منتديات ليلاس - [ شرفة الخفاق ]

دمعة غرامك
دمعة غرامك سمّت في محجـر اعيوني
وإجتاح صدري مقام وقدر تقديرك

وهجرس مدى حبك بـراسي وبـ لحوني
وغنالك الهاجس اللي شام عن غيرك

يا هاجس الشعر صخرلي بيوت القصيد
لين البيوت العديمه ينبني بيتها

وانا معك فالطلب حاضر ورايي سديد
صافح يمينٍ تشرفني لا مديتها

وعطني من اقصا مداك وبـ كتبه فالجريد
معزوفةٍ تطرب العاشق لا غنيتها

وشعاد ياللي غرامك فالمحاني رشيد
عين المحبه على دنياك لديتها

تغيب واغيب وعروق المحبه تهيد
كن الخلايا تقاطعني لا خليتها

طالبك ياللي خذيت من الوريد الوريد
كبد الشقا لا تناهشها عفاريتها

خذني معك وين ماتبغى على ماتريد
كل الصعايب لجل عينك تعديتها

شرف على شرفْة الخفاق ولق النشيد
قصيدة (ن) من بنات الفكر عديتها

احبك اكثر من اللي ترصده فالرصيد
خزانة المملكه واكثر من كويتها

واحبك كثر من اللي يكتبون القصيد
ياحلا قصيده تمثنتني وحبيتها

واحبك اكثر من اللي عزموا لشديد
يا حادي العيس وش يحداك عن بيتها !

كل الهواجيس مرهونه ياساع البريد
وهذي رسالة هواجيسي ومنشيتها

دمعة ٍ حايره

حب من دون وصل / وتصحيات / ولقا
دمعة ٍ حايره بين الهدب / والجفون

عبدالله بن سعد