أنا نصفي تعب والنصف الأخر للهموم لحاف!!
,, ضمير الوقت نايم يارفيقي والقلوب أرهاف . . . . وسواليف الرحيل تشدّني والليل يغويني وأنا ليلي قصايد يارفيقي ماعليه خلاف . . . . حكايا والحكايا ودّها في صمت تغريني سبح وجه الورق في داخلي وأفكاري المجداف . . . . سيول الهم ّمالت في بحر حزني تخاويني أغني للشقا وأنشد ترانيمي وأرد القاف . . . . وتحدر دمعتي وأجرّ عبراتي وأخليني تذكرت الفراق وفزّ ضيقي والضلوع ضعاف . . . . وأنا مالي على حد الهوى قلب ٍيواسيني حزين وضايقٍ صدر الحزين ودمعته تنشاف . . . . تفرد هالحزن ياصاحبي وأثقل موازيني تمرد في طريقي ليتني جنبت عنه وراف . . . . يبرد حرته في وسط قلبي والعنا فيني تخيل هالصباح إليا عبس في ضحكتي وأنعاف . . . . تخيل كيف يكسر خاطري ويرد ينفيني تخيل هالشعور اللي نما ياصاحبي ما خاف . . . . تخيل هالوطن من كثر ما أحبه يبكيني طريدٍ ماشكيتك يا وطن لو بعتني بأجحاف . . . . أبصبر وأتحمل لو غزير الدمع يشقيني أنا نصفي تعب والنصف الأخر للهموم لحاف . . . . أنا وجهي ذبولٍ ماعرف طعم الفرح فيني أنا باب خلعه الريح ليلة والعروق خفاف . . . . وحيدٍ مالقيت اللي يرد الضيم عن عيني أنا اللي ماعرف يلقى لـ قلبه فلسفة وأوصاف . . . . أنا اللي ضايعٍ بين الطموح وخيبة سنيني تعال ورد هالعالم لقلبي وأعطني الأنصاف . . . . تعال وردني يمّ الطريق ولا تخليني رفيقي يا رفيقي أشتكي لك والسنين عجاف . . . . أبي لا ضاقت ضلوعي ألم قلبٍ يهديني آلشآعر : سطآم آلشامان .. |
تخيل هالشعور اللي نما ياصاحبي ما خاف . . . . تخيل هالوطن من كثر ما أحبه يبكيني طريدٍ ماشكيتك يا وطن لو بعتني بأجحاف . . . . أبصبر وأتحمل لو غزير الدمع يشقيني ابيات جميلة يعطيكي العافية |
قصيدة رووووعه يسلموووو غيووومه <<فيس مشتاق لج ^^ |
تخيل هالشعور اللي نما ياصاحبي ما خاف . . . . تخيل هالوطن من كثر ما أحبه يبكيني مووجعه.. ذائقة راائعه الف شكر حبيبتي |
أنا اللي ماعرف يلقى لـ قلبه فلسفة وأوصاف
. . . . أنا اللي ضايعٍ بين الطموح وخيبة سنيني تعال ورد هالعالم لقلبي وأعطني الأنصاف . . . . تعال وردني يمّ الطريق ولا تخليني رفيقي يا رفيقي أشتكي لك والسنين عجاف . . . . أبي لا ضاقت ضلوعي ألم قلبٍ يهديني الله الله صصح لسسآن قآيلهها وسلمت يمينك ي ذووق |
الساعة الآن 06:33 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية