منتديات ليلاس - دجاج وتوست وحلا الفول السوداني يمي يمي

منتديات ليلاس (https://www.liilas.com/vb3/)

- ركن المطبخ (https://www.liilas.com/vb3/f9/)

دجاج وتوست وحلا الفول السوداني يمي يمي

السلام عليكم ورحمة الله وبركاته

اليوم حبيت انزل لكم عشاي الفخم <<فيس مصدق خخخخخخ
قلت صارلج أسبوع مطيحه عند زوزوتي
عيب استحي وروحي زوري ام رنووو أكيد مشتاقه لج <<فيس ع كيفه ^^

يلااااا المنيووووو

1- دجاج بهارات الماجي

2- ساندويش التوست بالدجاج وذرة

3- حلاااا الفول السوداني

بسم الله

المقادير :

1- ظرف بهارات الماجي بالفلفل الحار

2- دجاج وحدة

ع حسب الاشخاص أنا سويت حق ثلاث اشخاص

الطريقة :

تقطعين الدجاح وتفتحين الظرف وتلاقين
الكيس الخاص بالفرن تحطين الدجاج والبهارات حقت الماجي

وتقلبين الدجاج الين تشوفينه انه تتبل بالبهارات كلها
الدجاجه صارت حمرااااا خخخخخخخ

بجيب صينية الفرن وتحطينها فيها
وع الفرن لمدة 45 دقيقة

وبس

طريقة سهله ولذيذة واااايد
وتصلح للكسالى مثلي ^^

تقدرين تحطين خضرا معها بس أنا ماحطيت ^^

هذي صورته

http://www.liilas.com/up/uploads/liilas_13479166793.jpg

كليته مع الشبس وصلصة الرانش

http://www.liilas.com/up/uploads/liilas_13479166792.jpg

ساندويش التوست بالدجاج والذرة

المقادير :

1- توست منزوع الاطراف

2- جبن كرافت

3- دجاج مطبوخ

4- بصل وفلفل بارد مقطع صغير

5- ذرة

6- بيض

7- شوفان

الطريقة :

1- نقطع الدجاج صغار وبعدين نحط المقلى ع النار
وشويه زيت ونقلي البصل والفلفل

2- نحط البهارات ( كركم - فلفل اسود - بهارات مخلوطة - )

3- نحط الدجاج عليهم على مايتتبل بالبهارات
اذا خلص حطي الذرة خليها خمس دقايق تطبخ

ونطفي النار

4- نجي عند التوست افرد بالفراده
واحشيها بالجبن الكرافت

5- نجيب الدجاج ونحطه فوق الجبن ونسكره
ونضغط ع الاطراف بالشوكة عشان ماينفتح

6- نغمسه بالبيض وبعدين بالشوفان

نسوي الكمية اللي تكفينا

بعدين تحطينها بصينية وتغطينها وع الفريز لمدة نص ساعة او ساعة

نحط مقلي فيها زيت واااايد عشان نقلي السانديشات
لازم يكون حاااااااار

قبل لاتحطينهم قصري ع النار شوي

وخلاااااااص ^^

http://www.liilas.com/up/uploads/liilas_13479166791.jpg

BRB

باااقي الحلااااا ^^

حلا الفول السوداني

المقادير :

1- علبتين بسكوت شاي

2- حليب نستلة

3- أربع ملاعق فول السوداني

4- قيمر

5- ثلاثة مارس

الطريقة :

نطحن البسكوت طحن نااااااعم وبعدين نحطه
بصحن عميق ونضيف عليع الزبدة والفول السوداني
والحليب المحلى ...

تعجن مع بعض ثم تفرد ع صينية ...

نجي للطبقة الثانية ..

نذوب ربع اصبع وثم يوضع عليه المارس ويحرك
حتى يسيح ثم القيمر وتتحرك لين تتجانس مع بعض

ونحطها فوق الطبقة الاولى

وتوضع بالفريز لمدة ساعة وبعدها نزليها بالثلاجة

عند التقديم تقطع قطع صغيرة وتزينينها بالجالكسي
أو الفستق

http://www.liilas.com/up/uploads/liilas_13479179831.jpg

http://www.liilas.com/up/uploads/liilas_13479179832.jpg

وبــــ^^ـــس

أتمنى تعجبكم أطباقي المتواضعه
أم رنووو مادري اذا هذا القسم المناسب للموضوع ^^

فمـــــان الله يـــــاذيــــك الســـــوالــــف

-

نوووووووووووري

يمممي يمممي ي شيخخةة
جوووعتيني بققووة الاكل مشهي مممره
وشكله لذيذ
ان شاء الله راح اجررب التووست

عوووافي على قلبك ي قلبي

صباح الخير
اولا وحشتيني موت ياشيخه
ثانيا تسلم يدينك اطباق ماشاء الله تجنن كل واحد احلى من الثاني ان شاء الله يجربهم
يعطيك العافيه حبوبه