|
يوميات كاتبة [ فضفضة ] ..
اهلا ليلاسي
مساء الخير صباح الخير حسب التوقيت من زمان ما عملت موضوع في القهوة المهم لا حظت اليوم عندي طاقة كلامية غريبة مو قادرة اسكت ففكرت بمخي ابو الافكار بلا فخر اني اعمل موضوع اسمه يوميات كاتبة \ في كثير منا في ليلاس بكتبوا روايات خواطر وفي كثير عليها اقبال بس الي ما بتعرفوه المراحل الجحلات النفسية الي بتمر علينا واحنا بنكتب يعني من السرور والسعادة الى الاحباط والملل ومن سيل الافكار الجارف الى عدم القدرة على الامساك بالقلم لهيك حبيت تشاركونا التجربة وتحسوا معنا بايش بنحس يعني كل كاتبة تجي هو تكتب عن تجربتها تكتب لما تكةن متضايقة ممكن نتساعد ونفضفض لبعض طبعا ل=المشاركة للجميع كاتب عضو ادالري مشرف اي شخص بقدر يشارك معنا وبس يا رب تعجبكم الفكرة فيس بتطلع بطرف لمشرفات القهوة خوف ما يمسكوا الموضوع ويزتوه بالارشيف وسلامات |
بما اني صاحبة الموضوع هبدا بحالي
انا كتبت عدة روايات لللقلب راي اخر ونور وظلال لعنة اسمها الحب وعينا ملاك والجحيم هواك خواطر ممكن كثير قرؤولي كل رواية من هذول تحمل جزء مني جزء من شخصيتي لكني حاليا واقفة وعاجزة مو عارفة اكتب انا اول ما بفتح عيوني بدخل ليلاس فورا وبعدين بودي اولا ي للمدرسة شوبية شغل وبرجع لليلاس وبدور وبقرا وحاول لادخل نفسي بالجو لاكتب مرات بكتب وما شاء الله علي ومرات برص فناجين القهوة والكابتشينو امامي وبطلع فيهم شو اسوي فيكم اكسركم ولا ايه وما بطرا على بالي و لا فكرة وما بقدر امسك القلم قصدي الكي بورد وانا بسمى هالحالة حالة ياس زي تلي انا فيها حاليا سبيكم خليني اقوللكم موقف طريف مرة كنت بكتب برواية الجحيم وكانبة فيها شو كبير ومدمجة على الاخير اجت بني اصغر مقاس 2سنه اسمها غزل ومحت كل الي كتبته المشكلة مو هون المشكلة اني ما عندي نسخة تانية للرواية وانا كنت متقيدة بتاريخ للتنزيل طيب بعدين يا سوسو شو تعملي شعرت بالياس ورجعت كتبت الموضوع مرة ثانية وما عجبني وثالثة وما عجبني وااااااع الاحباط باكمل وجوهه يحل علي قعدت على هالحالة فترة قبل ما اجمع افكاري وارجع اكتب مرة ثانية وبسبب هالمشكلة صرت ابعت نسخ للمشرفات لاضمن حقي وبالطرقة هاي صاروا يبعتولي كلمات تشجيعية خلتني انبسط واكمل يعني رب ضرة نافعة |
سوسنة
فكرة حلوة اتمنى يجو الكاتبات الحلوات يفضفضو هنا ^^ عواافي حبيبتي |
فكرة رائعة جداً
|
اه يافضفتي
حاسة حالي مرهقة حد الاعياء ومستزفة الى حد الانتهاء \ انا لما بجي بكتب بتخيل القصة بالخطوط العريضة يعني البيداية الحبكة والنهاية وبعدين ببدا احوك القصة حول هذه المحاور بس احيانا بضيع جزء وبلفت مني خيط فبترتبك كل الاحداث زي ما صاير معي هلا مو عارفة ارجع امسك طرف الخيط مرة اخرى ضايع منى انا شخصيا الان ضائعة بمكاني غارقة في بحري اشعر وكاني ببحر لكن لا شاطئ ولا مرفا ولاحتى ضوء منارة ترشدني ضائعة تماما والامواج تتخبطني من كل اتجاه قد اغرق وقد انجو وقد ابقى ضائعة انه مصير ليس منه مفر |
| الساعة الآن 10:51 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية