رد: ثرثرة أرواح متوجعه
 

السلام عليكم .. اهلاً ام اليزيد ... اول شي بقوله ان روايتك جداً جميله ،،وثانياً بعترف بشي انو انا متابعه لروايتك من اول بارت نزلتيه. فيس خجلان بس انا دايماً اتابع روايات ولا افكر اررد عليها ،،بس روايتك ماقدرت ماارد عليها عن جد رووووعه .وأسلوبك مراا جميل والله تحمست مع الاحداث ودخلت جو معاهم ،،. ممرااا شكراً على هيك رواييه ... قُبلااتي لك ضمضم ...

رد: ثرثرة أرواح متوجعه
 

رد: ثرثرة أرواح متوجعه
 

صباح الخير والنوير على ضمضم ومتابعاتها

بارت كارثي على بنات بنات وصايف كلهن ماعدا الدانه الي شبعة من العذاب والتوتر وجا وقت راحتها

نجد وحياتها مع محمد مشتها برضى وطاعه لزوج تشوف انه يستحق انه يرتاح ويعيش با استقرار
والحب ماهوذاك الشي المهم الي تحاول تتقمصه وتعيشه مع ابو طلال

ابو طلال كان راضي بها الوضع زوجه مطيعه محافظه على بيتها تحاول تهيئ له جو من السكينه والطمئنينه

لكن الاخ محمد بعد ما تغير وضعه وارتاح مع نجد صار يدور على الي يغثه صار يبي كل شي

راحه وحب واستقرار وزوجه عاشقه له وكل هذا يبيه بيوم وليله

لكن الطمع يذهب ما جمع صارت تصرفات نجد عندك تحت المجهر وتراكمات تراكمات ولدت الانفجار الي صار

وماقصرت النهايه كانت الكلمه الي كانت راحه لك بالماضي مع اشواق

الحين بتكون سبب عذابك مع نجد

نجد ابدآ ما تستحق منك الي سويته فيها

لأن الموضوع عااادي كلنا اطفالنا ياما سكروا على انفسهم باب حمام باب سطح تنشب يده
ولو كل رجال طلق اذا سكر على ولده
ماقعدت حرمه على ذمة رجال

وترى انت صادق الاطفال محد يتحملهم الا امهم والام مالها لاعوض ولابديل ونجد ماهي مجبوره فيهم
ونجد لو تبي تجرحك كان قالت بعد الابو ماله عوض
والمفروض منك يوم جبت عيالك جايب معهم شغالتهم تطرد وراهم وتتبعهم

نجد ماهي آله بيتها واطفالها ولا عندها شغاله وش بتلحق عليه

الحين تم الطلاق وكثر الهرج واللوم ماعاد ينفع

هل نجد بتكبر الموضوع وبيكون غريمك تركي الي دق الصدر لنجد

لأن قايد كانت له وجهت نظر ومع الاسف طلع صادق

او ان نجد بتكتم على الموضوع وتقعد في بيتها وتعالجه بطريقتها

اتوقع نجد عاقل وماراح تطلع من بيتها وهذي هي السنه

لكن محمد وش بتكون ردت فعله بيكابر ويطردها

ويشتغل على موال كرامه وماعندك كرامه لو جلستي

والا بيندم على طول ويدري انها نزغة شيطانويحاول يصلح الموضوع قبل يكبر <<ننتظر ونشوف مع ضمضم

الثريا والشق الي شقته وشلون تبي ترقعه

كنتي مرتاحه وحاتم عوضك عن كل الي فات

هذا انتي فضختي عينك بلسانك

انتي مثل محمد قعد يتبطر على النعمه الين انحرم منها

انتي الحين رجعتي لبيتك مالك الاتبلعين ها اللسان

حاتم ماطلق وهذا الاهم

انسى يا ثريا تدورين حب عند حاتم يبي لك سنين كثر الي حبسك اتم بصدره وبين ضلوعه عشان تلقين حب عند حاتم

انتي الي رسمتي حياتك مع حاتم فعل يدك وقول لسانك الي صار تحملي

وحتى لو انفصلتي عن حاتم ماراحهو يرتاح ولا انتي بترتاحين

انثبري عند حاتم وحاولي من جديد تبنين حياتك معاه وتنقذين مايمكن انقاذه


بارت رائع ام اليزيد

وننتظر الاروع

رد: ثرثرة أرواح متوجعه
 

أنا لأن نجد عاقله وحكيمه اظن إنها بتروح لبيت أهلها لكن ماتخبرهم بطلاقها خاصه لوعرفت اللي حصل مع الثريا وموقف أمها منه
لحد مايهدى محمد ويعرف غلطه ويراضيها وهذا التوقع الغالب
يعني يحلون مشاكلهم بينهم بدل مايعرف بها الغير وتكبر مثل
ماحصل بين ماهر ودانه
وتوقع آخر إن محمد يرجع لعقله بسرعه ومايسمح لها تخرج من البيت ويراضيها
وتوقع آخر إن يعرف أهلها منها أو من أولادها مثل مايقولون
خذوا أسرارهم من صغارهم لأنهم حاضرين الموقف وشافوا
اللي حصل وسمعوا كلامهم وعاد الله يكون في عون محمد
من اللي بيجيه من قايد وتركي
لكن التوقع الأخير ضعيف عندي لأن من معرفتي بأم اليزيد
ماراح تعالج مشكلةنجد مثل الدانه راح تظهر لنا جانب آخر من كيفية
معالجة المشاكل الأسريه بين الزوجين بدون مايعرف بها الغير
وتزداد شقة الخلاف وهذا أفضل من الشوشره وشماتت الأعداء

رد: ثرثرة أرواح متوجعه
 

السلام عليكم ورحمة الله وبركاته

رجعنااا صارت الدعوى سردادي مردادي


ياحيالله ام اليزيد واحكم ثرثره سمعتهاا

بنات طلاق محمد لنجد بسبب تراكمات واخر موقف هو القشه الي قصمت ظهر البعير
اولهاا تخششها عنه من اول يوم. تصريحهاا انها شبه مغصوبه. استفراغها اول مره معهااا دايم تعاتبه او تحاسبه على تصرفاته كنه بزر عندهاا والطامه الصوره ورزتها على سرير بنتهااا والرجال بيتحمل وش الي حاااده عليهاا ... حبهااا بس هي بالمقابل وش عطته لا حب لا قلب
وجت لويلو وكملت الناقص الحلال حلال ابونا والقوم طردونااا

محمد كان حاس بتنأيب الضمير وهالاحساس مدمر وقاتل بالنسبه للوالدين اذا حسوا انهم مقصرين معع عيالهم او ظالمينهم. وانا جربت هالاحساس وخربت سفره وقدمت الرجعه اكثر من عشر ايام يوم تركت ولدي الصغير وقالوا انه يسمى اي وحده مااما كفخت وحست الدنيا والكبار زعلوا
بس رجعت خلاص تنسين كل شي عند عيالك وهذا الي حصل لمحمد الشعور بالذنب وانه قاعد يعطي ويلعب ويربي عيال نجد وتارك عياله وموقف تسكير الباب هو مفتاح تنفيس الغضب لمحمد

اسباب واسباب لكن العلاقه من البدايه كانت محفوفه بالانفصال ونجد بنفسهاا كانت تبي تتركه وتقوله بعد انت مثل البزر ياكبرهاااا !!!!!!
حااتم يبيله وقت طويل علشان ينسى دايم الرومانسي والمعطأ والعاشق يشوف الثاني مثل التحفه المكتمله اي خدش يصيب هالعلاقه او الحب يشوهها بنظره فما بالك بخيانه هو بنظره خيانه اننها للحين
تذكر فهد وتطريه ولااااا سبب زواجها كيد لفهد هو المسدس والطلقه الموجهه لقلب فهد. تحمد ربها انها بنت عم وامها وصايف ترقع لها لو ان الشق اكبر من الرقعه بس الحين دور الثريااا تمسح كرامتها ورفعة خشمها وخرابيطهاا علشان تنسي حاتم الي سوته !!!


دانه خبله متطرفة المشاعر ماعندها اتزان اجل لو هي عشر سنين ماحملت وش تسوي تشتري جهاز سونار وكل اليوم منسدحه والجهاز على بطنها وتحاكيه يالله العقل وتشتري ملابس وهي توهاا كنت ا اتناقش انا وهتو نه عن هالنقطه مدري حنا جلوف اخبر الوالده بداية التاسع جهزت لي ولا انا ولا على بالي والاخت دانه بتركب السرير عسى بس ما شرت حليب وبمبرز وفيتامين وخافض حراره علشان يكمل الهبال ويصير رسمي
عزالله انك مثل الي ولم العصابه قبل الفلقه
افرحي بس بلا هالعجله والطيره صدق ياوصايف النار ما ترث الا الرمااد وبناتك وقفوا حياتهم بيديهم وقفوا عند مرحله وبركوا عندهااا لاهم الي تجاوزوها وعاشوا حياتهم بعدهااا ولا الي عاشو هالمرحله بشفافيه وعرفوا الي لهم ولي عليهم وفككوا شفرتهاا وعرفوا معادلة الحياة البسيطه وهي ان الحيااة تمشي واذا انت وقفت تعدتك والحياة تعدت نجد والثرياا والنتيجه. ضياع حاضرهم ومستقبل مجهوول يمكن تتعدل الامور بس بعد جهد واستنزاف عاطفي كبيييير

ننتظرك ام اليزيد