اضع هنا اول بدايات اناملي في الكتابات الروائيه راجيةَ المولى ان انال اعجابكم
ملاحظه : اتمنى من كل قلبي ان تكتبو نقداً بناء لروايتي سيسعدني وسجعلني اكثر بهجه




..
..


البارت الاول
http://www.liilas.com/vb3/t179465-2.html




..
..





اشعرانى اعيش فى دنيا الغموض واحتاج ان اصرخ باعلى صوت....... ولكن هل من موجود فى دنيا بلا وجود .....هل يجيب احدا او يتحدث بلا انكار وغموض


في احد المدن الايطاليه العاصمه بالتحديد
تستفيق من نومها خائفه ككل ليله تسمي بالرحمن وتذهب الى شرفتها كالعاده لتستنشق بعض الهواء لتهدئ من روعتها 6 سنوات والكابوس يأتيها كل ليله وفي كل مره تسأل نفسها هل سينتهي ام سيستمر حتى الممات تنهدت من اعماق قلبها تنهيدة ً طويله: يا رب ان رحمتك وسعت كل شي فارحمني برحمتك
......................................
: استاذ تامرني بشئ ؟
: كم مره قلت لك عادي اذا كنا لحالنا تناديني يبه
: إن شاء الله يبه
:جيبي لي قهوه سوداء
:حاضر يلا استأذن بروح اجهز للإجتماع الجاي
: صبر شادن فيك شي ؟!
شادن:لا مافيني شي
: الحمد لله خلاص روحي عطلتك
..................................
: رعد
رعد: هلا يمه
ام رعد : افطر قبل ما تروح شغلك
رعد:جاي بس البس جزمتي الله يكرمك .. إلا كاسر وينه؟
ام رعد: وين يعني ؟ باقي في البحر مع شلة السوء ما اقول الا الله يهديه ويصلحه
رعد: لاتخافين عليه كاسر ماعاد هو ذاك البزر وإن شاء الله يهديه ربي
:صباح الخير ماما (Buongiorno) رعد>>>صباح الخير بالإيطالي
ام رعد: صباح الخير
رعد : (Buongiorno) نانا
: تصدق احبك لما تناديني نانا بدال ريانه "تقولها بصوت استهزاء مضخم"
رعد : والله اسمك حلو بلا هذره
: هي اصلا تقول كذا عشان تقول لها اسمك حلو تحتاج تعزيز ثقه صباح الخير للكل
ام رعد:بسم الله بسم الله يا حبك للحركات هذي تجي تطلع لنا فجأه مدري من وين
ريانه: لا الحمد لله ثقتي بنفسي بأحسن حال
رعد : بديت اشك انك جني هههههههه شكل امي وابوي شاربين شي يوم كانو ناوين يجيبونك هههههههههههه
ام رعد استحت وقامت من عندهم:والله انك ما تستحي وهذا انت البكر
كاسر : هههههههههههههه جني بعينك مالجني غيرك فجأه اصحى من النوم الاقييك بفراشي يخي انت ما تقدر تنام لحالك يعني؟
رعد: ياخي قلت لك كنت ادور ارواق للشركة بغرفتك فتعثرت وطحت على سريرك لحظتها انت قمت من النوم بس
كاسر: لا يكثر " بصراخ رجولي" ميري جيبي لي موز
ريانه : ووووع تكفى كله بعيد ما احب ريحته
رعد : الحمد لله على النعمه
كاسر: نانا!! فكرتك اختفيتي مو تعرفين حنا عايله جن هههههههههه
رعد : هاهاهاها لاتعيدها مرا ثانيه
ريانه : بسم الله علي وعلى فكره احد قال لك انك مرررا سخيف
كاسر : قالوها لي بس ما قالوا " يقلد صوتها الناعم ورائها الخفيفه " مرررا
ريانه : افففف
رعد : يلا تأخرت كاسر تجي معي؟
كاسر: لا بتأخر شوي اكل موزاتي
..........................................
في مكتب احد مالك اضخم شركات ايطاليا التي تتبع لها فروع في بعض دول اوروبا والشرق الاوسط تحديدا دولتنا الحبيبه السعوديه حماها الله وشرق اسيا وامريكا الشماليه بدخل يعادل 25 مليون دولار سنويا.
جالسا على كرسيه بكل وقاروقد خانه الكبر فعمره في الستينيات لكن من يراه يظن انه في الاربعين من عمره
رعد : صباح الخير يبه
ابو رعد: صباح النور يلا تجهز بسرعه الاجتماع مع وفد شركة(RB) بعد ربع ساعة الا وين كاسر
رعد : على وصول انا جاهز يلا نروح
كاسر: انا جيت "بأبتسامه صفراء"
ابو رعد" رمقه بنظره كانت كافيه لإسكات ابنه الطائش والمتأخر دائما "
كاسر في نفسه" يعني مستحيل ادخل الاقيه يبتسم لي !!">>>والله من فعايلك يا شيخ
ابو رعد : اسبقوني على قاعة الاجتماع يلا
"في الممر"
كاسر: تدري ليه كل شباب الشركة مداومين اليوم ههههه
رعد : ايه والله غريبه مو من عادتهم
كاسر : لان اللي مترأس الوفد اللي بيجي روان بنت بدر الخققه
رعد : ومن تكون؟
كاسر : احلف انك ما سمعت فيها !! ياحسافتي في اخوي
رعد : اتكلم من جدي من تكون ذي وليه الشباب مداومين عشانها
كاسر : هذي الله يسلمك مديره شركة (RB) وجمالها رباني ما شاء الله مفروض تكون ملكة جمال العالم بس فيها غرور يا كافي وتكره شي اسمه رجال وما تعطي اي احد وجه وعمرها ما خسرت صفقه دخلت فيها
رعد :اهااا والله اذا ما حسنت اسلوبها معانا ماراح تكسب ذي الصفقه ابدا
كاسر: ياخي راح تكسبها وهي مغمضه و تشوف
رعد : مو مع رعد
................................
بدر :شادن انتبهي من مدير شركة(SRA) رعد صالح مرره عنيد في الصفقات وما يعجبه اي شي يعتبر منافس لك من ناحية الكفاءه بيضي وجهي وانا ابوك
شادن: ان شاء الله يبه
بدر : وانتبهي لا يزل لسانك وتقولين اسمك شادن تذكري دائما اسمك روان لا تسوين زي عند الدكتور وهقتيني ذاك اليوم
شادن : ان شاء الله يبه
......................................
:سيدي ماذا نفعل
: اقتلوه بات يشكل خطرا علينا لكن بحذر لاتدع اي مخلوق يراك
: حسنا سيدي
:انتظر
:ماذا سيدي
:اتصل بساله وقل له ان يقابلني الليله ويحضر ابنه معه المدعو رئد
: حسنا سيدي
:اذهب " اتى اليوم المنتظر سأجهز رئد بيدي ليصبح مثلنا وملماً بكامل اسرارنا انتظرت هذا اليوم سنوات وها قد اتى"
....................
احبابي دعو لخيالكم فضاءً لا يعرف الحدود
واتمنى تفاعلا يخجلني ويبث الحماس في نفسي
لم يكتمل عدد ابطالي الى الان
اتحرى شوقا لقراءة ردودكم
ملاحظه: هذا ليس البارت الاول بل هي فقط بدايه لمشوار طويل