منتديات ليلاس - افكار عملية وسهلة للاستغناء عن الخادمات

السلام عليكم

اليوم شفت مووضوع رائع في منتدى مجاور ونقلته لكم لأهميته ...

أخليكم مع الموضوع والف شكر لصاحبته وسوري ع اللطش ^___^

,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,

مثل ما انتم شايفين كثرة المصايب الي تصير بسبب الخدم
جرايم تحرش وقتل واعتداء
بالمقابل صعوبة الاستقدام لمن هم بحاجة لهم حبيت اخصص هالموضوع لافكار عملية للاستغناء عن الخادمات
1- اقتناء غسالة توماتيك توفر الكثير من الوقت بالغسيل بالصابون وبعده بالماء ثم التنشيف البسيط .

http://images.lakii.com/images/Oct12...ngmachines.jpg

- اقتناء نشاف كهربائي ونصيحتي بمجرد ما تنتهي النشاف طبقي الملابس أو علقيها أو حتى صفيها على منشار حتى تحافظ على شكلها ولا تتعفط .

3- اقتناء غسالة مواعين وهي افضل شيء ارتحت له في المطبخ واحس اني ضايعه بدونها المهم تكون من شركة معروفة انا عندي بوش المانية وقد لي جربت ريفل بول وكانت كويسه مرره

http://images.lakii.com/images/Oct12/lakii_desh.jpg

4- استخدام منظفات سريعة "رشاش" لتنظيف اسطح طاولات المطبخ ودورات المياه والمسح بمناديل رول
عن تجربة افضل منظف جيف الاخضر روعة لاسطح المطبخ ودوراة المياه وانتم كرامه .

http://images.lakii.com/images/Oct12/lakii_gif.png

5- كل يوم بعد مايروحوا المدارس اجمعي الملابس وشغلي الغساله وروحي خوذي لك غطه

6- بالليل لما يناموا الصغار اكنسي البيت وامسحي البلاط وإذا كان بيتك دورين غسلي دورة المياه السفليه لأنه لما تصحي الصبح وتلقي البيت نظيف راح ينعكس على نفسيتك وراح تحسي بانشراح .

7- لا تخلي المواعين تجتمع إذا ماعندك غسالة مواعين على طول غسلي كل شيء بوقته .

8- لا تراكمي الاعمال أي شيء يتوسخ على الجدار أو الموكيت اغسليه بوقته .

9- اعطي دور لبناتك واولادك وزوجك وصدقيني مع الممارسة راح يتقنون العمل بس اهم شيء تغاضي مثلا خلي بنتك الصغيرة قبل ماتنام تفرغ الزبايل " وانتم كرامه "
والثاني يرتب الالعاب والثالث يطبق الملابس وهكذا .

10- عودي اهل بيتك أن كل واحد مسئول عن غرفته واغراضه ومكانه الي يجلس فيه من ناحية تنظيفه وترتيبه .

11- خلي يوم راحه لك طلعات واسترخاء مو لازم تطبخي بذاك اليوم مره بالاسبوع من المطعم مايضر

12- قيمة راتب الخدامة وفريه لشيء يريحك مثلا شهريا اشتري بالكرتون : كاسات فلين أو بلاستك , صحون بلاستك ,ملاعق, شوك ,سفره وحتى صحون ميني لتقديم الحلى ...

http://images.lakii.com/images/Oct12/lakii_plastek.png

13- لا تنسين تشترين بالدرزن صياني قصدير مقاسات مختلفة صغير ووسط وكبير مستطيل ومدور ومربع
روعه لكل شيء تحمير دجاج , مكرونة , صياني بالفرن , حتى طبخ الرز فيها شيء والكيك والحلى وكل شيء يخطر ببالك في الفرن وبعدها لا تغسيل ولا شيء بالزباله "وانت كرامه "

http://images.lakii.com/images/Oct12/lakii_sean.png

14- لا تنوعي بالأكل يكفي صنف أو صنفين على السفرة لأن كثرة الاصناف ترهق الوحده وتاخذ الكثير من الوقت والجهد .

15- لما تعملي إيدام أو مرق أو حتى صينية سوي كمية كبيرة وقسميها لاكثر من يوم وفرزنيها .

16- لما تتبلي الدجاج أو السمك أو اللحم تبليه في كيس وبكذا راح ترتاحي من زيادة في المواعين .

17- دائما فرزني باميه وجزر وفاصوليا وحمسة بصل بالطماطم والخضار الي تستخدميها دائما لأنها توفر وقت عليك .

18- جربي هالقطعة اعجز وانا اقول روعه ومن شافها عندي اعجبته مره سعرها 30 دولار والله تستاهل اكثر
مريحة بالمره وتقطيع البصل والطماطم والخضار مرتب كأنه تقطيع يدين ....

http://images.lakii.com/images/Oct12/lakii_q1.png

19- إذا كان فرنك كهرب غطي صحون العيون بالقصدير واسفل الفرن وداخله بس تأكدي انك ماتغطي منافذه وبكذا كل اسبوع تغيرين القصدير وتريحين من التنظيف .

20- عندك ضيوف حددي الي بتسوينه قبل بيومين واشتري الاغراض وحضري قبل بوقت والتنظيف خليه قبل جيتهم بيوم .

21- إذا عندك ساحة خارجية بالعامية "حوش " ممكن تتفقين مع عامل يجي مرة أو مرتين بالاسبوع في حضرة زوجك أو ولدك ينظفه ويغسله لك .

22- افرشي ارفف الثلاجة والفريزل بنايلون أو اكياس شفافة اريح في التنظيف .

23- عندك زواج ومحتاره وين تودين عيالك خلي زوجك يروح وبعد ماينتهي تكوني منومه العيال و تروحي انتي لأن زوجات الرجال لو طولت تخلص على العشر والحريم يالله تبدأ على 10.30 بكذا تكوني مرتاحه ومروقه على الأخر

اتمنى انكم تستفيدون من الأفكار
وياليت كل وحدة عندها فكرة عمليه تكتبها هنا حتى نستفيد من بعض