|
مصر .. الجديدة
:besm6jb3: أهلا أصدقائي الأعزاء صارلي فترة بعيد عن القسم مفتقد النقاشات الحماسية بتاعت زمان بما إننا بمنتدى الحوار الجاد ما أظنش اني في موضوع جاد أكتر من الي بيحصل في بلدانا العربية من ثورات وتغييرات على كل المستويات والأصعدة طبعا بما أننا ف ليلاس لا نتطرق لمناقشة مواضيع تمس سياسات دول فسيكون الطرح بشكل عام لا نذكر فيه أسماء أشخاص بعينهم ولكن مجرد نقاش عام حول أوضاع .. أحوال .. ملابسات موقف .. أنظمة حكم ... الخ مصر الغالية بالمقام الأول .. هي التي انا الآن بصدد الحديث حول الوضع الراهن بها الذي لا يخفى عن أحد .. فكلو بئى على عينك يا تاجر .. الفضائيات والنت ما خلتش ! وعشان الموضوع ما يتوهش ويبقى أكتر تحديدا الموضوع هنا عن .. مصر الجديدة "طبعا مش الحي بمدينة القاهرة :)" الأمل في تغيير نظام بائد .. طاغ امتد لأكثر من 50 عاما وليس 30 فقط ! طالت فيه أيدي الظلم والقهر والقمع الجميع بلا استثناء فأصبح الخوف والصمت هما بمثابة سمتان سائدتان يتصف بهما الجميع من الجيل الماضي << ربنا يسامحه وكانت " خليك ماشي جنب الحيط " نصيحة آبائنا الأغلى الى أن حدثت تلك السابقة بتاريخ مصر الحديث .. الإضراب الشهير بمصانع الغزل والنسيج بالمحلة 6 ابريل 2008 فكانت الأولى من نوعها تقريبا .. خصوصا بعد متابعة الفضائيات العالمية والرأي العام للموضوع .. أتذكر أننا هنا بليلاس .. كان لنا موقفا ايجابيا بالاعتراض على سحل أسماء عبدالفتاح صاحبة الفكرة التي كانت بمثابة شخصية عامة آنذاك ..... اختصاراً بما أن كل ماسبق لايخفى عن الجميع حدثت المعجزة قامت ثورة 25 يناير العظيمة 18 يوما كانوا وسيظلوا أعظم أيام حياتي التي سأفتخر بأن أحكي عن تفاصيلها لأبنائي وأحفادي إلى أن أموت وسقط الطاغية ورأينا عجب العجاب مؤامرات .. ثورة مضادة .. تحالفات .. أجندات أجنبية .. أطماع .. بلطجية .. فلول .. طرف تالت .. فئرانا خرجت من جحورها لتتواطء مع الضباع بعد أن أسقطت الذئاب عرين الأسد الذي أبقاهم وجميع القوارض بجحورهم طيلة عمرهم !! ماعلينا .. عشان ماأبدأش في العك :) معلش طولت بيتهيألي .. مع إني لسه ماقولتش أي حاجة :) السؤال الأمل الحقيقي موجود فينا طبعا لايغير الله مابقوم حتى يغيروا ما بأنفسهم أكيد ده الي كان بيقول ان ده هيحصل قبل 25 يناير بأسبوع كنا بنقوله ده خيال علمي !! بس الحكومات كان عليها الجانب الأكبر وأظن كلنا تابعنا كمية السرقة والنهب الي كانت موجودة في البلد .. الي عمري ما كنت أتخيل - رغم معرفتي بحجم غنى هذا البلد - انها بالحجم ده ! طيب احنا دلوئت أصبحنا على المحك المجلس العسكري المكلف بإدارة شئون البلاد بصدد تسليم السلطة قبل يوم 30 يونيو الشهر الي جاي .. وبدأنا بالفعل المرحلة الأولى بانتخابات الرئاسة .. الأولى منذ أكثر من خمسين سنة ! وتشهد المرحلة الآن كمية صراعات سياسية على كافة الأصعدة وتحالفات وتكتلات ومؤامرات ورشاوي ومتاجرة باسم الدين وكلو على عينك يا تاجر .. أصبحت بالفعل الكروت كلها على الترابيزة ممكن ألاقي حد يقولي .. جربنا حكم الليبراليين .. والعلمانيين .. الاشتراكيين واليمين واليسار .. ولم نجرب الاسلاميين . دعنا نعطهم الفرصة ياريت !! أتمنى من كل قلبي ولكني لم أرى سوى من يتاجروا باسم الدين ويطلقوا سهامهم المسمومة في عقول الجهلاء والفقراء والمغيبين .. كما حدث بالانتخابات التشريعية الماضية .. مجلسي الشعب والشورى ! وحتى الموجودين على الساحة من اليساريين .. كتير ما سمعنا عن أغلبهم إنهم عملاء وكفار ويريدون إحراق البلد بكثرة التظاهر والاعتصامات والاضرابات .. وطبعا معتنقي الدين الليبرالي !!!!! على حد تعريف بعض مشايخ الفضائيات !! وكتيييييير من العك ناس شوشت مش عارفة مين الصح م الغلط مين الحرام والحلال ومحدش يقولي الحلال بين والحرام بين وبينهما تشابهات عشان بئى كلووووو تشابهات شايفين ايه ؟ الحل فين ؟ نعمل الي علينا والباقي على الله ؟ طب هو ايه الي علينا ؟ نشوف شغلنا ؟ طب والبلد ؟ نسيبها لأصحاب السياسة ؟ طب والحرامية ؟ والأجندات؟ والفلول؟ والمتأسلمين؟ وحزب الكنبة؟ والبلطجية؟ ووووووووو ؟ ممكن تشاركوني؟ أشكركم محمد |
الظاهر الموضوع مايهمش حد هنا غيري ;_; شكرا .. احساس الورد |
لا ... الموضوع مهم للجميع ... بس أنا قرأت كتاب اسمو ( بروتوكولات حكماء صهيون ) اللي فيه : بيخلي الواحد يعجز عن التعليق عن أي شي سياسي لأنو بيحسسك إنك غبي وماشي في مخطط قديم وعتيق ... |
اهلاااااااااااا
الياذة والله زمان دفعتي هه :) :lol: رد عمييييييق وكافي وواف كعادتك إذا قلت الكلمة .. زادت الحكمة .. باختصار دي إلياذة الواقع بس تعرفي على فكرة .. انا قريت الكتب ده من زمن .. عندي شعور بإن الي قولتيه هو ده الإحساس الي مفروض يوصلنا والله منا عارف .. هل ممكن نكون واصلين لده الحد من السذاجة والغباء ؟؟؟ ما أظنش إلياذة .. حرام عليكي دولا برضو كانوا طغاه وظلمه .. ولكل ظالم نهاية بس برضو لو فكرتي وركزني شوية .. هتلاقيها جوه سيناريو حاجة تجنن !!!! اللهم ول أمورنا خيارنا ولا تول علينا شرارانا أشكرك على وجودك المذهل كالعادة تحياتي محمد |
السلام عليكم ورحمه الله وبركاته موضوع رائـــع صراحه بس المشكله دحين في مصر مافي احد مهتم بــ مصر كــل واحد مهتم بــ نفسه ومشارعيه مصر تشتحق اكثر من كذي والله حرام و زعلان عليها والبلطجية المشكله الكبيره بس ان شاء الله بعد الانتخابات تكون احسن واحسن :lol: { مصر ام الدنيا } http://www.liilas.com/up/uploads/liilas_13373333871.jpg :YkE04454: :YkE04454: :YkE04454: |
اللهم ولي أمورنا خيارنا
نحن لم نقم بالتغيير حتى يأتينا الأسوأ بل قمنا بالتغيير حتى نتغير بالفعل إذا كنا سنختار من سيبعثر حياتنا فنحن ندور في دائرة مغلقة لكن على رأيك نعمل اللي علينا نحن لو نريد التغيير فسنتغير المشكلة في نفوسنا نحن وليس في البلطجية أو الحرامية أو ما شابه البلطجية موجودين في كل مكان وهي حقيقة لا يمكن تغييرها المشكلة فينا نستطيع ان نتغير لكن لا نريد نحن الآن في حالة فوضى الكل يريد أن يكون في الصورة لكن أدعو من كل قلبي أن نستقر فيما بعد والله يحفظ بلدنا آمين .. |
اقتباس:
أجمل ما قلت .. كلمة الشعراوي اشكرك من كل قلبي ايها الأخ الجميل تحياتي لشخصك و لإحساسك |
اقتباس:
أشكرك .. إحساس عايز أقولك انا مابقتش فاهم !!!!! والله احنا بلد ليها العجب مانلومش ع الديب الي خان .. احنا الي خرفان بالوراثة !! الى كل من وثقنا به من جيل آبائنا .. وضيعنا .. ويريد أن يضيعنا مرة أخرى بمحاولة استعادة نظام مات خيرة شبابه ليسقطه .. يؤسفني بل يسعدني اقولك .. بإنك خروف .. ماتزعلش !!!!!!!!! واركن على جنب بئا وارحمنا أبوس ايدك .. انت اتربيت انك تكون عبد ولازم يكون ليك سيد يضربك بالكرباج احنا مالنا .. ضيعتوا جيل كامل .. سلمتونا البلد من غير الحديدة حتى ! عايزين ايه تاني .. ريحوا ظهركوا بئا وارحموا البلد من جيلكو .. الي ماحدش سمعلو صوت غير الزعيق ع الفاضي جوا البيوت بس ! معلش انا دمي محروق جدا يا أختي والله انا بقالي اكتر من 36 ساعة صاحي وبشوف العجب العجاب في البلد دي .. ننتخب الفلول عشان الاستقرار !!!!!!!!! جات فيكي بئا .. ماتزعليش |
اخى محمد والله انا دخلت هنا عشان افتح موضوع ننفث فيه عن اللى فى نفسنا من اللى بيحصل الان
لقيت موضوعك ..وكأن كان عندك احساس مسبق قامت أكبر ثورة غيرت مجرى التاريخ فى مصر ..أراها أكبر من ثورة 23 يوليو ..لأنها للمرة الاول كانت فى يد الشعب لا ملكية ولا عسكر ثورة مدنية ..الشعب .. لكنها للاسف بالانتخابات الرئاسية المؤسفة تضيع من بين أيدينا .. بعدما ضاع جزء منها فى انتخابات مجلسى الشعب والشورى اللذان لا يعبران بأى شكل عن كل الشعب ...وخاصة الطوائف التى نزلت بحق للتغيير والثورة ... وتأتى الانتخابات الرئاسية لتقصم ظهورنا أكثر وأكثر وتعيدنا الى الخلف خطواااااات عديدة .. هذه المرحلة فى مصر اثبتت انها تحتاج فكر ثورى واصلاحى .. مصر هذه المرحلة لا تحتاج الى ارتداء الحجاب واعلاء القيم الدينية فقط .... هذه مرحلة متقدمة اتمنى ان تكون يوماً أكبر مشاكلنا لكننا نعانى اكثر بكثيييييييييييييييير من هذا مصر فى اشد الحاجة للفكر الثورى الاصلاحى كما سبق وذكرت ..الى كل ما لا يشبه عهدها الماضى وكل الازمنة التى مرت عليها ... ولكننا نجد انفسنا الان مخيرين بين نظام سابق فى صورة ملونة ... وحكم انقيادى لمبادىء يقال عنها إسلامية ربما لن تقوم السياسة بها فى هذا الوقت ... خيارين للأسف اسوأ من بعض وكان لدينا خيارات آخرى ....أرقى .. وأصلح ..وأفضل فمن فعل بنا هذا ؟؟؟؟؟ جاءت خيارات القاهرة والاسكندرية والمدن الكبرى للخيارات الثورية الاصلاحية وخيبت آمالنا الاقاليم باختيارها النزعة الدينية ...أو النظام السابق اللى نعرفه احسن من اللى منعرفوش .. لماذا فعلوا بنا هذا ؟؟ ألأنهم كانوا بعيدين عن مسقط رأس الثورة ... لأن أراضيهم لم يراق عليها دماء الشهداء ؟؟ لماذا ؟ لماذا ؟؟ أنا فى منتهى الحسرة على البلد حسبى الله ونعم الوكيل ... |
اقتباس:
خليني اقتبس اخر كلامك حسبي الله ونعم الوكيل بجد انا مش عارف خلاص اعمل ايه .. انا ف حالة احباط لا أول ولا آخر ليها تقريبا .. مش بفكر غير ازاي امشي يقى واسيب البلد .. ما تقوليليش سلبية يقى ولا أي كلام .. انا زهقت وكأننا بننفخ ف إربه مخرومة .. منهم لله الي ضيعونا أولاني وعايزين يضيعونا تاني .. ولا أقول ايه ما خلاص !!! كنت أتمنى أن أجد مصر كلها اسكندرية و القاهرة الي اثبتوا فعلا وعي سياسي منقطع النظير .. بس هتقولي لمين ومين هيسمعك !! اصحابي برا مصر قربوا يندمو انهم كانوا متابعين حتى الوضع ومش شايفينلها حل غير يا إما الهجرة يا إما تعيشي مالكيش صوت زي ما ربانا أهالينا انا مش لاقي كلام أقوله بجد جبت آخر أخري منهم لله حسبي الله ونعم الوكيل |
خلاص أرجوك لا تفقد الامل
ان شاء الله الوعى يتحسن عند الناس فى الفترة القادمة كما تحسن قبلا عند بعض الناس بالفترة الماضية انها الخطوة الاولى الى اختيار حر فدعنا نمر مجبرين بتلك الخطوة التى لم يعد هناك مفر منها حتى نصل الى الاختيار الحر بإذن الله |
محمد طبعا الموضوع مهم جدا مش لمصر بس لكل الوطن العربي لان مصر واجهة لكل الدول العربيه وبعتبرها قائده لهم يعني الي بحصل في مصر راح ياثر على باقي الدول العربيه الثورة المصرية كانت من اقوى الثورات وكانت نموذج رائع للعالم كله المهم هنا كيف يستطيع المصرين المحافظه على اهداف الثورة المشكله هنا ان البعض يبحث عن مصلحته مش مصلحة الوطن الانتخابات الرئاسية في مصر ونتائجها هي الي راح توضح مصر رايحه فين .. مع ان الصراع الان اصبح بين الاسلاميين واذناب الطاغيه النتيجة كانت غريبه جدا ودا يدل انه لسه في ناس متخوفين من التغيير وشعارهم الي تعرفه احسن من الي متعرفوش والمشكله الناس الي في الارياف رغم انهم مطحونين بس مافي وعي لختيار الافضل ممكمن ينضحك عليهم بشوية مواد غذائيه التغير يكمن في الناس نفسهم ودا محتاج وقت طويل والاية ( ان الله لايغير ما بقوم حتى يغيرو ما بأنفسهم ) هو دا الحل يا محمد بس انت اصبر الموضوع محتاج شوية صبر ومجهود من ناس يحبو يعيشو الدمقراطييه الحقيقيه مش المقنعه لن تتغير الدول العربيه وتصير زي الدول الاجنبيه الي تعيش الدمقراطييه الحقيقيه في يوم وليله وبمجرد عملنا ثورة وخلاص وبعد كده انتخابات واختار الشعب الريس لا دا في كتير صعوبات هتواجهنا طبعا دا في كل الوطن العربي اهم شي التفائل والصبر وعدم فقدان الامل لانه الثورات الي حصلت والي ما كنت متوقعه بتدي امل في التغير للاحسن دي كانت كانها حلم وحصلت بس خلينا نتوقع الاحسن وليس الاسوء وبعتقد التمسك بالشريعه الاسلامية وتطبيقها من قبل المواطن نفسه قبل الريس هي الي هتخلينا نقود العالم من جديد والف شكر لك محمد موضوع حلو جدا حمسني لاني من الاشخاص الي بتشوف ان مصر لو صلحت راح ينصلح حال كل الوطن العربي بحس انها هي القلب له ووجهته و الدفعه الي تدفعه وبتشجعه للتقدم تحياتي |
اقتباس:
فكرك لسه في أمل حتى بعد المهزله والمسرحية الأخرانية دي .. ماشي كلنا ف طريق واحد دلوئتي واتجاه محتوم اي حد حر هيمشيه .. بس انا قربت اصدق موضوع السيناريو .. واننا عايشين في مسرحية فعلا .. كل واحد بيعمل دور مكتوبله وهو مش عارف نفسي نخلص بقى .. او بمعنى أدق .. انا تعبت ونفسي انا الي أخلص .. أو بمعنى أكتر دقة .. اني ماعنديش استعداد اني أتشفشق تحت أي مسميات .. يبقى يا نجيب حقهم يا نموت زيهم ولا ايه ؟؟ شكرا jen اعذريني للتأخير |
اقتباس:
:55: الله عليكي وعلى رقة شعورك يا ايه بس يا أستااااذه :lol: لآلآ يا ملاك .. خلاص :) جبتي المفيد هنا اقتباس:
الله المستعان بس مش متوقعه برضو ان في سيناريو احنا عايشينه ومخطط عتيق زي ماكانت بتقول إلياذة الواقع .. انا قربت أميل للنظرية دي .. أو أتحول لطبق فلول وخلاص وأبيع القضيه << لا طبعا على جثتي الثورة مستمرة لآخر نفس في حياة كل مصري حر وربنا كبير عارفه المشكله بس كانت ايه .. اننا كنا رجالة ووقفنا وقفة رجالة << المليجي :) ملاك .. كالعادة مفيش كلام بعد كلامها بتشطب على كل الكلام .. ماشاء الله دمتي دوما متألقه في حفظ الله |
| الساعة الآن 11:01 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية