|
دورة إحتراف الرسم
:besm6jb3: السلام عليكم ورحمة الله وبركاته أصدقائي الأعزاء رواد منتدة الفنون الجميلة وإبداعات الأعضاء أهلا ومرحبا بكم منذ فترة قدمنا بداية موضوع من سلسة مواضيع من المقرر تنفيذها تباعا بالقسم وهو موضوع : دورة تعليم الرسم للمبتدئين وهذا الموضوع تكملة للسابق ولكن للمحترفين أو من يرغبوا باحتراف القوة الناعمة أرقى أنواع الفنون الرســـــــــــــم أولا أحب أنوه على مجموعة نقاط .. وهي أن الموضوع عبارة عن اجتهاد شخصي وخلاصة مااكتسبته بالمجال سواء بالدراسة أو بالخبرة الحياتية أو بالتجريب .. الأمر الذي يحتمل الصواب والخطأ بالإضافة إلى أني سأستعين في الوسائل الإيضاحية بجموعة من الأشكال أو الرسومات التي سأمسحها ضوئيا بواسطتي.. والتي سأبحث عما لم أجده بكتبي ورسوماتي على الانترنت ثانيا أتمنى من كل قلبي التفاعل الجدي من الأعضاء الراغبي التعلم أو الإضافة للكورس الذي هو في الباب الأول لله سبحانه وتعالى طامعين بالثواب والأجر منه عز وجل بالإضافة إلى إثراء الموضوع من خلال المشاركات المتميزة لمنتدى النخبة العزيز ليلاس باسم الله توكلت على الله http://www.liilas.com/up/uploads/liilas_13366614601.jpg |
الدرس الأول
أصدقائي الأعزاء بداية الرسم هو نقل صورة بالخيال أو بالواقع مستخدمين أداة ما على فراغ أبيض - يسمى اللوحة - يسهل أو يصعب اختراقه لنقل تلك الصورة عليه .. الأمر الذي ينقلنا مباشرة لصلب الموضوع وهو الفرق بين الرسم والتصوير الرسم هو بداية التصوير أو المرحلة الأولى نمر من خلالها بعدة مراحل لنصل من رسمه إلى صورة الفرق باختصار شديد جدا هو أن الرسمة ذات بعدين والصورة ذات ثلاثة أبعاد بمعنى عندما كنا أطفالا لم نكن لدينا القدرة في تمييز البعد الثالث - وهو العمق - طبعا فنجد في رسوماتنا انها لا تحتوي هذا البعد أبدا .. بل ويصعب على خيالنا مجرد إدراكه .. طبعا إلا الموهوبين فينا .. الهبة منحة إلهية توهب لبعضنا سعيدي الحظ فقط ! في موضوع تعليم الرسم للمبتدئين .. كان الهدف العام من الموضوع هو تمكين الدارس من التقنيات فقط تاركين الأمر برمته فيما بعد طبعا لخيال كل منا أما بالموضوع الذي نحن بصدده الآن فإني أعتمد بالمقام الأول أن راغبي احتراف الرسم محبين للموضوع .. لديهم قدرة فعلية على الخيال .. لأن الرسم في حقيقة الأمر لا يدرس !! :) لنبدأ : الرسمة كما قلنا هي محتوى على سطح أفقي ذو بعدين فبالتالي من البديهي أن تكون الرسمه ذات بعدين فقط " طول وعرض " أما الصورة التي نأخذها من الكاميرا فهي كاملة الملامح ذات ثلاثة أبعاد طول وعرض وعمق أليس كذلك " بالمناسبة حاجة تضايق إن الواحد يقعد يتكلم بالفصحى طول الوقت .. أمي جابتلي الشاي دلوئتي لقيتني بقولها جزاكي الله خيرا أماه .. أسعدني جدا مرورك :) " نرجع - لتحويل الرسمة إلى صورة نمر بعدة مراحل : وهي 1 - تأثير الظل والنور 2 - المنظور 3 - الخامة 4 - الملمس 5 - اللون 6 - التكوين ونحن بصدد دراسة كل مرحلة بشكل مستقل لنصل بالنهاية إلى نتيجة " الصورة " وليس الرسمة |
الظل والنور
أهلا أعزائي درس اليوم يفضل بعض المدرسين تأجيله إلى آخر دروس الرسم .. لكني أعتقد أنه بداية الدروس بسبب أن تنفيذ الدرس .. يتطلب تعلم بعض المهارات والتقنيات الأساسية التي من البديهي أن نتعلمها مع تطبيق الظل والنور في نفس الوقت .. أولا .. لنتعلم بعض الأساسيات قبل البدايه والدخول مباشرة لصلب الموضوع الرسم حالة قبل أن يكون مهنة .. بمعنى أنه يتطلب بدرجة كبيرة أن نكون في حالة شعورية ما .. أو روحانية أو وحيية أيا كان المسمى لندخل داخل جو أو موود الرسم .. الكثير من الرسامين .. يكونوا موجودين أصلا بالموود الخاص بهم .. والبعض يصنع الموود بنفسه .. بمعنى أن يهيأ الجو العام قبل البدء لتهيئة نفسه وروحه وخياله لسبر أغوار ذلك الفضاء الأبيض الغامض لصنع صورة ما .. .. فيلجأ البعض لاختيار توقيت معين ما .. يختلف من شخص لآخر .. أنا أفضل بعد منتصف الليل وأحبذ الوحدة .. ثم نبدأ بتجهيز المعدات من بري الأقلام وتجهيز الألوان .. ثم تظبيط الجلسه ووضع اللوحة في الوضع المريح بالنسبة لي .. انا أفضل الأفقي .. لاسيما من صنع مشروب مفضل .. وبدأ موسيقى يستحسن أن تكون هادئة في البدايه ثم تبدا بالصخب بعد ذلك .. لحكمة ما لا أعلمها صراحة .. :) الصورة التالية لتوضح كيف نبري قلم الرصاص http://www.liilas.com/up/uploads/liilas_13373043461.jpg لا مانع من أن أقوم بتحفيز خيالي .. بالمرور بالنظر على ما أنجزه آخرون وياسلام لو لوحات لمشاهير الفنانين .. من المدارس القديمة .. ولكن ياريت لو من نفس المدرسه التي سنعمل بها .. " جربوا بول شاجان " في المدرسة الواقعية كبداية ثم نبدأ بتظبيط الجلسه أو الوقفة كما تريد ونبدأ بالأدوات التظليل باستخدام أقلام الرصاص دوما هي البداية .. كان نتخيل اننا نشاهد منظرا من فيلم أبيض وأسود .. أو صورة قديمة ونحاول أن نكتشف ألوانها الحقيقية وتنفيذ درجاتها بلوني الأبيض والأسود ودرجاتها يكون لأقلام الرصاص مجموعة من الدرجات و تختلف عددها لكل شركة مصنعة .. و تكون درجاتها كالتالي.. 9H ... 4H 3H 2H H F HB B B1 2B 3B 4B 5B 6B .... B9 E EE <--------------اغمق----------افتح--------------> وتكون الدرجات .. HB,H بدرجاتها لرسم الخطوط و الخطوط الرئسية .. اما B 2B فتبدأبوضع الظلال الخفيفة . و 4B - 9B لأماكن الظل الغامق و تدكين الظلال النهائية .. الطريقة الصحيحة للأمساك بالقلم .. قد يعتقد العديد ان الامساك بالقلم لا يشكل فارق ولكن هذا اعتقاد خاطئ .. طريقة مسكة القلم لعمل الخطوط .. http://www.liilas.com/up/uploads/liilas_13367694541.jpg http://www.liilas.com/up/uploads/liilas_13367694543.gif والطريقة الصحيحة لمسك القلم لعمل الظل و تستعمل ايضا في عمل الخطوط و هي لا تترك تحديد داكن في اطراف الرسمة .. http://www.liilas.com/up/uploads/liilas_13373044401.jpg 2- الورق : تستعمل غالبا نوعين من الورق ( الكانسون - الفبريان ) و يكون نوع هذه الاوراق خشن ليساعد في عملية التظليل . تأتي هذه الاوراق بجميع الالوان ..وتوجد كراسات بنفس الاوراق .. |
~
يتبع بعد منتصف الليل ~ |
تابع
الفجر وقتي المفضل للتأمل والرسم والكتابة والإلهام وأي اختراع مزاجي في الدنيا فيروز الوقت ده .. مؤثرة معايا :) نرجع موضوعنا قاعدة عريضة .. بتقول لازم عينينا تنظر أكثر ما ايدينا تخط ! بمعنى لازم أعود عيني إنها تقوم مكان عدسة الكاميرا بنقل التفاصيل جزء بجزء إلى المخ ومن ثم الى الأصابع وبما إننا لابد لنا من نقل شكل ما دعنا نتعرف على بعض الإصطلاحات 1 - الخط الخارجي outline http://www.liilas.com/up/uploads/liilas_13367893921.jpgوهو بداية تحديد اي شكل مراد رسمه .. وعبارة عن خظ خفيف أو مجموعة خطوط ترسم أكثر من مرة إلى أن نصل إلى شكل نهائي نرضى عنه أولا ويضاهي الحقيقة إلى أقرب درجة ثانيا .. مع الوضع في الاعتبار بأن هذا الآوت لاين سيختفي داخل حدود التظليل لعدم وجوده أصلا في الواقع .. فلا يوجد خط خارجي يحدد الأشياء في الحقيقة .. ولكنه موجود بمرحلة الرسمة فقط ! وهو في حالة التظليل العادية بالرصاص .. هو أخف درجة لونية ممكن أن أحصل عليها باستخدام التظليل وباعتبره هو أكثر درجات الاضائة وضوحا . 3 - اتجاه التظليل shading direction وهنا نستفيد من استخدام خطوط الحركة للقلم لصلاحنا مما يفيد في إظهار بعض الملامس 4 - التماثل أو السيمترية وهي تشابه نصفي التصميم إلى حد يقارب التماثل .. وهو ما يعتبره أغلب الأساتذة ضعفا فنيا اللهم إلا في حالات قليلة جدا مثل الزخارف أو الاضطراريات كنقل طبيعة صامتة سيمترية بالفعل . http://www.liilas.com/up/uploads/liilas_13367890452.jpg الضوء 5 - منظر أرضي - بحري landscape - seascape مش محتاج تفسير ! http://www.liilas.com/up/uploads/liilas_13373050261.jpg http://www.liilas.com/up/uploads/liilas_13367892741.jpg ينقسم في مجمله الى نوعين ضوء طبيعي .. وهو ضوء الشمس وصناعي ..اللمبات يوئدي تأثيره العام إلى إحداث مجموعة من العناصر الأساسية في لناء الصورة 1 - بقعة الضوء الساقط 2 - الإضاءة الوسطى 3 - منطقة الظل 4 - الضوء المنعكس 5 - ظل الجسم الناتج يصل بنا تأثير الظل والنور الى توضيح الفرق الأساسي بين جسم مسطح وآخر مجسم فعند سقوط الضوء على جسم مسطح مثل الورقة باتجه مباشر فإن الضوء ينتشر على سطح الورقة بشكل عام بدون أي تدريج .. ولكن عند سقوطه على جسم مجسم مثل الاسطوانة .. فإن المنطقة المواجهة للضوء تكون أكثر تعرضا .. وكلما بعدنا عن مصدر الإضائة تقل درجة الضوء تدريجيا نتيجة لبعدها ولدورانها .. فإذا استطعنا رسم أول تأثير للإضائة بالتالي نستطيع إظهار الاستدارة للشكل الاسطواني وهي أول مرحلة في إظهار البعد الثالث .. اي تصويرها !! http://www.liilas.com/vb3/../up/uplo...3367888994.jpg |
انتظروني غدا بنفس الموعد http://www.youtube.com/watch?v=Qi9mhIep7cAتحياتي |
دوره تستحق المتاابعه ..
ألف شكر لك استااذي .. |
اقتباس:
الشكر ليكِ أختي العزيزة وجودك أهم من الموضوع نفسه :) تحياتي القلبية |
تابع الظل والنور
صباحكم - مسائكم - جميل
هنا هنتعرف على كم تأثير مهم من تأثيرات القلم الرصاص المهم استخدامها بشكل مباشر في كراس التدريبات .. ياريت نستخدم زي ما قولنا ورق الكانسون الخشان أو الفابريانو المحبب هيسهل علينا كتير وهيدينا تأثير مبهج جدا .. ده غير انه أقوى والشغل عليه ممتع ونتايجه أحلى هنا كم شكل للطرق التظليل أو shading عشان كتير هنستخدم التعبيرات دي في الشغل التظليل من الغامق للفاتح باستخدام جانب السن http://www.liilas.com/up/uploads/liilas_13368329221.jpg باستخدام السن نفسه http://www.liilas.com/up/uploads/liilas_13368329222.jpg باستخدام القطنة http://www.liilas.com/up/uploads/liilas_13368329223.jpg باستخدام الاصبع http://www.liilas.com/up/uploads/liilas_13368329224.jpg باستخدام الجومة .. المحاية http://www.liilas.com/up/uploads/liilas_13368329225.jpg أول التمارين وهي التدريج من الفاتح إلى الغامق أو العكس .. وياريت نجربه ببري القلم بحيث يكون الجزء المبري طويل والسن أيضا .. بحيث يكون في إمكانية أن يلمس أكبر جزء من السن طرف الورقة كما في الشكل http://www.liilas.com/up/uploads/liilas_13368329226.jpg وهنا يظهر تاثير الضوء من خلال درجة لونية .. من جانبين .. جانب يظهر فيه خطوط الحركة الخاصة بالقلم باليمين ولاتظهر باليسار http://www.liilas.com/up/uploads/liilas_13368329227.jpg شكل عام يوضح الأساليب العامة للتظليل وتكنيك كل منها http://www.liilas.com/up/uploads/liilas_13368329228.jpg وهنا تمرين أساسي قمت بتنفيذه منذ قليل لأتذكر معكم تلك الأيام الخوالي وهو رسم شكل اليد طبعا بارسم ايدي الشمال لو بارسم باليمين أو العكس أو أصور ايدي ع الموبايل في أي وضع وارسمها http://www.liilas.com/up/uploads/liilas_13373047321.jpg |
|
رائع جدا جدا
جعل الصورة ثلاثية الأبعاد ليس سهلا مطلقا "ملاحظة : أنا أفشل من يرسم على وجه الأرض" ههههههههههه الظلال يجسد الصوورة ويجعلها رااائعة جدا إن شاء الله لو فلحت أرسم كرة أبقى أنزلها ههههه الرسوومات راائعة ما شاء الله ^^ متابعة معاك الدورة بإذن الله أرق وأرقى تحياتي :) |
اقتباس:
وجودك أكيد هو الي أروع شيئ هنا :) تابعينا .. وإن شاء الله هتلاقي الموضوع أبسط مما تتخيلي بكتير نورتي الدنيا تحياتي إحساس .... أشكرك |
اعتذر أعزائي عن تأخري
عندي شوية كعبلات عايشها زي الفل أول ما افوق مش هتلاقوني غير هنا |
حلووووووه البدايه
فيه اشياااء اول مرره اعرفهاااا طيب انا من النوع اللي ارسم نفس الصور مااستخدم خيالي كثيير لمشكله اني مااعرف اجسد الابعااد باتقاان يااليييييت تتعمق في شرحها اكثر ابغى ارسم لوحه كامله بدون مساعده الاستاذه وكمااان لو سمحت تتكلم عن المدرسه السرياليه لاني احب هالنوع من الرسم وهل هي صح تعتمد على الخيال فقط او ان الصور تحكي شيء اخر متااااابعه بقووووووووه |
أولا شكرا جزيلا .. تولين
بافرح جدا لما بلاقي حد متواجد في الموضوع .. خصوصا لو بيحب الرسم أقولك بئى الي بتفكري فيه ده ايه .. طالما انتي بتنقلي كويس .. يبقى انتي رسامه .. عشان تكوني فنانة لازم تبتكري بس عشان أبتكر لازم يكون عندي حصيلة خبرات مش بتيجي غير عن طريق حاجتين أولهم اني اشوف كتييييييير .. خصوصا شغل ناس معروفين وأساتذة وممكن أجيبلك أسامي فنانين ولوحات زي مانتي عايزة ..مش ممكن أكتب شعر لو ماعرفش قواعد اللغة العربية كويس وعندي كم هائل من المصطلحات والمفردات الي أستخدمها .. صح .. تانية حاجة كتر الرسم بيصقل الموهبة جدا . أقوى رسامي العالم بيضعفوا ويعجزوا أمام سحر الطبيعة ومهما ابتكروا بينقلوا الطبيعة برضو سواء صامته أو متحركة وماتوا ومابتكروش أجمل منها .. منظر الشجر بأغصانها وورقها شوفي أد إيه عشوائي ومش مترتب بس أجمل مايمكن ومش ممكن مهما عملنا نعرف نخليه أجمل .."صنع الله ومن أحسن من الله صنعا" مهم بس في الأول اني يكون عندي كل التكنيكات في التعامل مع أدوات الرسم من أقلام وفرش وغيره وأتمرن كتير .. وبعد كده أسيب الخيال والإلهام يشتغل .. هتلااقي الرسمه قدام عينك بكل تفاصيلها فبل ما تنزل ع الورق ودي المشكلة دلوئت .. صح ؟ تابعينا بس وتمارين المرحلة الأولى هي الي صعبة ووحدة وحدة هتلاقي كله تمام .. إن شاء الله السيريالية دي بئى بحر وفي رأيي انها علم بجانب انها فن بسبب علاقتها القوية بالإيروتيكس والسيكولوجي .. باعث أغلب السيرياليين .. "إن إغراق الروح في الخيال تمكن الفنان من تشكيل مصيره " فلكي أن تتخيلي !! علاقتها برسم الأحلام .. باستحاليات الحلم .. وطريقة الإخراج هنا الي مختلفة من فنان لآخر وعموما .. أقدر أقولك إنها أكتر مرحلة متطورة في الرسم .. بنوصلها بعد سنوااااااات من الرسم في المدرسه الواقعية وبعد التجريد والتكعيب وغيرها .... ومشاهير المدرسة دي أو محترفيها قليلين جدا أشهرهم سلفادور دالي شكلك مستعجلة :) وشكلي طولت ^^ بس يارب أكون أفدت .. والجاي أهم تحياتي لوجودك الأكتر من الرائع |
اهلين استااز
الشكر لك ولموضووعك الاكثر من راائع واللي احس انه درس في حد ذاته ياليت توضح لناا انواع الفن بصووره وخاصه الكلاسيكي لاني احب هالنووع من الرسم وكل فن ومن ابتكره من الفنانيين وياليت تعطينا درووس في طريقه الرسم المبدئيه يعني كيف ارسم جره او مزهريه وياليت كل درس يكون له يوم محدد علشاان نطبق معك .. وبس سوري تعبتك بكثره الطلباات ..بس انت كريم واحنا نستاهل .. |
اقتباس:
أهلييييييين شبيهة القمر ازيك نورتي الوضوع كعادتك والله بالليل النهاردة .. اعتبري كل الي قولتيه موجود بإذن الله .. يافندم أحلام سيادتك أوامر :) أشكرك على تواجدك الراقي محمد |
يا لهوى يا لهوى يا لهوى ، يا خرابى على قولتكم اخواننا المصريين ،، ما توقعت الرسم له هذه التدرجااااااااااااااات والخطوات
حتى بري القلم له طريقة ومسكة كذلك ،، بصراحة مشكور اعطيتنا بدايات لمبتدئين مثلي يتمنوا الرسم ولكن لديهم الكثير من الصعوبة قرأ ما كتبتم واعجبني ما وضعتم من رسومات واتمنى ان افلح ولو برسمه خخخخخخخخخخخخخخخخ متابعين معكم بإذن الله تعالى |
اقتباس:
شبيهة القمر ازيك نورتي الموضوع والله الموضوع على فكرة درس فعلا عايز أقولك أول ما اتخرجت اشتغلت مدرس فترة .. كانت من أمتع فترات شغلي بس تعبت م الأجيال الجديدة جيل تامر حسني ده مش قادر أفهمه .. غير إن المادة لشه ماخدتش حقها ف مصر كويس .. أتمنى بعد الثورة يظبط شوية .. المهم أنواع الفن التشكيلي كتير جدا .. بس احنا بصدد نوع واحد دلوئتي التصوير .. انما في غيره كتير النحت والخزف وأشغال الخشب والمعادن والتصميمات والجرافيك والطباعة والنسيج والأشغال الفنية والديكور ارتباطهم الأساسي بالرسم لأن مش بننفذ أي شغلة غير لما نرسمها الأول ده غير دخوله ف أي مادة دراسية تانية يمكن قصدك مدارس الفن التشكيلي ودي برضو كتير .. الكلاسيكية .. الواقعية .. التجريدية .. التكعيبية .. الوحشية السيريالية .. اللاموضوعية .. العشوائية ........... وغيرها والموضوع ده ممكن تلاقي شغل مختصر فيه http://www.liilas.com/vb3/t75316.html بالنسبة بئى للطرق البدائية للرسم في موضوع كمان شغال عليه لسه .. يا ريت تنورينا فيه .. هتلاقي فيه معظم الي انتي محتاجاه إن شاء الله http://www.liilas.com/vb3/t175642.html لو موضوع مواعيد بئى نكون متواجدين فيها انا تقريبا موجود كل يوم بس بالليل .. بعد خلص 3 دوامات لحد انتخابات الرئاسة تخلص ويبقى ورايا دوام واحد زي الناس العاديين بعدين مافيش تعب ولا حاجة .. إوعي تقولي كده .. انا اكتر وقت باستمتع فيه ف يومي كله هنا ف ليلاس .. لأن كل الي فيه زي ما قلتي يستاهلو واكتر .. المهم تابعينا وإن شاء الله تفيدي وتستفيدي بكل الود والاحترام والتقدير أشكرك تحياتي |
اقتباس:
ههههههههههههههههههههههههههه جامدين شوية المصري دول والله ضحكت من قلبي :lol: نورتينا أميرة .. تابعينا وبإذنه تعالى تجدي ما يسرك وينفعك تحياتي وتقديري محمد |
في 20 دقيقة
|
تمارين .. ظل ونور
اهلين
تمرين النهاردة الأول ايه رأيكو ف سكن الليل فيروز http://www.youtube.com/watch?v=ncZSj9GBBo4 هو تمرين طبيعة صامتة سهل جدا هنجيب كوباية زجاج فاضية طبعا .. عشان صعبة شوية لو مليانة هنطلع كراس في مساحة عادية 25*35 ونقسم بخط بسيط يكاد لا نراه الصفحة نصفين بالطول .. ونبص ع الكوباية كويس بعدين نحاول نرسم نصفها الشمال .. بخط بسيط جدا برضو علشان كده كده هيتمسح الآوت لاين فوهة الكوباية شكلها بيضاوي ويكاد يتطابق مع قاعدتها بعدين .. أحاول أعكس النصف الشمال أخليه يمين بشرط اني ارضى عنه بمعنى مش لازم الرسمة تخلص مهم تكون مظبوطة والأشكال الي جاية ممكن تبين قصدي ايه http://www.liilas.com/up/uploads/liilas_13372220861.jpg http://www.liilas.com/up/uploads/liilas_13372220862.jpg http://www.liilas.com/up/uploads/liilas_13372220863.jpg http://www.liilas.com/up/uploads/liilas_13372220864.jpg خلص الآوت لاين نيجي للمرحلة الأهم أو حاجة بنعملها في تظليل موضوع زي ده .. اني لازم أتخيل ان ده شكل مجسم ف نفس الوقت شفاف ازاي ممكن أظهر استدارة شكل اسطواني ده ؟ الأول أبدأ لدرجة تون خفييييييييفة جدا بجنب القلم وأحاول أحرك إيدي يمين وشمال بكامل الرسمة مع مراعاة حاجتين .. ماأبينش حركة القلم .. وأحاول اني أجيب أخف درجة لون ممكنة .. تاني حاجة .. أتخيل اتجاه معين للضوء ,وخلينا نفترض انو من ع اليمين بديهي نص الكاس اليمين هيكون مضيء جدا وشديد اللمعان .. وكل ما أبعد ناحية الشمال يقل اللمعان ويغمق درجة اللون يبقى الي هنعماه اننا نبدا نظلل أغمق ف أغمق طول ماحنا رايحين يمين .. بس نفتكر ان ده زجاج شفاف يبقى التدرج اللوني هنا بسيييييط بس موجود .. واحاول ف نفس الوقت أخفي الآوت لاين لأنو مش موجود بالحقيقة مهم جدا اني أفتكر أعكس اتجاه الظل في الفوهة .. لأن جدار الكاس طبيعي بيرمي ظل وراه مباشرة وأفتكر نقطة كمان اللمعان الموجود بسبب النور على الزجاج .. وده بالجومة بنمسحو مباشرة وافتكر كمان ان الزجاج له سمك مش زي الورقة .. يبقى الشكل البيضاوي للفوهة ياريت يكون مزدوج وتأثير الإضائة طول ما هو باين في السمك يدي إيحاء بالتجسيم آخر حاجة بعد مانكون أخفينا الآوت لاين تماما متبقي اننا نعمل الظل الي رماه الكاس على الأرض وهو في الاتجاه عكس الضوء وبيكون بشكل مقارب للكاس نفسه لو ضوء قريب وصناعي وبيكون مفروش زيادة لو ضوء شمس وبيكون التون أقل حدة من الضوء الصناعي نماذج http://www.liilas.com/up/uploads/liilas_13372234191.jpg http://www.liilas.com/up/uploads/liilas_13372225871.jpg http://www.liilas.com/up/uploads/liilas_13372225872.jpg http://www.liilas.com/up/uploads/liilas_13372234192.jpg http://www.liilas.com/up/uploads/liilas_13372234193.jpg وهنا فيديو بسيط لرسم كاس .. متسرع شوية بس لأخ محترف .. عادي يعني :) http://www.youtube.com/watch?v=o7PqX888CbU بكرة أوريكو تجربتي ع التمرين .. الإسكانر الجزمة آفش :) |
وللمحترفين فقط !
فيديو لرسم شكلين على تمرين الإيد
http://www.youtube.com/watch?v=CHZLop6fd3o فيديو لتمرين رسم شكل واقعي للعين http://www.youtube.com/watch?v=LZ9Hpp8JygI enjoy |
|
لا لا صعب
انا شفت دورة المبتدئين اخليني فيها احسن هرسم الاول الدب والبطة وبعدين نبقى نشووف الباقي ههههه |
عمل رائع جداً جداً جداً ومجهود يستحق الثناء اخي الكريم مع إن هذا لن يفيك حقك دروس قيمه لذا ( عليك بتثبيت الموضوع ) ليكون مرجع لنا وليأخذ موضوعك حقة في المتابعة طبعاً فتحت نفسي للرسم وبما إن لقيت دروس تصحح من خطواتي في الرسم راح اعمل بعض التجارب عندي سؤال الرسمة الي بعنوان 20 دقيقة هذه رسمتك لأن حقيقة سحرتني ومين ما كان راسمها فهو متمكن وموهوب فلو ممكن أعرف إذا لك أو لا ايه عندي طلب صغنوووووووووون بليز بليز لو ممكن تصغير حجم الصور الكبيرة عشان نتمكن من رؤية الصورة كامله وغير كده ألف شكر وألف عافية وتقيمي أكيد ممتاز لهذا الموضوع بالتوفيق اخي |
اقتباس:
ههههههههههههههههه هقول ايه بس .. إحساس ورد فعلا :) بعدين والله مش صعب ولا حاجة أقولك على سر .. عارفة ليه بدأت رسوم المبتدئين بخطوات رسم الحيوانات .. عشان كانت أكتر حاجة بتعقدني وانا صغير .. وبابا هو الي علمني موضوع الخطوات ده .. عايز اقولك لغاية النهاردة بارسم الدب والبطة والكلب وغيرهم بالخطوات بتاعت بابا .. ماتقوليش لحد :lol: صدقيني لو حابة الحكاية مش هتطول معاكي احساس الورد نورتي الدنيا والله |
اقتباس:
شياكة وورقي متناهي .. نادرا ما نجده في يومنا الحالي .. غير من فنان راقي يعني شكرا أكيد مش هتكفي :) تقييم ووجود أكتر من مذهل .. مش عارف جمرة لم تحترق الرائعة :rdd25hn7: اه الموضوع كنت أكيد هثبته لو كان فيه تفاعل .. واظن كده ميه ميه :) صح كويس انك نفسك اتفتحت للرسم ده من حظنا طبعا .. لأني متأكد ان صاحب الأسلوب ده لو بيرسم بمزاج هيقعدنا ف بيوتنا :) ورسمة 20 دقيقة أخدت مني 20 دقيقة بالفحم .. كان أسلوب اتمرنا عليه مرة زماااااان اسمه جرافيتي الفحم الي هو بنعمل تظليل للغامق بس ونسيب الباقي أبيض .. افتكرنه وتخيلت عينين حلوين وبس :) مبسوط اوي انها عجبتك .. إن شاء الله الي جاي يعجبك أكتر والصور إن شاء الله النهاردة أصغرها وأرفعها تاني .. ومتشكر جدا جدا جدا جدا تحياتي ومودتي واحترامي |
تمرين 2 .. تابع الظل والنور
صباح الفل صباح الورد لأحلى أعضاء في الدنيا :Welcomeani: كيفك انت .. الأسطورة .. فيروز http://www.youtube.com/watch?v=rAk-SIFmwus ايه رايكو في البورتريه الرائع الي ع الفيديو .. بارسمو على فكره .. اظبط الاسكانر وارفعه اوكي درس النهاردة تكملة لموضوع الطبيعة الصامتة بتاع امبارح سهل جدا هنجيب عنصرين المرة دي أو تلاتة بالكتير مش أد بعض في المقاس خلينا نقول مثلا تفاحة وكباية وإزازه .. ليه الـ 3 عناصر دول بالذات ؟ أولا لأنهم أشكال مجسمة مختلفة في الأطوال والخامات .. وشكل تجسيمهم أول حاجة .. أرتب العناصر دول بحيث يديني شكل منظم ,, مش ضروري يكون مترتب .. بس ليهم إحساس المكان الي هو ايه ؟؟ الي هو علاقة الكتلة بالفراغ وده أمر جدا مهم بالرسم إني أحاول أخلي في نوع من الترابط او الهارموني بين العناصر المرسومة وبين فراغ الرسم المحيط ده بيدي انطباع أحلى .. تاني حاجة .. أحاول اني أخلي في نوع من العلاقة بين الأطوال وأحاول أركز وانا بانقل الآوت لاين اني أخد بالي من العلاقات دي .. يعني مثلا ماينفعش تكون الكاسه أطول م البراد .. أو ان التفاحة أعرض من السلة .. الخ خلاص رتبت العناصر وعيني ارتاحت للترتيب .. أبدا انقل .. مهم جدا .. اني اعمل برواز خارجي بالمسطرة او بإيدي يبعد لو 1سم عن حافة الصفحة .. واعمل برواز داخلي بايدي خفييييييييييييف جدا يبعد عن البرواز الأول حوالي 3سم عشان يحصر الرسمة جوا محيط منتصف الصفحة .. وم النقط المهم جدا طبعا نظافة الصفحة من الرصاص الي بيعملو ايدي .. ممكن أحط ورقة أو كلينيكس تحت أيديا ! اآوت لاين زي ماتفقنا هيكون خفيف جدا .. عشان أقدر أعيده مرة واتنين وتلاتة لغاية ما أوصل للخط الي أرضى عنه ويكون أقرب شيء للواقع .. وما أبدأش أشتغل إلا لما أوصل للمرحلة دي .. خلاص خلصنا الآوت لاين ؟ .. لسه طبعا ! أبدأ منين ده مهم اتخيل أولا خط في شكل مستوى أفقي الي هو أرضية الصفحة ولو العناصر على ترابيزة .. أرسم الترابيزة الأول .. وابين آخرها من أولها وبعدين أرسم العناصر .. باني أحط خط وهمي يقسم كل الأشكال السيمترية نصفين ممكن أستخدم القلم في القياس اليمين من الشمال وابدأ أرسم نصفها الأول الشمال وبعدين أنسخه بالضبط ع اليمين http://www.liilas.com/up/uploads/liilas_13373159381.jpg بعدين أمسح كل الخطوط التوضيحية بعد ما أكون وصلت للشكل المقارب الأخير ودي مش هنوصلها قلنا غير بعد تالت أو رابع محاولة من المسح والإعادة م الأول .. مع مراعاة في المرحلة دي اني أبين اي شكل ورا التاني عشان في أكيد جزئية هتكون في المنطقة العمياء بالنسبالي http://www.liilas.com/up/uploads/liilas_13373159382.jpg المرحلة الي جايه هنا اني اعرف إن العناصر الموجودة كلها مش لون واحد ولا خامة واحدة ولا ملمس واحد .. بس انا معايا قلم بيطلع درجات لون واحد !! الخيال يشتغل هنا على طول ويعرف ان التفاحة لونها أحمر داكن قريب للنبيتي .. أو فاتحة خضرا مثلا أو صفرا .. ف كل الحالات هتبقى أغمق من الكوباية الشفافة .. والزجاجة هنا ممكن تكون شفافة أو زيتي بس ازاز ف الآخر كخامة " وده درس لسه ما وصلنالوش " المهم في تطبيق الظل والنور هنا اني هعرف أخلي التدريج في كل شكل فيهم متفاوت من حيث درجة الإضائة أو الغمقان .. وبعدين لو في تفاصيل في كل عنصر أحددها في المرحلة دي عشان أبين مكانها http://www.liilas.com/up/uploads/liilas_13373159383.jpg مرحلة التون ودي قلنا قبل كده بندي درجة لونية واحدة لأغلب المناطق الفاتحة للصورة .. وباعتبرها الجزء المضيء .. وبالمرة أحدد اتجاه للإضائة .. ونخليه المرة دي من ع الشمال التفاحة .. شكل كروي .. مش اسطواني زي الكباية والزجاجة .. الكورة ف تظليلها النور بيقع على جزء فيها بيعمل سبوت لايت .. وكل ما ابعد عنها في كل الاتجاهات النور بيقل .. اما الأشكال الاسطواني بيجي بشكل سطحي مستطيلي شوية مش شبوت .. http://www.liilas.com/up/uploads/liilas_13373159384.jpg خلينا نتخيل ان الإزازة دي لونها زيتي .. اوكي والكوباية شفافة .. والتفاح أحمر فاتح .. ماشي في الترتيب الي في الشكل التفاحة الي ع الشمال أقرب واحدة للنور .. يبقى لازم تكون أكتر واحدة فاتحة .. بس بنفس قاعدة الظل منور ع الشمال ومظلم ع اليمين .. تمام وان في تأثير لمعان هعمله بالجومة ع الزجاج مش موجود ع التقاحة طبعا ! http://www.liilas.com/up/uploads/liilas_13373159385.jpg طبعا عارفين اننا هنستخدم سن القلم في التحديد وجنب القلم في التظليل .. مش محتاج أفكركوا وأفتكر ان خطوط القلم مهم جدا ما تبانش .. واني أخفي الآوت لاين جوا الظل من الناحيتين الفاتحة والغامقة .. وان شكل فوهة الزجاجة باعتبرو شكل اسطواني مجسم في حد ذاته يعني بروزه لبره ده .. يتبع نفس القاعدة .. وان الزنكوفة الصغيرة الي طالعه م التفاحة برضو شكل اسطواني يتبع نفس قاعددة الظل .. في الآخر كل شكل من دول بيرمي ظل ع الأرض وظل ع الي جنبه ده مافيهوش تدريج كلو تون واحد غامق جدا او نسبيا على حسب نوع الإضائة في المكان http://www.liilas.com/up/uploads/liilas_13373159387.jpg ودي نماذج من رسومات مختلفة الدقة للطبيعة الصامتة او still life http://www.liilas.com/up/uploads/liilas_13373159388.jpg http://www.liilas.com/up/uploads/liilas_13373175861.jpg http://www.liilas.com/up/uploads/liilas_13373175862.jpg فيديو طبيعة صامتة جامد جدا لأحلى ليلاسيين http://www.youtube.com/watch?v=bKKff0TXJR0 :98yyyy: :lillas: |
وللمحترفين فقط 2 !!
فيديو أسهل طريقة لرسم الأشجار بالرصاص ظل ونور وخامة وملمس ومظور وأسس تصميم أي خناقة :) http://www.youtube.com/watch?v=7XHyuqSVahA |
أخ محمد
يعيطك ربي الف عافيه عقدتي بالرسم الاشكال الصامته دايم تجي عوجه << مايلة مدري منو يزعلها ... برسم هالمره على خطواتك و أن شاء الله تضبظ ... سوؤال .. الرسومات انت من رسمك أو منقولة إذا أنت فعلا برافو عليك << بس احفظ حقوقط عليها .. .. .. |
اقتباس:
أهلين بياض الصبح .. صباح الفل الله يسلمك ويرضى عنك يارب شوفي عشان تظبط معاكِ اقسمي بخط الأشكال نصفين وما تبدأيش الرسمة لين تظبط .. ممكن تستخدمي القلم في القياس كأنو مسطرة .. شوفي الفيديو بيعملها ازاي الأخ الرسومات مش كلها انا راسمها الي راسمها باوقع عليها بالرصاص .. والباقي بتوقيع جوجل صديقي:) ياريت تجربي أي تمرين .. وارفعيه عشان حتى لو في مشاكل نظبطها أشكرلك حضورك المتميز تحياتي |
بجد انبهرت بالرسومات حاجه فوق الخيال انا لما شفت رسمتك في قسم الخواطر قلت خليني اشوف لوحات تانيه حاجه روعه وكمان صادفت الدوره دي والصراحه مفيده جدا راح اتابعها معاكم ان شاء الله يمكن اطور من رسمي شويه لاني برسم بس على قدي الف شكر ليك |
اقتباس:
يا أهلين بمشرفي الخواطر الأعزاء .. وانا أقول القسم نور :) مبسوط ان الرسومات عجبتك .. ومبسوط اكتر انك هتتابعينا .. ان شاء الله تلاقي حاجات تعجبك اكتر الشكر كله ليكي على تواجدك الجميل malak99 وعلى ذوقك تحياتي و تقديري محمد |
استاذي جربت التظليل وبدأت ارسم وطلع تمام في النقل بس لما بدأت ارسم لوحدي واظلل طلع يعني مش قد كده بس بعتقد الموضوع محتاج وقت يا سلااااام لو اقدر ارسم زي طقم الشاي الي فوق وااااااااو بس يمكن بعد عشر سنين تمرين :) انا جيت محضرة الادوات اشوف لو في درس جديد بس شكلك انشغلت تحياتي و يعطيك الف عافيه |
باشا
استاذ ايه ..العفو .. دانتي الي استاذتنا كلنا :)
آسف ع التأخير بس فعلا كنت مشغول آسف وبعدين عشر سنين ايه .. قبل المحاولة العاشرة هتطلع أحلى م الفوق .. صدقيني المشكلة الوحيدة بس عارفه ف إيه الممارسة ! السينس طالما موجود .. خلاص الموضوع خلص :) فاضل شوية تيكنيكات هنتعلمها مع بعض ونشغل الخيال بعديها يلعب لوحده ملاك أشكرك |
سوووووري عالتأخييير
كاانت فتره امتحاناات وعدت على خيير ماشاء الله الموضووع تطووور كثيير وكماان فيه متابعيين وحمااس الفديو اللي فيه رسم الكاس كان يستخدم فرشه لنشر الظل صح ؟؟ راح اجرب الدروس اللي نزلت وانزل التطبيقاات باذن الله بس حتى لو ماردييت .. انا متاابعه يعطييييييييك ألف عاافيه عالمجهووود الحلوووو |
لييييه الموضووووع موقققف ؟؟؟
|
السلااام عليكم
ماشاااءالله ربنا يحفظك يااستازناا رساام بمعنى الكلمه ..اناا ممكن أوصل لمستوااك بعد المره السابعه بعد المئه هههههههههههههه عندي سؤاال ..ايش افضل انوااع الاقلااام المستخدمه .. وكماان الورق يعني فيه نووع معين والا اي شي ممكن يمشي ؟؟ وكماان عندي سؤااال اهم ..ليييه الموضووع موووقف ..>>فيس تولين ههههه وألف شكر لاتوفيك حقك .. وان شاءالله راح نكون متواجدين قدر الامكااان ... |
رد: دورة إحتراف الرسم
والله انتوا ناس زي الفل
انا الي اتشغلت واتقفلت لدرجة اني مش كان ليا نفس أكمل معلش محدش يزعل مني أرجوكم على وعد اننا نرجع في رمضان ان شاء الله او بعد العيد .. على امل النفساويه تنظبط وكدهو اعتذر اعتذارات السنين .. بس انتوا طيبين |
رد: دورة إحتراف الرسم
شكرا جزيلا ووفقك الله
|
| الساعة الآن 06:28 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية