|
يا هلا ويا مرحبا غاليتنا الكاتبه الرائعة ضمني لسا ما قريت شيء بس من فرحتي بشوفت روايتك قلت لازم اسلم اول
وبأذن الله الليلة اقراها أحبك وشكرا |
مساء فرحة بعد غياب
مساء الا شتيااااق كم اشتقنا لرجوع ذاك القلم اللامع في سماء الكتابه فهنيئا لنا برجوعك سيدة القلم تلك هي بداية الروايه كيف إذن هي الروايه بأكملها اي ترى كلها موجعه ام لنا فيها بعض الفرح وصايف ام حلمت طفل فربته وكبرته وعندم أتى وقت الحصاد لترى أحفادها تحرم من ذالك بسبب تعنت الجموح فمن البديهي ان تكن لها الكره والشديد بعد الثريا خاينه من زوج وصديقه بس وش السبب ورأ تلك الخيانه شف شئ ما شافه في الثريا والا أهملها له خلاه يلتفت لغيرها مع آني اشك ان صديقتها هي من سعت وراه وخربت حياتهم* الدانه عيب بسبب طيش مراهقه تسبب في زواجها من ماهر* ليش احسه انه متزوجها شفقه لانه حاس بالذنب تجاهها نجد ظلم من إخوات زوجها على ورث وحقد بس هذه لازم ماتتركهم كذا لازم توقفهم عند حدهم* موب من اول مره بيرتدعون تبي تصبر عشان تشوف نتائج تغيرها عليهم قائد* العاشق لتلك الجموح الابيه الممتنعه بالعفل ممتنعه عن حبك وعشقك لها وانت سلطة عليها سلطة الرجل الشرقي التحجير يتكون لك او لا تكون واضح انك تحمل من اسمك الكثير بس الجموح ما قدرت تكون لها قائد الجموح عنيده هذه ابسط صفاتك* رفضك لقائد سببه عناد لا اقل ولا اكثر انت من النوع اللي ما يحب أحد يفرض عليك رأيه* ولما رفضوا تعليمك في الخارج وقفتي في وجهه الكل يعني انت تحبين تسيرين سفينتك بنفسك وقائد نفس الشئ فماراح تقدرون تتلاقون ليش احس انك تحبينه والا ايش تفسير وجود صوره له عندك الزين مراهقه تبي الإرشاد والتوجيه عشان ما تضيع* والا استخدام الأوامر ما راح يجيب نتيجه لان المراهق عنيد بشكل كبير ضمضم شكرًا ولا تكفي* |
السلام عليكم و رحمه الله و بركاته
مساء الخير و المغفره يارب مساء انيق كأطلالج الراقيه و عذب بروعه هالحروف الماسيه يا هلا و مليون مرحبا من عندي لين مكانج نورتي وحي الاعضاء من جديد .. عسى ربي ما يحرمنا هالطله الملوكيه يارب و لا عذب تواجدتج يا ام اليزيد ... بدايه قمه شيء ماهو غريب عليج رقي حرف و عذوبه مفردات و جمال اسلوب ... قائد ... شخصيه متحكمه فيها قسوة و.كثير حنيه قسوة من الواقع اللي عاشه و انه سند امه و خواته مجبور يكون قاسي عشان يحميهم و فيه حنيه ربي زرعها عشان يعوض خواته ؛؛ بس هالحنيه ما شملت الجموع فيها الظاهر انه حبها بقلبه فوق الخيال لدرجه يحجرها و يمعنها تتزوج و هي رافضته الا انه يعز عليه انها تكون لغيره هالشعور قاسي عليه و لا يتحمله فبنظره يتحمل عذابها و لا يتحمل فراقها لغيره ؛؛ الطريق توه باوله مع قائد و الجموع القادم بيكشف لنا خباياهم اكثر عارفه ام اليزيد اختيارج لاسمائهم روعه عنجد فوق شخصياتهم المحيره الاسماء تشد و تخلبنا نتحراهم ... الجموع ... مدري هي اسم على مسمى او بيقدر عليها قائد و تكون نصيبه بس هي ليش رفضت بس مجرد انه قائد معارض فكره الدراسه او في شيء خفي بعده ما انكشف ؟؟ الجموع واثقه بنفسها و لا ترضى الهزيمه بس معقولة بتجرجر ولد عمها في المحاكم عشانه حجرها ؟؟؟ خوات قائد ... وش هالحظ اللي عليكن ما وحده سعيده بحياتها بس العوض بالله ... نجد ... مجبوره تكون بهالقساوة عشان تعيش هي و عيالها لو بقت على نجد القديمه كان كلن توطاها و اكلوا حق عيالها هاليتامى لان شكلهم خوات محمد ماهن سهلات و يحبن القرش و لا همهم اخوهم و لا عياله ؛؛ اتوقع حباتها الجاية بيكون فيها اكشن ما ابي استعجل بالتوقع بس الارجح انه في شخص بيكون مكان محمد ... الثريا ... با عزي عنها الضره تحر لو هي بالقبر و شلون لا كانت صديقتها او عفوا وحده خبيثه و يزون عليها بعد بس بعد الظاهر انه فهيدان راعي حريم و لا ليش يعوفها و يتزوج عليها الا انه عيوته زايغه ؛؛ بس ممكن الثريا تغير رايها و ترجع له عشان ولدها ؟؟؟... الدانه ... ماهي باحسن من حال خواتها بس العوض بماهر اللي تانيب الضمير ذابحه بس ما يمنع انها يحبها او يعزها اقل القول ؛؛ سالفة عرجها نقطة سودا بحياتها ان حاولت تنسى المتطفلين و الحساد كثار يذكرونها بس ان شاء الله انها ما تعطي الوضع اكبر من حجمه عشان ما تخلق مشاكل هي بغنى عنها ... الزين ... الله يستر عليها من هالشله لا يودونها بداهيه عساها تعقل و تسمع لاختها ... الباقي ربي يستر عليهم بانتظارج سلمتي يارب ....... |
مع أروع الكاتبات اشعر كأننا نعيد عصر ليلاس الذهبي و عقبال الكاتبات الغائبات
|
مسااء الفرح والسرور
ياهلا ومرحبا ضمضم نورتي القسم عجزت اصدق لي عودة لقرات البارت .. |
| الساعة الآن 09:46 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية