|
مسائك نور يضئ دربك
ثرثرة اليوم تتسم بالهدوء مقدمة البارت ضمضم كأنها تحاكي واقع أخوات قايد الثريا تقول ان حوبة جموح ماتعتدهم وان كل وحده فيها من الوجع والحزن الكثير اقتباس:
قايد الكل يشوف انك لازم تأخذ خطوه وتتقدم لان السنين تمضي بك وبها جموحهاعنك بسب الدراسه خذت جزاته واكثر يكفي شوفتها لمن في عمرها وكل وحده متزوجه ومعها عيالها بس هي تهدد ان قايد موب هو قايدها اليوم حاتم والثريا اجتمعوا على قايد ومع الجموح صدفه هي وإلا ترتيب القدر الضغط عليك من كل صوب وزي ماقال رهان اغصبني واتغيصب حلوه والله انت تبيها وتبي احد يغصبك عليها مع ان قلبك موب صافي عليها بس لأجل عين تكرم مدينه عشان أمك تبي تشوف عيالك وبعد كلام الثريا أكيد بتفكر في حال خواتك وبتعرف انك ظلمتها وانت اللي تدافع عن المظلومين الثريا وش الدافع ورأ اخذك للروايه عشان القرأه مااعتقد خاصه انك موب قارئه للروايات ولا تحبينها يمكن تبين تتأكدين ان حاتم عاشق وإلا لا ويمكن تبين تقرأين معاناة عاشق مثلك حب ولا احد قدر حبه لو تعمقتي شوي وقرأت بين السطور كان عرفتي من يقصد بس الروايه موجوده عندك وبترجعين تقرأينها ويمكن تمسكين خيط تعرفين فيه من هي تلك المعشوقه تهديدك انك تتزوجين اول واحد يطق بابك عشان تقهرين فهد غلط لازم يعني تكونين في حضن رجال واحد ثاني عشان ينقهر تقدرين تقهرينه بأشياء ثانيه منها انك ترجعين تكلمين دراستك وتنجحين في مجال انت تختارينه وبكذا يعرف انه فرط في الثريا وعمره ماراح يقدر يطولها مره ثانيه دانه وضعك مخلي من شخصيتك حساسه شوي موب ضعيفه زي ماتقولين المشاده بينك وبين ماهر أثرت فيك لأنك كنتي تنتظرين منه كلمه حلوه يبل فيها ريقك بس ما حصلتي الاحترام في العلاقه الزوجيه مطلوب ويما زواجات ناجحه بسبب وجود الاحترام بين الزوجين رغم غياب الحب بس الأنثى بطبيعته تحتاج للحب والاحتواء نشوف وش بيسوي ماهر إذا رجع ياترى بيفقدها وإلا لا نجد الله يصبرك على البلوى اللي جاية زعلانه راح نشوف أكشن بينكم خاصة أنها ما تحترم احد بس هي صدق جاية زعلانه وإلا في رأسها موال تبي تغنيه وتأخذ من الحلال أكثر من اللي خذته ام اليزيد سلمتِ |
هلا وغلا اهنيك على اختيار الخاطره مره روعه ومعبره جدا
دائما الثرثرات هاديه مع انه موجعه اتوقع بعد الى قاله حاتم وكلام ثريا الى يهز القلب بيفكر الف مره قبل يرفض حاتم اكيد بقلبه شى على ثريا وخاصه بعد اهتمامه بخالد واتمنى تكون من نصيبه مدرى ليش احس ان الزين بتاخذ رهان بنتظار الابداع والتشويق |
السلام عليكم و رحمة الله و بركاته
مساء الخير و المغفره يارب ثرثرة جميله كالعاده ربي يحرم ايدينج من النار ¡ قايد ... هذا انت سمعت ان الشيب غزى رأسها وش جنيت الا وجع روحك عليها مدري بعد هالشيء بتكمل العقاب و لا ترحم نفسك و ترحمها من العذاب و كلام الناس ¿ الثريا ... تبي تغير من نفسها و تقويها بس ما اشوفها سوت شيء بس عسى ما تكون اول خطوة انها توافق على صديق قايد بتكون خسرانه اكثر من مره لانها بتاخذ الرجال من مرته و عياله بتحس بتانيب ضمير فوق كل شيء ؛، ياليتها تسمع لكلام الجموح و تكمل دراستها تشغل نفسها عن التفكير فيه ؛، و قرايه ثرثرة حاتم اتوقع بتوصلها للحبيبه يمكن تنصدم و يمكن تلومه ليش تركها تروح لغيره ... حاتم ... تلحلح يا ولد الناس لا تروح المراه من يديك من ثاني اتوقع لو حصل و خطبها يمكن ترفض بسبب الحبيبه طبعا قبل لا تعرف من هي هالشيء بيخليها متردده انها تعيش تجربه فاشله قبل لا تبدا حيث انها تعطي و المقابل و لا شيء ... الدانه ... هذا هي على اول عتبات التغير دامها اعترفت انها ضعيفه تحتاج شوي دفع من اللي حولها عشان تقوى نفسها و تنسى سالفة العرج و اول شخص تحتاجه ماهر بس اتوقع انه بيزعل عليها ليش تركت البيت و دامها طلعت من راسها ماراح يحرك ساكن و يرجعها الا اذا هي سمعت انه مريض ترجع من كيفها ... الباقي ربي يستر عليهم سلمتي يارب ........... |
السلام عليكم ورحمة الله وبركاته
مساء الورد على ضمضم ومتابعاتها مشكوره ام اليزيد على الترحيب والله يجزاك الف خير والف شكر لفتتك للغاليه الغايبه الحاضره النوفي ام المزايين والله انها دايم بالذاكره فقدناها وفقدنا ردودها المميزه.. .... بارت اليوم اعجبني جو المكشات ولو انك ما طولتي فيه لكن ينطبق عليه خير الكلام ماقل ودل قائد والضغوط عليه من وضعه والجموح الي بدت تخرج للعلن حاتم واحساسه بالذنب انه كان سبب قوي لتأخير ها الزواج وثريا وخوفها ان الي قاعد يصير لها ولخواتها ذنب الجموح وانهم كانوا بموقف المتفرج اتوقع خلاص راح ينحسم الوضع عند قائد وحتى لو بترفضه الجموح ماراح يتأثر كثير الركود الي كان بوضعهم نتيجه ان الكل ساكت ينتظر الاخر يبدى ثريا وحكايتها مع صديقتها وزوجها وضعها جدآ محزن انسانه فتحت لها بيتها وعاملتها مثل اختها والنتيجه طعنه غير متوقعه مع الاسف ان قصة الثريا اصبحت لايكاد مجلس من قصه تشبه ها القصص احذر عدوك مرة واحذر صديقك الف مرة,, الدانه تدور الي يغثها دواره اصرفي تفكيرك عن يحبني مايحبني ترى تخربين بيتك الله اكبر عاد ها الي متزوجات عايشات قصة وضحى ونمر بن عدوان وبعدين يوم تقولين شخصيتك ضعيفه ماخذه بنفسك مقلب والله انك عوباء الضعيفات ما يطلع منهن الهرج الي انتي قلتيه بس انتي تبين تشوفين نفسك ضعيفه يمال الوحام الي يخليك تنسين خبالك رهان والله ما ودي اعلق عليك تسبدي حايمه من وليدي عبدالله و من اي شي فيه دراسه وخصوص جامعه الله يعدي ها السنه على خير علينا وعليك وعلى ها الي يدربي راسه على قولته بالقاعه كنه شغاله اول مره تجي للمملكه مغير مطير عيونه على الفاضي بس رايك صايب اغصبوني واتغيصب شيخه هلت وبتهل معها المشاكل من حذفتي البزران على ابوهم اجل يبشر بيت نجد بزلازل وعواصف عسى ما تطفشين نجد وتهرب لأهلها من مشاكلك سبحان الله بعض حريم المشاكل الي داخل بيوتهن ينقلنها معارك لبيوت اهلهن والمبتلى فيها حريم الاخوان لكن شكل ام محمد بتوقف لتس حاتم الي متى ها التردد اعزم واخطب ثريا الا اذا في سر خفي خلاك تتخلى عنها با الاول ؟ لأني ماني شايفه سبب يخليك تترك بنت عمك لغيرك ؟! لـــ الثريا عمق حبك اليوم .. هو عمق جرحك غدآ مشكوره ضمضم على البارت الرائع با انتظار القادم |
.
. صباح الألق و الجمال .. ضمضم في عناق روائي جديد .. يا هلا يا هلا .. العنوآن ملفت للأنتباه .. الأرواح دائماً ما تبحث عن ما يشابه ثرثرتها ... ومجملاً هي تحب الاستماع لـ الثرثرات .. فكيف أن كانت مزدانه بأسلوب عذب .. وكلمات راقية .. وتوآجد مفعم بالتألق .. . . مدخل الرواية .. جميل .. صور لـ الأرواح بنكهة التفردّ .. كل شخصية لها وقعها الجميل في نفوس القراء .. ولها جمال توآجدها الرائع حتى الآن .. الجميع في محيط القبول .. بقي أن ينكشف الستار عن كل الأوجه .. . . الجموح .. ربما تكون أخطئت في ترجيحها لـ كف الدراسة على كف الزواج و " قائد " بالذات .. لكن تبقى الدراسة في حياة الفتاة العزباء , أهون منها في حياة المرأة .. لكن يبقى في الروح شيء من الفقد والحاجه والحب للأنتماء .. قائد .. أي كبرياء تلك التي تعصف بروحك .. فتجعلك تأبى أن تستلم أو يقهرك الحب الذي بداخلك .. لا لوم أن كانت العتب بحجم الحبّ , لكن هناك أساليب أخرى لـ التعذيب تكون أعمق بالقرب منها بالبعد .. ماهر .. الأحترام يأتي أولاً في كل شيء .. لكن يبقى أن نلمح شرارات الحب في عيون الغير .. هل يعلق أنك لم تشعر إلى الآن يالحب الفاضح من قلب دانه ..! ربما هذا الوجع وهذا الألم والقلق الذي بدأ يدب بالروح قادر على أن يجعل الحب شيئاً أساسياً ..! . . رهان .. مستقبل مشررررق بإذن الله .. يحفظه الإله يا ربّ .. . . دندون .. البعد ليس حلّ لأنتظار الحبّ .. أحياناً الوجود مع التجاهل أجدى .. ماهر سيعود مريض هذه المّره .. سيغلب الحبّ , الزعل .. وستعود للبيت لأجله ..! . . ثريآآآ .. الطلاق قد يكون بداية حياة جديدة .. بداية عمر جديد .. وقلب جديد .. و حاتم .. يستحق .. . . نجد .. الحياة تصقلنا .. بقوة , كلما أزداد وجعنا وأبتلاءنا .. أشعر أنها تعيش الآن حياة مغايرة تبهج قلبها وتعيد لها الفرح والسعادة .. مع وجود أبناءها وأم زوجها .. . . كاااايد .. العم المكلوم الفاقد المشتاق .. كلماته متوجعه , وترسل الوجع في كل نفس مشتاقه .. . . مطالع الروتية في كل بارت مميزة , متألقة , مغاااايرة .. . . بأنتظارك يا مبهجة القلب والروح .. لكِ من الودّ أعظمه .. . . . . |
| الساعة الآن 04:55 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية