منتديات ليلاس

منتديات ليلاس (https://www.liilas.com/vb3/)
-   الشعر والشعراء (https://www.liilas.com/vb3/f14/)
-   -   ليلة فراقك.. محمد جار الله (https://www.liilas.com/vb3/t180313.html)

بوح قلم 10-09-12 06:47 AM

ليلة فراقك.. محمد جار الله
 
من بعـد مـا كنـت أحسب إنّـي نسيتـك
مدري اش جابك على البال وذكرتـك ؟؟

ولا وعيـت إلاّ وانـا قـدّام بيتـك !!
ماتقول انّـي قبـل مـدة هجرتـك ؟!

ذا مكاني .. لاغفـى الليـل وسريتـك
شف ّ كم لي .. ما سريت ولا سهرتك؟

وذا مكانـك .. لا تضايقـت وجفيتـك
وشف ّ كم لك .. ماترجّيت وعذرتـك ؟

وذا مكـان قلوبنـا .. لحظـة هويتـك
فيه عمـري اختصرتـه واختصرتـك

واقف .. وكنّي مـن احزانـي بنيتـك
(جسر) .. مابين الزمانين وعبرتـك !!

آتذكّـر .. وش خذيـت ووش عطيتـك
يوم كنـت انقـاض وبحبـي عمرتـك

وآتذكّـر .. ساعـة انهـوك وبديـتـك
كيف بجروحي عن جروحي سترتك !!

وكيف بعت احلام عمـري واشتريتـك
وكيف كنت اشنع هزيمـة وانتصرتـك

وكيف كنت الملح ..لكنـي رويتـك !!
وكيف كنت الزيف .. لكني ذخرتـك !!

ادري اني جـد ّ.. مـن قلبـي بغيتـك
وادري انّي رغم كـل هـذا خسرتـك

انتظرتك .. ( عمر ) حتى اني لقيتـك
والقهر مدري على ويش .. انتظرتك !!

كنت احبك .. كنـت !! لكنـي سليتـك
ومـا بقـى سلمتـه الريـح ونثرتـك

وانـت لاا تزعـل اليـا منـي رثيتـك
بعد مـا خنـت وتوفيـت وقبرتـك !!

والله انـي .. لاحزنـت ولا بكيـتـك
مثـل مـا عمّرتـك بقلبـي دمـرتـك

بس تدري ليش عقب غيـاب جيتـك ؟
واهتدت رجلي على بيتـك وزرتـك؟؟

بشكرك .. على آخر طعونـك فديتـك
ليلة فراقك .. نسيت !! وما شكرتك !!

Q.miiro 10-09-12 07:05 AM

وكيف كنت الملح ..لكنـي رويتـك !!
وكيف كنت الزيف .. لكني ذخرتـك !!



قصيده رائعه لشاعر مبدع
كلمات تحمل معاني جميله ..

تسلم يمينك بـــوحه على هالذووق الحلوو ..

ام البنين 10-09-12 09:51 AM

بشكرك .. على آخر طعونـك فديتـك
ليلة فراقك .. نسيت !! وما شكرتك !!

قويه. جدا. رائعه. بوحه.

وجه الصباح 10-09-12 03:19 PM

القصيدة كلها على بعضها رووووووووووووووووووعه
وكلماتها جدااا مؤثرة
يسلم ذووقك يابوووحه
تبهرينا دائما باختياراتك الف الف شكر لك

بوح قلم 13-09-12 06:58 AM

اقتباس:

المشاركة الأصلية كتبت بواسطة ميروكالاينالا (المشاركة 3174662)
وكيف كنت الملح ..لكنـي رويتـك !!

وكيف كنت الزيف .. لكني ذخرتـك !!



قصيده رائعه لشاعر مبدع
كلمات تحمل معاني جميله ..


تسلم يمينك بـــوحه على هالذووق الحلوو ..


مروورج الراائع حبيبتي

ربيه يسلمج فديتج

حياج الله


الساعة الآن 04:19 PM.

Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية