منتديات ليلاس - روايتي الثالثة/همسات ناعمة

مرحبا يا أحلى أعضاء:8_4_134:
بعد إنقطاع طويل عن الكتابة في المنتدى ولأسباب خاصة طبعا.. من بعد رواياتي (القلب الملائكي)و(وردة الحب) رجعتلكم هالمرة برواية جديدة غير بكل معنى للكلمة وهالمرة ما راح تكون باللغة العربية الفصحى راح تكون باللهجة العامة وهي رواية إجتماعية بتلاقو ا فيها كل شي حب..كره..حزن..فرح..ألم..لأني ما بحب أتخصص بشي معين بس ..وكلي أمل إنها تنال إعجابكم و تشجعوني لحتى أكملها..لحد هالوقت أنا كاتبة منها 3 فصول..وإذا لقيت منكم التشجيع إن شاءالله بكملها..راح أنزللكم أول شي وصف للشخصيات و الفصل الأول من الرواية...
الشخصيات الرئيسية بالرواية وهم أبطال روايتنا
بالنسبة لإلي حبيت الشخصيات كلهم حلوين هههههههههه وإن شاءالله إنتو كمان تحبوهم..:55:
عائلة مروان ( أبو ماجد )
مروان/رجل أعمال معروف
نورا/إم ماجد الزوجة الوفية و الطيبة لأبو ماجد..إجتماعية كتير وفي كل عرس إلها قرص مثل ما بقولو..عندها زوجها وإولادها وبناتها وأحفادها أهم شي في حياتها...
ماجد/37سنة رجل أعمال مثل أبو..شخصيته قوية كتير متزوج من رينا بنت خالته ومعهم التؤام ليث ولارا14سنة و مروان5سنوات.
شيماء/35سنة متزوجة من سالم(واحد من قرايب أبوها من بعيد)ومعهم صبا19سنة بتدرس إدارة أعمال، فهد18سنة بدرس بالكلية علم الحاسوب، تمارا16سنة،نصر11سنة،شجون3سنوات.
كريم/32سنة دكتور أطفال إنسان بسيط و حساس أرمل وعنده بنوتة إسمها غنوة عمرها سنتين...
حمادة/29سنة صحفي في مجلة ثقافية معروفة..
ناهد/28سنة دكتورة صيدلانية متزوجة من سيف دكتور طب عام وهو صديق أخوها كريم المقرب ومعهم ولدين نهر4سنوات و صقر سنة ونص.
جميل/28سنة تؤام لأخته ناهد و بشبها نوعا ما شكلا بس بس بالشخصية غير:smile:درس إدارة مكاتب و بشتغل مع أخو وأبو في إستيراد الأجهزة الطبية..
رؤى/26سنة معلمة إنجليزي في مدرسة خاصة بالبنات..غاية في الرقة و الطيبة و البساطة..وحلوة مثل القمر بشعرها الأشقر الدهبي الطويل و بعيونها الزرق الواسعات وبياض بشرتها الناصع..طولها متوسط وحلو ومناسب مع وزنها..وهي مخطوبة مع وقف التنفيذ:smile:
تاج/21سنة بتدرس جغرافيا..بتعشق إشي إسمه سفر..بتموت في القراءة..شخصيتها قوية كتير..وكمان حلوة كتير وجمالها مميز شعرها بني فاتح مايل للأشقر بشكل طبيعي طويل وبتعدى خصرها وخصله ناعمة مع إنه في شوية تموج..وعيونها عسلي فاتحات..طويلة نوعا ما ومليانة شوي بس هالشي محليها بزيادة..
مخطوبة لإبن خالتها حسام مهندس ديكور..
التؤام/ هدوب و هيف19سنة بدرسوا تمريض..وما بتشابهو بالشكل بس بالتصرفات..هدوب شعرها كستنائي غامق وطويل وبخصل مموجة وعيونها بلون العسل مثل أختها تاج أما هيف شعرها لونه بني ناعم ومتوسط الطول وعيونها لونهم بين الأخضر و الأزرق لون غريب بس بجنن..وطولهم ووزنهم متوسط مثل بعض..
هدية/17سنة ثانوية عامة أدبي..كمان شعرها طويل و حلو ومميز مثل خواتها لونه غريب بين الكستنائي والبني و الدهبي وهي ملكة جمال العيلة بشكل عام و عيونها الخضر الفاتحات..ومن خلال أحداث الرواية بتتعرفوا على شخصيتها أكتر.............
قدمتلكم عرض للشخصيات اللي حيكون إلها دور كبير في الرواية
وأكيد خلال الأحداث بتظهر شخصيات تانية
اليوم راح أكتفي بالشخصيات وبكرة إن شاءالله
بنزل الفصل الأول
لأنه بحتاج كتابة ووقت طويل:liilas: