|
فن العنايه بالجسم مع ام ياسر
*السلام عليكم ورحمة الله وبركآته * أخبآركم .. بنآت ليلاس ..؟ معكم أم يآسر .. أم وحدة من العضوآآت بينكم وحوآليكم ... ألي تخمن من هي ... ترسل تخمينهآ لمشرفآت القسم .. طبعآآ الترحيب موصول لكل ألي توآجدوآ هنيه ... للمشرفآت بنآتي ( الوزيره .. أحآسيس منسيه ) ألي أتعبوآ حالهم بالتنسيق للموضوع .. حبيبآت قلبي .. والله مآقصرتوآآ ... بنتي قالت لي عن كل شي وأطلعت على الموضوع .. يسلمكم ربي من الشر ... وأتشرف هنيه بتوآجدي بين بنآتي وخوآتي .. وعدتكم ببدى في برآمج خآصه للبشرة والجسم .. وحبيت يكون أول موضوع أبدى فيه ويآكم .. هو فن العنآيه بالجسم وبتكلم ويآكم وبكل وضوح وطبعآ هالموضوع نسآآئي .. يعني لاتستحون بأي شي ... ولا تتردون تسألوني بالي يدور بخوآطركم من مشآكل توآجهكم ... وبآب الأسئله بيظل مفتوح من هنيه لحد الأثنين اليآي ألي رآح أتكلم فيه بموضوع بعيد عن الجسم ... مشآآكل وآيد نوآجهآآ .. من سوآد الركب ... وظهور خطوط البيضآ .. وأحيآن جفآف بشرة الجسم ... بس بقولكم شغله قبل .. خلوهآآ في بالكم .. نتيجة الخلطآت يبي لهآ صبر .. أحيآآن تستخدمين الخلطة مآ تييب النتيجه ألا بعد شهر ويمكن غيرك يستخدمهآ ومآشالله تلقين النتيجه طلعت بسرعه .. ألي أبي أقوله لا تيأسين .. مآآفي شي بالدنيآ سهل ... أعرف بنآت يتحطمون من كثر مآ أستخدموآ خلطآت ويقولون مآفيه نتيجه .. مو ممكن هالخلطة مآ تنآسبك و تنآسب غيرك .. الشي ألي يعتبر مهم بعد .. تأكدي أن بشرة جسمك نظيفه خآليه من أي ترسبآت ... وهذآ طبعآ بيعتمد على التقشير .. التقشييييير يآبنآت وأمهآت .. مهم جدآ جدآ جدآ ... يعني لا تستغربين لمآ تحطين أي خلطة ومآتجيب نتيجتهآآ وأنتي مآقشرتي جسمك .. يعني ... أي خلطة لا تستخدمينهآ ألا بعد مآ تعملين تقشير كآمل للجسم .. حتى تكونين وآثقة أن جسمك نظيف والبشرة رآح تتفآعل مع الخلطة .. لأنك ببسآطه تزيلين الجلد الميت وأي أوسآخ تترسب عليهآآ .. للمعلوميه الدهون والترسبآت مع الأوسآآخ هي ألي تخلي الجلد غآمق واللون مو موحد أبد ... يلا خلونآ نبدى بكيف يكون فن العنآيه بالجسم ..وشهآآدة لله .. أي خلطآآت هنيه مجربه ومضمونه ووآيد حريم أستخدموهآآ والنتآيج مآآشالله .. ع فكرة ..( ألي بشرتهآ حسآآسه تستغني عن الليمون بأي خلطآت نذكرهآآ .. حتى لا تتهيج بشرتهآآ ..) الدرس الأول : صآبونه لتفتيح الجسم وبيآضه ... طبعآآ .. بحط لكم طريقتين لصآآبون من عمل يدك .. مضمون وأكثر أمآآن .. أنتم أختآروآ ألي يريحكم لأن كل الأثنين .. نتآآيجه بتذهلكم .. 1 ) الخلطة الصآبونيه .. وطريقته كالتآلي ... ( صابون كركم + صابون الغآآر+ صابونة البابايا+2م ملح خشن+ الصآبونه السحريه +م نشآآ وسط + علبه مآآي ورد) الطريقة : نبشر جميع الصآآبونآآت المذكورة مع بعض .. وفي قدر نضع كووب من مآآء الورد والملح ونحط القدر على النآآر وأذآ بدى يغلي نضع عليه الصآآبون المبشوور كله ونبدى نحرك بسرعه لين يذووب ويبدى يندمج مع بعض .. نرفع القدر من على النآآر ونحط عليه النشآآ ونحركه بسررعه ... وعلى طوول نكوون مجهزين علبه ونحط هالخلطة فيه ... ونستخدمهآ طبعآآ على الجسم والوجه لمدة 35دقيقة أو أكثر ... قبل مآتبدين بأي خلطة وقبل أي تقشير ... 2) صآبونة البقدونس .. وطريقتهآآ كالتآلي .. جيبي بقدونس طآزج نظفيه زين وحطيه بالخلاط كله مو بس الورق ..ضيفي عليه مآء ورد .. يعني كل حزمة بقدونس 4 فنجآن من مآء الورد ... مع كميه قليله من النشآ ووحليب بودرة كآمل الدسم ... ذرآآت بس لا تكثرين منهن .. اخلطيه زيين أذآ شفتيه جآمد ومآينخلط زين صبي شوي شوي مآآء وأخلطيه .. ثم حطيه بقدر وخليه على نآر هآديه ... جيبي صابون الطاووس أسألي عنهآ بالعطآر للي مآتعرفه وابشريه بعدين حطيه على القدر وحركي زين وبسرعه لين يتجآنس .. وبسرعه تكونين مجهزة عندك قوالب ثلج .. وحطي بالملعقه من الصآبون في القوآلب .. واتركي قالبين فآرغين ... هالحين .. أذآ عندك ليفه طبيعيه قطعيهآ قطع صغآآر حييييل وأنثريهآ على الكميه البآقيه بالقدر .. وأذآ مآعندك ليفه أشري من العطآآر .. أغرفي الصآبون ألي بالقدر ومخلوط معه ليفه في القالبين الفآضين ..خليه سآعه أو أكثر .. رآآح يجمد طبعآ بعد مرورسآآعه .. طلعيه وشيليه للأستعمآل .. هذي تفرق عن الخلطة الأولى .. أنه تقدرين تستخدمينهآ صآآبون خآآص لوجهك أغسليه صبح ومسآ في هالصآبونه .. ونفس الشي قبل مآتبدين بأي خلطة وقبل أي تقشير لجسمك أغسليه بهالصآبونه ... لكن القالبين ألي مزجنآ فيه الليفه بالباقي من الخلطة رآآح يكون مقشر لجسمك مع المآآ .. البقدونس لحآله يصفي البشرة .. ( حطي على جسمك من أي طريقه عملتيهآآ أنتي وأبدي دلكي جسمك فيهآآ بالليفه ... أنتبهوآ لطريقه التدليك .. عكس عقآرب السآآعه لأن أحيآن التدليك الخطآآ يرهي الجسم ويخشنه ...) الدرس الثآني : التقشير ... مثل مآآذكرت مهم جدآ جدآ .. المقشر عندك له خيآرآت كثيرة ... أمآ تشرين مقشر جآآهز من محلات التجميل وأنآآ أفضل ألي بالمشمش ... أو يكون المقشر ألي بالدرس الأول ( صآبونه البقدونس ).. تكونين ضربتي عصفورين بحجر وآحد منهآ عملتي لنفسك صآبون ومنهآ مقشر ... أو المقشر الطبيعي المعروف .. وهو ( سكر وزيت زيتون وليمون ) أو ( ملح وزيت زيتون وليمون ) بالمقآدير المنآسبه لجسمك وتخلطينه لين يصبح نفس الكريم... حطيه على الجسم كآآمل وأفركي بشكل دآئري لمدة 10 دقآئق ... أو الصآبون المغربي .. ومآيحتآج نمدحه .. هالصآبون معروف لأزآله الجلد الميت والتخلص من أي أوسآآخ .. الدرس الثآلث : وهو محآولة تفتيح الأمآكن الغآمقه بالجسم ... \ نبشر صآآبون غآآر ونقعه في كآآس مآآء ورد طوول الليل ... بعدين نخلط معه علبة جلسرين سآآئل +علبه جلسرين أحمر + فنجآآن زيت زيتون +م 2 كركم خآآص بالجسم + علبة فكس صغيرة .. .. نظل نخلطهم في علبة لين يندمجوون مع بعض .. ونحطهم في علبه لحين الأستخدآآم ( ندهن فيهآآ الجسم بعد مآآنقشره لمدة سآآعتين ...وبعدين نغسله فالمآآي ..) هالخلطة .. بيآض على نعومة على تفتيح .. لا تفووتكم أبد ... ورآآح تدعون لي وتشوفون الفرق من بعدهآآ .. الدرس الرآبع : كريم مذهل تختمين فيه الشآآور ... هالكريم تقدر تستخدمه النفآآس لأنه بيفتح الجسم و يشيل أي بقع وعلى أنه بيعطيك نعومة .. تقدرين تعملينه ومو بلازم تقتصرين فيه على بعد الشآآور .. خليه دآآيم عندج ..أدهني فيه وجهك وأيديك ورجليك ... عن تجربه شخصيه لي ...والطريقه هي .. ((4عصير ليمونآآت + 2 قرص فيتآآمين سي +علبة كريم جلسوليد+ فنجآآن زيت اللوز المر) نذووب الفيتآآمين في الزيت + الليمون بعدين نخلطهم مع الكريم ونحفظة بالثلاجة ودهني فيه جسمك بليل والأهم بعد مآآتستخدمين هالخلطآآت ... (هالكميه تكفي لأسبووع ) وبهالشكل نكون خلصنآآ من كيف تكون فن العنآيه بالجسم ... أي أسئله وأستفسآر بكون حآآضره لكم .. تلميح بسيط عن بنتي .. العضوة ألي بينكم .. ( أهي متزوجه .. متخرجة من الجآمعه .. أمم عندهآ عيآل .. وآحد أو أثنين مآقدر أقول لو بقول أظن بتعرفونهآآ ) تحيآآتي أم يآآسر |
حييياك الله مامتنا ام ياســـر تو مانور القسسسسسسسم :dancingmonkeyff8: درووس مرره مفييده حبيتها حيييل والأكيييد رااح اجرب واطبق الدروس اللي ذكرتيها < فيس ييشوف ثلاجتهم وش فيها :lol: ولي باااك اكييييييد يعطيك العافيه مامتي :yjg04972: جميلات لييييييييلاس :7_5_129: انتظرو بااقي لسسى تلمحيات من مامتي ام ياسر لبنتها في الدروووس الجايه فلا تستعجلووون وترسلون اجاباتكم :liilas: |
الــــــــسلام عليكم..
يااااااحـــــــــــي الله خالتــــــي أم يااسر< فيس يسوي نفسه ذرب.. الله يسعدك ويجعلها في ميزان حسناتك .. وربي خــــــلطاات سهله ومتوفره للكل وعني أمووت على العنايه بـ بشرتي والاكـــــيد أستفدت وأن شاء الله أستفيد اكثر... أم الزوووز & ريماان ^^ يعطيكم العاافيه على هالفكره الرززززه ...:hR604426: |
يعـــــططيكم العافيه
وحييياك الله ام يااسر مشكووره على هالمجههود وان شالله الكل يستفيد منهاا عوافي حسوسه - وزوز .. |
وزوز & حسووس
فيس يجووفكن بطرف عينه من سااعه وانا الف فالموضوع يمين يساار فوق تحت ادور ام يااسر.. يمكن حد عرفهاا<< فيس مركز عليهاا بس.. بسير اقرا بذمة وضمير خخخخخخخخخخخخخخ امااايه ام ياااسر.. ااقربي فديتج.. حيااج.. صح يعطييكن العافيه |
مررره رووعه النظاااام
يشبه نظاامي مع بعض التعديلات ههههههههه اممم اضيف ع خلطه الصابونيه حنا وكركم !!! تسلمين لنا خالتي ام ياااسر الله يحفظ بنتك القممر الا يااابببنت ام ياااسر ايش رااائيك ترااسليني ع الخاااص بسلم عليك ههههه |
روووووووووووعة تسلم ايدكم الوزيرة & حسوسة على الاستضافة ام ياسر يعطيكي الف الف عافية نصايح ولا اروع واسفين على التعب مقدماً |
خاالتوو ام يااسر يعطي الف عاافيه عالنصايح والدروس استفد منها كثيييييييييير والاكيد بجربها ^ـ^ وزوز .. حسوووسه يعطيك العافيه حبيباتي |
السلام عليكم..
خـــالتو ام ياسر.. ممكن أستفسار صغينوون^^ - اللحين فيه خبيرة شعر قالت لي انه تمشيط الشعر أثناء الاستحمام يكثفه.... ونصحتني فيه .. وانتِ تقولي العكس!! أنا متعوده عليها هي أصلها مغربي وعندها كم شهاده بس هالشي الوحيد اللي حيرني .. ممكن تشرحين لي الاضرار اللي يسببها تمشيط الشعر المبلول لو مافيه كلافه.. يسعدك ربي^ـ^ |
فديتك خالة ام ياسر
نصائح رووووعة وخلطات سهلة مشكوووورة ما قصرتي ونشكر كل من ساهم في هذا العمل وننتظر توضيحات اكثر عن بنتك وصفااات اخرى |
مآشآء الله وصفآت رآئعة ومفيدة .. بالنسبة للجسم ><" عندي سؤآل !! الشعر اللي تحت الجلد عمتي أم يآسر مآله علآج !! غير المقشرآت !! لأنه تم إستخدآمهآ !! ويعطيكِ العآفية ^^ |
ممممممممممآمتنآ الحلووووووه آرححححححححبي والله تو مانور قسسمنآ بوووجودددكك والله يعطيك الف الف عآفيه مآشاء الله موضوع مميز ومتكامل ومفيد جددددددددآ >> تنبيه ياحلوات اي اسئله عندكم في هالفتره خلوها عن البشره لآن فيه وقت مخصصينه للباقيات مامتنا عووووووووووووووآفي والله يسعدك على هيك طرحح وسلمي لنا ع بنتك الحلوه >> فيس مايقصد شي |
موضوووع يجنن ما شااء الله شكرآ خااالتوو على الوصفاات الخطيييرة وأن شاء الله بجربها وبخلي اختي بعد تجربها معاي .. عوافي حسووس أند وزوز على استضافتكم لخالتو ام ياسر وبانتظاااار النصاائح والخلطات الجاية ^_^ |
خالة أم ياااسر
جزاكي الله خير عنا فعلا نصائح روووووووعة و منتظرة باقي نصائحك على أحر من الجمر سؤال : صابونة البقدنس ..نقدر نستبدل صابونة الطاوس بنوع ثاني من عند العطار ؟ لاني ما بعرف واش ممكن الاقي انواع عند العطار و متأكدة رح تكون مختلفة و الف شكر ليكي ^^ صاير عندي فضول كبير اعرف الخالة ام ياسر هي أم مين ؟؟ عوافي وزووووز و حسوس ^_^ |
, حححيّ الله خآلتوو نورتييينآآ و نوّرتي لييلآآس ^^ فوآآئد قمييييييلهه أوي و ككلّهآ طبيعيّه وهذآ أهم شي > فيس مآ يحبّ المستورد خخخخخ المقشّرآآت تقريباً أععرفهآ ، خصوصاً الليموون و السسكّر و الزيت الزيتون ، ججرّبته ككثييير و ططبعاً نفع معآي ، بس فيه نقطه مهمّه ، نتيجته مآ تبآن إلآ من بكرى ، يمكن عشآن نوع بشرتي ><" !!!! لكن لمآ أكون توني مقششره يطلع وجهي أحممممر ><" مقشّر المشمش مآآ أسستغغني عنه أبداً أببداً . . مممرّه ممرّه فخخم و ججميل و نتآآيجه مذهله و مبآآآششره ^^ متآبععيييييييين أححلى خآآله ^^ وزوز + حسّوس :: يسسلمو أنتُم $: . . . |
السلام عليكم ورحمة الله .. يآحيبيآتي .. أخجلتوني بهالترحيب والله ... أصبح عليكم .. من بنآتي المتوآجدآت وخوآتي .. بنتي لو بيدي خريت لكم الجربه وقلت من هي .. بس الشكوى لله فيه توصيآت من بنتي والمشرفآت .. اليوم رجعت لكم بجآوب على الأسئله ألي أنطرحت ... وهي أول سؤآل من بنتي ( ليلكي ) عن لو تبي تحط فالخلطةة الصآبونيه كركم وحنآ .. تبين تحطين كركم عآدي وأصلن من فوآئدة بيآض البشرة مع الأستعمآل لكن الحنآ أبعيده نهآئي عن هالخلطة حبيبتي .. سؤال بنتي ميرو كالاينالا .. عن تسريح الشعر أثنآء الأستحمآم يكثفه ..؟؟ والله أنآ بتكلم عن خبرتي وعن كلام خبرآء عآلميين .. تمشيط الشعر أثنآء الأستحمآم يسآعد على تسآقطه بكثره ... يعني بتلقين شعرج بيتسآقط أكثر وهو مبلل .. والسبب معروف بصيلات الشعر تكون مفتوحه وضعيفه .. فأنتي لمآآ تمشطينه بيتسآقط أكيد .. مو تكثيفه هذآ شي مستحيل .. خليج من خبرتي ومن كلام الخبرآء .. جدآتنآ متى كآنوآ يمشطون شعورهن ...؟ وكيف طريقتهن بالتمشيط ؟؟ أمي من طلعت ع الدنيآ وهي توصيني مآ أمشط شعري وهو مبلل بالمآآ .. ولا عمرهآ ذكرت أن هالشي فيه فآآيدة أبد .. بنتي .. ليدي .. شوفي بعطيك الحل السهل وألي بترتآحين عليه .. بس من قال لج أن المقشرآت تطلع الشعر ألي تحت الجلد ..! المقشرآت حبيبتي تشيل الجلد الميت والأوسآخ .. شوفي أول شي .. لاقشرتي جسمك خوذي صآبون وأفركي فيه المنطقه ألي فيهآ شعر تحت الجلد ثم جيبي حجر من العطآر أكيد تعرفينه .. الحجر الأسود وببطء أفركي الشعر ألي تحت الجلد بحركآت دآئريه .. شوفي كيف الشعر بيطلع على طول وبدون أي معآنآة .. ولا تتركينه الحجر .. أبد .. أستخدميه بين فترة والثآنيه ثآني شي : أدهني الجلد لمآ تخلصين من شيل الشعر بزيت زيتون .. ترآآه بيرطب الجلد وبيخلي الشعر يصير خفيف مع الأستمرآر .. وبيمنع ظهوره تحت الجلد نهآئي .. بنتي .. بآرك هآيين .. تقدرين تستبدلين صآبونه الطآووس بصآبونه الغآر .. هالصآبونه معروفه ومشهورة .. وأذآ مآحصلتيهآ أستخدمي أي صآبون تثقين فيه وتكون طبيعي ميه فالميه .. بنتي الجود .. ذكرت ألي بشرتهآ حسآسه لا تستخدم الليمون .. وأنتي تستخدمينه مقشر طبيعي مع السكر وزيت الزيتون .. وهذآ السبب ألي خلا بشرتج حمرآ .. أتركي الليمون لأنه مو بزين أبد للبشرة رآح يهيجهآ عندج ... ( مشكورين مرة ثآنيه يالغوآلي ) أم يآسر |
حيييآآك الله ام يآآسر
نوورتينا بطلتك وحضورك ربي يحفظك ويسسلمك ويعطيك آلعآفية ^^ نصائح ماشا الله ولأآروع بانتظارك بكل جديد ومفيد عوافي وزوز وحسسوسه وان شا الله نكتشف بنوته ام ياسر من هي ^_* بانتظار باقي التلميحات بحفظ الرحمن |
حياك الله مامتنا مره ثانيه جييت ومعي شوية اسئله من بعض البنات اللي حولي 1- كيف نوحد لون بشرة الجسم خصوصاً منطقة البطن تكوون حييل غامقه.؟ 2- الخطوط اللي تكون بعد الولاده في اليد والبطن والرجل كيف يتخلصون منها .؟ 3- كيف الوحده تحافظ على بشرة جسسمها وخصوصاً البطن اثناء الحمل بعضهم نصحوها في زيت الزيتون وجلسرين صحيح يمنع ظهور الخطوط البيضاء او لا .؟ 4- اخيرا نبي خلطه حلوه للعنايه باليد .؟ خلصت اسئله ان شاء الله ماثقلت عليك مامتتتي :c8T05285: |
هلا والله بالوزيرة ... وهلا بكل البنآت ألي حولك ... اقتباس:
.. . مآفيه أحسسن من خلطة فيتآمين سي ألي ألي ذكرتهآ لج في البرنآآمج .. النتآآيج رآآح تبههر .. وكل الي وصفت هالخلطة له شآف نتآيجهآآ .. رآآح تفتح المنآطق الغآمقه وخصوصآآ البطن .. جربيهآ ومآرآح تندمين أبدآآ .. اقتباس:
شوفي بقولج شي وهو أن الوحدة منآآ محتآآجه عنآآيه خآصه بجسمهآ وهي حآآمل .. يعني الأسآآس فالخطوط البيضآ وهي أنتي حآآمل بقدر عنآآيتك وأهتمآمك رآح تخف.. أمآآ أذآ كآآنت الحآآمل مهمله نفسهآآ بأيآآم حملهآآ وبعد الولادة تكتشف حجم دمآآر جسمهآ من خطوط تظهر فهذآ سببه الأول والأسآآسي هو الأهمآآل .. المعروف أن زبدة الكآكآو من يبدى البطن يبرز تدهن فيه البطن حتى مآتعآنين من الخطوط بعد الولادة .. أنآ مآرآح أضحك عليج وأقول في شي يخفيهآ بس نقدر مع الأستمرآر نخفف منهآآ وهي بالخلطآت هذي .. شوفي .. ( حطي فآآزلين مع كركم بكميآآت متسآويه وتدهن فيه المنطقه ألي فيهآ خطوط . ) يفضل كل ليلة وأستمري عليهآآ .. الخلطة الثآنيه ( جلسرين وليمون وخل ) أخلطيهم بعض وهذي خليهآ بشكل يومي .. لا تخلينهآ أبد .. رآآح تبيض المنطقه وتخفف من الخطوط .. اقتباس:
جآوبت عليه فوق وبشكل وآآفي .. على فكره الخلطة الصآآبونيه و زبدة الكآكآو.. أستخدمتهآ وحدة من بنآتي طول أيآم حملهآ وأبد مآعآنت من أي خطوط .. ولا حتى عرفتهآآ .. دآيمآ وصآآتي للحآآمل ترآ من بدآيه الحمل يبدى مشوآرج مع الأهتمآم ببشرتج .. عشآن بعد الولادة وفي أيآم نفسآج مآتتضررين بحجم دمآر جسمج من ترهل وخطوط وأمآكن غآمقه والكلف والبقع .. زيت الزيتون نتآآيجه رووعه على البشرة بس مشكلته شغله وحدة يبي له صبر وأنسآنه تضل تستخدمه طول عمرهآ ولا تتركه .. اقتباس:
الخلطة الوحييده ألي مستحيل بقآرنهآآ بأي شي وأنآ شخصيآ مآ أستغنى عنهآآ .. هي ( ليمون مع سكر ) وأنتي فالمطبخ خوذي سكر وحطيه على يدج وأعصري ليمون وأبدي أفركي أيديج فيهم ... نص سآآعه ,, 10 دقايق بالي أنتي تبيه .. وأغسلي أيديج بعدهآآ وشوفي بشرتج كيف بتكون من أول أستخدآم .. أذآ مآتوفر الليمون أستخدمي زيت زيتون ... وبعدهآ أدهنيهم بجلسرين خآآلطه أنتي معه ليمون .. وأدعي لي .. شي مآآيآخذ منج جهد بس نتآآيجه بيلاحظهآ الكل .. اقتباس:
.. حبيبة قلبي كلي تحت أمرج أنتي والبنآت ألي حولج ... |
اهلييين خالتو ام يااسر ان شاء الله مبسوطه بتواجدك معنا بليلاس امم رجعت بسؤال ياليت تعطينا وصفه لاثار الحبوب وخاصه اللي بالكتف < فيس متعقد منها بقوووه والخطوط البيضاء والبقع البنيه ويعطيك العافيه خالتو |
ي الله حي امنا الثانية ام ياسر
منوووووورتنا و الله موضوووع جميل و الله بس عندي سؤال سمار الابطين دايم يقولون من مزيلات العرق و انو استخدموا الشبه بديل عنها و سويت الطريقة ذي و مافاد تقريبا جلست شهرين استخدمها و بعدها رجعت للمزيل << ما حبيتها ابد الدرس الثالث سبق و سويته بس ما سويت المقدار كامل سويت نصه و كانت النتيجة حلوة و كنت ناوية اسويها في الصيف بس تحمست لها اكثثثثثر مع نصايحش :) اي و بعد مقشر المشمش اش افضل نوعية لها يعني اسمها و لا عليش امر امممممممم بعد فيه السمار اللي من التعرض للشمس لفترات طوووووويلة مثل في الكلية يعني وجهي و رقبتي و بداية صدري مسمرين استخدمت واقي من اولي و طلع لي حبوب في وجهي و مرة استخدمت من clear و جفف لي وجهي و رحت اكثر من ثلاث مرات لدكتورة جلدية و ما اقدر ادخل ي اما يكون فيه زحمة او يفوت الموعد لدرجة اني استبعدت الفكرة من راسي نهاااائيا << تحطمت بقوووووة عندي بشرتي من النوع الحساس و وجهي من النوع المختلط عندي مشكلة وقت ما احط مكياج احيانا بشرتي تمتصه يعني يختفي و ما كأني حاطة شيء << شيء مسوي لي ازززمة و بسسسسسس حاليا بس ممكن ارجع قبل الاثنين ^_^ |
ي هلا بأم ياسر والله
مشكوووووووووورة حبيبتي على المجهود ان شاء الله كلنا نستفيد لكي ارق التحآيآ :0041: |
السلام عليكم و رحمه الله و بركاته
ما شاءً الله عليك خالتي ام ياسر ربي يعطيجً الف عافيه كريمً الأساس خلال ساعه و لا كأني حاطه شيء بسرعه ناشريه بشرتي؟ بالنسبهً لحف الوجه أنا استخدم الشمع بس أيهم احسن الأصفر او الاخضر و خصوصا بشرتي حيل حساسه و تطلع حبوب بعدها بيومين من احف ؟ تقشر الوجه و خصوصا المنطقه بين الحاجبين شنو ممكن يقلل منها ؟ |
, يسسلمو أححلى خآله على الإججآبآت الجميلهه و الوآفيه ، مشككلة بششرتي مختلطه ><" عشآن كذآ لمآ أسستخدم خلطة الليمون والسكر ، يحمّر بمنآطق و تبآن النتييجه في المنآطق الثآآنيه ><" بس أنآ خخلّيتهاا من فتره طوييله بس أححبّها خخخخ شي سؤآل ، وهو شعر الجسم ! كيف ممكن أششيله من دون ألم > فيسي المتعقّد ><" و هل فيه من ججد خلطآت طبيعيّه تششيل الشعر ، لأني بصصرآحه أخخآف كثيير من الأششيآء الغير طبيعيّه ^^ و شعر الوجه برضو نفس الششي ^^ . . . |
السلام عليكم..
خــــــــــاالتووو أخباارك عساك طيبه... بخصووص الشعر المبلول وتمشيطه... اليووم ان شاء الله برووح لهالخبيره ونتف حوااجبها حسبي عليها سبع التحاسيب... اللكذااابه وتحلف بعد ... ... طب سؤال/ البشره اللي يطلع عليها أحمراار من الشمس او بعض الاكلات مالها علاج.. هذي بشرة بنت اختي والله كانها لعبه إذا حمرت خدوودها.. .. الله يسعدك خالتي على هالنصايح .. ودمــــــــــتي .. |
صباح الخير ام ياسر
ماشاء الله ماقصرتي اممم وانا حامل كنت استخدم الخلطه الصابونيه بس سمرت بس. مو مراااا البطن مسمر وفي ع صدري وايدي خطوط بيضاء عشان السمنه والنحف وباقي جسمي لونه واحد والحمد الله وبصراحه الدكتوره قالت لا استعمل شي معطر او شي فيه ريحه الين اكمل 3 سهور او اربعه شهور عشاني والده عمليه فابي خلطه ماتاثر علي؟؟؟؟ والشي الثاني نفس كلام توري كانها تتكلم عني خخخخ حتى بشره وجهي لمااحط اساس يمتصها او اي كريم مع اني دوم احط اقنعه قبل المكياجج نفس بشرتها ونفس مشكلتها ايه بعد لو شلت شعر وجهي بالحلاوه. يطلع حبوب انا بشرتي مختلطه ومره حساسه والموس طلع في وجهي شي اخضر والتشقير حرق وجهي؟؟!!! الله يعطيك العافيه غثيناك |
بارك الله فيكم على الاسئلة وبارك الله في ام ياسر على الاجوبة
ننتظر الاجابات على التسائلات الجديدة الف عافية خلتو |
مامتي اخر سؤؤؤال بنت خالتي حاامل وتقول طلعت لها لحم زائد فيه حل عندك لها ويعطيك العافيه ياقلبي اتعبناك < فيس يبوووووسك |
خااالتو ام ياسر رجعت باخر سؤال طالما للحين في مجال اسال خخخ عندي مشكله بوجهي انفي وحواليه يتقشر الجلد.. نوع بشرتي مختلطه وحسااسه اسوي كريمات مرطبه مافاد مستمر التقشر اسوي تنظيف بشره بعد مافاد الا تهييجت هالمنطقه وصارت تحرق رحت لاخصائي جلديه واعطاني مرهم مرطب يساعد على استعادة التوازن الفسيولوجي للجلد اول ماستخدمته كان يجيب نتيجه الحين مهما سويت مايفيد ساعه بعد استخدامه ويرجع يتقشر الجلد وهو مسموح لي مرتين باليوم فقط سؤالي مافي حل عندك لمشكلتي غير هالمرهم ابغى شي طبيعي ويعطيك الف عافيه اتعبناك بالاسئله |
اقتباس:
هلا فيج ...أكييد مبسوطة دآآم بنآتي وخوآآتي حوآآلي ... الخطوط البيضآ جآآوبت عليهآ بسؤآآل بنتي الوزيره .. أرجعي له وبتلقين الحل والخلطة ... أثآآر الحبوب ألي بالكتف ... هذي الوصفه مجربه غير أن فوآآيدهآآ مآآتقتصر على الأثآآر ... أشطفي جسمك بعد كل شآآور تآآخذينه بخل تفآآح مخففته بمآآي ورد ... المقآآدير طبعآآ على حسب جسمك ... ركزي فيه على أثآآر الحبوب وبأذن الله رآآح تختفي أستمري عليهآآ مو تتركينهآآ ولا شفتي الأثآآر أختفت تقدرين تتركينهآآ ... أستخدمووه وآآيد بنآآت كآآنوآآ متأذين من هالحبوب ألي تظهر بالكتوف والظهر وتترك أثآآر ... وهالحين الحمدالله ... خل التفآآح فوآآيده للجسم شي لايعد ولا يحصى ... من توريد جسم وشده ويخفي هالحبوب .. بس لازم يكون مخفف بمآآآي الورد .. البقع البنيه : شوفي حبيبتي هذآآ مقشر خآآص للي تعآآني في جسمهآ من بقع دآآكنه .. يعني أحتفظي فيه بالثلاجه وأستخدميه مره وآآحده فالأسبوع ... بمآآ أنه بس للبقع الدآكنه ... كآآس زيت زيتون .. عصير ليمون مع قشرهآ .. كآس مآآء ورد .. أربع ملاعق من الشوفآآن ... أخلطيهم فالخلاط وأدهني فيه جسمج .. للمدة ألي أنتي تبينهآ كل مآطآآلت المده كل مآآستفآآد الجسم أكثر .. ع الأقل لين ينشف ... طبعآ مثل مآآقلت بالدرس التدليك يكون بطريقه دآآئريه .. وبعدهآ أشطفي جسمج بمآآء دآآفي لاهو حآآر ولا هو بآآرد وشوفي كيف بعدهآ جسمج يكون .. دعوآآتج لي لاحصلتي النتيجه ... ألله يحفظج .. |
تسسلمي خآلتي أم يآسر على هالنصآئح .. عندي سؤآل من وحدة معي !! تشتكي من ريحة الإبط .. مآكآن عندهآ ريحة بالأول .. بس بمرة أستخدمت الليمون .. وصآر معهآ هيك .. صآر لازم دحين تستخدم مزيل العرق بشكل يومي .. في طريقة ممكن تودي الريحة !! بدل مزيل العرق !! |
اقتباس:
بشرتهآآ نفس ألشي .. ويمكن الأحمرآآر يكون أشد ... اقتباس:
شعر الجسم ... لأزآآلته بدون ألم هو معجون الأسنآآن .. تستخدمه وحده من بنآآتي ومآآدحه لي أستخدآآمه ... وهو أنج تخلينه على الجلد ألي نآآويه تشيلين الشعر فيه لمدة 5 دقآآيق ثم تبدين تزيلين ... أستخدمي ...مآآي الترمس سوآآء لشعر الوجه أو الجسم .. رآآح يخفف الشعر لين يختفي ونتآآيجه مضمونه .. فيه زيت الزيتون ذكرته للعضوة ليدي لكن محتآآج صبر .. |
اقتباس:
اقتباس:
أي والله يآآمآ رحت أنآ لأخصآآئين .. عمري مآآمدح لي أحد تمشيط الشعر المبلول ..!! أنآآ مستغربه منه .. وتذكر لج أنه يكثف ...!! غريبه والله اقتباس:
مآأعتقد هالشي له علاج .. هذآآ شي طبيعي من رب العآآلمين .. والله المفروض تحصن نفسهآآ لأن هالشي نعمه وزين ... اقتباس:
|
اقتباس:
شوفي هذآآ أكيآآس دهنيه أظن ومو لحم زآآئد .. يختفي بعد الولادة .. أعرف حريم طلع لهن وقال لهم الأخصآآئي أنه كيس دهني لازم له عمليه .. وسبحآن الله من ولدت أختفى ولا كأنهآ عآآنت منه ... بس مع هالشي لازم تروح للأخصآآئي ولا تسكت عن روحهآآ حتى تعرف هو شنو بالضبط ... ومن شنو طلع ... ..؟؟ |
اقتباس:
شوفي كتبت لتوري خلطه بديل لمزيلات العرق ... مجربه ومضمونه أرجعي لأسئلتهآ ألي جآآوبت عليهآ وعطيهآ هالخلطه ... دمتم |
اقتباس:
مامتتتتي مامنك قصصور ياقلبي عادي ماتأخرتي ولا شي ولايهمممك مامتي راااح اسسسوي لهم نقل ويعطييك العافيه :c8T05285: |
يعطيك العافيه...
|
رد: فن العنايه بالجسم مع ام ياسر
بارك الله فيك
واثابك |
رد: فن العنايه بالجسم مع ام ياسر
يعطيكي الف عافية يارب
تسلمي عالخلطات تم التقييم |
رد: فن العنايه بالجسم مع ام ياسر
يعطيج ألف ألف عافية على هالمجهود .. وتسلمين على هالوصفات
|
| الساعة الآن 04:44 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية