|
يا مرحبا بأغلى البشر .. حي ذا الصوت .. !
|
مدخل : أنآ كيف أضيق من الزمن ولآ ليه أحتآج .. و أنآ مري ربعي هل المجد ودروبه .. اليوم أتيت ومعي شآعر تميز بجمآل قلمه .. وإبدآعه .. يحلق بنآ بين كلمآته .. ! يروينآ من شهدهآ حيناً .. ونغضب لغدرهآ حيناً أخر .. ونتنهد عشقاً حيناً .. ونشعر بتقصيرنآ وذنوبنآ حيناً أخر .. أبدع بتصوير فكرته .. فوصلتنآ أفكآرهـ كمآ أرآدهآ .. أتقن رسم الصور .. فلآمست شغآف قلوبنآ .. وتربعت وسط صدورنآ .. كتب عن الغزل ، الدين ، الغدر ، المسنين ، الفرآق .. ومآزلنآ نتعطش لمزيد من كتآبآته .. لديه قلم لآ مثيل له .. يفرحنآ بكل جديد .. فبكل حرف من حروفه .. تميز وإنفرد .. موطنه : قطر الشقيقة .. وهنآك يُعد بالمرتبه الثآلثه في كتآبته عن الوطن .. كمآ نُشر .. الوطن نغمة جميلة .. إستطآع الشآعر عزف أنغآمهآ .. معنآ الشآعر المميز : حمد بن عبد الله البريدي المري .. |
بعض أشعآرهـ : غصيت بك يَ مآي : يا بايع الرفقه تعلمك الايام !!! قدري .. بدون آجيك وآعلمك به ان قاله الله لا اترك عيوني تنام وأحد عن درب السهر واتركك به جروحك .. اللي مهمله قدلها عآم زادت على القلب الذي مسكنك به تبغيني ارجع لك .. موافق !! اذا قام يرجع لك الماء لا انتثر عقب سكبه الله يقطع بيننا وصل الارحام ! دام الثقه في اقرب الناس نكبه تبيعني .. وآنا اللي آعدك حزام !!! غصيت بك يا ماي ويش ابلعك به ~~ يَ طير : يا طير حظك لا بغيت تطير ما اضناك المطير تنطح صلافيح الهوى من هيبتك وتعوقها !! وش لك بالارض العابسه والظلم والحظ االفقير بيض الليالي رخت ارشاها .. وقفت نوقها !! ما فيك لا برقع ولا لك وكر ولا لك جرير والله لو اني اياك لآشق السحب وآفوقها !! لا ضاق صدري .. رحت بلحالي وحثيت المسير وان ضاق صدرك توكر بروس الجبال وفوقها شامخ ولك هيبه .. ولك سطوه ولك عزم خطير واليا نويت الصيده الجزله .. قدرت تبوقها !! اشبهك في غيك وغيك غير واحساسك عسير بس اختلف وياك .. فالقدره وفي منطوقها لا جعت مالي غير مالي .. بين زادي والحصير ولا انت مخلابك .. يقطع صيدتك وعروقها !! يا ليت لي جنحانك اللي لو بغت وادي عسير ما ردها منه سوى منشي السحب وبروقها يا طير .. شفني والله اني من عنا الدنيا كسير وكسرة جناح العزم .. ما تثنى الطموح بعوقها سيف القهر مبطي وهو ما فارق اطراف الجفير وانا علي مرفوق نفس ٍ خاطري .. مرفوقها احاول اجمع ما بقى لي من امل .. باحساس غير واكبح جموح النفس .. لو نفسي ذبحها شوقها انا ادري اني ماني بحاكم بلد ولا أمير !! لكني آجاري كبار الناس .. واسلب ذوقها أملك من الاحساس والقدره وتحديد المصير ما يكفي انه يحل ازمات العرب ووثوقها لكن حدود العقل والحريه وشوف البصير كنها تقول الابتعاد احيان .. من منطوقها ياليت مالي قلب يشعر ويتضايق ثم يغير ما كان وجهي شحبته الاقنعه وطروقها عيبي خلقت من الوفا .. بس الزمن ما فيه خير مثلي مثل ناس تعيش .. وما توفي حقوقها ~~ شفتك بعد غيبه : شفتك بعد غيبه .. وحاولت احاكيك مهوب من قلبي ولا من جراته !! بغيت اقول / فلان وازريت احاكيك وكني سمعت اسمي مع الالتفاته فزيت من نومي وانا اقول لبيييك وآثرك رؤيأ .. في منامي وجاته صفقت كف .. وقلت يا حلم يشوويك جددت لي جرح ٍ هنى في مباته يا اللي شريت البعد .. ما غاب طاريك حتى لو ان البعد .. سواا سواته مهوب محزني .. على حاجةٍ فيك إلا إن قلبي شايف ٍ بك غناته !! كن الطيوف تقول وشحال غاليك وآقول راح .. وما بقى الا غلاته لو ان ما جاني من الهم ياتيك كان المصلي ما حفظ وش صلاته مريت شارعكم .. وصادفني آخيك واللي قطع كبدي .. حلاتك حلاته بغيت الخبط من دعاياه ,, وادعيك واسمك وقف بين اللسان ولهاته !! وبغيت اجيب العيد وآقول : يرضيك فاللي وصاتي له .. وضيّع وصاته البعد شيّب خافق ٍ ميت فيك !! والى مشى خطوه عثر في عصاته مشكلتي / إن قلبي يحبك ويغليك ومشكلتك / انك شخص عايش حياته كثر الجفا .. نار .. وحطبها تغليييك خف الحطب .. لا تزيد نار الشماته إن ما احزنك جرح برجواه يدعيك ما عاد تفرق .. عيشته من مماته قلبي وعمري كلها بين اياديك العمر فدوه .. لكن القلب هاته !! وإن ما بغيت ترد قلبي ما اوصيك احسن عزاه .. الى دريت بوفاته ~~ يَ رب عبدك عآصي : يَ رب عبدك عآصي وكله ذنوب .. مآشآف من دنيآهـ إلآ ظلآمه .. شفت الفتن تسطو على النفس من صوب .. وشفت الهدى دربٍ وأحب إلتزآمه .. وإبليس من بيني وبينه حروب .. عقب الأذآن و قبل رفع الإقآمة .. أرجيك يَ ربٍ برحمآك مطلوب .. تغفر لمن يرفع يديه بقيآمه .. أضيق والخآفق من الهم مشبوب .. شبت حطب بدوٍ عشآهم كرآمة .. وإعصآك مآهو قصد وأعود وتنوب .. لوعآتي ويبقى بصدري علامة .. وإنت الغفور وعبدك اليوم متعوب .. ذنبه كسر ظهرهـ وأنهك عظآمه .. للمهتدين دروب وللعآصي دروب .. يَ رب ثبتني على الإستقآمة .. النآس قآلوآ كل ممنوع مرغوب .. وإبليس من يقدر يجود أخطآمه .. كل يوم أقول أستغفر الله وبأتوب .. وأخآف قبل لآ أتوب تأتي الندآمه .. القلب غآوي والأمل وجه مشحوب .. والصبر مفتآح الفرج والسلآمة .. دنيآ تدور وكلهآ نقص وعيوب .. والضيق في وجه المشآريه شآمه .. كل شئ في الدنيآ مقدر ومكتوب .. غمآمه تبرق وتمطر غمآمه .. مآدآم مآبه حد بالعمر محسوب .. والموت للإنسآن أخر ختآمه .. تكفين يالدنيآ تخليني أتوب .. خآيف من الله قبل يوم القيآمه .. خآيف من الله قبل يوم القيآمه .. |
يجي دور الأسئلة .. 1 / لكل شئ بدآية .. فكيف كآنت بدآيتك !! 2 / حكنآ عن بعض طفولتك .. وشخصيتك بتلك الأيآم .. وهل لهآ حيز بشعرك اللآن !! 3 / متى شعرت أن الشعر يستهويك .. وأردت التعمق به أكثر !! 4 / هل لآقت أول قصيدة لك النجآح الذي توقعته لهآ .. أم أكثر ممآ توقعت !! 5 / مآ القصيدة الأقرب لقلبك .. وهل هنآك قصيدة ندمت على كتآبتهآ !! 6 / كتبت بالغزل والغدر والفرآق والدين .. فهل للأم والفرح نصيب بشعرك !! 7 / من شجعك على خوض بحر الشعر .. وأكتشف موهبتك !! 8 / من الشعرآء الذين تحب أن تقرأ لهم .. ومآ الذي يميزهم !! 9 / من الأدبين بآ المجآلآت الأخرى عدآ الشعر " كآ الروآيآت .. الخوآطر .. قصص قصيرة " وتحب أن تتآبع أعمآلهم .. أم أنك لست من محبين هذهـ المجآلآت !! 10 / هل تشعر أنك حققت أهدآفك .. وشعرك يسآعدك على تحقيقهآ !! 11 / شعآرك بالحيآة .. ومدى تطبيقك له بحيآتك !! 12 / تشعر أن شعرك يأخذك من أهلك وأطفآلك بحآلة أن كنت متزوج !! ~~ يُفتح المجآل لكم اللآن آل ليلآس .. والأستآد حمد بيتوآجد قريباً هنآ على الصفحآت .. ويجيبكم بنفسه .. حيآكم ربي .. =) مخرج : ليآ قآلوآ أني من قطر ضيقتي تنبآج .. بلآد التميمي والموآقف تسمو به .. |
السلام عليكم ورحمة الله وبركاته يعطيك الف عافية ميمي للمفاجئة الجميلة في الحقيقة انا لست ممن يعرف الكثير عن هذا النوع من الشعر واستصعب احياناً بعض الكلمات وجل سماعي له كان في القصائد التي غنيت :) ولكن استهوتني وبشدة قصيدة : شفتك بعد غيبه سحرتني المعاني والانفعال الذي يحط بالابيات سعيدة بوجود هذه الفرصة للتعرف على الاستاذ الشاعر وبانتظار مروره لك مني جزيل الشكر :) |
ليدي
فككرة جميلة و يعطيش العافية شاعرنا حياك الله في ليلاس و ان شاء الله تطيب لك الاقامة بيننا |
السلام عليكم ورحمة الله وبركآته يسعد لي مسآكم جميعاً ، مفاجأه جميلة جداً وحيآك بيننا شآعرنا الكريم .. تمنيت تكون عندي أسئله أقدر أشارك فيها ولكني مُفلسةً تماماً هالأيام .. يكفي عذب وجودك كفيل بـ إسعادنا سبيشل كل الشكر للدعوه بل كل الشكر للمفاجأه الغير متوقعه يعطيك ألف عافيه |
السلام عليكم ورحمة الله... منمن يا أم المفاجآت .... مفاجأة رائعة تستحقين عليها الشكر الجزيل... صراحة أنا بحب الشعر والقصيد... لكن حاجز اللهجة أحيانا يقف عائقا أمامي ... لكن دائما ما أحاول فهم المعاني من طريقة الإلقاء أفهم الموضوع لآنه يجذبني دائما اللحن... ومرحبا بالشاعر بينا... كتى رح تكون الإستضافة؟؟ صراحة أعجبتني جدا (غصيت بك يا ماي)... مؤثرة وبها شجن وكآبة ... من النوع اللي أحبه سؤالي ... كم ديوان شعر منشور بإسمك؟؟! وهل تغنى بقصائدك فنان معين أم تتمنى أن يحدث ذلك؟؟ وفي حالة الجواب الثاني أي فنان قد تعطيه قصيدة وأنت مطمئن وسعيد بأنه سيعطيها حقها وأكثر؟؟ ما هي أقرب المواضيع لقلبك سواء أكان للكتابة أو للنقاش؟؟؟ وشكرا .... موفقين بإذن الله |
الله الله
مفاجأة روووووووعه صراحه مالي بالشعر كثير بس حبيت كم بيت قرائتوا يعطيكِ العافي ميمي على استضافة الشاعر اتريكي مو هينه ي نت خخخخخخخخخخخخخ بانتظار شاعرنا |
السلام عليكم و رحمة الله و بركاته
مرحبا ليدو و ضيفك الكريم .. يسعدنا التعرف به و تذوق اعماله اعترف اني مقلة في قراءة الاشعار لكن من الواضح ان قلمه ينبض باعذب الالحان احببت قصيدة " شفتك بعد غيبه " و تفاعلت جدا مع قصيدة "يَ رب عبدك عآصي " اما قصيدة " يَ طير " فكانت قمة في الجمال بمعانيها الراقية العذبة و اخيرا قصيدة " غصيت بك يَ مآي" لمشت شغاف القلب فعلا شكرا جزيلا على هذه المفاجأة الكبيرة و الاستضافة الرائعة اتمني ان تكون استضافة سعيدة و ان يقضي معنا وقتا مفيدا خفيف على القلب تحياتي |
ليييدي الجميله فكره رااائعه استضافة الشاعر في بيتنا ليلااس شاعرنا حياك الله بينا وان شاء الله تطيب لك الاقامه معنا |
وااااااااااااااااااااو ميمي خططيرهه انتي وقسسسسسم اطلق فككره بهالقسسم انا بححب قصيده له اسمها تبغى تضيق خاطري جعله فداك واحب اسمع اشعاره مو اقراها نكهتها بالسماع حيآك شاعرنا في ليلآس وان شاء الله تلاقي شي يحفزك ماعندي اسئلهه حآليا عوووووووووووافي ميمي كبر السعوديه . |
السلام عليكم و رحمة الله و بركاته
ربي يسلم قلبج ليدي على الفكره الرائعه حمد من اروع شعراء الخليج له اسلوب مميز و قصايده قمة في العذوبه حياك الله شاعرنا في ليلاس و عسى تطيب لك الاقامة بينا * الشعر او الكتابة بحد ذاتها متنفس للشاعر و هي احاسيس يترجمها على ورق .... قد مرة كتبت قصيدة فقط سد فراغ يعني من غير ما يكون هناك دافع لكتابتها .؟ او انه كتابة القصايد عند حمد ما تكون الا بسبب ؟ و شنو اقرب قصيده كتبتها و كنت تعنيها و شنو سببها ؟ للكتابة و الابداع طقوس .. شنو هي طقوس حمد عند كتابته لاي قصيده ..؟ و ربي يعطيك الف عافيه ....... |
رووووووووووووووووووعة هالكلمات شكرا ياليدو لاتاحة الفرصة لنا بالتعرف عليه
تسلم ايديك احلى تقييم يا فمرررر |
السلام عليكم
ماشاء الله ليدي فكرة تجنننننننن .. وشاعر راائع مما قرأت اعتذر عن تقصيري بالشعر فأغلبه لايستهويني ولكني فعلاً وقفت أمام كلمات الشاعر الجميلة والرقيقة بانتظاره ليجي عن الاسئلة حياك الله بيننا ^^ |
, حيّ الله الشآعر وحيّ : المشآعر اللّي يترجمها قصيد[ن] مغنّى =$ أهلاً وسهلاً بمدآد الشععر و القآفيه الجزله ! أهلاً عدد مآ كتب شآعر و فآض شجونُه .. حيّ المولى شآعرنآ المبدع تحيّةة طيّبه : فرعهآ في السمآءء .. لأنّي من هوآة الشعِر ، و عشّآقه ، و ذوّآقه ، و كُتّآبه .. أحببت أن يكون لي حضُور مطعّم بإسهآب ! لذآ تأخّرت قليلاً ... - أهلاً بالشآعر المبدع وسيّد الكلمه : حمد البريدي بدآيتي مع قصيدك كانت في [ الزعل نعمه من الله ] قصيده جزله ، عنفوآنهآ أصيل ، مطعمه بالمشآعر وكلمآتهآ قويّه ، مكتوبه بعنآيه وتمرّس ... بعدهآ كآن الكثير وإن كنت مقلّه نوعاً ما =$ - بأي الأجوآء يكتب شآعرنا المبدع ؟ ! - متى يكتب ؟ ! - مممم بعض الشعرآء اللذين تميل لسمآعهم أو قرآئتهم ! * لي عوده مؤكدّاً =$ سبيشل :: رآقيه فآخرهه وأككثر ممّا ينبغى =$ . . . |
السلام عليكم ورحمة الله وبركاته
تشرفت بالدعوه الكريمه من الاداره الموقره .. وسعيد جدا بانضمامي لكوكبة اعضاء المنتدى الرائع وان شاء الله ما اكون الا عند حسن الظن بي .. امنياتي لكم جميعا بالسعاده يكفيني وجودي بينكم اخوكم حمد البريدي |
السلام عليكم و رحمة الله و بركاته اكيـــــد حمد البريدى من الشعراء الرائعين انا معرفتى بالشعر الخليجى العامى بدات من حوالى السنتين و الفضل فى دة لروايات انفاس قطر و اعجبت به جدا و بقدرتهم الهائلة على التعبير و اظهار المشاعر و اصبح من الشعراء المفضلين عندى لهذا اللون من الشعر حمد البريدى خصوصا انه لهجته بالنسبة لى سهلة مقارنة بلهجات تانية و كان من اوائل اللى اتشرفت بالقراءة لهم و جديا مفاجأة رائعة انه هينور ليلاس و يشرفنا بحضوره سعيدة جدا بالحدث اللطيف ده انا بحب له شفتك بعد غيبة اكيد و الاصحاب و المفضلة عندى روعة وصوفك بحبها جداااا وصف قمة فى الروعة الهموم الاربعة مؤلمة و لكنها معبرة ان ابتعدت آموت هم .. وكل ما جي لك شغوف كنك تعمد ( ضيقة الخاطر ) .. ولو فيها سعه !! اواه يا قلب ٍ تركته لك !! على بيض الكفوف واللي مهو يصدق !! على كفك يلاقي مصرعه تشوفني وتصد مني.. لا !! ولا كنك تشوف !! تقدر على وصلي واحسك قدك ناوي تقطعه تقول صبرك !! والصبر ليته يبرد حر جوف اسهر ليالي البعد .. لين الفجر .. يبلج مطلعه !! (( غيابك القاسي .. وباقي لهفتي واقسى الظروف ما غيرت قلب .. ما هو يبغي تكون .. إلا معه )) عندى سؤال للشاعر المجيد حمد البريدى هل القصائد اللى حضرتك بتكتبها بتكون نتيجة موقف مر بيك او احساس شخصى خاص و لا مجرد فكرة مرت فبالك فحبيت تترجمها لقصيدة ؟؟؟ ثانيا هل حضرتك فكرت انك تكتب شىء تانى بخلاف الشعر يعنى رواية قصة نوع اخر من الأدب؟؟؟ ليـــــــدى سبق رائع يا سكر مشكــــــــووووورة عليه تسلم ايدك :55: ومش تحرمينا من مفاجأتك المتميزة دى دمتى بكل الود....:0041::) |
♪♪♪ :103gi: حي الله شاعرنا الكبير .. منور ليلاس .. أول مرة عرفت عنك كان عن طريق قصيدتك بفارقك .. قرآتها هنا في أحد القصص في ليلاس .. القصيدة جداً رائعة .. كلماتها قوية ‘ أهنيك عليها صراحة .. قرآت لك قصائد غيرها .. لكن هي كانت الأقرب للقلب .. وسعدنا جداً بوجودك بيننا .. نتمنى لك اقامة ممتعة بيننا .. ليدي .. تُشكرين يا أنقة على استضافة مثل كذا .. ♪♪♪ |
الله يعطيكي العافية للإستضافة وشكر من الاعماق للشاعر البريدي لتلبية الدعوة ************ بقيت استفسر منك ،، عن التالي: 1- دور الشبكة العنكبوتية (النت ) في نشر قصائدك ، كيف بدأ ، ان كان له بداية ؟ 2- هل تعتبر الشعر مهنة بحد ذاتها او هواية او مزاجية معينة راح تنتهي بيوم من الايام ،، ايش بالضبط ؟ 3- مرة حاولت اكتب شعر وكان عندي شخص عزيز من الشعراء يحاول يعلمني موازين الشعر ،، وحسيتها صعبة !! من كان له الفضل في تعليم شاعرنا الكريم اول خطواته الشعرية ،، المعلم الاول ،،؟ 4- الشعراء عادتًا مقربين من العوائل الحاكمة بالبلد ، لأن حكامنا في الخليج ،،يهوون الشعر ويستنشقونه ،، و اساسيات الشعر متأصرة بروحهم ومجتمعهم ، فهل انت تصنف نفسك من الشعراء المقربين من العائلة الحاكمة ؟ 5- - كل شاعر يحصل مستنفس له بمكان ما ؟ مكان تغير في نفسيتك ، بعيدا عن روتين الحياة ، مكان تنشد فيه الراحة ؟ ممكن تخبرنا عن مكانك الي ترتاح فيه؟ موفق ان شاء الله |
ياهلا ومرحبا بشاعرنا المبدع وأنا من المعجبين بقصايدة الروعة وبصراحة أول مرة سمعت قصيدة أثرني أحبه عرفت أنك شاعر مبدع من الدرجة الاولى منو من الشعراء اللي تسمع لهم دايم ؟؟؟ أحلى قصيدة كتبتها ودايم تقصدها بينك وبين نفسك ؟؟؟ مسابقة شاعر المليون شنو غيرت في حياتك ؟؟؟ ليدو ألف شكر لج ع الاستضافة الراااااائعة لي عودة باسئلة ثانية ^^ |
مرحبا يا حي فضل الله.....حي من تزهي به اوطاني
مرحباا ملياار شااعرناا.. نوورت ليلاااس.. واني للاسئلة.. قصيده لشاعر غيرك راقت لك ودووم ترددهاا.. شو رايك بالشعر الفصيح.. واين انته منه.. من قدوتك.. وهل هناك شاعر تعتبره قدوة لك وتتبع نهجه في الشعر.. وبعد نورت ليلاااس.. |
1 / لكل شئ بدآية .. فكيف كآنت بدآيتك !! كبدايه اي شاعر تربى في بيئه شعريه وحفظ الشعر قبل ان يكتبه فكان يمتلك مخزون من المفردات التي اصبحت طريقه للكتابه 2 / حكنآ عن بعض طفولتك .. وشخصيتك بتلك الأيآم .. وهل لهآ حيز بشعرك اللآن !! اكيد ، حب الشعر كان من الطفوله وجلسات الشيبان اللي لا بد ان يتخللها ابيات شعريه متوارثه 3 / متى شعرت أن الشعر يستهويك .. وأردت التعمق به أكثر !! في سن المراهقه 4 / هل لآقت أول قصيدة لك النجآح الذي توقعته لهآ .. أم أكثر ممآ توقعت !! فالبدايات كتبت قصايد شجعتني للاستمرار لكني لا اتذكرها 5 / مآ القصيدة الأقرب لقلبك .. وهل هنآك قصيدة ندمت على كتآبتهآ !! الاقرب الى قلبي قصيده .. بفارقك .. ولم اندم على اي شي كتبته بالعكس كل ما اكتبه من واقع 6 / كتبت بالغزل والغدر والفرآق والدين .. فهل للأم والفرح نصيب بشعرك !! نعم كتبت وسيتم النشر قريبا 7 / من شجعك على خوض بحر الشعر .. وأكتشف موهبتك !! والدي عبدالله 8 / من الشعرآء الذين تحب أن تقرأ لهم .. ومآ الذي يميزهم !! كثير ولا تحضرني اسمائهم 9 / من الأدبين بآ المجآلآت الأخرى عدآ الشعر " كآ الروآيآت .. الخوآطر .. قصص قصيرة " وتحب أن تتآبع أعمآلهم .. أم أنك لست من محبين هذهـ المجآلآت !! انا كسول في متابعة الساحه الادبيه :( 10 / هل تشعر أنك حققت أهدآفك .. وشعرك يسآعدك على تحقيقهآ !! حققت الكثير وما زلت اطمح لتحقيق الاكثر 11 / شعآرك بالحيآة .. ومدى تطبيقك له بحيآتك !! ابتسم .. فهنالك من هو اشقى منك 12 / تشعر أن شعرك يأخذك من أهلك وأطفآلك بحآلة أن كنت متزوج !! الشعر اخدني من نفسي قبل الكل |
ليدي " الشكر لك اول على هالمفاجئه الجميله .. :71: " الشاعر حمد البريدي .. > من اكثر الشعراء الي تابعتهم من أول قصيده سمعتها له كل قصيدهه لها طابع خاااص .. محتارهه ايش اكتب لك .. والأسئلهه رايحه من بالي .. لكن عندي استفسار .. / آختلافك عن الشعار ف إنك ماتنزل قصائد بكثرهه .. قصائدك إحساس .. وتعيشنا بعالم مختلف .. نشتاق لحرفك .. لاتبخل علينااا .. بأنتظار جديدكك بكل شوق :dfghd654: .. ومتابعه للإجابات .. |
مرحبا بكم من جديد وعذرا على الانقطاع
لحظات ونستأنف الاجابات ومبروك عليكم الشهر الفضيل اعاده الله علينا وعليكم بالصحه والعافيه |
ذا قولدن هيرت مرحبا بك
سؤالي ... كم ديوان شعر منشور بإسمك؟؟! حاليا الا الآن لم ينزل لي ولا ديوان صوتي .. لكن بيكون هناك شي مستقبلي ان شاء الله وهل تغنى بقصائدك فنان معين أم تتمنى أن يحدث ذلك؟؟ وفي حالة الجواب الثاني أي فنان قد تعطيه قصيدة وأنت مطمئن وسعيد بأنه سيعطيها حقها وأكثر؟؟ غنيت لي اغاني خاصه مناسبات وزفات امراء فقط .. غنى لي عبدالمجيد عبدالله وخالد عبدالرحمن وفهد الكبيسي ما هي أقرب المواضيع لقلبك سواء أكان للكتابة أو للنقاش؟؟؟ الامور الحياتيه والصداقه والدنيا والغزل فاكهة الشعر بلا شك والامور الاجتماعيه والوطن هو الاسمى والاغلى |
اضواء الصباح
تشرفت فيش قد مرة كتبت قصيدة فقط سد فراغ يعني من غير ما يكون هناك دافع لكتابتها .؟ او انه كتابة القصايد عند حمد ما تكون الا بسبب ؟ مستحيل .. احب ان اكتب ما اشعر به بعيد عن التصنع او مجرد الكتابه لغرض النشر والاثاره و شنو اقرب قصيده كتبتها و كنت تعنيها و شنو سببها ؟ كثير من قصايدي قريب مني .. بس قصيدة بفارقك هي الاقرب دائما للكتابة و الابداع طقوس .. شنو هي طقوس حمد عند كتابته لاي قصيده ..؟ ولا طقوس ولا هم يحزنون متى ما طرت الفكره كتبتها او حفظتها في بالي .. الشعر شيء روحي ليس له وقت محدد |
| الساعة الآن 10:36 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية