتسمي لو مآعندك جوآل جديد غيرك معآه جوآل الكشآف ^ ^ أهم شي الكشآف بعينه أبتسمي لو مآ سآفرتي مكآن .. واضحكي .. أبتسمي لو مآحصلك اللي تبين , كلهآ أمور زآئله , كلهآ أمور دنيويه بحته لاتعني بأن لا أفرح إلا بهآ .. جد مثلي آنآ مبتسمه عشآن جوآلي تكسر , ومثلي مآحصلي أطلع شريحه غير اللي تكسرت , عآدي مآهمني أنقطعت عن العآلم وأستفدت من وقتي بأني أكتب لكم موضوع يهوووس ومن أعمآآآق أعمآآآآق قلبي .. تك إيزي ,, الله لايحوسنآ بشر مآنتحمله <؛ دعوة مآمي الجميله ... أتمنى وصل اللي يدور ببالي ,, ومحتآجه أعيد اللي كتبته على أسمآع سولي الله يرزقني برهآ يآرب () استوودعكم الله الذي لاتضيع ودآئعه إلى حيين هذيآآن آخر . () |
رد: الغنى غنى النفس .
السلاااام عليييكم ,,
ياهلا والله بتركيبه وبمواضييع تركييبه ..اللي تهوووس .. ياحبيلتس انت وبنتس ..الا كم عمره هاللي تفرض اوامره عليتس من الحين ؟؟ الله يصلحه ويخليه لتس ياارب بصرااحه انا برأيي ان العنااد شي ينولد مع الانساان ..يعني عندي اخواات وكل وحده لها طببببع غييير مع اننا تربينا بنفس البيت .. صحيح التربيه لها دووور بكبح جمااح التمرد عند البعض بس يظل طبيعه الانساان تغلب عليه احياناا .. وحتى عزه النفس من الطبائع اللي تنولد مع الشخص .. واحياناا يكون الطفل يتمنى شي بس مايحب احد يسأله يجيب له او لا ..يعني عنده عزه نفس تكسره من الداخل فيس تذكر نفسه اياام الطفووله .." مره تعبت وسقطت طريحة الفرااش حراره والتهااب حلق ووو .. عااد اخوي قاال لأمي تراها تبي عرووسه >>انا مدري هالاخ من صغره يقرأ افكاري فديت راسك يابو عبدالله بس وش دخل المرض بالعروسه هههههه سألتني الماما تبين عروسه .؟؟ بخااطري اتمناهاا بس كانت عندي عزه نفس شييينه قلت ..لا ماابي شي >>الله من النصب " عموماا ..انا برأيي انك تحاولين تقللين من دلع هالمفعووصه وقولي لهاا ان ماسكتي بتجيك عمتك النوري بالعصاا >>فيس ريم مطيره عيوونها خخخخخ تركييبه .. سعدت بتوااجدك وبعفويه طرحك ..لاعدمنااك .. |
رد: الغنى غنى النفس .
السلام عليكم كثير من النساء لايملئ عينها الا حفنة من تراب دائما تريد الاكثروالافضل في المقتنيات المادية من ذهب ولبس واثاث وان تحصلت عليه فانها تطمح للمزيد والاجدد واللذي يواكب الموضة ويا ليث هذا الطموح والهلع والرغبة في المزيد من امورمادية تكون في امورها الدينية فنجدها هنا من اشد الناس قناعة الى حد الفقر وهؤلاء الناس لا يعرفون السعادة تمر حياتهم في الركض وراء المزيد والمزيد دون ان يحظوا براحة البال ، في بداية الموضوع وضحت لنا كيف تعاملي ابنتك الله يحفظها لك وجدت في معاملتك لها نوع من الدلال فمثلا حين تخرجين اذا بكت لا تبالي بها مرة اثنان تبكي ثم تتعود على الوضع لانها بهذه الطريقة تبتزك عاطفيا وبالتالي ماديا وانت تريدينها قنوعة مادام انت تعاملينها بهذه الطريقة وتشتري في عدم بكائها فلن تعرف للقناعة طريق واخيرا شكرا على هذه الطريقة الجميلة في الطرح
|
رد: الغنى غنى النفس .
اهلين أختي تركيبه
موضوع يهم الجميع والطلبات والزعل والتشره شبعنا منه واعتقد ان 80٪ طبع وجينات والباقي تربيه ليش أنا من تجربتي عندي بنتين الكبيرة ما تطلب وان احتاجت قبل لا تطلب تعتذر وان قدرتي ماما وما تحدد نوع أو ماركه محدده الي يفي بالغرض .... الصغيره والفرق بينهم سنه بس طلباتها شئ غير ولازم تتميز ولا تثق بذوقي إلا هي ولا إذا حتى السوق فيها أماكن تقول لا تفكرين اشتري منها ليش؟؟؟؟ ترد نفسياً اا مارتاح إلا للأسواق الي هي تحددها وطبعا الي تكسر الظهر ولو جبت لها نفسه بس طبعااااا ماهو الاصلي تقول آسفه ماقدر نفسيا مأكون مرتاحه ولا واثقه من نفسي !!!!!! وحياتي الكبيرة أبد كلمتها لا تتعبين ماما والي يريحك ماما. صرت بالأخير أعطيها الفرق فلوس لها سوت لي الصغيره مناحه افهمها انك انتي اشتريتي به المبلغ تقول مالي شغل هي ماجاتكم وقالت أبي حتى بالطلعات بزيارات الصديقات بأي مجال جولي خلاص عارفه نظامي ريمو إذا بغت شي أو طلعه قلق حتى أقول خلااااااص إاذلفي شفتي أم وحده ونفس الأبو والبيت والبيئة والمدرسة والظروف بس الطبع غير م بس تدرين ان هالشكل هو الي ليقدر يعيش حياته أما الي تقبل أي شئ بتنظلم وينبلع حقهاااا موضوع.شيق تركيبه |
| الساعة الآن 09:20 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية