منتديات ليلاس - العب على نفسك وخلك بالاوهام

مرحباااا انا جيت اليوم
وانا حابه اسلط الضوء على
شاعر مبدع .. حمد ال جميله
وله قصايد رووعه .. بس جبت اليوم
قصيدة .. تعـــــــــــافيت

ألعب على نفسك وخلك بالاوهام
وأضحك وقول أنك تناسا يابلفيت
زيف شعورك بالوناسه والاحلام
عادك بتدري كيف في حقي أخطيت
لاتحسب أني عقب فرقاك منظام
أبشرك بأني مع الوقت سجيت
جروحك اللي كان فيني من أعوام
نزفت منها شوي عقبه تعافيت
والشارع اللي خابره أنت قدام
بيتك تراني تبت ماعاد مريت
قدلي ثلاث شهور ماهي بأيام
ولاجيت صدفه ماشحني وصديت
شبعت من فرقاك من كثر الالام
وشكرت منها عقب مانا تقهويت
جربتها و القلب من عمرها صام
لا عاد توجعني دامك زليت
ترا الوعد ماهو بذلحين قدام
لا من بكيت وجيت ماتنفعك ليت
يمكني اكذب عاد في قلبي ألام
تحن للماضي وياما تمنيت
واضحك واقول اني تعافيت من عام
ولا والله إلا عادني ماتعفيت

مما راق لي