منتديات ليلاس - آنا لوقلت ضعت بغيبته يمكن يضيع إنسان

مسآءكم رضى الرحمن

\
يحدر الدمع قبل يطيح من عيني غلا له بان
وآنا من غيبته طحت وتكسّر كل
مافيني

شربته من وفا حتى ثمل قلبي جفا واحزان
وسقاني من تباريحه إلينه ارتوى
طيني

هويت وكل ماحولي سقط في حيلتي تعبان
وسهر فقده مع روحي تونّ وهو
يبكّيني

عصيّ القلب رغم الوجد تجلّد وانكر الخلان
عظيم الشوق لاهزّه يدور وصله
بعيني

وآنا لي عزّةٍ تقسى ! تحرّضني على النسيان
ولكن جمرة الخافق تقيد وما
تنسّيني

آنا لوقلت ضعت بغيبته .. يمكن يضيع إنسان !
آنا ماضعت بعده بس ضاعت جملة
سنيني

من الغارق ؟ من مفارق ؟ من المديون والديان ؟
من اللي وزّع الأدوار وخلى البعد
يقصيني ؟

هنا جايز ! هنا ممكن ؟ هناك اظن ورا البيبان
سكن حلم السنين ولا تزخرف من
تلاويني
سقط ثقل الملام بشوحة الجاني على السجان
ولا عادت علامات التعجب تقنع
بسيني

فتلت من الكلام الصدق / نقضت اكثر بلا برهان
وشمس الحكي مابانت على جملة
تقدّيني

تطيّرني الظنون , تجيبني طيرٍ بلاجنحان
وارفرف كني المذبوح بقيدٍ جرّح
يديني

وإلى طاحت دموع العين تحدّر بي غلاه وبان
وآنا من غيبته مكسور حتى خاطري
فيني

\
آتمنى آن تنآل إستحسآنكم