رد: ثرثرة أرواح متوجعه
 

حياتس الله ام الوليد
ولله اني ادخل اذا قدرت وصدقيني مارديت الا لعيون ضمضم والموضوع شدني خاصه حاتم ومحمد وانانيتهم مع نجد ولثريا
صح كلامتس ام الوليد كل كلامتس ميه الميه بس هل انتي تشوفين نجد غلطانه ابد ام ثامر عداها العيب ماقصرت مع ابوطلال حتى هو بعد ماصحصح من اللي سواه ندم على فعله حتى نقد على عمره وانانيته
هذا اللي اقدر عليه ولي رجعه ان شاءالله

رد: ثرثرة أرواح متوجعه
 

رد: ثرثرة أرواح متوجعه
 

بحاول قد مقدر أوصل لكم وجهة نظري في علاقة حاتم والثريا
يمكن أكون صح ويمكن غلط بس يبنات حواء لاتاخذكم إلسناعه أن ألحرمه لازم تسوي ولازم تعمل يناس الرجال إذا حط بنفس موقفها بيلتمسله ألف عذرا وأولها انه رجال
مثل فهد حب الثريا وحبته هي كانت قمه في الإخلاص لكن هو إيه حبها بس يوم جته النزوه نساها ولا حتى فكر في نتائج فعلته هل بتسكت الثريا بزواجه برزان
حنا ماندري عن اللي بخاطره يمكن كان يقول بتزعل شوي وترضى مثل نظرة كثير من الرجال أو يقول بوسع صدري مع رزان واجرب غير زوجتي وإذا طفشت منها رجعت الزوجتي حاط برأسه أن الثريا تحبه وماراح تتخلى عنه بمجرد انه يقول لها بطلق رزان خلاص طاح اللي برأسها
متخذ من كلمة الرجال اللي دائم يرددونها لنا في الشرع اربع
إيه لك اربع ولا فيه اعتراض على شرع ربي
لكن سواتك انت رديه خياااااااااانه ومع من مع صديقتها اللي سوته الثريا شويه فيك زين أنها ماذبحك
لا والشي المضحك في الموضوع رجوعه وبكل وقاحه وقلة أدب يقول ارجعي سبحان الله وجهه مغسول بمرق مافيه حياء
ولله لو معها عشرة بزارين مهوب واحد ما تشوف خشك وعععععع وشلون بتقبلك بس
اقل شئ سوته أرفضتك
بحط فهد مكان الثريا وهي مكانه لو خانته الثريا اقل شئ بيسويه فهد يشهر فيهااذا ماذبحها

نجي الحاتم مع الثريا حبيتها من الصغر ماسويت شئ حتى تأخذها قعت انت وقراطيسك تكتب عن ذا الحب اللي خذه غيرك
البنت تطلقت وزين ماسويت رحت وخطبتها وأنا حييت فعلك ماقلت مأخذ فضلة غيري مثل غيرك وغير كذا بتخلي فهد يموت قهر وهذا اللي عجبني أنا في الموضوع
طيب ياحاتم وانت خاطب البنت متوقع أنها بتحبك وهي توها طالعه من تجربه فاشله وكانت تحب زوجها وانت عارف بسبب طلاقها لو أن فهد ماخانها ماتطلقت منه
يعني أكيد بتتعب معها لكن الثريا بنت رجال ومره سنعه قابلت طيبك بطيب وعيشتك أحلا عيشه وهي ماحبتك ولا وبعد وتحسبك تعشق غيره كثر الله خيرها يأخي لله درست يأم خالد مسنعتس
وخير ياطير سمعتها في الكلام اللي قالته طاحت السماء لو انت تحب صدق مثل قولك كان تحديتها وتحديت عمرك قبل وقلت ياراعي الحتسي المصفوف بنسيها فهد وطوايف فهد بس تصرفت بكل همجيه وضعف ومراهقه أثبتت أم خالد أنها أعقل منك وصدقني هذي مهيب ردة فعل محب أبد وعاشق مثل ما وصفت عمرك
الثريا يوم عرفت بحبك الغيرها قالت هو لي وماراح أخليه لها
حتى يوم قمت تصدها وتجرحها بالكلام وطردتها من بيتك ماتصرفت بهمجية قعدت بيتها وقامت بواجبك وكلامك الجارح تقابله بكل أدب وماردته عليك ولا من اللي منا بتسمع كلام حاتم وتسكت عليها بنحطها كرامه اقل شئ وبنروح البيت أهلنا
إلغايه لو انت ياحاتم مكان الثريا وهي مكانك مثال طلقت وبنت عمك بنت ما تزوجت وانت تحب زوجتك اللي طلقتها ودريت أن بنت عمك تبكي وخذيتها بتسوي مثل الثريا بتضغط على نفسك وبتبين انك تحبها مثل ماسوت هي حتى لو كذب اقلها بتقول انتي اللي تبيني مهوب أنا
يبنات ولله أن نجد ماغلطت يوم حبت زوجها واخلصت له بعد موته ولا تقبلت غيره لا ويليتها ماحسنت عشرة الرجال إلا خلته يدهينه لا تنكتين بس مايملا عين أبو طلال إلا التراب بالأول يبيها أخت ثم الحين يبيها تحبه وتنسئ أبوعيالها أقول يصبر الأرض على أهلها يا محمد
وحتى أم خالد عداها العيب غلط أنها قابلت حب حاتم بالمثل حتى لو تمثيل زين لو هي قالت مابيك ماحبك ولا اقدر أتقبلك انت تحب وحده وتزوجت غيرك وأنا احب واحد تزوج غيري ليش ماصبرت يابوتركي لين يجيب الله المطر بيمدي البنت تحبك وانت من اول موقف زعلت وأنكرت اللي بقلبك كله لكن مهوب منك بلاك ذا البني اللي ينطن لك بكل مكان شفت عمرك

أنصفو بنات نايف ووصايف ياليلاسيات هذولي خوات قايد عداهن العيب
متحامله وبقوه .......فيس مطير عيونه فيكم يخوفكم وأولكم ام اليزيد
ام اليزيد مافيه بارت قبل السبت تبردين فيه حرتي على حاتم ومحمد ..........فيس توه داخل معكم جو وماشي معكم في الرواية

رد: ثرثرة أرواح متوجعه
 

هلا وغلا ام اليزيد ماشفت ردك إلا بعد ما نزلت ردي الثاني
أتمنى تقرينه وتعطيني انتي وأم الوليد والخوات رأيكم هل أنا صح ياتقنعوني أو إقنعكم .....فيس يقولكم إقناعي صعب

رد: ثرثرة أرواح متوجعه
 

يسلمو يا ضمضم بارت رائع بالرغم من المه بجد صعب الثريا حاتم زودها شويه بالرغم من تفهمى لموقفه وتعاطفى معه وايضا نجد بصراهه صعبانه عليه جدا وبرضه التمس العذر لمحمد للتبلد نجد معه وبالتالى حط حرته فيها بصراحه صعب وكله والجموح اللى اعتقد انها حامل اتوقع ايضا ان محمد ممكن يصاب بذبحه وده اللى يطيح البرود االلى عند نجد يسلمو يا غاليه رائعه كالعاده