|
رد: ثرثرة أرواح متوجعه
مساءالجمال الذي يسكن روحك النقية
ثرثره أكثر من رائعه ام اليزيد جعل يدك ماتمس النار نجد (فأما اليتيم فلا تقهر ) شقاوة أطفال دوم تجرح ايتامنا من غير قصد بس هم يكونون حساسين أكثر من غيرهم وجود الأب في حياة الطفل مهم جداً فهو المربي الأول والناصح والموجه للولد والولد يفتخر بوالده وثامر فاقد الشئ هذا مع امه موب مقصره بس الاب بالنسبه للولد غير ويمكن من النقطه هذه بتفكر انها تتزوج اذا تقدم لها احد كفوا وكلنا حاطين في بالنا ابو طلال اللي يمكن يكون اسمه محمد زي ما قالت وحده من البنات وبكذا يكون تفسير الحلم الدانه وماهر انت تبي تنفس عن غضبك من اختك في وجه الدانه ولا تبيها تدافع عن نفسها وعن قايد عارف انها تتعمد تتجاهلك عشان تحس فيها بس انت خبر خير شاطر بس في التجريح هذه ابتعدت عنك يومين ورحت تدورها وتغصبها تجي للجناح موب انت تتحدها تبعد عنك خلنا نشوف من اللي بيفوز في التحدي هذا الجموح وش ذا القلب اللي بين ظلوعك ماتبينه يموت عشان انتقامك الغبي وعشان ما يتركك أرمله من دون أطفال ما دام متشفقه على الأطفال ليش العناد من الأول ما جأ في بالك امه المسكينه اللي ماله غيره وخواته اللي هو سندهم وأميره اللي هو أبوها موب أخوها انانيه والله يالجموح نشوف الغزال الحين وشلون بتفك نفسها من صيدها وهو محذرها من نفسه الزين جنونك وين بيودي اختك اقنعتيها تروح للموت برجولها الحين زي ما وديتها طلعيها طول عمرك ما تحسبينها صح وهي بعد نست تهديده لها ومشت وراك ما راح اروح وما لاقيناك الا في غرقته حريم والله قايد إيه والله الحمد لله على سلامتك حتى في عز وجعك مانسيت اختك وأمها طاحت في يديك مرة ثانيه والله مدعي عليها هالبنت وش بيكون تصرفك معها انت تعبان ما فيك حيل للمجاهد معها وهي عاد ما تحترم بترد عليك الكلمه عشر انت قفلت الباب بس بيجي ابو طلال وجايب لك الممرضين عشان تروح تزور عمك وبتنفذ هي بعد المره هذه خلى عقابها عنك في بيتك ما حد يدخل ولا باب ينضرب مي والله انك ماراح تجيبنها لبر وش عليك من الرجال ومرته قاعدة تتجسسين عليهم والا هذه عقدة النقص عندك وحاسدة غيرك جالسه في بيتهم وبتسببين لهم مشاكل وبنشوف ان ام قايد معها حق انك ماتجين عندهم ام قايد كل شئ يصغر قدام سلامة قايد انت الحين ما بعد رحتي للبيت هذا هروب من مواجهة مي وقايد موب يمك والا زي ما قالت ماتبين تدخلين الا يدك في يده ام اليزيد سلمت |
رد: ثرثرة أرواح متوجعه
السلام عليكم ورحمة الله وبركاته سلمت يداك التي خطت هذاالبارت شكرا على النجمة ،اكثر شخصية استفزتني في الرواية هي شخصية مي والتي ينطبق عليها القول اذا اكرمت الكريم ملكته واذا اكرمت اللئيم تمردا فهي تنتمي لزمرة اللئام المتمردين فبرغم ما فعله قائد معهامن شهامه وتضحيةونخوة فلم تبدي اي تأثر لمصابه بل تمارس حياتها وتقوم بطلاء اظافرها بكل لامبالاة بل وصل بها الامر الى التنصت على احاديثهم والنظر الى رجالهم ولو اتيحت لها الفرصة او اعطاها احدهم وجه لااخدته ضاربة بجميع القيم وما فعله قائد معاها عرض الحائط فوجودها خطر عليهم من جميع النواحي بالاضافة الى انه يجرح مشاعر امهم فمن الافضل لها العودة الى بيتها فكيف كانت تسير حياتها قبل ان تعرف قائد وابوه ،العم كايد وتلقيه لخبر مصاب قائد كان مؤثر جدا ،دانة وماهر لما لا نحس بما يفعله الاخرون من اجلنا الا حينما نفقد هذا الفعل ولما لانحسسهم بقيمة ما يفعلون،الجموح لازالت قاسيةوانانية فلم يهمها في مصاب قائد الا انها سوف تبقى بدون زوج وبدون اطفال ،ننتظر البارت القادم بكل شوق
|
رد: ثرثرة أرواح متوجعه
يسلموووو على الباارت الجميييييل
الله يعطيك العافيه اختي ضمني .... بارت مثير واحداثه مشوقه ياويلك يالجموح طحتي في ايدين قايد .... وقايد ماصدق جيتيه برجليك بس تاكدي انه ماراح يسوي لك شي يضرك اكيد وحده من حركاته الرومانسية ..((( :lWR04888::lWR04888: الدانة والله وصارت تطلع منك حركات ماتوقعناها بس احسن احس هالماهر شايف نفسه ومستغبي هالدانة مخليها تموت في دابديبه ( متعوب عليها ) _ خليها على ثقلها تتغلى عليه شوي تبين شخصيتها واستقلاليتها وانها قادرة تعيش من دونه اممم مرة ابوهم الله يستر منها لاتدخل بينهم وتخرب عليهم او يمكن تصير الدانة تغار منها ووووو .. مشكورة على البارت بس لحظه ماتحسين ان السبت الجاي مرررره بعيد يعني لو جتك فرصة تنزلين قبل فياليت تنزلين وتمتعينا بهالبارتات الرائعة |
رد: ثرثرة أرواح متوجعه
السلام عليكم ورحمة الله وبركاته الشكرلك ضمضم على السماح لي بنقل الرواية وأنا سعيده بنقل روايه لكاتبه بهذا الرقي و تحترم قراءها وأشكرك على التزامك وحرصك على الوفاء بوعدك حاتم أثرك غرقان بحب الثريا من زمان لا قصة عشقك تنفع فلم هندي (فيس يناظر ضمضم بعين ) أكيدإنها كانت صغيره كثير عنك وماتذكرك مثل ماتذكرها ياويلي من حالك حتى بعدالشامه عن فكها حافظه تبسم الله يلوم من يلومك قريب بتعيش الذكريات واقع وترد فيك الروح كيف فاتت على قايد على قد ماكفخ ماحس بحبك للثريا الزين قواية عين وكذب بعدين وفعل شين نصيحه على قول قايد أحذري تقابلين الجموح بميعاد او بالصدفه أول شيء بتوطى ببطنك ثم بتنتف شعرك الجموح مالت عليك الرجال في المستشفى من بعد حادث وانت كل تفكيرك في نفسك وش هالأنانيه مافكرتي فيه هو والا في أخواته وأمه اللي مالهن بعد الله غيره كل يوم تطيحين من عيني زياده وحلال اللي سوته الزين فيك واللي بيجيك من قائد أتمنى تشوفين ورد فوز وكرتها يمكن تحسين وتغارين وتتعدلين ولوإني اظن إنك بتاخذينه ضده ولسانك الطويل ماراح يسكت ولازم تقطين لك كم كلمه مثل السم تزيد زعل قايد قايد جات والله جابها الله الله فيها برد حرتك منها ولا تكتم في صدرك اكيد لو شافت الورد بتخليها على ظنها حتى تقهرها وتستمتع وانت تشعر بغيرتها بس لا تطول لايصيدكم ماهر الدانه & ماهر الدانه واضح زعلها هالمره من جد وماهو تمثيل ماهر وصلها حدها بكلامه يقف مع الجموح ويساعدها في قهر قايد هذا اللي ماترضاه على أخوها اللي بمنزلة أبوها ماهر ماقدر على الجموح حط حرته في الدانه غروره وثقته في حب الدانه له خلاه متأكدإنها ماراح تقدر تستغني عنه مهما سوى وإذا كانت تحاول تصلح أمورهم فهوبكلامه وصلها لمرحلة اليأس والقناعه من تغيير حالهم لدرجة التفكير في تركه والمغرور مازال على جلافته وما شافت منه ريق حلو حتى وهومفتقدها يكابر الظاهر راح يدفع الثمن غالي نجد ماشاء الله عليها عقل وطيبه أعجبني تصرفها مع ولدها ومع سعد والله إن شاء الله إنك من نصيب طلال تعوضينه عن مرته اللي جابت له الهم وكرهته في صنف الحريم أبوطلال ونعم الصديق وقت الضيق ماقصرت مع قايد كايد سلامتك يابوقلب طيب أجر وعافيه مي أذكري الله لاتنظلين الدانه هي ماهي ناقصه وإستحي على وجهك الناس ضافينك وإنت هذا كلامك وافعالك الله يفكهم منك ضمضم منتظرين جديدك المميز بفارغ الصبر |
رد: ثرثرة أرواح متوجعه
عوده متاثره بحماس البنات على مي
بقولكن شي واتمنى يصير !!! ياليت تقدر مي تغري ماهر وتزغلل عيونه ويطيش ويتزوجها لحظه شوي بشرح لكن السبب اول شي بتصير صفعه لدانه وتتغير شخصيتها وبذالك بتنقلب الطاسه فوق راس ماهر يصير هو يحفى يدور رضاها ثاني شي بتفتك ام قايد وخواته منها وبيشيل ماهر الهم عن قايد ثالث شي يتبين لماهر معنى الزوجه المحبه المخلصه الحنونه وهذا راح يعرفه مع عشرته مع مـــــــــــــــي وبكذا تكسب دانه على الاقل الاستقلال ببيت ومملكه خاصه فيها نبي اكشن ضد ماهر صراحه رافع ظغطنا :( |
| الساعة الآن 07:14 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية