منتديات ليلاس - حرقت من الصور واجد !!

تمرّ طيوفك بعيني و تهديني ألم ذكراك ..
........................... وأغمّض عيني بقوّه على بالي معانقها

أغنّيلك وأنا مغمّض ألا ياحلوها لقياك ..
........................... لو إنّه طيف مَـ يْخالف أنآ لقياك أعشقها

تعالي نجلس نسولف ترى إشتاق الحكي لحكاك ..
......................... حروفك تطرب السامع فديت لسان ينطقها

ولا جآ ردّك لصوتي سوى سرعه بمشي خْطاك ..
....................... ولسته من مواعيد.ن. على الأيام نفهقها

مشيتي درب للفرقى عن عيون الغرام أخفاك ..
....................... ولكن كلّهم قالوا : بقت في قلب عاشقها

وجيرانك غثا وقتي و جرح.ن. سبّبه فرقاك ..
...................... وضحكة واحد يجامل - تبين الجد- سارقها !

أبي لا مرّني عاذل ، يحسّ إنّي أنآ وإيّاك ..
..................... على نفس الطريق اللي جبَرْه يقول ( فارقها )

مع إنّ بداخلي غصّه تجي لامن لمحت أشياك ..
...................... ودمعه شافها وقتي سراب و ملّ يلحقها

حرقت من الصور واجد و ماتكتب لنا يمناك ..
.....................وإذا ماهو لجل ( سترك ) وربّ البيت مَـ حْرقها

و إذا هبّت قبل نومي على القلب الشقي طرباك ..
........................ سريت وصوت أبو نوره هواجيسي يروّقها

أمرّ الشاطي الغربي وأسولف له دخيلك هاك ..
....................... جروح.ن. تتعب الخافق تعال بمدّك أغرقها

و إذا ما جاد بحلوله أحسّ براحتي و ألقاك ..
...................... ليا منّي مع طْيوفك قضيت الليل بـ المقهى

وترى أقصر ليل بالدنيا ليا رحّبت بك حيّاك ..
...................... و شمس البٌعد يا عمري بحرف الكاف مشرقها ؟!

و أصير من الحزن خافق ينسّيه الوفا ينساك ..
........................ و تخلع قربه الفرحه إذا عيّا يطلّقها

يعيش لخاطر الذكرى و لا يحيى على رجواك ..
........................ و يدعي لا تذكّرتك ( عسى الخالق يوفّقها )

بكمّل رحلتي صابر و لو كان الطريق أشواك ..
........................ معي كم أمنيه صعبه على عزمي معلّقها

دروب.ن. تقتل أحلامي و لكن ي الغلا لرضاك ..
....................... إذا قصرت بحقّـقها و إذا طالت بحقّـقها

سامر العوفي